Malformed XML, Document Object Modell is missing.

LibXML Errors

PrP.xml

<intro>Etext PrP, <version>juin, 26 2016</version><lbi>Diplomatic input of Gajādharalāl Jaina's 1913 edition by Trikha spring 2012 by using Hellwigs Sanskrit Tagger<lbi>Numbers in the text refering to the editors notes displayed at the end of each page.<lbi>various markup versions available, this version was last modified February 12, 2013<lbi>Etext Erstellung Trikha 2016</p></intro>

<pb n="51">

<lb>sanātanajainagraṃthamālā

<lb>9

<lb>syādvādapatiśrīvidyānaṃdasvāmiviracitā–

<lb>pramāṇaparīkṣā |

<lb><s>jayaṃti nirjitāśeṣasarvathaikāṃtanītayaḥ |

<lb><s>satyavākyādhipāḥ śaśvadvidyānaṃdā jineśvarāḥ || 1 ||

<lb><p>atha pramāṇa-parīkṣā––tatra pramāṇalakṣaṇaṃ parīkṣyate––

<lb><p>"samyagjñānaṃ pramāṇaṃ pramāṇatvānyathānupapatteḥ | sannikarṣādirajñānamapi pramāṇaṃ svārthapramitau sādhakatama-

<lb>tvāt ? iti nāśaṃkanīyaṃ | tasya svapramitau sādhakatamatvāsaṃbhāvāt | na hyacetano'rthaḥ svapramitau karaṇaṃ paṭā-

<lb>divat | so'rthapramitau karaṇamityapyanālocitavacanaṃ naiyāyikānāṃ svapramitāvasādhakatamasyārthapramitau

<lb>sādhakatamatvānupapatteḥ | tathāhi––na sannikarṣādirarthapramitau sādhakatamaḥ svapramitāvasādhakatamatvātpaṭa-

<lb>vat | pradīpādibhirvyabhicāraḥ sādhanasya ? iti na maṃtavyaṃ | teṣāmarthaparicchittāvakaraṇatvāt | tatra nayanama-

<lb>nasoreva karaṇatayā svayamabhimatatvāt | pradīpādīnāṃ tatsahakāritayopacārataḥ karaṇavyavahārānusaraṇāt |

<lb>na copacārato'rthaprakāśana eva pradīpādiḥ karaṇaṃ na punaḥ svaprakāśana iti manyamāno nirmalamanā manīṣibhiḥ,

<lb>anumanyate | nayānādeḥ-arthasaṃvedanamiva pradīpādisaṃvedanamapyupajanayataḥ pradīpādīnāṃ sahakāritvāviśeṣāt |

<lb>teṣāmarthaprakāśanavat svaprakāśane'pi karaṇatopacāravyavasthiteḥ | nayanādinā-anekāṃta ityapi na mananīyaṃ

<lb>tasyāpyupakaraṇarūpasyācetanasvabhāvasyārthapratipattau karaṇatopacārāt | paramārthato bhāveṃdriyasyaiva-arthagrahaṇaśa-

<lb>ktilakṣaṇasya sādhakatamatayā karaṇatādhyavasanāt | na caitadasiddhaṃ viśuddhadhiṣaṇajanamanasi yuktiyuktatayā parivarta-

<lb>mānatvāt | tathāhi––

<lb><p>"yadasannidhāne kārakāṃtarasannidhāne'pi yannopapadyate tat tatkaraṇakaṃ | yathā kuṭhārāsannidhāne kāṣṭachedanama-

<lb>nutpadyamānaṃ kuṭhārakaraṇakaṃ | notpadyate ca bhāveṃdriyāsamavadhāne'rthasaṃvedanamupakaraṇasadbhāve'pi, iti tadbhāveṃdri-

<lb>yakaraṇakaṃ | bahiḥkaraṇasannikarṣādhīnatāyāṃ hi padārthasaṃvedanasya, nayanasannikarṣāt kalaśa iva nabhasi nāyana-

<lb>saṃvedanodayaḥ kuto na bhavet ? | na hi nayananabhasoranyatarakarmajaḥ saṃyogo na vidyate eveti vaktuṃ yuktaṃ

<lb>sakalamūrtimaddravyasaṃyogānnabhasi sarvagatatvasādhanavirodhāt | na ca nayanamamūrtimadeva ? tasya parairbhautikatayo-

<lb>pagatatvāt | paudgalikatayāsmābhirupakaraṇasyābhimatatvāt | nanu nabhasi nayanasannikarṣasya yogyatāvirahānna

<lb>saṃvedananimittatā? ityapi na sādhīyaḥ tadyogyatāyā eva sādhakatamatvānuṣaṃgāt | kā ceyaṃ sannikarṣasya yogya-

<lb>tā nāma ? viśiṣṭā śaktiriti cet ? sā tarhi sahakārisannidhilakṣaṇā anumaṃtavyā |

<pb n="52">

<lb><p>"sahakārisāṃnidhyaṃ śaktiḥ" ityuddyotakaravacanāt | sahakārikāraṇaṃ ca dravyaṃ guṇaḥ karmā-

<lb>di vā syāt ? na tāvadātmadravyaṃ sahakāri tatsannidhānasya nayananabhaḥsannikarṣe'pi samānatvāt | ete-

<lb>na kāladravyaṃ digdravyaṃ ca sahakāri nirākṛtaṃ tatsānnidhyasyāpi sarvasādharaṇatvāt | manodravyaṃ sahakāri

<lb>ityapi na saṃgataṃ tatsannidherapi samānatvāt | kadācittadgatamanasaḥ puruṣasyākṣārthasannikarṣasya saṃbhavāt |

<lb>etena ātmā manasā yujyate, mana iṃdriyeṇa, iṃdriyamartheneti catuṣṭayasannikarṣo'rthapramitau sādhakatama iti

<lb>sāmigrīṃpramāṇavādo dūṣitaḥ––tatsāmigryāśca nabhasi sadbhāvāt | kālādinimittakāraṇasāmigrīvat | yadi

<lb>punastejodravyaṃ sahakāri tatsannidhānāt cākṣuṣādijñānaprabhavāditi mataṃ tadāpi na viśeṣaḥ ghaṭādāviva

<lb>gagane'pi locanasannikarṣasyālokasannidhiprasiddheḥ saṃvedanānuṣaṃgasya durnivāratvāt | athādṛṣṭaviśeṣo

<lb>guṇaḥ sahakārī tatsānnidhyaṃ saṃyuktasamavāyena, cakṣuṣā saṃyukte puruṣe tvadṛṣṭaviśeṣasya samavāyāt iti manyadhvaṃ

<lb>tarhi kadācinnabhasi nāyanaṃsavedanodayaḥ kuto na bhavet ? | sarvadā sarvasya tatrādṛṣṭaviśeṣasya sahakāriṇo'sa-

<lb>nnidhānāt iti cet? kathamevamīśvarasya nabhasi cakṣuṣā jñānaṃ śrotrādibhiriva ghaṭate ? samādhiviśeṣopajani-

<lb>tadharmaviśeṣānugṛhītena manasā gaganādyaśeṣapadārthasaṃvedanodaye tu maheśvarasya bahiḥkaraṇamanarthakatāmiyāt |

<lb>phalāsaṃbhavāt | bahiḥkaraṇarahitasya ca nāṃtaḥkaraṇamupapadyeta paranirvṛttātmavat | tataḥ kathamaṃtaḥkaraṇena dharmā-

<lb>digrahaṇaṃ manaso'saṃbhave ca na samādhiviśeṣastadupajanitadharmaviśeṣo vā ghaṭāmaṭāṭyate tasyātmāṃtaḥkaraṇasaṃ-

<lb>yoganibaṃdhanāt |

<lb><p>syānmataṃ śiśiraraśmiśekharasya samādhiviśeṣasaṃtatirdharmaviśeṣasaṃtatiśca sarvārthajñānasaṃtatiheturanā-

<lb>dyaparyavasānā, satatamenomalairaspṛṣṭatvāt | tasya saṃsārisādi muktivilakṣaṇatvāt sarvathā muktatayaiva prasiddha-

<lb>tvāt iti tadapyasamīcīnaṃ evamīśvarasyāpi enomalavilayāderevārthasaṃvedanodbhavaprasakteḥ | satatamenomalā-

<lb>bhāvo hi yathā satatamarthajñānasaṃtānahetururarīkriyate tathā kādacitkainomalābhāvaḥ kadācidarthapramitinimitta-

<lb>yuktamutpaśyāmaḥ tasyaiva sannikarṣasahakāritopapatteḥ | tatsānnidhyasyaiva ca sannikarṣaśaktirūpatvasiddheḥ | tadbhāvādeva

<lb>ca nayanasannikarṣe'pi nabhasi saṃvedanānutpattighaṭanāt | tatra viśiṣṭadharmo'pi na pāpamalāpāyādaparaḥ

<lb>pratipadyate bhāvāṃtarasvabhāvatvādabhāvasya, niḥsvabhāvasya sakalapramāṇagocarātikrāṃtatvena vyavasthāpayitumaśakya-

<lb>tvāt iti puruṣaguṇaviśeṣasadbhāva eva pāpamalābhāvo vibhāvyate | sa cātmaviśuddhiviśeśo jñānāvaraṇavīryāṃtarāya-

<lb>kṣayopaśamabhedaḥ svārthapramitau śaktiryogyateti ca syādvādavedibhirabhidhīyate | pramāturupalabdhilakṣaṇaprāpta-

<lb>tāpi nātorthāṃtarabhāvamanubhavati puṃsaḥ saṃvedanāvaraṇavīryāṃtarāyalakṣaṇapāpamalāpagamavirahe kvacidupalabdhilakṣaṇa-

<lb>prāptatānupalabdheḥ, nayanonmīlanādikarmaṇo dṛśyādṛśyayoḥ sādhāraṇatvāt pradyotādikaraṇasākalyavat | etena

<lb>nayanonmīlanādikarmasānnikarṣasahakāriviṣayagataṃ copalabhyatvasāmānyamiti pratyākhyātaṃ tatsannidhāne satya-

<lb>pi kvacitkasyacit pramityanupapatteḥ kālākāśādivat | na hi tatropalabhyatvasāmānyamasaṃbhāvyaṃ yogino-

<lb>'pyanupalabdhiprasaṃgāt | asmādṛśāpekṣayopalabhyatvasāmānyamanyadeva yogīśvarāpekṣādupalabhyatāsāmānyāditi-

<lb>cet ? tatkimanyat ? anyatra yogyatāviśeṣāt | pratipuruṣaṃ bhedamāstighnuvānāditi<?> sa eva pramātuḥ pramityu-

<lb>pajanane sādhakatamo'numaṃtavyaḥ sannikarṣādau satyapi kvacitsaṃvidupajananābhāvavibhāvanāt | sa ca yogya-

<lb>tāviśeṣaḥ svārthagrahaṇaśaktiḥ | ātmano bhāvakaraṇaṃ jñānameva phalarūpatvāt svārthajñānātkathaṃcidabhinnatvāt

<lb>sarvathāpi tato bhede nātmasvabhāvatvopatteḥ | na caivamupagaṃtuṃ yuktaṃ ? ātmana evobhayanimittavaśāttathāpariṇā-

<lb>māt | ātmano hi jānātyaneneti karaṇasādhanāt bhedopavarṇanaṃ kathaṃ cidabhinnakartṛkasya karaṇasya prasiddheḥ

<lb>agnirauṣṇyena dahatīṃdhanamiti yathā | svātaṃtryavivakṣāyāṃ tu jānātīti jñānamātmaiva, kartṛsādhanatvāttadātmajñā-

<lb>nayorabhedaprādhānyāt ātmana eva svārthagrahaṇapariṇāmamāpannasya jñānavyapadeśasiddheḥ auṣṇyapariṇāmamāpa-

<lb>nnasyāgnerauṣṇyavyapadeśavat | tena jñānātmā jñānātmanā jñeyaṃ jānāti iti vyavahārasya pratītisiddhatvāt | yathā ca

<pb n="53">

<lb>jñānātmaiva pramātā syāt, ajñānātmanaḥ khādeḥ pramātṛtvāyogāt tathā jñānātmaiva pramāṇaṃ svārthapramitau jñāna-

<lb>kriyātmikāyāṃ karaṇātvāt | ajñānātmanastatra sādhakatamatvāghaṭanānnājñāne pramāṇaṃ, anyatropacārataḥ | tato-

<lb>nājñānena iṃdriyasannikarṣaliṃgaśabdādinā sādhanasya vyabhicāraḥ | nāpi vyatirekāsiddhiḥ samyagjñānatvasya

<lb>sādhyasya nivṛttau pramāṇatvasya sādhanasya paṭādau vinivṛttiviniścayāt | kevalavyatirekiṇo'pi sādhanasya

<lb>samarthanāt | tataḥ sūktaṃ samyagjñānameva pramāṇamajñānasya pramāṇatvāyogānmithyājñānavaditi |

<lb><p>kiṃ punaḥ samyagjñānaṃ ? abhidhīyate–svārthavyavasāyātmakaṃ samyagjñānaṃ samyagjñānatvāt | yattu na svārthavyavasāyā-

<lb>tmakaṃ tanna samyagjñānaṃ yathā saṃśayaviparyāsānadhyavasāyāḥ | samyagjñānaṃ ca vivādāpannaṃ tasmātsvārthavyavasāyātmakamiti

<lb>suniścitānyathānupapattiniyamaniścayalakṣaṇo hetuḥ prasiddha eva samyagavabodhādīnāṃ sādhyadharmiṇi sadbhāvāt | sva-

<lb>saṃvedaneṃdriyamanoyogipratyakṣaiḥ samyagjñānaiḥ–avyavasāyātmakairvyabhicārī hetuḥ ? iti svamanorathamātraṃ saugatasya teṣāṃ

<lb>samyagjñānatvavirodhāt | samyagjñānatvaṃ hyavisaṃvādakatvena vyāptaṃ tadabhāve tadasaṃbhavāt | tadapi pravartakatvena vyāptaṃ

<lb>tadabhāve tadasaṃbhavāt | tadapyarthaprāpakatvena arthaprāpakasyāvisaṃvaditvāt | nirviṣayajñānavat | tadapi pravarta-

<lb>katvena vyāptaṃ apravartakasyārthāpratyāyakatvāt | tadvat pravartakatvamapi viśvaviṣayopadarśakatvena vyāptaṃ svaviṣayamu-

<lb>padarśayataḥ pravartakavyavahāraviṣayatvasiddheḥ | na hi puruṣaṃ haste gṛhītvā jñānaṃ pravartayati | svaviṣayaṃ rūpaṃ darśayat

<lb>pravartakamucyate arthaprāpakaṃ ca ityavisaṃvādakaṃ samyagvedakaṃ pramāṇaṃ tadviparītasya mithyājñānatvaprasiddheḥ saṃśaya-

<lb>vaditi dharmottaramataṃ | tatrāvyavasāyātmakasya caturvidhasyāpi samakṣasya samyagvedanatvaṃ na vyavatiṣṭhate tasya

<lb>svaviṣayopadarśakatvā'siddheḥ | tatsiddhau vā nīlādāviva kṣaṇakṣayādāvapi tadupadarśakatvaprasakteḥ | tato yada-

<lb>vyavasāyātmakaṃ jñānaṃ na tatsvaviṣayopadarśakaṃ yathā gacchataḥ tṛṇasparśasaṃvedanaṃ | adhyavasāyi prasiddhamavyavasāyātmakaṃ

<lb>ca saugatābhimatadarśanamiti vyāpakānupalabdhiḥ siddhā | vyavasāyātmakasya vyāpakasyābhāve tadvyāpyatvasya

<lb>svaviṣayopadarśakatvasyānanubhavāt |

<lb><p>syādākutaṃ––tena vyavasāyātmakatvena svaviṣayopadarśakatvasya vyāptiḥ siddhimadhivasati tasya vyavasā-

<lb>yajanakatvena vyāptatvāt | nīladhavalādau vyavasāyajananāddarśanasya tadupadarśakatvavyavasthiteḥ | kṣaṇakṣayasvarga-

<lb>prāpaṇaśaktyādau vyavasāyājanakatvāt tadanupadarśakatvavyavasthānāt | gacchattṛṇasparśasaṃvedanasyāpi tata eva

<lb>svaviṣayopadarśakatvābhāvasiddheḥ mithyājñānatvavyavahārāt anyathānadhyavasāyitvāghaṭanāt iti ? tadetadavi-

<lb>cāritaramaṇīyaṃ tāthāgatasya vyavasāyo hi darśajanyaḥ | sa kiṃ darśanaviṣayasyopadarśako'nupadarśako vā ?

<lb>iti vicāryate– yadyupadarśakastadā sa eva tatra pravartakaḥ prāpakaśca syāt saṃvādakatvāt samyaksaṃvedanavat |

<lb>na tu tannimittaṃ darśanaṃ sannikarṣādivat | athānupadarśakaḥ ? kathaṃ darśanaṃ tajjananāt svaviṣayopadarśakaṃ ?

<lb>atiprasaṃgāt | saṃśayaviparyāsakāraṇasyāpi svaviṣayopadarśakatvāpatteḥ | darśanaviṣayasāmānyādhyavasāyitvādvi-

<lb>kalpatajjanakaṃ darśanaṃ svaviṣayopadarśakamiti ca na cetasi sthāpanīyaṃ darśanaviṣayasāmānyasyānyāpohalakṣaṇa-

<lb>syāvastutvāt | tadviṣayavyavasāyajanakasya vastūpadarśakatvavirodhāt | dṛśyasāmānyayorekatvādhyavasāyādvastūpa-

<lb>darśaka eva vyavasāya ityapi mithyā tayorekatvādhyavasāyāsaṃbhavāt | tadekatvaṃ hi darśanamadhyavasyati tatpṛṣṭhajo-

<lb>vyavasāyo vā jñānāṃtaraṃ vā ? na tāvaddarśanaṃ tasya vikalpāviṣayatvāt | nāpi tatpṛṣṭhajo vyavasāyaḥ tasya

<lb>dṛśyāgocaratvāt | tadubhayaviṣayaṃ jñānāṃtaraṃ tu nirvikalpakaṃ vikalpātmakaṃ vā ? na tāvannirvikalpakaṃ tasya dṛśya

<lb>vikalpyadvayaviṣayatvavirodhāt | nāpi vikalpātmakaṃ tata eva | naca tad dvayāviṣayaṃ saṃvedanaṃ tadubhayaikatvamadhyava-

<lb>sātuṃ samarthaṃ | tathāhi– yadyanna viṣayī kurute na tattadekatvamadhyavasyati yathā rasasaṃvedanaṃ sparśarūpobhayaṃ | na

<lb>viṣayī kurute ca dṛśyavikalpyobhayaṃ kiṃcitsaṃvedanaṃ, iti na kutaściddṛśyavikalpyayorekatvādhyavasāyaḥ siddhyet

<lb>tato na vyavasāyo vastūpadarśakaḥ syāt | nāpi tadupajananāddarśanaṃ svaviṣayavastūpadarśakaṃ yogipratyakṣasya vidhū-

<lb>takalpanājālasya sarvadā vastuvikalpājanakatvāt tadupadarśakatvavirodhāt | svasaṃvedanamapi na tasya svarūpopa-

<pb n="54">

<lb>darśakaṃ tadvikalpānutpādakatvāt iti kutaḥ svarūpasya svato gatiravatiṣṭheta? | kiṃ ca darśanapṛṣṭhabhāvino

<lb>vikalpasya svasaṃvedanavalātsiddhau tatsvasaṃvedanaṃ kutaḥ pramāṇaṃ syāt ? | tadyadi svarūpopadarśanādeva pramāṇamā-

<lb>sthīyate ? tadā svargaprāpaṇaśaktyādāvapi pramāṇatāmāskaṃdet | tat svasaṃvidākāra eva pramāṇaṃ tadvyavasāya

<lb>jananāt–na punaranyatreti parikalpanāyāṃ tadvyavasāyasvasaṃvedanasyāpi vyavasāyāṃtaropajananāt svarūpopadarśa-

<lb>nena bhavitavyamityanavasthānāt, nādyavyavasāyasvasaṃvedanasya prāmāṇyaṃ | tadaprāmāṇye ca na tata eva vyavasāya-

<lb>siddhiḥ | tadasiddhau ca na tajjananāddarśanasya svaviṣayopadarśakatvaṃ | tadabhāve ca na tasya pravartakatvaṃ | apravarta-

<lb>kasya nārthaprāptinimittatvaṃ | tadasaṃbhave ca nāvisaṃvādakatvaṃ tadvirahe ca na samyagjñānatvaṃ svasaṃvedaneṃdriyamano

<lb>yogijñānānāmiti na tairvyabhicāraḥ sādhanasya saṃbhavati |

<lb><p>syānmataṃ––arthasāmarthyādutpatti–arthasārūpyaṃ ca darśanasya svaviṣayopadarśakatvaṃ tacca sakalasamakṣaveda-

<lb>nānāmavyavasāyātmakatve'pi saṃbhavatpravartakatvamarthaprāpakatvamavisaṃvādakatvaṃ samyagjñānalakṣaṇamiti taiḥ samīcī-

<lb>nairjñānairvyabhicāra eva hetoriti ? tadapi durghaṭameva kṣaṇakṣayādāvapi tadupadeśakatvaprasaṃgāt | tatrākṣaṇika-

<lb>tvādisamāropānupraveśādayoginaḥ pratipatturnopadeśakatvamavatiṣṭhate | yoginastu samāropāsaṃbhavāt kṣaṇakṣayādā-

<lb>vapi darśanaṃ tadupadeśakameveti samādhānamapi na dhīmaddhṛtikaraṃ nīlādāvapyayoginastadviparītasamāropaprasakteḥ |

<lb>kathamanyathā viruddhadharmādhyāsāttaddarśanabhedo na bhāvet? na hi –abhinnamekadarśanaṃ kvacitsamāropākrāṃtaṃ kvacinneti

<lb>vaktuṃ yuktaṃ | tato yadyatra viparītasamāropaviruddhaṃ tattatra niścāyātmakaṃ yathānumeye'rthe'numānajñānaṃ | viparītasamāro-

<lb>paviruddhaṃ ca nīlādau darśanamiti vyavasāyātmakameva buddhyāmahe | niścayahetutvāddarśanaṃ nīlādau viparītasamā-

<lb>ropaviruddhaṃ na punarniścayātmakatvāt tato'nyathānupapattiḥ sādhanasyāniściteti māmaṃsthāḥ yogipratyakṣe'sya

<lb>viparītasamāropasya prasaṃgāt tena tasyāvirodhāt | pareṣāṃ tu tasyāpi niścayātmakatvāttena virodhaḥ siddha eva |

<lb>tathā niścayahetunā darśanena viruddhaṃ pratipādayataḥ svamatavirodhaḥ syāt | niścayāropamanasorbādhyabādhakabhāva iti

<lb>dharmakīrterabhimatatvāt darśanāropayorvirodhābhāvasiddheḥ | nanu cārthadarśanasya niścayātmakatve sādhye pratyakṣavi-

<lb>rodhaḥ saṃhṛtasakalavikalpadaśāyāṃ rūpādidarśanasyāniścayātmakasyānubhavāt | taduktaṃ––

<lb><s>saṃhṛtya sarvataściṃtāṃ stimitenāṃtarātmanā |

<lb><s>sthito'pi cakṣuṣā rūpamīkṣate sākṣajā matiḥ || 1 || iti |

<lb><p>tathānumānavirodho'pi vyucchittaciṃtāvasthāyāṃ–iṃdriyādarthagatau kalpanānupalabdheḥ | tatra kalpanāsa-

<lb>dbhāve punastatsmṛtiprasaṃgaḥ tadā vikalpitakalpanāvat––tadapyuktaṃ––

<lb><s>punarvikalpayan kiṃcidāsīnme kalpanedṛśī |

<lb><s>iti vetti na pūrvoktāvasthāyāmiṃdriyādgatau || 1 ||–iti

<lb><p>tadetadapi dharmakīrteraparīkṣitābhidhānaṃ pratyakṣato nirvikalpadarśanāprasiddhatvāt | saṃhṛtasakalavikalpā-

<lb>vasthā hyaśvaṃ vikalpayato godarśanāvasthā | na ca tadā godarśanamavyavasāyātmakaṃ punaḥ smaraṇābhāvaprasaṃgāt |

<lb>tasya saṃskārakāraṇatvavirodhāt kṣaṇikatvādivat | vyavasāyātmana eva darśanāt | saṃskārasya smaraṇasya

<lb>ca saṃbhavāt anyatastadanupapatteḥ | daduktaṃ––

<lb><s>vyavasāyātmano dṛṣṭeḥ saṃskāraḥ smṛtireva vā |

<lb><s>dṛṣṭe dṛṣṭasajātīye nānyathā kṣaṇikādivat || 1 ||

<lb><p>atha mataṃ––abhyāsaprakaraṇabuddhipāṭavārthitvebhyo nirvikalpakādapi darśanānnīlādau saṃskāraḥ smaraṇaṃ

<lb>cotpadyate na punaḥ kṣaṇikādau tadabhāvāt | vyavasāyātmano'pi pratyakṣāttata eva saṃskārasmaraṇopapatteḥ |

<lb>teṣāmabhāve niścite 'pi vastuni niyamena saṃskārāderabhāvāt teṣāṃ vyavasāyātmakasamakṣavādino'pi niyamato-

<pb n="55">

<lb>bhyupagamanīyatvāt iti ? tadapi phalguprāyaṃ bhūyodarśanalakṣaṇasyābhyāsasya kṣaṇakṣayādau sutarāṃ sadbhāvāt |

<lb>punapunarvikalpotpādarūpasya cābhyāsasya paraṃ pratyasiddhatvāt tatraiva vivadāt | kṣaṇikākṣaṇikavicāraṇāyāṃ kṣaṇi-

<lb>kaprakaraṇasyāpi bhāvāt | buddhipāṭavaṃ tu nīlādau kṣaṇakṣayādau ca samānaṃ taddarśanasyānaṃśatvāt | tatra pāṭavā-

<lb>pāṭavayorbhede tadbuddherapi bhedāpatteḥ, viruddhadharmādhyāsāt | tathāvidhatadvāsanākhyakarmavaśādbuddheḥ paṭavāpāṭave syātāṃ,

<lb>ityapyanenāpāstaṃ tatkarmasadbhāvayorapi viruddhadharmayoranaṃśabuddhāvekasyāmasaṃbhavāt | yatpunararthitvaṃ jijñāsitatvaṃ

<lb>tatkṣaṇikavādinaḥ kṣaṇikatve'styeva nīlādivat | yatpunarabhilaṣitṛtvamarthitvaṃ tanna vyavasāyajanananibaṃdhanaṃ

<lb>kvacidanabhilaṣite'pi vastuni kasya cidudāsīnasya smaraṇapratīteḥ––iti nābhyāsādibhyaḥ kvacideva saṃskāra-

<lb>jananaṃ––anaṃśajñānajñeyavādino ghaṭate | parasya tu bahiraṃtaranekātmakatattvavādino na kiṃcidanupapannaṃ sarvathai-

<lb>katra vyavasāyāvyavasāyayoḥ, avāyānavāyākhyayoḥ, saṃskārāsaṃskārayoḥ, dhāraṇetarābhidhānayoḥ, smaraṇāsmaraṇa-

<lb>yoścānabhyupagamāt | tadbhedātkathaṃcidbodhabodhyayorbhedaprasiddheḥ |

<lb><p>saugatasyāpi vyāvṛttibhedādbhedopagamādadoṣoyaṃ tathāhi–nīlatvamanīlatvavyāvṛttiḥ,kṣāṇikatvamakṣaṇikatvavyā-

<lb>vṛttirucyate tatrānīlavyāvṛttau nīlavyavasāyastadvāsanāprabodhādutpanno na punarakṣaṇikavyāvṛttau kṣaṇikavyavasāya-

<lb>statra tadvāsanāprabodhābhāvāt | na cānayorvyāvṛttyorabhedaḥ saṃbhavati vyāvartyamānayorabhedaprasaṃgāt | na ca tadbhedādva-

<lb>stuno bhedaḥ tasya niraṃśatvāt anyathā anavasthāprasaṃgāt iti pare manyaṃte tepi na satyavādinaḥ svabhāvabhedābhābave

<lb>vastuno vyāvṛttibhedāsaṃbhavāt | nīlasvalakṣaṇaṃ hi yena svabhāvenānīlādvyāvṛttaṃ tainaiva yadyakṣaṇikādvyāvarteta

<lb>tadā nīlākṣaṇikayorekatvāpattestadvyāvṛttyorekatvaprasaṃgaḥ | svabhāvāṃtareṇa tattato vyāvṛttamiti vacane tu siddhaḥ

<lb>svalakṣasya svabhāvabhedaḥ kathaṃ nirākriyate ? | yadi punaḥ svabhāvabhedo'pi vastuno tatsvabhāvavyāvṛttyā

<lb>kalpita eveti mataṃ ? tadā parikalpitasvabhāvāṃtarakalpanāyāmanavasthānuṣajyeta | tathāhi–anīlasvabhāvā-

<lb>nyavyāvṛttirapi svabhāvāṃtareṇa anyavyāvṛttirūpeṇa vaktavyā | sāpi tadanyavyāvṛttisvabhāvāṃtareṇa tathāvidhe-

<lb>neti na kvacid vyavatiṣṭhate |

<lb><p>kaścidāha––tata eva sakalavikalpavāggocarātītaṃ vastu vikalpaśabdānāṃ viṣayasyānyavyāvṛtti-

<lb>rūpasya anādyavidyopakalpitasya sarvathā vicārā 'sahatvāt | vicārasahatve vā tadavastutvavirodhāt iti

<lb>sopi na samyagvādī darśanaviṣayasyāpyavastutvaprasaṃgāt tasyāpi śabdavikalpaviṣayavat vicārāsahatvāviro-

<lb>dhāt | tathāhi––nīlasvalakṣaṇaṃ sugatetaraṃjanadarśanaviṣayatāmupagacchat kimekena svabhāvena nānāsvabhāvena

<lb>vā dṛśyaṃ syāt ? tadyadyekena svabhāvena tadā yadeva sugatadṛśyatvaṃ tadevetarajanadṛśyatvamityāyātaṃ aśeṣasya

<lb>jagataḥ sugatatvaṃ | yaccetarajanadṛśyatvaṃ tadeva sugatadṛśyatvamiti sakalasya sugatasyetarajanatvāpatteḥ sugata-

<lb>rahitamakhilaṃ syāt | athaitasmāddoṣādvibhyatā nānāsvabhāvena sugatetarajanadṛśyatvaṃ pratipādyate tadā nīla-

<lb>svalakṣaṇasya dṛśyasvabhāvabhedaḥ kathamapahnuyeta ? na ca dṛśyaṃ rūpamanekaṃ kalpitamiti śakyaṃ vaktuṃ dṛśyasya

<lb>kalpitatvavirodhāt | atha manyethāḥ svalakṣaṇasya dṛśyatvaṃ svākārārpakatvavyāvṛttirūpaṃ nānādṛṣṭṝvyapekṣayā'nekaṃ

<lb>ghaṭāmaṭatyeva tadabhāve nānādṛṣṭadarśanaviṣayatāṃ svalakṣaṇaṃ nāskaṃdet | na ca paramārthato darśanaṃ dṛśyaviṣayaṃ

<lb>sarvajñānāṃ svarūpamātraparyavasitatvāt | upacārādeva bahirviṣayatāvyavahārāt iti tadapyasat vastunaḥ svā-

<lb>kārārpakatvasyāpi pūrvaparyanuyogānatikramāt | taddhi svalakṣaṇaṃ yena svabhāvena sugatadarśanāya svākārama-

<lb>rpayati tenaivetarajanadarśanāya svabhāvāṃtareṇa vā ? yadi tenaiva tadā tadeva sugatetarajanadarśanaikatvamāpanīpa-

<lb>dyate tathā ca sarvasya sugatatvaṃ itarajanatvaṃ vā durnivāratāmācanīskaṃdyate | svabhāvāṃtareṇa svākārārpakatve

<lb>sa eva vāstavaḥ svabhāvabhedaḥ svalakṣaṇasyākṣuṇṇtayā kathaṃ pratikṣipyate ? | yatpunaḥ svākārārpakatvamapi na

<lb>vastunaḥ paramārthapathaprasthāṃyi samavasthāpyate svarūpamātraviṣayatvāt sakalasaṃvedanānāmiti mataṃ tadapi

<pb n="56">

<lb>durupapādameva teṣāṃ vaiyarthyaprasagāṃt | jñānaṃ hi jñeyaprasiddhyarthaṃ prekṣāvatāmanviṣyate prakāśyaprasiddhyarthaṃ pradīpā-

<lb>divat | na punaḥ svarūpaprasiddhyarthaṃ pradīpavadeveti | bahirarthāviṣayatve sakalasaṃvedanānāṃ kathamiva vaiyarthyaṃ

<lb>na syāt ? nirviṣayasvapnādisaṃvedanānāmapi sārthakatvaprasaṃgāt svarūpaprakāśanasya prayojanasya sarvatra

<lb>bhāvāt | kiṃ ca sugatasaṃvedanasyāpi svarūpamātraparyavasitāyāṃ kathamiva sugataḥ sarvadarśīṣyate pṛthagjanavat |

<lb>pṛthagjano vā kathaṃ na sarvadarśī sugatavadanumanyeta ? svarūpamātraparyavasitāyāḥ tatsaṃvedane'pi sadbhāvāt |

<lb>yadi punarvāstavatvaṃ sakalaveditvaṃ tāthāgatasyorarīkriyate saṃvṛttyā tasya vyavahāribhiḥ saṃvyavaharaṇāt

<lb>tadavyaharaṇe tadvacanasya satyatāvyavahārānupapatteḥ sakalajñānarahitapuruṣopadeśādvipralaṃbhanaśaṃkanaprasaṃgāt |

<lb>taduktaṃ––

<lb><s>jñānavān mṛgyate kaścittaduktapratipattaye |

<lb><s>ajñopadeśakaraṇe vipralaṃbhanaśāṃkibhiḥ || 1 || iti

<lb><p>pratipadyeta tathāpi sugatetaravyavahārasiddhiḥ sugatavaditarajanasyāpi saṃvṛttyā sakalaveditvakalpa-

<lb>nānuṣaṃgāt | sakalapadārthebhyaḥ sugatasya saṃvedanodayāt sakalārthajñatā yuktā kalpayituṃ na punaritara-

<lb>janasya pratiniyatapadārthādeva tadvedanotpatteriti cet ? na sugatajñānasyāṃpi sakalapadārthajanyatvāsiddheḥ |

<lb>samasamayavartipadārthajanyatvāsaṃbhavāt | yadi punaranādyatītapadārthebhyo bhaviṣyadanaṃtārthebhyaḥ sāṃpratikārthe-

<lb>bhyaśca sakalebhyaḥ sugatasaṃvedanasyotpattiḥ akhilāvidyātṛṣṇāvināśādupapadyata eva asmadādisaṃveda-

<lb>nādviśiṣṭatvāttasyeti mataṃ ? tadā kimekena svabhāvena kālatrayavartipadārthaiḥ sugatavijñānamutpadyate

<lb>nānāsvabhāvairvā ? yadyekena svabhāvena, ekenārthena sugatajñānamupajanyate tenaiva sakalapadārthaiḥ tadā

<lb>sakalapadārthānāmekarūpatāpattiḥ | sugatavijñānasya vā tadekapadārthajanyatvasiddhiriti netarajana-

<lb>saṃvedanāttasya viśeṣaḥ siddhyet | athānyena svabhāvenaikārthaḥ sugatajñānamupajanayati padārthāṃtarāṇi tu svabhāvāṃ-

<lb>taraistadupajanayaṃti iti matirbhavatāṃ tarhi sugatajñānamanaṃtasvabhāvamekamāyātaṃ | tadvatsakalaṃ vastu kathamanaṃtātma-

<lb>katāṃ na svīkuryāditi ciṃtanīyaṃ | ekasyanekasvabhāvatvavirodhānnaikamanekātmakamiti cet ? kathamidānīṃ

<lb>sugatavijñānamekapadārthajanyaṃ nānārūpatāṃ vibharti ? | yadi punaratajjanyarūpavyāvṛttyā tajjanyarūpaparikalpanānna

<lb>tattvataḥ sugatasaṃvedanamanekarūpatākrāṃtamityākūtaṃ ? tadā na paramārthataḥ suddhodanitanayavijñānamakhilapadārtha-

<lb>janyaṃ, iti kutaḥ pṛthagjanasaṃvedanādasya viśeṣaḥ samavatiṣṭhate ? | tataḥ sugatavijñānadṛśyatāmitarajanavijñānaviṣa-

<lb>yatāṃ ca ekasya nīlādisvalakṣaṇasyānekākārāmapi svayamurarīkurvatā nīlasvalakṣaṇakādirūpatāpi dṛśyādṛśya-

<lb>tvalakṣaṇā svīkartavyā, tathā ca nīlādau darśanamanyadvyavasāyātmakaṃ saṃskārasmaraṇakāraṇaṃ tadviparīdarśanādava-

<lb>boddhavyaṃ, iti na pratyakṣaprasiddhaṃ nirvyavasāyātmakatvamadhyakṣajñānasya | nāpyanumānaprasiddhaṃ godarśanasamaye'śvaka-

<lb>lpanāvat godarśanasyāpi vyavasāyātmakatvopapatteḥ | punarvikalpayataḥ tadanusmaraṇasyānyathānupapatteḥ |

<lb>tathā hi yannirvyavasāyātmakaṃ jñānaṃ tannottarakālamanusmaraṇajananasamarthaṃ yathā parābhimataṃ svargaprāpaṇaśaktyādi-

<lb>darśanaṃ tathā cāśvavikalpakāle godarśanamiti tadanusmaraṇajananasamarthaṃ na syāt bhavati ca punarvikalpayata-

<lb>stadanusmaraṇaṃ tasmādvyavasāyātmakamiti niścayaḥ | tadevaṃ vyavasāyātmakatve sādhye samyagjñānaṃ sādhanaṃ

<lb>na vyabhicarati kasya cidapi samyagjñānasyāvyavasāyātmakatvapramāṇabādhitatvāditi sthitaṃ |

<lb><p>ye tvāhuḥ––svārthavyavasāyātmakatve sādhye samyagjñānasya hetorna prayojakatvaṃ sarvasya samyagjñānasyā-

<lb>rthavyavasāyayamaṃtaraṇaiva samyagjñānatvasiddheḥ | tathā hi––vivādādhyāsitaṃ samyagjñānaṃ nārthavyavasāyātmakaṃ

<lb>jñānatvāt, svavyavasāyātmakatvāt | yadjñānaṃ svavyavasāyātmakaṃ vā tannārthavyavasāyātmakaṃ yathā svapnādijñānaṃ tathā

<lb>ca vipadāvannaṃ jñānaṃ jinapatimatānusāribhaḥ, abhyanujñātaṃ tasmānnārthavyavasāyātmakamiti tepi na prātīti-

<pb n="57">

<lb>kāvadinaḥ jāgṛddaśābhāvinaḥ samīcīnavijñānasyārthavyavasāyātmakatvapratīteḥ | tasyārthāvyavasāyātmakatve-

<lb>tato'rthe pravṛttyabhāvaprasaṃgāt | pratīyate ca samyagjñānādarthe pravṛttiravisaṃvādinī tasmādarthavyavasāyātmakaṃ

<lb>tadarthe pravṛttyanyathānupapatteḥ | mithyājñānādapyarthe pravṛttidarśanādanekāṃtaḥ ? iti cenna tasyāḥ pravṛttyābhāsa-

<lb>tvāt, vyavasitārthaprāptinimittatvābhāvāt | vyavasitamarthaṃ prāpayituṃ samarthā hi saṃyak pravṛttiḥ sā ca mithyā-

<lb>jñānānnopapadyata iti na vyabhicāraḥ | yaccārthavyavasāyātmakatvanirākaraṇapravaṇamanumānaṃ tatsvārthaṃ vyavasyati vā

<lb>na vā ? prathamavikalpe tenaivānaikāṃtikaṃ sādhanamāpadyeta tasya jñānatve svavyavasāyātmakatve'pi svasādhyārtha-

<lb>vyavasāyātmakatvasiddheḥ | dvitīyavikalpe'pi nāto'numānādiṣṭasiddhiḥ svasādhyārthavyavasāyātmakatvāt anu-

<lb>mānābhāsavat | tataḥ kiṃ bahunā sarvasya kiṃcidiṣṭaṃ sādhayataḥ svayamaniṣṭaṃ vā dūṣayataḥ kutaścitpramāṇāt

<lb>tasyārthavyavasāyātmakatvābhyanujñānamavaśyaṃbhāvi tasyārthāvyavasāyātmakatve sveṣṭāniṣṭasādhanadūṣaṇānupapatteḥ | para-

<lb>prasiddhyārthavyavasāyinaḥ pramāṇasyābhyanujñānādadoṣa iti cet ? tarhi paraṃ pratipādyase vā na vā? yadi na

<lb>pratipādyase kathaṃ paraprāsiddhyā kvacidabhyunujñānaṃ ? taṃ na pratipādyase tatprasiddhyā ca kiṃcidabhyanujānāsīti

<lb>kathamanunmattaḥ ? | atha paraṃ pratipādyase tarhi yataḥ pramāṇāttatpratipattiḥ tatsvakīyārthavyavasāyātmakaṃ siddhaṃ

<lb>tasyāvyavasāyātmakatve tena parapratipatterayogāt | yadi punaḥ parābhyupagamāṃtarātparapratipattiriti mataṃ tadāpya-

<lb>nivṛttaḥ paryanuyogaḥ tasyāpi parābhyupagamāṃtarasya pratipattyapratipattipūrvakatve pūrvoktadūṣaṇānatikramāt |

<lb><p>syānmataṃ na bahirarthāḥ paramārthataḥ saṃti tatpratyayānāṃ nirālaṃbanatvāt svapnapratyayavat satānāṃtaravi-

<lb>jñānānāmapi asattvāt | tatra svarūpamātravyavasāyātmakameva vijñānamiti tadapyasāraṃ tathāhi––sarvapratya-

<lb>yānāṃ nirālaṃbanatvaṃ na tāvatpratyakṣataḥ siddhyati tasya tadviṣayatvāt | vivādāpannāḥ pratyayā nirālaṃbanā eva

<lb>pratyayatvāt svapneṃdrijālādivaditi anumānānnirālaṃvanatvasiddhiṃrityapi mithyā svasaṃtānapratyayena vyabhicārāt |

<lb>tasyāpi saṃtānāṃtarapratyayavatpakṣīkaraṇe kimidamanumānajñānaṃ svasādhyārthālaṃbanaṃ nirālaṃbanaṃ vā ? prathamapakṣe tenaivā-

<lb>naikāṃtikatvaṃ pratyayatvaṃ | dvitīyakalpanāyāṃ nāto nirālaṃbanatvasiddhiḥ | parabrahmasvarūpasiddhireva sakalabhedapratyayānāṃ

<lb>nirālaṃbanatvasiddhiḥ? ityapi na vyavatiṣṭhate parabrahmaṇa evāprasiddheḥ | taddhi svato vā siddhyet parato vā ?

<lb>na tāvatsvata eva vipratipattyabhāvaprasaṃgāt | parataścedanumānādāgamādvā ? yadyanumānāt kimatrānumānamityabhi-

<lb>dhīyatāṃ | vivādāpanno'rthaḥ pratibhāsāṃtaḥ praviṣṭa eva pratibhāsamānatvāt | yo yaḥ pratibhāsamānaḥ sa sa prati-

<lb>bhāsāṃtaḥ praviṣṭa eva dṛṣṭaḥ yathā pratibhāsasyātmā pratibhāsamānaśca sakalo'rthaścetanācetanātmako vivādāpannaḥ

<lb>tasmātpratibhāsāṃtaḥpraviṣṭha evetyanumānaṃ na samyak dharmi-hetu-dṛṣṭāṃtānāṃ pratibhāsāṃtaḥpraviṣṭatve sādhyāṃtaḥpāti-

<lb>tvena anumānotthānāyogāt | pratibhāsāṃtaḥ praviṣṭatvābhāve taireveti hetorvyabhicārāt | yadi punaranādyavi-

<lb>dyāvāsanāvalāddharmi-hetu-dṛṣṭāṃtāḥ pratibhāsabahirbhūtā iva niścīyaṃte pratipādyaprātipādakasabhyasabhāpatijanavat |

<lb>tato'numānamapi saṃbhavatyeva sakalānādyavidyāvilāsavilaye tu pratibhāsāṃtaḥpraviṣṭamakhilaṃ pratibhāsameveti vipra-

<lb>tipattyasaṃbhavāt | pratipādyapratipādakabhāvābhāvāt sādhyasādhanabhāvānupapatterna kiṃcidanumānopanyāsaphalaṃ | sva-

<lb>yamanubhūyamāne parabrahmaṇi pratibhāsātmani deśakālākāravacchinnasvarūpe nirvyabhicāre sakalakālāvasthāvyāpi-

<lb>ni–anumānāprayogāt iti samabhidhīyate tadā sāpyanādyavidyā yadi pratibhāsāṃtaḥpraviṣṭā tadāvidyaivā kathamasaṃtaṃ

<lb>dharmidṛṣṭāṃtādibhedamupadarśayet | atha pratibhāsabahirbhūtāstadā sā'pratibhāsamānā pratibhāsamānā vā ? na tāva-

<lb>dapratibhāsamānā bhede pratibhāsarūpatvāt tasyāḥ | pratibhāsamānā cet tayaiva hetorvyabhicāraḥ pratibhāsa-

<lb>bahirbhūtatve'pi tasyāḥ pratibhāsamānatvāt |

<lb><p>syādākūtaṃ––na pratibhāsamānā nāpratibhāsamānā na pratibhāsabahirbhūtā nāpi pratibhāsāṃtaḥpraviṣṭā

<lb>naika nacānekā na nityā nāpyanityā na vyabhicāriṇī nāpyavyabhicāriṇī sarvathā vicāryamāṇāyogāt |

<lb>sakalavicārātikrāṃtasvarūpaiva rūpāṃtarābhāvāt avidyayā nīrūpatālakṣaṇatvāt iti | tadetadapyavidyāvi-

<lb>jṛṃbhitameva tathāvidhanīrūpatāsvabhāvāyāḥ kena cidavidyāyāḥ kathaṃcidapratibhāsamānāyāḥ vaktumaśakteḥ |

<lb>pratimāsamānāyāstu tathāvacane kathamasau sarvathā nīrūpā syāt ? yena svarūpeṇa yaḥ pratibhāsate tasyaiva

<pb n="58">

<lb>tadrūpatvāt | tathā sakalavicārātikrāṃtatayā kimasau vicāragocarā avicāragocarā vā syāt ? prathamakalpa-

<lb>nāyāṃ sakalavicārātikrāṃtatayā vicārānatikrāṃtatvābhgupagamavyāghātaḥ | dvitīyakalpanāyāṃ na sakalavicārā-

<lb>tikrāṃtatā vyavatiṣṭhate sakalavicārātikrāṃtatāyāmapi tasyāstayā vyavasthāne sarvathaikānekarūpatāyā api

<lb>vyavasathānaprasaṃgāt | tasmātsatsvabhāvaivāvidyābhyupagaṃtavyā vidyāvat | tathā ca vidyā'vidyādvaitaprasiddheḥ

<lb>kutaḥ paramabrahmaṇo'numānātsiddhiḥ ? | etenopaniṣadvākyātparamapuruṣasiddhiḥ pratyākhyātā | sarvaṃ vai khalvidaṃ

<lb>brahmetyādivākyasya paramātmanoṃ'rthāṃtarabhāve dvaitaprasakteraviśeṣāt | tasyānādyavidyātmakatve'pi pūrvoditadūṣaṇa-

<lb>prasaṃgāt tato na paramapuruṣādvaitasiddhiḥ svataḥ parato vā yena samyagjñānaṃ svavyavasāyātmakameva na punararthavya-

<lb>vasāyātmakaṃ–arthābhāvāditi vadan avadheyavacanaḥ syāt |

<lb><p>yattu svapnajñānaṃ svavyavasāyātmakamevetyuktaṃ tadapi na saṃgataṃ tasya sākṣātparaṃparayā vārthavyavasāyātma-

<lb>katvāghaṭanāt | dvividho hi svāpnaḥ satyo'satyaśca tatra satyo devatākṛtaḥ syāt dharmādharmakṛto vā kasyacitsā-

<lb>kṣādvyavasāyātmakaḥ prasiddhaḥ svapnadaśāyāṃ yaddeśakālākāratayārthaḥ pratipannaḥ punarjāgṛddaśāyāmapi taddeśa-

<lb>kālākāratayaiva tasya vyavasīyamānatvāt | kaścitsatyaḥ svapnaḥ paraṃparayārtha–vyavasāyī svapnādhyāyanigadi-

<lb>tārthaprāpakatvāt | taduktaṃ––

<lb><s>yastu paśyati rātryaṃte1 rājānaṃ kujaraṃ hayaṃ |

<lb><s>suvarṇaṃ vṛṣabhaṃ gāṃ ca kuṭaṃbaṃ tasya vardhate || 1 ||

<lb><p>iti kuṭuṃbavardhanāvinābhāvinaḥ svapne rājādidarśanasya kathamarthaniścāyakatā na syāt ? pāvakāvinā-

<lb>bhāvidhūmadarśanavat | dṛṣṭārthāvyavasāyātmakatvānna svapnabodho'rthavyavasāyī iti vacane laiṃgiko'pi bodho'rtha-

<lb>vyavasāyī mābhūta | tata tadvat | anumānabādho'numitārthavyavasāyī saṃbhavatīti vacane svapnāgamagamyā-

<lb>rthavyavasāyī svapnabodho'pi kathaṃ nābhyanujñāyate ? | kadācidvyabhicāradarśanānnaivamabhyupagamaḥ kartuṃ suśakya

<lb>iti cenna deśakālākāraviśeṣaṃ yathārthāgamoditamapekṣyamāṇasya kvacitkadācitkathaṃcidvyabhicārābhāvāt |

<lb>tadapekṣāvikalastu na samīcīnaḥ svapnaḥ tasya svapnābhāsatvāt | pratipatturaparādhācca vyabhicāraḥ saṃbhāvyate na

<lb>punaranaparādhāt yathā cādhūmaḥ dhūmabuddhyā pratipadyamānasya tataḥ pāvakānumānaṃ vyabhicārīti pratipatturevāparādho

<lb>na dhūmasya dhīmadbhirabhidhīyate | tathaivāsvapnaṃ svapnabuddhyādhyavasya tatastadviṣayādhyavasāyo na vyabhicaratīti na

<lb>svapnāgamasyāparādhaḥ pratipatterevāparādhāt | yaḥ punarasatyaḥ svapnaḥ pittādyudrekajanitaḥ sa kimarthasāmānyaṃ

<lb>vyabhicarati arthaviśeṣaṃ vā ? na tāvadarthasāmānyaṃ deśakālākāraviśeṣāṇāmeva vyabhicārāt sarvatra sarvadā

<lb>sarvathārthasāmānyasya sadbhāvāt | tadabhāve'rthaviśeṣeṣu saṃśayaviparyāsasvapnāyathārthajñānānāmanutpatteḥ na hi kiṃcid

<lb>jñānaṃ sattāmātraṃ vyabhicarati tasyānutpattiprasakteḥ tato'satyasvapnasyāpyarthasāmānyavyavasāyātmakatvasiddheḥ na

<lb>kiṃcid jñānamarthāvyavasāyātmakaṃ | viśeṣaṃ tu yata eva vyabhicarati tata eva asatyaḥ kathamanyathā satyetaravya-

<lb>vasthitiḥ syāt ? tasyāḥ svārthaviśeṣaprāptyaprāptinimittatvādityalaṃ prasaṃgena svavyavasāyātmakatvavat samyagjñāna-

<lb>syārthavyavasāyātmakatvaprasiddheḥ |

<lb><p>atrāparaḥ prāha––samyagjñānamarthavyavasāyātmakameva na svavyavasāyātmakaṃ svātmani kriyāvirodhāt ekasya

<lb>jñānasyānekākārānupapatteḥ | na hi jñānamekamākāraṃ karmatāmāpannaṃ vyavasyati karmātmanākāreṇeti vaktuṃ yuktaṃ

<lb>tābhyaṃ karmakaraṇākārābhyāṃ jñānasyābhede bhedaprasaṃgāt | na hi bhinnābhyāṃ tābhyāmabhinnamekaṃ nāma atiprasaṃgāt |

<lb>tayorvākārayorjñānādabhede bhedaprasaṃgāt nahyabhinnādabhinnayorbhedaḥsaṃbhāvyate atiprasaṃgāt | evaṃ tābhyāṃ vijñānasya

<lb>bhedopagame na vijñānamātmanātmānaṃ vyavasyati parātmanā parātmana eva vyavasāyāt tau cākārau yadi jñānasyā-

<lb>tmānau tadā jñānaṃ vyavasyati vā na vā ? prathamapakṣe kimekenākārāṃtareṇa dvābhyaṃ vā'kārāṃtarābhyāṃ tattau vyavasyeta |

<lb>na tāvadekenākārāṃtareṇa virodhāt | dvāmyāṃ vyavasyati iti cet tayorapyākārāṃtarayorjñānādabhedo bhedo vā syāt

<notes>1 svāpnote iti pāṭhāṃtaraṃ 2 arthavyavasāyaḥ pāṭhāntaraḥ</notes>

<pb n="59">

<lb>ityanivṛttaḥ paryanuyogaḥ––anavasthā ca mahīyasī | kathaṃcidbhedaḥ kathaṃcidabhedaḥ kathaṃcidabhedaḥ ityubhayapakṣālaṃbanamapi ane-

<lb>naivāpāstaṃ pakṣadvayanikṣiptadoṣānuṣaṃgāt pakṣāṃtarā'saṃbhavācceti so'pi na nyāyakuśalaḥ pratītyatilaṃghanāt |

<lb>loke hi jñānasya svavyavasāyina evārthavyavasāyitvena pratītiḥ siddhā | naceyaṃ mithyā bādhakābhāvāt |

<lb>svātmāni kriyāvirodho bādhaka iti cet kā punaḥkriyā ? kimutpattirjñāptirvā ? yadyutpattiḥ sā svātmani viru-

<lb>dhyatāṃ | na hi vayamabhyanujānīmahe jñānamātmānamutpādayati iti |

<lb><s>naikaṃ svasmātprajāyate

<lb><p>iti samaṃtabhadrasvāmibhirabhidhānāt | atha jñāptiḥ kriyā sā svātmani viruddhā tadātmanaiva jñānasya svakā-

<lb>raṇakalāpādutpādāt | prakāśātmanaiva prakāśasya pradīpādeḥ | na hi svakāraṇasāmigrītaḥ pradīpādiprakāśaḥ samupa-

<lb>jāyamānaḥ svaprakāśātmanā notpādyata iti prātītikaṃ tatsvarūpaprakāśena prakāśāṃtarāpekṣāprasaṃgāt | nacāyaṃ

<lb>pradīpādyālokaḥ kalaśādijñānaṃ svarūpajñānaṃ ca cakṣuṣojanayataḥ sahakāritvaṃ nātmasātkurute yena svaprakāśako

<lb>na syāt | cakṣuṣaḥ sahakāritvaṃ hi pradīpādeḥ prakāśatvaṃ tacca kalaśādāviva svātmanyapi dīpādervidyata eveti

<lb>siddhā svātmani prakāśanakriyā | tadvadvijñānasyārthaprakāśanamiva svaprakāśanamapyaviruddhamavabudhyatāṃ | etena "jñānaṃ

<lb>na svaprakāśakaṃ, arthaprakāśakatvādityanumāmamāpastaṃ pradīpādinā hetoranekāṃtāt | pradīpādiḥ–upacārāt

<lb>prakāśako na paramārthata iti tenāvyabhicāre cakṣurāderapi paramārthato'rthā'prakāśakatvāt sādhanaśūnyo dṛṣṭāṃtaḥ

<lb>jñānasyaiva paramārthato'rthaprakāśatvopapatteḥ | tato "jñānaṃ svaprakāśakaṃ, arthaprakāśakatvāt yattu na svaprakāśakaṃ

<lb>tannārthaprakāśakaṃ dṛṣṭaṃ yathā kuḍyādikaṃ | arthaprakāśakaṃ ca jñānaṃ tasmātsvaprakāśakamiti kevalavyatirekyanumāna

<lb>mavinābhāvaniyamaniścayalakṣaṇāddhetorutpadyamānaṃ niravadyameveti budhyāmahe | cakṣurādibhiḥ paramārthato'rthaprakāśa-

<lb>katvāsiddhestena sādhanasyānekāṃtikatānupapatteḥ | kuḍyāderapi svāvinābhāvipadārthāṃtaraprakāśakatvāddhūmādivat

<lb>sādhanāvyatireko dṛṣṭāṃta ityapi samutsāritamanena tasyāpyupacārādarthaprakāśakatvasiddheḥ anyathā tajjanitavi-

<lb>jñānavaiyarthyāpatteḥ | yatpurjñānamātmānamātmanā jānātīti karmakaraṇākāradvayaparikalpanāyāmanavasthādidoṣā

<lb>nuṣaṃgo bādhakaṃ iti mataṃ tadapi na suṃdarataraṃ tathāpratītisiddhatvāt | jātyaṃtaratvādākāravatorbhedābhedaṃ pratyane-

<lb>kāṃtāt | karmakaraṇākārayorjñānāṃt kathaṃcidabhedaḥ kathaṃcidbhedaḥ iti naikāṃtena bhedābhedapakṣopakṣiptado-

<lb>ṣopanipātaḥ syādvādināṃ saṃlakṣyate | naca kathaṃcidityaṃdhapadamātraṃ jñānātmanā tadabhedasya kathaṃcidabhedaśabde-

<lb>nābhidhānāt | karmakaraṇātmanā ca bheda iti kathaṃcidbhedadhvaninā darśitatvāt | tathā ca jñānātmanā tada-

<lb>bheda iti jñānabhedābhedastato bhinnasya jñānātmano'pratīteḥ | karmakaraṇākāratayā ca bheda iti karmakaraṇā-

<lb>kārāveva bhedasya dravyavyatiriktasyākārasyāpratīyamānatvāt iti | yenātmanā jñānāt karmakaraṇākārayorabhedo

<lb>yena ca bhedastau jñānātkimabhinnau bhinnau vā iti na paryanuyogasyāvakāśo'sti yayā'navasthā mahīyasī saṃpra-

<lb>sajyeta | naca bhinnābhyāmeva karmakaraṇābhyāṃ bhavitavyamiti niyamo'sti karaṇasya bhinnakartṛkasyāpi darśanāt

<lb>bhinnakartṛkaraṇavat | yathaiva hi devadattaḥ paraśunā chinatti kāṣṭamityatra devadattātkarturbhinnaṃ paraśulakṣaṇaṃ karaṇa-

<lb>mupalabhyate | tathāgnirdahati dahanātmanetyatrāgneḥ karturdahanātmalakṣaṇaṃ karaṇamabhinnamupalabhyata evaṃ dahanātmā-

<lb>pyuṣṇalakṣaṇaḥ sa cāgnerguṇino bhinna eveti na maṃtavyaṃ sarvathā tayorvirodhe guṇaguṇībhāvavirodhāt sahyaviṃ-

<lb>dhyavat | guṇini guṇasya samavāyāt tayostadbhāva ityapi na satyaṃ samavāyasya kathaṃcidaviśvagbhāvāt anyatya

<lb>vicārāsahatvāt | samityekībhāvenāvāyanamavagamanaṃ hi samavāyaḥ tacca samavāyanaṃ karmasthaṃ samaveyamānatvaṃ

<lb>samavāyitādātmyaṃ pratīyate, kartṛsthaṃ punaḥ samavāyanaṃ samavāyakatvaṃ pramātustādātmyena samavāyinorgrāhakatvaṃ

<lb>na cānyā gatirasti kriyāyāḥ kartṛkarmasthatayaiva pratipādanāt tatra––

<lb><s>karmasthā kriyā karmaṇo'nanyā kartṛsthā karturananyā

<lb><p>iti vacanāt | tato nābhinnakartṛkaṃ karaṇamaprasiddhaṃ | nāpi karma tasyāpi bhinnakartṛkasyevābhinnakartṛ-

<lb>kasyāpi pratīteḥ | yathaiva hi kaṭaṃ karotītyatra karturbhinna karmānumanyate | tathā pradīpaḥ prakāśayatyātmānami-

<pb n="60">

<lb>tyatra karturabhinnaṃ karma saṃpratīyata eva | na hi pradīpātmā pradīpādbhinna eva pradīpasyāpradīpatvaprasaṃgāt ghaṭavat |

<lb>pradīpe pradīpātmanobhinnasyāpi samavāyāt pradīpatvasiddhiriticet, na apradīpe'pi ghaṭādau tatsamavāyaprasaṃ-

<lb>gāt | pratyāsattiviśeṣātpradīpātmanaḥ pradīpa eva samavāyo nānyatreti cet ? sa pratyāsattiviśeṣo'tra ko'-

<lb>nyatra kathaṃcittādātmyāt ? tataḥ pradīpādabhinna eva pradīpātmā karmeti siddhamabhinnakartṛkaṃ karma | tathā ca

<lb>jñānātmātmānamātmanā jānātīti na svātmani jñaptilakṣaṇāyāḥ kriyāyā virodhaḥ siddhaḥ, yataḥ svavyavasāyā-

<lb>tmakaṃ jñānaṃ na syāt |

<lb><p>syānmataṃ––arthajñānaṃ jñānāṃtaravedyaṃ prameyatvāt ghaṭādivadityanumānaṃ svārthavyavasāyātmakatvapratīterbā-

<lb>dhakamiti tadapi phalguprāyaṃ maheśvarārthajñānena hetorvyabhicārāt | tasya jñānāṃtarāvedyatve'pi prameyatvāt |

<lb>yadi punarīśvarārthajñānamapi jñānāṃtarapratyakṣaṃ–asaṃvedyatvāt iti mitistadā tadapyarthajñānajñānamīśvarasya pratya-

<lb>kṣamapratyakṣaṃ vā ? yadi pratyakṣaṃ tadā svato jñānāṃtarādvā ? | svataścet prathamamapyarthajñānaṃ svataḥ pratyakṣamastu

<lb>kiṃ vijñānāṃtareṇa ? | yadi tu jñānāṃtarātpratyakṣaṃ tadapīṣyate tadā tadapi jñānāṃtaraṃ kimīśvarasya pratyakṣamapratyakṣaṃ

<lb>veti sa eva paryanuyogo 'navasthānaṃ ca duḥśakyaṃ parihartuṃ | yadi punarapratyakṣameveśvarārthajñānajñānaṃ tadeśvarasya

<lb>sarvajñatvavirodhaḥ svajñānasyāpratyakṣatvāt | tadapratyakṣatve ca prathamārthajñānamapi na tena pratyakṣaṃ svayamapratyakṣeṇa

<lb>jñānāṃtareṇa tasyārthajñānasya sākṣātkaraṇavirodhāt | kathamanyathā ātmāṃtarajñānenāpi kasyacitsākṣātkaraṇaṃ

<lb>na syāt | tathā cānīśvarasyāpi sakalasya prāṇinaḥ svayamapratyakṣeṇāpīśvarajñānena sarvaviṣayeṇa sarvārthasākṣātka-

<lb>raṇaṃ saṃgaccheta tataḥ sarvasya sarvārthaveditvāsiddheḥ–īśvarānīśvaravibhāgābhāvo bhūyate | yadā cārthajñānamapi prathama

<lb>mīśvarasyāpratyakṣameva kakṣīkriyate tadā tenāpi svayamapratyakṣeṇa maheśvarasya sakalo'rthaḥ pratyakṣaṃ kathaṃ samarthyeta

<lb>tena sakalaprāṇigaṇasya sarvārthasākṣātkaraṇaprasaṃgasya tadavasthatvāt | tadanena vādinā maheśvarasyāpi kiṃcijjña-

<lb>tvaṃ sarvasya vā sarvajñatvamanujñātavyaṃ nyāyavalāyātatvāt | tathābhyanujñāne vā naiyāyikasya naiyāyikatva-

<lb>virodhaḥ kenāsya vāryeta | yadi punarīśvarasya jñānaṃ sakalārthavadātmānamapi sākṣātkurute nityaikarūpatvat,

<lb>kramabhāvyanekānityajñānopagame maheśvarasya sakṛtsarvārthasākṣātkaraṇavidhānāt sarvajñatvāvyavasthiteriti mataṃ

<lb>tadā kathamanenaivānaikāṃtiko heturna syāt | syānmatireṣā yuṣmākamasmadādijñānāpekṣayārthajñānasya jñānāṃtaravedyatvaṃ

<lb>prameyatvena hetunā sādhyate tato neśvarajñānena vyabhicāraḥ tasyāsmadādijñānādviśiṣṭatvāt | na hi viśiṣṭe dṛṣṭaṃ dharma-

<lb>maviśiṣṭe'pi ghaṭayan prekṣāvattāṃ labhate iti sāpi na parīkṣāsahā jñānāṃtarasyāpi prajñānena vedyatve'navasthā-

<lb>nuṣaṃgāt | tasya jñānāṃtareṇa vedyatve tenaiva hetorvyabhicāraḥ | na ca tadaprameyameva sarvasyeti vaktuṃ śakyaṃ

<lb>pratipattuḥ pramāṇavalāttadvyavasthānavirodhāt | sarvajñajñānenāpi tasyāprameyatve sarvajñasya sarvajñatāvyāghātāt |

<lb>tato'smadādijñānāpekṣayāpi na jñānaṃ jñānāṃtarapratyakṣaṃ prameyatvāddhetoḥ sādhayituṃ śakyaṃ, jñānasya svārthavyavasā-

<lb>yātmanaḥ pratyakṣasiddhatvācca | pratyakṣabadhitapakṣatayā hetoḥ kālātyayāpadiṣṭatvaprasaṃgācca | etenārthajñānena

<lb>jñānāṃtaravedye sādhye kālatrayatrilokavartipuruṣapariṣatsaṃprayuktasakalahetunikarasya kālātyayāpadiṣṭatvaṃ vyakhyātaṃ |

<lb>tadanena yaduktamekātmasamavetānaṃtaravijñānagrāhyamarthajñānamiti tatsamutsāritaṃ |

<lb><p>yo'pyāha na svārthavyavasāyātmakaṃ jñānaṃ parokṣatvāt arthasyaiva pratyakṣatvāt | apratyakṣā no buddhiḥ

<lb>pratyakṣo'rthaḥ | sa hi bahirdeśasaṃbaddhaḥ pratyakṣamanubhūyate | jñāte tvarthe anumānādavagacchati buddhiriti sāvarabhāṣye

<lb>śravaṇāt | tathā jñānasyārthavat pratyakṣatve karmatvaprasaṃgāt jñānāṃtarasya karaṇasyāvaśyaṃ parikalpanīyatvāt |

<lb>tasya cāpratyakṣatve prathame ko'paritoṣaḥ ? | pratyakṣatve tasyāpi pūrvavatkarmatāpatteḥ karaṇātmano'nyavijñānasya

<lb>parikalpanāyāmanavasthāyā durnivāratvāt | tathaikasya jñānasya karmakaraṇadvayākārapratītivirodhācca na jñānaṃ

<lb>pratyakṣaṃ parīkṣakairanumaṃtavyamiti so'pi na yathārthamīmāṃsakatāmanusartumutsahate jñānasyāpratyakṣatve sarvārthasya

<lb>pratyakṣatvavirodhāt | saṃtānāṃtarajñānenāpi sarvasyārthasya pratyakṣatvaprasaṃgāt | tathā ca na kasyacitkadācidartha-

<lb>pratyakṣaḥ syāt |

<pb n="61">

<lb><p>syādākūtaṃ bhavatāṃ yasyātmano'rthe paricchittiḥ pradurbhavati tasya jñānena so'rthaḥ pratīyate na sarvasya

<lb>jñānena sarvo'rtha pratyakṣaḥ sarvasya pramātuḥ sarvatrārthe paricchitterasaṃbhavāt iti tadapi svagṛhamānyaṃ mīmāṃsa-

<lb>kānāṃ kvacidarthaparicchitteḥ pratyakṣatvāpratyakṣatvavikalpānatikramāt | sā hi na tāvatpratyakṣā jñānadharmakatvāt |

<lb>karmatvenāpratītiśca karaṇajñānavat | tasyāḥ karmatvenāpratītāvapi kriyātvena pratīteḥ | pratyakṣatve karaṇa

<lb>jñānasya karmatvenāpratīyamānasyāpi karaṇatvena pratīyamānatvāt | pratyakṣatvamastu karaṇatvena pratīyamānaṃ karaṇa-

<lb>jñānaṃ karaṇameva syāt | na pratyakṣaṃ karmalakṣaṇamiti cet tarhi padārthaparicchittirapi kriyātvena pratibhāsamānā

<lb>kriyeva syāt na pratyakṣā karmatvābhādāditi pratipattavyaṃ | yadi punararthadharmatvādarthaparicchitteḥ pratyakṣateṣyate

<lb>tadā sārthaprākaṭyamucyate | na caitadarthagrahaṇavijñānasya prākaṭyābhāve ghaṭāmaṭati atiprasaṃgāt | na hyaprakaṭe

<lb>'rthajñāne saṃtānāṃtaravartinikarasya cidarthasya prākaṭyaṃ ghaṭate pramāturātmanaḥ svayaṃ prakāśamānasya pratyakṣasyārtha

<lb>paricchedakasya prākāṭyādarthe prākaṭyaṃ paricchittilakṣaṇaṃ saṃlakṣyate | paricchitteḥ paricchedakasvarūpāyāḥ kartṛstha-

<lb>yāḥ kriyāyā kartṛdharmatvādupacārādarthadharmatvavacanāt paricchidyamānatārūpāyāḥ paricchitteḥ karmasthāyāḥ

<lb>kriyāyā eva paramārthato'rthadharmatvasiddheḥ | karaṇajñānadharmatānucchitterneṣyate eva cakṣuṣā rūpaṃ paśyati

<lb>devadatta ityatra cakṣuṣaḥ prākaṭyābhāve'pi arthaprākaṭyaṃ sughaṭameva loke'tīṃdriyasyāpi karaṇatvasiddheḥ iti

<lb>kecit samabhyamaṃsata mīmāṃsakāḥ te'pyaṃdhasarpavilapraveśanyāyena syādvādimatamevānupraviśaṃti, syādvādibhirapi

<lb>svārthaparicchedakasya pratyakṣasyātmanaḥ kartṛsādhanajñānaśabdenābhidhānāt | svārthajñānapariṇatasyātmana eva

<lb>svataṃtrasya jñānatvopapatteḥ, sa hi jānātīti jñānamiti vyapadiśyate | taddharmastu paricchittiḥ phalajñānaṃ kathaṃci-

<lb>tpramāṇādbhinnamabhidhīyate | yattu parokṣamatīṃdriyatayā karaṇajñānaṃ parairuktaṃ tadapi syādvādibhirbhāveṃdriyatayā

<lb>karaṇamupapayogalakṣaṇaṃ procyate "labdhyupayogau bhāveṃdriyaṃ" iti vacanāt | tatrārthagrahaṇaśaktirlabdhiḥ |

<lb>arthagrahaṇavyāpāra upayogaḥ iti vyākhyānāt kevalaṃ tasya kathaṃcidātmanoṃ'narthāṃtarabhāvādātmatayā pratyakṣa-

<lb>tvopapatteḥ apratyakṣataikāṃto nirasyate iti prātītikaṃ parīkṣakairanumaṃtāvyaṃ | ye tu manyaṃte nātmā pratyakṣaḥ karma-

<lb>tvenāpratīyamānatvāt karaṇajñānavaditi teṣāṃ phalajñānahetorvyabhicāraḥ karmatvenāpratīyamānasyāpi phalajñānasya

<lb>prābhākaraiḥ pratyakṣatvavacanāt | tasya kriyātvena pratibhāsamānāt pratyakṣatve pramāturapyātmanaḥ kartṛtvena prati

<lb>bhāsamānatvāt pratyakṣatvamastu | tacca phalajñānaṃ–ātmano'rthāṃtarabhūtamanarthāṃtarabhūtamubhayaṃ vā ? na tāvatsa

<lb>varthārthāṃtarabhūtamanarthāṃtarabhūtaṃ vā matāṃtarapraveśānuṣaṃgāt | nāpyubhayaṃ pakṣadvayanigaditadūṣaṇānuṣakte | kathaṃ-

<lb>cidanarthāṃtaratve tu phalajñānādātmanaḥ kathaṃcipratyakṣatvamanivāryaṃ pratyakṣādabhinnasya kathaṃcidapratyakṣatvaikāṃtaviro-

<lb>dhāt | etenāpratyakṣa evātmeti prabhākaramatamapāstaṃ | yasya tu karaṇajñānavatphalajñānamapi parokṣaṃ puruṣaḥ pratyakṣa

<lb>iti mataṃ tasyāpi puruṣātpratyakṣāt kathaṃcidabhinnasya phalajñānasya karaṇajñānasya ca pratyakṣatāpattiḥ kathaṃcitka-

<lb>thamapakriyate ? tato na bhaṭṭamatamapi vicāraṇāṃ prāṃcati iti svavyāvasāyātmakaṃ samyagjñānaṃ, arthaparicchittini-

<lb>mittatvāt ātmavaditi vyavatiṣṭate | netrālokādibhirvyabhicāraḥ sādhanasyeti na maṃtavyaṃ teṣāmupacārato'rtha

<lb>paricchittinimittatvavacanāt, paramārthataḥ pramātuḥ pramāṇasya ca tannimittatvaghaṭanāt |

<lb><p>atrāparaḥ kapilamatānusārī prāha–na samyagjñānaṃ svavyavasāyātmakaṃ, acetanatvāt ghaṭādivanat na tacceta

<lb>namanityatvāt | tadvadanityaṃ cotpattinimittatvāt vidyudādivat | yattu svasaṃvedyaṃ taccetanaṃ nityamanutpattidharmakaṃ

<lb>ca siddhaṃ yathā puruṣatattvamiti so'pi na nyāyavedī vyabhicārisādhanābhidhānāt | utpattimattvaṃ hi tāvada-

<lb>nityatāṃ vyabhicarati nirvāṇasyānaṃtasyāpyutpattimattvāt | tathaivānityatvamacetanatvaṃ vyabhicarati puruṣabhogasya

<lb>kādācitkatvasya buddhyadhyavasitārthāpekṣasya cetanatve'pyanityatvasamarthanāt | acetanatvaṃ tu samyagjñānasyāśuddhameva

<lb>tasmādacetanādvivekakhyātivirodhāt | cetanasaṃsargāccetanaṃ jñānamityapi vārtaṃ śārīrāderapi cetanatvasaṃgāt |

<lb>jñānasya cetanasaṃsargo viśiṣṭa iti cet sa ko'nyaḥ kathaṃcittādātmyāt | tataścetanātmakameva jñānamanumaṃtavya-

<lb>mityacetanamasiddhaṃ |

<pb n="62">

<lb><p>yadapyabhyadhāyi sāṃkhyaiḥ–jñānamacetaṃ pradhānapariṇāmatvāt mahābhūtavaditi tadapi na śreyaḥ pakṣasya svasaṃ-

<lb>vedanapratyakṣabādhitatvāt | prativādinaḥ kālātyayāpadiṣṭatvācca sādhanasya | tathānumānabādhitaḥ pakṣaḥ

<lb>paraṃ prati cetanaṃ jñānaṃ svasaṃvedyatvāt puruṣavat | yattu na cetanaṃ na tatsvasaṃvedyaṃ yathā kalaśādīti vyati-

<lb>rekaniścayāt nedamanumānamagamakaṃ | jñānasya svasaṃvedyatvamasiddhaṃ ? iti cenna tasyāsvasaṃvedyatve arthasaṃvedanavi-

<lb>rodhādityuktaprāyaṃ | etena na svasaṃvedyaṃ vijñānaṃ kāyākārapariṇatabhūtapariṇāmatvāt pittādivaditi vadaṃścā-

<lb>rvākaḥ pratikṣiptaḥ | na cedaṃ sādhanaṃ siddhaṃ bhūtaviśeṣapariṇāmatvāsiddheḥ saṃvedanasya bāhyeṃdriyapratyakṣatvaprasaṃgāt

<lb>gaṃdhādivat | sūkṣmabhūtaviśeṣapariṇāmatvāt na bāhyeṃdripapratyakṣaṃ jñānamiti cet sa tarhi sūkṣmaviśeṣaḥ

<lb>sparśādibhiḥ parivarjitaḥ svayamasparśādimān saṃvedanopādānahetuḥ sarvadā bāhyeṃdriyāviṣayaḥ kathamātmaiva nāmāṃ-

<lb>tareṇa nigadito na bhavet | tasya tato'nyatve bhūtacatuṣṭayavilakṣaṇatvāt tattvāṃtarāpattiradṛṣṭaparikalpanā ca

<lb>prasajyeta tathātmanaḥ pramāṇasiddhatvāt tatpariṇāmasyaiva jñānasya ghaṭanāt | tata idaṃ vyavatiṣṭate svavyavasā-

<lb>yātmakaṃ samyagjñānaṃ cetanātmapariṇāmatve satyarthaparicchedakatvāt yattu na svavyavasāyātmakaṃ na tattathā yathā

<lb>ghaṭaḥ tathā ca samyagjñānaṃ tasmātsvavyavasāyātmakaṃ iti samyagjñānalakṣaṇaṃ pramāṇasiddhaṃ |

<lb><p>nanu pramāṇatattvasya prameyatattvavadupaplutatvāt na tattvataḥ kiṃcitpramāṇaṃ saṃbhavati iti kasya lakṣaṇamabhi-

<lb>dhīyate lakṣyānuvādapūrvakatvāllakṣaṇābhidhānasya | prasiddhaṃ lakṣyamanūdya lakṣaṇaṃ vidhīyata iti lakṣyalakṣaṇabhāvavādi-

<lb>bhirabhyupagamāt iti kecidamaṃsata teṣāṃ tattvopaplavamātramiṣṭaṃ sādhayituṃ tadā sādhanamabhyupagaṃtavyaṃ | tacca pramā-

<lb>ṇameva bhavati tathā cedamabhidhīyate–tattvopaplavavādino'pyasti pramāṇaṃ, iṣṭasādhanānyathānupapatteḥ | pramāṇā-

<lb>bhāve'pīṣṭasiddhau sarvaṃ sarvasya yatheṣṭaṃ siddhyet ityanupaplutatattvasiddhirapi kiṃ na syāt sarvathā viśeṣābhāvāt |

<lb><p>syādākūtaṃ na sveṣṭaṃ vidhiprādhānyena sādhyate yena tattvopaplavaṃ sādhayataḥ pramāṇasiddhiḥ prasajyeta | kiṃ

<lb>tarhi ? parābhyupagatapramāṇāditattvanirākaraṇasāmarthyāt parīkṣakajanayatastattvopaplavamanusarati gatyaṃtarābhāvāt |

<lb>tathāhi––pramāṇatvaṃ kasya citkimaduṣṭakāraṇajanyatvena bādhārahitatvena vā pravṛttisāmarthyena vā arthakriyā-

<lb>prāptinimittatvena vā vyavatiṣṭate ? na tāvadaduṣṭajanyatvena tasya pratyakṣato gṛhītumaśakteḥ karaṇakuśalāderapi

<lb>pramāṇakāraṇatvāt | tasya cātīṃdriyatvopagamāt | na cānumānamaduṣṭaṃ kāraṇamunnetuṃ samarthaṃ tadavinābhāviliṃ-

<lb>gābhāvāt | satyajñānaṃ liṃgamiti cet na parasparāśrayaṇāt | sati jñānasya satyatve tatkāraṇasyāduṣṭatva-

<lb>niścayāt | tasminsati jñānasya satyatvasiddheḥ | yadi punarbādhārahitatvena saṃvedanasya prāmāṇyaṃ sādhyate

<lb>tadā kiṃ kadācitkvacidbādhakānutpattyā tatsiddhirāhosvit sarvatra sarvadā sarvasya pratipatturbādhakānutpa-

<lb>tteriti pakṣadvayamavatarati | prathamapakṣe marīcikācakre salilasaṃvedanamapi pramāṇamasajyate dūrasthitasya ta-

<lb>tsaṃvedanakāle kasya citpratipatturbādhakānutpatteḥ | dvitīyapakṣe tu sakaladeśakālapuruṣāṇāṃ bodhakānutpattiḥ–

<lb>kathamasarvavido'vaboddhuṃ śakyeta tattatpratipattuḥ sarvaveditvaprasaṃgāt | yadi punaḥ pravṛttisāmarthyena jñānasya

<lb>prāmāṇyamunnīyate tadā pramāṇenārthamupalabdhavatastadarthe pravṛttiryadīṣyate taddeśopasarpaṇalakṣaṇā tasyāḥ

<lb>sāmarthyaṃ ca phalenābhisaṃbaṃdhaḥ sajātīyajñānotpattirvā tadetarāśrayadoṣo duruttaraḥ syāt | sati saṃvedanapramā-

<lb>ṇatvaniścaye tenārthapratipattau pravṛtteḥ | tatsāmarthyasya ca ghaṭanāt pravṛttisāmarthyasya niścaye ca tenārthasaṃve-

<lb>danasya pramāṇatvanirṇīteḥ prakārāṃtarāsaṃbhavāt | athārthakriyānimittatvena saṃvedanaṃ pramāṇatāmāskaṃdati tadā

<lb>kutastasya tanniścayaḥ syāt ? | pratipatturarthakriyājñānāditi cet kutastasya pramāṇatvasiddhiḥ ? | paramārtha-

<lb>kriyājñānāṃtarāccet kathamanavasthā na bhavet | athādyasaṃvedanādevārthakriyājñānasya māṇyaṃ manyate tadā

<lb>parasparāśrayadoṣaḥ | satyarthakriyājñānasya pramāṇatvaniścaye tadbalādādyasaṃvedanasyārthakriyāprāptinimittatvena

<lb>prāmāṇyaniścayastatprāmāṇyaniścayācca arthakriyāsaṃvedanasya pramāṇatāsiddhiḥ kāraṇāṃtarābhāvāt | tato na

<lb>pramāṇatvaṃ vicāryamāṇaṃ vā vyavatiṣṭhate tadavasthānābhāve ca na prameyatvasiddhiḥ iti tadetatsakalaṃ pralāpamātraṃ

<lb>parābhimatapramāṇatattvanirākaraṇasya svayamiṣṭasya pramāṇamaṃtareṇa siddhyayogāt tasya svayamiṣṭatve sādhanānupapatte

<lb>paraparyanuyogamātrasya karaṇādadoṣo'yaṃ |

<pb n="63">

<lb><s>paraparyanuyogaparāṇi hi bṛhaspateḥ sūtrāṇi

<lb><p>iti vacanāt sarvatra svātaṃtryābhāvādityetadapi yatkiṃcana bhāṣaṇameva | kimaduṣṭakāraṇajanyatvena prā-

<lb>māṇyaṃ sādhyate bādhārahitatvenevetyādi pakṣāṇāṃ kvacinnirṇayābhāve saṃdehābhāvāt paraparyanuyogāyogāt |

<lb>syādākūtaṃ parābhyupagamāt tanniścayasiddheḥ saṃśayotpatteryuktaḥ praśnaḥ, tathāhi–mīmāṃsakābhyupagamāt

<lb>tāvadaduṣṭakāraṇajanyatvaṃ bādhāvarjitatvaṃ ca nirṇītaṃ niścitatvāpūrvārthatvalokasammatatvavat | taduktaṃ––

<lb><s>tatrāpūrvārthavijñānaṃ niścitaṃ bādhavavarjitaṃ |

<lb><s>aduṣṭakāraṇārabdhaṃ pramāṇaṃ lokasammataṃ || 1 || iti

<lb><p>tathā pravṛttisāmarthyamapi naiyāyikābhyupagamānnirṇītaṃ–

<lb><s>pramāṇato'rthapratipattau pravṛttisāmarthyādarthavatpramāṇaṃ

<lb><p>iti vacanāt | tathārthakriyāprāptinimittatvamavisaṃvāditvalakṣaṇaṃ saugatābhyupagamānnirṇītameva pramāṇa-

<lb>mavisaṃvādijñānaṃ arthakriyāsthitiḥ avisaṃvādanaṃ śabdo'pyabhiprāyanivedanāditi vacanāt | tadidānīṃ cārvāka-

<lb>matānusāreṇa saṃdihya paryanuyujyamānaṃ na kiṃcidupālaṃbhamarhati iti tadetadapi na vyavasthāṃ pratipadyate parābhyu-

<lb>pagamasya pramāṇāpramāṇapūrvakatve saṃśayāpravṛtteḥ tathāhi yadi pareṣāmabhyupagamaḥ pramāṇapūrvakaḥ tadā kathaṃ saṃdehaḥ ?

<lb>pramāṇapūrvakasya nirṇītatvāt | nirṇīteḥ saṃśayavirodhāt | athāpramāṇapūrvakaḥ tathāpi na saṃdehaḥ pravartate tasya

<lb>kvacitkadācitkathaṃcit nirṇayapūrvakatvāt | tannirṇayasyāpi pramāṇapūrvakatvāt | pramāṇābhāve pramāṇyaniścayāt

<lb>tanniścayanibaṃdhanasya ca pramāṇāṃtarasyābhyastaviṣayatve sarvathā tadanupapatterityalaṃ prasaṃgena sarvasyeṣṭasya saṃsiddheḥ

<lb>pramāṇaprasiddherabādhanāt anyathātiprasaṃgasamarthanāditi | etena sarvathā śūnyaṃ saṃvidadvaitaṃ puruṣadvaitaṃ śabdādvaitaṃ

<lb>vā samāśritya pramāṇaprameyabhāgaṃ nirākurvāṇāḥ pratyākhyātāḥ svayamāśritasya sarvathā śūnyasya saṃvidadvaitādervā

<lb>kathaṃcidiṣṭatve pramāṇasaṃsiddhervyavasthāpanāt | tasyāpyaniṣṭatve tadvāditvavirodhāt | pralāpamātrānusaraṇāpatteḥ

<lb>parīkṣakatvavyāghātāt iti | tadevaṃ pramāṇatattvanirṇītau prameyatattvasiddhirnirbādhā vyavatiṣṭhata eva |

<lb><p>nanu caiva pramāṇasiddhamapi kiṃ svataḥ pramāṇyamātmasātkurvīti parato vā ? na tāvatsvataḥ sarvatra sarvadā

<lb>sarvasya tadvipratipattyabhāvaprasaṃgāt | nāpi parataḥ–anavasthānuṣagāt parāparapramāṇānveṣaṇāt kvacidavasthiterayo-

<lb>gāt | prathamapramāṇāddvitīyasya prāmāṇyasādhane dvitīyācca prathamasya parasparāśrayāṇāpatteḥ prakārāṃtarābhāvāditi

<lb>kecitte'pyasamīkṣitavacasaḥ saṃlakṣyaṃte svayamabhyastaviṣaye pramāṇasya svataḥ prāmāṇyasiddheḥ sakalavipratipattī-

<lb>nāmapi pratipatturabhāvāt anyathā tasya prameye nissaṃśayaṃ pravṛttyayogāt | tathānabhyastaviṣaye parataḥ pramāṇasya

<lb>prāmāṇyaniścayāt tanniścayanimittasya ca pramāṇāṃtarasyābhyastaviṣayatve svataḥ pramāṇatvasiddheḥ anavasthāpa-

<lb>rasparāśrayaṇayoranavakāśāt | tasyāpyanabhyastaviṣayatve parataḥ pramāṇādabhyastaviṣayāt svataḥsiddhaprāmāṇyāt

<lb>pramāṇatvaniścayāt sūdaramapi gatvā kasyacidabhyastaviṣayasya pramāṇasyāvaśyaṃbhāvitvāt anyathā pramāṇatadā-

<lb>bhāsavyavasthānupapatteḥ tadabhāvavyavasthānupapattivat | kutaḥ punaḥ pratipattuḥ kvacidviṣaye'bhyāsaḥ kvacidana-

<lb>bhyāsaḥ syāt ? iti cet tatpratibaṃdhakadaśāviśeṣavigamābhyāṃ kvacidabhyāsānabhyāsau syātāṃ iti brūmahe

<lb>paridṛṣṭakāraṇavyabhicārādadṛṣṭasya kāraṇasya siddheḥ tannaḥ karma jñānāvaraṇavīryāṃtarāyākhyaṃ siddhaṃ tasya kṣayopaśamā-

<lb>tkasya cit kvacidabhyāsajñānaṃ tatkṣayopaśamābhāve vā 'nabhyāsajñānamiti suvyavasthitaṃ pramāṇasya pramāṇyaṃ

<lb>suniścitāsaṃbhavadbādhakapramāṇatvāt svayamiṣṭavastuvat sarvatreṣṭasiddhestanmātranibaṃdhanatvādanyathā sarvasya tattva-

<lb>parīkṣāyāmanadhikārāditi sthitametat––

<lb><s>prāmāṇādiṣṭasaṃsiddhiranyathātiprasaṃgataḥ |

<lb><s>prāmāṇyaṃ tu svataḥsiddhamabhyāsātparato'nyathā || 1 || iti

<lb><p>evaṃ pramāṇalakṣaṇaṃ vyavasāyātmakaṃ samyagjñānaṃ parīkṣitaṃ tatpratyakṣaṃ parīkṣaṃ veti saṃkṣepādū dvitayameva vyavatiṣṭhate

<pb n="64">

<lb>sakalapramāṇānāmatraivāṃtarbhāvāditi vibhāvanāt | paraparikalpitaikadvitryādipramāṇasaṃkhāniyame tadaghaṭanāt |

<lb>tathāhi–yeṣāṃ pratyakṣamekameva pramāṇaṃ na teṣāmanumānādipramāṇāṃtarasyāṃtarbhāvaḥ saṃbhavati tadvilakṣaṇatvāt |

<lb>pratyakṣapūrvakatvādanumānādeḥ pratyakṣabhāvaḥ ityayuktaṃ pratyakṣasyāpi kvacidanumānapūrvakatvādanumānādiśvaṃtarbhāvaprasaṃ-

<lb>gāt | yathaiva hi dharmihetudṛṣṭāṃtapratyakṣapūrvakamanumānaṃ śrotrapratyayapūrvakaṃ ca śābdaṃ | sādṛśyānanyathābhāvaniṣedhyādhāra-

<lb>vastugrāhi pratyakṣapūrvakāṇi copamānārthāpattyabhāvapramāṇāni tathā–anumānena kṛśānuṃ niścitya tatra pravarta-

<lb>mānasya pratyakṣamanumānapūrvakaṃ rūpādrasaṃ saṃpratipadya rase rāsanasamakṣavat | śabdācca mṛṣṭaṃ pānakamavagamya tatra pravṛttau

<lb>pratyakṣaṃ śābdapūrvakaṃ | kṣīrasya saṃtarpaṇaśaktimarthāpattyādhigamya kṣīre pravṛttasya tadātmake pratyakṣamarthāpattipūrvakaṃ |

<lb>gosādṛśyādgavayamavasāya taṃ vyavaharataḥ pratyakṣanumānapūrvakaṃ | gṛhe sarpābhāvamabhāvapramāṇādvibhāvya praviśataḥ

<lb>pratyakṣamabhāvapūrvakaṃ pratīyate eva tataḥ pratyakṣameva gauṇatvādapramāṇaṃ na punaranumānādikaṃ tasyāgauṇatvāditi

<lb>śuṣke patiṣyāmi iti jātaḥ pātaḥ kardame |

<lb><p>syādākūtaṃ na pratyakṣaṃ–anumānāgamārthāpattyupamānābhāvasāmagrīpūrvaṃkvaṃ tadabhāve'pi cakṣurādisāmagrīmātrā-

<lb>ttasya prasūteḥ prasiddhatvāt | tadabhāva eva abhāvaniyamāditi tadapyasat laiṃgikādīnāmapi pratyakṣapūrvakatvābhā-

<lb>vāt | liṃgaśabdānanyathābhāvasādṛśyapratiyogismaraṇādisāmagrīsadbhāva eva bhāvāt | satyapi pratyakṣe svasāmi-

<lb>gryabhāve'numānādīnāmabhāvāt | tataḥ kiṃ bahunoktena pratiniyatasāmagrīprabhavatayā pramāṇabhedamabhimanyamāne

<lb>pratyakṣavadanumānādīnāmapi agauṇatvamanumaṃtavyaṃ pratiniyatasvaviṣayavyavasthāyāṃ parāpekṣāvirahāt | yathaiva hi

<lb>pratyakṣaṃ sākṣātsvārthaṃ paricchittau nānumānādyapekṣaṃ tathānumānamanumeyanirṇītau na pratyakṣāpekṣamutprekṣate pratyakṣasya

<lb>dharmihetudṛṣṭāṃtagrahaṇamātre paryavasitatvāt | nāpi śābdaṃ śabdapratipādye'rthe pratyakṣamanumānaṃ copekṣate tayoḥ śabda-

<lb>śravaṇamātre śabdārthasaṃbaṃdhānumātre vyāpārāt | natvarthāpattiḥ pratyakṣamanumānamāgamaṃ cāpekṣate abhāvopamānavat |

<lb>tasyāśca pratyakṣādipramāṇapramitārthāvinābhāvinyadṛṣṭe'rthe nirṇayanibaṃdhanatvāt | pratyakṣādīnāmarthāpattyutthāpaka

<lb>padārthaniścayamātre vyāvṛttatvāt | nacopamānaṃ pratyakṣādīnyapekṣate tasyopameye'rthe niścayakāraṇe pratyakṣādi

<lb>nirapekṣatvāt | pratyakṣādeḥ sādṛśyapratipattimātre 'nadhikārāt | nacābhāvapramāṇaṃ pratyakṣādisāpekṣaṃ niṣedhyā-

<lb>dhāravastugrahaṇe tasya sāmarthyāt | paraṃparayānumānādīnāṃ pratyakṣapūrvakatvaṃ pratyakṣasyāpyanumānādipūrvakatvaṃ duḥśakyaṃ

<lb>parihartuṃ | kathaṃ cāyaṃ pratyakṣaṃ pramāṇaṃ vyavasthāpayet svata eveti cet kimātmasabaṃdhi sarvasaṃbaṃdhi vā ?

<lb>prathamakalpanāyāṃ na sakaladeśakālapuruṣapariṣatpratyakṣaṃ pramāṇaṃ siddhyet | dvitīyakalpanāyāmapi na svapratyakṣā-

<lb>tsakalaparapratyakṣāṇāṃ prāmāṇyaṃ sādhayitumīśaḥ teṣāmanīṃdriyatvāt vādipratyakṣāgocaratvāt | yadi punaḥ saka-

<lb>lapuruṣapratyakṣāṇi svasmin svasmin viṣaye svataḥ prāmāṇyamanubhavaṃti iti mataṃ tadā kutastatsiddhiḥ ? |

<lb>vivādādhyāsitāni sakaladeśakālavartipuruṣapratyakṣāṇi svataḥ prāmāṇyamāpadyaṃte pratyakṣatvāt yadyatpratyakṣaṃ

<lb>tattatsvataḥ prāmāṇyamāpadyamānaṃ siddhaṃ yathā matpratyakṣaṃ pratyakṣāṇi ca vivādādhyāsitāni tasmātsvataḥ prāmā-

<lb>ṇyamāpadyaṃte sakalapratyakṣāṇāṃ svataḥprāmāṇyasādhane siddhamanumānaṃ pratyakṣatvena svabhāvahetunā pratyakṣasya svataḥ

<lb>prāmāṇyasādhanāt | śiṃśupātvena vanaspateḥ vṛkṣatvasādhanavat | pratipadyabuddhyā tathānumānavacanādadoṣa iti

<lb>cet ? pratipādyabuddhiṃ pratipadya apratipadya vā tayānumānaprayogaḥ syāt ? na tāvadapratipadya atiprasaṃgāt |

<lb>pratipadya tadbuddhitayānumānaprayoge kutastatprapittiḥ ? vyavahārādikāryaviśeṣāditi cet siddhaṃ kāryātkā-

<lb>raṇānumānaṃ dhūmātpāvakānumānavat | yadi punarlokavyavahārāt pratipadyata evānumānaṃ laukāyatikaiḥ paralokā-

<lb>devānumānasya nirākaraṇāt tasyābhāvāditi mataṃ tadāpi kutaḥ paralokādyabhāvapratipattiḥ na tāvatpratyakṣāt

<lb>tasya tadagocaratvāt nāsti paralokādiḥ anupalabdheḥ khapuṣpavaditi tadabhāvasādhane'nupalabadhilakṣaṇamanu-

<lb>mānamāyātaṃ | taduktaṃ dharmakīrtinā–– |

<lb><s>pramāṇetarasāmānyasthiteranyadhiyogateḥ |

<lb><s>pramāṇāṃtarasadbhāvaḥ pratiṣedhācca kasyacit || 1 || iti

<pb n="65">

<lb><p>tataḥ pratyakṣamanumānamiti dve eva pramāṇe prameyadvaividhyāt | na hyābhyāmarthaṃ parichidya pravartamāno'rtha

<lb>kriyāyāṃ visaṃvādyata iti pramāṇasaṃkhyāniyamaṃ saugatāḥ pratipadyaṃte teṣāmāgamopamānādīnāṃ pramāṇabhedānāma-

<lb>saṃgraha eva teṣāṃ pratyakṣānumānayoraṃtarbhāvayitumaśakteḥ |

<lb><p>syānmatireṣā bhavatāṃ tadarthasya dvaividhyāt dvayoraṃtarbhāvaḥ syāt | dvividho hyarthaḥ pratyakṣaḥ parokṣaśca | tatra

<lb>pratyakṣaviṣayaḥ sākṣātkriyamāṇaḥ pratyakṣaḥ | parokṣaḥ punarasākṣātparicchidyamāno'numeyatvādanumānaviṣayaḥ sa hi

<lb>padārthāṃtarātsākṣātkriyamāṇāt pratipadyate tacca padārthāṃtaraṃ tena parokṣeṇārthena sabaddhaṃ pratyāyayituṃ samarthaṃ nāsaṃ-

<lb>baddhaṃ gavāderapyaśvādeḥ pratītiprasaṃgāt | saṃbaddhaṃ cārthāṃtaraṃ liṃgameva śabdādi tajjanitaṃ ca jñānamanumānameva

<lb>tato na parokṣe'rthe'numānādanyatpramāṇamasti śabdopamānādīnāmapi tathānumānatvasiddheḥ | anyathā tato-

<lb>'rthapratipattau atiprasaṃgāt iti tadetadapi na parīkṣākṣamaṃ pratyakṣasyāpi tathānumānatvaprasaṃgāt | pratyakṣamapi

<lb>hi svaviṣaye saṃbaddhaṃ tatpratyāyanasamarthaṃ | tatrāsaṃbaddhasyāpi tatpratyāyanasāmarthye sarvapratyakṣaṃ sarvasya nuḥ sarvārtha-

<lb>pratyāyanasamarthaṃ syāditi kathamatiprasaṃgo na syāt ? | yadi punaḥ saṃbaṃdhādhīnatvāviśeṣe'pi pratyakṣaparokṣārtha

<lb>pratipatteḥ sākṣādasākṣātpratibhāsabhedāt bhedo'bhyupagamyate pramāṇāṃtaratvena tadeṃdriyasvasaṃvedanamānasayogi-

<lb>pratyakṣāṇāmapi pramāṇāṃtaratvānuṣaṃgaḥ pratibhāsabhedāviśeṣāt | na hi yādṛśaḥ pratibhāso yogipratyakṣasya

<lb>viśadatamastādṛśo'kṣajñānasyāsti svasaṃvedanasya manovijñānasya vā ? yathābhūtaśca svasaṃvedanapratyakṣāṃtarmukho vi-

<lb>śadataraḥ na tathābhūto'kṣajñānasya | yādṛśaścākṣajñānasya bahirmukhaḥ sphuṭaḥ pratibhāso na tādṛśo manovi-

<lb>jñānasyeti kathaṃ pramāṇāṃtaratā na bhavet ? atha pratibhāsaviśeṣe'pi taccaturvidhamapi pratyakṣameva na

<lb>pramāṇāṃtaraṃ tarhi pratyakṣānumānayoḥ pratibhāsabhedepi svaviṣayasaṃbaṃdhāviśeṣātva pramāṇāṃtaratvaṃ mābhūt | yadi

<lb>punaḥ svaviṣayasaṃbaddhatvāviśeṣe'pi pratyakṣānumānayoḥ sāmagrībhedāt pramāṇāṃtaratvamurarīkriyate tadā śābdo-

<lb>pamānādīnāmapi tata eva pramāṇāṃtaratvamurarīkriyatāṃ | yathaiva hi akṣādisāmagrītaḥ pratyakṣaṃ, liṃga-

<lb>sāmagrīto'numānaṃ prabhavatīti tayoḥ sāmigrībhedaḥ | tathāgamaḥ śabdasāmigrītaḥ prabhavati | upamānaṃ sā-

<lb>dṛśyasāmagrītaḥ | arthāpattiśca parokṣārthāvinābhūtārthamātrasāmagryāḥ | pratiṣedhyādhāravastugrahaṇapratiṣedhyasmara-

<lb>ṇasāmagryaścābhāva iti prasiddhaḥ śābdādīnāmapi sāmagrībhedaḥ | tata evākṣajñānādipratyakṣacatuṣṭayasya

<lb>prabhedaprasiddheḥ nahi tasyārthabhedo'sti sākṣātkriyamāṇasyārthasyāviśeṣāt tadvalliṃgaśabdādisāmagrībhedā-

<lb>tparokṣārthaviṣayatvāviśeṣepyanumānāgamādīnāṃ bhedaprasiddhiriti nānumāne'ṃtarbhāvaḥ saṃbhavati | tathā sādhya-

<lb>sādhanasaṃbaṃdhavyāptipratipattau na pratyakṣaṃ samarthaṃ | yāvān kaściddhūmaḥ sa sarvaḥ kālāṃtare deśāṃtare ca pāvaka-

<lb>janmā, anyajanmā vā na bhavati ityetāvato vyāpārān kartumasamarthatvāt | sannihitārthamātrādutpatteravicārakatvāt

<lb>yogipratyakṣaṃ tatra samarthamiti cet na deśakālayogipratyakṣadvayānatikramāt | deśayoginaḥ pratyakṣaṃ vyāpti-

<lb>pratipattau samarthamityayuktaṃ tatrānumanavaiyarthyāt | na hi yogipratyakṣeṇa sākṣātkṛteṣu sādhyasādhanaviśeṣeṣu

<lb>aśeṣeṣu phalavadanumānaṃ | atha sakalayogipratyakṣeṇa vyāptipratipattāvadoṣa iti cenna uktadoṣasyātrāpi tad-

<lb>vasthatvāt | parārthaphalavadanumānamiti cet ? na tasya svārthānumānapūrvakatvāt | svārthānumānābhāve ca yoginaḥ

<lb>kathaṃ parārthānumānaṃ nāma | yadi punaḥ sakalayoginaḥ parānugrahāya pravṛttatvāt parānugrahasya ca śabdātmaka-

<lb>parārthānumānamaṃtareṇa kartumaśakteḥ parārthānumānasiddhiḥ, tasyāśca svārthānumānāsaṃbhave'nutpadyamānatvāt

<lb>svārthānumānasiddhirapi parapratipādanapravṛttasya saṃbhāvyata eveti mataṃ tadā sa yogī svārthānumāne caturārya-

<lb>satyāni niścitya parārthānumānena paraṃ pratipādayan grahītavyāptikamagṛhītavyāptikaṃ vā pratipādayet ? yadi

<lb>gṛhītavyāptikaṃ tadā kutastena gṛhītā vyāptiḥ ? na tāvādiṃdriyasvasaṃvedanamanovijñānaisteṣāṃ tadaviṣaya-

<lb>tvāt | yogipratyakṣeṇa gṛhyate vyāptiḥ pareṇa tasyāpi deśayogitvāt iti cet tarhi yāvatasu sādhyasādhana-

<lb>bhedeṣu yogipratyakṣaṃ deśayoginastāvatsu vyarthamanumānaṃ spaṣṭaṃ pratibhāteśvapi anumāne sakalayoginaḥ sarvatrā-

<lb>numānaprasaṃgāt | samāropavyavacchedārthamapi na tatrānumānaṃ yogipratyakṣaviṣaye samāropānavakāśāt sugata-

<lb>pratyakṣaviṣayavat | tato na gṛhītavyāptikaṃ paraṃ sakalayogī pratipādayitumarhati | nāpyagṛhītavyāptikaṃ

<pb n="66">

<lb>atiprasaṃgāt iti parapratipādanānupapattiḥ | tasyāṃ ca na parārthānumānaṃ saṃbhavati tadasaṃbhave cā na svārthā-

<lb>numānamavatiṣṭhate sakalayoginastadavyavasthāne ca na sakalayogipratyakṣeṇa vyāptigrahaṇaṃ yuktimadhivasati |

<lb>pratyakṣānupalaṃbhābhyāṃ sādhyasādhanayorvyāptipratipattirityapyanenāpāstaṃ pratyakṣeṇa vyāptipratipattinirākṛtau

<lb>pratyakṣāṃtaralakṣaṇenānupalaṃbhena tatpratipattinirākṛtisiddheḥ |

<lb><p>yopyāha kāraṇānupalaṃbhāt kāryakāraṇabhāvavyāptiḥ | vyāpakānupalaṃbhād vyāpyavyāpakabhāvaḥ sāka-

<lb>lyena pratipadyata ityanumānasiddhā sādhyasādhanavyāptiḥ | tathāhi yāvān kaściddhūmaḥ sa sarvopyagnijanmā mahā-

<lb>hṛdādiṣvagneranupalaṃbhāddhūmābhāvasiddheriti kāraṇānupalaṃbhānumānaṃ | yāvaṃtī śiṃśapā sā sarvā vṛkṣasvabhāvā |

<lb>vṛkṣānupalabdhau śiṃśapātvābhāvasiddhe iti vyāpakānupalaṃbho liṃgaṃ, etāvatā sākalyena sādhyasādhanavyāpti-

<lb>siddhiḥ iti so'pi na yuktavādī tathānavasthānuṣaṃgāt | kāraṇānupalaṃbhavyāpakānupalaṃbhayorapi hi svasā-

<lb>dhyena vyāptirna pratyakṣataḥ siddhyet pūrvoditadoṣāsakteḥ | parasmādanumānāttatsiddhau kathamanavasthā na syāt ? pratya-

<lb>kṣānupalaṃbhapṛṣṭabhāvino vikalpāt svayamapramāṇakāt sādhyasadhānavyāptisiddhau kimakāraṇaṃ pratyakṣānumānapramā-

<lb>ṇapoṣaṇaṃ kriyate ? mithyājñānādeva pratyakṣānumeyārthasiddhervyāptisiddhivat | tasmādyathā pratyakṣaṃ pramāṇamicchatā

<lb>sāmastyena tatprāmāṇyasādhanamanumānamaṃtareṇa nopapadyate ityanumānamiṣṭaṃ | tathā sādhyasādhanavyāptijñātapramā-

<lb>ṇamaṃtareṇa nānumānotthānamasti iti tadapyanujñātavyaṃ taccohākhyamavisaṃvādakaṃ pramāṇāṃtaraṃ siddhamiti, na pratya-

<lb>kṣānumāne eva pramāṇe iti pramāṇasaṃkhyāniyamo vyavatiṣṭhate | etena vaiśeṣikapramāṇasaṃkhyāniyamo pratyākhyātaḥ |

<lb><p>syānmataṃ sādhyasādhanasāmānyayoḥ kvacidvyaktiviśeṣe pratyakṣata eva saṃbaṃdhasiddherna pramāṇāṃtaramanve-

<lb>ṣaṇīyaṃ yāvān kaściddhūmaḥ sa sarvo'pi agnijanmānagnijanmā vā na bhavati ityūhāpohavikalpajñānasya pramāṇāṃ

<lb>taratvaṃ saṃbaṃdhagrāhisamakṣapramāṇaphalatvāt | kvacidanumitānumāne sādhyasādhane ādityagamanaśaktirasti

<lb>gatimattvāt | ādityo gatimān deśāddeśāṃtaraprāpteḥ devadattavat saṃbaṃdhabodhanibaṃdhanānumānaṃ phalavat tataḥ

<lb>pratyakṣamanumānamiti pramāṇadvayasaṃkhyāniyamaḥ kaṇacaramatānusāriṇāṃ vyavatiṣṭhata eveti tadapyasāraṃ savi-

<lb>kalpakenāpi pratyakṣeṇa sākalyena sādhyasādhanasaṃbaṃdhagṛhītumaśakteḥ | sādhyaṃ hi kimagnisāmānyaṃ, agnivi-

<lb>śeṣognisāmānyaviśeṣo vā ? na tāvadagnisāmānyaṃ siddhasādhyatāpatteḥ | nāpyagniviśeṣastasyānanvayāt |

<lb>banhisāmānyaviśeṣasya hi sādhyatve tena dhūmasya saṃbaṃdhaḥ sakaledeśakālavyāpyadhyakṣataḥ kathaṃ siddhyet ?

<lb>tathā tatsaṃbaṃdhāsiddhau ca yatra yatra yadā yadā dhūmopalaṃbhaḥ tatra tatra tadā tadā'gnisāmānyaviśeṣaviṣayamanu-

<lb>mānaṃ nodayamāsādayet | na hyanyathā saṃbaṃdhagrahṇamanyathānumānotthānaṃ nāmātiprasaṃgāt tataḥ saṃbaṃdhajñānaṃ pramā-

<lb>ṇāṃtarameva pratyakṣānumānayostadaviṣayatvāt | yaccoktaṃ pratyakṣaphalatvādūhāpohavijñānasyāpramāṇatvamiti tadapya-

<lb>samyak viśeṣaṇajñānaphalatvādviśeṣyajñānasyāpramāṇatvānuṣaṃgāt hānopādānopekṣābuddhiphalakāraṇatvādviśeṣya-

<lb>jñānasya pramāṇatve tata evohāpohavijñānasya pramāṇatvamastu sarvathā viśeṣābhāvāt | pramāṇaviṣayatvapariśodhakatvā-

<lb>nnohaḥ pramāṇamityapi vārtaṃ pramāṇaviṣayasyāpramāṇena pariṣodhanavirodhāt | tathā tarkaḥ pramāṇaṃ pramāṇaviṣayapa-

<lb>riśodhakatvāt yastu na pramāṇaṃ sa na pramāṇaviṣayapariśodhako dṛṣṭo yathā prameyo'rthaḥ pramāṇaviṣayapariśodhakaśca

<lb>tarkastasmātpramāṇamiti kevalavyatirekiṇānumānenānyathānupapattiniyamaniścayalakṣaṇena tarkasya pramāṇatvasiddheḥ,

<lb>na vaiśeṣikāṇāṃ pramāṇadvayasaṃkhyāniyamaḥ siddhyet | etena dvitricatuḥpaṃcaṣaṭpramāṇavādināṃ pramāṇasaṃkhyā-

<lb>niyamaḥ pratidhvastaḥ saṃkhyānāṃ pratyakṣānumānābhyāmivāgamādapi sādhyasādhanasaṃbaṃdhāsiddheḥ tarkasya tatsiddhini-

<lb>baṃdhanasya pramāṇāṃtaratvopapatteḥ | naiyāyikānāṃ ca pratyakṣānumānāgamairivopamānenāpi liṃgaliṃgigrahaṇāsaṃbha-

<lb>vāt | prabhākarāṇāṃ ca pratyakṣānumānopamānāgamairiva arthāpattyāpi hetuhetumatsaṃbaṃdhasiddherasaṃbhavāt | bhaṭṭamatā-

<lb>nusāriṇāmapi pratyakṣānumānopamānāgamārthāpattibhiriva abhāvapramāṇenāpi vyāptiniścayānupapattestanniścayani-

<lb>baṃdhanasyohajñānasya pramāṇāṃtarasya siddhiravaśyaṃbhāvinī duḥśakyā nirākartuṃ |

<lb><p>nanūhaḥ svaviṣaye saṃbaddhe'saṃbaddho vā na tāvadasaṃbaddhastaṃ pratyāyayitumīśo'tiprasaṃgāt | saṃbaddhaścet kuta-

<lb>statpratipattiḥ | na tāvatpratyakṣāt tasya tadaviṣayatvāt | nāpyanumānādanavasthānuṣaṃgāt | yadi punarūhāṃtarātta-

<pb n="67">

<lb>tsaṃbaṃdhasiddhiḥ tadohāṃtarasyāpi svaviṣayasabaṃdhasidbhipūrvakatvāt tasyāścāparohanibaṃdhanatvāt saivānavasthā | pramā-

<lb>ṇāṃtarāttatsiddhau ca sa eva paryanuyogaḥ parāparapramāṇāṃtaraparikalpanānuṣaṃgāt kveyaṃ pramāṇasaṃkhyā vyavatiṣṭheteti

<lb>kecit teṣāmapi pratyakṣaṃ svaviṣayaṃ pratibodhayat tatsaṃbaṃdhaśca nānumānādeḥ siddhyati tasya tadaviṣayatvāt |

<lb>pratyakṣāṃtarāttatsiddhau tatrāpi prakṛtaparyanuyoṃgānivṛtteḥ kathamanavasthā na syāt yataḥ pratyakṣaṃ pramāṇamabhyupagama-

<lb>nīyamiti pratipadyāmahe |

<lb><p>syānmatireṣā pratyakṣaṃ svaviṣayasaṃbaṃdhāvabodhanibaṃdhanaṃ prāmāṇyamātmasātkurute tasya svaviṣaye svayogyatā-

<lb>balādeva pramāṇatvavyavasthiteḥ anyathā kvacidapūrvārthagrāhiṇaḥ pratyakṣasyāpramāṇatvānuṣaṃgāt iti sāpi na

<lb>sādhīyasī tathohasyāpi svayogyatāviśeṣasāmarthyādeva svaviṣayapratyāyanasiddherbhavadudbhāvitadūṣaṇavaiyarthyavyava-

<lb>sthānāt | yogyatāviśeṣaḥ punaḥ pratyakṣasyeva svaviṣayajñānāvaraṇavīryāṃtarāyakṣayopaśamaviśeṣa evohasyāpi prati-

<lb>padyate sakalabādhakavaidhuryāt | yathā ca pratyakṣasyotpattau mano'kṣādisāmigrī yogyatāyāḥ sahakāriṇī bahi-

<lb>raṃganimittatvāt tathohasyāpi samudbhūtau bhūyaḥ pratyakṣānupalaṃbhasāmigrībahiraṃganimitabhūtānumanyate tadanvaya-

<lb>vyatirekānuvidhāyitvādūhasyeti sarvaniravadyasiddhe cānumānapramāṇānyathānupapattyā tarkasya pramāṇatve–pratyabhi-

<lb>jñānaṃ pramāṇaṃ tarkapramāṇatvānyathānupapatteḥ na hyapratyabhijñāne viṣaye tarkaḥ pravartate atiprasaṃgāt | naca gṛhīta-

<lb>grahaṇātpratyabhijñānasyāpramāṇatvaṃ śakanīyaṃ tadviṣayasyāsmaryamāṇadṛśyamānaparyāyavyāpyekadravyasya smaraṇapratya-

<lb>kṣāgocaratvāt apūrvārthagrāhitvāsiddheḥ | nacedaṃ pratyakṣe'ṃtarbhavati pratyakṣasya vartamānaparyāyaviṣayatvāt |

<lb>nāpyanumāne liṃgānapekṣatvāt | na śābde śabdanirapekṣatvāt | nopamāne sādṛśyamaṃtareṇāpi bhāvāt | nārtha-

<lb>pattau pratyakṣādipramāṇaṣaṭkavijñātārthapratipattimaṃtareṇāpi prādurbhāvāt | nābhāve niṣedhyādhāravastugrahaṇena

<lb>niṣedhyasmaraṇena ca vinaivotpādāditi sarveṣāmekadvitricatuḥpaṃcaṣaṭpramāṇasaṃkhyāniyamaṃ vighaṭayati | etena

<lb>smṛtiḥ pramānāṃtaramuktaṃ tasyāśca pratyakṣādiṣvaṃtarbhāvayitumaśakteḥ | na cāsāvapramāṇameva saṃvādakatvāt kathaṃ-

<lb>cidapūrvārthagrāhitvāt bādhābarjitatvāccānumānavaditi | yeṣāṃ tu smaraṇamapramāṇaṃ teṣāṃ pūrvapratipannasya sā-

<lb>dhyasādhanasaṃbaṃdhasya vācyavācakasaṃbaṃdhasya ca smaraṇasāmarthyādavyavāsthiteḥ kuto'numānaṃ śābdaṃ vā pramāṇaṃ

<lb>siddhyet | tadaprasiddhau ca na saṃvādakatvāsaṃvādakatvābhyāṃ pratyakṣatadābhāsavyavasthitiriti sakalapramāṇa-

<lb>vilopāpattiḥ tataḥ pramāṇavyavasthāmabhyanujānatā smṛtirapi pramāṇayitavyā iti na pareṣāṃ saṃkhyā-

<lb>niyamaḥ siddhyet | syādvādināṃ tu saṃkṣepātpratyakṣaparokṣavikalpāt pramāṇadvayaṃ siddhatyeva tatra sakalapramāṇa-

<lb>bhedānāṃ saṃgrahāditi sūktaṃ |

<lb><p>kiṃ punaḥ pratyakṣamityucyate viśadajñānātmakaṃ pratyakṣaṃ pratyakṣatvāt yattu na viśadajñānātmakaṃ tanna

<lb>pratyakṣaṃ yathānumānādijñānaṃ pratyakṣaṃ ca vivādādhyāsitaṃ tasmādviśadajñānātmakaṃ | na tāvadatrāprasiddho dharmī

<lb>pratyakṣadharmiṇi kevalapratyakṣavādināmavipratipatteḥ | śūnyasaṃvedanādvaitavādināmapi svarūpapratibhāsanasya

<lb>pratyakṣasyābhīṣṭeḥ | pratyakṣatvasya hetorasiddhatāpi anena samutsāritā pratyakṣamicchadbhiḥ pratyakṣatvasya taddharmasya

<lb>svayamiṣṭatvāt | pratijñārthaikadeśāsiddhatvaṃ sādhanasya syāditi cet kā punaḥ pratijñā tadekadeśo vā yasyā-

<lb>siddhatvaṃ śaṃkyeta ? dharmadharmisasudāyaḥ pratijñā tadekadeśo dharmī heturyathā naśvaraḥ śabdo śabdatvāditi

<lb>tathā sādhyadharmaḥ pratijñaikadeśo yathā naśvaraḥ śabdo naśvaratvāt soyaṃ dvividho pratijñārthaikadeśāsiddhau hetuḥ

<lb>syāditi cet | na dharmiṇo hetutve kasya cidasiddhatānupapatteḥ | yathaiva hi pratyakṣaprayogakāle vādiprativādi

<lb>prasiddho dharmī tathā tasya hetutvavacane'pi nāsiddhiḥ | sādhyadharmastu hetutvenopādīyamāno na pratijñātārthaika-

<lb>deśatvenāsiddho dharmiṇo'pyasiddhiprasaṃgāt | kiṃ tarhi ? svarūpeṇa vāsiddha iti na pratijñārthaikadeśāsiddho

<lb>nāma hetvābhāsaḥ saṃbhavatīti kathaṃ prakṛtahetau pratijñārthaikadeśāsiddhatvaṃ samudbhāvayan bhāvitānumānasvabhāvaḥ ? |

<lb>dharmiṇo hetutve'nanvayaprasaṃga iti cet na viśeṣaṃ dharmiṇaṃ kṛtvā sāmānyaṃ hetuṃ bruvatāṃ doṣāsaṃbhavāt | pratyakṣaṃ-

<lb>hi viśeṣarūpaṃ dharmī pratyakṣasāmānyaṃ hetuḥ sa kathamananvayaḥ syāt sakalapratyakṣaviśeṣasya vyāpitvāt | dṛṣṭāṃte

<lb>kvacidabhāvāt ananvaya iti cet na sarve bhāvāḥ kṣaṇikāḥ sattvāt ityāderapi hetorananvayatvaprasakteḥ |

<pb n="68">

<lb>athāsya dṛṣṭāṃtena anvayasyāpi sādhyadharmiṇi sarvatrānvayasiddhervikṣe bādhakapramāṇasadbhāvācca nirdoṣatānu-

<lb>manyate tata eva pratyakṣatvasya hetornidoṣatāstu sarvathā viśeṣābhāvāt kevalavyatirekiṇo'pi hetoravinā-

<lb>bhāvanirṇayāt sādhyasādhanasāmarthyānna kaścidupālaṃbhastato niravadyo'yaṃ hetuḥ pratyakṣasya viśadajñānātmakatvaṃ

<lb>sādhayatyeva | nacaitadasaṃbhavi sādhyamātmānaṃ pratiniyatasya jñānasya pratyakṣaśabdavācyasyārthasākṣātkāriṇaḥ sarvasya

<lb>kārtsnyena ekadeśena vā vaiśadyasiddherbādhakābhāvāt | akṣṇoti vyāpnoti jānātītyakṣo hi––ātmānameva

<lb>kṣīṇāvaraṇaṃ kṣīṇopaśāṃtāvaraṇaṃ vā pratiniyatasya jñānasya pratyakṣaśabdavācyasya kathaṃcidapi vaiśadyaṃ sabhā-

<lb>vyamiti sūktaṃ viśadajñānātmakaṃ pratyakṣaṃ |

<lb><p>tattrividhaṃ––iṃdriyāniṃdriyātīṃdriyapratyakṣavikalpanāt | tatreṃdriyapratyakṣaṃ sāṃvyavahārikaṃ deśatoviśada-

<lb>tvāt | tadvadaniṃdriyapratyakṣaṃ tasyāṃtarmukhākārasya kathaṃ cidvaiśadyasiddheḥ | atīṃdriyapratyakṣaṃ tu dvividhaṃ vikala-

<lb>pratyakṣaṃ sakalapratyakṣaṃ ceti | vikalapratyakṣamapi dvividhaṃ––avadhijñānaṃ manaḥparyayajñānaṃ ceti sakalapratyakṣaṃ

<lb>tu kevalajñānaṃ tadetattritayamapi mukhyaṃ pratyakṣaṃ mano'kṣānapekṣatvāt atītavyavabhicāritvāt sākāravastu-

<lb>grāhitvāt sarvathā svaviṣayeṣu vaiśadyācca | tathā coktaṃ tattvārthavārtikakāraiḥ |

<lb><s>iṃdriyāniṃdriyānapekṣamatītavyabhicāraṃ sākāragrahaṇaṃ pratyakṣamiti

<lb><p>tatreṃdriyāniṃdriyānapekṣamiti vacanāt sāṃvyavahārikasyeṃdriyapratyakṣasyāniṃdriyasya ca deśato viśa-

<lb>dasya vyavacchedasiddheḥ | atītavyabhicāramiti vacanāt vibhaṃgajñānasyāvadhipratyakṣābhāsasya nivṛtteḥ |

<lb>sākāragrahaṇamiti pratipādanāt nirākāragrahaṇasya darśanasya pratyakṣatvavyāvartanāt |

<lb>sūktaṃ mukhyaṃ pratyakṣatrayaṃ nanu svasaṃdenapratyakṣaṃ caturthaṃ syāditi na maṃtavyaṃ tasya sakalajñānasādhara-

<lb>ṇasvarūpatvāt | yathaiva hīṃdriyapratyakṣasya svarūpasaṃvedanamiṃdriyapratyakṣameva anyathā tasya svaparasvarūpasaṃvedakatva-

<lb>virodhāt saṃvedanadvayaprasaṃgācca | tathānīṃdriyapratyakṣasya mānasasya svarūpasaṃvedanamaniṃdriyapratyakṣameva tata eva

<lb>tadvadatīṃdriyapratyakṣatritayameveti na tato'rthāṃtaraṃ svasaṃvedanapratyakṣaṃ | etena śrutajñānasya svarūpasaṃvedanamaniṃ-

<lb>driyapratyakṣamuktaṃ pratipattavyaṃ tasyāniṃdriyanimittatvāt vibhramajñānasvarūpasaṃvedanavat | tathā ca sakalaṃ

<lb>jñānaṃ svarūpasaṃvedanāpekṣayā pramāṇaṃ siddhaṃ bhāvaprameyāpekṣāyāṃ pramāṇābhāsaninhavaḥ |

<lb><p>kiṃ punariṃdriyapratyakṣaṃ ? iṃdriyapradhānyādiṃdriyavalādhānādupajāyamānaṃ matijñānaṃ––

<lb><s>tadiṃdriyāniṃdriyanimittaṃ |

<lb><p>iti vacanāt | taccaturvidhaṃ––avagrahehāvāyadhāraṇāvikalpāt | tatra viṣayaviṣayisannipātānaṃ-

<lb>taramādyagrahaṇamavagrahaḥ | tadgṛhītavastuviśeṣākāṃkṣaṇamīhā | bhavitavyatāpratyayarūpāttadīhitavi-

<lb>śeṣaniścayo'vāyaḥ | sāvadhāraṇaṃ jña naṃ kālāṃtarāvismaraṇakāraṇaṃ dhāraṇājñānaṃ | tadetaccatuṣṭayamapi

<lb>akṣavyāpārāpekṣaṃ akṣavyāpārābhāve tadanudbhavanāt | mano'pekṣaṃ ca pratihatamanasastadanutpatteḥ | tata eveṃdriya-

<lb>pratyakṣaṃ deśato viśadamavisaṃvādakaṃ pratipattavyaṃ sparśanādīndriyanimittasya bahubahuvidhakṣiprānisṛtānuktadhruveṣu

<lb>taditareṣvartheṣu vartamānasya pratīṃdriyamaṣṭacatvāriṃśadbhedasya vyaṃjanāvagrahabhedairaṣṭacatvāriṃśatā sahitasya saṃkhyāṣṭā-

<lb>śītyuttaradviśatī pratipattavyā | tathā aniṃdriyapratyakṣaṃ bahvādidvādaśaprakārārthaviṣayamavagrahādivikalpamaṣṭaca-

<lb>tvāriṃśatsaṃkhyaṃ pratipattavyaṃ | yatpunaratīṃdriyapratyakṣavikalpamavadhijñānaṃ tat ṣaḍvidhaṃ anugāmi-ananugāmi-

<lb>vardhamāna-hīyamāna-avasthita-anavasthitavikalpāt | sapratipātāpratipātayoratraivāṃtarbhāvāt | saṃkṣepatastu

<lb>trividhaṃ deśāvadhi-paramāvadhi-sarvāvadhibhedāt | tatra deśāvadhijñānaṃ ṣaḍvikalpamapi saṃbhavati paramāvadhijñānaṃ tu

<lb>saṃyamaviśeṣaikārthasamavāyibhavāṃtarāpekṣayānanugāmi pratipātaṃ ca pratyeyaṃ | tadbhavāpekṣayā ca tadanugāmyeva nā-

<lb>nanugāmi | vardhamānameva na hīyamānaṃ | avasthitameva nānavasthitaṃ | apratipātameva napratipātaṃ tathāvidha-

<lb>viśuddhinibaṃdhanatvāt | etena sarvāvabhadhijñānaṃ vyākhyātaṃ | kevalaṃ tadvardhamānamapi na bhavati paramaprakarṣaprāptatvāt

<lb>sakalāvadhijñānāvaraṇavīryāṃtarāyakṣayopaśamavaśātprasūtatvāt | atisaṃkṣepastu dvividhamavadhijñānaṃ bhavapratyayaṃ

<pb n="69">

<lb>guṇapratyayaṃ ceti | tatra bhavapratyayaṃ bahiraṃgadevabhavanārakabhavapratyayanimittatvāt | tadbhāve bhāvāt tadabhāve'-

<lb>bhāvāt tattu deśāvadhijñānameva | guṇapratyayaṃ tu samyagdarśanaguṇanimittamasaṃyatasamyagdṛṣṭeḥ | saṃyamāsaṃyamaguṇa-

<lb>hetukaṃ saṃyatāsaṃyatasya | saṃyamaguṇanibaṃdhanaṃ saṃyatasya | satyaṃtaraṃgahetau bahiraṃgasya guṇapratyayasya bhāve bhāvāt |

<lb>tadabhāve cābhāvāt | tathā manaḥparyayajñānaṃ vikalamatīṃdriyapratyakṣaṃ dvedhā ṛjumativikalpāt | tatrarjumati-

<lb>manaḥparyayajñānaṃ nirvartitapraguṇavākkāyamanaskṛtārthasya paramanogatasya paricchedakatvāttrividhaṃ | vipulamatimanaḥ

<lb>paryayajñānaṃ tu nirvartitānirvartitapraguṇāpraguṇavākkāyamanaskṛtārthasya paramanasi sthitasya sphuṭataramavabodhakatvāt

<lb>ṣaṭprakāraṃ, tathāvidhamanaḥparyayajñānāvaraṇavīryāṃtarāyakṣayopaśamaviśeṣavalāt prādurbhūtatvāt | sakalamatīṃdriya-

<lb>pratyakṣaṃ kevalajñānaṃ sakalamohakṣayāt sakalajñānadarśanāvaraṇavīryāṃtarāyakṣayācca samudbhūtatvāt sakalavaiśadya

<lb>sadbhāvāt sakalaviṣayatvācca | tadvān kaścitpuruṣaviśeṣo bhavatyeva sunirṇītāsaṃbhadbādhakapramāṇatvāt | tathā

<lb>śāstrajñānena tadvānubhayavādiprasiddhaḥ | nacātrāsiddhaṃ sādhanaṃ sarvātīṃdriyapratyakṣavataḥ puruṣasya pratyakṣādipramā-

<lb>ṇairabādhyamānasya sakaladeśakālapuruṣapariṣadapekṣayāpi siddhatvāt sukhādisaṃvedanasyāpi tathaiva pramāṇatvopapatteḥ |

<lb>anyathā kasyacidiṣṭasiddherasaṃbhavāt | iti saṃkṣepato viśadaṃ jñānaṃ sāṃvyavahārikaṃ mukhyaṃ ca prarūpitaṃ vista-

<lb>ratastu tattvārthālaṃkāre parīkṣitamiha dṛṣṭavyaṃ |

<lb><p>saṃprati parokṣamucyate––parokṣamaviśadajñānātmakaṃ parokṣatvāt yannāviśadajñānātmakaṃ tanna parokṣaṃ yathā-

<lb>tīṃdriyapratyakṣaṃ parokṣaṃ ca vivādādhyāsitaṃ jñānaṃ tasmādaviśadajñānātmakaṃ | nacāsya parokṣatvamasiddhaṃ–akṣebhyaḥ

<lb>parāvṛttatvāt | tathopāttānupāttaparapratyayāpekṣaṃ parokṣamiti tattvārthavārtikakārairabhidhānāt | upātto

<lb>hi pratyayaḥ karmavaśādātmanā karaṇatvena gṛhītaḥ sparśanādiḥ | tato'nyaḥ punarbahiraṃgaḥ sahakārī pratyayo'nu-

<lb>pāttaḥ śabdaliṃgādiḥ tadapekṣaṃ jñānaṃ parokṣamityabhidhīyate | tadapi saṃkṣepato dvedhā matijñānaṃ śrutajñānaṃ ceti

<lb>ādye parokṣaṃ iti vacanāt | matiśrutāvadhimanaḥparyayakevalāni hi jñānaṃ | tatrādye matiśrute sūtrapāṭhāpe-

<lb>kṣayā lakṣyete te ca parāpekṣatayā parokṣe pratipādite | parānapekṣāṇyavadhimanaḥparyayakevalāni yathā pratyakṣā-

<lb>ṇīti | tatrāvagrahādidhāraṇāparyaṃtaṃ matijñānamapi deśatovaiśadyasadbhāvātsāṃvyavahārikaṃ, iṃdriyapratyakṣamatīṃdriyapra-

<lb>tyakṣaṃ cābhidhīyamānaṃ na virudhyate tataḥ śeṣasya matijñānasya smṛtisaṃjñāciṃtābhinibodhalakṣaṇasya śrutasya ca

<lb>parokṣatvavyavasthiteḥ | taduktamakalaṃkadevaiḥ––

<lb><s>pratyakṣaṃ viśadaṃ jñānaṃ mukhyasaṃvyavahārataḥ |

<lb><s>parokṣaṃ śeṣavijñānaṃ pramāṇamiti saṃgrahaḥ || 1 ||

<lb><p>tatra tadityākārānubhūtārthaviṣayā smṛtiḥ aniṃdriyapratyakṣaṃ viśadatvāt sukhādisaṃvedanavadityeke1 tada-

<lb>sat | tasmāttatra vaiśadyāsiddheḥ punarbhāvayato vaiṣadyapratīterbhāvanājñānatvāt tasya ca bhrāṃtatvāta svapnajñā-

<lb>navat | pūrvānubhūte'tīte'rthe vaiśadyāsaṃbhavāt smṛtiḥ parokṣameva śrutānumitasmṛtivat ityapare2 tadityullekhasya

<lb>sarvasyāṃ smṛtau sadbhāvāt | sā ca pramāṇamavisaṃvādakatvāt pratyakṣavat yatra tu visaṃvādaḥ sā smṛtyābhāsā

<lb>pratyakṣābhāsavat | tathā tadevedamityākāraṃ jñānaṃ saṃjñā pratyabhijñā tādṛśamevedamityākāraṃ vā vijñānaṃ

<lb>saṃjñocyate | tasyā ekatvasādṛśyaviṣayatvāddvaividhyopapatteḥ | dvividhaṃ hi pratyabhijñānaṃ tadevedamityekatvani-

<lb>baṃdhanaṃ | tādṛśamevedati sādṛśyanibaṃdhanaṃ ca | nanu ca tadevetyatītapratibhāsasya smaraṇarūpatvāt ida-

<lb>miti saṃvedanasya pratyakṣarūpatvāt saṃvedanadvitayamevaitat tādṛśamevedamiti smaraṇapratyakṣasaṃvedanadvitayavat

<lb>tato naikaṃ jñānaṃ pratyabhijñākhyāṃ pratipadyamānaṃ saṃbhavatīti kaścit so'pi na saṃvedanaviśeṣavipaścit

<lb>smaraṇapratyakṣajanyasya pūrvottaravivartavartyekadravyaviṣayasya pratyabhijñānasyaikasya supratītatvāt | na hi

<lb>taditi smaraṇaṃ tathāvidhadravyavyavasāyātmakaṃ tasyātītavivartamātragocaratvāt | nāpīdamiti saṃvedanaṃ tasya va-

<lb>rtamānavivartamātraviṣayatvāt | tābhyāmupajanyaṃ tu sakalajñānaṃ tadanuvādapurassaraṃ dravyaṃ pratyavamṛśat | tato-

<notes>1 mīmāṃsakāḥ 2 syādvādinaḥ</notes>

<pb n="70">

<lb>'nyadeva pratyabhijñānamekatvaviṣayaṃ tadapahnave kvacidekānvayāvyavasthānāt saṃtānaikatvasiddhirapi na syāt | nacai-

<lb>tadagṛhītapramāṇādapramāṇamiti śaṃkanīyaṃ tasya kathaṃcidapūrvārthatvāt | na hi tadviṣayabhūtamekaṃ dravyaṃ smṛti-

<lb>pratyakṣagrāhyaṃ yena tatra pravartamānaṃ pratyabhijñānaṃ gṛhītagrāhi manyeta tadgṛhītātītavartamānavivartatādātmyāt |

<lb>dravyasya kathaṃcidapūrvārthatve'pi pratyabhijñānasya tadviṣayasya nāpramāṇatvaṃ laiṃgikāderapyapramāṇatvaprasaṃgāt tasyāpi

<lb>sarvathaivāpūrvārthatvāsiddheḥ | saṃbaṃdhagrāhivijñānaviṣayāt sādhyādisāmānyāt kathaṃcidabhinnasyānumeyasya deśa-

<lb>kālaviśiṣṭasya tadviṣayatvāt kathaṃcidapūrvārthatvasiddheḥ bādhakapramāṇānna pramāṇaṃ pratyabhijñānamiti cāyuktaṃ tadbā-

<lb>dhakasyāsaṃbhavāt | nahi pratyakṣaṃ tadbādhakaṃ tasya tadviṣaye pravṛttyasaṃbhavāt | sādhakatvavadbādhakatvavirodhāt | yathā

<lb>hi yadyatra viṣaye na pravartate na tattasya sādhakaṃ bādhakaṃ vā yathā rūpajñānasya rasajñānaṃ na pravartate ca pratyabhijñā-

<lb>nasya viṣaye pratyakṣaṃ tasmānna tadbādhakaṃ | pratyakṣaṃ hi na pratyabhijñānaviṣaye pūrvadṛṣṭadṛśyamānaparyāyavyāpini dravye

<lb>pravartate tasya dṛśyamānaparyāyaviṣayatvāt iti nāsiddhaṃ sādhanaṃ | etenānumānaṃ pratyabhijñānasya bādhakaṃ pratyākhyātaṃ

<lb>tasyāpi pratyabhijñānaviṣaye pravṛttyayogāt, kvacidanumeyamātre pravṛttisiddheḥ | tasya tadviṣaye pravṛttau vā sarvathā

<lb>bādhakatvavirodhāt | tataḥ pratyabhijñānaṃ svaviṣaye dravye pramāṇaṃ sakalabādhārahitatvāt pratyakṣavat smṛtivadvā

<lb>etena sādṛśyanibaṃdhanaṃ pratyabhijñānaṃ pramāṇamāveditaṃ boddhavyaṃ tasyāpi svaviṣaye bodhākārarahitatvasiddheḥ |

<lb>yathaiva hi pratyakṣaṃ svaviṣaye sākṣātkriyamāṇe smaraṇaṃ ca smaryamāṇe'rthe bādhāvidhuraṃ tathā pratyabhijñānamekatra dravye

<lb>sādṛśye ca svaviṣaye na saṃbhavadbādhakamiti kathamapramāṇamanumanyemahi | yatpunaḥ svaviṣaye bādhyamānaṃ tatpratyabhi-

<lb>jñānābhāsaṃ yathā pratyakṣābhāsaṃ smaraṇābhāsaṃ vā na ca tasyāpramāṇatve sarvathā pramāṇatvaṃ yuktaṃ pratyakṣasyāpyapramā-

<lb>ṇatvaprasaṃgāt | tasmādyathā śukle śaṃkhe pītābhāsaṃ pratyakṣaṃ tatraiva śuklābhāsena pratyakṣāṃtareṇa bādhyamānatvāt

<lb>apramāṇaṃ na punaḥ pīte kanakādau pītābhāsaṃ pratyakṣaṃ | tathā tasminneva svaputrādau tādṛśoyamiti pratyabhijñānaṃ

<lb>sādṛśyanibaṃdhaḥ sa evāyamityekatvanibaṃdhanena pratyabhijñānena bodhyamānamapramāṇaṃ siddhaṃ na punaḥ sādṛśya eva prava-

<lb>rtamānaṃ svaputrādinā sādṛśye'nyaputrādau tādṛśo'yamiti pratyabhijñānaṃ tasyābādhyatvena pramāṇatvāt | evaṃ lūnapu

<lb>narjātanakhakeśādiriti sādṛśyapratyavamarśipratyabhijñānaṃ tatra tasyābādhyamānatayā pramāṇatvasiddheḥ | tathaiva pūrvā-

<lb>nubhūte hi hiraṇyādau pradeśaviśeṣaviśiṣṭe smaraṇaṃ viparītadeśatayā tatsmaraṇasya bādhakamiti na tattatra pramāṇaṃ |

<lb>yathānubhūtapradeśe tu tathaiva smaraṇaṃ pramāṇamiti boddhavyaṃ | tata idamabhidhīyate yato yatorthaṃ paricchidya pravarta-

<lb>māno'rthakriyāyāṃ na visaṃvādyate tattatpramāṇaṃ yathā pratyakṣamanumānaṃ vā | smaraṇāt pratyabhijñānācca arthaṃ pari-

<lb>cchidya pravartamāno'rthakriyāyāṃ na visaṃvādyate ca tasmātpramāṇaṃ smaraṇaṃ pratyabhijñānaṃ ceti | tathā parokṣametadavi-

<lb>saṃvāditvāt | anumānavat | sādhyasādhanasaṃbaṃdhagrāhitarkavadvā viśadasya bhāvanājñānatvāt | yāvān kaściddhūmaḥ

<lb>sa sarvaḥ pāvakajanmaiva apāvakajanmā vā na bhavatīti sakaladeśakālavyāptasādhyasādhanasaṃbaddhohāpohalakṣaṇo

<lb>hi tarkaḥ pramāṇayitavyaḥ tasya kathaṃcidapūrvārthatvāt | pratyakṣānupalaṃbhagṛhītapratiniyatadeśakālasādhyasā-

<lb>dhanavyaktimātragrāhitvābhāvāt gṛhītagrahaṇasaṃbhavāt bādhakavarjitatvācca | nahi tarkasya pratyakṣaṃ bādhakaṃ tadvi-

<lb>ṣaye tasyāpravṛtteranumānavat pravṛttau vā sarvathā tadbādhakatvavirodhāt kvacideva tadbādhakopapatteḥ | yasya tu tadbādhakaṃ

<lb>sa tarkābhāso na pramāṇamitīṣṭaṃ śiṣṭaiḥ smaraṇapratyabhijñānābhāsavat | pratyakṣānumānābhāsavadvā tathā pramāṇaṃ

<lb>tarkastato'rthaṃ paricchidya pravartamānasyārthakriyāyāṃ visaṃvādābhāvāt pratyakṣānumānavaditi pratipattavyaṃ | parokṣaṃ

<lb>cedaṃ tarkajñānaṃ avisaṃvādakatvāt anumānavat | kiṃ punaranumānaṃ nāma ?

<lb><s>sādhanātsādhyavijñānamanumānaṃ |

<lb><p>tatra sādhanaṃ sādhyāvinābhāviniyamaniścayaikalakṣaṇaṃ lakṣaṇāṃtarasya sādhanābhāse'pi bhāvāt | svalakṣa

<lb>ṇasya sādhanasya sādhanānupapatteḥ paṃcādilakṣaṇavat | naca sapakṣe sattvaṃ pakṣadharmatvaṃ vipakṣe cāsattvamātraṃ sādhana-

<lb>lakṣaṇaṃ paśyāmastatputratvāditaratatputravadityatra sādhanābhāse tatsadbhāvasiddheḥ | sapakṣe hītaratra tatputre tatputratvasya

<lb>sādhanasya śyāmatvavyāptasya sattvaṃ prasiddhaṃ | vivādādhyāsite ca tatputre pakṣīkṛte tatputratvasya sadbhāvāt pakṣadharma-

<lb>tvaṃ | vipakṣe vā śyāme kvacidanyaputre tatputratvasyābhāvāt vipakṣe'sattvamātraṃ ca | naca tāvatā sādhyasādha-

<pb n="71">

<lb>natvaṃ sādhanasya | nanu sākālyena sādhyanivṛttau sādhananivṛtterasaṃbhavāt paratra gaure'pi tatputre tatputratvasya bhāvāt

<lb>na samyak sādhanametat iti cet tarhi kārtsnyena sādhyanivṛttau sādhananivṛtterniścayaevaikaṃ sādhanalakṣaṇaṃ saevā-

<lb>nyathānupapattiniyamaniścayaḥ syādvādibhiḥ sādhanalakṣaṇamabhidhīyate tatsadbhāve pakṣadharmatvādyabhāve'pi sādhana-

<lb>sya samyaktvapratīteḥ udeṣyati śakaṭaṃ kṛttikodayādityasya pakṣadharmatvābhāve'pi prayojakatvavyavasthiteḥ |

<lb>na hi śakaṭe dharmiṇyudeṣyattāyāṃ sādhyāyāṃ kṛttikāyā udayo'sti tasya kṛttikādharmatvāt tato na pakṣa

<lb>dharmatvaṃ | yadi punarākāśaṃ kālo vā dharmī tasyodeṣyacchakaṭavattvaṃ sādhyaṃ kṛttikodayasādhanaṃ pakṣadharma eveti

<lb>mataṃ tadā dharitrīdharmiṇi mahodadhyādhārāgnimattvaṃ sādhyaṃ mahānasadhūmavattvaṃ sādhanaṃ pakṣadharmo'stu tathā ca mahā -

<lb>nasadhūmo mahodadhāvagniṃ gamayediti na kaścidapakṣadharmo hetuḥ syāt | athetthametasya sādhanasya pakṣadharmatva-

<lb>siddhāvapi na sādhyasādhanasāmarthyamavinābhāviniyamaniścayasyābhāvādityabhidhīyate tarhi sa eva sādhanalakṣa-

<lb>ṇamakṣūṇaṃ parīkṣādakṣairupalakṣyate |

<lb><p>yopyāha śakaṭodayo bhāvikāraṇaṃ kṛttikodayasya tadanvayavyatirekānuvidhānāt sati hi svakāle

<lb>bhaviṣyati śakaṭodaye kṛtikodaya upalabhyate nāsatītyanvayavyatirekānuvidhānaṃ siddhaṃ bhaviṣyacchakaṭakṛtti-

<lb>kodayayoḥ kāryakāraṇabhāvaṃ sādhayati vinaṣṭavartamānavadeva | yathaivodagādbharaṇiḥ kṛttikodādityatrātīto bhara-

<lb>ṇyudayaḥ kāraṇaṃ, kṛttikodayastatkāryaṃ svakāle'tīte sati bharaṇyudaye kṛttikodayasya bhāvādasatyabhāvācca tada-

<lb>nvayavyatirekānuvidhānāt kāryakāraṇabhāvaḥ | tathā bhaviṣyadvartamānayorapi prakṛtasādhyasādhanayornyāyasya

<lb>samānatvāt | nacaikasya kṛttikodayasya bhaviṣyadatītakāraṇadvitiyaṃ virudhyate bhinnadeśayoriva bhinnakālayo-

<lb>rapi sahakāritvavirodhāt | sahaikasya kāryasya kāraṇaṃ hi sahakāritvanibaṃdhanaṃ nābhinnakālatvamabhinnadeśavat |

<lb>nacātītānāgatau bharaṇyudayaśakaṭodayau kṛttikodayasyopādānakāraṇaṃ pūrvakṛttikālakṣaṇasyānudayamāpannasya

<lb>tadupādānakāraṇatvasaṃpratipatteḥ ? iti so'pi na prātītikavacanaḥ tathā pratītyabhāvāt | kāryakālamaprāpnu

<lb>vatorvinaṣṭānāgatayoḥ kāraṇatve hi vinaṣṭatamānāgatatamayorapi kāraṇatvaṃ kathaṃ vinivāryaṃ ? pratyāsattiviśeṣā-

<lb>bhāvāditi cet tarhi sa eva pratyāsattiviśeṣaḥ kāraṇatvābhimatayoratītānāgatayoḥ kāraṇatve heturvaktavyaḥ |

<lb>sa cātītasya kārye vyāpārastāvanna bhavati sarvathāpi kāryakāle tadasattvādanāgatavat | tadbhāve bhāvapratyāsa-

<lb>ttiviśeṣa ityapyasāraṃ atītasyānāgatasya cābhāva eva kāryasya bhāvāt bhāve cābhāvāt anyathā kāryakāra-

<lb>ṇayorekakālatāpatteḥ sakalasaṃtānānāmekakṣaṇavartitvaprasaṃgaḥ | naikakṣaṇasaṃtāno nāma tasyāparāmṛṣṭabheda-

<lb>nānākāryakāraṇalakṣaṇatvāt |

<lb><p>yadapyabhyadhāyi kāraṇasyātītasyānāgatasya ca svakāle bhāve kāryasya bhāvāt abhāve cābhāvāt tada

<lb>bhāvābhāvo'nvayavyatirekānuvidhānalakṣaṇaḥ pratyāsattiviśeṣo'styeva iti tadapyasaṃgataṃ kāraṇatvānabhimatā-

<lb>tītānāgatatamayorapi tathā tadbhāvaprasaṃgāt | kāryasya bhinnadeśasya tu kāraṇatve yuktastadbhāvabhāvaḥ kalaśakuṃ-

<lb>bhakārādivat | kuṃbhakārādiṣu hi bhinnasvadeśeṣu satsu kalaśasya bhāvo'satsu cābhāvasteṣāṃ tatra vyāpārāt |

<lb>kāraṇatvānabhimatasya tu bhinnadeśasya na kārye tadbhāvabhāvo tatra tasyāvyāpārāt atītānāgatavat | sato hi

<lb>kasya citkvacidvyāpāraḥ śreyān na punarasataḥ kharaviṣāṇāderiveti yuktaṃ tato bhinnadeśasyāpi kasyacidekasya

<lb>kārye vyāpriyamāṇasya sahakārikāraṇatvaṃ pratītimanusarati na punarbhinnakālasya pratītyatilaṃghanāt tato na

<lb>kṛttikodayaśakaṭodayayoḥ kāryakāraṇabhāvaḥ samavatiṣṭate vyāpyavyāpakabhāvavat | satyapi tayoḥ kāryakāraṇabhāve

<lb>na hetoḥ pakṣadharmatvaṃ yujyate iti pakṣadharmamaṃtareṇāpi hetorgamakatvasiddherna tallakṣaṇamutprekṣyate | tathā na sapakṣa

<lb>eva sattvaṃ niścitaṃ tadabhāve'pi sarvabhāvānāmanityatve sādhye sattvādeḥ sādhanasya svayaṃ sādhutvasamarthanāt |

<lb>vipakṣe punarasattvameva niścitaṃ sādhyāvinābhāviniyamaniścayarūpameveti tadeva hetoḥ pradhānalakṣaṇamastu kimatra

<lb>lakṣaṇāṃtareṇa ?

<lb><p>atha matametatpakṣadharmatvamasiddhatvamasiddhatvavyavacchedārthaṃ sādhanasya lakṣaṇaṃ niścīyate | sapakṣa eva sattvaṃ

<lb>viruddhatvavyavacchedāya | vipakṣe cāsattvaṃ–anekāṃtitvavyavacchittaye | tadaniścaye hetorasiddhatvādidoṣatrayaparihārā-

<pb n="72">

<lb>saṃbhavāt trairūpyaṃ tallakṣaṇaṃ saphalameva | taduktaṃ––

<lb><s>hetostriṣvapi rūpeṣu nirṇayastena varṇitaḥ |

<lb><s>asiddhaviparītārthavyabhicārivipakṣataḥ iti || 1 ||

<lb><p>tadapyaparīkṣitābhidhānaṃ saugatasya hetoranyathānupapattiniyamaniścayādeva doṣatrayaparihārasiddheḥ svayama-

<lb>siddhasyānyathānupapattiniyamaniścayāsaṃbhavāt | anaikāṃtikaviparītārthavat tasya tathopapattiniyamaniścaya-

<lb>rūpatvāt | tasya cāsiddhavyabhicāriṇi viruddhe ca hetāvasaṃbhāvanīyatvāt | rūpatrayasyāvinābhāva-

<lb>niyamaprapaṃcatvāt sādhanalakṣaṇatve tata eva rūpaprapaṃcakasya sādhanalakṣaṇatvamastu | pakṣavyāpakatvānvayavya-

<lb>tirekābādhitaviṣayatvāsatpratipakṣarūpāṇi hi paṃcāpyavinābhāvaniyamaprapaṃca eva bādhitaviṣayasya satpra-

<lb>tipakṣitasya cāvinābhāvaniyamāniścayāt pakṣāvyāpakānanvayāvyatirekavat | na pakṣadharmatve satyeva sā-

<lb>dhanasya siddhatvaṃ yenāsiddhavivekatastattasya lakṣaṇaṃ, apakṣadharmasyāpi siddhatvasamarthanāt | nāpi sapakṣe

<lb>sattve eva viparītārthavivekaḥ sarvānekāṃtātmakatvasādhane sattvādeḥ sapakṣe sattvābhāve'pi viruddhatvābhā-

<lb>vāt parasya sarvānityatvasādhanavat | naca vyatirekamātre satyapi vyabhicāriviveke śyāmatve sādhye-

<lb>tatputratvādervyabhicārasādhanāt vyatirekaviśeṣastu tadevānyathānupapannatvamiti na trīṇi rūpāṇyavinā

<lb>bhāvaniyamaprapaṃcaḥ teṣu satsu hetoranyathānupapattidarśanāt | teṣāṃ tatprapaṃcatve kālākāśādīnāmapi tatpra-

<lb>paṃcatvaprasaktisteṣvapi satsu taddarśanāt | teṣāṃ sarvasādharaṇatvānna heturūpatvamityapi pakṣadharmatvādiṣu samānaṃ

<lb>teṣāmapi sādhāraṇatvāddhetvābhāseṣvapi bhāvāt | tato'sādhāraṇaṃ lakṣaṇamācakṣāṇairanyathānupapannatvameva niyataṃ

<lb>hetulakṣaṇaṃ pakṣīkartavyaṃ | tathoktaṃ––

<lb><s>anyathānupapannatvaṃ yatra tatra trayeṇa kiṃ

<lb><s>nānyathānupapannatvaṃ yatra tatra trayeṇa kiṃ || 1 || iti

<lb><p>etena paṃcarūpāṇi hetoravinābhāvaniyamaprapaṃca eva ityetadapāstaṃ satyapyabādhitaviṣayatve satpratipakṣe

<lb>cāvinābhāvaniyamānavalokāt | pakṣavyāpakatvānyayavyatirekavat | sa śyāmastatputratvāditaratatputravat

<lb>ityatra tatputratvasya hetorviṣaye śyāmatve bādhakasya pratyakṣāderabhāvāt avādhitaviṣayatvasiddhāvapi avinā-

<lb>bhāvaniyamāsattvāt aśyāmena tatputreṇa vyabhicārāt | tathā tasya śyāmatvasādhanānumānasya pratipakṣasyāsa-

<lb>ttvāt asatpratipakṣatve satyapi vyabhicārātsādhanasya tadabhāvaḥ pratipattavyaḥ | tadatraivaṃ vaktavyaṃ––

<lb><s>anyathānupapannatvaṃ rūpaiḥ kiṃ paṃcabhiḥ kṛtaṃ

<lb><s>nānyathānupapannatvaṃ rūpaiḥ kiṃ paṃcabhiḥ kṛtaṃ || 1 || iti

<lb><p>tadevamanyathānupapattiniyamaniścaya evaikaṃ sādhanasya lakṣaṇaṃ pradhānaṃ tasminsati trilakṣaṇasya paṃcala-

<lb>kṣaṇasya prayogo nivāryate eveti prayogaparipāṭyāḥ pratipādyānurodhataḥ parānugrahapravṛttairabhyupagamāt | tathā cā-

<lb>bhyadhāyi kumāranaṃdibhaṭṭārakaiḥ––

<lb><s>anyathānupapattyekalakṣaṇaṃ liṃgamaṃgyate

<lb><s>prayogaparipāṭī tu pratipādyānurodhataḥ || 1 || iti

<lb><p>tacca sādhanaṃ ekalakṣaṇaṃ sāmanyādekavidhamapi viśeṣato'tisaṃkṣepāddvividhaṃ vidhisādhanaṃ saṃkṣepāstrividhaṃ-

<lb>mabhidhīyate kāryaṃ kāraṇasya, kāraṇaṃ kāryasya, akāryakāraṇamakāryakāraṇasyeti prakārāṃtarasyātraivāṃtarbhāvāt |

<lb>tatra kāryaṃ hetuḥ, agniratra dhūmāt iti kāryakāryāderatraivāṃtargatatvāt | kāraṇaṃ hetuḥ––astyatra chāyā chatrāt

<lb>iti kāraṇakāraṇāderatrānupraveśānnārthātaratvaṃ | na cānukūlatvamātramatyakṣaṇaprāptaṃ vā kāraṇaṃ liṃgamucyate yena

<lb>pratibaṃdhavaikalyasaṃbhavādvyabhicāri syāt | dvitīyakṣaṇe kāryasya pakṣīkaraṇādanumānānarthakatvaṃ vā kāryāvinā-

<lb>bhāviniyamatayā niścitasyānumānakālaprāptasya kāraṇasya viśiṣṭasya liṃgatvāt | akāryakāraṇaṃ caturvidhaṃ––

<lb>vyāpyaṃ sahacaraṃ pūrvacaraṃ, uttaracaraṃ ceti | tatra vyāpyaliṃgaṃ vyāpakasya yathā sarvamanekāṃtātmakaṃ sattvāditi

<lb>sattvaṃ hi vastutvaṃ––

<pb n="73">

<lb><s>utpādavyayadhrauvyayuktaṃ sat

<lb><p>iti vacanāt | naca tadekāṃtena sunayaviṣayeṇa vyabhicāri tasya vastvaṃśatvāt | sahacaraṃ liṃgaṃ yathā–

<lb>asti tejasi sparśasāmānyaṃ <?> na rūpasāmānyasya kāryaṃ kāraṇaṃ vā nāpi rūpasāmānyaṃ sparśasāmānyasya tayoḥ

<lb>sarvatra sarvadā samakālatvāt sahacaratvaprasiddheḥ | etena saṃyogina ekārthasamavāyinaśca sādhyasamakālasya

<lb>sahacaratvaṃ niveditamekasāmagryadhīnasyaiva pratipattavyaṃ samavāyinaḥ kāraṇatvavat | pūrvacaraṃ liṃgaṃ yathodeṣyati

<lb>śakaṭaṃ kṛttikodayāt iti pūrvapūrvacarādyanenaiva saṃgṛhītaṃ | uttaracaraliṃgaṃ yathā––udagādbharaṇiḥ kṛtikodayāt

<lb>iti, uttarottaracarametenaiva saṃgṛhyate tadetatsādhyasya vidhau sādhanaṃ ṣaḍvidhamuktaṃ | pratiṣedhe tu pratiṣedhyasya viruddhaṃ

<lb>kāryaṃ viruddhaṃ kāraṇaṃ viruddhākāryakāraṇaṃ ceti | tatra viruddhakāryaliṃgaṃ-nāstyatra śītasparśo dhūmāt iti śīta

<lb>sparśena hi viruddho vanhiḥ tasya kāryaṃ dhūma iti viruddhakāraṇaṃ | nāsya puṃso'satyamasti samyagjñānāt iti viruddhaṃ

<lb>hyasatyena satyaṃ tasya kāraṇaṃ samyagjñānaṃ yathārthajñānaṃ rāgadveṣarahitaṃ tatkutaścitsuktābhidhānādeḥ prasiddhyat

<lb>satyaṃ sādhayati | tacca siddhyadasatyaṃ pratiṣedhayati iti | viruddhākāryakāraṇaṃ caturvidhaṃ–viruddhavyāpyaṃ viruddhasaha-

<lb>caraṃ viruddhapūrvacaraṃ viruddhottaracaraṃ ceti tatra viruddhavyāpyaṃ nāstyatra śītasparśaḥ, auṣṇyāt | auṣṇyaṃ hi

<lb>vyāpyamagneḥ sa ca viruddhaḥ śītasparśena pratiṣedhyeneti | viruddhasahacaraṃ nāstyasya mithyājñānaṃ samyagdarśanāditi

<lb>mithyājñānena hi samyagjñānaṃ viruddhaṃ tatsahacaraṃ samyagdarśanamiti | viruddhapūrvacaraṃ nodeṣyati muhūrtāṃte śaṃkaṭaṃ

<lb>revatyudayāt | śakaṭodayaviruddho hyaśvanyudayaḥ tatpūrvacaro revatyudayaḥ | viruddhottaracaraṃ–muhūrtāt prāṅgodagādbharaṇiḥ

<lb>puṣpodayāditi | bharaṇyudayaviruddho hi punarvasūdayaḥ taduttaracaraḥ puṣpodaya iti | tānyetāni sākṣātpratiṣedhya-

<lb>viruddhakāryādīni liṃgāni vidhidvāreṇa pratiṣedhasādhanāni ṣaḍabhihitāni | paraṃparayā tu kāraṇaviruddhakāryaṃ vyāpa-

<lb>kaviruddhakāryaṃ kāraṇavyāpakaviruddhakāryaṃ vyāpakakāraṇaviruddhakāryaṃ kāraṇaviruddhakāraṇaṃ vyāpakaviruddhakāraṇaṃ kāra-

<lb>ṇavyāpakaviruddhakāraṇaṃ vyāpakakāraṇaviruddhakāraṇaṃ ceti tathā kāraṇaviruddhavyāpyādīni kāraṇaviruddhacahacarā-

<lb>dīni ca yathāpratīti vaktavyāni | tatra kāraṇaviruddhakāryaṃ–nāstyasya himajanitaromaharṣādiviśeśo dhūmāt

<lb>iti pratiṣedhyasya hi romaharṣādiviśeṣasya kāraṇaṃ himaṃ tadviruddho'gniḥ tatkāryaṃ dhūma iti | vyāpakaviruddhakāryaṃ

<lb>nāstyatra śītasāmānyavyāptaḥ śītasparśaviśeṣo dhūmāt iti śītasparśaviśeṣasya hi niṣedhyasya vyāpakaṃ śī-

<lb>tasāmānyaṃ tadviruddho'gniḥ tasya kāryaṃ dhūma iti | kāraṇavyāpakaviruddhakāryaṃ nāstyatra himatvavyāptahimaviśe-

<lb>ṣajanitaromaharṣādiviśeṣo dhūmāt iti romaharṣādiviśeṣasya hi kāraṇaṃ himaviśeṣastasya vyāpakaṃ himatvaṃ

<lb>tadviruddhogniḥ tatkāryaṃ dhūma iti | vyāpakakāraṇaviruddhakāryaṃ––nāstyatra śītasparśaviśeṣastadvyāpakaśītaspa-

<lb>rśamātrakāraṇahimaviruddhāgnikāryadhūmāditi śītasparśaviśeṣasya hi vyāpakaṃ śītasparśamātraṃ tasya kāraṇaṃ himaṃ

<lb>tadviruddhognistatkāryaṃ dhūma iti | kāraṇaviruddhakāraṇaṃ–nāstyasya mithyācaraṇaṃ tattvārthopadeśagrahaṇāt mi-

<lb>thyācaraṇasya hi kāraṇaṃ mithyājñānaṃ tadviruddhaṃ tattvajñānaṃ tasya kāraṇaṃ tattvārthopadeśagrahaṇaṃ | tattvārtho-

<lb>padeśaśravaṇe satyapi kasya cittatvajñānāsaṃbhavād grahaṇavacanaṃ | tattvārthānāṃ śraddhānapūrvakaṃ–avadhāraṇaṃ hi

<lb>grahaṇamiṣṭaṃ, anyathāsya grahaṇābhāsatvāt | mithyācaraṇasya vātra nāstitā sādhyate na punaranācaraṇasya

<lb>tattvārthopadeśagrahaṇādutpannatattvajñānasyāpyasaṃyatasamyagdṛṣṭeścāritrāsaṃbhavāt––anācārasya prasiddheḥ | na tu mi-

<lb>thyācaraṇamapyasya saṃbhavati tattvajñānavirodhāt tena saha tasyānavasthānāt iti | tathā vyāpakaviruddhakāraṇaṃ

<lb>liṃgaṃ–nāstyasyātmani mithyājñānaṃ tattvārthopadeśagrahaṇāt iti ātmani mithyājñānaviśeṣasya vyāpakaṃ mithyā-

<lb>jñānamātraṃ tadviruddhaṃ satyajñānaṃ tasya kāraṇaṃ tattvārthopadeśagrahaṇaṃ yathārthopavarṇitamiti | kāraṇavyāpakaviruddha-

<lb>kāraṇaṃ–nāstyasya mithyācaraṇaṃ tattvārthopadeśagrahaṇāditi atra mithyācaraṇasya kāraṇaṃ mithyājñānaviśeṣaḥ

<lb>tasya vyāpakaṃ mithyājñānamātraṃ tadviruddhaṃ tattvajñānaṃ, tasya kāraṇaṃ tattvārthopadeśagrahaṇamiti pratyeyaṃ |

<lb>vyāpakakāraṇaviruddhakāraṇaṃ liṃgaṃ nāstyasya mithyācaraṇaviśeṣastattvārthopadeśagrahaṇāditi mithyācaraṇa viśe-

<lb>ṣasya hi vyāpakaṃ mithyācaraṇasāmānyaṃ tasya kāraṇaṃ mithyājñānaṃ tadviruddhaṃ tattvajñānaṃ tasya kāraṇaṃ tattvārthopade-

<pb n="74">

<lb>śagrahaṇamiti tathā kāraṇaviruddhavyāpyaṃ liṃgaṃ na saṃti sarvathaikāṃtavādinaḥ praśamasaṃvegānukaṃpāstikyāni

<lb>vaiparyāsikamithyādarśanaviśeṣāt | praśamādīnāṃ hi kāraṇaṃ samyagdarśanaṃ tadviruddhaṃ mithyādarśanasāmānyaṃ tena

<lb>vyāpyaṃ mithyādarśanaṃ vaiparyāsikaviśiṣṭamiti | vyāpakaviruddhavyāpyaṃ–na saṃti syādvādino vaiparyāsikādimi-

<lb>thyādarśanaviśeṣāḥ satyajñānaviśeṣāt iti vaiparyāsikādimithyādarśanaviśeṣāṇāṃ hi vyāpakaṃ mithyādarśanasā-

<lb>mānyaṃ tadviruddhaṃ tattvajñānasāmānyaṃ tasya vyāpyastattvajñānaviśeṣa iti | kāraṇavyāpakaviruddhavyāpyaṃ––na

<lb>saṃtyasya praśamādīni mithyājñānaviśeṣāditi, praśamādīnāṃ hi kāraṇaṃ samyagdarśanaviśeṣaḥ tasya vyāpakaṃ samya-

<lb>gdarśanasāmānyaṃ tadviruddhaṃ mithyājñānasāmānyaṃ tena vyāpto mithyājñānaviśeṣa iti | vyāpakakāraṇaviruddha

<lb>vyāpyaṃ liṃgaṃ na saṃtyasya tattvajñānaviśeṣāḥ mithyārthopadeśagrahaṇaviśeṣāt | tattvajñānaviśeṣāṇāṃ vyāpakaṃ

<lb>tattvajñānasāmānyaṃ tasya kāraṇaṃ tattvārthopadeśagrahaṇaṃ tadviruddhaṃ mithyārthopadeśagrahaṇasāmānyaṃ tena vyāpto

<lb>mithyārthopadeśagrahaṇaviśeṣa iti | evaṃ kāraṇaviruddhasahacaraṃ liṃgaṃ–saṃtyasya praśamādīni mithyājñānāditi

<lb>praśamādīnāṃ hi kāraṇaṃ samyagdarśanaṃ tadviruddhaṃ mithyādarśanaṃ tatsahacaraṃ mithyājñānamiti | vyāpakaviruddha-

<lb>sahacaraṃ–na saṃtyasya mithyādarśanaviśeṣāḥ samyagjñānāditi mithyādarśanaviśeṣāṇāṃ hi vyāpakaṃ mithyādarśa-

<lb>nasāmānyaṃ tadviruddhaṃ tattvārthaśraddhānaṃ samyagdarśanaṃ tatsahacaraṃ samyagjñānamiti | kāraṇavyāpakaviruddhasahacaraṃ–

<lb>na saṃtyasya praśamādīni mithyājñānāditi praśamādīnāṃ hi kāraṇaṃ samyagdarśanaviśeṣāsteṣāṃ vyāpakaṃ samya-

<lb>gdarśanasāmānyaṃ tadviruddhaṃ mithyādarśanaṃ tatsahacaraṃ mithyājñānamiti | vyāpakakāraṇaviruddhasahacaraṃ na saṃtyasya

<lb>mithyādarśanaviśeṣāḥ satyajñānāditi mithyādarśanaviśeṣāṇāṃ hi vyāpakaṃ mithyādarśanasāmānyaṃ tasya kāraṇaṃ

<lb>darśanamohodayastadviruddhaṃ samyagdarśanaṃ tatsahacaraṃ samyagjñānamiti | tadetsāmānyato virodhiliṃgaṃ, prapaṃcato

<lb>dvāviṃśatiprakāramapi bhūtamabhūtasya gamakamanyathānupapannatvaniyamaniścayalakṣaṇatvāt pratipattavyaṃ | bhūtaṃ bhūtasya

<lb>prayojakaṃ kāryādi ṣaṭprakāraṃ pūrvamuktaṃ | taditthaṃ vidhimukhena vidhāyakaṃ-pratiṣedhamukhena pratiṣedhakaṃ ca liṃgama-

<lb>bhidhāya sāṃprataṃ pratiṣedhamukhena vidhāyakaṃ pratiṣedhakaṃ ca sādhanamabhidhīyate tatrābhūtaṃ bhūtasya vidhāyakaṃ-yathā–

<lb>astyasya prāṇino vyādhiviśeṣo nirāmayaceṣṭānupalabdheriti | tathā––asti sarvathaikāṃtavādināmajñānādi-

<lb>rdoṣaḥ yuktiśāstrāviruddhavacanābhāvāt iti astyasya munerāptatvaṃ visaṃvādakatvābhāvāt | abhūdetasya tāla-

<lb>phalasya patanakarma vṛṃtasaṃyogābhāvāt iti vahudhā dṛṣṭavyaṃ | tathaivābhūtamabhūtasya pratiṣedhasya pratiṣedhakaṃ yathā–

<lb>nāstyatra śavaśarīre buddhirvyāpāravyāhārākāraviśeṣānupalabdheriti kāryānupalabdhiḥ | na saṃtyasya praśamādīni

<lb>tattvārthaśraddhānānupalabdheriti kāraṇānupalabdhiḥ | nāstyatra śiṃśapā vṛkṣānupalabdheriti vyāpakānupalabdhiḥ |

<lb>nāstyasya tattvajñānaṃ samyagdarśanābhāvāt iti sahacarānupalabdhiḥ | na bhaviṣyati muhūrtāṃte śakaṭodayaḥ kṛtti-

<lb>kodayānupalabdheriti pūrvacarānupalabdhiḥ | nodagādbharaṇirmuhūrtātprākkṛttikodayānupalabdheriti uttaracarānupa-

<lb>labdhiḥ | eva paraṃparayā kāraṇādyanupalabdhiḥ vyāpakavyāpakānupalabdhyādikamapi bahudhā pratiṣedhadvāreṇa

<lb>pratiṣedhasādhanamavadhāraṇīyaṃ |

<lb><p>atra saṃgrahaślokāḥ––

<lb><s>syātkāryaṃ kāraṇavyāpyaṃ prāk sahottaracāri ca

<lb><s>liṃgaṃ tallakṣaṇavyāpterbhūtaṃ bhūtasya sādhakaṃ || 1 ||

<lb><s>ṣoḍhā viruddhakāryādi sākṣādevopavarṇitaṃ

<lb><s>liṃgaṃ bhūtamabhūtasya liṃgalakṣaṇayogataḥ || 2 ||

<lb><s>pāraṃparyāttu kāryaṃ syāt kāraṇaṃ vyāpyameva ca

<lb><s>sahacāri ca nirdiṣṭaṃ pratyekaṃ taccaturvidhaṃ || 3 ||

<lb><s>kāraṇāddviṣṭhakāryādibhedenodāhṛtaṃ purā

<lb><s>yathā ṣoḍaśabhedaṃ syāt dvāviṃśātividhaṃ tataḥ || 4 ||

<lb><s>liṃgaṃ samuditaṃ jñeyamanyathānupapattimat

<pb n="75">

<lb><s>tathā bhūtamabhūtasyāpyūhyamanyadapīdṛśaṃ || 5 ||

<lb><s>abhūtaṃ bhūtamunnītaṃ bhūtasyānekadhā budhaiḥ

<lb><s>tathā1 'bhūtamabhūtasya yathāyogyamudāharet || 6 ||

<lb><s>bahudhāpyevamākhyātaṃ saṃkṣepeṇa caturvidhaṃ

<lb><s>atisaṃkṣepato dvedhopalaṃbhānupalaṃbhabhṛt || 7 ||

<lb><p>etena kāryasvabhāvānupalaṃbhavikalpāt trividhameva liṃgamiti niyamaḥ pratyākhyātaḥ sahacarāderliṃgāṃtaratvāt

<lb>pratyakṣapūrvakaṃ trividhamanumānaṃ-pūrvavaccheṣavatsāmānyatodṛṣṭamityapi | yadi pūrvavaccheṣavat kevalānvayi, pūrvavatsāmānya-

<lb>todṛṣṭaṃ kevalavyatireki pūrvavaccheṣavatsāmānyatodṛṣṭamanvayavyatireki vyākhyāyate trisūtrīkaraṇādasya sūtrasya tadā na

<lb>kiṃcidviruddhaṃ nigaditaliṃgaprakāreṣu trividhasyāpi saṃbhavāt | yathopapattiniyamātkevalānvayino gamakatvāvirodhāt |

<lb>tatra vaidharmyadṛṣṭāṃtābhāve'pi sādhyāvinābhāvaniyamaniścayāt | atha pūrvavatkāraṇātkāryānumānaṃ śeṣavat kāryā-

<lb>tkāraṇānumānaṃ sāmānyato dṛṣṭaṃ | akāryakāraṇādakāryakāraṇānumānaṃ sāmānyato'vinābhāvamātrāditi vyākhyāyate

<lb>tadāpi syādvādināmabhimatameva tathā sarvahetuprakārasaṃgrahasya saṃkṣepataḥ pratipādanāt | yadāpi pūrvavatpūrvaliṃga-

<lb>liṃgisaṃbaṃdhasya kvacinniścayādanyatra pūrvavadvartamānaṃ śeṣavatpariśeṣānumānaṃ prasaktapratiṣedhe pariśiṣṭasya pratipatteḥ |

<lb>sāmānyato dṛṣṭaṃ viśiṣṭavyaktau saṃbaṃdhāgrahaṇātsāmānyena dṛṣṭaṃ yathā––gatimānādityaḥ deśāddeśāṃtaraprāpteḥ devada-

<lb>ttavaditi vyākhyā vidhīyate tadāpi syādvādināṃ nānavadheyaṃ pratipāditahetuprapaṃcasyaiva viśeṣaprakāśanāt |

<lb>sarvaṃ hi liṃgaṃ pūrvavadeva pariśeṣānumānasyāpi pūrvavattvasiddheḥ, prasaktapratiṣedhasya pariśiṣṭapratipattyavinābhūtasya

<lb>pūrvaṃ kvacinniścitasya vivādādhyāsitapariśiṣṭapratipattau sādhanasya prayogāt | sāmānyatodṛṣṭasya ca pūrvavattva-

<lb>pratīteḥ kvaciddeśāṃtaraprāpteḥ | gatimatyavinābhāvinyā eva devadattādau pratipatteranyathā tadanumānāpravṛtteḥ |

<lb>pariśeṣānumānameva vā sarvaṃ saṃpratīyate pūrvavato'pi dhūmātpāvakānumānasya prasaktau pāvakapratiṣedhāt pravṛttighaṭanāt |

<lb>tadapratipattau vivādānupapatteranumānavaiyarthyāt tathā sāmānyatodṛṣṭasyāpi deśāṃtaraprāpterādityagatyanumānasya

<lb>tadagatimattvasya prasaktasya pratiṣedhādupapatteriti | sakalaṃ sāmānyatodṛṣṭameva vā sarvatra sāmānyenaiva liṃgaliṃgi

<lb>saṃbaṃdhapratipatterviśeṣatastatsaṃbaṃdhasya pratipattumaśakteḥ | kena cidviśeṣeṇa liṃgabhedakalpanā na nivāryate eva

<lb>prakārāṃtaratastadbhedakalpanāvat | kevalamanyathānupapannatvaniyamaniścaya eva hetoḥ prayojakatvanimittaṃ tasmin

<lb>sati hetuprakārabhedaparikalpanāyāḥ pratipatturabhiprāyavaicitryāt | vaicitryaṃ nānyatheti suniścitaṃ naścetasi tathā

<lb>pratīterabādhyamānatvāt | yadāpi–avītaṃ vītaṃ vītāvītamiti liṃgaṃ trividhamanumanyate tadāpi nānyathānupapannatva

<lb>niyamaniścayalakṣaṇamatikramya vyavatiṣṭhate | nāpi pratipāditahetuprapaṃcabahirbhūtaṃ samayāṃtarabhāṣayā kevalānvayyādi

<lb>trayasyaiva tathāvidhānāt | kvacitsādhyasādhanadharmayoḥ sāhacaryamavinābhāvaniyamalakṣaṇamupalabhyānyatra sādhanadharma-

<lb>darśanāt | sādhyadharmapratipattirāvītamucyate yathā guṇāguṇinau parasparaṃ bhinnau bhinnapratyayaviṣayatvāt ghaṭapaṭava-

<lb>dīti tacca kevalānvayīṣyate kathaṃcidbhedaeva sādhye 'nyathānupapannatvasiddheḥ sarvathā bhede guṇaguṇibhāvavirodhāt

<lb>gamakatvāsiddheḥ | tathā kvacidekasya dharmasya vyāvṛttau parasya dharmasya vyāvṛttiṃ niyamavatīmupalabhyānyatra

<lb>taddharmasya niścayāt sādhyasiddhirvītaṃ kathyate yathā sātmakaṃ jīvaccharīraṃ prāṇādimattvāt iti tadidaṃ kevala

<lb>vyatirekīṣṭhaṃ pariṇāminātmanā sātmakatvavyāvṛttau bhasmani prāṇādimattvavyāvṛttiniyamaniścayāt niranvaya

<lb>kṣaṇikacittavat kūṭasthenātmanā prāṇādyarthakriyāniṣpādanavirodhāt | vītāvitaṃ tu tadubhayalakṣaṇayogādanva-

<lb>yavyatireki dhūmādeḥ pāvakādyanumānaṃ prasiddhameveti na hetvaṃtaramasti tataḥ sūktaṃ––anyathānupapattiniyamaniścaya-

<lb>lakṣaṇaṃ sādhanaṃ atisaṃkṣepavistarato'bhihitasya sakalasādhanaviśeṣasya tena vyāptatvāt | tathāvidhalakṣaṇātsā-

<lb>dhanāt sādhye sādhayituṃ śakye, abhiprete kvacidaprasiddhe ca vijñānamanumānamiti | sādhayitumaśakye sarvathaikāṃte

<lb>sādhanasyāpravṛtteḥ tatra tasya viruddhatvāt svayamanabhiprete cātiprasaṃgāt prasiddhe ca vaiyarthyāt tasya sādhyābhāsattva

<lb>prasiddheḥ pratyakṣādiviruddhasyāniṣṭasya suprasiddhasya ca sādhanāviṣayatvaniścayāt |

<notes>1 liṅgam iti paṭhāṃtaraṃ</notes>

<pb n="76">

<lb><p>taduktaṃ––akalaṃkadevaiḥ––

<lb><s>sādhyaṃ śakyamabhipretemaprasiddhaṃ tato'pare

<lb><s>sādhyābhāsaṃ viruddhādi sādhanāviṣayatvataḥ || 1 ||

<lb><p>tadetsādhanāt sādhyavijñānamanumānaṃ svārthamabhinibodhalakṣaṇaṃ viśiṣṭamatijñānaṃ sādhyaṃ pratyabhimukhānnitthami-

<lb>tātsādhanādupajātabodhasya tarkaphalasyābhinibodha iti saṃjñāpratipādanāt | parārthamanumānamanakṣaraśrutajñānaṃ–

<lb>akṣaraśrutajñānaṃ ca tasya śrotramatipūrvakasya ca tathātvopapatteḥ ? | śabdātmakaṃ tu parārthānumānamayuktaṃ śabdasya

<lb>pratyavamarśino'pi sarvasya dravyāgamarūpatvapratīteḥ kathamanyathā pratyakṣamapi śabdātmakaṃ parārthaṃ na bhavet sarvathā

<lb>viśeṣābhāvāt pratipādakapratipādyajanayoḥ svaparārthānumānakāryakāraṇatvasiddherupacārādanumānaparāmarśino

<lb>vākyasya parārthānumānatvapratipādanamaviruddhaṃ nānyathātiprasaṃgāditi boddhavyaṃ | tadetparokṣaṃ pramāṇamaviśadatvāt

<lb>śrutajñānavat |

<lb><p>kiṃ punaḥ śrutajñānamityetadabhidhīyate––śrutajñānāvaraṇavīryāṃtarāyakṣayopaśamaviśeṣāṃtaraṃge kāraṇe sati

<lb>bahiraṃge matijñāne ca, aniṃdriyaviṣayālaṃbanaṃ, aviśadaṃ jñānaṃ śrutajñānaṃ | kevalajñānaṃ tīrthakaratvanāmapuṇyāti-

<lb>śayodayanimittakabhagavattīrthakaradhvaniviśeṣādutpannaṃ gaṇadharadevaśrutajñānamevamasaṃgṛhītaṃ syāditi na śaṃkanīyaṃ

<lb>tasyāpi śrotramatipūrvakatvāt | prasiddhamatiśrutāvadhimanaḥparyayajñānāni vacanajanitapratipādyajanavacanaśrutajñā-

<lb>navat | samudraghoṣajaladharasvanaśrutijanitatadavinābhāvipadārthaviṣayaśrutajñānavadvā tato niravadyaṃ śrutajñānalakṣaṇaṃ-

<lb>avyāptyativyāptyasaṃbhavadoṣarahitatvāt | anumānalakṣaṇavat | tadevaṃvidhaṃ śrutajñānaṃ pramāṇamavisaṃvādakatvāt

<lb>pratyakṣānumānavat | nacāsiddhamavisaṃvādakatvamasyeti śaṃkitavyaṃ tato'rthaṃ paricchidya pravartamānasya visaṃvādā-

<lb>bhāvāt sarvadā'rthakriyāyāṃ saṃvādaprasiddheḥ pratyakṣādivat |

<lb><p>nanu ca śrotramatipūrvakaśrutajñānādarthaṃ pratipadya vartamānasyārthakriyāyāmavisaṃvādakasya kvacidabhāvāt na

<lb>prāmāṇyaṃ sarvatrānāśvāsāditi cet ? na pratyakṣāderapi śuktikāśakalaṃ rajatākāratayā paricchidya tatra pravarta

<lb>mānasyārthakriyāyāṃ rajatasādhyāyāmavisaṃvādavirahāt | sarvatra pratyakṣe'nāśvāsādaprāmāṇyaprasaṃgāt | pratyakṣābhāse

<lb>visaṃvādadarśanānna pratyakṣe'nāśvāso'numānavaditi cettarhi śrutajñānābhāsādvisaṃvādaprasiddheḥ satyaśrutajñāne kathama-

<lb>nāśvāsaḥ ? naca satyaṃ śrutajñānamasiddhaṃ tasya loke prasiddhatvāt suyuktikasadbhāvācca tathāhi śrotramatipūrvakaṃ śrutajñānaṃ

<lb>prakṛtaṃ satyameva aduṣṭakāraṇajanyatvāt pratyakṣādivat | taddvividhaṃ sarvajñāsarvajñavacanaśravaṇanimittatvāt | taccobha-

<lb>yamaduṣṭakāraṇajanyaṃ guṇavādvaktṛkaśabdajanitatvāt |

<lb><p>nanu ca nadyāstīre modakarāśayaḥ saṃtīti prahasanena guṇavadvaktṛkaśabdādupajanitasyāpi śrutajñānasyāsa-

<lb>tyatvasiddhervyabhicāriguṇavadvaktṛkaśabdajanitatvamaduṣṭakāraṇajanyatve sādhye tato na tattadgamakamiti na maṃtavyaṃ

<lb>prahasanaparasya vakturguṇavattvāsiddheḥ prahasanasyaiva doṣatvādajñānādivat | kathaṃ punarvivādāpannasya śrotramatipūrvaka

<lb>śrutajñānastha guṇavadvaktṛkaśabdajanitatvaṃ siddhaṃ ? iti cet suniśacitāsaṃbhavadbādhakatvāditi bhāṣāmahe |

<lb>pratyakṣe hyarthe pratyakṣasyānumeye'numānasyāṃtyaṃtaparokṣe cāgamasya bādhakasyāsaṃbhavāt asaṃbhavadbādhakatvaṃ tasya siddhaṃ |

<lb>deśakālapuruṣāṃtarāpekṣayāpi saṃśayānutpatteḥ suniścitatvaviśeṣaṇamapi sādhanasyeti nāsiddhatāśaṃkāvatarati |

<lb>nāpyenaikāṃtikatā vipakṣe kvacidasaṃbhavāt | na viruddhatā suniścitāsaṃbhavadbādhakasya śrutajñānasya aguṇavadvaktṛka

<lb>śabdajanitasya vādiprativādiprasiddhasyāsaṃbhāvyamānatvāt | tathā vyāhatatvācca | kathaṃcidapauruṣeyaśabdajanita

<lb>śrutajñānasya tu guṇavadvaktṛkaśabdajanitatvenāduṣṭakāraṇajanyatvaṃ siddhyet | tataśca satyatvamiti syādvādināṃ

<lb>sarvamanavadyaṃ paryāyārthikanayaprādhānyāt dravyārthikanayaguṇabhāvācca śrutajñānasya guṇavadvaktṛkaśabdajanitatva-

<lb>siddheḥ dravyārthikaprādhānyātparyāyārthikaguṇabhāvācca guṇavadvyākhyātṛkaśabdajanitatvopapatteśca | naca sarvathā

<lb>pauruṣeyaḥśabdo'pauruṣeyo vā pramāṇataḥ siddhyate |

<lb><p>nanu ca vivādāpannaḥ śabdaḥ pauruṣeya eva prayatnānaṃtarīyakatvāt paṭādivadityanumānāt āgamasya dvāda-

<lb>śāṃgasyāṃgabāhyasya cānekabhedasya pauruṣeyatvameva yuktaṃ bhāratādivaditi kaścit so'pyevaṃ pṛṣṭaḥ sannācaṣṭāṃ–kiṃ

<pb n="77">

<lb>sarvathā prayatnāṃtarīyatvahetuḥ kathaṃcidvā ? sarvathā cet? aprasiddhaḥ syādvādino dravyārthādiprayatnāṃnaṃtarīyakatvādā-

<lb>gamasya | kathaṃciccedviruddhaḥ kathaṃcidapauruṣayatvasādhanāt | prayatnānaṃtarīyakatvaṃ hi pravacanasyoccārakapuruṣa-

<lb>prayatnānaṃtaropalaṃbhāt syāt utpādakapuruṣaprayatnāṃnaṃtaropalaṃbhādvā ? prathamakalpanāyāmuccārakapuruṣāpekṣayā pauru-

<lb>ṣeyatvameva tasya saṃprati purāṇapuruṣotpāditakāvyaprabaṃdhasyeva prasaktaṃ | na punarutpādakapuruṣāpekṣayā pravacanasyānā-

<lb>dinidhanasyotpādakapuruṣābhāvāt | sarvajña utpādaka iti cet ? varṇātmanaḥ padavākyātmano vā pravacanasyo-

<lb>tpādakaḥ sa syāt ? na tāvadvarṇātmanastadvarṇānāṃ prāgapi bhāvāt tatsadṛśānāṃ pūrvaṃ bhāvo na punasteṣāṃ ghaṭādī-

<lb>nāmiveti cet kathamidānīmanuvādakasteṣāmutpādako na syāt ? tadanuvādāt prāgapi tatsadṛśānāmeva

<lb>sadbhāvāt teṣāmanūdyamānānāṃ tadaiva sadbhāvāt | tathāca na kaścidutpādako varṇānāṃ sarvasyotpādakatvasiddheḥ |

<lb>yathaiva hi kuṃbhādīnāṃ kuṃbhakārādirutpādaka eva na punaranukārakastathā varṇānāmapīti tadanuvādakavyavahāravirodhaḥ

<lb>pūrvopalabdhavarṇānāṃ sāṃpratikavarṇānāṃ ca sādṛśyādeketvopacārātpaścādvādako'nuvādaka eva | asāvāha varṇānnā-

<lb>hamiti svātaṃtryapariharaṇātpārataṃtryānusaraṇāditi cet tarhi yathā varṇānāṃ paṭhitānuvādakaḥ tathā pāṭhayitāpi

<lb>tasyāpi svātaṃtryābhāvāt sarvasya svopādhyāyaparataṃtratvāt tata evaṃ vaktavyaṃ––

<lb><s>neha varṇānnaraḥ kaścit svātaṃtryeṇa prapadyate

<lb><s>yathaivāsmai parairuktāstathaivaitānvivakṣyate || 1 ||

<lb><s>parepyevaṃ vivakṣyaṃti tasmādeṣāmanāditā

<lb><s>prasiddhā vyavahāreṇa saṃpradāyāvyavacchidā || 2 ||

<lb><p>tathā ca sarvajñopyanuvādaka eva pūrvapūrvasarvajñoditānāmeva catuḥṣaṣṭivarṇānāmuttarottarasarvajñenānuvādāt |

<lb>tasya pūrvasarvajñoditavarṇānupalaṃbhe punarasarvajñatvaprasaktiḥ | tadevamanādisarvajñasaṃtatimicchatāṃ na kaścitsarvajño

<lb>varṇānāmutpādakastasya tadanuvādakatvāt | padavākyātmanaḥ pravacanasyotpādakaḥ sarvajña ityapyanenāpāstaṃ prava-

<lb>canapadavākyānāmapi pūrvapūrvasarvajñoditānāmevottarottarasarvajñenānuvādāt sarvadāṃgapraviṣṭāṃgabāhyaśrutasya śabdā-

<lb>tmano dvādaśavikalpānekavikalpasyānyādṛśavarṇapadavākyatvāsaṃbhavāt tasyāpūrvasyotpādakāyogāt |

<lb><p>syānmataṃ––maheśvaro'nādirekaḥ sarvajño varṇānāmutpādakaḥ prathamaṃ sṛṣṭikāle jagatāmivopapannastasya

<lb>sarvadā svataṃtratvāt sarvajñāṃtaraparataṃtratāpāyāt tadanuvādakatvāyogāditi tadapyasatyaṃ tasyānāderekasyeśvarasyā

<lb>ptaparīkṣāyāṃ pratikṣiptatvāt, parīkṣākṣamatvābhāvāt kapilādivat | saṃbhave vā sadaivaiśvaraḥ sarvajño brāhmeṇa mānena

<lb>varṣāśatāṃte varṣaśatāṃte jagato sṛṣṭā pūrvasmin pūrvasmin sṛṣṭikāle svayamutpāditānāṃ varṇapadavākyānāmuttara-

<lb>sminnuttarasmin sṛṣṭikāle punarupadeṣṭā kathamanuvādako na bhavet ? | na hyekaḥ kaviḥ svakṛtakāvyasya punaḥ

<lb>punarvaktānuvādako na syāt iti vaktuṃ yuktaṃ,

<lb><s>śabdārthayoḥ punarvacanaṃ punaruktamanyatrānuvādāt

<lb><p>iti vacanavirodhāt | ekasya punaḥ punastadeva vadato'nuvādāsaṃbhave punaruktasyaiva siddheḥ tataḥ kasya-

<lb>citsvayaṃ kṛtaṃ kāvyaṃ punaḥ punarvadato'nuvādakatve maheśvaraḥ sarvadaivānuvādakaḥ syāt | pūrvapūrvavādāpekṣayottaro-

<lb>ttarasyānuvādarūpatvāt | naca pūrvapūrvavarṇapadavākyavilakṣaṇānyeva varṇapadavākyāni maheśvaraḥ karoti iti ghaṭate

<lb>teṣāṃ kutaścitpramāṇādaprasiddheḥ prasiddhau vā teṣāṃ kimajñānāttadā maheśvaro'praṇetā syāt | athāśakterutaprayo-

<lb>janābhāvāditi ? na tāvadajñānāt sarvajñatvavirodhāt tasya sarvaprakāravarṇapadavākyavedityasiddheḥ anyathānī-

<lb>śvaratvaprasaṃgāt | nāpyaśakteḥ–īśvarasyānaṃtaśaktitvavacanāt | yadi hyekadā kāni cideva varṇādīni praṇetumīśva-

<lb>rasya śaktirnānyāni tadā kathamanaṃtaśaktiḥ syādanīśavat | prayojanābhāvānnānyāni praṇayatīti cet na saka-

<lb>lavācakaprakāśanasyaiva prayojanatvāt sakalavācyārthaprakāśanavat | sakalajagatkāraṇavadvā pratipādyajanānu-

<lb>rodhāt keṣāṃ cideva varṇādīnāṃ praṇayane jagadupabhoktṛprāṇyanurodhāt keṣāṃcideva jagatkāryāṇāṃ karaṇaṃ syā-

<pb n="78">

<lb>nna sarveṣāṃ | tathā ceśvarakṛtaiḥ kāryaiḥ kāryatvāditi heturvyabhicāritvānna sarvakāryāṇāmīśvaranimittatvaṃ sādhayet |

<lb>naca sakalaprakāravarṇādivācakaprapaṃcaṃ jijñāsamānaḥ kaścitpratipādya eva na saṃbhavatīti vaktuṃ yuktaṃ sarvajñavacana

<lb>syāpratigrāhakatvaprasaṃgāt | tatsaṃbhave ca sarge sarge sakalavarṇādīnāṃ praṇeteśvaro'nuvādaka eva syāt na puna-

<lb>rutpādakaḥ sarvadaiveti siddhaṃ tato'neka eva sarvajño'stu kimekeśvarasya kalpanayā yathā caiko navamiti vadati

<lb>tadevānyaḥ purāṇamityanekasarvajñakalpanāyāṃ vyāghātāt vastuvyavasthānāsaṃbhavastathaikasyāpīśvarasyānekasarga

<lb>kālapravṛttāvanekopadeśābhyanujñānāt | tatra pūrvasmin sarge navamityupadeśīśvareṇa tadevottarasmin sarge purāṇa-

<lb>mityupadiśyate na punarekadaiva navaṃ pūrāṇaṃ caikamiti vyāghātāsaṃbhave kathamanekasyāpi sarvajñasya kālabhedena nava-

<lb>miti purāṇamityupadeśatastattvavacanavyāghātaḥ ? ityalamanādyekeśvarakalpanayā tatsādhanopāyāsaṃbhavāt |

<lb><p>sopāyasiddhastu sarvajño'nekaḥ pramāṇasiddhaḥ niratakālocchannasya paramāgamasya pravaṃdhenābhivyaṃjako'nu-

<lb>vādaka iti prayatnānaṃtaramabhivyakteḥ kathaṃ citprayatnānaṃtarīyakatvaṃ kathaṃcitpauruṣeyatvaṃ sādhayet–tathāhi––

<lb><s>paramāgamasaṃtānamanādinidhanakramaṃ notpādayetsvayaṃ kaścitsarvajño'sarvavedivat || 1 ||

<lb><s>yathaikaḥ sakalārthajñaḥ svamahimnā prakāśayet tathānyo'pi tameva cānādiḥ sarvajñasaṃtatiḥ || 2 ||

<lb><s>siddhā tatproktaśabdotthaṃ śrutajñānamaśeṣataḥ pramāṇaṃ pratipattavyamaduṣṭopāyajatvataḥ || 3 ||

<lb><s>tato bāhyaṃ pūnardvedhā pauruṣeyapadakramāt jātamārṣādanārṣācca samāsavyāsatonvitāt || 4 ||

<lb><s>tatrārṣamṛṣibhiḥ proktādaduṣṭairvacanakramāt samudbhūtaṃ śrutajñānaṃ pramāṇaṃ bādhakātyayāt || 5 ||

<lb><s>anārṣaṃ tu dvidhoddiṣṭaṃ samayāṃtarasaṃgataṃ laukikaṃ ceti tanmithyā pravādivacanodbhavaṃ || 6 ||

<lb><s>duṣṭakāraṇajanyatvādapramāṇaṃ kathaṃ ca na samyagdṛṣṭestadetatsyāt pramāṇaṃ sunayārpaṇāt || 7 ||

<lb><p>nanvaduṣṭakāraṇajanyatvena śrutajñānasya pramāṇatvasādhane codanājñānasya prāmāṇyaṃ syāt puruṣadoṣarahitā-

<lb>yāścodanāyāḥ sarvathāpyapauruṣeyajanitatvāt |

<lb><p>taduktaṃ––

<lb><s>codanājanitā buddhiḥ pramāṇaṃ doṣavarjitaiḥ |

<lb><s>kāraṇairjanyamānatvālliṃgāptoktyakṣabuddhivat || 1 ||

<lb><p>tadetaduktaṃ––

<lb><p>guṇavatkāraṇajanyatvasyāduṣṭakāraṇajanyatvaśabdenābhipretatvāt liṃgāptoktyakṣabuddhiṣu tathaiva tasya prati-

<lb>patteḥ | na hi liṃgasyāpauruṣeyatvamaduṣṭaṃ sādhyāvinābhāvaniyamaniścayākhyena guṇena guṇavattvasyāduṣṭatvasya pratī-

<lb>teḥ | tathāprokteravisaṃvādakatvaguṇena guṇavattvasya tathākṣāṇāṃ cakṣurādīnāṃ nairmalyādiguṇena guṇavattvasyeti |

<lb><p>nanu cāduṣṭatvaṃ doṣarahitatvaṃ kāraṇasya tacca kvaciddoṣaviruddhasya guṇasya sadbhāvāt | tathā manvādismṛ-

<lb>tivacane kvaciddoṣakāraṇabhāvāt | yathā codanāyāṃ taduktaṃ––

<lb><s>śabde doṣodbhavastāvadvaktradhīnamiti sthitaṃ

<lb><s>tadabhāvaḥ kvacittāvadguṇavadvaktṛkatvataḥ || 1 ||

<lb><s>tadguṇairapakṛṣṭānāṃ śabde saṃkrāṃtyasaṃbhavāt

<lb><s>yadvā vakturabhāvena na syurdoṣā nirāśrayāḥ || 2 ||

<lb><p>tadapyasaraṃ sarvatra guṇābhāvasyaiva doṣavattvāt, guṇasadbhāvasyaiva cādoṣapratīterabhāvasya bhāvāṃtarasvabhāva-

<lb>tvasiddheḥ, anyathā pramāṇaviṣayatvavirodhāt | guṇavadvaktṛkatvasya hi doṣarahitasya vaktṛkatvasya saṃpratyayaḥ kathama-

<lb>nyathā guṇadoṣayoḥ sahānavasthānaṃ yujyeta ? rāgadveṣamohādivakturdoṣāvitathābhidhānahetavaḥ | tadviruddhāśca vairā-

<lb>gyakṣamātattvāvabodhāstadabhāvātmakāḥ satyābhidhānahetavo guṇā iti parīkṣakajanamanasi vartate naca manvādayaḥ

<lb>smṛtiśāstrāṇāṃ praṇetāro guṇavaṃtasteṣāṃ tādṛśaguṇābhāvāt | nirdoṣavedaparādhīnavacanatvātteṣāṃ guṇavattvamitya-

<lb>pyasaṃbhāvanīyaṃ vedasya guṇavattvāsiddheḥ puruṣasya guṇāśrayasyābhāvāt | yathaiva hi doṣavān vedānnivartamāno

<pb n="79">

<lb>nirdoṣatāmasya sādhayet tathāsau guṇavānapi–aguṇavattāmiti na vedo guṇavānnāma | yadi punarapauruṣeyatvameva

<lb>guṇastadānādimlecchavyavahārasyāpi guṇavattvaṃ–apauruṣeyatvāviśeṣāt |

<lb><p>tadevaṃ––

<lb><s>nāduṣṭā codanā puṃso'sattvādguṇavataḥ sadā

<lb><s>tadvyākhyātuḥ pravakturvā mlekṣādivyavahāravat || 1 ||

<lb><s>tayā yajjanitaṃ jñānaṃ tannāduṣṭanimittajaṃ

<lb><s>siddhaṃ yena pramāṇaṃ syāt paramāgamabodhavat || 2 ||

<lb><s>vedasya poruṣeyasyocchinnasya cirakālataḥ

<lb><s>sarvajñena vinā kaścinnoddhartātīṃdriyārthadṛk || 3 ||

<lb><s>syādvādināṃ tu sarvajñasaṃtānaḥ syātprakāśakaḥ

<lb><s>paramāgamasaṃtānasyocchinnasya kathaṃcana || 4 ||

<lb><s>sarvabhāṣākubhāṣāśca tadvatsarvārthavedibhiḥ

<lb><s>prakāśyate dhvanisteṣāṃ sarvabhāṣāsvabhāvakaḥ || 5 ||

<lb><s>tatpramāṇaṃ śrutajñānaṃ parokṣaṃ siddhamaṃjasā

<lb><s>aduṣṭakāraṇodbhūteḥ pratyakṣavaditi sthitaṃ || 6 ||

<lb><p>tataḥ sūktaṃ pratyakṣaṃ parokṣaṃ ceti dve eva pramāṇe pramāṇāṃtarāṇāṃ sakalānāmapyatra saṃgrahāt iti saṃkhyā-

<lb>vipratipattinirākaraṇamanavadyaṃ svarūpavipratipattinirākaraṇavat |

<lb><p>viṣayavipratipattinirākaraṇārthaṃ punaridamabhidhīyate––dravyaparyāyātmakaḥ pramāṇāviṣayaḥ pramāṇaviṣayatvānya-

<lb>thānupapatteḥ pratyakṣaviṣayeṇa svalakṣaṇena, anumānādiviṣayeṇa ca sāmānyena hetorvyabhicāra iti na maṃtavyaṃ

<lb>tathāpratītyabhāvāt | na hi pratyakṣataḥ svalakṣaṇaṃ paryāyamātraṃ sanmātramivopalabhāmahe | nāpyanumānādeḥ sāmā-

<lb>nyadravyamātraṃ viśeṣamātramiva pratipadyemahi sāmānyaviśeṣātmano dravyaparyāyātmakasya jātyaṃtarasyopalabdheḥ

<lb>pravartamānasya ca tatprāpteḥ anyathārthakriyānupapatteḥ | na hi svalakṣaṇamarthakriyāsamarthaṃ kramayaugapadyavirodhāt

<lb>sāmānyavat | naca tatra kramayaugapadye saṃbhavataḥ pariṇāmābhāvāt | kramākramayoḥ pariṇāmena vyāptatvāt sarva-

<lb>thāpyapariṇāminaḥ kṣaṇikasya nityasya ca tadvirodhasiddheḥ prasiddhe ca sāmānyaviśeṣātmani vastuni tadaṃśamātre

<lb>viśeṣe sāmānye vā pravarttamānaṃ kathaṃ pramāṇaṃ nāma pramāṇasya yathāvastitavastugrahaṇalakṣaṇatvāt tadekadeśagrā-

<lb>hiṇaḥ sāpekṣasya sunayatvānnirapekṣasya durṇayatvāt | tata eva na tadviṣayeṇānekāṃtaḥ sādhanasya syāt | tatra

<lb>pramāṇaviṣayatvasya hetorapravṛtteḥ | ataḥsiddho dravyaparyāyātmārthaḥ pramāṇasyeti tadvipratipattinivṛttiḥ |

<lb><p>phalavipratipattinivṛttyarthaṃ pratipādyate–pramāṇātphalaṃ kathaṃcidbhinnamabhinnaṃ ca pramāṇaphalatvānyathānupapatteḥ |

<lb>hānopādonopekṣābuddhirūpeṇa pramāṇaphalenānekāṃta iti na śaṃkanīyaṃ tasyāpyekapramātrātmanā pramāṇādabheda-

<lb>siddheḥ pramāṇapariṇatasyaivātmanaḥ phalapariṇāmapratīteḥ, anyathā saṃtānāṃtaravatpramāṇaphalabhāvavirodhāt | sākṣā-

<lb>dajñānanivṛttilakṣaṇena pramāṇādabhinnena pramāṇaphalena vyabhicāra ityapyaparīkṣitābhidhānaṃ tasyāpi kathaṃcitpra-

<lb>māṇādbhedaprasiddheḥ pramāṇaphalayorniruktisādhanavirodhāt | karaṇasādhanaṃ hi pramāṇaṃ svārthanirṇītau sādhakatama-

<lb>tvāt | svārthanirṇītirajñānanivṛttiḥ phalaṃ bhāvasādhanaṃ tatsādhyatvāt | etena kartṛsādhanāt pramāṇātkathaṃci-

<lb>dbhedaḥ pratipāditaḥ tasya svārthanirṇītau svataṃtratvāt | svataṃtrasya ca kartṛtvāt svārthanirṇītestu ajñānanivṛtti-

<lb>svabhāvāyāḥ kriyātvāt | naca kriyākriyāvato'rthāṃtaramevānarthāṃtarameva vā kriyākriyāvadbhāvavirodhāt | bhāva-

<lb>sādhanātpramāṇādajñānanivṛttirabhinnaiveti,ayuktaṃ pramāturudāsīnāvasthāyāmavyāpriyamāṇasya pramāṇaśakterbhāvasādhana

<lb>pramāṇasya vyavasthāpitatvāt tasyājñānanivṛttiphalatvāsaṃbhavāt | svārthavyavasitau vyāpriyamāṇaṃ hi pramāṇama-

<lb>jñānanivṛttiṃ sādhayet nānyathā atiprasaṃgāt | tataḥ sūktaṃ––

<pb n="80">

<lb><s>pramāṇātkathaṃcidbhinnābhinnaṃ phalamiti

<lb><p>tatastasya sarvathā bhede bādhakavacanāt | abhedavatsaṃvṛtyā pramāṇaphalavyavahāra ityaprātītikavacanaṃ

<lb>paramārthataḥ sveṣṭasiddhivirodhāt tataḥ pāramārthikapramāṇaṃ phalaṃ ceṣṭasiddhilaṇamabhyanujñātavyaṃ | tataḥsarvapuruṣārtha-

<lb>siddhividhānāditi saṃkṣepaḥ |

<lb><s>iti pramāṇasya parīkṣya lakṣaṇaṃ viśeṣasaṃkhyāviṣayaṃ phalaṃ tataḥ

<lb><s>prabudhya tattvaṃ dṛḍhaśuddhadṛṣṭayaḥ prayāṃtu vidyāphalamiṣṭamuccakaiḥ || 1 ||

<lb><p>iti śrīsyādvādavidyāpatiśrīvidyānaṃdasvāmiviracitā pramāṇaparīkṣā samāptā |