DCV – Yuktyanuśāsana

Vidyānandin's YuktyanuśāsanaṭīkāCreation of the digital textresourceH. TrikhaPublished within the Digital Corpus of Vidyānandin's Works at www.dipal.org/dcv under a Creative Commons Attribution-NonCommercial-ShareAlike 4.0 International LicenseOctober 30, 2021Print edition: Samantabhadra-praṇītaṃ Yuktyanuśāsanam. Vidyānanda-viracitayā ṭīkayā samanvitam Indralālaiḥ Śrīlālaiś ca sampāditaṃ saṃśodhitaṃ ca. (Māṇikacandra Digambara Jaina Granthamālā 15). Bombay 1919.Digital text resource: dcv/text/resources/YAT, February 18, 2022The file at hand, "YA-IS-b", is a transformation of the file "YAT", an TEI P5 ODD-resource for 1) the digitized print edition and for 2) a digital edition of the Yuktyanuśāsana and the Yuktyanuśāsanaṭīkā. Main steps in the preparation: Diplomatic capture of the 1919 print edition by SwiftTechnologies, Mumbai, January 2013. Transliteration with H. Lasic' programme „dev2trans“, September 2012 Application of the conventions of the Text Encoding Initiative by V. Angermeier, January 2020, and H. Trikha March 2022 Integration into DCV, March 2022Excluded in plain text: front, reftype=inline-note, refana=foot, note, ana=obsolete, type=note-block-page-foot, type=note-block-container, kīrtyā mahatyā bhuvi varddhamānaṃ tvāṃ varddhamānaṃ stutigocaratvaṃ  ninīṣavaḥ smo vayam adya vīraṃ viśīrṇadoṣāśayapāśabandhaṃ    yāthātmyam ullaṅghya guṇodayākhyā loke stutir bhūriguṇodadhes te  aṇiṣṭham apy aṃśam aśaknuvanto vaktuṃ jina tvāṃ kim iva stuyāma    tathāpi vaiyātyam upetya bhaktyā stotā'smi te śaktyanurūpavākyaḥ  iṣṭe prameye 'pi yathāsvaśakti kin notsahante puruṣāḥ kriyābhiḥ    tvaṃ śuddhiśaktyor udayasya kāṣṭhāṃ tulāvyatītāṃ jina śāntirūpām  avāpitha vrahmapathasya netā mahān itīyat prativaktum īśāḥ    kālaḥ kalir vā kaluṣāśayo vā śrotuḥ pravaktur vacanāśayo vā  tvacchāsanaikādhipatitvalakṣmī prabhutvaśakter apavādahetuḥ    dayādamatyāgasamādhiniṣṭhaṃ nayapramāṇaprakṛtāṃjasārtham  adhṛṣyamanyair akhilaiḥ pravādai r jina tvadīyaṃ matam advitīyam    abhedabhedātmakam arthatattvaṃ tava svataṃtrānyatarat khapuṣpam  avṛttimattvāt samavāyavṛtteḥ saṃsargahāneḥ sakalārthahāniḥ    bhāveṣu nityeṣu vikārahāne r na kārakavyāpṛtakāryayuktiḥ  na baṃdhabhogau na ca tadvimokṣaḥ  samaṃtadoṣaṃ matam anyadīyaṃ    ahetukatvaṃ prathitaḥ svabhāva s tasmin kriyākārakavibhramaḥ syāt  ābālasiddher vividhārthasiddhi r vādāntaraṃ kiṃ tad asūyatāṃ te    yeṣām avaktavyam ihātmatattvaṃ dehād ananyatvapṛthaktvakḷpteḥ  teṣāṃ jñatatve 'navadhāryatattve kā baṃdhamokṣasthitir aprameye    hetur na dṛṣṭo 'tra na cāpy adṛṣṭo yo 'yaṃ pravādaḥ kṣaṇikātmavādaḥ  na dhvastam anyatra bhave dvītīye saṃtānabhinne na hi vāsanā'sti    tathā na tatkāraṇakāryabhāvā niranvayāḥ kena samānarūpāḥ  asat khapuṣpaṃ na hi hetvapekṣaṃ dṛṣṭaṃ na sidhyaty ubhayor asiddham    naivāsti hetuḥ kṣaṇikātmavāde na sann asan vā vibhavād akasmāt  nāśodayaikakṣaṇatā ca dṛṣṭā saṃtānābhinnakṣaṇayor abhāvāt    kṛtapraṇāśākṛtakarmabhogau syātām asaṃcetitakarmma ca syāt  ākasmike 'rthe pralayasvabhāvo mārgo na yukto badhakaś ca na syāt    na bandhamokṣau kṣaṇikaikasaṃsthau na saṃvṛtiḥ sā'pi mṛṣāsvabhāvā  mukhyādṛte gauṇavidhir na dṛṣṭo vibhrāntadṛṣṭis tava dṛṣṭito 'nyā    pratikṣaṇaṃ bhaṃgiṣu tatpṛthaktvā n na mātṛghātī svapatiḥ svajāyā  dattagraho nādhigatasmṛtir na na ktvārthasatyaṃ na kulaṃ na jātiḥ    na śāstṛśiṣyādividhivyavasthā vikalpabuddhir vitathā'khilā cet  atattvatattvādivikalpamohe nimajjatāṃ vītavikalpadhīḥ kā    anarthikā sādhanasādhyadhīś ce d vijñānamātrasya na hetusiddhiḥ  athārthavattvaṃ vyabhicāradoṣo na yogigamyaṃ paravādisiddham    tattvaṃ viśuddhaṃ sakalair vikalpai r viśvābhilāpāspadatām atītam  na svasya vedyaṃ na ca tan nigadyaṃ suṣuptyavasthaṃ bhavaduktibāhyam    mūkātmasaṃvedyavad ātmavedyaṃ  tanmliṣṭabhāṣāpratim apralāpam  anaṃgasaṃjñaṃ tadavedyam anyaiḥ syāt tvaddviṣāṃ vācyam avācyatattvam    aśāsadañjāṃsi vacāṃsi śāstā  śiṣyāś ca śiṣṭā vacanairna te taiḥ  aho idaṃ durgatamaṃ tamo 'nyat tvayā vinā śrāyasamārya kiṃ tat    pratyakṣabuddhiḥ kramate na yatra talliṃgagamyaṃ na tadarthaliṃgam  vāco na vā tadviṣayeṇa yogaḥ kā tadgatiḥ kaṣṭam aśṛṇvatāṃ te    rāgādyavidyānaladīpanaṃ ca vimokṣavidyāmṛtaśāsanaṃ ca  na bhidyate saṃvṛtivādivākyaṃ bhavatpratīpaṃ paramārthaśūnyam    vidyāprasūtyai kila śīlyamānā  bhavaty avidyā guruṇopadiṣṭā  aho tvadīyoktyanabhijñamoho  yajjanmane yat tadajanmane tat    abhāvamātraṃ paramārthavṛtteḥ sā saṃvṛtiḥ sarvaviśeṣaśūnyā  tasyā viśeṣau kila baṃdhamokṣau hetvātmaneti tvadanāthavākyam    vyatītasāmānyaviśeṣabhāvā d viśvābhilāpārthavikalpaśūnyam  khapuṣpavatsyād asad eva tattvaṃ prabuddhatattvādbhavataḥ pareṣām    atatsvabhāve 'py anayor upāyād gatir bhavet tau vacanīyagamyau  sambandhinau cen na virodhi dṛṣṭaṃ vācyaṃ yathārthaṃ na ca dūṣaṇaṃ tat    upeyatattvānabhilāpyatāva d upāyatattvānabhilāpyatā syāt  aśeṣatattvānabhilāpyatāyāṃ dviṣāṃ bhavadyuktyabhilāpyatāyāḥ    avācyam ity atra ca vācyabhāvā d avācyam evety ayathāpratijñam  svarūpataś cet pararūpavāci svarūpavācīti vaco viruddham    satyānṛtaṃ vā'py anṛtānṛtaṃ vā' py astīha kiṃ vastvatiśāyanena  yuktaṃ pratidvaṃdvyanubaṃdhimiśraṃ na vastu tādṛk tvadṛte jinedṛk    sahakramād vā viṣayālpabhūri bhede 'nṛtaṃ bhedi na cātmabhedāt  ātmāntaraṃ syād bhiduraṃ samaṃ ca syāc cānṛtāt mānabhilāpyatā ca    na sac ca nāsac ca na dṛṣṭam eka m ātmāntaraṃ sarvaniṣedhagamyam  dṛṣṭaṃ vimiśraṃ tadupādhibhedā t svapne 'pi naitattvadṛṣeḥ pareṣām    pratyakṣanirdeśavad apy asiddha m akalpakaṃ jñāpayituṃ hy aśakyam  vinā ca siddher na ca lakṣaṇārtho na tāvakadveṣiṇi vīra satyam    kālāntarasthe kṣaṇike dhruve vā' pṛthakpṛthaktvāvacanīyatāyām  vikārahāner na ca karttṛkārye vṛthā śramo 'yaṃ jina vidviṣāṃ te    madyāṃgavad bhūtasamāgame jñaḥ śaktyantaravyaktir adaivasṛṣṭiḥ  ity ātmaśiśnodarapuṣṭituṣṭai r nirhrībhayair hā mṛdavaḥ pralabdhāḥ    dṛṣṭe 'viśiṣṭe jananādihetau viśiṣṭatā kā pratisattvam eṣām  svabhāvataḥ kiṃ na parasya siddhi r atāvakānām api hā prapātaḥ    svacchandavṛtterjagataḥ svabhāvā d uccair anācārapatheṣv adoṣam  nirghuṣya dīkṣāsamam uktimānā s tvaddṛṣṭivāhyā vata vibhramaṃti    pravṛttiraktaiḥ śamatuṣṭiriktai r upetya hiṃsā'bhyudayāṅganiṣṭhā  pravṛttitaḥ śāṃtir api prarūḍhaṃ tamaḥ pareṣāṃ tava suprabhātam    śīrṣopahārādibhir ātmaduḥkhai r devān kilārādhya sukhābhigṛddhāḥ  siddhyanti doṣāpacayānapekṣā yuktaṃ ca teṣāṃ tvam ṛṣir na yeṣām    sāmānyaniṣṭhā vividhā viśeṣāḥ padaṃ viśeṣāṃtarapakṣapāti  antarviśeṣāntaravṛttito 'nya t samānabhāvaṃ nayate viśeṣam    yad eva kāropahitaṃ padaṃ ta d asvārthataḥ svārtham avacchinatti  paryāyasāmānyaviśeṣasarvaṃ  padārthahāniś ca virodhivat syāt    anuktatulyaṃ yad anevakāraṃ vyāvṛttyabhāvān niyamadvaye 'pi  paryāyabhāve 'nyatarāprayoga s tat sarvam anyacyutam ātmahīnam    virodhi cābhedyaviśeṣabhāvāt  taddyotanaḥ syād guṇato nipātaḥ  vipādyasandhiś ca tathāṃgabhāvā d avācyatā śrāyasalopahetuḥ    tathā pratijñāśayato prayogaḥ sāmarthyato vā pratiṣedhayuktiḥ  iti tvadīyā jinanāga dṛṣṭiḥ parāpradhṛṣyā paradharṣiṇī ca    vidhir niṣedho 'nabhilāpyatā ca trirekaśāstridviśa eka eva  trayo vikalpās tava saptadhāmī syācchabdaneyāḥ sakale 'rthabhede    syād ity api syād guṇamukhyakalpai kānto yathopādhiviśeṣavīkṣyaḥ  tattvaṃ tv anekāṃtam aśeṣarūpaṃ dvidhā bhavārthavyavahāravattvāt    na dravyaparyāyapṛthagvyavasthā dvaiyātmyam ekārpaṇayā viruddham  dharmaś ca dharmī ca mithas tridhemau na sarvathā te 'bhimatau viruddhau    dṛṣṭāgamābhyām aviruddham artha prarūpaṇaṃ yuktyanuśāsanaṃ te  pratikṣaṇaṃ sthityudayavyayātma tattvavyavasthaṃ sad ihārtharūpam    nānātmatām aprajahat tad eka m ekātmatām aprajahac ca nānā  aṃgāṃgibhāvāt tava vastu tad yat krameṇa vāg vācyam anaṃtarūpam    mitho 'napekṣāḥ puruṣārthahetu r nāṃśā na cāṃśī pṛthag asti tebhyaḥ  parasparekṣāḥ puruṣārthahetu r dṛṣṭā nayās tadvad asi kriyāyām    ekāntadharmābhiniveśamūlā rāgādayo 'haṃkṛtijā janānām  ekāntahānāc ca sa yat tad eva svābhāvikatvāc ca samaṃ manaste    pramucyate ca pratipakṣadūṣī jina tvadīyaiḥ paṭusiṃhanādaiḥ  ekasya nānātmatayājñavṛtte s tau baṃdhamokṣau svamatādavāhyau    ātmāntarābhāvasamānatā na vāgāspadaṃ svāśrayabhedahīnā  bhāvasya sāmānyaviśeṣavattvā d aikye tayor anyatarannirātma    ameyam aśliṣṭam ameyam eva bhede 'pi tadvṛttyapavṛttibhāvāt  vṛttiś ca kṛtsnāṃśavikalpato na  mānaṃ ca nānantasamāśrayasya    nānāsadekātmasamāśrayaṃ ce d anyatvam adviṣṭhamanātmanoḥ kva  vikalpaśūnyatvam avastunaś ce t tasminn ameye kva khalu pramāṇam    vyāvṛttihīnānvayato na siddhye d viparyaye 'py advitaye 'pi sādhyam  atadvyudāsābhiniveśavādaḥ parābhyupetārthavirodhavādaḥ    anātmanānātmagater ayuktiḥ   a  vastunyayukter yadi pakṣasiddhiḥ  avastvayukteḥ pratipakṣasiddhiḥ   bc  na ca svayaṃ sādhanariktasiddhiḥ     d  niśāyitas taiḥ paraśuḥ paraghnaḥ svamūrdhni nirbhedabhayānabhijñaiḥ  vaitaṇḍikair yaiḥ kusṛtiḥ praṇītā mune bhavacchāsanadṛkpramūḍhaiḥ    bhavatyabhāvo 'pi ca vastudharmo bhāvāntaraṃ bhāvavad arhatas te  pramīyate ca vyapadiśyate ca vastuvyavasthāṃgam ameyam anyat    viśeṣasāmānyaviṣaktabheda vidhivyavacchedavidhāyi vākyam  abhedabuddher aviśiṣṭatā syād vyavṛttibuddheś ca viśiṣṭatā te    sarvāntavat tadguṇamukhyakalpaṃ sarvāntaśūnyaṃ ca mithonapekṣam  sarvāpadām antakaraṃ nirantaṃ sarvodayaṃ tīrtham idaṃ tavaiva    kāmaṃ dviṣann apy upapatticakṣuḥ samīkṣatāṃ te samadṛṣṭir iṣṭam  tvayi dhruvaṃ khaṃḍitamānaśṛṃgo bhavaty abhadro 'pi samantabhadraḥ    na rāgān naḥ stotraṃ bhavati bhavapāśacchidi munau na cānyeṣu dveṣād apaguṇakathābhyāsakhalatā  kimu nyāyānyāyaprakṛtaguṇadoṣajñamanasā hitānveṣopāyas tava guṇakathāsaṃgagaditaḥ    iti stutyaḥ stutyais tridaśamunimukhyaiḥ praṇihitaiḥ stutaḥ śaktyā śreyaḥpadam adhigatas tvaṃ jina mayā  mahāvīro vīro duritaparasenābhivijaye vidheyā me bhaktiḥ pathi bhavata evāpratinidhau