DCV – Āptaparīkṣā

Vidyānandin's Āptaparīkṣā and ĀptaparīkṣāṭīkāCreation of the digital textresource and its transformationsH. TrikhaPublished within the Digital Corpus of Vidyānandin's Works at www.dipal.org/dcv  under a Creative Commons Attribution-NonCommercial-ShareAlike 4.0 International LicenseJanuary 09, 2025Printed edition: Vidyānandasvāmi-viracitā ... Āptaparīkṣā Patraparīkṣā ca Gajādharalālajainaśāstriṇā sampādite. (Sanātanajainagranthamālā 1). Kāśī 1913.Digital text resource: /home/deploy/dipal/public/dcv-site/root-resources/APT/APT, October 05, 2024The textual quality of this file is wanting. The file at hand, "AP-GL-b", is a transformation of the file "APT", an TEI P5 ODD-resource for 1) the digitized print edition and for 2) a digital edition of the Āptaparīkṣā and the Āptaparīkṣāṭīkā. Main steps in the preparation: 2012: Diplomatic Devanagari input of Gajādharalāl's 1913 edition by Swift Technologies, Mumbai2013: Transliteration with H. Lasic' programme „dev2trans“, xml-Markup H. Trikha2014: Segmentation of syntagmata by spaces, S. Pajor (SP), suggestion of readings 2021: TEI-resource by H. Trikha2022: Integration DCV by H. Trikha2024: Review suggested readning SP by H. TrikhaIn the odd-resource the specific features of the print edition are indicated with the attribute value "GL". Corrections of the text are indicated by a tag with the attribute value "HT" or by the corr- and orig-tags respectively. The respective individual attestations are produced by processes of extractions of elements, attributes and values:Excluded in attestation GL: orig, Excluded in plain text: front, ref, note, orig, type=unclear_addition, type=note-block-page-foot, type=note-block-containeroṃ namaḥ siddhebhyaḥ sanātanajainagraṃthamālā  ācāryapravaraśrīvidyānaṃdisvāmiviracitā āptaparīkṣā  prabuddhāśeṣatattvārthabodhadīdhitimāline  namaḥ śrījinacaṃdrāya mohadhvāṃtaprabhedine  śreyomārgasya saṃsiddhiḥ prasādāt parameṣṭhinaḥ  ity āhus tadguṇastotraṃ śāstrādau munipuṃgavāḥ  ity asādhāraṇaṃ proktaṃ viśeṣaṇam aśeṣataḥ  parasaṃkalpitāptānāṃ vyavacchedaprasiddhaye  anyayogavyavacchedān niścite hi mahātmani  tasyopadeśasāmarthyād anuṣṭhānaṃ pratiṣṭhitaṃ  tatrāsiddhaṃ munīṃdrasya bhettṛtvaṃ karmabhūbhṛtāṃ  ye vadaṃti viparyāsāt tān pratyevaṃ pracakṣmahe  prasiddhaḥ sarvatattvajñas teṣāṃ tāvat pramāṇataḥ  sadāvidhvastaniḥśeṣabādhakāt svasukhādivat  jñātā yo viśvatattvānāṃ sa bhettāṃ karmabhūbhṛtāṃ  bhavaty evānyathā tasya viśvatattvajñatā kutaḥ iti  nāspṛṣṭaḥ karmabhiḥ śaśvadviśvadṛśvāsti kaścana  tasyānupāyasiddhasya sarvathā'nupapattitaḥ  praṇītir mokṣamārgasya na vinā'nādisiddhataḥ  sarvajñād iti tatsirddhir na parīkṣā sahā sa hi  praṇetā mokṣamārgasya nāśarīro 'nyamuktavat  saśarīras tu nā'karmā saṃbhavaty ajñajaṃtuvat  na cecchā śaktir īśasya karmābhāve 'pi yujyate  tadicchā vā'nabhivyaktā kriyāhetuḥ kuto 'jñavat  jñānaśaktyaiva niḥśeṣakāryotpattau prabhuḥ kila  sadeśvara iti khyāne'numānam anidarśanaṃ  samīhām aṃtareṇāpi yathāvakti jineśvaraḥ  tatheśvaro 'pi kāryāṇi kuryād ity apy apeśalaṃ  sati dharmaviśeṣe hi tīrthakṛttvasamāhvaye  brūyāj jineśvaro mārgaṃ na jñānād eva kevalāt  siddhasyāpāstaniḥśeṣakarmaṇe vāgasaṃbhavāt  vinā tīrthakarattvena nāmnā nārthopadeśanā  tathā dharmaviśeṣo 'sya yogaś ca yadi śāśvataḥ  tadeśvarasya deho 'stu yogyaṃtaravad uttamaḥ  nigrahānugrahau dehaṃ svaṃ nirmāyānyadehināṃ  karotīśvara ity etan naparīkṣākṣamaṃ vacaḥ  dehāṃtarād vinā tāvat svadehaṃ janayed yadi  tadā prakṛtakārye 'pi dehādhānam anarthakaṃ  dehāṃtarāt svadehasya vidhāne cānavasthitiḥ  tathā ca prakṛtaṃ kāryaṃ kuryād īśo na jātucit  svayaṃ dehāvidhāne tu tenaiva vyabhicāritā  kāryatvādeḥ prayuktasya hetor īśvarasādhane  yathā'nīśaḥ svadehasya kartā dehāṃtarān mataḥ  pūrvasmād ity anāditvān nānavasthā prasajyate  tatheśasyāpi pūrvasmād dehād dehāṃtarodbhavāt  nānavastheti yo brūyāt tasyā'nīśatvam īśituḥ  anīśaḥ karmadehenā'nādisaṃtānavartitā  yathaiva hi sakarmānas tadvan na katham īśvaraḥ  tato neśasya deho 'sti proktadoṣānuṣaṃgataḥ  nāpi dharmaviśeṣo 'sya dehābhāve virodhataḥ  yenecchām aṃtareṇāpi tasya kārye pravartanaṃ  jineṃdravad ghaṭeteti nodāharaṇasaṃbhavaḥ  jñānam īśasya nityaṃ ced aśarīrasya na kramaḥ  kāryāṇām akramād dhetoḥ kāryakramavirodhataḥ  tadbodhasya pramāṇatve phalābhāvaḥ prasajyate  tataḥ phalāvabodhasyānityasyeṣṭau matakṣatiḥ  phalatve tasya nityatvaṃ na syān mānāt samudbhavāt  tato 'nudbhavane tasya phalatvaṃ pratihanyate  anityatve tu tajjñānasyānena vyabhicāritā  kāryatvāder maheśenākaraṇe 'sya svabuddhitaḥ  budhdyaṃtareṇa tadbuddheḥ karaṇe cānavasthitiḥ  nānādisaṃtatir yuktā karmasaṃtānato vinā  avyāpi na yadi jñānam īśvarasya tadā kathaṃ  sakṛtsarvatra kāryāṇām utpattir ghaṭate tataḥ  yady ekatra sthitaṃ deśe jñānaṃ sarvatra kāryakṛt  tadā sarvatra kāryāṇāṃ sakṛt kiṃ na samudbhavaḥ  kāraṇāṃtaravaikalyāt tathā'nutpattir ity api  kāryāṇām īśvarajñānāhetukatvaṃ prasādhayet  sarvatra sarvadā tasya vyatirekāprasiddhitaḥ  anvayasyāpi saṃdehāt kāryaṃ taddhetukaṃ kathaṃ  etenaiveśvarajñānaṃ vyāpinityam apākṛtaṃ  tasyeśavat sadā kāryakramahetutvahānitaḥ  asvasaṃviditaṃ jñānam īśvarasya yadīṣyate  tadā sarvajñatā na syāt svajñānasyāpravedanāt  jñānāṃtareṇa tadvittau tasyāpy anyena vedanaṃ  vedanena bhaved evam anavasthā mahīyasī  gatvā sudūram apy evaṃ svasaṃviditavedane  iṣyamāṇe maheśasya prathamaṃ tādṛg astu vaḥ  tatsvārthavyavasāyātmajñānaṃ bhinnaṃ maheśvarāt  kathaṃ tasyeti nirdeśyam ākāśādivad aṃjasā  samavāyena tasyāpi tadbhinnasya kuto matiḥ  ihedam iti vijñānād abādhyād vyabhicāri tat  iha kuṃḍe dadhīty ādi vijñānenāstavidviṣā  sādhye saṃbaṃdhamātre tu pareṣāṃ siddhasādhanaṃ  satyām ayutasiddhau cen nedaṃ sādhuviśeṣaṇaṃ  śāstrīyāyutasiddhatvavirahāt samavāyinoḥ  dravyaṃ svāvayavāghāraṃ guṇo dravyaśrayo yataḥ laukikyayutasiddhis tu bhaved dugdhāṃbhasor api  pṛthagāśrayavṛttitvaṃ yutasiddhir na cānayoḥ  sāstīśasya vibhutvena paradravyāśriticyuteḥ  jñānasyāpīśvarād anyadravyavṛttitvahānitaḥ  iti ye 'pi samādadhyus tāṃśca paryanuyuṃjmahe  vibhudravyaviśeṣāṇām anyāśrayavivekataḥ  yutasiddhiḥ kathaṃ tu syād ekadravyaguṇādiṣu  samavāyaḥ prasajyetāyutasiddhau parasparaṃ  teṣāṃ taddvitayāsatve syād vyāghāto duruttaraḥ  yutapratyayahetutvād ayutīsiddhir itīraṇe vibhudravyaguṇādīnāṃ yutasiddhiḥ samāgatā  yato nāyutasiddhiḥ syād ity asiddhaṃ viśeṣaṇaṃ  hetor vipakṣatas tāvadvyavacchedaṃ na sādheyat  siddhe 'pi samavāyasya samavāyiṣu darśanāt  ihedam iti saṃvitteḥ sādhanaṃ vyabhicāri tat  samavāyāṃ 'ntarād vṛttau samavāyasya tatvataḥ  samavāyiṣu tasyāpi parasmād ity aniṣṭhitiḥ  tadbādhā'stīty abādhatvaṃ nāma neha viśeṣaṇaṃ  hetoḥ siddham anekāṃto yato 'neneti ye viduḥ  teṣām iheti vijñānād viśeṣaṇaviśeṣyatā  samavāyasya tadvatsu tata eva na sidhyati  viśeṣaṇaviśeṣyatvasaṃbaṃdho 'py anyato yadi  svasaṃbaṃdhiṣu varteta tadā bādhā'navasthitiḥ  viśeṣaṇaviśeṣyatvapratyāyād avagamyate  viśeṣaṇaviśeṣyatvam ity apy etena dūṣitaṃ  tasyānaṃtyāt pratṝṇām ākākṣākṣayato 'pi vā  na doṣa iti ced evaṃ samavāyādināpi kiṃ  guṇādidravyayor bhinnadravyayoś ca parasparaṃ  viśeṣaṇaviśeṣyatvasaṃbaṃdho 'stu niraṃkuśaḥ  saṃyogaḥ samavāyo vā tadviśeṣo 'stv anekadhā  svātaṃtrye samavāyasya sarvathaikye ca doṣataḥ  svataṃtrasya kathaṃ tāvad āśritatvaṃ svayaṃ mataṃ  tasyāśritatve vacane svātaṃtryaṃ pratihanyate  samavāyiṣu satsv eva samavāyasya vedanāt  āśritatve digādīnāṃ mūrtadravyāśritir na kiṃ  kathaṃ cānāśritaḥ sidhyet saṃbaṃdhaḥ sarvathā kvacit  svasaṃbādhiṣu yenātaḥ saṃbhaven niyatasthitiḥ  eka eva ca sarvatra samavāyo yadīṣyate  tadā mehaśvare jñānaṃ samavaiti na khe kathaṃ  iheti pratyayo 'py eṣa śaṃkare na tu khādiṣu  iti bhedaḥ kathaṃ sidhyen niyāmakam apaśyataḥ  na cācetanatā tatra saṃbhāvyeta niyāmikā  śaṃbhāv api tadāsthānāt khādes tadaviśeṣataḥ  neśo jñātā na cājñātā svayaṃ jñānasya kevalaṃ  samavāyāt sadā jñātā yady ātmaiva sa kiṃ svataḥ  nāyam ātmā ca cānātmā svātmatvasamavāyataḥ  sadātmaiveti ced evaṃ dravyam eva svato 'sidhat  neśo dravyaṃ na cādravyaṃ dravyatvasamavāyataḥ  sarvadā dravyam eveti yadi sann eva sa svataḥ  na svataḥ sannasan nāpi satvena samavāyataḥ  sann eva śaśvad ity uktau vyāghātaḥ kena vāryate  svarūpeṇāsataḥ satvasamavāye ca khāṃbuje  sa syāt kiṃ na viśeṣasyābhāvāt tasya tato 'ṃjasā  svarūpeṇa sataḥ satvasamavāyepi sarvadā  sāmānyadau bhavet satvasamavāyo 'viśeṣataḥ  svataḥ sato yathā sattvasamavāyas tathāstu saḥ  dravyatvātmatvaboddhṛtvasamavāyo 'pi tattvataḥ  dravyasyaivātmano boddhuḥ svayaṃ siddhasya sarvadā  na hi svato tathābhṛtas tathātvasamavāyabhāk  svayaṃ jñatve ca siddhe 'sya maheśasya nirarthakaṃ  jñānasya samavāyena jñatvasya parikalpanaṃ  tatsvārthavyavasāyātmajñānatādātmyamṛcchataḥ  kathaṃ cidīśvarasyā'sti jineśatvam asaṃśayaṃ  sa eva mokṣamārgasya praṇetā vyavatiṣṭhate  sadehaḥ sarvavinaṣṭamoho dharmaviśeṣabhāk  jñānād anyas tu nirdehaḥ sadeho vā na yujyate  śivaḥ kartopadeśasya so 'bhettā karmabhūbhṛtāṃ  etenaiva prativyūḍhaḥ kapilo 'py upadeśakaḥ  jñānād arthāṃtaratvasyā'viśeṣāt sarvathā svataḥ  jñānasaṃsargato jñatvam ajñasyāpi na tattvataḥ  vyomavac cetanasyāpi nopapadyeta muktavat  pradhānaṃ jñatvato mokṣamārgasyā'stūpadeśakaṃ  tasyaiva viśvaveditvādbhetṛtvāt karmabhūbhṛtāṃ  ity asaṃbhāvyam evāsyā'cetanatvāt paṭādivat  tadasaṃbhavato nūnam anyathā niṣphalaḥ pumān  bhoktā''tmā cet sa evāstu kartā tadavirodhataḥ  virodhe tu tayor bhoktuḥ syād bhujau kartṛtā kathaṃ  pradhānaṃ mokṣamārgasya praṇetṛ stūyate pumān  mumukṣubhir iti brūyāt ko 'nyo 'kiṃcitkarātmanaḥ  sugato 'pi na nirvāṇamārgasya pratipādakaḥ  viśvatattvajñatāpāyāt tattvataḥ kapilādivat   saṃvṛttyā viśvatattvajñaḥ śreyomārgopadeśy api  buddho vandyo na tu svapnas tādṛg ity ajñaceṣṭitaṃ  yat tu saṃvedanādvaitaṃ puruṣādvaitavan na tat  siddhyet svato 'nyato vāpi pramāṇāt sveṣṭahānitaḥ  so 'rhann eva munīṃdrāṇāṃ vaṃdyaḥ samavatiṣṭhate  tatsadbhāve pramāṇasya nirbādhyasya viniścayāt  tato 'ṃtaritatattvāni pratyakṣāṇy arhato 'ṃjasā  prameyatvād yathāsmādṛk pratyakṣārthāḥ suniścitāḥ  hetor na vyabhicāro 'tra dūrārthair maṃdarādibhiḥ  sūkṣmair vā paramāṇvādyais teṣāṃ pakṣīkṛtatvataḥ  tattvānyaṃtaritānīha deśakālasvabhāvataḥ  dharmādīni hi sādhyaṃte pratyakṣāṇi jineśinaḥ  na cāsmādṛksamakṣāṇām evam arhatsamakṣatā  na sidhyed iti maṃtavyam avivādād dvayor api  na cāsiddhaṃ prameyatvaṃ kārtsnyato bhāgato 'pivā  sarvathāpy aprameyasya padārthasyāvyavasthiteḥ  yadi ṣaṅbhiḥ pramāṇaḥ syāt sarvajñaḥ kena vāryate  iti bruvann aśeṣārthaprameyatvam ihecchati  codanātaś ca niḥśeṣapadārthajñānasaṃbhave  siddham aṃtaritārthānāṃ prameyatvaṃ samakṣavat  yan nārhataḥ samakṣaṃ tan naprameyaṃ bahirgataḥ  mithyaikāṃto yathety evaṃ vyatireko 'pi niścitaḥ  suniścitānvayād dhetoḥ prasiddhavyatirekataḥ  jñātārhan viśvatattvānām evaṃ sidhyed abādhitaḥ  pratyakṣam aparicchiṃdatttrikālaṃ bhuvanatrayaṃ  rahitaṃ viśvatvajñair na hi tadbādhakaṃ bhavet  nānumānopamānārthāpattyāgamabalād api  viśvajñābhāvasaṃsiddhis teṣāṃ sadviṣayatvataḥ  nārhan niḥśeṣatatvajño vaktṛtvapuruṣatvataḥ  brahmādivad iti proktam anumānaṃ na bādhakaṃ  hetor asya vipakṣeṇa virodhābhāvaniścayāt  vaktṛtvādeḥ prakarṣe 'pi jñānānirhrāsasiddhitaḥ  nopamānam aśeṣāṇāṃ nṛṇām anupalaṃbhataḥ  upamānopameyānāṃ tadbādhakam asaṃbhavāt  nārthāpattir asarvajñaṃ jagat sādhayituṃ kṣamā  kṣīṇatvād anyathābhāvābhāvāt tat tad abādhikā  nāgamo 'pauruṣeyo 'sti sarvajñābhāvasādhanaḥ  tasya kārye pramāṇatvād anyathā'niṣṭasiddhitaḥ  pauruṣeyo 'py asarvajñapraṇīto nāsya bādhakaḥ  tatra tasyāpramāṇatvād dharmādāv iva tattvataḥ  abhāvo 'pi pramāṇaṃ te niṣedhyādhāravedane  niṣedhyasmaraṇe ca syān nāstitā jñānam aṃjasā  nacāśeṣajagajjñānaṃ kutaścid upapadyate  nāpi sarvajñasaṃvittiḥ pūrvaṃ tatsmaraṇaṃ kutaḥ  yenāśeṣajagat yasya sarvajñasya niṣedhanaṃ  paropagamatas tasya niṣedhe sveṣṭabādhanaṃ  mithyaikāṃtaniṣedhas tu yukto 'nekāṃtasiddhitaḥ  nāsarvajñajagatsiddheḥ sarvajñapratiṣedhanaṃ  evaṃ siddhaḥ sunirṇetāsaṃbhavadbādhakatvataḥ  sukhavadviśvatattvajñaḥ so 'rhann eva bhavān iha  sa karmabhūbhṛtāṃ bhettā tadvipakṣaprakarṣataḥ  yathā śītasya bhetteha kaścid uṣṇaprakarṣataḥ  teṣām āgāmināṃ tāvad vipakṣaḥ saṃvaromataḥ tapasā saṃcitānāṃ tu nirjarā karmabhūbhṛtāṃ   tatprakarṣaḥ punaḥ siddhaḥ paramaḥ paramātmani  tāratamyaviśeṣasya siddher uṣṇaprakarṣavat  karmāṇi dvividhānyatra dravyabhāvavikalpataḥ  dravyakarmāṇi jīvasya pudgalātmānyanekadhā  bhāvakarmāṇi caitanyavivarttātmāni bhāṃti nuḥ  krodhādīni svavedyāni kathaṃcic cidabhedataḥ  tatskaṃdharāśayaḥ proktā bhūbhṛto 'tra samādhitaḥ  jīvād viśleṣaṇaṃ bhedaḥ saṃtānātyaṃtasaṃkṣayaḥ  svātmalābhas tato mokṣaḥ kṛtsnakarmakṣayātmataḥ nirjjarāsaṃvarābhyāṃ tu sarvasadvādinām iha  nāstikānāṃ na naivāsti pramāṇaṃ tannirākṛtau  pralāpamātrakaṃ teṣāṃ nāvadheyaṃ mahātmanāṃ  mārgo mokṣasya vai samyagdarśanāditrayātmakaḥ  viśeṣeṇa prapattavyo nānyathā tadvirodhataḥ  praṇetā mokṣamārgasyābādhyamānasya sarvathā  sākṣād ya eva sa jñeyo viśvatattvajñatāśrayaḥ  vītaniḥśeṣadoṣo 'taḥ pravaṃdyo 'rhan guṇāṃbudhiḥ  tadguṇaprāptaye sadbhir iti saṃkṣepato 'nvayaḥ  mohākrāṃtān na bhavati guror mokṣamārga praṇīti  narte tasyāḥ sakalakaluṣadhvaṃsajā svātmalabdhiḥ  tasyai vaṃdyaḥ paragurur iha kṣīṇa mohas tvam arhan  sākṣāt kurvann amalakam ivāśeṣatattvāni nātha  nyakṣeṇāptaparīkṣāpratipakṣaṃ kṣapayituṃ kṣamā sākṣāt  prekṣāvatām abhīkṣṇaṃ vimokṣalakṣmīkṣaṇāyaṃ saṃlakṣyā  śrīmattatvārthaśāstrādbhutasalilanidheriddharatnodbhavasya protthānāraṃbhakāle sakalamalabhide śāstrakāraiḥ kṛtaṃyat  stotraṃ tīrthopamānaṃ prathitapṛthupathaṃsvāmimīmāṃsitaṃ tat  vidyānaṃdaiḥ svaśaktyā katham api kathitaṃsatyavākyārthasiddhyai  iti tattvārthaśāstrādau munīṃdrastotragocarā  praṇītāptaparīkṣeyaṃ kuvivādanivṛttaye  ity āptaparīkṣā samāptā