DCV – Āptamīmāṃsā

Vidyānandin's AṣṭasahasrīCreation of the digital textresourceH. TrikhaPublished within the Digital Corpus of Vidyānandin's Works at www.dipal.org/dcv  under a Creative Commons Attribution-NonCommercial-ShareAlike 4.0 International LicenseJanuary 09, 2025Print edition: Aṣṭasahasrī Vidyānandasvāminā nirmitā Vaṃśīdhareṇa saṃśodhya … sampāditā. Bombay: Nirṇayasāgara 1915.Digital text resource: /home/deploy/dipal/public/dcv-site/root-resources/AS/AS, October 07, 2024The file at hand, "AM-VDh-b", is a transformation of the file "AS", an TEI P5 ODD-resource for 1) the digitized print edition and for 2) a digital edition of the Aṣṭasahasrī. Main steps in the preparation: Diplomatic capture of the 1919 print edition by SwiftTechnologies, Mumbai, January 2013. Transliteration with H. Lasic' programme „dev2trans“, September 2013 Segmentation of syntactical units in the translitertation, S. Pajor 2014Standardization of tags in order to prepare a plain text file, silent acceptance of Payor's corrections with regard to changes of spacing, characters and suggested avagrahas, H. Trikha 2016Application of the conventions of the Text Encoding Initiative by V. Angermeier, January 2020, and H. Trikha March 2022 146 instances of readings that were doubtful for Swift or Pajor remain to be reviewed Roughly 640 readings by the editor in round and square brackets remain to be reviewed.Excluded in plain text: type=note-block-container, type=note-block-page-foot, reftype=no, notetype=square-bracketed, notetype=round-bracketed, notetype=inline, frontdevāgamanabhoyānacāmarādivibhūtayaḥ  māyāviṣv api dṛśyante nātastvam asi no mahān   iti adhyātmaṃ bahir apy eṣa vigrahādimahodayaḥ  divyaḥ satyo divaukassv apy asti rāgādimatsu saḥ    tīrthakṛtsamayānāṃ ca parasparavirodhataḥ  sarveṣām āptatā nāsti kaścid eva bhaved guruḥ    doṣāvaraṇayor hānir niśśeṣāsty atiśāyanāt  kvacid yathā svahetubhyo bahir antarmalakṣayaḥ    sūkṣmāntaritadūrārthāḥ pratyakṣāḥ kasyacid yathā  anumeyatvato 'gnyādir iti sarvajñasaṃsthitiḥ    sa tvam evāsi nirdoṣo yuktiśāstrāvirodhivāk  avirodho yad iṣṭaṃ te prasiddhena na bādhyate    tvanmatāmṛtabāhyānāṃ sarvathaikāntavādinām  āptābhimānadagdhānāṃ sveṣṭaṃ dṛṣṭena bādhyate    kuśalākuśalaṃ karma paralokaś ca na kvacit  ekāntagraharakteṣu nātha svaparavairiṣu    bhāvaikānte padārthānām abhāvānām apanhavāt  sarvātmakam anādyantam asvarūpam atāvakam    kāryadravyam anādi syāt prāgabhāvasya nihnave  pradhvaṃsasya ca dharmasya pracyave 'nantatāṃ vrajet    sarvātmakaṃ tad ekaṃ syād anyāpohavyatikrame  anyatra samavāye na vyapadiśyeta sarvathā    abhāvaikāntapakṣe 'pi bhāvāpahnavavādinām  bodhavākyaṃ pramāṇaṃ na kena sādhanadūṣaṇam    virodhān nobhayaikātmyaṃ syādvādanyāyavidviṣām  avācyataikānte 'py uktir nāvācyam iti yujyate    kathañcit te sadeveṣṭaṃ kathañcid asad eva tat  tatho 'bhayam avācyaṃ ca nayayogān na sarvathā    sad eva sarvaṃ ko necchet svarūpādicatuṣṭayāt  asad eva viparyāsān na cen na vyavatiṣṭhate    kramārpitadvayād dvaitaṃ sahāvācyam aśaktitaḥ  avaktavyottarāḥ śeṣās trayo bhaṅgāḥ svahetutaḥ    astitvaṃ pratiṣedhyenāvinābhāvyekadharmiṇi  viśeṣaṇatvāt sādharmyaṃ yathā bhedavivakṣayā    nāstitvaṃ pratiṣedhyenāvinābhāvy ekadharmiṇi  viśeṣaṇatvād vaidharmyaṃ yathā'bhedavivakṣayā    vidheyapratiṣedhyātmā viśeṣyaḥ śabdagocaraḥ  sādhyadharmo yathā hetur ahetuś cāpy apekṣayā    śeṣabhaṅgāś ca netavyā yathoktanayayogataḥ  na ca kaścid virodho 'sti munīndra tava śāsane    evaṃ vidhiniṣedhābhyām anavasthitam arthakṛt  neti cen na yathā kāryaṃ bahirantarupādhibhiḥ    dharme dharmenya evārtho dharmiṇo 'nantadharmaṇaḥ  aṅgitve 'nyatamāntasya śeṣāntānāṃ tadaṅgatā    ekānekavikalpādāv uttaratrāpi yojayet  prakriyāṃ bhaṅginīm enāṃ nayair nayaviśāradaḥ    advaitaikāntapakṣe 'pi dṛṣṭo virudhyate  kārakāṇāṃ kriyāyāś ca naikaṃ svasmāt prajāyate    karmadvaitaṃ phaladvaitaṃ lokadvaitaṃ ca no bhavet  vidyā'vidyādvayaṃ na syād bandhamokṣadvayaṃ tathā    hetor advaitasiddhiś ced dvaitaṃ syād dhetusādhyayoḥ  hetunā ced vinā siddhir dvaitaṃ vāṅmātrato na kim    advaitaṃ na vinā dvaitād ahetur iva hetunā  saṃjñinaḥ pratiṣedho na pratiṣedhyādṛte kvacit    pṛthaktvaikāntapakṣe 'pi pṛthaktvād apṛthak tu tau  pṛthaktve na pṛthaktvaṃ syād anekastho hy asau guṇaḥ    saṃtānaḥ samudāyaś ca sādharmyaṃ ca niraṅkuśaḥ  pretyabhāvaś ca tatsarvaṃ na syād ekatvanihnave    sadātmanā ca bhinnaṃ cejjñānaṃ jñeyād dvidhāpy asat  jñānābhāve kathaṃ jñeyaṃ bahir antaś ca te dviṣām    sāmānyārthā giro 'nyeṣāṃ viśeṣo nābhilapyate  sāṃmānyābhāvatas teṣāṃ mṛṣaiva sakalā giraḥ    virodhān nobhayaikātmyaṃ syādvādanyāyavidviṣām  avācyataikānte 'py uktir nāvācyam iti yujyate    anapekṣe pṛthaktvaikye hy avastu dvayahetutaḥ  tad evaikyaṃ pṛthakatvaṃ ca svabhedaiḥ sādhanaṃ yathā    satsāmānyāt tu sarvaikyaṃ pṛthagdravyādibhedataḥ  bhedābhedavivakṣāyām asādhāraṇahetuvat    vivakṣā cāvivakṣā ca viśeṣye 'nantadharmiṇi  sato viśeṣaṇasyātra nāsatas tais tadarthibhiḥ    pramāṇagocarau santau bhedābhedau na saṃvṛtī  tāv ekatrāviruddhau te guṇamukhyavivakṣayā    nityatvaikāntapakṣe 'pi vikriyā nopapadyate  prāg eva kārakābhāvaḥ kva pramāṇaṃ kva tatphalam    pramāṇakārakair vyaktaṃ vyaktaṃ cedindriyārthavat  te ca nitye vikāryaṃ kiṃ sādhos te śāsanādbahiḥ    yadi sat sarvathā kāryaṃ puṃvan notpattum arhati  pariṇāmaprakḷptiś ca nityatvaikāntabādhinī    puṇyapāpakriyā na syāt pretyabhāvaḥ phalaṃ kutaḥ  bandhamokṣau ca teṣāṃ na yeṣāṃ tvaṃ nāsi nāyakaḥ    kṣaṇikaikāntapakṣe 'pi pretyabhāvādyasaṃbhavaḥ  pratyabhijñādyabhāvān na kāryārambhaḥ kutaḥ phalam    yady asat sarvathā kāryaṃ tan mā jani khapuṣpavat  mopādānaniyāmo bhūn māśvāsaḥ kāryajanmani    na hetuphalabhāvādir anyabhāvād ananvayāt  santānāntaravan naikaḥ santānas tadvataḥ pṛthak    anyeṣv ananyaśabdo 'yaṃ saṃvṛttir na mṛṣāṃ katham  mukhyārthaḥ saṃvṛtir na syād vinā mukhyān na saṃvṛtiḥ    catuṣkoṭer vikalpasya sarvānteṣūktyayogataḥ  tattvānyatvam avācyaṃ cet tayoḥ saṃtānatadvatoḥ    avaktavyacatuṣkoṭivikalpo 'pi na kathyatām  asarvāntam avastu syād aviśeṣyaviśeṣaṇam    dravyādyantarabhāvena niṣedhaḥ saṃjñinaḥ sataḥ  asadbhedo na bhāvas tu sthānaṃ vidhiniṣedhayoḥ    avastvanabhilāpyaṃ syāt sarvāntaiḥ parivarjitam  vastv evāvastutāṃ yāti prakriyāyā viparyayāt    sarvāntāś ced avaktavyās teṣāṃ kiṃ vacanaṃ punaḥ  saṃvṛtiś cen mṛṣaivaiṣā paramārthaviparyayāt    aśakyatvād avācyaṃ kim abhāvāt kim abodhataḥ  ādyantoktidvayaṃ na syāt kiṃ vyājenocyatāṃ sphuṭam    hinastyanabhisandhātṛ na hinastyabhisaṃdhimat  badhyate taddvayāpetaṃ cittaṃ baddhaṃ na mucyate    ahetukatvān nāśasya hiṃsāhetur na hiṃsakaḥ  cittasaṃtatināśaś ca mokṣo nāṣṭāṅgahetukaḥ    virūpakāryārambhāya yadi hetusamāgamaḥ  āśrayibhyām ananyo 'sāv aviśeṣād ayuktavat    skandhasantatayaś caiva saṃvṛtitvād asaṃskṛtāḥ  sthityutpattivyayās teṣāṃ na syuḥ kharaviṣāṇavat    virodhān nobhayaikātmyaṃ syādvādanyāyavidviṣām  avācyataikānte 'py uktir nāvācyam iti yujyate    nityaṃ tatpratyabhijñānān nākasmāt tadavicchidā  kṣaṇikaṃ kālabhedāt te buddhyasaṃcaradoṣataḥ    na sāmānyātmanodeti na vyeti vyaktam anvayāt  vyetyudeti viśeṣāt te sahaikatrodayādi sat    kāryotpādaḥ kṣayo hetor niyamāl lakṣaṇāt pṛthak  na tau jātyādyavasthānād anapekṣāḥ khapuṣpavat    ghaṭamaulisuvarṇārthī nāśotpādasthitiṣv ayam  śokapramodam ādhyasthyaṃ jano yāti sahetukam    payovrato na dadhyatti na payotti dadhivrataḥ  agorasavrato nobhe tasmāt tatvaṃ trayātmakam    kāryakāraṇanānātvaṃ guṇaguṇyanyatāpi ca  sāmānyatadvadanyatvaṃ caikāntena yadīṣyate    ekasyānekavṛttir na bhāgābhāvād bahūni vā  bhāgitvād vāsya naikatvaṃ doṣo vṛtter anārhate    deśakālaviśeṣe 'pi syad vṛttir yutasiddhavat  samānadeśatā na syān mūrtakāraṇakāryayoḥ    āśrayāśrayibhāvān na svātantryaṃ samavāyinām  ity ayuktaḥ sa saṃbandho na yuktaḥ samavāyibhiḥ    sāmānyaṃ samavāyaś cāpy ekaikatra samāptitaḥ  antareṇāśrayaṃ na syān nāśotpādiṣu ko vidhiḥ    sarvathānabhisaṃbandhaḥ sāmānyasamavāyayoḥ  tābhyām artho na saṃbaddhas tāni trīṇi khapuṣpavat    ananyataikānteṇūnāṃ saṃghāte 'pi vibhāgavat  asaṃhatatvaṃ syād bhūtacatuṣkaṃ bhrāntir eva sā    kāryabhrānter aṇubhrāntiḥ kāryaliṅgaṃ hi kāraṇam  ubhayābhāvatas tatsthaṃ guṇajātītarac ca na    ekatve 'nyatarābhāvaḥ śeṣābhāvo 'vinābhuvaḥ  dvitvasaṃkhyāvirodhaś ca saṃvṛttiś cen mṛṣaiva sā    virodhān nobhayaikātmyaṃ syādvādanyāyavidviṣām  avācyataikānte 'py uktir nāvācyam iti yujyate    dravyaparyāyayor aikyaṃ tayor avyatirekataḥ  pariṇāmaviśeṣāc ca śaktimacchaktibhāvataḥ    saṃjñāsaṃkhyāviśeṣāc ca svalakṣaṇaviśeṣataḥ  prayojanādibhedāc ca tannānātvaṃ na sarvathā    yady āpekṣikāsiddhiḥ syān na dvayaṃ vyavatiṣṭhate  anāpekṣikasiddhau ca na sāmānyaviśeṣatā    virodhān nobhayaikātmyaṃ syādvādanyāyavidviṣām  avācyataikānte 'py uktir nāvācyam iti yujyate    dharmadharmyavinābhāvaḥ sidhyaty anyonyavīkṣayā  na svarūpaṃ svato hy etat kārakajñāpakāṅgavat    siddhaṃ ced dhetutaḥ sarvaṃ na pratyakṣādito gatiḥ  siddhaṃ ced āgamāt sarvaṃ viruddhārthamatāny api    virodhān nobhayaikātmyaṃ syādvādanyāyavidviṣām  avācyataikānte 'py uktir nāvācyam iti yujyate    vaktaryanāpte yad dhetoḥ sādhyaṃ tad dhetusādhitam  āpte vaktari tadvākyāt sādhyamāgamasādhitam    antaraṅgārthataikānte buddhivākyaṃ mṛṣākhilam  pramāṇābhāsam evātas tat pramāṇādṛte katham    sādhyasādhanavijñapter yadi vijñaptimātratā  na sādhyaṃ na ca hetuś ca pratijñāhetudoṣataḥ    bahiraṅgārthataikānte pramāṇābhāsanihnavāt  sarveṣāṃ kāryasiddhiḥ syād viruddhārthābhidhāyinām    virodhān nobhayaikātmyaṃ syādvādanyāyavidviṣām  avācyataikānte 'py uktir nāvācyam iti yujyate    bhāvaprameyāpekṣāyāṃ pramāṇābhāsanihnavaḥ  bahiḥ prameyāpekṣāyāṃ pramāṇaṃ tannibhaṃ ca te    jīvaśabdaḥ sabāhyārthaḥ saṃjñātvād dhetuśabdavat  māyādibhrāntisaṃjñāś ca māyādyaiḥ svaiḥ pramoktivat    buddhiśabdārthasaṃjñās tās tistro buddhyādivācikāḥ  tulyā buddhyādibodhāś ca trayas tatpratibimbakāḥ    vaktṛśrotṛpramātṝṇāṃ bodhavākyapramāḥ pṛthak  bhrāntāv eva pramābhrāntau bāhyārthau tādṛśetarau    buddhiśabdapramāṇatvaṃ bāhyārthe sati nāsati  satyānṛtavyavasthaivaṃ yujyate 'rthāptyanāptiṣu    daivād evārthasiddhiś ced daivaṃ pauruṣataḥ katham  daivataś ced anirmokṣaḥ pauruṣaṃ niṣphalaṃ bhavet    pauruṣād eva siddhiś cet pauruṣaṃ daivataḥ katham  pauruṣāc ced amoghaṃ syāt sarvaprāṇiṣu pauruṣam    virodhān nobhayaikātmyaṃ syādvādanyāyavidviṣām  avācyataikānte 'py uktir nāvācyam iti yujyate    abuddhipūrvāpekṣāyām iṣṭāniṣṭaṃ svadaivataḥ  buddhipūrvavyapekṣāyām iṣṭāniṣṭaṃ svapauruṣāt    pāpaṃ dhruvaṃ pare duḥkhāt puṇyaṃ ca sukhato yadi  acetanākaṣāyau ca badhyeyātāṃ nimittataḥ    puṇyaṃ dhruvaṃ svato duḥkhāt pāpaṃ ca sukhato yadi  vītarāgo munir vidvāṃs tābhyāṃ yuñjayān nimittataḥ    virodhān nobhayaikātmyaṃ syādvādanyāyavidviṣām  avācyataikānte 'py uktir nāvācyam iti yujyate    viśuddhisaṃkleśāṅgaṃ cet svaparasthaṃ sukhāsukham  puṇyapāpāsravo yukto na ced vyarthas tavārhataḥ    ajñānāc ced dhruvo bandho jñeyānantyān na kevalī  jñānastokād vimokṣaś cedajñānād bahutonyathā    virodhān nobhayaikātmyaṃ syādvādanyāyavidviṣām  avācyataikānte 'py uktir nāvācyam iti yujyate    ajñānān mohino bandho na jñānād vītamohataḥ  jñānastokāc ca mokṣaḥ syād amohān mohinonyathā    kāmādiprabhavaś citraḥ karmabandhānurupataḥ  tac ca karma svahetubhyo jīvās te śuddhyaśuddhitaḥ    śuddhyaśuddhī punaḥ śaktī te pākyāpākyaśaktivat  sādyanādī tayor vyaktī svabhāvo 'tarkagocaraḥ    tat tvajñānaṃ pramāṇaṃ te yugapat sarvabhāsanam  kramabhāvi ca yaj jñānaṃ syādvādanayasaṃskṛtam    upekṣā phalam ādyasya śeṣasyādānahānadhīḥ  pūrvā vā'jñānanāśo vā sarvasyāsya svagocare    vākyeṣv anekāntadyotī gamyaṃ prati viśeṣaṇam  syān nipāto 'rthayogitvāt tava kevalinām api    syādvādaḥ sarvathaikāntatyāgāt kiṃvṛttacidvidhiḥ  saptabhaṅganayāpekṣo heyādeyaviśeṣakaḥ    syādvādakevalajñāne sarvatattvaprakāśane  bhedaḥ sākṣādasākṣāc ca hy avastvanyatamaṃ bhavet    sadharmaṇaiva sādhyasya sādharmyād avirodhataḥ  syādvādapravibhaktārthaviśeṣavyañjako nayaḥ    nayopanayaikāntānāṃ trikālānāṃ samuccayaḥ  avibhrāḍbhāvasaṃbandho dravyam ekam anekadhā    mithyāsamūho mithyā cen na mithyaikāntatāsti naḥ  nirapekṣā nayā mithyā sāpekṣā vastu terthakṛt    niyamyate 'rtho vākyena vidhinā vāraṇena vā  tathānyathā ca so 'vaśyam aviśeṣyatvam anyathā    tadatadvastuvāg eṣā tad evety anuśāsatī  na satyā syān mṛṣāvākyaiḥ kathaṃ tattvārthadeśanā    vāksvabhāvo 'nyavāgarthapratiṣedhaniraṅkuśaḥ  āha ca svārthasāmānyaṃ tādṛg vācyaṃ khapuṣpavat    sāmānyavāg viśeṣe cen na śabdārtho mṛṣā hi sā  abhipretaviśeṣāpteḥ syātkāraḥ satyalāñchanaḥ    vidheyam īpsitārthāṅgaṃ pratiṣedhyāvirodhi yat  tathaivādeyaheyatvam iti syādvādasaṃsthitiḥ    itīyam āptamīmāṃsā vihitā hitam icchatām  samyagmithyopadeśārthaviśeṣapratipattaye