DCV – Āptaparīkṣāṭīkā

Vidyānandin's Āptaparīkṣā and ĀptaparīkṣāṭīkāCreation of the digital textresource and its transformationsH. TrikhaPublished within the Digital Corpus of Vidyānandin's Works at www.dipal.org/dcv  under a Creative Commons Attribution-NonCommercial-ShareAlike 4.0 International LicenseJanuary 09, 2025Printed edition: Vidyānandasvāmi-viracitā ... Āptaparīkṣā Patraparīkṣā ca Gajādharalālajainaśāstriṇā sampādite. (Sanātanajainagranthamālā 1). Kāśī 1913.Digital text resource: /home/deploy/dipal/public/dcv-site/root-resources/APT/APT, October 05, 2024The textual quality of this file is wanting. The file at hand, "APT-GL-b", is a transformation of the file "APT", an TEI P5 ODD-resource for 1) the digitized print edition and for 2) a digital edition of the Āptaparīkṣā and the Āptaparīkṣāṭīkā. Main steps in the preparation: 2012: Diplomatic Devanagari input of Gajādharalāl's 1913 edition by Swift Technologies, Mumbai2013: Transliteration with H. Lasic' programme „dev2trans“, xml-Markup H. Trikha2014: Segmentation of syntagmata by spaces, S. Pajor (SP), suggestion of readings 2021: TEI-resource by H. Trikha2022: Integration DCV by H. Trikha2024: Review suggested readning SP by H. TrikhaIn the odd-resource the specific features of the print edition are indicated with the attribute value "GL". Corrections of the text are indicated by a tag with the attribute value "HT" or by the corr- and orig-tags respectively. The respective individual attestations are produced by processes of extractions of elements, attributes and values:Excluded in attestation GL: orig, Excluded in plain text: front, ref, note, orig, type=unclear_addition, type=note-block-page-foot, type=note-block-containerkasmāt punaḥ parameṣṭhinaḥ stotraṃ śāstrādau śāstrakārāḥprāhur ity abhidhīyate  śreyo niḥśreyasaṃ paramaparaṃ ca tatra paraṃsakalakarmavipramokṣalakṣaṇaṃ baṃdhahetvabhāvanirjarābhyāṃ kṛtstnakarmavipramokṣo mokṣa iti vacanāt tato 'paramārhetyalakṣaṇaṃ ghātikarmakṣayād anaṃtacatuṣṭayasvarūpalābhasyāparaniḥśreyasatvāt na cā'trakasya cidātmaviśeṣasyakṛtstnakarmavipramokṣo 'siddhaḥ sādhakapramāṇasadbhāvāt tathā hi kaścid ātmaviśeṣaḥ kṛtstnakarmabhirvipram ucyate kṛtstnabaṃdhahetvabhāvanirjarāvattvāt yas tu na kṛtstnakarmabhir vipram ucyate sa nakṛtstnabaṃdhahetvabhāvānirjarāvān yathā saṃsārīkṛtstnabaṃdhahetvabhāvanirjarāvāṃś ca kaścid ātmaviśeṣas tasmāt kṛtstnakarmabhir vipramucyate nanu baṃdha evātmano 'siddhas taddhetuś ceti kuto baṃdhahetvabhāvavattvaṃ pratiṣedhasya vidhipūrvakatvāt baṃdhābhāve ca kasya nirjarā baṃdhaphalānubhavanaṃ hinirjarā baṃdhābhāve tu kutas tatphalāvanubhavanam ataḥkṛtstnakarmanirjarāvattvam apy asiddhaṃ na cāsiddhaṃsādhanaṃ sādhyasādhanāyālam iti kaścit so 'py anālocitatattvaḥ pramāṇatobaṃdhasya prasiddheḥ tathā hi vivādādhyāsitaḥ saṃsārī baṃdhavān parataṃtratvād ālānastaṃbhāgatahastivat parataṃtro 'sau hīnasthānaparigrahavattvāt kāmodrekaparataṃtraveśyāgṛhaparigrahavac chrotriyabrāhmaṇavat hīnasthānaṃ hi śarīraṃtatparigrahavāṃś ca saṃsārī prasiddha eva kathaṃ punaḥ śarīraṃ hīnasthānam ātmana ity ucyate hīnasthānaṃ śarīram ātmano duḥkhahetutvāt kasya citkārāgṛhavat nanu devaśarīrasya duḥkhahetutvābhāvātpakṣāvyāpako hetur iti cet na tasyāpi maraṇe duḥkhahetutvasiddheḥ pakṣavyāpakatvavyavasthānāt tad evaṃ saṃkṣepato baṃdhasya prasiddhau taddhetur api siddhastasyāhetukatve nityatvaprasaṃgāt sato heturahitasyanityatvavyavasthiteḥ 'sadakāraṇavan nityam iti' parair abhidhānāt taddhetuś camithyādarśanāviratipramādakaṣāyayogavikalpāt paṃcavidhaḥsyāt baṃdho hi saṃkṣepato dvedhā bhāvabaṃdho dravyabaṃdhaś ceti tatrabhāvabaṃdhaḥ krodhādyātmakas tasya hetur mithyādarśanaṃ tadbhāve bhāvād abhāve cābhāvāt kvacid akrodhādiviṣaye hikrodhādiviṣayatvaśraddhānaṃ mithyādarśanaṃ tasyaviparītābhiniveśalakṣaṇasya sakalāstikaprasiddhatvāt tasya ca sadbhāvebahiraṃgasya satyaṃtaraṃge dravyakrodhādibaṃdhe bhāvabaṃdhasya sadbhāvaḥ tadabhāve cāsadbhāvaḥ siddha evetimithyādarśanahetuko bhāvabaṃdhaḥ tadvadaviratihetukaś casamutpannasamyagdarśanasyā'pi kasyacid aprakṛṣṭo bhāvabaṃdhaḥ satyāmaviratau pratīyate eva tato 'py aprakṛṣṭo bhāvabaṃdhaḥ pramādahetukaḥ syād aviratyabhāve 'pi kasyacid viratasyasati pramāde tadupalabdheḥ tato 'py aprakṛṣṭaḥ kaṣāyahetukaḥ samyagdṛṣṭer viratasyā'pramattasyā'pi kaṣāyasadbhāvebhāvāt tato 'py aprakṛṣṭavapurajñānalakṣaṇo bhāvabaṃdho yogahetukaḥ kṣīṇakaṣāyasyā'pi yogasadbhāve tatsadbhāvāt kevalinas tu yogasadbhāve 'pi na bhāvabaṃdhaḥ tasya jīvanmuktatvān mokṣaprasiddheḥ na caivamekaikahetuka eva baṃdhaḥ pūrvasmin pūrvasminn uttarasyottarasya baṃdhahetoḥ sadbhāvāt kaṣāyahetuko hi baṃdho yogahetuko'pi pramādahetukaś ca yogakaṣāyahetuko 'pi aviratihetukaś ca yogakaṣāyapramādahetukaḥ pratīyate mithyādarśanahetukaś ca yogakaṣāyapramādāviratihetukaḥ siddha iti mithyādarśanādipaṃcavidhapratyayasāmarthyān mithyājñānasya baṃdhahetoḥ prasiddheḥ ṣaṭpratyayo 'pi baṃdho 'bhidhīyate na cāyaṃ bhāvabaṃdho dravyabaṃdhamaṃtareṇa bhavati muktasyāpi tatprasaṃgād iti dravyabaṃdhaḥ siddhaḥ so 'pi mithyādarśanāviratipramādakaṣāyayogahetukaeva baṃdhatvād bhāvabaṃdhavad iti mithyādarśanādibaṃdhahetuḥ siddhaḥ tadabhāvaḥ kutaḥ siddhayed iti cettatpratipakṣabhūtasamyagdarśanādisātmībhāvāt sati hi samyagdarśane mithyādarśanaṃ nivartate tadviruddhatvāt yathoṣṇasparśe sati śītasparśa iti pratītaṃ tathaivā'viratir viratyāṃ satyām apaiti pramādaścāpramādapariṇatau kaṣāyo 'kaṣāyatāyāṃ yogaś cāyogatāyāmiti baṃdhehatvabhāvaḥ siddho 'pūrvakarmaṇāṃ āsravanirodhaḥsaṃvara iti vacanāt nanu ca sa guptisamitidharmānuprekṣāparīṣahajayacāritrebhyo bhavatīti sūtrakāramataṃ napunaḥ samyagdarśanādibhya iti na maṃtavyaṃ guptyādīnāṃ samyagdarśanādyātmakatvāt na hisamyagdarśanarahitā guptyādayaḥ saṃti samyagjñānarahitā vā teṣām api viratyādirūpatvāt cāritrabhedā hy etepramādarahitāḥ kaṣāyarahitāś cāyogatām api labhaṃte tato na kaścid doṣaḥ katham ātmanaḥ pūrvopāttakarmaṇāṃ nirjarā siddhayed ity abhidhīyate kvacid ātmani kārtsynataḥ pūrvopāttāni karmāṇi nirjīryaṃte teṣāṃ vipākāṃtatvāt yānitu na nirjīryaṃte tāni na vipākāṃtāni yathā kālādīni vipākāṃtāni ca karmāṇi tasmān nirjīryaṃte vipākāṃtatvaṃ nāsiddhaṃ karmaṇāṃ tathā hi vipakāṃtāni karmāṇi phalāvasānatvād vrīhyādivat teṣāmanyathā nityatvānuṣaṃgāt na ca nityāni karmāṇi nityaṃ tatphalānubhavanaprasaṃgāt yatracātmaviśeṣe anāgatakarmabaṃdhahetvabhāvādapūrvakarmānutpattis tatra pūrvopāttakarmaṇāṃ yathākālam upakramāc ca phaladānātkārtsnyena nirjarā prasiddhaiva tataḥkṛtstnabaṃdhahetvabhāvanirjarāvattvaṃ sādhanaṃ prasiddhaṃ kṛtstnakarmavipramokṣaṃsādhayaty eva tatas tallakṣaṇaṃ paraṃ niḥśreyasaṃvyavatiṣṭhate tathā'rhety alakṣaṇam aparaṃsuniścitāsaṃbhavadbādhakapramāṇatvāt sukhādivad itisarvajñatvasiddhau nirṇeṣyate śreyaso mārgaḥ śreyomārgo niḥśreyaṃsopāyo vakṣyamāṇalakṣaṇastasya saṃsiddhiḥ saṃprāptiḥ samyagjñaptir vā sā hi parameṣṭhinaḥ prasādād bhavati munipuṃgavānāṃ yasmāttasmāt te munipuṃgavāḥ sūtrakārādayaḥ śāstrasyādau tasya parameṣṭhino guṇastotram āhur iti saṃbaṃdhaḥ parameṣṭhīhi bhagavān paramo 'rhan tatprasādāt paramāgamārthanirṇayoparasya parameṣṭhino gaṇadharadevādeḥ saṃpadyate tasmāccāparaparameṣṭhinaḥ paramāgamaśabdasaṃdarbho dvādaśāṃga iti parāparaparameṣṭhibhyāṃ paramāgamārthaśabdaśarīrasaṃsiddhistadvineyamukhyānāṃ tebhyaś ca svaśiṣyāṇām iti gurupūrvakramāt sūtrakārāṇāṃ parameṣṭhinaḥ prasādātpradhānabhūtaparamārthasya śreyomārgasya saṃsiddhirabhidhīyate prasādaḥ punaḥ parameṣṭhinas tadvinayānāṃ prasannamanoviṣayatvam evavītarāgāṇāṃ tuṣṭilakṣaṇaprasādāsaṃbhavāt kopāsaṃbhavavat tadārādhakajanais tu prasannena manasopāsyamāno bhagavānprasanna ity abhidhīyate rasāyavat yathaiva hi prasannena manasā rasāyanam āsevya tatphalam avāpruvaṃtaḥsaṃto rasāyanaprasādād idam asmākam ārogyādiphalaṃ samutpannam iti pratipadyaṃte tathā prasannena manasābhagavaṃtaṃ paramoṣṭhinam upāsya tadupāsanaphalaṃ śreyomārgādhigamalakṣaṇaṃ pratipadyamānās tadvineyajanābhagavatparameṣṭhinaḥ prasādād asmākaṃ śreyomārgādhigamaḥsampanna iti samanumanyaṃte tataḥ parameṣṭhinaḥ prasādāt sūtrakārāṇāṃśreyomārgasya saṃsiddher yuktaṃ śāstrādau parameṣṭhiguṇastotraṃ maṃgalārthaṃ tad ity eke te 'py evaṃ praṣṭavyāḥ kiṃ sākṣān maṃgalārthaṃ parameṣṭhiguṇastotraṃ paraṃparayā vā na tāvat sākṣāt tadanaṃtaram eva maṃgalaprasaṃgāt kasyacidapi maṃgalānavāptyayogāt paraṃparayā cet na kiṃcid aniṣṭaṃ parameṣṭhiguṇastotrād ātmaviśuddhiviśeṣaḥprādurbhavan dharmaviśeṣaṃ stotuḥ sādhayaty evā'dharmapradhvasaṃ ca tato maṃgaṃ sukhaṃ samutpadyata ititadguṇastotraṃ maṃgalaṃ maṃgaṃ lātīti maṃgalam iti vyutpatteḥ malaṃ gālayatīti maṃgalam iti vā malasyādharmalakṣaṇasya paraṃparayā tena pradhvaṃsanāt kevalaṃ satpātradānajineṃdrārcanādikam apy evaṃ maṃgalam iti natadguṇastotram eva maṃgalam iti niyamaḥ siddhyati syānmataṃ maṃgaṃ śreyomārgasaṃprāptijanitaṃ praśamasukhaṃ tal lātyasmāt parameṣṭhiguṇastotrāt tadarādhaka iti maṃgalaṃparameṣṭhiguṇastotraṃ malaṃ vā śreyomārgasaṃsiddhau vighnanimittaṃpāpaṃ gālayatīti maṃgalaṃ tad iti tad etadanukūlaṃ naḥ parameṣṭhiguṇastotrasya paramamaṃgalatvapratijñānāt tad uktaṃ   ādau madhye 'vasāne ca maṃgalaṃ bhāṣitaṃ budhaiḥ  tajjineṃdraguṇastotraṃ tadavighnaprasiddhaye  nanu caivaṃ bhagavadguṇastotraṃ svayaṃ maṃgalaṃ na tumaṃgalārtham iti na maṃtavyaṃ svayaṃ maṃgalasyāpi maṃgalārthatvopapatteḥ yadā hi malagālanalakṣaṇaṃmaṃgaṃlaṃ tadā sukhādānalakṣaṇamaṃgalāya tadbhavatītisiddhaṃ maṃgalārthaṃ yadāpi sukhādānalakṣaṇaṃ tanmaṃgalaṃ tadāpāpagālanalakṣaṇamaṃgalāya prabhavatīti kathaṃ na maṃgalārthaṃ yadāpy etad ubhayalakṣaṇaṃ maṃgalaṃ tadā tumaṃgalāṃtarāpekṣayā maṃgalārthaṃ tad upapadyata evaāniḥśreyasaprāpteḥ parāparaṃmaṃgalasaṃtatiprasiddher ity alaṃ vistareṇa śiṣṭācāraparipālanārthaṃ nāstikatāparihārārthaṃ nirvighnataḥ śāstraparisamāptyarthaṃ caparameṣṭhiguṇastotram ity anye te 'pi tad eva tathetiniyamayitum asamarthā eva tapaścaraṇāder api tathātvaprasiddheḥ na hitapaścaraṇādiḥ śiṣṭācāraparipālanādyarthaṃ na bhavatīti śakyaṃ vaktuṃ yadi punar aniyamena bhagavadguṇasaṃstavanaṃśiṣṭācāraparipālanādyartham abhidhīyate tadā tad eva śāstrādau śāstrakāraiḥ kartavyam iti niyamo na siddhyati na ca kvacitan na kriyate iti vācyaṃ tasya śāstre nibaddhasyānibaddhasya vā vācikasya mānasasya vāvistarataḥ saṃkṣepato vā śāstrakārair avaśyaṃ karaṇāt tadakaraṇe teṣāṃ tatkṛtopakāravismaraṇādasādhutvaprasaṃgāt sādhūnāṃ kṛtasyopakārasyāvismaraṇaprasiddheḥ 'na hi kṛtam upakāraṃ sādhavo vismaraṃti'iti vacanāt yadi punaḥ svaguroḥ saṃsmaraṇapūrvakaṃ śāstrakaraṇam evopakāras tadvineyānām iti mataṃ tadāsiddhaṃ parameṣṭhiguṇastotraṃ svaguror eva parameṣṭhitvāt tasya gurutvena saṃsmaraṇasyaiva tadguṇastotratvasiddher ityalaṃ vivādena kiṃ punas tatparameṣṭhino guṇastotraṃ śāstrādau sūtrakārāḥ prāhur iti nigadyate  mokṣamārgasya netāraṃ bhettāraṃ karmabhūbhṛtāṃ  jñātāraṃ viśvatattvānāṃ vaṃde tadguṇalabdhaye  atra mokṣamārgādipadānām arthaḥ purastād vakṣyate vākyārthas tūcyate mokṣamārgasya netāraṃ karmabhūbhṛtāṃ bhettāraṃ viśvatattvānāṃ jñātāram ahaṃ vaṃdetadguṇalabdhyarthitvāt yo yad guṇalabdhyarthī sa taṃ vaṃdamāno dṛṣṭaḥ yathā śāstravidyādiguṇalabdhyarthī śāstravidyādividaṃ tatpraṇetāraṃ ca tathā cāhaṃ mokṣamārgapraṇetṛtvakarmabhūbhṛdbhetṛtvaviśvatattvajñātṛtvaguṇalabadhyarthī tasmān mokṣamārgasya netāraṃ karmabhūbhṛtāṃ bhettāraṃ viśvatattvānāṃ jñātāraṃ vaṃde iti śāstrakāraḥśāstraprāraṃbhe śrotā tasya vyākhyātā vā bhagavaṃtaṃ parameṣṭhinaṃ paramaparaṃ ca mokṣamārgapraṇetṛtvādibhirguṇaiḥ saṃstauti tatprasādāc chreyomārgasya saṃsiddheḥsamarthanāt kimartha punar idaṃ bhagavato 'sādhāraṇaṃ viśeṣaṇaṃmokṣamārgapraṇetṛtvaṃ karmabhūbhṛdbhetṛtvaṃ viśvatattvajñātṛtvaṃ cātra proktaṃ bhagavadbhir ity āha  parair vaiśoṣikādibhiḥ saṃkalpitāḥ parasaṃkalpitās te ca teāptāś ca parasaṃkalpitāptā maheśvarādayaḥ teṣām aśeṣato vyavacchedaprasiddhyarthaṃ yathoktamasādhāraṇaṃ viśeṣaṇam ācāryaiḥ proktam iti vākyorthaḥ na hīdam īśvarakapilasugatādiṣu saṃbhavatibādhakapramāṇasadbhāvāt bhagavaty arhaty evatatsadbhāvasādhanāc cāsādhāraṇaviśeṣaṇam iti vakṣyāmaḥ nanu ceśvarādīnām apyāptatve kiṃ dūṣaṇaṃ yena tadvyavacchedārtham asādhāraṇaṃ viśeṣaṇaṃ procyate kiṃ vānyayogavyavacchedān mahātmāniparameṣṭhini niścite pratiṣṭhitaṃ syād ity ārekāyām idam āha  bhaved iti kriyādhyāhāraḥ nanu cātrānyeṣām anyayogavyavacchedābhāve 'pi bhagavataḥ parameṣṭinas tattvopadeśād anuṣṭhānaṃ pratiṣṭhām iyarty eva teṣām aviruddhabhāṣitvād iti cet na parasparāviruddhasamayapraṇayanāt tattvaniścayāyogāt tadanyatamasyāpy upadeśaprāmāṇyāniścayādanuṣṭhānapratiṣṭhānupapatteḥ nanu mokṣopāyānuṣṭhānopadeśamātre neśvarādayo viprapadyaṃte tato'rhadupadeśād iveśvarādyupadeśād api nānuṣṭhānapratiṣṭhānupapannā yatas tadvyavacchedena parameṣṭhī niścīyata iti kaścit so 'pi na viśeṣajñaḥ samyagmithyopadeśaviśeṣābhāvaprasaṃgāt syān mataṃ vaiśeṣikairabhimatasyāptasya niḥśreyasopāyānuṣṭhānopadeśas tāvat samīcīna eva bādhakapramāṇābhāvāt śraddhāviśeṣopagṛhītaṃ hi samyagjñānaṃ vairāgyanimittaṃ parāṃ kāṣṭhām āpannam aṃtyaniḥśreyasahetur ity upadeśaḥ tatra śraddhāviśeṣas tāvadupādeyeṣūpādeyatayā heyeṣu heyatayaiva śraddhānaṃ samyagjñānaṃ punar yathāvasthitārthādhigamalakṣaṇaṃ taddhetukaṃca vairāgyaṃ rāgadveṣaprakṣayaḥ etadanuṣṭhānaṃ ca tadbhāvanābhyāsas tasyaitasya niḥśreyasopāyānuṣṭhānasyopadeśo napratyakṣeṇa bādhyate jīvanmuktes tata eva pratyakṣataḥ kaścit svayaṃ saṃvedanāt paraiḥ saṃharṣāyāsavimukter anumīyamānatvāt jīvann eva hi vidvān saṃharṣāyāsābhyām tābhyāṃ vimucyata ity upadeśāc canānumānāgamābhyāṃ bādhyate jīvanmuktivat paramamukter apyata evānuṣṭhānāt saṃbhāvanopapatteḥ na cānyat pramāṇaṃbādhakaṃ tadupadeśasya tadviparītārthavyavasthāpakatvābhāvād iti tad api na vicārakṣamaṃ śraddhādiviśeṣaviṣayāṇāṃpadārthānāṃ yathāvasthitārthatvāsaṃbhavāt dravyādayo hi ṣaṭpadārthās tāvad upādeyāḥ sadātmānaḥ prāgabhāvādayaścāsadātmānas te ca yathā vaiśeṣikair vyāvarṇyate tathā na yathārthatayā vyavatiṣṭhaṃte tadgrāhakapramāṇābhāvāt dravyaṃ hi guṇādibhyo bhinnam ekaṃ guṇaś cetarebhyo bhinna ekaḥ karma caikam itarebhyo bhinnaṃ sāmānyaṃcaikaṃ viśeṣaś caikaḥ padārthaḥ samavāyavat yady abhyupagamyate tadā dravyādayaḥ ṣaṭpadārthāḥ siddhyeyuḥ na cadravyapadasyaiko 'rthaḥ parair iṣyate guṇapadasya karmapadasya sāmānyapadasya viśeṣapadasya ca yathā samavāyapadasyaikaḥsamavāyo 'rthaḥ iti kathaṃ ṣaṭpadārthavyavasthitiḥ syān mataṃ pṛthivyaptejovāyvākāśakāladigātmamanāṃsi navadravyāṇi dravyapadasyārtha iti katham eko dravyapadārthaḥ sāmānyasaṃjñābhidhānād iti cet na sāmānyasaṃjñāyāḥ sāmānyavadviṣayatvāt tadarthasya sāmānyapadārthatve tato viśeṣeṣv apravṛttiprasaṃgāt dravyapadārthasyaikasyāsiddheś ca pṛthivyādiṣu hi dravyām iti saṃjñā dravyatvasāmānyasaṃbaṃdhanimittā tatra dravyatvamekaṃ na dravyaṃ kiṃcid ekam asti dravyalakṣaṇam ekam iti cet tat kim idānīṃ dravyapadārtho 'stu na caitad yuktaṃlakṣyasya dravyasyābhāve tallakṣaṇānupapatteḥ pṛthivyādīni lakṣyāṇi kriyāvadguṇavatsamavāyikāraṇam itidravyalakṣaṇaṃ yadi pratijñāyate tadānekatra lakṣyelakṣaṇaṃ katham ekam eva prayujyate tasya prativyaktibhedāt na hiyad eva pṛthivyāṃ dravyalakṣaṇaṃ tad evodakādiṣv asti tasyāsādhāraṇarūpatvāt yadi punar dravyalakṣaṇaṃpṛthivyādīnāṃ guṇādibhyo vyavacchedakatayā tāvad asādhāraṇo dharmaḥ pṛthivyādiṣu navasvapi sadbhāvātsādhāraṇaḥ katham anyathātivyāptyavyāptī lakṣaṇasyanirākriyete sakalalakṣyavastuṣu hi vyāpakasyalakṣaṇasyāvyāptiparihāras tadalakṣyebhyaś cavyāvṛttasyātivyāptiparihāraḥ sakalair lakṣyalakṣaṇajñair abhidhīyate nānyathetimatiḥ tadāpi naiko dravyapadārthaḥ siddhyati dravyalakṣaṇād anyasya lakṣyasya dravyasyaikasyāsaṃbhavāt navāpipṛthivyādīni dravyāṇy ekalakṣaṇayogād eko dravyapadārtha iti cet na tathopacāramātraprasaṃgāt puruṣoyaṣṭir iti yathā yaṣṭisāhacaryād dhi puruṣo yaṣṭir iti kathyate na punaḥ svayaṃ yaṣṭir ity upacāraḥ prasiddha evatathā pṛthivyādir aneko 'pi svayam ekalakṣaṇayogād eka upacaryate na tu svayam eka ity āyātaṃ na ca lakṣaṇam apyekaṃ pṛthivyādiṣu paṃcasu kriyāvatsv eva kriyāvadguṇavatsamavāyikāraṇam iti dravyalakṣaṇasya bhāvāt niḥkriyeṣvākāśakāladigātmasu kriyāvattvasyābhāvāt guṇavatsamavāyikāraṇam ity etāvanmātrasya tato 'nyasyadravyalakṣaṇasya sadbhāvāt lakṣaṇadvayasya prasiddheḥ tathā ca dravyalakṣaṇadvayayogāt dvāv eva dravyapadārthausyātāṃ yadi punar dvayor api dravyalakṣaṇayor dravyalakṣaṇatvāviśeṣād ekaṃ dravyalakṣaṇam ity ucyate tadāpi kiṃtaddravyalakṣaṇayor dravyalakṣaṇatvam ekaṃ na tāvat sāmānyaṃ tasya draṃvyaguṇakarmāśrayatvāt na caite dravyalakṣaṇe dravye sveṣṭavighātāt nāpi guṇau dravyāśrayī aguṇavān saṃyogavibhāgeṣv apy akāraṇam anapekṣa itiguṇalakṣaṇābhāvāt pratyayātmakatvāt tayor guṇatvamiti cet na pratyayātmanor lakṣaṇayoḥ pṛthivyādiṣv asaṃbhavāt tayos tadasādhāraṇadharmatvāsaṃbhavād etenābhidhānāt manor dravyalakṣaṇayor guṇatvaṃ pratyākhyātaṃ nāpi te karmaṇī parispaṃdātmakatvāsaṃbhavād ekadravyam aguṇaṃ saṃyogavibhāgeṣv anapekṣakāraṇam iti karmalakṣaṇasyābhāvāc ca tayorekadravyatve navavidhatvaprasaṃgād dravyalakṣaṇasya kuto dvitvam ekatvaṃ vā vyavatiṣṭhate yato dvavyalakṣaṇatvamekaṃ tatra pravartamānam ekatvaṃ vyavasthāpayettathopacaritopacāraprasaṃgaś ca dravyalakṣaṇatvenaikena yogād dravyalakṣaṇayorekatvād ekaṃ dravyalakṣaṇaṃ tena copacaritenadravyalakṣaṇenaikena yogāt pṛthivyādīny eko dravyapadārtha iti kutaḥpāramārthiko dravyapadārthaḥ kaścid ekaḥ siddhayet yad apyabhyadhāyi vaiśeṣikaiḥ pṛthivyādīnāṃ navānāṃdravyatvenaikenābhisaṃbaṃdhād ekatvam iti dravyaṃ nāmaikaḥpadārtha iti tad api na yuktaṃ paramārthatodravyapadārthasyaikasyāsiddheḥ tasyopacārād eva prasiddheḥ etena caturviṃśatiguṇānāṃ guṇatvenaikenābhisaṃbaṃdhād eko guṇapadārthaḥ paṃcānāṃ ca karmaṇāṃ karmatvenaikenābhisaṃbaṃdhād ekaḥkarmapadārtha ity etat pratyākhyātaṃ tathāvāstavaguṇakarmapadārthāvyavasthiteḥ kathaṃ caivaṃsāmānyapadārtha ekaḥ siddhayed viśeṣapadārtho vā samavāyapadārtho vā parāparasāmānyayoḥ sāmānyāṃtareṇaikenābhisaṃbaṃdhāyogād viśeṣāṇāṃ ceti samavāya evaikaḥ padārthaḥ syāt yadi punaryathehedam iti pratyayāviśeṣād viśeṣapratyayābhāvād ekaḥ samavāyaḥ tathā dravyam iti pratyayāviśeṣād ekodravyapadārthaḥ syāt guṇa iti pratyayāviśeṣād guṇapadārthaḥ karmeti pratyayāviśeṣāt karmapadārthaḥ sāmānyam itipratyayāviśeṣāt sāmānyapadārthaḥ viśeṣa iti pratyayāviśeṣād viśeṣapadārtha ity abhidhīyate tathāpivaiśeṣikataṃtravyāghāto duḥśakyaḥ parihartuṃsyādvādimatasyaivaṃ prasiddheḥ syādvādināṃ hi śuddhasaṃgrahanayātsatpratyayāviśeṣād viśeṣaliṃgābhāvād ekaṃ sanmātraṃ tattvaṃśuddhaṃ dravyam iti mataṃ tathaivāśuddhasaṃgrahanayād ekaṃ dravyam ekoguṇādir iti vyavahāranayāt tu yat sat tad dravyaṃ paryāyo veti bhedaḥ yad dravyaṃ taj jīvadravyam ajīvadravyaṃ cayaś ca paryāyaḥ so 'pi parispaṃdātmako 'parispaṃdātmakaś ceti so 'pi sāmānyātmako viśeṣātmakaś ceti sa ca dravyādaviṣvagbhūto viṣvagbhūto veti yathā pratītir niścīyate sarvathā bādhakābhāvāt vaiśeṣikāṇāṃ tutathā'bhyupagamo vyāhata eva taṃtravirodhāt na hi tattaṃtre sanmātram eva tattvaṃ sakalapadārthānāṃ tatraivāṃtarbhāvāditi nayo 'sti syān mataṃ dravyapadena sakaladvavyavyaktibhedaprabhedānāṃ saṃgrahād eko dravyapadārthaḥguṇa ity ādipadena caikena guṇādibhedaprabhedānāṃ saṃgrahādguṇādir apy ekaikapadārtho vyavatiṣṭhate vistareṇopadiṣṭānāmarthānāṃ tattvasiddhye samāsenābhidhānaṃ yat saṃgrahaṃ taṃ vidurbudhāḥ iti padārthadharmasaṃgrahaḥ pravakṣyataity atra padārthasaṃgrahasya dharmasaṃgrahasya caivaṃ vyākhyānād asty eva tathā'bhiprāyo vaiśeṣikāṇām iti tad apyavicāritarabhyaṃ paramārthatas tathaikaikasya dravyādipadārthasya pratiṣṭhānupapatteḥ tasyaikapadaviṣayatvenaikatvopacārāt nacopacaritapadārthasaṃkhyāvyavasthāyāṃ pāramārthikī padārthasaṃkhyā samavatiṣṭhate 'tiprasaṃnāt nacaikapadavācyatvena tāttvikam ekatvaṃ siddhyati vyabhicārāt senāvanādipadena hastyādidhavādipadārthasyānekasyavācyasya pratīteḥ nanu senāpadavācya eka evārthaḥ pratyāsattiviśeṣaḥ saṃyuktasaṃyogālpīyas tvalakṣaṇo hastyādīnāṃ pratīyate vanaśabdena ca dhavādīnāṃ tādṛaśapratyāsattiviśeṣa ity ekapadavācyatvaṃ natāttvikīm ekatāṃ vyabhicarati tathā caivam ucyate dravyam ity ekaḥ padārthaḥ ekapadavācyatvāt yadyadekapadavācyaṃ tattad ekapadārtho yathā senā vanādis tathā ca dravyam ekapadavācyaṃ tasmād ekaḥ padārthaḥ etenaguṇādir apy ekaḥ padārthaḥ prasiddhodāharaṇasādharmyāt sādhito veditavya iti kaścit so 'pi na vipaścit senāśabdādanekatra hastyādyarthe pratītipravṛttiprāptisiddheḥ vanaśabdāc ca dhavakhadirapalāśādāv anekatrārthe yatra hi śabdāt pratītipravṛttiprāptayaḥ samadhigamyate sa śabdasyārthaḥ prasiddhas tathā vṛddhavyavahārārāt na casenāvanādiśabdāt pratyāsattiviśeṣe pratītipravṛttiprāptayo 'nubhūyaṃte yena sa tasyārthaḥ syāt pratyāsattiviśiṣṭā hastyādayo dhavādayo vāsenāvanādiśabdānām artha iti cet siddhas tarhy ekapadavācyo 'neko 'rthaḥ tena ca katham ekapadavācyatvaṃ na vyabhicaret tathā gaur iti padenaikena paśvāderdaśaprakārasyaikādaśaprakārasya vā vācyasya darśanāc cavyabhicārī hetuḥ kaścid āha na gaur ity ekam eva padaṃ paśvāder anekasyārthasyavācakaṃ tasya prativācyabhedād anya eva hi gaur iti śabdaḥ paśor vācako 'nyaś ca digādeḥ arthabhedācchabdabhedavyavasthiteḥ anyayā sakalapadārthasyaikapadavācyatvaprasaṃgād iti tasyāpy aniṣṭānuṣaṃgaḥ syāt dravyamiti padasyāpy anekatvaprasaṃgāt pṛthivyādyanekārthavācakatvāt anyad eva hi pṛthivyāṃ dravyam iti padaṃpravartate anyad evāpsu tejasi vāyvākāśe kāle diśyātmani manasi cety ekapadavācyatvaṃdravyapadārthasyāsiddhaṃ syāt nanu dravyatvābhisaṃbaṃdha eko dravyapadasyārtho nānekaḥ pṛthivyādiḥ tasyapṛthivyādiśabdāvācyatvāt tata ekam eva dravyapadaṃnānekam iti cet kim idānīṃ dravyatvābhisaṃbaṃdho dravyapadārthaḥsyāt na cāsau dravyapadārthastasya dravyatvopalakṣitasamavāyapadārthatvāt etena guṇatvābhisaṃbaṃdhoguṇapadasyārthaḥ karmatvābhisaṃbaṃdhaḥ karmapadasyety etat prativyūḍhaṃ guṇatvābhisaṃbaṃdhasyaguṇatvopalakṣitasamavāyapadārthatvātkarmatvābhisaṃbaṃdhasya ca karmatvopalakṣitasamavāyapadārthasya kathanāt na caivaṃsāmānyādipadārthaḥ siddhyati sāmānyādiṣu sāmānyāṃtarābhisaṃbaṃdhasyāsaṃbhavād ity uktaṃ prāk etenapṛthivītvādyabhisaṃbaṃdhāt pṛthivīty ādiśabdārthasyavyākhyānaṃ pratyākhyātaṃ na hi pṛthivītvābhisaṃbaṃdhaḥ pṛthivīśabdavācyaḥ pṛthivītvopalakṣitasya samavāyasya pṛthivītvābhisaṃbaṃdhaṃsya pṛthivīśabdenāvacanāt dravyaviśeṣasyapṛthivīśabdenābhidhānād adoṣa iti cet kaḥ punar asau vṛkṣakṣupādipṛthivībhedavyatiriktaḥ pṛthivīdravyaviśeṣaḥ pṛthivīti padena saṃgṛhyamāṇa iti cet kathaṃ punaḥ pṛthivīpadenaikenānekārthaḥ saṃgṛhyate dravyādipadenaivetiduḥkhabodhaṃ kaś cāyaṃ saṃgraho nāma śabdātmakaḥ pratyayātmako 'rthātmako vā na tāvac chabdātmakaḥśabdenānaṃtānāṃ dravyādibhedaprabhedānāṃ vā saṃgrahītum aśakyatvāt tatra saṃketasya kartum aśakyatvād asmadādestadapratyakṣatvāt krameṇa yugapad vā ananumeyatvāc ca na cāpratyakṣe 'nanumeye vā sarvathāpy apratipanne 'rthesaṃketaḥ śakyakriyo 'sti sarvajñas tatra saṃketayituṃ samartho 'pi nā'sarvajñān saṃketaṃ grāhayitum alam iti kutaḥsaṃketaḥ na cāsaṃketite 'rthe śabdaḥ pravartate yataḥ saṃgṛhyate 'naṃtāḥ padārthāḥ yena śabdena sa śabdātmāsaṃgrahaḥ siddhyaty eva mā bhūc chabdātmakaḥ saṃgrahaḥ pratyayātmakas tv astu saṃgṛhyate arthā yena pratyayena sasaṃgraha iti vyākhyānāt tena teṣāṃ saṃgrahītuṃ śakyatvād iti cet kutaḥ punar asau pratyayaḥ pratyakṣād anumānādāgamād vā na tāvad asmadādipratyakṣāt tasyānaṃtadravyādibhedaprabhedāgocaratvāt nāpi yogipratyakṣāt yogina eva tatsaṃgrahaprasaṃgād asmadādīnāṃ tadayogāt na hi yogipratyakṣād asmadādayaḥ saṃpratiyaṃtiyogitvaprasaṃgāt nāpy anumānād anaṃtadravyādibhedaprabhedapratibaddhānām ekaśo 'naṃtaliṃgānām apratipatterasmadādyapratyakṣād anumānāṃtarāt talliṃgapratipattāvanavasthānuṣaṃgāt prakṛtānumānodayāyogāt yadi punar āgamātsaṃgrahātmakaḥ pratyayaḥ syāt tadā yuktyānugṛhītāt tayā'nanugṛhītād vā na tāvad ādyaḥ pakṣas tatra yukterevāsaṃbhavāt nāpi dvitīyo yuktyā'nanugṛhītasyāgamasya prāmāṇyāniṣṭes tadiṣṭau vā'tiprasaṃgāt na cāpramāṇakaḥpratyayaḥ saṃgrahas tena saṃgṛhītānām asaṃgṛhītakalpanāt yadi punar arthātmakaḥ saṃgraho 'bhidhīyate tadāsaṃgrahyata iti saṃgrahaḥ saṃgrahyamāṇaḥ sakalo 'rthaḥ syāt sa cāsiddha eva tadvyasthāpakapramāṇābhāvād iti kathaṃ tasya vyākhyānaṃ yujyate yataḥ padārthadharmasaṃgrahaḥ pravakṣyata iti pratijñāsādhīyasīṣyate saṃgrahābhāve cakasya mahodayatvaṃ sādhyate 'siddhasya svayamanyasādhanatvopapatteḥ etena padārthadharmasaṃgrahaḥsamyagjñānam iti vyākhyānaṃ prativyūḍhaṃ tadabhāvasyasamarthanān mahato niḥśreyasasyābhyudayasya codayo 'smād iti mahodaya ityetadvyākhyānaṃ baṃdhyāsutasaubhāgyādivyāvarṇanam iva prekṣāvatām upahāsāspadam ābhāsate tad evaṃ dravyādipadārthānāṃ yathāvasthitārthatvābhāvān na tadviṣayaṃ samyagjñānaṃ nāpi heyopādeyavyavasthā yenopādeyeṣūpādeyatvena heyeṣu ca heyatvena śraddhānaṃśraddhāviśeṣas tatpūrvakaṃ ca vairāgyaṃ tadabhyāsabhāvanānuṣṭhānaṃniḥśrayasakāraṇaṃ siddhyet tadasiddhau ca katham arhadupadeśād iveśvaropadeśād apy anuṣṭhānaṃ pratiṣṭhitaṃ syāt tatas tadvyavacchedād eva mahātmā niścetavyaḥ kapilasugatavyavacchedād iveti sūktam idam anyayogavyavacchedānmahātmani niścitaṃ tadupadeśasāmarthyād anuṣṭhānaṃ pratiṣṭhitaṃ syād iti etena 'praṇamyahetum īśvaraṃ muniṃkaṇādam anvataḥ' iti parāparagurunamaskārakaraṇam apāstam īśvarakaṇādayor āptatvavyacchedāt tayoryathāvyavasthitārthajñānābhāvāt tadupadeśāprāmāṇyād ity alaṃ vistareṇa viśvatattvāno jñātuḥ karmabhūbhṛtāṃ bhettur evamokṣamārgapraṇayanopapatter āptatvaniścayāt  tatra teṣumokṣamārgapraṇetṛtvakarmabhūbhṛdbhettṛtvaviśvatattvajñātṛtveṣukarmabhūbhṛtāṃ bhettṛtvam asiddhaṃ munīṃdrasya viparyāsāt tadabhettṛtvāt karmabhūbhṛdasaṃbhavātsadāśivasya ye vadaṃti yogās tān pratyevaṃ vakṣyamāṇaprakāreṇa pravakṣmahe pravadāma ity arthaḥ  yadi nāma viśvatattvajñaḥ pramāṇāt sarvadāvidhvastabādhakād ātmasukhādivatprasiddho yogānāṃ tathāpi kim iṣṭaṃ bhavatāṃ siddhaṃ bhaved ity āha  syādvādinām asmākaṃ karmabhūbhṛdbhettṛtvaṃmunīndrasyeṣṭaṃ siddhaṃ bhavatīti vākyārthaḥ tathā hibhagavān paramātmā karmabhūbhṛtāṃ bhettā bhavaty evaviśvatattvānāṃ jñātṛtvāt yas tu na karmabhūbhṛtāṃ bhettāsa na viśvatattvānāṃ jñātā yathā rathyāpuruṣaḥ viśvatattvānāṃjñātā ca bhagavān nirbādhabodhasiddhaḥ tasmāt karmabhūbhṛtāṃ bhettā bhavaty eveti kevalavyatirekī hetuḥsādhyā'vyabhicārāt na tāvad ayam asiddhaḥ prativādino vādino vā tābhyām ubhābhyāṃ paramātmanaḥsarvajñatvasādhanāt nāpy anekāṃtikaḥ kārtsnyato deśato vā vipakṣe vṛttyabhāvāt tata evaṃ na viruddhaḥ natvayaṃ kālātyayāpadiṣṭas tadāgamabādhitapakṣanirdeśānaṃtaraṃ prayuktatvāt sadaiva muktaḥ sadaiveśvaraḥpūrvasyāḥ koṭer muktātmanām ivābhāvād ity āgamān maheśvarasya sarvadā karmaṇām abhāvaprasiddhes tadbhettṛtvasyabādhaprasiddheḥ satāṃ hi karmaṇāṃ kaścid bhettā syān napunar asatām ity aparaḥ so 'pi na parīkṣād akṣamānasaḥ tathā tadbādhakāgamasyāpramāṇatvāt tadanugrāhakānumānābhāvāt nanu ca neśvarākhyaḥ sarvajñaḥ karmabhūbhṛtāṃbhettā sadā karmamalair aspṛṣṭatvāt yas tu karmabhūbhṛtāṃ bhettā sa na karmamalaiḥ śaśvadas pṛṣṭo yatheśvarād anyāṃmuktātmā śaśvadas pṛṣṭaś ca karmamalair bhagavān maheśvarastasmān na karmabhūbhṛtāṃ bhattety anumānaṃprakṛtapakṣabādhakāgamānugrāhakaṃ nacātrāsiddhasādhanaṃ tathā hiśaśvatkarmaṃmalaiḥ aspṛṣṭaḥ paramātmā'nupāyasiddhatvāt yas tu na tathā sanānupāyasiddho yathā sādir muktātmā anupāyasiddhaś ca sarvajño bhagavān tasmāt karmamalaiḥśaśvadaspṛṣṭa ity ato 'numānāṃtarāt tatsiddher iti vadaṃtaṃpratyāha  na hy anupāyasiddhatve kutaścit pramāṇād aprasiddhetadbalāt karmabhiḥ śaśvadaspṛṣṭatvasādhanaṃ siddhim adhyāste tadasiddhau ca na karmabhūbhṛdbhettṛtvābhāvas tataḥ sidhyati yenedam anumānaṃ prastutapakṣabādhakāgamasyānugrāhakaṃ siddhyet tatprāmāṇyaṃ sādhayet na cāpramāṇabhūtenāgamenaprakṛtaḥ pakṣo bādhyate hetuś ca kālātyayāpadiṣṭaḥ syāt nanv īśvarasyānupāyasiddhatvam anāditvāt sādhyate tadanāditvaṃ ca tanukaraṇabhuvanādau nimittakāraṇatvād īśvarasya na caitad asiddhaṃ tathāhitanubhuvanakaraṇādikaṃ vivādāpannaṃ buddhim annimittakaṃkāryatvāt yat kāryaṃ tad buddhima nnimittakaṃ dṛṣṭaṃ yathā vastrādi kāryaṃ cedaṃ prakṛtaṃ tasmād buddhim annimittakaṃ yo 'sau buddhimāṃs taddhetuḥ sa īśvara iti prasiddhaṃsādhanaṃ tadanāditvaṃ sādhayaty eva tasya sāditve tataḥ pūrve tanvādyutpattivirodhāt tadutpattau vā tadbuddhimannimittatvābhāvaprasaṃgāt yadi punas tataḥ pūrvamanyabuddhim annimittakatvam iṣyate tadā tato 'pipūrvamanyadbuddhinimittakatvam iṣyate tadā tato 'pi pūrvamanyabuddhim annimittakatvam ity anādīśvarasaṃtatiḥ siddhyet na caiṣā yuktimatī pūrveśvarasyānaṃtasya siddhāv uttarasakaleśvarakalpanā vaiyarthyāt tenaivatanvādikāryaparamparāyāḥ sakalāya nirmāṇāt tato 'pi pūrva syānaṃtasya maheśvarasya siddhau tasya vaiyarthyād anyathāparasparam icchāvyāghātaprasaṃgād anekeśvarakāraṇatvāpatteś ca jagataḥ sudūram api gatvā'nādir eka eveśvaro'numaṃtavyaḥ sa pūrveṣām api guruḥ kālenāvicchedād iti tasya jagannimittatvasiddher anāditvamaṃtareṇānupapatter ity anāditvāsiddhiḥ tato nakarmabhūbhṛtāṃ bhettā munīṃdraḥ śaśvatkarmabhir aspṛṣṭatvāt yas tukarmabhūbhṛtāṃ bhettā sa na śaśvatkarmabhir aspṛṣṭaḥ yathopāyān muktaḥ śaśvatkarmabhir aspṛṣṭaś ca bhagavāṃs tasmān nakarmabhūbhṛtāṃ bhettā śaśvatkarmabhir aspṛṣṭo 'sāv anupāyasiddhatvāt yas tu na tathā sa nānupāyasiddhaḥ yathāsopāyamuktātmā anupāyasiddhaś cāyaṃ tasmāt sadā karmabhir aspṛṣṭaḥ anupāyasiddho 'yam anāditvāt yas tuna tathā sa nānādiḥ yathetaro muktātmā anādiś cāyaṃ tasmād anupāyasiddhaḥ anādir ayaṃtanukaraṇabhuvanādinimittatvāt yas tu nānādiḥ sa na tanukaraṇabhuvanādinimittakaḥ yathā'paromuktatmā tanu karaṇabhuvanādinimittaṃ ca bhagavāṃs tasmād anādiḥ tanukaraṇabhuvanādinimittaṃ tu tasya tanvāderbuddhimān nimittatvasādhanāt tanvādayo buddhivan nimittakāḥ kāryatvāt yat kāryaṃ tad buddhim annimittakaṃdṛṣṭaṃ yathā vastrādi kāryaṃ ca tanvādayovivādāpannās tasmād buddhim annimittakā ity anumānamālā'malā karmabhūbhṛtāṃ bhettāram apāsyaty eva na cedaṃ kāryatvamasiddhaṃ tanvāder vādiprativādinoḥ kāryatvābhyanujñānāt nāpy anekāṃtikaṃ kasyacit kāryasyābuddhim annimittasyāsaṃbhavād vipakṣe vṛttyabhāvāt na ceśvaraśarīreṇavyabhicāras tadasiddher īśvarasyāśarīratvāt nāpīśvarajñānena tasya nityatvāt kāryatvāsiddheḥ naceśvarecchayā tasyecchaśakter api nityatvāt kriyāśaktivat tata eva na viruddhaṃ sādhanaṃ sarvathā vipakṣesaṃbhavābhāvāt nacāyaṃ kālatyayāpadiṣṭo hetuḥ pakṣasya pratyakṣādipramāṇenābādhitvāt na hitanvāder buddhim annimittatvaṃ pratyakṣeṇa bādhyate tasyātīṃdriyatayā tadaviṣayatvāt nāpy anumānena tasya tadviparītasādhanasyāsaṃbhavāt nanu tanubhuvanakaraṇādayo na buddhim annimittakādṛṣṭakartṛkaprasādādivilakṣaṇatvād ākāśādivad ityanumānaṃ pakṣasya bādhakam iti cet na asiddhatvāt sanniveśādiviśiṣṭatvenadṛṣṭakartṛkaprasādādyavilakṣaṇatvāt tanvādīnāṃ yadi punar agṛhītasamayasya kṛtabuddhyutpādakatvābhāvāttanvādīnāṃ dṛṣṭakartṛkavilakṣaṇatvam iṣyate tadā kṛtrimāṇām api muktāphalādīnām agṛhītasamayasyakṛtabuddhyanutpādakatvābuddhim annimittakatvaprasaṃgaḥ naca dṛṣṭakartṛkatvādṛṣṭakartṛkatvābhyāṃ buddhimannimittatvetaratvasiddhiḥ sādhīyasī tadavinābhāvābhāvāt nahy adṛṣṭakartṛkatvam abuddhim annimittatvena vyāptaṃ jīrṇaprasādāderadṛṣṭakartṛkasyāpi buddhim annimittatvasiddher iti na dṛṣṭakartṛkavilakṣaṇatvam abuddhim annimittatvaṃ sādhayet yato'numānavādhitaḥ pakṣaḥ syāt kālātyayāpadiṣṭaṃ ca sādhanam abhidhīyeta nāpy āgamena prakṛtaḥ pakṣo bādhyatetatsādhakasyaivāgamasya prasiddheḥ tathā hi viśvataś cakṣuruta viśvatomukho viśvato bāhuruta viśvataḥpāt saṃbāhubhyāṃ dhamati saṃpatatrair dyāvābhūmī jana yan deva eka śruteḥ sadbhāvāt tathā vyāsavacanaṃ ca ajño jaṃturanīśo 'yam ātmanaḥ sukhaduḥkhayoḥ īśvaraprerito gacchet svargaṃ vā śvabhram eva vā itipakṣasyānugrāhakam eva na tu bādhakaṃ tato nakālātyayāpadiṣṭo hetur abādhitapakṣanirdeśānaṃtaraṃ prayuktatvāt tata evana satpratipakṣaḥ bādhakānumānābhāvād ity anavadyaṃ kāryatvasādhanaṃ tanvādīnāṃ buddhim annimittatvaṃ sādhayaty eva yad apy ucyate kaiścid buddhimannimittatvasāmānye sādhye tanvādīnāṃ siddhasādhanamanekatadupabhoktṛbuddhimannimittatvasiddheḥ teṣāṃtadadṛṣṭanimittatvāt tadadṛṣṭasya cetanārūpatvāt cetanāyāś ca buddhitvād buddhimannimittatvasiddher iti tad apy asāraṃ tanvādyupabhoktṛprāṇināmadṛṣṭasya dharmādharmasaṃjñakasya cetanatvāsiddherabuddhitvāt arthagrahaṇaṃ hi buddhiś cetanā na ca dharmo'rthagrahaṇam adharmo vā tayor buddher anyatvāt prayatnādivad itinānekabuddhim annimittatvaṃ tanvādīnāṃ siddhyati yataḥ siddhasādhanaṃ buddimannimittasāmānye sādhye 'bhidhāryate nanu ca vastrādi saśarīreṇāsarvajñena ca buddhimatā kubiṃdādinā kriyamāṇaṃ dṛṣṭam iti tanvādikāryamapi saśarīrāsarvajñabuddhimannimittaṃ siddhyed itīṣṭaviruddhasādhanād viruddhaṃ sādhanaṃ sarvajñenāśarīreṇa kriyamāṇasya kasyacidvastrādikāryasyāsiddheś ca sādhya vikalam udāharaṇam iti kaścit so 'pi na yuktavādītathā sarvānumānocchedaprasaṃgāt tathā hi sāgnirayaṃ parvato dhūmavattvān mahānasavad ity atrāpiparvatādau mahānasaparidṛṣṭasyaiva khādirapālāśādyagnināgnim āvasya siddher viruddhasādhanād viruddhaṃ sādhanaṃ syāt tārṇādyagnināgnimatvasya parvatādau sādhyasya mahānasādāvabhāvāt sādhyavikalam udāharaṇam apy anuṣajyeta yadipunar agnimatvasāmānyaṃ deśādiviśiṣṭaṃ parvatādau sādhyata iti neṣṭaviruddhaṃ sādhanaṃ nāpi sādhyavikalamudāharaṇaṃ mahānasādāv api deśādiviśiṣṭasyāgnimattvasya sadbhāvād iti mataṃ tadā tanvādiṣu buddhimatrimittatvasāmānyaṃ tanvādisvakāryavinirmāṇaśakti viśiṣṭaṃ sādhyata iti neṣṭaviruddha sādhano hetuḥ nāpisādhyavikalo dṛṣṭāṃtaḥ svakāryavinirmāṇaśakti viśiṣṭasya buddhimannimittatvasāmānyasya sādhyasya tatrasadbhāvāt siddhe ca buddhimannimittatvasāmānye kim ayaṃ buddhimān hetuḥ saśarīro 'śarīro veti vipratipattautasyāśarīratvaṃ sādhyate saśarīratve bādhakasadbhāvāt taccharīraṃ hi na tāvan niyamanādi sāvayavatvādasmadādiśarīravat nāpy anityaṃ sādi tadutpatteḥ pūrvam īśvarasyāśarītvasiddheḥ śarīrāṃtareṇasaśarīratve 'navasthāprasaṃgāt tathā kim asau sarvajño 'sarvajño veti vivāde sarvajñatvaṃ sādhyate tasyāsarvajñatvesamastakārakaprayoktṛtvānupapatteḥ tanvādikāraṇatvābhāvaprasaṃgāt tanvādi sakalakārakāṇāṃ parijñānābhāve 'piprayoktṛtve tanvādikāryavyāghātaprasaṃgāt kuviṃdāder vastrādikārakasyāparijñāne tadvyāghātavat naceśvarakāryasya tanukaraṇabhuvanādeḥ kadācid vyāghātaḥ saṃbhavati maheśvarasamīhitakāryasya yathākārakasaṃpātaṃvicitrasyādṛṣṭāder avyāghātadarśanāt yad apy abhyadhāyi tanukaraṇabhuvanādikaṃ naikasvabhāveśvarakāraṇakṛtaṃ vicitrakāryatvāt yad vicitraṃ kāryaṃ tan naikasvabhāvakāraṇakṛtaṃ dṛṣṭaṃ yathā ghaṭapaṭamukuṭaśakaṭādi vicitrakāryaṃ ca prakṛtaṃ tasmān naikasvabhāveśvarākhyakāraṇakṛtam iti tad apy asamyak siddhasādhyatāpatteḥ na hyekasvabhāvam īśvarākhyaṃ tanvāder nimittakāraṇam iṣyate tasya jñānaśaktīcchāśaktikriyāśaktitrayasvabhāvatvāt tanukaraṇabhuvanādyupabhoktṛprāṇigaṇādṛṣṭaviśeṣavaicitryasahakāritvāc ca vicitrasvabhāvopapatteḥghaṭapaṭamukuṭadikāryasyāpi tannidarśanasya tadutpādanavijñānecchākriyāśaktivicitratadupakaraṇasacivenaikenapuruṣeṇa samutpādanasaṃbhavāt sādhyavikalatānuṣaṃgāt tad evaṃ kāryatvaṃ hetus tanukaraṇabhuvanāderbuddhimannimittatvaṃ sādhayaty eva sakaladoṣarahitatvād iti vaiśeṣikāḥ samabhyamaṃsata te 'pi na samaṃjasavācaḥ tanukaraṇabhuvanādayo buddhimannimittakā iti pakṣasya vyāpakānupalaṃbhena bādhitatvāt kāryatvādihetoḥkālātyayāpadiṣṭatvāc ca tathā hi tanvādayo na buddhimannimittakās tadanvayavyatirekānupalaṃbhāt yatra yadanvayavyatirekānupalaṃbhas tatra na tannimittakatvaṃ dṛṣṭaṃ yathā ghaṭaghaṭīśarāvodaṃcanādiṣukuviṃdādyanvayavyatirekā'nanuvidhāyiṣu nakuviṃdādinimittakatvaṃ buddhimadanvayavyatirekā'nupalaṃbhaś ca tanvādiṣu tasmān nabuddhimannimittakatvam iti vyāpakānupalaṃbhaḥ tatkāraṇakatvastha tadanvayavyatirekopalaṃbhena vyāptatvātkulālakāraṇakasya ghaṭādeḥ kulālānvayavyatirekopalaṃbhaprasiddheḥ sarvatra bādhakābhāvāt tasyatadvyāpakatvavyavasyānāt na cāyam asiddhas tanvādīnāmīśvaravyatirekānupalaṃbhasya pramāṇasiddhatvāt sa hi na tāvatkālavyatirekaḥ śāśvatikatvādīśvarasya kadācid abhāvāsaṃbhavāt nāpi deśavyatirekaḥ tasya vibhutvena kacidabhāvānupapatter īśvarābhāve kadācit kvacit tanvādikāryābhāvāniścayāt syān mataṃmaheśvarāsisṛkṣānimittatvāt tanvādikāryasyāyam adoṣa iti tad apy asatyaṃ tadicchāyā nityānityavikalpadvayānativṛtteḥ tasyānityatve vyatirekāsiddhiḥ sarvadāsadbhāvāt tanvādikāryotpattiprasaṃgāt nanvīśvarecchāyānityatve 'py asarvagatatvāt vyatirekaḥ siddhaeva kvacin maheśvarasisṛkṣāpāye tanvādikāryānutpattisaṃbhavāditi cen na taddeśe vyatirekābhāvasiddheḥ deśāṃtare sarvadā tadanupapatteḥ kāryānudayaprasaṃgāt anyathā tadanityatvāpatteḥ anityaivecchās tv iti cet sā tarhi sisṛkṣā maheśvarasyotpadyamānā sisṛkṣāṃtarapūrvikāyadīṣyate tadā'navasthāprasaṃgaḥ parāparasisṛkṣotpattāv eva maheśvarasyopakṣīṇaśaktikatvāt prakṛtatanvādikāryānudaya eva syāt yadi punaḥ prakṛtatanvādikāryotpattau maheśvarasya sisṛkṣotpadyate sāpi tatpūrvasisṛkṣāta ity anādisisṛkṣāsaṃtatir nānavasthādoṣam āskaṃdati sarvatrakāryakāraṇasaṃtānasyānāditvasiddherbījāṃkurādivad ity abhidhīyate tadā yugapan nānādeśeṣu tanvādikāryasyotpādo nopapadyeta yatra yatkāryotpattaye maheśvarasisṛkṣā tatra tasyaiva kāryasyotpattighaṭanāt na ca yāvatsu deśeṣu yāvaṃti kāryāṇisaṃbhūṣṇūni tāvaṃtyaḥ sisṛkṣās tasyeśvarasya sakṛdupajāyaṃta iti vaktuṃ śakyaṃ yugapad anekecchāprādurbhāvavirodhādasmadādivat yadi punar ekaiva maheśvarasisṛkṣā yugapan nānādeśakārye jananāya prajāyata itīṣyate tadākramato 'nekatanvādikāryotpattivirodhas tadicchāyāḥ śaśvadabhāvāt atha matam etat yatra yadā yathā yat kāryamutpitsu tatra tadā tathā tad utpādanecchā maheśvarasyaikaiva tādṛśī samutpadyate tato nānādeśeṣv ekadeśeca krameṇa yugapac ca tādṛśam anyādṛśaṃ ca tanvādikāryaṃ prādurbhavan na virudhyata iti tad apy asaṃbhāvyaṃkvacid ekatra pradeśe samutpannāyāḥ sisṛkṣāyā daviṣṭadeśeṣu vibhinneṣu nānāvidheṣu nānākāryajanakatvavirodhāt anyathātadasarvagatatve 'pi deśavyatirekānupapatteḥ yadi hi yad deśā sisṛkṣā tad deśam eva kāryajanmanā'nyadeśam iti vyavasthā syāt tadā deśavyatirekaḥ siddhyen nānyatheti sisṛkṣāyā na vyatirekopalaṃbho maheśvaravat vyatirekābhāve ca nānvayaniścayaḥ śakyaḥ kartuṃ satīśvare tanvādikāryāṇāṃ janmety anvayo hipuruṣāṃtareṣv api samānaḥ teṣv api satsu tanvādikāryotpattisiddheḥ na ca teṣāṃ sarvakāryotpattaunimittakāraṇatvaṃ dikkālākāśānām iva saṃmataṃ pareṣāṃsiddhāṃta virodhān maheśvaranimittakāraṇatvavaiyarthyāc ca yadipunas teṣu puruṣāṃtareṣu satsv api kadācit tanvādikāryānutpattidarśanān na tannimittakāraṇatvaṃ tadanvayābhāvaśceti mataṃ tadeśvare saty api kadācit tanvādikāryānutpatter īśvarasyāpi tannimittakāraṇatvaṃ mā bhūt tadanvayāsiddhiś ca tadvad āyātā eteneśvarasisṛkṣāyāṃ nityāyāṃ satyām api tanvādikāryājanmadarśanād anvayābhāvaḥ sādhitaḥ kālādīnāṃ ca teṣu satsv api sarvakāryānutpatteḥ syān mataṃ sāmagrījanikā kāryasya naikaṃ kāraṇaṃtatas tadanvayavyatirekāv eva kāryasyānveṣaṇīyau naikeśvarānvayavyatirekau sāmagrī ca tanvādikāryotpattautatsamavāyikāraṇam asamavāyikāraṇaṃ nimittakāraṇaṃ ceti teṣu satsu kāryotpattidarśanād asatsucādarśanād iti satyam etat kevalaṃ yathā saṃmavāyyasamavāyikāraṇānām anityānāṃ dharmādīnāṃ ca nimittakāraṇānāmanvayavyatirekau prasiddhau kāryajanmani tathā neśvarasya nityasarvagatasya tadicchāyā vānityaikasvabhāvāyā iti tadanvayavyatirekānupalaṃbhaḥ prasiddha eva na hi sāmagryekadeśasyānvayavyatirekasiddhaukāryajanmani sarvasāmagryās tadanvavyatirekasiddhir iti śakyaṃ vaktuṃ pratyekaṃ sāmagryākadeśānāṃkāryotpattāv anvayavyatirekaniścayasya prekṣāpūrvakāribhir anveṣaṇāt paṭādyutpattau kuviṃdādisāmagryekadeśavat yathaiva hi taṃtuturīvemaśalākādīnām anvayavyatirekābhyāṃ paṭasyotpattir dṛṣṭā tathākuviṃdānvayavyatirekābhyām api tadupabhoktṛjanādṛṣṭānvayavyatirekābhyām iveti supratītaṃ nanu sarvakāryotpattaudikkālākāśādisāmagryanvayavyatirekānuvidhānavadīśvarādisāmagryanvayavyatirekānuvidhānasya siddher navyāpakānupalaṃbhaḥ siddha iti cet na dikkālākāśādīnām api nityasarvagataniravayavatve kvacidanvayavyatirekānuvidhānāyogād udāharaṇavaiṣamyāt teṣām api hi pariṇāmitve sapradeśatve ca paramārthataḥ svakāryotpattaunimittatvasiddheḥ nanv evam īśvarasyāpi buddhyādiparimaṇāmaiḥ svato 'rthāṃtarabhūtaiḥ pariṇāmitvāt sakṛtsarvamūrtim addravyasaṃyoganibaṃdhanapradeśasiddheś ca tanvādikāryotpattau nimittakāraṇatvaṃ yuktaṃtadanvayavyatirekānuvidhānasya tanvāder upaṣannatvāt svato 'narthāṃtarabhūtair eva hi jñānādipariṇāmair īśvarasyapariṇāmitvaṃ neṣyate svāraṃbhakāvayavaiś ca sāvayavatvaṃ nirākriyate na punar anyathā virodhābhāvān na caivamaniṣṭaprasaṃgaḥ dravyāṃtarapariṇāmair apipariṇāmitvāprasaṃgāt teṣāṃ tatrāsamavāyāt ye hi yatra samavāyaṃti pariṇāmāstair eva tasya pariṇāmitvaṃ paramāṇoś ca svāraṃbhakāvayavābhāve 'pi sapradeśatvaprasaṃgāṃ nāniṣṭāpattayenaiyāyikānāṃ paramāṇvaṃtarasaṃyoganibaṃdhanasyaikasya pradeśasya paramāṇor apīṣṭatvāt nacopacaritapradeśapratijñā ātmādiṣv evaṃ viruddhyatesvāraṃbhakāvayavalakṣaṇānāṃ pradeśānāṃ tatropacaritatvapratijñānāt mūrtimaddravyasaṃyoganivaṃdhanānāṃ tu teṣāṃ pāramārthikatvāt anyathā sarvamūrtimaddravyasaṃyogānāṃ yugapadbhāvināmupacaritatvaprasagāt vibhudravyāṇāṃ sarvagatatvam apy upacaritaṃ syāt paramāṇoś caparamāṇvaṃtarasaṃyogasya pāramārthikāsiddherdvyaṇukādikāryadravyam apāramārthikam āsajyeta kāraṇasyocaritatve kāryasyānupacaritatvāyogād iti kecit pracakṣyate te 'pisyādvādimatam aṃdhasarpavilapraveśanyāyenānusaraṃto 'pi neśvarasyanimittakāraṇatvaṃ tanvādikāryotpattau samarthayitum īśate tathāpi tadanvayavyatirekānuvidhānasya sādhayitumaśakyatvād ātmāṃtarānvayavyatirekānuvidhānavat yathaiva hy ātmāṃtarāṇi tanvādikāryotpattau nanimittakāraṇāni teṣu satsu bhāvād anvayasiddhāv api tacchūnye ca deśe kvacid api tanvādikāryānutpattervyatirekasiddhāv api ca tatheśvare satyeva tanvādikāryotpattes tacchūnye pradeśe kvacid api tadanutpattestacchūnyasya pradeśasyaivābhāvād anyayavyatirekasiddhāvapīśvaro nimittakāraṇaṃ mā bhūt sarvathā viśeṣābhāvāt syān mataṃmaheśvarasya buddhimattvāt samastakārakaparijñānayogāt tatprayoktṛtvalakṣaṇaṃ nimittakāraṇatvaṃtanvādikāryotpattau vyavatiṣṭhate na punar ātmāṃtarāṇām ajñatvāt tallakṣaṇanimittakāraṇatvāghaṭanād iti tad api nasamīcīnaṃ sarvajñasya samastakārakaprayoktṛtvāsiddheḥ yogyaṃtaravat na hi yogyaṃtarāṇāṃ sarvajñatve 'pisamastakārakaprayoktṛtvam iṣyate nanu teṣāṃ samastapadārthajñānasyāṃtyasya yogābhyāsaviśeṣajanmanaḥsadbhāve sakalamithyājñānadoṣapravṛttijanmaduḥkhaparikṣayāt paramaniḥśreyasasiddheḥsamastakārakaprayoktṛtvāsiddhiḥ na punar īśvarasya tasyasadā muktatvāt sadaiveśvaratvāc ca saṃsārimuktavilakṣaṇatvāt na hisaṃsārivadajño maheśvaraḥ pratijñāyate nāpi muktavat samastajñānaiśvaryarahita iti tasyaivaṃsamastakārakaprayoktṛtvalakṣaṇaṃ nimittakāraṇatvaṃkāyādikāryotpattau saṃbhāvyata iti kecit te 'pi na vicāracaturacetasaḥ kāyādikāryasya maheśvarābhāve kvacid abhāvāsiddher vyatirekāsaṃbhavasya pratipāditatvāt niścitānvayasyāpy abhāvāt nanu ca yatra yadā yathā maheśvarasisṛkṣā saṃbhavati tatra tadā tathā kāyādikāryamutpadyate anyatrānyadā'nyathā tadabhāvān notpadyata ity anvayavyatirekau maheśvarasisṛkṣāyāḥkāyādikāryam anuvidhatte kuṃbhādikāryavat kulālādisisṛkṣāyāḥ tato nānvayavyatirekayor vyāpakayor anupalaṃbho'sti yato vyāpakānulaṃbhaḥ pakṣasya bādhakaḥ syād iti cen na tasyā maheśvarasisṛkṣāyāḥkāyādikāryotpattau nityānityatvavikalpadvaye 'pi nimittakāraṇatvanirākaraṇāt tadanvayavyatirekānuvidhānasyāsiddhervyāpakānupalaṃbhaḥ prasiddha eva pakṣasya bādhaka ity anumānabādhitapakṣatvāt kālatyayāpadiṣṭahetutvācca na buddhimannimittatvasādhanaṃ sādhīyaḥ siddhaṃ yato 'nupāyāsiddhaḥ sarvajño 'nādiḥ karmabhiraspṛṣṭaḥ sarvadā siddhyed iti sūktaṃ tasyānupāyasiddhasya sarvathā'nupapattita iti yo 'py āhamokṣamārgapraṇītir anādisiddhasarvajñam aṃtareṇanopapadyate sopāyasiddhasya sarvajñasyānavasthānāt mokṣamārgapraṇīter asaṃbhavātavasthāne vā tasya samutpannatattvajñānasyāpi sākṣān na tattvajñānaṃ mokṣasya kāraṇaṃ tadbhāvabhāvitvābhāvāttatvajñānāt pūrvaṃ mokṣamārgasya praṇayena tadupadeśasya prāmāṇyāyogād atattvajñavacanād rathyāpuruṣavacanavat nāpiprādur bhūtasākṣāttattvajñānasyāpi paramavairāgyotpatteḥ pūrvamavasthānasaṃbhavān mokṣamārgapraṇītir yuktā sākṣāt sakalatattvajñānasyaiva paramavairāgyasvabhāvatvāt etenasamyagdarśanajñānacāritraprakarṣaparyaṃtaprāptauniḥśreyasam iti vadato 'pi na mokṣamārga praṇayanasiddhir iti pratipāditaṃ boddhaṃ kevalajñānotpattau kṣāyikasamyagdarśanasya kṣāyikacāritrasya ca paramaprakarṣapariprāptasya sadbhāvāt samyagdarśanāditrayaprakarṣaparyaṃtaprāptau paramamuktiprasaṃgād avasthānāyogān mokṣamārgopadeśāsaṃbhavāt tadāpy avasthāne sarvajñasyana tāvanmātrakāraṇatvaṃ mokṣasya syāt tadbhāvabhāvitvābhāvād eva jñānamātravad iti tan matam apyanūdya vicārayann āha  yasmād anādisiddhāt sarvajñān mokṣamārgapraṇītiḥsādisarvajñān mokṣamārgapraṇayanāsaṃbhavabhayād abhyanujñāyate so 'śarīro vā syāt saśarīro vā gatyaṃtarābhāvāt na tāvad aśarīro mokṣamārgasya praṇetā saṃbhavati tad anyamuktavad vākpravṛtter ayogāt nāpisaśarīraḥ sakarmakatvaprasaṃgād ajñaprāṇivat tato na anādisiddhasya sarvajñasya mokṣamārgapraṇītiḥ parīkṣāṃsahate yato 'sau vyavasthāpyate nanu cāśarīratvasaśarīratvayor mokṣamārgapraṇītiṃ pratyanaṃgatvāttattvajñānecchāprayatnanimittatvāt tasyāḥ kāyādikāryotpādanavat tanmātranibaṃdhanatvopalabdheḥ kāryotpādanasya tathāhi kuṃbhakāraḥ kuṃbhādikāryaṃ kurvan na saśarīratvena kurvīta sarvasya saśarīrasya kūviṃdāder apikuṃbhādikaraṇaprasaṃgāt nāpy aśarīratvena kaścit kuṃbhādikāryaṃ kurute muktasya tatkaraṇaprasaṃgāt kiṃ tarhikuṃbhādikāryotpādanajñānecchāprayatnaiḥ kuṃbhakāraḥ kuṃbhādikāryaṃ kurvann upalabhyate tadanyatamāpāye 'pitadanupapatteḥ jñānāpāye kasyacid icchato 'pi kāryotpādanādarśanāt kāryotpādanecchāpāye ca jñānavato 'pitadanupalabdheḥ patra prayatnāpāye ca kāryotpādanajñānecchāvato 'pi tadasaṃbhavāt jñānāditrayasadbhāve ca kāryotpattidarśanāttattvajñānecchāprayatne nibaṃdhanam eva kāryakaraṇam anumaṃtavyaṃ tadasti ca maheśvarajñānecchāprayatnatrayaṃ tato 'saumokṣamārgapraṇayanaṃ kāyādikāryavat karoty eva virodhābhāvād itikaścit so 'pi na yuktavādī vicārāsahatvāt sadā karmabhir aspṛṣṭasya kvacid icchāprayatnayor ayogāt tadāha  na hi kuṃbhakārasyecchāprayatnau kuṃbhādyutpattauniḥkarmaṇaḥpratītau sakarmaṇa eva tasya tatprasiddheḥ yadi punaḥ saṃsāriṇaḥ kuṃbhakārasya karmanimittecchā siddhāsadāmuktasya tu karmāṃbhāve 'pīcchāśaktiḥ saṃbhavati sopāyamuktasyecchāpāyāt na ca tadvadīśvarasyatadasaṃbhava iti mataṃ tadā sā maheśvarecchāśaktir abhivyaktānābhivyaktā vā na tāvad abhivyaktātadābhivyaṃjakābhāvāt tajjñānam eva tadabhivyaṃjakam iticet na tasya śaśvatsadbhāvād īśvarasyasadecchābhivyaktiprasaṃgāt na caivaṃ tasyāḥ kādācitkatvāt anyathā varṣaśatāṃte varṣaśatāṃte maheśvarecchotpadyate itisiddhāṃtāvirodhāt yadi punas tanvādyupabhoktṛprāṇigaṇādṛṣṭaṃ tadabhivyaṃjakam iti matiḥ tadā tadadṛṣṭamīśvarecchānimittakam anyanimittakaṃ vā prathamapakṣe parasparāśrayadoṣaḥ satyām īśvarecchābhivyaktauprāṇināmadṛṣṭaṃ sati ca tadadṛṣṭhe maheśvarecchābhivyaktir iti syān mataṃ prāṇinām adṛṣṭaṃ pūrveśvarecchānimittakaṃtadabhivyaktiś ca tatpūrvaprāṇyadṛṣṭanimittāt tad api tadadṛṣṭaṃ pūrveśvarecchānimittakām ity anādir iyaṃkāryakāraṇabhāvena prāṇigaṇādṛṣṭeśvarecchābhivyaktyoḥ saṃtatiḥ tato na parasparāśrayadoṣo bījāṃkurasaṃtativad iti tad anupapannaṃ ekānekaprāṇyadṛṣṭanimittatvavikalpadvayānatikramāt sā hīśvarecchābhivyaktir yadyekaprāṇyadṛṣṭinimittā tadā tadbhogyakāyādikāryotpattāv eva nimittaṃ syāt nasakalaprāṇyubhogyakāyādikāryotpattau tathā casakṛdanekaprāṇyupabhogya kāyādikāryopalabdhir na syāt yadi punaranekaprāṇyadṛṣṭanimittā tadā tasyā nānāsvabhāvaprasaṃgo nānākāyādikāryakaraṇāt na hyekaprāṇyupabhogyakāyādinimittenaikenasvabhāveneśvarecchābhivyaktā nānāprāṇyupabhogyakāyādikāryakaraṇā samarthā atiprasaṃgāt yadi punas tādṛśa evaikasvabhāvo nānāprāṇyadṛṣṭanimitto yena nānāprāṇyupabhogyakāyādikāryāṇāṃnānāprakārāṇām īśvarecchā nimittakāraṇaṃ bhavatīti mataṃ tadā na kiṃcid anekasvabhāvaṃ vastusiddhyeta vicitrakāryakaraṇaikasvabhāvād eva bhāvād vicitrakāryotpattighaṭanāt tathā ca ghaṭādir apirūparasagaṃdhasparśādyanekasvabhāvābhāve 'pi rūpādijñānamanekaṃ kāryaṃ kurvīta śakyaṃ hi vaktuṃ tādṛgekasvabhāvo ghaṭāderyena cakṣurādyanekasāmagrī sannidhānād anekarūpādijñānajanananimittaṃ bhaved iti kutaḥ padārthanānātvavyavasthā pratyayanānātvasyāpi padārthaikatve 'pi bhāvāvirodhāt na hi dravyam ekaḥ padārthaḥnānāguṇādipratyayaviśeṣajananaikasvābhāvo virudhyate yadi punaḥ pratyayaviśeṣādikāryabhedāddravyaguṇādipadārthanānātva vyavasthāpyate tadāmaheśvarecchāyāḥ sakṛd anekaprāṇyupabhogayogyakāyādikāryanānātvānnānāsvabhāvatvaṃ katham iva na sidhyeta yadi punarīśvarecchāyā nānāsahakāriṇa eva nānāsvabhāvās tadvyatirekeṇabhāvasya svabhāvāyogād iti mataṃ tadā svabhāvatadvator bhedaikāṃtābhyupagamaḥ syāt tasmiṃś casvabhāva tadbhāvavirodhaḥ sahyaviṃdhyavad āpanīpadyeta pratyāsattiviśeṣān naivam iti cet kaḥ punar asaupratyāsattiviśeṣaḥ samavāyināṃ sahakāriṇāṃ samavāyo'samavāyināṃ kāryaikārthasamavāyaḥ kāryakāraṇaikārthasamavāyo vānimittakāraṇānāṃ tu kāryotpattāv apekṣā kartṛsamavāyinī karmasamavāyinī vā'pekṣamāṇatā pratyāsattir iticet īśvarodikkālākāśādīni ca sarvakāryāṇām utpādakakāraṇasvabhāvatvaṃ pratipadyeran tasyateṣāṃ ca tadutpattau nimittakāraṇatvāt tathā sakalaprāṇyadṛṣṭānāṃ kāryādikāryasamavāyyasamavāyikāraṇānāṃca maheśvarasvabhāvatvaṃ durnivāraṃ kāyādikāryyotpattau tatsahakāritvasiddher itisarvamasamaṃjasamāsajyeta nānāsvabhāvaikeśvaratattvasiddheḥtathā ca paramabramheśvara iti nāmamātraṃ bhidyeta paramabrahmaṇaevaikasya nānāsvabhāvasya vyavasthiteḥ syān mataṃ katham ekaṃ brahma nānāsvabhāvāyogi bhāvāṃtarābhāve bhavet bhāvāṃtarāṇām eva pratyāsattiviśiṣṭānāṃ svabhāvatvād iti tad apy apeśalaṃ bhāvāṃtarāṇāṃ svabhāvatve kasyacid ekenasvabhāvena pratyāsattiviśeṣeṇa pratijñāyamāne nānātvavirodhāt pratyāsattiviśeṣair nānāsvabhāvais teṣāṃsvabhāvatvān nānātve te 'pi pratyāsattiviśeṣāḥ svabhāvās tadvato 'paraiḥ pratyāsattiviśeṣākhyaiḥ svabhāvairbhaveyur ity anavasthāprasaṃgāt sudūram api gatvā svabhāvavataḥ svabhāvānāṃ svabhāvāṃtaranirapekṣatve prathame 'pi svabhāvāḥsvabhāvāṃtaranirapekṣāḥ prasajyeran tathā ca sarve sarvasya svabhāvā iti svabhāvasaṃkaraprasaṃgaḥ taṃparijihīrṣatā na svabhāvatadvator bhedaikāṃto 'bhyupaṃgatavyaḥ tadabhedaikāṃte ca svabhāvānāṃ tadvati sarvātmanānupraveśāttad evaikaṃ tattvaṃ paramabrahmeti nigadyamānaṃ na pramāṇaviruddhaṃ syāt tad apy anicchatā svabhāvatadvatoḥ kathaṃcittādātmyam eṣitavyaṃ tathā ceśvarecchāyāḥ nānāsvabhāvāḥ kathaṃcit tādātmyam anubhavaṃto 'nekāṃtātmikāmīśvarecchāṃ sādhayeyuḥ tām apy anicchataikasvabhāveśvarecchā pratipattavyā sācaikena prāṇyadṛṣṭenābhivyaktāṃtadekaprāṇyupabhogayogyam eva kāyādikāryaṃ kuryāt tato na sakṛd anekakāyādikāryotpattir iti naprāṇyadṛṣṭanimitteśvarecchā'bhivyaktiḥ sidhyet etena padārthāṃtaranimittā'pīśvarecchā'bhivyaktir apāstā syān mataṃ maheśvarecchā'nabhivyaktaiva kāryajanmani nimittaṃ karmanibaṃdhanāyā evecchāyāḥ kvacid abhivyaktāyānimitvadarśanāt tadicchāyāḥ karmanimittatvābhāvād iti tad apy asaṃbaddhaṃ kasyāścid icchāyāḥsarvathā'nabhivyaktāyāḥ kvacit kārye kriyāhetutvāsiddher ajñajaṃtuvat karmābhāve cecchāyāḥ sarvathā'nupapatteḥ tathāhi vivādādhyāsitaḥ puruṣaviśeṣo necchāvān niḥkarmatvāt yo yo niḥkarmā sa sa necchāvān yathāmuktātmāniḥkarmācāyaṃ tasmān necchāvān iti neśvarasyecchāsaṃbhavaḥ tadabhāve ca na prayatnaḥ syāttasyecchāpūrvakatvāt tadabhāve bhāvāvirodhāt iti buddhīcchāprayatnamātrādīśvaro nimittaṃ kāyādikāryotpattaukuṃbhādyutpattau kuṃbhakāravad iti va vyavatiṣṭhate syād ākūtaṃ te vivādāpannaḥ puruṣaviśeṣaḥ prakṛṣṭajñānayogīsadaivaiśvaryayogitvāt yas tu na prakṛṣṭajñānayogī nāsau sadaivaiśvaryayogī yathā saṃsārī muktaś casadaivaiśvaryayogī ca bhagavān tasmāt prakṛṣṭajñānayogī siddhaḥ sa ca prāṇināṃ bhogabhūtaye kāyādikāryotpattausisṛkṣāvān prakṛṣṭajñānayogitvāt yas tu na tathā sa na prakṛṣṭajñānayogī yathā saṃsārī muktaśca prakṛṣṭajñānayogīcāyaṃ tasmāt tatheti tasyecchāvatvasiddhiḥ tathā ca prayatnavān asau sisṛkṣāvatvāt yoyatra sisṛkṣāvān sa tatra prayatnavān dṛṣṭaḥ yathā ghaṭotpattau kulālaḥ sisṛkṣāvāṃś catanukaraṇabhuvanādau bhagavān tasmāt prayatnavān itijñānecchāprayatnatvasiddheḥ niḥkarmaṇo 'pi sadāśivasyāśarīrasyāpitanvādikāryotpattau nimittakāraṇatvasiddher mokṣamārgapraṇītāv api tatkāraṇatvasiddhiḥ bādhakābhāvāditi tad etad apy asamaṃjasaṃ sarvathā niḥkarmaṇaḥ kasyacid aiśvaryavirodhāt tathā hi vivādādhyāsitaḥ puruṣonaiśvaryayogī niḥkarmakatvāt yo yo niḥkarmā sa sa naiśvaryayogī yathā muktātmā niḥkarmācāyaṃ tasmānnaiśvaryayogī nanv enomalair evāspṛṣṭatvād anādi yogajadharmeṇa yogādīśvarasya niḥkarmatvam asiddhām iti cetna tarhi sadāmukto 'sau dharmādharmakṣayād eva mukti prasiddheḥ śaśvatkleśakarmavipākāśayair aparāmṛṣṭatvādanādiyogajadharmasaṃbaṃdhe 'pi jīvan mukter avirodha eva vairāgyeśvaryajñānasaṃbaṃdhe 'pi tadavirodhavad iti cettarhi paramārthato muktāmuktasvabhāvatā maheśvarasyābhyupagatā syāt tathācānekāṃtasiddhir durnnivārā etenānādibuddhimān nimittatvayogād īsvarasya dharmajñānavairāgyaiśvaryayogāt śaśvatkleśakarmavipākāśayairaparāmṛṣṭatvāc ca sadaivaṃ muktatvaṃ sadaiveśvaratvaṃbruvāṇo naikāṃtam abhyanujānātīti niveditaṃ pratipattavyaṃ kathaṃcinmuktatvasya kathaṃcid amuktatvasya ca prasiddheḥ tato 'nekāṃtātmakatvaprasaṃgaparijihīrṣuṇā sarvathā muktaeveśvaraḥ pravaktavyaḥ tathā ca sarvathā niḥkarmatvaṃ tasyorarīkartavyam iti nāsiddhaṃ sādhanaṃ nāpyanaikāṃtikaṃ vipakṣe vṛttyasiddheḥ kvacid aiśvaryayogini tridaśeśvaretyādau sarvathā niḥkarmatvasya vṛttyasiddheḥtata eva na viruddhaṃ nāpi kālātyayāpadiṣṭaṃ pakṣasya pramāṇenābādhanāt na hi pratyakṣato 'smadādibhiraiśvaryayogī kaścin niḥkarmopalabhyate yataḥ prātyakṣabādhitaḥ pakṣaḥ syāt nāpy anumānatas tatra sarvasyānumānasyavyāpakānupalaṃbhena bādhitapakṣasya kālātyayāpadiṣṭatvasādhanāt nāpy āgamatas tasyopalaṃbhas tatra tasyayuktyānanugṛhītasya prāmāṇyavirodhāt tadanugrāhikāyā yukter asaṃbhavād eva yuktyanugṛhītasyāpi natatrāgamasya saṃbhāvanā yataḥ prāmāṇyenābādhyamānaḥ pakṣo na siddhyet hetoś cakālātyayāpadiṣṭatvaṃ parihāro nabhavet etena sapratipakṣatvaṃ sādhanasya nirastaṃ pratipakṣānumānasya niravadyasyasaṃbhavābhāvasādhanāt tad evam asmād anumānādaiśvaryavirahasādhane maheśvarasyecchāprayatnaviraho 'pi sādhitaḥ syātdharmavirahavat yathaiva hi niḥkarmatvam aiśvaryavirahaṃ sādhayati tathecchāprayatnam api tasya tena vyāptisiddheḥ kasyacid icchāvataḥ prayatnavataś ca paramaiśvarya yogino 'pīṃdrāder niḥkarmatvavirodhasiddheḥ jñānaśaktis tuniḥkarmaṇo 'pi kasyacin na virudhyate cetanātmavādibhiḥ kaiścid vaiśeṣikasiddhāṃtam abhyugacchadbhirmuktātmany api cetanāyāḥ pratijñānāt cetanā ca jñānaśaktir eva na punas tadvyatiriktā cicchaktir apariṇāminyapratisaṃkramā'darśitaviṣayā śuddhā cā'naṃtā ca yathā kāpilair upavarṇyate tasyāḥ pramāṇavirodhāt tathā camaheśvarasya karmabhir aspṛṣṭasyāpi jñānaśaktir aśarīrasyāpi ca muktātmana iva prasiddhā tatprasiddhau ca  na hi kaścit kasyacit kāryotpattau jñānaśaktyeva prabhurupalabdhā yatovivādādhyāsitaḥ puruṣo jñānaśaktyaiva sarvakāryāṇyutpādayati prabhutvād ity anumānamanudāharaṇaṃ na bhavet nanu sādharmyodāharaṇābhāve 'pi vaidharmyodaharaṇasaṃbhavān nā'nudāharaṇam idam anumānaṃ tathā hi yas tu jñānaśaktyaiva na kāryam utpādayati sa na prabhuḥ yathā saṃsārī karmaparataṃtra itivaidharmyeṇa nidarśanaṃ saṃbhavaty eveti na maṃtavyaṃ sādharmyodāharaṇavirahe 'nvayanirṇayābhāvād vyatirekanirṇayasyavirodhāt tathā śakrāder jñānecchāprayatnaviśeṣairsvakāryaṃ kurvataḥ prabhutvena vyabhicārāc ca nahīṃdrojñānaśaktyaiva svakāryaṃ kurute tasyecchāprayatnayorapi bhāvāt nacāsya prabhutvam asiddhaṃ prabhutvasāmānyasyasakalāmaraviṣayasya svātaṃtralakṣaṇasyāpi sadbhāvāt prativādi prasiddham api nidarśanam anūdya nirākurvann āha  maheśvaraḥ samīhāmaṃtareṇāpi prayatnaṃ ca jñānaśaktyaivamokṣamārgapraṇayanaṃ tanvādikāryaṃ ca kurvīta maheśvaratvāt yathā prativādiprasiddho jineśvaraḥpravacanopadeśam iti prativādiprasiddham api nidarśanam anumānasya nopapadyate syādvādibhiḥ pratijñāyamānasyajineśvarasya jñānaśaktyaiva pravacanalakṣaṇakāryakāraṇāsiddheḥ saty eva tīrthakaratvanāmapuṇyātiśayedarśanaviśuddhyādibhāvanāviśeṣanibaṃdhanesamutpannakevalajñānasyodayaprāpte pravacanākhyatīrthakaraṇaprasiddheḥ prakṣīṇāśeṣakarmaṇaḥ siddhasya vākpravṛtter asaṃbhavāttīrthaṃ karatvanāmapuṇyātiśayāpāye kevalino 'pi vākprasiddhyasaṃbhavavat itidharmaviśeṣaviśiṣṭa evottamasaṃhananaśarīraḥ kevalī pravacanākhyatīrthasya kartā prasiddha iti kathamasau nidarśanaṃ maheśvarasyāpi  yasya hi dharmaviśeṣo yogaviśeṣaś ca maharṣiyoginaḥprasiddhaḥ tasya deho 'py uttama evāyogijanadehādviśiṣṭaḥ prasiddhas tathā maheśvarasyāpidehenottamena bhavitavyaṃ tam aṃtareṇa dharmaviśeṣasyayogaviśeṣasya vā'nupapattir aiśvaryāyogād vairāgyāyogavat kutojagannimittakaraṇatvaṃ siddhayaṃdajñajaṃtuvan muktātmavac ca matāṃtaram āśaṃkya nirākurvann āha  kasyacid duṣṭasya nigrahaṃ śiṣṭasya cānugrahaṃkarātīśvaraḥ prabhutvāt lokaprasiddhaprabhuvat na caivaṃ nānaiśvarasiddhiḥ nānāprabhūṇāmekamahāprabhutaṃtratvadarśanāt tathā hi vivādādhyāsitānānāprabhava eka mahāprabhutaṃtrā eva nānāprabhutvāt ye ye nānāprabhavas tete atraikamahāprabhutaṃtrā dṛṣṭāḥ yathā sāmaṃta māṃḍalikādaya ekacakravartitaṃtrāḥ prabhavaś caitenānācakravartīṃdrādayaḥ tasmād ekamahāprabhutaṃtrā eva yo'sau mahāprabhuḥ sa maheśvara ity ekeśvarasiddhiḥ sa casvadehanirmāṇakaro 'nyadehināṃ nigrahānugrahakaratvāt yo yo 'nyadehināṃ nigrahānugrahakaraḥ sa svadeha nirmāṇakarodṛṣṭo yathā rājā tathā cāyam anyadehināṃ nigrahānugrahakaraḥ tasmāt svadehanirmāṇakara iti siddhaṃ tathāsati svaṃ dehaṃ nirmāyānyadehināṃ nigrahānugrahau karotīśvara iti keṣāṃcit vacaḥ tac ca na parīkṣākṣamaṃmaheśvarasyāśarīrasya svadehanirmāṇānupapatteḥ tathā hi  yadi hīśvaro dehāṃtarād vinā'pi svadeham anudhyānamātrādutpādayet tadā'nyadehināṃ nigrahānugrahalakṣaṇaṃ kāryam api prakṛtaṃ tathaiva janayed iti tajjananedehādhānam anarthakaṃ syāt yadi punar dehāṃtarād evasvadehaṃ vidadhīta tadā tad api dehāṃtaram anyasmād dehād ity anavasthitiḥsyāt tathā cāparāparadehanirmāṇa evopakṣīṇaśaktikatvāt na kadācit prakṛtaṃ kāryaṃ kuryād īśvaraḥ yathaiva hiprakṛtakāryajananāyāpūrvaṃ śarīram īśvaro niṣpādayatitathaiva taccharīraniṣpādanāyāpūrvaṃ śarīrāṃtaraṃ niṣpādayed itikatham anavasthā vinivāryeta na hi keṣāṃcit prāṇināṃ nigrahānugrahakaraṇāt pūrvaṃ śarīram īśvarasya prayujyatetato 'pi pūrvaṃ śarīrāṃtaraprasaṃgāt anādiśarīrasaṃtati siddher aśarīratvavirodhāt na caikena nirmāṇaśarīreṇanānādigdeśavartiprāṇiviśeṣanigrahānugrahavidhānam īśvarasya ghaṭate yato yugapan nānānirmāṇaśarīrāṇitasya na syuḥ tadabhyupagame ca tannirmāṇāya nānāśarīrāṃtarāṇi bhaveyur ity anādinānāśarīrasaṃtatayaḥkatham īśvarasya na prasajyeran yadi punar ekena śarīreṇa nānā svaśarīrāṇi kurvīta yugapatkrameṇa vātadaikenaiva dehena nānādigdeśavartiprāṇigaṇanigrahānugrahāv api tathaiva kurvīta tathā cakaṇādagajāsurādyanugrahanigrahavidhānāyolūkāditadanurūpaśarīranānātvakathanaṃ na yuktipathaprasthāyi syāt yadi punar nadehāṃtarād vinā svadehaṃ janayet nāpi dehāṃtarāt svayam īśvarasya savarthā dehāvidhānād iti mataṃ tad apidūṣayann āha  yadi hīśvaro na svayaṃ svadehaṃ vidhattaṃ tadā'sautaddehaḥ kiṃ nityaḥ syād anityo vā na tāvan nityaḥ sāvayavatvāt yat sāvayavaṃ tad anityaṃ dṛṣṭaṃ yathāghaṭādi sāvayavaś ceśvaradehas tasmān na nitya iti bādhakasadbhāvāt yadi punar anityaḥ tadā kāryo 'sau kutaḥ prādurbhavet maheśvaradharmaviśeṣād eveti cet tarhi sarvaprāṇināṃ śubhāśubhaśarīrādikāryaṃ taddharmādharmebhya evaprādur bhaved iti kiṃ kṛtam īśvareṇa nimittakāraṇatayā parikalpitena tathā ca vivādāpannaṃ tanukaraṇabhuvanādikaṃbuddhimanniṃmittakaṃ kāryatvāt svāraṃbhakāvayavasanniveśaviśiṣṭatvād acetanopādānatvād ityāder hetorīśvarasādhanāya prayuktasyeśvaradehena vyabhicāritā syāt tasyānīśvaranimittatve 'pi kāryatvādisiddher iti tatoneśvarasiddhiḥ saṃbhāvyate sāṃprataṃ śaṃkaramatam āśaṃkya dūṣayann āha  na hyanīśaḥ svaśarīrasya śarīrāṃtareṇa vinā kartāprativādinaḥ siddho yam udāharaṇīkṛtyāśarīrasyāpīśasya svaśarīranirmāṇāya sāmarthyaṃ samarthyate anavasthācāpādyamānā niṣidhyate pūrvapūrvaśarīrāpekṣayāpi taduttarottaraśarīrakaraṇe kiṃ tarhi kārmaṇaśarīreṇasaśarīra evānīśaḥ śarīrāṃtaram upabhogayogyaṃ niṣpādayatīti parasya siddhāṃtaḥ tathā yadīśaḥpūrvakarmadehena svadeham uttaraṃ niṣpādayet tadā sakarmaivasyāt na śaśvatkarmabhir aspṛṣṭaḥ siddhyet tasyānīśavadanādisaṃtānavartinā karmaśarīreṇa saṃbaṃdhasiddheḥ sakalakamarṇo 'py apāye svaśarīrakaraṇāyogān muktavat sarvathāniḥkarmaṇobuddhīcchād veṣaprayatnāsaṃbhavasyāpi sādhanāt  ity upasaṃhāraślokau sāṃpratam aśarīrasya sadāśivasyayair jñānam abhyupagataṃ ta eva praṣṭavyāḥ kim īśasya jñānaṃ nityam anityaṃ ceti pakṣadvaye 'pi dūṣaṇam āha  nanu ca jñānasya maheśvarasya nityatve 'pi nākramatvaṃniranvayakṣaṇikasyaivākramatvāt kālāṃtara deśāṃtaraprāptivirodhāt kālāpekṣasya deśāpekṣasya cakramasyāsaṃbhavāt saṃtānasyāpy avastutvāt paramārthataḥ kramavattvānupapatteḥ kūṭasthanityavat na hi yathāsāṃkhyāḥ kūṭasthaṃ puruṣam āmanaṃti tathā vayam īśvarajñānaṃ manyāmahe tasya sātiśayanityatvāt kramopapatteḥniratiśayaṃ hi puruṣatattvaṃ pratisamayaṃ svarūpeṇaivāstīti śabdajñānānupātinā vikalpena vastuśūnyena pūrvam āsīdidānīm asti paścād bhaviṣyatīti kramavad iva lokair vyavahārapadavīmānīyata iti na paramārthataḥkramavattvaṃ tasya sāṃkhyair abhidhīyate na ca krameṇānekakāryakāritvaṃ tasyākartṛtvāt sadodāsīnatayā'vasthitatvāt na ca krameṇākrameṇa cārthakriyāpāye tasyāvastutvam iti keṣāṃcid dūṣaṇam avakāśaṃ labhate vastuno'rthakriyākāritvalakṣaṇāpratiṣṭhānāt anyathodāsīnasya kiṃcid akurvato vastutvābhāva prasaṃgāt sattāyāeva vastulakṣaṇopapatter abhāvāsyāpi vastvaṃtarasvabhāvasya puruṣatattvasya iva svasattānatikramādvastutvāvirodhāt sāmānyāder api svarūpasattvasya vastulakṣaṇasyābhyupagamāt na kiṃcid vastu sattālakṣaṇaṃvyabhicaratīti kāpilānāṃ darśanaṃ na punar vaiśeṣikāṇāṃ īśvarajñānasyodāsīnasya kalpanetatkalpanāvaiyarthyaprasaṃgāt kāryakāriṇaiva tenabhavitavyaṃ yac ca kāryakāri tat sātiśayam eva yuktaṃ na caivaṃpariṇāminityatā jñānasya sāṃkhyaparikalpitapradhānavatprasajyate tadatiśayānāṃ kramabhuvāṃ tato bhinnatvāt tadabhede'tiśayānām iveśvarajñānasyāpi nāśotpādaprasaṃgāt īśvarajñānavad vā tadatiśayānāmanutpādavināśadharmakatvaprasaṃgāt tad evam īśvarajñānaṃkrameṇānekātiśaya saṃpāte kramavad eva kramavataś ceśvarajñānāt kāryāṇāṃkramo na virudhyata eva sarvathāpy akramād eva hetoḥ kāryakramavirodhasiddheḥ etena sāṃkhyaiḥ parikalpyamānasyapuruṣasya niratiśayasya sarvadodāsīnasya vaiyarthyam āpāditam iti boddhavyaṃ vaiśeṣikāṇām ātmādivastunonityasyāpy arthāṃtarabhūtair atiśayaiḥ sātiśayatvopagamāt sarvadodāsīnasya kasyacid apratijñānād iti kecid ācakṣate te 'py evaṃ praṣṭavyāḥ katham īśvarasya jñānasya tato 'rthāṃtarabhūtānām atiśayānāṃ kramavattve vāstavaṃkramavattvaṃ siddhyeta teṣāṃ tatra samavāyād iti cet samānaḥ paryanuyogaḥ katham arthāṃtarabhūtānām atiśayānāmīśvarajñāna eva samavāyo na punar anyatreti tatraivehedamiti pratyayaviśeṣotpatter iti cet nanu sa evehedam itipratyayaviśeṣaḥ kuto 'nyatrāpi na syāt sarvathā viśeṣābhāvāt yathaiva hi iha maheśvarajñāne'tiśayā iti tato 'rthāṃtarabhāvino 'pi pratīyaṃte tatheha ghaṭe te 'tiśayāḥ pratīyaṃtāṃ tatraiva teṣāṃ samavāyādihedam iti pratyayaviśeṣo na punar anyatreti cet soyam anyonyasaṃśrayaḥ satīhedam iti pratyayaviśeṣe 'tiśayānāmīśvarajñāna eva samavāyaḥ siddhyet tatraiva teṣāṃ samavāyād ihedam iti pratyayaviśeṣo niyamyata itinaikasyāpi prasiddhiḥ bhavatu vā teṣāṃ tatra samavāyaḥ sa tu krameṇa yugapad vā krameṇa cet kathamakramam īśvarajñānaṃ kramabhāvyanekātiśayasamavāyakrameṇa pratipadyata iti duravabodhaṃ kramavartibhiratiśayāṃtarairīśvarajñānasya kramavatvasiddher adoṣo 'yam iti cet nanu tāny apy anyāny atiśayāṃtarāṇīśvarajñānādarthāṃtarabhūtāni kathaṃ tasya kramavat tāṃ sādhayeyur atiprasaṃgāt teṣāṃ tatra samavāyād iti cet sa tarhitatsamavāyaḥ krameṇa yugapad vety anivṛttaḥ paryanuyogo 'navasthā ca yadi punar yugapad īśvarajñāne 'tiśayānāṃsamavāyas tadā tannibaṃdhano 'pi tasya kramo dūrotsārita eva teṣām akramatvād itisātiśayasyāpīśvarajñānasyākramatvasiddhiḥ tathācākramād īśvarajñānāt kāryāṇāṃ kramo na syād iti sūktaṃ dūṣaṇaṃ kiṃ ca tadīśvarajñānaṃpramāṇaṃ syāt phalaṃ vā pakṣadvaye 'pi doṣam ādarśayannāha  neśvarajñānaṃ nityaṃ pramāṇaṃ siddhyet tasya phalābhāvāt phalajñānasyānityasya parikalpane ca maheśvarasya nityānityajñānadvayaparikalpanāyāṃ siddhāṃtavirodhāt phalatveveśvarajñānasya nityatvaṃ na syāt pramāṇatas tasya samudbhavāt tato 'nudbhave tasyaphalatvavirodhān na nityam īśvarajñānam abhyupagamanīyaṃ tasyanigaditadoṣānuṣaṃgeṇa nirastatvāt kiṃ tarhy anityam eveśvarajñānam ity apare tanmatam anūdya nirākurvann āha  anityaṃ hīśvarajñānam īśvarabuddhikāryaṃ yadi neṣyatetadā tenaiva kāryatvādihetus tanukaraṇabhuvanāder buddhimatkāraṇatve sādhye 'naikāṃtikaḥ syāt yadi punarbuddhyaṃtareṇa svabuddhim īśvaraḥ kurvīta tadā parāparabuddhipratīkṣāyām evopakṣīṇatvād īśvarasya prakṛtabuddheḥ karaṇaṃna syād anavasthānāt syān mataṃ prakṛtabuddheḥ karaṇe nā'pūrvabuddhyaṃtaraṃ pratīkṣate maheśaḥ kiṃ tarhipūrvotpannāṃ buddhim āśritya prakṛtāṃ buddhiṃ kurutaṃ tām apitatpūrvabuddhim ity anādir buddhisaṃtatir īśvarasya tatonānavastheti tad apy asat tathā buddhisaṃtānasyakarmasaṃtānāpāye 'saṃbhavāt kramajanmā hi buddhiḥ parāparataddhetoradṛṣṭaviśeṣasya kramād utpadyate nānyathā yadi punaryogajadharmasaṃtater anāder īśvarasya sadbhāvād ayamanupālaṃbhaḥ pūrvasmāt samādhiviśeṣāddharmasyādṛṣṭaviśeṣasyotpādāt tato buddhiviśeṣasya prādurbhāvādadṛṣṭasaṃtānanibaṃdhanāyā eva buddhisaṃtaterabhyupagamād iti mataṃ tadāpi katham īśvarasya sakarmatā na siddhyet tatsiddhau casaśarīratā'pi katham asya na syāt tasyāṃ ca satyāṃ na sadā muktis tasya siddhyet sadehamukteḥ sadāsiddhautaddehena ca kāryatvādeḥ sādhanasya tanvāder buddhimatkāraṇatve sādhye katham anaikāṃtikatā parihartuṃ śakyetitasya buddhimatkāraṇatvāsaṃbhavāt saṃbhave cānavasthānuṣaṃgād iti prāg evoktaṃ kiṃ cedaṃ vicāryate kimīśvarajñānam avyāpi kiṃ vā vyāpīti prathamapakṣe dūṣaṇam āha  tadīśvarajñānaṃ tāvad avyāpīṣṭaṃ prādeśikatvāt sukhādivat prādeśikam īśvarajñānaṃ vibhudravyaviśeṣaguṇatvāt yad itthaṃ tad itthaṃ yathā sukhādi tathāceśvarajñānaṃ tasmāt prādeśikam iti nāsiddhaṃ prādeśikatvaṃsādhanaṃ na ca tatsādhanasya hetoḥ sāmānyaguṇena saṃyogādināvyabhicāro viśeṣagrahaṇāt tathāpi viśeṣaguṇenarūpādinā'naikāṃtika iti na maṃtavyaṃ vibhudravyagrahaṇāt tathāpīṣṭaviruddhasyānityatvasya sādhanāt viruddho hetuḥ vibhudravyaviśeṣaguṇatvasyānityatvena vyāptatvāt yathā hīdaṃ vibhudravyaviśeṣaguṇatvaṃ prādeśikatvam īśvarajñānasya sādhayet tadvad anityatvam apitadavyabhicārāt na hi kaścid vibhudravyaviśeṣaguṇo nityodṛṣṭa ity api nāśaṃkanīyaṃ maheśvarasyāsmadviśiṣṭatvāttadvijñānasyāsmadvilakṣaṇatvāt na hy asmadādivijñāne yo dharmo dṛṣṭaḥ sa maheśvaravijñāne 'py āpādayituṃ yukto'tiprasaṃgāt tasyāsmadādivijñānavat samastārthaparicchedakatvābhāvaprasakteḥ sarvatrāsmadādibuddhyānāmevānityatvena vyāptasya vibhudravyaviśeṣaguṇatvasya prasiddheḥ vibhudravyasya vā maheśvarasyaivābhipretatvāt tena yad uktaṃ bhavati maheśvaraviśeṣaguṇatvāt tad uktaṃ bhavati vibhudravyaviśeṣaguṇatvād iti tatoneṣṭaviruddhasādhano hetur yato viruddhaḥ syāt na caivamudāharaṇānupapattir īśvarasukhāder evodāharaṇatvāt tasyāpiprādeśikatvāt sādhyavaikalyābhāvāt maheśvaraviśeṣaguṇatvāc ca sādhanavaikalyāsaṃbhavāt tato 'smāddhetorīśvarajñānasya siddhaṃ prādeśikatvaṃ tataś cāvyāpi tadiṣṭaṃ yadi vaiśeṣikais tadā kathaṃ sakṛt sarvatra tanvādikāryāṇāmutpattir īśvarajñānād ghaṭate tad dhi nimittakāraṇaṃ sarvakāryotpattau sarvatrāsannihitam api katham upapadyatekālader vyāpina eva yugapan sarvatra kāryotpattau nimittakāraṇatvaprasiddheḥ vibhor īśvarasyanimittakāraṇatvaprasiddheḥ vibhor īśvarasyanimittakāraṇatvavacanād adoṣa iti cen na tasya yatra pradeśeṣu buddhistatraiva nimittakāraṇatvopapatter buddhiśūnye 'pi pradeśāṃtare tasya nimittakāraṇatvena tatra kāryāṇāṃ buddhimannimittatvaṃsiddhyet tathā ca vyarthaṃ buddhimannimittatvasādhanaṃ sarvatra kāryāṇāṃ buddhimadabhāve 'pi bhāvāpatteḥ nacaivaṃ kāryatvādayo hetavo gamakāḥ syur buddhiśūnyeśvarapradeśavartibhir abuddhimannimittaiḥ kāryādibhir vyabhicārāt tatas teṣāṃ buddhimannimittatvāsiddheḥ syān mataṃ pradeśavartinā'pi jñānena maheśvarasyayugapatsamastakārakaparicchedasiddheḥ sarvakāryotpattauyugapatsakalakārakaprayoktṛtvavyavasthiteḥ nikhilatanvādikāyāṇāṃ buddhimanninittatvopapatteḥ noktadoṣo 'nuprasajyata iti tad apy asamyak krameṇānekatanvādikāryajanmani tasyanimittakāraṇatvāyogāt jñānaṃ hīśvarasya yady ekatra pradeśeṃ vartamānaṃ samastakārakaśaktisākṣātkaraṇātsamastakārakaprayoktṛtvasādhanāt sarvatra paraṃparayā kāryakārīṣyate tadā yugapatsarvakāryāṇāṃ sarvatra kiṃ nasamudbhavaḥ prasajyate yato maheśvarasya prāk paścāc ca kāryotpattau nimittakāraṇatvābhāvo na siddhyet samarthe'pi sati nimittakāraṇe kāryānutpādavirodhāt syān mataṃ na nimittakāraṇamātrāt tanvādikāryāṇām utpattiḥsamavāyyasamavāyinimittakāraṇāṃtarāṇām api sadbhāve kāryotpattidarśanāt na ca sarvakāryāṇāṃyugapatsamavāyyasamavāyinimittakāraṇasadbhāvaḥ krameṇaiva tatprasiddheḥ tataḥ kāraṇāṃtarāṇāṃ vaikalyāt tathā yugapatsarvatra kāryāṇām anutpattir iti tad api kāryāṇāṃ neśvarajñānahetukatvaṃ sādhayet tadanvayavyatirekāsiddheḥsaty apīśvarajñāne keṣāṃcit kāryāṇāṃ kāraṇāṃtarābhāve 'nutpatteḥ kāraṇāṃtarasadbhāva evotpatteḥkāraṇāṃtarānvayavyatirekānuvidhānasyaiva siddheḥtatkāryatvasyaiva vyavasthānāt nanu ca saty eva jñānavati maheśvaretanvādikāryāṇām utpatter anvayo 'sty eva vyatireko 'pi viśiṣṭāvasthāpekṣayā maheśvarasya vidyata evakāryotpādanasamarthakāraṇāṃtarāsannidhānaviśiṣṭeśvare 'sati kāryāṇām anutpatteḥ vyatirekaniścayāt sarvatrāvasthāpekṣayaivāvasthāvato 'nvayavyatirekapratīteḥ anyathā tadasaṃpratyayāt na hy avasthāṃtare sati kāryotpattir itivaktuṃ śakyaṃ sarvāvasthāsu tasmin sati tadutpattiprasaṃgāt nāpy avasthāvato 'saṃbhave kārye 'syāsaṃbhavaḥ suśaktovaktuṃ tasya nityatvād abhāvānupapatteḥ dravyāvasthāviśeṣābhāve tu tatsādhyakāryaviśeṣānutpatteḥ siddhovyatireko 'nvayavat na cāvasthāvato dravyasyānādyanaṃtasyotpattivināśaśūnyasyāpanhavo yuktaḥtasyābādhitānvayajñānasiddhatvāt tadapahnavesaugatamatapraveśānuṣaṃgāt kutaḥ syādvādinām iṣṭasiddhir iti kaścidvaiśeṣikamatam anumanyamānaḥ samābhidhatte so 'py evaṃpraṣṭavyaḥ kim avasthāvato 'vasthā padārthāṃtarabhūtā kiṃ vā neti prathamakalpanāyāṃ katham avasthāpekṣayā'nvayavyatirekānuvidhānaṃ tanvādikāryāṇām īśvarānvayavyatirekānuvidhānaṃyujyate dhūmasya pāvakānvayavyatirekānuvidhāne parvatādyanvayavyatirekānuvidhānaprasaṃgāt padārthāṃtaratvāviśeṣāt yathaiva hi parvatādeḥ pāvakasyapadārthāṃtaratvaṃ tatheśvarātkāraṇāṃtarasannidhānasyāvasthāviśeṣasyāpi sarvathāviśeṣābhāvāt yadi punar īśvarasyāvasthāto bhede 'pi tena saṃbaṃdhasadbhāvāttadanvayavyatirekānuvidhānaṃ kāryāṇāmīśvarānvayavyatirekānuvidhānam eveti manyate tadā parvatādeḥ pāvakena saṃbaṃdhātpāvakānvayavyatirekānuvidhānam api dhūmasyaparvatādyanvayavyatirekānuvidhānam anumanyatāṃpāvakaviśiṣṭaparvatādyanvayavyatirekānukaraṇaṃdhūmasyānumanyate eva tadvadavasthāviśiṣṭeśvarānvayavyatirekānukaraṇaṃ tanvādikāryāṇāṃyuktam anumaṃtum iti cen na parvatādivad īśvarasya bhedaprasaṃgāt yathaiva hi pāvakaviśiṣṭaparvatāder anyaḥpāvakāviśiṣṭaparvatādiḥ siddhaḥ tadvat kāraṇāṃtarasannidhānalakṣaṇāvasthāviśiṣṭādīśvarāt pūrvetadaviśiṣṭeśvaro 'nyaḥ kathaṃ na prasiddhyet syān maṃtadravyādyanekaviśeṣaṇaviśiṣṭasyāpi sattāsāmānyasya yathā na bhedaḥsamavāyasya vā'nekasamavāyiviśeṣaṇaviśiṣṭasyāpy ekatvam evatadvadanekāvasthāviśiṣṭasyāpīśvarasya na bhedaḥsiddhyet tad ekatvasyaiva pramāṇataḥ siddher iti tad etatsvagṛhamānyaṃ sattāsāmānyasamavāyayorapi svaviśeṣaṇabhedādbhedaprasiddher vyatilaṃghayitum aśakteḥ tasyaikānekasvabhāvatayaivapramāṇagocaracāritvāt tad etenanānāmūrttimaddravyasaṃyogaviśiṣṭasya vyomātmādivibhudravyasyābhedaḥ pratyākhyātaḥsvaviśeṣaṇabhedādbhedasaṃpratyayādekānekasvabhāvatvavyavasthānāt yo 'py avyavasthāvato 'vasthāṃ padārthāṃtarabhūtāṃnānumanyate tasyāpi katham avasthābhedād avasthāvato bhedo nasyād avasthānāṃ vā katham abhedo na bhavet tadarthāṃtaratvābhāvāt syād ākūtaṃ avasthānām avasthāvataḥ padārthāṃtaratvābhāve 'pi na tadabhedaḥ tāsāṃ taddharmatvāt na ca dharmodharmiṇo 'narthāṃtaram eva dharmadharmivyavahārabhedavirodhāt bhede tu na dharmāṇāṃ bhedāddharmiṇo bhedaḥ pratyetuṃśakyeta yato 'vasthābhedādīśvarasya bhedaḥ saṃpādyata iti tad api svamanorathamātraṃ dharmāṇāṃ sarvathā dharmiṇo bhededharmadharmibhāvavirodhāt sahyaviṃdhyādivat nanu dharmadharmiṇoḥ sarvathābhede 'pi nirbādhapratyayaviṣayatvātna dharmadharmibhāvavirodhaḥ sahyaviṃdhyādīnāṃ tu nirbādhadharmadharmisaṃpratyayaviṣayatvābhāvān nadharmadharmibhāvavyavasthā na hi vayaṃ bhedam evadharmadharmivyavasthānibaṃdhanam abhidadhmahe yena bhede dharmadharmibhāvovirudhyate sarvathaivābheda iva pratyayaviśeṣāttadvyavasthābhidhānāt sarvatrābādhitapratyayopāyatvād vaiśeṣikāṇāṃ tadvirodhād evavirodhasiddher iti kaścit so 'pi svadarśanānurāgāṃdhīkṛta eva bādhakam avalokayann api nāvadhārayati dharmadharmipratyayaviśeṣasyaiva dharmadharmiṇor bhedaikāṃte'nupapatteḥ sahyaviṃdhyādivat pratipādanāt yadi punaḥpratyāsattiviśeṣādīśvaratadavasthayor bhede 'pi dharmadharmisaṃpratyayaviśeṣaḥ syāt na tu sahyaviṃdhyādīnāṃ tadabhāvāditi mataṃ tadā'sau pratyāsattir dharmadharmibhyāṃ bhinnā kathaṃ ca dharmadharmiṇor iti vyapadiśyate na punaḥsahyaviṃdhyayor iti viśeṣahetur vaktavyaḥ pratyāsattyaṃtaraṃtaddhetur iti cet tad api yadi pratyāsattitadvadbhyo bhinnaṃ tadātadvyapadeśaniyamanivaṃdhanaṃ pratyāsattyaṃtaram abhidhānīyaṃ tathā cānavasthānāt kutaḥ prakṛtapratyāsattiniyamavyavasthā pratyayaviśeṣād eveti cet nanu sa eva vicāryo vartate pratyayaviśeṣaḥ kiṃ pratyāsattes tattad vadbhyāṃsarvathā bhede satīśvaratadavasthayoḥ pratyāsattir itiprādurbhavati kiṃ vā'narthāṃtarabhāva eva kathaṃcit tādātmye vā tatra sarvathā bhedābhedayor bādhakasadbhāvāt kathaṃcit tādātmyam anubhavator eva tathā pratyayena bhavitavyaṃtatra bādhakānudayāt nanu caikānekayoḥ kathaṃcit tādātmyam eva dharmadharmiṇoḥ pratyāsattiḥ syādvādibhirabhidhīyate tac ca yadi tābhyāṃ bhinnaṃ tadā na tayor vyapadiśyate tadabhinnaṃ cet kiṃ kena vyapadeśyaṃ yadi punastābhyāṃ kathaṃcit tādātmyasyāpi paraṃ kathaṃcit tādātmyam iṣyate tadā prakṛtaparyanuyogāsyānivṛteḥ parāparakathaṃcit tādātmyaparikalpanāyām anavasthā syāt saiva kathaṃcit tādātmyapakṣasya bādhiketi katham ayaṃ pakṣaḥ kṣemakaraḥ prekṣāvatām akṣūṇam ālakṣyate yadipunaḥ kathaṃcit tādātmyaṃ dharmadharmiṇor bhinnam evābhyanujñāyatetābhyām anavasthāparijihīrṣayā'nekāṃtavādinā tadā dharmadharmiṇor eva bhedo 'nujñāyatāṃ sudūram api gatvātasyāśrayaṇīyatvāt tadanāśrayeṇa bhedavyavahāravirodhād ity aparaḥ so 'py anavabodhākulitāṃtaḥ karaṇa eva kathaṃcit tādātmyaṃ hi dharmadharmiṇoḥ saṃbaṃdhaḥ sa cāviṣvagbhāva eva tayor jātyaṃtaratvena saṃpratyayādvyavasthāpyate dharmadharmiṇor aviṣvagbhāva itivyavahāras tu na saṃbaṃdhāṃtaranibaṃdhano yataḥ kathaṃcit tādātmyāṃtaraṃsaṃbaṃdhāṃtaram anavasthākāri parikalpyate tata eva kathaṃcit tādātmyād dharmadharmiṇoḥ kathaṃcit tādātmyam itipratyayaviśeṣasya karaṇāt kathaṃcit tādātmyasya kathaṃcidbhedasvīkāratvāt kathaṃcid bhedābhedau hi kathaṃcit tādātmyaṃ tatra kathaṃcid bhedāśrayaṇād dharmadharmiṇoḥ kathaṃcit tādātmyam iti bhedavibhaktisadbhāvāt bhedavyavahārasiddhiḥ kathaṃcid abhedāśrayaṇāt tu dharmadharmiṇāv eva kathaṃcit tādātmyam ity abhedavyavahāraḥ pravartatedharmadharmivyatirekeṇa kathaṃcid bhedābhedayor abhāvātkathaṃcid bhedo hi dharma eva kathaṃcid abhedas tu dharmy eva kathaṃcidbhedābhedau tu dharmadharmiṇāv eva evaṃ siddhau tāv eva cakathaṃcit tādātmyaṃ vastuno 'bhidhīyate tacchabdena vastunaḥ parāmarśāt tasya vastunaḥ ātmānau tadātmānau tayor bhāvas tādātmyaṃ bhedābhedasvabhāvatvaṃ kathaṃcid itiviśeṣaṇena sarvathā bhedābhedayoḥ parasparanirapekṣayoḥpratikṣepāt tatpakṣe nikṣiptadoṣaparihāraḥ parasparasāpekṣayośca parigrahāt jātyaṃtaravastuvyavasthāpanāt sarvathā śūnyavādapratikṣepasiddhir iti kathaṃcid bhedābhedātmakaṃkathaṃcid dharmadharmyātmakaṃ kathaṃcid dravyaparyāyātmakamiti pratipādyate syādvādanyāyaniṣṭhais tathaiva tasyapratiṣṭhitatvāt sāmānyaviśeṣavan mecakajñānavac ca tatra virodhavaiyyadhikaraṇyādidūṣaṇam anenaivāpasāritam iti kiṃ naś ciṃtayā nanv evaṃ syādvādinām api dravyasya nityatvāt tadanvayavyatirekānuvidhānaṃ kāryāṇāṃ na syādīśvarānvayavyatirekānuvidhānavat paryāyāṇāṃ ca kṣaṇikatvāt tadanvayavyatirekānuvidhānam api na ghaṭatenaṣṭe pūrvaparyāye svayam asaty evottarakāryasyotpatteḥ sati cānutpatter anyathaikakṣaṇavṛttitvaprasaṃgāt sarvaparyāyāṇāṃ iti tadbhāvabhāvitvānupapāttiḥ yadi punar dravye saty eva kāryāṇāṃ prasṛtes tadanvayasiddhistannimittaparyāyāṇām abhāve vānutpatter vyatirekasiddhir iti tadanvayavyatirekānuvidhānam iṣyate tadeśvarasyatadicchāvijñānayoś ca nityatve 'pi tanvādikāryāṇāṃ tadbhāva eva bhāvāt tadanvayas tatsahakārikāraṇāvasthāpāye ca teṣāmanutpatter vyatireka iti tadanvayavyatirekānuvidhānam iṣyatāṃ viśeṣābhāvāt tataḥ sarvakāryāṇāṃbuddhimatkāraṇatvasiddhir iti pare pratyavatiṣṭhaṃte te 'pi na kāryakāraṇabhāvavidaḥ syādvādināṃ dravyasyaparyāyānirapekṣasya paryāyasya vā dravyanirapekṣasya dravyaparyāyayor vā parasparanirapekṣayoḥkāryakāritvānabhyupagamāt tathā pratītyabhāvātdravyaparyāyātmakasyaiva jātyaṃtaravastunaḥ kāryakāritvena saṃpratyayātkāryakaraṇabhāvasya tathaiva prasiddheḥ vastunidravyarūpeṇānvayapratyayaviṣaye saty eva kāryasya prādurbhāvāttannibaṃdhanaparyāyāviśeṣābhāve ca kāryāsyāprādurbhāvāttadanvayavyatirekānukaraṇāt kāryakāraṇabhāvo vyavatiṣṭhate na cadravyarūpeṇāpi vastuno nityatvam avadhāryate tasya paryāyebhyo bhaṃgurebhyaḥ kathaṃcidanarthāṃtarabhāvāt kathaṃcid anityatvasiddher maheśvarasyatu vaiśeṣikaiḥ sarvathā nityatvapratijñānāt tadanvayavyatirekānukaraṇāsaṃbhavātkāryāṇām utpatter ayogāt paryāyāṇāṃ ca dravyarūpeṇa nityatvasiddheḥ kathaṃcin nityatvāt savarthānityatvānavadhāraṇāt viśiṣṭaparyāyasadbhāve kāryasyodayāt tadabhāve cānudayāt kāryasya tadanvayavyatirekānukaraṇasiddheḥ niranvayakṣaṇikaparyāyāṇām eva tadaghaṭanāt tatra kāryakāraṇabhāvāvyavasthiteḥ paryāyārthikanayaprādhānyādavirodhāt dravyārthikanayaprādhānyena tadavirodhavat pramāṇārpaṇayā tu dravyaparyāyātmani vastuni satikāryasya prasavanād asati vā'prasavanāt tadanvayavyatirekānuvidhānaṃ sakalajanasākṣikaṃ kāryakāraṇabhāvaṃvyavasthāpayet sarvathaikāṃtakalpanāyāṃ tadabhāvaṃ vibhāvayatīti kṛtam atiprasaṃginyā kathayā maheśvarajñānasya nityasyāvyāpino 'pi sarvatrakāryakaraṇasamarthasya sarveṣu deśeṣu sarvāsmin kāle vyatirekāprasiddheranvayasyāpi niyatasya niścetum aśaktes tanvādikāryaṃ taddhetukaṃ kāraṇaṃtarāpekṣayāpi na sidhyaty eveti sthitaṃ kasyacin nityavyapīśvarajñānā bhyupagame 'pi dūṣaṇam atidiśann āha  etena vyatirekābhāvānvayasaṃdehavyavasthāpakavacanenavyāpinityam īśvarajñānaṃ tanvādikāryotpattinimittam apākṛtaṃ veditavyaṃ tasyeśvaravat sarvagatatvenakvacid deśe nityatvena kadācit kāle vyatirekā bhāvaniścayāt tadanvayamātrasya cātmāṃtaravan niścetumaśakteḥ tasmin sati samarthe yugapat sarvakāryāṇām utpattiprasaṃgāt sarvadā kāryakramahetutvahāneḥkāladeśakṛtakramābhāvāt ' sarvathā svayaṃ kramābhāvāt ' kramavatve nityatvasarvagatatvavirodhāt pāvakādivat syānmataṃ pratiniyatadeśakālasahakārikāraṇakramam āpekṣya kāryakramahetutvaṃ maheśvarasya catadvijñānasyāpi na virudhyate iti tad apy aśakyapratiṣṭhaṃsahakārikāraṇeṣu kramavatsu satsu tanvādikāryāṇāṃ prādurbhavatāṃteṣv asatsu cānutpadyamanānāṃ tadanvayavyatirekānuvidhānāt saddhetukatvasyaiva prasiddhermaheśvarajñānahetukatvaṃ durjpapādam āpanīpadyeta yadipunaḥ sakalasahakārikāraṇānām anityānāṃ kramajanmanām apicetanatvābhāvāc cetanenādhiṣṭhitānāṃ kāryaniṣpādanāya pravṛtter anutpattes turītaṃtuvemaśalākādīnāṃkuviṃdenānadhiṣṭhitānāṃ paṭotpādanāyā'pravṛttivac cetanastadadhiṣṭhātā sādhyate tathā hi vivādādhyāsitāni kāraṇāṃtarāṇikramavartīnyakamāṇi ca cetanādhiṣṭhitāny eva tanvādikāryāṇi kurvaṃti svayam acetanatvāt yāni yāniacetanāni tāni tāni cetanādhiṣṭhitāny eva svakāryaṃ kurvāṇāni dṛṣṭāni yathā turītaṃtvādīni paṭakāryaṃ svayamacetanāni ca kāraṇāṃtarāṇi tasmāc cetanādhiṣṭhitāny eva tanvādikāryāṇi kurvaṃti yo 'sau teṣām adhiṣṭhātā samaheśvaraḥ puruṣaviśeṣaḥ kleśakarmavipākāśayairaparāmṛṣṭaḥ samastakārakaśaktiparijñānabhāksisṛkṣāprayatnaviśeṣavāṃś ca prabhur vibhāvyatetadviparītasya samastakārakādhiṣṭātṛtvavirodhāt bahūnām apisamastakārakādhiṣṭhāyināṃ puruṣaviśeṣāṇāṃ pratiniyatajñānādiśaktinām ekena mahāprabhuṇā'dhiṣṭhitānām evapravṛttighaṭanāt sāmaṃtamahāsāmaṃtamaṃḍalīkādīnām ekaṃ cakravartyādhiṣṭhitānāṃ pravṛttivad itimaheśvarasiddhiḥ tatrācetanatvād iti hetorvatsavivṛddhinimittaṃ pravarttamānena gokṣīreṇānaikāṃtikatvam iti na śaṃkanīyaṃ tasyāpicetanena vatsenādṛṣṭaviśeṣasahakāriṇādhiṣṭhitasyaiva pravṛtteḥ anyathā mṛte vatse gobhaktenaivatasya pravṛttivirodhāt na ca vatsādṛṣṭaviśeṣavaśāt pravṛttāv api samāno 'yaṃ doṣa iti śakyaḥtatkṣīropabhoktṛjanādṛṣṭaviśeṣasahakāriṇāpicetanenādhiṣṭhitasya pravṛttighaṭanāt sahakāriṇām apratiniyamāt yad api kaścid ucyate maheśvaro 'pi cetanāṃtarādhiṣṭhitaḥ pravartate cetanatvād viśiṣṭakarmakarādivad iti tad api na satyaṃtadadhiṣṭhāpakasyaiva maheśvaratvāt yo hy aṃtyo 'dhiṣṭātā svatantraḥ sa maheśvaras tato 'nyasyamaheśvaratvānupapattena cāṃtyo 'dhiṣṭhātā na vyavatiṣṭhatetanvādikāryāṇām utpattivyavasthānām abhāvaprasaṃgāt parāparamaheśvarapratīkṣāyām evopakṣīṇaśaktitvāt tatoniravadyam idaṃ sādhanam iti kaiścit te 'pi na hetusāmarthyavedinaḥ acetanatvasya hetoḥ saṃsārijanajñāneṣu svayaṃ cetanasvabhāvāt pakṣāvyāpakatvāt nanu ca na cetanatvapratiṣedho'cetanatvaṃ kiṃ tarhi cetanāsamavāyapratiṣedhaḥ sa ca jñāneṣv asti teṣāṃ svayaṃ cetanatvāttatrāparacetanāsamavāyābhāvāt tato 'cetanatvaṃ sādhanaṃ na pakṣāvyāpakaṃ jñāneṣv api sadbhāvād iti na maṃtavyaṃ saṃsāryātmasu cetanāsamavāyāt cetanatvaprasiddher acetanatvasya hetor abhāvāt pakṣāvyāpakatvasya tadavasthatvāt yadi tu saṃsāryātmanāṃ svato 'cetanatvād acetanatvasya hetos tatra sadbhāvān napakṣāvyāpakatvam iti matiḥ tadāmaheśvarasyāpy acetanatvaprasaṃgāḥ tasyāpi svato 'cetanatvāt tathā ca dṛṣṭādṛṣṭakāraṇāṃtaravad īśvarasyāpihetukartuś cetanāṃtarādhiṣṭhitatvaṃ sādhanīyaṃ tathācānavasthā sudūram api gatvā kasyacit svataś cetanatvānabhyupagamāt maheśvarasya svato 'cetanasyāpi cetanāṃtarādhiṣṭhitatvābhāve tenaiva hetor anekāṃtikatvam iti kutaḥsakalakārakāṇāṃ cetanādhiṣṭhitatvasiddhiḥ yata idaṃ śobhate  ajño jaṃtur anīśo 'yam ātmanaḥ sukhaduḥkhayoḥ īśvaraprerito gacchet svargaṃ vā śvabhram eva ceti syādākūtaṃ cetanājñānaṃ tadādhiṣṭhitatvaṃ sakalakārakāṃtarāṇāmacetanatvena hetunā sādhyate tac ca jñānaṃ samastakārakaśaktiparicchedakaṃ nityaṃ guṇatvād āśrayam aṃtareṇāsaṃbhāvātsvāśrayam ātmāṃtaraṃ sādhayati sa no maheśvara iti tad apy ayuktaṃ saṃsāryātmanāṃ jñānair api svayaṃcetanāsvabhāvair adhiṣṭhitasya śubhāśubhakarmakalāpasyatatsahakārikadaṃbakasya ca tanvādikāryotpattau vyāpārasiddherīśvarajñānādhiṣṭhānaparikalpanāvaiyarthyaprasaṃgāt tadanvayavyatirekābhyām eva tadvyavasthāpanāt atha matam etatsaṃsāryātmanāṃ vijñānāni viprakṛṣṭārthāviṣayatvān na dharmādharmaparamāṇukālādyatīṃdriyakārakaviśeṣasākṣātkaraṇasamarthāni na ca tadasākṣātkaraṇe tataḥ prayojakatvaṃ teṣām avatiṣṭhate tadaprayojakatve ca na tadadhiṣṭhitānāmeva dharmādīnāṃ tanvādikāryajanmanipravṛttiḥ sidhyet tato 'tīṃdriyārthasākṣātkāriṇā jñānenādhiṣṭhitānām evasvakāryye vyāpāreṇa bhavitavyaṃ tac ca maheśvarajñānam iti tad apy anālocitayuktikaṃsakalātīṃdriyārthasākṣātkāriṇa eva jñānasyakārakādhiṣṭhāyakatvena prasiddhasya dṛṣṭāṃtatayopādīyamānasyāsaṃbhavāttadadhiṣṭhitatvasādhane hetor anvayatvaprasakteḥ na hikuṃbhakārādeḥ kuṃbhādyutpattau tatkārakasākṣātkāri jñānaṃ vidyatedaṃḍacakrādidṛṣṭakārakasaṃdohasya tena sākṣātkāraṇe 'pi tannimittādṛṣṭaviśeṣakālāder asākṣātkaraṇāt nanuliṃgaviśeṣāt tatparicchittinimittasya laiṃgikasya jñānasya sadbhāvāt tathā svādṛṣṭaviśeṣāḥ kuṃbhakārādayaḥkuṃbhādikāryāṇi kurvaṃti netare teṣāṃ tathāvidhādṛṣṭaviśeṣābhāvād ity āgamajñānasyāpi tatparicchedanibaṃdhanasyasadbhāvāt siddham eva kuṃbhakārādijñānasya kuṃbhādikārakaparicchedakatvaṃ tatprayoktṛtvenatadadhiṣṭhānanibaṃdhanatvaṃ tatas tasyadṛṣṭāṃtatayopādānān na hetor anvayatvāpattir iti cet tarhi sarvasaṃsāriṇāṃ yathāsvaṃtanvādikāryajanmani pratyakṣato 'numānād āgamāc catannimittadṛṣṭādṛṣṭakārakaviṣayaparijñānasiddheḥ katham ajñatvaṃyenātmanaḥ sukhaduḥkhotpattau hetutvaṃ na bhavet yataś casarvasaṃsārīśvaraprerita eva svargaṃ vā śvabhraṃ vā gacched itisamaṃjasamālakṣyate tataḥ kim īśvaraparikalpanayā dṛṣṭādṛṣṭakārakāṃtarāṇām eva kramākramajanmanāmanvayavyatirekānuvidhātāt kramākramajanmāni tanvādikāryāṇi bhavaṃtu tadupabhoktṛjanasyaiva jñānavataḥtadadhiṣṭhāyakasya pramāṇopapannasya vyavasthāpanāt sāṃpratam abhyupagamyāpi maheśvarajñānaṃ asvasaṃviditaṃ svasaṃviditaṃ vetikalpanād vitayasaṃbhave prathamakalpanāyāṃ dūṣaṇam āha  maheśvarasya hi vijñānaṃ yadi svaṃ na vedayatesvātmani kriyāvirodhāt tadā samastakārakaśaktinikaram api kathaṃ saṃvedayet tathā hi neśvarajñānaṃsakalakārakaśaktinikarasaṃvedakaṃ svāsaṃvedakatvāt yad yatsvāsaṃvedakaṃ tat tan na sakalakārakaśaktinikarasaṃvedakaṃ yathācakṣuḥ tathā ceśvarajñānaṃ tasmān na tatheti kutaḥ samastakārakādhiṣṭhāyakaṃ yatas tadāśrayasyeśvarasyanikhilakāryotpattau nimittakāraṇatvaṃ sidhyet asarvajñatāyāeva tasyaiva prasiddheḥ athavā yadīśvarasya jñānaṃ svayamīśvareṇa na saṃvedyata ity asvasaṃviditam iṣyate tadā tasya sarvajñatā na syāt svajñānapravedanābhāvāt nanu ca sarvaṃjñeyam eva jānan sarvajñaḥ kathyate na punar jñānaṃ tasyājñeyatvāt na ca tadajñāne jñeyaparicchittir na bhavetcakṣuraparijñāne tatparicchedyarūpāparijñānaprasaṃgāt karaṇāparijñāne 'pi viṣayaparicchitter avirodhād ity apinānumaṃtavyaṃ sarvagrahaṇena jñānajñeyajñātṛjñāptilakṣaṇasya tattvacatuṣṭayasya pratijñānāt 'pramāṇaṃ pramātāprameyaṃ pramitir iti catasṛṣu caivaṃ vidhāsu tattvaṃ parisamāpyata' iti vacanāt tadanyatamāparijñāne 'pisakalatattvaparijñanānupapatteḥ kutaḥ sarvajñateśvarasya sidhyet jñānāṃtareṇa svajñānasyāpi vedanānnā'syāsarvajñāteti cet tarhi tad api jñānāṃtaraṃ pareṇajñānena jñātavyam ity abhyupagamyamāne 'navasthā mahīyasī syāt sudūram apy anusṛtya kasyacid vijñānasya svārthāv abhāsanasvabhāvatve prathamasyaiva sahasrakiraṇavatsvārthāvabhāsanasvabhāvatvam urarīkriyatām alamasvasaviditajñānakalpanayā svārthavyavasāyātmakajñānābhyupagame ca yuṣmākaṃ tasyamaheśvarādbhede paryanuyogam āha  yadi svārthavyavasāyātmakaṃ jñānam īśvarasyābhyanujñāyatetasyāsmadādiviśiṣṭatvāt tadā tadīśvarād bhinnam abhyupagaṃtavyaṃ abhede siddhāṃtavirodhāt tathā cākāśāder iva kathaṃ tasyeti vyapadeśyam iti paryanuyujmahe syān mataṃ bhinnam api vijñānaṃ maheśvarāt tasyetivyapadiśyate tatra samavāyāt nākāśāder iti nirddiśyate tatra tasyāsamavāyād iti tad apy ayuktaṃ tābhyāmīśvarajñānābhyāṃ bhinnasya samavāyasyāpi kutaḥ pratipattir iti paryanuyogasya tadavasthatvāt ihedam itipratyayaviśeṣād bādhakarāhitāt samavāyasya pratipattiḥ tathāhi idam iheśvare jñānam itīhedaṃ pratyayoviśiṣṭapadārthahetukaḥ sakalabādhakarahitatve satīhedamiti pratyayaviśeṣatvāt yo yaḥ sakalabādhakarahitatve satipratyayaviśeṣaḥ sa sa viśiṣṭapadārthahetuko dṛṣṭaḥ yathā dravyeṣu dravyam ity anvayapratyayaviśeṣaḥsāmānyapadārthahetukaḥ sakalapadārthabādhakarahitatve satipratyayaviśeṣaś cehedam iti pratyayaviśeṣaḥ tasmād viśiṣṭapadārthahetukaity anumīyate yo 'sau viśiṣṭaḥ padāthas taddhetuḥ sa samavāyaḥ padārthāṃtarasya taddhetor asaṃbhavāttaddhetukatvāyogāc ca na hīha taṃtuṣu paṭa iti pratyayastaṃtuhetukaḥ taṃtuṣu taṃtava iti pratyayasyotpatteḥ nāpi paṭahetukaḥ paṭātpaṭaiti pratyayasyodayāt nāpi vāsanāviśeṣahetukaḥ tasyāḥ kāraṇarahitāyāḥ saṃbhavābhāvāt pūrvaṃtathāvidhajñānasya tatkāraṇatve tad api kuto hetor iticintyam etat pūrvatadvāsanāt iti cen na anavasthāprasaṃgāt jñānavāsanayor anādisaṃtānaparikalpanāyāṃ kuto bahirarthasiddhir anādivāsanābalād eva nīlādipratyayānām apibhāvāt na caivaṃ vijñānasaṃtānanānātvasiddhiḥ saṃtānāṃtaragrāhiṇo vijñānasyāpisaṃtānāṃtaramaṃtareṇa vāsanāviśeṣād evatathāpratyayaprasūteḥ svapnasaṃtānāṃtarapratyayavat nānāsaṃtānānabhyupagamecaikajñānasaṃtānasiddhir api kutaḥ syāt svasaṃtānābhāve 'pi tadgrāhiṇaḥ pratyayasya bhāvāt svasaṃtānasyāpyaniṣṭau saṃvid advaitaṃ kutaḥ sādhayet svataḥpratibhāsanāditi cen na tathā vāsanāviśeṣād eva svataḥpratibhāsasyāpi bhāvāt śakyaṃ hi vaktuṃ svataḥpratibhāsavāsanāvaśād eva svataḥpratibhāsaḥ saṃvedanasya na punaḥ paramārthata iti nakiṃcit pāramārthikaṃ saṃvedanaṃ sidhyet tathā ca svarūpasya svatogatir iti riktā vācoyuktiḥ tad anenakutaścit kiṃcit paramārthataḥ sādhayatā dūṣayatā vā sādhanajñānaṃ dūṣaṇajñānaṃ vā'bhrāṃtaṃ sālaṃbanamabhyupagaṃtavyaṃ tadvat sarvam abādhitaṃ jñānaṃ sālaṃbanamiti katham ihedam iti pratyayasyābādhitasya nirālaṃbanatā yenavāsanāmātra hetur ayaṃ syāt nāpi nirhetukaḥ kadācitkatvāt tato 'sya viśiṣṭaḥ padārtho heturabhyupagaṃtavya iti vaiśeṣikāḥ te 'py evaṃ praṣṭavyāḥ ko'sau viśiṣṭaḥ padārthaḥ samavāyaḥ saṃbaṃdhamātraṃ vā na tāvatsamavāyaḥ taddhetukatve sādhye 'syehedam iti pratyayasyeha kuṃḍe dadhīty ādinā nirastasamastabādhakena pratyayenavyabhicāritvāt tad apīhedam iti vijñānam abādhaṃ bhavaty eva na ca samavāyahetukaṃ tasya saṃyogahetukatvāt saṃbaṃdhamātre tu tannibaṃdhane sādhye pareṣāṃ siddhasādhanam eva syādvādināṃ sarvatrehedaṃ pratyayasyābādhitasyasaṃbaṃdhamātranibaṃdhanatvena siddhatvāt syān mataṃ vaiśeṣikāṇām abādhitehedaṃ pratyayāl liṃgāt sāmānyataḥ saṃbaṃdhesiddhe viśeṣaṇāvayavāvayavinor guṇaguṇinoḥ kriyākriyāvatoḥ sāmānyatadvator viśeṣatadvatoś ca yaḥ saṃbaṃdhaṃihedaṃ pratyayaliṃgaḥ sa samavāya eva bhaviṣyati lakṣaṇaviśeṣasaṃbhavāt tathā hi ayutasiddhānāmādhāryādhārabhūtānām ihedaṃ pratyayaliṃgo yaḥ saṃbaṃdhaḥsa samavāya iti praśastakaraḥ tatra ihedaṃ pratyayaliṃgaḥsamavāya ity ucyamāne 'ṃtarālābhāvanibaṃdhanena iha grāmevṛkṣa iti ihedaṃ pratyayena vyabhicārāt saṃbaṃdha iti vacanaṃ saṃbaṃdho hi ihedaṃ pratyayaliṃgo yaḥ sa eva samavāya iṣyate na cāṃtarālābhāvo grāmavṛkṣāṇāṃ saṃbaṃdha iti na tenavyabhicāraḥ tathāpi ihākāśe śakunir iti ihedaṃ pratyayena saṃyogasaṃbaṃdhamātranibaṃdhanena vyabhicāra ityādhārādheyabhūtānām iti nigradyate na hi yathā'vayavāvayavyādīnām ādhārādheyabhūtatvam ubhayoḥ prasiddhaṃtathā śakunyākāśayor auttarādharyāyogāt ākāśasya sarvagatatvena śakuner upary api bhāvād adhastād iveti natatrehedaṃ pratyayena vyabhicāraḥ nanv ākāśasyātīṃdriyatvāt tad asmadādīnām ihedaṃ pratyayasyāsaṃbhavāt kathaṃtena vyabhicāracodanā sādhīyasīti na maṃtavyaṃ kutaścil liṃgād anumite 'py ākāśe śrutiprasiddher vākasyacid ihedam iti pratyayāvirodhāt tatra bhrāṃtena vā keṣāṃcid ihedam iti pratyayena vyabhicāracodanāyāḥnyāyaprāptatvāt tatparihārārtham ādhārādheyabhūtānām iti vacanasyopapatteḥ nanv evam apīha kuṃḍe dadhītipratyayenānekāṃtastasya saṃyoganibaṃdhanatvena samavāyāhetutvād iti na śaṃkanīyam ayutasiddhanām iti pratipādanāt nahi yathāvayavāvayavyādayo 'yutasiddhās tathā dadhikuṃḍādayaḥ teṣāṃ yutasiddhatvāt tarhy ayutasiddhānām eveti vaktavyam ādhārādheyabhūtānām itivacanasyābhāve 'pi vyabhicārābhāvād iti na cetasi vidheyaṃ vācyavācakabhāvenākāśākāśaśabdayor vyabhicārāt ihākāśe vācye vācaka ākāśaśabda iti ihedaṃpratyayaliṃgasyāyutasiddhasaṃbaṃdhasya vācyavācakabhāvaprasiddheḥ tena vyabhicāropapatter ādhārādheyabhūtānāmiti vacanasyopapatteḥ nanv ādhārādheyabhūtānām ayutasiddhānām api saṃbaṃdhasya viṣayaviṣayibhāvasya siddheḥkutaḥ samavāyasiddhiḥ na hy ātmaniicchādīnāṃ jñānam ayutasiddhaṃ na vabhati tathāham itijñānam ādhārādheyabhāvasyāpy atra bhāvāt na cāham itipratyayasyātmaviṣayasyāyutasiddhasyātmādhārasya viṣayaviṣayibhāvo 'siddha iti kutas tayoḥ samavāya eva sidhyed iti na vaktavyaṃ ādhārādheyabhūtānām evāyutasiddhānām eveti cāvadhāraṇāt vācyavācakabhāvo hi yutasiddhānām anādhārādheyabhūtānāṃ ca pratīyate viṣayaviṣayibhāvavat tato'nenāvadhāritaviṣayeṇa na vyabhicāraḥ saṃbhāvyate nanv evam ayutasiddhānām evety avadhāraṇādvyabhicārābhāvād ādhārādheyabhūtānām iti vacanam anarthakaṃ syāt ādhārādheyabhūtānām evety avadhāraṇe satyayutasiddhānām iti vacanavat viṣayaviṣayibhāvasya vācyavācakabhāvasya ca yutasiddhānām apyanādhāryādhārabhūtānām iva saṃbhavāt tenavyabhicārābhāvād iti ca na mananīyaṃ ghaṭādyekadravyasamavāyināṃrūpasādīnām ayutasiddhānām eva parasparaṃ samavāyābhāvādekārthasamavāyena saṃbaṃdhena vyabhicārāt na hy ayaṃ yutasiddhānāmapi saṃbhavati viṣayaviṣayibhāvavad vācyavācakabhāvavad vā tato 'yutasiddhānām evety avadhāraṇe 'pivyabhicāranivṛtyartham ādhāryādhārabhūtānām iti vacanaṃ tathā''dhāryādhārabhūtānām eveti vacane 'pyādhārādheyabhāvena saṃyogaviśeṣeṇasarvathā'nādhāryādhārabhūtānām asaṃbhavatāvyabhicāraḥ saṃbhāvyata eva tannivṛtyarthamayutasiddhānām eveti vacanam arthavad eveti niravadyam ayutasiddhatvādhāryādhārabhūtatvalakṣaṇaṃ saṃyogādibhyovyavacchedakaṃ saṃbaṃdhasyehedaṃ pratyayaliṃgenavyavasthāpitasya samavāyasvabhāvatvaṃ sādhayaty eva ataḥ saṃbaṃdhamātre 'pisādhye na siddhasādhanam iti vaiśeṣikāḥ saṃcakṣate teṣām ayutasiddhānām iti vacanaṃ tāvad vicāryate kimidam ayutasiddhatvaṃ nāmaviśeṣaṇaṃ vaiśeṣikaśāstrāpekṣayā lokāpekṣayā vā syāt ubhayathāpi na sādhv ity āha  iha taṃtuṣu paṭa ity ādir ihedaṃ pratyayaḥsamavāyasaṃbaṃdhanibaṃdhana eva nirbādhatvesatyayutasiddhehedaṃ pratyayatvāt yas tu na samavāyasaṃbaṃdhanibaṃdhanaḥ sa naivaṃyathehasamavāyiṣu samavāya iti vādhyamānehedaṃ pratyayaḥ iha kuṃḍe dadhīti yutasiddhehedaṃ pratyayaś ca nirbādhatvesatyayutasiddhehedaṃ pratyayaś cāyām iha taṃtuṣu paṭa ity ādiḥ tasmāt samavāyasaṃbaṃdhanibaṃdhana iti kevalavyatirekī heturasiddhatvādidoṣarahitatvāt svasādhyā vinābhāvī samavāyasabaṃdhaṃ sādhayatīti parair abhidhīyate satyāmayutasiddhāv iti vacanasāmarthyāt tatredam ayutasiddhatvaṃ yadi śāstrīyaṃ hetor viśeṣaṇaṃ tadā na sādhu pratibhāsatesamavāyinor avayavāvayavinor guṇaguṇinoḥ kriyā kriyāvatoḥ sāmānyatadvator viśeṣatadvatoś caśāstrīyasyāyutasiddhatvasya virahāt vaiśeṣikaśāstre hiprasiddham 'apṛthagāśrayavṛttitvam ayutasiddhatvaṃ' tac ceha nāstyeva yataḥ kāraṇād dravyaṃ taṃtulakṣaṇaṃ svāvayavāṃśeṣu vartatekāryadravyaṃ ca paṭalakṣaṇaṃ svāvayaveṣu taṃtuṣu vartata itisvāvayavādhārām ity anenāvayavāvayavinoḥpṛthagāśrayavṛttitvasiddher apṛthagāśrayavṛttitvam asad eveti pratipāditaṃ yataś ca guṇaḥkāryadravyāśrayo rūpādi kāryadravyaṃ tu svāvayavādhāraṃ pratīyate tena guṇaguṇinor apṛthagāśrayavṛttitvamasaṃbhāvyamānaṃ niveditaṃ etena kriyāyāḥkāryadravyavartanāt kārya dravyasya ca svāvavayaveṣu kriyākriyāvatorapṛthagāśrayavṛttitvābhāvaḥ kathitaḥ tathā sāmānyasyadravyatvāder dravyādiṣu vṛtter dravyādīnāṃ ca svāśrayeṣu sāmānyatadvatoḥ pṛthagāśrayavṛttitvaṃ khyāpitaṃtathaivāparaviśeṣasya kāryadravyeṣu pravṛtteḥ kāryadravyāṇāṃ ca svāvayaveṣuviśeṣatadvator apṛthagāśrayavṛttitvaṃ nirastaṃ veditavyaṃ tato na śāstrīyāyutasiddhiḥ samavāyinor asti yā tu laukikīlokaprasiddhaikabhājanavṛttiḥ sā dugdhāṃbhasor api yutasiddhayor astīti tayāpi nāyutasiddhatvaṃ satyāsamavāyinoḥ sādhīya iti pratipattavyaṃ  nanu ca pṛthagāśrayavṛttitvaṃ yutasiddhiḥ 'pṛthagāśrayāśrayitvaṃ yutasiddhiḥ ' iti vacanāt pṛthagā śrayasamavāyo yutasiddhir iti vadatāṃ samavāyasyavivādādhyāsitatvāl lakṣaṇāsiddhiprasaṃgāt lakṣaṇasyākārakatvena jñāpakatve 'pi tena siddhena bhavitavyaṃ asiddhasya vivādādhyāsitasya saṃdigdhatvāt tallakṣaṇatvāyogāt siddhaṃ hi kasyacid bhedakaṃ lakṣaṇam upapadyatenānyatheti lakṣyalakṣaṇabhāvavido vibhāvayaṃti tatra yutasiddhatvam īśvarajñānayor nāsty eva maheśvarasyavibhutvān nityatvāc cānyadravyavṛttitvābhāvān maheśvarād anyatra tadvijñānatvasyāpravṛtteḥ pṛthagāśrayavṛtitvābhāvāt kuṃḍasya hi kuṃḍāvayaveṣu vṛttir dadhnaś ca dadhyavayaveṣv iti kuṃḍāvayavad adhyavayavākhyau pṛthagbhutāvāśrayau tayośca kuṃḍasya dadhnaś ca vṛttir iti pṛthagāśrayavṛtitvaṃ tayor abhidhīyate na caivaṃ vidhaṃ pṛthagāścayāśrayitvaṃsamavāyinoḥ saṃbhavati taṃtūnāṃ svāvayaveṣv aṃśuṣu yathāvṛttiḥ na tathā paṭasya taṃtuvyatirikte kvacid āśraye na hy atracatvāro 'rthāḥ pratīyaṃte dvāv āśrayau pṛthagbhūtau dvau cāśrīyaṇāv iti taṃtor eva svāvayavāpekṣayāśrayitvātpaṭāpekṣayā vāśrayatvāt trayāṇām evārthānāṃ prasiddheḥ pṛthagāśrayāśrayitvasya yutasiddhilakṣaṇasyābhāvād ayutasiddhatvaṃ śāstrīyaṃ samavāyinoḥ siddham eva tato 'yutasiddhatvaviśeṣaṇaṃ sādhv evāsiddhatvābhāvāt laukikyayutasiddhatvaṃ tu pratītibādhitaṃ nābhyupagamyata evaṃtataḥ saviśeṣaṇād dhetoḥ samavāyasiddhir iti ye 'pi samādadhatevidagdhavaiśeṣikās tāṃś ca paryanuyuṃjmahe vibhudravyaviśeṣāṇām ātmākāśādīnāṃ kathaṃ tu yutasiddhiḥ parikalpatebhavadbhis teṣām anyāśrayavirahāt pṛthagāśrayāśrayitvāsaṃbhavāt nityānāṃ ca pṛthaggatimatvaṃ yutasiddhir ity apina vibhudravyeṣu saṃbhavati tad dhi pṛthaggatimatvaṃ dvidhābhidhīyate kaiścit anyatarapṛthaggatimatvaṃubhayapṛthaggatimatvaṃ ceti tatra paramāṇavibhudravyayor anyatarapṛthaggatimatvaṃ paramāṇor eva gatimatvāt vibhudravyasya tu niḥkriyatvena gatimatvābhāvāt parabhāṇūnāṃ tu parasparam ubhayapṛthaggatimatvamubhayor api paramāṇvoḥ pṛthak pṛthaggatimatvasaṃbhavāt tacaitad dvitayam api parasparaṃ vibhudravyaviśeṣāṇāṃsaṃbhavati tathaikadravyāśrayāṇāṃ guṇakarmasāmānyānāṃ caparasparaṃ pṛthagāśrayavṛtter abhāvāt yutasiddhiḥ kathaṃ nu syāditi vitarkayaṃtu bhavaṃtaḥ teṣāṃ yutasidhdyabhāve cāyutasiddhau satyāṃ samavāyo 'nyonyaṃ prasajyeta sa ca neṣṭaḥteṣām āśrayāśrayibhāvābhāvāt atra kecid vibhudravyaviśeṣāṇām anyonyaṃ nityasaṃyogam āsaṃcakṣate tasya kutaścid ajātatvāt na hy ayam anyatarakarmajo yathā sthāṇoḥ śyenena vibhūnāṃ ca mūrtaiḥ nāpy ubhayakarmajo yathāmeṣayor mallayor vā na ca saṃyogajo yathā dvitaṃtukavīraṇayoḥ śarīrārākāśayor vā svāvayavasaṃyogapūrvako hyavayavinaḥ kenācit saṃyogaḥ prasiddhaḥ na cākāśādīnām avayavāḥ saṃti niravayavatvāt tato natatsaṃyogapūrvakaḥ parasparaṃ saṃyogo yataḥ saṃyogajaḥ syāt prāptis tu teṣāṃ sarvadā'stīti tallakṣaṇasaṃyogaḥ ajaevābhyupagatavyaḥ tatsiddheś ca yutasiddhis teṣāṃ pratijñātavyā yutasiddhānām eva saṃyogasya niścayāt nac caivaṃye ye yutasiddhās teṣāṃ sa hy ahimavadādīnām api saṃyogaḥ prasajyate tathāvyāpter abhāvāt saṃyogena hiyutasiddhatvaṃ vyāptaṃ na yuvasiddhatvena saṃyogaḥ tato yatra yatra saṃyogas teṣāṃ tatra tatra yutasiddhir ity anumīyatekuṃḍabadarādivat evaṃ caikadravyāśrayāṇāṃ guṇādīnāṃ saṃyogasyāsaṃbhravān na yutasiddhiḥ tasya guṇatvenadravyāśrayatvāt tadabhāvān na yutasiddhiḥ nāpy ayutasiddhirastīti samavāyaḥ prāpnuyāt tasyehedaṃ pratyayaliṃgatvādādhāryādhārabhūtapadārthaviṣayatvāc ca na caiteparasparam ādhāryādhārabhūtāḥ svāśrayeṇa dravyeṇa sahādhāryādhārabhāvāt nacaihedam iti pratyayas tatrābādhitaḥ saṃbhavati yalliṃgaḥ saṃbaṃdhaḥ samavāyo vyavasthāpyate na hīha rase rūpaṃkarmeti cābādhitaḥ pratyayo 'sti nāpīha sāmānye karmaguṇo veti na tataḥ samavāyaḥ syāt na hi yatrayatrāyutasiddhis tatra tatra samavāya iti vyāptir asti yatrayatra samavāyas tatra tatrāyutasiddhir iti vyāpteḥ saṃpratyayāditi sarvaṃ niravadyaṃ paroktadūṣaṇānavakāśāt iti ta evaṃ vadataḥ śaṃkarādayo 'pi paryanuyojyāḥ kathaṃpṛthagāśrayāśrayitvaṃ yutasiddhiḥ nityānāṃ capṛthaggatimatvam iti yutasiddher lakṣaṇadvayam avyāpi na syāt tasyavibhudravyeṣv ajasaṃyogenānumitāyāṃ yutasiddhāv abhāvāt yadipunar etallakṣaṇadvayavyatikrameṇa saṃyogahetur yutasiddhir itilaṇāṃtaram urarīkriyate tadā kuṃḍabadarādiṣu paramāṇvākāśādiṣu paramāṇuṣv ātmamanassū vibhudravyeṣu ca parasparaṃyutasiddher bhāvāl lakṣaṇasyāvyāptyativyāptvasaṃbhavadoṣaparihāre 'pi karmāpi yutasiddhiṃ prāpnovi tasyāpi saṃyogehetutvā dadṛṣṭeśvarakālāder iveti duḥśakyātivyāptiḥ parihartuṃ saṃyogasyaiva hetur ity avadhāraṇād adoṣo 'yamiti cen na evam api himavadviṃdhyadināṃ yutasiddheḥ saṃyogāhetor api prasiddher lakṣaṇasyāvyāptiprasaṅgāt hetur evasaṃyogasyety avadhāraṇād ayam api na doṣa iti cen na evam api saṃyogahetor yutāsiddheḥ prasaṃgāt saṃyogasyaiva hetur yutasiddhir ity avadhāraṇe 'pivibhāgahetur yutasiddhiḥ katham iva vyavasthāpyate na ca yutasiddhānāṃsaṃyoga eva vibhāgasyāpi bhāvāt saṃyogovibhāgahetur ity api vārtaṃ tasya tadvirodhiguṇatvāttadvināśahetuṇatvāt saṃyuktaviṣayatvād vibhāgasyasaṃyogohetur iti cen na tarhi vibhaktaviṣayatvāt saṃyogasya vibhāgo heturastu kayościt vibhaktayor apy ubhayakarmaṇo 'nyatarakarmaṇo 'vayavasaṃyogasya cāpāye saṃyogāpāyān na vibhāgaḥsaṃyogahetur iti cet tarhi saṃyuktayor apy ubhayakarmaṇo'nyatarakarmaṇo 'vayavavibhāgasya cāpāye vibhāgasyābhāvātsaṃyogo vibhāgasyāpi hetur mā bhūt kathaṃ ca śaśvadavibhaktānāṃ vibhudravyaviśeṣāṇām ajaḥ saṃyogaḥsidhyanvibhāgahetuko vyavasthāpyate tatra yutasiddhirvibhāgahetur iti katham avasthāpyate iti cet sarvasya hetoḥkāryotpādanāniyamad iti brūmaḥ samartho hi hetuḥ svakāryam utpādayati nāsamarthaḥ sahakārikāraṇānapekṣo 'tiprasaṃgāt tena yathā himavadviṃdhyādīnāṃ yutasiddhir vidyamānāpi na saṃyogam upajanayati sahakārikāraṇasyakarmāder abhāvāt tathā vibhudravyaviśeṣāṇāṃ śāśvatikā yutasiddhiḥ saty api na vibhāgaṃ sahakarikāraṇasyā'nyatarakarmāder abhāvād iti saṃyogahetuṃyutasiddhim abhyanujānaṃto vibhāgahetum api tām abhyanujānaṃtusarvathāviśeṣābhāvāt tathā ca saṃyogasyaiva hetur yutasiddhir ity api lakṣaṇaṃ na vyavatiṣṭhata eva lakṣaṇabhāve ca nayutasiddhiḥ nāpi yutasiddhyabhāvalakṣaṇāsyādayutasiddhir iti yutasiddhyayutasiddhidvitayāpāye vyāghāto duruttaraḥsyāt sarvatra saṃyogasamavāyayor abhāvāt saṃsargahāne sakalārthahāniḥ syād ity ābhiprāyaḥ saṃyogāpāyetāvad ātmātaḥ karaṇasaṃyogād buddhyādiguṇotpattir na bhavet tadabhāve ca ātmano vyavasthāpanopāyāpāyādātmatatvahāniḥ etena bherīdaṃḍādyākāśasaṃyogābhāvāc chabdasyānutpatter ākāśavyavasthāpanopāyāsatvādākāśahānir uktā sarvatrāvayavasaṃyogābhāvāt tadvibhāgasyāpy anupapattes tannimittasyāpi śabdasyābhāvāt etena paramāṇusaṃyogābhāvād vyaṇukādiprakrameṇāvayavino 'nutpattes tatra parāparādipratyayāpāyāt idam ataḥpūrveṇety ādipratyayāpāyāc ca na kālo dik ca vyavatiṣṭhata ity uktaṃ tathā samavāyāsatvesakalasamavāyinām abhāvān na manaḥparamāṇavo 'pi saṃbhāvyaṃte iti sakaladravyapadārthahānestadāśrayaguṇakarmasāmānyaviśeṣapadārthahānir apītisakalapadārthavyāghātāt duruttaro vaiśeṣikamatasya vyāghātaḥ syāt taṃ parijihīrṣatāyutasiddhiḥ kutaścid vyavasthāpanīyā tatra  yathaiva hi kuṃḍabadarādiṣu yutapratyaya utpadyatekuṃḍādibhyo badarādayo yutā iti tathā vibhudravyaviśeṣu prakṛteṣu guṇaguṇiṣu kriyākriyāvatsu sāmānyatadvatsuviśeṣatadvatsu cāvayavāvayaviṣu ca yutapratyayo bhavatyeveti vutasiddhiḥ samāgatā sarvatrāyutapratyayasyābhāvāt deśabhedābhāvāt tatra na yutapratyaya iti cen na vātā''tapādiṣu yutapratyayānutpattiprasaṃgāt teṣāṃsvāvayaveṣu bhinneṣu deśeṣu vṛttes tatra yutapratyaya iticet kim evaṃ taṃtupaṭādiṣu paṭarupādiṣu ca yutapratyayaḥpratiṣidhyate svāśrayeṣu bhinneṣu vṛtter aviśeṣāt tathā ca na teṣām ayutasiddhiḥ tato na yutapratyayahetutvenayutasiddhir vyavatiṣṭhate tadavyavasthānāc ca kiṃ syād ityāha  tad evam ayutasiddher asaṃbhave satyām ayutasiddhāv itiviśeṣaṇaṃ tāvad asiddhavipakṣād asamavāyāt saṃyogāder vyavacchedaṃ na sādhayet saṃyogādināvyabhicārasyābādhitehedaṃ pratyayasya hetor duḥparihāratvātkevalam abhyupagamyāyutasiddhatvaṃ viśeṣaṇaṃ hetor anaikātikatvamucyate siddhe 'pi viśeṣaṇe sādhanasyeha samavāyiṣu samavāya ity ayutāsiddhabādhitehedaṃ pratyena sādhanam etatvyabhicāri kathyate na hy ayam ayutasiddhabādhitehedaṃ pratyayaḥ samavāyahetuka iti nanv abādhitatvaviśeṣaṇamasiddham iti paramatamāśaṃkyāha  iha samavāyiṣu samavāya iti samavāyasamavāyinorayutasiddhatve samavāyasya pṛthagāśrayābhāvāt prasiddhe satīhedam iti saṃvitterabādhitatvaviśeṣaṇasyābhāvāt na tayā sādhanaṃvyabhicaret tatrānavasthāyā bādhikāyāḥ sadbhāvāt tathā hi samavāyiṣusamavayasya vṛttiḥ samavāyāṃtarād yadīṣyate tadā tasyāpi samavāyāṃtarasya samavāyasamavāyiṣu svasaṃbaṃdhiṣuvṛttir aparāparasamavāyarūpaiṣitavyāṃ tathā cāparāparasamavāyaparikalpanāyām aniṣṭhitiḥsyāttathaika eva samavāyas tatvaṃ bhāvena vyākhyātām iti siddhāṃtasya cāniṣṭhitiḥ saivehedam iti pratyayasya bādhātato nābādhatvaṃ nāma viśeṣaṇaṃ hetor yenā'nekāṃtaḥ syād iti ye vaṃdati teṣāṃ viśeṣaṇaviśeṣyatvasaṃbaṃdho'pi samavāyiṣu samavāya iti pratyayān na sidhyed anavasthāyāḥ sadbhāvāt viśeṣaṇaviśeṣyabhāvo hi samavāyasamavayināṃ parairiṣṭaḥ samavāyasya viśeṣaṇatvāt samavāyināṃ viśeṣyatvāt anyathā samavāyapratiniyamānupapatteḥ sa ca samavāyasamavāyibhyo 'rthāṃtaram eva na punar anarthāṃtaraṃ samavāyasyāpi samavāyibhyo'narthāṃtarāpatteḥ sa cārthāṃtarabhūtoviśeṣaṇaviśeṣyabhāvaḥ saṃbaṃdhaḥ svasaṃbaṃdhiṣu parasmād eva viśeṣaṇaviśeṣyabhāvātpratiniyataḥ syāt nānyathā tathā cāparāparaviśeṣaṇaviśeṣyabhāvaparikalpanāyām anavasthā vādhā tadavasthaivatatas tayā sabādhād ihedam iti pratyayādviśeṣaṇaviśeṣyabhāvo 'pi na sidhyed iti kutaḥsamavāyapratiniyamaḥ kvacid eva samavayiṣu pareṣāṃ syāt  yatheha samavāyiṣu samavāya itīhedaṃ pratyayād anavasthayā bādhyamānāt samavāyavadviśeṣaṇāviśeṣyabhāvo na sidhyed iti tathāviśeṣaṇaviśeṣyatvapratyayādapyanavasthayābādhyamānatvāviśeṣāt tato 'nenehedaṃ pratyayaṃ dūṣaṇena viśeṣaṇaviśeṣyatvapratyayo 'pidūṣita eva tenaiva ca taddūṣaṇena viśeṣaṇaviśeṣyatvaṃ sarvatra dūṣitam avagamyatāṃ atrānavasthāparihāraṃ pareṣām āśaṃkya nirācaṣṭe  tasya viśeṣaṇaviśeṣya bhāvasyānaṃtyāt samavāyavadekatvānabhyupagamāt nānavasthā doṣo yadi paraiḥ kathyate prapatṝṇām ākāṃkṣākṣayato 'pi vā yatra yasyapatipattur vyavahāraparisamāpter ākāṃkṣāyaḥ syāt tatrāparaviśveṣaṇāviśeṣyabhāvānanveṣaṇād anavasthānupapatteḥtadā samavāyādināpi parikalpitena na kiṃcit phalam upalabhāmhe samavāyinor apiviśeṣaṇaviśeṣyabhāvasyaivābhyupagamanīyatvātsaṃyoginor api viśeṣaṇaviśeṣya bhāvānatikramāt guṇadravyayoḥkriyādravyayoḥ dravyatvadravyayoḥ guṇatvaguṇayoḥ karmasvakarmaṇoḥ guṇatvadravyayoḥ karmatvadravyayoḥviśeṣadravyayoś ca dravyayor iva viśeṣaṇaviśeṣyatvasya sākṣāt paraṃparayā vā pratīyamānasya bādhakābhāvāt yathaiva hi guṇidravyaṃ kriyāvaddravyaṃ dravyatvavaddravyaṃ viśeṣavaddravyaṃ guṇatvavān guṇaḥ karmatvavat karmety atrasākṣād viśeṣaṇaviśeṣyabhāvaḥ pratibhāsate daṃḍikuṃḍalivat tathā paraṃparayā guṇatvavat dravyam ity atra guṇasyadravyaviśeṣaṇatvāt guṇatvasya ca guṇaviśeṣaṇatvāt viśeṣaṇāviśeṣyabhāvo 'pi tathā karmatvavad dravyām ityatrāpi karmatvasya karmaviśeṣaṇatvāt karmaṇo dravyaviśeṣaṇatvāt viśeṣaṇaviśeṣyabhāva eva niraṃkuśo 'stu nanu ca daṃḍapuruṣādīnām avayavāvayavyādīnāṃ ca saṃyogaḥ samavāyaś caviśeṣaṇaviśeṣyabhāvahetuḥ saṃpratīyate tasya tadbhāvaeva bhāvād iti na maṃtavyaṃ tadabhāve 'pi viśeṣaṇaviśeṣya bhāvasyasadbhāvāt dharmadharmivat bhāvābhāvavad vā na hi dharmadharmiṇoḥ saṃyogaḥ tasya dravyaniṣṭhatvāt nāpi samavāyaḥparairiṣyate samavāyatadastitvayoḥ samavāyāṃtaraprasaṃgāt tathā ca bhāvābhāvayoḥ saṃyogaḥsamavāyo vā parair iṣṭaḥ siddhāṃtavirodhāt tayor viśeṣaṇaṃ viśeṣyabhāvas tu tair iṣṭo duṣṭaś ceti nasaṃyogasamavāyābhyāṃ viśeṣaṇaviśeṣyabhāvo vyāptaḥ tena tayor vyāptatvasiddhiḥ na hi viśeṣaṇāviśeṣyabhāvāsyābhāvekayościt saṃyogaḥ samavāyo vā vyavatiṣṭhate kvacid viśeṣaṇaviśeṣyabhāvāv iva kṣāyāṃ tusaṃyogasamavāyavyavahāro na viśeṣaṇaviśeṣyabhāvasyāvyāpakatvaṃ vyavasthāpayitum alaṃ sato 'py anarthitvādervivakṣānupapatter vyāpakatvaprasiddheḥ tataḥ saṃyogaḥ samavāyo vā anyo vā'vinābhāvādiḥ saṃbaṃdhas tasyaivaviśeṣaṇaviśeṣyabhāvasya viśeṣos tu nanu ca samavāyasya svataṃtratvād ekatvāc ca katham asau tadviśeṣaḥsthāpyata iti cen na samavāyasya svataṃtratve sarvathaikatve ca doṣa sadbhāvāt tathā hi  svataṃtratve hi samavāyasya ṣaṇṇāmāśritatvam anyatranityadravyebhya iti katham āśritatvaṃ svayaṃ vaiśeṣikair iṣṭhām iti taṃtrāvirodho doṣaḥ tasyāśritatvapratipādane svataṃtratvavirodhāt parāśritatvaṃhi pārataṃtryaṃ tena svātaṃtryaṃ kathaṃ na pratihanyate syānmataṃ paramārthataḥ samavāyasyāśritvaṃ dharmaḥ kathyate yatas taṃtravirodhaḥ syāt kiṃtūpacārāt nimittaṃtūpacārasyasamavāyiṣu satsu samavāyajñānaṃ samavāyiśūnye deśe samavāyajñānāsaṃbhavāt paramārthatas tasyāśritatvesvāśrayanāśāt vināśaprasaṃgāt guṇādivad iti tad asat digādīnām apy evam āśritatvaprasaṃgāt mūrtadravyeṣu satsūpalabdhilakṣaṇaprāpteṣu digliṃgasyedam ataḥ pūrveṇaityādipratyayasya kālaliṃgasya caparatvāparatvādipratyayasya sadbhāvātmūrtadravyāśritatvopacāraprasaṃgāt tathācānyatra nityadravyebhya iti vyāghātaḥnityadravyasyāpi digāder upacārād āśritatvasiddheḥ sāmānyasyāpi paramārthato 'nāśritatvam anuṣajyatesvāśrayavināśe 'pi vināśābhāvāt samavāyavat tad idaṃ svābhyupagamaviruddhaṃ vaiśeṣikāṇāṃ upacārato 'pisamavāyasyāśritatvaṃ svātaṃtryaṃ vā kiṃ ca samavāyo na saṃbaṃdhaḥ sarvathā'nāśritatvāt yo yaḥ sarvathā'nāśritaḥ sasa na saṃbaṃdho yathā digādiḥ sarvathā'nāśritaś ca samavāyaḥ tasmān na saṃbaṃdha iti ihedaṃpratyayaliṃgo yaḥ sa samavāyo na syāt ayutasiddhānām ādhāryādhārabhūtānām api saṃbaṃdhāṃtareṇāśritenabhavitavyaṃ saṃyogāder asaṃbhavāt samavāyasyāpy anāśritasya saṃbaṃdhatvavirodhāt syād ākūtaṃ samavāyasya dharmiṇo'pratipattau hetor āśrayāsiddhatvaṃ pratipattau dharmigrāhakapramāṇabādhitaḥ pakṣo hetuś ca kālātyayāpādiṣṭaḥprasajyeta samavāyo hi yataḥ pramāṇāt pratipannas tata evāyutasiddhasaṃbaṃdhatvaṃ pratipannam ayutasiddhānāmeva saṃbaṃdhasya samavāyavyapadeśasiddher iti tad api na sādhīyaḥ sagavāyigrāhiṇā pramāṇenāśritasyaivasamavāyasyāviṣvagbhāvalakṣaṇasya pratipattestasyānāśritatvābhyupagame cāsaṃbaṃdhatvasya prasaṃgena sādhanāt sādhyasādhanayor vyāpyavyāpakabhāvasiddhau parasya vyāpyābhyupagame tannāṃtarīyakasya vyāpakābhyupagamasyapratipādanāt na hy anāśritatvamasaṃbaṃdhatvena vyāptaṃ digādiṣv asiddhaṃ nāpy anaikāṃtikam anāśritasya kasyacitsaṃbaṃdhatvāprasiddheḥ vipakṣe vṛtyabhāvāt tata eva na viruddhaṃ nāpi satpratipakṣaṃ tasyānāśritasyāpisaṃbaṃdhatvavyavasthāpakānumānābhāvād iti na pareṣāṃ samavāyaḥ saṃbaṃdho'sti yataḥ pratiniyamaḥ kasyacit kvacitsamavāyini vyavasthāpyate bhavatu vā samavāyaḥ kim eko 'neko vā yadi sarvatraika eva samavāyo'bhyupagamyate tadā maheśvare jñānaṃ samavaiti na punar evaṃ digādau veti katham avabudhyate iheti pratyayāditi cen na tasyeha śaṃkare jñānam iti pratyayasyaikasamavāyahetukasya khādivyavacchedena śaṃkara evajñānasamavāyasādhanāsamarthatvāt niyamakādarśanād bhedasya vyavasthāpayitum aśakteḥ nanu ca viśeṣaṇabheda evaniyāmakaḥ sattāvat sattā hi dravyādiviśeṣaṇabhedād ekāpi bhidyamānā dṛṣṭāpratiniyatadravyādisatvavyavasthāpikā dravyaṃ sat guṇaḥ sankarma sad iti dravyādiviśeṣaṇaviśiṣṭasya satpratyayasyadravyādiviśiṣṭasattāvyavasthāpakatvāt tadvatsamavāyiviśeṣaṇaviśiṣṭehedaṃ gatyayādviśiṣṭasamavāyiviśeṣaṇasyasamavāyasya vyavasthiteḥ samavāyo hi yad upalakṣito viśiṣṭapratyayāt sidhyate tatpratiniyamaheturevābhidhīyata yatheha taṃtuṣu paṭa iti taṃtupaṭaviśiṣṭehedaṃ pratyayāt taṃtuṣv eva paṭasya samavāyo niyamyate navīraṇādiṣu nacāyaṃ viśiṣṭehedaṃpratyayaḥ sarvasya pratipattuḥ pratiniyataviṣayaḥ samanubhūyamānaḥ paryanuyogārhaḥ kim itibhavan tatraiva pratiniyato 'nubhūyate na punar anyatreti tathā tasya paryanuyoge kasyacitsveṣṭatattvavyasthānupapatteḥ tadvyavasthāpakapratyayasyāpi paryanuyogyatvānivṛtteḥ sudūram api gatvā yadi kasyācitpratyayaviśeṣasyānubhūyamānasya paryanuyogāviṣayatvāt tatas tatvavyavasthitir abhyupagamyate tadeha śaṃkare jñānamiti viśiṣṭahedaṃpratyayāt pramāṇopapannāt tatraiva jñānasamavāyo vyavatiṣṭhate na khādiṣu viśeṣaṇabhedātsamavāyasya bhedaprasiddher iti kecid vyutpannavaiśeṣikāḥ samanumanyaṃto 'pi na yathārthavādinaḥ samavāyasyasarvathaikatve nānāsamavāyiviśeṣaṇatvāyaugāt sattādṛṣṭāṃ tasyāpi sādhyatvāt nahi sarvathaikā sattākutaścit pramāṇāt siddhā nanu satpratyayāviśeṣād viśeṣaliṃgābhāvād ekā sattā prasiddhaiveti cen na sarvathā satpratyayāviśeṣasyāsiddhatvād viśiṣṭhaliṃgābhāvasya ca kathaṃcit satpratyayayāviśeṣas tu kathaṃcid evaikatvaṃsattāyāḥ sādhayet yathaiva hi satsāmānyādeśāt satsad iti pratyayasyāviśeṣas tathā sadviśeṣādeśātsatpratyayaviśaṣo 'pi ghaṭaḥ san paṭaḥ sannityādiḥ samanubhūyate ghaṭādipadārtha eva tatra viśiṣṭo na satteti cenna evaṃ ghaṭādīnām api sarvathaikatvaprasaṃgāt śakyo hi vaktuṃ ghaṭapratyayāviśeṣād ekoghaṭaḥ taddharmā evaviśiṣṭapratyayahetavo viśiṣṭā iti ghaṭasyaikatve kvacid ghaṭasya vināśe prādurbhāve vā sarvatra vināśaḥprādurbhāvo vā syāt tathā ca parasparavyāghātaḥ sakṛdghaṭavināśaprādurbhāvayoḥ prasajyate iti cen na sattāyā api sarvathaikatve kasyacit prāgasataḥ sattāyāḥ saṃbaṃdhe sarvasya sakṛtsattāsaṃbaṃdhaprasaṃgāt tadasaṃbaṃdhe vā sarvasyāsaṃbaṃdha iti parasparavyāghātaḥ sattāsaṃbaṃdhāsaṃbaṃdhayoḥ sakṛttadduḥ parihāraḥ syāt prāgasataḥ kasyacid utpādakakāraṇasannidhānād utpadyamānasya saṃbaṃdhaḥ parasya tadabhāvāt saṃbaṃdhābhāva itiprāguktadoṣā'prasaṃge ghaṭasyāpi kvacidutpādakakāraṇabhāvād utpādasya dharmasya sadbhāve ghaṭena saṃbaṃdhaḥ kvacit tuvināśahetūpādānād vināśasya bhāvo ghaṭasya tenāsaṃbaṃdha iti kutaḥ paroktadoṣaprasaṃgaḥ sarvathaikatve 'pi ghaṭasyataddharmāṇām utpādādīnāṃ svakāraṇaniyamād deśakālākāraniyamopapatteḥ na hy utpādādayo dharmā ghaṭādanarthāṃtarabhūtā eva sattādharmāṇām apitadanarthāṃtaratvaprasaṃgāt teṣāṃ tato 'rthāṃtaratve ghaṭād utpādādīnāmarthāṃtaratvaṃ pratipattavyaṃ tathā ca ta eva viśiṣṭā naghaṭa iti kathaṃ na ghaṭaikatvam āpadyate nanu ghaṭasya nityatvekatham utpādādayo dharmā nityasyānutpādāvināśadharmakatvād iti cet tarhi sattāyā nityatve kathamutpadyamānair arthaiḥ saṃbaṃdhaḥ prabhajyamānaiś ceticiṃtyatāṃ svakāraṇavaśād utpadyamānā bhajyamānāś cārthāḥśaśvadavasthitayā sattayā saṃbaṃdhyaṃte na punaḥśaśvadavasthitena ghaṭena svakāraṇasāmarthyād utpādādayo dharmāḥsaṃbaṃdhyaṃta iti svadarśanapakṣapātamātraṃ ghaṭasyasarvagatatve padārthāṃtarāṇām abhāvāpatter utpādādidharmakāraṇānām apyasaṃbhavāt katham utpādādayo dharmāḥ syur iti cet sattāyāḥ sarvagatatve 'pi prāgabhāvādīnāṃ kvacid anupapatteḥkatham utpādyamānaiḥ prabhajyamānaiś cārthaiḥ saṃbaṃdhaḥ sidhyet prāgabhāvābhāve hi kathaṃ prāgasataḥprādurbhavataḥ sattayā saṃbaṃdhaḥ pradhvaṃsābhāvābhāve hikathaṃ vinaśyataḥ paścād asataḥ sattāyāḥ saṃbaṃdhābhāva iti sarveduravabodhaṃ syān mataṃ sattāyāḥ svāśrayavṛttitvāt svāśrayāpekṣayā sarvagatatvaṃ na sakalapadārthāpekṣayāsāmānyādiṣu prāgabhāvādiṣu ca tadvatyabhāvāt tatrā bādhitasya satpratyayasyābhāvād dravyādiṣv eva tadanubhavāditi tad api svagṛhamānyaṃ ghaṭasyāpy evam abādhitaghaṭapratyayotpattihetuṣv eva svāśrayeṣu bhāvāt nasarvapadārthavyāpitvaṃ padārthāṃtareṣughaṭapratyayotpattyahetuṣu tadabhāvād iti vaktuṃ śakyatvāt nanv eko ghaṭaḥ kathamaṃtarālavartipaṭādyarthān parihṛtya nānāpradeśeṣu daviṣṭeṣu bhinneṣu vartate yugapad iti cet katham ekā sattāsāmānyaviśeṣasamavāyān prāgabhāvādīṃś ca parihṛtyadravyādipadārthān sakalān sakṛd vyāpnotīti samānaḥparyanuyogaḥ tasyāḥ svayam amūrtatvāt kenacit pratighātābhāvād adoṣa iti cet tarhi ghaṭasyāpy anabhivyaktimūrteḥkenacit pratibaṃdhābhāvāt sarvagatatve ko doṣaḥ sarvatra ghaṭapratyayaprasaṃga iti cet sattāyāḥ sarvagatatvesarvatra satpratyayaḥ kiṃ na syāt prāgabhāvādiṣu tasyās tu tirodhānān na satpratyayahetutvam iti cetghaṭasyāpi padārthāṃtareṣutattirodhānāddhaṭapratyayahetutvaṃ mā bhūt na caivaṃ sarvaṃ sarvatra vidyate iti vadataḥsāṃkhyasya kiṃcid viruddhaṃ bādhakābhāvāt tirodhānāvirbhāvābhyāṃ svapratyayāvidhānasya kvacitsvapratyayavidhānasyāvirodhāt kiṃ ca ghaṭādisāmānyasyaghaṭādivyaktiṣv abhivyaktasya tadaṃtarāle cānabhivyaktasyaghaṭapratyayahetutvāhetutve svayam urarīkurvāṇaḥ kathaṃ naghaṭasya svavyaṃjakadeśe 'bhivyaktasyānyatra cānabhivyaktasyaghaṭapratyayahetutvāhetutve nābhyupagacchatīti svecchākārī syān mataṃ nānā ghaṭaḥ sakṛdbhinnadeśatayopalabhyamānatvātpaṭakaṭamukuṭādipadārthāṃtaravad iti tarhi nānā sattā yugapadbādhakābhāve satibhinnadeśadravyādiṣūpalabhyamānatvāt tadvad itidarśanāṃtaram āyātaṃ nyāyasya samānatvāt na hi vibhinnadeśeṣu ghaṭapaṭādiṣuyugapatsatvopalaṃbho 'siddhaḥ saṃto 'mī ghaṭādaya iti pratīter abādhitatvāt vyomnānaikāṃtiko 'yaṃ hetur iti cen na tasya pratyakṣatobhinnadeśatayā'tīṃdriyasya yugapadupalaṃbhābhāvāt pareṣāṃyugapadbhinnadeśākāśaliṃgaśabdopalaṃbhāsaṃbhavāc canānumānato 'pi bhinnadeśatayā yugapadupalaṃbho 'sti yatas tenānaikāṃtikatvaṃ hetor abhidhīyate nānādeśākāśaliṃgaśabdānāṃ nānādeśasthapuruṣaiḥ śravaṇād ākāśasyānumānāt yugapadbhinnadeśatayopalaṃbhasyaprasiddhāv api na tena vyabhicāraḥ sādhanasya tasya pradeśabhedān nānātvasiddheḥ niḥpradeśasyayugapadbhinnadeśakālasakalamūrtimaddravyasaṃyogānāmanupapatter ekaparamāṇuvan na ceyaṃ sattā svataṃtraḥ padārthaḥ siddhaḥpadārthadharmatvena pratīyamānatvād asattvavat yathaiva highaṭasyāsattvaṃ paṭasyāsattvam iti padārthadharmatayāpratīyamānatvān nāsattvaṃ svataṃtraḥ padārthaḥ tathāghaṭasya sattvaṃ paṭasya sattvam iti padārthadharmatvenopalabhyamānatvāt sattvam apisarvathā viśeṣābhāvāt sarvatra ghaṭaḥ san paṭaḥ san iti pratyayasyāviśeṣād ekaṃ sattvaṃ padārthadharmatve 'pīti cettarhi sarvatrāsad iti pratyayasyāviśeṣād bhāvaparataṃtratve 'py ekam asatvam abhyupagamyatāṃ prāg asat paścād asaditaratretarad asad atyaṃtam asad iti pratyayaviśeṣātprāgasattvapaścād asattvetaretarāsattvātyaṃtāsattvabhedasiddher naikamasatvam iti cet nanv evaṃ vināśāt pūrvaṃ sattvaṃ prāksattvaṃ svarūpalābhād uttaraṃ sattvaṃ paścāt sattvaṃ samānajātīyayoḥkenacid rūpeṇetaretaratrasattvam itaretarasattvaṃ kālatraye 'py anādyanaṃtasya sattvam atyaṃtasattvām iti sattvabhedaḥkiṃ nānumanyate satpratyayasyāpi prākkālāditayā viśeṣasiddher bādhakābhāvāt yathā cāsattvasya sarvathaikatvekvacit kāryotpattau prāgabhāvavināśe sarvatrābhāvavināśaprasaṃgāt na kiṃcit prāg asad iti sarvakāryam anādi syāt na kiṃcit paścād asad iti tadanaṃtaṃ syāt na kvacit kiṃcid asad iti sarvaṃ sarvātmakaṃ syān na kvacidatyaṃtam asad iti sarvaṃ sarvatra sarvadā prasajyeteti bādhakam api tathā sattvaikatve samānam upalabhāmahe kasyacitpradhvaṃse sattvābhāve sarvatra sattvābhāvaprasaṃgāt na kiṃcit kutaścit prāk sat paścāt sad vā nāpītaratretarat satsyāt atyaṃtasad veti sarvaśūnyatāpattir duḥśakyāparihartuṃ tāṃ parijihīrṣatā sattvasya bhedo'bhyupagaṃtavya iti naikā sattā savarthāsidhyed asattāvattadanaṃtaparyāyatopapatteḥ syān matir eṣā te kasyacit kāryasyapradhvaṃse 'pi na sattāyāḥ pradhvaṃsas tasyānityatvāt padārthāṃtareṣu satpratyayahetutvāt prākkālādiviśeṣaṇabhede'py abhinnatvāt sarvathā śūnyatāṃ pariharato 'pi sattānaṃtaparyāyatānupapattir iti sāpi na sādhīyasī kasyacitkāryasyotpāde 'pi prāgabhāvasyābhāvānupapattiprasaṃgāt tasya nityatvāt padārthāṃtarāṇām utpatteḥpūrvaṃ prāgabhāvasya svapratyayahetoḥ sadbhāvasiddheḥ samutpannaikakāryaviśeṣaṇatayā vināśavyavahāro 'piprāgabhāvasyāvināśino nānānutpannakāryāpekṣayā viśeṣaṇabhede 'pi bhedāsaṃbhavād ekatvāvirodhāt na hyutpatteḥ pūrvaṃ ghaṭasya prāgabhāvaḥ paṭasya prāgabhāva ity ādi viśeṣaṇabhede 'py abhāvo bhidyate ghaṭasya sattāpaṭasya sattety ādiviśeṣaṇabhede 'pi sattāvat nanu prāgabhāvasya nityatve kāryotpattir na syāt tasyatatpratibaṃdhakatvāt tadapratibaṃdhakatve prāg apikāryotpatteḥ kāryasyānāditvaprasaṃga iti cet tarhi sattāyā nityatve kāryasyapradhvaṃso na syāt tasyās tatpratibaṃdhakatvāt tadapratibaṃdhakatve pradhvaṃsāt prāg apipradhvaṃsaprasaṃgāt kāryasya sthitir eva na syātkāryasattā hi pradhvaṃsāt prāk pradhvaṃsasya pratighātiketi kāryasya sthitiḥsidhyen nānyathā yadi punar balavatpradhvaṃsakāraṇasannipāte kāryasya satto na pradhvaṃsaṃ pratibadhnāti tataḥpūrvaṃ tu balavadvināśakāraṇābhāvāt pradhvaṃsaṃ pratibadhnāty eva tato na prāg api pradhvaṃsaprasaṃga iti mataṃ tadābalavadutpādakakāraṇopadhānāt kāryasyotpādaṃ prāgabhāvaḥ sann api na viruṇaddhi kāryotpādanāt pūrvaṃtadutpādakāraṇābhāvāt taṃ viruṇaddhi tato na prāg apikāryotpattir yena kāryasyānāditvaprasaṃga iti prāgabhāvasya sarvadāsadbhāvo manyatāṃ sattāvat tathā caika eva sarvatra prāgabhāvo vyatiṣṭhate pradhvaṃsābhāvaś ca na prāgabhāvādarthāṃtarabhūtaḥ syāt kāryavināśaviśiṣṭasya tasyaiva pradhvaṃsābhāva ity abhidhānāttasyaivetaretaravyāvṛttiviśiṣṭasyetaretarābhāvābhidhānavat nanu ca kāryasya vināśa eva pradhvaṃsābhāvo na punas tato 'nyaḥ yenavināśaviśiṣṭaḥ pradhvaṃsābhāva ity abhidhīyate nāpītaretaravyāvṛttir itaretarābhāvād anyā yena tathāviśiṣṭasyetaretarābhāvābhidhānām iti cet tarhīdānīṃkāryasyotpāda eva prāgabhāvābhāvas tato'rthāṃtarasyāsaṃbhavāt kathaṃ tena kāryasya pratibaṃdhaḥsidhyet kāryotpādāt prāgabhāvābhāvasyārthāṃtaratve prāg eva kāryotpādaḥ syātśaśvadabhāvābhāve śaśvatsadbhāvavat na hy anyadaivābhāvasyābhāvo 'nyadaiva bhāvasya sadbhāva itiabhāvābhāvasadbhāvayoḥ kālabhedo yuktaḥ sarvatrābhāvābhāvasyaiva bhāvasadbhāvaprasiddheḥbhāvābhāvasyābhāvaprasiddhivat tathā ca kāryasadbhāva evatadabhāvābhāvaḥ kāryābhāva eva na tadbhāvasyābhāva ity abhāvavināśavadbhāvavināśaprasiddheḥ na bhāvābhāvau parasparam atiśayāte yatas tayor anyatarasyaivaikatvanityatvenānātvānityatve vā vyavatiṣṭhate tadanenāsatvasyanānātvam anityatvaṃ ca pratijānatā sattvasyāpi tatpratijñātavyam itikathaṃcit sattaikā sad iti pratyayāviśeṣāt kathaṃcid anekā prāksadityādi satpratyayabhedāt kathaṃcin nityā saiṃvaṃ yasattatipratyabhijñānāt kathaṃcid anityā kālabhedāt pūrvaṃ sattā paścāt satteti satpratyayabhedāt sakalabādhakābhāvād anumaṃtavyā tatpratipakṣabhūtā'sattāvat tataḥ samavāyiviśeṣaṇaviśiṣṭehedaṃ pratyayahetutvātsamavāyaḥ samavāyiviśeṣapratiniyamahetur dravyādiviśeṣaṇaviśiṣṭasatpratyahetutvāddravyādiviśeṣapratiniyamahetuḥ sattāvad iti viṣamaupanyāsaḥ sattāyā nānātvasādhānāt tadvatsamavāyasya nānātvasiddheḥ so'pi hi kathaṃcid eka eva ihedaṃ prapratyayāviśeṣāt kathaṃcid aneka eva nānāsamavāyiviśiṣṭehedaṃpratyayabhedāt kathaṃcin nitya eva pratyabhijñāyamānatvāt kathaṃcid anitya eva kālabhedena pratīyamānatvāt na caikatrādhikaraṇe parasparam ekatvānekatve nityatvānityatve vā viruddhe sakalabādhakarahitatve satyupalabhyamānatvāt kathaṃcit satvāsatvavat yad apy abhyadhāyi sattvāsattve naikatra vastuni sakṛtsaṃbhavatastayoḥ vidhipratiṣedharūpatvāt yayor vidhipratiṣedharūpatvaṃ te naikatra vastuni sakṛtsaṃbhavato yathāśītatvāśītatve vidhipratiṣedharūpe ca sattvāsattvetasmān naikatra vastuni sakṛtsaṃbhavata iti tad apy anupapannaṃ vastunyekatrābhidheyatvānabhidheyatvābhyāṃ sakṛtsaṃbhavadbhyāṃ vyabhicārāt kasyācit svābhidhāyakābhidhānāpekṣayāabhidheyatvam anyābhidhāyakābhidhānāpekṣayā cānabhidheyatvaṃ sakṛdupalabhyamānam abādhitamekatrābhidheyatvānabhidheyatvayoḥ sakṛtsaṃbhavaṃ sādhayatītyabhyanujñāne svarūpādyapekṣayā sattvaṃ pararūpādyapekṣayā cāsatvaṃ nirbādhamanubhūyamānam ekatra vastuni satvāsatvayoḥ sakṛtsaṃbhavaṃ kiṃ na sādhayet vidhipratiṣedharūpatvāviśeṣāt kathaṃcidupalabhyamānayor virodhānavakāśāt yenaiva svarūpeṇa sattraṃ tenaivā satvam iti sarvathā'rpitayor evasatvāsatvayor yugapad ekatra virodhasiddheḥ kathaṃcitsatvāsatvayor ekatra vastuni sakṛtprasiddhau ca tadvadekatvānekatvayornityatvānityatvayoś ca sakṛd ekatra nirṇayān na kiṃcid vipratiṣiddhaṃ samavāyasyāpi tathā pratiter abādhitatvāt sarvathaikatve maheśvara eva jñānasya samavāyād vṛttir na punar ākāśādisviti pratiniyamasya niyāmakamapaśyato niścayāsaṃbhavāt na cākāśādīnām acetanatā niyāmikā cetanātmaguṇasya jñānasya cetanātmanyeva maheśvare samavāyopapatter acetanadravyagaganādau tadayogāt jñānasya tadguṇatvābhāvād iti vaktu yuktaṃ śaṃbhor api svato 'cetanatvapratijñānāt svādibhyastasya viśeṣāsiddheḥ syād ākūtaṃ neśvaraḥ svataścetano 'cetano vā cetanasamavāyāt tu cetayitā svādyas tu na cetanāsamavāyāc cetayitāraḥ kadācid ato 'stitebhyas tasya viśeṣa iti tad apy asat svato maheśvarasya svarūpānavadhāraṇān niḥsvarūpatāpatteḥ svayaṃtasyātmarūpatvān na svarūpahānir iti cen na ātmanā'py ātmatvayogād ātmatvena vyavahāropagamāt svato 'nātmatvādātmarūpasyāpy asiddheḥ yadi punaḥ svayaṃ nātmāmaheśo nāpy anātmā kevalam ātmatvayodātmeti mataṃ tadāsvataḥ kim asau syāt dravyam iti cen na dravyatvayogād dravyavyavahāravacanāt sato dravyasvarūpeṇāpimaheśvarasyāvyavasthiteḥ yadi tu na svato 'sau dravyaṃ nāpy adravyaṃ dravyatvayogād dravyam itipratipādyate tadā na svayaṃ dravyaṃ svarūpasyāpy abhāvāt kiṃsvarūpaḥ śaṃbhur bhaved iti vaktavyaṃ sann eva svayam asāv iti cenna satvayogāt sann iti vyavahārasādhanāt svataḥ sadrūpasyāprasiddheḥ atha na svataḥ sannacāsan satvasamavāyāt tu sann ity abhidhīyate tadā vyāghāto duruttaraḥ syāt satvāsatvayor anyonyavyavacchedarūpayorekatarasya pratiṣedhe 'nyatarasya vidhānaprasaṃgāt ubhaya pratiṣedhasyāsaṃbhavāt katham evaṃ sarvathā sattvosatvayāḥsyādvādibhiḥ pratiṣedhe teṣāṃ vyaghāto na bhaved iti cen na taiḥ kathaṃcit sattvāsattvayor vidhānāt sarvathāsattvāsattve hi kathaṃcitsattvāsattvavyavacchedenābhyupagamyete sarvathā sattvasya kathaṃcit sattvasya vyavacchedenavyavasthānāt asattvasya ca kathaṃcid asattvavyavacchedeneti sarvathā sattvasya pratiṣedhe kathaṃcit sasatvasyavidhānāt sarvathā cāsatvasya niṣedhe kathaṃcit satvasyavidhir iti kathaṃ sarvathā sattvāsatvapratiṣedhe syādvādināṃvyāghāto duruttaraḥ syāt sarvathaikāṃtavādinām eva tasya duruttaratvāt etena dravyatvādravyatvayorātmatvānātvayoś cetanatvācetanatvayoś caparasparavyavacchedarūpayor yugapat pratiṣedhe vyāghāto duruttaraḥ pratipāditaḥ tadekatarapratiṣedhe 'nyatarasya vidher avaśyaṃ bhāvāt ubhayapratiṣedhasyāsaṃbhavāt kathaṃcit satvāsatvayorvaiśeṣikair anabhyupagamāt kiṃ ca svarūpeṇāsati maheśvarasatvasamavāye pratijñāyamāne khāṃbuje satvasamavāyaḥparamārthataḥ kiṃ na bhavet svarūpeṇāsatvāviśeṣāt khāṃbujasyābhāvān na tatra samavāyaḥ pāramārthika sadvargedravyaguṇakarmalakṣaṇe satvasamavāyasiddheḥ maheśvara evātmadravyaviśeṣasatvasamavāya iti ca svamanorathamātraṃsvarūpeṇāsataḥ kasyacit sadvargatvāsiddheḥ svarūpeṇa sati maheśvare satvasamavāyopagame sāmānyādāv apisatvasamavāyaprasaṃgaḥ svarūpeṇa satvāviśeṣāt yathaiva hi maheśvarasya svarūpata satvaṃ vṛddhavaiśeṣikairiṣyate tadā pṛthivyādidravyāṇāṃ rūpādiguṇānām utkṣepaṇādikarmaṇāṃ sāmānyaviśeṣasamavāyānāṃ ca prāgabhāvādīnāmapīṣyata eva tathāpi kvacid eva satvasamavāyasiddhau niyamahetur vaktavyaḥ satsad iti jñānamabādhitaṃ niyamahetur iti cen na tasya sāmānyādiṣv api bhāvāt yathaiva hi dravyaṃ sat guṇaḥ sat karma sad itijñānam abādhitam utpadyate tathā sāmānyam asti viśeṣo 'sti samavāyo 'sti prāgabhāvādayaḥ saṃtīti jñānam apyabādhitam eva sāmānyādiprāgabhāvāditattvāstitvaṃ anyathā tadvādibhiḥ katham abhyupagamyate tatrāstitvadharmasadbhāvād astīti jñānaṃ na punaḥsattāsaṃbaṃdhād anavasthāprasaṃgāt sāmānyakalpanāt viśeṣeṣu casāmānyopagame sāmānyajñānāt viśeṣānupalaṃbhād ubhayatadviśeṣasmaraṇāc ca kasyacid avaśyaṃ bhāvinisaṃśaye tadvyavacchedārtha viśeṣāṃtarakalpanānuṣaṃgaḥ punas tatrāpi sāmanyakalpane 'vaśyaṃ bhāvī saśaṃyaḥ sati tasmiṃstadvyavacchedāya tadviśeṣāṃtarakalpanāyām anavasthāprasaṃgāt parāparaviśeṣasāmānyakalpanasyānivṛtteḥsudūram api gatvā viśeṣeṣu sāmānyānabhyupagame siddhāḥ sāmānyarahitā viśeṣāḥ samavāye casamānyasyāsaṃbhavaḥ prasiddha eva tasyakatvāt saṃbhavecānavasthānuṣaṃgāt samavāye sāmānyasya samavāyāṃtarakalpanād itina sāmānyādiṣu sad iti jñānaṃ sattānibaṃdhanaṃ bādhyamānatvāt tathā prāgabhāvādiṣv api sattāsamavāye prāgabhāvāditvavirodhāt na sattānibaṃdhanam astīti jñānaṃ tato 'stitvadharmaviśeṣaṇasāmarthyād evatatrāstīti jñānam abhyupagaṃtavyaṃ anyathā'stīti vyavahāroyogād iti kecid vaiśeṣikāḥ samabhyamaṃsata tāṃś capare pratikṣipaṃti sāmānyādiṣūpacaritasatvābhyupagamāt mukhyasatve bādhakasadbhāvān na pāramārthikasatvaṃ sattāsabaṃdhādi vā'stitvadharmaviśeṣaṇabalād api saṃbhāvyate sattāvyatirekeṇāstitvadharmagrāhakapramāṇābhāvāt'anyathāstitvaṃ dharmeṣv astīti pratyayād astitvāṃtaraparikalpanāyām anavasthānuṣaṃgāt tatropacāritasyāstitvasya pratijñāne sāmānyādiṣv apitadupacaritam astu mukhye bādhakasadbhāvāt sarvatropacārasyamukhyabādhakasadbhāvād evopapatteḥ prāgabhāvādiṣv api mukhyāstitvabādhakopapatter upacārataevāstitvavyavahārasiddher iti teṣāṃ dravyādiṣv api sad itijñānaṃ sattānibaṃdhanaṃ kutaḥ sidhyet tasyāpi bādhakasadvāvāt teṣāṃsvarūpato 'satve satve vā sattāsaṃbaṃdhānupapatteḥ svarūpeṇāsatsu dravyādiṣu sattāsaṃbaṃdheti prasaṃgasyabādhakasya pratipādanāt svarūpataḥ satsu sattāsaṃbadhe anavasthā tasya bādhakasyopanipātat sattā saṃbaṃdhenāpisatsu satvaṃ punaḥ sattāsaṃbandhaparikalpanaprasaṃgāt tasya vaiyarthyāt aparikalpane svarūpataḥ satsv api tata evasattāsaṃbaṃdhaparikalpanaṃ mā bhūt svarūpataḥ satvād asādhāraṇāt satsad ity anuvṛttipratyayasyānupapatteḥ dravyādiṣu tannibaṃdhanasya sādhāraṇasattāsaṃbaṃdhasya parikalpanaṃ na vyartham iti cen na svarūpasatvād evasadṛśāt sad iti pratyayasyopapatteḥ sadṛśetare pariṇāmasāmarthyād eva dravyādīnāṃsādhāraṇāsādhāraṇasatvanibaṃdhanasya satpratyayasyaghaṭanāt savarthā'rthāṃtarabhūtasattāsaṃbaṃdhasāmarthyāt sad iti pratyayasyasādhāraṇasyāyogāt sattāvad dravyaṃ sattāvān guṇaḥ sattāvat karmeti sattāsaṃbaṃdhasya pratyayasya prasaṃgāt na punaḥ saddravyaṃ san guṇaḥ satkarmeti pratyayaḥ syāt na hi ghaṃṭā saṃbaṃdhād gavi ghaṃṭeti jñānam anubhūyate ghaṃṭāvānn itijñānasya tatra pratīteḥ yaṣṭisaṃbaṃdhāt puruṣo yaṣṭir itipratyayadarśanāt tu sattāsaṃbadhād dravyādiṣu satteti pratyayaḥ syātabhede bhedopacārāt na punaḥ sad idi pratyayas tathā copacārāt dravyādīnāṃ sattāvyapadeśo na punaḥ paramārthataḥsidhyet syān mataṃ sattāsāmānyavācakasyāsattāśabdasyeva sacchabdasyāpi sadbhāvāt saṃbadhaṃdhātsaṃti dravyaguṇakarmāṇīti vyapadiśyaṃte bhāvasya bhāvavadabhidhāyināpi śabdenābhidhānaprasiddheḥ viṣāṇīkakudmān prāṃtevāladhir iti gotvaliṃgam ity ādivat viṣāṇyādivācinā śabdena viṣāṇitvāder bhāvasyābhidhānāditi tad apy anupapannaṃ tathopacārād eva satpratyayaprasaṃgāt puruṣe yaṣṭisaṃbaṃdhād yaṣṭir itipratyayavat yadi punar yaṣṭipuruṣayoḥ saṃyogāt puruṣo yaṣṭir iti jñānam upacaritaṃ yuktaṃ na punar dravyādau saditi jñānaṃ tatra satvasya samavāyād iti mataṃ tad 'vayaveṣv avayavinaḥ samavāyād avayaviṭhyapadeśaḥ syāt na punaravayavivyapadeśaḥ dravye ca guṇasya samavāyād guṇavyapadeśo 'stu kriyāsamavāyāt kriyāvyapadeśas tathā cana kadācid avayaviṣv avayavapratyayaḥ guṇini guṇipratyayaḥ kriyāvati kriyāvatpratyayaś copapadyeteti mahānvyāghātaḥ padārthāṃtarabhūtasattāsamavāyavādinām anuṣajyeta tad evaṃ svataḥ sata eveśvarasya svasamavāyo'bhyupagaṃtavyaḥ kathaṃcit sadātmatayā pariṇatasyaiva satvasamavāyasyopapatteḥ anyathā pramāṇena bādhanāt svayaṃsataḥ satvasamavāye 'sya ca pramāṇaprasiddheḥ svayaṃ dravyātmanā pariṇatasya dravyatvasamavāyaḥ svayaṃjñānātmanā pariṇatasya maheśvarasya jñānasamavāya iti yuktam utpaśyāmaḥ svayaṃ nīlātmanīlasamavāyavat nahi kaścid atathā pariṇatas tathātvasamavāyabhāg upalabhyate 'tiprasaṃgāt tataḥ pramāṇavalānmaheśvarasya satvadravyatvātmatvavat svayaṃ jñatvaprasiddher jñānasya samavāyāt tasya jñatvaparikalpanaṃ na kaṃcidarthaṃ puṣṇāti jñavyavahāraṃ puṣṇātīti cen na jñe prasiddhe jñavyavahārasyāpi svataḥ prasiddheḥ yasya hi yo'rthaḥ prasiddhaḥ sa tatra tadvyavahāraṃ pravartayann upalabdho yathā prasiddhākāśātmā ākāśe tadvyavahāraprasiddhejñaś caḥ kaścit tasmāt jñe tadvyavahāraṃ pravartayati yadi tu prasiddhe 'pi jñe jñatvasamavāyaparikalpanamajñavyavacchedārthām iṣyate tadā prasiddhe 'py ākāśe 'nākāśavyavacchedārtham ākāśatvasamavāyaparikalpanamiṣyatāṃ tasyaikatvād ākāśatvāsaṃbhavāt svarūpāniścayād evākāśavyavahārapravṛttau jñe 'pīśvare svarūpaniścayād evajñavyavahāro 'stu kiṃ tatra jñānasamavāyaparikalpanayā jñānapariṇāmapariṇato hi jñaḥ pratipādayituṃ śakyonārthāṃtarabhūtaḥ jñānasamavāyena tato jñānasamavāyavān eveha sidhyet na punar jñātā na hyarthāṃtarabhūte jñāne samutpanne jñātā smaraṇe smartā bhoge ca bhokteti tatpratītikaṃ darśanaṃ tadātmanā pariṇatasyaivatathā vyapadeśaprasiddheḥ pratītibalād dhi tattvaṃ vyavasthāpayaṃto yady athā nirbādhaṃ pratītiyaṃti tathaivavyavaharaṃtīti prekṣāpūrvakāriṇaḥ syur nānyathā tato maheśvaro 'pi jñātā vyavarhartavyo jñātṛsvarūpeṇa pramāṇataḥpratīyamānatvāt yad yena svarūpeṇa pramāṇataḥ pratīyamānaṃ tat tathā vyavahartavyaṃ yathā sāmānyādisvarūpatayājñātṛsvarūpeṇa pramāṇataḥ pratīyamānaś ca maheśvaras tato jñāteti vyavahartavya iti tad arthamarthāṃtarabhūtajñānasamavāyaparikalpanam anarthakam eva tadevaṃ pramāṇabalāt svārthavyavasāyātmake jñāne prasiddhe maheśvarasyatato bhedaikāṃtanirākaraṇe ca kathaṃcit svārthavyavasāyātmakajñānād abhedo 'bhyupagaṃtavyaḥ kathaṃcittādātmyasyaiva samavāyasya vyavasthāpanāt tathā ca nāmni vivādo nārthe jineśvarasyaiva maheśvara iti nāmakaraṇātkathaṃcit sārthavyavasāyātmajñānaṃ tādātmyamṛcchataḥ puruṣaviśeṣasya jineśvaratvaniścayāt tathā ca sa eva himokṣamārgasya praṇetā vyavatiṣṭhate sadehatve dharmaviśeṣatve ca sati sarvavinnaṣṭamohatvāt yas tu namokṣamārgasya mukhyaḥ praṇetā sa na sadeho yathā muktātmā dharmaviśeṣabhāg vā yathā'ṃtakṛtkevalī nāpisarvavinnaṣṭamoho yathā rathyāpuruṣaḥ sadehatve dharmaviśeṣatve ca sati sarvavinnaṣṭamohaś ca jineśvaras tasmānmokṣamārgasya praṇetā vyavatiṣṭhata eva svārthavyavasāyātmakajñānāt sarvathā'rthāṃtarabhūtas tu śivaḥ sadehonirdeho vā na mokṣamārgopadeśasya kartā yujyate karmabhūbhṛtām abhetṛtvāt yo yaḥ karmabhūbhṛtām abhettā sasa na sarvavinnaṣṭamoho yathā''kāśādir abhavyo vā saṃsārī cātmā karmabhūbhṛtām abhettā ca śivaḥparair upeyate tasmān na sarvāvinnaṣṭamoha iti sākṣān mokṣamārgopadeśasya kartā na bhavet nirastaṃ ca pūrvaṃvistaratas tasya śaśvatkarmabhir aspṛṣṭatvaṃ puruṣaviśeṣasyetyalaṃ vistareṇa prāguktārdhasyaivātropasaṃhārāt yathā ceśvarasya mokṣamārgopadeśitvaṃ na pratiṣṭhām iyarti tathā kapilasyāpīty atidiśyate  kapila eva mokṣamārgasyopadeśakaḥ kleśakarmavipākāśayānāṃbhettā rajastamasos tiraskaraṇāt samas tatattvajñānavairāgyasaṃpanno dharmaviśeṣaiśvaryayogī caprakṛṣṭasattvasyāvirbhāvāt viśiṣṭadehatvāc ca na punar īśvaras tasyākāśasyavā'śarīrasyajñānecchākriyāśaktyasaṃbhavāt muktātmavat sadehasyāpisadā kleśakarmavipākāśayair aparāmṛṣṭatvavirodhāt dharmaviśeṣasadbhāve ca tasya tatsādhanasamādhiviśeṣasyāvaśyaṃbhāvāt tannimittasyāpidhyānadhāraṇāpratyayāhāraprāṇāyāmāsanayamaniyamalakṣaṇasya yogāṃgasyābhyupagamanīyatvāt anyathā samādhiviśeṣāsiddherdharmaviśeṣānutpatter jñānādyatiśayalakṣaṇaiśvaryāyogād anīśvaratvaprasaṃgāt sattvaprakarṣayogitve ca kasyacitsadāmuktasyānupāyasiddhasya sādhakapramāṇābhāvād iti nirīśvarasāṃkhyavādinaḥ pracakṣate teṣāṃ kapilo 'pitīrthakaratvenābhipretaḥ prakṛtenaiveśvarasya mokṣamārgopadeśitvanirākaraṇenaiva prativyūḍhaḥ pratipattavyaḥ svatastasyāpi jñānād arthāṃtaratvāviśeṣāt sarvajñatvāyogāt sarvārthajñānasaṃsargāt tasya sarvajñatvaparikalpanam api nayuktam ākāśāder api sarvajñatvaprasaṃgāt tathāvidhajñānapariṇāmāśrayapradhānasaṃsargasyāviśeṣāt tadaviśeṣe'pi kapila eva sarvajñaś cetanatvān na punar ākāśādir ity api na yujyate teṣāṃ muktātmanaś cetanatve 'pi jñānasaṃsargataḥ sarvajñatvānabhyupagamāt sabījasamādhisaṃprajñātayogakāle 'pisarvajñatvavirodhāt syān mataṃ na muktasya jñānasaṃsargaḥ saṃbhavati tasya saṃprajñātayogakāle eva vināśāt tadādraṣṭuḥ svarūpe 'vasthānam iti vacanāt muktasya tu saṃskāraviśeṣasyāpi vināśāt asaṃprajñātasyaiva saṃskāraviśeṣatāvacanāt caritārthena jñānādipariṇāmaśūnyena pradhānena saṃsargamātre 'pitanmuktātmānaṃ prati tasya naṣṭatvāt saṃsāryātmānam eva pratyanaṣṭatvavacanāt na kapilasya cetanasyasvarūpasya jñānasaṃsargāt sarvajñatvābhāvasādhane muktātmodāharaṇaṃ tatra jñānasaṃsargasyāsaṃbhavād iti tad apyasāraṃ pradhānasya sarvagatasyānaṃtasya saṃsargaviśeṣānupapatteḥ kapilena saha tasya saṃsarge sarvātmanāsaṃsargaprasaṃgāt kasyacin muktivirodhān muktātmano vā pradhānenāsaṃsarge kapilasyāpi tenāsaṃsargaprasakteḥ anyathā viruddhadharmādhyāsāt pradhānabhedopapatteḥ nanu ca pradhānam ekaṃ niravayavaṃ sarvagataṃ na kenacid ātmanāsaṃspṛṣṭam apareṇāsaṃspṛṣṭam iti viruddhadharmā'dhyāsīṣyate yena tadbhedopapatteḥ kiṃ tarhi sarvadā sarvātmasaṃsargikevalaṃ muktātmānaṃ pratinaṣṭam apītarātmānaṃ pratyanaṣṭaṃ nivṛttādhikāratvāt pravṛttādhikāratvāc ceti cen naviruddhadharmādhyāsasya tadavasthatvāt pradhānasyabhedānivṛtteḥ na hy ekam eva nivṛttādhikāritvapravṛttādikāratvayoryugapadādhikaraṇaṃ yuktaṃ naṣṭatvānaṣṭatvayor iva virodhāt viṣayabhedān na tayor virodhaḥ kaścit kvacitpitṛtvaputratvadharmavat tayor ekaviṣayayor eva virodhāt nivṛttādhikāratvaṃ hi muktapuruṣaviṣayaṃ pravṛttādikāratvaṃ punaramuktapuruṣaviṣayam iti bhinna puruṣāpekṣayā bhinnaviṣayatvaṃ naṣṭatvānaṣṭatvadharmayor api muktātmānam eva prativirodhaḥsyād amuktātmānaṃ pratyeva vā na caivaṃ muktātmāpekṣayā pradhānasya naṣṭadharmatvavacanāt amuktāpekṣayācānaṣṭatvapratijñānād iti kaścit so 'pi na viruddhadharmāyāsān mucyate pradhānasyaikarūpatvāt yenaiva hi rūpeṇapradhānaṃ muktātmānaṃ praticaritādhikāraṃ naṣṭaṃ ca pratijñāyate tenaivānavasitādhikāram anaṣṭamamuktātmānaṃ pratīti kathaṃ na virodhaḥ prasidhyet yadi punā rūpāṃtareṇa tatheṣyate tadā na pradhānam ekarūpaṃ syātrūpadvayasya siddheḥ tathā caikam anaikarūpaṃ pradhānaṃsidhyet sarvam anekāṃtātmakaṃ vastu sādhayet syād ākūtaṃ naparamārthataḥ pradhānaṃ viruddhayor dharmayor adhikaraṇaṃtayoḥ śabdajñānānupātinā vastuśūnyena vikalpenādhyāropitatvātpāramārthikatve dharmayor api dharmāṃtaraparikalpanāyām anavasthānāt sudūram api gatvā kasyacidāropitadharmābhyupagame pradhānasyāpy āropitāveva naṣṭatvānaṣṭatvadharmau syātām avasitānavasitādhikāratvadharmau catadapekṣānimittaṃ svarūpadvayaṃ ca tato naikam anekarūpaṃ pradhānaṃ sidhyet yataḥ sarvaṃ vastvekānekātmakaṃ sādhayediti tad api na vicārasahaṃ muktāmuktatvayor api puṃsām apāramārthikatvaprasaṃgāt satyam etatat natattvataḥ puruṣasya muktatvaṃ saṃsāritvaṃ vā dharmo 'sti pradhānasyaiva saṃsāritvaprasiddheḥ tasyaiva camuktikāraṇatattvajñānavairāgyapariṇāmān muktitvopapatteḥ tad evaṃ mukteḥ pūrvaṃ niḥśreyasamārgasyopadeśakaṃ pradhānamiti paramatam anūdya dūṣayann āha  pradhānam evāstu mokṣamārgasyopadeśakaṃ jñatvāt yas tuna mokṣamārgasyopadeśakaḥ sa na jño dṛṣṭo yathā ghaṭādiḥ muktātmā ca jñaṃ ca pradhānaṃ tasmānmokṣamārgasyopadeśakaṃ na ca kapilādipuruṣasaṃsarggabhājaḥ pradhānasya jñatvam asiddhaṃ viśvaveditvāt yas tu na jñaḥsa na viśvavedī yathā ghaṭādiḥ viśvavedi ca pradhānaṃ tato jñam eva ca viśvavedi ca tatsiddhaṃsakalakarmabhūbhṛdbhetṛtvāt tathā hikapilātmanā saṃspṛṣṭaṃ pradhānaṃ viśvavedi karmarāśivināśitvāt yat tu naviśvavedi tan na karmarāśivināśīṣṭaṃ dṛṣṭaṃ vā yathā vyomādi karmarāśivināśi ca pradhānaṃ tasmādviśvavedi na vā'sya karmarāśivināśitvam asiddhaṃ rajastamovivartāśuddhakarmanikarasya saṃprajñātayogabalātpradhvaṃsasiddheḥ sattvaprakarṣāc ca saṃprajñātayogaghaṭanāt tatra sarvajñavādināṃ vivādābhāvāt iti sāṃkhyānāṃ darśanaṃ tad apy asaṃbhāvyam eva svayam eva pradhānasyācetanatvābhyupagamāt tathā hi na pradhānaṃ karmarāśivināśisvayam acetanatvāt yat svayam acetanaṃ tan na karmarāśivināśi dṛṣṭaṃ yathā vastrādi svayam acetanaṃ capradhānaṃ tasmān na karmarāśivināśi cetanasaṃsargāt pradhānasya cetanatvopagamād asiddhasādhanam iti cen na svayam iti viśeṣaṇāt svayaṃ hi pradhānam acetanam eva cetanasaṃsargāt tūpacārād eva taccetanam ucyate svarūpataḥpuruṣasyaiva cetanatvopagamāt caitanyaṃ puruṣasya svarūpam iti vacanāt tataḥ siddham evedaṃ sādhanaṃkarmarāśivināśitvābhāvaṃ sādhayati tasmāc ca viśvaveditvābhāvaḥ karmarāśivināśitvābhāve kasyacidviśvaveditvavirodhāt tataś ca na pradhānasya jñatvaṃ svayamacetanasya jñatvānupalabdheḥ na cājñasyamokṣamārgasyopadeśakatvaṃ saṃbhāvyata iti pradhānasyasarvam asaṃbhāvyam eva svayam acetanasya saṃprajñātasamādher api durghaṭatvāt buddhisattvaprakarṣasyāsaṃbhavād rajastamomalāvaraṇavigamasyāpi durupapādatvāt yadi punar acetanasyāpipradhānasya viparyayād baṃdhasiddheḥ saṃsāritvaṃ tattvajñānāt karmamalāvaraṇavigame sati samādhiviśeṣādvivekakhyāteḥ sarvajñatvaṃ mokṣamārgopadeśitvaṃ jīvanmuktadaśāyāṃ vivekakhyāter api nirodhe nirbījasamādher muktatvāmiti kāpilā manyaṃte tadā'yaṃ puruṣaḥ parikalpyamāno niṣphala eva syāt pradhānenaivaṃsaṃsāramokṣatatkāraṇapariṇāmatāparyāptatvāt nanu casiddhe 'pi pradhāne saṃsārādipariṇāmānāṃ kartari bhogye bhoktāpuruṣaḥ kalpanīya eva bhogyasya bhoktāram aṃtareṇānupapatter iti na maṃtavyaṃ tasyaiva bhoktur ātmanaḥkartṛtvasiddheḥ pradhānasya kartuḥ parikalpanānarthakyāt nahi kartṛtvabhoktṛtvayoḥ kaścid virodho 'sti bhokturbhujikriyāyām api kartṛtvavirodhānuṣaṃgāt tathā ca kartari bhoktṛtvānupapatter bhokteti na vyapadiśyate syānmataṃ bhokteti kartari śabdayogāt puruṣasya na vāstavaṃ kartṛtvaṃ śabdajñānānupātinaḥ kartṛtvavikalpasyavastuśūnyatvād iti tad apy asaṃbaṃddhaṃ bhoktṛtvādidharmāṇām api puruṣasyāvāstavatvāpatteḥ tathopagamāc cetayata iticetanaḥ puruṣo na vastutaḥ siddhyet cetanaśabdajñānānupātino vikalpasya vastuśūnyatvātkartṛtvabhoktṛtvādiśabdajñānānupātivikalpavat sakalaśabdavikalpagocarātikrāṃtatvāc citiśakteḥpuruṣasyāvaktavyatvam iti cen na tasyāvaktavyaśabdenāpivacanavirodhāt tathāpy avacane kathaṃ parapratyāyanam itisaṃpradhāryaṃ kāyaprajñapter api śabdāviṣayatvena pravṛttyayogāt svayaṃ ca tathāvidhaṃ puruṣaṃ sakalavāggocarātītamakiṃcitkaraṃ kutaḥ pratipadyeta svasaṃvedanād iti cen na tasya jñānaśūnye puṃsyasaṃbhavāt svarūpasyaca svayaṃ saṃcetanāyāṃ puruṣeṇa pratijñāyamānāyāṃ buddhyavasitam arthaṃ puruṣaś cetayate iti vyāhanyatesvarūpasya buddhyanavasitasyāpi tena saṃvedanāt yathā ca buddhyanavasitam ātmānam ātmā saṃcetayate tathā bahirartham api saṃcetayatāṃ kim anayā buddhyā niṣkāraṇam upakalpitayā svārthasaṃvedakena puruṣeṇa tatkṛtyasyakṛtatvāt yadi punar arthasaṃvedanasya kādācitkatvād buddhyavasāyas tatrāpekṣyate tasyasvakāraṇabuddhikādācitkatayā kādācitkasyārthasaṃvedanasyakādācitkatāhetutvasiddheḥ buddhyadhyavasāyānapekṣāyāṃ puṃso'rthasaṃvedane śaśvad arthasaṃvedanaprasaṃgād iti manyadhvaṃtadārthasaṃvedinaḥ puruṣasyāpi saṃcetanā kādācitkā kim apekṣāsyāt arthasaṃvedanāpekṣayeti cet kim idānīm arthasaṃvedanaṃ puruṣād anyad abhidhīyate tathābhidhānesvarūpasaṃvedanam api puṃso 'nyatprāptaṃ tasya kādācitkatayā śāśvatikatvābhāvāt tādṛśasvarūpasaṃvedanād ātmano'nanyatve jñānād evānanyatvam iṣyatāṃ jñānāsyānityatvāt tato 'nanyatve puruṣasyānityatvaprasaṃga iti cet svarūpasaṃvedanād apy anityatvād ātmano 'nanyatve kathaṃcid anityatvaprasaṃgo duḥparihāra eva svarūpasaṃvedanasya nityatve 'rthasaṃvedanasyāpi nityatā syādeva parāpekṣātas tasyānityatve svarūpasaṃvedanasyāpyanityatvam astu na cātmanaḥ kathaṃcid anityatvam ayuktaṃ sarvathā nityatve pramāṇavirodhāt so 'yaṃ sāṃkhyaḥpuruṣaṃ kādācit kārthasaṃcetanāt makam api niratiśayaṃ nityam ācakṣāṇo jñānāt kādācitkād ananyatvam anityatvabhayān napratipadyata iti kim api mahādbhutaṃ pradhānasya cānityatvād vyaktād anarthāṃtarabhūtasya nityatāṃpratīyan puruṣasyāpi jñānād aśāśvatād anarthāṃtarabhūtasya nityatvam upaitu sarvathā viśeṣābhāvāt kevalaṃjñānapariṇāmāśrayasya pradhānasyādṛṣṭasyāpiparikalpanāyāṃ jñānātmakasya ca puruṣasya svārthavyavasāyino dṛṣṭasya hāniḥpāpīyasī syāt dṛṣṭahānir adṛṣṭaparikalpanā ca pāpīyasīti sakalaprekṣāvatām abhyupagamanīyatvāt tatastāṃ parijihīrṣatā puruṣa eva jñānardaśanopayogalakṣaṇaḥ kaścit prakṣīṇakarmā sakalatattvasākṣātkārīmokṣamārgasya praṇetā puṇyaśarīraḥ puṇyāti śayodaye sati sannihitoktaparigrāhakavineyamukhyaḥpratipattavyas tasyaiva mumukṣubhiḥ prekṣāvadbhiḥ stutyatopapatteḥ pradhānaṃ tu mokṣamārgasya praṇetṛ tato'rthāṃtarabhūta evātmā mumukṣubhiḥ stūyate ity akiṃcitkarātmavādy eva brūyān na tato 'nya ity alaṃ prasaṃgena yo 'py āha mā bhūt kapilo nirvāṇasya praṇetā maheśvaravat tasya vicāryamāṇasya tathā vyavasthāpayitum aśakteḥ sugatas tu nirvāṇabhāgopadeśako 'stu sakalabādhakapramāṇābhāvād iti tam api nirākartum upakramate  yo yas tatvato viśvatattvajñatā'petaḥ sa sa nanirvāṇamārgasya pratipādako yathākapilādistathā ca sugata ity evaṃ nāsiddhaṃ sādhanaṃ tattvatoviśvatattvajñatāpetatvasya sugate dharmiṇi sadbhāvāt sa hiviśvatattvānyatītānāgatavartamānāni sākṣāt kurvaṃs taddhetuko'bhyupagaṃtavyaḥ teṣāṃ sugatajñānahetutvābhāve sugatajñāna viṣayatvavirodhāt nākāraṇaṃ viṣaya iti svayam abhidhānāt tathā'tītānāṃ tatkāraṇatve 'pi na vartamānānām arthānāṃ sugatajñānakāraṇatvaṃ samasamayabhāvināṃkāryakāraṇabhāvābhāvād anvayavyatirekānuvidhānāyogāt na hy ananukṛtānvayavyatireko 'rthaḥ kasyacitkāraṇam iti yuktaṃ vaktuṃ nānanukṛtānvayavyatirekaṃ kāraṇam iti pratīteḥ tathā bhaviṣyatāṃ cārthānāṃ nasugatajñānakaraṇatā yuktā yatas tadviṣayaṃ sugatajñānaṃ syād iti viśvatattvajñatāpetatvaṃ sugatasya siddham evatathā paramārthataḥ svarūpamātrāvalaṃbitvāt sarvavijñānānāṃ sugatajñānasyāpi svarūpamātraviṣayatvamevorarīkartavyaṃ tasya bahir arthaviṣayatvesvārthasaṃvedakatvāt sarvācittacaittānām ātmasaṃvedanaṃ pratyakṣam iti vacanaṃvirodham adhyāsīta bahir arthākāratayotpadyamānatvāt sugatajñānasya bahir arthaviṣayatvopacārakalpanāyāṃ naparamārthato bahir arthaviṣayaṃ sugatajñānamatas tattvata iti viśeṣaṇam api nāsiddhaṃ sādhanasya nāpi viruddhaṃvipakṣa eva vṛtter abhāvāt kapilādau sapakṣe 'pi sadbhāvāt nanu tattvato viśvatattvajñatāpetenamokṣamārgasya pratipādakena dignāgācāryādinā sādhanasya vyabhicāra iti cen na tasyāpi pakṣīkṛtatvāt sugatagrahaṇena sugatamatānusāriṇāṃ sarveṣāṃ gṛhītatvāt tarhi syādvādinā'nutpannakevalajñānena tattvatoviśvatattvajñatāpetena sūtrakārādinā nirvāṇamārgasyopadeśakenānaikāṃtikaṃ sādhanam iti cen na tasyāpi sarvaṃjñapratipāditanirvāṇamārgopadeśitvena tadanuvādakatvāt pratipādakatvasiddheḥ sākṣāt tattvatoviśvatattvajña eva hi nirvāṇamārgasya pravaktā gaṇadharadevād ayas tu sūtrakāraparyaṃtās tadanuvaktāra evaguruparvakramāvicchedād iti syādvādināṃ darśanaṃ tato na tairanekāṃtiko hetur yataḥ sugatasya nirvāṇamārgasyopadeśitvābhāvaṃ nasādhayet syān mataṃ na sugatajñānaṃ viśvatattvebhyaḥ samutpannaṃ tadākāratāṃ cāpannaṃ tadadhyavasāyi ca tatsakṣāt kāri saugatair abhidhīyate bhinnakālaṃ kathaṃ grāhyam iti ced grāhyatāṃ viduḥ hetutvam eva yuktijñāstadākārārpaṇakṣamam ity anena tadutpattitād rūpyayogrāhyatvalakṣaṇatvena vyavahāriṇaḥ pratyabhidhānāt yatraivajanayedenāṃ tatraivāsya pramāṇate ty anenaca tadadhyavasāyitvasya pratyakṣalakṣaṇatvena vacanam api nasugatapratyakṣāpekṣayā vyavahārajanāpekṣayaiva tasya vyākhyānāt sugatapratyakṣe svasaṃvedanapratyakṣa ivatallakṣaṇasyāsaṃbhavāt yathaiva hisvasaṃvedanapratyakṣaṃ svasmād anutpadyamānam api svākārama nanukurvāṇaṃ svasmin vyavasāyam ajanayatpratyakṣam iṣyate kalpanāpoḍhābhrāṃtatvalakṣaṇasadbhāvāt tathā yogipratyakṣam api vartamānātītānāgatatattvebhyaḥsvayam anutpadyamānaṃ tadākāram ananukurvat tadavyavasāyam ajanayat pratyakṣaṃ tallakṣaṇayogitvāt pratipadyate katham anyathā sakalārthaviṣayaṃ vidhūtakalpanājālaṃ ca sugatapratyakṣaṃ siddhyet tasya bhāvanāprakarṣaparyaṃtajatvāc ca na samastārthajatvaṃ yuktaṃ'bhāvanā prakarṣaparyaṃtajaṃ ca yogijñānam' iti vacanāt bhāvanā hi dvividhā śrutamayīciṃtāmayī ca tatra śrutamayī śrūyamāṇebhyaḥ parārthānumānavākyebhyaḥ samutpadyamānenaśrutaśabdavācyatām āskaṃdatā nirvṛttā paraṃ prakarṣa pratipadyamānā svārthānumānalakṣaṇayā ciṃtayā nirvṛttāṃciṃtāmayīṃ bhāvanāmārabheta sā ca prakṛṣyamāṇā paraṃ prakarṣaparyaṃtaṃ saṃprāptā yogipratyakṣaṃ janayati tatastatvato viśvatatvajñatāsiddheḥ sugatasya na tadapetatvaṃsiddhyati yato nirvāṇamārgasya pratipādakaḥ sugato na bhaved iti tadapi na vicārakṣamaṃ bhāvanāyā vikalpātmikāyāḥ śrutamayyāś ciṃtāmayyāś cāvastuviṣayāyā vastuviṣayasyayogijñānasya janmavirodhāt kutaścid atattvaviṣayād avikalpajñānāttattvaviṣayasyajñānasyānupalabdheḥ kāmaśokabhayonmādacorasvapnādyupaplutajñānebhyaḥ kāminīm ṛteṣṭajanaśatrusaṃghātāniyatārthagocarāṇāṃ purato'vasthitānām iva darśanasyāpy abhūtārthaviṣayatayā tattvaviṣayatvābhāvāt tathā cābhyadhāyi kāmaśokabhayonmādacorasvapnādyupaplutāḥ abhūtān api paśyaṃti purato 'vasthitāni ve ti nanu cakāmādibhāvanājñānād abhūtānām api kāminyādīnāṃ purato 'vasthitanām iva spaṣṭaṃ sākṣād darśanam upalabhyate kimaṃga punaḥ śrutānumānabhāvanājñānāt paramaprakarṣaprāptāc caturāryasatyānāṃ paramārthasatāṃduḥkhasamudayanirodhamārgāṇāṃ yoginaḥ sākṣād darśanaṃ nabhavatīty ayam artho 'sya ślokasya saugatair vivakṣitaḥ spaṣṭajñānasya bhāvanāprakarṣotpattau kāminyādiṣu bhāvanāprakarṣasya tadviṣayaspaṣṭajñānajanakasya dṛṣṭāṃtatayā pratipādanāt na caśrutānumānabhāvanā jñātam atattvaviṣayaṃ tatas tatvasya prāpyatvāt śrutaṃ hi parārthānumānaṃtrirūpaliṃgaprakāśakaṃ vacanaṃ ciṃtā ca svārthānumānaṃ sādhyāvinābhāvitrirūpaliṃgajñānaṃ tasya viṣayo dvedhā prāpyaś cālaṃbaniyaśca tatrālaṃbyamānasya sādhyasāmānyasya tadviṣayasyāvastutvād atatvaviṣayatve 'pi prāpyasvalakṣaṇāpekṣayātatvaviṣayatvaṃ vyavavasthāpyate vastuviṣayaṃ prāmāṇyaṃ dvayor 'pi pratyakṣānumānayor iti vacanāt yathaiva hipratyakṣād arthaṃ paricchidya pravartamāno 'rthakriyāyāṃ na visaṃvādyata ity arthakriyākāri svalakṣaṇavastuviṣayaṃpratyakṣaṃ pratīyate tathā parārthānumānāt svārthānumānāc cārthaṃ paricchidya pravartamāno 'rthakriyāyāṃ navisaṃvādyata ity arthākriyākāri caturāryasatyavastuviṣayamanumānam āsthīyata ity ubhayoḥ prāpyavastuviṣayaṃ pramāṇyaṃ siddhaṃprātyakṣasyevānumānasyārthāsaṃbhave saṃbhavābhāva sādhanāt tad uktaṃ arthasyāsaṃbhave 'bhāvāt pratyakṣe'pi pramāṇatā pratibaddhasvabhāvasya taddhetutve samaṃ dvayam iti tad evaṃ śrutānumānabhāvanājñānātprakarṣaparyaṃtaprāptāc caturāryasatyajñānasya spaṣṭatamasyotpatter avirodhāt sugatasya viśvatatvajñatāprasiddhaiva paramavaitṛṣṇyavat saṃpūrṇaṃ gataḥ sugata itinirvacanāt sukalaśavat suśabdasya saṃpūrṇavācitvāt saṃpūrṇaṃhi sākṣāc caturāryasatyajñānaṃ saṃprāptaḥ sugata iṣyate tathā śobhanaṃ gataḥ sugata iti suśabdasyaśobhanārthatvāt surūpakanyāvat nirucyate śobhano hy avidyātṛṣṇāśūnyo jñānasaṃtānastasyāśobhanābhyāmavidyātṛṣṇābhyāṃ vyāvṛtatvāt saṃprāptaḥ sugata iti nirāśravacittasaṃtānasya sugatatvavarṇanāt tathā suṣṭhugataḥ sugata iti punar anāvṛtyāgata ity ucyate suśabdasya punar anāvṛtyarthatvāt sunaṣṭajvaravat punaravidyātṛṣṇākrāṃtacittasaṃtānāvṛtter abhāvāt nirāśrava cittasaṃtānasadbhāvāc ca tiṣṭhaṃty eva parādhīnā yeṣāṃ tu mahatī kṛpeti vacanāt kṛpā hi trividhā sattvālaṃbanā putrakalatrādiṣu dharmālabanā saṃghādiṣu nirālaṃbanā saṃpuṭasaṃdaṣṭamaṃḍūkoddharaṇādiṣu tatra mahatī nirālaṃbanā kṛpā sugatānāṃsattvadharmānapekṣatvād iti te tiṣṭhaṃty eva na kadācinnirvāṃti dharmadeśanayā jagad upakāraniratatvāj jagataś cānaṃtatvāt 'buddho bhaveyaṃjagate hitāye' ti bhāvanayā buddhatva saṃvartakasya dharmaviśeṣasyotpatter dharmadeśanāvirodhābhāvād vivakṣāmaṃtareṇāpi vidhūtakalpanājālasya buddhasyamokṣamārgopadeśinyā vāco dharmaviśeṣād eva pravṛtteḥ sa eva nirvāṇamārgasyapratipādakaḥ samavatiṣṭhate viśvatattvajñattvāt kārtsnyato vitṛṣṇatvāc ceti kecid ācakṣate sautrāṃtikamatānusāriṇaḥsaugatās teṣāṃ tattvavyavasthām eva na saṃbhāvayāmaḥ kiṃ punar viśvatattvajñaḥ sugataḥ sa ca nirvāṇamārgasyapratipādaka ity asaṃbhāvyamānaṃ pramāṇaviruddhaṃ pratipadyemahi tathāhi pratikṣaṇavinaśvarā vahirarthāḥ paramāṇavaḥ pratyakṣato nānu bhūtā nānu bhūyaṃte sthir asthūlasādhāraṇākārasya pratyakṣabuddhau ghaṭāder arthasya pratibhāsanātyadi punar asyāsannā'saṃspṛṣṭarūpāṃ paramāṇavaḥpratyakṣabuddhau pratibhāsaṃte pratyakṣapṛṣṭabhāvinī tu kalpanā saṃvṛttiḥsthir asthūlasādhāraṇākāram ātmany avidyamānam āropayatīti sāṃvṛtālaṃbanāḥ paṃcavijñā nakāyā iti nigadyaṃte tadāniraṃśānāṃ kṣaṇikaparamāṇūnāṃ kā nāmā'tyāsannateti vicāryaṃ vyavadhānābhāva iti cet tarhisajātīyasya vijātīyasya ca vyavadhāyakasyābhāvāt teṣāṃ vyavadhānābhāvaḥ saṃsarga evoktaḥ syāt sa ca sarvātmanā nasaṃbhavaty evaikaparamāṇumātrapracayaprasaṃgāt nāpy ekadeśene digbhāgabhedena ṣaḍbhi paramāṇubhirekasya paramāṇoḥ saṃsṛṣṭamānasya ṣaḍaṃśatāpatteḥ tata evā saṃsṛṣṭāḥ paramāṇavaḥ pratyakṣeṇālaṃbyaṃta iti cet kathamatyāsannās te virodhād daviṣṭadeśavyavadhānābhāvād atyāsannāsta iti cen na samīpadeśavyavadhānopagamaprasaṃgāt tathā ca samīpadeśavyavadhāyakaṃ vastu vyavadhīyamānaparamāṇubhyāṃ saṃsṛṣṭaṃ vyavahitaṃ vā syātgatyaṃtarābhāvāt na tāvat saṃsṛṣṭaṃ tatsaṃsargasyasarvātmanaikadeśena vā virodhāt nāpi vyavahitaṃvyavadhāyakāṃtaraparikalpanānuṣaṃgāt vyavadhāyakāṃtaram api vyavadhīyamānābhyāṃ saṃsṛṣṭaṃ vyavahitaṃ ceti punaḥparyanuyoge 'navasthānād iti kvātyāsannā'saṃsṛṣṭarūpāḥ paramāṇavo bahiḥ saṃbhaveyuḥ ye pratyakṣaviṣayāḥ syusteṣāṃ pratyakṣāviṣayatve na kāryaliṃgaṃ svabhāvaliṃgaṃ vā paramāṇvātmakaṃ pratyakṣataḥ sidhyet paramāṇvātmakasādhyavatkvacit tadasiddhau ca na kāryakāraṇayor vyāpyavyāpakayor vā tadbhāvaḥ sidhyetpratyakṣānupalaṃbhavyatirekeṇa tatsādhanāsaṃbhavāttadasiddhau ca na svārthānumānamudiyāt tasya liṃgadarśanasaṃbaṃdhasmaraṇābhyāmevodayaprasiddhaiḥ tadabhāve tadanupapatteḥ svārthānumānānupapattau ca na parārthānumānarūpaṃ śrutam iti kva śrutamayī ciṃtāmayīca bhāvanā syāt yatas tatprakarṣaparyaṃtajaṃ yogipratyakṣam urarīkriyate tato na viśvatattvajñatā sugatasya tattvato'sti yena saṃpūrṇaṃ gataḥ sugataḥ śobhanaṃ gataḥ sugataḥ suṣṭhu gata iti suśabdasya saṃpūrṇādyarthatrayam udāhṛtyasugataśabdasya nirvacanatrayam upavarṇyate sakalāvidyātṛṣṇāprahāṇāc ca sarvārthajñānavaitṛṣṇyasiddheḥ sugatasyajagaddhitaiṣiṇaḥ pramāṇabhūtasya sarvadāvasthitasya vidhūtakalpanājālasyāpi dharmaviśeṣādvineyajanasaṃmatatattvopadeśapraṇayanaṃ saṃbhāvyatesautrāṃtikamate vicārya māṇasya paramārthato 'rthasya vyavasthāpanāyogād iti sūktaṃsugato 'pi nirvāṇamārgasya na pratipādakastattvato viśvatattvajñatāpāyāt kapilādivad iti ye 'pijñānaparamāṇava eva pratikṣaṇaviśarāravaḥ paramārthasaṃto na bahirartthaparamāṇavaḥ pramāṇābhāvād avayavyādivaditi yogācāramatānusāriṇaḥ pratipadyaṃte teṣām api na saṃvitparamāṇavaḥ svasaṃvedanapratyakṣataḥprasiddhās tatra teṣām anavabhāsanād aṃtarātmana eva sukha duḥkhādyanekavivartavyāpinaḥ pratibhāsanāt tathāparapratibhāso 'nādyavidyāvāsanābalāt samupajāyamāno bhrāṃta eveti cen na bādhakapramāṇabhāvāt nanv ekaḥpuruṣaḥ kramabhuvaḥ sukhādiparyāyān sahabhuvaś ca guṇān kim ekena svabhāvena vyāpnoty anekena vā na tāvad ekena teṣām ekarūpatāpatteḥ nāpy anekena tasyāpy anekasvabhāvatvāt bhedaprasaṃgād ekatvavirodhād ity api na vādhakaṃ vedyavedakākāraikajñānena tasyāpasāritatvāt saṃvedanaṃ hy ekaṃ vedyavedakākārau svasaṃvitsvabhāvenaikena vyāpnoti na ca tayor ekarūpatā saṃvidrūpeṇaikarūpataiveti cet tarhy ātmā sukhaduḥkhajñānādīnsvabhāvenaikenātmatvena vyāpnoti teṣāmātmarūpatayaikatvāvirodhāt katham evaṃ sukhādibhinnākāraḥ pratibhāsa iti ced vedyādibhinnākāraḥ pratibhāsaḥ katham ekatra saṃvedane syād iti samaḥ paryanuyogaḥ vedyādivāsanābhedād iti cetsukhādiparyāyapariṇāmabhedād ekatrātmani sukhādibhinnākāraḥ pratibhāsaḥ kiṃ na bhavet vedyādyākārapratibhāsabhede 'py ekaṃ saṃvedanamaśakyaviṃvacanatvād iti vadann api sukhādyanekākārapratibhāse 'py eka evātmāśaśvadaśakyavivecanātvād iti vadaṃtaṃ kathaṃ pratyācakṣīta yathaiva hi saṃvedanasyaikasya vedyādyākārāḥ saṃvedanāṃtaraṃnetum aśakyatvād aśakyavivecanāḥ saṃvedanam ekaṃ tathātmanaḥ sukhādyākārāḥ śaśvadātmāṃtaraṃ netum aśakyatvādaśakyavivecanāḥ katham eka evātmā na bhavet yady athāpratibhāsate tattathaiva vyavahartavyaṃ yathāvedyādyākārātmakaikasaṃvedanarūpatayā pratibhāsamānaṃsaṃvedanaṃ tathā ca sukhajñānādyanekākāraikātmarūpatayā pratibhāsamānaścātmā tasmāt tathā vyavahartavya iti nātaḥ sukhādyanekākārātmā pratibhāsamāno nirākartuṃ śakyate yaditu vedyavedakākārayor bhrāṃtatvāt tadviviktam eva saṃvedanamātraṃ paramārthasad iti nigadyate tadātatpracayarūpam ekaparamāṇurūpaṃ vā na tāvat pracayarūpaṃ bahir arthaparamāṇūnām iva saṃvedanaparamāṇūnām apipracayasya vicāryamāṇasyāsaṃbhavāt nāpy ekaparamāṇurūpaṃ sakṛd api tasya pratibhāsābhāvādbahirarthaikaparamāṇuvat tato 'pi na saṃvit paramāṇurūpo 'pi sugataḥ sakalasaṃtānasaṃvitparamāṇurūpāṇi caturāryasatyāniduḥkhādīni paramārthataḥ saṃvedayate vedyavedakabhāvaprasaṃgād iti na tattvato viśvatattvajñaḥ syāt yenāsau nirvāṇamārgasya pratipādakaḥ samanumanyate syān mataṃ saṃvṛttyā vedyavedakabhāvasyasadbhāvāt sugato viśvatattvānāṃ jñātā śreyomārgasya copadeṣṭā stūyate tattvatas tadasaṃbhavād iti tad apyajñaceṣṭitam iti nivedayati  nanu ca saṃvṛtatvāviśeṣe 'pi sugatasvapnasaṃvedanayoḥsugata eva vaṃdyas tasya bhūtasvabhāvatvād viparyayair abādhyamānatvād arthakriyāhetutvāc ca na tusvapnasaṃvedanaṃ vaṃdyaṃ tasya saṃvṛttyāpi bādhyamānatvātbhūtārthatvābhāvād arthakriyāhetutvābhāvāc ceti cen nabhūtatvasāṃvṛtatvayor vipratiṣedhāt bhūtaṃ hi satyaṃsāṃvṛtam asatyaṃ tayoḥ katham ekatra sakṛtsaṃbhavaḥ saṃvṛtiḥ satyaṃ bhūtamiti cen na tasya viparyayair abādhyamānatvāyogāt svapnasaṃvedanād aviśeṣāt nanu ca saṃvṛtir api dvedhāsādir anādiś ca sādiḥ svapnasaṃvedanādiḥ sā vādhyate sugatasaṃvedanā'nādiḥ sā na bādhyatesaṃvṛtitvāviśeṣe 'pīti cen na saṃsārasyābādhyatvaprasaṅgāt sa hy anādir evānādyavidyāvāsanāhetutvāt pravādhyatemuktikāraṇasāmarthyāt anyathā kasyacit saṃsārābhāvāprasiddheḥ saṃvṛtyā sugatasya baṃdyatve caparamārthataḥ kiṃ nāma vaṃdyaṃ syāt saṃvedanādvaitam iti cen na tasya svato 'nyato vā pratipattyabhāvād ity āha  tad dhi saṃvedanādvaitaṃ na tāvatsvataḥ sidhyatipuruṣādvaitavat svarūpasya svatogater abhāvāt anyathā kasyacit tatra vipratipatter ayogāt puruṣādvaitasyāpiprasiddher iṣṭahāniprasaṃgāc ca nanu ca puruṣādvaitaṃ na svato 'vasīyate tasya nityasya sakalakālakalāpavyāpitayāsarvagatasya ca sakaladeśapratiṣṭitatayā vā'nubhavābhāvād iti cen na saṃvedanādvaitasyāpikṣaṇikasyaikakṣaṇasthāyitayā niraṃśasyaikaparamāṇurūpatayā sakṛd apy anubhavābhāvāviśeṣāt yadi punaranyataḥ pramāṇāt saṃvedanādvaitasiddhiḥ syāt tadāpi sveṣṭahānir avaśyaṃbhāvinī sādhyasādhanayorabhyupagame dvaitasiddhiprasaṃgāt yathā cānumānāt saṃvedanādvaitaṃ sādhyate yat saṃvedyate tat saṃvedanameva yathā saṃvedanasvarūpaṃ saṃvedyante ca nīlasukhādīni tathā puruṣādvaitam api vedāṃtavādibhiḥ sādhyate pratibhāsa evedaṃ sarvaṃ pratibhāsamānatvāt yad yat pratibhāsamānaṃ tat tat pratibhāsa eva yathā pratibhāsasvarūpaṃpratibhāsamānaṃ cedaṃ jagat tasmāt pratibhāsa evety anumānāt na hy atra jagataḥ pratibhāsamānatvam asiddhaṃsākṣād asākṣāc ca tasyā'pratibhāsamānatve sakalaśabdavikalpavāggocarātikrāṃtatayā vaktum aśakteḥ pratibhāsaśca cidrūpa eva acidrūpasya pratibhāsatvavirodhāt cinmātraṃ ca puruṣādvaitaṃ tasya cadeśakālākārato vicchedānupalakṣaṇatvāt nityatvaṃ sarvagatatvaṃ nirākāratvaṃ ca vyavatiṣṭhate na hi sakaścit kālo 'sti yaś cinmātrapratibhāsaśūnyaḥpratibhāsaviśeṣasyaiva vicchedān nīlasukhādipratibhāsaviśeṣavat sahy ekadā pratibhāsamāno 'nyadā na pratibhāsate pratibhāsāṃtareṇa vicchedāt pratibhāsamātraṃ tusakalapratibhāsaviśeṣakāle 'py astīti na kālato vicchinnaṃ nāpi deśataḥ kvacid deśe pratibhāsaviśeṣasyadeśāṃtarapratibhāsaviśeṣeṇa vicchede 'pipratibhāsamātrasyāvicchedād iti na deśavicchannaṃ pratibhāsamātraṃ nāpyākāravicchinnaṃ kenacid ākāreṇa pratibhāsaviśeṣasyaivākārāṃtarapratibhāsaviśeṣeṇa vicchedopalabdheḥpratibhāsamātrasya sarvākārapratibhāsaviśeṣeṣu sadbhāvād ākāreṇāpy avicchinnaṃ tat pratibhāsaviśeṣāś cadeśakālākārair vicchidyamānāḥ yadi na pratibhāsaṃte tadā na tadvyavasthā'tiprasaṃgāt pratibhāsante cetpratibhāsamātrāṃtaḥ praviṣṭā eva pratibhāsasvarūpavat nahi pratibhāsamānaṃ kiṃcit pratibhāsamātrāṃtaḥ praviṣṭaṃnopalabdhaṃ yenānaikāṃtikaṃ pratibhāsamānatvaṃ syāt tathā deśakālākārabhedāś ca parair abhyupagamyamānā yadi napratibhāsaṃte katham abhyupagamārhāḥ svayam apratibhāsamānasyāpi kasyacid abhyupagame'tiprasaṃgānivṛtteḥ pratibhāsamānās tu te 'pipratibhāsamātrāṃtaḥ praviṣṭā eveti kathaṃ taiḥ pratibhāsamātrasya vicchedaḥsvarupeṇāsvarupeṇa svasya vicchedānupapatteḥ sann apideśakālākārair vicchedaḥ pratibhāsamātrasya pratibhāsate na vā pratibhāsate cet pratibhāsasvarūpam eva tasya ca viccheda iti nāmakaraṇe na kiṃcid aniṣṭhaṃ na pratibhāsatecet katham asti na pratibhāsate cāsti veti vipratiṣedhāt nanu ca deśakālasvabhāvaviprakṛṣṭāḥ kachaṃcidapratibhāsamānā api saṃtaḥ sadbhir bādhakābhāvād iṣyaṃta eveti cen na teṣām apiśabdajñānenānumānajñānena vā pratibhāsamānatvāt tatrāpy aprati bhāsamānānāṃ sarvathā'stitvavyavasthānupapatteḥ nanvevaṃ śabdavikalpajñāne pratibhāsamānāḥ parasparaviruddhārthapravādāḥ śaśaviṣāṇādayaś ca naṣṭānutpanāś ca rāvaṇaśaṃkhacakravartyādayaḥ katham apākriyaṃto teṣāmanapākaraṇe kathaṃ puruṣādvaitasiddhir iti cen na teṣām apipratibhāsamātrāṃtaḥ praviṣṭatvasādhanāt etena yad ucyate kaiścit advaitaikāṃtapakṣe 'pi dṛṣṭo bhedo virudhyate kārakāṇāṃ kriyāyāś ca naikaṃ svasmāt prajāyate karmadvaitaṃ phaladvaitaṃ lokadvaitaṃ ca no bhaveta vidyāvidyādvayaṃ nasyād vaṃdhamokṣadvayaṃ tatheti tad api pratyākhyātaṃ kriyāṇāṃ kārakāṇāṃ ca dṛṣṭasya bhedasya pratibhāsamānasyapuṇyapāpakarmadvaitasya tatphaladvaitasya ca sukhaduḥkhalakṣaṇasya lokadvaitasyaiha paralokavikalpasyavidyāvidyādvaitasya ca satyetarajñānabhedasyabaṃdhamokṣadvayasya ca pārataṃtryasvabhāvasya pratibhāsamātrāṃtaḥ praviṣṭatvādvirodhakatvāsiddheḥ svayam apratibhāsamānasya ca virodhakatvaṃ durupapādaṃ sveṣṭatattvasyāpi sarveṣāmapratibhāsamānena virodhakena virodhāpatter na kiṃcit tattvam aviruddhaṃ syāt yad apy abhyadhāyi hetoradvaitasiddhiś caiddvaitaṃ syād dhetusādhyayoḥ hetunā cedvinā siddhir dvaitaṃ vāṅmātrato na kiṃ iti tad api napuruṣādvaitavādinaḥ pratikṣepakaṃ pratibhāsamānatvasyahetoḥ sarvasya pratibhāsamātrāṃtaḥ praviṣṭatvasādhanasya svayaṃpratibhāsapratibhāsamātrāṃtaḥ praviṣṭatvasiddher dvaitasiddhinibaṃdhanatvābhāvāt hetunā vinā copaniṣadvākyamātrātpuruṣādvaitasiddhau na vāṅmātrād advaitasiddhiḥ prasajyate na copaniṣadvākyam api paramapuruṣād anyad evatasya pratibhāsamānasya paramapuruṣasvabhāvatvasiddhaiḥ yad api kaiścin nigadyate puruṣādvaitasyānumānāt prasiddhaupakṣahetudṛṣṭāṃtānām avaśyaṃ bhāvāt tair vinā'numānasyānudayāt kutaḥ puruṣādvaitaṃ sidhyet pakṣādibhedasyasiddher iti tad api na yuktimat pakṣādīnām api pratibhāsamānānāṃ pratibhāsāṃtaḥpratiṣṭānāṃpratibhāsamātrābādhakatvād anumānavat teṣām apratibhāsamānānāṃ tu sadbhāvāprasiddheḥ kutaḥ puruṣādvaitavirodhitvaṃ yad apy ucyate kaiścit puruṣādvaitaṃ tattvaṃ pareṇa pramāṇena pratīyamānaṃ prameyaṃ tattvaṃ tatparicchittiś capramitiḥ pramātā ca yadi vidyate tadā kathaṃ puruṣādvaitaṃ pramāṇaprameyapramātṛpramitīnāṃ tāttvikīnāṃ sadbhāvāttattvacatuṣṭayaprasiddhir iti tad api na vicārakṣamaṃ pramāṇādicatuṣṭayasyāpi pratibhāsamānasyapratibhāsamātrātmanaḥ paramabrahmaṇo bahirbhāvābhāvāt tadbahirbhūrtasya dvitīyatvāyogāt etenaṣoḍaśapadārthapratītyā prāgabhāvādipratītyā ca puruṣādvaitaṃ vādhyata iti vadann ivāritaḥ tair apipratibhāsamānair dravyādipadārthair iva pratibhāsamātrādbahirbhūtaiḥ puruṣādvaitasya bādhanāyogāt svayam apratibhāsamānais tusadbhāvavyavasthām apratipadyamānais tasya bādhane śaśaviṣāṇādibhir api sveṣṭapadārthaniyamasyabādhanaprasaṃgāt etena sāṃkhyādiparikalpitair api prakṛtyāditattvaiḥ puruṣādvaitaṃ na bādhyate iti nigaditaṃ boddhavyaṃ na cātraṃ puruṣadvaite yamaniyamāsanaprāṇāyām apratyāhāradhāraṇādhyānasamādhayo 'ṣṭau yogāṃgāni yogo vā saṃprajñāto 'saṃprajñātaś ca yogaphalaṃ ca vibhūtikaivalyalakṣaṇaṃ virudhyate pratibhāsamātrāt tadbahirbhāvābhāvāt pratibhāsamānatvena tathā bhāvaprasiddheḥ ye 'py āhuḥ pratibhāsamānasyāpi vastunaḥpratibhāsād bhedaprasiddheḥ na pratibhāsāṃtaḥpraviṣṭatvaṃ pratibhāso hi jñānaṃ svayaṃ na pratibhāsate svātmanikriyāvirodhāt tasya jñānāṃtaravedyatvasiddher nāpi tadviṣayabhūtaṃ vastu svayaṃ pratibhāsamānaṃ tasya jñeyatvāt jñānenaiva pratibhāsatvasiddher iti svayaṃ pratibhāsamānatvaṃ sādhanam asiddhaṃ na kasyacitpratibhāsāṃtaḥpraviṣṭatvaṃ sādhayet parataḥpratibhāsamānatvaṃ tu viruddhaṃ pratibhāsabahirbhāvasādhanatvād iti te 'pisvadarśanapakṣapātina eva jñānasya svayam apratibhāsanejñānāṃtarād api pratibhāsanavirodhāt pratibhāsata itipratibhāsaikatayā svātaṃtreṇa pratītivirodhāt pratibhāsyata ity evaṃ pratyayaprasaṃgāt tasya pareṇa jñānenapratibhāsamānatvāt parasya jñānasya ca jñānāṃtarāpratibhāsane pratibhāsata iti saṃpratyayo na syāt saṃvedanāṃtareṇapratibhāsyatvāt tathā cānavasthānān na kiṃcitsaṃvedanaṃ vyavatiṣṭhate na ca jñānaṃ pratibhāsata itipratītir bhrāṃtā bādhakābhāvāt svātmani kriyā virodho bādhaka iti cet kā punaḥ svātmani kriyā virudhyate jñaptirutpattir vā na tāvat prathamakalpanā svātmani jñapter virodhābhāvāt svayaṃ prakāśanaṃ hi jñaptiḥ tac casūryyālokanādau svātmani pratīyata eva sūryālokaḥ prakāśate' 'pradīpaḥ prakāśate' iti pratīteḥ dvitīyakalpanā tu na vādhakāriṇī svātmany utpattilakṣaṇāyāḥ kriyāyāḥ parair anabhyupagamāt na hi kiṃcit svasmādutpadyate iti prekṣāvaṃto 'numanyaṃte saṃvedanaṃ svasmād utpadyata iti tu dūrāt sāritam eva tataḥ kathaṃsvātmani kriyāvirodho bādhakaḥ syāt na ca sarvā kriyā vastunaḥ svātmani virudhyata iti pratītir astitiṣṭhaty āstebhavatīti dhātvarthalakṣaṇāyāḥ kriyāyāḥ svātmany eva pratīteḥ tiṣṭhatyāder dhātor akarmakatvātkarmaṇi kriyānutpatteḥ svātmany eva kartari sthānādikriyeti cet tarhi bhāsate taddhātor akarmakatvāt karmaṇikriyāvirodhāt kartary eva pratibhāsanakriyā'stu jñānaṃ pratibhāsata iti pratīteḥ siddhe ca jñānasya svayaṃpratibhāsamānatve sakalasya vastunaḥ svataḥ pratibhāsamānatvaṃ siddham eva sukhaṃ pratibhāsate rūpaṃpratibhāsata ity aṃtarbahirvastunaḥ svātaṃtryeṇa kartṛtām anubhavataḥ pratibhāsanakriyādhikaraṇasya pratibhāsamānasyanirākartum aśakteḥ tato nāsiddhaṃ sādhanaṃ yataḥ puruṣādvaitaṃ na sādhayet nāpi viruddhaṃ parataḥpratibhāsamānatvāpratīteḥ kasyacit pratibhāsād barhirbhāvasādhanāt etena parokṣajñānavādinaḥ saṃvedanasya svaya pratibhāsamānatvam asiddham ācakṣāṇāḥ sakalajñeyasya jñānasya ca jñānāt pratibhāsamānatvāt sādhanasyaviruddhatām abhidadhānāḥ pratidhvastāḥ jñānaṃ prakāśate bahir vastu prakāśata iti pratītyā svayaṃpratibhāsamānatvasya sādhanasya vyavasthāpanāt ye tv ātmāsvayaṃ prakāśata phalajñāna cety āvedayaṃti teṣām ātmani phalajñānevā svayaṃ pratibhāsamānatvaṃ siddhaṃ sarvasya vastunaḥ pratibhāsamānatvaṃ sādhayaty eva tathā hivivādādhyāsitaṃ vastu svayaṃ pratibhāsate pratibhāsamānatvāt yad yat pratibhāsamānaṃ tat tat svayaṃpratibhāsate yathā bhaṭṭamatānusāriṇām ātmā prabhākaramatānusāriṇāṃ vā phalajñānaṃ pratibhāsamānaṃ cāṃtarbahirvastujñānajñeyarūpaṃ vivādādhyāsitaṃ tasmāt svayaṃ pratibhāsate na tāvad atra pratibhāsamānatvam asiddhaṃ sarvasyavastunaḥ sarvathā'py apratibhāsamānasya sadbhāvavirodhāt sākṣād asākṣāc ca pratibhāsamānasya tu siddhaṃpratibhāsamānatvaṃ tato bhavaty eva sādhyasiddhiḥ sādhyāvinābhāvaniyamaniścayād iti niravadyaṃpuruṣādvaitasādhanaṃ saṃvedanādvaitavādino 'bhīṣṭahānaye bhavaty eva na hikāryakāraṇagrāhyagrāhakavācyavācakasādhyasādhakabādhyabādhakaviśeṣaṇaviśeṣyabhāvanirākaraṇāt saṃvedanādvaitaṃ vyavasthāpayituṃ śakyaṃkāryakāraṇabhāvādīnāṃ pratibhāsamānatvāt pratibhāsamātrāṃtaḥpraviṣṭānāṃ nirākartum aśakteḥ svayamapratibhāsamānānāṃ tu saṃbhavābhāvāt saṃvṛtyāpi vyahāravirodhāt sakalavikalpavāggocarātikrāṃtatāpatteḥ saṃvedanamātraṃ caikakṣaṇasthāyi yadi kiṃcit kāryaṃ na kuryāt tadā vastv eva na syāt vastuno'rthakriyākāritvalakṣaṇatvāt karoti cet kāryakāraṇabhāvaḥ sidhyet tasya hetumatve ca saevākāryakāraṇabhāvaḥ kāraṇarahitatve tu nityatāpattiḥ saṃvedanasya sato 'kāraṇavato nityatvaprasiddher itipratibhāsamānātmanaḥ puruṣatvasyaiva siddhiḥ syāt kiṃ ca kṣaṇikasaṃvedanamātrasya grāhyagrāhyakavaidhuryaṃyadi kenacit pramāṇena gṛhyate tadā grāhyagrāhakabhāvaḥ kathaṃ nirākriyeta na gṛhyate cet kutogrāhyagrāhakavaidhuryasiddhiḥ svarūpapasaṃvedanād eveti cettarhi saṃvedanādvaitasya svarūpasaṃvedanaṃ grāhakaṃgrāhyagrāhakavaidhuryaṃ tu grāhyam iti sa evagrāhyagrāhakabhāvaḥ syān mataṃ nānyo 'nubhāvyo budhdyā'sti tasyānānubhavo 'paraḥgrāhyagrāhakavaidhuryāt svayaṃ saiva prakāśata iti vacanān na buddheḥ kiṃcid grāhyam asti nāpi buddhiḥkasyacid grāhyā svarūpe 'pi grāhyagrāhakabhāvābhāvāt 'svarūpasya svato gatir' ity etasyāpi saṃvṛtyābhidhānātparamārthatas tu buddhiḥ svayaṃ prakāśate cakāstīty evocyate na punaḥ svarūpaṃ gṛhṇātigrāhyagrāhakavaidhuryaṃ ca svarūpād avyatiriktaṃ gṛhṇātijānātīty abhidhīyate niraṃśasaṃvedanādvaite tathābhidhānavirodhāditi tad api na puruṣādvaitavādinaḥ pratikūlaṃ svayaṃ prakāśamānasya saṃvedanasyaiva paramapuruṣatvāt na hi tatsaṃvedanaṃ pūrvāparakālavyavacchinnaṃ saṃtānāṃtarabahirarthavyāvṛttaṃ ca pratibhāsate yataḥpūrvāparakṣaṇasaṃtānāṃtarabahirarthānām abhāvaḥ siddhyetteṣāṃ saṃvedanenāgrahaṇād abhāva iti cet svasaṃvedanasyāpisaṃvedanāṃtareṇāgrahaṇād abhāvo 'stu tasya svayaṃ prakāśanān nābhāva iti cet pūrvottarasvasaṃvitkṣaṇānāṃsaṃtānāṃtarasaṃvedanānāṃ ca bahirarthānām iva svayaṃprakāśamānānāṃ katham abhāvaḥ sādhyate kathaṃ teṣāṃ svayaṃprakāśamānatvaṃ jñāyata iti cet svayam aprakāśamānatvaṃteṣāṃ kathaṃ sādhyata iti samānaḥ paryanuyogaḥ svasaṃdenasvarūpasya prakāśamānatvam eva teṣāmaprakāśamānatvam iti cet tarhi teṣāṃ prakāśamānatvam evasvasaṃvedanasyaivāprakāśamānatvaṃ kiṃ na syāt svasaṃvedanasya svayam aprakāśamānatve paraiḥ prakāśamānatvābhāvaḥ sādhayitumaśakyaḥ pratiṣedhasya vidher viṣayatvāt sarvatra sarvadā sarvathā'py asataḥ pratiṣedhavirodhāt iti cet tarhisvasaṃvedanāt pareṣāṃ prakāśamānatvābhāve kathaṃ tatpratiṣedhaḥ sādhyata iti samānaś carcaḥ vikalpapratibhāṣiṇāṃteṣāṃ svasaṃvedanāvabhāsitvaṃ pratiṣidhyata iti cen na vikalpāvabhāsitvād eva svayaṃ prakāśamānatvāsiddheḥ tathāhi yady advikalpapratibhāsi tat tat svayaṃ prakāśate yathā vikalpasvarūpaṃ tathā ca svasaṃvedanapūrvottarakṣaṇāḥsaṃtānāṃtarasaṃvedanāni bahirarthāś ceti svayaṃ prakāśamānatvasiddhiḥ śaśaviṣāṇādibhir vinaṣṭānutpannaiś ca bhāvairvikalpāvabhāsibhir vyabhicāra iti cen na teṣām api pratibhāsamātrāṃtarbhūtānāṃ svayaṃ prakāśamānatvasiddheḥanyathā vikalpāvabhāsitvāyogāt so 'yaṃ saugataḥ sakaladeśakālaviprakṛṣṭān apy arthān vikalpabuddhaupratibhāsamānāt svayam abhyupagamayan svayaṃ prakāśamānatvaṃ nābhyupaitīti kim api mahādbhutaṃ tathābhyupagame ca sarvasya pratibhāsamātrāṃtaḥ praviṣṭatvasiddheḥ puruṣādvaitasiddhir eva syāt na punastadbahirbhūtasaṃvedanādvaitasiddhiḥ mā bhūnniraṃśasaṃvedanādvaitaṃ citrādvaitaṃ citrādvaitasya vyavasthāpanāt kālatrayatrilokavartipadārthākārāsaṃviccitrāpy ekā śaśvadaśakyavivecanatvāt sarvasya vādinas tata eva kvacid ekatvavyavasthāpanātanyathā kasyacid ekatvenābhimatasyāpy ekatvāsiddhir iti cen na evam api paramabrahmaṇa eva prasiddheḥsakaladeśakālākāravyāpinaḥ saṃvin mātrasyaiva paramabrahmatvavacanāt na caikakṣaṇasthāyinī citrā saṃvitcitrādvaitam iti sādhayituṃ śakyate tasyāḥ kāryakāraṇabhūtacitrasaṃvin nāṃtarīyatvaccitrādvaitaprasaṃgāttatkāryakāraṇacitrasaṃvido 'nabhyupagame sadahetukatvān nityatvasiddheḥ kathaṃ na citrādvaitatamaiva brahmādvaitamiti na saṃvedanādvaitavac citrādvaitam api saugatasyavyavatiṣṭhate sarvathā śūnyaṃ tu tatvam asaṃvedyamānaṃ na vyavatiṣṭhate saṃvedyamānaṃ tu sarvatra sarvathā sarvadā paramabrahmaṇo nātiricyate tatrākṣepasamādhānānāṃparamabrahmasādhanānukūlatvāt tato na sugatas tatvataḥsaṃvṛtyā vā viśvatatvajñaḥ saṃbhavatīti na nirvāṇamārgasya pratipādakaḥsyāt  paramapuruṣa eva viśvatatvajñaḥ śreyomārgasya praṇetāvvavatiṣṭhatāṃ tasyoktanyā yena sādhanāt ity aparaḥ so 'pi na vicārasahaḥ puruṣottamasyāpi yathāpratipādanaṃ vicāryamāṇasyāyogāt pratibhāsamātraṃ cidrūpaṃ paramabrahmoktaṃ taś ca yathā paramārthikaṃdeśakālākārāṇāṃ bhede 'pi vyabhicārābhāvāt tatpratibhāsaviśeṣāṇām eva vyabhicārād avyabhicāritvalakṣaṇatvāttasyeti tac ca vicāryate yad etatpratibhāsamātraṃ tat sakalapratibhāsaviśeṣarahitaṃ tat sahitaṃ vā syāt prathamapakṣe tad asiddham eva sakalapratibhāsaviśeṣarahitasya pratibhāsamātrasyānubhavābhāvāt kenacitpratibhāsaviśeṣeṇa sahitasyaiva tasya pratibhāsanāt kvacit pracibhāsaviśeṣasyābhāve 'pi punar anyatra bhāvātkadācid abhāve 'pi cānyadā sadbhāvāt kenacid ākāraviśeṣeṇa tadasaṃbhave 'pi cākārāṃtareṇa saṃbhavād deśakālākāraviśeṣāpekṣatvāt tatpratibhāsaviśeṣāṇāṃ tathā vyabhicārābhāvād avyabhicāritvāsiddheḥtatvalakṣaṇānatikramān na tatvabahirbhāvo yuktaḥ tathāhi yady athaivāvyabhicāri tattathaiva tatvaṃ yathā pratibhāsamātraṃpratibhāsamātratayaiva vyabhicāri tathaiva tatvaṃ aniyatadeśakālākāratayaivāvyabhicārī ca pratibhāsaviśeṣa itiprariābhāsamātravat pratibhāsaviśeṣasyāpi vastutvasiddheḥ na hi yo yaddeśatayāpratibhāsaviśeṣaḥ sa taddeśatāṃ vyabhicarati anyathā bhrāṃtatvaprasaṃgāt śākhādeśatayā caṃdrapratibhāsavat nāpi yo yatkālatayā pratibhāsaviśeṣaḥ sa tatkālatāṃ vyabhicarati tavdyabhicāriṇo'satyatvavyavasthānān niśi madhyaṃdinatayāsvapnapratibhāsaviśeṣavat nāpi yo yadākāratayā pratibhāsaviśeṣaḥ satadākāratāṃ visaṃvadati tadvisaṃvādino mithyājñānatvasiddheḥ kāmalādyupahatacakṣuṣaḥ śukle śaṃkhepītākāratāpratibhāsaviśeṣavat na ca vitathair deśakālākāravyabhicāribhiḥ pratibhāsaviśeṣaiḥ sadṛśā evadeśakālākārāvyabhicāriṇaḥ pratibhāsaviśeṣāḥ pratilakṣayituṃ yujyaṃte yata idaṃ vedāṃtavādināṃ vacanaṃśobheta ādāvaṃte ca yan nāsti vartamāne 'pi tat tathā vitathaiḥ sadṛśāḥ saṃto 'vitathā eva lakṣitāḥ iti teṣāmavitathānām ādāvaṃte cāsatve 'pi vartamāne sattvaprasiddher bādhakapramāṇābhāvāt na hi yathāsvapnādibhrāṃtapratibhāsaviśeṣeṣu tatkāle 'pi bādhakaṃ pramāṇamudeti tathā jāgraddaśāyām abhrāṃtapratibhāsaviśeṣeṣutatra sādhakapramāṇasyaiva sadbhāvāt samyaṅmayā tadā dṛṣṭo 'rtho 'rthakriyākāritvāt tasya mithyātve'rthakriyākāritvavirodhāt iṃdrajālādiparidṛṣṭārthavad iti na ca bhrāṃtetaravyavasthāyāṃ cāṃḍālādayo'pi vipratipadyaṃte tathā coktam akalaṃkadevaiḥ iṃdrajālādiṣu bhrāṃtam īrayaṃti na cāparaṃ apicāṃḍālagopālabālalolavilocanā iti kiṃca tatpratibhāsamātraṃ sāmānyarūpaṃ dravyarūpaṃ vā prathamapakṣe sattāmātram eva syāt tasyaiva parasāmānyarūpatayā pratiṣṭhānāt tasya svayaṃ pratibhāsamānatvepratibhāsamātram eva tattvam anyathā tadavyavasthiter iti cenna sat sad ity anvayajñānāviṣayatvāt sattāsāmānyasyavyavasthiteḥ svayaṃ pratibhāsamānatvāsiddheḥ sattā pratibhāsata iti tu viṣaye viṣayidharmasyopacārātpratibhāsamānaṃ hi viṣayiṇo jñānasya dharmaḥ sa viṣaye sattāsāmānye 'dhyāropyate tadadhyāropanimittaṃ tupratibhāsamānaṃ kriyādhikaraṇatvaṃ yathaiva hi saṃvitpratibhāsate iti kartṛsthā pratibhāsanakriyā tathātadviṣayasthāpy upacaryyate sakarmakasya ghātoḥkartṛkarmasthakriyārthatvāt yathaudanaṃ pacatīti pacanakriyā pācakasthāpācyamānasthā ca pratīyate tadvadakarmakasya dhātoḥ kartṛsthakriyāmātrārthatvāt paramārthataḥkarmasthakriyā'saṃbhavāt kartṛsthā kriyā karmaṇy upacaryyate nanu ca sati mukhye svayaṃ pratibhāsamāne kasyacit pramāṇataḥ siddheparatra tadviṣaye tadupacārakalpanā yuktā yathā'gnau dāhapākādyarthakriyākāriṇi taddharmadarśanān māṇavaketadupacārakalpanā'gnir māṇavaka iti na ca kiṃcit saṃvedanaṃ svayaṃ pratibhāsanaṃ siddhaṃsaṃvedanāṃtarasaṃvedyatvāt saṃvedanasya kvacidavasthānābhāvāt sudūram api gatvā kasyacit saṃvedanasya svayaṃpratibhāsamānasyānabhyupagamāt kathaṃ taddharmasyopacārastadviṣaye ghaṭeteti kaścit so 'pi jñānāṃtaravedyajñānavādinamupālabhatāṃ parokṣajñānavādinaṃ vā nanu ca parokṣajñānavādī bhaṭṭas tāvan nopalaṃbhārhaḥ svayaṃpratibhāsanānasyātmanas tenābhyupagamāt taddharmasyapratibhāsamānasya viṣayeṣūpacāraghaṭanāt ghaṭaḥ pratibhāsate ghaṭādayaḥpratibhāṃsata iti ghaṭapaṭādipratibhāsanān yathānupapatyā ca karaṇabhūtasya parokṣasyāpi jñānasya pratipatteravirodhāt rūpapratibhāsanāc cakṣuḥ pratipattivat tathā karaṇajñānam ātmānaṃ cāpratyakṣaṃ vadan prābhākaro 'pinopālaṃbham arhati phalajñānasya svayaṃ pratibhāsamānasya tena pratijñānāt taddharmasya viṣayeṣūpacārasya siddheḥ phalajñānaṃ ca kartṛkaraṇābhyāṃ vinā nopapadyata iti tad eva kartāraṃ karaṇajñānaṃ cāpratyakṣam api vyavasthāpayati yathā rūpe pratibhāsanakriyā phalarūpācakṣuṣmaṃtaṃ cakṣuś ca pratyāpayatīti kecin manyaṃte teṣām apibhaṭṭamatānusāriṇām ātmanaḥ svarūpaparicchede'rthaparicchedasyāpi siddheḥ svārthaparicchedakapuruṣaprasiddhau tato'nyasya parokṣajñānasya kalpanā na kiṃcid arthaṃ puṣṇāti prabhākaramatānusāriṇāṃ phalajñānasyasvārthaparicchittirūpasya prasiddhau karaṇajñānakalpanāvat kartuḥ karaṇam aṃtareṇa kriyāyāṃ vyāpārānupapatteḥ parokṣajñānasya karaṇasyakalpanānānārthiketi cen na manasaś cakṣurādeś cāṃtarbahiḥparicchittau karaṇasya sadbhāvāt tato bahirbhūtasyakaraṇāṃtarasya kalpanāyām anavasthāprasaṃgāt tataḥsvārthaparicchedakasya puṃsaḥ phalajñānasya vāsvārthaparicchittisvabhāvasya prasiddhau syādvādidarśanasyaivaprasiddhaiḥ svayaṃ pratibhāsamānasyātmano jñānasya vā dharmaḥ kvacittadviṣaye kathaṃcid upacaryyata iti sattāsāmānyaṃ pratibhāsate pratibhāsaviṣayo bhavatīty ucyate na caivaṃpratibhāsamātre tasyānupraveśaḥ sidhyet paramārthataḥ saṃvedanasyaiva svayaṃ pratibhāsamānatvāt syān mataṃ nasattāsāmānyaṃ pratibhāsamātraṃ tasya dravyādimātravyāpakatvāt sāmānyādiṣu prāgabhāvādiṣu cābhāvāt kiṃ tarhisakalabhāvābhāvavyāpakaṃ pratibhāsasāmānyaṃ pratibhāsamātramabhidhīyate iti tad api na samyakpratibhāsasāmānyasya pratibhāsaviśeṣanāṃtarīyakatvātpratibhāsādvaitavirodhāt saṃto 'pi pratibhāsaviśeṣāḥ satyatāṃ napratipadyaṃte saṃvādakatvābhāvāt svapnādipratibhāsaviśeṣavad iti cen na pratibhāsasāmānyasyāpy asatyatvaprasaṃgātśakyaṃ hi vaktuṃ pratibhāsasāmānyam asatyaṃ visaṃvādakatvāt svapnādipratibhāsasāmānyavad iti na hisvapnādipratibhāsaviśeṣā eva visaṃvādino na punaḥ pratibhāsasāmānyaṃ tadvyāpakam iti vaktuṃ yuktaṃśaśaviṣāṇagaganakusumakūrmaromādīnām asatve 'pitadvyāpakasāmānyasya sattvaprasaṃgāt katham asatāṃ vyāpakaṃkiṃcit sat syād iti cet katham asatyānāṃ pratibhāsaviśeṣāṇāṃ vyāpakaṃ pratibhāsasāmānyaṃ satyam iti samo vitarkaḥ tasya sarvatra sarvadā vā vicchedāt satyaṃ tad iti cen na evaṃ deśakālākāraviśiṣṭasyaiva tasyasatyatvasiddheḥ sarvadeśaviśeṣarahitasya sarvakālaviśeṣarahitasya ca sarvākāraviśeṣarahitasyaiva sarvatrasarvathā sarvadeti viśeṣayitum aśakteḥ tathā ca pratibhāsasāmānyaṃ sakaladeśakālākāraviśeṣaviśiṣṭamabhyupagacchann eva vedāṃtavādī svayam ekadravyam anaṃtaparyāyaṃ pāramārthikam iti pratipattum arhatipramāṇabalāyātatvāt tad evāstu paramapuruṣasyaivabodhamayaprakāśaviśadasya mohāndhakārāpahasyāṃryāminaḥ sunirṇītatvāt tatrasaṃśayānāṃ pratighātāt sakalalokodyotanasamartthasya tejonidher aṃśumālino 'pi tasmin satyevapratibhāsanāt asati cāpratibhāsanāditi kaścit tad uktaṃ yo lokān jvalayaty analpamahimā so'py eṣa tejonidhir yasmin saty avabhāti nāsati punar devo 'ṃśumālī svayaṃ tasmin bodhamayaprakāśaviśade mohāṃdhakārāpaheye 'ṃtaryāmini pūruṣe pratiṃhatāḥ saṃśerate te hatāḥ iti tad api napuruṣādvaitavyavasthāpanaparamābhāsate tasyā'ṃtaryāminaḥpuruṣasya bodhamayaprakāśaviśadasyaiva bodhyamayaprakāśyasyāsaṃbhavānupapatteḥ yadipunaḥ sarvaṃ bodhyaṃ bodhamayam eva prakāśamānatvād bodhas vātmavad iti manyate tadā bodhasyāpibodhyamayatvāpattir iti puruṣādvaitam icchatobodhyādvaitasiddhiḥ bodhābhāve kathaṃ bodhyasiddhir iti ced bodhyābhāve 'pibodhasiddhiḥ kathaṃ bodhyanāṃtarīyakatvād bodhasya svapnedrajālādiṣu bodhyābhāve 'pi bodhasiddher nabodhyanāṃtarīyakobodha iti cen na tatrāpibodhyasāmānyasadbhāva eva bodhopapatteḥ na hi saṃśayasvapnādibodho 'pibodhyasāmanyaṃ vyabhicarati bodhyaviśeṣesv eva tasya vyabhicārād bhrāṃtatvasiddheḥ na ca sarvasya bodhyasyasvayaṃ prakāśamātraṃ siddhaṃ svayaṃ prakāśamānabodhaviṣayatayā tasya tathopacārāt svayaṃprakāśamānāṃśumāliprabhābhāraviṣayabhūtānāṃ lokānāṃprakāśamānopacāravat tato yathā lokānāṃ prakāśyānām abhāve na tān aṃśumālījvalayitum alaṃ tathā bodhyānāṃ nīlasukhādīnām abhāve na bodhamayaprakāśaviśado 'ṃtaryāmī tān prakāśayitumīśa iti pratipattavyaṃ tathā cāṃtaḥ prakāśamānān aṃtaparyāyaikapuruṣadravyavat bahiḥprakāśyānaṃtaparyāyaikācetanadravyam apipratijñātavyam iti cetanācetanadravyadvaitasiddhiḥ na puruṣādvaitasiddhiḥsaṃvedanādvaitasiddhivat cetanadravyasya ca sāmānyādeśādekatve 'pi viśeṣādeśād anekatvaṃ saṃsārimuktavikalpāt sarvathaikatvesakṛttadvirodhāt acetanadravyasya sarvathaikatve mūrtāmūrtadravyavirodhavat mūrtimadacetanadravyaṃ hipudgaladravyam anekabhedaṃ paramāṇuskaṃdhavikalpāt pṛthivyādivikalpāc ca dharmādharmākāśakālavikalpam amūrtim addravyaṃcaturdhā caturvidhakāryaviśeṣānumeyam iti dravyasya ṣaṅvidhasya pramāṇabalāt tatvārthālaṃkāraiḥ samarthanāt tatparyāyāṇāṃ cātītān āgatavartamānān aṃtārthavyaṃjanavikalpānāṃ sāmānyataḥ suniścitāsaṃbhavadbādhakapramāṇātparamāgamāt prasiddheḥ sākṣāt kevalajñānaviṣayatvāc ca na dravyaikāṃtasiddhiḥ paryāyaikāṃtasiddhir vā nacaiteṣāṃ sarvadravyaparyāyāṇāṃ kevalajñāne pratibhāsamānānām api pratibhāsamātrāṃtaḥ praveśaḥ sidhyetviṣayaviṣayibhedābhāve sarvābhāvaprasaṃgāt nirviṣayasya pratibhāsasyāsaṃbhavān niḥpratibhāsasya viṣayasyavā'vyavasthānāt tataś cādvaitaikāṃte kārakāṇāṃ karmādīnāṃ kriyāṇāṃ parispaṃdalakṣaṇānāṃ dhātvarthalakṣaṇānāṃ ca dṛṣṭobhedo virudhyata eva tasya pratibhāsamānasyāpi pratibhāsamātrāṃtaḥ praveśābhāvat svayaṃpratibhāsamānajñānaviṣayatayā pratibhāsamānatopacārāt svayaṃpratibhāsyamānatvena vyavasthānāt na ca pratibhāsamātrameva tadbhedaṃ pratibhāsaṃ janayati tasya tadaṃtaḥ praviṣṭasya janyatvavirodhāt pratibhāsamātrasya cajanakatvāyogāt naikaṃ svasmāt prajāyata ity api sūktaṃ tathā karmadvaitasya phaladvaitasya lokadvaitasyaca vidyāvidyādvayavad baṃdhamokṣadvayavac ca pratibhāsamānapramāṇaviṣayatayā vyavasthiteḥ pratibhāsamānasyāpiprameyatayā vyavasthiteḥ pratibhāsamātrāṃtaḥ praveśānupapatter abhāvāpādanaṃ vedāṃtavādinām aniṣṭaṃ sūktam evasamaṃtabhadrasvāmibhiḥ tathā hetor advaitasiddhiḥ yadi pratibhāsamātravyatirekiṇaḥ pratibhāsamānād api yadīṣyatetadā hetusādhyayor dvaitaṃ syād ity api sūktam eva pakṣahetudṛṣṭāṃtānāṃ kutaścit pratibhāsamānānām apipratibhāsamātrānupraveśāsaṃbhavāt etena hetunā vinopaniṣadvākyaviśeṣāt puruṣādvaitasiddhau vāṅmātrātkarmakāṃḍapratipādakavākyādvaitasiddhir api kiṃ na bhavet tasyopaniṣadvākyasya paramabrahmaṇo 'ṃtaḥpraveśāsiddheḥ etena vaiśeṣikādibhiḥ pratijñātapadārthabhedapratītyā puruṣādvaitaṃ bādhyata eva tadbhedasya pratyayaviśeṣātpratibhāsamānasyāpi pratibhāsamātrātmakatvāsiddheḥ kutaḥ paramapuruṣa eva viśvatattvānāṃ jñānā mokṣamārgasya praṇetāvyavatiṣṭhate tad evam īśvarakapilasugatabrahmaṇāṃ viśvatatvajñatāpāyān nirvāṇamārgapraṇayanānupapatter yasyaviśvatattvajñatā karmabhūbhṛtāṃ bhettṛtā mokṣamārgapraṇetṛtā ca pramāṇabalāt siddhā  kiṃ punas tatpramāṇam ity āha  kāni punaraṃtaritatattvāni deśādyaṃtaritatattvānāṃ sattvepramāṇābhāvān na hy asmadādipratyakṣaṃ tatra pramāṇaṃ deśakālasvabhāvāvyabahitavastuviṣayatvāt satsaṃprayoge puruṣasyeṃdriyāṇāṃ yad buddhijanma tat pratyakṣam iti vacanāt nāpy anumānaṃ tatra pramāṇaṃtadavinābhāvino liṃgasyābhāvāt nāpy āgamas tadastitve pramāṇaṃ tasyāpauruṣeyasya svarūpe prāmāṇyasaṃbhavāt pauruṣeyasyāsarvajñapraṇītasya prāmāṇyāsaṃbhavāt pauruṣeyasya sarvajñapraṇītasya tu sarvajñasādhanāt pūrvamasiddheḥ nāpy arthāpattiḥ deśādyaṃtaritatatvairvinā'nupapadyamānasya kasyacid arthasya pramāṇaṣaṭkaprasiddhasyāsaṃbhavāt na copamānam aṃtaritatattvāstitve pramāṇaṃ tatsadṛśasya kasyacid upamānabhūtasyārthasyāsiddherupameyabhūtāṃtaritatattvavat tadupalaṃbhakapramāṇapaṃcakābhāve ca kuto 'ṃtaritatattvāni sidhyeyur yato dharmyasiddhir na bhavet dharmiṇaś cāsiddhau hetur āśrayāsiddha iti kecit te 'tra na parīkṣakāḥ keṣāṃcit sphaṭikādyaṃtaritārthānāmasmadādipratyakṣato 'stitvasiddheḥ pareṣāṃ kuḍyādideśavyavahitānām agnyādīnāṃ tadavinābhāvino dhūmādiliṃgād anumānātkālāṃtaritānām api bhaviṣyatāṃ vṛṣṭyādīnāṃ viśiṣṭameghonnatidarśanād astitvasiddheḥ atītānāṃpāvakādīnāṃ bhasmādiviśeṣadarśanāt prasiddheḥ svabhāvāṃtaritānāṃ tu karaṇaśaktyadīnām arthāpattyāstitvasiddheḥ dharmiṇām aṃtaritatattvānāṃ prasiddhatvād dhetoś cāśrayāsiddhatvānupapatteḥ nanv evaṃ dharmisiddhāv apihetoś cāśrayāsiddhatvābhāve 'pi pakṣo 'prasiddhaviśeṣaṇaḥ syāt arhapratyakṣatvasya sādhyadharmasya kvacidaprasiddher iti na maṃtavyaṃ puruṣaviśeṣasyārhataḥ saṃbaddhavartamānārtheṣu pratyakṣatvapravṛtter avirodhādarhatpratyakṣasya viśeṣaṇasya siddhau virodhābhāvāt tadvirodhe kvacij jaiminyādipratyakṣavirodhāpatteḥ nanu casaṃvṛttyāṃtaritatatvāny arhataḥ pratyakṣāṇīti sādhanesiddhasādhanam eva nipuṇaprajñe tathopacārapravṛtter anivāraṇād ity apināśaṃkanīyam aṃjaseti vacanāt paramārthato hy aṃtaritatattvāni pratyakṣāṇy arhataḥ sādhyaṃte na punarupacārato yataḥ siddhasādhanam anumanyate tathāpi hatorvipakṣavṛtter anaikāṃtikatvam ity āśaṃkāyām idam āha  na hi kānicid deśāṃtaritāni kālāṃtaritāni vā tatvānipakṣabahirbhūtāni saṃti yatas tatra vartamānaḥ prameyatvād iti hetur vyabhicārī syāt tādṛśāṃ sarveṣāṃpakṣīkaraṇāt tathā hi  yathaiva hi dharmādharmatattvāni kānicid deśāṃtaritānideśāṃtaritapuruṣāśrayatvāt kānicit kālāṃtaritāni kālāṃtaritaprāṇigaṇādikaraṇatvāt kānicitsvabhāvāṃtāni deśakālāvyavahitānām api teṣāṃ svabhāvato 'tīṃdriyatvāt tathāhimavanmaṃdaramakarākarādīny api deśāṃtaritāninaṣṭānutpannānaṃtaparyāyatattvāni ca kālāṃtaritāni svabhāvāṃtaritāni caparamāṇvādīni jineśvarasya pratyakṣāṇi sādhyaṃte na ca pakṣīkṛtair eva vyabhicārodbhāvanaṃ yuktaṃ sarvasyānumānasyavyabhicāritvaprasaṃgāt nanu mā bhūd vyabhicārī hetuḥ dṛṣṭāṃtas tu sādhyavikala ity āśaṃkām apahartumāha  ye hy asmādṛśāṃ pratyakṣāḥ saṃbaddhāṃ vartamānāś cārthāste katham arhataḥ puruṣaviśeṣasya pratyakṣāḥ na syus taddeśakālavartinaḥ puruṣāṃtarasyāpi tadapratyakṣatvaprasaṃgāt tato na syādvādina iva sarvajñābhāvavādino 'py atra vivadaṃte vādiprativādinor avivādāc casādhyasādhanadharmayor dṛṣṭāṃtena ca na sādhyavaikalyaṃsādhanavaikalyaṃ vā yato 'nanvayahetuḥ syāt nanv atīṃdriyapratyakṣato'ṃtaritatattvāni pratyakṣāṇyarhataḥ sādhyateṃ kiṃceṃdriyapratyakṣata iti saṃpradhāryaṃ prathamapakṣe sādhyavikalodṛṣṭāṃtaḥ syāt asmādṛkpratyakṣāṇām arthānām atīṃdriyapratyakṣato 'rhatpratyakṣatvāsiddheḥ dvitīyapakṣepramāṇabādhitaḥ pakṣaḥ iṃdriyapratyakṣato dharmādharmādīnāmaṃtaritatattvānām arhatpratyakṣatvasya pramāṇabādhitatvāt tathā hinārhadiṃdriyapratyakṣaṃ dharmādīny aṃtaritatatvāni sākṣāt kartuṃ samartham iṃdriyapratyakṣatvādasmadādīṃdriyapratyakṣavat ity anumānaṃ pakṣasya bādhakaṃna cātra hetoḥ sāṃjanacakṣuḥpratyakṣeṇānaikāṃtikatvaṃ tasyāpidharmādharmādisākṣātkāritvābhāvāt nāpīśvareṃdriyapratyakṣeṇa tasyāsiddhatvāt syādvādinām iva mīmāṃsakānām apitadaprasiddher iti ca na codyaṃ pratyakṣasāmānyato 'rhat prayakṣatvasādhanāt siddhe vāṃtaritatvānāṃ sāmānyato 'rhatpratyakṣatve dharmādisākṣātkāriṇaḥ pratyakṣasya sāmarthyād atīṃdriyapratyakṣatvasiddheḥ tathā dṛṣṭāṃtasyasādhyavaikalyadoṣānavakāśāt katham anyathābhipretānumāne' py ayaṃ doṣo na bhavet tathā hi nityaḥ śabdaḥpratyabhijñāyamānatvāt puruṣavad iti atra kūṭasthanityatvaṃsādhyate kālāṃtarasthāyinityatvaṃ vā prathamakalpanāyāmaprasiddhaviśeṣaṇaḥ pakṣaḥ kūṭasthanityatvasya kvacidanyatrāprasiddhes tatra pratyabhijñānasyaivāsaṃbhavātpūrvāparapariṇāmaśūnyatvāpratyabhijñānasyapūrvottarapariṇāmavyāpiny ekatra vastuni sadbhāvāt puruṣe ca kūṭasthanityatvasyasādhyasyābhāvāt tasya sātiśayatvāt sādhyaśūnyo dṛṣṭāṃtaḥ dvitīyakalpanāyāṃ tu svamatavirodhaḥ śabdekālāṃtarasthāyinityatvasyānabhyupagamāt yadi punarnityatvasāmānyaṃ sādhyate sātiśayetaranityatvaviśeṣasya sādhayitumanupakrāṃtatvād iti mataṃ tadāṃtaritatattvānāṃ pratyakṣasāmānyato 'rhat pratyakṣatāyāṃ sādhyāyāṃ na kiṃciddoṣam utpaśyāmaḥ iti nāprasiddhaviśeṣaṇaḥ pakṣaḥ sādhyaśūnyo vā dṛṣṭāṃtaḥ prasajyate sāṃprataṃ hetoḥsvarūpāsiddhatvaṃ pratiṣedhayann āha  so 'yaṃ mīmāṃsakaḥ pramāṇavalāt sarvasyārthasyavyavasthām abhyupayan ṣaṅbhi pramāṇaiḥ samastārthajñānaṃ vā nivārayan codanāto hi bhūtaṃ bhavaṃtaṃ bhaviṣyaṃtaṃsūkṣmaṃ vyavahitaṃ viprakṛṣṭam ity evaṃ jātīyakam arthamavagamayitum alam iti svayaṃ pratipādyamānaḥsūkṣmāṃtaritadūrārthānāṃ prameyatvamasmatpratyakṣārthānām iva katham apahnuvīta yataḥ sākalyena prameyatvaṃ pakṣavyāpakam asiddhaṃ brūyāt nanu ca pramātary ātmani karaṇe ca jñāne phale ca pramitikriyālakṣaṇe prameyatvāsaṃbhavāt karmatāmāpanneṣvevārtheṣu prameyeṣu bhāvād bhāgāsiddhaṃ sādhanaṃ pakṣāvyāpakatvād iti cen naitad eva pramātur ātmanaḥ sarvathāpyaprameyatve pratyakṣata ivānumānād api pramīyamāṇatvābhāvaprasaṃgāt pratyakṣeṇa hi karmatayā''tmā na pratīyateiti prabhākaradarśanaṃ na punaḥ sarveṇāpi pramāṇena tadvyavasthāpanavirodhāt karaṇajñānaṃ ca pratyakṣataḥkarmatvenāpratīyamānam api ghaṭādyarthaparicchittyanyathānupapatyānumīyamānaṃ na sarvathāpy aprameyaṃ jñātetyanumānād avagacchati buddhim itibhāṣyakārasaṃvaravacanavirodhāt phalajñānaṃ ca pramitilakṣaṇaṃ svasaṃvedanapratyakṣamicchataḥ kāryānumeyaṃ ca katham aprameyaṃ siddhayet etena karaṇajñānasya phalajñānasya ca parokṣatvam icchato 'pibhaṭṭhasyānumeyatvaṃ siddhaṃ boddhavyaṃ ghaṭādyarthaprākaṭyenānumīyamānasya sarvasya jñānasya kathaṃcitprameyatvasiddheḥ tato nāṃtaritatattveṣu dharmiṣuprameyatvaṃ sādhanam asiddhaṃ vādina iva prativādino 'pi kathaṃcit tatraprameyatvaprasiddheḥ saṃdigdhavyatirekam apy etan na bhavatītyāha mithyaikāṃtajñānāni hi niḥśeṣāṇy apiparamāgamānumānābhyām asmadādīnāṃ prameyāṇi ca pratyakṣāṇi cārhata iti na vipakṣatāṃ bhajaṃte tadviṣayās tu parairabhimanyamānāḥ sarvathaikāṃtā niranvayakṣaṇikatvādayo nārhatpratyakṣā iti te vipakṣā eva na ca te kutaścitpramāṇāt pramīyaṃta iti na prameyās teṣām asattvāt tato ye nārhataḥ pratyakṣās te na prameyā yathāsarvathaikāṃtajñānaviṣayā iti sādhyavyāvṛttausādhanavyāvṛttiniścayān niścitavyatirekaṃ prameyatvaṃ sādhanaṃ niścitānvayaṃ caprameyatvaṃ samarthitaṃ tato bhavaty eva sādhyasiddhir ityāha  nanu ca sūkṣmāṃtaritadūrārthānāṃ viśvatattvānāṃsākṣātkartā'rhan na siddhyaty evāsmād anumānāt pakṣasya pramāṇabādhitatvād dhetoś ca bādhitaviṣayatvāt tathā hi deśakālasvabhāvāṃtaritārthā dharmādharmādayo 'rhataḥpratyakṣā iti pakṣaḥ sa cānumānena bādhyate dharmādayo na kasyacitpratyakṣāḥ śaśvadatyaṃtaparokṣatvāt ye tu kasyacit pratyakṣās te nātyaṃtaparokṣāḥ yathā ghaṭādayo 'rthāḥatyaṃtaparokṣāś ca dharmādayas tarasmān na kasyacit pratyakṣā iti na tāvad atyaṃtaparokṣatvaṃ dharmādīnām asiddhaṃkadācit kvacit kathañcit kasyacit pratyakṣatvāsiddheḥ sarvasya pratyakṣasya tadviṣayatvābhāvāt tathā hivivādādhyāsitaṃ pratyakṣaṃ na dharmādyarthaviṣayaṃpratyakṣaśabdavācyatvād yad itthaṃ tad itthaṃ yathāsmadādipratyakṣaṃpratyakṣaśabdavācyaṃ ca vivadādhyāsitaṃ tatpratyakṣaṃ tasmān nadharmādyarthaviṣayaṃ ity anumānena dharmādyarthaviṣayasya pratyakṣasyanirākaraṇāt na cedam asmadādipratyakṣāgocaraviprakṛṣṭārthagrāhi gṛddhravarāhapipīlikādicakṣuḥśrotraghrāṇapratyakṣairvyabhicāri sādhanaṃ teṣām api dharmādisūkṣmādyarthāviṣayatvād asmadādipratyakṣaviṣayasajātīyārthagrahaṇānatikramātsvaviṣayasyaiveṃdriyeṇa grahaṇād iṃdriyāṃtaraviṣayasyāparicchitteḥ nanu caprajñāmeghāsmṛtiśrutyūhāpohaprabodhaśaktīnāṃpratipuruṣam atiśayadarśanāt kasyācit sātiśayaṃ pratyakṣaṃ sidhyatparāṃ kāṣṭhām āpadyamānaṃdharmādisūkṣmādyarthasākṣātkāri saṃbhāvyata eva ity apina maṃtavyaṃ prajñāmedhādibhiḥ puruṣāṇāṃ stokastokāṃtaratvenasātiśayatvadarśanāt kasyacidatīṃdriyārthadarśanānupalabdheḥ tad uktaṃ bhaṭṭena ye 'pi sātiśayā dṛṣṭāḥ prajñāmeghādibhirnarāḥ stokastokāṃtaratvena na tv atīṃdriyadarśanād iti nanu ca kaścit prajñāvān puruṣaḥ śāstraviṣayānsūkṣmānarthānupalabdhuṃ prabhur upalabhyate tadvatpratyakṣato 'pi dharmādisūkṣmānarthān sākṣāt kartuṃ kṣamaḥ kim iti nasaṃbhāvyate jñānātiśayānāṃ niyamayitum aśakter ity api na cetasi nidheyaṃ tasyasvajātyanatikrameṇaiva niratiśayopapatteḥ na hi sātiśayaṃvyākaraṇam atidūram api jānānonakṣatragrahacakrāticārādinirṇayena jyotiḥśāstravido'tiśete tadbuddheḥ śabdāpaśabdayor eva prakarṣopapatteḥ vaiyākaraṇāṃtarātiśāyanasyaiva saṃbhavāt jyotirvido'pi caṃdrārkagrahaṇādiṣu nirṇayena prakarṣaṃ pratipadyamānasyāpi na bhavatyādiśabdasādhutvajñānātiśayena vaiyākaraṇātiśāyitvamutprekṣate tathā vedetihāsādijñānātiśayavato 'pi kasyacin nasvargadevatādharmādharmasākṣātkaraṇam upapadyate etadabhyadhāyi ekaśāstraparijñāne dṛśyate 'tiśayo mahān nanuśāstrāṃtarajñānaṃ tanmātreṇaiva labhyate jñātvā vyākaraṇaṃ dūraṃ buddhiḥ śabdāpaśabdayoḥ prakṛṣyate nanakṣatratithigrahaṇanirṇaye jyortivic ca prakṛṣṭo 'pi caṃdrārkagrahaṇādiṣu na bhavaty ādiśabdānāṃ sādhutvaṃjñātum arhati tathā vedetihāsādijñānātiśayavān api na svargadevatā'pūrvapratyakṣīkaraṇe kṣama iti etena yaduktaṃ sarvajñavādinā jñānaṃ kvacit pararaṃ kāṣṭhāṃ pratipadyate prakṛṣyamāṇatvāt yad yat prakṛṣyamāṇaṃ tat tatkvacit parāṃkāṣṭāṃ pratipadyamānaṃ dṛṣṭaṃ yathā parimāṇamāparamāṇoḥ prakṛṣyamāṇaṃ nabhasi prakṛṣyamāṇaṃ ca jñānaṃ tasmātkvacit parāṃ kāṣṭhāṃ pratipadyata iti tad api pratyākhyātaṃ jñānaṃ hi dharmitvenopādīyamānaṃ pratyakṣajñānaṃ śāstrārthajñānam anumānādijñānaṃ vā bhaved gatyaṃtarābhāvāt tatreṃdriyapratyakṣaṃ pratiprāṇiviśeṣaṃ prakṛṣyamāṇam apisvaviṣayānatikrameṇaiva parāṃ kāṣṭā pratipadyate gṛddhravarāhādīṃdriyapratyakṣajñānavat na punaratīṃdriyārthaviṣayatveneti pratipādanāt śāstrārthajñānam api vyākaraṇādiviṣayaṃ prakṛṣyamāṇaṃ parāṃ kāṣṭhām upavrajan naśāstrāṃtaraviṣayatayā dharmādisākṣātkāritayā vātāmāstidhnute tathā'numānādijñānam api prakṛṣyamāṇam anumeyādiviṣayatayāparāṃ kāṣṭhām āskaṃdet na punas tadviṣayasakṣātkāritayā etena jñānasāmānyaṃ dharmi kvacit paramaprakarṣam iyarti prakṛṣyamāṇatvāt paramāṇuvad iti vadann api nirastaḥ pratyakṣādijñānavyaktiṣvanyatamajñānavyakter eva paramaprakarṣagamanasiddhestadvyatirekeṇa jñānasāmānyasya prakarṣagamanānupapattes tasya niratiśayatvāt yady api kenacid abhidhīyate śrutajñānam anumānajñānaṃ vā'bhyasyamānam abhyāsas ātmībhāvetadarthasākṣātkāritayā parāṃ daśām āsadayati tad apisvakīyamanorathamātraṃ kvacid abhyāsasahasreṇāpi jñānasyasvaviṣayaparicchittau viṣayāṃtaraparacchitter anupapatternāhi gaganatalotplavanam abhyasyato 'pi kasyacit puruṣasyayojanaśatasahasrotplavanaṃ lokāṃtotplavanaṃ vā saṃbhāvyatetasya daśahastāṃtarotplavanamātradarśanāt tad apy uktaṃ daśahastāṃtaraṃ vyomni yonāmoslutya gacchati na yojanamasau gantuṃ śakto 'bhyāsaśatair api ity atrābhidhīyate yat tāvaduktaṃ vivādādhyāsitaṃ ca pratyakṣaṃ na dharmmādisūkṣmādyarthaviṣayaṃ pratyakṣaśabdavācyatvādasmadādipratyakṣavad iti tatra kim idaṃ pratyakṣaṃ satsaṃprayoge puruṣasyeṃdriyāṇāṃ buddhijanmapratyakṣam iti cet tarhivivādādhyāsitasya pratyakṣasyaitatpratyakṣavilakṣaṇatvātpratyakṣaśabdavācyatve 'pi na dharmādisūkṣmādyarthaviṣayatvābhāvaḥsidhyati yādṛśaṃ hīṃdriyapratyakṣaṃ pratyakṣaśabdavācyaṃ dharmādyarthāsākṣātkāri dṛṣṭaṃ tādṛśam eva deśāṃtarekālāṃtare ca vivādādhyāsitaṃ pratyakṣaṃ tathā sādhayituṃyuktaṃ tathāvidhapratyakṣasyaiva dharmādyaviṣayatvasya sādhanepratyakṣaśabdavācyasya hetor gamakatvopapatteḥ tasya tenāvinābhāvaniyam aniścayāt na punastadvilakṣaṇasyārhatpratyakṣasyadharmādisūkṣmādyarthāviṣayatvābhāvaḥ sādhayituṃ śakyas tasya tadagamakatvād avinābhāvaniyamaniścayānupapatteḥ śabdasāmye 'py arthabhedāt katham anyathā viṣāṇinī vāg gośabdavācyatvāt paśuvad ity anumānaṃgamakaṃ na syāt yadi punar gośabdavācyatvasyāviśeṣo 'pi paśor eva viṣāṇisvaṃ tataḥ sidhyati tatraivatatsādhane tasya gamakatvān na punar vāgādau tasya tadvilakṣaṇatvād iti mataṃ tadā pratyakṣaśabdavācyatvāviśeṣe'pi nārhatpratyakṣasya sūkṣmādyarthaviṣayatvāsiddhir arthabhedāt akṣṇoti vyāpnoti jānātīty akṣaḥ ātmā tam evapratigataṃ pratyakṣam iti hi bhinnārtham eveṃdriyapratyakṣāt tasyāśeṣārthagocaratvāt mukhyapratyakṣatvasiddheḥ tathā hi vivādādhyasitam arhatpratyakṣaṃ mukhyaṃ niḥśeṣadravyaparyāyaviṣayatvāt yat tu na mukhyaṃ tan natathā yathā'smadādipratyakṣaṃ sarvadravyaparyāyaviṣayaṃ cārhatpratyakṣaṃ tasmān mukhyaṃ na cedam asiddhaṃ sādhanaṃ tathā hi sarvadravyaparyāyaviṣayam arhatpratyakṣaṃkramātikrāṃtatvāt kramātikrāṃtaṃ tanmanokṣānapekṣatvān manokṣānapekṣaṃtatsakalakalaṃ kavikalatvāt sakalāpraśamājñānādarśanāvīryalakṣaṇakalaṃ kavikalaṃ tat prakṣīṇakāraṇamohajñānādarśanāvaraṇavīryāṃtarāyatvāt yan netthaṃ tan naivaṃ yathā'smadādipratyakṣaṃ itthaṃ ca tat tasmād evam itihetusiddhiḥ nanu ca prakṣīṇamohādicatuṣṭayatvaṃ kuto 'rhataḥ siddhaṃ tatkāraṇapratipakṣaprakarṣadarśanāt tathā hi mohādicatuṣṭayaṃ kvacid atyaṃtaṃ prakṣīyate tatkāraṇapratipakṣaprakarṣasadbhāvāt yatra yatkāraṇapratipakṣaprakarṣasadbhāvas tatra tad atyaṃtaṃprakṣīyamāṇaṃ dṛṣṭaṃ yathā cakṣuṣi timiraṃ tathā ca kevalini mohādicatuṣṭayasyakāraṇapratipakṣaprakarṣasadbhāvaḥ tasmād atyaṃtaṃ prakṣīyate kiṃ punaḥ kāraṇaṃ mohādicatuṣṭayasyeti ced ucyate mithyādarśanamithyājñānamithyācāritratrayaṃ tasya tadbhāva eva bhāvāt yasya yadbhāva eva bhāvastasyatatkāraṇaṃ yathā śleṣmaviśeṣas timirasya mithyādarśanāditrayasadbhāva eva bhāvaś ca mohādicatuṣṭayasya tasmāttatkāraṇaṃ kaḥ punas tasya pratipakṣa iti cet samyagdarśanāditrayaṃ tattprakarṣe tadapakarṣadarśanāta yasyaprakarṣe yad apakarṣas tasya sa pratipakṣo yathā śītasyāgniḥ samyagdarśanāditrayaprakarṣe 'pakarṣaś camithyādarśanāditrayasya tasmāt tasya pratipakṣaḥ kutaḥpunas tatpratipakṣasya samyagdarśanāditrayasya prakarṣaparyaṃtagamanaṃprakṛṣyamāṇatvāt yat prakṛṣyamāṇaṃ tat kvacitprakarṣaparyaṃtaṃ gacchati yathā parimāṇam āparamāṇoḥ prakṛṣyamāṇaṃ nabhasi prakṛṣyamāṇaṃ ca samyagdarśanāditrayaṃ tasmātkvacitprakarṣaparyaṃtaṃ gacchati yatra yat prakarṣagamanaṃ tatra tatpratipakṣamithyādarśanāditrayam atyaṃtaṃ prakṣīyate yatra yatprakṣayaḥ tatra tatkāryasya mohādikarmacatuṣṭayātyaṃtikaḥ kṣaya ititat kāryāpraśamādikalaṃkacatuṣṭayavaikalyāt siddhaṃ sakalakalaṃkavikalatvam arhatpratyakṣasyamanokṣanirapekṣatvaṃ sādhayati tac cākramavatvaṃ tad apisarvadravyaparyāyaviṣayatvaṃ tato mukhyaṃ tatpratyakṣaṃ prasiddhaṃ sāṃvyavahārikaṃ tu manokṣāpekṣaṃ vaiśadyasya deśataḥsadbhāvāt iti na pratyakṣaśabdavācyatvasādharmyamātrātdharmādisūkṣmādyarthāviṣayatvaṃ vivādādhyāsitasyapratyakṣasya sidhyati yataḥ pakṣasyānumānabādhitatvāt kālātyayāpādiśaṣṭohetuḥ syāt tad evaṃ niravadyād dhetor viśvatattvānāṃ jñātā'rhann evāvatiṣṭhate sakalabādhakapramāṇarahitatvāc catathā hi  yasya dharmādisūkṣmādyarthāḥ pratyakṣā bhagavato 'rhataḥsarvajñasyānumānasāmarthyāt tasya bādhakaṃ pramāṇaṃ pratyakṣādīnām anyatamaṃ bhavet gatyaṃtarābhāvāt tatra natāvad asmadādibhiḥ pratyakṣaṃ sarvatra sarvadā sarvajñasya bādhakaṃ tena trikālabhuvanatrayasyasarvajñarahitasyāparicchedāt tatparicchedetasyāsmadādipratyakṣatvavirodhāt nāpi yogipratyakṣaṃ tadbādhakaṃ tasya tatsādhakatvātsarvatajñabhāvavādināṃ tadanabhyupagamāc ca nāpy anumānopamānārthāpattyāgamānāṃ sāmarthyātsarvajñasyābhāvasiddhiḥteṣāṃ sadviṣayatvāt pratyakṣavat syān mataṃ nārhanniḥśeṣatattvavedī vaktṛtvāt puruṣatvātbrahmādivadityādyanumānāt sarvajñatvanirākṛtiḥ sidhyaty evasarvajñaviruddhasyāsarvajñasya kāryaṃ vacana hi tadabhyupagamyamānaṃsvakāraṇaṃ kiṃcij jñatvaṃ sādhayati tac ca sidhyatsvaviruddhaṃ niḥśeṣajñānaṃ nivartayatīti viruddhakāryopalabdhiḥ śītābhāvesādhye dhūmavadviruddhavyāptopalabdhir vā sarvajñatvena hi viruddhamasarvajñatvaṃ tena ca vyāptaṃvaktṛtvam iti etena puruṣatvopalabdhirviruddhavyāptopalabdhir uktā sarvajñatvena hi viruddham asarvajñatvaṃ tena cavyāptaṃ puruṣatvam iti tathā ca sarvajño yadi vaktā'bhyupagamyate yadi vā puruṣas tathāpi vaktṛtvapuruṣatvābhyāṃtadabhāvaḥ sidhyatīti kecid ācakṣate tad etad apy anumānadvitayaṃ tritayaṃ vā paraiḥ proktaṃ na sarvajñasyabādhakam avinābhāvaniyamaniścayasyāsaṃbhavāt hetor vipakṣe bādhakapramāṇābhāvād asarvajñe hi sādhye tadvipakṣaḥsarvajña eva tatra ca prakṛtasya hetor na bādhakam asti virodho bādhaka iti cen na sarvajñasya vaktṛtvenavirodhāsiddheḥ tasya tena virodho hi sāmānyato viśeṣato vā syāt na tāvat sāmānyato vaktṛtvena sarvajñatvaṃvirudhyate jñānaprakarṣe vaktṛtvasyāpakarṣaprasaṃgāt yad dhi yena viruddhaṃ tatprakarṣe tasyāpakarṣo dṛṣṭo yathāpāvakasya prakarṣe tadvirodhino himasya na ca jñānaprakarṣe vaktṛtvasyāpakarṣo dṛṣṭas tasmān na tat tadviruddhaṃ vaktā ca syāt sarvajñaś ca syād itisaṃdigdhavipakṣavyāvṛttiko hetur na sarvajñābhāvaṃ sādhayet yadi punarvaktṛtvaviśeṣeṇa sarvajñasya virodho 'bhidhīyate tadā hetur asiddha eva na hi paramāttmano yuktiśāstraviruddhovaktṛtvaviśeṣaḥ saṃbhavati yaḥ sarvajñavirodhī tasya yuktiśāstrāviruddhārthavaktṛtvaniścayāt na cayuktiśāstrāvirodhi vaktṛtvaṃ jñānātiśayam aṃtareṇa dṛṣṭaṃtataḥ sakalārthaviṣayaṃ vaktṛtvaṃ yuktiśāstrāvirodhisiddhyatsakalārthaveditvam eva sādhayet iti vaktṛtvaviśeṣo viruddho hetuḥ sādhyaviparītasādhanāt tathā puruṣatvam apisāmānyataḥ sarvajñābhāvasādhanāyopādīyamānaṃ saṃdigdhavipakṣavyāvṛttikam eva sādhyaṃ na sādhayetvipakṣeṇa virodhāsiddheḥ puruṣaś ca syāt kāścit sarvajñaś ceti nahi jñānātiśayena tattpuruṣatvaṃ virudhyatekasyacit sātiśayajñānasya mahāpuruṣatvasiddheḥ puruṣatvaviśeṣo hetuś cet sa yady ajñānādidoṣadūṣitapuruṣatvam ucyatetadā hetur asiddhaḥ parameṣṭhini tathāvidhapuruṣatvāsaṃbhavāt atha nirdoṣapuruṣatvaviśeṣo hetus tadāviruddhaḥ sādhyaviparyayasādhanāt sakalājñānādidoṣavikalapuruṣatvaṃ hi paramātmani sidhyatsakalajñānādiguṇaprakarṣaparyaṃtagamanam eva sādhayettasya tena vyāptatvād iti nānumānaṃ sarvajñasya bādhakaṃ budhyāmahe nāpy upamānaṃ tasyopamānopameyagrahaṇapūrvakatvāt prasiddhe hi gogavayayor upamānopameyabhūtayoḥ sādṛśyedṛśyamānād gor gavaye vijñānām upamānaṃ sādṛśyopādhyupameyaviṣayatvāt tathoktam dṛśyamānād yad anyatravijñānam upajāyate sādṛśyopādhitaḥ kaiścid upamānam iti smṛtaṃ na copamānabhūtānām asmadādīnāmupameyabhūtānāṃ cāsarvajñatvena sādhyānāṃ puruṣaviśeṣāṇāṃ sākṣātkaraṇaṃ saṃbhavati na ca teṣvasākṣātkaraṇeṣu tatsādṛśyaṃ prasidhyati nacāprasiddhatatsādṛśyaḥ sarvajñābhāvavādi sarve 'py asarvajñāḥ puruṣāḥkālāṃtaradeśāṃtaravartino yathāsmad ādaya ity upamānaṃ kartum utsahate jātyaṃdha iva dugdhasya bakopamānaṃ tatsākṣātkaraṇe vā sa eva sarvajña iti katham upamānaṃ tadabhāvasādhanāyālaṃ tathārthāpattir api nasarvajñarahitaṃ jagat sarvadā sādhayituṃ kṣamā kṣīṇatvāttasyāḥ sādhyāvinābhāvaniyamābhāvāt sarvajñena rahitaṃ jagattatkṛtadharmādyupadeśāsaṃbhavānyathānupapatter ityarthāpattir api na sādhīyasīsarvajñakṛtadharmādyupadeśāsaṃbhavasyārthāpattyutthāpakasyārthasyapratyakṣādyanyatamapramāṇena vijñātum aśakteḥ nanv apauruṣād vedād eva dharmādyupadeśasiddheḥ dharme codanaiva pramāṇām iti vacanān na dharmādisākṣātkarī kaścit puruṣaḥ saṃbhavati yato 'sau dharmādyupadeśakārī syāt tataḥ siddha eva sarvajñakṛtadharmādyupadeśāsaṃbhava iti cen na vedād apauruṣeyād dharmādyupadeśaniścayāyogāt sahivedaḥ kenacid vyākhyāto dharmasya pratipādakaḥ syād avyākhyāto vā prathamapakṣe tadvyākhyātā rāgādimānvirogā vā rāgādimāṃś cen na tadvyākhyānād vedārthaniścayas tadasatyatvasya saṃbhavāt vyākhyātā hirāgād dveṣād ajñānād vā vitathārtham api vyācakṣāṇo dṛṣṭa iti vedārthaṃ vitatham api vyācakṣīta avitatham apivyācakṣīta niyāmakābhāvāt guruparvakrāmāyātavedārthavedī mahājano niyāmaka iti cen na tasyāpirāgādimatve yathārthaveditvānirṇayānupapatteḥ guruparvakramāyāt asya vitathārthasyāpi vede saṃbhāvyamānatvād upaniṣadvākyārthavad īśvarādyarthavad vā na hi saguruparvakramāyāto na bhavati vedārtho vā na cāvitathaḥ pratipadyatemīmāṃsakais tadvadagniṣṭomena yajeta svargakāma ity ādi vedavākyasyāpy arthaḥ kathaṃ vitathaḥ puruṣavyākhyānān naśakyeta vaktuṃ yadi punar vītarāgadveṣamoho vedasya vyākhyātā pratijñāyate tadā sa eva puruṣaviśeṣaḥsarvajñaḥ kim iti na kṣamyate vedārthānuṣṭhānaparāyaṇa eva vītarāgadveṣaḥ puruṣo 'bhyupagamyate vedārthavyākhyānaviṣayaeva rāgadveṣābhāvāt na punar vītasakalaviṣayarāgadveṣaḥ kaścit kasyacit kvacid viṣayavītarāgadveṣasyāpiviṣayāṃtare rāgadveṣadarśanāt tathāvedārthaviṣaya eva vītamohapuraṣas tadvyākhyātā'bhyanujñāyate na sakalaviṣayekasyacit kvacit sātiśayajñānasadbhāve 'pi viṣayāṃtureṣu ajñānadarśanāt na ca sakalaviṣayarāgadveṣaprakṣayojñānaprakarṣo vā vedārthaṃ vyācakṣāṇasyopayogī yo hi yadvyācaṣṭe tasya tadviṣayarāgadveṣājñānābhāvaḥprekṣāvadbhir anviṣyate rāgādimato vipralaṃbhasaṃbhavāt na punaḥ sarvaviṣaye kasyacic chāstrāṃtareyathārthavyākhyānanirṇayavigedhāt tathāpi tadanveṣaṇe casarvajñavītarāga eva sarvasya śāstrasya vyākhyātābhyupagaṃtavya ityasarvajñaśāstravyākhyānavyavahāro nikhilajanaprasiddho 'pi na bhavet na caidaṃ yugīnaśāstravyākhyātā kaścitprakṣīṇāśeṣarāgadveṣaḥ sarvajñaḥ pratīyate itiniyataviṣayaśāstrārthaparijñānaṃ tadviṣayarāgadveṣarahitatvaṃ cayathārthavyākhyānanibaṃdhanaṃ tadvyākhyātur abhyupagaṃtavyaṃtac ca vedārthavyācakṣāṇasyāpibrahmaprajāpatimanupramukhajaininyāder vidyate eva tasyavedārthaviṣayājñānarāgadveṣavikalatvād anyathā tadvyākhyānasya śiṣṭaparamparayāparigrahavirodhāt tato vedasya vyākhyātā tadarthajña eva na punaḥ sarvajñaḥ tadviṣayarāgadveṣarahita eva na punaḥsakalaviṣayarāgadveṣaśūnyo yataḥ sarvajño vītarāgaś ca puruṣaviśeṣaḥ kṣamyate iti kecit te 'pi na mīmāṃsakā sakalasamayavyākhyānasya yathārthabhāvānuṣaṃgāt syān mataṃ samayāṃtarāṇāṃ vyākhyānaṃ na yathārthaṃbādhakapramāṇasadbhāvāt prasiddhamithyopadeśavyākhyānavat iti tad api na vicārakṣamaṃ vedavyākhyānasyāpibādhakasadbhāvāt yathaiva hi sugatakapilādisamayāṃtarāṇāṃ parasparaviruddhārthābhidhāyitvaṃ bādhakaṃ tathā bhāvanāniyogavidhidhātvarthādivedavākyārthavyākhyānānām api tatprasiddham eva na caiceṣāṃ madhye bhāvanāmātrasyaniyogamātrasya vā vedavākyārthasyānyayogavyavacchedena nirṇayaḥ kartuṃ śakyate sarvathā viśeṣābhāvāttatrākṣepasamādhānānāṃ samānatvād iti devāgamālaṃkṛtau tattvārthālaṃkāre vidyānandamahodaye ca vistarato nirṇītaṃpratipattavyaṃ tato na kenacit puruṣeṇa vyākhyātād vedād dharmādyupadeśaḥ samavatiṣṭhate nāpy avyākhyātāt tasya svayaṃ svārthapratipādakatvenatadarthavipratipattyabhāvapraṃsagāt dṛśyate ca tadarthavipratipattir vedavādinām itina vedād dharmādyupadeśasya saṃbhavaḥ puruṣaviśeṣād eva sarvajñavītarāgāt tasya saṃbhavāt tato nadharmādyupadeśāsaṃbhavaḥ puruṣaviśeṣasya siddheḥ yaḥsarvajñarahitaṃ jagat sādhayed iti kuto 'rthāpattiḥ sarvajñasya bādhikā yadipunar āgamaḥ sarvajñasya bādhakaḥ tadāpy asāvapauruṣeyaḥ pauruṣeyo vā na tāvad apauruṣeyas tasya kāryād arthādanyatra paraiḥ pramāṇyāniṣṭer anyathāniṣṭāsiddhiprasaṃgāt nāpi pauruṣeyas tasyāsarvajñapuruṣapraṇītasya pramāṇyānupapatteḥsarvajñapraṇītasya tu pareṣām asiddher anyathā sarvajñasiddheḥ tatas tadabhāvāyogād iti na prabhākaramatānusāriṇāṃpratyakṣādipramāṇānām anyatamam api pramāṇaṃ sarvajñābhāvāsādhanāyālaṃ yataḥ sarvajñabādhakam abhidhīyate bhaṭṭamatānusāriṇām api sarvajñasyābhāvasādhanam abhāvapramāṇaṃ nopapadyata eva tad dhisadupalaṃbhapramāṇapaṃcakanivṛttirūpaṃ sā casarvajñaviṣayasadupalaṃbhakapramāṇapaṃcakanivṛttir ātmanaḥ pariṇāmo vā vijñānaṃvānyavastuni syād gatyaṃtarābhāvāt na tāvat sarvajñaviṣayapratyakṣādipramāṇarūpeṇātmanaḥ pariṇāmaḥsarvajñasyābhāvasādhakaḥ saty api sarvajñe tatsaṃbhavāt tadviṣayasya jñānasyāsaṃbhavāt tasyātīṃdriyatvātparacetovṛttiviśeṣavat nāpi niṣedhyāt sarvajñād anyavastuni vijñānaṃ tadekajñānasaṃsargiṇaḥ kasyacid vastuno 'bhāvātghaṭaikajñānasaṃsargibhūtalavat na hi yathā ghaṭabhūtalayoś cākṣuṣaikajñānasaṃsargāt kevalabhūtalepratiṣedhyād ghaṭād anyatra vastuni vijñānaṃghaṭābhāvavyavahāraṃ sādhayati tathā pratiṣedhyāt sarvajñād anyatra vastunivijñānaṃ na tadabhāvasādhanasamarthaṃ saṃbhavati sarvajñasyātīṃdriyatvāt tadviṣayajñānasyāsaṃbhavāttadekajñānasaṃsargiṇo 'smadādipratyakṣasya kasyacid vastuno'bhyupagamād anumānādyekajñānena sarvajñatadanyavastunoḥsaṃsargāt sarvajñaikajñānasaṃsargiṇi kvacid anumeye 'rthe'numānajñānaṃ saṃbhavaty eveti cetra tathā kvacitsarvajñasya siddhiprasaṃgāt sarvatra sarvadā sarvasyasarvajñasyābhāve kasyacid vastunas tenaikajñānasaṃsargāyogāttadanyavastuvijñānalakṣaṇād abhāvapramāṇātsarvajñābhāvasādhanavirodhāt kiṃ ca gṛhītvā niṣedhyādhāravastusadbhāvaṃ smṛtvā catatpratiyoginaṃ niṣedhyam arthaṃ nāstīti jñānaṃ mānasam akṣānapekṣaṃ jāyata iti yeṣāṃ darśanaṃ teṣāṃniṣedhyasarvajñādhārabhūtaṃ trikālaṃ bhuvanatrayaṃ ca kutaścit pramāṇād grāhyaṃ tatpratiyogī ca pratiṣedhyaḥsarvajñaḥ smarttavya evānyathā tatra nāstitājñānasya mānasasyānupapatter na caniṣedhyādhāratrikālajagatrayasadbhāvagrahaṇaṃ kutaścitpramāṇān mīmāṃsakasyāsti nāpi pratiṣedhyasarvajñasya smaraṇaṃ tasyaprāgananubhūtatvāt pūrvaṃ tadanubhave vā kvacit sarvatrasarvadā sarvajñābhāvasādhanavirodhāt nanu ca parābhyupagamāt sarvajñaḥsiddhas tadādhārabhūtaṃ ca trikālaṃ bhuvanatrayaṃ siddhaṃ tatra śrutasarvajñasmaraṇanimittaṃ tadādhāravastugrahaṇanimittaṃca sarvajñe nāstitājñānaṃ mānasam akṣānapekṣaṃ yuktam eveti cen na sveṣṭabādhanaprasaṃgāt parābhyupagamasya hipramāṇasiddhatve tena siddhaṃ sarvajñaṃ pratiṣedhato 'bhāvapramāṇasya tadbādhanaprasaṃgāt tasyāpramāṇatve na tatoniṣedhyādhāravastugrahaṇaṃ niṣedhyasarvajñasmaraṇaṃ vā tathyaṃ syāt tadabhāve tatra sarvajñe 'bhāvapramāṇaṃ naprādur bhaved iti tad eva sveṣṭabādhanaṃ durvāram āyātaṃ nanvekaṃ mithyaikāṃtasya pratiṣedhaḥ syādvādibhiḥ kathaṃ vidhīyatetasya kvacit kathaṃcit kadācid anubhavābhāve smaraṇāsaṃbhavāt tasyānanusmaryamāṇasya pratiṣedhāyogāt kvacidācittadanubhave vā sarvathā tatpratiṣedhavirodhāt parābhyupagamāt prasiddhasya mithyaikāṃtasya smaryamāṇasyapratiṣedhe 'pi sa parābhyupagamaḥ pramāṇam apramāṇaṃ vā yadi pramāṇaṃ tadā tenaiva mithyaikāṃtasyābhāvasādhanāyapravartamānaṃ pramāṇaṃ bādhyate iti syādvādinām api sveṣṭabādhanaṃ yadi punar apramāṇaṃ parābhyupagamas tadāpitataḥ siddhasya mithyaikāṃtasya smaryamāṇasya nāstīti jñānaṃ prajāyamānaṃ mithyaiva syād iti tad eva sveṣṭabādhanaṃpareṣām iveti na maṃtavya syādvādinām anekāṃtasiddher eva mithyaikāṃtaniṣedhanasya vyavasthānāt pramāṇataḥ prasiddhehi bahiraṃtar vā vastuny anekāṃtātmani tatrādhyāropyamāṇasya mithyaikāṃtasya darśanamohodayākulitacetasāṃ buddhauviparītābhiniveśasya pratibhāsamānasya pratibedhaḥ kriyate pratiṣedhavyavahāro vā pravartatevipratipannapratyāyanāya sannayopanyāsāt na caivam asarvajñajagatsiddher eva sarvajñapratiṣedho yujyate tasyāḥ kutaścitpramāṇād asaṃbhavasya samarthanāt tad evam abhāvapramāṇasyāpi sarvajñabādhakasyasadupalaṃbhakapramāṇapaṃcakavadasaṃbhavādeśāṃtarakālāṃtarapuruṣāṃtarāpekṣayā'pi tadbādhakaśaṃkānavakāśāt siddhaḥ sunirṇītāsaṃbhavadbādhakapramāṇaḥsarvajñaḥ svasukhādivat sarvatra vastusiddhau sunirṇītāsaṃbhavadbādhakapramāṇatvam aṃtareṇāśvāsanibaṃdhanasyakasyacid abhāvāt sa ca viśvatatvānāṃ jñātārhann eva parameśvarāder viśvatatvajñatāniṃrākaraṇād evāvasīyate sa evakarmabhūbhṛtāṃ bhettā niścīyate 'nyathā tasya viśvatatvajñatānupapatteḥ syād ākūtaṃ karmaṇāṃ kāryakāraṇasaṃtānenaprarvatamānānām anāditvād vināśahetor abhāvāt kathaṃ karmabhūbhṛtāṃ bhettā viśvatattvajño 'pi kaścidvyavasthāpyate iti tad apy asat vipakṣaprakarṣaparyaṃtagamanātkarmaṇāṃ saṃtānarūpatayānāditve 'pi prakṣayaprasiddheḥ na hyanādisaṃtatir api śītasparśaḥ kvacid vipakṣasyoṣṇasparśasyaprakarṣaparyaṃtagamanān nirmūlaṃ pralayam upabrajannopalabdho nāpi kāryakāraṇarūpatayā bījāṃkurasaṃtāno vānādirapi pratipakṣabhūtadahanān nirdagdhakījo nirdagdhāṃkuro vā napratīyata iti vaktuṃ śakyaṃ yataḥ karmabhūbhṛtāṃ saṃtānonādirapi kvacit pratipakṣas ātmībhāvān na prakṣīyate tato yathāśītasyoṣṇasparśaprakarṣaviśeṣeṇa kaścid bhettā tathākarmabhūbhṛtāṃ tadvipakṣaprakarṣaviśeṣeṇa bhettā bhagavānviśvatatvajña iti suniścitaṃ naścetaḥ kaḥ punaḥ karmabhūbhṛtāṃ vipakṣa iti ced ucyate  dvividhā hi karmabhūbhṛtaḥ kecid āgāminaḥ parepūrvabhavasaṃtānasaṃcitās tatrāgāmināṃ karmabhūbhṛtāṃ vipakṣas tāvat saṃvaras tasmin sati teṣām anutpatteḥ saṃvaro hikarmaṇāmāśravanirodhaḥ sacāśravo mithyādarśanāviratipramādakaṣāyayogavikalpāt paṃcavidhas tasmin satikarmaṇāmāsravāt karmāgamanahetor āsrava iti vyapadeśāt karmāṇy āsravaṃty āgacchaṃti yasmād ātmani saāsrava iti nirvacanāt sa eva hi vaṃdhahetur viniścitaḥ prāgviśeṣeṇa mithyājñānasya mithyādarśane 'ṃtarbhāvāttannirodhaḥ punaḥ kārtsnyato deśato vā tatra kārtsnyato guptibhiḥ samyagyoganigrahalakṣaṇābhir vidhīyate samitidharmānuprekṣāparīṣahajayacāritrais tu deśatas tannirodhaḥ siddhaḥ samyagyoganigrahas tu sākṣādayogakevalinaścaram akṣaṇaprāptasya procyate tasyaivasakalakarmabhūbhṛnnirodhanivaṃdhanatvasiddheḥ samyagdarśanāditrayasyacaramakṣaṇapariprāptasya sākṣān mokṣahetos tathābhidhānāt pūrvatra guṇasthāne tadabhāvād yogasadbhāvātsayogakevalikṣīṇakaṣāyopaśāṃtakaṣāyaguṇasthāne tato 'pi pūrvatra sūkṣmasāṃparāyānivṛttivādarasāṃ parāye cāpūrvakaraṇecāpramatte ca kaṣāyayogaviśiṣṭasadbhāvāt tato 'pi pūrvatra pramattaguṇasthāne pramādakaṣāyayoganirṇītesaṃyatāsaṃyatasamyagdṛṣṭīguṇasthāne pramādakaṣāyaviśiṣṭayogānāṃ tato 'pi pūrvasmin guṇasthānatrayekaṣāyapramādāviratamithyādarśanaviśiṣṭayogasadbhāvaniścayāt yogo hi trividhaḥ kāyādibhedāt ' kāyavāṅmanaḥkarma yogaḥ iti sūtrakāravacanāt kāyavargaṇālaṃbano hy ātmapradeśaparispaṃdaḥ kāyayogo vāgvargaṇālaṃbanovāgyogo manovargaṇālaṃbano manoyogaḥ 'sa āsrava iti vacanāt mithyādarśanāviratipramādakaṣāyāṇām āsravatvaṃna syād iti na maṃtavyaṃ yogasya sakalāśravavyāpakatvāt tadgrahaṇād eva teṣāṃ parigrahāt tannigraheteṣān nigrahāprasiddheḥ yoganigrahe mithyādarśanādīnāṃnigrahaḥ siddha evāyogakevalini tadabhāvāt kaṣāyanigrahetatpūrvāsravanirodhavat kṣīṇakaṣāye pramādanigrahe pūrvāsravanirodhavadapramattādau sarvāviratinirodhetatpūrvāsravamithyādarśananirodhavac ca pramattesaṃyatāsaṃyate ca mithyādarśananirodhe tatpūrvāsravanirodhavac casāsādanādau pūrvapūrvāsravanirodhe hy uttarāsravanirodhaḥ sādhya eva na punar uttarāsravanirodhe pūrvāsravanirodhastatra tasya siddhatvāt kāyādiyoganirodhe 'py evaṃ vaktavyaṃ tatrāpy uttarayoganirodhepūrvayoganirodhasyāvaśyaṃbhāvāt kāyayoganirodhe hitatpūrvavāṅmānasanirodhaḥ siddha eva vāgyoganirodhe ca manoyoganirodhaḥpūrvayoganirodhe tūttarayoganirodho bhājyata iti sakalayoganirodhalakṣaṇayā paramaguptyāsakalāsravanirodhaḥ paramasaṃvaraḥ siddhaḥ samityādibhiḥ punar aparaḥ saṃvaro deśata evāsravanirodhasadbhāvāt tatra hi yoyadāsravapratipakṣaḥ sa tasya saṃvara iti yathāyogam āgamāvirodhenābhidhānīyaṃ karmāgamanakāraṇasyāsravasyanirodhe karmabhūbhṛtām āgāminām anutpattisiddher anyathā teṣām ahetukatvāpatteḥ sarvasya saṃsāriṇaḥsarvakarmāgamanaprasakteś ca tataḥ saṃvaro vipakṣaḥkarmabhūbhṛtām āgāminām iti sthitaṃ saṃcitānāṃ tu nirjjarā vipakṣaḥ sāca dvividhānupakramopakramikī ca tatra pūrvā yathākālaṃ saṃsāriṇaḥ syāt upakramakī tu tapasādvādaśavidhena sādhyate saṃvaravat yathaivahi tapasā saṃcitānāṃ karmabhūbhṛtāṃ nirjjarā vidhīyate yathā''gāmināṃsaṃvaropīti saṃcitānāṃ karmaṇāṃ nirjarā vipakṣaḥ pratipādyate athaitasya karmaṇāṃ vipakṣasyaparamaprakarṣaḥ kutaḥ prasiddho yatas teṣām ātyaṃtikaḥkṣayaḥ syād ity āha yasya tāratamyaprakarṣas tasya kvacit paramaḥ prakarṣaḥsiddhyati yathoṣṇasya tāratamyaprakarṣaś ca karmaṇāṃ vipakṣasyasaṃvaranirjarālakṣaṇasyāsaṃyatasamyagdṛṣṭyādiguṇasthānaviśeṣeṣupramāṇato niścīyate tasmāt paramātmani tasya paramaḥ prakarṣaḥ siddhyatīty avagamyate duḥkhādiprakarṣeṇa vyabhicāra iti cen na duḥkhasya saptamanarakabhūmau narakāṇāṃ paramaprakarṣāsiddheḥsarvārthasiddhau devānāṃ sāṃsārikasukhaparamaprakarṣavat etena krodhamānamāyālobhānāṃ tāratamyena vyabhicāraśaṃkā nirastāteṣām abhavyeṣu mithyādṛṣṭiṣu ca paramaprakarṣasiddhes tatprakarṣo hi paramo 'naṃtānubaṃdhitvalakṣaṇassa ca tatra prasiddhaḥ krodhādīnām anaṃtānubaṃdhināṃ tatrasadbhāvāt jñānahāniprakarṣeṇa vyabhicāra iti cen na tasyāpikṣāyopaśamikasya hīyamānatayā prakṛṣyamāṇasya prasiddhasya kevalini paramaprakarṣasiddheḥkṣāyikasya tu hāner evānupalabdheḥ kutas tatprakarṣo yenavyabhicāraḥ śakyate ke punaḥ karmabhūbhṛto eṣāṃ vipakṣaḥparamaprakarṣabhāk sādhyata ity ārekāyām idam āha jīvaṃ parataṃtrīkurvaṃti sa parataṃtrīkriyate vā yaistāni karmāṇi jīvena vā mithyādarśanādipariṇāmaiḥ kriyaṃta iti karmāṇi tāni dviprakārāṇi dravyakarmāṇi bhāvakarmāṇi catatra dravyakarmāṇi jñānāvaraṇādīn yaṣṭau mūlaprakṛtibhedāt tathā'ṣṭacatvāriṃśaduttaraśatamuttaraprakṛtivikalpāt tathottaroprakṛtibhedād anekaprakārāṇitāni ca pudgalapariṇāmātmakāni jīvasya pārataṃtryanimittatvānnigaḍādivat krodhādibhir vyabhicāra iti cen na teṣāṃ jīvapariṇāmānāṃ pārataṃtryasvarūpāt pāraṃtatryaṃ hijīvasya krodhādipariṇāmo na punaḥ pārataṃtryanimittaṃ nanu ca jñānāvaraṇadarśanāvaraṇamohanīyāṃtarāyāṇāmevānaṃtajñānadarśanasukhavīryyalakṣaṇajīvasvarūpaghātitvāt pāraṃtatryanimittatvaṃ punarnāmagotrasadvedyāyuṣāṃ teṣām ātmasvarūpāghātitvātpārataṃtryanimittatvāsiddher iti pakṣāvyāpako hetur vanaspaticaitanye svāpavaditi cen na teṣām api jīvasvarūpasiddhatvapratibaṃdhitvāt pārataṃtryanimittatvopapatteḥ katham evaṃ teṣāmaghātikarmatvam iti cej jīvanmuktilakṣaṇaparamārhaṃtyalakṣmīghātikatvābhāvād iti brūmahe tato na pakṣāvyāpako hetuḥ nāpy anyathānupattiniyamaniścayavikalaḥ pudgalapariṇāmātmakasādhyam aṃtareṇa pārataṃtryatimittatvasyasādhanasyānupapattiniyamanirṇayāt tāni ca svakāryeṇa yathānāma pratīyamānenānumīyaṃtedṛṣṭakāraṇavyabhicāradadṛṣṭakāraṇasiddheḥ bhāvakarmāṇi punaś caitanyapariṇāmātmakāni krodhādyātmapariṇāmānāṃkrodhādikarmodayanimittānām audayikatve 'pi kathaṃcid ātmano 'narthāṃtaratvāc cidrūpatvāvirodhāt jñānarūpatvaṃ tuteṣāṃ vipratiṣiddhaṃ jñānasyaudayikatvābhāvāddharmādharmayoḥ karmarūpayor ātmaguṇatvān naudayikatvaṃ nāpipudgalapariṇāmātmakatvam iti kecit te 'pi nayuktivādinaḥ karmaṇām ātmaguṇatve tatpārataṃtryanimitatvāyogāt sarvadā''tmanovaṃdhānupapatter muktiprasaṃgāt na hi yo yasya guṇaḥ sa tasya pāraṃtatryanimittaṃ yathā pṛthivyādeḥrūpādiḥ ātmaguṇaś ca dharmādharmasaṃjñakaṃ karma parairabhyupagamyata iti na tadātmanaḥ pāraṃtatryanimittaṃ syāt tataeva ca 'pradhānavivarttaḥ śuklaṃ kṛṣṇaṃ ca karma ity api mithyā tasyātmapārataṃtryanimittatvābhāve karmatvāyogādanyathāviprasaṃgāt pradhānapāraṃtatryanimittatvāt tasya karmatvam iti cen na pradhānasya tena vaṃdhopagamemokṣopagame ca puruṣakalpanāvaiyarthyāt vaṃdhamokṣaphalānubhavanasya puruṣe pratiṣṭhānān napuruṣakalpanāvaiyarthyām iti cetad etadasaṃvaddhābhidhānaṃpradhānasya vaṃdhamokṣau puruṣas tatphalam anubhavatītikṛtanāśākṛtābhyāgamaprasaṃgāt pradhānena hi kṛtauvaṃdhamokṣau na ca tasya tatphalānubhavanam iti kṛtanāśaḥ puruṣeṇa tu tau na kṛtautatphalānubhavanaṃ ca tasyety akṛtābhyāgamaḥ kathaṃ parihartuṃ śakyaḥ puruṣasya cetanatvāt phalānubhavanaṃ napradhānasyācetanatvād iti cen na muktātmano 'pipradhānakṛtakarmaphalānubhavanānuṣaṃgāt muktasya pradhānasaṃsargābhāvān natatphalānubhavanam iti cet tarhi saṃsāriṇaḥ pradhānasaṃsargād vaṃdhaphalānubhavanaṃ siddhaṃ tathā ca puruṣasyaivavaṃdhaḥ siddhaḥ pradhānena saṃsargasyavaṃdhaphalānubhavananimittasya baṃdharūpatvād baṃdhasyaiva saṃsargga iti nāmakaraṇāt sacātmanaḥ pradhānasaṃsargakāraṇam aṃtareṇa na saṃbhavatīti puruṣasya mithyādarśanādipariṇāmas tatkāraṇam itipratyetavyaṃ pradhānapariṇāmasyaiva tatsaṃsargakāraṇatve muktātmano 'pi tatsaṃsargakāraṇatvaprasakteriti mithyādarśanādīni bhāvakarmāṇi puruṣapariṇāmātmakāny eva puruṣasya pariṇāmitvopapattes tasyāpariṇāmitvevastutvavirodhān niranvayavinaśvarakṣaṇikacittavat dravyakarmāṇi tu pudgalapariṇāmātmakāny eva pradhānasyapudgalaparyāyatvāt pudgalasyeva pradhānam iti nāma karaṇāt na ca pradhānasya pudgalapariṇāmātmakatvam asiddhaṃpṛthivyādipariṇāmātmakatvāt puruṣasyāpudgaladravyasya tadanupalabdhir buddhyahaṃkārādipariṇāmātmakatvāt na hipradhāne buddhyādipariṇāmo ghaṭate tathā hi na pradhānaṃ buddhyādipariṇāmātmakaṃ pṛthivyādipariṇāmātmakatvād yat tubuddhyādipariṇāmātmakaṃ tan na pṛthivyādipariṇāmātmakaṃ dṛṣṭaṃ yathā puruṣadravyaṃ tathā ca pradhānaṃtasmān na buddhyādipariṇāmātmakaṃ puruṣasya buddhyādipariṇāmātmakatvāsiddher na vaidharmyadṛṣṭāṃtateticen na tasya tatsādhanāt tathā hi buddhyādipariṇāmātmakaḥ puruṣaś cetanatvād yas tu nabuddhayādipariṇāmātmakaḥ sa na cetano dṛṣṭo yathā ghaṭādiścetanaś ca puruṣas tasmād buddhyādipariṇāmātmaka iti samyaganumānāt tathākāśapariṇāmātmakatvam api pradhānasya na ghaṭatemūrtimatpṛthivyādipariṇāmātmakasyāmūrtākāśapariṇāmātmakatvavirodhādghaṭādivat śabdāditanmātrāṇāṃ tu pudgaladravyapariṇāmātmakatvam evakarmeṃdriyadravyamanovat bhāvamanobuddhīṃdriyāṇāṃ tupuruṣapariṇāmātmakatvasādhanān na jīvapudgaladravyavyatiriktaṃdravyāṃtaram anyatra dharmādharmākāśakāladravyebhya iti na pradhānaṃ nāma tattvāṃtaram asti sattvarajastamasām apidravyabhāvarūpāṇāṃ pudgaladravyapuruṣadravyapariṇāmatvopapatter anyathā tadaghaṭanād iti dravyakarmāṇipudgalātmakāny eva siddhāni bhāvakarmaṇāṃjīvapariṇāmatvasiddhes tāni ca dravyakarmāṇi pudgalaskaṃdharūpāṇi paramāṇūnāṃkarmatvānupattes teṣāṃ jīvasvarūpapratibaṃdhakatvābhāvād iti karmaskaṃdhasiddhis te ca karmaskaṃdhā bahava itikarmaskaṃdharāśayaḥ siddhās te ca bhūbhṛta iva bhūbhṛta iti vyapadiśyaṃte samādhivacanāt teṣāṃ karmabhūbhṛtāṃ bhedoviśleṣaṇam eva na punar atyaṃtasaṃkṣayaḥ satodravyasyāṃtyaṃtavināśānupapatteḥ prasiddhatvāt tata eva karmabhūbhṛtāṃbhettā bhagavān prokto na punar vināśayiteti niravadyām idaṃ bhettāraṃ karmabhūbhṛtāṃ jñātāraṃ viśvatattvānām itiviśeṣaṇādvitayaṃ mokṣamārgasya netāram iti viśeṣaṇavat kaḥpunarmokṣa ity āha  yata evaṃ tataḥ svātmalābho jīvatya mokṣaḥ kṛtsnāṃnāṃkarmaṇām āgāmināṃ saṃcitānāṃ ca saṃvaranirjjarābhyāṃ kṣayād viśleṣāt sarvasadvādināṃ mata iti sarveṣāmāstikānāṃ mokṣasvarūpe vivādābhāvaṃ darśayati teṣām ātmasvarūpe karmasvarūpe ca vivādāt sa ca prāg eva nirasto 'naṃtajñānādicatuṣṭayasya siddhatvasya cātmanaḥ svarūpasyapramāṇaprasiddhatvān na hy acetanatvam ātmanaḥ svarūpaṃ tasyajñānasamavayitvavirodhād ākāśāditatkāraṇādṛṣṭaviśeṣāsaṃbhavāc ca tadvat tasyāṃtaḥkaraṇasaṃyogasyāpi durghaṭatvātpratīyate ca jñānam ātmani tatas tasya nācaitanyaṃ svarūpaṃ jñānasya caitanyasyānityatvāt katham ātmano nityasyatatsvarūpam iti cen nānaṃtasya jñānasyānādeś cānityatvaikāṃtābhāvāt jñānasya nityatve na kadācid jñānam ātmanaḥ syāditi cen na tadāvaraṇodaye tadavirodhāt etena samastavastuviṣayajñānaprasaṃgo 'pi vinivāritastadghātikarmodaye sati saṃsāriṇas tadasaṃbhavāt tatkṣaye tukevalinaḥ sarvadravyaparyāyaviṣayasya jñānasya pramāṇataḥprasiddheḥ sarvajñatvasya sādhanāt caitanyamātram evātmanaḥ svarūpam ity anena nirastaṃ jñānasvabhāvarahitasyacetanatvavirodhād ganādivat prabhāsvaram idaṃ cittam iti svasaṃvedanamātraṃ cittasya svarūpaṃ vadann apisakalārthaviṣayajñānasādhanān nirastaḥ svasaṃvinmātreṇavedanena sarvāryasākṣātkāraṇavirodhāt tad evaṃprativādiparikalpitātmasvarūpasya pramāṇabādhitatvātsyādvādinigaditam evānaṃtajñānādisvarūpam ātmano vyavatiṣṭhate tatastasyaiva lābho mokṣaḥ siddhyen na punaḥ svātmaprahāṇam iti pratipadyemahi pramāṇasiddhatvāt tathā karmasvarūpe cavipratipatiḥ karmavādināṃ kalpanābhedāt sā ca pūrvaṃ nirastety alaṃ vivādena nanu ca saṃvaranirjarāmokṣāṇāṃbhedābhāvaḥ karmābhāvasvarūpatvāviśeṣād iti cen na saṃvarasyāgāmikarmānutpattilakṣaṇatvād āstravanirodhaḥsaṃvara iti vacanāt nirjarāyās tu saṃcitakarmavipramokṣalakṣaṇatvād deśataḥ karmavipramokṣonirjjareti pratipādanātkṛtsnakarmavipramokṣasyaiva mokṣatvavacanāt tataḥ saṃcittānāgatadravyabhāvakarmaṇāṃ vipramokṣasyasaṃvaranirjjarayor abhāvāt tābhyāṃ mokṣasya bhedaḥ siddhaḥ nanu ca nāstikān prati mokṣasvarūpe 'pi vivāda iti cen na teṣāmatrānadhikārāt tadevāha  yeṣāṃ pratyakṣam eva pramāṇaṃ nāstikānāṃ te kathaṃmokṣanirākaraṇāya pramāṇāṃtaraṃ vadeyuḥ sveṣṭahāniprasaṃgāt parābhyupagatena pramāṇena mokṣābhāvam ācakṣāṇāṃmokṣasadbhāvam eva kin nācakṣate na ced vikṣiptamanasaḥ paraparyanuyogaparatayā pralāpamāṃtre tu mahātmanāṃnāvadheyaṃ teṣām upekṣārhatvāt tato nirvivāda eva mokṣaḥpratipattavyaḥ kas tarhi mokṣamārga ity āha  mokṣasya hi mārggaḥ sākṣāt praptyupāyo viśeṣapratyāyanīyo'sādhāraṇakāraṇasya tathābhāvopapatter na punaḥ sāmānyataḥ sādhāraṇakāraṇasyadravyakṣetrakālabhavabhāvāviśeṣasya sadbhāvāt sa ca trayotmaka eva pratipattavyaḥ tathā hi samyagdarśanāditrayātmakomokṣamārgaḥ sākṣān mokṣamārgatvād yas tu na samyagdarśanāditrayātmakaḥ sa na sākṣān mokṣamārgo yathājñānamātrādi sākṣānmokṣamārgaś ca vividādhyāsitas tasmāt samyagdarśanāditrayātmaka ity atra nāprasiddhodharmī mokṣamārgamātrasya sakalamokṣavādinām avivādasya dharmmitvāt tata eva nāprasiddhaviśeṣyaḥ pakṣo nāpyaprasiddhaviśeṣaṇaḥ samyagdarśanāditrayātmakatvasya vyādhivimokṣamārgarasāyanādau prasiddhatvāt na hirasāyanaśraddhānamātraṃ samyagjñānācaraṇarahitaṃ sakalāmayavināśanāyālaṃ nāpi rasāyanajñānamātraṃśraddhānācaraṇarahitaṃ na ca rasāyanācaraṇamātraṃśraddhānajñānaśūnyaṃ teṣām anyatamāpāyesakalavyādhivipramokṣalakṣaṇasyarasāyanaphalasyāsaṃbhavāt tadvat sakalakarmmamahāvyādhivipramokṣo 'pitattvaśraddhānajñānācaraṇatrayātmakād evopāyādanapāyam upapadyate tadanyatamāpāye tadanupapatteḥ nanu cāyaṃ pratijñārthaikadeśāsiddho hetuḥśabdānityatve śabdatvavad iti na maṃtavyaṃ pratijñārthaikadeśatvena hetor asiddhatvāyogāt pratijñā hidharmmidharmasamudāyalakṣaṇā tadekadeśas tu dharmī dharmo vātatra na dharmī tāvad aprasiddhaḥ prasiddho dharmmīti vacanāt nacāyaṃ dharmitvavivakṣāyām aprasiddha iti vaktuṃ yuktaṃpramāṇatas tatstaṃpratyayasyāviśeṣāt nanu mokṣamārgo dharmīmokṣamārgatvaṃ hetus tac ca na dharmisāmānyarūpatvātsādhanadharmatvena pratipādanād ity aparaḥ so 'py anukūlamācarati sādhanadharmasya dharmirupatvābhāvepratijñārthekadeśatvanirākaraṇāt viśeṣaṃ dharmiṇaṃ kṛtvā sāmānyaṃ hetuṃ bruvato nadoṣaṃ iti paraiḥ svayam abhidhānāt prayatnānaṃtarīyakaḥ kṣaṇikaḥ śabdaḥ prayatnānaṃtarīyakatvād ity ādivat kaḥpunar atra viśeṣo dharmī mokṣamārga iti brūmaḥ kuto 'syaviśeṣaḥ svāsthyamārgāt na hy atra mārgasāmānyaṃ dharmmi kiṃtarhi mokṣaviśeṣaṇo mārgaviśeṣaḥ katham evaṃ mokṣamārgatvaṃ sāmānyaṃ mokṣamārgāṇām anekavyaktiniṣṭhasvāt kvacin mānasaśārīravyādhiviśeṣāṇāṃ mokṣamārgaḥ kvacid dravyabhāvasakalakarmāṇām iti mokṣamārgatvaṃ sāmānyaṃśabdatvavat śabdatvaṃ hi yathā śabdaviśeṣe varṇapadavākyātmake vivādāspade tathā tatavitataghanasuṣiraśabde'pi śrāvaṇajñānajananasamarthatayā  iti śabdaviśeṣaṃ dharmmiṇaṃ kṛtvā śabdatvaṃsāmānyaṃ hetuṃ bruvāṇo na kaṃcid doṣam āstighnute tathānanvayadoṣasyāpy abhāvāt tadvanmokṣamārgaviśeṣaṃdharmmiṇam abhidhāya mokṣamārgatvaṃ samānyaṃ sādhanam abhidadhāno nopalabdhavyaḥ tathā sādhyadharmo 'pipratijñārthaikadeśo hetutvenopādīyamāno napratijñārthaikadeśatvenāsiddhas tasya dharmiṇā vyabhicārātpratijñārthaikadeśasyāpi dharmiṇo 'siddhatvānupapatteḥ kiṃtarhi sādhyatvenāsiddha iti na pratijñārthaikadeśo nāmāsiddho heturasti vipakṣe bādhakaprabhāṇābhāvāt anyathānupapannatvaniyamāniścayād agamako 'yaṃ hetur iti cen najñānamātrādau vipakṣe mokṣamārgatvasya hetoḥpramāṇabādhitatvāt samyagdarśanāditrayātmakatve hi mokṣamārgasya sādhyejñānamātrāditripakṣas tatra ca na mokṣamārgatvaṃ siddhaṃ bādhakasadbhāvāt tathā hi jñānamātraṃ na karmamahāvyādhimokṣamārgaḥ śraddhānācaraṇaśūnyatvāt śārīramānasavyādhivimokṣakāraṇarasāyanajñānamātravat nāpyācaraṇamātraṃ tatkāraṇaṃ śraddhānajñānaśūnyatvāt rasāyanācaraṇamātravat nāpi jñānavairāgye tadupāyastatvaśraddhānavidhuratvād rasāyanajñānavairāgyamātravad iti siddho 'nyathānupapattiniyamaḥ sādhanasya tatomokṣamārgasya samyagdarśanāditrayātmakatvasiddhiḥ paraṃparayā mokṣamārgasya samyagdarśanamātrātmakatvasiddhervyabhicārī hetur iti cen na sākṣād iti viśeṣaṇāt sākṣān mokṣamārgatvaṃ samyagdarśanāditrayātmakatvaṃ navyabhicarati kṣīṇakaṣāyacaram akṣaṇavarttiparamārhaṃtyalakṣaṇajīvanmokṣamārga iveti supratītaṃ tathaivāyogakevalicaramakṣaṇavartikṛtsnakarmakṣayalakṣaṇamokṣamārgaḥ sākṣān mokṣamārgatvaṃ samyagdarśanāditrayātmakatvaṃ navyabhicarati tapoviśeṣasya paramaśukladhyānalakṣaṇasya samyakcāritre 'ṃtarbhāvād iti vistaratas taratastatvārthālaṃkāre yuktyāgamavirodhanaṃ parīkṣitamavaboddhavyaṃ tad evaṃ vidhasya mokṣamārgasya praṇetā viśvatattvajñaḥ sākṣātparaṃparayā veti śaṃkāyām idam āha  na hi paraṃparayā mokṣamārgasya praṇetāguruparvakramāvicchedād adhigavatattvārthaśāstrārtho 'pyasmadādibhiḥ sākṣād viśvattvajñatāyāḥ samāśrayaḥ sādhyate pratītivirodhātkiṃ tarhi sākṣān mokṣamārgasya sakalabādhakapramāṇarahitasya yaḥ praṇetā sa eva viśvatattvajñatāśrayastatvārthasūtrakārair umāsvābhiprabhṛtibhiḥ pratipādyatebhagavadbhiḥ sākṣātsarvatatvajñatām antareṇa sākṣādabādhitamokṣamārgasyapraṇayanānupapatter iti vaṃde tadguṇalabdhaya ity etad vyākhyātum anāḥ prāha yataś ca yaḥ sākṣān mokṣamārgasyābādhitasya praṇetā saeva viśvatattvānāṃ jñātā karmabhūbhṛtāṃ bhettā'ta evārhan pravaṃdyo muneṃdrais tasyavītaniḥśeṣajñānādidoṣatvāttasyānaṃtajñānādiguṇāṃbudhitvāc ca yo hi guṇāṃbudhiḥ sa eva tadguṇalabdhaye sadbhir ācāryairvaṃdanīyaḥ syān nānya iti mokṣamārgasya netāraṃ bhettāraṃ karmabhūbhṛtāṃ jñātāraṃ viśvatattvānāṃ bhagavaṃtam arhaṃtamevānyayogavyavacchedena nirṇītam ahaṃ vaṃde tadguṇalabdhyartham iti saṃkṣepataḥ śāstrādauparameṣṭhiguṇastotrasya munipuṃgavairvidhīyamānasyānvayaḥ saṃpradāyāvyavacchedalakṣaṇaḥ padārthaghaṭanālakṣaṇo vā lakṣaṇīyaḥprapaṃcatas tadanvayasyākṣepasamādhānalakṣaṇasya śrīmatsvāmisamaṃtabhadrair devāgamākhyāptamīmāṃsāyāṃ prakāśanāttattvārthavidyānaṃ mahodayālaṃkāreṣu ca tadanvayasya vyavasthāpanād alaṃ prasaṃgaparaṃparayā atra samāsatastadviniścayāt kasmāt punar evaṃ vidhobhagavān sakalaparīkṣālakṣitamohakṣayaḥ sākṣīkṛtaviśvatattvārtho vaṃdyate sadbhirity āvedyate  mohas tāvad ajñānaṃ rāgādiprapaṃcas tenākrāṃtādguror mokṣamārgasya yathoktasya praṇītir nopapadyate yasmād rāgadveṣājñānaparavaśīkṛtamānas asyasamyaggurutvenābhimanyamānasyāpiyathārthopadeśitvaniścayāsabhavāt tasya vitathārthābhidhānaśaṃkānatikramāt dūremokṣamārgapraṇītir yataś ca tasyā mokṣamārgapraṇīter vinā mokṣamārggaṃ bhāvanāprakarṣaparyaṃtagamanenasakalakarmalakṣaṇakaluṣapradhvaṃsajanyānaṃtajñānādilakṣaṇāsvātmalabdhiḥ paramanirvṛttiḥ kasyacin na ghaṭate tasmāt tasyai svātmātmalabdhaye tvam evārhan paramagururiha śāstrādauvaṃdyaḥ kṣīṇamohatvāt karatalanihitasphaṭikamaṇivatsākṣātkṛtāśeṣatattvārthatvāc ca na hy akṣīṇamohaḥsākṣād aśeṣatattvāni dṛṣṭuṃ samarthaḥ kapilādivan nāpisākṣādaparijñātāśeṣatattvārtho mokṣamārgapraṇītayesamartho na ca tadasamarthaḥ paramagurur abhidhātuṃ śakyas tadvede veti namohākrāṃtaḥ paramaniḥśreyasārthibhir abhivaṃdanīyaḥ katham evam ācāryyādayaḥ pravaṃdanīyāḥ syur iti cetparamaguruvacanānusāritayā teṣāṃ pravarttamānatvād deśato moharahitatvāc ca teṣāṃ vaṃdanīyatvam iti pratipadyāmahe tataeva parāparaguruguṇastotraṃ śāstrādau munīṃdrair vihitam iti vyākhyānam anuvartanīyaṃ paṃcānām api parameṣṭhināṃgurutvopapatteḥ kārtsnyato deśataś ca kṣīṇamohatvasiddher aśeṣatattvārthajñānaprasiddheś cayathārthābhidhāyitvaniścayād vitathārthābhidhānaśaṃkāpāyānmokṣamārgapraṇītau gurutvopapattes tatprasādād abhyudayaniśreyasasaṃprāpteravaśyaṃbhāvāt tad evam āptaparīkṣaiṣā vihitā hitaparīkṣādakṣair vicakṣaṇaiḥ punaḥ punaś cetasi parimalanīyetyācakṣmahe  vidyānaṃdahimācalamukhapadmavinirgatā sugaṃbhīrā āptaparīkṣāṭīkā gaṃgāvaccirataraṃ jayatu  bhāsvadbhāsiradoṣā kumatimatadhvāṃtabhedane paṭvī  āptaparīkṣālaṃkṛtir ācaṃdrārkaṃ ciraṃ jayatu  sa jayatu vidyānaṃdo ratnatrayabhūribhūṣaṇas sabalaṃ  tattvārthārṇavatareṇa sadupāyaḥ prakaṭito yena