Śrīpurapārśvanāthastotra Plain text of Soni's 2023 edition Published within the Digital Corpus of Vidyānandin's Works at October 10, 2026 Sources: Śrīpātrakesarī Stotra, tathā Śrīpurapārśvanātha Stotra. Ed. Jinadās Pārśvanāth Phaḍkule. Sholapur: Shridhar Printing Press 1921. Transliteration of the text of the stotras in Phaḍkule's edition by Jayandra Soni in the file "Patrakesari Stotra.odt" conveyed to Himal Trikha Jayanadra Soni, March 11, 2023. Simple digital edition: dcv/Śrīpurapārśvanāthastotra/ŚPSt-JS-x ŚPSt-JPh 1a yaḥ śrīpādaṃ taveśa ! śrayati sapadi saḥ śrīpuraṃ saṃśrayeta | ŚPSt-JPh 1b svāmin ! pārśva-prabho ! tvat pravacana-vacanoddīpradīpa-prabhāvaiḥ || ŚPSt-JPh 1c labdhvā mārgaṃ nirastākhila-vipada-mato yaty-adhīśaiḥ sudhībhiḥ ŚPSt-JPh 1d vaṃdyaḥ stutyo mahāṃstavaṃ vibhur asi jagatām eka evāpta-nāthaḥ || 1 || ŚPSt-JPh 2a anyenāptā virodhāc chrutir api na tataḥ ko ’py ayaṃ vety ayuktiḥ | ŚPSt-JPh 2b samyaṅ-nirṇīti-bādhāpramiti-virahataḥ kaścid evāsti vaṃdyaḥ || ŚPSt-JPh 2c nāśaṃ doṣāvṛtī yat-kvacid api bhajato dṛṣṭa-hāni-prakarṣāt | ŚPSt-JPh 2d niḥśeṣaṃ hemni yadvan-malam iti bhavato niṣkalaṃkatva-siddhiḥ || 2 || ŚPSt-JPh 3a sūṣkmādy-arthaḥ samakṣo ’numiti-viṣayataḥ kasyācid vānalādiḥ | ŚPSt-JPh 3b sa tvaṃ nirdhūta-karma-kṣiti-dhara-nivaho dṛṣṭa-niḥśeṣatvaḥ || ŚPSt-JPh 3c nyāyābādhyāgamo ’rhann asi khalu bhavataḥ sā hy anekāṃta-dṛṣṭiḥ | ŚPSt-JPh 3d pratyakṣādyair abādhyā bhavati na niyataikāṃta-yuktiḥ prabhāḍhyā || 3 || ŚPSt-JPh 4a tāvat pratyakṣam eva prathayati tad-anekāṃta-vāda-prasiddhiṃ | ŚPSt-JPh 4b yadvā skandasya varṇādy-avakara-nicittaikātmanaḥ syāt-pratītiḥ || ŚPSt-JPh 4c aṃtaś-cittasya saukhyady-anumata-cid-asaṃkīrṇa-bhāvasya dṛṣṭeḥ | ŚPSt-JPh 4d sāmānyaṃ vā viśeṣo yadi na hi ghaṭate ’nyonya- viśleṣya-vṛtyā || 4 || ŚPSt-JPh 5a tad-anekāṃtātmakaṃ yat-sad-anunaya-vaśaṃ sarvam artha-kriyākṛt | ŚPSt-JPh 5b pramiti-pravyāpta-rūpaṃ sphuṭa-nija-viṣayākāra-saṃvitti-vad-vā || ŚPSt-JPh 5c api vā siddhaṃ tri-kāla-traya-samaya-gatānaṃta-paryāya-puṣyat ŚPSt-JPh 5d pariṇāme tat-pratītātmani hṛta-niyataikāṃtike ’dhyakṣa-siddheḥ || 5 || ŚPSt-JPh 6a syāt tādātmyam upāśritair adhigatānantair bhaviṣyad bhavad bhūtaiḥ ŚPSt-JPh 6b sakrama-yauga-padya-vidhibhir yat-paryayair vā guṇaiḥ || ŚPSt-JPh 6c saṃkīrṇaṃ āgama-dadravad dravati vā droṣyaty atho dravyam ŚPSt-JPh 6d ity etad dharmaṇi dharmatā tad-apreṣv evaṃ bhavet prakriyā || 6 || ŚPSt-JPh 7a naśyaty utpitsu tāvad bhavati naśanavat-sthāsnu saṃpadyate vā | ŚPSt-JPh 7b sthāsyaty utpatsyate sā sthitir asakṛd alaṃ naṃkṣyati sthāsyatīttham || ŚPSt-JPh 7c naṃkṣyaty utpatsyate tan-naśanaṃ api tathotpatsyate sthāsyate yan ŚPSt-JPh 7d naṃkṣyaty utpattir evaṃ trividham iti bhavet tatvam arhanta-veṣṭam || 7 || ŚPSt-JPh 8a tad-atad-rūpāḥ padārthāḥ sva-para-vvidhi-diśāpekṣya sarvasya sarvā ŚPSt-JPh 8b karaṇāt kṣīrādy-avāptiṃ vidadhadiha ghaṭādy-astu naite paṭādyāḥ || ŚPSt-JPh 8c na ca paurastyaḥ sa paścād bhavati na ca purā nirvyapekṣa-svabhāvaḥ | ŚPSt-JPh 8d tad-anekākāram ekaṃ sad-asad-abhimataṃ tādṛg etan na tādṛk || 8 || ŚPSt-JPh 9a syād-vādesapta-bhaṃgī-nayajuṣi vidhi-nirdhāraṇābhyāṃ hi vastv- | ŚPSt-JPh 9b ārūḍhaṃ satvetarātma-kramaniyamadiśā lakṣyate ’rtha-kriyākṛt || ŚPSt-JPh 9c svarṇāder vā kathaṃcit sata iha bhavati syāt-svarūpāntarāptiḥ | ŚPSt-JPh 9d prāyaḥ pūrvottarākṛtyapagama-janana-dravya-yuktaṃ hi vastu || 9 || ŚPSt-JPh 10a syād asti sva-catuṣṭayād itarataḥ syān nāsty apekṣā-kramāt ŚPSt-JPh 10b tat-syād asti ca nāsti ceti yugapat sā syād avaktavyatā || ŚPSt-JPh 10c tadvat-syāt pṛthag asti nāsti yugapat syād asti nāsty āhite ŚPSt-JPh 10d vaktavye guṇa-mukhya-bhāva-niyataḥ syāt saptabhaṅgī vidhiḥ || 10 || ŚPSt-JPh 11a syād-vādaḥ sva-parāvatāra-viṣayeṇoddīpta-satvetarādy ŚPSt-JPh 11b ākārād yad-anaṃta-dharma-nilayasyoccaiḥ sato dharmiṇaḥ | ŚPSt-JPh 11c samyaṅ-nyāya-balāt samartha-vadanaṃ yaḥ sapta-bhaṃgī-nayā ŚPSt-JPh 11d pekṣaḥ praśna-vaśād vidhītara-kṛter ekatra nirbādhataḥ || 11 || ŚPSt-JPh 12a samyaṅ-nyāya-matodayena sunayais tasyaikadeśair atho | ŚPSt-JPh 12b nikṣepaiś ca tad-arpaṇārpaṇa-parair vyaktī-kṛta-prābhavaḥ || ŚPSt-JPh 12c niḥśepāvaraṇa-kṣaṇa-kṣaṇa-bhavat sarvārtha-saṃpad-vibhā ŚPSt-JPh 12d bhājā nātha jina tvayādhyavasitaḥ sa tvaṃ samāśrīyase || 12 || ŚPSt-JPh 13a jīvaḥ karmāṇi bhāvaḥ śubham aśubham atas tat-phale puṇya-pāpe | ŚPSt-JPh 13b saukhyaṃ duḥkham tathādṛksvadhigama-caritānyāgamaḥ śabda-vārdhau || ŚPSt-JPh 13c heyādheyau prameyaḥ pramitir adhikṛtaḥ kāla-deśādi-mokṣaḥ | ŚPSt-JPh 13d sarvaṃ sidhyai tavaiva prabhavati bhagavan śāsane ’to bhajāmaḥ || 13 || ŚPSt-JPh 14a devaḥ śrīpura-pārśva-nātha ! bhuvanādhīśārcya-pādāmbhuja ! ŚPSt-JPh 14b pradhvastākhila-karma-jāta ! vipula-jñāna prabhābhāsura ! ŚPSt-JPh 14c śreyo-mārga-nidarśane hi bhavatā nānyo vināsti kṣamaḥ | ŚPSt-JPh 14d tasmād vandya-padas tavam eva mahatāṃ niḥśeṣa-tattvārtha-vit || 14 || ŚPSt-JPh 15a devaḥ śrīmāna-śeṣa-tri-daśa-parivṛḍhaprārcya-pādāravindo | ŚPSt-JPh 15b bāhyāntar-vigrahādi-prabhavad-atiśayo dharma-tīrthasya nāthaḥ || ŚPSt-JPh 15c ity etad vāstti māyāviṣu sura-vibhuṣu khyāta-buddhādi-keṣu | ŚPSt-JPh 15d deśādy-āveśa-vatsu pratihata-viṣayānyonya-vaitārtha-vākṣu || 15 || ŚPSt-JPh 16a tvad anye ’dhyakṣādi-pratihata-vaco-yukti-viṣayā ŚPSt-JPh 16b viluptābhā lokavyapalapana-sambandha-manasaḥ || ŚPSt-JPh 16c bhajante nāptatvaṃ tad-iha viditā vaṃcana-kṛtiḥ | ŚPSt-JPh 16d visaṃvādas teṣāṃ prabhavati tad-arthāparigateḥ || 16 || ŚPSt-JPh 17a nāty-akṣe jaiminir vā śruti-samaya-balaḥ samyag-arthāvibodhāt | ŚPSt-JPh 17b naitādṛkṣasya doṣāvaraṇa-vigamanābhāvato ’tiīndriyārthe || ŚPSt-JPh 17c jñānaṃ śrutyā sad-arthāvagatir atha tataḥ satyatety-eṣa doṣo | ŚPSt-JPh 17d na prāmāṇyaṃ svato ’syāḥ kila ghaṭavad-acaitanyataḥ siddham etat || 17 || ŚPSt-JPh 18a āptoktaṃ cet pramāṇaṃ vyapanayatu tad-arthāvadānān na sāptā ŚPSt-JPh 18b nukteḥ syād-vaktṛ-doṣo yadi tad-apagamān naivam ity apratītiḥ || ŚPSt-JPh 18c kvaivaṃ siddhyed vibhāgo ’byupagama-vigamaiḥ pauruṣeyatm anyat ŚPSt-JPh 18d vā susthaṃ naiva kartṛ-smaraṇa-vilayanān neti nāptatvam anyat || 18 || ŚPSt-JPh 19a sukha-duḥkhādi-vicitra-bhāva-niyater naika-svabhāveśvaraḥ | ŚPSt-JPh 19b prabhavo naiva bhāvo na kāraṇa-lavāt kāryasya nānākṛtiḥ || ŚPSt-JPh 19c yava-bījāṃkura-vat-tathā ’pariṇater nārtha-kriyāsambhavaḥ | ŚPSt-JPh 19d svabhavāvasthita-deśakālikrabhidābhājāṃ sa kartā katham || 19 || ŚPSt-JPh 20a icchā vā niyatetarā na labhate saṃbaṃdham īśena tat ŚPSt-JPh 20b karma-prābhavataḥ sukhādi-vibhavaḥ paryāptam etena hi || ŚPSt-JPh 20c bhettā karma-mahībhṛtāṃ sakalavin-nānādi-siddhas tato | ŚPSt-JPh 20d yat kāṇā dahatākṣa-pāda-gāditaṃ tat syāt kathaṃ śreyase || 20 || ŚPSt-JPh 21a sat-sarvaṃ kṣaṇikaṃ yad icchati pṛthak-kāla-kṣaṇānāṃ yataḥ | ŚPSt-JPh 21b kāryaṃ kāraṇam ity ataś ciratarātīteṣu vā vāsanāḥ || ŚPSt-JPh 21c tac ca kva kṣiti-kartṛ-bhoktṛ-racanā samyaktvaṃsajñādikaṃ ŚPSt-JPh 21d jalpansiddhi-padaṃ viśuddha-dhiṣaṇaḥ śauddhodaniḥ syāt kutaḥ || 21 || ŚPSt-JPh 22a yad ayaṃ sarvatra sarvaṃ prakṛtir avikṛtiḥ saptataḥ syād vikārāḥ | ŚPSt-JPh 22b mahad-ādyāḥ ṣoḍaśoccair-gaṇa iti puruṣas tad-vikṛtya-prayuktaḥ || ŚPSt-JPh 22c svayam anyo na prabhūti-kramam akhila-kālābaṃdha-hīnasya jantoḥ | ŚPSt-JPh 22d vilapan-muktiḥ kutaḥ syāt sa capala-kapilo dhīmatāṃ deya-bhāvaḥ || 22 || ŚPSt-JPh 23a pratibhāse pratibhāsatārtha-viṣayā dṛśyaṃ prapaṃce sati | ŚPSt-JPh 23b pratibiṃbādi tathā sad eva na hi niḥparyāya-vastu-sthitiḥ ŚPSt-JPh 23c nanu kasyādi-gatiṃ ruṇāddhi bhuvane siddhāṃ kriyākāraka ŚPSt-JPh 23d prakṛtivyujjhita-sādhya-sādhana-gatir brahmā kathaṃ bhāsata || 23 || ŚPSt-JPh 24a yad ekaṃ vādhyakṣe mitir iti ca nirvāṃcyam akhilam | ŚPSt-JPh 24b tathā tatvaṃ copaplutam iti vicāraṃ na sahate || ŚPSt-JPh 24c pramāṇād anyasmāt prathita-vacanād yukti-bhajanāt | ŚPSt-JPh 24d vinā naitat siddhir vidhi-niyamayor artha-niyateḥ || 24 || ŚPSt-JPh 25a bhāvo bhāvād abhāvaḥ samaya-niyamataḥ sad-vivartād asad-vā | ŚPSt-JPh 25b grāhyokter dvaitam udyad-guṇa-guṇivivṛteroghato dvaita-buddhiḥ || ŚPSt-JPh 25c nityaṃ pūrvāparāntāt kṣaṇikam anuvṛter aikyam anyatva-vṛtteḥ | ŚPSt-JPh 25d nānātvaṃ vṛtti-doṣān na bhavati bhagavan syād-anekānta-siddhiḥ || 25 || ŚPSt-JPh 26a eṣoccair vā tava śiva-padāv āpti-niḥśreṇi-bhūtā | ŚPSt-JPh 26b dhīmad dhyeyā jayati janatānaṃda-saṃdāna-dhīrā || ŚPSt-JPh 26c asmād dhātṛ-prabhṛti-vacanākarṇanāj jāta-kampā | ŚPSt-JPh 26d śeṣaprāṇipraṇayanavidhau jāyate yā śaraṇyā || 26 || ŚPSt-JPh 27a vida-dhadati-śayam amitam atimuni-nātha-mānya-mananya-bhāṅ | ŚPSt-JPh 27b namita-sura-ravi-bhuvana-paraguru-tīrthakṛtvasanāmayat | ŚPSt-JPh 27c udaya-patha-gata-tad-anuvismṛtir aśeṣatatva vibhāsinī | ŚPSt-JPh 27d jayati jina jina vijita-manasi-ja bhāratī tava bhāsurā || 27 || ŚPSt-JPh 28a jaya jaya jagatī-nata-śrīpada śrīpurī-nilaya | ŚPSt-JPh 28b niyata-bhāsyatāruṇya-kāruṇya-puṇyākara || ŚPSt-JPh 28c parama-puruṣa pārśva-nāthādhināthāsanāthāhaṃsā ŚPSt-JPh 28d vinata-vara damābhirakṣājarakṣādy-arakṣākṣaya || 28 || ŚPSt-JPh 29a śaraṇyaṃ nāthārhan bhava bhava bhavāraṇya-vigati ŚPSt-JPh 29b cyutānām asmākaṃ niravakara-kāruṇya-nilaya || ŚPSt-JPh 29c yato ’gaṇyāt puṇyāc cirataram apekṣyaṃ tava padam | ŚPSt-JPh 29d pariprāptā bhaktyā vayam acala-lakṣmī-gṛham idam || 29 || ŚPSt-JPh 30a ebhiḥ śrīpura-pārśva-nātha-vila-san-mahātmya-puṣyat-sudhā ŚPSt-JPh 30b kūpāro hi nidarśitaḥ pravisaradvāṅmārga-cāturyataḥ || ŚPSt-JPh 30c tasmāt stotram idaṃ suratnam iva yad-yatnād gṛhitaṃ mayā | ŚPSt-JPh 30d vidyānaṃda-mahodayāya niyataṃ dhīmadbhir āsevyatām || 30 || ŚPSt-JPh 119,5f. iti śrīmadamarakīrtiyatīśvarapriyaśiṣyavidyānandisvāmiviracitaṃ śrīpurapārśvanāthastotraṃ samāptam |