Vidyānandin's Āptaparīkṣā and Āptaparīkṣāṭīkā

Creation of the digital textresource and its transformations H. Trikha 
Published within the Digital Corpus of Vidyānandin's Works at www.dipal.org/dcv  January 09, 2025 

Sources:
Printed edition: Vidyānandasvāmi-viracitā ... Āptaparīkṣā Patraparīkṣā ca Gajādharalālajainaśāstriṇā sampādite. (Sanātanajainagranthamālā 1). Kāśī 1913. 
Digital text resource:  /home/deploy/dipal/public/dcv-site/root-resources/APT/APT ,  October 05, 2024 

ĀP-GL 01,1	oṃ 
ĀP-GL 01,2	namaḥ siddhebhyaḥ | 
ĀP-GL 01,3	sanātanajainagraṃthamālā | 
ĀP-GL 01,4	1 
ĀP-GL 01,5	ācāryapravaraśrīvidyānaṃdisvāmiviracitā 
ĀP-GL 01,6	āptaparīkṣā | 
ĀP-GL 1ab		prabuddhāśeṣatattvārthabodhadīdhitimāline | 
ĀP-GL 1cd		namaḥ śrījinacaṃdrāya mohadhvāṃtaprabhedine || 1 || 
ĀP-GL 2ab		śreyomārgasya saṃsiddhiḥ prasādāt parameṣṭhinaḥ | 
ĀP-GL 2cd		ity āhus tadguṇastotraṃ śāstrādau munipuṃgavāḥ || 2 || 
ĀP-GL 3ab		ity asādhāraṇaṃ proktaṃ viśeṣaṇam aśeṣataḥ | 
ĀP-GL 3cd		parasaṃkalpitāptānāṃ vyavacchedaprasiddhaye || 3 || 
ĀP-GL 4ab		anyayogavyavacchedān niścite hi mahātmani | 
ĀP-GL 4cd		tasyopadeśasāmarthyād anuṣṭhānaṃ pratiṣṭhitaṃ || 4 || 
ĀP-GL 5ab		tatrāsiddhaṃ munīṃdrasya bhettṛtvaṃ karmabhūbhṛtāṃ | 
ĀP-GL 5cd		ye vadaṃti viparyāsāt tān pratyevaṃ pracakṣmahe || 5 || 
ĀP-GL 6ab		prasiddhaḥ sarvatattvajñas teṣāṃ tāvat pramāṇataḥ | 
ĀP-GL 6cd		sadāvidhvastaniḥśeṣabādhakāt svasukhādivat || 6 || 
ĀP-GL 7ab		jñātā yo viśvatattvānāṃ sa bhettāṃ karmabhūbhṛtāṃ | 
ĀP-GL 7cd		bhavaty evānyathā tasya viśvatattvajñatā kutaḥ || 7 || iti | 
ĀP-GL 8ab		nāspṛṣṭaḥ karmabhiḥ śaśvadviśvadṛśvāsti kaścana | 
ĀP-GL 8cd		tasyānupāyasiddhasya sarvathā'nupapattitaḥ || 8 || 
ĀP-GL 9ab		praṇītir mokṣamārgasya na vinā'nādisiddhataḥ | 
ĀP-GL 9cd		sarvajñād iti tatsirddhir na parīkṣā sahā sa hi || 9 || 
ĀP-GL 10ab		praṇetā mokṣamārgasya nāśarīro 'nyamuktavat | 
ĀP-GL 10cd		saśarīras tu nā'karmā saṃbhavaty ajñajaṃtuvat || 10 || 
ĀP-GL 11ab		na cecchā śaktir īśasya karmābhāve 'pi yujyate | 
ĀP-GL 11cd		tadicchā vā'nabhivyaktā kriyāhetuḥ kuto 'jñavat || 11 || 
ĀP-GL 12ab		jñānaśaktyaiva niḥśeṣakāryotpattau prabhuḥ kila | 
ĀP-GL 12cd		sadeśvara iti khyāne'numānam anidarśanaṃ || 12 || 
ĀP-GL 13ab		samīhām aṃtareṇāpi yathāvakti jineśvaraḥ | 
ĀP-GL 13cd		tatheśvaro 'pi kāryāṇi kuryād ity apy apeśalaṃ || 13 || 
ĀP-GL 14ab		sati dharmaviśeṣe hi tīrthakṛttvasamāhvaye | 
ĀP-GL 14cd		brūyāj jineśvaro mārgaṃ na jñānād eva kevalāt || 14 || 
ĀP-GL 15ab		siddhasyāpāstaniḥśeṣakarmaṇe vāgasaṃbhavāt | 
ĀP-GL 15cd		vinā tīrthakarattvena nāmnā nārthopadeśanā || 15 || 
ĀP-GL 16ab		tathā dharmaviśeṣo 'sya yogaś ca yadi śāśvataḥ | 
ĀP-GL 16cd		tadeśvarasya deho 'stu yogyaṃtaravad uttamaḥ || 16 || 
ĀP-GL 17ab		nigrahānugrahau dehaṃ svaṃ nirmāyānyadehināṃ | 
ĀP-GL 17cd		karotīśvara ity etan naparīkṣākṣamaṃ vacaḥ || 17 || 
ĀP-GL 18ab		dehāṃtarād vinā tāvat svadehaṃ janayed yadi | 
ĀP-GL 18cd		tadā prakṛtakārye 'pi dehādhānam anarthakaṃ || 18 || 
ĀP-GL 19ab		dehāṃtarāt svadehasya vidhāne cānavasthitiḥ | 
ĀP-GL 19cd		tathā ca prakṛtaṃ kāryaṃ kuryād īśo na jātucit || 19 || 
ĀP-GL 20ab		svayaṃ dehāvidhāne tu tenaiva vyabhicāritā | 
ĀP-GL 20cd		kāryatvādeḥ prayuktasya hetor īśvarasādhane || 20 || 
ĀP-GL 21ab		yathā'nīśaḥ svadehasya kartā dehāṃtarān mataḥ | 
ĀP-GL 21cd		pūrvasmād ity anāditvān nānavasthā prasajyate || 21 || 
ĀP-GL 22ab		tatheśasyāpi pūrvasmād dehād dehāṃtarodbhavāt | 
ĀP-GL 22cd		nānavastheti yo brūyāt tasyā'nīśatvam īśituḥ || 22 || 
ĀP-GL 23ab		anīśaḥ karmadehenā'nādisaṃtānavartitā | 
ĀP-GL 23cd		yathaiva hi sakarmānas tadvan na katham īśvaraḥ || 23 || 
ĀP-GL 24ab		tato neśasya deho 'sti proktadoṣānuṣaṃgataḥ | 
ĀP-GL 24cd		nāpi dharmaviśeṣo 'sya dehābhāve virodhataḥ || 24 || 
ĀP-GL 25ab		yenecchām aṃtareṇāpi tasya kārye pravartanaṃ | 
ĀP-GL 25cd		jineṃdravad ghaṭeteti nodāharaṇasaṃbhavaḥ || 25 || 
ĀP-GL 26ab		jñānam īśasya nityaṃ ced aśarīrasya na kramaḥ | 
ĀP-GL 26cd		kāryāṇām akramād dhetoḥ kāryakramavirodhataḥ || 26 || 
ĀP-GL 27ab		tadbodhasya pramāṇatve phalābhāvaḥ prasajyate | 
ĀP-GL 27cd		tataḥ phalāvabodhasyānityasyeṣṭau matakṣatiḥ || 27 || 
ĀP-GL 28ab		phalatve tasya nityatvaṃ na syān mānāt samudbhavāt | 
ĀP-GL 28cd		tato 'nudbhavane tasya phalatvaṃ pratihanyate || 28 || 
ĀP-GL 29ab		anityatve tu tajjñānasyānena vyabhicāritā | 
ĀP-GL 29cd		kāryatvāder maheśenākaraṇe 'sya svabuddhitaḥ || 29 || 
ĀP-GL 30ab		budhdyaṃtareṇa tadbuddheḥ karaṇe cānavasthitiḥ | 
ĀP-GL 30cd		nānādisaṃtatir yuktā karmasaṃtānato vinā || 30 || 
ĀP-GL 31ab		avyāpi na yadi jñānam īśvarasya tadā kathaṃ | 
ĀP-GL 31cd		sakṛtsarvatra kāryāṇām utpattir ghaṭate tataḥ || 31 || 
ĀP-GL 32ab		yady ekatra sthitaṃ deśe jñānaṃ sarvatra kāryakṛt | 
ĀP-GL 32cd		tadā sarvatra kāryāṇāṃ sakṛt kiṃ na samudbhavaḥ || 32 || 
ĀP-GL 33ab		kāraṇāṃtaravaikalyāt tathā'nutpattir ity api | 
ĀP-GL 33cd		kāryāṇām īśvarajñānāhetukatvaṃ prasādhayet || 33 || 
ĀP-GL 34ab		sarvatra sarvadā tasya vyatirekāprasiddhitaḥ | 
ĀP-GL 34cd		anvayasyāpi saṃdehāt kāryaṃ taddhetukaṃ kathaṃ || 34 || 
ĀP-GL 35ab		etenaiveśvarajñānaṃ vyāpinityam apākṛtaṃ | 
ĀP-GL 35cd		tasyeśavat sadā kāryakramahetutvahānitaḥ || 35 || 
ĀP-GL 36ab		asvasaṃviditaṃ jñānam īśvarasya yadīṣyate | 
ĀP-GL 36cd		tadā sarvajñatā na syāt svajñānasyāpravedanāt || 36 || 
ĀP-GL 37ab		jñānāṃtareṇa tadvittau tasyāpy anyena vedanaṃ | 
ĀP-GL 37cd		vedanena bhaved evam anavasthā mahīyasī || 37 || 
ĀP-GL 38ab		gatvā sudūram apy evaṃ svasaṃviditavedane | 
ĀP-GL 38cd		iṣyamāṇe maheśasya prathamaṃ tādṛg astu vaḥ || 38 || 
ĀP-GL 39ab		tatsvārthavyavasāyātmajñānaṃ bhinnaṃ maheśvarāt | 
ĀP-GL 39cd		kathaṃ tasyeti nirdeśyam ākāśādivad aṃjasā || 39 || 
ĀP-GL 40ab		samavāyena tasyāpi tadbhinnasya kuto matiḥ | 
ĀP-GL 40cd		ihedam iti vijñānād abādhyād vyabhicāri tat || 40 || 
ĀP-GL 41ab		iha kuṃḍe dadhīty ādi vijñānenāstavidviṣā | 
ĀP-GL 41cd		sādhye saṃbaṃdhamātre tu pareṣāṃ siddhasādhanaṃ || 41 || 
ĀP-GL 42ab		satyām ayutasiddhau cen nedaṃ sādhuviśeṣaṇaṃ | 
ĀP-GL 42cd		śāstrīyāyutasiddhatvavirahāt samavāyinoḥ || 42 || 
ĀP-GL 43ab		dravyaṃ svāvayavāghāraṃ guṇo dravyaśrayo yataḥ
ĀP-GL 43cd		laukikyayutasiddhis tu bhaved dugdhāṃbhasor api || 43 || 
ĀP-GL 44ab		pṛthagāśrayavṛttitvaṃ yutasiddhir na cānayoḥ | 
ĀP-GL 44cd		sāstīśasya vibhutvena paradravyāśriticyuteḥ || 44 || 
ĀP-GL 45ab		jñānasyāpīśvarād anyadravyavṛttitvahānitaḥ | 
ĀP-GL 45cd		iti ye 'pi samādadhyus tāṃśca paryanuyuṃjmahe || 45 || 
ĀP-GL 46ab		vibhudravyaviśeṣāṇām anyāśrayavivekataḥ | 
ĀP-GL 46cd		yutasiddhiḥ kathaṃ tu syād ekadravyaguṇādiṣu || 46 || 
ĀP-GL 47ab		samavāyaḥ prasajyetāyutasiddhau parasparaṃ | 
ĀP-GL 47cd		teṣāṃ taddvitayāsatve syād vyāghāto duruttaraḥ || 47 || 
ĀP-GL 48ab		yutapratyayahetutvād ayutīsiddhir itīraṇe
ĀP-GL 48cd		vibhudravyaguṇādīnāṃ yutasiddhiḥ samāgatā || 48 || 
ĀP-GL 49ab		yato nāyutasiddhiḥ syād ity asiddhaṃ viśeṣaṇaṃ | 
ĀP-GL 49cd		hetor vipakṣatas tāvadvyavacchedaṃ na sādheyat || 49 || 
ĀP-GL 50ab		siddhe 'pi samavāyasya samavāyiṣu darśanāt | 
ĀP-GL 50cd		ihedam iti saṃvitteḥ sādhanaṃ vyabhicāri tat || 50 || 
ĀP-GL 51ab		samavāyāṃ 'ntarād vṛttau samavāyasya tatvataḥ | 
ĀP-GL 51cd		samavāyiṣu tasyāpi parasmād ity aniṣṭhitiḥ || 51 || 
ĀP-GL 52ab		tadbādhā'stīty abādhatvaṃ nāma neha viśeṣaṇaṃ | 
ĀP-GL 52cd		hetoḥ siddham anekāṃto yato 'neneti ye viduḥ || 52 || 
ĀP-GL 53ab		teṣām iheti vijñānād viśeṣaṇaviśeṣyatā | 
ĀP-GL 53cd		samavāyasya tadvatsu tata eva na sidhyati || 53 || 
ĀP-GL 54ab		viśeṣaṇaviśeṣyatvasaṃbaṃdho 'py anyato yadi | 
ĀP-GL 54cd		svasaṃbaṃdhiṣu varteta tadā bādhā'navasthitiḥ || 54 || 
ĀP-GL 55ab		viśeṣaṇaviśeṣyatvapratyāyād avagamyate | 
ĀP-GL 55cd		viśeṣaṇaviśeṣyatvam ity apy etena dūṣitaṃ || 55 || 
ĀP-GL 56ab		tasyānaṃtyāt pratṝṇām ākākṣākṣayato 'pi vā | 
ĀP-GL 56cd		na doṣa iti ced evaṃ samavāyādināpi kiṃ || 56 || 
ĀP-GL 57ab		guṇādidravyayor bhinnadravyayoś ca parasparaṃ | 
ĀP-GL 57cd		viśeṣaṇaviśeṣyatvasaṃbaṃdho 'stu niraṃkuśaḥ || 57 || 
ĀP-GL 58ab		saṃyogaḥ samavāyo vā tadviśeṣo 'stv anekadhā | 
ĀP-GL 58cd		svātaṃtrye samavāyasya sarvathaikye ca doṣataḥ || 58 || 
ĀP-GL 59ab		svataṃtrasya kathaṃ tāvad āśritatvaṃ svayaṃ mataṃ | 
ĀP-GL 59cd		tasyāśritatve vacane svātaṃtryaṃ pratihanyate || 59 || 
ĀP-GL 60ab		samavāyiṣu satsv eva samavāyasya vedanāt | 
ĀP-GL 60cd		āśritatve digādīnāṃ mūrtadravyāśritir na kiṃ || 60 || 
ĀP-GL 61ab		kathaṃ cānāśritaḥ sidhyet saṃbaṃdhaḥ sarvathā kvacit | 
ĀP-GL 61cd		svasaṃbādhiṣu yenātaḥ saṃbhaven niyatasthitiḥ || 61 || 
ĀP-GL 62ab		eka eva ca sarvatra samavāyo yadīṣyate | 
ĀP-GL 62cd		tadā mehaśvare jñānaṃ samavaiti na khe kathaṃ || 62 || 
ĀP-GL 63ab		iheti pratyayo 'py eṣa śaṃkare na tu khādiṣu | 
ĀP-GL 63cd		iti bhedaḥ kathaṃ sidhyen niyāmakam apaśyataḥ || 63 || 
ĀP-GL 64ab		na cācetanatā tatra saṃbhāvyeta niyāmikā | 
ĀP-GL 64cd		śaṃbhāv api tadāsthānāt khādes tadaviśeṣataḥ || 64 || 
ĀP-GL 65ab		neśo jñātā na cājñātā svayaṃ jñānasya kevalaṃ | 
ĀP-GL 65cd		samavāyāt sadā jñātā yady ātmaiva sa kiṃ svataḥ || 65 || 
ĀP-GL 66ab		nāyam ātmā ca cānātmā svātmatvasamavāyataḥ | 
ĀP-GL 66cd		sadātmaiveti ced evaṃ dravyam eva svato 'sidhat || 66 || 
ĀP-GL 67ab		neśo dravyaṃ na cādravyaṃ dravyatvasamavāyataḥ | 
ĀP-GL 67cd		sarvadā dravyam eveti yadi sann eva sa svataḥ || 67 || 
ĀP-GL 68ab		na svataḥ sannasan nāpi satvena samavāyataḥ | 
ĀP-GL 68cd		sann eva śaśvad ity uktau vyāghātaḥ kena vāryate || 68 || 
ĀP-GL 69ab		svarūpeṇāsataḥ satvasamavāye ca khāṃbuje | 
ĀP-GL 69cd		sa syāt kiṃ na viśeṣasyābhāvāt tasya tato 'ṃjasā || 69 || 
ĀP-GL 70ab		svarūpeṇa sataḥ satvasamavāyepi sarvadā | 
ĀP-GL 70cd		sāmānyadau bhavet satvasamavāyo 'viśeṣataḥ || 70 || 
ĀP-GL 71ab		svataḥ sato yathā sattvasamavāyas tathāstu saḥ | 
ĀP-GL 71cd		dravyatvātmatvaboddhṛtvasamavāyo 'pi tattvataḥ || 71 || 
ĀP-GL 72ab		dravyasyaivātmano boddhuḥ svayaṃ siddhasya sarvadā | 
ĀP-GL 72cd		na hi svato tathābhṛtas tathātvasamavāyabhāk || 72 || 
ĀP-GL 73ab		svayaṃ jñatve ca siddhe 'sya maheśasya nirarthakaṃ | 
ĀP-GL 73cd		jñānasya samavāyena jñatvasya parikalpanaṃ || 73 || 
ĀP-GL 74ab		tatsvārthavyavasāyātmajñānatādātmyamṛcchataḥ | 
ĀP-GL 74cd		kathaṃ cidīśvarasyā'sti jineśatvam asaṃśayaṃ || 74 || 
ĀP-GL 75ab		sa eva mokṣamārgasya praṇetā vyavatiṣṭhate | 
ĀP-GL 75cd		sadehaḥ sarvavinaṣṭamoho dharmaviśeṣabhāk || 75 || 
ĀP-GL 76ab		jñānād anyas tu nirdehaḥ sadeho vā na yujyate | 
ĀP-GL 76cd		śivaḥ kartopadeśasya so 'bhettā karmabhūbhṛtāṃ || 76 || 
ĀP-GL 77ab		etenaiva prativyūḍhaḥ kapilo 'py upadeśakaḥ | 
ĀP-GL 77cd		jñānād arthāṃtaratvasyā'viśeṣāt sarvathā svataḥ || 77 || 
ĀP-GL 78ab		jñānasaṃsargato jñatvam ajñasyāpi na tattvataḥ | 
ĀP-GL 78cd		vyomavac cetanasyāpi nopapadyeta muktavat || 78 || 
ĀP-GL 79ab		pradhānaṃ jñatvato mokṣamārgasyā'stūpadeśakaṃ | 
ĀP-GL 79cd		tasyaiva viśvaveditvādbhetṛtvāt karmabhūbhṛtāṃ || 79 || 
ĀP-GL 80ab		ity asaṃbhāvyam evāsyā'cetanatvāt paṭādivat | 
ĀP-GL 80cd		tadasaṃbhavato nūnam anyathā niṣphalaḥ pumān || 80 || 
ĀP-GL 81ab		bhoktā''tmā cet sa evāstu kartā tadavirodhataḥ | 
ĀP-GL 81cd		virodhe tu tayor bhoktuḥ syād bhujau kartṛtā kathaṃ || 81 || 
ĀP-GL 82ab		pradhānaṃ mokṣamārgasya praṇetṛ stūyate pumān | 
ĀP-GL 82cd		mumukṣubhir iti brūyāt ko 'nyo 'kiṃcitkarātmanaḥ || 82 || 
ĀP-GL 74ab		sugato 'pi na nirvāṇamārgasya pratipādakaḥ | 
ĀP-GL 74cd		viśvatattvajñatāpāyāt tattvataḥ kapilādivat || 74 || 
ĀP-GL 75ab		"saṃvṛttyā viśvatattvajñaḥ śreyomārgopadeśy api | 
ĀP-GL 75cd		buddho vandyo na tu svapnas tādṛg ity ajñaceṣṭitaṃ" || 75 || 
ĀP-GL 86ab		yat tu saṃvedanādvaitaṃ puruṣādvaitavan na tat | 
ĀP-GL 86cd		siddhyet svato 'nyato vāpi pramāṇāt sveṣṭahānitaḥ || 86 || 
ĀP-GL 87ab		so 'rhann eva munīṃdrāṇāṃ vaṃdyaḥ samavatiṣṭhate | 
ĀP-GL 87cd		tatsadbhāve pramāṇasya nirbādhyasya viniścayāt || 87 || 
ĀP-GL 88ab		tato 'ṃtaritatattvāni pratyakṣāṇy arhato 'ṃjasā | 
ĀP-GL 88cd		prameyatvād yathāsmādṛk pratyakṣārthāḥ suniścitāḥ || 88 || 
ĀP-GL 89ab		hetor na vyabhicāro 'tra dūrārthair maṃdarādibhiḥ | 
ĀP-GL 89cd		sūkṣmair vā paramāṇvādyais teṣāṃ pakṣīkṛtatvataḥ || 89 || 
ĀP-GL 90ab		tattvānyaṃtaritānīha deśakālasvabhāvataḥ | 
ĀP-GL 90cd		dharmādīni hi sādhyaṃte pratyakṣāṇi jineśinaḥ || 90 || 
ĀP-GL 91ab		na cāsmādṛksamakṣāṇām evam arhatsamakṣatā | 
ĀP-GL 91cd		na sidhyed iti maṃtavyam avivādād dvayor api || 91 || 
ĀP-GL 92ab		na cāsiddhaṃ prameyatvaṃ kārtsnyato bhāgato 'pivā | 
ĀP-GL 92cd		sarvathāpy aprameyasya padārthasyāvyavasthiteḥ || 92 || 
ĀP-GL 93ab		yadi ṣaṅbhiḥ pramāṇaḥ syāt sarvajñaḥ kena vāryate | 
ĀP-GL 93cd		iti bruvann aśeṣārthaprameyatvam ihecchati || 93 || 
ĀP-GL 94ab		codanātaś ca niḥśeṣapadārthajñānasaṃbhave | 
ĀP-GL 94cd		siddham aṃtaritārthānāṃ prameyatvaṃ samakṣavat || 94 || 
ĀP-GL 95ab		yan nārhataḥ samakṣaṃ tan naprameyaṃ bahirgataḥ | 
ĀP-GL 95cd		mithyaikāṃto yathety evaṃ vyatireko 'pi niścitaḥ || 95 || 
ĀP-GL 96ab		suniścitānvayād dhetoḥ prasiddhavyatirekataḥ | 
ĀP-GL 96cd		jñātārhan viśvatattvānām evaṃ sidhyed abādhitaḥ || 96 || 
ĀP-GL 97ab		pratyakṣam aparicchiṃdatttrikālaṃ bhuvanatrayaṃ | 
ĀP-GL 97cd		rahitaṃ viśvatvajñair na hi tadbādhakaṃ bhavet || 97 || 
ĀP-GL 98ab		nānumānopamānārthāpattyāgamabalād api | 
ĀP-GL 98cd		viśvajñābhāvasaṃsiddhis teṣāṃ sadviṣayatvataḥ || 98 || 
ĀP-GL 99ab		nārhan niḥśeṣatatvajño vaktṛtvapuruṣatvataḥ | 
ĀP-GL 99cd		brahmādivad iti proktam anumānaṃ na bādhakaṃ || 99 || 
ĀP-GL 100ab		hetor asya vipakṣeṇa virodhābhāvaniścayāt | 
ĀP-GL 100cd		vaktṛtvādeḥ prakarṣe 'pi jñānānirhrāsasiddhitaḥ || 100 || 
ĀP-GL 101ab		nopamānam aśeṣāṇāṃ nṛṇām anupalaṃbhataḥ | 
ĀP-GL 101cd		upamānopameyānāṃ tadbādhakam asaṃbhavāt || 101 || 
ĀP-GL 102ab		nārthāpattir asarvajñaṃ jagat sādhayituṃ kṣamā | 
ĀP-GL 102cd		kṣīṇatvād anyathābhāvābhāvāt tat tad abādhikā || 102 || 
ĀP-GL 103ab		nāgamo 'pauruṣeyo 'sti sarvajñābhāvasādhanaḥ | 
ĀP-GL 103cd		tasya kārye pramāṇatvād anyathā'niṣṭasiddhitaḥ || 103 || 
ĀP-GL 104ab		pauruṣeyo 'py asarvajñapraṇīto nāsya bādhakaḥ | 
ĀP-GL 104cd		tatra tasyāpramāṇatvād dharmādāv iva tattvataḥ || 104 || 
ĀP-GL 105ab		abhāvo 'pi pramāṇaṃ te niṣedhyādhāravedane | 
ĀP-GL 105cd		niṣedhyasmaraṇe ca syān nāstitā jñānam aṃjasā || 105 || 
ĀP-GL 106ab		nacāśeṣajagajjñānaṃ kutaścid upapadyate | 
ĀP-GL 106cd		nāpi sarvajñasaṃvittiḥ pūrvaṃ tatsmaraṇaṃ kutaḥ || 106 || 
ĀP-GL 107ab		yenāśeṣajagat yasya sarvajñasya niṣedhanaṃ | 
ĀP-GL 107cd		paropagamatas tasya niṣedhe sveṣṭabādhanaṃ || 107 || 
ĀP-GL 108ab		mithyaikāṃtaniṣedhas tu yukto 'nekāṃtasiddhitaḥ | 
ĀP-GL 108cd		nāsarvajñajagatsiddheḥ sarvajñapratiṣedhanaṃ || 108 || 
ĀP-GL 109ab		evaṃ siddhaḥ sunirṇetāsaṃbhavadbādhakatvataḥ | 
ĀP-GL 109cd		sukhavadviśvatattvajñaḥ so 'rhann eva bhavān iha || 109 || 
ĀP-GL 110ab		sa karmabhūbhṛtāṃ bhettā tadvipakṣaprakarṣataḥ | 
ĀP-GL 110cd		yathā śītasya bhetteha kaścid uṣṇaprakarṣataḥ || 110 || 
ĀP-GL 111ab		teṣām āgāmināṃ tāvad vipakṣaḥ saṃvaromataḥ
ĀP-GL 111cd		tapasā saṃcitānāṃ tu nirjarā karmabhūbhṛtāṃ || 111 || 
ĀP-GL 112ab		"tatprakarṣaḥ punaḥ siddhaḥ paramaḥ paramātmani | 
ĀP-GL 112cd		tāratamyaviśeṣasya siddher uṣṇaprakarṣavat || 112 || 
ĀP-GL 113ab		karmāṇi dvividhānyatra dravyabhāvavikalpataḥ | 
ĀP-GL 113cd		dravyakarmāṇi jīvasya pudgalātmānyanekadhā || 113 || 
ĀP-GL 114ab		bhāvakarmāṇi caitanyavivarttātmāni bhāṃti nuḥ | 
ĀP-GL 114cd		krodhādīni svavedyāni kathaṃcic cidabhedataḥ || 114 || 
ĀP-GL 115ab		tatskaṃdharāśayaḥ proktā bhūbhṛto 'tra samādhitaḥ | 
ĀP-GL 115cd		jīvād viśleṣaṇaṃ bhedaḥ saṃtānātyaṃtasaṃkṣayaḥ || 115 || 
ĀP-GL 116ab		svātmalābhas tato mokṣaḥ kṛtsnakarmakṣayātmataḥ
ĀP-GL 116cd		nirjjarāsaṃvarābhyāṃ tu sarvasadvādinām iha || 116 || 
ĀP-GL 117ab		nāstikānāṃ na naivāsti pramāṇaṃ tannirākṛtau | 
ĀP-GL 117cd		pralāpamātrakaṃ teṣāṃ nāvadheyaṃ mahātmanāṃ || 117 || 
ĀP-GL 118ab		mārgo mokṣasya vai samyagdarśanāditrayātmakaḥ | 
ĀP-GL 118cd		viśeṣeṇa prapattavyo nānyathā tadvirodhataḥ || 118 || 
ĀP-GL 119ab		praṇetā mokṣamārgasyābādhyamānasya sarvathā | 
ĀP-GL 119cd		sākṣād ya eva sa jñeyo viśvatattvajñatāśrayaḥ || 119 || 
ĀP-GL 120ab		vītaniḥśeṣadoṣo 'taḥ pravaṃdyo 'rhan guṇāṃbudhiḥ | 
ĀP-GL 120cd		tadguṇaprāptaye sadbhir iti saṃkṣepato 'nvayaḥ || 120 || 
ĀP-GL 121a		mohākrāṃtān na bhavati guror mokṣamārga praṇīti 
ĀP-GL 121b		narte tasyāḥ sakalakaluṣadhvaṃsajā svātmalabdhiḥ | 
ĀP-GL 121c		tasyai vaṃdyaḥ paragurur iha kṣīṇa mohas tvam arhan 
ĀP-GL 121d		sākṣāt kurvann amalakam ivāśeṣatattvāni nātha || 121 || 
ĀP-GL 122ab		nyakṣeṇāptaparīkṣāpratipakṣaṃ kṣapayituṃ kṣamā sākṣāt | 
ĀP-GL 122cd		prekṣāvatām abhīkṣṇaṃ vimokṣalakṣmīkṣaṇāyaṃ saṃlakṣyā || 122 || 
ĀP-GL 123a		śrīmattatvārthaśāstrādbhutasalilanidheriddharatnodbhavasya
ĀP-GL 123b		protthānāraṃbhakāle sakalamalabhide śāstrakāraiḥ kṛtaṃyat | 
ĀP-GL 123c		stotraṃ tīrthopamānaṃ prathitapṛthupathaṃsvāmimīmāṃsitaṃ tat 
ĀP-GL 123d		vidyānaṃdaiḥ svaśaktyā katham api kathitaṃsatyavākyārthasiddhyai || 123 || 
ĀP-GL 124ab		iti tattvārthaśāstrādau munīṃdrastotragocarā | 
ĀP-GL 124cd		praṇītāptaparīkṣeyaṃ kuvivādanivṛttaye || 124 || 
ĀP-GL 56,55	ity āptaparīkṣā samāptā |