AṣṭasahasrīAṣṭaśatīĀptamīmāṃsāBare text of Vaṃśīdhara's 1915 editionDigital textresource created byH. TrikhaPublished within the Digital Corpus of Vidyānandin's Works at www.dipal.org/dcv under a Creative Commons Attribution-NonCommercial-ShareAlike 4.0 International LicenseNovember 24, 2025Print edition: Aṣṭasahasrī Vidyānandasvāminā nirmitā Vaṃśīdhareṇa saṃśodhya … sampāditā. Bombay: Nirṇayasāgara 1915.Plain text: dcv/Āptamīmāṃsā/ĀM-VDh-t

This resource for the text of the Āptamīmāṃsā (ĀM) is published alongside other digital resources for the work. The resource at hand, ĀM-VDh‑b, is a resource for the specific text of the edition by Vaṃśīdhara (VDh) in 1915. The resource renders the bare text (b) only.

H. Trikha created this resource during his occupations at the Institutes for South Asian, Tibetan and Buddhist Studies, University of Vienna, and for the Cultural and Intellectual History of Asia, Austrian Academy of Sciences. Substantial work was done in the project “Perspectivism and intertextuality in Vidyānandin’s works,” funded by the Austrian Science Fund (FWF Schrödinger project J 3880-G24). Trikha is especially grateful to the late Helmut Krasser for financing the capture of the printed edition and to Vitus Angermeier for providing the initial TEI encoding.

devāgamanabhoyānacāmarādivibhūtayaḥ māyāviṣv api dṛśyante nātastvam asi no mahān iti adhyātmaṃ bahir apy eṣa vigrahādimahodayaḥ divyaḥ satyo divaukassv apy asti rāgādimatsu saḥ tīrthakṛtsamayānāṃ ca parasparavirodhataḥ sarveṣām āptatā nāsti kaścid eva bhaved guruḥ doṣāvaraṇayor hānir niśśeṣāsty atiśāyanāt kvacid yathā svahetubhyo bahir antarmalakṣayaḥ sūkṣmāntaritadūrārthāḥ pratyakṣāḥ kasyacid yathā anumeyatvato 'gnyādir iti sarvajñasaṃsthitiḥ sa tvam evāsi nirdoṣo yuktiśāstrāvirodhivāk avirodho yad iṣṭaṃ te prasiddhena na bādhyate tvanmatāmṛtabāhyānāṃ sarvathaikāntavādinām āptābhimānadagdhānāṃ sveṣṭaṃ dṛṣṭena bādhyate kuśalākuśalaṃ karma paralokaś ca na kvacit ekāntagraharakteṣu nātha svaparavairiṣu bhāvaikānte padārthānām abhāvānām apanhavāt sarvātmakam anādyantam asvarūpam atāvakam kāryadravyam anādi syāt prāgabhāvasya nihnave pradhvaṃsasya ca dharmasya pracyave 'nantatāṃ vrajet sarvātmakaṃ tad ekaṃ syād anyāpohavyatikrame anyatra samavāye na vyapadiśyeta sarvathā abhāvaikāntapakṣe 'pi bhāvāpahnavavādinām bodhavākyaṃ pramāṇaṃ na kena sādhanadūṣaṇam virodhān nobhayaikātmyaṃ syādvādanyāyavidviṣām avācyataikānte 'py uktir nāvācyam iti yujyate kathañcit te sadeveṣṭaṃ kathañcid asad eva tat tatho 'bhayam avācyaṃ ca nayayogān na sarvathā sad eva sarvaṃ ko necchet svarūpādicatuṣṭayāt asad eva viparyāsān na cen na vyavatiṣṭhate kramārpitadvayād dvaitaṃ sahāvācyam aśaktitaḥ avaktavyottarāḥ śeṣās trayo bhaṅgāḥ svahetutaḥ astitvaṃ pratiṣedhyenāvinābhāvyekadharmiṇi viśeṣaṇatvāt sādharmyaṃ yathā bhedavivakṣayā nāstitvaṃ pratiṣedhyenāvinābhāvy ekadharmiṇi viśeṣaṇatvād vaidharmyaṃ yathā'bhedavivakṣayā vidheyapratiṣedhyātmā viśeṣyaḥ śabdagocaraḥ sādhyadharmo yathā hetur ahetuś cāpy apekṣayā śeṣabhaṅgāś ca netavyā yathoktanayayogataḥ na ca kaścid virodho 'sti munīndra tava śāsane evaṃ vidhiniṣedhābhyām anavasthitam arthakṛt neti cen na yathā kāryaṃ bahirantarupādhibhiḥ dharme dharmenya evārtho dharmiṇo 'nantadharmaṇaḥ aṅgitve 'nyatamāntasya śeṣāntānāṃ tadaṅgatā ekānekavikalpādāv uttaratrāpi yojayet prakriyāṃ bhaṅginīm enāṃ nayair nayaviśāradaḥ advaitaikāntapakṣe 'pi dṛṣṭo virudhyate kārakāṇāṃ kriyāyāś ca naikaṃ svasmāt prajāyate karmadvaitaṃ phaladvaitaṃ lokadvaitaṃ ca no bhavet vidyā'vidyādvayaṃ na syād bandhamokṣadvayaṃ tathā hetor advaitasiddhiś ced dvaitaṃ syād dhetusādhyayoḥ hetunā ced vinā siddhir dvaitaṃ vāṅmātrato na kim advaitaṃ na vinā dvaitād ahetur iva hetunā saṃjñinaḥ pratiṣedho na pratiṣedhyādṛte kvacit pṛthaktvaikāntapakṣe 'pi pṛthaktvād apṛthak tu tau pṛthaktve na pṛthaktvaṃ syād anekastho hy asau guṇaḥ saṃtānaḥ samudāyaś ca sādharmyaṃ ca niraṅkuśaḥ pretyabhāvaś ca tatsarvaṃ na syād ekatvanihnave sadātmanā ca bhinnaṃ cejjñānaṃ jñeyād dvidhāpy asat jñānābhāve kathaṃ jñeyaṃ bahir antaś ca te dviṣām sāmānyārthā giro 'nyeṣāṃ viśeṣo nābhilapyate sāṃmānyābhāvatas teṣāṃ mṛṣaiva sakalā giraḥ virodhān nobhayaikātmyaṃ syādvādanyāyavidviṣām avācyataikānte 'py uktir nāvācyam iti yujyate anapekṣe pṛthaktvaikye hy avastu dvayahetutaḥ tad evaikyaṃ pṛthakatvaṃ ca svabhedaiḥ sādhanaṃ yathā satsāmānyāt tu sarvaikyaṃ pṛthagdravyādibhedataḥ bhedābhedavivakṣāyām asādhāraṇahetuvat vivakṣā cāvivakṣā ca viśeṣye 'nantadharmiṇi sato viśeṣaṇasyātra nāsatas tais tadarthibhiḥ pramāṇagocarau santau bhedābhedau na saṃvṛtī tāv ekatrāviruddhau te guṇamukhyavivakṣayā nityatvaikāntapakṣe 'pi vikriyā nopapadyate prāg eva kārakābhāvaḥ kva pramāṇaṃ kva tatphalam pramāṇakārakair vyaktaṃ vyaktaṃ cedindriyārthavat te ca nitye vikāryaṃ kiṃ sādhos te śāsanādbahiḥ yadi sat sarvathā kāryaṃ puṃvan notpattum arhati pariṇāmaprakḷptiś ca nityatvaikāntabādhinī puṇyapāpakriyā na syāt pretyabhāvaḥ phalaṃ kutaḥ bandhamokṣau ca teṣāṃ na yeṣāṃ tvaṃ nāsi nāyakaḥ kṣaṇikaikāntapakṣe 'pi pretyabhāvādyasaṃbhavaḥ pratyabhijñādyabhāvān na kāryārambhaḥ kutaḥ phalam yady asat sarvathā kāryaṃ tan mā jani khapuṣpavat mopādānaniyāmo bhūn māśvāsaḥ kāryajanmani na hetuphalabhāvādir anyabhāvād ananvayāt santānāntaravan naikaḥ santānas tadvataḥ pṛthak anyeṣv ananyaśabdo 'yaṃ saṃvṛttir na mṛṣāṃ katham mukhyārthaḥ saṃvṛtir na syād vinā mukhyān na saṃvṛtiḥ catuṣkoṭer vikalpasya sarvānteṣūktyayogataḥ tattvānyatvam avācyaṃ cet tayoḥ saṃtānatadvatoḥ avaktavyacatuṣkoṭivikalpo 'pi na kathyatām asarvāntam avastu syād aviśeṣyaviśeṣaṇam dravyādyantarabhāvena niṣedhaḥ saṃjñinaḥ sataḥ asadbhedo na bhāvas tu sthānaṃ vidhiniṣedhayoḥ avastvanabhilāpyaṃ syāt sarvāntaiḥ parivarjitam vastv evāvastutāṃ yāti prakriyāyā viparyayāt sarvāntāś ced avaktavyās teṣāṃ kiṃ vacanaṃ punaḥ saṃvṛtiś cen mṛṣaivaiṣā paramārthaviparyayāt aśakyatvād avācyaṃ kim abhāvāt kim abodhataḥ ādyantoktidvayaṃ na syāt kiṃ vyājenocyatāṃ sphuṭam hinastyanabhisandhātṛ na hinastyabhisaṃdhimat badhyate taddvayāpetaṃ cittaṃ baddhaṃ na mucyate ahetukatvān nāśasya hiṃsāhetur na hiṃsakaḥ cittasaṃtatināśaś ca mokṣo nāṣṭāṅgahetukaḥ virūpakāryārambhāya yadi hetusamāgamaḥ āśrayibhyām ananyo 'sāv aviśeṣād ayuktavat skandhasantatayaś caiva saṃvṛtitvād asaṃskṛtāḥ sthityutpattivyayās teṣāṃ na syuḥ kharaviṣāṇavat virodhān nobhayaikātmyaṃ syādvādanyāyavidviṣām avācyataikānte 'py uktir nāvācyam iti yujyate nityaṃ tatpratyabhijñānān nākasmāt tadavicchidā kṣaṇikaṃ kālabhedāt te buddhyasaṃcaradoṣataḥ na sāmānyātmanodeti na vyeti vyaktam anvayāt vyetyudeti viśeṣāt te sahaikatrodayādi sat kāryotpādaḥ kṣayo hetor niyamāl lakṣaṇāt pṛthak na tau jātyādyavasthānād anapekṣāḥ khapuṣpavat ghaṭamaulisuvarṇārthī nāśotpādasthitiṣv ayam śokapramodam ādhyasthyaṃ jano yāti sahetukam payovrato na dadhyatti na payotti dadhivrataḥ agorasavrato nobhe tasmāt tatvaṃ trayātmakam kāryakāraṇanānātvaṃ guṇaguṇyanyatāpi ca sāmānyatadvadanyatvaṃ caikāntena yadīṣyate ekasyānekavṛttir na bhāgābhāvād bahūni vā bhāgitvād vāsya naikatvaṃ doṣo vṛtter anārhate deśakālaviśeṣe 'pi syad vṛttir yutasiddhavat samānadeśatā na syān mūrtakāraṇakāryayoḥ āśrayāśrayibhāvān na svātantryaṃ samavāyinām ity ayuktaḥ sa saṃbandho na yuktaḥ samavāyibhiḥ sāmānyaṃ samavāyaś cāpy ekaikatra samāptitaḥ antareṇāśrayaṃ na syān nāśotpādiṣu ko vidhiḥ sarvathānabhisaṃbandhaḥ sāmānyasamavāyayoḥ tābhyām artho na saṃbaddhas tāni trīṇi khapuṣpavat ananyataikānteṇūnāṃ saṃghāte 'pi vibhāgavat asaṃhatatvaṃ syād bhūtacatuṣkaṃ bhrāntir eva sā kāryabhrānter aṇubhrāntiḥ kāryaliṅgaṃ hi kāraṇam ubhayābhāvatas tatsthaṃ guṇajātītarac ca na ekatve 'nyatarābhāvaḥ śeṣābhāvo 'vinābhuvaḥ dvitvasaṃkhyāvirodhaś ca saṃvṛttiś cen mṛṣaiva sā virodhān nobhayaikātmyaṃ syādvādanyāyavidviṣām avācyataikānte 'py uktir nāvācyam iti yujyate dravyaparyāyayor aikyaṃ tayor avyatirekataḥ pariṇāmaviśeṣāc ca śaktimacchaktibhāvataḥ saṃjñāsaṃkhyāviśeṣāc ca svalakṣaṇaviśeṣataḥ prayojanādibhedāc ca tannānātvaṃ na sarvathā yady āpekṣikāsiddhiḥ syān na dvayaṃ vyavatiṣṭhate anāpekṣikasiddhau ca na sāmānyaviśeṣatā virodhān nobhayaikātmyaṃ syādvādanyāyavidviṣām avācyataikānte 'py uktir nāvācyam iti yujyate dharmadharmyavinābhāvaḥ sidhyaty anyonyavīkṣayā na svarūpaṃ svato hy etat kārakajñāpakāṅgavat siddhaṃ ced dhetutaḥ sarvaṃ na pratyakṣādito gatiḥ siddhaṃ ced āgamāt sarvaṃ viruddhārthamatāny api virodhān nobhayaikātmyaṃ syādvādanyāyavidviṣām avācyataikānte 'py uktir nāvācyam iti yujyate vaktaryanāpte yad dhetoḥ sādhyaṃ tad dhetusādhitam āpte vaktari tadvākyāt sādhyamāgamasādhitam antaraṅgārthataikānte buddhivākyaṃ mṛṣākhilam pramāṇābhāsam evātas tat pramāṇādṛte katham sādhyasādhanavijñapter yadi vijñaptimātratā na sādhyaṃ na ca hetuś ca pratijñāhetudoṣataḥ bahiraṅgārthataikānte pramāṇābhāsanihnavāt sarveṣāṃ kāryasiddhiḥ syād viruddhārthābhidhāyinām virodhān nobhayaikātmyaṃ syādvādanyāyavidviṣām avācyataikānte 'py uktir nāvācyam iti yujyate bhāvaprameyāpekṣāyāṃ pramāṇābhāsanihnavaḥ bahiḥ prameyāpekṣāyāṃ pramāṇaṃ tannibhaṃ ca te jīvaśabdaḥ sabāhyārthaḥ saṃjñātvād dhetuśabdavat māyādibhrāntisaṃjñāś ca māyādyaiḥ svaiḥ pramoktivat buddhiśabdārthasaṃjñās tās tistro buddhyādivācikāḥ tulyā buddhyādibodhāś ca trayas tatpratibimbakāḥ vaktṛśrotṛpramātṝṇāṃ bodhavākyapramāḥ pṛthak bhrāntāv eva pramābhrāntau bāhyārthau tādṛśetarau buddhiśabdapramāṇatvaṃ bāhyārthe sati nāsati satyānṛtavyavasthaivaṃ yujyate 'rthāptyanāptiṣu daivād evārthasiddhiś ced daivaṃ pauruṣataḥ katham daivataś ced anirmokṣaḥ pauruṣaṃ niṣphalaṃ bhavet pauruṣād eva siddhiś cet pauruṣaṃ daivataḥ katham pauruṣāc ced amoghaṃ syāt sarvaprāṇiṣu pauruṣam virodhān nobhayaikātmyaṃ syādvādanyāyavidviṣām avācyataikānte 'py uktir nāvācyam iti yujyate abuddhipūrvāpekṣāyām iṣṭāniṣṭaṃ svadaivataḥ buddhipūrvavyapekṣāyām iṣṭāniṣṭaṃ svapauruṣāt pāpaṃ dhruvaṃ pare duḥkhāt puṇyaṃ ca sukhato yadi acetanākaṣāyau ca badhyeyātāṃ nimittataḥ puṇyaṃ dhruvaṃ svato duḥkhāt pāpaṃ ca sukhato yadi vītarāgo munir vidvāṃs tābhyāṃ yuñjayān nimittataḥ virodhān nobhayaikātmyaṃ syādvādanyāyavidviṣām avācyataikānte 'py uktir nāvācyam iti yujyate viśuddhisaṃkleśāṅgaṃ cet svaparasthaṃ sukhāsukham puṇyapāpāsravo yukto na ced vyarthas tavārhataḥ ajñānāc ced dhruvo bandho jñeyānantyān na kevalī jñānastokād vimokṣaś cedajñānād bahutonyathā virodhān nobhayaikātmyaṃ syādvādanyāyavidviṣām avācyataikānte 'py uktir nāvācyam iti yujyate ajñānān mohino bandho na jñānād vītamohataḥ jñānastokāc ca mokṣaḥ syād amohān mohinonyathā kāmādiprabhavaś citraḥ karmabandhānurupataḥ tac ca karma svahetubhyo jīvās te śuddhyaśuddhitaḥ śuddhyaśuddhī punaḥ śaktī te pākyāpākyaśaktivat sādyanādī tayor vyaktī svabhāvo 'tarkagocaraḥ tat tvajñānaṃ pramāṇaṃ te yugapat sarvabhāsanam kramabhāvi ca yaj jñānaṃ syādvādanayasaṃskṛtam upekṣā phalam ādyasya śeṣasyādānahānadhīḥ pūrvā vā'jñānanāśo vā sarvasyāsya svagocare vākyeṣv anekāntadyotī gamyaṃ prati viśeṣaṇam syān nipāto 'rthayogitvāt tava kevalinām api syādvādaḥ sarvathaikāntatyāgāt kiṃvṛttacidvidhiḥ saptabhaṅganayāpekṣo heyādeyaviśeṣakaḥ syādvādakevalajñāne sarvatattvaprakāśane bhedaḥ sākṣādasākṣāc ca hy avastvanyatamaṃ bhavet sadharmaṇaiva sādhyasya sādharmyād avirodhataḥ syādvādapravibhaktārthaviśeṣavyañjako nayaḥ nayopanayaikāntānāṃ trikālānāṃ samuccayaḥ avibhrāḍbhāvasaṃbandho dravyam ekam anekadhā mithyāsamūho mithyā cen na mithyaikāntatāsti naḥ nirapekṣā nayā mithyā sāpekṣā vastu terthakṛt niyamyate 'rtho vākyena vidhinā vāraṇena vā tathānyathā ca so 'vaśyam aviśeṣyatvam anyathā tadatadvastuvāg eṣā tad evety anuśāsatī na satyā syān mṛṣāvākyaiḥ kathaṃ tattvārthadeśanā vāksvabhāvo 'nyavāgarthapratiṣedhaniraṅkuśaḥ āha ca svārthasāmānyaṃ tādṛg vācyaṃ khapuṣpavat sāmānyavāg viśeṣe cen na śabdārtho mṛṣā hi sā abhipretaviśeṣāpteḥ syātkāraḥ satyalāñchanaḥ vidheyam īpsitārthāṅgaṃ pratiṣedhyāvirodhi yat tathaivādeyaheyatvam iti syādvādasaṃsthitiḥ itīyam āptamīmāṃsā vihitā hitam icchatām samyagmithyopadeśārthaviśeṣapratipattaye