śrīmatsamantabhadrasvāmibhir āptamīmāṃsāyāmanyayogavyavacchedād vyavasthāpitena bhagavatā śrīmatārhatāntyatīrthaṃkaraparamadevena māṃ parīkṣya kiṃ cikīrṣavo bhavantaḥ iti te pṛṣṭā ivaprāhuḥ

stutigocaratvaṃ stotraviṣayatvaṃ ninīṣavo netum icchavo vayaṃ mumukṣavo 'dyāsmin kāle parīkṣāvasānasamaye smo bhavāmas tvāṃ vīraṃ nānyat kiṃcit kartukāmā itiprativacanenābhisaṃbaṃdhaḥ kutaḥ stutigocaratvaṃ netum icchavobhavanta ity āhuḥ ṛddhamānam iti pravṛddhapramāṇatvād ity arthaḥ ṛddhaṃpravṛddhaṃ mānaṃ pramāṇaṃ yasya sa eva varddhamāna ity ucyate

kiṃ punas tatra pramāṇaṃ pravṛddham iti cet tattvajñānameva tattvajñānaṃ pramāṇaṃ syād iti vacanāt tasyaivapravṛddhatvopapatteḥ syādvādanayasaṃskṛtatvāt sannikarṣāder upacārād anyatrapramāṇatvāyogān nirvikalpakadarśanavat pravṛddhatvāsaṃbhavāt tattvajñānaṃ punaḥ svārthavyavasāyātmakaṃ tattvajñānatvānyathānupapatteḥ na hy avyavasāyātmakaṃ tattvajñānaṃ nāmā kiṃcit karasyatattvajñānatvaprasaṃgāt nākiṃcitkaraṃ tattvajñānaṃ vyavasāyakarasya tattvajñānatvāditi cet na svayam avyavasāyātmano darśanasyavyavasāyakaratvavirodhāt sugatadarśanavat kṣaṇakṣayādidarśanabuddhavyavasāyavāsanāprabodhasahakāri darśanaṃ vyavasāyakāraṇaṃ nāparam iti cet kuto vyavasāyavāsanāprabodhaḥ darśanād iti cet tarhikṣaṇakṣayādāv api syāt kathaṃ ca sugatadarśanaṃ na syāt tatrāvidyodayasattvād iti cet tarhi avidyodayasahāyādarśanāt sa ca bhavatu kṣaṇakṣayādau nāstīti mataṃ tadā darśanabhedaprasaṃgaḥ na hyekam eva darśanaṃ nīlādauvyavasāyavāsanāprabodhanibaṃdhanāvidyodayasamākrāntaṃ kṣaṇakṣayādāv anyatheti vaktuṃ yuktam syān mataṃ darśanasyāvidyodayavaicitryād vaicitryaṃ tatas tasyānyatvāttadanyatve darśanasya vāstavatvāvirodhād vāstavaṃ hi darśanam avāstavāvā'vidyā tadubhayabhedān na darśanabheda iti tad apisvasiddhāntamātraṃ tasyā vikalpavāsanāhetutvavirodhāt vāstavaṃ hikiṃcit kasyacit kāraṇam iṣṭaṃ nāvāstavaṃ śaśaviṣāṇaṃ na cāvidyā vāstavikā yadi punar yathā vāstavaṃ kāraṇaṃ vāstavam evakāryam upajanayati tadvadavāstavam avāstavaṃ virodhābhāvāt tataścāvidyodayaḥ svayam avāstavo vikalpavāsanāprabodham avāstavaṃkariṣyatīty abhidhīyate tadā vikalpavāsanāprabodho 'py avāstavonīlādivyavasāyam avāstavam eva janayet vāstavadarśanahetutvātvāstavo 'pi nīlādivikalpa iti cet tarhi vāstavāvāstavābhyāṃ darśanavikalpavāsanāprabodhābhyāṃ janito nīlādivikalpo vāstavāvāstavaḥ syāt tathā ca tajjanakaṃ darśanaṃ katham ivatattvajñānam upapadyeta saṃśayādivikalpajanakasyāpi darśanasyatattvajñānatvaprasaṃgāt yathaiva hi nīlādivikalpaḥ svarūpe vāstavaḥsvālaṃbane cāvāstavas tathā saṃśayādivikalpo 'pi sarvacittacaittānām ātmasaṃvedanasya vāstavatvāt tadālaṃbanasyacā'nyāpohasyāvāstavatvāt vāstavāvāstavopavattiḥ nanu darśanapṛṣṭabhāvinovikalpasya vastuvyavasāyakatvāt tajjanakaṃ darśanaṃtattvajñānaṃ na punaḥ saṃśayādivikalpajanakaṃ tasyāvastuparāmarśitvāt nahi saṃśayena viṣayīkriyamāṇaṃ calitākāradvayaṃ vasturūpaṃ nā'pi viparyāsenālaṃbyamānaṃ viparītaṃ vasturūpaṃ yato 'syavastuparāmarśitā syād iti kaścit so 'py evaṃ praṣṭavyaḥ kuto nīlādivikalpasya vastuvyavasāyitvaṃ siddhaṃ vastuvyavasāyivikalpavāsanāprabodhāt so 'pi vastuvyavasāyyavidyodayād iti cet tarhy avidyodayavaṃśaprabhavo nīlādivikalpa ity etadāyātam tathā ca tajjananān na darśanaṃ tattvajñānaṃ yuktam atiprasaṃgāt

tadavisaṃvādakatvāt tattvajñānam iti cet tad api yadyarthakriyāprāptinimittatvaṃ tac ca pravarttakatvaṃ tad apipravṛttiviṣayopadarśakatvam ucyate tadā na vyavatiṣṭhatedarśanasyāvyavasāyātmanaḥ pravṛttiviṣayopadarśakatvekṣaṇakṣayādyupadarśakatvaprasaṃgāt nīlādyupadarśakatvavat nīlādivat kṣaṇakṣayādāv api darśanaviṣayatvāviśeṣāt kṣaṇakṣayādau viparītasamāropān natadupadarśakatvam iti cet so 'pi kutaḥ sadṛśāparāparotpattidarśanād avidyodayāc ceti cet na sadṛśāparāparotpattidarśanasyasamāropanimittasyāparāparajalabudbudotpattidarśanena vyabhicārāttatraikatvasamāropāsaṃbhavāt tathāntaraṃgasya cāvidyodayasyavāhyakāraṇarahitasyāsamarthatvāt tanmātrād evānyathā sarvatravibhramaprasaṃgāt

syān mataṃ aparāparajalabudbudeṣusadṛśāparāparotpattidarśane saty apy avidyodayāsaṃbhavān naikatvasamāropaḥ tato navyabhicāra iti tad ayuktam kṣaṇakṣayādidarśanasyābodhisattvādaprasiddheḥ paśyann ayaṃ kṣaṇikam eva na paśyatīti vacanasyasvamanorathamātratvāt śakyaṃ hi vaktuṃ paśyann ayaṃ nityam eva paśyatyanādyavidyodayād aparāparajñānotpattiṣu kṣaṇikatvasamāropānnāvadhārayatīti kramayaugapadyābhyām arthakriyāvirodhas tu nityasyevakṣaṇikasyāpi vidyata eva tataḥ paśyann ayaṃ jātyantaram evaṃ paśyatidarśanamohodayāt tu durāgamajanitavāsanāsahāyād viparītasamāropasaṃbhavānnāvadhārayatīti yuktam utpaśyāmaḥ tathā cākṣādijñānasyadravyaparyāyātmakaḥ kathaṃcit nityānityātmāsadṛśetarapariṇāmātmakaḥ sāmānyaviśeṣātmakaḥ jātyantarabhūto 'nekāntātmārthoviṣayaḥ siddhaḥ suniścatāsaṃbhavadbādhakapramāṇatvāttadupadarśakatvaṃ pravṛttiviṣayopadarśakatvaṃ tat pravarttakatvaṃtattvārthakriyāprāptinimittatvaṃ tad apy avisaṃvāditvaṃ tallakṣaṇaṃ tattvajñānaṃkatham avikalpakaṃ jātyādyātmakasya savikalpakasyārthasāmarthyenasamudbhūtatvāj jātyādirahitasya svalakṣaṇārthasyasarvathā'narthakriyākāriṇo 'nupapatteḥ tatkāraṇena tattvajñānasyodbhavāsaṃbhavātnirvikalpakatvād asiddheḥ syān matam saṃhṛtasakalavikalpāvasthāyāṃaśvavikalpakāle godarśanaviṣayāṇāṃ nirvikalpakaṃ pratyakṣaṃpratyakṣata eva siddhaṃ vikalpena nāmasaṃśrayeṇa pratyātmanāvedyena rahitasya pratyakṣasya saṃvedanāt tad uktam

tad asat vyavasāyātmakasyaiva pratyakṣasyasvasaṃvedanapratyakṣataḥ prasiddheḥ nāmasaṃśrayasya vikalpasyatatrā'nupalaṃbhe 'py akṣādisaṃśrayasya saṃvedyamānatvāt saṃhṛtasakalavikalpāvasthāyāmapi stimitenāntarātmanā sthitasya cakṣuṣā rūpamīkṣamāṇasyākṣajāyā mateḥ savikalpakātmikāyā eva pratīteḥ anyathā vyutthitacittāvasthāyāṃ tathaiva smaraṇānupapatteḥ etenānumānātpratyakṣe kalpanāvirahasiddhir apāstā punaḥ kiṃcid vikalpayatoyathā'śvakalpanā mamāsīd iti vittis tathā goniścayo 'pyaśvavikalpakāle mamendriyabalād āsīd iti vittir api kathamanyathopapadyeta gavāśvavikalpayor yugapadvirodhāt naivaṃ vittiḥ satyeti cet na tayoḥ kramād evāśūtpatter yaugapadyābhidhānāt tattvatojñānadvayasya sopayogasya yugapadasaṃbhavāt kvacidupayuktānupayuktajñānayaugapadyavacanepi virodhābhāvāt tarhi godarśanam anupayuktamaśvavikalpas tūpayuktas tatas tayor yugapadbhāvo yukta eveti cet nakiṃcid aniṣṭaṃ syādvādināṃ tathā'nupayuktavedanasyanirvikalpakatvasyāpīṣṭatvāt kvacit kiṃcid upayuktaṃ hi jñānaṃvyavasāyātmakam iṣyate sarvathā'nupayuktasyāvyavasāyātmakasyatattvajñānatvavirodhāt na caivaṃ kevalajñānam atattvajñānaṃ prasajyetatasyāpi nityopayuktattvena vyavasāyātmakatvopagamāt nanu ca vītārāgāṇāṃkvacit pravṛttyasaṃbhavāt sarvadaudāsīnyād upayogābhāvādanupayuktam eva jñānam anumantavyam tathā ca nirvikalpakaṃ tat siddhaṃ tadvadakṣādijñānam api nirvikalpakaṃ sat tattvajñānaṃ bhaviṣyatītikecit te 'pi na yuktivādinaḥ yaugajñānasyānupayuktatvesarvapadārthapratibhāsanasya virodhāt tasyaivopayogarūpatvād yugapatsarvārthagrahaṇam eva hy upayogaḥ sarvajñavijñānasya na punarjihāsopāditsābhyāṃ hānopādānalakṣaṇā pravṛttiḥ tasyārāgadveṣopayoganibaṃdhanatvāt pralīnarāgadveṣasya sarvajñasya tadasaṃbhavāt katham evaṃsarvajñavijñānaṃ niṣphalaṃ na bhaved iti cet na tadabhinnasya phalasyasakalājñānanivṛttilakṣaṇasya sadbhāvāt sarvasya jñānasya sākṣādajñānanivṛttiphalatvād dhānopādānopekṣāviṣayasyaparaṃparājñānaphalatvaprasiddheḥ sakalavedivijñānasya paramparayāpyupekṣāmātraphalatvāt tathā coktam

nityopayuktatvāt sarvajñavijñānasyasvārthavyavasāyātmakatvam eva yuktam anyathā tasyākiṃcitkaratvaprasaṃgāttadvadakṣādijñānānām apīti na kiṃcidavyavasāyātmakaṃ tattvajñānam asti yenasādhanavyabhicāraḥ syāt atrāparaḥ prāha satyam vyavasāyātmakaṃ tattvajñānaṃ arthavyavasāyalakṣaṇatvāt na tusvavyavasāyātmakaṃ tasya jñānāṃtareṇa vyavasāyād iti so 'pi na prekṣāvatāmabhidheyavacano 'navasthānuṣaṃgatvāt kasyacid arthajñānasya hiyena jñānena vyavasāyas tan na tāvad avyavasitam eva tasya vyavasāyakaṃparātmajñānavat jñānāntareṇa tadvyavasāye tu tasyāpi jñānāntareṇavyavasāya ity anavasthānaṃ durnivāraṃ nanu ca jñānasyasvaviṣaye vyavasitijanakatvaṃ vyavasāyātmakatvaṃ tac ca jñānāntareṇa vyavasitasyā'pi yuktaṃ sannikarṣavat na hi sannikarṣādiḥ kenacid vyavasito vyavasitim upajanayati tadvadarthajñānaṃjñānāntareṇāvyavasitam eva vyavasitim utpādayatīti kaścit so 'pi na prātītikavacano 'rthajñānasyāpijñānāntareṇāvyavasitasyaivārthavyavasitijanakatvaprasaṃgātjñānajñānaparikalpanavaiyarthyāt tathā liṃgasya jñānenāvyavasitasya svaliṃgini śabdasyābhidheye sādṛśyasyopameye vyavasitijanakatvasiddhestadvijñānānveṣaṇaṃ kimarthaṃ puṣṇīyāt yadi punarubhayathā darśanād adoṣa iti mataṃ tadā'pi kiṃcil liṃgādikam ajñātaṃsvaliṃgyādiṣu vyavasitim upajanayat katham apavāryate cakṣurādikam apikiṃcid vijñānam eva svaviṣaye paricchittim utpādayad ubhayathādarśanāt syān mataṃ cakṣurādikam evājñātaṃ svaviṣayajñāptinimittaṃdṛṣṭaṃ na tu liṃgādikaṃ tad api jñātam eva nānyathā tatonobhayatrobhayathā prasaṃgaḥ pratītivirodhād iti tarhi yathārthajñānaṃvyavasitam arthajñaptinimittaṃ tathā jñānajñānam api jñāne 'stu tatrā'pyubhayathā parikalpanāyāṃ pratītivirodhasyāviśeṣāt kayā punaḥ pratītyā'tra virodha iti cec cakṣurādiṣu kayeti samaḥ paryanuyogaḥ vivādāpannaṃ cakṣurādikam ajñātam evārthajñaptinimittaṃ cakṣurāditvāt yad evaṃ tad evaṃ yathā'smac cakṣurādi tathā ca vivādāpannaṃcakṣurādi tasmāt tathā vivādādhyāsitaṃ liṃgādikaṃ jñātam eva kvacidvijñaptinimittaṃ liṃgāditvāt yad itthaṃ tad itthaṃyathobhayavādiprasiddhaṃ dhūmādi tathā ca vivādādhyāsitaṃ liṃgādi tasmāt tathetyanumānapratītyā tatrobhayathākalpane virodha iti cet tarhi vivādāpannaṃjñānaṃjñānaṃ jñātam eva svaviṣaye jñaptinimittaṃ jñānatvāt yadevaṃ tad evaṃ yathārthajñānaṃ tathā ca vivādādhyāsitaṃ jñānajñānaṃ tasmāttathety anumānapratītyaiva tatrobhayathā kalpanāyāṃ virodho 'stusarvathā viśeṣābhāvāt tathā cānavasthānaṃ durnivāram eva naiyāyikaṃmanyānāṃ syād ākūtam arthajñānam apy arthe jñānāṃtareṇājñātam evajñaptim utpādayati yathā viśeṣaṇajñānaṃ viśeṣye rthe na punar jñānaṃ tadvijñānotpatteḥ prāg eva tatra jñapter abhāvaprasaṃgāt na caivaṃ tathā pratīter arthajijñāsāyāṃ hi svahetor arthajñānam utpadyate jñānajijñāsāyān tupaścād eva jñāne jñānaṃ pratīter evaṃ vidhatvād iti tad apy asatyam svayam arthajñānaṃ mamedam ity apratipattau tathā pratīter asaṃbhavātpratipattau tu svatas tatpratipattirjñānāntarāt vā svataś cet svārthaparicchedakatvasiddhir vedanasya vastubalaprāptā kkacid arthe jijñāsāyāṃsatyāmaham utpannam iti svayaṃ pratipadyamānaṃ hi vijñānaṃsvārthaparicchedakam abhyanujñāyate nānyatheti jainamatasiddhiḥ yadipunar jñānāntarāt tathā pratipattis tadā'pitadarthajñānaprajñātam eva mayārthasya paricchedakam iti svayaṃ jñānāntaraṃ pratipadyate cet tadeva svārthaparicchedakaṃ siddhaṃ na pratipadyate cet kathaṃ tathāpratipattiḥ

kiṃ cedaṃ ca vicāryate jñānāntaram arthajñānam arthamātmānaṃ ca pratipadyājñātam eva mayā jñātam arthaṃ jānātītipratipādyā'pratipādya vā prathame pakṣe 'rthasya tat jñānasya svātmanaḥsvaparicchedakatvaviṣayaṃ jñānāntaraṃ prasajyeta dvitīyapakṣe punar atiprasaṃgaḥsukhādikam ajñātam evādṛṣṭaṃ mayā karotīty api jānīyād aviśeṣāt tataḥkiṃ bahunoktena jñānam arthaparicchedakatām icchatā svaparicchedakameṣitavyam yatheśvarajñānaṃ svaparicchedakatvābhāverthajñānatvānupapatteḥ tathā caivaṃ prayogaḥ karttavyaḥ vivādādhyāsitaṃ jñānaṃsvaparicchedakam arthajñānatvāt yad arthajñānaṃ tat svaparicchedakaṃyatheśvarajñānaṃ arthajñānaṃ ca vivādādhyāsitaṃ tasmāt svaparicchedakaṃ na cakṣurādinā hetor vyabhicāras tasyājñānatvāt nā'pimūrcchitādijñānenārthaviśeṣaṇatvāt sad dhi mūrcchitādijñānaṃ nārthajñānaṃpunas tadarthe smaraṇaprasaṃgāt na ca mūrcchitādidaśāyāṃ parair jñānam iṣṭaṃyena vyabhicāraḥ syāt yeṣāṃ tu tasyām api daśāyāṃ vedanayānidrayāvā'bhibhūtaṃ vidyamānam eva mattadaśāyāṃ madiretyādivatmadābhibhūtivedanavad anyathā tadā nairātmyāpatter iti mataṃ teṣāṃvijñānasya svavyavasāyo 'pi tadābhibhūtaprasiddha eveti kathaṃtenānaikāntikatā jñānatvasya hetoḥ syāt tato 'rthajñānatvaṃsvavyavasāyātmakatvaṃ sādhayaty eva sādhyāvinābhāvaniyamaniścayāt nanvīśvarajñānam udāharaṇasādhyaśūnyaṃ tasya svavyavasāyātmakatvābhāvād iti cen neśvarasya sarvajñatvavirodhāt jñānāntareṇātmajñānasyaparijñānāt sarvajñatve tad api jñānāntaraṃ svavyavasāyātmakaṃcet tad evodāharaṇaṃ jñānāntareṇa vyavasitaṃ cedanavasthānaṃ tatrā'pyevaṃ paryanuyogāt na ceśvarasya nānājñānaparikalpanā yuktāsahasrakiraṇavat sākṣāt sakalapadārthaprakāśakam ekameveśvarasyaṃ mecakajñānam iti siddhāntavirodhāt tad īśvarasya jñānamudāharaṇam eva sādhyavaikalyānupapatteḥ sādhanavaikalyābhāvāc ca arthajñānatvaṃ hi sādhanaṃ tadudāharaṇe vidyata eva vipakṣebādhakapramāṇasadbhāvād vā sādhyāvinābhāvaniyamasya prasiddheḥ prakṛtasādhanaṃ sādhyaṃsādhayaty eva svavyavasāyarahitatve jñānasyānīśvara iveśvare pipramāṇaviruddhatvāt svavyavasāyātmakasakalārthajñānāt kathaṃcidabhinnasya paramātmana evāptaparīkṣāyām īśvaratvam arthanāt tataḥsthitam etat svārthavyavasāyātmakaṃ tattvajñānaṃ pravṛddhaṃ mānaṃpramāṇam iti paramārthataḥ svavyavasāyātmakam eva tattvajñānaṃcetanatvāt svapnendrajālādijñānavad ity aparas tasyāpīdam anumānajñānaṃsvavyavasāyārthasya vyavasāyakam avyavasāyakaṃ vā vyavasāyakaṃ cetsiddhaṃ svārthavyavasāyātmakaṃ tadvat sarvatattvajñānaṃ tathā syāt avyavasāyakaṃ ced asādhanāṃgaṃ vyarthatvāt saṃvyavahārato'nādyavidyodayakalpitāt tadvyavasāyātmakam iti cet tarhi paramārthatonāsmād anumānāt svavyavasāyātmakaṃ sādhyaṃ siddhyed iti yatkiṃcana bhāṣī svavyavasāyātmakajñānaikāntavādīsvārthavyavasāyātmano jñānasyārthakriyārthibhiḥ saṃvyahāribhirādaraṇīyatvāt prakāśyāprakāśakasya padārthasya prakāśārthibhiranādaraṇīyatvāt tad alam atiprasaṃgena prapaṃcataḥ pramāṇaparīkṣāyāṃpramāṇasya tattvajñānasya svārthavyavasāyātmakasya parīkṣitatvāt

nanu ca tvāṃ varddhamānaṃ vīraṃ stutigocaratvaṃ ninīṣavaḥsmo vayam adyeti vākyaṃ na yuktaṃ vyākhyātuṃ tvāṃ vā tvām evavīram eveti vāśabdenāvadhāraṇārthena tato 'nyatīrthakarasamūhasyastutyasyābhimatasya stutigocaratvavyavacchedānuṣaṃgāt tathā casiddhāntavirodha iti kaścit so 'pi na vipaścit stoturabhiprāyāparijñānāt tasya hy ayam abhiprāyo ntyatīrthakarasyaivaidaṃyugīnatīrthaprakāśanapradhānasya varddhamānatvena stutigocaratvasamarthanesakalasya stutyasya siddhāntaprasiddhasya stutigocaratvaṃ samarthitaṃbhavaty eva varddhamānatvasya tatsādhanasyāviśeṣāt yasya yasyavarddhamānaṃ pravṛddhaṃ mānaṃ pramāṇaṃ kevalajñānaṃ paramaguroḥ śrutajñānādi vāparaguror niścīyate suniścitāsaṃbhavadbādhakapramāṇatvena sukhādivattasya tasya stutigocaratvaṃ prasiddhaṃ bhavati vīraśabdena vā sarvasyastutyasyābhidhānāt nāyuktam avadhāraṇārthaṃ vāśabdavyākhyānaṃmahato mahāsatvasyāsahāyasyāntarārātinirjayanodyatasyapuruṣaviśeṣasya śaktiśuddhiprakarṣaṃ dadhānasya loke vīraśabdaprayogāt viśiṣṭāṃ māṃ lakṣmīṃ muktilakṣaṇāmabhyudayalakṣaṇāṃ vā rātīti vīra itivyutpattipakṣāśrayaṇād vā sarvasya stutyasya saṃgrahātprakṛtavākyavyākhyānaṃ yuktam utpaśyāmaḥ kiṃ viśiṣṭaṃ māṃvīramṛddhamānaṃ niścinvanti bhavanto yataḥ stutigocaratvaṃ ninīṣavodya bhavantītibhagavatā pṛṣṭā iva sūrayaḥ prāhuḥ viśīrṇadoṣāśayapāśabandham iti atrājñānādidoṣas tasyāśayaḥ saṃskāraḥ pūrvo doṣa āśete 'sminn iti vyutpatteḥ doṣahetur vājñānāvaraṇādikarmaprakṛtiviśeṣodaya iti bhāvakarmaṇo dravyakarmaṇaś ca vacanaṃ doṣaś cāśayaś cadoṣāśayau tāv eva pāśau tābhyāṃ bandhaḥ pārataṃtryaṃ viśīrṇodoṣāśayapāśabaṃndho 'syeti vigrahaḥ tadaitenaitad uktaṃ bhavati yasmāttvāṃ viśīrṇadoṣāśayapāśabandhaṃ vayaṃ niraṇaiṣma tasmād vardhamānaṃstutigocaratvaṃ ninīṣavaḥ sma iti katham evaṃ vidhaṃ māṃniraṇaiṣurbhavanta ity āhur yataḥ kīrttyā mahatyā bhuvi varddhamānaṃ tvāṃ niraṇaiṣma kīrtyante jīvādayas tattvārthāṃ yayā sā kīrtir bhagavato vāk mahatīyuktiśāstrāvirodhīnī tayā bhuvi samavaśaraṇa bhūmau sākṣātparaṃparayā sakalapṛthivyāṃ paramāgamaviṣayabhūtāṃ varddhamānaḥpuṣyannikhilaprekṣāvajjanamanāṃsi parāparāṇi vyāpnuvann ity abhidhīyate sarvatra sarvadā sarveṣāṃ yuktiśāstrāvirodhivāk siddha ityarthaḥ tato 'yaṃ samudāyārthaḥ stutigocaro bhagavān vīraḥ paramātmāṛddhamānatvāt yas tu naivaṃ sa na varddhamāno yathā rathyā puruṣas tathācāyaṃ bhagavān iti tadvad vardhamāno bhagavānviśīrṇadoṣāśayapāśabandhatvāt yas tu netthaṃ sa na tathā yathā mithyādṛk tathā ca bhagavāniti viśīrṇadoṣāśayapāśabaṃdho bhagavān kīrtyā mahatyā bhuvivarddhamānatvāt yas tu naivaṃ vidhaḥ sa na tathā yathā prasiddhonāptaḥ kīrttyā mahatyā bhuvi varddhamānaś ca bhagavān tasmādviśīrṇadoṣāśayapāśabaṃdha iti kevalavyatirekī heturanyathopapattiniyamaniścayaikalakṣaṇatvāt svasādhyaṃ sādhayaty eva tathā''ptamīmāṃsāyāṃvyāsataḥ samarthitatvāt kiṃlakṣaṇā stutir yad gocaratvaṃ māṃnetum icchanti bhavanta iti bhagavatā praśne kṛta iva sūrayaḥprāhuḥ

yāthātmyam ullaṃghya guṇodayākhyā loke stutiḥ iticaturāśītir lakṣāṇi guṇās teṣāṃ guṇānāṃ yāthātmyaṃyathāvasthitasvabhāvas tadullaṃghya guṇodayasyākhyā loke stutir iti lakṣyate yady evaṃ tadā stutikarttāras tāvantaḥ kiṃ śaktāḥ bhagavatāiti paryanuyuktāḥ prāhuḥ

bhūriguṇodadhes te aṇiṣṭham apy aṃśamaśaknuvanto vaktuṃ jina tvāṃ kim iva stuyāma iti tarhi bhūriguṇodadher anantaguṇasamudrasya mamāṇiṣṭham apy aṃśaṃ sūkṣmatamam apiguṇaṃ vaktuṃ yadi na śaknuvanti bhavantaḥ kim apy upamānam apaśyantastadā kim iti stotāro bhavantīti bhagavatā paryanuyuktā ivaprāhuḥ

tathā'pi vaiyātyam upetya bhaktyā stotāsmi te śaktyanurūpavākyaḥ tathā'pi te 'ṇiṣṭham apy aṃśaṃ vaktumaśaknuvann api vaiyātyaṃ dhārṣṭyam upetyopagamya bhaktyā hetubhūtayā te vīrasyastotā'smi śaktyanurūpavākyaḥ sann aham iti saṃbandhaḥ pare 'pyevam utsahamānāḥ santīti darśanārtham idam uktam

iṣṭe prameye 'pi yathāsvaśakti kiṃ notsahante puruṣāḥ kriyāmiḥ iti utsahanta evety arthaḥ yadi yathāsvaśakti sveṣṭe prāpye rthe pravṛttyādikriyābhiḥsamutsahamānapuruṣavat bhavantaḥ stutiṃ vaktuṃ pravartante tadā kiyat vaktuṃ śaktā ityāha

jñānadarśanāvaraṇavigamād amalajñānadarśanāvirbhūtiḥśuddhis tathāntarāyavināśād vīryalabdhiḥ śaktis tayor udayasyaprakarṣasya kāṣṭhā'vasthā tāṃ jina bhagavan avāpitha tvaṃ kiṃviśiṣṭāṃ tulāvyatītām upamātikrāntāṃ tathā śāntirūpāṃpraśamasukhātmikāṃ sakalamohakṣayodbhūtatvāt tato vrahmapathasya netā mahānparamātmeti iyan mātraṃ prativaktum īśāḥ samarthā ity anena yāvatīsvaśaktiḥ bhagavatsaṃstavane tāvatī sūribhir niveditā tatra śuddhiḥkvacit puruṣaviśeṣe parāṃ kāṣṭhām adhitiṣṭhatīti prakṛṣyamāṇatvātparimāṇavat tathā śaktiḥ kvacit puruṣaviśeṣe parāṃ kāṣṭhām avāpnotiprakṛṣyamāṇatvāt parimāṇavad eveti śuddhiśaktyoḥprakarṣaparyantaṃ gamanaṃ prativarṇyate na punarjñānaṃ kvacit parāṃ kāṣṭhāṃpratipadyata iti sādhyate pratijñānasya śrutajñānasya ca dharmitve parasyasiddhasādhyatānuṣaṃgāt syādvādinaś ca sveṣṭasiddher abhāvāt avadhyādijñānatrayasya dharmitve pareṣāṃ dharmyasiddhiḥ sarvajñavādināṃsādhanavaiphalyaṃ tatsiddher iva sādhyatvāt jñānasāmānyadharmitve 'pi mīmāṃsakasya siddhasādhanam eva codanājñānasya paramaprakarṣaprāptasyasiddhatvāt śuddhes tu dharmitvanirdeśe noktadūṣaṇāvakāśaḥ pareṣāṃ tatravivādāt siddhasādhyatānuṣaṃgābhāvāt vādinaḥ sveṣṭasiddherapratibaṃdhāt sarvajñatvasāmānyasya prasiddheḥ

nanu ca yady aham eva mahān iti prativaktuṃśakyas tadā madīyaśāsanasyaikādhipatyalakṣmīḥ kim anyatīrthibhir apohyatetadapavādahetuḥ kaścid astīti cet so 'bhidhīyatām iti bhagavatpraśnesūrayaḥ prāhuḥ

tava śāsanaṃ sarvam anekāṃtātmakaṃ iti mataṃtasyaikādhipatitvaṃ sarvair avaśyāśrayaṇīyatvam arthakriyārthibhir anyathātadanupapattes tad eva lakṣmīḥ niḥśreyasābhyudayalakṣmīhetutvāt tasyāṃprabhutvaṃ sakalaṃ pravāditiraskāritvaṃ tatra śaktiḥ sāmarthyaṃ paramāgamānvitāyuktis tasyāḥ saṃpratyapavādahetur vāhyaḥ sādhāraṇaḥ kalir evakālaḥ so' sādhāraṇas tu vaktur vacanāśaya eva antaraṃgas tu stotuḥkalupāśaya eva darśanamohākrāṃtacetaḥ sarvatra vāśabda eva kārārthī draṣṭavyaḥ pakṣāntarasūcako vā tena kalir vā kālaḥkṣetrādir vā tathāvidha ity avagamyate tathācāryasya pravakturvacanāśayo vā'nuṣṭhānāśayo veti grāhyam tathā stotuḥ kaluṣāśayo vā jijñāsānupapattir vā hetur ayavādaka itipratipattavyaḥ

kīdṛśaṃ punar madīyaśāsanam ity abhidhīyate

sākalyena deśato vā prāṇihiṃsāto viratir dayāvratam anṛtādivirates tatrāntarbhāvāt manojñāmanojñendriyaviṣayeṣurāgadveṣaviratir damaḥ saṃyamaḥ vāhyābhyantaraparigrahatyajanaṃ tyāgaḥ pātradānaṃ vā praśastaṃ dhyānaṃ śuklyaṃ dharmyaṃ vāsamādhiḥ dayā ca damaś ca tyāgaś ca samādhiś ceti dvandvenimittanaimittikabhāvanibaṃdhanaḥ pūrvottaravacanakramaḥ dayā hi nimittaṃdamasya tasyāṃ satyāṃ tadupapatteḥ damaś ca tyāgasya tasmin satitadghaṭanāt tyāgaś ca samādhes tasmin saty evavikṣepādinivṛttisiddher ekāgrasya samādhiviśeṣasyopapatteḥ anyathā tadanupapatteḥ teṣu dayādamatyāgasamādhiṣu niṣṭhā tatparatā yasmin mate tattvadīyaṃ mataṃ śāsanam advitīyam ekam eva sarvādhināyakam ity arthaḥ kutomadīyaṃ matam evaṃ vidhaṃ siddham iti cet nayapramāṇaprakṛtāṃjasārtham yasmāt nayau ca pramāṇe ca nayapramāṇānīti dvandve pramāṇaśabdādabhyarhitārthād api nayaśabdasyālpāctarasya chandovaśātpūrvanipāto na viruddhyate prakarṣeṇasarvadeśakālapuruṣapariṣadapekṣālakṣaṇena kṛto niścita ity arthaḥ aṃjasā paramārthena praṇītaāṃjaso 'saṃbhavadbādhaka iti bhāvaḥ artho jīvādirdravyaparyāyātmā nayapramāṇaiḥ prakṛta āṃjaso 'rtho 'sminn itinayapramāṇaprakṛtāṃjasārthaṃ matam nayapramāṇaiḥ suniścitāsaṃbhavadbādhakaviṣayam ityarthaḥ tathāvidham api kutaḥ siddham iti cet yasmād adhṛṣyamanyairakhilaiḥ pravādair iti nivedyate darśanamohodayaparavaśaiḥsarvathaikāntavādibhiḥ prakalpitā vādāḥ pravādāḥ sarvathaikāntavādās tairakhilair akhiladeśakālapuruṣagatair adhṛṣyam abādhyam iti niścayaḥ kasmāt taiḥ kalpitā vādā na punaḥ paramārthāvabhāsina iti cet yasmāt tvadīyamatād anye vāhyāḥ samyaganekāntamatābdher vāhyāmithyaikāntā bhavanti te ca kalpitārthāḥ prasiddhās tadvādāḥ kathamiva paramārthapathaprasthāpakāḥ syur yatas tair abādhyaṃtvadīyaṃ mataṃ na syāt na hi mithyāpravādaiḥ samyagvādo bādhituṃ śakyo 'tiprasaṃgāt nanu ca dravyārthikanayena niścito rtho na pāramārthikomadīyamatasya siddhaḥ pareṣāṃ saṃbhavad bādhakatvāt paryāyārthikanayais tu niścitārthavat tathā hi na jīvādikadravyam ekam anapāyivāstavaṃ kramayaugapadyābhyām arthakriyāvirodhāt na hidravyasya deśakṛtas tāvat kaścit kramaḥ saṃbhavati niṣkriyatvāt tasyadeśāntaragamanāyogāt sakriyatve sarvavyāpakatvavirodhāt nā'pi kālakṛtaḥ śāśvatikatvāt sakalakālavyāpitvāt pratiniyatakālatve nityatvavirodhāt dravyatvāghaṭanāt svayamakramasya sahakārikāraṇakramāpekṣaḥ krama ity apy asāraṃ sahakāribhyaḥkaṃcid apy atiśayamanāsādayatas tadapekṣānupapatter atiprasaṃgāt sahakārikṛtam upakāram ātmasāt kurvataḥ kāryatvaprasaṃgādanityatvāpatteḥ yadi tu nityadravyasya kaṃcid apy upakāram akurvatām apisahakāritvam urarīkriyate tena saha saṃbhūya kāryakaraṇaśīlānām evasahakāritvavyavasthitir iti mataṃ tad api na nityadravyasya kramaḥ siddhyet tasyākramatvāt sahakāriṇām eva kramavattvāt sahakāryapekṣaḥ kramo 'pi dravyasyaiveti cet na tasyā'pi deśakṛtasyakālakṛtasya vā virodhāt tathā krameṇa sahakāriṇam apekṣamāṇasya kālabhedād anityatvaprasaṃgāt kāryeṇā'pi krameṇāpekṣamāṇasya bhedāpatteḥ sahakāriviśeṣavat tato na kramaḥ sarvathādravyasya saṃbhavati nā'pi yaugapadyaṃ yugapad ekasmin samayesakalārthakriyāniṣpādanād dvitīyasamaye'narthakriyākāritvenā'vastutvaprasaṃgāt niṣpāditaniṣpādanaprasaṃgād vā tad evaṃ dravyānnityātmakāt kramayaugapadye nivartamāne svavyāpyām arthakriyāṃ nivartayataḥ sā ca nivarttamānā vāstavatvam iti vyāpakānupalabdher bādhikāyāḥ saṃbhavān nāsaṃbhavadbādhakatvaṃ dravyasya siddhaṃsaugatānāṃ nā'pi paryāyasya kṣaṇikasyāsaṃbhavadbādhakatvaṃ siddhyati tatrā'pivyāpakānupalaṃbhasya bādhakasya saṃbhavāt tathā hi paryāyo navāstavo 'rthakriyānupalaṃbhāt na tatrārthakriyopalaṃbhaḥkramayaugapadyavirodhāt na tatra kramayaugapadye saṃbhavataḥpariṇāmānupalabdheḥ na tatra pariṇāmo 'stipūrvottarākāravyāpidravyasthiter anupalabdheḥ na tatra pūrvottarākāravyāpidravyasthitir astipratikṣaṇām utpādānantaraṃ niranvayavināśābhyupagamāt na ca tatrakasyacit kutaścid utpattir ghaṭate sati kāraṇekāryasyotpattau kṣaṇabhaṃgaprasaṃgād asati kāraṇe kāryasyodayevinaṣṭatamasya bhaviṣyattamasya ca kāraṇatvaprasaṃgas tasminn apy asatikāryasyodayāt etena svakāle sati kāraṇe kāryasyotpattir iti pakṣāntaram apyapāstam kāraṇatvenābhimatasyāpi svākāle sattvopapatteḥ taditthaṃ nayaniścito 'rtho na pāramārthikaḥ śāsanasya saṃbhavadbādhakatvāt taimirikajñānaniścitendudvayavat tathāpramāṇaprakṛto 'py artho dravyaparyāyātmako nāṃjasaḥ siddhyet tata evatadvat sa hi yenātmanā nityas tenaivātmanā'nityaś ced virodhobādhakaḥ svabhāvāṃtareṇa ced vaiyadhikaraṇyaṃ tasya prāptaṃparasparaviruddhayor nityānityātmanor ekādhikaraṇatvādarśanāt kvacid deśe śītoṣṇasparśavat tayor ekāśrayatve vā yugapad ekenaivātmanānityānityatvayoḥ prasakteḥ saṃkaraḥ syāt yenātmanā nityatvam iṣṭaṃtenānityatvam eva yena cānityatvaṃ tena nityatvam evetiparasparagamanāt vyatikaraḥ ayam ātmānaṃ purodhāya nityo jīvādir arthaḥkathyate evaṃ purodhāyānityas tau yadi tato 'rthāntarabhūtau tadā vastutrayaprasaṃgas tāni ca trīṇy api vastūni yadinityānityātmakāni tadā pratyekaṃ punar vastutrayaprasaṃga itianavasthā syāt vadi tu tau tato 'narthāntarabhūtau tadā jīvādyartha eva natāvāt prānau tadabhāvāt te na nityāś cānityāś cavyavasthāpyaṃte tāv eva cātmānau na tato 'paro 'rthaḥ syād iti kasyacin nityatvānityatve tau sādhayeyātāṃ svayam eva tau nityānityausyātām iti cet tarhi yo nityaḥ sa nitya eva yaś cānityaḥ so'nitya eveti prāptaṃ tathā cobhayadoṣānuṣaṃgaḥsarvathaikasya nityānityātmakasyārthasyāpratipattiprasaṃgaḥ dṛśyatayopagamyamānasya ca sarvathā'nupalabdher abhāvaprasaṃgaḥ tasyādṛśyatvapratijñānecādṛṣṭaparikalpanam anuṣajyetety anekabādhakopanipātān napramāṇaniścito 'rthaḥ śāsanasyāṃjasaḥ syād ākāśakeśapāśaprakāśakaśāsanavat taimirikasyeti kathaṃ nayapramāṇaprakṛtāṃjasārthaṃ madīyaṃ mataṃsyād anyair akhilaiḥ pravādaiḥ saugatādibhiḥ dhṛṣyamāṇatvāt tata eva nadayādamatyāgasamādhiniṣṭhaṃ sarvathā saṃbhavadbādhakasya jīvasyadayādicatuṣṭayāsaṃbhavāt tadviṣayasya dayādiniṣṭhatvāsiddhes tathā cakatham advitīyaṃ sarvādhināyakatvānupapatter iti vadantam iva bhagavantaṃvijñāpayantaḥ sūrayaḥ pramāṇanayaprakṛtaṃ pāramārthikaṃ tattvaṃsādhayanti

abhedo dravyaṃ nityaṃ bhedaḥ paryāyonaśvaras tāv ātmānau yasya tadabhedabhedātmakaṃ tava bhagavan arthatattvaṃ jīvāditattvaṃ parasparataṃtraṃ dravyaparyāyātmakam ityabhidhīyate asmābhir na punaḥ svataṃtraṃ dravyamātraṃ paryāyamātraṃ vātadubhayaṃ vā vijñāpyate tasya khapuṣpasamatvāt pratipāditakrameṇasaṃbhavadbādhakasyāsmābhir apīṣṭatvād vāstavatvānupapatteḥ nayaprakṛtasya pramāṇaprakṛtasya vā'rthasya jātyaṃtarasyāṃjasasyatvadīyamatena svīkaraṇād advitīyam eva tavedaṃ matam anumanyāmahe tato 'nyairakhilaiḥ pravādair adhṛṣyatvasiddheḥ

nanu cāstu svataṃtraṃ dravyam ekaṃ khapuṣpasamānaṃpratyakṣādibhir anupalabhyamānatvāt kṣaṇikaparyāyavat tadubhayaṃ tudravyaguṇakarmasāmānyaviśeṣasamavāyarūpaṃ sattattvaṃ prāgabhāvādirūpamevāsattatvaṃ svataṃtram api kathaṃ khapuṣpavat syāt tasyadravyādipratyayaviśeṣaviṣayasya sakalajanaprasiddhatvād iti cet nakāraṇakāryadravyayor guṇaguṇinoḥ karmatadvatoḥ sāmānyatadvator viśeṣyatadvatoś capadārthāntaratayā svataṃtrayoḥ sakṛd apy apratīyamānatvātsarvadāvayavāvayavyātmanor guṇaguṇyātmanaḥ karmatadvadātmanaḥsāmānyaviśeṣātmanaś cārthatattvasya jātyantarasya pratyakṣāditaḥ sarvasyanirbādham avabhāsanāt

syān mataṃ parasparanirapekṣam api padārthapaṃcakaṃsamavāyasaṃbaṃdhaviśeṣavaśāt parasparātmakam ivāvabhāsate'nutpannabrahmatulākhyajñānātiśayānām asmādṛśām iti tad api na parīkṣākṣamaṃsarvadā'smadādipratyakṣasya bhrāṃtatvaprasaṃgāt tatpūrvakānumānāderapi pramāṇatvānupapatter apramāṇabhūtāt pratyayaviśeṣātpadārthaviṣayavyavasthāpanāsaṃbhavāt tathā'bhyupagamyāpiparyanuyuṃjmahe avayavāvayavyādīnāṃ samavāyavṛttiḥ padārthāntarabhūtā tato vṛttimatī vā syādavṛttimatī vā na tāvat prathamakalpanā saṃbhavati tatra saṃyogavṛtterayogāt tasyā dravyavṛttitvād anyathā guṇatvavadvirodhāt nasamavāyavṛttiḥ samavāntarasyānabhyupagamāt viśeṣaṇabhāvasyāpivṛttiviśeṣasya svataṃtrapadārthāviṣayatvād anyathātiprasaṃgāt sahyaviṃdhyayor apiviśeṣaṇaviśeṣyabhāvānuṣaṃgāt saṃbhavaṃtī vā viśeṣaṇabhāvākhyāvṛttimadbhyo 'rthāntarabhūtā vṛttyaṃtarānapekṣā na jāghaṭītitadvṛttyaṃtarāpekṣāyām anavasthānāt kṛto vṛttir vyavasthitā syād yayāsamavāyavṛttir vṛttim atīṣyate yadi punar avṛttimatīti kalpanottarāsamāśriyate tadāpy avṛttimattvāt samavāyavṛtteḥ saṃsargahāniḥsakalārthānām anuṣajyamāṇā maheśvareṇāpi nivārayitum aśakyāpanīpadyeta yadi punaḥ svabhāvataḥ siddhaḥ saṃsargaḥ padārthānām anyonyaṃ napunar asaṃspṛṣṭānāṃ samavāyavṛttyā saṃsargaḥ kriyatesamavāyasamavāyivad iti matāṃtaram urarīkriyate tadā syādvādaśāsanam evāśritaṃ syātsvabhāvata eva dravyasya guṇakarmasāmānyaviśeṣair aśeṣaiḥkathaṃcit tādātmyam anubhavataḥ pratyayaviśeṣavaśād idaṃ dravyam ayaṃguṇaḥ karmedaṃ sāmānyam etat viśeṣo 'sau tatsaṃbaṃdho 'yamaviṣvagbhāvalakṣaṇaḥ samavāya ity apoddhṛtya sannayanibaṃdhano vyavahāraḥ pravarttataity anekāntamatasya prasiddhatvāt svataḥ parato vārthānāṃsaṃsargahānau tu sakalārthahāniḥ syāt tām anicchadbhir abhedabhedātmakamarthatattvaṃ parasparataṃtraṃ prātītikam arthakriyāsamarthaṃ sāmarthyātsamarthanīyaṃ tatra virodhānavakāśāt tatropalaṃbhasyābādhitasya sadbhāvāttadvirodhasya vā'nupalaṃbhalakṣaṇatvāt sudūram apy anusṛtya sarvaiḥ pravādibhirekasya vastuno 'nekātmakasyāśrayaṇīyatvāt yogaiḥ sāmānyaviśeṣavat na hisāmānyaviśeṣa ekaevānuvṛttivyāvṛttipratyayajananaśaktidvayātmako neṣyate svasamayavirodhāc chaktidvayasya tato bhedonaiko 'nekātmaka iti cet na tasya niḥśaktikatvaprasaṃgāt tasya śaktibhyāṃ saṃbaṃdhān na niḥśaktikatvam iti cet tarhi tasyaśaktibhyāṃ saṃbandhau svīkurvataḥ katham anekātmakaṃ na syāt tatsaṃbaṃdhayor api tato bhede tad eva niḥśaktikatvaṃ tābhyām api saṃbaṃdhābhyāmanyayo saṃbaṃdhayoḥ parikalpanāyām anavasthā syāt tad asat tatsaṃbaṃdhātmakatvopagame śaktidvayātmakatvam evāstu śaktiśaktimatoḥkaṃthacittādātmyāt tathā ca sāmānyaviśeṣa evaiko 'nekāntātmake vastuni virodhaṃ niruṇaddhīti kiṃ naścintayā tadvadvaiyadhikaraṇyādidūṣaṇakadaṃbakam api tato dūrataraṃ samutsārayatīti kṛtaṃprayāsena svayaṃ mecakajñānaṃ caikān ekaṃ pratibhāsaṃ svīkurvat katham anekāntaṃnirasitum utsahate sacetanaḥ mecakajñānam evety ayuktaṃ tasyanānāsvabhāvatvābhāve 'nekārthagrāhitvavirodhāt nānārthagrahaṇasvabhāvo 'pyeka eva tasyeṣyate sattvādisāmānyasya nānāvyaktivyāpakaikasvabhāvavaditi cet na tathā paraṃ prati sādhyatvāt satpratyayāviśeṣādviśeṣaliṃgābhāvād ekaṃ sattvasāmānyam ekasvabhāvaṃ siddhaṃ tadvatdravyādisāmānyaṃ dravyatvādipratyayāviśeṣād viśeṣaliṃgābhāvāc ceticet na sattvadravyādipratyayasya prativyaktiviśeṣasiddheḥsattvadravyatvādisāmānyasyānekatvavyavasthiteḥ idaṃ ca sad idaṃ ca sad itisamāne ime satī tathā samāne dravye guṇau karmaṇī ceti samānapratyayātsamānapariṇāmasya prativyakti vyaktyaṃtarāpekṣayā prabhidyamānasyanirvādhabodhādhirūḍhatvāt tatravṛttivikalpānavasthādibādhakasyānavakāśāt nanu ca samānapariṇāmeṣu samānapratyayātsamānapariṇāmāntaraprasaṃgād anavasthānaṃ bādhakam atrāsty eveti cet nasamānapariṇāmānāṃ vyaktiṣv eva sveṣv api samānapratyayahetutvādanavasthānupapatteḥ svayaṃ vyaktayas tathā samānapratyayahetavaḥ santu kiṃsamānapariṇāmakalpanayety anālocyābhidhānaṃ karkādivyaktīnām api gopratyayahetutvaprasaṃgāt gorūpeṇa samānena pariṇatā evakhaṃḍādivyaktayo gopratyayahetava iti cet siddhaḥ samānapariṇāmo'nekaḥ prativyaktibhedapratīteḥ na hi gotvaṃ sāmānyam ekaṃtatsamavāyāt khaṃḍādiṣu gopratyaya iti vyavasthāpayituṃ śakyaṃkarkādivyaktiṣv api tatsamavāyāt gopratyayatvaprasaṃgāt na casarvavyaktibhyaḥ sāmānyasya samavāyasya ca sarvathā bhede 'pikhaṃḍādivyaktiṣv eva gotvaṃ samavaiti na punaḥ karkādiṣv itiyuktam utpaśyāmaḥ iha khaṃḍādiṣu gotvam iti satpratyayāviśeṣātkhaṃḍādiṣv eva gotvasya samavāya iti cet tarhi nānāsamavāyaḥ siddhaḥ pratisamavāyipratyayabhedāt samavāyina eva nānāsamavāyas tattvaṃbhāvena vyākhyātam iti vacanāt sattāvattadekatvaprasiddher iti cet naikasya niraṃśasyadeśakālabhinnasamavāyiṣu sarvathehedam iti pratyayahetutvavirodhāt saṃyogasyāpyekasyānaṃśasya saṃyogiṣu saṃyuktapratyayahetutvaprasaṃgāt tathā caika evasamavāyavat saṃyogaḥ syād iti yaugamatam ativarttate yadi punarnānā saṃyogaḥ śithilaḥ saṃyogo niviḍaḥ saṃyoga iti viśeṣapratyayān manyadhvaṃ tadā nityaḥ samavāyo naśvaraḥ samavāya itipratyayabhedāt samavāyo 'pi nānāvastusamavāyinoranityatvāt sa cet tarhi saṃyoginoḥ śithilatvāt saṃyogaḥ śithila ity upacaryatāṃ paramārthatas tasya niviḍarūpatvāt nānāsaṃyogoyutasiddhadravyāśrayatvād vibhāgavad iti cet na dravyatvenaparasparavyabhicārāt tathā samavāyo nānā syādayutasiddhāvayavāvayavidravyāśrayatvād dvitvasaṃkhyāvad ity api śakyaṃ vaktuṃ samavāyasyānāśrayatvād asiddho tra hetur iti cet na ṣaṇṇām āśritatvamanyatra nityadravyebhya iti vacanavirodhāt samavāyasyopacārādāśritatva siddhes tathā vacanaṃ na virudhyate samavāyinoḥ satorevehedam iti pratyayotpādasyopacārakāraṇasya sadbhāvād iti cet katham evam avayavāvayavidravyāśrayatvāt iti hetur asiddhaḥ syāttasyopacārānupacārānapekṣayāśritatvāt sāmānyarūpatvenābhidhānāt paramārthato 'nāśritatve 'pi etad abhidhīyate nānāsamavāyonāśritatvāt paramāṇuvad iti nanv evaṃ vadan samavāyaṃ dharmiṇaṃprapadyate cet kālātyayāpadiṣṭo hetuś cadharmigrāhakapramāṇabādhitatvāt na pratipadyate ced āśrayāsiddho hetur ity api nadūṣaṇaṃ samavāyasyāviṣvagbhāvasaṃbaṃdhasya kadācittādātmyalakṣaṇasyaikatvānekatvābhyāṃ vivādāpannasya pratipatterdhārmigrāhakapramāṇāntaraikatvāsiddhes tena bādhā'nupapatteḥkālātyayāpadiṣṭatvāyogāt tadekatvasādhanasya ca pramāṇasyāsaṃbhavāt svapratyayaviśeṣasyāsiddhatvāt kālādibhir vyabhicāra iti cet na teṣām apikathaṃcin nānātvasiddheḥ kālasyāsaṃkhyeyadravyatvātsvasyānaṃtapradeśatvāt syādvādināṃ mate tataḥ samavāyasya nānātvaprasiddhauca sāmānyasya prativyaktisamavāyaṃ kathaṃcittādātmyaṃ pratipadyamānasyanānātvasiddhir nānāvyaktitādāmyena sthitatvāt vyaktisvarūpavad iti naikasvabhāvaṃ sāmānyaṃ satvaṃ dravyatvādi vā param aparaṃvā siddhaṃ yata idam ucyate nānāvyaktivyāpakaikasvabhāvasāmānyavannānārthagrāhakaikasvabhāvaṃ mecakajñānam iti nānāsvabhāvatve tumecakajñānasyaikasya tad evābhedabhedātmakaṃ vastvekānekātmakaṃnityānityātmakaṃ sādhayetsakalavirodhādibādhakapariharaṇasamarthatvāt saugatānāṃ ca vedyavedakākārasaṃvedanaṃ tattvam ekamanekātmakaṃ sādhayaty eva vedyavedakākārayor bhrāṃtatve saṃvedanasyacābhrāntatve bhrāntetarākāram ekaṃ saṃvedanaṃ bhrāntākārasya cāsattvesaṃvidākārasyābhrāntasya satve sadasadātmakam ekaṃ viṣayākāravivekitayā parokṣatve saṃvidrūpatayā pratyakṣatveparokṣapratyakṣākāram ekaṃ vijñānaṃ kathaṃ nirākuryuḥ yato 'nekāntāsiddhir na bhavet kapilānāṃ tu tattvam ekaṃ pradhānaṃ sattvarajastamorūpaṃsarvathaikāntakalpanāṃ śithilayaty eva tasyaivānekāntātmakavastusādhanatvāt sattvādīnām eva sāmyamāpannānāṃ vinivṛttaprasavapravṛttīnāṃpradhānavyapadeśāt tadvyatiriktapradhānābhāvān naikamanekāntātmakam iti cet naikapradhānābhyupagamavirodhāt pradhānatrayasiddheḥ sarvasaṃhārakāle pradhānam ekam evādvayaṃ na sattvādayas teṣāṃtatraiva līnatvād iti cet katham ekasmād anekākāraṃ mahatprajāyetātiprasaṃgāt sukhaduḥkhamohaśaktitrayātmakatvāt pradhānasya na doṣa iticet katham evam ekam anekaśaktyātmakaṃ pradhānamanekāṃtaṃ na sādhayet bhoktṛtvādyanekadharmātmakapuruṣatattvavat bhoktṛtvādīnāmavāstavatvād ekam eva puruṣatattvam iti cet na vāstavāvāstatvasiddheḥ puruṣasyānekatvānivṛtteḥ tasyāvāstavadharmarūpeṇāsatvānnānekarūpatvam iti cet na tathā sadasadātmakatayā'nekāṃtasiddheḥ tato bhagavato jinasya matam advitīyam evanayapramāṇaprakṛtāṃjasārthatvād akhilaiḥ pravādair adhṛṣyatvāc ca vyavasthitam itiyogamatasyaiva sadoṣatvasiddher akhilārthahānir vyavatiṣṭhate

itaś ca sakalārthahānir yaugānām ity abhidhīyate

dikkālākāśātmamanaḥsu pṛthivyādiparamāṇudravyeṣu paramamahatvādiṣu guṇeṣu sāmānyaviśeṣasamavāyeṣu cabhāveṣu nityeṣv evābhyanujñāyamāneṣu vikārasya vikriyākhyasya hāniḥ prasajyeta vikārahāneś ca na kārakavyāpṛtaṃkartrādikārakavyāpārasya vikriyāpāye saṃbhavā'bhāvāt kriyāviṣṭaṃdravyaṃ kārakam iti prasiddheḥ kārakavyāpṛtābhāve ca na kāryaṃdravyaguṇakarmalakṣaṇaṃ pratiṣṭhām iyarttīti tadapratiṣṭhāyāñ cana yuktir anumānalakṣaṇānubaṃdhe sādhye tasyāḥ kāryaliṃgatvāttadabhāve cāghaṭanāt baṃdhābhāve ca bhogaḥ phalaṃ na bhavati nā'pi tadvimokṣas tasya baṃdhapūrvakatvād iti sakalārthahāniḥ syāt bhāvānām abhāve prāgabhāvādīnām apy asaṃbhavāt teṣāṃ bhāvaviśeṣaṇatvātsvataṃtrāṇām anupapatteḥ etena mīmāṃsakānāṃ śabdātmādiṣubhāveṣu nityeṣu pratijñāyamāneṣu vikārahāneḥkārakavyāpṛtakāryayuktiḥ pratyākhyātā tannibandhanau ca baṃdhabhogau tadvimokṣaścānaṃdātmakabrahmapadāvāptirūpaḥ pratikṣiptaḥ kathaṃcidabhedabhedātmakatve tu bhāvānām abhyupagamyamāne syādvādāśrayaṇaṃnityatvaikāṃtavirodhaprātītikam avaśyaṃ bhāvi durnivāraṃ iti samaṃtadoṣamanyadīyam anyeṣāṃ vaiśeṣikanaiyāyikānāṃ mīmāṃsakānāñ cedam anyadīyam itipratipattavyam athavā kāpilānāṃ matam anyadīyaṃsamantadoṣam iti vyākhyāyate samantāt deśakālapuruṣaviśeṣāpekṣayā'pi sarvataḥ pratyakṣānumeyāgamagamyeṣu sarveṣu sthāneṣu sarvata itigrāhyaṃ samantāt doṣo bādhakaṃ pramāṇaṃ yasmiṃs tatsamantadoṣaṃ taccānyadīyaṃ mataṃ na tvadīyam iti bhāvaḥ kathaṃ tatsamantadoṣam ityucyate yasmād bhāveṣu nityeṣu niratiśayeṣu puruṣeṣu sāṃkhyairabhimateṣu nirvikārasya puruṣārthapradhānapravṛttivikriyālakṣaṇasyahāniḥ prasajyate sa hi pradhānasya vikāro mahadādiḥ puruṣārthobhavatu puruṣasya kaṃcid upakāraṃ karoti vā na vā yadi karoti tadā puruṣād anarthāntaram arthāntaraṃ vā tato 'narthāntaraṃcet tam eva karotīti kāryatvaprasaṃgāt puṃso nityatvavirodhaḥ tato'rthāntaraṃ cen na tasya kiṃcit kṛtaṃ syād iti kathaṃ puruṣārthaḥprakṛter vikāraḥ syāt prakṛtikṛtavikāropakāreṇapuruṣasyopakārāntarakaraṇe 'navasthāprasaṃgāt nanu ca na puruṣasyopakārakaraṇānmahadādiḥ puruṣārtho 'bhidhīyate sāṃkhyair nāpi puruṣeṇatasyopakārasaṃpādanāt sarvathā tasyodāsīnatvāt kiṃ tarhi puruṣeṇa darśanāt puruṣārthaḥ kathyate puruṣabhogyatvād iti kecit te 'pi naparīkṣakāḥ sarvathodāsīnasya puruṣasya bhoktṛtvavirodhāt dṛśyasyabhogyatvāyogāt nanu ca vītarāgasarvajñadarśanavat puṃso viṣayadarśanaṃ bhogaḥ sa ca śuddhasyātmanaḥ saṃbhavaty evarāgādimalābhāvāt tadviṣayasya ca bhogyatvaṃ nirviṣayasya bhogāsaṃbhavāttataḥ sarvathodāsīnasyāpi bhoktṛtvaṃ na virudhyate iti cet na pariṇāmitvaprasaṃgāt syādvādinaḥ sarvajñavat sa hi sarvajñaḥpūrvottarasvabhāvatyāgotpādanābhyām avasthitasvabhāvaḥ pariṇāmy evasarvārthān paśyati nānyathā pratisamayaṃ dṛśyasya pariṇāmitvedraṣṭur apariṇāmān upapatter na cāyaṃ dṛśyam artham apariṇāminaṃ vaktuṃsamarthaḥ svayaṃ tasya pariṇāmitvopagamāt siddhāṃtaparityāgānuṣaṃgāt cicchaktir apariṇāminyeti cet nādarśitaviṣayatvatyāgenadarśitaviṣayatvopādānād avasthitāyā eva tasyāḥ pariṇāmitvasiddheḥ etenāpratisaṃkramatvād apariṇāminī cetaneti pratyuktaṃ prativiṣayaṃ darśitaviṣayatve saṃkramāt tathā buddher evapratisaṃkramo na tu cicchakter iti cet va buddher apy apratisaṃkramaprasaṃgātviṣayasyaiva pratisaṃkramaprasaṃgāt buddhyāvasīyamānasya viṣayasyapratisaṃkrame buddheḥ katham apratisaṃkrama iti cet tarhi buddheḥpratidarśikāyāḥ pratisaṃkrame tadviṣayasya citiśaktiḥ kathamapratisaṃkrameti cintyaṃ yathaiva hi viṣayaṃ pratiniyataṃ darśayantībuddhiś citiśaktaye saṃkrāmati tathā krameṇa citiśaktir apipaśyaṃtī viśeṣābhāvāta katham anyathā krameṇā darśitaviṣayā syāt cicchaktir apratisaṃkramaiva sarvadā śuddhatvād iti cet naśuddhātmano'pi svaśuddhapariṇāmaṃ pratisaṃkramāvirodhāttatrāśuddhapariṇāmasaṃkramasyaivāsaṃbhavāt śuddhapariṇāmenāpi citiśaktirapratisaṃkramānaṃ tatvād iti cet na prakṛtyā vyabhicārāt sā 'pi hyanaṃtā sāṃtatve'pi nityatvavirodhāt prakṛtermahadādipariṇāmasadbhāvāt pratisaṃkramaḥ siddhayen na punaś cicchakter apariṇāmitvāditi cet na tasyā api dṛśyadarśanapariṇāmasadbhāvasiddheḥ etena cicchakter apratisaṃkrame sādhye pariṇāmarahitatve satyanaṃtatvād iti hetor asiddhatvaṃ vyavasthāpitam

syān mataṃ cicchāktir apariṇāminy apratisaṃkramāśuddhatve saty anaṃtatvāt parasaṃgrahaviṣayasattāvad iti tad apy asat sattāyā guṇībhūtapariṇāmasaṃkramāyā eva parasaṃgrahaviṣayāyāḥ syādvādibhir abhīṣṭatvāt sādhyasamatvād udāharaṇasya na hinirākṛtapariṇāmasaṃkramaṃ kiṃcid dravyaṃ dravyārthikanayaṃ pratyāpayatidurnayatvaprasaṃgāt brahmavādavat nā'pi svapariṇāmabhinnamupacaritapariṇāmasaṃkramam urarīkriyate yatas tadudāharaṇīkṛtya cicchaktis tathāvidhā sādhyeti nanu ca pareṣāṃ dṛśyasya draṣṭur atyaṃtabhedātdṛśye pariṇāmini pratisaṃkramo draṣṭur iti cicchāktilakṣaṇe śuddhātmaniupacaryate tayoḥ saṃsargāś cetanasyadarśitaviṣayatvopagamāt tato na paramārthato pariṇāmapratisaṃkramaṃ taṃ praniṣeddhum ucitamiti cet tarhi darśitaviṣayatvam yo 'caritatve darśanam anupacaritamātmanaḥ prasajyeta atha darśanabhedas tatropacarita eva bhinnasyadarśanasya dṛśiśaktirūpasya vāstavatvād iti mataṃ tad api na samyak dṛśiśakteḥ svabhāvabhedam antareṇa nānāvidhadṛśyadarśanavirodhāttaddarśitaviṣayasvabhāvabhedasya pāramārthikasyaiva siddheḥ

syān mataṃ cicchakter eka evābhinnaḥ svabhāvo'bhyupagamyate 'smābhir yena yo yadā yatra yathā dṛśyapariṇāmobuddhayādhyavasīyate taṃ tadā tatra tathā paśyatīti darśitaviṣayatve pi tasyāḥprativiṣayaṃ na svabhāvabheda iti tad apy asaṃbhāvyaṃ tathā buddherapy ekasvabhāvatvaprasaṃgāt śakyaṃ hi vaktuṃ buddher eka eva kramabhāvyanekaviṣayavyavasāyasvabhāvo yena yathākālaṃ yathādeśaṃ yathāprakāraṃ caviṣayam adhyavasyatīti va kiṃcid anekasvabhāvaṃ sidhyettathendriyamano'haṃkārāṇām apiviṣayālocanasaṃkalpanābhimananaikasvabhāvatvaprasaṃgāt tanmātrabhūtānām apinānāsvakāryakaraṇaikasvabhāvatvopapatteḥ kasyacid anekaśo 'nekakāryahetor anekakriyāśāktisvabhāvatvecicchakter api nānādṛśyadarśanakriyāsvabhāvanānātvaṃ kathamapākriyate tathā ca na cicchaktir niratiśayaikanityasvabhāvā sidhyati tatra darśitaviṣayā yatas tadarthobahudhā'nekavikāro mahadādiḥ syād iti nityeṣu bhāveṣu prakṛtipuruṣeṣuvikārahāniḥ siddhā vikārahāneś ca na kārakavyāpṛtakāryayuktiḥ karoti iti kārakaṃ kartṛpradhānaṃ tasya vyāpṛtaṃ vyāpāraḥ kāryaṃ mahadādi vyaktaṃ yuktiryogaḥ saṃbaṃdhaḥ saṃsargaḥ kārakavyāpṛtaṃ cakāryaṃ ca tābhyāṃ yuktiḥ puruṣasya saṃsargo na syāt tathākārakatvenābhimataṃ pradhānaṃ na mahadādikāryakāri nirvyāpāratvātpuruṣavat nirvyāpāraṃ tat sarvathāvikriyāśūnyatvāt tadvat vikārarahitaṃ pradhānaṃ nityatvād ātmavad iti na kārakavyāpṛtakāryayorvyavasthā tadabhāve ca na tābhyāṃ yuktiḥ puruṣasya siddhyet tadasiddhau ca na baṃdhabhogau syātāṃ muktātmavat pradhānavyāpārakāryāyoge hi na dharmādharmābhyāṃ prakṛter baṃdhaḥ saṃbhavati tadasaṃbhave ca na tatphalaṃ sukhaduḥkhaṃ yasya bhoge darśanaṃ puruṣasya syāt tadabhāvena tadvimokṣaḥ pradhānasya siddhyed baṃdhābhāve mokṣānupapatteḥ baṃdhapūrvakatvād vimokṣasyeti samaṃtadoṣaṃ matam anyadīyaṃ siddham syānmataṃ nityeṣv apy ātmādiṣu bhāveṣu svabhāvata eva vikāraḥ siddhyet tataḥ kārakavyāpāraḥ kāryaṃ ca tadyuktiś copapadyate itisakaladoṣāsaṃbhava eveti tad api na parīkṣākṣamam ity āhuḥ

svabhāvavādī tāvad evaṃ praṣṭavyaḥ kim ayaṃ svabhāvo nirhetukatvaṃ prathitaḥ kim uta ābālasiddhervividhārthasiddhir iti nirhetukatvaṃ prathitaḥ svabhāva iti cet tarhijñaptyutpattilakṣaṇāyāḥ kriyāyāḥ pratīyamānāyā vibhramaḥ syāt svabhāvata eva bhāvānāṃ jñānād āvirbhāvāc cānyathā nirhetukatvāsiddheḥ kriyāvibhrame ca kārakasya sakalasya pratibhāsamānasya vibhramo bhavet kriyāviśiṣṭasya dravyasya kārakatvaprasiddheḥkriyāyāḥ kārakānupapatteḥ na ca kriyākārakavibhramaḥsvabhāvavādibhir abhyupagaṃtuṃ yukto vādāntaraprasaṃgāt astusarvavibhramaikānto vādāntaram iti cet tarhi vibhrame kim avibhramo vibhramo vā syāt yady avibhramas tadā na vibhramaikāṃtaḥ sidhyet tatrā'pi vibhrame sarvatrābhrāntisiddhiḥ sarvatra vibhrame vibhramasyasarvavāstavasvarūpatvāt tato vādāntaraṃ kiṃ tad asūyatāṃ te tavabhagavataḥ syādvādabhānoḥ asūyatāṃ vidviṣāṃ vibhramaikāntasyāpi vādāntarasyāsaṃbhavān na kiṃcid vādāntaram astīti vākyārthaḥ athanāhetutvaṃ prathitaḥ svabhāvo 'bhyupagamyate kiṃ tvābālasiddher vividhārthasiddhiḥ prathitaḥ svabhāva iti nigadyate tarhisaivābālasiddher nirṇītir nityādyaikāṃ tavādāśrayaṇe na saṃbhavati yataḥsarveṣām arthānāṃ kāryāṇāṃ kāraṇānāṃ vā siddhiḥ syāt na ca pratyakṣādipramāṇato vividhārthasiddher asaṃbhave pareṣāṃ paryanuyogesvabhāvavādāv alaṃbanaṃ yuktam atiprasaṃgāt pratyakṣādipramāṇasāmarthyāt vividhārthasiddhiḥ svabhāva iti vacane kathamivasvabhāvaikāṃtavādaḥ sidhyet svabhāvasya svabhāvata eva vyavasthites tasyapratyakṣādipramāṇasāmarthyāt vyavasthāpitatvāt vādāntaraṃ tu kiṃ tat te 'sūyatāṃ syāt tava suhṛdām eva vādāntaraṃsamyaganekāṃtavādarūpaṃ prasidhyet na tu tava pratikṣāṇāṃmithyaikāṃtavādinām ity arthaḥ kiṃ ca nityaikāntavādinaḥ kim ātmatattvaṃdehād ananyadeva vadeyur anyedeva vā prathamakalpanāyāṃ saṃsārābhāvaḥprasajyeta dehātmakasyātmano deharūpādivadbhavāṃtaragamanāsaṃbhavāttadbhava eva vināśaprasaṃgāt nityatvavirodhāccārvākamatāśrayaṇaprasaṃgaś ca sa ca pramāṇaviruddha evātmatattvavādino 'niṣṭaś ca dvitīyakalpanāyāṃ tu dehasyānugrahopaghātābhyām ātmanaḥ sukhaduḥkhe na syātāṃsvadehād apy ātmano 'nyatvābhiniveśāt dehāntaravat sukhaduḥkhābhāve ca necchādveṣau tadabhāve ca dharmādharmau na saṃbhavataiti svedehe 'nurāgasadbhāvād anugrahopaghātābhyām ātmanaḥ sukhaduḥkhesvagṛhādyanugrahopaghātābhyām iva katham upapadyate

dehād ananyatvānyatvābhyām avaktavyamātmatattvamabhyupagacchatāṃ bādhakam āhuḥ

na dehād ātmatattvasyānanyatvakḷptir nāpi pṛthaktvakḷptir uktadoṣānuṣaṃgāt kiṃ tarhi dehādananyatvapṛthaktvakalpanād ātmatattvam avaktavyam eveti yeṣām abhiniveśas teṣāṃjñatattvaṃ sarvathā'navadhāryatattvaṃ prasajyatetatsvarūpasyāvadhārayitum aśakyatvāt dehād ananyatvena pṛthaktvena vā tasyānavadhāraṇeproktadoṣānuṣaṃgāt tadubhayakalpanayāpy anavadhāryatattvasya prasiddheravaktavyatvavat tathā ca sakalavāgvijñānagocarātikrāṃtam ātmatattvam ityāyātaṃ tatra cānavadhāryatattve jñatattve kā baṃdhamokṣasthitiraprameye sarvathā 'navadhāryatattvaṃ hy ātmatattvam aprameyam āpannaṃ tatracāprameye pratyakṣādipramāṇāviṣaye jñatattve kā baṃdhamokṣasthitir vāsaṃbhāvyate baṃdhyāputravat na kāpīty arthaḥ

tad evaṃ nityaikāṃtātmavādimataṃ samaṃtadoṣaṃvyavasthāpya saṃpratyanityātmavādimatam api samaṃtadoṣam upadarśayitumārabhate

yo 'yaṃ kṣaṇikātmavādaḥ saugatānāṃ nadhvastaṃ cittam anyatra dvitīye bhave kṣaṇe bhaved iti sa pravādaeva kevalaḥ pramāṇaśūnyo vādaḥ pravādaḥ pralāpa ity arthaḥ kuta etat yo 'tra kṣaṇikātmavāde hetur jñāpakaḥ kaścin na vidyate'yatsattatsarvaṃ kṣaṇikaṃ' yathā śabdavidyudādiḥ saṃśca svātmeti svabhāvahetur jñāpako'sty eveti cet sa tarhi svayaṃ pratipatrā dṛṣṭo vā syād adṛṣṭo vā natāvat dṛṣṭaḥ saṃbhavati tasya darśanānantaram eva vināśādanumānakāle 'py abhāvāt tadanumātuś ca cittaviśeṣaliṃgadarśino'saṃbhavāt na cā'py adṛṣṭo hetuḥ kalpanāropitaḥ saṃbhavati tatkalpanāyāapi anumānakāle vināśāt vyāptigrahaṇakālaliṃgadarśanavikalpavināśepi tadvāsanāsadbhāvātanumānakālaliṃgadarśanaprabuddhavāsanāsāmarthyād anumānaṃ pravarttata eveti cāyuktaṃhetuhetumadbhāvavyāptigrāhicittād anumātṛcitte saṃtānābhinnevāsanānupapatteḥ santānabhinnam iva santānabhinnaṃ cittaṃ tasmin na hivāsanā'sti jinadattadevadattaṃ satānabhinne pi citte vāsanāsti tvānuṣaṃgāt devadattacittena sādhyasādhanavyāptau gṛhītāyāṃ jinadattasyatatsādhanadarśanāt sādhyānumānam āsajyetāviśeṣāt tathā cavāsanā nāsti saṃtānabhinne citte tathā na tatkāraṇakāryabhāvaḥsaṃbhavatīti kriyādhyāhāraḥ saṃtānabhinnayor api cittayoḥkāryakāraṇabhāve devadattajinadattacittayor api kāraṇakāryabhāvaḥpravartteta sāmānyarūpāṇām eva cittakṣaṇānām ekasaṃtānavartināṃ kāryakāraṇabhāvo na tu bhinnasantānavarttinām asamānarūpāṇām iticet na tarhi cittakṣaṇāḥ kṣaṇavinaśvarā niranvayāḥ kenasamānarūpāḥ na kenāpi svabhāvena te samānarūpā ity arthaḥ tathāhi yadi tāvat satsvabhāvena citsvabhāvena vā samānarūpāḥ syus tadābhinnasaṃtānavartino 'pi tathā bhaveyur aviśeṣāt yadi punarataddhetubhyaḥ saṃtānāntaravarttibhyaś cittakṣaṇebhyo vyāvṛttenataddhetvapekṣitvena samānarūpāḥ kecidevaikasaṃtānavarttinaś cittakṣaṇāḥ iṣyantepūrvapūrvasyopādānahetvapekṣitvād uttarottaracittasyeti mataṃtadāpi taduttaraṃ cittam utpannaṃ satsvahetum apekṣate 'nutpannam asad vā natāvat prathamaḥ pakṣaḥ sataḥ sarvanirāśaṃsattvād utpannasyahetvapekṣatvavirodhāt dvitīyapakṣe tv asatkhapuṣpaṃ na hi hetvapekṣaṃ dṛṣṭaṃ etad uktaṃ bhavati yad asat tan na hetvapekṣaṃ dṛṣṭaṃ yathā khapuṣpaṃ asaccotpatteḥ pūrvaṃ kāryacittam iti tato na sidhyaty ubhayor asiddhaṃ na hi kiṃcidasad api hetvapekṣaṃ vādiprativādinor ubhayoḥ siddham asti yannidarśanīkṛtyottaram uttaraṃ cittam anutpannam api tad dhetvapekṣaṃsādhyate tadasādhane ca kathaṃ taddhetvapekṣatvenāpi samānarūpāścittakṣaṇāḥ kecid evaikasaṃtānabhājaḥ siddheyur yataḥ kāraṇakāryabhāvasteṣām upādānopādeyalakṣaṇaḥ syāt vāsya vāsakabhāvahetur iti na tatra vāsanā saṃbhavati bhinnasaṃtānacittakṣaṇavat tataḥsūktaṃ sūribhir idam

khaṃḍaśo 'sya vyākhyānāt

yathā ca hetor apekṣakaṃ phalacittam asan na ghaṭatetathā hetur api phalacittasyāpekṣaṇīyo na saṃbhavaty evety āhuḥ

abhyupagamyedam uktaṃ kāryacittaṃ sadrūpam asadrūpaṃ vā na hetvapekṣam iti paramārthas tu kṣaṇikātmavādeheturnaivā'sti sa hi san vā hetuḥ syād asan vā na tāvat san nevapūrvacittakṣaṇa uttaracittakṣaṇasya hetur bhavati vibhavād vibhavaprasaṃgādity arthaḥ satyekakṣaṇe citte cittāntarasyotpattau tatkāryasyāpitadaivotpattir iti sakalacittacaittakṣaṇānāmekakṣaṇavarttitvotpattau yugapat sakalajagadvyāpicittaprakārāsiddher vibhutvam evakṣaṇikaṃ katham iva nivāryeta pūrvaṃ paścāc ca cittaśūnyaṃ jagadāpanīpadyeta tathā ca saṃtānanirvāṇalakṣaṇo mokṣo vibhavaḥsarvasyānupāyasiddhaḥ syāt athaitaddoṣabhayād asann eva hetur ati brūyāt tadāpyakasmātkāraṇam aṃtaṃreṇa kāryotpattiprasaṃgas tato 'sann api nahetuḥ saṃbhavati

syān mataṃ yasya nāśa eva kāryotpādaḥ sa taddheturnāśodayayor ekakṣaṇatopapatteḥ kāraṇanāśānaṃtaraṃkāryasyodayasyāniṣṭer akasmātkāryodayaprasaṃgād iti cet tad apy asat yatonāśodayaikakṣaṇatāyāḥ saṃtānabhinnakṣaṇayor abhāvāt bhinnauca tau kṣaṇau ca bhinnakṣaṇau kālavyavahitau saṃtānasyabhinnakṣaṇau saṃtānabhinnakṣaṇau tayoḥ suṣuptasaṃtānejāgraccittaprabuddhacittakṣaṇayor abhāvān nāśodayaikakṣaṇatāyā itivibhaktipariṇāmaḥ na hi tatra jāgraccittasya nāśakāla evaprabuddhacittasyodayo 'sti muhūrttādikālenānekakṣaṇena vyavadhānāt tathā cajāgraccittaṃ prabuddhacittasya hetur na syāt tannāśasyaivaprabuddhacittodayatvābhāvāt jāgraccittaprabuddhacittanāśodayayor ekakṣaṇatāpāyāt athavā saṃtāne pradīpāder niranvayanāśini nāśodayayorekakṣaṇatāyā asaṃbhavāt bhinnakṣaṇateti vyākhyeyaṃ tato 'satyeva hetau kālāntareṇa svayam utpadyamāno 'rthaḥ pralaya ivākasmikaḥsyāt tatra cedaṃ dūṣaṇam āvedayanti sūrayaḥ

yathā kāraṇam antareṇaiva bhavanpralayaḥ syādākasmikaḥ saugatasya tathā kāryodayo 'pīti pralayasvabhāvo 'rthaḥpramāṇabalād āyātaḥ pariharttum aśakyatvāt tasmiṃś cākasmike 'rthepralayasvabhāve yuktyā pūrvacittena kṛtaṃ karma śubham aśubhaṃ vātasya tatphalabhogābhāvāt kṛtapraṇāśaḥ syāt taduttarabhāvinā cacittenākṛtasyaiva karmaṇo bhogaḥ syād ekasya karmaṇāṃ kartustatphalabhoktuś cāvasthitasyābhāvād iti kṛtapraṇāśākṛtakarmabhogausyātāṃ tathā yena cittena saṃcetitaṃ karma tasya niranvayapralayātyenāsaṃcetitam uttaracittena tasyaiva karma bhavedity ato 'saṃcetitaṃ ca karma syāt tathā ca sakalāsravanirodhalakṣaṇamokṣasyacittasaṃtatināśarūpasya vā śāṃtanirvāṇasya mārgoheturnairātmyabhāvanālakṣaṇo na yuktaḥ syān nāśakasya kasyacidvirodhāt tathākasyacitprāṇinaḥ kaścidvadhako 'pi syāt tadvadhakasyapralayasvabhāvasyākasmikatvāt

kiñcānyat syād ity ācāryā vyācakṣate

kṣaṇikam ekaṃ yac cittaṃ tatsaṃsthau baṃdhamokṣau nasyātāṃ yasya cittasya baṃdhastasya niranvayapraṇāśāttaduttaracittamyābaddhasyaiva mokṣaprasaṃgāt yasyaiva bandhastasyaiva mokṣaity ekacittasaṃsthau baṃdhamokṣau saṃvṛtyātadekatvāropavikalpalakṣaṇāyā syātām iti cet tarhi sāpi saṃvṛtir mṛṣāsvabhāvā syāt gauṇavidhirvā tatra tāvan na saṃvṛtiḥ mṛṣāsvabhāvābaṃdhamokṣayoḥ kṣaṇikaikacittasaṃsthayoḥ mṛṣātvaprasakteḥ gauṇavidhir evasaṃvṛtir iti cet tarhi mukhyau baṃdhamokṣau kvaciccittesaṃtiṣṭhamānau pratipattavyau yato mukhyādṛte gauṇavidhir na dṛṣṭaḥpuruṣasiṃhavat na hi mukhyasiṃhādṛte gauṇasya puruṣe siṃhavidher darśanamasti tad evaṃ vibhrāntadṛṣṭis tava dṛṣṭito 'nyā tavavīrasya syādvādāmṛtasamudrasya yā dṛṣṭir abādhitā tato 'nyākṣaṇikātmavādidṛṣṭir vibhrāntadṛṣṭir eva samaṃtadoṣatvād iti sūrerabhiprāyaḥ

tam evāhuḥ

kṣaṇaṃ kṣaṇaṃ prati bhaṃgavatsu padārtheṣupratijñāyamāneṣu na mātṛghātī kaścitputrotpattikṣaṇa eva mātuḥ svayaṃnāśāt tadanaṃtare kṣaṇe putrasyāpi pralayād aputrasyaivaprādurbhāvāt lokavyavahārato mātaraṃ dūrataraṃ hantuṃ pravṛtto 'pi na mātṛghātībhaved ity arthaḥ tathā na svapatiḥ kulayoṣito 'pi kaścit syāt tadvoḍhuḥ patyur vināśād anyasyotpādāt tadūḍhāyā yoṣitaśca vināśāt tadanyasyā evotpādāt pāradārikatvaprasaṃga ity arthaḥ tathā svajāyā'pi na syāt tata eva tathā dattagraho na syāt dhaninā dattasya dhanasyādhamarṇāt grahaṇaṃ na syāt dāturniranvayanāśa dadhamarṇasyāpy anyasya prādurbhāvāt sākṣilikhitāder apiparidhvaṃsād ity arthaḥ tathā'dhigatasya śāstrārthasya smṛtir apina syād iti śāstrābhyāsasya vaiphalyam āsajyeta tathā naktvārthasatyaṃ pūrvottarakriyayor ekakartṛkayoḥ pūrvakāle ktvārthasatyenaparamārthena pramāṇopapannena nyāyena ktvārthaś ca satyaṃ caktvārthasatyaṃ rājadaṃtādiṣu paraṃ iti satyapadasya paranipātaḥ tad api pratikṣaṇaṃbhaṃgiṣu viṣaya viṣayiṣu nopapadyeta tathā na kulaṃ sūryavaṃśādikaṃ bhavetkṣatriyasya yatra kule 'sau jātas tasya niranvayavināśāttajjanmani kulābhāvāt tathā na jātiḥ kṣatriyatvādiḥ tadavyaktivyatir ekeṇa tadasaṃbhavāt anekavyakter atadvyāvṛttigrāhiṇaścittasyaikasyāsaṃbhavāt tadanyāpohalakṣaṇāyāś ca jāteranupapatteḥ

kiñca

śāstā sugataḥ śiṣyas tadvineyas tayor vidhiḥsvabhāvas tasya vyavasthā viśeṣeṇānyavyavacchedenāvasthā sāpina syāt pratikṣaṇaṃ bhaṃgiṣu citteṣv iti sambandhanīyam tattv adarśanaṃ parānugrahatattvapratipipādayiṣātattvapratipādanakālavyāpinaḥ kasyacid ekasya śāsakasyānupapatteḥ śiṣyasya caśāsanaśuśrūṣāśravaṇagrahaṇadhāraṇābhyāsanādikālavyāpinaḥ kasyācidaghaṭanāt ayaṃ śāstā'haṃ śiṣya iti pratipatteḥ kasyacid ayogāt tathādiśabdena svāmibhṛtyavidhivyavasthā janakatanayavidhivyavasthānaptṛpitāmahādividhivyavasthā ca na syād iti grāhyaṃ nanu cavahir antaś ca pratikṣaṇaṃ vinaśvareṣu svalakṣaṇeṣuparamārthato mātṛghātīty ādiśāstṛśiṣyādividhivyavasthāvyavahāro na saṃbhavati kiṃtarhi vikalpabuddhir iyam akhilānādivāsanāsamudbhūtāmātṛghātyādivyavasthāhetur vitathaiva sarvanirviṣayatvād iti yadyabhimanyaṃ te saugatās tadā teṣām atattvatattvādivikalmamohe nimajjatāṃ kā nāmavītavikalpadhīrarthavatī tathyā kathyeta mātṛghātyādisakalam atattvameva tato 'nyattu tattvaṃ iti vyavasthiter apivikalpabāsanāvalāyātatvāt saṃvṛtir atattvaṃ paramārthatas tattvam ity apivikalpaśilpighaṭitam eva syāt nanu vastuvalād iti vikalpamoho mahāmbhodhir iva duṣpāraḥ prasajyeta dve satye samupāśritya buddhānāṃ dharmadeśanā lokasaṃvṛtisatyaṃ ca paramārthataḥ ity etasyāpi vibhāgasyavikalpamātratvāt tāttvikatvānupapatteḥ vītasakalavikalpā dhīḥsvalakṣaṇamātraviṣayā tāttvikīty api na saṃbhāvyaṃ tasyāścaturvidhāyā indriyamānasasvasaṃvedanayogipratyakṣalakṣaṇāyāḥparamārthato vyavasthāpayitum aśakteḥ pratyakṣaṃ kalpanāpoḍham abhrānta m iti pratyakṣasāmānyalakṣaṇasya pratyakṣaviśeṣalakṣaṇasya cavikalpamātratvād avāstavatvopapatteḥ na cāvāstavaṃ lakṣaṇaṃvastubhūtaṃ lakṣyaṃ lakṣayitum alam atiprasaṃgād iti kiṃ kena lakṣyeta

atrāpare prāhuḥ na vahiḥ svalakṣaṇālaṃbanakalpanāvikalā kācid buddhir asti sarvasyā buddher ālaṃbane bhrāntatvātsvapnabuddhivat svāṃśamātrarūpaparyavasitatvād vijñānamātrasyaivatasya prasiddher iti so 'py evaṃ praṣṭaḥ spaṣṭam ācaṣṭāṃ vijñānamātrasyasiddhiḥ sasādhanā niḥsādhanā vā sasādhanā cetsādhyasādhanabuddhiḥ siddhā sā cānarthikā'rthavatī vā syāt prathamapakṣedvitīyapakṣe ca dūṣaṇāny abhidadhate sūrayaḥ

vijñānamātraṃ hi tattvaṃ paravādino 'numānād eva pratyāyayeyuḥ svasaṃvedanapratyakṣeṇa teṣāṃ pratyāyayitumaśakteḥ tac cānumānaṃ yatpratibhāsate tadvijñānamātram eva yathāvijñānasvarūpaṃ pratibhāsate ca nīlasukhādikam iti na cāvijñānaṃpratibhāsate jaḍasya pratibhāsāyogād iti pakṣe bādhakapramāṇamanumānasamarthana m asamarthitasyāsādhanatvād iti tatredam anumānaṃ sādhanaṃvijñānamātraṃ sādhyam iti sādhyasādhanadhīr yady anarthikā tadāvijñānamātrasya tattvasya yo hetuḥ sādhanaṃ tasya siddhir na syātsvapnopālaṃbhasādhanavat athārthavattvam eva tasyāḥ sādhyasādhanabuddhes tadā'nayaivavyabhicāraḥ prakṛtahetoḥ sarvaṃ jñānaṃ nirālaṃbanaṃ jñānatvādity etatparaṃ prati vaktuṃ yuktaṃ na syāt sa ca mahān doṣaḥ parihartum aśakyatvāt yathaiva hīdam anumānajñānaṃ svasādhyenāvalaṃbanena sālaṃbanaṃtathā vivādādhyāsitam api jñānaṃ sālaṃbanaṃ kiṃ na bhaved iti saṃśayakaratvāt yadāpi vijñānamātraṃ sarvasya vastunaḥpratibhāsamānatvena hetunā sādhyate tadāpīdam anumānaṃvacanātmakaṃ parārthapratibhāsamānam api na vijñānamātraṃ tato 'nyatvāditi vyabhicāradoṣaḥ prakṛtahetoḥ syād eva sādhyevijñānamātrātmakatve sādhanasya sādhyatamatvānuṣaṃgāt tata eva samādhyavasthāyāṃpratibhāsamānaṃ saṃvedanādvaitaṃ tattvam astu svarūpasya svatogateriti ca na subhāṣitaṃ tasya paravādinām asiddhatvāt

na hi yogino gamyaṃ paravādināṃ siddhaṃ nāmeti svagṛhamānyam etat kiṃ cedaṃ saṃvedanādvaitaṃ nānāsaṃvedanavat nasvasya siddhaṃ na ca parasmai pratipādyam iti nivedayanti

kāryakāraṇagrāhyagrāhakavāsyavāsakasādhyasādhanavādhyabādhakavācyavācakabhāvādivikalpaiḥ sakalair viśuddhaṃśūnyaṃ tadvijñānādvaitaṃ tattvaṃ na svasya vedyaṃ saṃhṛtasakalavikalpāvasthāyām api yogino grāhyagrāhakākāravikalpātmanaḥ saṃvedanasyapratibhāsanāt nāpi taṃ nigadituṃ śakyaṃ viśvābhilāpāspadatām atītatvādviśve ca te 'bhilāpāś ca viśvābhilāpā viśvābhilāpā jātiguṇadravyakriyāyadṛcchā śabdās teṣām āspadam āśrayo viśvābhilāṣāspadaṃtasya bhāvo viśvābhilāpāspadatā tām atītaṃ tattvaṃ katham ivanigadyaṃ parasmai syāt nahi jātyādiśabdais tan nigadyatejātidravyaguṇakriyādikalpanābhir api śūnyatvāt nāpi yadṛcchāśadbena tatra tasyasaṃketayitum aśakteḥ saṃketahetuvikalpenā'pi śūnyatvād iti suṣuptau yā'vasthā saṃvedanasya sā syāt tattvasya tataḥsuṣuptyavastham etat sarvathā vikalpābhilāpaśūnyatvābhyupagamād bhavaduktivāhyaṃbhavato vīrasyoktiḥ syādvādas tato vāhyaṃ sarvathaikāntatattvam ityucyate vijñānārthaparyāyādeśād dhi vijñānārthatattvaṃsakalavikalpābhilāpavikalam ṛjusūtranayāvalaṃbibhir abhinyatevyavahāranayāśrayibhir vikalpābhilāpāspadam iti syādvādāśrayaṇe tattvaṃ nabhavaduktito vāhyaṃ syād ity arthād namyate

punar api paramatam anūdya dūṣayitum āhur ācāryāḥ

yathā mūkasyātmasaṃvedyaṃ svasaṃvedanaṃtathātmasaṃvedyameva saṃvidadvaitaṃ na cātmasaṃvedyam iti śabdenā'pi tattvamabhilapyate tat kuto yato mliṣṭā aspaṣṭā bhāṣā mūkabhāṣeva tatpratimaḥ pralāpo nirarthako yasmiṃs tanmliṣṭabhāṣāpratim apralāpaṃ napunar abhilāpyaṃ tatas tadavedyam evānyaiḥ pratipādyair iti manyaṃte kecit yathā cābhilāpās tadavedyam anyais tathāṃgasaṃjñayā'pisūcīhastalakṣaṇayā'navedyam anaṃgasaṃjñatvāt yad dhisarvathā'nabhilāpyaṃ tatrāṃgasaṃjñāsaṃketo 'pi na pravarttate na cāsaṃketitāṃgasaṃjñākvacid vittinimittaṃ śabdavad iti ca ye pratipadyaṃ te teṣāṃ tvaddviṣāṃsaṃvidadvaitavādinām avācyam eva tattvaṃ vācyaṃ syāt naiva syād iti kākvā vyākhyātavyam teṣāṃ maunam eva śaraṇaṃ syād iti yāvat

tad evaṃ saugatamatam upahāsāspadam evetinivedayaṃti

śāstā sugata evāśāsadanavadyāni vacāṃsiyathārthadarśanādiguṇayuktatvān na ca tair vacanaiḥ śiṣyās tepratipāditā itīdam aho durgatamaṃ sāścaryamanyatamaḥ syātkṛcchratamenādhigamyatvāt tattvānuśāsanaṃ hi sati śāstari guṇavati pratipādyebhyas tattvapratipattiyogebhyaḥ satyair eva vacanaiḥprasiddhaṃ tatra sugate śāstari prasiddhepi saugatānāṃ tadvacaneṣu ca satyeṣusaṃbhavatsu śiṣyāḥ santo 'pi praṇihitamanaso na śiṣṭā iti katham amohaḥ pratipadyeteti prekṣāvatām upahāsāspadam idaṃ darśanamābhāsate

syān mataṃ saṃvṛtyāśāstṛśiṣyaśāsanatadupāyavacanasadbhāvān nopahāsāspadam etatparamārthataḥ saṃvidadvaitasyaniḥśreyasalakṣaṇasya prasiddher iti tad apy asat tvayāsyādvādanyāyanāyakena vinā bhagavan ārya vīrabhaṭṭāraka me naivaśrāyasaṃ kiṃcit saṃbhavati yataḥ pramāṇena parīkṣyamāṇām iti pratyeyaṃ

tadvisaṃvidadvaitarūpaṃ nirvāṇaṃ pratyakṣabuddhibodhyaṃliṃgagamyaṃ vā parārthānumānavacanapratipādyaṃ vā syād gatyaṃtarābhāvānna ca tatra pratyakṣādipramāṇaṃ saṃbhavatīti pratipattyabhāvam evasādhayanty ācāryāḥ

yatra saṃvidadvaite tattve pratyakṣabuddhir nakramate na pravarttate kasyacit tathā niścayānutpattes talliṃgagamyaṃ syātsvargaprāpaṇaśaktyādivat na ca tatrārtharūpaṃ liṃgaṃ saṃbhavatitatsvabhāvaliṃgasya tadvat pratyakṣabuddhyatikrāntātvāl liṃgāntaragamyatve'navasthānuṣaṃgāttatkāryaliṃgasya vā saṃbhavāt saṃbhave vā dvaitaprasaṃgāt na cavācaḥ parārthānumānarūpāyās tadviṣayeṇa saṃvidadvaitarūpeṇa yogaḥparaṃparayā'pi saṃbaṃdhāyogāt tataḥ kā tasya tattvasya gatir na kācit pratyakṣā laiṃgikī śābdī vā pratipattir astīti kaṣṭaṃ darśanaṃ te tavaśāsanam aśṛṇvatāṃ tāthāgatānām iti grāhyaṃ saṃvṛtyātatpratipattir na kaṣṭam iti anyamānān pratyāhuḥ

yathaiva hi rāgādyavidyānalasya dīpanaṃ ca vākyaṃ agniṣṭomena yajeta svargakāmaḥ ity ādikaṃ saṃvṛtivādināṃ saugatānāṃ paramārthaśūnyaṃ tathā vimokṣavidyāmṛtasyaśāsanam api vākyaṃ samyagjñānavaitṛṣṇābhāvanāto niḥśreyasam ityādyapi tato na bhidyate paramārthaśūnyatvāviśeṣāt paramārthaśūnyatvaṃ tu tadvākyasya bhavatpratīpatvātsarvathaikāntaviṣayatayaivopagatatvāt bhavato hi vīrasyānekāntaśāsanasya na kiṃcid vākyaṃ sarvathā paramārthaśūnyaṃ rāgādyaṃ vidyānaladīpanasyāpi vākyasyabaṃdhakāraṇalakṣaṇena paramārthenāśūnyatvāt vimokṣavidyāmṛtaśāsanasyeva vākyasya mokṣakāraṇarūpeṇa paramārtheneti tātparyārthaḥ

nanu ca saṃvṛtivādino 'pi śrutamayī cintāmayī ca bhāvanā prakarṣaparyantaṃ prāptā yoginaḥ pratyakṣasaṃvidadvayaṃprasūte guruṇopadiṣṭāyāḥ kasyāścid avidyāyāḥ prakṛṣṭavidyāprasūtyai svayaṃśīlyamānāyāḥ saṃbhavāvirodhād iti ca pratipadyamānān pratiprāhuḥ

sakalā hyavidyā tāvad avidyāntaraprasūtyai prasiddhā loke sā guruṇāpy upadiṣṭā bhāvyamānā vidyāprasūtyaibhavatīti vadataḥ saugatasya kathamaho bhagavan vīra tvadīyoktyanabhijñasya moho na bhavet darśanamohodayāpāyeviruddhābhiniveśāsaṃbhavāt yad dhi nimittam avidyālakṣaṇam avidyājanmanetad eva tasyāḥ punarajanmane prasiddhaṃ syād iti viruddho'bhiniveśaḥ syāt nahi madirāpānaṃ madajanmane prasiddhaṃ madājanmananimittaṃ bhavitum arhati nanu ca yathā viṣabhakṣaṇaṃviṣavikārakāraṇaṃ prasiddham api kiṃcid viṣavikārājanmane dṛṣṭaṃ tathākācid avidyā'pi bhāvyamānā svayam avidyājanmābhāvāya bhaviṣyati virodhābhāvād iti kaścit so 'py aparyālocitavacanaḥ anyad dhi jaṃgamaviṣaṃ bhramadāhamūrcchādivikārasya janmaneprasiddhaṃ tadajanmane punar anyad eva sthāvaraviṣaṃtatpratipakṣabhūtam iti viṣamam udāharaṇaṃ tarhy avidyāpi saṃsāraheturanādivāsanāsamudbhūtā'nyaivāvidyānukūlā mokṣahetuḥ punaranādyavidyājanmanivṛttikarīvidyā'nukūlā cānyā tatpratipakṣabhūtatvād iti sāmyamudāharaṇasyāstu viśeṣābhāvād iti vacanaṃ na parīkṣākṣamaṃavidyāpratipakṣabhūtāyā evāvidyāyāḥ saṃbhavābhāvād vidyātvānuṣaṃgāt nanv evaṃviṣapratipakṣabhūtasya viṣāntarasyāpi viṣatvaṃmābhūttasyāmṛtatvānuṣaṃgāt ity etad api na pratikūlaṃ naḥ jaṃgamaviṣapratipakṣabhūtaṃhi sthāvaraviṣamata eva viṣamamṛtam iti prasiddhaṃ sarvathā tasyaviṣatve viṣāntarapratipakṣatvavirodhāt kathaṃcid viṣatvaṃ kṣīrāderapi na nivāryate tadabhyavaharaṇānaṃtaram api kasyacinmaraṇadarśanāt kācid avidyā tu vidyānukūlā yadi kathaṃcid vidyā nigadyetānyathānādyavidyāpratipakṣatvāyogāt tadā na kiṃcid aniṣṭaṃsyādvādimatāśrayaṇāt saṃvṛtivādimatavirodhāt syādvādināṃ hi kevalajñānarūpāṃ paramāṃ vidyāmapekṣya kṣāyikīṃ kṣāyopaśamikī matijñānādirūpāpakṛṣṭavidyāpy avidyā'bhipretā nānādimithyājñānadarśanalakṣaṇāvidyāpekṣayā tasyāstatpratipakṣabhūtatvād vidyātvasiddher iti na sarvathā'py avidyātmikābhāvanāguruṇopadiṣṭāpi vidyāprasūtyai vyāghātād guror api tadupadeṣṭuragurutvaprasaṃgād vidyopadeśina eva gurutvaprasiddheḥ tato 'nupāyam evasaṃvidadvaitaṃ tattvaṃ sarvapramāṇagocarātikrāṃtatvāt puruṣādvaitavad itisthitam

saṃpratyavasaraprāptam abhāvaikāṃtavādimatam anūdyanirākarttum ārabhante sūrivaryāḥ

na ca vahirantaś caniranvayakṣaṇikaparamāṇumātraṃ tattvaṃ sautrāntikanirākaraṇāt nāpyantaḥsaṃvitparamāṇumātraṃ saṃvidadvaitamātraṃ vā yogācāramatanirasanāt kiṃ tarhyabhāvamātraṃ tattvaṃ mādhyamikamatam eva paramārthavṛtterabhyupagamyate sā tu paramārthavṛttiḥ saṃvṛtiḥ na punaḥ śūnyasaṃvittis tāttvikīyataḥ śūnyasaṃvido vipratiṣedhaḥ syāt tathāhi sāparamārthavṛttiḥ saṃvṛtiḥ sarvaviśeṣaśūnyatvāt sarveṣāṃ viśeṣāṇāṃpadārthasadbhāvavādibhir abhyupagamyamānānāṃ tadabhyupagamenaivabādhyamānānāṃ vyavasthānāsaṃbhavād avidyāyā eva prasiddheḥ baṃdhamokṣāv apitasyā eva saṃvṛter avidyātmikāyāḥ sakalatāttvikaviśeṣaśūnyāyā api viśeṣau sāṃvṛtau sāṃvṛtenaivahetusvabhāvenātmātmīyābhiniveśena nairātmyabhāvanābhyāsena ca vidhīyamānau na viruddhau kileti śūnyavādimatasūcanaṃ tad etad tvadanāthānāṃ sarvathāśūnyavādināṃ vākyaṃ na punas tvaṃ bhagavān vīro nātho yeṣāmanekāntavādināṃ teṣām etad vākyaṃ taiḥ svarūpādicatuṣṭayena satāmevākalpitātmakānāṃ pararūpādicatuṣṭayenārthānāṃ śūnyatvavacanāt tadabhāvamātrasyāpi svarūpeṇāsattve pāramārthikatvavirodhāt saṃvinmātrasya śūnyasya svarūpeṇa sattve pararūpeṇagrāhyagrāhakabhāvādinā cāsattve sadasadātmakasya kathaṃcic chūnyasya siddheḥsyādvādivākyasyaiva vyavasthānāt tatas tvadanāthavākyamavyavasthitam eva mṛṣety arthaḥ

yathā na śūnyavādināṃ śūnyaṃ tattvam anupapannaṃtathā'nekāntavādinas tvattaḥ pareṣām api śūnyam anupapannam apisaṃprāptam iti prati pādayanti śrīsūrayaḥ

ye tāvad vyatītasāmānyabhāvāt sarvato vyāvṛttānarthānācakṣate bhedavādinaḥ saugatāḥprabuddhatattvād bhavato vīrāt pare teṣāṃ sāmānyāpahnave viśeṣāṇām abhāvaḥ prasajyetateṣāṃ sāmānyanāṃtarīyakatvāt tadabhāve tadbhāvāyogāt sarvathānirupākhyam evāyātaṃ ye'pi ca sāmānyameva pradhānamekaṃ pravadaṃtimahadahaṃkārādiviśeṣāṇāṃ tadvyatirekeṇāsattvāt teṣām api bhavataḥpareṣāṃ sakalaviśeṣābhāve sāmānyasyā'pi tadavinābhāvino 'sattvaprasaṃgāt vyaktāvyaktātmanaś ca bhogyasyābhāve bhokttur apyātmano 'saṃbhava iti sarvaśūnyatvam anicchato 'pi sidhyet vyaktāvyaktayoḥ kathaṃcidbhedapratijñāne tu syādvādanyāyānusaraṇān natvadanāthavākyaṃ syāt tathā parasparanirapekṣasāmānyaviśeṣabhāvavādino yaugāḥ kathaṃcitsāmānyaviśeṣabhāvānabhyupagamāt vyatītasāmānyaviśeṣabhāvāḥ prasiddhā eva bhavataḥ pare teṣām apikhapuṣpavad asad eva tattvam āyātaṃ viśvābhilāpārthavikalpaśūnyatvātvyatītasāmānyabhāvavādivat vyatītaviśeṣabhāvavādivac ca sarvathā śūnyavādivad veti vākyabhedena vyākhyātavyaṃ paraṃhi sāmānyaṃ sattvaṃ dravyaguṇakarmabhyo bhinnam abhidadhatāṃ dravyādīnāmasattvaṃ syāt sattvād bhinnatvāt prāgabhāvādivat nanu dravyādīnāmapratipattau hetor āśrayāsiddhiḥ pratipattaudharmigrāhakapramāṇabādhitaḥ pakṣaḥ kālātyayāpadiṣṭaś ca hetur iti cet na dravyādīnāṃ dharmiṇāṃ kathaṃcitsattvād abhinnānāṃ pratyakṣādipramāṇataḥsiddhes tadbhedaikāṃtasādhanāyaiva prayuktasya hetoḥkālātyayāpadiṣṭatvasiddheḥ nanu ca sattvād bhinnatvād ity etasya hetor apratipattausyād asiddhatvaṃ pratipattau tu dharmigrāhakapramāṇabādhitaḥ pakṣo hetuś cakālātyayoditaḥ syād dravyādīnāṃ sattvād abhedagrahaṇasyadravyādyastitvapratipattināntarīyakatvāt tadasattve tadabhedapratipatter ayogāditi ca na samīcīnaṃ vacanaṃ prasaṃgasādhanaprayogāt iti cet na sattvādbhinnatvaṃ hi prāgabhāvādiṣu paraiḥ svayamasattvena vyāptaṃ pratipannaṃdravyādiṣu pratipadyamānam asattvaṃ sādhayatīti sādhyasādhanayorvyāpyavyāpakabhāvaniścaye sati vyāpyābhyupagamasyavyāpakābhyupagamanāntarīyakasya pradarśanaṃ prasaṃgasādhanam anumanyatām nanu cakiṃ sattvāsamavāyo 'sattvaṃ sādhyate kiṃ vā nāstitvam itipakṣadvitayaṃ na tāvad uttaraḥ pakṣaḥ śreyān nāstitvena sattvādbhinnatvasyāvyāptatvāt prāgabhāvādīnāṃ sattvād bhinnatve 'pi sadbhāvādanyathodāharaṇatvavirodhāt prathamapakṣe tu pramāṇabādhaḥsattvasamāvāyasya dravyādiṣu pramāṇataḥ pratīteḥ sattvāsamavāyasya tayābādhyamānatvaṃ tathā hi dravyādīni sattāsamavāyabhāṃjisatpratyayaviṣayatvāt yat tu na sattāsamavāyabhāktan nasatpratyayaviṣayo yathā prāgabhāvādyasattattvaṃ satpratyayaviṣayāś cadravyādīni tasmāt sattāsamavāyaṃbhāṃjīti dravyādiṣu sattvasyasamavāyapratītiḥ sattvāsamavāyasya bādhikāsti tato na dravyādīnām asattvaṃ sattvāsamavāyalakṣaṇaṃ sādhayituṃ śakyaṃnāstitvalakṣaṇāsattvavad iti kecit te 'pi na parīkṣakāḥ satpratyayaviṣayatvasyahetoḥ pareṣāṃ sāmānyādibhir vyabhicārāt teṣusattvasamavāyāsaṃbhave 'pi bhāvāt yadi punarmukhyasatpratyayaviṣayatvasya hetutvānnopacaritasatpratyayaviṣayatvena vyabhicārodbhāvanaṃ yuktamatiprasaṃgād iti nigadyate tadā sāmānyādiṣu kutaḥ satpratyayaviṣayatvamupacaritam iti vaktavyaṃ svarūpasattvanimittattvād iti kecit vyāhatam etat svarūpasattvanimittaṃ copacaritaṃ ceti ko hy abāliśaḥ svarūpasattvanimittaṃ satpratyayaviṣayatvam upacaritamarthāntarabhūtasattāsaṃbaṃdhatvān mukhyam iti brūyād anyatrajaḍātmanaḥ yaṣṭisvarūpanimittaṃ hi yaṣṭau yaṣṭipratyayaviṣayatvaṃ mukhyaṃloke prasiddhaṃ yaṣṭisaṃbaṃdhāt tu puruṣe gauṇam itimukhyopacaritavyavasthātikramād anādeyavacanatā'sya syāt syād ākūtaṃ te sattāsamavāyanimittaṃ satpratyayaviṣayatvaṃ dravyādiṣu mukhyaṃtadviśeṣaṇasattvagrahaṇapūrvakatvād viśeṣaṇapratyayanimittasyaviśeṣapratyayasya mukhyatvasiddheḥyaṣṭitvaviśeṣaṇagrahaṇanimittakaviśeṣyayaṣṭipratyayavat sattvaviśeṣaṇagrahaṇam aṃtareṇa sāmānyādiṣusatpratyayasyopacaritatvasiddheḥ puruṣe yaṣṭitvagrahaṇamantareṇa yaṣṭipratyayavad iti tad apy asamyak tata eva vyabhicārasiddheḥsatpratyapaviṣayatvasya sattvasamavāyāsaṃbhave 'pi bhāvāt tatodravyādīnāṃ sattāto 'tyaṃtabhedopagame satvāsamavāyalakṣaṇam asattvaṃsiddham eva tathā pṛthivyādīnām adravyatvaṃ dravyātvād bhinnatvādrūpādivat rūpādīnāṃ cāguṇatvaṃ guṇatvād anyatvād utkṣepaṇādivat utkṣepaṇādīnām akarmakatvaṃ karmatvād arthāntaratvād dharādivad itivyatītasāmānyatvaṃ dravyaguṇakarmaṇām asattvaṃ sādhayativyatītaviśeṣatvavat tat sūktaṃ sūribhiḥ sadasattattvaṃ yaugānām asad evavyatītasāmānyaviśeṣabhāvāt khapuṣpavad iti sāmānyaviśeṣasamavāyānāṃ hisvayam asāmānyaviśeṣatvābhyupagamāt prāgabhāvādivan nāsiddhaṃvyatītasāmānyaviśeṣatvavattvaṃ sādhanaṃ nā'pidravyaguṇakarmaṇāṃ sāmānyādyabhāve prasiddhe teṣāṃvyatītasāmānyaviśeṣatvasyāprisiddhir athavā dravyādīnāṃ nāstitvam eva sādhyaṃ khapuṣpavad itidṛṣṭāṃtasāmarthyāt tato viśvābhilāpārthavikalpaśūnyaṃ tattvamāyātaṃ abhilāpaḥ padaṃ tasyārthaḥ abhilāpārthaḥ padārtha itiyāvat tasya vikalpā bhedāḥ ṣaṭdravyādayor vaiśeṣikāṇāṃ pramāṇādayaḥ ṣoḍaśa naiyāyikānāṃ viśve ca te 'bhilāpārthavikalpāś ceti svapadārthavṛttis taiḥ śūnyaṃ tattvaṃ syāt khapuṣpavad asadeva prabuddhatatvād bhavataḥ pareṣām iti vacanād bhavatovīrasyānekāṃtatattvavādino nāsattattvaṃ syād iti pratīyate kathaṃcitsāmānyaviśeṣabhāvasya dravyādiṣu pratīyamānatvāt pramāṇādiṣu bādhakābhāvāt dravyāt kathaṃcid abhedo guṇakarmaṇor aśakyavivecanatvātsiddhas tathā sāmānyaviśeṣasamavāyānāṃ prāgabhāvādīnāṃ ca viśeṣābhāvāttadvatpramāṇaprameyasaṃśayaprayojanadṛṣṭāṃtasiddhāṃtāvayavatarkanirṇayavādajalpavitaṃḍāhetvābhāsachalajātinigrahasthānānāṃ cadravyaparyāyaviśeṣāṇāṃ dravyāt kathaṃcid bhedasya saṃpratyayān nāsattvaṃparyāyāntaravat na hi yata eva 'paryāyā dravyasya' iti niyamovyavatiṣṭhate viparyayānadhyavasāyayor apipramāṇādiṣoḍaśapadārthebhyo'rthāntarabhūtayoḥ pratīteḥ padārthasaṃkhyāniyamānabhyupagame vānekāntavādānatikrama eva siddhaḥ yathā ca bhavataḥ pareṣāṃvaiśeṣikanaiyāyikānāṃ sakalapadārthabhedaśūnyaṃ tattvam asad evasyāt khapuṣpavat tathā sāṃkhyādīnām apivyatītasāmānyaviśeṣatvāviśeṣatvāt tataḥ sarveṣām api sarvethaikāṃtavādinām asad evatattvam iti saṃkṣepataḥ pratipattavyam

sāṃprataṃ paramatam āśaṃkya punar api nirākarttumārabhate

tadabhāvamātraṃ svabhāvo 'syeti tatsvabhāvaṃśūnyasvabhāva tattvaṃ na tatsvabhāvam atatsvabhāvaṃ aśūnyasvabhāvaṃsatsvabhāvam ity arthaḥ tasminn atatsvabhāve 'pi tattve 'bhyupagabhyamāne 'nayorbaṃndhamokṣayor upāyāt kārakarūpād gatiḥ pratipattiḥ syān nānyathājñāyakarūpāc copāyād gatiḥ pratipattiḥ syān nānyatheti niścetavyaṃ sa ca pratipattyupāyaḥ parārthas tāvad vacanaṃ svārthaś capratyakṣamanumānaṃ vā tatra yadā vacanaṃ baṃdhamokṣayor gater upāyās tadāvacanīyau tau yadā punar anumānam upāyas tadā gamyau tāv anumeyau yadā tupratyakṣam upāyas tadā pratyakṣeṇa gamyau paricchedyau tausaṃbaṃdhinau parasparāvinābhūtau baṃdhena vinā mokṣasyānupapatterbaṃndhapūrvakatvān mokṣasya mokṣeṇa ca vinā na baṃdhaḥ saṃbhavati prāgabaddhasyapaścād vandhopapatter anyathā śāśvatikabaṃdhaprasakteḥ anādibaṃdhasaṃtānāpekṣayā bandhapūrvakatve 'pi baṃdhasya baṃdhaviśeṣāpekṣayātasyābaṃdhapūrvakatvasiddheḥ prāgabaddhasyaiva deśato mokṣarūpatvānmokṣavinābhāvī vaṃdha ity avinābhāvibaṃdhena saṃbaṃdhinau tau baṃdhamaukṣoced iti paramatasya sūcakaśabdas tan nety anena pratiṣidhyate naivaṃsatsvabhāvaṃ tattvaṃ dṛṣṭaṃ sarvathā kṣaṇikam akṣaṇikaṃ vā virodhitvāttadvirodhi dṛṣṭaṃ pratyakṣato vahir aṃtaś ca nityānityātmano jātyaṃtarasyaṃsarvathā kṣaṇikākṣaṇikaikāṃtavirodhino nirvādhaṃ viniścayāt samyaganumānato 'pi tasyaivānumeyatvāt sarvam anekāṃtātmakaṃ vastuvastutvānyathā'nupapatter iti svabhāvaviruddhopalaṃbhaḥparamatatattvaṃ viruṇaddhi nāsti paramate sattattvaṃ sarvathā kṣaṇikam akṣaṇikaṃ vātato jātyaṃtarasyānekāṃtasya darśanād iti svabhāvānupalaṃbho vātadvipratiṣedha iti nāsti sarvathaikāṃtātmakaṃ sattattvaṃpratyakṣādyanupalabdher iti mābhūtsvayaṃ pratyakṣādipramāṇataḥ satattvasyadarśanaṃ parapakṣadūṣaṇatvāt tatsiddhir eveti cāyuktaṃ yasmādvācyaṃ yathārthaṃ na ca dūṣaṇaṃ tat yad dṛṣaṇaṃ parapakṣe svayam ucyatekṣaṇikaikāṃtavādinā tatra ca yathārthaṃ vācyaṃ tac ca na samyag dūṣaṇaṃ vaktuṃśakyam ity arthaḥ na nityaṃ vastu sadanarthakriyākāritvātkramayaugapadyarahitatvāt khapuṣpavad iti dūṣaṇasyāyathārthatvād dūṣaṇābhāsatvasiddheḥparapakṣavat svapakṣe 'pi bhāvān na tatpratyanayoḥ pakṣayoḥkvacidviśeṣo 'sti tābhyāṃ hi sarvathaikāṃtābhyām anekānto nivarttatevirodhāt tannivṛttau tu kramākramau nivarttate tayos tenavyāptatvāt ekasyānekadeśakālavyāpino deśakramakālakramadarśanāt tathaikasyānekaśaktyātmakasya nānākāryakaraṇe yaugapadyasiddheḥ kramākramayoś ca nivṛttau tato 'rthakriyāyā nivṛttis tasyāstābhyāṃ vyāptatvāt kramakramābhyāṃ vinā kvacid arthakriyānupalabdhestannivṛttau ca vastutattvaṃ na vyavatiṣṭhate tasyārthakriyayāvyāptatvāt na ca svapakṣaṃ parapakṣavat nirākurvaddūṣaṇaṃyathārthaṃ bhavitum arhati na sarvathā'py asattattvaṃ tata eva nobhayamanubhayaṃ cārthakriyāvirodhāt

kiṃ tarhi sakalam avācyam evety ekāntavāde 'pi dūṣaṇam āvedayanti

bhavato vīrasya yuktir nyāyaḥ syādvādanītis tasyā abhilāpyatā kathaṃcit sad evāśeṣaṃ tattvaṃsvarūpādicatuṣṭayāt kathaṃcidasad eva viparyāsād ityādivacanaviṣayatā tasyā dviṣāṃ śatrūṇām aśeṣasyāpi tattvasyānabhilāpyatāyām abhipretāyāṃ kiṃ syād upāyatattvasyānabhilāpyatā syād upeyatattvasyevāviśeṣāt tataś ca yathopeyaṃ tattvaṃ niḥśreyasaṃ sarvathābhilāpitumaśakyaṃ tathopāyatattvam api tatprāpteḥ kārakaṃ jñāyakaṃ cetisarvathā'py anabhilāpyaṃ tattvam ity api nābhilapituṃ śakyeta pratijñātavirodhādity abhiprāyam āviḥkurvanti svāminaḥ

sarvathā'py aśeṣaṃ tattvam avācyaṃ syāt svarūpato vā pararūpato vā gatyaṃtarābhāvāt prathamapakṣe tāvad avācyamayathāpratijñaṃ prasajyeta iti kriyādhyāhāraḥ kuta etat avācyam ity atra vācyabhāvād avācyam ity asyaiva vācyatvād ityarthaḥ saptabhyāḥ ṣaṣṭhyarthatvāc ca śabdasyaiva śabdārthatvāt svarūpeṇāvācyam iti dvitīyapakṣe svarūpavāci sarvaṃ vaca itiviruddhavacanam āsajyeta pararūpeṇāvācyatattvam iti tṛtīyapakṣe 'pipararūpavāci sarvaṃ vaca iti virudhyate sarvatra svapratijñāvyatikramādayathāpratijñam iti sambandhanīyam tad evaṃ na bhāvamātraṃnābhāvamātraṃ nobhayaṃ nāvācyam iti catvāro mithyāpravādāḥ pratiṣiddhāḥ sāmarthyān na sad avācyaṃ tattvaṃ nāsad avācyaṃnobhayāvācyaṃ nānubhayāvācyam iti niveditaṃ bhavati nyāyasya samānatvāt

kathañcidvācyatvapratijñāyāṃ tattvasya pratipādakaṃvacanaṃ satyam evānṛtam eva vetyādyekāntanirāsārtham āhuḥ

kiṃcidvacana satyānṛtam evā'sti pratidvandvimiśraṃ satyetarajñānapūrvakatvāc chākhāyāṃ candramasaṃ paśyeti yathā tatra hi candramasaṃ paśyeti satyaṃ candramaso darśanātsaṃvādakaprādurbhāvāt śākhāyām iti vacanam anṛtaṃśākhāpratyāsannatvadarśanasya candramasi visaṃvādakattvāttannibaṃdhanavacanasyānṛtatvasiddheḥ satyaṃ ca tadanṛtaṃ ceti satyānṛtam avatiṣṭhate pradidvandvibhyāṃsatyānṛtābhyāṃ vastvaṃśābhyāṃ miśraṃ yutam iti saṃbaṃdhanīyaṃ paravacanamanṛtānṛtam evāsti tac cānubaṃdhimiśraṃ yathā candradvayaṃgirau paśyeti tatra hi yathā candradvayavacanam anṛtaṃ tathāgirau candravacanam api visaṃvādijñānapūrvakatvāt ekasmād anṛtād aparam anṛtamanubaṃdhi samabhighīyate tenānubaṃdhinā miśramanubaṃdhimiśram itipratyeyaṃ pratidvandvi cānubaṃdhi ca pratidvandvyanubaṃdhinī tābhyāṃ miśraṃsatyānṛtaṃ cāpy anṛtānṛtaṃ ceti yathāsaṃkhyam abhisaṃbadhādvāśabdasyaivakārārthatvād eva vyākhyātavyam tac cedṛk bhagavan jina nātha tvadṛte tvatto vinā vastuno 'tiśāyanenābhidheyasyātiśayena vacanaṃpravartamānaṃ kiṃ yuktaṃ naiva yuktam ity arthāt tavaiva yuktam etaditigamyate tādṛganekāntamekaṃ nāvāstavaṃ bhavati tvadṛtesarvathaikāntasyāvastutvavyavasthānāt

kathaṃ punaḥ kiṃcid anṛtam api satyaṃ satyam apy anṛtaṃkiṃcid anṛtam anṛtam eveti bhedo 'nṛtasya syād ity āvedayanti

viṣayasyābhidheyasyālpabhūribhedolpānalpavikalpas tasmin sati syād evānṛtaṃ bhedavat yasya hivacanasyābhidheyam alpam asatyaṃ bhūri satyaṃ tatsatyānṛtam iti satyaviśeṣaṇenānṛtaṃ bhedi pratipādyate yasya tu vacanasyābhidheyam alpaṃsatyam anṛtaṃ bhūri tadanṛtānṛtam iti antaviśeṣaṇenānṛtaṃ nacātmabhedādanṛtaṃ bhedi bhavatum arhati tasyānṛtātmanā sāmānyenabhedābhāvāt ātmāntaraṃ tu tasyānṛtasyātmaviśeṣalakṣaṇaṃ syāt bhiduraṃbhedasvabhāvaṃ viśeṣaṇabhedāt syāt samamabhedasvabhāvaṃviśeṣaṇabhedābhāvāt caśabdād ubhayaṃ hetudvayārpaṇākrameṇetiyathāsaṃbhavam abhisaṃbadhyate na tu yathāsaṃkhyaṃ chandovaśāt tathābhidhānātsahadvayārpaṇāt syāc cānṛtātmānabhilāpyatā ca sahobhābhyāṃ dharmābhyām abhilapitum aśakyattvāc caśabdo'nabhilāpyāṃtarābhilāpyāṃtarabhaṃgatrayasamuccayaḥ syād bhiduraṃ cānabhilāpyaṃ ca syātsamaṃ cā'nabhilāpyaṃ ceti syād ubhayaṃ cā'nabhilāpyaṃ ceti saptabhaṃgī pratyayā

nanu ca na vastuno 'tiśāyanaṃ saṃbhavati sadekarūpatvādity eke asadekāntātmakatvād ity apare sattvāsattvādyaśeṣadharmapratiṣedhād iti cetare tannirākaraṇapuraḥsaraṃvastuno 'nekātiśayasadbhāvam āvedayanti

na tāvat sattādvaitaṃ tattvaṃ daṣṭam itisvabhāvānupalaṃbhena sanmātraṃ nirākriyate tathā hi nāsti sanmātraṃsakalaviśaṣaṇarahitaṃ dṛśyasya sata jātucidadarśanāt asanmātravadity anena nāsad eva tattvaṃ dṛṣṭam iti vyākhyātaṃcaśabdasya samuccayārthatvāt parasparanirapekṣaṃ sattattvam asattattvaṃ nadṛṣṭam iti ghaṭanāt tena na parasparanirapekṣaṃ sadasattattvaṃ saṃbhavatisarvapramāṇato dṛṣṭatvāt sanmātratattvavad asanmātrattvavad vetipratipāditaṃ pratipattavyaṃ tathā na sannāpy asannobhayaṃ naikaṃ nānekamityādyaśeṣadharmapratiṣedhagamyam ātmāntaraṃ paramabrahmātattvamity api na saṃbhavati kadācit tathaivādarśanād iti na dṛṣṭam ekam ātmāntaraṃsarvaniṣedhagamyam iti vyākhyātavyaṃ tad evaṃ sattvāsattvavimiśraṃparasparāpekṣaṃ tattvaṃ dṛṣṭam ity anena sadasadādyekāṃtavyavacchedenasadāsadādyanekāntatvaṃ sādhyate tadupādhibhedāt upādhir viśeṣaṇāṃsvadravyakṣetrakālabhāvāḥ paradravakṣetrakālabhāvāś catadbhedād ity arthaḥ tenedam uktaṃ bhavati syāt sad eva sarvaṃ tattvaṃsvarūpādicatuṣṭayāt syād asad eva sarvaṃ tattvaṃ pararūpādicatuṣṭayāt syādubhayaṃ svapararūpādicatuṣṭayadvaitakramārpitāt syād avācyaṃ sahārpitataddvaitāt syāt sadavācyaṃ svarūpādicatuṣṭayād aśakteḥ syādasadavācyaṃ pararūpādicatuṣṭayād aśakteḥ syāt sadasadavācyaṃkramārpitasvapararūpādicatuṣṭayadvaitāt sahārpitataddvaitāc ca ityevaṃ tadeva sadasadādivimiśraṃ tattvaṃ dṛṣṭam iti vastuno 'tiśāyanena kiṃcitsatyānṛtaṃ kiṃcid anṛtānṛtaṃ vacanaṃ tavaiva yuktam tvatto maharṣeranyeṣāṃ sadādyekāntavādināṃ svapnepi naitat saṃbhavatīti vākyārthaḥ pratipattavyaḥ

nanu ca nirvikalpakaṃ pratyakṣaṃniraṃśavastupratibhāsyeva na dharmidharmāttmakavastupratibhāsitapṛṣṭabhāvivikalpanajñānotthaṃdharmo dharmo 'yam iti dharmidharmavyavahārasya pravṛttes tena casakalakalpanāpoḍhena pratyakṣeṇa niraṃśasvalakṣaṇāsyādarśanam asiddhaṃkathaṃ tadabhāvaṃ sādhayed iti vadantaṃ pratyāhuḥ

pratyakṣeṇa nirdeśaḥ pratyakṣanirdeśaḥ pratyakṣato dṛṣṭvā nīlādikam idam iti vacanam antareṇāṃgulyā pradarśanamity arthaḥ sa pratyakṣanirdeśo 'syāstīti pratyakṣanirdeśavat tad apy asiddhaṃ kuta etat yasmād akalpakaṃ jñāpayituṃ kutaścidapy aśakyaṃ hi yasmād arthe tenedam uktaṃ bhavati yasmādakalpakaṃ kalpanāpoḍhaṃ na vidyate kalpaḥ kalpanā'sminn iti vigrahāt tadjñāpayituṃ saṃśayitebhyo vineyebhyaḥ pratipādayituṃ na śakyaṃ tasmāt pratyakṣanirdeśavad api tattvam idam asiddham iti taddhi pratyakṣam akalpakaṃ na tāvat pratyakṣato jñāpayituṃ śakyaṃ tasyaparāsaṃvedyatvāt nā'py anumānāt tatpratibaddhaliṃgapratipatter asaṃbhavātpareṣām agṛhītaliṃgaliṃgisambaṃdhānām anumānajñānena jñāpayitum aśakteḥ svayaṃ pratipannakalpanāpoḍhapratyapratibaddhaliṃgānāṃ tutajjñāpanānarthakyāt ko hi svayam akalpakaṃ pratyakṣaṃ tadavinābhāviliṃgaṃca pratipadyamānaḥ pratyakṣam akalpakaṃ na pratipadyeta pratipadyamānasyāpiviparītasamāropasaṃbhavāt tajjñāpanam anumānena nānarthakam iti cet na samāropavyavacchede pi paryanuyogasya samānatvāt kiṃpratipannasādhyasādhanasaṃbaṃdhasyānumānena saṃmāropavyavacchedaḥ sādhyate svayam apratipannasādhyasādhanasaṃbaṃdhasya veti na tāvat prathamaḥ pakṣaḥ samāropasyaivāsaṃbhavāt svayaṃ pratyakṣam akalpakaṃtadavinābhāvisādhanaṃ ca pratipadyamānasya samārope pareṇā pratyāyane 'pi tasyasamāropaprasaṃgāt nā'py apratipannasādhyasādhanasaṃbaṃdhasyasādhanapradarśanena samāropavyavacchedanaṃ yuktam atiprasaṃgāt yadipunargṛhītavismṛtasaṃbaṃdhasya sādhyasādhanasaṃbaṃdhasmaraṇakāraṇāt samāropovyavacchidyata iti mataṃ tad apy ayuktam saṃbaṃdhagrahaṇasyaivāsaṃbhavāt svayamavikalpakapratyakṣāniścaye tatsvabhāvakāryāniścaye catatsaṃbaṃdhasya niścetum aśattkeḥ parato niścayāt tanniścayetatsvarūpasyāpi niścayāntarān niścayaprasaṃgād anavasthānāt niścayasvarūpāniścaye tato kalpakapratyakṣavyavasthānānupapatteḥsarvathā tasya jñāpayitum aśakteḥ kutaḥ siddhiḥ syāt vinā ca siddher naca lakṣaṇārthaḥ saṃbhavati kalpanāpoḍham abhrāntaṃ pratyakṣa m iti lakṣaṇam asyārthaḥ pratyakṣapratyāyanaṃ na ca pratyakṣasyasiddher vinā tatpratyāyanaṃ karttuṃ śakyam iti naiva lakṣaṇārthaḥ kaścitsaṃgacchate tato na tāvakadveṣiṇi vīra satyaṃ sarvathā saṃbhavati tavā'yaṃ tāvakaḥ sa cāsau dveṣī ceti tāvakadveṣī tāvakaśatrur ity arthaḥ tasmin na satyaṃ vīra bhagavann itivyākhyānaṃ athavā tavedaṃ mataṃ tāvakaṃ tad dveṣitī tāvakadveṣīsadādyekāntavādas tasmin na satyam ekāṃtataḥ sādhayituṃ śakyata itivyākhyeyaṃ

yathā satyaṃ na saṃbhavati tathā karttā śubhasyāśubhasyavā karmaṇaḥ kāryaṃ ca śubham aśubhaṃ vā taddviṣāṃ na ghaṭata itipratipādayaṃti

vastuno janmakālād anyaḥ kālaḥ kālāntaraṃ tatra tiṣṭhatīti kālāṃtarasthaṃ tasmin vastuni pratijñāyamāne 'pina karttā kaścid upapadyate kṣaṇike dhruve vā vāśabda ivārthastenedam uktaṃ bhavati yathā kṣaṇike niranvayavināśini vahirantaś cavastuni na karttā'sti kramayaugapadyavirodhāt kriyāyā evāsaṃbhavāt yathā ca dhruve kūṭasthe nitye niratiśaye puruṣe sati nakarttā vidyate tathā kālāṃtarasthe pi apariṇāmini padārthe nakaścit karttā saṃbhavati karturabhāve ca na kāryaṃ svayaṃ samīhitaṃsidhyati kartṛnāntarīyakatvāt kāryasyeti kuta etad iti cet vikārahāner vikāraḥ pariṇāmaḥ svayam avasthitasya dravyasyapūrvākāraparityāgājahaduttarottarākārotpādas tasya hānir abhāvas tato vikārahāner iti hetunirdeśaḥ vikāro hi vinivarttamānaḥ kramākramau nivartayati tayos tena vyāptatvāt tannivṛttau tannivṛttisiddhes tau ca nivartamānau kriyāṃ nivartayatas tasyāstābhyāṃ vyāptattvāt kriyāpāye ca na karttā kriyādhiṣṭhasyadravyasya svataṃtrasya kartṛtvasiddheḥ kartur abhāve ca na kāryaṃsvargāpavargalakṣaṇam iti vṛthā śramo 'yaṃ tapolakṣaṇās tadarthaṃkriyamāṇaḥ syāt jina svāmin vīra tava dviṣāṃ sarvathaikāntavādināṃsarveṣām iti saṃkṣepato vyākhyeyam

nanu ca vastuni kṣaṇike vikārasya hānir avasthitasya dravyasyābhāvāt dhruve ca pūrvākāravināśottarākārotpādābhāvāt kālāntarasthe tu kathaṃ tatrobhayasaṃbhavād iti kecit te 'pi na prāmāṇikāḥ prāgasata evotpannasya kālāntarasthasyāpi paścād asattvaikānte sarvathaikakṣaṇasthādviśeṣābhāvādananvayatvasya tadavasthatvāt nanu nityasyātmano ntastattvasyapūrvānubhūtasmṛtihetoḥ pratyabhijñātur arthakriyāyāṃ vyāptiyamāṇasyakarttuḥ kāryasya ca tena kriyamāṇasya ghaṭanād viśeṣaḥkālāntarasthasya kṣaṇikād iti kecit nātmano 'pinityasyaikakarttṛtvānupapatteḥ buddhyādyatiśayasadbhāvāt karttātmeti cet na buddhīcchādveṣaprayatnasaṃskārāṇām ātmano 'rthāntaratvekhādivatkarttṛtvānupapatteḥ idaṃ me sukhasādhanaṃ duḥkhasādhanaṃ cetibuddhyā khalu kiṃcidātmā jighṛkṣati vā jihāsati vā grahaṇāya hānāya vā prayatamānaḥ pūrvānubhavasaṃskārāt kāryasyopādātā hātā vākarttocyate sukhaduḥkhe ca yadātmano bhinne syātāṃ svāder iva natadā sukhaduḥkhe puṃsa eveti niyamaḥ sidhyet tayoḥ puṃsisamavāyāt puṃsa eva sukhaduḥkhe na punaḥ khāder iti cet kutastayoḥ puṃsyeva samavāyaḥ syāt mayi sukhaṃ duḥkhaṃ ceti buddheriti cet sā tarhi buddhiḥ punarātmanyeveti kutaḥ sidhyet samavāyād iti cet kutas tasyās tatraiva samavāyo na ca gaganādāviti niścetavyaṃ mayi buddhir iti buddhyaṃtarād iti cet tadapi buddhyaṃtaram ātmanyeveti kutaḥ samavāyād iti cet kutastasyās tatraiva samavāya ityādi punar āvarttata iticakrakaprasaṃgaḥ yasya yadbuddhipūrvakāvicchādveṣau tatra tadbuddheḥ samavāya iticet kutaḥ puṃsa eva buddhipūrvakāvicchādveṣau na punaḥ khāderitiniścayaḥ puṃsa eva prayatnād iti cet prayatno 'py ātmana eveti kutaḥsaṃpratyayaḥ pravṛtter iti cet sā tarhipravṛttirūpādānaparityāgalakṣaṇā kuśalā vā'kuśalā vā manovākkāyanimittā prayatnaviśeṣaṃ buddhipūrvakam anumāpayaṃtī puṃsa eveti kutaḥsādhayet śarīrādāv acetane tadasaṃbhavāt pāriśeṣyād ātmana eva seticet nātmano 'pi svayam acetanatvābhyupagamāt cetanāsamavāyādātmā cetana iti cet na svato 'cetanasya cetanāsamavāye khādiṣv api tatprasaṃgāt svataś cetanatvecetanāsamavāyavaiyarthyāt svarūpacetanayā sādhāraṇarūpayā cetanasyasādhāraṇacetanāsamavāya iti cet nāsādhāraṇacetanāyāḥ puṃso 'narthāntaratvesādhāraṇa cetanāyā apy anarthāntaratvam atiprasaṃgāccetanāviśeṣasāmānyayoḥ puṃsas tādātmyasiddhau ca paramatānusaraṇaṃ durnivāraṃ cetanāviśeṣasyāpi cetanāsāmānyavad ātmano 'rthāntaratve kutona gaganāder viśeṣo 'cetanatvād iti śarīrādāv iva puṃsy api pravṛttirna sidhyet tadasiddhau na tatraiva prayatnasiddhiricchādveṣasiddhir vā sukhaduḥkhabuddhiś ceti na kartā'tmā sidhyet kāryaṃ vā yataḥkālāṃtarasthe buddhyādau kartṛkārye na virudhyete kṣaṇasthitibuddhyādivat

athavā mahadādiḥ kālaṃtarasthāyī nityāt pradhānādapṛthagbhūtaḥ pṛthagbhūto vā prathamapakṣe na kartṛkārye vikārasyahāneḥ kartṛ pradhānaṃ kāryaṃ mahadādivyaktaṃ tayoścāpṛthagbhāve yathāpradhānāmavikāri tathā mahadādi vyaktam api tadapṛthaktvātpradhānasvarūpavat tathā ca na kāryaṃ pradhānavat kāryābhāve ca kasya kartṛpradhānaṃ syād vikārasya kāryasyābhāvāt tato nāpṛthaktve vyaktāvyaktayoḥ kartṛkārye vyaktāvyakte syātāṃ dvitīyapakṣe 'pi nakartṛkārye tathā hi na pradhānaṃ kartṛ mahadādikāryāt pṛthagbhūtatvāt puruṣavat viparyayaprasaṃgo vā mahadādi ca na kāryaṃkarttur abhāvāt puruṣavat na hi pradhānaṃ mahadādeḥ kartṛtasyāvikāritvāt puruṣavad iti nāsiddhaḥ kartur abhāvaḥ yadipunarvyaktāvyaktayor apṛthaktvapṛthaktvabhyām avācyatā svīkriyate tadā'pyapṛthaktvapṛthaktvāvacanīyatāyāṃ na kartṛkārye vikārasya hāneḥpuruṣabhoktṛtvādivat puruṣād dhi bhokttṛtvādirapṛthaktvapṛthaktvābhyāmavacanīyo 'nyathā tadapṛthaktvena bhoktā nityaḥ sarvagato 'kriyo nirguṇo 'karttā śuddho vā sidhyet puruṣa eva bhoktṛtvanityatvasarvagatatvākriyatvanirguṇatvākartṛttvaśuddhatvadharmāṇāmantarbhāvāt teṣāṃ puruṣāt pṛthagbhāve vā sa eva doṣaḥ syātbhoktṛtvādibhyo 'nyasya bhoktṛtvādivirodhāt pradhānavadapṛthaktvapṛthakttvabhyām avacanīyatve ca na karttātmā bhoktṛtvāder nāpibhoktṛtvādiḥ kāryaṃ puruṣasyeti nodāharaṇaṃ sādhyasādhanavikalaṃkartṛkāryatvābhāvasādhanasya vikārābhāvasya sādhyasyapṛthaktvāpṛthaktvāvacanīyatvasya ca sādhanasya sadbhāvāt tato yatrānanyatvānyatvābhyāmavacanīyatā tatra vikārahāniḥ sādhyate yatra ca vikārahānistatra kartṛkāryatvābhāva iti kālāntarasthe 'pi mahadādau nakartṛkārye pṛthaktvāpṛthaktvāvacanīyatāyā vikārahāner itivākyabhedenāpṛthaktve pṛthaktve ca vyaktāvyaktayor apṛthaktvapṛthaktvābhyāmavacanīyatāyāṃ ceti pakṣatraye 'pi dṛṣaṇaṃ yojanīyam tathā casāṃkhyānām api jina tava vidviṣāṃ vṛthā śramaḥ sakaloyamaniyamāsanaprāṇāyāmapratyāhāradhyānadhāraṇāsamādhilakṣaṇayogāṃgānuṣṭhānaprayāsaḥ khedo vṛthaiva syād vaiśeṣikanaiyāyikānām ivetivākyārthaḥ tad evaṃ samaṃtadoṣaṃ matam anyadīyam itisamarthitaṃ jina tvadīyaṃ matam advitīyam iti prakāśitaṃ ca tatas tvam evamahān itīyatprativaktum īśā eva vayam iti prakṛtasiddhiḥ

sāmprataṃ cārvākamatam anūdya dūṣayanti

madyāṃgāni piṣṭodakaguḍadhātakyādīni teṣv iva taddhetubhūtāni pṛthivyaptejovāyutattvāni teṣāṃ samāgamaḥsamudāyas tasmin sati jñaś cetanaḥ pariṇāmaviśeṣaḥsukhadukhaharṣaviṣādādivivarttātmako garbhādimaraṇaparyantaḥ prādurbhavatyāvirbhavati vā kāryavādābhivyaktivādāśrayiṇām iti bhāvaḥ pṛthivyaptejovāyur iti tattvāni tatsamudaye śarīrendriyaviṣayasaṃjñāstebhyaś caitanyam ity atra sūtre kāryavādibhir aviddhakarmādibhirutpadyate iti kriyādhyāhārāt tathā'bhivyaktivādibhiḥ puraṃdarādibhirabhivyajyata iti kriyādhyāhārāt bhūtasamāgame jña itibhūtasamudāyasya paraṃparayā kāraṇatvam abhivyaṃjakatvaṃ vā pratyeyaṃ sākṣāc charīrendriyaviṣayasaṃjñebhya evajñasyotpādābhivyaktivacanāt ahaṃ cakṣaṣā rūpaṃ jānāmīti jñātuḥ pratītes teṣāmanyatamasyāpy apāye jñasyāpratīter jñānakriyāyāḥkartṛkaraṇakarmanāntarīyakatvāt tatra śarīrasaṃjñasya kartṛtvāccaitanyaviśiṣṭakāyavyatirekeṇāparasyātmanas tattvāṃtarasya kutaścit pramāṇād apratipatteścakṣurādīṃdriyasaṃjñasya karaṇatvāc caitanyaviśiṣṭendriyavyatirekeṇakaraṇāsyā'saṃpratyayāt viṣayasaṃjñasya vā karmatvāt tasya jñeyatayā'vasthitatvāt na ca mṛtaśarīrendriyaviṣayebhyaś caitanyasyānudayadarśanāttebhyaś caitanyam iti duḥsādhanaṃ caitanyaviśiṣṭānām evajīvaśarīrendriyaviṣayasaṃjñānāṃ saṃjñānanibaṃdhanatvavacanāt kutaḥ punarbhūtānāṃ sarveṣāmapi samāgame śarīrendriyaviṣayasaṃjñā asaṃbhavaṃtyaḥpratiniyamyaṃte śarīrādhyāraṃbhakabhūtānām eva samudāye sati saṃbhavaṃti na punaḥpiṭharādibhūtasamudāya iti na codyaṃ teṣāṃ śaktyantaravyakteḥ yathaivahi madyāṃganāṃ piṣṭodakādīnāṃ samāgame madahetoḥ śaktyaṃrasya vyaktis tathā pṛthivyādibhūtānāṃ jñānahetoḥ śaktyaṃtarasya vyaktiḥ syāt tarhi śaktyaṃtaravyaktipratiniyateṣv eva bhūteṣusamuditeṣu saṃbhavantī daivanimittā syāt dṛṣṭākāraṇavyabhicāraditi ca na śaṃkanīyaṃ daivasya tatsṛṣṭinimittasya kādācitkatayādaivāntarāt sṛṣṭiprasaṃgāt yadi punardaivavyaktiḥ kādācitky apisvābhāvikīti na tasyā daivatsṛṣṭiḥ parasmādanyathānavasthāprasaṃgād iti mataṃ tadā śaktyaṃtaravyaktir apy adaivasṛṣṭiḥ siddhāsudūram api gatvā svabhāvasyāvaśyam āśrayaṇīyatvāt śaktyaṃtaraṃ hi śaktiviśeṣo 'ntaraśabdasya viśeṣavācinaḥ prayogāt tato yathā madyāṃgānāṃ samāgame kālaviśeṣaviśiṣṭe pātrādiviśeṣaviśiṣṭe cā'vikale 'nupahate ca madajananaśaktiviśeṣavyaktiradaivasṛṣṭirdṛṣṭā madyāṃgānām asādhāraṇānāṃ sādhāraṇānāṃ ca samāgamesati svabhāvata eva bhāvāt tathā jñānahetuśaktiviśeṣavyaktir apyadaivasṛṣṭireva jñānāṃgānāṃ bhūtānām asādharaṇānāṃ casamāgame sati svabhāvata eva bhāvāt jñānajananasamarthasyaivakalalādiśarīra syāsādhāraṇasya śarīrasaṃjñatvavacanāt tathā jñānakriyāyāṃsādhakatamasyaivendriyasyāsādharaṇasyendriyasaṃjñatvasiddherviṣayasya ca jñānakriyāśrayasyaivāsādhāraṇasya viṣayasaṃjñatvopapatter nasarve śarīrādayaḥ śarīrādisaṃjñātvaṃ labhante yataḥpratiniyamo na syāt kālāhārāder eva sādhāraṇasyāniyāmāttato dṛṣṭaniyatāniyatakāraṇasṛṣṭitvāc caitanyaśaktyabhivyakter na sā daivasṛṣṭirmadaśaktyabhivyaktivad virecanaśaktyabhivyaktivad vā harītakyādisamudaye na hi devatāṃ prāpya harītakī virecayatīti yuktaṃ vaktuṃkadācit tataḥ kasyacid avirecane 'pi harītakyādiyogasyapurāṇatvādinā śakttivaikalyasyaiva siddher upayoktuḥprakṛtiviśeṣasya cāpratīter iti yair abhimanyate tair mṛdavaḥ pralabdhāḥsukumāraprajñānām eva mṛdūnāṃ vipralaṃbhayituṃ śakyatvāt kīdṛśais tairnirhvībhayaiḥ śiśnodarapuṣṭatuṣṭair iti ye hi strīpānādivyasanino nirlajjānirbhayās ta eva mṛdūn vipralabhaṃte paralokino 'bhāvāt paralokābhāvaḥ puṇayapāpakarmaṇas tu daivasyābhāvāt tatsādhanasyaśubhāśubhānuṣṭhānasyābhāva iti yatheṣṭaṃ pravarttitavyaṃ tapaḥsaṃyamādīnāṃ ca yātanābhogavaṃcamātratvād agnihotrādikarmaṇo 'pi bālakrīḍopamatvāt tad uktam

iti nānāvidhavipralaṃbhanavacanasadbhāvāt paramārthato'nādinidhanasyopayogalakṣaṇasyātmano jñasya pramāṇataḥ prasiddhaḥbhūtasamāgame jña iti vyavasthāpayitum aśakteḥ tāni hi pṛthivyādīnibhūtāni kāyākārapariṇatāni saṃgatāny api avikalānupahatavīryāṇi caitanyaśaktiṃ satīm eva prāgasatīm eva vā'bhivyaṃjayeyuḥsadasatīṃ vā gatyaṃtarābhāvāt prathamakalpanāyāmanāditvasiddhir anaṃtatvasiddhiś ca cetanāśakteḥ sarvadā satyā evābhivyaktisiddheḥ tathā hi kathaṃcin nityā caitanyaśaktiḥ sadakāraṇatvatpṛthivyādisāmānyavat na pṛthivyādivyaktyānekāntas tasyās tatsattve 'pi sakāraṇatvāt nā'pi prāgabhāvena vyabhicāras tasyākāraṇatve'pi sadrūpatvāsiddhes tataḥ samudito hetur na vyabhicārīsarvathā vipakṣāvṛttitvāt tata eva na viruddho nāpy asiddhaḥ sato'bhivyaṃgyasya sadakāraṇatvasiddher abhibyaṃjakasyākāraṇatvāt nanuca madyāṃgaiḥ piṣṭodakādibhir abhivyajyamānā'pi madaśaktiḥprāksatī na nityābhyupeyate tatas tayā sadakāraṇayā vyabhicāra evahetor iti cet na tasyā api kathaṃcin nityatvasiddheścetanadravyasyaiva madaśaktisvabhāvatvāt sarvathā'py acetaneṣu madaśakterasaṃbhavāt manaso madaśaktir iti cet na tasyāpy acetanatvād bhāvamanasa evacetanasya madaśaktisaṃbhavāt etenedriyāṇām acetanānāṃ madaśakterasaṃbhavaḥ pratipāditaḥ bhāvendriyāṇāṃ tu cetanānām evamadaśaktisaṃbhāvanāyāṃ ca kiṃcid acetanadravyaṃ mādyati nāmamadyabhājanasyāpi madaprasaṃgāt na caivaṃ muktānām api madaśaktiḥ prasajyateteṣāṃ tadabhivyaktikāraṇāsaṃbhavāt madaśaktir hivahiraṃgakāraṇam abhivyaktau madyādi cetanasyātmanas tasyāniyatatvāt antaraṃgaṃtu kāraṇaṃ mohanīyākhyaṃ na ca muktānāṃ tadubhayakāraṇam astiyatas teṣāṃ madaśakter abhivyaktiḥ syāt tatrānabhivyaktāmadaśaktir astv iti cet sā yadi caitanyadravyarūpā tadāsty eva mohodayarupātu na saṃbhavati mohasyātyaṃtaparikṣayātkarmāntaravat tan na madaśaktyā vyabhicāraḥ sādhanasya madajananasya śaktyāmadyāṃgasamāgamenābhivyajyamānayā satyā kāraṇayā vyabhicāra iti cet na tasyāḥ surāṃgasamāgamakāryatvāt tataḥ pūrvaṃ pratyekaṃpiṣṭādiṣu tatsadbhāvāvedakapramāṇābhāvāt etena mohodayanimittayā''tmano madaśaktyā parābhyupagatayā vyabhicārodbhāvanamapāstaṃ tasyāś ca mohodayakāryatvāt kṣīṇāmohasyāsaṃbhavāt tato niravadyo hetuś caitanyaśakter nityatvasādhanesadakāraṇatvād iti siddhaḥ paralokitvam anicchatāṃ na satī caitanyaśaktirabhivyajyata iti vaktavyaṃ yadi punaḥ prāgasatī caitanyaśaktirabhivyajyate tadā pratītivirodhaḥ sarvathāpy asataḥ kasyacidabhivyaktyadarśanāt kathaṃcit satī vāsatī vā'bhivyajyataiti cet paramatasiddhiḥ kathaṃcid dravyataḥ satyāścaitanyaśakteḥ paryāyataś cāsatyāḥ kāyākārapariṇatapudgalair abhivyakterabhīṣṭatvāt syādvādibhis tato vipralabdhā evacaitanyaśaktyabhivyaktivādibhiḥ sukumāraprajñāḥ sarvathā caitanyābhivyakteḥpramāṇabādhitatvāt yeṣāṃ tu bhūtasamāgamakāryaṃ caitanyaśaktis teṣāṃsarvacaitanyaśaktīnām aviśeṣaprasaṃgāt pratiprāṇi buddhyādicaitanyaviśeṣo na syāt

pratisattvaṃ bhūtasamāgamasya viśiṣṭatvāttadviśeṣasiddhir iti vadantaṃ prati prāhuḥ sūrayaḥ

dṛṣṭa evāviśiṣṭe hetau pṛthivyādisamudaye tannimitte vā śarīrendriyaviṣayasaṃjñe 'bhyupagamyamānedaivasṛṣṭer anabhyupagamāt kā nāma viśiṣṭatā sattvaṃ sattvaṃ pratibhūtasamāgamasya syāt na kācid viśiṣṭatā saṃbhavatīty arthaḥ svabhāvataeva viśiṣṭabhūtānām iti cet parasyā'pi pṛthivyādibhūtebhyo 'nyasyāpi paṃcamasyātmatattvasya siddhiḥ kiṃ nasyāt kiṃ bhūtakāryacaitanyavādena

syān mataṃ kāyākārapariṇatabhūtakāryatvāc caitanyasyasvabhāvataḥ siddhis tarhi bhūtāni kim upādānakāraṇaṃ caitanyasyasahakārikāraṇaṃ vā yady upādānakāraṇaṃ tadā caitanyasyabhūtānvaya prasaṃgaḥ suvarṇopādāne kirīṭādau suvarṇanvayavat pṛthivyādyupādāne vā kāye pṛthivyādyanvayavat pradīpopādānenakajjalena pradīpānanvitena vyabhicāra iti cet na kajjalasya pradīpopādānatvāsiddheḥ pradīpajvālā hipradīpajvālāntarasyopādānaṃ na kajjalasya tasya tailavartyupādānatvāt pradīpakalikāṃsahakāriṇīm āsādya tailaṃ kajjalarūpeṇa pariṇamadūrdhvaṃ gacchadupalabhyate na ca tattailānvitaṃ rūpādibhiḥ samanvayadarśanāt ekasya pudgaladravyasya tailarūpatāṃ parityajyakajjalarūpatāpāsādayataḥ pradīpasahakāriviśeṣavaśād rūpādinānvitasyapratītisiddhasyānyathā vaktum aśakteḥ tyaktātyaktātmarūpasya pūrvāpūrveṇavarttamānasya kālatraye 'pi viṣayasya dravyasyopādānatvasiddheḥ taduktam

na caivaṃ bhūtasamudāyaḥ pūrvam acetanākāraṃ parityajyacetanākāraṃ gṛhṇan dhāraṇereṇa dravoṣṇatālakṣaṇenabhūtasvabhāvenānvitaḥ saṃlakṣyate caitanyasya dhāraṇādisvabhāvarahitasyasaṃvedanāt na cātyaṃtavijātīyaṃ kāryaṃ kurvāṇaḥ kaścid arthaḥ pratiyatepāradādiḥ pāradīyaṃ kurvann api nātyaṃtavijātīyaṃ kuruterūpāditvena sajātīyatvāt tarhi caitanyam api nātyaṃtavijātīyaṃbhūtasamudāyaḥ kurute tasya sattvārthakriyākāritvādibhir dharmaiḥsajātīyatvād iti cet kim idānīṃ jalānalādīnāṃ parasparam upādānopādeyabhāvo na bhavet tata eva teṣāṃ tattvāntaratvāt dhāraṇādyasādhāraṇaparasparavilakṣaṇatvān nopādānopādeyabhāva iticet kim evaṃ bhūtacaitanyayor asādhāraṇalakṣaṇayoḥparasparavilakṣaṇayor upādānopādeyabhāvo 'bhyanujñāyate dhāraṇādilakṣaṇaṃ hibhūtacatuṣṭayam upalabhyate na caitanyaṃ tad apijñānadarśanopayogalakṣaṇam upalakṣyate na bhūtacatuṣṭayam iti naparasparavilakṣaṇalakṣaṇatvaṃ bhūtacaitanyayor asiddhaṃ tato nopādānopādeyabhāvo yuktaḥ sādhāraṇasattvādidharmasādharmyamātrāt tayor upādānopādeyatve'tiprasaṃgasya durnivāratvāt yadi punaḥ sahakārikāraṇaṃbhūtasamudayaś caitanyotpattau pratipādyate tadopādānakāraṇamanyadvācyaṃ nirupādānasya kasyacit kāryasyānupalabdheḥ śabdavidyutpradīpādivannirupādānaṃ caitanyam iti cet na tasyāpi svopādānatvasiddheḥ tathā hi svopādānakāraṇapūrvakaḥ śabdādiḥkāryatvāt paṭādivat kiṃ punas tasyopādānaṃ tālvādisahakārivyatiriktaṃ dṛṣṭam iti cet śabdādipudgavyam iti brūmas tathā hi śabdādiḥ pudgaladravyopādāna eva vāhyendriyapratyakṣatvātghaṭavat sāmānyena vyabhicāra iti cet na tasyāpimūrttadravyādhārasya sadṛśapariṇāmalakṣaṇasya vāhyendriyagrāhyasyapudgaladravyopādānatvasiddheḥ tathā sati sāmānyasyānityatvaprasaṃgaḥ iti cet kathaṃcid iṣṭatvād adoṣa iti sarvathā nityasya sāmānyasya svapratyayahetutvavirodhāt dravyeṇasaṃgrahanayaviṣayeṇa sāmānyenānekāṃta iti cet na tasyāpy atīndriyasyavāhyendirayāpratyakṣatvāt tena vyabhicārābhāvāt yatra vāhyendrigrāhyaṃ pudgalaskaṃdhadravyaṃ vyavahāranayasiddhaṃtatsūkṣmapudgalopādānam eveti kathaṃ tenānekāṃta iti ca tato nānupādānaṃ śabdādikam asti yatas tadvatsahakārimātrāc caitanyam anupādānam utpadyateiti prapadyemahi na copādānasahakāripakṣadvayavyatir ekeṇa kiṃcit kāraṇamasti yena bhūtacatuṣṭayaṃ caitanyasya janakam urarīkriyate tataḥsvabhāvata eva caitanyasya siddhir astu pṛthivyādibhūtaviśeṣavad ititattvāntarasiddhis tām apanhavānām atāvakānāṃdarśanamohodayākulitacetasāṃ jīvikāmātrataṃtrāṇāṃ vicārayatām api hā kaṣṭaṃprakṛṣṭaḥ pātaḥ saṃsārasamudrāvarttapatanalakṣaṇaḥ saṃjāta iti sūrayaḥkaruṇāviṣayatvaṃ darśitavantaḥ

dīkṣāta eva muktir iti manyamānān maṃtriṇaḥpratyāhuḥ

hiṃsā'nṛtasteyābrahmaparigrahā uccair anācārapathāḥ paṃca mahāpātakāni teṣv anuṣṭhīyamāneṣv apy adoṣaṃnirghoṣayanti kecit svabhāvata eva jagataḥ svacchandena vṛtter ityupapattim ācakṣate tathā hi jagato 'nācārapathā mahānto 'pi na doṣahetavaḥ svabhāvato yathecchavarttamānatvāt prasiddhajīvanmuktavad itinirghuṣya dīkṣāsamakālāṃ muktiṃ manyante dīkṣayā samā samakālā dīkṣāsamā sā cāsau muktiś ca sā dīkṣāsamam uktis tasyāṃmāno'bhimāno yeṣāṃ te dīkṣāsamam uktimānā iti padaghaṭanā te catvaddṛṣṭerbaṃdhamokṣatatkāraṇāniścayanibaṃdhanasyādvādadarśanātvāhyāḥ sarvathaikāṃtavāditvāt vibhramaṃty eva kevalaṃ vata kaṣṭaṃ punas tattvaniścayaṃ nāsādayantīty arthaḥ dīkṣā hi maṃtraviśeṣāropaṇam upasannamanasīṣyate sā ca yadi yamaniyamasahitā tadā tvadṛṣṭir evetibhagavaddarśanād avāhyā eva dīkṣāvādinas tathātattvaviniścayaprāpteḥ atha yamaniyamarahitā dīkṣā kakṣīkriyate tadā na sādoṣavipakṣabhūtā'nācārapratipakṣabhūtā vā yato 'nācārakṣayakāriṇī syāt na cānācārakṣayakāraṇam antareṇa dīkṣāsamakālam eva muktiryuktim avataraty atiprasaṃgāt syān matir eṣā bhavatāṃ samarthādīkṣoccair anācārapatham atha na paṭīyasī na punar asamarthā yatodīkṣāsamaye evā'nācāranirākaraṇam upasann ajanānām anuṣajyata iti sā'pi na śreyasī dīkṣāyāḥ sāmarthye 'pi tatsamakālaṃ muktyanavalokanāt tathā hi sāmarthyaṃ dīkṣāyāḥ svabhāvabhūtamarthāntarabhūtaṃ vā svabhāvabhūtaṃ cet kathaṃ kadācit kvacitkasyāścid eva syāt dīkṣāto 'rthāntarabhūtaṃ sāmarthyam iti cet tat kiṃ kālaviśeṣarūpaṃ deśaviśeṣarūpaṃ dakṣiṇādiviśeṣarūpaṃ vā kālaviśeṣarūpaṃ cet na tithivāranakṣatravelādikālaviśeṣasyāviśeṣe 'pi kasyacid dīkṣāsamakāle muktyadarśanāt kṣetraviśeṣasāmarthyam iti cet natīrthasnānadevatālayamaṃḍalādiviśeṣasāmye 'pi kasyācin muktyabhāvāt dakṣiṇādiviśeṣarūpaṃ sāmarthyam iti cet na gurudakṣiṇāyāṃ yathoktāyāṃ satyām api vinayapraṇamananamaskārātmasamarpaṇasadbhāve 'picoccair anācārapathapravṛttidarśanāt sakalā sāmagrīśraddhāviśeṣopagṛhītadravyaguṇakarmalakṣaṇā nivarttakadharmaviśeṣajanikādīkṣāyāḥ sāmarthyam iti cet kaḥ punaḥ śraddhāviśeṣo nāma heyejihāsā śaśvadupādeye copāditsā śraddhāviśeṣa iti cet tarhi heyaṃ duḥkham anārataṃ tatkāraṇaṃ ca mithyādarśanaṃ rāgādidoṣapaśceti katham anācārapatheṣv adoṣo nirghuṣyate śraddhāviśeṣaś ca samyagdarśanaṃ tadanugṛhītā dīkṣā samyagjñānapūrvikā samyakcāritrāmiti samyagdarśanajñānacāritratrayād eva sātmībhāvam āpannānmuktir uktā syāt tathā ca tvaddṛṣṭir eva śreyasī tadvāhyās tuvibhramanty eveti sūktam

athavā dīkṣāsaṃ yathā bhavaty evam amuktimānā mīmāṃsakās tvaddṛṣṭivāhyā vata kaṣṭaṃ vibhramaṃti kiṃ kṛtvāuccair anācārapatheṣv adoṣaṃ nirghuṣya

iti vacanāt kutaḥ ity upapattim ācakṣate svacchaṃdavṛtter jagataḥ svabhāvād iti pravṛttir eva bhūtānām iti vacanāt nakadācid anīdṛśaṃ jagad ity abhyupagamāc ca kutas teṣāṃvibhrama iti cet doṣe 'py adoṣanirghoṣaṇāt vedavihiteṣūccair anācārapatheṣupaśuvadhādiṣv adoṣo nirghuṣyate na punar vedavāhyeṣu brahmahatyādiṣutatra doṣasyaiva nirghoṣaṇāt brāhmaṇo na hantavyaḥ surā napātavyeti niṣedhavacanāt svacchandavṛtter api jagataḥ svabhāvādvedena śreyaḥpratyavāyasādhanaprakāśinā niyamitatvāt tathāvedavihitadīkṣāyāś cāpratikṣepāt pākhaṃḍidīkṣāyā eva nirasanāt nāmuktimānāḥ śrotriyāḥ paramabrahmapadāvāptilakṣaṇasyamokṣasyānaṃdarūpasya taiḥ svayam abhyupagamāt anaṃtajñānādirūpāyā eva mukternirākaraṇād iti kecit te 'pi svagṛhamānyā eva vedavihiteṣv apy anācāreṣu doṣābhāvasya vyavasthāpayitum aśakteḥ khārapaṭikaśāstravihiteṣu sadhanagarbhiṇīvadhādiṣudoṣābhāvānuṣaṃgāt khārapaṭikāgamajñānasyāpy apramāṇatvān na tadvihiteṣv anācāreṣudoṣābhāvaprasaṃga iti cet vedajñānasya kutaḥ prāmāṇyaṃ yenatadvihiteṣu paśuvadhādiṣu doṣābhāvo vyavatiṣṭhate doṣavarjitaiḥ kāraṇair janyamānatvād iti cet na svarūpe 'pi vedajñānasyaprāmāṇyaprasaṃgāt doṣāśrayapuruṣeṇākṛtasya svarūpavādasyāpisiddheḥ

kāryavādavat doṣavarjitaiḥ kāraṇair janyamānatvāviśeṣāt bādhavarjitatvāc codanājñānasya prāmāṇyam iti cet nāsiddhatvād anācāravidhāyinaś codanājñānasya bādhasadbhāvāt tathā hi paśubadhādayaḥ pratyavāyahetava eva pramattayogātprāṇātipātāditvāt kharapaṭāgamavihitasadhanavadhādivat pramattayogo'siddha iti cet na kāmyānuṣṭhānasya rāgādipramādapūrvakasyapramattayoganibaṃdhanatvāt saty api rāgādipramādayogepaśuvadhādiṣu pratyavāyāsaṃbhave sadhanavadhādiṣv api kutaḥ pratyavāyaḥsaṃbhāvyate sarvathā viśeṣābhāvāt paśuvadhādīnāṃsvargādiśreyaḥsādhanatvān na pratyavāyasādhanatvam iti cet na sadhanavadhādīnāmapi dhanaiśvaryādiśreyaḥsādhanatvāt pratyavāyahetutvaṃ mā bhūt tadātv astokaśreyaḥsādhanatve 'pi sadhanavadhādīnāṃpāratrikabṛhatpratyavāyasādhanatvam api viruddham eveti cet tarhipaśuvadhādīnām api paśulābhārthalābhādisvalpaśreyaḥsādhanatve 'pipāratrikabṛhatpratyavāyasādhanatvād eva svargādiśreyaḥsādhanatvaṃ mā bhūdvirodhāt ṛtvigādidakṣiṇāviśeṣād dīnānāthasakalajanānaṃdidānaviśeṣāc ca śraddhāpūrvakavrataniyamābhisaṃbaṃdhāc ca yajamānasyasvargādiśreyaḥsādhanatvaṃ paśuvadhe 'pi na virudhyata iti cet kimevaṃ paśuvadhādinā dakṣiṇādibhya eva śreyaḥsaṃprāptes tadabhāve pratyavāyasyaiva siddhes tasya śreyaḥsādhanatvāsaṃbhavāt kathaṃ cāyaṃ sadhanavadhakādīnām api dānādividhāyināṃ dharmādyabhisaṃdhiśraddhāviśeṣaśālināṃ svāgamavihitamārgādigāmināṃ svargādiśreyaḥprāptipratiṣedhasamarthaḥ nanu cadharmābhisaṃdhīnāṃ sadhanavadhādir adharmahetur viruddha iti cet paśuvadhādistādṛk katham aviruddhaḥ tathā vedavihitatvād iti cetkharapaṭaśāstravihitatvāt sadhanavadhādir api viruddho mā bhūt dhanalobhādinibaṃdhanatvāt sadhanavadhāder dharmābhisaṃdhivirodhesvargādilobhanimittattvāt paśuvadhāder dharmābhisaṃdhivirodho 'stu viśeṣābhāvāt dṛṣṭārthadhanalobhāder adṛṣṭārthasvargādilobhādīnāṃ mahattvāc catannibaṃdhanasyaiva paśuvadhāder dharmavirodho mahāneveti ca yuktaṃ vaktuṃ nanv anaṃtanirvāṇasukhalobhanibaṃdhanasya svaparakāyaparitāpanasyāpyevaṃ dharmavirodhaḥ kathaṃ mahattamo na syād iti cet na yogināṃnirvāṇasukhaśraddhāyām api lobhābhāvād iti brūmas teṣāmātmasvarūpapratibaṃdhikarmamalavigamāyaiva samādhiviśeṣapravṛtteḥkvacil lobhamātre 'pi nirvāṇaprāptivirodhāt tad uktam mokṣe 'pi nayasya kāṃkṣā sa mokṣam adhigacchatīti tarhi yājñikānām apipratyavāyajihāsayā nityanaimittikayor vedavihitayoḥpravṛtter na svargādilobhanibaṃdhanatvam iti cet kim evaṃ khārapaṭikānāṃdaurgatyajihāsayā sadhanavadhādiṣu pravṛttirdhanalobhanibaṃdhanā'bhidhīyate daurgatyajihāsaiva dhanalobha iti cet pratyavāyajihāsaiva svargādiśreyolobhaḥ kathaṃ na syāt na caivaṃ yogināṃ saṃsārakāraṇakrodhalobhādinirācikīrṣaiva niśreyaso lobha iti vaktuṃ yuktaṃ vyāghātāt mokṣārthināṃ sarvatrāpravṛtterna lobhanibaṃdhanā pravṛttir iti viṣamo 'yam upanyāsaḥ tataḥsūktam ida paśuvadhādiyajñavādināṃ vedavākyānāṃ bādhakamanumānaṃ paśuvadhādayaḥ pratyavāyahetavaḥ pramattayogāt prāṇātipātāditvāt sadhanavadhādivad iti caityālayakaraṇādiṣunānāprāṇigaṇaprāṇātipātādibhir anekāṃta iti cet na pramattayogād iti vacanāt na ca caityālayakaraṇādiṣu pramattayogo 'sti samyaktvavardhanakriyāyāḥ samīhitatvāt tatrā'pi nidānakaraṇepratyavāyahetutvasyābhyanujñānāt pakṣāntaravarttitvān na tairenaikāṃtikatodbhāvayituṃ yuktā tan na vādhavarjitatvenā'picodanāpramāṇaṃ bādhakasya vyavasthiteḥ khārapaṭikaśāstravat apramāṇakaṃ coccair anācārapatheṣv adoṣaṃ nirghoṣayantaḥ kathaṃ navibhramayaṃti mīmāṃsakāḥ

iti tvaddṛṣṭibāhyānāṃ kaṣṭam anivāryaṃ tatas tama evaprarūḍhaṃ yājñikānāṃ sarvaceṣṭitam iti sūrayo nivedayanti

hiṃsānṛtasteyābrahmaparigraheṣu niyamam aṃtareṇaprakarṣeṇa vṛttiḥ pravṛttis tatra raktā mīmāṃsakāstathā'bhiniveśāt tair upetya pravṛttiṃ svayaṃ pratipadya hiṃsābhyudayakasyasvargāder aṃgaṃkāraṇaṃ niṣṭhā kiṃ bhūtais taiḥ śamatuṣṭiriktair itihetuvacanaṃ tena śamatuṣṭiriktatvād ity arthaḥ krodhādiśāntiḥ śamaḥ tuṣṭiḥ santoṣaḥ śamena tuṣṭiḥ śamatuṣṭis tayā riktair iti pratyeyaṃ tadetat prarūḍhaṃ vṛhattamaṃ tamaḥ pareṣāṃ yajñavādinām ajñānatvam ity arthaḥ tathāpravṛttitaḥ śāntir api prarūḍhaṃ tamaḥ pareṣāṃ tasyāḥśāṃtipratipakṣitvāt pravṛttir hi rāgādyudrekasya kāraṇaṃ na punārāgādiśānter vyāghātāt

syān mataṃ teṣāṃ pravṛttir dvedhā rāgādihetuḥśāṃtihetuś ca tatra yā vedavākyenāvihitā sā rāgādyudayanimittaṃ yathā brāhmaṇavadhasurāpānādi vedavihitā tu śāṃtihetur yathā yajñepaśuvadhādis tasyā adṛṣṭārthatvātkrodhādyudayanibaṃdhanatvābhāvād iti tad apy asat vedavihitāyāḥ pravṛtteḥśāṃtihetutvaniyamānupapatteḥ anyathā mātaram upaihi svasāram upaihīti vedavākyavihitāyāmātṛsvasṛgamanalakṣaṇāyāḥ pravṛtteḥ śāṃtihetutvaprasaṃgāt vedāvihitāyāś ca pravṛtteḥ satpātradānādilakṣaṇāyāḥśāṃtipratipakṣatvāpatteḥ atha matam etat paraṃparayā pravṛttir apiśāṃtihetur upapadyata eva yathā devatārādhanādipravṛttir iti tad apy asaṃbhāvyaṃ vedavihitahiṃsādipravṛtteḥ paraṃparayā śāṃtihetutvānupapatteḥ naca śāntyarthinaḥ śāṃtipratikūleṣu hiṃsādiṣu vartamānāḥprekṣāpūrvakāriṇaḥ syur madābhāvāya madyapāne pravarttamānajanavat satpātradānadevatārcanādiṣu svayam anabhisaṃdhitasūkṣmaprāṇivadhādipravṛttis tuparaṃparayā śāṃtihetur upapadyata evadarśanaviśuddhiparigrahaparityāgapradhānatayā tasyāḥ samavasthitatvād anyathā tadabhāvavirodhāt itisūktam etat pravṛttitaḥ śāṃtir iti vacanaṃ mahātamovijṛmbhitaṃpareṣām iti tatas tavaiva mataṃ suprabhātaṃsakalatamonirasanapaṭīyastvād iti siddham

sāmprataṃ matāntaraṃ nirācikīrṣavaḥ prāhuḥ

śīrṣopahāraḥ svaśirovaliś chāgādiśirovalir vā sa ādir yeṣāṃ gugguladhāraṇamakarabhojanabhṛgupatanaprakārāṇāṃte śīrṣopahārādayas tair ātmaduḥkhair jīvaduḥkhanimittair devānyakṣamaheśvarādīn ārādhya sidhyanti doṣāpacayānapekṣā doṣāpacayamanapekṣamāṇāḥ sukhābhigṛddhāḥ kāmasukhādilolupāḥ kileti sūrayaḥ pramāṇānupapannatvena ruciṃ prakāśayanti keṣāṃ punaridaṃ yuktam ity abhidhīyate yuktaṃ ca teṣāṃ tvam ṛṣir na yeṣām iti yeṣāṃ natvam ṛṣir gurur vītadoṣaḥ sarvajñasvāmī na bhavasi teṣām evamithyādṛśāṃ yuktaṃ upapannam evaitat prarūḍhaṃ tamo na punar yeṣāṃ tvaṃguruḥ śuddhiśaktyoḥ parāṃ kāṣṭhām adhitiṣṭhann abhimato 'si teṣāṃsabhyagdṛṣṭīnāṃ hiṃsādiviraticetasāṃ dayādam atyāgasamādhiniṣṭhaṃtvadīyaṃ matam advītīyaṃ pratipadyamānānāṃnayapramāṇaviniścitaparamārthayathāvatārijīvāditattvārthapratipattikuśalamanasāṃ pramādato'śaktito vā kvacit pravṛttim ācaratām api teṣāṃtatrābhiniveśapāśānavakāśāt tad itthaṃ samaṃtadoṣaṃ matam anyadīyaṃ saṃkṣepato darśitam vistarato devāgame tasya samantabhadrasvāmibhiḥ pratipādanāt bhāvaikānte padārthānā mityādinā tata eva tvadīyaṃ matamadvitīyam iti ca samāsato vyavasthitaṃ vyāsato devāgame eva tasya tathā vyavasthāpitatvāt kathañcit te sadeveṣṭaṃ kathaṃcidasad eva tad ityādinā tathaiva svāmibhir abhidhānāt

iti yuktyanuśāsane parameṣṭhistotre prathamaḥ prastāvaḥ

atha bhedābhedātmakaṃ sāmānyaviśeṣātmakamarthatattvaṃ madīyaṃ matam advitīyaṃ nayapramāṇaprakṛtāṃjasārthatvād astu nāmakevalaṃ sāmānyaniṣṭhāḥ viśeṣāḥ syur viśeṣaniṣṭhaṃ vā sāmānyaṃ syādubhayaṃ vā parasparaniṣṭham iti bhagavatparyanuyoge sūrayaḥ prāhuḥ

sāmānyaniṣṭhā vividhā viśeṣāḥ iti sāmānyaṃ dvividham ūrdhvatāsāmānyaṃ tiryaksāmānyaṃ ceti tatrordhvatāsāmānyaṃ kramabhāviṣu paryāyeṣv ekatvānvayapratyagrāhyaṃ dravyaṃ tiryaksāmānyaṃ nānādravyeṣu paryāyeṣu ca sādṛśyapratyayagrāhyaṃsadṛśapariṇāmarūpaṃ tatra sāmānye niṣṭhā parisamāptir yeṣāṃ te sāmānyaniṣṭhāḥ ke te viśeṣāḥ paryāyāḥ kiṃ prakārāḥ vividhāḥ kecit kramabhuvaḥ kecit sahabhuva ekadravyavṛttayaḥ tatra kramabhuvaḥparispaṃdarūpā utkṣepaṇādayaḥ aparispaṃdātmakāḥ sādhāraṇāḥ sādhāraṇāsādhāraṇāś ca asādhāraṇāś ceti trividhāḥ sādhāraṇadharmāḥsattvaprameyatvādayaḥ sādhāraṇāsādhāraṇāḥ dravyatvajīvatvādayaḥ asādhāraṇāḥ pratidravyaṃ prabhidyamānāḥ pratiniyatā arthaparyāyāiti vividhaprakārā viśeṣā ekadravyaniṣṭhatvādūrdhvatāsāmānyaniṣṭhās tadvyatirekeṇāsaṃbhāvyamānatvāt nanv evaṃ vidhaṃviśeṣaniṣṭhaṃ sāmānyaṃ kasmān na syād iti cet na kasyacid viśeṣasyāpāye'pi sāmānyasya viśeṣāntareṣūpalabdheḥsarvaviśeṣaniṣṭhatvavirodhāt katipayaviśeṣaniṣṭhatve tu sāmānyasya tadanyaviśeṣāṇāṃ niḥsāmānyatvaprasaṃgāt vinaṣṭānutpannaviśeṣaniṣṭhatvesāmānyasya vināśānutpādaprasaṃgo vyāhataḥ prasajyeta viśeṣāṇāṃ vināśe'pi sāmānyasyāvināśenāgatatve 'pi varttamānatve caviruddhadharmādhyāsāt bhedaprasaṃgān na viśeṣaniṣṭhatvaṃ sāmānyasyaprasajyetātiprasaṃgāt viśeṣeṣu vyaktirūpeṣu dravyaguṇakarmasu sāmānyasyasamavāyād viśeṣaniṣṭhaṃ sāmānyam iti cet na tasyatiryaksāmānyarūpatvāt na caitad api viśeṣaniṣṭhaṃ dravyatvasyasakaladravyavyaktiniṣṭhatve kāryadravyavyaktivināśaprasaṃgātkatipayadravyavyaktiniṣṭhatve dravyavyaktyaṃtarāṇāṃ niḥsāmānyatvaprasaṃgasya tadavasthatvāt nityasarvagatatvāt sāmānyasyāyamadoṣa iti cet na sarvavyaktīnāṃ nityatvaprasaṃgāt tatra nityasāmānyasya niṣṭhanāt yadipunar vyāpakaṃ sāmānyaṃ vyāpyās tu vyaktayas tatovyāpyābhāve 'pi vyāpakasya sadbhāvāvirodhāt saty api nitye sāmānye vyaktīnām abhāvāvirodhān na nityatāpattir iti matam tadā sāmānyaniṣṭhā eva viśeṣāḥ syur avasthite sāmānye viśeṣāṇāmutpādād vināśāc ceti siddhāḥ sāmānyaniṣṭhā vividhā viśeṣāḥ na punarviśeṣaniṣṭhaṃ sāmānyaṃ etena parasparaniṣṭhamubhayam ity api pakṣaḥ pratikṣiptaḥ

yadi sāmānyaniṣṭhā viśeṣās tadā padaṃ kiṃ viśeṣaṃ nayate sāmānyaṃ vā tad ubhayaṃ vā'nubhayaṃ veti śaṃkāyām idamabhidhīyate sūribhiḥ padaṃ viśeṣāntarapakṣapāti viśeṣaṃ nayata iti viśeṣo dravyaguṇakarmabhedāt trividhaḥ tatra dnavyepravarttamānaṃ padaṃ dravyadvāreṇa viśeṣāṃtaraṃ guṇaṃ karma vā svīkarotītiviśeṣāntarapakṣapāti pakṣapāto hi svīkāraḥ parigrahaḥ so'syāstīti pakṣapāti viśeṣāṃtare pakṣapāti viśeṣāntarapakṣapāti yathā daṃḍītipadaṃ saṃyogidravyadvāreṇa dravye devadattādaupravartamānaṃ guṇam api daṃḍapuruṣasaṃyogalakṣaṇaṃ parigṛhṇāti karma ca daṃḍagataṃpuruṣagataṃ ca parispandalakṣaṇaṃ viśeṣāntaraṃ svīkarotīti tadasvīkāraṇedaṃḍītipadasya dravye pravṛttivirodhāt tathā viṣāṇīti padaṃsamavāyidravyaviṣayaṃ samavāyiviṣāṇidvāreṇa gavādisamavāyinipravartamānatvāt tatra ca viṣāṇidravye pravarttamānaṃtadguṇamapi viśeṣāṃtaraṃ dhavalādi gṛhṇāty eva kriyāṃ ca viśeṣāṃtaraṃgavādigataṃ viṣāṇagataṃ vā svīkāroty eveti viśeṣāṃtarapakṣapātīty ucyate tathā śukla iti padaṃ guṇadvāreṇa dravye pravarttamānaṃguṇaviṣayatāṃ svīkurvat tadanvayadravyaṃ viśeṣāṃtaraṃ parigṛhṇātītiviśeṣāntarapakṣapāti tatā caratīti padaṃ kriyādvāreṇa dravyepravarttamānaṃ kriyāviṣayatāṃ pratipadyamānam api viśeṣāṃtaraṃtadādhāradravyaṃ tadekārthasamavāyi karma ca svīkarotīti viśeṣāṃtarapakṣapātisiddhaṃ viśeṣaṃ nayata iti dravyaṃ guṇaṃ karma ca nayate prāpayatītyarthaḥ

caturvidhaṃ hi padaṃ nāmākhyātanipātopasargabhedāt kecid amaṃsata karmapravacanīyaṃ ca padam itipacaṃvidham anye tatra nāma padaṃ kiṃcid dravyamabhidhatte guṇaṃ vā tadvannipātapadaṃ ākhyātapadaṃ tu kriyam abhidadhāti tathā copasargapadaṃ tasyakriyodyotakatvāt karmapravacanīyapadaṃ tu pāribhāṣikaṃ karmetisaṃpratipadyate tad evaṃ suptiṅantavikalpād vividham apipadaṃ cāturvidhyaṃ pāṃcavidhyaṃ vā samāskandadviśeṣāṃtaravṛttisadviśeṣaṃ nayatesamānabhāvaṃ samānatvam iti nayater dvikarmakatvādabhisabaṃdhaḥ karttavyas tad anena pradhānabhāvena dravyādivyaktirūpaṃ viśeṣaṃ guṇībhūtaṃsāmānyaṃ padaṃ pratipādayatīty abhihitam anyatpadaṃ jātiviṣayaṃsamānabhāvaṃ sāmānyaṃ viśeṣaṃ nayate yathā gaur iti padaṃgotvajātidvāreṇa dravye pravarttamānaṃ jātipadaṃ svāśrayabhūtadravyaviśeṣamapi sāmānyarūpaṃ prāpayati tathā guṇatvajātipadaṃ guṇatvajātidvāreṇaguṇe varttamānaṃ guṇam api svāśrayaṃ viśeṣaṃ jātirūpatāṃ nayate tathā karmatvajātipadaṃ karmatvajātidvāreṇa karmaṇi pravartamānaṃkarmāpi svādhikaraṇaṃ viśeṣaṃ samānabhāvaṃ nayate kuta ity ucyate antarviśeṣāntaravṛttitaḥ iti antargataṃ viśeṣāṃtaram asyetyaṃtarviśeṣāntaraḥ samānabhāvaḥ samānapariṇāmas tatra vṛtteḥpravarttanāt padasyety arthavaśād vibhaktipariṇāmaḥ tad etenapradhānabhūtasāmānyaṃ guṇībhūtaṃ viśeṣaṃ padaṃ prakāśayatīti nigaditaṃ tatonirviśeṣam eva pada na nayate sāmānyaṃ nirapekṣaṃ tasyāsaṃbhāvātkharaviṣāṇavad iti na vyaktivāde padārthaḥ sagacchate tatratasyāsatyatvaprasaṃgāt nā'pi sāmānyaṃ kevalaṃ viśeṣanirapekṣaṃpadaṃ prakāśayati tasyā'py asaṃbhavāt kūrmarogādivad iti najātir vā vyaktir vā'sya padārthaḥ samavatiṣṭhate tasyāpi tanmātrepravarttamānasyāsatyatāpatteḥ na ca parasparānirapekṣam ubhayaṃpadārthas tasyāpy apratīyamānatvāt vaṃdhyāputrādivat tatrapravarttamānasya padasyāyathārthatvaprasakteḥ na cāpy anubhayaṃ padam āvedayatitasyāpy anyathā vṛttimātrasyāvastubhūtasya pratipādane padātpravṛttivirodhāt jātyantaraṃ tu sāmānyaviśeṣātmakaṃ vastupradhānaguṇabhāvena padaṃ prakāśayat yathārthatāṃ nātikrāmati pratipattuḥpravṛttiprāptighaṭanāt pratyakṣādipramāṇād iveti devāgamapadyavārtikālaṃkārenirūpitaprāyam tadyathā

iti vṛttaṃ khaṃḍaśo vyākhyātam

athavā padaṃ kiṃcid viśeṣaṃ saṃketakālavartinaṃsamānabhāvaṃ nayate kuto yasmād viśeṣāntarapakṣapāti saṃketakālavartinoviśeṣād avyavahārakālavartiviśeṣo 'nyo viśeṣāṃtaraṃtatpakṣapātitvād ity arthaḥ anyatpadaṃ samānabhāvam api viśeṣaṃ nayatekasmād antarviśeṣāntaravṛttitaḥ viśeṣāntarāṇām antaḥantarviśeṣāntaraṃ aṃtaḥśabdasya pūrvanipāto antarādeṣṭhaṇ itijñāpakād antarmuhūrttavat antarviśeṣāntare vṛttirantarviśeṣāntaravṛttis tato viśeṣāntarāṇāṃ saṃketasamayavarttisāmānyaviśeṣaṇaviśeṣebhyo'nyeṣāṃ viśeṣāṇām antarvṛttittvād viśeṣāntarādvahirbhāvād ity arthaḥ kutaḥ punaḥ kiṃcit padaṃ viśeṣe dravyādau pravarttamānaṃtaṃ viśeṣaṃ sāmānyarūpatāṃ nayate parantu sāmānye pravarttamānaṃdravyatvādau sāmānyam api viśeṣarūpatāṃ prāpayatīti cet yataḥ sāmānyaniṣṭhā vividhā viśeṣā ity upapattir abhihitā yasmātsāmānye niṣṭhā viśeṣāṇāṃ tasmāt padaṃ viśeṣaṃ sāmānyarūpatāṃ nayateyasmāc ca sāmānyam api padaṃ viśeṣaṃ nayata ity arthaḥ

kiṃ punas tatpadaṃ vahirbhūtaṃ varṇātmakamantarbhūtaṃ vā cidātmakim iti śaṃkāyāṃ padasya viśeṣaṇam antar iti tenaivaṃvyākhyāyate yad antaḥpadaṃ jñānātmakaṃ tad anyad evavarṇātmakapadāt viśeṣāṃtaravṛttito viśeṣāntarapakṣapāti sadviśeṣaṃ samānabhāvaṃnayate na punar varṇasamūhalakṣaṇaṃ varṇānām utpannāpavargitvātsamūhānupapatteḥ padasyaivāsaṃbhavāt varṇanityatāyām api tadabhivyakteranityatvād abhivyaktavarṇasamūhātmakaṃ padaṃ na saṃbhāvayituṃ śakyaṃ gaur iti pade gakārābhivyaktikāle tadavayavabhūtayor aukāravisargayorabhivyaktyabhāvāt tadabhivyaktikāle ca gakārābhivyakter vināśāt na cābhivyaktān abhivyaktavarṇānāṃ samūhaḥ saṃbhavati yadipunaḥ krameṇotpannānām abhivyaktānāṃ vā buddhau viparivartamānānāṃkramaviśeṣātmakaḥ samūhaḥ padam ity abhidhīyate tadā'pyekavarṇabuddhikāle varṇāntarabuddher anutpatter uttaravarṇabuddher utpattikāleca pūrvavarṇabuddheḥ pradhvaṃsānnekabuddhau varṇānāṃ nānātmanāṃ viparivarttanaṃsaṃbhavati na caikā buddhir nānākraṃmavarttyaikavarṇakālavyāpinīsaṃbhavati tasyāḥ kālāntarasthāyitvāsaṃbhavāt buddhijanitasaṃskāraḥkālāntarasthāyīti cet na nānāvarṇavijñānajanitasaṃskārāṇāṃ kramabhuvāṃ varṇasmaraṇajanayatām asatkalpatvāt janayatāṃ tu nayugapat smaraṇaṃ saṃbhavati kramato varṇasmaraṇasaṃbhave 'pinaikavarṇasmaraṇakāle varṇāntarasmaraṇam asti virodhāt kutaḥsmaryamāṇānām api varṇānāṃ samūhaḥ tata eva padasphoṭaḥpadārthapratipattinimittaṃ varṇānāṃ pratyekam arthapratipattinimittatvevarṇāntaravaiyarthyaprasaṃgāt samūhasyāsaṃbhavāt tadbuddhismaraṇasamūhavad ity apare teṣāmapi padasphoṭo nityo niraṃśaḥ sarvagato 'mūrtaḥ kim anabhivyaktaevārthapratipattihetur abhivyakto vā prathamapakṣevarṇoccāraṇānarthakyaṃ sarvadā sarvatra sarvathā'pratihatārthapratipattiḥ prasajyeta kadācit kvacit kathaṃcid asaṃbhavābhāvāt dvitīyapakṣe tu padasphoṭo'bhivyajyamānaḥ pratyekaṃ varṇenābhivyajyate varṇasamūhena vā yadi pratyekaṃ varṇenābhivyajyate tadaikavarṇena sarvātmanāṃtasyābhivyaktatvāt sarvatra sarvathā varṇāntaroccāraṇavaiyarthyaṃ kathaṃvinivāryeta padārthāntarapratipattivyavacchedārthatvādvarṇāntaroccāraṇasya na vaiyarthyam iti cet na varṇāntaroccāraṇād apipadārthāntarapratipatter evānuṣaṃgāt yathā hi gaur iti padasyārthogakāroccāraṇāt pratīyeta tathaukāroccāraṇadauśanasa iti padasyārthaḥpratipadyetādyena gakāreṇa gaur iti padasyeva prathamamaukāreṇauśanasaiti padasya sphoṭasyābhivyakteḥ tathā ca gaur iti padād evagaur auśanasa iti vākyārthapratipattiḥ prasajyeta saṃśayo vā syāt kim ekapadasphoṭābhivyaktaye gakārādyanekavarṇoccāraṇaṃpadāṃtarasphoṭavyavacchedena kiṃvā'nekapadasphoṭābhivyaktayegakārādyanekavarṇoccāraṇam iti tato naikenaiva varṇenapadasphoṭasya sarvātmanā'bhivyaktir ghaṭate nā'py ekadeśenasāṃśatvaprasaṃgāt sāṃśasya ca svāṃśebhyo 'narthāntaratvenānātvaprasaṃgo nānāvayavebhyonarthāntarasyaikatvavirodhāt ekasmādanarthāntarabhūtānāṃ nānāvayavānāṃ nānātvavirodhavat svāṃśebhyo 'rthāntaratve tasyānabhivyaktiprasaktis tato bhinnānām evāṃśānāṃnānāvarṇair abhivyaktitvāt yadi punarnānāvarṇābhivyaktaiḥpaṭasphoṭasyāṃśair abhivyaktir abhidhīyatetadaikavarṇābhivyaktapadasphoṭāvayavena sarvātmanā padasphoṭasyābhivyaktauvarṇāntarābhivyaktatadavayavavaiyarthyam āsajyeta tasyaikadeśenā'bhivyaktaunānāvayavatvam avayavāntarair iti tebhyo 'pitasyānarthāntaratvārthāntaratvavikalpayos tad eva dūṣaṇam anavasthā ca durnivārā syāt yadi varṇasamūhenapadasphoṭo 'bhivyajyata iti mataṃ tadāpi kṣaṇapradhvaṃsināṃvarṇānāṃ kathaṃ samūhaḥ siddhyet yo 'bhivyaṃjakaḥ syāt nityānām api varṇānām anabhivyaktānāṃ samūho na vyaṃjakaḥsarvadābhivyaktiprasaṃgāt abhivyaktānāṃ tu samūho na saṃbhavaty evatadekavarṇābhivyaktisamaye varṇāntarābhivyaktyayogāt vyaktāvyaktātmakānāṃ tu varṇānāṃ samūho na padasphoṭasyābhivyaṃjakaḥ syāt tadubhayadoṣānuṣaṃgāt

syān mataṃ pūrvapūrvavarṇaśravaṇajñānāhitasaṃskārasyātmano'ntyavarṇaśravaṇajñānānaṃtaraṃ padasphoṭasyābhivyakteḥpadārthapratipattir iti tad apy asat tathaiva padārthapratipattisiddheḥsphoṭaparikalpanānarthakyāt cidātmavyatir ekeṇa tattvāṃtarasyasphoṭasyārthaprakāśanasāmarthyānupapatteḥ sa eva cidātmā viśiṣṭaśaktiḥ sphoṭo 'stu sphoṭati prakaṭībhavatyartho 'sminn itisphoṭa ś cidātmā padārthajñānāvaraṇavīryāntarāyakṣayopaśamaviśiṣṭaḥpadasphoṭo vākyārthajñānāvaraṇavīryāntarāyakṣayopaśamaviśiṣṭo vākyasphoṭaiti prakaraṇāhnikādhyāyaśāstramahāśāstrādiraṃgapraviṣṭāṃgavāhyavikalpaḥ sphoṭaḥ prasiddho bhavati bhāvaśrutajñānapariṇatasyātmanastathābhidhānāvirodhāt na hi niratiśayanityaikāntasvabhāvo 'yamātmā nānārthagrahaṇapariṇāmavirodhānniranvayavinaśvarakṣaṇikacittavat kramayaugapadyavirodhāt nāpisātiśayanityaikāntasvabhāvotyantārthāntarabhūtair atiśayaiḥ saṃbaṃdhānupapatteḥ jñānādipariṇāmānām ātmani samavāyasaṃbaṃdha iti cet na tasyakathaṃcittādātmyavyatir ekeṇa padārthāntarasyāsaṃbhavāt pariṇāmin astu pramāṇabalādeva sthitasyātmano nānārthagrahaṇapariṇāmopapatter antaḥsvarūpaṃ padaṃcidātmakam iti vyavatiṣṭhate tasmin sati vaktuḥkramaviśeṣaviśiṣṭavarṇasamūhalakṣaṇaṃ vāhyaṃ padaṃ śrotrajñānaviṣayabhāvamāpadyamānam anumanyāmahe tasyaivaśrotrijanapadārthajñānajanananibaṃdhanatvanirṇayāt tatas tad eva viśeṣaṃ samānabhāvaṃ nayateviśeṣāṃtarapakṣapātitvāt sāmānyaṃ ca viśeṣaṃ nayate viśeṣāntaravṛtteḥ svayaṃ sāmānyaniṣṭhavividhaviśeṣaviṣayīkaraṇasamarthatvāt

etenāṃtaraṃgaṃ vākyaṃ prakaraṇamānhikam adhyāyaḥ śāstrādi bhāvaśrutaviśeṣaṃ vividhaṃ samānabhāvaṃ nayate sāmānyaṃ vānaikaprakāraṃ viśeṣaṃ nayata iti pratipattavyam

athā'sti jīva ity atrā'sty eva jīva ityavadhāryate vā na veti prathamakalpanāyāṃ dūṣaṇam āvedayaṃti sūrayaḥ

eva kāreṇāvadhāraṇārthena nipātenopahitaṃ viśiṣṭaṃ yat padaṃ tat svārtham asvārthād vyavacchinatti yathā tathāsvārthaparyāyān vyavacchinatty eva tadyathā jīva eveti padasyajīvatvaṃ svārthas tadvirodhī cāsvārthaḥ syād ajīvatvaṃ tac cayathaiva jīvatvaṃ vyavacchinatti tathā jīvaparyāyān api suravajñānādīn vyavacchinatty evānyathā sukhādipadopanyāsavaiyarthyātjīvapadenaiva teṣāṃ viṣayīkṛtatvāt tathā cāhaṃ sukhīty ādiprayogo na bhavet sāmānyam api dravyatvacetanatvādi sarvaṃvyavacchiṃdyāt anyathā dravyamahaṃ cetano 'ham iti prayogo virudhyatejīvapadenaiva dravyatvāder abhidhānāt tathā viśeṣān apyarthaparyāyān anaṃtānabhidhānāviṣayān vyavacchiṃdyād anyathātadviṣayīkaraṇaprasaṃgāt tathā ca paryāyāṇāṃ kramabhuvāṃ dharmāṇāṃ sāmānyānāṃ casahabhuvāṃ viśeṣāṇāṃ cānabhidheyānāṃ vyavacchede padārthasyajīvapadābhidheyasya jīvatvasyā'pi hāniḥ syāt tadvirodhyajīvatvavat teṣāmabhāve py ajīvatvavat teṣām abhāve tadasaṃbhavāt pratiyoginam evājīvapadaṃ vyavacchinatti na punar apratiyoginastatparyāyasāmānya viśeṣān teṣām aprastutatvād iti cet naivaṃsyādvādānupraveśaprasaṃgāt

tarhi dvitīyakalpanās tu sarvaṃ padam anevakāram itivadaṃtaṃ pratyāhuḥ

asti jīva ity atrāstīti yat padam anevakāraṃ tadanuktatulyaṃ nāstitvavyavacchedābhāvānnāstitvasyāpratipādanāt tathā jīva iti padam anevakāram ajīvatvasyāpi tenākathanāt niyamadvaye 'pi vyāvṛttyabhāvāt asty eveti pūrvāvadhāraṇaṃ jīva evety uttarāvadhāraṇaṃ niyamadvayaṃ tasminn iṣṭhe 'pyevakārābhāve vyāvṛttyabhāvāt pratipakṣanivṛttyasaṃbhavād ity arthaḥ tathācāstināstipadayor jīvājīvapadayoś ca paryāyabhāvaḥ syāddhaṭakuṭaśabdavat astīti padena nāstitvasyāpi pratipādanān nāstīti padenacāstitvasyāpi pratipādanāt tathā jīvapadenājīvārthasyāpi vacanāt ajīvapadenāpi jīvārthasyāpīti paryāyabhāve caparasparapratiyogipadayor api sakalajanasyānyatarāprayogaḥ syāt ghaṭakuṭapadavadeva tadanyatarāprayoge ca sarvam abhidheyaṃ vastujātam anyenapratiyoginā cyutaṃ tyaktaṃ syād astitvaṃ nāstitvarahitaṃ bhaved itisattādvaitam āpadyeta nāstitvābhāve ca sattādvaitam ātmahīnaṃ prasajyeta pararūpāpohanābhāve svarūpopādānānupapatteḥ kuṭasyākuṭāpohanābhāvesvātmopādānāsaṃbhavāt nāstitvasya cāstitvacyutau śūnyavādānuṣaṃgaḥ na cābhāvo bhāvam antareṇa saṃbhavatīti śūnyam apy ātmahīnameva syāt śūnyasya svarūpeṇā'py abhāve pararūpāpohanāsaṃbhavāt paṭasya svarūpopādānābhāve śaśvadapaṭarūpāpohanāsaṃbhavāt svapararūpopādānāpohanavyavasthāpādyatvād vastuno vastutvasya nanv evaṃvastuno 'py avastupohanena bhavitavyaṃ vastutvopādānavat tathācāvastu kiṃcid abhyupagantavyam iti cet na vastuna evaparadravyakṣetrakālabhāvacatuṣṭayāpekṣāyām avastutvasiddheḥsakalasvarūpaśūnyasyāvastuno 'py asaṃbhavāt

tathā coktam

vasv evāvastutāṃ yāti prakriyāyā viparyayād iti tato na kiṃcid vastupratipakṣabhūtāvastuvarjitam ātmānaṃlabhate yataḥ sarvam anyacyutam ātmahīnaṃ bhavet sudūram apy anusṛtyakasyacid iṣṭasya tattvasyātmahīnatvam anabhyupagacchatānyahīnatvaṃnānumantavyaṃ tad apy ananumanyamānena nānyatarāprayogo 'numantavyaḥ taṃcānanugacchatā na paryāyabhāvaḥ pratyeyas tam apratīyatā niyamadvaye'pi vyāvṛtyabhāvo nābhyanujñātavyaḥ tam apy anabhyanujānatānānevakāraṃ padam aṃgīkarttavyam iti sarvaṃ padam evakāropahitam evavaktavyaṃ tatra cokto doṣaḥ nanv evakāraprayogābhāve 'pi pratipatturarthaprakaraṇaliṃgaśabdāṃtarasannidhisāmarthyāt sāmānyavācinām api viśeṣe sthitirbhaviṣyatīti tathaiva vyavahārasya pravṛtteḥ

taduktam

tad apy anālocitābhidhānaṃ arthaprakaraṇādibhir apiyady evakārārthe viśeṣe sthitiḥ kriyatetadaivakāropahitapadaprayogapakṣabhāvidūṣaṇagaṇaḥ parihartum aśakyaḥ atha tato 'nyatra viśeṣesthitihetavo 'rthaprakaraṇādayas tadā'nevakārapadaprayoga evasamarthitaḥ syāt tatra cokto doṣaḥ

syān mataṃ kvacid evakāropahitaṃ padaṃ kvacid anevakāraṃyathā pūrvāvadhāraṇe pūrvaṃ padam evakāropahitam uttaramanevakāraṃ uttarāvadhāraṇe punar uttaraṃ padam evakāropalakṣitaṃ pūrvam anevakāramiti tad apy asat pakṣadvayākṣiptadoṣanuṣaṃgāt yadi punar astīti padenābhidheyam astitvam anevakāreṇāpi nānyenatatpratipakṣabhūtena nāstitvena cyutaṃ bhavati tasya tadabheditvāt sattvādvaitavādino 'stitvavyatirekeṇa nāstitvāsaṃbhavādanyatrānādyavidyopaplavāt tat sarvathā śūnyavādino nāstitvavyatirekeṇāstitve ca varttanenātmahīnaṃ prasaṃjanayituṃ śakyam iti mataṃ tadāpidūṣaṇam āhuḥ svāminaḥ

nāstitvam astitvāt sarvathāpy abhedi yenābhidhīyate tasya tadvirodhasya bhedavad bhavet sattādvaite'bhidhānābhidheyayor virodhāt kasmād aviśeṣabhāvād aviśeṣatvāt sakalaviśeṣāṇām abhāvād ity arthaḥ anādyavidyāvaśād viśeṣasadbhāvādadoṣa iti cet na vidyāvidyāviśeṣayor apy ayogāt anyathā dvaitaprasaṃgāt athavā nāstitvam astitvād abhedīti virodhi ca syān na kevalamātmahīnam iti caśabdārthaḥ kasmāt aviśeṣabhāvādviśeṣasyabhedasyāstitvanāstitvayorabhāvāt yo hi brūyādidamasmādabhedīti tenatayoḥ kathaṃcidbhedo'bhyupagataḥ syādanyathā tadvacanāyogāt kathaṃcidapi bhedinorabhāve tatpratiṣedhavirodhāt athaśabdādvikalpabhedādbhedinoḥ svarūpabhedaḥ pratiṣidhyate tadāpiśabdayorvikalpayośca bhedaṃ svayamanicchanneva saṃjñino bhedaṃ kathamapākurvīta parābhyupagamādeva śabdavikalpabhedasyeṣṭerna doṣa iti cet na svaparabhedānabhyupagame parābhyupagamāsiddheḥ vicārāt pūrvaṃ svaparabhedaḥprasiddha eveti cet na tadā'pi pūrvāparakālabhedasyāsiddheḥ tatsarvathābhedāyahnave syādevābhedīti vaco virodhi viśeṣābhāvāditi sthitaṃ

nanvem astitvavirodhān nāstitvaṃ vastuni kathamabhidhīyate syādvādibhir evakāropahitenāstītipadena tasya vyavacchedādanevakāreṇa tasya vaktum aśakyatvād anuktasamatvāt tataścāvācyataivāpatet prakārāṃtarābhāvād ity āśaṃkāyām idam ucyate

tasya virodhino dharmasya dyotanaḥ syād itinipātaḥ syādvādibhiḥ saṃprayujyate yady evaṃ vidhyarthinaḥpratiṣedhe'pi pravṛttir bhavet dvayor api prakāśanapratipādanād iti namantavyaṃ guṇa iti vacanāt vidhau prayujyamānaṃ padam astītipratiṣedhaṃ guṇabhāvena prakāśayati syād iti nipātena tathaiva dyotanāt tathā vipādyasya vipakṣabhūtasya dharmasya saṃdhiś ca syādaṃgabhāvād aṃgasyāvayavasya bhāvād avayavatvād ity arthaḥ sarvathā'py avācyatātu na yuktā tasyāḥ śrāyasalopahetutvān niśreyasatattvasyāpyavācyatvāt tadupāyatattvavat na copeyasyopāyasya vacanābhāve tadupadeśaḥsaṃbhavati na copadeśābhāve śrāyasopāyānuṣṭhānaṃ saṃbhavati nāpyupāyānuṣṭhānānupapattau śrāyasamityavācyatā śrāyasalopahetuḥ syāttataḥ syātkāralāñchanaṃ padam evakāropahitam arthavatpratipattavyam iti tātparyārthaḥ

nanv evaṃ sarvatra syād iti nipātasya prayogaprasaṃgātpratipadaṃ tadaprayogaḥ śāstre loke ca kutaḥ pratīyata iti śaṃkāṃ pratighnaṃti sūrayaḥ

tathā syāj jīva eveti prakāreṇa yā pratijñā tasyām āśayo 'bhiprāyas tathā pratijñāśayaḥpratipādayitur abhiprāyas tasmāt pratipadaṃ syād iti nipātasyāprayogaḥ śāstre loke ca pratīyate evakārāprayogavat śāstre tāvatsamyagdarśanajñānacāritrāṇi mokṣamārga ity ādau na kvacit syātkāra evakāro vā prayujyate śāstrakārair aprayukto 'pi vijñāyate teṣāṃ tathāpratijñāśayasadbhāvāt sāmarthyato vā pratiṣedhasyasarvathaikāntavyavacchedasya yuktiḥ syādvādinām anyathā tadayogāt na hi syātkāraprayogam antareṇānekāntātmakatvasiddhirevakāraprayogamantareṇa samyagekāntāvadhāraṇasiddhivat sad eva sarvaṃ ko necchetsvarūpādicatuṣṭayād ity ādau syātkārāprayoga iti na mantavyaṃ svarūpādicatuṣṭayād iti vacanāt syātkārārthapratipatteḥ kathaṃ cit te sad eveṣṭaṃ' ityādau kathaṃcid iti vacanāttatprayogavat tathā loke ghaṭamānayetyādiṣu tadaprayogaḥ siddha eva ityevaṃ jinanāga jinakuṃjara tvadīyā dṛṣṭiḥ paraiḥsarvathaikāntavādibhir apradhṛṣyā pramāṇanayasiddhārthatvāt pareṣāṃbhāvaikāntavādināṃ pradharṣiṇī ca tvadīyā dṛṣṭir iti saṃbaṃdhaḥ teṣāṃsarvathā'vicāryamāṇānām aprayogaḥ yathā cābhāvaikāntādipakṣā nyakṣeṇa pratikṣiptā devāgamāptamīmāṃsāyāṃ tatheha pratipattavyā ityalam iha vistareṇa

kathaṃ punarvipādyasaṃdhiś ca padasyābhidheyaḥ syād itisvayaṃ sūrayaḥ prakāśayanti

syād asty eveti vidhiḥ syān nāsty eveti niṣedhaḥ syād anabhilāpyam eva sarvam arthajātam ity anabhilāpyatā te 'mī trayo vikalpāḥ ekaśastrir iti vacanāt padasyety arthavaśādvibhaktipariṇāmaḥ eṣāṃ vipādyena vipakṣeṇa saṃdhiḥ saṃyojanā syād asti nāsty eva syād asty avaktavyam eva syān nāsty avaktavyameveti trir dviśo bhavati dvābhyāṃ dviśa iti dvisaṃyogajā vikalpās trir ititriprakārā bhavanti syād asti nāsty avaktavyam evety eka evavikalpo bhavati tad evaṃ vipādyasaṃdhiprakāreṇa trayo 'mīmūlavikalpāḥ saptadhā bhavaṃti kiṃ kvacid evārthe kiṃ vā sarvatretiśaṃkāyām idam ucyate sakale 'rthabhede niravaśeṣejīvāditattvārthaparyāye na punaḥ kvacid evārthaparyāyabhede pratiparyāyaṃsaptabhaṃgīti vacanāt vikalpāḥ saptadhā bhavaṃti taveti vacanāt na ca pareṣām apyamī nanv astitvaṃ prati vipratipannamanasāṃ tatpratyāyanāyayathā syād asty eveti padaṃ prayogam arhati tathā syān nāsty evetyādipadāny api prayogam arheyuḥ saptadhāvacanamārgasya vyavasthiter itiparākūtaṃ nirācikīrṣavaḥ syācchabdaneyā iti pratipādayaṃti yathāvidhivikalpasya prayogas tadvivādavinivṛttaye syādvādibhirvidhīyate tadā niṣedhādivikalpāḥ śeṣāḥ ṣaḍ api syācchabdena neyāḥ syuḥ na punaḥ prayogam aṃrhati tadarthe vivādābhāvāttadvivāde tu kramaśas tatprayoge 'pi na kaścid doṣaḥ pratibhāti pratipādyasyaikasyāpisaptadhāvipratipattisadbhāvāt tāvat kṛtvaḥ saṃśayopajananāt tāvajjijñāsopapattes tāvad eva ca praśnavacanapravṛtteḥ praśnavaśādekavastunyavirodhena vidhipratiṣedhakalpanā saptabhaṃgīti vārttikakāravacanāt nānāpratipādyajanānivaikapratipādyajanam api pratipādayitumanasāṃ saptavikalpavacanaṃ na virudhyata eva nanu ca syād iti nipāto'nekāṃtasya dyotako vācako vā guṇabhāvena bhavetpradhānabhāvena vā tatra yadi guṇakalpanayā dyotako 'bhidhīyate tadātadvācakapadāntareṇā'pi guṇakalpanayaiva vācyatvaprasaṃgaḥ sarvatrapadābhidheyasyaiva nipātena dyotayituṃ śakyatvāt tadanuktasyārthasya tenadyotane tasya vācakatvaprasaktes tatprayogasāmarthyāttadarthapratipatteḥ

syān matam etat astīti padena nipātena tāvad astitvaṃpradhānakalpanayocyate syād iti padena nipātena nāstitvādayo dharmā dyotyaṃta itipradhānaguṇakalpanayā'nekāntapratipattir evakāraprayogād anyavyavacchedasiddher iti tad apy asamyak astīti padenānuktānāṃ nāstitvādidharmāṇāṃ syāc chabdena dyotane sarvārthadyotanaprasaṃgāt sarvārthānām evakāreṇavyavacchedān na taddyotanaprasaṃga iti vacanaṃ na yuktimat nāstitvādīnām apitena vyavacchedād anudyotanaprasaṃgāt tato na dyotakaḥ syācchabdo 'nekāṃtasya yujyate nā'pi vācakaḥ syād iti nipātaprayogād eva tatpratipatter astītyādipadaprayogānarthakyāt

sarvārthapratipādane tenaiva paryāptatbātpadāntarasya prayogo vā punaruktatvam anivāryam iti kecit tān prati sūrayaḥprāhuḥ

asyāyam arthaḥ syād ity api nipāto guṇamukhyakalpaikāntaḥ syāt guṇaś ca mukhyaś ca guṇamukhyau svabhāvau tābhyāṃ kalpyanta iti guṇamukhyakalpāḥ guṇumakhyakalpā ekāntā yasya so 'yaṃ guṇamukhyakalpaikāntaḥ syād bhavennayādeśād ity abhiprāyaḥ śuddhadravyārthikapradhānabhāvādastitvaikānto mukhyaḥ śeṣā nāstitvādyaikāntā guṇāḥ pradhānabhāvenānarpaṇād anirākaraṇāc ca nāstitvādinirapekṣasyāstitvasyāsaṃbhavāt kharaviṣāṇavat syācchabdas tu taddyotanaḥpradhānaguṇabhāvenaiva bhavet tathaivāstīti padenābhidhānāt padāntareṇayathābhidhānaṃ nipātapadena dyotayituṃ śakyatvāt vyavahāranayādeśāt tunāstitvaikāntā mukhyāḥ syur astitvaikāṃtas tu guṇaḥprādhānyenāvivakṣitatvāt tadapratikṣepāc ca tatrāstitvanirākaraṇe tunāstitvādidharmāṇām anupapatteḥ kūrmaromādivat nāstitvādibhirapekṣamāṇaṃ tu vastuno 'stitvaṃ syācchabdena dyotyata itipradhānaguṇabhāvenaiva syād iti nipātaḥ kalpayaty ekāṃtāc chuddhanayādeśān nānyathā kuta iti cet yathopādhi yathāviśeṣaṇaṃviśeṣasya bhedasya bhāvāt sadbhāvāt dharme dharme 'nya evā'rthodharmiṇo'naṃtadharmiṇaḥ ity anyatrāpi vacanāt nayādeśo hivastuno dharmabhedād viśeṣo na pramāṇadeśa iti jīvādi tattvam apitarhi pradhānaguṇabhūtaikāntamāyātam iti na śaṃkanīyaṃ tattvaṃtv anekāntam aśeṣarūpaṃ iti vacanāt tattvaṃ jīvādipramāṇārpitaṃ sakalādeśāt sakalādeśaḥ pramāṇādhīnaḥ iti vacanāt tadanekāntam eva syād anekānto 'py anekāṃto na punar ekāntastasya nayārpaṇayoktatvāt kutas tadanekāṃtam ity ucyate yato'śeṣarūpaṃ aśeṣaṃ sakalaṃ rūpaṃ yasya tadaśeṣarūpaṃvikalarūpasya tattvaikadeśatvāt

katham idānīṃ syāj jīva eva syād ajīva evetyādinā pramāṇavākyenābhidhīyata iti śaṃkāyām idam ucyate

tattvaṃ dvābhyāṃ prakārābhyāṃ vyavasthitaṃ dravyarūpaṃbhavārthavattvāt paryāyarūpaṃ vyavahāravattvāt bhavārtho hisaddravyaṃ vidhir vyavahāro 'saddravyaṃ guṇaḥ paryāyaḥ pratiṣedhaḥ tattattvam eva vastuna iti dviprakāraṃ tattvaṃ prakārāntarābhāvāt tatra yadā yadāsaddravyaṃ jīvo dharmāstikāyo 'dharmāstikāya ākāśaṃ kālaḥ pudgalo manuṣyādir iti vā vidhilakṣaṇabhavārthaprarūpaṇāyāṃ sad itiśabdaḥ prayujyate tadākālātmarūpasaṃsargaguṇideśārthasaṃbaṃdhopakāraśabdair abhedenābhedātmakasya vastuno 'bhidhānātsakalādeśasya pramāṇādhīnasya prayogādaśeṣarūpaṃ tattvamabhidhīyate sad iti śabdo hi sakalasadviśeṣātmakaṃ saditarātmakāsadviśeṣātmakaṃ ca tattvaṃ pratipādayati kālādibhir abhedāt tathā dravyamiti śabdo niḥśeṣadravyaviśeṣātmakaṃ dravyatattvaṃsakalaparyāyaviśeṣātmakam adravyaguṇādyātmakaṃ ca prakāśayati tathaiva jīvaiti śabdo jīvatattvaṃ sakalajīvaviśeṣātmakaṃ jīvaparyāyarūpaṃjīvājīvaviśeṣātmakaṃ ca kathayati tathaiva dharma ity adharma ityākāśa iti kāla iti ca śabdo dharmam adharmam ākāśaṃ kālaṃ casakalasvaviśeṣātmakaṃ nivedayati pudgala iti śabdo'khilapudgalaviśeṣātmakaṃ pudgaladravyam eveti pratipattavyaṃ vidhirūpasyabhavārthasya prādhānyāt yadā punar asaditiśabdaḥ prayujyate tadā'py asattattvaṃpararūpādicatuṣṭayāpekṣaṃ kālādibhir abhedenābhedopacāreṇasakalāsadviśeṣātmakaṃ tattvaṃ khyāpayati vyavahārasya bhedaprādhānyāt tathaivādravyam ajīva ityādi pratiṣedhaśabdaḥ sakalāsadviśeṣātmakamadravyatvam ajīvāditattvaṃ ca pratyāyayati syād iti nipātenatathā tasyodyotanād evakāreṇānyathābhāvanirākaraṇāt vastutvamiti śabdas tu syātkāralāṃchanaḥ saivakāraḥsakalavastuviśeṣasadasadādirūpaṃ tattvaṃ kālādibhir abhedenābhedopacāreṇaprakhyāpayati tasya bhavārthavyavahāravattvād vidhiniṣedhaprādhānyenayugapadabhidhānāt yatkāle vastuno vastutvaṃ tatkāla evasakalavastuviśeṣāstasya tadvyāpakatvād iti kālenābhedas tebhyodravyārthikaprādhānyāt yathā ca vastuno vastutvam ātmarūpaṃ tathā sarvevastuviśeṣāḥ ity ātmarūpeṇābhedaḥ yathā ca vastutvena vastunaḥsaṃsargas tathā vastuviśeṣair api saviśeṣasyaiva tasya samyak sṛṣṭau vyāpārāt tataḥ saṃsargeṇāpy abhedaḥ yas tu vastutvasya guṇasya vastuguṇideśaḥ sa eva vastuviśeṣāṇām iti guṇideśenā'pi tadabhedaḥ ya eva cārtho vastutvasyādhikaraṇalakṣaṇovastvātmā sa eva sakalavastudharmāṇām ity arthato 'pi tadabhedaḥ yaś cavastuni vastutvasaṃbaṃdhaḥ samavāyo 'viṣvagbhāvalakṣaṇaḥ sa evasakaladharmāṇām iti saṃbaṃdhena tadabhedaḥ ya eva copakāro vastunovastutvena kriyate 'rthakriyāsām arthyalakṣaṇaḥ sa evasakaladharmair ity upakāreṇaiva tadabhedaḥ yathā ca vastuśabdo vastutvaṃpratipādayati tathā sakalavastudharmān api tair vinā tasyavastutvānupapatter iti śabdenā'pi tadabhedaḥ paryāyārthikaprādhānyena tuparamārthataḥ kālādibhir bheda eva dharmadharmiṇor abhedopacārāt vastuśabdena sakaladharmaviśiṣṭasya vastuno 'bhidhānāt sakalādeśo na virudhyate tataḥ syād vastv evety ādiśabdaḥ tattvam aśeṣarūpaṃpratipādayatīti nānātvarūpasyāpi vastuno vācakasaṃbhavaḥ sakalādeśavākyenatasya tathā vaktuṃ śakyatvāt nanu ca dravyamātraṃ tattvaṃ tasyadravyapadenābhidhānāt padāntarāṇāmapi tatraiva vyāpārāt tadvyatirekeṇa padārthāsaṃbhavād ity eke paryāyamātram eva tattvaṃdravyasya sakalaparyāyavyāpino vicāryamāṇasyāyogāt dravyādipadenāpi paryāyamātrasyaiva kathanāt tatra pravṛttiprāptidarśanāc cetyanye dravyaṃ paryāyaś ca pṛthag eva tattvaṃ tayos tādātmyavirodhātdravyapadena dravyasyaivābhidhānāt paryāyapadena paryāyasyaivanivedanād anyathāsaṃkaravyatikaraprasaṃgād ity apare dravyaparyāyadvayātmakaṃtattvaṃ dravyapadena paryāyapadena vā tasyaivābhidhānāt sarvatrāparyāyātmakasyadravyasyāsaṃbhavāt sakalaparyāyaśūnyasya ca dravyasyāpratīter itītare

tān prati sūrayo vaktum ārabhante

na tāvat dravyam eveti dravyasya vyavasthāsakalaparyāyarahitasya pramāṇāgocaratvāt na hi pratyakṣaṃ dravyaviṣayaṃtasya vartamānaviṣayatvāt dravyasyatrikālagocarānaṃtavivartavyāpitvāt na ca vartamānamātraviṣayatve pratyakṣasya sarvātmanātrikālaviṣayadravyagrāhitvaṃ yuktaṃ yogipratyakṣatvaprasaṃgāt tarhiyogipratyakṣam eva dravyaviṣayam iti cet na asmadādipratyakṣasya nirviṣayatvaprasaṃgāt nanu asmadādipratyakṣasyāpividhātṛtvāt sarvadā niṣeddhṛtve vidhiviṣayatvavirodhātniṣedhyānāmānaṃtyādanaṃ tenāpi kālena niṣedhasya kartum aśaktestatraivopakṣīṇaśaktikatvāt kadācit kasyacid vidhau pravṛttyanupapattervidhiviṣayatvasyaiva yuktimattvam iti cet naitatsāraṃ saddravyamātrepratyakṣasya pravṛttau śaśvadasattve pravṛttyabhāvāt tadavyavacchedaprasaṃgāt yadi punaḥ sanmātre vidhau pravartamānaṃ pratyakṣaṃtadviruddham asattvaṃ vyavacchinattīti kathyate tadā'pi niṣeddhṛ pratyakṣaṃ kathaṃ na syāt yadi punaḥ prathamākṣasannipātavelāyāṃ nirvikalpaṃ pratyakṣaṃsanmātram eva sākṣātkurute paścād anādyavidyāvāsanāsāmarthyād asat nivṛttivikalpotpatteḥ pratiṣedhavyavahāro 'smadādeḥ pravarttata itimataṃ tadā paramārthato nāsattvanivṛttir itisadasadātmakavastuviṣayaṃ pratyakṣaṃ prasajyeta sanmātrasya vidhirevāsattvapratiṣedha iti cet katham evaṃ vidhātreva pratyakṣaṃ niṣeddhṛtvasyāpitatreṣṭeḥ kathaṃ ca svayam eva na niṣeddhṛ pratyakṣam iti bruvāṇaḥ pratiṣedhaṃsarvathā nirākurvīta na cedasvasthaḥ athāvidyābalān na niṣeddhṛpratyakṣam iti niṣedhavyavahāraḥ kriyate paramārthatas tasyāpy anabhidhānātkim evam avācyaṃ pratyakṣam iṣyate tatheṣṭau sanmātram apyavācyaṃ syāt tattvayuktataraṃ parapratyāyanāyogāt sanmātraṃ hi tattvaṃparaṃ pratyāyayen na saṃvinmātreṇa parāpratyakṣeṇa pratyāyayitumīśaḥ paramārthataḥ pratyāyyapratyāyakabhāvābhāvāt na kvacitkiṃcit kathaṃcit pratyāyayati sarvasya svata evasanmātratattvapratipatter iti cet na vipratipattyabhāvaprasaṃgāt yadi punaḥ sanmātretattve svaparavibhāgābhāvāt sarvasya bhedasya tatraivānupraveśān nakaścit kutaścit kathaṃcit kadācid vipratipadyata iti cet na syādetad evaṃ yadi svaparavibhāgābhāvaḥ siddhyet sa hi na tāvatpratyakṣataḥ siddhas tasyābhāvaviṣayatvaprasaṃgāt nā'py anumānātpakṣahetudṛṣṭāṃtabhedābhāve 'numānānupapatteḥ kalpitasyāpy anumānasyavidhiviṣayatvaniyamāt tasya pratiṣedhaviṣayatvepratyakṣasyāpi pratiṣedhaviṣayatvasiddheḥ kutaḥ sanmātratvasiddhiḥ āgamātsvaparavibhāgābhāvaḥ sādhyata iti cet na svaparavibhāgābhāve kvacid āgamānupapatteḥ āgamo hy āptavacanam apauruṣeyaṃ vā vacanaṃsyāt na tāvad āptasya tatpratipādyasya ca vineyasyābhāve vacanamāptasya pravarttate tatsadbhāve ca siddhaḥ svaparavibhāga iti kathamāgamāt tadabhāvaḥ sidhyet yadi punar apauruṣeyaṃ vacanam āgamastadā'pi svaparavibhāgaḥ siddhas tadvyākhyātuḥ śrotuś ca sieddheḥsvaparavibhāgopapatteḥ syān mataṃ svaparavibhāgābhāvo 'pi na kutaścitpramāṇāt sādhyate pratyakṣataḥ sanmātrasiddher evasvaparavibhāgābhāvasya sādhanāt kevalam avidyāvilāsamātraṃpratipādyapratipādakabhāvaḥ saṃvedyasaṃvedakabhāvavad iti tad apy asamyak saṃvedyasaṃvedakabhāvapratipādyapratipādakabhāvābhāve svaparapratipattivirodhātsarvathā śūnyavādāvakāśaprasaṃgāt

tad uktam

tad etad atrāpi saṃprāptaṃ tathā hi

nanu ca vicārātpūrvaṃ tattvābhyupagamaḥ paścād vā yadipūrvaṃ tadā niṣphalo vicāraḥ syāt tattvābhyupagamaphalatvād vicārasya tasya vicārāt prāg eva siddheḥ paścāc cetsarvasyāvicāraramaṇīyena lokavyavahāreṇa vicārasya pravṛtter na paryanuyogo yuktaḥ vicārakāle hi na kaścid api śūnyavādī sattādvaitavādī vā yena sarvathā'nupāyatvād vāde 'nadhikāraḥ prasajyeta anekāntavādinām api tadvicārottarakālam eva sarvam anekāntātmakaṃtattvam iti pratipattavyaṃ katham anyathā parasparāśrayākhyo doṣo nasyāt prasiddhe 'nekāntatve vicārapravṛttis tasyāṃ ca satyāmanekāntaprasiddhir iti gatyaṃtarābhāvāt kiṃcid api tattvamanabhyupagamya parīkṣāpravṛttau tu na kaścid doṣaḥ parīkṣottarakālaṃ yadviniścitaṃ tat tattvam iti vyavasthānāt tathā ca sattādvaitavādino'pi vicārasāmarthyāt sattādvaitatattvavyavasthitau yathādarśanaṃsaṃvedyasaṃvedakabhāvasya pratipādyapratipādakabhāvasya vāsvaparavibhāgabhāvanādhīnasya pratibaṃdhakabhāvāt sarvam anavadyam iti kecit tad apy atimugdhabuddhivijṛṃbhitaṃ kiṃcin nirṇītam anāśrityavicārasthaivāpravṛttes tasya saṃśayapūrvakatvāt saṃśayasya canirṇayanibaṃdhanatvāt pūrvam anirṇītaviśeṣasya paścāt kvacit saṃśayasyānupalabdheḥsthāṇupuruṣasaṃśayavat ya eva hipūrvaniścitasthāṇupuruṣaviśeṣaḥ pratipattā tasyaivānyatrordhvatāsāmānyaṃ pratyakṣatoniścitavatastadviśeṣayoḥ smarataḥ saṃśayotpattidarśanāt na caivaṃsattādvaitatattvaṃ kiṃ vā sarvathā śūnyam iti saṃśaya utpadyate pūrvaṃtadviṣayanirṇayānupapatteḥ kvacit tannirṇayotpattau vā nasattādvaitavādinaḥ śūnyavādino va sveṣṭasiddhiḥ yadi punaḥ sarvam abhyupagabhyasattādvaitaśūnyavādayor api kvacit kadācit tannirṇayātpunar anyatra tattvasāmānyam upalabdhavatas tayoś cānusmarataḥ saṃśayapravṛttervicāraḥ pravarttata eveti mataṃ tadāpi yenātmanā sattādvaitaṃ pūrvaṃnirṇītaṃ tenaiva sarvaśūnyatvaṃ rūpāntareṇā vā na tāvat prathamaḥ pakṣovyādhātāt rūpāntareṇa tu tannirṇaye syādvādam āśritya vicāraḥpravarttata ity etad āyātaṃ tathā ca nānekāṃtavādināṃ vicārāt pūrvamanekāṃtatvāprasiddhis tadaprasiddhau vicārāpravṛtteḥ na ca vicārādevānekāṃtatvasiddhiḥ pratyakṣataḥ paramāgamāc casuniścitāsaṃbhavadbādhakapramāṇād anekāṃtatvasiddher apratibaṃdhāt na caivaṃvicārānarthakyaṃ tadbalād eva tattvasiddher abhyupagamāt pratyakṣād āgamāc capratipannatattvasyāpi kutaścid dṛṣṭādṛṣṭānimittavaśāt kasyacit kvacit kathaṃcitsaṃśayotpattau vicārasyāvakāśātsarvatrā'hetuvādahetuvādābhyāmājñāpradhānayuktipradhānayos tattvapratipattividhānāt tato'nekāntavādina eva vāde 'dhikāraḥ sadupāyatvāt kvacit kadācitkathaṃcit kutaścit kasyacin niścayasadbhāvāt kiṃcin nirṇītam āśritya kvacid anyatrānirṇīte vicārapravṛtteḥ sarvatravipratipadyamānānāṃ nirāśrayavicāraṇānupapatteḥ

tathā coktaṃ tattvārthālaṃkāre

tato na vicārasāmarthyāt saddravyatattvavyavasthā nā'piparyāyatattvavyavasthā dravyavikalasya paryāyamātrasyasakalapramāṇāviṣayatvāt dravyaikāntavat pratyakṣatovarttamānaparyāyaḥ pratibhāsata eva sarvasyedānīṃtanatayā pratibhāsamānatvāt naṣṭānutpannayor idānīṃtanatayā pratibhāsābhāvād iti cet nedānīṃtanatāyā eva dravyābhāve pratibhāsavirodhāt naṣṭānutpannāvasthādvitayamanapekṣamāṇasya vartamānatāpratīter ayogāt nityatvasādhanāccedānīṃtanatāpratīteḥ śaśvadavicchedādātmano 'haṃtāpratītivat yathaivahy ātmā sukhy ahaṃ duḥkhy aham iti sarvadā'py avacchinnāhaṃpratyayaviṣayabhāvam anubhavan na kadācid ahaṃtāṃ saṃtyajatīti nityaḥ tathāvahirvastv api satatam idānīṃtanatāṃ na jahāti prāg api idānīṃ paśyāmipaścād apīdānīṃ paśyāmīti na sakalo deśo vā kaścid vidyate yatredānīṃtanatāpratītir nāstīti tadavyavacchedaḥ siddhaḥ tataḥ samastaṃ vastu vivādāpannaṃ nityam evedānīntanatayāpratīyamānatvāt pratikṣaṇavināśitve tadvirodhāt

syānmataṃ pūrvedānīṃtanatānyā pāścātyā cavarttamānedānīṃtanatā na tatas tayoḥ saṃtānāvicchedaḥ pratikṣaṇaṃtadvicchedād iti tad asat tadvicchedagrāhiṇaḥ kasyacid asaṃbhavāt nahi tāvat sāṃpratikam idanīṃtanatāyāḥ saṃvedanaṃpūrvāparedānīṃtanatāsaṃvedanavicchedaṃ grahītum alaṃ tadā svayam abhāvāt nāpyanumānaṃ tadvicchedāvinābhāviliṃgagrahaṇāsaṃbhavāt yo hi kadācit kvacit pūrvāparedānīṃtanavicchedam upalabhate sa evatatsvabhāvasya tatkāryasya vā liṃgasya tenāvinābhāvaṃ sākalyena tarkayet na punar anyo 'tiprasaṃgāt na ca svayaṃpūrvāparakālamavyāpnuvan pūrvāparedānīṃtanatāsaṃvadenayor vicchedamupalabdhuṃ samarthaḥ santānas tādṛk samartha iti cet na tasyāvastutve sakalasāmarthyānupapatteḥ vastutve punar ātmana eva saṃtāna itināmakaraṇān nityātmasiddheḥ syān matir eṣā te pūrvāpūrvedānīṃtanatāsaṃvedanāhitavāsanāprabodhāt tadvicchedaniścayotpatter nanityātmasaṃsiddhir iti sā'pi na samyak pūrvāparedānīṃtanatāniścayasyaiva tatsaṃvedanāhitavāsanāprabodhād utpatteryathānubhavaniścayopajananasaṃbhavāt na pūrvāpūrvavicchedo 'nubhūtaḥ nanu pratyakṣataḥsvarūpānubhava eva saṃvedanasya pūrvāparasaṃvedanavicchedānubhavaiti cen na tadavicchedānubhavasyāpi svarūpānubhavarūpatvasiddherapratibaṃdhāt pūrvasmāt parasmāc ca saṃvedanād idaṃ saṃvedanaṃ vicchinnamiti niścayotpatteḥ saṃvedanasvarūpānubhavas tadvicchedānubhava eveticet nāvicchinnam aham āmuhūrttāder anvabhavam ityavicchedaniścayaprādurbhāvāt tadavicchedānubhavasyaiva siddhes tato niraṃtaramidānīṃtanatayā vahirantaś ca vastunaḥ pratīyamānatvaṃ kathaṃcinnityatvam eva sādhayatīti nātaḥ kṣaṇasthitiparyāyamātrasiddhiḥ nāpy anumānālliṃgābhāvāt yat sat tat sarvaṃ kṣaṇasthitīti paryāyamātraṃnityadravyamātre kramayaugapadyābhyāmarthakriyāvirodhātsarvānupapatter ity anumānaṃ paryāyamātravastusādhanam iti cet na viruddhasādhanād asya viruddhatvāt tathā hi yat sat tat sarvaṃdravyaparyāyarūpaṃ jātyaṃtaraṃ paryāyamātre sarvathā'rthakriyāvirodhātdravyamātravat sattvāyogād iti nirūpitaprāyaṃ tataḥ sūktaṃ naparyāyaikāṃtavyavasthā pramāṇābhāvāt dravyaikāṃtavid iti pṛthagbhūtaparasparanirapekṣadravyaparyāyavyavasthā'py anena pratyuktā tatrā'pipramāṇābhāvāviśeṣāt na hi pratyakṣataḥ sarvathā pṛthagbhūtayordravyaparyāyayoḥ pratītir asti tayor aviṣvagbhūtayor eva sarvadāsaṃvedanāt samavāyāt tathā pratītir iti cet so 'pi samavāyas tābhyāṃ padārthāntarabhūto na pratyakṣataḥ siddhas tadātmakasyaivakathaṃcit tasya pratīteḥ atha samavāyasamavāyinoḥ parasparam ātmanoś catābhyām abhedapratyayahetur ity abhidhīyate na tarhi pratyakṣatobhedapratibhāso nā'py anumānāt dravyaparyāyayor bhedaikāntaḥ siddhastathāvidhahetvabhāvāt nanu dravyaparyāyau mitho bhinnaubhinnapratibhāsatvāt yau yau bhinnapratibhāsau tau tau bhinnau yathāghaṭapaṭau tathā ca dravyaparyāyau bhinnapratibhāsau tasmād bhinnāv ityanumānāt mitho bhinnadravyaparyāyavyavasthā bhavaty eveti cet na hetorasiddhatvāt bhinnapratibhāsatvaṃ hi dravyaparyāyayor na pratyakṣataḥsarvathā'stīti samarthitaṃ prāk anumānād bhinnapratibhāsatvam iti cetkim asmād evānumānād anumānāntarād vā na tāvadādyaḥ pakṣaḥparasparāśrayānuṣaṃgāt siddhe hy ato 'numānād bhinnapratibhāsitvesatīdam anumānaṃ sidhyati siddhe vā'sminn anumāne bhinnapratibhāsatvamiti gatyantarābhāvāt anumānāntarād bhinnapratibhāsatvasiddhautad eva vācyaṃ dravyaparyāyau bhinnapratibhāsauviruddhadharmādhikaraṇātvāt yau yau viruddhadharmādhikaraṇau tau tau sarvathābhinnapratibhāsau yathā jalānalau tathā ca dravyaparyāyau tasmād bhinnapratibhāsāvity anumānasya pratyakṣaviruddhapakṣatvātkālātyayāpadiṣṭatvāc ca hetor nātaḥ sādhyasiddhiḥ etenāvayavāvayavinor guṇaguṇinoḥ kriyākriyāvatoḥ sāmānyatadvatoḥ viśeṣatadvatoś ca parasparataḥsarvathā bhede sādhye prayujyamānasya hetoḥ kālātyayāpadiṣṭatvaṃprativarṇitaṃ pakṣasya pratyakṣabādhitatvāt kathaṃcit tādātmyavarttinorevāviṣvagbhūtayos tayoḥ pratyakṣabuddhau pratibhāsanāt kathaṃcidbhede sādhye siddhasādhyatāpattis tatra pratyakṣasya bhrāṃtatvādabādhakatve vahiraṃtaś ca na kiṃcit pratyakṣataḥ sidhyet bhrāṃtād apipratyakṣāt kasyacit siddhau pratyakṣatadābhāsavyavasthā kim arthamāsthīyeta na ca bhrāṃtaṃ pratyakṣaṃdharmidṛṣṭāntahetuvyavasthāpanāyālaṃ yato 'numānam atyaṃtabhedam avayavāvayavyādīnāṃvyavasthāpayadabhedapratibhāsinaḥ pratyakṣasya bādhakam anumanyemahi tato 'numānaṃkasyacid bādhakaṃ sādhakaṃ vā svayam anurucyamānena pratyakṣamabhrāntaṃ dharmidṛṣṭāṃtahetuviṣayam urarīkarttavyaṃ tac corarīkurvatā nadravyaparyāyau parasparam atyaṃtabhinnau pratijñātavyau pratyakṣabuddhau sakṛdapi tathā pratibhāsābhāvāt tato na dravyaparyāyapṛthagvyavasthāyuktimatī dravyavyavasthāvat paryāyavyavasthāvac ceti prapaṃcato'nyatra parīkṣitaṃ pratipattavyam

atrāparaḥ prāha dvayātmakam ekaṃ tattvaṃvyavatiṣṭhate dravyamātrasya paryāyamātrasya ca pṛthagbhūtadravyaparyāyamātravatvyavasthānupapatter iti so 'py evaṃ praṣṭavyaḥ kiṃ sarvathā dvaiyātmakamekasyārpyate kathaṃcid vā prathamapakṣe dvaiyātmyam ekārpaṇayā viruddhaṃ navyavatiṣṭhata eva yo hy ātma dravyapratītahetur yaś ca paryāyapratītinimittaṃ taucet parasparaṃ bhinnāv ātmānau kathaṃ tadātmakam ekaṃ tattvaṃ sarvathāvyavatiṣṭhate bhinnābhyāmātmabhyām abhinnasyaikatvavirodhāt yadā tv ekasmād abhinnautāvātmānau syātāṃ tadāpy ekam evāvatiṣṭhate sarvathaikasmād abhinnayostayor ekatvasiddher iti na dvaiyātmyaṃ viruddhatvāt ko hy abāliśaḥpramāṇam aṃgīkurvan dvāvātmānau sarvathaikasya vastuno bhinno svayamarpayet tato dvaiyātmyaṃ dvyātmakatvaṃ tattvaṃ sarvathaikārpaṇayā viruddhameveti mantavyam katham idānīm aviruddhaṃ tattvaṃ sidhyed iti cet ucyate dharmī ca dharmaś ca mithas tridhemau na sarvathā te'bhimatau viruddhau te tavaḥ bhagavato 'rhataḥ syādvādina imau pratyakṣataḥpratibhāsamānau sarvathā sarveṇā'pi prakāreṇānumānādipratibhāsaviśeṣeṇa viruddhau neti saṃbaṃdhaḥ kau tāv imau dharmī ca dharmaśceti dharmidharmāv ity arthaḥ kiṃ tau sarvathā mitho bhinnāv evābhinnāv evabhinnābhinnāv eva tridhā vā kalpyete na tāvat prathamaḥ pakṣaḥpramāṇavirodhāt nā'pi dvitīyaḥ sahānavasthāvirodhāt nā'pi tṛtīyo vikalpaḥ bhinnau cābhinnau cety ubhayadoṣānuṣaṃgeṇa viruddhatvād itikatham aviruddhau tau yatas te 'bhimatāv iti na mantavyam tridhāpitayor abhimatatvāt tathā hi dharmidharmau syād abhinnaudravyārthikaprādhānyāt syād bhinnau paryāyārthikaprādhānyāt syān mitho bhinnaucābhinnau ca kramārpitadvayād iti tribhiḥ prakāraiḥsyādvādanyāyavādibhir vyavasthāpyate na punaḥ sarvathā'rpitau tridhāpidharmadharmiṇau pratyakṣādipramāṇaviruddhau te 'bhimatau tato vākyaṃna dharmamātraṃ na dharmimātraṃ vā pratipādayatīti na sarvathāpy abhinnaudharmadharmiṇau na sarvathā bhinnau nā'pi sarvathā bhinnābhinnaupratītivirodhāt dravyaikāntasya paryāyaikāntasya caparasparanirapekṣapṛthagbhūtadravyaparyāyaikāntavat vyavasthānupapatteḥ samarthanāt tatrayuktyanuśāsanāyogāt kiṃ punar yuktyanuśāsanam ity āhuḥ

darśanaṃ dṛṣṭaṃ pratyakṣaṃ āptavacanam āgamaḥ dṛṣṭaṃ cāgamaś ca dṛṣṭāgamau tābhyām aviruddham abādhitaviṣayaṃ yad arthātsādhanarūpād arthasya sādhyasya prarūpaṇaṃ tad eva yuktyanuśāsanaṃyuktivacanaṃ te tava bhagavato 'bhimatām iti padaghaṭanā tatrārthasyaprarūpaṇaṃ yuktyanuśāsanam iti vacane pratyakṣam api yuktyanuśāsanaṃ prasajyetatadvyavacchedārtham arthāt prarūpaṇam iti vyākhyāyate sāmarthyādarthasya tad iti pratīteḥ tathā'pi śīto 'gnir dravyatvāj jalavad iti pretyāsukhaprado dharmaḥ karmatvād adharmavad iti capratyakṣaviruddham āgamaviruddhaṃ cārthaprarūpaṇaṃ yuktyanuśāsanaṃ prāptam iti naśaṃkanīyam dṛṣṭāgamābhyām aviruddham ity ābhidhānāt tathācānyathā'nupapannatvaniyamaniścayalakṣaṇāt sādhanāt sādhyārthaprarūpaṇaṃyuktyanuśāsanam iti prakāśitaṃ bhavati dṛṣṭāgamābhyāmavirodhasyānyathānupapatter iti devāgamādau nirṇītaprāyam atrodāharaṇāmucyate pratikṣaṇaṃ sthityudayavyayātmārtharūpaṃ sattvād iti na tāvatpratyakṣaviruddhaḥ pakṣaḥ sthityudayavyayātmano 'rtharūpasyavahirghaṭāder ivāṃtarātmano 'pi sākṣādanubhavāt sthitimātrasyasarvatrāsākṣātkaraṇād udayavyayamātravat na cāyaṃ sthityudayavyayātmano'rtharūpasyānubhavaḥ suniścitāsaṃbhavad bādhakapramāṇāt pratikṣaṇamanupapannaḥ kālāntare sthityudayavyayadarśanāt tatpratītisiddher anyathāsakṛd api tadayogāt kharaviṣāṇādivad iti na pratyakṣavirodhaḥ nā'pyāgamavirodho 'sya yuktyanuśāsanasya saṃbhāvyate utpādavyayadhrauvyayuktaṃ sad iti paramāgamasya prasidghatvātsarvathaikāntāgamasyāprasiddher dṛṣṭeṣṭaviruddhārthābhidhāyitvātpratārakapuruṣavacanavad iti niravadyaḥ pakṣaḥ pratikṣaṇaṃ sthityudayavyayātmakasyavivādādhyāsitasya sādhyadharmasya jīvāder artharūpasya casādhyadharmiṇaḥ prasiddhasyābhidhānāt tathā hetuś ca sattvād iti nāsiddhaḥsarvatrārtharūpe tadabhāve sarvābhāvaprasaṃgāt nā'pi saṃdigdhaḥsarvatra sattvasya saṃdehe saṃdehasyā'pi sattvaniścayaviruddhatvāt nāpy ajñātāsiddho hetuḥ sarvasya vādinaḥ sattvaparijñānābhāvevāditvavirodhāt nāpy anaikāntikaḥ kārtsnyato deśato vā vipakṣāvṛttitvāt dravyeṇa sthitimatā janmavyayarahitena satāparyāyamātreṇa cotpādavyayavatā sthitiśūnyena hetor anekānta iti cet na sattvasya vastutvasvarūpasya hetutvāt sattvadharmasyanayaviṣayasya hetutvānabhyupagamāt na ca dravyamātraṃ vastuparyāyamātraṃ vā tasya vastvekadeśatvāt dravyaparyāyātmano jātyaṃtarasya vastunaḥpramāṇasiddhatvāt na ca dravyasya paryāyasya vāvastutvābhāvādavastutvaprasaṃgas tasya vastvekadeśatvena vastutvāvastutvābhyāmavyavasthānāt samudraikadeśasya samudratvāsamudratvābhyāmavyavasthānavat na ca vastutvasya sattvasya hetutve tadekadeśenadravyasattvena paryāyasattvena vā vyabhicārodbhāvanā yuktā sarvasya hetorvyabhicāraprasaṃgāt sakalajanaprasiddhasya vahnyādisiddhaudhūmādisādhanasyāpi tadekadeśena pāṃḍutvādinā vyabhicāram udbhāvayankatham anenāpākriyeta dhūmasya hetutve tadekadeśenapāṃḍutvādinā na vyabhicāras tanmātrasyāhetutvād iti cet tarhi sattvasyavastutvarūpasya hetutvena tadekadeśena dravyasattvenaparyāyasattvena vā katham anaikāṃtikatvam udbhāvayet na ced asvasthaḥ nanu casattvaṃ vastutvaviruddhaṃ viparyayasyaiva sādhanād iti na mantavyam sthitimātra ivodayavyayamātre 'pi tadasaṃbhavāt tathāhi sattvam idam arthakriyayā vyāptaṃ tadabhāve tadvirodhātkhapuṣpavat sā ca kramayaugapadyābhyāṃ vyāptā tadabhāve tadabhāvāt tadvat teca kramayaugapadye pratikṣaṇaṃ sthityudayavyayātmakatvenavyāpte tadsthityekāntād udayavyayaikāntād iva nivarttamānaṃ tataḥkramayaugapadye nivarttayet te ca nivarttamāne svavyāpyām arthakriyāṃnivarttayataḥ sā ca nivarttamānā svavyāpyaṃ sattvaṃ nivarttayatīti tato nivarttamānaṃ sattvaṃ tīrādarśiśakuninyāyena pratikṣaṇaṃsthityudayavyayātmanyevārtharūpe byatiṣṭhata iti kathaṃviparyayaṃ sādhayed yato viruddham abhidhīyeta sapakṣe sattvābhāvādasādhāraṇānaikāntiko hetur iti cet ko 'yam asādhāraṇo nāma sapakṣavipakṣayor asann asādhāraṇa iti cet sa kiṃ tatraniścitāsadbhāvaḥ saṃdigdhāsadbhāvo vā prathamapakṣe nānaikāṃtikaḥ syāt sarvathā vipakṣe niścitāsattvasya samyagdhetutvāt samyaghetorvipakṣāsattvaniyamaniścayalakṣaṇatvāt tadabhāve sapakṣe sato 'pigamakatvāyogāt sapakṣasattvaniyamasya hetulakṣaṇatvāvyavasthitestadabhāve'pi hetor gamakatvasiddheḥ yadi punardvitīyaḥ pakṣaḥsapakṣavipakṣayoḥ saṃdigdhāsadbhāvo 'naikāṃtika iti cet tadā na sattvāditi hetur asādhāraṇānaikāṃtikaḥ pramāṇabalād vipakṣetasyāsadbhāvaniścayāt saṃśayāsaṃbhavād anaikāṃtikatvavirodhāt saṃśayahetur anaikāṃtika iti sāmānyato 'naikāntikalakṣaṇaprasiddheḥ tato 'siddhaviruddhānaikāṃtikatvavimuktatvāt sūktam idaṃyuktyanuśāsanodāharaṇaṃ pratikṣaṇaṃ sthityudayavyayātmakamartharūpaṃsattvād iti nanu ca yena rūpeṇa sthitir vastunas tena sthitir evayenodayas tenodaya eva yena vyayas tena vyaya eveti vyavasthāyāṃnānekāntātmakavastusiddhiḥ sthityādyekāntasyaiva prasiddheḥ itina mantavyaṃ tattvavyavastham iti vacanāt tatrasthityudayavyayātmārtharūpaṃ pratikṣaṇam avyavasthaṃ na vidyate vyavasthā'syetivyākhyānāt yena hi rūpeṇa vastu tiṣṭhati tenotpadyate naśyati ca sthitaṃ sthāsyati ca utpannam utpatsyate ca naṣṭaṃ naṃkṣyati ca yena cotpadyate tena tiṣṭhati naśyati ca utpannaṃ sthitaṃnaṣṭaṃ ca utpatsyamānaṃ sthāsyannaṃkṣyaṃś ca yena ca naśyatitenotpadyate tiṣṭhati ca tathā naṣṭam utpannaṃ sthitaṃ ca naṃkṣyaty utpatsyatesthāsyati ceti na kvacid vyavasthā yenaikāntaprasaṃgaḥ kathaṃcidavyavasthitasyaiva tattvasyārthakriyākāritvaprasiddheḥ paṭam udāharaṇīkṛtyasarvam etad vaktavyaṃ tathā hi paṭaḥ prāraṃbhakṣaṇāpekṣayotpadyatetiṣṭhati vinaśyati cānāraṃbhasamayāpekṣayā dvitīyakṣaṇāpekṣayā tūtpatsyatesthāsyati naṃkṣyati ca nirvṛttasvarūpāpekṣayotpannaḥ sthito naṣṭaś capūrvāvinirvṛttarūpeṇeti prātītikam etat

nanu caikam eva vastu nānāsvabhāvam evam āyātaṃ tac caviruddhaṃ kuto 'vatiṣṭhata ity āhuḥ

yad ekaṃ vastu sattvaikatvapratyabhijñānāt siddhaṃ tan nānātmatām aparityajad eva vastutvaṃ labhate samīcīnanānāpratyayaviṣayatvāt yat tu nānātmatāṃ jahāti na tad vastu yathāparaparikalpitātmādyadvaitaṃ vastu ca vivādāpannaṃ jīvāditasmān nānātmatām aprajahad eva pratipattavyaṃ tathā yadabādhitanānāpratyayabalān nānā prasiddhaṃ tad ekātmatām ajahad eva tava vastusammataṃ tasyānyathā vastutvavirodhātparābhyupagataniranvayanānākṣaṇavat tato jīvādipadārthajātaṃ parasparājahadvṛttyekānekasvabhāvaṃvastutvānyathānupapatter iti yuktyanuśāsanaṃ tat kathaṃ vācāvaktuṃ śakyata iti na śaṃkanīyaṃ krameṇa tasya vāgvācitvāt na hi yugapad ekātmatayā nānātmatayā ca vastūcyate vācā tādṛśyā vāco 'saṃbhavāt na caivaṃ krameṇa pravarttamānāyā vāco'satyatvaprasaṃgas tasyāḥ svaviṣaye nānātve caikatve cāṃgāṃgibhāvātpravṛtteḥ syād ekam eveti vācā hi pradhānabhāvenaikatvaṃ vācyaṃguṇabhāvena nānātvaṃ syān nānaiva vastv iti vācā pradhānyenanānātvaṃ vācyaṃ guṇabhāvenaikatvam iti katham evamekatvanānātvavācorasatyatā syāt sarvathaikatvavācā nānātvanirākaraṇāt nānātvanirākaraṇe hi tathaikatvasyāpi tadavinābhāvinonirākaraṇaprasaṃgād asatyatvapariprāpter abhīṣṭatvāttathā'nupalabhyamānatvāt nānātvavācā caikatvasya nirākaraṇāt tannirākaraṇe tadavinābhāvinānātvanirākṛtiprasaṃgāt satyatvavirodhāt tataḥkrameṇānaṃtarūpaṃ yad vastu tat tavāṃgāṃgibhāvād eva vāgvācyaṃboddhavyam aṃgaṃ hy apradhānamaṃgi pradhānaṃ tadbhāvoguṇapradhānabhāvas tam āśritya nānātvaikatvavacane yathārthābhidhāyitvam eva vācyaṃvyavatiṣṭhate

nanu ca bhavatu nāmānaṃtadharmaviśiṣṭaṃ vastu te tudharmāḥ parasparanirapekṣā eva pṛthagbhūtaś ca tebhyo dharmīti matamapācikīrṣavaḥ prāhuḥ

aṃśā dharmā vastuno 'vayavāste ca parasparanirapekṣāḥ puruṣārthasya hetavo na saṃbhavantitathā'nupalabhyamānatvāt yad yathā'nupalabhyamānaṃ tat tathā na vyavatiṣṭhateyathā'gniḥ śītatayā'nupalabhyamānas tadrūpatayā'nupalabhyamānāś capuruṣārthahetutayā parasparanirapekṣāḥ sattvādayo dharmāḥ kvacid avayavā vātasmān na puruṣārthahetutayā vyavatiṣṭhanta iti yuktyanuśāsanaṃdṛṣṭāgamābhyām aviruddhatvāt tathāṃśāḥ parasparāpekṣāḥpuruṣārthahetutayā vyavatiṣṭhaṃte tathaiva dṛṣṭatvāt yad yathā dṛṣṭaṃ tat tathaivavyavatiṣṭhate yathā dahano dahanatayā dṛṣṭaḥ tatsvabhāvatayā dṛṣṭāś capuruṣārthahetutayāṃ'śāḥ parasparāpekṣāḥ tasmāt tathaiva vyavatiṣṭhaṃta itisvabhāvopalabdhiḥ svabhāvaviruddhopalabdhir vāsvaparapakṣavidhānapratiṣedhayor boddhavyā tathā nāṃśebhyo 'ṃśī pṛthag astitathā'nupalabhyamānatvāt yad yathā'nupalabhyamānaṃ tat tathā nāsty eva yathātejaḥ śītatayā sarvadā'nupalabhyamānaś cāṃśebhyaḥ pṛthagaṃśī tasmānnāstīti svabhāvānupalabdhiḥ na cātra dṛṣṭivirodhaḥparasparavibhinnānām arthānāṃ sahyaviṃdhyādīnām aṃśāṃśibhāvasyādṛṣṭatvāt na cāgamavirodhas tatpratipādakāgamābhāvāt parasparavibhinnāṃśāṃśibhāvapratipādakāgamasya yukti viruddhatvādāgamābhāsatvasiddheḥ

syān matam aṃśebhyo 'ṃśī pṛthagevapṛthakpratyayaviṣayatvāt yo yataḥ pṛthakpratyayaviṣayaḥ sa tataḥ pṛthagevayathāstambhebhyaḥ kuḍyaṃ pṛthakpratyayaviṣayaś cāṃśebhyo 'ṃśī tasmāt pṛthageveti tad apy asamyak sarvathā pṛthakpratyayaviṣayatvasya hetorasiddhatvāt kathaṃcid apṛthakpratyayaviṣayatvāt samavāyād apṛthakapratyaya iticet na sarvathā bhinnayoḥ samavāyāsaṃbhavāt sahyaviṃdhyavat saṃbhavann api samavāyaḥ padārthāntarabhūtaḥ katham ihāṃśeṣv aṃśītipratyayahetur upapadyate sahye biṃdhya itipratyayahetutvaprasaṃgāt pratyāsattiviśeṣādihāṃśeṣv aṃśīti pratyayam upajanayati samavāyona punar iha sahye viṃdhya iti pratyayam utpādayatipratyāsattiviśeṣābhāvād iti cet kaḥ punaḥ pratyāyasattiviśeṣaḥsamavāyasamavāyinoḥ saṃbhāvyeta viśeṣaṇaviśeṣyabhāva iti cet tarhi samavāyinoḥ samavāyo viśeṣaṇaṃ kim arthāntarabhūtamanarthāntabhūtaṃ vā yady arthāntarabhūtaṃ viśeṣaṇaṃ tadāṃśāṃśinor ivasahyaviṃdhyayor api samavāyo viśeṣaṇaṃ syād arthāntarabhūtatvāviśeṣāt yadi punar anarthāntarabhūtaṃ viśeṣaṇaṃ samavāyaḥ samavāyinoragner auṣṇayavad upavarṇyate tadā kathaṃcittādātmyam eva samavāya itināṃśebhyo'ṃśī sarvathā pṛthag avatiṣṭhatetatsamavāyasyāviṣvagbhāvalakṣaṇasya kathaṃcittādātmyasyaiva prasiddhes tataḥ parasparāpekṣāevāṃśāṃśinaḥ puruṣārthahetur iti niścitaprāyaṃ tadvad eva nayānaigamādayaḥ parasparāpekṣā evāsikriyāyāṃ dṛṣṭā iti ghaṭanīyaṃ tathā hinaigamādayo nayāḥ parasparāpekṣāḥ puruṣārthahetavastathādṛṣṭatvād aṃśāṃśivat tad anena sthitigrāhiṇo dravyārthikabhedānaigamasaṃgrahavyavahārāḥ pratikṣaṇam utpādavyayagrāhiṇāś caparyāyārthikabhedā ṛjusūtraśabdasamabhirūḍhaivaṃ bhūtāḥ parasparāpekṣāeva vastusādhyārthakriyālakṣaṇapuruṣārthanirṇayahetavo nānyathetidṛṣṭāgamābhyām aviruddham arthaprarūpaṇaṃ yat sat tat sarvaṃpratikṣaṇaṃ sthityudayavyayātmakam anyathā sattvānupapatter iti yuktyanuśāsanamudāhṛtaṃ pratipattavyam

nanu ca parasparanirapekṣāḥ nayāḥ kvacid api puruṣārthamasādhayanto 'pi sattāmātreṇa vyavasthitiṃ pratipadyaṃta evasāṃkhyābhimatapuruṣavad iti na mantavyam teṣām asikriyāyām apihetutvānupapattes tadvat yathaiva hi parasparanirapekṣā nayāḥpuruṣārthakriyāyāṃ dharmārthakāmamokṣalakṣaṇāyāṃ hetavo na saṃbhavaṃtitathāsikriyāyām api sattālakṣaṇāyāṃ kharaviṣāṇādivat tataḥ parasparāpekṣā eva pratikṣaṇaṃ sthityutpattivyayāḥ sattvaṃvastulakṣaṇaṃ pratipadyaṃta ity anekāṃtasiddhiḥ syād ākūtaṃ jīvādivastuno 'nekāṃtātmakatvena niścaye svātmanīva parātmanyapirāgaḥ syāt kathaṃcit svātmaparātmanor abhedāt tathā parātmanīvasvātmany api dveṣaḥ syāt tayoḥ kathaṃcidbhedāt rāgadveṣanibaṃdhanāścerṣyāsūyāmadamānādayo doṣāḥ saṃsārahetavaḥ sakalavikṣepakāriṇaḥ svargāpavargapratibaṃdhakāriṇaḥ pravarttante te capravartamānāḥ samatvaṃ manaso nivarttyayanti tadvinivartanaṃ samādhiṃniruṇaddhīti samādhihetukaṃ nirvāṇaṃ kasyacin na syāt tatomokṣakāraṇaṃ manaḥsamatvaṃ samādhilakṣaṇam icchatā nānekāṃtātmakatvaṃjīvādivastuno 'bhyupagantavyam iti tad api na samīcīnam ity āhuḥ

ekānto niyamo 'vadhāraṇaṃ dharmo nityatvādisva bhāvaḥ ekāntena niścito dharma ekāntadharma itimadhyamapadalopī samāsaḥ 'tṛtīyāntāt kta uttarapade' ity upasaṃkhyānāt guḍena saṃskṛtā dhānā guḍadhānāḥ ityādivat ekāntadharme'bhiniveśa ekāntadharmābhiniveśaḥ nityam eva sarvathā nakathaṃ cid anityam ityādi mithyātvaśraddhānaṃ mithyādarśanam itiyāvat ekāṃtadharmābhiniveśo mūlaṃ kāraṇaṃ yeṣāṃ teekāntadharmābhiniveśamūlāḥ rāgādayo rāgadveṣamāyāmānā anaṃtānubandhino'pratyākhyānāvaraṇāḥ pratyākhyānāvaraṇāḥ saṃjvalanāś ca kaṣāyāḥ tathā hāsyādayo nava nokaṣāyāś cādigrahaṇena gṛhyante nanu ca rāgo lobhas tadādayo doṣāḥ kathaṃ mithyādarśanamūlāḥ syur asaṃyatasamyagdṛṣṭyādiṣu sūkṣmasāṃparāyāṃ teṣumithyādarśanābhāve 'pi bhāvāt iti na mantavyam teṣām anantasaṃsārakāraṇānāṃ mithyādarśanābhāve saṃbhavābhāvāt mithyādṛśāṃ mithyādarśanasadbhāva eva bhāvātmithyādarśanamūlatvasiddheḥ pareṣāṃ punar asaṃyatasamyagdṛṣṭyādiṣu lobhādīnāmasaṃyamapramādakaṣāyapariṇāmamūlatve 'pi mithyādṛśi mithyādarśanasadbhāva eva bhāvān mithyādarśanamūlatvasiddhiḥ yady evam udāsīnāvasthāyāmapi mithyādarśanānām ekāṃtavādināṃ rāgādayo jāyerann iti naśaṃkanīyam ahaṃkṛtijā iti vacanāt ahaṃkṛtir ahaṃkāro 'hamasya svāmīti jīvapariṇāmaḥ sāmarthyād idaṃ mama bhogyam ity ātmapariṇāmo mamakāraḥ pratipādito bhavati ahaṃkṛter jātā ahaṃkṛtijā mamakārāhaṃkārajā ity arthaḥ tena mithyādarśanapariṇāma eva yadā mamakāro 'haṃkārasacivo bhavati tadaivarāgādīnupajanayati na punar udāsīnadaśāyām ity ekāntābhiniveśamahāmoharājajanitā eva rāgādayaḥ

tathā coktam

nanu ca bhavaṃtu nāma rāgādayo 'haṃkārajanmāno jānānāṃmohavatāṃ vītamohānāṃ tu saty apy ahaṃkāre rāgādyabhāvāt kathaṃ tetajjāḥ syur iti na codyaṃ mithyādarśanādisahakāriṇa evāhaṃkārasyarāgādijanane sāmarthyāt tadvikalasyāsāmarthyāt na cāvaśyaṃkāraṇāni kāryaṃ janayaṃti murmurāṃgāṃgārāvasthāgnivat nanucaikāntābhiniveśo mithyādarśanam iti kuto niścīyata iti cet anekāṃtātmakasyaiva vastunaḥ pramāṇato niścayāt sannayāc casamyag ekāntasya pratipakṣāpekṣasya vyavasthāpanāccaikāntābhiniveśasya mithyādarśanatvaprasiddher iti nirṇītaprāyaṃ tataḥsamyagdṛṣṭer ekāṃtahāne tadvirodhino 'nekāṃtasya niścayāttasyaivaikāṃtahānāc ca sa ekāṃtadharmābhiniveśo yat tad eva syāt yat kiṃcit syān na syād ity arthaḥ sati hy ekāṃtadharme kasyacittadabhiniveśaḥ saṃbhāvyate tasya tadviṣayatvāt tadabhāve tu yad vāstavaṃ rūpamātmano yathārthadarśanaṃ tad eva syād ekāṃtābhiniveśābhāvasyasamyagdarśanabhāvarūpatvāt tasyaiva svābhāvikatvaṃ siddhyed ātmanaḥsvābhāvikatvāc ca samaṃ manaste tava bhagavato 'rhatoyuktyanuśāsane saddṛṣṭer bhavatīti vākyārthaḥ darśanamohodayamūle hicāritramohodaye jāyamānā rāgādayo janānām asvābhāvikā eva teṣām audayikatvāt dṛṅmohahānāc ca cāritramohodayahāne rāgādīnām abhavāt samyagdarśanajñānacāritrapariṇāmānāṃ svābhāvikatvaṃ tatsamyagdarśanasyaupaśamikatvaṃkṣāyopaśamikatvaṃ kṣāyikatvaṃ vā svābhāvikatvam ātmarūpatvāt samyagjñānasyaca kṣāyopaśamikatvaṃ kṣāyikatvaṃ vā saccāritrasya tusaddarśanavadaupaśamikatvāditrayaṃ svābhāvikatvaṃ na punaḥ pāriṇāmikatvaṃ tasya karmopaśamādinirapekṣatvāt kathamasaṃyatasamyagdṛṣṭeḥ samaṃ manaḥ syādaptaṃyamasya rāgadveṣātmanaḥ sadbhāvād iti cet kvacid ekāṃte rāgābhāvāt paratra dveṣābhāvāc cavivakṣitāvivakṣitayor ekāntayor udāsīnatvasiddher avivakṣitasyāpy anirākaraṇāt tanmātrasya manaḥsamasya sadbhāvād iti brūmaḥ nanv evamasaṃyatasamyagdṛṣṭer api saṃyatatvaprasaṃgo manasaḥ samatvasyaivasaṃyamarūpatvād iti cet ka evam āha sarvathā saṃyamasyābhāvo'saṃyatasamyagdṛṣṭer iti tasyānaṃtānubaṃdhikaṣāyātmano 'saṃyamasyābhāvātsaṃyatatvasiddheḥ katham asyāsaṃyatatvam iti cet mohadvādaśakātmano'saṃyamasya sadbhāvāt tata evānaṃtānubaṃdhyapratyākhyānakaṣāyātmano'saṃyamasyābhāvāt pratyākhyānasaṃjvalanakaṣāyātmano 'saṃyamasyasadbhāvāt saṃyatāsaṃyatasamyagdṛṣṭiḥ samabhidhīyate nanv evaṃpramattasaṃyatādi sūkṣmasāmparāyāntaḥ saṃyatāsaṃyataḥ prasajyetasaṃjvalanakaṣāyātmano nokaṣāyātmanaś cāsaṃyamasya sadbhāvād iti cet na saṃjvalanakaṣāyāder asaṃyamatvenāvivakṣitatvādudakarājisamānatvena mohadvādaśakābhāvarūpasaṃyamāvirodhitvātparamasaṃyamānukūlatvāc ceti kaṣāyaprābhṛtād avaboddhavyam yathā cāsaṃyatasamyagdṛṣṭeḥsvānurūpamanaḥsābhyāpekṣayā samaṃ manaḥ siddhaṃ tathāsaṃyatāsaṃyatasya ca navavidhasyeti na kiṃcid asaṃbhāvyaṃ tato'nekāntayuktyanuśāsanaṃ na rāgādinimittaṃ tasya manaḥ samatvanimittatvāt

nanv anekāntavādino 'py anekānte rāgāt sarvathaikānte ca dveṣāt katham iva samaṃ manaḥ syāt yato mokṣa upapadyate sarvadā manaḥsamatve vā na baṃdha iti svamatādvāhyau baṃdhamokṣausyātāṃ manasaḥ samatve cāsamatve ca tadanupapatter iti vadantaṃpratyāhuḥ

pratipakṣaṃ pratidvaṃdvinaṃ dṛṣayati nirākaroty evaṃśīlaḥ pratipakṣadūṣī pratidvāndvinirākārī nityatvaikāntavādīkṣaṇikādyekāntavādī ca sa pramucyate ca pramucyataevānekāṃtavādinā na punas tatra dveṣaḥ kriyate sāmarthyāt pratipakṣasvīkārīvā'nekāṃtavādī svīkṛta eva na punas tatra rāgaḥ kriyata iti caśabdasyaivakārārthatvād vyākhyāyate kaiḥ punar hetubhūtair ity ucyate jina tvadīyaiḥ paṭusiṃhanādaiḥ kiṃ rūpatayety abhidhīyate ekasyanānātmatayeti syād ekam eva vastu syān nānātmety ādāyaḥ śabdāḥ siṃhanādāḥ siṃhanādā iva siṃhanādā iti samādhiḥ śabdāntarairnyakkartumaśakyatvāt yathaiva hi siṃhanādā kuṃjarādinādair natiraskartuṃ śakyante tathā jinanāthasya nādāḥ samyaganekāntapratipādakāḥ kṣaṇikādyekāntapratipādakaiḥ sugatādiśabdair na kathaṃcinnirākriyante ity uktaṃ bhavati paṭavaś caite niḥsaṃśayatvātsiṃhanādāś cābādhyatvāt paṭusiṃhanādās tair eva hetubhūtaiḥpratipakṣadūṣī pramucyate vyavacchidyate yuktiśāstrāvirodhibhiḥparamāgamavākyair nānātmakaikavastuniścayasyaiva sarvathaikāntapramocanasyasiddhes tatra dveṣāsaṃbhavād anekāntarāgāsaṃbhavavat na hi tattvaniścayaeva rāgaḥ kṣīṇamohasyāpi rāgaprasaṃgāt nāpy atattvavyavacchedaeva dveṣaḥ śakyaḥ pratipādayituṃ yato 'nekāṃtavādinaḥ samaṃ manona bhavet tan nimittaś ca mokṣaḥ kathaṃ na syāt na casarvathā samatvameva manasaḥ sarvatra sarvadotpadyate yatorāgadveṣābhāvād baṃdhābhāvaḥ prasajyeta kathaṃcit kvacit kiṃcit kadācit guṇasthānāpekṣayā puṇyabaṃdhasyopapattes tatas tau baṃdhamokṣau svamatādanaṃtātmakatattvaviṣayādavāhyau tatraiva bhāvāt tayor jñavṛtteḥ jānātīti jña ātmā jñe vṛttir jñavṛttis tata iti pradhāne naikātmamanyapi tau tasyājñatvād iti niveditaṃ bhavati

syān mataṃ naikasya nānātmano 'rthasya pratipādakāḥśabdāḥ ṣaṭusiṃhanādāḥ prasiddhāḥ saugatānām anyāpohasāmānyasyavāgāspadatvād vācāṃ vastuviṣayatvāsaṃbhavād iti tad asad evayasmāt

goḥ svabhāvādanyaḥ svabhāvaḥ svabhāvāntaram ātmāntaramagavātmā tasyābhāvo vyāvṛttiḥ sa eva samānatā sāmānyaṃ sā vācām āspadaṃ na bhavaty eva kīdṛśī sā navāgāspadaṃ svāśrayabhedahīnā svasthā ātmāntarābhāvasamānatāyā āśrayāḥ svāśrayāḥ svāśrayās te ca bhedāś ca tair hīnāanyāpohasāmānyaviśeṣavākśūnyeti yāvat kutaḥ sā na tādṛśī vāgāspadam iti sādhyate bhāvasya vastunaḥ sāmānyaviśeṣavattvāt nanu ca samānyaviśeṣavattve 'pi bhāvasya sāmānyasyaivavāgāspadatvaṃ yuktaṃ viśeṣasya tadātmakatvāt sāmānyaviśeṣayoraikyasiddhir iti vacane dūṣaṇam ucyate aikye tayoḥ sāmānyaviśeṣayoranyataratsāmānyarūpaṃ viśeṣarūpaṃ vā nirātma syāt tatra viśeṣarūpasya nirātmatve tadavinābhāvinaḥ sāmānyarūpasyāpinirātmatvāpatteḥ sarvaṃ nirātmakatvaṃ prasajyeta sāmānyarūpasya canirātmatve viśeṣarūpasyāpi tadavinābhāvino nirātmatvānuṣaṃgān na tayoraikyam abhyupagantavyam

nanu ca sarvagataṃ sāmānyaṃ viśeṣair aśliṣṭam evavāgāspadaṃ na punarātmāntarāpohasāmānyaṃ tasyāvastutvād iti vadaṃtaṃprati vadanti

niyatadeśakālākāratayā na mīyata ity ameyaṃ sarva vyāpi nityaṃ nirākāraṃ sattvādisāmānyaṃ tadaśliṣṭaṃ viśeṣairameyam evāprameyam eva pramāṇataḥ pramātum aśakteḥ pratyakṣatas tatpramitir aprasiddhā tatra tadapratibhāsanāt brahmavat nāpyanumānatas tat pramīyate tadavinābhāviliṃgābhāvāt sat sadityādyanuvṛttipratyayo liṃgam iti cet na asad asad ityādyanuvṛttipratyayenavyabhicārāt tasyāsattvasāmānyābhāve 'pi bhāvātpadārthatvasāmānyābhāve 'pi ṣaṭsu padārtheṣu padārthaḥ padārtha ityanuvṛttipratyayasya siddheḥ syādākūtaṃ prāgasadādiṣv asad asad ity anuvṛttipratyayenana vyabhicāras tasya mithyātvāt na hi sabhyaganuvṛttipratyayasyamithyātvānuvṛttipratyayena vyabhicāro yukto 'tiprasaṃgād iti tad apyasamyak tasya mithyātvāsiddheḥ prāgasadādiṣu mithyaivāsad ityanuvṛttipratyayo bādhakasadbhāvād iti cet kiṃ tadbādhakaṃ prāgabhāvādayo na sāmānyavaṃto dravyaguṇakarmabhyo 'nyatvātsāmānyaviśeṣasamavāyavad ity anumānaṃ tadbādhakaṃ tadaviṣayasya sāmānyasyatena nirākaraṇād iti cet na asyānumānasya sādhyāvinābhāvaniyamaniścayāsattvāt yas tu sāmānyavān na sa dravyaguṇakarmabhyo 'nyoyathā'yam artha iti vyatirekāśrayāsiddhiḥ syān matir eṣādravyādipadārthatvena sāmānyavattvaṃ vyāptaṃ viniścitya prāgabhāvādiṣudravyaguṇakarmapadārthatvasya vyāpakatvasyābhāvāt tadvyāpyasyasāmānyatvasyābhāvaḥ sādhyate tato nāvinābhāvaniyamo 'siddha iti sā'pi na sādhvī dravyādipadārthatvena sāmānyavat tv asyavyāptyasiddhes teṣām api sāmānyaśūnyatvāt tathā hi sāmānyaśūnyāni dravyaguṇakarmāṇi tattvātmakatvāt prāgabhāvādivat nehasādhanaśūnyo dṛṣṭāntaḥ prāgabhāvāder asadvargasyatattvarūpatvābhyanujñānāt sadasadvargas tattvam iti vacanāt tasyātattvarūpatvesarvatrāsatpratyayasya mithyātvāpatteranādyanaṃtasarvātmatattvānuṣaṃgāt

tathā coktam

dravyaguṇakarmāṇi sāmānyavaṃti mukhyasadvargatvāt ye tu na sāmānyavaṃtas te na mukhyasadvargāṃ yathāsāmānyaviśeṣasamavāyā iti kevalavyatirekiṇānumānena pratipakṣeṇa satpratipakṣatvāt sāmānyavattvābhāvasādhanasya tattvātmakatvād ity etasya hetor na gamakatvam iti cet nā'syapratipakṣānumānasya pratyakṣabādhitaviṣayatayā kālātyayāpādiṣṭatvāt nahi pratyakṣabuddhau dravyādiṣu sāmānyam ekaṃ padārthāntaraṃpratibhāsate samānāni dravyāṇīmāni guṇā vā karmāṇi veti pratibhāsanāt sadṛśapariṇāmasyaiva pratītes tad ayam anuvṛttipratyayastad evedam ity ākāro 'siddha eveti na sāmānye liṃgaṃ yataḥ sāmānyamanumānato meyaṃ syāt tata eva nāgamato meyaṃyuktyananugṛhītasyāgamasyāpramāṇatvād anyathā'tiprasaṃgāt na copamānatomeyaṃ sāmānyasadṛśasya kasyacid vastuno 'saṃbhavād iti na sāmānyaṃ tadvato bhinnam aniyatadeśakālākāraṃ prameyam avatiṣṭhate tathā bhede py abhyupagamyamāne sāmānyasya svāśrayebhyo na tatprameyaṃ tadvṛttyapavṛttibhāvāt teṣu dravyādiṣu vṛttis tadvṛttis tasyāapavṛttir vyāvṛttis tasyā bhāvaḥ sadbhāvas tasmāttadvṛttyapavṛttibhāvān na sāmānyaṃ prameyaṃ bhede 'pīty arthaḥ sāmānyasyasvāśrayeṣu vṛttir na tāvat saṃyogaḥ kuṃḍe vadaravat saṃbhavatitasyādravyatvāt saṃyogānāśrayatvāt saṃyogasya dravyaniṣṭhatvāt nā'pi samavāyo vṛttistasyāyutasiddhiviṣayatvāt na ca sāmānyatadvatorayutasiddhiḥ saṃbhavati sā hi śāstrīyā vā syāl laukikī vā na tāvat śāstrīyā tayoḥ pṛthagāśrayāśrayitvena yutasiddher evasaṃbhavāt pṛthagāśrayāśrayitvaṃ yutasiddhir iti vacanāt yathaiva hikuṃḍe paramāṇur ity atra paramāṇoḥ pṛthagbhūteṣu kuṃḍāvayaveṣusvāśrayeṣu kuṃḍasyāśrayitvaṃ pṛthagāśrayitvaṃ tathā sāmānyātpṛthagbhūteṣusvāśrayeṣu dravyāder āśrayitvaṃ pṛthagāśrayitvaṃ yutasiddhilakṣaṇaṃvidyata eva yadi punaḥ kuṃḍasya svāśrayeṣu svāvayaveṣu vadarasya casvāvayaveṣv āśrayeṣv āśrayitvam iti kuṃḍavadarayoḥpṛthagāśrayāśrayitvaṃ pṛthagāśrayayor āśrayaṇī pṛthagāśrayaṇī tayor bhāvaḥpṛthagāśrayāśrayitvaṃ caturāśrayam evābhidhīyate tadā katham iha kuṃḍe paramāṇuriti paramāṇukuṃḍayor yutasiddhiḥ syāt tallakṣaṇābhāvāt atha matametat na paramāṇoḥ kuṃḍe vṛttis tasya niravayavatvād ākāśādivat tadapy asāraṃ bhavadabhyupagatasya sāmānyasya niravayavinoguṇādeś ca kvacid vṛttyabhāvaprasaṃgān niraṃśatvāviśeṣāt paramāṇukuṃḍayor yutasiddhyabhāve cāyutasiddhiprasaṃgāt saṃyogavirodhātsamavāyaprasaṃgo durnivāra iti tayoḥ saṃyogam icchatā pṛthagāśrayāśrayitvaṃyutasiddhilakṣaṇaṃ tryāśrayam api pratipattavyaṃ nityānāṃ capṛthaggatimattvam iti lakṣaṇāṃtarasyāsaṃbhavād ātmākāśādīnāmayutasiddhiprasaṃgāt tadvatsāmānyatadvator api tatsiddham iti naśāstrīyā'yutasiddhiḥ nā'pi laukikī deśakālābhedalakṣaṇā dugdhāṃbhasorapy ayutasiddhiprasaṃgāt tato na sāmānyasyadravyādiṣu vṛttiḥ saṃbhavati 'vṛttiś ca kutsnāṃśavikalpato na'vṛttirabhyupagamyamānāpi sāmānyasya tadvastuneti saṃbaṃdhaḥ caśabdasyāpiśabdārthatvāt tathā hi kutsnavikalpe vṛttiḥ syād aṃśavikalpe vā na tāvat kutsnavikalpe kṛtsnasya sāmānyasya deśakālākārabhinnāsu vyaktiṣu sakṛdvṛttiḥ sādhayituṃ śakyāsāmānyabahutvaprasaṃgāt tasyaikasyānaṃśasya tadayogāt sāmānyaṃyugapadbhinnadeśakālavyaktisaṃbaṃdhi sarvagatanityāmūrtatvād ākāśavad ity anumānamapi na samyak sādhanasyeṣṭavighātakāritvāt yathaiva hy ayaṃhetuḥ sāmānyasya yugapadbhinnadeśakālavyaktisaṃbaṃdhitvaṃ sādhayatitathā sāṃśatvam api vyomavad eva niraṃśesakṛtsarvagatatvavirodhād ekaparamāṇuvat nanu niraṃśam evākāśam akāryadravyatvātparamāṇuvat yat tu sāṃśaṃ tatkāryadravyaṃ dṛṣṭaṃ yathā paṭādikam akāryadravyaṃcākāśaṃ tasmān niraṃśam eva tadvat sāmānyam iti neṣṭavighātakārīhetuḥ sarvagatatvādi sveṣṭasādhyasādhanatvād iti cet kimanenākāryadravyatvenāraṃbhakābhāvān niraṃśatvaṃ sādhyate svātmabhūtapradeśābhāvād vā prathamavikalpe siddhasādhyatā syādākāśasyāraṃbhakāvayavānabhyupagamāt niravayavatvasiddheḥ dvitīyavikalpe tusādhyaśūnyo dṛṣṭāṃtaḥ paramāṇor api svātmabhūtenaikena pradeśenasāṃśatvavyavasthiteḥ syādvādināṃ mate sādhanaśūnyaś ca dṛṣṭāṃtaḥparamāṇo r akāryadravyatvāsiddheḥ

syān mataṃ te 'kāryadravyaṃ paramāṇur āraṃbhakarahitatvādākāśavad iti tad apy atathyaṃ hetor asiddhatvāt āraṃbhakarahitatvaṃ hi yady utpādakakāraṇarahitvaṃ hetus tadā paramāṇordvyaṇukavināśād utpattiḥ kathaṃ sidhyet dvyaṇukavināśo na paramāṇorutpādakaḥ saṃbhavati dvyaṇukotpādāt pūrvam api sadbhāvāt kālādivaditi cet na tasya dvyaṇukotpāde vināśād avināśe tu dvyaṇukādikāle 'pi pratītiprasaṃgāt tathā ca ghaṭapratītikāle 'pighaṭāraṃbhakaparamāṇūpalabdhiḥ kathaṃ vāryeta

syān mataṃ paṭapratītau tadāraṃbhakās taṃtavaḥ pratīyantaeva sākṣāt paraṃparayā tu tadāraṃbhakāḥ paramāṇavo'smadādyapratyakṣatvān na pratīyante 'smadādibhir anadhyakṣatas teṣām anumeyatvāt tathā hi dvyaṇukāvayavi dravyaṃ svaparimāṇād aṇuparimāṇakāraṇārabdhaṃkāryadravyatvāt paṭādivat yad dvyaṇukaparimāṇakāraṇaṃ tauparamāṇū samanumīyete paramāṇoḥ kāraṇasyāsaṃbhavān natadārabhaṃkatvaṃ saṃbhāvyate yatas tasya kāryadravyatvaṃ syāt tato nākāśāder anaṃśatvesādhye paramāṇuvad iti dṛṣṭāṃtaḥ sādhanaśūnya iti tad etad apisvadarśanaruciprakāśanamātraṃ paramāṇor apy anumānātkāryadravyatvasiddheḥ tathā hi paramāṇavaḥ svaparimāṇānmahāparimāṇāvayaviskaṃdhavināśakāraṇakās tadbhāvabhāvitvāt kuṃbhavināśapūrvakakapālavatyad vināśāt paramāṇavaḥ prādurbhavaṃti tat dvyaṇukādi dravyamity anumānasiddhaṃ paramāṇoḥ kāryadravyatvaṃ tataḥ sādhanaśūnyamevodāharaṇaṃ na ca paramāṇūnāṃ skandhavibhedanabhāvabhāvitvam asiddhaṃdvayaṇukādivināśasya bhāve sadbhāvābhyupagamāt sarvadāsvataṃtraparamāṇūnāṃ skandhabhedam antareṇābhāvād asiddhovyatirekas tatas tadbhāva eva bhavanaśīlatvābhāvād asiddhaṃ sādhanam iti cet na sadā svataṃtraparamāṇūnām asaṃbhavāt tathā hi vivādāpannāḥparamāṇavaḥ skaṃdhabhedapūrvakāḥ paramāṇutvātdvyaṇukādibhedapūrvakaparamāṇuvad iti na te sarvadā svataṃtrās tatas tadbhāvabhāvittvaṃsādhanaṃ siddham eva etena kapālānāṃ kuṃbhabhedakāraṇatvaṃ sādhitaṃtadbhāvabhāvitvāviśeṣāt nanu ca paṭabhedapūrvakāṇāṃ keṣāṃcit tantūnāmupalaṃbhāt tadbhāve bhāvasya prasiddhāv api pareṣāṃpaṭapūrvakālabhāvināṃ paṭabhedābhāve 'pi bhāvān na tadbhāva eva bhāvaḥ sidhyed iti cetna teṣām api kārpāsapraveṇībhedapūrvakatvenopālaṃbhātskaṃdhabhedapūrvakatvasiddheḥ syān mataṃ mahāparimāṇapraśithilāvayavakārpāsapiṃḍasaṃghātapūrvakasyālpaparimāṇaghanāvayavakārpāsapiṃḍasyaskaṃdhabhedam antareṇa bhāvāt kathaṃ paramāṇūnāṃskaṃdhabhedapūrvakatvasiddhir iti tad apy asat paramāṇūnām evaskaṃdhabhedapūrvakatvaniyamasādhanāt pareṣāṃ skaṃdhānāṃ skaṃdhāntarasaṃghātapūrvakatvasyā'piprasiddheḥ yad dhi yadbhāvabhāvyeva prasiddhaṃ tatkāraṇam itisyādvādināṃ mataṃ tato ye skaṃdhabhedabhāvabhāvina eva teskaṃdhabhedapūrvakā eva yathā paramāṇavo 'bhedādaṇur' iti vacanāt ye tusaṃghātabhāvabhāvina eva te saṃghātapūrvakā eva yathā ghanaḥ kārpāsapiṃḍaiti sarvam anavadyaṃ paramāṇor api kāryadravyatvasiddheḥ tadevam ākāśam anaṃśam akāryadravyatvāt paramāṇuvad ity anumānaṃ nasādhyasiddhinibaṃdhanam udāharaṇasya sādhanavikalatvād dhetoścāsiddhatvāt paryāyārthādeśād ākāśasyāpi kāryadravyatvasiddheḥsyādvādināṃ sarvathā nityasya kasyacid arthasyābhāvāt khasyānaṃśatvāprasiddhaucānaṃśaṃ sāmānyaṃ sarvagatatvād ākāśavad ity atra sādhyaśūnyatvādudāharaṇasya nātaḥ sāmānyasya niraṃśatvasiddhiḥ sarvagatatvādity asya hetor asiddhatvāc ca na hi sāmānyaṃ sarvaṃ sarvagataṃpramāṇataḥ siddhaṃ sattāmahāsāmānyaṃ sarvaṃ sarvagataṃ siddham evasarvatra satpratyayahetutvād iti cet na tasyānaṃtavyaktisamāśrayasyaikasya grāhakapramāṇābhāvāt tad evāhuḥ sūrayaḥ

na hy anaṃtasadvyaktigrahaṇam antareṇa tatra sakṛt sanniti pratyayasyotpattir asarvavidāṃ saṃbhavati yataḥ sarvatrasatpratyayahetutvaṃ siddhyet tadasiddhau ca na tadanumānaṃ pramāṇaṃ sāmānyasyānaṃtasamāśrayasyāstīti na kṛtsnavikalpato vṛttiḥ sāmānyasya sāmānyabahutvaprasaṃgād iti sthitaṃ etena vyaktisarvagataṃsāmānyaṃ kutsnataḥ svāśrayeṣu pravarttata iti vadann apinirastaḥ tasyāpy anaṃtavyaktisamāśrayasya mānābhāvāviśeṣāt etena deśataḥ sāmānyasya svāśrayeṣu vṛttir ity api vikalpo dūṣitaḥ deśato 'naṃteṣu svāśrayeṣu yugapatsāmānyasya vṛttir ity atrapramāṇābhāvāt tato 'sminn api pakṣe mānaṃ ca nānaṃtasamāśrayasya iti saṃbaṃdhanīyaṃ sapradeśatvaprasaṃgāc ca sāmānyasya nacaivam abhyupagantuṃ yuktaṃ svasiddhāntavirodhāt tasya niraṃśatvavacanāt tatonaikaṃ sāmānyam ameyarūpaṃ kutaścit pramāṇāt siddhaṃ yatas tadameyam eva na syāt

saṃprati sāmānyam anaṃtasamāśrayam apramāṇakamavasthāpya pakṣāṃtaram anūdya dūṣayaṃti

nānā ca tāni saṃti ca nānāsaṃti vividhadravyaguṇakarmāṇi teṣāṃ nānāsatām ekātmā sadātmā vā dravyātmā vā guṇātmā vā karmātmā vā sa evāśrayo yasya sāmānyasya tannānāsadekātmasamāśrayaṃ eko hi sadātmā samāśrayaḥ sattāsāmānyasya sa caikasadvyaktipratibhāsakāle pramāṇataḥ pratīyata evatadanyadvitīyādisadvyaktipratipattikāle 'pi sa evābhivyaktatām iyartīti tanmātrāśrayasya sāmānyasya pramāṇaṃ grahaṇanimittam asty evatasyānaṃtasvabhāvāsamāśrayasyaiva mānaṃ nāstiti vyavasthiteḥ tathaiko dravyātmā samāśrayodravyatvasāmānyasya guṇātmā guṇatvasāmānyasya karmātmākarmatvasāmānyasyeti tasyaikāṃ dravyavyaktiṃ dvitīyāṃ ca pratīyandravyasvabhāvam ekam eva pratyeti tatsamāśrayaṃ ca dravyatvasāmānyamiti sadātmā samāśrayaḥ na tasyāmānatā evaṃ guṇavyaktīḥkarmavyaktīr vā dvivāḥ paśyan guṇasvabhāvaṃ karmasvabhāvaṃ capaśyatīti guṇaikātmasamāśrayaṃ karmaikātmasamāśrayaṃ vā guṇatvasāmānyaṃkarmatvasāmānyaṃ vā pratyetuṃ pramāṇataḥ śaknotīti natasyāpramāṇatā śakyā samāpādayitum anaṃtasamāśrayasyaiva sāmānyasyamānatā'ghaṭanād iti yadi manyante sāmānyavādinas tadaivaṃpraṣṭavyāḥkim etat sāmānyaṃ svavyaktibhyo 'nyad ananyad vā na tāvadanyatvam asya sadekasvabhāvāśrayasāmānyasya svavyaktibhyo bhedetāsām asadātmakatvaprasaṃgāt prāgabhāvādivat vyakter asadātmakatveca satsāmānyasyāpy asadātmakatvāpattir asadvyaktitvād abhāvāmātravat tataś cānātmanor vyaktisāmānyayor anyatvaṃ kva syān naiva syādity arthaḥ tad adviṣṭham iha prasiddhaṃ dvayor abhāve punaradviṣṭhamanyatvaṃ kveti saṃbaṃdhanīyaṃ evaṃ dravyavyakter dravyaikātmasamāśrayasyadravyatvasāmānyasya bhede 'py adravyatvaprasaṃgo guṇādivat tadadravyatve cadravyatvasāmānyasyānātmatvāpattir ity anātmanordravyavyaktidravyatvasāmānyayor anyatvaṃ kva syāt tasyādviṣṭhatvena ca dvayor abhāvekvādviṣṭhamanyatvam iti ghaṭanīyaṃ tathā guṇatvasāmānyasya karmatvasāmānyasyacaikaguṇātmasamāśrayasyaikakarmātmasamāśrayasya ca guṇavyakteḥkarmavyakter vā bhede guṇavyakter aguṇatvaprasaṃgaḥ karmavyakteścākarmatvaprasaṃgas tadanātmakatve ca guṇatvasāmānyasya karmatvasāmānyasyacā'nātmakatvāpattir ity anātmanor guṇavyaktiguṇatvasāmānyayoḥkarmavyaktikarmatvasāmānyayoś cānyatvaṃ kva syāt dvayor abhāvecādviṣṭham anyatvaṃ kveti pratipattavyaṃ tato nānyat sāmānyaṃsvavyaktibhyo vyavatiṣṭhate nā'py ananyat sāmānyasya vyaktau praveśevyaktir eva syān na ca sāmānyābhāve sā saṃbhavatīty anātmā syāttadanātmatve sāmānyasyāpy anātmatvam ity anātmanorvyaktisāmānyayor ananyatvaṃ kveti yojanīyaṃ na ca taddviṣṭham ananyatvam astītikvānanyatvaṃ etenobhayam api nirastam ubhayadoṣānuṣaṃgāt nanu cavastubhūtasya sāmānyasyānabhyupagamād avastuna eva sāmānyasyānyāpohalakṣaṇasyeṣṭatvāt tasya cānyatvānanyatvādivikalpaśūnyatvaṃkharaviṣāṇavad iti cet tarhi tasminn avastuni sāmānye kva khalupramāṇaṃ saṃpravartteta naiva kiṃcit pramāṇaṃ syāt tasyāmeyatvādanyāpohasya sarvapramāṇātikrāntatvāt tathāhi na tāvat pratyakṣamavastuni pravarttate tasya vastuviṣayatvāt nāpy anumānaṃ liṃgābhāvāt na hi tatra svabhāvaliṃgaṃ niḥsvabhāvasyāvastunaḥsvabhāvavirodhāt svabhāvasya kasyacit sadbhāve vastutvaprasaṃgāt nā'pikāryaliṃgaṃ sakalakāryaśūnyatvād avastunaḥ kasyacit kāryasya bhāvetasyāvastutvavirodhāt tatrānupalaṃbho liṃgam iti cet so 'pi kvacidagnau tadanyasyānagner abhāvo hy anyāpohaḥ sāmānyaṃ tasyacānagneḥ kasyacid evopalabdhilakṣaṇaprāptasya jalāder anupalaṃbhaḥ syātsarvasya vā prathamavikalpe na sarvasmād anagner apohaḥ sidhyet dvitīyavikalpe deśakālasvabhāvaviprakṛṣṭasyadvīpāntararāvaṇaparamāṣvāder anagner anupalabdhilakṣaṇaprāptasyānupalaṃbhaḥ kathamabhāvaṃ kvacid agnau sādhayed abhāvavyavahāraṃ vā svābhyupagamavirodhād iti nāvastu sāmānyaṃ kenacit pramāṇena meyaṃ tasmiṃś cāmeye kva khalupramāṇaṃ pravarttate parābhyupagatavastubhūtasāmānyavad iti na kiṃcitsāmānyaṃ pareṣāṃ vyavatiṣṭhate pramāṇābhāvāt

nanu cānuvṛttipratyayaliṃga sāmānyaṃ kathamapramāṇam ity apare atadvyāvṛttipratyayasādhyamanyāpohasāmānyam ity anye svasvasaṃ vedanamātraṃ sādhyaṃ sanmātraṃ śarīraṃ vrahmeti kecitsaṃpratipadyante tān prati prāhur ācāryāḥ

yeṣāṃ tāvat dvividhaṃ sāmānyaṃ paramaparaṃ cetiteṣāṃ ca na paraṃ sāmānyaṃ sattākhyaṃ sādhyaṃ sad ity anvayādasadvyāvṛttihīnād eva siddhyet sadasatoḥ saṃkareṇa siddhiprasaṃgāt sadanvaya evāsadvyāvṛttir ity ayuktam anuvṛttivyāvṛttyorbhāvābhāvasvabhāvayor bhedābhyupagamāt sāmarthyāt sadanvaye 'sadvyāvṛttiḥsiddhyed iti cet tarhi na vyāvṛttihīnād anvayataḥ sādhyaṃ sidhyet etenāparaṃ sāmānyaṃ dravyatvādi dravyam ity ādyanvayādadravyādivyāvṛttihīnān na sidhyed iti niveditaṃ sāmarthyasiddhādadravyādivyāvṛttisahitād eva dravyādyanvayāt dravyatvādisāmānyasyasiddheḥ tata eva tasya sāmānyaviśeṣākhyatvavyavasthāpanāt ye 'pikeṣāṃcid viparyaye tadvyāvṛtter evānvayahīnāyāḥ sāmānyaṃpratīyanta iti tasmin viparyaye 'pi sādhyaṃ na siddhyetsarvathānvayarahitād atadvyāvṛttipratyayād anyāpohasiddhāv api tadvidherasiddhes tatra pravṛttivirodhāt tadarthakriyālakṣaṇasya sādhyasyasiddhyabhāvāt dṛśyavikalpyayor ekatvādhyavasāyāt pravṛttau sādhyaṃsiddhyatīti cet na tadekatvādhyavasāyasyāsaṃbhavāt na hi darśanaṃtadekatvam adhyavasyati tasya vikalpāviṣayatvāt nāpitatpṛṣṭhabhāvivikalpas tasya dṛśyāviṣatvān na cobhayaviṣayaṃ jñānāntaram ekaṃsaṃbhavati yatas tadekatvādhyavasāyāt vyāvṛttimātrād anvayahīnādanyāpohasāmānyaṃ siddhyet svalakṣaṇeṣv iti na sādhyasiddhiḥ tathānvayavyāvṛttihīnād advitayād eva sanmātrapratibhāsātsattādvaitasiddhir ity api na samyak sarvathā'py advitayesādhyasādhanayor bhedāsiddhau kutaḥ sādhanāt sādhyaṃ siddhyed asiddhaucādvitayavirodhāt yadi punar advitaye 'pi saṃvinmātre'sādhanavyāvṛttyā sādhanam asādhyavyāvṛttyā ca sādhyam ityatadvyudāsābhiniveśavādaḥ samāśrīyate tadā'pi parābhyupetārthavirodhavādaḥ saugatasyasyāt parābhyupagato hi saṃvidadvaitalakṣaṇo 'rthas tāthāgataiḥ sacātadvyudāsābhiniveśavādenātadvyāvṛttimātrāgrahavacanarūpeṇa virudhyate kasyacid asādhanasyāsādhyasya cārthābhāvetadavyāvṛttyā sādhyasādhanavyavahārānupapatter bhāve ca dvaitasiddherapratikṣepārhatvād iti saugatānāṃ pūrvābhyupetārthavirodhavādaḥ prasajyeta

yadi tu sādhanam anātmakam eva na vāstavaṃ saugatairabhyupeyate nā'pi sādhyaṃ tasya saṃvṛtyā kalpitākāratvāt tato naparābhyupetārthavirodhavādaḥ syād iti nigadyate tadā dūṣaṇam āvedayanti

iti anātmanā niḥsvabhāvena sāṃvṛtenāsādhanavyāvṛttimātrarūpeṇa sādhanena sādhyasyāpi tathāvidhasyānātmano yā gatiḥ pratipattis tasyāḥ sarvathāpy ayuktir ayoga eva

atra parihāram āśaṃkya nirākurvanti

iti vastuni saṃvidadvaitarūpe sādhanenānātmanā sādhyasyānātmano gater ayukteḥ pakṣasiddher evaṃsaṃvidadvaitavādinaḥ sādhyasādhanabhāvaśūnyasya saṃvedanamātrasya pakṣatvātsiddhaṃ nastattvam iti yadi manyate paras tadāpy avastuni vikalpitākāresādhyasādhanayor ayukteḥ pratipakṣasya dvaitasya siddhiḥ syāt na hy avastu sādhanaṃ sādhayati sādhyam advaitatattvamatiprasaṃgāt

sādhanād vinā svata eva saṃvidadvaitasādhyasiddhir itiparamatam apākurvanti

sādhanena riktā śūnyā siddhiḥ svayaṃ saṃvidadvaitasya na pujyate puruṣādvaitasyāpi svayaṃ siddhiprasaṃgāt kasyacittatra vipratipattyabhāvaprasaṃgāc ca

tad evam

parapakṣadūṣaṇapradhānair vaitaṇḍikaiḥsaṃvedanādvaitavādibhir yaiḥ kusṛtiḥ kutsitā gatiḥ pratītiḥ praṇītā mune bhagavan bhavataḥ śāsanasya syādvādasya dṛśi pramūḍhais taiḥsvamūrdhni nirbhedabhayasyānabhijñair nirbhedabhayam ajānadbhiḥ paraghnaḥparaśur niśāyita iti vākyārthaghaṭanā yathaiva hi kaiścit paraśuḥparaghātāya niśāyitaḥ svamūrdhni bhedāya ca pravarttata ititadbhayānabhijñās te tathaiva vaitaṇḍikaiḥ parapakṣanirākaraṇāyamānaiḥ praṇīyamānonyāyaḥ svapakṣam api nirākarotīti te 'pi svapakṣaghātabhayānabhijñāeva te hi syādvādanyāyanāyakasya guroḥ śāsanadṛkpramūḍhāḥ kiṃjānaṃte darśanamohodayākrāntāntaḥkaraṇatvād iti vistaratastattvārthālaṅkāra pratipattavyaṃ

nanu ca yad uktaṃ na ca svayaṃ sādhanariktasiddhiḥ iti tatra saṃvidadvaitasyāpi siddhir mā bhūt sarvābhāvasyaśūnyatālakṣaṇasya vicārabalād āgatasya pariharttum aśakyatvād iti kecidācakṣate tān pratyāhuḥ

na hi vahirantaś ca vastuno 'saṃbhave tadabhāvaḥsarvaśūnyatālakṣaṇaḥ saṃbhavati tasya vastudharmatvāt svadharmiṇo 'saṃbhave kasyacid dharmasyāpratīteḥ sa hy abhāvaḥ svarūpeṇa bhavatina vā bhavati ced abhāve 'pi vastudharmasiddheḥ kasyaciddharmasyābhāve dharmāntaram eva sa ca kathaṃ vastudharmo na siddhyet na bhavaticed abhāva eva na syād abhāvasyābhāve bhāvasya vidhānāt athadharmiṇo'bhāvās tadā bhāvāntaraṃ syādbhāvavat kuṃbhasyābhāvo hibhūbhāgo bhāvāntaram evārhato bhagavatas te na punas tucchaḥsakalaśaktivirahalakṣaṇo yaugasyeveti pratyetavyaṃ kuta etat yasmātpramīyate cābhāvo vyapadiśyate ca vastuvyavasthāṃgaṃ ca nigadyate abhāvo hi dharmasya dharmiṇo vā yadi kutaścit pramāṇān na pramīyatetadā kathaṃ vyavatiṣṭhate pramīyate cet tadā sa ca vastudharmobhāvāntaraṃ vā dharmadharmisvabhāvabhāvavat tathā yady abhāvo navyapadiśyate tadā kathaṃ pratipadyate vyapadiśyate cet vastudharmovastvaṃtaraṃ vā syād anyathā vyapadeśānupapatteḥ tathā vastuno ghaṭādervyavasthāyām aṃgam abhāvo 'naṃgaṃ vā yady anaṃgaṃ kiṃ tatparikalpanayā ghaṭe paṭāder abhāva iti paṭādiparihāreṇa ghaṭavyavasthākāraṇamabhāvaḥ parikalapyate 'nyathā vastusaṃkaraprasaṃgād itivastuvyavasthāṃgamabhāvo 'bhyupagantavyaḥ tato vastu dharma evābhāvovastuvyavasthāṃgatvād bhāvavat nanu ca yathā pramāṇaṃ prameyavyavasthāṃgamapi na prameyadharmas tathā vastuvyavasthāṃgam apy abhāvo na vastudharmaḥ syāt yo yad vyavasthāṃgaṃ sa tad dharma iti niyamābhāvāt vyabhicāradarśanāt na hy abhāvavyasthāṃgaṃ ghaṭadir bhāga iti tasyābhāvadharmatvaṃpratīyeteti kaścit so 'py anālocitavacanaḥ pramāṇasyāpi prameyadharmatvāvirodhāt pramāṇaṃ hi jñānam avisaṃvādakam iṣyatetac ca prameyasyātmano dharmaḥ karaṇasādhanatāpekṣāyāṃ pratīyate evaṃ pramitiḥ pramāṇam iti bhāvasādhanāpekṣāyāṃ tupramāṇasyātmārthasya dharmatvam apīti siddhaṃ prameyadharmatvam ātmanaḥ pramitirarthasya pramitir iti saṃpratyayāt tathā ghaṭāder bhāvasyābhāvadharmatvamapi na viruddhyate mṛdo ghaṭa iti yathā mṛddharmo ghaṭa iti tathāsuvarṇādyabhāvasya mṛdo dharma ity api prayujyata evasuvarṇādyabhāvasyāsuvarṇamṛdādisvarūpatvāt tato na vyabhicāraḥ kiṃ ca hetorvipakṣe kārtsnyenābhāvo hetudharma iti svayam icchan kathaṃhetulakṣaṇavastuvyavastāṃgasyābhāvasya heturūpavastudharmatvaṃ necchet yattuna vastu vyavasthāṃgam abhāvatattvaṃ tad ameyam evaṃbhāvaikāntatattvavat

tad evaṃ paraparikalpitaṃ sāmānyaṃ vasturūpam arūpaṃ vāyathā na vākyārthas tathā vyaktimātraṃ parasparanirapekṣam ubhayaṃvā na vākyārthaḥ samavatiṣṭhate tasyāmeyatvātsakalapramāṇagocarātikrāṃtattvāt

kiṃ tarhi vākyam abhidadhātīti sūribhir avasthāpyate

visadṛśapariṇāmo viśeṣaḥ sadṛśapariṇāmaḥ sāmānyaṃ tābhyāṃ viṣaktāś ca te ca te bhedāś cadravyaparyāyavyaktirūpās teṣāṃ vidhivyavacchedau tadvidhāyi vākyam iti ghaṭanā tatra ghaṭamānayeti vākyaṃ nāghaṭānayanavyavacchedamātravidhāyītighaṭānayanavidher api tenābhidhānāt anyathā tadvidhānāyavākyāntaraprayogaprasaṃgāt tasyāpy atadvyavacchedavidhāyitvetadvidhānāyāparavākyaprayoga ity anavasthānuṣaṃgāt na kadācidghaṭānayanavidhipratipattiḥ syād iti pradhānabhāvena vyavacchedavidhāyyapi vākyaṃ guṇabhāvena vidhividhāyi pratipattavyaṃ vidhimātravidhāyy eva vākyam ity apy ayuktaṃ tadanyavyacchedena vināvidhipratipatter ayogāt taditaravyavacchedāya vākyāntaraprayogāpattestasyāpi tadvidhimātravidhāyitve 'tadvyavacchedāyavākyāntaraprayogād anavasthitiprasaṃgāt tataḥ pradhānabhāvenavidhipratipādakaṃ vākyaṃ guṇabhāvena vyavacchedavidhāyi pratipādanīyaṃ

jāter eva vidhivyavacchedobhayaṃ pradhānaguṇabhāvena vākyamabhidhatte ghaṭānayanasāmānyasya vidhānādaghaṭānayanādisāmānyasya tatpratipakṣasya vyavacchedād iti matāntaram api na yuktimat bhedavidhivyavacchedavidhāyitvād vākyasya bhedo hi vyaktirdraṃvyaguṇakarmalakṣaṇā tatra dravyaguṇayor guṇabhāvenakriyāyāḥ prādhānyena vidhivyavacchedavidhāyitvapratīter vākyasya na jātereva vidhivyavacchedavidhāyi vākyaṃ vyavatiṣṭhate etena karotyarthasya kriyāsāmānyasyārthabhāvanārūpasya vidhāyakaṃ vākyaṃśabdabhāvanārūpasya vā śabdavyāpāralakṣaṇasyeti pratikṣiptaṃ yajyādikriyāviśeṣasyāpi vākyenābhidhānān niyogaviśeṣavad anyathā tadviśeṣe pravṛttyabhāvaprasaṃgāt lakṣitalakṣaṇayā tatrapravṛttau śabdapravṛttivirodhāt śabdapratipannasāmānyaliṃgādeva viśeṣepravarttanāt śabdamūlatvāt tatpravṛtteḥ śābdatve paraṃparayāśrotreṃdriyapūrvakatvāt tatpravṛtteḥ akṣajajñānanimittatvaprasaṃgāt etenaivasanmātrasāmānyasya vidhāyakaṃ vākyam ity api vyudastaṃ sadviśeṣasyāpivākyenābhidhīyamānasya pratīter dhātvarthaviśeṣavat bhedasyaivavidhivyavacchedavidhāyi vākyam iti matam api na śreyaḥ sāmānyaviṣaktabhedavidhivyavacchedavidhāyitvād vākyasyasadṛśapariṇāmalakṣaṇāsāmānyaviśiṣṭasyaiva hi bhedasya dravyaguṇakriyākhyasyavidhivyavacchedavidhāyitāyāṃ vākyasya saṃketavyavahārakālānvayaḥsyān nānyathā'tiprasaṃgāt sāmānyaviṣaktabhedasyaivavidhivyavacchedavidhāyi vākyam iti darśanam api svaruciviracitam eva viśeṣasāmānyaviṣaktabhedavidhivyavacchedavidhāyitvād vākyasyasādṛśyasāmānyaviśiṣṭasyeva visadṛśapariṇāmalakṣaṇaviśeṣaviśiṣṭasyāpi bhedasya vidhivyavacchedavidhānapratīterabādhyamānāyāḥ prekṣāvadbhir āśrayaṇīyatvāt tatra bhedasyadravyādivyaktirūpasyāviśiṣṭatā samānatā sāmānyaviṣaktatā syādabhedabuddheḥ samānabuddhes tena samāno 'yam anena samānaḥ sa ityabhedabuddhiḥ sadṛśapariṇāmātmakasāmānyam aṃtareṇānupapadyamānā tad eva sādhayatītikiṃ naścintayā nanv ekasāmānyayogāt samānabuddhir anvāyinī napunaḥ samānapariṇāmayogād iti cet na sāmānyavān iti pratyayaprasaṃgāt sāmānyatadvator bhedāt tayor abhedopacārātsamānapratyaya iti cet na tathā'pi sāmānyam iti pratyayaprasaṃgāt yathaivahi yaṣṭiyogāt puruṣo yaṣṭir iti pratīyate tadabhedopacārāttathā sāmānyayogāt dravyādiḥ sāmānyam iti syān na tu samāna iti bhāvapratyayalopalakṣaṇābhāvāt

syān mataṃ sāmānyasya vācakaḥ samānatāśabdo 'stīti tena samānena yogāt sāmāno dravyādir iti pratyayaḥ syād iti tad apy asad eva sāmānyaśabdavācyasya vastunaḥsamānaśabdavācyatvāpratīteḥ samānānāṃ bhāvaḥ sāmānyaṃ jātir na punaḥsamāna eva sāmānyam iti svārthikaṣṭyaṇpratyayaḥ kriyate yenasamānaśavdavācyaṃ sāmānyaṃ syāt na ca dravyādibhyo bhinnaṃsāmānyam anvayapratyayāt siddhyati nāma parāparasāmānyeṣusāmānyāntarasiddhiprasaṃgāt tathā cānavasthā syāt sudūram apigatvā'nvayapratyayāt sāmānyāntarasyāsiddhau prathamato 'pitadanvayapratyayāt sāmānyaṃ mā bhavatu sarvathā viśeṣābhāvāt dravyādiṣv anvayabuddhir abādhitatayā'nupacaritā sāmānyeṣv anvayabuddhirupacaritā'navasthā prasaṃgena bādhitatvād iti viśeṣābhyupagamo 'pi nayuktaḥ sarvavyaktiṣu sāmānyasyaikasyāneśasyadeśakālādibhinnāsu yugapadvṛttivirodhena bādhitasyānvayabuddhayāviṣayīkriyamāṇasyāsaṃbhavād asyāpy anvayapratyayasyānupacaritatvāsiddheḥsamarthanāt nanv evaṃ sadṛśapariṇāmarūpasyāpi sāmānyasyānvayabuddheḥ kutaḥprasiddhiḥ samānapariṇāmeṣv apy anvayabuddheḥsamānapariṇāmāntaraprasaṃgād anavasthāyāḥ bādhikāyāḥ saṃbhavatā samānapariṇāmasyaikaikatrabhede bādhāsaṃbhavāt tasyānekasthatvād iti cet na samānapariṇāmānām api samānapariṇāmāntarapratītes teṣām anantatvādanavasthānavakāśāt yathaiva hi ghaṭeṣu ghaṭākārasamānapariṇāmaḥpratyekam aparaghaṭapariṇāmāpekṣaḥ pratīyate samānā ete ghaṭāḥ ititathā ghaṭasamānapariṇāmeṣv api mṛdākārasamānapariṇāmāntaraṃpratibhāsata eva 'mṛdākāreṇa samānā ete ghaṭasamānapariṇāmāḥ' iti teṣv api mṛdākārasamānapariṇāmāntareṣupārthivākārasamānapariṇāmāntarāṇi pārthivākāreṇa samānā ete mṛdākārasamānapariṇāmā iti pratibhāsanāt pārthivākārasamānapariṇāmeṣv api mūrttatvākārasamānapariṇāmāntarāṇi teṣv apidravyatvākārasamānapariṇāmāntarāṇi teṣv api sattvapariṇāmāntarāṇi teṣvapi vastutvapariṇāmāntarāṇi teṣv api prameyatvapariṇāmāntarāṇi teṣv api vācyatvapariṇāmāntarāṇi teṣv apijñeyatvapariṇāmāntarāṇi teṣv api punaḥ sattvādipariṇāmāntarāṇi praticakāsaṃti bhedanaya prādhānyān na teṣāṃ valayavadādir aṃto vā vidyateyato 'navasthā bādhikā syāt nāpy ekaikatra bhede samānapariṇāmo virudhyate tasya saṃyogavadanekasthatvābhābāt biśeṣavadanekāpekṣayaiva tadabhivyakteḥ kṛśatvādyapekṣayā sthūlatvādivat naca samānapariṇāmo 'rthānām apāramārthika evāpekṣikatvād itiniścetuṃ śakyaṃ saṃvidvaiśadyena vyabhicārāt na hivṛddhākṣasaṃvedanāpekṣayā kumārasaṃvedanānāṃ viśadataratvam āpekṣikaṃ na bhavatitadaviśeṣaprasaṃgāt nā'pi tadapārimārthikaṃ yena na vyabhicāraḥsyāt yadā tu pariṇāmapariṇāminor abhedanayaprādhānyāt kathaṃcittādātmyaṃ pratipādyate tadā dravyeṣu dravyatvasamānapariṇāmodravyasvarūpam eva tasya ca dravyatvapariṇāmasya sattvādisamānapariṇāmāntaraṃ dravyasyaiva pratīyate tato 'rthāntarabhūtasyadravyatvapariṇāmasyāsaṃbhavād iti kuto 'navasthā'vakāśaṃ labhate yadi vāyeṣv eva dravyeṣu dravyatvasamānapariṇāmas teṣv evasattvādipariṇāmāntarāṇi vyavatiṣṭhaṃte kevalaṃ tair ivaikārthasamavāyabalātdravyatvasamānapariṇāmo vyapadiśyate saṃkhyādiguṇāntarair iva rūpādiguṇā itisarvaṃ niravadyaṃbhedābhedobhayanayapradhānabhāvārpitasamānapariṇāmalakṣaṇāsāmānyaviṣaktabhedavidhivyavacchedavidhāyitvaniścayādvākyasyānyathā nirviṣayatvaprasaṃgāt yathā cābhedabuddherdravyatvādivyakter aviśiṣṭatā syāt tathā vyāvṛttibuddheś ca viśiṣṭatāte bhagavataḥ syād vādadivākarasyeti saṃpratīyate visadṛśapariṇāmalakṣaṇohi viśeṣas tadviṣaktatāviśiṣṭatā sā cedam asmādvyāvṛttam itivyāvṛttibuddher adhyavasīyate nanu cāyaṃ viśeṣo'smādviśeṣāntarād vyāvṛtta iti vyāvṛttibuddher api viśeṣeṣuviśeṣāṃtarasiddhiprasaṃgād anavasthā syāt tatra viśeṣāntarābhāve 'pivyāvṛttibuddheḥ saṃbhave sarvatra tato viśeṣasiddhir na bhaved iti kecit te 'pina samīcīnabuddhayaḥ samānapariṇāmadbhedābhedanayaprādhānyādanavasthānupapatteḥ bhedanayād ānaṃtyasiddher viśeṣāṇāmabhedanayāc ca dravyeṣv eva viśeṣāntarāṇām api saṃbhavāt bhedābhedanayāttu tadekārthasamavāyibhir viśeṣāntarair viśeṣasyavivakṣitavyapadeśasiddheḥ vyāvṛttibuddher viśiṣṭatāsādhanaṃ sādhīya evānvayabuddheḥsamānatāsādhanavat tatoviśeṣasāmānyaviṣaktabhedavidhivyavacchedavivāyi vākyam iti sūribhir abhidhīyate prātītikatvāt

yathā ca viśeṣasāmānyaviṣaktabhedavidhivyavacchedātmako viṣayaḥ pratītibalād vākyasya vyavasthāpitas tathā vākyamapi paramāgamalakṣaṇaṃ tadātmakam eveti pratipādayanti

sarve ca te 'ntāś ceti svapadārthavṛttermatvarthīyaḥ pratyayo yujyate 'nyapadārthavṛtteḥ paratve 'pi sarvaśadbādautadapavādāj jātyarthādivat sarve 'ntāḥ yasya tatsarvāntam iti paratvādbahubrīhau sati tenaiva mattvarthasya pratipādanāt matvarthīyo nasyād vīrapuruṣako grāma iti yathā sarvaśabdādes tu padād anyatrabahubrīhir ity apavādavacanāt sarvaśabdādeḥ padasya karmadhāraya eva bhavatiyathā sarvavījī karṣakaḥ sarvakeśī naṭa iti tena sarvāntāḥ saṃtyasminniti sarvāntavattīrtham idaṃ paramāgamavākyam iti saṃbaṃdhanīyaṃ tarati saṃsāramahārṇavaṃ yena nimittena tat tīrtham iti vyutpatteḥ sarvāntāḥ punaraśeṣadharmāviśeṣasāmānyātmakadravyaparyāyavyaktividhivyavacchedāḥ pratipattavyāḥ samāsatas tair evānaṃtānāmapi dharmāṇāṃ saṃgrahāt tatra syād asty eva vākyaṃsvarūpādicatuṣṭayād iti vidhidharmavākyaṃ syān nāsty eva pararūpādicatuṣṭayāditi vyavacchedadharmavākyaṃ svarūpaṃ tu vahirvākyasyaparasparāpekṣayā padasamūho nirākāṃkṣaḥ sahabhuvām iva nānāpravaktṛkāṇāṃkramabhuvām api samūhasya vyavahārasiddheḥ pratyāsattiviśeṣasadbhāvāt antarvākyasya tu pūrvapūrvapadajñānāhitasaṃskārasyātmano'ntyapadajñānāt samudāyārthapratibhāsas tadvyatiriktasya sphoṭasya prāgeva pratikṣiptatvāt tad etat dvividham api vākyaṃ svarūpata evāstina punaḥ pararūpataḥ sarvātmakatvaprasaṃgāt pararūpata eva ca nāstina punaḥ svarūpataḥ sarvābhāvaprasaṃgāt tato vastutvasiddhiḥspapararūpopādānāpohanātmakatvād vastunaḥ tathā svadravyaṃ śabdasya tadyogyapudgaladravyaṃ śabdātmano vākyasyaśudgalaparyāyatvavyavasthiteḥ paryāyo hi kāryadravyarūpo guṇarūpaḥ kriyārūpovānādyaparyantadravyasya syādvādibhir abhidhīyate tatrapudgaladravyasyānādinidhanasya paryāyaḥ śabdo dravyam anityam iti tāvan niścīyate dravyaṃ śabdaḥ kriyāguṇayogitvāt pṛthivyādivat kriyāvāṃś ca śabdaḥ pravaktṛdeśād deśāntaraprāptidarśanāt sāyakādivat tathāsaṃkhyāsaṃyogavibhāgādiguṇāśrayatvena pratīyamānatvāt guṇavān api śabdaḥ prasiddhaḥ pṛthivyādivad eva na hi śabdeṣu saṃkhyā napratibhāsate kasyacid ekaṃ vākyaṃ dve vākye trīṇi vākyānītyādisaṃkhyāpratyayasyābādhyamānasya pratīyamānatvāt tathā kṣakārādīnāṃ saṃyuktākṣarāṇāṃ pratīteḥ saṃyogo pi śabdānāṃ pratīyataeva kṣakārāder jātyantarasyotpatterasaṃyogātmakatvaparikalpanāyāṃ daṃḍapuruṣasaṃyogo 'pi mā bhūt tathā daṃḍino jātyaṃtarasyadravyasya prādurbhāvād iti sarvaṃ pratitibādhitam anuṣajyate tataḥpratītim abādhitām icchadbhiḥ śabdaḥ kriyāguṇayogī tathā pratīterabhyupagaṃtavyaḥ etena na kriyāguṇayogī śabdo 'varaguṇatvāttanmahattvavad ity anumānaṃ pratyuktaṃ pakṣasya pratyakṣānumānabādhitvātkālātyayāpadiṣṭatvāc ca hetoḥ śabdasyākāśaguṇatvāsiddheś ca ākāśaviśeṣaguṇaḥ śabdaḥ sāmānyaviśeṣavattvesatyākāśātmakakaraṇagrāhyatvāt yo padātmakakaraṇagrāhyaḥ sa tadviśeṣaguṇo dṛṣṭoyathā pṛthivyātmakakaraṇagrāhyo gaṃdhaḥ pṛthivīviśeṣaguṇaḥ ākāśātmakaśrotragrāhyaś ca śabdas tasmād ākāśaviśeṣaguṇa ityanumānādākāśaviśeṣaguṇatvasiddhir ity api na samyak satpratipakṣatvādanumānasya tathā hi nākāśaviśeṣaguṇaḥ śabdaḥ sāmānyaviśeṣavattve sati vāhyondriyapratyakṣatvād gaṃdhādivad itipratipakṣānumānasya satyasya sadbhāvaḥ tathā na guṇaḥ śabdaḥ saṃskāravattvād vāṇādivadity anumānasya ca pratidvaṃdvinaḥ saṃpratyayāt saṃskāravattvamasiddhaṃ śabdasyeti cet na vegasya saṃskārasya śabdeṣu bhāvāt vaktṛvyāpārād utpannasya śabdasya yāvad vegaṃ prasarpaṇāt śabdasyaprasarpaṇam asiddhaṃ śabdāntarāraṃbhakatvād iti cet sa tarhi vaktṛvyāpārādekaḥśabdaḥ prādur bhavaty aneko vā yady ekas tarhi kathaṃ nānādikkānnānāśabdān ārabheta sakṛd iti ciṃtanīyaṃ sarvadikkanānātālvādiṃsaṃyogajanitavāyvākāśasaṃyogānām asamavāyikāraṇānāṃ bhāvāt samavāyikāraṇasya cākāśasya sarvagatatvāt sarvādikkanānāśabdān ārabhate sakṛd eko 'pi śabda iti cet naivaṃ teṣāṃśabdasyāraṃbhakatvasyāpy anupapatteḥ yathaiva hy ādyaḥ śabdo naśabdāntarajastālvādyākāśasaṃyogād evāsamavāyikāraṇād utpattes tathāsarvadikkaśabdāntarāṇy api na śabdārabdhāni tālvādivyāpārajanitavāyvākāśasaṃyogebhya evāsamavāyikāraṇebhyas teṣāmutpattighaṭanāt tathopagame ca saṃyogād vibhāgāc chabdāc caśabdāsyotpattir iti siddhāṃtavyāghātaḥ śabdāntarāṇāṃ prathamaḥ śabdo'samavāyikāraṇaṃ tatsadṛśatvād anyathā tadvisadṛśaśabdāntarotpattiprasaṃgoniyāmakābhāvād iti cet na prathamaśabdasyaśabdāntarasadṛśasyānyaśabdād asamavāyikāraṇād utpattiprasaṃgāt tasyāpyaparapūrvaśabdād iti śabdasaṃtānasyānāditvāpattiḥ yadi punaḥ prathamaḥ śabdaḥpravaktṛvyāpārād eva pratiniyatād evotpannaḥ svasadṛśāniśabdāntarāṇy ārabhata iti mataṃ tadā tata eva pravaktṛvyāpārātpratiniyatavāyvākāśasaṃyogebhyas tatsadṛśāni śabdāntarāṇi prādurbhavantu kimādyena śabdenāsamavāyikāraṇeneti na śabdāc chabdasyotpattirghaṭate naikaḥ śabdaḥ śabdāntarāṇām āraṃbhakaḥ saṃbhavati athā'nekaḥ śabdaḥ prathamata utpannaḥ śabdāntarāṇi nānādikkānyārabhate itidvitīyaḥ pakṣaḥ kakṣīkriyate tatrā'py ekasmāttālvādyākāśasaṃyogāt katham anekaḥ śabdaḥ prādurbhaved ahetukatvaprasaṃgād ekasmādekasyaivotpatteḥ śeṣasya hetvabhāvāt na cānekatālvādyākāśasaṃyogaḥ sakṛd ekasya vaktuḥ saṃbhavati prayatnaikatvāt na ca prayatnamantareṇa tālvādikriyāpūrvako 'nyatarakarmajas tālvādyākāśasaṃyogaḥprasūyate yato 'nekaḥ śabdaḥ syāt prādurbhavan vā kutaścid ādyaḥśabdo'nekaḥ svadeśa śabdāntarāṇy ārabhate deśāntare vā na tāvat svadeśe deśāntareṣu tacchravaṇavirodhātbhinnadeśasthaśrotṛjanaśrotreṣu samavāyābhāvāt tatrāsamavetasyāpy anekasyaśabdāntarasya śravaṇo śrotrasyāprāpyakāritvāpatteḥśabdāntarāraṃbhaparikalpanāvaiparthyāc cādyasyaiva śabdasya nānādikkairyaugyadeśasthaiḥ śrotṛbhiḥ śravaṇasyotpatteḥ anekādyaśabdaparikalpanāvaiyarthyāc catasyaikasyaiva svadeśe prādurbhūtasya nānāśrotṛbhir upalaṃbhāt svadeśesato rūpasya nānādṛṣṭibhir upalaṃbhavat syān mataṃ nāyanaraśamayaḥ prāpya rūpam ekadeśavartty api nānādraṣṭṛjanānāṃ rūpopalaṃbhaṃjanayaṃti na punar aprāpya yena rūpopalaṃbho dṛṣṭāntaḥśabdopalaṃbhasyāprāpter eva śrotraiḥ sādhyata iti tad api na śreyaḥ śrotravivattaviśeṣaiḥ prāptasyaiva śabdasyopalaṃbhaprasaṃgāt śakyaṃ hivaktuṃ nānādeśasthajanakaraṇāni prāpya śabdam ekam upalaṃbhayanti sakṛnnānādigdeśavartibhiḥ pratipattṛbhir upalabhyamānatvāt rūpavad iti gaṃdhena vyabhicāra iti cet na tasyāpi pakṣīkṛtatvāt so 'pi kastūrikādidravyavarttī nānādigdeśavartibhir janair upalabhyamānaḥsvasvaghrāṇakaraṇaiḥ kathaṃcit saṃprāpta evopalaṃbhahetur ghaṭategaṃdhasya deśāntarasthajanaghrāṇeṣu gamanāsaṃbhavād guṇasya niṣkriyatvādgaṃdhaparamāṇūnāṃ gamane 'pi tatsamavetagaṃdhasyānupalabhyamānatvāt anekadravyeṇa samavāyādrupaviśeṣāc ca rūpopalabdhir ity anuvarttamāne etena gaṃdharasasparśeṣu jñānaṃ vyākhyātam iti vaiśeṣikair abhidhānāt gandhadravyāvayavinām upalabdhilakṣaṇaprāptānāṃ deśāntareṣu gamanetu maulakastūrikādidravyavyayaprasaṃgas tasyaiva sarvadikkaṃkhaṃḍāvayavirūpāvayavānāṃ tadāraṃbhakānāṃ gamanāt yadi punane kastūrikādidravyasya paramāṇavo gaṃdhasamavāyino gacchaṃti nā'pikhaṃḍāvayavinas tadāraṃbhakāvayavās tato gandhadravyāntarāṇām utpatteriti mataṃ tadā'pi tadāraṃbhakaiḥ pārthivaiḥ paramāṇubhir bhavitavyaṃdvyaṇukādibhir vā'nupalaṃbhair evopalabdhilakṣaṇaprāptānāṃpārthivāvayavinām upalabdhiprasaṃgāt na cānupalabdhilakṣaṇaprāptaiḥpārthivadravyair ārabdheṣu dravyāṃtareṣu samavetasya gaṃdhasyopalabdhir yujyateparamāṇusamavetagaṃdhavad iti na gandhadravyāntarāṇi kastūrikādigandhadravyāmārabhante yataḥ prāptāny eva dūrasthapratipattṛghrāṇatadviṣayatāmanubhaveyur ghrāṇendriyavivṛtibhis tu gatvā gandhasya grahaṇe proktadoṣānavakāśaiti śrotraghrāṇarasanasparśanāni gatvā svaviṣayajñānaṃjanayanti vāhyendriyatvāc cakṣurvadanyathā teṣām aprāpyakāritvaprasaṃgāt tato na vyabhicāraḥ śabdasya nānādikkajanakaraṇairgrahaṇāsādhanasyoktahetor iti nādyād anekasmād api śabdāc chābdāntarotpattiḥsaṃbhavatīti sarvadikkaparāparaśabdaprasarpaṇaṃ yāvad vegamabhyupagantavyaṃ tathā ca saṃskārākhyaguṇayogitvaṃ nāsiddhaṃ yataḥ sūktam idaṃ na syāt'na guṇaḥ śabdaḥ saṃskāravattvād vāṇādivad iti 'pudgaladravyaparyāyātmakatve tu gaṃdhādivad ity abhyanujñāyamāne na kiṃcid bādhakamasti nanu ca na sparśavat dravyaguṇaḥ śabdo 'smadādipratyakṣatvesatyakāraṇaguṇapūrvakatvāt sukhādivad iti bādhakasadbhāvān napudgaladravyaparyāyatvaṃ śabdasya vyavatiṣṭhate sukhāder api tathābhāvaprasaṃgād itikaścit so 'pi svadarśanapakṣapātī parīkṣyamāṇasyākāraṇaguṇapūrvakatvasyāsiddhatvāt kāraṇaguṇapūrvakaḥ śabdaḥ pudgalaskandhaparyāyatvācchāyātapādivat pudgalaskaṃdhaparyāyaḥ śabdo'smadādivāhyendriyapratyakṣatvāt tadvat na ghaṭatvādisāmānyena vyabhicāras tasyāpisamānapariṇāmalakṣaṇasya pudgaladravyaparyāyatvasiddheḥ tadasiddhamevākāraṇaguṇapūrvakatvaṃ śabdasya na sādhyasiddhinibaṃdhanaṃkāraṇaguṇapūrvakatvena sādhanāt hetuviśeṣaṇaṃ cāsmadādipratyakṣatve satītivyartham eva paramāṇurūpādivyabhicāranivṛttyarthaṃ tad iti cet na paramāṇurūpādīnām api kāraṇaguṇapūrvakatvasiṃddheḥ paramāṇūnāṃ skaṃdhabhedakāryatvāt tadaguṇapūrvakavyavasthiteḥ paramāṇu rūpādīnāmiti nirṇītaprāyaṃ yad apy uktaṃ na sparśavaddravyaguṇaḥ śabdo'smadādipratyakṣatve satyayāvaddravyabhāvitvāt sukhādivaditi tad apy ayuktaṃ viruddhatvāt sādhanasya tathā hi sparśavaddravyaguṇaḥśabdo 'smadādipratyakṣatve satyayāvaddravyabhāvittvād rūpādiviśeṣavat nātra sādhanivikalam udāharaṇaṃ rūpādiviśeṣāṇāṃyāvatpudgaladravyam abhāvāt pūrvarūpādivināśād uttararūpādiviśeṣaprādurbhāvāt nā'pi sādhyavikalaṃ rūpādiviśeṣāṇāṃ sparśavaddravyaguṇatvāvasthiteḥ sukhādibhir vyābhicāraḥ sādhanasyeti cet nāsmadādipratyakṣatve satīti viśeṣaṇāt na ca sukhādayaḥśabdavad'smadādīnāṃ bahūnāṃ pratyakṣāḥ svasaṃvedanapratyakṣeṇa tukasyacit sukhādayaḥ svasyaiva pratyakṣā na punar nānāsmadādīnām itina tair vyabhicāraḥ svasyāpy asmadādigrahaṇena gṛhītatvātsvapratyakṣatvam apy asmadādipratyakṣatvaṃ sukhādīnāṃpratyakṣasāmānyāpekṣayāsmadādipratyakṣatvavacanād iti cet tathā'pi na sukhādibhirvyabhicāraḥ syādvādibhiḥ sāṃsārikasukhādīnāṃ kathaṃcitsparśavaddravyaguṇatvasya pratijñānāt yathaiva hy ātmaparyāyāḥsukhādayaś cidrūpasamanvayās tathā sadvedyādipaudgalikakarmadravyaparyāyāśca svaparataṃtrīkaraṇarūpasamanvayād audayikabhāvānāṃkarmadravyasvabhāvatvasiddheḥ muktasukhajñānadarśanādibhis tu guṇairasparśavaddravyātmaguṇair na vyabhicāras teṣām asmadādyapratyakṣatvādasmadādiviśiṣṭayogipratyakṣaviṣayatvāt teṣām ayāvadūdravyabhāvitvābhāvāc cānaṃtatvenayāvad ātmadravyaṃ bhavanaśīlatvāt tato niravadyam evaviruddhasādhanatvam etasya hetor iti sparśavad dravyaparyāya eva śabdaḥ pratītibalātsiddhiḥ śabdayogyapudgalānāṃ sarvatra bhāvād anyathākacittalvādikāraṇasadbhāve 'pi śabdapariṇāmānutpattiprasaṃgāt na caśabdapariṇāmanimittasannidhau kvacit kadācic chabdānutpattiḥ syāt sa caśabdapariṇāmo naika eva nānāśrotṛbhiḥ śravaṇavirodhāt śrotrasyāprāpyakāritvān na tadvirodha iti cet na tasyāprāpyakāritve karṇaśaṣkulyantaḥ praviṣṭamaśakaśabdagrahaṇayogāt cakṣuṣo'prāpyakāriṇaḥ tārakāprāptāṃjanādigrahaṇadarśanāt tathā cedamabhidhīyate nāprāpyakāri śrotraṃ prāptaśabdagrahaṇāt sparśanādivat yat punar aprāpyakāri tan na prāptaviṣayagrāhi dṛṣṭaṃ yathā cakṣuriti niścitavyatirekād anumānād aprāpyakāritvapratiṣedhaḥ śrotrasyaśreyān eva nanu cāprāpyakāriṇā manasā prāptasya sukhādergrahaṇād vyabhicāra iti cen na sukhāder ātmani samavetasya manasāprāptyabhāvāt manasā saṃyukte puṃsi sukhādeḥ samavāyātsaṃyuktasamavāyāprāptir iti cet na dūrasthair api manasaḥprāptiprasaṃgāt manasā saṃyuktasyātmanas taiḥ saṃyogāt saṃyuktasaṃyogasyaprāptitvāt sākṣāt tair aprāptir manasa iti cet sukhādibhir apisākṣātprāptiḥ kim asti paraṃparayā tair bhanasaḥ prāptis tu naprāpyakāritvaṃ sādhayati dūrārthair iveti sarvatrā'py aprāpyakāritvemanasas tato na tena vyabhicāra iti śreyān eva śrotrasyaprāpyakāritvasādhano hetuḥ ye tv āhuḥ śabdo 'prāpta eveṃdriyeṇa gṛhyatedūrāditvena gṛhyamāṇatvād rūpavad iti te 'pi na parīkṣakāḥ gaṃdhenavyabhicārāt sādhanasya gandhadravyasya gandhādhiṣṭhānasyadūrāditvāt gaṃdhasya dūrāditvena gṛhyamāṇatvān na tenavyabhicāra iti cet na śabdasyāpi tadadhiṣṭhānabheryādidūrāditvena dūre śabdodūratare dūratame veti grahaṇād upacārāt dūrāditvena gṛhyamāṇatvasyahetoḥ paramārthato 'siddhatvāpatteḥ tataḥ prāpta eva śabdovivādāpannaḥ parigṛhyate śabdatvātkarṇaśaṣkulyantaḥpraviṣṭamaśakaśabdavad iti prāpyakāri śrotraṃ siddhaṃ tathā caikasya śabdasyayugannānādeśasthajanaśrotraiḥ prāptyasaṃbhavānnānāśabdapariṇāmāḥ sarvadikkāḥ prajāyante svapratibandhakakuḍyādyasaṃbhavesvāvarodhakanalikādyasaṃbhave ca svapratighātakaghanatarakuḍyādivirahe casati gaṃdhapariṇāmavat samānāś ca sarve gavādiśabdavivarttāḥsamānatālvādikāraṇaprabhavatvāt samānakastarikādidravyaprabhavagandhavivarttavat śabdopādānapudgalānāṃ sarvaśabdapariṇāmasamarthānāṃ sarvatrasadbhāve 'pi pratiniyatahetuvaśāt prativiśiṣṭaśabdapariṇāmāś caniścīyante gandhopādānapudgalānāṃ sarveṣāṃ sarvatrasarvagandhapariṇāmasamarthānāṃ saṃbhave 'pi pratiniyatahetugandhavaśātprativiśiṣṭagandhapariṇāmavat

nanu ca vāyava eva śabdopādānaṃ teṣāṃ sarvatra sarvadāsadbhāvād anyathā vyaṃjanādinā tadabhivyakter ayogādvegavadvāyvantareṇābhighātāc ceti kecit te 'pi vāyavīyaṃ śabdam ācakṣāṇāḥśrotragrāhyaṃ katham ācakṣīran tasya sparśanagrāhyatvaprasaṃgātsparśavat tathā hi vāyavīyasparśanendriyagrāhyaḥ śabdovāyvasādhāraṇaguṇatvāt yo yadasādhāraṇaguṇaḥ sa tadindriyagrāhyaḥ siddhoyathā pṛthivyaptejo 'sādhāraṇaguṇogaṃdharasarūpaviśeṣaguṇaḥ pārthivāpyataijasaghrāṇarasananayanendriyagrāhyaḥ vāyvasādhāraṇaguṇaśca śabdas tasmād vāyavīyasparśanendriyagrāhya itiśrotraparikalpanāvaiyarthyam āpadyate yadi punar ākāśasahakārikaraṇātvācchabdasyākāśasamavāyena śrotreṇa grahaṇam urarīkriyate tadā sparśasyā'piśrotragrāhyatvaprasaṃga stasyāpy ākāśasahakārivāyūpādānatvācchabdavat gandhādīnāṃ ca śrotravedyatvaṃ syādākāśasahakāripṛthivyādyupādanatvāt na hyākāśaṃ kasyacid utpattau svopādānāt sahakārina bhavet sarvotpattimatāṃ nimittakāraṇāt kālādivat syānmataṃ nā'yaṃ niyamo 'sti yo yadasādhāraṇaguṇaḥ sa tadindriyagrāhya iti pārthivasya paṃcaprakārasya varṇasyaṣaṭprakārasya rasasyānuṣṇāśītasya pākajasya sparśasya capārthivaghrāṇeṃdriyagrāhyatvaprasaṃgāt tathā śītasparśasya śītasya ca rūpasyāpyarasanendriyavedyatvaṃ taijasasya coṣṇasparśasya taijasacakṣur vedyatvaṃkathaṃ vinivāryeta tanniyamakalpanāyām iti yasya yasmād iṃdriyād vijñānamutpadyate tasya tadiṃdriyagrāhyatvaṃ byavatiṣṭhate tathā pratīteratilaṃghayitum aśakteḥ kevalamiṃdriyasya pratiniyatadravyopādānatvaṃ sādhyatepratiniyataguṇagrāhayakatvād iti tad etad asāraṃ pratiniyatadravyopādanatvasya ghrāṇādīnāṃ sādhayitum aśakyatvāt pārthivaṃ ghrāṇaṃrūpādiṣu sannihiteṣu pārthivagandhasyaivābhivyaṃjakatvānnāgakarṇikāvimardakakaratalavad ity anumānasya sūryaraśmibhir udakasekena cānekāntāt dṛśyate hi tailābhyaktasya sūryamarīcibhir gandhābhivyaktir bhūmes tūdakas ekeneti tathārasaneṃdriyam āpyam eva rūpādiṣu sannihiteṣu rasasyaivābhivyaṃjakatvāl lālāvadity atrā'pi hetor lavaṇena vyabhicārāt tasyānāpyatvenarasābhivyaṃjakatvasiddheḥ tathā cakṣus taijasam eva rūpādiṣusannihiteṣu rūpasyaivābhivyaṃjakatvāt pradīpādivad ity atrā'pi hetormāṇikyodyotena vyabhicārāt na ca māṇikyaprabhā taijasīmūloṣṇadravyavatī prabhā tejastadviparītā bhūr iti vacanāt tathāvāyavyaṃ sparśanaṃ rūpādiṣu sannihiteṣu sparśasyaivābhivyaṃjakatvāttoyaśītasparśavyaṃjakavāyvavayavivad ity atrā'pi karpūrādināsalilaśītasparśavyaṃjakena hetor vyabhicārāt pṛthivyaptejaḥsparśābhivyaṃjakatvāc casparśanendriyasya pṛthivyādikāryatvaprasaṃgāc ca vāyusparśābhivyaṃjakatvādvāyukāryatvavat etena cakṣuṣas tejorūpābhivyaṃjakatvāt tejaḥkāryatvavatpṛthivyapsamavāyirūpavyaṃjakatvāt pṛthivyapkāryatvaprasaṃgaḥpratipāditaḥ rasanasya cāpy arasābhivyaṃjakatvādapakāryatvavatpṛthvīrasābhivyaṃjakatvāt pṛthivīkāryatvaprasaṃgaś ca tathā nābhasaṃ śrotraṃrūpādiṣu sannihiteṣu śabdasyaivābhivyaṃjakatvāt yat punar na nābhasaṃ tatraśabdābhivyaṃjakaṃ yathā ghrāṇādi śabdasyābhivyaṃjakaṃ ca śrotraṃtasmān nābhasam ity anumānasyāpy aprayojakatvātnabhoguṇatvāsiddheḥ śabdasya samarthanāt nabhasi samavetasya grahaṇasaṃbhavāt tato nendriyāṇi pratiniyatabhūtaprakṛtīni vyavatiṣṭhantepramāṇābhāvāt pratiniyateṃdriyayogyapudgalārabdhāni tu dravyeṃdriyāṇipratiniyatabhāvendriyopakaraṇatvānyathā'nupapatter bhāvendriyāṇāmeva sparśanādīnāṃsparśādijñānāvaraṇavīryāntarāyakṣayopaśamaviśeṣalakṣaṇānāṃ sparśādiprakāśakatvasiddher iti paudgalikaḥ śabdaḥpaudgalikadravyendriyābhivyaṃgyatvāt sparśarasagandhavarṇavat napunarvāyavīyo nabhoguṇo vā sarvagatamūrttanityadravya vā pramāṇābhāvāt prapaṃcataḥ pratipāditaṃ caitat tattvārthālaṃkāre pratipattavyaṃ tena śabdasya dravyaṃ pudgalākhyaṃ vbahiraṃgasya niścīyate tathā ca svadravyataḥ śabdātmakaṃ vākyam asti na paradravyataḥsarvātmakatvaprasaṃgāt paradravyataś ca nāsti vākyaṃ na punaḥ svadravyatastasyādravyātmakatvaprasaṃgād iti vidhipratiṣedhātmakaṃ vākyaṃsiddham tathā svakṣetrakālābhyām asti vākyaṃ na parakṣetrakālābhyāṃsarvakṣetrakālātmakatvaprasaṃgāt parakṣetrakālābhyām eva nāstina punaḥ svakṣetrakālābhyāṃ tasyākṣetrakālatvāpatteḥ tad evaṃsāmānyato vidhiniṣedhātmakaṃ vākyaṃ sarvāntavat kathyate sarvāntānāṃvidhiniṣedhābhyāṃ saṃgrahāt tadanātmakasya kasyacidantasyāsaṃbhavāt viśeṣatas tu bhedābhedātmakaṃ dravyaparyāyavyaktyātmakatvāt tatra dravyaṃ śabdaḥ kriyāvattvād vāṇādivad itiśabdayogyapudgaladravyārthādeśād dravyatvasiddhiḥ tathā paryāyaḥ śabdaḥprādurbhāvapradhvaṃsavattvād gaṃdhādivad iti śravaṇajñānagrāhyaśabdaparyāyārthādeśād itiparyāyatvasiddhiḥ tathā visadṛśapariṇāmaviśeṣātmakaṃsadṛśapariṇāmasāmānyātmakaṃ ca vākyaṃ śabdadravyāṇāṃ śabdaparyāyāṇāṃ ca nānātvātparasparāpekṣayā samānetarapariṇāmasiddher gandhādidravyaparyāyavaditi sarvāntavadvākyaṃ siddhaṃ dravyaparyāyasāmānyaviśeṣeṣusarvāntānām antarbhāvāt sarvasyāntasya tatsvabhāvānatikramāt

nanv evaṃ dravyaparyāyasāmānyaviśeṣātmakasyasarvāntavattve vākyasya yugapat tathā vyavahāraprasaṃga iti na śaṃkanīyaṃ tadguṇamukhyakalpam iti vacanāt dravyasya hi guṇatvakalpanāyāṃ paryāyasya mukhyatvakalpanāt paryāyo vākyam iti vyavahāraḥpravarttate paryāyasya tu guṇakalpanatve mukhyakalpaṃ dravyam itivākye dravyatvavyavahāraḥ pratīyate tathā sāmānyasya guṇakalpatveviśeṣasya mukhyakalpatvād viśeṣo vākyam iti vyavahriyate viśeṣasya ca guṇakalpatve sāmānyasya mukhyakalpanāt sāmānyaṃ vākyamiti vyavahārāt sunirṇītāsaṃbhadbādhakapramāṇātsarvāntavadvākyaṃ niścīyate saṃkaravyatikaravyatir ekeṇa sarvāntānāṃ tatravyavasthānād virodhādīnāṃ tatrānavakāśāt parasparāpekṣatvāt nacaivaṃ parasparanirapekṣam api sarvāntavad vākyaṃ kalpayituṃ śakyaṃ sarvāntaśūnyaṃ ca mitho 'napekṣam iti vacanāt na hi vidhinirapekṣoniṣedho sti kasyacit kathaṃcit kvacidvidhīyamānasyaivānyatrā'nyadānyathā niṣedhyamānatvadarśanāt nā'pi niṣedhanirapekṣovidhirasti sarvasya sarvātmakatvaprasaṃgāt tathā na dravyaparyāyau mitho'napekṣau tattadbhāvānyathānupapatteḥ nāpi sāmānyaviśeṣau mitho 'napekṣauvidyete tadbhāvavirodhād iti sarvāntaśūnyaṃ na mithonapekṣaṃ vākyaṃsiddhaṃ tadviṣayatvāt parasparanirapekṣāṇāṃ sarveṣām antānāmekatvādīnāṃ nirūpyamāṇānāṃ sarvathā'py asaṃbhavāt

tena yad uktaṃ dharmakīrtinā

tat syādvādinām abhimatam eva

ityādivat parasparanirapekṣāṇāṃ kenacid rūpeṇārthānāṃ vyavasthāpayitum aśakyatvāt tataḥ sarvāpadām antakaraṃtavaiva paramāgamalakṣaṇaṃ tīrthaṃ sakaladurnayānām aṃtakaratvāttatkāraṇaśārīrikamānasikavividhaduḥkhalakṣaṇānām āpadāmantakaratvopapattaḥ mithyādarśananimittā hi sarvāḥ prāṇinām āpada iti sarvamithyādarśanānām antakaraṃ tīrthaṃ sarvāpadām antakaraṃsiddhaṃ tata eva niraṃtaṃ kenacin mithyādarśanena vicchettum aśakteravicchedatvasiddheḥ tathā sarvodayaṃ tīrtham idaṃ tavaitra sarveṣāmabhyudayakāraṇānāṃ samyagdarśanajñānacāritrabhedānāṃ hetutvādabhyudayahetutvopapatteḥ sarva udayo 'bhyudayo 'smād iti sarvodayaṃ tīrthamidaṃ tavaiveti vacanāt pareṣāṃ tadasaṃbhavaḥ siddha eva

nanu paro 'py evaṃ brūyān nairātmyavādina eva tīrthaṃsarvodayaṃ sarvāpadāmantakaraṃ na punaḥ pareṣām iti tad uktam

tathā'nyaḥ paramātmavādī brūyāt paramabrahmaṇa evatīrthaṃ sarvodayaṃ na pareṣāṃ nairātmyavādyādīnāṃ tatrasaṃśayahetutvāt

tathā coktam

evam anyopiśvaravādīśvarāder eva tīrthaṃ sarvodayam itisyādvāditīrtham anekadhā dveṣṭi so 'pi

kāmaṃ yatheṣṭaṃ svadurāgamavāsanāvaśīkṛtāntaḥkaraṇaḥ sarvathaikāntavādī dviṣann apitavānekāntāmṛtasamudrasya tīrthaṃ darśanamohodayākulitabuddhis te taveṣṭam anekāntātmakamantarvahiś ca jīvāditattvaṃ samīkṣatāṃ parīkṣatāṃ samadṛṣṭiḥsanmadhyasthavṛttirūpapatticakṣur bhūtvā mātsaryacakṣuṣas tattvasamīkṣāyāmanadhikārād asamadṛṣṭeś ca rāgadveṣakaluṣitātmana ity ubhayaviśeṣeṇavacanamupapatticakṣuḥ samadṛṣṭir iti sa tathā samīkṣamāṇas taveṣṭaṃ śāsanaṃ tvayyeva bhagavati khaṃḍitamānaśṛṃgo bhavati dhruvam iti saṃbaṃdhaḥ māno hi sarvathaikāntābhimānaḥ sa eva śṛṃgaṃ svāśrayasya vivekaśūnyatayāpaśukaraṇāt khaṃḍitaṃ pratidhvastaṃ mānaśṛṃgaṃ yasya sakhaṃḍitamānaśṛṃgaḥ parityaktasarvathaikāntābhimāna ity arthaḥ tathā cā'bhadro'pi mithyādṛṣṭir api samaṃtabhadraḥ samantataḥ samyagdṛṣṭirbhavatīti tātparyaṃ abhadraṃ hi saṃsāraduḥkham anaṃtaṃ tatkāraṇatvānmithyādarśanam abhadraṃ tadyogān mithyādṛṣṭir abhadra iti kathyatesa ca samadṛṣṭir bhūtvopapatticakṣuṣā samīkṣamāṇas tavaiveṣṭaṃśraddhatte sarvathaikāntavādīṣṭasyopapattiśūnyatvāt tatropapattīnāṃ mithyātvāttadabhimānavināśāt tathā taveṣṭaṃ śraddadhānaś ca samyagdṛṣṭiḥ syātsamantād bhadrasya kalyāṇasyānaṃtasukhakāraṇasya samyagdarśanasyaprādurbhāvāt samantabhadro bhavaty eva sati darśanamohavigameparīkṣāyās tatkāraṇatvāt tattvaparikṣā hi kutaścitparīkṣyajñānāvaraṇavīryāntarāyakṣayopaśamaviśeṣāt kasyacit kvadācit kathaṃcitpravartteta sā ca pravartamānā tattvaniścayam atattvavyavacchedena ghaṭayati taddhaṭanā ca darśanamohopaśamakṣayakṣayopaśamasadbhāve tattvaśraddhānaṃsamyagdarśanaṃ prādurbhāvayati tenopapatticakṣuṣā samīkṣāṃ vidadhānaḥsamyagdṛṣṭiḥ samaṃtabhadraḥ syād iti pratipadyemahi bādhakābhāvāt na hiparīkṣāyām upapattibalān nairātmyam evopaśamavidher mārga itivyavatiṣṭhate

syān mataṃ janmaprabaṃdhasya kāraṇam ahaṃkāras tadbhāvebhāvāt tadabhāve cābhāvāt tasya cāhaṃkārasya kāraṇamātmadṛṣṭiḥ sācanairātmyabhāvanayā tadviruddhayā praśamyate tadupaśamāccāhaṃkāraś cetasi samūlatalam upaśāmyati tadupaśamāc ca dehināṃjanmaprabaṃdhasyopaśamo niścīyate tena tatkāraṇābhāvāt tenopapattivalādevopaśamavidher nairātmyabhāvanaiva mārgaḥ samavatiṣṭhate tadasad eva ātmadarśanasyaiva janmaprabaṃdhopaśamavidhimārgatvopapattestathā hi janmaprabaṃdhasya hetur ahaṃkāro mohodayanimitto'haṃtāmātranimitto vā prathamapakṣe nātmadṛṣṭihetukaḥ syād avidyātṛṣṇākṣaye'pi cittamātranibaṃdhanatvaprasaṃgāt saty evāvidyātṛṣṇodayecittam ahaṃkārasya hetur iti cet tarhi satyeva mohodaye 'haṃkāraheturātmadṛṣṭir iti kim anupapannaṃ dvitīyapakṣe tu yuktivirodhaḥsaṃsārasyāhaṃtāmātranimittatve muktasyāpi saṃsāraprasaṃgāt tatonāhaṃtāmātraṃ janmaprabaṃdhahetur avidya tṛṣṇāśūnyātvātsugatacittāhaṃtāmātravad ity upapattyā'haṃtāmātrahetutvaṃ saṃsārasya bādhyata eva na casugatacittasyāhaṃtāmātram api nāstīti yuktaṃ vaktuṃ svasaṃvedanasyāhaṃ sugata iti pratibhāsamānasyābhāvaprasaṃgāt na hy aham itivikalpo 'haṃtāmātraṃ sakalavikalpaśūnyasya yoginastadasaṃbhavāt nā'py aham asya svāmīti mamedabhāvo 'haṃtāmātraṃ tasyamohodayanittasya kṣīṇamohe yogini saṃbhavābhāvāt tato na sādhyaśūnyo dṛṣṭāntaḥ sādhanaśūnyo vā sugatacitte svayamavidyātṛṣṇāśūnyatvasya saugatair abhīṣṭatvāt nanv ātmadṛṣṭeravidyātṛṣṇāśūnyatvāsaṃbhavād ātmadṛṣṭer evāvidyātvād avidyāyā eva ca tṛṣṇāhetutvādavidyātṛṣṇāśūnyatvam asiddham eveti cet nātmadṛṣṭeravidyātvāsiddheś cittakṣaṇadṛṣṭivat yathaiva hi pratikṣaṇaṃ cittadarśanaṃ vidyātadantareṇa buddhisaṃcaraṇānupapattes tathānādyanaṃtātmadṛṣṭirapi tadabhāve 'haṃtāpratyabhijñānasyānupapatteḥ cittasaṃtāno'haṃtāpratyabhijñānahetur iti cet na tasyāvastutvāt vastutve vā sa evātmā syān nāmamātrabhedāt tataḥ kathaṃcin nityasya kṣaṇikasya cātmanodarśarahaṃkāranibaṃdhanajanmapranyasyamāhahetukāhaṃkāranivṛttihetutvasiddhenasyāvidyātṛṣṇāśūbaṃdhasyopaśamopapatter nanairātmyabhāvanopaśamavidher mārgaḥ sidhyet puruṣādvaitabhāvanāvat

na hi puruṣādvaite saṃsāramokṣatatkāraṇasaṃbhavodvaitaprasaṃgāt nā'pi kecil lokāḥ santi tejonidhir vā yas tān jvālayati bhāti ca paramātmani saty eva nāsatīti mohāndhakārāpahobodhamayaprakāśaviśado 'ntaryāmī puruṣaḥ siddhyet tasmiṃś ca yesaṃśerate te hatāḥ syuḥ sarvasyāsya prapaṃcasyānādyavidyāvalātparikalpane ca na paramārthataḥ kaścid upaśamavidher mārgaḥ syānnairātmyadarśanavat eteneśvarādir evopaśamavidher mārga itibruvannirastaḥ tasyāpy upapattivādhitatvāt sugatādivad ity āptaparīkṣāyāṃvistaratas tattvārthālaṃkāre ca nirūpitaṃ tataḥ pratipattavyaṃ

nanv evaṃ bhagavati varddhamāne rāgād eva bhavatāṃstotraṃ dveṣād eva vānyeṣu doṣodbhāvanaṃ na punaḥ paramārthata ity āśaṃkāṃnirākurvanto vṛttam āhuḥ

na rāgān no 'smākaṃ parīkṣāprādhānānaṃ bhavati varddhamāne 'stotraṃ pravṛttaṃ kīrtyā mahatyā bhuvivardhamānam ity ādikaṃ bhavato muner bhavapāśaccheditvāt tadarthitayāstotrasyopapattaḥ ' na cānyeṣv anekāntavādiṣu dveṣādevāpaguṇakathābhyāsena khalatānastata eva kimuta nyāyānyāyajñamanasāṃprakṛtaguṇadoṣajñamanasāṃ ca ca hitāhitānveṣaṇopāyas tava guṇakathāsaṃgenagadita iti nāprekṣāpūrvakāritā sūreḥ śraddhāguṇajñatayor evaparamātmastotre yuktyanuśāsane prayojakatvāt sāmprataṃ stotraphalaṃ sūrayaḥprārthayanti

bhavato jinasya pathi mārge samyagdarśanajñānacāritralakṣaṇo 'pratinidhau praninidhir ahite'nyayogavyavacchedena nirṇīte bhaktim ārādhanāṃ vidheyās tvaṃ jina me bhagavanniti stotraphalaprārthanā paramanirvāṇaphalasya tanmūlatvāt kutaḥsvapathi bhaktiṃ vidheyās tvam iti cet yato dūritaparasenābhivijayevīras tvaṃ yataś ca mahāvīraḥ śreyaḥpadam adhigatatvāt yataśca stutaḥ śaktyā mayeti kasmāt tvaṃ stuta iti cet stutyo yasmāt svayaṃ stutyair api tridaśamukhyaiḥ surendrairmunimukhyaiś ca gaṇadharadevādibhiḥ praṇihitair ekāgramanaskair iti hetuhetusadbhāvenapadaghaṭanā vidheyā na hi duritaparasenābhivijayo vīratvam antareṇasaṃbhavati avīreṣu vīryātiśayaśūnyeṣu tadaghaṭanāt yato 'yaṃvīratvenānatavīryatvalakṣaṇe sādhye hetur na syāt na cāyaṃkarmaripusenābhivijayo jinasyāsiddha eva

tvaṃ śuddhiśaktyor udayasya kāṣṭhāṃ tulāvyatītāṃ jina śāntirūpām avāpitha brahmapathasya netā mahānitīyat pratibaktum īśāḥ

ity anena tasya sādhitatvāt tathā mahāvīratve sakalavīrādhipatitvalakṣaṇe sādhye śreyaḥpadādhigatasyāpi hetutvamupapannam eva tadaṃtareṇa tadanupapatteḥ na ca bhagavataḥśreyaḥpadādhigatatvam asiddhaṃ brahmāpathasya netenyanena tasya sādhanāt tathā'nyeṣāṃ stutyais tridaśamukhyair munimukhyaiś ca prāṇihitairananyamanovṛttibhiḥ stutyatve sādhye mahīvīratvaṃ hetur upapadyataevānyasya tair astutyasya mahāvīratvānupapatter iti yaḥ stutigocaratvaṃninīṣurācāryo bhagavaṃtaṃ vīram āsīt tena stuto bhagavān evetibhagavata eva pathi bhaktiṃ prārthitavān tasyāpratinidhitvāttadārādhanāprāptau karmaripusenābhivijayasya tatkāryasya saṃprāptisiddheś caśreyaḥpadādhigamopapatter jinatvasyopameyasyāvaśyaṃbhāvitvāt kathaṃ punar asau bhagavataḥ panthāḥ samyagdarśanajñānacāritrātmako'pratinidhiḥ siddha iti cet tadaparasya jñānamātrasyavairāgyamātrasya vā tadubhayamātrasya vā paramātmopāyasyāsaṃbhavāt sakalasaṃsārakāraṇaṃ hi mithyādarśanajñānacāritralakṣaṇaṃ tat kathaṃjñānamātrān nivarttate mithyājñānasyaiva tato nivṛtteḥ na camithyājñānanivṛttau rāgādidoṣādikaṃ mithyācāritraṃ nivarttate samutpannatattvajñānasyāpi rāgādidoṣasadbhāvasiddheḥ prakṣīṇamohāttattvajñānānnivṛttir iti cet sa eva mohaprakṣayaḥ kutaḥ syāt tattvajñānātiśayād eveti cet kaḥ punas tattvajñānātiśayaḥ prakṣīṇamohatvam iti cet parasparāśrayaḥ sati mohaprakṣayetattvajñānātiśayaḥ sati vā'tiśaye mohaprakṣaya iti sākṣātsakalapadārthapariccheditvaṃ tattvajñānātiśaya iti cet tat kutaḥ siddhyet dharmaviśeṣād iti cet so 'pi kutaḥ syāt samādhiviśeṣād iti cet sa eva samādhiviśeṣas tattvajñānād anyo vā tattvajñānam eva sthirībhūtaṃ samādhir iti cet tat kim āgamajñānaṃyogijñānaṃ vā yady āgamajñānaṃ duḥkhajanmapravṛttidoṣamithyājñānānāṃkāryakāraṇabhāvaviṣayaṃ tadā nyāyadarśanavidāṃ tad astīti dharmaviśeṣaṃjanayet sa ca yogijñānam iti tadbhava eva muktiprasaṃgaḥ atha yogijñānaṃ samādhiviśeṣas tad evetaretarāśrayaḥ syāt satiyogijñāne sthirībhūte samādhiviśeṣe dharmaviśeṣaḥ tasmāc ca yathoktaḥsamādhiviśeṣa iti naikasyāpi prasiddhiḥ yadi punastattvajñānād anya eva samādhiviśeṣastadā sa ko 'nyo 'nyatra samyakcāritrāt samyakcāritropahitād eva tattvajñānāttattvaśraddhānāvinābhāvinaḥ saṃsārakāraṇatrayasya parikṣayaḥ siddhyet na tattvajñānādeva kevalādato na tatsakalasaṃsārahetupratipakṣaḥ nā'pivairāgyaṃ tatpratipakṣaḥ kasyacin mūrkhasya tapasvinaḥ saty api vairāgyemithyājñānasya sadbhāvāt tattvajñānam eva vairāgyaṃ tasmin satimithyājñānasya saṃsārakāraṇasya nivṛttes tad eva saṃsārakāraṇapratipakṣabhūtamiti cet kiṃ punas tatparaṃ tattvajñānaṃ rāgādidoṣarahitaṃtattvajñānam iti cet tarhi samyakcāritraṃ tattvajñānasahitaṃtattvaśraddhānāvinā bhāvi saṃsārakāraṇapratidvandvi siddhaṃ na punarvairāgyamātraṃ etena tadubhayamātrasya saṃsārakāraṇapratidvandvitvam apāstaṃtattvaśraddhānaśūnyasya tadubhayasyāpi saṃsārahetutvadarśanāt satiśraddhāviśeṣe tattvajñānapūrvakaṃ vairāgyaṃ na punas tattvaśradvānaśūnyaṃtasya vairāgyā bhāsatvād iti cet tarhi samyagdarśanajñānacāritratrayam evasaṃsārakāraṇasya mithyādarśanamithyājñānamithyācāritrarūpasyatrayātmakasya trayātmakenaiva pratidvandvinā nivarttayituṃśakyatvāt mithyājñānasyaivaviparītatvābhiniveśaviparītācaraṇākaraṇaśaktiyuktasyaikasya saṃsārakāraṇatvavyavasthāyāṃ tu tattvajñānameva tattvaśraddhānasamyagācaraṇaśaktiyuktaṃ tannivarttakam iti yuktamutpaśyāmas tattvajñānasya tattvaprakāśanaśaktirūpatvāt tattvaśraddhānaśakteḥ samyagdarśanatvāt samyagācaraṇāśakteḥ samyakcāritratvāttrayātmakatvānatikramāt saṃsārakāraṇasya mithyājñānasyaviparītatattvaprakāśanaviparītābhiniveśaviparītācaraṇaśaktyātmanastathātmakatvānatikramavat

tataḥ samyagdarśanajñānacāritrātmaka eva paramātmatvasya paṃthāḥ samavatiṣṭhate na jñānamātrādir iti sa evāpratinidhiḥ siddhaḥ

tatas tatraiva bhaktiṃ prārthayamānaḥ samantabhadrasvāmīna prekṣāpūrvakāritāṃ parityajatīti pratipattavyam