samyagdarśanajñānacāritrāṇi mokṣamārgaḥ

tattvārthaśraddhānaṃ samyagdarśanam

tannisargādadhigamādvā

jīvājīvāsravabandhasaṃvaranirjarāmokṣāstattvam

nāmasthāpanādravyabhāvatastannyāsaḥ

pramāṇanayairadhigamaḥ

nirdeśasvāmitvasādhanādhikaraṇasthitividhānataḥ

satsaṅkhyākṣetrasparśanakālāntarabhāvālpabahutvaiśca

matiśrutāvadhimanaḥparyayakevalāni jñānam

tatpramāṇe

ādye parokṣam

pratyakṣamanyat

matiḥ smṛtiḥ saṃjñā cintā'bhinibodha ityanarthāntaram

tadindriyānindriyanimittam

avagrahehāvāyadhāraṇāḥ

bahubahuvidhakṣiprāniḥsṛtānuktadhruvāṇāṃ setarāṇām

arthasya

vyañjanasyāvagrahaḥ

na cakṣuranindriyābhyām

śrutaṃ matipūrvaṃ dvyanekadvādaśabhedam

bhavapratyayo'vadhirdevanārakāṇām

kṣayopaśamanimittaḥ ṣaḍvikalpaḥ śeṣāṇām

ṛjuvipulamatī manaḥparyayaḥ

viśuddhyapratipātābhyāṃ tadviśeṣaḥ

viśuddhikṣetrasvāmiviṣayebhyo'vadhimanaḥparyayayoḥ

matiśrutayornibandho dravyeṣvasarvaparyāyeṣu

rūpiṣvavadheḥ

tadanantabhāge manaḥparyayasya

sarvadravyaparyāyeṣu kevalasya

ekādīni bhājyāni yugapadekasminnā caturbhyaḥ

matiśrutāvadhayo viparyayaśca

sadasatoraviśeṣādyadṛcchopalabdherunmattavat

naigamasaṃgrahavyavahārarjusūtraśabdasamabhirūḍhaivambhūtā nayāḥ

aupaśamikakṣāyikau bhāvau miśraśca jīvasya svatattvamaudayikapāriṇāmikau ca

dvinavāṣṭādaśaikaviṃśatitribhedā yathākramam

samyaktvacāritre

jñānadarśanadānalābhabhogopabhogavīryāṇi ca

jñānājñānadarśanalabdhayaścatustritripañcabhedāḥ samyaktvacāritrasaṃyamāsaṃyamāśca

gatikaṣāyaliṅgamithyādarśanājñānāsaṃyatāsiddhaleśyāścatuścatustryekaikaikaikaṣaḍbhedāḥ

jīvabhavyābhavyatvāni ca

upayogo lakṣaṇam

sa dvividho'ṣṭacaturbhedaḥ

saṃsāriṇo muktāśca

samanaskāmanaskāḥ

saṃsāriṇastrasasthāvarāḥ

pṛthivyaptejovāyuvanaspatayaḥ sthāvarāḥ

dvīndriyādayastrasāḥ

pañcendriyāṇi

dvividhāni

nirvṛttyupakaraṇe dravyendriyam

labdhyupayogau bhāvendriyam

sparśanarasanaghrāṇacakṣuḥśrotrāṇi

sparśarasagandhavarṇaśabdāstadarthāḥ

śrutamanindriyasya

vanaspatyantānāmekam

kṛmipipīlakābhramaramanuṣyādīnāmekaikavṛddhāni

saṃjñinaḥ samanaskāḥ

vigrahagatau karmayogaḥ

anuśreṇi gatiḥ

avigrahāḥ jīvasya

vigrahavatī ca saṃsāriṇaḥ prāk caturbhyaḥ

ekasamayā'vigrahā

ekaṃ dvau trīnvā'nāhārakaḥ

sammūrcchanagarbhopapādā janma

sacittaśītasaṃvṛtāḥ setarā miśrāścaikaśastadyonayaḥ

jarāyujāṇḍajapotānāṃ garbhaḥ

devanārakāṇāmupapādaḥ

śeṣāṇāṃ sammūrcchanam

audārikavaikriyikāhārakataijasakārmaṇāni śarīrāṇi

paramparaṃ sūkṣmam

pradeśato'saṃkhyeyaguṇaṃ prāktaijasāt

anantaguṇe pare

apratīghāte

anādisambandhe ca

sarvasya

tadādīni bhājyāni yugapadekasyā caturbhyaḥ

nirupabhogamantyam

garbhasammūrcchanajamādyam

aupapādikaṃ vaikriyikam

labdhipratyayaṃ ca

taijasamapi

śubhaṃ viśuddhamavyāghāti cāhārakaṃ pramattasaṃyatasyaiva

nārakasammūrcchino napuṃsakāni

na devāḥ

śeṣāstrivedāḥ

aupapādikacaramottamadehāsaṃkhyeyavarṣāyuṣo'napavartyāyuṣaḥ

ratnaśarkarāvālukāpaṅkadhūmatamomahātamaḥprabhā bhūmayo ghanāmbuvātākāśapratiṣṭhāḥ saptādho'dhaḥ

tāsu triṃśatpañcaviṃśatipaṃcadaśadaśatripaṃconaikanarakaśatasahasrāṇi paṃca caiva yathākramam

nārakā nityāśubhataraleśyāpariṇāmadehavedanāvikriyāḥ

parasparodīritaduḥkhāḥ

saṃkliṣṭāsurodīritaduḥkhāśca prāk caturthyāḥ

teṣvekatrisaptadaśasaptadaśadvāviṃśatitrayastriṃ śatsāgaropamā sattvānāṃ parā sthitiḥ

jambūdvīpalavaṇodādayaḥ śubhanāmāno dvīpasamudrāḥ

dvirdvirviṣkambhāḥ pūrvapūrvaparikṣepiṇo valayākṛtayaḥ

tanmadhye merunābhirvṛtto yojanaśatasahasraviṣkambho jambūdvīpaḥ

bharatahaimavataharivideharamyakahairaṇyavatairāvatavarṣāḥ kṣetrāṇi

tadvibhājinaḥ pūrvāparāyatā himavanmahāhimavanniṣadhanīlarukmiśikhariṇo varṣadharaparvatāḥ

hemārjunatapanīyavaiḍūryarajatahemamayāḥ

maṇivicitrapārśvā upari mūle ca tulyavistārāḥ

padmamahāpadmatigiñchakesarimahāpuṇḍarīkapuṇḍarīkā hradāsteṣāmupari

prathamo yojanasahasrāyāmastadarddhaviṣkambho hradaḥ

daśayojanāvagāhaḥ

tanmadhye yojanaṃ puṣkaram

taddviguṇadviguṇā hradāḥ puṣkarāṇi ca

tannivāsinyo devyaḥ śrīthīdhṛtikīrtibuddhilakṣmyaḥ palyopamasthitayaḥ sasāmānikapariṣatkāḥ

gaṅgāsindhurohidrohitāsyāhariddharikāntāsītāsītodānārīnarakāntāsuvarṇarūpyakūlāraktāraktodāḥ saritastanmadhyagāḥ

dvayordvayoḥ pūrvāḥ pūrvagāḥ

śeṣāstvaparagāḥ

caturdaśanadīsahasraparivṛtā gaṅgāsindhvādayo nadyaḥ

bharataḥ ṣaḍviṃśapañcayojanaśatavistāraḥ ṣaṭ caikonaviṃśatibhāgā yojanasya

taddviguṇadviguṇavistārā varṣadharavarṣā videhāntāḥ

uttarā dakṣiṇatulyāḥ

bharatairāvatayorvṛddhihrāsau ṣaṭsamayābhyāmutsarpiṇyavasarpiṇībhyām

tābhyāmaparā bhūmayo'vasthitāḥ

ekadvitripalyopamasthitayo haimavatakahārivarṣakadaivakuravakāḥ

tathottarāḥ

videheṣu saṃkhyeyakālāḥ

bharatasya viṣkambho jambūdvīpasya navatiśatabhāgaḥ

dvidhārtakīkhaṇḍe

puṣkarārddhe ca

prāṅmānuṣottarānmanuṣyāḥ

āryā mlecchāśca

bharatairāvatavidehāḥ karmabhūmayo'nyatra devakurūttarakurubhyaḥ

nūsthitī parāpare tripalyopamāntarmuhūrte

tiryagyonijānāṃ ca

devāścaturṇikāyāḥ

āditastriṣu pītāntaleśyāḥ

daśāṣṭapañcadvādaśavikalpāḥ kalpopapannaparyantāḥ

indrasāmānikatrāyastriṃśapāriṣadātmarakṣalokapālānīkaprakīrṇakābhiyogyakilviṣikāścaikaśaḥ

trāyastriṃśalokapālavarjyā vyantarajyotiṣkāḥ

pūrvayordvīndrāḥ

kāyapravīcārā ā aiśānāt

śeṣāḥ sparśarūpaśabdamanaḥpravīcārāḥ

pare'pravicārāḥ

bhavanavāsino'suranāgavidyutsuparṇāgnivātastanitodadhidvīpadikkumārāḥ

vyantarāḥ kinnarakimpuruṣamahoragagandharvayakṣarākṣasabhūtapiśācāḥ

jyotiṣkāḥ sūryācandramasau grahaṃnakṣatraprakīrṇakatārakāśca

merupradakṣiṇā nityagatayo nṛloke

tatkṛtaḥ kālavibhāgaḥ

bahiravasthitāḥ

vaimānikāḥ

kalpopapannāḥ kalpātītāśca

uparyupari

saudharmaiśānasānatkumāramāhendrabrahmabrahmottaralāntavakāpiṣṭhaśukramahāśukraśatārasahasrāreṣvānataprāṇatayorāraṇācyutayor navasu graiveyakeṣu vijayavaijayantajayantāparājiteṣu sarvārthasiddhau ca

sthitiprabhāvasukhadyutileśyāviśuddhīndriyāvadhiviṣayato'dhikāḥ

gatiśarīraparigrahābhimānato hīnāḥ

pītapadmaśuklaleśyā dvitriśeṣeṣu

prāggraiveyakebhyaḥ kalpāḥ

brahmalokālayā laukāntikāḥ

sārasvatādityavahnyaruṇagardatoyatuṣitāvyābādhāriṣṭāśca

vijayādiṣu dvicaramāḥ

aupapādikamanuṣyebhyaḥ śeṣāstiryagyonayaḥ

sthitirasuranāgasuparṇadvīpaśeṣāṇāṃ sāgaropamatripalyopamārddhahīnamitā

saudharmaiśānayoḥ sāgaropame adhike

sānatkumāramāhendrayoḥ sapta

trisaptanavaikādaśatrayodaśapañcadaśabhiradhikāni tu

āraṇācyutādūrdhvamekaikena navasu graiveyakeṣu vijayādiṣu sarvārthasiddhau ca

aparā palyopamamadhikam

parataḥ parataḥ pūrvāpūrvā'nantarā

nārakāṇāṃ ca dvitīyādiṣu

daśavarṣasahasrāṇi prathamāyām

bhavaneṣu ca

vyantarāṇāṃ ca

parā palyopamamadhikam

jyotiṣkāṇāṃ ca

tadaṣṭabhāgo'parā

laukāntikānāmaṣṭau sāgaropamāṇi sarveṣām

ajīvakāyā dharmādharmākāśapudgalāḥ

dravyāṇi

jīvāśca

nityāvasthitānyarūpāṇi

rūpiṇaḥ pudgalāḥ

ā ākāśādekadravyāṇi

niṣkriyāṇi ca

asaṃkhyeyāḥ pradeśā dharmādhamai kajīvānām

ākāśasyānantāḥ

saṃkhyeyā'saṃkhyeyāśca pudgalānām

nāṇoḥ

lokākāśe'vagāhaḥ

dharmādharmayoḥ kṛtsne

ekapradeśādiṣu bhājyaḥ pudgalānām

asaṃkhyeyabhāgādiṣu jīvānām

pradeśasaṃhāravisarpābhyāṃ pradīpavat

gatisthityupagrahau dharmādharmayorupakāraḥ

ākāśasyāvagāhaḥ

śarīravāṅmanaḥ prāṇāpānāḥ pudgalānām

sukhaduḥkhajīvitamaraṇopagrahāśca

parasparopagraho jīvānām

vartanāpariṇāmakriyāḥ paratvāparatve ca kālasya

sparśarasagandhavarṇavantaḥ pudgalāḥ

śabdabandhasaukṣmyasthaulyasaṃsthānabhedatamaśchāyā''tapodyotavantaśca

aṇavaḥ skandhāśca

bhedasaṃghātebhya utpadyante

bhedādaṇuḥ

bhedasaṃghātābhyāṃ cākṣuṣaḥ

sad dravyalakṣaṇam

utpādavyayadhrauvyayuktaṃ sat

tadbhāvāvyayaṃ nityam

arpitānarpitasiddheḥ

snigdharūkṣatvād bandhaḥ

na jaghanyaguṇānām

guṇasāmye sadṛśānām

dvyadhikādiguṇānāṃ tu

bandhe'dhikau pāriṇāmikau ca

guṇaparyayavad dravyam

kālaśca

so'nantasamayaḥ

dravyāśrayā nirguṇā guṇāḥ

tadbhāvaḥ pariṇāmaḥ

kāyavāṅmanaḥkarma yogaḥ

sa āsravaḥ

śubhaḥ puṇyasyāśubhaḥ pāpasya

sakaṣāyākaṣāyayoḥ sāmparāyikeryāpathayoḥ

indriyakaṣāyāvratakriyāḥ pañcacatuḥpañcapañcaviṃśatisaṃkhyāḥ pūrvasya bhedāḥ

tīvramandajñātājñātabhāvādhikaraṇavīryaviśeṣebhyastadviśeṣaḥ

adhikaraṇaṃ jīvājīvāḥ

ādyaṃ saṃrambhasamārambhārambhayogakṛtakāritānumatakaṣāyaviśeṣais tristristriścatuścaikaśaḥ

nirvartanānikṣepasaṃyoganisargā dvicaturdvitribhedāḥ param

tatpradoṣanihnavamātsaryāntarāyāsādanopaghātā jñānadarśanāvaraṇayoḥ

duḥkhaśokatāpākrandanavadhaparidevanānyātmaparobhayasthānyasadvedyasya

bhūtavratyanukampādānasarāgasaṃyamādiyogaḥ kṣāntiḥ śaucamiti sadvedyasya

kevaliśrutasaṃghadharmadevāvarṇavādo darśanamohasya

kaṣāyodayāttīvrapariṇāmaścāritramohasya

bahvārambhaparigrahatvaṃ nārakasyāyuṣaḥ

māyā tairyagyonasya

alpārambhaparigrahatvaṃ mānuṣasya

svabhāvamārdavaṃ ca

niśśīlavratatvaṃ ca sarveṣām

sarāgasaṃyamasaṃyamāsaṃyamākāmanirjarābālatapāṃsi daivasya

samyaktvaṃ ca

yogavakratā visaṃvādanaṃ cāśubhasya nāmnaḥ

tadviparītaṃ śubhasya

darśanaviśuddhirvinayasampannatā śīlavrateṣvanatīcāro'bhīkṣṇajñānopayogasaṃvegau śavitatastyāgatapasī sādhusamādhirvaiyāvṛttyakaraṇam arhadācāryabahuśrutapravacanabhaktir āvaśyakāparihāṇirmārgaprabhāvanā pravacanavatsalatvamiti tīrthakaratvasya

parātmanindāpraśaṃse sadasadguṇocchādanodbhāvane ca nīcairgotrasya

tadviparyayo nīcairvṛttyanutsekau cottarasya

vidhnakaraṇamantarāyasya

hiṃsā'nṛtasteyābrahmaparigrahebhyo viratirvratam

deśasarvato'ṇumahatī

tatsthairyārthaṃ bhāvanāḥ pañca pañca

vāṅmanoguptīryādānanikṣepaṇasamityālokitapānabhojanāni pañca

krodhalobhabhīrutvahāsyapratyākhyānānyanuvīcībhāṣaṇaṃ ca pañca

śūnyāgāravimocitāvāsaparoparodhākaraṇabhaikṣaśuddhisadharmāvisaṃvādāḥ pañca

strīrāgakathāśravaṇatanmanoharāṅganirīkṣaṇapūrvaratānusmaraṇavṛṣyeṣṭarasasvaśarīrasaṃskāratyāgāḥ pañca

manojñāmanojñendriyaviṣayarāgadveṣavarjanāni pañca

hiṃsādiṣvihāmutrāpāyāvadyadarśanam

duḥkhameva vā

maitrīpramodakāruṇyamādhyasthāni ca sattvaguṇādhikakliśyamānāvineyeṣu

jagatkāyasvabhāvau vā saṃvegavairāgyārtham

pramattayogātprāṇavyaparopaṇaṃ hiṃsā

asadabhidhānamanṛtam

adattādānaṃ steyam

maithunamabrahma

mūrchā parigrahaḥ

niśśalyo vratī

agāryanagāraśca

aṇuvrato'gārī

digdeśānarthadaṇḍaviratisāmāyikaproṣadhopavāsopabhogaparibhogaparimāṇātithisaṃvibhāgavratasampannaśca

māraṇāntikīṃ sallekhanāṃ joṣitā

śaṅkākāṅkṣāvicikitsā'nyadṛṣṭipraśaṃsāsaṃstavāḥ samyagdṛṣṭeraticārāḥ

vrataśīleṣu pañca pañca yathākramam

bandhavadhacchedātibhārāropaṇānnapānanirodhāḥ

mithyopadeśarahobhyākhyānakūṭalekhakriyānyāsāpahārasākāramantrabhedāḥ

stenaprayogatadāhṛtādānaviruddharājyātikramahīnādhikamānonmānapratirūpakavyavahārāḥ

paravivāhakaraṇetvarikāparigṛhītā'parigṛhītāgamanānaṅgakrīḍākāmatīvrābhiniveśāḥ

kṣetravāstuhiraṇyasuvarṇadhanadhānyadāsīdāsakupyapramāṇātikramāḥ

ūrdhvādhastiryagvyatikramakṣetravṛddhismṛtyantarādhānāni

ānayanapreṣyaprayogaśabdarūpānupātapudgalakṣepāḥ

kandarpakautkucyamaukharyāsamīkṣyādhikaraṇopabhogaparibhogānarthakyāni

yogaduṣpraṇidhānānādarasmṛtyanupasthānāni

apratyavekṣitāpramārjitotsargādānasaṃstaropakramaṇānādarasmṛtyanupasthānāni

sacittasambandhasammiśrābhiṣavaduṣpakvāhārāḥ

sacittanikṣepāpidhānaparavyapadeśamātsaryakālātikramāḥ

jīvitamaraṇāśaṃsāmitrānurāgasukhānubandhanidānāni

anugrahārthaṃ svasyātisargo dānam

vidhidravyadātṛpātraviśeṣāttadviśeṣaḥ

mithyādarśanāviratipramādakaṣāyayogā bandhahetavaḥ

sakaṣāyatvājjīvaḥ karmaṇo yogyānpudgalānādatte sa bandhaḥ

prakṛtisthityanubhavapradeśāstadvidhayaḥ

ādyo jñānadarśanāvaraṇavedanīyamohanīyāyurnāmagotrāntarāyāḥ

pañcanavadvyaṣṭāviṃśaticaturdvicatvāriṃśaddvipañcabhedā yathākramam

matiśrutāvadhimanaḥparyayakevalānām

cakṣuracakṣuravadhikevalānāṃ nidrānidrānidrāpracalāpracalāpracalāstyānagṛddhayaśca

sadasadvedye

darśanacāritramohanīyākaṣāyakaṣāyavedanīyākhyāstridvinavaṣoḍaśabhedāḥ samyaktvamithyātvatadubhayānyakaṣāyakaṣāyau hāsyaratyaratiśokabhayajugupsāstrīpunnapuṃsakavedā anantānubandhyapratyākhyānapratyākhyānasaṃjvalanavikalpāścaikaśaḥ krodhamānamāyālobhāḥ

nārakatairyagyonamānuṣadaivāni

gatijātiśarīrāṅgopāṅganirmāṇabandhanasaṃghātasaṃsthānasaṃhananasparśarasagandhavarṇānupūrvyāgurulaghūpaghātaparaghātātapodyotocchvāsavihāyogatayaḥ pratyekaśarīratrasasubhagasusvaraśubhasūkṣmaparyāptisthirādeyayaśaḥkīrtisetarāṇi tīrthakaratvaṃ ca

uccairnīcaiśca

dānalābhabhogopabhogavīryāṇām

āditastisṛṇāmantarāyasya ca triṃśatsāgaropamakoṭīkoṭyaḥ parā sthitiḥ

saptatirmohanīyasya

viṃśatirnāmagotrayoḥ

trayastriṃśatsāgaropamāṇyāyuṣaḥ

aparā dvādaśa muhūrtā vedanīyasya

nāmagotrayoraṣṭau

śeṣāṇāmantarmuhūrtā

vipāko'nubhavaḥ

sa yathānāma

tataśca nirjarā

nāmapratyayāḥ sarvato yogaviśeṣātsūkṣmaikakṣetrāvagāhasthitāḥ sarvātmapradeśeṣvanantānantapradeśāḥ

sadvedyaśubhāyurnāmagotrāṇi puṇyam

ato'nyatpāpam

āsravanirodhaḥ saṃvaraḥ

sa guptisamitidharmānuprekṣāpariṣahajayacāritraiḥ

tapasā nirjarā ca

samyagyoganigraho guptiḥ

īryābhāṣaiṣaṇādānanikṣepotsargāḥ samitayaḥ

uttamakṣamāmārdavārjavaśaucasatyasaṃyamatapastyāgākiñcanyabrahmacaṃryāṇi dharmaḥ

anityāśaraṇasaṃsāraikatvānyatvāśucyāsravasaṃvaranirjarālokabodhidurlabhadharmasvākhyātatvānucintanamanuprekṣāḥ

mārgācyavananirjarārthaṃ pariṣoḍhavyāḥ parīṣahāḥ

kṣutpipāsāśītoṣṇadaṃśamaśakanāgnyāratistrīcaryāniṣadyāśayyākrośavadhayācanā'lābharogatṛṇasparśamalasatkārapuraskāraprajñājñājñānādarśanāni

sūkṣmasāmparāyachadmasthavītarāgayoścaturdaśa

ekādaśa jine

bādarasāmparāye sarve

jñānāvaraṇe prajñā'jñāne

darśanamohāntarāyayoradarśanālābhau

cāritramohe nāgnyāratistrīniṣadyākrośayācanāsatkārapuraskārāḥ

vedanīye śeṣāḥ

ekādayo bhājyā yugapadekasminnaiṃkānnaviṃśateḥ

sāmāyikacchedopasthāpanāparihāraviśuddhisūkṣmasāmparāyayathākhyātamiti cāritram

anaśanāvamaudaryavṛttiparisaṃkhyānarasaparityāgaviviktaśayyāsanakāyakleśā bāhyaṃ tapaḥ

prāyaścittavinayavaiyāvṛttyasvādhyāyavyutsargadhyānānyuttaram

navacaturdaśapañcadvibhedā yathākramaṃ prāgdhyānāt

ālocanapratikramaṇatadubhayavivekavyutsargatapaśchedaparihāropasthāpanāḥ

jñānadarśanacāritropacārāḥ

ācāryopādhyāyatapasviśaikṣaglānagaṇakulasaṃghasādhumanojñānām

vācanāpracchanā'nuprekṣā''mnāyadharmopadeśāḥ

bāhyābhyantaropadhyoḥ

uttamasaṃhananasyaikāgracintānirodho dhyānamā'ntarmuhūrtāt

ārttaraudradharmyaśuklāni

pare sokṣahetū

ārtamamanojñasya samprayoge tadviprayogāya smṛtisamanvāhāraḥ

viparītaṃ manojñasya

vedanāyāśca

nidānaṃ ca

tadaviratadeśaviratapramattasaṃyatānām

hiṃsā'nṛtasteyaviṣayasaṃrakṣaṇebhyo raudramaviratadeśaviratayoḥ

ājñāpāyavipākasaṃsthānavicayāya dharmyam

śukle cādye pūrvavidaḥ

pare kevalinaḥ

pṛthaktvaikatvavitarkaṃsūkṣmakriyāpratipātivyuparatakriyānivartīni

tryekayogakāyayogāyogānām

ekāśraye savitarkavīcāre pūrve

avīcāraṃ dvitīyam

vitarkaḥ śrutam

vīcāro'rthavyañjanayogasaṃkrāntiḥ

samyagdṛṣṭiśrāvakaviratānantaviyojakadarśaṃnamohakṣapakopaśamakopaśāntamohakṣapakakṣīṇamohajināḥ kramaśo'saṃkhyeyaguṇanirjarāḥ

pulākabakuśakuśīlanirgranthasnātakā nirgranthāḥ

saṃyamaśrutapratisevanātīrthaliṅgaleśyopapādasthānavikalpataḥ sādhyāḥ

mohakṣayājjñānadarśanāvaraṇāntarāyakṣayācca kevalam

bandhahetvabhāvanirjarābhyāṃ kṛtsnakarmavipramokṣo mokṣaḥ

aupaśamikādibhavyatvānāṃ ca

anyatra kevalasamyaktvajñānadarśanasiddhatvebhyaḥ

tadanantaramūrdhvaṃ gacchatyā lokāntāt

pūrvaprayogādasaṅgatvād bandhacchedāttathāgatipariṇāmācca

āviddhakulālacakravadvyapagatalepālābuvaderaṇḍabījavadagniśikhāvacca

dharmāstikāyābhāvāt

kṣetrakālagatiliṅgatīrthacāritrapratyekabuddhabodhitajñānāvagāhanāntarasaṃkhyālpabahutvataḥ sādhyāḥ