Tattvabodhavidhāyinī
Sanmaitakka 
Plain text of Saṅghavi and Dośi's 1924-1931 edition

Digital textresource created by H. Trikha 
Published within the Digital Corpus of Vidyānandin's Works at  November 09, 2026 

Sources:
Siddhasenadivākara-praṇītaṃ Saṃmatitarkaprakaraṇam Abhayadevasūri-nirmitayā Tattvabodhavidhāyinyā vyākhyayā vibhūṣitam ... Sukhlāl Saṅghavinā Becerdās Dośinā ca saṃśodhitam. Ahmedabad 1924-1931; Reprint Rinsen Buddhist Text Series 6.1-2, Kyoto 1984.  
Digitized print edition:  dcv/Tattvabodhavidhāyinī/TBV-SD-p 

TBV-SD 1,01	 || arham || 
TBV-SD 1,02	śrīsiddhasenadivākararacitaṃ 
TBV-SD 1,03	saṃmatitarka — prakaraṇam | 
TBV-SD 1,04	rājagacchīya-tarkapañcānana-nyāyacakravartti-śrīabhayadevasūrinirmitayā 
TBV-SD 1,05	tattvabodhavidhāyinyākhyayā vyākhyayā sahitam | 
TBV-SD 1,07		sphuradvāgaṃśuvidhvastamohāndhatamasodayam | 
TBV-SD 1,08		vardhamānārkamabhyarcya yate sammativṛttaye || 1 || 
TBV-SD 1,09		prajñāvadbhiryadyapi sammatiṭīkāḥ kṛtāḥ subahvarthāḥ | 
TBV-SD 1,10		tābhyastathā'pi na mahānupakāraḥ svalpabuddhīnām || 2 || 
TBV-SD 1,11		śemuṣyunmeṣalavaṃ teṣāmādhātumāśrito yatnaḥ | 
TBV-SD 1,12		mandamatinā mayā'pyeṣa nātra saṃpatsyate viphalaḥ || 3 || 
TBV-SD 1,13	‘iha ca śārīra — mānasānekaduḥkhadāridryopadravavidrutānāṃ nirupamā'natiśayānantaśivasukhā- 
TBV-SD 1,14	nanyasamā'vandhyakāraṇasamyagjñāna — darśana — cāritrātmakaparamaratnatrayajighṛkṣayā atigambhīrajinavacana- 
TBV-SD 1,15	mahodadhimavatarītukāmānāṃ tadavataraṇopāyamaviduṣāṃ bhavyasattvānāṃ taddarśanena teṣāṃ mahānupakāraḥ prava- 
TBV-SD 1,16	rttatām, tatpūrvakaścātmopakāraḥ’ iti manvāna ācāryo duṣṣamā'rasamāśyāmāsamayodbhūtasamastajana- 
TBV-SD 1,17	tāhārdasaṃtamasavidhvaṃsakatvenāvāptayathārthābhidhānaḥ siddhasenadivākaraḥ tadupāyabhūtasammatyākhyapraka- 
TBV-SD 1,18	raṇakaraṇe pravarttamānaḥ “śiṣṭāḥ kvacidabhīṣṭe vastuni pravarttamānā abhīṣṭadevatāviśeṣastavavidhānapurassaraṃ 
TBV-SD 1,19	pravarttante” iti tatsamayaparipālanaparastadvidhānodbhūtaprakṛṣṭaśubhabhāvānalpajvaladanalanirdagdhapracuratara- 
TBV-SD 1,20	kliṣṭakarmāvirbhūtaviśiṣṭapariṇatiprabhavāṃ prastutaprakaraṇaparisamāptiṃ cā''kalayan ‘arhatāmapyarhattā 
TBV-SD 1,21	śāsanapūrvikā, pūjitapūjakaśca lokaḥ, vinayamūlaśca svargā — 'pavargādisukhasumanaḥsamūhānandāmṛtara- 
TBV-SD 1,22	sodagrasvarūpaprāptisvabhāvaphalapradānapratyalo dharmakalpadrumaḥ’ iti pradarśanaparairbhuvanagurubhirapyavāptāmala- 
TBV-SD 1,23	kevalajñānasaṃpadbhistīrthakṛdbhiḥ śāsanārthābhivyaktikaraṇasamaye vihitastavatvāt ‘śāsanamatiśayataḥ 
TBV-SD 1,24	stavārham’ iti niścinvan ‘asādhāraṇaguṇotkīrtanasvarūpa eva ca pāramārthikastavaḥ’ iti ca saṃpra- 
TBV-SD 1,25	dhārya śāsanasyābhīṣṭadevatāviśeṣasya pradhānabhūtasiddhatva — kusamayaviśāsitvā — 'rhatpraṇītatvādiguṇa- 
TBV-SD 1,26	prakāśanadvāreṇa stavābhidhāyikāṃ gāthāmāha — 
TBV-SD 1,27		siddhaṃ siddhatthāṇaṃ ṭhāṇamaṇovamasuhaṃ uvagayāṇaṃ | 
TBV-SD 1,28		kusamayavisāsaṇaṃ sāsaṇaṃ jiṇāṇaṃ bhavajiṇāṇaṃ || 1 || 
TBV-SD 1,29	asyāśca samudāyārtha etatpātanikayaiva prakāśitaḥ, avayavārthastu prakāśyate — śāsyante jīvā- 
TBV-SD 1,30	dayaḥ padārthā yathāvasthitatvena aneneti ‘śāsanaṃ’ dvādaśāṅgam, tacca ‘siddhaṃ’ pratiṣṭhitam — niścita- 
TBV-SD 1,31	prāmāṇyamiti yāvat — svamahimnaiva, nātaḥ prakaraṇāt pratiṣṭhāpyam | 
TBV-SD 2,02	atrāhurmīmāṃsakāḥ — arthatathātvaprakāśako jñātṛvyāpāraḥ pramāṇam, tasyārthatathābhāvaprakāśakatvaṃ 
TBV-SD 2,03	prāmāṇyam, tacca svataḥ utpattau, svakārye yathāvasthitārthaparicchedalakṣaṇe, svajñāne ca; vijñānotpāda- 
TBV-SD 2,04	kasāmagrīvyatiriktaguṇādisāmagryantara — pramāṇāntara — svasaṃvedanagrahaṇānapekṣatvāt | apekṣātrayarahitaṃ 
TBV-SD 2,05	ca prāmāṇyaṃ svata ucyate iti | atra ca prayogaḥ — ye yadbhāvaṃ pratyanapekṣāste tatsvarūpaniyatāḥ, 
TBV-SD 2,06	yathā'vikalā kāraṇasāmagrī aṅkurotpādane, anapekṣaṃ ca prāmāṇyamutpattau, svakārye, jñaptau ca iti || 
TBV-SD 2,08	atra parataḥprāmāṇyavādinaḥ prerayanti — anapekṣatvamasiddham | tathāhi — utpattau tāvat prāmāṇyaṃ 
TBV-SD 2,09	vijñānotpādakakāraṇavyatiriktaguṇādikāraṇāntarasāpekṣam, tadanvaya — vyatirekānuvidhāyitvāt | 
TBV-SD 2,10	tathāca prayogaḥ — yat cakṣurādyatiriktabhāvā — 'bhāvānuvidhāyi tat tatsāpekṣam, yathā'prāmāṇyam; 
TBV-SD 2,11	cakṣurādyatiriktabhāvā — 'bhāvānuvidhāyi ca prāmāṇyam iti svabhāvahetuḥ; tasmādutpattau parataḥ, tathā 
TBV-SD 2,12	svakārye ca sāpekṣatvāt parataḥ | tathāhi — ye pratīkṣitapratyayāntarodayā na te svatovyavasthita- 
TBV-SD 2,13	dharmakāḥ, yathā'prāmāṇyādayaḥ, pratīkṣitapratyayāntarodayaṃ ca prāmāṇyaṃ tatra iti viruddhavyāptopalabdhiḥ | 
TBV-SD 2,14	tathā jñaptau ca sāpekṣatvāt parataḥ | tathāhi — ye sandeha — viparyayā'dhyāsitatanavaste paratoniścitayathā- 
TBV-SD 2,15	vasthitasvarūpāḥ, yathā sthāṇvādayaḥ, tathā ca sandeha — viparyayā'dhyāsitasvabhāvaṃ keṣāñcit pratyayānāṃ 
TBV-SD 2,16	prāmāṇyamiti svabhāvahetuḥ || 
TBV-SD 2,18	atra yattāvaduktam — ‘prāmāṇyaṃ vijñānotpādakakāraṇavyatiriktaguṇādikāraṇasavyapekṣamutpattau’ 
TBV-SD 2,19	tadasat, teṣāmasattvāt; tadasattvaṃ ca pramāṇato'nupalabdheḥ | tathāhi — na tāvat pratyakṣaṃ cakṣurādīndri- 
TBV-SD 2,20	yagatān guṇān grahītuṃ samartham, atīndriyatvenendriyāṇāṃ tadguṇānāmapi pratipattumaśakteḥ | athānumā- 
TBV-SD 2,21	namindriyaguṇān pratipadyate, tadapyasamyak; anumānasya pratibaddhaliṅganiścayabalenotpattyabhyupagamāt | 
TBV-SD 2,22	pratibandhaśca kiṃ pratyakṣeṇendriyagataguṇaiḥ saha gṛhyate liṅgasya ? āhosvidanumānena ? iti vaktavyam | 
TBV-SD 2,23	tatra yadi pratyakṣamindriyāśritaguṇaiḥ saha liṅgasya sambandhagrāhakamabhyupagamyate, tadayuktam; indriyaguṇā- 
TBV-SD 2,24	nāmapratyakṣatve tadgatasambandhasyāpyapratyakṣatvāt 
TBV-SD 2,25		“dviṣṭhasambandhasaṃvittirnaikarūpapravedanāt” iti vacanāt | 
TBV-SD 2,26	athānumānena prakṛtasambandhaḥ pratīyate, tadapyayuktam; yatastadapyanumānaṃ kiṃ gṛhītasambandhali- 
TBV-SD 2,27	ṅgaprabhavam ? utāgṛhītasambandhaliṅgasamuttham ? | tatra yadyagṛhītasambandhaliṅgaprabhavam, tadā kiṃ 
TBV-SD 2,28	pramāṇam ? utāpramāṇam ? | yadyapramāṇam, nātaḥ sambandhapratītiḥ | atha pramāṇam, tadapi 
TBV-SD 2,29	na pratyakṣam — anumānasya bāhyārthaviṣayatvena pratyakṣatvānabhyupagamāt, pratyakṣapakṣoktadoṣācca — kiṃtu 
TBV-SD 2,30	anumānam, taccānavagatasambandhaṃ na pravarttata ityādi vaktavyam | athāvagatasambandham, tasyāpi 
TBV-SD 2,31	sambandhaḥ kiṃ tenaivānumānena gṛhyeta ? utānyena ? | yadi tenaiva gṛhyata ityabhyupagamaḥ — sa na yuktaḥ, itare- 
TBV-SD 2,32	tarāśrayadoṣaprasaṅgāt | tathāhi — gṛhītapratibandhaṃ tat svasādhyapratibandhagrahaṇāya pravarttate, tatpravṛttau 
TBV-SD 2,33	ca svotpādakapratibandhagraha ityanyo'nyasaṃśrayo vyaktaḥ | athānyenānumānena pratibandhagrahābhyupa- 
TBV-SD 2,34	gamaḥ — so'pi na yuktaḥ, anavasthāprasaṅgāt | tathāhi — tadapyanumānamanumānapratibandhagrāhakamanumā- 
TBV-SD 2,35	nāntarād gṛhītapratibandhamudayamāsādayati, tadapyanyato'numānād gṛhītapratibandhamityanavasthā | 
TBV-SD 2,36	kiṃca, tadanumānaṃ svabhāvahetuprabhāvitam ? kāryahetusamuttham ? anupalabdhiliṅgaprabhavaṃ vā pratibandha- 
TBV-SD 3,01	grāhakaṃ syāt ? | anyasya sādhyaniścāyakatvena saugatairanabhyupagamāt | taduktam — “trirūpāṇi ca 
TBV-SD 3,02	trīṇyeva liṅgāni” | “anupalabdhiḥ, svabhāvaḥ, kāryaṃ ca” iti 
TBV-SD 3,03	“trirūpālliṅgālliṅgivijñānamanumānam” iti ca | tatra svabhāvahetuḥ pratyakṣagṛhī- 
TBV-SD 3,04	te'rthe vyavahāramātrapravarttanaphalaḥ, yathā śiṃśipātvādirvṛkṣādivyavahārapravarttanaphalaḥ | na ca atyakṣā- 
TBV-SD 3,05	śritaguṇaliṅgasambandhaḥ pratyakṣataḥ pratipannaḥ, yena svabhāvahetuprabhavamanumānaṃ tatsambandhavyavahāramāra- 
TBV-SD 3,06	cayati | nāpi kāryahetusamuttham akṣāśritaguṇaliṅgasambandhagrāhakatvena tat prabhavati, kāryahetoḥ 
TBV-SD 3,07	siddhe kārya — kāraṇabhāve kāraṇapratipattihetutvenābhyupagamāt; kārya — kāraṇabhāvasya ca siddhiḥ 
TBV-SD 3,08	pratyakṣā — 'nupalambhapramāṇasampādyā; na ca locanādigataguṇāśritaliṅgasambandhagrāhakatvena pratyakṣa- 
TBV-SD 3,09	pravṛttiḥ, yena tatkāryatvena kasyacilliṅgasya pratyakṣataḥ pratipattiḥ syāt; tanna kāryahetorapi prati- 
TBV-SD 3,10	bandhapratipattiḥ | anupalabdhestvevaṃvidhe viṣaye pravṛttireva na sambhavati, tasyā abhāvasādhakatvena 
TBV-SD 3,11	vyāpārābhyupagamāt | na cānyalliṅgamabhyupagamyata ityuktam | na ca pratyakṣā — 'numānavyatiriktaṃ 
TBV-SD 3,12	pramāṇāntaramiti nendriyagataguṇapratipattiḥ | yanna kvacidapi pramāṇena pratibhāti na tat 
TBV-SD 3,13	sadvyavahārāvatāri, yathā śaśaśṛṅgam; na pratibhānti ca kvacidapi pramāṇenātīndriyendriyaguṇā 
TBV-SD 3,14	bhavadabhyupagatā iti kutasteṣāṃ vijñānotpādakakāraṇavyatiriktānāṃ prāmāṇyotpādakatvam ? | 
TBV-SD 3,15	atha kāryeṇa yathārthopalabdhyātmakena teṣāmadhigamaḥ, tadapyayuktam; yathārthatvā — 'yathārthatve 
TBV-SD 3,16	vihāya yadi kāryasya upalabdhyākhyasya svarūpaṃ niścitaṃ bhavet tadā yathārthatvalakṣaṇaḥ kāryasya 
TBV-SD 3,17	viśeṣaḥ pūrvasmāt kāraṇakalāpādaniṣpadyamāno guṇākhyaṃ svotpattau kāraṇāntaraṃ parikalpayati, yadā tu 
TBV-SD 3,18	yathārthaivopalabdhiḥ svotpādakakāraṇakalāpānumāpikā tadā kathamutpādakavyatirekeṇa guṇasadbhāvaḥ ? | 
TBV-SD 3,19	ayathārthatvaṃ tūpalabdheḥ kāryasya viśeṣaḥ pūrvasmāt kāraṇasamudāyādanupapadyamānaḥ svotpattau sāmagrya- 
TBV-SD 3,20	ntaraṃ kalpayati, ata eva parato'prāmāṇyamucyate, tasyotpattau doṣāpekṣatvāt | na cendriyanairmalyādi 
TBV-SD 3,21	guṇatvena vaktuṃ śakyam, nairmalyaṃ hi tatsvarūpameva, na punaraupādhiko guṇaḥ; tathāvyapadeśastu 
TBV-SD 3,22	doṣābhāvanibandhanaḥ | tathāhi — kāmalādidoṣāsattvānnirmalamindriyamucyate, tatsattve sadoṣam | 
TBV-SD 3,23	manaso'pi middhādyabhāvaḥ svarūpam, tatsadbhāvastu doṣaḥ | viṣayasyāpi niścalatvādiḥ svabhāvaḥ, 
TBV-SD 3,24	calatvādikastu doṣaḥ | pramāturapi kṣudādyabhāvaḥ svarūpam, tatsadbhāvastu doṣaḥ | taduktam — 
TBV-SD 3,25	“iyatī ca sāmagrī pramāṇotpādikā” tadutpadyamānamapi prāmāṇyaṃ svotpādakakā- 
TBV-SD 3,26	raṇavyatiriktaguṇānapekṣatvāt svata ucyate | nāpyetad vaktavyam — tajjanakānāṃ svarūpamayathārtho- 
TBV-SD 3,27	palabdhyā samadhigatam, yathārthatvaṃ tu pūrvasmāt kāryāvagatāt kārakasvarūpādaniṣpadyamānaṃ kimiti 
TBV-SD 3,28	guṇākhyaṃ sāmagryantaraṃ na kalpayati ? | prakriyāyā viparyayeṇāpi kalpayituṃ śakyatvāt | yato na 
TBV-SD 3,29	lokaḥ prāyaśo viparyayajñānāt svarūpasthaṃ kāraṇamapyanuminoti kiṃtu samyagjñānāt; tathāvidhe 
TBV-SD 3,30	ca kārakānumāne'śakyapratiṣedhā pūrvoktaprakriyā | nāpi tṛtīyaṃ kāryamastītyuktam | 
TBV-SD 3,31	api cārthatathābhāvaprakāśanarūpaṃ prāmāṇyam, tasya cakṣurādikāraṇasāmagrīto vijñānotpattā- 
TBV-SD 3,32	vapyanutpattyabhyupagame vijñānasya kiṃ svarūpaṃ bhavadbhiraparamabhyupagamyate ? iti vaktavyam | na ca 
TBV-SD 3,33	tadrūpavyatirekeṇa vijñānasvarūpaṃ bhavanmatena sambhavati, yena prāmāṇyaṃ tatra vijñānotpattāvapyanutpanna- 
TBV-SD 3,34	muttarakālaṃ tatraivotpattimadabhyupagamyeta; bhittāviva citram | kiṃca, yadi svasāmagrīto vijñānotpa- 
TBV-SD 3,35	ttāvapi na prāmāṇyaṃ samutpadyate, kiṃtu tadvyatiriktasāmagrītaḥ paścād bhavati, tadā viruddhadharmā- 
TBV-SD 3,36	dhyāsāt kāraṇabhedācca bhedaḥ syāt; anyathā “ayameva bhedo bhedaheturvā, yaduta viruddhadharmā- 
TBV-SD 3,37	dhyāsaḥ, kāraṇabhedaśca; sa cenna bhedako viśvamekaṃ syāt” iti vacaḥ pariplaveta | 
TBV-SD 4,01	tasmādyata eva guṇavikalasāmagrīlakṣaṇāt kāraṇād vijñānamutpadyate tata eva prāmāṇyamapīti 
TBV-SD 4,02	‘guṇavaccakṣurādibhāvābhāvānuvidhāyitvāt’ ityasiddho hetuḥ | ata evotpattau ‘sāmagryantarā- 
TBV-SD 4,03	napekṣatvaṃ’ nāsiddham, anapekṣatvaviruddhasya sāpekṣatvasya vipakṣe sadbhāvāt tato vyāvarttamāno hetuḥ 
TBV-SD 4,04	svasādhyena vyāpyate iti viruddhā — 'naikāntikatvayorapyabhāva iti bhavatyato hetoḥ svasādhyasiddhiḥ | 
TBV-SD 4,05	arthatathātvaparicchedarūpā ca śaktiḥ prāmāṇyam | śaktayaśca sarvabhāvānāṃ svata eva bhavanti, 
TBV-SD 4,06	notpādakakāraṇakalāpādhīnāḥ | taduktam — 
TBV-SD 4,07		“svataḥ sarvapramāṇānāṃ prāmāṇyamiti gamyatām | 
TBV-SD 4,08		nahi svato'satī śaktiḥ kartumanyena pāryyate” || 
TBV-SD 4,09	etacca naiva satkāryadarśanasamāśrayaṇādabhidhīyate, kiṃtu yaḥ kāryadharmaḥ kāraṇakalāpe'sti sa eva 
TBV-SD 4,10	kāraṇakalāpādupajāyamāne kārye tata evodayamāsādayati; yathā mṛtpiṇḍe vidyamānā rūpādayo 
TBV-SD 4,11	ghaṭe'pi mṛtpiṇḍādupajāyamāne mṛtpiṇḍarūpādidvāreṇopajāyante | ye punaḥ kāryadharmāḥ kāraṇeṣvavi- 
TBV-SD 4,12	dyamānā na te kāraṇebhyaḥ kārye udayamāsādayati tata eva prādurbhavanti, kiṃtu svataḥ; yathā 
TBV-SD 4,13	ghaṭasyaivodakāharaṇaśaktiḥ, tathā vijñāne'pyarthatathātvaparicchedaśaktiḥ cakṣurādiṣu vijñānakāraṇeṣvavi- 
TBV-SD 4,14	dyamānā na tata eva bhavati, kiṃtu svata eva prādurbhavati | kiṃcoktam — 
TBV-SD 4,15		“ātmalābhe hi bhāvānāṃ kāraṇāpekṣitā bhavet | 
TBV-SD 4,16		labdhātmanāṃ svakāryeṣu pravṛttiḥ svayameva tu” || 
TBV-SD 4,17	tathāhi — “mṛtpiṇḍa-daṇḍa-cakrādi ghaṭo janmanyapekṣate | 
TBV-SD 4,18		udakāharaṇe tasya tadapekṣā na vidyate” ||  iti | 
TBV-SD 4,19	atha cakṣurādervijñānakāraṇādupajāyamānatvāt prāmāṇyaṃ parata upajāyata iti yadyabhidhīyate, 
TBV-SD 4,20	tadabhyupagamyata eva | preraṇābuddherapi apauruṣeyavidhivākyaprabhavāyāḥ prāmāṇyotpattyabhyupagamāt | 
TBV-SD 4,21	tathā'numānabuddhirapi gṛhītāvinābhāvānanyāpekṣaliṅgādupajāyamānā tata eva gṛhītaprāmāṇyā 
TBV-SD 4,22	upajāyata iti ‘sarvatra vijñānakāraṇakalāpavyatiriktakāraṇāntarānapekṣamupajāyamānaṃ prāmāṇyaṃ svata 
TBV-SD 4,23	utpadyate’ iti notpattau parataḥ prāmāṇyam || 
TBV-SD 4,25	nāpi ‘svakārye'rthatathābhāvaparicchedalakṣaṇe pravarttamānaṃ pramāṇaṃ svotpādakakāraṇavyatiriktani- 
TBV-SD 4,26	mittāpekṣaṃ pravarttate’ ityabhidhātuṃ śakyam; yatastannimittāntaramapekṣya svakārye pravarttamānaṃ kiṃ saṃvāda- 
TBV-SD 4,27	pratyayamapekṣya pravarttate ? āhosvit svotpādakakāraṇaguṇānapekṣya pravarttate ? iti vikalpadvayam | tatra 
TBV-SD 4,28	yadyādyo vikalpo'bhyupagamyate, tadā cakrakalakṣaṇaṃ dūṣaṇamāpatati | tathāhi — pramāṇasya svakārye pravṛ- 
TBV-SD 4,29	ttau satyāmarthakriyārthināṃ pravṛttiḥ, pravṛttau cārthakriyājñānotpattilakṣaṇaḥ saṃvādaḥ, taṃ ca saṃvādama- 
TBV-SD 4,30	pekṣya pramāṇaṃ svakārye'rthatathābhāvaparicchedalakṣaṇe pravarttata iti yāvat pramāṇasya svakārye na pravṛ- 
TBV-SD 4,31	ttirna tāvadarthakriyārthināṃ pravṛttiḥ, tāmantareṇa nārthakriyājñānasaṃvādaḥ, tatsadbhāvaṃ vinā pramāṇasya 
TBV-SD 4,32	tadapekṣasya svakārye na pravṛttiriti spaṣṭaṃ cakrakalakṣaṇaṃ dūṣaṇamiti | na ca bhāvinaṃ saṃvādapratyayamapekṣya 
TBV-SD 4,33	pramāṇaṃ svakārye pravarttata iti śakyamabhidhātum, bhāvino'sattvena vijñānasya svakārye pravarttamānasya 
TBV-SD 4,34	sahakāritvāsaṃbhavāt | atha dvitīyaḥ, tatrāpi kiṃ gṛhītāḥ svotpādakakāraṇaguṇāḥ santaḥ pramāṇasya 
TBV-SD 4,35	svakārye pravarttamānasya sahakāritvaṃ prapadyante ? āhosvidagṛhītāḥ ? ityatrāpi vikalpadvayam | tatra 
TBV-SD 4,36	yadyagṛhītā iti pakṣaḥ, sa na yuktaḥ; agṛhītānāṃ sattvasyaivāsiddheḥ sahakāritvaṃ dūrotsāritameva | atha 
TBV-SD 4,37	dvitīyaḥ, so'pi na yuktaḥ; anavasthāprasaṅgāt | tathāhi — gṛhītasvakāraṇaguṇāpekṣaṃ pramāṇaṃ svakārye 
TBV-SD 4,38	pravarttate, svakāraṇaguṇajñānamapi svakāraṇaguṇajñānāpekṣaṃ pramāṇakāraṇaguṇaparicchedalakṣaṇe svakārye prava- 
TBV-SD 5,01	rttate, tadapi svakāraṇaguṇajñānāpekṣamityanavasthāsamavatāro durnivāra iti | atha pramāṇakāraṇaguṇa- 
TBV-SD 5,02	jñānaṃ svakāraṇaguṇajñānānapekṣameva pramāṇakāraṇaguṇaparicchedalakṣaṇe svakārye pravarttate, tarhi pramāṇamapi 
TBV-SD 5,03	svakāraṇaguṇajñānānapekṣamevārthaparicchedalakṣaṇe svakārye pravarttiṣyata iti vyarthaṃ pramāṇasya svakāraṇagu- 
TBV-SD 5,04	ṇajñānāpekṣaṇamiti na svakārye pravarttamānaṃ pramāṇamanyāpekṣam | taduktam — 
TBV-SD 5,05		“jāte'pi yadi vijñāne tāvannārtho'vadhāryate | 
TBV-SD 5,06		yāvat kāraṇaśuddhatvaṃ na pramāṇāntarād gatam || 
TBV-SD 5,07		tatra jñānāntarotpādaḥ pratīkṣyaḥ kāraṇāntarāt | 
TBV-SD 5,08		yāvaddhi na paricchinnā śuddhistāvadasatsamā || 
TBV-SD 5,09		tasyāpi kāraṇāśuddherna jñānasya pramāṇatā | 
TBV-SD 5,10		tasyāpyevamitītthaṃ tu na kvacidvyavatiṣṭhate” ||  iti 
TBV-SD 5,11	tena ‘ye pratīkṣitapratyayāntarodayāḥ’ iti prayoge hetorasiddhiḥ | tasmāt — ‘svasāmagrīta upajā- 
TBV-SD 5,12	yamānaṃ pramāṇamarthayāthātmyaparicchedaśaktiyuktamevopajāyata’ iti svakārye'pi pravṛttiḥ svataḥ 
TBV-SD 5,13	iti sthitam || 
TBV-SD 5,15	nāpi pramāṇaṃ prāmāṇyaniścaye'nyāpekṣam | tadhdyapekṣamāṇaṃ kiṃ svakāraṇaguṇānapekṣate ? āhosvit 
TBV-SD 5,16	saṃvādam ? iti vikalpadvayam | tatra yadi svakāraṇaguṇānapekṣata iti pakṣaḥ kakṣīkriyate, so'saṃgataḥ; 
TBV-SD 5,17	svakāraṇaguṇānāṃ pratyakṣa — tatpūrvakānumānāgrāhyatvenāsattvasya prāgeva pratipādanāt | athābhidhīyate — 
TBV-SD 5,18	yo yaḥ kāryaviśeṣaḥ sa sa guṇavatkāraṇaviśeṣapūrvakaḥ, yathā prāsādādiviśeṣaḥ, kāryaviśeṣaśca 
TBV-SD 5,19	yathāvasthitārthapariccheda iti svabhāvaheturiti, etadasambaddham; paricchedasya yathāvasthitārthapari- 
TBV-SD 5,20	cchedatvāsiddheḥ | tathāhi — paricchedasya yathāvasthitārthaparicchedatvaṃ kiṃ śuddhakārakajanyatvena ? uta 
TBV-SD 5,21	saṃvāditvena ? āhosvid bādhārahitatvena ? utasvid arthatathātvena ? iti vikalpāḥ | tatra yadi 
TBV-SD 5,22	guṇavatkāraṇajanyatveneti pakṣaḥ, sa na yuktaḥ; itaretarāśrayadoṣaprasaṅgāt | tathāhi — guṇavatkāraṇa- 
TBV-SD 5,23	janyatvena paricchedasya yathāvasthitārthaparicchedatvam, tatparicchedatvācca guṇavatkāraṇajanyatvamiti pari- 
TBV-SD 5,24	sphuṭamitaretarāśrayatvam | atha saṃvāditvena jñānasya yathāvasthitārthaparicchedatvaṃ vijñāyate, etadapya- 
TBV-SD 5,25	cāru; cakrakaprasaṅgasyātra pakṣeṃ durnivāratvāt | tathāhi — na yāvad vijñānasya yathāvasthitārthapariccheda- 
TBV-SD 5,26	lakṣaṇo viśeṣaḥ sidhyati, na tāvat tatpūrvikā pravṛttiḥ saṃvādārthinām, yāvacca na pravṛttirna tāvada- 
TBV-SD 5,27	rthakriyāsaṃvādaḥ, yāvacca na saṃvādo na tāvad vijñānasya yathāvasthitārthaparicchedatvasiddhiriti cakraka- 
TBV-SD 5,28	prasaṅgaḥ prāgeva pratipāditaḥ | atha bādhārahitatvena vijñānasya yathārthaparicchedatvamadhyavasīyate, tada- 
TBV-SD 5,29	pyasaṅgatam; svābhyupagamavirodhāt | tadabhyupagamavirodhaśca — bādhāvirahasya tucchasvabhāvasya sattvena, 
TBV-SD 5,30	jñāpakatvena vā'naṅgīkaraṇāt; paryudāsavṛttyā tadanyajñānalakṣaṇasya tu vijñānaparicchedaviśeṣāviṣaya- 
TBV-SD 5,31	tvena tadvyavasthāpakatvānupapatteḥ | athārthatathātvena yathāvasthitārthaparicchedalakṣaṇo viśeṣo vijñānasya 
TBV-SD 5,32	vyavasthāpyate, so'pi na yuktaḥ; itaretarāśrayadoṣaprasaṅgāt | tathāhi — siddhe'rthatathābhāve tadvijñānasyā- 
TBV-SD 5,33	rthatathābhāvaparicchedatvasiddhiḥ, tatsiddheścārthatathābhāvasiddhiriti parisphuṭamitaretarāśrayatvam | tanna 
TBV-SD 5,34	kāraṇaguṇāpekṣā prāmāṇyajñaptiḥ | atha saṃvādāpekṣaḥ prāmāṇyaviniścayaḥ, so'pi na yuktaḥ; yataḥ 
TBV-SD 5,35	saṃvādakaṃ jñānaṃ kiṃ samānajātīyamabhyupagamyate ? āhosvid bhinnajātīyam ? iti punarapi vikalpa- 
TBV-SD 5,36	dvayam | tatra yadi samānajātīyaṃ saṃvādakamabhyuṃpagamyate, tadā'trāpi vaktavyam — kimekasantānaprabha- 
TBV-SD 5,37	vam ? bhinnasantānaprabhavaṃ vā ? | yadi bhinnasantānaprabhavaṃ samānajātīyaṃ jñānāntaraṃ saṃvādakamitya- 
TBV-SD 5,38	bhyupagamaḥ, ayamapyanupapannaḥ; atiprasaṅgāt | atiprasaṅgaśca — devadattaghaṭavijñānaṃ prati yajñadattaghaṭāntara- 
TBV-SD 5,39	vijñānasyāpi saṃvādakatvaprasakteḥ | atha samānasantānaprabhavaṃ samānajātīyaṃ jñānāntaraṃ saṃvādakamabhyupa- 
TBV-SD 5,40	gamyate, tadātrāpi vaktavyam — kiṃ tat pūrvapramāṇābhimatavijñānagṛhītārthaviṣayam ? uta bhinnaviṣayam ? 
TBV-SD 6,01	iti | tatra yadyekārthaviṣayamiti pakṣaḥ, so'nupapannaḥ; ekārthaviṣayatve saṃvādya — saṃvādakayoravi- 
TBV-SD 6,02	śeṣāt | tathāhi — ekaviṣayatve sati yathā prāktanamuttarakālabhāvino vijñānasyaikasantānaprabhavasya 
TBV-SD 6,03	samānajātīyasya na saṃvādakaṃ tathottarakālabhāvyapi na syāt | kiṃca, taduttarakālabhāvi samāna- 
TBV-SD 6,04	jātīyamekaviṣayaṃ kutaḥ pramāṇatvena siddham — yena prathamasya — prāmāṇyaṃ niścāyayati ? taduttarakā- 
TBV-SD 6,05	labhāvino'nyasmāt tathāvidhādeveti cet, tarhi tasyāpyanyasmāt tathāvidhādeva ityanavasthā | 
TBV-SD 6,06	athottarakālabhāvinastathāvidhasya prathamapramāṇāt prāmāṇyaniścayaḥ, tarhi prathamasyottarakāla- 
TBV-SD 6,07	bhāvinaḥ pramāṇāt tanniścayaḥ, uttarakālabhāvino'pi prathamapramāṇāditi tadevetaretarāśrayatvam | 
TBV-SD 6,08	atha prathamo — ttarayorekaviṣayatva — samānajātīyatvai — kasantānatvāviśeṣe'pyastyanyo viśeṣaḥ, yato 
TBV-SD 6,09	viśeṣād uttaraṃ prathamasya prāmāṇyaṃ niścāyayati, na punaḥ prathamamuttarasya; sa ca viśeṣaḥ — utta- 
TBV-SD 6,10	rasya kāraṇaśuddhiparijñānānantarabhāvitvam | nanu kāraṇaśuddhiparijñānamarthakriyāparijñānamantareṇa 
TBV-SD 6,11	na sambhavati, tatra ca cakrakadoṣaḥ prāk pratipādita iti nārthakriyājñānasambhavaḥ; sambhave 
TBV-SD 6,12	vā tata eva prāmāṇyaniścayasya saṃjātatvād vyarthamuttarakālabhāvinaḥ kāraṇaśuddhijñānavi- 
TBV-SD 6,13	śeṣasamanvitasya pūrvaprāmāṇyāvagamahetutvakalpanam; tanna samānajātīyamekasantānaprabhavamekārthamu- 
TBV-SD 6,14	ttarajñānaṃ pūrvajñānaprāmāṇyaniścāyakam | atha bhinnārthaṃ tad jñānaṃ pūrvajñānaprāmāṇyaniścāyakam, tada- 
TBV-SD 6,15	pyayuktam; evaṃ sati śuktikāyāṃ rajatajñānasya tathābhūtaṃ śuktikājñānaṃ prāmāṇyaniścāyakaṃ syāt; 
TBV-SD 6,16	tanna samānajātīyamuttarajñānaṃ pūrvajñānasya prāmāṇyaniścāyakam | atha bhinnajātīyaṃ prāmāṇyaniścāya- 
TBV-SD 6,17	kamiti pakṣaḥ, tatrāpi vaktavyam — kim arthakriyājñānam ? uta anyat ? | tatrānyaditi na vaktavyam, 
TBV-SD 6,18	ghaṭajñānasyāpi paṭajñānaprāmāṇyaniścāyakatvaprasaṅgāt | athārthakriyājñānaṃ saṃvādakamityabhyupagamaḥ, 
TBV-SD 6,19	ayamapi na yuktaḥ; arthakriyājñānasyaiva prāmāṇyaniścayābhāve pravṛttyādyabhāvataścakrakadoṣeṇāsambhavāt | 
TBV-SD 6,20	atha prāmāṇyaniścayābhāve'pi saṃśayādapi pravṛttisambhavānnārthakriyājñānasyāsambhavaḥ, tarhi prāmāṇya- 
TBV-SD 6,21	niścayo vyarthaḥ | tathāhi — prāmāṇyaniścayamantareṇa pravṛttaḥ ‘visaṃvādabhāg mā bhūvam’ ityartha- 
TBV-SD 6,22	kriyārthī prāmāṇyaniścayamanveṣate, sā ca pravṛttistanniścayamantareṇāpi saṃjāteti vyarthaḥ prāmāṇya- 
TBV-SD 6,23	niścayaprayāsaḥ | kiṃca, arthakriyājñānasyāpi prāmāṇyaniścāyakatvenābhyupagamyamānasya kutaḥ prāmāṇya- 
TBV-SD 6,24	niścayaḥ ? tadanyārthakriyājñānāditi cet, anavasthā | pūrvapramāṇāditi cet, anyo'nyāśrayadoṣaḥ 
TBV-SD 6,25	prāk pradarśito'trāpi | athārthakriyājñānasya svata eva prāmāṇyaniścayaḥ, prathamasya tathābhāve pradveṣaḥ 
TBV-SD 6,26	kiṃnibandhanaḥ ? | taduktam — 
TBV-SD 6,27		“yathaiva prathamaṃ jñānaṃ tatsaṃvādamapekṣate | 
TBV-SD 6,28		saṃvādenāpi saṃvādaḥ punarmṛgyastathaiva hi || 
TBV-SD 6,29		kasyacittu yadīṣyeta svata eva pramāṇatā | 
TBV-SD 6,30		prathamasya tathābhāve pradveṣaḥ kena hetunā ? || 
TBV-SD 6,31		saṃvādasyātha pūrveṇa saṃvāditvāt pramāṇatā | 
TBV-SD 6,32		anyo'nyāśrayabhāvena na prāmāṇyaṃ prakalpate” ||  iti | 
TBV-SD 6,33	athāpi syādarthakriyājñānamarthābhāve na dṛṣṭamiti na tat svaprāmāṇyaniścaye'nyāpekṣam, sādha- 
TBV-SD 6,34	najñānaṃ tu arthābhāve'pi dṛṣṭamiti tat prāmāṇyaniścaye'rthakriyājñānāpekṣamiti, etadapyasaṅgatam; 
TBV-SD 6,35	arthakriyājñānasyāpyarthamantareṇa svapnadaśāyāṃ darśanāt; na ca svapna — jāgraddaśā'vasthayoḥ kaścidviśeṣaḥ 
TBV-SD 6,36	pratipādayituṃ śakyaḥ | athārthakriyājñānaṃ phalāvāptirūpatvānna svaprāmāṇyaniścaye'nyāpekṣam, sādhana- 
TBV-SD 6,37	vinirbhāsi punarjñānaṃ nārthakriyāvāptirūpaṃ bhavati tat svaprāmāṇyaniścaye'nyāpekṣam | tathāhi — 
TBV-SD 6,38	jalāvabhāsini jñāne samutpanne pānā — 'vagāhanādyarthinaḥ ‘kimetajjñānāvabhāsi jalamabhimataṃ phalaṃ 
TBV-SD 6,39	sādhayiṣyati, uta na’ iti jātāśaṅkāḥ tatprāmāṇyavicāraṃ pratyādriyante; pānā — 'vagāhanārthā- 
TBV-SD 7,01	vāptijñāne tu samutpanne'vāptaphalatvānna tatprāmāṇyavicāraṇāya manaḥ praṇidadhati, naitat sāram; 
TBV-SD 7,02	‘avāptaphalatvāt’ ityasyānuttaratvāt | tathāhi — yathā te vicārakatvājjalajñānāvabhāsino jalasya 
TBV-SD 7,03	‘kiṃ sattvam ? utāsattvam ? ’ iti vicāraṇāyāṃ pravṛttāstathā phalajñānanirbhāsino'pyarthasya sattvā'- 
TBV-SD 7,04	sattvavicāraṇāyāṃ pravarttante; anyathā tadapravṛttau tadavabhāsino'rthasyāsattvāśaṅkayā tajjñānasyā'- 
TBV-SD 7,05	vastuviṣayatvenāpramāṇatayā śaṅkyamānasya na tajjalāvabhāsipravarttakajñānaprāmāṇyavyavasthāpakatvam | 
TBV-SD 7,06	tataścānyasya tatsamānarūpatayā prāmāṇyaniścayābhāvāt katham ‘arthakriyārthā pravṛttirniścitaprāmā- 
TBV-SD 7,07	ṇyād jñānāt’ ityabhyupagamaḥ śobhanaḥ ? | kiṃca, bhinnajātīyaṃ saṃvādakajñānaṃ pūrvasya prāmāṇyaniścāyaka- 
TBV-SD 7,08	mabhyupagamyamānamekārtham ? bhinnārthaṃ vā ? | yadyekārthamityabhyupagamaḥ — sa na yuktaḥ, bhavanmatenā- 
TBV-SD 7,09	ghaṭamānatvāt | tathāhi — rūpajñānād bhinnajātīyaṃ sparśādijñānam, tatra ca sparśādikamābhāti 
TBV-SD 7,10	na rūpam, rūpajñāne tu rūpam — na sparśādikam — ābhāti, rūpa — sparśayośca parasparaṃ bhedaḥ; na cāva- 
TBV-SD 7,11	yavī rūpa — sparśajñānayoreko viṣayatayā'bhyupagamyate, yenaikaviṣayaṃ bhinnajātīyaṃ pūrvajñānaprāmāṇya- 
TBV-SD 7,12	vyavasthāpakaṃ bhavet | api ca, ekaviṣayatve'pi kiṃ yena svarūpeṇa vyavasthāpye jñāne so'rthaḥ 
TBV-SD 7,13	pratibhāti, kiṃ tenaiva vyavasthāpake ? utānyena ? | tatra yadi tenaivetyabhyupagamaḥ, sa na yuktaḥ; vyavasthā- 
TBV-SD 7,14	pakasya tāvaddharmārthaviṣayatvena smṛtivadapramāṇatvena vyavasthāpakatvāsambhavāt | atha rūpāntareṇa 
TBV-SD 7,15	so'rthastatra vijñāne pratibhāti; nanvevaṃ saṃvādya — saṃvādakayorekaviṣayatvaṃ na syāditi dvitīya eva 
TBV-SD 7,16	pakṣo'bhyupagataḥ syāt, sa cāyuktaḥ; sarvasyāpi bhinnaviṣayasyaikasantānaprabhavasya vijātīyasya 
TBV-SD 7,17	prāmāṇyavyavasthāpakatvaprasaṅgāt | tathā kiṃ tat samānakālamarthakriyājñānaṃ pūrvajñānaprāmāṇyaniścā- 
TBV-SD 7,18	yakam ? āhosvid bhinnakālam ? | yadi samānakālam — kiṃ sādhananirbhāsijñānagrāhi ? uta tadagrāhi ? 
TBV-SD 7,19	iti punarapi vikalpadvayam | yadi tadgrāhi, tadasat; jñānāntarasya cakṣurādijñāneṣvapratibhāsanāt, 
TBV-SD 7,20	pratiniyatarūpādiviṣayatvena cakṣurādijñānānāmabhyupagamāt | atha tadagrāhi, na tarhi tajjñānaprāmāṇya- 
TBV-SD 7,21	niścāyakam, tadagrahe tadgatadharmāṇāmapyagrahāt | atha bhinnakālam, tadapyayuktam; pūrvajñānasya 
TBV-SD 7,22	kṣaṇikatvena nāśāduttarakālabhāvivijñāne'pratibhāsanāt, bhāsane cottaravijñānasyāsadviṣayatve- 
TBV-SD 7,23	nāprāmāṇyaprasaktitastadgrāhakatvena na tatprāmāṇyaniścāyakatvam | tadagrāhakaṃ tu bhinnakālaṃ sutarāṃ 
TBV-SD 7,24	na tanniścāyakamiti na bhinnakālamapyekasantānajaṃ bhinnajātīyaṃ prāmāṇyaniścāyakamiti na saṃvādāpekṣaḥ 
TBV-SD 7,25	pūrvapramāṇaprāmāṇyaniścayaḥ | tena jñaptāvapi ‘ye yadbhāvaṃ pratyanapekṣāḥ’ iti prayoge hetornāsiddhiḥ | 
TBV-SD 7,26	vyāptistu sādhyavipakṣā'tanniyatatvavyāpakāt sāpekṣatvānnivarttamānamanapekṣatvaṃ tanniyatatvena vyāpyate 
TBV-SD 7,27	iti pramāṇasiddhaiva | yataśca na pūrvoktena prakāreṇa parataḥprāmāṇyaniścayaḥ sambhavati, tato ‘ye sandeha — 
TBV-SD 7,28	viparyayaviṣayīkṛtātmatattvāḥ’ iti prayoge vyāptyasiddhiḥ | hetoścāsiddhatā sarvaprāṇabhṛtāṃ prāmāṇye 
TBV-SD 7,29	sandeha — viparyayābhāvāt | tathāhi — jñāne samutpanne sarveṣām ‘ayamarthaḥ’ iti niścayo bhavati, na 
TBV-SD 7,30	ca prāmāṇyasya sandehe, viparyate vā satyeṣa yuktaḥ | taduktam — 
TBV-SD 7,31		“prāmāṇyagrahaṇāt pūrvaṃ svarūpeṇaiva saṃsthitam | 
TBV-SD 7,32		nirapekṣaṃ svakārye ca” iti | 
TBV-SD 7,33	svārthaniścayo hi pramāṇakāryam — na ca tat pramāṇāntaragrahaṇaṃ cāpekṣata iti gamyate — na caitat 
TBV-SD 7,34	saṃśaya — viparyayaviṣayatve sambhavatīti | 
TBV-SD 7,35	atha pramāṇā — 'pramāṇayorutpattau tulyaṃ rūpamiti na saṃvāda — visaṃvādāvantareṇa tayoḥ prāmā- 
TBV-SD 7,36	ṇyā — 'prāmāṇyaniścayaḥ, tadasat; apramāṇe taduttarakālamavaśyaṃbhāvinau bādhaka — kāraṇadoṣapratyayau, 
TBV-SD 7,37	tena tatrāprāmāṇyaniścayaḥ; pramāṇe tu tayorabhāvāt kuto'prāmāṇyāśaṅkā ? | atha tattulyarūpe 
TBV-SD 7,38	tayordarśanāt tatrāpi tadāśaṅkā, sā'pi na yuktā; tri — caturajñānāpekṣāmātratastatra tasyā 
TBV-SD 7,39	nivṛtteḥ | na ca tadapekṣātaḥ svataḥprāmāṇyavyāhatiḥ, anavasthā vetyāśaṅkanīyam, saṃvādakajñāna- 
TBV-SD 8,01	syāprāmāṇyāśaṅkāvyavacchede eva vyāpārāt — aparajñānānapekṣaṇācca | tathāhi — anutpannabādhake jñāne 
TBV-SD 8,02	paratra bādhyamānapratyayasādharmyādaprāmāṇyāśaṅkā, tasyāṃ satyāṃ tṛtīyajñānāpekṣā, taccotpannaṃ yadi 
TBV-SD 8,03	prathamajñānasaṃvādi, tadā tena na prathamajñānaprāmāṇyaniścayaḥ kriyate, kiṃtu dvitīyajñānena yat tasyā' — 
TBV-SD 8,04	prāmāṇyamāśaṅkitaṃ tadeva tenāpākriyate; prathamasya tu svata eva prāmāṇyamiti | evaṃ tṛtīye'pi 
TBV-SD 8,05	kathañcit saṃśayotpattau caturthajñānāpekṣāyāmayameva nyāyaḥ | taduktam — 
TBV-SD 8,06		“evaṃ tricaturajñānajanmano nādhikā matiḥ | 
TBV-SD 8,07		prārthyate tāvataivaikaṃ svataḥ prāmāṇyamaśnute” ||  iti 
TBV-SD 8,08	yatra ca duṣṭaṃ kāraṇam, yatra ca bādhakapratyayaḥ — sa eva mithyāpratyayaḥ — ityasyāpyayameva viṣayaḥ | catu- 
TBV-SD 8,09	rthajñānāpekṣā tvabhyupagamavādata uktā, natu tadapekṣā'pi bhāvato vidyate | atha tṛtīyajñānaṃ dvitī- 
TBV-SD 8,10	yajñānasaṃvādi, tadā prathamasyāprāmāṇyaniścayaḥ — sa tu — tatkṛto'bhyupagamyate eva; kiṃtu dvitīyasya 
TBV-SD 8,11	yadaprāmāṇyamāśaṅkitaṃ tat tenā'pākriyate, na punastasya dvitīyaprāmāṇyaniścāyakatve vyāpāraḥ | yatra 
TBV-SD 8,12	tvabhyaste viṣaye'rthatathātvaśaṅkā nopajāyate tatra balādutpādyamānā śaṅkā tatkarturanarthakāriṇītyāve- 
TBV-SD 8,13	ditaṃ vārttikakṛtā — 
TBV-SD 8,14		“āśaṅketa hi yo mohādajātamapi bādhakam | 
TBV-SD 8,15		sa sarvavyavahāreṣu saṃśayātmā kṣayaṃ vrajet” ||  iti | 
TBV-SD 8,16	na caitadabhiśāpamātram, yato'śaṅkanīye'pi viṣaye'bhiśaṅkināṃ sarvatrārthā — 'narthaprāptiparihārārthi- 
TBV-SD 8,17	nāmiṣṭā — 'niṣṭaprāpti — parihārasamarthapravṛttyādivyavahārāsambhavād nyāyaprāpta eva kṣayaḥ, svotprekṣita- 
TBV-SD 8,18	nimittanibandhanāyā āśaṅkāyāḥ sarvatra bhāvāt | 
TBV-SD 8,19	preraṇājanitā tu buddhirapauruṣeyatvena doṣarahitāt preraṇālakṣaṇācchabdādupajāyamānā liṅgā — 
TBV-SD 8,20	''ptoktā — 'kṣabuddhivat pramāṇaṃ sarvatra svataḥ | taduktam — 
TBV-SD 8,21		“codanājanitā buddhiḥ pramāṇaṃ doṣavarjitaiḥ | 
TBV-SD 8,22		kāraṇairjanyamānatvālliṅgā — ''ptoktā — 'kṣabuddhivat” ||  iti | 
TBV-SD 8,23	tasmāt svataḥ prāmāṇyam, aprāmāṇyaṃ parata iti vyavasthitam | ataḥ sarvapramāṇānāṃ svataḥ 
TBV-SD 8,24	siddhatvād yuktamuktam — ‘svataḥ siddhaṃ śāsanaṃ nātaḥ prakaraṇāt prāmāṇyena pratiṣṭhāpyam’ | idaṃ 
TBV-SD 8,25	tvayuktam — ‘jinānām’ iti, jinānāmasattvena śāsanasya tatkṛtatvānupapatteḥ; upapattāvapi parataḥ- 
TBV-SD 8,26	prāmāṇyasya niṣiddhatvāditi || 
TBV-SD 8,28	atra pratividhīyate, yattāvaduktam — ‘arthatathābhāvaprakāśako jñātṛvyāpāraḥ pramāṇam’, tadayuktam; 
TBV-SD 8,29	parābhyupagatajñātṛvyāpārasya pramāṇatvena niṣetsyamānatvāt | yadapyanyadabhyadhāyi — ‘tasya yathārthaprakā- 
TBV-SD 8,30	śakatvaṃ prāmāṇyam, taccotpattau svataḥ, vijñānakāraṇacakṣurādivyatiriktaguṇānapekṣatvāt’ tatra prāmā- 
TBV-SD 8,31	ṇyasyotpattiravidyamānasyātmalābhaḥ, sā cennirhetukā, “deśa — kāla — svabhāvaniyamo na syāt” ityanyatra 
TBV-SD 8,32	pratipāditam | kiṃca, guṇavaccakṣurādisadbhāve sati yathāvasthitārthapratipattirdṛṣṭā, tadabhāve na dṛṣṭā 
TBV-SD 8,33	iti taddhetukā vyavasthāpyate, anvaya — vyatirekanibandhanatvādanyatrāpi hetuphalabhāvasya, anyathā doṣa- 
TBV-SD 8,34	vaccakṣurādyanvaya — vyatirekānuvidhāyinī mithyāpratipattirapi svataḥ syāt | tathā'bhyupagame 
TBV-SD 8,35		“vastuvād dvividhasyātra saṃbhavo duṣṭakāraṇāt”
TBV-SD 8,36	iti vaco vyāhatamanuṣajyeta | yadapi ‘atyakṣā'kṣāśritaguṇasadbhāve pratyakṣāpravṛtteḥ tatpūrvakānumāna- 
TBV-SD 8,37	syāpi tadgrāhakatvenāvyāpārāt cakṣurādigataguṇānāmasattvāt tadanvaya — vyatirekānuvidhāyitvaṃ 
TBV-SD 9,01	prāmāṇyasyotpattāvayuktam’ ityuktam, tadapyasaṅgatam; aprāmāṇyotpattāvapyasya doṣasya samānatvāt | 
TBV-SD 9,02	tathāhi — ‘atīndriyalocanādyāśritā doṣāḥ kiṃ pratyakṣeṇa pratīyante, utānumānena ? na tāvat pratya- 
TBV-SD 9,03	kṣeṇa, indriyādīnāmatīndriyatvena tadgatadoṣāṇāmapyatīndriyatvena teṣu pratyakṣasyāpravṛtteḥ | nāpyanu- 
TBV-SD 9,04	mānena, anumānasya gṛhītapratibandhaliṅgaprabhavatvābhyupagamāt, liṅgapratibandhagrāhakasya ca pratyakṣa- 
TBV-SD 9,05	syānumānasya cātra viṣaye'sambhavāt, pramāṇāntarasya cātrānantarbhūtasyāsattvena pratipādayiṣyamāṇa- 
TBV-SD 9,06	tvāt’ ityādi sarvamaprāmāṇyotpattikāraṇabhūteṣu locanādyāśriteṣu doṣeṣvapi samānamiti teṣāma- 
TBV-SD 9,07	pyasattvāt tadanvaya — vyatirekānuvidhānasyāsiddhatvādaprāmāṇyamapyutpattau svataḥ syāt | yadapi 
TBV-SD 9,08	‘atha kāryeṇa yathārthopalabdhyātmakena teṣāmadhigamaḥ’ ityādi ‘yato na lokaḥ prāyaśo viparyayajñānā- 
TBV-SD 9,09	dutpādakaṃ kāraṇamātramanuminoti kiṃtu samyagjñānāt’ ityantamabhyadhāyi, tadapyasaṅgatam; yato 
TBV-SD 9,10	yadi lokavyavahārasamāśrayaṇena prāmāṇyā'prāmāṇye vyavasthāpyete tadā'prāmāṇyavat prāmāṇyamapi 
TBV-SD 9,11	parato vyavasthāpanīyam | tathāhi — loko yathā mithyājñānaṃ doṣavaccakṣurādiprabhavamabhidadhāti tathā 
TBV-SD 9,12	samyagjñānamapi guṇavaccakṣurādisamutthamiti tadabhiprāyādaprāmāṇyavat prāmāṇyamapyutpattau parataḥ 
TBV-SD 9,13	kathaṃ na syāt ? tathāhi — timirādidoṣāvaṣṭabdhacakṣuṣko viśiṣṭauṣadhopayogāvāptākṣinairmalyaguṇaḥ 
TBV-SD 9,14	kenacit suhṛdā ‘kīdṛkṣe bhavato locane varttete’ iti pṛṣṭaḥ san prāha — ‘prāk sadoṣe abhūtāmidānīṃ 
TBV-SD 9,15	samāsāditaguṇe saṃjāte’ iti | na ca nairmalyaṃ doṣābhāvameva loko vyapadiśati iti śakyamabhidhā- 
TBV-SD 9,16	tum, timirāderapi guṇābhāvarūpatvavyapadeśaprāpteḥ; tathāca aprāmāṇyamapi prāmāṇyavat svataḥ syāt | 
TBV-SD 9,17	yadapyabhyadhāyi ‘na ca tṛtīyaṃ kāryamasti’ iti, tadapyasamyak; tṛtīyakāryābhāve'pi pūrvoktanyāyena 
TBV-SD 9,18	prāmāṇyasyotpattau parataḥ siddhatvāt | yacca ‘api cārthatathābhāvaprakāśanalakṣaṇaṃ prāmāṇyam’ ityādi 
TBV-SD 9,19	‘viśvamekaṃ syāditi vacaḥ pariplaveta’ itiparyavasānamabhihitam, tadapi aviditaparābhiprāyeṇa; 
TBV-SD 9,20	yato na parasyāyamabhyupagamaḥ — vijñānasya cakṣurādisāmagrīta utpattāvapyarthatathābhāvaprakāśanalakṣa- 
TBV-SD 9,21	ṇasya prāmāṇyasya nairmalyādisāmagryantarāt paścādutpattiḥ, kiṃtu guṇavaccakṣurādisāmagrīta upajāya- 
TBV-SD 9,22	mānaṃ vijñānamāgṛhītaprāmāṇyasvarūpamevopajāyata iti | jñānavat tadavyatiriktasvabhāvaṃ prāmāṇyamapi 
TBV-SD 9,23	parata iti guṇavaccakṣurādisāmagryapekṣatvādutpattau prāmāṇyasyānapekṣatvalakṣaṇasvabhāvaheturasiddho'na- 
TBV-SD 9,24	pekṣatvasvarūpa iti ‘tasmādyata eva guṇavikalasāmagrīlakṣaṇāt’ ityādyayuktamabhihitam | ‘arthatathā- 
TBV-SD 9,25	tvaparicchedarūpā ca śaktiḥ prāmāṇyam, śaktayaśca sarvabhāvānāṃ svata eva bhavanti’ ityādi yadabhidhā- 
TBV-SD 9,26	nam, tadapyasamīcīnam; evamabhidhāne'yathāvasthitārthaparicchedaśakterapyaprāmāṇyarūpāyā asatyāḥ 
TBV-SD 9,27	kenacit kartumaśaktestadapi svataḥ syāt | yadapi ‘etacca naiva satkāryadarśanasamāśrayaṇādabhidhīyate’ 
TBV-SD 9,28	ityādi ‘tadapekṣā na vidyate’ itiparyantamabhihitam, tadapi pralāpamātram; yato'nena nyāyenāprāmā- 
TBV-SD 9,29	ṇyamapi prāmāṇyavat svata eva syāt | tadapi hi viparītārthaparicchedaśaktilakṣaṇaṃ na timirādidoṣa- 
TBV-SD 9,30	saṅgatimatsu locanādiṣu astīti | api ca, jñānarūpatāmātmanyasatīmāvirbhāvayantīndriyādayo na 
TBV-SD 9,31	punaryathāvasthitārthaparicchedaśaktimiti na kiṃcinnimittamutpaśyāmaḥ | kutaścaitadaiśvaryaṃ śaktibhiḥ prāptaṃ 
TBV-SD 9,32	yata imāḥ svata evodayaṃ pratyāsāditamāhātmyāḥ, na punastadādhārābhimatā bhāvaviśeṣā iti ? na ca 
TBV-SD 9,33	tāstebhyaḥ prāptavyatirekāḥ, yataḥ svādhārābhimatabhāvakāraṇebhyo bhāvasyotpattāvapi na tebhya evo- 
TBV-SD 9,34	tpattimanubhaveyuḥ | vyatireke, svāśrayaistato'bhavantyo na sambandhamāpnuyuḥ, bhinnānāṃ kāryakāraṇabhāva- 
TBV-SD 9,35	vyatirekeṇāparasya sambandhasyābhāvāt, āśrayāśrayisambandhasyāpi janyajanakabhāvābhāve'tiprasaṅgato 
TBV-SD 10,01	niṣetsyamānatvāt | dharmatvācchakterāśraya ityapyayuktam, asati pāratantrye paramārthatastadayogāt | 
TBV-SD 10,02	pāratantryamapi na sataḥ, sarvanirāśaṃsattvāt | asato'pi vyomakusumasyeva na, tattvādeva | animi- 
TBV-SD 10,03	ttāścemā na deśa — kāla — dravyaniyamaṃ pratipadyeran; taddhi kiñcit kvacidupalīyeta na vā yad yatra katha- 
TBV-SD 10,04	ñcidāyattamanāyattaṃ vā | sarvapratibandhavivekinyaścecchaktayo nemāḥ kasyacit kadācid virameyuriti 
TBV-SD 10,05	pratiniyataśaktiyogitā bhāvānāṃ pramāṇapramitā na syāt | vyatirekā'vyatirekapakṣastu śaktīnāṃ 
TBV-SD 10,06	virodhā'navasthobhayapakṣoktadoṣādiparihārād vinā'nuddhoṣyaḥ | anubhayapakṣastu na yuktaḥ, paraspara- 
TBV-SD 10,07	parihārasthitarūpāṇāmekaniṣedhasyāparavidhānanāntarīyakatvāt | na ca vihitasya punastasyaiva niṣedhaḥ, 
TBV-SD 10,08	vidhi — pratiṣedhayorekatra virodhāt | ye tvāhuḥ — “uttarakālabhāvinaḥ saṃvādapratyayānna janma prati- 
TBV-SD 10,09	padyate śaktilakṣaṇaṃ prāmāṇyamiti svata ucyate na punarvijñānakāraṇānnopajāyate” iti, te'pi na 
TBV-SD 10,10	samyak pracakṣate; siddhasādhyatādoṣāt, aprāmāṇyamapi caivaṃ svataḥ syāt, nahi ‘tadapyutpanne jñāne 
TBV-SD 10,11	visaṃvādapratyayāduttarakālabhāvinaḥ tatrotpadyate’ iti kasyacidabhyupagamaḥ | yadā ca guṇavatkāraṇa- 
TBV-SD 10,12	janyatā prāmāṇyasya śaktirūpasya prāktananyāyādavasthitā tadā kathamautsargikatvaṃ tasya duṣṭakāraṇa- 
TBV-SD 10,13	prabhaveṣu mithyāpratyayeṣvabhāvāt, parasparavyavacchedarūpāṇāmekatrāsambhavāt ? tasmād “guṇebhyo doṣā- 
TBV-SD 10,14	ṇāmabhāvastadabhāvād aprāmāṇyadvayāsattvenotsargo'napodita evāste” iti vacaḥ pariphalguprāyam | 
TBV-SD 10,15	itaścaitadvaco'yuktam, viparyayeṇāpyasyoddhoṣayituṃ śakyatvāt | tathāhi — doṣebhyo guṇānāmabhāvasta- 
TBV-SD 10,16	dabhāvāt prāmāṇyadvayāsattvenāprāmāṇyamautsargikamāsta iti bruvato na vaktraṃ vakrībhavati | 
TBV-SD 10,17	kiṃca, ‘guṇebhyo doṣāṇāmabhāva’ iti na tuccharūpo doṣābhāvo guṇavyāpāraniṣpādyaḥ | tatra 
TBV-SD 10,18	vyatiriktā'vyatiriktavikalpadvāreṇa kārakavyāpārasyāsambhavāt bhavadbhiranabhyupagamācca | tucchā- 
TBV-SD 10,19	bhāvasyābhyupagame vā — 
TBV-SD 10,20		“bhāvāntaravinirmukto bhāvo'trānupalambhavat | 
TBV-SD 10,21		abhāvaḥ saṃmatastasya hetoḥ kiṃ na samudbhavaḥ ? ” || 
TBV-SD 10,22	iti vaco na śobheta | tasmāt paryudāsavṛttyā pratiyogiguṇātmaka eva doṣābhāvo'bhipretaḥ, 
TBV-SD 10,23	tataśca ‘guṇebhyo doṣābhāvaḥ’ iti bruvatā ‘guṇebhyo guṇāḥ’ ityuktaṃ bhavati | 
TBV-SD 10,24	na ca guṇebhyo guṇāḥ kāraṇānāmātmabhūtā upajāyante iti, svātmani kriyāvirodhāt svakā- 
TBV-SD 10,25	raṇebhyo guṇotpattisadbhāvācca | tadabhāvādaprāmāṇyadvayāsattvamapi prāmāṇyamabhidhīyate; tataśca 
TBV-SD 10,26	guṇebhyaḥ prāmāṇyamutpadyata ityabhyupagamāt parataḥ prāmāṇyamutpadyata iti prāptam | tataśca svārthāva- 
TBV-SD 10,27	bodhaśaktirūpaprāmāṇyātmalābhe cet kāraṇāpekṣā, kā'nyā svakārye pravṛttiryā svayameva syāt ? 
TBV-SD 10,28	tenāyuktamuktam — 
TBV-SD 10,29		“labdhātmanāṃ svakāryeṣu pravṛttiḥ svayameva tu” iti | 
TBV-SD 10,30	ghaṭasya jalodvahanavyāpārāt pūrvaṃ rūpāntareṇa svahetorutpatteryuktaṃ mṛdādikāraṇanirapekṣasya svakārye 
TBV-SD 10,31	pravṛttiriti, ato visadṛśamudāharaṇam | utpattyanantarameva ca vijñānasya nāśopagamāt kuto labdhā- 
TBV-SD 10,32	tmano vṛttiḥ svayameva ? taduktam — 
TBV-SD 10,33		“nahi tat kṣaṇamapyāste jāyate vā'pramā''tmakam | 
TBV-SD 10,34		yenārthagrahaṇe paścādvyāpriyetendriyādivat || 
TBV-SD 10,35		tena janmaiva viṣaye buddhervyāpāra ucyate | 
TBV-SD 10,36		tadeva ca pramārūpaṃ tadvatī karaṇaṃ ca dhī” ||  iti | 
TBV-SD 11,01	tasmājjanmavyatirekeṇa buddhervyāpārābhāvāt tatra ca jñānānāṃ saguṇeṣu kāraṇeṣvapekṣāvacanāt kutaḥ 
TBV-SD 11,02	svātantryeṇa pravṛttiriti kiṃ tad jñānasya kāryaṃ yatra labdhātmanaḥ pravṛttiḥ svayamevetyucyate ? 
TBV-SD 11,03	svārthaparicchedaścet, na; jñānaparyāyatvāt tasyātmānameva karotītyuktaṃ syāt, taccāyuktam | ‘pramāṇa- 
TBV-SD 11,04	metad’ ityanantaraṃ niścayaścet, na; bhrāntikāraṇasadbhāvena kvacidaniścayāt viparyayadarśanācca | tasmā- 
TBV-SD 11,05	jjanmāpekṣayā guṇavaccakṣurādikāraṇaprabhavaṃ prāmāṇyaṃ parataḥsiddhamiti ‘atha cakṣurādijñānakāraṇa — ’ 
TBV-SD 11,06	ityādyayuktatayā sthitam | 
TBV-SD 11,07	apauruṣeyavidhivākyaprabhavāyāstu buddheḥ svataḥprāmāṇyotpattyabhyupagamo na yuktaḥ, apauruṣeya- 
TBV-SD 11,08	tvasya pratipādayiṣyamāṇatadgrāhakapramāṇāviṣayatvenāsattvāt, sattve'pi bhavannītyā tasyaiva guṇa- 
TBV-SD 11,09	tvāt tathābhūtapreraṇāprabhavāyā buddheḥ kathaṃ na parataḥprāmāṇyam ? kiṃca, apauruṣeyatve preraṇā- 
TBV-SD 11,10	vacaso guṇavatpuruṣapraṇītalaukikavākyeṣu tattvena niścitaṃ prāmāṇyaṃ guṇāśrayapuruṣapraṇītatvavyāvṛttyā 
TBV-SD 11,11	tat tatra na syāt | tathā ca — 
TBV-SD 11,12		“preraṇājanitā buddhiḥ pramāṇaṃ doṣavarjitaiḥ | 
TBV-SD 11,13		kāraṇairjanyamānatvālliṅgā''ptoktā'kṣabuddhivat” ||  iti | 
TBV-SD 11,14	ityayaṃ śloka evaṃ paṭhitavyaḥ — 
TBV-SD 11,15		preraṇājanitā buddhirapramā guṇavarjitaiḥ | 
TBV-SD 11,16		kāraṇairjanyamānatvādaliṅgā''ptoktabuddhivat || 
TBV-SD 11,17	atha preraṇāvākyasyāpauruṣeyatve puruṣapraṇītatvāśrayā yathā guṇā vyāvṛttāstathā tadāśritā 
TBV-SD 11,18	doṣā api; tataśca tadvyāvṛttāvaprāmāṇyasyāpi preraṇāyā vyāvṛttatvāt svataḥ siddhamutpattau prāmā- 
TBV-SD 11,19	ṇyam | nanvevaṃ sati guṇa — doṣāśrayapuruṣapraṇītavyāvṛttau preraṇāyāṃ prāmāṇyā'prāmāṇyayorvyā- 
TBV-SD 11,20	vṛttatvāt preraṇājanitā buddhiḥ prāmāṇyā'prāmāṇyarahitā prāpnoti | tataśca — 
TBV-SD 11,21		preraṇājanitā buddhirna pramāṇaṃ na cāpramā | 
TBV-SD 11,22		guṇa — doṣavinirmuktakāraṇebhyaḥ samudbhavāt || 
TBV-SD 11,23	ityevamapi prāktanaḥ ślokaḥ paṭhitavyaḥ | ata eva yathā — 
TBV-SD 11,24		“doṣāḥ santi na santīti pauruṣeyeṣu cintyate | 
TBV-SD 11,25		vede karturabhāvāttu doṣāśaṅkaiva nāsti naḥ” || 
TBV-SD 11,26	ityayaṃ śloka evaṃ paṭhitastathaivamapi paṭhanīyaḥ — 
TBV-SD 11,27		guṇāḥ santi na santīti pauruṣeyeṣu cintyate | 
TBV-SD 11,28		vede karturabhāvāttu guṇāśaṅkaiva nāsti naḥ || 
TBV-SD 11,29	na ca yatrāpi guṇāḥ prāmāṇyahetutvenā''śaṅkyante tatrāpi guṇebhyo doṣābhāva ityādi vakta- 
TBV-SD 11,30	vyam, vihitottaratvāt | api ca, apauruṣeyatve'pi preraṇāyā na svataḥ svaviṣayapratītijanakavyā- 
TBV-SD 11,31	pāraḥ — sadā sannihitatvena tato'navaratapratītiprasaṅgāt — kiṃtu puruṣābhivyaktārthapratipādakasamayā- 
TBV-SD 11,32	virbhūtaviśiṣṭasaṃskārasavyapekṣāyāḥ | te ca puruṣāḥ sarve rāgādidoṣābhibhūtā eva bhavatā'bhyupagatāḥ, 
TBV-SD 11,33	tatkṛtaśca saṃskāro na yathārthaḥ — anyathā pauruṣeyamapi vaco yathārthaṃ syāt — ato'pauruṣeyatvābhyu- 
TBV-SD 11,34	pagame'pi samayakartṛpuruṣadoṣakṛtāprāmāṇyasadbhāvāt preraṇāyāmapauruṣeyatvābhyupagamo gajasnānamanu- 
TBV-SD 11,35	karoti | taduktam — 
TBV-SD 11,36		“asaṃskāryatayā pumbhiḥ sarvathā syānnirarthatā | 
TBV-SD 11,37		saṃskāropagame vyaktaṃ gajasnānamidaṃ bhavet” || 
TBV-SD 11,38	yadapyabhāṣi ‘tathā'numānabuddhirapi gṛhītāvinābhāvānanyāpekṣa’ — ityādi, tadapyacāru; avinābhā- 
TBV-SD 11,39	vaniścayasyaiva guṇatvāt, tadaniścayasya viparītaniścayasya ca doṣatvāt | tadevam utpattau prāmāṇyaṃ 
TBV-SD 11,40	guṇāpekṣatvāt parataḥ iti sthitam || 
TBV-SD 12,02	yadapyuktam ‘nāpi svakārye pravartamānaṃ pramāṇaṃ nimittāntarāpekṣam’ iti, tadapyasaṃgatam; yato 
TBV-SD 12,03	yadi kāryotpādanasāmagrīvyatiriktanimittānapekṣaṃ pramāṇamityucyate tadā siddhasādhanam | atha 
TBV-SD 12,04	sāmagryekadeśalakṣaṇaṃpramāṇaṃnimittāntarānapekṣam, tadapyacāru; ekasya janakatvāsaṃbhavāt — 
TBV-SD 12,05	“na hyekaṃ kiṃcijjanakam, sāmagrī vai janikā” iti nyāyasyānyatra vyavasthāpitatvāt | 
TBV-SD 12,06	kiṃca, nārthaparicchedamātraṃ pramāṇakāryam, apramāṇe'pi tasya bhāvāt | kiṃ tarhi ? arthatathātvaparicchedaḥ, 
TBV-SD 12,07	sa ca na jñānasvarūpakāryaḥ; bhrāntajñāne'pi svarūpasya bhāvāt tatrāpi samyagarthaparicchedaḥ syāt | 
TBV-SD 12,08	atha svarūpaviśeṣakāryo yathāvasthitārthaparicchedaḥ iti nātiprasaṅgastarhi sa svarūpaviśeṣo vaktavyaḥ — 
TBV-SD 12,09	kimapūrvārthavijñānatvam, uta niścitatvam, āhosvid bādhārahitatvam, utasvid aduṣṭa- 
TBV-SD 12,10	kāraṇārabdhatvam, kiṃ vā saṃvāditvam iti ? tatra yadyapūrvārthavijñānatvaṃ viśeṣaḥ, sa na yuktaḥ; 
TBV-SD 12,11	taimirikajñāne'pi tasya bhāvāt | atha niścitatvam, so'pyayuktaḥ; parokṣajñānavādino bhavato'bhi- 
TBV-SD 12,12	prāyeṇāsaṃbhavāt | atha bādhārahitatvaṃ viśeṣaḥ, so'pi na yuktaḥ; yato bādhāvirahastatkālabhāvī 
TBV-SD 12,13	viśeṣaḥ, uttarakālabhāvī vā ? na tāvat tatkālabhāvī, mithyājñāne'pi tatkālabhāvino bādhā- 
TBV-SD 12,14	virahasya bhāvāt | athottarakālabhāvī, tatrāpi vaktavyam — kiṃ jñātaḥ sa viśeṣaḥ, uta ajñātaḥ ? tatra 
TBV-SD 12,15	na ajñātaḥ, ajñātasya sattvenāpyasiddhatvāt | atha jñāto'sau viśeṣaḥ, tatrāpi vaktavyam — uttara- 
TBV-SD 12,16	kālabhāvī bādhāvirahaḥ kiṃ pūrvajñānena jñāyate, āhosviduttarakālabhāvinā ? tatra na tāvat pūrva- 
TBV-SD 12,17	jñānenottarakālabhāvī bādhāviraho jñātuṃ śakyaḥ, taddhi svasamānakālaṃ saṃnihitaṃ nīlādikamavabhāsayatu, 
TBV-SD 12,18	na punaḥ ‘uttarakālamapyatra bādhakapratyayo na pravarttiṣyate’ ityavagamayituṃ śaknoti; pūrvamanutpannabādha- 
TBV-SD 12,19	kānāmapyuttarakālabādhyatvadarśanāt | athottarajñānena jñāyate, jñāyatām, kiṃtūttarakālabhāvī bādhā- 
TBV-SD 12,20	virahaḥ kathaṃ pūrvajñānasya vinaṣṭasya viśeṣo bhinnakālasya vinaṣṭaṃ prati viśeṣatvāyogāt ? kiṃca, jñāya- 
TBV-SD 12,21	mānatve'pi keśoṇḍukāderasatyatvadarśanād bādhā'bhāvasya jñāyamānatve'pi kathaṃ satyatvam ? tajjñānasya 
TBV-SD 12,22	satyatvāditi cet, tasya kutaḥ satyatvam ? na prameyasatyatvāt, itaretarāśrayadoṣaprasaṅgāt | 
TBV-SD 12,23	aparabādhā'bhāvajñānāditi cet, tatrāpyaparabādhā'bhāvajñānādityanavasthā | atha saṃvādāduttara- 
TBV-SD 12,24	kālabhāvī bādhāvirahaḥ satyatvena jñāyate tarhi saṃvādasyāpyaparasaṃvādajñānāt satyatvasiddhiḥ, tasyā- 
TBV-SD 12,25	pyaparasaṃvādajñānādityanavasthā | kiṃca, yadi saṃvādapratyayāduttarakālabhāvī bādhā'bhāvo jñāyamāno 
TBV-SD 12,26	viśeṣaḥ pūrvajñānasyābhyupagamyate tarhi jñāyamānasvaviśeṣāpekṣaṃ pramāṇaṃ svakārye yathāvasthitārthapariccheda- 
TBV-SD 12,27	lakṣaṇe pravarttata iti kathamanapekṣatvāt tatra svataḥprāmāṇyam ? api ca bādhāvirahasya bhavadabhyu- 
TBV-SD 12,28	pagamena paryudāsavṛttyā saṃvādarūpatvam, ‘bādhāvarjitaṃ ca jñānaṃ svakārye'nyānapekṣaṃ pravarttate’ iti 
TBV-SD 12,29	bruvatā saṃvādāpekṣaṃ tat tatra pravarttata ityuktaṃ bhavati | kiṃca, kiṃ vijñānasya svarūpaṃ bādhyate, āho- 
TBV-SD 12,30	svit prameyam, utārthakriyā iti vikalpatrayam | tatra yadi vijñānasya svarūpaṃ bādhyata iti pakṣaḥ, sa 
TBV-SD 12,31	na yuktaḥ; vikalpadvayānativṛtteḥ | tathāhi — vijñānaṃ bādhyamānaṃ kiṃ svasattākāle bādhyate, uta utta- 
TBV-SD 12,32	rakālam ? tatra yadi svasattākāle bādhyata iti pakṣaḥ, sa na yuktaḥ; tadā vijñānasya parisphuṭarūpeṇa 
TBV-SD 12,33	pratibhāsanāt | na ca vijñānasya parisphuṭapratibhāsino'bhāvastadaiveti vaktuṃ śakyam, satyābhimata- 
TBV-SD 12,34	vijñānasyāpyabhāvaprasaṅgāt | athottarakālaṃ bādhyata iti pakṣaḥ, so'pi na yuktaḥ; uttarakālaṃ tasya 
TBV-SD 12,35	svata eva nāśābhyupagamād na tatra bādhakavyāpāraḥ saphalaḥ — “daivaraktā hi kiṃśukāḥ” | atha prameyaṃ 
TBV-SD 12,36	bādhyate ityabhyupagamaḥ, so'pyayuktaḥ; yataḥ prameyaṃ bādhyamānaṃ kiṃ pratibhāsamānena rūpeṇa bādhyate, 
TBV-SD 12,37	utāpratibhāsamānarūpasahacāriṇā sparśādilakṣaṇena iti vikalpanādvayam | tatra yadi pratibhāsamānena 
TBV-SD 13,01	rūpeṇa, tadayuktam; pratibhāsamānasya rūpasyāsattvāsaṃbhavāt, anyathā samyagjñānāvabhāsino'pya- 
TBV-SD 13,02	sattvaprasaṅgaḥ | athāpratibhāsamānena rūpeṇa bādhyata iti matam, tadapyayuktam; apratibhāsamānasya 
TBV-SD 13,03	rūpasya pratibhāsamānarūpādanyatvāt, na cānyasyābhāve'nyasyābhāvaḥ, atiprasaṅgāt | athārthakriyā 
TBV-SD 13,04	bādhyate, nanu sā'pi kimutpannā bādhyate, utānutpannā ? yadyutpannā, na tarhi bādhyate; tasyāḥ 
TBV-SD 13,05	sattvāt | athānutpannā, sā'pi na bādhyā; anutpannatvādeva | kiṃca, arthakriyā'pi padārthādanyā, 
TBV-SD 13,06	tataśca tasyā abhāve kathamanyasyāsattvamatiprasaṅgādeva ? vyavacchedyāsaṃbhave ca ‘bādhāvarjitam’ iti 
TBV-SD 13,07	viśeṣaṇasyāpyayuktatvānna bādhāviraho'pi vijñānasya viśeṣaḥ | athāduṣṭakāraṇārabdhatvaṃ viśeṣaḥ, 
TBV-SD 13,08	so'pi na yuktaḥ; yatastasyāpyajñātasya viśeṣatvamasiddham, jñātatve vā kuto'duṣṭakāraṇārabdhatvaṃ 
TBV-SD 13,09	jñāyate ? anyasmādaduṣṭakāraṇārabdhād vijñānāditi cet, anavasthā | saṃvādāditi cet, nanu saṃvāda- 
TBV-SD 13,10	pratyayasyāpyaduṣṭakāraṇārabdhatvaṃ viśeṣo'nyasmādaduṣṭakāraṇārabdhāt saṃvādapratyayād vijñāyata iti 
TBV-SD 13,11	saivānavasthā bhavataḥ saṃpadyata iti | kiṃca, jñānasavyapekṣamaduṣṭakāraṇārabdhatvaviśeṣamapekṣya svakārye 
TBV-SD 13,12	jñānaṃ pravarttamānaṃ kathaṃ na tat tatra parataḥ pravṛttaṃ bhavati ? tathā, kāraṇadoṣābhāvaḥ paryudāsavṛttyā 
TBV-SD 13,13	bhavadabhiprāyeṇa kāraṇaguṇaḥ, tataśca ‘aduṣṭakāraṇārabdham’ iti vadatā ‘guṇavatkāraṇārabdham’ ityuktaṃ 
TBV-SD 13,14	bhavati | kāraṇaguṇāśca pramāṇena svakārye pravarttamānenāpekṣyamāṇaniścāyakapramāṇāpekṣā apekṣyante, 
TBV-SD 13,15	tadapi pramāṇaṃ svakāraṇaguṇaniścayāpekṣaṃ svakārye pravartata ityanavasthādūṣaṇaṃ “jāte'pi yadi vijñāne 
TBV-SD 13,16	tāvannārtho'vadhāryate” ityādinā granthena parapakṣe āsañjyamānaṃ svavadhāya kṛtyotthāpanaṃ bhavataḥ prasa- 
TBV-SD 13,17	ktam | athāduṣṭakāraṇajanitatvaniścayamantareṇāpi jñānaṃ svārthaniścaye svakārye pravarttiṣyate, tadasat; 
TBV-SD 13,18	saṃśayādiviṣayīkṛtasya pramāṇasya svārthaniścāyakatvāsaṃbhavāt, anyathā'pramāṇasyāpi svārthaniścāya- 
TBV-SD 13,19	katvaṃ syāt | tannāduṣṭakāraṇārabdhatvamapi viśeṣo bhavannītyā saṃbhavati | atha saṃvāditvaṃ viśeṣaḥ, 
TBV-SD 13,20	so'bhyupagamyata eva; kiṃtu ‘saṃvādapratyayotpattiniścayamantareṇa sa na jñātuṃ śakyate’ iti pratipāda- 
TBV-SD 13,21	yiṣyamāṇatvāt tadapekṣaṃ pramāṇaṃ svakārye pravartata iti tat tatra parataḥ syāt | ata eva nirapekṣa- 
TBV-SD 13,22	tvasya asiddhatvāt pūrvoktanyāyena ‘ye pratīkṣitapratyayāntarodayāḥ’ iti prayoge nāsiddho hetuḥ | 
TBV-SD 13,23	etenaiva yaduktam — 
TBV-SD 13,24		“tatrāpūrvārthavijñānaṃ niścitaṃ bādhavarjitam | 
TBV-SD 13,25		aduṣṭakāraṇārabdhaṃ pramāṇaṃ lokasaṃmatam” ||  iti, 
TBV-SD 13,26	tadapi nirastam | yaccoktam ‘yadi saṃvādāpekṣaṃ pramāṇaṃ svakārye pravarttate tadā cakrakaprasaṅgaḥ’ tadasa- 
TBV-SD 13,27	ṅgatam; ‘yathāvasthitaparicchedasvabhāvametat pramāṇam’ ityevaṃniścayalakṣaṇe svakārye yathā saṃvā- 
TBV-SD 13,28	dāpekṣaṃ pramāṇaṃ pravarttate na ca cakrakadoṣastathā pratipādayiṣyamāṇatvāt | yadapi ‘atha gṛhītāḥ 
TBV-SD 13,29	kāraṇaguṇāḥ’ ityādyabhidhānam, tadapi parasamayānabhijñatāṃ bhavataḥ khyāpayati; ‘kāraṇaguṇagrahaṇāpekṣaṃ 
TBV-SD 13,30	pramāṇaṃ svakārye pravarttate’ iti parasyānabhyupagamāt | yaccoktam ‘upajāyamānaṃ pramāṇamarthapariccheda- 
TBV-SD 13,31	śaktiyuktam’ iti, tatrāvisaṃvāditvameva arthatathātvaparicchedaśaktiḥ — tacca parato jñāyate — tadapekṣaṃ 
TBV-SD 13,32	pramāṇaṃ svakārye pravarttate iti tat tatra parataḥ sthitam || 
TBV-SD 13,34	‘nāpi prāmāṇyaṃ svaniścaye'nyāpekṣam’ ityuktaṃ yat, tadapyasat; yato niścayastatra bhavan kiṃ 
TBV-SD 13,35	nirnimittaḥ, uta sanimittaḥ iti kalpanādvayam | tatra na tāvannirnimittaḥ, pratiniyatadeśa — kāla- 
TBV-SD 13,36	svabhāvābhāvaprasaṅgāt | sanimittatve'pi kiṃ svanimittaḥ, uta svavyatiriktanimittaḥ ? na tāvat 
TBV-SD 13,37	svanimittaḥ, svasaṃviditapramāṇānabhyupagamād mīmāṃsakasya | atha svavyatiriktanimittaḥ, tatrāpi vakta- 
TBV-SD 13,38	vyam — tannimittaṃ kiṃ pratyakṣam, utānumānam anyasya tanniścāyakasyāsambhavāt ? tatra yadi pratya- 
TBV-SD 13,39	kṣam, tadayuktam; pratyakṣasya tatra vyāpārāyogāt — taddhīndriyasaṃyukte viṣaye tadvyāpārādudayamāsādayat 
TBV-SD 13,40	pratyakṣavyapadeśaṃ labhate, na cendriyāṇāmarthāparokṣatālakṣaṇena phalena, tatsaṃvedanasvarūpeṇa vā sampra- 
TBV-SD 14,01	yogo yena tayoryathārthatvasvabhāvaṃ prāmāṇyamindriyavyāpārajanitena pratyakṣeṇa niścīyate; nāpi mano- 
TBV-SD 14,02	vyāpārajena pratyakṣeṇa, evaṃvidhasyānubhavasyābhāvāt; nāpi tayorutpādakasya jñātṛvyāpārākhyasya yathā- 
TBV-SD 14,03	rthatvaniścāyakatvaṃ prāmāṇyaṃ bāhyendriyajanyena manojanyena vā pratyakṣeṇa niścīyate, tena sahendriyāṇāṃ 
TBV-SD 14,04	sambandhābhāvāt | na cendriyāsambaddhe viṣaye jñānamupajāyamānaṃ pratyakṣavyapadeśamāsādayatītyuktam | 
TBV-SD 14,05	nāpyanumānataḥ prāmāṇyaniścayaḥ, pūrvoktasya phaladvayasya yathāvasthitārthatvalakṣaṇaprāmāṇyaniścaye 
TBV-SD 14,06	liṅgābhāvāt | jñātṛvyāpārasya tu pūrvoktaphaladvayasvabhāvasvakāryaliṅgasambhave'pi na yathārthaniścāyaka- 
TBV-SD 14,07	tvalakṣaṇaprāmāṇyaniścāyakatvam; yatastalliṅgaṃ saṃvedanākhyaṃ yathārthatvaviśiṣṭaṃ tanniścaye vyāpriyeta, 
TBV-SD 14,08	nirviśeṣaṇaṃ vā ? prathamapakṣe tasya yathārthatvaviśeṣaṇagrahaṇe pramāṇaṃ vaktavyam, tacca na sambhavatīti 
TBV-SD 14,09	pratipāditam | nirviśeṣaṇasya phalasya prāmāṇyapratipādakatve mithyājñānaphalamapi prāmāṇyaniścāyakaṃ 
TBV-SD 14,10	syādityatiprasaṅgaḥ | tatraitat syāt pūrvoktaṃ phaladvayamarthasaṃvedana — arthaprakaṭatālakṣaṇamanubhavānniścī- 
TBV-SD 14,11	yate, yathā tasya svataḥ pūrvoktasvarūpaniścayastathā yathārthatvasyāpi, yathā hi tat saṃvedyamānaṃ nīlasaṃ- 
TBV-SD 14,12	vedanatayā saṃvedyate tathā yathārthatvaviśiṣṭasyaiva tasya saṃvittiḥ; nahi nīlasaṃvedanādanyā yathārthatvasaṃ- 
TBV-SD 14,13	vittiḥ | yadyevam, śuktikāyāṃ rajatajñāne'pi arthasaṃvedanasvabhāvatvād yathārthatvaprasaktiḥ | smṛtipramoṣā- 
TBV-SD 14,14	dayastu niṣetsyante iti nānumānādapi tatprāmāṇyaniścayaḥ | kiṃca, pratyakṣā'numānayoḥ prāmāṇya- 
TBV-SD 14,15	niścayanimittatve'bhyupagamyamāne svataḥprāmāṇyaniścayavyāhatiprasaṅgaḥ; tannānyanimitto'pi prāmāṇya- 
TBV-SD 14,16	niścayaḥ | yaduktam ‘nāpi prāmāṇyaṃ svaniścaye'nyāpekṣam, taddhyapekṣamāṇaṃ kiṃ kāraṇaguṇānapekṣate’ 
TBV-SD 14,17	ityādi, tadanabhyupagamopālambhamātram; na hyasmadabhyupagamaḥ — yaduta svakāraṇaguṇajñānāt prāmāṇyaṃ 
TBV-SD 14,18	vijñāyate, kāraṇaguṇānāṃ saṃvādapratyayamantareṇa jñātumaśakyatvāt, saṃvādapratyayāt tu kāraṇaguṇapari- 
TBV-SD 14,19	jñānābhyupagame tata eva prāmāṇyaniścayasyāpi siddhatvād vyarthaṃ guṇaniścayaparikalpanam, prāmāṇya- 
TBV-SD 14,20	niścayottarakālaṃ guṇajñānasya bhāvāt tanniścayasya prāmāṇyaniścaye'nupayogācca | nāpyekadā saṃvādād 
TBV-SD 14,21	guṇān niścitya anyadā saṃvādamantareṇāpi guṇaniścayādeva tatprabhavasya jñānasya prāmāṇyaniścayaḥ 
TBV-SD 14,22	iti vaktuṃ śakyam, atyantaparokṣeṣu cakṣurādiṣu kālāntare'pi niścitaprāmāṇyasvakāryadarśanamantareṇa 
TBV-SD 14,23	guṇānuvṛtterniścetumaśakyatvāt | na ca kṣaṇakṣayiṣu bhāveṣu guṇānuvṛttirekarūpaiva sambhavati, aparāpara- 
TBV-SD 14,24	sahakāribhedena bhinnarūpatvāt | saṃvādapratyayāccārthakriyājñānalakṣaṇāt prāmāṇyaniścayo'bhyupagamyata 
TBV-SD 14,25	eva — “pramāṇamavisaṃvādijñānam” iti pramāṇalakṣaṇābhidhānāt | na ca saṃvāditvalakṣaṇaṃ 
TBV-SD 14,26	prāmāṇyaṃ svata eva jñāyata iti śakyamabhidhātum, yataḥ saṃvāditvaṃ saṃvādapratyayajananaśaktiḥ 
TBV-SD 14,27	pramāṇasya; na ca kāryadarśanamantareṇa kāraṇaśaktirniścetuṃ śakyā | yadāha — “na hyapratyakṣe kārye kāraṇabhāva — 
TBV-SD 14,28	gatiḥ” iti | tasmāduttarasaṃvādapratyayāt pūrvasya prāmāṇyaṃ vyavasthāpyate | na ca saṃvā- 
TBV-SD 14,29	dapratyayāt pūrvasya prāmāṇyāvagame saṃvādapratyayasyāpyaparasaṃvādāt prāmāṇyāvagama ityanavasthāprasa- 
TBV-SD 14,30	ṅgāt prāmāṇyāvagamābhāva iti vaktuṃ yuktam, saṃvādapratyayasya saṃvādarūpatvenāparasaṃvādāpekṣā'bhāva- 
TBV-SD 14,31	to'navasthā'navatārāt | na ca prathamasyāpi saṃvādāpekṣā mā bhūditi vaktavyam, yatastasya saṃvāda — 
TBV-SD 14,32	janakatvameva prāmāṇyam; tadabhāve tasya tadeva na syāt | arthakriyājñānaṃ tu sākṣādavisaṃvādi, artha- 
TBV-SD 14,33	kriyālambanatvāt; tasya svaviṣayasaṃvedanameva prāmāṇyam — tacca — svataḥ siddhamiti nānyāpekṣā | 
TBV-SD 14,34	tena ‘kasyacittu yadīṣyeta’ ityādi parasya pralāpamātram | na cārthakriyājñānasyāpyavastuvṛttiśaṅkāyā- 
TBV-SD 14,35	manyapramāṇāpekṣayā'navasthā'vatāraḥ iti vaktavyam, arthakriyājñānasyārthakriyānubhavasvabhāvatvenārtha- 
TBV-SD 14,36	kriyāmātrārthināṃ ‘bhinnārthakriyāta etad jñānamutpannam, uta tadvyatirekeṇa’ ityevaṃbhūtāyāścintāyā 
TBV-SD 14,37	niṣprayojanatvāt | tathāhi — yathā‘arthakriyā kimavayavavyatiriktenāvayavinā'rthena niṣpāditā, utā'- 
TBV-SD 14,38	vyatiriktena, āhosvidubhayarūpeṇa, athānubhayarūpeṇa, kiṃvā triguṇātmakena, paramāṇusamūhātmakena 
TBV-SD 14,39	vā, atha jñānarūpeṇa, āhosvit saṃvṛtirūpeṇa’ ityādicintā'rthakriyāmātrārthināṃ niṣprayojanā — 
TBV-SD 14,40	niṣpannatvād vāñchitaphalasya — tatheyamapi ‘kiṃ vastusatyāmarthakriyāyāṃ tatsaṃvedanajñānamupajāyate, 
TBV-SD 14,41	āhosvidavastusatyām’ iti, tṛḍ — dāhavicchedādikaṃ hi phalamabhivāñchitam, taccābhiniṣpannaṃ 
TBV-SD 14,42	tadviyogajñānasya svasaṃviditasyodaye iti taccintāyā niṣphalatvam; avastuni jñānadvayāsaṃbhavācca | 
TBV-SD 15,01	yatra hi sādhanajñānapūrvakamarthakriyājñānamutpadyate tatrāvastuśaṃkā naivāsti, na hyanagnāvagnijñāne saṃjāte 
TBV-SD 15,02	pravṛttasya dāha — pākādyarthakriyājñānasya saṃbhava ityāgopālāṅganāprasiddhametat | na ca svapnārthakriyājñāna- 
TBV-SD 15,03	marthakriyā'bhāve'pi dṛṣṭamiti jāgradarthakriyājñānamapi tathā''śaṅkāviṣayaḥ, tasya tadviparītatvāt | 
TBV-SD 15,04	tathāhi — svapnārthakriyājñānamapravṛttipūrvaṃ vyākulamasthiraṃ ca; tadviparītaṃ tajjāgraddaśābhāvi, kuta- 
TBV-SD 15,05	stena vyabhicāraḥ ? yadi cārthakriyājñānamapyarthamantareṇa jāgraddaśāyāṃ bhavet kataradanyajñānamarthāvya- 
TBV-SD 15,06	bhicāri syād yadbalenārthavyavasthā kriyeta ? parataḥprāmāṇyavādino bauddhasya pratikūlamācarāmītya- 
TBV-SD 15,07	bhiprāyavatā tasyānukūlamevācaritam | sa hi ‘nirālambanāḥ sarve pratyayāḥ, pratyayatvāt, svapnapratyaya- 
TBV-SD 15,08	vat’ ityabhyupagacchatyeva, bhavatā tu jāgraddaśā — svapnadaśayorabhedaṃ pratipādayatā tatsāhāyyamevācaritam; 
TBV-SD 15,09	na hi tadvyatiriktaḥ pratyayo'sti yasyārthasaṃsargaḥ | na cāvasthādvayatulyatāpratipādanaṃ tvayā kriyamāṇaṃ 
TBV-SD 15,10	prakṛtopayogi | tathāhi — sāṃvyavahārikasya pramāṇasya lakṣaṇamidamabhidhīyate — “pramāṇamavisaṃvādi 
TBV-SD 15,11	jñānam” iti | tacca sāṃvyavahārikaṃ jāgraddaśājñānameva, tatraiva sarvavyavahārāṇāṃ loke 
TBV-SD 15,12	paramārthataḥ siddhatvāt; svapnapratyayānāṃ tu nirviṣayatayā loke prasiddhānāṃ pramāṇatayā vyavahārābhā- 
TBV-SD 15,13	vāt ‘kiṃ svataḥ prāmāṇyamuta parataḥ’ iti cintāyāḥ anavasaratvāt tatra jāgrajjñāne dvitayadarśanāt 
TBV-SD 15,14	‘kiṃ pramāṇam, kiṃ vā'pramāṇam, tathā kiṃ svataḥ pramāṇam, kiṃ vā parataḥ’ iti cintāyāḥ 
TBV-SD 15,15	pūrvoktalakṣaṇe ‘jāgratpratyayatve sati’ iti viśeṣaṇābhidhāne svapnapratyayena vyabhicāracodanaṃ prastāvā- 
TBV-SD 15,16	nabhijñatāṃ parasya sūcayati | api ca, “arthakriyā'dhigatilakṣaṇaphalaviśeṣaheturjñānaṃ pramāṇam” iti 
TBV-SD 15,17	lakṣaṇe ‘tatphalaṃ naivaṃ pramāṇalakṣaṇānugatamiti kathaṃ tasyāpi prāmāṇyamavasīyate’ iti codyānupa- 
TBV-SD 15,18	pattiḥ | yathā ‘aṅkuraheturbījam’ iti bījalakṣaṇe nāṅkurasyāpi bījarūpatāprasaktiḥ, tato na viduṣā- 
TBV-SD 15,19	mevaṃ praśnaḥ ‘kathamaṅkure bījarūpatā niścīyate’ iti | yathā cāṅkuradarśanād bījasya bījarūpatā 
TBV-SD 15,20	niścīyate tathā'trāpyarthakriyāphaladarśanāt sādhanajñānasya prāmāṇyaniścayaḥ | na cārthakriyājñānasyā- 
TBV-SD 15,21	pyanyataḥ prāmāṇyaniścayādanavasthā, arthakriyājñānasya tadrūpatayā svata eva siddhatvāt | taduktam — 
TBV-SD 15,22	“svarūpasya svatogatiḥ” iti | na ca svarūpe jñānasya bhrāntayaḥ saṃbhavanti, svarūpā- 
TBV-SD 15,23	bhāve svasaṃvitterapyabhedenābhāvaprasaṅgāt | vyatiriktaviṣayameva hi pramāṇamadhikṛtyoktam — “pramāṇama- 
TBV-SD 15,24	visaṃvādi jñānam, arthakriyāsthitiravisaṃvādanam” iti, tathā “prāmāṇyaṃ vyavahāreṇārtha- 
TBV-SD 15,25	kriyālakṣaṇena” iti ca | tasmād yat pramāṇasyātmabhūtamarthakriyālakṣaṇapuruṣārthābhidhānaṃ 
TBV-SD 15,26	phalaṃ yadartho'yaṃ prekṣāvatāṃ prayāsaḥ, tena svataḥsiddhena phalāntaraṃ pratyanaṅgīkṛtasādhanāntarātmatayā 
TBV-SD 15,27	‘pramāṇamavisaṃvādi jñānam’ iti pramāṇalakṣaṇavirahiṇā sādhananirbhāsijñānasyānutkrāntarūpaphalaprāpaṇa- 
TBV-SD 15,28	śaktisvarūpaprāmāṇyādhigame'navasthāpreraṇā kriyamāṇā parasyāsaṅgataiva lakṣyate | ata evedamapi 
TBV-SD 15,29	nirastaṃ yaduktam ‘aniścitaprāmāṇyādapi sādhanajñānāt pravṛttāvarthakriyājñānotpattāvavāptaphalā api 
TBV-SD 15,30	prekṣāvanto yathā sādhanajñānaprāmāṇyavicāraṇāyāṃ manaḥ praṇidadhati — anyathā tatsamānarūpāparasādhana- 
TBV-SD 15,31	jñānaprāmāṇyaniścayapūrvikā'nyadā pravṛttirna syāt — tathā'rthakriyājñānasyāpi prāmāṇyavicāraṇāyāṃ 
TBV-SD 15,32	prekṣāvattayaiva te ādriyante; anyathā'siddhaprāmāṇyādarthakriyājñānāt pūrvasya prāmāṇyaniścaya eva na 
TBV-SD 15,33	syāt’ iti | ‘avāptaphalatvamanarthakam’ iti, tadapyayuktam; ‘arthakriyājñānasya svata eva prāmāṇyam, 
TBV-SD 15,34	sādhanajñānasya tu tajjanakatvena prāmāṇyam’ iti pratipāditatvāt | yadabhyadhāyi — “yadi saṃvādāt 
TBV-SD 15,35	pūrvasya prāmāṇyaṃ niścīyate tadā — 
TBV-SD 16,01	
TBV-SD 16,02		śrotradhīrapramāṇaṃ syāditarābhirasaṅgateḥ” iti, 
TBV-SD 16,03	tadapyayuktam; gītādiviṣayāyāḥ śrotrabuddherarthakriyānubhavarūpatvena svata eva prāmāṇyasiddheḥ | 
TBV-SD 16,04	tathā citragatarūpabuddherapi svata eva prāmāṇyasiddhiḥ, arthakriyā'nubhavarūpatvāt | gandha — sparśa — 
TBV-SD 16,05	rasabuddhīnāṃ tvarthakriyānubhavarūpatvaṃ suprasiddhameva | yadapyuktam ‘kimekaviṣayam, bhinnaviṣayaṃ vā 
TBV-SD 16,06	saṃvādajñānaṃ pūrvasya prāmāṇyaniścāyakam’ ityādi, ‘tatraikasaṅghātavarttino viṣayadvayasya rūpa — sparśādi- 
TBV-SD 16,07	lakṣaṇasyaikasāmagryadhīnatayā parasparamavyabhicārāt sparśādijñānaṃ jāgradavasthāyāmabhivāñchita- 
TBV-SD 16,08	sparśādivyatirekeṇa asaṃbhavad bhinnaviṣayamapi svaviṣayābhāve'pyāśaṅkyamānarūpajñānasya prāmāṇyaṃ 
TBV-SD 16,09	niścāyayatīti na tatsaṃgata evam | ata eva rūpādyarthāvinābhāvitvād dhvanīnāṃ tadviśeṣa- 
TBV-SD 16,10	śaṅkāyāṃ kvacid vīṇādirūpapratipattau tadviśeṣaśaṅkāvyāvṛttestadrūpadarśanasaṃvādādapi prāmāṇyaniścayaḥ 
TBV-SD 16,11	siddho bhavati | yaccoktam ‘kiṃ saṃvādajñānaṃ sādhanajñānaviṣayaṃ tasya prāmāṇyaṃ vyavasthāpayati, uta 
TBV-SD 16,12	bhinnaviṣayam’ ityādi, tadapyaviditaparābhiprāyasyābhidhānam; na hi saṃvādajñānaṃ tadgrāhakatvena tasya 
TBV-SD 16,13	prāmāṇyaṃ vyavasthāpayati, kintu tatkāryaviśeṣatvena; yathā dhūmo'gnim iti parābhyupagamaḥ | yacca 
TBV-SD 16,14	saṃvādajñānāt sādhanajñānaprāmāṇyaniścaye cakrakadūṣaṇamabhyadhāyi, tadapyasaṅgatam; yadi hi prathama- 
TBV-SD 16,15	meva saṃvādajñānāt sādhanajñānasya prāmāṇyaṃ niścitya pravartteta tadā syāt tad dūṣaṇam, yadā tu vahnirūpa- 
TBV-SD 16,16	darśane satyekadā śītapīḍito'nyārthaṃ taddeśamupasarpaṃstatsparśamanubhavati, kṛpālunā vā kenacit taddeśaṃ 
TBV-SD 16,17	vahnerānayane; tadā'sau vahnirūpadarśana — sparśanajñānayoḥ saṃbandhamavagacchati — ‘evaṃsvarūpo bhāvaḥ evaṃbhū- 
TBV-SD 16,18	taprayojananirvarttakaḥ’ iti — so'vagatasaṃbandho'nyadā'nabhyāsadaśāyāmanumānāt ‘mamāyaṃ rūpaprati- 
TBV-SD 16,19	bhāso'bhimatārthakriyāsādhanaḥ, evaṃrūpapratibhāsatvāt, pūrvotpannaivaṃrūpapratibhāsavat’ ityasmāt 
TBV-SD 16,20	sādhananirbhāsijñānasya prāmāṇyaṃ niścitya pravarttata iti kutaścakrakacodyāvatāraḥ ? “abhyāsadaśāyāmapi 
TBV-SD 16,21	sādhanajñānasyānumānāt prāmāṇyaṃ niścitya pravarttate” ityeke | na ca taddaśāyāmanvaya — vyatireka- 
TBV-SD 16,22	vyāpārasyāsaṃvedanānnānumānavyāpāra ityabhidhātuṃ śakyam, anupalakṣyamāṇasyāpi tadvyāpārasyābhyupa- 
TBV-SD 16,23	gamanīyatvāt akasmād dhūmadarśanāt parokṣāgnipratipattāviva; anyathā gṛhītavismṛtapratibandhasyāpi 
TBV-SD 16,24	taddarśanādakasmāt tatpratipattiḥ syāt | na cādhyakṣaiva sādhanajñānasya phalasādhanaśaktiriti katha- 
TBV-SD 16,25	madhyakṣe'numānapravṛttiḥ iti codyam, dṛśyamānapradeśaparokṣāgnisaṅgateriva tajjananaśakterapratyakṣatvena 
TBV-SD 16,26	anumānapravṛttimantareṇa niścetumaśakyatvāt | taduktam — 
TBV-SD 16,27		“taddṛṣṭāveva dṛṣṭeṣu saṃvitsāmarthyabhāvinaḥ | 
TBV-SD 16,28		smaraṇādabhilāṣeṇa vyavahāraḥ pravarttate” iti | 
TBV-SD 16,29	apare tu manyante “abhyāsāvasthāyāmanumānamantareṇāpi pravṛttiḥ sambhavati” | atha anumāne sati 
TBV-SD 16,30	pravṛttirdṛṣṭā, tadabhāve na dṛṣṭā ityanumānakāryā sā; nanvevaṃ satyabhyāsadaśāyāṃ vikalpasvarūpānumāna- 
TBV-SD 16,31	vyatirekeṇāpi pratyakṣāt pravṛttirdṛśyate iti tadā tatkāryā sā kasmānna bhavati ? tathāhi — pratipā- 
TBV-SD 16,32	doddhāraṃ na vikalparūpānumānavyāpāraḥ saṃvedyate, atha ca pratibhāsamāne vastuni pravṛttiḥ sampadyata 
TBV-SD 16,33	iti | athādāvanumānāt pravṛttirdṛṣṭeti tadantareṇa sā paścāt kathaṃ bhavati ? nanvevamādau paryālo- 
TBV-SD 16,34	canād vyavahāro dṛṣṭaḥ, paścāt paryālocanamantareṇa kathaṃ puraḥsthitavastudarśanamātrād bhavati iti 
TBV-SD 16,35	vācyam ? yadi punaranumānavyatirekeṇa sarvadā pravṛttirna bhavatīti pravarttakamanumānamevetyabhyupagamaḥ, 
TBV-SD 16,36	tathāsati pratyakṣeṇa liṅgagrahaṇābhāvāt tatrāpyanumānameva tanniścayavyavahārakāraṇam, tadapyaparaliṅga- 
TBV-SD 16,37	niścayavyatirekeṇa nodayamāsādayatītyanavasthāprasaṅgato'numānasyaivāpravṛtterna kvacit pravṛttilakṣaṇo 
TBV-SD 17,01	vyavahāra ityabhyāsāvasthāyāṃ pratyakṣaṃ svata eva vyavahārakṛd abhyupeyam | anumānaṃ tu tādātmya — 
TBV-SD 17,02	tadutpatti — pratibandhaliṅganiścayabalena svasādhyādupajāyamānatvādeva tatprāpaṇaśaktiyuktaṃ saṃvādapratya- 
TBV-SD 17,03	yodayāt prāgeva pramāṇābhāsavivekena niścīyate'taḥ svata eva | tathāhi — yad yata upajāyate tat 
TBV-SD 17,04	tatprāpaṇaśaktiyuktam, tadyathā — pratyakṣaṃ svārthasya, anumeyādutpannaṃ cedaṃ pratibaddhaliṅgadarśanadvārāyātaṃ 
TBV-SD 17,05	liṅgijñānamiti tatprāpaṇaśaktiyuktaṃ niścīyata iti | mūḍhaṃ prati viṣayadarśanena viṣayī vyavahāro'tra 
TBV-SD 17,06	sādhyate, saṅketaviṣayakhyāpanena samaye pravarttanāt | tathāhi — pratyakṣe'pyarthāvyabhicāranibandhana evā- 
TBV-SD 17,07	nena prāmāṇyavyavahāraḥ pratipannaḥ, avyabhicāraśca nānyastadutpatteḥ, saiva ca jñānasya prāpaṇaśaktiru- 
TBV-SD 17,08	cyate | taduktam — 
TBV-SD 17,09		“arthasyāsambhave'bhāvāt pratyakṣe'pi pramāṇatā | 
TBV-SD 17,10		pratibaddhasvabhāvasya taddhetutve samaṃ dvayam” ||  iti | 
TBV-SD 17,11	tasmāt mūḍhaṃ prati parataḥprāmāṇyavyavahāraḥ sādhyate | anumāne prāmāṇyasya pratibaddhaliṅganiścayā- 
TBV-SD 17,12	nantaraṃ svasādhyāvyabhicāralakṣaṇasya tata utpannatvena pratyakṣasiddhatvād na parataḥprāmāṇyaniścaye cakra- 
TBV-SD 17,13	kacodyasyāvatāraḥ | pratyakṣe tu saṃvādāt prāgarthādutpattiḥ aśakyaniścayā iti saṃvādāpekṣaivānabhyā- 
TBV-SD 17,14	sadaśāyāṃ tasya prāmāṇyādhyavasitiryuktā | ata utpattau, svakārye, jñaptau ca sāpekṣatvasya pratipādi- 
TBV-SD 17,15	tatvād ‘ye yadbhāvaṃ pratyanapekṣāḥ’ iti prayoge hetorasiddhiḥ | yataśca sandeha — viparyayaviṣayapratyaya- 
TBV-SD 17,16	prāmāṇyasya parato niścayo vyavasthito'taḥ ‘ye sandeha — viparyayādhyāsitatanavaḥ’ iti prayoge na 
TBV-SD 17,17	vyāptyasiddhiḥ | yadapyuktam ‘sarvaprāṇabhṛtāṃ prāmāṇyaṃ prati sandeha — viparyayābhāvādasiddho hetuḥ’ 
TBV-SD 17,18	ityādi, tadapyasat; yataḥ prekṣāpūrvakāriṇaḥ pramāṇā'pramāṇacintāyāmadhikriyante netare, te ca 
TBV-SD 17,19	kāsāñcid jñānavyaktīnāṃ visaṃvādadarśanājjātāśaṅkā na jñānamātrāt ‘evamevāyamarthaḥ’ iti niści- 
TBV-SD 17,20	nvanti, nāpi tajjñānasya prāmāṇyamadhyavasyanti; anyathaiṣāṃ prekṣāvattaiva hīyata iti sandehaviṣaye kathaṃ 
TBV-SD 17,21	na sandehaḥ ? tathā kāmalādidoṣaprabhave jñāne viparyayarūpatā'pyastīti tadbalād viparyayakalpanā'- 
TBV-SD 17,22	nyajñāne'pi saṅgataiveti prakṛte prayoge nāsiddho heturiti bhavatyato hetoḥ parataḥprāmāṇyasiddhiḥ | 
TBV-SD 17,23	yadapi ‘pramāṇa — tadābhāsayostulyaṃ rūpam’ ityādyāśaṅkya ‘apramāṇe avaśyaṃbhāvī bādhakapratyayaḥ, 
TBV-SD 17,24	kāraṇadoṣajñānaṃ ca’ ityādinā parihṛtam, tadapi na cāru; yato bādha — kāraṇadoṣajñānaṃ mithyāpratyaye 
TBV-SD 17,25	avaśyaṃbhāvi, samyakpratyaye tadabhāvo viśeṣaḥ pradarśitaḥ; sa tu kiṃ bādhakāgrahaṇe, tadabhāvaniścaye 
TBV-SD 17,26	vā ? pūrvasmin pakṣe bhrāntadṛśastadbhāve'pi tadagrahaṇaṃ dṛṣṭaṃ kañcit kālam, evamatrāpi tadagrahaṇaṃ syāt | 
TBV-SD 17,27	tatraitat syād bhrāntadṛśaḥ kañcit kālaṃ tadagrahe'pi kālāntare bādhakagrahaṇam, samyagdṛṣṭau tu kālā- 
TBV-SD 17,28	ntare'pi tadagrahaḥ; nanvetat sarvavidāṃ viṣayaḥ, nārvāgdṛśāṃ vyavahāriṇāmasmādṛśām | bādhakābhāva- 
TBV-SD 17,29	niścayo'pi samyagjñāne kiṃ pravṛtteḥ prāg bhavati, uta pravṛttyuttarakālam ? yadi pūrvaḥ pakṣaḥ, sa na 
TBV-SD 17,30	yuktaḥ; bhrāntajñāne'pi tasya sambhavāt pramāṇatvaprasaktiḥ syāt | atha pravṛttyuttarakālaṃ bādhakābhāva- 
TBV-SD 17,31	niścayaḥ, so'pi na yuktaḥ; bādhakābhāvaniścayamantareṇaiva pravṛtterutpannatvena tanniścayasyākiñcitkara- 
TBV-SD 17,32	tvāt | na ca bādhakābhāvaniścaye pravṛttyuttarakālabhāvini kiñcinnimittamasti | anupalabdhirnimi- 
TBV-SD 17,33	ttamiti cet, na; tasyā asambhavāt | tathāhi — bādhakānupalabdhiḥ kiṃ pravṛtteḥ prāgbhāvinī bādha- 
TBV-SD 17,34	kābhāvaniścayasya pravṛttyuttarakālabhāvino nimittam, atha pravṛttyuttarakālabhāvinī iti vikalpadvayam | 
TBV-SD 17,35	tatra yadi pūrvaḥ pakṣaḥ, sa na yuktaḥ; pūrvakālāyā bādhakānupalabdheḥ pravṛttyuttarakālabhāvibādhakābhāva- 
TBV-SD 18,01	niścayanimittatvāsambhavāt, na hyanyakālā anupalabdhiranyakālamabhāvaniścayaṃ vidadhāti atiprasa- 
TBV-SD 18,02	ṅgāt | nāpi pravṛttyuttarakālabhāvinī bādhakānupalabdhistanniścayanimittam, prāk pravṛtteḥ ‘uttarakālaṃ 
TBV-SD 18,03	bādhakopalabdhirna bhaviṣyati’ iti arvāgdarśinā niścetumaśakyatvena tasyā asiddhatvāt | nāpi 
TBV-SD 18,04	pravṛttyuttarakālabhāvinyanupalabdhistadaiva niścīyamānā tatkālabhāvibādhakābhāvaniścayasya nimittaṃ 
TBV-SD 18,05	bhaviṣyatīti vaktuṃ śakyam, tatkālabhāvino niścayasyākiñcitkaratvapratipādanāt | kiṃca, bādhakānu- 
TBV-SD 18,06	palabdhiḥ sarvasambandhinī kiṃ tanniścayahetuḥ, utā''tmasambandhinī iti punarapi pakṣadvayam | yadi 
TBV-SD 18,07	sarvasambandhinīti pakṣaḥ, sa na yuktaḥ; tasyā asiddhatvāt — na hi ‘sarve pramātāro bādhakaṃ nopalabhante’ 
TBV-SD 18,08	iti arvāgdarśinā niścetuṃ śakyam | athātmasambandhinītyabhyupagamaḥ, so'pyayuktaḥ; ātmasamba- 
TBV-SD 18,09	ndhinyā anupalabdheḥ paracetovṛttiviśeṣairanaikāntikatvāt | tanna bādhā'bhāvaniścaye'nupalabdhirni- 
TBV-SD 18,10	mittam | nā'pi saṃvādo nimittam, bhavadabhyupagamenānavasthāprasaṅgasya pratipāditatvāt | na ca 
TBV-SD 18,11	bādhā'bhāvo viśeṣaḥ samyakpratyayasya sambhavati iti prāgeva pratipāditam | kāraṇadoṣābhāve'pyaya- 
TBV-SD 18,12	meva nyāyo vaktavya iti nāsāvapi tasya viśeṣaḥ | kiṃca, kāraṇadoṣa — bādhakābhāvayorbhavadabhyupagamena 
TBV-SD 18,13	kāraṇaguṇa — saṃvādakapratyayarūpatvasya pratipādanāt tanniścaye tasya viśeṣe'bhyupagamyamāne parataḥ prāmā- 
TBV-SD 18,14	ṇyaniścayo'bhyupagata eva syāt, na ca so'pi yuktaḥ; anavasthādoṣasya bhavadabhiprāyeṇa prāk prati- 
TBV-SD 18,15	pāditatvāt | yadapyuktam ‘evaṃ tricaturajñāna’ — ityādi, tatraikasya jñānasya prāmāṇyam, punaraprāmā- 
TBV-SD 18,16	ṇyam, punaḥ prāmāṇyam ityavasthātrayadarśanād bādhake, tadbādhakādau vā'vasthātrayamāśaṅkamānasya 
TBV-SD 18,17	kathaṃ parīkṣakasya nāparā'pekṣā yenānavasthā na syāt ? yadapyuktam ‘apekṣātaḥ’ ityādi, tadapya- 
TBV-SD 18,18	saṅgatam; yato nāyaṃ chalavyavahāraḥ prastuto yena katipayapratyayamātraṃ nirūpyate | na hi pramāṇamantareṇa 
TBV-SD 18,19	bādhakāśaṅkānivṛttiḥ, na cāśaṅkāvyāvartakaṃ pramāṇaṃ bhavadabhiprāyeṇa sambhavatītyuktam | tathā kāraṇa- 
TBV-SD 18,20	doṣajñāne'pi pūrveṇa jātāśaṅkasya kāraṇadoṣajñānāntarāpekṣāyāṃ kathamanavasthānivṛttiḥ ? kāraṇado- 
TBV-SD 18,21	ṣajñānasya tatkāraṇadoṣagrāhakajñānābhāvamātrataḥ pramāṇatvād nātrānavasthā | yadāha — 
TBV-SD 18,22		“yadā svataḥ pramāṇatvaṃ tadā'nyannaiva mṛgyate | 
TBV-SD 18,23		nivartate hi mithyātvaṃ doṣājñānādayatnataḥ” ||  iti, 
TBV-SD 18,24	etaccānuddhoṣyam; prāgeva vihitottaratvāt | na ca doṣājñānād doṣābhāvaḥ, satsvapi doṣeṣu 
TBV-SD 18,25	tadajñānasya sambhavāt | samyagjñānotpādanaśaktivaiparītyena mithyāpratyayotpādanayogyaṃ hi rūpaṃ timi- 
TBV-SD 18,26	rādinimittamindriyadoṣaḥ, sa cātīndriyatvāt sannapi nopalakṣyate | na ca doṣā jñānena vyāptāḥ 
TBV-SD 18,27	yena tannivṛttyā nivartteran | doṣābhāvajñāne tu saṃvādādyapekṣāyāṃ saivānavasthā prāk pratipāditā | 
TBV-SD 18,28	etenaitadapi nirākṛtaṃ yaduktaṃ bhaṭṭena — 
TBV-SD 18,29		“tasmāt svataḥ pramāṇatvaṃ sarvatrautsargikaṃ sthitam | 
TBV-SD 18,30		bādha — kāraṇaduṣṭatvajñānābhyāṃ tadapodyate || 
TBV-SD 18,31		parādhīne'pi caitasminnānavasthā prasajjyate | 
TBV-SD 18,32		pramāṇādhīnametaddhi svatastacca pratiṣṭhitam || 
TBV-SD 18,33		pramāṇaṃ hi pramāṇena yathā nānyena sādhyate | 
TBV-SD 18,34		na sidhyatyapramāṇatvamapramāṇāt tathaiva hi” ||  iti | 
TBV-SD 18,35	syānmatam “yadapyanyānapekṣapramitibhāvo bādhakapratyayastathā'pyabādhakatayā pratīta evānyasyāpramāṇa- 
TBV-SD 18,36	tāmādhātuṃ kṣamo nānyatheti, so'yamadoṣaḥ; yataḥ — 
TBV-SD 19,01	
TBV-SD 19,02		bādhakapratyayastāvadarthānyatvāvadhāraṇam | 
TBV-SD 19,03		so'napekṣapramāṇatvāt pūrvajñānamapohate || 
TBV-SD 19,04		tatrāpi tvapavādasya syādapekṣā kvacit punaḥ | 
TBV-SD 19,05		jātāśaṅkasya pūrveṇa sā'pyanyena nivartate || 
TBV-SD 19,06		bādhakāntaramutpannaṃ yadyasyānvicchato'param | 
TBV-SD 19,07		tato madhyamabādhena pūrvasyaiva pramāṇatā || 
TBV-SD 19,08		athānyadaprayatnena samyaganveṣaṇe kṛte | 
TBV-SD 19,09		mūlābhāvānna vijñānaṃ bhaved bādhakabādhanam || 
TBV-SD 19,10		tato nirapavādatvāt tenaivādyaṃ balīyasā | 
TBV-SD 19,11		bādhyate tena tasyaiva pramāṇatvamapodyate || 
TBV-SD 19,12		evaṃ parīkṣakajñānatritayaṃ nātivartate | 
TBV-SD 19,13		tataścājātabādhena nāśaṅkyaṃ bādhakaṃ punaḥ ||  iti | tathāhi — anena 
TBV-SD 19,14	sarveṇāpi granthena svataḥprāmāṇyavyāhatiḥ parihṛtā, parīkṣakajñānatritayādhikajñānānapekṣayā'navasthā 
TBV-SD 19,15	ca” etad dvitayamapi parapakṣe pradarśitaṃ prāktananyāyena | yaccānyat pūrvapakṣe parataḥprāmāṇye dūṣaṇama- 
TBV-SD 19,16	bhihitaṃ taccānabhyupagamena nirastamiti na pratipadamuccārya dūṣyate | 
TBV-SD 19,18	preraṇābuddhestu prāmāṇyaṃ na sādhananirbhāsipratyakṣasyeva saṃvādāt, tasya tasyāmabhāvāt | 
TBV-SD 19,19	nāpyavyabhicāriliṅganiścayabalāt svasādhyādupajāyamānatvādanumānasyeva | kiṃca, preraṇāprabhavasya 
TBV-SD 19,20	cetasaḥ prāmāṇyasiddhyarthaṃ svataḥprāmāṇyaprasādhanaprayāso'yaṃ bhavatām, codanāprabhavasya ca jñānasya 
TBV-SD 19,21	na kevalaṃ prāmāṇyaṃ na sidhyati, kiṃtvaprāmāṇyaniścayo'pi tava nyāyena sampadyate | tathāhi — 
TBV-SD 19,22	yad duṣṭakāraṇajanitaṃ jñānaṃ na tat pramāṇam, yathā timirādyupadravopahatacakṣurādiprabhavaṃ jñānam, doṣa- 
TBV-SD 19,23	vatpreraṇāvākyajanitaṃ ca ‘agnihotraṃ juhuyāt’ ityādivākyaprabhavaṃ jñānamiti kāraṇaviruddhopalabdhiḥ | 
TBV-SD 19,24	na cāsiddho hetuḥ, bhavadabhiprāyeṇa preraṇāyāṃ guṇavato vakturabhāve tadguṇairanirākṛtairdoṣairjanyamānatvasya 
TBV-SD 19,25	preraṇāprabhave jñāne siddhatvāt | atha syādayaṃ doṣo yadi vaktṛguṇaireva prāmāṇyāpavādakadoṣāṇāṃ 
TBV-SD 19,26	nirākaraṇamabhyupagamyate, yāvatā vakturabhāvenāpi nirāśrayāṇāṃ doṣāṇāmasadbhāvo'bhyupagamyata 
TBV-SD 19,27	eva | taduktam — 
TBV-SD 19,28		“śabde doṣodbhavastāvad vaktradhīna iti sthitam | 
TBV-SD 19,29		tadabhāvaḥ kvacit tāvad guṇavadvaktṛkatvataḥ || 
TBV-SD 19,30		tadguṇairapakṛṣṭānāṃ śabde saṃkrāntyasambhavāt | 
TBV-SD 19,31		yadvā vakturabhāvena na syurdoṣā nirāśrayāḥ” ||  iti | 
TBV-SD 19,32	bhavedapyevam, yadyapauruṣeyatvaṃ kutaścit pramāṇāt siddhaṃ syāt, tacca na siddham; tatpratipādakapramāṇasya 
TBV-SD 19,33	niṣetsyamānatvāt | ata eva cedamapyanuddhoṣyam — 
TBV-SD 19,34		“tatrāpavādanirmuktirvaktrabhāvāllaghīyasī | 
TBV-SD 19,35		vede tenāpramāṇatvaṃ nāśaṅkāmapi gacchati” ||  | 
TBV-SD 19,36	tena guṇavato vakturanabhyupagamād bhavadbhiḥ apauruṣeyatvasya cāsambhavād anirākṛtairdoṣairjanyamānatvaṃ 
TBV-SD 19,37	hetuḥ preraṇāprabhavasya cetasaḥ siddhaḥ; doṣajanyatva — aprāmāṇyayoravinābhāvasyāpi mithyājñāne'nyatra 
TBV-SD 19,38	niścitatvāt tadviruddhatva — anaikāntikatvayorapyabhāva iti bhavatyato hetoḥ preraṇāprabhave jñāne prāmā- 
TBV-SD 19,39	ṇyābhāvasiddhiḥ | 
TBV-SD 20,02	kiṃca, pramāṇe siddhe sati ‘kiṃ tatprāmāṇyaṃ svataḥ, parato vā’ iti cintā yuktimatī, bhavada- 
TBV-SD 20,03	bhyupagamena tu tadeva na sambhavati | tathāhi — jñātṛvyāpāraḥ pramāṇaṃ bhavatā'bhyupagamyate, na cāsau 
TBV-SD 20,04	yuktaḥ; tadgrāhakapramāṇābhāvāt | tathāhi — pratyakṣaṃ vā tadgrāhakam, anumānam, anyadvā pramāṇā- 
TBV-SD 20,05	ntaram ? tatra yadi pratyakṣaṃ tadgrāhakamabhyupagamyeta tadā'trāpi vaktavyam — svasaṃvedanam, bāhyendriya- 
TBV-SD 20,06	jam, manaḥprabhavaṃ vā ? na tāvat svasaṃvedanaṃ tadgrāhakam, bhavatā tadgrāhyatvānabhyupagamāt tasya | 
TBV-SD 20,07	nāpi bāhyendriyajam, indriyāṇāṃ svasaṃbaddhe'rthe jñānajanakatvābhyupagamāt; na ca jñātṛvyāpāreṇa saha 
TBV-SD 20,08	teṣāṃ saṃbandhaḥ, pratiniyatarūpādiviṣayatvāt | nāpi manojanyaṃ pratyakṣaṃ jñātṛvyāpāralakṣaṇapramāṇagrā- 
TBV-SD 20,09	hakam, tathāpratītyabhāvāt anabhyupagamācca | athānumānaṃ tadgrāhakamabhyupagamyate, tadapyayuktam; 
TBV-SD 20,10	yato'numānamapi “jñātasaṃbandhasyaikadeśadarśanādasannikṛṣṭe'rthe buddhiḥ” ityevaṃlakṣaṇamabhyupagamyate | 
TBV-SD 20,11	saṃbandhaścānyasaṃbandhavyudāsena niyamalakṣaṇo'bhyupagamyate | yata uktam — “saṃbandho hi na tādā- 
TBV-SD 20,12	tmyalakṣaṇo gamyagamakabhāvanibandhanam | yayorhi tādātmyaṃ na tayorgamyagamakabhāvaḥ, tasya bheda- 
TBV-SD 20,13	nibandhanatvāt; abhede vā sādhanapratipattikāla eva sādhyasyāpi pratipannatvāt kathaṃ gamyagamaka- 
TBV-SD 20,14	bhāvaḥ ? apratipattau vā yasmin pratīyamāne yanna pratīyate tat tato bhinnam, yathā ghaṭe pratīyamā- 
TBV-SD 20,15	ne'pratīyamānaḥ paṭaḥ; na pratīyate cet sādhanapratītikāle sādhyaṃ tadā tat tato bhinnamiti kathaṃ 
TBV-SD 20,16	tayostādātmyam ? kiṃca, yadi tādātmyād gamyagamakabhāvo'bhyupagamyate tadā tādātmyā'viśe- 
TBV-SD 20,17	ṣād yathā prayatnānantarīyakatvamanityatvasya gamakam, tathā'nityatvamapi prayatnānantarīyakatvasya gamakaṃ 
TBV-SD 20,18	syāt | atha prayatnānantarīyakatvamevānityatvaniyatatvena niścitam, nānityatvaṃ tanniyatatvena; niśca- 
TBV-SD 20,19	yāpekṣaśca gamyagamakabhāva iti, tarhi ‘yasminniścīyamāne yanna niścīyate’ ityādi pūrvoktameva dūṣaṇaṃ 
TBV-SD 20,20	punarāpatati | api ca, prayatnānantarīyakatvameva anityatvaniyatatvena niścitamiti vadatā sa evā- 
TBV-SD 20,21	smadabhyupagato niyamalakṣaṇaḥ saṃbandho'bhyupagato bhavati | nāpi tadutpattilakṣaṇaḥ saṃbandho gamyagama — 
TBV-SD 20,22	kabhāvanibandhanam, tathā'bhyupagame vaktṛtvāderapyasarvajñatvaṃ prati gamakatvaṃ syāt | atha sarvajñatve vaktṛ- 
TBV-SD 20,23	tvāderbādhakapramāṇābhāvāt sarvajñatvādibhyo vaktṛtvādervyāvṛttiḥ sandigdheti saṃdigdhavipakṣavyāvṛtti- 
TBV-SD 20,24	katvānnāyaṃ gamakastarhi dhūmasyāpyanagnau bādhakapramāṇābhāvāt tato vyāvṛttiḥ sandigdheti sandi- 
TBV-SD 20,25	gdhavipakṣavyāvṛttikatvādagniṃ prati gamakatvaṃ na syāt | atha “kāryaṃ dhūmo hutabhujaḥ, kāryadharmā- 
TBV-SD 20,26	nuvṛttitaḥ; sa tadabhāve'pi bhavan kāryameva na syāt” ityanagnau dhūmasya sadbhāvabādhakaṃ pramāṇaṃ vidyata 
TBV-SD 20,27	iti nāsau sandigdhavipakṣavyāvṛttikastarhyetat prakṛte'pi vaktṛtvādau samānamiti tasyāpyasarvajñatvaṃ 
TBV-SD 20,28	prati gamakatvaṃ syāt | kiṃca, kāryatve satyapi vaktṛtvādeḥ sandigdhavipakṣavyāvṛttikatvenāsarvajñatvaṃ 
TBV-SD 20,29	pratyaniyatatvād yadyagamakatvaṃ tarhi sa evāsmadabhyupagato niyamalakṣaṇaḥ saṃbandho'bhyupagato bhavati | 
TBV-SD 20,30	api ca, tādātmya — tadutpattilakṣaṇasaṃbandhābhāve'pi niyamalakṣaṇasaṃbandhaprasādāt kṛttikodaya — 
TBV-SD 20,31	candrodgamana — adyatanasavitrudgama — gṛhītāṇḍapipīlikotsarpaṇa — ekāmraphalopalabhyamānamadhurarasasvarū- 
TBV-SD 20,32	pāṇāṃ hetūnāṃ yathākramaṃ bhāviśakaṭodaya — samānasamayasamudravṛddhi — śvastanabhānūdaya-bhāvivṛṣṭi-tatsamāna- 
TBV-SD 20,33	kālasindūrāruṇarūpasvabhāveṣu sādhyeṣu gamakatvaṃ suprasiddham | saṃyogādilakṣaṇastu saṃbandho bhavataiva 
TBV-SD 20,34	sādhyapratipādanāṅgatvena nirasta iti taṃ prati na prayasyate | 
TBV-SD 20,35		“evaṃ paroktasaṃbandhapratyākhyāne kṛte sati | 
TBV-SD 20,36		niyamo nāma saṃbandhaḥ svamatenocyate'dhunā || 
TBV-SD 21,01	
TBV-SD 21,02		kāryakāraṇabhāvādisaṃbandhānāṃ dvayī gatiḥ | 
TBV-SD 21,03		niyamā'niyamābhyāṃ syādaniyamādatadgatā || 
TBV-SD 21,04		sarve'pyaniyamā hyete nānumotpattikāraṇam | 
TBV-SD 21,05		niyamāt kevalādeva na kiñcinnānumīyate” ||  ityādi | 
TBV-SD 21,06	sa ca saṃbandhaḥ kimanvayaniścayadvāreṇa pratīyate, uta vyatirekaniścayadvāreṇa iti vikalpadvayam | 
TBV-SD 21,07	tatra yadi prathamo vikalpo'bhyupagamyate, tatrāpi vaktavyam — kiṃ pratyakṣeṇānvayaniścayaḥ, utānumānena 
TBV-SD 21,08	iti ? na tāvat pratyakṣeṇānvayaniścayaḥ, anvayasya hi rūpam ‘tadbhāve eva bhāvaḥ’, na ca jñātṛvyāpā- 
TBV-SD 21,09	rasya pramāṇatvenābhyupagatasya pratyakṣeṇa sadbhāvaḥ śakyate grahītum, tadgrāhakatvena pratyakṣasya pūrvameva niṣi- 
TBV-SD 21,10	ddhatvāt tvayā'nabhyupagamācca | nāpi jñātṛvyāpārasadbhāve evārthaprakāśanalakṣaṇasya hetoḥ sadbhāvaḥ 
TBV-SD 21,11	pratyakṣeṇa jñātuṃ śakyaḥ, tasyāpīndriyavyāpārajena pratyakṣeṇa pratipattumaśakteḥ; tadaśaktiśca — akṣāṇāṃ tena 
TBV-SD 21,12	saha saṃbandhābhāvāt | nāpi svasaṃvedanalakṣaṇena pratyakṣeṇa pūrvoktasya hetoḥ sadbhāvaḥ śakyo niścetum, 
TBV-SD 21,13	bhavadabhiprāyeṇa tatra tasyāvyāpārāt, tanna pratyakṣeṇa sādhyasadbhāve eva hetusadbhāvalakṣaṇo'nvayo niścetuṃ 
TBV-SD 21,14	śakyaḥ | nāpyanumānena tanniścayaḥ, anumānasya niścitānvayahetuprabhavatvābhyupagamāt | na ca tasyā- 
TBV-SD 21,15	nvayaḥ pratyakṣasamadhigamyaḥ, pūrvoktadoṣaprasaṅgāt | anumānāt tanniścaye'navasthe — taretarāśrayadoṣāvanu- 
TBV-SD 21,16	ṣajjyete iti prāgeva pratipāditam | na ca pratyakṣā'numānavyatiriktaṃ pramāṇāntaraṃ sambhavati | tanna anva- 
TBV-SD 21,17	yaniścayadvāreṇa jñātṛvyāpāre sādhye pūrvoktasya hetorniyamalakṣaṇaḥ saṃbandho niścetuṃ śakyaḥ | nāpi vyati- 
TBV-SD 21,18	rekaniścayadvāreṇa, yato vyatirekaḥ ‘sādhyābhāve hetorabhāva eva’ ityevaṃsvarūpaḥ; na ca prakṛtasya sādhyasyā- 
TBV-SD 21,19	bhāvaḥ pratyakṣeṇa samadhigamyaḥ, tasyābhāvaviṣayatvavirodhāt, anabhyupagamāt, abhāvapramāṇavaiyarthyapra- 
TBV-SD 21,20	saṅgācca | nāpyanumānādisadbhāvagrāhakapramāṇaniśceyaḥ, ata eva doṣāt | athādarśananiśceya iti pakṣaḥ, 
TBV-SD 21,21	so'pi na yuktaḥ; yato'darśanaṃ kimanupalambharūpam, āhosvid abhāvapramāṇasvarūpam iti vaktavyam ? 
TBV-SD 21,22	tatra yadyādyaḥ pakṣaḥ, sa na yuktaḥ; yato'trāpi vaktavyam — anupalambhaḥ kiṃ dṛśyānupalambho'bhipretaḥ, ā- 
TBV-SD 21,23	hosvid adṛśyānupalambhaḥ iti ? tatra yadyadṛśyānupalambhaḥ prakṛtasādhyābhāvaniścāyako'bhipretaḥ, 
TBV-SD 21,24	tadā'trāpi kalpanādvayam — kiṃ svasaṃbandhī anupalambhastanniścāyakaḥ, uta sarvasaṃbandhī ? yadyātma- 
TBV-SD 21,25	saṃbandhī tanniścāyakaḥ, sa na yuktaḥ; paracetovṛttiviśeṣaistasyānaikāntikatvāt | atha sarvasaṃbandhī 
TBV-SD 21,26	anupalambhastanniścāyaka ityabhyupagamaḥ, ayamapyayuktaḥ; sarvasaṃbandhino'nupalambhasyāsiddhatvāt | atha 
TBV-SD 21,27	dṛśyānupalambhastanniścāyaka iti pakṣaḥ, so'pyasaṅgataḥ; yato dṛśyānupalambhaścaturdhā vyavasthitaḥ — sva- 
TBV-SD 21,28	bhāvānupalambhaḥ, kāraṇānupalambhaḥ, vyāpakānupalambhaḥ, viruddhavidhiśceti | tatra yadi svabhāvānupalambha- 
TBV-SD 21,29	stanniścāyakatvenābhimataḥ, sa na yuktaḥ; svabhāvānupalambhasyaivaṃvidhe viṣaye vyāpārāsaṃbhavāt | tathā- 
TBV-SD 21,30	hi — ekajñānasaṃsargiṇastulyayogyatāsvarūpasya bhāvāntarasyābhāvavyavahārasādhakatvena paryudāsavṛttyā 
TBV-SD 21,31	tadanyajñānasvabhāvo'sāvabhyupagamyate; na ca prakṛtasya sādhyasya kenacit sahaikajñānasaṃsargitvaṃ saṃbhava- 
TBV-SD 21,32	tīti nātra svabhāvānupalambhasya vyāpāraḥ | nāpi kāraṇānupalambhaḥ prakṛtasādhyābhāvaniścāyakaḥ, yataḥ 
TBV-SD 21,33	siddhe kāryakāraṇabhāve kāraṇānupalambhaḥ kāryābhāvaniścāyakatvena pravarttate; na ca prakṛtasya sādhyasya 
TBV-SD 21,34	kenacit saha kāryatvaṃ niścitam, tasyādṛśyatvena prāgeva pratipādanāt | ‘pratyakṣā'nupalambhanibandhanaśca 
TBV-SD 21,35	kāryakāraṇabhāvaḥ’ iti kāraṇānupalambho'pi na tanniścāyakaḥ | vyāpakānupalambhastu siddhe vyāpya — 
TBV-SD 21,36	vyāpakabhāve vyāpyābhāvasādhako'bhyupagamyate | na ca prakṛtasādhyavyāpakatvena kaścit padārtho 
TBV-SD 21,37	niścetuṃ śakyaḥ, prakṛtasādhyasyādṛśyatvapratipādanāt; tanna vyāpakānupalambho'pi tanniścāyakaḥ | 
TBV-SD 21,38	viruddhopalabdhirapyatra viṣaye na pravarttate | tathāhi — eko virodho'vikalakāraṇasya bhavato'nyabhāve'- 
TBV-SD 21,39	bhāvāt sahānavasthānalakṣaṇo niścīyate śīto — ṣṇayoriva viśiṣṭāt pratyakṣāt | na ca prakṛtaṃ sādhya- 
TBV-SD 21,40	mavikalakāraṇaṃ kasyacid bhāve nivarttamānamupalabhyate tasyādṛśyatvādeva | dvitīyastu parasparaparihāra- 
TBV-SD 22,01	sthitilakṣaṇaḥ, so'pi lakṣaṇasya svarūpavyavasthāpakadharmarūpasya dṛśyatvābhyupagamaniṣṭho dṛśyatvābhyu- 
TBV-SD 22,02	pagamanimittapramāṇanibandhano na prakṛtasādhyaviṣaye saṃbhavati, tanna tato'pi prastutasiddhiḥ | tanna 
TBV-SD 22,03	sādhyasyābhāvaniścayo'nupalambhanibandhanaḥ | sādhanābhāvaniścayo'pi nādṛśyānupalambhanimittaḥ, ukta- 
TBV-SD 22,04	doṣatvāt; dṛśyānupalambhanimittatve'pi na svabhāvānupalambhastannimittam, uddiṣṭaviṣayābhāvavyava- 
TBV-SD 22,05	hārasādhakatvena tasya vyāpārābhyupagamāt | anuddiṣṭaviṣayatve'pi ‘yatra yatra sādhyābhāvastatra tatra 
TBV-SD 22,06	sādhanābhāvaḥ’ ityevaṃ na tataḥ sādhanābhāvaniścayaḥ; tanniścayaśca niyamaniścayaheturiti na svabhāvānu- 
TBV-SD 22,07	palambho'pi tanniyamahetuḥ | nāpi kāraṇānupalambhaḥ, yataḥ kāraṇaṃ jñātṛvyāpāra evārthaprakaṭatālakṣa- 
TBV-SD 22,08	ṇasya hetorbhavatā'bhyupagamyate, na cāsau pratyakṣasamadhigamya iti kutastasya samprati kāra- 
TBV-SD 22,09	ṇatvāvagamaḥ ? iti na kāraṇānupalambho'pi tadabhāvaniścayahetuḥ | vyāpakānupalambhe'pyayameva nyāyaḥ, 
TBV-SD 22,10	yato vyāpakatvamapi pūrvoktahetuṃ prati jñātṛvyāpārasyaivābhyupagantavyam; anyathā'nyasya vyāpakatve 
TBV-SD 22,11	sādhyavipakṣād vyāpakanivṛttidvāreṇa nivartamānamapi sādhanaṃ na sādhyaniyataṃ syāt | atha yathā 
TBV-SD 22,12	sattvalakṣaṇo hetuḥ kṣaṇikatvalakṣaṇasādhyavyatiriktakrama — yaugapadyasvarūpapadārthāntaravyāpakanivṛttidvā- 
TBV-SD 22,13	reṇā'kṣaṇikalakṣaṇād vipakṣād vyāvarttamānaḥ svasādhyaniyatastathā prakṛto'pi heturbhaviṣyati, asa- 
TBV-SD 22,14	myagetat; yatastatrāpi yadyarthakriyālakṣaṇasattvavyāpake krama — yaugapadye kutaścit pramāṇāt kṣaṇike 
TBV-SD 22,15	siddhe bhavatastadā tannivṛttidvāreṇa vipakṣād vyāvarttamāno'pi sattvalakṣaṇo hetuḥ svasādhyaniyataḥ 
TBV-SD 22,16	syāt, anyathā tatra vyāpakavṛttyaniścaye rāśyantare kṣaṇikā'kṣaṇikarūpe tasyāśaṅkyamānatvena tadvyā- 
TBV-SD 22,17	pyasyāpi naikāntataḥ kṣaṇikaniyatatvaniścayaḥ | na ca prakṛtasādhye'yaṃ nyāyaḥ, tasyātyantaparokṣatvena 
TBV-SD 22,18	hetuvyāpakabhāvāntarādhikaraṇatvāsiddheḥ; tanna vyāpakānupalambhanimitto'pi vipakṣe sādhanābhāvani- 
TBV-SD 22,19	ścayaḥ | nāpi viruddhopalabdhinimittaḥ, prakṛtasādhyasyātyantaparokṣatvena tadapratipattau tadabhāvaniyata- 
TBV-SD 22,20	vipakṣasyāpyapratipattitastena sahārthaprakāśanalakṣaṇasya hetoḥ sahānavasthānalakṣaṇavirodhāsiddheḥ | para- 
TBV-SD 22,21	sparaparihārasthitalakṣaṇastu virodho'nyonyavyavacchedarūpayorarthaprakāśanā'prakāśanayoḥ sambhavati, na 
TBV-SD 22,22	punararthaprakāśana — ajñātṛvyāpārayoḥ, anyonyavyavacchedarūpatvābhāvāt | nāpi jñātṛvyāpāraniyata- 
TBV-SD 22,23	tvādarthaprakāśanasya sādhyavipakṣeṇa virodha iti śakyamabhidhātum, anyonyāśrayadoṣaprasakteḥ | tathā- 
TBV-SD 22,24	hi — siddhe tanniyatatve tadvipakṣavirodhasiddhiḥ, tatsiddheśca tanniyatatvasiddhiriti spaṣṭa evetaretarāśrayo 
TBV-SD 22,25	doṣaḥ | tanna viruddhopalabdhinimitto'pi vipakṣe sādhanābhāvaniścayaḥ | athādarśanaśabdena abhāvākhyaṃ 
TBV-SD 22,26	pramāṇaṃ vyatirekaniścayanimittamabhidhīyate, tadapyanupapannam; tasya tannimittatvāsambhavāt | tathāhi — 
TBV-SD 22,27	niṣedhyaviṣayapramāṇapañcakasvarūpatayā''tmano'pariṇāmarūpaṃ vā tadabhyupagamyeta, tadanyavastuviṣaya- 
TBV-SD 22,28	jñānarūpaṃ vā gatyantarābhāvāt ? taduktam — 
TBV-SD 22,29		“pratyakṣāderanutpattiḥ pramāṇābhāva ucyate | 
TBV-SD 22,30		sā''tmano'pariṇāmo vā vijñānaṃ vā'nyavastuni” || 
TBV-SD 22,31	tatra yadi ‘niṣedhyaviṣayapramāṇapañcakarūpatvenātmano'pariṇāmalakṣaṇamabhāvākhyapramāṇaṃ sādhanābhāvani- 
TBV-SD 22,32	yatasādhyābhāvasvarūpavyatirekaniścayanimittam’ ityabhyupagamaḥ, sa na yuktaḥ; tasya samudrodakapalapari- 
TBV-SD 22,33	māṇenānaikāntikatvāt | athānyavastuviṣayavijñānasvarūpamabhāvākhyaṃ pramāṇaṃ vyatirekaniścayanimitta- 
TBV-SD 22,34	miti pakṣaḥ, so'pi na yuktaḥ; vikalpānupapatteḥ | tathāhi — kiṃ tat sādhyaniyatasādhanasvarūpādanyad 
TBV-SD 22,35	vastu, yadviṣayaṃ jñānaṃ tadanyajñānamityucyate ? yadi yathoktasādhanasvarūpavyatiriktaṃ padārthāntaraṃ tadā 
TBV-SD 22,36	vaktavyam — tad ekajñānasaṃsargi sādhanena saha, utānyathā iti ? yadi yathoktasādhanenaikajñānasaṃsargi tadā 
TBV-SD 22,37	tadviṣayajñānāt sidhyati yathoktasādhanasyābhāvaniścayaḥ pratiniyataviṣayaḥ, kintu ‘yatra yatra sādhyā- 
TBV-SD 22,38	bhāvastatra tatrāvaśyaṃtayā sādhanasyāpyabhāvaḥ’ ityevaṃbhūto vyatirekaniścayo na tataḥ sidhyati; sarvopasaṃ- 
TBV-SD 22,39	hāreṇa sādhanābhāvaniyatasādhyābhāvaniścayaśca hetoḥ sādhyaniyatatvalakṣaṇaniyamaniścāyaka iti naika- 
TBV-SD 23,01	jñānasaṃsargipadārthāntaropalambhādabhāvākhyāt pramāṇāt vyatirekaniścayaḥ | atha tadasaṃsargipadārthā- 
TBV-SD 23,02	ntaropalambhasvarūpamabhāvākhyaṃ pramāṇaṃ sādhyābhāve sādhanābhāvaniścayanimittam, tadapyasambaddham; 
TBV-SD 23,03	atiprasaṅgāt — na hi padārthāntaropalambhamātrādanyasya tadatulyayogyatārūpasya tena sahaikajñānāsaṃsargiṇaḥ 
TBV-SD 23,04	padārthāntarasyābhāvaniścayaḥ, anyathā sahyopalambhād vindhyābhāvaniścayaḥ syāt | atha tathābhūtasādha- 
TBV-SD 23,05	nādanyastadabhāvaḥ, tadviṣayaṃ jñānaṃ tadanyajñānam, tad vipakṣe sādhanābhāvaniścayanimittam; nanu tadapi 
TBV-SD 23,06	jñānaṃ kiṃ ‘yatra yatra sādhyābhāvastatra tatra sādhanābhāvaḥ’ ityevaṃ pravarttate, uta ‘kvacideva sādhyābhāve 
TBV-SD 23,07	sādhanābhāvaḥ’ ityevam ? tatra yadyādyaḥ kalpaḥ, sa na yuktaḥ; yathoktasādhanaviviktasarvapradeśa — kālapratyakṣī- 
TBV-SD 23,08	karaṇamantareṇa evaṃbhūtajñānotpattyasambhavāt | sarvadeśapratyakṣīkaraṇe ca kālādiviprakṛṣṭānantapradeśapra- 
TBV-SD 23,09	tyakṣīkaraṇavat svabhāvādivyavahitasarvapadārthasākṣātkaraṇāt sa eva sarvadarśī syādityanumānāśra- 
TBV-SD 23,10	yaṇaṃ sarvajñābhāvaprasādhanaṃ cānupapannam | atha dvitīyapakṣābhyupagamaḥ, tadā bhavati tataḥ pratiniyate 
TBV-SD 23,11	pradeśe sādhyābhāve sādhanābhāvaniścayaḥ — ghaṭaviviktapratyakṣapradeśa iva ghaṭābhāvaniścayaḥ — kiṃtu tathābhū- 
TBV-SD 23,12	tāt sādhyābhāve sādhanābhāvaniścayānna vyatireko niścito bhavati | sādhanābhāvaniyatasādhyābhā- 
TBV-SD 23,13	vasya sarvopasaṃhāreṇa niścaye vyatireko niścito bhavati; anyathā — yatraiva sādhyābhāve sādhanābhāvo 
TBV-SD 23,14	na bhavati tatraiva sādhanasadbhāve'pi na sādhyamiti — na sādhanaṃ sādhyaniyataṃ syāditi vyatirekaniśca- 
TBV-SD 23,15	yanimitto na hetoḥ sādhyaniyamaniścayaḥ syāt; tanna dvitīyo'pi pakṣaḥ | atha na prakṛtasādhanābhā- 
TBV-SD 23,16	vajñānaṃ tadviviktasamastapradeśopalambhanimittam — yena pūrvokto doṣaḥ — kintu tadviṣayapramāṇapañcakanivṛ- 
TBV-SD 23,17	ttinimittam | taduktam — 
TBV-SD 23,18		“pramāṇapañcakaṃ yatra vasturūpe na jāyate | 
TBV-SD 23,19		vastusattāvabodhārthaṃ tatrābhāvapramāṇatā” || 
TBV-SD 23,20	nanvatrāpi vaktavyam — kiṃ sarvadeśa — kālāvasthitasamastapramātṛsaṃbandhinī tannivṛttistathābhūtasādhanā- 
TBV-SD 23,21	bhāvajñānanimittam, uta pratiniyatadeśa — kālāvasthitātmasambandhinī iti kalpanādvayam | tatra 
TBV-SD 23,22	yadyādyā kalpanā, sā na yuktā; tathābhūtāyāstannivṛtterasiddhatvāt | na cāsiddhā'pi tathābhūtajñānani- 
TBV-SD 23,23	mittam, atiprasaṅgāt — sarvasyāpi tathābhūtajñānanimittaṃ syāt kenacit saha pratyāsatti — vipra- 
TBV-SD 23,24	karṣābhāvāt; anabhyupagamācca — nahi pareṇāpi pramāṇapañcakanivṛtterasiddhāyā abhāvajñānanimittatā- 
TBV-SD 23,25	'bhyupagatā, kṛtayatnasyaiva pramāṇapañcakanivṛtterabhāvasādhanatvapratipādanāt — 
TBV-SD 23,26		“gatvā gatvā tu tān deśān yadyartho nopalabhyate | 
TBV-SD 23,27		tadā'nyakāraṇābhāvādasannityavagamyate” ||  ityabhidhānāt | 
TBV-SD 23,28	na cendriyādivadajñātā'pi pramāṇapañcakanivṛttirabhāvajñānaṃ janayiṣyatīti śakyamabhidhātum, pramāṇa- 
TBV-SD 23,29	pañcakanivṛttestuccharūpatvāt | na ca tuccharūpāyā janakatvam, bhāvarūpatāprasakteḥ — evaṃlakṣaṇasya bhāva- 
TBV-SD 23,30	tvāt; tanna sarvasaṃbandhinī pramāṇapañcakanivṛttirvipakṣe sādhanābhāvaniścayanibandhanam | nāpyātmasaṃba- 
TBV-SD 23,31	ndhinī tannimittam, yataḥ sā'pi kiṃ tādātvikī, atītā'nāgatakālabhavā vā ? na pūrvā, 
TBV-SD 23,32	tasyā gaṅgāpulinareṇuparisaṃkhyānenānaikāntikatvāt | nottarā, tādātvikasyātmanastannivṛtterasaṃbha- 
TBV-SD 23,33	vāt asiddhatvācca; tanna ātmasaṃbandhinyapi pramāṇapañcakanivṛttistajjñānotpattinimittam; tanna 
TBV-SD 23,34	anyavastuvijñānalakṣaṇamapyabhāvākhyaṃ pramāṇaṃ vyatirekaniścayanimittam | 
TBV-SD 23,36	yacca — 
TBV-SD 23,37		“gṛhītvā vastusadbhāvaṃ smṛtvā ca pratiyoginam | 
TBV-SD 23,38		mānasaṃ nāstitājñānaṃ jāyate'kṣānapekṣayā” || 
TBV-SD 24,01	ityabhāvapramāṇotpattau nimittapratipādanam, tatra kiṃ vastvantarasya pratiyogisaṃsṛṣṭasya grahaṇam, 
TBV-SD 24,02	āhosvid asaṃsṛṣṭasya ? tatra yadyādyaḥ pakṣaḥ, sa na yuktaḥ; pratiyogisaṃsṛṣṭavastvantarasya pratyakṣeṇa 
TBV-SD 24,03	grahaṇe pratiyoginaḥ pratyakṣeṇa vastvantare grahaṇād nābhāvākhyapramāṇasya tatra tadabhāvagrāhakatvena 
TBV-SD 24,04	pravṛttiḥ; pravṛttau vā pratiyogisattve'pi tadabhāvagrāhakatvena pravṛtterviparyastattvānna prāmāṇyam | atha 
TBV-SD 24,05	pratiyogyasaṃsṛṣṭavastvantaragrahaṇaṃ tadā pratyakṣeṇaiva pratiyogyabhāvasya gṛhītatvāt tatrābhāvākhyaṃ pramāṇaṃ 
TBV-SD 24,06	pravarttamānaṃ vyartham | atha pratiyogyasaṃsṛṣṭatā'vagamo vastvantarasyābhāvapramāṇasaṃpādyastarhi tadapya- 
TBV-SD 24,07	bhāvākhyaṃ pramāṇaṃ pratiyogyasaṃsṛṣṭavastvantaragrahaṇe sati pravarttate, tadasaṃsṛṣṭatāvagamaśca punarapyabhāva- 
TBV-SD 24,08	pramāṇasaṃpādya ityanavasthā | tathā, pratiyogino'pi smaraṇaṃ kiṃ vastvantarasaṃsṛṣṭasya, athāsaṃsṛṣṭasya ? 
TBV-SD 24,09	yadi saṃsṛṣṭasya tadā nābhāvapramāṇapravṛttiriti pūrvavadvācyam | athāsaṃsṛṣṭasya smaraṇam, nanu pratyakṣeṇa 
TBV-SD 24,10	vastvantarāsaṃsṛṣṭasya pratiyogino grahaṇe tathābhūtasya tasya smaraṇaṃ nānyathā; pratyakṣeṇa ca pūrvapravṛttena 
TBV-SD 24,11	vastvantarāsaṃsṛṣṭapratiyogigrahaṇe punarapyabhāvapramāṇaparikalpanaṃ vyartham — 
TBV-SD 24,12		“vastvasaṃkarasiddhiśca tatprāmāṇyasamāśrayā” || 
TBV-SD 24,13	ityabhidhānāt tadarthaṃ tasya parikalpanam, tacca pratyakṣeṇaiva kṛtamiti tasya vyarthatā | athātrāpyabhāvapramāṇa- 
TBV-SD 24,14	saṃpādyaḥ pratiyogino vastvantarāsaṃsṛṣṭatāgrahastarhi tathābhūtapratiyogigrahaṇe tathābhūtasya tasya smaraṇam, 
TBV-SD 24,15	tatsadbhāve cābhāvapramāṇapravṛttiḥ, tatpravṛttau ca tasyāsaṃsṛṣṭatāgrahaḥ, tadgrahe ca smaraṇamityevaṃ cakrakacodyaṃ 
TBV-SD 24,16	bhavantamanubadhnāti | nāpi vastumātrasya pratyakṣeṇa grahaṇamityabhidhātuṃ śakyam, tathā'bhyupagame tasya vastva- 
TBV-SD 24,17	ntaratvāsiddheḥ pratiyogino'pi pratiyogitvasya, iti na pratiyogino niyatarūpasya smaraṇamiti sutarāma- 
TBV-SD 24,18	bhāvapramāṇotpattyabhāvaḥ | kiṃca, yadi abhāvākhyaṃ pramāṇamabhāvagrāhakamabhyupagamyate tadā tameva pratipāda- 
TBV-SD 24,19	yatu, pratiyoginastu nivṛttiḥ kathaṃ tena pratipāditā syāt ? athābhāvapratipattau tannivṛttipratipattiḥ; 
TBV-SD 24,20	nanu sā'pi nivṛttiḥ pratiyogisvarūpāsaṃsparśinī, tataśca tatpratipattau punarapi kathaṃ pratiyoginivṛ- 
TBV-SD 24,21	ttisiddhiḥ ? tannivṛttisiddheraparatannivṛttisiddhyabhyupagame aparā tannivṛttistathā'bhyupagamanīyetyana- 
TBV-SD 24,22	vasthā | kiṃca, abhāvapratipattau pratiyogisvarūpaṃ kimanuvarttate, vyāvarttate vā ? anuvṛttau kathaṃ pratiyo- 
TBV-SD 24,23	gino'bhāvaḥ ? vyāvṛttau kathaṃ pratiṣedhaḥ pratipādayituṃ śakyaḥ ? tadviviktapratipattestatpratiṣedha iti 
TBV-SD 24,24	cet, na; tadapratibhāsane tadviviktatāyā eva pratipattumaśakteḥ | pratiyogipratibhāsād nāyaṃ doṣa iti 
TBV-SD 24,25	cet, kva tarhi vijñāne tasya pratibhāsaḥ ? yadi pratyakṣe, na yuktaḥ; tatsadbhāvasiddhyā tannivṛttyasiddheḥ | 
TBV-SD 24,26	smaraṇe tasya pratibhāsa iti cet, na; tatrāpi yena rūpeṇa pratibhāti na tenābhāvaḥ, yena na pratibhāti 
TBV-SD 24,27	na tena niṣedhaḥ, tadevaṃ yadi pratiyogisvarūpādanyo'bhāvastathāpi tatpratipattau na tannivṛttisiddhiḥ | 
TBV-SD 24,28	ananyatve'pi tatpratipattau pratiyoginaḥ pratipannatvād na niṣedhaḥ | api ca, tad abhāvākhyaṃ pramāṇaṃ 
TBV-SD 24,29	niścitaṃ sat prakṛtābhāvaniścayanimittatvenābhyupagamyate, āhosvid aniścitam iti vikalpadva- 
TBV-SD 24,30	yam | yadyaniścitamiti pakṣaḥ, sa na yuktaḥ; svayamavyavasthitasya kharaviṣāṇāderiva anyaniścāyakatvā- 
TBV-SD 24,31	yogāt | indriyādestvaniścitasyāpi rūpādijñānaṃ prati kāraṇatvānniścāyakatvaṃ yuktam, na punarabhā- 
TBV-SD 24,32	vapramāṇasya, tasyāparajñānaṃ prati kāraṇatvāsambhavāt; tadasambhavaśca — pramāṇābhāvātmakatvenāvastu- 
TBV-SD 24,33	tvāt; vastutve'pi tasyaiva prameyābhāvaniścayarūpatvenābhyupagamārhatvāt | nāpi dvitīyaḥ pakṣaḥ, yata- 
TBV-SD 24,34	stanniścayo'nyasmādabhāvākhyāt pramāṇādabhyupagamyeta, prameyābhāvād vā ? tatra yadi prathamapakṣaḥ, sa 
TBV-SD 24,35	na yuktaḥ; anavasthāprasaṅgāt | tathāhi — abhāvapramāṇasyābhāvapramāṇānniścitasyābhāvaniścāyakatvam, 
TBV-SD 24,36	tasyāpyanyābhāvapramāṇād ityanavasthā | atha prameyābhāvāt tanniścayaḥ, so'pi na yuktaḥ; itaretarāśra- 
TBV-SD 24,37	yadoṣaprasaṅgāt | tathāhi — prameyābhāvaniścayāt pramāṇābhāvaniścayaḥ, so'pi pramāṇābhāvaniścayād 
TBV-SD 24,38	iti itaretarāśrayatvam | nāpi svasaṃvedanāt pramāṇābhāvaniścayaḥ, tasya bhavatā'nabhyupagamāt; tanna 
TBV-SD 24,39	abhāvākhyaṃ pramāṇaṃ sambhavati | sambhave'pi na tat pramāṇacintārhamiti pratipāditam, pratipādayi- 
TBV-SD 25,01	ṣyate ca pramāṇacintā'vasare atraiva; tannābhāvapramāṇādapi vipakṣe sādhanābhāvaniścayaḥ; ato na 
TBV-SD 25,02	adarśananimitto'pi prakṛtavyatirekaniścayaḥ; tadabhāvād na prakṛtasādhye prakṛtahetorniyamalakṣaṇa- 
TBV-SD 25,03	saṃbandhaniścayaḥ | 
TBV-SD 25,04	na cānvaya — vyatirekaniścayavyatirekeṇānyataḥ kutaścit tanniścayaḥ, niyamalakṣaṇasya saṃbandhasya 
TBV-SD 25,05	yathoktānvaya — vyatirekavyatirekeṇāsambhavāt | tathāhi — ya eva sādhanasya sādhyasadbhāve eva bhāvaḥ 
TBV-SD 25,06	ayameva tasya sādhye niyamaḥ, sādhyābhāve sādhanasyāvaśyatayā'bhāva eva yaḥ ayameva vā tasya 
TBV-SD 25,07	tatra niyamaḥ | ato yadevānvaya — vyatirekayoryathoktalakṣaṇayorniścāyakaṃ pramāṇaṃ tadeva niyamasvarūpa- 
TBV-SD 25,08	sambandhaniścāyakam, tanniścāyakaṃ ca prakṛtasādhyasādhane hetorna sambhavatīti pratipāditam; tannānu- 
TBV-SD 25,09	mānādapi jñātṛvyāpāralakṣaṇapramāṇasiddhiḥ | 
TBV-SD 25,10	athāpi syāt bāhyeṣu kārakeṣu vyāpāravatsu phalaṃ dṛṣṭam — anyathā siddhasvabhāvānāṃ kārakāṇāmekaṃ 
TBV-SD 25,11	dhātvarthaṃ sādhyamanaṅgīkṛtya kaḥ parasparaṃ sambandhaḥ — atastadantarālavartinī sakalakārakaniṣpādyā'- 
TBV-SD 25,12	bhimataphalajanikā vyāpārasvarūpā kriyā'bhyupagantavyā iti prakṛte'pi vyāpārasiddhiriti, etada- 
TBV-SD 25,13	sambaddham; vikalpānupapatteḥ | tathāhi — vyāpāro'bhyupagamyamānaḥ kiṃ kārakajanyo'bhyupagamyate, 
TBV-SD 25,14	āhosvid ajanyaḥ iti vikalpadvayam | tatra yadyajanya iti pakṣaḥ, so'yuktaḥ; yato'janyo'pi kiṃ 
TBV-SD 25,15	bhāvarūpo'bhyupagamyate, āhosvid abhāvarūpaḥ ? yadyabhāvarūpa ityabhyupagamaḥ, so'pyayuktaḥ; yato'- 
TBV-SD 25,16	bhāvarūpatve tasyārthaprakāśalakṣaṇaphalajanakatvaṃ na syāt, tasya phalajanakatvavirodhāt; avirodhe vā 
TBV-SD 25,17	phalārthinaḥ kārakānveṣaṇaṃ vyarthaṃ syāt, tata evābhimataphalaniṣpatterviśvamadaridraṃ ca syāt; tannābhāva- 
TBV-SD 25,18	rūpo vyāpāro'bhyupagantavyaḥ | atha bhāvarūpo'bhyupagamaviṣayaḥ, tadā'trāpi vaktavyam — kimasau nityaḥ, 
TBV-SD 25,19	āhosvid anityaḥ iti ? tatra yadi nitya iti pakṣaḥ, so'saṅgataḥ; nityabhāvarūpavyāpārābhyupagame'- 
TBV-SD 25,20	ndhādīnāmapyarthadarśanaprasaṅgaḥ, suptādyabhāvaḥ, sarvasarvajñatābhāvaprasaṅgaśca; kārakānveṣaṇavaiyarthyaṃ tu 
TBV-SD 25,21	vyaktam | athānitya ityabhyupagamaḥ, so'pyalaukikaḥ; ajanyasya bhāvasyānityatvena kenacidanabhyupaga- 
TBV-SD 25,22	māt | atha vadet — mayaivābhyupagataḥ, tatrāpi vaktavyam — kiṃ kālāntarasthāyī, uta kṣaṇikaḥ ? yadi 
TBV-SD 25,23	kālāntarasthāyī, tadā “kṣaṇikā hi sā na kālāntaramavatiṣṭhate” iti vacaḥ 
TBV-SD 25,24	pariplaveta | kārakānveṣaṇaṃ cātrāpi pakṣe phalārthināmasaṅgatam, kiyatkālasthāyyajanyabhāvarūpa- 
TBV-SD 25,25	vyāpārābhyupagame tatkālaṃ yāvat tatphalasyāpi niṣpatteḥ āvyāpāravināśamarthaprakāśalakṣaṇakārya- 
TBV-SD 25,26	sadbhāvādandhatva — mūrchādīnāmabhāvaḥ syāt | atha kṣaṇika iti pakṣaḥ, so'pi na yuktaḥ; kṣaṇānantaraṃ 
TBV-SD 25,27	vyāpārāsattvenārthapratibhāsābhāvād apagatārthapratibhāsaṃ sarvaṃ jagat syāt | atha svata eva dvitī- 
TBV-SD 25,28	yādikṣaṇeṣu vyāpārotpatternāyaṃ doṣaḥ, ajanyatvaṃ tu tasyāparakārakajanyatvābhāvena, naitadasti; kārakā'- 
TBV-SD 25,29	nāyattasya deśa — kāla — svarūpapratiniyamābhāvasvabhāvatāyāḥ pratipādanāt | kiṃca, anavaratakṣaṇikā'- 
TBV-SD 25,30	janyavyāpārābhyupagame tajjanyārthapratibhāsasyāpi tathaiva bhāvāt suptādyabhāvadoṣastadavasthaḥ; tannājanya- 
TBV-SD 25,31	vyāpārābhyupagamaḥ śreyān | atha janyo vyāpāraḥ iti pakṣaḥ kakṣīkriyate, tadā'trāpi vikalpadvayam — 
TBV-SD 25,32	kimasau janyo vyāpāraḥ kriyā''tmakaḥ, uta tadanātmakaḥ iti ? tatra yadi prathamaḥ pakṣaḥ, sa na 
TBV-SD 25,33	yuktaḥ; atrāpi vikalpadvayānativṛtteḥ | tathāhi — sā'pi kriyā kiṃ spandātmikā, uta aspandā- 
TBV-SD 25,34	tmikā ? yadi spandātmikā tadā''tmano niścalatvādanyeṣāṃ kārakāṇāṃ vyāpārasadbhāve'pi vyāpāro 
TBV-SD 25,35	na syāt; yadartho'yaṃ prayāsastadeva tyaktaṃ bhavataivamabhyupagacchatā | athāparispandātmikā kriyā 
TBV-SD 25,36	vyāpārasvabhāvā, na; tathābhūtāyāḥ parispandābhāvarūpatayā phalajanakatvāyogāt abhāvasya janakatva- 
TBV-SD 25,37	virodhāt | na ca kriyā kāraṇa — phalā'pāntarālavartinī parispandasvabhāvā tadviparītasvabhāvā vā 
TBV-SD 25,38	pramāṇagocaracāriṇī iti na tasyāḥ sadvyavahāraviṣayatvamabhyupagantuṃ yuktamiti na kriyā''tmako 
TBV-SD 25,39	vyāpāraḥ | nāpi tadanātmako vyāpāro'ṅgīkartuṃ yuktaḥ, tatrāpi vikalpadvayapravṛtteḥ | tathāhi — kima- 
TBV-SD 25,40	sāvakriyā''tmako vyāpāro bodhasvarūpaḥ, abodhasvabhāvo vā ? yadi bodhasvarūpaḥ, pramātṛvanna 
TBV-SD 25,41	pramāṇāntaragamyatā'bhyupagantuṃ yuktā | athābodhasvabhāvaḥ, nāyamapi pakṣaḥ; bodhātmakajñātṛvyāpārasyā- 
TBV-SD 25,42	bodhātmakatvāsambhavāt — na hi cidrūpasyācidrūpo vyāpāro yuktaḥ — ‘jānāti’ iti ca jñātṛvyāpārasya 
TBV-SD 25,43	bodhātmakasyaivābhidhānāt; tanna abodhasvabhāvo'pi vyāpāraḥ | kiṃca, asau jñātṛvyāpāro dharmi- 
TBV-SD 26,01	svabhāvaḥ, uta dharmasvabhāvaḥ iti punarapi kalpanādvayam | dharmisvarūpatve jñātṛvanna pramāṇāntaragamya- 
TBV-SD 26,02	tvamityuktam | dharmasvabhāvatve'pi dharmiṇo jñāturvyatirikto vyāpāraḥ, avyatiriktaḥ, ubhayam, anubhayaṃ 
TBV-SD 26,03	ceti catvāro vikalpāḥ | na tāvadvyatiriktaḥ, tattve saṃbandhābhāvena ‘jñāturvyāpāraḥ’ iti vyapadeśā- 
TBV-SD 26,04	yogāt | avyatireke jñātaiva, tatsvarūpavad nāparo vyāpāraḥ | ubhayapakṣastu virodhamaparihṛtya 
TBV-SD 26,05	nābhyupagamanīyaḥ | anubhayapakṣastu anyo'nyavyavacchedarūpāṇāmekavidhānenāparaniṣedhādayukta iti 
TBV-SD 26,06	pratipāditam | kiṃca, vyāpārasya kārakajanyatvābhyupagame tajjanane pravartamānāni kārakāṇi kim 
TBV-SD 26,07	aparavyāpārabhāñji pravarttante, uta tannirapekṣāṇi iti vikalpadvayam | yadyādyo vikalpaḥ, tadā 
TBV-SD 26,08	tadvyāpārajanane'pi tairaparavyāpārabhāgbhiḥ pravarttitavyam, tajjanane'pyaparavyāpārayugbhiḥ pravarttitavya- 
TBV-SD 26,09	mityanavasthiterna phalajananavyāpārodbhūtiriti tatphalasyāpyanutpattiprasaṅgād na vyāpāraparikalpanaṃ 
TBV-SD 26,10	śreyaḥ | atha aparavyāpāramantareṇāpi phalajanakavyāpārajanane pravarttante iti nāyaṃ doṣaḥ, tarhi 
TBV-SD 26,11	prakṛtavyāpāramantareṇāpi phalajanane pravarttiṣyanta iti kimanupalabhyamānavyāpārakalpanaprayāsena ? 
TBV-SD 26,12	kiṃca, asau vyāpāraḥ phalajanane pravarttamānaḥ kimaparavyāpārasavyapekṣaḥ, atha nirapekṣaḥ ityatrāpi 
TBV-SD 26,13	kalpanādvayam | tatra yadyādyā kalpanā, sā na yuktā; aparāparavyāpārajananakṣīṇaśaktitvena vyāpāra- 
TBV-SD 26,14	syāpi phalajanakatvāyogāt | atha vyāpārāntarānapekṣa eva phalajanane pravarttate, tarhi kārakāṇāmapi 
TBV-SD 26,15	vyāpāranirapekṣāṇāṃ phalajanane pravṛttau na kaścicchaktivyāghātaḥ sambhāvyate | atha vyāpārasya 
TBV-SD 26,16	vyāpārasvarūpatvānnāparavyāpārāpekṣā, kārakāṇāṃ tvavyāpārarūpatvāt tadapekṣā; kā punariyaṃ vyāpārasya 
TBV-SD 26,17	vyāpārasvabhāvatā ? yadi phalajanakatvam, tad vihitapratikriyam | atha kārakāśritatvam, tadapi 
TBV-SD 26,18	bhinnasya tajjanyatvaṃ vihāya na sambhavatītyuktam | atha kārakaparatantratvam, tadapi na; anutpannasyā- 
TBV-SD 26,19	sattvāt, nāpyutpannasya, anyānapekṣatvāt; tathāpi tatparatantratve kārakāṇāmapi vyāpāraparatantratā 
TBV-SD 26,20	syāt | athaivaṃ paryanuyogaḥ sarvabhāvapratiniyatasvabhāvavyāvartaka ityayuktaḥ, tathāhi — evamapi 
TBV-SD 26,21	paryanuyogaḥ sambhavati — vahnerdāhakasvabhāvatve ākāśasyāpi sa syāt, itarathā vahnerapi sa na 
TBV-SD 26,22	syāditi | syādetat yadi pratyakṣasiddho vyāpārasvabhāvo bhavet, sa ca na tatheti pratipāditam | 
TBV-SD 26,23	tata evoktam — 
TBV-SD 26,24		“svabhāve'dhyakṣataḥ siddhe yadi paryanuyujyate | 
TBV-SD 26,25		tatrottaramidaṃ yuktaṃ na dṛṣṭe'nupapannatā” || 
TBV-SD 26,26	tanna vyāpāro nāma kaścid yathā'bhyupagataḥ paraiḥ | 
TBV-SD 26,27	athānumānagrāhyatve syādayaṃ doṣaḥ, ata evārthāpattisamadhigamyatā tasyābhyupagatā | nanu dṛṣṭaḥ 
TBV-SD 26,28	śruto vā'rtho'nyathā nopapadyata ityadṛṣṭakalpanā'rthāpattiḥ, tatra kaḥ punarasau bhāvo vyāpāravyatire- 
TBV-SD 26,29	keṇa nopapadyate yo vyāpāraṃ kalpayati ? artha iti cet, kā punarasya tena vinā'nupapadyamānatā ? 
TBV-SD 26,30	notpattiḥ, svahetutastasyāḥ bhāvāt | kiṃca, asāvarthaḥ kim ekajñātṛvyāpāramantareṇānupapadyamānastaṃ 
TBV-SD 26,31	kalpayati, uta sarvajñātṛvyāpāramantareṇa iti vaktavyam | tatra yadi sakalajñātṛvyāpāramantareṇeti pakṣaḥ, 
TBV-SD 26,32	tadā andhānāmapi rūpadarśanaṃ syāt tadvyāpāramantareṇārthābhāvāt sarvajñatāprasaṅgaśca | atha ekajñātṛ- 
TBV-SD 26,33	vyāpāramantareṇānupapattistarhi yāvadarthasadbhāvastāvat tasyārthadarśanamiti suptādyabhāvaḥ | atha arthadha- 
TBV-SD 26,34	rmo'rthaprakāśatālakṣaṇo vyāpāramantareṇānupapadyamānastaṃ kalpayati; nanu sā'pyarthaprakāśatā'rthadharmo 
TBV-SD 26,35	yadyartha eva tadā'rthapakṣokto doṣaḥ | atha tadvyatiriktaḥ, tadā tasya svarūpaṃ vaktavyam | tasyānubhūyamā- 
TBV-SD 26,36	natā sā iti cet, na; paryāyamātrametat, na tatsvarūpapratipattiriti sa eva praśnaḥ | kiṃca, prakā- 
TBV-SD 26,37	śo'nubhavaśca jñānameva, tadanavagame tatkarmatāyāḥ sutarāmanavagama ityarthaprakāśatā — anubhūyamānate 
TBV-SD 26,38	svarūpeṇānavagate kathaṃ jñātṛvyāpāraparikalpike ? kiṃca, arthaprakāśatālakṣaṇo'rthadharmo'nyathā- 
TBV-SD 26,39	nupapannatvenāniścitastaṃ kalpayati, āhosvid niścita iti ? tatra yadyādyaḥ kalpaḥ, sa 
TBV-SD 26,40	na yuktaḥ; atiprasaṅgāt | tathāhi — yadyaniścito'pi tathātvena sa taṃ parikalpayati tadā yathā taṃ 
TBV-SD 27,01	parikalpayati tathā yena vinā'pi sa upapadyate tamapi kiṃ na kalpayati viśeṣābhāvāt ? athā- 
TBV-SD 27,02	niścito'pi tena vinā'nupapadyamānatvena niścitaḥ sa taṃ parikalpayati tarhi liṅgasyāpi niyatatvenā- 
TBV-SD 27,03	niścitasyāpi svasādhyagamakatvaṃ syāt, tathā ca arthāpattireva parokṣārthaniścāyikā nānumānamiti 
TBV-SD 27,04	ṣaṭpramāṇavādābhyupagamo viśīryeta | atha anyathānupapadyamānatvena niścitaḥ sa dharmastaṃ parikalpayati, 
TBV-SD 27,05	tadā vaktavyam — kva tasyānyathānupapannatvaniścayaḥ ? yadi dṛṣṭāntadharmiṇi tadā liṅgasyāpi tatra niyatatva- 
TBV-SD 27,06	niścayo'stītyanumānamevārthāpattiḥ syāt, evaṃ cārthāpattiranumāne'ntarbhūteti punarapi pramāṇaṣaṭkā- 
TBV-SD 27,07	bhyupagamo viśīryeta | atha sādhyadharmiṇi tanniścaya ityanumānāt pṛthagarthāpattiḥ, tadātrāpi vaktavyam — 
TBV-SD 27,08	kutaḥ pramāṇāt tasya tanniścayaḥ ? yadi vipakṣe'nupalambhāt, tanna yuktam; sarvasambandhino'nupa- 
TBV-SD 27,09	lambhasyāsiddhatvapratipādanāt, ātmasaṃbandhinastu anaikāntikatvāditi nānyathā'nupapadyamānatva- 
TBV-SD 27,10	niścayaḥ | kiṃca, arthāpattyutthāpakasyārthānubhūyamānatālakṣaṇasyārthadharmasya ya eva svaprakalpyārthābhāve'- 
TBV-SD 27,11	vaśyaṃtayā'nupapadyamānatvaniścayaḥ sa eva svaprakalpyārthasadbhāve evopapadyamānatvaniścaya ityarthā- 
TBV-SD 27,12	pattyutthāpakasyārthasya, svasādhyānumāpakasya ca liṅgasya na kaścidviśeṣa ityanumānanirāse'rthāpatterapi 
TBV-SD 27,13	nirāsaḥ kṛta eveti nārthāpatterapi jñātṛvyāpāralakṣaṇapramāṇaniścāyakatvam | ye'pi “saṃvittyākhyaṃ 
TBV-SD 27,14	phalaṃ jñātṛvyāpārasadbhāve sāmānyatodṛṣṭaṃ liṅgam” āhuḥ, tanmatamapyasamyak; yataḥ saṃvedanākhyasya 
TBV-SD 27,15	liṅgasya kim arthapratibhāsasvabhāvatvam, uta tadviparītatvam iti kalpanādvayam | tatrārthaprati- 
TBV-SD 27,16	bhāsasvabhāvatve kimapareṇa jñātṛvyāpāreṇa kathitena iti vaktavyam | tadutpattistena vinā na 
TBV-SD 27,17	sambhavatīti cet, na; indriyādestadutpādakasya sadbhāvād vyarthaṃ tatparikalpanam | kriyāmantareṇa 
TBV-SD 27,18	kārakakalāpāt phalāniṣpatteḥ tatkalpaneti cet, nanvindriyādisāmagryasya kva vyāpāraḥ iti 
TBV-SD 27,19	vaktavyam | kriyotpattāviti cet, sā'pi kriyā kriyāntaramantareṇa kathaṃ kārakakalāpādupajāyate 
TBV-SD 27,20	iti punarapi tadeva codyam | kriyāntarakalpane'navasthā prāk pratipāditaiva; tannārthapratibhāsa- 
TBV-SD 27,21	svabhāvatve'nyo vyāpāraḥ kalpanīyaḥ, niṣprayojanatvāt | atha dvitīyā kalpanā'bhyupagamyate, sā'pi 
TBV-SD 27,22	na yuktā; yato'rthasya saṃvedanaṃ tad bhavaj jñātṛvyāpāraliṅgatāṃ samāsādayati, sā ca tadasaṃvedana- 
TBV-SD 27,23	svabhāvasya kathaṃ saṅgatā ? śeṣaṃ tu pūrvameva nirṇītamiti na punarucyate | kiṃca, arthapratibhāsasvabhāvaṃ 
TBV-SD 27,24	saṃvedanam, jñātā, tadvyāpāraśca bodhātmako naitat tritayaṃ kvacidapi pratibhāti | atha ‘ghaṭamahaṃ 
TBV-SD 27,25	jānāmi’ iti pratipattirasti, na caiṣā nihnotuṃ śakyā, nāpyasyāḥ kiñcid bādhakamupalabhyate, tat 
TBV-SD 27,26	kathaṃ na tritayasadbhāvaḥ ? tathāhi — ‘aham’ iti jñātuḥ pratibhāsaḥ, ‘jānāmi’ iti saṃvedanasya, 
TBV-SD 27,27	‘ghaṭam’ iti pratyakṣasyārthasya, vyāpārasya tvaparasya pramāṇāntarataḥ pratipattirityabhyupagamaḥ, ayuktametat; 
TBV-SD 27,28	yataḥ kalpanodbhūtaśabdamātrametat, na punareṣa vastutrayapratibhāsaḥ | ata evoktamācāryeṇa — “ekamevedaṃ 
TBV-SD 27,29	saṃvidrūpaṃ harpa — viṣādādyanekākāravivarttaṃ samutpaśyāmaḥ tatra yatheṣṭaṃ saṃjñāḥ kriyantām” 
TBV-SD 27,30	kiṃca, vyāpāranimitte kārakasaṃbandhe vikalpadvayam — kiṃ pūrvaṃ vyāpāraḥ paścāt saṃbandhaḥ, uta pūrvaṃ saṃbandhaḥ 
TBV-SD 27,31	paścād vyāpāraḥ ? pūrvasmin pakṣe na vyāparārthaḥ saṃbandhaḥ, pūrvameva vyāpārasadbhāvāt | uttarasmin 
TBV-SD 27,32	punarvikalpadvayam — saṃbandhe sati kiṃ parasparasāpekṣāṇāṃ svavyāpārakartṛtvam, uta nirapekṣāṇām ? 
TBV-SD 27,33	sāpekṣatve svavyāpārakartṛtvānupapattiḥ, anekajanyatvāt tasya | nirapekṣatve kiṃ mīlanena ? tataśca 
TBV-SD 27,34	saṃsargāvasthāyāmapi svavyāpārakaraṇādanavarataphalasiddhiḥ, na caitad dṛṣṭamiṣṭaṃ vā; tanna yuktaṃ vyāpā- 
TBV-SD 27,35	rasyāpratīyamānasya kalpanam | ko hyanyathā saṃbhavati phale'pratīyamānakalpanenātmānamāyāsayati ? 
TBV-SD 27,36	anyathāsaṃbhavaśca — indriyādiṣu satsu phalasya prāgeva darśitaḥ, indriyādestavābhyupagamanīyatvāt | 
TBV-SD 27,37	ito'pi saṃvedanākhyaṃ phalamaparokṣaṃ vyāpārānumāpakamayuktam, svadarśanavyāghātaprasakteḥ | 
TBV-SD 27,38	tathāhi — bhavatā śūnyavāda — parataḥprāmāṇyaprasaktibhayāt smṛtipramoṣo'bhyupagataḥ, viparītakhyātau 
TBV-SD 27,39	tayoravaśyaṃbhāvitvāt | tathāhi — tasyāmanyadeśa — kālo'rthastaddeśa — kālayorasan pratibhāti; na ca 
TBV-SD 28,01	taddeśādyasattvasyātyantāsattvasya cāsatpratibhāse kaścidviśeṣaḥ, yathā'nyadeśādyavasthitamākāraṃ kuta- 
TBV-SD 28,02	ścid bhramanimittād jñānaṃ darśayati tathā avidyāvaśādatyantāsantamapi kiṃ na darśayati ? tathā ca 
TBV-SD 28,03	kathaṃ śūnyavādād muktiḥ ? tathā parataḥprāmāṇyamapi mithyātvāśaṅkāyāṃ kasyacijjñānasya bādhakā- 
TBV-SD 28,04	bhāvānveṣaṇād vaktavyam, tadanveṣaṇe ca sāpekṣatvaṃ pramāṇānāmaparihāryaṃ viparītakhyātau, tato na 
TBV-SD 28,05	kasyacid jñānasya mithyātvam; tadabhāvānnānyadeśa — kālākārārthapratibhāsaḥ; nāpi bādhakābhāvā- 
TBV-SD 28,06	pekṣā | bhrāntābhimateṣu tu tathāvyapadeśaḥ smṛtipramoṣāt | tathāhi — ‘idaṃ rajatam’ iti pratītau 
TBV-SD 28,07	‘idam’ iti pūrovyavasthitārthapratibhāsam, ‘rajatam’ iti pūrvāvagatarajatasmaraṇaṃ sādṛśyādeḥ kuta- 
TBV-SD 28,08	ścinnimittāt, tacca smaraṇamapi svarūpeṇa nāvabhāsata iti smṛtipramoṣa ucyate | yatra ‘smarāmi’ iti 
TBV-SD 28,09	pratyayastava smṛterapramoṣaḥ, yatra tu smṛtitve'pi ‘smarāmi’ iti rūpāpravedanaṃ kutaścit kāraṇāt tatra 
TBV-SD 28,10	smṛtipramoṣo'bhidhīyate | asmin mate ‘rajatam’ iti yat phalasaṃvedanaṃ tat kiṃ pratyakṣaphalasya sataḥ, 
TBV-SD 28,11	kiṃ vā smṛteḥ ? yadi pratyakṣaphalasya tadā yathā ‘idam’ iti pratyakṣaphalaṃ pratibhāti tathā ‘rajatam’ 
TBV-SD 28,12	ityapi, tataśca tulye pratibhāse ‘ekaṃ pratyakṣam, aparaṃ smaraṇam’ iti kiṃkṛto viśeṣaḥ ? athoktam — 
TBV-SD 28,13	‘smaraṇasyāpi satastadrūpānavagamāt tenākāreṇāvagamaḥ’ tat kiṃ ‘rajatam’ ityatrāpratipattireva ? 
TBV-SD 28,14	tasyāṃ cābhyupagamyamānāyāṃ kathaṃ smṛtipramoṣaḥ ? anyathā mūrchādyavasthāyāmapi syāt | atha ‘idam’ 
TBV-SD 28,15	iti tatra pratyayābhāvānnāsau, nanu ‘idam’ ityatrāpi vaktavyam — kimābhāti ? puro'vasthitaṃ śukti- 
TBV-SD 28,16	śakalamiti cet, nanu kiṃ pratibhāsamānatvena tat tatra pratibhāti, uta sannihitatvena ? pratibhā- 
TBV-SD 28,17	samānatvena tathā'bhyupagame na smṛtipramoṣaḥ, śuktikāśakale hi svagatadharmaviśiṣṭe pratibhāsamāne 
TBV-SD 28,18	kuto rajatasmaraṇasaṃbhāvanā ? nahi ghaṭagrahaṇe paṭasmaraṇasaṃbhavaḥ | atha śuktikā — rajatayoḥ sādṛśyāt 
TBV-SD 28,19	śuktipratibhāse rajatasmaraṇam, na; tasya vidyamānatve'pyakiṃcitkaratvāt | yadā hyasādhāraṇadharmādhyā- 
TBV-SD 28,20	sitaṃ śuktisvarūpaṃ pratibhāti tadā kathaṃ sadṛśavastusmaraṇam ? anyathā sarvatra syāt | sāmānyamātra- 
TBV-SD 28,21	grahaṇe hi tat kadācid bhavedapi, nāsādhāraṇasvarūpapratibhāse; tanna ‘idam’ ityatra śuktikāśakalasya 
TBV-SD 28,22	pratibhāsanāt tathāvyapadeśaḥ | sannihitatvenāpratibhāsamānasyāpi tadviṣayatvābhyupagame indriya- 
TBV-SD 28,23	saṃbaddhānāṃ taddeśavarttināmaṇvādīnāmapi pratibhāsaḥ syāt | na cāpratibhāsamānānāmindriyādīnāmiva 
TBV-SD 28,24	pratītijanakānāmapi tadviṣayatā saṅgacchate; tanna ‘idam’ ityatra śuktikāśakalapratibhāsaḥ | nāpi 
TBV-SD 28,25	‘rajatam’ ityatra smṛtitve'pi tasyāḥ svarūpeṇānavagamāt ‘pramoṣaḥ’ ityabhyupagamo yuktaḥ | atha 
TBV-SD 28,26	smṛtirapyanubhavatvena pratibhātīti tatpramoṣo'bhyupagamyate, nanvevaṃ saiva śūnyavāda — parataḥprāmāṇya- 
TBV-SD 28,27	bhayādanabhyupagamyamānā viparītakhyātirāpatitā | na cātrāpratipattireva, ‘rajatam’ ityevaṃ smaraṇasyā- 
TBV-SD 28,28	nubhavasya vā pratibhāsanāt | idamatraidaṃparyam — arthasaṃvedanamaparokṣaṃ sāmānyatodṛṣṭaṃ liṅgaṃ yadi jñātṛ- 
TBV-SD 28,29	vyāpārānumāpakamabhyupagamyate tadā smṛtipramoṣe ‘rajatam’ ityatra saṃvedanam, utāsaṃvedanam ? 
TBV-SD 28,30	pratibhāsotpatteḥ saṃvedane'pi rajatamanubhūyamānataya na saṃvedyate, smṛtipramoṣābhāvaprasaṅgāt | nāpi 
TBV-SD 28,31	smaryamāṇatayā, pramoṣābhyupagamāt | viparītakhyātistu nābhyupagamyate, tad ‘rajatam’ ityatra saṃvedana- 
TBV-SD 28,32	syāparokṣatvābhyupagame'pi pratibhāsābhāvaḥ prasaktaḥ | kiṃca, smṛtipramoṣaḥ pūrvoktadoṣadvayabhayāda- 
TBV-SD 28,33	bhyupagataḥ, tacca tadabhyupagame'pi samānam | tathāhi — samyagrajatapratibhāse'pi āśaṅkotpadyate — 
TBV-SD 28,34	‘kimeṣa smṛtāvapi smṛtipramoṣaḥ, uta samyaganubhavaḥ’ iti sāpekṣatvād bādhakābhāvonveṣaṇe 
TBV-SD 28,35	parataḥprāmāṇyam | tatra ca bhavanmatenānavasthā pradarśitaiva | yatra hi smṛtipramoṣastatrottarakālabhāvī 
TBV-SD 28,36	bādhakapratyayaḥ, yatra tu tadabhāvastatra smṛtipramoṣāsambhava iti kathaṃ na bādhakābhāvāpekṣāyāṃ parataḥ — 
TBV-SD 28,37	prāmāṇyadoṣabhayasyāvakāśaḥ ? śūnyavādadoṣabhayamapi smṛtipramoṣābhyupagame'vaśyaṃbhāvi | tathāhi — 
TBV-SD 28,38	dhvastaśrīharṣādyākāraḥ, anutpannaśaṅkhacakravartyādyākāraśca jñāne yaḥ pratibhāti so'vaśyaṃ jñānaracito'san 
TBV-SD 28,39	pratibhāti; rajatādismṛterapyasannihitarajatākārapratibhāsasvabhāvatvāt tatsattvaṃ tadutpattāvasanni- 
TBV-SD 28,40	hitaṃ nopayujyata iti asadarthaviṣayatve jñānasya kathaṃ śūnyavādabhayād bhavataḥ smṛtipramoṣavādino 
TBV-SD 28,41	muktiḥ ? tanna smṛtipramoṣaḥ | kaścāyaṃ smṛtipramoṣaḥ ? kiṃ smṛterabhāvaḥ, utānyāvabhāsaḥ, āho- 
TBV-SD 28,42	svid anyākāraveditvam iti vikalpāḥ | tatra nāsau smṛterabhāvaḥ, pratibhāsābhāvaprasaṅgāt | 
TBV-SD 29,01	athānyāvabhāso'sau, tadā'trāpi vaktavyam — kiṃ tatkālo'nyāvabhāso'sau, athottarakālabhāvī ? 
TBV-SD 29,02	yadi tatkālabhāvī anyāvabhāsaḥ smṛteḥ pramoṣastadā ghaṭādijñānaṃ tatkālabhāvi tasyāḥ pramoṣaḥ 
TBV-SD 29,03	syāt | athottarakālabhāvyasau tasyāḥ pramoṣaḥ, tadapyayuktam; atiprasaṅgāt — yadi nāmottarakāla- 
TBV-SD 29,04	manyāvabhāsaḥ samutpannaḥ, pūrvajñānasya smṛtipramoṣatvenābhyupagatasya tattve kimāyātam ? anyathā 
TBV-SD 29,05	sarvasya pūrvajñānasya smṛtipramoṣatvaprasaṅgaḥ | athānyākāraveditvaṃ tasyā asau, tadā viparītakhyātiḥ 
TBV-SD 29,06	syāt na smṛtipramoṣaḥ | kaścāsau viparīta ākārastasyāḥ ? yadi sphuṭārthāvabhāsitvam, tadasau 
TBV-SD 29,07	pratyakṣasyākāraḥ kathaṃ smṛtisambandhī ? tatsambandhitve vā tasyāḥ pratyakṣarūpataiva syāt na smṛti- 
TBV-SD 29,08	rūpatā | ata eva śuktikāyāṃ rajatapratibhāsasya na smṛtirūpatā tatpratibhāsena vyavasthāpyate, tasya 
TBV-SD 29,09	pratyakṣarūpatayā pratibhāsanāt | nāpi bādhakapratyayena tasyāḥ smṛtirūpatā vyavasthāpyate, 
TBV-SD 29,10	yato bādhakapratyayaḥ tatpratibhātasyārthasyāsadrūpatvamāvedayati, na punastajjñānasya smṛtirūpatām | 
TBV-SD 29,11	tathāhi — bādhakapratyaya evaṃ pravarttate — ‘na idaṃ rajatam’, na punaḥ ‘rajatapratibhāsaḥ prakṛtaḥ smṛtiḥ’ iti | 
TBV-SD 29,12	tanna smṛtipramoṣarūpatā bhrāntadṛśāmabhyupagantuṃ yuktā; ato nāyamapi satpakṣaḥ | tannārthasaṃvedana- 
TBV-SD 29,13	svarūpamapyaparokṣaṃ sāmānyatodṛṣṭaṃ liṅgaṃ prābhākarairabhyupagamyamānaṃ jñātṛvyāpāralakṣaṇapramāṇānumāpaka- 
TBV-SD 29,14	miti mīmāṃsakamatena pramāṇasyaivāsiddhatvāt kathaṃ yathāvasthitārthaparicchedaśaktisvabhāvasya prāmāṇyasya 
TBV-SD 29,15	svataḥ siddhiḥ ? na hi dharmiṇo'siddhau taddharmasya siddhiryuktā, ato na sarvatra svataḥ prāmāṇyasiddhi- 
TBV-SD 29,16	riti sthitam || 
TBV-SD 29,18	śabdasamutthasya tu abhidheyaviṣayajñānasya yadi prāmāṇyamabhyupagamyate tadā apauruṣeyatvasyā- 
TBV-SD 29,19	sambhavād guṇavatpuruṣapraṇītastadutpādakaḥ śabdo'bhyupagantavyaḥ; atha tatpraṇītatvaṃ nābhyupagamyate 
TBV-SD 29,20	tadā tatsamutthajñānasya prāmāṇyamapi na syādityabhiprāyavānācāryaḥ prāha — ‘jinānām’ rāga — dveṣamoha- 
TBV-SD 29,21	lakṣaṇān śatrūn jitavanta iti jināsteṣāṃ ‘śāsanaṃ’ tadabhyupagantavyamiti prasaṅgasādhanam | 
TBV-SD 29,22	na cātredaṃ preryam — yadi jinaśāsanaṃ jinapraṇītatvena siddhaṃ niścitaprāmāṇyamabhyupagamanīyam — 
TBV-SD 29,23	anyathā prāmāṇyasyāpyanabhyupagamanīyatvāditi prasaṅgasādhanamatra pratipādyatvenābhipretam — tatki- 
TBV-SD 29,24	miti bauddhayuktyā''rhatena tvayā svataḥprāmāṇyanirāso'bhihitaḥ ? yataḥ sarvasamayasamūhātmakatva- 
TBV-SD 29,25	meva ācāryeṇa pratipādayitumabhipretam | yad vakṣyatyasyaiva prakaraṇasya parisamāptau | yathā — 
TBV-SD 29,26		‘bhaddaṃ micchaddaṃsaṇasamūhamaiyassa amayasārassa | 
TBV-SD 29,27		jiṇavayaṇassa bhagavao saṃviggasuhāhigammassa’ ||  ityādi | 
TBV-SD 29,28	ayamevārtho bauddhayuktyupanyāsena samarthitaḥ | anyatrāpyanyamatopakṣepeṇānyamatanirāse'yamevābhiprāyo 
TBV-SD 29,29	draṣṭavyaḥ, sarvanayānāṃ parasparasāpekṣāṇāṃ samyagmatatvena, viparītānāṃ viparyayatvenācāryasyeṣṭatvāt | 
TBV-SD 29,30	ata evoktamanenaiva dvātriṃśikāyām — 
TBV-SD 29,31		“udadhāviva sarvasindhavaḥ samudīrṇāstvayi nātha ! dṛṣṭayaḥ | 
TBV-SD 29,32		na ca tāsu bhavān pradṛśyate, pravibhaktāsu saritsvivodadhiḥ” || 
TBV-SD 29,33	athāpi syāt, yadi prāmāṇyāpavādakadoṣābhāvo guṇanimitta eva bhavet tadā syādetat 
TBV-SD 29,34	prasaṅgasādhanam, yāvatā'pauruṣeyatvenāpi tasya sambhavāt kathaṃ prasaṅgasādhanasyāvakāśaḥ ? asadetat; 
TBV-SD 29,35	apauruṣeyatvasyāsiddhatvāt | tathāhi — kimapauruṣeyatvaṃ śāsanasya prasajyapratiṣedharūpamabhyupagamyate, 
TBV-SD 29,36	uta paryudāsarūpam ? tatra yadi prasajyarūpaṃ tadā kiṃ sadupalambhakapramāṇagrāhyam, uta abhāva- 
TBV-SD 29,37	pramāṇavedyam ? yadi sadupalambhakapramāṇagrāhyam, tadayuktam; sadupalambhakapramāṇaviṣayasyābhāvatvā- 
TBV-SD 29,38	nupapatteḥ, abhāvatve vā na tadviṣayatvam, tasya tadviṣayatvavirodhād anabhyupagamācca | abhāva- 
TBV-SD 30,01	pramāṇagrāhyatvābhyupagame'pi vaktavyam — kimabhāvapramāṇaṃ jñānavinirmuktātmalakṣaṇam, uta anyajñāna- 
TBV-SD 30,02	svarūpam ? prathamapakṣe'pi kiṃ sarvathā jñānavinirmuktātmasvarūpam, āhosvid niṣedhyaviṣayapramāṇa- 
TBV-SD 30,03	pañcakavinirmuktātmalakṣaṇam iti ? prathamapakṣe nā'bhāvaparicchedakatvam, paricchedasya jñānadharmatvāt; 
TBV-SD 30,04	sarvathā jñānavinirmuktātmani ca tadabhāvāt | niṣedhyaviṣayapramāṇapañcakavinirmuktātmano'pi nābhāva- 
TBV-SD 30,05	vyavasthāpakatvam, āgamāntare'pi tasya sadbhāvena vyabhicārāt | tadanyajñānamapi yadi tadanyasattā- 
TBV-SD 30,06	viṣayaṃ syānnābhāvapramāṇaṃ syāt, tasya sadviṣayatvavirodhāt | ‘pauruṣeyatvādanyastadabhāvastadviṣayajñānaṃ 
TBV-SD 30,07	tadanyajñānam’ abhāvapramāṇamiti cet, atrāpi vaktavyam — kimasyotthāpakam ? pramāṇapañcakā- 
TBV-SD 30,08	bhāvaścet, nanvatrāpi vaktavyam — kimātmasaṃbandhī, sarvasaṃbandhī vā pramāṇapañcakābhāvastadutthāpakaḥ ? 
TBV-SD 30,09	na sarvasaṃbandhī, tasyāsiddhatvāt | nātmasaṃbandhī, tasyāgamāntare'pi sadbhāvena vyabhicāritvāt | 
TBV-SD 30,10	āgamāntare pareṇa puruṣasadbhāvābhyupagamāt pramāṇapañcakābhāvo nābhāvapramāṇasamutthāpaka iti cet, 
TBV-SD 30,11	na; parābhyupagamasya bhavato'pramāṇatvāt | pramāṇatve vā vede'pi nābhāvapramāṇapravṛttiḥ, pareṇa tatrāpi 
TBV-SD 30,12	kartṛpuruṣasadbhāvābhyupagamāt; pravṛttau vā''gamāntare'pi syāt, aviśeṣāt | na ca vede puruṣābhyu- 
TBV-SD 30,13	pagamaḥ parasya mithyā, anyatrāpi tanmithyātvaprasakteḥ | kiṃca, pramāṇapañcakābhāvaḥ kiṃ jñāto'bhāva- 
TBV-SD 30,14	pramāṇajanakaḥ, utājñātaḥ ? yadi jñātastadā na tasyāparapramāṇapañcakābhāvād jñaptiḥ, anavasthā- 
TBV-SD 30,15	prasaṅgāt | nāpi prameyābhāvāt, itaretarāśrayadoṣāt | athājñātastajjanakaḥ, na; samayānabhijñasyāpi 
TBV-SD 30,16	tajjanakatvaprasaṅgāt; na cājñātaḥ pramāṇapañcakābhāvo'bhāvajñānajanakaḥ, ‘kṛtayatnasyaiva pramāṇapañcakā- 
TBV-SD 30,17	bhāvo'bhāvajñāpakaḥ’ ityabhidhānāt | na ca indriyāderiva ajñātasyāpi pramāṇapañcakābhāvasyābhāvajñāna- 
TBV-SD 30,18	janakatvam, abhāvasya sarvaśaktirahitasya janakatvavirodhāt; avirodhe vā bhāve'pi ‘abhāvaḥ’ iti 
TBV-SD 30,19	nāma kṛtaṃ syāt | na tucchāt tadabhāvāt tadabhāvajñānam, kintu pramāṇapañcakarahitādātmana iti 
TBV-SD 30,20	cet, na; āgamāntare'pi tathābhūtasyātmanaḥ sambhavād abhāvajñānotpattiḥ syāt | prameyābhā- 
TBV-SD 30,21	vo'pi taddhetustadabhāvānnāgamāntare'bhāvajñānamiti cet, na; abhāvābhāvaḥ prameyasadbhāvaḥ, tasya 
TBV-SD 30,22	pratyakṣādyanyatamapramāṇenāniścaye kathamabhāvābhāvapratipattiḥ ? abhāvajñānābhāvāt tatpratipattirna 
TBV-SD 30,23	sadupalambhakapramāṇasadbhāvāditi cet, na; abhāvajñānasya prameyābhāvakāryatvāt tadabhāvānnābhāvā- 
TBV-SD 30,24	bhāvāvagatiḥ, kāryābhāvasya kāraṇābhāvavyabhicārāt, apratibaddhasāmarthyasyābhāvapratītāvapi neṣṭa- 
TBV-SD 30,25	siddhiḥ | kvacit pradeśe ghaṭābhāvapratipattistu na ghaṭajñānābhāvāt kintvekajñānasaṃsargipadārthānta- 
TBV-SD 30,26	ropalambhāt | na ca puruṣābhāvābhāvapratipattāvayaṃ nyāyaḥ, tadekajñānasaṃsargiṇaḥ kasyacidapya- 
TBV-SD 30,27	bhāvāt | na puruṣa eva tadekajñānasaṃsargī, puruṣabhāvā'bhāvayorvirodhenaikajñānasaṃsargitvā- 
TBV-SD 30,28	sambhavāt; sambhave'pi na puruṣopalambhabhāvāt tadabhāvābhāvapratipattiḥ, tadupalambhasyaiva 
TBV-SD 30,29	tatpratipattirūpatvāt; ata eva viruddhavidhirapyatra na pravarttata iti | kiṃca, kasyābhāvajñānābhāvāt 
TBV-SD 30,30	prameyābhāvābhāvaḥ — vādinaḥ, prativādinaḥ, sarvasya vā ? yadi vādino'bhāvajñānābhāvānnāgamā- 
TBV-SD 30,31	ntare prameyābhāvaḥ, vede'pi mā bhūt, tatrāpi prativādino'bhāvajñānābhāvasyāviśeṣāt | athāgamā- 
TBV-SD 30,32	ntare vādi — prativādinorubhayorapyabhāvajñānābhāvānna prameyābhāvaḥ, vede tu prativādino'bhāvajñā- 
TBV-SD 30,33	nābhāve'pi vādino'bhāvajñānasadbhāvāt, na; vādino yadabhāvajñānaṃ tat sāṅketikam, nābhāvabalo- 
TBV-SD 30,34	tpannam āgamāntare prativādinaḥ aprāmāṇyābhāvajñānavat; na ca sāṅketikādabhāvajñānādabhā- 
TBV-SD 30,35	vasiddhiḥ, anyathā''gamāntare'pi tato'prāmāṇyābhāvasiddhiprasaṅgaḥ; tannāgamāntare vādino'bhāva- 
TBV-SD 30,36	jñānābhāvād gatiḥ | nāpi prativādino'bhāvajñānābhāvāt tatra tadgatiḥ, vede'pi tatprasaṅgāt | 
TBV-SD 31,01	ata eva na sarvasyābhāvajñānābhāvāt, asiddhaśca sarvasyābhāvajñānābhāvaḥ, tannātmā pramāṇapañcakavi- 
TBV-SD 31,02	nirmukto'bhāvajñānajanakaḥ | atha vedā'nādisattvamabhāvajñānotthāpakam, nanvatrāpi vaktavyam — 
TBV-SD 31,03	jñātamajñātaṃ vā tat tadutthāpakam ? na jñātam, tajjñānāsambhavāt, pratyakṣādestajjñāpakatvenā- 
TBV-SD 31,04	pravṛtteḥ; pravṛttau vā tata eva puruṣābhāvasiddherabhāvapramāṇavaiyarthyam, anādisattvasiddheḥ puruṣābhāva- 
TBV-SD 31,05	jñānanāntarīyakatvāt | nāpyajñātaṃ tat tadutthāpakam, agṛhītasamayasyāpi tatra tadutpattiprasaṅgāt 
TBV-SD 31,06	kenacit pratyāsatti — viprakarṣābhāvāt; tanna anādisattvamapi tadutthāpakamiti nābhāvapramāṇāt 
TBV-SD 31,07	puruṣābhāvasiddhiḥ | na cābhāvapramāṇasya prāmāṇyam, prāk pratiṣiddhatvāt pratiṣetsyamānatvācca | atha 
TBV-SD 31,08	paryudāsarūpamapauruṣeyatvam, kiṃ tat pauruṣeyatvādanyat sattvam ? tasyāsmābhirapyabhyupagamāt | 
TBV-SD 31,09	nā'nādisattvam, tadgrāhakapramāṇābhāvāt | tathāhi — na tāvat tadgrāhakaṃ pratyakṣam, akṣānusāritayā 
TBV-SD 31,10	tathāvyapadeśāt, akṣāṇāṃ ca anādikālasaṅgatyabhāvena tatsambaddhatatsattvenāpyasaṃbandhād na tatpūrvaka- 
TBV-SD 31,11	pratyakṣasya tathāpravṛttiḥ; pravṛttau vā tadvad anāgatakālasambaddhadharmasvarūpagrāhakatvenāpi pravṛtterna 
TBV-SD 31,12	dharmajñaniṣedhaḥ | tathā “satsaṃprayoge puruṣasya indriyāṇāṃ buddhijanma tat pratyakṣamanimittam, vidyamāno- 
TBV-SD 31,13	palambhanatvāt” iti sūtram, 
TBV-SD 31,14		“bhaviṣyati na dṛṣṭaṃ ca, pratyakṣasya manāgapi | 
TBV-SD 31,15		sāmarthyam”
TBV-SD 31,16	iti ca vārttikaṃ vyāhataṃ syāditi na pratyakṣāt tatsiddhiḥ | nāpyanumānāt, tasyābhāvāt | atha — 
TBV-SD 31,17		“atītānāgatau kālau vedakāravivarjitau | 
TBV-SD 31,18		kālatvāt; tadyathā kālo varttamānaḥ samīkṣyate” || 
TBV-SD 31,19	ityato'numānāt tatsiddhiḥ, na; asya hetorāgamāntare'pi samānatvāt | kiṃca, kiṃ yathābhūto 
TBV-SD 31,20	vedakaraṇāsamarthapuruṣayukta idānīṃ tatkartṛpuruṣarahitaḥ kāla upalabdhaḥ, atīto'nāgato vā tathābhūtaḥ 
TBV-SD 31,21	kālatvāt sādhyate, uta anyathābhūtaḥ ? yadi tathābhūtastadā siddhasādhyatā | athānyathābhūtastadā 
TBV-SD 31,22	sanniveśādivadaprayojako hetuḥ | tathāhi — yathābhūtānāmabhinavakūpa — prāsādādīnāṃ sanniveśādi 
TBV-SD 31,23	buddhimatkāraṇapūrvakatvena vyāptamupalabdhaṃ tathābhūtānāmeva jīrṇakūpa — prāsādādīnāṃ tad buddhi- 
TBV-SD 31,24	matkāraṇatvaprayojakatvānanyathābhūtānām | yadi punaranyathābhūtasyāpyatītasyānāgatasya kālasya tadrahi- 
TBV-SD 31,25	tatvaṃ sādhayet kālatvam, tadā'nyathābhūtānāmapi bhūdharādīnāṃ sanniveśādi buddhimatkāraṇapūrvakatvaṃ 
TBV-SD 31,26	sādhayet; na tasya sarvajagajjñātuḥ kartuśceśvarasya siddheścānyathābhūtakālabhāvasiddhiritīvā'pauruṣe- 
TBV-SD 31,27	yatvasādhanaṃ ca vedānāmanavasaram | atha tathābhūtasyaivātītasyānāgatasya vā kālasya tadrahitatvaṃ 
TBV-SD 31,28	sādhyate, na ca siddhasādhyatā, anyathābhūtasya kālasyā'bhāvāt, na; ‘anyathābhūtaḥ kālo nāsti’ 
TBV-SD 31,29	iti kutaḥ pramāṇādavagatam ? yadyanyataḥ tata evāpauruṣeyatvasiddhiḥ kimanena ? ato'nu- 
TBV-SD 31,30	mānāccet, na; anyathābhūtakālābhāvāt ‘ato'numānāt tadrahitatvasiddhistatsiddhestatsiddhiḥ’ 
TBV-SD 31,31	itītaretarāśrayadoṣaprasaṅgāt | tadevamanyathābhūtakālasyābhāvāsiddhestathābhūtasya tadrahitatvasādhane 
TBV-SD 31,32	siddhasādhanamiti | nāpi śabdāt tatsiddhiḥ, itaretarāśrayadoṣaprasaṅgaḥ | tadevamanyathā kathaṃ vedavacana- 
TBV-SD 32,01	masti ? nāpi vidhivākyādaparasya bhavadbhiḥ prāmāṇyamabhyupagamyate; abhyupagame vā pauruṣeyatvameva 
TBV-SD 32,02	syāt | tathāhi tatpratipādakāni vedavacāṃsi śrūyante — 
TBV-SD 32,03		“hiraṇyagarbhaḥ samavarttatāgre”
TBV-SD 32,04		“tasyaiva caitāni niḥśvasitāni”
TBV-SD 32,05		“yājñavalkya itihovāca”
TBV-SD 32,06	tanna śabdādapi tatsiddhiḥ | nāpyupamānāt tatsiddhiḥ, yadi hi codanāsadṛśaṃ vākyamapauruṣeyatvena 
TBV-SD 32,07	kiṃcit siddhaṃ syāt tadā tatsādṛśyopamānena vedasyāpauruṣeyatvamupamānāt siddhaṃ syāt; na ca tat 
TBV-SD 32,08	siddham, ityupamānādapi na tatsiddhiḥ | nāpyarthāpatteḥ, apauruṣeyatvavyatirekeṇānupapadyamānasya 
TBV-SD 32,09	vede kasyaciddharmasyābhāvāt | nā'prāmāṇyābhāvalakṣaṇo dharmo'nupapadyamāno vedasyāpauruṣeyatvaṃ 
TBV-SD 32,10	parikalpayati, āgamāntare'pi tasya dharmasya bhāvādapauruṣeyatvaṃ syāt | na cāsau tatra mithyā, 
TBV-SD 32,11	vede'pi tanmithyātvaprasaṅgāt | athāgamāntare puruṣasya karturabhyupagamāt puruṣāṇāṃ ca sarveṣāmapi 
TBV-SD 32,12	āgamādiṣu raktatvāt taddveṣajanitasyā'prāmāṇyasya tatra saṃbhavād nā'prāmāṇyābhāvalakṣaṇo dharma- 
TBV-SD 32,13	statra satyaḥ, vede tvaprāmāṇyajanakadoṣāspadasya puruṣasya karturabhāvādaprāmāṇyābhāvalakṣaṇo dharmaḥ 
TBV-SD 32,14	satyaḥ | kutaḥ punastatra puruṣābhāvo niścitaḥ ? anyataḥ pramāṇāditi cet, tadevocyatām, 
TBV-SD 32,15	kimarthāpattyā ? arthāpattitaścet, na; itaretarāśrayadoṣaprasaṅgāt | tathāhi — arthāpattitaḥ puruṣā- 
TBV-SD 32,16	bhāvasiddhāvaprāmāṇyāsiddhiḥ, etatsiddhau cārthāpattitaḥ puruṣābhāvasiddhiritītaretarāśrayatvam | 
TBV-SD 32,17	cakrakacodyaṃ cātrāpi | tathāhi — yadyaprāmāṇyābhāvalakṣaṇo dharmo'nupapadyamāno vede'pauruṣeyatvaṃ 
TBV-SD 32,18	kalpayati, āgamāntare'pyasau dharmastat kiṃ na kalpayati ? tatra puruṣadoṣasambhavādasau dharmo mithyā 
TBV-SD 32,19	tena tatra tanna kalpayati | vede kutaḥ puruṣābhāvaḥ ? arthāpatteścet, tadā''gamāntare sa syād ityādi 
TBV-SD 32,20	tadevāvarttata iti cakrakānuparamaḥ | nāpyatīndriyārthapratipādanalakṣaṇo dharmo'nupapadyamāno vede 
TBV-SD 32,21	puruṣābhāvaṃ kalpayati, āgamāntare'pi samānatvāt | na cāprāmāṇyābhāve puruṣābhāvaḥ sidhyati, 
TBV-SD 32,22	kāryābhāvasya kāraṇābhāvaṃ prati vyabhicāritvenānyathānupapannatvāsambhavāt | apratibaddhāsamarthasya 
TBV-SD 32,23	puruṣasyābhāvasiddhāvapi na sarvathā puruṣābhāvasiddhiḥ, puruṣamātrasyāpi nirākaraṇādiṣṭasiddhiśca 
TBV-SD 32,24	aprāmāṇyakaraṇasya tatkartṛtvenāsmākamapyaniṣṭatvāt | nāpi prāmāṇyadharmo'nyathā'nupapadyamāno vede 
TBV-SD 32,25	puruṣābhāvaṃ sādhayati, āgamāntare'pi tulyatvāt | śeṣamatra cintitamiti na punarucyate | 
TBV-SD 32,27	parārthavākyoccāraṇānyathā'nupapattestatpratipattiriti cet, ayamarthaḥ — svārthenāvagatasaṃbandhaḥ 
TBV-SD 32,28	śabdaḥ svārthaṃ pratipādayati, anyathā'gṛhītasaṃketasyāpi puṃsastato vācyārthapratipattiḥ syāt | sa ca 
TBV-SD 32,29	saṃbandhāvagamaḥ pramāṇatrayasaṃpādyaḥ | tathāhi — yadaiko vṛddho'nyasmai pratipannasaṅgataye pratipādayati — 
TBV-SD 32,30	‘devadatta ! gāmabhyāja enāṃ śuklāṃ daṇḍena’ iti — tadā pārśvasthito'vyutpannasaṅketaḥ śabdā'rthau 
TBV-SD 32,31	pratyakṣataḥ pratipadyate, śrotuśca tadviṣayakṣepaṇādiceṣṭādarśanād anumānato gavādiviṣayāṃ pratipatti- 
TBV-SD 32,32	mavagacchati, tatpratītyanyathā'nupapattyā śabdasya ca tatra vācikāṃ śaktiṃ sa eva parikalpayati | sa ca 
TBV-SD 32,33	pramāṇatrayasaṃpādyo'pi saṅgatyavagamo na sakṛdvākyaprayogāt saṃbhavati, vākyāt saṃmugdhārthapratipattāva- 
TBV-SD 32,34	vayavaśakteravāpā'poddhārābhyāṃ niścayāt | na cāsthirasya punaḥ punaruccāraṇaṃ saṃbhavati, tadabhāve 
TBV-SD 32,35	nānvaya — vyatirekābhyāṃ vācakaśaktyavagamaḥ, tadasattvād na prekṣāvadbhiḥ parāvabodhāya vākyamuccāryam, 
TBV-SD 32,36	uccāryate ca parāvabodhāya vākyam; ataḥ parārthavākyoccāraṇānyathānupapattyā niścīyate dhūmādiriva 
TBV-SD 33,01	gṛhītasambandho'rthapratipādakaḥ śabdo nityaḥ | taduktam — “darśanasya parārthatvānnityaḥ śabdaḥ” iti | 
TBV-SD 33,02	atha matam — bhūyo bhūya uccāryamāṇaḥ śabdaḥ sādṛśyādekatvena niścīyamāno'rthapratipattiṃ vidadhāti, 
TBV-SD 33,03	na punarnityatvāt; tanna kiṃcinnityatvaparikalpanena pramāṇabādhitena, tadayuktam; sādṛśyena śabdā- 
TBV-SD 33,04	darthāpratipatteḥ — nahi sadṛśatayā śabdaḥ pratīyamāno vācakatvenādhyavasīyate kintvekatvena | tathā- 
TBV-SD 33,05	hyevaṃ pratipattiḥ — ‘ya eva saṃbandhagrahaṇasamaye mayā pratipannaḥ śabdaḥ sa evāyam’ iti | kiṃca, sādṛ- 
TBV-SD 33,06	śyādarthapratipattau bhrāntaḥ śabdādarthapratyayaḥ syāt | na hyanyasmin gṛhītasaṅkete'nyasmādarthapratyayo'- 
TBV-SD 33,07	bhrāntaḥ, yathā gośabde gṛhītasaṃbandhe'śvaśabdād gavārthapratyayaḥ | na ca bhūyo'vayavasāmānyayo- 
TBV-SD 33,08	gasvarūpaṃ sādṛśyaṃ śabde saṃbhavati, viśiṣṭavarṇātmakatvācchabdasya; varṇānāṃ ca niravayavatvāt | 
TBV-SD 33,09	na ca samānasthāna — karaṇajanyatvalakṣaṇaṃ sādṛśyaṃ pratipattuṃ śakyam, parakīyasthāna — karaṇāderatī- 
TBV-SD 33,10	ndriyatvena tajjanyasyāpyapratipatteḥ | na ca gatvādiviśiṣṭānāṃ gādīnāṃ vācakatvamabhyupagantuṃ 
TBV-SD 33,11	yuktam, gatvādisāmānyasyābhāvāt; tadabhāvaśca gādīnāṃ nānātvāyogāt, tadayogaśca pratyabhijñayā 
TBV-SD 33,12	gādīnāmekatvaniścayāt | ata eva na sāmānyanibandhanā gādiṣu pratyabhijñā, bhedanibandhanasya 
TBV-SD 33,13	sāmānyasyaiva gādiṣvabhāvāt kutastannibandhanā gādiṣu pratyabhijñā ? kiṃca, kiṃ gatvādīnāṃ vāca- 
TBV-SD 33,14	katvam, uta gādivyaktīnām ? na tāvad gatvādīnām, nityatvenāsmadabhyupagamāśrayaṇaprasaṅgāt | 
TBV-SD 33,15	nāpi gādīnāṃ vācakatvam, vikalpānupapatteḥ | tathāhi — kiṃ gatvādiviśiṣṭaṃ vyaktimātraṃ vācakam, 
TBV-SD 33,16	uta gādivyaktiviśeṣaḥ ? tatra na tāvad gādivyaktiviśeṣaḥ, sāmānyayuktasyāpi tasyānanvayāt; 
TBV-SD 33,17	ananvitācca nārthapratibhāsaḥ | nāpi gādivyaktimātram, yatastadapi vyaktimātraṃ kiṃ sāmānyāntarbhū- 
TBV-SD 33,18	tam, uta vyaktyantarbhūtam iti kalpanādvayam | yadi sāmānyāntaḥpāti tadā punarapi nityasya 
TBV-SD 33,19	vācakatvam ityasmatpakṣapraveśaḥ | atha vyaktyantarbhūtamiti pakṣastadā'nanvayadoṣastadavasthita iti | 
TBV-SD 33,20	kiṃca, yadyanityaḥ śabdastadā''lambanarahitācchabdapratibhāsamātrādarthapratipattirabhyupagatā syāt | 
TBV-SD 33,21	tathāhi — śabdaśravaṇam, tataḥ saṅketakālānubhūtasmaraṇam, tataḥ tatsadṛśatvenādhyavasāyaḥ, na caitā- 
TBV-SD 33,22	vantaṃ kālaṃ śabdasyāvasthānaṃ bhavatparikalpanayā, tad vācakaśūnyāt tatpratibhāsādarthapratipattiḥ syāt | 
TBV-SD 33,23	ato'rthapratibhāsābhāvaprasaṅgād nānityatvaṃ śabdasya || 
TBV-SD 33,25	atra pratividhīyate, yaduktam‘darśanasya parārthatvānnityaḥ śabdaḥ, anityatve punaḥ punaruccāraṇā- 
TBV-SD 33,26	saṃbhavād na samayagrahaḥ, tadabhāve śabdādarthapratipattirna syāditi parārthaśabdoccāraṇānyathā'nupapatte- 
TBV-SD 33,27	rnityaḥ śabdaḥ’ tadayuktam; anityasyāpi dhūmāderivāvagatasaṃbandhasyārthapratyāyakatvasaṃbhavāt śabdasya; 
TBV-SD 33,28	na hi dhūmādīnāmapyekaiva vyaktiragnyādipratipādikā kintvanyaiva | na cānāśritasamānapariṇatīnāṃ 
TBV-SD 33,29	sarvadhūmādivyaktīnāmarvāgdṛśā svasādhyena saṃbandhaḥ śakyo grahītum, asādhāraṇarūpeṇa sarvadhūmā- 
TBV-SD 33,30	divyaktīnāmadarśanāt | na ca liṅgā'numeyasāmānyayostatra saṃbandhagrahaṇam, śabde'pyasya nyāyasya 
TBV-SD 33,31	samānatvāt | na ca ‘dhūmatvād mayā pratipanno'gniḥ’ iti pratipattiḥ kintu dhūmāditi | sā ca 
TBV-SD 33,32	liṅgā'numeyayoḥ sāmānyaviśiṣṭavyaktimātrayoḥ saṃbandhagrahaṇe sati sāmānyaviśiṣṭāgnivyaktyava- 
TBV-SD 33,33	game yuktā, na ca dhūmasāmānyādagnisāmānyasya | yathā ca sāmānyaviśiṣṭasya viśeṣasya anumeya- 
TBV-SD 33,34	tvam vācyatvaṃ vā'bhyupagamanīyam — anyathā sāmānyamātrasya dāhādyarthakriyā'janakatve jñānādya- 
TBV-SD 33,35	rthakriyāyāśca sāmānyasādhyāyāstadaiva samudbhūterdāhādyarthināmanumeya — vācyapratibhāsāt pravṛttyabhā 
TBV-SD 33,36	vena liṅgi — vācyapratibhāsayoraprāmāṇyaprasaṅgaḥ — tathā dhūma — śabdayostadviśiṣṭayoḥ tattvamabhyupaganta- 
TBV-SD 33,37	vyam, nyāyasya samānatvāt | na cānumeyatva — vācyatvasāmānyaṃ vyaktivyatirekeṇānupapadyamānaṃ tāṃ 
TBV-SD 33,38	lakṣayatīti lakṣaṇayā pravṛttirbhaviṣyatīti vaktuṃ śakyam, kramapratīterabhāvāt — nahi liṅga — vācakaja- 
TBV-SD 34,01	nitaliṅgi — vācyapratibhāse prāk sāmānyapratibhāsaḥ paścād vyaktipratibhāsa iti kramapratītyanubhavaḥ | 
TBV-SD 34,02	‘na ca lakṣaṇā saṃbhavati’ iti prapañcataḥ pratipādayiṣyāma ityāstāṃ tāvat | evaṃ sāmānyaviśiṣṭa- 
TBV-SD 34,03	dhūmādiliṅgasya gamakatvavad gatvādiviśiṣṭagādivācakatve na kiñcinnityatvena, tadabhāve'pi dhūmā- 
TBV-SD 34,04	dibhya ivārthapratipattisaṃbhavāt | atha dhūmādau sāmānyasya saṃbhavāt pūrvoktena nyāyena gamakatva- 
TBV-SD 34,05	mastu, śabde tu na kiṃcit sāmānyamasti yadviśiṣṭasya śabdasya vācakabhāvaḥ | śabdatvamiti cet, 
TBV-SD 34,06	na; gośabdasya śabdatvaviśiṣṭasya svavācye na saṃbandhagrahaḥ | na ca śabdatvamapi gādiṣu vidyate gośa- 
TBV-SD 34,07	bdatva — gatvādīnāṃ tu sattve kā kathā | śabdatvādīnāṃ tvabhāvo varṇāntaragrahaṇe varṇāntarānusandhā- 
TBV-SD 34,08	nābhāvāt; yatra sāmānyamasti tatraikagrahaṇe'parasyānusandhānaṃ dṛṣṭam yathā śābaleyagrahaṇe bāhule- 
TBV-SD 34,09	yasya, varṇāntare ca gādau gṛhyamāṇe na kādīnāmanusandhānam, tanna tatra śabdatvādisaṃbhavaḥ, etadayuktam; 
TBV-SD 34,10	yataḥ kimidamanusandhānaṃ bhavato'bhipretaṃ yad varṇāntare gṛhyamāṇe varṇāntarasya nāstīti pratipādyate ? 
TBV-SD 34,11	yadi gādau varṇāntare gṛhyamāṇe ‘ayamapi varṇaḥ’ ityanusandhānābhāvaḥ, tadayuktam; evaṃbhūtānusa- 
TBV-SD 34,12	ndhānasyānubhūyamānatvenābhāvāsiddheḥ | atha gādau varṇāntare gṛhyamāṇe ‘ayamapi kādiḥ’ ityanusa- 
TBV-SD 34,13	ndhānābhāvānna sāmānyasadbhāvastadā'tyalpamidamucyate, śābaleyādāvapi vyaktyantare gṛhyamāṇe 
TBV-SD 34,14	‘ayamapi bāhuleyaḥ’ ityanusandhānābhāvād gotvasyāpyabhāvaḥ prasaktaḥ | atha tatra ‘gaurgauḥ’ ityanuga- 
TBV-SD 34,15	tākārapratyayasyābādhitasya sadbhāvād na gotvāsattvam, etad gādiṣvapi samānam — tatrāpi ‘varṇo 
TBV-SD 34,16	varṇaḥ’ ityanugatākārasyābādhitasya pratyayasya sadbhāvāt kathaṃ na varṇeṣu varṇatvasya, gādiṣu gatvādeḥ, 
TBV-SD 34,17	śabde śabdatvasya saṃbhavo nimittasya samānatvāt ? tathāhi — samānā'samānarūpāsu vyaktiṣu 
TBV-SD 34,18	kvacit ‘samānā’ iti pratyayo'nveti, anyatra vyāvarttate; yatra ca pratyayānuvṛttistatra sāmānyavyavasthā 
TBV-SD 34,19	nānyatra, sā ca pratyayānuvṛttirgādiṣvapi samānā iti kathaṃ na tatra sāmānyavyavasthā ? yadi puna- 
TBV-SD 34,20	rgādiṣvanugatākārapratyayasattve'pi na gatvādisāmānyamabhyupagamyate tarhi śābaleyādiṣvapi na gotva- 
TBV-SD 34,21	sāmānyamabhyupagamanīyam, na hi tatrāpi tathābhūtapratyayānuvṛttimantareṇa sāmānyābhyupagame'nyad 
TBV-SD 34,22	nimittamutpaśyāmaḥ | akṣajanyatvam abādhitatvādi ca pratyayasyobhayatrāpi viśeṣaḥ samānaḥ | yadi 
TBV-SD 34,23	cānugatā'bādhitā'kṣajapratyayaviśeṣaviṣayatve satyapi gatvāderabhāvaḥ, gāderapi vyāvṛttatathābhū- 
TBV-SD 34,24	tapratyayaviṣayasyābhāvaḥ syāt, tataśca kasya darśanasya parārthatvānnityatvaṃ sādhyeta ? atha gādau śrotra- 
TBV-SD 34,25	grāhyatvanimitto'nugataḥ pratyayo na sāmānyanimittaḥ, tadapyayuktam; śrotragrāhyatvasyātīndriyatvenā- 
TBV-SD 34,26	navagame nimittāgrahaṇe tadgrahaṇanimittānugatapratyayasya gādāvabhāvaprasaṅgāt | na ca pratyabhijñayā gādī- 
TBV-SD 34,27	nāmekatvasiddherbhedanibandhanasya teṣu gatvādisāmānyasyābhāva iti yuktamabhidhānam, gādyekatvagrāhi- 
TBV-SD 34,28	kāyā lūnapunarjātakeśa — nakhādiṣviva tasyā bhrāntatvāt | atha dalitapunarudite nakhaśikharādau 
TBV-SD 34,29	pratyabhijñāyā bādhitatvena bhrāntatvaṃ na punargādau, nanu tatra pratyabhijñāyāḥ kiṃ bādhakam ? antarāle'- 
TBV-SD 34,30	darśanamiti cet, nanu gādāvapyantarāle'darśanaṃ samānam | atha dalitapunarudite nakhaśikharādāvabhā- 
TBV-SD 34,31	vanimittamantarāle'darśanam, na gādāvabhāvanimittam; kiṃ punaratrādarśananimittamiti vaktavyam | kimatra 
TBV-SD 34,32	vaktavyam abhivyakterabhāvaḥ | 
TBV-SD 34,33	atha keyamabhivyaktiryadabhāvādantarāle gādyapratipattiḥ ? varṇādisaṃskāraḥ | atha ko'yaṃ 
TBV-SD 34,34	varṇādisaṃskāraḥ ? ātma — manaḥsaṃyogapūrvakaprayatnapreritena koṣṭhyena vāyunā tālvādisaṃyoga — vibhā- 
TBV-SD 34,35	gavaśāt pratiniyatavarṇādyabhivyañjakatvena bhedamāsādayatā vaktṛmukhasamīpagataiḥ sparśanendriyapratyakṣeṇa, 
TBV-SD 34,36	taddeśasya ca tūlādeḥ preraṇāt kāryānumānena, deśāntare śabdopalabdhyanyathā'nupapattyā ca pratīya- 
TBV-SD 34,37	mānena nityasarvagatasya gakārādervarṇasya, śrotrasya, ubhayasya cā''vārakāṇāṃ vāyūnāmapanayanaṃ 
TBV-SD 34,38	yathākramaṃ varṇasaṃskāraḥ, śrotrasaṃskāraḥ, ubhayasaṃskāraśceti cet, nanu ‘varṇasaṃskāro'bhivyaktiḥ’ 
TBV-SD 34,39	ityabhyupagame āvārakavāyubhirvijñānajananaśaktipratighātād varṇo'pāntarāle jñānaṃ na janayatīti 
TBV-SD 34,40	abhyupagantavyam; sā ca śaktirvarṇasvarūpāt kathañcidabhinnā'bhyupagantavyā, ekāntabhede tato 
TBV-SD 34,41	varṇādanupakāre ‘tasya śaktiḥ’ iti saṃbandhānupapatteḥ; upakāre vā tadupakārikā aparā śaktira- 
TBV-SD 35,01	bhyupagantavyā, tasyā api tato bhede'navasthā; abhede prathamaiva śaktiḥ kathañcidabhinnā'bhyupagamanīyā; 
TBV-SD 35,02	evaṃ hi pāramparyapariśramaḥ parihṛto bhavati | tathābhyupagame ca tacchaktipratighāte varṇasvarūpameva tada- 
TBV-SD 35,03	bhinnamāvārakeṇa pratihataṃ bhavati; tataśca kathaṃ nānityatvam ? vyañjakenāpi śaktipratibandhāpanayana- 
TBV-SD 35,04	dvāreṇa vijñānajananaśaktyāvirbhāvena varṇasvarūpamevāvirbhāvitaṃ bhavatīti kathaṃ na varṇasya vyañjakaja- 
TBV-SD 35,05	nyatvam ? vyañjakāvāptavijñānajananasvarūpo varṇo yadi tenaiva svarūpeṇāvatiṣṭhate tadā sarvadā tadava- 
TBV-SD 35,06	bhāsijñānaprasaṅgaḥ, sarvadā tajjananasvabhāvasya bhāvāt; ‘sahakāryapekṣā ca nityasya na bhavati’ iti 
TBV-SD 35,07	pratipādayiṣyāmaḥ | ajanane vā na tatsvabhāvateti prathamamapi jñānaṃ na janayet, yo hi yanna janayati 
TBV-SD 35,08	na sa tajjananasvabhāvaḥ, yathā śālibījaṃ yavāṅkuramajanayanna tajjananasvabhāvam, na janayati ca varṇo 
TBV-SD 35,09	vyañjakābhimatavāyvabhivyakto'pi sarvadā svapratibhāsijñānamiti na sarvadā tajjananasvabhāvaḥ | tatsvabhā- 
TBV-SD 35,10	vābhāve cottarakālaṃ tadevānityatvamiti vyarthamabhivyaktikalpanam | api ca, varṇābhivyaktipakṣe koṣṭhyena 
TBV-SD 35,11	vāyunā yāvadvegamabhisarpatā yāvān varṇavibhāgo'panītāvaraṇaḥ kṛtastāvata eva śravaṇaṃ syāt na 
TBV-SD 35,12	samastasya varṇasyeti khaṇḍaśastasya pratipattiḥ syāt | atha varṇasya niravayavatvādekatrotsāritāvaraṇaḥ 
TBV-SD 35,13	sarvatrāpanītāvaraṇa iti nāyaṃ doṣastarhi nirvibhāgatvādevaikatrānapanītāvaraṇaḥ sarvatra tatheti manāgapi 
TBV-SD 35,14	śravaṇaṃ na syāt | sarvatra sarvātmanā varṇasya parisamāptatvāt sāmastyena śravaṇābhyupagame varṇasyā- 
TBV-SD 35,15	vyāpakatvam anekatvaṃ ca durnivāram | yadi caikatrābhivyakto nirvibhāgatvena sarvatrābhivyaktastadā 
TBV-SD 35,16	sarvadeśāvasthitaistasya śravaṇaṃ syāt | yadapyucyate — yathaivotpadyamāno'yamutpattivādināṃ pakṣe digā- 
TBV-SD 35,17	dīnāmavibhāgādavibhaktadigādisaṃbandhitvena svarūpeṇāsarvagato'pi sarvān prati bhavannapi na sarvaira- 
TBV-SD 35,18	vagamyate kintu yaccharīrasamīpavarttī varṇa utpannastenaivāsau gṛhyate tathā'smatpakṣe'pi svataḥ sarvagato- 
TBV-SD 35,19	'pi varṇo na sarvairdūrasthairavagamyate kintu yaccharīrasamīpastho'bhivyaktastaireveti vyañjakadhvanisanni- 
TBV-SD 35,20	dhānā'sannidhānakṛtaṃ varṇasya śravaṇam aśravaṇaṃ ca yuktam | etadevāha — 
TBV-SD 35,21		“yathaivotpadyamāno'yaṃ na sarvairavagamyate || 
TBV-SD 35,22		digdeśādyavibhāgena sarvān prati bhavannapi | 
TBV-SD 35,23		tathaiva yatsamīpasthairnādaiḥ syād yasya saṃskṛtiḥ || 
TBV-SD 35,24		taireva gṛhyate śabdo na dūrasthaiḥ kathañcana” |  iti, 
TBV-SD 35,25	tadapi pralāpamātram; yato yadi vyañjakā vāyavo yatraiva saṃnihitāstatraiva varṇasaṃskāraṃ kuryustadā 
TBV-SD 35,26	syādapyetat, kintu tathābhyupagame varṇasya sāvayavatvam anabhivyaktasvarūpādabhivyaktasvarūpasya ca 
TBV-SD 35,27	bhedādanekatvaṃ ca syāt | sarvātmanā tu saṃskāre — 
TBV-SD 35,28		“yaccharīrasamīpasthairnādaiḥ syād yasya saṃskṛtiḥ | 
TBV-SD 35,29		tairyathā śrūyate śabdastathā dūragatairna kim” ? || 
TBV-SD 35,30	utpattipakṣe tu avyāpakatvād yatsamīpavarttī varṇa utpannastenaivāsau gṛhyate na dūrasthairiti yuktam | 
TBV-SD 35,31	“digdeśādyavibhāgena” iti cātīvāsaṅgatam, avibhāgasya kasyacid vastuno'saṃbhavenānabhyupaga- 
TBV-SD 35,32	māt | kiṃca, vyāpakatvena varṇānāmekavarṇā''varaṇāpāye samānadeśatvena sarveṣāmanāvṛtatvād 
TBV-SD 35,33	yugapat sarvavarṇaśrutiśca syāt | athāpi syāt pratiniyatavarṇaśravaṇānyathā'nupapattyā vyañjakabhedasiddheḥ 
TBV-SD 35,34	pratiniyatairvyañjakaiḥ pratiniyatā''vārakanirākaraṇadvāreṇa pratiniyatavarṇasaṃskārād na yugapatsarvavarṇa- 
TBV-SD 35,35	śrutidoṣaḥ, syādetad yadi vyañjakānāṃ vāyūnāṃ bhedaḥ syāt, sa cāvārakabhedanibandhanaḥ, anyathā 
TBV-SD 35,36	tadabhede'bhinnāvārakāpanetṛtvena kuto vyañjakabhedaḥ ? āvārakabhedo'pi varṇadeśabhedanibandhanaḥ, 
TBV-SD 35,37	anyathā samānadeśānāṃ yadevaikasyāvārakaṃ tadevāparasyāpi ityāvārakabhedo na syāt | deśabhedo'pi 
TBV-SD 35,38	varṇānāmavyāpakatve sati syāt, vyāpakatve tu parasparadeśapārahāreṇa varṇānāmavasthānābhāvānna 
TBV-SD 35,39	deśabhedaḥ | na cāvyāpakatvaṃ varṇānāmabhyupagamyate bhavadbhiriti na deśabhedaḥ, tadabhāvānnāvārakabhedaḥ, 
TBV-SD 35,40	tadasattvānna vyañjakabheda iti yugapatsarvavarṇaśrutiriti tadavastho doṣaḥ | nāpyāvārakāṇāṃ na varṇapi- 
TBV-SD 36,01	dhāyakatvenāvārakatvaṃ kintu varṇe dṛśyasvabhāvakhaṇḍanāt; vyañjakānāmapi na tadāvārakāpanetṛtvena 
TBV-SD 36,02	vyañjakatvaṃ kintu varṇe dṛśyasvabhāvādhānāditi pūrvoktadoṣābhāva iti vaktuṃ śakyam, yata evamabhi- 
TBV-SD 36,03	dhāne svavācaiva tasya pariṇāmitvamabhihitaṃ syādityavipratipattiprasaṅgaḥ; tanna varṇasaṃskāro'bhivya- 
TBV-SD 36,04	ktiriti pakṣo yuktaḥ | nāpi śrotrasaṃskāro'bhivyaktiriti pakṣo yuktaḥ, tasminnapi pakṣe sakṛt saṃ- 
TBV-SD 36,05	skṛtaṃ śrotraṃ sarvavarṇān yugapat śṛṇuyāt; nahyañjanādinā saṃskṛtaṃ cakṣuḥ saṃnihitaṃ svaviṣayaṃ kiñcit 
TBV-SD 36,06	paśyati kiñcinneti dṛṣṭam | atha vyañjakānāṃ vāyūnāṃ bhinneṣu karṇamūlāvayaveṣu varttamānānāṃ saṃskā- 
TBV-SD 36,07	rādhāyakatvenārthāpattyā pratiniyatavarṇaśravaṇānyathā'nupapattilakṣaṇayā pratiniyatavarṇagrāhakatvena saṃ- 
TBV-SD 36,08	skārādhāyakatvasya pratīternaikavarṇagrāhakatvena saṃskṛtaṃ śrotraṃ sarvavarṇān yugapad gṛhṇātīti | tathāhi — 
TBV-SD 36,09	vāyavīyaśabdapakṣe yathā gakārāderniṣpattyarthaṃ prayatnaprerito vāyurnānyaṃ varṇamutpādayati tathā'smatpakṣe'- 
TBV-SD 36,10	pyanyavarṇagrāhakaśrotrasaṃskāre samartho nānyavarṇagrāhakaśrotrasaṃskāraṃ vidhāsyati | yeṣāṃ tu tālvādi- 
TBV-SD 36,11	saṃyoga — vibhāganimittaḥ śabda iti pakṣasteṣāṃ yathā'nyagakārādijanakaiḥ saṃyoga — vibhāgairnānyo varṇo 
TBV-SD 36,12	janyate tathā'smatpakṣe'pi nānyavarṇagrāhakaśrotrasaṃskārādhāyakavyañjakaprerakairanyavarṇagrāhakaśrotrasaṃskā- 
TBV-SD 36,13	rādhāyakavāyupreraṇaṃ kriyata ityutpattya — bhivyaktipakṣayoḥ kāryadarśanānyathā'nupapattyā samaḥ sāmarthya- 
TBV-SD 36,14	bhedaḥ prayatna — vivakṣayoḥ siddhaḥ | ataśca yaduktaṃ kaiścit “samānendriyagrāhyeṣvartheṣu vyañjakeṣu na dṛṣṭo 
TBV-SD 36,15	niyamaḥ” iti, etadayuktam; arthāpatterdṛṣṭāntānapekṣatvāt, dṛṣṭaśca tailābhyaktasya marīcibhiḥ, bhūmestū- 
TBV-SD 36,16	dakasekena gandhābhivyaktibheda iti kathaṃ na vyañjakaniyamaḥ ? taduktam — 
TBV-SD 36,17		“vyañjakānāṃ hi vāyūnāṃ bhinnāvayavadeśatā || 
TBV-SD 36,18		jātibhedaśca tenaiva saṃskāro vyavatiṣṭhate | 
TBV-SD 36,19		anyārthaṃ prerito vāyuryathā'nyaṃ na karoti vaḥ || 
TBV-SD 36,20		tathā'nyavarṇasaṃskāraśakto nānyaṃ kariṣyati | 
TBV-SD 36,21		anyaistālvādisaṃyogairnānyo varṇo yathaiva hi || 
TBV-SD 36,22		tathā dhvanyantarākṣepo na dhvanyantarasāribhiḥ | 
TBV-SD 36,23		tasmādutpattya — bhivyaktyoḥ kāryārthāpattitaḥ samaḥ || 
TBV-SD 36,24		sāmarthyabhedaḥ sarvatra syāt prayatna — vivakṣayoḥ” |  iti, 
TBV-SD 36,25	etadasaṃbaddham; indriyasaṃskārakāṇāṃ vyañjakānāṃ samānadeśa — samānendriyagrāhyeṣvartheṣu pratiniyatavi- 
TBV-SD 36,26	ṣayagrāhakatvenendriyasaṃskārakatvasya kadācidadarśanāt; nahyañjanādinā saṃskṛtaṃ cakṣuḥ sannihitaṃ 
TBV-SD 36,27	svaviṣayaṃ kiñcit paśyati, kiñcinnetyupalabdham | tathā bādhiryanirākaraṇadvāreṇa valātailādinā 
TBV-SD 36,28	saṃskṛtaṃ śrotraṃ svagrāhyān gakārādīn varṇānaviśeṣeṇaivopalabhamānamupalabhyate; evaṃ ghrāṇādīnīndri- 
TBV-SD 36,29	yāṇi svavyañjakaiḥ saṃskṛtāni svaviṣayagrāhakatvenāviśeṣeṇa pravarttamānāni pratīyanta iti prakṛte'pya- 
TBV-SD 36,30	yameva nyāyo yuktaḥ | yaśca tailābhyaktasya marīcibhiḥ, bhūmestūdakasekena gandhābhivyaktiriti vyañjakaṃ 
TBV-SD 36,31	prati niyamo darśitaḥ so'pi viṣayasaṃskārakavyañjakapratiniyamaḥ nendriyasaṃskārakavyañjakapratini- 
TBV-SD 36,32	yamaḥ | viṣayasaṃskārakeṣvapyayaṃ niyamo bhinnadeśeṣu darśitaḥ na samānadeśa — samānendriyagrāhyeṣu | tata 
TBV-SD 36,33	indriyasaṃskārakeṣu samānendriyagrāhye samānadeśe'rthe pratiniyataviṣayagrāhakatvena indriyāntaraviṣaya- 
TBV-SD 36,34	grāhakatvena ca indriyasaṃskārakatvasyādarśanād atyantāsaṃbhavino nārthāpattisāmarthyāt kalpanā 
TBV-SD 36,35	yuktā; kārakāṇāṃ tu pratiniyatakāryakartṛtvasyānyatrāpyupalabdheḥ pratiniyatavarṇotpādanasāmarthyabhedasya 
TBV-SD 36,36	tālvādiṣvarthāpattitaḥ kalpanā saṃbhāvyata eva | kiṃca, indriyaṃ saṃskurvad vyañjakaṃ yadi yathāvasthita- 
TBV-SD 36,37	varṇagrāhakatvenendriyasaṃskāraṃ vidadhyāt tadā sakalanabhastalavyāpino gādeḥ pratipattiḥ syāt, 
TBV-SD 36,38	na cāsau dṛṣṭā; athānyathā, na tarhi varṇasvarūpapratibhāsa iti na tatsvarūpasiddhiḥ; tanna śrotrasaṃskā 
TBV-SD 36,39	ro'pyabhivyaktiḥ | nāpyubhayasaṃskāro'bhivyaktiḥ, pratyekapakṣoktadoṣaprasaṅgāt | na cānyaprakāraḥ 
TBV-SD 36,40	saṃskāro'bhivyaktiḥ saṃbhavati, tad abhivyakterasaṃbhavād nānabhivyaktinimitto'ntarāle gādīnāma- 
TBV-SD 37,01	nupalambhaḥ kintu dalitanakhaśikharādiṣvivābhāvanimitta iti lūnapunarjātanakhādiṣvivāpāntarā- 
TBV-SD 37,02	lādarśanena gādipratyabhijñāyā bādhyamānatvādaprāmāṇyam | 
TBV-SD 37,03	atha khaṇḍitapunaruditakararuhasamūhaviṣayāyā api pratyabhijñāyāstatsāmānyaviṣayatvena nāprā- 
TBV-SD 37,04	māṇyam, tasyāstadviṣayatayā'bādhyamānatvāt; na cāyaṃ prakāro gādiviṣayapratyabhijñāyāḥ sambhavati, 
TBV-SD 37,05	tathābhūtakeśādiṣviva gādibhedaviṣayābādhitapratibhāsābhāvena tadbhedāsiddhau ‘samānānāṃ bhāvaḥ sāmā- 
TBV-SD 37,06	nyam’ iti kṛtvā tatra sāmānyasyaivāsambhavāt, asadetat; gādiṣvapi ‘pūrvopalabdhagādeḥ sakā- 
TBV-SD 37,07	śād ayamalpaḥ mahān karkaśaḥ madhuro vā gādiḥ’ ityabādhitākṣajapratibhāsasadbhāvena bhedanibandha- 
TBV-SD 37,08	nasāmānyasambhavasya nyāyānugatatvāt | na ca yathā turagajavasya puruṣe'dhyāropāt ‘puruṣo 
TBV-SD 37,09	yāti’ iti pratyayaḥ vyapadeśaśca tathā vyañjakadhvanigatasyālpa — karkaśādergādāvupacārāt tathāpratyayaḥ 
TBV-SD 37,10	vyapadeśaścetyabhyupagantuṃ śakyam, tathā'bhyupagame vāhīke gopratyayavad gādipratyayasya bhrāntatvena 
TBV-SD 37,11	gādisvarūpāsiddhiprasaṅgāt; nahi bhrāntapratyayasaṃvedyā dvicandrādayaḥ svarūpasaṃgatimanubhavanti | na 
TBV-SD 37,12	cālpa — mahattvapratyayayorbhrāntatve alpa — mahattve eva gādiviṣaye avyavasthitasvarūpe na punargādiko 
TBV-SD 37,13	varṇaḥ, tatpratyayasyābhrāntatvāt; na cānyaviṣayapratyayasya bhrāntatve'nyasya tathābhāvo'tiprasaṅgāditi 
TBV-SD 37,14	vaktuṃ yuktam, yato yadyalpa — mahattvādidharmavyatiriktasya gāderdvitvarahitasyeva niśīthinīnāthasya pratyaya- 
TBV-SD 37,15	viṣayatvaṃ syāt tadaiva tad yujyetāpi vaktum; na ca svapne'pi taddharmānadhyāsito gādiḥ kenacit 
TBV-SD 37,16	pratīyata iti kathaṃ tasya mahattvādidharmarahitasya svarūpavyavasthā ? ata eva mahattvādidharmayuktasya 
TBV-SD 37,17	sarvadā pratīyamānatvād gāderna taddharmayuktatayā pratīyamānasya upacaritapratyayaviṣayatā | taduktam — 
TBV-SD 37,18		“yo hyanyarūpasaṃvedyaḥ saṃvedyetānyathā'pi vā | 
TBV-SD 37,19		sa bhrānto na tu tenaiva yo nityamupalabhyate” ||  iti | 
TBV-SD 37,20	tanna vyañjakadharmādhyāropādupacaritapratyayaviṣayatvaṃ tathābhūtasya gādeḥ, sarvabhāvānāmupacaritapratyaya — 
TBV-SD 37,21	viṣayatvena svarūpābhāvaprasaṅgāt | na ca vyañjakasya pradīpāderalpa — mahattvabhedād vyaṅgyasya ghaṭāderalpa — 
TBV-SD 37,22	mahattvabhedapratibhāso dṛṣṭaḥ | atha vyañjakadharmānukāritvaṃ vyaṅgye upalabhyate | tathāhi — ekasvarūpamapi 
TBV-SD 37,23	mukhaṃ khaḍge pratibimbitaṃ dīrgham, ādarśe vartulam, nīlakāce gauramapi śyāmaṃ vyañjakadharmānukāritayā 
TBV-SD 37,24	pratibhāsaviṣayamupalabhyata iti prakṛte'pi tathā syāt, etadapyasaṅgatam; dṛṣṭāntamātrādarthāsiddheḥ, tasya 
TBV-SD 37,25	hi sādhya — sādhanapratibandhasādhakapramāṇaviṣayatayā sādhyasiddhāvupayogo na svatantrasya, anyathā — 
TBV-SD 37,26		“eka eva hi bhūtātmā bhūte bhūte vyavasthitaḥ”
TBV-SD 37,27	ityādidṛṣṭāntamātrato'dvaitavādino'pi puruṣādvaitasiddheḥ śabdasvarūpasyāpyabhāvāt kasyopacārād 
TBV-SD 37,28	mahattvādipratibhāsa ityucyate ? mukhādīnāṃ ca chāyā khaḍgādau saṃkrāntā taddharmānukāriṇī 
TBV-SD 37,29	pratibhāti na mukhādayaḥ | na ca gādīnāṃ chāyā vyañjakadhvanisaṃkrāntā taddharmānukāriṇī pratibhātīti 
TBV-SD 37,30	śakyaṃ vaktum, śabdasya bhavatā'mūrttatvenābhyupagamāt, amūrttasya ca mūrttadhvanau chāyāpratibimba- 
TBV-SD 37,31	nā'saṃbhavāt; mūrttānāmeva hi mukhādīnāṃ mūrtte ādarśādau chāyāpratibimbanaṃ dṛṣṭaṃ nāmūrttānāmātmā- 
TBV-SD 37,32	dīnām | adṛṣṭe ca dhvanau chāyā pratibimbitā'pi na gṛhyeta kathaṃ taddharmānukāritayā pratītivi- 
TBV-SD 37,33	ṣayaḥ ? na ca dhvaneḥ śabdapratibhāsakāle śravaṇapratipattiviṣayatvam, ubhayākārapratipatterasaṃveda- 
TBV-SD 37,34	nāt; tanna vyañjake dhvanau pratibimbitā gakārādicchāyā pratibhāti | nāpyamūrtte gādau dhvanicchāyā- 
TBV-SD 37,35	pratibimbanaṃ yuktam, amūrtte ākāśādau ghaṭādicchāyāpratibimbanānupalabdheḥ | tadayuktamuktam 
TBV-SD 37,36	‘khaṅgādau dīrghamukhādipratibhāsavad alpa — mahattvādiyuktaśabdapratibhāsaḥ’ iti, dṛṣṭānta — dārṣṭāntika- 
TBV-SD 37,37	yorvaiṣamyāt | ato'bādhitamahattvādibhedabhinnagādipratibhāsād gādibhedasiddhestannibandhanasya sāmā- 
TBV-SD 37,38	nyasya gādau sadbhāvāt tannibandhanā pratyabhijñā dalitoditanakhaśikharādiṣviva gādāvabhyupagama- 
TBV-SD 37,39	nīyā | ata eva dhūmādīnāmivānityatve'pi gādīnāṃ sāmānyasadbhāvataḥ saṅgatyavagamasya saṃbhavād 
TBV-SD 38,01	na parārthaśabdoccāraṇānyathā'nupapattyā tannityatvakalpanā yuktā, tad gatvādiviśiṣṭasya gāderavi- 
TBV-SD 38,02	vakṣitaviśeṣasya svārthena saṅgatyavagamena na kiñcinnityatvena | yathā gotvādiviśiṣṭasya govyaktimā- 
TBV-SD 38,03	trasya vācyatve na kaściddoṣastadvad vācakatve'pi, tad arthapratipādakatvasya anyathāpi sambhavāt 
TBV-SD 38,04	‘darśanasya parārthatvād nityaḥ śabdaḥ’ ityayuktamabhihitam | yat punaruktam ‘sadṛśatvenāgrahaṇād na 
TBV-SD 38,05	sādṛśyādarthapratipattiḥ’ iti, tatra yadi sadṛśapariṇāmalakṣaṇaṃ sāmānyaṃ vyakteḥ sādṛśyamabhipretaṃ tadā 
TBV-SD 38,06	tasya yathā vyaktiviśeṣaṇasya vācakatvaṃ tathā pratipāditam | atha anyathābhūtaṃ sādṛśyamatra viva- 
TBV-SD 38,07	kṣitaṃ tadā tasya vācakatvānabhyupagamāt sa eva parihāraḥ | yattūktam ‘varṇānāṃ niravayavatvād na 
TBV-SD 38,08	bhūyo'vayavasāmānyayogalakṣaṇasya sādṛśyasya sambhavaḥ’ tadatyantāsaṅgatam; varṇānāṃ bhāṣāvargaṇā- 
TBV-SD 38,09	rūpapariṇatapudgalapariṇāmasyaiva sāvayavatvāt | 
TBV-SD 38,10	atha paudgalikatve varṇānāṃ mahatī adṛṣṭakalpanā prasajyate | tathāhi — śabdasya śravaṇadeśā''ga- 
TBV-SD 38,11	manam, mūrtti — sparśādimattvaṃ ca anupalabhyamānaṃ parikalpanīyam; teṣāṃ ca mūrtti — sparśānāṃ satāma- 
TBV-SD 38,12	pyanudbhūtatā kalpanīyā, tvagagrāhyatvaṃ ca parikalpanīyam; ye cānye sūkṣmā bhāgāstasya kalpyante 
TBV-SD 38,13	teṣāṃ ca śabdakaraṇavelāyāṃ sarvathā'nupalabhyamānānāṃ kathaṃ racanākramaḥ kriyatām ? upalabhyamāna- 
TBV-SD 38,14	tve'pi kīdṛśād racanābhedād gakārādivarṇabhedaḥ ? dravatvena ca vinā kathaṃ varṇāvayavānāṃ paraspa- 
TBV-SD 38,15	rataḥ saṃśleṣo varṇaniṣpādakaḥ ? yadyapi ca kathañcit kartrā niṣpāditā varṇāstathāpi āgacchatāṃ kathaṃ 
TBV-SD 38,16	na vāyunā viśleṣaḥ ? laghūnāṃ tadavayavānāmudakādinibandhanābhāvāt nibaddhānāmapyāgacchatāṃ vṛkṣā- 
TBV-SD 38,17	dyabhihatānāṃ viśleṣo loṣṭavat | na caikaśabdasyaikaśrotrapraveśe mūrttatvena pratibaddhatvādanyeṣāṃ śrotṛṛṇāṃ 
TBV-SD 38,18	taddeśavyavasthitānāmapi śravaṇamupapadyate, prayatnāntarasyāsattvena punarniṣkramaṇāsambhavāt | na caikago- 
TBV-SD 38,19	śabdāpekṣayā'vāntaravarṇanānātvakalpanāyāmasti prayojanam, ekasmādeva gośabdādarthapratīteḥ; ato 
TBV-SD 38,20	gakārādivarṇanānātvamadṛṣṭaṃ parikalpanīyam | na caikasyaiva gośabdāvayavinaḥ sarvāsu dikṣu gamanaṃ 
TBV-SD 38,21	yujyata ityanekā'dṛṣṭaparikalpanā syāt | taduktam — 
TBV-SD 38,22		“śabdasyā''gamanaṃ tāvadadṛṣṭaṃ parikalpyate || 
TBV-SD 38,23		mūrtti — sparśādimattvaṃ ca teṣāmabhibhavaḥ satām | 
TBV-SD 38,24		tvagagrāhyatvamanye ca sūkṣmā bhāgāḥ prakalpitāḥ || 
TBV-SD 38,25		teṣāmadṛśyamānānāṃ kathaṃ ca racanākramaḥ ? | 
TBV-SD 38,26		kīdṛśād racanābhedād varṇabhedaśca jāyatām ? || 
TBV-SD 38,27		dravatvena vinā caiṣāṃ saṃśleṣaḥ kalpyatāṃ katham ? | 
TBV-SD 38,28		āgacchatāṃ ca viśleṣo na bhaved vāyunā katham ? || 
TBV-SD 38,29		laghavo'vayavā hyete nibaddhā na ca kenacit | 
TBV-SD 38,30		vṛkṣādyabhihatānāṃ tu viśleṣo loṣṭavad bhavet || 
TBV-SD 38,31		ekaśrotrapraveśe ca nānyeṣāṃ ca punaḥ śrutiḥ | 
TBV-SD 38,32		na cāvāntaravarṇānāṃ nānātvasyāsti kāraṇam || 
TBV-SD 38,33		na caikasyaiva sarvāsu gamanaṃ dikṣu yujyate” |  iti, 
TBV-SD 38,34	etad bhavatpakṣe'pi sarvaṃ samānam | tathāhi — ‘vāyorāgamanaṃ tāvadadṛṣṭaṃ parikalpyate’ ityādyapi vaktuṃ 
TBV-SD 38,35	śakyata eva, kevalaṃ varṇasthāne vāyuśabdaḥ paṭhanīya iti kathaṃ na bhavatpakṣe'pi bhūyasyadṛṣṭaparika- 
TBV-SD 38,36	lpanā ? api ca, bhavatpakṣe'yamaparaḥ parikalpanāgauravadoṣaḥ sampadyate — varṇasya pūrvā'parakoṭyoḥ 
TBV-SD 38,37	sarvatra deśe'nupalabhyamānasya sattvaṃ parikalpanīyam, tasya cāvārakāḥ stimitā vāyavaḥ pramāṇato'- 
TBV-SD 38,38	nupalabhyamānāstadapanodakāścānye tathābhūtā eva vyañjakāḥ parikalpanīyāḥ, teṣāṃ cobhayarūpāṇāmapi 
TBV-SD 38,39	śaktinānātvaṃ parikalpanīyam | asmatpakṣe tat sarvamapi nāstīti kathamadṛṣṭaparikalpanā gurvī ? 
TBV-SD 39,01	paudgalikatvaṃ ca śabdasya ambaraguṇapratiṣedhaprastāve pramāṇopapannaṃ kariṣyata ityāstāṃ tāvat | yat 
TBV-SD 39,02	punarbhrāntatvaṃ śabdādarthapratyayasyābhihitaṃ tad dhūmālliṅgālliṅgipratyayena pratyuktam | ‘gatvādiviśiṣṭasya 
TBV-SD 39,03	gādervācakatvamayuktam, gatvādeḥ sāmānyasyāsambhavāt’; tad anantaraṃ nirākṛtam | yat punaruktam 
TBV-SD 39,04	‘gādivyaktimātraṃ gatvādiviśiṣṭaṃ nopapadyate, tasya sāmānya — viśeṣayoranyataratrāntarbhāve ekatra vāca- 
TBV-SD 39,05	kasya nityatvaprasaṅgāt, anyatrānanvayāt vācakatvāyogāt’ etadasāram; vyaktimātrasya sāmā- 
TBV-SD 39,06	nyaviśiṣṭasya pūrvaṃ vācakatvavyavasthāpanāt, tā eva vyaktayo'vivakṣitāsādhāraṇaviśeṣāḥ sāmā- 
TBV-SD 39,07	nyaviśiṣṭavyaktimātraśabdābhidheyāḥ | 
TBV-SD 39,08	kiṃca, kiṃ varṇānāṃ nityatvamabhyupagamyate, uta varṇakramasya, āhosvid varṇābhivyakteḥ, kiṃ 
TBV-SD 39,09	vā tatkramasya ? tatra na tāvadabhivyakternityatvam, tasyā niṣiddhatvāt; aniṣedhe'pi puruṣaprayatnaprerita- 
TBV-SD 39,10	vāyujanyatvenāpauruṣeyatvāsambhavāt | nāpyabhivyaktikramasya, abhivyaktyabhāve tatkramasyāpyabhāvāt, 
TBV-SD 39,11	tatpauruṣeyatve tasyāpi pauruṣeyatvāt | athaivaṃ pauruṣeyatvasyānādisiddhasya kenacidādāvakṛtasya 
TBV-SD 39,12	sarvapuruṣaiḥ parigrahāt puruṣāṇāṃ svātantryābhāvādapauruṣeyatvamucyate | taduktam — 
TBV-SD 39,13		“vaktā nahi kramaṃ kaścit svātantryeṇa prapadyate | 
TBV-SD 39,14		yathaivāsya parairuktaḥ tathaivainaṃ vivakṣati || 
TBV-SD 39,15		paro'pyevaṃ tataścāsya saṃbandhavadanāditā | 
TBV-SD 39,16		teneyaṃ vyavahārāt syādakauṭasthye'pi nityatā || 
TBV-SD 39,17		yatnataḥ pratiṣedhyā naḥ puruṣāṇāṃ svatantratā” |  iti, 
TBV-SD 39,18	etadasaṃbaddham; apauruṣeyatvapratipādakapramāṇasyāsiddhatvāt | atha varṇakramasyāpauruṣeyatvamabhyupa- 
TBV-SD 39,19	gamyate, tadapyacāru; varṇānāṃ nityatvena kālakṛtasya tantupaṭavad, vyāpakatvena deśakṛtasya muktāva- 
TBV-SD 39,20	līmuktāphalamālāvad asyāsaṃbhavāt | 
TBV-SD 39,21	atha varṇānāmapauruṣeyatvamaṅgīkriyate, tadapyasaṅgatam; “ya eva laukikāḥ śabdāsta eva 
TBV-SD 39,22	vaidikāḥ” ityabhidhānād vedavallokāyataśāstramapi pramāṇaṃ syāditi tadarthānuṣṭhānaṃ bhavataḥ 
TBV-SD 39,23	prasajyate | laukike ca vākye yo visaṃvādaḥ kvacidupalabhyate sa bhavannītyā na prāpnoti | atha 
TBV-SD 39,24	laukika — vaidikaśabdayorbhedo'bhyupagamyate, tathā rāgādisamanvitatvābhyupagamāt sarvapu- 
TBV-SD 39,25	ruṣāṇāṃ na teṣāṃ yathāvasthitavedārthaparijñānam; svayaṃ vedo'pi na bhavatāṃ vedārthaṃ pratipādayati; 
TBV-SD 39,26	nāpi vedārthapratipādakamapauruṣeyaṃ vedavyākhyānamavagatārthaṃ siddhaṃ yena tato vedārthapratipattiḥ; lauki- 
TBV-SD 39,27	kaśabdānusāreṇa vedaśabdārthaprakalpanamapi tadbhedābhyupagame'nupapannamiti na vedārthaprasiddhiḥ syāditi 
TBV-SD 39,28	na vaidika — laukikaśabdayorbhedābhyupagamaḥ śreyāniti laukikavad vaidikasyāpi pauruṣeyatvamabhyupaga- 
TBV-SD 39,29	ntavyam | na ca laukika — vaidikaśabdayoḥ śabdasvarūpāviśeṣe, saṅketagrahaṇavyapekṣatvenārthapratipādakatve, 
TBV-SD 39,30	anuccāryamāṇayośca puruṣeṇāśravaṇe samyate aparo viśeṣo vidyate yato vaidikā apau- 
TBV-SD 39,31	ruṣeyāḥ, laukikāḥ pauruṣeyāḥ syuḥ | tathā niyoge cārthapratyāyanamubhayorapi | na ca nityatve 
TBV-SD 39,32	puruṣecchāvaśādarthapratipādakatvaṃ yuktam, upalabhyante ca yatra puruṣaiḥ saṅketitāstamarthamavigānena prati- 
TBV-SD 39,33	pādayantaḥ; anyathā niyogādyarthabhedaparikalpanamasāraṃ syāt | ataḥ pauruṣeyatvamanumānādavasīyate | 
TBV-SD 39,34	tathāhi — ye nararacitaracanā'viśiṣṭāste pauruṣeyāḥ, yathā'bhinavakūpa — prāsādādiracanā'viśiṣṭā 
TBV-SD 39,35	jīrṇakūpa — prāsādādayaḥ, nararacitavacanaracanā'viśiṣṭaṃ ca vaidikaṃ vacanamiti prayogaḥ | na cātrā''śra- 
TBV-SD 39,36	yāsiddho hetuḥ, vaidikīnāṃ racanānāṃ pratyakṣata upalabdheḥ | nāpyaprasiddhaviśeṣaṇaḥ pakṣaḥ, abhinava- 
TBV-SD 40,01	kūpa — prāsādādiṣu puruṣapūrvakatve'sya sādhyadharmalakṣaṇasya viśeṣaṇasya siddhatvāt | na ca hetoḥ 
TBV-SD 40,02	svarūpāsiddhatvam, vaidikīṣu vacanaracanāsu viśeṣagrāhakapramāṇābhāvena tasyābhāvāt | na cā'prā- 
TBV-SD 40,03	māṇyābhāvalakṣaṇo viśeṣastatra iti śakyamabhidhātum, tathābhūtasya viśeṣasya vidyamānasyāpi pauru- 
TBV-SD 40,04	ṣeyatvānirākaraṇāt; yādṛśo hi viśeṣa upalabhyamānaḥ pauruṣeyatvaṃ nirākaroti tādṛśasya viśeṣa- 
TBV-SD 40,05	syābhāvādaviśiṣṭatvamucyate, na punaḥ sarvathā viśeṣābhāvāt; ekāntenāviśiṣṭasya kasyacidabhā- 
TBV-SD 40,06	vāt | aprāmāṇyābhāvalakṣaṇaśca viśeṣo doṣavantamaprāmāṇyakāraṇaṃ puruṣaṃ nirākaroti, na ca guṇa- 
TBV-SD 40,07	vantamaprāmāṇyanivarttakam | na ca guṇavataḥ puruṣasyābhāvāt anyasya ca tena viśeṣeṇa nivarttitatvāt 
TBV-SD 40,08	siddhamevāpauruṣeyatvaṃ vede ityabhyupagamanīyam, apauruṣeyatvasya nirākṛtatvād; guṇavatpuruṣābhāve'- 
TBV-SD 40,09	prāmāṇyābhāvalakṣaṇasya viśeṣasyābhāvaprasaṅgāt | na ca guṇavataḥ puruṣasyānyena viśeṣeṇa nirākaraṇa- 
TBV-SD 40,10	miti tathābhūtaviśeṣasyābhāvād nāsiddho nararacitavacanaracanā'viśiṣṭatvalakṣaṇo hetuḥ | pauruṣe- 
TBV-SD 40,11	yeṣu prāsādādiṣu nararacitaracanā'viśiṣṭatvadarśanādapauruṣeyeṣvākāśādiṣvadarśanācca nānaikāntikaḥ | 
TBV-SD 40,12	athāpauruṣeyeṣvadṛṣṭamapi nararacitaracanā'viśiṣṭatvaṃ tatra virodhābhāvādāśaṅkyamānaṃ sandigdhavipakṣa- 
TBV-SD 40,13	vyāvṛttikatvādanaikāntikam, na; apauruṣeyeṣvapi nararacitaracanā'viśiṣṭatvasya bhāve pauruṣeyatvena 
TBV-SD 40,14	niściteṣu prāsādādiṣu sakṛdapi tasya sadbhāvo na syāt, anyahetukasya tataḥ kadācidapyabhāvāt; 
TBV-SD 40,15	bhāve vā taddhetuka evāsāviti nāpauruṣeye tasya sadbhāvaḥ śaṅkanīyaḥ | ata eva na viruddhaḥ, pakṣa- 
TBV-SD 40,16	dharmatve sati vipakṣa eva vṛttiryasya sa viruddhaḥ, na cāsya vipakṣe vṛttiriti pratipāditam | nāpi 
TBV-SD 40,17	kālātyayāpadiṣṭa — prakaraṇasamā'prayojakatvāni hetordoṣāḥ sambhavanti | tathāhi — pratyakṣā''ga- 
TBV-SD 40,18	mabādhitakarmanirdeśānantaraprayuktatvaṃ hetoḥ kālātyayāpadiṣṭatvamucyate, na ca yatra svasādhyāvinā- 
TBV-SD 40,19	bhūto heturdharmiṇi pravarttamānaḥ svasādhyaṃ vyavasthāpayati tatraiva pramāṇāntaraṃ pravṛttimāsādayat tameva 
TBV-SD 40,20	dharmaṃ vyāvarttayati; ekasyaikadaikatra vidhi — pratiṣedhayorvirodhāt | tanna bādhā'vinābhāvayoḥ sambhava 
TBV-SD 40,21	iti na kālātyayāpadiṣṭatvamavinābhūtasya hetordoṣaḥ saṃbhavati | prakaraṇasamatvamapi pratihetorvipa- 
TBV-SD 40,22	rītadharmasādhakasya prakaraṇacintāpravarttakasya tatraiva dharmiṇi sadbhāva ucyate, na ca svasādhyāvinā- 
TBV-SD 40,23	bhūtahetusādhitadharmaṇo dharmiṇo viparītatvaṃ saṃbhavatīti na viparītadharmādhāyino hetvantarasya tatra pravṛ- 
TBV-SD 40,24	ttiriti na prakaraṇasamatvamavinābhūtasya hetordoṣaḥ | aprayojakatvaṃ tu pakṣadharmā'nvaya — vyatirekā- 
TBV-SD 40,25	ṇāmanyatamarūpābhāvaḥ, na ca prakṛte hetau tadabhāva iti darśitam | athā'numānalakṣaṇayuktasya pratyanu- 
TBV-SD 40,26	mānasyāpauruṣeyatvasādhakasya sadbhāvāt prakaraṇasamatā prakṛtasya hetoḥ, anumānabādhitatvaṃ vā pakṣasya 
TBV-SD 40,27	doṣaḥ; pratyanumānaṃ ca darśitam — 
TBV-SD 40,28		“vedādhyayanamakhilaṃ gurvadhyayanapūrvakam | 
TBV-SD 40,29		vedādhyayanavācyatvādadhunā'dhyayanaṃ yathā” ||  iti | 
TBV-SD 40,30	na caitadāśaṅkanīyam — evaṃvidhe pratyanumāne'bhyupagamyamāne kādambaryādīnāmapyapauruṣeyatvasiddhiḥ, 
TBV-SD 40,31	yatasteṣu bāṇādīnāṃ kartṛṛṇāṃ niścayaḥ; tathāhi — kālidāsakṛtatvena kumārasaṃbhavādīni kāvyāni 
TBV-SD 40,32	avigānena smaryante | atha vede'pi karttṛsmaraṇamasti, tathā ca kecid hiraṇyagarbhaṃ vedānāṃ karttāraṃ 
TBV-SD 40,33	smaranti, apare aṣṭakādīn ṛṣīn, satyam, asti na tvavigītaṃ yathā bhāratādiṣu, tathā chinnamūlaṃ 
TBV-SD 40,34	ca | smaraṇasyānubhavo mūlam, na ca vede kartṛsmaraṇasya kenacit pramāṇena mūlānubhavo vyavasthāpayituṃ 
TBV-SD 40,35	śakyaḥ; yadapi kartṛsadbhāvapratipādakaṃ vacanaṃ kaiścit kṛtam — “hiraṇyagarbhaḥ samavarttatāgre” 
TBV-SD 40,36	 ityādi, tadapi mantrā'rthavādānāṃ śrūyamāṇe'rthe prāmāṇyāyogād na 
TBV-SD 40,37	tatsadbhāvāvedakam | taduktam — 
TBV-SD 40,38		“bhārate'pi bhavedevaṃ kartṛsmṛtyā tu bādhyate | 
TBV-SD 40,39		vede tu tatsmṛtiryā tu sā'rthavādanibandhanā” || , 
TBV-SD 40,40	etadapyayuktam; yataḥ kimatra pratisādhanatvena vivakṣitam ? kimadhyayanaśabdavācyatvam, uta kartu- 
TBV-SD 41,01	rasmaraṇam ? pūrvasmin pakṣe nirviśeṣaṇo vā heturapauruṣeyatvapratipādakaḥ, kartrasmaraṇaviśiṣṭo vā ? 
TBV-SD 41,02	nirviśeṣaṇasya niścitakartṛkeṣu bhāratādiṣvapi bhāvādanaikāntikatvam | kiṃca, kiṃ yathābhūtānāṃ 
TBV-SD 41,03	puruṣāṇāmadhyayanapūrvakaṃ dṛṣṭaṃ tathābhūtānāmevādhyayanavācyatvamadhyayanapūrvakatvaṃ sādhayati, uta 
TBV-SD 41,04	anyathābhūtānām ? yadi tathābhūtānāṃ tadā siddhasādhanam | athānyathābhūtānāṃ tadā sanniveśādi- 
TBV-SD 41,05	vadaprayojako hetuḥ | atha tathābhūtānāmeva sādhayati na ca siddhasādhanam, sarvapuruṣāṇāmatīndriyārtha- 
TBV-SD 41,06	darśanaśaktivaikalyena atīndriyārthapratipādakapreraṇāpraṇetṛtvāsāmarthyenedṛśatvāt; syādetad yadi 
TBV-SD 41,07	preraṇāyāstathābhūtārthapratipādane'prāmāṇyābhāvaḥ siddhaḥ syāt, yāvatā guṇavadvakturabhāve tadguṇaira- 
TBV-SD 41,08	nirākṛtairdoṣairapoditatvāt sāpavādaṃ prāmāṇyamityuktam | tathābhūtāṃ ca preraṇāmatīndriyadarśanaśakti- 
TBV-SD 41,09	vikalā api kartuṃ samarthā iti kutastathābhūtapreraṇāpraṇetṛtvāsāmarthyena sarvapuruṣāṇāmīdṛśatvasiddhi- 
TBV-SD 41,10	ryataḥ siddhasādhanaṃ na syāt ? atha na guṇavadvaktṛkṛtatvena codanāyā aprāmāṇyanivṛttiḥ kintvapau- 
TBV-SD 41,11	ruṣeyatvena, tato nāyaṃ doṣaḥ; nanu kutaḥ punarapauruṣeyatvaṃ codanāyā avagatam ? yadyanyato'numānāt 
TBV-SD 41,12	tadā tata evāpauruṣeyatvasiddhervyarthaṃ prakṛtamanumānam | ata evānumānāccet, nanvato'numānādapauru- 
TBV-SD 41,13	ṣeyatvasiddhau preraṇāyā aprāmāṇyābhāvaḥ, tadabhāvācca tathābhūtapreraṇāpraṇetṛtvāsāmarthyena sarvapuru- 
TBV-SD 41,14	ṣāṇāmīdṛśatvasiddhiritītaretarāśrayadoṣasadbhāvaḥ | ataḥ sthitametat — tathābhūtānāṃ tathābhūtādhyaya- 
TBV-SD 41,15	nasādhane siddhasādhanam; tanna nirviśeṣaṇo hetuḥ prāktano'pauruṣeyatvaṃ sādhayati | atha saviśeṣaṇo 
TBV-SD 41,16	hetuḥ pūrvoktaḥ prakṛtasādhyagamakastadā viśeṣaṇasyaiva kevalasya gamakatvād viśeṣyopādānamanarthakam | 
TBV-SD 41,17	bhavatu viśeṣaṇasyaiva gamakatvaṃ sarvathā apauruṣeyatvasiddhyā naḥ prayojanamiti cet, asadetat; 
TBV-SD 41,18	yataḥ kartrasmaraṇaṃ viśeṣaṇaṃ kimabhāvākhyaṃ pramāṇam, arthāpattiḥ, anumānaṃ vā ? yadyabhāvākhyamiti 
TBV-SD 41,19	pakṣaḥ, sa na yuktaḥ; abhāvapramāṇasya prāmāṇyābhāvāt | kiṃca, sadupalambhakapramāṇapañcakanivṛttiniba- 
TBV-SD 41,20	ndhanā asya pravṛttirabhyupagamyate bhavatā “pramāṇapañcakaṃ yatra” 
TBV-SD 41,21	ityādyabhidhānāt, na ca pramāṇapañcakasya vede puruṣasadbhāvā''vedakasya nivṛttiḥ, nararacitaracanā'vi- 
TBV-SD 41,22	śiṣṭatvasya pauruṣeyatvapratipādakatvenānumānasya pratipādanāt | na cāsyā'prāmāṇyamabhidhātuṃ śakyam, 
TBV-SD 41,23	yato'syā'prāmāṇyaṃ kim abhāvapramāṇabādhitatvena, uta svasādhyāvinābhāvitvābhāvena ? tatra na 
TBV-SD 41,24	tāvadabhāvapramāṇabādhitatvena, cakrakadoṣaprasaṅgāt | tathāhi — na yāvadabhāvapramāṇapravṛttirna tāvat 
TBV-SD 41,25	prastutānumānabādhā, yāvacca na tasya bādhā na tāvat sadupalambhakapramāṇanivṛttiḥ, yāvacca na tasya 
TBV-SD 41,26	nivṛttirna tāvat tannibandhanā abhāvākhyapramāṇapravṛttiḥ, tadapravṛttau ca nānumānabādheti duruttaraṃ 
TBV-SD 41,27	cakrakam; tannābhāvapramāṇabādhitatvāt prastutānumānasyāprāmāṇyam | na cābādhitatvamanumānaprā- 
TBV-SD 41,28	māṇyanibandhanam — tathā'bhyupagame tasya prāmāṇyameva na syāt; tasya niścetumaśakyatvāt | tathāhi — 
TBV-SD 41,29	bādhā'bhāvo nānupalambhānniścīyate, vidyamānabādhakeṣvapi bādhānupalambhasya bhāvāt | nāpi bādha- 
TBV-SD 41,30	kābhāvajñānāt, yatastadapi jñānaṃ yadi tadaiva bādhakābhāvaṃ niścāyayati tadā na tat prāmāṇyani- 
TBV-SD 41,31	bandhanam; tathābhūtajñānasya saṃbhavadbādhakeṣvapi bhāvāt | atha sarvadā tad bādhakābhāvaṃ niścāyayati, 
TBV-SD 41,32	tadasat; ‘na pūrvaṃ bādhakamatra pravṛttam, nāpyuttarakālaṃ pravarttiṣyate’ ityevaṃbhūtasya jñānasyārvāgdṛśā- 
TBV-SD 41,33	mabhāvāt; bhāve vā tasyaiva sarvajñatvād na ‘preraṇaiva dharme pramāṇam’ ityanyayogavyavacchedena tadviṣayata- 
TBV-SD 41,34	tprāmāṇyāvadhāraṇopapattiḥ syāt — kintu niścitasvasādhyāvinābhūtaliṅgaprabhavatvam | svasādhyā- 
TBV-SD 41,35	vinābhāvaniścāyakaṃ ca prakṛtasya hetoḥ pauruṣeyatvena kāryakāraṇabhāvaniścāyakam, tadeva ca 
TBV-SD 41,36	svasādhyaviparyaye tasya sadbhāvabādhakam, tasya ca prakṛte hetau sattvena darśitatvād na tatprabhavasyānu- 
TBV-SD 41,37	mānasyāprāmāṇyam; ata eva svasādhyāvinābhāvitvābhāvena tasya aprāmāṇyam iti dvitīyo'pi 
TBV-SD 41,38	pakṣo na yuktaḥ; tannābhāvākhyaṃ kartrasmaraṇalakṣaṇaṃ pramāṇam apauruṣeyatvasādhakam, nāpi pauruṣeyatvabādha- 
TBV-SD 41,39	kam | atha arthāpattiḥ kartrasmaraṇam, tadapyasaṅgatam; arthāpatteranumāne'ntarbhāvasya pratipādayiṣya- 
TBV-SD 41,40	māṇatvāt; taddūṣaṇaiścāsya pakṣasya dūṣitatvāt | athānumānam, tadapyasaṅgatam; ‘apauruṣeyo vedaḥ 
TBV-SD 41,41	kartrasmaraṇāt’ ityevaṃprayoge hetorvyadhikaraṇatvadoṣāt | atha ‘asmaryamāṇakartṛkatvāt’ iti hetupra- 
TBV-SD 41,42	yogānna vyadhikaraṇatvadoṣastarhi asmaryamāṇakartṛkatvaṃ bhāratādiṣu niścitakartṛkeṣvapi vidyata ityanai- 
TBV-SD 42,01	kāntikatvam | atha āgamāntare paraiḥ kartuḥ smaraṇāt tato vyāvṛttamasmaryamāṇakartṛkatvamapauruṣeyatvena 
TBV-SD 42,02	vyāpyata iti nānaikāntikatvam, na; parakīyasya kartuḥ smaraṇasya bhavatā pramāṇatvenānabhyupagamāt, 
TBV-SD 42,03	abhyupagame vā parairvede'pi kartuḥ smaraṇāt ‘asmaryamāṇakartṛkatvāt’ iti prativādyasiddho bhavan 
TBV-SD 42,04	bhavato'pyasiddhaḥ syāt | atha vede savigānaṃ kartṛviśeṣavipratipatteḥ kartṛsmaraṇamasatyam | tathāhi — 
TBV-SD 42,05	kecid hiraṇyagarbham, apare'ṣṭakādīn vedasya kartṛṛn smarantīti kartṛviśeṣavipratipattiḥ | nanvevaṃ 
TBV-SD 42,06	kartṛviśeṣavipratipattestadviśeṣasmaraṇamevāsatyaṃ syāt tatra, na kartṛmātrasmaraṇam; anyathā kādambaryā- 
TBV-SD 42,07	dīnāmapi kartṛviśeṣavipratipatteḥ kartṛmātrasmaraṇasyāsatyatvena tatrāpyasmaryamāṇakartṛkatvasya sadbhāvāt 
TBV-SD 42,08	punarapyanaikāntikatvaṃ prakṛtahetoḥ | atha vede kartṛviśeṣavipratipattivat kartṛmātre'pi vipratipattiriti 
TBV-SD 42,09	tatra kartṛsmaraṇamasatyam, kādambaryādīnāṃ tu kartṛviśeṣe eva vipratipattirna kartṛmātre, tena tatra kartuḥ 
TBV-SD 42,10	smaraṇasya viruddhasya satyatvād nāsmaryamāṇakartṛkatvaṃ teṣu varttata iti nānaikāntikatvam | nanu ‘vede 
TBV-SD 42,11	saugatāḥ kartṛmātraṃ smaranti na mīmāṃsakāḥ’ ityevaṃ kartṛmātre'pi vipratipatteryadi kartṛsmaraṇaṃ mithyā 
TBV-SD 42,12	tadā kartṛsmaraṇavad asmaryamāṇakartṛkatvamapyasatyaṃ syāt, vipratipatteraviśeṣāt; tathā ca punarapya- 
TBV-SD 42,13	siddho hetuḥ | etena ‘satyam, vede kartṛsmaraṇamasti na tvavigītaṃ, yathā bhāratādiṣu’ iti nirastam | 
TBV-SD 42,14	yadapyuktam ‘tathā chinnamūlaṃ ca vede kartṛsmaraṇam | tasyānubhavo mūlam, na cāsau tatra tadviṣayatvena 
TBV-SD 42,15	vidyate’ iti, tadapyasaṅgatam; yataḥ kiṃ pratyakṣeṇa tadanubhavābhāvāt tatra tacchinnamūlatvam, uta 
TBV-SD 42,16	pramāṇāntareṇa ? tatra yadi pratyakṣeṇeti pakṣastadā vaktavyam — kiṃ bhavatsaṃbandhinā pratyakṣeṇa tatra tadanu- 
TBV-SD 42,17	bhavābhāvaḥ, uta sarvasaṃbandhinā tatra tadanubhavābhāvaḥ ? yadi bhavatsaṃbandhinā, tadā''gamāntare'pi 
TBV-SD 42,18	tatkartṛgrāhakatvena bhavatpratyakṣasyāpravṛttestatkartṛsmaraṇasya chinnamūlatvenāsmaryamāṇakartṛkatvasya bhāvā- 
TBV-SD 42,19	danaikāntikaḥ punarapi hetuḥ | atha sarvasaṃbandhinā pratyakṣeṇānanubhavaḥ, asāvasiddhaḥ; na hyarvāgdṛśā 
TBV-SD 42,20	‘sarveṣāmatra tadgrāhakatvena pratyakṣaṃ na pravṛttimat’ iti niścetuṃ śakyamiti tatra tatsmaraṇasya chinna- 
TBV-SD 42,21	mūlatvāsiddheḥ ‘asmaryamāṇakartṛkatvāt’ ityasiddho hetuḥ | atha pramāṇāntareṇa tadanubhavābhāvaḥ — 
TBV-SD 42,22	tatrāpi vaktavyam — āgamalakṣaṇaṃ kiṃ tat pramāṇāntaramabhyupagamyate, uta anumānasvarūpam aparasya 
TBV-SD 42,23	prāmāṇyāsambhavāt ? tatra yadyāgamalakṣaṇena tadananubhava iti pakṣaḥ, sa na yuktaḥ; “hiraṇyagarbhaḥ sama- 
TBV-SD 42,24	varttatāgre” ityāderāgamasya tatra tatsadbhāvā''vedakasya saṃbha- 
TBV-SD 42,25	vāt | na ca mantrārthavādānāṃ svarūpārthe prāmāṇyābhāva iti vaktuṃ śakyam, yato mantrārthavādānāṃ 
TBV-SD 42,26	svābhidheyapratipādanadvāreṇa kāryārthopayogitā; teṣāṃ tatrāprāmāṇye vidhyarthāṅgatā'pi na syāt | 
TBV-SD 42,27	athānumānena tatra tadananubhavaḥ, so'pi na yuktaḥ; anumānena tatra tadanubhavasya pratipāditatvāt | 
TBV-SD 42,28	athānupalambhapūrvakamasmaryamāṇakartṛkatvaṃ yadyasmābhirhetutvenocyeta tadā pūrvoktaprakāraṇāsiddhatvā'nai- 
TBV-SD 42,29	kāntikatve syātām, na tu tatkartranupalambhapūrvakamasmaryamāṇakartṛkatvaṃ hetuḥ kintu tadabhāvapūrvakam | 
TBV-SD 42,30	nanvatrāpi yadi tadabhāvaḥ pramāṇāntarāt siddhastadā'syānumānasya vaiyarthyam | na ca tadabhāvaprati- 
TBV-SD 42,31	pādakamanyat pramāṇamastītyuktam | asmādeva anumānāt tadabhāvasiddhistadā'to'numānāt tada- 
TBV-SD 42,32	bhāvasiddhau tatpūrvakamasmaryamāṇakartṛkatvaṃ sidhyati, tatsiddhau cāto'numānāt tadabhāvasiddhiritī- 
TBV-SD 42,33	taretarāśrayadoṣāt tadavasthaṃ saviśeṣaṇasyāpyasya hetorasiddhatvam | atha mataṃ yatra siddhakartṛkeṣu 
TBV-SD 42,34	bhāveṣvasmaryamāṇakartṛkatvaṃ tatra kartuḥ smaraṇayogyatā nāstīti nirviśeṣaṇasyānaikāntikatvam; vaidi- 
TBV-SD 42,35	kīnāṃ tu racanānāṃ sati pauruṣeyatve'vaśyaṃ puruṣasya kartuḥ tadarthānuṣṭhānasamaye'nuṣṭhātṛṛṇāṃ smaraṇaṃ syāt, 
TBV-SD 42,36	te hi adṛṣṭaphaleṣu karmasvevaṃ nirvicikitsāḥ pravarttante yadi teṣāṃ tadviṣayaḥ satyatvaniścayaḥ, tasyā- 
TBV-SD 42,37	pyevaṃbhāvo yadi tadupadeṣṭuḥ smaraṇam, yathā pitrādiprāmāṇyavaśāt svayamadṛṣṭaphaleṣvapi karmasu tadu- 
TBV-SD 42,38	padeśāt pravarttante — pitrādibhiretadupadiṣṭaṃ tenānuṣṭhīyate — evaṃ vaidikeṣvapi karmasvanuṣṭhīyamāneṣu tatra 
TBV-SD 42,39	smaraṇaṃ syāt; na cābhiyuktānāmapi vedārthānuṣṭhātṛṛṇāṃ traivarṇikānāṃ kartuḥ smaraṇamasti, ataḥ smaraṇa- 
TBV-SD 42,40	yogyasya karturasmaraṇāt apauruṣeyo vedaḥ; evaṃ cāyaṃ hetvarthaḥ — kartuḥ smaraṇayogyatve'pi sati asmarya- 
TBV-SD 42,41	māṇakartṛkatvāt apauruṣeyo vedaḥ | na caivaṃvidhasya hetoḥ siddhakartṛkeṣu bhāveṣu vṛttiḥ, ato nānaikā- 
TBV-SD 42,42	ntikaḥ; yatra pauruṣeyatvaṃ tatra saviśeṣaṇo heturna saṃbhavatīti viruddhatvamapi na vidyate, vipakṣe varttamānaḥ 
TBV-SD 43,01	sapakṣe'san viruddha ucyate, asya tu saviśeṣaṇasya prasiddhapauruṣeye vastunyapravṛttiḥ, nāpi sapakṣe 
TBV-SD 43,02	ākāśādau asattvam; ataḥ pariśuddhānvaya — vyatirekahetusadbhāvāt kartṛsmaraṇayogyatve sati asmarya- 
TBV-SD 43,03	māṇakartṛkatvāt apauruṣeyo vedaḥ sidhyati tadapyasaṃbaddham; āgamāntare'pi ‘kartuḥ smaraṇayogyatve 
TBV-SD 43,04	sati asmaryamāṇakartṛkatvāt’ ityasya hetoḥ sadbhāvabādhakapramāṇābhāvena sadbhāvasaṃbhavāt saṃdigdhavi- 
TBV-SD 43,05	pakṣavyāvṛttikatvādanaikāntikatvasya tadavasthatvāt | kiṃca, vipakṣaviruddhaṃ hi viśeṣaṇaṃ vipakṣād 
TBV-SD 43,06	vyāvarttamānaṃ svaviśeṣyamādāya nivarttata iti yuktam, na ca pauruṣeyatvena saha kartuḥ smaraṇayogyatvasya 
TBV-SD 43,07	sahānavasthānalakṣaṇaḥ, parasparaparihārasthitalakṣaṇo vā virodhaḥ siddhaḥ; siddhau vā tata eva sādhya- 
TBV-SD 43,08	siddheḥ ‘asmaryamāṇakartṛkatvāt’ iti viśeṣyopādānaṃ vyartham | yadapyuktam ‘tadarthānuṣṭhānasamaye'vaśyaṃ- 
TBV-SD 43,09	tayā traivarṇikānāmaniścitatatprāmāṇyānāmapravṛttiprasaṅgāt sati kartari tatsmaraṇaṃ syāt, na 
TBV-SD 43,10	cābhiyuktānāmapi tadasti’ iti, tad āgamāntare'pi samānaṃ naveti cintyatāṃ svayameva | na cāyaṃ 
TBV-SD 43,11	niyamaḥ — anuṣṭhātāro'bhipretārthānuṣṭhānasamaye tatkartāramanusmṛtyaiva pravarttante, na hi pāṇinyādi- 
TBV-SD 43,12	praṇītavyākaraṇapratipāditaśābdavyavahārānuṣṭhānasamaye tadanuṣṭhātāro'vaśyaṃtayā vyākaraṇapraṇetāraṃ 
TBV-SD 43,13	pāṇinyādikamanusmṛtyaiva pravarttanta iti dṛṣṭam; niścitatatsamayānāṃ kartṛsmaraṇavyatirekeṇāpyavila- 
TBV-SD 43,14	mbena ‘bhavati’ ādisādhuśabdoccāraṇadarśanāt | tat sthitametat — saviśeṣaṇasyāpi ‘asmaryamāṇakartṛ- 
TBV-SD 43,15	katvāt’ iti hetorvādisaṃbandhino'naikāntikatvam, prativādisaṃbandhino'siddhatvam, sarvasaṃba- 
TBV-SD 43,16	ndhino'pi tadeveti nāsmāddhetorapauruṣeyatvasiddhiḥ | ato'pauruṣeyatvaprasādhakapramāṇābhāvācchāsana- 
TBV-SD 43,17	syāpauruṣeyatvāsambhave yadi sarvajñapraṇītatvaṃ nābhyupagamyate tadā prāmāṇyamapi na syāt; tathā ca 
TBV-SD 43,18	‘dharme preraṇā pramāṇameva’ ityayogavyavacchedenāvadhāraṇamanupapannam | atha preraṇāprāmāṇyasiddhyarthaṃ sarvajñaḥ 
TBV-SD 43,19	preraṇāpraṇetā'bhyupagamyate tadā “codanaiva ca bhūtam, bhavantam, bhaviṣyantam, sūkṣmam, vyavahitam — 
TBV-SD 43,20	evaṃjātīyakamarthamavagamayitumalam, nānyat kiñcanendriyam” ityādyabhidhānamasaṅgataṃ prāpnotītyubha- 
TBV-SD 43,21	yataḥ pāśārajjurmīmāṃsakasya | tat sthitametad ācāryeṇa mīmāṃsakāpekṣayā prasaṅgasādhanametadupanya- 
TBV-SD 43,22	stam — yadi siddhaṃ śāsanamabhyupagamyate bhavadbhistadā jinānāṃ tat — jinapraṇītam — abhyupagantavyamiti || 
TBV-SD 43,25	atha bhavatu preraṇāprāmāṇyavādināṃ mīmāṃsakānāmetat prasaṅgasādhanam, ye tu tadaprāmāṇyavādi- 
TBV-SD 43,26	naścārvākāstān prati, svapratipattau vā bhavataḥ kiṃ pramāṇam ? na ca pramāṇāviṣayasya sadvyavahāra- 
TBV-SD 43,27	viṣayatvaṃ yuktam | tathāhi — ye deśa — kāla — svabhāvaviprakarṣavantaḥ sadupalambhakapramāṇaviṣayabhāvamanā- 
TBV-SD 43,28	pannā bhāvā na te prekṣāvatāṃ sadvyavahārapathāvatāriṇaḥ, yathā nākapṛṣṭhādayastathātvenābhyupagamavi- 
TBV-SD 43,29	ṣayāḥ, tathā ca samastavastuvistāravyāpijñānasaṃpatsamanvitaḥ puruṣa iti sadvyavahārapratiṣedhaphalā'- 
TBV-SD 43,30	nupalabdhiḥ | na cāsiddho hetuḥ | tathāhi — sakalapadārthasākṣātkārijñānāṅganāliṅgitaḥ puruṣaḥ 
TBV-SD 43,31	pratyakṣasamadhigamyo vā abhyupagamyeta, anumānādisaṃvedyo vā ? na tāvadadhyakṣagocaraḥ, pratiniyata- 
TBV-SD 43,32	saṃnihitarūpādiviṣayaniyamitasākṣātkaraṇasvabhāvā hi cakṣurādikaraṇavyāpārasamāsāditātmalābhā 
TBV-SD 43,33	jñaptayo na parasthaṃ saṃvedanamātramapi tāvadālambituṃ kṣamāḥ kimaṅga ! punaranādyanantātītā'nāgata — 
TBV-SD 43,34	varttamāna — sūkṣmādisvabhāvasakalapadārthasākṣātkārisaṃvedanaviśeṣam, tadadhyāsitaṃ vā puruṣam avi- 
TBV-SD 43,35	ṣaye cakṣurādikaraṇapravarttitasya jñānasya pravṛttyasambhavāt ? sambhave vā'nyatamakaraṇapravarttitasyāpi 
TBV-SD 43,36	jñānasya rūpādisakalaviṣayagrāhakatvena saṃbhavāt śeṣendriyaparikalpanā vyarthā | na ca sūkṣmādisama- 
TBV-SD 43,37	stapadārthagrahaṇamantareṇa pratyakṣeṇa tatsākṣātkaraṇapravṛttajñānagrahaṇam, grāhyāgrahaṇe tadgrāhakatvasyāpi 
TBV-SD 43,38	tadgatasya tenāgrahaṇāt | tadagrahe ca taddharmādhyāsitasaṃvedanasamanvitasyāpi na pratyakṣataḥ pratipattiḥ | 
TBV-SD 43,39	nāpyanumānataḥ sakalapadārthajñapratipattiḥ, anumānaṃ hi niścitasvasādhyadharma — dharmisaṃbandhād hetoru- 
TBV-SD 43,40	dayamāsādayat pramāṇatāmāpnoti; pratibandhaśca samastapadārthajñasattvena svasādhyena hetoḥ kiṃ pratyakṣeṇa 
TBV-SD 44,01	gṛhyate, utānumānena ? na tāvadadhyakṣeṇa, adhyakṣasyātyakṣajñānavatsattvasākṣātkaraṇākṣamatvena tadavaga- 
TBV-SD 44,02	tinimittahetupratibandhagrahaṇe'pyakṣamatvāt; na hyanavagatasaṃbandhinā tadgatasaṃbandhāvagamo vidhātuṃ 
TBV-SD 44,03	śakyaḥ | nāpyanumānena tadgatasaṃbandhāvagamaḥ, tathābhyupagame'navasthe — taretarāśrayadoṣadvayānativṛtteḥ | 
TBV-SD 44,04	na cā'gṛhītapratibandhāddhetorupajāyamānamanumānaṃ pramāṇatāmāsādayati | tathā, dharmisaṃbandhāvaga- 
TBV-SD 44,05	mo'pi na pratyakṣataḥ, anakṣajñānavatpratyakṣe'kṣaprabhavasyādhyakṣasyāpravṛtteḥ; pravṛttau vā'dhyakṣeṇaiva sarvavidaḥ 
TBV-SD 44,06	saṃvedanād anumānanibandhanahetuvyāpāraṇaṃ vyartham | na cānumānato'pyanakṣajñānavato'vagamaḥ, hetu — 
TBV-SD 44,07	pakṣadharmatāvagamamantareṇānumānasyaiva dharmigrāhakasyāpravṛtteḥ; na cāpratipannapakṣadharmatvo hetuḥ pratini- 
TBV-SD 44,08	yatasādhyapratipattiheturiti nānumānato'pi sarvajñapratipattiḥ | kiṃca, sarvajñasattāyāṃ sādhyāyāṃ trayīṃ 
TBV-SD 44,09	doṣajātiṃ heturnātivarttate asiddha — viruddhā'naikāntikalakṣaṇām | tathāhi — sakalajñasattve sādhye kiṃ 
TBV-SD 44,10	bhāvadharmo hetuḥ, utābhāvadharmaḥ, āhosvidubhayadharmaḥ ? tatra yadi bhāvadharmastadā'siddhaḥ | athā- 
TBV-SD 44,11	bhāvadharmastadā viruddhaḥ, bhāve sādhye'bhāvadharmasyābhāvāvyabhicāritvena viruddhatvāt | athobhaya- 
TBV-SD 44,12	dharmastadobhayāvyabhicāritvena sattāsādhane'naikāntikatvamiti na sakalajñasattvasādhane kaścit 
TBV-SD 44,13	samyag hetuḥ sambhavati | api ca, yadyaniyataḥ kaścit sakalapadārthajñaḥ sādhyo'bhipretastadā tatkṛ- 
TBV-SD 44,14	tapratiniyatāgamāśrayaṇaṃ nopapannaṃ bhavatām | atha pratiniyata eka evārhan sarvajño'bhyupagamyate tadā 
TBV-SD 44,15	tatsādhane prayuktasya hetoraparasarvajñasyābhāvena dṛṣṭāntānuvṛttyasaṃbhavādasādhāraṇānaikāntikatvādasā- 
TBV-SD 44,16	dhakatvam | kiṃca, yata eva hetoḥ pratiniyato'rhan sarvajñastata eva buddho'pi sa syāditi kutaḥ 
TBV-SD 44,17	pratiniyatasarvajñapraṇītāgamāśrayaṇamupapattimat ? iti na kaścit sarvajñasādhako hetuḥ | atha sarve 
TBV-SD 44,18	padārthāḥ kasyacit pratyakṣāḥ prameyatvāt agnyādivaditi tatsādhanahetusadbhāvaḥ, tadasat; yato'tra 
TBV-SD 44,19	kiṃ sakalapadārthasākṣātkāryekajñānapratyakṣatvaṃ sarvapadārthānāṃ sādhyatvenā''bhipretam, āhosvid prati- 
TBV-SD 44,20	niyataviṣayānekajñānapratyakṣatvamiti kalpanādvayam | yadyādyaḥ pakṣaḥ, sa na yuktaḥ; pratiniyatarūpā- 
TBV-SD 44,21	diviṣayagrāhakānekapratyayapratyakṣatvena vyāptasyāgnyādidṛṣṭāntadharmiṇi prameyatvalakṣaṇasya hetorupala- 
TBV-SD 44,22	mbhād hetuviruddhatva — sādhyavikaladṛṣṭāntadoṣadvayāghrātatvāt | atha dvitīyaḥ, so'pyasaṅgataḥ; siddha- 
TBV-SD 44,23	sādhyatādoṣaprasaṅgāt | tathā, prameyatvamapi hetutvenopanyasyamānaṃ kimaśeṣajñeyavyāpipramāṇaprameyatva- 
TBV-SD 44,24	vyaktilakṣaṇamabhyupagamyate, uta asmadādipramāṇaprameyatvavyaktisvarūpam, āhosvit ubhayavyakti- 
TBV-SD 44,25	sādhāraṇasāmānyasvabhāvam iti vikalpāḥ | tatra yadi prathamaḥ pakṣaḥ, sa na yuktaḥ; vivādādhyāsi- 
TBV-SD 44,26	tapadārtheṣu tathābhūtapramāṇaprameyatvasyāsiddhatvāt; siddhatve vā sādhyasyāpi hetuvat siddhatvād 
TBV-SD 44,27	vyarthaṃ hetūpādānam, tathābhūtapramāṇaprameyatvasya dṛṣṭānte'gnyādilakṣaṇe'siddheḥ saṃdigdhānvayaśca hetuḥ 
TBV-SD 44,28	syāt | atha asmadādipramāṇaprameyatvaṃ hetustadā tathābhūtapramāṇaprameyatvasya vivādagocareṣvatī- 
TBV-SD 44,29	ndriyeṣvasaṃbhavādasiddho hetuḥ; siddhau vā tatastathābhūtapratyakṣatvasiddhireva syāt tatra cāvivāda 
TBV-SD 44,30	iti na hetūpanyāsaḥ saphalaḥ | athobhayaprameyatvavyaktisādhāraṇaṃ prameyatvasāmānyaṃ heturiti pakṣaḥ, 
TBV-SD 44,31	so'pyasaṅgataḥ; atyantavilakṣaṇātīndriya — indriyaviṣayapramāṇaprameyatvavyaktidvayasādhāraṇasya sāmā- 
TBV-SD 44,32	nyasyāsambhavāt; na hi śābaleya — karkavyaktidvayasādhāraṇamekaṃ gotvasāmānyamupalabdhamiti prame- 
TBV-SD 44,33	yatvasāmānyalakṣaṇo heturasiddha iti nānumānādapi sarvajñasiddhiḥ | nāpi śabdāt, yataḥ śabdo'pi 
TBV-SD 44,34	tatpratipādako'bhyupagamyamānaḥ kiṃ nityaḥ, utānitya iti kalpanādvayam | na tāvad nityaḥ, sarvajñabo- 
TBV-SD 44,35	dhakasya nityasyā''gamasyābhāvāt; bhāve'pi tatpratipādakatvena tasya prāmāṇyāsambhavāt; kārye'rthe 
TBV-SD 44,36	tatprāmāṇyasya vyavasthāpitatvāt | athānityastatpratipādaka iti pakṣaḥ, so'pi na yuktaḥ; yato'ni- 
TBV-SD 44,37	tyo'pi kiṃ tatpraṇītaḥ sa tadavabodhakaḥ, atha puruṣāntarapraṇīta iti vikalpadvayam | tatra na sarvajña- 
TBV-SD 44,38	praṇītaḥ sa tadavabodhaka iti pakṣo yuktaḥ, itaretarāśrayadoṣaprasaṅgāt | tathāhi — tatpraṇītatve tasya 
TBV-SD 44,39	prāmāṇyam, tataḥ tasya tatpratipādakatvamiti vyaktamitaretarāśrayatvam | nāpi puruṣāntarapraṇītastada- 
TBV-SD 44,40	vabodhakaḥ, tasyonmattavākyavadapramāṇatvāt; tanna śabdādapi tasya siddhiḥ | nāpyupamānāt tatsiddhiḥ, 
TBV-SD 44,41	yata upamānopameyayoradhyakṣatve sādṛśyālambanaṃ tadabhyupagamyate; na copamānabhūtaḥ kaścit sarvajñatvena 
TBV-SD 44,42	pratyakṣataḥ siddho yena tatsādṛśyādanyasya sarvajñatvamupamānāt sādhyate; siddhau vā pratyakṣata eva sarva- 
TBV-SD 45,01	jñasya siddhatvānnopamānādapi tatsiddhiḥ | sarvajñasadbhāvamantareṇānupapadyamānasya pramāṇaṣaṭkavijñāta- 
TBV-SD 45,02	syārthasya kasyacidabhāvād nārthāpatterapi sarvajñasattvasiddhiḥ | na cāgamaprāmāṇyalakṣaṇasyārthasya tama- 
TBV-SD 45,03	ntareṇānupapadyamānasya tatparikalpakatvam, atīndriye svargādyarthe tatpraṇītatvaniścayamantareṇa tasya 
TBV-SD 45,04	prāmāṇyāniścayāt; apauruṣeyatvādapi tatprāmāṇyasaṃbhavāt kutastasya tamantareṇānupapadyamānatā ? 
TBV-SD 45,05	tannārthāpattito'pi tatsiddhiḥ | abhāvākhyasya tu pramāṇasyābhāvasādhakatvena vyāpārād na tatsa- 
TBV-SD 45,06	dbhāvasādhakatvam | na copamānā'rthāpattya — bhāvapramāṇānāṃ bhavatā prāmāṇyamabhyupagamyate iti na 
TBV-SD 45,07	tebhyastatsiddhiḥ | taduktam — 
TBV-SD 45,08		“sarvajño dṛśyate tāvannedānīmasmadādibhiḥ | 
TBV-SD 45,09		dṛṣṭo na caikadeśo'sti liṅgaṃ vā yo'numāpayet || 
TBV-SD 45,10		na cāgamavidhiḥ kaścinnityaḥ sarvajñābodhakaḥ | 
TBV-SD 45,11		na ca mantrārthavādānāṃ tātparyamavakalpate || 
TBV-SD 45,12		na cāgamena sarvajñastadīye'nyonyasaṃśrayāt | 
TBV-SD 45,13		narāntarapraṇītasya prāmāṇyaṃ gamyate katham ? || ”
TBV-SD 45,14	tato ‘ye deśa — kāla — ’ ityādiprayoge nāsiddho hetuḥ | sadvyavahāraniṣedhaśca anupalambhamātranimittaḥ 
TBV-SD 45,15	anekadhā'nena anyatra pravartita iti atrāpi tannimittasadbhāvāt pravarttayituṃ yuktaḥ | 
TBV-SD 45,16	atha ‘yathā'smākaṃ tatsadbhāvā''vedakaṃ pramāṇaṃ nāsti tathā bhavatāṃ tadabhāvā''vedakamapi nāstīti 
TBV-SD 45,17	sadvyavahāravadabhāvavyavahāro'pi na pravarttayitavyaḥ | tathāhi — sarvavido'bhāvaḥ kiṃ pratyakṣasamadhigamyaḥ, 
TBV-SD 45,18	pramāṇāntaragamyo vā ? tatra na tāvat pratyakṣasamadhigamyaḥ’ yataḥ pratyakṣaṃ sarvajñābhāvā''vedakamabhyupa- 
TBV-SD 45,19	gamyamānaṃ ‘kiṃ sarvatra sarvadā sarvaḥ sarvajño na’ ityevaṃ pravarttate, uta ‘kvacit kadācit kaścit sarvajño 
TBV-SD 45,20	nāsti’ ityevam iti kalpanādvayam | tatra yadi ‘sarvatra sarvadā sarvaḥ sarvajño na’ iti pratyakṣasya pravṛttistarhi 
TBV-SD 45,21	na sarvajñābhāvaḥ, tajjñānavata eva sarvajñatvāt; nahi sakaladeśa — kālavyavasthitapuruṣapariṣatsākṣātkaraṇa- 
TBV-SD 45,22	mantareṇa tadādhāramasarvajñatvamavagantuṃ śakyam, tatsākṣātkaraṇe ca kathaṃ na tajjñānavataḥ sarvajñatvam ? 
TBV-SD 45,23	iti nādyaḥ pakṣaḥ | dvitīye'pi pakṣe na sarvathā sarvajñābhāvasiddhiriti na pratyakṣāt sarvajñābhāvasiddhiḥ | 
TBV-SD 45,24	atha na pravarttamānaṃ pratyakṣaṃ sarvajñābhāvasādhakaṃ kiṃtu nivarttamānam; nanu yadi nikhiladeśa — kā- 
TBV-SD 45,25	lādhārasakalapuruṣapariṣadāśritānantapadārthasaṃvidvyāpakam kāraṇaṃ vā tat syāt tadā tannivarttamānaṃ 
TBV-SD 45,26	tathābhūtaṃ sarvajñatvaṃ vyāvarttayed nānyathā, atathābhūtanivṛttau tannivṛtterasiddheḥ, tathā'bhyupagame 
TBV-SD 45,27	vā sa eva sarvajña iti na tena tanniṣedhaḥ | kiṃca, pratyakṣanivṛttiryadi pratyakṣameva tadā sa eva 
TBV-SD 45,28	doṣaḥ | atha pratyakṣādanyā tadā'sau pramāṇam, apramāṇaṃ vā ? apramāṇatve nātaḥ sarvajñābhāva- 
TBV-SD 45,29	siddhiḥ | pramāṇatve nānumānatvam, sarvā''tmasaṃbandhinyāstannivṛtteryathāsaṅkhyamasiddhā'naikā- 
TBV-SD 45,30	ntikatvadoṣadvayasadbhāvāt | na ca tucchā tannivṛttistadabhāvajñāpikā, tucchāyāḥ kenacit saha 
TBV-SD 45,31	pratibandhābhāvena sarvasāmarthyaviraheṇa ca jñāpakatvāsambhavāt | tanna pravarttamānam, nivarttamānaṃ vā 
TBV-SD 45,32	pratyakṣaṃ tadabhāvaṃ sādhayati | pramāṇāntaragamyatve'pi tadabhāvo na tāvadanumānagamyaḥ, tadabhāva- 
TBV-SD 45,33	sādhakānumānābhāvāt | atha ‘vivādādhyāsitaḥ puruṣaḥ sarvajño na bhavati, vaktṛtvāt, rathyāpuruṣa- 
TBV-SD 45,34	vat’ ityanumānaṃ tadabhāvasādhakam, nanvatra kiṃ pramāṇāntarasaṃvādino'rthasya vaktṛtvaṃ hetuḥ, uta tadvi- 
TBV-SD 45,35	parītasya, āhosvit vaktṛtvamātramiti vaktavyam | yadi ‘pramāṇāntarasaṃvādyarthasya vaktṛtvāt’ iti 
TBV-SD 45,36	hetustadā viruddho hetuḥ, tathābhūtavaktṛtvasya sarvajñe eva bhāvāt | atha ‘pramāṇāntaravisaṃvādi- 
TBV-SD 45,37	no'rthasya vaktṛtvāt’ iti hetustadā siddhasādhanam, tathābhūtasya vakturasarvajñatvenāsmābhirapyabhyu- 
TBV-SD 45,38	pagamāt | atha vaktṛtvamātraṃ hetuḥ, na; tasya sādhyaviparyayeṇa sarvajñatvenānupalabdhena sahānavasthāna- 
TBV-SD 45,39	lakṣaṇasya, tadavyavacchedasvabhāvena ca parasparaparihārasvarūpasya ca virodhasyābhāvād na tato vyāvṛ- 
TBV-SD 45,40	ttisiddhiriti na svasādhyaniyatatvam; tadabhāvānna svasādhyasādhakatvam | atha sarvajño vaktā nopa- 
TBV-SD 45,41	labdha iti tato vyāvṛttisiddhiḥ, na; sarvasaṃbandhino'nupalambhasyāsaṃbhavāt — sarvajña eva vaktṛtvamā- 
TBV-SD 46,01	tmanyupalaṇsyate sarvajñāntareṇa vā tat tatra saṃvediṣyate iti na sambhavaḥ sarvasaṃbandhino'nupala- 
TBV-SD 46,02	mbhasya | atha sarvajñasya kasyacidabhāvāt sarvasaṃbandhino'nupalambhasya saṃbhavaḥ; nanu sarvajñābhāvaḥ kutaḥ 
TBV-SD 46,03	siddhaḥ ? anyataḥ pramāṇāt cet, tata eva tadabhāvasiddherasya vaiyarthyam | ‘ata evānumānāt’ iti 
TBV-SD 46,04	na vaktavyam, itaretarāśrayadoṣaprasaṅgāt — siddhe'to'numānāt sarvajñābhāve sarvasaṃbandhyanupalambhasaṃ- 
TBV-SD 46,05	bhavasāmarthyād hetorvipakṣato vyāvṛttiḥ syāt, tasya ca vipakṣād vyāvṛttasya tatsādhakatvamiti vyakta- 
TBV-SD 46,06	mitaretarāśrayatvam | bhavatu vā sarvasaṃbandhyanupalambhasaṃbhavastathāpi sakalapuruṣacetovṛttiviśeṣāṇā- 
TBV-SD 46,07	masarvajñena jñātumaśakterasiddhaḥ sarvasaṃbandhyanupalambha iti na tato vipakṣavyāvṛttiniścayo vaktṛtvasyeti 
TBV-SD 46,08	kutaḥ saṃdigdhavipakṣavyāvṛttikād hetostadabhāvasiddhiḥ ? nāpi svasaṃbandhino'nupalambhāt tadvyatire- 
TBV-SD 46,09	kaniścayaḥ, tasya svapitṛvyapadeśahetunā'pyanaikāntikatvāt | na caivaṃbhūtādapi hetoḥ sādhyasiddhiḥ; 
TBV-SD 46,10	tathā'bhyupagame ‘na kaścit sarvajñābhāvamavabudhyate, vaktṛtvāt, rathyāpuruṣavat’ iti tadabhāvāvagamā- 
TBV-SD 46,11	bhāvasyāpi siddhiḥ syāt | athānyatrāpi hetāvayaṃ doṣaḥ samāna iti sarvānumānocchedaḥ, tadayuktam; 
TBV-SD 46,12	anyatra vipakṣavyāvṛttinimittasyānupalambhavyatirekeṇa bādhakapramāṇasya sadbhāvāt | na cātrāpi 
TBV-SD 46,13	tasya sadbhāva iti śakyaṃ vaktum, tadabhāvasya hetulakṣaṇaprastāve vakṣyamāṇatvāt | kiṃca, sarvajñaprati- 
TBV-SD 46,14	pādakapramāṇābhāve tasyāsiddhatvāt tadabhāvasādhanāyopanyasyamānaḥ sarvo'pi heturāśrayāsiddha iti 
TBV-SD 46,15	na tasmādabhāvasiddhiḥ | atha tadgrāhakatvena pramāṇaṃ pravarttata ityāśrayāsiddhatvābhāvastarhi tatsādha- 
TBV-SD 46,16	kapramāṇabādhitatvāt pakṣasya na tatsādhanāya hetuprayogasāphalyamiti nānumānāvaseyaḥ sarvajñā- 
TBV-SD 46,17	bhāvaḥ | apauruṣeyatvasya prāktananyāyenāsiddhatvāt sarvajñapraṇītatvānabhyupagame śabdasya puruṣadoṣa- 
TBV-SD 46,18	saṃkrāntyā'prāmāṇyād na tato'pi tadabhāvasiddhiḥ | na ca tadabhāvābhidhāyakaṃ kiñcid vedavākyaṃ 
TBV-SD 46,19	śrūyate, kevalaṃ tadbhāvā''vedakavedavacanopalabdhiravigānena samasti — 
TBV-SD 46,20		“apāṇipādo javano grahītā paśyatyacakṣuḥ sa śṛṇotyakarṇaḥ | 
TBV-SD 46,21		sa vetti viśvaṃ nahi tasya vettā tamāhuragryaṃ puruṣaṃ mahāntam” || 
TBV-SD 46,22	tathā hiraṇyagarbhaṃ prakṛtya “sarvajñaḥ” ityādi | na ca svarūpe'rthe tasyāprāmāṇyam, tatra 
TBV-SD 46,23	tatprāmāṇyasya pratipādayiṣyamāṇatvāt; tanna śabdādapi tadabhāvasiddhiḥ | nāpyupamānāt tadabhā- 
TBV-SD 46,24	vāvagamaḥ, yata upamānamupamānopameyayoradhyakṣatve sādṛśyālambanamudeti; anyathā — 
TBV-SD 46,25		“tasmād yat smaryate tat syāt sādṛśyena viśeṣitam | 
TBV-SD 46,26		prameyamupamānasya sādṛśyaṃ vā tadanvitam” || 
TBV-SD 46,27	ityabhidhānāt pratyakṣeṇopamānopameyayoragrahaṇe upameyasmaraṇāsaṃbhavāt kathaṃ smaryamāṇapadārthaviśiṣṭaṃ 
TBV-SD 46,28	sādṛśyam sādṛśyaviśiṣṭaṃ vā smaryamāṇaṃ vastu upamānaviṣayaḥ syāt ? tasmādidānīṃtanopamānabhū- 
TBV-SD 46,29	tāśeṣapuruṣapratyakṣatvam, upameyāśeṣānyakālamanuṣyavargasākṣātkaraṇaṃ cāvaśyamabhyupagamanīyam; tada- 
TBV-SD 46,30	bhyupagame ca sa eva sarvajña iti kathaṃ upamānāt tadabhāvāvagamo yuktaḥ ? ato yaduktam — 
TBV-SD 46,31		“yajjātīyaiḥ pramāṇaistu yajjātīyārthadarśanam | 
TBV-SD 46,32		dṛṣṭaṃ saṃprati lokasya tathā kālāntare'pyabhūt” || , 
TBV-SD 46,33	tannirastam; upamānasyoktanyāyenātra vastunyapravṛtteḥ | nāpyarthāpattitastadabhāvāvagamaḥ, tasyāḥ pramā- 
TBV-SD 46,34	ṇatve'numāne'ntarbhūtatvāt | tathāhi — “dṛṣṭaḥ śruto vā'rtho'nyathā nopapadyata ityadṛṣṭārthakalpanā'rthā- 
TBV-SD 46,35	pattiḥ” na cāsāvartho'nyathānupapadyamānatvānavagame 
TBV-SD 46,36	adṛṣṭārthaparikalpanānimittam — anyathā sa yena vinopapadyamānatvena niścitastamapi parikalpayet 
TBV-SD 46,37	yena vinā nopapadyate tamapi vā na kalpayet — anavagatasya anyathā'nupapannatvena arthāpattyutthāpa- 
TBV-SD 46,38	kasyārthasya anyathā'nupapadyamānatve satyapyadṛṣṭārthaparikalpakatvāsaṃbhavāt; saṃbhave vā liṅgasyāpyaniści- 
TBV-SD 46,39	taniyamasya parokṣārthānumāpakatvaṃ syāditi tadapi nārthāpattyutthāpakādarthād bhidyeta | sa cānyathā'nu- 
TBV-SD 47,01	papadyamānatvāvagamastasyārthasya na bhūyodarśananimittaḥ sapakṣe, anyathā ‘lohalekhyaṃ vajram, pārthivatvāt, 
TBV-SD 47,02	kāṣṭhavat’ ityatrāpi sādhyasiddhiḥ syāt | nāpi vipakṣe tasyānupalambhanimitto'sau — vyatirekani- 
TBV-SD 47,03	ścāyakatvenānupalambhasya pūrvameva niṣiddhatvāt — kintu viparyaye tadbādhakapramāṇanimittaḥ; tacca bādhakaṃ 
TBV-SD 47,04	pramāṇamarthāpattipravṛtteḥ prāgevānupapadyamānasyārthasya tatra pravṛttimadabhyupagantavyam, anyathā'rthāpattyā 
TBV-SD 47,05	tasyānyathā'nupapadyamānatvāvagame'bhyupagamyamāne yāvat tasyānyathā'nupapadyamānatvaṃ nāvagataṃ na tāva- 
TBV-SD 47,06	darthāpattipravṛttiḥ, yāvacca na tatpravṛttirna tāvadarthāpattyutthāpakasyārthasyānyathā'nupapadyamānatvāvagama 
TBV-SD 47,07	itītaretarāśrayatvānnārthāpattipravṛttiḥ | ata eva yaduktam — 
TBV-SD 47,08		“avinābhāvitā cātra tadaiva parigṛhyate | 
TBV-SD 47,09		na prāgavagatetyevaṃ satyapyeṣā na kāraṇam || 
TBV-SD 47,10		tena saṃbandhavelāyāṃ saṃbandhyanyataro dhruvam | 
TBV-SD 47,11		arthāpattyaiva mantavyaḥ paścādastvanumānatā” ||  ityādi, 
TBV-SD 47,12	tannirastam; evamabhyupagame'rthāpatteranutthānasya pratipāditatvāt | sa ca tasya pūrvamanyathā'nupapadya- 
TBV-SD 47,13	mānatvāvagamaḥ kiṃ dṛṣṭāntadharmipravṛttapramāṇasaṃpādyaḥ, āhosvit svasādhyadharmipravṛttapramāṇasaṃpādya 
TBV-SD 47,14	iti ? tatra yadyādyaḥ pakṣastadā'trāpi vaktavyam — kiṃ tat dṛṣṭāntadharmiṇi pravṛttaṃ pramāṇaṃ sādhyadha- 
TBV-SD 47,15	rmiṇyapi sādhyānyathā'nupapannatvaṃ tasyārthasya niścāyayati, āhosvit dṛṣṭāntadharmiṇyeva ? tatra 
TBV-SD 47,16	yadyādyaḥ pakṣastadā'rthāpattyutthāpakasyārthasya liṅgasya vā svasādhyapratipādanavyāpāraṃ prati na kaścid 
TBV-SD 47,17	viśeṣaḥ | atha dvitīyaḥ, sa na yuktaḥ; nahi dṛṣṭāntadharmiṇi niścitasvasādhyānyathā'nupapadyamāna- 
TBV-SD 47,18	tvo'rtho'nyatra sādhyadharmiṇi tathā bhavati | na ca tathātvenāniścitaḥ sa sādhyadharmiṇi svasādhyaṃ pari- 
TBV-SD 47,19	kalpayatīti yuktam, atiprasaṅgāt | atha liṅgasya dṛṣṭāntadharmipravṛttapramāṇavaśāt sarvopasaṃhāreṇa 
TBV-SD 47,20	svasādhyaniyatatvaniścayaḥ, arthāpattyutthāpakasya tvarthasya svasādhyadharmiṇyeva pravṛttāt pramāṇāt sarvo- 
TBV-SD 47,21	pasaṃhāreṇādṛṣṭārthānyathā'nupapadyamānatvaniścaya iti liṅgā'rthāpattyutthāpakayorbhedaḥ | nāsmād bhedādarthā- 
TBV-SD 47,22	patteranumānaṃ bhedamāsādayati | anumāne'pi svasādhyadharmiṇyeva viparyayāddhetuvyāvarttakatvena pravṛttaṃ 
TBV-SD 47,23	pramāṇaṃ sarvopasaṃhāreṇa svasādhyaniyatatvaniścāyakamabhyupagantavyam; anyathā ‘sarvamanekāntātmakam, 
TBV-SD 47,24	sattvāt’ ityasya hetoḥ pakṣīkṛtavastuvyatirekeṇa dṛṣṭāntadharmiṇo'bhāvāt kathaṃ tatra pravarttamānaṃ bādhakaṃ 
TBV-SD 47,25	pramāṇamanekāntātmakatvaniyatatvamavagamayet sattvasya | na ca sādhyadharmiṇi dṛṣṭāntadharmiṇi ca pravartta- 
TBV-SD 47,26	mānena pramāṇenārthāpattyutthāpakasyārthasya liṅgasya ca yathākramaṃ pratibandho gṛhyata ityetāvanmātreṇā- 
TBV-SD 47,27	rthāpattyanumānayorbhedo'bhyupagantuṃ yuktaḥ, anyathā pakṣadharmatvasahitahetusamutthādanumānāt tadrahita- 
TBV-SD 47,28	hetusamutthamanumānaṃ pramāṇāntaraṃ syāditi pramāṇaṣaṭkavādo viśīryeta | niyamavato liṅgāt parokṣārtha- 
TBV-SD 47,29	pratipatteraviśeṣād ‘na tatastad bhinnam’ ityabhyupagame svasādhyāvinābhūtādarthādarthapratipatteraviśeṣādanu- 
TBV-SD 47,30	mānādarthāpatteḥ kathaṃ nābhedaḥ ? tadevaṃ pramāṇatve'rthāpatteranumāne'ntarbhāvāt anumānasya ca sarvajñā- 
TBV-SD 47,31	bhāvapratipādakasya niṣedhāt tanniṣedhe cārthāpatterapi tadabhāvagrāhakatvena niṣedhānnārthāpattisamadhi- 
TBV-SD 47,32	gamyo'pi sarvajñābhāvaḥ | abhāvākhyaṃ tu pramāṇamapramāṇatvādeva na tadabhāvasādhakam; pramāṇatve'pi 
TBV-SD 47,33	kimātmano'pariṇāmalakṣaṇaṃ tat, āhosvidanyavastuvijñānalakṣaṇamiti ? tatra yadyātmano'pariṇāma- 
TBV-SD 47,34	lakṣaṇaṃ tadabhāvasādhakamiti pakṣaḥ, sa na yuktaḥ; tasya sattvenābhyupagate paracetovṛttiviśeṣe'pi sadbhā- 
TBV-SD 47,35	venānaikāntikatvāt | athānyavijñānalakṣaṇamiti pakṣaḥ, so'pyasaṃbaddhaḥ; yataḥ sarvajñatvādanyad yadi 
TBV-SD 47,36	kiñcijjñatvaṃ tadviṣayaṃ jñānaṃ tadanyajñānaṃ tadā'trāpi vaktavyam — kiṃ sakaladeśa — kālavyavasthitapuruṣādhāraṃ 
TBV-SD 47,37	kiñcijjñatvam abhyupagamyate, āhosvit katipayapuruṣavyaktisamāśritamiti ? tatra yadi samastadeśa — 
TBV-SD 47,38	kālāśritapuruṣādhāraṃ kiñcijjñatvaṃ tadviṣayaṃ jñānaṃ tadanyajñānaṃ tat sarvajñābhāvaprasādhakam, tadayuktam; 
TBV-SD 47,39	sakaladeśa — kālavyavasthitapuruṣapariṣatsākṣātkaraṇavyatirekeṇa tadādhārasya kiñcijjñatvasya viṣayī- 
TBV-SD 47,40	kartumaśakterna tadviṣayasya tadanyajñānasya sarvajñābhāvāvagamanimittatvaṃ yuktam; sarvadeśa — kālavyavasthi- 
TBV-SD 48,01	tāśeṣapuruṣasākṣātkaraṇe ca sa eva sarvadarśī iti na tadabhāvābhyupagamaḥ śreyān | atha katipaya- 
TBV-SD 48,02	puruṣavyaktivyavasthitaṃ kiñcijjñatvaṃ tadanyat tadviṣayaṃ jñānaṃ tadanyajñānaṃ sarvajñābhāvāvedakam, tadapya- 
TBV-SD 48,03	yuktam; tajjñānāt tadabhāvāvagame katipayapuruṣavyaktivyavasthitasyaiva sarvajñatvasyābhāvaḥ sidhyet, na 
TBV-SD 48,04	sarvatra sarvadā sarvapuruṣeṣu; tathā ca siddhasādhanam, asmābhirapi kutracit kasyacid rathyāpuruṣādera- 
TBV-SD 48,05	sarvajñatvenābhyupagamāt | atha sarvajñatvādanyastadabhāvastadviṣayaṃ jñānaṃ tadanyajñānaṃ tadā'trāpi kiṃ 
TBV-SD 48,06	‘sarvadā sarvatra sarvaḥ sarvajño na’ ityevaṃ tat pravarttate, uta ‘kutracit kadācit kaścit sarvajño na’ 
TBV-SD 48,07	ityevam ? tatra nādyaḥ pakṣaḥ, sakaladeśa — kālapuruṣāsākṣātkaraṇe tadādhārasya tadabhāvasyāvagantuma- 
TBV-SD 48,08	śakyatvāt pradeśāpratyakṣīkaraṇe tadādhārasya ghaṭābhāvasyeva, tatsākṣātkaraṇe ca tadeva sarvajñatvam 
TBV-SD 48,09	iti na tadabhāvasiddhiḥ | atha dvitīyaḥ pakṣastadā na sarvatra sarvadā sarvajñābhāvasiddhiriti tadeva siddha- 
TBV-SD 48,10	sādhanam | ‘pramāṇapañcakanivṛttestadabhāvajñānam’ ityādi sarvaṃ prativihitamiti nābhāvapramāṇādapi 
TBV-SD 48,11	tadabhāvāvagamo'bhyupagantuṃ yuktaḥ ityādi yat tadapyaviditaparābhiprāyasya sarvajñavādino'bhidhānam | 
TBV-SD 48,12	yato nāsmākam ‘atīndriyasarvajñādipadārthabādhakaṃ pratyakṣādipramāṇaṃ svatantraṃ pravarttate’ itya- 
TBV-SD 48,13	bhyupagamaḥ — atīndriyeṣu svatantrasya pratyakṣādipramāṇasya bhavadabhihitaprāktanadoṣaduṣṭatvena pravṛttyasaṃ- 
TBV-SD 48,14	bhavāt — kintu prasaṅgasādhanābhiprāyeṇa sarvameva sarvajñapratikṣepapratipādakaṃ yuktijālamabhihitaṃ yathā- 
TBV-SD 48,15	rthamabhidhānamudvahadbhirmīmāṃsakaiḥ | ata eva tadabhiprāyaprakāśanaparaṃ bhagavato jaimineḥ sūtram — “satsa- 
TBV-SD 48,16	mprayoge puruṣasyendriyāṇāṃ buddhijanma tat pratyakṣam” iti, yato nānenāpi 
TBV-SD 48,17	sūtreṇa svātantryeṇa pratyakṣalakṣaṇamabhyadhāyi bhagavatā kintu lokaprasiddhalakṣaṇalakṣitapratyakṣānuvādena 
TBV-SD 48,18	tasya dharmaṃ pratyanimittatvaṃ vidhīyate | na caitadatrāpi vaktavyam — katarasya pratyakṣasya dharmaṃ pratyanimittatvaṃ 
TBV-SD 48,19	vidhīyate asmadādipratyakṣasya, sarvajñapratyakṣasya vā ? asmadādipratyakṣasya tadanimittatvapratipādane 
TBV-SD 48,20	siddhasādhanam | sarvajñapratyakṣasya bhavanmatenāprasiddhatvācchaśaviṣāṇasyeva kathaṃ taṃ pratyanimittatāvidhiḥ ? 
TBV-SD 48,21	athāpi syāt pareṇa tasyābhyupagatatvāt taṃ pratyanimittatvaṃ tatprasiddhyaivocyate, tadayuktam; parīkṣāpūrva- 
TBV-SD 48,22	katvenābhyupagamasya sthitatvāt, tatpūrvakaścet parasyābhyupagamastadā bhavato'pi tasya tadbhāvaḥ, parī- 
TBV-SD 48,23	kṣāyāḥ pramāṇarūpatvāt; pramāṇasiddhaṃ ca na parasyaiva siddham, pramāṇasiddhasya sarvairevābhyupagamanīya- 
TBV-SD 48,24	tvāt | atha pramāṇavyatirekeṇa pareṇa sarvajñapratyakṣamabhyupagataṃ tadā'sau pramāṇābhāvādeva nābhyupagamo 
TBV-SD 48,25	yuktaḥ | na ca pramāṇābhyupagatasyāsmadādipratyakṣavilakṣaṇasya sarvavitpratyakṣasya taṃ pratyanimittatvaṃ vidhātuṃ 
TBV-SD 48,26	yuktam, yato'smadādipratyakṣavilakṣaṇatvaṃ sarvavitpratyakṣasya dharmādigrāhakatvenaiva; taccet pramāṇato'bhyu- 
TBV-SD 48,27	pagatam, kathaṃ tasya taṃ pratyanimittatvamupapadyeta tadgrāhakapramāṇabādhitatvāt ? kiñca, ayaṃ paraspara- 
TBV-SD 48,28	viruddho'pi vākyārthaḥ syāt — pramāṇato dharmādigrāhakaṃ sarvavitpratyakṣaṃ yat prasiddhaṃ tad dharmādigrāhakaṃ 
TBV-SD 48,29	na bhavatīti yato na prasaṅgasādhane āśrayāsiddhatvādidūṣaṇaṃ kramate; nahi pramāṇamūlaparābhyupagama- 
TBV-SD 48,30	pūrvakameva prasaṅgasādhanaṃ pravarttate, kiṃ tarhi ? ‘yadi’arthābhyupagamadarśanapūrvakam | ata eva ‘prasaṅgasā- 
TBV-SD 48,31	dhanasya viparyayaphalatvam, viparyayasya ca atīndriyapadārthaviṣayapratyakṣaniṣedhaphalatvam, tanniṣedhe ca 
TBV-SD 48,32	kiṃ pratyakṣasya dharmiṇo niṣedhaḥ, atha taddharmasya pratyakṣatvasyeti ? pūrvasmin pakṣe hetūnāmāśrayāsiddhateti 
TBV-SD 48,33	pratipāditam | uttaratra pratyakṣatvaniṣedhe pramāṇāntaratvaprasaktiḥ, viśeṣapratiṣedhasya śeṣābhyanujñānala- 
TBV-SD 48,34	kṣaṇatvāt’ iti na preryam, yato viśeṣaniṣedhe tasya viśeṣarūpatvena sattvasyaiva pratiṣedhaḥ | na ca dharmya- 
TBV-SD 48,35	siddhatvādidoṣaḥ, ‘yadi’arthasyābhyupagatatvāt | kathaṃ punaratra prasaṅgaḥ viparyayo vā kriyate iti cet, 
TBV-SD 48,36	taducyate — ‘sārvajñaṃ pratyakṣaṃ yadyabhyupagamyate tadā tad dharmagrāhakaṃ na bhavati, vidyamānopalambhanatvāt | 
TBV-SD 48,37	na cāsiddho hetuḥ | tathāhi’ — vidyamānopalambhanamatīndriyārthajapratyakṣam, satsaṃprayogajatvāt | asyā- 
TBV-SD 48,38	pyasiddhatodbhāvane evaṃ vaktavyam — ‘vivādagocaraṃ pratyakṣaṃ satsaṃprayogajam, pratyakṣatvāt tacchabdavācya- 
TBV-SD 48,39	tvād vā, asmadādipratyakṣam sarvatra dṛṣṭāntaḥ’ iti prasaṅgaḥ | viparyayastvevam — ‘tad dharmagrāhakaṃ cet na 
TBV-SD 48,40	vidyamānopalambhanam, avidyamānatvād dharmasya | avidyamānopalambhanatve na satsaṃprayogajam | asa- 
TBV-SD 49,01	tsaṃprayogajatve na pratyakṣam, nāpi tacchabdavācyam’ | prasaṅgasādhanābhiprāyeṇaiva ‘yadi’arthopakṣepeṇa 
TBV-SD 49,02	vārttikakṛtā'pyabhihitam — 
TBV-SD 49,03		“yadi ṣaḍbhiḥ pramāṇaiḥ syāt sarvajñaḥ kena vāryate || 
TBV-SD 49,04		ekena tu pramāṇena sarvajño yena kalpyate | 
TBV-SD 49,05		nūnaṃ sa cakṣuṣā sarvatrasādīn pratipadyate || 
TBV-SD 49,06		yajjātīyaiḥ pramāṇaistu yajjātīyārthadarśanam | 
TBV-SD 49,07		dṛṣṭaṃ saṃprati lokasya tathā kālāntare'pyabhūt” || 
TBV-SD 49,08	punarapyuktam — 
TBV-SD 49,09		“ye'pi sātiśayā dṛṣṭāḥ prajñā — medhādibhirnarāḥ | 
TBV-SD 49,10		stokastokāntaratvena na tvatīndriyadarśanāt || 
TBV-SD 49,11		yatrāpyatiśayo dṛṣṭaḥ sa svārthānatilaṅghanāt | 
TBV-SD 49,12		dūra — sūkṣmādidṛṣṭau syānna rūpe śrotravṛttitaḥ” ||  ityādi | 
TBV-SD 49,13	tenātrāpi ‘svatantrānumānābhiprāyeṇāśrayāsiddhatvādidūṣaṇam’ ‘upamānopanyāsabuddhyā vā'śeṣopamā- 
TBV-SD 49,14	nopameyabhūtapuruṣapariṣatsākṣātkaraṇe upamānaṃ pravarttate’ ityādi dūṣaṇābhidhānaṃ ca sarvajñavadinaḥ svajā- 
TBV-SD 49,15	tyāviṣkaraṇāmātrakameva | ataḥ ‘atīndriyasarvavido na pratyakṣaṃ pravṛttidvāreṇa nivṛttidvāreṇa vā'bhāva- 
TBV-SD 49,16	sādhanam’ ityādi sarvamabhyupagamavādānnirastam | 
TBV-SD 49,17	yaccānumānena sarvajñābhāvasādhane dūṣaṇamabhihitam ‘kiṃ pramāṇāntarasaṃvādyarthasya vaktṛtvāt’ 
TBV-SD 49,18	ityādi, tad dhūmādagnyanumāne'pi samānam | tathāhi — tatrāpi vaktuṃ śakyate — kiṃ sādhya- 
TBV-SD 49,19	dharmisaṃbandhī dhūmo hetutvenopanyastaḥ, uta dṛṣṭāntadharmisaṃbandhī ? tatra yadi sādhyadharmisaṃbandhī 
TBV-SD 49,20	hetustadā tasya dṛṣṭānte'saṃbhavādananvayadoṣaḥ | atha dṛṣṭāntadharmisaṃbandhī, so'siddhaḥ; dṛṣṭānta- 
TBV-SD 49,21	dharmidharmasya sādhyadharmiṇyasaṃbhavāt | athobhayasādhāraṇaṃ dhūmatvasāmānyaṃ hetustadā tasya vipa- 
TBV-SD 49,22	kṣe'nagnau virodhāsiddheḥ sandigdhavipakṣavyāvṛttikatvena svasādhyāgamakatvam | atha vipakṣe'nagnau 
TBV-SD 49,23	dhūmasyānupalambhād virodhasiddherna sandigdhavipakṣavyāvṛttikatvam; nanvatrāpi vaktuṃ śakyam — sarva- 
TBV-SD 49,24	saṃbandhino'nupalambhasyāsaṃbhavāt anagnau deśāntare kālāntare vā kenacid dhūmasyopalambhāt | 
TBV-SD 49,25	tadupalabdhimataḥ kasyacidabhāvāt sarvasaṃbandhino'nupalambhasya saṃbhava iti cet, kena punaḥ 
TBV-SD 49,26	pramāṇenānagnau dhūmasattvagrāhakapuruṣābhāvaḥ pratipannaḥ ? yadyanyataḥ pramāṇāt, tata evānagnerdhūmasya 
TBV-SD 49,27	vyāvṛttisiddhervyarthaṃ sarvasaṃbandhyanupalambhalakṣaṇasya vipakṣe dhūmavirodhasādhakasya pramāṇasyābhidhā- 
TBV-SD 49,28	nam | atha tathābhūtānupalambhāt tadabhāvāvagamaḥ; nanu tathābhūtapuruṣābhāve tadanupalambhasaṃbhavaḥ, 
TBV-SD 49,29	tatsaṃbhavācca tathābhūtapuruṣābhāvasiddhiritītaretarāśrayatvād na sarvasaṃbandhino'nupalambhasya saṃ- 
TBV-SD 49,30	bhavaḥ; saṃbhave'pi tasyāsiddherna viparyaye virodhasādhakatvam | athātmasaṃbandhino'nupalambhasya 
TBV-SD 49,31	dhūmatvalakṣaṇahetorvipakṣād vyāvṛttisādhakatvam, na; tasya paracetovṛttiviśeṣairanaikāntikatvāt | 
TBV-SD 49,32	athānupalambhavyatiriktaṃ dhūmalakṣaṇasya hetorviparyaye bādhakaṃ pramāṇamasti na tu vaktṛtvalakṣaṇasya, 
TBV-SD 49,33	kiṃ punastaditi vaktavyam ? agni — dhūmayoḥ kāryakāraṇabhāvalakṣaṇapratibandhagrāhakamiti cet, kaḥ 
TBV-SD 49,34	punarasau kāryakāraṇabhāvaḥ, kiṃ vā tadgrāhakaṃ pramāṇam ? agnibhāve eva dhūmasya bhāvastadabhāve cābhāva 
TBV-SD 49,35	eva asau, tadgrāhakaṃ ca pramāṇaṃ pratyakṣā'nupalambhasvabhāvam | nanu kiñcijjñatvasya tadvyāpakasya vā 
TBV-SD 49,36	rāgādimattvasya bhāve eva vaktṛtvasya bhāvaḥ svātmanyeva dṛṣṭaḥ, tadabhāve cā'bhāva evopalādāva- 
TBV-SD 49,37	vigānenānupalambhato jñāta iti kathaṃ na viparyaye sarvajñatve vītarāgatve vā vaktṛtvalakṣaṇasya heto- 
TBV-SD 49,38	rbādhakaṃ kāryakāraṇabhāvalakṣaṇapratibandhagrāhakaṃ pratyakṣānupalambhākhyaṃ pramāṇaṃ darśanādarśanaśabdavācyaṃ 
TBV-SD 50,01	yuktam ? na ca darśanādarśanaśabdavācyasyāsmadabhyupagatapramāṇasya pratyakṣānupalambhaśabdavācyasya vā 
TBV-SD 50,02	bhavadabhipretasya kaścidviśeṣaḥ prakṛtahetu — sādhyapratibandhasādhane upalabhyate | atha kiñcijjñatva — rāgā- 
TBV-SD 50,03	dimattvasadbhāve'pi svātmani na taddhetukaṃ vaktṛtvaṃ pratipannam kintu vaktukāmatāhetukam; rāgā- 
TBV-SD 50,04	disadbhāve'pi vaktukāmatā'bhāve'bhāvād vacanasya | nanvevaṃ vyabhicāre vivakṣā'pi na vacane nimittaṃ 
TBV-SD 50,05	syāt, tatrāpyanyavivakṣāyāmanyaśabdadarśanāt; anyathā gotraskhalanāderabhāvaprasaṅgāt | athārtha- 
TBV-SD 50,06	vivakṣāvyabhicāre'pi śabdavivakṣāyāmavyabhicāraḥ, na; svapnāvasthāyām anyagatacittasya vā śabdavi- 
TBV-SD 50,07	vakṣā'bhāve'pi vaktṛtvasaṃvedanāt | na ca vyavahitā vivakṣā tasya nimittamiti parihāraḥ, evama- 
TBV-SD 50,08	bhyupagame pratiniyatakāryakāraṇabhāvābhāvaprasaṅgāt sarvasya tatprāpteḥ | tanna vaktukāmatānimittama- 
TBV-SD 50,09	pyekāntato vacanaṃ siddham, vyatirekāsiddheḥ | anvayastu kiñcijjñatvena rāgādimattvena vā vacanasya 
TBV-SD 50,10	siddho na vaktukāmatayā | atha kiñcijjñatvādyabhāve sarvatra vaktṛtvaṃ na bhavatītyatra pramāṇābhāvā- 
TBV-SD 50,11	nnāsarvajña — vaktṛtvayoḥ kāryakāraṇabhāvalakṣaṇaḥ pratibandhaḥ sidhyati, tarhi vahnyabhāve dhūmaḥ sarvatra na 
TBV-SD 50,12	bhavatītyatrāpi pramāṇābhāvastulya iti na pratibandhagrahaḥ | athāgnyabhāve'pi yadi dhūmaḥ syāt 
TBV-SD 50,13	tadā'sau taddhetuka eva na bhavediti sakṛdapyahetoragnestasya na bhāvaḥ syāt, dṛśyate ca mahānasā- 
TBV-SD 50,14	dāvagnita iti nānagnerdhūmasadbhāva iti pratibandhasiddhiḥ | nanu yathendhanāderekadā samudbhūto'pi 
TBV-SD 50,15	vahniranyadā'raṇito maṇyādervā bhavannupalabhyate, dhūmo vā vahnita upajāyamāno'pi gopālaghaṭikādau 
TBV-SD 50,16	pāvakodbhūtadhūmādapyupajāyate ityavagamastathā kadācidagryabhāve'pi bhaviṣyatīti kutaḥ pratibandha- 
TBV-SD 50,17	siddhiḥ ? atha yādṛśo vahnirindhanādisāmagrīta upajāyamāno dṛṣṭo na tādṛśo'raṇito maṇyādervā, 
TBV-SD 50,18	dhūmo'pi yādṛśo'gnita upajāyate na tādṛśa eva gopālaghaṭikādāvagniprabhavadhūmāt | anyādṛśāt 
TBV-SD 50,19	tādṛśabhāve tādṛśatvamahetukamiti na tasya kvacidapi pratiniyamaḥ syāt, ahetordeśa — kāla — svabhāva- 
TBV-SD 50,20	niyamāyogāditi nāgnijanyadhūmasya tatsadṛśasya vā'nagnerbhāvaḥ; bhāve vā tādṛśadhūmajanakasyāgnisvabhā- 
TBV-SD 50,21	vataiveti na vyabhicāraḥ | taduktam — 
TBV-SD 50,22		“agnisvabhāvaḥ śakrasya mūrddhā yadyagnireva saḥ | 
TBV-SD 50,23		athānagnisvabhāvo'sau dhūmastatra kathaṃ bhavet” ||  ityādi | 
TBV-SD 50,24	tadetad vaktṛtve'pi samānam | tathāhi — yadi sarvajñe vītarāge vā vacanaṃ syād asarvajñād rāgādiyu- 
TBV-SD 50,25	ktād vā kadācidapi na syāt, ahetoḥ sakṛdapyasaṃbhavāt; bhavati ca tat tataḥ | ato na sarvajñe 
TBV-SD 50,26	tasya tatsadṛśasya vā saṃbhava iti pratibandhasiddhiḥ | atha deśāntare kālāntare vā'sarvajñakāryameva 
TBV-SD 50,27	vacanaṃ na sarvajñaprabhavamiti na darśanā'darśanapramāṇagamyam — darśanasyeyadvyāpārāsaṃbhavāt adarśanasya ca 
TBV-SD 50,28	prāgevaivaṃbhūtārthagrāhakatvena niṣiddhatvāt — tarhi sarvadā'gniprabhava eva dhūmo'gnyabhāve kadācanāpi na 
TBV-SD 50,29	bhavatītyatrāpi pratyakṣasya sannihitavarttamānārthagrāhakatvenāpravṛtteḥ, anupalambhasyāpi tadviviktapradeśa- 
TBV-SD 50,30	viṣayapratyakṣasvabhāvasyātra vastuni vyāpārāsaṃbhavād na kāryakāraṇabhāvalakṣaṇaḥ pratibandhaḥ pratyakṣā- 
TBV-SD 50,31	nupalambhasādhanaḥ syāt | nāpyanumānato'pi prakṛtaḥ pratibandhaḥ siddhimāsādayati, itaretarāśrayā'na- 
TBV-SD 50,32	vasthādoṣaprasaṅgasya pradarśitatvāt | na cānyat pratibandhaprasādhakaṃ pramāṇamastīti prasiddhānumānasyāpi 
TBV-SD 50,33	sarvajñābhāvā''vedakānumānanirāsayuktyupakṣepamicchato'trābhāvaḥ prasaktaḥ | atha prasiddhānumāne sā- 
TBV-SD 50,34	dhyasādhanayoḥ pratibandhaḥ tatprasādhakaṃ ca pramāṇaṃ kiñcidasti tarhi sa eva pratibandhaḥ kiñcijjñatva — 
TBV-SD 50,35	vaktṛtvayoḥ tatprasādhakaṃ ca tadeva pramāṇaṃ bhaviṣyatīti siddhaḥ pratibandhaḥ kiñcijjñatva — vaktṛtvayora- 
TBV-SD 50,36	gni — dhūmayoriva ata eva ‘vyāpyābhyupagamo vyāpakābhyupagamanāntarīyako yatra darśyate tat prasaṅgasādha- 
TBV-SD 50,37	nam’ iti tallakṣaṇasya yuṣmadabhyupagamenātra sadbhāvād bhavatyevāto'numānāt sarvajñābhāvasiddhiḥ | pakṣa- 
TBV-SD 50,38	dharmatā'bhāvapratipādana ca yat prakṛtaprasaṅgasādhane pratipāditaṃ tad abhyupagamavādānnirastam, tatra 
TBV-SD 50,39	pakṣadharmatāyā hetorabhāve'pi gamakatvasya siddhatvāt | śeṣastu pūrvapakṣagrantho'nabhyupagamānnirasta iti 
TBV-SD 50,40	na pratyuccārya dūṣitaḥ | ato'yuktamuktam ‘sarvajñavādināṃ yathā tatsādhakapramāṇābhāvād na tadviṣayaḥ 
TBV-SD 50,41	sadvyavahārastathā tadabhāvavādināṃ mīmāṃsakādīnāṃ tadabhāvagrāhakapramāṇābhāvādeva na tadabhāvavyava- 
TBV-SD 50,42	hāraḥ’ iti, prasaṅgasādhanasya tadabhāvasādhakasya samarthitatvāt | 
TBV-SD 51,01	atha yad abhyāsavikalacakṣurādijanitaṃ pratyakṣaṃ tad dharmādigrāhakaṃ na bhavatīti prasaṅga- 
TBV-SD 51,02	sādhanāt sidhyati na punaranyādṛgbhūtam, codanāvadanyādṛśasya dharmagrāhakatvāvirodhāt | nanu 
TBV-SD 51,03	kiṃ tajjñānaṃ pratiniyatacakṣurādijanitaṃ dharmādigrāhakam, utābhyāsajanitam, āhosvit śabda- 
TBV-SD 51,04	janitam, kiṃvā'numānaprabhāvitam ? tatra yadi cakṣurādiprabhavam, tadayuktam; cakṣurādīnāṃ prati- 
TBV-SD 51,05	niyatarūpādiviṣayatvena tatprabhavasya tajjñānasya dharmādigrāhakatvāyogāt | ata eva “yadi 
TBV-SD 51,06	ṣaḍbhiḥ” ityādyuktaṃ dūṣaṇamatra pakṣe | athābhyāsajanitaṃ taditi pakṣaḥ — tathāhi — jñānābhyāsāt 
TBV-SD 51,07	prakarṣataratamādiprakrameṇa tatprakarṣasambhave taduttarottarābhyāsasamanvayāt sakalabhāvātiśayaparyantaṃ 
TBV-SD 51,08	saṃvedanamavāpyata iti, tadapi manorathamātram; yato'bhyāso hi nāma kasyacit pratiniyata- 
TBV-SD 51,09	śilpakalādau pratiniyatopadeśasadbhāvavato janmato janasya saṃbhāvyate na tu sarvapadārthaviṣayopa- 
TBV-SD 51,10	deśasaṃbhavaḥ | na ca sarvapadārthaviṣayānupadeśajñānasaṃbhavo yena tajjñānābhyāsāt sakalajñānaprāptiḥ, 
TBV-SD 51,11	tatsaṃbhave vā sakalapadārthaviṣayajñānasya siddhatvāt kimabhyāsaprayāsena ? kiṃca, tadabhyāsapravarttakaṃ 
TBV-SD 51,12	jñānaṃ yadi cakṣurādipratiniyatakaraṇaprabhavamapyanyendriyaviṣayarasādigocaram atīndriyārthagocaraṃ ca 
TBV-SD 51,13	syāt tadā padārthaśakteḥ pratiniyatatvena pramāṇasiddhāyā abhāvāt pratiniyatakāryakāraṇabhāvābhā- 
TBV-SD 51,14	vaprasaktisadbhāvāt sakalavyavahārocchedaprasaktiḥ | athābhyāsasahāyānāṃ cakṣurādīnāmapi sarvajñāva- 
TBV-SD 51,15	sthāyāmatīndriyadarśanaśaktirna ca vyavahārocchedaḥ, asmadādicakṣurādīnāmanabhyāsadaśāyāṃ śaktipra- 
TBV-SD 51,16	tiniyamād asmadādaya eva vyavahāriṇa iti, etadapyasamīcīnam; na khalvabhyāse satyapyanyato vā 
TBV-SD 51,17	hetoḥ kasyacidatīndriyadarśanaṃ cakṣurādibhya upalabhyate; dṛṣṭānusāriṇyaśca kalpanā bhavantīti | kiṃca, 
TBV-SD 51,18	sarvapadārthavedane cakṣurādijanitajñānāt tadabhyāsaḥ, tatsahāyaṃ ca cakṣurādikaṃ sarvajñāvasthāyāṃ sarvapadā- 
TBV-SD 51,19	rthasākṣātkārijñānaṃ janayatīti kathamitaretarāśrayametat kalpanāgocaracāri caturacetaso bhavata iti 
TBV-SD 51,20	na dvitīyo'pi pakṣo yuktikṣamaḥ | atha śabdajanitaṃ tajjñānam, nanu śabdasya tatpraṇītatvena prāmāṇye 
TBV-SD 51,21	sarvapadārthaviṣayajñānasaṃbhavaḥ, tajjñānasaṃbhave ca sarvajñasya tathābhūtaśabdapraṇetṛtvamitītaretarāśrayadoṣā- 
TBV-SD 51,22	nuṣaṅgaḥ | ata evoktam — 
TBV-SD 51,23		“narte tadāgamāt sidhyed na ca tenāgamo vinā” |  iti | 
TBV-SD 51,24	na ca śabdajanitaṃ spaṣṭābhamiti na tajjñānavān sakalajña ityabhyupagamyate, evaṃ ca preraṇājani- 
TBV-SD 51,25	tajñānavato dharmajñatvam; ata evoktam — “codanā hi bhūtaṃ bhavantam” ityādi, tanna tṛtīya- 
TBV-SD 51,26	pakṣo'pi yuktisaṅgataḥ | anumānajanitajñānena tu sarvavittve na dharmajñatvam, dharmāderatīndriya- 
TBV-SD 51,27	tvena tajjñāpakaliṅgatvenābhyupagamyamānasyārthasya tena saha saṃbandhāsiddheḥ; asiddhasaṃbandhasya cā'- 
TBV-SD 51,28	jñāpakatvānna tato dharmādyanumānam ityanumānajanitaṃ jñānaṃ na sakaladharmādipadārthā''vedakam | 
TBV-SD 51,29	kiṃca, tathābhūtapadārthajñānena yadi sarvavidabhyupagamyate tadā asmadādīnāmapi sarvavittvamani- 
TBV-SD 51,30	vāritaprasaram, ‘bhāvābhāvobhayarūpaṃ jagat, prameyatvāt’ ityanumānasyāsmadādīnāmapi bhāvāt; 
TBV-SD 51,31	aspaṣṭaṃ cā'numānamiti tajjanitasyāpyavaiśadyasaṃbhavānna tajjñānavān sarvajño yuktaḥ | athānumānajñānaṃ 
TBV-SD 51,32	prāgaviśadamapi tadevāśeṣapadārthaviṣayaṃ punaḥpunarbhāvyamānaṃ bhāvanāprakarṣaparyante yogijñānarūpatāmā- 
TBV-SD 51,33	sādayad vaiśadyabhāg bhavati, dṛṣṭaṃ cābhyāsabalād jñānasyānakṣajasyāpi kāma — śoka — bhayo — nmāda — 
TBV-SD 51,34	caurasvapnādyupaplutasya vaiśadyam; nanvevaṃ tajjñānavad atīndriyārthavidvijñānasyāpyupaplutatvaṃ syāditi 
TBV-SD 51,35	tajjñānavataḥ kāmādyupaplutapuruṣavad viparyastatvam | atha yathā rajo — nīhārādyāvaraṇāvṛtavṛkṣādidarśana- 
TBV-SD 51,36	maviśadaṃ tadāvaraṇāpāye vaiśadyamanubhavati evaṃ rāgādyāvārakāṇāṃ vijñānāvaiśadyahetūnāmapāye sarvajñajñānaṃ 
TBV-SD 51,37	viśadatāmanubhaviṣyatīti, asadetat; rāgādīnāmāvaraṇatvāsiddheḥ, kuḍyādīnāmeva hyāvārakatvaṃ loke 
TBV-SD 51,38	prasiddhaṃ na rāgādīnām | tathāhi — rāgādisadbhāve'pi kuḍyādyāvārakābhāve vijñānamutpadyamānaṃ dṛṣṭam, 
TBV-SD 51,39	rāgādyabhāve'pi kuḍyādyāvārakasadbhāve na vijñānodaya ityanvaya — vyatirekābhyāṃ kuḍyādīnāmevā''vara- 
TBV-SD 51,40	ṇatvāvagamo na rāgādīnāmiti na rāgādaya āvārakā iti na tadvigamo'pi sarvavidvijñānasya 
TBV-SD 51,41	vaiśadyahetuḥ | 
TBV-SD 52,01	kiṃca, sarvavedanaṃ sarvajñajñānena kiṃ samastapadārthagrahaṇam, uta śaktiyuktatvam, āhosvit pradhā- 
TBV-SD 52,02	nabhūtakatipayapadārthagrahaṇam ? tatra yadyādyaḥ pakṣastatrāpi vaktavyam — kiṃ krameṇa tadgrahaṇam, āhosvid 
TBV-SD 52,03	yaugapadyena ? tatra yadi krameṇa tadgrahaṇam, tadayuktam; atītā'nāgatavarttamānapadārthānāmaparisamāptesta- 
TBV-SD 52,04	jjñānasyāpyaparisamāptitaḥ sarvajñatā'yogāt | atha yugapad anantātītā'nāgatapadārthasākṣātkāri tadve- 
TBV-SD 52,05	danamabhyupagamyate, tadapyasat; parasparaviruddhānāṃ śītoṣṇādīnāmekajñāne pratibhāsāsaṃbhavāt; saṃbhave 
TBV-SD 52,06	vā na kasyacidarthasya pratiniyatasya tad grāhakaṃ syāditi tajjñānena asmadādibhyo'pi vyava- 
TBV-SD 52,07	hāribhyo hīnatara iti kathaṃ sarvajñaḥ ? kiṃca, yadi yugapat sarvapadārthagrāhakaṃ tajjñānam tadaikakṣaṇe eva 
TBV-SD 52,08	sarvapadārthagrahaṇād dvitīyakṣaṇe'kiñcijjña eva syāt; tataśca kiṃ tena tādṛśā'kiñcijjñena sarvajñatvena ? 
TBV-SD 52,09	na cānādyanantasaṃvedanasya parisamāptiḥ, parisamāptau vā kathamanādyanantatā ? kiṃca, sakalapadārtha- 
TBV-SD 52,10	sākṣātkaraṇe parastharāgādisākṣātkaraṇamiti rāgādimānapi sa syād viṭa iva | atha rāgādisaṃve- 
TBV-SD 52,11	danameva nāsti na tarhi sakalapadārthasākṣātkaraṇam; tanna prathamaḥ pakṣaḥ | atha śaktiyuktatvena sakala- 
TBV-SD 52,12	padārthasaṃvedanaṃ tajjñānamabhyupagamyate, tadapi na yuktam; sarvapadārthā'vedane tacchakterjñātumaśakteḥ; 
TBV-SD 52,13	kāryadarśanānumeyatvācchaktīnām | kiṃca, sarvapadārthajñānaparisamāptāvapi‘iyadeva sarvam’ iti kathaṃ 
TBV-SD 52,14	paricchedaśaktiḥ ? atha vedanā'bhāvādabhāvo'parasyeti sarvasaṃvedanam, avedanādabhāvo'parasyeti 
TBV-SD 52,15	kuto niścayaḥ ? tadapekṣayā tasyopalabdhilakṣaṇaprāptatvāt tathābhūtānupalabdhyā'bhāvaniścaya iti cet, 
TBV-SD 52,16	evaṃ sati sa evetaretarāśrayadoṣaḥ — sarvajñatvaniścaye tadabhāvaniścayaḥ, tadabhāvaniścaye ca sarvajñatvaniścaya 
TBV-SD 52,17	iti naikasyāpi siddhiḥ; tanna dvitīyo'pi pakṣaḥ | atha yāvadupayogi pradhānabhūtapadārthajātaṃ tāvadasau 
TBV-SD 52,18	vettīti tatparijñānāt sakalajñaḥ, tadapi sarvapadārthā'vedane niyamena na saṃbhavati; ‘sakalapadārtha- 
TBV-SD 52,19	vyavacchedena teṣāmeva prayojananivarttakatvam’ iti sakalaparijñānamantareṇāśakyasādhanamiti na 
TBV-SD 52,20	tṛtīyo'pi pakṣo yuktaḥ | 
TBV-SD 52,21	kiṃca, nityasamādhānasaṃbhave vikalpābhāvāt kathaṃ vacanam ? vacane vā vikalpasaṃbhavāt samā- 
TBV-SD 52,22	dhānavirodhānna samāhitatvamiti bhrāntacchādmasthikajñānayuktaḥ sa syāt | kathaṃ vā'tītānāgata- 
TBV-SD 52,23	grahaṇam atītādeḥ svarūpasyāsaṃbhavāt ? asadākāragrahaṇe ca taimirikajñānavat pramāṇatvaṃ na 
TBV-SD 52,24	syāt | athātītādikamapyasti, evaṃ satyatītāditvāderapyabhāva eveti sarvajñavyavahārocchedaḥ | 
TBV-SD 52,25	atha pratipādyāpekṣayā tasyābhāvaḥ, tadapyayuktam; nahi vidyamānamevāpekṣayā tadaivāvidyamānaṃ 
TBV-SD 52,26	bhavati | tasyānupalabdheravidyamānatvameveti cet, tadanupalabdhirevāstu kathamavidyamānam ? na 
TBV-SD 52,27	hyanyasyābhāve'nyasyāpyabhāvaḥ, atiprasaṅgāt | tasyāsāvavidyamānatvena pratibhātīti cet, sa tarhi 
TBV-SD 52,28	bhrāntaḥ, asadvikalpasaṃbhavāt; tasyāsadvikalpasya viṣayīkaraṇāt sarvajño'pi bhrānta eveti kathaṃ sarva- 
TBV-SD 52,29	vit ? atha vikalpasyāpi svarūpe'bhrāntatvameva tena tasya vedanaṃ sarvajñajñānamabhrāntam, evaṃ tarhi 
TBV-SD 52,30	svarūpasākṣātkaraṇameva kevalam kathamatītādyavidyamānasākṣātkaraṇam ? tataścātītānāgatapadārthā- 
TBV-SD 52,31	bhāvāt tatsākṣātkaraṇāsaṃbhavānna tadgrahaṇāt sarvajñaḥ | kiṃca, svarūpamātravedane tanmātrasyaiva vidya- 
TBV-SD 52,32	mānatvāt tadvedane'dvaitavedanād na sarvajñavyavahāraḥ tadbhāve vā sarvaḥ sarvavit syāt | athāpi syāt 
TBV-SD 52,33	satyasvapnadarśanavad atītānāgatādidarśanam tato vyavahāraḥ iti, tadapyayuktam; satyasvapnadarśanasya 
TBV-SD 52,34	svarūpamātravedane na satyāsatyavibhāgaḥ kintvānumānikaḥ, satyasvapnasvarūpasaṃvedanasya tanmātraparyava- 
TBV-SD 52,35	sitatvāt | kiṃca, atītānāgatakālasaṃbandhitvāt padārthānāmatītānāgatatvam taddhi bhavat 
TBV-SD 52,36	kimaparātītānāgatakālasaṃbandhād abhyupagamyate, āhosvit svata eva ? yadyaparātītānāgatakāla- 
TBV-SD 52,37	saṃbandhāt kālasyātītānāgatatvaṃ tadā tasyāpyaparātītānāgatakālasaṃbandhādatītānāgatatvam, tasyā- 
TBV-SD 52,38	pyaparasmādityanavasthā | athātītānāgatapadārthakriyāsaṃbandhāt kālasyātītānāgatatvaṃ tenāyamadoṣaḥ; 
TBV-SD 52,39	nanu padārthakriyāṇāmapi kuto'tītānāgatatvam ? yadyaparātītānāgatapadārthakriyāsadbhāvāt tadā'trāpi 
TBV-SD 53,01	saivānavasthā | atītānāgatakālasaṃbandhāt padārthakriyāṇāmatītānāgatatvaṃ tarhi kālasyāpyatītā- 
TBV-SD 53,02	nāgatapadārthakriyāsaṃbandhādatītānāgatatvamiti vyaktamitaretarāśrayatvam, tanna prathamaḥ pakṣaḥ | atha 
TBV-SD 53,03	svarūpata eva kālasyātītānāgatatvaṃ tadā padārthānāmapi svata evātītānāgatatvamastu kimatītānā- 
TBV-SD 53,04	gatakālasaṃbandhitvena ? tacca padārthasvarūpamasmadādijñāne'pi pratibhātīti nātītānāgatapadārthagrāhitve- 
TBV-SD 53,05	nāsmadādibhyaḥ sarvajñasya viśeṣaḥ | api ca, saṃbandhasyānyatra vistarato niṣiddhatvānna kasyacit kenacit 
TBV-SD 53,06	saṃbandha ityatītānāgatādisaṃbaddhapadārthagrāhijñānamasadarthaviṣayatvena bhrāntaṃ syāditi na bhrāntajñānavān 
TBV-SD 53,07	sarvajñaḥ kalpayituṃ yuktaḥ | bhavatu vā sarvajñastathāpyasau tatkāle'pyasarvajñairjñātuṃ na śakyate, tadgrāhya- 
TBV-SD 53,08	padārthājñāne tadgrāhakajñānavataḥ kenacit pramāṇena pratipattumaśakteḥ | taduktam — 
TBV-SD 53,09		“sarvajño'yamiti hyetat tatkāle'pi bubhutsubhiḥ | 
TBV-SD 53,10		tajjñānajñeyavijñānarahitairgamyate katham ? || 
TBV-SD 53,11		kalpanīyāstu sarvajñā bhaveyurbahavastava | 
TBV-SD 53,12		ya eva syādasarvajñaḥ sa sarvajñaṃ na budhyate” || 
TBV-SD 53,13	na ca tadaparijñāne tatpraṇītatvenāgamasya prāmāṇyamavagantuṃ śakyam; tadanavagame ca tadvihitānuṣṭhāne 
TBV-SD 53,14	pravṛttirapyasaṅgatā | taduktam — 
TBV-SD 53,15		“sarvajño nāvabuddhaśced yenaiva syānna taṃ prati | 
TBV-SD 53,16		tadvākyānāṃ pramāṇatvaṃ mūlājñānena vākyavat” ||  iti | 
TBV-SD 53,17	tadevaṃ sarvajñasadbhāvagrāhakasya pramāṇasyābhāvāt tatsadbhāvabādhakasya cānekadhā pratipāditatvāt 
TBV-SD 53,18	sarvajñābhāvavyavahāraḥ pravarttayituṃ yuktaḥ | tathāhi — ye bādhakapramāṇagocaratāmāpannāste ‘asad’ iti 
TBV-SD 53,19	vyavaharttavyāḥ, yathā aṅgulyagre kariyūthādayaḥ, bādhakapramāṇagocarāpannaśca bhavadabhyupagamaviṣayaḥ 
TBV-SD 53,20	sakalapadārthasārthasākṣātkārītyasadvyavahāraviṣayatvaṃ sarvavido'bhyupagantavyamiti pūrvapakṣaḥ || 
TBV-SD 53,22	atra pratividhīyate — yattāvaduktam ‘ye deśa — kāla — svabhāvavyavahitāḥ pramāṇaviṣayatāmanāpannā 
TBV-SD 53,23	na te sadvyavahāragocaracāriṇaḥ’ ityādi, tadayuktam; sarvavidi pramāṇaviṣayatvasya pratipādayiṣyamā- 
TBV-SD 53,24	ṇatvād asiddho hetustadaviṣayatvalakṣaṇaḥ | yadapyabhyadhāyi ‘na tāvadakṣasaṃbhavajñānasaṃvedyastadbhāvaḥ, 
TBV-SD 53,25	akṣāṇāṃ pratiniyataviṣayatvena tatsākṣātkaraṇavyāpārāsaṃbhavāt’ tat siddhameva sādhitam | yadapyuktam 
TBV-SD 53,26	‘nāpyanumānasya tatra vyāpāraḥ, taddhi pratibandhagrahaṇe pakṣadharmatāgrahaṇe ca hetoḥ pravarttate; na ca 
TBV-SD 53,27	pratibandhagrahaṇaṃ pratyakṣatastatra saṃbhavati’ ityādi, tad dhūmāderagnyādiprabhavatvānumāne'pi samānam | 
TBV-SD 53,28	athāgnyādeḥ pratyakṣatvāt tata eva tatprabhavatva — kāryaviśeṣatvayordhūmādau pratibandhasiddhiḥ, nanu dhūmasya 
TBV-SD 53,29	kimagnisvarūpagrāhakapratyakṣeṇa pāvakapūrvakatvamavagamyate, uta dhūmasvabhāvagrāhiṇeti kalpanādvayam | 
TBV-SD 53,30	tatra na tāvadādyaḥ pakṣaḥ, pāvakarūpagrāhi pratyakṣaṃ tatsvabhāvamātragrahaṇaparyavasitameva na dhūmarūpapravedana- 
TBV-SD 53,31	pravaṇam, tadapravedane ca na tadapekṣayā tena vahneḥ kāraṇatvāvagamaḥ; nahi pratiyogisvarūpāgrahaṇe taṃ prati 
TBV-SD 53,32	kasyacit kāraṇatvamanyadvā dharmāntaraṃ grahītuṃ śakyam, atiprasaṅgāt | atha dhūmasvarūpapratipattimatā 
TBV-SD 53,33	pratyakṣeṇa tasya citrabhānuṃ prati kāryatvasvabhāvaṃ tatprabhavatvaṃ gṛhyate, nanu tasyāpi pāvakasvarūpagrāhaka- 
TBV-SD 53,34	tvenāpravṛttestadagrahaṇe tadapekṣaṃ kāryatvaṃ dhūmasya kathamavagamaviṣayaḥ ? athāgni — dhūmadvayasvarūpagrāhiṇā 
TBV-SD 53,35	pratyakṣeṇa tayoḥ kāryakāraṇabhāvaniścayaḥ, tadapyasaṅgatam; dvayagrāhiṇyapi jñāne tayoḥ svarūpameva bhāti 
TBV-SD 53,36	na punaragnerdhūmaṃ prati kāraṇatvam dhūmasya vā taṃ prati kāryatvam; na hi padārthadvayasya svasvarūpaniṣṭhasyai- 
TBV-SD 53,37	kajñānapratibhāsamātreṇa kāryakāraṇabhāvapratibhāsaḥ; anyathā ghaṭa — paṭayorapi svasvarūpaniṣṭhayorekajñā- 
TBV-SD 53,38	napratibhāsaḥ kvacidastīti tayorapi kāryakāraṇabhāvāvagamaprasaṅgaḥ | atha yasya pratibhāsānantaraṃ 
TBV-SD 54,01	yatpratibhāsa ekajñānanibandhanastayostadavagama iti nāyaṃ doṣaḥ, tadapi ghaṭapratibhāsānantaraṃ paṭaprati- 
TBV-SD 54,02	bhāse kvacid jñāne samānam | na ca kramabhāvipadārthadvayapratibhāsamanvayyekaṃ jñānamiti śakyaṃ vaktum, 
TBV-SD 54,03	pratibhāsabhedasya bhedanibandhanatvāt; anyatrāpi tadbhedavyavasthāpitatvād bhedasya, sa ca kramabhāvipra- 
TBV-SD 54,04	tibhāsadvayādhyāsitajñāne samastīti kathaṃ na tasya bhedaḥ ? na caikameva jñānaṃ janmānantarakṣaṇādikā- 
TBV-SD 54,05	lamāsta iti bhavatāmabhyupagamaḥ | taduktam — “kṣaṇikā hi sā, na kālāntaramāste” 
TBV-SD 54,06	iti | atha vahni — dhūmasvarūpadvayagrāhijñānadvayānantarabhāvismaraṇasahakāri indriyaṃ savikalpakajñānaṃ jana- 
TBV-SD 54,07	yati tatra taddvayasya pūrvāparakālabhāvinaḥ pratibhāsāt kāryakāraṇabhāvaniścayo bhaviṣyati, tadapyasaṅga- 
TBV-SD 54,08	tam; pūrvapravṛttapratyakṣadvayasya tatrāvyāpārāt taduttarasmaraṇasya ca padārthamātragrahaṇe'pyasāmarthyāccakṣurā- 
TBV-SD 54,09	dīnāṃ ca tadavagamajñānajanane'śakteḥ; śaktau vā prathamākṣasannipātavelāyāmeva tadavagamajñānotpattiprasa- 
TBV-SD 54,10	ṅgād akiñcitkarasya smaraṇāderanapekṣaṇīyatvāt parimalasmaraṇasavyapekṣasya locanasya ‘surabhi candanam’ 
TBV-SD 54,11	ityaviṣaye gandhādau jñānajanakatvasyeva tatrāpi tajjanakatvavirodhāt | atha tatsmaraṇasavyapekṣaloca- 
TBV-SD 54,12	navyāpārānantaraṃ ‘kāryakāraṇabhūte ete vastunī’ ityetadākārajñānasaṃvedanāt kāryakāraṇabhāvāvagamaḥ 
TBV-SD 54,13	savikalpakapratyakṣanibandhano vyavasthāpyate; nanvevaṃ parimalasmaraṇasahakāricakṣurvyāpārānantarabhāvī 
TBV-SD 54,14	‘surabhi malayajam’ iti pratyayaḥ samanubhūyata iti parimalasyāpi cakṣurjapratyayaviṣayatvaṃ syāt | atha 
TBV-SD 54,15	parimalasya locanāviṣayatvād nāyaṃ pratyayastajjaḥ kintu gandhasahacaritarūpadarśanaprabhavānumāna- 
TBV-SD 54,16	svabhāvaḥ, tadetat prakṛte'pi kāryakāraṇabhāve locanāviṣayatvaṃ samānam; pratyayasya tu tadadhyavasā- 
TBV-SD 54,17	yino'paraṃ nimittaṃ kalpanīyam; tanna pratyakṣataḥ savikalpakādapi dhūma — pāvakayoḥ kāryakāraṇatvā- 
TBV-SD 54,18	vagamaḥ | mānasapratyakṣaṃ tu tadavagamanimittaṃ bhavatā nābhyupagamyate | api ca, kāryakāraṇabhāvaḥ 
TBV-SD 54,19	sarvadeśa — kālāvasthitākhiladhūma — pāvakavyaktikroḍīkaraṇena avagato'numānanimittatāmupagacchati, 
TBV-SD 54,20	na ca pratyakṣasyeyati vastuni savikalpakasya nirvikalpakasya vā vyāpāraḥ saṃbhavatītyasakṛt pratipā- 
TBV-SD 54,21	ditam | kiṃca, na kāraṇasya prāgbhāvitvamātrameva bauddhānāmiva kāraṇatvam — yena tasya kāraṇasvarūpā- 
TBV-SD 54,22	bhedāt tatsvarūpagrāhiṇā pratyakṣeṇa tadabhinnasvabhāvasya kāraṇatvasyā'pyavagamaḥ, kevalaṃ kāryadarśanādu- 
TBV-SD 54,23	ttarakālaṃ tanniścīyate — kintu kāraṇasya kāryajananaśaktiḥ kāraṇatvam; sā ca śaktirna pratyakṣāvaseyā 
TBV-SD 54,24	api tu kāryadarśanasamavagamyā bhavatā parikalpitā | taduktam — 
TBV-SD 54,25		“śaktayaḥ sarvabhāvānāṃ kāryā'rthāpattigocarāḥ” | 
TBV-SD 54,26	tataḥ kathaṃ pratyakṣāt kāraṇasya kāraṇatvāvagamaḥ ? atha kāryādeva kāraṇasya kāraṇatvāvagamo bhavatu kiṃ 
TBV-SD 54,27	naśchinnam; nanu kāryāt kāraṇasya kāraṇatvāvagame'numānācchaktyavagamaḥ, tatra ca tadapi kāryaṃ liṅga- 
TBV-SD 54,28	bhūtaṃ yadi kāraṇaśaktimavagamayati tadā śakti — kāryayoḥ pratibandhagrahaṇamabhyupagantavyam; sa ca pratiba- 
TBV-SD 54,29	ndhāvagamo na pratyakṣāditi pratipāditam | anumānāt tadavagame itaretarāśrayā'navasthādoṣāvatāro'- 
TBV-SD 54,30	trāpi samānaḥ | arthāpattestvanumāne'ntarbhāvaḥ pratipādita iti na prasiddhānumānasyāpi pravṛttirbhavada- 
TBV-SD 54,31	bhiprāyeṇa | atha vahnigatadharmānuvidhānād dhūmasya tatpūrvakatvaṃ kutaścit pramāṇāt prasiddhamiti dhūma- 
TBV-SD 54,32	tvasya tatpūrvakatvavyāptisiddhiḥ — anyathā dhūmādagnyasiddheḥ sakalalokaprasiddhavyavahārābhāvaḥ, anumā- 
TBV-SD 54,33	nābhāve pratyakṣato'pi vyavahārāsambhavāt — tarhi vacanaviśeṣasyāpi yadi viśiṣṭakāraṇapūrvakatvaṃ tata 
TBV-SD 54,34	eva pramāṇāt prasiddhaṃ vivādādhyāsite vacane vacanaviśeṣatvāt sādhyeta tadā ko'parādhaḥ ? 
TBV-SD 54,35	yadapyuktam ‘pakṣadharmatvaniścaye sati hetoranumānaṃ pravarttate, na ca sarvavit kutaścit pramā- 
TBV-SD 54,36	ṇāt siddhaḥ’ ityādi, tadapyayuktam; yato yadi sarvavido dharmitvaṃ kriyeta tadā tasyāsiddhatvāt 
TBV-SD 54,37	syādapyapakṣadharmatvalakṣaṇaṃ dūṣaṇam; yadā tu vacanaviśeṣasya dharmitvaṃ tasya viśiṣṭakāraṇapūrvakatvaṃ 
TBV-SD 54,38	sādhyatvenopakṣiptaṃ tadā tatra tadviśeṣatvādilakṣaṇo heturupādīyamānaḥ kathamapakṣadharmaḥ syāt ? na 
TBV-SD 54,39	cāpakṣadharmādapi hetorupajāyamānamanumānaṃ pramāṇaṃ bhavatā'bhyupagacchatā pakṣadharmatvābhāvalakṣaṇaṃ 
TBV-SD 54,40	dūṣaṇamāsañjayituṃ yuktam | anyathā — 
TBV-SD 55,01	
TBV-SD 55,02		“pitrośca brāhmaṇatvena putrabrāhmaṇatā'numā | 
TBV-SD 55,03		sarvalokaprasiddhā na pakṣadharmamapekṣate” || 
TBV-SD 55,04	ityādyapakṣadharmahetusamutthānumānaprāmāṇyapratipādanaṃ bhavato'pyayuktaṃ syāt | yadapyabhyadhāyi ‘sarvajña- 
TBV-SD 55,05	sattāyāṃ sādhyāyāṃ trayīṃ doṣajātiṃ heturnātivarttate’ ityādi, tatra syādapyayaṃ doṣaḥ yadi tatsattā 
TBV-SD 55,06	sādhyatvenābhyupagamyate; yāvatā pūrvoktaprakāreṇa vacanaviśeṣasya viśiṣṭakāraṇapūrvakatvaṃ sādhyamityu- 
TBV-SD 55,07	ktam, tatra cāsya doṣasyopakṣepo'yukta eva | yadapyabhyadhāyi ‘yadyaniyataḥ kaścit sakalapadārthajñaḥ 
TBV-SD 55,08	sādhyo'bhipretaḥ’ ityādi, tadapyasaṅgatameva; yato nāsmābhiḥ pratiniyata eva kaścit sarvajño'nu- 
TBV-SD 55,09	mānāt sādhyate kintu viśiṣṭakāraṇapūrvakatvaṃ viśiṣṭaśabdasya; tacca svasādhyavyāptahetubalāt sādhya- 
TBV-SD 55,10	dharmiṇi siddhimāsādayad hetupakṣadharmatvabalāt pratiniyatasarvajñapūrvakatvenaiva siddhimāsādayati | na ca 
TBV-SD 55,11	‘tata eva hetoranyasyāpi sarvajñasya siddheranyāgamāśrayaṇamapi bhavatāṃ prasajyate’ iti dūṣaṇam, anyāga- 
TBV-SD 55,12	mānāṃ dṛṣṭaviṣaya eva pramāṇaviruddhārthapratipādakatvenāprāmāṇyasya vyavasthāpayiṣyamāṇatvāt kathaṃ 
TBV-SD 55,13	tatpraṇetṛṛṇāmapi sarvajñatvasiddhiḥ | yaccānyadabhihitam ‘na kaścit sarvajñapratipādakaḥ samyag hetuḥ 
TBV-SD 55,14	saṃbhavati’, tadapyasaṅgatam; tatpratipādakasya samyagghetorvacanaviśeṣatvādeḥ pratipādayiṣyamāṇatvāt | 
TBV-SD 55,15	yaccānyadabhihitam ‘sarve padārthāḥ kasyacit pratyakṣāḥ, prameyatvāt, agnyādivat’ ityatra ‘yadi sakala- 
TBV-SD 55,16	padārthagrāhipratyakṣatvaṃ sādhyam’ ityādi, tadapyasaṅgatam; evaṃ sādhyavikalpane'gnyāderapyanumānānna 
TBV-SD 55,17	siddhiḥ syāt | tathāhi — atrāpyevaṃ vaktuṃ śakyate — yadi pratiniyatasādhyadharmidharmo vahniḥ sādhyatvenābhi- 
TBV-SD 55,18	pretastadā tadviruddhena dṛṣṭāntadharmiṇi taddharmidharmeṇa pāvakena vyāptasya dhūmalakṣaṇasya hetorasiddhatvād 
TBV-SD 55,19	viruddho hetuḥ syāt sādhyavikalaśca dṛṣṭāntaḥ | atha dṛṣṭāntadharmidharmaḥ sādhyadharmiṇi sādhyate tadā 
TBV-SD 55,20	pratyakṣādivirodhaḥ | athobhayagataṃ vahnisāmānyaṃ tadā siddhasādhyatādoṣaḥ | ‘tathā prameyatvamapi hetu- 
TBV-SD 55,21	tvenopanyasyamānam’ ityādi yaduktaṃ tad dhūmalakṣaṇe'pi hetau samānam | tathāhi — atrāpi kiṃ sādhya- 
TBV-SD 55,22	dharmidharmo hetutvenopāttaḥ, uta dṛṣṭāntadharmidharmaḥ, athobhayagataṃ sāmānyam ? tatra yadi sādhya- 
TBV-SD 55,23	dharmidharmo hetuḥ, sa dṛṣṭāntadharmiṇi nānvetītyananvayo hetudoṣaḥ | atha dṛṣṭāntadharmidharmaḥ, sa sādhya- 
TBV-SD 55,24	dharmiṇyasiddha ityasiddhatāhetudoṣaḥ | athobhayagataṃ sāmānyam, tadapi pratyakṣā'pratyakṣamahānasaparvata- 
TBV-SD 55,25	pradeśavilakṣaṇavyaktidvayāśritaṃ na saṃbhavatīti hetorasiddhatā tadavasthitā | atha parvatapradeśāśritāgni — 
TBV-SD 55,26	taddhūmavyakteruttarakālabhāvipratyakṣapratīyamānatvena na mahānasopalabdhadhūmavyaktyā'tyantavailakṣaṇyamiti 
TBV-SD 55,27	nobhayagatasāmānyābhāvaḥ; nanūbhayagatasāmānyapratipattau tato'numānapravṛttiḥ, tatpravṛttau ca tadarthakri- 
TBV-SD 55,28	yārthinastatra pravartamānasya pratyakṣapravṛttiḥ, tasyāṃ ca satyāmatyantavailakṣaṇyābhāvastadvyakteḥ, tatsadbhāve 
TBV-SD 55,29	cobhayagatasāmānyasiddhitastadanumānapravṛttiriti cakrakadūṣaṇāvakāśaḥ | atha kaṇṭhakṣīṇatādilakṣaṇadha- 
TBV-SD 55,30	rmakalāpasādharmyānna mahānasa — parvatapradeśasaṅgatadhūmavyaktyoratyantavailakṣaṇyamityubhayagatasāmānyasiddhau 
TBV-SD 55,31	na dhūmānumāne hetvasiddhatādidoṣastarhi vācyāvisaṃvādādidharmakalāpasādharmyasya vacanaviśeṣavyaktidva- 
TBV-SD 55,32	ye'pyatyantavailakṣaṇyanivarttakasya sadbhāvena kathaṃ na tadviśeṣatvasāmānyasaṃbhavaḥ ? prameyatvaṃ tu yathā prakṛta- 
TBV-SD 55,33	sādhye heturbhavati tathā pratipādayiṣyāmaḥ, āstāṃtāvat | yattu ‘nāpi śabdāt tatsiddhiḥ’ ityādi prati- 
TBV-SD 55,34	pāditaṃ tat siddhasādhyatādoṣāghrātatvānnirastam | yadapyuktam ‘ye deśa — kāla — ityādiprayoge nāsiddho 
TBV-SD 55,35	hetuḥ’ iti, etadapyayuktam; anumānasya tadupalambhasvabhāvasya pratipādayiṣyamāṇatvenānupalambhalakṣaṇasya 
TBV-SD 55,36	hetoḥ paraprayuktasyāsiddhatvāt | ata eva ‘sadvyavahāraniṣedhaścānupalambhanimitto'nena’ ityādyasāratayā 
TBV-SD 55,37	sthitam | ‘atha yathā'smākaṃ tatsadbhāvā''vedakaṃ pramāṇaṃ nāsti tathā bhavatāṃ tadabhāvā''vedakamapi 
TBV-SD 55,38	nāsti’ ityādi yāvat ‘prasaṅgasādhanābhiprāyeṇa sarvameva sarvajñapratikṣepapratipādakaṃ yuktijālamabhihi- 
TBV-SD 55,39	tam’ iti yaduktam, tadapyacāru; yataḥ “sarvajño dṛśyate tāvannedānīm” 
TBV-SD 55,40	 ityādinā tatsadbhāvopalambhakapramāṇapañcakanivṛttipratipādanadvāreṇa yad abhāvākhyapramāṇa- 
TBV-SD 56,01	pravṛttipratipādanaṃ tat tadabhāvāvedakasvatantrābhāvākhyapramāṇābhyupagamavyatirekeṇāsaṃbhavad bhavatāṃ 
TBV-SD 56,02	mithyāvāditāṃ sūcayati | yadapyavādi ‘tathā ca prasaṅgasādhanābhiprāyeṇa bhagavato jaimineḥ sūtram’ 
TBV-SD 56,03	ityādi, tadapyasaṅgatam; yataḥ prasaṅgasādhanasya tatpūrvakasya ca viparyayasya vyāpyavyāpakabhāvasiddhau yatra 
TBV-SD 56,04	vyāpyābhyupagamo vyāpakābhyupagamanāntarīyakaḥ vyāpakanivṛttito vyāpyanivṛttiravaśyaṃbhāvinī ca 
TBV-SD 56,05	pradarśyate tatra yathākramaṃ pravṛttiḥ, atra tu pratyakṣatvasya satsaṃprayogajatvena, tasya ca vidyamānopalambha- 
TBV-SD 56,06	natvena, tasyāpi dharmādikaṃ pratyanimittatvena kva vyāpyavyāpakabhāvāvagamo yena prasaṅga — tadviparyayayoḥ 
TBV-SD 56,07	pravṛttiḥ syāt ? nanūktamevaitat ‘svātmanyeva’ satyam; uktaṃ natu yuktamuktam | ayuktatā ca — sarvaṃ 
TBV-SD 56,08	cakṣurādikaraṇagrāmaprabhavaṃ pratyakṣaṃ sannihitadeśa — kāla — padārthāntarasvabhāvāviprakṛṣṭapratiniyatarūpādi- 
TBV-SD 56,09	grāhakaṃ sarvatra sarvadā ceti na vyāpyavyāpakabhāvagrāhakaṃ pramāṇamasti, viparyayaścopalabhyate — yojana- 
TBV-SD 56,10	śataviprakṛṣṭasyārthasya grāhakaṃ saṃpātigṛdhrarājapratyakṣaṃ rāmāyaṇa — bhāratādau bhavatpramāṇatvenābhyupagate 
TBV-SD 56,11	śrūyate, tathedānīmapi gṛdhra — varāha — pipīlikādīnāṃ cakṣuḥ — śrotra — ghrāṇajasya pratyakṣasya yathākramaṃ 
TBV-SD 56,12	rūpa — śabda — gandhādiṣu deśaviprakṛṣṭeṣu pravṛttirupalabhyate, tathā kālaviprakṛṣṭasyāpyatītakālasaṃbandhi- 
TBV-SD 56,13	tvasya pūrvadarśanasaṃbandhitvasya ca smaraṇasavyapekṣalocanādijanyapratyabhijñāpratyakṣagrāhyatvaṃ pūrovyava- 
TBV-SD 56,14	sthite'rthe bhavatā'bhyupagamyate; anyathā — 
TBV-SD 56,15		“deśa — kālādibhedena tadā'styavasaro miteḥ” | 
TBV-SD 56,16		“idānīṃtanamastitvaṃ nahi pūrvadhiyā gatam” | 
TBV-SD 56,17	ityādivacanasaṃdarbheṇa pratyabhijñāpratyakṣasyāgṛhītārthādhigantṛtvaṃ pūrvāparakālasaṃbandhitvalakṣaṇanitya- 
TBV-SD 56,18	tvagrāhakatvaṃ ca pratipādyamānamasaṅgataṃ syāt | athātītātīndriyakālasaṃbandhitvaṃ pūrvadarśanasaṃbandhitvaṃ 
TBV-SD 56,19	vā varttamānakālasaṃbandhinaḥ purovyavasthitasyārthasya yadi cakṣurādiprabhavapratyabhijñānena gṛhyate tadā — 
TBV-SD 56,20		“saṃbaddhaṃ varttamānaṃ ca gṛhyate cakṣurādibhiḥ” | 
TBV-SD 56,21	iti vacanaṃ viruddhārthaṃ syāt, tathā'tīndriyakāla — darśanādervarttamānārthaviśeṣaṇatvena grahaṇe'tīndriya- 
TBV-SD 56,22	dharmāderapi grahaṇaprasaṅgāt prasaṅgasādhana — tadviparyayayorapravṛttiḥ svayameva pratipāditā syāt; nanvaya- 
TBV-SD 56,23	mevātra doṣaḥ kālaviprakṛṣṭārthagrāhakatvena indriyajapratyakṣasya pratipādayitumasmābhirabhipreta iti 
TBV-SD 56,24	kasyātropālambhaḥ | atha varttamānakālasaṃbaddhe viśeṣye purovarttini vyāpāravaccakṣustadviśeṣaṇabhūte'tī- 
TBV-SD 56,25	ndriye'pi pūrvakāladarśanādau pravarttate, anyathā cakṣurvyāpārānantaraṃ ‘pūrvadṛṣṭaṃ paśyāmi’ iti viśeṣyā- 
TBV-SD 56,26	lambanaṃ pratyabhijñānaṃ nopapadyeta, nāgṛhītaviśeṣaṇā viśeṣye buddhirupajāyate daṇḍāgrahaṇa iva daṇḍi- 
TBV-SD 56,27	buddhiḥ; na ca dharmādāvayaṃ nyāyaḥ saṃbhavatīti cet, nanu dharmādeḥ kimatīndriyatvāccakṣurādinā'grahaṇam, 
TBV-SD 56,28	uta avidyamānatvāt, āhosvid aviśeṣaṇatvāt ? tatra nādyaḥ pakṣaḥ, atīndriyasyāpyatīta- 
TBV-SD 56,29	kālādergrahaṇābhyupagamāt | nāpyavidyamānatvāt, bhāvidharmāderivātītakālāderavidyamānatve'pi prati- 
TBV-SD 56,30	bhāsasya bhāvāt | athāviśeṣaṇatvāddharmāderapratibhāsaḥ, tadapyasaṅgatam; sarvadā padārthajanakatvena 
TBV-SD 56,31	dravya — guṇa — karmajanyatvena ca dharmādeḥ sarvapadārthaviśeṣaṇabhāvasaṃbhavād atītātīndriyakālāderiva 
TBV-SD 56,32	tasyāpi viśeṣyagrahaṇapravṛttacakṣurādinā grahaṇasaṃbhava iti kathaṃ dharmaṃ pratyanimittatvaprasaṅgasādhanasya 
TBV-SD 56,33	tadviparyayasya vā saṃbhavaḥ ? tathā, praśnādi — mantrādidvāreṇa saṃskṛtaṃ cakṣuryathā kālaviprakṛṣṭapadārthagrāha- 
TBV-SD 56,34	kamupalabhyate tathā dharmāderapi yadi grāhakaṃ kasyacit syāt tadā na kaściddoṣaḥ | api ca, anālo- 
TBV-SD 56,35	kāndhakāravyavahitasya mūṣikādernaktaṃcaravṛṣadaṃśādeścakṣuryathā grāhakamupalabhyate tathā yadyatīndriyātī- 
TBV-SD 56,36	tā'nāgatadharmādipadārthasākṣātkāri kasyacit tadeva syāt tadā'trāpi ko doṣaḥ ? na ca jātya- 
TBV-SD 56,37	ntarasyāndhakāravyavahitarūpādigrāhakaṃ cakṣurdṛṣṭaṃ na punarmanuṣyadharmaṇa iti pratisamādhānamatrābhidhātuṃ 
TBV-SD 56,38	yuktam, manuṣyadharmaṇo'pi nirjīvikāderdravyaviśeṣādisaṃskṛtaṃ cakṣuḥ samudrajalādivyavahitaparvatādi- 
TBV-SD 57,01	grahaṇe samarthamupalabhyata iti dharmāderapi deśa — kāla — svabhāvaviprakṛṣṭasya kasyacit puruṣaviśeṣasya 
TBV-SD 57,02	puṇyādisaṃskṛtaṃ cakṣurādi grāhakaṃ bhaviṣyatīti na kaścit dṛṣṭasvabhāvavyatikramaḥ | atha cakṣurādeḥ 
TBV-SD 57,03	karaṇasya pratiniyatarūpādiviṣayatvenānyakaraṇaviṣayagrāhakatve svārthātikramo vyavahāravilopī syāt; 
TBV-SD 57,04	nanu śrūyata eva cakṣuṣā śabdaśravaṇaṃ prāṇiviśeṣāṇām — ‘cakṣuḥśravaso bhujaṅgāḥ’ iti lokapravādāt | 
TBV-SD 57,05	mithyā sa pravāda iti cet, naitat; pravādabādhakasyābhāvāt karṇacchidrānupalabdheśca | na ca 
TBV-SD 57,06	‘dandaśūkacakṣuṣo jātyantaratvāt’ ityuttaramatropayogi, anyatrāpi prakṛṣṭapuṇyasaṃbhārajanitasarvavi- 
TBV-SD 57,07	ccakṣuṣi samānatvāt | tadevaṃ dharmādisamastapadārthagrāhakatvena cakṣurādijanitapratyakṣasyā'virodhād na 
TBV-SD 57,08	pratyakṣatva — satsaṃprayogajatvādervyāpyavyāpakabhāvasiddhiriti na prasaṅga — viparyayayoḥ pravṛttiriti na tata- 
TBV-SD 57,09	statpratikṣepaḥ | etena “yadi ṣaḍbhiḥ pramāṇaiḥ syāt sarvajñaḥ” ityādi 
TBV-SD 57,10	vārttikakṛtpratipāditaṃ prasaṅgasādhanābhiprāyeṇa yuktijālamakhilaṃ nirastam, vyāptipratiṣedhasya pūrvokta- 
TBV-SD 57,11	prakāreṇa vihitatvāt | yacca ‘kiṃ pramāṇāntarasaṃvādyarthasya vaktṛtvāt ityādi tad dhūmādagnyanumāne'pi 
TBV-SD 57,12	samānam | tathāhi — atrāpi vaktuṃ śakyam — kiṃ sādhyadharmisaṃbandhī dhūmo hetutvenopanyastaḥ’ ityādi 
TBV-SD 57,13	yāvat ‘siddhaḥ pratibandho'sarvajñatva — vaktṛtvayoragni — dhūmayoriva’ iti paryantam, tadapyayuktam; yato'- 
TBV-SD 57,14	sarvajñatva — vaktṛtvayoriva nāgni — dhūmayoḥ kāryakāraṇatvapratibandhasya tadgrāhakapramāṇasya vā'bhāvaḥ nahi 
TBV-SD 57,15	vahnisadbhāve dhūmo dṛṣṭastadabhāve ca na dṛṣṭa ityetāvatā dhūmasyāgnikāryatvamucyate kintu 
TBV-SD 57,16		“kāryaṃ dhūmo hutabhujaḥ kārye dharmānuvṛttitaḥ” | 
TBV-SD 57,17	na cāsau darśanā'darśanamātragamyaḥ kintu viśiṣṭāt pratyakṣā'nupalambhākhyāt pramāṇāt | 
TBV-SD 57,18	pratyakṣameva pramāṇaṃ pratyakṣā'nupalambhaśabdābhidheyam, tadeva kāryakāraṇābhimatapadārthaviṣayaṃ pratya- 
TBV-SD 57,19	kṣam, tadviviktānyavastuviṣayamanupalambhaśabdābhidheyam; kadācidanupalambhapūrvakaṃ pratyakṣaṃ tadbhāvasā- 
TBV-SD 57,20	dhakam, kadācit pratyakṣapuraḥsaro'nupalambhaḥ | tatrādyena yeṣāṃ kāraṇābhimatānāṃ sannidhānāt prāga- 
TBV-SD 57,21	nupalabdhaṃ sad dhūmādi tatsannidhānādupalabhyate tasya tatkāryatā vyavasthāpyate | tathāhi — etāvadbhiḥ 
TBV-SD 57,22	prakārairdhūmo'gnijanyo na syāt — yadyagnisannidhānāt prāgapi tatra deśe syāt, anyato vā''ga- 
TBV-SD 57,23	cchet, tadanyahetuko vā bhavet | tadetat sarvamanupalambhapurassareṇa pratyakṣeṇa nirastam | etena prāga- 
TBV-SD 57,24	nupalabdhasya rāsabhasya kumbhakārasannidhānānantaramupalabhyamānasya tatkāryatā syāditi nirastam | 
TBV-SD 57,25	tathāhi — tatrāpi yadi rāsabhasya tatra prāgasattvam, anyadeśādanāgamanam, anyākāraṇatvaṃ ca 
TBV-SD 57,26	niścetuṃ śakyeta tadā syādeva kumbhakārakāryatā, kevalaṃ tadeva niścetumaśakyam | evaṃ tāvadanupalambha- 
TBV-SD 57,27	purassarasya pratyakṣasya tatsādhanatvamuktam | tathā, pratyakṣapurassaro'nupalambho'pi tatsādhanaḥ — 
TBV-SD 57,28	yeṣāṃ sannidhāne pravarttamānaṃ tat kāryaṃ dṛṣṭaṃ teṣu madhye yadaikasyāpyabhāvo bhavati tadā nopalabhyate, tat 
TBV-SD 57,29	tasya kāraṇamitarat kāryam | na cāgni — kāṣṭhādisannidhāne bhavato dhūmasyāpanīte kumbhakārādāvanupa- 
TBV-SD 57,30	lambho'sti, agryādau tvapanīte bhavatyanupalambhaḥ | evaṃ parasparasahitau pratyakṣānupalambhāvabhimateṣveva 
TBV-SD 57,31	kāryakāraṇeṣu niḥsandigdhaṃ kāryakāraṇabhāvaṃ sādhayataḥ | 
TBV-SD 57,32	sarvakālaṃ cāgnisannidhāne bhavato dhūmasyānagnijanyatvaṃ kadācit sadasatorajanyatvena, ahetu- 
TBV-SD 57,33	katvena, adṛśyahetukatvena vā bhavet ? tatra na tāvat prathamaḥ pakṣaḥ, asato janyatvāt, “sadeva na 
TBV-SD 57,34	janyate” iti tvadabhiprāyāt sata eva janyamānatvānupapatteḥ; kāryatvasya ca kādāci- 
TBV-SD 57,35	tkatvena siddhatvāt | nāpyahetukatvam, kādācitkatvenaiva; ahetutve tadayogāt | nāpyadṛśyahetukatvam, 
TBV-SD 57,36	dhūmasyāgnyādisāmagryanvaya — vyatirekānuvidhānāt | athāpi syād adṛśyasyāyaṃ svabhāvo yadagnyādisa- 
TBV-SD 57,37	nnidhāna eva dhūmam, karpūrorṇādidāhakāle sugandhādiyuktaṃ ca karoti nānyadeti, tat kimagnimantareṇa 
TBV-SD 57,38	kadācid dhūmotpattirdṛṣṭā yenaivamucyate ? neti cet, kathaṃ nāgnikāryo dhūmastadbhāve bhāvāt ? dhūmotpatti- 
TBV-SD 57,39	kāle ca sarvadā pratīyamāno'gniḥ kākatālīyanyāyena vyavasthita ityalaukikam | atha sa evādṛśyasya 
TBV-SD 57,40	svabhāvo yadagnisannidhāna eva dhūmaṃ karoti; nanu yadyagninā nāsāvupakriyate kimagnisannidhānād na pūrvaṃ 
TBV-SD 57,41	paścād vā dhūmaṃ vidadhāti ? na cānyadā karotīti tasya tajjanyasvabhāvasavyapekṣasya dhūmajanane tadeva 
TBV-SD 58,01	pāraṃparyeṇāgnijanyatvaṃ dhūmasya | kiṃca, yathā deśa — kālādikamantareṇa dhūmasyānutpattestadapekṣā pratīyate 
TBV-SD 58,02	tathā'gnimantareṇāpi dhūmasyānutpattidarśanāt tadapekṣā kena vāryate ? tadapekṣā ca tatkāryataiva | yathā 
TBV-SD 58,03	cādṛśyabhāve eva dhūmasya bhāvāt tajjanyatvamiṣyate tathā sarvadā'gnibhāve eva dhūmasya bhāvadarśanāt 
TBV-SD 58,04	tajjanyatā kiṃ neṣyate ? yāvatāṃ ca sannidhāne bhāvo dṛśyate tāvatāṃ hetutvaṃ sarveṣāmityagnyādisāma- 
TBV-SD 58,05	grījanyatvād dhūmasya kuto'gnivyabhicāraḥ ? 
TBV-SD 58,06	na cāyaṃ prakāro'sarvajñatva — vaktṛtvayoḥ saṃbhavati, asarvajñatvadharmānuvidhānasya vacane adarśanāt | 
TBV-SD 58,07	tathāhi — yadi sarvajñatvādanyat paryudāsavṛttyā kiñcijjñatvamasarvajñatvamucyate tadā taddharmānuvidhānā'da- 
TBV-SD 58,08	rśanānna tajjanyatā vacanasya | nahi kiñcijjñatvataratamabhāvāt vacanasya taratamabhāva upalabhyate | tathā- 
TBV-SD 58,09	hi — kiñcijjñatvaṃ prakṛṣṭam atyalpavijñāneṣu kṛmyādiṣu, na ca teṣu vacanapravṛtterutkarṣa upalabhyate | atha 
TBV-SD 58,10	prasajyapratiṣedhavṛttyā sarvajñatvābhāvo'sarvajñatvaṃ tatkāryaṃ tu vacanaṃ tadā jñānarahite mṛtaśarīre tasyopa- 
TBV-SD 58,11	lambhaḥ syāt, na ca kadācanāpi tat tatropalabhyate | 
TBV-SD 58,12	jñānātiśayavatsu ca sakalaśāstravyākhyātṛṣu vacanasyātiśayabhāvo dṛśyate iti jñānaprakarṣataratamā- 
TBV-SD 58,13	dyanuvidhānadarśanāt tatkāryatā tasya — dhūmasyevāgnyādisāmagrīgatasurabhigandhādyanuvidhāyino — yathokta- 
TBV-SD 58,14	pratyakṣā'nupalambhābhyāṃ vyavasthāpyate | ata eva kāraṇagatadharmānuvidhānameva kāryasya tatkāryatāvagamani- 
TBV-SD 58,15	mittam na punaranvaya — vyatirekānuvidhānamātram | taduktam — 
TBV-SD 58,16		“kāryaṃ dhūmo hutabhujaḥ kārye dharmānuvṛttitaḥ” |  iti | 
TBV-SD 58,17	yacca yatkāryatvena niścitaṃ tat tadabhāve na kadācidapi bhavati, anyathā taddhetukameva tanna syāditi 
TBV-SD 58,18	sakṛdapi tato na bhavet; bhavati ca yad yatra niścitāvisaṃvādaṃ vacanaṃ tat tadavisaṃvādijñānaviśeṣād 
TBV-SD 58,19	ityātmanyevāsakṛnniścitamiti nānyatastasya bhāvaḥ; tena — 
TBV-SD 58,20		“yad yasyaiva guṇa — doṣān niyamenānuvarttate | 
TBV-SD 58,21		tannāntarīyakaṃ tat syādato jñānodbhavaṃ vacaḥ” || 
TBV-SD 58,22	atha yadi nāmāvisaṃvādijñānadharmānukaraṇato'visaṃvādi vacanamekaṃ tatprabhavaṃ yathoktapratyakṣā'nupala- 
TBV-SD 58,23	mbhato'vagataṃ tadanyato na bhavati, tathāpyanyavacanasya taddharmānukaraṇato na tatkāryatvasiddhiriti tasyānya- 
TBV-SD 58,24	to'pi bhāvasaṃbhavāt kuto'vyabhicāraḥ ? na; īdṛgbhūtaṃ vacanamīdṛkṣajñānataḥ sarvatra bhavatīti sakṛtpravṛ- 
TBV-SD 58,25	ttapratyakṣato'vagamāt | nanu sakalavyaktyanugatatiryaksāmānyānabhyupagame yāvanti tathābhūtavacāṃsi tāni 
TBV-SD 58,26	sarvāṇi pratyakṣīkaraṇīyāni tathābhūtajñānakāryatayā, anyathaikasyāpi vacasastadvyāptatayā'pratyakṣīkaraṇe 
TBV-SD 58,27	tenaiva vyabhicārī hetuḥ syāt; na caitāvatpratyakṣīkaraṇasamarthaṃ pratyakṣam, tasya sannihitaviṣayatvāt; na 
TBV-SD 58,28	cānyeṣāṃ svalakṣaṇānāmanumānāt sādhyadharmeṇa vyāptigrahaṇam, anavasthāprasaṅgat; tadayuktām; yataḥ pratyakṣaṃ 
TBV-SD 58,29	tathābhūtajñānasannidhāna eva tathābhūtavacanabhedāt pratipadya eṣu‘atathābhūtavacanavyāvṛttaṃ rūpama- 
TBV-SD 58,30	tathābhūtajñānavyāvṛttajñānajanyam’ityavadhārayati, yathā'tra tathā'nyatrāpi deśa — kālādau ‘tathābhūtajñānaja- 
TBV-SD 58,31	nyameva’ityapyavadhārayati; anyathā'trāpi tathābhūtajñānajanyatayā na pratyakṣeṇāvadhāryeta | evaṃ hi tathābhū- 
TBV-SD 58,32	tā'tathābhūtajñānajanyatayā tathābhūtavacanasya pratītiḥ syāt na tathābhūtajñānajanyatayaiva; pratīyate ca 
TBV-SD 58,33	tathābhūtajñānajanyatayā tathābhūtaṃ vacanam; tasmādanyatrānyadā ca tathābhūtajñānādeva tathābhūtavacanamiti 
TBV-SD 58,34	kuto vyabhicāraḥ ? yaśca tadrūpamanyato vyāvṛttamavadhārayituṃ śaknoti tasyaiva tadanumānam, yathā bāṣpā- 
TBV-SD 58,35	divi lakṣaṇadhūmāvadhāraṇe'gnyanumānam | kiṃca, tiryaksāmānyavādino'pi gopālaghaṭikādau dhūmasāmā- 
TBV-SD 58,36	nyasyāgnimantareṇāpi darśanād vyabhicārāśaṅkayā'gniniyatadhūmasāmānyāvadhāraṇenaiva tadanumānam; agni- 
TBV-SD 58,37	niyatadhūmasāmānyāvadhāraṇaṃ cāgnisaṃbaddhadhūmavyaktyavadhāraṇapurassarameva; na ca sarvadeśādāvagnisaṃbaddha- 
TBV-SD 58,38	dhūmavyaktiviśiṣṭasya dhūmasāmānyasya kenacit pramāṇenāvadhāraṇaṃ saṃbhavati; na ca mahānasādāvagniniyata- 
TBV-SD 58,39	dhūmavyaktiviśiṣṭaṃ dhūmasāmānyaṃ pratipannamanyatrānuyāyi, vyakterananvayāt; yacca dhūmasāmānyamanuyāyi tad 
TBV-SD 58,40	nāgnyavyabhicāri; tasmāt sāmānyavyāptigrahaṇavādināmapi kathaṃ viśiṣṭadhūmasāmānyaṃ sarvatrāgninā vyāptaṃ 
TBV-SD 58,41	pratipannamiti tulyaṃ codyam | atha viśiṣṭadhūmasyānyatrāgnijanyatve na kiñcid bādhakamasti, ‘tadevedam’ 
TBV-SD 58,42	iti ca pratīteḥ tatsāmānyaṃ pratītamiṣyate; asmākamapi ‘tadevedaṃ vacanam’ iti pratyayasyotpattestat 
TBV-SD 58,43	pratipannamiti sadṛśapariṇāmalakṣaṇasāmānyavādino jainasya bhavato vā ko viśeṣo'tra vastuni ? iti 
TBV-SD 59,01	yatkiñcidetat | tenāgnigamakatvena dhūmasya yo nyāyaḥ so'trāpi samāna iti viśiṣṭajñānagamakatvaṃ 
TBV-SD 59,02	viśiṣṭaśabdasyābhyupagantavyam | 
TBV-SD 59,03	atha jñānaviśeṣagrahaṇe pravṛttaṃ savikalpakaṃ nirvikalpakaṃ vā tato bhinnamabhinnaṃ vā jñānaṃ na vacana- 
TBV-SD 59,04	viśeṣe pravarttate, tasya tadānīmanutpannatvenāsattvāt; tadapravṛttena ca jñānaviśeṣasvarūpameva tena gṛhyate na 
TBV-SD 59,05	tadapekṣayā tasya kāraṇatvam, vacanaviśeṣagrāhakeṇāpi tatsvarūpameva gṛhyate na pūrvaṃ prati kāryatvam, kāra- 
TBV-SD 59,06	ṇasyātītatvenāgrahaṇāt; nāpyubhayagrāhiṇā, bhinnakālatvena tayorekajñāne pratibhāsanā'yogāt; ata 
TBV-SD 59,07	eva smaraṇamapi na tayoḥ kāryakāraṇabhāvāvedakam, anubhavānusāreṇa tasya pravṛttyupapatteḥ, anubhavasya 
TBV-SD 59,08	cātra vastuni niṣiddhatvāt; asadetat; yataḥ kāryasya na tāvadasāvanutpannasyaiva kāryatvaṃ dharmaḥ, asa- 
TBV-SD 59,09	ttvāt tadānīm; nāpyutpannasyātyantabhinnaṃ tat, taddharmatvādeva | tathā, kāraṇasyāpi kāraṇatvaṃ kāryaniṣpa- 
TBV-SD 59,10	ttya'niṣpattyavasthāyāṃ na bhinnameva | nāpi tayoḥ kāryakāraṇabhāvaḥ saṃbandho'nyo'sti, bhinnakālatvādeva; 
TBV-SD 59,11	saṃbandhasya ca dviṣṭhatvābhyupagamāt | tatastatsvarūpagrāhiṇā pratyakṣeṇa tadabhinnasvabhāvadharmarūpaṃ kāraṇatvaṃ 
TBV-SD 59,12	kāryatvaṃ ca gṛhyate eva kṣayopaśamavaśāt; yatra tu sa nāsti tatra kāryadarśanādapi na tanniścīyate, yato 
TBV-SD 59,13	nākārya — kāraṇayoḥ kāryakāraṇabhāvaḥ saṃbhavati | nāpi tenābhinnā uttarakālaṃ tayoḥ kāryakāraṇatā karttuṃ 
TBV-SD 59,14	śakyā, virodhāt | nāpi bhinnā, tayoḥ svarūpeṇākāryakāraṇatāprasaṅgāt | nāpi svarūpeṇa kārya — kāra- 
TBV-SD 59,15	ṇayorarthāntarabhūtakāryakāraṇabhāvasvarūpasaṃbandhaparikalpanena prayojanam, tadvyatirekeṇāpi svarūpeṇaiva 
TBV-SD 59,16	kāryakāraṇarūpatvāt | na ca bhinnapadārthagrāhi pratyakṣadvayaṃ dvitīyāgrahaṇe tadapekṣaṃ kāryatvaṃ kāraṇatvaṃ vā 
TBV-SD 59,17	grahītumaśaktamiti vaktuṃ yuktam, kṣayopaśamavatāṃ dhūmamātradarśane'pi vahnijanyatāvagamasya bhāvāt; anyathā 
TBV-SD 59,18	bāṣpādivailakṣaṇyena tasyānavadhāraṇāt tato'nalāvagamābhāvena sarvavyavahārocchedaprasaṅgāt | kāraṇābhi 
TBV-SD 59,19	matapadārthagrahaṇapariṇāmā'parityāgavatā kāryasvarūpagrāhiṇā ca pratyakṣeṇa kāryakāraṇabhāvāvagame na kaścid 
TBV-SD 59,20	doṣaḥ | na ca kāraṇasvabhāvāvabhāsaṃ pratyakṣaṃ na kāryasvarūpāvabhāsayuktaṃ pratibhāsabhedena bhedopapatteriti 
TBV-SD 59,21	preraṇīyam, citrapratibhāsijñānasya nīlapratibhāsā'parityāgapravṛttapītādipratibhāsyekatvavat prakṛtajñāna- 
TBV-SD 59,22	syāpi tadavirodhāt | na ca citrajñānasyāpyekatvamasiddhamiti vaktuṃ yuktam, tathā'bhyupagame nīlaprati- 
TBV-SD 59,23	bhāsasyāpi pratiparamāṇubhinnapratibhāsatvena bhinnatvāt ekaparamāṇvavabhāsasya cā'saṃvedanāt pratibhāsa- 
TBV-SD 59,24	mātrasyāpyabhāvaprasaṅgāt sarvavyavahārābhāvaḥ syāt | ataḥ pratyakṣameva yathoktaprakāreṇa sarvopasaṃhāreṇa 
TBV-SD 59,25	pratibandhagrāhakamanumānavādinā'bhyupagantavyam; anyathā prasiddhānumānasyāpyabhāvaḥ syāt | atheyato 
TBV-SD 59,26	vyāpārān pratyakṣaṃ kartumasamartham tasya sannihitaviṣayabalotpattyā tanmātragrāhakatvāt tarhi pratyakṣeṇa 
TBV-SD 59,27	pratibandhagrahaṇābhāve'numānena tadgrahaṇe'navasthe — taretarāśrayadoṣasadbhāvādanumānāpravṛttiprasaṅgato vyava- 
TBV-SD 59,28	hārocchedabhayādavaśyamanumānapravṛttinibandhanāvinābhāvaniścāyakamaparamaspaṣṭasarvapadārthaviṣayamūhākhyaṃ pramā- 
TBV-SD 59,29	ṇāntaramabhyupagantavyam; anyathā ‘sarvamubhayātmakaṃ vastu’ iti kuto'numānapravṛttirmīmāṃsakasya ? tato'- 
TBV-SD 59,30	sarvajñatva — rāgādimattvasādhane vaktṛtvalakṣaṇasya hetoḥ pratibandhasya tatsādhakapramāṇasya ca prasiddhānumāne 
TBV-SD 59,31	ivābhāvānna prasaṅgasādhanānumānapravṛttitaḥ sarvajñābhāvasiddhiḥ | viparyayeṇa vacanaviśeṣasya vyāptatvadarśa- 
TBV-SD 59,32	nād viparyayasiddhireva tato yuktā | 
TBV-SD 59,33	yacca ‘sarvajñajñānaṃ kiṃ cakṣurādijanitam’ ityādi pakṣacatuṣṭayamutthāpya ‘cakṣurādijanyatvena cakṣurā- 
TBV-SD 59,34	dīnāṃ pratiniyatarūpādiviṣayatvena dharmādigrāhakatvāyogastajjñānasya’ dūṣaṇamabhyadhāyi, tadapyasaṅgatam; 
TBV-SD 59,35	dharmādigrāhakatvāvirodhasya cakṣurādijñāne prāk pratipāditatvāt | abhyāsapakṣe tu yad dūṣaṇamabhyadhāyi ‘na 
TBV-SD 59,36	sakalapadārthaviṣaya upadeśaḥ saṃbhavati, nāpi samastaviṣayo'bhyāsaḥ’ iti, tadapi na samyak; “utpāda — 
TBV-SD 59,37	vyaya — dhrauvyayuktaṃ sat” iti sakalapadārthaviṣayasyopadeśasya sāmānyataḥ 
TBV-SD 59,38	saṃbhavāt | na cāsyā'prāmāṇyam, anumānādipramāṇasaṃvādataḥ prāmāṇyasiddheḥ | anumānādipravarttana- 
TBV-SD 59,39	dvāreṇa caitadarthābhyāse kathaṃ na sakalaviṣayābhyāsasaṃbhavaḥ ? yadapi ‘na ca samastapadārthaviṣayamanupadeśa- 
TBV-SD 59,40	jñānaṃ saṃbhavati’ ityuktam, tadapyacāru; ‘sarvamanekāntātmakam, sattvāt’ ityanumānanibandhanavyāptiprasā- 
TBV-SD 59,41	dhakapramāṇasya sakalapadārthaviṣayasya saṃbhavāt; anyathā'numānābhāvasya pratipāditatvāt | na ca tajjñā- 
TBV-SD 59,42	navata eva sarvajñatvād vyartho'bhyāsaḥ, sāmānyaviṣayatvenāspaṣṭarūpasyaivāsya jñānasya bhāvāt, abhyāsa- 
TBV-SD 59,43	jasya ca sakalatadgataviśeṣaviṣayatvena spaṣṭatvānna tadabhyāso viphalaḥ | yadapi ‘tadabhyāsapravarttakaṃ cakṣurā- 
TBV-SD 60,01	dijanitaṃ yadyatīndriyaviṣayam’ ityādyavādi, tadapi pratikṣiptam; atīndriyārthagrāhakatvasyānyendriya- 
TBV-SD 60,02	viṣayagrāhakatvasya ca prāk pratipādanāt vyavahārocchedābhāvasya ca darśitatvāt | atīndriye'pi ca 
TBV-SD 60,03	kālādau viśeṣaṇabhūte cakṣurādeḥ pravṛttipratipādanācca itaretarāśrayatvadoṣasyāpyanavakāśaḥ pūrvapakṣaprati- 
TBV-SD 60,04	pāditasya | śabdajñānajanitajñānapakṣe tu itaretarāśrayadoṣaprasaṅgāpādanamapyayuktam, kāraṇapakṣe tada- 
TBV-SD 60,05	saṃbhavāt; anyasarvajñapraṇītāgamaprabhavatvena jñānasya kathamitaretarāśrayatvam ? tadāgamapraṇeturapyanya- 
TBV-SD 60,06	sarvajñapraṇītāgamapūrvakatve'navasthā syāt sā ceṣyata eva; anāditvādāgama — sarvajñaparamparāyāḥ | 
TBV-SD 60,07	yadapyavādi ‘śabdajanitaṃ jñānamaspaṣṭābham, tajjñānavataḥ kathaṃ sakalajñatvam’ iti, tadapyasaṅgatam; nahi 
TBV-SD 60,08	śabdajanitena jñānenābhyāsānāsāditavaiśadyena sakalajño'bhyupagamyate — yenāyaṃ doṣaḥ syāt — kintva- 
TBV-SD 60,09	bhyāsāsāditasakalaviśeṣasākṣātkāritvalakṣaṇanairmalyavatā | ata eva ‘preraṇājanitaṃ jñānamasmadādīnāma- 
TBV-SD 60,10	pyatītā'nāgata — sūkṣmādipadārthaviṣayamastīti sarvajñatvaṃ syāt’ iti yaduktam, tadapi nirastam; abhyāsa- 
TBV-SD 60,11	jasya spaṣṭavijñānasya sakalapadārthaviṣayasyāsmadādīnāmabhāvāt | ‘liṅgajanitatve'pi tajjñānasyātīndri- 
TBV-SD 60,12	yadharmādipadārthasaṃbandhānavagamād liṅgasyānavagatasādhyasaṃbandhasya ca tasya dharmādisādhyānumāpakatvā- 
TBV-SD 60,13	saṃbhavāt’ ityādi yat, tadapyasaṅgatam; avagatadharmādyatīndriyasādhyasaṃbandhasya hetoḥ prasiddhatvāt | 
TBV-SD 60,14	tathāhi — svaviṣayagrahaṇakṣamasya jñānasya tadagrāhakatvaṃ viśiṣṭadravyasaṃbandhapūrvakaṃ pītahṛtpūrapuruṣajñānasyeva; 
TBV-SD 60,15	‘sarvamanekāntātmakam’iti sakalasāmānyaviṣayasya ca jñānasya tadgatāśeṣaviśeṣāgrāhakatvaṃ suprasiddhamiti 
TBV-SD 60,16	bhavati paudgalikā'tīndriyadharmādisiddhirato hetoḥ | yadapyuktam ‘anumānajñānena sakalajñatvābhyupaga- 
TBV-SD 60,17	me'smadādīnāmapi tat syāt, bhāvanābalāt tadvaiśadye tu kāmādiviplutaviśadajñānavata ivāsarvajñatvam; 
TBV-SD 60,18	tajjñānasya tadvad upaplutatvaprāpteḥ’ iti, tadapyacāru; yato bhāvanābalājjñānaṃ vaiśadyamanubhavatītyetāvanmā- 
TBV-SD 60,19	treṇa dṛṣṭāntasyopāttatvād na sakaladṛṣṭāntadharmāṇāṃ sādhyadharmiṇyāsañjanaṃ yuktam; tathā'bhyupagame sakalā- 
TBV-SD 60,20	numānocchedaprasakteḥ | na cānumānagṛhītasyārthasya bhāvanābalād vaiśadyaṃ tatpratibhāsinyabhyāsaje jñāne'nu- 
TBV-SD 60,21	bhavato vaiparītyasaṃbhavo yena tadavabhāsino jñānasya kāmādyupaplutajñānasyevopaplutatvaṃ syāt | yadapyabhyadhāyi 
TBV-SD 60,22	‘rajo — nīhārādyāvaraṇāpāye vṛkṣādidarśanavad rāgādyāvaraṇābhāve sarvajñajñānaṃ vaiśadyabhāg bhaviṣyati’ ‘na 
TBV-SD 60,23	ca rāgādīnāmāvārakatvaṃ siddham’ ityādi, tadapyasaṅgatam; kuḍyādīnāmapyanvaya — vyatirekābhyāmāvāra- 
TBV-SD 60,24	katvāsiddheḥ | tathāhi — satyasvapnapratibhāsasyārthagrahaṇe na kuḍyādīnāmāvārakatvam, niśchidrāpavarakama- 
TBV-SD 60,25	dhyasthitenāpi bhāvyatīndriyādyarthasyāntarāvaraṇābhāve pramāṇāntarasaṃvādina upalambhāt; kuḍyādīnāṃ 
TBV-SD 60,26	tvāvaraṇatve taddarśanamasaṃbhavyeva syāt, tathāpratibhāsenādṛṣṭārthe'pi kuḍyādīnāṃ nāvārakatvam | yacca 
TBV-SD 60,27	prātibhaṃ jñānaṃ jāgradavasthāyāṃ śabda — liṅgā'kṣavyāpārābhāve'pi ‘śvo bhrātā me āgantā’ ityādyākāra- 
TBV-SD 60,28	mutpadyamānamupalabhyate tatra kuḍyādīnāṃ kathamāvārakatvam ? kathaṃ vā vijñānasya nātīndriyaviśeṣaṇabhūta- 
TBV-SD 60,29	śvastanakālādyavabhāsakatvam anindriyajasya ca jñānasya bāhya — sūkṣmādipadārthasākṣātkāritvaṃ na siddham 
TBV-SD 60,30	yena ‘sarvajñajñānasyānakṣajatve bāhyā'tīndriyādisakalapadārthasākṣātkaraṇaṃ spaṣṭatvaṃ ca na syāt’ ityādi 
TBV-SD 60,31	preryeta ? | ata eva sakalapadārthagrahaṇasvabhāvasya jñānasya indriyādijanyatvakṛta eva pratiniyatarūpādigrā- 
TBV-SD 60,32	hakatvaniyamo'vasīyate, prātibhādau tadajanye tasyābhāvāt | sakalajñajñānaṃ cātīndriyamiti kathaṃ “ye'pi 
TBV-SD 60,33	sātiśayā dṛṣṭāḥ” ityādi tathā “yatrāpyatiśayo dṛṣṭaḥ” ityādi ca 
TBV-SD 60,34	dūṣaṇaṃ tatra kramate ? na hi jñānasyāśeṣajñeyajñānasvabhāvasya kaścit pratiniyato rūpādikaḥ svārthaḥ 
TBV-SD 60,35	saṃbhavati ityasakṛdāveditam | 
TBV-SD 60,36	atha rāgādīnāmāvārakatve'pi kathamātyantikaḥ kṣayaḥ, kathaṃ vā'bhyasyamānamapyaviśadaṃ jñānaṃ 
TBV-SD 60,37	laṅghanodakatāpādivat prakṛṣṭaprakarṣāvasthām vaiśadyaṃ cā'vāpnotīti ? naitat preryam; yato yadi rāgādīnā- 
TBV-SD 60,38	māvārakatvādisvarūpaṃ na jñāyeta, nityatvamākasmikatvaṃ vā teṣāṃ syāt, taddhetūnāṃ vā svarūpāparijñānaṃ 
TBV-SD 61,01	nityatvaṃ vā saṃbhāvyeta, tadvipakṣasya vā svarūpato'jñānaṃ anabhyāsaśca syāt tadaitanna syādapi; yāvatā 
TBV-SD 61,02	rāgādīnāṃ jñānāvaraṇahetutvenāvaraṇasvarūpatvaṃ siddham | na ca teṣāṃ nityatvam, tatsadbhāve sarvajñajñānasya 
TBV-SD 61,03	pratipādayiṣyamāṇapramāṇaniścitasyābhāvaprasaṅgāt | nāpyākasmikatvam, ata eva | na caiṣāmutpādako 
TBV-SD 61,04	heturnāvagataḥ, mithyājñānasya tajjanakatvena siddhatvāt | na ca tasyāpi nityatvam, anyathā'vika- 
TBV-SD 61,05	lakāraṇasya mithyājñānasya bhāve prabandhapravṛttarāgādidoṣasadbhāvāt tadāvṛtatvena sarvavidvijñānasyābhāvaḥ 
TBV-SD 61,06	syāditi sa eva doṣaḥ | ākasmikatve'pi mithyājñānasya hetuvyatirekeṇāpi pravṛttestatkāryabhūtarā- 
TBV-SD 61,07	gādīnāmapi pravṛttiriti punarapi sarvajñajñānābhāvaḥ; ahetukasya ca mithyājñānasya deśa — kāla — puru- 
TBV-SD 61,08	ṣapratiniyamābhāvo'pi syāditi na cetanā'cetanavibhāgaḥ | na ca tatpratipakṣabhūtasyopāyasyāpa- 
TBV-SD 61,09	rijñānam, mithyātvavipakṣatvena samyagjñānasya niścitatvāt | tadutkarṣe mithyājñānasyātyantikaḥ 
TBV-SD 61,10	kṣayaḥ | tathāhi — yadutkarṣatāratamyād yasyāpacayatāratamyaṃ tasya vipakṣaprakarṣāvasthāgamane bhavatyātya- 
TBV-SD 61,11	ntikaḥ kṣayaḥ, yathoṣṇasparśasya tathābhūtasya prakarṣagamane śītasparśasya tathāvidhasyaiva, samyagjñānopa- 
TBV-SD 61,12	cayatāratamyānuvidhāyī ca mithyājñānāpacayataratamādibhāva iti tadutkarṣe'syā''tyantikakṣayasadbhā- 
TBV-SD 61,13	vāt tatkāryabhūtarāgādyanutpatterāvaraṇābhāvaḥ siddhaḥ | rāgādivipakṣabhūtavairāgyābhyāsād vā rāgā- 
TBV-SD 61,14	dīnāṃ nirmūlataḥ kṣaya iti kathaṃ nāvaraṇābhāvaḥ ? 
TBV-SD 61,15	na ca laṅghano — dakatāpādivadabhyasyamānasyāpi samyagjñāna — vairāgyāderna paraprakarṣaprāptiriti 
TBV-SD 61,16	kutastadviṣaye mithyājñānābhāvād rāgāderātyantiko'nutpattilakṣaṇaḥ kṣayalakṣaṇo vā'bhāva iti 
TBV-SD 61,17	vaktuṃ yuktam, yato laṅghanaṃ hi pūrvaprayatnasādhyaṃ yadi vyavasthitameva syāt tadottaraprayatna- 
TBV-SD 61,18	syāparāparalaṅghanātiśayotpattau vyāpārāt bhavellaṅghanasyāpyanapekṣitapūrvātiśayasadbhāvaprayatnāntarasya 
TBV-SD 61,19	prakarṣāvāptiḥ; na caivam, aparāparaprayatnasya pūrvapūrvātiśayotpādane evopakṣīṇaśaktitvāt | athaitat 
TBV-SD 61,20	syāt — yadi tatrāpi pūrvaprayatnotpādito'tiśayo na vyavasthitaḥ syāt, tatkimiti prathamameva 
TBV-SD 61,21	yāvallaṅghayitavyaṃ tāvanna laṅghayati ? tallaṅghanābhyāsāpekṣaṇāt pūrvaprayatnāhitātiśayasadbhāve'pi na 
TBV-SD 61,22	laṅghanaprakarṣaprāptiriti yathā tasya vyavasthitotkarṣatā tathā jñānasyāpi bhaviṣyati, na; yataḥ 
TBV-SD 61,23	śleṣmādinā prāk śarīrasya jāḍyād yāvallaṅghayitavyaṃ na tāvad vyāyāmānapanītaśleṣmā'nāsā- 
TBV-SD 61,24	ditapaṭubhāvaḥ kāyo laṅghayati; abhyāsāsāditaśleṣmakṣaya — paṭubhāvastu yāvallaṅghayitavyaṃ tāvallaṅgha- 
TBV-SD 61,25	yatītyabhyāsastatra saprayojanaḥ | jñānasya tu yo'bhyāsasamāsādito'tiśayaḥ so'tiśayāntarotpattau 
TBV-SD 61,26	punaḥ prāktanābhyāsāpekṣo na bhavatītyuttarottarābhyāsānāmaparāparātiśayotpādane vyāpārād na vyava- 
TBV-SD 61,27	sthitotkarṣateti bhavati jñānasya paraprakarṣakāṣṭhā | udakatāpe tvatiśayena kriyamāṇe tadāśrayasyaiva kṣayād 
TBV-SD 61,28	nātitāpyamānamapyudakamagnirūpatāmāsādayati; vijñānasya tvāśrayo'tyabhyasyamāne'pi tasmin na 
TBV-SD 61,29	kṣayamupayātīti kathaṃ tasya vyavasthitotkarṣatā ? na ca vijñānamapi prāktanābhyāsādāsāditātiśayaṃ 
TBV-SD 61,30	pūrvameva vinaṣṭam aparābhyāsādanyadatiśayavadutpannamiti kathaṃ pūrvābhyāsasamāsādito'tiśayo 
TBV-SD 61,31	nābhyāsāntarāpekṣo yena vyavasthitotkarṣatā tasyāpi na syāditi vaktuṃ yuktam, tatra pūrvābhyāsajani- 
TBV-SD 61,32	tasaṃskārasyottaratrānuvṛtteḥ; anyathā śāstraparāvarttanādivaiyarthyaprasaṅgāt | nāpi ‘yadupacayatāratamyā- 
TBV-SD 61,33	nuvidhāyī yadapacayataratamabhāvastasya tadvipakṣaprakarṣagamanādātyantikaḥ kṣayaḥ’ ityatra prayoge śleṣmaṇā 
TBV-SD 61,34	vyabhicāra udbhāvayituṃ śakyaḥ kila — nimbādyauṣadhopayogāt prakarṣatāratamyānubhavavatastaratama- 
TBV-SD 61,35	bhāvāpacīyamānasyāpi śleṣmaṇo nātyantikakṣaya iti — yatastatra nimbādyauṣadhopayogasyaiva notkarṣa- 
TBV-SD 61,36	niṣṭhā āpādayituṃ śakyā, tadupayoge'pi śleṣmapuṣṭikāraṇānāmapi tadaivā''sevanāt, anyathauṣadhopa- 
TBV-SD 61,37	yogādhārasyaiva vināśaḥ syāt | cikitsāśāstrasya ca dhātudoṣasāmyāpādanābhiprāyeṇaiva pravṛttesta- 
TBV-SD 61,38	tpratipāditauṣadhopayogasyodriktadhātudoṣasāmyavidhāne eva vyāpāro na punastasya nirmūlane; anyathā 
TBV-SD 61,39	doṣāntarasyātyantakṣaye maraṇāvāpteriti na śleṣmaṇā tathābhūtenānaikāntiko hetuḥ | na ca samyagjñā- 
TBV-SD 61,40	nasātmībhāve'pi punarmithyājñānasyāpi saṃbhavo bhaviṣyati tadutkarṣa iva samyagjñānasyeti vaktuṃ yuktam, 
TBV-SD 61,41	yato mithyājñāne rāgādau vā doṣadarśanāt, tadvipakṣe ca samyagjñāna — vairāgyalakṣaṇe guṇadarśanāt tatra 
TBV-SD 62,01	punarabhyāsapravṛttisaṃbhavāt prakṛṣṭe'pi mithyājñāna — rāgādāvutpadyete eva samyagjñāna — vairāgye; naivaṃ 
TBV-SD 62,02	tayoḥ prakarṣāvasthāyāṃ doṣadarśanaṃ tatra tadviparyaye vā guṇadarśanaṃ yena punastatsātmībhāve'pi 
TBV-SD 62,03	mithyājñāna — rāgāderutpattiḥ saṃbhāvyeta | na cānakṣajasya jñānasya sarvavitsaṃbandhinaḥ kathaṃ pratyakṣaśabda- 
TBV-SD 62,04	vācyateti vaktuṃ yuktam, yato'kṣajatvaṃ pratyakṣasya śabdavyutpattinimittameva na punaḥ śabdapravṛttinimi- 
TBV-SD 62,05	ttam; tannimittaṃ hi tadekārthāśritamarthasākṣātkāritvam | anyaddhi śabdasya vyutpattau nimittam anyacca 
TBV-SD 62,06	pravṛttau, yathā gośabdasya gamanaṃ vyutpattau, gopiṇḍāśritagotvaṃ pravṛttau nimittam — anyathā yadi yadeva 
TBV-SD 62,07	vyutpattinimittaṃ tadeva pravṛttāvapi tadā gacchantyāmeva gavi gośabdapravṛttiḥ syāt na sthitāyām, 
TBV-SD 62,08	mahiṣyādau ca gamanapariṇāmavati gośabdaḥ pravartteta — tathā'trāpi pravṛttinimittasadbhāvāt pratyakṣa- 
TBV-SD 62,09	vyapadeśaḥ saṃbhavatyeva | yadvā yadeva vyutpattinimittaṃ tadeva pravṛttāvapyastu tathāpi tacchabdavācyatā- 
TBV-SD 62,10	yāstatra nābhāvaḥ | tathāhi — ‘aśrute’ sarvapadārthān jñānātmanā vyāpnotīti vyutpattiśabdasamāśrayaṇād 
TBV-SD 62,11	akṣaḥ ātmā, tamāśritam utpādyatvena taṃ prati gatamiti pratyakṣamiti vyutpatteḥ | abhyupagamavādena 
TBV-SD 62,12	cābhyāsavaśāt prāptaprakarṣeṇa jñānena sarvajña iti pratipāditam | na tvasmākamayamabhyupagamaḥ kintu 
TBV-SD 62,13	jñānādyāvārakaghātikarmacatuṣṭayakṣayodbhūtāśeṣajñeyavyāpyanindriyaśabdaliṅgasākṣātkārijñānavataḥ sarva- 
TBV-SD 62,14	jñatvamabhyupagamyate | 
TBV-SD 62,15	yaccoktam ‘yadyatītānāgatavarttamānāśeṣapadārthasākṣātkārijñānena sarvajñastadā krameṇātītā- 
TBV-SD 62,16	nāgatapadārthavedane padārthānāmānantyād na jñānaparisamāptiḥ’ iti, tadayuktam; tathā'nabhyupagamāt; 
TBV-SD 62,17	śāstrārthe krameṇānubhūte'pyatyantābhyāsānna krameṇa saṃvedanamanubhūyate tadvadatrāpi syāt | yadapya- 
TBV-SD 62,18	bhyadhāyi ‘atha yugapatsarvapadārthavedakaṃ tajjñānamabhyupagamyate tadā parasparaviruddhānāṃ śītoṣṇā- 
TBV-SD 62,19	dīnāmekajñāne pratibhāsāsaṃbhavāt; saṃbhave'pi’ ityādi, tadapyayuktam; yataḥ parasparaviruddhānāṃ kime- 
TBV-SD 62,20	kadā'saṃbhavaḥ, kiṃvā saṃbhave'pyekajñāne'pratibhāsanaṃ bhavatā pratipādayitumabhipretam ? tatra yadyādyaḥ 
TBV-SD 62,21	pakṣaḥ, sa na yuktaḥ; jalā'nalādīnāṃ chāyā''tapādīnāṃ caikadā viruddhānāmapi saṃbhavāt | athaikatra 
TBV-SD 62,22	viruddhānāmasaṃbhavastadā'saṃbhavādeva naikatra jñāne teṣāṃ pratibhāso na punarviruddhatvāt, viruddhānāmapi 
TBV-SD 62,23	teṣāmekajñāne pratibhāsasaṃvedanāt | etena ‘viruddhārthagrāhakasya ca tajjñānasya na pratiniyatārthagrāhakatvaṃ 
TBV-SD 62,24	syāt’ ityādyapi nirastam, chāyā''tapādiviruddhārthagrāhiṇo'pi jñānasya pratiniyatārthagrāhakatva- 
TBV-SD 62,25	saṃvedanāt | yaccoktam ‘yadi yugapatsarvapadārthagrāhakaṃ tajjñānaṃ tadaikakṣaṇa eva sarvapadārthavedanāt 
TBV-SD 62,26	dvitīyādikṣaṇe kiñcijjña eva sa syāt’ ityādi, tadapyatyantāsaṃbaddham; yato yadi dvitīyakṣaṇe 
TBV-SD 62,27	padārthānām tajjñānasya cābhāvaḥ syāt tadā syādapyetat; na caitatsaṃbhavati, tathā'bhyupagame dvitīyakṣaṇe 
TBV-SD 62,28	sarvapadārthābhāvāt sakalasaṃsārocchedaḥ syāt | yadapyabhyadhāyi ‘anādyanantapadārthasaṃvedane tatsaṃveda- 
TBV-SD 62,29	nasyāparisamāptiḥ’ ityādi, tadapyayuktam; atyantābhyastaśāstrārthajñānasyeva yugapadanādyanantārthagrāhi- 
TBV-SD 62,30	ṇastajjñānasyāpi parisamāptisaṃbhavāt; anyathā bhūta — bhaviṣyat — sūkṣmādipadārthagrāhiṇaḥ preraṇājani- 
TBV-SD 62,31	tajñānasyāpi kathaṃ parisamāptiḥ ? tatrāpyaparisamāptyabhyupagame “codanā bhūtaṃ bhavantaṃ bhaviṣyantam” 
TBV-SD 62,32	ityādivacanasya nairarthakyaṃ syāditi | yadapi ‘parastharāgādisaṃvedane sarāgaḥ syāt’ ityādi, 
TBV-SD 62,33	tadapyasaṅgatam; nahi parastharāgādisaṃvedanād rāgādimān bhavati; anyathā śrotriyadvijasyāpi 
TBV-SD 62,34	svapnajñānena madyapānādisaṃvedanād madyapānadoṣaḥ syāt | athāpyarasanendriyajaṃ tajjñānamiti 
TBV-SD 62,35	nāyaṃ doṣastarhi sarvajñajñānamapi nendriyajamiti kathamaśucirasāsvādadoṣastatrāsajyeta ? na ca 
TBV-SD 62,36	rāgādisaṃvedanād ‘rāgī’ iti loke vyavahāraḥ kintvaṅganākāmanādyabhilāṣasvasaṃviditasyāśi 
TBV-SD 62,37	ṣṭavyavahārakāriṇaḥ svātmasvabhāvasyotpatteḥ; na cāsau tatreti kathaṃ sa rāgādimān ? yadapi ‘atha 
TBV-SD 62,38	śaktiyuktatvena sarvapadārthavedanam’ ityādi, tadapyacāru; yathā upalabdhilakṣaṇaprāpte sannihitadeśādāva- 
TBV-SD 62,39	nupalabdheḥ ‘aparamatra nāsti’ iti idānīṃtanānāmiyattāniścayastathā sarvajñasyāpi svaśaktiparicche- 
TBV-SD 62,40	dāt; anyathā ghaṭādīnāmapi kvacit pradeśe'bhāvaniścaye'paraprakārāsaṃbhavāt sakalavyavahāravilopaḥ 
TBV-SD 63,01	syāt | ‘atha yāvadupayogipradhānapadārthajātam’ ityādi api ayuktam, sakalapadārthajñatvapratipāda- 
TBV-SD 63,02	nāt | ata eva — 
TBV-SD 63,03		“jño jñeye kathamajñaḥ syād asati pratibandhari | 
TBV-SD 63,04		satyeva dāhye na hyagniḥ kvacid dṛṣṭo na dāhakaḥ || ”
TBV-SD 63,05	ityatra yaduktam “kiṃ sarvajñatvāt, atha kiñcijjñatvād iti, nobhayathāpi hetuḥ | yadi tāvat 
TBV-SD 63,06	sarvajñatvāditi hetvarthaḥ parikalpyate tadā pratijñārthaikadeśo heturasiddha eva; kathaṃ hi tadeva sādhyam 
TBV-SD 63,07	tadeva hetuḥ | atha kiñcijjñatvāditi hetustadā viruddhatā syāt; kathaṃ hi kiñcijjñatvaṃ sarvajñatvena viruddhaṃ 
TBV-SD 63,08	sarvajñatvaṃ sādhayet ? atha jñatvamātraṃ hetustadā'naikāntikaḥ, jñatvamātrasya kiñcijjñatvenāpyavirodhāt” 
TBV-SD 63,09	iti, tadapi nirastam; sāmānyena ‘sarvajñatvāt’ ityasya hetutvāt viśeṣeṇa tajjñatvasya sādhyatvāt 
TBV-SD 63,10	sāmānya — viśeṣayośca bhedasya kathañcit pratipādayiṣyamāṇatvāt sāmānyena sarvajñatvasya cānumāna- 
TBV-SD 63,11	vyavahāriṇaṃ prati sādhitatvāt | etena ‘sūkṣmā'ntaritadūrārthāḥ kasyacit pratyakṣāḥ prameyatvāt’ 
TBV-SD 63,12	ityatra prayoge prameyatvahetoryad dūṣaṇamupanyastaṃ pūrvapakṣavādinā tadapi nirastam, sarvasūkṣmā'ntarita- 
TBV-SD 63,13	padārthānāṃ vyāptiprasādhakenānumānapramāṇena vā ekena sāmānyataḥ prameyatvasya prasādhitatvāt | 
TBV-SD 63,14	yacca ‘pradhānapadārthaparijñānaṃ na sakalapadārthajñānamantareṇa saṃbhavati’ iti, tat sarvajñavacanāmṛ- 
TBV-SD 63,15	talavāsvādasaṃbhavo bhavato'pi kathañcit saṃpanna iti lakṣyate | tathāhi tadvacaḥ — 
TBV-SD 63,16		“je egaṃ jāṇai” ityādi | 
TBV-SD 63,17	tanmatānusāribhiḥ pūrvācāryairapyayamartho nyagādi — 
TBV-SD 63,18		“eko bhāvastattvato yena dṛṣṭaḥ sarve bhāvāḥ sarvathā tena dṛṣṭāḥ | 
TBV-SD 63,19		sarve bhāvāḥ sarvathā yena dṛṣṭā eko bhāvastattvatastena dṛṣṭaḥ” || 
TBV-SD 63,20	asyāyamarthaḥ — na hyasarvavidā kaścideko'pi padārthastattvato draṣṭuṃ śakyaḥ, ekasyāpi padārthasyānugata — 
TBV-SD 63,21	vyāvṛttadharmadvāreṇa sākṣāt pāraṃparyeṇa vā sarvapadārthasaṃbandhisvabhāvatvāt; tatsvabhāvā'vedane ca 
TBV-SD 63,22	tasyā'vedanameva paramārthataḥ tatastajjñānaṃ svapratibhāsameva vettīti nārtho viditaḥ syāt, kevalaṃ 
TBV-SD 63,23	tatrābhimānamātrameva lokasya | atha saṃbandhisvabhāvatā padārthasya svarūpameva na bhavati, yat kevalaṃ 
TBV-SD 63,24	pratyakṣapratītaṃ sannihitamātraṃ sa eva vastusvabhāvaḥ; saṃbandhitā tu tatra parikalpitaiva padārthāntarada- 
TBV-SD 63,25	rśanasaṃbhavatayā | tathā coktam — 
TBV-SD 63,26		“niṣpatteraparādhīnamapi kāryaṃ svahetunā | 
TBV-SD 63,27		saṃbadhyate kalpanayā, kimakāryaṃ kathañcana ? ” ||  iti, 
TBV-SD 63,28	tadetadayuktam; evaṃ hi parikalpyamāne svarūpamātrasaṃvedanād advaitameva prāptam, tataḥ sarvapadārthābhāve 
TBV-SD 63,29	vyavahārābhāvaḥ | atha vyavahārocchedabhayāt padārthasadbhāvo'bhyupagamyate tarhi sarvapadārthasaṃbandhi- 
TBV-SD 63,30	tā'pi sākṣāt pāraṃparyeṇa ca padārthasvabhāvo'bhyupagantavyaḥ; anyathā sākṣāt pāraṃparyeṇa vā'nyapa- 
TBV-SD 63,31	dārthajanyajanakatālakṣaṇasaṃbandhitā'nabhyupagame tadvyāvṛttyanugatisaṃbandhitā'nabhyupagame ca padārthasva- 
TBV-SD 63,32	rūpasyāpyabhāvaḥ | tatpadārthaparijñāne ca tadviśeṣaṇabhūtā tatsaṃbandhitā'pi jñātaiva, anyathā tasya 
TBV-SD 63,33	tatparijñānameva na syāt; tatparijñāne ca sakalapadārthaparijñānamasmadādīnāmanumānataḥ, sarvajñasya ca 
TBV-SD 63,34	sākṣāt tajjñānena sakalapadārthajñānam | lokastu pratyakṣeṇa kathañcit kasyacit pratipattā | tathāhi — 
TBV-SD 63,35	dhūmasyāpyagnijanyatayā pratipattau bāṣpādivyāvṛttadhūmasvarūpapratipattiḥ; anyathā vyavahārābhāvaḥ | 
TBV-SD 63,36	tathā nīlādipratibhāsasya bāhyārthasaṃbandhitayā'pratipattau bāhyārthāpratipattireva syāt | tasmāt 
TBV-SD 63,37	saṃbandhitayaiva padārthasvarūpapratipattiḥ; tacca saṃbandhitvaṃ prameyamanumānena pratīyate'bhyāsadaśāyāmasma- 
TBV-SD 63,38	dādibhiḥ; yatra kṣayopaśamalakṣaṇo'bhyāsastatra tasya pratyakṣato'pi pratipattiriti kathaṃ na pradhānabhūta- 
TBV-SD 63,39	padārthavedane sakalapadārthavedanam ekavedane'pi sakalavedanasya pratipāditatvāt ? 
TBV-SD 64,01	vikalpābhāve'pi mantrāviṣṭakumārikādivacanavannityasamāhitasyāpi vacanasaṃbhavād ‘vikalpā- 
TBV-SD 64,02	bhāve kathaṃ vacanam’ ityādi nirastam | dṛśyate cātyantābhyaste viṣaye vyavahāriṇāṃ vikalpanamantare- 
TBV-SD 64,03	ṇāpi vacanapravṛttiriti kathaṃ tataḥ sarvajñāsya chādmasthikajñānāsañjanaṃ yuktam ? yadapyuktam ‘atītā- 
TBV-SD 64,04	derasattvāt kathaṃ tajjñānena grahaṇam, grahaṇe vā'sadarthagrāhitvāt tajjñānavān bhrāntaḥ syāt’ ityādi, 
TBV-SD 64,05	tadapyayuktam; yataḥ kimatītāderatītādikālasaṃbandhitvenāsattvam, uta tajjñānakālasaṃbandhitvena ? 
TBV-SD 64,06	yadyatītādikālasaṃbandhitveneti pakṣaḥ, sa na yuktaḥ; varttamānakālasaṃbandhitvena varttamānasyeva tatkā- 
TBV-SD 64,07	lasaṃbandhitvenātītāderapi sattvasaṃbhavāt | athātītādeḥ kālasyābhāvāt tatsaṃbandhino'pyabhāvaḥ, 
TBV-SD 64,08	tadasattvaṃ ca pratipāditaṃ pūrvapakṣavādinā'navasthe — taretarāśrayādidoṣapratipādanena; satyam, pratipāditaṃ 
TBV-SD 64,09	na ca samyak; tathāhi — nāsmābhiraparātītādikālasaṃbandhitvādasyātītāditvamabhyupagamyate — yenā- 
TBV-SD 64,10	navasthā syāt — nāpi padārthānāmatītāditvena kālasyātītāditvam — yenetaretarāśrayadoṣaḥ — kintu 
TBV-SD 64,11	svarūpata evātītādisamayasyātītāditvam | tathāhi — anubhūtavarttamānatvaḥ samayo'tīta ityucyate, 
TBV-SD 64,12	anubhaviṣyadvarttamānatvaścānāgataḥ; tatsaṃbandhitvāt padārthasyāpyatītā'nāgatatve aviruddhe | ‘atha 
TBV-SD 64,13	yathā'tītādeḥ samayasya svarūpeṇaivātītāditvaṃ tathā padārthānāmapi tadbhaviṣyatīti vyarthastadabhyu- 
TBV-SD 64,14	pagamaḥ’ etaccātyantāsaṅgatam, na hyekapadārthadharmastadanyatrāpyāsañjayituṃ yuktaḥ; anyathā nimbādesti- 
TBV-SD 64,15	ktatā guḍādāvapyāsañjanīyā syāt | na ca sā'traiva pratyakṣasiddhā ityanyatrāsañjane tadvirodha ityutta- 
TBV-SD 64,16	ram, prakṛte'pyasyottarasya samānatvāt | bhavatu padārthadharma evātītāditvaṃ tathāpi nāsmākamabhyupa- 
TBV-SD 64,17	gamakṣatiḥ, viśiṣṭapadārthapariṇāmasyaivātītādikālatveneṣṭeḥ — 
TBV-SD 64,18		“pariṇāma — varttanā — divi — parā'paratva” — 
TBV-SD 64,19	ityādyāgamāt | tathāhi — smaraṇaviṣayatvaṃ padārthasyātītatvamucyate, anubhavaviṣayatvaṃ varttamānatvam, 
TBV-SD 64,20	sthirāvasthādarśanaliṅgabalotpadyamāna‘kālāntarasthāyyayaṃ padārthaḥ’ ityanumānaviṣayatvaṃ dharmo'nāga- 
TBV-SD 64,21	takālatvamiti | tena yaducyate ‘yadi svata eva kālasyātītāditvaṃ padārthasyāpi tat svata 
TBV-SD 64,22	eva syāt’ iti, pareṇa tat siddhaṃ sādhitam | tad atītādikālasya sattvānna tatkāla- 
TBV-SD 64,23	saṃbandhitvenātītādeḥ padārthasyā'sattvam, varttamānakālasaṃbandhitvena tvatītāderasattvapratipāda- 
TBV-SD 64,24	ne'bhimatameva pratipāditaṃ bhavati; na hyatītakālasaṃbandhitvasattvamevaitajjñānakālasaṃbandhitvamasmā- 
TBV-SD 64,25	bhirabhyupagamyate | na caitatkālasaṃbandhitvenāsattve svakālasaṃbandhitvenāpyatītāderasattvaṃ bhavati; 
TBV-SD 64,26	anyathaitatkālasaṃbandhitvasyāpyatītādikālasaṃbandhitvenāsattvāt sarvābhāvaḥ syāditi sakalavya- 
TBV-SD 64,27	vahārocchedaḥ | athāpi syāt — bhavatvatītādeḥ sattvaṃ tathāpi sarvajñajñāne na tasya pratibhāsaḥ, 
TBV-SD 64,28	tajjñānakāle tasyāsannihitatvāt; sannidhāne vā tajjñānāvabhāsina iva varttamānakālasaṃbandhino'- 
TBV-SD 64,29	tītāderapi varttamānakālasaṃbandhitvaprāpteḥ | na hi varttamānasyāpi sannihitatvena tatkālajñānaprati- 
TBV-SD 64,30	bhāsitvaṃ muktvā'nyad varttamānakālasaṃbandhitvam; evamatītādestajjñānāvabhāsitve varttamānatvameveti 
TBV-SD 64,31	varttamānamātrapadārthajñānavānasmadādivanna sarvajñaḥ syāt | kiṃca, atītādestajjñānakāle'sannihita- 
TBV-SD 64,32	tvena tajjñāne'pratibhāsaḥ; pratibhāse vā svajñānasaṃbandhitvena tasya grahaṇāt tajjñānasya viparītakhyā- 
TBV-SD 64,33	tirūpatāprasaktiḥ, etadasaṃbaddham; yato yathā'smadādīnāmasannihitakālo'pyarthaḥ satyasvapnajñāne 
TBV-SD 64,34	pratibhāti — na cāsannihitasya tasyātītādikālasaṃbandhino varttamānakālasaṃbandhitvam; nāpi 
TBV-SD 64,35	svakālasaṃbandhitvena satyasvapnajñāne tasya pratibhāsanāt tadgrāhiṇo jñānasya viparītakhyātitvam | 
TBV-SD 64,36	yatra hyanyadeśa — kālo'rtho'nyadeśa — kālasaṃbandhitvena pratibhāti sā viparītakhyātiḥ | atra tvatī- 
TBV-SD 64,37	tādikālasaṃbandhī atītādikālasaṃbandhitvenaiva pratibhātīti na tatpratibhāsino'rthasya tatkālasaṃ- 
TBV-SD 64,38	bandhitvena varttamānatvam; nāpi tadgrāhiṇo vijñānasya viparītakhyātitvam — tathā sarvajñajñāne'pi 
TBV-SD 64,39	yadā'tītādikālo'rtho'tītādikālasaṃbandhitvena pratibhāti tadā kathaṃ tasyārthasya varttamānakāla- 
TBV-SD 65,01	saṃbandhitvam, kathaṃ vā tajjñānasya viparītakhyātitvamiti ? yathā vā viśiṣṭamantrasaṃskṛtacakṣuṣāma- 
TBV-SD 65,02	ṅguṣṭhādinirīkṣaṇenānyadeśā api caurādayo gṛhyamāṇā na taddeśā bhavanti, nāpi tajjñānaṃ taddeśādi- 
TBV-SD 65,03	saṃbandhitvamanubhavati, tathā sarvavidvijñānamapyasannihitakālaṃ yadyarthamavabhāsayati svātmanā tatkā- 
TBV-SD 65,04	lasaṃbandhitvamananubhavadapi tadā ko virodhaḥ, kathaṃ vā tasyātītāderarthasya tajjñānakālatvamiti ? 
TBV-SD 65,05	na ca satyasvapnajñāne'pyatītādyarthapratibhāse samānameva dūṣaṇamiti na taddṛṣṭāntadvāreṇa sarvajñajñāna- 
TBV-SD 65,06	matītādyarthagrāhakaṃ vyavasthāpayituṃ yuktamiti vaktuṃ yuktam, avisaṃvādavato'pi jñānasya visaṃvādaviṣaye 
TBV-SD 65,07	vipratipattyabhyupagame svasaṃvedanamātre'pi vipratipattisadbhāvād atisūkṣmekṣikayā tasyāpi tatsva- 
TBV-SD 65,08	rūpatvāsaṃbhavāt sarvaśūnyatāprasaṅgāt; tanniṣedhasya ca pratipādayiṣyamāṇatvāt | ato na yuktamuktam 
TBV-SD 65,09	‘atha pratipādyāpekṣayā’ ityādi ‘na bhrāntajñānavān sarvajñaḥ kalpayituṃ yuktaḥ’ itiparyantam | yadapyu- 
TBV-SD 65,10	ktam ‘bhavatu vā sarvajñastathāpyasau tatkāle'pyasarvajñairjñātuṃ na śakyate’ ityādi, tadapyasaṃgatam; yato 
TBV-SD 65,11	yathā sakalaśāstrārthāparijñāne'pi vyavahāriṇā ‘sakalaśāstrajñaḥ’ iti kaścit puruṣo niścīyate tathā 
TBV-SD 65,12	sakalapadārthāparijñāne'pi yadi kenacit kaścit sarvajñatvena niścīyate tadā ko virodhaḥ ? yuktaṃ 
TBV-SD 65,13	caitat; anyathā yuṣmābhirapi sakalavedārthāparijñāne kathaṃ jaiminiranyo vā vedārthajñatvena niścīyate ? 
TBV-SD 65,14	tadaniścaye ca kathaṃ tadvyākhyātārthānusaraṇādagnihotrādāvanuṣṭhāne pravṛttiḥ ? iti yatkiñcidetat 
TBV-SD 65,15	“sarvajño'yamiti hyetat” ityādi | tadevaṃ sarvajñasadbhāvagrāhakasya pramāṇasya jñatva — prameyatva — vacana- 
TBV-SD 65,16	viśeṣatvāderdarśitatvāt tadabhāvaprasādhakasya ca nirastatvāt ‘ye bādhakapramāṇagocaratāmāpannāste 
TBV-SD 65,17	‘asat’ iti vyavaharttavyāḥ’ iti prayoge hetorasiddhatvāt ye suniścitāsaṃbhavadbādhakapramāṇatve sati 
TBV-SD 65,18	sadupalambhakapramāṇagocarāste ‘sat’ iti vyavaharttavyāḥ, yathobhayavādyavipratipattiviṣayā ghaṭādayaḥ, 
TBV-SD 65,19	tathābhūtaśca sarvavit iti bhavatyataḥ pramāṇāt sarvajñavyavahārapravṛttiriti | 
TBV-SD 65,20	athāpi syāt — svaviṣayāvisaṃvādivacanaviśeṣasya tadviṣayāvisaṃvādijñānapūrvakatvamātrameva 
TBV-SD 65,21	bhavatā prasādhitam, na caitāvatā'nantārthasākṣātkārijñānavān sarvajñaḥ siddhimāsādayati, sakala- 
TBV-SD 65,22	sūkṣmādipadārthasārthasākṣātkārijñānaviśeṣapūrvakatve hi vacanaviśeṣasya siddhe tajjñānavataḥ sarvajñatva- 
TBV-SD 65,23	siddhiḥ syāt | na ca tathābhūtajñānapūrvakatvaṃ vacanaviśeṣasya siddham, anumānādijñānādapi svaviṣa- 
TBV-SD 65,24	yāvisaṃvādivacanaviśeṣasya saṃbhavāt; na ca tathābhūtajñānavān sarvajño bhavadbhirabhyupagamyata ityetad 
TBV-SD 65,25	hṛdi kṛtvā''ha sūriḥ — ‘kusamayavisāsaṇaṃ’ iti | samyak — pramāṇāntarāvisaṃvāditvena — īyante 
TBV-SD 65,26	paricchidyante iti samayāḥ — naṣṭa — muṣṭi — cintā — lābhā'lābha — sukhā'sukha — jīvita — maraṇa — graho — parāga- 
TBV-SD 65,27	 — mantrau — ṣadhaśattyādayaḥ padārthāḥ — teṣāṃ vividham — anyapadārthakāraṇatvena kāryatvena cānekaprakā- 
TBV-SD 65,28	ram — śāsanam pratipādakam yataḥ śāsanam kuḥ pṛthvī tasyā iva | 
TBV-SD 65,29	ayamabhiprāyaḥ — jñatva — prameyatvāderanekaprakārasya pratipāditanyāyena sarvajñasattvapratipādakasya 
TBV-SD 65,30	hetoḥ sadbhāve'pi tatkṛtatvena śāsanaprāmāṇyapratipādanārthaṃ sarvajño'bhyupagamyate; tasya cānyato 
TBV-SD 65,31	hetoḥ pratipādane'pi tadāgamapraṇetṛtvaṃ hetvantarāt punaḥ pratipādanīyaṃ syāditi hetvantaramutsṛjya 
TBV-SD 65,32	pratipādanagauravaparihārārthaṃ vacanaviśeṣalakṣaṇa eva hetustatsadbhāvāvedaka upanyasanīyaḥ, sa cānena 
TBV-SD 65,33	gāthāsūtrāvayavena sūcitaḥ | ata eva saṃskṛtya hetuḥ karttavyaḥ | tathāhi — yo yadviṣayā'visaṃvā- 
TBV-SD 65,34	dyaliṅgānupadeśānanvayavyatirekapūrvako vacanaviśeṣaḥ sa tatsākṣātkārijñānaviśeṣaprabhavaḥ, yathā'- 
TBV-SD 65,35	smadādipravarttitaḥ pṛthvīkāṭhinyādiviṣayastathābhūto vacanaviśeṣaḥ, naṣṭa — muṣṭiviśeṣādiviṣayāvisaṃ- 
TBV-SD 65,36	vādyaliṅgānupadeśānanvayavyatirekapūrvakavacanaviśeṣaścāyaṃ śāsanalakṣaṇo'rtha iti | 
TBV-SD 65,37	na cātrāvisaṃvāditvaṃ vacanaviśeṣatvalakṣaṇasya hetorviśeṣaṇamasiddham, naṣṭa — muṣṭyādīnāṃ vacana- 
TBV-SD 65,38	viśeṣapratipāditānāṃ pramāṇāntaratastathaivopalabdheravisaṃvādasiddheḥ | yo'pi kvacid vacanaviśeṣasya tatra 
TBV-SD 65,39	visaṃvādo bhavatā parikalpyate so'pi tadarthasya samyagaparijñānāt sāmagrīvaikalyāt; na punarvacana- 
TBV-SD 65,40	viśeṣasyāsatyārthatvāt | na ca sāmagrīvaikalyādekatrāsatyārthatve sarvatra tathātvaṃ parikalpayituṃ 
TBV-SD 65,41	yuktam; anyathā pratyakṣasyāpi dvicandrādiviṣayasya sāmagrīvaikalyenopajāyamānasyāsatyatvasaṃbhavāt 
TBV-SD 66,01	samagrasāmagrīprabhavasyāpyasatyatvaṃ syāt | athāvikalasāmagrīprabhavaṃ pratyakṣaṃ vikalasāmagrīprabhavāt 
TBV-SD 66,02	tasmād vilakṣaṇamiti nāyaṃ doṣaḥ, tadatrāpi samānam | tathāhi — samyagajñātatadarthād vacanād 
TBV-SD 66,03	yad naṣṭa — muṣṭyādiviṣayaṃ visaṃvādijñānamutpadyate tat samyagavagatatadarthavacanodbhavād vilakṣaṇameva | 
TBV-SD 66,04	yathā ca viśiṣṭasāmagrīprabhavasya pratyakṣasya na kvacid vyabhicāra iti tasyāvisaṃvāditvaṃ tathā'va- 
TBV-SD 66,05	gatasamyagarthavacanodbhavasyāpi naṣṭa — muṣṭyādiviṣayavijñānasyeti siddhamatrāvisaṃvāditvalakṣaṇaṃ viśe- 
TBV-SD 66,06	ṣaṇaṃ prakṛtahetoḥ | 
TBV-SD 66,07	nāpyaliṅgapūrvakatvaṃ viśeṣaṇamasiddham, naṣṭa — muṣṭyādīnāmasmadādīndriyāviṣayatvena talliṅgatve- 
TBV-SD 66,08	nābhimatasyāpyarthasyāsmadādyakṣāviṣayatvānna tatpratipattiḥ; pratipattau vā'smadādīnāmapi talliṅga- 
TBV-SD 66,09	darśanād vacanaviśeṣamantareṇāpi graho — parāgādipratipattiḥ syāt | na hi sādhyavyāptaliṅganiśca- 
TBV-SD 66,10	ye'gnyādipratipattau vacanaviśeṣāpekṣā dṛṣṭā; na bhavati cāsmadādīnāṃ vacanaviśeṣamantareṇa kadā- 
TBV-SD 66,11	canāpi pratiniyatadik — pramāṇa — phalādyavinābhūtagraho — parāgādipratipattiriti tathābhūtavacanapraṇetura- 
TBV-SD 66,12	tīndriyārthaviṣayaṃ jñānamaliṅgamabhyupagantavyamityaliṅgapūrvakatvamapi viśeṣaṇaṃ prakṛtahetornāsiddham | 
TBV-SD 66,13	nāpyayamupadeśaparamparayā'tīndriyārthadarśanābhāve'pi pramāṇabhūtaḥ prabandhenānuvartata ityanupadeśa- 
TBV-SD 66,14	pūrvakatvaviśeṣaṇāsiddhiriti vaktuṃ yuktam, upadeśaparamparāprabhavatve naṣṭa — muṣṭyādipratipādakavacana- 
TBV-SD 66,15	viśeṣasya vakturajñāna — duṣṭābhiprāya — vacanākauśaladoṣaiḥ śroturvā mandabuddhitva — viparyastabuddhitva — gṛhītavi- 
TBV-SD 66,16	smaraṇaiḥ pratipuruṣaṃ hīyamānasyānādau kāle mūlataściroccheda eva syāt | tathāhi — idānīmapi kecid 
TBV-SD 66,17	jyotiḥśāstrādikamajñānadoṣādanyathopadiśanta upalabhyante, anye samyagavagacchanto'pi duṣṭābhiprā- 
TBV-SD 66,18	yatayā, anye vacanadoṣādavyaktamanyathā ceti; tathā śrotāro'pi kecid mandabuddhitvadoṣāduktamapi 
TBV-SD 66,19	yathāvannāvadhārayanti, anye viparyastabuddhayaḥ samyagupadiṣṭamapyanyathā'vadhārayanti, kecit punaḥ 
TBV-SD 66,20	samyakparijñātamapi vismarantītyevamādibhiḥ kāraṇaiḥ pratipuruṣaṃ hīyamānasyaitāvantaṃ kālaṃ yāvadā- 
TBV-SD 66,21	gamanameva na syāccirocchinnatvena, āgacchati ca; tasmādantarā'ntarā vicchinnaḥ sūkṣmādipadārthasā- 
TBV-SD 66,22	kṣātkārijñānavatā kenacidabhivyakta ityantaṃ kālaṃ yāvadāgacchatītyabhyupagamanīyamiti nānupadeśa- 
TBV-SD 66,23	pūrvakatvaviśeṣaṇāsiddhiḥ | 
TBV-SD 66,24	nāpyanvaya — vyatirekābhyāṃ naṣṭa — muṣṭyādikaṃ jñātvā tadviṣayavacanaviśeṣapravarttanaṃ kasyacit 
TBV-SD 66,25	saṃbhavati yenānanvaya — vyatirekapūrvakatvaviśeṣaṇāsiddhiḥ syāt, yato nānvaya — vyatirekābhyāṃ graho — 
TBV-SD 66,26	parāgau — ṣadhaśaktyādayo jñātuṃ śakyante, prāvṛṭsamaye śilīndhrodbhedavad graho — parāgādīnāṃ dik — 
TBV-SD 66,27	pramāṇa — phala — kālādiṣu niyamābhāvāt | dravyaśaktiparijñānābhyupagame'nvaya — vyatirekābhyāṃ yāvanti 
TBV-SD 66,28	jagati dravyāṇi tānyekatra mīlayitvaikasya rasa — kalkādibhedena, karṣādimātrābhedena, bāla — madhya- 
TBV-SD 66,29	mādyavasthābhedena, mūla — patrādyavayavabhedena prakṣepo — ddhārābhyāmeko'pi yogo yugasahasreṇāpi na 
TBV-SD 66,30	jñātuṃ pāryate kimutāneka iti kutastābhyāmauṣadhaśaktyavagamaḥ ? tena nānanvaya — vyatirekapūrvakatva- 
TBV-SD 66,31	viśeṣaṇasyāsiddhiḥ | nāpi naṣṭa — muṣṭyādiviṣayavacanaviśeṣasyāpauruṣeyatvād viśiṣṭajñānapūrvakatvasyā- 
TBV-SD 66,32	siddherasiddhaḥ prakṛto hetuḥ, apauruṣeyasya vacanasya pūrvameva niṣiddhatvāt | 
TBV-SD 66,33	nāpyasākṣātkārijñānapūrvakatve'pi prakṛtavacanaviśeṣasya saṃbhavādanaikāntikaḥ, saviśeṣaṇasya heto- 
TBV-SD 66,34	rvipakṣe sattvasya pratiṣiddhatvāt | ata eva na viruddhaḥ, vipakṣa eva varttamāno viruddhaḥ; na cāsya pūrvokta- 
TBV-SD 66,35	prakāreṇāvagatasvasādhyapratibandhasya vipakṣe vṛttisaṃbhavaḥ | atha bhavatu graho — parāgābhidhāyakavacanasya 
TBV-SD 66,36	tatpūrvakatvasiddhirato hetoḥ, tatra tasya saṃvādāt; dharmādipadārthasākṣātkārijñānapūrvakatvasiddhistu 
TBV-SD 66,37	kathaṃ tatra tasya saṃvādābhāvāt ? na, tatrāpi tasya saṃvādāt | tathāhi — jyotiḥśāstrādergraho — 
TBV-SD 66,38	parāgādikaṃ viśiṣṭavarṇa — pramāṇa — digvibhāgādiviśiṣṭaṃ pratipadyamānaḥ pratiniyatānāṃ pratiniyata- 
TBV-SD 66,39	deśavarttināṃ prāṇināṃ pratiniyatakāle pratiniyatakarmaphalasaṃsūcakatvena pratipadyate | uktaṃ ca tatra — 
TBV-SD 66,40		“nakṣatra — grahapañjaramaharniśaṃ lokakarmavikṣiptam | 
TBV-SD 66,41		bhramati śubhāśubhamakhilaṃ prakāśayat pūrvajanmakṛtam” || 
TBV-SD 66,42	ato jyotiḥśāstraṃ graho — parāgādikamiva dharmā'dharmāvapi pramāṇāntarasaṃvādato'vagamayati tena graho- 
TBV-SD 66,43	parāgādivacanaviśeṣasya dharmā'dharmasākṣātkārijñānapūrvakatvamapi siddham; tatsiddhau sakalapadārthasā- 
TBV-SD 67,01	kṣātkārijñānapūrvakatvamapi siddhimāsādayati | nahi dharmā'dharmayoḥ sukha — duḥkhakāraṇatvasākṣātkaraṇaṃ 
TBV-SD 67,02	sahakārikāraṇāśeṣapadārtha — tadādhārabhūtasamastaprāṇigaṇasākṣātkaraṇamantareṇa saṃbhavati, sarvapadā- 
TBV-SD 67,03	rthānāṃ parasparapratibandhādekapadārthasarvadharmapratipattiśca sakalapadārthapratipattināntarīyakā prāk pratipā- 
TBV-SD 67,04	ditā | ato bhavati sakalapadārthasākṣātkārijñānapūrvakatvasiddhirato hetorvacanaviśeṣasya; tatsiddhau 
TBV-SD 67,05	ca tatpraṇetuḥ sūkṣmā'ntaritadūrānantārthasākṣātkāryatīndriyajñānasampatsamanvitasya kathaṃ na siddhiḥ ? 
TBV-SD 67,06	nāpyetad vaktavyam — sādhyokti — tadāvṛttivacanayoranabhidhānād nyūnatā nāmā'tra sādhanadoṣaḥ, 
TBV-SD 67,07	pratijñāvacanena prayojanābhāvāt | atha viṣayanirdeśārthaṃ pratijñāvacanam; nanu sa eva kimarthaḥ ? 
TBV-SD 67,08	sādharmyavatprayogādipratipattyarthaḥ | tathāhi — asati sādhyanirdeśe ‘yo vacanaviśeṣaḥ sa sākṣātkāri- 
TBV-SD 67,09	jñānapūrvakaḥ’ ityukte kimayaṃ sādharmyavān prayogaḥ, uta vaidharmyavāniti na jñāyeta, ubhayaṃ hyatrāśaṅkyeta — 
TBV-SD 67,10	vacanaviśeṣatvena sākṣātkārijñānapūrvakatve sādhye sādharmyavān, asākṣātkārijñānapūrvakatvena 
TBV-SD 67,11	vacanāviśeṣatve sādhye vaidharmyavāniti | hetu — viruddhā'naikāntikapratītiśca na syāt | pratijñāpūrvake 
TBV-SD 67,12	tu prayoge śabdaviśeṣaḥ sākṣātkārijñānapūrvakaḥ, śabdaviśeṣatvād iti hetubhāvaḥ pratīyate; asākṣā- 
TBV-SD 67,13	tkārijñānapūrvako vacanaviśeṣatvād iti viruddhatā; cakṣurādikaraṇajanitajñānapūrvako vacanaviśeṣatvād 
TBV-SD 67,14	ityanaikāntikatvam | hetośca trairūpyaṃ na gamyeta, tasya sādhyāpekṣayā vyavasthiteḥ | sati pratijñāni- 
TBV-SD 67,15	rdeśe'vayave samudāyopacārāt sādhyadharmī iti pakṣa iti tatra pravṛttasya vacanaviśeṣatvasya pakṣadharma- 
TBV-SD 67,16	tvam, sādhyadharmasāmānyena ca samāno'rthaḥ sapakṣa iti tatra varttamānasya sapakṣe sattvam, na sapakṣo'- 
TBV-SD 67,17	sapakṣa ityasapakṣe'pyasattvaṃ pratīyate tadidamanālocitābhidhānam; tathāhi — yo vacanaviśeṣaḥ sa 
TBV-SD 67,18	sākṣātkārijñānapūrvaka ityetāvanmātramabhidhāya naiva kaścidāste kintu hetordharmiṇyupasaṃhāraṃ karoti | 
TBV-SD 67,19	tatra yadi vacanaviśeṣaścāyaṃ naṣṭa — muṣṭyādiviṣayo vacanasaṃdarbha iti brūyāt tadā sādharmyavatprayoga- 
TBV-SD 67,20	pratītiḥ, athāsākṣātkārijñānapūrvakaścetyabhidadhyāt tadā vaidharmyavata iti saṃbandhavacanapūrvakāt 
TBV-SD 67,21	pakṣadharmatvavacanāt prayogadvayāvagatiḥ vivakṣitasādhyāvagatiśca | hetu — viruddhā'naikāntikā api 
TBV-SD 67,22	pakṣadharmavacanamātreṇa na pratīyante, yadā tu saṃbandhavacanamapi kriyate tadā kathamapratītiḥ ? tathāhi — 
TBV-SD 67,23	yo vacanaviśeṣaḥ sa sākṣātkārijñānapūrvaka ityukte heturavagamyate, vidhīyamānenānūdyamānasya vyāpteḥ | 
TBV-SD 67,24	yo vacanaviśeṣaḥ so'sākṣātkārijñānapūrvaka ityukte viruddhaḥ, viparyayavyāpteḥ | yo vacanaviśeṣaḥ sa 
TBV-SD 67,25	cakṣurādijanitajñānapūrvaka iti anaikāntikādhyavasāyaḥ, vyabhicārāt | tathā, trairūpyamapi hetorgamyata 
TBV-SD 67,26	eva, yato vyāptipradarśanakāle vyāpako dharmaḥ sādhyatayā avagamyate; yatra tu vyāpyo dharmo vivādā- 
TBV-SD 67,27	spadībhūte dharmiṇyupasaṃhriyate sa samudāyaikadeśatayā pakṣa iti tatropasaṃhṛtasya vyāpyadharmasya pakṣadharma- 
TBV-SD 67,28	tvāvagatiḥ | sā ca vyāptiryatra dharmiṇyupadarśyate sa sādhyadharmasāmānyena samāno'rthaḥ sapakṣaḥ pratīyata 
TBV-SD 67,29	iti sapakṣe sattvamapyavagamyate | sāmarthyācca vyāpakanivṛttau vyāpyanivṛttiryatrāvasīyate so'sapakṣa 
TBV-SD 67,30	iti asapakṣe'pyasattvamapi niścīyate iti nārthaḥ pratijñāvacanena | tadāha dharmakīrttiḥ — “yadi pratī- 
TBV-SD 67,31	tiranyathā na syāt sarvaṃ śobheta, dṛṣṭā ca pakṣadharmasaṃbandhavacanamātrāt pratijñāvacanamanteraṇāpi pratī- 
TBV-SD 67,32	tiriti kastasyopayogaḥ” ? yadā ca pratijñāvacanaṃ nairarthakyamanubhavati tadā tadāvṛtti- 
TBV-SD 67,33	vacanasya nigamanalakṣaṇasya sutarāmanupayoga iti na pratijñādyavacanamapi prakṛtasādhanasya nyūnatādoṣaḥ; 
TBV-SD 67,34	kevalaṃ tatpratipādyasyārthasya svasādhyāvinābhūtasya hetoḥ sādhyadharmiṇyupasaṃhāramātrādeva siddhatvād 
TBV-SD 67,35	arthādāpannasya svaśabdena punarabhidhānaṃ nigrahasthānamiti pratijñādivacanaṃ vādakathāyāṃ kriyamāṇaṃ 
TBV-SD 67,36	tadvakturnigrahamāpādayati | upanayavacanaṃ tu hetoḥ pakṣadharmatvapratipādanādeva labdhamiti tasyāpi tataḥ 
TBV-SD 67,37	pṛthak pratipādane punaruktatālakṣaṇa eva doṣa iti na tadanabhidhāne'pi nyūnaṃ sādhanavākyam; tataḥ 
TBV-SD 67,38	sarvadoṣarahitatvāt sādhanavākyasya bhavatyataḥ prakṛtasādhyasiddhiḥ | 
TBV-SD 67,39	svasādhyāvinābhūtaśca hetuḥ sādhyadharmiṇyupadarśayitavyo vādakathāyāmityabhiprāyavatā ācā- 
TBV-SD 67,40	ryeṇa gāthāsūtrāvayavena tathābhūtahetupradarśanaṃ kṛtamiti | tathāhi — ‘samayaviśāsanam’ ityanena gāthā- 
TBV-SD 67,41	sūtrāvayavavacanena svasādhyavyāptasya hetoḥ sādhyadharmiṇyupasaṃhāraḥ sūcitaḥ | hetośca svasādhyavyāptiḥ 
TBV-SD 68,01	pramāṇataḥ sarvopasaṃhāreṇa pradarśanīyā | tacca pramāṇaṃ vyāptiprasādhakaṃ kadācit sādhyadharmiṇyeva pravṛttaṃ 
TBV-SD 68,02	tāṃ tasya sādhayati kadācit dṛṣṭāntadharmiṇi | yatra hi ‘sarvamanekāntātmakam, sattvāt’ ityādau 
TBV-SD 68,03	prayoge na dṛṣṭāntadharmisadbhāvastatra vyāptiprasādhakaṃ pramāṇaṃ pravarttamānaṃ sādhyadharmiṇyeva sarvopasaṃhāreṇa 
TBV-SD 68,04	hetoḥ svasādhyavyāptiṃ prasādhayati | yatra tu prakṛtaprayogādau dṛṣṭāntadharmiṇo'pi sattvaṃ tatra dṛṣṭāntadha- 
TBV-SD 68,05	rmiṇyapi pravṛttaṃ tat pramāṇaṃ sarvopasaṃhāreṇaiva tasyāḥ prasādhakamabhyupagantavyam; anyathā dṛṣṭāntadharmiṇi 
TBV-SD 68,06	hetoḥ svasādhyavyāptāvapi sādhyadharmiṇi tasya tadavyāptau na tatastatra tatpratipattiḥ syāt, dṛṣṭāntadha- 
TBV-SD 68,07	rmiṇyeva tena tasya vyāptatvāt; bahirvyāptervidyamānāyā api sādhyadharmiṇi sādhyapratipattāvanupayo- 
TBV-SD 68,08	gāt sādṛśyamātrasyākiñcitkaratvāt; anyathā ‘śuklaṃ suvarṇam, sattvāt, rajatavat’ ityatrāpi śukla — 
TBV-SD 68,09	tvapratipattiḥ syāt | athātra pakṣasya pratyakṣabādhanam, pratyakṣabādhitakarmanirdeśānantaraprayuktatvena hetoḥ 
TBV-SD 68,10	kālātyayāpadiṣṭatvaṃ vā doṣaḥ, tadayuktam; bādhā'vinābhāvayorvirodhāt | tathāhi — satyeva sādhyadha- 
TBV-SD 68,11	rmiṇi sādhye heturvarttata iti tasya tadavinābhāvaḥ, tatpratipāditasādhyadharmābhāvaśca pramāṇato bādhā, 
TBV-SD 68,12	sādhyadharmabhāvā'bhāvayoścaikatra dharmiṇyekadā virodha iti naitaddoṣādasya sādhanasya duṣṭatvaṃ kintu 
TBV-SD 68,13	sādhyadharmiṇi sādhyadharmāvinābhūtatvenā'niścayaḥ | sa ca bahirvyāptimātreṇa hetoḥ sādhyasādhakatvābhyu- 
TBV-SD 68,14	pagame'nyatrāpi samāna iti nānumānāt kvacidapi sādhyaniścayaḥ syāt | ato dṛṣṭāntadharmiṇi 
TBV-SD 68,15	pravṛttena pramāṇena vyāptyā hetoḥ svasādhyāvinābhāvo niśceyaḥ | sa ca niścitāvinābhāvo yatra 
TBV-SD 68,16	dharmiṇyupalabhyate tatra svasādhyamavidyamānapramāṇāntarabādhanaṃ niścāyayati, yathā'traiva sarvajñamā- 
TBV-SD 68,17	tralakṣaṇe sādhye vacanaviśeṣalakṣaṇe sādhyadharmiṇi tadviśeṣatvalakṣaṇo hetuḥ | pratibandhaprasādhakaṃ cāsya 
TBV-SD 68,18	hetoḥ prāgeva dṛṣṭāntadharmiṇi pramāṇaṃ pradarśitamityabhiprāyavataiva ācāryeṇāpi ‘kusamayavisāsaṇaṃ’
TBV-SD 68,19	iti sūtre ‘kuḥ’ ityanena dṛṣṭāntasūcanaṃ vihitam, na ca pakṣavacanādyupakṣepaḥ sūcitaḥ | 
TBV-SD 68,20	nanu bhavatvasmāddhetoryathoktaprakāreṇa sarvajñamātrasiddhirna punastadviśeṣasiddhiḥ | tathāhi — yathā 
TBV-SD 68,21	naṣṭa — muṣṭyādiviṣayavacanaviśeṣasya arhatsarvajñapraṇītatvaṃ vacanaviśeṣatvāt sidhyati tathā buddhādisarva- 
TBV-SD 68,22	jñapūrvakatvamapi tata eva setsyatīti kutastadviśeṣasiddhiḥ ? na ca naṣṭa — muṣṭyādipratipādako vacanavi- 
TBV-SD 68,23	śeṣo'rhacchāsana eveti vaktuṃ yuktam, buddhaśāsanādiṣvapi tasyopalambhāt ityāśaṅkyāha sūriḥ 
TBV-SD 68,24	‘siddhatthāṇaṃ’ iti | asyāyamabhiprāyaḥ — pratyakṣā'numānādipramāṇaviṣayatvena pratipāditāḥ śāsa- 
TBV-SD 68,25	nena ye te tadviṣayatvenaiva tairniścitā iti siddhāḥ, te ca ‘aryante’ iti arthā ucyante, teṣāṃ śāsanaṃ 
TBV-SD 68,26	pratipādakam arhatsarvajñaśāsanameva na buddhādiśāsanam | ato vacanaviśeṣatvalakṣaṇasya hetosteṣvasi- 
TBV-SD 68,27	ddhatvāt kutasteṣāmapi sarvajñatvaṃ yena viśeṣasarvajñatvasiddhirna syāt ? yathā cāgamāntareṇa pratyakṣādi- 
TBV-SD 68,28	viṣayatvena pratipāditānāmarthānāṃ tadviṣayatvaṃ na saṃbhavati tathā'traiva yathāsthānaṃ pratipādayiṣyate | 
TBV-SD 68,29	athavā ‘siddhārthānām’ ityanena hetusaṃsūcanaṃ vihitamācāryeṇa — siddhāḥ pramāṇāntarasaṃvādato 
TBV-SD 68,30	niścitāḥ, ye'rthā naṣṭa — muṣṭyādayaḥ, teṣāṃ śāsanaṃ pratipādakaṃ yato dvādaśāṅgaṃ pravacanamato jinānāṃ 
TBV-SD 68,31	kāryatvena saṃbandhi; tenāyaṃ prayogārthaḥ sūcitaḥ — prayogaśca — pramāṇāntarasaṃvādiyathoktanaṣṭa — muṣṭyādi- 
TBV-SD 68,32	sūkṣmāntaritadūrārthapratipādakatvānyathā'nupapatterjinapraṇītaṃ śāsanam | atra ca sūkṣmādyarthapratipāda- 
TBV-SD 68,33	katvānyathā'nupapattilakṣaṇasya hetorjinapraṇītatvalakṣaṇena svasādhyena vyāptiḥ sādhyadharmiṇyeva niści- 
TBV-SD 68,34	teti tanniścāyakapramāṇaviṣayasyeha dṛṣṭāntasya pradarśanamācāryeṇa na vihitam, tadarthasya tadvyatirekeṇaiva 
TBV-SD 68,35	siddhatvāt | yathā cārthāpatteḥ sādhyadharmiṇyeva vyāptiniścayād dṛṣṭāntavyatirekeṇāpi tadutthāpakādarthā- 
TBV-SD 68,36	dupajāyamānāyāḥ sarvajñapratikṣepavādibhirmīmāṃsakaiḥ prāmāṇyamabhyupagamyate tathā prakṛtādanyathā'nupapa- 
TBV-SD 68,37	ttilakṣaṇāddhetorupajāyamānasyā'numānasya tat kiṃ neṣyate ? pratipāditaścārthāpatteranumāne'ntarbhā- 
TBV-SD 68,38	vaḥ prāgiti bhavatyato hetoḥ prakṛtasādhyasiddhiḥ | ata eva pūrvācāryairhetulakṣaṇapraṇetṛbhirekalakṣaṇo hetuḥ 
TBV-SD 69,01	
TBV-SD 69,02		“anyathā'nupapannatvaṃ yatra tatra trayeṇa kim ? 
TBV-SD 69,03		nānyathā'nupapannatvaṃ yatra tatra trayeṇa kim ? ” || 
TBV-SD 69,04	ityādivacanasaṃdarbheṇa pratipādita iti manvānena ācāryeṇāpi na dṛṣṭāntasūcanaṃ vihitamatra prayoge | 
TBV-SD 69,05	‘kusamayaviśāsanam’ iti ca atra vyākhyāne buddhādiśāsanānāmasarvajñapraṇītatvapratipādakatvena 
TBV-SD 69,06	vyākhyeyam | tathāhi — kutsitāḥ pramāṇabādhitaikāntasvarūpārthapratipādakatvena, samayāḥ kapilādi- 
TBV-SD 69,07	praṇītasiddhāntāsteṣām “santi pañca mahabbhūyā” 
TBV-SD 69,08	ityādivacanasaṃdarbheṇa dṛṣṭeṣṭaviṣaye virodhādyudbhāvakatvena ‘viśāsanam’ vidhvaṃsakaṃ yataḥ ato dvāda- 
TBV-SD 69,09	śāṅgameva jinānāṃ śāsanamiti bhavatyato viśeṣaṇāt sarvajñaviśeṣasiddhiriti sthitametajjinaśāsanaṃ 
TBV-SD 69,10	dvādaśāṅgaṃ tattvādeva siddhaṃ niścitaprāmāṇyamiti || 
TBV-SD 69,12	atra īśvarakṛtajagadvādinaḥ prāhuḥ — yuktamuktam ‘sarvajñapraṇītaṃ śāsanam, tatpraṇītatvācca tat pramā- 
TBV-SD 69,13	ṇam’ iti | idaṃ tvayuktam ‘rāga — dveṣādikān śatrūn jitavanta iti jināḥ’ | sāmānyayogina eveśvara- 
TBV-SD 69,14	vyatiriktā etallakṣaṇayoginaḥ na punaḥ śāsanādisarvajagatsraṣṭā īśvaraḥ | tathā ca patañjaliḥ — 
TBV-SD 69,15	“kleśa — karma — vipākā''śayairaparāmṛṣṭaḥ puruṣaviśeṣa īśvaraḥ” iti | 
TBV-SD 69,16	anena sūtreṇa rāgādilakṣaṇakleśaśatrurahitatvaṃ sahajamīśvarasya pratipāditam na punarvipakṣabhāvanādyabhyāsa- 
TBV-SD 69,17	vyāpārāt kleśādikṣayastasya, yena ‘rāgādīn svavyāpāreṇa jitavantaḥ’ iti vacaḥ sārthakaṃ tadviṣayatvena 
TBV-SD 69,18	syāt | tathā cānyairapyuktam — 
TBV-SD 69,19		“jñānamapratighaṃ yasya aiśvaryaṃ ca jagatpateḥ | 
TBV-SD 69,20		vairāgyaṃ caiva dharmaśca saha siddhaṃ catuṣṭayam” || 
TBV-SD 69,21	ityāśaṅkyāha — ‘bhavajiṇāṇaṃ’ iti, bhavanti nāraka — tiryag — narā'maraparyāyatvenotpadyante prāṇino'- 
TBV-SD 69,22	sminniti bhavaḥ saṃsāraḥ; taddhetutvād rāgādayo'tra ‘bhava’śabdenopacārād vivakṣitāḥ, taṃ jita- 
TBV-SD 69,23	vanta iti jināḥ | upacārāśrayaṇe ca prayojanam — na hyavikalakāraṇe rāgādau adhvaste tatkāryasya 
TBV-SD 69,24	saṃsārasya jayaḥ śakyo vidhātumiti pratipādanam | bhavakāraṇabhūtarāgādijaye copāyaḥ pratipāditaḥ 
TBV-SD 69,25	prāk; tadupāyena ca vipakṣarāgādijayadvāreṇa tatkāryabhūtasya bhavasya jayaḥ saṃbhavati nānyatheti | 
TBV-SD 69,26	na hyupāyavyatirekeṇopeyasiddhiḥ; anyathopeyasya nirhetukatvena deśa — kāla — svabhāvapratiniyamo na syā- 
TBV-SD 69,27	diti sarvaprāṇināmīśvaratvam, na vā kasyacit syāt | pratipāditaścāyamarthaḥ — 
TBV-SD 69,28		“nityaṃ sattvamasattvaṃ vā'hetoranyānapekṣaṇāt | 
TBV-SD 69,29		apekṣāto hi bhāvānāṃ kādācitkatvasaṃbhavaḥ” || 
TBV-SD 69,30	ityādinā granthena dharmakīrttinā | tanna rāgādikleśavigamaḥ svabhāvata eveśvarasyeti yuktam | 
TBV-SD 69,33	atra bṛhaspatimatānusāriṇaḥ svabhāvasaṃsiddhajñānādidharmakalāpādhyāsitasya sthāṇorabhāvaprati- 
TBV-SD 69,34	pādanaṃ jainena kurvatā'smākaṃ sāhāyyamanuṣṭhitamiti manvānāḥ prāhuḥ — yuktamuktaṃ yat ‘svabhāvasaṃsiddha- 
TBV-SD 69,35	jñānādisaṃpatsamanvitasyeśvarasyābhāvaḥ’ ‘nāraka — tiryag — narā'mararūpapariṇatisvabhāvatayā utpadyante 
TBV-SD 69,36	prāṇino'sminniti’ etaccāyuktamabhihitam, paralokasadbhāve pramāṇābhāvāt | tathāhi — paralokasadbhā- 
TBV-SD 69,37	vāvedakaṃ pramāṇaṃ pratyakṣam anumānam āgamo vā jainenābhyupagamanīyaḥ, anyasya pramāṇatvena 
TBV-SD 69,38	tenāniṣṭeḥ | na cātraitad vaktavyam — bhavato'pi kiṃ tatpratikṣepakaṃ pramāṇam ? yato nāsmābhistatpratikṣe- 
TBV-SD 69,39	pakapramāṇāt tadabhāvaḥ pratipādyate kintu paropanyastapramāṇaparyanuyogamātrameva kriyate | ata eva 
TBV-SD 69,40		“sarvatra paryanuyogaparāṇyeva sūtrāṇi bṛhaspateḥ” iti cārvākairabhihitam | 
TBV-SD 70,01	sa ca paropanyastapramāṇaparyanuyogaḥ tadabhyupagamasya praśnādidvāreṇa vicāraṇā na punaḥ svasiddhapramāṇo- 
TBV-SD 70,02	panyāsaḥ, yena ‘atīndriyārthapratikṣepakatvena pravarttamānaṃ pramāṇamāśrayāsiddhatvādidoṣaduṣṭatvena kathaṃ 
TBV-SD 70,03	pravarttate’ ityasmān prati bhavatā'pi paryanuyogaḥ kriyeta | ata eva paralokaprasādhakapramāṇābhyupagamaṃ 
TBV-SD 70,04	pareṇa grāhayitvā tadabhyupagamasyānena prakāreṇa vicāraḥ kriyate — 
TBV-SD 70,05	tatra na tāvat paralokapratipādakatvena cakṣurādikaraṇavyāpārasamāsāditātmalābhaṃ sannihitaprati- 
TBV-SD 70,06	niyatarūpādiviṣayatvāt pratyakṣaṃ pravarttate | nāpyatīndriyaṃ yogipratyakṣaṃ tatra pravarttata iti vaktuṃ śakyam, 
TBV-SD 70,07	paralokādivat tasyāpyasiddheḥ | 
TBV-SD 70,08	nāpyanumānaṃ pratyakṣapūrvakaṃ tatra pravṛttimāsādayati, pratyakṣāpravṛttau tatpūrvakasyānumānasyāpi tatrāpra- 
TBV-SD 70,09	vṛtteḥ | atha yadyapi pratyakṣāvagatapratibandhaliṅgaprabhavamanumānaṃ na tatra pravarttate tathāpi sāmānyatodṛṣṭaṃ 
TBV-SD 70,10	tatra pravarttiṣyate, tadapi na yuktam; yatastadapi sāmānyatodṛṣṭamavagatapratibandhaliṅgodbhavam, āhosvit 
TBV-SD 70,11	anavagatapratibandhaliṅgasamuttham ? yadyanavagatapratibandhaliṅgodbhavamiti pakṣaḥ, sa na yuktaḥ; tathābhūta- 
TBV-SD 70,12	liṅgaprabhavasya svaviṣayavyabhicāreṇa aśvadarśanānantarodbhūtarājyāvāptivikalpasyevāpramāṇatvāt | atha 
TBV-SD 70,13	pratipannasaṃbandhaliṅgaprabhavaṃ tat tatra pravarttata iti pakṣaḥ, so'pi na yuktaḥ; pratibandhāvagamasyaiva tatra 
TBV-SD 70,14	liṅgasyāsaṃbhavāt | tathāhi — pratyakṣasya tatra liṅgasaṃbandhāvagamanimittasyābhāve'numānaṃ liṅgasaṃbandha- 
TBV-SD 70,15	grāhakamabhyupagantavyam | tatra yadi tadeva paralokasadbhāvāvedakamanumānaṃ svaviṣayābhimatenārthenātmo- 
TBV-SD 70,16	tpādakaliṅgasaṃbandhagrāhakaṃ tadetaretarāśrayatvadoṣaḥ | athānumānāntarād gṛhītapratibandhālliṅgādupajā- 
TBV-SD 70,17	yamānaṃ tadviṣayaṃ tadabhyupagamyate tadā'navasthā | tathā, sarvamapyanumānamasmān pratyasiddham | tathāhi — 
TBV-SD 70,18	bṛhaspatisūtram — 
TBV-SD 70,19		“anumānamapramāṇam” iti | 
TBV-SD 70,20	anena pratijñāpratipādanaṃ kṛtam, aniścitārthapratipādakatvāsiddhapramāṇābhāsavaditi hetu- 
TBV-SD 70,21	dṛṣṭāntāvabhyūhyau | 
TBV-SD 70,22	viṣayavicāreṇa vā'numānaprāmāṇyamayuktam — dharma — dharmyubhayasvatantrasādhane siddhasādhyatā yataḥ, 
TBV-SD 70,23	ato viśeṣaṇaviśeṣyabhāvaḥ sādhyaḥ | prameyaviśeṣaviṣayāṃ pramāṃ kurvat pramāṇaṃ pramāṇatāmaśnute | 
TBV-SD 70,24	itaretarāvacchinnaśca samudāyo'tra prameyaḥ; tadapekṣayā ca pakṣadharmatvādīnāmanyatamasyāpi rūpasyāpra- 
TBV-SD 70,25	siddhiḥ | nahi samudāyadharmatā hetoḥ, nāpi samudāyenānvayo vyatireko vā, dharmimātrāpekṣayā 
TBV-SD 70,26	pakṣadharmatve sādhyadharmāpekṣayā ca vyāptau gauṇateti | uktaṃ ca — 
TBV-SD 70,27		“pramāṇasyāgauṇatvādanumānādarthaniścayo durlabhaḥ” iti | 
TBV-SD 70,28	dharmidharmatāgrahaṇe'pi na gauṇatāparihāraḥ, pratīyamānāpekṣayā gauṇa — mukhyavyavahārasya cintyatvāt; 
TBV-SD 70,29	samudāyaśca pratīyate | ekadeśāśrayaṇenāpi trairūpyamayuktam, vyāptyasiddheḥ | nahi sattāmātreṇāvinābhāvo 
TBV-SD 70,30	gamakaḥ api tvavagataḥ, anyathā'tiprasaṅgāt | sa ca sakalasapakṣa — vipakṣāpratyakṣīkaraṇe durvijñāno'- 
TBV-SD 70,31	sarvavidā | na cātra bhūyodarśanaṃ śaraṇam, sahasraśo'pi dṛṣṭasāhacaryasya vyabhicārāt | ata eva na 
TBV-SD 70,32	darśanādarśanamapi | taduktam — 
TBV-SD 70,33		“gomānityeva martyena bhāvyamaśvavatā'pi kim ? ” iti | 
TBV-SD 70,34	deśa — kālā'vasthābhedena ca bhāvānāṃ nānātvāvagamādanāśvāsaḥ | taduktam — 
TBV-SD 70,35		“avasthā — deśa — kālānām” ityādi | āha ca — 
TBV-SD 70,36		“avinābhāvasaṃbandhasya grahītumaśakyatvāt”
TBV-SD 70,37	yacca ‘sāmānyasya tadviṣayasyābhāvāt, svārtha — parārthabhedāsaṃbhavāt, viruddhā'numāna — virodhayoḥ sarvatra 
TBV-SD 71,01	saṃbhavāt, kvacicca viruddhāvyabhicāriṇaḥ’ ityādi dūṣaṇajālaṃ tad anudghoṣaṇīyameva, yato'niścitā- 
TBV-SD 71,02	rthapratipādakatvād “anumānamapramāṇam” ityanumānā'pramāṇatāpratipādane kṛte śeṣadūṣaṇajālasya mṛta- 
TBV-SD 71,03	māraṇakalpatvāt | tato'numānasyāpramāṇatvādatīndriyaparalokasadbhāvapratipādane kutastasya pravṛttiḥ ? 
TBV-SD 71,04	athedameva janma pūrvajanmāntaramantareṇa na yuktamiti janmāntaralakṣaṇasya paralokasya siddhiriṣyate, 
TBV-SD 71,05	tat kimiyamarthāpattiḥ, athānumānaṃ vā ? na tāvadarthāpattiḥ, tallakṣaṇābhāvāt, 
TBV-SD 71,06		“dṛṣṭaḥ śruto vā'rtho'nyathā nopapadyate”
TBV-SD 71,07	iti hi tasyā lakṣaṇaṃ vicakṣaṇairiṣyate | na tu janmāntaramantareṇa nopapattimadidaṃ janmeti siddham, 
TBV-SD 71,08	mātāpitṛsāmagrīmātrakeṇa tasyopapatteḥ, tanmātrahetukatve cānyaparikalpanāyāmatiprasaṅgāt | 
TBV-SD 71,09	atha prajñā — medhādayo janmādāvabhyāsapūrvakā dṛṣṭāḥ kathamatatpūrvakā bhaveyuḥ, na vahnipūrvako dhūmastatpū- 
TBV-SD 71,10	rvakatāmantareṇa kadācidapi bhavannupalabdhaḥ, tadapyasat; avinābhāvasaṃbandhasya deśa — kālavyāptila- 
TBV-SD 71,11	kṣaṇasya pratyakṣeṇa pratipattumaśakteḥ — sannihitamātrapratipattinimittaṃ hi pratyakṣamupalabhyate ‘nahi sakalade- 
TBV-SD 71,12	śa — kālayorvinā vahnimasaṃbhava eva dhūmasya’ iti pratyakṣataḥ pratītiryuktā; ato na dhūmo'pi vahnipūrvakaḥ 
TBV-SD 71,13	sarvatra pratyakṣā'nupalambhābhyāṃ siddha iti kutastena dṛṣṭāntena janmāntarasvarūpaparalokasādhanam ? tasmāt 
TBV-SD 71,14	kecit prajñā — medhādayastathābhūtābhyāsapūrvakāḥ, kecid mātāpitṛśarīrapūrvakā iti | na ca prajñādayaḥ 
TBV-SD 71,15	śarīrato vyatiricyamānasvabhāvāḥ saṃvedanaviṣayatāmupayānti, śarīraṃ ca tadanvaya — vyatirekānu- 
TBV-SD 71,16	vṛttimadeva dṛṣṭamiti kathamanyathā vyavasthāmarhati ? 
TBV-SD 71,17	atha pūrvopāttādṛṣṭamantareṇa kathaṃ mātāpitṛvilakṣaṇaṃ śarīram ? nanvetenaiva vyabhicāro dṛśyate, 
TBV-SD 71,18	nahi sarvadā kāraṇānurūpameva kāryam, tena vilakṣaṇādapi mātāpitṛśarīrād yadi prajñā — medhādibhirvi- 
TBV-SD 71,19	lakṣaṇaṃ tadapatyasya śarīramupajāyeta, kadācit tadākārānukāri tat ka evā'tra virodhaḥ ? yathā kaścit 
TBV-SD 71,20	śālūkādeva śālūkaḥ, kaścid gomayāt tathā kaścidupadeśād vikalpaḥ, kaścit tadākārapadārthadarśa- 
TBV-SD 71,21	nāt | atha darśanādapi vikalpaḥ pūrvavikalpavāsanāmantareṇa kathaṃ bhavet ? tarhi gomayādapi śālūkaḥ 
TBV-SD 71,22	kathaṃ śālūkamantareṇeti etadapi praṣṭavyam | tasmāt kāryakāraṇabhāvamātramevaitat | tatra ca niyamābhāvā- 
TBV-SD 71,23	davijñānādapi mātāpitṛśarīrād vijñānamupajāyatām; athavā yathā vikalpād vyavahitādapi vikalpa 
TBV-SD 71,24	upajāyate tathā vyavahitādapi mātāpitṛśarīrata eveti na bhedaṃ paśyāmaḥ | yathā caikamātāpitṛśarīrāda- 
TBV-SD 71,25	nekāpatyotpattistathaikasmādeva brahmaṇaḥ prajotpattiriti na jātyantaraparigrahaḥ kasyaciditi na paraloka- 
TBV-SD 71,26	siddhiḥ | nahi mātāpitṛsaṃbandhamātrameva paralokaḥ, tatheṣṭāvabhyupagamavirodhāt | 
TBV-SD 71,27	athānādyananta ātmā'sti tamāśritya paralokaḥ sādhyate, na hyekānubhavitṛvyatirekeṇānusandhānaṃ 
TBV-SD 71,28	saṃbhavati, bhinnānubhavitaryanusandhānādṛṣṭeḥ, tadayuktam; 
TBV-SD 71,29		“paralokino'bhāvāt paralokābhāvaḥ” iti vacanāt | 
TBV-SD 71,30	na hyanādyananta ātmā pratyakṣapramāṇaprasiddhaḥ | anumānena cetaretarāśrayadoṣaprasaṅgaḥ — siddhe ātmanyekarū- 
TBV-SD 71,31	peṇānusandhānavikalpasyāvinābhūtatve ātmasiddhiḥ, tatsiddheścānusandhānasya tadavinābhūtatvasiddhiritī- 
TBV-SD 71,32	taretarāśrayasadbhāvānnaikasyāpi siddhiḥ | na cāsiddhamasiddhena sādhyate | kiṃca, darśanā'nusandhānayoḥ 
TBV-SD 71,33	pūrvāparabhāvinoḥ kāryakāraṇabhāvaḥ pratyakṣasiddhaḥ, tat kuto'nusandhānasmaraṇādātmasiddhiḥ ? api ca, 
TBV-SD 71,34	śarīrāntargatasya jñānasyāmūrtatvena kathaṃ janmāntaraśarīrasaṃcāraḥ ? athāntarābhavaśarīrasantatyā saṃcaraṇa- 
TBV-SD 71,35	mucyate, tadapi paralokānna viśiṣyate | saṃcāraśca na dṛṣṭo jīvata iha janmani, maraṇasamaye bhaviṣyatīti 
TBV-SD 71,36	duradhigamametat na paralokasiddhiḥ | athavā siddhe'pi paraloke pratiniyatakarmaphalasaṃbandhāsiddhervyartha- 
TBV-SD 71,37	mevānumānena paralokāstitvasādhanam | athāgamāt pratiniyatakarmaphalasaṃbandhasiddhiḥ, tathāsati para- 
TBV-SD 71,38	lokāstitvamapyāgamādeva siddhamiti kimanumānaprayāsena ? 
TBV-SD 71,39	na cāgamādapi paralokasiddhiḥ, tasya prāmāṇyāsiddheḥ | na cāpramāṇasiddhaṃ paralokādikamabhyupa- 
TBV-SD 71,40	gantuṃ yuktam, tadabhāvasyāpi tathā'bhyupagamaprasaṅgāt | tanna paralokasādhakapramāṇapratipādanamakṛtvā 
TBV-SD 72,01	‘bhava’ śabdavyutpattirarthasaṃsparśiṃnyabhidhātuṃ yuktā | ḍitthādiśabdavyutpattitulyā tu yadi kriyeta tadā 
TBV-SD 72,02	nāsmābhirapi tatpratipādakapramāṇaparyanuyoge manaḥ praṇidhīyata iti pūrvapakṣaḥ || 
TBV-SD 72,04	atrocyate — yaduktam ‘paryanuyogamātramasmābhiḥ kriyate’ iti, tatra vaktavyam — paryanuyogo'pi kriya- 
TBV-SD 72,05	māṇaḥ kiṃ pramāṇataḥ kriyate, utāpramāṇataḥ ? yadi pramāṇatastadayuktam, yatastatkāryapi pramāṇaṃ kiṃ pratyakṣam, 
TBV-SD 72,06	utānumānādi ? yadi pratyakṣam tadayuktam, pratyakṣasyāvicārakatvena paryanuyogasvarūpavicāraracanā'- 
TBV-SD 72,07	caturatvāt | 
TBV-SD 72,08	na ca pratyakṣasyāpi pramāṇatvaṃ yuktam, bhavadabhyupagamena tallakṣaṇāsaṃbhavāt | tadasaṃbhavaśca svarūpa- 
TBV-SD 72,09	vyavasthāpakadharmasya lakṣaṇatvāt | tatra pratyakṣasya prāmāṇyasvarūpavyavasthāpako dharmo'visaṃvāditvala- 
TBV-SD 72,10	kṣaṇo'bhyupagantavyaḥ | taccāvisaṃvāditvaṃ pratyakṣaprāmāṇyenāvinābhūtamabhyupagamyam, anyathābhūtāt tataḥ 
TBV-SD 72,11	pratyakṣaprāmāṇyāsiddheḥ; siddhau vā yataḥ kutaścid yat kiñcidanabhimatamapi sidhyedityatiprasaṅgaḥ | sa 
TBV-SD 72,12	cāvinābhāvastasya kutaścit pramāṇādavagantavyaḥ, anavagatapratibandhādarthāntarapratipattau nālikeradvīpavā- 
TBV-SD 72,13	sino'pyanavagatapratibandhād dhūmād dhūmadhvajapratipattiḥ syāt | avinābhāvāvagamaścākhiladeśa — kāla- 
TBV-SD 72,14	vyāptyā pramāṇato'bhyupagamanīyaḥ; anyathā yasyāmeva pratyakṣavyaktau saṃvāditva — prāmāṇyayorasāvavagatasta- 
TBV-SD 72,15	syāmevāvisaṃvāditvāt tat sidhyet na vyaktyantare, tatra tasyānavagamāt | na cāvagatalakṣyalakṣaṇasaṃbandhā 
TBV-SD 72,16	vyaktirdeśa — kālāntaramanuvarttate, tasyāḥ pratyakṣavyaktestadaiva dhvaṃsād vyaktyantarānanugamāt | anugame vā 
TBV-SD 72,17	vyaktirūpatāvirahāt anugatasya sāmānyarūpatvāt tasya ca bhavatā'nabhyupagamāt | abhyupagame vā na sāmā- 
TBV-SD 72,18	nyalakṣaṇānumānaviṣayābhāvapratipādanena tatpratikṣepo yuktaḥ | sa ca pramāṇataḥ pratyakṣe lakṣya — lakṣaṇayo- 
TBV-SD 72,19	rvyāptyā'vinābhāvāvagamo yadi pratyakṣādabhyupagamyate tadayuktam, pratyakṣasya sannihitasvaviṣayapratibhā- 
TBV-SD 72,20	samātra eva bhavatā vyāpārābhyupagamāt | athaikatra vyaktau pratyakṣeṇa tayoravisaṃvāditva — prāmāṇyayoravi- 
TBV-SD 72,21	nābhāvāvagamādanyatrāpi ‘evaṃbhūtaṃ pratyakṣam pramāṇam’ iti pratyakṣeṇāpi lakṣya — lakṣaṇayorvyāptyā pratiba- 
TBV-SD 72,22	ndhāvagamastarhyanyatrāpi ‘evaṃbhūtaṃ jñānalakṣaṇaṃ kāryam evaṃbhūtajñānakāryaprabhavam’ iti tenaiva kathaṃ na 
TBV-SD 72,23	sarvopasaṃhāreṇa kāryalakṣaṇahetoḥ svasādhyāvinābhāvāvagamaḥ | yena ‘anumānamapramāṇam, avinābhāva- 
TBV-SD 72,24	saṃbandhasya vyāptyā grahītumaśakyatvāt’ iti dūṣaṇamanumānavādinaṃ prati bhavatā''sajyamānaṃ śobhate | 
TBV-SD 72,25	kiṃca, avisaṃvāditvalakṣaṇo dharmaḥ pratyakṣaprāmāṇyalakṣyavyavasthāpakaḥ pratyakṣapratibaddhatvena niśceyaḥ; 
TBV-SD 72,26	anyathā tatraiva tataḥ prāmāṇyalakṣaṇalakṣyavyavasthā na syāt, asaṃbaddhasya kenacit saha pratyāsatti — vi- 
TBV-SD 72,27	prakarṣābhāvāt tadvadanyatrāpi tatastadvyavasthāprasaṅgaḥ | tathā'bhyupagame ca yathā saṃvāditvalakṣaṇo dharmo 
TBV-SD 72,28	lakṣyānavagame'pi pratyakṣadharmisaṃbandhitvenāvagamyate tathā dhūmo'pi parvataikadeśe analānavagatāvapi 
TBV-SD 72,29	pradeśasaṃbandhitayā'vagamyata iti katham ‘samudāyaḥ sādhyaḥ, tadapekṣayā ca pakṣadharmatvaṃ hetoravaganta- 
TBV-SD 72,30	vyam, na ca pakṣadharmatvāpratipattau sādhyadharmānalaviśiṣṭatatpradeśapratipattiḥ; pratipattau vā pakṣadharma- 
TBV-SD 72,31	tvādyanusaraṇaṃ vyartham, tatpratipatteḥ prāgeva tadutpatteḥ | samudāyasya sādhyatvenopacārāt tadekadeśadharmi- 
TBV-SD 72,32	dharmatvāvagame'pi pakṣadharmatvāvagamādadoṣe upacaritaṃ pakṣadharmatvaṃ hetoḥ syādityanumānasya gauṇatvāpatteḥ 
TBV-SD 72,33	pramāṇasyāgauṇatvādanumānādarthanirṇayo durlabhaḥ’ iti codyāvasaraḥ ? pratyakṣaprāmāṇyalakṣaṇe'pi kriyamāṇe- 
TBV-SD 72,34	'sya sarvasya samānatvena pratipāditatvāt | yadā cāvisaṃvāditvalakṣaṇa — pratyakṣaprāmāṇyalakṣyayoḥ sarvo- 
TBV-SD 72,35	pasaṃhāreṇa vyāptirabhyupagamyate, avisaṃvāditvalakṣaṇaśca prāmāṇyavyavasthāpako dharmastatrāṅgīkriyate pūrvo- 
TBV-SD 72,36	ktanyāyena tadā kathamanumānaṃ nābhyupagamyate pramāṇatayā ? tathāhi — ‘yat kiñcid dṛṣṭaṃ tasya yatrāvinābhāva- 
TBV-SD 72,37	stadvidastasya tad gamakaṃ tatra’ ityetāvanmātramevānumānasyāpi lakṣaṇam | tacca pratyakṣaprāmāṇyalakṣaṇama- 
TBV-SD 72,38	bhyupagacchatā'bhyupagamyate devānāṃpriyeṇa | tathā, prāmāṇyamapyanumānasyābhyupagatameva, yato yadevāvisaṃ- 
TBV-SD 72,39	vāditvalakṣaṇaṃ pratyakṣasya prāmāṇyam anumānasyāpi tadeva | taduktam — 
TBV-SD 73,01	
TBV-SD 73,02		“arthasyāsaṃbhave'bhāvāt pratyakṣe'pi pramāṇatā | 
TBV-SD 73,03		pratibaddhasvabhāvasya taddhetutve samaṃ dvayam” ||  iti | 
TBV-SD 73,04	arthāsaṃbhave'bhāvaḥ pratyakṣasya saṃvādasvabhāvaḥ prāmāṇye nimittam, sa ca sādhyārthābhāve'bhāvino 
TBV-SD 73,05	liṅgādupajāyamānasyānumānasyāpi samāna iti kathaṃ na tasyāpi prāmāṇyābhyupagamaḥ ? 
TBV-SD 73,06	kiṃca, ayaṃ cārvākaḥ pratyakṣaikapramāṇavādī yadi parebhyaḥ pratyakṣalakṣaṇamanavabudhyamānebhyastat 
TBV-SD 73,07	pratipādayati tadā teṣāṃ jñānasaṃbandhitvaṃ kutaḥ pramāṇādavagacchati ? na tāvat pratyakṣāt — paraceto- 
TBV-SD 73,08	vṛttīnāṃ pratyakṣato jñātumaśakyatvāt — kiṃ tarhi svātmani jñānapūrvakau vyāpāra — vyāhārau pramāṇato 
TBV-SD 73,09	niścitya pareṣvapi tathābhūtataddarśanāt tatsaṃbandhitvamavabudhyate tatastebhyastat pratipādayati | 
TBV-SD 73,10	tathā'bhyupagame ca vyāpāra — vyāhārāderliṅgasya jñānasaṃbandhitvalakṣaṇasvasādhyāvyabhicāritvaṃ pakṣadharmatvaṃ 
TBV-SD 73,11	cābhyupagataṃ bhavatīti kathamanumānotthāpakasyārthasya trairūpyamasiddham — yena ‘nāsmābhiranumānapratikṣepaḥ 
TBV-SD 73,12	kriyate kiṃtu trilakṣaṇaṃ yadanumānavādibhirliṅgamabhyupagataṃ tanna lakṣaṇabhāg bhavatīti pratipādyate’ iti 
TBV-SD 73,13	vacaḥ śobhāmanubhavati — pratyakṣalakṣaṇapratipādanārthaṃ paracetovṛttiparijñānābhyupagame trilakṣaṇahetvabhyupaga- 
TBV-SD 73,14	masyāvaśyaṃbhāvitvapratipādanāt ? atha nāsmābhiḥ pratyakṣamapi pramāṇatvenābhyupagamyate — yena ‘tallakṣaṇapra- 
TBV-SD 73,15	ṇayane'vaśyaṃbhāvī anumānaprāmāṇyābhyupagamaḥ’ ityasmān prati bhavadbhiḥ pratipādyeta — yattu “pratyakṣamevaikaṃ 
TBV-SD 73,16	pramāṇam” iti vacanaṃ tat tāntrikalakṣaṇālakṣitalokasaṃvyavahāripratyakṣāpekṣayā, ata eva 
TBV-SD 73,17	lakṣaṇalakṣitapratyakṣapūrvakānumānasya “anumānamapramāṇam” ityādigranthasandarbheṇāprāmāṇyapratipādanaṃ 
TBV-SD 73,18	vidhīyate na punargopālādyajñalokavyavahāraracanācaturasya dhūmadarśanamātrāvirbhūtānalapratipattirūpasya, 
TBV-SD 73,19	naitaccāru; tasyāpi mahānasādidṛṣṭāntadharmipravṛttapramāṇāvagatasvasādhyapratibandhaniścitasādhyadharmidha- 
TBV-SD 73,20	rmadhūmabalodbhūtatvena tāntrikalakṣaṇalakṣitapratyakṣapūrvakatvasya vastutaḥ pradarśitatvāt | ‘etat pakṣadharma 
TBV-SD 73,21	tvam’ ‘iyaṃ cāsya dhūmasya vyāptiḥ’ iti sāṅketikavyavahārasya gopālādimūrkhalokāsaṃbhavino'kiñci 
TBV-SD 73,22	tkaratvāt | pratyakṣasya cāvisaṃvāditvaṃ prāmāṇyalakṣaṇam, tad yathā saṃbhavati tathā parataḥprāmāṇyaṃ 
TBV-SD 73,23	vyavasthāpayadbhiḥ ‘siddhaṃ’ ityetatpadavyākhyāyāṃ darśitaṃ na punarucyate | tat sthitametat — na pratyakṣasya 
TBV-SD 73,24	bhavadabhiprāyeṇa prāmāṇyavyavasthāpakalakṣaṇasaṃbhavaḥ; tadbhāve vā'numānasyāpi prāmāṇyaprasiddhiriti na 
TBV-SD 73,25	pratyakṣaṃ paryanuyogavidhāyi | 
TBV-SD 73,26	nā'pyanumānādikaṃ paryanuyogakāri, anumānādeḥ pramāṇatvenānabhyupagamāt | athāsmābhiryadyapya 
TBV-SD 73,27	numānādikaṃ na pramāṇatayā'bhyupagamyate tathāpi pareṇa tat pramāṇatayā'bhyupagatamiti tatprasiddhena tena 
TBV-SD 73,28	parasya paryanuyogo vidhīyate; nanu parasya tat pramāṇataḥ prāmāṇyābhyupagamaviṣayaḥ, athāpramāṇataḥ ? yadi 
TBV-SD 73,29	pramāṇataḥ tadā bhavato'pi pramāṇaviṣayastat syāt; nahi pramāṇato'bhyupagamaḥ kasyacid bhavati kasya 
TBV-SD 73,30	cinneti yuktam | athāpramāṇato'numānādikaṃ pramāṇatayā'bhyupagamyate pareṇa tadā'pramāṇena na tena 
TBV-SD 73,31	paryanuyogo yuktaḥ, apramāṇasya paralokasādhanavat tatsādhakapramāṇaparyanuyoge'pyasāmarthyāt | atha tena 
TBV-SD 73,32	pramāṇalakṣaṇāparijñānāt tatprāmāṇyamabhyupagatamiti tatsiddhenaiva tena paralokādisādhanābhimatapramā- 
TBV-SD 73,33	ṇaparyanuyogaḥ kriyate; nanvajñānāt tat parasya pramāṇatvenābhimatam, na cājñānādanyathātvenābhimanya- 
TBV-SD 73,34	mānaṃ vastu tatsādhyāmarthakriyāṃ nirvarttayati; anyathā viṣatvenājñairmanyamānaṃ mahauṣadhādikamapi tān 
TBV-SD 73,35	mārayitukāmena dīyamānaṃ svakāryakaraṇakṣamaṃ syāt | atha nāsmābhiḥ paralokaprasādhakapramāṇaparyanuyogo- 
TBV-SD 73,36	'numānādinā svatantraprasiddhaprāmāṇyena, parābhyupagamāvagataprāmāṇyena vā kriyate kiṃ tarhi ‘yadi para- 
TBV-SD 73,37	lokādiko'tīndriyo'rthaḥ pareṇābhyupagamyate tadā tatpratipādakaṃ pramāṇaṃ vaktavyam, pramāṇanibandhanā 
TBV-SD 73,38	hi prameyavyavasthitiḥ, tasya ca pramāṇasya tallakṣaṇādyasaṃbhavena tadviṣayābhimatasyāpyabhāvaḥ’ ityevaṃvicā- 
TBV-SD 73,39	raṇālakṣaṇaḥ paryanuyogaḥ kriyata iti na svatantrānumānopanyāsapakṣadharmyasiddhyādilakṣaṇadoṣāvakāśo 
TBV-SD 73,40	bṛhaspatimatānusāriṇām; nanvevamapyanayā bhaṅgyā bhavatā paralokādyatīndriyārthaprasādhakapramāṇaparyanu- 
TBV-SD 73,41	yoge prasaṅgasādhanākhyamanumānam tadviparyayasvarūpaṃ ca svavācaiva pratipāditaṃ bhavati | tathāhi — ‘pramā 
TBV-SD 74,01	ṇanibandhanā prameyavyavasthitiḥ’ ityevaṃvadatā prameyavyavasthā pramāṇanimittaiva pratipāditā bhavati; etacca 
TBV-SD 74,02	prasaṅgasādhanam, tacca ‘vyāpyavyāpakabhāve siddhe yatra vyāpyābhyupagamo vyāpakābhyupagamanāntarīyakaḥ 
TBV-SD 74,03	pradarśyate’ ityevaṃlakṣaṇam, tena prameyavyavasthā pramāṇapravṛttyā vyāptā pramāṇato bhavatā pradarśanīyā; 
TBV-SD 74,04	anyathā pramāṇapravṛttimantareṇāpi prameyavyavasthā syāt | tataśca kathaṃ paralokādisādhakapramāṇaparyanuyo- 
TBV-SD 74,05	ge'pi paralokavyavasthā na bhavet ? vyāpyavyāpakabhāvagrāhakapramāṇābhyupagame ca kathaṃ kāryahetoḥ svabhā- 
TBV-SD 74,06	vahetorvā paralokādiprasādhakatvena pravarttamānasya pratikṣepaḥ vyāptiprasādhakapramāṇasadbhāve'numānapravṛtte- 
TBV-SD 74,07	ranāyāsasiddhatvāt ? pramāṇābhāve tannibandhanāyāḥ prameyavyavasthāyā apyabhāva iti prasaṅgaviparyayaḥ; sa 
TBV-SD 74,08	ca ‘vyāpakābhāve vyāpyasyāpyabhāvaḥ’ ityevaṃbhūtavyāpakānupalabdhisamudbhūtānumānasvarūpaḥ | etadapi prasa- 
TBV-SD 74,09	ṅgaviparyayarūpamanumānaṃ pramāṇato vyāpyavyāpakabhāvasiddhau pravartata iti vyāptiprasādhakasya pramāṇasya 
TBV-SD 74,10	tatprasādalabhyasya cānumānasya prāmāṇye svavācaiva bhavatā dattaḥ svahasta iti nānumānādiprāmāṇyaprati- 
TBV-SD 74,11	pādane'smābhiḥ prayasyate | ato yaduktam ‘sarvatra paryanuyogaparāṇyeva sūtrāṇi bṛhaspateḥ’ iti, tad abhi- 
TBV-SD 74,12	dheyaśūnyamiva lakṣyate uktanyāyāt | 
TBV-SD 74,13	yat tūktam ‘pratyakṣaṃ sannihitaviṣayatvena cakṣurādiprabhavaṃ paralokādigrāhakatvena na pravartate’ tatra 
TBV-SD 74,14	siddhasādhanam | yaccoktam ‘nāpyatīndriyaṃ yogipratyakṣam, paralokavat tasyāsiddheḥ’ iti, tad vismara- 
TBV-SD 74,15	ṇaśīlasya bhavato vacanam, atīndriyārthapravṛttipravaṇasya yogipratyakṣasyānantarameva pratipāditatvāt | 
TBV-SD 74,16	yat punaridamucyate ‘nāpi pratyakṣapūrvakamanumānaṃ tadabhāve pravarttate’ tadasaṅgatam, pratyakṣeṇa hi saṃba- 
TBV-SD 74,17	ndhagrahaṇapūrvaṃ parokṣe pāvakādau yathā'numānaṃ pravartamānamupalabhyate sa eva nyāyaḥ paralokasādhane'- 
TBV-SD 74,18	pyanumānasya kimityadṛṣṭo duṣṭo vā | tathāhi — yat kāryaṃ tat kāryāntarodbhūtam, yathā paṭādilakṣaṇaṃ 
TBV-SD 74,19	kāryam, kāryaṃ cedaṃ janma iti bhavatyato hetoḥ paralokasiddhiḥ | tathāhi — 
TBV-SD 74,20		“nityaṃ sattvamasattvaṃ vā'hetoranyānapekṣaṇāt | 
TBV-SD 74,21		apekṣāto hi bhāvānāṃ kādācitkatvasaṃbhavaḥ” ||  iti | 
TBV-SD 74,22	na tāvat kāryatvamihajanmano na siddham, akāryatve hetunirapekṣasya nityaṃ sattvā'sattvaprasaṅgāt | atha 
TBV-SD 74,23	svabhāvata eva kādācitkatvaṃ padārthānāṃ bhaviṣyati, nahi kāryakāraṇabhāvapūrvakatvaṃ pratyakṣata upalabdhaṃ yena 
TBV-SD 74,24	tadabhāvānnivarteta, pratyakṣataḥ kāryakāraṇabhāvasyaivāsiddheḥ | yadyevaṃ bāhyenāpyarthena saha kāryakāraṇabhāvasyā- 
TBV-SD 74,25	siddheḥ svasaṃvedanamātratve sati advaitam, vicāratastasyāpyabhāve sarvaśūnyatvamiti sakalavyavahārocche- 
TBV-SD 74,26	daprasaktiḥ | tasmād yathā pratyakṣeṇa bāhyārthapratibaddhatvamātmanaḥ pratīyate — anyathehalokasyāpyaprasiddheḥ, 
TBV-SD 74,27	pratyakṣataḥ tajjanyasvabhāvatvānavagame tasya tadgrāhakatvāsaṃbhavāt; tathā cehalokasādhanārthamaṅgīkarttavyaṃ 
TBV-SD 74,28	pratyakṣaṃ svārthenātmanaḥ pratibandhasādhakam — tathā paralokasādhanārthamapi tadeva sādhanamiti siddhaḥ para- 
TBV-SD 74,29	loko'numānataḥ | yathā ca bāhyārthapratibaddhatvaṃ pratyakṣasya kādācitkatvena sādhyate, dhūmasyāpi vahniprati- 
TBV-SD 74,30	baddhatvam, tathehajanmano'pi kādācitkatvena janmāntarapratibaddhatvamapi | tato'nala — bāhyārthavat 
TBV-SD 74,31	paraloke'pi siddhamanumānam | 
TBV-SD 74,32	athehajanmādibhūtamātāpitṛsāmagrīmātrādapyutpatteḥ kādācitkatvaṃ yuktamevehajanmanaḥ; nanvevaṃ 
TBV-SD 74,33	pradeśa — samanantarapratyayamātrasāmagrīviśeṣādeva dhūma — pratyakṣasaṃvedanayoḥ kādācitkatvamiti na sidhyati 
TBV-SD 74,34	vahni — bāhyārthapratītiriti sakalavyavahārābhāvaḥ | athākāraviśeṣādevānanyathātvasaṃbhavino'- 
TBV-SD 74,35	nala — bāhyārthasiddhistarhīhajanmano'pi prajñā — medhādyākāraviśeṣata eva mātāpitṛvyatiriktanijajanmā- 
TBV-SD 74,36	ntarasiddhiḥ | tathā, yathā''kāraviśeṣa evāyaṃ taimirikādijñānavyāvṛttaḥ pratyakṣasya bāhyārthamantareṇa 
TBV-SD 74,37	na bhavatīti niścīyate — anyathā bāhyārthāsiddherbauddhābhimatasaṃvedanādvaitameveti punarapi vyavahārā- 
TBV-SD 74,38	bhāvaḥ — tathehajanmādibhūtaprajñāviśeṣād ihajanmaviśeṣākāro nijajanmāntarapratibaddha iti niścīyatāma- 
TBV-SD 74,39	numānataḥ | atha pratyakṣameva savikalpakaṃ paramārthataḥ pratipattuḥ “tataḥ paraṃ punarvastu dharmaiḥ” 
TBV-SD 74,40	 ityādi mīmāṃsakādiprasiddhaṃ sādhakaṃ vahni — bāhyārthapūrvakatvasya dhūma — jāgratpurovṛtti- 
TBV-SD 75,01	stambhādipratyayasya, atrābhyupagame paralokavādinaḥ svapakṣamanāyāsasiddhameva manyante; “nahi dṛṣṭe'nu- 
TBV-SD 75,02	papannam” iti nyāyāt | yathaiva hi niścayarūpā mātāpitṛ — janmapratibaddhatvasiddhistathaivehajanmasaṃ- 
TBV-SD 75,03	skāravyāvṛttādihajanmaprajñādyākāraviśeṣānnijajanmāntarapratibaddhatvasiddhirapi pratyakṣaniścitā syāditi 
TBV-SD 75,04	na paralokakṣatiḥ | na ca niścayapratyayo'nabhyāsadaśāyāmanumānatāmatikrāmati, “pūrvarūpasādharmyāt tat 
TBV-SD 75,05	tathāprasādhitaṃ nānumeyatāmatipatati” iti nyāyāt anvaya — vyatireka — pakṣadharmatā'nusaraṇa- 
TBV-SD 75,06	syānabhyāsadaśāyāmupalabdheḥ; abhyāsadaśāyāṃ ca pakṣadharmatvādyanusaraṇasyānyatrāpyasaṃvedanāt siddhamanu- 
TBV-SD 75,07	mānapratītatvaṃ paralokasya | 
TBV-SD 75,08	athetaretarāśrayadoṣādanumānaṃ nāstyevaivaṃvidhe viṣaye ityucyeta; nanvevaṃ sati sarvabhedābhāvato 
TBV-SD 75,09	vyavahāroccheda iti taducchedamanabhyupagacchatā vyavahārārthinā'vaśyamanumānamabhyupagantavyam | etena 
TBV-SD 75,10	pratyakṣapūrvakatvābhāve'pyanumānasya prāmāṇyaṃ pratipāditam | na cānumānapūrvakatve'pītaretarāśraya- 
TBV-SD 75,11	doṣānuṣaṅgaḥ, tasyaivetaretarāśrayadoṣasya vyavahārapravṛttito nirākaraṇāt | 
TBV-SD 75,12	yadapyuktam ‘anumānapūrvakatve'navasthāprasaṅgānnānumānapravṛttiḥ’ iti, tadapyasaṅgatam; evaṃ hi 
TBV-SD 75,13	sati pratyakṣagṛhīte'pyarthe vipratipattiviṣaye nānumānapravṛttimantareṇa tannirāsa iti bāhye'rthe pratyakṣa- 
TBV-SD 75,14	syāvyāpārāt punarapyadvaitāpatteḥ śūnyatāpattervā vyavahāroccheda iti vyavahārabalāt saivānavasthā pari- 
TBV-SD 75,15	hiyata iti | abhyupagamavādena caitaduktam; anyathā bāhyārthavyavasthāpanāya pratyakṣaṃ pravartate | tathā, prada- 
TBV-SD 75,16	rśitahetorvyāptiprasādhanārthaṃ keṣāṃcid matena nirvikalpam, anyeṣāṃ tu savikalpakaṃ cakṣurādikaraṇavyā- 
TBV-SD 75,17	pārajanyam, apareṣāṃ mānasam, keṣāñcid vyāvṛttigrahaṇopayogi jñānam, anyeṣāṃ pratyakṣānupalambhaba- 
TBV-SD 75,18	lodbhūtā'liṅgajohākhyaṃ parokṣaṃ pramāṇaṃ tatra vyāpriyata iti kathamanumānena pratibandhagrahaṇe'navasthe — tare- 
TBV-SD 75,19	tarāśrayadoṣaprasaktiḥ paralokavādinaḥ prati bhavatā preryeta ? 
TBV-SD 75,20	yadapyuktam ‘sarvamapyanumānamasmān prati pramāṇatvenāsiddham’ ityādi, tadapyasaṅgatam; yataḥ kima- 
TBV-SD 75,21	numānamātrasyāprāmāṇyaṃ bhavatā pratipādayitumabhipretam “anumānamapramāṇam” ityādigranthena, atha 
TBV-SD 75,22	tāntrikalakṣaṇakṣepaḥ, atīndriyārthānumānapratikṣepo vā ? na tāvadanumānamātrapratiṣedho yuktaḥ, lokavyava- 
TBV-SD 75,23	hārocchedaprasaṅgāt | yataḥ pratiyanti kovidāḥ kasyacidarthasya darśane niyamataḥ kiñcidarthāntaraṃ na tu 
TBV-SD 75,24	sarvasmāt sarvasyāvagamaḥ | uktaṃ cānyena — 
TBV-SD 75,25		“svagṛhānnirgato bhūyo na tadā''gantumarhati” | 
TBV-SD 75,26	ataḥ kiñcid dṛṣṭvā kasyacidavagame nimittaṃ kalpanīyam | tacca niyatasāhacaryamavinābhāvaśabda- 
TBV-SD 75,27	vācyaṃ naiyāyikādibhiḥ parikalpitam | tadavagamaśca pratyakṣā'nupalambhasahāyamānasapratyakṣataḥ pratī- 
TBV-SD 75,28	yate | sāmānyadvāreṇa pratibandhāvagamād deśādivyabhicāro na bādhakaḥ, nāpi vyaktyānantyam, ubhaya- 
TBV-SD 75,29	trāpi sāmānyasyaikatvāt | sāmānyākṛṣṭāśeṣavyaktipratibhānaṃ ca mānase pratyakṣe yathā śatasaṅkhyā'va- 
TBV-SD 75,30	cchedena ‘śatam’ iti pratyaye viśeṣaṇākṛṣṭānāṃ pūrvagṛhītānāṃ śatasaṅkhyāviṣayapadārthānām | tathāhi — 
TBV-SD 75,31	‘ete śatam’ iti pratyayo bhavatyeva | sāmānyasya ca sattvamanugatā'bādhitapratyayaviṣayatvena vyavasthā- 
TBV-SD 75,32	pitam | tadevaṃ niyatasāhacaryamarthāntaraṃ pratipādayadupalabdhaṃ sat pratipādayati | upalambhaścāvaśyaṃ 
TBV-SD 75,33	kvacit sthitasya, saiva pakṣadharmatā, tataḥ sambandhānusmṛtau tataḥ sādhyāvagamaḥ | yastu pratibandhaṃ 
TBV-SD 75,34	nopaiti tasyāpi kathaṃ na sarvasmāt sarvapratipattiḥ abhyupagame vā'pratipanne'pi saṃbandhe pratipatti- 
TBV-SD 75,35	prasaṅgaḥ ? | pramātṛsaṃskārakārakāṇāṃ pūrvadarśanānāmabhāvāt ityanuttaram, saṃbandhāpratipattau pramātṛsaṃ- 
TBV-SD 75,36	skārānupapatteḥ | darśanajaḥ saṃskāro'pyanabhivyaktaḥ sattāmātreṇa na pratipattyupayogī; na ca smṛti- 
TBV-SD 75,37	mantareṇa tatsadbhāvo'pi | na cānubhavapradhvaṃsanibandhanā smṛtiḥ kvacidviṣaye, saṃskāramantareṇa tada- 
TBV-SD 75,38	nupapatteḥ pradhvaṃsasya ca nirhetukatvāsaṃbhavāt | yatrāpyabhyaste viṣaye vastvantaradarśanādavyavadhānena 
TBV-SD 75,39	vastvantarapratipattistatrāpi prāktanakramāśrayaṇena vastvantarāvagamaḥ | iyāṃstu viśeṣaḥ — ekatrānabhya- 
TBV-SD 75,40	statvādantarāle smṛtisaṃvedanam, anyatrābhyāsād vidyamānāyā apyasaṃvittiḥ | kecittu “yogipratyakṣaṃ 
TBV-SD 76,01	saṃbandhagrāhakamāhuḥ vyāpteḥ sakalākṣepeṇāvagamāt” tathā ca yatra yatreti deśakālavikṣiptānāṃ vyaktī- 
TBV-SD 76,02	nāmanavabhāsā'nupapattiḥ, ata ekatra kṣaṇe yogitvaṃ pratibandhagrāhiṇaḥ | etat pūrvasmādaviśiṣṭam, 
TBV-SD 76,03	tad loke arthāntaradarśanāt arthāntarasudṛḍhapratītau tārkikāṇāṃ nimittacintāyāṃ pakṣadharmatvādyabhi- 
TBV-SD 76,04	dhānam | ato na tāntrikalakṣaṇapratikṣepo'pi | 
TBV-SD 76,05	utpannapratītīnāmastu prāmāṇyam, utpādyapratītīnāṃ tu atīndriyā'dṛṣṭa — paraloka — sarvajñādya- 
TBV-SD 76,06	numānānāṃ pratikṣepa iti cet, tadasat; yadyanavagatasaṃbandhān pratipattṛṛnadhikṛtyaitaducyate tadā 
TBV-SD 76,07	dhūmādiṣvapi tulyam | atha gṛhītāvinābhāvānāmapyatīndriyaparalokādipratibhāsānutpatterevamu- 
TBV-SD 76,08	cyate, tadasat; ye hi kāryaviśeṣasya tadviśeṣeṇa gṛhītāvinābhāvāste tasmāt paralokādyava- 
TBV-SD 76,09	gacchantyeva; ato na jñāyate kena viśeṣeṇātīndriyārthānumānapratikṣepaḥ ? sāhacaryāviśeṣe'pi 
TBV-SD 76,10	vyāpyagatā niyatatā prayojikā na vyāpakagatā, ataḥ samavyāptikānāmapi vyāpyamukhenaiva prati- 
TBV-SD 76,11	pattiḥ | niyatatā'vagame cārthāntarapratipattau na bādhā, na pratibandhaḥ, ekasya rūpabhedānupapatteḥ | 
TBV-SD 76,12	tato na viśeṣaviruddhasaṃbhavaḥ nāpi viruddhāvyabhicāriṇa iti yaduktam ‘viruddhā'numāna — virodhayoḥ 
TBV-SD 76,13	sarvatra saṃbhavāt kvacicca viruddhāvyabhicāriṇaḥ’ iti, etadapyapāstam | ‘avinābhāvasaṃbandhasya 
TBV-SD 76,14	grahītumaśakyatvāt, avasthā — deśa — kālādibhedāt’ ityādeśca pūrvanītyā'numānapramāṇatve'nupapattiḥ | 
TBV-SD 76,15	parokṣasyārthasya sāmānyākāreṇānyataḥ pratipattau lokapratītāyāṃ bauddhaistu kāryakāraṇabhāvādi- 
TBV-SD 76,16	lakṣaṇaḥ pratibandhastannimittatvena kalpitaḥ | taduktam — 
TBV-SD 76,17		“kāryakāraṇabhāvādvā svabhāvādvā niyāmakāt | 
TBV-SD 76,18		avinābhāvaniyamo'darśanānna na darśanāt” ||  ityādi | 
TBV-SD 76,19	tathā — 
TBV-SD 76,20		“avaśyaṃbhāvaniyamaḥ kaḥ parasyānyathā paraiḥ | 
TBV-SD 76,21		arthāntaranimitte vā dharme vāsasi rāgavat” ||  iti ca | 
TBV-SD 76,22	tathāhi — kvacit parvatādideśe dhūma upalabhyamāno yadyagnimantareṇaiva syāt tadā pāvakadharmānuvṛtti- 
TBV-SD 76,23	tastasya tatkāryatvaṃ yanniścitaṃ viśiṣṭapratyakṣā'nupalambhābhyāṃ tadeva na syādityahetostasyāsattvāt 
TBV-SD 76,24	kvacidapyupalambho na syāt, sarvadā sarvatra sarvākāreṇa vopalambhaḥ syāt; ahetoḥ sarvadā sattvāt | 
TBV-SD 76,25	svabhāvaśca yadi bhāvavyatirekeṇa syāt tato bhāvasya niḥsvabhāvatvāpatteḥ svabhāvasyāpyabhāvāpattiḥ | 
TBV-SD 76,26	tatpratibandhasādhakaṃ ca pramāṇaṃ kāryahetorviśiṣṭapratyakṣā'nupalambhaśabdavācyaṃ pratyakṣameva sarvajñasādhaka- 
TBV-SD 76,27	hetupratibandhaniścayaprastāve pradarśitam | svabhāvahetostu kasyacid viparyaye bādhakaṃ pramāṇaṃ vyāpakānu- 
TBV-SD 76,28	palabdhisvarūpam, kasyacit tu viśiṣṭaṃ pratyakṣamabhyupagatam | sarvathā sāmānyadvāreṇa vyaktīnām atadrū- 
TBV-SD 76,29	paparāvṛttavyaktirūpeṇa vā tāsāṃ pratibandho'bhyupagantavyaḥ; anyathā'pratibaddhādanyato'nyapratipattāva- 
TBV-SD 76,30	tiprasaṅgāt | pratibandhaprasādhakaṃ ca pramāṇamavaśyamabhyupagamanīyam; anyathā'gṛhītapratibandhatvāda- 
TBV-SD 76,31	nyato'nyapratipattāvapi prasaṅgastadavastha eva | yatra gṛhītapratibandho'sāvartha upalabhyamānaḥ sādhya- 
TBV-SD 76,32	siddhiṃ vidadhāti taddharmatā tasya pakṣadharmatvasvarūpā, tadgrāhakaṃ ca pramāṇaṃ pratyakṣamanumānaṃ vā | taduktaṃ 
TBV-SD 76,33	dharmakīrtinā — 
TBV-SD 76,34		“pakṣadharmatāniścayaḥ pratyakṣato'numānato vā”
TBV-SD 76,35	ato lokaprasiddha — tāntrikalakṣaṇalakṣitānumānayorbhedābhāvādatīndriyaparalokādyarthasādhakatvamapi 
TBV-SD 76,36	tasyaiveti tatprāmāṇyānabhyupagame ihalokasyāpi abhyupagamābhāvaprasaṅgaḥ | na ca ‘kimatra nirvikalpa- 
TBV-SD 76,37	kam, mānasam, yogipratyakṣam, ūho vā pratibandhaniścāyakam; pratibandho'pi niyatasāhacaryalakṣaṇaḥ 
TBV-SD 76,38	kāryakāraṇabhāvādirvā’ iti cintā'tropayoginī, dhūmādagnipratipattivat prajñā — medhādivijñānakā- 
TBV-SD 76,39	ryaviśeṣānnijajanmāntaravijñānasvabhāvaparalokapratipattisiddheḥ | ato'numānāprāmāṇyapratipādanāya 
TBV-SD 77,01	pūrvapakṣavādinā yad yuktijālamupanyastaṃ tannirastaṃ draṣṭavyam; pratipadamuccārya na dūṣyate granthagauravabhayāt | 
TBV-SD 77,02	yadapyuktam ‘paraloke pratyakṣasyāpravṛtterarthāpattireveyam ihajanmānyathā'nupapattyā paralokasa- 
TBV-SD 77,03	dbhāvaḥ’ iti, tadapi na samyak; pūrvānusāreṇa sarvasya niyatapratyayasya pravṛtteranumānatvapratipādanāt | 
TBV-SD 77,04	avinābhāvasaṃbandhasya grahītumaśakyatvānnātrānumānamiti cet; nanvevaṃ tadevādvaitaṃ śūnyatvaṃ vā kasya 
TBV-SD 77,05	kena doṣābhidhānam | tasmāt saṃvyavahārakāriṇā pratyakṣeṇa ūhena vā pratibandhasiddhiriti kathaṃ nānu- 
TBV-SD 77,06	mānāt paralokasiddhiḥ ? 
TBV-SD 77,07	yadapyuktam ‘mātāpitṛsāmagrīmātreṇehajanmasaṃbhavānna tajjanmavyatiriktabhūtaparalokasādhanaṃ yuktam’ 
TBV-SD 77,08	iti, tadapi prativihitameva; samanantarapratyayamātreṇa pratyayapratyakṣasya bhāvāt svapnādipratyayavanna 
TBV-SD 77,09	pratyakṣād bāhyārthasiddhirapi iti bauddhābhimatapakṣasiddhiprasaṅgo'nastatvāt | yadapi pratyapādi ‘na sanni- 
TBV-SD 77,10	hitamātraviṣayatvāt pratyakṣasya deśa — kālavyāptyā pratibandhagrahaṇasāmarthyam’ iti, tadapi na kiñcit; 
TBV-SD 77,11	evaṃ sati atisannihitaviṣayatvena pratyakṣasya svarūpamātra eva pravṛttiprasaṅga iti tadeva bauddhādyabhimataṃ 
TBV-SD 77,12	svasaṃvedanamātraṃ sarvavyavahārocchedakāri prasaktamiti pratipāditatvāt | tasmāllokavyavahārapravarttanakṣama- 
TBV-SD 77,13	savikalpakapratyakṣabalād ūhākhyapramāṇād vā deśa — kālavyāptyā yathoktalakṣaṇasya hetoḥ pratibandhagra- 
TBV-SD 77,14	haṇe pravṛttiranumānasyeti na vyāhatiḥ prakṛtasyeti etadapi nirastam ‘kecit prajñādayaḥ’ ityādi | na ca 
TBV-SD 77,15	‘prajñā — medhādayaḥ śarīrasvabhāvāntargatāḥ’ ityādi codyaṃ yuktam, tadantargatatve'pi parihārasaṃbhavādanva- 
TBV-SD 77,16	ya — vyatirekābhyāṃ teṣāṃ mātāpitroḥ pitṛśarīrajanyatvasya pitṛśarīraṃ tarhi hetubhedānna bhedo mātāpi- 
TBV-SD 77,17	tṛśarīrādapatyaprajñādīnām | ayamaparo bṛhaspatimatānusāriṇa eva doṣo'stu yaḥ kāryabhede'pi kāraṇa- 
TBV-SD 77,18	bhedaṃ necchati | asmākaṃ tu harṣa — viṣādādyanekaviruddhadharmākrāntasya vijñānasyāntarmukhākāratayā vedyasya 
TBV-SD 77,19	rūparasagandhasparśādiyugapadbhāvi — bālakumārayauvanavṛddhāvasthādyanekakramabhāviviruddhadharmādhyāsitata- 
TBV-SD 77,20	ccharīrāderbāhyendriyaprabhavavijñānasamadhigamyād bhedaḥ siddha eva | viruddhadharmādhyāsaḥ, kāraṇabhedaśca 
TBV-SD 77,21	padārthānāṃ bhedakaḥ; sa ca jalā'nalayoriva śarīra — vijñānayorvidyata eveti kathaṃ na tayorbhedaḥ ? tadbhedā- 
TBV-SD 77,22	dapyabhede brahmādvaitavādāpattestadavastha eva pṛthivyāditattvacatuṣṭayābhāvāpattyā vyavahārocchedaḥ | athavā 
TBV-SD 77,23	mātāpitṛ — pūrvajanmaikasāmagrījanyametat kāryam, etanna doṣo'vyatiriktapakṣe'pi vijñāna- 
TBV-SD 77,24	śarīrayoḥ | pūrvamapyuktam ‘vilakṣaṇādapyanvaya — vyatirekābhyāṃ mātāpitṛśarīrād vijñānamupajāyatām; 
TBV-SD 77,25	nahi kāraṇākārameva sakalaṃ kāryam’ iti, tadapyasat; yato nahi kāraṇavilakṣaṇaṃ kāryaṃ na bhavatī- 
TBV-SD 77,26	tyucyate, api tu tadanvaya — vyatirekānuvidhānāt tatkāryatvam | tathāhi — yad yadvikārānvaya — vya- 
TBV-SD 77,27	tirekānuvidhāyi tat tatkāryamiti vyavasthāpyate, yathā aguru — karpūrorṇādidāhyadāhakapāvakagata- 
TBV-SD 77,28	surabhigandhādyanvayavyatirekānuvidhāyī dhūmastatkāryatayā vyavasthitaḥ, ekasantatyanupatitaśāstrasaṃ- 
TBV-SD 77,29	skārādisaṃskṛtaprāktanavijñānadharmānvayavyatirekānuvidhāyi ca prajñā — medhādyuttaravijñānamiti kathaṃ na 
TBV-SD 77,30	tatkāryamabhyupagamyate ? tadanabhyupagame dhūmāderapi prasiddhavahnyādikāryasya tatkāryatvāprasiddhiriti 
TBV-SD 77,31	punarapi sakalavyavahārocchedaḥ | 
TBV-SD 77,32		“tasmādyasyaiva saṃskāraṃ niyamenānuvarttate | 
TBV-SD 77,33		tannāntarīyakaṃ cittamataścittasamāśritam” || 
TBV-SD 77,34	pratipāditaśca pramāṇataḥ pratiniyataḥ kāryakāraṇabhāvaḥ sarvajñasādhane ‘kusamayavisāsaṇaṃ’
TBV-SD 77,35	itipadavyākhyāṃ kurvadbhirna punarihocyate | 
TBV-SD 77,36	yo'pi śālūkadṛṣṭāntena vyabhicāraḥ ‘yathā gomayādapi śālūkaḥ, kaścit samānajātī- 
TBV-SD 77,37	yādapi śālūkādeva tathā kecit prajñā — medhādayastadabhyāsāt, kecit tu rasāyanopayogāt, 
TBV-SD 78,01	apare mātāpitṛśukraśoṇitaviśeṣādeva’ iti, so'pi na samyag; tatrāpi samānajātīya- 
TBV-SD 78,02	pūrvābhyāsasaṃbhavāt; anyathā samāne'pi rasāyanādyupayoge yamalakayoḥ kasyacit kvāpi prajñā- 
TBV-SD 78,03	medhādikamiti pratiniyamo na syāt, rasāyanādyupayogasya sādhāraṇatvāditi | na ca prajñādīnāṃ 
TBV-SD 78,04	janmādau rasāyanābhyāse ca viśeṣaḥ, śālūka — gomayajanyasya tu śālūkādestadanyasmād viśeṣo dṛśyate | 
TBV-SD 78,05	kvacijjātismaraṇaṃ ca darśanamiti na yuktā dṛṣṭakāraṇādeva mātāpitṛśarīrāt prajñā — medhādikāryaviśe- 
TBV-SD 78,06	ṣotpattiḥ | na ca gomaya — śālūkādervyabhicāraviṣayatvena pratipāditasyātyantavailakṣaṇyam, rūpa — rasa — 
TBV-SD 78,07	gandha — sparśavatpudgalapariṇāmatvena dvayorapi availakṣaṇyāt | vijñāna — śarīrayoścāntarbahirmukhākāravi- 
TBV-SD 78,08	jñānagrāhyatayā sva — parasaṃvedyatayā svasaṃvedana — bāhyakaraṇādijanyapratyayānubhūyamānatayā ca parasparāna- 
TBV-SD 78,09	nuyāyyanekaviruddhadharmādhyāsato'tyantavailakṣaṇyasya pratipāditatvād nopādānopādeyabhāvo yuktaḥ | 
TBV-SD 78,10	yastu śarīravṛddhyādeścaitanyavṛddhyādilakṣaṇa upādānopādeyabhāvadharmopalambhaḥ pratipādyate'sau mahā- 
TBV-SD 78,11	kāyasyāpi mātaṅgā'jagarādeścaitanyālpatvena vyabhicārīti na tadbhāvasādhakaḥ | yastu śarīravikārāccaita- 
TBV-SD 78,12	nyavikāropalambhalakṣaṇastaddharmabhāvaḥ pratipādyate'sāvapi sāttvikasattvānām anyagatacittānāṃ vā 
TBV-SD 78,13	chedādilakṣaṇaśarīravikārasadbhāve'pi taccittavikārānupalabdherasiddhaḥ | dṛśyate ca sahakāriviśe- 
TBV-SD 78,14	ṣādapi jala — bhūmyādilakṣaṇād bījopādānasyāṅkurāderviśeṣa iti sahakārikāraṇatve'pi śarīrāde- 
TBV-SD 78,15	rviśiṣṭāhārādyupayogādau yauvanāvasthāyāṃ vā śāstrādisaṃskāropāttaviśeṣapūrvajñānopādānasya vijñā- 
TBV-SD 78,16	nasya vivṛddhilakṣaṇo viśeṣo nāsaṃbhavī | 
TBV-SD 78,17	yadapyuktam ‘anādimātāpitṛparamparāyāṃ tathābhūtasyāpi bodhasya vyavahitamātāpitṛgatasya 
TBV-SD 78,18	sadbhāvāt tato vāsanāprabodhena yukta eva prajñā — medhādiviśeṣasya saṃbhavaḥ’ iti, tadapyayuktam; 
TBV-SD 78,19	anantarasyāpi mātāpitṛpāṇḍityasya prāyaḥ prabodhasaṃbhavāt; tataścakṣurādikaraṇajanitasya svarū- 
TBV-SD 78,20	pasaṃvedanasya cakṣurādijñānasya vā yugapat krameṇa cotpattau ‘mayaivopalabdhametat’ iti pratyabhijñānaṃ 
TBV-SD 78,21	santānāntaratadapatyajñānānāmapi syāt, na ca mātāpitṛjñānopalabdhestadapatyādeḥ kasyacit 
TBV-SD 78,22	pratyabhijñānamupalabhyate | anena ‘ekasmād brahmaṇaḥ prajotpattiḥ’ pratyuktā, ekaprabhavatve hi sarvaprāṇināṃ 
TBV-SD 78,23	parasparaṃ pratyabhijñāprasaṅgaḥ ekasantānodbhūtadarśana — sparśanapratyayayoriva | 
TBV-SD 78,24	yattūktam ‘ātmano'dṛṣṭernātmānamāśritya paralokaḥ’ iti, tadayuktam; tadadṛṣṭyasiddheḥ | tathāhi — 
TBV-SD 78,25	dehendriya — viṣayādivyatirikto'haṃpratyayapratyakṣopalabhya evātmā | na ca cakṣurādeḥ karaṇagrāmasyātīndri- 
TBV-SD 78,26	yātmaviṣayatvena jñānajananāvyāpārāt kathaṃ tajjanyapratyakṣajñānaviṣaya iti vaktuṃ yuktam, svasaṃvedanapratya- 
TBV-SD 78,27	kṣagrāhyatvābhyupagamāt | tathāhi — upasaṃhṛtasakalendriyavyāpārasya andhakārasthitasya ca ‘aham’ iti 
TBV-SD 78,28	jñānaṃ sarvaprāṇināmupajāyamānaṃ svasaṃviditamanubhūyate, tatra ca śarīrādyanavabhāse'pi tadvyatiriktamātmasva- 
TBV-SD 78,29	rūpaṃ pratibhāti | na caitad jñānamanubhūyamānamapyapahnotuṃ śakyam, anubhūyamānasyāpyapalāpe sarvāpalāpapra- 
TBV-SD 78,30	saṅgāt | nāpyetannotpadyate, kādācitkatvavirodhāt | nāpi bāhyendriyavyāpāraprabhavam, tadvyāpārābhā- 
TBV-SD 78,31	ve'pyupajāyamānatvāt | nāpi śabda — liṅgādinimittodbhūtam, tadabhāve'pyutpattidarśanāt | na cedaṃ 
TBV-SD 78,32	bādhyatvenāpramāṇam, tatra bādhakasadbhāvasyāsiddheḥ | na cedaṃ savikalpakatvenāpramāṇam, savikalpaka- 
TBV-SD 78,33	syāpi jñānasya pramāṇatvena pratipādayiṣyamāṇatvāt | kadācicca bāhyendriyavyāpārakāle'pi yadā 
TBV-SD 78,34	‘ghaṭamahaṃ jānāmi’ ityevaṃ viṣayamavagacchati tadā svātmānamapi | tathāhi — tatra yathā viṣayasyāva- 
TBV-SD 78,35	bhāsaḥ karmatayā tathā''tmano'pyavabhāsaḥ kartṛtayā | na ca śarīrādīnāṃ jñātṛtā, yathā hi śarīrād 
TBV-SD 78,36	vyatiriktā ghaṭādayaḥ pratītikarmatayā pratibhānti — ‘mama ghaṭādayaḥ, ahaṃ ghaṭādīnāṃ jñātā’ evaṃ ‘mama 
TBV-SD 78,37	śarīrādayaḥ, ahaṃ śarīrādīnāṃ jñātā’ ityevaṃ ca pratītikarmatvena ghaṭādibhistulyatvānna śarīrādisaṃ- 
TBV-SD 78,38	ghātasya jñātṛtā | na ca jñātrapratibhāsaḥ, tadapratibhāse hi ‘mamaite bhāvāḥ pratibhānti nānyasya’ ityevaṃ 
TBV-SD 78,39	pratibhāso na syāt; tadavabhāsāpahnave ca ghaṭāderapi kathaṃ pratītiḥ ? iyāṃstu viśeṣaḥ — ekasya pratī- 
TBV-SD 78,40	tikarmatā aparasya tatpratītikartṛtā na tvanavabhāsaḥ; ato liṅgādyanapekṣa ātmā'vabhāso'pyastīti 
TBV-SD 79,01	kathaṃ tasyādṛṣṭiḥ ? na cāsya pratyayasya bādhārahitasyāpūrvārthaviṣayasyākṣajaviṣayāvabhāsasyevāsandi- 
TBV-SD 79,02	gdharūpasya niścitarūpatvena pratibhāsamānasya smṛtirūpatā aprāmāṇyaṃ vā pratipādayituṃ yuktam | 
TBV-SD 79,03	ato'syāmapi pratītāvavabhāsamānasyāparokṣataiva yuktā na pramāṇāntaragamyatā | 
TBV-SD 79,04	yadapyatrāhuḥ — astyayamavabhāsaḥ kintvasya pratyakṣatā cintyā | pratyakṣaṃ hīndriyavyāpārajaṃ jñānam | 
TBV-SD 79,05	tathācoktaṃ bhavadbhiḥ — “indriyāṇāṃ satsaṃprayoge buddhijanma pratyakṣam” pratya- 
TBV-SD 79,06	kṣaviṣayatvāt tadarthasya pratyakṣatā na tu sākṣāt, anindriyajatvena | tatra ghaṭāderbāhyendriyajñānaviṣaya- 
TBV-SD 79,07	tvena sarvalokapratītā'dhyakṣatā natvevamātmanaḥ | 
TBV-SD 79,08	athaivamucyeta — nātmano ghaṭāditulyā pratyakṣatā, ghaṭāderhi indriyajajñānaviṣayatvena sā 
TBV-SD 79,09	vyavasthāpyate, na tvātmā kasyacit pramāṇasya viṣayaḥ | kathaṃ tarhi pratyakṣaḥ ? na jñānaviṣayatvāt 
TBV-SD 79,10	pratyakṣaḥ api tvaparokṣatvena pratibhāsanāt pratyakṣa ucyate; tacca kevalasya ghaṭādipratītyantargatasya 
TBV-SD 79,11	vā'parasādhanaṃ prāk pratipāditam, etadapyasat; yataḥ aparasādhanamiti ko'rthaḥ — kiṃ cidrūpasya 
TBV-SD 79,12	sattā, āhosvit svapratītau vyāpāraḥ ? yadi cidrūpasya sattaivātmaprakāśanamucyate tadā dṛṣṭānto 
TBV-SD 79,13	vaktavyaḥ | na cātrā''śaṅkanīyam — aparokṣe dṛṣṭāntānveṣaṇaṃ na karttavyam, yatastathāvidhe vivādaviṣaye 
TBV-SD 79,14	suprasiddhaṃ dṛṣṭāntānveṣaṇaṃ dṛśyate | na ca dīpādi dṛṣṭāntaḥ, tatra hi sajātīyālokānapekṣatvena 
TBV-SD 79,15	svapratītau svaprakāśakatvaṃ vyavasthāpitaṃ kaiścit na tvindriyāgrāhyatvam; tadagrāhyatve ‘svaprakāśāḥ 
TBV-SD 79,16	pradīpādayaḥ’ iti cakṣuṣmatāmivāndhānāmapi tatpratītiprasaṅgaḥ; tasmānna svaprakāśāḥ pradīpādayaḥ | 
TBV-SD 79,17	yattu ālokāntaranirapekṣatvaṃ tat kasyacidviṣayasya kācit sāmagrī prakāśikā iti naikatra 
TBV-SD 79,18	dṛṣṭatvenānyatrāpi prasaktiścodyate | atha dvitīyaḥ pakṣaḥ, so'pyayuktaḥ; adarśanādeva — nahi kaścit 
TBV-SD 79,19	padārthaḥ kartṛrūpaḥ karaṇarūpo vā svātmani karmaṇīva savyāpāro dṛṣṭaḥ | kathaṃ tarhyanumeyatve'pyātmapra- 
TBV-SD 79,20	tītiḥ pramātrantarābhāvāt ? ekasyaiva liṅgādikaraṇamapekṣyavasthābhedena bhede sati adoṣaḥ | 
TBV-SD 79,21	kiṃca, pramāṇāviṣayatve'pyaparokṣatetyasya bhāṣitasya ko'rthaḥ ? jñātṛtayā svarūpeṇāvabhāsa- 
TBV-SD 79,22	namiti cet, ghaṭādayo'pi kiṃ pararūpatayā pratītiviṣayāḥ ? ato yad yasya rūpaṃ tat pramāṇavi- 
TBV-SD 79,23	ṣayatve'pyavasīyate iti na jñānāviṣayatā pramātuḥ | tathāhi — tasya jñātṛtā pramātṛtā''tmasvarūpatā, 
TBV-SD 79,24	ghaṭādeḥ prameyatā jñeyatā ghaṭādirūpatā; ato yathā tasya svarūpeṇāvabhāsanānnā'pratyakṣatā tadvadātma- 
TBV-SD 79,25	no'pi | abhyupagamanīyaṃ caitat, anyathā''tmādisvasaṃvedanasya pratyakṣasyāpi pratyakṣādilakṣaṇavyati- 
TBV-SD 79,26	riktaṃ lakṣaṇāntaraṃ vaktavyam; tathā ca pramāṇeyattāvyāghātaḥ, kenacit pratyakṣādilakṣaṇenātmādiviṣayasya 
TBV-SD 79,27	svasaṃvedanasyāsaṃgrahāt | ito'pyuktaṃ pramātṛvat phale'pi saṃvedanābhyupagamaprasaṅgāt | tathā'bhyupagamā- 
TBV-SD 79,28	dadoṣa iti cet, tathā coktam — 
TBV-SD 79,29		“saṃvittiḥ saṃvittitayaiva saṃvedyā na saṃvedyatayā” iti | 
TBV-SD 79,30	etat prāk pratikṣiptam, na svarūpāvabhāse pramāṇāviṣayatā | kiṃca, evaṃ kalpyamāne bodhadvayamāntaram 
TBV-SD 79,31	svasaṃvidrūpaṃ ca kalpitaṃ syāt, tathā cāyuktam, ekasmādeva viṣayāvabhāsasiddheḥ kiṃ dvayakalpanayā ? 
TBV-SD 79,32	athocyeta — kalpanā hyanavabhāsamānasya, bodhadvaye tu ghaṭādivadavabhāso'stīti na kalpanā | yadīdṛśāḥ 
TBV-SD 79,33	pratibhāsāḥ pramāṇatvena vyavasthāpyante tadā ‘ghaṭamahaṃ cakṣuṣā paśyāmi’iti karaṇapratītirapi pramātṛ — 
TBV-SD 79,34	phalapratītivat kalpanīyā | 
TBV-SD 79,35	yā'pi kaiścit karaṇapratītiḥ pratyakṣatvenoktā sā'pi nātīva saṃgacchate | tathāhi — 
TBV-SD 79,36	‘ghaṭamahaṃ cakṣuṣā paśyāmi’ityasyāmavagatau kiṃ golakasya cakṣuṣṭvam, āhosvit tadvyati- 
TBV-SD 79,37	riktasya ? golakasya cakṣuṣṭve na kaścidandhaḥ syāt | tadvyatiriktasya ca raśmeranabhyupagamaḥ; abhyupagame 
TBV-SD 79,38	vā na pratītiviṣayaḥ, kevalaṃ śabdamātramuccārayati ghaṭapratītikāle | evaṃ ca pramātṛ — phalaviṣayaṃ 
TBV-SD 79,39	śabdoccāraṇamātramavasīyate, na ca tayoḥ pratītigocaratā karaṇasyeva tathāhi — indriyavyāpāre 
TBV-SD 79,40	sati śarīrād vyavacchinnasya viṣayasyaiva kevalasyāvabhāsanamiti nyāyavidaḥ pratipannāḥ | ‘kiṃ tasyāva- 
TBV-SD 80,01	bhāsanam’ iti paryanuyoge mūkatvaṃ parihāramāhuḥ, vyapadeṣṭumaśakyatvāt | ataḥ pramātravabhāsānupapattiḥ | 
TBV-SD 80,02	nanu‘aham’ iti pratyayaḥ sarvalokasākṣiko naivāpahnotuṃ śakyaḥ | anapahnave saviṣayaḥ, nirviṣayo 
TBV-SD 80,03	vā ? nirviṣayatā pratyayānāmabādhitarūpāṇāṃ katham ? saviṣayatve'pi pramātrapratibhāse kiṃviṣayo'yaṃ 
TBV-SD 80,04	pratyayaḥ ? na pratyayāpahnavaḥ na cāsya nirviṣayatā kintu dehādivyatirikto viṣayatvenāvabhāsamāna ā- 
TBV-SD 80,05	tmā'sya na viṣayaḥ na ca jñātṛtvenāvabhāsamāna ityucyate | kastarhi viṣayaḥ ? śarīramiti brūmaḥ | tathāhi — 
TBV-SD 80,06	‘kṛśo'ham sthūlo'ham gauro'ham’iti śarīrādyālambanaiḥ pratyayairasya samānādhikaraṇatā'vasīyate | 
TBV-SD 80,07	nanvevaṃ sukhyādipratyayairapyahaṅkārasya samānādhikaraṇatā — sukhyahaṃ duḥkhyahamiti vā, ato na deha- 
TBV-SD 80,08	viṣayatā | yaccocyate ‘gauro'hamityādisāmānādhikaraṇyadarśanāccharīrālambanatvam’ iti, tatrāpyetadvi- 
TBV-SD 80,09	cāryam — gaurādīnāṃ śarīrādivyatiriktānāmanahaṅkārāspadatvaṃ dṛṣṭaṃ tadvaccharīrādigatānāmapi yuktaṃ vyava- 
TBV-SD 80,10	sthāpayitum | tathā ca vārttikakṛtoktam — “na hyasya draṣṭuryadetad mama gauraṃ rūpaṃ so'hamiti bhavati 
TBV-SD 80,11	pratyayaḥ, kevalaṃ matublopaṃ kṛtvaivaṃ nirdiśati” 
TBV-SD 80,12	ayamarthaḥ — śarīre'haṅkāra aupacāriko na tāttvikaḥ, yathā'nyasmiṃstatkāryakāriṇyatyantanika- 
TBV-SD 80,13	ṭe'haṅkāro gauṇaḥ ‘yo'yaṃ so'ham’ iti, evaṃ śarīre'pi | yato nimittād ayametasmiṃstūbhayasaṃpratipa- 
TBV-SD 80,14	nne'nātmarūpe idaṃtāpratyayaviṣaye'haṅkārastata eva śarīre'pi | ātmaviṣayastvahaṅkāro naupacārikaḥ, 
TBV-SD 80,15	idaṃpratyayāsaṃbhinnāhaṃpratyayapratibhāsitvāt pramātā śarīrādivyatiriktaḥ | 
TBV-SD 80,16	etadeva katham ? ‘mamedaṃ śarīram’ iti pratyayopādānāt ‘mamāyamātmā’iti pratyayābhāvācca | nanu 
TBV-SD 80,17	‘mamāyamātmā’ iti kiṃ na bhavati pratyayaḥ ? na bhavatīti brūmaḥ | kathaṃ tarhyevamucyate ? kevalaṃ śabda uccāryate 
TBV-SD 80,18	na tu pratyayasya saṃbhavaḥ | atrāpi mamapratyayapratibhāsasyādarśanāt śabdoccāraṇamātraṃ kena vāryate | kimi- 
TBV-SD 80,19	dānīṃ sukhādiyogaḥ śarīrasyeṣyate ? naivam, sukhādiyogābhāvāt mithyāpratyayo'yaṃ ‘sukhyaham’iti 
TBV-SD 80,20	na tvetadālambanaḥ | ato vyavasthitam — jñātṛpratibhāsādarśanāt pratibhāse vā śarīrasya jñātṛ- 
TBV-SD 80,21	tvenāvabhāsanānna dehādivyatiriktasyāhaṃpratyayaviṣayatā; śarīrasya ca jñātṛtvenāvabhāsamānasyāpi pramāṇa- 
TBV-SD 80,22	siddhā buddhiyoganiṣedhānmithyāpratyayālambanatā; na tu tasyācaitanye'nyaḥ kaścid jñātā pratyakṣapramāṇa- 
TBV-SD 80,23	viṣayaḥ sidhyatītyādi tadapyasaṅgatam; yato bhavatu jaiminīyānāṃ “satsaṃprayoge puruṣasyendriyāṇāṃ buddhi- 
TBV-SD 80,24	janma pratyakṣam” itilakṣaṇalakṣitendriyapratyakṣavādinām ‘aham’ ityavabhāsapratya- 
TBV-SD 80,25	yasyānindriyajatvenātrā'pratyakṣatvadoṣo nāsmākaṃ jinamatānusāriṇām, na hyasmākamindriyajameva pratyakṣaṃ 
TBV-SD 80,26	kiṃtu yad yatra viśadaṃ jñānamindriyānindriyanimittaṃ tat tatra pratyakṣamityabhyupagamāt, “tad indriyāni- 
TBV-SD 80,27	ndriyanimittam” iti vācakamukhyavacanāt | tena yathā pratyakṣaviṣayatvena 
TBV-SD 80,28	ghaṭādeḥ pratyakṣatā tathā''tmano'pi svasaṃvedanādhyakṣatāyāṃ ko virodhaḥ ? ata eva yaducyate ‘ghaṭāderbhi- 
TBV-SD 80,29	nnajñānagrāhyatvena pratyakṣatā vyavasthāpyate; ātmanastvaparokṣatvena pratibhāsanāt pratyakṣatvam | tacca kevalasya 
TBV-SD 80,30	ghaṭādipratītyantargatasya vā'parasādhanaṃ prāk pratipāditamityatra aparasādhanamiti ko'rthaḥ — kiṃ cidrūpasya 
TBV-SD 80,31	sattā, āhosvit svapratītau vyāpāraḥ ? iti pakṣadvayamutthāpya prathamapakṣe cidrūpasya sattaivātmaprakāśanaṃ 
TBV-SD 80,32	yadyucyate tadā dṛṣṭānto vaktavyaḥ’ iti, tannirastam; adhyakṣapratīte'rthe dṛṣṭāntānveṣaṇasyāyuktatvāt | 
TBV-SD 80,33	atha vivādagocare'dhyakṣapratīte'pi dṛṣṭāntānveṣaṇaṃ loke suprasiddhamiti so'trāpi vaktavya- 
TBV-SD 80,34	stadā'styeva pradīpādilakṣaṇo dṛṣṭānto'pi jñānasya prakāśaṃ prati sajātīyāparānapekṣaṇe sādhye | 
TBV-SD 80,35	tathāhi — yathā pradīpādyāloko na svapratipattāvālokāntaramapekṣate tathā jñānamapi svapratipattau na 
TBV-SD 80,36	samānajātīyajñānāpekṣam | etāvanmātreṇā''lokasya dṛṣṭāntatvaṃ na punastasyāpi jñānatvamāsādyate | 
TBV-SD 80,37	yena ‘indriyāgrāhyatvāccakṣuṣmatāmivāndhānāmapi tatpratītiprasaṅgaḥ’ iti preryate | na hi dṛṣṭānte 
TBV-SD 80,38	sādhya — dharmi — dharmāḥ sarve'pi āsañjayituṃ yuktāḥ; anyathā ghaṭe'pi śabdadharmāḥ śabdatvādayaḥ prasajyera- 
TBV-SD 80,39	nniti tasyāpi śrotragrāhyatvaprasaṅgaḥ | na ca sādharmyadṛṣṭāntamantareṇa pramāṇapratītasyāpyarthasyāprasiddhiriti 
TBV-SD 80,40	śakyaṃ vaktum, anyathā jīvaccharīrasyāpi sātmakatve sādhye todvantatprasiddhadṛṣṭāntasyā- 
TBV-SD 80,41	bhāvāt prāṇādimattvādestatsiddhirna syāt | 
TBV-SD 80,42	atha sādharmyadṛṣṭāntābhāve'pi dṛṣṭavaidharmyadṛṣṭāntasya ghaṭādeḥ sadbhāvāt kevalavyatirekibalāt tatra 
TBV-SD 81,01	tatsiddhistarhi yatra svaprakāśakatvaṃ nāsti tatrārthaprakāśakatvamapi nāsti, yathā ghaṭādāviti vyati- 
TBV-SD 81,02	rekadṛṣṭāntasadbhāvādarthaprakāśakatvalakṣaṇāddhetoḥ svaprakāśakatvaṃ vijñānasya kimiti na siddhimā- 
TBV-SD 81,03	sādayati ? yattūktam ‘kasyacidarthasya kācit sāmagrī, tena prakāśaḥ prakāśāntaranirapekṣa eva 
TBV-SD 81,04	svagrāhiṇi jñāne pratibhāti’ tad yuktameva, yathā hi svasāmagrīta upajāyamānāḥ pradīpālokādayo 
TBV-SD 81,05	na samānajātīyamālokāntaraṃ svagrāhiṇi jñāne pratibhāsamānā apekṣante tathā svasāmagrīta 
TBV-SD 81,06	upajāyamānaṃ vijñānaṃ svārthaprakāśasvabhāvaṃ svapratipattau na jñānāntaramapekṣate; pratiniyatatvāt 
TBV-SD 81,07	svakāraṇāyattajanmanāṃ bhāvaśaktīnām | yattu pradīpālokādikaṃ sajātīyālokāntaranirapekṣamapi 
TBV-SD 81,08	svapratipattau jñānamapekṣate tat tasyājñānarūpatvāt jñānasya ca tadviparyayasvabhāvatvād yuktiyuktamiti 
TBV-SD 81,09	‘naikatra dṛṣṭaḥ svabhāvo'nyatrāsañjayituṃ yuktaḥ’ iti pūrvapakṣavaco niḥsāratayā vyavasthitam | 
TBV-SD 81,10	athālokasya tadantaranirapekṣā pratipattirupalabdheti na taddṛṣṭāntabalād jñānasyāpi jñānāntara- 
TBV-SD 81,11	nirapekṣā pratipattiḥ, adṛṣṭatvāt svātmani kriyāvirodhācca; nanvevamupalabhyamāne'pi vastuni yadyadṛṣṭa- 
TBV-SD 81,12	tvam virodhaścocyeta tadā svātmavad ghaṭāderapi bāhyasya na grāhakaṃ jñānam, adṛṣṭatvāt jaḍasya 
TBV-SD 81,13	prakāśāyogāccetyapi vadataḥ saugatasya na vaktravakratā samupajāyate | tathāhyasāvapyevaṃ vaktuṃ 
TBV-SD 81,14	samarthaḥ — jaḍaṃ vastu na svataḥ prakāśate, vijñānavat, jaḍatvahāniprasaṅgāt | nāpi parataḥ prakāśamānam, 
TBV-SD 81,15	nīla — sukhādivyatiriktasya vijñānasyāsaṃvedanenāsattvāt | 
TBV-SD 81,16	atha ‘nīlasya prakāśaḥ’ iti prakāśamānanīlādivyatiriktastatprakāśaḥ, anyathā bhedenāsyāṃ 
TBV-SD 81,17	pratipattau saṃvedanasya tatpratibhāso na syāt; nanu na nīla — tadvedanayoḥ pṛthagavabhāsaḥ pratyakṣasaṃbhavī, 
TBV-SD 81,18	prakāśaviviktasya nīlāderananubhavāt tadvivekena ca bodhasyāpratibhāsanāt | na cādhyakṣato 
TBV-SD 81,19	vivekenāpratīyamānayornīla — tatsaṃvidorbhedo yuktaḥ, vivekādarśanasya bhedaviparyayāśrayatvāt; nīla — 
TBV-SD 81,20	tatsvarūpavat | athāpi kalpanā nīla — tatsaṃvidorbhedamullikhati — ‘nīlasyānubhavaḥ’ iti; nanvabhede'pi 
TBV-SD 81,21	bhedollekho dṛṣṭo yathā — ‘śilāputrakasya vapuḥ’ ‘nīlasya vā svarūpam’ iti | atha tatra pratyakṣārū- 
TBV-SD 81,22	ḍho'bhedo bādhaka iti na bhedollekhaḥ satyaḥ sa tarhi nīla — saṃvidorapi pratyakṣārūḍho'bhedo'stīti 
TBV-SD 81,23	na bhedakalpanā satyā | tadevaṃ nīlādikaṃ sukhādikaṃ ca svaprakāśavapuḥ pratibhātīti sthitam, 
TBV-SD 81,24	tadvyatiriktasya prakāśasyāpratibhāsanenābhāvāt | 
TBV-SD 81,25	bhavatu vā vyatirikto bodhastathāpi na tadgrāhyā nīlādayo yuktāḥ | tathāhi — tulyakālo vā 
TBV-SD 81,26	bodhasteṣāṃ prakāśakaḥ, bhinnakālo vā ? tulyakālo'pi parokṣaḥ, svasaṃvidito vā ? na tāvat parokṣaḥ, 
TBV-SD 81,27	yataḥ “apratyakṣopalambhasya nārthadṛṣṭiḥ prasidhyati” ityādinā svasaṃviditatvaṃ jñānasya 
TBV-SD 81,28	prasādhayanta etatpakṣaṃ nirākariṣyāmaḥ | nāpi jñānāntaravedyaḥ, anavasthādidūṣaṇasyātra pakṣe pradarśayi- 
TBV-SD 81,29	ṣyamāṇatvāt | svasaṃvedanapakṣe tu yathā'ntarnilīno bodhaḥ svasaṃviditaḥ pratibhāti tathā tatkāle 
TBV-SD 81,30	svaprakāśavapuṣo nīlādayo bahirdeśasaṃbandhitayā pratibhānti iti samānakālayornīla — tatsaṃvedanayoḥ 
TBV-SD 81,31	svatantrayoḥ pratibhāsanāt savyetaragoviṣāṇayoriva na vedyavedakabhāvaḥ | samānakālasyāpi bodhasya 
TBV-SD 81,32	nīlaṃ prati grāhakatve nīlasyāpi taṃ prati grāhakatāprasaṅgaḥ | 
TBV-SD 81,33	samānakālapratibhāsā'viśeṣe'pi buddhirnīlādīnāṃ grahaṇamuparacayatīti grāhikā, nīlādayastu 
TBV-SD 81,34	grāhyāḥ, naitadapi yuktam; yato nīla — bodhavyatiriktā na grahaṇakriyā pratibhāti | tathāhi — bodhaḥ 
TBV-SD 81,35	sukhāspadībhūto hṛdi, bahiḥ sphuṭamudbhāsamānatanuśca nīlādirābhāti natvaparā grahaṇakriyā pratibhāsa- 
TBV-SD 81,36	viṣayaḥ | tadanavabhāse ca na tayā vyāpyamānatayā nīlādeḥ karmatā yuktā | bhavatu vā nīla — bodhavya- 
TBV-SD 81,37	tiriktā kriyā tathāpi kiṃ tasyā api svataḥ pratītiḥ, yadvā'nyataḥ ? tatra yadi svato grahaṇakriyā prati- 
TBV-SD 81,38	bhāti tathā sati bodhaḥ nīlam grahaṇakriyā ceti trayaṃ svarūpanimagnamekakālaṃ pratibhātīti na kartṛ- 
TBV-SD 81,39	karma — kriyāvyavahṛtiḥ | athānyato grahaṇakriyā pratibhāti; nanu tatrāpyaparā grahaṇakriyā upeyā — anyathā 
TBV-SD 81,40	tasyā grāhyatā'siddheḥ — punastatrāpyaparā karmatānibandhanaṃ kriyā upeyetyanavasthā; tanna grahaṇakriyā'pa- 
TBV-SD 81,41	rā'sti, tatsvarūpā'navabhāsanāt | tataścāntaḥsaṃvedanam bahirnīlādikaṃ ca svaprakāśameveti | 
TBV-SD 82,01	svasaṃvittimātravādaḥ sādhīyān yadi tarhyantarnilīno bodho nīlāderna bodhakaḥ kintu svaprakāśa 
TBV-SD 82,02	evāsau; tathā sati ‘nīlamahaṃ vedmi’ iti karma — kartṛbhāvābhiniveśī pratyayo na bhavet, viṣayasya karma — 
TBV-SD 82,03	kartṛbhāvasyābhāvāt | nanu viṣayamantareṇāpi pratyayo dṛṣṭa eva, yathā śuktikāyāṃ rajatāvagamaḥ | atha 
TBV-SD 82,04	bādhakodayāt punarbhrāntirasau, nīlādau tu karmatāderna bādhā'stīti satyatā | nanvatrāpi bodha — nīlādeḥ 
TBV-SD 82,05	svarūpāsaṃsaktasya dvayasya svātantryopalambho'sti bādhakaḥ karma — kartṛbhāvollekhasya | atha kimasyā bhrānterni- 
TBV-SD 82,06	bandhanam ? nahi bhrāntirapi nirbījā bhavati; nanu pūrvabhrāntirevottarakarma — kartṛbhāvāvagaternibandhanam; 
TBV-SD 82,07	pūrvabhrāntikarmatāderapi aparā pūrvabhrāntirityanādirbhrāntiparamparā, karmatādirna tattvam | 
TBV-SD 82,08	athavā ‘nīlam’ iti pratītistāvanmātrādhyavasāyinī pṛthak, ‘aham’ ityapi matirantarullekhamu- 
TBV-SD 82,09	dvahantī bhinnā, ‘vedmi’ ityapi pratītiraparaiva; tataśca parasparāsaṃsaktapratītitritayaṃ kramavat prati- 
TBV-SD 82,10	bhāti na karma — kartṛbhāvaḥ, tulyakālayostasyāyogāt bhinnakālayorapyanavabhāsanānna karmatādigatiḥ 
TBV-SD 82,11	kathañcit saṃbhavinī | 
TBV-SD 82,12	athāpi darśanāt prāk sannapi nīlātmā na bhāti tadudaye ca bhātīti karmatā tasya, naitadapi 
TBV-SD 82,13	sādhīyaḥ; yataḥ prāg bhāvo'rthasya na siddhaḥ | darśanena svakālāvadherarthasya grahaṇād darśanakāle hi 
TBV-SD 82,14	nīlamābhāti na tu tataḥ prāk, tat kathaṃ pūrvabhāvo'rthasya sidhyet tasya darśanasya pūrvakāle virahāt ? 
TBV-SD 82,15	na ca tatkāle darśanaṃ prāgarthasannidhiṃ vyanakti, sarvadā tatpratibhāsaprasaṅgāt | athā'nyena darśanena 
TBV-SD 82,16	prāgarthaḥ pratīyate, nanu taddarśanādapi prāk sadbhāvo'rthasyānyenāvaseya ityanavasthā | tasmāt sarvasya 
TBV-SD 82,17	nīlāderdarśanakāle pratibhāsanānna tatpūrvaṃ sattā sidhyati | 
TBV-SD 82,18	athāpi ‘pūrvadṛṣṭaṃ paśyāmi’ iti vyavasāyāt prāgarthaḥ sidhyati, prāgarthasattāṃ vinā 
TBV-SD 82,19	dṛśyamānasya pūrvadṛṣṭena ekatvagaterayogāt | kena punarekatvaṃ tayorgamyate — kimidānīntanadarśanena, 
TBV-SD 82,20	pūrvadarśanena vā ? na tāvat pūrvadarśanena, tatra tatkālāvadherevārthasya pratibhāsanāt | nahi tena svapra- 
TBV-SD 82,21	tibhāsino'rthasya varttamānakāladarśanavyāptiravasīyate, tatkāle sāmpratikadarśanāderabhāvāt | na 
TBV-SD 82,22	cāsat pratibhāti, darśanasya vitathatvaprasaṅgāt | nāpīdānīntanadarśanena pūrvadarśanādivyāptirnīlādera- 
TBV-SD 82,23	vasīyate, taddarśanakāle pūrvadṛkkālasyāstamayāt | na cāstamitapūrvadarśanādisaṃsparśamavatarati pratyakṣam, 
TBV-SD 82,24	vitathatvaprasaṅgādeva | tasmād ‘apāstatatpūrvadṛgādiyogaṃ sarvaṃ vastu dṛśā gṛhyate, pūrvadṛṣṭatāṃ tu smṛti- 
TBV-SD 82,25	rullikhati’ tadapāstam, dṛṣṭatollekhābhāvāt | na ca ‘sa evāyam’ iti pratītirekā, ‘saḥ’ iti 
TBV-SD 82,26	smṛtirūpam, ‘ayam’ iti tu dṛśaḥ svarūpam; tatparokṣā'parokṣākāratvānnaikasvabhāvau pratyayau, tat 
TBV-SD 82,27	kutastattvasiddhiḥ ? 
TBV-SD 82,28	athānumānāt prāgbhāvo'rthasya sidhyati prāk sattāṃ vinā paścāddarśanāyogāditi, tadapyasat; 
TBV-SD 82,29	yataḥ paścāddarśanasya prāksattāyāḥ saṃbandho na siddhaḥ, prāksattāyāḥ kathañcidapyasiddheḥ | na cāsiddhayā 
TBV-SD 82,30	sattayā vyāptaṃ paścāddarśanaṃ sidhyati yena tatastatsiddhiḥ | atha yadi prāgarthamantareṇa darśanamudayamā- 
TBV-SD 82,31	sādayati tathā sati niyāmakābhāvāt sarvatra sarvadā sarvākāraṃ tad bhavet, nāyamapi doṣaḥ, 
TBV-SD 82,32	niyatavāsanāprabodhena saṃvedananiyamāt | tathāhi — svapnāvasthāyāṃ vāsanābalāddarśanasya deśa — 
TBV-SD 82,33	kālā''kāraniyamo dṛṣṭa iti jāgraddaśāyāmapi tata evāsau yuktaḥ | arthasya tu na sattā siddhā 
TBV-SD 82,34	nāpi tadbhedāt saṃvittiniyama iti tanna tataḥ saṃvidvaicitryam, tasmānna kathañcidapi nīlādeḥ prāk 
TBV-SD 82,35	sattāsiddhiḥ | 
TBV-SD 82,36	atha pūrvasattāvirahe kiṃ pramāṇam ? nanvanupalabdhireva pramāṇam — yadi nīlaṃ pūrvakālasaṃbandhi- 
TBV-SD 82,37	svarūpaṃ syāt tenaiva rūpeṇopalabhyeta, na ca tathā; darśanakālabhuvaḥ sarvadā pratibhāsanāt | yacca yenaiva 
TBV-SD 82,38	rūpeṇa pratibhāti tat tenaiva rūpeṇāsti, yathā nīlaṃ nīlarūpatayā'vabhāsamānaṃ tathaiva sat na 
TBV-SD 82,39	pītādirūpatayā, sarvaṃ copalabhyamānaṃ rūpaṃ varttamānakālatayaiva pratibhāti na pūrvāditayā, tanna pūrvaṃ 
TBV-SD 82,40	sattā'rthasya | 
TBV-SD 83,01	atha nīlaṃ taddarśanaviratāvapi paradṛśi pratibhātīti sādhāraṇatayā grāhyam | vijñānaṃ tvasā- 
TBV-SD 83,02	dhāraṇatayā prakāśakam, naitadapi yuktam; yato nīlasya na sādhāraṇatayā siddhaḥ pratibhāsaḥ, 
TBV-SD 83,03	pratyakṣeṇa svapratibhāsitāyā evāvagateḥ | nahi nīlaṃ paradṛśi pratibhātītyatra pramāṇamasti, paradṛśo'na- 
TBV-SD 83,04	dhigame nīlādestadvedyatā'nadhigateḥ | 
TBV-SD 83,05	athānumānena nīlādīnāṃ sādhāraṇatā pratīyate — yathaiva hi svasantāne nīladarśanāt tadā- 
TBV-SD 83,06	dānārthā pravṛttistathā'parasantāne'pi pravṛttidarśanāt tadviṣayaṃ darśanamanumīyate, naitadapyasti; 
TBV-SD 83,07	anumānena sva — paradarśanabhṛto nīlāderekatā'siddheḥ; taddhi sadṛśavyavahāradarśanādupajāyamānaṃ svadṛ- 
TBV-SD 83,08	ṣṭasadṛśatāṃ paradṛṣṭasya pratipādayet, yathā'paradhūmadarśanāt pūrvasadṛśaṃ dahanamadhigantumīśo na tu 
TBV-SD 83,09	tameva pūrvadṛṣṭam, sāmānyenānvayaparicchedāt | tannānumānato'pi grāhyākārasyaikatā | 
TBV-SD 83,10	nanu bhedo'pyasya na siddha eva | pratibhāsabhede sati kathamasiddhaḥ parapratibhāsaparihāreṇa svapra- 
TBV-SD 83,11	tibhāsān svapratibhāsaparihāreṇa ca parapratibhāsān vivekasvabhāvān vyatirecayati anyathā 
TBV-SD 83,12	tasyāyogāt ? tataḥ sva — paradṛṣṭasya nīlādeḥ pratibhāsabhedād vyavahāre tulye'pi bheda eva; itarathā 
TBV-SD 83,13	romāñcanikarasadṛśakāryadarśanāt sukhāderapi sva — parasantānabhuvastattvaṃ bhavet | 
TBV-SD 83,14	athāpi santānabhedāt sukhāderbhedaḥ; nanu santānabhedo'pi kimanyabhedāt ? tathā cedanavasthā | 
TBV-SD 83,15	atha tasya svarūpabhedād bhedaḥ sukhāderapi tarhi sa evāstu, anyathā bhedāsiddheḥ | na hyanyabhedādanyad 
TBV-SD 83,16	bhinnam, atiprasaṅgāt | nīlāderapi sva — parapratibhāsinaḥ pratibhāsabhedo'stīti naikatā | 
TBV-SD 83,17	atha deśaikatvādekatvam, nanu deśasyāpi sva — paradṛṣṭasyānantaroktanyāyād naikatā yuktā | tasmād 
TBV-SD 83,18	grāhakākāravat pratipuruṣamudbhāsamānaṃ nīlādikamapi bhinnameva | taccaikakālopalambhād grāhakavat 
TBV-SD 83,19	svaprakāśam | 
TBV-SD 83,20	atha grāhakākāraścidrūpatvād vedako nīlākārastu jaḍatvād grāhyaḥ, atrocyate — kimidaṃ 
TBV-SD 83,21	bodhasya cidrūpatvam ? yadyaparokṣaṃ svarūpaṃ nīlāderapi tarhi tadastīti na jaḍatā | atha nīlāderaparo- 
TBV-SD 83,22	kṣasvarūpamanyasmād bhavatīti grāhyam, nanu bodhasyāpi svasvarūpamindriyāderbhavatīti grāhyaṃ syāt | 
TBV-SD 83,23	atha yad indriyādikāryaṃ na tad vedyam, nīlādikamapi tarhi nayanādikāryamastu na tu grāhyam | 
TBV-SD 83,24	athāpi bodho bodhasvarūpatayā nityo nīlādikastu prakāśyarūpatayā'nitya iti grāhyaḥ, 
TBV-SD 83,25	tadapyasat; stambhādernayanādibalādudeti rūpamaparokṣatvam, tad anityaḥ stambhādirbhavatu, grāhyastu 
TBV-SD 83,26	katham ? na hi yad yasmādutpadyate tat tasya vedyam, atiprasaṅgāt | tasmādaparokṣasvarūpāḥ stambhādayaḥ 
TBV-SD 83,27	svaprakāśāḥ bodhastu nityo'nityo vā tatkāle kevalamudbhāti na tu vedakaḥ, dvayorapi parasparaṃ 
TBV-SD 83,28	grāhya — grāhakatāpatteḥ | 
TBV-SD 83,29	atha nīlonmukhatvād bodho grāhakaḥ, kimidaṃ tadunmukhatvaṃ nāma bodhasya ? yadi nīlakāle sattā 
TBV-SD 83,30	sā nīlasyāpi tatkāle samastīti nīlamapi bodhasya vedakaṃ syāt | athānyadunmukhatvam tat tarhi 
TBV-SD 83,31	svarūpanimagnaṃ cakāsat tṛtīyaṃ svarūpaṃ bhavet | tathāhi — tasya tadunmukhatvaṃ tadvyāpāraḥ, sa ca vyāpāro 
TBV-SD 83,32	yadi nīle vyāpriyate tadā tatrāpyaparo vyāpāra ityanavasthā | atha na vyāpriyate na tadbalād bodhasya 
TBV-SD 83,33	grāhakatvaṃ nīlādestu grāhyatvam | atha vyāpārasyāparavyāpāravyatirekeṇāpi nīlaṃ prati vyāpṛtirūpatā, 
TBV-SD 83,34	tasya tadrūpatvāt; nanu nīlasyāpi svaṃ svarūpaṃ vidyata iti bodhaṃ prati grahaṇavyāpṛtiḥ syāt | 
TBV-SD 83,35	kiñca, bodhena yadi nīlaṃ prati grahaṇakriyā janyate sā nīlād bhinnā, abhinnā vā ? bhinnā cet, 
TBV-SD 83,36	na tayā tasya grāhyatvam, bhinnatvādeva | athābhinnā tarhi nīlāderjñānarūpatā, jñānajanyatvāduttarajñāna- 
TBV-SD 83,37	kṣaṇavat | atha jñānasyaivaṃbhūtā śaktiryena tasya nīlaṃ prati grāhakatā nīlādestu taṃ prati grāhyatā | nanu 
TBV-SD 83,38	bodhasya grāhakatve nīlādestu grāhyatve siddhe śaktiparikalpanā yuktā, śakteḥ kāryānumeyatvāt; tadasiddhau 
TBV-SD 84,01	tu tatparikalpanamayuktam, itaretarāśrayaprasaṅgāt | tathāhi — bodhasya śaktiviśeṣasiddhernīlaṃ prati 
TBV-SD 84,02	grāhakatvasiddhiḥ, tatsiddheśca tacchaktisiddhiriti vyaktamitaretarāśrayatvam | tanna bodhasya nīlaṃ prati 
TBV-SD 84,03	grāhakatvasiddhiḥ; tasmād vyatirikte'pi bodhe'bhyupagate sahopalambhaniyamāt svasaṃvedanameva yuktam | 
TBV-SD 84,04	paramārthatastu sukhādayo nīlādayaścāparokṣā ityetāvadeva bhāti, nirākārastu bodhaḥ svapne'pi 
TBV-SD 84,05	nopalabhyata iti na tasya sadbhāva iti kathaṃ tasyārthagrāhakatvam ? ata eva te pramāṇayanti — iha 
TBV-SD 84,06	khalu yat pratibhāti tadeva sadvyavahṛtipathamavatarati, yathā hṛdi prakāśamānavapuḥ sukham, na tatkāle 
TBV-SD 84,07	pīḍā'nudbhāsamānā samasti, vijñaptireva ca nīlādirūpatayā sakalatanubhṛtāmābhātīti svabhāvahetuḥ | 
TBV-SD 84,08	tadevamarthagrāhakatvasyāpyasiddheḥ jaḍasya prakāśaviruddhatvācca nārthagrāhakatvamapi bauddhadṛṣṭyā yuktam | 
TBV-SD 84,09	atha bahirdeśasaṃbaddhasya jaḍasyāpi nīlāderanubhavānna nīlādiprakāśasya tadgrāhakatvamasiddham, 
TBV-SD 84,10	nāpyanubhūyamāne stambhādike jaḍe prakāśaviṣayatvavirodhodbhāvanaṃ yuktisaṃgatam; pratyakṣasiddhasvabhāve 
TBV-SD 84,11	vastuni tadviruddhasvabhāvāvedakasyānumānasya pratyakṣabādhitakarmanirdeśānantaraprayuktakālātyayāpadiṣṭa- 
TBV-SD 84,12	tvadoṣaduṣṭahetuprabhavatvenānumānābhāsatvāt | na ca pratyakṣasiddhe svabhāve virodhaḥ sidhyati; anyathā 
TBV-SD 84,13	jñānasyāpi jñānatvavirodhaprāptiḥ | nanvevaṃ nīlādisaṃvedanasyāpi hṛdi svasaṃvedanaviṣayatayā'nubhavānna 
TBV-SD 84,14	svasaṃviditatvamasiddham, nāpi svātmani kriyāvirodhodbhāvanaṃ yuktiyuktam; anubhūyamāne virodhā- 
TBV-SD 84,15	siddheḥ | asvasaṃvedanajñānasādhakatvenopanyasyamānasya ca hetoḥ pratyakṣanirākṛtapakṣaviṣayatvena na 
TBV-SD 84,16	sādhyasādhakatvamityapi samānam | 
TBV-SD 84,17	kiṃca, svasaṃviditajñānānabhyupagame ‘pratīyate'yamartho bahirdeśasaṃbandhitayā’ ityatra pratītervyava- 
TBV-SD 84,18	sthāpikāyā apratītatvenā'vyavasthitau vyavasthāpyasyārthasya na vyavasthitiḥ syāt; nahi svayama- 
TBV-SD 84,19	vyavasthitaṃ kharaviṣāṇādi kasyacid vyavasthāpakamupalabdham | atha pratīterasaṃviditatve'pi ekārtha- 
TBV-SD 84,20	samavetānantarapratītivyavasthāpitatvena nāvyavasthitatvaṃ tarhi tadekārthasamavetānantarapratīterapi 
TBV-SD 84,21	aparatathābhūtapratītyavyavasthāpitatve nā'rthavyavasthāpanapratītivyavasthāpakatvamiti punarapi tathābhū- 
TBV-SD 84,22	tā'parā pratītiḥ pratītivyavasthāpikā'bhyupagantavyetyanavasthā | atha pratītivyavasthāpikā pratītiḥ 
TBV-SD 84,23	svasaṃviditatvena svayameva vyavasthiteti nāyaṃ doṣastarhyarthavyavasthāpikā'pi pratītistathā kiṃ nābhyu- 
TBV-SD 84,24	pagamyate nyāyasya samānatvāt ? atha pratītirapratītā'pi pratītyantaravyavasthāpikā tarhi prathamapra- 
TBV-SD 84,25	tītirapyavyavasthitā'pyarthavyavasthāpikā bhaviṣyatīti “nāgṛhītaviśeṣaṇā viśeṣye buddhiḥ” 
TBV-SD 84,26	iti vacaḥ kathaṃ na pariplaveta ? ‘pratīto'rthaḥ’ iti viśeṣyapratipattau pratītiviśeṣaṇānavagame'pi 
TBV-SD 84,27	viśeṣyapratipattyabhyupagamāt | 
TBV-SD 84,28	api ca, yadi tadekārthasamavetajñānāntaragrāhyaṃ jñānamarthagrāhakamabhyupagamyate tadā pūrvapūrvajñāno- 
TBV-SD 84,29	palambhanasvabhāvānāmuttarottarajñānānāmanavaratamutpatterviṣayāntarasaṃcāro jñānānāṃ na syāt, viṣayā- 
TBV-SD 84,30	ntarasaṃnidhāne'pi pūrvajñānalakṣaṇasya tadekārthasamavetasyāntaraṅgatvenātisaṃnihitatarasya viṣayasya 
TBV-SD 84,31	sadbhāvāt | yastvāha — ‘viṣayopalambhanimittamātrapratipattau pratītiviśeṣaṇasyārthasya siddhatvād 
TBV-SD 84,32	nānavasthā’ tadetadeva na saṃgacchate, svasaṃvedanajñānānabhyupagamāt; etacca pratipāditam | 
TBV-SD 84,33	api ca, pramāṇasaṃplavavādinā naiyāyikena pratyakṣa — śābdajñānayorekaviṣayatvamabhyupagatam, 
TBV-SD 84,34	tathā cādhyakṣajñānavat śābde'pi tasyaivānyūnānatiriktasya viṣayasyādhigame na pratipattibheda 
TBV-SD 84,35	iti adhyakṣavacchābdamapi spaṣṭapratibhāsaṃ syāt | athaikaviṣayatve satyapi indriyasaṃbandhābhāvā- 
TBV-SD 84,36	cchabdaviṣaye pratipattibhedaḥ; nanvakṣairapi viṣayasvarūpamudbhāsanīyam, tacca yadi śābdenāpi pradarśyate 
TBV-SD 84,37	tathā sati indriyasaṃbandhābhāve'pi kimiti na spaṣṭāvabhāsaḥ śābdasya ? nahi viṣayabhedamantareṇa 
TBV-SD 84,38	jñānāvabhāsabhedo yuktaḥ; anyathā jñānāvabhāsabhedād viṣayabhedavyavasthā na syāt | nahi bahirapi 
TBV-SD 84,39	tadavabhāsabhedasaṃvedanavyatirekeṇānyad bhedavyavasthānibandhanamutpaśyāmaḥ | anyacca pratyakṣe'pi sākṣā- 
TBV-SD 84,40	dindriyasaṃbandho'stīti na svarūpeṇa jñātuṃ śakyaḥ — tasyātīndriyatvāt — kintu svarūpapratibhāsāt 
TBV-SD 84,41	kāryāt; taccāvikalaṃ yadi śābde'pi vastusvarūpaṃ pratibhāti tadā tata evendriyasaṃbandhastatrāpi 
TBV-SD 85,01	kiṃ nābhyupagamyate ? atha tatra spaṣṭapratibhāsābhāvānnāsāvanumīyate; nanu tadabhāvastadakṣasaṃgativira- 
TBV-SD 85,02	hāt, tadabhāvaśca sphuṭapratibhāsābhāvāditi so'yamitaretarāśrayadoṣaḥ | tasmād viṣayabhedanibandhana 
TBV-SD 85,03	eva jñānapratibhāsabhedāvasāyo'bhyupagantavyaḥ; sa caikaviṣayatve śābdā'dhyakṣajñānayorna saṃgacchate | 
TBV-SD 85,04	atha śābde vasturūpāvabhāse'pi na sakalatadgataviśeṣāvabhāsa ityaspaṣṭapratibhāsaṃ tat; nanvevaṃ 
TBV-SD 85,05	pratyakṣāvabhāsino viśeṣasyārthakriyākṣamasya tatrāpratibhāsanāt tadeva bhinnaviṣayatvaṃ śābdā'dhyakṣayoḥ 
TBV-SD 85,06	prasaktam | athobhayatrāpi vyaktisvarūpamekameva nīlāditvaṃ pratibhāti viśadā'viśadau cākārau 
TBV-SD 85,07	jñānātmabhūtau; nanvevamakṣasaṃbaddhe viṣaye pratibhāsamāne tatkālaḥ spaṣṭatvāvabhāso jñānāvabhāsa iti 
TBV-SD 85,08	prāptam, viśiṣṭasāmagrījanyasya jñānasya viśadatvāt, tadavabhāsavyatirekeṇa tu akṣasaṃbaddhanīlapra- 
TBV-SD 85,09	tibhāsakāle'nyasya bhavadabhyupagamena vaiśadyapratibhāsanimittasyāsaṃbhavāt | 
TBV-SD 85,10	atha ca bhavatu viśadajñānapratibhāsanimitta eva tatra vaiśadyapratibhāsavyavahārastathāpi na svasaṃvi- 
TBV-SD 85,11	ditatajjñānasiddhiḥ, tadekārthasamavetajñānāntaravedyatve'pi tadvyavahārasya saṃbhavāt; ekakālāvabhāsa- 
TBV-SD 85,12	vyavahārastu laghuvṛttitvānmanasaḥ kramānupalakṣaṇanimittaḥ utpalapatraśatavyatibhedavat | nanvevaṃ satyaṅgu- 
TBV-SD 85,13	lipañcakasyaikajñānāvabhāso'pi kramāvabhāse satyapi tata eva kramapratibhāsānupalakṣaṇakṛta iti 
TBV-SD 85,14	‘sadasaddharmaḥ sarvaḥ kasyacidekajñānapratyakṣaḥ, prameyatvāt, pañcāṅgulivat’ iti sarvajñasādhakaprayoge 
TBV-SD 85,15	dṛṣṭāntasya sādhyavikalatāprasaktiḥ | tathā, samastasadasaddharmagrāhakeṇa sarvavijjñānena jñānātmā 
TBV-SD 85,16	gṛhyate, uta neti ? yadi na gṛhyate tadā tasya prameyatve sati tenaiva prameyatvalakṣaṇo heturvya- 
TBV-SD 85,17	bhicārī, aprameyatve tasya bhāgāsiddho hetuḥ | atha sarvajñajñānena sarvapadārthagrāhiṇā ātmā'pi 
TBV-SD 85,18	gṛhyata iti nānaikāntikaḥ; nanvevaṃ sati yatheśvarajñānaṃ jñānatve'pyātmānaṃ svayaṃ gṛhṇāti na 
TBV-SD 85,19	ca tatra svātmani kriyāvirodhaḥ tathā'smadādijñānamapyevaṃ bhaviṣyatīti na kaścid virodhaḥ 
TBV-SD 85,20	kiñca, evamabhyupagame ‘jñānaṃ jñānāntaragrāhyam, prameyatvāt, ghaṭavat’ ityatra prayoge īśvarajñānasya 
TBV-SD 85,21	prameyatve satyapi jñānāntaragrāhyatvābhāvāt tenaivānaikāntikaḥ ‘prameyatvāt’ iti hetuḥ | tasmāt 
TBV-SD 85,22	jñānasya jñānāntaragrāhyatve'nekadoṣasaṃbhavāt svasaṃviditaṃ jñānamabhyupagantavyam | 
TBV-SD 85,23	jñānasvarūpaścātmā, anyathā bhinnajñānasadbhāvādākāśasyeva tasya jñātṛtvaṃ na syāt | na cākā- 
TBV-SD 85,24	śavyatirekeṇa jñānamātmanyeva samavetamiti tasyaiva jñātṛtvaṃ nākāśāderiti vaktuṃ yuktam, samavāyasya 
TBV-SD 85,25	niṣetsyamānatvāt | jñānasya ca svasaṃviditatve siddhe ātmano'pi tadavyatiriktasya tat siddhamiti 
TBV-SD 85,26	kathaṃ na svasaṃvedanapratyakṣasiddhatvamātmanaḥ ? tanna prathamapakṣasya duṣṭatvam | 
TBV-SD 85,27	dvitīyapakṣe'pi yaduktam ‘nahi kaścit padārthaḥ kartṛrūpaḥ karaṇarūpo vā svātmani karmaṇīva 
TBV-SD 85,28	savyāpāro dṛṣṭaḥ’ iti, tadapyasaṅgatam; bhinnavyāpāravyatirekeṇāpi ātmanaḥ kartuḥ pramāṇasya 
TBV-SD 85,29	ca jñānasya svasaṃviditatvapratipādanāt | ekasyaiva ca liṅgādikaraṇamapekṣyāvasthāmedena yathā 
TBV-SD 85,30	pramātṛtvaṃ prameyatvaṃ ca bhavadbhiraviruddhatvenābhyupagamyate tathaikadā'pyekasyātmanaḥ anekadharmasadbhāvāt 
TBV-SD 85,31	pramātṛtva — pramāṇatva — prameyatvānyaviruddhāni kiṃ nābhyupagamyante tattaddharmayogāt tattatsvabhāvatvasya 
TBV-SD 85,32	pramāṇaniścitatvenāvirodhāt ? yaccoktam ‘pramāṇāviṣayatve'pyaparokṣatetyasya bhāṣitasya ko'rthaḥ’ 
TBV-SD 85,33	ityādi, tadapyasāram; jñātṛtayā pramāṇatvena ca svarūpāvabhāsanasya pratipāditatvāt | na ca ghaṭādeḥ 
TBV-SD 85,34	svarūpasya bhinnajñānagrāhyatvāt pramātuḥ pramāṇasya ca svarūpaṃ bhinnajñānagrāhyam, tayościdrūpatvena ghaṭādestu 
TBV-SD 85,35	tadviparyayeṇa svarūpasya siddhatvāt | na ca pramāṇa — pramātṛsvarūpagrāhakasya pratyakṣasya tallakṣaṇenāsaṃgrahaḥ, 
TBV-SD 85,36	tatsaṃgrāhakasya lakṣaṇasya pradarśitatvāt | yadapi ‘ghaṭamahaṃ cakṣuṣā paśyāmi’ ityanenātiprasaṅgāpādanaṃ 
TBV-SD 85,37	kṛtam, tadapyasaṅgatam; nahi cakṣuṣo jaḍarūpasyāsvasaṃviditatve pramātṛ — pramityorapi cidrūpayo- 
TBV-SD 85,38	rasvasaṃviditatvaṃ yuktam; anyasvabhāvatvānupapatteḥ | yattūktam ‘indriyavyāpāre sati śarīrād vyavacchi- 
TBV-SD 86,01	nnasya viṣayasyaiva kevalasyāvabhāsanam’ iti, tadatyantamasaṅgatam; viṣayasyeva tadavabhāsasaṃvedanasyāpi 
TBV-SD 86,02	vyavasthāpitatvāt tadabhāve viṣayāvabhāsa eva na syādityasya ca | ataḥ pramātravabhāsa upapanna eva | 
TBV-SD 86,03	na ca ‘kṛśo'haṃ sthūlo'ham’ iti śarīrasāmānādhikaraṇyenāsya pratyayasyopapattestadālambanatā, 
TBV-SD 86,04	cakṣurādikaraṇavyāpārābhāve śarīrasyāgrahaṇe'pi ‘aham’ itipratyayasya sukhādisamānādhikaraṇatvena 
TBV-SD 86,05	parisphuṭapratibhāsaviṣayatvenotpattidarśanād na śarīrālambanatvamasya vyavasthāpayituṃ yuktam | na ca 
TBV-SD 86,06	‘kṛśo'ham’ iti pratyayasya bhrāntatve ‘jñānavānaham’ iti jñānasāmānādhikaraṇyenopajāyamānasyāpi 
TBV-SD 86,07	pratyayasya bhrāntatvaṃ yuktam; anyathā ‘agnirmāṇavakaḥ’ iti māṇavake'gnipratyayasyopacaritaviṣayasya 
TBV-SD 86,08	bhrāntatve'gnāvapi tatpratyayasyopacaritatvena bhrāntatvaṃ syāt | atha tatra pāṭava — piṅgalatvādilakṣa- 
TBV-SD 86,09	ṇasyopacāranimittasya sadbhāvād bhavati tatropacaritaḥ pratyayaḥ na cātropacāranibandhanaṃ kiñcidasti, 
TBV-SD 86,10	tadapyasaṅgatam; saṃsāryātmanaḥ śarīrādyupakṛtatvena tadanubaddhasyopabhogāśrayatvenopabhogakartṛtvasyātrāpyu- 
TBV-SD 86,11	pacāranimittasya sadbhāvāt | dṛṣṭaśca śarīrādivyatirikte'pyatyantopakārake svabhṛtyādāvupacaritasta- 
TBV-SD 86,12	nnimittaḥ ‘yo'yaṃ bhṛtyaḥ so'ham’ iti pratyayaḥ | 
TBV-SD 86,13	na ca sukhādisāmānādhikaraṇyenopajāyamānasyaivāhaṃpratyayasyopacaritaviṣayateti vaktuṃ śakyam, 
TBV-SD 86,14	agnāvagnipratyayavadabādhitatvenāskhaladrūpatvena cāsyā'tra mukhyatvāt; gauratvādestu pudgaladharmatvena 
TBV-SD 86,15	bāhyendriyagrāhyatayā antarmukhākārānindriyāhaṃpratyayaviṣayatvāsaṃbhavāt | na ca gauratvādirūpāśraya- 
TBV-SD 86,16	bhūtasya pratikṣaṇaviśarārutvenābhyupagamaviṣayasya śarīrasya ‘ya evāhaṃ prāg mitraṃ dṛṣṭavān sa evāhaṃ 
TBV-SD 86,17	varṣapañcakādivyavadhānena spṛśāmi’iti sthirālambanatvenānubhūyamānapratyayaviṣayatvaṃ yuktam; anyathā 
TBV-SD 86,18	rūpaviṣayatvenānubhūyamānasya tasya rasādyālambanatvaṃ syāt | na ca sukhādivivarttātmakātmālambanatve 
TBV-SD 86,19	kiñcid bādhakamutpaśyāmaḥ yena tadviṣayatvenāsya bhrāntatvaṃ syāt | nāpi tatra tasya skhaladrūpatā yena 
TBV-SD 86,20	vāhīke gopratyayasyevopacaritatvakalpanā yuktimatī syāt | tasmādabādhitāskhaladrūpā'haṃpratyayagrā- 
TBV-SD 86,21	hyatvādātmano nāsiddhiḥ | śeṣastu pūrvapakṣagrantho niḥsāratayā na pratisamādhānamarhatītyupekṣitaḥ || 
TBV-SD 86,22	na cātra bauddhamatānusāriṇaitad vaktuṃ yujyate — ahaṃpratyayasya savikalpakatvenāpratyakṣatvena na tadgrā- 
TBV-SD 86,23	hyatvamātmana iti, savikalpakasyaiva pratyakṣasya pramāṇatvena vyavasthāpayiṣyamāṇatvāt; pratyakṣaviṣayatve'pi 
TBV-SD 86,24	vipratipattisaṃbhave'numānasyāvatāraḥ | na ca ‘siddhe ātmana ekatve tatpratibaddho'nusandhānapratyayaḥ 
TBV-SD 86,25	sidhyati, tatsiddhau ca tatastasyaikatvam’ itītaretarāśrayadoṣāvatāraḥ; ‘ya evāhaṃ ghaṭamadrākṣaṃ sa evedānīṃ 
TBV-SD 86,26	taṃ spṛśāmi’ iti pratyayāt pratyabhijñāpratyakṣasvarūpādātmana ekatvasiddheḥ | 
TBV-SD 86,27	na cātraitat preryam — draṣṭṭarūpamātmanaḥ spraṣṭṭarūpānupraveśena pratibhāsate, āhosvidananupraveśena ? 
TBV-SD 86,28	yadyanupraveśena tadā draṣṭṭarūpasya spraṣṭṭarūpe'nupraveśāt spraṣṭṭarūpataiveti na draṣṭṭarūpatā; tathā ca ‘ahaṃ draṣṭā 
TBV-SD 86,29	spṛśāmi’ iti kuta ubhayāvabhāsollekhyekaṃ pratyabhijñānaṃ yatastadekatvasiddhiḥ ? athānanupraveśena tadā 
TBV-SD 86,30	darśana — sparśanāvabhāsayorbhedāt kuta ekaṃ pratyabhijñānam ? nahi pratibhāsabhede satyapyekatvam, anyathā 
TBV-SD 86,31	ghaṭa — paṭapratibhāsayorapi tat syāt | atha pratibhāsasyaivātra bhedo na punastadviṣayasyātmanaḥ, kutaḥ 
TBV-SD 86,32	punastasyābhedaḥ ? na tāvat pratibhāsābhedāt, tasya bhinnatvena vyavasthāpitatvāt | nāpi svataḥ, svato'- 
TBV-SD 86,33	dyāpi vivādaviṣayatvāt | atha darśana — sparśanāvasthābhede'pi cidrūpasya tadavasthāturabhinnatvānnāyaṃ 
TBV-SD 86,34	doṣaḥ, tadapyasaṅgatam; yato darśanāvasthāpratibhāsena tatsaṃbaddhamevāvasthātṛrūpaṃ gṛhītaṃ na sparśanajñānasaṃ- 
TBV-SD 86,35	bandhi, tatra tadavasthāyā anutpannatvenāpratibhāsanāt; tadapratibhāsane ca tadvyāpitvenāvasthāturapyaprati- 
TBV-SD 86,36	bhāsanāt | nāpi sparśanapratibhāsena darśanāvasthāvyāptiravasthāturavagamyate, sparśanajñāne darśanasya 
TBV-SD 86,37	vinaṣṭatvenāpratibhāsanāt; pratibhāsane cā'nādyavasthāparamparāpratibhāsaprasaṅgaḥ | na ca prāgavasthā'pra- 
TBV-SD 86,38	tibhāsane tadavasthāvyāptiravasthāturavagantuṃ śakyā | yacca yena rūpeṇa pratibhāti tat tenaiva sadityabhyupa- 
TBV-SD 86,39	gantavyam, yathā nīlaṃ nīlarūpatayā pratibhāsamānaṃ tenaiva rūpeṇābhyupagamyate | darśana — sparśanajñānābhyāṃ 
TBV-SD 86,40	ca svasaṃbandhitvamevāvasthāturgṛhyate iti tadrūpa evāsāvabhyupagantavya iti kuto'vasthātṛsiddhiḥ ? 
TBV-SD 86,41	yato nīlapratibhāse'pyevaṃ vaktuṃ śakyam — kimekanīlajñānaparamāṇvavabhāso'paratannīlajñānaparamā- 
TBV-SD 87,01	ṇvavabhāsānupraveśena pratibhāti, utānanupraveśena ? yadyanupraveśena tadaikatannīlajñānaparamāṇvavabhāsānā- 
TBV-SD 87,02	manupraveśānnīlajñānasaṃvedanasyaikaparamāṇurūpatvam; tasya cānanubhavāt kuto nīlajñānasaṃvedanasiddhiḥ ? 
TBV-SD 87,03	athānanupraveśena tadā nīlajñānaparamāṇvavabhāsānāmayaḥśalākākalpānāṃ pratibhāsanāt kutaḥ sthūlameka- 
TBV-SD 87,04	nīlajñānasaṃvedanaṃ pratinīlajñānaparamāṇvavabhāsaṃ bhinnatvāt ? atha svasaṃvedanāvabhāsabhede satyapi na 
TBV-SD 87,05	tatpratibhāsasya nīlajñānasya bhedaḥ; nanu kuto nīlajñānasyābhedaḥ kiṃ tatsvasaṃvedanābhedāt, svato vā ? 
TBV-SD 87,06	yadi svasaṃvedanābhedāt, tadayuktam; tadbhedasya vyavasthāpitatvāt | atha svata eva tadabhedaḥ, tadapyayu- 
TBV-SD 87,07	ktam; tasyādyāpyasiddhatvāt | 
TBV-SD 87,08	tathā, yadi darśanāvasthāyāṃ sparśanāvasthā na pratibhātīti tadavasthāvyāptirdarśanajñānenāvasthāturna 
TBV-SD 87,09	grahītuṃ śakyā; nanvevaṃ tadapratibhāsane tena tadavyāptirapi kathaṃ grahītuṃ śakyā ? tadapratibhāsane ‘tata 
TBV-SD 87,10	idamavasthātṛrūpaṃ vyāvṛttam’ ityetadapi grahītumaśakyameva | na ca tadviviktapratibhāsādeva tadavyā- 
TBV-SD 87,11	ptirgṛhītaiveti vaktuṃ yuktam, tadapratibhāsane tadviviktasyaivāgrahaṇāt | na ca ‘tadavyāptistasya svarūpameva’ 
TBV-SD 87,12	iti darśanajñānena tatsvarūpagrāhiṇā tadabhinnasvarūpā tadavyāptirapi gṛhītaiveti yuktam, tadvyāptāvapyasya 
TBV-SD 87,13	sarvasya samānatvāt | na cābādhitaikapratyayaviṣayasyātmana ekatvamasiddham | na cāsyaikatvādhyavasāyasya 
TBV-SD 87,14	kiñcidbādhakamasti, tadbādhakatvena saṃbhāvyamānasya pramāṇasya yathāsthānaṃ niṣetsyamānatvāt | 
TBV-SD 87,15	bhavatu vā'nusandhānapratyayalakṣaṇāddhetostadekatvasiddhistathāpi netaretarāśrayadoṣaḥ, yato naika- 
TBV-SD 87,16	tvapratibaddhamanusandhānamanvayidṛṣṭāntadvāreṇa niścīyate — yenāyaṃ doṣaḥ syāt — api tvanekatve'nusa- 
TBV-SD 87,17	ndhānasyāsaṃbhavāt tato vyāvṛttamanusandhānaṃ tadekatvena vyāpyata ityekasantāne smaraṇādyanusandhāna- 
TBV-SD 87,18	darśanādanumānato'pi tatsiddhiḥ | na ca bhede darśana — smaraṇādijñānānāmanusandhānaṃ saṃbhavati; anyathā 
TBV-SD 87,19	devadattānubhūte'rthe yajñadattasya smaraṇādyanusandhānaṃ syāt | 
TBV-SD 87,20	atha devadatta — yajñadattayorekasantānābhāvānnānusaṃdhānam, yatra tvekaḥ santānastatra pūrvā'pa- 
TBV-SD 87,21	rajñānayoratyantabhede'pi bhavatyevānusandhānam; nanu santānasya yadi santānibhyo bhedaḥ ekatvaṃ ca 
TBV-SD 87,22	tadā śabdāntareṇa sa evātmā'bhihito yatpratibaddhamanusandhānam | atha santānibhyo'bhinnaḥ santā- 
TBV-SD 87,23	nastadā pūrvottarajñānakṣaṇānāṃ santāniśabdavācyānāṃ devadatta — yajñadattajñānavadatyantabhedāt tadabhinnasya 
TBV-SD 87,24	santānasyāpi bheda iti kuto'nusandhānanimittatvam ? athaikasantatipatitānāṃ pūrvottarajñānasa- 
TBV-SD 87,25	ntānināṃ kāryakāraṇabhāvād bhede'pyekasantānatvam tannibandhanaścānusandhānapratyayo yuktaḥ, na punardeva- 
TBV-SD 87,26	datta — yajñadattajñānayoḥ kāryakāraṇabhāvaḥ, atastannibandhanasantānābhāvanimittastatrānusandhānābhāvaḥ; nanu 
TBV-SD 87,27	devadattajñānaṃ yajñadattena yadā vyāpāra — vyāhārādiliṅgabalādanumīyate tadā tad yajñadattānumānajanakaṃ bhava- 
TBV-SD 87,28	tīti kāryakāraṇabhāvanimittaikasantānanibandhanā'nusandhānaprasaktiḥ syāt | 
TBV-SD 87,29	atha svasantatāvupādānopādeyabhāvena jñānānāṃ janyajanakabhāvaḥ bhinnasantatau tu sahakāribhāvena 
TBV-SD 87,30	tadbhāva iti nā'yaṃ doṣaḥ; nanu kiṃ punaridamupādānatvaṃ yadabhāvād bhinnasantāne'nusandhānābhāvaḥ ? yat 
TBV-SD 87,31	svasantatinivṛttau kāryaṃ janayati tadupādānakāraṇam, yathā mṛtpiṇḍaḥ svayaṃ nivarttamāno ghaṭamutpādaya- 
TBV-SD 87,32	tīti sa ghaṭotpattāvupādānakāraṇam; athavā'param — anekasmādutpadyamāne kārye svagataviśeṣādhāyakaṃ 
TBV-SD 87,33	tat, natvevaṃ nimittakāraṇam | nanu pratikṣaṇaviśarāruṣvekasvabhāvapaurvāparyāvasthitajñānasvabhāveṣu 
TBV-SD 87,34	kṣaṇeṣūpādānopādeyabhāva eva na vyavasthāpayituṃ śakyaḥ | tathāhi — uttarajñānaṃ janayat pūrvajñānaṃ kiṃ naṣṭaṃ 
TBV-SD 87,35	janayati, utānaṣṭam, ubhayarūpam, anubhayarūpaṃ vā ? na tāvannaṣṭam, cirataranaṣṭasyevānantaranaṣṭasyāpyavi- 
TBV-SD 87,36	dyamānatvenotpādakatvavirodhāt | nāpyanaṣṭam, kṣaṇabhaṅgabhaṅgaprasaṅgāt | nāpyubhayarūpam, ekasvabhāvasya 
TBV-SD 87,37	viruddhobhayarūpāsambhavāt | nāpyanubhayarūpam, anyonyavyavacchedarūpāṇāmekaniṣedhasya tadaparavidhānanā- 
TBV-SD 87,38	ntarīyakatvenānubhayarūpatāyā ayogāt | 
TBV-SD 87,39	atha yadi vyāpārayogāt kāraṇaṃ kāryotpādakamabhyupagamyeta tadā syādayaṃ doṣaḥ — yaduta naṣṭasya 
TBV-SD 87,40	vyāpārāsambhavāt kathaṃ kāryotpādakatvam, yadā tu prāgbhāvamātrameva kāraṇasya kāryotpādakatvaṃ tadā 
TBV-SD 87,41	kuta etaddoṣāvasaraḥ ? nanvetasminnabhyupagame prāgbhāvino'nekasmādupajāyamāne kārye kuto'yaṃ vibhāgaḥ — 
TBV-SD 88,01	idamatropādānakāraṇam idaṃ ca sahakārikāraṇam iti, dvayorapi kāryeṇānuvihitānvaya — vyatirekatvāt ? 
TBV-SD 88,02	atha satyapyanvaya — vyatirekānuvidhāne ekasyopādānatvena janakatvamaparasyānyatheti; nanvetadevopādā- 
TBV-SD 88,03	nabhāvena janakatvaṃ kasyacid rūpasyānanugame prāgbhāvitvamātreṇa duravaseyam | athābhihitamevopādā- 
TBV-SD 88,04	nakāraṇatvasya lakṣaṇaṃ tadavagamāt kathaṃ tad duravaseyam | satyam, uktam na tu kasyacid rūpasyāna- 
TBV-SD 88,05	nugame tat saṃbhavati | nāpyavasātuṃ śakyam | 
TBV-SD 88,06	tathāhi — yat svagataviśeṣādhāyakatvamupādānatvamuktaṃ tat kiṃ svagatakatipayaviśeṣādhāyakatvam, 
TBV-SD 88,07	āhosvit sakalaviśeṣādhāyakatvam iti ? tatra yadi prathamaḥ pakṣaḥ, sa na yuktaḥ; sarvajñajñāne svākārārpa- 
TBV-SD 88,08	kasyāsmadādivijñānasya taṃ pratyupādānabhāvaprasaṅgāt | tathā, rūpasyāpi rūpajñānaṃ pratyupādānabhāvapra- 
TBV-SD 88,09	saktiḥ, tasyāpi svagatakatipayaviśeṣādhāyakatvāt; anyathā nirākārasya bodhasya sarvān pratyaviśeṣād 
TBV-SD 88,10	‘rūpasyaivāyaṃ grāhako na rasādeḥ’ iti tataḥ pratikarmavyavasthā na syāt | rūpopādānatve ca jñānasya 
TBV-SD 88,11	paralokāya datto jalāñjaliḥ syāt | kiñca, katipayaviśeṣādhāyakatvenopādānatve ekasyaiva jñānakṣaṇasya 
TBV-SD 88,12	tatkāryānugata — vyāvṛttānekadharmasambandhitvābhyupagame viruddhadharmādhyāso'bhyupagato bhavati; tathā ca 
TBV-SD 88,13	yathā yugapadbhāvyanekaviruddhadharmādhyāse'pyekaṃ vijñānaṃ tathā kramabhāvyanekataddharmayoge kimityekaṃ 
TBV-SD 88,14	nābhyupagamyeta ? 
TBV-SD 88,15	atha sakalaviśeṣādhāyakatvena, na tarhi nirvikalpakāt savikalpakotpattiḥ | na ca nirvikalpaka- 
TBV-SD 88,16	yorapyupādānopādeyatvenābhyupagatayostadbhāvaḥ syāt, tathā ca kuto rūpākārāt samanantarapratyayāt 
TBV-SD 88,17	kadācid rasādyākārasyāpyupādeyatvenābhimatasyotpattiḥ ? 
TBV-SD 88,18	atha vijñānasantānabahutvābhyupagamād nā'yaṃ doṣaḥ — tena sarvasya svasadṛśasyotpattiḥ — tarhyasmin 
TBV-SD 88,19	darśane ekasminnapi santāne pramātṛnānātvaprasaṅgaḥ; tathā ca gavā'śvadarśanayorbhinnasantānavarttino- 
TBV-SD 88,20	rekena dṛṣṭe'rthe'parasyānusandhānaṃ na syāt, devadatta — yajñadattasantānagatayorivānyenānubhūte'nyasya | 
TBV-SD 88,21	dṛśyate ca — 
TBV-SD 88,22		“gāmahaṃ jñātavān pūrvamaśvaṃ jānāmyahaṃ punaḥ” | 
TBV-SD 88,23	kiñca, sakalasvagataviśeṣādhāyakatve sarvātmanopādeyajñānakṣaṇe tasyopayogād anupayuktasyāparasvabhā- 
TBV-SD 88,24	vasyābhāvād yogivijñānam rūpādikaṃ caikasāmagryantargataṃ prati na sahakāritvaṃ tasyeti sahakāri- 
TBV-SD 88,25	kāraṇābhāve nopādeyakṣaṇavyatiriktakāryāntarotpādaḥ | 
TBV-SD 88,26	atha yeṣāṃ kāraṇameva kāryatayā pariṇamati teṣāṃ bhavatvayaṃ doṣo natvasmākaṃ prāgbhāvamātraṃ kāraṇatva- 
TBV-SD 88,27	mabhyupagacchatām | nanvatrāpi mate yena svarūpeṇa vijñānamupādeyaṃ vijñānāntaraṃ janayati kiṃ tenaiva 
TBV-SD 88,28	rūpamekasāmagryantargatam, uta svabhāvāntareṇa ? tatra yadi tenaiva tadā rūpamapi jñānamupādeyabhūtaṃ 
TBV-SD 88,29	syāt, tatsvabhāvajanyatvāt; taduttarajñānakṣaṇavat | atha svabhāvāntareṇa tadopādānābhimataṃ jñānaṃ 
TBV-SD 88,30	dvisvabhāvamāsajyate | yathā copādāna — sahakārisvabhāvarūpadvayayogastathā trailokyāntargatānyajanyakāryā- 
TBV-SD 88,31	ntarāpekṣayā tasyājanakatvamapi svabhāvaḥ; tataścaikatvaṃ jñānakṣaṇasya yathopādāna — sahakārya'janakatvāneka- 
TBV-SD 88,32	viruddhadharmādhyāsitasyābhyupagamyate tathā harṣa — viṣādādyanekavivarttātmanastatsantānasyāpyabhyupagantavyam | 
TBV-SD 88,33	athopādāna — sahakārya'janakatvādayo dharmāstatra kalpanāśilpikalpitāḥ; ekatvaṃ tu tasya svasaṃvedanā- 
TBV-SD 88,34	dhyakṣasiddhamiti na taistadapanīyata iti matistarhyātmano'pyekatvaṃ santānaśabdābhidheyatayā prasiddhasya 
TBV-SD 88,35	svasaṃvedanādhyakṣasiddhasya kramavaddharṣa — viṣādādikāryadarśanā'numīyamānatadapekṣajanakatvā'janakatvadharmā- 
TBV-SD 88,36	paneyaṃ na syāt | tanna svagatasakaladharmādhāyakatvamupādānatvaṃ bhavadabhyupagamena saṅgatam | nāpi santā- 
TBV-SD 88,37	nanivṛttyā kāryotpādakatvasvabhāvam, tathā'bhyupagame jñānasantānanivṛtteḥ paralokābhāvaprasaṅgaḥ | 
TBV-SD 88,38	atha samanantarapratyayatvamupādānatvamucyate | tathāhi — samastulyaḥ, anantaro'vyavahitaḥ, 
TBV-SD 89,01	pratyayoḥ janakaḥ | na caitad bhinnasantānāditi na tatrānusandhānasaṃbhavaḥ | nanvatrāpi samatvaṃ kāryeṇa 
TBV-SD 89,02	yadyupādānatvaṃ pratyayasya tadā vaktavyam — kiṃ sarvathā samatvam, utaikadeśena ? yadi sarvathā 
TBV-SD 89,03	tadasat, kārya — kāraṇayoḥ sarvathā tulyatve yathā kāraṇāsya prāgbhāvitvaṃ tathā kāryasyāpi syāt; tathā 
TBV-SD 89,04	ca kārya — kāraṇayorekakālatvād na kāryakāraṇabhāvaḥ, na hyekakālayoḥ kāryakāraṇabhāvaḥ savyetaragovi- 
TBV-SD 89,05	ṣāṇavat | tathā, kāraṇābhimatasyāpi svakāraṇakālatā, tasyāpi svakāraṇakālateti sakalasantānaśū- 
TBV-SD 89,06	nyamidānīṃ samastaṃ jagat syāt | atha kathañcit samānatā, tathā sati ‘yogijñānasyāpyasmadādijñānā- 
TBV-SD 89,07	lambanasya tadākāratvenaikasantānatvaṃ syāt’ ityādi dūṣaṇaṃ pūrvoktameva | athānantaratvamupādānatvam, nanu 
TBV-SD 89,08	kṣaṇikaikāntapakṣe sarvajagatkṣaṇānantaraṃ vivakṣitakṣaṇe jagad jāyata iti sarveṣāmupādānatvamityekasa- 
TBV-SD 89,09	ntānatvaṃ jagataḥ | deśānantaryaṃ tatrānupayogi, deśavyavahitasyāpīhajanmamaraṇacittasya bhāvijanmacitto- 
TBV-SD 89,10	pādānatvābhyupagamāt | pratyayatvaṃ tu nopādānatvam, sahakāritve'pi pratyayatvasya bhāvāt | tanna samana- 
TBV-SD 89,11	ntarapratyayatvamapyupādānatvam | ‘na ca pratikṣaṇaviśarāruṣu bhāveṣu kathañcid ekānvayamantareṇa janakatva- 
TBV-SD 89,12	mapi saṃgacchate kimutopādānādivibhāgaḥ’ iti kṣaṇabhaṅgabhaṅgapratipādanāvasare'bhidhāsyāmaḥ | 
TBV-SD 89,13	atra kecit tulye'pi janakatve sva — parasantānagatayorvijñānayorupādānatve kāraṇamāhuḥ — “svasa- 
TBV-SD 89,14	ntatau cetitaṃ jñānaṃ jñānāntarajanakam, na tvevaṃ parasantatau; ato janakatvavyatiriktasyopādānakāraṇatve 
TBV-SD 89,15	nimittasya saṃbhavāditthaṃbhūtāddhetuphalabhāvād vyavasthā” | asyāpi vyavasthānimittatvamayuktam, nahi 
TBV-SD 89,16	jñānamasaṃveditaṃ vyavasthāṃ labhate | saṃvedanaṃ hi jñānānāṃ svata eveṣyate, tacca svasantatipatite iva para- 
TBV-SD 89,17	santatipatite'pi tulyam | jñānāntaravedyatvaṃ tu na śākyairabhyupagamyate jñānasya niyamata iti nāyama- 
TBV-SD 89,18	pyatiprasaṅgaparihāraḥ | na ca svasantatāvapi svasaṃviditajñānapūrvakatā jñānasya siddhā, mūrchādyavasthottara- 
TBV-SD 89,19	kālabhāvijñānasya tathātvānavagamāt; yato vijñānapūrvakatve'pi tatra vipratipannā vādinaḥ kutaḥ punaḥ 
TBV-SD 89,20	saṃviditajñānapūrvakatvam ? tatraitat syāt — vijñānapūrvakatvasyānumānena niścayāt kathaṃ vipratipattiḥ ? 
TBV-SD 89,21	tacca darśitam ‘tajjātīyāt tajjātīyotpattiḥ’ iti, etadasat; atajjātīyādapi bhāvānāmutpattidarśa- 
TBV-SD 89,22	nāt, yathā dhūmādeḥ | 
TBV-SD 89,23	ye'pyatrāhuḥ — “sadṛśa — tādṛśabhedena bhāvānāṃ vijātīyotpattyasaṃbhavādetadadūṣaṇam” teṣāmapi 
TBV-SD 89,24	sadṛśa — tādṛśaviveko nārvāgdṛkpramātṛgocaraḥ, kāryanirūpaṇāyāmapi tayorviveko durlabhastasmādayamapa- 
TBV-SD 89,25	rihāraḥ | yaiḥ punarucyate — “sarvasya samānajātīyādupādānādutpattiḥ, ādyasyāpi dhūmakṣaṇasyopādā- 
TBV-SD 89,26	natvena vyavasthāpitāḥ kāṣṭhāntargatā aṇavaḥ” tatrāpi sajātīyatvaṃ na vidmaḥ | rūpādīnāṃ hi rūpādipūrva- 
TBV-SD 89,27	katvena vā sajātīyatvam, dhūmatvopalakṣitāvayavapūrvakatvena vā ? prācye vikalpe nedānīṃ vijātīyā- 
TBV-SD 89,28	dutpattirgorapyaśvādupajāyamānasya | uttaravikalpe'pi kāṣṭhāntargatānāmavayavānāṃ dhūmatvaṃ laukikam, 
TBV-SD 89,29	pāribhāṣikaṃ vā ? paribhāṣāyāstāvadayamaviṣayaḥ | loke'pi tadākāravyavasthitānāmavayavānāṃ naiva 
TBV-SD 89,30	dhūmatvavyavahāraḥ | tārkikeṇāpi lokaprasiddhavyavahārānusaraṇaṃ yuktaṃ kartum | tasmānna sajātīyādutpattiḥ | 
TBV-SD 89,31	yaccātrocyate — ‘tasyāmavasthāyāṃ vijñānābhāve tadavasthātaḥ pracyutasyottarakālamīdṛśī saṃvittirna 
TBV-SD 89,32	bhavet’ ‘na mayā kiñcidapi cetitam’ ‘smṛtirhīyamanubhavapūrvikā, ato yenānubhavena satā na 
TBV-SD 89,33	kiñciccetyate tasyāmavasthāyāṃ tasyāvaśyaṃ sadbhāvo'bhyupagantavyaḥ’ etat suvyāhṛtam, ‘na kiñcicce- 
TBV-SD 89,34	titaṃ mayā’ iti bruvatā vastvavedanaṃ vocyeta, svarūpāvedanaṃ vā ? vastvavedane sakalapratiṣedho na yuktaḥ | 
TBV-SD 89,35	svarūpāvedanaṃ tu svasaṃvedanābhyupagame dūrotsāritam | tasmādidānīmeva manovyāpārāt tadavasthābhāvī 
TBV-SD 89,36	sarvānavagamaḥ saṃvedyate | 
TBV-SD 89,37	astu vā tasyāmavasthāyāṃ vijñānaṃ tathāpi janakatvātiriktavyāpāraviśeṣābhāvaḥ, samanantarapratyayatve 
TBV-SD 89,38	janakatvātirikte'bhyupagamyamāne tayostāttvikabhedaprasaṅgaḥ; tathā ca ‘yadevaikasyāṃ jñānasantatau 
TBV-SD 89,39	samanantarapratyayatvaṃ tadeva parasantatāvavalambanatvena janakatvam’ ityetanna syāt | atha janakatva — 
TBV-SD 89,40	samanantaratvādayo dharmāḥ kālpanikāḥ, akalpitaṃ tu yat svarūpaṃ tat tāttvikam, tacca bodharūpam; 
TBV-SD 89,41	kimidānīṃ sāṃvṛtād rūpād bhāvānāmutpattiḥ ? netyucyate, kathaṃ vā kālpanikatvam ? atha janakatvā- 
TBV-SD 90,01	tiriktasya samanantarapratyayatvasyaivamucyate kathaṃ tannibandhanā vyavasthā ? tathāhi — ekasyāṃ santatau 
TBV-SD 90,02	parasantatigatena vijñānena tulye'pi janakatve samanantarapratyayatvena jananaviśeṣamaṅgīkṛtyaikasantāna- 
TBV-SD 90,03	vyavasthā kriyate, yadā tu vyavasthānibandhanasyāpi sāṃvṛtatvaṃ tatastatkṛtāyā vyavasthāyāḥ paramārthasattvaṃ 
TBV-SD 90,04	durbhaṇamiti | ayamapi saugatānāṃ doṣo na jainānām, yato ‘jñānapūrvakatvaṃ jñānasya, svasaṃvedanaṃ ca 
TBV-SD 90,05	jñānasya svarūpam’ ityetat prāk pratisādhitam | 
TBV-SD 90,06	yaccoktam ‘atajjātīyādapi bhāvānāmutpattidarśanād, yathā dhūmādeḥ’ ityapi na saṃgatam, yato 
TBV-SD 90,07	nāsmābhiratajjātīyotpattirnābhyupagamyate — vilakṣaṇādapi pāvakāt dhūmotpattidarśanāt — kintu kāraṇa- 
TBV-SD 90,08	gatadharmānuvidhānaṃ kāryatvābhyupagamanibandhanam; tacca jñānasya pradarśitaṃ prāk | na ca kāya — vijñānayo- 
TBV-SD 90,09	rivānala — dhūmayoḥ sarvathā vailakṣaṇyam, pudgalavikāratvena dvayorapi sādṛśyāt | sarvathā sādṛśye ca 
TBV-SD 90,10	kāryakāraṇabhāvābhāvaprasaṅgaḥ ekatvaprāpteḥ | yattu ‘sadṛśatādṛśavivekaḥ kāryanirūpaṇāyāmapi durlabhaḥ’ 
TBV-SD 90,11	tatra yaḥ kāryadarśanādapi vivekaṃ nāvadhārayituṃ kṣamastasyānumānavyavahāre'nadhikāra eva | taduktam — 
TBV-SD 90,12		“suvivecitaṃ kāryaṃ kāraṇaṃ na vyabhicarati, atastadavadhāraṇe yatno vidheyaḥ”
TBV-SD 90,13	ata eva ‘rūpādīnāṃ hi rūpādipūrvakatvena vā’ ityādi anabhimatopālambhamātram, kathañcit 
TBV-SD 90,14	sādṛśyasya kārya — kāraṇayordarśitatvāt; tasya ca prakṛte pramāṇasiddhatvāt | 
TBV-SD 90,15	yacca ‘supta — mūrcchitādyavasthāsu vijñānābhāvena tatpūrvakatvamuttarajñānasya na saṃbhavati’ ityabhyadhāyi, 
TBV-SD 90,16	tadasat; tadavasthāyāṃ vijñānābhāvagrāhakapramāṇāsaṃbhavāt | tathāhi — na tāvat supta eva tadavasthāyāṃ 
TBV-SD 90,17	vijñānābhāvaṃ vetti, tadā vijñānānabhyupagamāt; tadavagame ca tasyaiva jñānatvād na tadavasthāyāṃ 
TBV-SD 90,18	tadabhāvaḥ | nāpi pārśvasthito'nyastadabhāvaṃ vetti, kāraṇa — vyāpaka — svabhāvānupalabdhīnāṃ viruddhavi- 
TBV-SD 90,19	dhervā'tra viṣaye'vyāpārāt anyasya tadabhāvāvabhāsakatvāyogāt | na cābhāvavat tadbhāvasyāpi tasyā- 
TBV-SD 90,20	mavasthāyāmapratipattiḥ, svātmani svasaṃviditavijñānāvinābhūtatvena niścitasya prāṇā'pānaśarīroṣṇa- 
TBV-SD 90,21	tākāraviśeṣādestadavasthāyāmupalabhyamānaliṅgasya sadbhāvenānumānapratītyutpatteḥ | jāgradavasthāyāmapi 
TBV-SD 90,22	parasantatipatitacetovṛtterasmadādibhiryathoktaliṅgadarśanodbhūtānumānamantareṇāpratipatteḥ | ‘na kiñcicce- 
TBV-SD 90,23	titaṃ mayā iti smaraṇāduttarakālabhāvinastadavasthāyāmanubhavānumāne kiṃ vastvasaṃvedanam, svarūpāsaṃvedanaṃ 
TBV-SD 90,24	vā’ ityādi yad dūṣaṇamabhihitam, tadapyasāram; jāgradavasthābhāvisvasaṃviditagacchattṛṇasparśajñānā'śva- 
TBV-SD 90,25	vikalpasamayagodarśanādiṣūttarakālabhāvi ‘na mayā kiñcidupalakṣitam’ iti smaraṇaliṅgabalodbhūtānumā- 
TBV-SD 90,26	naviṣayeṣvapyasya samānatvāt | na ca svasaṃviditavijñānavādino'trāpi samāno doṣa iti vaktuṃ yuktam, 
TBV-SD 90,27	“yasya yāvatī mātrā” iti svasaṃviditajñānasyābhyupagamāt | 
TBV-SD 90,28	yacca ‘samanantarasahakāritvādyanekadharmayuktatvamekakṣaṇe jñānasyāsajyate’ iti pratipāditam tada- 
TBV-SD 90,29	bhyupagamyamānatvenādūṣaṇam | ataḥ paurvāparyavyavasthitaharṣa — viṣādādyanekaparyāyavyāpyekātmavyatirekeṇa 
TBV-SD 90,30	jñānayoḥ svasantāne'pyanusandhānanimittopādānopādeyabhāvāsaṃbhavād na parasantānavadanusaṃdhānapratyayaḥ 
TBV-SD 90,31	syāt, dṛśyate ca; ato'nekatvavyāvrttādanusandhānapratyayādapi liṅgādātmasiddhiḥ | 
TBV-SD 90,32	athāpi syād gamakatvaṃ hi hetoḥ svasādhyāvinābhāvagrahaṇapūrvakam, tadgrahaṇaṃ ca dharmyantare, 
TBV-SD 90,33	na cātraikakartṛkatvena sādhyadharmivyatirikte dharmyantare pratisandhānasya vyāptiḥ yena pratisandhānādekaḥ 
TBV-SD 90,34	karttā'numīyeta | atha brūṣe kṣaṇikatāsādhakasya sattākhyasya hetoryathā dharmyantare vyāptyagrahaṇe'pi 
TBV-SD 90,35	gamakatā tadvadasyāpi, etadacāru; tasya hi kṣaṇikatāyāṃ prāk pratyakṣeṇa niścayānniścayaviṣayeṇa ca 
TBV-SD 90,36	vyāpterdarśanād vipakṣāt pracyāvitasya bādhakapramāṇena sādhyadharmiṇi yadavasthānaṃ tadeva svasādhyena 
TBV-SD 90,37	vyāptigrahaṇam | ata evāsya hetoḥ sādhyadharmiṇyeva vyāptiniścayamicchanti | nanu vyāpti — sādhyaniścaya- 
TBV-SD 90,38	yorniyamena paurvāparyamabhyupagantavyam, vyāptiniścayasya sādhyapratipattyaṅgatvāt; atra tu sādhyadharmiṇi 
TBV-SD 90,39	vyāptiniścayābhyupagame sādhyapratipattikālo'nyo'bhyupagantavyaḥ, na cāsāvanyo'nubhūyate; astyetat 
TBV-SD 91,01	kāryahetoḥ, kasyacit svabhāvahetorapi; asya tu bādhakāt pramāṇād vipakṣāt pracyutasya yadeva sādhya- 
TBV-SD 91,02	dharmiṇi svasādhyavyāptatayā grahaṇaṃ tadeva sādhyagrahaṇam | na cāsyaivaṃ dvairūpyam, yato vipakṣād vyāvṛ- 
TBV-SD 91,03	ttirevānvayamākṣipati | iyāṃstu viśeṣaḥ — kasyacid hetorvyāptiviṣayapradarśanāya dharmiviśeṣaḥ pradarśyate, 
TBV-SD 91,04	asya tu ‘yat sat tat kṣaṇikam’ iti dharmiviśeṣāpradarśane'pi dharmimātrākṣepeṇa vyāptipradarśanam | tacca 
TBV-SD 91,05	sattvaṃ kvacid vyavasthitamupalabhyamānaṃ kṣaṇikatāpratipattyaṅgam, ataḥ pakṣadharmatā'pyatrāsti, na cātraivam | 
TBV-SD 91,06	atrāpyenameva nyāyaṃ kecidāhuḥ | katham ? tatra hi vyāpakasya kramayaugapadyasya nivṛttyā vipakṣāt 
TBV-SD 91,07	tannivṛttiḥ; atrāpi pramātṛniyatatāyā vyāpikāyā abhāvād vipakṣāt pratisandhānalakṣaṇasya heto- 
TBV-SD 91,08	rnivṛttiḥ | atha tatra bādhakapramāṇasya vyāptiḥ pratyakṣeṇa niścīyate — krama — yaugapadyābhyāmarthakriyākaraṇasya 
TBV-SD 91,09	pratyakṣeṇa niścayāt — atra tu katham ? atrāpi pramātṛniyamapūrvakatvena svasantāna eva pratisandhānasya 
TBV-SD 91,10	vyāptiniścayāt kathaṃ na tulyatā ? 
TBV-SD 91,11	atha brūyāt ‘pramātṛniyatatā’ ityasya bhāṣitasya ko'rthaḥ ? yadi paraṃ bhaṅgyantareṇaikakartṛkatvaṃ sādhyaṃ 
TBV-SD 91,12	vyapadiśyate tasya pratyakṣeṇa niścayābhyupagame kathaṃ bādhakapramāṇāvaseyatā vyāpteḥ ? naitat, pramātṛniyata- 
TBV-SD 91,13	tāgrahaṇaṃ naikakartṛkatvagrahaṇam; sarve eva hi bhāvā deśādiniyatatayā'vasīyamānā vyavahāragocaratāmu- 
TBV-SD 91,14	payānti, pramāturapyavasāya evameva dṛśyate — ‘idānīmatrāham’ | evaṃ deśādyasaṃsargavat pramātrantarāsaṃsa- 
TBV-SD 91,15	rgo'pi niścīyate | tathāhi — deśa — kālanibandhananiyamavad vyatiriktapadārthāsaṃsargasvabhāvaniyataprati- 
TBV-SD 91,16	bhāso'pi ghaṭāderiva, atraikatvānekatvaniścayābhāvaḥ | pūrvapākṣikamate tasya nānākartṛkeṣu santānāntareṣu 
TBV-SD 91,17	vyāpakasyābhāvād vipakṣāt pracyutasya pratisandhānasya kvacidupalabhyamānasyaikakartṛkatvena vyāptiḥ | yathā 
TBV-SD 91,18	krama — yaugapadyābhyāmarthakriyākaraṇadarśane naivaṃ niścayaḥ — ‘kiṃ kṣaṇikaiḥ krama — yaugapadyābhyāṃ sā kriyate, 
TBV-SD 91,19	āhosvidanyathā’ iti, atha ca pratyakṣeṇa bādhakasya vyāptyavasāye paścād vyāpakānupalabdhyā mūla- 
TBV-SD 91,20	hetorvyāptisiddhiḥ evamekakartṛkatvānavasāye'pi pramātṛniyatatayā pratisandhānasya svasantatau vyāpti- 
TBV-SD 91,21	niścaye satyuttarakālaṃ vipakṣe vyāpakasya pramātṛniyatatvasyābhāvādekakartṛkatvena pratisandhānasya vyāpti- 
TBV-SD 91,22	siddhiḥ | evamanabhyupagame ‘aham anyo vā’ iti pramātraniścaye prameyāniścayād andhamūkaṃ jagat 
TBV-SD 91,23	syāt | aupacārikasya pramātṛniyatatayā pratibhāsaviṣayatve'nātmapratyakṣatvaṃ doṣaḥ | 
TBV-SD 91,24	tatraitat syāt — astyayaṃ pramātṛniyamaniścayaḥ; sa tu svasantatau kimekakartṛkatvakṛtaḥ, utasvi- 
TBV-SD 91,25	nnimittāntarakṛto yuktaḥ ? taccaikasyāṃ santatau hetu — phalabhāvalakṣaṇaṃ prāk pradarśitam | satyam, pradarśitaṃ 
TBV-SD 91,26	natu sādhitam | tathāhi — tatkṛtaḥ pramātṛniyamo nānyakṛta iti naitāvatpratyakṣasya viṣayaḥ; na ca pramāṇā- 
TBV-SD 91,27	ntarasyāpi | taddhi asmin viṣaye ucyamānam anumānamucyeta, tadapi pratyakṣaniṣedhānniṣiddham | na ca 
TBV-SD 91,28	kṣaṇikatvavyavasthāpane hetu — phalabhāvakṛto niyama ityabhyupagantuṃ yuktam, tasyopariṣṭāt niṣetsyamānatvāt | 
TBV-SD 91,29	na cāta eva doṣād ekakartṛkatvakṛto'pi na niyama iti vaktuṃ śakyam, svasaṃvedanapratyakṣasiddhatvasya 
TBV-SD 91,30	tatpūrvakānumānasiddhatvasya cātmani prāg vyavasthāpitatvāt | abhyupagamavādena tu kṣaṇikatvavyavasthāpaka- 
TBV-SD 91,31	sattvahetutulyatvamanusandhānapratyayahetoḥ pradarśitam; na tu kṣaṇikatvavad ātmaikatvasya pratyakṣāsiddhatvam 
TBV-SD 91,32	yenānumānāt tatprasiddhyabhyupagame itaretarāśrayadoṣaprasaṅgaḥ preryeta | ato'dhyakṣānumānapramāṇasiddhatvāt 
TBV-SD 91,33	paralokinaḥ “paralokino'bhāvāt paralokābhāvaḥ” iti sūtraṃ niḥsāratayā vyavasthitam | 
TBV-SD 91,34	yadapyucyate ‘śarīrāntargataṃ saṃvedanaṃ kathaṃ śarīrāntarasaṃcāri; jīvatastāvanna śarīrāntarasaṃcāro dṛṣṭaḥ; 
TBV-SD 91,35	parasmin maraṇasamaye bhaviṣyatīti duranvayametat’ tadapi na yuktam; yataḥ kumāraśarīrāntargatāḥ pāṇḍi- 
TBV-SD 91,36	tyādivikalpā vṛddhāvasthāśarīrasaṃcāriṇo dṛśyante jīvata eva, capalatādiśarīrāvasthāviśeṣāḥ vāg- 
TBV-SD 91,37	vikārāśca; tat kathaṃ na jīvataḥ śarīrāntarasaṃcāraḥ ? athaikamevedaṃ śarīraṃ bāla — kumārādibhedabhinnam, 
TBV-SD 91,38	janmāntaraśarīraṃ tu mātāpitrantaraśukra — śoṇitaprabhavam — śarīrāntaraprabhavam, etadapyayuktam; bāla — kumā- 
TBV-SD 91,39	raśarīrasyāpi bhedāt; yathā ca bāla — kumāraśarīracapalatābhedastaruṇādiśarīrasañcārī upalabhyate tathā 
TBV-SD 92,01	nijajanmāntaraśarīraprabhavaścapalatādibhedaḥ parabhavabhāvijanmaśarīrasaṃcārī bhaviṣyatīti tato na mātā- 
TBV-SD 92,02	pitṛśukra — śoṇitānvayi janmādiśarīram api tu svasantānaśarīrānvayameva, vṛddhādiśarīravat; anyathā 
TBV-SD 92,03	mātāpitṛśarīracapalatādivilakṣaṇaśarīraceṣṭāvanna syāt | athehajanmabāla — kumārādyavasthābhede'pi pratya- 
TBV-SD 92,04	bhijñānād ekatvaṃ siddhaṃ śarīrasya tadavasthāvyāpakasya tena na taddṛṣṭāntabalādatyantabhinne janmāntara- 
TBV-SD 92,05	śarīrādau jñānasaṃcāro yuktaḥ, tadasat; pūrvottarajanmaśarīrajñānasaṃcārakāriṇaḥ kārmaṇaśarīrasyāta eva 
TBV-SD 92,06	kathañcidekatvasiddheḥ | tathāhi — jñānaṃ tāvadihajanmādāvanyanijajanmajñānaprabhavaṃ prasādhitam, tasya ceha- 
TBV-SD 92,07	janmabāla — kumārādyavasthābhedeṣu ‘tadevedaṃ śarīram’ ityabādhitapratyabhijñāpratyayāvagataikarūpānvayiṣu saṃcā- 
TBV-SD 92,08	radarśanāt pūrvottarajanmāvasthāsvapi tathābhūtānugāmirūpasamanvitāsu tasya saṃcāro'numīyate | na 
TBV-SD 92,09	cāsmadādīndriyasaṃvedyarūpādyāśrayasyaudārikaśarīrasya janmāntaraśarīrādyavasthā'nugamaḥ saṃbhavati, tasya 
TBV-SD 92,10	tadaiva ca dāhādinā dhvaṃsopalabdheḥ | ato janmadvayāvasthāvyāpakasyoṣmādidharmānugatasya kārmaṇaśarīrasya 
TBV-SD 92,11	vijñānasaṃcārakāriṇaḥ sadbhāvaḥ siddhaḥ | pūrvottarajanmāvasthāvyāpakasyāvasthātustadavasthābhyaḥ kathañcida- 
TBV-SD 92,12	bhedād mātāpitṛśarīravilakṣaṇanijaśarīrāvasthācapalatādyanuvidhāne uttarāvasthāyāḥ kathaṃ nāvasthātṛ- 
TBV-SD 92,13	dharmānuvidhānam ? 
TBV-SD 92,14		“tasmād yasyaiva saṃskāraṃ niyamenānuvarttate | 
TBV-SD 92,15		śarīraṃ pūrvadehasya tat tadanvayi yuktimat” || 
TBV-SD 92,16	‘atha pūrvāparayoḥ pratyakṣasyāpravṛtterna kāryakāraṇabhāvaḥ, anumānasiddhāvitaretarāśrayadoṣaḥ’ iti, 
TBV-SD 92,17	tadapi prativihitam, evaṃ hi sarvaśūnyatvamāyātamiti kasya dūṣaṇaṃ sādhanaṃ vā kena pramāṇena ? ihalo- 
TBV-SD 92,18	kasyāpyabhāvaprasakteriti pratipāditatvāt | 
TBV-SD 92,19	atha kāryaviśeṣasya viśiṣṭakāraṇapūrvakatvasiddhau yathoktaprakāreṇa bhavatu pūrvajanmasiddhiḥ, bhāvi- 
TBV-SD 92,20	paralokasiddhistu katham bhāvini pramāṇābhāvāt ? tatrāpi kāryaviśeṣādeveti brūmaḥ | tathāhi — kārya- 
TBV-SD 92,21	viśeṣo viśiṣṭaṃ sattvameva, tacca na sattāsaṃbandhalakṣaṇam; tasya niṣetsyamānatvāt | nāpyarthakriyākāri- 
TBV-SD 92,22	tvalakṣaṇam, santativyavacchede tasyābhāvaprasaṅgāt | tathāhi — śabda — buddhi — pradīpādisantānānāṃ yadyucche- 
TBV-SD 92,23	do'bhyupagamyate tadā tatsantaticaramakṣaṇasyāparakṣaṇājananādasattvam, tadasattve ca pūrvapūrvakṣaṇānā- 
TBV-SD 92,24	marthakriyā'jananādasattvamiti sakalasantatyabhāvaḥ | atha santatyantakṣaṇaḥ sajātīyakṣaṇāntarājanane'pi 
TBV-SD 92,25	sarvajñasantāne svagrāhijñānajanakatvena sanniti nāyaṃ doṣaḥ, tadasat; svasantatipatitopādeyakṣaṇājana- 
TBV-SD 92,26	katve parasantānavarttisvagrāhijñānajanakatvasyāpyasaṃbhavāt | nahyupādānakāraṇatvābhāve sahakārikāraṇatvaṃ 
TBV-SD 92,27	kvacidapyupalabdham; tatsadbhāve vā ekasāmagryadhīnasya rūpāde rasatastatsamānakālabhāvino'vyabhicā- 
TBV-SD 92,28	riṇī pratipattirna syāt, rūpakṣaṇasya svopādeyakṣaṇāntarājanane'pi rasasantatau sahakārikāraṇatvena rasa- 
TBV-SD 92,29	kṣaṇajanakatvābhyupagamāt; tatsadbhāve'pi tatsamānakālabhāvino rūpāderabhāvāt | tannopādānakāraṇatvā- 
TBV-SD 92,30	bhāve sahakāritvasyāpi saṃbhava iti svasantatyucchedābhyupagame'rthakriyālakṣaṇasya sattvasyāsambhava iti 
TBV-SD 92,31	utpāda — vyaya — dhrauvyalakṣaṇameva sattvamabhyupagantavyamiti kāryaviśeṣalakṣaṇāddhetoryathoktaprakāreṇātītakā- 
TBV-SD 92,32	lavadanāgatakālasaṃbandhitvamapyātmanaḥ siddham | 
TBV-SD 92,33	yadapyuktam ‘yadyāgamasiddhatvamātmanaḥ, tasya vā pratiniyatakarmaphalasaṃbandhastatsiddho'bhyupagamyate 
TBV-SD 92,34	tadā'numānavaiyarthyam’ iti, tadapi mūrkheśvaraceṣṭitam; nahi vyartham iti nijakāraṇasāmagrībalāyātaṃ 
TBV-SD 92,35	vastu pratikṣeptuṃ yuktam; nahi āgamasiddhāḥ padārthāḥ iti pratyakṣasyāpi pratikṣepo yuktaḥ | yadapi 
TBV-SD 92,36	pratyakṣā'numānāviṣaye cārthe āgamaprāmāṇyavādibhistasya prāmāṇyamabhyupagamyate — taduktam — 
TBV-SD 92,37		“āmnāyasya kriyā'rthatvādānarthakyamatadarthānām — ” iti, 
TBV-SD 92,38	tadapyayuktam; yato yathā pratyakṣapratīte'pyarthe vipratipattiviṣaye'numānamapi pravṛttimāsādayatīti 
TBV-SD 92,39	pratipāditaṃ tathā pratyakṣā'numānapratipanne'pyātmalakṣaṇe'rthe tasya vā pratiniyatakarmaphalasaṃbandhalakṣaṇe 
TBV-SD 93,01	kimityāgamasya pravṛttirnābhyupagamasya viṣayaḥ ? na cāgamasya tatrāprāmāṇyamiti vaktuṃ yuktam, sarvajña- 
TBV-SD 93,02	praṇītatvena tatprāmāṇyasya vyavasthāpitatvāt | pratiniyatakarmaphalasaṃbandhapratipādakaścāgamaḥ — 
TBV-SD 93,03		“bahvārambhaparigrahatvaṃ ca nārakasya”
TBV-SD 93,04	ityādinā vācakamukhyena sūtrīkṛto'syaivānumānaviṣayatvaṃ pratipādayitukāmena | yathā ca karmapha- 
TBV-SD 93,05	lasaṃbandho'pyātmano'numānādavasīyate tathā yathāsthānamihaiva pratipādayiṣyāmaḥ | ātmasvarūpaprati- 
TBV-SD 93,06	pādakaḥ pratiniyatakarmaphalasaṃbandhapratipādakaścāgamaḥ — 
TBV-SD 93,07		“ege āyā”
TBV-SD 93,08		“puvviṃ ducciṇṇāṇaṃ duppaḍikaṃtāṇaṃ kaḍāṇaṃ kammāṇaṃ”
TBV-SD 93,09	ityādikaḥ suprasiddha eva | tadevaṃ pratyakṣā'numānā''gamapramāṇaprasiddhatvād nāraka — tiryag — narā'mara- 
TBV-SD 93,10	paryāyānubhūtisvabhāvasyātmanaḥ, na ‘bhavaśabdavyutpattiḥ arthābhāvāt ḍitthādiśabdavyutpattitulyā’ 
TBV-SD 93,11	iti sthitam || 
TBV-SD 93,13	atrāhurnaiyāyikāḥ — kleśa — karma — vipākā''śayā'parāmṛṣṭapuruṣābhyupagame “nityaṃ sattvamasattvaṃ vā” 
TBV-SD 93,14	iti dūṣaṇamabhyadhāyi tatra tannityasattvapratipādane nāsmākaṃ kācit kṣatiḥ, pramāṇato nityajñānādi- 
TBV-SD 93,15	dharmakalāpānvitasya tasyābhyupagamāt | 
TBV-SD 93,16	nanu yuktametad yadi tathābhūtapuruṣasadbhāvapratipādakaṃ kiñcit pramāṇaṃ syāt, tacca nāsti | 
TBV-SD 93,17	tathāhi — na pratyakṣaṃ tathāvidhapuruṣasadbhāvāvedakamasmadādīnām | asmadvilakṣaṇayogibhistasyāvasāya 
TBV-SD 93,18	ityatrāpi na kiñcit pramāṇamasti | yadā na tatsvarūpagrahaṇe pratyakṣapramāṇapravṛttistadā tadgatadharmāṇāṃ 
TBV-SD 93,19	nityajñānādīnāṃ sadbhāvavārttaiva na saṃbhavati | 
TBV-SD 93,20	nānumānamapi yuktam etatsvarūpāvedakam, pratyakṣaniṣedhe tatpūrvakasya tasyāpi niṣedhāt | sāmā- 
TBV-SD 93,21	nyatodṛṣṭasyāpi nātra viṣaye pravṛttiḥ, liṅgasya kasyacit tatpratipādakasyābhāvāt; kāryatvasya pṛthi- 
TBV-SD 93,22	vyādyāśritasya keṣāñcinmatenāsiddheḥ | na ca saṃsthānavattvasya tatsādhakatvam, prāsādādisaṃsthānebhyaḥ 
TBV-SD 93,23	pṛthivyādisaṃsthānasyātyantavailakṣaṇyāt saṃsthānaśabdavācyatvena cātiprasaktirdarśitā 
TBV-SD 93,24		“vastubhedaprasiddhasya śabdasāmyādabhedinaḥ”
TBV-SD 93,25	ityādinā | tasmānnānumānaṃ tatsādhanāyālam | 
TBV-SD 93,26	nāpyāgamaḥ, nityasyātra darśane'nabhyupagamāt; abhyupagame vā kāryārthapratipādakasya siddhe vastu- 
TBV-SD 93,27	nyavyāpṛteḥ | nāpīśvarapūrvakasya prāmāṇyam, itaretarāśrayadoṣaprasaṅgāt | anīśvarapūrvakasyāpi saṃbhā- 
TBV-SD 93,28	vyamānadoṣatvena pramāṇatā'nupapatteḥ | tasyānyeśvarapūrvakatve tasyāpi siddhiḥ kuta iti vaktavyam, tada- 
TBV-SD 93,29	siddhau na tasya prāmāṇyam, anekeśvaraprasaṅgadoṣaśca | bhavatu, ko doṣaḥ yata ekasyāpi sādhane vayamatī- 
TBV-SD 93,30	votsukāḥ kiṃ punarbahūnāmiti cet, na kaścit pramāṇābhāvaṃ muktvā | tannāgamato'pi tatpratipattiḥ | 
TBV-SD 93,31	evaṃ svarūpāsiddhau kathaṃ tasya kāraṇatā ? 
TBV-SD 93,32	atrāhuḥ — yaduktam ‘na tatra pratyakṣaṃ pramāṇam’ tadevameva | yadapi ‘sarvaprakārasyāgamasya na tatsva- 
TBV-SD 93,33	rūpāvedane vyāpṛtiḥ’ tatrocyate — āgamāvyāpāre'pi tatsvarūpasādhakamanumānaṃ vidyate | āgamasyāpi 
TBV-SD 93,34	siddhe'rthe liṅgadarśananyāyena yathā vyāpṛtistathā pratipādayiṣyāmaḥ | pratyakṣapūrvakānumānaniṣedhe siddha- 
TBV-SD 93,35	sādhanam, sāmānyatodṛṣṭānumānasya tatra vyāpārābhyupagamāt | nanvanumānapramāṇatāyāmayaṃ vicāro 
TBV-SD 93,36	yuktārambhaḥ, tasyaiva tu prāmāṇyaṃ nānumanyante cārvākā iti, etaccānuddhoṣyam; anumānaprāmāṇyasya 
TBV-SD 93,37	vyavasthāpitatvāt | 
TBV-SD 93,38	yattūktam ‘pṛthivyādigatasya kāryatvasyāpratipatterna tasmādīśvarāvagamaḥ’ tatra pṛthivyādīnāṃ bauddhaiḥ 
TBV-SD 93,39	kāryatvamabhyupagataṃ te kathamevaṃ vadeyuḥ ? ye'pi cārvākādyāḥ pṛthivyādīnāṃ kāryatvaṃ necchanti teṣāmapi 
TBV-SD 94,01	viśiṣṭasaṃsthānayuktānāṃ kathamakāryatā ? sarvaṃ saṃsthānavat, kāryam, tacca puruṣapūrvakaṃ dṛṣṭam | ye'pyāhuḥ — 
TBV-SD 94,02	“saṃsthānaśabdavācyatvaṃ kevalaṃ ghaṭādibhiḥ samānaṃ pṛthivyādīnām na tattvato'rthaḥ kaścid dvayoranugataḥ 
TBV-SD 94,03	samāno vidyate” | teṣāmapi na kevalamatrānugatārthābhāvaḥ kintu dhūmādāvapi pūrvāparavyaktigato naiva 
TBV-SD 94,04	kaścidanugato'rthaḥ samāno'sti | 
TBV-SD 94,05	atha tatra vastudarśanāyātakalpanānimittamuktam, atra tathābhūtasya pratibhāsasyābhāvānnānugatārtha- 
TBV-SD 94,06	kalpanā | tathāhi — kasyacid ghaṭādeḥ kriyamāṇasya viśiṣṭāṃ racanāṃ kartṛpūrvikāṃ dṛṣṭvā'dṛṣṭakartṛkasyāpi 
TBV-SD 94,07	ghaṭa — prāsādādestasya racanāviśeṣasya kartṛpūrvakatvapratipattiḥ, pṛthivyādestu saṃsthānaṃ kadācidapi kartṛ- 
TBV-SD 94,08	pūrvakaṃ nāvagatam; nāpi tādṛśaṃ dharmyantare dṛṣṭakartṛka iva paṭādau; tat pṛthivyādigatasya saṃsthānasya 
TBV-SD 94,09	vailakṣaṇyāt tato na tataḥ kartṛpūrvakatvapratipattiḥ; evaṃ hetorasiddhatvena naitat sādhanam, ayuktametat; 
TBV-SD 94,10	yato yadyanavagatasaṃbandhān pratipattṛṛn adhikṛtya hetorasiddhatvamucyate tadā dhūmādiṣvapi tulyam | atha 
TBV-SD 94,11	gṛhītāvinābhāvānāmapi kāryatvadarśanāt tanvādiṣu īśvarādikṛtatvapratibhāsānutpatterevamucyate, tada- 
TBV-SD 94,12	sat; ye hi kāryatvāderbuddhimatkāraṇapūrvakatvena gṛhītāvinābhāvāste tasmādīśvarādipūrvakatvaṃ teṣāmavaga- 
TBV-SD 94,13	cchantyeva | tasmād vyutpannānāmastyeva pṛthivyādisaṃsthānavattva — kāryatvāderhetordharmidharmatā'vagamaḥ, 
TBV-SD 94,14	avyutpannānāṃ tu prasiddhānumāne dhūmādāvapi nāsti | 
TBV-SD 94,15	api ca, bhavatu prāsādādisaṃsthānebhyaḥ pṛthivyādisaṃsthānasya vailakṣaṇyaṃ tathāpi kāryatvaṃ 
TBV-SD 94,16	śākyādibhiḥ pṛthivyādīnāmiṣyate, kāryaṃ ca kartṛ — karaṇādipūrvakaṃ dṛṣṭam; ataḥ kāryatvād buddhima- 
TBV-SD 94,17	tkāraṇapūrvakatvānumānam | atha kartṛpūrvakasya kāryatvasya saṃsthānavattvasya ca tadvailakṣaṇyānna tataḥ 
TBV-SD 94,18	sādhyāvagamaḥ | ata evādhiṣṭhātṛbhāvābhāvānuvṛttimad yat saṃsthānaṃ taddarśanāt kartradarśino'pi 
TBV-SD 94,19	tatpratipattiryuktetyasya dūṣaṇasya kāryatve'pi samānatvāt kathaṃ gamakatā ? yadyevamanumānocchedaprasaṅgaḥ; 
TBV-SD 94,20	dhūmādikamapi yathāvidhamagnyādisāmagrībhāvābhāvānuvṛttimat tathāvidhameva yadi parvatopari bhavet 
TBV-SD 94,21	syāt tato vahnyādyavagamaḥ | athādhūmavyāvṛttaṃ tathāvidhameva dhūmādi tarhi kāryatvādyapi tathāvidhaṃ 
TBV-SD 94,22	pṛthivyādigataṃ kiṃ neṣyate ? atha pṛthivyādigatakāryatvādidarśanāt kartradarśināṃ tadapratipattiḥ, evaṃ 
TBV-SD 94,23	śikharyādigatavahnyādyadarśināṃ dhūmādibhyo'pi tadapratipattirastu | na cātra śabdasāmānyaṃ vastva- 
TBV-SD 94,24	nugamo nāstīti vaktuṃ yuktam, dhūmādāvapi śabdasāmānyasya vaktuṃ śakyatvāt | tanna śākyadṛṣṭyā 
TBV-SD 94,25	kāryatvāderasiddhatā | 
TBV-SD 94,26	nāpi cārvāka — mīmāṃsakadṛṣṭyā, teṣāmapi saṃsthānavadavaśyaṃ kāryaṃ ghaṭādivat pṛthivyādi 
TBV-SD 94,27	svāvayavasaṃyogairārabdhamavaśyaṃtayā viśleṣād vināśamanubhaviṣyati; evaṃ vināśād vā saṃbhāvitāt 
TBV-SD 94,28	kāryatvānumānam racanāsvabhāvatvād vā | yathoktaṃ bhāṣyakṛtā — 
TBV-SD 94,29	“yeṣāmapyanavagatotpattīnāṃ bhāvānāṃ rūpamupalabhyate teṣāṃ tantuvyatiṣaṅgajanitaṃ rūpaṃ dṛṣṭvā tadvyati- 
TBV-SD 94,30	ṣaṅgavimocanāt tadvināśād vā vinaṅkṣyatītyanumīyate” 
TBV-SD 94,31	anena saṃsthānavato'nupalabhyamānotpatteḥ samavāyyasamavāyikāraṇavināśād vināśamāha | tathā, 
TBV-SD 94,32	pṛthivyādeḥ saṃsthānavato'dṛṣṭajanmano rūpadarśanād nāśasambhāvanā bhaviṣyati; sambhāvitācca nāśāt 
TBV-SD 94,33	kāryatvānumittau kartṛpratipattiḥ | yathoktaṃ nyāyavidbhiḥ — 
TBV-SD 94,34		“tattvadarśanaṃ pratyakṣato'numānato vā”
TBV-SD 94,35	kāryatva — vināśitvayośca samavyāptikatvādekenāparasyānumānamiṣṭam “tena yatrāpyubhau dharmau” 
TBV-SD 94,36	 ityatra | ato jaiminīyānāṃ na kāryatvāderasiddhatā | 
TBV-SD 94,37	nāpi cārvākamate'siddhatvam; teṣāṃ racanāvattvenāvaśyaṃbhāvinī kāryatāpratipattiradṛṣṭotpattī- 
TBV-SD 94,38	nāmapi kṣityādīnām, anyathā vedaracanāyā api kartṛdarśanābhāvānna kāryatā, yatastatrāpyetā- 
TBV-SD 94,39	vacchakyaṃ vaktum — na racanātvena vedaracanāyāḥ kāryatvānumānam, kartṛbhāvā'bhāvānuvidhāyinī 
TBV-SD 94,40	taddarśanāllaukikyeva racanā tatpūrvikā'stu mā bhūd vaidikī | atha tayorviśeṣānupalambhāllaukikīva 
TBV-SD 95,01	vaidikyapi kartṛpūrvikā tarhi prāsādādisaṃsthānavat pṛthivyādisaṃsthānavattvasyāpi tadrūpatā'stu, 
TBV-SD 95,02	viśeṣānupalakṣaṇāt | tanna hetorasiddhatā | 
TBV-SD 95,03	mā bhūdasiddhatvaṃ tathā'pyasmāt sādhyasiddhirna yuktā, nahi kevalāt pakṣadharmatvād vyāptiśū- 
TBV-SD 95,04	nyāt sādhyāvagamaḥ | nanu kiṃ ghaṭādau kartṛ — karma — karaṇapūrvakatvena kāryatvādervyāptyanavagamaḥ ? astyevaṃ 
TBV-SD 95,05	ghaṭagate kāryatve pratipattistathāpi na vyāptiḥ, sā hi sakalākṣepeṇa gṛhyate, atra tu vyāptigrahaṇakāla 
TBV-SD 95,06	eva keṣāñcit kāryāṇāmakartṛpūrvakāṇāṃ kāryatvadarśanānna sarvaṃ kāryaṃ kartṛpūrvakam, yathā vaneṣu 
TBV-SD 95,07	vanaspatīnām | atha tatra na kartrabhāvaniścayaḥ kiṃtu kartragrahaṇam, tacca vidyamāne'pi karttari bhavatīti 
TBV-SD 95,08	kathaṃ sādhyābhāve hetordarśanam ? kva punarvidyamānakartṛkāṇāṃ tadapratipattiḥ ? yathā ghaṭādīnāmanavagato- 
TBV-SD 95,09	tpattīnām | yuktā tatra karturapratipattiḥ, utpādakālānavagamāt; tatkāle ca tasya tatra sannidhānam, 
TBV-SD 95,10	anyadā'sya sannidhānābhāvādagrahaṇam; vanagateṣu ca sthāvareṣūpalabhyamānajanmasu kartṛsadbhāve tadava- 
TBV-SD 95,11	gamo'vaśyaṃbhāvī, yathopalabhyamānajanmani ghaṭādau; ata upalabdhilakṣaṇaprāptasya karttusteṣvabhāvani- 
TBV-SD 95,12	ścayāt tatra vyāptigrahaṇakāla eva kāryatvāderhetordarśanānna kartṛpūrvakatvena vyāptiḥ | 
TBV-SD 95,13	itaśca dṛṣṭahānyadṛṣṭaparikalpanāsambhavāt — dṛṣṭānāṃ kṣityādīnāṃ kāraṇatvatyāgaḥ adṛṣṭasya ca kartuḥ 
TBV-SD 95,14	kāraṇatvakalpanā na yuktimatī | atha na kṣityādeḥ kāraṇatvanirākaraṇaṃ kartṛkalpanāyāmapi, tatsadbhā- 
TBV-SD 95,15	ve'pi tasyāparakāraṇatvaklṛpteḥ, tadasat; yato yad yasyānvaya — vyatirekānuvidhāyi tat tasya kāraṇam 
TBV-SD 95,16	itarat kāryam; kṣityādīnāṃ tvanvaya — vyatirekāvanuvidhatte tatrākṛṣṭajātaṃ vanaspatyādi nāparasya, 
TBV-SD 95,17	kathamato vyatiriktaṃ kāraṇaṃ bhavet ? evamapi kāraṇatvakalpanāyāṃ doṣa uktaḥ “caitrasya vraṇarohaṇe” 
TBV-SD 95,18	ityādinā | tasmāt pakṣadharmatve'pi vyāptyabhāvādagamakatvaṃ hetoḥ | 
TBV-SD 95,19	atha teṣāṃ pakṣe'ntarbhāvānna tairvyabhicāraḥ, tadasat; tāttvikaṃ vipakṣatvaṃ kathamicchākalpitena 
TBV-SD 95,20	pakṣatvenāpodyeta ? vyāptau siddhāyāṃ sādhya — tadabhāvayoragrahaṇe vādīcchāparikalpitaṃ pakṣatvaṃ kathyate | 
TBV-SD 95,21	sapakṣa — vipakṣayorhetoḥ sadasattvaniścayād vyāptisiddhiḥ | evamapi sādhyābhāve dṛṣṭasya hetorvyāpti- 
TBV-SD 95,22	grahaṇakāle vyabhicārāśaṅkāyāṃ niścaye vā vyabhicāraviṣayasya pakṣe'ntarbhāvena gamakatvakalpane na 
TBV-SD 95,23	kaściddheturvyabhicārī bhavet | tasmānneśvarasiddhau kaścid heturavyabhicāryasti | 
TBV-SD 95,24	atrāhuḥ — nākṛṣṭajātaiḥ sthāvarādibhirvyabhicāraḥ vyāptyabhāvo vā, sādhyābhāve varttamāno 
TBV-SD 95,25	heturvyabhicārī ucyate, teṣu tu kartragrahaṇam na sakartṛkatvābhāvaniścayaḥ | nanūktam ‘upalabdhilakṣaṇa- 
TBV-SD 95,26	prāptatve karturabhāvaniścayastatra yuktaḥ’ naitad yuktam; upalabdhilakṣaṇaprāptatāyāḥ karttusteṣvanabhyupa- 
TBV-SD 95,27	gamāt | yattūktam ‘kṣityādyanvaya — vyatirekānuvidhānadarśanāt teṣām tadvyatiriktasya kāraṇatvaka- 
TBV-SD 95,28	lpane'tiprasaṅgadoṣaḥ’ iti, etasyāṃ kalpanāyāṃ dharmādharmayorapi na kāraṇatā bhavet | na ca tayorakā- 
TBV-SD 95,29	raṇataiva, tayoḥ kāraṇatvaprasādhanāt — nahi kiñcijjagatyasti yat kasyacinna sukhasādhanam duḥkhasādhanaṃ 
TBV-SD 95,30	vā | na ca tatsādhanasyādṛṣṭanirapekṣasyotpattiḥ | iyāṃstu viśeṣaḥ — śarīrādeḥ pratiniyatā'dṛṣṭākṣiptatvaṃ 
TBV-SD 95,31	prāyeṇa, sarvopabhogyānāṃ tu sādhāraṇā'dṛṣṭākṣiptatvam | etat sarvavādibhirabhyupagamādapratyākhyeyam; 
TBV-SD 95,32	yuktiśca pradarśitaiva | cārvākairapyetadabhyupagantavyam, tān prati pūrvametatsiddhau pramāṇasyoktatvāt | 
TBV-SD 95,33	pramāṇasiddhaṃ tu na kasyacinna siddham | athādṛṣṭasya kāryeṇānvaya — vyatirekānanuvidhāne'pi nākāra- 
TBV-SD 95,34	ṇatā, na tarhi vaktavyaṃ bhūmyādivyatirekeṇa sthāvarādinā kāryeṇeśvarasyānvaya — vyatirekānanuvidhā- 
TBV-SD 95,35	nādakāraṇatvam | atha jagadvaicitryamadṛṣṭasya kāraṇatvaṃ vinā nopapadyate iti tat kalpyate, sarvān 
TBV-SD 95,36	utpattimataḥ prati bhūmyādeḥ sādhāraṇatvādato'dṛṣṭākhyavicitrakāraṇakṛtaṃ kāryavaicitryam; evamadṛṣṭasya 
TBV-SD 95,37	kāraṇatvakalpanāyāmīśvarasyāpi kāraṇatvapratikṣepo na yuktaḥ; yathā kāraṇagataṃ vaicitryaṃ vinā kāryagataṃ 
TBV-SD 95,38	vaicitryaṃ nopapadyate iti tat parikalpyate tathā cetanaṃ karttāraṃ vinā kāryasvarūpānupapattiriti 
TBV-SD 95,39	kimiti tasya nābhyupagamaḥ ? na cākṛṣṭajāteṣu sthāvarādiṣu tasyāgrahaṇena pratikṣepaḥ, anupalabdhila- 
TBV-SD 95,40	kṣaṇaprāptatvādadṛṣṭavat | na ca sarvā kāraṇasāmagryupalabdhilakṣaṇaprāptā | ata eva dṛśyamāneṣvapi 
TBV-SD 96,01	kāraṇeṣu kāraṇatvamapratyakṣam, kāryeṇaiva tasyopalambhāt | sahakārisattā dṛśyamānasya kāraṇatā, 
TBV-SD 96,02	keṣāñcit sahakāriṇāṃ dṛśyatve'pyadṛṣṭādeḥ sahakāriṇaḥ kāryeṇaiva pratipattiḥ; evamīśvarasya kāraṇa- 
TBV-SD 96,03	tve'pi na tatsvarūpagrahaṇaṃ pratyakṣeṇeti sthitam | tato'nupalabdhilakṣaṇaprāptatvāt kartturupalabhyamāna- 
TBV-SD 96,04	janmasu sthāvareṣu hetorvṛttidarśanānna vyāptyabhāvaḥ yato niścitavipakṣavṛttirheturvyabhicārī | 
TBV-SD 96,05	nanu niścitavipakṣavṛttiryathā vyabhicārī tathā sandigdhavyatireko'pi, ukteṣu sthāvareṣu kartragrahaṇaṃ 
TBV-SD 96,06	kiṃ kartrabhāvāt, āhosvid vidyamānatve'pi tasyāgrahaṇamanupalabdhilakṣaṇaprāptatvena ? evaṃ sandigdha- 
TBV-SD 96,07	vyatirekatve na kaściddheturgamakaḥ | dhūmāderapi sakalavyaktyākṣepeṇa vyāptyupalambhakāle na sarvā 
TBV-SD 96,08	vahnivyaktayo dṛśyāḥ; tāsu cā'dṛśyāsu dhūmavyaktīnāṃ dṛśyatve sandigdhavyatirekāśaṅkā na nivarttate — 
TBV-SD 96,09	yatra vahneradarśane dhūmadarśanaṃ tatra kiṃ vahneradarśanamabhāvāt, āhosvid anupalabdhilakṣaṇaprāptatvāt 
TBV-SD 96,10	iti na niścayaḥ | ato dhūmo'pi sandigdhavyatirekatvānna gamakaḥ | 
TBV-SD 96,11	atha dhūmaḥ kāryaṃ hutabhujaḥ, tasya tadabhāve svarūpānupapatteradṛṣṭatve'pyanalasya sadbhāvakalpanā; nanu 
TBV-SD 96,12	tat kāryamatropalabhyamānaṃ kimiti kāraṇamantareṇa kalpyate ? atha dṛṣṭaśakteḥ kāraṇasya kalpanā'stu mā 
TBV-SD 96,13	bhūd buddhimataḥ, vahnyāderdhūmādīn prati kathaṃ dṛṣṭaśaktitā ? pratyakṣānupalambhābhyāmiti cet, buddhimato'pi 
TBV-SD 96,14	tābhyāṃ kāraṇatvaklṛptau vahnyādibhistulyatā; yathā vahnyādisāmagryā dhūmādirjanyamāno dṛṣṭaḥ sa tāmanta- 
TBV-SD 96,15	reṇa kadācidapi na bhavati — svarūpahāniprasaṅgāt — tadvat sarvamutpattimat kartṛ — karma — karaṇapūrvakaṃ dṛṣṭam, 
TBV-SD 96,16	tasya sakṛdapi tathādarśanāt tajjanyatāsvabhāvaḥ, tasyaivaṃsvabhāvaniścitāvanyatamābhāve'pi kathaṃ bhāvaḥ ? 
TBV-SD 96,17	kiṃca, anupalabhyamānakartṛkeṣu sthāvareṣu kartturanupalambhaḥ śarīrādyabhāvāt natvasattvāt, yatra 
TBV-SD 96,18	śarīrasya kartṛtā tatra kulālādeḥ pratyakṣeṇaivopalambhaḥ, atra tu caitanyamātreṇopādānādyadhiṣṭhānāt kathaṃ 
TBV-SD 96,19	pratyakṣavyāpṛtiḥ ? nāpyetad vaktavyam śarīrādyabhāvāt tarhi kartṛtā'pi na yuktā, kāryasya śarīreṇa 
TBV-SD 96,20	saha vyabhicāradarśanāt — yathā svaśarīrasya pravṛtti — nivṛttī sarvaścetanaḥ karoti, te ca kāryabhūte; na 
TBV-SD 96,21	ca śarīrāntareṇa śarīrapravṛtti — nivṛttilakṣaṇaṃ kāryaṃ cetanaḥ karoti tena tasya vyabhicāraḥ | atha śarīre 
TBV-SD 96,22	eva dṛṣṭatvāt karotu nānyatra, tanna; yataḥ kāryaṃ śarīreṇa vinā karotīti naḥ sādhyam; tat svaśarīra- 
TBV-SD 96,23	gatamanyaśarīragataṃ veti nānena kiñcit | etenaitadapi parākṛtaṃ yadāhureke — 
TBV-SD 96,24		“acetanaḥ kathaṃ bhāvastadicchāmanuvarttate”
TBV-SD 96,25	acetanasya śarīrāderātmecchānuvarttitvadarśanāt | na cācetanasya tadicchānanuvarttino'pi prayatnapreryatvaṃ 
TBV-SD 96,26	parihāra iti vaktavyam, yata īśvarasyāpi prayatnasadbhāve na kācit kṣatiḥ | na ca śarīrābhāvāt kathaṃ 
TBV-SD 96,27	prayatna iti vaktuṃ yuktam, śarīrāntarā'bhāve'pi śarīrasya prayatnapreryatvadarśanāt | tat karttuḥ śarīrā- 
TBV-SD 96,28	bhāvādakṛṣṭotpattiṣu sthāvareṣvagrahaṇam, na tatrādarśanena hetorvyabhicāraḥ | ye'pi “pratyakṣā'nupala- 
TBV-SD 96,29	mbhasādhanaṃ kāryakāraṇabhāvam” āhusteṣāmapi kasyacit kāryakāraṇabhāvasya tatsādhanatve yathendri- 
TBV-SD 96,30	yāṇām adṛṣṭasya ca tau vinā kāraṇatvasiddhistatheśvarasyāpi | ato na vyāptyabhāvaḥ | 
TBV-SD 96,31	ata eva na satpratipakṣatā'pi, naikasmin sādhyānvite hetau sthite dvitīyasya tathāvidhasya 
TBV-SD 96,32	tatrāvakāśaḥ; vastuno dvairūpyāsaṃbhavāt | 
TBV-SD 96,33	nāpi bādhaḥ, abuddhimatkāraṇapūrvakatvasya pramāṇenāgrahaṇāt; sādhyābhāve hetorabhāvaḥ svasā- 
TBV-SD 96,34	dhyavyāptatvādeva siddhaḥ | 
TBV-SD 96,35	nāpi dharmyasiddhatā, kāryakāraṇasaṅghātasya pṛthivyāderbhūtagrāmasya ca pramāṇena siddhatvāt | 
TBV-SD 96,36	tadāśrayatvena hetoryathā pramāṇenopalambhastathā pūrvaṃ pradarśitam | ato'smādīśvarāvagame na tatsiddhau 
TBV-SD 96,37	pramāṇābhāvaḥ | 
TBV-SD 96,38	nāpi hetorviśeṣaviruddhatā, tadviruddhatve hetorviśeṣaṇe'bhyupagamyamāne na kaściddheturaviruddho 
TBV-SD 96,39	bhavet, prasiddhānumāne'pi viśeṣaviruddhādīnāṃ sulabhatvāt | yathā'yaṃ dhūmo dahanaṃ sādhayati tathaita- 
TBV-SD 96,40	ddeśāvacchinnavahnyabhāvamapi sādhayati | nahi pūrvadhūmasyaitaddeśāvacchinnena vahninā vyāptiḥ | evaṃ 
TBV-SD 96,41	kālādyavacchedena hetorviruddhatā vaktavyā | atha deśa — kālādīn vihāya vahnimātreṇa hetorvyāpterna 
TBV-SD 97,01	viruddhatā tarhi tadvat kāryamātrasya buddhimatkāraṇapūrvakatvena vyāpteryadyapi dṛṣṭānte'nīśvaro'sarvajñaḥ 
TBV-SD 97,02	kṛtrimajñānasambandhī saśarīraḥ kṣityādyupaviṣṭaḥ karttā tathāpi pūrvoktaviśeṣaṇānāṃ dharmiviśeṣarūpāṇāṃ 
TBV-SD 97,03	vyabhicārāt tadviparyayasādhakatve'pi na viruddhatā | viruddho hi hetuḥ sādhyaviparyayakāritvād 
TBV-SD 97,04	bhavati | na caiteṣāṃ sādhyatā, buddhimatkāraṇapūrvakatvamātrasyāsmāddhetoḥ sādhyatveneṣṭatvāt | yathā 
TBV-SD 97,05	ca viśeṣaviruddhādīnāmadūṣaṇatvaṃ tathā 
TBV-SD 97,06		“siddhāntamabhyupetya tadvirodhī viruddhaḥ”
TBV-SD 97,07	ityatra sūtre nirṇītam | 
TBV-SD 97,08	itaścaitadadūṣaṇam — pūrvasmāddhetoḥ svasādhyasiddhāvuttareṇa pūrvasiddhasyaiva sādhyasya kiṃ viśeṣaḥ 
TBV-SD 97,09	sādhyate, uta pūrvahetoḥ svasādhyasiddhipratibandhaḥ kriyate ? na tāvat pūrvo vikalpaḥ, yadi nāma 
TBV-SD 97,10	tatrāpareṇa hetunā viśeṣādhānaṃ kṛtaṃ kiṃ tāvatā pūrvasya hetoḥ sādhyasiddhivighātaḥ ? yathā kṛtakatvena 
TBV-SD 97,11	śabdasyānityatvasiddhau hetvantareṇa guṇatvasiddhāvapi na pūrvasya kṣatistadvadatrāpi | athottaro vikalpa — 
TBV-SD 97,12	stathāpi svasādhyasiddhipratibandho vyāptyabhāvapradarśanena kriyate; vyāptyabhāvaśca heturūpāṇāmanyatamā- 
TBV-SD 97,13	bhāvena | na ca dharmiviśeṣaviparyayodbhāvanena kasyacidapi rūpasyābhāvaḥ kathyate | na ca heturūpābhā- 
TBV-SD 97,14	vāsiddhāvagamakatvam | tanna viśeṣaviruddhatā | 
TBV-SD 97,15	viśeṣāstu dharmiṇaḥ svarūpasiddhāvuttarakālaṃ pramāṇāntarapratipādyā na tu pūrvahetubalādabhyu- 
TBV-SD 97,16	pagamyante | tacca pramāṇāntaramāgamaḥ pūrvahetorhetvantaraṃ ca | “taccānvayavyatirekipūrvakakevalavyatire- 
TBV-SD 97,17	kisaṃjñam | yathā gandhādyupalabdhyā tatsādhanakaraṇamātraprasiddhau prasaktapratiṣedhe karaṇaviśeṣasiddhiḥ 
TBV-SD 97,18	kevalavyatirekinimittā tathehāpi kāryatvāt buddhimatkāraṇamātraprasiddhau prasaktapratiṣedhāt kāraṇa- 
TBV-SD 97,19	viśeṣasiddhiḥ kevalavyatirekinimittā | tathāhi — kāryatvād buddhimatkāraṇamātrasiddhau prasaktānāṃ 
TBV-SD 97,20	kṛtrimajñāna — śarīrasaṃbaddhatvādīnāṃ dharmāṇāṃ pramāṇāntareṇa bādhopapattau viśiṣṭabuddhimatkāraṇasiddhirvya- 
TBV-SD 97,21	tirekibalāt” iti kecit | 
TBV-SD 97,22	anye manyante — “yatrānvayavyatirekiṇo hetorna viśeṣasiddhistatra tatpūrvakāt kevalavyatirekiṇo 
TBV-SD 97,23	viśeṣasiddhirbhavatu, yathā ghrāṇādiṣu, atra tu pūrvasmāddhetorviśeṣasiddhau na hetvantaraparikalpanā | yathā 
TBV-SD 97,24	dhūmasya vahninā'nvaya — vyatirekasiddhau ‘atra deśe vahniḥ’ iti pakṣadharmatvabalāt pratipattirnānvayād 
TBV-SD 97,25	vyatirekādvā, tayorhyetaddeśāvacchinnena vahninā'saṃbhavāt — yadyapi vyāptikāle sakalākṣepeṇa taddeśasyā- 
TBV-SD 97,26	pyākṣepaḥ anyathā'tra vyāpterasaṃbhavāt, tathāpi vyāptigrahaṇavelāyāṃ sāmānyarūpatayā tadākṣepaḥ na 
TBV-SD 97,27	viśeṣarūpeṇeti viśeṣāvagamo nānvaya — vyatirekanimittaḥ, api tu pakṣadharmatvakṛtaḥ | ata eva “pratyu- 
TBV-SD 97,28	tpannakāraṇajanyāṃ smṛtimanumānam” āhuḥ | pratyutpannaṃ ca kāraṇaṃ pakṣadharmatvameva — tathā kāryatvāde- 
TBV-SD 97,29	rbuddhimatkāraṇamātreṇa vyāptisiddhāvapi kāraṇaviśeṣapratipattiḥ pakṣadharmatvasāmarthyāt | ya itthaṃbhūtasya 
TBV-SD 97,30	pṛthivyādeḥ karttā niyamenāsāvakṛtrimajñānasaṃbandhī śarīrarahitaḥ sarvajña ekaḥ” iti, evaṃ yadā 
TBV-SD 97,31	pakṣadharmatvabalād viśeṣasiddhistadā na viśeṣaviruddhādīnāmavakāśaḥ | 
TBV-SD 97,32	“anvayasāmarthyādapi viśeṣasiddhim” anye manyante | tathā, dhūmamātrasya vahnimātreṇa vyāptiḥ 
TBV-SD 97,33	evaṃ dhūmaviśeṣasya vahniviśeṣeṇa iti dhūmaviśeṣapratipattau na vahnimātreṇānvayānusmṛtiḥ kintu vahni- 
TBV-SD 97,34	viśeṣeṇa, evaṃviśiṣṭakāryatvadarśanānna kāraṇamātrānusmṛtiḥ kintu tathāvidhakāryaviśeṣajanakakāraṇavi- 
TBV-SD 97,35	śeṣānusmṛtiḥ | tadanusmṛtāvatrānvayasāmarthyādeva kāraṇaviśeṣapratipattiriti na viśeṣaviruddhāvakāśaḥ | 
TBV-SD 97,36	eteṣāṃ pakṣāṇāṃ yuktāyuktatvaṃ sūrayo vicārayiṣyantīti nāsmākamatra nirbandhaḥ; sarvathā viśeṣa- 
TBV-SD 97,37	viruddhasyādūṣaṇatvamasmābhiḥ pratipādyate tadviruddhalakṣaṇaparyālocanayā | prasaktānāṃ ca viśeṣāṇāṃ pramā- 
TBV-SD 97,38	ṇāntarabādhayā, anvayavyatirekimūlakevalavyatirekibalādvā, pakṣadharmatvasāmarthyena vā, kāryaviśeṣasya 
TBV-SD 97,39	kāraṇaviśeṣānvitatvena vā nātra prayatyate; sarvathā prastutahetau na vyāptyasiddhiḥ | 
TBV-SD 98,01	prasaktānāṃ viśeṣāṇāṃ pramāṇāntarabādhayā viśeṣaviruddhatā'navakāśa ityuktaṃ tatra katamasya prasa- 
TBV-SD 98,02	ktasya viśeṣasya kena pramāṇena nirākṛtiḥ ? śarīrasaṃbandhasya tāvadvyāptyabhāvena, śarīrāntararahitasyā- 
TBV-SD 98,03	pyātmanaḥ svaśarīradhāraṇa — preraṇakriyāsu yathā | athātmanaḥ prayatnavattvād dhāraṇādikriyāsu śarīrā- 
TBV-SD 98,04	dyādhārāsu kartṛtvaṃ yuktam neśvarasya, tadrahitatvāt; tathā ca bhavatāṃ mukhyaṃ kartṛlakṣaṇam — 
TBV-SD 98,05		“jñāna — cikīrṣā — prayatnānāṃ samavāyaḥ kartṛtā” iti | 
TBV-SD 98,06	keneśvarasya tadrahitatvāt prayatnapratiṣedhaḥ kṛtaḥ ? ātma — manaḥsaṃyogajanyatvāt prayatnasya īśvarasya 
TBV-SD 98,07	tadasaṃbhavāt kāraṇābhāvāt tanniṣedhaḥ | buddhistarhīśvare kathaṃ tasyā api manaḥsaṃyogajanyataiva ? sā'pi 
TBV-SD 98,08	mā bhūt kā naḥ kṣatiḥ ? nanu tadasattaiva na tvanyā kācit | sā'pi bhavatu, tadabhāve kasya viśeṣaḥ 
TBV-SD 98,09	śarīrādisaṃyogalakṣaṇaḥ sādhyate ? ata evānyairuktam — 
TBV-SD 98,10	“nātīndriyārthapratiṣedho viśeṣasya kasyacit sādhanena nirākaraṇena vā kāryaḥ — tadabhāve viśeṣasādha- 
TBV-SD 98,11	nasya tannirākaraṇahetorvā''śrayāsiddhatvāt — kintvatīndriyamarthamabhyupagacchaṃstatsiddhau pramāṇaṃ praṣṭavyaḥ | 
TBV-SD 98,12	sa cet tatsiddhau prayojakaṃ hetuṃ darśayati ‘om’ iti kṛtvā'sau pratipattavyaḥ | atha na darśayati 
TBV-SD 98,13	pramāṇābhāvādevāsau nāsti, na tu viśeṣābhāvāt” tasmād jñāna — cikīrṣā — prayatnānāṃ 
TBV-SD 98,14	samavāyo'stīśvare, te tu jñānādayo'smadādijñānādibhyo vilakṣaṇāḥ, vailakṣaṇyaṃ ca nityatvādidharma- 
TBV-SD 98,15	yogāt | tanneśvaraśarīrasya kartṛviśeṣasya vyāptyabhāvāt siddhiḥ | 
TBV-SD 98,16	nāpyasarvajñatvaṃ viśeṣaḥ kulālādiṣu dṛṣṭastatra sādhyate, tatsiddhāvapi viśeṣaviruddhasya vyāptyabhāva 
TBV-SD 98,17	eva; na hyasarvavidā kartrā kulālādinā kiñcit kāryaṃ kriyate | nanu kulālādeḥ sarvavittve nedānīṃ 
TBV-SD 98,18	kaścidasarvavit, evameva — yad yaḥ karoti sa tasyopādānādikāraṇakalāpam prayojanaṃ ca jānāti; 
TBV-SD 98,19	anyathā tatkriyā'yogāt | sarvajñatvaṃ ca prakṛtakāryatannimittāpekṣam, ataḥ kulālādiryathā karttā 
TBV-SD 98,20	svakāryasya sarvaṃ jānātyupādānādi evamīśvaro'pi sarvakarttā sarvasya karaṇaprayojanam vivādavi- 
TBV-SD 98,21	ṣayasya sarvasyopādānakāraṇādi ca kartṛtvādeva jānāti; ataḥ kathamasāvasarvavit ? 
TBV-SD 98,22	anye tvāhuḥ — “kṣetrajñānāṃ niyatārthaviṣayagrahaṇaṃ sarvavidadhiṣṭhitānām, yathā pratiniyataśabdā- 
TBV-SD 98,23	diviṣayagrāhakāṇāmindriyāṇāmaniyataviṣayasarvavidadhiṣṭhitānāṃ jīvaccharīre | tathā ca indriyavṛ- 
TBV-SD 98,24	ttyucchedalakṣaṇaṃ kecid maraṇamāhuścetanānadhiṣṭhitānām | asti ca kṣetrajñānāṃ pratiniyataviṣayagrahaṇam 
TBV-SD 98,25	tenāpyaniyataviṣayasarvavidadhiṣṭhitena bhāvyam | yo'sau kṣetrajñādhiṣṭhāyako'niyataviṣayaḥ sa sarvavi 
TBV-SD 98,26	dīśvaraḥ | nanvevaṃ tasyaiva sakalakṣetreṣvadhiṣṭhāyakatvāt kimantargaḍusthānīyaiḥ kṣetrajñaiḥ kṛtyam ? na 
TBV-SD 98,27	kiñcit pramāṇasiddhatāṃ muktvā | nanvevamaniṣṭhā — yathendriyādhiṣṭhāyakaḥ kṣetrajñastadadhiṣṭhāyakaśceśvaraḥ — 
TBV-SD 98,28	evamanyo'pi tadadhiṣṭhāyako'stu, bhavatvaniṣṭhā yadi tatsādhakaṃ pramāṇaṃ kiñcidasti; na tvaniṣṭhā- 
TBV-SD 98,29	sādhakaṃ kiñcit pramāṇamutpaśyāmaḥ tāvata evānumānasiddhatvāt | 
TBV-SD 98,30	āgamo'pyasmin vastuni vidyate — tathā ca bhagavān vyāsaḥ — 
TBV-SD 98,31		“dvāvimau puruṣau loke kṣaraścākṣara eva ca | 
TBV-SD 98,32		kṣaraḥ sarvāṇi bhūtāni kūṭastho'kṣara ucyate || 
TBV-SD 98,33		uttamaḥ puruṣastvanyaḥ paramātmetyudāhṛtaḥ | 
TBV-SD 98,34		yo lokatrayamāviśya bibhartyavyaya īśvaraḥ” ||  iti | 
TBV-SD 98,35	tathā śrutiśca tatpratipādikā upalabhyate — 
TBV-SD 98,36		“viśvataścakṣuruta viśvato mukho viśvato bāhuruta viśvataspāt | 
TBV-SD 98,37		saṃ bāhubhyāṃ dhamati saṃ patatrairdyāvābhūmī janayan deva eka āste” ityādi | 
TBV-SD 99,01	na ca svarūpapratipādakānāmaprāmāṇyam, pramāṇajanakatvasya sadbhāvāt | tathāhi — pramājanakatvena 
TBV-SD 99,02	pramāṇasya prāmāṇyaṃ na pravṛttijanakatvena taccehāstyeva | pravṛtti — nivṛttī tu puruṣasya sukha — duḥkhasādha- 
TBV-SD 99,03	natvādhyavasāye samarthasyārthitvād bhavata iti | atha vidhāvaṅgatvādamīṣāṃ prāmāṇyaṃ na svarūpārthatvā- 
TBV-SD 99,04	diti cet, tadasat; svārthapratipādakatvena vidhyaṅgatvāt | tathāhi — stuteḥ svārthapratipādakatvena 
TBV-SD 99,05	pravarttakatvam, nindāyāstu nivarttakatvamiti | anyathā hi tadarthāparijñāne vihita — pratiṣiddheṣvaviśe- 
TBV-SD 99,06	ṣeṇa pravṛttirnivṛttirvā syāt | tathā vidhivākyasyāpi svārthapratipādanadvāreṇaiva puruṣaprerakatvaṃ dṛṣṭam 
TBV-SD 99,07	evaṃ svarūpapareṣvapi vākyeṣu syāt, vākyasvarūpatāyā aviśeṣāt viśeṣahetoścābhāvāditi | tathā, 
TBV-SD 99,08	svarūpārthānāmaprāmāṇye “medhyā āpaḥ, darbhāḥ pavitram, amedhyamaśuci” ityevaṃsvarūpāparijñāne vidhya- 
TBV-SD 99,09	ṅgatāyāmapyaviśeṣeṇa pravṛtti — nivṛttiprasaṅgaḥ, na caitadasti; medhyeṣveva pravarttate amedhyeṣu ca nivarttata 
TBV-SD 99,10	ityupalambhāt | tadevaṃ svarūpārthebhyo vākyebhyo'rthasvarūpāvabodhe sati iṣṭe pravṛttidarśanāt aniṣṭe ca 
TBV-SD 99,11	nivṛtteriti jñāyate — svarūpārthānāṃ pramājanakatvena pravṛttau nivṛttau vā vidhisahakāritvamiti, apa- 
TBV-SD 99,12	rijñānāttu pravṛttāvatiprasaṅgaḥ | atha svarūpārthānāṃ prāmāṇye “grāvāṇaḥ plavante” ityevamādīnāmapi 
TBV-SD 99,13	yathārthatā syāt, na; mukhye bādhakopapatteḥ | yatra hi mukhye bādhakaṃ pramāṇamasti tatropacārakalpanā, 
TBV-SD 99,14	tadabhāve tu prāmāṇyameva | na ceśvarasadbhāvapratipādaneṣu kiñcidasti bādhakamiti svarūpe prāmāṇya- 
TBV-SD 99,15	mabhyupagantavyamityāgamādapi siddhaprāmāṇyāt tadavagamaḥ | īśvarasya ca sattāmātreṇa svaviṣayagrahaṇa- 
TBV-SD 99,16	pravṛttānāṃ kṣetrajñānāmadhiṣṭhāyakatā yathā sphaṭikādīnāmupadhānākāragrahaṇapravṛttānāṃ savitṛprakāśaḥ | 
TBV-SD 99,17	yathā teṣāṃ sāvitraṃ prakāśaṃ vinā nopadhānākāragrahaṇasāmarthyaṃ tatheśvaraṃ vinā kṣetravidāṃ na svaviṣaya- 
TBV-SD 99,18	grahaṇasāmarthyamityasti bhagavānīśvaraḥ sarvavit” | 
TBV-SD 99,19	itaścāsau sarvavit — jñānasya sannihitasadarthaprakāśakatvaṃ nāma svabhāvaḥ, tasyānyathābhāvaḥ 
TBV-SD 99,20	kutaściddoṣasadbhāvāt | etat tāvad rūpaṃ cakṣurādyāśrayāṇāṃ jñānānām | yat punaścakṣuranāśritaṃ 
TBV-SD 99,21	na ca rāgādimalāvṛtaṃ tasya viṣayaprakāśanasvabhāvasya viṣayeṣu kimiti prakāśanasāmarthyavighātaḥ 
TBV-SD 99,22	yathā dīpāderapavarakāntargatasya ? nanu rāgāderāvaraṇasya kathaṃ tatrābhāvo'vagataḥ tatpratipādaka- 
TBV-SD 99,23	pramāṇābhāvāt ? pramāṇasyābhāve saṃśayo'stu rāgādīnām na tvabhāvaḥ | viparyāsakāraṇā 
TBV-SD 99,24	rāgādayaḥ, eṣāṃ kāraṇābhāve kathaṃ tatra bhāvaḥ ? viparyāsaścādharmanimittaḥ, na ca bhagavatyadharmaḥ, 
TBV-SD 99,25	tatsadbhāve vā itthaṃvidhasyāsmadādibhiścintayitumapyaśakyasya kāryasya kathaṃ tasmādutpādaḥ anekā- 
TBV-SD 99,26	dṛṣṭakalpanāprasaṅgāt ? kiñca, rāgādaya iṣṭāniṣṭasādhaneṣu viṣayeṣūpajāyamānā dṛṣṭāḥ | na ca bhaga- 
TBV-SD 99,27	vataḥ kaścidiṣṭāniṣṭasādhano viṣayaḥ, avāptakāmatvāt | 
TBV-SD 99,28	yā tu pravṛttiḥ śarīrādisarge sā kaiścit krīḍārthamuktā; sā cāvāptaprayojanānāmeva bhavati 
TBV-SD 99,29	natvanyeṣām | ato yaduktaṃ vārttikakṛtā — 
TBV-SD 99,30	“krīḍā hi ratimavindatām; na ca ratyarthī bhagavān, duḥkhābhāvāt” 
TBV-SD 99,31	tat pratikṣiptam | na hi duḥkhitāḥ krīḍāsu pravarttante, tasmāt krīḍārthā pravṛttiḥ | 
TBV-SD 99,32	anye manyante — “kāruṇyād bhagavataḥ pravṛttiḥ | nanvevaṃ kevalaḥ sukharūpaḥ prāṇisargo'stu, 
TBV-SD 99,33	naivam; nirapekṣasya kartṛtve'yaṃ doṣaḥ, sāpekṣatve tu kathamekarūpaḥ sargaḥ ? yasya yathāvidhaḥ karmā- 
TBV-SD 99,34	śayaḥ puṇyarūpo'puṇyarūpo vā tasya tathāvidhaphalopabhogāya tatsādhanān śarīrādīṃstathāvidhāṃsta- 
TBV-SD 99,35	tsāpekṣaḥ sṛjati” iti | “na ceśvaratvavyāghātaḥ sāpekṣatve'pi, yathā savitṛpra- 
TBV-SD 99,36	kāśasya sphaṭikādyapekṣasya, yathā vā karaṇādhiṣṭhāyakasya kṣetrajñasya, sāpekṣatve'pi teṣu tasyeśvaratā 
TBV-SD 99,37	dvadatrāpi neśvaratāviṣaṃ ghātaḥ” iti kecit | 
TBV-SD 99,38	anye manyante — “yathā prabhuḥ sevābhedānurodhena phalabhedaprado nāprabhustatheśvaro'pi karmāśayā- 
TBV-SD 99,39	pekṣaḥ phalaṃ janayatīti ‘anīśvaraḥ’ iti na yujyate vaktum” 
TBV-SD 99,40	bhāṣyakāraḥ kāruṇyapreritasya pravṛttimāha | tannimittāyāmapi pravṛttau na vārttikakārīyaṃ 
TBV-SD 100,01	dūṣaṇam — “saṃsṛjet śubhamevaikamanukampāprayojitaḥ” 
TBV-SD 100,02	ityevamādi, yataḥ karmāśayānāṃ kuśalā'kuśalarūpāṇāṃ phalopabhogaṃ vinā na kṣaya iti bhagavāna- 
TBV-SD 100,03	vagacchaṃstadupabhogāya prāṇisargaṃ karoti | upabhogaḥ karmaphalasya śarīrādikṛtaḥ, kasyacittu aśubhasya 
TBV-SD 100,04	karmaṇaḥ prāyaścittāt prakṣayaḥ | tatrāpi svalpena duḥkhopabhogena dīrghakāladuḥkhapradaṃ karma kṣīyate, 
TBV-SD 100,05	na tu phalamadattvā karmakṣayaḥ | yeṣāmapi mataṃ samyagjñānād viparyāsanivṛttau tajjanyakleśakṣaye 
TBV-SD 100,06	karmāśayānāṃ sadbhāve'pi sahakāryabhāvānna śarīrādyākṣepakatā, tatrāpi kuśalaṃ karma samādhiṃ 
TBV-SD 100,07	vā'ntareṇa na tattvajñānotpattiḥ; tayostu saṃcaye pravṛttasya yama — niyamānuṣṭhāne'nekavidhaduḥ- 
TBV-SD 100,08	khotpattiḥ, ataḥ kathaṃ kevalasukhirūpaḥ prāṇisargaḥ ? nāraka — tiryagādisargo'pi akṛtaprāyaści- 
TBV-SD 100,09	ttānāṃ tatratyaduḥkhānubhave punarviśiṣṭasthānāvāptāvabhyudayaheturiti siddhaṃ duḥkhiprāṇisṛṣṭāvapi 
TBV-SD 100,10	karuṇayā pravarttanam | tannāsarvajñatvaṃ viśeṣaḥ | 
TBV-SD 100,11	nāpi kṛtrimajñānasaṃbandhitvam, tajjñānasya pratyarthaniyamābhāvāt | yad jñānamanityaṃ tat 
TBV-SD 100,12	śarīrādisāpekṣaṃ pratyarthaniyatam tajjñānasya tu śarīrādyabhāve kutaḥ pratyarthaniyatatā ? bhavatu 
TBV-SD 100,13	tajjñānaṃ pratiniyataviṣayam na tasya pratiniyataviṣayatve'smākaṃ pakṣakṣatiḥ | kathaṃ na kṣatiḥ ? 
TBV-SD 100,14	tasya tathāvidhatve yugapat sthāvarānutpādaprasaṅgaḥ, tadanutpāde ca kartṛtvāsiddhiḥ, tada- 
TBV-SD 100,15	siddhau kasya kṛtrimajñānasaṃbandhitāviśeṣaḥ ? atha yugapatkāryānyathānupapattyā pratyarthaniyatā- 
TBV-SD 100,16	manekāṃ buddhimīśvare pratipadyeta tatrāpi santānena vā tathābhūtā buddhayaḥ, yugapadvā bhaveyuḥ ? 
TBV-SD 100,17	prācye vikalpe punarapi yugapatkāryānutpādaprasaṅgaḥ | yugapadutpattau vā buddhīnāṃ śarīrā 
TBV-SD 100,18	diyogastasyaiṣitavyaḥ, sa ca pūrvaṃ pratikṣiptaḥ | atha kāryasya bahutva — mahattvābhyāṃ bahavo buddhimantaḥ 
TBV-SD 100,19	karttāro bhavantu, na tvekaḥ sarvajñaḥ sarvaśaktiyuktaḥ; nanvetasminnapi pakṣe īśvarānekatvaprasaṅgaḥ, 
TBV-SD 100,20	bhavatu, ko doṣaḥ ? vyāhatakāmānāṃ svatantrāṇāmekasminnarthe'pravṛttiḥ | atha tanmadhye'nyeṣāmekā- 
TBV-SD 100,21	yattatā tadā sa eveśvaraḥ, anye punastadadhīnā anīśvarāḥ | atha sthapatyādīnāṃ mahāprāsādādi- 
TBV-SD 100,22	karaṇe yathaikamatyaṃ tadvadatrāpi, naitadevam; tatra kasyacidabhiprāyeṇa niyamitānāmaikamatyam; na 
TBV-SD 100,23	tvatra bahūnāṃ niyāmakaḥ kaścidasti | sadbhāve vā sa eveśvaraḥ | evaṃ yasya yasya viśeṣasya sādhanāya 
TBV-SD 100,24	vā nirākṛtaye vā pramāṇamucyate tasya tasya pūrvoktena nyāyena nirākaraṇaṃ karttavyam | tanna 
TBV-SD 100,25	viśeṣaviruddhatā īśvarasādhakasya | 
TBV-SD 100,26	prasaṅga — viparyayayorapyanutpattiḥ | prasaṅgasya vyāptyabhāvāt, tanmūlatvāt tadviparyayasya; tathe- 
TBV-SD 100,27	ṣṭavighātakṛtaśca | yacca nityatvādakartṛkatvamucyate śākyaistadapi kṣaṇabhaṅgabhaṅge pratikṣiptam | yadapi 
TBV-SD 100,28	vyāpāraṃ vinā na kartṛtvaṃ tadapi jñāna — cikīrṣā — prayatnalakṣaṇasya vyāpārasyoktatvānnirākṛtam | 
TBV-SD 100,29	vārttikakāreṇāparaṃ pramāṇadvayamupanyastaṃ tatsiddhaye — 
TBV-SD 100,30	“mahābhūtādivyaktaṃ cetanādhiṣṭhitaṃ prāṇināṃ sukha — duḥkhanimittam, rūpādimattvāt, turyādivat | 
TBV-SD 100,31	tathā, pṛthivyādīni mahābhūtāni buddhimatkāraṇādhiṣṭhitāni svāsu dhāraṇādyāsu kriyāsu pravarttante, 
TBV-SD 100,32	anityatvāt, vāsyādivat” iti | 
TBV-SD 100,33	aviddhakarṇastu tatsiddhaye idaṃ pramāṇadvayamāha — 
TBV-SD 100,34	“dvīndriyagrāhyāgrāhyaṃ vimatyadhikaraṇabhāvāpannaṃ buddhimatkāraṇapūrvakam, svārambhakāvayavasannive- 
TBV-SD 100,35	śaviśiṣṭatvāt, ghaṭādivat; vaidharmyeṇa paramāṇavaḥ” iti | tatra dvābhyāṃ darśana — 
TBV-SD 100,36	sparśanendriyābhyāṃ grāhyaṃ mahada — nekadravyavattva — rūpādyupalabdhikāraṇopetaṃ pṛthivyudakajvalanasaṃjñakaṃ 
TBV-SD 100,37	trividhaṃ dravyaṃ dvīndriyagrāhyam | agrāhyaṃ vāyvādi, yasmād mahattvamanekadravyavattvaṃ rūpasamavāyā- 
TBV-SD 100,38	diścopalabdhikāraṇamiṣyate, tacca vāyvādau nāsti | yathoktam — 
TBV-SD 100,39	“mahatyanekadravyavattvād rūpāccopalabdhiḥ” 
TBV-SD 100,40	“rūpasaṃskārābhāvād vāyāvanupalabdhiḥ” rūpasaṃskāro rūpa- 
TBV-SD 100,41	samavāyaḥ, dvyaṇukādīnāṃ tvanupalabdhiramahattvāditi | anye tu “vāyorapi sparśanendriya- 
TBV-SD 101,01	pratyakṣagrāhyatvam” icchanti | dvīndriyagrāhyatvāpekṣayā tu rūpasamavāyābhāvādanupalabdhirityuktam | 
TBV-SD 101,02	tatra sāmānyena dvīndriyagrāhyāgrāhyasya buddhimatkāraṇapūrvakatvasādhane siddhasādhyatādoṣaḥ, ghaṭādiṣu 
TBV-SD 101,03	ubhayasiddhervivādābhāvāt; | abhyupetabādhā ca, aṇvākāśādīnāṃ tathā'nabhyupagamāt, teṣāṃ ca 
TBV-SD 101,04	nityatvāt pratyakṣādibādhā | atastadarthaṃ vimatyadhikaraṇabhāvāpannagrahaṇam | vividhā matirvimati- 
TBV-SD 101,05	rvipratipattiriti yāvat, tasyā adhikaraṇabhāvāpannaṃ vivādāspadībhūtamityarthaḥ | evaṃ ca sati 
TBV-SD 101,06	śarīrendriyabhuvanādaya evātra pakṣīkṛtā iti nāṇvādiprasaṅgaḥ | kāraṇamātrapūrvakatve'pi sādhye 
TBV-SD 101,07	siddhasādhyatā mā bhūditi buddhi matkāraṇagrahaṇam | sāṅkhyaṃ prati matubarthānupapatterna siddhasādhyatā 
TBV-SD 101,08	avyatiriktā hi buddhiḥ pradhānāt sāṅkhyairucyate, na ca tenaiva tadeva tadvad bhavati | svāra- 
TBV-SD 101,09	mbhakāṇāmavayavānāṃ sanniveśaḥ — pracayātmakaḥ saṃyogaḥ — tena viśiṣṭaṃ vyavacchinnaṃ tadbhāvastasmāt | 
TBV-SD 101,10	avayavasanniveśaviśiṣṭatvaṃ gotvādibhirvyabhicārītyataḥ svārambhakagrahaṇam | gotvādīni tu dravyāra- 
TBV-SD 101,11	mbhakāvayavasanniveśena viśiṣyante na tu svārambhakāvayavasanniveśeneti | tena yo'sau buddhimān sa 
TBV-SD 101,12	īśvara ityekam | dvitīyaṃ tu tanu — bhuvana — karaṇopādānāni cetanācetanāni cetanādhiṣṭhitāni svakā- 
TBV-SD 101,13	ryamārabhanta iti pratijānīmahe, rūpādimattvāt, yad yad rūpādimat tat tat cetanādhiṣṭhitaṃ svakā- 
TBV-SD 101,14	ryamārabhate, yathā tantvādi, rūpādimacca tanu — bhuvana — karaṇādikāraṇam, tasmāccetanādhiṣṭhitaṃ svakā- 
TBV-SD 101,15	ryamārabhate | yo'sau cetanastanu — bhuvana — karaṇopādānāderadhiṣṭhātā sa bhagavānīśvara iti | 
TBV-SD 101,16	uddyotakarastu pramāṇayati — 
TBV-SD 101,17	“bhuvanahetavaḥ pradhāna — paramāṇva — dṛṣṭāḥ svakāryotpattāvatiśayabuddhimantamadhiṣṭhātāramapekṣante; sthitvā 
TBV-SD 101,18	pravṛtteḥ, tantu — turyādivat” iti | 
TBV-SD 101,19	praśastamatistvāha — 
TBV-SD 101,20	“sargādau puruṣāṇāṃ vyavahāro'nyopadeśapūrvakaḥ, uttarakālaṃ prabuddhānāṃ pratyarthaniyatatvāt, apra- 
TBV-SD 101,21	siddhavāgvyavahārāṇāṃ kumārāṇāṃ gavādiṣu pratyarthaniyato vāgvyavahāro yathā mātrādyupadeśapūrvakaḥ” 
TBV-SD 101,22	iti | prabuddhānāṃ pratyarthaniyatatvāditi prabuddhānāṃ satāṃ pratyarthaṃ niyatatvādityarthaḥ | 
TBV-SD 101,23	yadupadeśapūrvakaśca sa sargādau vyavahāraḥ sa īśvaraḥ pralayakāle'pyaluptajñānātiśaya iti siddham | 
TBV-SD 101,24	tathā'parāṇyapi uddyotakareṇa tatsiddhaye sādhanānyupanyastāni — 
TBV-SD 101,25	“buddhimatkāraṇādhiṣṭhitaṃ mahābhūtādikaṃ vyaktaṃ sukha-duḥkhanimittaṃ bhavati, acetanatvāt, kārya- 
TBV-SD 101,26	tvāt, vināśitvāt, rūpādimattvāt, vāsyādivat” iti | 
TBV-SD 101,27	atha bhavatvasmāddhetukadambakādīśvarasya sarvajagaddhetutvasiddhiḥ sarvajñatvaṃ tu kathaṃ tasya siddham 
TBV-SD 101,28	yenāsau niḥśreyasābhyudayakāmānāṃ bhaktiviṣayatāṃ yāyāt ? jagatkartṛtvasiddhereveti brūmaḥ | tathā cāhuḥ 
TBV-SD 101,29	praśastamatiprabhṛtayaḥ — 
TBV-SD 101,30	“kartuḥ kāryopādāno — pakaraṇa — prayojana — saṃpradānaparijñānāt” iha hi yo yasya karttā 
TBV-SD 101,31	bhavati sa tasyopādānādīni jānīte, yathā kulālaḥ kuṇḍādīnāṃ karttā, tadupādānaṃ mṛtpiṇḍam, upa- 
TBV-SD 101,32	karaṇāni cakrādīni, prayojanamudakāharaṇādi, kuṭumbinaṃ ca saṃpradānaṃ jānīta ityetat siddham; tathe- 
TBV-SD 101,33	śvaraḥ sakalabhuvanānāṃ karttā, sa tadupādānāni paramāṇvādilakṣaṇāni, tadupakaraṇāni dharma — dik — 
TBV-SD 101,34	kālādīni, vyavahāropakaraṇāni samānya — viśeṣa — samavāyalakṣaṇāni, prayojanamupabhogam, saṃpradāna- 
TBV-SD 101,35	saṃjñakāṃśca puruṣān jānīta iti; ataḥ siddhamasya sarvajñatvamiti | ata eva nātraitat preraṇīyam — 
TBV-SD 101,36	sarvajñapūrvakatve kṣityādīnāṃ sādhye sādhyavikalo dṛṣṭāntaḥ, hetuśca viruddhaḥ, asarvajñakartṛpūrvakatvena 
TBV-SD 101,37	kumbhādeḥ kāryasya vyāptidarśanāt, kiñcijjñapūrvakatve sādhye'bhyupetabādhā, kāraṇamātrapūrvakatve sādhye 
TBV-SD 101,38	karmaṇā siddhasādhanamiti, yataḥ sāmānyena svakāryopādāno — pakaraṇa — saṃpradānāmijñakartṛpūrvakatvaṃ 
TBV-SD 101,39	sādhyate tatra cāstyeva vastrādidṛṣṭāntaḥ | tasya hyupādāno — pakaraṇādyabhijñakartṛpūrvakatvaṃ sakalaloka- 
TBV-SD 102,01	prasiddhaṃ kathamanyathākartuṃ śakyate apahnotuṃ vā ? na tu karmaṇā siddhasādhyatā, tasya sakalajagallakṣaṇa- 
TBV-SD 102,02	kāryopādānādyanabhijñatvāt; tadabhijñatve vā tasyaiva bhagavataḥ ‘karma’ iti nāmāntaraṃ kṛtaṃ syāt | śeṣaṃ 
TBV-SD 102,03	tvatra cintitameva | tadevaṃ sakaladoṣarahitāduktahetukalāpād jñānādyatiśayavadguṇayuktasya siddheḥ tasya 
TBV-SD 102,04	ca śāsanapraṇetṛtvaṃ nānyeṣāṃ yogināmiti ‘bhavajinānāṃ śāsanam’ iti ayuktamuktamiti sthitam 
TBV-SD 102,05	iti pūrvapakṣaḥ || 
TBV-SD 102,07	atra pratividhīyate — yat tāvaduktam — ‘sāmānyatodṛṣṭānumānasya tatra vyāpārābhyupagamāt 
TBV-SD 102,08	pratyakṣapūrvakānumānaniṣedhe siddhasādhanam’ iti, tadasaṅgatam; sāmānyatodṛṣṭānumānasyāpi tatsā- 
TBV-SD 102,09	dhakatvenāpravṛtteḥ | tathāhi — tanu — bhuvana — karaṇādikaṃ buddhimatkāraṇapūrvakam, kāryatvāt, ghaṭādivat 
TBV-SD 102,10	ityatra dharmyasiddherāśrayāsiddhastāvat kāryatvalakṣaṇo hetuḥ | 
TBV-SD 102,11	tathāhi — avayavirūpaṃ tāvat tanvādi avabhāsamānatanu na yuktam; deśādibhinnasya tanvādeḥ 
TBV-SD 102,12	sthūlasyaikasyānupapatteḥ | na hyanekadeśādigatamekaṃ bhavituṃ yuktam, viruddhadharmādhyāsasya bhedalakṣaṇatvāt — 
TBV-SD 102,13	deśādibhedasya ca viruddhadharmarūpatvāt | tathāpyabhede sarvatra bhinnatvenābhyupagate ghaṭa — paṭādāvapi 
TBV-SD 102,14	bhedoparatiprasaṅgāt; nahi bhinnatvenābhyupagate tatrāpyanyad bhedanibandhanamutpaśyāmaḥ | pratibhāsabhedāt 
TBV-SD 102,15	tatra bheda iti cet, na; viruddhadharmādhyāsaṃ bhedakamantareṇa pratibhāsasyāpi bhedānupapatteḥ | 
TBV-SD 102,16	atha ‘avayavī eko na bhavati, viruddhadharmādhyāsitatvāt’ ityetat kiṃ svatantrasādhanam, 
TBV-SD 102,17	uta prasaṅgasādhanamiti ? na tāvat svatantrasādhanaṃ yuktam, avayavinaḥ pramāṇāsiddhatvena hetorāśra- 
TBV-SD 102,18	yāsiddhatvadoṣāt; pramāṇasiddhatve vā tatpratipādakapramāṇabādhitapakṣanirdeśānantaraprayuktatvena tasya 
TBV-SD 102,19	kālātyayāpadiṣṭatvadoṣaduṣṭatvāt | na ca parasyāvayavī siddha iti nāśrayāsiddhatvadoṣa iti vaktuṃ 
TBV-SD 102,20	yuktam, yataḥ parasya kiṃ pramāṇato'sau siddhaḥ, utāpramāṇataḥ ? pramāṇataścet tarhi bhavato'pi kiṃ 
TBV-SD 102,21	na siddhaḥ pramāṇasiddhasya sarvān pratyaviśeṣāt ? tathā ca tadeva kālātyayāpadiṣṭatvaṃ hetoḥ | athā'- 
TBV-SD 102,22	pramāṇatastadā na parasyāpi siddha iti punarapyāśrayāsiddhatvam | tanna prathamaḥ pakṣaḥ | nā'pi dvitīyaḥ, 
TBV-SD 102,23	yataḥ vyāpyābhyupagamo yatra vyāpakābhyupagamanāntarīyakaḥ pradarśyate tat prasaṅgasādhanam | na ca 
TBV-SD 102,24	parasya bheda — viruddhadharmādhyāsayorvyāpyavyāpakabhāvaḥ siddhaḥ, deśādibhedalakṣaṇaviruddhadharmādhyāsābhāve'pi 
TBV-SD 102,25	rūpa — rasayorbhedābhyupagamāt | tadbhāve'pi sāmānyādāvabhedasya pramāṇasiddhatvāditi na vaktavyam | 
TBV-SD 102,26	yataḥ prathamaḥ pakṣastāvad anabhyupagamādeva nirastaḥ | prasaṅgasādhanapakṣe tu yad dūṣaṇamabhihitam — 
TBV-SD 102,27	‘deśabhedalakṣaṇaviruddhadharmādhyāsābhāve'pi rūpa — rasayorbhedaḥ’ iti, tad vyāpyavyāpakabhāvāparijñānaṃ 
TBV-SD 102,28	sūcayati na punarvyāpyavyāpakabhāvābhāvam, yato deśabhede sati yadyabhedaḥ kvacit siddhaḥ syāt tadā 
TBV-SD 102,29	vyāpakābhāve'pi viruddhadharmādhyāsasya bhāvānna tasya tena vyāptiḥ syāt; yadā tu deśābhede'pi rūpa — 
TBV-SD 102,30	rasayorbhedastadā deśabhedo bhedavyāpako na syāt | na punaretāvatā bhedo viruddhadharmādhyāsavyāpako 
TBV-SD 102,31	na syāt | yadi hi bhedavyāvṛttāvapi deśādibhedo na vyāvartteta tadā vyāpakavyāvṛttāvapi vyāpya- 
TBV-SD 102,32	syāvyāvṛtterna bhedena deśādiviruddhadharmādhyāso vyāpyeta; na caitat kvacidapi siddham | yat tu 
TBV-SD 102,33	‘sāmānyādāvabhedasya pramāṇataḥ siddherbhedavyāvṛttāvapi na deśādibhedalakṣaṇasya viruddhadharmādhyāsasya 
TBV-SD 102,34	nivṛttiḥ’ iti, tadayuktam; sāmānyādeḥ pramāṇato'bhinnarūpasyāsiddheḥ | uktaṃ ca — 
TBV-SD 102,35	“yadi viruddhadharmādhyāsaḥ padārthānāṃ bhedako na syāt tadā'nyasya tadbhedakasyābhāvād viśvamekaṃ 
TBV-SD 102,36	syāt” pratibhāsabhedasyāpi tamantareṇa bhedavyavasthāpakasyābhāvāditi vyāpyavyāpaka- 
TBV-SD 102,37	bhāvasiddheḥ kathaṃ na prasaṅgasādhanasyātrāvakāśaḥ ? 
TBV-SD 102,38	athaikatvapratibhāsād deśādibhede'pi tanvāderekatā, na; deśabhedena vyavasthitānāmavayavānāṃ 
TBV-SD 102,39	pratibhāsabhedena bhedāt; na hyekarūpā bhāgā bhāsante, piṇḍasyāṇumātratā''patteḥ; tadvyatiriktasya 
TBV-SD 102,40	cāparasya tanvādyavayavino dravyasyopalabdhilakṣaṇaprāptasyānupalambhenāsattvāt | na ca tasyopalabdhi- 
TBV-SD 102,41	lakṣaṇaprāptatā parairnābhyupagamyate | 
TBV-SD 103,01	
TBV-SD 103,02		“mahatyanekadravyavattvāt rūpāccopalabdhiḥ”
TBV-SD 103,03	iti vacanāt | tat siddhamanupalabdheḥ ‘upalabdhilakṣaṇaprāptasya’ iti viśeṣaṇam | na ca madhyo — rddhvādi- 
TBV-SD 103,04	bhāgavyatiriktavapurbahirgrāhyākāratāṃ bibhrāṇastanvādirdravyātmā darśane cakāstītyanupalabdhirapi 
TBV-SD 103,05	siddhā | na ca samānadeśatvādavayavino'vayavebhyaḥ pṛthaganupalakṣaṇamiti vaktuṃ śakyam, samānade- 
TBV-SD 103,06	śatvāditi vikalpānupapatteḥ | tathāhi — samānadeśatvamavayavā'vayavinoḥ kiṃ pāribhāṣikam, 
TBV-SD 103,07	laukikaṃ vā ? yadi pāribhāṣikam, tadanuddhoṣyam; paribhāṣāyā atrānadhikārāt | na ca tat tatra 
TBV-SD 103,08	bhavadabhiprāyeṇa siddham | tathāhi — anya eva pāṇyādaya ārambhakā deśāstanvādyavayavino bhavadbhiḥ 
TBV-SD 103,09	paribhāṣyante, anye ca pāṇyādīnāṃ tadavayavānāmārambhakā deśāḥ, ārabhyārambhakavādaniṣedhāt | 
TBV-SD 103,10	tanna pāribhāṣikaṃ samānadeśatvam | nāpi laukikam, ākāśasya lokaprasiddhasya samānadeśasyāsmān 
TBV-SD 103,11	prati asiddhatvāt | prakāśādirūpasya ca deśasya tatsiddhasya samānatve'pi bhinnānāṃ vātā''tapā- 
TBV-SD 103,12	dīnāṃ bhedenopalabdheḥ | tathāhi — samānadeśā api bhāvā vātā''tapādayo bhinnatanavaḥ pṛthak prathante; 
TBV-SD 103,13	na caivamavayavinirbhāsaḥ | tannāvayavī tanvādirbhinno'sti | 
TBV-SD 103,14	atha mandamandaprakāśe avayavapratibhāsamantareṇāpyavayavini pratibhāsa upalabhyate tat kathaṃ 
TBV-SD 103,15	pratibhāsābhāvāt tasyābhāvaḥ ? asadetat; nahi tathābhūto'spaṣṭapratibhāso'vayavisvarūpavyava- 
TBV-SD 103,16	sthāpako yuktaḥ, tatpratibhāsasyāspaṣṭarūpasya spaṣṭajñānāvabhāsitatsvarūpeṇa virodhāt | atha svarūpa- 
TBV-SD 103,17	dvayametadavayavinaḥ — spaṣṭam aspaṣṭaṃ ca | tatrāspaṣṭaṃ mandālokajñānaviṣayaḥ; spaṣṭaṃ tu sālokajñānabhūmiḥ | 
TBV-SD 103,18	nanvetat svarūpadvayaṃ kenāvayavino gṛhyate ? na tāvad mandālokajñānena, tatra sālokajñānaviṣaya- 
TBV-SD 103,19	spaṣṭarūpānavabhāsanāt; aspaṣṭatatsvarūpapratibhāsaṃ hi tadanubhūyate | nāpi sālokajñānena spaṣṭatat- 
TBV-SD 103,20	svarūpāvabhāsinā, tatra mandālokajñānāvabhāsitatsvarūpānavabhāsanāt; nahi parisphuṭapratibhāsa- 
TBV-SD 103,21	velāyāmaviśadarūpākāro'vayavyarthaḥ pratibhāti tat kathamasāvavayavinaḥ svarūpam ? atha ‘mandālo- 
TBV-SD 103,22	kadṛṣṭamavayavinaḥ svarūpaṃ parisphuṭamidānīṃ paśyāmi’ iti tayorekatā; nanu kimaparisphuṭarūpatayā 
TBV-SD 103,23	parisphuṭaṃ rūpamavagamyate, āhosvit parisphuṭatayā'parisphuṭam ? tatra yadyādyaḥ pakṣaḥ, tadā'parisphuṭa- 
TBV-SD 103,24	rūpasaṃbandhitvamevāvayavinaḥ prāpnoti, parisphuṭasya rūpasyāsphuṭarūpatā'nupraveśena pratibhāsanāt | 
TBV-SD 103,25	atha dvitīyaḥ pakṣaḥ, tathāsati spaṣṭasvarūpasaṃbandhitvameva, aspaṣṭasya viśadasvarūpānupraviṣṭatvena 
TBV-SD 103,26	pratibhāsanāt | tanna svarūpadvayāvagamo'vayavinaḥ | ekatvapratibhāsanaṃ tu pratibhāsarahitamabhimānamātraṃ 
TBV-SD 103,27	spaṣṭāspaṣṭarūpayoḥ; anyathā sālokajñānavad mandālokajñānamapi parisphuṭapratibhāsaṃ syāt | athā''- 
TBV-SD 103,28	lokabhāvābhāvakṛtastatra spaṣṭāspaṣṭapratibhāsabhedaḥ; nanvālokenāpyavayavisvarūpamevodbhāsanīyam, 
TBV-SD 103,29	tacced avikalaṃ mandāloke pratibhāti kathaṃ na tatra tadavabhāsakṛtaḥ spaṣṭāvabhāsaḥ ? anyathā viṣayā, 
TBV-SD 103,30	vabhāsavyatirekeṇāpi jñānapratibhāsabhede na jñānāvabhāsabhedo rūpa — rasayorapi bhedavyavasthāpakaḥ 
TBV-SD 103,31	syāt | athāvayavisvarūpamekamevobhayatra pratīyate, vyaktā'vyaktākārau tu jñānasyātmānāvityucyeta- 
TBV-SD 103,32	tadapyasat; yato yadi jñānākārau tau kathamavayavirūpatayā pratibhātaḥ ? tadrūpatayā ca pratibhāsanā- 
TBV-SD 103,33	davayavyākārau tāvabhyupagantavyau | nahi vyaktarūpatām avyaktarūpatāṃ ca mutavā avayavisvarūpamapara- 
TBV-SD 103,34	mābhāti | tat tasyānavabhāsādabhāva eva | vyaktā'vyaktaikātmanaścāvayavino vyaktā'vyaktākāravad 
TBV-SD 103,35	bhedaḥ | nahi pratibhāsabhede'pyekatā, atiprasaṅgāt | tanna aspaṣṭapratibhāsamandhakāre'vayavino rūpama- 
TBV-SD 103,36	vayavāpratibhāse'pi pratibhātīti vaktuṃ yuktam, uktadoṣaprasaṅgāt | 
TBV-SD 103,37	kiṃca, kiṃ katipayāvayavapratibhāse sati avayavī pratibhātītyabhyupagamyate, āhosvit sama- 
TBV-SD 103,38	stāvayavapratibhāse ? yadyādyaḥ pakṣaḥ, sa na yuktaḥ; jalamagnamahākāyastambhāderuparitanakatipayāvayava- 
TBV-SD 103,39	pratibhāse'pi samastāvayavavyāpinaḥ stambhādyavayavino'pratibhāsanāt | atha dvitīyaḥ pakṣaḥ, so'pi 
TBV-SD 103,40	na yuktaḥ; madhya — parabhāgavarttisamastāvayavapratibhāsāsaṃbhavenāvayavino'pratibhāsaprasaṅgāt | atha 
TBV-SD 103,41	bhūyo'vayavagrahaṇe sati avayavī gṛhyata ityabhyupagamaḥ, so'pi na yuktaḥ; yato'rvāgbhāgabhāvyavayava- 
TBV-SD 103,42	grāhiṇā pratyakṣeṇa parabhāgabhāvyavayavāgrahaṇād na tena tadvyāptiravayavino grahītuṃ śakyā; vyāpyāgrahaṇe 
TBV-SD 103,43	tena tadvyāpakatvasyāpi grahītumaśakteḥ; grahaṇe vā'tiprasaṅgaḥ | tathāhi — yad yena rūpeṇa avabhāti 
TBV-SD 104,01	tat tenaiva rūpeṇa saditi vyavahāraviṣayaḥ — yathā nīlaṃ nīlarūpatayā pratibhāsamānaṃ tenaiva rūpeṇa 
TBV-SD 104,02	tadviṣayaḥ, arvāgbhāgabhāvyavayavasaṃbandhitayā cā'vayavī pratibhātīti svabhāvahetuḥ | na ca parabhāga- 
TBV-SD 104,03	bhāvivyavahitāvayavā'pratibhāsane'pyavyavahito'vayavī pratibhātīti vaktuṃ śakyam, tadapratibhāsane 
TBV-SD 104,04	tadgatatvenāpratibhāsanāt | yasmiṃśca pratibhāsamāne yad rūpaṃ na pratibhāti, tat tato bhinnam — yathā 
TBV-SD 104,05	ghaṭe pratibhāsamāne'pratibhāsamānaṃ paṭasvarūpam | na pratibhāti ca arvāgbhāgabhāvyavayavasaṃbandhyavaya- 
TBV-SD 104,06	visvarūpe pratibhāsamāne parabhāgabhāvyavayavasaṃbandhyavayavisvarūpam iti kathaṃ na tat tato bhinnam ? 
TBV-SD 104,07	tathā'pyabhede'tiprasaṅgaḥ pratipāditaḥ | nāpi parabhāgabhāvyavayavā'vayavigrāhiṇā pratyakṣeṇa arvā- 
TBV-SD 104,08	gbhāgabhāvyavayavasaṃbandhitvaṃ tasya gṛhyate, tatra tadavayavānāṃ pratibhāsāt tatsaṃbandhyevāvayavisvarūpaṃ 
TBV-SD 104,09	pratibhāseta nārvāgbhāgabhāvyavayavasaṃbandhi; teṣāṃ tatrāpratibhāsanāt | tadapratibhāsane ca tatsaṃba- 
TBV-SD 104,10	ndhirūpasyāpyapratibhāsanāt, vyāpyāpratipattau tadvyāpakatvasyāpyapratipatteḥ | nāpi smaraṇena arvāk — 
TBV-SD 104,11	parabhāgabhāvyavayavasaṃbandhyavayavisvarūpagrahaḥ, pratyakṣānusāreṇa smaraṇasya pravṛttyupapatteḥ; pratyakṣasya ca 
TBV-SD 104,12	tadgāhakatvaniṣedhāt | nāpyātmā arvāk — parabhāgāvayavavyāpitvamavayavino grahītuṃ samarthaḥ — sattā- 
TBV-SD 104,13	mātreṇa tasya tadgāhakatvānupapatteḥ; anyathā svāpa — mada — mūrcchādyavasthāsvapi tatpratipattiprasaṅgāt — 
TBV-SD 104,14	kintu darśanasahāyaḥ; tacca darśanaṃ na avayavino'vayavavyāptigrāhakaṃ pratyakṣādikaṃ saṃbhavatīti pratipā- 
TBV-SD 104,15	ditam | athārvāgbhāgadarśane satyuttarakālaṃ parabhāgadarśane'nantarasmaraṇasahakārīndriyajanitaṃ ‘sa 
TBV-SD 104,16	evāyam’ iti pratyabhijñānamadhyakṣamavayavinaḥ pūrvāparāvayavavyāptigrāhakam, tadayuktam; pratyabhijñā- 
TBV-SD 104,17	jñānasyaitadviṣayasya pratyakṣatvānupapatteḥ | akṣānusāri hi pratyakṣam, na cākṣāṇāmarvāk — parabhāgabhāvya- 
TBV-SD 104,18	vayavagrahaṇe vyāpāraḥ saṃbhavati, vyavahite teṣāṃ vyāpārāsaṃbhavāt; saṃbhave vā'tivyavahite'pi meru- 
TBV-SD 104,19	pṛṣṭhādau vyāpāraḥ syāt | tanna tadanusāriṇo'dhyakṣarūpasya pratyabhijñājñānasya tatra vyāpāraḥ | na ca 
TBV-SD 104,20	smaraṇasahāyasyāpīndriyasyāviṣaye vyāpāraḥ saṃbhavati, yad yasyā'viṣayaḥ na tat tatra smaraṇasahāya- 
TBV-SD 104,21	mapi pravarttate — yathā parimalasmaraṇasahāyamapi locanaṃ gandhādau, aviṣayaśca vyavahito'kṣāṇāṃ para- 
TBV-SD 104,22	bhāgabhāvyavayavasaṃbandhitvalakṣaṇo'vayavinaḥ svabhāva iti nākṣajasya pratyabhijñājñānasyāvayavisvarūpa- 
TBV-SD 104,23	grāhakatvam | na ca ‘sa evāyam’ iti pratītirekā, ‘saḥ’ iti smṛteḥ rūpam, ‘ayam’ iti tu dṛśaḥ 
TBV-SD 104,24	svarūpam | tat parokṣā'parokṣākāratvād naikasvabhāvāvetau pratyayau | atha ‘sa evāyam’ ityekādhi- 
TBV-SD 104,25	karaṇatayā etau pratibhāta iti ekaṃ pratyabhijñājñānam, na; ākārabhede sati darśana — smaraṇayoriva 
TBV-SD 104,26	sāmānādhikaraṇyādhyavasāye'pyekatvānupapatteḥ | anyatrāpyākārabheda eva bhedaḥ, sa cātrāpi vidyata 
TBV-SD 104,27	iti kathamekatvam ? kiñca, ‘saḥ’ ityākāraḥ ‘ayam’ ityākārānupraveśena pratibhāti, āhosvid 
TBV-SD 104,28	ananupraveśeneti ? yadi anupraveśena, ‘saḥ’ ityākārasya ‘ayam’ ityākāre anupraviṣṭatvādabhāva iti 
TBV-SD 104,29	‘ayam’ ityākāra eva kevalaḥ prāpta iti kutaḥ ‘so'yam’ ityekā pratyabhijñā ? atha ‘ayam’ ityākāraḥ 
TBV-SD 104,30	‘saḥ’ ityetasminnanupraviṣṭastadā ‘saḥ’ ityeva prāpto na ‘ayam’ ityapi iti kathamekā pratyabhijñā ? 
TBV-SD 104,31	atha ‘sa eva’ ‘ayam’ ityākārau parasparānanupraviṣṭau pratibhātastathāpi bhinnākārau bhinnaviṣayau ca dvau 
TBV-SD 104,32	pratyayāviti kathamekārthā ekā pratyabhijñā pratibhāsabhedasya viṣayabhedavyavasthāpakatvāt ? na ca prati- 
TBV-SD 104,33	bhāsabhede'pi viṣayābhedaḥ, pratibhāsābhedavyatirekeṇa viṣayābhedavyavasthāyāṃ pramāṇaṃ vinā prameyābhyu- 
TBV-SD 104,34	pagamaḥ syāt; tathā ca sarvaṃ sarvasya sidhyet | tanna pratyabhijñāto'pyavayavyekatvagrahaḥ | anumānasya ca 
TBV-SD 104,35	avayavisvarūpagrāhakasya pratyakṣaniṣeghe tatpūrvakasya niṣedhaḥ kṛta eva | sāmānyatodṛṣṭasya cāvayaviprati- 
TBV-SD 104,36	ṣedhaprastāve niṣedho vidhāsyata ityāstāṃ tāvat | 
TBV-SD 104,37	atha ‘eko ghaṭaḥ’ iti dravyapratītirasti tadavayavavyatirekiṇī tat kathamabhāvo'vayavinaḥ ? na; 
TBV-SD 104,38	ghaṭāvasāye'pi tadavayavādhyavasāyaḥ nāmollekhaścādhyavasīyate nāvayavi dravyam, varṇākṛtyakṣarākāra- 
TBV-SD 104,39	śūnyasya tadrūpasya kenacidapyananubhavāt | varṇākṛtyakṣarākāraśūnyaṃ cāvayavisvarūpamabhyupagamyate | na ca 
TBV-SD 104,40	tena rūpeṇa kalpanājñāne'pi tat pratibhāti, na cānyākāraḥ pratibhāso'nyākārasya vastusvarūpasya 
TBV-SD 104,41	vyavasthāpaka; anyathā nīlapratibhāsaḥ pītasya vyavasthāpakaḥ syāditi na vastuvyavasthā syāt | 
TBV-SD 105,01	tasmād na kalpanollikhyamānavapurapyavayavī bahirasti, kevalamanādirayamekavyavahāro mithyārthaḥ | na 
TBV-SD 105,02	ca vyavahāramātrād bahirekaṃ vastu sidhyati, ‘nīlādīnāṃ svabhāvaḥ’ ityatrāpi vyavahārābhedādekatā- 
TBV-SD 105,03	prāpteḥ svabhāvasya | atha tatra pratinīlādisvabhāvaṃ darśanabhedādekatvaṃ bādhyate, ihāpi tarhi bahīrūpa- 
TBV-SD 105,04	syorddhvā'dho — madhyādinirbhāsasya bhedādekatā tanvādīnāṃ pratidalatu | tannāvayavirūpo bāhyo'rtho'sti | 
TBV-SD 105,05	athāvayavino'bhāve tadavayavānāmapi pāṇyādīnāṃ digbhedādiviruddhadharmādhyāsād bhedaḥ, tada- 
TBV-SD 105,06	vayavānāmapyaṅgulyādīnāṃ tata eva bhedāt tāvad bhedo yāvat paramāṇavaḥ, teṣāṃ ca sthūlapratibhāsa- 
TBV-SD 105,07	viṣayatvānupapattiḥ | sthūlatanuśca bahirnīlādirūpaḥ pratibhāsaḥ sphuṭamudbhāti | na ca sthūlarūpaṃ pratyekaṃ 
TBV-SD 105,08	paramāṇuṣu saṃbhavati, tathātve paramāṇutvāyogāt | nāpi samuditeṣu sthūlarūpasaṃbhavaḥ, samuditāva- 
TBV-SD 105,09	sthāyāmapyaṇūnāṃ svarūpeṇa sūkṣmatvāt | na ca tadvyatiriktaḥ samudāyo'sti, tathātve dravyavādaprasa- 
TBV-SD 105,10	ṅgāt; tatra cokto doṣaḥ | tanna sthūlatā paramāṇuṣu kathañcidapi saṃbhavati | na cānyādṛg nirbhāso'- 
TBV-SD 105,11	nyādṛkṣasyārthasya prakāśakaḥ, nīladarśanasyāpi pītavyavasthāpakatvāpatteḥ; tathā ca niyataviṣayavyava- 
TBV-SD 105,12	sthocchedaḥ | kiñca, paramāṇorapi nānādiksaṃbandhādekatā nopapannaiva | tathā cāha — 
TBV-SD 105,13		“ṣaṭkena yugapadyogāt paramāṇoḥ ṣaḍaṃśatā” iti | 
TBV-SD 105,14	punastadaṃśānāmapi nānādiksaṃbandhāt sāṃśatā''pattiḥ, tathā cānavasthā | tasmānna paramāṇūnāmapi 
TBV-SD 105,15	sattvam ityavayavyagrahaṇe sarvāgrahaṇaprasaṅga iti pratibhāsābhāvāpatterna prasaṅgasādhanasyāvakāśaḥ | 
TBV-SD 105,16	asadetat | 
TBV-SD 105,17	avayavyabhāve'pi nirantarotpannānāṃ ghaṭādyākāreṇa paramāṇūnāṃ sadbhāvāt tadgrāhakāṇāmapi 
TBV-SD 105,18	jñānaparamāṇūnāṃ tathotpannānāṃ tadgrāhakatvād na bahirarthābhāvaḥ, nāpi tatpratibhāsābhāva iti kathaṃ 
TBV-SD 105,19	prasaṅgasādhanasya nāvakāśaḥ sthūlaikarūpāvayavyabhāve'pi ? yadi cāvayavino'bhāve paramāṇūnāmapya- 
TBV-SD 105,20	bhāvaprasakteḥ pratibhāsābhāvena prasaṅgasādhanānavakāśaḥ pratipādyeta tadā sutarāṃ paramāṇurūpasya 
TBV-SD 105,21	jñānarūpasya cārthasyābhāve kāryatvādilakṣaṇasya hetorāśrayāsiddhatādoṣaḥ | 
TBV-SD 105,22	bāhyārthanayena cāsmābhirāśrayāsiddhatādoṣāt kāryatvalakṣaṇāddhetorneśvarasiddhiriti pratipāda- 
TBV-SD 105,23	yitumabhipretam, yadi punarvijñāna — śūnyavādānukūlaṃ bhavatā'pyanuṣṭhīyate tadā sādhya — dṛṣṭāntadharmi- 
TBV-SD 105,24	sādhya — sādhanadharmādīnāmanumityaṅgabhūtānāṃ sarveṣāmapyasiddheḥ kuta upanyastaprayogādīśvarasiddhiḥ ? 
TBV-SD 105,25	tadevaṃ tanvādilakṣaṇasya kāryatvādihetvāśrayasyāvayavino'siddherāśrayāsiddho hetuḥ | 
TBV-SD 105,26	tathā, ‘buddhimatkāraṇam’ iti sādhyanirdeśe ‘buddhimat’ iti matubarthasya sādhyadharmaviśeṣaṇa- 
TBV-SD 105,27	syānupapattiḥ, tajjñānasya tato vyatireke akāryatve ca ‘tasya’ iti saṃbandhānupapatteḥ | tadguṇatvāt 
TBV-SD 105,28	tat tasyeti cet, na; akāryatve vyatireke ca ‘tasyaiva tadguṇo nākāśādeḥ’ iti vyavasthāpayitu- 
TBV-SD 105,29	maśakteḥ | samavāyo vyavasthākārīti cet, na; tasyāpi tābhyāmarthāntaratve sa eva doṣaḥ — vyatireke 
TBV-SD 105,30	samavāyasyāpi sarvatrāviśeṣānna tato'pi tadvyavasthā | atheśvarātmakāryatvād īśvarātmaguṇastajjñā- 
TBV-SD 105,31	nam, kuta etat ? tasmin sati bhāvāditi cet, ākāśādāvapi sati tasya bhāvāt tatkāryatā kiṃ 
TBV-SD 105,32	na syāt ? atha tadabhāve'bhāvāt tatkāryatvam, tanna; nitya — vyāpitvābhyāṃ tasya tadayogāt | tadātma- 
TBV-SD 105,33	nyutkalitasya tasya darśanāt tatkāryateti, kimidaṃ tasya tatrotkalitatvam ? tatra samavetatvaṃ tasyeti 
TBV-SD 105,34	cet, nanvidameva pṛṣṭaṃ kimidaṃ samavetatvaṃ nāma ? tatra samavāyena varttanamiti cet, nanu kiṃ vyāptyā 
TBV-SD 105,35	samavāyena tatra varttanam, āhosvidavyāptyā ? yadi vyāptyā tadā'smadādijñānavailakṣaṇyaṃ yathā tajjñā- 
TBV-SD 105,36	nasyādṛṣṭasyāpi kalpyate tathā'kṛṣṭotpattiṣu vane vanaspatyādiṣu ghaṭādau karma — kartṛ — karaṇanirvartyaṃ 
TBV-SD 105,37	kāryatvamupalabdhamapi cetanakartṛrahitamapi bhaviṣyatīti kāryatvalakṣaṇo heturbuddhimatkāraṇapūrvakatve 
TBV-SD 105,38	sādhye sthāvarairvyabhicārīti lābhamicchato mūlakṣatirāyāteti | atha avyāptyā tat tatra vartate 
TBV-SD 105,39	tadā deśāntaroptattimatsu tanvādiṣu tasyā'sannidhāne'pi yathā vyāpārastathā'dṛṣṭasyāpyagnyādi- 
TBV-SD 105,40	deśeṣvasannihitasyāpi ūrdhvajvalanādiviṣayo vyāpāro bhaviṣyatīti | 
TBV-SD 105,41	“agnerūrdhvajvalanam, vāyostiryakpavanam, aṇu — manasoścādyaṃ karmā'dṛṣṭakāritam” 
TBV-SD 105,42	
TBV-SD 106,01	ityanena sūtreṇa sarvagatātmasādhakahetusūcanaṃ yat kṛtaṃ tadasaṅgataṃ syāt, jñānādiviśeṣaguṇavadadṛṣṭa- 
TBV-SD 106,02	guṇasya tatrāsannihitasyāpyagnyādyūrddhvajvalanādikāryeṣu vyāpārasaṃbhavāt | na ca sāmānyaguṇa — 
TBV-SD 106,03	viśeṣaguṇatvalakṣaṇo'pi viśeṣo guṇa — guṇinorbhede saṃbhavati | kiṃca, samavāyasya sarvatrāviśeṣe 
TBV-SD 106,04	‘tatraiva tena varttanaṃ nānyatra’ iti kuto'yaṃ vibhāgaḥ ? atha tatrā''dheyatvaṃ samavetatvaṃ tadā ātmavad 
TBV-SD 106,05	gaganāderapi sarvagatatve ‘tadātmanyeva tadādheyatvaṃ nānyatra’ iti durlabho'yaṃ vibhāgaḥ | tatastajjñānasya 
TBV-SD 106,06	tadātmano vyatireke ‘tasyaiva tajjñānam’ iti saṃbandhānupapattiḥ | 
TBV-SD 106,07	atha tatastajjñānasya bhede'pi saṃbandhasya samavāyarūpasya bhāvānnāyaṃ doṣaḥ’ asadetat; sama- 
TBV-SD 106,08	vāyasyānupapatteḥ | 
TBV-SD 106,10	tathāhi — kiṃ satāṃ samavāyaḥ, āhosvid asatāmiti ? tatra yadi asatāmiti pakṣaḥ, sa na 
TBV-SD 106,11	yuktaḥ; śaśaviṣāṇa — vyomotpalādīnāmapi tatprasaṅgāt | athātyantāsattvāt teṣāṃ na tatprasaṅgaḥ, nanu 
TBV-SD 106,12	tadātma — tajjñānayoratyantāsattvābhāvaḥ kutaḥ ? tatsamavāyāditi cet, itaretarāśrayatvam — siddhe 
TBV-SD 106,13	tatsamavāye tayoratyantāsattvābhāvaḥ, tadabhāvācca tatsamavāya iti vyaktamitaretarāśrayatvam | atha 
TBV-SD 106,14	satāṃ samavāyaḥ, nanu teṣāṃ samavāyāt prāk kutaḥ sattvam ? yadi aparasamavāyāt, tadasat; tasyai- 
TBV-SD 106,15	katvābhyupagamāt | anekatve'pi yadi aparasamavāyāt prāk teṣāṃ sattvam, samavāyādapi 
TBV-SD 106,16	prāgaparasamavāyāt teṣāṃ sattvamabhyupagantavyamityanavasthā | atha samavāyāt prāk teṣāṃ svata eva 
TBV-SD 106,17	sattvamiti nānavasthā tarhi samavāyavyatirekeṇāpi sattvābhyupagame vyarthaṃ samavāyaparikalpanamiti 
TBV-SD 106,18	‘sattāsaṃbandhāt padārthānāṃ sattā’ ityucyamānaṃ na śobhāmāvahati | 
TBV-SD 106,19	atha samavāyāt prāk padārthānāṃ na sattvam nāpyasattvam sattāsamavāyaḥ sattvam, asade- 
TBV-SD 106,20	tat; yato yadi tatsamavāyāt prāk padārthā yogijñānamapi na janayanti tadā kathaṃ teṣāṃ nāsattvam ? 
TBV-SD 106,21	atha tad janayanti tadā kathaṃ teṣāṃ na sattvam ? kiṃca, anyo'nyavyavacchedarūpāṇāmekaniṣedhasyāpara- 
TBV-SD 106,22	sadbhāvanāntarīyakatvāt kathamasattvaniṣedhe na sattvavidhānam ? tadvidhāne vā kathaṃ nāsattvaniṣedhaḥ ? 
TBV-SD 106,23	ityayuktamuktamuddyotakareṇa — “gotvasaṃbandhāt prāg na gauḥ, nāpyagauḥ, gotvayogād gauḥ” 
TBV-SD 106,24	 iti | api ca, samavāyād yadi padārthānāṃ sattvam samavāyasya kutaḥ sattvamiti 
TBV-SD 106,25	vaktavyam | yadi aparasamavāyāt, anavasthā | atha svata eva samavāyasya sattvam, padārthānāmapi 
TBV-SD 106,26	tat svata evāstu, punarapi vyarthaṃ sattāsamavāyakalpanam | atha yadi nāma samavāyasya svataḥ sattvamiti 
TBV-SD 106,27	rūpam kathamanyapadārthānāmapi tadeva rūpamiti sacetasā vaktuṃ yuktam ? nahi lavaṇasya svato lavaṇatve 
TBV-SD 106,28	sūpāderapi tadvyatirekeṇa tad bhavati, asadetat; yato'dhyakṣataḥ siddhe padārthasvabhāve yujyetaitad 
TBV-SD 106,29	vaktum; na ca samavāyādeḥ svarūpataḥ sattvam anyapadārthānāṃ tu tatsadbhāvāt sattvamityadhyakṣāt siddham | 
TBV-SD 106,30	api ca, ayaṃ samavāyaḥ kiṃ samavāyinoḥ parikalpyate, utāsamavāyinoriti vikalpadvayam | 
TBV-SD 106,31	tatra yadyasamavāyinoriti pakṣaḥ, sa na yuktaḥ; ghaṭa — paṭayoratyantabhinnayostatprasaṅgāt | na cāsamavā- 
TBV-SD 106,32	yinorbhinnasamavāyena samavāyitvaṃ tadabhinnaṃ vidhātuṃ śakyam, viruddhadharmādhyāsena tābhyāṃ tasya bheda- 
TBV-SD 106,33	prasaṅgāt | nāpi bhinnam, tatkaraṇe tayoḥ tatsaṃbandhitvānupapatteḥ; bhinnasyopakāramantareṇa tadayo- 
TBV-SD 106,34	gāt | upakāre'pi tadbhinnasamavāyitvakaraṇe punarapi tayorasamavāyitvam; anyānyopakārakaraṇe 
TBV-SD 106,35	tvanavasthā | svata eva tu samavāyinoḥ kiṃ samavāyena taddhetunā parikalpitena ? atha samavāyena 
TBV-SD 106,36	tayostadvyavahāraḥ kriyate, nanu yadi samavāyinoḥ svarūpaṃ pratyakṣādipramāṇagocarastadā tata eva tadvya- 
TBV-SD 106,37	vahārasyāpi siddhervyarthameva tadarthaṃ tatparikalpanam | 
TBV-SD 106,38	atha pratyakṣapramāṇasiddhatvāt samavāyasya evaṃ vikalpanamayuktam, tadasat; yadi hi tatsiddhatvaṃ 
TBV-SD 107,01	tasya syāt tadā yuktametat, na ca pratyakṣapramāṇe tatsvarūpāvabhāsaḥ — nahi tadātmā, jñānam tatsama- 
TBV-SD 107,02	vāyaśceti tritayamindriyajādhyakṣagocaraḥ, nāpi svasaṃvedanādhyakṣaviṣayaḥ, tasya bhavatā'nabhyupagamāt | 
TBV-SD 107,03	nāpyekārthasamavetānantaramano'dhyakṣaviṣayaḥ, tasya prāgeva niṣiddhatvāt | na ca bāhyeṣvapi ghaṭa — rūpā- 
TBV-SD 107,04	diṣvartheṣu ‘ayaṃ ghaṭaḥ, ete ca tatsamavetā rūpādayaḥ, ayaṃ ca tadantarālavarttī bhinnaḥ samavāyaḥ’ iti 
TBV-SD 107,05	tritayamadhyakṣapratītau vibhinnasvarūpaṃ pratibhāti | tatpratibhāne vā dravya — guṇa — samavāyānāmadhyakṣasi- 
TBV-SD 107,06	ddhatvād vibhinnasvarūpatayā na guṇaguṇibhāve samavāye vā kasyacid vivādaḥ syāt, nāpyekatvavi- 
TBV-SD 107,07	bhramo ghaṭa — rūpādīnām, tataśca tannirākaraṇārthaṃ śāstrapraṇayanamapārthakaṃ syāt | nanu yathā pratyakṣeṇa 
TBV-SD 107,08	pratipanne'pyanekānte jainena, svalakṣaṇe vā bauddhena svadurāgamāhitavāsanābalāllokasya tena tadaprati- 
TBV-SD 107,09	pannatāvibhramaḥ tannirākaraṇārthaṃ ca śāstrapraṇayanam tathā'trāpi syāditi tarhi tathāvidhaśāstrarahitā- 
TBV-SD 107,10	nāmabalā — bālādīnāṃ na samavāyapratyakṣatāvibhrama iti teṣāṃ ‘śuklaḥ paṭaḥ’ iti pratītirna syāt, api 
TBV-SD 107,11	tu ‘ayaṃ paṭaḥ, ete śuklādayo guṇāḥ, ayaṃ ca tadantarālavarttī aparaḥ samavāyaḥ’ iti pratītiḥ syāt | 
TBV-SD 107,12	atha samavāyasya sūkṣmatvāt pratyakṣatve'pyanupalakṣaṇāt tatrasthatvena rūpādīnāmupacārāt ‘śuklaḥ 
TBV-SD 107,13	paṭaḥ’ iti pratipattiḥ syāt, naitat; evaṃ daṇḍe'pi ‘puruṣaḥ’ iti pratipattiḥ syāt | upacārācceyaṃ 
TBV-SD 107,14	pratipattirupajāyamānā skhaladrūpā syād vāhīke gobuddhivat | na ca ‘samavetamidaṃ vastu atra’ iti 
TBV-SD 107,15	pratipattau viśeṣaṇabhūtaḥ samavāyaḥ pratibhātīti vaktuṃ yuktam, bahiṣpratibhāsamānarūpādivyatirekeṇa 
TBV-SD 107,16	antaścābhijalpamantareṇāparasya varṇākṛtyakṣarākāraśūnyasya grāhyākāratāṃ bibhrāṇasya bahiḥ samavāya- 
TBV-SD 107,17	svarūpasyāpratibhāsanāt | varṇādyākārarahitaṃ ca paraiḥ samavāyasvarūpamabhyupagamyate | na ca tatkalpanā- 
TBV-SD 107,18	buddhāvapi pratibhāti | na cānyādṛśaḥ pratibhāso'nyādṛkṣasyārthasya vyavasthāpakaḥ, atiprasaṅgāt | tanna 
TBV-SD 107,19	samavāyo'dhyakṣapramāṇagocaraḥ | 
TBV-SD 107,20	yastvāha — “nityānumeyatvāt samavāyasyānumānagocaratā, tenāyamadoṣa iti | taccānumānam — 
TBV-SD 107,21	‘iha tantuṣu paṭaḥ’ iti buddhistantu — paṭavyatiriktasaṃbandhapūrvikā, ‘iha’ iti buddhitvāt, iha kaṃsapātryāṃ 
TBV-SD 107,22	jalabuddhivat” ityetat, so'pyayuktavādī; ‘samavāyasyānyasya vā padārthasya nityaika- 
TBV-SD 107,23	rūpasya kāraṇatvāsaṃbhavāt kvacidapi’ iti pratipādayiṣyamāṇatvāt | na ca ‘tantuṣu paṭaḥ, śṛṅge gauḥ, 
TBV-SD 107,24	śākhāyāṃ vṛkṣaḥ’ iti laukikī pratītirasti, ‘paṭe tantavaḥ, gavi śṛṅgam, vṛkṣe śākhā’ ityākāreṇa 
TBV-SD 107,25	pratītyutpatteḥ saṃvedanāt, tasyāśca samavāyanibandhanatve tantvādīnāṃ paṭādyārabdhatvaprasaṅgaḥ | 
TBV-SD 107,26	kiṃca, samavāyasya samavāyibhiranabhisaṃbandhe tasya tatra “saṃbaddhabuddhijananaṃ teṣāṃ saṃbandha eva 
TBV-SD 107,27	ca” iti ca na yuktam, na hi daṇḍa — puruṣayoḥ saṃyogaḥ sahya — vindhyābhyāmanabhisaṃba- 
TBV-SD 107,28	ndhyamānastatra saṃbandhabuddhihetuḥ tatsaṃbandho vā | taistadabhisaṃbandhe vā svataḥ dravya — guṇa — karmaṇāṃ 
TBV-SD 107,29	svādhāraiḥ svataḥ saṃbandhaḥ kiṃ na syāt yataḥ samavāyaparikalpanā''narthakyamaśruvīta ? ‘iha samavā- 
TBV-SD 107,30	yiṣu samavāyaḥ’ iti ca buddhiraparanimittikā prakṛtasya hetoranaikāntikatvaṃ kathaṃ na sādhayet 
TBV-SD 107,31	svatastatsaṃbandhābhyupagame ? samavāyāntareṇa tasya tadabhisaṃbandhe'navasthālatā gaganatalāvalambinī 
TBV-SD 107,32	prasajyeta | viśeṣaṇaviśeṣyabhāvalakṣaṇasaṃbandhabalāt tasya tadabhisaṃbandhe tasyāpi taiḥ saṃbandho'para- 
TBV-SD 107,33	viśeṣaṇaviśeṣyabhāvalakṣaṇasaṃbandhabalād yadi saivānavasthā | samavāyabalāt tasya tatsaṃbandhe 
TBV-SD 107,34	vyaktamitaretarāśrayatvam | svatastaistasyābhisaṃbandhe buddhyādīnāmapi svata eva svādhāraiḥ saṃbandho 
TBV-SD 107,35	bhaviṣyatīti vyarthaṃ saṃbandhaparikalpanam | tanna samavāyaḥ kasyacit pramāṇasya gocaraḥ | punarapi cainaṃ 
TBV-SD 107,36	yathāsthānaṃ niṣetsyāma iti āstāṃ tāvat | 
TBV-SD 107,37	tadevaṃ buddhestadātmano vyatireke saṃbandhāsiddhermatubarthānupapattiḥ | 
TBV-SD 107,38	atha avyatiriktā tadātmanastadbuddhistathā'pi tadanupapattiḥ, na hi tadeva tenaiva tadvad bhavati 
TBV-SD 107,39	kiṃca, tadātmanastadbuddheravyatireke yadi tadātmani tadbuddheranupraveśastadā buddherabhāvād buddhivikalo 
TBV-SD 107,40	gaganādivad jaḍasvarūpastadātmā kathaṃ jagatsraṣṭā syāt ? buddhyādiviśeṣaguṇagaṇavaikalye ca tadā- 
TBV-SD 107,41	tmano'smadādyātmano'pyātmatvena tadvaikalyād muktātmana iva saṃsāritvaṃ na syāt, navānāṃ viśeṣa- 
TBV-SD 107,42	guṇānāmātyantikakṣayopetasyātmano muktatvābhyupagamāt tasya cāsmadādyātmasvapi samānatvāt 
TBV-SD 108,01	bhavadabhyupagamena | atha ātmatvāviśeṣe'pi tadātmā asmadādyātmabhyo viśiṣṭo'bhyupagamyate tarhi 
TBV-SD 108,02	kāryatvāviśeṣe'pi ghaṭādikāryebhyaḥ sthāvarādikāryamakartṛkatvena viśiṣṭaṃ kiṃ nābhyupagamyate ? 
TBV-SD 108,03	tathā ca na kāryatvādilakṣaṇo heturanupalabhyamānakartṛkaiḥ sthāvarādibhiravyabhicārī syāt | atha 
TBV-SD 108,04	tadbuddhau tadātmano'nupraveśastadā buddhimātramādhāraśūnyamabhyupagantavyaṃ bhavati | tathā cāsmadādibuddhe- 
TBV-SD 108,05	rapi tadvadādhāravikalatvena matubarthāsaṃbhavād ghaṭādāvapi buddhimatkāraṇatvasyāsiddhatvāt sādhya- 
TBV-SD 108,06	vikalo dṛṣṭāntaḥ | atha asmadādibuddhibhyo buddhitve samāne'pi tadbuddherevānāśritatvalakṣaṇo 
TBV-SD 108,07	viśeṣo'bhyupagamyate tarhi ghaṭādikāryebhyaḥ pṛthivyādikāryasya kāryatve samāne'pi akartṛpūrvakatva- 
TBV-SD 108,08	lakṣaṇo viśeṣo'bhyupagantavya iti punarapi kāryatvalakṣaṇo hetustaireva vyabhicārī | 
TBV-SD 108,09	kiṃca, asau tadbuddhiḥ kṣaṇikā, akṣaṇikā vā iti vaktavyam | yadi kṣaṇiketi pakṣaḥ, 
TBV-SD 108,10	tadā''tmānaṃ samavāyikāraṇam, ātma — manaḥsaṃyogaṃ cā'samavāyikāraṇam, taccharīrādikaṃ ca 
TBV-SD 108,11	nimittakāraṇamantareṇa kathaṃ dvitīyakṣaṇe tasyā utpattiḥ ? tadanutpattau ca acetanasyāṇvādeścetanāna- 
TBV-SD 108,12	dhiṣṭhitasya kathaṃ bhūdharādikāryakaraṇe pravṛttiḥ vāsyāderivācetanasya cetanānadhiṣṭhitasya pravṛttyanabhyu- 
TBV-SD 108,13	pagamāt ? tataścedānīṃ bhūruhādīnāmanutpattiprasaṅgāt kāryaśūnyaṃ jagat syāt | atha samavāyyādi- 
TBV-SD 108,14	kāraṇamantareṇāpi tadbuddherasmadādibuddhivailakṣaṇyādutpattirabhyupagamyate; nanvevaṃ ghaṭādikāryavailakṣaṇyaṃ 
TBV-SD 108,15	bhūdharādikāryasya kiṃ nābhyupagamyate iti tadeva codyam | kiṃca, yadīśabuddhiḥ samavāyyādikāraṇa- 
TBV-SD 108,16	nirapekṣaivotpattimāsādayati tarhi muktānāmapyānandādikaṃ śarīrādinimittakāraṇādivyatirekeṇāpyu- 
TBV-SD 108,17	tpatsyate iti na buddhi — sukhādivikalaṃ jaḍātmasvarūpaṃ muktiḥ syāt | 
TBV-SD 108,18	atha akṣaṇikā tadbuddhiḥ; nanvevamasmadādibuddhirapyakṣaṇikā kiṃ nābhyupagamyate ? atha 
TBV-SD 108,19	pratyakṣādipramāṇavirodhānnāsmadādibuddhirakṣaṇikā tarhi tadvirodhādeva akṛṣṭotpattiṣu sthāvareṣu kāryatvaṃ 
TBV-SD 108,20	buddhimatkāraṇapūrvakaṃ nābhyupagantavyam | athāsmadādibuddheḥ kṣaṇikatvasādhakamanumānamakṣaṇikatvā- 
TBV-SD 108,21	bhyupagamabādhakaṃ pravarttate na punarakṛṣṭotpattiṣu sthāvareṣu, kiṃ punastadanumānam ? atha kṣaṇikā buddhiḥ, 
TBV-SD 108,22	asmadādipratyakṣatve sati vibhudravyaviśeṣaguṇatvāt, śabdavat ityetat | nanu yathā asyānumānasyā- 
TBV-SD 108,23	smadādibuddhyakṣaṇikatvābhyupagamabādhakasya saṃbhavastathā'kṛṣṭotpattiṣu sthāvareṣu kartṛpūrvakatvābhyu- 
TBV-SD 108,24	pagamabādhakasya tasya saṃbhavaḥ pratipādayiṣyata iti nātra vastuni bhavatautsukyamāstheyam | yathā ca 
TBV-SD 108,25	buddhikṣaṇikatvānumānasyānekadoṣaduṣṭatvaṃ tathā śabdasya paudgalikatvavicāraṇāyāṃ pratipādayiṣyata 
TBV-SD 108,26	ityetadapyāstāṃ tāvat | yathā vā buddhitvāviśeṣe'pi īśā'smadādibuddhyorayamakṣaṇikatva — kṣaṇi- 
TBV-SD 108,27	katvalakṣaṇo viśeṣastathā bhūruha — ghaṭādikāryayorapyakartṛ — kartṛpūrvakatvalakṣaṇo viśeṣaḥ kiṃ nābhyupaga- 
TBV-SD 108,28	myate ? iti punarapi tadeva dūṣaṇaṃ kāryatvāderhetoranaikāntikatvalakṣaṇaṃ prakṛtasādhye | tadevaṃ 
TBV-SD 108,29	buddhimatkāraṇapūrvakatvalakṣaṇe sādhye matubarthāsaṃbhavāt tanvādīnāmanekadhā pramāṇabādhāsaṃbhavācca 
TBV-SD 108,30	śāstravyākhyānādiliṅgānumīyamānapāṇḍityaguṇasya devadattasyeva mūrkhatvalakṣaṇe sādhye'numānabādhi- 
TBV-SD 108,31	takarmanirdeśānantaraprayuktasya kāryatvāderhetoḥ kālātyayāpadiṣṭatvena tatputratvāderivāgamakatvam 
TBV-SD 108,32	anumānabādhitatvaṃ vā pakṣasyeti sthitam | 
TBV-SD 108,33	tathā, ‘kāryatvāt’ iti heturapyasiddhaḥ | tathāhi — kimidaṃ tanvādīnāṃ kāryatvam — prāgasataḥ 
TBV-SD 108,34	svakāraṇasamavāyaḥ sattāsamavāyo veti cet, kutaḥ prāgiti ? kāraṇasamavāyāditi cet; nanu 
TBV-SD 108,35	tatsamavāyasamaye prāgiva svarūpasattvavaidhurye ‘prāk’ iti viśeṣaṇamanarthakam, sati saṃbhave vyabhicāre ca 
TBV-SD 108,36	viśeṣaṇamupādīyamānamarthavad bhavati; atra tu vyabhicāra eva, na saṃbhavaḥ | tathāhi — yadi kāraṇasama- 
TBV-SD 108,37	vāyasamaye svarūpeṇa sad bhavati tanvādi tadā tatkāla iva tasya prāgapi sattve kāryatvaṃ na syāditi 
TBV-SD 108,38	viśeṣaṇamupādīyate ‘prāgasataḥ’ iti | yadā punaḥ prāgiva kāraṇasamavāyavelāyāmapi svarūpasattvavika- 
TBV-SD 108,39	latā tadā ‘prāk’ti viśeṣaṇaṃ na kañcidarthaṃ puṣṇāti, ‘asataḥ’ ityevāstu | 
TBV-SD 108,40	na cāsataḥ kāraṇasamavāyo'pi yuktaḥ, śaśaviṣāṇāderapi tatprasaṅgāt | tasya kāraṇavirahānna 
TBV-SD 108,41	tatprasaṅga iti cet, kuta etat ? asattvāt, tanu — karaṇāderapi tadvadasattve kiṃ kṛto'yaṃ vibhāgaḥ — 
TBV-SD 108,42	asya kāraṇamasti na śaśaśṛṅgāderiti ? tanvādeḥ kāraṇamupalabhyate netarasyetyapi nottaram, yataḥ 
TBV-SD 109,01	kārya — kāraṇayorupalambhe sati etat syāt ‘idamasya kāraṇam kāryaṃ cedamasya’ iti | na ca parasya 
TBV-SD 109,02	tadupalambhaḥ pratyakṣataḥ, upalambhakāraṇamupalambhaviṣaya iti naiyāyikānāṃ matam — “arthavat pramāṇam” 
TBV-SD 109,03	 ityatra bhāṣye “pramātṛ — prameyābhyāmarthāntaramavyapadeśyāvyabhicārivya- 
TBV-SD 109,04	vasāyātmakajñāne karttavye'rthaḥ sahakārī vidyate yasya tad arthavat pramāṇam” iti 
TBV-SD 109,05	vyākhyānāt | na cājanakaṃ sahakāri, ‘saha karotīti sahakāri’ iti vyutpatteḥ | na cāsat śaśaviṣā- 
TBV-SD 109,06	ṇasamaṃ jñānasyānyasya vā kāraṇam, virodhāt | api ca, indriyārthasannikarṣāt pratyakṣaṃ jñānamutpatti- 
TBV-SD 109,07	mat, kārya — kāraṇādinā ca indriyasannikarṣaḥ saṃyogaḥ, so'pi kathaṃ tenāsatā janyate iti cintyam | 
TBV-SD 109,08	saṃyogābhāve ca rūpādinendriyasya saṃyuktasamavāyaḥ, rūpatvādinā tu saṃyuktasamavetasamavāya iti sarvaṃ 
TBV-SD 109,09	durghaṭam | etena dravyatvādisāmānyasaṃbandho'pi tasya nirūpitaḥ | tanna tanvādiviṣayamadhyakṣam | ata 
TBV-SD 109,10	eva nānumānamapi | tadevaṃ kharaviṣāṇādivat kārya — kāraṇāderanupalambhānna yuktametat — śarīrādeḥ 
TBV-SD 109,11	kāraṇamasti, na śaśaśṛṅgāderiti | 
TBV-SD 109,12	yadi punastanu — karaṇādiḥ san vandhyāsutādiparihāreṇeti matiḥ, tatra kutaḥ sa eva san ? 
TBV-SD 109,13	kāraṇasamavāyāt, so'pi kutaḥ ? sattvāt, anyo'nyasaṃśrayaḥ — tatsamavāyāt sattvam ataśca 
TBV-SD 109,14	tatsamavāya iti | prāgasataḥ sattāsamavāyāt sa eva sanniti cet, kutaḥ prāk ? sattāsamavāyāt; 
TBV-SD 109,15	nanu tatsamavāyakāle prāgiva svarūpasattvavirahe ‘prāg’ iti viśeṣaṇamanarthakamityādi sarvaṃ vaktavyam | 
TBV-SD 109,16	asataśca sattāsamavāye kharaśṛṅgāderapi saṃbhavet aviśeṣāt | ‘prāg’ iti ca viśeṣaṇaṃ śaśaśṛṅgādi- 
TBV-SD 109,17	vyavacchedārthaṃ pareṇoktam, sattāsaṃbandhasamaye ca tanvādeḥ svarūpasattvābhāve kastato viśeṣaḥ ? ayamasti 
TBV-SD 109,18	viśeṣaḥ — kūrmaromādikamatyantāsat, itarat punaḥ svayaṃ na sat nāpyasat; ata eva sattāsaṃbandhāt 
TBV-SD 109,19	‘tadeva sat’ ityucyata iti, tadetajjaḍātmano bhavataḥ ko'nyo bhāṣate | tathāhi — ‘na sat’ itivacanāt 
TBV-SD 109,20	tasya sattāsaṃbandhāt prāgabhāva uktaḥ, satpratiṣedhalakṣaṇatvādasya | ‘nāpyasat’ ityabhidhānād bhāvaḥ, 
TBV-SD 109,21	asattvaniṣedharūpatvād bhāvasya rūpāntarābhāvāt | tathaiva vaiyākaraṇānāṃ nyāyaḥ — “dvau pratiṣedhau prakṛtamarthaṃ 
TBV-SD 109,22	gamayataḥ” iti, kathamanyathā ‘nedaṃ nirātmakaṃ jīvaccharīram, prāṇādimattvāt’ ityatra 
TBV-SD 109,23	nairātmyaniṣedhaḥ sātmakaḥ sidhyet ? 
TBV-SD 109,24	atra kecit bruvate — “naivaṃ prayogaḥ kriyate'pi tu ‘sātmakaṃ jīvaccharīram, prāṇādimattvāt’” 
TBV-SD 109,25	iti | tairapyevaṃ prayogaṃ kurvadbhiḥ sātmakatvābhāvo niyamena prāṇādimattvābhāvena vyāpto'bhyupagantavyaḥ — 
TBV-SD 109,26	anyathā vyabhicārāśaṅkā na nivartteta — tadabhyupagame cedamavaśyaṃ vaktavyam — jīvaccharīre prāṇādimattvaṃ 
TBV-SD 109,27	pratīyamānaṃ svābhāvaṃ nivarttayati, sa ca nivarttamānaḥ svavyāpyaṃ sātmakatvābhāvamādāya nivarttate, 
TBV-SD 109,28	itarathā tenāsau vyāpto na syāt | yasminnivarttamāne yanna nivarttate na tena tad vyāptam, yathā nivarttamā- 
TBV-SD 109,29	ne'pi pradīpe anivarttamānaḥ paṭādirna tena vyāptaḥ, na nivarttate ca prāṇādimattvābhāve nivarttamāne'pi 
TBV-SD 109,30	sātmakatvābhāva iti | nivarttate iti cet, tannivṛttāvapi yadi sātmakatvaṃ na sidhyati na tarhi tada- 
TBV-SD 109,31	bhāvo nivarttate, sātmakatvābhāvābhāve'pi tadabhāvasya tadavasthatvāt | sidhyatīti cet, āyātamidam — 
TBV-SD 109,32	“dvau pratiṣedhau prakṛtamarthaṃ gamayataḥ” iti | tathā cedamapi yuktam — ‘nedaṃ nirātmakaṃ jīva- 
TBV-SD 109,33	ccharīram, prāṇādimattvāt’ iti | 
TBV-SD 109,34	anye tu manyante — “anyatra dṛṣṭo dharmaḥ kvaciddharmiṇi vidhīyate, niṣidhyate ca” 
TBV-SD 109,35	iti vacanāt kevalaṃ ghaṭādau nairātmyamaprāṇādimattvena vyāptaṃ dṛṣṭam, tadeva niṣidhyate jīvaccharīre'prā- 
TBV-SD 109,36	ṇādimattvābhāvena, na punaḥ sātmakatvaṃ vidhīyate; tasyānyatrādarśanāt” iti | teṣāṃ ghaṭādau nairātmyaṃ 
TBV-SD 109,37	pratipannaṃ pratiṣidhyate iti bhavatu sūktam, tathāpi tanniṣedhasāmarthyād yadi jīvaccharīre sātmakatvaṃ na 
TBV-SD 109,38	syāt na tarhi tatra tanniṣedhaḥ — yadā hi nairātmyaniṣedho na sātmakaḥ — kintu yathā''tmano'bhāvo 
TBV-SD 109,39	nairātmyaṃ tathā'syā'bhāvo'pi tuccharūpaḥ ātmano'nyatvād bhaṅgyantareṇa nairātmyameva, punastanniṣeddhavyam, 
TBV-SD 109,40	punarapi tanniṣedhastuccharūpo nairātmyamityaparastanniṣedho mṛgyaḥ, tathā ca sati anavasthānānna nairātmya- 
TBV-SD 109,41	niṣedhaḥ | kiṃca, yadi nāma ghaṭādau nairātmyamupalabdhaṃ kimityanyatra niṣidhyate ? itarathā devadatte pāṇḍi- 
TBV-SD 109,42	tyamupalabdhaṃ yajñadattādau niṣidhyeta | tatra prāṇādimattvadarśanāditi cet, yuktametad yadi prāṇādimattvaṃ 
TBV-SD 109,43	nairātmyaviruddhaṃ syād agniriva śītaviruddhaḥ, na caivam; anyathā sarvamaśeṣaviruddhaṃ bhavet | prāṇādimattvena 
TBV-SD 110,01	svābhāvo nairātmyavyāpako viruddhaḥ, tataḥ prāṇādimattvabhāvāt tadabhāvo nivarttate, vahnibhāvādiva 
TBV-SD 110,02	śītam, sa ca nivarttamānaḥ svavyāpyaṃ nairātmyamādāya nivarttate, yathā dhūmābhāvaḥ pāvakābhāvamiti | 
TBV-SD 110,03	darttamatrottaram — yadi nairātmyābhāvaḥ sātmako na bhavet tadavasthaṃ nairātmyamiti | bhavatu tarhi nairātmya- 
TBV-SD 110,04	niṣedhaḥ sātmakaḥ, tathā sati ‘sattāsaṃbandhāt prāk tanvādirnā sat’ iti vacanāt tadā 
TBV-SD 110,05	tasya sattvamuktam, ‘na sat’ ityabhidhānādasattvamiti virodhaḥ | tato'sadeva tadabhyupagantavyamiti na 
TBV-SD 110,06	vandhyāsutādestanu — karaṇāderviśeṣaḥ | bhavatvevaṃ tathāpi tanvādereva sattāsaṃbandhāt sattvam na kharaśṛṅgādeḥ 
TBV-SD 110,07	tathādarśanāditi cet, uktamatra tathādarśanopāyābhāvāditi | 
TBV-SD 110,09	api ca, sattā'pi yadi asatī kathaṃ tato vandhyāsutāderivāparasya sattvam ? satī ced yadi 
TBV-SD 110,10	anyasattātaḥ, anavasthā | svataścet, padārthānāmapi svata eva sattvaṃ syāditi vyarthaṃ tatparikalpanam | 
TBV-SD 110,11	kiñca, yadi svata eva sattā satī upeyate tadā pramāṇaṃ vaktavyam | atha svataḥ sattā satī — tatsaṃbandhāt 
TBV-SD 110,12	tanvādīnāṃ sattvānyathā'nupapatteḥ — tarhyanyonyasaṃśrayaḥ — tatsaṃbandhāt tanvādisattve siddhe sattāsattva- 
TBV-SD 110,13	siddhiḥ, tatastatsaṃbandhāt tanvādisattvasiddhiriti vyaktamitaretarāśrayatvam | atha sattā svataḥ satī, 
TBV-SD 110,14	sadabhidhānapratyayaviṣayatvāt, avāntarasāmānyādivat; na; dravyādinā vyabhicāraḥ — dravyādirapi 
TBV-SD 110,15	‘sad dravyam, san guṇaḥ, sat karma’ ityevaṃ sadabhidhānapratyayaviṣayo bhavati, na cāsau pareṇa svataḥ 
TBV-SD 110,16	sannabhyupagataḥ sattāprakalpanavaiphalyaprasaṅgāt | na ca dravyādau tadviṣayatvaṃ parāpekṣaṃ na sattāyāmiti 
TBV-SD 110,17	vaktuṃ yuktam, tasyāmapi tadapekṣatvasaṃbhavāt | atha tatra tasya tadapekṣatve kiṃ tadaparamiti vaktavyam; 
TBV-SD 110,18	nanvetad dravyādāvapi samānam | tatra satteti cet, atrāpi dravyādikam iti tulyam — yathaiva hi 
TBV-SD 110,19	sattāsaṃbandhāt dravyādikaṃ sat na svataḥ tathā dravyādisvarūpasattvasaṃbandhāt sattā satī na svataḥ | 
TBV-SD 110,20	dravyādeḥ svarūpasattvaṃ nāsti tenāyamadoṣaḥ, tadastitve ko doṣa iti vācyam | nanu tasyā 
TBV-SD 110,21	svataḥ sattve'vāntarasāmānyābhāvaprasaṅgo doṣaḥ, nanu svato'sattve kharaviṣāṇāderiva sutarāṃ tadabhāva- 
TBV-SD 110,22	doṣaḥ | api ca, yo hi tatra sattāsaṃbandhaṃ necchati sa kathamavāntarasāmānyasaṃbandhamicchet ? na cātra 
TBV-SD 110,23	pramāṇaṃ svato'santo dravyādayo nāvāntarasāmānyamiti | athaitat — dravyādayo na svataḥ santaḥ, 
TBV-SD 110,24	avāntarasāmānyavattvāt, yat punaḥ svataḥ sat na tad avāntarasāmānyavat, yathā sāmānya — viśeṣa- 
TBV-SD 110,25	samavāyā iti vyatirekī hetuḥ, naitat; yadi hi dravyādayo dharmiṇaḥ kutaścit pratītigocara- 
TBV-SD 110,26	cāriṇetsanto bhavanti sa kathamavāntarasāmānyasaṃbandhamicchet ? na cātra pramāṇaṃ svato'santo 
TBV-SD 110,27	dravyādayo nāvāntarasāmānyamiti | athaitat — dravyādayo na svataḥ santo'vāntarasāmānyavattvāt, 
TBV-SD 110,28	yat punaḥ svataḥ sat na tadavāntarasāmānyavat, yathā sāmānyapratītiḥ sattvaṃ sādhayantī svata iti 
TBV-SD 110,29	pratijñām tadasattvaviṣayābādhane ceda cāriṇassanto bhavanti tadā kathaṃ na tatpratītiḥ svatassattvaṃ 
TBV-SD 110,30	sādhayantī ‘na svatassantaste’ iti pratijñāṃ tadasattvaviṣayāṃ bādhate | na ceda matrottaram — na svataḥ 
TBV-SD 110,31	santaste pratītiviṣayāḥ kintu sattāsaṃbandhāditi, yato ‘na svayamasantastatsaṃbandhāt tadviṣayā 
TBV-SD 110,32	bhavanti’ ityuktam | kiṃca, dravyāderekāntena yasya bhinnānyavāntarasāmānyāni kathaṃ tasya tāni syuḥ 
TBV-SD 110,33	yato'vāntarasāmānyavattvāditi hetuḥ siddhaḥ syāt ? atha tathāpi tasyāti, na; parasparamapi 
TBV-SD 110,34	syuriti sāmānyasamavāyāt pariśeṣavat iti vaidharmyanidarśanama- 
TBV-SD 110,35	yuktam | yadi matam — dravyādau tāni samavetāni tatastasya tāni na sāmānyāderviparyayāditi, tanna 
TBV-SD 110,36	samyak; ‘tatra samavetāni’ iti samavāyena saṃbaddhānīti yadyarthaḥ, sa na yuktaḥ; samavāyasya niṣiddha- 
TBV-SD 110,37	tvānniṣetsyamānatvācca | bhavatu vā samavāyaḥ tathāpi yatra dravye, guṇe, karmaṇi ca dravyatvam, guṇatvam, 
TBV-SD 110,38	karmatvaṃ cā'vāntarasāmānyaṃ tatraiva pṛthivītvādīni, rūpatvādīni, gamanatvādīni ca tathāvidhāni 
TBV-SD 110,39	sāmānyāni, samavāyo'pi tatraiva sāmānyavat tasya sarvagatatvācca dravyādivadanyonyasattānīti na 
TBV-SD 111,01	dravyādeḥ svataḥ sattvabādhanamityāśaṅkā na nivarttate — ‘kiṃ dravyādisaṃbandhāt sattā satī kiṃ vā tayā 
TBV-SD 111,02	dravyādikaṃ sat’ iti | tanna sattātaḥ tanvādeḥ sattvam, tasyā evāsiddhatvāt | 
TBV-SD 111,03	sattāpratyakṣādipramāṇasiddhatvāt sattāyāḥ pratyakṣabādhitaviṣayatvena evamupanyasyamānasya prasaṅga- 
TBV-SD 111,04	sādhanasyānavakāśaḥ | na ca dravyapratibhāsavelāyāṃ pratyakṣabuddhau parisphuṭarūpeṇa vyaktivivekena sattā na 
TBV-SD 111,05	pratibhātīti śakyaṃ vaktum, anugatākārasya vyāvṛttākārasya ca pratyakṣānubhavasya saṃvedanāt | na cānu- 
TBV-SD 111,06	gata — vyāvṛttavastuvyatirekeṇa dvyākārā buddhirghaṭate | na hi viṣayavyatirekeṇa pratītirutpadyate, nīlādisva- 
TBV-SD 111,07	lakṣaṇapratīterapi tathābhāvaprasaṅgāt | atha taimirikasya bāhyārthasannidhivyatirekeṇāpi keśoṇḍukādipra- 
TBV-SD 111,08	tītirudeti tathaivānugatarūpamantareṇāpi bhinnavastuṣvanugatākārā buddhirudeṣyatīti na tataḥ sattāvyavasthā, 
TBV-SD 111,09	tadayuktam; taimirikapratītau hi pratibhāsamānasya keśoṇḍukāderbādhaka — kāraṇadoṣaparijñānādatattvam; 
TBV-SD 111,10	sattādarśane tu na bādhakapratyayodayaḥ nāpi kāraṇadoṣaparijñānamiti na tadgāhiṇo vijñānasya mithyātvam | 
TBV-SD 111,11	tathāhi — vibhinneṣvapi ghaṭa — paṭādiṣvartheṣu ‘sat sat’ iti abhedamullikhantī pratītirudayamāsādayati; 
TBV-SD 111,12	na cāsau kālāntarādau viparyayamupagacchantī lakṣyate, sarvadā sarveṣāṃ ghaṭa — paṭādiṣu ‘sat sat’ iti 
TBV-SD 111,13	vyāhṛteḥ | vyavahāramuparacayantī ca pratītiḥ parairapi pramāṇamabhyupagamyate | yathoktaṃ taiḥ — “prāmāṇyaṃ 
TBV-SD 111,14	vyavahāreṇa” iti | tadevamavasthitam — anugatākārā hi buddhirvyāvṛttarūpapratītyanadhigataṃ 
TBV-SD 111,15	sādhāraṇarūpamullikhantī mupariniścitarūpā bādhā'yogāt pramāṇam | sā ca akṣānvaya — vyatirekā- 
TBV-SD 111,16	nusāritayā pratyakṣam | tathāhi — visphāritalocanasya ghaṭa — paṭādiṣu rūpamārūḍhāṃ sattāmullikhantī ‘sat 
TBV-SD 111,17	sat’ iti pratītiḥ, tadabhāve ca na bhavatīti tadanvaya — vyatirekānuvidhāyitayā kathaṃ na pratyakṣam ? 
TBV-SD 111,18	tasmād bahuṣu vyāvṛtteṣu tulyākārā buddhirekatāmavasyati | yaccātra vibhinneṣu ghaṭādiṣu pratiniyatameka- 
TBV-SD 111,19	manugatasvarūpaṃ saiva jātiḥ | 
TBV-SD 111,20	atha vyaktivyatiriktā jātirupeyate na ca vyaktidarśanavelāyāṃ tadrūpasaṃsparśaviṣayavyatiriktavapura- 
TBV-SD 111,21	paramanugatirūpaṃ pratibhāti tat kathaṃ tat sāmānyam ? naitadasti; yasmādagṛhītasaṅketasyāpi tanubhṛtaḥ 
TBV-SD 111,22	prathamamudbhāti vastu; dvitīye tulyarūpatamanusarati buddhiḥ kvacideva na sarvatra | pratipattyanyatā ca sarvatra 
TBV-SD 111,23	bhedavyavahāranibandhanaṃ tulyadeśa — kāle'pi rūpa — rasādau ca, pratipattyanyatā jātāvapi vidyata iti kathaṃ 
TBV-SD 111,24	na sā bhinnā'sti ? tathāhi — vyaktyākāravivekena viśadamanugatirūpatā bhāti tadvivekena ca vyāvṛ- 
TBV-SD 111,25	ttarūpateti kathaṃ vyaktisvarūpād bhinnāvabhāsinī jātirbhinnā nābhyupagamaviṣayaḥ ? 
TBV-SD 111,26	athaikendriyāvaseyatvād jāti — vyaktyorekatā rūpa — rasādau tu bhinnendriyagrāhyatvād bhedaḥ, tada- 
TBV-SD 111,27	pyasaṅgatam; yata ekendriyagrāhyamapi vātā''tapādikaṃ samānadeśaṃ ca bhinnaṃ pratibhātīti bhinnavapura- 
TBV-SD 111,28	bhyupeyate tathā pratiniyatendriyaviṣayamapi jāti — vyaktidvayaṃ bhinnam; bhinnapratibhāsādeva | tathāhi — 
TBV-SD 111,29	ghaṭamantareṇāpi paṭagrahaṇe ‘sat sat’ iti pūrvapratipannā sattā'vagatirdṛṣṭā; yadi tu vyaktireva satī na 
TBV-SD 111,30	jātiḥ tatsattve'pi tadavyatiriktā ca, tathā sati vyaktirūpavat tadananugatirapi vyaktyantare prasa- 
TBV-SD 111,31	jyeta | pratīyate ca sadrūpatā yugapad ghaṭa — paṭādiṣu parasparaviviktatanuṣvapi sarvadā | tenaikarūpaiva 
TBV-SD 111,32	jātiḥ, pratyakṣe tathābhūtāyā eva tasyāḥ pratibhāsanāt; śabda — liṅgayorapi tasyāmeva saṃbandhagrahaṇamiti 
TBV-SD 111,33	tābhyāmapi sā pratīyate | tadevaṃ pratyakṣādipramāṇāvaseyatvāt sattāyāḥ na tannirākaraṇāya prasaṅgasā- 
TBV-SD 111,34	dhanānumānapravṛttiriti | 
TBV-SD 111,35	asadetat | 
TBV-SD 111,36	yato na vyaktidarśanavelāyāṃ svarūpeṇa bahirgrāhyākāratayā pratītimavatarantī jātirudbhāti, nahi 
TBV-SD 111,37	ghaṭa — paṭavastudvayapratibhāsasamaye tadaiva tadvyavasthitamūrttirbhinnā'bhinnā vā jātirābhāti, tadākārasyā- 
TBV-SD 111,38	parasya grāhyatayā bahistatrāpratibhāsanāt | bahirgrāhyāvabhāsaśca bahirarthavyavasthākārī, nāntarāvabhāsaḥ | 
TBV-SD 111,39	yadi tu so'pi tadvyavasthākārī syāt, tathā sati hṛdi parivarttamānavapuṣaḥ sukhāderapi pratibhāsād 
TBV-SD 111,40	bahistadvyavasthā syāt; tathā ca ‘sukhādyātmakāḥ śabdādayaḥ’ iti sāṅkhyadarśanameva syāt | atha sukhā- 
TBV-SD 111,41	dirākāro bāhyarūpatayā na pratibhātīti na bahirasau, jātirapi tarhi na bahīrūpatayā pratibhātīti na 
TBV-SD 111,42	bahīrūpā'bhyupagantavyā, yataḥ kalpanāmatirapi darśanadṛṣṭameva ghaṭādirūpaṃ bahirullikhantī tadgiraṃ ca antaḥ 
TBV-SD 112,01	pratibhāti, na tu tadvyatiriktavapuṣaṃ jātimuddyotayati | tanna tadavaseyā'pi bahirjātirasti | taimiri- 
TBV-SD 112,02	kajñāne bahiṣprakāśamānavapuṣo'pi hi keśoṇḍukādayo na tathā'bhyupeyante, bādhyamānajñānaviṣayatvāt | 
TBV-SD 112,03	jātistu na bahīrūpatayā kvacidapi jñāne pratibhātīti kathaṃ sā sattvābhyupagamaviṣayaḥ ? buddhireva kevalaṃ 
TBV-SD 112,04	ghaṭa — paṭādiṣu pratibhāsamāneṣu ‘sat sat’ iti tulyatanurābhāti | yadi tarhi na bāhyā jātirasti, 
TBV-SD 112,05	buddhirapi kathamekarūpā pratibhāti nahi bahirnimittamantareṇa tadākārotpattimatī sā yuktā ? nanu 
TBV-SD 112,06	kenocyate bahirnimittanirapekṣā jātimatiriti, kintu bahirjātirna nimittamiti, bāhyāstu vyaktayaḥ 
TBV-SD 112,07	kāścideva jātibuddhernimittam | nanu yadi vyaktinibandhanā'nugatākārā matiḥ, tathā sati yathā khaṇḍa- 
TBV-SD 112,08	muṇḍavyaktidarśane ‘gaurgauḥ’ iti pratipattirudeti tathā giriśikharādidarśane'pi ‘gaurgauḥ’ ityetadākārā 
TBV-SD 112,09	pratipattirbhavet vyaktibhedāviśeṣāt, tadayuktam; bhedāviśeṣe'pi khaṇḍa — muṇḍādivyaktiṣu ‘gaurgauḥ’ 
TBV-SD 112,10	ityākārā matirudayamāsādayantī samupalabhyata iti tā eva tāmupajanayituṃ samarthā ityavasīyate, na 
TBV-SD 112,11	punargiriśikharādiṣu ‘gaurgauḥ’ iti matirdṛṣṭeti na te tannibandhanam | yathā ca āmalakīphalādiṣu 
TBV-SD 112,12	yathāvidhānamupayukteṣu vyādhiviratilakṣaṇaṃ phalamupalabhyata iti tānyeva tadvidhau samarthānītyavasīyate, 
TBV-SD 112,13	bhedāviśeṣe'pi na punastrapuṣa — dadhyādīni | atha bhinneṣvapi bhāveṣu ‘sat sat’ iti matirasti, vibhi- 
TBV-SD 112,14	nneṣu ca bhāveṣu yadekatvaṃ tadeva jātiḥ, tatrocyate — tadekatvaṃ ghaṭa — paṭādiṣu kimanyat, utānanyat ? na 
TBV-SD 112,15	tāvadanyat, tasyāpratibhāsanādityukteḥ | nāpyananyat, ekarūpā'pratibhāsanāt; na hi ghaṭasya paṭasya 
TBV-SD 112,16	caikameva rūpaṃ pratibhāti, sarvātmanā pratidravyaṃ bhinnarūpadarśanāt | tasmādapratīterabhinnā'pi jātirnāsti, 
TBV-SD 112,17	buddhireva tulyākārapratibhāsā ‘sat sat’ iti śabdaśca dṛśyata iti tadanvaya eva yuktaḥ na jātyanvayaḥ, 
TBV-SD 112,18	tasyādarśanāt | na ca buddhisvarūpamapyaparabuddhisvarūpamanugacchati iti na tadapi sāmānyamityekānuga- 
TBV-SD 112,19	tajātivādo mithyāvādaḥ | 
TBV-SD 112,20	api ca, anekavyaktivyāpi sāmānyaṃ tadvādibhirabhyupagamyate | na ca tadvyāpitvaṃ tasya kenacit 
TBV-SD 112,21	jñānena vyavasthāpayituṃ śakyam | tathāhi — sannihitavyaktipratibhāsakāle jātistadvyaktisaṃsparśinī 
TBV-SD 112,22	sphuṭamavabhāti na vyaktyantarasaṃbandhitayā, tasyāstathā'sannidhānena pratibhāsāyogāt | tadapratibhāse 
TBV-SD 112,23	ca tanmiśratā'pi nāvagateti kathamasannihitavyaktyantarasaṃbaddhaśarīrā jātiravabhāti | yadeva hi 
TBV-SD 112,24	parisphuṭadarśane pratibhāti rūpaṃ tadeva tasyā yuktam, darśanāsaṃsparśinaḥ svarūpasyāsaṃbhavāt; saṃbhave 
TBV-SD 112,25	vā tasya dṛśyasvabhāvād bhedaprasaṅgāt, tadekatve sarvatra bhedapratihateḥ anānaikaṃ jagat syāt | darśana- 
TBV-SD 112,26	gocarātītaṃ ca vyaktyantarasaṃbaddhaṃ jātisvarūpamapratibhāsanādasat; pratibhāsane vā tasya tatsaṃbaddhānāṃ 
TBV-SD 112,27	vyavahitavyaktyantarāṇāmapi pratibhāsaprasaṅga iti sakalajagatpratibhāsaḥ syāt | atha matam- 
TBV-SD 112,28	sannihitavyaktidarśanakāle vyaktyantarasaṃbandhinī jātirna bhāti; yadā tu vyaktyantaraṃ dṛśyate tadā 
TBV-SD 112,29	taddarśanavelāyāṃ tadgatatvena jātirābhātīti sādhāraṇasvarūpaparicchedaḥ paścāt saṃbhavatīti, tataśca 
TBV-SD 112,30	paścādarthānvayadarśane kathaṃ na tasyāstadvyāpitāgrahaḥ ? asadetat; yato vyaktyantaradarśanakāle'pi 
TBV-SD 112,31	tatparigatameva jāteḥ svarūpaṃ pratibhāti na pūrvavyaktisaṃsparśitayā; tasyāḥ pratyakṣagocarātikrāntatayā 
TBV-SD 112,32	tatsaṃbaddhasyāpi rūpasya tadatikrāntatvāt | tat kathaṃ sannihitā'sannihitavyaktisaṃbaddhajātirūpāvagamaḥ ? 
TBV-SD 112,33	atha pratyabhijñānādanekavyaktisaṃbandhitvena jātiḥ pratīyate, nanu keyaṃ pratyabhijñā ? yadi pratyakṣam, 
TBV-SD 112,34	kutastadavaseyā jātirekānekavyaktivyāpinī pratyakṣā ? atha nayanavyāpārānantaraṃ samupajāyamānā 
TBV-SD 112,35	pratyabhijñā kathaṃ na pratyakṣam ? nirvikalpakasyāpyakṣānvaya — vyatirekānuvidhānāt pratyakṣatvaṃ tadatrāpi 
TBV-SD 112,36	tulyam, asadetat; yadi akṣajā pratyabhijñā tathā sati prathamavyaktidarśanakāla eva samastavyakti- 
TBV-SD 112,37	saṃbaddhajātirūpaparicchedo'stu | atha tadā smṛtisahakārivirahānna tattvāvagatiḥ, yadā tu dvitīya- 
TBV-SD 112,38	vyaktidarśanaṃ tadā pūrvadarśanāhitasaṃskāraprabodhasamupajātasmṛtisahitamindriyaṃ tattvadarśanaṃ janayati, 
TBV-SD 112,39	tadapyasat; yataḥ smaraṇasacivamapi locanaṃ puraḥsannihitāyāmeva vyaktau tatsthajātau ca pratipattiṃ 
TBV-SD 112,40	janayitumīśam; na pūrvavyaktau, asannidhānāt | tanna tatsthitāṃ jātiṃ darśanaṃ paridṛśyamāne 
TBV-SD 112,41	vyaktyantare saṃdhatte | 
TBV-SD 112,42	athendriyavṛttirna smaraṇasamavāyinī karaṇatvāditi nāsau saṃdhānakāriṇī, puruṣastu kartṛtayā 
TBV-SD 113,01	smṛtisamavāyīti cakṣuṣā parigate'rthe tadupadarśitapūrvavyaktigatāṃ jātiṃ saṃdhāsyatīti, tadasat; yataḥ 
TBV-SD 113,02	so'pi na svatantratayā'rthagrāhakaḥ kintu darśanasahāyaḥ | yadi punaḥ svatantra evārthagrāhakaḥ syāt tathā 
TBV-SD 113,03	sati svāpa — mada — mūrcchādiṣvapi sarvavyaktyanugatajātipratipattiḥ syāt | tasmādātmā'pi darśanasahāya 
TBV-SD 113,04	evārthavedī | darśanaṃ ca pūraḥsannihitaṃ vyaktisvarūpamanusarati, nahi smṛtigocaramapi pūrvadṛṣṭavyaktigataṃ 
TBV-SD 113,05	jātyādikamiti na darśanasahāyo'pi tadanusaṃdhānasamartha ātmā | atha smaraṇopanītaṃ jātirūpamātmā 
TBV-SD 113,06	tatra saṃdhāsyati; nanvatrāpi smṛtiḥ parihṛtapurovarttivyaktidarśanaviṣayā pūrvadṛṣṭamarthamanusarantī saṃlakṣyate | 
TBV-SD 113,07	tat kathaṃ purovarttini apravarttamānā svaviṣayān sāmānyādīṃstatra saṃghaṭayituṃ kṣamā ? tadasmṛtaṃ ca 
TBV-SD 113,08	saṃghaṭanaṃ kathamātmā'pi kartuṃ kṣamaḥ ? tathāhi — darśane sati draṣṭari tasya svarūpe jāte tannimagnaṃ na smṛti- 
TBV-SD 113,09	kṛtaṃ smartṛrūpaṃ bhāti | yadi tu bhāti tathā sati draṣṭṭarūpa evāsau, na smarttā | atha smartṛrūpe draṣṭṭasvarūpama- 
TBV-SD 113,10	nupraviṣṭaṃ pratibhāti, tathāpi smarttaivā'sau na draṣṭā | atha draṣṭṭa — smartṛsvarūpe vivikte bhātaḥ, tathā sati 
TBV-SD 113,11	tayorbheda iti naikatvam | tathāhi — draṣṭṭasvarūpaṃ dṛgviṣayāvabhāsi pratibhāti, smartṛsvarūpamapi puṃsaḥ smṛti- 
TBV-SD 113,12	viṣayamavatīrṇamavabhāti; tat kutaḥ pūrvāparayorjāti — rūpayoḥ saṃdhānam ? 
TBV-SD 113,13	yat punaruktam ‘smarataḥ pūrvadṛṣṭārthānusaṃdhānādutpadyamānā matiścakṣuḥsaṃbaddhatve pratyakṣam’ iti, eta- 
TBV-SD 113,14	dapyasat; nendriyamatiḥ smṛtigocarapūrvarūpagrāhiṇī, tat kathaṃ sā tatsaṃdhānamātmasātkaroti ? pūrvadṛ- 
TBV-SD 113,15	ṣṭasaṃdhānaṃ hi tatpratibhāsanam, tatpratibhāsasaṃbandhe cendriyamateḥ parokṣārthagrāhitvāt parisphuṭapratibhā- 
TBV-SD 113,16	sanam asannihitaviṣayagrahaṇaṃ ca, tat kutastayoraikyam ? atha parokṣagrahaṇaṃ svātmanā nendriyamatiḥ 
TBV-SD 113,17	saṃspṛśati, evaṃ tarhi tadviviktendriyamatiriti kathaṃ tatsaṃdhāyikā sāmagrī abhyupeyate ? yadi ca 
TBV-SD 113,18	smṛtiviṣayasvabhāvatayā dṛśyamāno'rthaḥ pratyakṣabuddhibhiravagamyate, tathā sati smṛtigocaraḥ pūrvasva- 
TBV-SD 113,19	bhāvo varttamānatayā bhātīti viparītakhyātiḥ sarvaṃ darśanaṃ bhavet | atha yat tadā tatrāvidyamāna- 
TBV-SD 113,20	marthamavaiti jñānaṃ tatra viparītakhyātiḥ, pratyakṣapratītistu pūrvasaṃdhānādapyupajāyamānā pūraḥ sadeva 
TBV-SD 113,21	vastu gṛhṇatī kathaṃ viparītakhyātirbhavet ? nanu pūrvarūpagrāhitayā tasyāḥ sadarthagrahaṇameva na saṃbhavati; 
TBV-SD 113,22	smaraṇopaneyaṃ hi rūpaṃ pratiyatī vartamānatayā pratyakṣabuddhirna pratibhāsamānavapuṣaḥ sattāṃ sādhayi- 
TBV-SD 113,23	tumalam, pratyastamite'pi rūpe smṛteravatārāt | tadanusāriṇī cākṣamatirapi tadevānusarantī na 
TBV-SD 113,24	sattā''spadam | tasmādindriyamatiḥ sakalā pūrvarūpagrahaṇaṃ pariharantī varttamāne parisphuṭe varttata iti 
TBV-SD 113,25	tadaiva tadgatāṃ jātimudbhāsayituṃ prabhuriti na pūrvāparavyaktigatā jātiḥ samasti | yadeva hi dvitīyavya- 
TBV-SD 113,26	ktigataṃ rūpaṃ bhāti tadeva sat, pūrvavyaktigataṃ tu rūpaṃ na bhātīti na tat sat | tataścānekavyaktivyā- 
TBV-SD 113,27	pikāyā jāterasiddhiriti na tatra liṅga — śabdayorapi pravṛttiriti na tābhyāmapi tatpratipattiḥ | yathā ca 
TBV-SD 113,28	vyaktibhinnā'nusyūtā jātirna saṃbhavati tathā yathāsthānaṃ pratipādayiṣyata ityāstāṃ tāvat | 
TBV-SD 113,29	tadevaṃ sattā — samavāyayoḥ paraparikalpitayorasiddheḥ ‘prāgasataḥ kāraṇasamavāyaḥ sattāsamavāyo 
TBV-SD 113,30	vā kāryatvam’ iti kāryatvasyāsiddhatvāt svarūpāsiddho'pi kāryatvalakṣaṇo hetuḥ | 
TBV-SD 113,31	atha syādeṣa doṣo yadi yathoktalakṣaṇaṃ kāryatvaṃ hetutvenopanyastaṃ syāt, yāvatā'bhūtvā bhavanala- 
TBV-SD 113,32	kṣaṇaṃ kāryatvaṃ hetutvenopanyastaṃ tenāyamadoṣaḥ | nanvevamapi bhū — bhūdharādeḥ kathamevaṃbhūtaṃ kāryatvaṃ siddham ? 
TBV-SD 113,33	atha yadi atra vipratipattiviṣayatā tadā'numānatasteṣu kāryatvaṃ sādhyate, taccānumānam — ‘bhū — bhūdharāyaḥ 
TBV-SD 113,34	kāryam, racanāvattvāt, ghaṭādivat’ iti kathaṃ na teṣu kāryatvalakṣaṇo hetuḥ siddhaḥ ? asadetat; yato'- 
TBV-SD 113,35	trāpi prayoge bhū — bhūdharāderavayavino'siddherāśrayāsiddhaḥ ‘racanāvattvāt’ iti hetuḥ, tadasiddhatvaṃ ca prāk 
TBV-SD 113,36	pratipāditam | 
TBV-SD 113,37	kiñca, kimidaṃ racanāvattvam ? yadi avayavasanniveśo racanā tadvattvaṃ ca pṛthivyādestadutpādya- 
TBV-SD 113,38	tvam tadā'vayavasanniveśasya saṃyogāparanāmno'siddhatvādasiddhaviśeṣaṇo racanāvattvāditi hetuḥ | tathā, 
TBV-SD 113,39	pṛthivyādiṣu saṃyogajanyatvasya viśeṣyasyāsiddhatvādasiddhaviśeṣyaśca prakṛto hetuḥ | 
TBV-SD 113,40	kathaṃ saṃyogāsiddhatvam yenoktadoṣaduṣṭaḥ prakṛto hetuḥ syāt ? ucyate, tadgrāhakapramāṇābhāvāt 
TBV-SD 113,41	bādhakapramāṇopapatteśca | tathāhi — 
TBV-SD 113,43	“saṃkhyā — parimāṇāni pṛthaktvam saṃyoga — vibhāgau paratvā'paratve karma ca rūpisamavāyāccā- 
TBV-SD 113,44	kṣuṣāṇi” 
TBV-SD 114,01	iti vacanāt dṛśyavastusamavetasya saṃyogasya pareṇa pratyakṣagrāhyatvamabhyupagatam | na ca nirantaro- 
TBV-SD 114,02	tpannavastudvayapratibhāsakāle'dhyakṣapratipattau tadvyatirekeṇāparaḥ saṃyogo bahirgrāhyarūpatāṃ bibhrāṇaḥ prati- 
TBV-SD 114,03	bhāti, nāpi kalpanābuddhau vastudvayaṃ yathoktaṃ vihāya śabdollekhaṃ cāntaram aparaṃ varṇākṛtyakṣarākārarahitaṃ 
TBV-SD 114,04	saṃyogasvarūpamudbhāti | tadevamupalabdhilakṣaṇaprāptasya saṃyogasyānupalabdherabhāvaḥ, śaśaviṣāṇavat | 
TBV-SD 114,05	tena yadāha uddyotakaraḥ — 
TBV-SD 114,06	“yadi saṃyogo nārthāntaraṃ bhavet tadā kṣetra — bījodakādayo nirviśiṣṭatvāt sarvadaivāṅkurādikāryaṃ 
TBV-SD 114,07	kuryuḥ, na caivam, taṇāt sarvadā kāryā'nārambhāt kṣetrādīnyaṅkurotpattau kāraṇāntarasāpekṣāṇi, yathā 
TBV-SD 114,08	mṛtpiṇḍādisāmagrī ghaṭādikaraṇe kulālādisāpekṣā; yo'sau kṣetrādibhirapekṣyaḥ sa saṃyoga iti 
TBV-SD 114,09	siddham | kiñca, asau saṃyogo dravyayorviśeṣaṇabhāvena pratīyamānatvāt tato'rthāntaratvena pratyakṣasiddha 
TBV-SD 114,10	eva | tathāhi — kaścit kenacit ‘saṃyukte dravye āhara’ ityukto yayoreva dravyayoḥ saṃyogamupalabhate te 
TBV-SD 114,11	evāharati na dravyamātram | kiñca, dūrataravarttinaḥ puṃsaḥ sāntare'pi vane nirantararūpāvasāyinī buddhi- 
TBV-SD 114,12	rudayagāsādayati, seyaṃ mithyābuddhiḥ mukhyapadārthānubhavamantareṇa na kvacidupajāyate | na hyananubhūtago- 
TBV-SD 114,13	darśanasya gavaye ‘gauḥ’ iti vibhramo bhavati | tasmādavaśyaṃ saṃyogo mukhyo'bhyupagantavyaḥ | tathā, ‘na caitraḥ 
TBV-SD 114,14	kuṇḍalī’ ityanena pratiṣedhavākyena na kuṇḍalaṃ pratiṣidhyate, nāpi caitraḥ, tayoranyatra deśādau sattvāt | 
TBV-SD 114,15	tasmāccaitrasya kuṇḍalasaṃyogaḥ pratiṣidhyate | tathā, ‘caitraḥ kuṇḍalī’ ityanenāpi vidhivākyena na caitra- 
TBV-SD 114,16	kuṇḍalayoranyataravidhānam, tayoḥ siddhatvāt; pāriśeṣyāt saṃyogavidhānam | tasmādastyeva saṃyogaḥ” 
TBV-SD 114,17	 iti, tannirastaṃ draṣṭavyam; saṃyuktadravyasvarūpāvabhāsavyatirekeṇāparasya saṃyogasya 
TBV-SD 114,18	pratyakṣe nirvikalpake savikalpake vā'pratibhāsasya pratipāditatvāt | 
TBV-SD 114,19	na ca saṃyuktapratyayānyathānupapattyā saṃyogakalpanopapannā, nirantarāvasthayoreva bhāvayoḥ saṃyukta- 
TBV-SD 114,20	pratyayahetutvāt | yāvacca tasyāmavasthāyāṃ saṃyogajanakatvena saṃyuktapratyayaviṣayau tāviṣyete tāvat saṃyo- 
TBV-SD 114,21	gamantareṇa saṃyuktapratyayahetutvena tadviṣayau kiṃ neṣyete kiṃ pāramparyeṇa ? na ca sāntare vane nirantarāvabhā- 
TBV-SD 114,22	sinī buddhirmukhyapadārthānubhavapūrvikā, askhalatpratyayatvenānupacarītatvāt | ‘na caitraḥ kuṇḍalī’ ityādau 
TBV-SD 114,23	caitrasaṃbandhikuṇḍalaṃ niṣidhyate vidhīyate vā na saṃyogaḥ | na ca saṃbandhavyatirekeṇa caitrasya kuṇḍala- 
TBV-SD 114,24	saṃbandhānupapattiriti vaktuṃ śakyam, yataścaitra — kuṇḍalayoḥ kiṃ saṃbandhinoḥ sa saṃbandhaḥ, utāsaṃbandhinoḥ ? 
TBV-SD 114,25	nāsaṃbandhinoḥ, himavadvindhyayorivāsaṃbandhinoḥ saṃbandhānupapatteḥ; na cāsaṃbandhinorbhinnasaṃbandhena tada- 
TBV-SD 114,26	bhinnaṃ saṃbandhitvaṃ śakyaṃ vidhātum, viruddhadharmādhyāsena bhedāt | nāpi bhinnam, tatsadbhāve'pi tayoḥ 
TBV-SD 114,27	svarūpeṇāsaṃbandhitvaprasaṅgāt; bhinnasya tatkṛtopakāramantareṇa tatsaṃbandhitvāyogāt; tato'paropakāra- 
TBV-SD 114,28	kalpane'navasthāprasaṅgāt | saṃbandhinostu saṃbandhaparikalpanaṃ vyartham, saṃbandhamantareṇāpi tayoḥ svata 
TBV-SD 114,29	eva saṃbandhisvarūpatvāt | 
TBV-SD 114,30	yattūktam ‘viśiṣṭāvasthāvyatirekeṇa kṣiti — bījodakādīnāṃ nāṅkurajanakatvam, sā ca viśiṣṭā- 
TBV-SD 114,31	vasthā teṣāṃ saṃyogarūpā śaktiḥ, tadasāram; yato yathā viśiṣṭāvasthāyuktāḥ kṣityādayaḥ saṃyogamutpā- 
TBV-SD 114,32	dayanti tathā tadavasthāyuktā aṅkurādikamapi kāryaṃ niṣpādayiṣyantīti vyarthaṃ saṃyogaśaktestadantarāla- 
TBV-SD 114,33	varttinyāḥ parikalpanam | atha saṃyogaśaktivyatirekeṇa na kāryotpādane kāraṇakalāpaḥ pravarttata iti 
TBV-SD 114,34	nirbandhastarhi saṃyogaśaktyutpādane'pyaparasaṃyogaśaktivyatirekeṇa nāsau pravarttata ityaparā saṃyogaśaktiḥ 
TBV-SD 114,35	parikalpanīyā, tatrāpyaparetyanavasthā | atha tāmantareṇāpi śaktimutpādayanti tarhi kāryamapi 
TBV-SD 114,36	tāmantareṇaivāṅkurādikaṃ nirvarttayiṣyantīti vyarthaṃ saṃyogaśaktestadantarālavarttinyāḥ kalpanam | 
TBV-SD 114,37	na ca viśiṣṭāvasthāvyatirekeṇa pṛthivyādayaḥ saṃyogaśaktimapi nirvarttayituṃ kṣamāḥ; tathā'bhyupagame 
TBV-SD 114,38	sarvadā tannirvarttanaprasaṅgādaṅkurāderapyanavaratotpattiprasaṅgaḥ | na cānyatarakarmādisavyapekṣāḥ saṃyogamutpā- 
TBV-SD 114,39	dayanti kṣityādaya iti nāyaṃ doṣaḥ, karmotpattāvapi saṃyogapakṣoktadūṣaṇasya sarvasya tulyatvāt | 
TBV-SD 114,40	tasmādekasāmagryadhīnaviśiṣṭotpattimatpadārthavyatirekeṇa nāparaḥ saṃyogaḥ, tasya bādhakapramāṇa- 
TBV-SD 115,01	viṣayatvāt sādhakapramāṇābhāvācca | yastu ‘saṃyukte dravye ete’ iti, ‘anayorvā'yaṃ saṃyogaḥ’ iti 
TBV-SD 115,02	vyapadeśaḥ sa bhedāntarapratikṣepāpratikṣepābhyāṃ tathā'yasthotpannavastudvayanibandhana eva, nāto'parasya 
TBV-SD 115,03	saṃyogasya siddhiḥ | na cākṣaṇikatve tayoḥ sa saṃbandhī yuktaḥ | tatsaṃbandhasya samavāyasya niṣiddhatvāt 
TBV-SD 115,04	niṣetsyamānatvācca | na ca tajjanyatvādasau tatsaṃbandhī, akṣaṇikatve janakatvavirodhasya pratipādayi- 
TBV-SD 115,05	ṣyamāṇatvāt | kṣaṇikatve'pi tayorekasāmagryadhīnā nairantaryotpattireva, nāparaḥ saṃyoga iti ‘racanā- 
TBV-SD 115,06	vattvāt’ ityatra hetorviśeṣaṇasya saṃyogaviśeṣasya racanālakṣaṇasyā'siddhestadvato viśeṣyasyāpyasiddhi- 
TBV-SD 115,07	riti svarūpāsiddhatvam | 
TBV-SD 115,08	atha pṛthivyādeḥ kāryatvaṃ bauddhairabhyupagamyata eveti nāsiddhatvaṃ tairasya hetoḥ preraṇīyam | nanvatrāpi 
TBV-SD 115,09	yādṛgbhūtaṃ buddhimatpūrvakatvena devakulādiṣvanvaya — vyatirekābhyāṃ vyāptaṃ kāryatvamupalabdham — yadakriyāda- 
TBV-SD 115,10	rśino'pi jīrṇadevakulādāvupalabhyamānaṃ laukikaparīkṣakādestatra kṛtabuddhimutpādayati — tādṛgbhūtasya 
TBV-SD 115,11	kṣityādiṣu kāryatvasyā'nupalabdherasiddhaḥ kāryatvalakṣaṇo hetuḥ | upalambhe vā tatra tato jīrṇadevakulā- 
TBV-SD 115,12	diṣvivā'kriyādarśino'pi kṛtabuddhiḥ syāt; na hyanbaya — vyatirekābhyāṃ suvivecitaṃ kāryaṃ kāraṇaṃ 
TBV-SD 115,13	vyabhicarati, tasyā'hetukatvaprasaṅgāt | ataḥ kṣityādiṣu kāryatvadarśanādakriyādarśinaḥ kṛtabuddhyanu- 
TBV-SD 115,14	papatteryad buddhimatkāraṇatvena vyāptaṃ kāryatvaṃ devakulādiṣu niścitaṃ tat tatra nāstītyasiddho hetuḥ; kevalaṃ 
TBV-SD 115,15	kāryatvamātraṃ prasiddhaṃ tatra | na ca prakṛtyā parasparamarthāntaratvena vyavasthito'pi dharmaḥ śabdamātreṇā'bhedī 
TBV-SD 115,16	hetutvenopādīyamāno'bhimatasādhyasiddhaye paryāpto bhavati, sādhyaviparyaye'pi tasya bhāvāvirodhāt; 
TBV-SD 115,17	yathā valmīke dharmiṇi kumbhakārakṛtatvasiddhaye mṛdvikāramātraṃ hetutvenopādīyamānamiti | yad buddhi- 
TBV-SD 115,18	matkāraṇatvena vyāptaṃ devakulādau kāryatvaṃ pramāṇataḥ prasiddhaṃ tacca kṣityādāvasiddham; yacca kṣityādau 
TBV-SD 115,19	kāryatvamātraṃ hetutvenopanyasyamānaṃ siddhaṃ tat sādhyaviparyaye bādhakapramāṇābhāvāt saṃdigdhavyatirekatve- 
TBV-SD 115,20	nānaikāntikam; na tato'bhimatasādhyasiddhiḥ | 
TBV-SD 115,21	nanvetat kāryasamaṃ nāma jātyuttaram | tathāhi — ‘kṛtakatvādanityaḥ śabdaḥ’ ityukte jātivādyatrāpi 
TBV-SD 115,22	prerayati — kimidaṃ ghaṭādigataṃ kṛtakatvaṃ hetutvenopanyastam, kiṃ vā śabdagatam, athobhayagatamiti ? 
TBV-SD 115,23	ādye pakṣe hetorasiddhiḥ, na hyanyadharmo'nyatra vartate | dvitīye'pi sādhanavikalo dṛṣṭāntaḥ | tṛtīye'pye- 
TBV-SD 115,24	tāveva doṣāviti | etacca kāryasamaṃ nāma jātyuttaramiti pratipāditam; yathoktam — “kāryatvānyatvale- 
TBV-SD 115,25	śena yat sādhyāsiddhidarśanaṃ tat kāryasamam” iti, kāryatvasāmānyasyānityatvasādha- 
TBV-SD 115,26	katvenopanyāse'bhyupagate dharmibhedena vikalpanavad buddhimatkāraṇatve kṣityāde; kāryatvamātreṇa sādhye'bhīṣṭe 
TBV-SD 115,27	dharmibhedena kāryatvādervikalpanāt, asadetat; yataḥ sāmānyena kāryatvānityatvayorviparyaye bādhakapra- 
TBV-SD 115,28	māṇabalād vyāptisiddhau kāryatvasāmānyaṃ śabdādau dharmiṇyupalabhyamānamanityatvaṃ sādhayatīti kāryatva- 
TBV-SD 115,29	mātrasyaiva tatra hetutvenopanyāse dharmavikalpanaṃ yat tatra kriyeta tat sarvānumānocchedakatvena kāryasamajā- 
TBV-SD 115,30	tyuttaratāmāsādayati; na tvevaṃ kṣityāderbuddhimatkāraṇatve sādhye kāryatvasāmānyaṃ hetutvena saṃbhavati, tasya 
TBV-SD 115,31	viparyaye bādhakapramāṇābhāvāt sandigdhavipakṣavyāvṛttikatvenā'naikāntikatvāt | yacca buddhimatkāra- 
TBV-SD 115,32	ṇapūrvakatvena vyāptaṃ devakulādau kāryatvaṃ pratipannam — yadakriyādarśino'pi jīrṇaprāsādādau kṛtabuddhimu- 
TBV-SD 115,33	tpādayati — tat tatrāsiddhamiti pratipāditam | 
TBV-SD 115,34	api ca, yadi atra vyāpakanityaikabuddhimatkāraṇaṃ kṣityādeḥ kāraṇatvenā'bhipretaṃ kāryatvalakṣaṇā- 
TBV-SD 115,35	ddhetoḥ tathā sati ghaṭādau dṛṣṭāntadharmiṇi tatpūrvakatvena kāryatvasyāniścayāt sādhyavikalo dṛṣṭāntaḥ, 
TBV-SD 115,36	viruddhaśca hetuḥ syāt, anityabuddhyādhārāvyāpakā'nekakartṛpūrvakatvena vyāptasya kāryatvasya ghaṭādau 
TBV-SD 115,37	niścayāt | atha buddhimatkāraṇatvamātraṃ sādhyatvenābhipretaṃ kṣityādau tarhi nityabuddhyādhāra — vyāpakaikakartṛ- 
TBV-SD 115,38	pūrvakatvalakṣaṇasya viśeṣasya kṣityādāvasiddherneśvarasiddhiḥ | atha buddhimatkāraṇatvasāmānyameva kṣityādau 
TBV-SD 115,39	sādhyate, tacca pakṣadharmatābalād viśiṣṭaviśeṣādhāraṃ sidhyati nirviśeṣasya sāmānyasyāsaṃbhavāt, 
TBV-SD 115,40	anityajñānavataḥ śarīriṇaḥ kṣityādivinirmāṇasāmarthyarahitatvena ghaṭādāvupalabdhasya viśeṣasya buddhi- 
TBV-SD 115,41	matkāraṇatvasāmānyādhārasya tatrāsaṃbhavāt | nanvevaṃ sāmānyāśrayatvena yad ghaṭādau vyaktisvarūpaṃ 
TBV-SD 116,01	pratipannaṃ tasya kṣityādāvasaṃbhavāt, anyasya ca vyaktisvarūpasya vivakṣitasāmānyāśrayatvenāprasiddhatvāt, 
TBV-SD 116,02	nirādhārasya ca sāmānyasyāsaṃbhavāt, buddhimatkāraṇatvasāmānyasyaiva kṣityādau na siddhiḥ syāt; na 
TBV-SD 116,03	hi kvacid gotvādhārasya khaṇḍādivyaktiviśeṣasyā'saṃbhave'nyarūpamahiṣyādivyaktisamāśritaṃ gotvaṃ 
TBV-SD 116,04	kutaściddhetoḥ siddhimāsādayati | 
TBV-SD 116,05	atha kāryatvasya kṣityādau buddhimatkāraṇatvābhāve'bhāvaprasaṅgād vilakṣaṇavyattayāśritasyāpi 
TBV-SD 116,06	tatsāmānyasya tatra siddhirbhavatyeva; yathā mahānasavilakṣaṇagiriśikharādyādhārasyāgnisāmānyasya 
TBV-SD 116,07	dhūmāt prasiddhiḥ | syādetat, yadi adhūmavyāvṛttaṃ dhūmamātramanagnivyāvṛttenāgninā vyāptaṃ yathā 
TBV-SD 116,08	pratyakṣā'nupalambhalakṣaṇāt pramāṇāt prasiddhaṃ tathā'trāpyabuddhimatkāraṇavyāvṛttena buddhimatkāraṇatva- 
TBV-SD 116,09	mātreṇā'kāryavyāvṛttasya kāryamātrasya kutaścit pramāṇād vyāptiḥ sarvopasaṃhāreṇa niścitā syāt, 
TBV-SD 116,10	yāvatā saiva na siddhā | atha yathā kāryadharmānuvṛtteḥ kāryaṃ hutabhujo dhūmaḥ, sa tadabhāve'pi bhavan 
TBV-SD 116,11	hetumattāṃ vilaṅghayet iti nāgnivyatirekeṇa dhūmasya sadbhāva iti sarvopasaṃhāreṇa vyāptisiddhistathā'- 
TBV-SD 116,12	trāpi bhūdharādi kāryadharmānuvṛttito buddhimatkāraṇakāryam, tadabhāve tad bhavad nirhetukaṃ syāditi 
TBV-SD 116,13	sarvopasaṃhāreṇa vyāptisiddhiḥ | nanu ghaṭādilakṣaṇaḥ kāryaviśeṣo buddhimadanvaya — vyatirekānuvidhāyī 
TBV-SD 116,14	ya upalabhyamānastatsamāneṣu padārtheṣvakriyādarśino'pi kṛtabuddhimutpādayati, sa eva buddhimatkāra- 
TBV-SD 116,15	ṇakāryatvāt tadabhāve bhavan nirhetukaḥ syāditi vaktuṃ śakyam, na punaḥ kāryatvamātraṃ kāraṇamātrahetukaṃ 
TBV-SD 116,16	buddhimatkāraṇābhāve bhavannirhetukamāsajyate, taddhi kāraṇamātrābhāve bhavad nirhetukaṃ syāt | na ca 
TBV-SD 116,17	kāryaviśeṣaḥ kartāramantareṇa nopalabdha iti kāryatvamātramapi kartṛviśeṣānumāpakamiti nyāyavidā 
TBV-SD 116,18	vaktuṃ yuktam; anyathā dhūmaviśeṣastatkālavahnyavyabhicarito mahānasādāvupalabdha iti dhūpaghaṭikādau 
TBV-SD 116,19	dhūmamātramapi tatkālavahnyanumāpakaṃ syāt | atha tatra tatkālavahnyanumāne tataḥ pratyakṣavirodhaḥ, sa 
TBV-SD 116,20	tarhi bhūruhādāvapyakṛṣṭajāte kartranumāne kāryatvalakṣaṇāddhetoḥ samānaḥ | atha tatkarturatīndriyatvā- 
TBV-SD 116,21	bhyupagamād na pratyakṣavirodhaḥ, dhūpaghaṭikādāvapi vahneratīndriyatvābhyupagame ko doṣo yena pratyakṣa- 
TBV-SD 116,22	virodha udbhāvyeta ? atha ‘yadi tatra tatkālasaṃbandhyanalo bhavet tadā bhāsvararūpasaṃbandhitvāt pratyakṣaḥ 
TBV-SD 116,23	syāt’ ityapratyakṣatvalakṣaṇo doṣaḥ; nanu bhāsvararūpasaṃbandhitvādanalo yadi tatkālaṃ syāt pratyakṣa 
TBV-SD 116,24	eva bhavedityetadeva kuto'vasitam ? mahānasādau tathābhūtasyaiva tasya darśanāditi cet; nanvevaṃ bhūru- 
TBV-SD 116,25	hādāvapi yadi kartā syāt tadā śarīravān dṛśya eva syāt, ghaṭādau kartustathābhūtasyaiva tasyopa- 
TBV-SD 116,26	lambhāt iti samānaṃ paśyāmaḥ | 
TBV-SD 116,27	atha vṛkṣaśākhābhaṅgādikāryasyā'dṛśyaḥ piśācādiḥ kartā yathā'bhyupagataḥ, svaśarīrā'vayavānāṃ 
TBV-SD 116,28	vā'paraśarīravyatirekeṇāpi yathā vā prerako devadattādiḥ, tathā bhūruhādikāryakartā'dṛśyaḥ śarīrā- 
TBV-SD 116,29	dirahitaśca yadi syāt ko doṣaḥ ? na kaścid dṛṣṭavyatikramavyatirekeṇa | tathāhi — devadattāderapi 
TBV-SD 116,30	svaśarīrāvayavaprerakatvaṃ viśiṣṭaśarīrasaṃbandhavyatirekeṇa nopalabdhamityetāvanmātrameva tatra tasya 
TBV-SD 116,31	kartṛtvanibandhanam, nāparaśarīrasaṃbandhastatra tasyopayogī iti bhūruhādikarturapi śarīrasaṃbaddhasyaiva 
TBV-SD 116,32	kāryakaraṇe vyāpāro yuktaḥ nānyathā | tatsaṃbandhaśca tasya yadi tatkṛto'bhyupagamyate tadā śarīrasaṃba- 
TBV-SD 116,33	ndharahitasya tadakaraṇasāmarthyamityaparaśarīrasaṃbandho'bhyupagantavyaḥ; anyathā śarīrasaṃbandharahitasya 
TBV-SD 116,34	kathaṃ prastutakāryakaraṇam ? tathā, tadabhyupagame vā'parāparaśarīranirvartane kṣīṇavyāpāratvādīśasya na 
TBV-SD 116,35	bhūruhādikāryanirvartanam | atha tadanirvartitaṃ taccharīraṃ tadā'trāpi vaktavyam — kiṃ tat kāryam, uta 
TBV-SD 116,36	nityamiti ? yadyādyaḥ pakṣaḥ, tadā tasya kāryatve satyapi na kartṛpūrvakatvam, tatastenaiva kāryatva- 
TBV-SD 116,37	lakṣaṇo heturvyabhicārī | atha nityam, tadā yathā taccharīrasya śarīratve satyapi nityatvalakṣaṇaḥ 
TBV-SD 116,38	svabhāvātikramo'bhyupagamyate tathā bhūruhādeḥ kāryatve satyapyakartṛpūrvakatvamabhyupagantavyamiti puna- 
TBV-SD 116,39	rapi tairheturvyabhicārī prakṛtaḥ | 
TBV-SD 116,40	piśācādestu śarīrasaṃbandharahitasya kāryakartṛtvaṃ muktātmana ivānupapannam | athāstyeva tasya 
TBV-SD 116,41	śarīrasaṃbandhaḥ, kintvadṛśyaśarīrasaṃbandhādasāvadṛśyaḥ kartā'bhyupagamyate; nanu kulālāderapi śarīra- 
TBV-SD 116,42	saṃbandha eva dṛśyatvaṃ nāparam, svarūpeṇātmano'dṛśyatvāt | atha dṛśyaśarīrasaṃbandhāt tasya dṛśya- 
TBV-SD 117,01	tvam; nanu piśācādiśarīrasya śarīratve satyapi kathamadṛśyatvam ? asmadādicakṣurvyāpāreṇa tasyā- 
TBV-SD 117,02	nupalambhāditi cet; nanu yathā śarīratve satyapyasmadādiśarīravilakṣaṇaṃ piśācādilakṣaṇaṃ śarīrama- 
TBV-SD 117,03	nupalabhyatvenābhyupagamyate tathā ghaṭādivilakṣaṇaṃ bhūruhādi kāryatve satyapyakartṛkatvena kiṃ nābhyupa- 
TBV-SD 117,04	gamyate ? tathā'bhyupagame ca punarapi prakṛto heturvyabhicārī | tadevamasiddhatvā'naikāntikatva — viru- 
TBV-SD 117,05	ddhatvadoṣaduṣṭatvād nāsmāddhetoḥ prastutasādhyasiddhiḥ | tena yaduktam ‘pṛthivyādigatasya kāryatvasyā- 
TBV-SD 117,06	pratipatterna tasmādīśvarāvagamaḥ’ iti, tad yuktamevoktam | 
TBV-SD 117,07	yattūktam ‘pṛthivyādīnāṃ bauddhaiḥ kāryatvamabhyupagatam te kathamevaṃ vadeyuḥ’ iti, tadasāram; prakṛta- 
TBV-SD 117,08	sādhyasiddhinibandhanasya kāryatvasya teṣvasiddhatvapratipādanāt | yaccābhāṣi ‘ye'pi cārvākāsteṣāṃ 
TBV-SD 117,09	kāryatvaṃ necchanti teṣāmapi viśiṣṭasaṃsthānayuktānāṃ kathamakāryatā’ iti, tadapyayuktam; saṃsthānayukta- 
TBV-SD 117,10	tvasyāsiddhatvādidoṣaduṣṭatvapratipādanāt | yacca ‘saṃsthānaśabdavācyatvaṃ kevalaṃ ghaṭādibhiḥ sāmānyaṃ 
TBV-SD 117,11	pṛthivyādīnām, na tvarthaḥ kaścid dvayoranugataḥ samāno vidyate’ tadevameva; yattūktam ‘dhūmādāvapi 
TBV-SD 117,12	pūrvāparavyaktigato naiva kaścidanugato'rthaḥ samāno'sti’ ityādi, tadasaṅgatam; ghaṭādisaṃsthānebhyaḥ 
TBV-SD 117,13	pṛthivyādisaṃsthānasya vailakṣaṇyena hetorasiddhatvapratipādanāt | 
TBV-SD 117,14	yadapyuktam ‘vyutpannānāmastyeva pṛthivyādisaṃsthānavattva — kāryatvāderhetordharmidharmatā'vagamaḥ, 
TBV-SD 117,15	avyutpannānāṃ tu prasiddhānumāne dhūmādāvapi nāsti’ iti, tadapyacāru; yato yadyanumānanimittahetupakṣa- 
TBV-SD 117,16	dharmatva — pratibandhalakṣaṇāṃ vyutpattimāśritya vyutpannā abhidhīyante tadā pṛthivyādigatasaṃsthāna — kārya- 
TBV-SD 117,17	tvādau ghaṭādisaṃsthānavailakṣaṇye prakṛtasādhyasādhake vyutpattirna keṣāñcidapi bhavati, yathoktasādhya- 
TBV-SD 117,18	vyāptasya pṛthivyādau saṃsthānāderabhāvāt | bhāve vā śarīrādimato'smadādīndriyagrāhyasyānityabuddhyā- 
TBV-SD 117,19	didharmakalāpopetasya ghaṭādau saṃsthānādihetuvyāpakatvena pratipannasya kartuḥ pṛthivyādau tataḥ pratipattiḥ 
TBV-SD 117,20	syāt, na hi hetuvyāpakamapahāyā'vyāpakasya viruddhadharmākrāntasyā'parasya sādhyadharmasya pratipattiḥ 
TBV-SD 117,21	sādhyadharmiṇi yathoktalakṣaṇalakṣitahetubalasamutthetyanumānavidāṃ vyavahāraḥ | kāraṇamātrapratipattau tu 
TBV-SD 117,22	tataḥ tatra na vipratipattiriti siddhasādhyatā | atha hetulakṣaṇavyutpattivyatiriktāṃ vyutpattimāśritya 
TBV-SD 117,23	‘vyutpannānām’ ityucyate tadā ‘kenacit sraṣṭrā jagat sṛṣṭam’ iti nirmūladurāgamāhitavāsanānāma- 
TBV-SD 117,24	styeva pṛthivyādisaṃsthānavattva — kāryatvāderhetordharmidharmatā'vagamādiḥ; na ca tathābhūtadharmidharmatādyavaga- 
TBV-SD 117,25	māt sādhyasiddhiḥ, vede mīmāṃsakasyā'smaryamāṇakartṛkatvādeḥ dharmidharmatā'vagamāderyathā'pauruṣeya- 
TBV-SD 117,26	tvasya | ‘avyutpannānāṃ tu prasiddhānumāne dhūmādāvapi nāsti’ iti yuktameva, asmābhirapyabhyupagamāt | 
TBV-SD 117,27	yattu ‘prāsādādisaṃsthānādervailakṣaṇye'pi pṛthivyādisaṃsthānādeḥ kāryatvādi pṛthivyādīnāmi- 
TBV-SD 117,28	ṣyate, kāryaṃ ca kartṛ — karaṇa — karmapūrvakaṃ dṛṣṭam’ ityādi, tadapyasaṅgatam; yato yadi nāma ghaṭāderviśiṣṭa- 
TBV-SD 117,29	kāryasya kartṛpūrvakatvamupalabdhaṃ naitāvatā'viśiṣṭasyāpi bhūruhādikāryasya kartṛpūrvakatvamabhyupagantuṃ 
TBV-SD 117,30	yuktam; anyathā pṛthivīlakṣaṇasya kāryasya rūpa — rasa — gandha — sparśaguṇayogitvamupalabdhaṃ bhūtatve sati, 
TBV-SD 117,31	vāyorapi tadyogitvamabhyupagamanīyaṃ syāt, tattvādeva | athātra pratyakṣādibādhaḥ, sa bhūruhādikārye- 
TBV-SD 117,32	ṣvapi samāna iti prāk pratipāditam | yattūktam ‘kartṛpūrvakasya kāryatvādestadvailakṣaṇyād na tataḥ 
TBV-SD 117,33	sādhyāvagamaḥ’ ityādi, tat satyameva; tadvailakṣaṇyasya prasādhitatvāt | ata eva siddham ‘yādṛgadhi- 
TBV-SD 117,34	ṣṭhātṛbhāvābhāvānuvṛttimat sanniveśādi’ ityādigranthapratipāditasya dūṣaṇasya kāryatvādau sarvasminnī- 
TBV-SD 117,35	śvarasādhake hetau samānatvād na kasyacit tatsādhakatā | ‘yadyevamanumānocchedaprasaṅgaḥ, dhūmādi 
TBV-SD 117,36	yathāvidhamagnyādisāmagrībhāvābhāvānuvṛttimat tathāvidhametad yadi parvatopari bhavet syāt tato 
TBV-SD 117,37	vahnyādyavagamaḥ’ ityādikastu pūrvapakṣagranthaḥ pūrvameva vihitottaraḥ | 
TBV-SD 117,38	yathā yathābhūto'dhūmavyāvṛtto dhūmo'nagnivyāvṛttenā'gninā vyāpto viparyaye bādhakapramāṇaba- 
TBV-SD 117,39	lādavasito giriśikharādāvupalabhyamānastaddeśamagnisāmānyamaniyatatārṇa — pārṇādyagnivyaktisamāśri- 
TBV-SD 118,01	tamanumāpayati; naivaṃ kāryatvamātraṃ buddhimatkāraṇatvasāmānyena vyāptaṃ viparyaye bādhakapramāṇabalād 
TBV-SD 118,02	niścitaṃ kintu kāraṇatvamātreṇa vyāptaṃ tat tadbalād niścitam, taccopalabhyamānaṃ kṣityādau kāra- 
TBV-SD 118,03	ṇamātramanumāpayati yathā giriśikharādāvupalabhyamāno dhūmastatsaṃbaddhamagnimātramaniyatavyaktiniṣṭham, 
TBV-SD 118,04	tena ‘pṛthivyādigatakāryatvadarśanāt kartradarśinastadapratipattivat śikharyādigatavahnyādyadarśināṃ 
TBV-SD 118,05	dhūmādapi tadapratipattirastu’ iti ko'nyo'numānasvarūpavido bhavato vaktuṃ kṣamaḥ | yadi hi kāryavi- 
TBV-SD 118,06	śeṣāddhūmalakṣaṇādupalabhyamānād gṛhītāvinābhāvasya puṃso'gnilakṣaṇakāraṇaviśeṣapratipattirgiriśikha- 
TBV-SD 118,07	rādau bhavati tadā kāryamātrāt pṛthivyādāvupalabhyamānādabuddhimatkāraṇaviśeṣasya tatra 
TBV-SD 118,08	pratipattau kimāyātam ? kāraṇamātrapratipattistu tatastatra bhavatyeva, “suvivecitaṃ kāryaṃ kāraṇaṃ na 
TBV-SD 118,09	vyabhicarati” iti nyāyāt | ata evānyasya saṃbaddhasyānyataḥ pratipattau kāryakāraṇāvagamādau 
TBV-SD 118,10	prayatnaḥ kāryaḥ; anyathā tadutthapramāṇasya pramāṇābhāsatā syāt | yattu ‘na cātra śabdasāmānyaṃ vastvanu- 
TBV-SD 118,11	gamo nāstīti yuktaṃ vaktum, dhūmādāvapi śabdasāmānyasya vaktuṃ śakyatvāt’ iti, tadapyasaṅgatam; 
TBV-SD 118,12	dhūmādivailakṣaṇyena pṛthivyādau kāryatvasya buddhimatkāraṇatvāvyāpteḥ śabdasāmānyasya sādhitatvāt | 
TBV-SD 118,13	yacca ‘ghaṭādivat pṛthivyādi svāvayavasaṃyogairārabdhamavaśyaṃ tadviśleṣād vināśamanubhaviṣyati’ 
TBV-SD 118,14	ityādi, tadapyasaṅgatam; avayavasaṃyogavat tadviśleṣasyāpi vibhāgalakṣaṇasya vināśaṃ prati hetutve- 
TBV-SD 118,15	nopanyastasyāsiddhatvāt; tadasiddhatvaṃ ca saṃyogavad vaktavyam | ‘evaṃ vināśād vā saṃbhāvitāt 
TBV-SD 118,16	kāryatvānumānaṃ racanāsvabhāvatvād vā’ ityādi sarvaṃ nirastaṃ draṣṭavyam | yattu cārvākaṃ prati kāryatva- 
TBV-SD 118,17	sādhanāyoktam — ‘yathā laukika-vaidikyo racanayoraviśeṣāt kartṛpūrvakatvaṃ tathā prāsādādi — pṛthivyā- 
TBV-SD 118,18	disaṃsthānayorapi tadrūpatā'stu, aviśeṣāt’ tadapyacāru; tadviśeṣasya pratipāditatvāt; tataḥ kārya- 
TBV-SD 118,19	tvādilakṣaṇasya hetorasiddhataiva | yaccābhāṣi ‘siddhatve'pi nāsmāddhetoḥ sādhyasiddhiryuktā; na hi kevalāt 
TBV-SD 118,20	pakṣadharmād vyāptiśūnyāt sādhyāvagamaḥ’ tat satyameva, vyāptirahitāddhetoḥ sādhyasiddherasaṃbhavāt | 
TBV-SD 118,21	yacca ‘ghaṭādau kartṛpūrvakatvena kāryatvāvagame'pi keṣāñcit kāryāṇāmakartṛpūrvakāṇāṃ kāryatvadarśa- 
TBV-SD 118,22	nānna sarvaṃ kāryaṃ kartṛpūrvakam yathā vaneṣu vanaspatyādīnām’ iti, tadapi satyameva ‘tasmād neśvara- 
TBV-SD 118,23	siddhau kaściddheturavyabhicāryasti’ ityetatparyantam | yadapyuktam ‘nākṛṣṭajātaiḥ sthāvarādibhirvyabhicāro 
TBV-SD 118,24	vyāptyabhāvo vā, sādhyābhāve heturvartamāno vyabhicāryucyate; teṣu kartragrahaṇaṃ na kartrabhāvaniścayaḥ’ iti, 
TBV-SD 118,25	tadapyasāram; sarvapramāṇāviṣayatve'pi yadi sthāvarādiṣu kartrabhāvaniścayo na bhavati tathā sati 
TBV-SD 118,26	ākāśādau rūpādyabhāvaniścayo mā bhūt | atha tatra rūpādisadbhāvabādhakapramāṇasadbhāvāt tadabhāva- 
TBV-SD 118,27	niścayaḥ, so'trāpi samānaḥ | tacca pramāṇaṃ pradarśayiṣyāmo'nantarameva | 
TBV-SD 118,28	yattūktam ‘kṣityādyanvaya — vyatirekānuvidhānadarśanāt teṣām tadatiriktasya kāraṇatvakalpane'ti- 
TBV-SD 118,29	prasaṅgadoṣa iti, etasyāṃ kalpanāyāṃ dharmādharmayorapi na kāraṇatā bhavet’ ityādi, tadayuktam; dharmā- 
TBV-SD 118,30	dharmādeḥ kāraṇatvaṃ jagadvaicitryānyathā'nupapattyā vyavasthāpyate | tathāhi — sarvān utpattimataḥ prati 
TBV-SD 118,31	bhūmyādeḥ sādhāraṇatvāt tadanyādṛṣṭākhyavicitrakāraṇakṛtaṃ kāryavaicitryam | na caivamīśvarasya kāraṇa- 
TBV-SD 118,32	tvaparikalpanāyāṃ kiñcinnimittaṃ saṃbhavati, tadvyatirekeṇa kasyacidarthasyānupapadyamānasyādṛṣṭeḥ | na ca 
TBV-SD 118,33	cetanaṃ kartāraṃ vinā kāryasvarūpānupapattiriti śakyaṃ vaktum; dṛṣṭasyaiva sugatasutaiścaitanyasya jaga- 
TBV-SD 118,34	dvaicitryakartṛkatvenābhyupagamāt; tadā tadvyatiriktā'nyeśvarasya kalpanāyāṃ nimittābhāvāt | 
TBV-SD 118,35	na cādṛṣṭasya cetaneṣvapi sakalajagadupādānopakaraṇasaṃpradānādyabhijñātā na saṃbhavatīti 
TBV-SD 118,36	tadvyatirikto'paro maheśastajjñaḥ kalpanīya iti vaktuṃ yuktam, tajjñānavattvena tasyāpyasiddheḥ | na ca 
TBV-SD 118,37	sakalajagatkartṛtvādeva tajjñātvaṃ tasya siddham; itaretarāśrayadoṣaprasaṅgāt | tathāhi — siddhe sakalajaga- 
TBV-SD 118,38	dupādānādyabhijñatve sakalajagatkartṛtvasiddhiḥ, tatsiddhau ca tasya tadabhijñatvasiddhiriti vyaktamitare- 
TBV-SD 119,01	tarāśrayatvam | atha yad yat kāryaṃ tat tad upādānādyabhijñakartṛpūrvakamupalabdhaṃ ghaṭādivat; pṛthi- 
TBV-SD 119,02	vyādyapi kāryam, tena tadapi tadabhijñakartṛpūrvakaṃ yuktamiti netaretarāśrayadoṣaḥ | nanu ghaṭādikārya- 
TBV-SD 119,03	karturapi kulālāderyadapi sarvathā ghaṭādyupādānādyabhijñatvaṃ siddhaṃ syāt tadā yujyetāpyetad vaktum; na 
TBV-SD 119,04	ca tasyā'pi ghaṭādyupādānopakaraṇādeḥ parimāṇā'vayavasaṃkhyeyatvādyanekadharmasākṣātkaraṇajñānamasti, 
TBV-SD 119,05	tattvaṃ siddham | cinmātraparijñānaṃ tu cetanatve'dṛṣṭasyāpi tadādhārasya vā sattvasya tadadṛṣṭa- 
TBV-SD 119,06	nirvartitaphalopabhoktuḥ pratiniyataśarīrādhiṣṭhāyakasya vidyate iti vyarthaṃ vyatiriktāparajñānavato maheśasya 
TBV-SD 119,07	parikalpanam | na cāyamekāntaḥ — sarvaṃ kāryaṃ tadupādānādyabhijñenaiva kartrā nirvartyata iti; svāpa — madā- 
TBV-SD 119,08	vasthāyāṃ śarīrādyavayavapreraṇasya kāryasya tadupādānābhijñānā'bhāve'pi tatkṛtatvenopalabdheḥ | 
TBV-SD 119,09	yaccoktam — ‘na cākṛṣṭajāteṣu sthāvarādiṣu tasyāgrahaṇena pratikṣepaḥ, anupalabdhilakṣaṇaprāptatvā- 
TBV-SD 119,10	dadṛṣṭavat’ iti, tadapyacāru; yato yadi tasya śarīrasaṃbandharahitasya kartṛtvamabhyupeyate tanna yuktisaṅga- 
TBV-SD 119,11	tam, tatsaṃbandharahitasya muktātmana iva jagatkartṛtvānupapatteḥ | atha jñāna — prayatna — cikīrṣā — samavā- 
TBV-SD 119,12	yābhāvād muktātmano'kartṛtvaṃ na punaḥ śarīrasaṃbandhābhāvāditi viṣamo dṛṣṭāntaḥ, tadayuktam; jñānādi- 
TBV-SD 119,13	samavāyasya kartṛtvenābhyupagatasya tatrā'pi niṣiddhatvāt | tasmāccharīrasaṃbandhādeva tasya jagatkartṛtvama- 
TBV-SD 119,14	bhyupagantavyam kulālasyeva ghaṭakartṛtvam | tatsaṃbandhaścedabhyupagamyate kathaṃ na tasyopalabdhilakṣaṇaprāpta- 
TBV-SD 119,15	tvam ? kulālāderapi śarīrasaṃbandhādeva upalabdhilakṣaṇaprāptatvam na punaḥ tatsaṃbandharahitasyātmano 
TBV-SD 119,16	dṛśyatvam | tacceśvare'pi śarīrasaṃbandhitvaṃ kartṛtvādabhyupagantavyamityupalabdhilakṣaṇaprāptasyānupalabdhe- 
TBV-SD 119,17	statkartuḥ sthāvarādiṣvabhāvaḥ siddha iti kathaṃ na taiḥ kāryatvalakṣaṇo heturvyabhicārī ? 
TBV-SD 119,18	athādṛśyaṃ taccharīramatastatra sadapi nopalabhyata ityayamadoṣaḥ; nanvevamapi ‘asmin sati idaṃ 
TBV-SD 119,19	sthāvarādikaṃ jātam’ iti pratipattirmā bhūt, tathā'nyakāraṇabhāve'pi yathā'tīndriyasye- 
TBV-SD 119,20	ndriyasyā'bhāve rūpādijñānaṃ nopajāyate tathā pṛthivyādikāraṇasākalye'pi kadācit taccharīravirahe 
TBV-SD 119,21	tatsthāvarādikāryaṃ nopajāyata iti vyatirekāt pratītiḥ kiṃ na syāt ? yadā yatrataccharīraṃ niyamena 
TBV-SD 119,22	saṃnihitamiti cā'yaṃ doṣastarhi yugapadbhāviṣu trilokādhikaraṇeṣu bhāveṣu kā vārtā ? na hyekasya 
TBV-SD 119,23	mūrtasya sāvayavasya maheśvaravapuṣo'pi yugapatsakalavyāptiḥ saṃbhavati | amūrtatve niraṃśaprasaṅgādākā- 
TBV-SD 119,24	śameva taccharīram, tasya taccharīratvenādyāpyasiddhatvāt | atha yāvanti kramabhāvīnyaṅkurādikāryāṇi 
TBV-SD 119,25	tāvanti tathāvidhāni taccharīrāṇi kalpyante tarhi taccharīraiḥ sakalaṃ jagadāpūritamiti nāṅkurādi- 
TBV-SD 119,26	kāryairutpattavyam tadutpattideśābhāvād, nāpi māheśvaraiḥ kvacit pravartitavyam, kutaścidvā nivartita- 
TBV-SD 119,27	vyam; taccharīrāṇāṃ pādādyabhighātabhayāt | api ca, tānyapi kāryāṇi, sāvayavatvāt, kumbhavat; 
TBV-SD 119,28	tatastatkaraṇe tāvantyevā'parāṇi tasya śarīrāṇi kalpanīyāni, punastatkaraṇe'pi nānava- 
TBV-SD 119,29	sthāto muktiḥ | tanna śarīravyāpārasahāyo'pyasau sthāvarādikāryaṃ karotīti kalpayituṃ yuktam, ane- 
TBV-SD 119,30	kadoṣaprasaṅgāt | 
TBV-SD 119,31	nā'pi sattāmātreṇā'sau svakāryaṃ karotīti kalpayituṃ yuktam, śarīrakalpanavaiyarthyaprasaṅgāt | 
TBV-SD 119,32	atha sarvotpattimatāmīśvaro nimittakāraṇam, tasya tatkāraṇatvaṃ sakalakāryakāraṇaparijñāne nānyathā, 
TBV-SD 119,33	tatparijñānavānityasyendriyaśarīramantareṇānupapatteḥ atastadarthaṃ tatpa- 
TBV-SD 119,34	rikalpanamiti cet, na; sakalahetuphalaviṣayaṃ tasyāsyendriyaśarīrajaṃ jñānaṃ na 
TBV-SD 119,35	saṃbhavati, indriyāṇāṃ yugapatsarvārthasannikarṣābhāvāt; indriyārthasannikarṣajaṃ ca naiyāyikaiḥ pratyakṣa- 
TBV-SD 119,36	mabhyupagamyate, taduktam — 
TBV-SD 119,37	“indriyārthasannikarṣotpannaṃ jñānamavyapadeśyamavyabhicāri vyavasāyātmakaṃ pratyakṣam” 
TBV-SD 119,38	
TBV-SD 120,01	sāmagrī — phala — svarūpaviśeṣaṇapakṣatraye'pīndriyārthasaṃnikarṣajasya tasya prāmāṇyābhyupagamāt; tathā, 
TBV-SD 120,02	“pramāṇato'rthapratipattau pravṛttisāmarthyādarthavat pramāṇam” ityatra bhāṣyam 
TBV-SD 120,03	“pramātṛ — prameyābhyāmarthāntaraṃ pramitilakṣaṇe phale sādhakatamavad iti arthaḥ sahakāri pramāṇaṃ 
TBV-SD 120,04	pratipāditam, sahakāritvaṃ cā'rthasya pramāṇasya phalajanane vyāpriyamāṇasya phalajanakatvena tasyāpi 
TBV-SD 120,05	sahāyabhāvaḥ, ‘saha karotīti sahakāri’ iti vyutpatteḥ | na cāsannihitasyārthasyā'tītasyā'nāgatasya 
TBV-SD 120,06	vā pramitilakṣaṇaphalajananaṃ prati vyāpāraḥ saṃbhavati | na ca pramityajanako'rthaḥ, tadabhyupagame na 
TBV-SD 120,07	pramāṇaviṣayatānyataḥ sendriyaśarīrajanitapratyakṣajñānavattvābhyupagame maheśasya na sakalakārya- 
TBV-SD 120,08	kāraṇaviṣayajñānasaṃbhavaḥ; iti śarīrasaṃbandhāt tasya jagatkartṛtvābhyupagame tadakartṛtvameva prasaktam, 
TBV-SD 120,09	iti na tasyādṛśyaśarīrasaṃbandho'bhyupagantuṃ yuktaḥ | 
TBV-SD 120,10	api ca, ghaṭādi kāryaṃ dṛśyaśarīrasaṃbaddhapuruṣapūrvakamupalabdham ityaṅkurādi kāryamapi tathā 
TBV-SD 120,11	kalpanīyam | atha tatparikalpane pratyakṣabādhā'navasthādidoṣādaṅkurādikāryasya kartṛpūrvakataiva viśīryata 
TBV-SD 120,12	iti na tathākalpanam | nanu tadvivaraṇe ko doṣaḥ ? athāṅkurādeḥ kāryatā anekakaraṇa- 
TBV-SD 120,13	mātrābhāve samupajāyamānasya tasya akāryatāprasaktiḥ, na punaḥ kartṛbhāve; anyathā gopālaghaṭikādau 
TBV-SD 120,14	tatkālāgnyabhāve dhūmasyāpyabhāvaprasaktiḥ, na punaḥ kartṛbhāvenā'nalapūrvakatvaṃ vyāptigrahaṇakāle dhūmasya 
TBV-SD 120,15	pratipannam, tena tatastatra tatkāraṇamanalā'numānam | nanvevaṃ kāryamātraṃ kāraṇamātrapūrvakatvena vyāptaṃ 
TBV-SD 120,16	vyāptigrahaṇakāle pratipannamaṅkurādāvupalabhyamānaṃ kāraṇamātramidamanumāpayatu na punarbuddhimatkāraṇa- 
TBV-SD 120,17	viśeṣam, tena kāryamātrasya vyāpteraniścayāt | na ca dṛśyaśarīrasaṃbaddhabuddhimatkāraṇapūrvakatvaṃ kāryaviśe- 
TBV-SD 120,18	ṣasyopalabdhamaṅkurādau tu kāryatvamupalabhyamānaṃ tathābhūtakartṛpūrvakatvānumāne tatra pratyakṣavirodha ityadṛśya- 
TBV-SD 120,19	saṃbaddhaśarīrakartṛpūrvakatvamanumāpayatīti vaktuṃ śakyam; tathā'bhyupagame gopālaghaṭikādāvapi tatkā- 
TBV-SD 120,20	lādṛśyā'nalānumāpako dhūmaḥ kiṃ na syāt ? na ca vahniradṛśyo na saṃbhavatīti vaktuṃ śakyam, 
TBV-SD 120,21	nāyanaraśmiṣvadṛśyasya tasya sadbhāvābhyupagamāt | athāvyavahitarūpopalabdhyanyathānupapattyā tasya 
TBV-SD 120,22	tathābhūtasya parikalpanam; nanvevaṃ dhūmasadbhāvānyathā'nupapattyā tatra tasya tathābhūtasya kiṃ na parikalpa- 
TBV-SD 120,23	nam ? api ca, yathā'nalasya bhāsvararūpasaṃbandhitve satyapi tasyodbhūtatvā'nudbhūtatvābhyāṃ dṛśyatvā- 
TBV-SD 120,24	'dṛśyatve parikalpyete tathā prāsādā'ṅkurādīnāṃ kāryatve kiṃ na parikalpyete nyāyasya samānatvāt ? 
TBV-SD 120,25	tannādṛśyaśarīrasaṃbandhāt tasyāṅkurādikāryotpādakatvaṃ yuktam | dṛśyaśarīrasaṃbandhāt tatkartṛtve 
TBV-SD 120,26	upalabhyānupalambhāt kathaṃ tasya nā'bhāvaḥ ? yattūktam ‘na ca sarvā kāraṇasāmagryupalabdhilakṣaṇaprāptā’ 
TBV-SD 120,27	ityādi, tat satyameva; idaṃ tvasatyam — ‘īśvarasya kāraṇatve'pi na tatsvarūpagrahaṇaṃ pratyakṣeṇa, adṛṣṭavat 
TBV-SD 120,28	kāryadbāreṇa tatpratipatteḥ’ iti; adṛṣṭapratipattāviveśvarapratipattau kāryatvāderhetornirdoṣasyā'saṃbhavā- 
TBV-SD 120,29	diti pratipāditatvāt | 
TBV-SD 120,30	yattūktam ‘sthāvareṣu kartragrahaṇaṃ kartrabhāvāt, āhosvid vidyamānatve'pi tasyāgrahaṇamanupalabhya- 
TBV-SD 120,31	svabhāvatvena, evaṃ saṃdigdhavyatiriktatve na kaściddheturgamakaḥ, dhūmāderapi sakalavyaktyākṣepeṇa vyāptyu- 
TBV-SD 120,32	palambhakāle na sakalā vahnivyaktayo dṛśyāḥ’ ityādi yāvat ‘sarvamutpattimat kartṛ — karaṇapūrvakaṃ 
TBV-SD 120,33	dṛṣṭam, tasya sakṛdapi tathādarśanāt tajjanyatāsvabhāvaḥ, tasyaivaṃ svabhāvaniścitāvanyatamābhāve'pi 
TBV-SD 120,34	kathaṃ svabhāvaḥ’ iti, tadapyasaṃgatam; yato yādṛgbhūtameva ghaṭādikāryaṃ tatpūrvakamupalabdhaṃ tasya sakṛ- 
TBV-SD 120,35	dapi tathādarśanāt tajjanyaḥ svabhāvo vyavasthita iti tadanyatamābhāve'pi tasya bhāve sakṛdapi 
TBV-SD 120,36	tatastadbhāvo na syāditi yuktaṃ ca vaktum na punastadvilakṣaṇaṃ bhūruhādikaṃ kartṛ-karaṇapūrvakaṃ 
TBV-SD 120,37	kadācanāpyupalabdham kintu kāraṇamātrapūrvakam, atastadbhāve tasya bhavato'hetukatvaprāpte- 
TBV-SD 121,01	stadeva tad gamayatītyasakṛdāveditam | yathā ‘anupalabhyamānakartṛkeṣu sthāvareṣu karturanupalambhaḥ 
TBV-SD 121,02	śarīrādyabhāvāt, na tvasattvāt’ ityādi, tadapi pratikṣiptam; uktottaratvāt | yadapyuktam ‘caitanya- 
TBV-SD 121,03	mātreṇopādānādyadhiṣṭhānāt kathaṃ pratyakṣavyāpṛtiḥ’ ? tadasaṃgatam; tathopādānādyadhiṣṭhāyakatvasya 
TBV-SD 121,04	kvacidapyadarśanāt, adṛṣṭasyāpi tasya kalpane buddhyanadhiṣṭhitasyāpi bhūruhādyupādānasya tatkartṛtvaṃ 
TBV-SD 121,05	kiṃ na kalpyate adarśanāviśeṣāt ? 
TBV-SD 121,06	yaccābhyadhāyi ‘kāryasya śarīreṇa saha vyabhicāro dṛśyate, svaśarīrāvayavānāṃ hi śarīrāntarama- 
TBV-SD 121,07	ntareṇāpi pravṛtti — nivṛttī kevalo vidadhāti’ iti, tadapyayuktam; yataḥ śarīrasaṃbandhavyatirekeṇa ceta- 
TBV-SD 121,08	nasya svaśarīrāvayaveṣvanyatra vā kāryanirvartakatvaṃ na dṛṣṭamityanyatrāpi tat tasya na kalpanīyamitthetāva- 
TBV-SD 121,09	nmātrameva pratipādyate, na tvaparaśarīrasaṃbandhaparikalpanamatropayogi | yadi ca śarīrarahitasyāpi tasya 
TBV-SD 121,10	bhūruhādikārye vyāpāraḥ parikalpyate tarhi muktasyāpi tadantareṇa jñānasamavāyikāraṇatvaparikalpanaṃ 
TBV-SD 121,11	kiṃ na kriyate ? tathā'bhyupagame na jñāna — sukhādiguṇarahitātmasvarūpāvasthitirmuktiḥ saṃbhavati iti 
TBV-SD 121,12	tadarthamīśvarā''rādhanamasaṃgatamāsajyeta | yadapi ‘kāryaṃ śarīreṇa vinā karotīti naḥ sādhyam, tat 
TBV-SD 121,13	svaśarīragatam, anyagataṃ veti nānena kiñcit’ iti, tadapyasāram; śarīravyatirekeṇa kāryakaraṇādarśa- 
TBV-SD 121,14	nāt; svaśarīrapravṛttisvarūpe'pi kārye taccharīrasaṃbaddhasyaiva vyāpārāt, ataḥ “acetanaḥ kathaṃ bhāvasta- 
TBV-SD 121,15	dicchāmanuvarttate” iti dūṣaṇaṃ vyavasthitameva, acetanasya śarīrādeḥ śarīrāsaṃbaddhecchā- 
TBV-SD 121,16	mātrānuvartanā'darśanāt | tadasaṃbaddhasyecchāyā apyabhāvāt muktasyeva kutastadanuvartanamacetanakāryeṇa ? 
TBV-SD 121,17	atha adṛṣṭā'pi icchā aśarīrasya sthāṇoḥ parikalpyate, kimiti bhūruhādikaṃ kāryaṃ kartṛvikalaṃ dṛṣṭamapi na 
TBV-SD 121,18	kalpyate ? etena ‘īśvarasyāpi prayatnasadbhāve na kācit kṣatiḥ’ iti nirastam, śarīrābhāve muktātmana 
TBV-SD 121,19	iva prayatnāsaṃbhavāt | aparaśarīrarahitasvaśarīrāvayavapreraṇaprayatnasadbhāvo'pi na śarīrābhāve prayatnasa- 
TBV-SD 121,20	dbhāvā''vedakaḥ, sarvathā śarīrarahitasya tasya kvacidapyadarśanāt; dṛṣṭānusāriṇyaśca kalpanā bhavanti | 
TBV-SD 121,21	tataḥ sthāvareṣu śarīrābhāvād na tatkarturanupalabdhiḥ kintu karturabhāvāditi kathaṃ na taiḥ kāryatvāde- 
TBV-SD 121,22	rhetorvyabhicāraḥ ? 
TBV-SD 121,23	na ca yathā'dṛṣṭasyendriyasya cā'nvaya — vyatirekayoḥ kāryakāraṇabhāvavyavasthāpakayorabhāve'pi 
TBV-SD 121,24	kāraṇatvasiddhirvyatirekamātrāt tathā maheśvarasyāpi tatastatsiddhiḥ, tasya nityavyāpakatvābhyupagamena 
TBV-SD 121,25	vyatirekāsaṃbhavāt | ato na vyāptisiddhiḥ kāryatvādestatsādhakatvenopanyastasya hetoḥ | ‘ata eva na 
TBV-SD 121,26	satpratipakṣatā'pi, naikasmin sādhyānvite hetau sthite dvitīyasya tathāvidhasya tatrāvakāśaḥ’ iti 
TBV-SD 121,27	satyam, kintu sthāṇusādhakasya kāryatvādeḥ sādhyānvitatvameva na saṃbhavatīti pratipāditam | yacco- 
TBV-SD 121,28	ktam ‘nā'pi bādhā, abuddhimatkāraṇapūrvakatvasya pramāṇenā'grahaṇāt’ iti, tadasāṃpratam; buddhima- 
TBV-SD 121,29	tkāraṇapūrvakatvābhāvapratipādakasya pramāṇasyā'ṅkurādāvakṛṣṭotpattau sadbhāvāt | athāṅkurādikarturatī- 
TBV-SD 121,30	ndriyatvād na pratyakṣāt tadabhāvasiddhiḥ, na; pratyakṣāt tadabhāvā'siddhāvapyanumānasya tatra tadabhāva- 
TBV-SD 121,31	grāhakasya bhāvāt | tathāhi — yad yasyānvaya — vyatirekau nānuvidhatte na tat tatkāraṇam, yathā na 
TBV-SD 121,32	paṭādayaḥ kulālakāraṇāḥ, nānuvidadhati cāṅkurādayo buddhimatkāraṇānvaya — vyatirekāviti vyāpa- 
TBV-SD 121,33	kānupalabdhiḥ; yacca yatkāraṇaṃ tat tasyānvaya — vyatirekāvanuvidhatte, yathā ghaṭādayaḥ kulālasya | na 
TBV-SD 121,34	copalabdhimatkāraṇasannidhāne prāganupalabdhasyāṅkurāderupalambhastadabhāve cā'parakāraṇasākalye'pi 
TBV-SD 121,35	tasyānupalambha ityanvaya — vyatirekānuvidhānamaṅkurādikāryāṇām | 
TBV-SD 121,36	athāṅkurādikarturupalabdhilakṣaṇaprāptatvasyā'bhāvād na pratyakṣeṇa sadbhāvā'bhāvapratītiriti 
TBV-SD 121,37	nāṅkurādestadanvaya — vyatirekānuvidhānasyopalabdhiryuktā | nanu mā bhūt tadanvaya — vyatirekānuvidhāno- 
TBV-SD 121,38	palabdhiḥ, vyatirekānuvidhānopalabdhistu yuktā, yathā rūpā''loka — manaskārasākalye'pi kadācid 
TBV-SD 121,39	vijñānakāryānutpattyā kāraṇantarasyāpi tatra sāmarthyamavasīyate, yacca tatkāraṇāntaraṃ sā indriya- 
TBV-SD 121,40	śaktiḥ, tadabhāvād rūpajñānaṃ na saṃjātamityanupalabhyasvabhāvasyāpi kāraṇasya vyatirekaḥ kāryeṇānuvidhī- 
TBV-SD 122,01	yamāna upalabhyate; na cehopalabdhimatkāraṇasya vyatireko'ṅkurādikāryeṇānuvidhīyamāna upalabhyate, 
TBV-SD 122,02	buddhimatkāraṇavyatiriktapṛthivyādisāmagrīsakalā'ṅkurāderavaśyaṃbhāvadarśanāt | indriya- 
TBV-SD 122,03	śakteranityatvāvyāpakatvena vyatirekasaṃbhavāt tadvyatirekānuvidhānasyopalabdhiryuktā, na buddhimatkāra- 
TBV-SD 122,04	ṇavyatirekānuvidhānasya; tasya nityatvavyāpakatvena vyatirekānuvidhānābhāvāditi cet, astu nāmai- 
TBV-SD 122,05	vam, tathā'pīśvarasya jñāna — prayatna — cikīrṣāsamavāyo'ṅkurādikāryakaraṇe vyāpāraḥ, tasya sarvadā sarva- 
TBV-SD 122,06	trā'bhāvāt tadanuvidhānaṃ syāt | 
TBV-SD 122,07	atha tatsamavāyasyāpi sarvatra sarvadā bhāvād nāyaṃ doṣaḥ, na; tasya nityatvavyāpakatve satyapi 
TBV-SD 122,08	tadviśeṣaṇānāmīśvarajñāna — prayatna — cikīrṣādīnāmanityatvāt avyāpakatvācca vyatirekānuvidhānamupa- 
TBV-SD 122,09	labhyeta | atha tajjñānāderapi nityatvād nāyaṃ doṣaḥ sarvadā tarhyaṅkurādikāryotpattiḥ syāt | sarvadā 
TBV-SD 122,10	sahakāriṇāmasannidhānād neti cet, nanu te'pi tajjñānādyāyattajanmānaḥ kiṃ na sarvadā sannidhī- 
TBV-SD 122,11	yante ? atha naiva te tadāyattotpattayastarhi taireva kāryatvādiheturanaikāntikaḥ | tatsahakāriṇāmapi 
TBV-SD 122,12	sarvadā svotpattihetūnāṃ sakāryāṇāmasannidhānād na sarvadotpadyanta iti cet, anavasthā; tathā ca 
TBV-SD 122,13	aparāparasahakāripratīkṣāyāmevopakṣīṇaśaktitvāt tajjñānādeḥ prakṛtakāryakartṛtvaṃ na kadācidapi 
TBV-SD 122,14	syāt | ataḥ sudūramapi gatvā kvacidavasthāmicchatā nityatvaṃ sahakāriṇām atadāyattotpattikatvaṃ 
TBV-SD 122,15	vā'bhyupagamanīyam, tadāyattotpattikāryasyā'pi tajjñānādivyatirekeṇā'pyutpattirabhyupagantavyā 
TBV-SD 122,16	iti vṛthā tatparikalpanā | nityatve vā punarapi sahakāriṇāṃ tajjñānādīnāṃ ca nityatvāt sarvadā 
TBV-SD 122,17	kāryotpattiprasaṅgaḥ | tadevaṃ tajjñānādīnāṃ ca nityatvāt sarvadā kāryasyotpattiranutpattirvā syāt itya- 
TBV-SD 122,18	nityāstajjñānādayo'bhyupagantavyāḥ; tathā ca sati tadanyasāmagrīsākalye'pyaṅkurādyanutpattiḥ kadā- 
TBV-SD 122,19	cit syāt | sakalatadanyasāmagrīsannidhānānantarameva tajjñānādyutpatterna kāryānutpattiḥ kadācit 
TBV-SD 122,20	sāmagrīsākalye'pīti cet, sahakārikāraṇasaṃbhavāstarhi tajjñānādayaḥ prāptāḥ; anyathā tadanantaro- 
TBV-SD 122,21	tpattiniyamābhāvāt sahakāriṣu satsvapi kadācidaṅkurādyanutpattiḥ syāt | te tu sahakāriṇa- 
TBV-SD 122,22	stajjñānādyapreritā eva tajjñānādi janayanto'ṅkurādi janayanti kimantargaḍutajjñānādikalpanayā ? 
TBV-SD 122,23	tajjñānādisahakṛtā eva tajjñānādikaṃ janayantītyabhyupagame tajjñānādyantaraṃ sahakārikāraṇaja- 
TBV-SD 122,24	nyamajanyātvā tadanantaramanutpadyamānaṃ kāryamapi tajjñānādikaṃ tadanantaraṃ notpādayati, 
TBV-SD 122,25	ityāyātaḥ sa eva kāraṇāntarasākalye'pyaṅkurādikāryādyanutpattiprasaṅgaḥ, sahakāribhyastajjñānā- 
TBV-SD 122,26	dyantarotpattau sa eva prasaṅgaḥ anavasthā ca | tasyāṃ cā'parāparajñānotpādana eva sahakāriṇāṃ 
TBV-SD 122,27	sarvadopayogānna kārye kadācidapyupayogo bhavet | sahakāribhiḥ saha tajjñānādikaṃ niyamenotpatti- 
TBV-SD 122,28	maditi cet tarhi sahakāriṇāṃ tajjñānādeścaikasāmagryadhīnatvamabhyupagantavyam; anyathā'sahabhāvāt 
TBV-SD 122,29	tathaikasāmagrīlakṣaṇaṃ kāraṇaṃ tajjñānādibhiranyairjanitamajanitaṃ vā tajjanayati ? na cājanitam, 
TBV-SD 122,30	tathaiva kāryatvāderhetorvyabhicāritvaprasaṅgāt janitaṃ tajjñānādikamabhyupagantavyam, tacca tena janyena 
TBV-SD 122,31	saha niyamenotpadyamānaṃ tadekasāmagryadhīnatvamabhyupanantaraṃ sāmagryadhīnaṃ syāt | sā ca sāmagrī 
TBV-SD 122,32	tajjñānāntareṇotpāditā ca iti vikalpadvaye pūrvoktadoṣadvayaprasaṅgaḥ | prāganantarotpattiniyamābhyupagame 
TBV-SD 122,33	sahakārihetubhirekasāmagryadhīnatayā syāt tatrāpi saikasāmagrī tajjñānādyantareṇa preritā janayatī- 
TBV-SD 122,34	tyabhyupeyam; anyathā'cetanasyācetanānadhiṣṭhitasya vāsyāderiva janakatvāsaṃbhavāt, jñānādyantaraṃ 
TBV-SD 122,35	ca preryāt sāmagrīviśeṣāt prāgantaraṃ niyamenotpadyamānaṃ taddhetubhirekasāmagryadhīnaṃ syāt; anyathā 
TBV-SD 122,36	prāganantaraṃ niyamenotpattirna syāt | sāmagryantaraṃ ca preritamapreritaṃ vā janayatīti vikalpadvaye 
TBV-SD 122,37	doṣadvayaprasaṅgaḥ, tenemaṃ doṣaṃ parijihīrṣatā na tajjñānādyutpattiḥ tadanantaraṃ saha prāgvā'nantaramabhyu- 
TBV-SD 122,38	pagantavyā, tadanantaraṃ saha prāgvā'nantaramutpattiniyamābhāve'pi cā'ṅkurādikāryasya tadvyati- 
TBV-SD 122,39	rekānuvidhānamupalabhyeta; na copalabhyate, kṣityudaka — bījādikāraṇasāmagrīsaṃnidhāne pratibandhe 
TBV-SD 123,01	cā'sati aṅkurādikāryasyāvaśyaṃbhāvadarśanāt | atastajjñānādyanuvidhānasya tatkāraṇatvavyāpakasyā- 
TBV-SD 123,02	nupalambhāt tatkāraṇatvābhāvo'ṅkurādikāryasyānumīyate | ato bādhā vyāpakānupalabdhyā buddhi- 
TBV-SD 123,03	matkāraṇānumānasya | 
TBV-SD 123,04	buddhimatkāraṇānumānenaiva vyāpakānupalabdhiḥ kasmānna bādhyate ? lohalekhyaṃ vajram, pārthiva- 
TBV-SD 123,05	tvāt, kāṣṭhavadityanumānena pratyakṣaṃ tasya tadalekhyatvagrāhakaṃ kiṃ na bādhyate iti samānam | pratyakṣeṇa 
TBV-SD 123,06	tadviṣayasya bādhitatvānna tena tad bādhyata iti ced, buddhimatkāraṇatvānumānasyāpi tarhi vyāpakā- 
TBV-SD 123,07	nupalabdhyā viṣayasya bādhitatvāt kathaṃ tadbādhakatvam ? buddhimatkāraṇatvānumānenaiva vyāpakānupa- 
TBV-SD 123,08	labdherviṣayasya bādhitatvānna tadbādhakatvamiti cet, na; pārthivatvānumānena tadalekhyatvagrāhakasya 
TBV-SD 123,09	pratyakṣasya bādhitaviṣayatvānna tadbādhakatvamityapi vaktuṃ śakyatvāt | atha tadanumānasya tadābhāsatvād 
TBV-SD 123,10	na prakṛtapratyakṣaviṣayabādhakatvam, naitat; itaretarāśrayadoṣaprasaṅgāt | tathāhi — pratyakṣabādhitaviṣa 
TBV-SD 123,11	yatvāt tadanumānasya tadābhāsatvam, tasya tadābhāsatvāt pratyakṣasya tadbādhitaviṣayatvenā'- 
TBV-SD 123,12	tadābhāsatvāt tadviṣayabādhakatvam iti vyaktamitaretarāśrayatvam | athānumānābādhitaviṣayatva- 
TBV-SD 123,13	nibandhanaṃ na tatpratyakṣasyā'tadābhāsatvam kiṃ tarhi svaparicchedyāvyabhicāranibandhanam ? nanvevamanu- 
TBV-SD 123,14	mānasyāpi svasādhyā'vyabhicāranibandhanaṃ kiṃ nā'tadābhāsatvamapyabhyupagamaviṣayaḥ ? athā'bādhi- 
TBV-SD 123,15	taviṣayatve sati tasya tadeva svasādhyā'vyabhicāritvaṃ parisamāpyate | nanvevamabādhitaviṣayatvasya 
TBV-SD 123,16	pratipattumaśakterna kvacidapi svasādhyā'vyabhicāritvasyānumāne'tadābhāsatvanibandhanasya prasiddhiḥ; na 
TBV-SD 123,17	hi bādhā'nupalambhād bādhā'bhāvaḥ, tasya vidyamānabādhakeṣvapyanutpannabādhakapratipattiṣu bhāvāt | 
TBV-SD 123,18	atha yatra bādhakasadbhāvastatra prāgū bādhakānupalambhe'pyuttarakālamavaśyaṃbhāvinī bādhakopalabdhiḥ, 
TBV-SD 123,19	yatra tu na kadācid bādhakopalabdhistatra na tadbhāvaḥ, asadetat; na hyarvāgūdṛśā bādhakā'nupalambha- 
TBV-SD 123,20	mātreṇa ‘na kadācanāpyatra bādhakopalabdhirbhaviṣyati’ iti jñātuṃ śakyam, svasaṃbandhino'nupalambha- 
TBV-SD 123,21	syānaikāntikatvāt, sarvasaṃbandhino'siddhatvāt; na hyasarvavit ‘sarveṇāpyatra bādhakaṃ nopalabhyate 
TBV-SD 123,22	upalapsyate vā’ ityavasātuṃ kṣamaḥ | nā'pi bādhakābhāvo'bhāvagrāhipramāṇāvaseyaḥ, tasya niṣiddhatvāt 
TBV-SD 123,23	niṣetsyamānatvācca | na cā'jñāto bādhakābhāvo'numānāṅgaṃ pakṣadharmatvādivat | na ca svasādhyāvya- 
TBV-SD 123,24	bhicāritvaniścayādeva bādhakābhāvaniścayaḥ, tanniścayamantareṇa tvadabhiprāyeṇa svasādhyāvyabhicāri- 
TBV-SD 123,25	tvasyā'parisamāptatvena niścayāyogāt | tasmāt pakṣadharmatvā'nvaya — vyatirekaniścayalakṣaṇasvasā- 
TBV-SD 123,26	dhyāvinābhāvitvasya prakṛtānumāne'pi sadbhāvāt pratyakṣavad na tasyāpi tadābhāsatvam | atha 
TBV-SD 123,27	viparyaye bādhakapramāṇābhāvāt pārthivatvānumānasya nāntarvyāptiriti tadābhāsatvam, evaṃ tarhi 
TBV-SD 123,28	kāryatvānumāne'pi viparyaye bādhakapramāṇābhāvād vyāptyabhāvatastadābhāsatvamiti na vyāpakānupa- 
TBV-SD 123,29	labdhiviṣayabādhakatā | atha pratyakṣaṃ nānumānena bādhyata iti lohalekhyatvānumānasya na tadalekhya- 
TBV-SD 123,30	tvagrāhakapratyakṣabādhakatā, kathaṃ tarhi deśāntaraprāptiliṅgajanitā'numānena sthiracandrā'rkagrāhipra- 
TBV-SD 123,31	tyakṣasya bādhā ? atha tasya pratyakṣābhāsatvādanumānena bādhā, nanu kutastasya tadābhāsatvam ? 
TBV-SD 123,32	anumānena bādhitaviṣayatvāditi cet, nanu tadevetaretarāśrayatvam — anumānena bādhitaviṣayatvāt 
TBV-SD 123,33	tasya tadābhāsatvam, tasya tadābhāsatve ca tena abādhitaviṣayatvādanumānasyā'tadābhāsatvena 
TBV-SD 123,34	tadviṣayabādhakatvam iti vyaktamitaretarāśrayatvam | tasmāt svagrāhyāvyabhicāra eva sarvatra prāmā- 
TBV-SD 123,35	ṇyanibandhanam | sa ca vyāpakānupalabdhau pakṣadharmā'nvayavyatirekasvarūpaḥ pramāṇapariniścito vidyate 
TBV-SD 123,36	iti tasyā eva svasādhyapratipādakatvena prāmāṇyam na punarbuddhimatkāraṇānumānasya, tatra svasādhyā- 
TBV-SD 123,37	vyabhicārābhāvasya pradarśitatvāt | 
TBV-SD 123,38	na ca vyāpakānupalabdhāvapi pakṣadharmatvā'nvaya — vyatirekaniścayasya svasādhyāvyabhicāritvaniśca- 
TBV-SD 123,39	yalakṣaṇasyābhāva iti vaktuṃ yuktam, yato vyāpakānupalabdhestāvat pakṣavyāpakatvaniścayaḥ prāgevoktaḥ | 
TBV-SD 123,40	vipakṣe bādhakapramāṇasadbhāvād anvaya — vyatirekāvapi tatrā'vagamyete, tatkāraṇeṣu hi kumbhādiṣu 
TBV-SD 123,41	tadanvaya — vyatirekanuvidhānasyopalabdhistadanupalabdherbādhakaṃ pramāṇam | athavā tatkāraṇatvaṃ tadanva- 
TBV-SD 123,42	ya — vyatirekānuvidhānena vyāptam, tadabhāve tatkāraṇatvāsaṃbhavāt; tadabhāve'pi bhavatastatkāraṇatve sarvaṃ 
TBV-SD 124,01	sarvasya kāryaṃ kāraṇaṃ ca syāt, na kvacid kāryakāraṇabhāvavyavasthā; anvaya — vyatirekānuvidhānaṃ 
TBV-SD 124,02	hi kāryakāraṇabhāvavyavasthānibandhanam, tadabhāve'pi kāryakāraṇabhāvaṃ kalpayataḥ kimanyat tadvyava- 
TBV-SD 124,03	sthānibandhanaṃ syād iti ? ato'tivyāptiparihāreṇa kvacideva kāryakāraṇabhāvavyavasthāmicchatā 
TBV-SD 124,04	tadabhāve kāryakāraṇabhāvo nābhyupagantavya ityanvayavyatirekānuvidhānena kāryakāraṇabhāvo vyāptaḥ, 
TBV-SD 124,05	sa yatropalabhyate tatrānvaya — vyatirekānuvidhānasaṃnidhāpanena tadabhāvaṃ bādhata ityanumānasiddho vyati- 
TBV-SD 124,06	rekaḥ; tatsiddheścānvayo'pi siddhaḥ | tathāhi — ya eva sarvatra sādhyābhāve sādhanābhāvalakṣaṇo vyati- 
TBV-SD 124,07	rekaḥ sa eva sādhanasadbhāve'vaśyaṃtayā sādhyasadbhāvasvarūpo'nvaya iti vyāpakānupalabdheḥ pakṣadharma- 
TBV-SD 124,08	tvānvayavyatirekalakṣaṇaḥ sādhyāvyabhicāraḥ pramāṇataḥ siddhaḥ | na caivaṃ kāryatvāderayamavinābhāvaḥ 
TBV-SD 124,09	saṃbhavati, pakṣavyāpakatve satyanvaya — vyatirekayorabhāvasya viparyaye bādhakapramāṇābhāvataḥ pratipā- 
TBV-SD 124,10	ditatvāt | 
TBV-SD 124,11	api ca, buddhimatkāraṇatve tanvādīnāṃ sādhye tadviparyayo'buddhimatkāraṇāḥ paramāṇvādayaḥ, na 
TBV-SD 124,12	ca tebhyo buddhimatkāraṇasādhyavyāvṛttinimittakāryatvādinivṛttipratipādakapramāṇapravṛttiḥ siddhā, 
TBV-SD 124,13	ghaṭāderavayavitvanirākaraṇena viśiṣṭāvasthāprāptaparamāṇurūpatvāt | na ca tebhyo buddhimatkāraṇavyāvṛ- 
TBV-SD 124,14	ttikṛtā kāryatvavyāvṛttiḥ pratyakṣataḥ siddhā, buddhimatkāraṇanimittakāryatvagrāhakatvena pratyakṣasya pratya- 
TBV-SD 124,15	kṣānupalambhaśabdavācyasya tatra pravṛtteḥ, paramāṇvantarāsaṃsṛṣṭaparamāṇūnāṃ ca pratyakṣabuddhāvapratibhāsanānna 
TBV-SD 124,16	tataḥ sādhyavyāvṛttiprayuktā sādhanavyāvṛttipratipattiḥ | nāpyabuddhimatkāraṇeṣu kāryatvāderadarśanāt 
TBV-SD 124,17	sākalyena tato vyatirekasiddhiḥ, svasaṃbandhino'darśanasya paracetovṛttiviśeṣairanaikāntikatvāt sarva- 
TBV-SD 124,18	saṃbandhino'siddhatvāt; na tato vipakṣāddhetorvyāptyā vyatirekasiddhiḥ | nā'pi paramāṇvādīnāmanu- 
TBV-SD 124,19	mānānnityatvasiddherakāryatvasya kāryatvaviruddhasya teṣu sadbhāvāt tato vyāvartamānaḥ kāryatvala- 
TBV-SD 124,20	kṣaṇo heturbuddhimatkāraṇatvenā'nvitaḥ sidhyati, kāryatvasyābuddhimatkāraṇatvena virodhāsiddheraṅkurā- 
TBV-SD 124,21	diṣvabuddhimatkāraṇaniṣpādyeṣvapi tasya saṃbhavāt | atha nityebhyo'kṛtatvādeva kāryatvaṃ vyāvṛttam, 
TBV-SD 124,22	utpattimatāṃ cāṅkurādīnāṃ buddhimatkāraṇapūrvakatvena pakṣīkṛtatvānna tairhetorvyabhicāra āśaṅkanīya 
TBV-SD 124,23	iti teṣu vartamānaḥ kāryatvalakṣaṇo heturbuddhimatkāraṇatvenānvitaḥ siddhaḥ | syādetat yadi pakṣīkaraṇa- 
TBV-SD 124,24	mātreṇaivā'buddhimatkāraṇatvābhāvasteṣu siddhaḥ syāt, tathā'bhyupagame vā pakṣīkaraṇādeva sādhyasiddherhe- 
TBV-SD 124,25	tūpādānaṃ vyartham | atha tatsahitāt sādhyanirdeśāt tadabhāvasiddhiḥ, kathaṃ sākalyenā'niścitavya- 
TBV-SD 124,26	tirekāt kāryatvānnityavyatiriktānāṃ sarveṣāmaṅkurādīnāmabuddhimatkāraṇatvābhāvasiddhiḥ ? tadabhāvā- 
TBV-SD 124,27	siddhau ca na sākalyena vyatirekaniścaya iti itaretarāśrayadoṣaḥ kathaṃ na syāt ? tadevaṃ vyāptyā 
TBV-SD 124,28	vyatirekāsiddhau na sākalyenānvayasiddhiḥ, tadasiddhau ca na vyatirekasiddhiriti na kāryatvāderhetoḥ 
TBV-SD 124,29	prakṛtasādhyasādhakatvam | na ca sarvānumāneṣveṣa doṣaḥ samānaḥ, anyatra viparyaye bādhakapramāṇabalā- 
TBV-SD 124,30	danvaya — vyatirekasiddheḥ | na ca prakṛte hetau tadastītyasakṛdāveditam | tena ‘sādhyābhāve hetorabhāvaḥ 
TBV-SD 124,31	svasādhyavyāptatvādeva siddhaḥ’ iti nirastam, yathoktaprakāreṇa svasādhyavyāptatvasya prakṛtahetorasaṃbha- 
TBV-SD 124,32	vāt | ‘nā'pi dharmyasiddhatā’ iti, etadapi nirastam; dharmyasiddhatvasya prāk pratipāditatvāt | 
TBV-SD 124,33	‘kāryakāraṇasaṅghāta’ ityādikastu grantho'yuktatvena pratipāditaḥ | ata eveśvarāvagame pramāṇābhāvaḥ, 
TBV-SD 124,34	tatpratipādakapramāṇasya samānadoṣatvenānyasyā'pyacetanopādānatvādernirākṛtatvāt | 
TBV-SD 124,35	yaccoktam ‘nā'pi hetorviśeṣaviruddhatā’ ityādi, tadapyasaṅgatam; yato yadi kāryamātrāt 
TBV-SD 124,36	kāraṇamātraṃ tanvādeḥ sādhyate tadā vyāptisiddherna viruddhāvakāśaḥ | atha buddhimatkāraṇapūrvakatvaṃ 
TBV-SD 124,37	sādhyate tadā tatra vyāpterasiddhatvaṃ pratipāditameva | yadi punarghaṭādau kāryatvaṃ buddhimatkāraṇasaha- 
TBV-SD 124,38	caritamupalabdhamiti pṛthivyādāvapi tat sādhyate; tathā sati dṛṣṭānte'nīśvarā'sarvajña — kṛtrimajñā- 
TBV-SD 124,39	naśarīrasaṃbandhikartṛpūrvakatvaṃ kāryatvasyopalabdhamiti tatastādṛgbhūtameva kṣityādau siddhimāsādayati 
TBV-SD 124,40	na tu tatsahacaritatvenā'dṛṣṭamīśvaratvādiviruddhadharmakalāpopetabuddhimatkāraṇapūrvakatvam; na hi mahā- 
TBV-SD 125,01	nasapradeśe'gnisahacaritamupalabdhaṃ dhūmamātraṃ giriśikharādāvupalabhyamānamagniviruddhadharmādhyāsitoda- 
TBV-SD 125,02	kagamakaṃ yuktam, atiprasaṅgāt | yaccoktam ‘pūrvoktaviśeṣaṇānāṃ dharmiviśeṣarūpāṇāṃ vyabhicārāt’ 
TBV-SD 125,03	ityādi, tadapyasaṅgatam; yādṛgbhūtaṃ hi kāryatvaṃ ghaṭādāvanīśvarādidharmopetabuddhimatkāraṇatvena 
TBV-SD 125,04	vyāptamupalabdhaṃ tādṛgbhūtaṃ tadanyatrāpi jīrṇaprāsādādāvupalabhyamānamakriyādarśino'pi tathābhūtakartṛ- 
TBV-SD 125,05	pūrvakatvapratipattiṃ janayati | na ca tatra kenacidanīśvaratvādidharmeṇa vyabhicāraḥ kadācit kenā'- 
TBV-SD 125,06	pyupalabhyate | tathābhūtasādhyavyāptahetūpalambha eva tatra tadavyabhicāraḥ, sa cedasti kathamanīśvara- 
TBV-SD 125,07	tvādidharmāṇāṃ vyabhicārādasādhyatvaṃ sacetasā vaktuṃ yuktam; anyathā dhūmādagnipratipattāvapi 
TBV-SD 125,08	bhāsvararūpasaṃbandhādidharmāṇāṃ vyabhicārāt tathābhūtasyāgnerasādhyatvaṃ syāt | etena ‘pūrvasmāddhetoḥ 
TBV-SD 125,09	svasādhyasiddhāvuttareṇa pūrvasiddhasyaiva sādhyasya kiṃ viśeṣaḥ sādhyate, āhosvit pūrvahetoḥ svasā- 
TBV-SD 125,10	dhyasiddhipratibandhaḥ kriyate’ ? ityādi sarvaṃ nirastam, yato yadi kāryatvamātraṃ hetutvena kṣityādau 
TBV-SD 125,11	sādhyasādhakatvenopādīyate tadā tasya saṃdigdhavipakṣavyāvṛttikatvena buddhimatkāraṇapūrvakatvā'sā- 
TBV-SD 125,12	dhakatvam | atha ghaṭādau buddhimatkāraṇatvena vyāptaṃ yat kāryatvaṃ tat tatra hetutvenopādīyate, tat 
TBV-SD 125,13	tatrāsiddhamiti kathaṃ tat tatra buddhimatkāraṇatvasyāpi gamakam ? ityaviśiṣṭasya kāryatvasya vyāptya- 
TBV-SD 125,14	bhāvādevāparaviśeṣasādhakahetuvyāpāramantareṇā'pi kāryatvasya hetoḥ svasādhyasādhakatvavyāghātaḥ 
TBV-SD 125,15	saṃbhavatyeva, kāryatvaviśeṣasya tu tatrāsiddhatvādeva sādhyāsiddhilakṣaṇastadvighātaḥ | 
TBV-SD 125,16	yattu ‘śabdasya kṛtakatvādanityatvasiddhau hetvantareṇa guṇatvasiddhāvapi na pūrvasya kṣatiḥ’ iti, 
TBV-SD 125,17	tadapyacāru; guṇatvaṃ hi dravyāśritatvādidharmayuktatvamucyate, taccecchabde siddhimāsādayati tadā 
TBV-SD 125,18	pūrvahetusādhitamanityatvaṃ tatra vyāhanyata eva; na hyanutpannasya tasyā'sattvādeva dravyāśritatvam 
TBV-SD 125,19	guṇatvasamavāyo vā saṃbhavati; utpannasyāpyutpattyanantaradhvaṃsitvena tanna saṃbhavati | na ca tadāśritasya 
TBV-SD 125,20	utpattyādikameva tat, kharaviṣāṇāderapi tattvaprasaṅgādityādi āśrayādāvasiddhatvaṃ hetoḥ pratipāda- 
TBV-SD 125,21	yadbhirnirṇītamiti na punarucyate | sarvathotpādakakāraṇavyaktivyatiriktasya kṣaṇamātrasthiterguṇatvaṃ 
TBV-SD 125,22	na saṃbhavati tatsaṃbhave ca kṣaṇikatvaṃ vyāhanyata iti pratipādayiṣyāmaḥ | dvitīye tu vikalpe ‘na ca 
TBV-SD 125,23	dharmiviśeṣaviparyayodbhāvanena kasyacidapi rūpasyābhāvaḥ kathyate’ iti yaduktam, tadapyasaṅgatam; 
TBV-SD 125,24	yato yadyanyādṛśasya dharmiṇaḥ kutaściddhetoḥ kṣityādau siddhiḥ syāt tadā yujyetā'pi vaktum — 
TBV-SD 125,25	dharmiviśeṣaviparyayodbhāvanena na kasyaciddheturūpasyābhāva iti, tathābhūtasya tu dharmiṇo na prakṛtasā- 
TBV-SD 125,26	dhanādavagama iti pratipāditam | ata evāgamād hetvantarād vā na tatra viśeṣasiddhiḥ, buddhima- 
TBV-SD 125,27	tkāraṇasyaiva dharmiṇaḥ kṣityādikartṛtvenāsiddhatvāt | tataḥ ‘taccā'nvayavyatirekipūrvaṃ kevalavyatire- 
TBV-SD 125,28	kisaṃjñakaṃ tadeva cānvayavyatirekilakṣaṇaṃ pakṣadharmatāprasādād viśeṣasādhanam’ iti pratipādanaṃ 
TBV-SD 125,29	dūrāpāstam, dharmyasiddhau tadviśeṣasiddherdūrotsāritatvāt | ata eva ‘ya itthambhūtasya pṛthivyādeḥ 
TBV-SD 125,30	karttā niyamenā'sāvakṛtrimajñānasaṃbandhī śarīrarahitaḥ sarvajña eka ityevaṃ yadā viśeṣasiddhistadā 
TBV-SD 125,31	na viśeṣaviruddhānāmavakāśaḥ’ iti niḥsāratayā vyavasthitam | 
TBV-SD 125,32	yattūktam ‘śarīrasaṃbandhasya tāvad vyāptyabhāvena tatra nirākṛtiḥ, śarīrāntararahitasyā'pyātmanaḥ 
TBV-SD 125,33	śarīradhāraṇa — preraṇakriyāsu yathā vyāpārastatheśvarasyāpi kṣityādikārye’ iti, tadapyayuktam; apa- 
TBV-SD 125,34	raśarīrarahitatve'pyātmanaḥ śarīrasaṃbaddhasyaiva taddhāraṇādikartṛtvopalabdherīśvarasyāpi śarīrasaṃbaddhasyaiva 
TBV-SD 125,35	kāryakartṛtvamabhyupagantavyamiti pratipāditatvāt | yadi ca śarīrasaṃbandhābhāve'pi tasya kṣityādi- 
TBV-SD 125,36	kāryakartṛtvaṃ tadā vaktavyam — kiṃ punastat tatra ? jñāna — cikīrṣā — prayatnānāṃ samavāyaḥ tat tatroktameveti 
TBV-SD 125,37	cet, na; samavāyasya niṣiddhatvāt | na ca kumbhakārādau śarīrasaṃbandhavyatirekeṇā'nyat kartṛtvamu- 
TBV-SD 125,38	palabdhamitīśvare'pi tadeva parikalpanīyam, dṛṣṭānusāritvāt kalpanāyāḥ | na ca śarīravyatirekeṇa 
TBV-SD 125,39	jñāna — cikīrṣā — prayatnānāmapi sadbhāvaḥ kvacidapyupalabdha iti neśvare'pi tadabhāve'sāvabhyupaga- 
TBV-SD 126,01	ntavyaḥ | tathāhi — jñānādīnāmutpattāvātmā samavāyikāraṇam, ātma — manaḥsaṃyogo'samavāyikāra- 
TBV-SD 126,02	ṇam, śarīrādi nimittakāraṇam; na ca kāraṇatrayābhāve pareṇa kāryotpattirabhyupagamyate | na cā'sama- 
TBV-SD 126,03	vāyikāraṇātma — manaḥsaṃyogādisadbhāva īśvare'bhyupagata iti na jñānāderapi tatra bhāvaḥ | 
TBV-SD 126,04	athāsamavāyikāraṇāderabhāve'pi tatra jñānādyutpattistarhi nimittakāraṇeśvaravyatirekeṇāṅkurādeḥ 
TBV-SD 126,05	kimiti notpattiryuktā ? atha jñānādyabhāve tadanadhiṣṭhitānāṃ kathamacetanānāṃ tadupādānādīnāṃ pravṛttiḥ 
TBV-SD 126,06	vāsyādivadacetanasya cetanānadhiṣṭhitasya pravṛttyadarśanāt ? pravṛttāvapi nirabhiprāyāṇāṃ deśa — kālā- 
TBV-SD 126,07	''kāraniyamo na syāt, tadadhiṣṭhitasyaiva tasya tanniyatatvadarśanāt | nanvevaṃ cetanasyāpi cetanāntarā- 
TBV-SD 126,08	nadhiṣṭhitasya karmakarāderiva svāmyanadhiṣṭhitasya kathaṃ pravṛttiḥ ? atha svāmina evānyānadhiṣṭhitasya 
TBV-SD 126,09	cetanasya pravṛttirupalabhyate, kimaṅkurāderakṛṣṭotpatterupādānasya tadanadhiṣṭhitasya sā nopalabhyate ? atha 
TBV-SD 126,10	ghaṭāderupādānasya tadanadhiṣṭhitasya tatkaraṇe pravṛttirnopalabhyata ityaṅkurādyupādānasyāpi tadadhiṣṭhitasyaiva 
TBV-SD 126,11	sā prasādhyate tarhi karmakarāderapi svāmyanadhiṣṭhitasya sā nopalabhyata iti svāmino'pyaparacetanā- 
TBV-SD 126,12	ntarādhiṣṭhitasya sā sādhyatām | yadi punaḥ svāmino'pyadhiṣṭhātā cetano maheśaḥ parikalpyate tarhi 
TBV-SD 126,13	tasyāpyapara ityanavasthā | 
TBV-SD 126,14	na ca cetanasyāpyaparacetanādhiṣṭhitasya pravṛttyabhyupagame ‘acetanaṃ cetanādhiṣṭhitam’ iti prayoge 
TBV-SD 126,15	‘acetanam’ iti dharmiviśeṣaṇasya ‘acetanatvādeḥ’ iti hetoścāvyarthamupādānam, acetanavaccetanasyāpi 
TBV-SD 126,16	cetanādhiṣṭhitasya pravṛttyabhyupagame vyavacchedyābhāvāt | na cācetanānāmapi svahetusannidhisamāsā- 
TBV-SD 126,17	ditotpattīnāṃ cetanādhiṣṭhātṛvyatirekeṇāpi deśa — kālā''kāraniyamo'nupapannaḥ, tanniyamasya svahetu- 
TBV-SD 126,18	balāyātatvāt; anyathā'dhiṣṭhātṛjñānakṛto'pi sa na syāt | tajjñānasya sarvā'cetanādhiṣṭhāyakatve 
TBV-SD 126,19	kṣaṇikatve ca — tajjñeyatvameva tadadhiṣṭhitatvam — teṣāṃ sarvakālabhāvikārye tadaiva pravṛttiriti ekakṣaṇa 
TBV-SD 126,20	evottarakālabhāvikāryotpattiprasaṅgaḥ, aparakṣaṇe'pi tathābhūtatajjñānasadbhāve punarapyanantarakāla- 
TBV-SD 126,21	kāryotpattiḥ sadaiva, iti yo'yaṃ krameṇāṅkurādikāryasadbhāvaḥ sa viśīryeta | katipayācetanaviṣayatve ca 
TBV-SD 126,22	tajjñānādeḥ tadaviṣayāṇāṃ svakārye pravṛttirna syāt iti tatkāryaśūnyaḥ sakalaḥ saṃsāraḥ prasaktaḥ, na hi 
TBV-SD 126,23	tajjñānādiviṣayatvavyatirekeṇāparaṃ teṣāṃ tadadhiṣṭhitatvaṃ pareṇābhyupagamyate | atha nityaṃ tajjñānādi; 
TBV-SD 126,24	nanvevaṃ ‘kṣaṇikaṃ jñānam, asmadādipratyakṣatve sati vibhudravyaviśeṣaguṇatvāt, śabdavat’ ityatra prayoge 
TBV-SD 126,25	maheśajñānena hetorvyabhicāraḥ | 
TBV-SD 126,26	atha ‘tajjñānādivyatireke sati’ iti viśeṣaṇānnāyaṃ doṣaḥ, na; vipakṣaviruddhaviśeṣaṇaṃ hetostato 
TBV-SD 126,27	vyāvartakaṃ bhavati; anyathā tadvyāvarttakatvāyogāt | na cākṣaṇikatvena tadvyatiriktatvaṃ viruddham, 
TBV-SD 126,28	dvividhasyāpi virodhasyānayorasiddheḥ | na ca vipakṣāviruddhaviśeṣaṇopādānamātreṇa hetorvyabhicārapari- 
TBV-SD 126,29	hāraḥ; anyathā na kaścid heturvyabhicārī syāt, sarvatra vyabhicāraviṣaye ‘etadvyatiriktatve sati’ iti 
TBV-SD 126,30	viśeṣaṇasyopādātuṃ śakyatvāt | na ca naiyāyikamatenākṣaṇikaṃ jñānaṃ saṃbhavati’ “arthavat pramāṇam” 
TBV-SD 126,31	 iti vacanāt arthakāryaṃ jñānaṃ tadviṣayamabhyupagatam, arthaśca kramabhāvī 
TBV-SD 126,32	atīto'nāgataśca | yacca kramavajjñeyaviṣayaṃ jñānaṃ tat kramabhāvi, yathā devadattādijñānaṃ jvālādigoca- 
TBV-SD 126,33	ram, kramavadvijñeyaviṣayaṃ ceśvarajñānamiti svabhāvahetuḥ | 
TBV-SD 126,34	prasaṅgasādhanaṃ cedam, tenāśrayāsiddhatā hetornāśaṅkanīyā | na ca viparyaye bādhakapramāṇābhāvād 
TBV-SD 126,35	vyāpyavyāpakabhāvāsiddherna prasaṅgasādhanāvakāśo'treti vaktavyam, tasya bhāvāt | tathāhi — yadi 
TBV-SD 126,36	kramavatā viṣayeṇa tad īśvarajñānaṃ svanirbhāsaṃ janyate tadā siddhameva kramitvam | atha na janyate tadā 
TBV-SD 126,37	pratyāsattinibandhanābhāvād na tad jānīyāt, viṣayamantareṇāpi ca bhavataḥ prāmāṇyamabhyupagataṃ 
TBV-SD 126,38	hīyeta, atītānāgate viṣaye nirviṣayatvaprasaṅgāditi viparyayabādhakasadbhāvaḥ siddhaḥ | 
TBV-SD 126,39	tajjñānādeśca nityatve tadviṣayatvamantareṇāparasya cetanādhiṣṭhitatvasyābhāvādavikalakāraṇasya 
TBV-SD 126,40	jagato yugapadutpattiprasaṅgaḥ | tathāhi — yad avikalakāraṇaṃ tad bhavatyeva, yathā'ntyāvasthāprāptāyāḥ 
TBV-SD 126,41	sāmagryā avikalakāraṇo bhavannaṅkuraḥ, avikalakāraṇaṃ ca sarvadā sarvamīśvarajñānādihetukaṃ jagat iti 
TBV-SD 127,01	yugapad bhavet | syādetat, neśvarabuddhyādikameva kevalaṃ kāraṇam api tu dharmā'dharmādisahakāri- 
TBV-SD 127,02	kāraṇamapekṣya tat tat karoti, nimittakāraṇatvādīśvarabuddhyādeḥ; ato dharmādeḥ sahakārikāraṇasya 
TBV-SD 127,03	vaikalyādavikalakāraṇatvamasiddham, asadetat; yadi hi tasya sahakāribhiḥ kaścidupakāraḥ kriyeta 
TBV-SD 127,04	tadā syāt sahakārisavyapekṣatā, yāvatā nityatvāt parairanādheyātiśayasya na kiñcit tasya sahakā- 
TBV-SD 127,05	ribhyaḥ prāptavyamasti kimiti tat tathābhūtān anupakāriṇo'pekṣeta ? kiñca te'pi sahakāriṇaḥ 
TBV-SD 127,06	kimiti satataṃ na sannihitā bhavanti yadi tajjanyāḥ ? aparasvasannidhihetusahakārivaikalyāditi 
TBV-SD 127,07	nottaram, teṣāmapi tatsaṃnidhisahakāriṇāṃ tadāyattotpattīnāṃ tadaiva sannidhiprasakteḥ kathamasiddhatā 
TBV-SD 127,08	hetoḥ ? atha nityatve tadbuddhyādikaṃ sahakārikāraṇamutpādya paścādaṅkurādikāryamupajanayatītyabhyupagama- 
TBV-SD 127,09	starhyaparāparasahakārijanane evopakṣīṇaśaktitvāt tasya nāṅkurādikāryajananam | athātajjanyā eva 
TBV-SD 127,10	dharmā'dharmādisahakāriṇaḥ ato'yamadoṣaḥ; nanvevaṃ taireva ‘acetanopādānatvāt’ iti heturanaikāntikaḥ 
TBV-SD 127,11	syāt, atastadāyattasaṃnidhayo dharmādisahikāriṇa iti nāvikalakāraṇatvākhyo heturasiddhaḥ | 
TBV-SD 127,12	na cānaikāntiko'pi, avikalakāraṇatvahāniprasaṅgāt, avikalakāraṇasyāpyanutpattau sarvadaivā- 
TBV-SD 127,13	nutpattiprasaṅgācca viśeṣābhāvāt | etena yadapi uddyotakareṇoktam — “yadyapi nityamīśvarākhyaṃ kāraṇa- 
TBV-SD 127,14	mavikalaṃ bhāvānāṃ sannihitaṃ tathāpi na yugapadutpattiḥ, īśvarasya buddhipūrvakāritvāt | yadi hīśvaraḥ 
TBV-SD 127,15	sattāmātreṇaivā'buddhipūrvaṃ bhāvānāmutpādakaḥ syāt tadā syādetaccodyam; yadā tu buddhipūrvaṃ karoti 
TBV-SD 127,16	tadā na doṣaḥ tasya svecchayā kāryeṣu pravṛtteḥ, ato'naikāntikataiva hetoḥ” iti, tadapi 
TBV-SD 127,17	nirastam; na hi kāryāṇāṃ kāraṇasyecchābhāvābhāvāpekṣayā pravṛtti — nivṛttī bhavataḥ yenā'pratibaddhasā- 
TBV-SD 127,18	marthye'pīśvarākhye kāraṇe sadā sannihite tadīyecchā'bhāvād na pravarteran, kiṃ tarhi kāraṇagatasāmarthya- 
TBV-SD 127,19	bhāvābhāvānuvidhāyino bhāvāḥ | tathāhi — icchāvato'pi kara — caraṇādivyāpārākṣamāt kulālādera- 
TBV-SD 127,20	samarthād notpadyante ghaṭādayo bhāvāḥ, samarthācca bījāderanicchāvato'pi samutpadyamānā upalabhyante'ṅku- 
TBV-SD 127,21	rādayaḥ | tatra yadīśvarākhyaṃ kāraṇaṃ kāryotpādakālavadapratihataśakti sadaivāvasthitaṃ bhāvānāṃ tat kimiti 
TBV-SD 127,22	tadīyāmanupakāriṇīṃ tāmicchāmapekṣante yenotpādakālavad yugapannaivotpadyeran ? evaṃ hi tairavikala- 
TBV-SD 127,23	kāraṇatvamātmano darśitaṃ bhavet yadi yugapad bhaveyuḥ | na cāpīśvarasya parairanupakāryasya kācidape- 
TBV-SD 127,24	kṣā'sti yenecchāmapekṣeta | na ca buddhiviśeṣavyatirekeṇāparecchā tasya saṃbhavati | 
TBV-SD 127,25	buddhiśceśvarasya yadi nityā vyāpikaikā cā'bhyupagamyeta tadā saivā'cetanapadārthādhiṣṭhātrī 
TBV-SD 127,26	bhaviṣyatīti kimaparatadādhāreśvarātmaparikalpanayā ? athānāśritaṃ tajjñānaṃ na saṃbhavatīti tadā- 
TBV-SD 127,27	tmaparikalpanā; nanu tadātmā'pyanāśrito na saṃbhavatīti aparāparāśrayaparikalpanayā'nanteśvaraprasaṅgaḥ | 
TBV-SD 127,28	atha dravyatvāt tasyā'nāśritasyāpi sadbhāvaḥ na buddheḥ guṇatvāt iti nāyaṃ doṣaḥ | nanu kutastasyā 
TBV-SD 127,29	guṇatvam ? tatra samavetatvāditi nottaram, tasyaivāniścayāt | tadādheyatvāt tasyāḥ tatsamavetatvamiti 
TBV-SD 127,30	cet, nanu kenaitat pratīyate ? na tāvadīśvareṇa, tenātmanaḥ jñānasya cā'grahaṇāt ‘idamatra samavetam’ 
TBV-SD 127,31	iti tasya pratīterayogāt | tajjñānasya tatra samavetatvameva tadgrahaṇamityapi nottaram, anyonyasaṃ- 
TBV-SD 127,32	śrayāt — siddhe hi ‘idamatra’ iti grahaṇe tatra samavetatvasiddhiḥ, asyāśca tadgrahaṇasiddhirityanyonyāśrayaḥ | 
TBV-SD 127,33	tanneśvarastajjñānamātmani samavetamavaiti, yaścātmīyamapi jñānamātmani vyavasthitaṃ na vetti sa sarvajaga- 
TBV-SD 127,34	dupādāna — sahakārikāraṇādikamavagamayiṣyatīti kaḥ śraddhātumarhati ? nāpi tajjñānamavaiti ‘sthāṇāvahaṃ 
TBV-SD 127,35	samavetam’ iti, tenātmano'vedanāt ādhārasya ca | na ca tadagrahaṇe ‘idaṃ mama rūpamatra sthitam’ iti 
TBV-SD 127,36	pratītiḥ saṃbhavati | na ca tat ātmānamapyavaiti, asvasaṃviditatvābhyupagamāt | na cāparaṃ tadgrāhakaṃ 
TBV-SD 127,37	nityaṃ jñānaṃ tasyeśvarasyāpi saṃbhavati — yenaikena sakalaṃ padārthajātamavagamayati, apareṇa tu tajjñānam — 
TBV-SD 127,38	samānakālaṃ yāvaddravyabhāvisajātīyaguṇadvayasyānyatrānupalabdhestatrāpi tatkalpanā'saṃbhavāt | tatkalpane 
TBV-SD 127,39	vā'kartṛkamaṅkurādikāryaṃ kiṃ na kalpyeta ? astu vā tatra yathoktaṃ jñānadvayam tathāpi tayorjñānayoranya- 
TBV-SD 127,40	tareṇa svagrahaṇavidhureṇa na svādhārasya, na sahacarasya jñānasya, nāpyanyasya gocarasya grahaṇam | tathāhi — 
TBV-SD 127,41	yat svagrahaṇavidhuraṃ tannānyagrahaṇam, yathā ghaṭādi, svagrahaṇavidhuraṃ ca prakṛtaṃ jñānam, tato'nena saha- 
TBV-SD 127,42	carasyāgrahaṇāt kathaṃ tenāsya grahaṇam ? tenāpi grahaṇavirahitenā'sya vedane tadeva vaktavyam iti na 
TBV-SD 127,43	kasyacid grahaṇam iti na tatsamavetatvena tadbuddherguṇatvam, nāpi tadādhārasya dravyatvaṃ siddhimupaga- 
TBV-SD 128,01	cchati | tasmānnityabuddhipūrvakatve'ṅkurādīnāṃ kimiti yugapadutpādo na bhavet īśvaravat tadbuddherapi 
TBV-SD 128,02	sadā sannihitatvāt ? anityabuddhisavyapekṣasyāpīśvarasyācetanādhiṣṭhāyakatvena jagadvidhātṛtve tasya 
TBV-SD 128,03	nityatvena tadbuddherapi sadā sannihitatvam, avikalakāraṇayoḥ sarvadā sannihitatvāt yugapadaṅkurādikā- 
TBV-SD 128,04	ryotpattiprasaṅgaḥ | tasmāt ‘buddhimattvāt’ iti viśeṣaṇamakiñcitkarameva; iti nā'naikāntikatā hetoḥ | 
TBV-SD 128,05	na cāpi viruddhatā, sapakṣe bhāvāt | na caivaṃ bhavati tasmād viparyayaprayogaḥ — yad yadā na 
TBV-SD 128,06	bhavati na tat tadānīmavikalakāraṇam, yathā kuśūlāvasthitabījāvasthāyāmanupajāyamāno'ṅkuraḥ, 
TBV-SD 128,07	na bhavati caikapadārthotpattikāle sarvaṃ viśvam iti vyāpakānupalabdhiḥ | na ca siddhasādhyatā, īśvarasya 
TBV-SD 128,08	tajjñānādervā kāraṇatve vikalakāraṇatvānupapatteḥ prasādhitatvāt | tanna nityajñāna — prayatna — cikīrṣāṇāṃ 
TBV-SD 128,09	tatsamavāyasya vā nityasya kartṛtvaṃ yuktam | 
TBV-SD 128,10	tasmāccharīrasaṃbandhasyaiva kumbhakārādau kartṛtvavyāpakatvena pratītestadabhāve kartṛtvasyā'pi 
TBV-SD 128,11	vyāpyasyābhāvaprasaṅgaḥ | tacca kvacit karādivyāpāreṇa kārakaprayoktṛtvalakṣaṇam — yathā kumbhakārasya 
TBV-SD 128,12	daṇḍādikāraṇaprayoktṛtvam, aparaṃ vāgvyāpāreṇa — yathā svāminaḥ karmakarādiprayoktṛtvasvarūpam, 
TBV-SD 128,13	anyacca prayatnavyāpāreṇa — yathā jāgrataḥ svaśarīrāvayavaprerakatvasvabhāvam, kiñcicca nidrā — mada — pramādavi- 
TBV-SD 128,14	śeṣeṇa tālvādi — karādiprerakatvam, sarvathā śarīrasaṃbandha eva kartṛtvasya vyāpakaḥ; sa cedīśvarānnivartate 
TBV-SD 128,15	svavyāpyamapi kartṛtvamādāya nivartate iti na tasya kartṛtvamabhyupagantavyamiti prasaṅgaḥ | atha tasya 
TBV-SD 128,16	jagatkartṛtvamabhyupagamyate tadā śarīrasaṃbandhaḥ kartṛtvavyāpako'bhyupagantavya iti prasaṅgaviparyayaḥ | na 
TBV-SD 128,17	ca kārakaśaktiparijñānalakṣaṇaṃ tasya kartṛtvam — yena prasaṅga — viparyayayorvyāptyasiddherabhāvaḥ syāt — 
TBV-SD 128,18	kumbhakārādau mṛddaṇḍādikārakaśaktiparijñāne'pi śarīravyāpārābhāve ghaṭādikāryakartṛtvādarśanāt 
TBV-SD 128,19	supta — pramattādau ca tālvādikāraṇaparijñānābhāve'pi tadvyāpāre prayatnalakṣaṇe sati tatpreraṇakāryadarśanāt | 
TBV-SD 128,20	yadapyabhidhānamātreṇa viṣāpahārādikāryakartṛtvam tadapi na jñānamātranibandhanam kintu śarīrasaṃbandhā'- 
TBV-SD 128,21	vinābhūtaviśiṣṭātmaprayatnahetukameva | 
TBV-SD 128,22	api ca, viśiṣṭadharmā'dharmādyupadeśavidhāyīśvaraḥ sarvajñatvena mumukṣubhirupāsyaḥ; anyathā ajñopa- 
TBV-SD 128,23	deśānuṣṭhāne teṣāṃ vipralambhaśaṅkayā tatra pravṛttirna syāt | taduktam — 
TBV-SD 128,24		“jñānavān mṛgyate kaścit taduktapratipattaye | 
TBV-SD 128,25		ajñopadeśakaraṇe vipralambhanaśaṅkibhiḥ” || 
TBV-SD 128,26	tasya ca sarvajñatve satyapyaśarīriṇo vaktrābhāvādupadeṣṭṭatvā'saṃbhava iti tatkṛtatvena tadupadeśasya 
TBV-SD 128,27	prāmāṇyā'siddherna mumukṣūṇāṃ tatra pravṛttiḥ syāditi upadeśakartṛtve tasya śarīrasaṃbandho'pyavaśyamabhyu- 
TBV-SD 128,28	pagantavyaḥ, vyāpyābhyupagamasya vyāpakābhyupagamanāntarīyakatvāt | śarīrasaṃbandhābhāve tu vyāpyasyā- 
TBV-SD 128,29	pyupadeśavidhātṛtvasyābhāva iti prasaṅga — viparyayau | vyāpyavyāpakabhāvaprasādhakaṃ ca pramāṇaṃ tālvādi- 
TBV-SD 128,30	vyāpārābhāve'pyupadeśasya sadbhāve tasya taddhetukatvaṃ na syāditi kāryakāraṇabhāvaprasādhakaṃ prāgeva 
TBV-SD 128,31	pradarśitamiti na punarucyate | tat sthitametat — na śarīrābhāve maheśasya kartṛtvamiti | tena śarīra- 
TBV-SD 128,32	manaḥsaṃbandhābhāve prayatna — buddhyāderabhāvādīśvarasattaivāsiddhā | ataḥ ‘tadabhāve kasya viśeṣaḥ 
TBV-SD 128,33	śarīrādiyogalakṣaṇaḥ sādhyate ? ’ ityādipūrvapakṣavacanaṃ niḥsāratayā vyavasthitam, prasaṅga — viparyayayo- 
TBV-SD 128,34	rnimittabhūtavyāptipradarśanasya vihitatvāt | yadapyuktam ‘jñāna — cikīrṣā — prayatnānāṃ samavāyo'stīśvare, 
TBV-SD 128,35	te tu jñānādayastatra nityāḥ’ iti, tadapyayuktatvena pratipāditam | yaccoktam ‘tatra śarīrasaṃbandhasya 
TBV-SD 128,36	vyāptyabhāvādasiddhiḥ’, tadapyasat; śarīrasaṃbandhasya kartṛtvavyāpakatvapratipādanāt | 
TBV-SD 128,37	yadapyuktam ‘nāpyasarvajñatvaṃ viśeṣaḥ kulālādiṣu dṛṣṭastatra sādhyate’ ityādi, tadapyayuktam; 
TBV-SD 128,38	kulālāderghaṭādikāryasyopādānādyabhijñatve karmādinimittakāraṇābhijñatvaprāpteḥ sarvajñatvaprasaktiḥ iti 
TBV-SD 128,39	vyarthamapareśvarasarvajñaparikalpanam, tannirvartakātīndriyā'dṛṣṭaparijñānavat tasyāpi sakalapadārthaparijñāna- 
TBV-SD 128,40	prasakteḥ | athādṛṣṭāparijñāne'pi kulālo mṛtpiṇḍadaṇḍādikatipayakārakaśaktiparijñānādeva ghaṭādi- 
TBV-SD 128,41	lakṣaṇaṃ svakāryaṃ nirvartayatīti, tarhīśvaro'pyatīndriyāśeṣapadārthaparijñānamantareṇāpi katipayakāraka- 
TBV-SD 128,42	śaktiparijñānādeva svakāryaṃ nirvartayiṣyati iti na sakalakāryakartṛtvānyathā'nupapattyā tasyātīndri- 
TBV-SD 129,01	yādyaśeṣapadārthajñatvalakṣaṇasarvajñatvasiddhiḥ | yaccoktam ‘kṣetrajñānāṃ niyatārthaviṣayagrahaṇaṃ sarvavidadhiṣṭhitā- 
TBV-SD 129,02	nām, yathā pratiniyataśabdādiviṣayagrāhakāṇāmaniyataviṣayasarvavidadhiṣṭhitānāṃ jīvaccharīre’ ityādi, 
TBV-SD 129,03	tadapyasaṅgatam; yataḥ śabdādiviṣayagrāhakāṇāmiti dṛṣṭāntatvenopanyāso yadīndriyāṇāṃ tadā teṣāṃ 
TBV-SD 129,04	karaṇatvād vedanalakṣaṇakriyā'nāśrayatvāt kathaṃ niyataśabdādiviṣayagrahaṇam ? atha grahaṇādhāratvena na 
TBV-SD 129,05	teṣāṃ niyataśabdādiviṣayagrahaṇaṃ kintu karaṇatvena; nanvevaṃ kṣetrajñānāmapi viṣayagrahaṇe karaṇatvam na 
TBV-SD 129,06	kartṛtvamiti ghaṭādi kulālakartṛkaṃ tatkāraṇaśaktiparijñānena na siddhamiti kutastaddṛṣṭāntāt kṣityā- 
TBV-SD 129,07	derjñānādhārakartṛkatvaṃ siddhimupagacchati ? yadi punarjñānasamavāyena cakṣurādīnāṃ niyataviṣayāṇāṃ kartṛ- 
TBV-SD 129,08	tve'pyaniyataviṣayā'parakṣetrajñakartradhiṣṭhitatvamaṅgīkriyate tarhi cetanānāmapi kṣetrajñānāṃ niyataviṣayāṇāṃ 
TBV-SD 129,09	yathā paro'niyataviṣayaścetano'dhiṣṭhātā tathā tasyā'pi pratiniyataviṣayatvakalpanāyāmaparo'niyata- 
TBV-SD 129,10	viṣayastadadhiṣṭhātā'bhyupagantavyaḥ, tasyāpyapara ityanavasthāprasaktiḥ | tathā, cetanānāmapi kṣetrajñānāṃ 
TBV-SD 129,11	yadā cetano'dhiṣṭhātā'bhyupagamyate tadā ‘acetanaṃ cetanādhiṣṭhitaṃ pravartate, acetanatvāt, vāsyādivat’ 
TBV-SD 129,12	iti prayoge'cetanagrahaṇaṃ dharmi — hetuviśeṣaṇaṃ nopādeyaṃ syāt, vyavacchedyā'bhāvāt | 
TBV-SD 129,13	yattūktam ‘bhavatvaniṣṭhā yadi tatprasādhakaṃ pramāṇaṃ kiñcidasti, tāvata evā'numānasiddhatvāt’ 
TBV-SD 129,14	iti, tadapyasaṅgatam; yataḥ pramāṇamantareṇa hetvābhāsād yadyekasya siddhirabhyupagamyate aparasyāpi tata 
TBV-SD 129,15	eva sā kiṃ nābhyupagamyate ? pramāṇasiddhatvaṃ tu tāvato'pi nāsti, aniṣṭhayā tatprasādhakasya pramāṇa- 
TBV-SD 129,16	syāprāmāṇyā''sañjanād | yadapyuktam ‘āgamo'pyasmin vastuni vidyate’ ityādi, tadapyayuktam; 
TBV-SD 129,17	āgamasya tatpraṇītatvena prāmāṇyam, tatprāmāṇyācca tatastatsiddhiritītaretarāśrayaprasakteḥ | nityasya 
TBV-SD 129,18	tvāgamasya prāmāṇyaṃ vaiśeṣikairnābhyupagatam, īśvarakalpanāvaiyarthyaprasaṅgāt | nāpyanyeśvarakṛtatadāgamāt 
TBV-SD 129,19	tatsiddhiḥ, tatrāpi tatkṛtatvena prāmāṇye itaretarāśrayadoṣāt | apareśvarapraṇītā'parāgamakalpane'pi 
TBV-SD 129,20	tadeva vaktavyamityaniṣṭhāprasaktiḥ | tadevaṃ svarūpe'rthe āgamasya prāmāṇye'pi na tata īśvarasiddhiḥ | 
TBV-SD 129,21	yattūktam ‘tasya ca sattāmātreṇa svaviṣayagrahaṇapravṛttānāṃ kṣetrajñānāmadhiṣṭhāyakatā yathā sphaṭikādīnā- 
TBV-SD 129,22	mupadhānākāragrahaṇapravṛttānāṃ savitṛprakāśaḥ’ tadayuktam; sattāmātreṇa savitṛprakāśasyāpi sphaṭi- 
TBV-SD 129,23	kādyadhiṣṭhāyakatvā'saṃbhavāt — tadasaṃbhavaścākāśāderapi sattāmātrasya sadbhāvāt tadadhiṣṭhāyakatā syāt- 
TBV-SD 129,24	kintu savitṛprakāśasya tadviśiṣṭāvasthājanakatvena tadadhiṣṭhāyakatvam, taccet kṣetrajñeṣvīśvarasya parika- 
TBV-SD 129,25	lpyate tadā teṣāṃ tatkāryatāprasaktiḥ; tathā ca yathā kṣetrajñānāmātmatve'viśiṣṭe'pi kāryatā tatheśvara- 
TBV-SD 129,26	syātmatvā'viśeṣāt kāryateti tadadhiṣṭhāyako'parastatkartā'bhyupagantavyaḥ, tatrāpyapara ityanavasthā | 
TBV-SD 129,27	atha tasya kāryatve satyapyanadhiṣṭhitasyaiva svakārye pravṛttistarhi jagadupādānāderapi tadanadhiṣṭhitasya 
TBV-SD 129,28	pravṛttiriti vyabhicārī adhiṣṭhātṛsādhakatvenopanyasyamānastenaiva hetuḥ | 
TBV-SD 129,29	api ca, sattāmātreṇa tasya tadadhiṣṭhāyakatve gaganasyeva na sarvajñatvam iti sarvajñatvasādhaka- 
TBV-SD 129,30	hetostadviparyayasādhanād viruddhatvam | na ca sarvaviṣayajñānasamavāyāt tatra tasyaiva sarvajñatvaṃ nā''- 
TBV-SD 129,31	kāśāderiti vaktuṃ yuktam, samavāyasya niṣiddhatvāt | sattve'pi nityavyāpakatvenākāśādāvapi 
TBV-SD 129,32	bhāvaprasaṅgāt | na ca samavāyā'viśeṣe'pi samavāyinorviśeṣa iti vaktuṃ śakyam, tadviśeṣasyaivā- 
TBV-SD 129,33	siddhatvāt | siddhatve'pi samavāyaparikalpanāvaiyarthyaprasaṅgāditi pratipādayiṣyamāṇatvāt | na ca 
TBV-SD 129,34	sattāmātreṇa tasya tadadhiṣṭhāyakatve jñānamātramapyupayogi, āstāṃ sakalapadārthasārthakārakaparijñānam | 
TBV-SD 129,35	yadapyuktam ‘jñānasya svaviṣayasadarthaprakāśatvaṃ nāma svabhāvaḥ, tasyā'nyathābhāvaḥ kutaściddoṣasadbhāvāt’ 
TBV-SD 129,36	tat satyameva | yaccoktam ‘yat punaścakṣurādyanāśritaṃ na ca rāgādimalā''vṛtaṃ tasya viṣayaprakāśana- 
TBV-SD 129,37	svabhāvasya’ ityādi, tadapyasaṅgatam; yato na cakṣurādyanāśritaṃ jñānaṃ parasya siddham, tatsiddhau 
TBV-SD 129,38	cakṣurādyanāśritasya jñānasyeva sukhasyāpi siddherānandarūpatā kathaṃ muktānāṃ na saṃgacchate — yena ‘sukhā- 
TBV-SD 129,39	diguṇarahitamātmanaḥ svarūpaṃ muktiḥ’ ityabhyupagamaḥ śobheta ? na ca rāgāderāvaraṇasyābhāvo maheśe 
TBV-SD 129,40	siddhaḥ — yena tajjñānamanāvṛtamaśeṣapadārthaviṣayaṃ tatra siddhimupagacchet, tatsvarūpasyaivāsiddhatvāt tatra 
TBV-SD 129,41	rāgādyabhāvapratipādakasyāvyabhicaritasya hetostvadabhyupagamavicāraṇayā dūrāpāstatvācca | 
TBV-SD 130,01	yattūktam ‘viparyāsakāraṇā rāgādayaḥ, viparyāsaścādharmanimittaḥ, na ca bhagavatyadharmaḥ’ iti, 
TBV-SD 130,02	tadapyasāram; adharmavad dharmasyāpi taddhetośca samyagjñānādestatrāsaṃbhavasya pratipāditatvāt | 
TBV-SD 130,03	yaccoktam ‘rāgādaya iṣṭāniṣṭasādhaneṣu viṣayeṣūpajāyamānā dṛṣṭāḥ, na ca bhagavataḥ kaścidiṣṭāniṣṭasādhano 
TBV-SD 130,04	viṣayaḥ, avāptakāmatvāt’ iti, tadapyasāram; yato yadi iṣṭāniṣṭasādhano na tasya kaścidviṣayaḥ kathaṃ 
TBV-SD 130,05	tarhi asāviṣṭā'niṣṭopādāna — parivarjanārthaṃ pravartate buddhipūrvikāyāḥ pravṛtterheyopādeyajihāsopāditsā- 
TBV-SD 130,06	pūrvakatvena vyāptatvāt ? tadabhāve'pi pravṛttāvunmattakapravṛttivad na buddhipūrvikeśvarapravṛttiḥ syāt 
TBV-SD 130,07	heyopādeyajihāsopāditse apyanāptakāmatvena vyāpte, avāptakāmasya heyopādeyajihāsopāditsā'- 
TBV-SD 130,08	nupapatteḥ | anāptakāmatvamapyanīśvaratvena vyāptam, īśvarasyānāptakāmatvāyogād iti yatra buddhipūrvikā 
TBV-SD 130,09	pravṛttiriṣyate tatra heyopādeyajihāsopāditse avaśyamaṅgīkartavye, yatra ca te tatrānāptakāmatvam, 
TBV-SD 130,10	yatra ca tat tatrānīśvaratvam iti prasaṅgasādhanam | īśvaratve cāvāptakāmatvam, avāptakāmatvācca na 
TBV-SD 130,11	heyopādeyaviṣaye taddhānopādānecchā, tadabhāve na buddhipūrvikā pravṛttiriti prasaṅgaviparyayaḥ | ata eva 
TBV-SD 130,12	svatantrasādhanapakṣe yad āśrayāsiddhatvādihetudoṣodbhāvanam tadasaṃgatam, vyāptiprasiddhimātrasyaivā- 
TBV-SD 130,13	tropayogāt; sā ca pratipāditā | ‘yā tu pravṛttiḥ śarīrādisarge sā krīḍārthā, avāptakāmānāmeva 
TBV-SD 130,14	ca krīḍā bhavati’ iti yaduktam tadasaṃgatam, ‘ratimavindatāmeva krīḍā bhavati, na ca ratyarthī bhagavān, 
TBV-SD 130,15	duḥkhābhāvāt’ iti vārtikakṛtaiva pratipāditatvāt | yaccoktam ‘na hi duḥkhitāḥ krīḍāsu pravartante’ 
TBV-SD 130,16	iti, tat prakramānapekṣaṃ vacanam; duḥkhābhāve'pi krīḍāvatāṃ rāgādyāsaktinimitteṣṭasādhanaviṣayavya- 
TBV-SD 130,17	tirekeṇa tasyāsaṃbhavāt | 
TBV-SD 130,18	yacca ‘kāruṇyāt tasya tatra pravṛttiḥ’ ityādi, tadapyanālocitābhidhānam; nahi karuṇāvatāṃ 
TBV-SD 130,19	yātanāśarīrotpādakatvena prāṇigaṇaduḥkhotpādakatvaṃ yuktam | na ca tathābhūtakarmasavyapekṣastathā teṣāṃ 
TBV-SD 130,20	duḥkhotpādako'sau nimittakāraṇatvāt tasyeti vaktuṃ yuktam, tatkarmaṇāmīśvarānāyattatve kāryatve ca 
TBV-SD 130,21	tenaiva kāryatvalakṣaṇasya hetorvyabhicāritvaprasaṅgāt | tatkṛtatve vā karmaṇo'bhyupagamyamāne prathamaṃ 
TBV-SD 130,22	karma prāṇināṃ vidhāya punastadupabhogadvāreṇa tasyaiva kṣayaṃ vidadhato maheśasyā'prekṣākāritāprasaktiḥ, na 
TBV-SD 130,23	hi prekṣāpūrvakāriṇo gopālādayo'pi prayojanaśūnyaṃ vidhāya vastu dhvaṃsayanti | tanna karuṇāpravṛttasya 
TBV-SD 130,24	karmasavyapekṣasyāpi prāṇiduḥkhotpādakatvaṃ yuktam | kiñca, prāṇikarmasavyapekṣo yadyasau prāṇināṃ 
TBV-SD 130,25	duḥkhotpādaka iti na kṛpālutvavyāghātastarhi karmaparatantrasya prāṇiśarīrotpādakatve tasyābhyupagamyamāne 
TBV-SD 130,26	varaṃ tatphalopabhoktṛsattvasya tatsavyapekṣasya tadutpādakatvamabhyupagantavyam, evamadṛṣṭeśvaraparikalpanā 
TBV-SD 130,27	parihṛtā bhavati | ‘yathā prabhuḥ sevābhedānurodhāt phalaprado nā'prabhustathā maheśvaro'pi karmāpekṣaphala- 
TBV-SD 130,28	prado nāprabhuḥ’ ityapyayuktam; yato yathā rājñaḥ sevā''yattaphalapradasya rāgādiyogaḥ nairghṛṇyam sevā''- 
TBV-SD 130,29	yattatā ca pratītā tatheśasyāpyetat sarvamabhyupagamanīyam; anyathābhūtasyānyaparihāreṇa kvacideva 
TBV-SD 130,30	sevake sukhādipradatvānupapatteḥ | tadevaṃ karmaparatantratve tasyānīśatvam, karuṇāpreritasya kartṛtve “sṛjecca 
TBV-SD 130,31	śubhameva saḥ” iti vārttikakārīyadūṣaṇasya vyavasthitatvam | yacca ‘nāraka — tiryagādisargo'pyakṛta- 
TBV-SD 130,32	prāyaścittānāṃ tatratyaduḥkhānubhave punarviśiṣṭasthānāvāptau abhyudayaheturiti siddhaṃ duḥkhiprāṇisṛṣṭāvapi 
TBV-SD 130,33	karuṇayā pravartanamīśasya’ iti, tadapi prativihitameva; yataḥ karma prāṇināṃ duḥkhapradaṃ vidhāya tatphalo- 
TBV-SD 130,34	pabhogavidhānadvāreṇa kṣayanimittaṃ prāṇināmabhyudayaṃ vidadhatastasyā'śucisthānapatitagṛhītaprakṣālita- 
TBV-SD 130,35	modakatyāgavidhāyino nasamānabuddhitvaprasaktiḥ | api ca, yadi prāṇikarmaparavaśasteṣāṃ duḥkhādikaṃ 
TBV-SD 130,36	tatkṣayanimittaprāyaścittakalpamupajanayatītyabhyupagamastadā tatkarmakāryatvaṃ tasya prasaktam — tatkṛtopa- 
TBV-SD 130,37	kārābhāve tadapekṣāyā ayogāt; upakārasya ca tatkṛtasya tadbhede tena saṃbandhāyogāt, abhi- 
TBV-SD 130,38	nnasya tatkaraṇe tasyaiva karaṇamiti kathaṃ na tatkāryatvam ? 
TBV-SD 130,39	atha yad yadā yatra karmādikaṃ sahakārikāraṇamāsādayati tena saha saṃbhūya tat tadā tatra sukhā- 
TBV-SD 130,40	dikaṃ kāryaṃ janayati, ekakāryakāritvameva sahakāritvamiti na kāryatvalakṣaṇastasya doṣaḥ; nanu karmā- 
TBV-SD 130,41	disahakārisavyapekṣaḥ kāryajananasvabhāvastasya karmādisahakārisannidhānād yadi prāgapyasti tadā — 
TBV-SD 131,01	sahakārisannidhāne'pi svarūpeṇaivā'sau kāryaṃ nirvartayati, pararūpeṇa janakatve sarvasya svarūpeṇājana- 
TBV-SD 131,02	katvāt kāryā'nutpādaprasaṅgaḥ, tasya cāvikalasya tajjananasvabhāvasya bhāvāduttarakālabhāvisamasta- 
TBV-SD 131,03	kāryotpattistadaiva syāt | tathāhi — yad yadā yajjananasamarthaṃ tat tadā tad janayatyeva, yathā'ntyāvasthāprāptaṃ 
TBV-SD 131,04	bījamaṅkuram, ajanane vā tadā tasya tad jananasvabhāvameva na syāt, tajjananasvabhāvaśca karmādi- 
TBV-SD 131,05	sāmagryasannidhāne'pyekasvabhāvatayā'bhyupagamyamāno maheśa iti svabhāvahetuḥ | atha karmādisāmagryabhāve 
TBV-SD 131,06	tatsvabhāvo'pyasau vivakṣitakāryaṃ na janayati, na tarhi tajjanakasvabhāvaḥ — yo hi yadā yanna janayati 
TBV-SD 131,07	sa tajjanakasvabhāvo na bhavati; yathā śālibījaṃ yavāṅkurasya, atajjanakasyāpi tatsvabhāvatve'tiprasaṅgaḥ, 
TBV-SD 131,08	na janayati ca karmādisāmagryabhāve vivakṣitaṃ kāryamīśa iti vyāpakā'nupalabdhiḥ | atha karmādi- 
TBV-SD 131,09	sāmagryabhāve sa svabhāvastadapekṣakāryajanakatvalakṣaṇo nāsti tarhi svabhāvabhedāt kathaṃ na tasya bhedaḥ 
TBV-SD 131,10	aparasya tannibandhanasyābhāvāt ? tathā ca kramavartyanekamaṅkurādikāryaṃ nākramaikeśvaravihitam iti 
TBV-SD 131,11	naikatvaṃ tasya siddhimāsādayati | tanna sarvajñatvā'śarīritvaikatvādidharmayogastasya siddhimupaḍhaukate | 
TBV-SD 131,12	‘nāpi kṛtrimajñānasaṃbandhitvaṃ tajjñānasya pratyarthaniyamābhāvāt’ ityādi yaduktam, tadapi nirastam; 
TBV-SD 131,13	nityasarvapadārthaviṣayajñānasaṃbandhitvasya tatra pratiṣiddhatvāt | 
TBV-SD 131,14	yacca ‘yathā sthapatyādīnāṃ mahāprāsādādikaraṇe ekābhiprāyaniyamitānāmaikamatyaṃ tadvadatrāpi 
TBV-SD 131,15	yadi kṣityādyanekakāryakaraṇe bahūnāṃ niyāmakaḥ kaścideko'sti, sa eveśvaraḥ’ ityuktam, tadapyasaṅgatam; 
TBV-SD 131,16	yato na hyayaṃ niyamaḥ — ekenaiva sarvaṃ kāryaṃ nirvartanīyam, ekaniyamitairvā buhubhiriti; anekadhā kāryaka- 
TBV-SD 131,17	rtṛtvadarśanāt | tathāhi — kvacideka evaikakāryasya vidhātā upalabhyate yathā kuvindaḥ kaścidekasya paṭasya, 
TBV-SD 131,18	kvacideka eva bahūnāṃ kāryāṇām yathā ghaṭa — śarāvodañcanānāmekaḥ kulālaḥ, kvacidaneko'pyanekasya 
TBV-SD 131,19	yathā ghaṭa — paṭa — śakaṭādīnāṃ kulālādiḥ, kvacidaneko'pyekasya yathā śibikodvahanāderanekaḥ puruṣa- 
TBV-SD 131,20	saṅghātaḥ | na ca prāsādādilakṣaṇe'pyanekasthapatyādinirvartye'vaśyaṃtayaikasūtradhāraniyamitānāṃ teṣāṃ tatra 
TBV-SD 131,21	vyāpāra upalabdhaḥ, pratiniyatābhiprāyāṇāmapyekasūtradhārā'niyamitānāṃ tatkaraṇā'virodhāt iti 
TBV-SD 131,22	naikaḥ kartā kṣityādīnāṃ siddhimāsādayati | ata eva na tannibandhanā sarvajñatvasiddhirapi tasya yuktā | 
TBV-SD 131,23	tadevaṃ nityatvādiviśeṣasākalyasādhakānumānā'saṃbhavāt tadviparyayasādhakasya ca prasaṅgasādhanasya 
TBV-SD 131,24	tatra bhāvāt kathaṃ na viśeṣaviruddhāvakāśaḥ ? atha śarīrādimadbuddhimatkāraṇatvavyāptaṃ yadi kṣityādau 
TBV-SD 131,25	kāryatvamupalabhyeta tadā tatastatra tat siddhimāsādayat tathābhūtameva sidhyediti bhavet kāryatvāde- 
TBV-SD 131,26	rviruddhatvam, sādhyaviparyayasādhanāt; na ca tathābhūtaṃ tat tatra vidyate iti kathaṃ viruddhatā ? na; 
TBV-SD 131,27	paraprasiddhapakṣadharmatvam viparyayavyāptiṃ vā''śritya viruddhatābhidhānāt | paramārthatastu kāryatvaviśeṣasya 
TBV-SD 131,28	kṣityādāvasiddhatvam tatsāmānyasya tvanaikāntikatvam iti pratipāditam | sarveṣu ceśvarasādhanā- 
TBV-SD 131,29	yopanyasteṣvanumāneṣvasiddhatvādidoṣaḥ samānaḥ iti kāryatvadūṣaṇenaiva tānyapi dūṣitāni iti na 
TBV-SD 131,30	pratyuccārya dūṣyante | maheśvarasya ca nityatvaṃ tadvādibhirabhyupagamyate; na cākṣaṇikasya sattvaṃ saṃbhavati 
TBV-SD 131,31	iti pratipādayiṣyāmaḥ | 
TBV-SD 131,32	yacca ‘pṛthivyādimahābhūtāni svāsu kriyāsu buddhimatkāraṇādhiṣṭhitāni pravartante, anityatvāt, 
TBV-SD 131,33	vāsyādivat’ iti, tatra kulālādibuddhāvapyanityatvalakṣaṇasya hetoḥ sadbhāvāt tatrāpyaparabuddhimatkāra- 
TBV-SD 131,34	ṇādhiṣṭhitatvaprasaktiḥ, tathā'bhyupagame maheśabuddherapyanityatvasya prasādhanāt tasyāpyaparabuddhimadadhi- 
TBV-SD 131,35	ṣṭhitatvam, tadbuddhāvapyevam ityanavasthā | atha buddheranityatve satyapi na buddhimadadhiṣṭhitatvaṃ tadā 
TBV-SD 131,36	vyabhicārī hetuḥ; aparaṃ cātra prativihitatvānnāśaṅkyate | yacca kāryatvahetordūṣaṇamasiddhatvādi tadatrāpi 
TBV-SD 131,37	samānam | tathāhi — yādṛśamanityatvaṃ buddhimadadhiṣṭhitaṃ vāsyādau siddhaṃ tādṛśaṃ tanvādiṣvasiddham | 
TBV-SD 131,38	anityatvamātrasya pratibandhāsiddhervyabhicāraḥ | pratibandhābhyupagame satīṣṭaviparītasādhanād viruddhatvam | 
TBV-SD 131,39	sādharmyadṛṣṭāntasya sādhyavikalatā, nityaikabuddhimadadhiṣṭhitatvena sādhyadharmeṇānvayāsiddheḥ | sāmānyena 
TBV-SD 131,40	sādhye siddhasādhyatā, viśeṣeṇa vyabhicāraḥ, ghaṭādiṣvanyathādarśanāditi | evaṃ sarveṣu prakṛtasādhya- 
TBV-SD 131,41	sādhanāyopanyasteṣu hetuṣu yojyam | 
TBV-SD 132,01	yacca ‘sthitvā pravṛtteḥ’ iti sādhanamuktam, tatrānyadapi dūṣaṇaṃ vācyam — sarvabhāvānāmudayasamananta- 
TBV-SD 132,02	rā'pavargitayā kṣaṇamātramapi na sthitirasti iti kutaḥ sthitvā pravṛttiḥ ? tasmāt prativādyasiddho 
TBV-SD 132,03	hetuḥ anaikāntikaśceśvareṇaiva; yataḥ so'pi kramavatsu kāryeṣu sthitvā pravartate atha ca nāsau cetanā- 
TBV-SD 132,04	vatā'dhiṣṭhitaḥ anavasthāprasaṅgāt | atha ‘acetanatve sati’ iti saviśeṣaṇo heturupādīyate yathā 
TBV-SD 132,05	praśastamatinopanyastastathāpi saṃdigdhavipakṣavyāvṛttikatayā'naikāntikatvamanivāryam — yadeva hi viśe- 
TBV-SD 132,06	ṣaṇaṃ vipakṣāddhetuṃ nivartayati tadeva nyāyyam, yat punarvipakṣeṃ saṃdehaṃ na vyāvartayati tadupādānamapya- 
TBV-SD 132,07	satkalpam, pūrvoktaścāsiddhatādoṣaḥ saviśeṣaṇatve'pi tadavastha eva | yaccoktam ‘sargādau vyavahāraśca’ 
TBV-SD 132,08	ityādi, tatrāpi ‘uttarakālaṃ prabuddhānām’ ityetad viśeṣaṇamasiddham | tathāhi — nāsmanmate pralayakāle 
TBV-SD 132,09	praluptajñāna — smṛtayo vitanu — karaṇāḥ puruṣāḥ saṃtiṣṭhante kintvābhāsvarādiṣu spaṣṭajñānātiśayayogiṣu 
TBV-SD 132,10	devanikāyeṣūtpadyante; ye tu pratiniyatanirayādivipākasaṃvartanīyakarmāṇaste lokadhātvantareṣūtpadyante 
TBV-SD 132,11	iti matam | vivartakāle'pi tata eva ābhāsvarādeścyutvā ihāluptajñāna — smṛtaya eva saṃbhavanti 
TBV-SD 132,12	tasmāt ‘uttarakālaṃ prabuddhānām’ iti viśeṣaṇamasiddham | anaikāntikaśca hetuḥ saṃdigdhavipakṣavyāvṛ- 
TBV-SD 132,13	ttikatvāt | 
TBV-SD 132,14	kiñca, anyopadeśapūrvakatvamātre sādhye siddhasādhyatā, anādervyavahārasya sarveṣāmevānyopadeśa- 
TBV-SD 132,15	pūrvakatvasyeṣṭatvāt | atheśvaralakṣaṇapuruṣopadeśapūrvakatvaṃ sādhyate tadā'naikāntikatā, anyathā'pi 
TBV-SD 132,16	vyavahārasaṃbhavāt, dṛṣṭāntasya ca sādhyavikalatā | etaccānyahetusāmānyaṃ dūṣaṇaṃ pūrvamuktam | viruddhaśca 
TBV-SD 132,17	hetuḥ abhyupetabādhā ca pratijñāyāḥ, nirmukhasyopadeṣṭṭatvāsaṃbhavāt — yadi īśvaropadeśapūrvakatvaṃ vyavahārasya 
TBV-SD 132,18	saṃbhavet tadā syādaviruddhatā hetoḥ yāvatā'sau vigatamukhatvādupadeṣṭā na yuktaḥ, tacca vimukhatvaṃ 
TBV-SD 132,19	vitanutvena, tadapi dharmādharmavirahāt, tathā ca uddyotakareṇoktam — “yathā buddhimattāyāmīśvarasya 
TBV-SD 132,20	pramāṇasaṃbhavaḥ, naivaṃ dharmādinityatve pramāṇamasti” iti | tasmādī- 
TBV-SD 132,21	śvarasyopadeṣṭṭatvāsaṃbhavāt tadupadeśapūrvakatvaṃ vyavahārasya na sidhyati kintvīśvaravyatiriktānyapuru- 
TBV-SD 132,22	ṣopadeśapūrvakatvam; ata iṣṭavighātakāritvād viruddho hetuḥ | atheśvarasyopadeṣṭṭatvamaṅgīkriyate tadā 
TBV-SD 132,23	vimukhatvamabhyupetaṃ hīyata ityabhyupetabādhaḥ | evamanyeṣvapi sarvajñatvāditadviśeṣasādhakeṣu hetuṣvasi- 
TBV-SD 132,24	ddhatvā'naikāntikatva — viruddhatvādidoṣajālaṃ svamatyā'bhyūhyaṃ diṅmātradarśanaparatvāt prayāsasya | ata eva 
TBV-SD 132,25	“sapta bhuvanānyekabuddhinirmitāni, ekavastvantargatatvāt, ekāvasathāntargatānekāpavarakavat; yathaikā- 
TBV-SD 132,26	vasathāntargatānāmapavarakāṇāṃ sūtradhāraikabuddhinirmitatvaṃ dṛṣṭaṃ tathaikasminneva bhuvane'ntargatāni sapta bhuva- 
TBV-SD 132,27	nāni, tasmāt teṣāmapyekabuddhinirmitatvaṃ niścīyate; yadbuddhinirmitāni caitāni sa bhagavān maheśvaraḥ 
TBV-SD 132,28	sakalabhuvanaikasūtradhāraḥ” ityādikāḥ prayogāḥ praśastamatiprabhṛtibhirupanyastāsteṣvapi 
TBV-SD 132,29	heturasiddhaḥ, na hyekaṃ bhuvanam āvasathādirvā'sti, vyavahāralāghavārthaṃ bahuṣviyaṃ saṃjñā kṛtā, ata eva 
TBV-SD 132,30	dṛṣṭānto'pi sādhanavikalaḥ; ekasaudhādyantargatānāmapavarakādīnāmanekasūtradhāraghaṭitatvadarśanāccānai- 
TBV-SD 132,31	kāntiko hetuḥ | 
TBV-SD 132,32	yacca “ekādhiṣṭhānā brahmādayaḥ piśācāntāḥ, parasparātiśayavṛttitvāt; iha yeṣāṃ parasparātiśa- 
TBV-SD 132,33	yavṛttitvaṃ teṣāmekāyattatā dṛṣṭā, yatheha loke gṛha — grāma — nagara — deśā'dhipatīnāmekasmin sārvabhauma- 
TBV-SD 132,34	narapatau, tathā ca bhujaga — rakṣo — yakṣaprabhṛtīnāṃ parasparātiśayavṛttitvam; tena manyāmahe teṣāmapyeka- 
TBV-SD 132,35	sminnīśvare pāratantryam” iti, tadetad yadi ‘īśvarākhyenādhiṣṭhāyakenaikādhiṣṭhānāḥ’ ityayamarthaḥ sādha- 
TBV-SD 132,36	yitumiṣṭastadā'naikāntikatā hetoḥ, viparyaye bādhakapramāṇābhāvāt pratibandhā'siddheḥ | dṛṣṭāntasya 
TBV-SD 132,37	ca sādhyavikalatā | athādhiṣṭhāyakamātreṇa sāghiṣṭhānā iti sādhyate tadā siddhasādhyatā, yata iṣyata 
TBV-SD 132,38	eva sugatasutairbhagavatā saṃbuddhena sakalalokacūḍāmaṇinā sarvameva jagat karuṇāvaśādadhiṣṭhitam, 
TBV-SD 132,39	yatprabhāvādadyāpyabhyudaya — niḥśreyasasaṃpadamāsādayanti sādhujanasārthāḥ | sarveṣvapi ca sarvajñasādhaneṣu 
TBV-SD 132,40	paropanyasteṣu yadi sāmānyena ‘kaścit sarvajñaḥ’ iti sādhyamabhipretaṃ tadā nā'smān prati bhavatāmidaṃ 
TBV-SD 132,41	sādhanaṃ rājate siddhasādhyatādoṣāt kintu ye sarvajñā'pavādino jaiminīyāścārvākā vā teṣveva 
TBV-SD 133,01	śobhate | atheśvarākhyaḥ sarvajñaḥ sādhyeta tadoktaprakāreṇa pratibandhāsiddherhetūnāmanaikāntikatā, 
TBV-SD 133,02	dṛṣṭāntasya ca sādhyavikalateti | śeṣastu pūrvapakṣagrantho niḥsāratayopekṣitaḥ | ata īśvarasādhakasya 
TBV-SD 133,03	tannityatvādidharmasādhakasya ca pramāṇasyābhāvāt “kleśa — karma — vipākā''śayairaparāmṛṣṭaḥ puruṣaviśeṣa 
TBV-SD 133,04	īśvaraḥ” ityādi sarvamayuktatayā sthitam | ato bhavaheturāgādijayāt 
TBV-SD 133,05	śāsanapraṇetāro jināḥ siddhāḥ | ataḥ suvyavasthitametad bhavajinānāṃ śāsanamiti | 
TBV-SD 133,06	nanu yadi teṣāṃ bhavanibandhanarāgādijetṛtvaṃ tadā śāsanapraṇetṛtvānupapattiḥ, tajjayānantaramevā- 
TBV-SD 133,07	pavargaprāpteḥ śarīrābhāve vaktṛtvāsaṃbhavāt | atha rāgādikṣayānantaraṃ nāpavargaprāptistarhi rāgādijayo 
TBV-SD 133,08	na bhavakṣayalakṣaṇāpavargaprāptikāraṇam; na hi yasmin satyapi yanna bhavati tat tadavikalakāraṇaṃ vyava- 
TBV-SD 133,09	sthāpayituṃ śakyam, yavabījamiva śālyaṅkurasya | atha niravaśeṣarāgādyajayād apavargaprāpteḥ prāgeva 
TBV-SD 133,10	tatpraṇetṛtvādadoṣaḥ; nanvevaṃ tacchāsanasya rāgaleśā''śliṣṭapuruṣapraṇītatvena naikāntikaṃ prāmāṇyaṃ, 
TBV-SD 133,11	kapilādipuruṣapraṇītasyeva ityāśaṅkyāha sūriḥ — ‘ṭhāṇamaṇovamasuhamuvagayāṇaṃ’ iti | asyābhi- 
TBV-SD 133,12	prāyaḥ — yadyapi sarvajñatāpratibandhighātikarmacatuṣṭayakṣayāvirbhūtakevalajñānasampado jināstathāpi bhavo- 
TBV-SD 133,13	pagrāhiśarīranibandhanasya karmaṇaḥ sadbhāvādalpasthitikasya na śarīrādyabhāvāt śāsanapraṇetṛtvānupapattiḥ, 
TBV-SD 133,14	nāpi rāgādileśasadbhāvāt tatpraṇītāgamasyā'prāmāṇyam, viparyāsahetorghātikarmaṇo'tyantakṣayāt | 
TBV-SD 133,15	na ca karmakṣayādaparasyāpravṛttinimittatvam, bhavopagrāhiṇo'dyāpi sāmastyenākṣayāt tatkṣaye cāpava- 
TBV-SD 133,16	rgasyānantarabhāvitvāt karmakṣayasyaivāpavargaprāptāvavikalakāraṇatvāditi | avayavārthastu — tiṣṭhanti saka- 
TBV-SD 133,17	lakarmakṣayāvāptānantajñānasukharūpādhyāsitāḥ śuddhātmāno'sminniti sthānaṃ lokāgralakṣaṇaṃ viśiṣṭakṣe- 
TBV-SD 133,18	tram, na vidyate upamā svābhāvikātyantikatvena sakalavyābādhārahitatvena ca sarvasukhātiśāyitvād 
TBV-SD 133,19	yasya tat sukhamānandarūpaṃ yasmiṃstat tathā, tat ‘upa’ iti kālasāmīpyena gatānāṃ prāptānām, yadvā 
TBV-SD 133,20	‘upa’ ityupasargaḥ prakarṣe'pyupalabhyate, yathā “upoḍharāgeṇa” iti | tena sthānamanupamasukhaṃ 
TBV-SD 133,21	prakarṣeṇa gatānāmiti | “parārthe prayujyamānāḥ śabdā vatimantareṇāpi tamarthaṃ gamayanti” 
TBV-SD 133,22	iti nyāyādanubhūyamānatīrthakṛnnāmakarmaleśasadbhāve'pi tad gatā iva gatā ityuktāstena śāsanapraṇe- 
TBV-SD 133,23	tṛtvaṃ tasyāmavasthāyāṃ teṣāmupapannameva || 
TBV-SD 133,24	yadvā “muktāḥ sarvatra tiṣṭhanti vyomavat tāpavarjitāḥ” ityetasya durnayasya nirāsā- 
TBV-SD 133,25	rthamāha sūriḥ — ‘ṭhāṇamaṇovamasuhamuvagayāṇaṃ’ atra ca sthānamanupamasukham — prakarṣeṇa apunarāvṛttyā 
TBV-SD 133,26	gatānām — upagatānāmiti vyākhyeyam | 
TBV-SD 133,27	athavā “buddhyādīnāṃ navānāṃ viśeṣaguṇānāmātyantikaḥ kṣaya ātmano muktiḥ” 
TBV-SD 133,28	iti matavyavacchedārthamācāryeṇa — ‘ṭhāṇamaṇovamasuhamuvagayāṇaṃ’ iti sūtramupanyastam | asya 
TBV-SD 133,29	cāyamarthaḥ — sthitiḥ sthānaṃ svarūpaprāptistad anupamasukham ‘upa’ iti sakalakarmakṣayānantaramavyavadhānena 
TBV-SD 133,30	gatānāṃ prāptānām — śaileśyavasthācaramasamayopādeyabhūtamanantasukhasvabhāvamātmanaḥ kathañcidananyabhūtaṃ 
TBV-SD 133,31	svarūpaṃ prāptānāmiti yāvat | 
TBV-SD 133,34	atrāhurvaiśeṣikāḥ — sarvametadanupapannam, ātmano vibhutvena viśiṣṭasthānaprāptinimittagatya- 
TBV-SD 133,35	saṃbhavāt, karmakṣaye ca śarīrādyabhāve muktātmanāṃ sukhasya taddhetunimittāsamavāyikāraṇābhāvenotpattya- 
TBV-SD 133,36	saṃbhavāt, nityasya cānandasyāvaiṣayikasyānupalambhenāsattvāt | 
TBV-SD 133,37	na cātmano vibhutvamasiddham, anumānāt tatsiddheḥ | tathāhi — buddhyadhikaraṇaṃ dravyaṃ vibhu, 
TBV-SD 133,38	nityatve satyasmadādyupalabhyamānaguṇādhiṣṭhānatvāt; yad yad nityatve satyasmadādyupalabhyamānaguṇādhi- 
TBV-SD 133,39	ṣṭhānaṃ tat tad vibhu, yathā ākāśam, tathā ca buddhyadhikaraṇaṃ dravyam, tasmād vibhu | na ca 
TBV-SD 134,01	buddherguṇatvāsiddherhetuviśeṣaṇāsiddhyā hetorasiddhirabhidhātuṃ śakyā, buddhiguṇatvasyānumānāt siddheḥ | 
TBV-SD 134,02	tathāhi — guṇo buddhiḥ, pratiṣidhyamānadravya — karmabhāve sati sattāsaṃbandhitvāt; yo yaḥ pratiṣidhyamāna- 
TBV-SD 134,03	dravya — karmabhāve sati sattāsaṃbandhī sa sa guṇaḥ yathā rūpādiḥ, tathā ca buddhiḥ, tasmād guṇaḥ | na 
TBV-SD 134,04	ca pratiṣidhyamānadravya — karmatvamasiddhaṃ buddheḥ | tathāhi — buddhirdravyaṃ na bhavati, ekadravyatvāt, yad 
TBV-SD 134,05	yad ekadravyaṃ tat tad dravyaṃ na bhavati yathā rūpādi, tathā ca buddhiḥ, tasmād na dravyam | na 
TBV-SD 134,06	cāyamasiddho hetuḥ | tathāhi — ekadravyā buddhiḥ, sāmānya — viśeṣavattve satyekendriyapratyakṣatvāt, yad 
TBV-SD 134,07	yat sāmānya — viśeṣavattve satyekendriyapratyakṣaṃ tat tad ekadravyam, yathā rūpādi, tathā buddhiḥ, 
TBV-SD 134,08	tasmādekadravyā | na ca ‘ekendriyapratyakṣatvāt’ ityucyamāne ātmanā vyabhicāraḥ, tasyaikendriyapra- 
TBV-SD 134,09	tyakṣatve vivādāt | nāpi vāyunā, tatrāpi tatpratyakṣatvasya vivādāspadatvāt | tathāpi rūpatvādinā 
TBV-SD 134,10	vyabhicāraḥ, tannivṛttyarthaṃ ‘sāmānya — viśeṣavattve sati’ iti viśeṣaṇopādānam | na ca rūpasyāntaḥ — 
TBV-SD 134,11	karaṇagrāhyatayā dvīndriyagrāhyatā, cakṣurindriyasyaiva ‘cakṣuṣā rūpaṃ paśyāmi’ iti vyapadeśahetostatra 
TBV-SD 134,12	karaṇatvasiddhiḥ, manasastvāntarārthapratipattāvevā'sādhāraṇakaraṇatvāt | athavā ekadravyā buddhiḥ, 
TBV-SD 134,13	sāmānya — viśeṣavattve aguṇavattve ca satyacākṣuṣapratyakṣatvāt, śabdavat | tathā, na karma buddhiḥ, 
TBV-SD 134,14	saṃyoga — vibhāgākāraṇatvāt, yad yat saṃyogavibhāgākāraṇaṃ tat tat karma na bhavati, yathā rūpādi, 
TBV-SD 134,15	tathā ca buddhiḥ, tasmād na karma | tasmāt siddhaḥ pratiṣidhyamānadravya — karmabhāvo buddheḥ | na ca 
TBV-SD 134,16	sattāsaṃbandhitvamasiddhaṃ buddheḥ, tatra ‘sat’ iti pratyayotpādāt | na ca sattā bhinnā na siddhā, 
TBV-SD 134,17	tadbhedapratipādakapramāṇasadbhāvāt | tathāhi — yasmin bhidyamāne'pi yanna bhidyate tat tato'rthāntaram, 
TBV-SD 134,18	yathā bhidyamāne vastrādāvabhidyamāno dehaḥ, bhidyamāne ca buddhyādau na bhidyate sattā, dravyādau sarvatra 
TBV-SD 134,19	‘sat sat’ iti pratyayābhidhānadarśanāt; anyathā tadayogāt | sā ca buddhisaṃbaddhā, tatastatra 
TBV-SD 134,20	viśiṣṭapratyayaprapratīteḥ | tathāhi — yato yatra viśiṣṭapratyayaḥ sa tena saṃbaddhaḥ, yathā daṇḍo devadattena, 
TBV-SD 134,21	bhavati ca buddhyādau sattātastatpratyayaḥ, tatastayā saṃbaddheti | ‘pratiṣidhyamānadravya — karmatvāt’ 
TBV-SD 134,22	ityucyamāne sāmānyādinā vyabhicārastannivṛttyarthaṃ ‘sattāsaṃbandhitvāt’ iti vacanam | ‘sattā- 
TBV-SD 134,23	saṃbandhitvāt’ ityucyamāne dravya — karmabhyāmanekāntastannivṛttyarthaṃ ‘pratiṣidhyamānadravya — karmabhāve sati’ 
TBV-SD 134,24	iti viśeṣaṇam | tadevaṃ bhavatyato'numānād buddherguṇatvasiddhiḥ | asmadādyupalabhyamānatvaṃ ca 
TBV-SD 134,25	buddhestadekārthasamavetānantarajñānapratyakṣatvād nāsiddham | nityatvaṃ cātmanaḥ ‘akāryatvāt, ākāśavat’ 
TBV-SD 134,26	ityanumānaprasiddham | ato ‘nityatve satyasmadādyupalabhyamānaguṇādhiṣṭhānatvāt’ iti heturnāsiddhaḥ | 
TBV-SD 134,27	nāpyanaikāntikaḥ, vipakṣe'syā'pravṛtteḥ | nāpi viruddhaḥ, vibhunyākāśe'sya vṛttyupalambhāt | 
TBV-SD 134,28	nāpi bādhitaviṣayaḥ, pratyakṣā''gamayorātmanyavibhutvapradarśakayorasambhavāt | nāpi prakaraṇasamaḥ, 
TBV-SD 134,29	prakaraṇacintāpravartakasya hetvantarasyābhāvāt | iti bhavati sakaladoṣarahitādato hetoḥ sarvagatā- 
TBV-SD 134,30	tmasiddhiḥ | 
TBV-SD 134,32	asadetat, buddherguṇatvāsiddhāvātmanastadadhiṣṭhānatvāsiddherasiddho hetuḥ | yacca ‘pratiṣidhyamāna- 
TBV-SD 134,33	dravya — karmatve sati sattāsaṃbandhitvāt’ iti guṇatvaṃ buddheḥ prasādhyate tatra sattāyāḥ tatsamavāyasya ca 
TBV-SD 134,34	niṣiddhatvāt niṣetsyamānatvācca ‘sattāsaṃbandhitvāt’ iti tatra heturasiddhaḥ | 
TBV-SD 134,35	samavāyābhāve ca buddherātmano vyatireke tena tasyāḥ sambandhābhāvāt ‘ātmano dravyatvaṃ guṇā- 
TBV-SD 134,36	śrayatvena, tasyāśca tadāśritatvena guṇatvam’ iti dūrotsāritam | bhavatu vā samavāyasaṃbandhastathāpi 
TBV-SD 134,37	ātmaguṇavat tasyā anyaguṇatvasyāpyapratiṣedhāt tasyāstadguṇatvasyaivāsiddhiḥ | vyatirekā- 
TBV-SD 134,38	viśeṣe'pi ‘ātmana eva guṇo jñānam nākāśādeḥ’ iti kiṃkṛto'yaṃ vibhāgaḥ ? na samavāyakṛtaḥ, 
TBV-SD 134,39	tasyāpi tābhyāṃ vyatireke ‘tayorevāsau samavāyaḥ nākāśādeḥ’ iti vibhāgo durlabhaḥ syāt, tasya 
TBV-SD 135,01	svarūpeṇa sarvatrāviśeṣāt | athātmakāryatvādātmaguṇo buddhiḥ, kuta etat ? ātmani sati bhāvāt, 
TBV-SD 135,02	ākāśādāvapi sati bhāvāt tasyāstatkāryatāprasaktiḥ | nāpyātmano'bhāve'bhāvāt tasyāḥ 
TBV-SD 135,03	tatkāryatvam, tannityatva — vyāpitvābhyāṃ tatra tasyāyogāt | nāpi tatra tasyāḥ pratīteḥ tatkāryaivāsau 
TBV-SD 135,04	nākāśādikāryā, tatra tatpratīterasiddheḥ | tathāhi — na tāvad ātmā ātmani buddhiṃ pratyeti, tasya 
TBV-SD 135,05	svasaṃviditatvānabhyupagamāt | jñānāntarapratyakṣatve'pi vivādāt | tanna tenātmasvarūpamapi gṛhyate, 
TBV-SD 135,06	dūrata eva svātmavyavasthitatvaṃ buddheḥ | nāpi buddhyā tadvyavasthitatvaṃ svātmano gṛhyate, tayā ātmanaḥ 
TBV-SD 135,07	svakīyarūpasya vā'grahaṇāt, buddhyantaragrāhyatvāsambhavāt, svasaṃviditatvasya cāniṣṭeḥ, ajñātāyāśca 
TBV-SD 135,08	ghaṭāderivāparagrāhakatvānupapatterna tayāpyātmani vyavasthitaṃ svarūpaṃ gṛhyate | na ca tadutkalitatvam, 
TBV-SD 135,09	tadādheyatvam, tatsamavetatvaṃ vā ākāśādiparihāreṇātmaguṇatvanibandhanam, sarvasya niṣiddhatvāt | 
TBV-SD 135,10	na ca kāryeṇānanukṛtavyatirekaṃ nityamātmalakṣaṇaṃ vastu kasyacit kāraṇaṃ sidhyati, atiprasaṅgāt | 
TBV-SD 135,11	yathā ca nityasyaikāntata ātmano'nyasya vā na kāraṇatvaṃ saṃbhavati tathā pratipādayiṣyate | tanna 
TBV-SD 135,12	buddherātmano vyatireke ‘tasyaivāsau guṇo nākāśādeḥ’ iti vyavasthāpayituṃ śakyam | 
TBV-SD 135,13	avyatireke ca tataḥ tadvadeva tasyā api dravyatvamiti ‘pratiṣidhyamānadravyatve sati’ iti 
TBV-SD 135,14	viśeṣaṇamasiddham | api ca buddherguṇatvasiddhāvanādhārasya guṇasyāsaṃbhavāt tadādhārabhūtasyātmano 
TBV-SD 135,15	dravyatvasiddhiḥ, tatsiddheśca dravya — karmabhāvapratiṣedhe sati tadāśritatvena tasyā guṇatvasiddhi- 
TBV-SD 135,16	ritītaretarāśrayatvam | 
TBV-SD 135,17	kiñca, ātmano'pratyakṣatve buddhestadviśeṣaguṇatve'smadādyupalabhyamānatvavirodhaḥ | tathāhi — ye'tya- 
TBV-SD 135,18	ntaparokṣaguṇiguṇā na te'smadādipratyakṣāḥ, yathā paramāṇurūpādayaḥ, tathā ca pareṇābhyupagamyate 
TBV-SD 135,19	buddhiḥ, tasmād nāsmadādipratyakṣā | na ca vāyusparśena vyabhicāraḥ, vāyoḥ kathañcit tadavyatirekeṇa 
TBV-SD 135,20	tadvat pratyakṣatvāt; sparśaviśeṣasyaiva tattvāt | asmadādipratyakṣatve ca buddheratyantaparokṣātmavibhudra 
TBV-SD 135,21	vyaviśeṣaguṇatvavirodhaḥ | tathāhi — yad asmadādipratyakṣaṃ na tad atyantaparokṣaguṇiguṇaḥ, yathā 
TBV-SD 135,22	ghaṭarūpādi, tathā ca buddhiḥ | na ca vāyusparśena vyabhicāraḥ, pūrvameva parihṛtatvāt | tato'smadādi- 
TBV-SD 135,23	pratyakṣatve buddhernātyantaparokṣātmaviśeṣaguṇatvam | tattve vā nāsmadādipratyakṣatvamityasiddho'smadādyu- 
TBV-SD 135,24	palabhyamānalakṣaṇaviśeṣaṇo'pi hetuḥ | atha ātmanaḥ pratyakṣatvābhyupagamād nāyaṃ doṣaḥ, nanvevaṃ- 
TBV-SD 135,25	tasya pratyakṣatvābhyupagame harṣa — viṣādādyanekavivartātmakasya dehamātravyāpakasya svasaṃvedanapratyakṣa- 
TBV-SD 135,26	siddhatvād na yugapat sarvadeśāvasthitāśeṣamūrtadravyasaṃbandhalakṣaṇasya vibhutvasya sādhanamanumānato 
TBV-SD 135,27	yuktam; anyathā ghaṭādibhirmervādestena ca ghaṭādīnāṃ tathā saṃyogaḥ kiṃ neṣyate yataḥ sāṃkhyadarśanaṃ na 
TBV-SD 135,28	syāt ? pratyakṣabādhanād naivamiti cet, kimatra pratyakṣabādhanaṃ kākairbhakṣitam ? athātra pakṣadharmānvaya- 
TBV-SD 135,29	vyatirekalakṣaṇayuktahetusadbhāvāt tathābhyupagamaḥ anyatra viparyayād neti cet tarhi ‘pakvānyetāni 
TBV-SD 135,30	phalāni, ekaśākhāprabhavatvāt, upayuktaphalavat’ ityatra tathāvidhahetusadbhāvāt tathābhyupagamaḥ kiṃ 
TBV-SD 135,31	na syāt ? pakṣasya pratyakṣabādhā hetorvā kālātyayāpadiṣṭatvamanyatrāpi samānam | na ca svasaṃvedana- 
TBV-SD 135,32	pratyakṣamevānumānena prakṛtena bādhyata iti vaktuṃ yuktam, pratyakṣapūrvakatvābhyupagamādanumānasya pratyakṣā- 
TBV-SD 135,33	prāmāṇye tasyāpravṛttiprasaṅgāt | na ca tathābhūtātmagrāhakasya svasaṃvedanādhyakṣasyāprāmāṇyanibandhana- 
TBV-SD 135,34	maparamutpaśyāmaḥ | na cānyādṛkṣasyātmano vibhutvasādhanāya hetūpanyāsaḥ saphalaḥ, tasya pramāṇā- 
TBV-SD 135,35	viṣayatvenāsiddhatvād hetorāśrayāsiddhatāprasaṅgāt | tadevamasmadādyupalabhyatve buddhilakṣaṇasya guṇasya 
TBV-SD 135,36	hetoḥ kālātyayāpadiṣṭatvam, anupalabhyatve viśeṣaṇāsiddhatvam | 
TBV-SD 135,37	paramāṇūnāṃ ca nityatve satyasmadādyupalabhyamānapākajaguṇādhiṣṭhānatve satyapi na vibhutvamiti 
TBV-SD 135,38	vyabhicāraḥ | paramāṇupākajaguṇānāmasmadādyapratyakṣatve ‘vivādāspadaṃ buddhimatkāraṇam, kāryatvāt, 
TBV-SD 135,39	ghaṭādivat’ ityatra prayoge vyāptigrahaṇaṃ durlabhamāsajyeta | tathāhi — kāryatvenābhimatānāṃ paramāṇu- 
TBV-SD 135,40	pākajarūpādīnāṃ vyāptijñānenāviṣayīkaraṇe buddhimatkāraṇatvena vyāptisiddhirna syāt, tathā caitai- 
TBV-SD 135,41	reva kāryatvahetorvyabhicārāśaṅkā syāt | atha ‘nityatve satyasmadādibāhyendriyopalabhyamānaguṇā- 
TBV-SD 135,42	dhiṣṭhānatvāt’ iti heturabhidhīyate tarhi bāhyendriyopalabhyamānatvasya buddhāvasiddheḥ punarapi 
TBV-SD 136,01	viśeṣaṇāsiddho hetuḥ prasaktaḥ | sādhya — sādhanadharmavikalaścākāśalakṣaṇaḥ sādharmyadṛṣṭāntaḥ, nityatve 
TBV-SD 136,02	satyasmadādyupalabhyamānaguṇādhiṣṭhānatvasya sādhanadharmasya, vibhutvalakṣaṇasādhyadharmasya tatrāsiddheḥ | 
TBV-SD 136,03	atha ‘śabdādhikaraṇaṃ dravyaṃ vibhu, nityatve satyasmadādyupalabhyamānaguṇādhiṣṭhānatvāt, ātma- 
TBV-SD 136,04	vat’ ityato hetostatra vibhutvasya siddherna sādhyavikalo dṛṣṭāntaḥ | nāpi sādhanavikalaḥ, 
TBV-SD 136,05	asmadādipratyakṣaśabdaguṇādhiṣṭhānatvasya tatra siddhatvāt — na ca śabdasyāsmadādipratyakṣatvam guṇatvaṃ 
TBV-SD 136,06	vā'siddham, śrotravyāpāreṇādhyakṣabuddhau śabdasya parisphuṭarūpatayā pratibhāsanāt niṣidhyamāna- 
TBV-SD 136,07	dravyakarmatve sati sattāsaṃbandhitvāt, pṛthivyādivṛttibādhakapramāṇasadbhāve sati guṇasyā''śritatve- 
TBV-SD 136,08	nākāśā''śritatvasiddheśca na sādhanavikalatāpyākāśasya | asadetat; siddhe hyātmano vibhutve 
TBV-SD 136,09	tannidarśanādākāśasya vibhutvasiddhiḥ, tatsiddheścātmano vibhutvasiddhiritītaretarāśrayadoṣaprasaṅgāt 
TBV-SD 136,10	nāpyākāśasya vibhutvasiddhiriti sādhyavikalatā tadavasthaiva | yacca śabdasya guṇatvasādhakamanu- 
TBV-SD 136,11	mānaṃ tatra ‘sattāsaṃbandhitvāt’ iti hetau sattāyāḥ tatsaṃbandhitvahetoḥ samavāyasya cāsiddha- 
TBV-SD 136,12	tvādasiddhatā, ‘pratiṣidhyamānadravyatve sati’ iti viśeṣaṇasya cāsiddhatā, śabdasya dravyatvāt | 
TBV-SD 136,14	tathāhi — dravyaṃ śabdaḥ, kriyāvattvāt, yad yat kriyāvat tat tad dravyam, yathā śaraḥ, 
TBV-SD 136,15	tathā ca śabdaḥ, tasmād dravyam | niṣkriyatve śrotreṇāgrahaṇaprasaṅgaḥ, tenānabhisaṃbandhāt | tathāpi 
TBV-SD 136,16	grahaṇe śrotrasyāprāpyakāritvaprasaktiḥ | tathā ca ‘prāpyakāri cakṣuḥ, bāhyendriyatvāt, tvagindri- 
TBV-SD 136,17	yavat’ ityasya śrotreṇānaikāntikatvaprasaktiḥ | saṃbandhakalpanāyāṃ vā śrotraṃ vā śabdadeśaṃ gatvā 
TBV-SD 136,18	śabdenābhisaṃbandhyeta, śabdo vā śrotradeśamāgatya tenābhisaṃbandhyeta ? na tāvat prathamaḥ pakṣaḥ, 
TBV-SD 136,19	svadharmā'dharmābhisaṃskṛtakarṇaśaṣkulyavaruddhanabhodeśalakṣaṇaśrotrasya śabdotpattideśe niṣkriyatvena tathā- 
TBV-SD 136,20	pratītyabhāvena ca gatyasambhavāt | gatyabhyupagame vā vivakṣitaśabdāpāntarālavartināmanyānya- 
TBV-SD 136,21	śabdānāmapi grahaṇaprasaṅgaḥ, saṃbandhāviśeṣāt | anuvāta — prativāta — tiryagvāteṣu ca pratipattyaprati- 
TBV-SD 136,22	pattīṣatpratipattibhedābhāvaprasaṅgaśca, śrotrasya gacchatastatkṛtopakārādyayogāt | nāpi śabdasya śrotrade- 
TBV-SD 136,23	śāgamanasambhavaḥ, guṇatvena tasya niṣkriyatvopagamāt āgamane vā sakriyatvād dravyatvameva | 
TBV-SD 136,24	athāpi syāt na ādya evākāśatadveṇumukhasaṃyogāt samavāyya'samavāyi — nimittakāraṇā- 
TBV-SD 136,25	dudbhūtaḥ śabdaḥ śrotreṇāgataḥ saṃbandhyate yenāyaṃ doṣaḥ syāt, api tu jalataraṅganyāyenāparāpara 
TBV-SD 136,26	evākāśa — śabdādilakṣaṇāt samavāyya'samavāyi — nimittakāraṇādupajātastenābhisaṃbandhyata iti | 
TBV-SD 136,27	nanvevaṃ bāṇādayo'pi pūrvapūrvasamānajātīyakṣaṇaprabhavā anye eva lakṣyeṇābhisaṃbandhyanta iti kiṃ 
TBV-SD 136,28	nābhyupagamyate ? tathā ca kriyāyāḥ sarvatrābhāva iti ‘kriyāvad dravyam’ iti dravyalakṣaṇaṃ na 
TBV-SD 136,29	kvacid vyavatiṣṭheta | atha pratyabhijñānād bāṇādau nityatvasiddherneyaṃ kalpanā | nanvevaṃ śabde'pi mā 
TBV-SD 136,30	bhūdiyam, tatrāpyekatvagrāhiṇaḥ pratyabhijñānasya ‘devadattoccāritaṃ śabdaṃ śṛṇomi’ ityevamākāreṇopa- 
TBV-SD 136,31	jāyamānasyā'bādhitasvarūpasyānubhavāt | na ca lūnapunarjātakeśa — nakhādiṣviva sadṛśāparāparo- 
TBV-SD 136,32	tpattinibandhanametat pratyabhijñānamiti vaktuṃ śakyam, bāṇādāvapi tasya tathātvāviśeṣāt | 
TBV-SD 136,33	atha śabde bādhakasadbhāvāt tathā tatparikalpanam na bāṇādau, viparyayāt | nanu na 
TBV-SD 136,34	śabdaikatvaviṣayaṃ pratyakṣaṃ tāvadasya bādhakam, samānaviṣayatvena tasya tadbādhakatvāyogāt | kṣaṇi- 
TBV-SD 136,35	katvaviṣayaṃ tu śabde'nyatra vā vivādagocaracārīti na tadbādhakaṃ yuktam | na cānumānaṃ pratyabhijñāna- 
TBV-SD 136,36	bādhakam, pratyabhijñānasya mānasapratyakṣatvābhyupagamāt; tadeva hyanumānasyaikaśākhāprabhavatvāderbādha- 
TBV-SD 136,37	kamupalabdham, na punaranumānaṃ tasya | atha śabdaikatvagrāhakapratyabhijñāpratyakṣasya tadābhāsatvādanumānaṃ 
TBV-SD 136,38	sthiracandrā'rkādigrāhakasyeva deśāntaraprāptiliṅgajanitānumānavad bādhakaṃ bhaviṣyati, kathaṃ punarasya 
TBV-SD 136,39	pratyakṣābhāsatvam ? anumānena bādhanāditi cet, anenāpyanumānasya bādhanādanumānābhāsatvaṃ 
TBV-SD 136,40	kiṃ na syāt ? athānumānabādhitaviṣayatvād naitadanumānabādhakam; anumānamapyetadbādhitaviṣayatvād 
TBV-SD 136,41	nāsya bādhakamiti prasaktam | atha sādhyāvinābhāviliṅgajanitatvānnānumānametadbādhyam ekaśā- 
TBV-SD 137,01	khāprabhavatvānumānamapi tarhyāmatāgrāhipratyakṣabādhyaṃ na syāt | atha pakṣe eva vyabhicārād na 
TBV-SD 137,02	sādhyāvinābhūtahetuprabhavatvamekaśākhāprabhavatvānumānasya, tat śabdakṣaṇikatvānumāne'pi samānam | 
TBV-SD 137,03	na ca śabdakṣaṇikatvaprasādhakamanumānaṃ parābhyupagame saṃbhavati | yacca ‘kṣaṇikaḥ śabdaḥ, asma- 
TBV-SD 137,04	dādipratyakṣatve sati vibhudravyaviśeṣaguṇatvāt, yo yo'smadādipratyakṣatve sati vibhudravyaviśeṣaguṇaḥ 
TBV-SD 137,05	sa sa kṣaṇikaḥ, yathā jñānādiḥ, tathā ca śabdaḥ, tasmāt kṣaṇikaḥ’ ityanumānam, tadekaśākhāprabhava- 
TBV-SD 137,06	tvānumānavad mānasapratyakṣābhimatapratyabhijñānabādhitakarmanirdeśānantaraprayuktatvāt kālātyayāpadiṣṭa- 
TBV-SD 137,07	hetuprabhavatvād na sādhyasiddhinibandhanam | kiñca, dharmādervibhudravyaviśeṣaguṇatve'pi na kṣaṇikatvamiti 
TBV-SD 137,08	hetorvyabhicāraḥ | tasyāpi pakṣīkaraṇe sarvatra vyabhicāraviṣaye pakṣīkaraṇād na kaścid heturvyabhicārī 
TBV-SD 137,09	syāt ‘asmadādipratyakṣatve sati’ iti ca viśeṣaṇamanarthakam, vyavacchedyābhāvāt | dharmādeḥ kṣaṇikatve 
TBV-SD 137,10	ca svotpattisamayānantarameva dhvastatvād na tato janmāntaraphalaprāptiḥ | śabdāt śabdotpattivad 
TBV-SD 137,11	dharmāderdharmādyutpattāvabhyupagamabādhā ‘parasya anukūleṣvanukūlābhimānajanito'bhilāṣo'bhilaṣitu- 
TBV-SD 137,12	rarthābhimukhakriyākāraṇamātmaviśeṣaguṇamārādhnoti, anukūleṣvanukūlābhimānajanitābhilāṣatvāt, 
TBV-SD 137,13	ātmano'nukūlābhimānajanitābhilāṣavat’ ityasya ca virodhaḥ, yato yo'sau parasyānukūle- 
TBV-SD 137,14	pvanukūlābhimānajanitābhilāṣotpādita ātmaviśeṣaguṇo nāsāvabhilaṣiturarthābhimukhakriyākā- 
TBV-SD 137,15	raṇam, tatsamānatatkāraṇatvāt, yaśca tatkriyākāraṇam nāsau yathoktābhilāṣeṇārabdha iti | 
TBV-SD 137,16	tathā, ‘pravartaka — nivartakāvicchā — dveṣanimittau dharmā'dharmau, avyavadhānena hitāhitaviṣayaprā- 
TBV-SD 137,17	pti — parihārahetoḥ karmaṇaḥ kāraṇatve satyātmaviśeṣaguṇatvāt, pravartaka — nivartakaprayatnavat’ ityatra 
TBV-SD 137,18	hetorvyabhicāraśca, janmāntaraphalapradayordharmādharmayoravyavadhānena hitāhitaprāpti — parihārahetoḥ karmaṇaḥ 
TBV-SD 137,19	kāraṇatve satyātmaviśeṣaguṇatve'pīcchā — dveṣajanitatvābhāvāt | kiñca, dharmādivad aparāparata- 
TBV-SD 137,20	tkāryotpattiprasaṅgaśca | tato na śabdāt śabdotpattivad dharmāderdharmādyutpattiḥ; tasya kṣaṇikatve na 
TBV-SD 137,21	janmāntare tataḥ phalamityakṣaṇikatvaṃ tasyābhyupagantavyamatastena vyabhicārī hetuḥ | 
TBV-SD 137,22	athāsmadādipratyakṣatvaviśeṣaṇaviśiṣṭasya vibhudravyaviśeṣaguṇatvasya dharmādāvasaṃbhavād na vyabhi- 
TBV-SD 137,23	cāraḥ, asadetat; vipakṣaviruddhaṃ hi viśeṣaṇaṃ tato hetuṃ nivartayati, yathā'hetukatvaviruddhaṃ tataḥ 
TBV-SD 137,24	kādācitkatvaṃ nivartayati | na cāsmadādipratyakṣatvamakṣaṇikatvaviruddham, akṣaṇikeṣvapi sāmānyādiṣu 
TBV-SD 137,25	bhāvāt, tato yathā'smadādipratyakṣā api kecit kṣaṇikāḥ pradīpādayaḥ, apare'kṣaṇikāḥ sāmānyā- 
TBV-SD 137,26	dayastathā'smadādipratyakṣā api vibhudravyaviśeṣaguṇāḥ kecit kṣaṇikāḥ, apare'kṣaṇikā bhaviṣyantīti 
TBV-SD 137,27	saṃdigdhavipakṣavyāvṛttikatvādanaikāntiko hetuḥ | na cāsmadādipratyakṣatvaviśeṣaṇaviśiṣṭasya vibhu- 
TBV-SD 137,28	dravyaviśeṣaguṇatvasyākṣaṇike'darśanāt tato vyāvṛttisiddhiḥ, adarśanasyātmasaṃbandhinaḥ paralokā- 
TBV-SD 137,29	dinā'naikāntikatvāt, sarvasaṃbandhino'siddhatvāt | na ca kṛtakatvādāvapyayaṃ doṣaḥ samānaḥ, 
TBV-SD 137,30	tatra vipakṣe hetoḥ sadbhāvabādhakapramāṇabhāvāt prakṛtahetośca tasyābhāvāt | yadi punarvipakṣe 
TBV-SD 137,31	hetoradarśanamātrādeva tato vyāvṛttistathā sati 
TBV-SD 137,32		“vedādhyayanaṃ sarvaṃ tadadhyayanapūrvakam | 
TBV-SD 137,33		vedādhyayanavācyatvāt adhunā'dhyayanaṃ yathā”
TBV-SD 137,34	ityasyāpi vipakṣe'darśanāt tato vyāvṛttisiddhirityapauruṣeyatvasiddherna tasyeśvarapraṇītatvaṃ syāt | 
TBV-SD 137,35	dharmādharmādeścāsmadādyapratyakṣatve ‘devadattaṃ pratyupasarpantaḥ paśvādayo devadattaguṇākṛṣṭāḥ, devadattaṃ 
TBV-SD 137,36	pratyupasarpaṇavattvāt, yad yad devadattaṃ pratyupasarpaṇavat tat tad devadattaguṇākṛṣṭam, yathā grāsādiḥ, 
TBV-SD 137,37	tathā ca paśvādayaḥ, tasmād devadattaguṇākṛṣṭāḥ’ ityanumānamasaṃgataṃ syāt, vyāpteragrahaṇāt | 
TBV-SD 137,38	tathāpyanumāne yataḥ kutaścid yat kiñcidavagamyeta | grāsāderdevadattaṃ pratyupasarpaṇasya devadattaprayatna- 
TBV-SD 137,39	guṇākṛṣṭatvena vyāptipradarśanāt tasyaiva tatpūrvakatvānumānaṃ syāt, tasya ca vaiyarthyam | atha paśvāderapi 
TBV-SD 137,40	devadattaṃ pratyupasarpaṇasya devadattaprayatnasamānaguṇākṛṣṭatvena vyāptiḥ pratīyate tarhi prayatnasamānaguṇasya 
TBV-SD 137,41	paśvāderdevadattaṃ pratyupasarpaṇasya vā'pratipattau kathaṃ tadākṛṣṭatvena vyāptisiddhiḥ na hi prayatnāpratipattau 
TBV-SD 137,42	tadākṛṣṭatvena pratipannasya grāsāderdevadattaṃ pratyupasarpaṇasya vyāptipratipattiḥ ? tatpratipattyabhyupagamaśca 
TBV-SD 138,01	yadi tenaivānumānena, anyonyāśrayadoṣaḥ — vyāptisiddhāvanumānam, tataśca vyāptisiddhiriti | anu- 
TBV-SD 138,02	mānāntareṇa tatpratipattāvanavasthā | pramāṇāntareṇa ca tatpratipattau vaiśeṣikasya dve pramāṇe, naiyāyikasya 
TBV-SD 138,03	catvāri pramāṇāni iti pramāṇasaṃkhyāvyāghātaḥ | tato mānasapratyakṣeṇa vyāptirgṛhyata ityabhyupagantavyam; 
TBV-SD 138,04	tathā ca prayatnasamānaguṇasya samākarṣakasya, tatsamākṛṣyamāṇasya ca paśvādestatpratyakṣatvamityasmadādi- 
TBV-SD 138,05	pratyakṣatvaṃ dharmāderapi parairabhyupagantavyam | yadi punaḥ ‘bāhyendriyaprabhavāsmadādipratyakṣatve sati’ 
TBV-SD 138,06	iti heturviśiṣyate tadā sādhanavikalatā dṛṣṭāntasya, sukhādestathā'pratyakṣatvāt | vibhudravyaṃ ca 
TBV-SD 138,07	yadi atrākāśamasmadādyapratyakṣaṃ vivakṣitaṃ tadā tadvat tadguṇasyāpyasmadādyapratyakṣatvamiti ‘asmadādi- 
TBV-SD 138,08	pratyakṣatve sati’ iti viśeṣaṇāsiddhirhetoḥ, guṇino'pratyakṣatve tadviśeṣaguṇasyāpyapratyakṣatvena 
TBV-SD 138,09	pratipāditatvāt | 
TBV-SD 138,10	kiñca, siddhe hi śabde guṇe tadādhārasiddhiḥ — guṇasyādhāramantareṇānavasthānāt — tatsiddhau ca 
TBV-SD 138,11	tadādhārasya nityatve satyasmadādipratyakṣaśabdaguṇādhāratvena vibhudravyatvasiddhiḥ, tatsiddheśca śabdasya 
TBV-SD 138,12	kṣaṇikatvasiddhiḥ kriyāvattvapratiṣedhena dravyatvābhāvaṃ sādhayet, tataśca guṇatvam, tato vibhudra- 
TBV-SD 138,13	vyāśritatvam, tato'pi kṣaṇikatvam, iti cakrakamāsajyeta | sādhanaśūnyaśca sādharmyadṛṣṭāntaḥ, 
TBV-SD 138,14	buddherapi vibhvātmaviśeṣaguṇatvāsiddheḥ | na ca śabdadṛṣṭāntena tat sādhyate, tasyādyāpyasiddhatvāt 
TBV-SD 138,15	itaretarāśrayadoṣaprasaṅgataḥ | na ca ‘vibhvātmaviśeṣaguṇo jñānam, tatkāryatvāt, śabdavat’ ityato' 
TBV-SD 138,16	numānāt tasya tadviśeṣaguṇatvasiddhiḥ, kāryatvasyeśvaranirākaraṇe paraprasiddhasyāsiddhatvena pratipādi- 
TBV-SD 138,17	tatvāt itaretarāśrayadoṣasya ca tadavasthatvāt — siddhe hi śabdasya vibhudravyaviśeṣaguṇatve dṛṣṭānta- 
TBV-SD 138,18	tvam, tato jñānasya tatsiddhiḥ, tataśca śabdasya tat iti kathaṃ netaretarāśrayadoṣaḥ iti sādhanavikalo 
TBV-SD 138,19	dṛṣṭāntaḥ | tathā sādhyavikalaśca, buddheḥ kṣaṇikatvāsaṃbhavāt; tathātve vā tasyāḥ na tataḥ saṃskāraḥ, 
TBV-SD 138,20	tadabhāvād na smaraṇam, tadabhāvācca na pratyabhijñādivyavahāraḥ | na hi vinaṣṭāt kāraṇāt kāryam, 
TBV-SD 138,21	anyathā cirataravinaṣṭādapi tatastatprasaṅgāt | anantarasya kāraṇatve sarvamanantaraṃ tatkāraṇamāsajyeta | 
TBV-SD 138,22	athaikārthasamavāyijñānamanantaraṃ tatkāraṇam, na; jñānasyātmano bhede samavāyasya sarvatrāviśeṣāt 
TBV-SD 138,23	pratiṣiddhatvācca ‘ekārthasamavāyi’ ityasiddham | vinaṣṭācca kāraṇāt kathamanantaraṃ kāryam yenāna- 
TBV-SD 138,24	ntaryaṃ kāryakāraṇabhāvanibandhanatvena kalpyeta ? na hi tat kāraṇam nāpi tat tasya kāryam, 
TBV-SD 138,25	tadabhāva eva bhāvāt | na hi yadabhāve'pi yad bhavati tat tasya kāryamitarat kāraṇamiti 
TBV-SD 138,26	vyavasthā, atiprasaṅgāt | vinaśyadavasthaṃ kāraṇamiti cet, na; sā'pi vinaśyadavasthā yadi tato 
TBV-SD 138,27	bhinnā tarhi tayā tadabhisaṃbandhābhāvādanupakārād ‘vinaśyadavastham’ iti kuto vyapadeśaḥ 
TBV-SD 138,28	atiprasaṅgādeva ? upakāre vā so'pi yadi tato vyatiriktaḥ, atiprasaṅgo'navasthākārī | 
TBV-SD 138,29	avyatireke vinaśyadavasthaiva tena kṛtā syāt | tāmapi yadyavinaśyadavasthameva kāraṇamutpā- 
TBV-SD 138,30	dayet kiṃ prakṛte'pi vinaśyadavasthākalpanena ? vinaśyadavasthaṃ cet tāṃ kuryāt anyā tarhi 
TBV-SD 138,31	tato'rthāntarabhūtā vinaśyadavasthā kalpanīyā | tayā tadabhisaṃbandhābhāvaḥ, anupakārāt | 
TBV-SD 138,32	upakāre vā tadavasthaḥ prasaṅgaḥ anavasthā ca | tathā cāparāparavinaśyadavasthotpādanenopakṣīṇa- 
TBV-SD 138,33	śaktitvāt prakṛtakāryotpādanamanavasaraṃ prasaktam | vinaśyadavasthāyāstatra samavāyāt tad vina- 
TBV-SD 138,34	śyadavasthamityapi vārtam, vihitottaratvāt | athābhinnā tarhi vinaśyadavasthākāraṇaikasamaya- 
TBV-SD 138,35	saṃgatā, evaṃ ca vinaśyadavasthaṃ kāraṇaṃ kāryaṃ karotīti ko'rthaḥ ? svotpattikāla eva karotī- 
TBV-SD 138,36	tyarthaḥ samāyātaḥ | tathā ca kārya — kāraṇayoḥ savyetaragoviṣāṇavadekakālatvād na kāryakāraṇa- 
TBV-SD 138,37	bhāvaḥ | tathāpi tadbhāve sakalakāryapravāhasyaikakṣaṇavartitvam | 
TBV-SD 138,38	atha na saugatasyevā'ṇoraṇvantaravyatikramalakṣaṇena kṣaṇena kṣaṇikatvam — yenāyaṃ doṣaḥ — kintu 
TBV-SD 138,39	ṣaṭsamayasthityanantaranāśitvaṃ tat; nanu kālāntarasthāyini tathā vyavahāraṃ kurvan sahasrakṣaṇa- 
TBV-SD 138,40	sthāyinyapi tatra taṃ kiṃ na kuryāt ? api ca, pūrvapūrvakṣaṇasattāta uttarottarakṣaṇasattāyā 
TBV-SD 138,41	bhedābhyupagame tadeva saugataprasiddhaṃ kṣaṇikatvamāyātam | abhedābhyupagame pūrvakṣaṇasattāyāmevo- 
TBV-SD 139,01	ttarakṣaṇasattāyāḥ praveśādekakṣaṇasthāyitvameva, na ṣaṭkṣaṇasthāyitvaṃ buddheḥ parapakṣe saṃbhavati | 
TBV-SD 139,02	bhedetarapakṣābhyupagame cānekāntasiddhiḥ, ṣaṭkṣaṇasthānānantaraṃ ca niranvayavināśe na tataḥ 
TBV-SD 139,03	kiñcit kāryaṃ saṃbhavatītyuktam | 
TBV-SD 139,04	na caivaṃ buddhikṣaṇikatvavādinaḥ kvacit kālāntarāvasthāyitvaṃ sidhyati, tadgrahaṇābhāvāt | 
TBV-SD 139,05	tathāhi — pūrvakālabuddhestadaiva vināśād nottarakāle'stitvamiti na tena tayā sāṃgatyaṃ kasyacit 
TBV-SD 139,06	pratīyate, atiprasaṅgāt | uttarabuddheśca pūrvamasaṃbhavād na pūrvakālena tat tayā'pi pratīyate | 
TBV-SD 139,07	ubhayatrātmanaḥ sadbhāvāt tatastatpratītirityapi nottaram, ākāśasadbhāvāt tatpratītirityasyāpi 
TBV-SD 139,08	bhāvāt | tasyācetanatvād neti cet, svayaṃ cetanatve ātmanaḥ sa yena svabhāvena pūrvaṃ rūpaṃ pratipadyate 
TBV-SD 139,09	na tenottaram; na hi nīlasya grahaṇameva pītagrahaṇam, tayorabhedaprasaṅgāt | athānyena svabhāvena 
TBV-SD 139,10	pūrvamavagacchati, anyenottaramiti matistathā satyanekāntasiddhiḥ | svayaṃ cātmanaścetanatve kimanyayā 
TBV-SD 139,11	buddhyā yasyāḥ kṣaṇikatvaṃ sādhyate ? atha svayaṃ na cetana ātmā api tu buddhisaṃbandhāccetayata 
TBV-SD 139,12	iti, atrāpyacetanasvabhāvaparityāge'nityatā ātmano'nyabuddhikalpanāvaiphalyaṃ ca, svayamapi 
TBV-SD 139,13	tatsaṃbandhāt prāgapi tathāvidhasvabhāvāvirodhāt | tatsaṃbandhe'pi tatsvabhāvāparityāge ‘jñāna- 
TBV-SD 139,14	saṃbandhādātmā cetayate’ ityapi viruddhameva | atha tatsamavāyikāraṇatvāt cetayate na svayaṃ cetana- 
TBV-SD 139,15	svabhāvopādānāditi tarhi yena svabhāvena pūrvajñānaṃ prati samavāyikāraṇamātmā tenaiva yadyuttaraṃ 
TBV-SD 139,16	prati tathā sati pūrvameva tatkāryaṃ jñānaṃ sakalaṃ bhavet; na hyavikale kāraṇe sati kāryānutpattiryuktā, 
TBV-SD 139,17	tasyā'tatkāryatvaprasaṅgāt | atha pūrvaṃ sahakārikāraṇābhāvād na tat kāryam, kiṃ punaḥ svayamasamartha- 
TBV-SD 139,18	syākiñcitkareṇa sahakāriṇā ? kiñcitkaratve'pi yadi tat tato bhinnaṃ kriyate pratibandhāsiddhiḥ 
TBV-SD 139,19	anavasthā vā | abhinnasya karaṇe'pyātmana eva karaṇamiti kāryatā | kathañcidabhinnasya karaṇe 
TBV-SD 139,20	tadbuddhirapi tataḥ kathañcidabhinneti naikāntena tasyāḥ kṣaṇikatā | tadevaṃ pakṣa — hetu — dṛṣṭāntadoṣa- 
TBV-SD 139,21	duṣṭatvād nāto'numānāt śabdasya kṣaṇikatvamiti sakriyatvaṃ siddham, ato'pi dravyatvam | 
TBV-SD 139,22	guṇavattvācca dravyaṃ śabdaḥ — ‘guṇavān dhvaniḥ, sparśavattvāt, yo yaḥ sparśavān sa sa guṇavān, 
TBV-SD 139,23	yathā loṣṭādiḥ, tathā ca dhvaniḥ, tasmād guṇavān’ iti | sparśavattvābhāve kaṃsapātryādidhvānābhi- 
TBV-SD 139,24	saṃbandhena karṇaśaṣkulyākhyasya śarīrāvayavasyābhighāto na syāt, na hyasparśavatā''kāśenābhi- 
TBV-SD 139,25	saṃbandhāt tadabhighāto dṛṣṭaḥ; bhavati ca tacchabdābhisambandhe tadabhighātaḥ, tatkāryasya bādhiryasya 
TBV-SD 139,26	pratīteḥ | nanu sparśavatā śabdena karṇavivaraṃ praviśatā vāyuneva taddvāralagnatūlāṃ'śukādeḥ preraṇaṃ 
TBV-SD 139,27	syāt, na; dhūmenānekāntāt — dhūmo hi sparśavān, tadabhisambandhe pāṃśusambandhavaccakṣuṣo'svāsthyo- 
TBV-SD 139,28	palabdheḥ, na ca tena cakṣuṣpradeśaṃ praviśatā tatpakṣmamātrasyāpi preraṇamupalabhyate | na ca sparśavattve 
TBV-SD 139,29	śabdasya vāyoriva pradeśāntareṇa grahaṇaprasaṅgaḥ, dhūmasyāpi cakṣurādipradeśavyatiriktaśarīrapradeśena 
TBV-SD 139,30	grahaṇaprasakteḥ | dhūmavaccakṣuṣā tasya grahaṇaṃ syāditi cet, na; jalasaṃyuktenānalena vyabhicārāt — 
TBV-SD 139,31	tasyoṣṇasparśopalambhe'pi cakṣuṣā bhāsvararūpānupalambhāt | anudbhūtatvamubhayatra samānam | jalasaha- 
TBV-SD 139,32	caritenā'nalenoṣṇasparśavatā śarīrapradeśadāhavat tathāvidhena śabdasahacaritena vāyunā śravaṇākhya- 
TBV-SD 139,33	śarīrāvayavābhighāta iti cet, na; śabdena tadabhighāte ko doṣaḥ yeneyamadṛṣṭaparikalpanā samāśrīyate ? 
TBV-SD 139,34	na ca tasya guṇatvena nirguṇatvāt sparśābhāvād na tadabhighātahetutvamiti vaktuṃ yuktam, cakrakadoṣa- 
TBV-SD 139,35	prasaṅgāt | tathāhi — guṇatvamadravyatve, tadapyasparśatve, tadapi guṇatve, tadapyadravyatve, tadapyasparśatve, 
TBV-SD 139,36	tadapi guṇatva iti duruttaraṃ cakrakam | śabdābhisambandhānvaya — vyatirekānuvidhāne tadabhighātasyānya- 
TBV-SD 139,37	hetutvakalpanāyāṃ tatrāpi kaḥ samāśvāsaḥ ? śakyaṃ hi vaktum na vāyvabhisaṃbandhāt tadabhighātaḥ 
TBV-SD 139,38	kintvanyataḥ, na tato'pi api tvanyata ityanavasthāprasaktirhetūnām | tasmāt siddhaṃ sparśavattvā- 
TBV-SD 139,39	cchabdasya guṇavattvam | 
TBV-SD 139,40	alpa — mahattvābhisaṃbandhācca, sa ca ‘alpaḥ śabdaḥ mahān śabdaḥ’ iti pratīteḥ | na ca śabde 
TBV-SD 139,41	manda — tīvratāgrahaṇam iyattānavadhāraṇāt — yathā dravyeṣu ‘aṇuḥ śabdo'lpo mandaḥ’ ityetasya dharmasya 
TBV-SD 139,42	mandatvasya grahaṇam, ‘mahān śabdaḥ paṭustīvraḥ’ ityetasya tīvratvasya dharmasya grahaṇaṃ na punaḥ parimāṇasya, 
TBV-SD 140,01	iyattānavadhāraṇāt; na hi ayaṃ ‘mahān śabdaḥ’ ityavasyan ‘iyān’ityavadhārayati yathā dravyāntarāṇi 
TBV-SD 140,02	badarā''malaka — bilvādīni iti vaktuṃ śakyam; yato vaktavyamatra kā punariyaṃ śabdasya mandatā 
TBV-SD 140,03	tīvratā vā ? avāntarajātiviśeṣaḥ, katham ? guṇavṛttitvāt śabdatvavat | etadevoktaṃ bhagavatā 
TBV-SD 140,04	paramarṣiṇaulūkyena “guṇe bhāvād guṇatvamuktam” 
TBV-SD 140,05	asyāyamarthaḥ — ‘yo yo guṇe vartate sa sa jātiviśeṣaḥ yathā guṇatvamiti, asadetat; yataḥ kathaṃ 
TBV-SD 140,06	śabdasya guṇatvasiddhiryena tatra vartamānatvājjātiviśeṣatvaṃ mandatvādeḥ ? adravyatvāditi cet, tadapi 
TBV-SD 140,07	katham ? alpa — mahattvaparimāṇā'saṃbandhāt, so'pi guṇatvāt | nanu tadeva pūrvoktaṃ cakrakametat | 
TBV-SD 140,08	na guṇatvāt tasyālpa — mahattvaparimāṇāsaṃbandhaṃ brūmaḥ — yenāyaṃ doṣaḥ syāt — api tu dravyāntaravadiya- 
TBV-SD 140,09	ttānavadhāraṇāditi cet, na; vāyoriyattānavadhāraṇe'pyalpa — mahattvaparimāṇasaṃbandhasaṃbhavādanekāntaḥ, 
TBV-SD 140,10	na hi bilva — badarāderiva vāyoriyattā'vadhāryate | vāyorapratyakṣatvāt iyattā satyapi nāvadhāryate, 
TBV-SD 140,11	na śabdasya viparyayāt, na; uktamatra ‘sparśaviśeṣasya vāyutvāt, tasya ca pratyakṣatvāt’ iti | iyattā 
TBV-SD 140,12	ceyaṃ yadi parimāṇādanyā kathamanyasyānavadhāraṇe'nyasyābhāvaḥ ? na hi ghaṭānavadhāraṇe paṭābhāvo 
TBV-SD 140,13	yuktaḥ | parimāṇaṃ cet tarhi ‘iyattānavadhāraṇāt parimāṇaṃ nāsti’ iti kimuktam ? parimāṇaṃ nāsti 
TBV-SD 140,14	parimāṇānavadhāraṇāt | tasminnalpa — mahattvaparimāṇāvadhāraṇe kathaṃ na tadavadhāraṇam bilvādāvapi 
TBV-SD 140,15	tatprasaṅgāt ? manda — tīvrābhisaṃbandhādalpa — mahattvapratyayasaṃbhave mandavāhini gaṅgānīre ‘alpametat’ 
TBV-SD 140,16	iti pratyayotpattiḥ syāt, tīvravāhigirisarinnīre ‘mahat’ iti ca pratītiprasaṅgaḥ; na caivam, tasmānna 
TBV-SD 140,17	manda — tīvratānibandhano'yaṃ pratyayaḥ api tvalpa — mahattvaparimāṇanimittaḥ; anyathā ghaṭādāvapi 
TBV-SD 140,18	tannibandhano na syāt | ghaṭādīnāṃ dravyatvena tannibandhanatve parimāṇasaṃbhavāt tatpratyayasya śabdasyāpi 
TBV-SD 140,19	tathāvidhatvena sa tathāvidho'stu, viśeṣābhāvāt | kāraṇagatasyālpa — mahattvaparimāṇasya śabde 
TBV-SD 140,20	upacārāt tathā saṃpratyaya ityapi vailakṣyabhāṣitam, ghaṭādāvapi tathā prasaṅgāt | apare manyante — 
TBV-SD 140,21	“yathā aśvajavasya puruṣe upacārāt ‘puruṣo yāti’ iti pratyayastathā vyañjakagatasyālpa — mahattvādeḥ 
TBV-SD 140,22	śabde upacārāt ‘śabdo'lpo mahān’ iti ca vyapadeśaḥ”, tadapyasāram; śabdābhivyakterapauruṣeyatva- 
TBV-SD 140,23	nirākaraṇe pratiṣiddhatvāt | tato ghaṭādāvivālpa — mahattvaparimāṇasaṃbandhaḥ pāramārthikaḥ śabde iti 
TBV-SD 140,24	siddhaṃ guṇavattvam | 
TBV-SD 140,25	saṃyogāśrayatvācca, tadapi vāyunā'bhighātadarśanāt — saṃyuktā eva hi pāṃśvādayo vāyunā'nyena 
TBV-SD 140,26	vā'bhihanyamānā dṛṣṭāḥ, tena ca tadabhighātaḥ pāṃśvādivadeva devadattaṃ pratyāgacchataḥ pratikūlena 
TBV-SD 140,27	vāyunā pratinivartanāt, tadapyanyadigavasthitena śravaṇāt | nanu gandhādayo devadattaṃ pratyāgacchanta- 
TBV-SD 140,28	stena nivartyante, na ca teṣāṃ tena saṃyogaḥ nirguṇatvāt guṇatvena, na; tadvato dravyasyaiva tena nivartanam, 
TBV-SD 140,29	kevalānāṃ teṣāmāgamana — pratinivartanā'saṃbhavāt niṣkriyatvenopagamāt | kevalāgamana — pratiniva- 
TBV-SD 140,30	rtanasaṃbhave vā dravyāśritatvameteṣāṃ guṇalakṣaṇaṃ vyāhanyeta | na cātrāpi tadvato nivartanam, ākāśa- 
TBV-SD 140,31	syāmūrtatva — sarvagatatvena tadasaṃbhavāt anyasya cānabhyupagamāt | tasmācchabda eva tena saṃyujyate 
TBV-SD 140,32	sākṣādityabhyupeyam | guṇatvena cāsaṃyoge cakrakamuktam | na cāsaṃyuktasyaiva tena nivartanam, sarvasya 
TBV-SD 140,33	nivartanaprasaṅgāt | pratikṣaṇaṃ śabdācchabdotpattiḥ pūrvameva nirastā | 
TBV-SD 140,34	ekādisaṃkhyāsaṃbandhitvācca guṇavattvam, tadapi ‘ekaḥ śabdaḥ dvau śabdau bahavaḥ śabdāḥ’ iti 
TBV-SD 140,35	pratyayadarśanāt | na cādhārasaṃkhyāyāstatropacārāt tathā vyapadeśa iti vaktuṃ yuktam, ākāśasyā- 
TBV-SD 140,36	dhāratvābhyupagamāt tasya caikatvāt ‘ekaḥ śabdaḥ’ iti sarvadā pratyayaprasaṅgāt | kāraṇamātrasya 
TBV-SD 140,37	saṃkhyopacāre ‘bahavaḥ’ iti pratyayaḥ syāt, tasya bahutvāt | viṣayasaṃkhyopacāre ‘gaganā''kāśa — 
TBV-SD 140,38	vyoma’śabdā bahuvyapadeśabhājo na syuḥ, gaganādilakṣaṇasya viṣayasyaikatvāt, paśvādilakṣaṇasya 
TBV-SD 140,39	viṣayasya bahutvāt ‘eko gośabdaḥ’ iti svapne'pi pratyayaḥ vyapadeśo vā na syāt | yathā'virodhaṃ 
TBV-SD 140,40	saṃkhyopacāra iti bālajalpitam, svayaṃ saṃkhyāvattayaivāvirodhāt | atrāpi guṇatvaṃ virudhyata iti 
TBV-SD 141,01	na vaktavyam, iṣṭatvāt | tataḥ kriyāvattvād guṇavattvācca śabdo dravyam ityasiddhaṃ ‘pratiṣidhyamāna- 
TBV-SD 141,02	dravyabhāve’ iti hetuviśeṣaṇam | 
TBV-SD 141,03	nanūktam ‘śabdo na dravyam, ekadravyatvāt, rūpādivat’ iti | satyam, uktam kintu 
TBV-SD 141,04	noktimātreṇa tat sidhyati, atiprasaṅgāt | ‘ekadravyatvāt’ iti ca tatra heturasiddhaḥ | tathāhi — 
TBV-SD 141,05	yadi ‘ekaṃ dravyaṃ saṃyogi asyetyekadravyaḥ śabdaḥ’ ityekadravyatvaṃ hetutvenopādīyate tadā viruddho hetuḥ, 
TBV-SD 141,06	saṃyogitvasya dravya eva bhāvāt | atha ‘ekaṃ dravyaṃ samavāyi asya ityekadravyastadbhāva ekadravyatvam’ 
TBV-SD 141,07	tadā'siddho hetuḥ, samavāyasya — niṣiddhatvāt niṣetsyamānatvācca — abhāvenaikadravyasamavāyitvasyāsi- 
TBV-SD 141,08	ddhatvāt | api ca, guṇatve siddhe gagane ekatra samavāyena tasya vṛttiḥ sidhyati, tatsiddheśca 
TBV-SD 141,09	dravyatvaniṣedhe sati guṇatvasiddhiritītaretarāśrayatvam | 
TBV-SD 141,10	yat punaruktam ‘ekadravyaḥ śabdaḥ, sāmānyaviśeṣavattve sati bāhyaikendriyapratyakṣatvāt, 
TBV-SD 141,11	rūpādivat’ iti, tadapi pratyanumānena bādhitam — anekadravyaḥ śabdaḥ, asmadādipratyakṣatve sati 
TBV-SD 141,12	sparśavattvāt, ghaṭādivat | sparśavattvaṃ sādhitatvād nāsiddham | ‘sparśavattvāt’ ityucyamāne paramā- 
TBV-SD 141,13	ṇubhiranekānta iti tannirāsārtham ‘asmadādipratyakṣatve sati’ iti viśeṣaṇopādānam | ‘asmadādi- 
TBV-SD 141,14	pratyakṣatvāt’ ityucyamāne rūpādibhirvyabhicāra ityubhayamuktam | 
TBV-SD 141,15	tathā, sāmānyaviśeṣavattve sati bāhyaikendriyapratyakṣatve'pi vāyurnaikadravya iti vyabhicāraśca, 
TBV-SD 141,16	tasya tadapratyakṣatve na kiñcid bāhyendriyapratyakṣaṃ syāt | darśana — sparśanagrāhyaṃ ghaṭādikaṃ taditi cet, 
TBV-SD 141,17	na; vāyunā ko'parādhaḥ kṛtaḥ yena sparśanendriyagrāhyatve'pi pratyakṣo na bhavet ? sparśa eva tena 
TBV-SD 141,18	pratīyate iti cet tarhi darśana — sparśanābhyāmapi rūpa — sparśāveva pratīyate iti na dravyapratyakṣatā 
TBV-SD 141,19	nāma | atha ‘yadevāhamadrākṣaṃ tadeva spṛśāmi’ iti pratītestatpratyakṣatā, ‘kharo mṛduruṣṇaḥ śīto vāyurme 
TBV-SD 141,20	lagati’ iti pratītestatpratyakṣatā kalpyatām, aviśeṣāt | cakṣuṣaikena cāsmadādibhiḥ pratīyamānā- 
TBV-SD 141,21	ścandrārkādayaḥ sāmānyaviśeṣavattve'pi naikadravyāḥ | asmadādivilakṣaṇairbāhyendriyāntareṇa tatpratītau 
TBV-SD 141,22	śabde'pi tathā pratītiḥ kiṃ na syāt ? atra tathā'nupalambho'nyatrāpi samānaḥ | ‘deśāntare 
TBV-SD 141,23	kālāntare sattvāntare ca bāhyaikendriyagrāhyaḥ śabdaḥ, bāhyendriyagrāhyatve sati viśeṣaguṇatvāt, 
TBV-SD 141,24	rūpādivat’ iti cet, asadetat; śabdasya guṇatvena niṣiddhatvāt ‘viśeṣaguṇatvāt’ iti 
TBV-SD 141,25	heturasiddhaḥ | candrāderasmadādyapratyakṣatve pratītivirodhaḥ ityāstāmetat | 
TBV-SD 141,26	‘sattāsaṃbandhitvāt’ ityatra ca yadi ‘svarūpasattāsaṃbandhitvāt’ iti hetustadā'naikāntikaḥ 
TBV-SD 141,27	sāmānya — samavāyādibhiḥ, eṣāṃ pratiṣidhyamānadravya — karmabhāve sati tathābhūtasattāsaṃbandhitve'pi 
TBV-SD 141,28	guṇatvāsiddheḥ | na ca sāmānyādeḥ svarūpasattā'bhāvaḥ, kharaviṣāṇāderaviśeṣaprasaṅgāditi prati- 
TBV-SD 141,29	pāditatvāt | atha ‘bhinnasattāsaṃbandhitvāt’ iti hetustadā'siddhaḥ, bhinnasattā'bhāvena khara- 
TBV-SD 141,30	viṣāṇāderiva śabdasyāpi tatsaṃbandhitvā'siddheḥ | yattu bhinnasattāsadbhāve tatsaṃbandhāt satpra- 
TBV-SD 141,31	tyayaviṣayatve ca śabdādeḥ prayogadvayamupanyastam | tatra yadeva cetanasya sattvaṃ tadeva yadyacetana- 
TBV-SD 141,32	syāpi syāt tadā cetanācetaneṣu satpratyayaviṣayatvāt syād bhinnasattāsaṃbandhitvam, na ca yadeva 
TBV-SD 141,33	cetanasya sattvaṃ tadevācetanasya, tatsadṛśasyā'parasyānyatra bhāvāditi sadṛśapariṇāmalakṣaṇaṃ sāmānyaṃ 
TBV-SD 141,34	pratipādayiṣyanto nirṇeṣyāmaḥ | tadevaṃ śabdasya guṇatvāsiddheḥ nityatve satyasmadādyupalabhyamānaguṇā- 
TBV-SD 141,35	dhiṣṭhānatvāsiddherambarasya, sādhanavikalo dṛṣṭānta iti sthitam | 
TBV-SD 141,36	etenedamapi pratyuktam ‘jñānaṃ paramamahattvopetadravyasamavetam, viśeṣaguṇatve sati pradeśavṛtti- 
TBV-SD 141,37	tvāt, śabdavat’ | atrāpi jñānasya paramamahattvopetadravyasamavetatve sati tataḥ śabdasya tatsiddhiḥ, 
TBV-SD 141,38	tatsiddheśca jñānasya paramamahattvopetadravyasamavetatvasiddhiritītaretarāśrayadoṣaḥ | na ca dṛṣṭāntāntaramasti 
TBV-SD 141,39	yato'nyataraprasiddherayamadoṣaḥ syāt | jñānasya cātmano'vyatirekitve tadvyāpitvam, ‘yad yasmādavya- 
TBV-SD 141,40	tiriktaṃ tat tatsvabhāvaṃ yathā''tmasvarūpam, ātmā'vyatiriktaṃ caitat, tatastadvyāpi’ iti na 
TBV-SD 142,01	pradeśavṛttitvam | tathāpi tadvṛttitve jñānetarasvabhāvatayā''tmanaḥ anekāntasiddhiḥ | vyatireke 
TBV-SD 142,02	ātmaguṇatvavadanyaguṇatvasyāpyapratiṣedhād viśeṣaguṇatvāsiddhiḥ | vyatirekāviśeṣe'pyātmana eva 
TBV-SD 142,03	guṇo jñānaṃ nākāśāderiti kiṃkṛto'yaṃ viśeṣaḥ ? samavāyakṛta iti cet, na; tasyāpi 
TBV-SD 142,04	tābhyāmarthāntaratve tadavastho doṣaḥ, vyatireke samavāyasya sarvatrāviśeṣād na tato'pi viśeṣaḥ | 
TBV-SD 142,05	avyatireke tasyaiva abhāva iti na tato viśeṣaḥ | na ca samavāyaḥ saṃbhavati iti pratipāditam | na 
TBV-SD 142,06	cātmano vyāpitve nityatve ca jñānādikāryakāritvamapi saṃbhavati | tanna tatkāryatvādapi tadviśeṣaguṇo 
TBV-SD 142,07	jñānam | na cātmanaḥ pradeśāḥ santi yena pradeśavṛttitvaṃ jñānasya siddhaṃ syāt | kalpitatatpradeśābhyupagame 
TBV-SD 142,08	ca tadvṛttitvamapi hetuḥ kalpita iti na kalpitāt sādhanāt sādhyasiddhiryuktā, sarvataḥ 
TBV-SD 142,09	sarvasiddhiprasaṅgāt | sandigdhavipakṣavyāvṛttikatvaṃ ca hetoḥ viparyaye bādhakapramāṇāvṛttyā'trāpi 
TBV-SD 142,10	samānamiti | 
TBV-SD 142,11	tathā, svadehamātravyāpakatvena harṣa — viṣādādyanekavivartātmakasya ‘aham’ iti svasaṃvedanapratyakṣa- 
TBV-SD 142,12	siddhatvādātmano vibhutvasādhakatvenopanyasyamānaḥ sarva eva hetuḥ pratyakṣabādhitakarmanirdeśānantara- 
TBV-SD 142,13	prayuktatvena kālātyayāpadiṣṭaḥ | sapratipakṣaścāyaṃ heturityasatpratipakṣatvamapyasya lakṣaṇamasiddham | 
TBV-SD 142,14	svadehamātrātmaprasādhakaśca pratipakṣaheturatraiva pradarśayiṣyate | tannāto'pi hetorātmano vibhutvasiddhiḥ | 
TBV-SD 142,15	yadapyātmano vibhutvasādhanaṃ kaiścidupanyastam — “adṛṣṭaṃ svāśrayasaṃyukte āśrayāntare karma 
TBV-SD 142,16	ārabhate, ekadravyatve sati kriyāhetuguṇatvāt, yo ya ekadravyatve sati kriyāhetuguṇaḥ sa sa 
TBV-SD 142,17	svāśrayasaṃyukte āśrayāntare karma ārabhate yathā vegaḥ, tathā cādṛṣṭam, tasmāt tadapi svāśrayasaṃyukte 
TBV-SD 142,18	āśrayāntare karma ārabhate iti | na cāsiddhaṃ kriyāhetuguṇatvam, ‘agnerūrdhvajvalanam, vāyo- 
TBV-SD 142,19	stiryakpavanam, aṇu — manasoścādyaṃ karma devadattaviśeṣaguṇakāritam, kāryatve sati devadattasyopa- 
TBV-SD 142,20	kārakatvāt, pāṇyādiparispandavat, ekadravyatvaṃ caikasyātmanastadāśrayatvāt, ekadravyamadṛṣṭam, 
TBV-SD 142,21	viśeṣaguṇatvāt, śabdavat’ | ‘ekadravyatvāt’ ityucyamāne rūpādibhirvyabhicārastannivṛttyartham 
TBV-SD 142,22	‘kriyāhetuguṇatvāt’ ityuktam | ‘kriyāhetuguṇatvāt’ ityucyamāne muśalahastasaṃyogena svāśrayā'- 
TBV-SD 142,23	saṃyuktastambhādicalanahetunā vyabhicāraḥ, tannivṛttyartham ‘ekadravyatve sati’ iti viśeṣaṇam | 
TBV-SD 142,24	‘ekadravyatve sati kriyāhetutvāt’ ityucyamāne svāśrayāsaṃyuktalohādikriyāhetunā'yaskāntena 
TBV-SD 142,25	vyabhicāraḥ, tannivṛttyartham ‘guṇatvāt’ ityabhidhānam” 
TBV-SD 142,26	etadapi pratyakṣabādhitapratijñāsādhakatvena ekaśākhāprabhavatvānumānavadanumānābhāsam | ‘eka- 
TBV-SD 142,27	dravyatve’ iti ca viśeṣaṇaṃ kimekasmin dravye saṃyuktatvāt, uta tatra samavāyāt ? tatra yadyādyaḥ 
TBV-SD 142,28	pakṣaḥ, sa na yuktaḥ; saṃyogaguṇenādṛṣṭasya guṇavattvād dravyatvaprasakteḥ ‘kriyāhetuguṇatvāt’ ityetasya 
TBV-SD 142,29	bādhāprasaṅgāt | atha dvitīyaḥ tadā dravyeṇa saha kathañcidekatvamadṛṣṭasya prāptam, na hyanyasyānyatra 
TBV-SD 142,30	samavāyaḥ, ghaṭa rūpādiṣu tasya tathābhūtasyaivopalabdheḥ | na hi ghaṭād rūpādayaḥ, tebhyo vā ghaṭaḥ, 
TBV-SD 142,31	tadantarālavartī samavāyaśca bhinnaḥ pratītigocaraḥ, api tu kathañcid rūpādyātmakāśca ghaṭādayaḥ 
TBV-SD 142,32	tadātmakāśca rūpādayaḥ pratītigocaracāriṇo'nubhūyante; anyathā guṇa — guṇibhāve'tiprasaṅgād 
TBV-SD 142,33	ghaṭasyāpi rūpādayaḥ paṭasya syuḥ | ‘teṣāṃ tatrāpyapratīteritareṣāṃ tu pratīteḥ’ ityādikaṃ prativihita- 
TBV-SD 142,34	tvād nātrodghoṣyam | tena samavāyenaikatrātmani vartanādadṛṣṭasyaikadravyatvaṃ vādi — prativādinorasiddham, 
TBV-SD 142,35	ekāntabhede samavāyābhāvenaikadravyatvasyāsiddheḥ | 
TBV-SD 142,36	atha guṇino guṇānāmanarthāntaratve guṇa — guṇinoranyatara eva syāt, arthāntaratve parapakṣa eva 
TBV-SD 142,37	samarthitaḥ syāditi samavāyaḥ siddhaḥ | kathañcidvādo'pi na yuktaḥ anavasthādidoṣaprasaṅgāt, 
TBV-SD 142,38	ayuktametat; pakṣāntare'pyasya samānatvāt | tathāhi — dvitvasaṃkhyā — saṃyogādikamanekena dravyeṇā- 
TBV-SD 142,39	bhisaṃbadhyamānaṃ yadi sarvātmanā'bhisaṃbadhyate dvitvasaṃkhyādimātram dravyamātraṃ vā syāt, ekenaiva 
TBV-SD 142,40	vā dravyeṇa sarvātmanā'bhisaṃbandhād na dravyāntareṇa tatpratītiḥ | athaikena deśenaikatra vartate'nyenā'- 
TBV-SD 143,01	nyatra, te'pi deśā yadi tato bhinnāstepvapi sa tathaiva vartate ityanavasthā | abhinnāścet ukto doṣaḥ | 
TBV-SD 143,02	kathañcitpakṣe paravāda eva samarthitaḥ syādityātmanā sahādṛṣṭasya kathañcidananyabhāva eva ekadravya- 
TBV-SD 143,03	tvamityavibhutvād guṇānāṃ tadavyatiriktasyātmano'pyavibhutvamiti vipakṣasādhakatvādekadravyatva- 
TBV-SD 143,04	lakṣaṇasya hetuviśeṣaṇasya viruddhatvam | 
TBV-SD 143,05	‘kriyāhetuguṇatvāt’ ityatrāpi yadi devadattasaṃyuktātmapradeśe vartamānamadṛṣṭaṃ dvīpāntaravartiṣu 
TBV-SD 143,06	muktāphalādiṣu devadattaṃ pratyupasarpaṇavatsu kriyāhetuḥ, tadayuktam; atidūratvena dvīpāntaravartibhistai- 
TBV-SD 143,07	stasyānabhisaṃbandhitvena tatra kriyāhetutvāyogāt, tathāpi taddhetutve sarvatra syāt, aviśeṣāt | 
TBV-SD 143,08	athānabhisaṃbandhāviśeṣe'pi yadeva yogyaṃ tadeva tenākṛṣyate na sarvamiti nātiprasaṅgaḥ, na; cakṣuṣo'- 
TBV-SD 143,09	prāpyakāritve'pi yadeva yogyaṃ tadeva tadgrāhyamiti yaduktaṃ pareṇa — “aprāpyakāritve cakṣuṣo 
TBV-SD 143,10	dūravyavasthitasyāpi grahaṇaprasaṅgaḥ” ityayuktaṃ syāt | atha svāśrayasaṃyoga- 
TBV-SD 143,11	saṃbandhasambhavāt ‘anabhisambandhāt’ ityasiddham | tathāhi — yamātmānamāśritamadṛṣṭaṃ tena saṃyuktāni 
TBV-SD 143,12	deśāntaravartimuktāphalādīni devadattaṃ pratyākṛṣyamāṇāni, na; sarvasyā''karṣaṇaprasaṅgāt tenābhi- 
TBV-SD 143,13	sambandhāviśeṣāt | na ca yadadṛṣṭena yajjanyate tat tenākṛṣyata iti kalpanā yuktimatī, devadatta- 
TBV-SD 143,14	śarīrārambhakaparamāṇūnāṃ tadadṛṣṭājanyatvenā'nākarṣaṇaprasaṅgāt; tathāpyākarṣaṇe'tiprasaṅgaḥ pratipādita 
TBV-SD 143,15	eva | yathā ca kāraṇatvāviśeṣe ghaṭadeśādau sannihitameva daṇḍādikaṃ ghaṭādikāryaṃ janayati adṛṣṭāṃ 
TBV-SD 143,16	tvanyathetyabhyupagamastathā bāhyendriyatvāviśeṣe'pi tvagindriyaṃ prāptamarthamavabhāsayati locanaṃ 
TBV-SD 143,17	tvanyathetyabhyupagamaḥ kiṃ na yuktaḥ ? 
TBV-SD 143,18	nāpi dvīpāntaravartimuktādisaṃyuktātmapradeśe vartamānaṃ taṃ pratyupasarpaṇahetuḥ, vikalpānupapatteḥ | 
TBV-SD 143,19	tathāhi — yathā vāyuḥ svayaṃ devadattaṃ pratyupasarpaṇavān anyeṣāṃ tṛṇādīnāṃ taṃ pratyupasarpaṇahetustathā 
TBV-SD 143,20	yadyadṛṣṭamapi taṃ pratyupasarpat svayamanyeṣāṃ taṃ pratyupasarpaṇahetuḥ, tathā satyadṛṣṭasyeva muktāderapi tathaiva 
TBV-SD 143,21	taṃ pratyupasarpaṇāvirodhād vyarthamadṛṣṭaparikalpanam | tathābhyupagame ca ‘yad devadattaṃ pratyupasarpati tad 
TBV-SD 143,22	devadattaguṇākṛṣṭaṃ taṃ pratyupasarpaṇāt’ iti heturanaikāntikaḥ adṛṣṭenaiva | vāyuvacca sakriyatvamadṛṣṭasya 
TBV-SD 143,23	guṇatvaṃ bādhate | śabdavaccāparāparasyotpattāvaparamadṛṣṭaṃ nimittakāraṇaṃ tadutpattau prasaktam, tatrāpya- 
TBV-SD 143,24	paramityanavasthā; anyathā śabde'pi kimadṛṣṭalakṣaṇanimittaparikalpanayā ? adṛṣṭāntarāt tasya taṃ 
TBV-SD 143,25	pratyupasarpaṇe tadapyadṛṣṭāntaraṃ taṃ pratyupasarpatyadṛṣṭāntarāt, tadapi tadantarādityanavasthā | 
TBV-SD 143,26	atha tatrasthameva tat teṣāṃ taṃ pratyupasarpaṇe hetuḥ, tadapi na yuktam; anyatra prayatnādāvātmaguṇe 
TBV-SD 143,27	tathā'darśanāt, na hi prayatno grāsādisaṃyuktātmapradeśastha eva hastādisaṃcalanaheturgrāsādikaṃ 
TBV-SD 143,28	devadattamukhaṃ prati prāpayan dṛṣṭaḥ, antarālaprayatnavaiphalyaprasaṅgāt | atha prayatnavaicitryadṛṣṭeradṛṣṭe'pya- 
TBV-SD 143,29	nyathā kalpanam | tathāhi — kaścit prayatnaḥ svayamaparāparadeśavānaparatra kriyāheturyathā'nantaroditaḥ; 
TBV-SD 143,30	aparaścānyathā yathā śarāsanā'dhyāsapadasaṃyuktātmapradeśastha eva śarīrādīnāṃ lakṣyapradeśaprāpti- 
TBV-SD 143,31	kriyāhetuḥ | yadyevam, iyaṃ citratā ekadravyāṇāṃ kriyāhetuguṇānāṃ svāśrayasaṃyuktāsaṃyuktadravyakriyāhe- 
TBV-SD 143,32	tutvena kiṃ neṣyate vicitraśaktitvād bhāvānām ? tathā'dṛṣṭeriti nottaram, ayaskāntabhrāmakasparśagu- 
TBV-SD 143,33	ṇasyaikadravyasya svāśrayā'saṃyuktalohadravyakriyāhetutve'pyākarṣakākhyadravyaviśeṣavyavasthitasya tathāvi- 
TBV-SD 143,34	dhasyaiva tasya svāśrayasaṃyuktalohadravyakriyāhetutvadarśanāt | atha dravyaṃ kriyākāraṇam na sparśādiguṇaḥ, 
TBV-SD 143,35	dravyarahitasya kriyāhetutvādarśanāt, na; vegasya kriyāhetutvam, kriyāyāśca saṃyoganimittatvam tasya 
TBV-SD 143,36	ca dravyakāraṇatvaṃ tata eva na syāt, tathā ca ‘vegavat’ iti dṛṣṭāntāsiddhiḥ | atha dravyasya tatkāraṇatve 
TBV-SD 143,37	vegādirahitasyāpi tatprasaktiḥ, sparśādirahitasyāyaskāntasyāpi sparśasyākāraṇatve'nyatra kriyāhetu- 
TBV-SD 143,38	tvaprasaktiḥ | tadrahitasya tasyādṛṣṭernāyaṃ doṣastarhi lohadravyakriyotpattāvubhayaṃ dṛśyata ityubhayaṃ tadastu, 
TBV-SD 143,39	aviśeṣāt | evaṃ sati ‘ekadravyatve sati kriyāhetuguṇatvāt’ iti vyabhicārī hetuḥ | 
TBV-SD 144,01	etena yaduktaṃ pareṇa — “adṛṣṭamevāyaskāntenākṛṣyamāṇalohadarśane sukhavatpuṃso niḥśalyatvena 
TBV-SD 144,02	tatkriyāhetuḥ” iti tannirastam, sarvatra kāryakāraṇabhāve'sya nyāyasya samānatvāt 
TBV-SD 144,03	adṛṣṭameva kāraṇaṃ syāt, yasya śarīraṃ sukhaṃ duḥkhaṃ cotpādayati tadadṛṣṭameva tatra heturiti na tadāra- 
TBV-SD 144,04	mbhakāvayavakriyāsaṃyogādayaḥ | api ca, tadadṛṣṭasya kathaṃ taddhetutvam ? tasya bhāve bhāvādabhāve'bhā- 
TBV-SD 144,05	vāditi cet, kiṃ punarayaskāntasparśādyabhāva eva tatkriyā dṛṣṭā yenaiṣāṃ tatra kāraṇatvāklṛptiḥ ? 
TBV-SD 144,06	tato na dṛṣṭānusāreṇa tatrasthasyaivādṛṣṭasya taṃ prati tatkriyāhetutvam | prayatnavaicitryābhyupagame ca 
TBV-SD 144,07	hetoranaikāntikatvam | 
TBV-SD 144,08	atha sarvatrādṛṣṭasya vṛttistarhi sarvadravyakriyāhetutvam | yadadṛṣṭaṃ yad dravyamutpādayati tat tatraiva 
TBV-SD 144,09	kriyāmuparacayatītyabhyupagame śarīrārambhakeṣu paramāṇuṣu tataḥ kriyā na syādityuktam | na ca guṇatva- 
TBV-SD 144,10	mapyadṛṣṭasya siddhamiti ‘kriyāhetuguṇatvāt’ ityasiddho hetuḥ | atha ‘adṛṣṭaṃ guṇaḥ, pratiṣidhyamāna- 
TBV-SD 144,11	dravya — karmabhāve sati sattāsaṃbandhitvāt, rūpādivat’ na ca pratiṣidhyamānadravyatvamasiddham | tathāhi — 
TBV-SD 144,12	‘na dravyamadṛṣṭam, ekadravyatvāt, rūpādivat’ iti, asadetat; ekadravyatvasyāsiddhatāpratipādanāt, 
TBV-SD 144,13	sattāsaṃbandhitvasya ceti | yadapi tadguṇatvasādhanamuktam ‘devadattaṃ pratyupasarpantaḥ paśvādayo devadatta- 
TBV-SD 144,14	viśeṣaguṇākṛṣṭāḥ, taṃ pratyupasarpaṇavattvāt, grāsādivat’ iti, tadapyayuktam; yato yathā tadviśeṣa- 
TBV-SD 144,15	guṇena prayatnākhyena samākṛṣṭāstaṃ pratyupasarpanto grāsādayaḥ samupalabhyante tathā nayanāñjanādidravya- 
TBV-SD 144,16	viśeṣeṇāpi samākṛṣṭāḥ stryādayastaṃ pratyupasarpantaḥ samupalabhyante eva, tataḥ ‘kiṃ prayatnasadharmaṇā 
TBV-SD 144,17	kenacidākṛṣṭāḥ paśvādayaḥ, uta nayanāñjanādisadharmaṇā’ iti saṃdehaḥ, śakyate hyevamanumānamāracayituṃ 
TBV-SD 144,18	pareṇāpi — ‘nayanāñjanādisadharmaṇā vivādagocaracāriṇaḥ paśvādayaḥ samākṛṣṭāḥ devadattaṃ pratyupasarpanti, 
TBV-SD 144,19	taṃ pratyupasarpaṇavattvāt, stryādivat’ | atha tadabhāve'pi prayatnādapi taddṛṣṭeranaikāntikatvam, 
TBV-SD 144,20	prayatnasadharmaṇoguṇasyābhāve'pyañjanāderapi taddṛṣṭerbhavadīyahetoranaikāntikatvam | na cātrānumīyamānasya 
TBV-SD 144,21	prayatnasadharmaṇo hetoḥ sadbhāvādavyabhicāraḥ, anyatrāpyañjanādisadharmaṇo'numīyamānasya sadbhāvenāvya- 
TBV-SD 144,22	bhicāraprasaṅgāt | tatra prayatnasāmarthyādasya vaiphalye'nyatrāpyañjanādisāmarthyād vaiphalyaṃ samānam | 
TBV-SD 144,23	athāñjanādereva taddhetutve sarvasya tadvataḥ stryādyākarṣaṇaprasaktiḥ, na cāñjanādau satyapyaviśiṣṭe tadvataḥ 
TBV-SD 144,24	sarvān prati tadāgamanam, tato'vasīyate ‘tadaviśeṣe'pi yadvaikalyāt tanneti tadapi kāraṇam nāñja- 
TBV-SD 144,25	nādimātram’ iti | tadetat prayatnakāraṇe'pi samānam; na hi sarvaṃ prayatnavantaṃ prati grāsādaya 
TBV-SD 144,26	upasarpanti, tadapahārādidarśanāt | tato'trāpyanyat kāraṇamanumīyatām; anyathā na prakṛte'pi, 
TBV-SD 144,27	aviśeṣāt | tataḥ prayatnavadañjanāderapi taṃ prati tadākarṣaṇahetutvāt kathaṃ na saṃdehaḥ ? añjanādeḥ 
TBV-SD 144,28	stryādyākarṣaṇaṃ pratyakāraṇatve gandhādivat tadarthināṃ na tadupādānam | na ca dṛṣṭasāmarthyasyāpyañjanādeḥ 
TBV-SD 144,29	kāraṇatvaklṛptiparihāreṇānyakāraṇatvakalpane bhavato'navasthāmuktiḥ | athāñjanādikamadṛṣṭasahakāritvāt 
TBV-SD 144,30	tatkāraṇaṃ na kevalamiti; nanvevaṃ siddhamadṛṣṭavadañjanāderapi tatra kāraṇatvam, tataḥ saṃdeha eva ‘kiṃ 
TBV-SD 144,31	grāsādivat prayatnasadharmaṇā''kṛṣṭāḥ paśvādayaḥ, kiṃ vā stryādivadañjanādisadharmaṇā tatsaṃyuktena 
TBV-SD 144,32	dravyeṇa’ iti saṃdigdhaṃ ‘guṇatvāt’ ityetat sādhanam | saparispandātmapradeśamantareṇa grāsādyākarṣaṇa- 
TBV-SD 144,33	hetoḥ prayatnasyāpi devadattaviśeṣaguṇasya paraṃ pratyasiddhatvāt sādhyavikalatā cātra dṛṣṭāntasya | 
TBV-SD 144,34	yacca ‘yad devadattaṃ pratyupasarpati’ ityuktaṃ tatra kaḥ punarasau devadattaśabdavācyaḥ ? yadi śarīram, 
TBV-SD 144,35	tadā śarīraṃ pratyupasarpaṇāt śarīraguṇākṛṣṭāḥ paśvādaya ityātmaviśeṣaguṇākṛṣṭatve sādhye śarīraguṇā- 
TBV-SD 144,36	kṛṣṭatvasya sādhanād viruddho hetuḥ | athātmā, tasya samākṛṣyamāṇapadārthadeśa — kālābhyāṃ sadā'bhi- 
TBV-SD 144,37	saṃbandhād na taṃ prati kasyacidupasarpaṇam, anyadeśaṃ pratyanyadeśasyopasarpaṇadarśanāt anyakālaṃ 
TBV-SD 144,38	pratyanyakālasya ca, yathāṅkuraṃ pratyaparāparaśaktipariṇāmaprāpterbījādeḥ | na caitadubhayaṃ nityavyāpitvā- 
TBV-SD 144,39	bhyāmātmani sarvatra sarvadā sannihite saṃbhavati ato ‘devadattaṃ pratyupasarpantaḥ’ iti dharmiviśeṣaṇam, 
TBV-SD 144,40	‘devadattaguṇākṛṣṭāḥ’ iti sādhyadharmaḥ, ‘devadattaṃ pratyupasarpaṇavattvād’ iti sādhanadharmaḥ parasya svaru- 
TBV-SD 144,41	ciracitameva | na ca śarīrasaṃyukta ātmā saḥ, tasyāpi nityavyāpitvena tatra sannidhānenānivāra- 
TBV-SD 145,01	ṇāt; na hi ghaṭayuktamākāśaṃ mervādau na sannihitam | atha śarīrasaṃyukta ātmapradeśo devadattaḥ, 
TBV-SD 145,02	sa kālpanikaḥ, pāramārthiko vā ? kālpanikatve ‘kālpanikātmapradeśaguṇākṛṣṭāḥ paśvādayaḥ, tathābhūtā- 
TBV-SD 145,03	tmapradeśaṃ pratyupasarpaṇavattvāt’ iti tadguṇānāmapi kālpanikatvaṃ sādhayet | tathā ca saugatasyeva 
TBV-SD 145,04	tadguṇakṛtaḥ pretyabhāvo'pi na pāramārthikaḥ syāt, na hi kalpitasya pāvakasya rūpādayaḥ tatkāryaṃ vā 
TBV-SD 145,05	dāhādikaṃ pāramārthikaṃ dṛṣṭam | pāramārthikāścedātmapradeśāḥ, te'pi yadi tato'bhinnāstadātmaiva te 
TBV-SD 145,06	iti na pūrvoktadoṣaparihāraḥ | bhinnāścet tarhi tadviśeṣaguṇākṛṣṭāḥ paśvādaya iti teṣāmevātmatvapra- 
TBV-SD 145,07	saktirityanyātmaparikalpanā vyarthā | teṣāṃ ca na dvīpāntaravartibhirmuktādibhiḥ saṃyoga iti ‘adṛṣṭaṃ 
TBV-SD 145,08	svāśrayasaṃyukte'nyatra kriyāhetuḥ’ iti vyāhatam | saṃyoge vā ātmavat ityanivṛtto vyāghātaḥ | atha 
TBV-SD 145,09	teṣāmapyapare śarīrasaṃyuktāḥ pradeśāḥ devadattaśabdavācyāḥ, tatrāpyanantaradūṣaṇamanavasthākāri | athā- 
TBV-SD 145,10	tmānamantareṇa kasya te pradeśāḥ syuriti tatpradeśyapara ātmetyabhyupagamanīyam | nanvarthāntarabhūtatve 
TBV-SD 145,11	ātmanaḥ kathaṃ ‘tasya te’ iti vyapadeśaḥ ? atha teṣu tasya vartanāt tathā vyapadeśaḥ, na sadetat; 
TBV-SD 145,12	tathā'bhyupagame'vayavipakṣabhāvidūṣaṇāvakāśāt | yathā ca teṣāṃ sadūṣaṇatvaṃ tathā pratipāditam 
TBV-SD 145,13	pratipādayiṣyate cetyāstāṃ tāvat | tanna parasya devadattaśabdavācyaḥ kaścidasti yaṃ pratyupasarpaṇavantaḥ 
TBV-SD 145,14	paśvādayaḥ svakriyāhetorguṇatvaṃ sādhayeyuḥ | ato naitadapi sādhanamātmano vibhutvaprasādhakam | 
TBV-SD 145,15	yadapi ‘sarvagata ātmā, sarvatropalabhyamānaguṇatvāt, ākāśavat’ iti sādhanam, tadapya- 
TBV-SD 145,16	cāru; yato yadi ‘svaśarīre sarvatropalabhyamānaguṇatvāt’ iti hetustathā sati tatraiva tatastasya 
TBV-SD 145,17	sarvagatatvasiddherviruddho hetvābhāsaḥ | atha svaśarīravat paraśarīre anyatra vopalabhyamānaguṇatvaṃ hetu- 
TBV-SD 145,18	stadā'siddhaḥ, tathopalambhābhāvāt — na hi buddhyādayastadguṇāstathopalabhyante, anyathā sarvasarvajñatā- 
TBV-SD 145,19	prasaṅgaḥ | athaikanagare upalabdhā buddhyādayo nagarāntare'pyupalabhyante, manuṣyajanmavajjanmāntare'pīti 
TBV-SD 145,20	kathaṃ na sarvatropalabhyamānaguṇatvam ? na; vāyorapi sparśaviśeṣaguṇa ekatraikadopalabdho'nyatrānya- 
TBV-SD 145,21	dopalabhyamānastasyāpi sarvagatatvaṃ prasādhayet, anyathā tenaiva hetorvyabhicāraḥ | atha tāṃstān 
TBV-SD 145,22	deśān krameṇa gatasya tasya tadguṇa upalabhyate, ātmano'pi tathaiva tadguṇasyopalambhaḥ iti samānaṃ 
TBV-SD 145,23	paśyāmaḥ | na ca tadvat tasyāpi sakriyatvaprasakterayuktamevaṃ kalpanamiti vācyam, iṣṭatvāt | 
TBV-SD 145,24	atha loṣṭavat tato mūrtatvaprasaṅgastasya doṣaḥ | nanu keyaṃ mūrtiḥ ? asarvagatadravyaparimāṇaṃ seti 
TBV-SD 145,25	cet nāyaṃ doṣaḥ, asarvagatātmavādino'bhīṣṭatvāt | rūpa — rasa — gandha — sparśavattvaṃ seti cet, na 
TBV-SD 145,26	tādṛśīṃ mūrtimātmanaḥ sakriyatvaṃ sādhayati, vyāptyabhāvāt; rūpādimanmūrtyabhāve sakriyatvāt | 
TBV-SD 145,27	‘yo yaḥ sakriyaḥ sa rūpādimanmūrtimān, yathā śaraḥ, tathācātmā, tasmād rūpādimanmūrtimān’ 
TBV-SD 145,28	iti kathaṃ na vyāptisaṃbhavaḥ ? asadetat; manasā'pi vyabhicārāt | na ca tasyāpi pakṣīkara- 
TBV-SD 145,29	ṇam, ‘rūpādiviśeṣaguṇānadhikaraṇaṃ sad mano'rthaṃ prakāśayati, śarīrādyarthāntaratve sati sarvatra 
TBV-SD 145,30	jñānakāraṇatvāt, ātmavat’ ityanumānavirodhaprasaṅgāt | na ca sakriyatvaṃ rūpādimanmūrtya- 
TBV-SD 145,31	bhāvena viruddhaṃ yataḥ tatastannivartamānamātmani tathāvidhāṃ mūrtiṃ sādhayet | na ca tathāvidhamū- 
TBV-SD 145,32	rtirahite'mbarādau tadadarśanāt siddho virodhaḥ, ekaśākhāprabhavatvasyāpyanyatra pakṣe'darśanād vi- 
TBV-SD 145,33	rodhasiddhiprasakteḥ | pakṣa eva vyabhicāradarśanāt sā tatra neti cet, na; sakriyatvasyāpi 
TBV-SD 145,34	tathā vyabhicāraḥ samānaḥ, pakṣīkṛta evātmani rūpādimanmūrtirahite taddarśanāt | anenaiva 
TBV-SD 145,35	tatsādhanād na vyabhicāra ityekaśākhāprabhavatvānumāne'pi samānam | pratyakṣabādhitakarmanirdeśāna- 
TBV-SD 145,36	ntaraprayuktatvena kālātyayāpadiṣṭatvamubhayatra tulyam | tanna sakriyatvamātmano rūpādimanmūrtitvaṃ sādhaya- 
TBV-SD 145,37	tīti vyavasthitam | 
TBV-SD 145,38	atha sakriyatve tasyānityatvam | tathāhi — ‘yat sakriyaṃ tad anityam, yathā loṣṭādi, tathā 
TBV-SD 145,39	cātmā, tasmādanityaḥ’ iti, etadapi na samyag; paramāṇubhiranaikāntikatvāt; kathañcidanityatvasye- 
TBV-SD 146,01	ṣṭatvāt siddhasādhanaṃ ca | sarvātmanā'nityatvasya loṣṭādāvapyasiddhatvāt sādhyavikalatā dṛṣṭāntasya | 
TBV-SD 146,02	tanna sarvatropalabhyamānaguṇatvamātmanaḥ siddham | 
TBV-SD 146,03	apare sarvatropalabhyamānaguṇatvamātmano'to'numānāt sādhayanti — “devadattopakaraṇabhūtāni 
TBV-SD 146,04	maṇi — muktāphalādīni dvīpāntarasaṃbhūtāni devadattaguṇakṛtāni, kāryatve sati devadattopakārakatvāt, 
TBV-SD 146,05	śakaṭādivat | na ca taddeśe'sannihitā eva tadguṇāstān vyutpādayituṃ samarthāḥ, na hi paṭadeśe'- 
TBV-SD 146,06	sannidhānavantastantu — turi — kuvindādayaḥ paṭamutpādayituṃ kṣamāḥ | ātmaguṇānāṃ ca taddeśasannidhānaṃ 
TBV-SD 146,07	na tadguṇisannidhimantareṇa saṃbhavi, aguṇatvaprāpteḥ, tatastasyāpi taddeśatvam” asadetat | 
TBV-SD 146,08	tatkāryatve'pi teṣāṃ na ‘avaśyatayā kāryadeśasannidhimad nimittakāraṇam’ iti niyama upalabdhi- 
TBV-SD 146,09	gocaraḥ, anyadeśasyāpi dhyānāderanyasthitaviṣādyapanayanakāryakartṛtvasyopalabdhiviṣayatvāt | tannā- 
TBV-SD 146,10	to'pi sarvatropalabhyamānaguṇatvasiddhirityasiddho hetuḥ | 
TBV-SD 146,11	etena ‘vibhutvād mahānākāśaḥ tathā cātmā’ iti nirastam, vibhutvasyātmanyasiddheḥ | tathāhi- 
TBV-SD 146,12	sarvamūrttairyugapatsaṃyogo vibhutvam | na ca sarvamūrttimadbhiryugapatsaṃyogastasya siddhaḥ | athaikadeśavṛtti- 
TBV-SD 146,13	viśeṣaguṇādhāratvāt tasya sarvamūrttairyugapatsaṃyoga ākāśasyeva siddhaḥ, asadetat; ekadeśavṛtti- 
TBV-SD 146,14	viśeṣaguṇāghiṣṭhānatvasya sādhanasya sarvamūrttimatsaṃyogādhāratvasya ca sādhyasyākāśe'pyasiddherubhaya- 
TBV-SD 146,15	vikalo dṛṣṭāntaḥ | na cātmadṛṣṭāntādākāśe sādhya — sādhanobhayadharmasambandhitvaṃ siddhamiti śakyaṃ 
TBV-SD 146,16	vaktum, itaretarāśrayadoṣaprasaṅgāt | 
TBV-SD 146,17	yadapi ‘vibhurātmā, aṇuparimāṇānadhikaraṇatve sati nityadravyatvāt, yad yad aṇuparimāṇā- 
TBV-SD 146,18	nadhikaraṇatve sati nityadravyaṃ tat tad vibhu, yathā''kāśam, tathā cātmā, tasmād vibhuḥ’ iti, 
TBV-SD 146,19	tadapyasāram; tannityatvāsiddherhetorasiddhatvāt, aṇuparimāṇānadhikaraṇatvasya ca viśeṣaṇasyātmano 
TBV-SD 146,20	dravyatvāsiddherasiddhiḥ, tadasiddhiśca itaretarāśrayadoṣaprasakteḥ | tathāhi — aṇuparimāṇānyaguṇasya guṇatve 
TBV-SD 146,21	siddhe'nādhārasya tasyāsambhavādātmano guṇavattvena dravyatvasiddhiḥ, tatsiddhau ca tadāśritatvenāṇu- 
TBV-SD 146,22	parimāṇānyaguṇasya guṇatvasiddhiriti vyaktamitaretarāśrayatvam | na cākāśasyāpyaṇuparimāṇānadhi- 
TBV-SD 146,23	karaṇatve sati nityadravyatvaṃ vibhutvaṃ ca siddhamiti sādhya — sādhanavikalo dṛṣṭāntaḥ | na cātmadṛṣṭānta- 
TBV-SD 146,24	balāt tasya tadubhayadharmayogitvaṃ siddhamiti vaktuṃ yuktam, atrāpītaretarāśrayadoṣaprasaṅgasya 
TBV-SD 146,25	vyaktatvāt | api ca, aṇuparimāṇānadhikaraṇatve sati nityadravyatvaṃ ca bhaviṣyatyavibhutvaṃ ca, vipakṣe 
TBV-SD 146,26	hetorbādhakapramāṇāsattvena tato vyāvṛttyasiddheḥ sandigdhānaikāntikaśca hetuḥ | na ca vipakṣe hetoradarśanaṃ 
TBV-SD 146,27	bādhakaṃ pramāṇam, sarvā''tmasambandhinastasyāsiddhā'naikāntikatvapratipādanāt | 
TBV-SD 146,28	api ca, ātmanaḥ svadehamātravyāpakatvena sukha — duḥkhādiparyāyākrāntasya svasaṃvedanādhyakṣa- 
TBV-SD 146,29	siddhatvāt tadvibhutvasādhakasya hetoradhyakṣabādhitapakṣānantaraprayuktatvena kālātyayāpadiṣṭatvam | 
TBV-SD 146,30	anyasya ca ‘aham’ ityadhyakṣasiddhasya pramāṇāviṣayatvenā'sattvādāśrayāsiddho heturiti | anayā 
TBV-SD 146,31	diśā'nye'pi tadvibhutvasādhanāyopanyasyamānā hetavo nirākarttavyāḥ, asya nirākaraṇaprakārasya 
TBV-SD 146,32	sarveṣu tatsādhakahetuṣu samānatvāt | tannātmanaḥ kutaścidvibhutvasiddhiḥ | 
TBV-SD 146,33	athāpi syāt yathāsmākaṃ tadvibhutvasādhakaṃ pramāṇaṃ na sambhavati tathā bhavatāmapi tadavibhutva- 
TBV-SD 146,34	sādhakapramāṇābhāva iti nānupamasukhasthānopagatisteṣāṃ siddheti tadavasthaṃ codyam; na hi parapakṣe 
TBV-SD 146,35	doṣodbhāvanamātrataḥ svapakṣāḥ siddhimupagacchanti anyatra svapakṣasādhakatvalakṣaṇaparaprayuktahetuviruddha- 
TBV-SD 146,36	todbhāvanāt, na cāsau bhavatā pradarśiteti, na samyagetat; tadabhāvāsiddheḥ | tathāhi — ‘devadattātmā 
TBV-SD 146,37	devadattaśarīramātravyāpakaḥ, tatraiva vyāptyopalabhyamānaguṇatvāt, yo yatraiva vyāptyopalabhyamānaguṇaḥ 
TBV-SD 146,38	sa tanmātravyāpakaḥ, yathā devadattasya gṛhe eva vyāptyopalabhyamānabhāsvaratvādiguṇaḥ pradīpaḥ, 
TBV-SD 146,39	devadattaśarīra eva vyāptyopalabhyamānaguṇastadātmā’ iti | tadātmano hi jñānādayo guṇāste ca 
TBV-SD 146,40	taddeha eva vyāptyopalabhyante, na paradehe, nāpyantarāle | 
TBV-SD 146,41	atra keciddhetorasiddhatāmudbhāvayantaḥ “śarīrāntare'pi tadaṅganāsambandhini tadguṇā upalabhyante 
TBV-SD 146,42	ityabhidadhati | tathāhi — ‘devadattāṅganāṅgaṃ devadattaguṇapūrvakam, kāryatve sati tadupakārakatvāt, 
TBV-SD 147,01	grāsādivat’ | kāryadeśe ca sannihitaṃ kāraṇaṃ tajjanane vyāpriyate'nyathā'tiprasaṅgāditi tadaṅganā- 
TBV-SD 147,02	ṅgaprādurbhāvadeśe tatkāraṇatadguṇasiddhiḥ | tathā, tadantarāle ca pratīyante | tathāhi — agnerūrdhvajvalanam, 
TBV-SD 147,03	vāyostiryak pavanaṃ tadguṇapūrvakam, kāryatve sati tadupakārakatvāt, vastrādivat | yatra ca tadgu- 
TBV-SD 147,04	ṇāstatra tadguṇyapyanumīyata iti ‘svadeha eva devadattātmā’ iti pratijñā anumānabādhitā | 
TBV-SD 147,05	tato'numānabādhitakarmanirdeśānantaraprayuktatvena kālātyayāpadiṣṭo hetuḥ” 
TBV-SD 147,06	nanu ke'tra devadattātmaguṇā ye tadaṅganāṅge tadantarāle ca pratīyante ? yadi jñāna — darśana — sukha — 
TBV-SD 147,07	vīryasvabhāvāḥ — “sahavartino guṇāḥ” iti vacanāt — iti pakṣaḥ, sa na yuktaḥ; 
TBV-SD 147,08	jñāna — darśana — sukhāni saṃvedanarūpāṇi na tadaṅganāṅgajanmani vyāpriyamāṇāni pratīyante; nāpi 
TBV-SD 147,09	sattāmātreṇa taddeśe pratītigocarāṇi | vīryaṃ tu śaktiḥ kriyānumeyā; sā'pi taddeha evānumīyate, 
TBV-SD 147,10	tatraiva talliṅgabhūtaparispandadarśanāt | tasyāśca tadaṅganādehaniṣpattau devadattasya bhāryā duhitā syāt | 
TBV-SD 147,11	tatastajjñānādestaddeha eva tatkāryajananavimukhasya pratīteḥ pratyakṣataḥ tadbādhitakarmanirdeśānantara- 
TBV-SD 147,12	prayuktatvena kālātyayāpadiṣṭaḥ ‘kāryatve sati tadupakārakatvāt’ iti hetuḥ | 
TBV-SD 147,13	atha dharmā'dharmau tadaṅganādikāryanimittaṃ tadguṇaḥ, tadayuktam; na dharmā'dharmau tadātmano 
TBV-SD 147,14	guṇau, acetanatvāt, śabdādivat | na sukhādinā vyabhicāraḥ, tatra hetoravartanāt — tadviruddhena svasaṃ- 
TBV-SD 147,15	vedanalakṣaṇacaitanyena tasya vyāptatvāt abhimatapadārthasambandhasamaya eva svasaṃvedanarūpāhlādasvabhā- 
TBV-SD 147,16	vasya tadātmano'nubhavāt, anyathā sukhādeḥ svayamananubhavāt anavasthādoṣaprasaṅgāt anyajñānenā- 
TBV-SD 147,17	pyanubhave sukhasya paralokaprakhyatāprasaktiḥ | prasādhitaṃ caitat prāk | 
TBV-SD 147,18	na cāsiddhatā‘acetanatvāt’ iti hetoḥ | tathāhi — acetanau tau, asvasaṃviditatvāt, 
TBV-SD 147,19	kumbhavat | na buddhyā'sya vyabhicāraḥ, asyāḥ svasaṃvedanasādhanāt — ‘svagrahaṇātmikā buddhiḥ, artha- 
TBV-SD 147,20	grahaṇātmakatvāt, yat svagrahaṇātmakaṃ na bhavati na tad arthagrahaṇātmakam, yathā ghaṭaḥ’ iti 
TBV-SD 147,21	vyatirekī hetuḥ | 
TBV-SD 147,22	na ca dharmā'dharmayorjñānarūpatvād bauddhadṛṣṭyā jñānasya ca svagrahaṇātmakatvādasiddho heturiti 
TBV-SD 147,23	vaktavyam, tayoḥ svarūpagrahaṇātmakatve sukhādāviva vivādābhāvaprasakteḥ | asti cāsau anumāno- 
TBV-SD 147,24	panyāsānyathānupapattestatra | na ca laukika — parīkṣakayoḥ ‘pratyakṣaṃ karma’ iti vyavahārasiddham | 
TBV-SD 147,25	na cāvikalpabodhaviṣayatvāt svagrahaṇātmakatve'pi tayorvivādaḥ kṣaṇikatvādivat, tathā'niścayāt 
TBV-SD 147,26	tadviṣaye'tiprasaṅgāt | tathāhi — avikalpakādhyakṣaviṣayaṃ jagat jantumātrasya; tathā'niścayastu 
TBV-SD 147,27	kṣaṇikatvavat nirvikalpakādhyakṣaviṣayatvāt | na ca mūṣikālarkaviṣavikāravat tadanantaraṃ tatphalā- 
TBV-SD 147,28	darśanānna taddarśanavyavahāra iti, svasattāsamaye svakāryajananasāmarthye tasya tadaiva tatkāryamiti 
TBV-SD 147,29	tadanantaraṃ taddṛṣṭiprasakteḥ anyadā tu sa eva nāstīti kutastatastasya bhāvaḥ ? 
TBV-SD 147,30	atha tayoracetanatve'pi tadātmaguṇatve ko virodhaḥ ? acetanasya cetanātmaguṇatvameva | 
TBV-SD 147,31	cetanaśca tadātmā svaparaprakāśakatvāt anyathā tadayogāt kuḍyādivat | na ca dharmā'dharmayora- 
TBV-SD 147,32	bhāvādāśrayāsiddho hetuḥ, anumānatastayoḥ siddheḥ | tathāhi — cetanasya svaparajñasya tadātmano 
TBV-SD 147,33	hīnamātṛgarbhasthānapraveśaḥ tatsambaddhānyanimittaḥ, ananyaneyatve sati tatpraveśāt, mattasyāśuci- 
TBV-SD 147,34	sthānapraveśavat, yo'sāvanyaḥ sa dravyaviśeṣo dharmādiriti | 
TBV-SD 147,35	na ca kasyacit pūrvaśarīratyāgena śarīrāntaragamanābhāvāt tatpraveśo'siddhaḥ, anumānāt 
TBV-SD 147,36	tatsiddheḥ | tathāhi — tadaharjātasya stanādau pravṛttistadabhilāṣapūrvikā, tattvāt, madhyadaśāvat | 
TBV-SD 147,37	yathā ca paralokā''gāmyātmā anumānāt siddhimupagacchati tathā prāk pratipāditam | sukhasādhana- 
TBV-SD 147,38	jalādidarśanānantarodbhūtasmaraṇasahāyendriyaprabhavapratyabhijñānakramopajāyamānābhilāṣādervyavahārasyaika- 
TBV-SD 148,01	kartṛpūrvakatvena prāk prasādhitatvāt nātra prayoge vyāptyasiddhiḥ | ata eva stanādipravṛtteramilāṣaḥ 
TBV-SD 148,02	siddhimāsādayan saṅkalanājñānaṃ gamayati tadapi smaraṇam, tacca sukhādisādhanapadārthadarśanam | 
TBV-SD 148,03	‘kāraṇavyatirekeṇa kāryotpattau tasya nirhetukatvaprasaktiḥ’ iti atra viparyayabādhakaṃ pramāṇaṃ vyāpti- 
TBV-SD 148,04	niścāyakaṃ pradarśitam | apūrvaprāṇiprādurbhāve ca sarvo'pyayaṃ vyavahāraḥ pratiprāṇiprasiddhaḥ utsīdet, 
TBV-SD 148,05	tajjanmani sukhasādhanadarśanāderabhāvāt; na hi māturudara eva stanādeḥ sukhasādhanatvena darśanaṃ 
TBV-SD 148,06	yataḥ pratyagrajātasya tatra smaraṇādivyavahāraḥ sambhavediti pūrvaśarīrasambandho'pyātmanaḥ siddhaḥ | 
TBV-SD 148,07	na ca madhyāvasthāyāṃ sukhasādhanadarśanādikrameṇopajāyamāno'pi pravṛttyanto vyavahāro janmā- 
TBV-SD 148,08	dāvanyathā kalpayituṃ śakyaḥ vijātīyādapi gomayādeḥ kāraṇācchālūkādeḥ kāryasyotpatti- 
TBV-SD 148,09	darśanāditi vaktuṃ śakyam, jalapānanimittatṛḍvicchedādāvapyanalanimittatvasambhāvanayā tadarthinaḥ 
TBV-SD 148,10	pāvakādau pravṛttiprasaṅgāt sarvavyavahārocchedaprasakteḥ | 
TBV-SD 148,11	atha ‘dehino dehād dehāntarānupraveśastadabhilāṣapūrvakaḥ, gṛhād gṛhāntarānupraveśavat’ itya- 
TBV-SD 148,12	to'nyathāsiddho heturiti na dravyaviśeṣaṃ sādhayati | taduktaṃ saugataiḥ — 
TBV-SD 148,13		“duḥkhe viparyāsamatistṛṣṇā vā'vandhyakāraṇam | 
TBV-SD 148,14		janmino yasya te na sto na sa janmādhigacchati”
TBV-SD 148,15	iti, asadetat; iha janmani prāṇināṃ tadabhilāṣasya paraloke'bhāvānna tataḥ sa iti yuktam | nāpi 
TBV-SD 148,16	manuṣyajanmā hīnaśunyādigarbhasambhavamabhilaṣati yatastatra tatsambhavaḥ syāt | tadevaṃ dharmā'dharmayo- 
TBV-SD 148,17	stadātmaguṇatvaniṣedhāt tanniṣedhānumānabādhitametat ‘pāvakādyūrdhvajvalanādi devadattaguṇakā- 
TBV-SD 148,18	ritam’ iti | 
TBV-SD 148,19	yat punaruktam ‘guṇavad guṇī apyanumānatastaddeśe'stītyanumānabādhitasvadehamātravyāpakātma- 
TBV-SD 148,20	karmanirdeśānantaraprayuktatvenādyo hetuḥ kālātyayāpadiṣṭaḥ’ iti, tadapi nirastam; tatra tatsadbhāvā- 
TBV-SD 148,21	siddheḥ | yaccānyat ‘kāryatve sati tadupakārakatvāt’ iti, tatra kiṃ tadguṇapūrvakatvābhāve'pi 
TBV-SD 148,22	tadupakārakatvaṃ dṛṣṭaṃ yena ‘kāryatve sati’ iti viśeṣaṇamupādīyeta sati sambhave vyabhicāre ca viśeṣaṇo- 
TBV-SD 148,23	pādānasyārthavattvāt ? kāleśvarādau dṛṣṭamiti cet, na; kāleśvarādikamatadguṇapūrvakamapi yadi 
TBV-SD 148,24	tadupakārakam, kāryamapi kiñcidanyapūrvakaṃ tadupakārakaṃ syāditi sandigdhavipakṣavyāvṛttikatvāda- 
TBV-SD 148,25	naikāntiko hetuḥ | sarvajñatvābhāvasādhane vāgādivannirviśeṣaṇasyaiva tasyābhidhāne ko doṣaḥ ? 
TBV-SD 148,26	vyabhicāraḥ kāleśvarādineti cet, na; nityaikasvabhāvāt kasyacidupakārābhāvāt | api ca, 
TBV-SD 148,27	śatruśarīrapradhvaṃsābhāvastadvipakṣasyopakārako bhavati so'pi tadguṇanimittaḥ syāt | tadabhyupagame vā 
TBV-SD 148,28	tatra kāryatvāsambhavena saviśeṣaṇasya hetoravarttanād bhāgāsiddho hetuḥ | atadguṇanimittatve tasyānya- 
TBV-SD 148,29	dapyatadguṇapūrvakaṃ tadupakārakaṃ tadvadeva syāditi na tadguṇasiddhiḥ | 
TBV-SD 148,30	yat punaḥ ‘grāsādivat’ iti nidarśanam, tatra yadi tadātmaguṇo dharmādirhetuḥ, sādhyavatprasaṅgaḥ | 
TBV-SD 148,31	prayatnaścet, na; tatsvarūpāsiddheḥ — śarīrādyavayavapraviṣṭānāmātmapradeśānāṃ parispandasya calana- 
TBV-SD 148,32	lakṣaṇakriyārūpatvānna guṇatvam, tattve vā gamanāderapi tattvāt na karmapadārthasadbhāvaḥ kvacidapīti 
TBV-SD 148,33	na yuktaṃ ‘kriyāvat’ iti dravyalakṣaṇam | niṣkriyasyātmano na sa iti cet, kutastasya niṣkriyatvam ? 
TBV-SD 148,34	amūrttatvāditi cet, pratyakṣanirākṛtametat — pratyakṣeṇa hi deśāddeśāntaraṃ gacchantamātmānamanubhavati 
TBV-SD 148,35	lokaḥ | tathā ca vyavahāraḥ — ‘ahamadya yojanamātraṃ gataḥ’ na ca manaḥ śarīraṃ vā tadvyavahāraviṣayaḥ, 
TBV-SD 148,36	tasyāhaṃpratyayāvedyatvāt | tadevaṃ parasya sādhyavikalaṃ nidarśanamiti sthitam | 
TBV-SD 148,37	tena yaduktam ‘yasmāt tadātmano guṇā api dūradeśabhāvini tadaṅganāṅge antarāle 
TBV-SD 148,38	copalabhyante tasmāt siddhaṃ tasya sarvatropalabhyamānaguṇatvam, ataḥ ‘sarvagata ātmā, sarvatropala- 
TBV-SD 148,39	bhyamānaguṇatvāt ākāśavat’ ityanumānabādhitā tadātmasvaśarīramātrapratijñā’ iti, tannira- 
TBV-SD 148,40	stam; sarveṣāṃ sarvagatātmaprasādhakahetūnāṃ pūrvameva nirastatvāt | ato na svadehamātravyāpakātma- 
TBV-SD 148,41	prasādhakahetorasiddhiḥ | nāpyanumānena tatpakṣabādhā | na ca taddehavyāpakatvenaivopalabhyamānaguṇo'pi 
TBV-SD 149,01	tadātmā sarvagato nijadehaikadeśavṛttirvā syāt avirodhāt sandigdhavipakṣavyāvṛttikatvādanaikā- 
TBV-SD 149,02	ntiko hetuḥ iti yuktam; vāyvādāvapi tathābhāvaprasaṅgataḥ pratiniyatadeśasambaddhapadārthavyavahārocche- 
TBV-SD 149,03	daprasakteḥ | tathāhi — yad yathā pratibhāti tat tathaiva sadvyavahārapathamavatarati, yathā pratiniyata deśa 
TBV-SD 149,04	kālā''kāratayā pratibhāsamāno ghaṭādiko'rthaḥ, anyathā pratibhāsamānaniyatadeśa kālā''kā- 
TBV-SD 149,05	rasparśaviśeṣaguṇo'pi vāyuḥ sarvagataḥ syāt | na cātra pratyakṣabādhaḥ, pareṇa tasya parokṣatvopavarṇanāt | 
TBV-SD 149,06	yadi ca svadehaikadeśasthitaḥ, kathaṃ tatra sarvatra sukhādiguṇopalabdhiḥ ? itarathā sarvatro- 
TBV-SD 149,07	palabhyamānaguṇo'pi vāyurekaparamāṇumātraḥ syāt | na ca krameṇa sarvadehabhramaṇāt tasya tathā 
TBV-SD 149,08	tatropalabdhiḥ, yugapat tatra sarvatra sukhāderguṇasyopalambhāt | na cāśuvṛtteryaugapadyābhimānaḥ, 
TBV-SD 149,09	anyatrāpi tathāprasakteḥ — śakyaṃ hi vaktuṃ ghaṭādirapyekāvayavavṛttiḥ āśuvṛtteryugapat sarveṣvavaya- 
TBV-SD 149,10	veṣu pratīyate iti | ata eva saugato'pi tatraikaṃ niraṃśaṃ jñānaṃ kalpayannirastaḥ, pratyavayavamanekasukhā- 
TBV-SD 149,11	dikalpane santānāntaravat parasparamasaṅkramāt anusyūtaikapratītivilopaḥ ‘sarvatra śarīre mama sukham’ 
TBV-SD 149,12	iti | atha yugapadbhāvibhirekaśarīravarttibhiranekaniraṃśakṣaṇikasukhasaṃvedanairekaparāmarśavikalpaja- 
TBV-SD 149,13	nanādayamadoṣaḥ, asadetat; anekopādānasya parāmarśavikalpasyaikatvasambhave cārvākābhimataika- 
TBV-SD 149,14	śarīravyapadeśabhāganekaparamāṇūpādānānekavijñānabhāve'pi tadvikalpasambhavāt | tato yaduktaṃ 
TBV-SD 149,15	dharmakīrttinā taṃ prati “anekaparamāṇūpādānamanekaṃ ced vijñānaṃ santānāntaravadekaparāmarśā- 
TBV-SD 149,16	bhāvaḥ” iti, tat tasya na subhāṣitaṃ syāt | 
TBV-SD 149,17	yacca ‘sāvayavaṃ śarīram pratyavayavamanupraviśaṃstadātmā sāvayavaḥ syāt, tathā, paṭavat samāna- 
TBV-SD 149,18	jātīyārabdhatvācca tadvad vināśavāṃśca syāt’ iti, tadapi na samyak; ghaṭādinā vyabhicārāt — 
TBV-SD 149,19	ghaṭādirhi sāvayavo'pi na tantuvat prākprasiddhasamānajātīyakapālasaṃyogapūrvakaḥ, mṛtpiṇḍāt 
TBV-SD 149,20	prathamameva svāvayavarūpādyātmanaḥ prādurbhāvāditi nirūpayiṣyamāṇatvāt | api ca, yadi tadātmanaḥ 
TBV-SD 149,21	kathañcidvināśaḥ pratipādayitumiṣṭaḥ samānajātīyāvayavārabdhatvāt tadā siddhasādhanam, tadabhi- 
TBV-SD 149,22	nnasaṃsāryavasthāvināśena tadrūpatayā tasyāpi naṣṭatvāt | atha sarvātmanā sarvathā nāśaḥ, sa ghaṭādāva- 
TBV-SD 149,23	pyasiddha iti sādhyavikalo dṛṣṭāntaḥ | yadi ca tadaharjātabālātmā prāgekāntenā'saṃstathā'vayavairā- 
TBV-SD 149,24	rabhyeta tadā stanādau pravṛttirna syāt, tadabhilāṣa — pratyabhijñāna — smaraṇa — darśanāderabhāvāt | tadārambha- 
TBV-SD 149,25	kāvayavānāṃ prāksatāṃ viṣayadarśanādikamiti cet tarhi teṣāmeva tadaharjātavelāyāṃ tanvantarā- 
TBV-SD 149,26	ṇāmiva tatra pravṛttiḥ syānnātmanaḥ, smaraṇādyabhāvāt | kāraṇagamane tasyāpi sarvatra sā syāt, 
TBV-SD 149,27	“kāraṇasaṃyoginā kāryamavaśyaṃ saṃyujyate” iti vacanāt na tasya viṣayānubhavābhāvaḥ; 
TBV-SD 149,28	bhedaikānte cāsyāḥ prakriyāyāḥ samavāyaniṣedhena niṣedhāt | 
TBV-SD 149,29	atha kāraṇaguṇaprakrameṇa tatra darśanādayo guṇā varṇyante, te'pi prāgasanta eva jāyanta iti, 
TBV-SD 149,30	evamapi na kiṃcit parihṛtam | etena “avayaveṣu kriyā, kriyāto vibhāgaḥ, tataḥ saṃyogavināśaḥ, 
TBV-SD 149,31	tato'pi dravyavināśaḥ” iti parasyākūtaṃ pūrvabhavānte tathā tadvināśe ādijanmani 
TBV-SD 149,32	smaraṇādyabhāvaprasaṅgānnirastam | na cāyamekāntaḥ — kaṭakasya keyūrabhāve kutaścid bhāgeṣu kriyā, 
TBV-SD 149,33	vibhāgaḥ, saṃyogavināśaḥ, dravyanāśaḥ, punastadavayavāḥ kevalāḥ; tadanantaraṃ karma — saṃyogakrameṇa keyūrabhāvaḥ 
TBV-SD 149,34	pramāṇagocaracārī | kevalaṃ suvarṇakāravyāpārāt kaṭakasya keyūrībhāvaṃ paśyāmaḥ, anyathākalpane 
TBV-SD 149,35	pratyakṣavirodhaḥ | na hi pūrvaṃ vibhāgaḥ tataḥ saṃyogavināśa iti, tadbhedānupalakṣaṇāccaitanya — buddhivat | 
TBV-SD 150,01	na caikāntena tasyā'kṣaṇikatve sukhasādhanadarśanādayaḥ sambhavantītyasakṛdāveditamāvedayiṣyate 
TBV-SD 150,02	cetyāstāṃ tāvat | tato nānaikāntiko hetuḥ, vipakṣe'sambhavāt | ata eva na viruddho'pi iti 
TBV-SD 150,03	bhavatyataḥ sarvadoṣarahitāt keśanakhādirahitaśarīramātravyāpakasya vivādādhyāsitasyātmanaḥ siddhi- 
TBV-SD 150,04	riti sādhūktam — ‘ṭhāṇamaṇovamasuhamuvagayāṇaṃ’ iti || 
TBV-SD 150,07	yadapi ‘ātyantikabuddhyādiviśeṣaguṇocchedaviśiṣṭa ātmā muktiḥ’ iti, tadapyapramāṇakam; 
TBV-SD 150,08	atha tathābhūtamuktipratipādakaṃ pramāṇaṃ vidyate | tathāhi — navānāmātmaviśeṣaguṇānāṃ santāno'tyanta- 
TBV-SD 150,09	mucchidyate, santānatvāt, yo yaḥ santānaḥ sa so'tyantamucchidyate, yathā pradīpasantānaḥ, tathā 
TBV-SD 150,10	cāyaṃ santānaḥ, tasmādatyantamucchidyate iti | santānatvasya ca vyāptyā buddhyādiṣu sambhavāt 
TBV-SD 150,11	pakṣadharmatayā'siddhatā'bhāvaḥ | tatsamānadharmiṇi dharmiṇi pradīpādāvupalambhādaviruddhatvam | na ca 
TBV-SD 150,12	vipakṣe paramāṇvādāvastītyanaikāntikatvābhāvaḥ, viparītārthopasthāpakayoḥ pratyakṣā''gamayoranu- 
TBV-SD 150,13	palambhāt na kālātyayāpadiṣṭaḥ, na cāyaṃ satpratipakṣa iti pañcarūpatvāt pramāṇam | 
TBV-SD 150,14	na ca nirhetukavināśapratiṣedhāt santānocchede heturvācyaḥ yataḥ samucchidyate iti, tattva- 
TBV-SD 150,15	jñānasya viparyayajñānavyavacchedakrameṇa niḥśreyasahetutvena pratipādanāt | upalabdhaṃ ca samyagjñānasya 
TBV-SD 150,16	mithyājñānanivṛttau sāmarthyaṃ śuktikādau — na ca mithyājñānenāpyuttarakālabhāvinā samyagjñānasya 
TBV-SD 150,17	virodhaḥ sambhavati, santānocchittervivakṣitatvāt | yathā hi samyagjñānād mithyājñānasantānocchedaḥ 
TBV-SD 150,18	naivaṃ mithyājñānāt samyagjñānasantānasya, tasya satyārthatvena balīyastvāt — nivṛtte ca mithyājñāne 
TBV-SD 150,19	tanmūlatvād rāgādayo na bhavanti kāraṇābhāve kāryasyānutpādāt, rāgādyabhāve ca tatkāryā 
TBV-SD 150,20	pravṛttirvyāvartate, tadabhāve ca dharmādharmayoranutpattiḥ, ārabdhakāryayoścopabhogāt prakṣaya iti 
TBV-SD 150,21	sañcitayośca tayoḥ prakṣayastattvajñānādeva | taduktam — 
TBV-SD 150,22		“yathaidhāṃsi samiddho'gnirbhasmasātkurute kṣaṇāt | 
TBV-SD 150,23		jñānāgniḥ sarvakarmāṇi bhasmasātkurute tathā” || 
TBV-SD 150,24	athopabhogādapi prakṣaye “nābhuktaṃ kṣīyate karma kalpakoṭiśatairapi” ityāga- 
TBV-SD 150,25	mo'sti, tathā ca viruddhārthatvādubhayorekatrārthe kathaṃ prāmāṇyam ? upabhogācca prakṣaye'numānopanyāsa- 
TBV-SD 150,26	mapi kurvanti — ‘pūrvakarmāṇyupabhogādeva kṣīyante, karmatvāt, yad yat karma tat tad upabhogādeva kṣīyate, 
TBV-SD 150,27	yathā''rabdhaśarīraṃ karma, tathā caitat karma, tasmādupabhogādeva kṣīyate’ iti | na copabhogāt prakṣaye 
TBV-SD 150,28	karmāntarasyāvaśyaṃbhāvāt saṃsārānucchedaḥ, samādhibalādutpannatattvajñānasyāvagatakarmasāmarthyo- 
TBV-SD 150,29	tpāditayugapadaśeṣaśarīradvārāvāptāśeṣabhogasya karmāntarotpattinimittamithyājñānanijatānusandhāna- 
TBV-SD 150,30	vikalasya karmāntarotpattyanupapatteḥ | na ca mithyājñānābhāve'bhilāṣasyaivāsambhavād bhogānupapattiḥ, 
TBV-SD 150,31	tadupabhogaṃ vinā karmaṇāṃ prakṣayānupapatterjñānato'pi tadarthitayā pravṛtteḥ vaidyopadeśādāturasyevauṣa- 
TBV-SD 150,32	dhādyācaraṇe, jñānamapyevamaśeṣaśarīrotpattidvāreṇopabhogāt karmaṇāṃ vināśe vyāpārādagnirivopacaryata 
TBV-SD 150,33	iti vyākhyeyam, na tu sākṣāt | na caitad vācyam — tattvajñānināṃ karmavināśastattvajñānāt itareṣāṃ 
TBV-SD 150,34	tūpabhogāditi, jñānena karmavināśe prasiddhodāharaṇābhāvāt | na ca mithyājñānajanitasaṃskārasya 
TBV-SD 150,35	sahakāriṇo'bhāvāt vidyamānānyapi karmāṇi na janmāntaraśarīrāṇyārabhante ityabhyupagamaḥ śreyān, 
TBV-SD 150,36	anutpāditakāryasya karmalakṣaṇasya kāryavastuno'prakṣayānnityatvaprasakteḥ | 
TBV-SD 150,37	atha anāgatayordharmādharmayorutpattipratiṣedhe tajjñānino nitya — naimittikānuṣṭhānaṃ katham ? pratya- 
TBV-SD 150,38	vāyaparihārārtham | taduktam — 
TBV-SD 150,39		“nitya — naimittikaireva kurvāṇo duritakṣayam | 
TBV-SD 150,40		jñānaṃ ca vimalīkurvannabhyāsena tu pācayet || 
TBV-SD 151,01	
TBV-SD 151,02		“abhyāsāt pakvavijñānaḥ kaivalyaṃ labhate naraḥ | 
TBV-SD 151,03		kevalaṃ kāmye niṣiddhe ca pravṛttipratiṣedhataḥ” || 
TBV-SD 151,04	taduktam — 
TBV-SD 151,05		“nitya — naimittike kuryāt pratyavāyajihāsayā | 
TBV-SD 151,06		mokṣārthī na pravartteta tatra kāmya — niṣiddhayoḥ” || 
TBV-SD 151,07	ata eva viparyayajñānadhvaṃsādikrameṇa viśeṣaguṇocchedaviśiṣṭātmasvarūpamuktyabhyupagame na tattvajñāna- 
TBV-SD 151,08	kāryatvādanityatvaṃ vācyam, viśeṣaguṇocchedasya pradhvaṃsatvāt tadupalakṣitātmanaśca nityatvāditi; 
TBV-SD 151,09	kāryavastunaścānityatvam | na ca buddhyādivināśe guṇinastathābhāvaḥ, tasya tattādātmyābhāvāt | 
TBV-SD 151,10	atha mokṣāvasthāyāṃ caitanyasyāpyucchedānna kṛtabuddhayastatra pravarttanta ityānandarūpātmasvarūpa eva 
TBV-SD 151,11	mokṣo'bhyupagantavyaḥ | yathā tasya citsvabhāvatā nityā tathā paramānandasvabhāvatā'pi | na cātmanaḥ 
TBV-SD 151,12	sakāśāccitsvabhāvatvamānandasvabhāvatvaṃ vā'nyat, ananyatvena śrutau śravaṇāt “vijñānamānandaṃ brahma” 
TBV-SD 151,13	 iti | tasya tu paramānandasvabhāvatvasya saṃsārāvasthāyā- 
TBV-SD 151,14	mavidyāsaṃsargādapratipattirātmano'vyatiriktasyāpi, yathā rajjvāderdravyasya tattvāgrahaṇā'nyathāgrahaṇābhyāṃ 
TBV-SD 151,15	svarūpaṃ na prakāśate yadā tvavidyānivṛttistadā tasya svarūpeṇa prakāśanam, evaṃ brahmaṇo'pi tattvāgrahā'nya- 
TBV-SD 151,16	thāgrahābhyāṃ bhedaprapañcasaṃsargādānandādisvarūpaṃ na prakāśate mumukṣuyatnena tu yadā'nādyavidyāvyāvṛtti- 
TBV-SD 151,17	stadā svarūpapratipattiḥ, saiva mokṣaḥ | ata evoktam — 
TBV-SD 151,18	“ānandaṃ brahmaṇo rūpaṃ tacca mokṣe'bhivyajyate” | iti, ‘brahmaṇaḥ’ iti ca sukhasya 
TBV-SD 151,19	ṣaṣṭhyā vyatirekābhidhāne'pi na bhedastanmahattvavat, saṃsārāvasthāyāṃ tvapratibhāsāt tayā tasya 
TBV-SD 151,20	vyatirekābhidhānam | yathā ātmano mahattvaṃ nijo guṇo na ca saṃsārāvasthāyāmātmagrahaṇe'pi 
TBV-SD 151,21	pratibhāti tadvannityaṃ sukhamavidyāsaṃsargāt mukteḥ pūrvamātmā'vyatiriktaṃ taddharmo vā na pratibhāti | 
TBV-SD 151,22	mahattvavat sarveśvaratvaṃ sadā prabuddhatvaṃ satyasaṅkalpāditvaṃ ca brahmasvabhāvamapi na prakāśate avidyā- 
TBV-SD 151,23	saṃsargāt | anādyavidyocchede tu svarūpāvasthe brahmaṇi teṣāṃ pratibhāsastadvat paramānandasvabhāvatvasyāpīti | 
TBV-SD 151,24	asadetat apramāṇakatvāt | tathāhi — na tāvadevaṃvidho'bhyupagamaḥ prekṣāvatā'pramāṇako'- 
TBV-SD 151,25	ṅgīkartuṃ yuktaḥ atiprasaṅgāt | pramāṇavattve ca pratyakṣā'numānā''gamebhyo'nyatamad vaktavyam | 
TBV-SD 151,26	tatra na tāvat pratyakṣam etadarthavyavasthāpakam, asmadādīndriyajanyapratyakṣasyātra vastuni vyāpārānu- 
TBV-SD 151,27	palambhāt | ‘yogipratyakṣaṃ tvevaṃ pravarttate utānyathā’ iti adyāpi vivādagocaram | 
TBV-SD 151,28	kiñca, nityasya sukhasya tasyāmavasthāyāmabhivyaktiravaśyaṃ saṃvedanam — anyathā'bhivyaktyabhāvāt- 
TBV-SD 151,29	tatra ca vikalpadvayam — nityamanityaṃ vā tad bhavet ? nityatve tasya mukti — saṃsārāvasthayoraviśeṣaprasaṅgaḥ — 
TBV-SD 151,30	saṃsārāvasthasyā'pi nityasukhasaṃvedanasya nityatvāt muktāvasthāyāmapi tatsaṃvedanādeva muktatvam, 
TBV-SD 151,31	tacca saṃsāryavasthāyāmapyaviśiṣṭam | api ca, karaṇajanyena sukhena sāhacaryaṃ saṃsāryavasthāyāṃ 
TBV-SD 151,32	tasya gṛhyeta tataśca sukhadvayopalambhaḥ sarvadā bhavet | atha dharmādharmaphalena sukhādinā nityasukha- 
TBV-SD 151,33	saṃvedanasya saṃsārāvasthāyāṃ pratibaddhatvānnānubhavaḥ, śarīrādinā vā pratibandhāt tannānubhūyate tena 
TBV-SD 151,34	na dvayoravasthayoraviśeṣaḥ | nāpi yugapat sukhadvayopalambhaḥ, ayuktametat; śarīrāderbhogārthatvānna 
TBV-SD 151,35	tadeva nityasukhānubhavapratibandhakāraṇam; na hi yad yadarthaṃ tat tasyaiva pratibandhakaṃ dṛṣṭam | na ca 
TBV-SD 151,36	vaiṣayikasukhānubhavena nityasukhānubhavapratibandhaḥ sambhavati | tathāhi — na tāvat sukhasya nāpi tadanu- 
TBV-SD 151,37	bhavasya pratibandho'nutpattilakṣaṇo vināśalakṣaṇo vā yuktaḥ, dvayorapi nityatvābhyupagamāt | nāpi 
TBV-SD 151,38	saṃsārāvasthāyāṃ bāhyaviṣayavyāsaṅgād vidyamānasyāpyanubhavasyāsaṃvedanam tadabhāvāttu mokṣāvasthāyāṃ 
TBV-SD 151,39	saṃvedanamityapyasti viśeṣaḥ, nityasukhe hyanubhavasyāpi nityatvād vyāsaṅgānupapatteḥ | tathāhi — 
TBV-SD 151,40	ātmano rūpādiviṣayajñānotpattau viṣayāntare jñānānutpattirvyāsaṅgaḥ, evamindriyasyāpyekasmin 
TBV-SD 151,41	viṣaye jñānajanakatvena pravṛttasya viṣayāntare jñānājanakatvaṃ vyāsaṅgaḥ | na caivamātmano rūpādiviṣaya- 
TBV-SD 151,42	jñānotpattau nityasukhe jñānānutpattiḥ, tajjñānasyāpi nityatvāt | śarīrādestu sukhapratibandhakatvā- 
TBV-SD 152,01	bhyupagame tadapahanturhisāphalaṃ na syāt | tathāhi — pratibandhavighātakṛdupakāraka eveti dṛṣṭāntena 
TBV-SD 152,02	nityasukhasaṃvedanapratibandhakasya śarīrāderhanturhisāphalasyābhāvaḥ | 
TBV-SD 152,03	athānityaṃ tatsaṃvedanaṃ tadā tadavasthāyāṃ tasyotpattikāraṇaṃ vācyam | atha yogajadharmāpekṣaḥ puru- 
TBV-SD 152,04	ṣāntaḥkaraṇasaṃyogo'samavāyikāraṇam, na; yogajadharmasyāpyanityatayā vināśe apekṣākāraṇābhā- 
TBV-SD 152,05	vāt | athādyaṃ yogajadharmādupajātaṃ vijñānamapekṣyottaraṃ vijñānaṃ tasmāccottaramiti santānatvam, 
TBV-SD 152,06	tanna; pramāṇābhāvāt | tathā ca śarīrasambandhānapekṣaṃ vijñānamevātmāntaḥkaraṇasaṃyogasyāpekṣākāraṇa- 
TBV-SD 152,07	miti na dṛṣṭam; na ca dṛṣṭaviparītaṃ śakyamanujñātum | ākasmikaṃ tu kāryaṃ na bhavatyeva | atha 
TBV-SD 152,08	matam — śarīrādirahitasyāpi tasyāmavasthāyāṃ yogajadharmānugrahāt sukhasaṃvedanamutpadyate | tathāhi — 
TBV-SD 152,09	mumukṣupravṛttiriṣṭādhigamārthā, prekṣāpūrvakāripravṛttitvāt, kṛṣībalādiprekṣāpūrvakāripravṛttivat, evam 
TBV-SD 152,10	teṣāṃ śāstrīya upadeśa iṣṭādhigamārthaḥ, upadeśatvāt, tadanyopadeśavat, tadetat pratipāditam — 
TBV-SD 152,11	“nobhayamanarthakam” iti, mokṣasukhasaṃvedanānabhyupagame pravṛttyupadeśayorna kiñcit phalaṃ bhavet, 
TBV-SD 152,12	etaccāyuktam; pravṛttyupadeśayoranyathāsiddhatvāt | bhavet sādhyasiddhiryathoktāddhetudvayāt yadyekānte- 
TBV-SD 152,13	naiva pravṛtterupadeśasya ca iṣṭādhigamārthatvaṃ bhavet, tayostvanyathā'pi darśanāt nābhimatasādhyasā- 
TBV-SD 152,14	dhakatvam | tathāhi — āturāṇāṃ cikitsāśāstrārthānuṣṭhāyināmaniṣṭapratiṣedhārthā pravṛttirdṛśyate upade- 
TBV-SD 152,15	śaśca, ataḥ kathamiṣṭaprāptyarthatā pravṛttyupadeśayoḥ ? kiñca, iṣṭāniṣṭayoḥ sāhacaryamavaśyambhāvi, ato 
TBV-SD 152,16	yadīṣṭādhigamārthā pravṛttistadā balāt tasyāmavasthāyāmaniṣṭasaṃvedanamāpatati, na hīṣṭamaniṣṭānanuṣaktaṃ 
TBV-SD 152,17	kvacidapi vidyate | tasmādaniṣṭahānārthāyāmapi pravṛttāviṣṭaṃ hātavyam, tayorvivekahānasyāśakyatvāt | 
TBV-SD 152,18	kiñca, dṛṣṭabādhaśca tulyaḥ | tathāhi — yathā muktyavasthāyāmanityaṃ sukhamatikramya nityamupeyate pramāṇaśūnyaṃ 
TBV-SD 152,19	tadviruddhaṃ ca tathā śarīrādīnyapi nityasukhabhogasādhanāni varaṃ kalpitāni, evaṃ muktasya nityasukha- 
TBV-SD 152,20	pratipattiḥ sādhvī syāt | atha śarīrādīnāṃ kāryatvāt kathaṃ nityatā pramāṇabādhitatvāccharīrādīnāṃ 
TBV-SD 152,21	nityatvamaśakyaṃ sādhayitum ? nanvetat sukhe'pi samānam, dṛṣṭasya sukhasyopajanā'pāyadharmakasya 
TBV-SD 152,22	tadvaikalyaṃ pramāṇabādhitatvāt kathaṃ parikalpayituṃ śakyam ? atha syādeṣa doṣaḥ yadi dṛṣṭasyaiva sukhasya 
TBV-SD 152,23	nityatvamasmābhirupeyeta yāvatā dṛṣṭasukhavyatiriktamātmadharmatvenābhimataṃ nityaṃ tataśca kathaṃ dṛṣṭavirodhaḥ ? 
TBV-SD 152,24	asadetat; tatra pramāṇābhāvādityuktatvāt | yadapyanumānaṃ tatsiddhaye pradarśitaṃ tadapi pravṛtteraniṣṭa- 
TBV-SD 152,25	pratiṣedhārthatvānnaikāntenābhimatasādhyasādhakam | 
TBV-SD 152,26	mā bhūdanumānam, āgamastu nityasukhasādhakastasyāmavasthāyāṃ bhaviṣyati, tathā ca pūrvamuktam 
TBV-SD 152,27	“vijñānamānandaṃ brahma” iti, asadetat; tadāgamasyaitadarthatvāsiddheḥ | athāpi kathañcid nityasukha- 
TBV-SD 152,28	pratipādakatvaṃ tasyābhyupagamyate tathāpyātyantike saṃsāraduḥkhābhāve sukhaśabdo gauṇaḥ, na tu nitya- 
TBV-SD 152,29	sukhapratipādakatvād mukhyaḥ | atha kathaṃ duḥkhābhāve sukhaśabda upeyate ? lokavyavahārāddhi śabdārtha- 
TBV-SD 152,30	sambandhāvagamaḥ, sukhaśabdaśca duḥkhābhāve loke anavagatasambandhaḥ kathamāgame duḥkhābhāvaṃ pratipādayati ? 
TBV-SD 152,31	naiṣa doṣaḥ; na hi loke mukhya evārthe prayogaḥ śabdānāṃ kintu gauṇe'pi | tathāhi — duḥkhābhāve'pi 
TBV-SD 152,32	sukhaśabdaṃ prayuñjānā lokā upalabhyante; yathā jvarādisantaptā yadā jvarādibhirvimuktā bhavanti 
TBV-SD 152,33	tadā'bhidadhati ‘sukhinaḥ saṃvṛttāḥ smaḥ’ iti | kiñca, iṣṭārthādhigamārthāyāṃ ca mumukṣoḥ pravṛttau rāgani- 
TBV-SD 152,34	bandhanā tasya pravṛttirbhavet; tataśca na mokṣāvāptiḥ, kleśānāṃ bandhahetutvāt | 
TBV-SD 152,35	atha vadet yathā sukharāganibandhanāyāṃ pravṛttau rāgasya bandhanahetutvād mokṣābhāvastathā duḥkhā- 
TBV-SD 152,36	bhāvārthāyāmapi, tatrāpi duḥkhe tatsādhane vā doṣadarśanād dviṣṭastadabhāvāya pravarttate | yathā ca 
TBV-SD 152,37	rāgakleśo bandhanahetustathā dveṣo'pītyaviśeṣaḥ | yaccoktam ‘duḥkhābhāve sukhaśabdaprayogāt tadabhāva 
TBV-SD 152,38	eva sukham’ tadayuktam; yugapat sukha — duḥkhayoranubhavāt yathā grīṣme santāpataptasya kvacicchīte hrade 
TBV-SD 152,39	nimagnārddhakāyasyārddhe nimagne sukhamanyatra duḥkham | atha matam — yat tadarddhe nimagne tad duḥkhābhāvaḥ 
TBV-SD 152,40	sukham anyatra duḥkhamiti, tarhi nārakāṇāṃ sukhitvaprasaṅgaḥ, kvacinnarake duḥkhānubhavādanyanarakasambandhi- 
TBV-SD 152,41	duḥkhābhāvācca | tathā, anekendriyadvārasya duḥkhasya kenacidindriyeṇa duḥkhotpāde'nyenājanane sukhitva- 
TBV-SD 153,01	prasaṅgaḥ, api ca, aduḥkhitasyāpi viśiṣṭaviṣayopabhogāt sukhaṃ dṛṣṭaṃ tatra kathaṃ duḥkhābhāvaḥ sukham ? 
TBV-SD 153,02	yatrāpi duḥkhasaṃvedanapūrvaṃ yathā kṣudduḥkhe bhojanaprāptau tṛptasya tadvinivṛtteḥ tatrāpyanna — pānayorviśeṣāt sukha- 
TBV-SD 153,03	viśeṣo na bhavet, dṛśyate ca laukikānāṃ tadarthamannādiviśeṣopādānam; anyathā yena kenacid anna- 
TBV-SD 153,04	mātreṇa ca kṣudduḥkhanivṛttau nānna — pānaviśeṣaṃ laukikā upādadīran | sukhasya ca bhāvarūpatvāt sāti- 
TBV-SD 153,05	śayatve tatsādhanaviśeṣo yujyate, duḥkhābhāvasya tu sarvopākhyāvirahalakṣaṇatvāt kiṃ sādhanaviśeṣeṇa ? 
TBV-SD 153,06	yepyevamupāgaman “yadā'pi pūrvaṃ duḥkhaṃ nāsti tadāpyabhilāṣasya duḥkhasvabhāvatvāt tannibarhaṇa- 
TBV-SD 153,07	svabhāvaṃ sukham” te'pi na samyak pratipannāḥ; yato'nabhilāṣasya viṣayaviśeṣasaṃvittau 
TBV-SD 153,08	na sukhitā syāt, dṛśyate tasyāmapyavasthāyāṃ ramaṇīyaviṣayasamparke hlādotpattiḥ | 
TBV-SD 153,09	tatraitat syāt yatraivābhilāṣaḥ sa eva viṣayopabhogena sukhī nānyaḥ, tadabhilāṣanivṛttyaiva viṣayāḥ 
TBV-SD 153,10	sukhayitāro'nyathā yadekasya sukhasādhanaṃ tadaviśeṣeṇa sarveṣāṃ syāt | yadā tu kāmanivṛttyā sukhitvaṃ 
TBV-SD 153,11	tadā yasyaivābhilāṣo yatra viṣaye sa eva tasya sukhasādhanaṃ nānyaḥ, ataśca yaduktam ‘akāmasyāpi 
TBV-SD 153,12	kvacidviṣayopabhoge sukhitvadarśanānna kāmākhyaduḥkhanivṛttireva sukham’ tadayuktam; tatrākāmasyāpi 
TBV-SD 153,13	viśiṣṭaviṣayopabhogāt kāmābhivyaktau tannivṛttereva sukhatvāditi | 
TBV-SD 153,14	etadapyayuktam; 
TBV-SD 153,15	yato nāvaśyaṃ viṣayopabhogo'bhilāṣanibarhaṇaḥ | yathoktam — 
TBV-SD 153,16		“na jātu kāmaḥ kāmānāmupabhogena śāmyati | 
TBV-SD 153,17		haviṣā kṛṣṇavartmeva bhūya evābhivarddhate” || 
TBV-SD 153,18	tathā tatra bhagavatā patañjalinā'pyuktam — “bhogābhyāsamanuvardhante rāgāḥ, kauśalāni cendriyāṇām” 
TBV-SD 153,19	 iti | api ca, anyathāpyabhilāṣanivṛttirdṛṣṭā yathā viṣaya- 
TBV-SD 153,20	doṣadarśanāt, tatrāpi bhavatāṃ mate viṣayopabhogatulyaṃ sukhaṃ bhavet tulye cābhimatārthalābhe sukhaviśeṣo 
TBV-SD 153,21	na syāt abhilāṣanivṛtteraviśeṣāt | 
TBV-SD 153,22	atha vadet abhilāṣātireke tannivṛttau sukhātirekābhimāno'nyatrānyatheti, tadapyasāmpratam; 
TBV-SD 153,23	yato'bhilāṣātirekāt prayasyantaṃ prāpto'rtho na tathā prīṇayati yathā'prārthito vinā prayāsādupanataḥ | 
TBV-SD 153,24	evameva ca lokavyavahāraḥ — yatnaśatāvāpte'rthe kleśaprāpto'yamiti na tena tathā sukhino bhavanti 
TBV-SD 153,25	yathā'nāśaṃsitaprāptena | tanna duḥkhābhāvamātraṃ sukhaṃ kintu tadvyatirekeṇa svarūpataḥ sukhamastīti | 
TBV-SD 153,26	tadasamīcīnam; na hi asmākaṃ duḥkhābhāva eva sukham — tathā ca bhāṣyakṛtā tatra tatrābhihitam — 
TBV-SD 153,27	“na sarvalokasākṣikaṃ sukhaṃ pratyākhyātuṃ śakyam” | tathā'nyatrāpyuktam — “na pratyātmaveda- 
TBV-SD 153,28	nīyasya sukhasya pratīteḥ pratyākhyānam” | evaṃ cānabhyupagatasya pakṣasyopa lambhaḥ, 
TBV-SD 153,29	prakṛte tu sukhe pratipādyate duḥkhābhāvamātre sukhaśabdo na tu sukhe eva, tasya pramāṇato'nupapatteḥ | 
TBV-SD 153,30	tathā ca muktasya nityasukhābhivyaktau pratyakṣā'numānayorniṣedhe āgamamātramavaśiṣyate tasya ca gauṇatve- 
TBV-SD 153,31	nāpyupapatterna mukhyasya sukhasya sambhavaḥ | 
TBV-SD 153,32	nityasukhābhyupagame ca vikalpadvayam — kiṃ tad ātmasvarūpaṃ svaprakāśam, utasvit tadvyatiriktaṃ 
TBV-SD 153,33	pramāṇāntaraprameyam ? pūrvasmin vikalpe ātmasvarūpavat svaprakāśasukhasaṃvittiḥ sarvadā bhavet; 
TBV-SD 153,34	tataśca baddha — muktayoraviśeṣaḥ | tatraitat syāt — anādyavidyācchāditatvāt svaprakāśānandasaṃvittirna 
TBV-SD 153,35	saṃsāriṇaḥ, yadā tu yatnādanāderavidyātattvasyāpagamastadācchādakābhāvāt svaprakāśānandasaṃvedanam, 
TBV-SD 153,36	etadapeśalam; ācchādyate hyaprakāśasvabhāvam; yattu svaprakāśarūpaṃ tat kathamanyenācchādyeta ? 
TBV-SD 153,37	ye'pi pratipedire “meghādinā savitṛprakāśaḥ savitā vā svaprakāśa evā''cchādyate” 
TBV-SD 153,38	te'pi na samyak saṃcakṣate; na svaprakāśasya meghādinā''varaṇam, āvṛtatve hi tenāhorātra- 
TBV-SD 153,39	yoraviśeṣo bhavet, dṛśyate ca viśeṣaḥ tasmānna kasyacit svaprakāśasyāvṛtiḥ | api ca, meghādestato'- 
TBV-SD 154,01	rthāntaratvādāvārakatvaṃ yuktam, avidyāyāstu tattvānyatvenānirvacanīyatvena tucchasvabhāvatvāt na 
TBV-SD 154,02	svaprakāśasvabhāve ānande āvaraṇaśaktiḥ | tat sarvadā svaprakāśānandānubhavaprāptiḥ dharmā'dharmaja- 
TBV-SD 154,03	nitābhyāṃ ca sukha — duḥkhābhyāṃ saha yugapat saṃvedanaṃ prasaktam na caitad dṛśyate tasmānna pūrvo vikalpaḥ | 
TBV-SD 154,04	nāpyuttaraḥ, tatpratipādakasya pratyakṣāderniṣiddhatvāt bādhakasya ca pradarśitatvāt | atastatpra- 
TBV-SD 154,05	tipādaka āgamaḥ pramāṇaviruddhārthapratipādakatvādgauṇatvena vyākhyāyate śāstradṛṣṭaviruddhānyavākyavat | 
TBV-SD 154,06	etaccābhyupagamyoktam, na tu sukhasya bodhasvabhāvatā'pi vidyate tatsvabhāvatānirākaraṇāt | 
TBV-SD 154,07	yaccoktam ‘sukharāgeṇa pravṛttasya mumukṣoryathā bandhaprasaṅgastathā dveṣanibandhanāyāmapi pravṛttāvava- 
TBV-SD 154,08	śyambhāvī bandhaḥ’ tadayuktam; mumukṣordveṣābhāvāt; sa hi viṣayāṇāṃ tattvadarśī teṣvāropitaṃ sukhatvaṃ 
TBV-SD 154,09	tatsādhanatvaṃ vā tattvajñānābhyāsādanyathā pratipadyate | evaṃ ca tasyā''ropitākāramithyājñānavyāvṛ- 
TBV-SD 154,10	ttāvuttarottarakāryābhāvādapavarga ucyate, na tu tasya duḥkhasādhane dveṣaḥ kintvāropite sukhe tatsādhane vā 
TBV-SD 154,11	tattvajñānābhyāsād rāgābhāvaḥ na ca sa eva dveṣaḥ, tasya rāgābhāvasavyatirekeṇa pratyakṣeṇa svarūpasaṃvitteḥ, 
TBV-SD 154,12	anyathopekṣaṇīye vastuni rāgābhāve dveṣaḥ syāt na caitad dṛṣṭam, tasmānna mumukṣordveṣanibandhanā pravṛttiḥ | 
TBV-SD 154,13	bhavatuvā, tathāpi na tasya bandhaḥ, dveṣo hi sa bandhaheturya utpannaḥ svaviṣaye vāg — manaḥ — kāyalakṣaṇāṃ 
TBV-SD 154,14	śāstraviruddhāṃ puruṣasya pravṛttiṃ kārayati; tasya śāstraviruddhārthācaraṇe'dharmotpattidvāreṇa śarīrādi- 
TBV-SD 154,15	grahaṇam tannibandhanaṃ ca duḥkham | ayaṃ tu mumukṣorviṣayeṣu dveṣaḥ sakalapravṛttipratipanthitvāddharmādharma- 
TBV-SD 154,16	yoranutpattau śarīrādyabhāvānna kevalaṃ na bandhāya kintu svātmaghātāya kalpate | tadidamuktam — “prahāṇe 
TBV-SD 154,17	nityasukharāgasyāpratikūlatvam | nāsya nityasukhābhāvaḥ pratikūla ityarthaḥ | 
TBV-SD 154,18	yadyevaṃ muktasya nityaṃ sukhaṃ bhavati athāpi na bhavati, nāsyobhayoḥ pakṣayormokṣādhigamābhāvaḥ” 
TBV-SD 154,19	
TBV-SD 154,20	anena ca bhāṣyavākyena na muktasya nityasukhasaṃvittirupeyate — tasyāḥ pramāṇavādhitatvāt — kintu 
TBV-SD 154,21	sarvathā yadarthaṃ śāstramārabdhaṃ tasyopapattiranena pratipādyate, vākyasvābhāvyāt | taddhi kiñcidvastvabhi- 
TBV-SD 154,22	dhānavṛttyā pratipādayadapi tātparyaśakteranyatra bhāvānna śrūyamāṇārthaparaṃ paranyāyavidbhiḥ parigṛhyate, 
TBV-SD 154,23	viṣabhakṣaṇādivākyavat | tanna paramānandaprāptirmokṣaḥ | 
TBV-SD 154,24	nāpi viśuddhajñānotpattiḥ, rāgādimato vijñānāt tadrahitasya tasyotpatterayogāt | tathāhi — 
TBV-SD 154,25	yathā bodhād bodharūpatā jñānāntare tadvad rāgādirapi syāt, tādātmyāt, viparyaye tadabhāvaprasaṅgāt | 
TBV-SD 154,26	na ca vilakṣaṇādapi kāraṇād vilakṣaṇakāryasyotpattidarśanāt bodhād bodharūpateti pramāṇamasti, ata 
TBV-SD 154,27	eva jñānasya jñānāntarahetutve na pūrvakālabhāvitvaṃ samānajātīyatvamekasantānatvaṃ vā hetuḥ, vyabhi- 
TBV-SD 154,28	cārāt | tathāhi — pūrvakālatvaṃ tatsamānakṣaṇaiḥ samānajātīyatvaṃ ca santānāntarajñānairvyabhicārīti | 
TBV-SD 154,29	teṣāṃ hi pūrvakālatve tatsamānajātīyatve'pi na vivakṣitajñānahetutvamiti | ekasantānatvaṃ cāntya- 
TBV-SD 154,30	jñānena vyabhicaratīti | 
TBV-SD 154,31	atha neṣyata evāntyajñānaṃ sarvadā''rambhāt | tathāhi — maraṇaśarīrajñānamapi jñānāntarahetuḥ, 
TBV-SD 154,32	jāgradavasthājñānaṃ ca suṣuptāvasthājñānasyeti | nanvevaṃ maraṇaśarīrajñānasyāntarābhavaśarīrajñānahetutve 
TBV-SD 154,33	garbhaśarīrajñānahetutve vā santānāntare'pi jñānajanakatvaprasaṅgaḥ, niyamahetorabhāvāt | atheṣyata 
TBV-SD 154,34	evopādhyāyajñānaṃ śiṣyajñānasya, anyasya kasmānna bhavatīti ? atha karmavāsanā niyāmiketi cet, 
TBV-SD 154,35	na; tasyā vijñānavyatirekeṇāsambhavāt | tathāhi — tādātmye sati vijñānaṃ bodharūpatayā'viśiṣṭaṃ 
TBV-SD 154,36	bodhācca bodharūpatetyaviśeṣeṇa vijñānaṃ vidadhyāt | 
TBV-SD 154,37	yaccedam ‘suṣuptāvasthājñānasya jāgradavasthājñānaṃ kāraṇam’ iti, sadetat; suṣuptāvasthāyāṃ 
TBV-SD 154,38	hi jñānasadbhāve jāgradavasthāto na viśeṣaḥ syāt; ubhayatrāpi svasaṃvedyajñānasya sadbhāvāviśeṣāt | 
TBV-SD 155,01	middhenābhibhūtatvaṃ viśeṣa iti cet, asadetat; tasyāpi taddharmatayā tādātmyenābhibhāvakatvā- 
TBV-SD 155,02	yogāt | vyatireke tu rūpādipadārthānāmeva sattvāt tatsvarūpaṃ nirūpyam, abhibhavaśca yadi vināśaḥ, 
TBV-SD 155,03	na vijñānasya sattvam vināśasya vā nirhetukatvam | atha tirobhāvaḥ, na; vijñānasya sattvena ‘tatsattaiva 
TBV-SD 155,04	saṃvedanam’ ityabhyupagame tasyānupapatteḥ | ataḥ suṣuptāvasthāyāṃ vijñānāsattvenāntyajñānasya sadbhā- 
TBV-SD 155,05	vādekajñānasantānatvaṃ vyabhicārīti | 
TBV-SD 155,06	yaccedam ‘viśiṣṭabhāvanāvaśād rāgādivināśaḥ’ iti, asadetat; nirhetukatvāt vināśasyā- 
TBV-SD 155,07	bhyāsānupapatteśca | abhyāso hyavasthite dhyātari atiśayādhāyakatvādupapadyate na kṣaṇike jñānamātre 
TBV-SD 155,08	iti | ata eva na yogināṃ sakalakalpanāvikalaṃ jñānamutpadyate | na ca santānāpekṣayā'tiśayaḥ, 
TBV-SD 155,09	tasyaivāsambhavād aviśiṣṭād viśiṣṭotpatterayogācca | tathāhi — pūrvasmādaviśiṣṭāduttarottaraṃ sātiśayaṃ 
TBV-SD 155,10	kathamupajāyata iti cintyam | yacca ‘saṃtānocchittirniḥśreyasam’ iti, tatra nirhetukatayā vināśa- 
TBV-SD 155,11	syopāyavaiyarthyam, ayatnasiddhatvāditi | 
TBV-SD 155,12	anye tu “anekāntabhāvanāto viśiṣṭapradeśe'kṣayaśarīrādilābho niḥśreyasam” 
TBV-SD 155,13	iti manyante | tathā ca nityabhāvanāyāṃ grahaḥ, anityatve ca dveṣa ityubhayaparihārārthamanekāntabhā- 
TBV-SD 155,14	vanā iti, evaṃ sadādiṣvapi yojyam | pratyakṣaṃ ca svadeśa — kāla — kāraṇādhāratayā sattvam 
TBV-SD 155,15	paradeśādiṣvasattvamityubhayarūpatā | tathā, ghaṭādirmṛdādirūpatayā nityaḥ sarvāvasthāsūpalambhāt, 
TBV-SD 155,16	ghaṭādirūpatayā cānityastadapāyāt, evamātmāpyātmādirūpatayā nityaḥ sarvadā sadbhāvāt, 
TBV-SD 155,17	sukhādiparyāyarūpatayā cānityastadvināśāt | evaṃ sarvatra svakāryeṣu kartṛtvam kāryāntareṣu cākartṛ- 
TBV-SD 155,18	tvamityūhyam svaśabdābhidheyatvam śabdāntarānabhidheyatvaṃ ceti | 
TBV-SD 155,19	tadetadasāmpratam, mithyājñānasya niḥśreyasakāraṇatvena pratiṣedhāt | anekāntajñānaṃ ca mithyaiva, 
TBV-SD 155,20	bādhakopapatteḥ | tathāhi — nityānityatvayorvidhipratiṣedharūpatvādabhinne dharmiṇi abhāvaḥ | evaṃ 
TBV-SD 155,21	sadasattvāderapīti | yaccedam ‘ghaṭādirmṛdādirūpatayā nityaḥ’ iti, asadetat; mṛdrūpatāyāstato'- 
TBV-SD 155,22	rthāntaratvāt | tathāhi — ghaṭādarthāntaraṃ mṛdrūpatā mṛttvaṃ sāmānyam, tasya tu nityatve na ghaṭasya 
TBV-SD 155,23	tathābhāvastato'nyatvāt; ghaṭasya tu kāraṇād vilayopalabdheranityatvameva | yaccedam ‘svadeśādiṣu 
TBV-SD 155,24	sattvaṃ paradeśādiṣvasattvam’ tadiṣyata eva, itaretarābhāvasyābhyupagamāt | tathāhi — itarasmin 
TBV-SD 155,25	deśādāvitarasya ghaṭasyābhāvo nānutpattirna pradhvaṃsaḥ, tatra tasya sarvadā'sattvāt | dvairūpye tu svade- 
TBV-SD 155,26	śādiṣvapyanupalambhaprasaṅgaḥ | evamātmano'pi nityatvameva, sukha — duḥkhādestadguṇatvena tato'rthāntarasya 
TBV-SD 155,27	vināśe'pyavināśāt | ‘kāryāntareṣu cākartṛtvam’ na pratiṣidhyate | tathāhi — yad yasyānvaya — 
TBV-SD 155,28	vyatirekābhyāmutpattau vyāpriyata ityupalabdhaṃ tat tasya kāraṇaṃ nānyasyetyabhyupagamyata eva | evaṃ 
TBV-SD 155,29	śabdānabhidheyatve'pi ‘na sarvaṃ sarvaśabdābhidheyam’ ityabhyupagamāt | na cānekāntabhāvanāto viśiṣṭa- 
TBV-SD 155,30	śarīrādilābhe'sti pratibandhaḥ | na cotpattidharmaṇāṃ śarīrādīnāmakṣayatvaṃ nyāyyam | tathā, muktā- 
TBV-SD 155,31	vapyanekānto na vyāvarttata iti mukto na muktaśceti syāt | evaṃ ca sati sa eva muktaḥ saṃsārī 
TBV-SD 155,32	ceti prasaktam | evamanekānte'pyanekāntābhyupagamo dūṣaṇam, vastunaḥ sadasadrūpatā'nekāntaḥ, tasyāne- 
TBV-SD 155,33	kāntābhyupagame rūpāntaramapi prasaktam | evaṃ nityānityarūpatāvyatiriktaṃ ca rūpāntaramityādi vācyam | 
TBV-SD 155,34	anye tu “ātmaikatvajñānāt paramātmani layaḥ saṃpadyate iti bruvate | tathāhi — ātmaiva paramārtha- 
TBV-SD 155,35	san, tato'nyeṣāṃ bhede pramāṇābhāvāt; pratyakṣaṃ hi padārthānāṃ sadbhāvagrāhakameva na bhedasya ityavidyā- 
TBV-SD 155,36	samāropita evāyaṃ bhedaḥ” iti manyante, tadapyasat; ātmaikatvajñānasya mithyārūpatayā 
TBV-SD 155,37	niḥśreyasasādhakatvānupapatteḥ, mithyātvaṃ cātmādhikāra eva vakṣyāmaḥ | evaṃ śabdādvaitajñānamapi 
TBV-SD 155,38	mithyārūpatayā na niḥśreyasasādhanamiti draṣṭavyam | yathā caiteṣāṃ mithyārūpatā tathā pratipāda- 
TBV-SD 155,39	yiṣyāmaḥ | tannānupamasukhāvasthāntaraprāptilakṣaṇātmasvarūpaṃ muktiḥ, tatsadbhāve bādhakapramāṇaprada- 
TBV-SD 155,40	rśanāt; viśeṣaguṇocchedaviśiṣṭātmasvarūpamuktisadbhāve ca pradarśitaṃ pramāṇamiti || 
TBV-SD 156,02	atra pratividhīyate — yat tāvaduktam ‘navānāmātmaviśeṣaguṇānāṃ saṃtāno'tyantamucchidyate, santā- 
TBV-SD 156,03	natvāt’ iti, atra buddhyādiviśeṣaguṇānāṃ prāk pratiṣiddhatvāt tatsantānasyābhāvādāśrayāsiddho- 
TBV-SD 156,04	hetuḥ | tathā, buddhyādīnāṃ viśeṣaguṇānāṃ pareṇa svasaṃviditatvenānabhyupagamād jñānāntaragrāhyatve vā'na- 
TBV-SD 156,05	vasthādidoṣaprasakteravedyatvamityajñātasya sattvāsiddheḥ punarapyāśrayāsiddhaḥ ‘santānatvāt’ iti hetuḥ | 
TBV-SD 156,06	kiñca, santānatvaṃ hetutvenopādīyamānaṃ yadi sāmānyamabhipretaṃ tadā buddhyādiviśeṣaguṇeṣu 
TBV-SD 156,07	pradīpe ca tejodravye sattāsāmānyavyatirekeṇāparasāmānyasyāsaṃbhavāt svarūpāsiddhaḥ | sattāsāmā- 
TBV-SD 156,08	nyarūpatve vā santānatvasya ‘sat sat’ iti pratyayahetutvameva syāt, na punaḥ santānapratyayahetutvam; 
TBV-SD 156,09	anyathā dravya — guṇa — karmasvarūpādeva ‘sat sat’ iti pratyayasaṃbhavāt sattāparikalpanāvaiyarthyam | 
TBV-SD 156,10	atha viśeṣaguṇāśritā jātiḥ santānatvaṃ hetutvenopanyastam tadā dravyaviśeṣe pradīpalakṣaṇe 
TBV-SD 156,11	sādharmyadṛṣṭānte tasyāsambhavāt sādhanavikalo dṛṣṭāntaḥ | na ca sattādilakṣaṇaṃ sāmānyamekaṃ 
TBV-SD 156,12	svādhārasarvagataṃ vā prativādinaḥ prasiddhamiti prativādyasiddho hetuḥ | na ca santānatvaṃ sāmānyaṃ 
TBV-SD 156,13	vyāptyā buddhyādiṣu vṛttimat siddham, tadvṛtteḥ samavāyasya niṣiddhatvāt; tatsattve'pi tadbalāt 
TBV-SD 156,14	santānatvasya buddhyādisambandhitve tasya sarvatrāviśeṣādākāśādiṣvapi nityeṣu santānatvasya vṛttera- 
TBV-SD 156,15	naikāntikatvam | na ca samavāyasyāviśeṣe'pi samavāyinorviśeṣāt santānatvaṃ buddhyādiṣveva varttate 
TBV-SD 156,16	nākāśādiṣviti vaktuṃ yuktam, itaretarāśrayaprasakteḥ — siddhe hi santānatvasyākāśādivyavacchedena 
TBV-SD 156,17	buddhyādivṛttitve viśeṣatvasiddhiḥ, tatsiddheścānyaparihāreṇa tadvṛttitvasiddhiritītaretarāśrayatvam | 
TBV-SD 156,18	api ca, yadi samavāyasya sarvatrāviśeṣe'pi buddhyādiviśeṣaguṇa — santānatvayoḥ pratiniyatādhārādhe 
TBV-SD 156,19	yarūpatā siddhimāsādayati tadā vyarthaḥ samavāyābhyupagamaḥ, tadvyatirekeṇāpi tayostadrūpatāsiddheḥ | 
TBV-SD 156,20	atha pramāṇaparidṛṣṭatvāt samavāyasyābhyupagamaḥ na punaḥ samavāyiviśeṣarūpatā'nyathā'- 
TBV-SD 156,21	nupapatteḥ, asadetat; tadgrāhakapramāṇasyaivābhāvāt | tathāhi — sa sarvasamavāyyanugataikasvabhāvo 
TBV-SD 156,22	vā'bhyupagamyeta, tadvyāvṛttasvabhāvo vā ? na tāvat tadvyāvṛttasvabhāvaḥ samavāyaḥ, sarvato vyāvṛ- 
TBV-SD 156,23	ttasvabhāvasyānyāsambandhitvena nīlasvarūpavat samavāyatvānupapatteḥ | nāpi tadanugataikasvabhāvaḥ, 
TBV-SD 156,24	sāmānyavat tatsamavāyatvāyogāt — nityasya sato'nekatravṛtteḥ sāmānyasya pareṇa samavāyatvāna- 
TBV-SD 156,25	bhyupagamāt | na ca samavāyasvarūpasyāpi grāhakatvena nirvikalpakaṃ savikalpakaṃ vā'dhyakṣaṃ pravarttate 
TBV-SD 156,26	kimuta tasyānekasamavāyyanugataikatadviśeṣarūpasya, tadagrahaṇe tadanugataikarūpasyāpi apratibhāsa- 
TBV-SD 156,27	nāditi sāmānyapratiṣedhaprastāve pratipāditatvāt | nāpi tatra pratyakṣāpravṛttau tatpūrvakasyānumā- 
TBV-SD 156,28	nasyāpi pravṛttiḥ | 
TBV-SD 156,29	atha sambandhatvenāsāvadhyavasīyate, tadayuktam; yataḥ kiṃ ‘sambandhaḥ’ iti buddhyā'dhyavasīyate, 
TBV-SD 156,30	āhosvid ‘iha’ iti buddhyā, uta ‘samavāyaḥ’ iti pratītyā ? 
TBV-SD 156,31	tad yadi sambandhabuddhyā tadā vaktavyam — ko'yaṃ sambandhaḥ ? kiṃ sambandhatvajātiyuktaḥ, āho- 
TBV-SD 156,32	svidanekopādānajanitaḥ, anekāśrito vā, sambandhabuddhiviṣayo vā, sambandhabuddhyutpādako vā ? 
TBV-SD 156,33	tad yadi sambandhatvajātiyuktaḥ sa na yuktaḥ, samavāyāsambandhatvaprasaṅgāt | athānekopādānajanita- 
TBV-SD 156,34	stadā ghaṭāderapi sambandhatvaprasaṅgaḥ | athānekāśritastadā ghaṭajātyādau sambandhatvaprasaṅgaḥ | atha 
TBV-SD 156,35	sambandhabuddhyutpādakastadā locanāderapi sambandhatvaprasaktiḥ | atha sambandhabuddhyavaseyastadā ghaṭā- 
TBV-SD 156,36	diṣvapi sambandhaśabdavyutpādane sambandhajñānaviṣayatve sambandhatvaprasaṅgaḥ; tathā, sambandhetarayoreka- 
TBV-SD 156,37	jñānaviṣayatve itarasya sambandharūpatāprasaktiḥ | atha sambandhākāraḥ, sambandhaḥ, saṃyogābhedaprasaṅgaḥ; 
TBV-SD 156,38	atrāntarākārabhedaśca na bhedakaḥ, tasyā'prasiddheḥ | 
TBV-SD 156,39	athehabuddhyā'vaseyaḥ samavāyaḥ, na; ihabuddheradhikaraṇādhyavasāyarūpatvāt | na cānyasminnākāre 
TBV-SD 156,40	pratīyamāne'nyākāro'rthaḥ kalpayituṃ yuktaḥ, atiprasaṅgāt | 
TBV-SD 157,01	atha samavāyabuddhyā samavāyaḥ pratīyata ityabhyupagamaḥ, sopyanupapannaḥ; samavāyabuddheranupapatteḥ; 
TBV-SD 157,02	na hi ‘ete tantavaḥ, ayaṃ paṭaḥ, ayaṃ samavāyaḥ’ iti parasparaviviktaṃ tritayaṃ bahirgrāhyākāratayā 
TBV-SD 157,03	kasyāṃcit pratītāvudbhāti tathānubhavābhāvāt | 
TBV-SD 157,04	athānumānena pratīyate, ayuktametat; pratyakṣābhāve tatpūrvakasyānumānasyāpyavṛtteḥ | sāmānya- 
TBV-SD 157,05	todṛṣṭamapi nātra vastuni pravarttate, tatprabhavakāryānupalabdheḥ | na ca ihabuddhireva samavāyajñāpikā — 
TBV-SD 157,06	‘iha tantuṣu paṭaḥ’ iti pratyayaḥ sambandhanimittaḥ, abādhitehapratyayatvāt, ‘iha kuṇḍe dadhi’ iti 
TBV-SD 157,07	pratyayavat iti, vikalpānupapatteḥ | tathāhi — kiṃ nimittamātramanena pratīyate, uta sambandhaḥ ? yadi 
TBV-SD 157,08	nimittamātraṃ tadā siddhasādhyatā | atha sambandhaḥ, sa saṃyogaḥ, samavāyo vā ? saṃyogapratipattāva- 
TBV-SD 157,09	bhyupagamabādhā | samavāyānumāne sambandhavyatirekaḥ | na cānyasya sambandhe satyanyasya gamakatvam, 
TBV-SD 157,10	atiprasaṅgāt | nahi devadattendriya — ghaṭasambandhe yajñadattendriyaṃ rūpādikamarthaṃ karaṇatvāt prakāśayad 
TBV-SD 157,11	dṛṣṭam | tanna samavāyaḥ kasyacit pramāṇasya gocaraḥ | na ca tasya samavāyibhyāmasambaddhasya sambandha- 
TBV-SD 157,12	rūpatā | na ca tatsambandhanimitto'paraḥ samavāyo'bhyupagamyate; abhyupagame vā'navasthāprasaṅgaḥ | 
TBV-SD 157,13	viśeṣaṇaviśeṣyabhāvasyāpi tatsambandhanimittasya sambandhābhyupagame'navasthādikaṃ dūṣaṇaṃ samānam | 
TBV-SD 157,14	na cāsambandhasyāpi tasya sambandharūpatvādaparapadārthasambandhakatvamiti vācyam, vihitottaratvāt | 
TBV-SD 157,15	na ca samavāyasyānyasya vā ekāntanityasya kāryajanakatvaṃ sambhavati, nitye krama — yaugapadyābhyāmartha- 
TBV-SD 157,16	kriyāvirodhasya pratipādayiṣyamāṇatvāt | na ca tadabhāve padārthānāṃ sattvam, sattāsambandhitvena 
TBV-SD 157,17	tasya niṣiddhatvānniṣetsyamānatvācca | tadevaṃ samavāyasyābhāvāt santānatvaṃ buddhyādisantāneṣu na 
TBV-SD 157,18	vṛttimat siddhamiti santānatvalakṣaṇo hetuḥ kathaṃ nā'siddhaḥ ? 
TBV-SD 157,19	athopādānopādeyabhūtabuddhyādilakṣaṇaṃ pravāharūpameva santānatvaṃ hetutvena vivakṣitam; nanvevaṃ 
TBV-SD 157,20	tasya tathābhūtasyānyatrānanuvṛtterasādhāraṇānaikāntikatvam abhyupagamavirodhaśca | na hi pareṇa 
TBV-SD 157,21	buddhikṣaṇopādāno'paraḥ sarva eva buddhikṣaṇo'bhyupagamyate ekasantānapatitaḥ | tathābhyupagame vā 
TBV-SD 157,22	muktāvasthāyāmapi pūrvapūrvabuddhyupādānakṣaṇāduttarottaropādeyabuddhikṣaṇasya saṃbhavānna buddhisantānasyā- 
TBV-SD 157,23	tyantocchedaḥ sādhyaḥ sambhavati, yathoktahetusadbhāvabādhitatvāt | 
TBV-SD 157,24	atha pūrvāparasamānajātīyakṣaṇapravāhamātraṃ santānatvaṃ tenāyamadoṣaḥ; nanvevamapi hetorasā- 
TBV-SD 157,25	dhāraṇatvaṃ tadavastham | nahyekasantānarūpamanyānuyāyi, vyaktervyaktyantarānanugamāt; anugame vā 
TBV-SD 157,26	sāmānyapakṣabhāvī pūrvokto doṣastadavasthaḥ; anaikāntikaśca pākajaparamāṇurūpādibhiḥ tathāvidha- 
TBV-SD 157,27	santānatvasya tatra sadbhāve'pyatyantocchedābhāvāt | api ca, santānatvamapi bhaviṣyati atyantā- 
TBV-SD 157,28	nucchedaśceti viparyaye hetorbādhakapramāṇābhāvena sandigdhavipakṣavyāvṛttikatvādanaikāntikaḥ | 
TBV-SD 157,29	vipakṣe'darśanaṃ ca hetorbādhakaṃ pramāṇaṃ prāgeva pratikṣiptam | 
TBV-SD 157,30	viruddhaścāyaṃ hetuḥ, śabda — buddhi — pradīpādiṣvapyatyantānucchedavatsveva santānatvasya bhāvāt | 
TBV-SD 157,31	na hyekāntanityeṣvivānityeṣvapyarthakriyākāritvalakṣaṇaṃ sattvaṃ sambhavatīti pratipādayiṣyamāṇatvāt | 
TBV-SD 157,32	na ca pradīpādīnāmuttaraḥ pariṇāmo na pratyakṣaḥ ityetāvatā ‘te tathā na santi’ iti vyavasthāpayituṃ 
TBV-SD 157,33	śakyam; anyathā paramāṇūnāmapi pārimāṇḍalyaguṇādhāratayā pratyakṣato'pratipattestadrūpatayā'sa- 
TBV-SD 157,34	ttvaprasaṅgaḥ | atha teṣāṃ tadrūpatayā'numānāt pratipatternāyaṃ doṣaḥ; nanu sā anumānāt pratipattiḥ 
TBV-SD 157,35	prakṛte'pi tulyā | yathā hi sthūlakāryapratipattistadaparasūkṣmakāraṇamantareṇā'sambhavinī paramāṇusa- 
TBV-SD 157,36	ttāmavabodhayati tathā madhyasthitidarśanaṃ pūrvāparakoṭisthitimantareṇāsambhavi tāṃ sādhayatīti prati- 
TBV-SD 157,37	pādayiṣyate | na ca dhvastasyāpi pradīpasya vikārāntareṇa sthityabhyupagame pratyakṣabādhā, vāristhe 
TBV-SD 157,38	tejasi bhāsvararūpābhyupagame'pi tadbādhopapatteḥ | athoṣṇasparśasya bhāsvararūpādhikaraṇatejodravyā- 
TBV-SD 157,39	bhāve'sambhavādanudbhūtasya tatra parikalpanamanumānatastarhi pradīpāderapyanupādānotpattivanna santati- 
TBV-SD 157,40	vipattyabhāvamantareṇa vipattiḥ sambhavatītyanumānataḥ kiṃ na kalpyate tatsantatyanucchedaḥ anyathā 
TBV-SD 157,41	santānacaramakṣaṇasya kṣaṇāntarājanakatvenāsattve pūrvapūrvakṣaṇānāmapi tattvānna vivakṣitakṣaṇasyāpi 
TBV-SD 157,42	sattvamiti pradīpāderdṛṣṭāntasya buddhyādisādhyadharmiṇaścābhāva iti nānumānapravṛttiḥ syāt ? tasmā- 
TBV-SD 158,01	cchabda — buddhi — pradīpādīnāmapi sattve nātyantiko vyucchedo'bhyupagantavyaḥ — anyathā vivakṣitakṣaṇe'pi 
TBV-SD 158,02	sattvābhāvaḥ — iti sarvatrātyantānucchedavatyeva santānatvalakṣaṇo heturvarttata iti kathaṃ na viruddhaḥ ? 
TBV-SD 158,03	viparītārthopasthāpakasyānumānāntarasya sadbhāvādanumānabādhitaḥ pakṣaḥ, hetorvā kālātyayāpa- 
TBV-SD 158,04	diṣṭatvam | yathā cānumānasya pakṣabādhakatvam anumānabādhitapakṣanirdeśānantaraṃ prayuktatvena hetorvā 
TBV-SD 158,05	kālātyayāpadiṣṭatvaṃ tathā'sakṛt pratipāditamiti na punarucyate | 
TBV-SD 158,06	atha kiṃ tadanumānaṃ prakṛtapratijñāyā bādhakaṃ yenātrāyamuktadoṣaḥ syāt ? ucyate, pūrvāpara- 
TBV-SD 158,07	svabhāvaparihārāvāptilakṣaṇapariṇāmavān śabda — buddhi — pradīpādiko'rthaḥ, sattvāt kṛtakatvādvā, 
TBV-SD 158,08	yāvān kaścit bhāvasvabhāvaḥ sa sarvaḥ tādṛśabhāvasvabhāvavivartamantareṇa na sambhavati — 
TBV-SD 158,09	tathāhi — na tāvat kṣaṇikasya niranvayavināśinaḥ sattvasambhavo'sti, svākārānukāri jñāna- 
TBV-SD 158,10	manyadvā kāryāntaramaprāpyā''tmānam saṃharataḥ sakalaśaktivirahitasya vyomakusumāderiva sattvā — 
TBV-SD 158,11	nupapatteḥ | tādṛśasya nahi kāryakālaprāptiḥ, kṣaṇabhaṅgabhaṅgaprasakteḥ | nāpi phalasamayamātmānamaprāpayatasta- 
TBV-SD 158,12	jjananasāmarthyaṃ cirataravinaṣṭasyeva sambhavati | na ca samanantarabhāvinaḥ kāryasyotpādane kāraṇaṃ svasattā- 
TBV-SD 158,13	kāla eva sāmarthyamāpnoti, kāryakāle tasya svabhāva viśeṣāt tataḥ prāgapi kāryotpatti- 
TBV-SD 158,14	prasaṅgāt | tasmin satyabhavannasati svayameva bhavan ayaṃ bhāvaḥ tatkāryavyapadeśamapi na labhate; 
TBV-SD 158,15	na hi samarthe kāraṇe prādurbhāvamaprāpnuvat kāryamitaradvā kāraṇam atiprasaṅgāt | na ca samanantara- 
TBV-SD 158,16	bhāvaviśeṣamātreṇa tatkāryatvaṃ yuktam, samanantaraprabhavatvasyaivāsambhavāt — itaretarāśrayaprasakteḥ — iti 
TBV-SD 158,17	pratipāditatvāt | 
TBV-SD 158,18	upacaritaṃ caivaṃ tasya kāryatvamitarasya ca kāraṇatvaṃ syāt akṣaṇikavat | tatkāraṇabhāve 
TBV-SD 158,19	satyabhavantaṃ prati punaḥ kāraṇasya bhāvābhāvayorna kaścidviśeṣaḥ tato'kṣaṇikādiva kṣaṇikādapi 
TBV-SD 158,20	sattvādirvastusvabhāvo vyāvarttata eva | na hyakṣaṇike eva krama — yaugapadyābhyāmarthakriyāvirodhaḥ kiṃ tarhi 
TBV-SD 158,21	kṣaṇabhaṅge'pi | tathāhi — na tāvat kārya-kāraṇayoḥ kramaḥ sambhavati, kālabhedāt janyajanakabhāvaviro- 
TBV-SD 158,22	dhāt, cirataroparatotpannapitāputravat | na hi tādṛśasyāpekṣāpi sambhavati, anādheyā'praheyātiśa- 
TBV-SD 158,23	yatvāt, akṣaṇikavat na hi kiñcidatiśayaṃ tato nāsādayat bhāvāntaramapekṣate yataḥ kramaḥ syāt, 
TBV-SD 158,24	janya — janakayorādheyaviśeṣatve'pi na kramasambhavaḥ, kramiṇoḥ kālabhedāt tattvānupapatteḥ | yaugapadyaṃ tu 
TBV-SD 158,25	tayorhetuphalabhāvatayaivāsambhavi, samānakālayorhi na hetuphalabhāvaḥ savyetaragoviṣāṇavadapekṣānupapatteḥ | 
TBV-SD 158,26	ata eva kṛtakatvādayo'pi hetavo vastusvabhāvāḥ pariṇāmānabhyupagamavādināṃ na sambhavanti | 
TBV-SD 158,27	tathāhi — apekṣitaparavyāpāro hi bhāvaḥ svabhāvaniṣpattau kṛtaka ucyate, sā ca parāpekṣā ekāntanitya- 
TBV-SD 158,28	vadekāntā'nitye'pyasambhavinī; tadapekṣākāraṇakṛtasvabhāvaviśeṣeṇa vivakṣitavastunaḥ sambandho'pi 
TBV-SD 158,29	nopapadyeta, svabhāvabhedaprasakteḥ | abhede vā'pekṣyamāṇādapekṣakasya sarvathā''tmaniṣpattiprasaṅgāt | ataḥ 
TBV-SD 158,30	svabhāvabhinnayoḥ pratyastamitopakāryopakārakasvabhāvayorbhāvayoḥ sambandhānupapatteḥ ‘asyedam’ iti 
TBV-SD 158,31	vyapadeśasyānupapattiḥ | yadi punarapekṣamāṇasya tadapekṣyamāṇena vyatiriktamupakārāntaraṃ kriyeta, tatsa- 
TBV-SD 158,32	mbandhavyapadeśārthaṃ tatrāpyupakārāntaraṃ kalpanīyamityanavasthā sakalavyomatalāvalambinī prasajyeta | 
TBV-SD 158,33	tasmānnityā'nityapakṣayorarthakriyālakṣaṇaṃ sattvam kṛtakatvaṃ vā na sambhavatīti yat kiñcit sat kṛtakaṃ 
TBV-SD 158,34	vā tat sarvaṃ pariṇāmi, itarathā'kiñcitkarasyāvastutvaprasaṅgānnabhastalāravindrinīkusumavat — 
TBV-SD 158,35	san kṛtako vā śabda-buddhi-pradīpādiriti siddhaḥ pariṇāmī | sattvaṃ cārthakriyākāritvameva, 
TBV-SD 158,36	anyasya niṣiddhatvāt, taccātyantocchedavatsu na sambhavatyeva, tato vyāvarttamāno hetuḥ anatyantocche- 
TBV-SD 158,37	davatsveva saṃbhavatīti kathaṃ na prakṛtahetupakṣabādhakatvamāśaṅkanīyaṃ prakṛtasādhyasādhakasya hetoranekado- 
TBV-SD 158,38	ṣaduṣṭatvapratipādanāt ? 
TBV-SD 158,39	na cāsatpratipakṣatvamapyasya | tathāhi — ‘buddhyādisantāno nātyantocchedavān, sarvapramāṇānu- 
TBV-SD 158,40	palabhyamānatathocchedatvāt, yo hi sarvapramāṇānupalabhyamānatathocchedo na sa tattvenopeyaḥ, yathā 
TBV-SD 159,01	pārthivaparamāṇupākajarūpādisantānaḥ, tathāca buddhyādisantānaḥ, tasmānnātyantocchedavān’ iti 
TBV-SD 159,02	kathaṃ na satpratipakṣatvaṃ ‘santānatvāt’ ityanumānasya ? na ca prastutānumānata eva santānocchedasya 
TBV-SD 159,03	pratītau sarvapramāṇānupalabhyamānatathocchedatvamasiddham, santānatvasādhanasya satpratipakṣatvāt | 
TBV-SD 159,04	na cāsya pratipakṣasādhanasya pramāṇatve siddhe santānatvasādhanasya satpratipakṣatvam asya ca satpra- 
TBV-SD 159,05	tipakṣatve vivakṣitānupalabdheḥ pratipakṣasādhanasya pramāṇatvamiti vācyam, bhavadabhiprāyeṇa satpra- 
TBV-SD 159,06	tipakṣatvadoṣasyodbhāvanāt; paramārthatastu yathā'yaṃ doṣo na bhavati tathā pratipāditam prati- 
TBV-SD 159,07	pādayiṣyate ca | santānatvahetostvasiddhā'naikāntika — viruddhatvānyatamadoṣaduṣṭatvenāsādhanatvam, 
TBV-SD 159,08	tacca pratipāditamityalamatiprasaṅgena, diṅmātrapradarśanaparatvāt prayāsasya | 
TBV-SD 159,09	yacca ‘nirhetukavināśapratiṣedhāt santānocchede heturvācyaḥ’ ityādi, tadasaṅgatam; 
TBV-SD 159,10	samyagjñānād viparyayajñānavyāvṛttikrameṇa dharmā'dharmayostatkāryasya ca śarīrāderabhāve'pi sakala- 
TBV-SD 159,11	padārthaviṣayasamyagjñānānantānindriyajapraśamasukhādisantānasya nivṛttyasiddheḥ | na ca śarīrādi- 
TBV-SD 159,12	nimittakāraṇamātmamanaḥsaṃyogaṃ cāsamavāyikāraṇamantareṇa na jñānotpattiḥ, paralokasādhanaprastāve 
TBV-SD 159,13		“tasmādyasyaiva saṃskāraṃ niyamenānuvartate | 
TBV-SD 159,14		tannāntarīyakaṃ cittamataścittasamāśrayam” || 
TBV-SD 159,15	iti nyāyena jñānasya jñānopādānatvapratipādanāt; anyathā paralokābhāvaprasaṅgāt; nityasyātmana 
TBV-SD 159,16	samavāyikāraṇatvena jñānādikaṃ prati niṣiddhatvāt ātmamanaḥsaṃyogasya vā'samavāyikāraṇasya 
TBV-SD 159,17	pratiṣetsyamānatvāt niṣiddhatvācca saṃyogasya nimittakāraṇasya vā; pratiniyatatvena śarīrādyabhāve'pi 
TBV-SD 159,18	deśa — kālāderātmano jñānādisvabhāvasyottarajñānādyavasthārūpatayā pariṇamataḥ sahakāritvasambhavāt | 
TBV-SD 159,19	īśvarajñānaṃ ca śarīrādinimittakāraṇavikalamapyabhyupagacchati — tajjñāne'pi nityatvasya pratiṣiddha- 
TBV-SD 159,20	tvāt — na punarmuktyavasthāyāmātmanastatsvabhāvasyeti susthitam naiyāyikatvaṃ parasya | 
TBV-SD 159,21	yattūktam ‘ārabdhakāryayordharmādharmayorupabhogāt prakṣayaḥ saṃcitayośca tattvajñānāt’ ityādi, 
TBV-SD 159,22	tadapi na saṅgatam; upabhogāt karmaṇaḥ prakṣaye tadupabhogasamaye'parakarmanimittasyābhilāṣapūrvakamano — 
TBV-SD 159,23	vāk — kāyavyāpārasvarūpasya sambhavādavikalakāraṇasya ca pracuratarakarmaṇaḥ sadbhāvāt kathamātya- 
TBV-SD 159,24	ntikaḥ karmakṣayaḥ ? samyagjñānasya tu mithyājñānanivṛttyādikrameṇa pāpakriyānivṛttilakṣaṇacāritro- 
TBV-SD 159,25	pabṛṃhitasyā''gāmikarmānutpattisāmarthyavat sañcitakarmakṣaye'pi sāmarthyaṃ saṃbhāvyata eva — yathoṣṇa- 
TBV-SD 159,26	sparśasya bhāviśītasparśānutpattau samarthasya pūrvapravṛttatatsparśādidhvaṃse'pi sāmarthyamupalabdham — kintu 
TBV-SD 159,27	pariṇāmijīvājīvādivastuviṣayameva samyagjñānaṃ na punarekāntanityānityātmādiviṣayam; tasya 
TBV-SD 159,28	viparītārthagrāhakatvena mithyātvopapatteḥ | yathā caikāntavādiparikalpita ātmādyartho na saṃbhavati 
TBV-SD 159,29	tathā yathāsthānaṃ nivedayiṣyate | mithyājñānasya ca muktihetutvaṃ pareṇāpi neṣyata eva ato yaduktam 
TBV-SD 159,30	“yathaidhāṃsi” ityādi, tat sarvasaṃvararūpacāritropabṛṃhitasamyagjñānāgneraśeṣakarmakṣaye sāmarthyamabhyu- 
TBV-SD 159,31	pagamyate, tat siddhameva sādhitam | 
TBV-SD 159,32	yaccopabhogādaśeṣakarmakṣaye'numānamupanyastam, tatra yadevā''gāmikarmapratibandhe samarthaṃ samya- 
TBV-SD 159,33	gjñānādi tadeva sañcitakṣaye'pi parikalpayituṃ yuktamiti pratipāditaṃ sarvajñasādhanaprastāve | upabho- 
TBV-SD 159,34	gāttu prakṣaye stokamātrasya karmaṇaḥ pracuratarakarmasaṃyogasaṃcayopapatterna tadaśeṣakṣayo yuktisaṅgataḥ | ‘karma- 
TBV-SD 159,35	tvāt’ iti ca hetuḥ santānatvavadasiddhādyanekadoṣaduṣṭatvānna prakṛtasādhyasādhakaḥ | asiddhatvādido- 
TBV-SD 159,36	ṣodbhāvanaṃ ca santānatvahetudūṣaṇānusāreṇa svayameva vācyaṃ na punarucyate granthagauravabhayāt | 
TBV-SD 159,37	yacca ‘samādhibalādutpannatattvajñānasya’ ityādi, tadapyayuktam; abhilāṣarūparāgādyabhāve 
TBV-SD 160,01	stryādyupabhogāsambhavāt, sambhave'pi cāvaśyaṃbhāvī ṛddhimato bhavadabhiprāyeṇa yogino'pi pracuratara- 
TBV-SD 160,02	dharmādharmasaṃbhavo'tibhogina iva nṛpatyādeḥ, vaidyopadeśapravartamānāturadṛṣṭānto'pyasaṅgataḥ, tasyāpi 
TBV-SD 160,03	nirugbhāvābhilāṣeṇa pravarttamānasyauṣadhādyācaraṇe vītarāgatvāsiddheḥ | na ca mumukṣorapi muktisukhā- 
TBV-SD 160,04	bhilāṣeṇa pravartamānasya sarāgatvam, samyagjñānapratibandhakarāgavigamasya sarvajñatvānyathānupapattyā 
TBV-SD 160,05	prāk prasādhitatvāt | bhavopagrāhikarmanimittasya tu vāg — buddhi — śarīrā''rambhapravṛttirūpasya 
TBV-SD 160,06	sātajanakasya śaileśyavasthāyāṃ mumukṣorabhāvāt pravṛttikāraṇatvenābhyupagamyamānasya sukhābhilā- 
TBV-SD 160,07	ṣasyāpyasiddherna mumukṣo rāgitvam | prasiddhaśca bhavatāṃ pravṛttyabhāvo bhāvidharmādharmapratibandhakaḥ | 
TBV-SD 160,08	yaśca bhāvidharmādharmābhyāṃ viruddho hetuḥ sa eva sañcitatatkṣaye'pi yukta iti pratipāditam | 
TBV-SD 160,09	ata eva samyagjñāna — darśana — cāritrātmaka eva heturbhāvi — bhūtakarmasambandhapratighātakatvād 
TBV-SD 160,10	muktiprāptyavandhyakāraṇaṃ nānya iti | tena yaduktam ‘tattvajñānināṃ karmavināśastattvajñānāt’ iti, 
TBV-SD 160,11	tadyuktameva | yattu ‘itareṣāmupabhogāt’ iti, tadayuktam; upabhogāt tatkṣayānupapatteḥ pratipādi- 
TBV-SD 160,12	tatvāt | yattu ‘nitya — naimittikānuṣṭhānaṃ kevalajñānotpatteḥ prāk kāmyaniṣiddhānuṣṭhānaparihāreṇa 
TBV-SD 160,13	jñānāvaraṇādiduritakṣayanimittatvena kevalajñānaprāptihetutvena ca pratipāditam’ tadiṣṭamevāsmākam | 
TBV-SD 160,14	kevalajñānalābhottarakālaṃ tu śaileśyavasthāyāmaśeṣakarmanirjaraṇarūpāyāṃ sarvakriyāpratiṣedha evābhyu- 
TBV-SD 160,15	pagamyata iti na tannibhitto dharmādharmaphalaprādurbhāvaḥ, pravṛttinivṛtterātyantikyāstatkṣayahetutvasiddheḥ | 
TBV-SD 160,16	yaccoktam ‘viparyayajñānadhvaṃsādikrameṇa viśeṣaguṇocchedaviśiṣṭātmasvarūpamuktyabhyupagame na 
TBV-SD 160,17	tattvajñānakāryatvādanityatvaṃ vācyam’ ityādi, tadapyayuktam; viśeṣaguṇocchedaviśiṣṭātmano 
TBV-SD 160,18	muktirūpatayā pratiṣiddhatvāt, buddhyāderviśeṣaguṇatvasyātyantikatatkṣayasya ca pramāṇabādhitatvāt | 
TBV-SD 160,19	guṇavyatiriktasya ca guṇina ātmalakṣaṇasyaikāntanityasya niṣetsyamānatvāt tasya buddhyādiviśeṣa- 
TBV-SD 160,20	guṇatādātmyābhāvo'siddhaḥ | 
TBV-SD 160,21	yacca ‘mokṣāvasthāyāṃ caitanyasyāpyucchedānna kṛtabuddhayastatra pravarttanta ityānandarūpātmasvarūpa 
TBV-SD 160,22	eva mokṣo'bhyupagantavyaḥ’ iti, etat satyameva | yacca ‘yathā tasya citsvabhāvatā nityā tathā 
TBV-SD 160,23	paramānandasvabhāvatā'pi’ ityādi, tadayuktam; citsvabhāvatāyāḥ apyekāntanityatānabhyupagamāt; 
TBV-SD 160,24	ātmasvarūpatā tu cidrūpatāyā ānandarūpatāyāśca kathaṃcidabhyupagamyata eva | yacca ‘ananyatvena 
TBV-SD 160,25	śrutau śravaṇam ‘vijñānamānandaṃ brahma’ iti, tadapi nāsmadabhyupagamabādhakam, samastajñeyavyāpino 
TBV-SD 160,26	jñānasyāvaiṣayikasya cānandasya svasaṃviditasya muktyavasthāyāṃ sakalakarmarahitātmabrahmarūpābhedena 
TBV-SD 160,27	kathaṃcidabhīṣṭatvāt | 
TBV-SD 160,28	yadapi ‘yadā'vidyānivṛttiḥ tadā svarūpapratipattiḥ saiva mokṣaḥ’ iti, tadapi yuktameva, aṣṭa- 
TBV-SD 160,29	vidhapāramārthikakarmapravāharūpānādyavidyātyantikanivṛtteḥ svarūpapratipattilakṣaṇamokṣāvāpterabhīṣṭatvāt | 
TBV-SD 160,30	ata eva ‘ānandaṃ brahmaṇo rūpaṃ tacca mokṣe'bhivyajyate’ ityetadapi nāsmatpakṣakṣatimudvahati, abhivyakteḥ 
TBV-SD 160,31	svasaṃviditānandasvarūpatayā tadavasthāyāmātmana utpatterabhyupagamāt | yacca ‘yathātmano mahattvaṃ nijo 
TBV-SD 160,32	guṇaḥ’ ityādi, tadasāram; nityasukha — mahattvāderātmā'vyatiriktatvena taddharmatvena vā pramāṇabādhita- 
TBV-SD 160,33	tvādanabhyupagamārhatvāt | ata eva ‘saṃsārāvasthāyāmapi nityasukhasya tatsaṃvedanasya ca sadbhāvāt 
TBV-SD 160,34	saṃsāra — muktyavasthayoraviśeṣaḥ’ ityādi yaddūṣaṇamatra pakṣe upanyastaṃ tadanabhyupagamādeva nirastam | 
TBV-SD 160,35	yaccānityatvapakṣe'pi ‘tasyāmavasthāyāṃ sukhopapattāvapekṣākāraṇaṃ vaktavyam, na hyapekṣākāraṇaśūnyaḥ 
TBV-SD 160,36	ātmamanaḥsaṃyogaḥ kāraṇatvenābhyupeyate’ ityādi, tadapyasaṅgatam; jñāna — sukhādeścaitanyopādeyatvena 
TBV-SD 160,37	taddharmānuvṛttitaḥ prāk pratipāditatvāt, sendriyaśarīrādestu tadutpattāvapekṣākāraṇatvenābhyupagamya- 
TBV-SD 160,38	mānasyāvyāpakatvāt | tathāhi — sendriyaśarīrādyapekṣākāraṇavyāpārarahitaṃ vijñānamupalabhyata eva 
TBV-SD 161,01	samastajñeyaviṣayatvenāniyataviṣayam, yathā'vyāpṛtacakṣurādikaraṇagrāmasya, ‘sadasatī tattvam’ iti 
TBV-SD 161,02	jñānaṃ sakalākṣepeṇa vyāptiprasādhakaṃ vā | na cātrāpyātmā'ntaḥkaraṇasaṃyogasya śarīrādyapekṣā- 
TBV-SD 161,03	kāraṇasahakṛtasya vyāpāra iti vaktuṃ yuktam, antaḥkaraṇasyāṇuparimāṇadravyarūpasya pramāṇabādhitatve- 
TBV-SD 161,04	nānabhyupagamārhatvāt saṃyogasya ca niṣiddhatvāt | śarīrādīnāṃ tu jñānotpattivelāyāṃ sannidhāne'pi 
TBV-SD 161,05	tadguṇa — doṣā'nvaya-vyatirekānuvidhānasya tajjñāne'nupalambhānnāpekṣākāraṇatvaṃ kalpayituṃ yuktam, tathāpi 
TBV-SD 161,06	tatkalpane'tiprasaṅgaḥ | deśa — kālādikaṃ ca viśuddhajñānakṣaṇasyānvayinaḥ jñānāntarotpādane pravartamāna- 
TBV-SD 161,07	syāpekṣākāraṇaṃ na pratiṣidhyate muktyavasthāyāmapi, śarīrādikaṃ tu tasyāmavasthāyāṃ kāraṇābhāvā- 
TBV-SD 161,08	devānutpannaṃ nāpekṣākāraṇaṃ bhavitumarhati | yadi ca sendriyaśarīrāpekṣākāraṇamantareṇa jñānāderutpa- 
TBV-SD 161,09	ttirnābhyupeyeta tadā tathābhūtāpekṣākāraṇajanyajñānasya cakṣurādijñānasyeva pratiniyataviṣayatvaṃ syāditi 
TBV-SD 161,10	‘sadasadvargaḥ kasyacidekajñānālambanaḥ, prameyatvāt, pañcāṅgulivat’ ityato'numānādanumīyamānaṃ sarvajña- 
TBV-SD 161,11	jñānamapi pratiniyataviṣayatvānna sarvaviṣayaṃ syāt | yadi punastajjñānaṃ sakalapadārthaviṣayatvāt 
TBV-SD 161,12	tajjanyaṃ “arthavat pramāṇam” iti vacanāt sendriyaśarīrāpekṣākā- 
TBV-SD 161,13	raṇā'janyaṃ vābhyupagamyate anyathā sarvaviṣayatvaṃ na syāditi tarhi muktyavasthāyāmapi dehādyapekṣā- 
TBV-SD 161,14	kāraṇā'janyaṃ kiṃ nābhyupagamyate ? prasādhitaṃ cānindriyajaṃ sakalapadārthaviṣayamadhyakṣaṃ jñānaṃ sarvajñāsādha- 
TBV-SD 161,15	naprastāve iti na sendriyaśarīrāpekṣākāraṇajanyatvābhāve tajjñānasya pratiniyataviṣayatvābhāvādabhāva 
TBV-SD 161,16	evābhyupagantuṃ yuktaḥ | 
TBV-SD 161,17	api ca, sakalapadārthaprakāśakatvaṃ jñānasya svabhāvaḥ, sa ca sendriyadehādyapekṣākāraṇasvarūpāvaraṇe- 
TBV-SD 161,18	nācchādyate'pavarakāvasthitaprakāśyapadārthaprakāśakasvabhāvapradīpa iva tadāvārakaśarāvādinā, tadapagame tu 
TBV-SD 161,19	pradīpasyeva svaprakāśyaprakāśakatvaṃ jñānasyāyatnasiddhamiti kathamāvaraṇabhūtasendriyadehādyabhāve tadava- 
TBV-SD 161,20	sthāyāṃ jñānasyāpyabhāvaḥ preryeta ? anyathā pradīpāvārakaśarāvādyabhāve pradīpasyāpyabhāvaḥ preraṇīyaḥ 
TBV-SD 161,21	syāt | na ca śarāvāderāvārakasya pradīpaṃ pratyajanakatvamāśaṅkanīyam, tathābhūtapradīpapariṇatijanakatvā- 
TBV-SD 161,22	ccharāvādeḥ, anyathā taṃ pratyāvārakatvameva tasya na syāt, pariṇāmasya ca prasādhayiṣyamāṇatvāt | 
TBV-SD 161,23	upalabhyate ca saṃsārāvasthāyāmapi vāsīcandanakalpasya mumukṣoḥ sarvatra samavṛtterviśiṣṭadhyānādi- 
TBV-SD 161,24	vyavasthitasya sendriyaśarīravyāpārājanyaḥ paramāhlādarūpo'nubhavaḥ, tasyaiva bhāvanāvaśāduttarottarāmava- 
TBV-SD 161,25	sthāmāsādayataḥ paramakāṣṭhāgatirapi sambhāvyata evetyetadapi sarvajñasādhanaprastāve pratipāditamiti na 
TBV-SD 161,26	punarucyate | 
TBV-SD 161,27	paramārthatastvānandarūpatā''tmanaḥ svarūpabhūtā tadvibandhakakarmakṣayāt tasyāmavasthāyāmutpadyate | 
TBV-SD 161,28	ekāntanityasya tvavicalitarūpasyātmano vaiṣayikasukha — duḥkhopabhogo'pyanupapannaḥ, ekasvabhāvasya tatsva- 
TBV-SD 161,29	bhāvāparityāge bhinnasukha — duḥkhasaṃvedanotpāde'pyākāśasyeva tadanubhavābhāvāt | tatsamaveta — tadutpa- 
TBV-SD 161,30	ttyādikaṃ tu pratikṣiptatvānna vaktavyam, ‘jñānaṃ cottarajñānotpādanasvabhāvam, yacca yatsvabhāvam na 
TBV-SD 161,31	tat tadutpādane'nyāpekṣam, yathāntyā bījādikāraṇasāmagrī aṅkurotpādane, tatsvabhāvaśca pūrvo 
TBV-SD 161,32	jñānakṣaṇa uttarajñānakṣaṇotpādane’ iti svabhāvahetuḥ; anyathā'sau tatsvabhāva eva na syāt | na 
TBV-SD 161,33	ca saṃsārāvasthājñānāntyakṣaṇasyottarajñānajananasvabhāvatvamasiddham, tathābhyupagame sattāsaṃbandhādeḥ 
TBV-SD 161,34	sattvasya niṣiddhatvāt tadajanakatvena tasyānarthakriyākāritvāt avastutvāpattestajjanakasyāpyavastutvaṃ 
TBV-SD 161,35	tatastajjanakasyetyevamaśeṣacittasantānasyāvastutvaprasaṅgaḥ | 
TBV-SD 161,36	atha svasantānavartticittakṣaṇasyājanakatve'pi santānāntaravarttiyogijñānasya jananānnāśeṣacitta- 
TBV-SD 161,37	kṣaṇāvastutvaprasaktiḥ; nanvevaṃ rasāderekakālasya rūpāderavyabhicāryanumānaṃ sāśravacittasantānaniro- 
TBV-SD 161,38	dhalakṣaṇamuktivādino bauddhasya na syāt, rūpāderantyakṣaṇavad vijātīyakāryajanakatve'pi sajātīya- 
TBV-SD 161,39	kāryānārambhasaṃbhavāt | ekasāmagryadhīnatvena rūpa — rasayorniyamena kāryadvayārambhakatve'nyatrāpi 
TBV-SD 161,40	kāryadvayārambhakatvaṃ kiṃ na syāt yogijñānāntyakṣaṇayorapi samānakāraṇasāmagrījanyatvāt ? katha- 
TBV-SD 161,41	mekatrānupayoginaścānyatropayogaścaramakṣaṇasya ? upayoge vā jñānāntarapratyakṣavādino'pi naiyāyi- 
TBV-SD 162,01	kasya svaviṣayajñānajananāsamarthasyāpi jñānasyārthajñānajananasāmarthyaṃ kiṃ na syāt ? tathā ca nārtha- 
TBV-SD 162,02	cintanamutsīdet | atha svasantānavarttikāryajananasāmarthyavad bhinnasantānavarttikāryajananasāmarthya- 
TBV-SD 162,03	mapi neṣyate tarhi sarvathārthakriyāsāmarthyarahitatvenāntyakṣaṇasyāvastutvaprasaktiḥ | tathāvidhasyāpi 
TBV-SD 162,04	vastutve sarvathā'rthakriyārahitasya akṣaṇikasyāpi vastutvaprasaktiḥ | tathā ca sattvādayaḥ kṣaṇikatvaṃ na 
TBV-SD 162,05	sādhayeyuḥ anaikāntikatvāt | tasmāt sāśravacittasantānanirodhalakṣaṇā'pi muktirviśeṣaguṇarahi- 
TBV-SD 162,06	tātmasvarūpevā'nupapannā | 
TBV-SD 162,07	nirāśravacittasantatyutpattilakṣaṇā tvabhyupagamyata eva, kevalaṃ sā cittasaṃtatiḥ sānvayā 
TBV-SD 162,08	yuktā; baddho hi mucyate nābaddhaḥ | na ca niranvaye cittasantāne baddhasya muktiḥ saṃbhavati, tatra 
TBV-SD 162,09	hyanyo baddho'nyaśca mucyate, santānaikyād baddhasyaiva muktiratrāpīti cet, yadi santānārthaḥ para- 
TBV-SD 162,10	mārthasaṃstadā''tmaiva santānaśabdenoktaḥ syāt, atha saṃvṛtisan tadaikasya paramārthasato'sattvādanyo 
TBV-SD 162,11	baddho'nyaśca mucyata iti baddhasya muktyarthaṃ na pravṛttiḥ syāt | athātyantanānātve'pi dṛḍharūpatayā 
TBV-SD 162,12	kṣaṇānāmekatvādhyavasāyāt ‘baddhamātmānaṃ mocayiṣyāmi’ ityabhisandhānavataḥ pravṛtternāyaṃ doṣaḥ 
TBV-SD 162,13	tarhi na nairātmyadarśanamiti kutastannibandhanā muktiḥ ? athāsti nairātmyadarśanaṃ śāstrasaṃskārajam, 
TBV-SD 162,14	na tarhyekatvādhyavasāyo'skhaladrūpa iti kuto baddhasya muktyarthaṃ pravṛttiḥ syāt ? tathā ca 
TBV-SD 162,15	“mithyādhyāropahānārthaṃ yatno'satyapi moktari” ityetat plavate | tasmādasati 
TBV-SD 162,16	vijñānakṣaṇānvayini jīve bandha — mokṣayostadarthaṃ vā pravṛtteranupapatteḥ sānvayā cittasantatirabhyupa- 
TBV-SD 162,17	gantavyā | 
TBV-SD 162,18	na ca ‘yasmin vyāvarttamāne yadanuvarttate tat tata ekāntato bhinnam, yathā ghaṭe vyāvartta- 
TBV-SD 162,19	māne'nuvarttamānaḥ paṭaḥ, vyāvarttamāne ca jñānakṣaṇe'nuvarttate cejjīvastatastato bhinna eva’ — anyathā 
TBV-SD 162,20	viruddhadharmādhyāse'pi yadyekāntato bhedo na syādanyasya bhedalakṣaṇasyābhāvādabhinnaṃ sakalaṃ jagat 
TBV-SD 162,21	syāt — ityato'numānāt vyāvṛttā'nuvṛttayorbhedasiddherna sānvayā nirāsravacittasantatirmuktiriti 
TBV-SD 162,22	vaktuṃ yuktam, asati tatra pūrvāparajñānakṣaṇavyāpake ātmani svasaṃviditaikatvapratyayasya pratyakṣasyānu- 
TBV-SD 162,23	papatteḥ | athātmanyasatyapyadhyāropitaikaviṣayaḥ pratyayaḥ prādurbhaviṣyati, ayuktametat; svātmanya- 
TBV-SD 162,24	numānāt kṣaṇikatvaṃ niścinvataḥ samāropitaikatvaviṣayasya vikalpasya nivṛttiprasaṅgāt niścayā''ropa- 
TBV-SD 162,25	manasorvirodhāt, avirodhe vā savikalpakapratyakṣavādino'pi sarvātmanā pratyakṣeṇārthaniścaye'pi 
TBV-SD 162,26	samāropavicchedāya pravarttamānaṃ na pramāṇāntaramanarthakaṃ syāt | nivarttata evaikatvaviṣayo vika- 
TBV-SD 162,27	lpo'numānāt kṣaṇikatvaṃ niścinvata iti cet, tarhi sahajasyā''bhisaṃskārikasya ca sattva- 
TBV-SD 162,28	darśanasyābhāvāt tadaiva tanmūlarāgādinivṛttermuktiḥ syāt | 
TBV-SD 162,29	na cāyamekatvaviṣayaḥ pratyayaḥ pratisaṅkhyānena nivarttayitumaśakyatvānmānaso vikalpaḥ | 
TBV-SD 162,30	tathāhi — anumānabalāt kṣaṇikatvaṃ vikalpayato'pi naikatvapratyayo nivarttate, śakyante tu prati- 
TBV-SD 162,31	saṅkhyānena nivārayituṃ kalpanāḥ na punaḥ pratyakṣabuddhayaḥ | tasmād yathā aśvaṃ vikalpayato'pi 
TBV-SD 162,32	godarśanānna gopratyayo vikalpastathā kṣaṇikatvaṃ vikalpayato'pyekatvadarśanānnaikatvapratyayo vikalpaḥ | 
TBV-SD 162,33	nāpyayaṃ bhrāntaḥ, pratyakṣasyāśeṣasyāpi bhrāntatvaprasaṅgāt | vāhyābhyantareṣu bhāveṣvekatvagrāhakatvenaivāśeṣa- 
TBV-SD 162,34	pratyakṣeṇānutpattipratīteḥ, tathā ca pratyakṣasyābhrāntatvaviśeṣaṇamasambhavyeva syāt | 
TBV-SD 162,35	tasmādekatvagrāhiṇaḥ svasaṃvedanapratyakṣasyā'bhrāntasya kathañcidekatvamantareṇānupapatternānugatarūpābhāvaḥ | 
TBV-SD 162,36	nāpyanugata — vyāvṛttarūpayoraikāntiko bhedaḥ, tadbhedapratipādakasyānumānasya tadabhedagrāhakapratyakṣa- 
TBV-SD 162,37	pratyayabādhitatvāt | na ca pratīyamānasya rūpasya virodhaḥ, anyathā grāhya — grāhaka — saṃvittilakṣaṇa- 
TBV-SD 162,38	viruddharūpatrayādhyāsitasya jñānasyāpyekatvavirodhaḥ syāt | tathā, ekanīlakṣaṇasyāpyekadā svaparakāryajana- 
TBV-SD 162,39	katvājanakatvaviruddhadharmadvayādhyāsitasyaikatvavirodhaprasaktiḥ | naiyāyikenāpi pratīyamāne vastuni na 
TBV-SD 162,40	virodhodbhāvanaṃ vidheyam; anyathā ‘sthāṇurayaṃ puruṣo vā’ ityākāradvayasamullekhisaṃśayapratyayasyāpyekatvaṃ 
TBV-SD 162,41	viruddhamāsajyeta | 
TBV-SD 163,01	yaccoktam ‘yadi yogajo dharma ātmamanaḥsaṃyogasyāpekṣākāraṇam’ ityādi, tadapi nirastam; 
TBV-SD 163,02	sarvasyāsmān pratyanabhyupagatopālambhamātratvāt | yacca ‘mumukṣupravṛttiriṣṭādhigamārthā, prekṣāpūrvakāri- 
TBV-SD 163,03	pravṛttitvāt’ ityanumāne ‘cikitsāśāstrārthānuṣṭhāyināmāturāṇāmaniṣṭapratiṣedhārthā pravṛttirdṛśyate’ 
TBV-SD 163,04	ityanaikāntikodbhāvanaṃ tatrāniṣṭaniṣedhenā''rogyasukhaprāptilakṣaṇeṣṭādhigamārthitvena teṣāṃ tatra pravṛtte- 
TBV-SD 163,05	rdarśanānnānaikāntikatvam | na cāsmākamayaṃ pakṣaḥ — mokṣasukharāgeṇa mumukṣavo vītarāgāḥ santaḥ 
TBV-SD 163,06	pravartante, “mokṣe bhave ca sarvatra niḥspṛho munisattamaḥ” ityabhyupagamāt | 
TBV-SD 163,07	yacca ‘vijñānamānandaṃ brahma ityādyāgamasya gauṇārthapratipādanaparatvam’ abhyadhāyi, tadatyantamasaṅga- 
TBV-SD 163,08	tam; mukhyārthabādhakasadbhāve tadarthakalpanopapatteḥ | na ca tatra kiñcid bādhakamastīti pratipāditam | 
TBV-SD 163,09	yacca ‘kiṃca, iṣṭārthādhigamāyāṃ ca’ ityādyuktaṃ tadapi siddhasādhyatādoṣānniḥsāratayā copekṣitam | 
TBV-SD 163,10	yadapi ‘nityasukhābhyupagame ca vikalpadvayam’ ityādyabhihitaṃ tadapyanabhyupagamādeva nirastam; nityasya 
TBV-SD 163,11	sukhasyānyasya vā padārthasyānabhyupagamāt | yathābhūtaṃ ca svasaṃviditaṃ sukhaṃ mokṣāvasthāyāmātmanastadrūpa- 
TBV-SD 163,12	tayā pariṇāminaḥ kathañcidabhinnamabhyupagamyate tathābhūtaṃ prāk prasādhitamiti | yacca ‘na rāgādimato 
TBV-SD 163,13	vijñānāt tadrahitasyotpattiryuktā’ ityādi, tadapyasāram; rāgādirahitasya sakalapadārthaviṣayasya 
TBV-SD 163,14	jñānopādānasya jñānasya sarvajñasādhanaprastāve pratipāditatvāt | 
TBV-SD 163,15	yacca ‘vilakṣaṇādapi kāraṇād vilakṣaṇakāryotpattidarśanād bodhād bodharūpateti na pramāṇa- 
TBV-SD 163,16	masti’ ityādi, tadapi prativihitam acetanāccetanotpattyabhyupagame cārvākamataprasakteḥ paralokā- 
TBV-SD 163,17	bhāvaprasaktyā | paralokasadbhāvaśca prāk prasādhitaḥ | yacca ‘jñānasya jñānāntarahetutve na pūrvakāla- 
TBV-SD 163,18	bhāvitvaṃ samānajātīyatvam ekasantānatvaṃ vā heturvyabhicārāt’ ityādi, tadapi prativihitameva 
TBV-SD 163,19	“tasmād yasyaiva saṃskāraṃ niyamenānuvartate” ityādinā | tena ‘maraṇaśarīrajñānasya garbhaśarīrajñāna- 
TBV-SD 163,20	hetutve santānāntare'pi jñānajanakatvaprasaṅgaḥ; niyamahetorabhāvāt’ ityetadapi svapnāyitamiva 
TBV-SD 163,21	lakṣyate, niyamahetostatsaṃskārānuvartanasya pradarśitatvāt | 
TBV-SD 163,22	yacca ‘suṣuptāvasthāyāṃ vijñānasadbhāve jāgradavasthāto na viśeṣaḥ syāt’ ityādi, tadapi 
TBV-SD 163,23	prativihitam ‘yasya yāvatī mātrā’ ityādinā | tathāhi — middhādisāmagrīviśeṣād viśiṣṭaṃ 
TBV-SD 163,24	suṣuptādyavasthāyāṃ gacchattṛṇasparśajñānatulyaṃ bāhyādhyātmikapadārthānekadharmagrahaṇavimukhaṃ jñānamasti; 
TBV-SD 163,25	anyathā jāgrat — prabuddhajñānapravāhayorapyabhāvaprasaktiriti pratipāditatvāt pariṇatisamarthanena | yathā 
TBV-SD 163,26	ca aśvavikalpanakāle pravāheṇopajāyamānamapi godarśanaṃ jñānāntaravedyamapi bhavadabhiprāyeṇānupala- 
TBV-SD 163,27	kṣitamāste — anyathā aśvavikalpapratisaṃhārāvasthāyām ‘iyatkālaṃ yāvat mayā gaurdṛṣṭo na copala- 
TBV-SD 163,28	kṣitaḥ’ iti jñānānutpattiprasakteḥ prasiddhavyavahārocchedaḥ syāt — tathā suṣuptāvasthāyāṃ svasaṃvidita- 
TBV-SD 163,29	jñānavādino'pyanupalakṣitaṃ jñānaṃ bhaviṣyatīti na tadavasthāyāṃ vijñānāsattvāt tatsantatyucchedaḥ | 
TBV-SD 163,30	na ca yugapajjñānānutpatteraśvavikalpakāle jñānāntaravedyagodarśanāsaṃbhavaḥ, savikalpāvikalpayorjñānayo- 
TBV-SD 163,31	ryugapadvṛtteranubhavāt; anyathā pratinivṛttāśvavikalpasya tāvatkālaṃ yāvad godarśanasmaraṇā- 
TBV-SD 163,32	dhyavasāyo na syāt | kramabhāve'pi ca tayorvijñānayorvijñānaṃ jñānāntaraviditamapyanupalakṣitamavaśyaṃ 
TBV-SD 163,33	tasyāmavasthāyāṃ pareṇābhyupagamanīyam, tadabhyupagame ca yadi svāpāvasthāyāṃ svasaṃviditaṃ yathoktaṃ 
TBV-SD 163,34	jñānamabhyupagamyate tadā na kaścidvirodhaḥ | śeṣastu pūrvapakṣagrantho'nabhyupagamānnirastaḥ | 
TBV-SD 163,35	yadapi ‘anekāntabhāvanātaḥ ityādyabhyupagame tajjñānasya niḥśreyasakāraṇatvaṃ pratiṣiddham, 
TBV-SD 163,36	anekāntajñānasya bādhakasadbhāvena mithyātvopapatteḥ’ ityabhihitam, tadapyasamyak; anekāntajñānasyaivā- 
TBV-SD 163,37	'bādhitatvena samyaktvena pratipāditatvāt | yacca ‘nityānityayorvidhi-pratiṣedharūpatvādabhinne 
TBV-SD 164,01	dharmiṇyabhāvaḥ’ ityanekāntapakṣasya bādhakamupanyastaṃ tad abādhakameva, pratīyamāne vastuni virodhā- 
TBV-SD 164,02	siddheḥ | na ca yenaiva rūpeṇa nityatvavidhistenaiva pratiṣedhavidhiḥ — yenaikatvavirodhaḥ syāt — 
TBV-SD 164,03	kiṃ tarhyanusyūtākāratayā nityatvavidharvyāvṛttākāratayā ca tasya pratiṣedhaḥ | na cānyadharmanimitta- 
TBV-SD 164,04	yorvidhi — pratiṣedhayorekatra virodhaḥ, atiprasaṅgāt | na cānugatavyāvṛttākārayoḥ sāmānyaviśeṣarūpata- 
TBV-SD 164,05	yā''tyantiko bhedaḥ, pūrvottarakālabhāvisvaparyāyatādātmyena sthitasyānugatākārasya bāhyā''dhyātmika- 
TBV-SD 164,06	syārthasyābādhitapratyakṣapratipattau pratibhāsanāt | 
TBV-SD 164,07	yaccedam ‘ghaṭādirmṛdādirūpatayā nitya ityatra mṛdrūpatāyāstato'rthāntaratvānna tato ghaṭo nityaḥ, 
TBV-SD 164,08	mṛdrūpatā hi mṛttvaṃ sāmānyamarthāntaram, tasya nityatve na ghaṭasya tathābhāvastato'nyatvāt ghaṭasya 
TBV-SD 164,09	ca kāraṇād vilayopalabdheranityatvameva’ iti, ayuktametat; sāmānyasya viśeṣādarthāntaratvānupa- 
TBV-SD 164,10	patteḥ samānāsamānapariṇāmātmako ghaṭādyartho'bhyupagantavyaḥ | tathāhi — na tāvat svāśrayādarthāntara- 
TBV-SD 164,11	bhūtā mṛttvajātiḥ sattā vā, svāśrayaiḥ saṃbandhābhāvāt — svasaṃbandhāt prāgasadbhirapi svāśrayaiḥ saṃbandhe'- 
TBV-SD 164,12	tiprasaṅgāt; svata eva sadbhiḥ sattāsaṃbandhakalpanāvaiyarthyāt | samavāyasya sarvagatatvād vyaktya- 
TBV-SD 164,13	ntaraparihāreṇa vyaktyantaraireva sarvagatasyāpi sāmānyasya saṃbandhe'tiprasaṅgaparihārāyābhyupagamyamānā 
TBV-SD 164,14	ca pratyāsattiḥ pratyekaṃ parisamāptyā vyaktyātmabhūtā vābhyupagamyamānā kathaṃ samānapariṇāmātiriktasya 
TBV-SD 164,15	sāmānyasya kalpanāṃ na nirasyet śuklādivacca svāśraye svānurūpapratyayādihetoḥ sāmānyāt sadādi- 
TBV-SD 164,16	pratyayādivṛttirna bhavet ? sāmānyasya tu svata eva sadādipratyayādiviṣayatve dravyādiṣu kaḥ pradveṣaḥ ? 
TBV-SD 164,17	parataścedanavasthā | anadhyāropitatadrūpe ca tatpratyayādivṛttāvatiprasaṅgaḥ syāt | tadrūpādhyārope'pi 
TBV-SD 164,18	tatpratyayādiścānyatra bhrānta eva prasaktaḥ | 
TBV-SD 164,19	samavāyamapi ca tādrūpyameva samavāyinoḥ paśyāmaḥ; anyathā tasyāpyāśritatayā saṃbandhāntara- 
TBV-SD 164,20	kalpanāprasaṅgāt tatra cānavasthāyāḥ pradarśitatvāt | viśeṣaṇaviśeṣyabhāvasaṃbandhe'pyaparatatkalpane'na- 
TBV-SD 164,21	vasthā | samavāyāt tatsaṃbandhakalpane itaretarāśrayatvam | anāśritasya tatsaṃbandhatve'pyatiprasaṅgaḥ | 
TBV-SD 164,22	tasya svataḥ saṃbandhe vā sāmānyasyāpi tathā'stu viśeṣābhāvāt | sati ca vastudvaye sannihite 
TBV-SD 164,23	‘idaṃ sadidaṃ ca sat’ iti samuccayātmakaḥ pratyayo'nubhūyate, na punaḥ ‘idamevedam’ iti; saṃbhava- 
TBV-SD 164,24	dvivakṣitaikavyaktyādheyarūpasya ca sāmānyasyāśeṣāśrayagrahaṇāsaṃbhavānna kadācanāpi tasya saṃpūrṇasya 
TBV-SD 164,25	grahaṇaṃ syāt | tad vyaktyanādheyarūpāsaṃbhave tadgatarūpādivat tanmātrameva syāt | svāśrayasarvagata- 
TBV-SD 164,26	sāmānyavādastu pariṇāmasāmānyavādānna viśiṣyate, pratyāśrayaṃ parisamāptatvasyānyathānupapattyā sāmā- 
TBV-SD 164,27	nyasaṃbandhaśūnyeṣvapi dravyādiṣu padārthādipratyayādyanvayadarśanācca | 
TBV-SD 164,28	nāpyanyasya vyāvṛttiḥ, svalakṣaṇagatāyāḥ pratyekaparisamāptāyāḥ pariṇāmasāmānyādabhinnatvāt 
TBV-SD 164,29	vyāvṛtteḥ | tadāśrayānyānekavyaktisādhāraṇī buddhiparikalpitā'tajjātīyavyāvṛttiḥ sāmānyamiṣyate, 
TBV-SD 164,30	tasmiṃścāvastubhūte śabdapratipādite tathāvidhe sāmānye'svalakṣaṇavivakṣite'rthakriyārthināṃ svalakṣaṇe 
TBV-SD 164,31	vṛttiraparikalpitarūpe kathaṃ syāt ? | dṛśya — vikalpa yorekīkaraṇena pravṛttau gobuddhyā'pyaśve 
TBV-SD 164,32	pravarteta | na ca vikalpitasya sāmānyasyāvastubhūtatayā kenacid dṛśyena sārūpyamasti, sadbhāve vā 
TBV-SD 164,33	sārūpyasya kiṃ dṛśya — vikalpyaikīkaraṇavācoyuktyā ? tadeva dṛśyaṃ sāmānyajñāne pratibhāsate, tatprati- 
TBV-SD 164,34	bhāsācca tatraiva vṛttiriti kiṃ na sphuṭamevābhidhīyate avastvākārasya vastunā sārūpyāsaṃbhavāt ? 
TBV-SD 164,35	kiñca, dṛśya — vikalpyayorekīkaraṇaṃ dṛśye vikalpyasyādhyāropaḥ; sa ca gṛhītayoragṛhītayorvā ? 
TBV-SD 164,36	yadi gṛhītayostadā dṛśya — vikalpyayorbhedena pratipatterna dṛśye vikalpyādhyāropaḥ; nahi ghaṭa — paṭayo- 
TBV-SD 165,01	rbhinnasvarūpatayā pratibhāsamānayorekasyā'paratrādhyāropaḥ, atiprasaṅgāt | nāpyagṛhītayoḥ sa saṃbhavati, 
TBV-SD 165,02	atiprasaṅgādeva | na ca dṛśyabuddhau vikalpyaṃ pratibhāti, nāpi vikalpyabuddhau dṛśyam | na caikabuddhā- 
TBV-SD 165,03	vapratibhāsamānayo rūpa — rasayoriva parasparādhyāropaḥ, sādṛśyanibandhanaścānyatrādhyāropaḥ upalabdho 
TBV-SD 165,04	vastvavastunośca nīla — kharaviṣāṇayoriva sārūpyābhāvato nādhyāropa iti pratipāditam | na ca 
TBV-SD 165,05	dṛśyādhyavasāyivikalpyabuddhyutpāda eva tadadhyāropaḥ, tadbuddheḥ sadṛśapariṇāmasāmānyavyavasthāpakatvo- 
TBV-SD 165,06	papatteranantarameva tasyā vastusvarūpagrāhisavikalpakādhyakṣarūpatvena vyavasthāpitatvāt | tathā, anumā- 
TBV-SD 165,07	nenāpi paricchidyamāne'rthāntaravyāvṛttirūpe'nartharūpe sāmānye bahiṣpravṛttyayoga eva | nātadrūpavyāvṛtti- 
TBV-SD 165,08	mātraviṣayamanumānam, atadrūpaparāvṛttavastumātraviṣayatvāditi cet, kiṃ tad vastumātramanyatra samāna- 
TBV-SD 165,09	pariṇāmāt ? anubhūyate ca sāmānyam — aliṅgajatvānnānumānena — avisaṃvāditvāt pratyakṣapramāṇena 
TBV-SD 165,10	pramāṇāntarānabhyupagamāt | tathāhi — pratyakṣeṇaiva jñānena śākhādivibhāgamaparicchindatā'pi davīyasi 
TBV-SD 165,11	deśe vṛkṣādimātrapratipattidarśanam tannirākaraṇe cānubhavavirodhaḥ | na ca sādṛśyam, samānapariṇāmā- 
TBV-SD 165,12	bhāve tadasaṃbhavāt | nanu ca yadi samānapariṇāmaḥ sāmānyam, tasya vastunaḥ sajātīyādapi pariṇāmād 
TBV-SD 165,13	vibhaktatayā'nyatrānanvayāt kvacid gṛhītasaṃbandhena śabdena liṅgena vā'nyasya tajjātīyasya pratipādanaṃ 
TBV-SD 165,14	na prāpnoti, naiṣa doṣaḥ, vibhakte'pi vastutastasminnanāśritadeśādibhede samānapariṇāmamātre śabdasya 
TBV-SD 165,15	liṅgasya vā tāvanmātrasyaiva saṃketitatvāt saṃbandhaṃ gṛhītavato'nyatrāpi tatpariṇāmamātreṇa bheda- 
TBV-SD 165,16	pratipatterajanyatvāt tattayā pratipattyavirodhānna doṣaḥ | pratipādayiṣyate ca nityānityādyanekānta- 
TBV-SD 165,17	rūpaṃ vastvekāntavādapratiṣedheneti nānekāntajñānaṃ mithyājñānam | 
TBV-SD 165,18	yadapi ‘svadeśādiṣu sattvaṃ paradeśādiṣvasattvaṃ vastuno'bhyupagamyata eva itaretarābhāvasyābhyu- 
TBV-SD 165,19	pagamāt’ ityādi, tadapyayuktam; itaretarābhāvasya ghaṭavastvabhede ghaṭavināśe paṭotpattiprasaṅgāt paṭā- 
TBV-SD 165,20	dyabhāvasya vinaṣṭatvāt | atha ghaṭād bhinno'bhāvastadā ghaṭādīnāṃ parasparaṃ bhedo na syāt | 
TBV-SD 165,21	yadā hi ghaṭābhāvarūpaḥ paṭo na bhavati tadā paṭo ghaṭa eva syāt, yathā vā ghaṭasya ghaṭābhāvād 
TBV-SD 165,22	bhinnatvād ghaṭarūpatā tathā paṭāderapi syāt ghaṭābhāvād bhinnatvādeva | nāpyeṣāṃ parasparābhinnā- 
TBV-SD 165,23	nāmabhāvena bhedaḥ śakyate kartum, tasya bhinnā'bhinnabhedakaraṇe'kiñcitkaratvāt | na cābhinnānā- 
TBV-SD 165,24	manyonyābhāvaḥ saṃbhavati | nāpi parasparabhinnānāmabhāvena bhedaḥ kriyate, svahetubhya eva bhinnānā- 
TBV-SD 165,25	mutpatteḥ | nāpi bhedavyavahāraḥ kriyate, yato bhāvānāmātmīyarūpeṇotpattireva svatobhedaḥ; sa ca 
TBV-SD 165,26	pratyakṣe pratibhāsanādeva bhedavyavahārahetuḥ, tena “vastvasaṃkarasiddhiśca tatprāmāṇyasamāśritā” 
TBV-SD 165,27	iti nirastam | kiñca, bhāvābhāvayorbhedo nābhāvanibandhanaḥ, anavasthāprasaṅgāt | 
TBV-SD 165,28	atha svarūpeṇa bhedastadā bhāvānāmapi sa syāditi kimapareṇābhāvena bhinnena vikalpitena ? tannaikānta- 
TBV-SD 165,29	bhinno'bhinno vetaretarābhāvaḥ saṃbhavati | 
TBV-SD 165,30	na cābhāva evānyāpohasya, ghaṭādeḥ sarvātmakatvaprasaṅgāt | tathāhi — yathā ghaṭasya svadeśa — 
TBV-SD 165,31	kālā''kārādinā sattvaṃ tathā yadi paradeśa — kālā''kārādinā'pi, tathā sati svadeśāditvavat 
TBV-SD 165,32	paradeśāditvaprasakteḥ kathaṃ na sarvātmakatvam ? atha paradeśāditvavat svadeśāditvamapi tasya nāsti 
TBV-SD 165,33	tadā sarvathā'bhāvaprasaktiḥ | atha yadeva svasattvaṃ tadeva parāsattvam; nanvevamapi yadi parāsattve 
TBV-SD 165,34	svasattvānupraveśastadā sarvathā'sattvam; atha svasattve parāsattvasya tadā parāsattvābhāvāt sarvā- 
TBV-SD 165,35	tmakatvam — yathā hi svāsattvāsattvāt svasattvaṃ tasya tathā parāsattvāsattvāt parasattvaprasaktira- 
TBV-SD 165,36	nivāritaprasarā, aviśeṣāt | na ca parāsattvaṃ kalpitarūpamiti na tannivṛttiḥ parasattvātmiketi 
TBV-SD 165,37	vācyam, svāsattve'pyevaṃprasaṅgāt | 
TBV-SD 165,38	atha nābhāvanivṛttyā padārtho bhāvarūpaḥ pratiniyato vā bhavati, api tu svahetusāmagrīta 
TBV-SD 165,39	upajāyamānaḥ svasvabhāvaniyata evopajāyate; tathaivārthasāmarthyabhāvinā'dhyakṣeṇa viṣayīkriyamāṇo 
TBV-SD 165,40	vyavahārapathamavatāryate kibhitaretarābhāvakalpanayā ? na kiñcit, kevalaṃ svasāmagrītaḥ svasvabhāvani- 
TBV-SD 166,01	yatotpattireva parāsattvātmakatvavyatirekeṇa nopapadyate, svasvarūpaniyatapratibhāsanaṃ ca parābhāvātma- 
TBV-SD 166,02	katvapratibhāsanameva | ata eva “svakīyarūpānubhāvānnānyato'nyanirākriyā” itye- 
TBV-SD 166,03	tadapi sadasadātmakavastupratibhāsamantareṇānupapannameva | yadā hi pāramārthikapararūpavyāvṛttimat 
TBV-SD 166,04	tatsvarūpamadhyakṣe pratibhāti tadā svarūpameva paratastasya bhedaḥ, tadgrahaṇameva cādhyakṣatastadbhedagraha- 
TBV-SD 166,05	ṇam; anyathā pāramārthikaparāsattvābhāve svasattvavat parasattvātmakatvaprasaṅgānna tatsvarūpameva 
TBV-SD 166,06	bhedaḥ, nāpi satpratibhāsanameva bhedapratibhāsanaṃ syāt | 
TBV-SD 166,07	ata evānyāpohasya padārthātmakatve'parāparābhāvakalpanayā nānavasthā | nāpi paragrahaṇamanta- 
TBV-SD 166,08	reṇa tadbhedagrahaṇābhāvāditaretarāśrayatvād bhedāgrahaṇam | na cā'bhāvasya tucchatayā sahakāribhira- 
TBV-SD 166,09	nupakāryasya jñānājanakatvam; nāpi bhāvā'bhāvayoranupakāryopakārakatayā'saṃbandhaḥ, bhāvābhāvātma- 
TBV-SD 166,10	kasya padārthasya svasāmagrīta utpannasya pratyakṣe tathaiva pratibhāsanāt | na cā'sadākārāvabhāsasya 
TBV-SD 166,11	mithyātvam, sadākārāvabhāse'pi tatprasaṅgāt | na cā'sadavabhāsasyābhāvaḥ, anyaviviktāvabhāsa- 
TBV-SD 166,12	syānubhavasiddhatvāt; viviktatā cāsyā'bhāvarūpatvāt, tasyāśca svasattvāt kathañcidabhinnatayā 
TBV-SD 166,13	tadvad jñānajanakatvenādhyakṣe pratibhāsamānāyā anyaparihāreṇa tatraiva pravṛttyādivyavahārahetutvād 
TBV-SD 166,14	bhedā'bhedaikāntapakṣasyoktadoṣatvāt kathañcidbhedābhedapakṣasya parihṛtavirodhatvānna sadasadrūpatve 
TBV-SD 166,15	svadeśādāvapyanupalabdhiprasaṅgādidoṣaḥ | 
TBV-SD 166,16	yaccoktam ‘evamātmano'pi nityatvameva sukha — duḥkhādestadguṇatvena tato'rthāntarasya vināśe'pya- 
TBV-SD 166,17	vināśāt’ ityādi, tat prāk pratikṣiptam | yadapi ‘kāryāntareṣu cakartṛtvaṃ na pratiṣidhyate’ ityādi, 
TBV-SD 166,18	tadapyasāram; ekāntapakṣe kāryakartṛtvasyaivāsambhavāt | yacca ‘na cānekāntabhāvanāto viśi- 
TBV-SD 166,19	ṣṭaśarīralābhe pratibandhaḥ’ ityādi, tanna pratisamādhānamarhati anabhyupagatopālambhamātratvāt | yacca 
TBV-SD 166,20	‘muktāvapyanekānto na vyāvartate’ iti, tadiṣyate eva; svasattvādinā muktatve'pyanyasattvādinā amukta- 
TBV-SD 166,21	tvasyeṣṭatvāt; anyathā tasya muktatvameva na syāt iti pratipāditatvāt | 
TBV-SD 166,22	yadapi ‘anekānta’ ityādi, tadapyasaṅgatam; anantadharmādhyāsitavastusvarūpamanekāntaḥ | na 
TBV-SD 166,23	ca svarūpamaparadharmāntarāpekṣamabhyupagamyate yena tatra rūpāntaropakṣepeṇānavasthā preryeta; tadapekṣatve 
TBV-SD 166,24	padārthasvarūpavyavasthaivotsīdet, aparāparadharmāpekṣatvena pratiniyatāpekṣadharmasvarūpasyaivāvyavasthiteḥ | 
TBV-SD 166,25	tataścaikāntasyāpi kathaṃ vyavasthā ? tathāhi — sadādirūpataivaikāntaḥ tatraikāntābhyupagame'paraṃ sadādirūpaṃ 
TBV-SD 166,26	prasaktam, tatrāpyaparamiti pareṇāpi vaktuṃ śakyam | atha pararūpānapekṣaṃ sattvāditvamevaikāntaḥ 
TBV-SD 166,27	tarhyanantadharmādhyāsitavastusvarūpamapyanekāntaḥ kiṃ na syāt ? na cāparatadrūpābhāve vastunaḥ svarū- 
TBV-SD 166,28	pamanyathā bhavati; anyathā aparasattvādyabhāve sattvāderapyanyathātvaprasaktirityalaṃ durmativispandite- 
TBV-SD 166,29	ṣūttarapradānaprayāsena | ‘ātmaikatvajñānāt’ ityādigranthastu siddhasādhyatayā na samādhānamarhati | 
TBV-SD 166,30	yathoktamuktimārgajñānāderaparasya tadupāyatvenābhyupagamyamānasya pramāṇabādhitatvena mithyārūpatvānna 
TBV-SD 166,31	tatsādhakatvamityalamatiprasaṅgena | 
TBV-SD 166,32	tat sthitametat ‘anupamasukhādisvabhāvāmātmanaḥ kathañcidavyatiriktāṃ sthitimupagatānām’ iti ||