oṃ namaḥ śrīparamātmane vītarāgāya śrīgṛddhapicchācāryaviracitasya tattvārthasūtrasya śrīpūjyapādācāryaviracitā tattvārthavṛttiḥ sarvārthasiddhiḥ prathamo'dhyāyaḥ

kaścidbhavyaḥ pratyāsannaniṣṭhaḥ prajñāvān svahitamupalipsurvivikte paramaramye bhavyasattvaviśrāmāspade kvacidāśramapade munipariṣaṇmadhye sanniṣaṇṇaṃ mūrttamiva mokṣamārgamavāgvisargaṃ vapuṣā nirūpayantaṃ yuktyāgamakuśalaṃ parahitapratipādanaikakāryamāryaniṣevyaṃ nirgranthācāryavaryamupasadya savinayaṃ paripṛcchati sma bhagavan kiṃ nu khalu ātmane hitaṃ syāditi sa āha mokṣa iti sa eva punaḥ pratyāha kiṃ svarūpo'sau mokṣaḥ kaścāsya prāptyupāya iti ācārya āha niravaśeṣanirākṛtakarmamalakalaṅkasyāśarīrasyātmano'cintyasvā

bhāvikajñānādiguṇamavyābādhasukhaṃmātyantikamavasthāntaraṃ mokṣa iti

tasyātyantaparokṣatvācchadmasthāḥ pravādinastīrthakarammanyāstasya svarūpamaspṛśantībhirvāgbhiryuktyābhāsanibandhanābhiranyathaiva parikalpayanti caitanyaṃ puruṣasya svarūpam tacca jñeyākāraparicchedaparāṅmukham'iti tatsadapyasadeva nirākāratvāditi 'budhdyādivaiśeṣikaguṇocchedaḥ puruṣasya mokṣa' iti tadapi parikalpanamasadeva viśeṣalakṣaṇaśūnyasyāvastutvāt 'pradīpanirvāṇakalpamātmanirvāṇam' iti ca tasya kharaviṣāṇakalpatā tairevāhatya nirūpitā ityevamādi tasya svarūpamanavadyamuttaratra vakṣyāmaḥ

tatprāptyupāyaṃ pratyapi te visaṃvadante 'jñānādeva cāritranirapekṣāttatprāptiḥ śraddhānamātrādeva vā jñānanirapekṣāccāritramātrādeva' iti ca vyādhyabhibhūtasya tadvinivṛttyupāyabhūtabheṣajaviṣayavyastajñānādisādhanatvābhāvavad vyastaṃ jñānādirmokṣaprāptyupāyo na bhavati

kiṃ tarhi tat tritayaṃ samuditamityāha

samyagityavyutpannaḥ śabdo vyutpanno vā añcateḥ kvau samañcatīti samyagiti asyārthaḥ praśaṃsā sa pratyekaṃ parisamāpyate samyagdarśanaṃ samyagjñānaṃ samyakcāritramiti eteṣāṃ svarūpaṃ lakṣaṇato vidhānataśca purastādvistareṇa nirdekṣyāmaḥ uddeśamātraṃ tvidamucyate

bhāvānāṃ yāthātmyapratipattiviṣayaśraddhānasaṃgrahārthaṃ darśanasya samyagviśeṣaṇam yena yena prakāreṇa jīvādayaḥ padārthā vyavasthitāstena tenāvagamaḥ samyagjñānam vimohasaṃśayaviparyayanivṛttyarthaṃ samyagviśeṣaṇam saṃsārakāraṇanivṛttiṃ pratyāgūrṇasya jñānavataḥ karmādānanimittakriyoparamaḥ samyakcāritram ajñānapūrvakācaraṇanivṛttyarthaṃ samyagviśeṣaṇam

paśyati dṛśyate'nena dṛṣṭimātraṃ vā darśanam jānāti jñāyate'nena jñātimātraṃ vā jñānam carati caryate'nena caraṇamātraṃ vā cāritram nanvevaṃ sa eva kartā sa eva karaṇamityāyātam tacca viruddham satyaṃ svapariṇāmapariṇāminorbhedavivakṣāyāṃ tathā'bhidhānāt yathā'gnirdahatīndhanaṃ dāhapariṇāmena uktaḥ kartrādisādhanabhāvaḥ paryāyaparyāyiṇorekatvānekatvaṃ pratyanekāntopapattau svātantryapāratantryavivakṣopapatterekasminnapyarthe na virudhyate agnau dahanādikriyāyāḥ kartrādisādhanabhāvavat

jñānagrahaṇamādau nyāyyaṃ darśanasya tatpūrvakatvāt alpāctaratvācca naitadyuktaṃ yugapadutpatteḥ yadā'sya darśanamohasyopaśamātkṣayātkṣayopaśamādvā ātmā samyagdarśanaparyā

yeṇāvirbhavati tadaiva tasya matyajñānaśrutājñānanivṛttipūrvakaṃ matijñānaṃ śrutajñānaṃ cāvirbhavati ghanapaṭalavigame savituḥ pratāpaprakāśābhivyaktivat alpāctarādabhyarhitaṃ pūrvaṃ nipatati kathamabhyarhitatvaṃ jñānasya samyagvyapadeśahetutvāt cāritrātpūrvaṃ jñānaṃ prayuktaṃ tatpūrvakatvāccāritrasya

sarvakarmavipramokṣo mokṣaḥ tatprāptyupāyomārgaḥ mārga iti caikavacananirdeśaḥ samastasya mārgabhāvajñāpanārthaḥ tena vyastasya mārgatvanivṛttiḥ kṛtā bhavati ataḥ samyagdarśanaṃ samyagjñānaṃ samyakcāritramityetat tritayaṃ samuditaṃ mokṣasya sākṣānmārgo veditavyaḥ

tatrādāvuddiṣṭasya samyagdarśanasya lakṣaṇanirdeśārthamidamucyate

tattvaśabdo bhāvasāmānyavācī katham taditi sarvanāmapadam sarvanāma ca sāmānye vartate tasya bhāvastattvam tasya kasya yo'rtho yathāvasthitastathā tasya bhavanamityarthaḥ aryata ityartho niścīyata iti yāvat tattvenārthastattvārthaḥ athavā bhāvena

bhāvavato'bhidhām tadavyatirekāt tattvamevārthastattvārthaḥ tattvārthasya śraddhānaṃ tattvārthaśraddhānaṃ samyagdarśanaṃ pratyetavyam tattvārthaśca vakṣyamāṇo jīvādiḥ

dṛśerālokārthatvāt śraddhānārthagatirnopapadyate dhātūnāmanekārthatvādadoṣaḥ prasiddhārthatyāgaḥ kuta iti cenmokṣamārgaprakaraṇāt tattvārthaśraddhānaṃ hyātmapariṇāmo mokṣasādhanaṃ yujyate bhavyajīvaviṣayatvāt ālokastu cakṣurādinimitaḥ sarvasaṃsārijīvasādhāraṇatvānna mokṣamārgo yuktaḥ

arthaśraddhānamiti cetsarvārthaprasaṅgaḥ tattvaśraddhānamiti cedbhāvamātraprasaṅgaḥ 'sattādravyatvaguṇatvakarmatvādi tattvam' iti kaiścitkalpyata iti tattvamekattvamiti vā

sarvaikyagrahaṇaprasaṅgaḥ 'puruṣa evedaṃ sarvam' ityādi kaiścitkalpyata iti evaṃ sati dṛṣṭeṣṭavirodhaḥ tasmādavyabhicārārthamubhayorupādānam tat dvividhaṃ sarāgavītarāgaviṣayabhedāt praśamasaṃvegānukampāstikyādyabhivyaktilakṣaṇaṃ prathamam ātmaviśuddhimātramitarat

athaitatsamyagdarśanaṃ jīvādipadārthaviṣayaṃ kathamutpadyata ityata āha

nisargaḥ svabhāva ityarthaḥ adhigamo'rthāvabodhaḥ tayorhetutvena nirdeśaḥ kasyāḥ kriyāyāḥ kā ca kriyā utpadyata ityadhyāhriyate sopaskāratvāt sūtrāṇām tadetatsamyagdarśanaṃ nisargādadhigamādvotpadyata iti

atrāha nisargaje samyagdarśane'rthādhigamaḥ syādvā na vā yadyasti tadapi adhigamajameva nārthāntaram atha nāsti kathamanavabuddhatattvasyārthaśraddhānamiti naiṣa doṣaḥ ubhayatra samyagdarśane antaraṅgo hetustulyo darśanamohasyopaśamaḥ kṣayaḥ kṣayopaśamo vā tasminsati yadbāhyopadeśādṛte prādurbhavati tannaisargikam yatparopadeśapūrvakaṃ jīvādyadhi

gamanimittaṃ taduttaram ityanayorayaṃ bhedaḥ

tadgrahaṇaṃ kimartham anantaranirdeśārtham anantaraṃ samyagdarśanaṃ tadityanena nirdiśyate itarathā mokṣamārgo'pi prakṛtastasyābhisambandhaḥ syāt nanu ca 'anantarasya vidhirvā bhavati pratiṣedho vā' ityanantarasya samyagdarśanasya grahaṇaṃ siddhamiti cenna 'pratyāsatteḥ pradhānaṃ balīyaḥ' iti mokṣamārga eva sambadhyeta tasmāttadvacanaṃ kriyate

tattvārthaśraddhānaṃ samyagdarśanamityuktam atha kiṃ tattvamityata idamāha

tatra cetanālakṣaṇo jīvaḥ sā ca jñānādibhedādanekadhā bhidyate tadviparyayalakṣaṇo'jīvaḥ śubhāśubhakarmāgamadvārarūpa āsravaḥ ātmakarmaṇoranyo'nyapradeśānupraveśātmako bandhaḥ āsravanirodhalakṣaṇaḥ saṃvaraḥ ekadeśakarmasaṃkṣayalakṣaṇā nirjarā kṛtsnakarmaviyogalakṣaṇo mokṣaḥ eṣāṃ prapañca uttaratra vakṣyate sarvasya phalasyātmādhīnatvādādau jīvagrahaṇam tadupakārārthatvāttadanantaramajīvābhidhānam tadubhayaviṣayatvāttadanantaramāsravagrahaṇam tatpūrvakatvāttadanantaraṃ bandhābhidhānam saṃvṛtasya bandhābhāvāttatpratyanīka

pratipatyarthaṃ tadanantaraṃ saṃvaravacanam saṃvare sati nirjaropapattestadantike nirjarāvacanam ante prāpyatvānmokṣasyānte vacanam

iha puṇyapāpagrahaṇaṃ karttavyaṃ 'nava padārthā' ityanyairapyuktatvāt na karttavyam āsrave bandhe cāntarbhāvāt yadyevamāsravādigrahaṇamanarthakaṃ jīvājīvayorantarbhāvāt nānarthakam iha mokṣaḥ prakṛtaḥ so'vaśyaṃ nirdeṣṭavyaḥ sa ca saṃsārapūrvakaḥ saṃsārasya pradhānaheturāsravo bandhaśca mokṣasya pradhānahetuḥ saṃvaro nirjarā ca ataḥ pradhānahetuhetumatphalanidarśanārthatvātpṛthagupadeśaḥ kṛtaḥ dṛśyate hi sāmānye'ntarbhūtasyāpi viśeṣasya pṛthagupādānaṃ prayojanārtham 'kṣatriyā āyātāḥ sūravarmā'pi' iti

tattvaśabdo bhāvavācītyuktaḥ sa kathaṃ jīvādibhirdravyavacanaiḥ sāmānādhikaraṇyaṃ pratipadyate avyatirekāttadbhāvādhyāropācca sāmānādhikaraṇyaṃ bhavati yathā 'upayoga evātmā' iti yadyevaṃ tattalliṅgasaṅkhyānuvṛttiḥ prāpnoti 'viśeṣaṇaviśeṣyasambandhe satyapi śabdaśaktivyapekṣayā upāttaliṅgasaṅkhyāvyatikramo na bhavati ' ayaṃ krama ādisūtre'pi yojyaḥ

evameṣāmuddiṣṭānāṃ samyagdarśanādīnāṃ jīvādīnāṃ ca saṃvyavahāraviśeṣavyabhicāranivṛttyarthamāha

atadguṇe vastuni saṃvyavahārārthaṃ puruṣakārānniyujyamānaṃ saṃjñākarma nāma kāṣṭhapustacitrakarmākṣanikṣepādiṣu so'yamiti sthāpyamānā sthāpanā guṇairguṇānvā drutaṃ gataṃ guṇairdroṣyate guṇāndroṣyatīti vā dravyam vartamānatatparyāyopalakṣitaṃ dravyaṃ bhāvaḥ tadyathā nāmajīvaḥ sthāpanājīvo dravyajīvo bhāvajīva iti caturdhā jīvaśabdārtho nyasyate jīvanaguṇamanapekṣya yasya kasyacinnāma kriyamāṇaṃ nāmajīvaḥ akṣanikṣepādiṣu jīva iti vā

manuṣyajīva iti vā vyavasthāpyamānaḥ sthāpanājīvaḥ dravyajīvo dvividhaḥ āgamadravyajīvo noāgamadravyajīvaśceti tatra jīvaprābhṛtajñāyī manuṣyajīvaprābhṛtajñāyī vā anupayukta ātmā āgamadravyajīvaḥ noāgamadravyajīvastredhā vyavatiṣṭhate jñāyakaśarīrabhāvitadvyatiriktabhedāt tatra jñāturyaccharīraṃ trikālagocaraṃ taj jñāyakaśarīram sāmānyāpekṣayā noāgamabhāvijīvo nāsti jīvanasāmānyasya sadā'pi vidyamānatvāt viśeṣāpekṣayā tvasti gatyantare jīvo vyavasthito manuṣyabhava prāptiṃ pratyabhimukho manuṣyabhāvijīvaḥ tadvyatiriktaḥ karmanokarmavikalpaḥ bhāvajīvo dvividhaḥ āgamabhāvajīvo noāgamabhāvajīvaśceti tatra jīvaprābhṛtaviṣayopayogāviṣṭo manuṣyajīvaprābhṛtaviṣayopayogayukto vā ātmā āgamabhāvajīvaḥ jīvanaparyāyeṇa manuṣyajīvatvaparyāyeṇa vā samāviṣṭa ātmā noāgamabhāvajīvaḥ evamitareṣāmapi padārthānāṃ nāmādinikṣepavidhirniyojyaḥ sa kimarthaḥ aprakṛtanirākaraṇāya prakṛtani

rūpaṇāya ca nikṣepavidhinā śabdārthaḥ prastīryate tacchabdagrahaṇaṃ kimartham sarvasaḍgrahārtham asati hi tacchabde samyagdarśanādīnāṃ pradhānānāmeva nyāsenābhisambandhaḥ syāt tadviṣayabhāvenopagṛhītānāṃ jīvādīnāṃ apradhānānāṃ na syāt tacchabdagrahaṇe punaḥ kriyamāṇe sati sāmarthyātpradhānānāmapradhānānāṃ ca grahaṇaṃ siddhaṃ bhavati

evaṃ nāmādibhiḥ prastīrṇānāmadhikṛtānāṃ tattvādhigamaḥ kutaḥ ityata idamucyate

nāmādinikṣepavidhinopakṣiptānāṃ jīvādīnāṃ tattvaṃ pramāṇābhyāṃ nayaiścādhigamyate pramāṇanayā vakṣyamāṇalakṣaṇavikalpāḥ tatra pramāṇaṃ dvividhaṃ svārthaṃ parārthaṃ ca tatra svārthaṃ pramāṇaṃ śrutavarjjam śrutaṃ punaḥ svārthaṃ bhavati parārthaṃ ca jñānātmakaṃ svārthaṃ vacanātmakaṃ parārtham tadvikalpā nayāḥ atrāha nayaśabdasya alpāctaratvātpūrvanipātaḥ prāpnoti naiṣa doṣaḥ abhyarhitatvātpramāṇasya pūrvanipātaḥ abhyarhitatvaṃ ca sarvato balīyaḥ kuto'bhyarhitatvam nayaprarūpaṇaprabhavayonitvāt evaṃ hyuktaṃ 'pragṛhya pramāṇataḥ pariṇativiśeṣādarthāvadhāraṇaṃ naya' iti sakalaviṣayatvācca pramāṇasya tathā coktaṃ 'sakalādeśaḥ pramāṇādhīno vikalādeśo nayadhīna iti' nayo dvividho dravyārthikaḥ paryāyārthikaśca paryāyārthikanayena bhāvatattvamadhigantavyam itareṣāṃ trayāṇāṃ dravyārthikanayena sāmānyātmakatvāt

dravyamarthaḥ prayojanamasyetyasau dravyārthikaḥ paryāyo'rthaḥ prayojanamasyetyasau paryāyārthikaḥ tatsarvaṃ samuditaṃ pramāṇenādhigantavyam

evaṃ pramāṇanayairadhigatānāṃ jīvādīnāṃ punarapyadhigamopāyāntarapradarśanāryamāha

nirdeśaḥ svarūpābhidhānam svāmitvamādhipatyam sādhanamutpattinimittam adhikaraṇamadhiṣṭhānam sthitiḥ kālaparicchedaḥ vidhānaṃ prakāraḥ tatra samyagdarśanaṃ kimiti praśne tattvārthaśraddhānamiti nirdeśo nāmādirvā kasyetyukte sāmānyena jīvasya viśeṣeṇa gatyanuvādena narakagatau sarvāsu pṛthivīṣu nārakāṇāṃ paryāptakānāmaupaśamikaṃ kṣāyopaśamikaṃ

cāsti prathamāyāṃ pṛthivyāṃ paryāptāparyāptakānāṃ kṣāyikaṃ kṣāyopaśamikaṃ cāsti tiryaggatau tiraścāṃ paryāptakānāmaupaśamikamasti kṣayikaṃ kṣāyopaśamikaṃ ca paryāptāparyāptakānāmasti tiraścīnāṃ kṣāyikaṃ nāsti aupaśamikaṃ kṣāyopaśamikaṃ ca paryāptikānāmeva nāparyāptikānām manuṣyagatau manuṣyāṇāṃ paryāptāparyāptakānāṃ kṣāyikaṃ kṣāyopaśamikaṃ tāsti aupaśamikaṃ paryāptakānāmeva nāparyāptakānām mānuṣīṇāṃ tritayamapyasti paryāptikānāmeva nāparyāptikānām devagatau devānāṃ paryāptāparyāptakānāṃ tritayamapyasti aupaśamikamaparyāptakānāṃ kathamiti ceccāritramohopaśamena saha mṛtānprati bhavanavāsivyantarajyotiṣkāṇāṃ devānāṃ devīnāṃ ca saudharmaiśānakalpavāsinīnāṃ ca kṣāyikaṃ

nāsti teṣāṃ paryāptakānāmaupaśamikaṃ kṣāyopaśamikaṃ cāsti

indriyānuvādena pañcendriyāṇāṃ saṃjñināṃ tritayamapyasti netareṣām kāyānuvādena trasakāyikānāṃ tritayamapyasti netareṣām yogānuvādena trayāṇāṃ yogānāṃ tritayamapyasti ayogināṃ kṣāyikameva vedānuvādena trivedānāṃ tritayamapyasti apagatavedānāmaupaśamikaṃ kṣāyikaṃ cāsti kaṣāyānuvādena catuṣkaṣāyāṇāṃ tritayamapyasti akaṣāyāṇāmaupaśamikaṃ kṣāyikaṃ cāsti jñānānuvādena ābhinibodhikaśrutāvadhimanaḥparyayajñānināṃ tritayamapyasti kevalajñānināṃ kṣāyikameva saṃyamānuvādena sāmāyikacchedopasthāpanaḥ saṃyatānāṃ tritayamapyasti parihāraviśuddhisaṃyatānāmaupaśamikaṃ nāsti itarat dvitayamapyasti sūkṣmasāmparāyayathākhyātasaṃyatānāmaupaśamikaṃ kṣāyikaṃ cāsti saṃyatāsaṃyatānāṃ asaṃyatānāṃ ca tritayamapyasti darśanānuvādena cakṣudarśanācakṣurdarśanāvadhidarśanināṃ tritayamapyasti

kevaladarśanināṃ kṣāyikameva leśyānuvādena ṣaḍleśyānāṃ tritayamapyasti aleśyānāṃ kṣāyikameva bhavyānuvādena bhavyānāṃ tritayamapyasti nābhavyānām samyaktvānuvādena yatra yatsamyagdarśanaṃ tatra tadeva jñeyam saṃjñānuvādena saṃjñināṃ tritayamapyasti nāsaṃjñinām tadubhayavyapadeśarahitānāṃ kṣāyikameva āhārānuvādena āhārakāṇāṃ tritayamapyasti anāhārakāṇāṃ chadmasthānāṃ tritayamapyasti kevalināṃ samudghātagatānāṃ kṣāyikameva

sādhanaṃ dvividhaṃ abhyantaraṃ bāhyaṃ ca abhyantaraṃ darśanamohasyopaśamaḥ kṣayaḥ kṣayopaśamo vā bāhyaṃ nārakāṇāṃ prākcaturthyāḥ samyagdarśanasya sādhanaṃ keṣāñcijjātismaraṇaṃ keṣāñciddharmaśravaṇaṃ keṣāñcidvedanābhibhavaḥ caturthīmārabhya ā saptamyā

nārakāṇāṃ jātismaraṇaṃ vedanābhibhavaśca tiraścāṃ keṣāñcijjātismaraṇaṃ keṣāñciddharmaśravaṇaṃ keṣāñcijjinabimbadarśanam manuṣyāṇāmapi tathaiva devānāṃ keṣāñcijjātismaraṇaṃ keṣāñciddharmaśravaṇaṃ keṣāñcijjinamahimadarśanaṃ keṣāñciddevarddhidarśanam evaṃ prāgānatāt ānataprāṇatāraṇācyutadevānāṃ devarddhidarśanaṃ muktvā'nyatrtritayamapyasti navagraiveyakavāsināṃ keṣāñcijjātismaraṇaṃ keṣāñciddharmaśravaṇam anudiśānuttaravimānavāsināmiyaṃ kalpanā na sambhavati prāgeva gṛhītasamyaktvānāṃ tatrotpatteḥ

adhikaraṇaṃ dvividhaṃ abhyantaraṃ bāhyaṃ ca abhyantaraṃ svasvāmisambandhārha eva ātmā vivakṣātaḥ kārakapravṛtteḥ bāhyaṃ lokanāḍī sā kiyatī ekarajjuviṣkambhā caturdaśarajjvāyāmā

sthitiraupaśamikasya jaghanyotkṛṣṭā cāntarmauhūtiṃkī kṣāyikasya saṃsāriṇo

jaghanyāntarmauhūrtiṃkī utkṛṣṭā trayastriṃśatsāgaropamāṇi sāntarmūhūrtāṣṭavarṣahīnapūrvakoṭidvayādhikāni muktasya sādiraparyavasānā kṣāyopaśamikasya jaghanyā'ntarmauhūrttikī utkṛṣṭā ṣaṭṣaṣṭisāgaropamāṇi

vidhānaṃ sāmānyādekaṃ samyagdarśanam dvitayaṃ nisargajādhigamajabhedāt tritayaṃ aupaśamikakṣāyikakṣāyopaśamikabhedāt evaṃ saṅkhyeyā vikalpāḥ śabdataḥ asaṅkhyeyā

anantāśca bhavanti śraddhātṛśraddhātavyabhedāt evamayaṃ nirdeśādividhirjñānacāritrayorjīvājīvādiṣu cāgamānusāreṇa yojayitavyaḥ

kimetaireva jīvādīnāmadhigamo bhavati uta anyo'pyadhigamopāyo'stīti paripṛṣṭo'stītyāha

sadityastitvanirdeśaḥ sa praśaṃsādiṣu vartamāno neha gṛhyate saṅkhyā bhedagaṇanā kṣetraṃ nivāso vartamānakālaviṣayaḥ tadeva sparśanaṃ trikālagocaram kālo dvividhaḥ mukhyo vyāvahārikaśca tayoruttaratra nirṇayo vakṣyate antaraṃ virahakālaḥ bhāvaḥ aupaśamikādilakṣaṇaḥ alpabahutvamanyo'nyāpekṣayā viśeṣapratipattiḥ etaiśca samyagdarśanādīnāṃ jīvādīnāṃ cādhigamo veditavyaḥ nanu ca nirdeśādeva sadgrahaṇaṃ siddham vidhānagrahaṇātsaṅkhyāgatiḥ adhikaraṇagrahaṇātkṣetrasparśanāvabodhaḥ sthitigrahaṇātkālasaṅgrahaḥ

bhāvo nāmādiṣu saṅgṛhīta eva punareṣāṃ kimarthaṃ grahaṇamiti satyaṃ siddham vineyāśayavaśāttattvadeśanāvikalpaḥ kecitsaṅkṣeparucayaḥ kecit vistararucayaḥ apare nātisaṅkṣepeṇa nātivistareṇa pratipādyāḥ sarvasattvānugrahārtho hi satāṃ prayāsa iti adhigamābhyupāyabhedoddeśaḥ kṛtaḥ itarathā hi 'pramāṇanayairadhigamaḥ' ityanenaiva siddhatvāditareṣāṃ grahaṇamanarthakaṃ syāt

tatra jīvadravyamadhikṛtya sadādyanuyogadvāranirūpaṇaṃ kriyate jīvāścaturdaśasu guṇasthāneṣu vyavasthitāḥ mithyādṛṣṭiḥ sāsādanasamyagdṛṣṭiḥ samyaṅmithyādṛṣṭiḥ saṃyatasamyagdṛṣṭiḥ saṃyatāsaṃyataḥ pramattasaṃyataḥ apramattasaṃyataḥ apūrvakaraṇasthāne upaśamakaḥ kṣapakaḥ anivṛttibādarasāmparāyasthāne upaśamakaḥ kṣapakaḥ sūkṣmasāmparāyasthāne upaśamakaḥ kṣapakaḥ upaśāntakaṣāyavītarāgachadmasthaḥ kṣīṇakaṣāyavītarāgachadmasthaḥ sayogakevalī ayogakevalī ceti eteṣāmeva jīvasamāsānāṃ nirūpaṇārthaṃ caturdaśa mārgaṇāsthānāni jñeyāni gatīndriyakāyayogavedakaṣāyajñānasaṃyamadarśanaleśyābhavyasamyaktvasajñā''hārakā iti

tatra satprarūpaṇā dvividhā sāmānyena viśeṣeṇa ca sāmānyena asti mithyādṛṣṭiḥ sāsādanasamyagdṛṣṭirityevamādi viśeṣeṇa gatyanuvādena narakagatau sarvāsu pṛthivīṣu ādyāni catvāri guṇasthānāni santi tiryaggatau tānyeva saṃyatāsaṃyatasthānādhikāni santi manuṣyagatau caturdaśāpi santi devagatau nārakavat indriyānuvādena ekedriyādiṣu caturindriyaparyanteṣu ekameva mithyādṛṣṭisthānam pañcendriyeṣu caturdaśāpi santi kāyānuvādena pṛthivīkāyādivanaspatikāyānteṣu ekameva mithyādṛṣṭisthānam trasakāyeṣu caturdaśāpi santi yogānuvādena triṣu yogeṣu trayodaśa guṇasthānāni bhavanti tataḥ paraṃ ayogakevalī vedānuvādena triṣu vedeṣu mithyādṛṣṭyādyanivṛttibādarāntāni santi apagatavedeṣu anivṛttibādarādyayogakevalyantāni kaṣāyānuvādena krodhamānamāyāsu mithyādṛṣṭyādīni anivṛttibādarasthānāntāni santi lobhakaṣāye tānyeva sūkṣmasāmparāya

sthānādhikāni akaṣāyaḥ upaśāntakaṣāyaḥ kṣīṇakaṣāyaḥ sayogakevalī ayogakevalī ceti jñānānuvādena matyajñānaśrutājñānavibhaṅgajñāneṣu mithyādṛṣṭiḥ sāsādanasamyagdṛṣṭiścāsti ābhinibodhikaśrutāvadhijñāneṣu asaṃyatasamyagdṛṣṭyādīni kṣīṇakaṣāyāntāni santi manaḥparyayajñāne pramattasaṃyatādayaḥ kṣīṇakaṣāyāntāḥ santi kevalajñāne sayogo'yogaśca saṃyamānuvādena saṃyatāḥ pramattādayo'yogakevalyantāḥ sāmāyikacchedopasthāpanāśuddhisaṃyatāḥ pramattādayo'nivṛttisthānāntāḥ parihāraviśuddhisaṃyatāḥ pramattāścāpramattāśca sūkṣmasāmparāyaśuddhisaṃyatā ekasminneva sūkṣmasāmparāyasthāne yathākhyātavihāraśuddhisaṃyatā upaśāntakaṣāyādayo'yogakevalyantāḥ saṃyatāsaṃyatā ekasminteva saṃyatāsaṃyatasthāne asaṃyatā ādyeṣu caturṣu guṇasthāneṣu darśanānuvādena cakṣurdarśanācakṣurdarśanayormithyādṛṣṭyādīni kṣīṇakaṣāyāntāni santi avadhidarśane asaṃyatasamyagdṛṣṭyādīni kṣīṇakaṣāyāntāni kevaladarśane sayaugakevalī ayogakevalī ca leśyānuvādena kṛṣṇanīlakapotaleśyāsu mithyādṛṣṭyādīni asaṃyatasamyagdṛṣṭyantāni santi tejaḥ padmaleśyayormithyādṛṣṭyādīni

apramattasthānāntāni śuklaleśyāyāṃ mithyādṛṣṭayādīni sayogakevalyantāni aleśyā ayogakevalinaḥ bhavyānuvādena bhavyeṣu caturdaśāpi santi abhavyā ādya eva sthāne samyaktvānuvādena kṣāyikasamyakatve asaṃyatasamyagdṛṣṭyādīni ayogakevalyantāni santi kṣāyopaśamikasamyaktve asaṃyatasamyagdṛṣṭyādīni apramattāntāni aupaśamikasamyaktve asaṃyatasamyagdṛṣṭyādīni upaśāntakaṣāyāntāni sāsādanasamyagdṛṣṭiḥ samyaṅmithyādṛṣṭirmithyādṛṣṭiśca sve sve sthāne saṃjñānuvādena saṃjñisu dvādaśa guṇasthānāni kṣīṇakaṣāyāntāni asaṃjñiṣu ekameva mithyādṛṣṭisthānam tadubhayavyapadeśarahitaḥ sayogakevalī ayogakevalī ca āhārānuvādena āhārakeṣu mithyādṛṣṭyādīni kevalyantāni anāhārakeṣu vigrahagatyāpanneṣu trīṇi guṇasthānāni mithyādṛṣṭiḥ sāsādanasamyagdṛṣṭirasaṃyatasamyagdṛṣṭiśca samudghātagataḥ sayogakevalī ayogakevalī ca siddhāḥ parameṣṭhinaḥ atītaguṇasthānāḥ uktā satprarūpāṇā

saṅkhyāprarūpaṇocyate sā dvividhā sāmānyena viśeṣeṇa ca sāmānyena tāvat jīvā mithyādṛṣṭayo'nantānantāḥ sāsādanasamyagdṛṣṭayaḥ samyaṅmithyādṛṣṭayo'saṃyatasamyagdṛṣṭayaḥ saṃyatāsaṃyatāśca palyopamāsaṅkhyeyabhāgapramitāḥ pramattasaṃyatāḥ koṭīpṛthaktvasaṅkhyāḥ pṛthaktvamityāgamasaṃjñā tisṛṛṇāṃ koṭīnāmupari navānāmadhaḥ apramattasaṃyatāḥ saṃkhyeyāḥ catvāra upaśamakāḥ praveśena eko vā dvauvātrayo vā utkarṣeṇa catuḥpañcāśat svakālena samuditāḥ saṃkhyeyāḥ catvāraḥ kṣapakā ayogakevalinaśca praveśena eko vā dvauvātrayo vā utkarṣeṇāṣṭottaraśatasaṃkhyāḥ svakālena samuditāḥ saṃkhyeyāḥ sayogakevalinaḥ praveśena eko vā dvau vā trayo vā utkarṣeṇāṣṭottaraśatasaṃkhyāḥ svakālena samuditāḥ śatasahasrapṛthaktvasaṃkhyāḥ

viśeṣeṇa gatyanuvādena narakagatau prathamāyāṃ pṛthivyāṃ nārakā mithyādṛṣṭayo'saṃkhyeyāḥ śreṇayaḥ pratarāsaṃkhyeyabhāgapramitāḥ dvitīyādiṣvā saptamyā mithyādṛṣṭayaḥ śreṇya

saṃkhyeyabhāgapramitāḥ sa cāsaṃkhyeyabhāgaḥ asaṃkhyeyā yojanakoṭīkoṭyaḥ sarvāsu pṛthivīṣu sāsādanasaṃmyagdṛṣṭayaḥ samyaṅmithyādṛṣṭayo'saṃyatasamyagdṛṣṭayaśca palyopamāsaṃkhyeyabhāgapramitāḥ tiryaggatau tiraścāṃ madhye mithyādṛṣṭayo'nantānantāḥ sāsādanasamyagdṛṣṭyādayaḥ saṃyatāsaṃyatāntāḥ palyopamāsaṃkhyeyabhāgapramitāḥ manuṣyagatau manuṣyā mithyādṛṣṭayaḥ śreṇyasaṃkhyeyabhāgapramitāḥ sa cāsaṃkhyeyabhāgaḥ asaṃkhyeyā yojanakoṭīkoṭyaḥ sāsādanasamyagdṛṣṭyādayaḥ saṃyatāsaṃyatāntāḥ saṃkhyeyāḥ pramattādīnāṃ sāmānyoktā saṃkhyā devagatau devā mithyādṛṣṭayo'saṃkhyeyāḥ śreṇayaḥ pratarāsaṃkhyeyabhāgapramitāḥ sāsādanasamyagdṛṣṭisamyaṅmithyādṛṣṭyasaṃyatasamyagdṛṣṭayaḥ palyopamāsaṃkhyeyabhāgapramitāḥ indriyānuvādena ekendriyā

mithyādṛṣṭayo'nantānantāḥ dvīndriyāstrīndriyāścaturindriyā asaṃkhyeyāḥ śreṇayaḥ pratarāsaṃkhyeyabhāgapramitāḥ pañcendriyeṣu mithyādṛṣṭayo'saṃkhyeyāḥ śreṇayaḥ pratarāsaṃkhyeyabhāgapramitāḥ sāsādanasamyagdṛṣṭyādayo'yogakevalyantāḥ sāmānyoktasaṃkhyāḥ kāyānuvādena pṛthivīkāyikā apkāyikāstejaḥkāyikā vāyukāyikā asaṃkhyeyā lokāḥ vanaspatikāyikāḥ anantānantāḥ trasakāyikasaṃkhyā pañcendriyavat yogānuvādena manoyogino vāgyoginaśca mithyādṛṣṭayo'saṃkhyeyāḥ śreṇayaḥ pratarāsaṃkhyeyabhāgapramitāḥ kāyayogino mithyādṛṣṭayo'nantānantāḥ trayāṇāmapi yogināṃ sāsādanasamyagdṛṣṭyādayaḥ saṃyatāsaṃyatāntā palyopamāsaṃkhyeyabhāgapramitāḥ pramattasaṃyatādayaḥsayogakevalyantāḥ saṃkhyeyāḥ ayogakevalinaḥ sāmānyoktasaṅkhyāḥ vedānuvādena strīvedāḥ puṃvedāśca mithyādṛṣṭayo'saṅkhyeyāḥ śreṇayaḥ pratarāsaṃkhyeyabhāgapramitāḥ napuṃsaka

vedā mithyādṛṣṭayo'nantānantāḥ strīvedā napuṃsakavedāśca sāsādanasamyadṛṣṭyādayaḥ saṃyatāsaṃyatāntāḥ sāmānyoktasaṃkhyāḥ pramattasaṃyatādayo'nivṛttibādarāntāḥ saṃkhyeyāḥ puṃvedāḥ sāsādanasamyagdṛṣṭyādayo'nivṛttibādarāntāḥ sāmānyoktasaṃkhyāḥ apagatavedā anivṛttibādarādayo'yogakevalyantāḥ sāmānyoktasaṃkhyāḥ kaṣāyānuvādena krodhamānamāyāsu mithyādṛṣṭyādayaḥ saṃyatāsaṃyatāntāḥ sāmānyoktasaṃkhyāḥ pramattasaṃyatādayo'nivṛttibādarāntāḥ saṃkhyeyāḥ lobhakaṣāyāṇāmukta eva kramaḥ ayaṃ tu viśeṣaḥ sūkṣmasāmparāyasaṃyatāḥ sāmānyoktasaṃkhyāḥ akaṣāyā upaśāntakaṣāyādayo'yogakevalyantāḥ sāmānyoktasaṃkhyāḥ jñānānuvādena matyajñāninaḥ śrutājñāninaśca mithyādṛṣṭisāsādanasamyagdṛṣṭayaḥ sāmānyoktasaṃkhyāḥ

vibhaṅgajñānino mithyādṛṣṭayo'saṃkhyeyāḥ śreṇayaḥ pratarāsaṃkhyeyabhāgapramitāḥ sāsādanasamyagdṛṣṭayaḥ palyopamāsaṃkhyeyabhāgapramitāḥ matiśrutajñānino'saṃyatasamyagdṛṣṭyādayaḥ kṣīṇakaṣāyāntāḥ sāmānyoktasaṃkhyāḥ avadhijñānino'saṃyatasamyagdṛṣṭisaṃyatāsaṃyatā sāmānyoktasaṃkhyāḥ pramattasaṃyatādayaḥ kṣīṇakapāyāntāḥ saṃkhyeyāḥ manaḥparyayajñāninaḥ pramattasaṃyatādayaḥ kṣīṇakaṣāyāntāḥ saṃkhyeyāḥ kevalajñāninaḥ sayogā ayogāśca sāmānyoktasaṃkhyāḥ saṃyamānuvādena sāmāyikacchedopasthāpanaśuddhisaṃyatāḥ pramattādayo'nivṛttibādarāntāḥ sāmānyoktasaṃkhyāḥ parihāraviśuddhisaṃyatāḥ pramattāścāpramattāśca saṃkhyeyāḥ sūkṣmasāmparāyaśuddhisaṃyatā yathākhyātavihāraśuddhisaṃyatāḥ saṃyatāsaṃyatā asaṃyatāśca sāmānyoktasaṃkhyāḥ darśanānuvādena cakṣurdarśanino mithyādṛṣṭayo'saṃkhyeyāḥ śreṇayaḥ pratarāsaṃkhyeyabhāgapramitāḥ acakṣurdarśanino mithyādṛṣṭayo'nantānantāḥ ubhaye ca sāsādanasamyagdṛṣṭyādayaḥ

kṣīṇakaṣāyāntāḥ sāmānyoktasaṃkhyāḥ avadhidarśanino'vadhijñānivat kevaladarśaninaḥ kevalajñānivat leśyānuvādena kṛṣṇanīlakapotaleśyā mithyādṛṣṭyādayo'saṃyatasamyagdṛṣṭyantāḥ sāmānyoktasaṃkhyāḥ tejaḥpadmaleśyā mithyādṛṣṭyādayaḥ saṃyatāsaṃyatāntāḥ strīvedavat pramattāpramattasaṃyatāḥ saṃkhyeyāḥ śuklaleśyā mithyādṛṣṭyādayaḥ saṃyatāsaṃyatāntāḥ palyopamāsaṃkhyeyabhāgapramitāḥ pramattāpramattasaṃyatāḥ saṃkhyeyāḥ apūrvakaraṇādayaḥ sayogakevalyantā aleśyāśca sāmānyoktasaṃkhyāḥ bhavyānuvādena bhavyeṣu mithyādṛṣṭyādayo'yogakevalyantāḥ sāmānyoktasaṃkhyāḥ abhavyā anantāḥ samyaktvānuvādena kṣāyikasamyagdṛṣṭiṣu asaṃyatasamyagdṛṣṭayaḥ palyopamāsaṃkhyeyabhāgapramitāḥ saṃyatāsaṃyatādaya upaśāntaka

ṣāyāntāḥ saṃkhyeyāḥ catvāraḥ kṣapakāḥ sayogakevalino'yogakevalinaśca sāmānyoktasaṃkhyāḥ kṣāyopaśamikasamyagdṛṣṭiṣu asaṃyatasamyagdṛṣṭyādayo'pramattāntāḥ sāmānyoktasaṃkhyāḥ aupaśamikasamyagdṛṣṭiṣu asaṃyatasamyagdṛṣṭisaṃyatāsaṃyatāḥ palyopamāsaṃkhyeyabhāgapramitāḥ pramattāpramattasaṃyatāḥ saṃkhyeyāḥ catvāra aupaśamikāḥ sāmānyoktasaṃkhyāḥ sāsādanasamyagdṛṣṭayaḥ samyaṅmithyādṛṣṭayo mithyādṛṣṭayaśca sāmānyoktasaṃkhyāḥ saṃjñānuvādena saṃjñiṣu mithyādṛṣṭyādayaḥ kṣīṇakaṣāyāntāścakṣurdarśanivat asaṃjñino mithyādṛṣṭayo'nantānantāḥ tadubhayavyapadeśarahitāḥ sāmānyoktasaṃkhyāḥ āhārānuvādena āhārakeṣu mithyādṛṣṭyādayaḥ sayogakevalyantāḥ sāmānyoktasaṃkhyāḥ anāhārakeṣu mithyādṛṣṭisāsādanasamyagdṛ ṣṭyasaṃyatasamyagdṛṣṭayaḥ sāmānyoktasaṃkhyāḥ sayogakevalinaḥ saṃkhyeyāḥ ayogakevalinaḥ sāmānyoktasaṃkhyāḥ saṃkhyā nirṇītā

kṣetramucyate tat dvividhaṃ sāmānyena viśeṣeṇa ca sāmānyena tāvat mithyādṛṣṭīnāṃ sarvalokaḥ sāsādanasamyagdṛṣṭyādīnāmayogakevalyantānāṃ lokasyāsaṃkhyeyabhāgaḥ sayogakevalināṃ lokasyāsaṃkhyeyabhāgo'saṃkhyeyā bhāgāḥ sarvaloko vā viśeṣeṇa gatyanuvādena narakagatau sarvāsu pṛthivīṣu nārakāṇāṃ caturṣu guṇasthāneṣu lokasyāsaṃkhyeyabhāgaḥ tiryaggatau tiraścāṃ mithyādṛṣṭyādisaṃyatāsaṃyatāntānāṃ sāmānyoktaṃ kṣetram manuṣyagatau manuṣyāṇāṃ mithyādṛṣṭyādyayogakevalyantānāṃ lokasyāsaṃkhyeyabhāgaḥ sayogakevalināṃ sāmānyoktaṃ kṣetram devagatau devānāṃ sarveṣāṃ caturṣu guṇasthāneṣu lokasyāsaṃkhyeyabhāgaḥ indriyānuvādena ekendriyāṇāṃ kṣetraṃ sarvalokaḥ vikalendriyāṇāṃ lokasyāsaṃkhyeyabhāgaḥ pañcendriyāṇāṃ manuṣyavat kāyānuvādena pṛthivīkāyādivanaspatikāyāntānāṃ sarvalokaḥ trasakāyikānāṃ pañcendriyavat yogānuvādena vāṅmanasayogināṃ mithyādṛṣṭyādisayogakevalya

ntānāṃ lokasyāsaṃkhyeyabhāgaḥ kāyayogināṃ mithyādṛṣṭyādisayogakevalyantānāmayogakevalināṃ ca sāmānyoktaṃ kṣetram vedānuvādena strīpuṃvedānāṃ mithyādṛṣṭyādyanivṛtibādarāntānāṃ lokasyāsaṃkhyeyabhāgaḥ napuṃsakavedānāṃ mithyādṛṣṭyādyanivṛttibādarāntānāmapagatavedānāṃ ca sāmānyoktaṃ kṣetram kaṣāyānuvādena krodhamānamāyākaṣāyāṇāṃ lobhakaṣāyāṇāṃ ca mithyādṛṣṭyādyanivṛttibādarāntānāṃ sūkṣmasāmparāyāṇāmakaṣāyāṇāṃ ca sāmānyoktaṃ kṣetram jñānānuvādena matyajñāniśrutājñānināṃ mithyādṛṣṭisāsādanasamyagdṛṣṭīnāṃ sāmānyoktaṃ kṣetram vibhaṅgajñānināṃ mithyādṛṣṭisāsādanasamyagdṛṣṭīnāṃ lokasyāsaṃkhyeyabhāgaḥ ābhinibodhikaśrutāvadhijñānināmasaṃyatasamyagdṛṣṭyādīnāṃ kṣīṇakaṣāyāntānāṃ manaḥparyayajñānināṃ ca pramattādīnāṃ kṣīṇakaṣāyāntānāṃ kevalajñānināṃ sayogānāmayogānāṃ ca sāmānyoktaṃ kṣetram saṃyamānuvādena sāmāyikacchedopasthāpanāśuddhisaṃyatānāṃ caturṇāṃ parihāraviśuddhisaṃyatānāṃ pramattāpramattānāṃ sūkṣmasāmparāyaśuddhisaṃyatānāṃ yathākhyāta

vihāraśuddhisaṃyatānāṃ caturṇāṃ saṃyatāsaṃyatānāmasaṃyatānāṃ ca caturṇāṃ sāmānyoktaṃ kṣetram darśanānuvādena cakṣurdarśanināṃ mithyādṛṣṭyādikṣīṇakaṣāyāntānāṃ lokasyāsaṃkhyayabhāgaḥ acakṣurdarśanināṃ mithyādṛṣṭyādikṣīṇakaṣāyāntānāṃ sāmānyoktaṃ kṣetram avadhidarśanināmavadhijñānivat kevaladarśanināṃ kevalajñānivat leśyānuvādena kṛṣṇanīlakāpotaleśyānāṃ mithyādṛṣṭyādyasaṃyatasamyagdṛṣṭyantānāṃ sāmānyoktaṃ kṣetram tejaḥpadmaleśyānāṃ mithyādṛṣṭyādyapramattāntānāṃ lokasyāsaṃkhyeyabhāgaḥ śuklaleśyānāṃ mithyādṛṣṭyādikṣīṇakaṣāyāntānāṃ lokasyāsaṃkhyeyabhāgaḥ sayogakevalināmaleśyānāṃ ca sāmānyoktaṃ kṣetram bhavyānuvādena bhavyānāṃ caturdaśānāṃ sāmānyoktaṃ kṣetram abhavyānāṃ sarvalokaḥ samyaktvānuvādena kṣāyikasamyagdṛṣṭīnāmasaṃyatasamyagdṛṣṭyādyayogakevalyantānāṃ kṣāyopaśamikasamyagdṛṣṭīnāmasaṃyatasamyagdṛṣṭyādyapramattāntānāmaupaśamikasamyagdṛṣṭīnāmasaṃyatasamyagdṛṣṭyādyupaśāntakaṣāyāntānāṃ sāsādanasamyagdṛṣṭīnāṃ samyaṅmithyādṛṣṭīnāṃ

mithyādṛṣṭīnāṃ ca sāmānyoktaṃ kṣetram sañjñānuvādena sañjñināṃ cakṣurdarśanivat asañjñināṃ sarvalokaḥ tadubhayavyapadeśarahitānāṃ sāmānyoktaṃ kṣetram āhārānuvādena āhārakāṇāṃ mithyādṛṣṭyādikṣīṇakaṣāyāntānāṃ sāmānyoktaṃ kṣetram sayogakevalināṃ lokasyāsaṃkhyeyabhāgaḥ anāhārakāṇāṃ mithyādṛṣṭisāsādanasamyagdṛṣṭyasaṃyatasamyagdṛṣṭyayogakevalināṃ sāmānyoktaṃ kṣetram sayogakevalināṃ lokasyāsaṃkhyeyā bhāgāḥ sarvaloko vā kṣetranirṇayaḥ kṛtaḥ

sparśanamucyate tad dvividhaṃ sāmānyena viśeṣeṇa ca sāmānyena tāvat mithyādṛṣṭibhiḥ sarvalokaḥ spṛṣṭaḥ sāsādanasamyagdṛṣṭibhirlokasyāsaṃkhyeyabhāgaḥ aṣṭau dvādaśa vā caturdaśabhāgā deśonāḥ samyaṅmithyādṛṣṭyasaṃyatasamyagdṛṣṭibhirlokasyāsaṃkhyeyabhāgaḥ aṣṭau caturdaśabhāgā vā deśonāḥ saṃyatāsaṃyatairlokasyāsaṃkhyeyabhāgaḥ ṣaṭ caturdaśabhāgā vā deśonāḥ pramattasaṃyatādīnāmayogakevalyantānāṃ kṣetravatsparśanam

viśeṣeṇa gatyanuvādena narakagatau prathamāyāṃ pṛthivyāṃ nārakaiścaturguṇasthānairlokasyāsaṃkhyeyabhāgaḥspṛṣṭaḥ dvidīyādiṣu prāksaptamyā mithyādṛṣṭisāsādanasamyagdṛṣṭibhirlokasyāsaṃkhyeyabhāgaḥ eko dvau trayaḥ catvāraḥ pañca caturdaśabhāgā vā deśonāḥ samyaṅmithyādṛṣṭyasaṃya

tasamyagdṛṣṭibhirlokasyāsaṃkhyeyabhāgaḥ saptamyāṃ pṛthivyāṃ mithyādṛṣṭibhirlokasyāsaṃkhyeyabhāgaḥ ṣaṭ caturdaśabhāgā vā deśonāḥ śeṣaistribhirlokasyāsaṃkhyeyabhāgaḥ tiryaggatau tiraścāṃ mithyādṛṣṭibhiḥ sarvalokaḥ spṛṣṭaḥ sāsādanasamyagdṛṣṭibhirlokasyāsaṃkhyeyabhāgaḥ sapta caturdaśabhāgā vā deśonāḥ samyaṅmithyādṛṣṭibhirlokasyāsaṃkhyeyabhāgaḥ asaṃyatasamyagdṛṣṭisaṃyatāsaṃyatairlokasyāsaṃkhyeyabhāgaḥ ṣaṭ caturdaśabhāgā vā deśonāḥ manuṣyagatau manuṣyairmithyādṛṣṭibhirlokasyāsaṃkhyeyabhāgaḥ sarvaloko vā spṛṣṭaḥ sāsādanasamyagdṛṣṭibhirlokasyāsaṃkhyeyabhāgaḥ sapta caturdaśabhāgā vā deśonāḥ samyaṅmithyādṛṣṭyādīnā

mayogakevalyantānāṃ kṣetravatsparśanam devagatau devairmithyādṛṣṭisāsādanasamyagdṛṣṭibhirlokasyāsaṃkhyeyabhāgaḥ aṣṭau nava caturdaśabhāgā vā deśonāḥ samyaṅmithyādṛṣṭyasaṃyatasamyagdṛṣṭibhirlokasyāsaṃkhyeyabhāgaḥ aṣṭau caturdaśabhāgā vā deśonāḥ

indriyānuvādena ekendriyaiḥ sarvalokaḥ spṛṣṭaḥ vikalendriyairlokasyāsaṃkhyeyabhāgaḥ sarvaloko vā pañcendriyeṣu mithyādṛṣṭibhirlokasyāsaṃkhyeyabhāgaḥ aṣṭau caturdaśabhāgā vā deśonāḥ sarvaloko vā śeṣāṇāṃ sāmānyoktaṃ sparśanam

kāyānuvādena sthāvarakāyikaiḥ sarvalokaḥ spṛṣṭaḥ trasakāyināṃ pañcendriyavat sparśanam

yogānuvādena vāṅmanasayogināṃ mithyādṛṣṭibhirlokasyāsaṃkhyeyabhāgaḥ aṣṭau caturdaśabhāgā vā deśonāḥ sarvaloko vā sāsādanasamyagdṛṣṭyādīnāṃ kṣīṇakaṣāyāntānāṃ sāmānyoktaṃ sparśanam sayogakevalināṃ lokasyāsaṃkhyeyabhāgaḥ kāyayogināṃ mithyādṛṣṭayādīnāṃ sayogakevalyantānāmayogakevalināṃ ca sāmānyoktaṃ sparśanam

vedānuvādena strīpuṃvedairmithyādṛṣṭibhirlokasyāsaṃkhyeyabhāgaḥ spṛṣṭaḥ aṣṭau caturdaśabhāgā vā deśonāḥ sarvalokovā sāsādanasamyagdṛṣṭibhiḥ lokasyāsaṃkhyeya

bhāgaḥ aṣṭau nava caturdaśabhāgā vā deśonāḥ samyamithyādṛṣṭyādyanivṛttibādarāntānāṃ sāmānyoktaṃ sparśanam napuṃsakavedeṣu mithyādṛṣṭīnāṃ sāsādanasamyagdṛṣṭīnāṃ ca sāmānyoktaṃ sparśanam samyaṅmithyādṛṣṭibhirlokasyāsaṃkhyeyabhāgaḥ asaṃyatasamyagdṛṣṭisaṃyatāsaṃyatairlokasyāsaṃkhyeyabhāgaḥ ṣaṭ caturdaśabhāgā vā deśonāḥ pramattādyanivṛttibādarāntānāmapagatavedāṇāṃ ca sāmānyoktaṃ sparśanam

kaṣāyānuvādena catuṣkaṣāyāṇāmakaṣāyāṇāṃ ca sāmānyoktaṃ sparśanam

jñānānuvādena matyajñāniśrutājñānināṃ mithyādṛṣṭisāsādanasamyagdṛṣṭīnāṃ sāmānyoktaṃ sparśanam vibhaṅgajñānināṃ mithyādṛṣṭīnāṃ lokasyāsaṃkhyeyabhāgaḥ aṣṭau caturdaśabhāgā vā deśonāḥ sarvaloko vā sāsādanasamyagdṛṣṭīnāṃ sāmānyoktaṃ sparśanam ābhinibodhikaśrutāvaghimanaḥparyayakevalajñānināṃ sāmānyoktaṃ sparśanam

saṃyamānuvādena saṃyatānāṃ sarveṣāṃ saṃyatāsaṃyatānāmasaṃyatānāṃ ca sāmānyoktaṃ sparśanam

darśanānuvādena cakṣurdarśanināṃ mithyādṛṣṭyādikṣīṇakaṣāyāntānāṃ pañcendriyavat acakṣurdarśanināṃ mithyādṛṣṭyādikṣīṇakaṣāyāntānāmavadhikevaladarśanināṃ ca sāmānyoktaṃ sparśanam

leśyānuvādena kṛṣṇanīlakāpotaleśyairmithyādṛṣṭibhiḥ sarvalokaḥ spṛṣṭaḥ

sāsādanasamyagdṛṣṭibhirlokasyāsaṃkhyeyabhāgaḥ pañca catvāro dvau caturdaśabhāgā vā deśonāḥ samyaṅmithyādṛṣṭyasaṃyatasamyagdṛṣṭibhirlokasyāsaṃkhyeyabhāgaḥ tejoleśyairmithyādṛṣṭisāsādanasamyagdṛṣṭibhirlokasyāsaṃkhyeyabhāgaḥ aṣṭau nava caturdaśabhāgā vā deśonāḥ samyagmithyādṛṣṭyasaṃyatasamyagdṛṣṭibhirlokasyāsaṃkhyeyabhāgaḥ aṣṭau caturdaśabhāgā vā deśonāḥ saṃyatāsaṃyatairlokasyāsaṃkhyeyabhāgaḥ adhyardhacaturdaśabhāgā vā deśonāḥ pramattāpramattairlokasyāsaṃkhyeyabhāgaḥ padmaleśyairmithyādṛṣṭyādyasaṃyatasamyagdṛṣṭyantairlokasyāsaṃkhyeyabhāgaḥ

aṣṭau caturdaśabhāgā vā deśonāḥ saṃyatāsaṃyatairlokasyāsaṃkhyeyabhāgaḥ pañca caturdaśabhāgā vā deśonāḥ pramattāpramattairlokasyāsaṃkhyeyabhāgaḥ śuklaleśyairmiṃthyādṛṣṭyādisaṃyatāsaṃyatāntairlokasyāsaṃkhyeyabhāgaḥ ṣaṭ caturdaśabhāgā vā deśonāḥ pramattādisayogakevalyantānāṃ aleśyānāṃ ca sāmānyoktaṃ sparśanam

bhavyānuvādena bhavyānāṃ mithyādṛṣṭyādyayogakevalyantānāṃ sāmānyoktaṃ sparśanam abhavyaiḥ sarvalokaḥ spṛṣṭaḥ

samyaktvānuvādena kṣāyikasamyagdṛṣṭīnāmasaṃyatasamyagdṛṣṭyādyayogakevalyantānāṃ

sāmānyoktam kiṃtu saṃyatāsaṃyatānāṃ lokasyāsaṃkhyeyabhāgaḥ kṣāyopaśamikasamyagdṛṣṭīnāṃ sāmānyoktam aupaśamikasamyaktvānāmasaṃyatasamyagdṛṣṭīnāṃ sāmānyoktam śeṣāṇāṃ lokasyāsaṃkhyeyabhāgaḥ sāsādanasamyagdṛṣṭisamyagmithyādṛṣṭimithyādṛṣṭīnāṃ sāmānyoktam

sañjñānuvādena sañjñināṃ cakṣurdarśanivat asañjñibhiḥ sarvalokaḥ spṛṣṭaḥ tadubhayavyapadeśarahitānāṃ sāmānyoktam

āhārānuvādena āhārakāṇāṃ mithyādṛṣṭyādikṣīṇakaṣāyāntānāṃ sāmānyoktam sayogakevalināṃ lokasyāsaṃkhyeyabhāgaḥ anāhārakeṣu mithyādṛṣṭibhiḥ sarvalokaḥ spṛṣṭaḥ sāsādanasamyagdṛṣṭibhirlokasyāsaṃkhyeyabhāgaḥ ekādaśa caturdaśabhāgā vā deśonāḥ asaṃyatasamyagdṛṣṭibhiḥ lokasyāsaṃkhyeyabhāgaḥ ṣaṭ caturdaśa bhāgā vā deśonāḥ sayogakevalināṃ lokasyāsaṃkhyeyabhāgāḥ sarvaloko vā ayogakevalināṃ lokasyāsaṃkhyeyabhāgaḥ sparśanaṃ vyākhyātam

kālaḥ prastūyate sa dvividhaḥ sāmānyena viśeṣeṇa ca sāmānyena tāvat mithyādṛṣṭernānājīvāpekṣayā sarvakālaḥ ekajīvāpekṣayā trayo bhaṅgāḥ anādiraparyavasānaḥ anādiḥ saparyavasānaḥ sādiḥ saparyavasānaśceti tatra sādiḥ saparyavasāno jaghanyenāntarmuhūrttaḥ utkarṣeṇārdhapudgalaparivartto deśonaḥ sāsādanasamyagdṛṣṭernānājīvāpekṣayā jaghanyenaikaḥ samayaḥ utkarṣeṇa palyopamāsaṃkhyeyabhāgaḥ ekajīvaṃ prati jaghanyenaikaḥ samayaḥ utkarṣeṇa ṣaḍāvalikāḥ samyaṅmithyādṛṣṭernānājīvāpekṣayā jaghanyenāntarmuhūrttaḥ utkarṣeṇa palyopamāsaṃkhyeyabhāgaḥ ekajīvaṃ prati jaghanyaḥ utkṛṣṭaścāntarmuhūrttaḥ asaṃyatasamyagdṛṣṭernānājīvāpekṣayā sarvakālaḥ ekajīvaṃ prati jaghanyenāntarmuhūrttaḥ utkarṣeṇa trayastriṃśatsāgaropamāṇi sātirekāṇi saṃyatāsaṃyatasya nānājīvāpekṣayā sarvaḥkālaḥ ekajīvaṃ prati jaghanyenāntarmuhūrttaḥ utkarṣeṇa pūrvakoṭī deśonā

pramattāpramattayornānājīvāpekṣayā sarvakālaḥ ekajīvaṃ prati jaghanyenaikaḥ samayaḥ utkarṣeṇāntarmuhūrttaḥ caturṇāmupaśamakānāṃ nānājīvāpekṣayā ekajīvāpekṣayā ca jaghanyenaikaḥ samayaḥ utkarṣeṇāntarmuhūrtaḥ caturṇāṃ kṣapakāṇāmayogakevalināṃ ca nānājīvāpekṣayā ekajīvāpekṣayā ca jaghanyaścotkṛṣṭaścantārmuhūrtaḥ sayogakevalināṃ nānājīvāpekṣayā sarvakālaḥ ekajīvaṃ prati jaghanyenāntarmuhūrtaḥ utkarṣeṇaṃ pūrvakoṭī deśonā

viśeṣeṇa gatyanuvādena narakagatau nārakeṣu saptasu pṛthivīṣu mithyādṛṣṭernānājīvāpekṣayā sarvakālaḥ ekajīvaṃ prati jaghanyenānttarmuhūrtaḥ utkarṣeṇa yathāsaṃkhyaṃ ekatrisaptadaśasaptadaśadvāviṃśatitrayastriṃśatsāgaropamāṇi sāsādanasamyagdṛṣṭeḥ samyagmithyādṛṣṭeśca sāmānyoktaḥ kālaḥ asaṃyatasamyagdṛṣṭernānājīvāpekṣayā sarvakālaḥ ekajīvaṃ prati jaghanyenāntarmuhūrtaḥ utkarṣeṇa ukta evotkṛṣṭo deśonaḥ

tiryaggatau tiraścāṃ mithyādṛṣṭīnāṃ nānājīvāpekṣayā sarvakālaḥ ekajīvaṃ prati jaghanyenāntarmuhūrtaḥ utkarṣeṇānantaḥ kālo'saṃkhyeyāḥ pudgalaparivartāḥ sāsādanasamyagdṛṣṭisamyagmithyādṛṣṭisaṃyatāsaṃyatānāṃ sāmānyoktaḥ kālaḥ asaṃyatasamyagdṛṣṭernānājīvāpekṣayā sarvakālaḥ ekajīvaṃ prati jaghanyenāntarmuhūrtaḥ utkarṣeṇa trīṇi palyopamāni

manuṣyagatau manuṣyeṣu mithyādṛṣṭernānājīvāpekṣayā sarvakālaḥ ekajīvaṃ prati jaghanyenāntarmuhūrtaḥ utkarṣeṇa trīṇi palyopamāni pūrvakoṭīpṛthaktvairabhyadhikāni sāsādanasamyagdṛṣṭernānājīvāpekṣayā jaghanyenaikaḥ samayaḥ utkarṣeṇāntarmuhūrtaḥ ekajīvaṃ prati jaghanyenaikaḥ samayaḥ utkarṣeṇa ṣaḍāvalikāḥ samyagmithyādṛṣṭernānājīvāpekṣayā ekajīvāpekṣa yā ca jaghanyaścotkṛṣṭaścāntarmuhūrtaḥ asaṃyatasamyagdṛṣṭernānājīvāpekṣayā sarvakālaḥ ekajīvaṃ prati jaghanyenāntarmuhūrtaḥ utkarṣeṇa trīṇi palyopamāni sātirekāṇi śeṣāṇāṃ

sāmānyoktaḥ kālaḥ

devagatau deveṣu mithyādṛṣṭernānājīvāpekṣayā sarvakālaḥ ekajīvaṃ prati jaghanyenāntarmuhūrtaḥ utkarṣeṇaikatriṃśatsāgaropamāṇi sāsādanasamyagdṛṣṭeḥ samyagmithyādṛṣṭeśca sāmānyoktaḥ kālaḥ asaṃyatasamyagdṛṣṭernānājīvāpekṣayā sarvakālaḥ ekajīvaṃ prati jaghanyenāntarmuhūrtaḥ utkarṣeṇa trayastriṃśatsāgaropamāṇi

indriyānuvādena ekendriyāṇāṃ nānājīvāpekṣayā sarvakālaḥ ekajīvaṃ prati jaghanyena kṣudrabhavagrahaṇam utkarṣeṇānantaḥ kālo'saṃkhyeyā pudgalaparivartāḥ vikalendriyāṇāṃ nānājīvāpekṣayā sarvaḥ kālaḥ ekajīvaṃ prati jaghanyena kṣudrabhavagrahaṇam utkarṣeṇa saṃkhyeyāni varṣasahasrāṇi pañcendriyeṣu mithyādṛṣṭernānājīvāpekṣayā sarvaḥ kālaḥ ekajīvaṃ prati jaghanyenāntarmuhūrtaḥ utkarṣeṇa sāgaropamasahasraṃ pūrvakoṭīpṛthaktvairabhyadhikam śeṣāṇāṃ sāmānyoktaḥ kālaḥ

kāyānuvādena pṛthivyaptejovāyukāyikānāṃ nānājīvāpekṣayā sarvakālaḥ ekajīvaṃ prati jaghanyena kṣudrabhavagrahaṇam utkarṣeṇāsaṃkhyeyā lokāḥ vanaspatikāyikānāmekendriyavat trasakāyikeṣu mithyādṛṣṭernānājīvāpekṣayā sarvaḥ kālaḥ ekajīvaṃ prati jaghanyenāntarmuhūrtaḥ utkarṣeṇa dve sāgaropamasahasre pūrvakoṭīpṛthaktvairabhyadhike śeṣāṇāṃ pañcendriyavat

yogānuvādena vāṅmanasayogiṣu mithyādṛṣṭyasaṃyatasamyagdṛṣṭisaṃyatāsaṃyatapramattāpramattasayogakevalināṃ nānājīvāpekṣayā sarvakālaḥ ekajīvāpekṣayā jaghanyenaikaḥ samayaḥ utkarṣeṇāntarmuhūrtaḥ sāsādanasamyagdṛṣṭeḥ sāmānyoktaḥ kālaḥ samyaṅmithyādṛṣṭernānājīvāpekṣayā jaghanyenaikasamayaḥ utkarṣeṇa palyopamāsaṃkhyeyabhāgaḥ ekajīvaṃ prati jaghanyenaikaḥ samayaḥ

utkarṣeṇāntarmuhūrtaḥ caturṇāmupaśamakānāṃ kṣapakāṇāṃ ca nānājīvāpekṣayā ekajīvāpekṣayā ca jaghanyainaikasamayaḥ utkarṣeṇāntarmuhūrtaḥ kāyayogiṣu mithyādṛṣṭernānājīvāpekṣayā sarvakālaḥ ekajīvaṃ prati jaghanyenaikasamayaḥ utkarṣeṇānantaḥ kālo'saṃkhyeyāḥ pudgalaparivartāḥ śeṣāṇāmanoyogivat ayogānāṃ sāmānyavat

vedānuvādena strīvedeṣu mithyādṛṣṭernānājīvāpekṣayā sarvakālaḥ ekajīvaṃ prati jaghanyenāntarmuhūrtaḥ utkarṣeṇa palyopamaśatapṛthaktvam sāsādanasamyagdṛṣṭyādyanivṛttibādarāntānāṃ sāmānyoktaḥ kālaḥ kiṃ tu asaṃyatasamyagdṛṣṭernānājīvāpekṣayā sarvakālaḥ ekajīvaṃ prati jaghanyenāntarmuhūrtaḥ utkarṣeṇa pañcapañcāśatpalyopamāni deśonāni puṃvedeṣu mithyādṛṣṭernānājīvāpekṣayā sarvaḥ kālaḥ ekajīvaṃ prati jaghanyenāntarmuhūrtaḥ utkarṣeṇa sāgaropamaśatapṛthaktvam sāsādanasamyagdṛṣṭyādyanivṛttibādarāntānāṃ sāmānyoktaḥ kālaḥ napuṃsakavedeṣu mithyādṛṣṭernānājīvāpekṣayā sarvaḥ kālaḥ ekajīvaṃ prati

jaghanyenāntarmuhūrtaḥ utkarṣeṇānantaḥ kālo'saṃkhyeyāḥ pudgalaparivartāḥ sāsādanasamyagdṛṣṭyādyanivṛttibādarāntānāṃ sāmānyavat kiṃ tvasaṃyatasamyagdṛṣṭernānājīvāpekṣayā sarvaḥ kālaḥ ekajīvaṃ prati jaghanyenāntarmuhūrtaḥ utkarṣeṇa trayastriṃśatsāgaropamāṇi deśonāni apagatavedānāṃ sāmānyavat

kaṣāyānuvādena catuṣkaṣāyāṇāṃ mithyādṛṣṭyādyapramattāntānāṃ manoyogivat dvayorupaśamakayordvayoḥ kṣapakayoḥ kevalalobhasya ca akaṣāyāṇāṃ ca sāmānyoktaḥ kālaḥ

jñānānuvādena matyajñāniśrutājñāniṣu mithyādṛṣṭisāsādanasamyagdṛṣṭyoḥ sāmānyavat vibhaṅgajñāniṣu mithyādṛṣṭernānājīvāpekṣayā sarvaḥ kālaḥ ekajīvaṃ prati jaghanyenāntarmuhūrtaḥ utkarṣeṇa trayastriṃśatsāgaropamāṇi deśonāni sāsādanasamyagdṛṣṭeḥ sāmānyoktaḥ kālaḥ ābhinibodhikaśrutāvadhimanaḥparyayakevalajñānināṃ ca sāmānyoktaḥ

saṃyamānuvādena sāmāyikacchedopasthāpanaparihāraviśuddhisūkṣmasāmparāyayathākhyātaśuddhisaṃyatānāṃ saṃyatāsaṃyatānāmasaṃyatānāṃ ca caturṇāṃ sāmānyoktaḥ kālaḥ

darśanānuvādena cakṣurdarśaniṣu mithyādṛṣṭernānājīvāpekṣayā sarvaḥ kālaḥ ekajīvaṃ prati jaghanyenāntarmuhūrtaḥ utkarṣeṇa dve sāgaropamasahasre sāsādanasamyagdṛṣṭyādīnāṃ kṣīṇakaṣāyāntānāṃ sāmānyoktaḥ kālaḥ acakṣurdarśaniṣu mithyādṛṣṭyādikṣīṇakaṣāyāntānāṃ sāmānyoktaḥ kālaḥ avadhikevaladarśaninoravadhikevalajñānivat

leśyānuvādena kṛṣṇanīlakapotaleśyāsu mithyādṛṣṭernānājīvāpekṣayā sarvaḥ kālaḥ ekajīvaṃ prati jaghanyenāntarmuhūrtaḥ utkarṣeṇa trayastriṃśatsaptadaśasaptasāgaropamāṇi sātirekāṇi sāsādanasamyagdṛṣṭisamyaṅmithyādṛṣṭyoḥ sāmānyoktaḥ kālaḥ asaṃyatasamyagdṛṣṭernānājīvāpekṣayā sarvaḥ kālaḥ ekajīvaṃ prati jaghanyenāntarmuhūrtaḥ utkarṣeṇa trayastriṃ

śatsaptadaśasaptasāgaropamāṇi deśonāni tejaḥpadmaleśyayormithyādṛṣṭyasaṃyatasamyagdṛṣṭyornānājīvāpekṣayā sarvaḥ kālaḥ ekajīvaṃ prati jaghanyenāntarmuhūrtaḥ utkarṣeṇa dve sāgaropame aṣṭādaśa ca sāgaropamāṇi sātirekāṇi sāsādanasamyagdṛṣṭisamyaṅmithyādṛṣṭyoḥ sāmānyoktaḥ kālaḥ saṃyatāsaṃyatapramattāpramattānāṃ nānājīvāpekṣayā sarvaḥkālaḥ ekajīvaṃ prati jaghanyenaikaḥ samayaḥ utkarṣeṇāntarmuhūrtaḥ śuklaleśyānāṃ mithyādṛṣṭernānājīvāpekṣayā sarvaḥ kālaḥ ekajīvaṃ prati jaghanyenāntarmuhūrtaḥ utkarṣeṇaikatriṃśatsāgaropamāṇi sātirekāṇi sāsādanasamyagdṛṣṭyādisayogakevalyantānāmaleśyānāṃ ca sāmānyoktaḥ kālaḥ kiṃ tu saṃyatāsaṃyatasya nānājīvāpekṣayā sarvaḥ kālaḥ ekajīvaṃ prati jaghanyenaikaḥ samayaḥ utkarṣeṇāntarmuhūrtaḥ

bhavyānuvādena bhavyeṣu mithyādṛṣṭernānājīvāpekṣayā sarvaḥ kālaḥ ekajīvāpekṣayā dvau bhaṅgau anādiḥ saparyavasānaḥ sādiḥ saparyavasānaśca tatra sādiḥ saparyavasāno

jaghanyenāntarmuhūrtaḥ utkarṣeṇārddhapudgalaparivarto deśonaḥ sāsādanasamyagdṛṣṭyādyayogakevalyantānāṃ sāmānyoktaḥ kālaḥ abhavyānāmanādiraparyavasānaḥ

samyaktvānuvādena kṣāyikasamyagdṛṣṭīnāmasaṃyatasamyagdṛṣṭyādyayogakevalyantānāṃ sāmānyoktaḥ kālaḥ kṣāyopaśamikasamyagdṛṣṭīnāṃ caturṇāṃ sāmānyoktaḥ kālaḥ aupaśamikasamyaktveṣu asaṃyatasamyagdṛṣṭisaṃyatāsaṃyatayornānājīvāpekṣayā jaghanyenāntarmuhūrtaḥ utkarṣeṇa palyopamāsaṃkhyeyabhāgaḥ ekajīvaṃ prati jaghanyaścotkṛṣṭaścāntarmuhūrtaḥ pramattāpramattayoścaturṇāmupaśamakānāṃ ca nānājīvāpekṣayā ekajīvāpekṣayā ca jaghanyenaikaḥ samayaḥ utkarṣeṇāntarmuhūrtaḥ sāsādanasamyagdṛṣṭisamyaṅmithyādṛṣṭimithyādṛṣṭīnāṃ sāmānyoktaḥ kālaḥ

sañjñānuvādena saṃjñiṣu mithyādṛṣṭyādyanivṛttibādarāntānāṃ puṃvedavat śeṣāṇāṃ sāmānyoktaḥ asaṃjñināṃ nānājīvāpekṣayā sarvaḥ kālaḥ ekajīvaṃ prati jaghanyena kṣudrabhavagrahaṇam utkarṣeṇānantaḥkālo'saṃkhyeyāḥ pudgalaparivartāḥ tadubhayavyapadeśarahitānāṃ

sāmānyoktaḥ

āhārānuvādena āhārakeṣu mithyādṛṣṭernānājīvāpekṣayā sarvaḥ kālaḥ ekajīvaṃ prati jaghanyenāntarmuhūrtaḥ utkarṣeṇāṃgulāsaṃkhyeyabhāgaḥ asaṃkhyeyāsaṃkhyeyā utsarpīṇyavasarpiṇyaḥ śeṣāṇāṃ sāmānyoktaḥ kālaḥ anāhārakeṣu mithyādṛṣṭernānājīvāpekṣayā sarvaḥ kālaḥ ekajīvaṃ prati jaghanyenaikaḥ samayaḥ utkarṣeṇa trayaḥ samayāḥ sāsādanasamyagdṛṣṭyasaṃyatasamyagdṛṣṭyornānājīvāpekṣayā jaghanyenaikaḥ samayaḥ utkarṣeṇāvalikāyā asaṃkhyeyabhāgaḥ ekajīvaṃ prati jaghanyenaikaḥ samayaḥ utkarṣeṇa dvau samayau sayogakevalino nānājīvāpekṣayā jaghanyena trayaḥ samayāḥ utkarṣeṇa saṃkhyeyāḥ samayāḥ ekajīvaṃ prati jaghanyaścotkṛṣṭaśca trayaḥ samayāḥ ayogakevalināṃ sāmānyoktaḥ kālaḥ kālo varṇitaḥ

antaraṃ nirūpyate vivikṣitasya guṇasya guṇāntarasaṃkrame sati punastatprāpteḥ prāṅmadhyamantaram tat dvividhaṃ sāmānyena viśeṣeṇa ca sāmānyena tāvat mithyā

dṛṣṭernānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇa dve ṣaṭṣaṣṭhī deśone sāgaropamāṇām sāsādanasamyagdṛṣṭerantaraṃ nānājīvāpekṣayā jaghanyenaikaḥ samayaḥ utkarṣeṇa palyopamāsaṃkhyeyabhāgaḥ ekajīvaṃ prati jaghanyena palyopamāsaṃkhyeyabhāgaḥ utkarṣeṇārddhapudgalaparivarto deśonaḥ samyagmithyādṛṣṭerantaraṃ nānājīvāpekṣayā sāsādanavat ekajīvaṃ prati jaghanyenāntarmuhūrtaḥ utkarṣeṇārddhapudgalaparivarto deśonaḥ asaṃyatasamyagdṛṣṭyādyapramattāntānāṃ nānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇārddhapudgalaparivarto deśonaḥ caturṇāmupaśamakānāṃ nānājī

vāpekṣayā jaghanyenaikaḥ samayaḥ utkarṣeṇa varṣapṛthaktvam ekajīvaṃ prati jaghanyenāntarmuhūrtaḥ utkarṣeṇārddhapudgalaparivarto deśonaḥ caturṇāṃ kṣapakāṇāmayogakevalināṃ ca nānājīvāpekṣayā jaghanyenaikaḥ samayaḥ utkarṣeṇa paṇmāsāḥ ekajīvaṃ prati nāstyantaram sayogakevalināṃ nānājīvāpekṣayā ekajīvāpekṣayā ca nāstyantaram

viśeṣeṇa gatyanuvādena narakagatau nārakāṇāṃ saptasu pṛthivīṣu mithyādṛṣṭyasaṃyatasamyagdṛṣṭyornānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇa ekatrisaptadaśasaptadaśadvāviṃśatitrayastriṃśatsāgaropamāṇi deśonāni sāsādanasamyagdṛṣṭisamyaṅmithyādṛṣṭyornānājīvāpekṣayā jaghanyenaikaḥ samayaḥ utkarṣeṇa palyopamāsaṃkhyeyabhāgaḥ ekajīvaṃ prati jaghanyena palyopamāsaṃkhyeyabhāgo'ntarmuhūrtaśca utkarṣeṇa ekatrisaptadaśasaptadaśadvāviṃśatitrayastriṃśatsāgaropamāṇi deśonāni

tiryaggatau tiraścāṃ mithyādṛṣṭernānājīvāpekṣayā nāstyantaram ekajīvaṃ prati jaghanyenārntuhūrtaḥ utkarṣeṇa trīṇi palyopamāni deśonāni sāsādanasamyagdṛṣṭyādīnāṃ caturṇāṃ sāmānyoktamantaram

manuṣyagatau manuṣyāṇāṃ mithyādṛṣṭestiryagvat sāsādanasamyagdṛṣṭisamyagmithyādṛṣṭyornānājīvāpekṣayā sāmānyavat ekajīvaṃ prati jaghanyena palyopamāsaṃkhyeyabhāgo'ntarmuhūrtaśca utkarṣeṇa trīṇi palyopamāni pūrvakoṭīpṛthaktvairabhyadhikāni asaṃyata

samyagdṛṣṭernānājīvāpekṣayā nāstyantaram ekajīvāpekṣayā jaghanyaināntarmuhūrtaḥ utkarṣeṇa trīṇi palyopamāni pūrvakoṭīpṛthaktvairabhyadhikāni saṃyatāsaṃyatapramattāpramattānāṃ nānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇa pūrvakoṭīpṛthaktvāni caturṇāmupaśamakānāṃ nānājīvāpekṣayā sāmānyavat ekajīvaṃ prati jaghanyenāntarmuhūrtaḥ utkarṣeṇa pūrvakoṭīpṛthaktvāni śeṣāṇāṃ sāmānyavat

devagatau devānāṃ mithyādṛṣṭyasaṃyatasamyagdṛṣṭyornānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇa ekatriṃśatsāgaropamāṇi deśonāni sāsādanasamyagdṛṣṭisamyagmithyādṛṣṭyornānājīvāpekṣayā sāmānyavat ekajīvaṃ prati

jaghanyena palyopamāsaṃkhyeyabhāgo'ntarmuhūrtaśca utkarṣeṇaikatriṃśatsāgaropamāṇi deśonāni

indriyānuvādena ekendriyāṇāṃ nānājīvāpekṣayā nāstyantaram ekajīvāpekṣayā jaghanyena kṣudrabhavagrahaṇam utkarṣeṇa dve sāgaropamasahasre pūrvakoṭīpṛthaktvairabhyadhike vikalendriyāṇāṃ nānājīvāpekṣayā nāstyantaram eka jīvaṃ prati jaghanyena kṣudrabhavagrahaṇam utkarṣeṇānantaḥ kālo'saṃkhyeyāḥ pudgalaparivartāḥ evamindriyaṃ pratyannaramuktam guṇaṃ pratyubhayato'pi nāstyantaram pañcendriyeṣu mithyādṛṣṭeḥ sāmānyavat sāsādanasamyagdṛṣṭisamyaṅmithyādṛṣṭyornānājīvāpekṣayā sāmānyavat ekajīvaṃ prati jaghanyena palyopamāsaṃkhyeyabhāgo'ntarmuhūrtaśca utkarṣeṇa sāgaropamasahasraṃ pūrvakoṭīpṛthaktvairabhyadhikam asaṃyatasamyagdṛṣṭyādyapramattāntānāṃ nānājīvāpekṣayā nāstyantaram ekajīvaṃ prati

jaghanyenāntarmuhūrtaḥ utkarṣeṇa sāgaropamasahasraṃ pūrvakoṭīpṛthaktvairabhyadhikam caturṇomupaśamakānāṃ nānājīvāpekṣayā sāmānyavat ekajīvaṃ prati jaghanyenāntarmuhūrtaḥ utkarṣeṇa sāgaropamasahasraṃ pūrvakoṭīpṛthaktvairabhyadhikam śeṣāṇāṃ sāmānyoktam

kāyānuvādena pṛthivyaptejovāyukāyikānāṃ nānājīvāpekṣayā nāstyantaram ekajīvaṃ prati jaghanyena kṣudrabhavagrahaṇam utkarṣeṇānantaḥ kālo'saṃkhyeyāḥ pudgalaparivartāḥ vanaspatikāyikānāṃ nānājīvāpekṣayā nāstyantaram ekajīvāpekṣayā jaghanyena kṣudrabhavagrahaṇam utkarṣeṇāsaṃkhyeyā lokāḥ evaṃ kāyaṃ pratyantaramuktam guṇaṃ pratyubhayato'pi nāstyantaram trasakāyikeṣu mithyādṛṣṭeḥ sāmānyavat sāsādanasamyagdṛṣṭisamyaṅmithyādṛṣṭyornānājīvāpekṣayā sāmānyavat ekajīvaṃ prati jaghanyena palyopamāsaṃkhyeyabhāgo'ntarmuhūrtaśca utkarṣeṇa dve sāgaropamasahasre pūrvakoṭīpṛthaktvairabhyadhike asaṃyatasamyagdṛṣṭyādyaprama

ttāntānāṃ nānājīvāpekṣayā nāstyantaraṃ eka jīvaṃ prati jaghanyenāntarmuhūrtaḥ utkarṣeṇa dve sāgaropamasahasre pūrvakoṭīpṛthaktvairamyadhike caturṇāmupaśamakānāṃ nānājīvāpekṣayā sāmānyavat ekajīvaṃ prati jaghanyenāntarmuhūrtaḥ utkarṣeṇa dve sāgaropamasahasre pūrvakoṭīpṛthaktvairabhyadhike śeṣāṇāṃ paññendriyavat

yogānuvādena kāyavāṅmanasayogināṃ mithyādṛṣṭyasaṃyatasamyagdṛṣṭisaṃyatāsaṃyataprama ttāpramattasayogakevalināṃ nānājīvāpekṣayā ekajīvāpekṣayā ca nāstyantaram sāsādanasamyagdṛṣṭisamyaṅmithyādṛṣṭyornānājīvāpekṣayā sāmānyavat ekajīvaṃ prati nāstyantaram caturṇāmupaśamakānāṃ nānājīvāpekṣayā sāmānyavat ekajīvaṃ prati nāstyantaram caturṇāṃ kṣapakāṇāmayogakevalināṃ ca sāmānyavat

vedānuvādena strīvedeṣu mithyādṛṣṭernānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇa pañcapañcāśatpalyopamāni deśonāni sāsādanasamyagdṛṣṭisamyagmithyādṛṣṭyornānājīvāpekṣayā sāmānyavat ekajīvaṃ prati jaghanyena palyopamā

saṃkhyeyabhāgo'ntarmuhūrtaśca utkarṣeṇa palyopamaśatapṛthaktvam asaṃyatasamyagdṛṣṭyādyapramattāntānāṃ nānājīvāpekṣayā nāstyantaram ekajīvaṃ prati jaghanyenāntarmuhūrttaḥ utkarṣeṇa palyopamaśatapṛthaktvam dvayorupaśamakayornānājīvāpekṣayā sāmānyavat ekajīvaṃ prati jaghanyenāntarmuhūrtaḥ utkarṣeṇa palyopamaśatapṛthaktvam dvayoḥ kṣapakayornānājīvāpekṣayā jaghanyenaikaḥ samayaḥ utkarṣeṇa varṣapṛthaktvam ekajīvaṃ prati nāstyantaram

puṃvedeṣu mithyādṛṣṭeḥ sāmānyavat sāsādanasamyagdṛṣṭisamyagmithyādṛṣṭyornānājīvāpekṣayā sāmānyavat ekajīvaṃ prati jaghanyena palyopamāsaṃkhyeyabhāgo'ntarmuhūrtaśca utkarṣeṇa sāgaropamaśatapṛthaktvam asaṃyatasamyagdṛṣṭyādyapramattāntānāṃ nānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇa sāgaropamaśatapṛthaktvam

dvayorupaśamakayornānājīvāpekṣayā sāmānyavat ekajīvaṃ prati jaghanyenāntarmuhūrtaḥ utkarṣeṇa sāgaropamaśatapṛthaktvam dvayoḥ kṣapakayornānājīvāpekṣayā jaghanyenaikaḥ samayaḥ utkarṣeṇa saṃvatsaraḥ sātirekaḥ ekajīvaṃ prati nāstyantaram

napuṃsakavedeṣu mithyādṛṣṭernānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇa trayastriṃśatsāgaropamāṇi deśonāni sāsādanasamyagdṛṣṭyādyanivṛttyupaśamakāntānāṃ sāmānyoktam dvayoḥ kṣapakayoḥ strīvedavat apagatavedeṣu anivṛttibādaropaśamakasūkṣmasāmparāyopaśamakayornānājīvāpekṣayā sāmānyoktam ekajīvaṃ prati jaghanyamutkṛṣṭaṃ cāntarmuhūrtaḥ upaśāntakaṣāyasya nānājīvāpekṣayā sāmānyavat ekajīvaṃ prati nāstyantaram śeṣāṇāṃ sāmānyavat

kaṣāyānuvādena krodhamānamāyālobhakaṣāyāṇāṃ mithyādṛṣṭyādyanivṛttyupaśamakāntānāṃ manoyogivat dvayoḥ kṣapakayornānājīvāpekṣayā jaghanyenaikaḥ samayaḥ utkarṣeṇa saṃvatsaraḥ sātirekaḥ kevalalobhasya sūkṣmasāmparāyopaśamakasya nānājīvāpekṣayā

sāmānyavat ekajīvaṃ prati nāstyantaram kṣapakasya tasya sāmānyavat akaṣāyeṣu upaśāntakaṣāyasya nānājīvāpekṣayā sāmānyavat ekajīvaṃ prati nāstyantaram śeṣāṇāṃ trayāṇāṃ sāmānyavat

jñānānuvādena matyajñānaśrutājñānavibhaṅgajñāniṣu mithyādṛṣṭernānājīvāpekṣayā ekajīvāpekṣayā ca nāstyantaram sāsādanasamyagdṛṣṭernānājīvāpekṣayā sāmānyavat ekajīvaṃ prati nāstyantaram ābhinibodhikaśrutāvadhijñāniṣu asaṃyatasamyagdṛṣṭernānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇa pūrvakoṭī deśonā saṃyatāsaṃyatasya nānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇa ṣaṭṣaṣṭisāgaropamāṇi sātirekāṇi pramattāpramattayornānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇa trayastriṃśatsāgaropamāṇi sātirekāṇi caturṇāmupaśamakānāṃ nānājīvāpekṣayā sāmānyavat ekajīvaṃ prati

jaghanyenāntarmuhūrtaḥ utkarṣeṇa ṣaṭṣaṣṭisāgaropamāṇi sātirekāṇi caturṇāṃ kṣapakāṇāṃ sāmānyavat kiṃ tu avadhijñāniṣu nānājīvāpekṣayā jaghanyenaikaḥ samayaḥ utkarṣeṇa varṣapṛthaktvam ekajīvaṃ prati nāstyantaram manaḥparyayajñāniṣu pramattāpramattasaṃyatayornānājīvāpekṣayā nāstyantaram ekajīvaṃ prati jaghanyamutkṛṣṭaṃ cāntarmuhūrtaḥ caturṇāmupaśamakānāṃ nānājīvāpekṣayā sāmānyavat ekajīvaṃ prati jaghanyenāntarmuhūrtaḥ utkarṣeṇa pūrvakoṭī deśonā caturṇāṃ kṣapakāṇāmavadhijñānivat dvayoḥ kevalajñāninoḥ sāmānyavat

saṃyamānuvādena sāmāyikacchedopasthāpanaśuddhisaṃyateṣu pramattāpramattayornānājīvāpekṣayā nāstyantaram ekajīvaṃ prati jaghanyamutkṛṣṭaṃ cāntarmuhūrtaḥ dvayorupaśamakayornānājīvāpekṣayā sāmānyavat ekajīvaṃ prati jaghanyenāntarmuhūrtaḥ utkarṣeṇa pūrvakoṭī deśonā

dvayoḥ kṣapakayoḥ sāmānyavat parihāraśuddhisaṃyateṣu pramattāpramattayornānājīvāpekṣayā nāstyantaram ekajīvaṃ prati jaghanyamutkṛṣṭaṃ cāntarmuhūrtaḥ sūkṣmasāmparāyaśuddhisaṃya teṣūpaśamakasya nānājīvāpekṣayā sāmānyavat ekajīvaṃ prati nāstyantaram tasyaiva kṣapakasya sāmānyavat yathākhyāte akaṣāyavat saṃyatāsaṃyatasya nānājīvāpekṣayā ekajīvāpekṣayā ca nāstyantaram asaṃyateṣu mithyādṛṣṭernānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇa trayastriṃśatsāgaropamāṇi deśonāni śeṣāṇāṃ trayāṇāṃ sāmānyavat

darśanānuvādena cakṣurdarśaniṣu mithyādṛṣṭeḥ sāmānyavat sāsādanasamyagdṛṣṭisamyagmithyādṛṣṭyornānājīvāpekṣayā sāmānyavat ekajīvaṃ prati jaghanyena palyopamāsaṃkhyeyabhāgo'ntarmuhūrtaśca utkarṣeṇa dve sāgaropamasahasre deśone asaṃyatasamyagdṛṣṭyādya

pramattāntānāṃ nānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇa dvesāgaropamasahasre deśone caturṇāmupaśamakānāṃ nānājīvāpekṣayā sāmānyoktam ekajīvaṃ prati jaghanyenāntarmuhūrtaḥ utkarṣeṇa dve sāgaropamasahasre deśone caturṇāṃ kṣapakāṇāṃ sāmānyoktam acakṣurdarśaniṣu mithyādṛṣṭyādikṣīṇakaṣāyāntānāṃ sāmānyo ktamantaram avadhidarśanino'vadhijñānivat kevaladarśaninaḥ kevalajñānivat

leśyānuvādena kṛṣṇanīlakapotaleśyeṣu mithyādṛṣṭyasaṃyatasamyagdṛṣṭyornānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇa trayastriṃśatsaptadaśasaptasāgaropamāṇi deśonāni sāsādanasamyagdṛṣṭisamyagmithyādṛṣṭyornānājīvāpekṣayā

sāmānyavat ekajīvaṃ prati jaghanyena palyopamāsaṃkhyeyabhāgo'ntarmuhūrtaśca utkarṣeṇa trayastriṃśatsaptadaśasaptasāgaropamāṇi deśonāni

tejaḥpadmaleśyayormithyādṛṣṭyasaṃyatasamyagdṛṭyornānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇa dve sāgaropame aṣṭādaśa ca sāgaropamāṇi sātirekāṇi sāsādanasamyagdṛṣṭisamyagmithyādṛṣṭyornānājīvāpekṣayā sāmānyavat ekajīvaṃ prati jaghanyena palyopamāsaṃkhyeyabhāgo'ntarmuhūrtaśca utkarṣeṇa dve sāgaropame aṣṭādaśa ca sāgaropamāṇi sātirekāṇi saṃyatāsaṃyatapramattāpramattasaṃyatānāṃ nānājīvāpekṣayā ekajīvāpekṣayā ca nāstyantaram

śuklaleśyeṣu mithyādṛṣṭyasaṃyatasamyagdṛṣṭayornānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇaikatriṃśatsāgaropamāṇi deśonāni sāsādanasamyagdṛṣṭisamyaṅmithyādṛṣṭyornānājīvāpekṣayā sāmānyavat ekajīvaṃ prati jaghanyena palyopamāsaṃkhyeyabhāgo'ntarmuhūrtaśca utkarṣeṇaikatriṃśatsāgaropamāṇi deśonāni saṃyatāsaṃyatapramattasaṃyatayostejoleśyāvat apramattasaṃyatasya nānājīvāpekṣayā nāstyantaram

ekajīvaṃ prati jaghanyamutkṛṣṭaṃ cāntarmuhūrtaḥ trayāṇāmupaśamakānāṃ nānājīvāpekṣayā sāmānyavat ekajīvaṃ prati jaghanyamutkṛṣṭaṃ cāntarmuhūrtaḥ upaśāntakaṣāyasya nānājīvāpekṣayā sāmānyavat ekajīvaṃ prati nāstyantaram caturṇāṃ kṣapakāṇāṃ sayogakevalināmaleśyānāṃ ca sāmānyavat

bhavyānuvādena bhavyeṣu mithyādṛṣṭyādyayogakevalyantānāṃ sāmānyavat abhavyānāṃ nānājīvāpekṣayā ekajīvāpekṣayā ca nāstyantaram

samyaktvānuvādena kṣāyikasamyagdṛṣṭiṣvasaṃyatasamyagdṛṣṭernānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇa pūrvakoṭī deśonā saṃyatāsaṃyatapramattāpramattasaṃyatānāṃ nānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇa trayastriṃśatsāgaropamāṇi sātirekāṇi caturṇāmupaśamakānāṃ nānājīvāpekṣayā sāmānyavat ekajīvaṃ

prati jaghanyenāntarmuhūrtaḥ utkarṣeṇa trayastriṃśatsāgaropamāṇi sātirekāṇi śeṣāṇāṃ sāmānyavat

kṣāyopaśamikasamyagdṛṣṭiṣvasaṃyatasamyagdṛṣṭernānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇa pūrvakoṭī deśonā saṃyatāsaṃyatasya nānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇa ṣaṭṣaṣṭisāgaropamāṇi deśonāni pramattāpramattasaṃyatayornānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇa trayastriṃśatsāgaropamāṇi sātirekāṇi

aupaśamikasamyagdṛṣṭiṣvasaṃyatasamyagdṛṣṭernānājīvāpekṣayā jaghanyenaikaḥ samayaḥ utkarṣeṇa sapta rātriṃdināni ekajīvaṃ prati jaghanyamutkṛṣṭaṃ cāntarmuhūrtaḥ saṃyatāsaṃyatasya

nānājīvāpekṣayā jaghanyenaikaḥ samayaḥ utkarṣeṇa caturdaśa rātriṃdināni ekajīvaṃ prati jaghanyamutkṛṣṭaṃ cāntarmuhūrtaḥ pramattāpramattasaṃyatayornānājīvāpekṣayā jaghanyenaikaḥ samayaḥ utkarṣeṇa pañcadaśa rātriṃdināni ekajīvaṃ prati jaghanyamutkṛṣṭaṃ cāntarmuhūrtaḥ trayāṇāmupaśamakānāṃ nānājīvāpekṣayā jaghanyenaikaḥ samayaḥ utkarṣeṇa varṣapṛthaktvam ekajīvaṃ prati jaghanyamutkṛṣṭaṃ cāntarmuhūrtaḥ upaśāntakaṣāyasya nānājīvāpekṣayā sāmānyavat ekajīvaṃ prati nāstyantaram sāsādanasamyagdṛṣṭisamyaṅmithyādṛṣṭyornānājīvāpekṣayā jaghanyenaikaḥ samayaḥ utkarṣeṇa palyopamāsaṃkhyeyabhāgaḥ ekajīvaṃ prati nāstyantaram mithyādṛṣṭernānājīvāpekṣayā ekajīvāpekṣayā ca nāstyantaram

sañjñānuvādena saṃjñiṣu mithyādṛṣṭeḥ sāmānyavat sāsādanasamyagdṛṣṭisamyaṅmithyādṛṣṭyornānājīvāpekṣayā sāmānyavat ekajīvaṃ prati jaghanyena palyopamāsaṃkhyeyabhāgo'ntarmuhūrtaśca utkarṣeṇa sāgaropamaśatapṛthaktvam asaṃyatasamyagdṛṣṭyādyapramattāntānāṃ nānājīvā

pekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇa sāgaropamaśatapṛthaktvam caturṇāmupaśamakānāṃ nānājīvāpekṣayā sāmānyavat ekajīvaṃ prati jaghanyenāntarmuhūrtaḥ utkarṣeṇa sāgaropamaśatapṛthaktvam caturṇāṃ kṣapakāṇāṃ sāmānyavat asaṃjñināṃ nānājīvāpekṣayaikajīvāpekṣayā ca nāstyantaram tadubhayavyapadeśarahitānāṃ sāmānyavat

āhārānuvādena āhārakeṣu mithyādṛṣṭeḥ sāmānyavat sāsādanasamyagdṛṣṭisamyaṅmithyādṛṣṭyornānājīvāpekṣayā sāmānyavat ekajīvaṃ prati jaghanyena palyopamāsaṃkhyeyabhāgo'ntarmuhūrtaśca utkarṣeṇāṃgulāsaṃkhyeyabhāgo'saṃkhyeyāsaṃkhyeyā utsarpiṇyavasarpiṇyaḥ asaṃyatasamyagdṛṣṭyapramattāntānāṃ nānājīvāpekṣayā nāstyantaram ekajīvaṃ prati jaghanyenāntarmuhūrtaḥ utkarṣeṇāṃgulāsaṃkhyeyabhāgo'saṃkhyeyā saṃkhyeyāutsarpiṇyavasarpiṇyaḥ caturṇāmupaśamakānāṃ nānājīvāpekṣayā sāmānyavat ekajīvaṃ prati jaghanyenāntarmuhūrtaḥ utkarṣeṇāṃgulāsaṃkhyeyabhāgo'saṃkhyeyāsaṃkhyeyā utsarpiṇyavasarpiṇyaḥ caturṇāṃ kṣapakāṇāṃ sayogakevalināṃ ca sāmānyavat

anāhārakeṣu mithyādṛṣṭernānājīvāpekṣayā ekajīvāpekṣayā ca nāstyantaram sāsādanasamyagdṛṣṭernānājīvāpekṣayā jaghanyenaikaḥ samayaḥ utkarṣeṇa palyopamāsaṃkhyeyabhāgaḥ ekajīvaṃ prati nāstyantaram asaṃyatasamyagdṛṣṭernānājīvāpekṣayā jaghanyainaikaḥ samayaḥ utkarṣeṇa māsapṛthaktvam ekajīvaṃ prati nāstyantaram sayogakevalinaḥ nānājīvāpekṣayā jaghanyenaikaḥ samayaḥ utkarṣeṇa varṣapṛthaktvam ekajīvaṃ prati nāstyantaram ayogakevalinaḥ nānājīvāpekṣayā jaghanyenaikaḥ samayaḥ utkarṣeṇa ṣaṇmāsāḥ ekajīvaṃ prati nāstyantaram antaramavagatam

bhāvo vibhāvyate sa dvividhaḥ sāmānyena viśeṣeṇa ca sāmānyena tāvat mithyādṛṣṭirityaudayiko bhāvaḥ sāsādanasamyagdṛṣṭiriti pāriṇāmiko bhāvaḥ samyaṅmithyādṛṣṭiriti kṣāyopaśamiko bhāvaḥ asaṃyatasamyagdṛṣṭiriti aupaśamiko vā kṣāyiko

vā kṣāyopaśamiko vā bhāvaḥ asaṃyataḥ punarauyikena bhāvena saṃyatāsaṃyataḥ pramattasaṃyato'pramattasaṃyata iti kṣāyopaśamiko bhāvaḥ caturṇāmupaśamakānāmaupaśamiko bhāvaḥ caturṣu kṣapakeṣu sayogāyogakevalinośca kṣāyiko bhāvaḥ

viśeṣeṇa gatyanuvādena narakagatau prathamāyāṃ pṛthivyāṃ nārakāṇāṃ mithyādṛṣṭyādyasaṃyatasamyagdṛṣṭyantānāṃ sāmānyavat dvitīyādiṣvā saptamyā mithyādṛṣṭisāsādanasamyagdṛṣṭisamyaṅmithyādṛṣṭīnāṃ sāmānyavat asaṃyatasamyagdṛṣṭeraupaśamiko vā kṣāyopaśamiko vā bhāvaḥ asaṃyataḥ punaraudayikena bhāvena tirgaggatau tiraścāṃ mithyādṛṣṭyādisaṃyatāsaṃyatāntānāṃ sāmānyavat manuṣyagatau manuṣyāṇāṃ mithyādṛṣṭyādyayogakevalyantānāṃ sāmānyavat devagatau devānāṃ mithyādṛṣṭyādyasaṃyatasamyagdṛṣṭyantānāṃ sāmānyavat

indriyānuvādena ekendriyavikalendriyāṇāmaudayiko bhāvaḥ pañcedriyeṣu mithyādṛṣṭyayogakevalyantānāṃ sāmānyavat

kāyānuvādena sthāvarakāyikānāmaudayiko bhāvaḥ trasakāyikānāṃ sāmānyameva

yogānuvādena kāyavāṅmanasayogināṃ mithyādṛṣṭyādisayogakevalyantānāṃ ca sāmānyameva

vedānuvādena strīpunnapuṃsakavedānāmavedānāṃ ca sāmānyavat

kaṣāyānuvādena krodhamānamāyālobhakaṣāyāṇāmakaṣāyāṇāṃ ca sāmānyavat

jñānānuvādena matyajñāniśrutājñānivibhaṅgajñānināṃ matiśrutāvadhimanaḥparyayakevalajñānināṃ ca sāmānyavat

saṃyamānuvādena sarveṣāṃ saṃyatānāṃ saṃyatāsaṃyatānāmasaṃyatānāṃ ca sāmānyavat

darśanānuvādena cakṣurdarśanācakṣurdarśanāvadhidarśanakevaladarśanināṃ sāmānyavat

leśyānuvādena ṣaḍleśyānāmaleśyānāṃ ca sāmānyavat

bhavyānuvādena bhavyānāṃ mithyādṛṣṭyādyayogakevalyantānāṃ sāmānyavat abhavyānāṃ pāriṇāmiko bhāvaḥ

samyaktvānuvādena kṣāyikasamyagdṛṣṭiṣu asaṃyatasamyagdṛṣṭeḥ kṣāyiko bhāvaḥ kṣāyikaṃ samyaktvam asaṃyatatvamaudayikena bhāvena saṃyatāsaṃyatapramattāpramattasaṃyatānāṃ kṣāyopaśamiko bhāvaḥ kṣāyikaṃ samyaktvaṃ caturṇāmupaśamakānāmaupaśamiko bhāvaḥ kṣāyikaṃ samyaktvam śeṣāṇāṃ sāmānyavat kṣāyopamikasamyagdṛṣṭiṣu asaṃyatasamyagdṛṣṭeḥ kṣāyopaśamiko bhāvaḥ kṣāyopaśamikaṃ samyaktvam asaṃyataḥ punaraudayikena bhāvena saṃyatāsaṃyatapramattāpramattasaṃyatānāṃ kṣāyopaśamiko bhāvaḥ kṣāyopaśamikaṃ samyaktvam aupaśamikasamyagdṛṣṭiṣu asaṃyatasamyagdṛṣṭeraupaśamiko bhāvaḥ aupaśamikaṃ samyaktvam asaṃyataḥ punaraudayikena bhāvena saṃyatāsaṃyatapramattāpramattasaṃyatānāṃ kṣāyopaśamiko bhāvaḥ aupaśamikaṃ samyaktvam caturṇāmupaśamakānāmaupaśamiko bhāvaḥ aupaśamikaṃ samyaktvam sāsādanasamyagdṛṣṭeḥ pāriṇāmiko bhāvaḥ samyaṅmithyādṛṣṭeḥ kṣāyopaśamiko bhāvaḥ mithyādṛṣṭeraudayiko bhāvaḥ

saṃjñānuvādena saṃjñināṃ sāmānyavat asaṃjñināmaudayiko bhāvaḥ tadubhayavyapadeśarahitānāṃ sāmānyavat

āhārānuvādena āhārakāṇāmanāhārakāṇāṃ ca sāmanyavat bhāvaḥ parisamāptaḥ

alpabahutvamupavarṇyate tat dvividhaṃ sāmānyena viśeṣeṇa ca sāmānyena tāvat sarvataḥ stokāḥ traya upaśamakāḥ svaguṇasthānakāleṣu praveśena tulyasaṃkhyāḥ upaśāntakaṣāyāstāvanta eva trayaḥ kṣapakāḥ saṃkhyeyaguṇāḥ kṣīṇakaṣāyavītarāgacchadmasthāstāvanta eva sayogakevalino'yogakevalinaśca praveśena tulyasaṃkhyāḥ sayogakevalinaḥ svakālena samuditāḥ saṃkhyeyaguṇāḥ apramattasaṃyatāḥ saṃkhyeyaguṇāḥ pramattasaṃyatāḥ saṃkhyeyaguṇāḥ saṃyatāsaṃyatā asaṃkhyeyaguṇāḥ sāsādanasamyagdṛṣṭayo'saṃkhyeyaguṇāḥ samyagmithyādṛṣṭayaḥ saṃkhyeyaguṇāḥ asaṃyatasamyagdṛṣṭayo'saṃkhyeyaguṇāḥ mithyādṛṣṭayo'nantaguṇāḥ

viśeṣeṇa gatyanuvādena narakagatau sarvāsu pṛthivīṣu nārakeṣu sarvataḥ stokāḥ sāsādanasamyagdṛṣṭayaḥ samyagmithyādṛṣṭayaḥ saṃkhyeyaguṇāḥ asaṃyatasagyagdṛṣṭayo'saṃkhyeyaguṇāḥ mithyādṛṣṭayo'saṃkhyeyaguṇāḥ tiryaggatau tiraścāṃ sarvataḥ stokāḥ saṃyatāsaṃyatāḥ itareṣāṃ

sāmānyavat manuṣyagatau manuṣyāṇāmupaśamakādiprattasaṃyatāntānāṃ sāmānyavat tataḥ saṃkhyeyaguṇāḥ saṃyatāsaṃyatāḥ sāsādanasamyagdṛṣṭayaḥ saṃkhyeyaguṇāḥ samyagmithyādṛṣṭayaḥ saṃkhyeyaguṇāḥ asaṃyatasamyagdṛṣṭayaḥ saṃkhyeyaguṇāḥ mithyādṛṣṭayo'saṃkhyeyaguṇāḥ devagatau devānāṃ nārakavat

iṃdriyānuvādena ekendriyavikalendriyeṣu guṇasthānabhedo nāstītyalpabahutvābhāvaḥ pañcendriyāṇāṃ sāmānyavat ayaṃ tu viśeṣaḥ mithyādṛṣṭayo'saṃkhyeyaguṇāḥ

kāyānuvādena sthāvarakāyeṣu guṇasthānabhedābhāvādalpabahutvābhāvaḥ trasakāyikānāṃ pañcendriyavat

yogānuvādena vāṅmanasayogināṃ pañcendriyavat kāyayogināṃ sāmānyavat

vedānuvādena strīpuṃvedānāṃ pañcendriyavat napuṃsakavedānāmavedānāṃ ca sāmānyavat

kaṣāyānuvādena krodhamānamāyākaṣāyāṇāṃ puṃvedavat ayaṃ tu viśeṣaḥ mithyādṛṣṭayo'nantaguṇāḥ lobhakaṣāyāṇāṃ dvayorupaśamakayostulyā saṃkhyā kṣapakāḥ saṃkhyeyaguṇāḥ sūkṣmasāmparāyaśudhdyupaśamakasaṃyatā viśeṣādhikāḥ sūkṣmasāmparāyakṣapakāḥ saṃkhyeyaguṇāḥ śeṣāṇāṃ sāmānyavat

jñānānuvādena matyajñāniśrutājñāniṣu sarvataḥ stokāḥ sāsādanasamyagdṛṣṭayaḥ mithyādṛṣṭayo'nantaguṇāḥ vibhaṃgajñāniṣu sarvataḥ stokāḥ sāsādanasamyagdṛṣṭayaḥ mithyādṛṣṭayo'saṃkhyeyaguṇaḥ matiśrutāvadhijñāniṣu sarvataḥ stokāścatvāra upaśamakāścatvāraḥ kṣapakāḥ saṃkhyeyaguṇāḥ apramattasaṃyatāḥ saṃkhyeyaguṇāḥ pramattasaṃyatāḥ saṃkhyeyaguṇāḥ saṃyatāsaṃyatāḥ asaṃkhyeyaguṇāḥ asaṃyatasamyagdṛṣṭayaḥ asaṃkhyeyaguṇāḥ manaḥparyayajñāniṣu sarvataḥ stokāścatvāra upaśamakāḥ catvāraḥ kṣapakāḥ saṃkhyeyaguṇāḥ apramattasaṃyatāḥ saṃkhyeyaguṇāḥ pramattasaṃyatāḥ saṃkhyeyaguṇāḥ kevalajñāniṣu ayogakevalibhyaḥ sayogakevalinaḥ saṃkhyeyaguṇāḥ

saṃyamānuvādena sāmāyikacchedopasthāpanaśuddhisaṃyateṣu dvayorupaśamakayostulyā saṃkhyā

tataḥ saṃkhyeyaguṇau kṣapakau apramattāḥ saṃkhyeyaguṇāḥ pramattāḥ saṃkhyeyaguṇāḥ parihāraśuddhisaṃyateṣu apramattebhyaḥ pramattāḥ saṃkhyeyaguṇāḥ sūkṣmasāmparāyaśuddhisaṃyateṣu upaśamakebhyaḥ kṣapakāḥ saṃkhyeyaguṇāḥ yathākhyātavihāraśuddhisaṃyateṣu upaśāntakaṣāyebhyaḥ kṣīṇakaṣāyāḥ saṃkhyeyaguṇāḥ ayogakevalinastāvanta eva sayogakevalinaḥ saṃkhyeyaguṇāḥ saṃyatāsaṃyatānāṃ nāstyalpabahutvam asaṃyateṣu sarvataḥ stokāḥ sāsādanasamyagdṛṣṭayaḥ samyaṅmithyādṛṣṭayaḥ saṃkhyeyaguṇāḥ asaṃyatasamyagdṛṣṭayo'saṃkhyeyaguṇāḥ mithyādṛṣṭayo'nantaguṇāḥ

darśanānuvādena cakṣurdarśanināṃ manoyogivat acakṣurdarśanināṃ kāyayogivat avadhidarśanināmavadhijñānivat kevaladarśanināṃ kevalajñānivat

leśyānuvādena kṛṣṇanīlakapotaleśyānāṃ asaṃyatavat tejaḥpadmaleśyānāṃ sarvaṃtaḥ stokā apramattāḥ pramattāḥ saṃkhyeyaguṇāḥ evamitareṣāṃ pañcendriyavat śuklaleśyānāṃ sarvataḥ stokā upaśamakāḥ kṣapakāḥ saṃkhyeyaguṇāḥ sayogakevalinaḥ saṃkhyeyaguṇāḥ apramattasaṃyatāḥ saṃkhyeyaguṇāḥ pramattasaṃyatāḥ saṃkhyeyaguṇāḥ saṃyatāsaṃyatāḥ asaṃkhyeya

guṇāḥ sāsādanasamyagdṛṣṭayo'saṃkhyeyaguṇāḥ samyagmithyādṛṣṭayaḥ saṃkhyeyaguṇāḥ mithyādṛṣṭayo'saṃkhyeguṇāḥ asaṃyatasamyagdṛṣṭayaḥ saṃkhyeyaguṇāḥ

bhavyānuvādena bhavyānāṃ sāmānyavat abhavyānāṃ nāstyalpabahutvam

samyaktvānuvādena kṣāyikasamyagdṛṣṭiṣu sarvataḥ stokāścatvāra upaśamakāḥ itareṣāṃ pramattāntānāṃ sāmānyavat tataḥ saṃyatāsaṃyatāḥ saṃkhyeyaguṇāḥ asaṃyatasamyagdṛṣṭayo'saṃkhyeyaguṇāḥ kṣāyopaśamikasamyagdṛṣṭiṣu sarvataḥ stokā apramattāḥ pramattāḥ saṃkhyeyaguṇāḥ saṃyatāsaṃyatāḥ asaṃkhyeyaguṇāḥ asaṃyatasamyagdṛṣṭayo'saṃkhyeyaguṇāḥ aupaśamikasamyagdṛṣṭīnāṃ sarvataḥ stokāścatvāra upaśamakāḥ apramattāḥ saṃkhyeyaguṇāḥ pramattāḥ saṃkhyeyaguṇāḥ saṃyatāsaṃyatāḥ asaṃkhyeyaguṇāḥ asaṃyatasamyagdṛṣṭayo'saṃkhyeyaguṇāḥ śeṣāṇāṃ nāstyalpabahutvam

sañjñānuvādena saṃjñināṃ cakṣurdarśanivat asaṃjñināṃ nāstyalpabahutvam tadubhayavyapadeśarahitānāṃ kevalajñānivat

āhārānuvādena āhārakāṇāṃ kāyayogivat anāhārakāṇāṃ sarvataḥ stokāḥ sayogakevalinaḥ ayogakevalinaḥ saṃkhyeyaguṇāḥ sāsādanasamyagdṛṣṭayo'saṃkhyeyaguṇāḥ asaṃyatasamyagdṛṣṭayo'saṃkhyeyaguṇāḥ mithyādṛṣṭayo'nantaguṇāḥ

evaṃ mithyādṛṣṭyādīnāṃ gatyādiṣu mārgaṇā kṛtā sāmānyena tatrasūkṣmabheda āgamāvirodhenānusartavyaḥ

evaṃ samyagdarśanasyādāvuddiṣṭasya lakṣaṇotpattisvāmiviṣayanyāsādhigamopāyā nirdiṣṭāḥ tatsambandhena ca jīvādīnāṃ sañjñāparimāṇādi nirdiṣṭam tadanantaraṃ samyagjñānaṃ vicārārhamityāha

jñānaśabdaḥ pratyekaṃ parisamāpyate matijñānaṃ śrutajñānaṃ avadhijñānaṃ manaḥparyayajñānaṃ kevalajñānamiti indriyairmanasā ca yathāsvamarthomanyate anayā manute mananamātraṃ vā matiḥ

tadāvaraṇakarmakṣayopaśame sati nirūpyamāṇaṃ śrūyate anena tat śṛṇoti śravaṇamātraṃ vā śrutam anayoḥ pratyāsannanirdeśaḥ kṛtaḥ kāryakāraṇabhāvāt tathā ca vakṣyate 'śrutaṃ matipūrvam' iti avāgdhānādavacchinnaviṣayādvā avadhiḥ parakīyamanogato'rtho mana ityucyate sāhacaryāttasya paryayaṇaṃ parigamanaṃ manaḥparyayaḥ matijñānaprasaṅga iti cet na apekṣāmātratvāt kṣayopaśamaśaktimātravijṛmbhitaṃ hi tatkevalaṃ svaparamanobhirvyapadiśyate yathā abhre candramasaṃ paśyeti bāhyenābhyantareṇa ca tapasā yadarthamarthino mārgaṃ kevante sevante tatkevalam asahāyamiti vā

tadante prāpyate iti ante kriyate tasya pratyāsannatvāttatsamīpe manaḥparyayagrahaṇam kutaḥ pratyāsattiḥ saṃyamaikādhikaraṇatvāt tasya avadhirviprakṛṣṭaḥ kutaḥ viprakṛṣṭāṃtaratvāt pratyakṣātparokṣaṃ pūrvamuktaṃ sugamatvāt śrutaparicitānubhūtā hi matiśrutapaddhatiḥ sarveṇa prāṇigaṇena prāyaḥ prāpyate yataḥ evametatpañcavidhaṃ jñānam tadbhedādayaśca purastādvakṣyante

'pramāṇanayairadhigamaḥ' ityuktam pramāṇaṃ ca keṣāñcit jñānamabhimatam keṣā

ñcit sannikarṣaḥ keṣāñcidindriyamiti ato'dhikṛtānāmeva matyādīnāṃ pramāṇatvakhyāpanārthamāha

tadvacanaṃ kimartham pramāṇāntaraparikalpanānivṛttyartham sannikarṣaḥ pramāṇamindriyaṃ pramāṇamiti kecitkalpayanti tannivṛttyarthaṃ tadityucyate tadeva matyādi pramāṇaṃ nānyaditi

atha sannikarṣe pramāṇe sati indriye vā ko doṣaḥ yadi sannikarṣaḥ pramāṇam sūkṣmavyavahitaviprakṛṣṭānāmarthānāmagrahaṇaprasaṅgaḥ na hi te indriyaiḥ sannikṛṣyante ataḥ sarvajñatvābhāvaḥ syāt indriyamapi yadi pramāṇaṃ sa eva doṣaḥ alpaviṣayatvāt cakṣurādīnāṃ jñeyasya cāparimāṇatvāt

sarvendriyasannikarṣābhāvaśca cakṣurmanasoḥ prāpyakāritvābhāvāt aprāpyakāritvaṃ ca uttaratna vakṣyate

yadi jñānaṃ pramāṇaṃ phalābhāvaḥ adhigamo hi phalamiṣṭaṃ na bhāvāntaram sa cetpramāṇaṃ na tasyānyatphalaṃ bhavitumarhati phalavatā ca pramāṇena bhavitavyam sannikarṣe indriye vā pramāṇe sati adhigamaḥ phalamarthāntarabhūtaṃ yujyate iti tadayuktam yadi sannikarṣaḥ pramāṇaṃ arthādhigamaḥ phalaṃ tasya dviṣṭhatvāttatphalenādhigamenāpi dviṣṭhena bhavitavyamiti arthādīnāmapyadhigamaḥ prāpnoti ātmanaścetanatvāttatraiva samavāya iti cet na jñasvabhāvābhāve sarveṣāmacetanatvāt jñasvabhāvābhyupagame vā ātmanaḥ svamatavirodhaḥ syāt

nanu coktaṃ jñāne pramāṇe sati phalābhāvaḥ iti naiṣa doṣaḥ arthādhigame prītidarśanāt jñasvabhāvasyātmanaḥ karmamalīmasasya karaṇālambanādarthaniścaye prītirupajāyate sā phalamityucyate upekṣā ajñānanāśo vā phalam rāgadveṣayorapraṇidhā

namupekṣā andhakārakalpājñānanāśo vā phalamityucyate

pramiṇoti pramīyate'nena pramitimātraṃ vā pramāṇam kimanena pramīyate jīvādirathaṃḥ yadi jīvāderadhigame pramāṇaṃ pramāṇādhigame ca anyatpramāṇaṃ parikalpayitavyam tathā satyanavasthā nānavasthā pradīpavat yathā ghaṭādīnāṃ prakāśane pradīpo hetuḥ svasvarūpaprakāśane'pi sa eva na prakāśāntaraṃ mṛgyaṃ tathā pramāṇamapīti avaśyaṃ caitadabhyupagantavyam prameyavatpramāṇasya pramāṇāntaraparikalpanāyāṃ svādhigamābhāvāt smṛtyabhāvaḥ tadabhāvād vyavahāralopaḥ syāt

vakṣyamāṇabhedāpekṣayā dvivacananirdeśaḥ vakṣyate hi 'ādye parokṣam pratyakṣamanyad' iti sa ca dvivacananirdeśaḥ pramāṇāntarasaṃkhyānivṛttyarthaḥ

uktasya pañcavidhasya jñānasya pramāṇadvayāntaḥpātitve pratipādite pratyakṣānumānādipramāṇadvayakalpanānivṛttyarthamāha

ādiśabdaḥ prāthamyavacanaḥ ādau bhavamādyam kathaṃ dvayoḥ prathamatvaṃ mukhyopacārakalpanayā matijñānaṃ tāvanmukhyakalpanayā prathamam śrutamapi tasya pratyāsattyā prathamamityupacaryate dvivacananirdeśasāmarthyādgauṇasyāpi grahaṇam ādyaṃ ca ādyaṃ ādye matiśrute ityarthaḥ tadubhayamapi parokṣaṃ pramāṇamityabhisambadhyate kuto'sya parokṣatvam parāyattatvāt 'matijñānaṃ indriyānindriyanimittam'iti vakṣyate'śrutamanindriyasya' iti ca ataḥ parāṇīndriyāṇi manaśca prakāśopadeśādi ca bāhyanimittaṃ pratītya tadāvaraṇakarmakṣayopaśamāpekṣasyātmano matiśrutaṃ utpadyamānaṃ parokṣamityākhyāyate ata upamānāgamādīnāmatraivāntarbhāvaḥ

abhihitalakṣaṇātparokṣāditarasya sarvasya pratyakṣatvapratipādanārthamāha

akṣṇoti vyāpnoti jānātītyakṣa ātmā tameva prāptakṣayopaśamaṃ prakṣīṇāvaraṇaṃ vā prati niyataṃ pratyakṣam avadhidarśanaṃ kevaladarśanamapi akṣameva prati niyatamatastasyāpi grahaṇaṃ prāpnoti naiṣa doṣaḥ jñānamityanuvartate tena darśanasya vyudāsaḥ evamapi vibhaṅgajñānamakṣameva prati niyatamato'syāpi grahaṇaṃ prāpnoti samyagityadhikārāt tannivṛttiḥ samyagityanuvartate tena jñānaṃ viśiṣyate tato vibhaṅgajñānasya nivṛttiḥ kṛtā taddhi mithyādarśanodayādviparītārthaviṣayamiti na samyak

syānmatamindriyavyāpārajanitaṃ jñānaṃ pratyakṣaṃ vyatītendriyaviṣayavyāpāraṃ parokṣamityetadavisaṃvādi lakṣaṇamabhyupagantavyamiti tadayuktam āptasya pratyakṣajñānābhāvaprasaṅgāt

yadi indriyanimittameva jñānaṃ pratyakṣamiṣyate evaṃ sati āptasya pratyakṣajñānaṃ na syāt na hi tasyendriyapūrvo'rthādhigamaḥ atha tasyāpi karaṇapūrvakameva jñānaṃ kalpyate tasyāsarvajñatvaṃ syāt tasya mānasaṃ pratyakṣamiti cet manaḥpraṇidhānapūrvakatvātjñānasya sarvajñatvābhāva eva āgamatastatsiddhiriti cet na tasya pratyakṣajñānapūrvakatvāt

yogipratyakṣamanyajjñānaṃ divyamapyastīti cet na tasya pratyakṣatvaṃ indriyanimittatvābhāvāt akṣamakṣaṃ prati yadvartate tatpratyakṣamityabhyupagamāt

kiñca sarvajñatvābhāvaḥ pratijñāhānirvā asya yogino yajjñānaṃ tatpratyarthavaśavarti vā syāt anekārthagrāhi vā yadi pratyarthavaśavarti sarvajñatvamasya nāsti yoginaḥ jñeyasyānantyāt athānekārthagrāhi yā pratijñā

sā hīyate

athavā 'kṣaṇikāḥ sarvasaṃkārāḥ' iti pratijñā hīyate anekakṣaṇavṛttyekavijñānābhyupagamāt anekārthagrahaṇaṃ hi krameṇeti yugapadeveti cet yo'sya janmakṣaṇaḥ sa ātmalābhārtha eva labdhātmalābhaṃ hi kiñcitsvakāryaṃ prati vyāpriyate pradīpavaditi cet tasyāpyanekakṣaṇaviṣayatāyāṃ satyāmeva prakāśyaprakāśanābhyupagamāt vikalpātītatvāttasya śūnyatāprasaṅgaśca

abhihitobhayaprakārasya pramāṇasya ādiprakāraviśeṣapratipattyarthamāha

ādau uddiṣṭaṃ yajjñānaṃ tasya paryāyaśabdā ete veditavyāḥ matijñānāvaraṇakṣayopaśamāntaraṅganimittajanitopayogaviṣayatvādeteṣāṃ śrutādiṣvapravṛtteśca mananaṃ matiḥ smaraṇaṃ smṛtiḥ sañjñānaṃ sañjñā cintanaṃ cintā abhinibodhanamabhinibodha iti yathāsambhavaṃ vigrahāntaraṃ vijñeyam

satyapi prakṛtibhede rūḍhibalalābhāt paryāyaśabdatvam yathā indraḥ śakraḥ purandara iti indanādikriyābhede'pi śacīpaterekasyaiva saṃjñā samabhirūḍhanayāpekṣayā teṣāmarthāntarakalpanāyāṃ matyādiṣvapi sa kramo vidyata eva kiṃ tu matijñānāvaraṇakṣayopaśamanimittopayogaṃ nātivartanta iti ayamatrārtho vivakṣitaḥ 'iti'śabdaḥ prakārārthaḥ evaṃprakārā asya paryāyaśabdā iti abhidheyārtho vā matiḥ smṛtiḥ saṃjñā cintā abhinibodha ityetairyo'rtho'bhidhīyate sa eka eva iti

athāsyātmalābhe kiṃ nimittamityata āha

indatīti indra ātmā tasya jñasvabhāvasya tadāvaraṇakṣayopaśame sati svayamarthān gṛhītumasamarthasya yadarthopalabdhiliṅgaṃ tadindrasya liṅgamindriyamityucyate athavā līnamarthaṃ gamayatīti liṅgam ātmanaḥ sūkṣmasyāstitvādhigame liṅgamindriyam yathā iha dhūmo'gneḥ evamidaṃ sparśanādi karaṇaṃ nāsati kartaryātmani bhavitumarhatīti jñāturastitvaṃ

gamyate athavā indra iti nāmakarmocyate tena sṛṣṭamindriyamiti tatsparśanādi uttaratra vakṣyate

anindriyaṃ manaḥ antaḥkaraṇamityanarthāntaram kathaṃ punarindriyapratiṣedhena indraliṅge eva manasi anindriyaśabdasya vṛttiḥ īṣadarthasya nañaḥ prayogāt īṣadindriyamanindrayamiti yathā anudarā kanyā iti kathamīṣadarthaḥ imānīndriyāṇi pratiniyatadeśaviṣayāṇi kālāntarāvarathāyīni ca na tathā manaḥ indrasya liṅgamapi satpratiniyatadeśaviṣayaṃ kālāntarāvasthāyi ca

tadantaḥkaraṇamiti cocyate guṇadoṣavicārasmaraṇādivyāpāre indriyānapekṣatvā

ccakṣurādivad bahiranupalabdheśca antargataṃ karaṇamantaḥkaraṇamityucyate

taditi kimartham matijñānanirdeśārtham nanu ca tadanantaraṃ 'anantarasya vidhirvā bhavati pratiṣedho vā' iti tasyaiva grahaṇaṃ bhavati ihārthamuttarārthaṃ ca tadityucyate yanmatyādiparyāyaśabdavācyaṃ jñānaṃ tadindriyānindriyanimittaṃ tadevāvagrahehāvāyadhāraṇā iti itarathā hi prathamaṃ matyādiśabdavācyaṃ jñānamityuktvā indriyānindriyanimittaṃ śrutam tadevāvagrahehāvāyadhāraṇā ityaniṣṭamabhisambadhyeta

evaṃ nirjñātotpattinimittamanirṇītabhedamiti tadbhedapratipattyarthamāha

viṣayaviṣayisannipātasamanantaramādyaṃ grahaṇamavagrahaḥ viṣayaviṣayisannipāte sati darśanaṃ bhavati tadanantaramarthagrahaṇamavagrahaḥ yathā cakṣuṣā śuklaṃ rūpamiti grahaṇamavagrahaḥ avagrahagṛhīte'rthe tadviśeṣākāṅkṣaṇamīhā yathā śuklaṃ rūpaṃ kiṃ balākā patākā veti viśeṣanirjñānādyāthātmyāvagamanamavāyaḥ utpatananipatanapakṣavikṣepādibhirbalākaiveyaṃ na patāketi avetasya kālāntare'vismaraṇakāraṇaṃ dhāraṇā yathā saiveyaṃ

balākā pūrvāhve yāmahamadrākṣamiti eṣāmavagrahādīnāmupanyāsakrama utpattikramakṛtaḥ

uktānāmavagrahādīnāṃ prabhedapratipatyarthamāha

avagrahādayaḥ kriyāviśeṣāḥ prakṛtāḥ tadapekṣo'yaṃ karmanirdeśaḥ bahvādīnāṃ setarāṇāmiti bahuśabdasya saṃkhyāvaipulyavācino grahaṇamaviśeṣāt saṃkhyavācī yathā eko dvau bahava iti vaipulyavācī yathā bahurodano bahuḥ sūpa iti vidhaśabdaḥ prakāravācī kṣipragrahaṇamacirapratipattyartham aniḥsṛtagrahaṇaṃ asakalapudgalodgamārtham

anuktamabhiprāyeṇa grahaṇam dhruvaṃ nirantaraṃ yathārthagrahaṇam setaragrahaṇaṃ pratipakṣasaṃgrahārtham bahūnāmavagrahaḥ alpasyāvagrahaḥ bahuvidhasyāvagrahaḥ ekavidhasyāvagrahaḥ kṣipramavagrahaḥ cireṇāvagrahaḥ aniḥsṛtasyāvagrahaḥ niḥsṛtasyāvagrahaḥ anuktasyāvagrahaḥ uktasyāvagrahaḥ dhruvasyāvagrahaḥ adhruvasyāvagrahaśceti avagraho dvādaśavikalpaḥ evamīhādayo'pi ta ete pañcabhirindriyadvārairmanasā ca pratyekaṃ prādurbhāvyante tatra bahvavagrahādayaḥ matijñānāvaraṇakṣayopaśamaprakarṣāt prabhavanti netare iti teṣāmabhyarhitatvādādau grahaṇaṃ kriyate

bahubahuvidhayoḥ kaḥ prativiśeṣaḥ yāvatā bahuṣvapi bahutvamasti bahuvidheṣvapi bahutvamasti ekaprakāranānāprakārakṛto viśeṣaḥ uktaniḥsṛtayoḥ kaḥ prativiśeṣaḥ yāvatā sakalaniḥsaraṇānniḥsṛtam uktamapyevaṃvidhameva ayamasti viśeṣaḥ anyopadeśa

pūrvakaṃ grahaṇamuktam svata eva grahaṇaṃ niḥsṛtam

apareṣāṃ kṣipraniḥsṛta iti pāṭhaḥ ta evaṃ varṇayanti śrotrendriyeṇa śabdamavagṛhyamāṇaṃ mayūrasya vā kurarasya veti kaścitpratipadyate aparaḥsvarūpamevā śritya iti

dhruvāvagrahasya dhāraṇāyāśca kaḥ prativiśeṣaḥ ucyate kṣayopaśamaprāptikāle viśuddhapariṇāmasantatyā prāptātkṣayopaśamātprathamasapaye yathāvagrahastathaiva dvitīyādiṣvapi samayeṣu nononābhyadhika iti dhruvāvagraha ityucyate yadā punarviśuddhapariṇāmasya saṃkleśapariṇāmasya ca miśraṇātkṣayopaśamo bhavati tata utpadyamāno'vagrahaḥ kadācid bahūnāṃ kadācidalpasya kadācid bahuvidhasya kadācidekavidhasya veti nyūnādhikabhāvāda'dhruvāvagraha ityucyate dhāraṇā punargṛhītārthāvismaraṇakāraṇamiti mahadanayorantaram

yadyavagrahādayo bahvādīnāṃ karmaṇāmākṣeptāraḥ bahvādīni punarviśeṣaṇāni kasyetyata āha

cakṣurādiviṣayo'rthaḥ tasya bahvādiviśeṣaṇaviśiṣṭasya avagrahādayo bhavantītyabhisambandhaḥ kriyate kimarthamidamucyate yāvatā bahvādirartha eva satyamevaṃ kintu pravādiparikalpanānivṛttyarthaṃ 'arthasya' ityucyate kecitpravādino manyante rūpādayo guṇā eva indriyaiḥ sannikṛṣyante teneteṣāmeva grahaṇamiti tadayuktam na hi te rūpādayo guṇā amūrtā indri

yasannikarṣamāpadyante na tarhi idānīmidaṃ bhavati rūpaṃ mayā dṛṣṭaṃ gandho vā ghrāta iti bhavati ca kathaṃ iyarti paryāyāṃstairvā'ryata ityartho dravyaṃ tasminnindriyaiḥ sannikṛṣyamāṇe tadavyatirekādrūpādiṣvapi saṃvyavahāro yujyate

kimime avagrahādayaḥ sarvasyendriyānindriyasya bhavanti uta kaścidviṣayaviśeṣo'stītyata āha

vyañjanamavyaktaṃ śabdādijātaṃ tasyāvagraho bhavati nehādayaḥ kimarthamidaṃ niyamārtham avagraha eva nehādaya iti sa tarhi evakāraḥ kartavyaḥ na kartavyaḥ 'siddhe

vidhirārabhyamāṇo niyamārthaḥ iti antareṇaivakāraṃ niyamārtho bhaviṣyati nanu avagrahagrahaṇamubhayatra tulyaṃ tattra kiṃ kṛto'yaṃ viśeṣaḥ arthāvagrahavyañjanāvagrahayorvyaktāvyaktakṛto viśeṣaḥ katham abhinavaśarāvārdrīkaraṇavat yathā jalakaṇadvitrāsiktaḥ sarāvo'bhinavo nārdrībhavati sa eva punaḥpunaḥ sicyamānaḥ śanaistimyati evaṃ śrotrādiṣvindriyeṣu śabdādipariṇatāḥ pudgalā dvitrādiṣu samayeṣu gṛhyamāṇā na vyaktībhavanti punaḥpunaravagrahe sati vyaktībhavanti ato vyaktagrahaṇātprāgvyañjanāvagrahaḥ vyaktagrahaṇamarthāvagrahaḥ tato'vyaktāvagrahaṇādīhādayo na bhavanti

sarvendriyāṇāmaviśeṣeṇa vyañjanāvagrahaprasaṅge yatrāsambhavastadarthapratiṣedhamāha

cakṣuṣā anindriyeṇa ca vyañjanāvagraho na bhavati kutaḥ aprāpyakāritvāt yato'prāptamarthamavidikkaṃ yuktaṃ sannikarṣaviṣaye'vasthitaṃ bāhyaprakāśābhivyaktamupalabhate cakṣuḥ manaścāprāptamityanayorvyañjanāvagraho nāsti

cakṣuṣo'prāpyakāritvaṃ kathamadhyavasīyate āgamato yuktitaśca āgamatastāvat

yuktitaśca aprāpyakāri cakṣuḥ spṛṣṭānavagrahāt yadi prāpyakāri syāt tvagindriyavat spṛṣṭamañjanaṃ gṛhṇīyāt na tu gṛhṇātyato manovadaprāpyakārītyavaseyam

tataścakṣurmanasī varjayitvā śeṣāṇāmindriyāṇāṃ vyañjanāvagrahaḥ sarveṣāmindriyānindriyāṇāmarthāvagraha iti siddhaṃ

āha nirdiṣṭaṃ matijñānaṃ lakṣaṇato vikalpataśca tadanantaramuddiṣṭaṃ yat śrutaṃ tasyedānīṃ lakṣaṇaṃ vikalpaśca vaktavya ityata āha

śrutaśabdo'yaṃ śravaṇamupādaya vyutpādito'pi rūḍhivaśāt kasmiṃścijjñānaviśeṣe vartate yathā kuśalavanakarma pratītyavyutpādito'pi kuśalaśabdo rūḍhivaśātparyavadātevartate kaḥ punarasau jñānaviśeṣa iti ata āha 'śrutaṃ matipūrvam' iti śrutasya pramāṇatvaṃ pūrayatīti pūrvaṃ nimittaṃ kāraṇamityanarthāntaram matirnirdiṣṭā matiḥ pūrvamasya matipūrvaṃ matikāraṇamityarthaḥ yadi matipūrvaṃ śrutaṃ tadapi matyātmakaṃ prāpnoti 'kāraṇasadṛśaṃ hi loke kāryaṃ dṛṣṭam iti naitadaikāntikam daṇḍādikāraṇo'yaṃ ghaṭo na daṇḍādyātmakaḥ api

ca sati tasmiṃstadabhāvāt satyapi matijñāne bāhyaśrutajñānanimittasannidhāne'pi prabalaśrutāvaraṇodayasya śrutābhāvaḥ śrutāvaraṇakṣayopaśamaprakarṣe tu sati śrutajñānamutpadyata iti matijñānaṃ nimittamātraṃ jñeyam

āha śrutamanādinidhanamiṣyate tasya matipūrvakatve tadabhāvaḥ ādimato'ntavattvāt tataśca puruṣakṛtitvādaprāmāṇyamiti naiṣa doṣaḥ dravyādisāmānyārpaṇāt śrutamanādinidhanamiṣyate na hi kenacitpuruṣeṇa kvacitkadācitkathañcidutprekṣitamiti teṣāmeva viśeṣāpekṣayā ādirantaśca sambhavatīti 'matipūrvam'ityucyate yathāṅkuro bījapūrvakaḥ sa ca santānāpekṣayā anādinidhana iti na cāpauruṣeyatvaṃ prāmāṇyakāraṇam cauryādyupadeśasyāsmaryamāṇakartṛ kasya prāmāṇyaprasaṅgāt anityasya ca pratyakṣādeḥ prāmāṇye ko virodhaḥ

āha prathamasamyaktvotpattau yugapajjñānapariṇāmānmatipūrvakatvaṃ śrutasya nopapadyata iti tadayuktam samyaktvasya tadapekṣatvāt ātmalābhastu kramavāniti matipūrvakatvavyāghātābhāvaḥ

āha matipūrvaṃ śrutamityetallakṣaṇamavyāpi śrutapūrvamapi śrutamiṣyate tadyathā śabdapariṇatapudgalaskandhādāhitavarṇapadavākyādibhāvāccakṣurādiviṣayācca ādyaśrutaviṣayabhāvamāpannādavyabhicāriṇaḥ kṛtasaṃgītirjano ghaṭājjaladhāraṇādi kāryaṃ sambandhyantaraṃ pratipadyate dhūmādervāgnyādidravyaṃ tadā śrutāt śrutapratipattiriti naiṣa doṣaḥ tasyāpi matipūrvakatvamupacārataḥ śrutamapi kvacinmatirityupacaryate matipūrvakatvāditi

bhedaśabdaḥ pratyekaṃ parisamāpyatedvibhedamanekabhedaṃ dvādaśabhedamiti dvibhedaṃ tāvat aṅgabāhyamaṅgapraviṣṭamiti aṅgabāhyamanekavidhaṃ daśavaikālikottarādhyayanādi aṅgapraviṣṭaṃ dvādaśavidham tadyathā ācāraḥ sūtrakṛtaṃ sthānaṃ samavāyaḥ vyākhyāprajñaptiḥ jñātṛdharmakathā upāsakādhyayanaṃ antakṛddaśaṃ anuttaraupapādikadaśaṃ praśnavyākaraṇaṃ vipākasūtraṃ dṛṣṭivāda iti dṛṣṭivādaḥ pañcavidhaḥ parikarma sūtraṃ prathamānuyogaḥ pūrvagataṃ cūlikā ceti tatra pūrvagataṃ caturdaśavidham utpādapūrvaṃ āgrāyaṇīyaṃ vīryānupravādaṃ astināstipravādaṃ jñānapravādaṃ satyapravādaṃ ātmapravādaṃ karmapravādaṃ pratyākhyānanāmadheyaṃ vidyānupravādaṃ kalyāṇanāmadheyaṃ prāṇāvāyaṃ kriyāviśālaṃ lokabindusāramiti tadetat śrutaṃ dvibhedamanekabhedaṃ dvādaśabhedamiti

kiṃkṛto'yaṃ viśeṣaḥ vaktṛviśaṣakṛtaḥ trayo vaktāraḥ sarvajñastīrthakara itaro vā śrutakevalī ārātīyaśceti tatra sarvajñena paramarṣiṇā paramācintyakevalajñānavibhūtiviśeṣeṇa arthata āgama uddiṣṭaḥ tasya pratyakṣadarśitvātprakṣīṇadoṣatvācca prāmāṇyam tasya sākṣācchiṣyairbuddhyatiśayarddhiyuktairgaṇadharaiḥ śrutakevalibhiranusmṛtagrantharacanamaṅgapūrva

lakṣaṇam tatpramāṇam tatprāmāṇyāt ārātīyaiḥ punarācāryaiḥ kāladoṣāttsaṃkṣiptāyurmatibalaśiṣyānugrahārthaṃ daśavaikālikādyupanibaddham tatpramāṇamarthatastadevedamiti kṣīrārṇavajalaṃ ghaṭagṛhītamiva

vyākhyātaṃ parokṣam pratyakṣamidānīṃ vaktavyam tad dvedhā deśapratyakṣaṃ sarvapratyakṣaṃ ca deśapratyakṣamavadhimanaḥparyayajñāne sarvapratyakṣaṃ kevalam yadyevamidameva tāvadavadhijñānaṃ triḥprakārasya pratyakṣasyādyaṃ vyākriyatāmityatrocyate dvividho'vadhirbhavapratyayaḥ kṣayopaśamanimittaśceti tatra bhavapratyaya ucyate

bhava ityucyate ko bhavaḥ āyurnāmakarmodayanimitta ātmanaḥ paryāyo bhavaḥ pratyayaḥ kāraṇaṃ nimittamityanarthāntaram bhavaḥ pratyayo'sya bhavapratyayo'vadhirdevanārakāṇāṃ veditavyaḥ yadyevaṃ tatra kṣayopaśamanimittatvaṃ na prāpnoti naiṣa doṣa tadāśrayāttatsiddheḥ bhavaṃ pratītya kṣayopaśamaḥ saṃjñāyata iti kṛtvā bhavaḥ pradhānakāraṇamityupadiśyate yathā patatriṇo gamanamākāśe bhavanimittam na śikṣāguṇaviśeṣaḥ tathā devanārakāṇāṃ

vrataniyamādyabhāve'pi jāyata 'iti bhavapratyayaḥ'ityucyate itarathā hi bhavaḥ sādhāraṇa iti kṛtvā sarveṣāmaviśeṣaḥ syāt iṣyate ca tatrāvadheḥ prakarṣāprakarṣavṛttiḥ 'devanārakāṇām'ityaviśeṣābhidhāne'pi samyagdṛṣṭīnāmeva grahaṇam kutaḥ avadhigrahaṇāt mithyādṛṣṭīnāṃ ca vibhaṅga ityucyate prakarṣāprakarṣavṛttiśca āgamato vijñeyā

yadi bhavapratyayo'vadhirdevanārakāṇām atha kṣayopaśamahetukaḥ keṣāmityata āha

avadhijñānāvaraṇasya deśaghātisparddhakānāmudaye sati sarvaghātisparddhakānāmudayābhāvaḥ kṣayaḥ teṣāmevānudayaprāptānāṃ sadavasthā upaśamaḥ tau nimittamasyeti kṣayopaśamanimittaḥ sa śeṣāṇāṃ veditavyaḥ ke punaḥ śeṣāḥ manuṣyāstiryañcaśca teṣvapi yatra sāmarthyamasti tatraiva veditavyaḥ na hyasaṃjñināmaparyāptakānāṃ ca tatsāmarthyamasti saṃjñināṃ paryāptakānāṃ ca na sarveṣām keṣāṃ tarhi yathovatasamyagdarśanādinimittasannidhāne sati śāntakṣīṇakarmaṇāṃ tasyopalabdhirbhavati sarvasya kṣayopaśamanimittatve kṣayopaśamagrahaṇaṃ niyamārthaṃ kṣayopaśama eva nimittaṃ na bhava iti sa eṣo'vadhiḥ ṣaḍvikalpaḥ kutaḥ anugāmyananugāmivardhamānahīyamānāvasthitānavasthitabhedāt kaścidavadhirbhāskaraprakāśavad gacchantamanugacchati kaścinnānugacchati tatraivānipatati unmukhapraśnādeśipuruṣa

vacanavat aparo'vadhiḥ araṇinirmathanotpannaśuṣkaparṇopacīyamānendhananicayasamiddhapāvakavatsamyagdarśanādiguṇaviśuddhipariṇāmasannidhānādyatparimāṇa utpannastato varddhate ā asaṃkhyeyalokebhyaḥ aparo'vadhiḥ paricchinnopādānasantatyagniśikhāvatsamyagdarśanādiguṇahānisaṃkleśapariṇāmavṛddhiyogādyatparimāṇa utpannastato hīyate ā aṅgulasyāsaṃkhyebhāgāt itaro'vadhiḥ samyagdarśanādiguṇāvasthānādyatparimāṇa utpannastatparimāṇa evāvatiṣṭhate na hīyate nāpi vardhate liṅgavat ā bhavakṣayādā kevalajñānotpattervā anyo'vadhiḥ samyagdarśanādiguṇavṛddhihāniyogādyatparimāṇa utpannastato varddhate yāvadanena vardhitavyaṃ hīyate ca yāvadanena hātavyaṃ vāyuvegapreritajalormivat evaṃ ṣaḍvikalpo'vadhirbhavati

evaṃ vyākhyātamavadhijñānaṃ tadanantaramidānīṃ manaḥparyayajñānaṃ vaktavyam tasya bhedapuraḥsaraṃ lakṣaṇaṃ vyācikhyāsuridamāha

ṛjvī nirvartitā praguṇā ca kasmānnirvartitā vākkāyamanaḥkṛtārthasya paramanogatasya vijñānāt ṛjvī matiryasya so'yaṃ ṛjumatiḥ anirvartitā kuṭilā ca vipulā kasmādanirvartitā vākkāyamanaḥkṛtārthasya parakīyamanogatasya vijñānāt vipulā matiryasya so'yaṃ vipulamatiḥ ṛjumatiśca vipulamatiśca ṛjuvipulamatī ekasya matiśabdasya gatārthatvādaprayogaḥ athavā ṛjuśca vipulā ca ṛjuvipule ṛjuvipule matī yayostau ṛjuvipulamatī iti sa eṣa manaḥparyayo dvividhaḥ ṛjumatirvipulamatiriti āha ukto bhedaḥ lakṣaṇamidānīṃ vaktavyamityatrocyate vīryāntarāyamanaḥparyayajñānāvaraṇakṣayopaśamāṅgopāṅganāmalābhāvaṣṭambhādātmanaḥ parakīyamanaḥsambandhena labdhavṛttirupayogo manaḥparyayaḥ matijñānaprasaṅga iti cet uktottaraṃ purastāt apekṣākāraṇaṃ mana iti parakīyamanasi vyavasthito'rthaḥ anena jñāyate ityetāvadatrāpekṣyate tatra ṛjumati

rmanaḥparyayaḥ kālato jaghanyena jīvānāmātmanaśca dvitrāṇi bhavagrahaṇāni utkarṣeṇa saptāṣṭau gatyāgatyādibhiḥ prarūpayati kṣetrato jaghanyena gavyūtipṛthaktvaṃ utkarṣeṇa yojanapṛthaktvasyābhyantaraṃ na bahiḥ dvitīyaḥ kālato jaghanyena saptāṣṭau bhavagrahaṇāni utkarṣeṇāsaṃkhyeyāni gatyāgatyādibhiḥ prarūpayati kṣetrato jaghanyena yojanapṛthaktvaṃ utkarṣeṇa mānuṣottaraśailasyābhyantaraṃ na bahiḥ

uktayoranayoḥ punarapi viśeṣapratipattyarthamāha

tadāvaraṇakṣayopaśame sati ātmanaḥ prasādo viśuddhiḥ pratipatanaṃ pratipātaḥ

na pratipātaḥ apratipātaḥ upaśāntakaṣāyasya cāritramohodrekātpracyutasaṃyamaśikharasya pratipāto bhavati kṣīṇakaṣāyasya pratipātakāraṇābhāvādapratipātaḥ viśuddhiśca apratipātaśca viśuddhyapratipātau tābhyāṃ viśuddhyapratipātābhyām tayorviśeṣastadviśeṣaḥ tatra viśuddhyā tāvat ṛjumatervipulamatirdravyakṣetrakālabhāvairviśuddhataraḥ katham iha yaḥ kārmaṇadravyānantabhāgo'ntyaḥ sarvāvadhinā jñātastasya punaranantabhāgīkṛtasyāntyo bhāga ṛjumaterviṣayaḥ tasya ṛjumativiṣayasyānantabhāgīkṛtasyāntyo bhāgo vipulamaterviṣayaḥ anantasyānantabhedatvāt dravyakṣetrakālato viśuddhiruktā bhāvato viśuddhiḥ sūkṣmataradravyaviṣayatvādeva veditavyā prakṛṣṭakṣayopaśamaviśuddhiyogāt apratipātenāpi vipulamatirviśiṣṭaḥ svāmināṃ pravarddhamānacāritrodayatvāt ṛjumatiḥ punaḥ pratipātī svāmināṃ kaṣāyodrekāddhīyamānacāritrodayatvāt

yadyasya manaḥparyayasya pratyātmamayaṃ viśeṣaḥ athānayoravadhimanaḥparyayayoḥ kuto viśeṣa ityata āha

viśuddhiḥ prasādaḥ kṣetraṃ yatrasthānbhāvānpratipadyate svāmī prayoktā viṣayo jñeyaḥ tatrāvadhermanaḥparyayo viśuddhataraḥ kutaḥ sūkṣmaviṣayatvāt kṣetramuktam viṣayo vakṣyate svāmitvaṃ pratyucyate prakṛṣṭacāritraguṇopeteṣu vartate pramattādiṣu kṣīṇakaṣāyānteṣu tatra cotpadyamānaḥ pravarddhamānacāritreṣu na hīyamānacāritreṣu pravarddhamānacāritreṣu cotpadyamānaḥ saptavidhānyatamarddhiprāpteṣūpajāyate netareṣu ṛddhiprāpteṣu keṣucinna sarveṣu ityasyāyaṃ svāmiviśeṣo viśiṣṭasaṃyamagrahaṇaṃ vā vākye prakṛtam avadhiḥ punaścāturgati

keṣviti svāmibhedādapyanayorviśeṣaḥ

idānīṃ kevalajñānalakṣaṇābhidhānaṃ prāptakālam tadullaṅdhya jñānānāṃ viṣayanibandhaḥ parīkṣyate kutaḥ tasya 'mohakṣayājjñānadarśanāvaraṇāntarāyakṣayācca kevalam' ityatra vakṣyamāṇatvāt yadyevamādyayoreva tāvanmatiśrutayorviṣayanibandha ucyatāmityata āha

nibandhanaṃ nibandhaḥ kasya viṣayasya tadviṣayagrahaṇaṃ kartavyam na kartavyam prakṛtaṃ viṣayagrahaṇam kva prakṛtam 'viśuddhikṣetrasvāmiviṣayebhyaḥ'ityatra atastasyārthavaśādvibhaktipariṇāmo bhavatīti 'viṣayasya' ityabhisambadhyate 'dravyeṣu'iti bahuvacana

nirdeśaḥ sarveṣāṃ jīvadharmādharmākālākāśapudgalānāṃ saṃgrahārthaḥ tadviśeṣaṇārthaṃ 'asarvaparyāya' grahaṇam tāni dravyāṇi matiśrutayorviṣayabhāvamāpadyamānāni katipayaireva paryāyairviṣayabhāvamāskandanti na sarvaparyāyairanantairapīti atrāha dharmāstikāyādīnyatīndriyāṇi teṣu matijñānaṃ na pravartate ataḥ sarvadravyeṣu matijñānaṃ vartata ityayuktam naiṣa doṣaḥ anindriyākhyaṃ karaṇamasti tadālambano noindriyāvaraṇakṣayopaśamalabdhipūrvaka upayogo'vagrahādirūpaḥ prāgevopajāyate tatastatpūrvaṃ śrutajñānaṃ tadviṣayeṣu svayogyeṣu vyāpriyate

atha matiśrutayoranantaranirdeśārhasyāvadheḥ ko viṣayanibandha ityata āha

'viṣayanibandhaḥ' ityanuvartate 'rūpiṣu' ityanena pudgalāḥ pudgaladravyasambandhāśca jīvāḥ parigṛhyante rūpiṣvevāvadherviṣayanibandho nārūpiṣviti niyamaḥ kriyate rūpiṣvapi bhavanna sarvaparyāyeṣu svayogyeṣvevetyavadhāraṇārthamasarvaparyāyeṣvityabhisambadhyate

atha tadanantaranirdeśabhājo manaḥparyayasya ko viṣayanibandha ityata āha

yadetadrūpi dravyaṃ sarvāvadhijñānaviṣayatvena samarthitaṃ tasyānantabhāgīkṛtasyaikasminbhāge manaḥparyayaḥ pravartate

athānte yannirdiṣṭaṃ kevalajñānaṃ tasya ko viṣayanibandha ityata āha

dravyāṇi ca paryāyāśca dravyaparyāyā iti itaretarayogalakṣaṇo dvandvaḥ tadviśeṣaṇaṃ 'sarva' grahaṇaṃ pratyekamabhisambadhyate sarveṣu dravyeṣu sarveṣu paryāyeṣviti jīvadravyāṇi tāvadanantānantāni pudgaladravyāṇi ca tato'pyanantānantāni aṇuskandhabhedabhinnāni dharmādharmākāśāni trīṇi kālaścāsaṃkhyeyasteṣāṃ paryāyāśca trikālabhuvaḥ pratyekamanantānantāsteṣu dravyaṃ paryāyajātaṃ vā na kiñcitkevalajñānasya viṣayabhāvamatikrāntamasti aparimitamāhātmyaṃ hi taditi jñāpanārthaṃ 'sarvadravyaparyāyeṣu'ityucyate

āha viṣayanibandho'vadhṛto matyādīnām idaṃ tu na nirjñātamekasminnātmani svanimittasannidhānopajanitavṛttīni jñānāni yaugapadyena kati bhavantītyucyate

ekaśabdaḥ saṃkhyāvācī ādiśabdo'vayavavacanaḥ eka ādiryeṣāṃ tāni imānyekādini bhājyāni vibhaktavyāni yaugapadyenaikasminnātmani ā kutaḥ ā caturbhyaḥ tadyathāekaṃ tāvatkevalajñānaṃ na tena sahānyāni kṣāyopaśamikāni yugapadavatiṣṭhante dve matiśrute trīṇi matiśrutāvadhijñānāni matiśrutamanaḥparyayajñānāni vā catvāri matiśrutāvadhimanaḥparyayajñānāni na pañca santi kevalasyāsahāyatvāt

atha yathoktāni matyādīni jñānavyapadeśameva labhante utānyathāpītyata āha

viparyayo mithyetyarthaḥ kutaḥ samyagadhikārāt 'ca'śabdaḥ samuccayārthaḥ viparyayaśca samyakceti kutaḥ punareṣāṃ viparyayaḥ mithyādarśanena sahaikārthasamavāyāt sarajaska

kaṭukālābugatadugdhavat nanu ca tatrādhāradoṣād dugdhasya rasaviparyayo bhavati na ca tathā matyajñānādīnāṃ viṣayagrahaṇe viparyayaḥ tathā hi samyagdṛṣṭiryathā cakṣurādibhī rūpādīnupalabhate tathā mithyādṛṣṭirapi matyajñānena yathā ca samyagdṛṣṭiḥ śrutena rūpādīn jānāti nirūpayati ca tathā mithyādṛṣṭirapi śrutājñānena yathā cāvadhijñānena samyagdṛṣṭiḥ rūpiṇo'rthānavagacchati tathā mithyādṛṣṭirvibhaṅgajñāneneti atrocyate

sadvidyamānamasadavidyamānamityarthaḥ tayoraviśeṣeṇa yadṛcchayā upalabdherviparyayo bhavati kadācidrūpādi sadapyasaditi pratipadyate asadapi saditi kadācitsatsadeva asadapyasadeveti mithyādarśanodayādadhyavasyati yathā pittodayākulitabuddhirmātaraṃ bhāryeti bhāryāmapi māteti manyate yadṛcchayā yadāpi mātaraṃ mātaiveti bhāryāmapi bhāryaiveti ca

tadāpi na tatsamyagjñānam evaṃ matyādīnāmapi rūpādiṣu viparyayo veditavyaḥ tathā hi kaścinmithyādarśanapariṇāma ātmanyavasthito rūpādyupalabdhau satyāmapi kāraṇaviparyāsaṃ bhedābhedaviparyāsaṃ svarūpaviparyāsaṃ ca janayati kāraṇaviparyāsastāvat rūpādīnāmekaṃ kāraṇamamūrttaṃ nityamiti kecitkalpayanti apare pṛthivyādijātibhinnāḥ paramāṇavaścatu stridvyekaguṇāstulyajātīyānāṃ kāryāṇābhārambhakā iti anye varṇayanti pṛthivyā dīni catvāri bhūtāni bhautikadharmā varṇagandharasasparśāḥ eteṣāṃ samudāyo rūpaparamāṇuraṣṭaka ityādi itare varṇayanti pṛthivyaptejovāyavaḥ kāṭhinyādidravatvādyuṣṇatvādīraṇatvādiguṇā jātibhinnāḥ paramāṇavaḥ kāryasyārambhakāḥ bhedābhedaviparyāsaḥ kāraṇātkāryamarthāntarabhūtameveti anarthāntarabhūtameveti ca parikalpanā svarūpaviparyāso rūpādayo nirvikalpāḥ santi na santyeva vā tadākārapariṇataṃ vijñānameva na ca tadālambanaṃ vastu bāhyamiti evamanyānapi parikalpanābhedān dṛṣṭeṣṭaviruddhānmithyādarśanodayātkalpa

yanti tatra ca śraddhānamutpādayanti tatastanmatyajñānaṃ śrutājñānaṃ vibhaṃgajñānaṃ ca bhavati samyagdarśanaṃ punastattvārthādhigame śraddhānamutpādayati tatastanmatijñānaṃ śrutajñānamavadhijñānaṃ ca bhavati

āha pramāṇaṃ dviprakāraṃ varṇitam pramāṇaikadeśāśca nayāstadanantaroddeśabhājo nirdeṣṭavyā ityata āha

eteṣāṃ sāmānyaviśeṣalakṣaṇaṃ vaktavyam sāmānyalakṣaṇaṃ tāvadvastunyanekāntātmanyavirodhena hetvarpaṇātsādhyaviśeṣasya yāthātmyaprāpaṇapravaṇaḥ prayogo nayaḥ sa dvedhā dravyārthikaḥ paryāyārthikaśceti dravyaṃ sāmānyamutsargaḥ anuvṛttirityarthaḥ tadviṣayo dravyārthikaḥ

paryāyo viśeṣo'pavādo vyāvṛttirityarthaḥ tadviṣayaḥ paryāyārthikaḥ tayorbhedā naigamādayaḥ teṣāṃ viśeṣalakṣaṇamucyate anabhinirvṛttārthasaṃkalpamātragrāhīṃ naigamaḥ kañcitpuruṣaṃ parigṛhītaparaśuṃ gacchantamavalokya kaścitpṛcchati kimarthaṃ bhavāngacchatīti sa āha prasthamānetumiti nāsau tadā prasthaparyāyaḥ sannihitaḥ tadabhinirvṛttaye saṃkalpamātre prasthavyavahāraḥ tathā edhodakādyāharaṇe vyāpriyamāṇaṃ kaścitpṛcchati kiṃ karoti bhavāniti sa āha odanaṃ pacāmīti na tadaudanaparyāyaḥ sannihitaḥ tadarthe vyāpāre sa prayujyate evaṃprakāro lokasaṃvyavahāraḥ anabhinirvṛttārthasaṅkalpamātraviṣayo naigamasya gocaraḥ

svajātyavirodhenaikadhyamupānīya paryāyānākrāntabhedānaviśeṣeṇa samastagrahaṇātsaṃgrahaḥ sat dravyaṃ ghaṭa ityādi sadityukte saditi vāgvijñānānupravṛttiliṅgānumitasattādhārabhūtānāmaviśeṣeṇa sarveṣāṃ saṃgrahaḥ dravyamityukte'pi dravati gacchati tāṃstānparyāyānityupalakṣitānāṃ jīvājīvatadbhedaprabhedānāṃ saṃgrahaḥ tathā ghaṭa ityukte'pi ghaṭa

bddhyabhidhānānugamaliṅgānumitasakalārthasaṃgrahaḥ evaṃprakāro'nyo'pi saṃgrahanayasya viṣayaḥ

saṃgrahanayākṣiptānāmarthānāṃ vidhipūrvakamavaharaṇaṃ vyavahāraḥ ko vidhiḥ yaḥ saṃgrahagṛhīto'rthastadānupūrveṇaiva vyavahāraḥ pravartata ityayaṃ vidhiḥ tadyathā sarvasaṃgraheṇa yatsattvaṃ gṛhītaṃ taccānapekṣitaviśeṣaṃ nālaṃ saṃvyavahārāyeti vyavahāranaya āśrīyate yatsattad dravyaṃ guṇo veti dravyeṇāpi saṃgrahākṣiptena jīvājīvaviśeṣānapekṣeṇa na śakyaḥ saṃvyavahāra iti jīvadravyamajīvadravyamiti vā vyavahāra āśrīyate jīvājīvāvapi ca saṃgrahākṣiptau nālaṃ saṃvyavahārāyeti pratyekaṃ devanārakādirghaṭādiśca vyavahāreṇāśrīyate evamayaṃ nayastāvadvartate yāvatpunarnāsti vibhāgaḥ

ṛjuṃ praguṇaṃ sūtrayati tantrayatīti ṛjusūtraḥ pūrvāparāṃstrikālaviṣayānatiśayya vartamānakālaviṣayānādatte atītānāgatayorvinaṣṭānutpannatvena vyavahārābhāvāt tacca

vartamānaṃ samayamātram tadviṣayaparyāyamātragrāhyamayamṛjusūtraḥ nanu saṃvyavahāralopaprasaṅga iti ced na asya nayasya viṣayamātrapradarśanaṃ kriyate sarvanayasamūhasādhyo hi lokasaṃvyavahāraḥ

liṅgasaṃkhyāsādhanādivyabhicāranivṛttiparaḥ śabdanayaḥ tatra liṅgavyabhicāraḥ puṣyastārakā nakṣatramiti saṃkhyāvyabhicāraḥ jalamāpaḥ varṣā ṛtuḥ āmrā vanam varaṇā nagaramiti sādhanavyabhicāraḥ senā parvatamadhivasati puruṣavyabhicāraḥ ehi manye rathena yāsyasi na hi yāsyasi yātaste piteti kālavyabhicāraḥ viśvadṛśvā'sya putro janitā bhāvi kṛtyamāsīditi upagrahavyabhicāraḥ santiṣṭhate pratiṣṭhate vira

matyuparamatīti evamprakāraṃ vyavahāramanyāyyaṃ manyate anyārthasyānyārthena sambandhābhāvāt lokasamayavirodha iti cet virudhyatām tattvamiha mīmāṃsyate na bhaiṣajyamāturecchānuvarti

nānārthasamabhirohaṇātsamabhirūḍhaḥ yato nānārthānsamatītyaikamarthamābhimukhyena rūḍhaḥsamabhirūḍhaḥ gaurityayaṃ śabdo vāgādiṣvartheṣu vartamānaḥ paśāvabhirūḍhaḥ athavā arthagatyarthaḥ śabdaprayogaḥ tatraikasyārthasyaikena gatārthatvātparyāyaśabdaprayogo'narthakaḥ śabdabhedaścedasti arthabhedenāpyavaśyaṃ bhavitavyamiti nānārthasamabhirohaṇātsamabhirūḍhaḥ indanādindraḥ śakanācchakraḥ pūrdāraṇāt purandara ityevaṃ sarvatra athavā yo yatrābhirūḍhaḥ sa tatra sametyābhimukhyenārohaṇātsamabhirūḍhaḥ yathā kva bhavānāste ātmanīti kutaḥ

vastvantare vṛttyabhāvāt yadyanyasyānyatra vṛttiḥ syāt jñānādīnāṃ rūpādīnāṃ cākāśe vṛttiḥ syāt

yenātmanā bhūtastenaivādhyavasāyayatīti evambhūtaḥ svābhipretakriyāpariṇatikṣaṇe eva sa śabdo yukto nānyadeti yadaivendati tadaivendro nābhiṣecako na pūjaka iti yadaiva gacchati tadaiva gaurna sthito na śayita iti athavā yenātmanā yena jñānena bhūtaḥ pariṇatastenaivādhyavasāyayati yathendrāgnijñānapariṇata ātmaivendro'gniśceti

uktā naigamādayo nayāḥ uttarottarasūkṣmaviṣayatvādeṣāṃ kramaḥ pūrvapūrvahetukatvācca evamete nayāḥ pūrvapūrvaviruddhamahāviṣayā uttarottarānukūlālpaviṣayā dravyasyānantaśavateḥ pratiśakti vibhidyamānā bahuvikalpā jāyante ta ete guṇapradhānatayā parasparatantrāḥ samyagdarśanahetavaḥ puruṣārthakriyāsādhanasāmarthyāttantvādaya iva yathopāyaṃ viniveśyamānāḥ paṭādisaṃjñāḥ svatantrāścāsamarthāḥ tantvādaya iveti viṣama upanyāsaḥ tantvādayo nirapekṣā

api kāñcidarthamātrāṃ janayanti bhavati hi kaścitpratyekaṃ tantustvaktrāṇe samarthaḥ ekaśca balvajo bandhane samarthaḥ ime punarnayā nirapekṣāḥ santo na kāñcidapi samyagdarśanamātrāṃ prādurbhāvayantīti naiṣa doṣaḥ abhihitānavabodhāt abhihitamarthamanavabudhya pareṇedamupālabhyate etaduktaṃ nirapekṣeṣu tantvādiṣu paṭādikāryaṃ nāstīti yattu tenopadarśitaṃ na tatpaṭādikāryam kiṃ tarhi kevalaṃ tantvādikāryam tantvādikāryamapi tantvādyavayaveṣu nirapekṣeṣu nāstyeva ityasmatpakṣasiddhireva atha tantvādiṣu paṭādikāryaṃ śaktyapekṣayā astītyucyate nayeṣvapi nirapekṣeṣu buddhyabhidhānarūpeṣu kāraṇavaśātsamyagdarśanahetutvavipariṇatisadbhāvāt śaktyā''tmanā'stitvam iti sāmyam evopanyāsasya

iti tattvārthavṛttau sarvārthasiddhisaṃjñāyāṃ prathamo'dhyāyaḥ

atha dvitīyo'dhyāyaḥ

āha samyagdarśanasya viṣayabhāvenopadiṣṭeṣu jīvādiṣvādāvupanyastasya jīvasya kiṃ svatattvamityucyate

ātmani karmaṇaḥ svaśavateḥ kāraṇavaśādanudbhūtirupaśamaḥ yathā katakādidravyasambandhādambhasi paṅkasya upaśamaḥ kṣaya ātyantikī nivṛttiḥ yathā tasminnevāmbhasi śucibhājanāntarasaṃkrānte paṅkasyātyantābhāvaḥ ubhayātmako miśraḥ yathā tasminnevāmbhasi katakādidravyasambandhātpaṅkasya kṣīṇākṣīṇavṛttiḥ dravyādinimittavaśātkarmaṇāṃ phalaprāptirudayaḥ dravyātmalābhamātrahetukaḥ pariṇāmaḥ upaśamaḥ prayojanamasyetyaupaśamikaḥ evaṃ kṣāyikaḥ kṣāyopaśamikaḥ audayikaḥ pāriṇāmikaśca ta ete pañca bhāvā asādhāraṇā jīvasya svatattvamityucyante

samyagdarśanasya prakṛtatvāttasya triṣu vikalpeṣu aupaśamikamādau labhyata iti tasyādau grahaṇaṃ kriyate tadanantaraṃ kṣāyikagrahaṇam tasya pratiyogitvāt saṃsāryapekṣayā dravyatastato'saṃkhyeyaguṇatvācca tata uttaraṃ miśragrahaṇam tadubhayātmakatvāttato'saṃkhyeyaguṇatvācca teṣāṃ sarveṣāmanantaguṇatvād audayikapāriṇāmikagrahaṇamante kriyate atra dvandvanirdeśaḥ kartavyaḥ aupaśamikakṣāyikamiśraudayikapāriṇāmikā iti tathā sati dviḥ 'ca' śabdo na kartavyo bhavati naivaṃ śaṅkyam anyaguṇāpekṣayā miśra iti pratīyeta vākye punaḥ sati 'ca'śabdena prakṛtobhayānukarṣaḥ kṛto bhavati tarhi kṣāyopaśamikagrahaṇameva kartavyamiti cet na gauravāt miśragrahaṇaṃ madhye kriyate ubhayāpekṣārtham bhavyasya aupaśamikakṣāyikau bhāvau miśraḥ punarabhavyasyāpi bhavati audayikapāriṇāmikābhyāṃ saha bhavyasyāpīti bhāvāpekṣayā talliṅgasaṃkhyāprasaṅgaḥ svatattvasyeti cet na upāttaliṅgasaṃkhyatvāt tadbhāvastattvam svaṃ tattvaṃ svatattvamiti

atrāha tasyaikasyātmano ye bhāvā aupaśamikādayaste kiṃ bhedavanta utābhedā iti atrocyate bhedavantaḥ yadyevaṃ bhedā ucyantāmityata āha

dvyādīnāṃ saṃkhyāśabdānāṃ kṛtadvandvānāṃ bhedaśabdena saha svapadārthe'nyapadārthe vā vṛttirveditavyā dvau ca nava ca aṣṭādaśa ca ekaviṃśatiśca trayaśca dvinavāṣṭādaśaikaviṃśatitrayaḥ te ca te bhedāśca ta eva bhedā yeṣāmiti vā vṛttirdvinavāṣṭādaśaikaviṃśatitribhedā iti yadā svapadārthe vṛttistadā aupaśamikādīnāṃ bhāvānāṃ dvinavāṣṭādaśaikaviṃśatiṃtrayo bhedā ityabhisambandhaḥ kriyate arthavaśādvibhaktipariṇāma iti yadā'nyapadārthe vṛttistadā

nirdiṣṭavibhaktyantā evābhisambandhyante aupaśamikādayo bhāvā dvinavāṣṭādaśaikaviṃśatitribhedā iti 'yathākrama'vacanaṃ yathāsaṃkhyapratipattyartham aupaśamiko dvibhedaḥ kṣāyiko navabhedaḥ miśro'ṣṭādaśabhedaḥ audayika ekaviṃśatibhedaḥ pāriṇāmikastribheda iti

yadyevamaupaśamikasya kau dvau bhedāvityata āha

vyākhyātalakṣaṇe samyaktvacāritre aupaśamikatvaṃ kathamiti ceducyate cāritramoho dvividhaḥ kaṣāyavedanīyo nokaṣāyavedanīyaśceti tatra kaṣāyavedanīyasya bhedā anantānubandhinaḥ krodhamānamāyālobhāścatvāraḥ darśanamohasya trayo bhedāḥ samyaktvaṃ mithyātvaṃ samyagmithyātvamiti āsāṃ saptānāṃ prakṛtīnāmupaśamādaupaśamikaṃ samyaktvam

anādimithyādṛṣṭerbhavyasya karmodayāpāditakāluṣye sati kutastadupaśamaḥ kālalabdhyādinimittatvāt tatra kālalabdhistāvat karmāviṣṭa ātmā bhavyaḥ kāle'rddhapudgalaparivarttanākhye'vaśiṣṭe prathamasamyaktvagrahaṇasya yogyo bhavati nādhike iti iyamekā

kālalabdhiḥ aparā karmasthitikā kālalabdhiḥ utkṛṣṭasthitikeṣu karmasu jaghanyasthitikeṣu ca prathamasamyaktvalābho na bhavati kva tarhi bhavati antaḥkoṭīkoṭīsāgaropamasthitikeṣu karmasu bandhamāpadyamāneṣu viśuddhapariṇāmavaśātsatkarmasu ca tataḥ saṃkhyeyasāgaropamasahasronāyāmantaḥkoṭīkoṭīsāgaropamasthitau sthāpiteṣu prathamasamyaktvayogyo bhavati aparā kālalabdhirbhavāpekṣayā bhavyaḥ pañcendriyaḥ saṃjñī paryāptakaḥ sarvaviśuddhaḥ prathamasamyaktvamutpādayati 'ādi'śabdena jātismaraṇādiḥ parigṛhyate

kṛtsnasya mohanīyasyopaśamādaupaśamikaṃ cāritram tatra samyaktvasyādau vacanaṃ tatpūrvakatvāccāritrasya

yaḥ kṣāyiko bhāvo navavidha uddiṣṭastasya bhedasvarūpapratipādanārthamāha

'ca'śabdaḥ samyaktvacāritrānukarṣaṇārthaḥ jñānāvaraṇasyātyantakṣayātkevalajñānaṃ kṣāyikaṃ tathā kevaladarśanam dānāntarāyasyātyantakṣayādanantaprāṇigaṇānugrahakaraṃ kṣāyikamabhayadānam lābhāntarāyasyāśeṣasya nirāsāt parityaktakavalāhārakriyāṇāṃ kevalināṃ yataḥ śarīrabalādhānahetavo'nyamanujāsādhāraṇāḥ paramaśubhāḥ sūkṣmāḥ anantāḥ pratisamayaṃ pudgalāḥ sambandhamupayānti sa kṣāyiko lābhaḥ kṛtsnasya bhogāntarāyasya tirobhāvādāvirbhūto'tiśayavānananto bhogaḥ kṣāyikaḥ yataḥ kusumavṛṣṭyādayo viśeṣāḥ prādurbhavanti niravaśeṣasyopabhogāntarāyasya pralayātprādurbhūto'nanta upabhogaḥ kṣāyikaḥ yataḥ siṃhāsanacāmaracchatratrayādayo vibhūtayaḥ vīryāntarāyasya karmaṇo'tyantakṣayādāvirbhūtamanantavīryaṃ kṣāyikam pūrvoktānāṃ saptānāṃ prakṛtīnāmatyantakṣayātkṣāyikaṃ samyaktvam

cāritramapi tathā yadi kṣāyikadānādibhāvakṛtamabhayadānādi siddheṣvapi tatprasaṅgaḥ naiṣa doṣaḥ śarīranāmatīrthakaranāmakarmodayādyapekṣatvāt teṣāṃ tadabhāve tadaprasaṅgaḥ kathaṃ tarhi teṣāṃ siddheṣu vṛttiḥ paramānandāvyābādharūpeṇaiva teṣāṃ tatra vṛttiḥ kevalajñānarūpeṇānantavīryavṛttivat

ya uktaḥ kṣāyopaśamiko bhāvo'ṣṭādaśavikalpastadbhedanirūpaṇārthamāha

catvāraśca trayaśca trayaśca pañca ca catustritripañca te bhedā yāsāṃ tāścatustritripañcabhedāḥ yathākramamityanuvartate tenābhisambandhāccaturādibhirjñānādīnyabhisambadhyante catvāri jñānāni trīṇyajñānāni trīṇi darśanāni pañca labdhaya iti sarvaghātisparddhakānāmudayakṣayātteṣāmeva sadupaśamāddeśaghātisparddhakānāmudaye kṣāyopaśamiko bhāvo bhavati tatra jñānādīnāṃ vṛttiḥ svāvaraṇāntarāyakṣayopaśamād vyākhyātavyā 'samyaktva'grahaṇena vedakasamyaktvaṃ gṛhyate anantānubandhikaṣāyacatuṣṭayasya mithyātvasamyaṅmithyātvayoścodayakṣayātsadupaśamācca samyaktvasya deśaghātisparddhakasyodaye tattvārthaśraddhānaṃ kṣāyopaśamikaṃ samyaktvam anantānubandhyapratyākhyānapratyākhyānadvādaśakaṣāyodayakṣayātsadupaśamācca sañjvalanakaṣāyacatuṣṭayānyatamadeśaghātisparddhakodaye nokaṣāyanavakasya yathāsambhavodaye ca nivṛttipariṇāma ātmanaḥ kṣāyopaśamikaṃ cāritram anantānubandhyapratyākhyānakaṣāyāṣṭakodayakṣayātsadupaśamācca pratyākhyānakaṣāyodaye sañjvalanakaṣāyasya deśaghātisparddhakodaye nokaṣāyanavakasya yathāsambhavodaye ca viratāviratapariṇāmaḥ kṣāyopaśamikaḥ saṃyamāsaṃyama ityākhyāyate

ya ekaviṃśativikalpa audayiko bhāva uddiṣṭastasya bhedasañjñāsaṅkīrtanārthamidamucyate

yathākramamityanuvartate tenābhisambandhād gatiścaturbhedā narakagatistiryaggatirmanuṣyagatirdevagatiriti tatra narakagatināmakarmodayānnārako bhāvo bhavatīti narakagatiraudayikī evamitaratrāpi kaṣāyaścaturbhedaḥ krodho māno māyā lobha iti tatra krodhanirvartanasya karmaṇa udayātkrodha audayikaḥ evamitaratrāpi liṅgaṃ tribhedaṃ strīvedaḥ puṃvedo napuṃsakaveda iti strīvedakarmaṇa udayātstrīveda audayikaḥ evamitaratrāpi mithyādarśanamekabhedam mithyādarśanakarmaṇa udayāttattvārthāśraddhānapariṇāmo mithyādarśanamaudayikam jñānāvaraṇakarmaṇa udayātpadārthānavabodho bhavati tadajñānamaudayikam cāritramohasya sarvaghātisparddhakasyodayādasaṃyata audayikaḥ karmodayasāmānyāpekṣo'siddha audayikaḥ leśyā dvividhā dravyaleśyā bhāvaleśyā ceti jīvabhāvādhikārād dravyaleśyā nādhikṛtā bhāvaleśyā kaṣāyodayarañjitā yogapravṛttiriti kṛtvā audayikītyucyate sā ṣaḍvidhākṛṣṇaleśyā nīlaleśyā kāpotaleśyā tejoleśyā padmaleśyā śuklaleśyā ceti

nanu ca upaśāntakaṣāye kṣīṇakaṣāye sayogakevalini ca śuklaleśyā'stītyāgamaḥ tatra kaṣāyānurañjanābhāvādaudayikatvaṃ nopapadyate naiṣa doṣaḥ pūrvabhāvaprajñāpananayāpekṣayā yā'sau yogapravṛttiḥ kaṣāyānurañjitā saivetyupacārādaudayikītyucyate tadabhāvā dayogakevalyaleśya iti niścīyate

yaḥ pāriṇāmiko bhāvastribheda uktastadbhedasvarūpapratipādanārthamāha

jīvatvaṃ bhavyatvamabhavyatvamiti trayo bhāvāḥ pāriṇāmikā anyadravyāsādhāraṇā ātmano veditavyāḥ kutaḥ punareṣāṃ pāriṇāmikatvam karmodayopaśamakṣayakṣayopaśamānapekṣitvāt jīvatvaṃ caitanyamityarthaḥ samyagdarśanādibhāvena bhaviṣyatīti bhavyaḥ tadviparīto'bhavyaḥ ta ete trayo bhāvā jīvasya pāriṇāmikāḥ

nanu cāstitvanityatvapradeśavattvādayo'pi bhāvāḥ pāriṇāmikāḥ santi teṣāmiha grahaṇaṃ kartavyam na kartavyam kṛtameva katham 'ca'śabdena samuccitatvāt yadyevaṃ traya iti saṃkhyā virudhyate na virudhyate asādhāraṇā jīvasya bhāvāḥ pāriṇāmikāstraya eva astitvādayaḥ punarjīvājīvaviṣayatvātsādhāraṇā iti'ca'śabdena pṛthaggṛhyante āha aupaśamikādibhāvānupapattiramūrtatvādātmanaḥ karmabandhāpekṣā hi te bhāvāḥ na cāmūrteḥ karmaṇāṃ bandho yujyata iti tanna anekāntāt nāyamekāntaḥ amūrtirevātmeti karma

bandhaparyāyāpekṣayā tadāveśātsyānmūrtaḥ śuddhasvarūpāpekṣayā syādamūrtaḥ yadyevaṃ karmabandhāveśādasyaikatve satyavivekaḥ prāpnoti naiṣa doṣaḥ bandhaṃ pratyekatve satyapi lakṣaṇabhedādasya nānātvamavasīyate uktaṃ ca

yadyevaṃ tadeva lakṣaṇamucyatāṃ yena nānātvamavasīyate ityata āha

ubhayanimittavaśādutpadyamānaścaitanyānuvidhāyī pariṇāma upayogaḥ tena bandhaṃ pratyekatve satyapyātmā lakṣyate suvarṇarajatayorbandhaṃ pratyekatve satyapi varṇādibhedavat

tadbhedapradarśanārthamāha

sa upayogo dvividhaḥ jñānopayogo darśanopayogaśceti jñānopayogo'ṣṭabhedaḥ matijñānaṃ śrutajñānamavadhijñānaṃ manaḥparyayajñānaṃ kevalajñānaṃ matyajñānaṃ śrutājñānaṃ vibhaṅgajñānaṃ ceti darśanopayogaścaturvidhaḥ cakṣurdarśanamacakṣurdarśanamavadhidarśanaṃ kevaladarśanaṃ ceti tayoḥ kathaṃ bhedaḥ sākārānākārabhedāt sākāraṃ jñānamanākāraṃ darśanamiti tacchadmastheṣu krameṇa vartate nirāvaraṇeṣu yugapat pūrvakālabhāvino'pi darśanājjñānasya prāgupanyāsaḥ abhyarhitatvāt samyagjñānaprakaraṇātpūrvaṃ pañcavidho jñānopayogo vyākhyātaḥ iha

punarupayogagrahaṇādviparyayo'pi gṛhyate ityaṣṭavidha iti ucyate

yathoktenānenābhihitapariṇāmena sarvātmasādhāraṇenopayogena ye upalakṣitā upayoginaste dvividhāḥ

saṃsaraṇaṃ saṃsāraḥ parivartanamityarthaḥ sa eṣāmasti te saṃsāriṇaḥ tatparivartanaṃ

pañcavidhaṃ dravyaparivartanaṃ kṣetraparivartanaṃ kālaparivartanaṃ bhavaparivartanaṃ ceti tatra dravyaparivartanaṃ dvividham nokarmadravyaparivartanaṃ karmadravyaparivartanaṃ ceti tatra nokarmadravyaparivartanaṃ nāma trayāṇāṃ śarīrāṇāṃ ṣaṇṇāṃ paryāptīnāṃ ca yogyā ye pudgalā ekena jīvena ekasminsamaye gṛhītāḥ snigdharūkṣavarṇagandhādibhistīvramandamadhyamabhāvena ca yathāvasthitā dvitīyādiṣu samayeṣu nirjīrṇā agṛhītānanantavārānatītya miśrakāṃścānantavārānatītya madhye gṛhītāṃścānantavārānatītya ta eva tenaiva prakāreṇa tasyaiva jīvasya nokarmabhāvamāpadyante yāvattāvatsamuditaṃ nokarmadravyaparivartanam karmadravyaparivartanamucyate ekasminsamaye ekena jīvenāṣṭavidhakarmabhāvena ye gṛhītāḥ pudgalāḥ samayādhikāmāvalikāmatītya dvitīyādiṣu samayeṣu nirjīṇāḥ pūrvoktenaiva krameṇa ta eva tenaiva prakāreṇa tasya jīvasya karmabhāvamāpadyante yāvattāvatkarmadravyaparivartanam uktaṃ ca

kṣetraparivartanamucyate sūkṣmanigodajīvo'paryāptakaḥ sarvajaghanyapradeśaśarīro lokasyāṣṭamadhyapradeśānsvaśarīramadhye kṛtvotpannaḥ kṣudrabhavagrahaṇaṃ jīvitvā mṛtaḥ sa eva

punastenaivāvagāhena dvirutpannastathā tristathā caturityevaṃ yāvad ghanāṅgulasyāsaṃkhyeyabhāgapramitākāśapradeśāstāvatkṛtvastatraiva janitvā punarekaikapradeśādhikabhāvena sarvo loka ātmano janmakṣetrabhāvamupanīto bhavati yāvattāvatkṣetraparivarttanam uktaṃ ca

kālaparivartanamucyate utsarpiṇyāḥ prathamasamaye jātaḥ kaścijjīvaḥ svāyuṣaḥ parisamāptau mṛtaḥ sa eva punardvitīyāyā utsarpiṇyā dvitīyasamaye jātaḥ svāyuṣaḥ kṣayānmṛtaḥ sa eva punastṛtīyāyā utsarpiṇyāstṛtīyasamaye jātaḥ evamanena krameṇotsarpiṇī parisamāptā tathāvasarpiṇī ca evaṃ janmanairantaryamuktam maraṇasyāpinairantaryaṃ tathaiva grāhyam etāvatkālaparivartanam uktaṃ ca

bhavaparivartanamucyate narakagatau sarvajaghanyamāyurdaśavarṣasahasrāṇi tenāyuṣā tatrotpannaḥ punaḥ paribhramya tenaivāyuṣā jātaḥ evaṃ daśavarṣasahasrāṇāṃ yāvantaḥ samayāstāvatkṛtvastatraiva jāto mṛtaḥ punarekaikasamayādhikabhāvena trayastriṃśatsāgaropamāṇi parisamāpitāni tataḥ pracyutya tiryaggatāvantarmuhūrtāyuḥ samutpannaḥ pūrvovatenaiva krameṇa trīṇi palyopamāni tena parisamāpitāni evaṃ manuṣyagatau ca devagatau ca nārakavat ayaṃ tu viśeṣaḥ ekatriṃśatsāgaropamāṇi parisamāpitāni yāvattāvad bhavaparivartanam uktaṃ ca

bhāvaparivartanamucyate pañcendriyaḥ sañjñī paryāptako mithyādṛṣṭiḥ kaścijjīvaḥ sa sarvajaghanyāṃ svayogyāṃ jñānāvaraṇaprakṛteḥ sthitimantaḥkoṭīkoṭīsaṃjñikāmāpadyate tasya kaṣāyādhyavasāyasthānānyasaṃkhyeyalokapramitāni ṣaṭsthānapatitāni tatsthitiyogyāni bhavanti tatra sarvajaghanyakaṣāyādhyavasāyasthānanimittānyanubhāgādhyavasāyasthānānyasaṃkhyeyalokapramitāni bhavanti evaṃ sarvajaghanyāṃ sthitiṃ sarvajaghanyaṃ ca kaṣāyādhyavasā

yasthānaṃ sarvajaghanyamevānubhāgabandhasthānamāskandatastadyogyaṃ sarvajaghanyaṃ yogasthānaṃ bhavati teṣāmeva sthitikaṣāyānubhāgasthānānāṃ dvitīyamasaṃkhyeyabhāgavṛddhiyuktaṃ yogasthānaṃ bhavati evaṃ ca tṛtīyādiṣu catuḥsthānapatitāni śreṇyasaṃkhyeyabhāgapramitāni yogasthānāni bhavanti tathā tāmeva sthitiṃ tadeva kaṣāyādhyavasāyasthānaṃ ca pratipadyamānasya dvitīyamanubhavādhyavasāyasthānaṃ bhavati tasya ca yogasthānāni pūrvavadveditavyāni evaṃ tṛtīyādiṣvapi anubhavādhyavasāyasthāneṣu ā asaṃkhyeyalokaparisamāpteḥ evaṃ tāmeva sthitimāpadyamānasya dvitīyaṃ kaṣāyādhyavasāyasthānaṃ bhavati tasyāpyanubhavādhyavasāyasthānāni yogasthānāni ca pūrvavadveditavyāni evaṃ tṛtīyādiṣvapi kaṣāyādhyavasāyasthāneṣu ā asaṃkhyeyalokaparisamāptervṛddhikramo veditavyaḥ uktāyā jaghanyāyāḥ sthiteḥ samayādhikāyāḥ kaṣāyādisthānāni pūrvavat evaṃ samayādhikakrameṇa ā utkṛṣṭasthitestriṃśatsāgaropamakoṭīkoṭīparimitāyāḥ kaṣāyādisthānāni veditavyāni anantabhāgavṛddhiḥ asaṃkhyeya

bhāgavṛddhiḥ saṃkhyeyabhāgavṛddhiḥ saṃkhyeyaguṇavṛddhiḥ asaṃkhyeyaguṇavṛddhiḥ anantaguṇavṛddhiḥ imāni ṣaṭ vṛddhiḥ sthānāni hānirapi tathaiva anantabhāgavṛddhyanantaṇavṛddhirahitāni catvāri sthānāni evaṃ sarveṣāṃ karmaṇāṃ mūlaprakṛtīnāmuttaraprakṛtīnāṃ ca parivartanakramo vaditavyaḥ tadetatsarvaṃ samuditaṃ bhāvaparivartanam uktaṃ ca

uktātpañcavidhātsaṃsārānnivṛttā ye te muktāḥ saṃsāriṇāṃ prāgupādānaṃ tatpūrvakatvānmuktavyapadeśasya

ya ete saṃsāriṇaste dvividhāḥ

mano dvividham dravyamano bhāvamanaśceti tatra pudgalavipākikarmodayāpekṣaṃ dravyamanaḥ vīryāntarāyanoindriyāvaraṇakṣayopaśamāpekṣā ātmano viśuddhirbhāvamanaḥ tena manasā saha vartanta iti samanaskāḥ na vidyate mano yeṣāṃ ta ime amanaskāḥ evaṃ manaso bhāvābhāvābhyāṃ saṃsāriṇo dvividhā vibhajyante samanaskāścāmanaskāśca samanaskāmanamanaskā iti abhyarhitatvātsamanaskaśabdasya pūrvanipātaḥ kathamabhyarhitatvam guṇadoṣavicārakatvāt

punarapi saṃsāriṇāṃ bhedapratipattyarthamāha

'saṃsāri'grahaṇamanarthakam prakṛtatvāt kva prakṛtam 'saṃsāriṇo muktāśca'iti nānarthakam pūrvāpekṣārtham ye uktāḥ samanaskā amanaskāste saṃsāriṇa iti yadi hi

pūrvasya viśeṣaṇaṃ na syāt samanaskāmanaskagrahaṇaṃ saṃsāriṇo muktāścetyanena yathāsaṃkhyamabhisaṃbadhyeta evaṃ ca kṛtvā 'saṃsāri'grahaṇamādau kriyamāṇamupapannaṃ bhavati tatpūrvāpekṣaṃ saduttarārthamapi bhavati te saṃsāriṇo dvividhāḥ trasāḥ sthāvarā iti trasanāmakarmodayavaśīkṛtāstrasāḥ sthāvaranāmakarmodayavaśavartinaḥ sthāvarāḥ trasyantīti trasāḥ sthānaśīlāḥ sthāvarā iti cet na āgamavirodhāt āgame hi kāyānuvādena trasā dvīndriyādārabhya ā ayogakevalina iti tasmānna calanācalanāpekṣaṃ trasasthāvaratvam karmodayāpekṣameva trasagrahaṇamādau kriyate alpāctaratvādabhyarhitatvācca sarvopayogasambhavādabhyarhitatvam

ekendriyāṇāmatibahuvaktavyābhāvādullaṅghyānupūrvīṃ sthāvarabhedapratipattyarthamāha

sthāvaranāmakarmabhedāḥ pṛthivīkāyādayaḥ santi tadudayanimittā jīveṣu pṛthivyādayaḥ sañjñā veditavyāḥ prathanādiprakṛtiniṣpannā api rūḍhivaśātprathanādyanapekṣā vartante eṣāṃ pṛthivyādīnāmārṣe cāturvidhyamuktaṃ pratyekam tatkathamiti ced ucyate pṛthivī pṛthivīkāyaḥ pṛthivīkāyikaḥ pṛthivījīva ityādi tatra acetanā vaiśrasikapariṇāmanirvṛttā kāṭhinyaguṇātmikā pṛthivī acetanatvādasatyapi pṛthivīkāyanāmakarmodaye prathanakriyopalakṣitaiveyam athavā pṛthivīti sāmānyam uttaratraye'pi sadbhāvāt kāyaḥ śarīram pṛthivīkāyikajīvaparityaktaḥ pṛthivīkāyo mṛtamanuṣyādikāyavat pṛthivīkāyo'syāstīti pṛthivīkāyikaḥ tatkāyasambandhavaśīkṛta ātmā samavāptapṛthivīkāyanāmakarmodayaḥ kārmaṇakāyayogastho yo na tāvatpṛthivīṃ kāyatvena gṛhṇāti sa pṛthivījīvaḥ evamabādiṣvapi yojyam ete pañcavidhāḥ prāṇinaḥ sthāvarāḥ kati punareṣāṃ prāṇāḥ catvāraḥ sparśanendriyaprāṇaḥ kāyabalaprāṇaḥ ucchvāsaniśvāsaprāṇaḥ āyuḥprāṇaśceti

atha trasāḥ ke te ityatrocyate

dve indriye yasya so'yaṃ dvīndriyaḥ dvīndriya ādiryeṣāṃ te dvīndriyādayaḥ 'ādi' śabdo vyavasthāvācī kva vyavasthitāḥ āgame katham dvīndriyastrīndriyaścaturindriyaḥ pañcendriyaśceti tadguṇasaṃvijñānavṛttigrahaṇād dvīndriyasyāpyantarbhāvaḥ kati punareṣāṃ prāṇāḥ dvīndriyasya tāvat ṣaṭ prāṇāḥ pūrvoktā eva rasanavākprāṇādhikāḥ trīndriyasya sapta ta eva dhrāṇaprāṇādhikāḥ caturindriyasyāṣṭau ta eva cakṣuḥprāṇādhikāḥ pañcendriyasya tiraśco'saṃjñino nava ta eva śrotraprāṇādhikāḥ saṃjñino daśa ta eva manobalaprāṇādhikāḥ

'ādi'śabdena nirdiṣṭānāmanirjñātasaṃkhyānāmiyattāvadhāraṇaṃ karttavyamityata āha

'indriya' śabdo vyākhyātārthaḥ 'pañca'grahaṇamavadhāraṇārtham pañcai vanādhikasaṃkhyānīti karmendriyāṇāṃ vāgādīnāmiha grahaṇaṃ kartavyam na kartavyam upayogaprakaraṇāt upayogasādhanānāmiha grahaṇaṃ na kriyāsādhanānām anavasthānācca kriyāsādhanānāmaṅgopāṅganāmakarmanirvartitānāṃ sarveṣāmapi kriyāsādhanatvamastīti na pañcaiva karmendriyāṇi

teṣāmantarbhedapradarśanārthamāha

'vidha' śabdaḥ prakāravācī dvau vidhau yeṣāṃ tāni dvividhāni dviprakārāṇītyarthaḥ

kau punastau dvau prakārau dravyendriyaṃ bhāvendriyamiti

tatra dravyendriyasvarūpapratipattyarthamāha

nirvartyate iti nirvṛttiḥ kena nirvartyate karmaṇā sā dvividhā bāhyābhyantarabhedāt utsedhāṅgulāsaṃkhyeyabhāgapramitānāṃ śuddhānāmātmapradeśānāṃ pratiniyatacakṣurādīndriyasaṃsthānenāvasthitānāṃ vṛttirābhyantarā nirvṛttiḥ teṣvātmapradeśeṣvindriyavyapadeśabhākṣu yaḥ pratiniyatasaṃsthāno nāmakarmodayāpāditāvasthāviśeṣaḥ pudgalapracayaḥ sā bāhyā nirvṛttiḥ yena nirvṛtterupakāraḥ kriyate tadupakaraṇam pūrvavattadapi dvividham tatrābhyantaraṃ kṛṣṇaśuklamaṇḍalaṃ bāhyamakṣipatrapakṣmadvayādi evaṃ śeṣeṣvapīndriyeṣu jñeyam

bhāvendriyamucyate

lambhanaṃ labdhiḥ kā punarasau jñānāvaraṇakarmakṣayopaśamaviśeṣaḥ yatsannidhānādātmā dravyendriyanirvṛttiṃ prati vyāpriyate tannimitta ātmanaḥ pariṇāma upayogaḥ tadubhaye bhāvendriyam indriyaphalamupayogaḥ tasya kathamindriyatvam kāraṇadharmasya kārye darśanāt yathā ghaṭākārapariṇataṃ vijñānaṃ ghaṭa iti svārthasya tatra mukhyatvācca indrasya liṅgamindriyamiti yaḥ svārthaḥ sa upayoge mukhyaḥ upayogalakṣaṇo jīva iti vacanāt ata upayogasyendriyatvaṃ nyāyyam

uktānāmindriyāṇāṃ saṃjñānupūrvīpratipādanārthamāha

loke indriyāṇāṃ pāratantryavivakṣā dṛśyate anenākṣṇā suṣṭhu paśyāmi anena karṇena suṣṭhu śṛṇomīti tataḥ pāratantryātsparśanādīnāṃ karaṇatvam vīryāntarāyamatijñānāvaraṇakṣayopaśamāṅgopāṅganāmalābhāvaṣṭambhādātmanā spṛśyate'neneti sparśanam

rasyate'neneti rasanam ghrāyate'neneti ghrāṇam cakṣeranekārthatvāddarśanārthavivakṣāyāṃ caṣṭe arthānpaśyatyaneneti cakṣuḥ śrūyate'neneti śrotram svātantryavivakṣā ca dṛśyate idaṃ me akṣi suṣṭhu paśyati ayaṃ me karṇaḥ suṣṭhu śṛṇoti tataḥ sparśanādīnāṃ kartari niṣpattiḥ spṛśatīti sparśanam rasatīti rasanam jighratīti ghrāṇam caṣṭe iti cakṣuḥ śṛṇotīti śrotram eṣāṃ nirdeśakramaḥ ekaikavṛddhikramaprajñāpanārthaḥ

teṣāmindriyāṇāṃ viṣayapradarśanārthamāha

dravyaparyāyayoḥ prādhānyavivakṣāyāṃ karmabhāvasādhanatvaṃ sparśādiśabdānāṃ veditavyam dravyaprādhānyavivakṣāyāṃ karmanirdeśaḥ spṛśyata iti sparśaḥ rasyata iti rasaḥ gandhyata iti gandhaḥ varṇyata iti varṇaḥ śabdyata iti śabdaḥ paryāyaprādhānyavivakṣāyāṃ bhāva

nirdeśaḥ sparśānaṃ sparśaḥ rasanaṃ rasaḥ gandhanaṃ gandhaḥ varṇanaṃ vaṇaḥ śabdanaṃ śabda iti eṣāṃ krama indriyakrameṇaiva vyākhyātaḥ

atrāha yattāvanmano'navasthānādindriyaṃ na bhavatīti pratyākhyātaṃ tatkimupayogasyopakāri uta neti tadapyupakāryeva tena vinendriyāṇāṃ viṣayeṣu svaprayojanavṛttyabhāvāt kimasyaiṣāṃ sahakāritvamātrameva prayojanamutānyadapītyata āha

śrutajñānaviṣayo'rthaḥ śrutam sa viṣayo'nindriyasya pariprāptaśrutajñānāvaraṇakṣayopaśamasyātmanaḥ śrutārthe'nindriyālambanajñānapravṛtteḥ athavā śrutajñānaṃ śrutam tadanindriyasyārthaḥ prayojanamiti yāvat svātantryasādhyamidaṃ prayojanamanindriyasya

uktānāmindriyāṇāṃ pratiniyataviṣayāṇāṃ svāmitvanirdeśe kartavye yatprathamaṃ gṛhītaṃ sparśanaṃ tasya tāvatsvāmitvāvadhāraṇārthamāha

ekaṃ prathamamityarthaḥ kiṃ tat sparśanam tatkeṣām pṛthivyādīnāṃ vanaspatyantānāṃ veditavyam tasyotpattikāraṇamucyate vīryāntarāyasparśanendriyāvaraṇakṣayopaśame sati śeṣendriyasarvaghātispardhakodaye ca śarīranāmalābhāvaṣṭambhe ekendriyajātināmodayavaśavartitāyāṃ ca satyāṃ sparśanamekamindriyamāvirbhavati

itareṣāmindriyāṇāṃ svāmitvapradarśanārthamāha

'ekaikam' iti vīpsāyāṃ dvitvam ekaikena vṛddhāni ekaikavṛddhāni kṛmimādiṃ kṛtvā sparśanādhikārāt sparśanamādiṃ kṛtvā ekaikavṛddhānītyabhisambandhaḥ kriyate 'ādi' śabdaḥ pratyekaṃ parisamāpyate kṛmyādīnāṃ sparśanaṃ rasanādhikam pipīlikādīnāṃ sparśanarasane

dhrāṇādhike bhramarādīnāṃ sparśanarasanaghrāṇāni cakṣuradhikāni manuṣyādīnāṃ tānyeva śrotrādhikānīti yathāsaṃkhyenābhisambandho vyākhyātaḥ teṣāṃ niṣpattiḥ sparśanotpattyā vyākhyātā uttarottarasarvaghātispardhakodayena

evameteṣu saṃsāriṣu dvibhedeṣu indriyabhedātpañcavidheṣu ye pañcendriyāstadbhedasyānuktasya pratipādanārthamāha

mano vyākhyātam saha tena ye vartante te samanaskāḥ saṃjñina ityucyante pāriśeṣyāditare saṃsāriṇaḥ prāṇino'saṃjñina iti siddham nanu ca saṃjñina ityanenaiva gatārthatvātsamanaskā iti viśeṣaṇamanarthakam yato manovyāpāro hitāhitaprāptiparihāraparīkṣā saṃjñāpi saiveti naitadyuktam saṃjñāśabdārthavyabhicārāt saṃjñā nāmetyucyate tadvantaḥ sañjñina iti sarveṣāmatiprasaṅgaḥ saṃjñā jñānamiti cet sarveṣāṃ prāṇināṃ

jñānātmakatvādatiprasaṅgaḥ āhārādiviṣayābhilāṣaḥ saṃjñeti cet tulyam tasmātsamanaskā ityucyate evaṃ ca kṛtvā garbhāṇḍajamūrcchitasuṣuptyādyavasthāsu hitāhitaparīkṣābhāve'pi manaḥsannidhānātsañjñitvamupapannaṃ bhavati

yadi hitāhitādiviṣayaparispandaḥ prāṇināṃ manaḥpraṇidhānapūrvakaḥ athābhinavaśarīragrahaṇaṃ pratyāgūrṇasya viśīrṇapūrvamūrternirmanaskasya yatkarma tatkuta ityucyate

vigraho dehaḥ vigrahārthā gatirvigrahagatiḥ athavā viruddho graho vigraho vyāghātaḥ karmādāne'pi nokarmapudgalādānanirodha ityarthaḥ vigraheṇa gatirvigrahagatiḥ sarva

śarīraprarohaṇabījabhūtaṃ kārmaṇaṃ śarīraṃ karmetyucyate yogo vāṅmanasakāyavargaṇānimitta ātmapradeśaparispandaḥ karmaṇā kṛto yogaḥ karmayogo vigrahagatau bhavatītyarthaḥ tena karmādānaṃ deśāntarasaṃkramaśca bhavati

āha jīvapudgalānāṃ gatimāskandatāṃ deśāntarasaṃkramaḥ kimākāśapradeśakramavṛttyā bhavati utāviśeṣeṇetyata āha

lokamadhyādārabhya ūrdhvamadhastiryak ca ākāśapradeśānāṃ kramasanniviṣṭānāṃ paṅktiḥ śreṇiḥ ityucyate 'anu' śabdasyānupūrvyeṇa vṛttiḥ śreṇerānupūrvyeṇānuśreṇīti jīvānāṃ pudgalānāṃ ca gatirbhavatītyarthaḥ anadhikṛtānāṃ pudgalānāṃ kathaṃ grahaṇamiti cet gatigrahaṇāt yadi jīvānāmeva gatiriṣṭā syād gatigrahaṇamanarthakam adhikārāttatsiddheḥ uttaratra jīvagrahaṇācca pudgalasaṃpratyayaḥ nanu candrādīnāṃ jyotiṣkāṇāṃ merupradakṣiṇākāle vidyādharādīnāṃ ca viśreṇigatirapi dṛśyate tatra kimucyate 'anuśreṇi gatiḥ' iti

kāladeśaniyamo'tra veditavyaḥ tatra kālaniyamastāvajjīvānāṃ maraṇakāle bhavāntarasaṃkrama muktānāṃ cordhvagamanakāle anuśreṇyeva gatiḥ deśaniyamo'pi ūrdhvalokādadhogatiḥ adholokādūrdhvagatiḥ tiryaglokādadhogatirūrdhvā vā tatrānuśreṇyeva pudgalānāṃ ca yā lokāntaprāpiṇī sā niyamādanuśreṇyeva itarā gatirbhajanīyā

punarapi gativiśeṣapratipattyarthamāha

vigraho vyāghātaḥ kauṭilyamityarthaḥ sa yasyāṃ na vidyate'sāvavigrahā gatiḥ kasya jīvasya kīdṛśasya muktasya kathaṃ gamyate muktasyeti uttarasūtre saṃsārigrahaṇādiha muktasyeti vijñāyate nanu ca 'anuśreṇi gatiḥ ityanenaiva śreṇyantarasaṃkramābhāvo vyākhyātaḥ nārtho'nena pūrvasūtre viśreṇigatirapi kvacidastīti jñāpanārthamidaṃ

vacanam nanu tatraiva deśakālaniyama uktaḥ na atastatsiddheḥ

yadyasaṅgasyātmano'pratibandhena gatirālokāntādavadhṛtakālā pratijñāyate sadehasya punargatiḥ kiṃ pratibandhinī uta muktātmavadityata āha

kālāvadhāraṇārthaṃ 'prākcaturbhyaḥ' ityucyate 'prāg' iti vacanaṃ maryādārtham caturthātsamayātprāgvigrahavatī gatirbhavati na caturthe iti kuta iti cet sarvotkṛṣṭavigrahanimittaniṣkuṭakṣetre utpitsuḥ prāṇī niṣkuṭakṣetrānupūrvyanuśreṇyabhāvādiṣugatyabhāve niṣkuṭakṣetraprāpaṇanimittāṃ trivigrahāṃ gatimārabhate nordhvām tathāvidhopapādakṣetrābhāvāt 'ca' śabdaḥ samuccayārthaḥ vigrahavatī cāvigrahā ceti

vigrahavatyā gateḥ kālo'vadhṛtaḥ avigrahāyāḥ kiyān kāla ityucyate

ekaḥ samayo yasyāḥ sā ekasamayā na vidyate vigraho yasyāḥ sā avigrahā gatimatāṃ hi jīvapudgalānāmavyāghātenaikasamayikī gatirālokāntādapīti

anādikarmabandhasantatau mithyādarśanādipratyayavaśātkarmāṇyādadāno vigrahagatāvapyāhārakaḥ prasaktastato niyamārthamidamucyate

adhikārātsamayābhisambandhaḥ 'vā'śabdo vikalpārthaḥ vikalpaśca yathecchātisargaḥ ekaṃ vā dvau vā trīnvā samayānanāhārako bhavatītyarthaḥ trayāṇāṃ śarīrāṇāṃ ṣaṇṇāṃ paryāptīnāṃ yogyapudgalagrahaṇamāhāraḥ tadabhāvādanāhārakaḥ karmādānaṃ hi nirantaraṃ kārmaṇaśarīrasadbhāve upapādakṣetraṃ prati ṛjvyāṃ gatau āhārakaḥ itareṣu triṣu samayeṣu anāhārakaḥ

evaṃ gacchato'bhinavamūrtyantaranirvṛttiprakārapratipādanārthamāha

triṣu lokeṣūrdhvamadhastiryak ca dehasya samantato mūrcchanaṃ sammūrcchanamavayavaprakalpanam striyā udare śukraśoṇitayorgaraṇaṃ miśraṇaṃ garbhaḥ mātrupabhuktāhāragaraṇādvā garbhaḥ upetya padyate'sminniti upapādaḥ devanārakotpattisthānaviśeṣasañjñā ete trayaḥ saṃsāriṇāṃ jīvānāṃ janmaprakārāḥ śubhāśubhapariṇāmanimittakarmabhedavipākakṛtāḥ

athādhikṛtasya saṃsāraviṣayopabhogopalabdhyadhiṣṭhānapravaṇasya janmano yonivikalpā vaktavyā ityata āha

ātmanaścaitanyaviśeṣapariṇāmaścittam saha cittena vartata iti saṃcittaḥ śīta iti sparśaviśeṣaḥ śuklādivadubhayavacanatvāttadyuktaṃ dravyamapyāha samyagvṛtaḥ saṃvṛtaḥ

saṃvṛta iti durupalakṣyapradeśa ucyate saha itarairvartanta iti setarāḥ sapratipakṣā ityarthaḥ ke punaritare acittoṣṇavivṛtāḥ ubhayātmako miśraḥ sacittācittaḥ śītoṣṇaḥ saṃvṛtavivṛta iti 'ca'śabdaḥ samuccayārthaḥ miśrāśca yonayo bhavantīti itarathā hi pūrvoktānāmeva viśeṣaṇaṃ syāt 'ekaśaḥ' iti vīpsārthaḥ tasya grahaṇaṃ kramamiśrapratipattyartham yathaivaṃ vijñāyeta sacittaśca acittaśca śītaśca uṣṇaśca saṃvṛtaśca vivṛtaśceti bhaivaṃ vijñāyi sacittaśca śītaścetyādi 'tadgrahaṇaṃ janmaprakārapratinirdeśārtham teṣāṃ sammūrcchanādīnāṃ janmanāṃ yonaya iti ete nava yonayo veditavyāḥ yonijanmanoraviśeṣa iti cet na ādhārādheyabhedāttadbhedaḥ ta ete sacittādayo yonaya ādhārāḥ ādheyā janmaprakārāḥ yataḥ sacittādiyonyadhiṣṭhāne ātmā sammūrcchanādinā janmanā śarīrāhārendriyādiyogyānpudgalānupādatte devanārakā acittayonayaḥ teṣāṃ hi yonirupapādadeśapudgalapracayo'cittaḥ garbhajā miśrayonayaḥ teṣāṃ hi māturudare śukraśoṇitamacittam tadātmanā cittavatā miśraṇānmiśrayoniḥ sammūrcchanajāstrivikalpayonayaḥ kecitsacittayonayaḥ

anye acittayonayaḥ apare miśrayonayaḥ sacittayonayaḥ sādhāraṇaśarīrāḥ kutaḥ parasparāśrayatvāt itare acittayonayo miśrayonayaśca śītoṣṇayonayo devanārakāḥ teṣāṃ hi upapādasthānāni kānicicchītāni kāniciduṣṇānīti uṣṇayonayastaijaskāyikāḥ itare trivikalpayonayaḥ kecicchītayonayaḥ keciduṣṇayonayaḥ apare miśrayonaya iti devanārakaikendriyāḥ saṃvṛtayonayaḥ vikalendriyā vivṛtayonayaḥ garbhajāḥ miśrayonayaḥ tadbhedāścaturaśītiśatasahasrasaṃkhyā āgamato veditavyāḥ uvaktaṃ ca

evametasminnavayonibhedasaṅkaṭe trividhajanmani sarvaprāṇabhṛtāmaniyamena prasakte tadavadhāraṇārthamāha

yajjālavatprāṇiparivaraṇaṃ vitatamāṃsaśoṇitaṃ tajjarāyuḥ yannakhatvaksadṛśamu

pāttakāṭhinyaṃ śukraśoṇitaparivaraṇaṃ parimaṇḍalaṃ tadaṇḍam kiñcitparivaraṇamantareṇa paripūrṇāvayavo yoninirgatamātra eva parispandādisāmarthyopetaḥ potaḥ jarāyau jātā jarāyujāḥ aṇḍe jātā aṇḍajāḥ jarāyujāśca aṇḍajāśca potāśca jarāyujāṇḍajapotā garbhayonayaḥ

yadyamīṣāṃ jarāyujāṇḍajapotānāṃ garbho'vadhriyate athopapādaḥ keṣāṃ bhavatītyata āha

devānāṃ nārakāṇāṃ copapādo janma veditavyam

athānyeṣāṃ kiṃ janmetyata āha

garbhajebhya aupapādikebhyaścānye śeṣāḥ sammūrchanaṃ janmeti ete trayo'pi yogā niyamārthāḥ ubhayato niyamaśca draṣṭavyaḥ jarāyujāṇḍajapotānāmeva garbhaḥ garbha eva ca jarāyujāṇḍajapotānām devanārakāṇāmevopapādaḥ upapāda eva ca devanārakāṇām śeṣāṇāmeva sammūrcchanam saṃmūrcchanameva śeṣāṇāmiti

teṣāṃ punaḥ saṃsāriṇāṃ trividhajanmanāmāhitabahuvikalpanavayonibhedānāṃ śubhāśubhanāmakarmavipākanirvartitāni bandhaphalānubhavanādhiṣṭhānāni śarīrāṇi kānītyata āha

viśiṣṭanāmakarmodayāpāditavṛttīni śīryanta iti śarīrāṇi audārikādiprakṛtiviśeṣodayaprāptavṛttīni audārikādīni udāra sthūlam udāre bhavaṃ udāraṃ prayojanamasyeti vā audārikam aṣṭaguṇaiśvaryayogādekānekāṇumahaccharīravividhakaraṇaṃ vikriyā sā prayojanamasyeti vaikriyikam sūkṣmapadārthanirjñānārthamasaṃyamaparijihīrṣayā vā pramattasaṃyatenāhriyate nirvartyate tadityāhārakam yattejonimittaṃ tejasi vā bhavaṃ tattaijasam karmaṇāṃ kāryaṃ kārmaṇam sarveṣāṃ karmanimittattve'pi rūḍhivaśādviśiṣṭaviṣaye vṛttiravaseyā

yathaudārikasyendriyairupalabdhistathetareṣāṃ kasmānna bhavatītyata āha

'para'śabdasyānekārthavṛttitve'pi vivakṣāto vyavasthārthagatiḥ pṛthagbhūtānāṃ śarī

rāṇāṃ sūkṣmaguṇena vīppānirdeśaḥ kriyate paramparamiti audārikaṃ sthūlam tataḥ sūkṣmaṃ vaikriyikam tataḥ sūkṣmaṃ āhārakam tataḥ sūkṣmaṃ taijasam taijasātkārmaṇaṃ sūkṣmamiti

yadi paramparaṃ sūkṣmam pradeśato'pi nyūnaṃ paramparaṃ hīnamiti viparītapratipattinivṛttyarthamāha

pradiśyanta iti pradeśāḥ paramāṇavaḥ saṃkhyāmatīto'saṃkhyeyaḥ asaṃkhyeyo guṇo'sya tadidamasaṃkhyeyaguṇam kutaḥ pradeśataḥ nāvagāhataḥ paramparamityanuvṛtterā kārmaṇātprasaṅge tannivṛttyarthamāha prāktaijasāditi audārikādasaṃkhyeyaguṇapradeśaṃ vaikriyikam vaikriyikādasaṃkhyeyaguṇapradeśamāhārakamiti ko guṇakāraḥ palyopamāsaṃkhyeyabhāgaḥ yadyevaṃ paramparaṃ mahāparimāṇaṃ prāpnoti naivam bandhaviśeṣātparimāṇabhedābhāvastūlanicayāyaḥpiṇḍavat

athottarayoḥ kiṃ samapradeśatvamutāsti kaścidviśeṣa ityata āha

pradeśata ityanuvartate tenaivamabhisambandhaḥ kriyate āhārakāttaijasaṃ pradeśato'nantaguṇama taijasātkārmaṇaṃ pradeśato'nantaguṇamiti ko guṇakāraḥ abhavyānāmanantaguṇaḥ siddhānāmanantabhāgaḥ

tatretatsyācchalyakavanmūrtimaddravyopacitatvātsaṃsāriṇo jīvasyābhipretagatinirodhaprasaṅga iti tanna kiṃ kāraṇam yasmādubhe apyete

mūrtimato mūrtyantareṇa vyāghātaḥ pratīghātaḥ sa nāstyanayorityapratīghāte sūkṣmapariṇāmāt ayaḥpiṇḍe tejo'nupraveśavattaijasakārmaṇayornāsti vajrapaṭalādiṣu vyāghātaḥ nanu ca vaikriyikāhārakayorapi nāsti pratīghātaḥ sarvatrāpratīghāto'tra vivakṣitaḥ yathā

tejasakārmaṇayorā lokāntāt sarvatra nāsti pratīghātaḥ na tathā vaikriyikāhārakayoḥ

āha kimetāvāneva viśeṣa uta kaścidanyo'pyastītyāha

'ca'śabdo vikalpārthaḥ anādisambandhe sādisambandhe ceti kāryakāraṇabhāvasantatyā anādisambandhe viśeṣāpekṣayā sādisambandhe ca bījavṛkṣavat yathaudārikavaikriyikāhārakāṇi jīvasya kādācitkāni na tathā taijasakārmaṇe nityasambandhinī hi te ā saṃsārakṣayāt

ta ete taijasakārmaṇe kiṃ kasyacideva bhavata utāviśeṣeṇetyata āha

'sarva'śabdo niravaśeṣavācī niravaśeṣasya saṃsāriṇo jīvasya te dve api śarīre bhavata ityarthaḥ

aviśeṣābhidhānāttairaudārikādibhiḥ sarvasya saṃsāriṇo yaugapadyena sambandhaprasaṅge sambhaviśarīrapradarśanārthamidamucyate

'tat'śabdaḥ prakṛtataijasakārmaṇapratinirdeśārthaḥ te taijasakārmaṇe ādiryeṣāṃ tāni tadādīni bhājyāni vikalpyāni ā kutaḥ ā caturbhyaḥ yugapadekasyātmanaḥ kasyacid dve taijasakārmaṇe aparasya trīṇi audārikataijasakārmaṇāni vaikriyikataijasakārmaṇāni vā anyasya catvāri audārikāhārakataijasakārmaṇānīti vibhāgaḥ kriyate

punarapi teṣāṃ viśeṣapratipattyarthamāha

ante bhavamantyam kiṃ tat kārmaṇam indriyapraṇālikayā śabdādīnāmupa

labdhirupabhogaḥ tadabhāvānnirupabhogam vigrahagatau satyāmapi indriyalabdhau dravyendriyanirvṛttyabhāvācchabdādyupabhogābhāva iti nanu taijasamapi nirupabhogam tatra kimucyate nirupabhogamantyamiti taijasaṃ śarīraṃ yoganimittamapi na bhavati tato'syopabhogavicāre'nadhikāraḥ

evaṃ tatroktalakṣaṇeṣu janmasu amūni śarīrāṇi prādurbhāvamāpadyamānāni kimaviśeṣeṇa bhavanti uta kaścidasti prativiśeṣa ityata āha

sūtrakramāpekṣayā ādau bhavamādyam audārikamityarthaḥ yad gabhajaṃ yacca sammūrcchanajaṃ tatsarvamaudārikaṃ draṣṭavyam

tadanantaraṃ yannirdiṣṭaṃ tatkasmin janmanītyata āha

upapāde bhavamaupapādikam tatsarvaṃ vaikriyikaṃ veditavyam

yadyaupapādikaṃ vaikriyikam anaupapādikasya vaikriyikatvābhāva ityata āha

'ca'śabdena vaikriyikamabhisambadhyate tapoviśeṣādṛddhiprāptirlabdhiḥ labdhiḥ pratyayaḥ kāraṇamasya labdhipratyayam vaikriyikaṃ labdhipratyayaṃ ca bhavatītyabhisambadhyate

kimetadeva labdhyapekṣamutānyadapyastītyata āha

'api'śabdena labdhipratyayamabhisambadhyate taijasamapi labdhipratyayaṃ bhavatīti

vakriyikānantaraṃ yadupadiṣṭaṃ tasya svarūpanirdhāraṇārthaṃ svāminirdeśārthaṃ cāha

śubhakāraṇatvācchubhavyapadeśaḥ śubhakarmaṇa āhārakakāyayogasya kāraṇatvācchubhamityucyate annasya prāṇavyapadeśavat viśuddhakāryatvādviśuddhavyapadeśaḥ viśuddhasya puṇyakarmaṇaḥ aśabalasya niravadyasya kāryatvādviśuddhamityucyate tantūnāṃ kārpāsavyapadeśavat ubhayato vyāghātābhāvādavyāghāti na hyāhārakaśarīreṇānyasya vyāghātaḥ nāpyanyenāhārakasyeti tasya prayojanasamuccayārthaḥ 'ca'śabdaḥ kriyate tadyathā kadācillabdhiviśeṣasadbhāvajñāpanārthaṃ kadācitsūkṣmapadārthanirddhāraṇārthaṃ saṃyamaparipālanārthaṃ ca āhārakamiti prāguktasya pratyāmnāyaḥ yadā''hārakaśarīraṃ nirvartayitumārabhate tadā pramatto bhavatīti'pramattasaṃyatasya'ityucyate iṣṭato'vadhāraṇārthaṃ 'eva'kāropādānam yathaivaṃ vijñāyeta pramattasaṃyatasyaivāhārakaṃ nānyasyeti maivaṃ vijñāyi pramattasaṃyatasyāhārakameveti

mā bhūdaudārikādinivṛttiriti

evaṃ vibhaktāni śarīrāṇi bibhratāṃ saṃsāriṇāṃ pratigati kiṃ triliṅgasannidhānaṃ uta liṅganiyamaḥ kaścidastītyata āha

narakāṇi vakṣyante narakeṣu bhavā nārakāḥ sammūrchanaṃ sammūrcchaḥ sa yeṣāmasti te sammūrcchinaḥ nārakāśca sammūrchinaśca nārakasammūrchinaḥ cāritramohavikalpanokaṣāyabhedasya napuṃṃsakavedasyāśubhanāmnaścodayānna striyo na pumāṃsa iti napuṃṃsakāni bhavanti nārakasammūrcchino napuṃṃsakānyeveti niyamaḥ tatra hi strīpuṃṃsaviṣayamanojñaśabdagandharūparasasparśasambandhanimittā svalpāpi sukhamātrā nāsti

yadyevamavadhriyate arthādāpannametaduktebhyo'nye saṃsāriṇastriliṅgā iti yatrātyantaṃ napuṃṃsakaliṅgasyābhāvastatpratipādanārthamāha

straiṇaṃ pauṃsnaṃ ca yanniratiśayasukhaṃ śubhagatināmodayāpekṣaṃ taddevā anubhavantīti na teṣu napuṃṃsakāni santi

athetare kiyalliṅgā ityata āha

trayo vedā yeṣāṃ te trivedāḥ ke punaste vedāḥ strītvaṃ puṃstvaṃ napuṃsakatvamiti kathaṃ teṣāṃ siddhiḥ vedyata iti vedaḥ liṅgamityarthaḥ tad dvividhaṃ dravyaliṅgaṃ bhāvaliṅgaṃ ceti dravyaliṅgaṃ yonimehanādi nāmakarmodayanirvartitam nokaṣāyodayāpāditavṛtti bhāvaliṅgam strīvedodayāt syāyastyasyāṃ garbha iti strī puṃvedodayāt sūte janayatyapatyamiti pumān napuṃṃsakavedodayāttadubhayaśaktivikalaṃ napuṃṃsakam rūḍhiśabdāścaite rūḍhiṣu ca kriyā vyutpattyarthaiva yathā gacchatīti gauriti itarathā hi garbhadhāraṇādikriyāprādhānye bālavṛddhānāṃ tiryaṅmanuṣyāṇāṃ devānāṃ kārmaṇakāyayogasthānāṃ ca tadabhāvātstrītvādivyapadeśo na syāt ta ete trayo vedāḥ śeṣāṇāṃ garbhajānāṃ bhavanti

ya ime janmayoniśariraliṅgasambandhāhitaviśeṣāḥ prāṇino nirdiśyante devādayo vicitradharmādharmavaśīkṛtāścatasṛṣu gatiṣu śarīrāṇi dhārayantaste kiṃ yathākālamupabhuktāyuṣo mūrtyantarāṇyāskandanti utāyathākālamapītyata āha

aupapādikā vyākhyātā devanārakā iti caramaśabdo'ntyavācī uttama utkṛṣṭaḥ carama uttamo deho yeṣāṃ te caramottamadehāḥ parītasaṃsārāstajjanmanirvāṇārhā ityarthaḥ asaṃkhyeyamatītasaṃkhyānamupamāpramāṇena palyādinā gamyamāyuryeṣāṃ ta ime asaṃkhyeyavarṣāyuṣastiryaṅmanuṣyā uttarakurvādiṣu prasūtāḥ aupapādikāśca caramottamadehāśca asaṃkhyeyavarṣāyuṣaśca aupapādikacaramottamadehāsaṃkhyeyavarṣāyuṣaḥ bahyasyopaghātanimittasya viṣaśastrādeḥ sati sannidhāne hrasvaṃ bhavatītyapavartyam apavartyamāyuryeṣāṃ ta ime apavartyāyuṣaḥ na apavartyāyuṣaḥ anapavartyāyuṣaḥ nahyeṣāmaupapādikādīnāṃ bāhya

nimittavaśādāyurapavartyate ityayaṃ niyamaḥ itareṣāmaniyamaḥ caramasya dehasyotkṛṣṭatvapradarśanārthamuttamagrahaṇaṃ nārthāntaraviśeṣo'sti caramadehā iti vā pāṭhaḥ

iti tattvārthavṛttau sarvārthasiddhisañjñikāyāṃ dvitīyo'dhyāyaḥ

atha tṛtīyo'dhyāyaḥ

'bhavapratyayo'vadhirdevanārakāṇām' ityevamādiṣu nārakāḥ śrutāstataḥ pṛcchati ke te nārakā iti tatpratipādanārthaṃ tadadhikaraṇanirdeśaḥ kriyate

ratnaṃ ca śarkarā ca vālukā ca paṅkaśca dhūmaśca tamaśca mahātamaśca ratnaśarkarāvālukāpaṅkadhūmatamomahātamāṃsi 'prabhā' śabdaḥ pratyekaṃ parisamāpyate sāhacaryāttācchabdyam citrādiratnaprabhāsahacaritā bhūmiḥ ratnaprabhā śarkarāprabhāsahacaritā bhūmiḥ śarkarāprabhā vālukāprabhāsahacaritā bhūmirvālukāprabhā paṅkaprabhāsahacaritā bhūmiḥ paṅkaprabhā dhūmaprabhāsahacaritā bhūmirdhūmaprabhā tamaḥprabhāsahacaritā bhūmistamaḥprabhā mahātamaḥprabhāsahacaritā bhūmirmahātamaḥprabhā iti etāḥ saṃjñā anenopāyena vyutpādyante 'bhūmi'grahaṇamadhikaraṇaviśeṣapratipattyartham yathā svargapaṭalāni bhūmimanāśritya vyavasthitāni na tathā nārakā

vāsāḥ kiṃ tarhi bhūmimāśritā iti āsāṃ bhūmīnāmālambananirjñānārthaṃ ghanāmbuvātādigrahaṇaṃ kriyate ghanāmbu ca vātaśca ākāśaṃ ca ghanāmbuvātākāśāni tāni pratiṣṭhā āśrayo yāsāṃ tā ghanāmbuvātākāśapratiṣṭhāḥ sarvā etā bhūmayo ghanodadhivalayapratiṣṭhāḥ ghanodadhivalayaṃ ghanavātavalayapratiṣṭham ghanavātavalayaṃ tanuvātavalayapratiṣṭham tanuvātavalayamākāśapratiṣṭham ākāśamātmapratiṣṭhaṃ tasyaivādhārādheyatvāt trīṇyapyetāni valayāni pratyekaṃ viṃśatiyojanasahasrabāhulyāni 'sapta'grahaṇaṃ saṃkhyāntaranivṛttyartham sapta bhūmayo nāṣṭau na nava ceti 'adho'dhaḥ'vacanaṃ tiryakpracayanivṛttyartham

kiṃ tā bhūmayo nārakāṇāṃ sarvatrāvāsā āhosvitkvacitkvaciditi tannirdhāraṇārthamāha

tāsu ratnaprabhādiṣu bhūmiṣu narakāṇyanena saṃkhyāyante yathākramam ratnaprabhāyāṃ triṃśannarakaśatasahasrāṇi śarkarāprabhāyāṃ pañcaviṃśatirnarakaśatasahasrāṇi vālukāprabhāyāṃ pañcadaśa narakaśatasahasrāṇi paṅkaprabhāyāṃ daśa narakaśatasahasrāṇi dhūmaprabhāyāṃ trīṇi narakaśatasahasrāṇi tamaḥprabhāyāṃ pañconamekaṃ narakaśatasahasraṃ mahātamaḥprabhāyāṃ pañca narakāṇi ratnaprabhāyāṃ narakaprastārastrayodaśa tato'dha ā saptamyā dvau dvau narakapra

stārau hīnau itaro viśeṣo lokānuyogato veditavyaḥ

atha tāsu bhūmiṣu nārakāṇāṃ kaḥ prativiśeṣa ityata āha

leśyādayo vyākhyātārthāḥ aśubhatarā iti prakarṣanirdeśaḥ tiryaggativiṣayāśubhaleśyādyapekṣayā adho'dhaḥ svagatyapekṣayā ca veditavyaḥ 'nitya'śabda ābhīkṣṇyavacanaḥ nityamaśubhatarā leśyādayo yeṣāṃ te nityāśubhataraleśyāpariṇāmadehavedanāvikriyā nārakāḥ

prathamādvitīyayoḥ kāpotī leśyā tṛtīyāyāmupariṣṭātkāpotī adho nīlā caturthyāṃ nīlā pañcamyāmupari nīlā adhaḥ kṛṣṇā ṣaṣṭhyāṃ kṛṣṇā saptamyāṃ paramakṛṣṇā svāyuḥpramāṇāvadhṛtā dravyaleśyā uktāḥ bhāvaleśyāstu antarmuhūrtaparivartinyaḥ pariṇāmāḥ sparśarasagandhavarṇaśabdāḥ kṣetraviśeṣanimittavaśādatiduḥkhahetavo'śubhatarāḥ dehāśca teṣāmaśubhanāmakarmodayādatyantāśubhatarā vikṛtākṛtayo huṇḍasaṃsthānā durdarśanāḥ teṣāmutsedhaḥ prathamāyāṃ sapta dhanūṃṣi trayo hastāḥ ṣaḍaṅgulayaḥ adho'dho dviguṇadviguṇa utsedhaḥ abhyantarāsadvedyodaye sati anādipāriṇāmikaśītoṣṇabāhyanimittajanitā atitīvrā vedanā bhavanti nārakāṇām prathamādvitīyātṛtīyācaturthīṣu uṣṇavedanānyeva narakāṇi pañcamyāmupari uṣṇavedane dve narakaśatasahasre adhaḥ śītavedanamekaṃ śatasahasram ṣaṣṭhīsaptamyoḥ śītavedanānyeva śubhaṃ vikariṣyāma iti aśubhatarameva vikurvanti sukhahetūnutpādayāma iti duḥkhahetūnevopādayanti ta ete bhāvā adho'dho'śubhatarā veditavyāḥ

kimeteṣāṃ nārakāṇāṃ śītoṣṇajanitameva duḥkhamutānyathāpi bhavatītyata āha

kathaṃ parasparodīritaduḥkhatvam nārakāḥ bhavapratyayenāvadhinā mithyādarśanodayādvibhaṅgavyapadeśabhājā ca dūrādeva duḥkhahetūnavagamyotpannaduḥkhā pratyāsattau parasparālokanācca prajvalitakopāgnayaḥ pūrvabhavānusmaraṇāccātitīvrānubaddhavairāśca śvaśṛgālādivatsvābhighāte pravartamānāḥ svavikriyākṛtāsivāsīparaśubhiṇḍimālaśaktitomarakuntāyoghanādibhirāyudhaiḥ svakaracaraṇadaśanaiśca chedanabhedanatakṣaṇadaṃśanādibhiḥ parasparasyātitīvraṃ duḥkhamutpādayanti

kimetāvāneva duḥkhotpattikāraṇaprakāra utānyo'pi kaścidastītyata āha

devagatināmakarmavikalpasyāsuratvasaṃvartanasya karmaṇa udayādasyanti parānityasurāḥ pūrvajanmani bhāvitenātitībreṇa saṃkleśapariṇāmena yadupārjitaṃ pāpakarma tasyodayātsatataṃ kliṣṭāḥ saṃkliṣṭāḥ saṃkliṣṭā asurāḥ saṃkliṣṭāsurāḥ saṃkliṣṭā iti viśeṣaṇānna sarve asurā nārakāṇāṃ duḥkhamutpādayanti kiṃ tarhi ambāvarīṣādaya eva kecaneti avadhipradarśanārthaṃ 'prākcaturthyāḥ' iti viśeṣaṇam upari tisṛṣu pṛthvīṣu saṃkliṣṭāsurā bādhāhetavo nātaḥ paramiti pradarśanārtham 'ca' śabdaḥ pūrvoktaduḥkhahetusamuccayārthaḥ sutaptāyorasapāyananiṣṭaptāyastambhāliṅganakūṭaśālmalyārohaṇāvataraṇāyoghanābhighātavāsīkṣuratakṣaṇakṣārataptatailāvasecanāyaḥkumbhīpākāmbarīṣabharjanavaitaraṇīmajjanayantraniṣpīḍanādibhirnārakāṇāṃ duḥkhamutpādayanti evaṃ chedanabhedanādibhiḥ śakalīkṛtamūrtīnāmapi teṣāṃ na maraṇamakāle bhavati kutaḥ anapavartyāyuṣkatvāt

yadyevaṃ tadeva tāvaducyatāṃ nārakāṇāmāyuḥparimāṇamityata āha

yathākramamityanuvartate teṣu narakeṣu bhūmiṃkrameṇa yathāsaṃkhyamekādayaḥ sthitayo' bhisambadhyante ratnaprabhāyāmutkṛṣṭā sthitirekasāgaropamā śarkarāprabhāyāṃ trisāgaropamā vālukāprabhāyāṃ saptasāgaropamā paṅkaprabhāyāṃ daśasāgaropamā dhūmaprabhāyāṃ saptadaśasāgaropamā tamaḥprabhāyāṃ dvāviṃśatisāgaropamā mahātamaḥprabhāyāṃ trayastriṃśatsāgaropamā iti parā utkṛṣṭetyarthaḥ 'sattvānām' iti vacanaṃ bhūminivṛttyartham bhūmiṣu sattvānāmiyaṃ sthitiḥ na bhūmīnāmiti

uktaḥ saptabhūmivistīrṇo'dholokaḥ idānīṃ tiryagloko vaktavyaḥ kathaṃ punastiryaglokaḥ yato'saṃkhyeyāḥ svayambhūramaṇaparyantāstiryakpracayaviśeṣeṇāvasthitā dvīpasamudrāstatastiryagloka iti ke punastiryagvyavasthitā ityata āha

jambūdvīpādayo dvīpāḥ lavaṇodādayaḥ samudrāḥ yāni loke śubhāni nāmāni tannāmānaste tadyathā jambūdvīpo dvīpaḥ lavaṇodaḥ samudraḥ dhātakīkhaṇḍo dvīpaḥ kālodaḥ samudraḥ puṣkaravaro dvīpaḥ puṣkaravaraḥ samudraḥ vāruṇīvaro dvīpaḥ vāruṇīvaraḥ samudraḥ kṣīravaro dvīpaḥ kṣīravaraḥ samudraḥ ghṛtavaro dvīpaḥ ghṛtavaraḥ samudraḥ ikṣuvaro dvīpaḥ ikṣuvaraḥ samudraḥ nandīśvaravaro dvīpaḥ nandīśvaravaraḥ samudraḥ aruṇavaro dvīpaḥ aruṇavaraḥ samudraḥ ityevamasaṃkhyeyā dvīpasamudrāḥ svayambhūramaṇaparyantā veditavyāḥ

amīṣāṃ viṣkambhasanniveśasaṃsthānaviśeṣapratipattyarthamāha

dvirdviriti vīpsābhyāvṛttivacanaṃ viṣkambhadviguṇatvavyāptyartham ādyasya dvīpasya yo viṣkambhaḥ taddviguṇaviṣkambho lavaṇajaladhiḥ taddviguṇaviṣkambho dvitīyo dvīpaḥ taddviguṇaviṣkambho dvitīyo jaladhiriti dvirdvirviṣkambho yeṣāṃ te dvirdvirviṣkambhāḥ pūrvapūrvaparikṣepivacanaṃ grāmanagarādivadviniveśo mā vijñāyīti valayākṛtivacanaṃ caturasrā

disaṃsthānāntaranivṛttyartham

atrāha jambūdvīpasya pradeśasaṃsthānaviṣkambhā vaktavyāstanmūlatvāditaraviṣkambhādivijñānasyetyucyate

teṣāṃ madhye tanmadhye keṣām pūrvoktānāṃ dvīpasamudrāṇām nābhiriva nābhiḥ merurnābhiryasya sa merunābhiḥ vṛtta ādityamaṇḍalopamānaḥ śatānāṃ sahasraṃ śatasahasram yojanānāṃ śatasahasraṃ yojanaśatasahasram yojanaśatasahasraṃ viṣkambho yasya so'yaṃ yojanaśatasahasraviṣkambhaḥ ko'sau jambūdvīpaḥ kathaṃ jambūdvīpaḥ jambūbṛkṣopalakṣitatvāt uttarakurūṇāṃ madhye jambūvṛkṣo'nādinidhanaḥ pṛthivīpariṇāmo'kṛtrimaḥ saparivārastadupalakṣito'yaṃ dvīpaḥ

tatra jambūdvīpe ṣaḍbhiḥ kulaparvatairvibhaktāni sapta kṣetrāṇi kāni tānītyata āha

bharatādayaḥ sañjñā anādikālapravṛttā animittāḥ tatra bharatavarṣaḥ kva sanniviṣṭaḥ dakṣiṇadigbhāge himavato'drestrayāṇāṃ samudrāṇāṃ madhye āropitacāpākāro bharatavarṣaḥ vijayārddhena gaṅgāsindhubhyāṃ ca vibhaktaḥ sa ṣaṭkhaṇḍaḥ kṣudrahimavantamuttareṇa dakṣiṇena mahāhimavantaṃ pūrvāparasamudrayormadhye haimavatavarṣaḥ

niṣadhasya dakṣiṇato mahāhimavata uttarataḥ pūrvāparasamudrayorantarāle harivarṣaḥ niṣadhasyottarānnīlato dakṣiṇataḥ pūrvāparasamudrayorantare videhasya saṃniveśo draṣṭavyaḥ nīlata uttarāt rukmiṇo dakṣiṇāt pūrvāparasamudrayormadhye ramyakavarṣaḥ rukmiṇa uttarācchikhariṇo dakṣiṇātpūrvāparasamudrayormadhye sanniveśī hairaṇyavatavarṣaḥ śikhariṇa uttaratastrayāṇāṃ samudrāṇāṃ madhye airāvatavarṣaḥ vijayārddhena raktāraktodābhyāṃ ca vibhaktaḥ sa ṣaṭkhaṇḍaḥ

ṣaṭ kulaparvatā ityuktaṃ ke punaste kathaṃ vā vyavasthitā ityata āha

tāni kṣetrāṇi vibhajanta ityevaṃśīlāstadvibhājinaḥ pūrvāparāyatā iti pūrvāparakoṭibhyāṃ lavaṇajaladhisparśina ityarthaḥ himavadādayo'nādikālapravṛttā animittasañjñā varṣavibhāgahetutvādvarṣadharaparvatā ityucyante tatra kva himavān bharatasya haimavatasya ca sīmani vyavasthitaḥ kṣudrahimavān yojanaśatocchrāyaḥ haimavatasya hari

varṣasya ca vibhāgakaro mahāhimavān dviyojanaśatocchrāyaḥ videhasya dakṣiṇato harivarṣasyottarato niṣadho nāma parvataścaturyojanaśatocchrāyaḥ uttare trayo'pi parvatāḥ svavarṣavibhājino vyākhyātāḥ ucchrāyaśca teṣāṃ catvāri dve ekaṃ ca yojanaśataṃ veditavyam sarveṣāṃ parvatānāmucchrāyasya caturbhāgo'vagāhaḥ

teṣāṃ varṇaviśeṣapratipattyarthamāha

ta ete himavadādayaḥ parvatā hemādimayā veditavyā yathākramam hemamayo himavān cīnapaṭṭavarṇaḥ arjunamayo mahāhimavān śuklavarṇaḥ tapanīyamayo niṣadhastaruṇādityavarṇaḥ vaidūryamayo nīlo mayūragrīvābhaḥ rajatamayo rukmī śuklaḥ hemamayaḥ śikharī cīnapaṭtavarṇaḥ

punarapi tadviśeṣaṇārthamāha

nānāvarṇaprabhādiguṇopetairmaṇibhirvicitrāṇi pārśvāṇi yeṣāṃ te maṇivicitrapārśvāḥ

aniṣṭasaṃsthānasya nivṛttyarthamuparyādivacanaṃ kriyate 'ca'śabdo madhyasamuccayārthaḥ ya eṣāṃ mūle vistāraḥ sa upari madhye ca tulyaḥ

teṣāṃ madhye labdhāspadā hradā ucyante

padmo mahāpadmastigiñchaḥ kesarī mahāpuṇḍarīkaḥ puṇḍarīka iti teṣāṃ himavadādīnāmupari yathākramamete hradā veditavyāḥ

tatrādyasya saṃsthānaviśeṣapratipattyarthamāha

prākpratyak yojanasahasrāyāma udagavāk pañcayojanaśatavistāro vajramayatalo vividhamaṇikanakavicitritataṭaḥ padmanāmā hradaḥ

tasyāvagāhapraklṛptyarthamidamucyate

avagāho'dhaḥpraveśo nimnatā daśayojanānyavagāho'sya daśayojanāvagāhaḥ

tanmadhye kim

yojanapramāṇaṃ yojanam krośāyāmapatratvātkrośadvayaviṣkambhakarṇikatvācca yojanāyāmaviṣkambham jalatalātkrośadvayocchrāṃyanālaṃ tāvadbahulapatrapracayaṃ puṣkaramavagantavyam

itareṣāṃ hradānāṃ puṣkarāṇāṃ cāyāmādinirjñānārthamāha

sa ca taccate tayordviguṇā dviguṇāstaddviguṇadviguṇā iti dvitvaṃ vyāptijñāpanārtham kena dviguṇāḥ āyāmādinā padmahradasya dviguṇāyāmaviṣkambhāvagāho mahāpadmo hradaḥ tasya dviguṇāyāmaviṣkambhāvagāhastigiñcho hradaḥ puṣkarāṇi ca kim dviguṇāni dviguṇānītyabhisambadhyate

tannivāsinīnāṃ devīnāṃ sañjñājīvitaparivārapratipādanārthamāha

teṣu puṣkareṣu karṇikāmadhyadeśaniveśinaḥ śaradvimalapūrṇacandradyutiharāḥ krośāyāmāḥ krośārddhaviṣkambhā deśonakrośotsedhāḥ prāsādāḥ teṣu nivasantītyevaṃśīlāstannivāsinyaḥ devyaḥ śrī hrīdhṛtikīrtibuddhilakṣmīsaṃjñikāsteṣu padmādiṣu yathākramaṃ veditavyāḥ 'palyopamasthitayaḥ' ityanenāyuṣaḥ pramāṇamuktam samāne sthāne bhavāḥ sāmānikāḥ sāmānikāśca pariṣadaśca sāmānikapariṣadaḥ saha sāmānikapariṣadbhirvartanta iti sasāmānikapariṣatkāḥ tasya padmasya parivārapadmeṣu prāsādānāmupari sāmānikā pariṣadaśca vasanti

yakābhiḥ saridibhastāni kṣetrāṇi pravibhaktāni tā ucyante

sarito na vāpyaḥ tāḥ kimantarā uta samīpāḥ ityata āha tanmadhyagāḥ teṣāṃ kṣetrāṇāṃ madhyaṃ tanmadhyam tanmadhyaṃ tanmadhyena vā gacchantīti tanmadhyagāḥ

ekatra sarvāsāṃ prasaṅganivṛttyarthaṃ digviśeṣapratipattyarthaṃcāha

dvayordvayoḥ saritorekaikaṃ kṣetraṃ viṣaya iti vākyaśeṣābhisambandhādekatra sarvāsāṃ prasaṅganivṛttiḥ kṛtā 'pūrvāḥ pūrvagāḥ' iti vacanaṃ digviśeṣapratipattyartham tatra pūrvā yāḥ saritastāḥ pūrvagāḥ pūrvajaladhiṃ gacchantīti pūrvagāḥ kimapekṣaṃ pūrvatvam sūtranirdeśāpekṣam yadyevaṃ gaṅgāsidhvādayaḥ sapta pūrvagā iti prāptam naiṣa doṣaḥ dvayordvayorityabhisambandhāt dvayordvayoḥ pūrvāḥ pūrvagā iti veditavyāḥ

itarāsāṃ digvibhāgapratipattyarthamāha

dvayordvayoryā avaśiṣṭāstā aparagāḥ pratyetavyāḥ aparasamudraṃ gacchantītyaparagāḥ tatra padmahradaprabhavā pūrvatoraṇadvāranirgatā gaṅgā aparatoraṇadvāranirgatā sindhuḥ udīcyatoraṇadvāranirgatā rohitāsyā mahāpadmahradaprabhavā avācyatoraṇadvāranirgatā rohit

udīcyatoraṇadvāranirgatā harikāntā tigiñchahradaprabhavā dakṣiṇatoraṇadvāranirgatā harit udīcyatoraṇadvāranirgatā sītodā kesarihradaprabhavā avācyatoraṇadvāranirgatā sītā udīcyatoraṇadvāranirgatā narakāntā mahāpuṇḍarīkahradaprabhavā dakṣiṇadvāranirgatā nārī udīcyatoraṇadvāranirgatā rūpyakūlā puṇḍarīkahradaprabhavā avācyatoraṇadvāranirgatā suvarṇakūlā pūrvatoraṇadvāranirgata raktā pratīcyatoraṇadvāranirgatā raktodā

tāsāṃ parivārapratipādanārthamāha

kimarthaṃ 'gaṅgāsindhvādi' grahaṇaṃ kriyate nadīgrahaṇārtham prakṛtāstā abhisambadhyante naivaṃ śaṅkyam anantarasya vidhirvā bhavati pratiṣedho vā iti aparagāṇāmeva grahaṇaṃ syāt gaṅgādigrahaṇamevāstīti cet pūrvagāṇāmeva grahaṇaṃ syāt ata ubhayīnāṃ grahaṇārthaṃ 'gaṅgāsindhvādi' grahaṇaṃ kriyate 'nadī' grahaṇaṃ dviguṇā dviguṇā ityabhisambandhārtham

gaṅgā caturdaśanadisahasraparivṛtā sindhurapi evamuttarā api nadyaḥ pratikṣetraṃ taddviguṇadviguṇā bhavanti ā videhāntāt tata uttarā arddhārddhahīnāḥ

uktānāṃ kṣetrāṇāṃ viṣkambhapratipattyarthamāha

ṣaḍadhikā viṃśatiḥ ṣaḍviṃśatiḥ ṣaḍviṃśatiradhikā yeṣu tāni ṣaḍviṃśāni ṣaḍviṃśāni pañcayojanaśatāni vistāro yasya ṣaḍviṃśapañcayojanaśatavistāro bharataḥ kimetāvāneva na ityāha ṣaṭ caikonaviṃśatibhāgāyojanasya vistāro'syetyabhisambadhyate

itareṣāṃ viṣkambhaviśeṣapratipattyarthamāha

tato bharatād dviguṇo dviguṇo vistāro yeṣāṃ ta ime taddviguṇadviguṇavistārāḥ ke te varṣadharavarṣāḥ kiṃ sarve na ityāha videhāntā iti

athottareṣāṃ kathamityata āha

uttarā airāvatādayo nīlāntā bharatādibhirdakṣiṇaistulyā draṣṭavyāḥ atītasya sarvasyāyaṃ viśeṣo veditavyaḥ tena hradapuṣkarādīnāṃ tulyatā yojyā

atrāha ukteṣu bharatādiṣu kṣetreṣu manuṣyāṇāṃ kiṃ tulyo'nubhavādiḥ āhosvidasti kaścitprativiśeṣa ityatrocyate

vṛddhiśca hrāsaśca vṛddhihrāsau kābhyām ṣaṭsamayābhyāmutsarpiṇyavasarpiṇībhyām kayoḥ bharatairāvatayoḥ na tayoḥ kṣetrayorvṛddhihrāsau staḥ asambhavāt tatsthānāṃ manuṣyāṇāṃ vṛddhihrāsau bhavataḥ athavādhikaraṇanirdeśaḥ bharate airāvate ca manuṣyāṇāṃ vṛddhihrāsāviti kiṃkṛtau vṛddhihrāsau anubhavāyuḥpramāṇādikṛtau anubhava

upabhogaḥ āyurjīvitaparimāṇam pramāṇaṃ śarīrotsedha ityevamādibhirvṛddhihrāsau manuṣyāṇāṃ bhavataḥ kiṃhetukau punastau kālahetukau sa ca kālo dvividhaḥutsarpiṇī avasarpiṇī ceti tadbhedāḥ pratyekaṃ ṣaṭ anvarthasañjñe caite anubhavādibhirutsarpaṇaśīlā utsarpiṇī tairevāvasarpaṇaśīlā avasarpiṇī tatrāvasarpiṇī ṣaḍvidhā suṣamasuṣamā suṣamā suṣamaduṣṣamā duṣṣamasuṣamā duṣṣamā atiduṣṣamā ceti utsarpiṇyapi atiduṣṣamādyā suṣamasuṣamāntā ṣaḍvidhaiva bhavati avasarpiṇyāḥ parimāṇaṃ daśasāgaropamakoṭīkoṭyaḥ utsarpiṇyā api tāvatya eva sobhayī kalpa ityākhyāyate tatra suṣamasuṣamā catasraḥ sāgaropamakoṭīkoṭyaḥ tadādau manuṣyā uttarakurumanuṣyatulyāḥ tataḥ krameṇa hānau satyāṃ suṣamā bhavati tisraḥ sāgaropamakoṭīkoṭyaḥ tadādau manuṣyā harivarṣamanuṣyasamāḥ tataḥ krameṇa hānau satyāṃ suṣamaduṣṣamā bhavati dve sāgaropamakoṭīkoṭyau tadādau manuṣyā haimavatakamanuṣya

samāḥ tatah krameṇa hānau satyāṃ duṣṣamasuṣamā bhavati ekasāgaromakoṭīkoṭī dvicatvāriṃśadvarṣasahasronā tadādau manuṣyā videhajanatulyā bhavanti tataḥ krameṇa hānau satyāṃ duṣṣamā bhavati ekaviṃśativarṣasahasrāṇi tataḥ krameṇa hānau satyāmatiduṣṣamā bhavati ekaviṃśativarṣasahasrāṇi evamutsarpiṇyapi viparītakramā veditavyā

athetarāsu bhūmiṣu kā'vasthetyata āha

tābhyāṃ bharatairāvatābhyāmaparā bhūmayo'vasthitā bhavanti na hi tatrotsarpiṇyavasarpiṇyau staḥ

kiṃ tāsu bhūmiṣu manuṣyāstulyāyuṣa āhosvitkaścidasti prativiśeṣa ityata āha

haimavate bhavā haimavatakā ityevaṃ 'vuñi' sati manuṣyasampratyayo bhavati evamuttarayorapi haimavatakādayastrayaḥ ekādayastrayaḥ tatra yathāsaṃkhyamabhisambandhaḥ kriyate ekapalyopamasthitayo haimavatakāḥ dvipalyopamasthitayo hārivarṣakāḥ tripalyopamasthitayo daivakuravakā iti tatra pañcasu haimavateṣu suṣamaduṣṣamā sadā'vasthitā tatra manuṣyā

ekapalyopamāyuṣo dvidhanuḥsahasrochritāścaturthabhaktāhārā nīlotpalavarṇāḥ pañcasu harivarṣeṣu suṣamā sadā'vasthitā tatra manuṣyā dvipalyopamāyuṣaścatuścāpasahasrotsedhāḥ ṣaṣṭhabhaktāhārāḥ śaṅkhavarṇāḥ pañcasu devakuruṣu suṣamasuṣamā sadā'vasthitā tatra manuṣyāstripalyopamāyuṣaḥ ṣaḍdhanuḥsahasrocchrāyā aṣṭamabhaktāhārāḥ kanakavarṇāḥ

athottareṣu kā'vasthetyata āha

yathā dakṣiṇā vyākhyātāstathaivottarā veditavyāḥ hairaṇyavatakā haimavatakaistulyāḥ rāmyakā hārivarṣakaistulyāḥ devakuravakairauttarakuravakāḥ samākhyātāḥ

atha videheṣvavasthiteṣu kā sthitirityatrocyate

sarveṣu videheṣu saṃkhyeyakālā manuṣyāḥ tatra kālaḥ suṣamaduṣṣamāntopamaḥ sadā'vasthitaḥ manuṣyāśca pañcadhanuḥśatotsedhāḥ nityāhārāḥ utkarṣeṇaikapūrvakoṭīsthiti

kāḥ jaghanyenāntarmuhūrtāyuṣaḥ tasyāśca sambandhe gāthāṃ paṭhanti

ukto bharatasya viṣkambhaḥ punaḥ prakārāntareṇa tatpratipattyarthamāha

jambūdvīpaviṣkambhasya yojanaśatasahasrasya navatiśatabhāgīkṛtasyaiko bhāgo bharatasya viṣkambhaḥ sa pūrvokta eva uktaṃ jambūdvīpaṃ parivṛtya vedikā sthitā tataḥ paro lavaṇodaḥ samudro dviyojanaśatasahasravalayaviṣkambhaḥ tataḥ paro dhātakīkhaṇḍo dvīpaścaturyojanaśatasahasravalayaviṣkambhaḥ

tatra varṣādīnāṃ saṃkhyādividhipratipattyarthamāha

bharatādīnāṃ dravyāṇāmihābhyāvṛttirvivakṣitā tatra kathaṃ suc adhyāhriyamāṇakriyābhyāvṛttidyotanārthaḥ suc yathā dvistāvānayaṃ prāsādo mīyata iti evaṃ

dvirdhātakīkhaṇḍe bharatādayo mīyante iti tadyathā dvābhyāmiṣvākāraparvatābhyāṃ dakṣiṇottarāyatābhyāṃ lavaṇodakālodavedikāspṛṣṭakoṭibhyāṃ vibhavato dhātakīkhaṇḍaḥ pūrvāpara iti tatra pūrvasya aparasya ca madhye dvau mandarau tayorubhayato bharatādīni kṣetrāṇi himavadādayaśca varṣadheraparvatāḥ evaṃ dvau bharatau dvau himavantau ityevamādi saṃkhyānaṃ dviguṇaṃ veditavyam jambūdvīpahimavadādīnāṃ varṣadharāṇāṃ yo viṣkambhastaddviguṇo dhātakīkhaṇḍe himavadādīnāṃ varṣadharāṇām varṣadharāścakrāravadavasthitāḥ aravivarasaṃsthānāni kṣetrāṇi jambūdvīpe yatra jambūvṛkṣaḥ sthitaḥ tatra dhātakīkhaṇḍe dhātakīvṛkṣaḥ saparivāraḥ tadyogāddhātakīkhaṇḍa iti dvīpasya nāma pratītam tatparikṣepī kālodaḥ samudraḥ ṭaṅkacchinnatīrthaḥ aṣṭayojanaśatasahasravalayaviṣkambhaḥ kālodaparikṣepī puṣkaradvīpaḥ ṣoḍaśayojanaśatasahasravalayaviṣkambhaḥ

tatra dvīpāmbhonidhiviṣkambhadviguṇapariklṛptivaddhātakīkhaṇḍavarṣādidviguṇavṛddhiprasaṅge viśeṣāvadhāraṇārthamāha

kim dvirityanuvartate kimapekṣā dvirāvṛttiḥ jambūdvīpabharatahimavadādyapekṣayaiva kutaḥ vyākhyānataḥ yathā dhātakīkhaṇḍe himavadādīnāṃ viṣkambhastathā puṣkarārdhe himavadādīnāṃ viṣkambho dviguṇa iti vyākhyāyate nāmāni tānyeva iṣvākārau mandarau ca pūrvavat yatra jambūvṛkṣastatra puṣkaraṃ saparivāram tata eva tasya dvīpasya nāma rūḍhaṃ puṣkaradvīpa iti atha kathaṃ puṣkarārddhasañjñā mānuṣottaraśailena vibhaktārdhatvātpuṣkarārdhasañjñā

atrāha kimarthaṃ jambūdvīpahimavadādisaṃkhyā dvirāvṛttā puṣkarārdhe kathyate na punaḥ kṛtsna eva puṣkaradvīpe ityatrocyate

puṣkaradvīpabahumadhyadeśabhāgī valayavṛtto mānuṣottaro nāma śailaḥ tasmātprāgeva

manuṣyā na bahiriti tato na bahiḥ pūrvoktakṣetravibhāgo'sti nāsmāduttaraṃ kadācidapi vidyādharā ṛddhiprāptā api manuṣyā gacchanti anyatropapādasamuddhātābhyām tato' syānvarthasañjñā evaṃ jambūdvīpādiṣvardhatṛtīyeṣu dvīpeṣu dvayośca samudayormanuṣyā veditavyāḥ te dvividhāḥ

guṇairguṇavadbhirvā aryanta ityāryāḥ te dvividhā ṛddhiprāptāryā anṛddhiprāptāryā

śceti anṛddhiprāptāryāḥ pañcavidhāḥkṣetrāryā jātyāryāḥ karmāryāścāritrāryā darśanāryāśceti ṛddhiprāptāryāḥ saptavidhāḥ buddhivikriyātapobalauṣadharasākṣīṇabhedāt

mlecchā dvividhāḥantardvīpajāḥ karmabhūmijāśceti tatrāntardvīpā lavaṇodadherabhyantare pārśve'ṣṭāsu dikṣvaṣṭau tadantareṣu cāṣṭau himavacchikhariṇorubhayośca vijayārddhayoranteṣvaṣṭau tatra dikṣu dvīpā vedikāyāstiryak pañcayojanaśatāni praviśya bhavanti vidikṣvantareṣu ca dvīpāḥ pañcāśatpañcayojanaśateṣu gateṣu bhavanti śailānteṣu dvīpāḥ ṣaṭ yojanaśateṣu gateṣu bhavanti dikṣu dvīpāḥ śatayojanavistārāḥ vidikṣvantareṣu ca dvīpāstadardhaviṣkambhāḥ śailānteṣu pañcaviṃśatiyojanavistārāḥ

tatra pūrvasyāṃ diśyekorukāḥ aparasyāṃ diśi lāṅgūlinaḥ uttarasyāṃ diśyabhāṣakāḥ dakṣiṇasyāṃ diśi viṣāṇinaḥ śaśakarṇaśaṣkulīkarṇaprāvaraṇakarṇalambakarṇāḥ vidikṣu aśvasiṃhaśvamahiṣavarāhavyāghrakākakapimukhā antareṣu meghamukhavidyunmukhāḥ

śikhariṇa ubhayorantayoḥ matsyamukhakālamukhā himavata ubhayorantayoḥ hastimukhādarśamukhāḥ uttaravijayārdhasyobhayorantayoḥ gomukhameṣamukhā dakṣiṇavijayārdhasyobhayorantayoḥ ekorukā mṛdāhārā guhāvāsinaḥ śeṣāḥ puṣpaphalāhārā vṛkṣavāsinaḥ sarve te palyopamāyuṣaḥ

te caturviṃśatirapi dvīpā jalatalādekayojanotsedhāḥ lavaṇodadherbāhyapārśve'pyevaṃ caturviṃśatirdvīpā vijñātavyāḥ tathā kālode'pi veditavyāḥ ta ete'ntardvīpajā mlecchāḥ karmabhūmijāṃśca śakayavanaśavarapulindādayaḥ

kāḥ punaḥ karmabhūmaya ityata āha

bharatā airāvatā videhāśca pañca pañca etāḥ karmabhūmaya iti vyapadiśyante tatra 'videha'grahaṇāddevakurūttarakurugrahaṇe prasavate tatpratiṣedhārthamāha 'anyatra devakurūttarakukurubhyaḥ' iti 'anyatra' śabdo varjanārthaḥ devakurava uttarakuravo haimavato harivarṣo ramyako hairaṇyavato'ntardvīpāśca bhogabhūmaya iti vyapadiśyante atha kathaṃ karmabhūmitvam śubhāśubhalakṣaṇasya karmaṇo'dhiṣṭhānatvāt nanu sarvaṃ lokatritayaṃ karmaṇo'dhiṣṭhānameva tata evaṃ prakarṣagatirvijñāsyate prakarṣeṇa yatkarmaṇo'dhiṣṭhānamiti tatrāśubhakarmaṇastāvatsaptamanarakaprāpaṇasya bharatādiṣvevārjanam śubhasya ca sarvārthasiddhyādi sthānaviśeṣaprāpaṇasya karmaṇa upārjanaṃ tatraiva kṛṣyādilakṣaṇasya ṣaḍvidhasya karmaṇaḥ pātradānādisahitasya tatraivārambhātkarmabhūmivyapadeśo veditavyaḥ itarāstu daśavidhakalpavṛkṣakalpitabhogānubhavanaviṣayatvādbhogabhūmaya iti vyapadiśyante

uktāsu bhūmiṣu manuṣyāṇāṃ sthitiparicchedārthamāha

trīṇi palyopamāni yasyāḥ sā tripalyopamā antargato muhūrto yasyāḥ sā antarmuhūrtā yathāsaṃkhyenābhisambandhaḥ manuṣyāṇāṃ parā utkṛṣṭā sthitistripalyopamā aparā jaghanyā antarmuhūrtā madhye anekavikalpā tatra palyaṃ trividham vyavahārapalyamuddhārapalyamaddhāpalyamiti anvarthasaṃjñā etāḥ ādyaṃ vyavahārapalyamityucyata uttarapalyadvayavyavahārabījatvāt nānena kiñcitparicchedyamastīti dvitīyamuddhārapalyam tata uddhṛtairlomakacchedairdvīpasamudrāḥ saṃkhyāyanta iti tṛtīyamaddhāpalyam addhā kālasthitirityarthaḥ tatrādyasya pramāṇaṃ kathyate tatparicchedanārthatvāt tadyathā pramāṇāṅgulaparimitayojanaviṣkambhāyāmāvagāhāni trīṇi palyāni kuśūlā ityarthaḥ ekādi saptāntāhorātrajātāvivālāgrāṇi tāvacchinnāni yāvadvitīyaṃ kartaricchedaṃ nāvāpnuvanti tādṛśairlomacchedaiḥ paripūrṇaṃ ghanīkṛtaṃ vyavahārapalyamityucyate tato varṣaśate varṣaśate gate

ekaikalomāpakarṣaṇavidhinā yāvatā kālena tadriktaṃ bhavettāvānkālo vyavahārapalyopamākhyaḥ taireva lomacchedaiḥ pratyekamasaṃkhyeyavarṣakoṭīsamayamātracchinnaistatpūrṇamuddhārapalyam tataḥ samaye samaye ekaikasmin romacchede'pakṛṣyamāṇe yāvatā kālena tadriktaṃ bhavati tāvānkāla uddhārapalyopamākhyaḥ eṣāmuddhārapalyāṇāṃ daśakoṭīkoṭya ekamuddhārasāgaropamam ardhatṛtīyoddhārasāgaropamānāṃ yāvanto romacchedāstāvanto dvīpasamudrāḥ punaruddhārapalyaromacchedairvarṣaśatasamayamātracchinnaiḥ pūrṇamaddhāpalyam tataḥ samaye samaye ekaikasmin romacchede'pakṛṣyamāṇe yāvatā kālena tadriktaṃ bhavati tāvānkālo'ddhāpalyopamākhyaḥ eṣāmaddhāpalyānāṃ daśakoṭīkoṭya ekamaddhāsāgaropamam daśāddhāsāgaropamakoṭīkoṭya ekāvasarpiṇī tāvatyevotsarpiṇī anenāddhāpalyena nārakatairyagyonānāṃ devamanuṣyāṇāṃ ca karmasthitirbhavasthitirāyuḥsthitiḥ kāyasthitiśca paricchettavyā uktā ca saṃgrahagāthā

yathaivaite utkṛṣṭajaghanye sthitī nṛṇāṃ tathaiva

tiraścāṃ yonistiryagyoniḥ tiryaggatināmakarmodayāpāditaṃ janmetyarthaḥ tiryagyonau jātāstiryagyonijāḥ teṣāṃ tiryagyonijānāmutkṛṣṭā bhavasthitistripalyopamā jaghanyā antarmuhūrtā madhye'nekavikalpāḥ

iti tattvārthavṛttau sarvārthasiddhisañjñikāyāṃ tṛtīyo'dhyāyaḥ

atha caturtho'dhyāyaḥ

'bhavapratyayo'vadhirdevanārakāṇām' ityevamādiṣvasakṛddevaśabda uktastatra na jñāyate ke devāḥ katividhā iti tannirṇayārthamāha

devagatināmakarmodaye satyabhyantare hetau bāhyavibhūtiviśeṣaiḥ dvīpādrisamudrādipradeśeṣu yatheṣṭaṃ dīvyanti krīḍantīti devāḥ ihaikavacananirdeśo yuktaḥ 'devaścaturṇikāyaḥ' iti sa jātyabhidhānādbahūnāṃ pratipādako bhavati bahutvanirdeśastadantargatabhedapratipattyarthaḥ indrasāmānikādayo bahabo bhedāḥ santi sthityādikṛtāśca tatsūcanārthaḥ devagatināmakarmodayasya svakarmaviśeṣāpāditabhedasya sāmarthyānnicīyanta iti nikāyāḥ saṃghātā ityarthaḥ

catvāro nikāyā yeṣāṃ te caturṇikāyāḥ ke punaste bhavanavāsino vyantarā jyotiṣkā vaimānikāśceti

teṣāṃ leśyāvadhāraṇārthamucyate

'ādita' ityucyate ante madhye anyathā vā grahaṇaṃ mā vijñāyīti ādau āditaḥ dvayorekasya ca nivṛttyarthaṃ 'tri'grahaṇaṃ kriyate atha caturṇṇāṃ nivṛttyarthaṃ kasmānna bhavati 'ādita' iti vacanāt ṣaḍ leśyā uktāḥ tatra catasṛṇāṃ leśyānāṃ grahaṇārthaṃ 'pītānta' grahaṇaṃ kriyate pītaṃ teja ityarthaḥ pītā ante yāsāṃ tāḥ pītāntāḥ pītāntā leśyā yeṣāṃ te pītāntaleśyāḥ etaduktaṃ bhavati āditastriṣu nikāyeṣu bhavanavāsivyantarajyotiṣkanāmasu devānāṃ kṛṣṇā nīlā kāpotā pīteti catasro leśyā bhavanti

teṣāṃ nikāyānāmantarvikalpapratipādanārthamāha

caturṇṇāṃ devanikāyānāṃ daśādibhiḥ saṃkhyāśabdairyathāsaṃkhyamabhisambandho veditavyaḥ daśavikalpā bhavanavāsinaḥ aṣṭavikalpā vyantarāḥ pañcavikalpā jyotiṣkāḥ dvādaśavikalpā vaimānikā iti sarvavaimānikānāṃ dvādaśavikalpāntaḥpātitve prasakte graiveyakādinivṛttyarthaṃ viśeṣaṇamupādīyate 'kalpopapannaparyantā' iti atha kathaṃ kalpasañjñā indrādayaḥ prakārā daśa eteṣu kalpyanta iti kalpāḥ bhavanavāsiṣu tatkalpanāsambhave'pi rūḍhivaśādvaimānikeṣveva vartate kalpaśabdaḥ kalpeṣūpapannāḥ kalpopapannāḥ kalpopapannāḥ paryantā yeṣāṃ te kalpopapannaparyantāḥ

punarapi tadviśeṣapratipattyarthamāha

anyadevāsādhāraṇāṇimādiguṇayogādindantīti indrāḥ ājñaiśvaryavarjitaṃ yatsthānāyurvīryaparivārabhogopabhogādi tatsamānaṃ tasminsamāne bhavāḥ sāmānikā mahattarāḥ pitṛgurūpādhyāyatulyāḥ mantripurohitasthānīyāstrāyastriṃśāḥ trayastriṃśadeva trāyastriṃśāḥ vayasyapīṭhamardasadṛśāḥ pariṣadi bhavāḥ pāriṣadāḥ ātmarakṣāḥ śirorakṣopamānāḥ arthacarārakṣakasamānā lokapālāḥ lokaṃ pālayantīti lokapālāḥ padātyādīni sapta anīkāni daṇḍasthānīyāni prakīrṇakāḥ paurajānapadakalpāḥ ābhiyogyā dāsasamānā vāhanādikarmaṇi pravṛttāḥ antevāsisthānīyāḥ kilviṣikāḥ kilbiṣaṃ pāpaṃ yeṣāmastīti kilviṣikāḥ

ekaikasya nikāyasya ekaśa ete indrādayo daśa vikalpāścaturṣu nikāyeṣūtsargeṇa prasaktāstato'pavādārthamāha

vyantareṣu jyotiṣkeṣu ca trāyastriṃśāṃllokapālāṃśca varjayitvā itare'ṣṭau vikalpā draṣṭavyāḥ

atha teṣu nikāyeṣu kimekaika indra utānyaḥ pratiniyamaḥ kaścidastītyata āha

pūrvayornikāyayorbhavanavāsivyantaranikāyayoḥ kathaṃ dvitīyasya pūrvatvam sāmīpyātpūrvatvamupacaryoktam 'dvīndrāḥ' iti antarnītavīpsārthaḥ dvau dvau indrau yeṣāṃ te dvīndrā iti yathā saptaparṇo'ṣṭāpada iti tadyathā bhavanavāsiṣu tāvadasurakumārāṇāṃ dvāvindrau camaro vairocanaśca nāgakumārāṇāṃ dharaṇo bhūtānandaṃśca vidyutkumārāṇāṃ harisiṃho harikāntaśca suparṇakumārāṇāṃ veṇudevo veṇudhārī ca agnikumārāṇāmagniśikho'gnimāṇavaśca vātakumārāṇāṃ vailambaḥ prabhañjanaśca stanitakumārāṇāṃ sughoṣo mahāghoṣaśca udadhikumārāṇāṃ jalakānto jalaprabhaśca dvīpakumārāṇāṃ pūrṇo vasiṣṭhaśca dikkumārāṇāmamitagatiramitavāhanaśceti vyantareṣvapi kinnarāṇāṃ dvāvindrau kinnaraḥ kimpuruṣaśca kimpuruṣāṇāṃ satpuruṣo mahāpuruṣaśca mahoragāṇāmatikāyo mahākāyaśca gandharvāṇāṃ gītaratirgītayaśāśca yakṣāṇāṃ pūrṇabhadro māṇibhadraśca rākṣasānāṃ bhīmo mahābhīmaśca bhūtānāṃ pratirūpo'pratirūpaśca piśācānāṃ kālo mahākālaśca

athaiṣāṃ devānāṃ sukhaṃ kīdṛśamityukte sukhāvabodhanārthamāha

pravīcāro maithunopasevanam kāyena pravīcāro yeṣāṃ te kāyapravīcārāḥ āṅ abhividhyarthaḥ asaṃhitayā nirdeśaḥ asandehārthaḥ ete bhavanavāsyādaya aiśānāntāḥ saṃklliṣṭakarmatvānmanuṣyavatstrīviṣayasukhamanubhavantītyarthaḥ

avadhigrahaṇāditareṣāṃ sukhavibhāge'nirjñāte tatpratipādanārthamāha

uktāvaśiṣṭagrahaṇārthaṃ 'śeṣa'grahaṇam ke punaruktāvaśiṣṭāḥ kalpavāsinaḥ sparśaśca rūpaṃ ca śabdaśca manaśca sparśarūpaśabdamanāṃsi teṣu pravīcāro yeṣāṃ te sparśarūpaśabdamanaḥpravīcārāḥ kathamabhisambandhaḥ ārṣāvirodhena kutaḥ punaḥ 'pravīcāra' grahaṇam

iṣṭasampratyayārthamiti kaḥ punariṣṭo'bhisambandhaḥ ārṣāvirodhī sānatkumāramāhendrayordevā devāṅganāṅgasparśamātrādeva parāṃ prītimupalabhante tathā devyo'pi brahmabrahmottaralāntavakāpiṣṭheṣu devā divyāṅganānāṃ śṛṅgārākāravilāsacaturamanojñaveṣarūpāvalokanamātrādeva paramasukhamāpnuvanti śukramahāśukraśatārasahasrāreṣu devā devavanitānāṃ madhurasaṅgītamṛduhasitalalitakathitabhūṣaṇaravaśravaṇamātrādeva parāṃ prītimāskandanti ānataprāṇatāraṇācyutakalpeṣu devā svāṅganāmanaḥsaṅkalpamātrādeva paraṃ sukhamāpnuvanti

athottareṣāṃ kiṃprakāraṃ sukhamityukte tanniścayārthamāha

'para' grahaṇamitarāśeṣasaṃgrahārtham 'apravīcāra'grahaṇaṃ paramasukhapratipattyartham pravīcāro hi vedanāpratikāraḥ tadabhāve teṣāṃ paramasukhamanavarataṃ bhavati

uktā ye ādinikāyadevā daśavikalpā iti teṣāṃ sāmānyaviśeṣasañjñāvijñāpanārthamidamucyate

bhavaneṣu vasantītyevaṃśīlā bhavanavāsinaḥ ādinikāyasyeyaṃ sāmānyasañjñā asurādayo viśeṣasañjñā viśiṣṭanāmakarmodayāpāditavṛttayaḥ sarveṣāṃ devānāmavasthitavayaḥsvabhāvatve'pi veṣabhūṣāyudhayānavāhanakrīḍanādiṃ kumāravadeṣāmābhāsata iti bhavanavāsiṣu kumāravyapadeśo rūḍhaḥ sa pratyekaṃ parisamāpyate asurakumārā ityevamādi kva teṣāṃ bhavanānīti cet ucyate ratnaprabhāyāḥ paṅkabahulabhāge'surakumārāṇāṃ bhavanāni kharapṛthivībhāge uparyadhaśca ekaikayojanasahasraṃ varjayitvā śeṣanavānāṃ kumārāṇāmāvāsāḥ

dvitīyanikāyasya sāmānyaviśeṣasañjñāvadhāraṇārthamāha

vividhadeśāntarāṇi yeṣāṃ nivāsāste 'vyantarā' ityanvarthā sāmānyasañjñeyamaṣṭānāmapi vikalpānām teṣāṃ vyantarāṇāmaṣṭau vikalpāḥ kinnarādayo veditavyā nāmakarmodayaviśeṣāpāditāḥ kva punasteṣāmāvāsā iti cet ucyate asmājjambūdvīpāda

saṃkhyeyāndvīpasamudrānatītya upariṣṭe kharapṛthivībhāge saptānāṃ vyantarāṇāmāvāsāḥ rākṣasānāṃ paṅkabahulabhāge

tṛtīyasya nikāyasya sāmānyaviśeṣasaṃjñāsaṅkīrtanārthamāha

jyotissvabhāvatvādeṣāṃ pañcānāmapi 'jyotiṣkā' iti sāmānyasaṃjñā anvarthā sūryādayastadviśeṣasaṃjñā nāmakarmodayapratyayāḥ 'sūryācandramasau' iti pṛthaggrahaṇaṃ prādhānyakhyāpanārtham kiṃkṛtaṃ punaḥ prādhānyam prabhāvādikṛtam kva punasteṣāmāvāsāḥ ityatrocyate asmātsamād bhūmibhāgādūrdhvaṃ saptayojanaśatāni navatyuttarāṇi utpattya sarvajyotiṣāmadhobhāgavinyastāstārakāścaranti tato daśayojanānyutpatya sūryāścaranti tato'śītiyojanānyutpatya candramaso bhramanti tataścatvāri yojanānyutpatya nakṣatrāṇi tataścatvāri yojanānyutpatya budhāḥ tatastrīṇi yojanānyutpatya śukrāḥ tatastrīṇi yojanānyutpatya bṛhaspatayaḥ tatastrīṇi yojanānyutpatyāṅgārakāḥ tatastrīṇi yojanānyutpatya śanaiścarāścaranti sa eṣa jyotirgaṇagocaro nabho'vakāśo daśādhikayojanaśata

bahalastiryagasaṃkhyātadvīpasamudrapramāṇo ghanodadhiparyantaḥ uktaṃ ca

jyotiṣkāṇāṃ gativiśeṣapratipattyarthamāha

meroḥ pradakṣiṇā merupradakṣiṇāḥ 'merupradakṣiṇāḥ' iti vacanaṃ gativiśeṣapratipattyarthaṃ viparītā gatirmā vijñāyīti 'nityagatayaḥ' iti viśeṣaṇamanuparatakriyāpratipādanārtham 'nṛloka' grahaṇaṃ viṣayārtham ardhatṛtīyeṣu dvīpeṣu dvayośca samudrayorjyotiṣkā nityagatayo nānyatreti jyotiṣkavimānānāṃ gatihetvabhāvāttadvṛttyabhāva iti cet na asiddhatvāt gatiratābhiyogyadevapreritagatipariṇāmātkarmavipākasya vaicitryāt teṣāṃ hi gatimukhenaiva karma vipacyata iti ekādaśabhiryojanaśatairekaviṃśairmerumaprāpya jyotiṣkāḥ pradakṣiṇāścaranti

gatimajjyotissambandhena vyavahārakālapratipattyarthamāha

'tad'grahaṇaṃ gatimajjyotiḥpratinirdeśārtham na kevalayā gatyā nāpi kevalairjyotirbhiḥ kālaḥ paricchidyate anupalabdheraparivartanācca kālo dvividho vyāvahāriko mukhyaśca vyāvahārikaḥ kālavibhāgastatkṛtaḥ samayāvalikādiḥ kriyāviśeṣaparicchinno'nyasyāparicchinnasya paricchedahetuḥ mukhyo'nyo vakṣyamāṇalakṣaṇaḥ

itaratra jyotiṣāmavasthānapratipādanārthamāha

'bahiḥ'ityucyate kuto bahiḥ nṛlokāt kathamavagamyate arthavaśādvibhaktipariṇāmo bhavati nanu ca nṛloke 'nityagati'vacanādanyatrāvasthānaṃ jyotiṣkāṇāṃ siddham ato bahiravasthitā iti vacanamanarthakamiti tanna kiṃ kāraṇam nṛlokādanyatra hi jyotiṣāmastitvamavasthānaṃ cāsiddham atastadubhayasiddhyarthaṃ bahiravasthitā ityucyate viparītagatinivṛttyarthaṃ kādācitkagatinivṛttyarthaṃ ca sūtramārabdham

turīyasya nikāyasya sāmānyasañjñāsaṅkīrtanārthamāha

'vaimānika'grahaṇamadhikārārtham ita uttaraṃ ye vakṣyante teṣāṃ vaimānikasampratyayo yathā syāditi adhikāraḥ kriyate viśeṣeṇātmasthān sukṛtino mānayantīti vimānāni vimāneṣu bhavā vaimānikāḥ tāni vimānāni trividhāni indrakaśreṇīpuṣpaprakīrṇakabhedena tatra indrakavimānāni indravanmadhye'vasthitāni taṣāṃ catasṛṣu dikṣu ākāśapradeśaśreṇivadavasthānāt śreṇivimānāni vidikṣu prakīrṇapuṣpavadavasthānātpuṣpaprakīrṇakāni

teṣāṃ vaimānikānāṃ bhedāvabodhanārthamāha

kalpeṣūpapannāḥ kalpopapannāḥ kalpānatītāḥ kalpātītāśceti dvividhā vaimānikāḥ teṣāmavasthānaviśeṣanirjñānārthamāha

kimarthamidamucyate tiryagavasthitipratiṣedhārthamucyate na jyotiṣkavattiryagavasthitāḥ na vyantaravadasamāvasthitayaḥ 'uparyupari' ityucyante ke te kalpāḥ

yadyevaṃ kiyatsu kalpavimāneṣu te devā bhavantītyata āha

kathameṣāṃ saudharmādiśabdānāṃ kalpābhidhānam cāturarthikenāṇā svabhāvato vā kalpasyābhidhānaṃ bhavati atha kathamindrābhidhānam svabhāvataḥ sāhacaryādvā tatkathamiti cet ucyate sudharmā nāma sabhā sā'sminnastīti saudharmaḥ kalpaḥ 'tadasminnastīti' aṇ tatkalpasāhacaryādindro'pi saudharmaḥ īśāno nāma indraḥ svabhāvataḥ īśānasya nivāsaḥ kalpa aiśānaḥ 'tasya nivāsaḥ' ityaṇ tatsāhacaryādindro'ppaiśānaḥ sanatkumāro nāma indraḥ svabhāvataḥ 'tasya nivāsaḥ' ityaṇ sānatkumāraḥ kalpaḥ tatsāhacaryādi

ndro'pi sānatkumāraḥ mahendro nāmendraḥ svabhāvataḥ tasya nivāsaḥ kalpo māhendraḥ tatsāhacaryādindro'pi māhendraḥ evamuttaratrāpi yojyam āgamāpekṣayā vyavasthā bhavatīti 'uparyupari' ityanena dvayordvayorabhisambandho veditavyaḥ prathamau saudharmaiśānakalpau tayorupari sānatkumāramāhendrau tayorupari brahmalokabrahmottarau tayorupari lāntavakāpiṣṭhau tayorupari śukramahāśukrau tayorupari śatārasahasrārau tayorupari ānataprāṇatau tayorupari āraṇācyutau adha upari ca pratyekamindrasambandho veditavyaḥ madhye tu pratidvayam saudharmaiśānasānatkumāramāhendrāṇāṃ caturṇāṃ catvāra indrāḥ brahmalokabrahmottarayoreko brahmā nāma lāntavakāpiṣṭhayoreko lāntavākhyaḥ śukramahāśukrayorekaḥ śukrasañjñaḥ śatārasahasrārayorekaḥ śatāranāmā ānataprāṇatāraṇācyutānāṃ caturṇṇāṃ catvāraḥ evaṃ kalpavāsināṃ dvādaśa indrā bhavanti

jambūdvīpe mahāmandaro yojanasahasrāvagāho navanavatiyojanasahasrocchrāyaḥ tasyādhastādadholokaḥ bāhalyena tatpramāṇastiryakprasṛtastiryaglokaḥ tasyopariṣṭādūrdhva

lokaḥ merucūlikā catvāriṃśadyojanocchrāyā tasyā upari keśāntaramātre vyavasthitamṛjuvimānamindrakaṃ saudharmasya sarvamanyallokānuyogādveditavyam 'navasu graiveyakeṣu' iti navaśabdasya pṛthagvacanaṃ kimartham anyānyapi navavimānāni anudiśasañjñakāni santīti jñāpanārtham tenānudiśānāṃ grahaṇaṃ veditavyam

eṣāmadhikṛtānāṃ vaimānikānāṃ parasparato viśeṣapratipattyarthamāha

svopāttasyāyuṣa udayāttasminbhave śarīreṇa sahāvasthānaṃ sthitiḥ śāpānugrahaśaktiḥ prabhāvaḥ sukhamindriyārthānubhavaḥ śarīravasanābharaṇādidīptiḥ dyutiḥ leśyā uktā leśyāyā viśuddhirleśyāviśuddhiḥ indriyāṇāmavadheśca viṣaya indriyāvadhiviṣayaḥ tebhyastairvā'dhikā iti tasiḥ uparyupari pratikalpaṃ pratiprastāraṃ ca vaimānikāḥ sthityādi

bhiradhikā ityarthaḥ

yathā sthityādibhiruparyuparyadhikā evaṃ gatyādibhirapītyatiprasaṅge tannivṛttyarthamāha

deśāddeśāntaraprāptiheturgatiḥ śarīraṃ vaikriyikamuktam lobhakaṣāyodayādviṣayeṣu saṅgaḥ parigrahaḥ mānakaṣāyādutpanno'haṅkāro'bhimānaḥ etairgatyādibhiruparyupari hīnāḥ deśāntaraviṣayakrīḍāratiprakarṣābhāvāduparyupari gatihīnāḥ śarīraṃ saudharmaiśānayordevānāṃ saptāratnipramāṇam sānatkumāramāhendrayoḥ ṣaḍaratnipramāṇam brahmalokabrahmottaralāntavakāpiṣṭheṣu pañcāratnipramāṇam śukramahāśukraśatārasahasrāreṣu caturaratnipramāṇam ānataprāṇatayorarddhacaturthāratnipramāṇam āraṇācyutayostryaratnipramāṇam adhograiveyakeṣu arddhatṛtīyāratnipramāṇam madhyagraiveyakeṣvaratnidvayapramāṇam uparimagraiveyakeṣu anudiśavimānakeṣu ca adhyarddhāratnipramāṇam anuttareṣvaratnipramāṇam parigrahaśca vimānaparicchadādiruparyupari hīnaḥ abhimānaścoparyupari tanukaṣāyatvāddhīnaḥ

purastāttriṣu nikāyeṣu devānāṃ leśyāvidhiruktaḥ idānīṃ vaimānikeṣu leśyāvidhipratipattyarthamāha

pītā ca padmā ca śuklā ca tāḥ pītapadmaśuklāḥ pītapadmaśuklā leśyā yeṣāṃ te pītapadmaśuklaleśyāḥ kathaṃ hrasvatvam auttarapadikam yathā 'drutāyāṃ taparakaraṇe madhyamavilambitayorupasaṃkhyānam' iti athavā pītaśca padmaśca śuklaśca pītapadmaśuklā varṇavanto'rthāḥ teṣāmiva leśyā yeṣāṃ te pītapadmaśuklaleśyāḥ tatra kasya kā leśyā iti atrocyate saudharmaiśānayoḥ pītaleśyāḥ sānatkumāramāhendrayoḥ pītapadmaleśyāḥ brahmalokabrahmottaralāntavakāpiṣṭheṣu padmaleśyāḥ

śukramahāśukraśatārasahasrāreṣu padmaśuklaleśyāḥ ānatādiṣu śuklaleśyāḥ tatrāpyanudiśānuttareṣu paramaśuklaleśyāḥ sūtre'nabhihitaṃ kathaṃ miśragrahaṇam sāhacaryāllokavat tadyathā chatriṇo gacchanti iti acchatriṣu chatrivyavahāraḥ evamihāpi miśrayoranyataragrahaṇaṃ bhavati ayamarthaḥ sūtrataḥ kathaṃ gamyate iti cet ucyate evamabhisambandhaḥ kriyate dvayoḥ kalpayugalayoḥ pītaleśyā sānatkumāramāhendrayoḥ padmaleśyāyā avivakṣātaḥ brahmalokādiṣu triṣu kalpayugaleṣu padmaleśyā śukramahāśukrayoḥ śuklaleśyāyā avivakṣātaḥ śeṣeṣu śatārādiṣu śuklaleśyā padmaleśyāyā avivakṣātaḥ iti nāsti doṣaḥ

āha kalpopapannā ityuktaṃ tatredaṃ na jñāyate ke kalpā ityatrocyate

idaṃ na jñāyate ita ārabhya kalpā bhavantīti saudharmādigrahaṇamanuvartate tenāyamartho labhyate saudharmādayaḥ prāggraiveyakebhyaḥ kalpā iti pāriśeṣyāditare kalpātītā iti

laukāntikā devā vaimānikāḥ santaḥ kva gṛhyante kalpopapanneṣu kathamiti ceducyate

etya tasmin līyanta iti ālaya āvāsaḥ brahmaloka ālayo yeṣāṃ te brahmalokālayā laukāntikā devā veditavyāḥ yadyevaṃ sarveṣāṃ brahmalokālayānāṃ devānāṃ laukāntikatvaṃ prasaktam anvarthasañjñāgrahaṇādadoṣaḥ brahmaloko lokaḥ tasyānto lokāntaḥ tasminbhavā laukāntikā iti na sarveṣāṃ grahaṇam teṣāṃ hi vimānāni brahmalokasyānteṣu sthitāni athavā janmajarāmaraṇākīrṇo lokaḥ saṃsāraḥ tasyānto lokāntaḥ lokānte bhavā laukāntikāḥ te sarve parītasaṃsārāḥ tataścyutā ekaṃ garbhāvāsaṃ prāpya parinirvāsyantīti

teṣāṃ sāmānyenopadiṣṭānāṃ bhedapradarśanārthamāha

kva ime sārasvatādayaḥ aṣṭāsvapi pūrvottarādiṣu dikṣu yathākramamete sārasvatādayo devagaṇā veditavyāḥ tadyathā pūrvottarakoṇe sārasvatavimānam pūrvasyāṃ diśi ādityavimānam pūrvadakṣiṇasyāṃ diśi vahnivimānam dakṣiṇasyāṃ diśi aruṇavimānam dakṣiṇāpara

koṇe gardatoyavimānam aparasyāṃ diśi tuṣitavimānam uttarāparasyāṃ diśi avyābādhavimānam uttarasyāṃ diśi ariṣṭavimānam 'ca'śabdasamuccitāsteṣāmantareṣu dvau devagaṇau tadyathā sārasvatādityāntare agnyābhasūryābhāḥ ādityasya ca vahneścāntare candrābhasatyābhāḥ vahnyaruṇāntarāle śreyaskarakṣemaṅkarāḥ aruṇagardatoyāntarāle vṛṣabheṣṭakāmacārāḥ gardatoyatuṣitamadhye nirmāṇarajodigantarakṣitāḥ tuṣitāvyābādhamadhye ātmarakṣitasarvarakṣitāḥ avyābādhāriṣṭāntarāle marudvasavaḥ ariṣṭasārasvatāntarāle aśvaviśvāḥ sarve ete svatantrāḥ hīnādhikatvābhāvāt viṣayarativirahāddevarṣayaḥ itareṣāṃ devānāmarcanīyāḥ caturdaśapūrvadharāḥ tīrthakaraniṣkramaṇapratibodhanaparā veditavyāḥ

āha uktā laukāntikāstataścyutā ekaṃ garbhavāsamavāpya nirvāsyantītyuktāḥ kimevamanyeṣvapi nirvāṇaprāptikālavibhāgo vidyate ityata āha

'ādi'śabdaḥ prakārārthe vartate tena vijayavaijayantajayantāparājitānudiśavimānānāmiṣṭānāṃ grahaṇaṃ siddhaṃ bhavati kaḥ punaratra prakāraḥ ahamindratve sati samyagdṛṣṭyu

papādaḥ sarvārthasiddhiprasaṅga iti cet na teṣāṃ paramotkṛṣṭatvāt anvarthasañjñāta ekacaramatvasiddheḥ caramatvaṃ dehasya manuṣyabhavāpekṣayā dvau caramau dehau yeṣāṃ te dvicaramāḥ vijayādibhyaścyutā apratipatitasamyaktvā manuṣyeṣūtpadya saṃyamamārādhya punarvijayādiṣūtpadya tataścyutāḥ punarmanuṣyabhavamavāpya siddhyantīti dvicaramadehatvam

āha jīvasyaudayikeṣu bhāveṣu tiryagyonigatiraudayikītyuktaṃ punaśca sthitau 'tiryagyonijānāṃ ca' iti tatra na jñāyate ke tiryagyonayaḥ ityatrocyate

aupapādikā uktā devanārakāḥ manuṣyāśca nirdiṣṭāḥ 'prāṅmānuṣottarānmanuṣyāḥ' iti ebhyo'nye saṃsāriṇo jīvāḥ śeṣāste tiryagyonayo veditavyāḥ teṣāṃ tiraścāṃ

devādīnāmiva kṣetravibhāgaḥ punarnirdeṣṭavyaḥ sarvalokavyāpitvātteṣāṃ kṣetravibhāgo novataḥ

āha sthitiruktā nārakāṇāṃ manuṣyāṇāṃ tiraścāṃ ca devānāṃ noktā tasyāṃ vaktavyāyāmādāvuddiṣṭānāṃ bhavanavāsināṃ sthitipratipādanārthamāha

asurādīnāṃ sāgaropamādibhiryathākramamatrābhisambandho veditavyaḥ iyaṃ sthitirutkṛṣṭā jaghanyā'pyuttaratra vakṣyate tadyathā asurāṇāṃ sāgaropamā sthitiḥ nāgānāṃ tripalyopamāni sthitiḥ suparṇānāmarddhatṛtīyāni dvīpānāṃ dve śeṣāṇāṃ ṣaṇṇāmadhyarddhapalyopamam

ādyadevanikāyasthityabhidhānādanantaraṃ vyantarajyotiṣkasthitivacane kramaprāpte sati tadullaṅghya vaimānikānāṃ sthitirucyate kutaḥ tayoruttaratra laghunopāyena sthitivacanāt teṣu cādāvuddiṣṭayoḥ kalpayoḥ sthitividhānārthamāha

'sāgaropame' iti dvivacananirdeśād dvitvagatiḥ 'adhike' ityayamadhikāraḥ ā kutaḥ ā sahasrārāt idaṃ tu kuto jñāyate uttaratra 'tu'śabdagrahaṇāt tena saudharmaiśānayordevānāṃ dve sāgaropame sātireke pratyetavye

uttarayoḥ sthitiviśeṣapratipattyarthamāha

anayoḥ kalpayordevānāṃ saptasāgaropamāṇi sādhikāni utkṛṣṭā sthitiḥ

brahmalokādiṣvacyutāvasāneṣu sthitiviśeṣapratipattyarthamāha

'sapta'grahaṇaṃ prakṛtam tasyeha tryādibhirnirdiṣṭairabhisambandho veditavyaḥ sapta tribhiradhikāni sapta saptabhiradhikānītyādiḥ dvayordvayorabhisambandho veditavyaḥ 'tu' śabdo viśeṣaṇārthaḥ kiṃ viśinaṣṭi 'adhika' śabdo'nuvartamānaścaturbhirabhisambadhyate

nottarābhyāmityayamartho viśiṣyate tenāyamartho bhavati brahmalokabrahmottarayordaśasāgaropamāṇi sādhikāni lāntavakāpiṣṭhayoścaturdaśasāgaropamāṇi sādhikāni śukramahāśukrayoḥ ṣoḍaśasāgaropamāṇi sādhikāni śatārasahasrārayoraṣṭādaśasāgaropamāṇi sādhikāni ānataprāṇatayorviṃśatisāgaropamāṇi āraṇācyutayordvārviṃśatisāgaropamāṇi

tata ūrdhvaṃ sthitiviśeṣapratipattyarthamāha

'adhika' grahaṇamanuvartate tenehābhisambandho veditavyaḥ ekaikenādhikānīti 'nava'grahaṇaṃ kimartham pratyekamekaikamadhikamiti jñāpanārtham itarathā hi graiveyakeṣvekamevādhikaṃ syāt vijayādiṣviti 'ādi'śabdasya prakārārthatvādanudiśānāmapi grahaṇam sarvārthasiddhestu pṛthaggrahaṇaṃ jaghanyābhāvapratipādanārtham tenāyamarthaḥ adhograiveyakeṣu prathame trayoviṃśatiḥ dvitīye caturviṃśatiḥ tṛtīye pañcaviṃśatiḥ madhyamagraiveyekeṣu prathame ṣaḍviṃ

śatiḥ dvitīye saptaviṃśatiḥ tṛtīye'ṣṭāviṃśatiḥ uparimagraiveyakeṣu prathame ekonatriṃśad dvitīye triṃśat tṛtīye ekatriṃśat anudiśavimāneṣu dvātriṃśat vijayādiṣu trayastriṃśatsāgaropamāṇyutkṛṣṭā sthitiḥ savarthisiddhau trayastriṃśadeveti

nirdiṣṭotkṛṣṭasthitikeṣu deveṣu jaghanyasthitipratipādanārthamāha

palyopamaṃ vyākhyātam aparā jaghanyā sthitiḥ palyopamaṃ sādhikam keṣām saudharmaiśānīyānām kathaṃ gamyate 'parataḥ tarataḥ' ityuttaratra vakṣyamāṇatvāt

tata ūrdhvaṃ jaghanyasthitipratipādanārthamāha

parasmindeśe parataḥ vīpsāyāṃ dvitvam 'pūrva'śabdasyāpi 'adhika'grahaṇamanu

vartate tenaivamabhisambandhaḥ kriyate saudharmaiśānayordve sāgaropame sādhike ukte te sādhike sānatkumāramāhendrayorjaghanyā sthitiḥ sānatkumāramāhendrayoḥ parā sthitiḥ saptasāgaropamāṇi sādhikāni tāni sādhikāni brahmabrahmottarayorjaghanyā sthitirityādi

nārakāṇāmutkṛṣṭā sthitiruktā jaghanyāṃ sūtre'nupāttāmaprakṛtāmapi laghunopāyena pratipādayitumicchannāha

'ca'śabdaḥ kimarthaḥ prakṛtasamuccayārthaḥ kiṃ ca prakṛtam 'parataḥ parataḥ pūrvāpūrvā'nantarā' aparā sthitiriti tenāyamartho labhyate ratnaprabhāyāṃ nārakāṇāṃ parā sthitirekaṃ sāgaropamam sā śarkarāprabhāyāṃ jaghanyā śarkarāprabhāyāmutkṛṣṭā sthitistrīṇi sāgaropamāṇi sā vālukāprabhāyāṃ jaghanyetyādi

evaṃ dvitīyādiṣu jaghanyā sthitiruktā prathamāyāṃ kā jaghanyeti tatpradarśanārthamāha

aparā sthitirityanuvartate ratnaprabhāyāṃ daśavarṣasahasrāṇi aparā sthitirveditavyā atha bhavanavāsināṃ kā jaghanyā sthitirityata āha

'ca'śabdaḥ kimarthaḥ prakṛtasamuccayārthaḥ tena bhavanavāsināmaparā sthitirdaśavarṣasahasrāṇītyabhisambadhyate

vyantarāṇāṃ tarhi kā jaghanyā sthitirityata āha

'ca'śabdaḥ prakṛtasamuccayārthaḥ tenavyantarāṇāmaparā sthitirdaśavarṣasahasrāṇītyavagamyate

athaiṣāṃ parā sthitiḥ kā ityatrocyate

parā utkṛṣṭā sthitirvyantarāṇāṃ palyopamamadhikam idānīṃ jyotiṣkāṇāṃ parā sthitirvaktavyetyata āha

'ca'śabdaḥ prakṛtasamuccayārthaḥ tenaivamabhisambandhaḥ jyotiṣkāṇāṃ parā sthitiḥ palyopamamadhikamiti

athāparā kiyatītyata āha

tasya palyopamasyāṣṭabhāgo jyotiṣkāṇāmaparā sthitirityarthaḥ

atha laukāntikānāṃ viśeṣoktānāṃ sthitiviśeṣo noktaḥ sa kiyānityatrocyate

aviśiṣṭāḥ sarve te śuklaleśyāḥ pañcahastotsedhaśarīrāḥ

iti tattvārthavṛttau sarvārthasiddhisaṃjñikāyāṃ caturtho'dhyāyaḥ

atha pañcamo'dhyāyaḥ

idānīṃ samyagdarśanasya viṣayabhāvenopakṣipteṣu jīvādiṣu jīvapadārthoṃ vyākhyātaḥ athājīvapadārtho vicāraprāptastasya saṃjñābhedasaṃkīrtanārthamidamucyate

'kāya'śabdaḥ śarīre vyutpāditaḥ ihopacārādadhyāropyate kuta upacāraḥ yathā śarīraṃ pudgaladravyapracayātmakaṃ tathā dharmādiṣvapi pradeśapracayāpekṣayā kāyā iva kāyā iti ajīvāśca te kāyāśca ajīvakāyāḥ 'viśeṣaṇaṃ viśeṣyeṇeti' vṛttiḥ nanu ca nīlotpalādiṣu vyabhicāre sati viśeṣaṇaviśeṣyayogaḥ ihāpi vyabhicārayogo'sti ajīvaśabdo'kāye kāle'pi vartate kāyo'pi jīve kimarthaḥ kāyaśabdaḥ pradeśabahutvajñāpanārthaḥ dharmādīnāṃ

pradeśā bahava iti nanu ca 'asaṃkhyeyāḥ pradeśā dharmādharmaikajīvānām' ityanenaiva pradeśabahutvaṃ jñāpitam satyamidam paraṃ kintvasminvidhau sati tadavadhāraṇaṃ vijñāyate asaṃkhyeyā pradeśā na saṃkhyeyā nāpyanantā iti kālasya pradeśapracayābhāvajñāpanārthaṃ ca iha 'kāya' grahaṇam kāloḥ vakṣyate tasya pradeśapratiṣedhārthamiha 'kāya'grahaṇam yathā'ṇoḥ pradeśamātratvād dvitīyādayo'sya pradeśā na santītyapradeśo'ṇuḥ tathā kālaparamāṇurapyekapradeśatvādapradeśa iti teṣāṃ dharmādīnām 'ajīva' iti sāmānyasañjñā jīvalakṣaṇābhāvamukhena pravṛttā 'dharmādharmākāśapudgalāḥ' iti viśeṣasañjñāḥ sāmayikyaḥ

atrāha 'sarvadravyaparyāyeṣu kevalasya' ityevamādiṣu dravyāṇyuktāni kāni tānītyucyate

yathāsvaṃ paryāyairdrūyante dravanti vā tāni iti dravyāṇi dravyatvayogād dravyamiti

cet na ubhayāsiddheḥ yathā daṇḍadaṇḍinoryogo bhavati pṛthaksiddhayoḥ na ca tathā dravyadravyatve pṛthaksiddhe staḥ yadyapṛthaksiddhayorapi yogaḥ syādākāśakusumasya prakṛtapuruṣasya dvitīyaśirasaśca yogaḥ syāditi atha pṛthaksiddhirabhyupagamyate dravyatvakalpanā nirarthikā guṇasamudāyo dravyamiti cet tatrāpi guṇānāṃ samudāyasya ca bhedābhāve tadvyapadeśo nopapadyate bhedābhyupagame ca pūrvokta eva doṣaḥ nanu guṇāndravanti guṇairvā drūyanta iti vigrahe'pi sa eva doṣa iti cet na kathañcidbhedābhedopapattestadvyapadeśasiddhiḥ vyatirekeṇānupalabdherabhedaḥ saṃjñālakṣaṇaprayojanādibhedād bheda iti prakṛtā dharmādayo bahavastatsāmānādhikaraṇyād bahutvanirdeśaḥ syādetatsaṃkhyānuvṛttivatpulliṅgānuvṛttirapi prāpnoti naiṣa doṣaḥ āviṣṭaliṅgāḥ śabdā na kadācilliṅgaṃ vyabhicaranti ato dharmādayo dravyāṇi bhavantīti

anantaratvāccaturṇāmeva dravyavyapadeśaprasaṅge'dhyāropaṇārthamidamucyate

'jīva'śabdo vyākhyātārthaḥ bahutvanirdeśo vyākhyātabhedapratipattyarthaḥ 'ca' śabdaḥ dravyasañjñānukarṣaṇārthaḥ jīvāśca dravyāṇīti evametāni vakṣyamāṇena kālena saha ṣaḍ dravyāṇi bhavanti nanu dravyasya lakṣaṇaṃ vakṣyate 'guṇaparyayavad dravyam' iti tallakṣaṇayogāddharmādīnāṃ dravyavyapadeśo bhavati nārthaḥ parigaṇanena parigaṇanamavadhāraṇārtham tenānyavādiparikalpitānāṃ pṛthivyādīnāṃ nivṛttiḥ kṛtā bhavati katham pṛthivyaptejovāyumanāṃsi pudgaladravye'ntarbhavanti rūparasagandhasparśavattvāt vāyumanaso rūpādiyogābhāva iti cet na vāyustāvadrūpādimān sparśavattvāddhaṭādivat cakṣurādikaraṇa

grāhyatvābhāvādrūpādyabhāva iti cet na paramāṇvādiṣvatiprasaṅgaḥ syāt āpo gandhavatyaḥ sparśavattvātpṛthivīvat tejo'pi rasagandhavad rūpavattvāt tadvadeva mano'pi dvividhaṃ dravyamano bhāvamanaśceti tatra bhāvamano jñānam tasya jīvaguṇatvādātmanyantarbhāvaḥ dravyamanaśca rūpādiyogātpudgaladravyavikāraḥ rūpādivanmanaḥ jñānopayogakaraṇatvāccakṣurindriyavat nanu amūrte'pi śabde jñānopayogakaraṇatvadarśanād vyabhicārī heturiti cet na tasya paudgalikatvānmūrtimattvopapatteḥ nanu yathā paramāṇūnāṃ rūpādimatkāryadarśanādrṛpādimattvaṃ na tathā vāyumanaso rūpādimatkāryaṃ dṛśyate iti cet n teṣāmapi tadupapatteḥ sarveṣāṃ paramāṇūnāṃ sarvarūpādimatkāryatvaprāptiyogyatvābhyupagamāt na ca kecitpārthivādijātiviśeṣayuktāḥ paramāṇavaḥ santi jātisaṃkareṇārambhadarśanāt diśo'pyākāśe'ntarbhāvaḥ ādityodayādyapekṣayā ākāśapradeśapaṅktiṣu ita idamiti vyavahāropapatteḥ

uktānāṃ dravyāṇāṃ viśeṣapratipattyarthamāha

nityaṃ dhruvamityarthaḥ 'nerdhruve tyaḥ' iti niṣpāditatvāt dharmādīni dravyāṇi gatihetutvādiviśeṣalakṣaṇadravyārthādeśādastitvādisāmānyalakṣaṇadravyārthādeśācca kadācidapi na vyayantīti nityāni vakṣyate hi 'tadbhāvāvyayaṃ nityam' iti iyattā'vyabhi

cārādavasthitāni dharmādīni ṣaḍapi dravyāṇi kadācidapi ṣaḍiti iyattvaṃ nātivartante tato'vasthitānītyucyante na vidyate rūpameṣāmityarūpāṇi rūpapratiṣedhe tatsahacāriṇāṃ rasādīnāmapi pratiṣedhaḥ tena arūpāṇyamūrtānītyarthaḥ

yathā sarveṣāṃ dravyāṇāṃ 'nityāvasthitāni' ityetatsādhāraṇaṃ lakṣaṇaṃ prāptaṃ tathā pudgalānāmapi arūpitvaṃ prāptam atastadapavādārthamāha

rūpaṃ mūrtirityarthaḥ kā mūrtiḥ rūpādisaṃsthānapariṇāmo mūrtiḥ rūpameṣāmastīti rūpiṇaḥ mūrtimanta ityarthaḥ athavā rūpamiti guṇaviśeṣavacanaśabdaḥ tadeṣāmastīti rūpiṇaḥ rasādyagrahaṇamiti cet na tadavinābhāvāttadantarbhāvaḥ 'pudgalāḥ' iti bahuvacanaṃ bhedapratipādanārtham bhinnā hi pudgalāḥ skandhaparamāṇubhedāt tadvikalpa upariṣṭādvakṣyate yadi pradhānavadarūpatvamekatvaṃ ceṣṭaṃ syāt viśvarūpakāryadarśanavirodhaḥ syāt

āha kiṃ pudgalavaddharmādīnyapi dravyāṇi pratyekaṃ bhinnānītyatrocyate

'āṅ' ayamabhividhyarthaḥ sautrīmānupūrvīmāsṛtyaitaduktam taina dharmā'dharmākāśāni gṛhyante 'eka' śabdaḥ saṃkhyāvacanaḥ tena dravyaṃ viśiṣyate ekaṃ dravyaṃ ekadravyamiti yadyevaṃ bahuvacanamayuktam dharmādyapekṣayā bahutvasiddhirbhavati nanu ekasyānekārthapratyāyanaśaktiyogādekaikamityastu laghutvād 'dravya' grahaṇamanarthakam tathāpi dravyāpekṣayā ekatvakhyāpanārthaṃ dravyagrahaṇam kṣetrabhāvādyapekṣayā asaṃkhyeyatvānantatvavikalpasyeṣṭatvānna jīvapudgalavadeṣāṃ bahutvamityetadanena khyāpyate

adhikṛtānāmeva ekadravyāṇāṃ viśeṣapratipattyarthamidamucyate

ubhayanimittavaśādutpadyamānaḥ paryāyo dravyasya deśāntaraprāptihetuḥ kriyā tasyā

niṣkrāntāni niṣkriyāṇi atra codyate dharmādīni dravyāṇi yadi niṣkriyāṇi tatasteṣāmutpādo na bhavet kriyāpūrvako hi ghaṭādīnāmutpādo dṛṣṭaḥ utpādābhāvācca vyayābhāva iti ataḥ sarvadravyāṇāmutpādāditratayakalpanāvyāghāta iti tanna kiṃ kāraṇam anyathopapatteḥ kriyānimittotpādābhāve'pyeṣāṃ dharmādīnāmanyathotpādaḥ kalpyate tadyathā dvividha utpādaḥ svanimittaḥ parapratyayaśca svanimittastāvadanantānāmagurulaghuguṇānāmāgamaprāmāṇyādabhyupagamyamānānāṃ ṣaṭsthānapatitayā vṛddhyā hānyā ca pravartamānānāṃ svabhāvādeteṣāmutpādo vyayaśca paraprayatyo'pi aśvādigatisthityavagāhanahetutvātkṣaṇe kṣaṇe teṣāṃ bhedāttaddhetutvamapi bhinnamiti parapratyayāpekṣa utpādo vināśaśca vyavahriyate nanu yadi niṣkriyāṇi dharmādīni jīvapudgalānāṃ gatyādihetutvaṃ nopapadyate jalādīni hi kriyāvanti matsyādīnāṃ gatyādinimittāni dṛṣṭānīti naiṣa doṣaḥ balādhānanimittatvāccakṣurvat yathā rūpopalabdhau cakṣurnimittamiti na vyākṣiptamanaskasyāpi bhavati adhikṛtānāṃ dharmādharmākāśānāṃ niṣkriyatve'bhyupagate jīvapudgalānāṃ sakri

yatvamarthādāpannam kālasyāpi sakriyatvamiti cet na anadhikārāt ata evāsāvetaiḥ saha nādhikriyate

ajīvakāyā ityatra kāyagrahaṇena pradeśāstitvamātraṃ nirjñātaṃ na tviyattāvadhāritā pradeśānāmatastannirdhāraṇārthamidamucyate

saṃkhyāmatītā asaṃkhyeyāḥ asaṃkhyeyastrividhaḥ jaghanya utkṛṣṭo'jaghanyotkṛṣṭaśceti tatrehājaghanyotkṛṣṭāsaṃkhyeyaḥ parigṛhyate pradiśyanta iti pradeśāḥ vakṣyamāṇalakṣaṇaḥ paramāṇuḥ sa yāvati kṣetre vyavatiṣṭhate sa pradeśa iti vyavahriyate dharmādharmaikajīvāstulyāsaṃkhyeyapradeśāḥ tatra dharmādharmau niṣkriyau lokākāśaṃ vyāpya sthitau jīvastāvatpradeśo'pi san saṃharaṇavisarpaṇasvabhāvatvātkarmanirvartitaṃ śarīramaṇu mahadvā'dhitiṣṭhaṃstāvadavagāhya varte yadā tu lokapūraṇaṃ bhavati tadā mandarasyādhaścitravajrapaṭalamadhye jīvasyāṣṭau madhyapradeśā vyavatiṣṭhante itare pradeśā ūrdhvamadhastiryak ca kṛtsnaṃ lokākāśaṃ vyaśnuvate

athākāśasya kati pradeśā ityata āha

avidyamāno'nto yeṣāṃ te anantāḥ ke pradeśāḥ kasya ākāśasya pūrvavadasyāpi pradeśakalpanā'vaseyā

uktamamūrtānāṃ pradeśaparimāṇam idānīṃ mūrtānāṃ pudgalānāṃ pradeśaparimāṇaṃ nirjñātavyamityata āha

'ca'śabdādanantāścetyanukṛṣyate kasyacitpudgaladravyasya dvyaṇukādeḥ saṃkhyeyāḥ pradeśāḥ kasyacidasaṃkhyeyā anantāśca anantānantopasaṃkhyānamiti cet na anantasāmānyāt anantapramāṇaṃ trividhamuktaṃ parītānantaṃ yuktānantamanantānantaṃ ceti tatsarvamanantasāmānyena gṛhyate syādetadasaṃkhyātapradeśo lokaḥ anantapradeśasyānantānantapradeśasya ca

skandhasyādhikaraṇamiti virodhastato nānantyamiti naiṣa doṣaḥ sūkṣmapariṇāmāvagāhanaśaktiyogāt paramāṇvādayo hisūkṣmabhāvena pariṇatā ekaikasminnapyākāśapradeśe'nantānantā avatiṣṭhante avagāhanaśaktiścaiṣāmavyāhatā'sti tasmādekasminnapi pradeśe anantānantānāmavasthānaṃ na virudhyate

'pudgalānām'ityaviśeṣavacanātparamāṇorapi pradeśavattvaprasaṅge tatpratiṣedhārthamāha

aṇoḥ 'pradeśā na santi' iti vākyaśeṣaḥ kuto na santīti cet pradeśamātratvāt yathā ākāśapradeśasyaikasya pradeśabhedābhāvādapradeśatvamevamaṇorapi pradeśamātratvātpradeśabhedābhāvaḥ kiṃ ca tato'lpaparimāṇābhāvāt na hyaṇoralpīyānanyo'sti yato'sya pradeśā bhidyeran

eṣāmavadhṛtapradeśānāṃ dharmādīnāmādhārapratipattyarthamidamucyate

uktānāṃ dharmādīnāṃ dravyāṇāṃ lokākāśe'vagāho na bahirityarthaḥ yadi dharmādīnāṃ lokākāśamādhāraḥ ākāśasya ka ādhāra iti ākāśasya nāstyanya ādhāraḥ svapratiṣṭhamākāśam yadyākāśaṃ svapratiṣṭham dharmādīnyapi svapratiṣṭhānyeva atha dharmādīnāmanya ādhāraḥ kalpyate ākāśasyāpyanya ādhāraḥ kalpyaḥ tathā satyanavasthāprasaṅga iti cet naiṣa doṣaḥ nākāśādanyadadhikaparimāṇaṃ dravyamasti yatrākāśaṃ sthitamityucyeta sarvato'nantaṃ hitat dharmādīnāṃ punaradhikaraṇamākāśamityucyate vyavahāranayavaśāt evambhūtanayāpekṣayā tu sarvāṇi dravyāṇi svapratiṣṭhānyeva tathā coktam 'kva bhavānāste ātmani' iti dharmādīni lokākāśānna bahiḥ santītyetāvadatrādhārādheyakalpanāsādhyaṃ phalam nanu ca loke pūrvottarakālabhāvināmādhārādheyabhāvo dṛṣṭo yathā kuṇḍe badarādīnām na tathā''kāśaṃ pūrvaṃ dharmādīnyuttarakālabhāvīni ato vyavahāranayāpekṣayā'pi ādhārādheyakalpanānupapattiriti naiṣa doṣaḥ yugapadbhāvināmapi ādhārādheyabhāvo dṛśyate ghaṭe rūpādayaḥ śarīre hastādaya iti

loka ityucyate ko lokaḥ dharmādharmādīni dravyāṇi yatra lokyante sa loka iti adhikaraṇasādhano ghañ ākāśaṃ dvidhā vibhaktaṃ lokākāśamalokākāśaṃ ceti loka uktaḥ sa yatra tallokākāśam tato bahiḥ sarvato'nantamalokākāśam lokālokavibhāgaśca dharmādharmāstikāyasadbhāvāsadbhāvādvijñeyaḥ asati hi tasmindharmāstikāye jīvapudgalānāṃ gatiniyamahetvabhāvādvibhāgo na syāt asati cādharmāstikāye sthiterāśrayanimittābhāvāt sthiterabhāvo lokālokavibhāgābhāvo vā syāt tasmādubhayasadbhāvāsadbhāvāllokālokavibhāgasiddhiḥ

tatrāvadhriyamāṇānāmavasthānabhedasambhavādviśeṣapratipattyarthamāha

kṛtsnavacanamaśeṣavyāptipradarśanārtham agāre'sthito ghaṭa iti yathā tathā dharmādharmayorlokākāśe'vagāho na bhavati kiṃ tarhi kṛtsne tileṣu tailavaditi anyonyapradeśapraveśavyāghātābhāvaḥ avagāhanaśaktiyogādveditavyaḥ

ato viparītānāṃ mūrtimatāmapradeśasaṃkhyeyāsaṃkhyeyānantapradeśānāṃ pudgalānāmavagāhaviśeṣapratipattyarthamāha

ekaḥ pradeśa ekapradeśaḥ ekapradeśa ādiryeṣāṃ ta ime ekapradeśādayaḥ teṣu pudgalānāmavagāho bhājyo vikalpyaḥ 'avayavena vigrahaḥ samudāyaḥ samāsāthaḥ' iti ekapradeśo'pi gṛhyate tadyathā ekasminnākāśapradeśe paramāṇoravagāhaḥ dvayorekatrobhayatra ca baddhayorabaddhayośca trayāṇāmapyekatra dvayostriṣu ca baddhānāmabaddhānāṃ ca evaṃ saṃkhyeyāsaṃkhyeyānantapradeśānāṃ skandhānāmekasaṃkhyeyāsaṃkhyeyapradeśeṣu lokākāśe'vasthānaṃ pratyetavyam nanu yuktaṃ tāvadamūrttayordharmādharmayorekatrāvirodhenāvarodha iti mūrtimatāṃ pudgalānāṃ katham ityatrocyate avagāhanasvabhāvatvātsūkṣmapariṇāmācca mūrtimatāmapyavagāho na virudhyate ekāpavarake anekadīpaprakāśāvasthānavat āgamaprāmāṇyācca tathā'dhyavaseyam taduktam

atha jīvānāṃ kathamavagāhanamityatrocyate

'lokākāśe' ityanuvartate tasyāsaṃkhyeyabhāgīkṛtasyaiko bhāgo'saṃkhyeyabhāga ityucyate sa ādiryeṣāṃ teṣsaṃkhyeyabhāgādayaḥ teṣu jīvānāmavagāho veditavyaḥ tadyathā ekasminnasaṃkhyeyabhāge eko jīvo'vatiṣṭhate evaṃ dvitricaturādiṣvapi asaṃkhyeyabhāgeṣu ā sarvalokādavagāhaḥ pratyetavyaḥ nānājīvānāṃ tu sarvaloka eva yadyekasminnasaṃkhyeyabhāge eko jīvo'vatiṣṭhate kathaṃ dravyapramāṇenānantānanto jīvarāśiḥ saśarīro'vatiṣṭhate lokākāśe sūkṣmabādarabhedādavasthānaṃ pratyetavyam bādarāstāvatsapratighātaśarīrāḥ sūkṣmāstu saśarīrā api sūkṣmabhāvādevaikanigodajīvāvagā hye'pi pradeśe sādhāraṇaśarīrā anantānantā vasanti na te paraspareṇa bādaraiśca vyāhanyanta iti nāstyavagāhavirodhaḥ

atrāha lokākāśatulyapradeśa ekajīva ityuktam tasya kathaṃ lokasyāsaṃkhyeyabhāgādiṣu vṛttiḥ nanu sarvalokavyāptyaiva bhavitavyamityatrocyate

amūrtasvabhāvasyātmano'nādibandhaṃ pratyekatvāt kathañcinmūrtatāṃ bibhrataḥ kārmaṇaśarīravaśānmahadaṇu ca śarīramadhitiṣṭhatastadvaśātpradeśasaṃharaṇavisarpaṇasvabhāvasya tāvatpramāṇatāyāṃ satyāmasaṃkhyeyabhāgādiṣu vṛttirupapadyate pradīpavat yathā nirāvaraṇavyomapradeśe'nava dhṛtaprakāśaparimāṇasya pradīpasya śarāvamaṇikāpavarakādyāvaraṇavaśāttatparimāṇateti atrāha dharmādīnāmanyonyapradeśānupraveśātsaṃkare sati ekatvaṃ prāpnotīti tanna parasparamatyantasaṃśleṣe satyapi svabhāvaṃ na jahati uktaṃ ca

yadyevaṃ dharmādīnāṃ svabhāvabheda ucyatāmityata āha

deśāntaraprāptiheturgatiḥ tadviparītā sthitiḥ upagṛhyata ityupagrahaḥ gatiśca

sthitiśca gatisthitī gatisthitī eva upagrahau gatisthityupagrahau dharmādharmayoriti kartṛnirdeśaḥ upakriyata ityupakāraḥ kaḥ punarasau gatyupagrahaḥ sthityupagrahaśca yadyevaṃ dvitvanirdeśaḥ prāpnoti naiṣa doṣaḥ sāmānyena vyutpāditaḥ śabda upāttasaṃkhyaḥ śabdāntarasambandhe satyapi na pūrvopāttāṃ saṃkhyāṃ jahāti yathā 'sādhoḥ kāryaṃ tapaḥśrute' iti etaduktaṃ bhavati gatipariṇāmināṃ jīvapudgalānāṃ gatyupagrahe kartavye dharmāstikāyaḥ sādhāraṇāśrayo jalavanmatsyagamane tathā sthitipariṇāmināṃ jīvapudgalānāṃ sthityupagrahe kartavye adharmāstikāyaḥ sādhāraṇāśrayaḥ pṛthivīdhāturivāśvādisthitāviti

nanu ca 'upagraha' vacanamanarthakam 'upakāraḥ' ityevaṃ siddhatvāt 'gatisthitī dharmādharmayorupakāraḥ' iti naiṣa doṣaḥ yāthāsaṃkhyanivṛttyartham 'upagraha' vacanam dharmādharmayorgatisthityośca yathāsaṃkhyaṃ bhavati evaṃ jīvapudgalānāṃ yathāsaṃkhyaṃ prāpnoti dharmasyopakāro jīvānāṃ gatiḥ adharmasyopakāraḥ pudgalānāṃ sthitiriti tannivṛttyarthamupagrahavacanaṃ kriyate

āha dharmādharmayorya upakāraḥ sa ākāśasya yuktaḥ sarvagatatvāditi cet tadayuktam tasyānyopakārasadbhāvāt sarveṣāṃ dharmādīnāṃ dravyāṇāmavagāhanaṃ tatprayojanam ekasyānekaprayojanakalpanāyāṃ lokālokavibhāgābhāvaḥ bhūmijalādīnyeva tatprayojanasamarthāni nārtho dharmādharmābhyāmiti cet na sādhāraṇāśraya iti viśiṣyoktatvāt anekakāraṇasādhyatvāccaikasya kāryasya

tulyabalatvāttayorgatisthitipratibandha iti cet na aprerakatvāt anupalabdherna tau staḥ kharaviṣāṇavaditi cet na sarva pravādyavipratipatteḥ sarve hi pravādinaḥ pratyakṣāpratyakṣānarthānabhivāñchanti asmānprati hetorasiddheśca sarvajñena niratiśayapratyakṣajñānacakṣuṣā dharmādayaḥ sarve upalabhyante tadupadeśācca śrutajñānibhirapi

atrāha yadyatīndriyayordharmādharmayorupakārasambandhenāstitvamavadhriyate tadanantaramuddiṣṭasya nabhaso'tīndriyasyādhigame ka upakāra ityucyate

'upakāraḥ' ityanuvartate jīvapudgalādīnāmavagāhināmavakāśadānamavagāha ākāśasyopakāro veditavyaḥ āha jīvapudgalānāṃ kriyāvatāmavagāhināmavakāśadānaṃ yuktam dharmāstikāyādayaḥ punarniṣkriyā nityasambandhāsteṣāṃ kathamavagāha iti cet na upacāratastatsiddheḥ yathā gamanābhāve'pi 'sarvagatamākāśam' ityucyate sarvatra sadbhāvāt evaṃ dharmādharmāvapi avagāhakriyābhāve'pi sarvatra vyāptidarśanādavagāhināvityupacaryete āha yadyavakāśadānamasya svabhāvo vajrādibhirloṣṭādīnāṃ bhittyādibhirgavādīnāṃ ca vyāghāto na prāpnoti dṛśyate ca vyāghātaḥ tasmādasyāvakāśadānaṃ hīyate iti naiṣa doṣaḥ vajraloṣṭādīnāṃ sthūlānāṃ parasparavyāghāta iti nāsyāvakāśadānasāmarthyaṃ hīyate tatrāvagāhināmeva vyāghātāt vajrādayaḥ punaḥ sthūlatvātparasparaṃ pratyavakāśadānaṃ na kurvantīti nāsāvākāśadoṣaḥ ye khalu pudgalāḥ sūkṣmāste parasparaṃ

pratyavakāśadānaṃ kurvanti yadyevaṃ nedamākāśasyāsādharaṇaṃ lakṣaṇam itareṣāmapi tatsadbhāvāditi tanna sarvapadārthānāṃ sādhāraṇāvagāhanahetutvamasyāsādhāraṇaṃ lakṣaṇamiti nāsti doṣaḥ alokākāśe tadbhāvādabhāva iti cet na svabhāvāparityāgāt

ukta ākāśasyopakāraḥ atha tadanantaroddiṣṭānāṃ pudgalānāṃ ka upakāra ityatrocyate

idamayuktaṃ vartate kimatrāyuktam pudgalānāṃ ka upakāra iti paripraśne pudgalānāṃ lakṣaṇamucyate śarīrādīni pudgalamayānīti naitadayuktam pudgalānāṃ lakṣaṇamuttaratra vakṣyate idaṃ tu jīvān prati pudgalānāmupakārapratipādanārthameveti upakāraprakaraṇe ucyate

śarīrāṇyuktāni audārikādīni saukṣmyādapratyakṣāṇi tadudayāpāditavṛttīnyupacayaśarīrāṇi kānicitpratyakṣāṇi kānicidapratyakṣāṇi eteṣāṃ kāraṇabhūtāni karmā

ṇyapi śarīragrahaṇena gṛhyante etāni paudgalikānīti kṛtvā jīvānāmupakāre pudgalāḥ pravartante syānmataṃ kārmaṇamapaudgalikam anākāratvād ākāravatāṃ hi audārikādīnāṃ paudgalikatvaṃ yuktamiti tanna tadapi paudgalikameva tadvipākasya mūrtimatsambandhanimittatvāt dṛśyate hi brīhyādīnāmudakādidravyasambandhaprāpitaparipākānāṃ paudgalikatvam tathā kārmaṇamapi guḍakaṇṭakādimūrtimaddravyopanipāte sati vipacyamānatvātpaudgalikamityavaseyam

vāg dvividhā dravyavāg bhāvavāgiti tatra bhāvavāk tāvadvīryāntarāyamatiśrutajñānāvaraṇakṣayopaśamāṅgopāṅganāmalābhanimittatvāt paudgalikī tadabhāve tadvṛttyabhāvāt tatsāmarthyopetena kriyāvatā''tmanā preryamāṇāḥ pudgalā vāktvena vipariṇamanta iti dravyavāgapi paudgalikī śrotrendriyaviṣayatvāt itarendriyaviṣayā kasmānna bhavati tadgrahaṇāyogyatvāt dhrāṇagrāhye gandhadravye rasādyanupalabdhivat amūrtā vāgiti cet na mūrtimadgrahaṇāvarodhavyāghātābhibhavādidarśanānmūrtimattvasiddheḥ

mano dvividhaṃ dravyamano bhāvamanaśceti bhāvamanastāvallabdhyupayogalakṣaṇaṃ pudgalāvalambanatvāt paudgalikam dravyamanaśca jñānāvaraṇavīryāntarāyakṣayopaśamāṅgopāṅganāmalābhapratyayā guṇadoṣavicārasmaraṇādipraṇidhānābhimukhasyātmano'nugrāhakāḥ pudgalā manastvena pariṇatā iti paudgalikam kaścidāha mano dravyāntaraṃ rūpādipariṇāmarahitamaṇumātraṃ tasya paudgalikatvamayuktamiti tadayuktam katham ucyate tadindriyeṇātmanā ca sambaddhaṃ vā syādasambaddhaṃ vā yadyasambaddham tannātmana upakārakaṃ bhavitumarhati indriyasya ca sācivyaṃ na karoti atha sambaddham ekasmin pradeśe saṃbaddhaṃ sattadaṇu itareṣu pradeśeṣu upakāraṃ na kuryāt adṛṣṭavaśādasya alātacakravatparibhramaṇamiti cet na tatsāmarthyābhāvāt amūrtasyātmano niṣkriyasyādṛṣṭo guṇaḥ sa niṣkriyaḥ sannanyatra kriyārambhe na samarthaḥ dṛṣṭo hi vāyudravyaviśeṣaḥ kriyāvānsparśavānprāptavanaspatau parispandahetustadviparītalakṣaṇaścāyamiti kriyāhetutvābhāvaḥ

vīryāntarāyajñānāvaraṇakṣayopaśamāṅgopāṅganāmodayāpekṣiṇā''tmanā udasyamānaḥ koṣṭhyo vāyurucchvāsalakṣaṇaḥ prāṇa ityucyate tenaivātmanā bāhyo vāyurabhyantarīkriyamāṇo niḥśvāsalakṣaṇo'pāna ityākhyāte evaṃ tāvapyātmānugrāhiṇau jīvitahetutvāt

teṣāṃ manaḥprāṇāpānānāṃ mūrtimattvamabaseyam kutaḥ mūrtimadbhiḥ pratighātādidarśanāt pratibhayahetubhiraśanipātādibhirmanasaḥ pratighāto dṛśyate surādibhiścābhibhavaḥ hastatalapaṭādibhirāsyasaṃvaraṇātprāṇāpānayoḥ pratighāta upalabhyate śleṣmaṇā cābhibhavaḥ na cāmūrtasya mūrtimadbhirabhighātādayaḥ syuḥ ata evātmāstitvasiddhiḥ yathā yantrapratimāceṣṭitaṃ prayokturastitvaṃ gamayati tathā prāṇāpānādikarmāpi kriyāvantamātmānaṃ sādhayati

kimetāvāneva pudgalakṛta upakāra āhosvidanyo'pyastītyata āha

sadasadvedyodaye'ntaraṅgahetau sati bāhyadravyādiparipākanimittavaśādutpadyamānaḥ prītiparitāparūpaḥ pariṇāmaḥ sukhaduḥkhamityākhyāyate bhavadhāraṇakāraṇāyurākhyakarmodayād bhava

sthitimādadhānasya jīvasya pūrvoktaprāṇāpānakriyāviśeṣāvyucchedo jīvitamityucyate taducchedo maraṇam etāni sukhādīni jīvasya pudgalakṛta upakāraḥ mūrtimaddhetusannidhāne sati tadutpatteḥ upakārādhikārāt'upagraha'vacanamanarthakam nānarthakam svopagrahapradarśanārthamidam pudgalānāṃ pudgalakṛta upakāra iti tadyathā kāṃsyādīnāṃ bhasmādibhirjalādīnāṃ katakādibhirayaḥprabhṛtīnāmudakādibhirupakāraḥ kriyate 'ca'śabdaḥ kimarthaḥ samuccayārthaḥ anyo'pi pudgalakṛta upakāro'stīti samuccīyate yathā śarīrāṇi evaṃ cakṣurādīnīndriyāṇyapīti

evamādyamajīvakṛtamupakāraṃ pradarśya jīvakṛtopakārapradarśanārthamāha

'paraspara'śabdaḥ karmavyatihāre vartate karmavyatihāraśca kriyāvyatihāraḥ parasparasyopagrahaḥ parasparopagrahaḥ jīvānāmupakāraḥ kaḥ punarasau svāmī bhṛtyaḥ ācāryaḥ

śiṣyaḥ ityevamādibhāvena vṛttiḥ parasparopagrahaḥ svāmī tāvadvittatyāgādinā bhṛtyānāmupakāre vartate bhṛtyāśca hitapratipādanenāhitapratiṣedhena ca ācārya ubhayalokaphalapradopadeśadarśanena tadupadeśavihitakriyānuṣṭhāpanena ca śiṣyāṇāmanugrahe vartate śiṣyā api tadānukūlyavṛttyā ācāryāṇām upakārādhikāre punaḥ'upagraha'vacanaṃ kimartham pūrvoktasukhādicatuṣṭayapradarśanārthaṃ punaḥ'upagraha' vacanaṃ kriyate sukhādīnyapi jīvānāṃ jīvakṛta upakāra iti

āha yadyavaśyaṃ satopakāriṇā bhavitavyam saṃśca kālo'bhimatastasya ka upakāra ityatrocyate

vṛterṇijantātkarmaṇi bhāve vā yuṭi strīliṅge vartaneti bhavati vartyate vartanamātraṃ vā vartanā iti dharmādīnāṃ dravyāṇāṃ svaparyāyanirvṛttiṃ prati svātmanaiva vartamānānāṃ bāhyopagrahādvinā tadvṛttyabhāvāttatpravartanopalakṣitaḥ kāla iti kṛtvā vartanā kālasyopakāraḥ ko ṇijarthaḥ vartate dravyaparyāyastasya vartayitā kālaḥ yadyevaṃ kālasya kriyāvattvaṃ prāpnoti yathā śiṣyo'dhīte upādhyāyo'dhyāṃpayatīti naiṣa doṣaḥ nimittamātre'pi hetukartṛvyapa

deśo dṛṣṭaḥ yathā 'kārīṣo'gniradhyāpayati ' evaṃ kālasya hetukartṛtā sa kathaṃ kāla ityavasīyate samayādīnāṃ kriyāviśeṣāṇāṃ samayādibhirnirvartyamānānāṃ ca pākādīnāṃ samayaḥ pāka ityevamādisvasaṃjñārūḍhisadbhāve'pi samayaḥ kālaḥ odanapākaḥ kāla iti adhyāropyamāṇaḥ kālavyapadeśa tadvyapadeśanimittasya kālasyāstitvaṃ gamayati kutaḥ gauṇasya mukhyāpekṣatvāt

dravyasya paryāyo dharmāntaranivṛttidharmāntaropajananarūpaḥ aparispandātmakaḥ pariṇāmaḥ jīvasya krodhādiḥ pudgalasya varṇādiḥ dharmādharmākāśānāmagurulaghuguṇavṛddhihānikṛtaḥ

kriyā parispandātmikā sā dvividhā prāyogikavaisrasikabhedāt tatra prāyogikī śakaṭādīnām vaisrasikī meghādīnām

paratvāparatve kṣetrakṛte kālakṛte ca staḥ tatra kālopakāraprakaraṇātkālakṛte gṛhyete ta ete vartanādaya upakārāḥ kālasyāstitvaṃ gamayanti nanu 'vartanā'grahaṇamevāstu

tadbhedāḥ pariṇāmādayasteṣāṃ pṛthaggrahaṇamanarthakam nānarthakam kāladvayasūcanārthatvātprapañcasya kālo hi dvividhaḥ paramārthakālo vyavahārakālaśca paramārthakālo vartanālakṣaṇaḥ pariṇāmādilakṣaṇo vyavahārakālaḥ anyena paricchinnaḥ anyasya paricchedahetuḥ kriyāviśeṣaḥ kāla iti vyavahriyate sa tridhā vyavatiṣṭhate bhūto vartamāno bhaviṣyanniti tatra paramārthakāle kālavyapadeśo mukhyaḥ bhūtādivyapadeśo gauṇaḥ vyavahārakāle bhūtādivyapadeśo mukhyaḥ kālavyapadeśo gauṇaḥ kriyāvaddravyāpekṣatvātkālakṛtatvācca

atrāha dharmādharmākāśapudgalajīvakālānāmupakārā uktāḥ lakṣaṇaṃ coktam 'upayogo lakṣaṇam'ityevamādi pudgalānāṃ tu sāmānyalakṣaṇamuktam'ajīvakāyāḥ' iti viśeṣalakṣaṇaṃ noktam taktimityatrocyate

spṛśyate sparśanamātraṃ vā sparśaḥ so'ṣṭavidhaḥ mṛdukaṭhinagurulaghuśītoṣṇasnigdharūkṣabhedāt rasyate rasanamātraṃ vā rasaḥ sa pañcavidhaḥ tiktāmlakaṭukamadhurakaṣāyabhedāt

gandhyate gandhanamātraṃ vā gandhaḥ sa dvedhā surabhirasurabhiriti varṇyate varṇanamātraṃ vā varṇaḥ sa pañcavidhaḥ kṛṣṇanīlapītaśuklalohitabhedāt ta ete mūlabhedāḥ pratyekaṃ saṃkhyeyāsaṃkhyeyānantabhedāśca bhavanti sparśaśca rasaśca gandhaśca varṇaśca gandhaśca varṇaśca sparśarasagandhavarṇāsta eteṣāṃ santīti sparśarasagandhavarṇavanta iti nityayoge matunirdeśaḥ yathā kṣīriṇo nyagrodhā iti nanu ca rūpiṇaḥ pudgalā ityatra pudgalānāṃ rūpavattvamuktaṃ tadavinābhāvinaśca rasādayastatraiva parigṛhītā iti vyākhyātaṃ tasmāttenaiva pudgalānāṃ rūpādimattvasiddheḥ sūtramidamanarthakamiti naiṣa doṣaḥ 'nityāvasthitānyarūpāṇi'ityatra dharmādīnāṃ nityatvādinirūpaṇena pudgalānāmarūpitvaprasaṅge tadapākaraṇārthaṃ taduktam idaṃ tu teṣāṃ svarūpaviśeṣapratipattyarthamucyate

avaśiṣṭapudgalavikārapratipattyarthamidamucyate

śabdo dvividho bhāṣālakṣaṇo viparītaśceti bhāṣāṃlakṣaṇo dvividhaḥ sākṣaro'nakṣara

śceti akṣarīkṛtaḥ śāstrābhivyañjakaḥ saṃskṛtaviparītabhedādāryamlecchavyavahārahetuḥ anakṣarātmako dvīndriyādīnāmatiśayajñānasvarūpapratipādanahetuḥ sa eṣa sarvaḥ prāyogikaḥ abhāṣātmako dvividhaḥ prāyogiko vaisrasikaśceti vaisrasiko valāhakādiprabhavaḥ prāyogikaścaturdhā tatavitataghanasauṣirabhedāt tatra carmatanananimittaḥ puṣkarabherīdardurādiprabhava stataḥ tantrīkṛtavīṇāsughoṣādisamudbhavo vitataḥ tālaghaṇṭālālanādyabhighātajo ghanaḥ vaṃśaśaṅkhādinimittaḥ sauṣiraḥ

bandho dvividho vaisrasikaḥ prāyogikaśca puruṣaprayogānapekṣo vaisrasikaḥ tadyathā snigdharūkṣatvaguṇanimitto vidyudulkājaladhārāgnīndradhanurādiviṣayaḥ puruṣaprayoganimittaḥ prāyogikaḥ ajīvaviṣayo jīvājīvaviṣayaśceti dvidhā bhinnaḥ tatrājīvaviṣayo jatukāṣṭhādilakṣaṇaḥ jīvājīvaviṣayaḥ karmanokarmabandhaḥ

saukṣmyaṃ dvividhaṃ antyamāpekṣikaṃ ca tatrāntyaṃ paramāṇūnām āpekṣikaṃ vilvāmalakabadarādīnām

sthaulyamapi dvividhamantyamāpekṣikaṃ ceti tatrāntyaṃ jagadvyāpini mahāskandhe āpekṣikaṃ badarāmalakavilvatālādiṣu

saṃsthānamākṛtiḥ tad dvividhamitthaṃlakṣaṇamanitthaṃlakṣaṇaṃ ceti vṛttatryasracaturasrāyataparimaṇḍalādīnāmitthaṃlakṣaṇam ato'nyanmeghādīnāṃ saṃsthānamanekavidhamitthamidamiti nirūpaṇābhāvādanitthaṃlakṣaṇam

bhedāḥ ṣoḍhā utkaracūrṇakhaṇḍacūrṇikāpratarāṇucaṭanavikalpāt tatrotkaraḥ kāṣṭhādīnāṃ karapatrādibhirutkaraṇam cūrṇo yavagodhūmādīnāṃ saktukaṇikādiḥ khaṇḍo ghaṭādīnāṃ kapālaśarkarādiḥ cūrṇikā māṣamudgādīnām prataro'bhrapaṭalādīnām aṇucaṭanaṃ santaptāyaḥpiṇḍādiṣu ayoghanādibhirabhihanyamāneṣu sphuliṅganirgamaḥ

tamo dṛṣṭipratibandhakāraṇaṃ prakāśavirodhi chāyā prakāśāvaraṇanimittā sā dvedhā varṇādivikārapariṇatā pratibimbamātrātmikā ceti ātapa ādityādinimitta uṣṇaprakāśalakṣaṇaḥ udyotaścandramaṇikhadyotādiprabhavaḥ prakāśaḥ

ta ete śabdādayaḥ pudgaladravyavikārāḥ ta eṣāṃ santīti śabdabandhasaukṣmyasthaulyasaṃsthānabhedatamaśchāyā''tapodyotavantaḥ pudgalā ityabhisambadhyate 'ca' śabdena nodanābhighātādayaḥ pudgalapariṇāmā āgame prasiddhāḥ samuccīyante

uktānāṃ pudgalānāṃ bhedapradarśanārthamāha

pradeśamātrabhāvisparśādiparyāyaprasavasāmarthyenāṇyante śabdyanta ityaṇavaḥ saukṣmyādātmādaya ātmamadhyā ātmāntāśca uktaṃ ca

sthūlabhāvena grahaṇanikṣepaṇādivyāpāraskandhanātskandhā iti sañjñāyante rūḍhau kriyā kvacitsatī upalakṣaṇatvenāśrayate iti grahaṇādivyāpārāyogyeṣvapi dvyaṇukādiṣu skandhākhyā pravartate anantabhedā api pudgalā aṇujātyā skandhajātyā ca dvaividhyamāpadyamānāḥ sarve gṛhyanta iti tajjātyādhārānantabhedasaṃsūcanārthaṃ bahuvacanaṃ kriyate aṇavaḥ skandhā iti bhedābhidhānaṃ pūrvoktasūtradvayabhedasambandhanārtham sparśarasagandhavarṇavanto'ṇavaḥ skandhāḥ punaḥ śabdabandhasaukṣmyasthaulyasaṃsthānabhedatamaśchāyātapodyotavantaśca sparśādimantaśceti

āha kimeṣāṃ pudgalānāmaṇuskandhalakṣaṇaḥ pariṇāmo'nādiruta ādimānityucyate

sa khalūtpattimattvādādimānpratijñāyate yadyevaṃ tasmādabhidhīyatāṃ kasmānnimittādutpadyanta iti tatra skandhānāṃ tāvadutpattihetupratipādanārthamucyate

saṃghātānāṃ dvitayanimittavaśādvidāraṇaṃ bhedaḥ pṛthagbhūtānāmekatvāpattiḥ saṃghātaḥ nanu ca dvitvād dvivacanena bhavitavyam bahuvacananirdeśastritayasaṃgrahārthaḥ bhedātsaṃghātād bhedasaṃghātābhyāṃ ca utpadyanta iti tadyathā dvayoḥ paramāṇvoḥ saṃghātād dvipradeśaḥ skandha utpadyate dvipradeśasyāṇośca trayāṇāṃ vā aṇūnāṃ saṃghātāttripradeśaḥ dvayordvipradeśayostripradeśasyāṇośca caturṇāṃ vā aṇūnāṃ saṃghātāccatuḥpradeśaḥ evaṃ saṃkhyeyāsaṃkhyeyānantānāmanantānantānāṃ ca saṃghātāttāvatpradeśaḥ eṣāmeva bhedāttāvad dvipradeśaparyantāḥ skandhā utpadyante evaṃ bhedasaṃghātābhyāmekasamayikābhyāṃ dvipradeśādayaḥ skandhā utpadyante anyato bhedenānyasya saṃghāteneti evaṃ skandhānāmutpattiheturuktaḥ

aṇorutpattihetupradarśanārthamāha

'siddhe vidhirārabhyamāṇo niyamārtho bhavati ' aṇorutpattirbhedādeva na saṃghātānnāpi bhedasaṃghātābhyāmiti

āha saṃghātādeva skandhānāmātmalābhe siddhe bhedasaṃghātagrahaṇamanarthakamiti tadgrahaṇaprayojanapratipādanārthamidamucyate

anantānantaparamāṇusamudayaniṣpādyo'pi kaściccākṣuṣaḥ kaścidacākṣuṣaḥ tatra yo' cākṣuṣaḥ sa kathaṃ cākṣuṣo bhavatīti ceducyate bhedasaṃghātābhyāṃ cākṣuṣaḥ na bhedāditi kātropapattiriti cet brūmaḥ sūkṣmapariṇāmasya skandhasya bhede saukṣmyāparityāgādacākṣuṣatvameva saukṣmyapariṇataḥ punaraparaḥ satyapi tadbhede'nyasaṃghātāntarasaṃyogātsaukṣmyapariṇāmoparame sthaulyotpattau cākṣuṣo bhavati

āha dharmādīnāṃ dravyāṇāṃ viśeṣalakṣaṇānyuktāni sāmānyalakṣaṇaṃ noktam tadvaktavyam ucyate

yatsattad dravyamityarthaḥ

yadyevaṃ tadeva tāvadvaktavyaṃ kiṃ sat ityata āha

cetanasyācetanasya vā dravyasya svāṃ jātimajahata ubhayanimittavaśād bhāvāntarāvāptirutpādanamutpādaḥ mṛtpiṇḍasya ghaṭaparyāyavat tathā pūrvabhāvavigamanaṃ vyayaḥ yathā ghaṭotpattau piṇḍākṛteḥ anādipāriṇāmikasvabhāvena vyayodayābhāvād dhruvati sthirībhavatīti dhruvaḥ dhruvasya bhāvaḥ karma vā dhrauvyam yathā mṛtpiṇḍaghaṭādyavasthāsu mṛdādyanvayaḥ tairutpādavyayadhrauvyairyu ktaṃ utpādavyayadhrauvyayuktaṃ saditi

āha bhede sati yuktaśabdo dṛṣṭaḥ yathā daṇḍena yukto devadatta iti tathā sati teṣāṃ trayāṇāṃ tairyuktasya dravyasya cābhāvaḥ prāpnoti naiṣa doṣaḥ abhede'pi kathañcid bhedanayāpekṣayā yuktaśabdo dṛṣṭaḥ yathā sārayuktaḥ stambha iti tathā sati teṣāmavinābhāvā

tsadvyapadeśo yuktaḥ samādhivacano vā yuktaśabdaḥ yuktaḥ samāhitastadātmaka ityarthaḥ utpādavyayadhrauvyayuktaṃ sat utpādavyayadhrauvyātmakamiti yāvat etaduktaṃ bhavati utpādādīni dravyasya lakṣaṇāni dravyaṃ lakṣyam tatra paryāyārthikanayāpekṣayā parasparato dravyāccārthāntarabhāvaḥ dravyārthikanayāpekṣayā vyatirekeṇānupalabdheranarthāntarabhāvaḥ iti lakṣyalakṣaṇabhāvasiddhiḥ

āha 'nityāvasthitānyarūpāṇi'ityuktaṃ tatra na jñāyate kiṃ nityamityata āha

'tadbhāvaḥ'ityucyate kastadbhāvaḥ pratyabhijñānahetutā tadevedamiti smaraṇaṃ pratyabhijñānam tadakasmānna bhavatīti yo'sya hetuḥ sa tadbhāvaḥ bhavanaṃ bhāvaḥ tasya bhāvastadbhāvaḥ yenātmanā prāgdṛṣṭaṃ vastu tenaivātmanā punarapi bhāvāttadevedamiti pratyabhijñāyate yadyatyantanirodho'bhinavaprādurbhāvamātrameva vā syāttataḥ smaraṇānupapattiḥ tadadhīno lokasaṃvyavahāro virudhyate tatastadbhāvenāvyayaṃ tadbhāvāvyayaṃ nityamiti niścīyate tat tu kathañcidveditavyam sarvathā nityatve anyathābhāvābhāvātsaṃsāratadvinivṛttikāraṇaprakriyāvirodhaḥ syāt

nanu idameva viruddhaṃ tadeva nityaṃ tadevānityamiti yadi nityaṃ vyayodayābhāvādanityatāvyāghātaḥ athānityameva sthityabhāvānnityatāvyāghāta iti naitadviruddham kutaḥ

anekāntātmakasya vastunaḥ prayojanavaśādyasya kasyaciddharmasya vivakṣayā prāpitaṃ prādhānyamarpitamupanītamiti yāvat tadviparītamanarpitam prayojanābhāvāt sato'pyavivakṣā bhavatītyupasarjanībhūtamanarpitamityucyate arpitaṃ cānarpitaṃ cārpitānarpite tābhyāṃ siddherarpitānarpitasiddhernāsti virodhaḥ tadyathā ekasya devadattasya pitā putro bhrātā bhāgineya ityevamādayaḥ sambandhā janakatvajanyatvādinimittā na virudhyante arpaṇābhedāt putrāpekṣayā pitā pitrapekṣayā putra ityevamādiḥ tathā dravyamapi sāmānyārpaṇayā nityam viśeṣārpaṇayā'nityamiti nāsti virodhaḥ tau ca sāmānyaviśeṣau kathañcid bhedābhedābhyāṃ vyavahārahetū bhavataḥ

atrāha sato'nekanayavyavahāratantratvāt upapannā bhedasaṃghātebhyaḥ satāṃ skandhātmanotpattiḥ idaṃ tu sandigdham kiṃ saṃghātaḥ saṃyogādeva dvyaṇukādilakṣaṇo bhavati uta kaścidviśeṣo'vadhriyata iti ucyate 'sati saṃyoge bandhādekatvapariṇāmātmakātsaṃghāto niṣpadyate '

yadyevamidamucyatāṃ kato nu khalu pudgalajātyaparityāge saṃyoge ca sati bhavati keṣāṃcidvandho'nyeṣāṃ ca neti ucyate yasmātteṣāṃ pudgalātmāviśeṣe'pyanantaparyāyāṇāṃ parasparavilakṣaṇapariṇāmādāhitasāmarthyādbhavanpratītaḥ

bāhyābhyantarakāraṇavaśāt snehaparyāyāvirbhāvāt snihyate smeti snigdhaḥ tathā rūkṣaṇādrūkṣaḥ snigdhaśca rūkṣaśca snigdharūkṣau tayorbhāvaḥ snigdharūkṣatvam snigdhatvaṃ cikkaṇaguṇalakṣaṇaḥ paryāyaḥ tadviparītapariṇāmo rūkṣatvam 'snigdharūkṣatvāt'iti hetunirdeśaḥ tatkṛto bandho dvyaṇukādipariṇāmaḥ dvayoḥ snigdharūkṣayoraṇvoḥ parasparaśleṣalakṣaṇe bandhe sati dvyaṇukaskandho bhavati evaṃ saṃkhyeyāsaṃkhyeyānantapradeśaḥ skandho yojyaḥ tatra snehaguṇa ekadvitricatuḥsaṃkhyeyāsaṃkhyeyānantavikalpaḥ tathā rūkṣaguṇo'pi tadguṇāḥ paramāṇavaḥ santi yathā toyājāgomahiṣyuṣṭrīkṣīraghṛteṣu snehaguṇaḥ prakarṣāprakarṣeṇa pravartate pāṃśukaṇikāśarkarādiṣu ca rūkṣaguṇo dṛṣṭaḥ tathā paramāṇuṣvapi snigdharūkṣaguṇayorvṛttiḥ prakarṣāprakarṣeṇānumīyate

snigdharūkṣatvaguṇanimitte bandhe aviśeṣeṇa prasakte aniṣṭaguṇanivṛtyarthamāha

jaghanyo nikṛṣṭaḥ guṇo bhāgaḥ jaghanyo guṇo yeṣāṃ te jaghanyaguṇāḥ teṣāṃ jaghanya guṇānāṃ nāsti bandhaḥ tadyathā ekaguṇasnigdhasyaikaguṇasnigdhena dvyādisaṃkhyeyāsaṃkhyeyānantaguṇasnigdhena vā nāsti bandhaḥ tasyaivaikaguṇasnigdhasya ekaguṇarūkṣeṇa dvyādisaṃkhyeyāsaṃkhyeyānantaguṇarūkṣeṇa vā nāsti bandhaḥ tathā ekaguṇarūkṣasyāpi yojyamiti

etau jaghanyaguṇasnigdharūkṣau varjayitvā anyeṣāṃ snigdhānāṃ rūkṣāṇāṃ ca paraspareṇa bandho bhavatītyaviśeṣeṇa prasaṅge tatrāpi pratiṣedhaviṣayakhyāpanārthamāha

'sadṛśa'grahaṇaṃ tulyajātīyasaṃpratyayārtham 'guṇasāmya'grahaṇaṃ tulyabhāgasaṃpratyayārtham etaduktaṃ bhavati dviguṇasnigdhānāṃ dviguṇarūkṣaiḥ triguṇasnigdhānāṃ triguṇarūkṣaiḥ dviguṇasnigdhānāṃ dviguṇasnigdhaiḥ dviguṇarūkṣāṇāṃ dviguṇarūkṣaiścaityevamādiṣu nāsti bandha iti yadyevaṃ 'sadṛśa'grahaṇaṃ kimartham guṇavaiṣamye sadṛśānāmapi bandhapratipattyarthaṃ 'sadṛśa'grahaṇaṃ kriyate

ato viṣamaguṇānāṃ tulyajātīyānāmatulyajātīyānāṃ cāniyamena bandhaprasaktau iṣṭārthasaṃpratyayārthamidamucyate

dvābhyāṃ guṇābhyāmadhikodvyadhikaḥ kaḥ punarasau caturguṇaḥ 'ādi'śabdaḥ prakārārthaḥ kaḥ punarasau prakāraḥ dvyadhikatā tena pañcaguṇādīnāṃ saṃpratyayo na bhavati tena dvyadhikādiguṇānāṃ tulyajātīyānāmatulyajātīyānāṃ ca bandha ukto bhavati netareṣām tadyathā dviguṇasnigdhasya paramāṇorekaguṇasnigdhena dviguṇasnigdhena triguṇasnigdhena vā nāsti bandhaḥ caturguṇasnigdhena punarasti bandhaḥ tasyaiva punardviguṇasnigdhasya pañcaguṇasnigdhena ṣaṭsaptāṣṭasaṃkhyeyāsaṃkhyeyānantaguṇasnigdhena vā bandho nāsti evaṃ triguṇasnigdhasya pañcaguṇa snigdhena bandho'sti śeṣaiḥ pūrvottarairna bhavati caturguṇasnigdhasya ṣaḍguṇasnigdhenāsti

bandhaḥ śeṣaiḥ pūrvottarairnāsti evaṃ śeṣeṣvapi yojyaḥ tathā dviguṇarūkṣasya ekadvitriguṇarūkṣairnāsti bandhaḥ caturguṇarūkṣeṇa tvasti bandhaḥ tasyaiva dviguṇarūkṣasya pañcaguṇarūkṣādibhiruttarairnāsti bandhaḥ evaṃ triguṇarūkṣādīnāmapi dviguṇādhikairbandho yojyaḥ evaṃ bhinnajātīyeṣvapi yojyaḥ uktaṃ ca

'tu' śabdo viśeṣaṇārthaḥ pratiṣedhaṃ vyāvartayati bandhaṃ ca viśeṣayati kimarthamadhikaguṇaviṣayo bandho vyākhyāto na samaguṇaviṣaya ityata āha

adhikārād 'guṇa' śabdaḥ sambadhyate adhikaguṇāvadhikāviti bhāvāntarāpādanaṃ pāriṇāmikatvaṃ klinnaguḍavat yathā klinno guḍo'dhikamadhurarasaḥ parītānāṃ reṇvādīnāṃ svaguṇāpādanāt pāriṇāmikaḥ tathā'nyo'pyadhikaguṇaḥ alpīyasaḥ pāriṇāmika iti

kṛtvā dviguṇādisnigdharūkṣasya caturguṇādisnigdharūkṣaḥ pāriṇāmiko bhavati tataḥ pūrvāvasthāpracyavanapūrvakaṃ tārtīyiṃkamavasthāntaraṃ prādurbhavatītyekatvamupapadyate itarathā hi śuklakṛṣṇatantuvat saṃyoge satyapyapāriṇāmikatvātsarvaṃ viviktarūpeṇaivāvatiṣṭheta uktena vidhinā bandhe punaḥ sati jñānāvaraṇādīnāṃ karmaṇāṃ triṃśatsāgaropamakoṭīkoṭyādisthitirupapannā bhavati

'utpādavyayadhrauvyayuktaṃ sat'iti dravyalakṣaṇamuktaṃ punarapareṇa prakāreṇa dravyalakṣaṇapratipādanārthamāha

guṇāśca paryayāśca guṇaparyayāḥ te'sya santīti guṇaparyayavad dravyam atra matorutpattāvukta eva samādhiḥ kathaṃcit bhedopapatteriti ke guṇāḥ ke paryāyāḥ anvayino guṇā vyatirekiṇaḥ paryāyāḥ ubhayairupetaṃ dravyamiti uktaṃ ca

etaduktaṃ bhavati dravyaṃ dravyāntarād yena viśiṣyate sa guṇaḥ tena hi tad dravyaṃ vidhīyate

asati tasmin dravyasaṃkaraprasaṅgaḥ syāt tadyathā jīvaḥ pudgalādibhyo jñānādibhirguṇairviśiṣyate pudgalādayaśca rūpādibhiḥ tataścāviśeṣe saṃkaraḥ syāt tataḥ sāmānyāpekṣayā anvayino jñānādayo jīvasya guṇāḥ pudgalādīnāṃ ca rūpādayaḥ teṣāṃ vikārā viśeṣātmanā bhidyamānāḥ paryāyāḥ ghaṭajñānaṃ paṭajñānaṃ krodho māno gandho varṇastīvro manda ityevamādayaḥ tebhyo'nyatvaṃ kathaṃcidāpadyamānaḥ samudāyo dravyavyapadeśabhāk yadi hi sarvathā samudāyo'narthāntarabhūta eva syāt sarvābhāvaḥ syāt tadyathā parasparavilakṣaṇānāṃ samudāye sati ekānarthāntarabhāvāt samudāyasya sarvābhāvaḥ parasparato'rthāntarabhūtatvāt yadidaṃ rūpaṃ tasmādarthāntarabhūtā rasādayaḥ tataḥ samudayo'narthāntarabhūtaḥ yaśca rasādibhyo'rthāntarabhūtādrūpādanarthāntarabhūtaḥ samudāyaḥ sa kathaṃ rasādibhyo'rthāntarabhūto na bhavet tataśca rūpamātraṃ samudāyaḥ prasaktaḥ na caikaṃ rūpaṃ samudāyo bhavitumarhati tataḥ samudāyābhāvaḥ samudāyābhāvācca tadanarthāntarabhūtānāṃ samudāyināmapyabhāva iti sarvābhāvaḥ evaṃ rasādi

ṣvapi yojyam tasmātsamudāyamicchatā kathaṃcidarthāntarabhāva eṣitavyaḥ

uktānāṃ dravyāṇāṃ lakṣaṇanirdeśāttadviṣaya eva dravyādhyavasāye prasakte anuktadravyasaṃsūcanārthamidamāha

kim 'dravyam'iti vākyaśeṣaḥ kutaḥ tallakṣaṇopetatvāt dvividhaṃ lakṣaṇamuktam 'utpādavyayadhrauvyayuktaṃ sat''guṇaparyayavad dravyam'iti ca tadubhayaṃ lakṣaṇaṃ kālasya

vidyate tadyathā dhrauvyaṃ tāvatkālasya svapratyayaṃ svabhāvavyavasthānāt vyayodayau parapratyayau agurulaghuguṇavṛddhihānyapekṣayā svapratyayau ca tathā guṇā api kālasya sādhāraṇāsādhāraṇarūpāḥ santi tatrāsādhāraṇo vartanāhetutvam sādhāraṇāścācetanatvāmūrtatvasūkṣmatvāgurulaghutvādayaḥ paryāyāśca vyayotpādalakṣaṇā yojyāḥ tasmād dviprakāralakṣaṇopetatvādākāśādivatkālasya dravyatvaṃ siddham

tasyāstitvaliṅgaṃ dharmādivad vyākhyātam 'vartanālakṣaṇaḥ kālaḥ' iti nanu kimarthamayaṃ kālaḥ pṛthagucyate yatraiva dharmādaya uktāstatraivāyamapi vaktavyaḥ 'ajīvakāyā dharmādharmākāśakālapudgalāḥ' iti naivaṃ śaṅkyam tatroddeśe sati kāyatvamasya syāt neṣyate ca mukhyopacārapradeśapracayakalpanābhāvāt dharmādīnāṃ tāvanmukhyapradeśapracaya uktaḥ asaṃkhyeyāḥ pradeśāḥ' ityevamādinā aṇorapyekapradeśasya pūrvottarabhāvaprajñāpananayāpekṣayopacārakalpanayā pradeśapracaya uktaḥ kālasya punardvedhā'pi pradeśapracayakalpanā nāstītyakāyatvam api ca tatra pāṭhe 'niṣkriyāṇi ca' ityatra dharmādīnāmākāśāntānāṃ niṣkriyatve prati

pādite itareṣāṃ jīvapudgalānāṃ sakriyatvaprāptivatkālasyāpi sakriyatvaṃ syāt athākāśātprākkāla uddiśyeta tanna 'ā ākāśādekadravyāṇi' ityekadravyatvamasya syāt tasmātpṛthagiha kāloddeśaḥ kriyate anekadravyatve sati kimasya pramāṇam lokākāśasya yāvantaḥ pradeśāstāvantaḥ kālāṇavo niṣkriyā ekaikākāśapradeśe ekaikavṛttyā lokaṃ vyāpya vyavasthitāḥ uktaṃ ca

rūpādiguṇavirahādamūrtāḥ

vartanālakṣaṇasya mukhyasya kālasya pramāṇamuktam pariṇāmādigamyasya vyavahārakālasya kiṃ pramāṇamityata idamucyate

sāmpratikasyaikasamayikatve'pi atītā anāgatāśca samayā anantā iti kṛtvā 'anantasamayaḥ' ityucyate athavā mukhyasyaiva kālasya pramāṇāvadhāraṇārthamidamucyate anantaparyāyavartanāhetutvādeko'pi kālāṇurananta ityupacaryate samayaḥ punaḥ paramaniruddhaḥ kālāṃśastatpracayaviśeṣa āvalikādiravagantavyaḥ

āha guṇaparyayavad dravyamityuktaṃ tatra ke guṇā ityatrocyate

dravyamāśrayo yeṣāṃ te dravyāśrayāḥ niṣkrāntā guṇebhyo nirguṇāḥ evamubhayalakṣaṇo

petā guṇā iti 'nirguṇāḥ' iti viśeṣaṇaṃ dvyaṇukādinivṛttyartham tānyapi hi kāraṇabhūtaparamāṇudravyāśrayāṇi guṇavanti tu tasmāt 'nirguṇāḥ' iti viśeṣaṇāttāni nivarttitāni bhavanti nanu paryāyā api ghaṭasaṃsthānādayo dravyāśrayā nirguṇāśca teṣāmapi guṇatvaṃ prāpnoti 'dravyāśrayāḥ'iti vacanāt 'nityaṃ dravyamāśritya vartante ye'te guṇā iti viśeṣātparyāyā nivartitā bhavanti te hi kādācitkā iti

asakṛt 'pariṇāma'śabda uktaḥ tasya ko'rtha iti praśne uttaramāha

athavā guṇā dravyādarthāntarabhūtā iti keṣāñciddarśanaṃ tatkiṃ bhavato'bhimatam na ityāha yadyapi kathañcid vyapadeśādibhedahetvapekṣayā dravyādanye tathāpi tadavyatirekāttatpariṇāmācca nānye yadyevaṃ sa ucyatāṃ kaḥ pariṇāma iti tanniścayārthamidamucyate dharmādīni dravyāṇi yenātmanā bhavanti sa tadbhāvastattvaṃ pariṇāma iti ākhyāyate sa dvividho'nādirādimāṃśca tatrānādirdharmādīnāṃ gatyupagrahādiḥ sāmānyāpekṣayā sa evādimāṃśca bhavati viśeṣāpekṣayā iti

iti tattvārthavṛttau sarvārthasiddhisaṃjñikāyāṃ pañcamo'dhyāyaḥ

atha ṣaṣṭho'dhyāyaḥ

āha ajīvapadārtho vyākhyātaḥ idānīṃ tadanantaroddeśabhāgāsravapadārtho vyākhyeya iti tatastatprasiddhyarthamidamucyate

kāyādayaḥ śabdā vyākhyātārthāḥ karma kriyā ityanarthāntaram kāyavāṅ manasāṃ karma kāyavāṅmanaḥkarma yoga ityākhyāyate ātmapradeśaparispando yogaḥ sa nimittabhedāttridhā bhidyate kāyayogo vāgyogo manoyoga iti tadyathā vīryāntarāyakṣayopaśamasadbhāve sati audārikādisaptavidhakāyavargaṇānyatamālambanāpekṣa ātmapradeśaparispandaḥ kāyayogaḥ śarīranāmakarmodayāpāditavāgvargaṇālambane sati vīryāntarāyamatyakṣarādyāvaraṇakṣayopaśamāpāditābhyantaravāglabdhisānnidhye vākpariṇāmābhimukhasyātmanaḥ pradeśaparispando vāgyogaḥ abhyantaravīryāntarāyanoindriyāvaraṇakṣayopaśamātmakamanolabdhisannidhāne bāhyanimittamanovargaṇālambane ca sati manaḥpariṇāmābhimukhasyātmapradeśaparispando mano

yogaḥ kṣaye'pi trividhavargaṇāpekṣaḥ sayogakevalina ātmapradeśaparispando yogo veditavyaḥ

āha abhyupemaḥ āhitatraividhyakriyo yoga iti prakṛta idānīṃ nirddiśyatāṃ kiṃlakṣaṇa āsrava ityucyate yo'yaṃ yogaśabdābhidheyaḥ saṃsāriṇaḥ puruṣasya

yathā sarassalilāvāhidvāraṃ tadā''sravakāraṇatvāt āsrava ityākhyāyate tathā yogapraṇālikayā ātmanaḥ karma āsravatīti yoga āsrava iti vyapadeśamarhati

āha karma dvividhaṃ puṇyaṃ pāpaṃ ceti tasya kimaviśeṣeṇa yoga āsravaheturāhosvidasti kaścitprativiśeṣa ityatrocyate

kaḥ śubho yogaḥ ko vā aśubhaḥ prāṇātipātādattādānamaithunādiraśubhaḥ kāyayogaḥ anṛtabhāṣaṇaparuṣāsabhyavacanādiraśubho vāgyogaḥ vadhacintanerṣyāsūyādiraśubho manoyogaḥ tato viparītaḥ śubhaḥ kathaṃ yogasya śubhāśubhatvam śubhapariṇāmanirvṛtto yogaḥ śubhaḥ

aśubhapariṇāmanirvṛttaścāśubhaḥ na punaḥ śubhāśubhakarmakāraṇatvena yadyevamucyate śubhayoga eva na syāt śubhayogasyāpi jñānāvaraṇādibandhahetutvābhyupagamāt punātyātmānaṃ pūyate'neneti vā puṇyam tatsadvedyādi pāti rakṣati ātmānaṃ śubhāditi pāpam tadasadvedyādi

āha kimayamāsravaḥ sarvasaṃsāriṇāṃ samānaphalārambhaheturāhosvitkaścidasti prativiśeṣa ityatrocyate

svāmibhedādāsravabhedaḥ svāminau dvau sakaṣāyo'kaṣāyaśceti kaṣāyaḥ krodhādiḥ kaṣāya iva kaṣāyaḥ kaḥ upamārthaḥ yathā kaṣāyo naiyagrodhādiḥ śleṣahetustathā krodhādirapyātmanaḥ karmaśleṣahetutvāt kaṣāya iva kaṣāya ityucyate saha kaṣāyeṇa vartata iti sakaṣāyaḥ na vidyate kaṣāyo yasyetyakaṣāyaḥ sakaṣāyaścākaṣāyaśca sakaṣāyākaṣāyau tayoḥ sakaṣāyā

kaṣāyayoḥ samparāyaḥ saṃsāraḥ tatprayojanaṃ karma sāmparāyikam iraṇamīryā yogo gatirityarthaḥ taddvārakaṃ karma īryāpatham sāmparāyikaṃ ca īryāpathaṃ ca sāmparāyikeryāpathe tayoḥ sāmparāyikeryāpathayoḥ yathāsaṃkhyamabhisambandhaḥ sakaṣāyasyātmano mithyādṛṣṭyādeṃḥ sāmparāyikasya karmaṇa āsravo bhavati akaṣāyasya upaśāntakaṣāyāderīryāpathasya karmaṇa āsravo bhavati

ādāvuddiṣṭasyāsravasya bhedapratipādanārthamāha

atra indriyādīnāṃ pañcādibhiryathāsaṃkhyamabhisaṃbandho veditavyaḥ indriyāṇi pañca catvāraḥ kaṣāyāḥ pañcāvratāni pañcaviṃśatiḥ kriyā iti tatra pañcendriyāṇi sparśanādīnyuktāni catvāraḥ kaṣāyāḥ krodhādayaḥ pañcāvratāni prāṇavyaparopaṇādīni vakṣyante pañcaviṃśatiḥ kriyā ucyante caityagurupravacanapūjādilakṣaṇā samyaktvavardhanī kriyā samyaktvakriyā anyadevatāstavanādirūpā mithyātvahetukī pravṛttirmithyātvakriyā gamanāgamanādipravartanaṃ kāyādibhiḥ prayogakriyā saṃyatasya sataḥ aviratiṃ pratyābhimukhyaṃ samādāna

kriyā īryāpathanimitteryāpathakriyā tā etāḥ pañca kriyāḥ krodhāveśātprādoṣikī kriyā praduṣṭasya sato'bhyudyamaḥ kāyikī kriyā hiṃsopakaraṇādānādādhikaraṇikī kriyā duḥkhotpattitantratvātpāritāpikī kriyā āyurindriyabalocchvāsaniḥśvāsaprāṇānāṃ viyogakaraṇātprāṇātipātikī kriyā tā etāḥ pañca kriyāḥ rāgārdrīkṛtatvātpramādino ramaṇīyarūpālokanābhiprāyo darśanakriyā pramādavaśātspṛṣṭavyasañcetanānubandhaḥ sparśanakriyā apūrvādhikaraṇotpādanātprātyayikī kriyā strīpuruṣapaśusampātideśe'ntarmalotsargakaraṇaṃ samantānupātakriyā apramṛṣṭādṛṣṭabhūmau kāyādinikṣepo'nābhogakriyā tā etāḥ pañca kriyāḥ yāṃ pareṇa nirvartyāṃ kriyāṃ svayaṃ karoti sā svahastakriyā pāpādānādipravṛttiviśeṣābhyanujñānaṃ nisargakriyā parācaritasāvadyādiprakāśanaṃ vidāraṇakriyā yathoktāmājñāmāvaśyakādiṣu cāritramohodayātkartumaśaknuvato'nyathā prarūpaṇādājñāvyāpādikī kriyā śāṭhyālasyābhyāṃ pravacanopadiṣṭavidhikartavyatānādaro'nākāṅkṣakriyā tā etāḥ pañca kriyāḥ chedanabhedanaviśasanādikriyāparatvamanyena vā''rambhe kriyamāṇe praharṣaḥ prārambha

kriyā parigrahāvināśārthā pārigrāhikī kriyā jñānadarśanādiṣu nikṛtirvañcana māyākriyā anyaṃ mithyādarśanakriyākaraṇakāraṇāviṣṭaṃ praśaṃsādibhirdṛḍhayati yathā sādhu karoṣīti sā mithyādarśanakriyā saṃyamaghātikarmodayavaśādanivṛttirapratyākhyānakriyā tā etāḥ pañca kriyāḥ samuditāḥ pañcaviṃśatikriyāḥ etānīndriyādīni kāryakāraṇabhedādbhedamāpadyamānāni sāmparāyikasya karmaṇa āsravadvārāṇi bhavanti

atrāha yogatrayasya sarvātmakāryatvātsarveṣāṃ saṃsāriṇāṃ sādhāraṇaḥ tato bandhaphalānubhavanaṃ pratyaviśeṣa ityatrocyate naitadevam yasmāt satyapi pratyātmasambhave teṣāṃ jīvapariṇāmebhyo'nantavikalpebhyo viśeṣo'bhyanujñāyate kathamiti ceducyate

bāhyābhyantarahetūdīraṇavaśādudriktaḥ pariṇāmastīvraḥ tadviparīto mandaḥ ayaṃ prāṇī mayā hantavya iti jñātvā pravṛttirjñātamityucyate madātpramādādvā'navabudhya pravṛttirajñātam adhikriyante'sminnarthā ityadhikaraṇaṃ dravyamityarthaḥ dravyasya svaśaktiviśeṣo

vīryam bhāvaśabdaḥ pratyekaṃ parisamāpyate tīvrabhāvo mandabhāva ityādiḥ etebhyastasyāsravasya viśeṣo bhavati kāraṇabhedāddhi kāryabheda iti

atrāha adhikaraṇamuktam tatsvarūpamanirjñātamatastaducyatāmiti tatra bhedapratipādanadvāreṇādhikaraṇasvarūpanirjñānārthamāha

uktalakṣaṇā jīvājīvāḥ yadyuktalakṣaṇāḥ punarvacanaṃ kimartham adhikaraṇaviśeṣajñāpanārthaṃ punarvacanam jīvājīvā adhikaraṇamityayaṃ viśeṣo jñāpayitavya iti kaḥ punarasau hiṃsādyupakaraṇabhāva iti syādetanmūlapadārthayordvitvājjīvājīvāviti dvivacanaṃ nyāyaprāptamiti tanna paryāyāṇāmadhikaraṇatvāt yena kenacitparyāyeṇa viśiṣṭaṃ dravyamadhikaraṇam na sāmānyamiti bahuvacanaṃ kṛtam jīvājīvā adhikaraṇaṃ kasya āsravasyeti arthavaśādabhisambandho bhavati

tatra jīvādhikaraṇabhedapratipattyarthamāha

prāṇavyaparopaṇādiṣu pramādavataḥ prayatnāveśaḥ saṃrambhaḥ sādhanasamabhyāsīkaraṇaṃ samārambhaḥ prakrama ārambhaḥ 'yoga' śabdo vyākhyātārthaḥ kṛtavacanaṃ svātantryapratipattyartham kāritābhidhānaṃ paraprayogāpekṣam anumataśabdaḥ prayojakasya mānasapariṇāmapradarśanārthaḥ abhihitalakṣaṇāḥ kaṣāyāḥ krodhādayaḥ viśiṣyate'rtho'rthāntarāditi viśeṣaḥ sa pratyekamabhisambadhyate saṃrambhaviśeṣaḥ samārambhaviśeṣa ityādi ādyaṃ jīvādhikaraṇametairviśeṣaiḥ 'bhidyate' iti vākyaśeṣaḥ ete catvāraḥ sujantāstryādiśabdā yathākramamabhisambadhyante saṃrambhasamārambhārambhāstrayaḥ yogāstrayaḥ kṛtakāritānumatāstrayaḥ kaṣāyāścatvāra iti eteṣāṃ gaṇanābhyāvṛttiḥ sucā dyotyate ekaśa iti vīpsānirdeśaḥ ekaikaṃ tryādīn bhedān nayedityarthaḥ tadyathā krodhakṛtakāyasaṃrambhaḥ mānakṛtakāyasaṃrambhaḥ māyākṛtakāyasaṃrambhaḥ lobhakṛtakāyasaṃrambhaḥ krodhakāritakāyasaṃrambhaḥ mānakāritakāyasaṃrambhaḥ māyākāritakāyasaṃrambhaḥ lobhakāritakāyasaṃrambhaḥ krodhānumatakāyasaṃrambhaḥ mānānu

matakāyasaṃrambhaḥ māyānumatakāyasaṃrambhaḥ lobhānumatakāyasaṃrambhaśceti dvādaśadhā kāyasaṃrambhaḥ evaṃ vāgyoge manoyoge ca dvādaśadhā saṃrambhaḥ ta ete saṃpiṇḍitāḥ ṣaṭtriṃśat tathā samārambhā api ṣaṭtriṃśat ārambhā api ṣaṭtriṃśat ete saṃpiṇḍitā jīvādhikaraṇāsravabhedā aṣṭottaraśatasaṃkhyāḥ sambhavanti 'ca' śabdo'nantānubandhyapratyākhyānapratyakhyānasañjvalanakaṣāyabhedakṛtāntarbhedasamuccayārthaḥ

parasyājīvādhikaraṇasya bhedapratipattyarthamāha

nirvartyata iti nirvartanā niṣpādanā nikṣipyata iti nikṣepaḥ sthāpanā saṃyujyate iti saṃyogo miśrīkṛtam nisṛjyata iti nisargaḥ pravartanam ete dvyādibhiryathākramamabhisambadhyante nirvartanā dvibhedā nikṣepaścaturbhedaḥ saṃyogo dvibhedaḥ nisargastribheda iti ta ete bhedā ajīvādhikaraṇasya veditavyāḥ paravacanamanarthakam pūrvasūtre ādyamiti vacanādidamavaśiṣṭārthaṃ bhavatīti nānarthakam anyārthaḥ paraśabdaḥ saṃrambhādibhyo'nyāni nirvarttanādīni itarathā hi nirvartanādīnāmātmapariṇāmasadbhāvājjīvā

dhikaraṇavikalpā eveti vijñāyeta nirvartanādhikaraṇaṃ dvividhaṃ mūlaguṇanirvartanādhikaraṇamuttaraguṇanirvartanādhikaraṇañceti tatra mūlaguṇanirvartanaṃ pañcavidham śarīravāṅmanaḥprāṇāpānāśca uttaraguṇanirvartanaṃ kāṣṭhapustacitrakarmādi nikṣepaścaturvidhaḥ apratyavekṣitanikṣepādhikaraṇaṃ duḥpramṛṣṭanikṣepādhikaraṇaṃ sahasānikṣepādhikaraṇamanābhoganikṣepādhikaraṇaṃ ceti saṃyogo dvividhaḥ bhaktapānasaṃyogādhikaraṇamupakaraṇasaṃyogādhikaraṇaṃ ceti nisargastrividhaḥ kāyanisargādhikaraṇaṃ vāgnisargādhikaraṇaṃ manonisargādhikaraṇañceti

uktaḥ sāmānyena karmāsravabhedaḥ idānīṃ karmaviśeṣāsravabhedo vaktavyaḥ tasmin vaktavye ādyayorjñānadarśanāvaraṇayorāsravabhedapratipattyarthamāha

tattvajñānasya mokṣasādhanasya kīrtane kṛte kasyacidanabhivyāharataḥ antaḥpaiśunyapariṇāmaḥ pradoṣaḥ kutaścitkāraṇānnāsti na vedmītyādi jñānasya vyapalapanaṃ nihnavaḥ kutaścitkāraṇād bhāvitamapi vijñānaṃ dānārhamapi yato na dīyate tanmātsaryam jñānavyavacchedakaraṇamantarāyaḥ kāyena vācā ca paraprakāśyajñānasya varjanamāsādanam praśasta

jñānadūṣaṇamupaghātaḥ āsādanameveti cet sato jñānasya vinayapradānādiguṇakīrtanānanuṣṭhānamāsādanam upaghātastu jñānamajñānameveti jñānanāśābhiprāyaḥ inyanayogyaṃ bhedaḥ 'tat'śabdena jñānadarśanayoḥ pratinirdeśaḥ kriyate kathaṃ punaraprakṛtayognidiṣṭayostacchabdena parāmarśaḥ kartuṃ śakyaḥ praśnāpekṣayā jñānadarśanāvaraṇayoḥ ka āsrava iti praśne kṛte tadapekṣayā tacchabdo jñānadarśane pratinirdiśati etena jñānadarśanavatsu tatsādhaneṣu ca pradoṣādayo yojyāḥ tannimittatvāt ta ete jñānadarśanāvaraṇayorāsravahetavaḥ ekakāraṇamādhyasya kāryasyānekasya darśanāt tulye'pi pradoṣādau jñānadarśanāvaraṇāsravasiddhiḥ athavā viṣayabhedādāsravabhedaḥ jñānaviṣayāḥ pradoṣādayo jñānāvaraṇasya darśanaviṣayāḥ pradoṣādayo darśanāvaraṇasyeti

yathā'nayoḥ karmaprakṛtyorāsravabhedāstathā

pīḍālakṣaṇaḥ pariṇāmo duḥkham anugrāhakasambandhavicchede vaiklavyaviśeṣaḥ śokaḥ

parivādādinimittādāvilāntaḥkaraṇasya tīvrānuśayastāpaḥ paritāpajātāśrupātapracuravipralāpādibhirvyaktakrandanamākrandanam āyurindriyabalaprāṇaviyogakaraṇaṃ vadhaḥ saṃkleśapariṇāmāvalambanaṃ guṇasmaraṇānukīrtanapūrvakaṃ svaparānugrahābhilāṣaviṣayamanukampāpracuraṃ rodanaṃ paridevanam nanu ca śokādīnāṃ duḥkhaviśeṣatvād duḥkhagrahaṇamevāstu satyamevam tathāpi katipayaviśeṣapratipādanena duḥkhajātyanuvidhānaṃ kriyate yathā gaurityukte anirjñāte viśeṣe tatpratipādanārthaṃ khaṇḍamuṇḍakṛṣṇaśuklādyupādānaṃ kriyate tathā duḥkhaviṣayāsravāsaṃkhyeyalokabhedasambhavād duḥkhamityukte viśeṣānirjñānātkatipayaviśeṣanirdeśena tadviśeṣapratipattiḥ kriyate tānyetāni duḥkhādīni krodhādyāveśādātmasthāni bhavanti parasthānyubhayasthāni ca etāni sarvāṇyasadvedyāsravakāraṇāni veditavyāni atra codyate yadi duḥkhādīnyātmaparobhayasthānyasadvedyāsravanimittāni kimarthamārhataiḥ keśaluñcanānaśanātapasthānādīni duḥkhanimittānyāsthīyante pareṣu ca pratipādyante iti naiṣa doṣaḥ antaraṅgakrodhādyāveśapūrvakāṇi duḥkhādīnyasadvedyāsravanimittānīti viśeṣyoktatvāt yathā kasyacid bhiṣajaḥ

paramakaruṇāśayasya niḥśalyasya saṃyatasyopari gaṇḍaṃ pāṭayato duḥkhahetutve satyapi na pāpabandho bāhyanimittamātrādeva bhavati evaṃ saṃsāraviṣayamahāduḥkhādudvignasya bhikṣostannivṛttyupāyaṃ prati samāhitamanaskasya śāstravihite karmaṇi pravartamānasya saṃkleśapariṇāmābhāvād duḥkhanimittatve satyapi na pāpabandhaḥ uktañca

uktā asadvedyāsravahetavaḥ sadvedyasya punaḥ ke ityatrocyate

tāsu tāsu gatiṣu karmodayavaśādbhavantīti bhūtāni prāṇina ityarthaḥ vratānyahiṃsādīni vakṣyante tadvanto vratinaḥ te dvividhāḥ agāramprati nivṛttautsukyāḥ saṃyatāḥ gṛhiṇaśca saṃyatāsaṃyatāḥ anugrahārdrīkṛtacetasaḥ parapīḍāmātmasthāmiva kurvato'nukampanamanukampā bhūteṣu vratiṣu cānukampā bhūtavratyanukampā parānugrahabuddhyā svasyātisarjanaṃ

dānam saṃsārakāraṇavinivṛttiṃ pratyāgurṇo'kṣīṇāśayaḥ sarāga ityucyate prāṇīndriyeṣvaśubhapravṛtterviratiḥ saṃyamaḥ sarāgasya saṃyamaḥ sarāgo vā saṃyamaḥ sarāgasaṃyamaḥ 'ādi'śabdena saṃyamāsaṃyamākāmanirjarābālatapo'nurodhaḥ yogaḥ samādhiḥ samyakpraṇidhānamityarthaḥ bhūtavratyanukampādānasarāgasaṃyamādīnāṃ yogo bhūtavratyanukampādānasarāgasaṃyamādiyogaḥ krodhādinivṛttiḥ kṣāntiḥ lobhaprakārāṇāmuparamaḥ śaucam 'iti' śabdaḥ prakārārthaḥ ke punaste prakārāḥ arhatpūjākaraṇatatparatābālavṛddhatapasvivaiyāvṛttyādayaḥ 'bhūta' grahaṇāt siddhe 'vrati'grahaṇaṃ tadviṣayānukampāprādhānyakhyāpanārtham ta ete sadvedyasyāsravā jñeyāḥ

atha tadanantaroddeśabhājo mohasyāsravahetau vaktavye tadbhedasya darśanamohasyāsravahetupratipādanārthamidamucyate

nirāvaraṇajñānāḥ kevalinaḥ tadupadiṣṭaṃ buddhyatiśayarddhiyuktagaṇadharānusmṛtaṃ grantharacanaṃ śrutaṃ bhavati ratnatrayopetaḥ śramaṇagaṇaḥ saṃghaḥ ahiṃsālakṣaṇastadāgamadeśito dharmaḥ devāścaturṇikāyā uktāḥ guṇavatsu mahatsu asadbhūtadoṣodbhāvanamavarṇavādaḥ eteṣva

varṇavādo darśanamohasyāsravahetuḥ kavalābhyavahārajīvinaḥ kevalina ityevamādi vacanaṃ kevalināmavarṇavādaḥ māṃsabhakṣaṇādyanavadyābhidhānaṃ śrutāvarṇavādaḥ śūdratvāśucitvādyāvirbhāvanaṃ saṃghāvarṇavādaḥ jinopadiṣṭo dharmo nirguṇastadupasevino ye te cāsurā bhaviṣyantītyevamādyabhidhānaṃ dharmāvarṇavādaḥ surāmāṃsopasevādyāghoṣaṇaṃ devāvarṇavādaḥ

dvitīyasya mohasyāsravabhedapratipādanārthamāha

kaṣāyā uktāḥ udayo vipākaḥ kaṣāyāṇāmudayāttīvrapariṇāmaścāritramohasyāsravo veditavyaḥ tatra svaparakaṣāyotpādanaṃ tapasvijanavṛttadūṣaṇaṃ saṃkliṣṭaliṅgavratadhāraṇādiḥ kaṣāyavedanīyasyāsravaḥ saddharmopahasanadīnātihāsakandarpopahāsabahuvipralāpopahāsaśīlatādirhāsyavedanīyasya vicitrakrīḍanaparatāvrataśīlārucyādiḥ rativedanīyasya parāratiprādurbhāvanarativināśanapāpaśīlasaṃsargādiḥ arativedanīyasya svaśokotpādanapara

śokaplutābhinandanādiḥ śokavedanīyasya svabhayapariṇāmaparabhayotpādanādirbhayavedanīsya kuśalakriyācārajugupsāparivādaśīlatvādirjugupsāvedanīyasya alīkābhidhāyitātisandhānaparatvapararandhraprekṣitvapravṛddharāgādiḥ strīvedanīyasya stokakrodhānutsukatvasvadārasantoṣādiḥ puṃṃvedanīyasya pracurakaṣāyaguhyendriyavyaparopaṇaparāṅganāvaskandādirnapuṃsakavedanīyasya

nirdiṣṭo mohanīyasyāsravabhedaḥ idānīṃ tadanantaranirdiṣṭasyāyuṣaḥ āsravahetau vaktavye ādyasya niyatakālaparipākasyāyuṣaḥ kāraṇapradarśanārthamidamucyate

ārambhaḥ prāṇipīḍāheturvyāpāraḥ mamedaṃbuddhilakṣaṇaḥ parigrahaḥ ārambhāśca parigrahāśca ārambhaparigrahāḥ bahava ārambhaparigrahā yasya sa bahvārambhaparigrahaḥ tasya bhāvo baha vārambhaparigrahatvam hiṃsādikrūrakarmājasrapravartanaparasvaharaṇaviṣayātigṛddhikṛṣṇaleśyābhijātaraudradhyānamaraṇakālatādilakṣaṇo nārakasyāyuṣa āsravo bhavati

āha ukto nārakasyāyuṣa āsravaḥ tairyagyonasyedānīṃ vaktavya ityatrocyate

cāritramohakarmaviśeṣasyodayādāvirbhūta ātmanaḥ kuṭilabhāvomāyā nikṛtiḥ tairyagyonasyāyuṣa āsravo veditavyaḥ tatprapañco mithyātvopetadharmadeśanā niḥśīlatātisandhānapriyatā nīlakapotaleśyārtadhyānamaraṇakālatādiḥ

āha vyākhyātastairyagyonasyāyuṣa āsravaḥ idānīṃ mānuṣasyāyuṣaḥ ko heturityatrocyate

nārakāyurāsravo vyākhyātaḥ tadviparīto mānuṣasyāyuṣa iti saṃkṣepaḥ tadvyāsaḥ vinītasvabhāvaḥ prakṛtibhadratā praguṇavyavahāratā tanukaṣāyatvaṃ maraṇakālāsaṃkleśatādiḥ

kimetāvāneva mānuṣasyāyuṣa āsrava ityatrocyate

bhṛdorbhāvo mārdavam svabhāvena mārdavaṃ svabhāvamārdavam upadeśānapekṣamityarthaḥ etadapi mānuṣasyāyuṣa āsravaḥ

pṛthagyogakaraṇaṃ kimartham uttarārtham devāyuṣa āsravo'yamapi yathā syāt

kimetadeva dvitayaṃ mānuṣasyāsravaḥ na ityucyate

'ca'śabdo'dhikṛtasamuccayārthaḥ alpārambhaparigrahatvañca niḥśīlavratatvañca śīlāni ca vratāni ca śīlavratāni tāni vakṣyante niṣkrāntaḥ śīlavratebhyo niḥśīlavrataḥ tasya bhāvo niḥśīlavratatvam 'sarveṣāṃ' grahaṇaṃ sakalāyurāsravapratipattyartham kiṃ devāyuṣo'pi bhavati satyam bhavati bhogabhūmijāpekṣayā

atha caturthasyāyuṣaḥ ka āsrava ityatrocyate

sarāgasaṃyamaḥ saṃyamāsaṃyamaśca vyākhyātau akāmanirjarā akāmaścārakanirodhabandhanabaddheṣu kṣuttṛṣṇānirodhabrahmacaryabhūśayyāmaladhāraṇaparitāpādiḥ akāmena nirjarā

akāmanirjarā bālatapo mithyādarśanopetamanupāyakāyakleśapracuraṃ nikṛtibahulavratadhāraṇam tānyetāni daivasyāyuṣa āsravahetavo veditavyāḥ

kimetāvāneva daivasyāyuṣa āsravaḥ netyāha

kim daivasyāyuṣa āsrava ityanuvartate aviśeṣābhidhāne'pi saudharmādiviśeṣagatiḥ kutaḥ pṛthakkaraṇāt yadyevam pūrvasūtre ukta āsravavidhiraviśeṣeṇa prasaktaḥ tena sarāgasaṃyamasaṃyamāsaṃyamāvapi bhavanavāsyādyāyuṣa āsravau prāpnutaḥ naiṣa doṣaḥ samyaktvābhāve sati tadvyapadeśābhāvāttadubhayamapyatrāntarbhavati

āyuṣo'nantaramuddiṣṭasya nāmna āsravavidhau vaktavye tatrā'śubhanāmna āsravapratipattyarthamāha

yogastriprakāro vyākhyātaḥ tasya vakratā kauṭilyam visaṃvādanamanyathāpravartanam nanu ca nārthabhedaḥ yogavakrataivānyathāpravartanam satyamevametat svagatā yogavakratetyucyate paragataṃ visaṃvādanam samyagabhyudayaniḥśreyasārthāsu kriyāsu pravartamānamanyaṃ tadviparītakāyavāṅmanobhirvisaṃvādayati maivaṃ kārṣīrevaṃ kurviti etadubhayamaśubhanāmakarmāsravakāraṇaṃ veditavyam 'ca'śabdena mithyādarśanapaiśunyāsthiracittatākūṭamānatulākaraṇaparanindā''tmapraśaṃsādiḥ samuccīyate

atha śubhanāmakarmaṇaḥ ka āsrava ityatrocyate

kāyavāṅmanasāmṛjutvamavisaṃvādanaṃ ca tadviparītam 'ca'śabdena samuccitasya ca viparītaṃ grāhyam dharmikadarśanasaṃbhramasadbhāvopanayanasaṃsaraṇabhīrutāpramādavarjanādiḥ tadetacchubhanāmakarmāsravakāraṇaṃ veditavyam

āha kimetāvāneva śubhanāmna āsravavidhiruta kaścidasti prativiśeṣa ityatrocyate yadidaṃ tīrthakaranāmakarmānantānupamaprabhāvamacintyavibhūtiviśeṣakāraṇaṃ trailokyavijayakaraṃ

tasyāsravavidhiviśeṣo'stīti yadyevamucyatāṃ ke tasyāsravāḥ ityata idamārabhyate

jinena bhagavatā'rhatparameṣṭhinopadiṣṭe nirgranthalakṣaṇe mokṣavartmani rucirdarśanaviśuddhiḥ prāguktalakṣaṇā tasyā aṣṭāvaṅgāni niśśaṅkitatvaṃ niḥkāṅkṣitā vicikitsāvirahatā amūḍhadṛṣṭitā upabṛṃhaṇaṃ sthitīkaraṇaṃ vātsalyaṃ prabhāvanaṃ ceti samyagjñānādiṣu mokṣamārgeṣu tatsādhaneṣu ca gurvādiṣu svayogyavṛttyā satkāra ādaro vinayastena sampannatā vinayasampannatā ahiṃsādiṣu vrateṣu tatpratipālanārtheṣu ca krodhavarjanādiṣu śīleṣu niravadyā vṛttiḥ śīlavrateṣvanatīcāraḥ jīvādipadārthasvatattvaviṣaye samyagjñāne nityaṃ yuktatā abhīkṣṇajñānoṃpayogaḥ saṃsāraduḥkhānnityabhīrutā saṃvegaḥ tyāgo dānam tattrividham āhāradānamabhayadānaṃ jñānadānaṃ ceti tacchaktito yathāvidhi prayujyamānaṃ tyāga ityucyate anigūhita

vīryasya mārgāvirodhi kāyakleśastapaḥ yathā bhāṇḍāgāre dahane samutthite tatpraśamanamanuṣṭhīyate bahūpakāratvāttathā'nekavrataśīlasamṛddhasya munestapasaḥ kutaścitpratyūhe samupasthite tatsandhāraṇaṃ samādhiḥ guṇavadduḥkhopanipāte niravadyena vidhinā tadapaharaṇaṃ vaiyāvṛttyam arhadācāryeṣu bahuśruteṣu pravacane ca bhāvaviśuddhiyukto'nurāgo bhaktiḥ ṣaṇṇāmāvaśyakakriyāṇāṃ yathākālaṃ pravartanamāvaśyakāparihāṇiḥ jñānatapodānajinapūjāvidhinā dharmaprakāśanaṃ mārgaprabhāvanā vatse dhenuvatsadharmaṇi snehaḥ pravacanavatsalatvam tānyetāni ṣoḍaśakāraṇāni samyagbhāvyamānāni vyastāni samastāni ca tīrthakaranāmakarmāsravakāraṇāni pratyetavyāni

idānīṃ nāmāsravābhidhānānantaraṃ gotrāsrave vaktavye sati nīcairgotrasyāsravavidhānārthamidamāha

tathyasya vā'tathyasya vā doṣasyodbhāvanaṃ prati icchā nindā guṇodbhāvanābhiprāyaḥ praśaṃsā yathāsaṃkhyamabhisambandhaḥ paranindā ātmapraśaṃseti pratibandhakahetusannidhāne

sati anudbhūtavṛttitā anāvirbhāva ucchādanam pratibandhakābhāve prakāśavṛttitā udbhāvanam atrāpi ca yathākramamabhisambandhaḥ sadguṇocchādanamasadguṇodbhāvanamiti tānyetāni nīcairgotrasyāsravakāraṇāni veditavyāni

athoccairgotrasya ka āsravavidhiratrocyate

'tat'ityanena pratyāsatternīcairgotrasyāsravaḥ pratinirdiśyate anyena prakāreṇa vṛttirviparyayaḥ tasya viparyayastadviparyayaḥ kaḥ punarasau viparyayaḥ ātmanindā parapraśaṃsā sadguṇodbhāvanamasadguṇocchādanaṃ ca guṇotkṛṣṭeṣu vinayenāvanatirnīcairvṛttiḥ vijñānādibhirutkṛṣṭasyāpi satastatkṛtamadaviraho'nahaṅkāratā'nutsekaḥ tānyetānyuttarasyoccairgotrasyāsravakāraṇāni bhavanti

atha gotrānantaramuddiṣṭasyāntarāyasya ka āsrava ityucyate

dānādīnyuktāni 'dānalābhabhogopabhogavīryāṇi ca' ityatra teṣāṃ vihananaṃ vighnaḥ vighnasya karaṇaṃ vighnakaraṇamantarāyasyāsravavidhirveditavyaḥ atra codyate tatpradoṣanihnavādayo jñānadarśanāvaraṇādīnāṃ pratiniyatā āsravahetavo varṇitāḥ kiṃ te pratiniyatajñānāvaraṇādyāsravahetava eva utāviśeṣeṇeti yadi pratiniyatajñānāvaraṇādyāsravahetava eva āgamavirodhaḥ prasajyate āgame hi sapta karmāṇi āyurvarjyāni pratikṣaṇaṃ yugapadāsravantītyuktam tadvirodhaḥ syāt athāviśeṣeṇa āsravahetavo viśeṣanirdeśo na yukta iti atrocyate yadyapi tatpradoṣādibhirjñānāvaraṇādīnāṃ sarvāsāṃ karmaprakṛtīnāṃ pradeśabandhaniyamo nāsti tathāpyanubhāganiyamahetutvena tatpradoṣani hnavādayo vibhajyante

iti tattvārthavṛttau sarvārthasiddhisañjñikāyāṃ ṣaṣṭho'dhyāyaḥ

atha saptamo'dhyāyaḥ

āsravapadārtho vyākhyātaḥ tatprārambhakāle evoktaṃ 'śubhaḥ puṇyasya'iti tatsāmānyenoktam tadviśeṣapratipattyarthaṃ kaḥ punaḥ śubha ityukte idamucyate

'pramattayogātprāṇavyaparopaṇaṃ hiṃsā'ityevamādibhiḥ sūtrairhiṃsādayo nirdekṣyante tebhyo viramaṇaṃ viratirvratamityucyate vratamabhisandhikṛto niyamaḥ idaṃ kartavyamidaṃ na kartavyamiti vā nanu ca hiṃsādayaḥ pariṇāmaviśeṣā adhruvāḥ kathaṃ teṣāmapādānatvamucyate buddhyapāye dhruvatvavivakṣopapatteḥ yathā dharmādviramatītyatra ya eṣa manuṣyaḥ sambhinnabuddhiḥ sa paśyati duṣkaro dharmaḥ phalaṃ cāsya śraddhāmātragamyamiti sa buddhyā samprāpya nivartate evamihāpi ya

eṣa manuṣyaḥ prekṣāpūrvakārī sa paśyati ya ete hiṃsādayaḥ pariṇāmāste pāpahetavaḥ pāpakarmaṇi pravartamānān janānihaiva rājāno daṇḍayanti paratra ca duḥkhamāpnuvantīti sa buddhyā samprāpya nivartate tato buddhyā dhruvatvavivakṣopapatterapādānatvaṃ yuktam 'virati'śabdaḥ pratyekaṃ parisamāpyate hiṃsāyā viratiḥ anṛtādviratirityevamādi tatra ahiṃsāvratamādau kriyate pradhānatvāt satyādīni hi tatparipālanārthāni sasyasya vṛtiparikṣepavat sarvasāvadyanivṛttilakṣaṇasāmāyikāpekṣayā ekaṃ vrataṃ tadeva chedopasthāpanāpekṣayā pañcavidhamihocyate nanu ca asya vratasyāsravahetutvamanupapannaṃ saṃvarahetuṣvantarbhāvāt saṃvarahetavo vakṣyante guptisamityādayaḥ tatra daśavidhe dharme saṃyame vā vratānāmantarbhāva iti naiṣadoṣaḥ tatra saṃvaro nivṛttilakṣaṇo vakṣyate pravṛttiścātra dṛśyate hiṃsānṛtādattādānādiparityāge ahiṃsāsatyavacanadattādānādikriyāpratīteḥ guptyādisaṃvaraparikarmatvācca vrateṣu hi kṛtaparikarmā sādhuḥ sukhena saṃvaraṃ karotīti tataḥ pṛthaktvenopadeśaḥ kriyate nanu ca ṣaṣṭhamaṇu

vratamasti rātribhojanaviramaṇaṃ tadihopasaṃkhyātavyam na bhāvanāsvantarbhāvāt ahiṃsāvratabhāvanā hi vakṣyante tatra ālokitapānabhojanabhāvanā kāyati

tasya pañcatayasya vratasya bhedapratipattyarthamāha

deśa ekadeśaḥ sarvaḥ sakalaḥ deśaśca sarvaśca deśasarvau tābhyāṃ deśasarvataḥ 'viratiḥ' ityanuvartate aṇu ca mahaccāṇumahatī vratābhisambandhānnapuṃṃsakaliṅganirdeśaḥ yathāsaṃkhyamabhisambadhyate deśato viratiraṇuvrataṃ sarvato viratirmahāvratamiti dvidhā bhidyate pratyekaṃ vratam etāni vratāni bhāvitāni varauṣadhavadyatnavate duḥkhanivṛttinimittāni bhavanti

kimarthaṃ kathaṃ vā bhāvanaṃ teṣāmityatrocyate

teṣāṃ vratānāṃ sthirīkaraṇāyaikaikasya vratasya pañca pañca bhāvanā veditavyāḥ

yadyevamādyasyāhiṃsāvratasya bhāvanāḥ kā ityatrocyate

vāgguptiḥ manoguptiḥ īryāsamitiḥ ādānanikṣepaṇasamitiḥ ālokitapānabhojanamityetāḥ pañcāhiṃsāvratasya bhāvanāḥ

atha dvitīyasya vratasya kā ityatrocyate

krodhapratyākhyānaṃ lobhapratyākhyānaṃ bhīrutvapratyākhyānaṃ hāsyapratyākhyānam anuvīcībhāṣaṇaṃ cetyetāḥ pañca bhāvanāḥ satyavratasya jñeyāḥ anuvīcībhāṣaṇaṃ niravadyānubhāṣaṇamityarthaḥ

idānīṃ tṛtīyasya vratasya kā bhāvanā ityatrāha

śūnyāgāreṣu giriguhātarukoṭarādiṣvāvāsaḥ parakīyeṣu ca vimociteṣvāvāsaḥ pareṣāmuparodhā'karaṇam ācāraśāstramārgeṇa bhaikṣaśuddhiḥ mamedaṃ tavedamiti sadharmabhira

visaṃvādaḥ ityetāḥ pañcādattādānaviramaṇavratasya bhāvanāḥ

athedānīṃ brahmacaryavratasya bhāvanā vaktavyā ityatrāha

tyāgaśabdaḥ pratyekaṃ parisamāpyate strīrāgakathāśravaṇatyāgaḥ tanmanoharāṅganirīkṣaṇatyāgaḥ pūrvaratānusmaraṇatyāgaḥ vṛṣyeṣṭarasatyāgaḥ svaśarīrasaṃskāratyāgaśceti caturthavratasya bhāvanāḥ pañca vijñeyāḥ

atha pañcamavratasya bhāvanāḥ kā ityatrocyate

pañcānāmindriyāṇāṃ sparśanādīnāmiṣṭāniṣṭeṣu viṣayeṣū panipatiteṣu sparśādiṣu rāgavarjanāni pañca ākiñcanyasya vratasya bhāvanāḥ pratyetavyāḥ

kiñcānyadyathā'mīṣāṃ vratānāṃ draḍhimārthaṃ bhāvanāḥ pratīyante tadvipaścidbhiriti bhāvanopadeśaḥ tathā tadarthaṃ tadvirodhiṣvapītyāha

abhyudayaniḥśreyasārthānāṃ kriyāṇāṃ vināśakaḥ prayogo'pāyaḥ avadyaṃ garhyam apāyaścāvadyaṃ cāpāyāvadye tayordarśanamapāyāvadyadarśanaṃ bhāvayitavyam kva ihāmutra ca keṣu hiṃsādiṣu kathamiti ceducyate hiṃsāyāṃ tāvat hiṃsro hi nityodvejanīyaḥ satatānubaddhavairaśca iha ca vadhabandhaparikleśādīn pratilabhate pretya cāśubhāṃ gatiṃ garhitaśca bhavatīti hiṃsāyā vyuparamaḥ śreyān tathā anṛtavādī aśraddheyo bhavati ihaiva ca jihvācchedādīn pratilabhate mithyābhyākhyānaduḥkhitebhyaśca baddhavairebhyo bahūni vyasanānyavāpnoti pretya cāśubhāṃ gatiṃ garhitaśca bhavatīti anṛtavacanāduparamaḥ śreyān tathā stenaḥ paradravyāharaṇāsaktaḥ sarvasyodvejanīyo bhavati ihaiva cābhighātavadhabandhahastapādakarṇanāsottarauṣṭhacchedanabhedanasarvasvaharaṇādīn pratilabhate pretya cāśubhāṃ gatiṃ garhitaśca bhavatīti steyād vyuparatiḥ śreyasī tathā abrahmacārī madavibhramodbhrāntacitto vanagaja iva vāsitā

vañcito vivaśo vadhabandhanaparikleśānanubhavati mohābhibhūtatvācca kāryākāryānabhijño na kiñcitkuśalamācarati parāṅganāliṅganasaṅgakṛtaratiścehaiva vairānubandhino liṅgacchedanavadhabandhasarvasvaharaṇādīnapāyān prāpnoti pretya cāśubhāṃ gatimaśnute garhitaśca bhavati ato viratirātmahitā tathā parigrahavān śakuniriva gṛhītamāṃsakhaṇḍo'nyeṣāṃ tadarthināṃ patattriṇāmihaiva taskarādīnāmabhibhavanīyo bhavati tadarjanarakṣaṇaprakṣayakṛtāṃśca doṣān bahūnavāpnoti na cāsya tṛptirbhavati indhanairivāgneḥ lobhāmibhūtatvācca kāryākāryānapekṣo bhavati pretya cāśubhāṃ gatimāskandate lubdho'yamiti garhitaśca bhavatīti tadviramaṇaṃ śreyaḥ evaṃ hiṃsādiṣvapāyāvadyadarśanaṃ bhāvanīyam

hiṃsādiṣu bhāvanāntarapratipādanārthamāha

hiṃsādayo duḥkhameveti bhāvayitavyāḥ kathaṃ hiṃsādayo duḥkham duḥkhakāraṇatvāt yathā 'annaṃ vai prāṇāḥ' iti kāraṇasya kāraṇatvādvā yathā 'dhanaṃ prāṇāḥ' iti dhanakāraṇa

mannapānamannapānakāraṇāḥ prāṇā iti tathā hiṃsādayo'sadvedyakarmakāraṇam asadvedyakarma ca duḥkhakāraṇamiti duḥkhakāraṇe duḥkhakāraṇakāraṇe vā duḥkhopacāraḥ tadete duḥkhameveti bhāvanaṃ parātmasākṣikamavagantavyam nanu ca tatsarvaṃ na duḥkhameva viṣayaratisukhasadbhāvāt na tatsukham vedanāpratīkāratvātkacchūkaṇḍūyanavat

punarapi bhāvanāntaramāha

pareṣāṃ duḥkhānutpattyabhilāṣo maitrī vadanaprasādādibhirabhivyajyamānāntarbhavitarāgaḥ pramodaḥ dīnānugrahabhāvaḥ kāruṇyam rāgadveṣapūrvakapakṣapātābhāvo mādhyastham duṣkarmavipākavaśānnānāyoniṣu sīdantīti sattvā jīvāḥ samyagjñānādibhiḥ prakṛṣṭā guṇādhikāḥ asadvedyodayāpāditakleśāḥ kliśyamānāḥ tattvārthaśravaṇagrahaṇābhyāmasaṃpāditaguṇā avineyāḥ eteṣu sattvādiṣu yathāsaṃkhyaṃ maitryādīni bhāvayitavyāni sarvasattveṣu maitrī

guṇādhikeṣu pramodaḥ kliśyamāneṣu kāruṇyam avineyeṣu mādhyasthamiti evaṃ bhāvayataḥ pūrṇānyahiṃsādīni vratāni bhavanti

punarapi bhāvanāntaramāha

jagatsvabhāvastāvadanādiranidhano vetrāsanajhallarīmṛdaṅganibhaḥ atra jīvā anādisaṃsāre'nantakālaṃ nānāyoniṣu duḥkhaṃ bhojaṃ bhojaṃ paryaṭanti na cātra kiñcinniyatamasti jalabudbudopamaṃ jīvitam vidyunmeghādivikāracapalā bhogasampada iti evamādijagatsvabhāvacintanātsaṃsārātsaṃvego bhavati kāyasvabhāvaśca anityatā duḥkhahetutvaṃ niḥsāratā aśucitvamiti evamādikāyasvabhāvacintanādviṣayarāganivṛttervairāgyamupajāyate iti jagatkāyasvabhāvau bhāvayitavyau

atrāha uktaṃ bhavatā hiṃsādinivṛttirvratamiti tatra na jānīmaḥ ke hiṃsādayaḥ kriyāviśeṣā ityatrocyate yugapadvaktumaśakyatvāttallakṣaṇanirdeśasya kramaprasaṅge yā'sāvādau coditā saiva tāvaducyate

pramādaḥ sakaṣāyatvaṃ tadvānātmapariṇāmaḥ pramattaḥ pramattasya yogaḥ pramattayogaḥ tasmātpramattayogāt indriyādayo daśaprāṇāsteṣāṃ yathāsaṃbhavaṃ vyaparopaṇaṃ viyogakaraṇaṃ hiṃsetyabhidhīyate sā prāṇino duḥkhahetutvādadharmahetuḥ 'pramattayogāt'iti viśeṣaṇaṃ kevalaṃ prāṇavyaparopaṇaṃ nādharmāyeti jñāpanārtham uktaṃ ca

uktaṃ ca

nanu ca prāṇavyaparopaṇābhāve'pi pramattayogamātrādeva hiṃseṣyate uktaṃ ca

naiṣa doṣaḥ atrāpi prāṇavyaparopaṇamasti bhāvalakṣaṇam tathā coktam

āha abhihitalakṣaṇā hiṃsā tadanantaroddiṣṭamanṛtaṃ kiṃlakṣaṇamityatrocyate

sacchabdaḥ praśaṃsāvācī na sadasadapraśastamiti yāvat asato'rthasyābhidhānamasadabhidhānamanṛtam ṛtaṃ satyaṃ na ṛtamanṛtam kiṃ punarapraśastam prāṇipīḍākaraṃ yattadapraśastaṃ vidyamānārthaviṣayaṃ vā avidyamānārthaviṣayaṃ vā uktaṃ ca prāgevāhiṃsāvrataparipālanārthamitaradvratam iti tasmāddhiṃsākaraṃ vaco'nṛtamiti niśceyam

athānṛtānantaramuddiṣṭaṃ yatsteyaṃ tasya kiṃ lakṣaṇamityata āha

ādānaṃ grahaṇamadattasyādānamadattādānaṃ steyamityucyate yadyevaṃ karmanokarmagrahaṇamapi

steyaṃ prāpnoti anyenādattatvāt naiṣa doṣa dānādāne yatra sambhavatastatraiva steyavyavahāraḥ kutaḥ 'adatta'grahaṇasāmarthyāt evamapi bhikṣorgrāmanagarādiṣu bhramaṇakāle rathyādvārādipraveśādadattādānaṃ prāpnoti naiṣa doṣaḥ sāmānyena muktatvāt tathāhi ayaṃ bhikṣuḥ pihitadvārādiṣu na praviśati amuktatvāt athavā 'pramattayogāt'ityanuvartate pramattayogādadattādānaṃ yat tatsteyamityucyate na ca rathyādi praviśataḥ pramattayogo'sti tenaitaduktaṃ bhavati yatra saṃkleśapariṇāmena pravṛttistatra steyaṃ bhavati bāhyavastuno grahaṇe cāgrahaṇe ca

atha caturthamabrahma kiṃlakṣaṇamityatrocyate

strīpuṃṃsayoścāritramohodaye sati rāgapariṇāmāviṣṭayoḥ parasparasparśanaṃ prati icchā mithunam mithunasya karma maithunamityucyate na sarvaṃ karma kutaḥ loke śāstre ca tathā

prasiddheḥ loke tāvadāgopālādiprasiddhaṃ strīpuṃṃsayoḥ rāgapariṇāmanimittaṃ ceṣṭitaṃ maithunamiti śāstre'pi 'aśvavṛṣabhayormaithunecchāyām' ityevamādiṣu tadeva gṛhyate api ca 'pramattayogāt'ityanuvartate tena strīpuṃṃsamithunaviṣayaṃ ratisukhārthaṃ ceṣṭitaṃ maithunamiti gṛhyate na sarvam ahiṃsādayo guṇā yasmin paripālyamāne bṛṃhanti vṛddhimupayānti tad brahma na brahma abrahma iti kiṃ tat maithunam tatra hiṃsādayo doṣāḥ puṣyanti yasmānmaithunasevanapravaṇaḥ sthāsnūṃṃścariṣṇūnū prāṇino hinasti mṛṣāvādamācaṣṭe adattamādatte acetanamitaraṃ ca parigrahaṃ gṛh ṇāti

atha pañcamasya parigrahasya kiṃ lakṣaṇamityata āha

mūrchetyucyate kā mūrchā bāhyānāṃ gomahiṣamaṇimuktāphalādīnāṃ cetanācetanānāmābhyantarāṇāṃ ca rāgādīnāmupadhīnāṃ saṃrakṣaṇārjanasaṃskārādilakṣaṇāvyāvṛttirmūrchā nanu

ca loke vātādiprakopaviśeṣasya mūrcheti prasiddhirasti tadgrahaṇaṃ kasmānna bhavati satyamevametat mūrchirayaṃ mohasāmānye vartate 'sāmānyacodanāśca viśeṣeṣvavatiṣṭhante' ityukte viśeṣe vyavasthitaḥ parigṛhyate parigrahaprakaraṇāt evamapi bāhyasya parigrahatvaṃ na prāpnoti ādhyātmikasya saṃgrahāt satyamevametat pradhānatvādabhyantara eva saṃgṛhītaḥ asatyapi bāhye mamedamiti saṅkalpavān saparigraha eva bhavati atha bāhyaḥ parigraho na bhavatyeva bhavati ca mūrchākāraṇatvāt yadi mamedamiti saṃkalpaḥ parigrahaḥ sañjñānādyapi parigrahaḥ prāpnoti tadapi hi mamedamiti saṅkalpyate rāgādipariṇāmavat naiṣa doṣaḥ 'pramattayogāt'ityanuvartate tato jñānadarśanacāritravato'pramattasya mohābhāvānna mūrchā'stīti niṣparigrahatvaṃ siddham kiñca teṣāṃ jñānādīnāmaheyatvādātmasvabhāvatvādaparigrahatvam rāgādayaḥ punaḥ karmodayatantrā iti anātmasvabhāvatvāddheyāḥ tatasteṣu saṅkalpaḥ parigraha iti yujyate tanmūlāḥ sarve doṣāḥ mamedamiti hi sati saṃkalpe saṃrakṣaṇādayaḥ

saṃjāyante tatra ca hiṃsā'vaśyambhāvinī tadarthamanṛtaṃ jalpati cauryaṃ vā ācarati maithune ca karmaṇi prayatate tatprabhavā narakādiṣu duḥkhaprakārāḥ

evamuktena prakāreṇa hiṃsādidoṣadarśino'hiṃsādiguṇāhitacetasaḥ paramaprayatnasyāhiṃsādīni vratāni yasya santi saḥ

śṛṇāti hinastīti śalyam śarīrānupraveśi kāṇḍādipraharaṇaṃ śalyamiva śalyaṃ yathā tat prāṇino bādhākaraṃ tathā śārīramānasabādhāhetutvātkarmodayavikāraḥ śalyamityupacaryate tat trividham māyāśalyaṃ nidānaśalyaṃ mithyādarśanaśalyamiti māyā nikṛtirvañcanā nidānaṃ viṣayabhogākāṅkṣā mithyādarśanamatattvaśraddhānam etasmāttrividhācchalyānniṣkrānto niśśalyo vratī ityucyate atra codyate śalyābhāvānniḥśalyo vratābhisambandhād vratī na niśśalyatvādvratī bhavitumarhati na hi devadatto daṇḍasambandhācchatrī bhavatīti atrocyate ubhayaviśeṣaṇaviśiṣṭasyeṣṭatvāt na hiṃsādyuparati

mātravratābhisambandhād vratī bhavatyantareṇa śalyābhāvam sati śalyāpagame vratasambandhād vratī vivakṣito yathā bahukṣīraghṛto gomāniti vyapadiśyate bahukṣīraghṛtābhāvātsatīṣvapi goṣu na gomāṃstathā saśalyatvātsatsvapi vrateṣu na vratī yastu niḥśalyaḥ sa vratī

tasya bhedapratipattyarthamāha

pratiśrayārthibhiḥ aṅgyate iti agāraṃ veśma tadvānagārī na vidyate agāramasyetyanagāraḥ dvividho vratī agārī anagāraśca nanu cātra viparyayo'pi prāpnoti śūnyāgāradevakulādyāvāsasya muneragāritvam anivṛttaviṣayatṛṣṇasya kutaścitkāraṇād gṛhaṃ vimucya vane vasato'nagāratvañca prānotīti naiṣa doṣaḥ bhāvāgārasya vivakṣitatvāt cāritramohodaye satyagārasambandhaṃ pratyanivṛttaḥ pariṇāmo bhāvāgāramityucyate sa yasyāstyasāvagārī vane vasannapi gṛhe vasannapi tadabhāvādanagāra iti ca bhavati nanu cāgāriṇo vratitvaṃ na prāpnoti asakalavratatvāt naiṣa doṣaḥ naigamādinayāpekṣayā

agāriṇo'pi vratitvamupapadyate nagarāvāsavat yathā gṛhe apavarake vā vasannapi nagarāvāsa ityucyeta tathā asakalavrato'pi naigamasaṃgrahavyavahāranayāpekṣayā vratīti vyapadiśyate

atrāha kiṃ hiṃsādīnāmanyatamasmādyaḥ pratinivṛttaḥ sa khalvagārī vratī naivam kiṃ tarhi pañcatayyā api viratervaikalyena vivakṣita ityucyate

'aṇu'śabdo'lpavacanaḥ aṇūni vratānyasya aṇuvrato'gārītyucyate kathamasya vratānāmaṇutvam sarvasāvadyanivṛttyasambhavāt kutastarhyasau nivṛttaḥ trasaprāṇivyaparopaṇānnivṛttaḥ agārītyādyamaṇuvratam snehamohādivaśād gṛhavināśe grāmavināśe vā kāraṇamityabhimatādasatyavacanānnivṛtto gṛhīti dvitīyamaṇuvratam anyapīḍākaraṃ pārthivabhayādivaśādavaśyaṃ parityaktamapi yadadattaṃ tataḥ pratinivṛttādaraḥ śrāvaka iti tṛtīyamaṇuvratam upāttāyā anupāttāyāśca parāṅganāyāḥ saṅgānnivṛttaratirgṛhīti caturthamaṇuvratam dhanadhānyakṣetrā

dīnāmicchāvaśāt kṛtaparicchedo gṛhīti pañcamamaṇuvratam

āha aparityaktāgārasya kimetāvāneva viśeṣa āhosvidasti kaścidanyo'pītyata āha

'virati'śabdaḥ pratyekaṃ parisamāpyate digviratiḥ deśaviratiḥ anarthadaṇḍaviratiriti etāni trīṇi guṇavratāni 'vrata' śabdasya pratyekamabhisambandhāt tathā sāmāyikavrataṃ proṣadhopavāsavrataṃ upabhogaparibhogaparimāṇavrataṃ atithisaṃvibhāgavrataṃ etāni catvāri śikṣāvratāni etairvrataiḥ sampanno gṛhī viratāvirata ityucyate tadyathā dikprācyādiḥ tatra prasiddhairabhijñānairavadhiṃ kṛtvā niyamanaṃ digvirativratam tato bahistrasasthāvaravyaparopaṇanivṛttermahāvratatvamavaseyam tatra lābhe satyapi pariṇāmasya nivṛtterlobhanirāsaśca kṛto bhavati grāmādīnāmavadhṛtaparimāṇaḥ pradeśo deśaḥ tato bahirniṃvṛttirdeśavirativratam pūrvavadbahirmahāvratatvaṃ vyavasthāpyam asatyupakāre pāpādānaheturanarthadaṇḍaḥ tato

viratiranarthadaṇḍaviratiḥ anarthadaṇḍaḥ pañcavidhaḥ apadhyānaṃ pāpopadeśaḥ pramādācaritaṃ hiṃsāpradānaṃ aśubhaśrutiriti tatra pareṣāṃ jayaparājayavadhabandhanāṅgacchedaparasvaharaṇādi kathaṃ syāditi manasā cintanamapadhyānam tiryakkleśavāṇijyaprāṇivadhakārambhādiṣu pāpasaṃyuktaṃ vacanaṃ pāpopadeśaḥ prayojanamantareṇa vṛkṣādicchedanabhūmikuṭṭanasalilasecanādyavadyakarma pramādācaritam viṣakaṇṭakaśastrāgnirajjukaśādaṇḍādihiṃsopakaraṇapradānaṃ hiṃsāpradānam hiṃsārāgādipravardhanaduṣṭakathāśravaṇaśikṣaṇavyāpṛtiraśubhaśrutiḥ

samekībhāve vartate tadyathā saṅgataṃ ghṛtaṃ saṅgataṃ tailamityucyate ekībhūtamiti gamyate ekatvena ayanaṃ gamanaṃ samayaḥ samaya eva sāmāyikaṃ samayaḥ prayojanamasyeti vā vigṛhya sāmāyikam iyati deśe etāvati kāle ityavadhārite sāmāyike sthitasya mahāvratatvaṃ pūrvavadveditavyam kutaḥ aṇusthūlakṛtahiṃsādinivṛtteḥ saṃyamaprasaṅga iti cet na

taddhātikarmodayasadbhāvāt mahāvratatvābhāva iti cet tanna upacārād rājakule sarvagatacaitrābhidhānavat

proṣadhaśabdaḥ parvaparyāyavācī śabdādigrahaṇaṃ prati nivṛttautsukyāni pañcāpīndriyāṇyupetya tasmin vasantītyupavāsaḥ caturvidhāhāraparityāga ityarthaḥ proṣadhe upavāsaḥ proṣadhopavāsaḥ svaśarīrasaṃskārakāraṇasnānagandhamālyābharaṇādivirahitaḥ śucāvavakāśe sādhunivāse caityālaye svaproṣadhopavāsagṛhe vā dharmakathāśravaṇaśrāvaṇacintanavihitāntaḥ karaṇaḥ sannupavasennirārambhaḥ śrāvakaḥ

upabhogo'śanapānagandhamālyādiḥ paribhoga ācchādanaprāvaraṇālaṅkāraśayanāsanagṛhayānavāhanādiḥ tayoḥ parimāṇamupabhogaparibhogaparimāṇam madhu māṃsaṃ madyañca sadā parihartavyaṃ trasaghātānnivṛttacetasā ketakyarjunapuṣpādīni śṛṅgaveramūlakādīni bahujantu

yonisthānānyanantakāyavyapadeśārhāṇi parihartavyāni bahughātālpaphalatvāt yānavāhanābharaṇādiṣvetāvadeveṣṭamato'nyadaniṣṭamityaniṣṭānnivartanaṃ kartavyaṃ kālaniyamena yāvajjīvaṃ vā yathāśakti

saṃyamamavināśayannatatītyatithiḥ athavā nāsya tithirastītyatithiḥ aniyatakālāgamana ityarthaḥ atithaye saṃvibhāgo'tithisaṃvibhāgaḥ sa caturvidhaḥ bhikṣopakaraṇauṣadhapratiśrayabhedāt mokṣārthamabhyudyatāyātithaye saṃyamaparāyaṇāya śuddhāya śuddhacetasā niravadyā bhikṣā deyā dharmopakaraṇāni ca samyagdarśanādyupabṛṃhaṇāni dātavyāni auṣadhamapi yogyamupayojanīyam pratiśrayaśca paramadharmaśraddhayā pratipādayitavya iti 'ca'śabdo vakṣyamāṇagṛhasthadharmasamuccayārthaḥ

kaḥ punarasau

svapariṇāmopāttasyāyuṣa indriyāṇāṃ balānāṃ ca kāraṇavaśātsaṃkṣayo maraṇam 'anta' grahaṇaṃ tadbhavamaraṇapratipattyartham maraṇamanto maraṇāntaḥ sa prayojanamasyeti māraṇā

ntikī samyakkāyakaṣāyalekhanā sallekhanā kāyasya bāhyasyābhyantarāṇāṃ ca kaṣāyāṇāṃ tatkāraṇahāpanakrameṇa samyaglekhanā sallekhanā tāṃ māraṇāntikīṃ sallekhanāṃ joṣitā sevitā gṛhītyabhisambadhyate nanu ca vispaṣṭārthaṃ sevitetyevaṃ vaktavyam na arthaviśeṣopapatteḥ na kevalamiha sevanaṃ parigṛhyate kiṃ tarhi prītyartho'pi yasmādasatyāṃ prītau balānna sallekhanā kāryate satyāṃ hi prītau svayameva karoti syānmatamātmavadhaḥ prāpnoti svābhisandhipūrvakāyurādinivṛtteḥ naiṣa doṣaḥ apramattatvāt 'pramattayogātprāṇavyaparopaṇaṃ hiṃsā'ityuktam na cāsya pramādayogo'sti kutaḥ rāgādyabhāvāt rāgadveṣamohāviṣṭasya hi viṣaśastrādyupakaraṇaprayogavaśādātmānaṃ ghnataḥ svaghāto bhavati na sallekhanāṃ pratipannasya rāgādayaḥ santi tato nātmavadhadoṣaḥ uktaṃ ca

kiñca maraṇasyāniṣṭatvādyathā vaṇijo vividhapaṇyadānādānasañcayaparasya svagṛhavināśo'niṣṭaḥ tadvināśakāraṇe ca kutaścidupasthite yathāśakti pariharati duṣparihāre ca paṇyavināśo yathā na bhavati tathā yatate evaṃ gṛhastho'pi vrataśīlapaṇyasaṃcaye pravartamānaḥ tadāśrayasya na pātamabhivāñchati tadupaplavakāraṇe copasthite svaguṇāvirodhena pariharati duṣparihāre ca yathā svaguṇavināśo na bhavati tathā prayatata iti kathamātmavadho bhavet

atrāha 'niḥśalyo vratī' ityuktaṃ tatra ca tṛtīyaṃ śalyaṃ mithyādarśanam tataḥ samyagdṛṣṭinā vratinā niḥśalyena bhavitavyamityuktam tatsamyagdarśanaṃ kiṃ sāpavādaṃ nirapavādamiti ucyate kasyacinmohanīyāvasthāviśeṣātkadācidime bhavantyapavādāḥ

niḥśaṅkitatvādayo vyākhyātāḥ 'darśanaviśuddhiḥ'ityatra tatpratipakṣabhūtāḥ śaṅkādayo veditavyāḥ atha praśaṃsāsaṃstavayoḥ ko viśeṣaḥ manasā mithyādṛṣṭerjñānacāritraguṇo

dbhāvanaṃ praśaṃsā bhūtābhūtaguṇodbhāvavacanaṃ saṃstava ityayamanayorbhedaḥ nanu ca samyagdarśanamaṣṭāṅgamuktaṃ tasyāticārairapyaṣṭabhirbhavitavyam naiṣa doṣaḥ vrataśīleṣu pañca pañcāticārā ityuttaratra vivakṣuṇā''cāryeṇa praśaṃsāsaṃstavayoritarānaticārānantarbhāvya pañcaivāticārā uktāḥ

āha samyagdṛṣṭeraticārā uktāḥ kimevaṃ vrataśīleṣvapi bhavantīti omityuktvā tadaticārasaṃkhyānirdeśārthamāha

vratāni ca śīlāni ca vrataśīlāni teṣu vrataśīleṣu śīlagrahaṇamanarthakam vratagrahaṇenaiva siddheḥ nānarthakam viśeṣajñāpanārthaṃ vrataparirakṣaṇārthaṃ śīlamiti digviratyādīnīha 'śīla'grahaṇena gṛhyante

agāryadhikārādagāriṇo vrataśīleṣu pañca pañcāticārā vakṣyamāṇā yathākramaṃ veditavyāḥ tadyathā ādyasya tāvadahiṃsāvratasya

abhimatadeśagatinirodhaheturbandhaḥ daṇḍakaśāvetrādibhirabhighātaḥ prāṇināṃ vadhaḥ na prāṇavyaparopaṇam tataḥ prāgevāsya vinivṛttatvāt karṇanāsikādīnāmavayavānāmapanayanaṃ chedaḥ nyāyyabhārādatiriktavāhanamatibhārāropaṇam gavādīnāṃ kṣutpipāsābādhākaraṇamannapānanirodhaḥ ete pañcāhiṃsāṇuvratasyāticārāḥ

abhyudayaniḥśreyasārtheṣu kriyāviśeṣeṣu anyasyānyathā pravartanamatisandhāpanaṃ vā mithyopadeśaḥ yatstrīpuṃsābhyāmekānte'nuṣṭhitasya kriyāviśeṣasya prakāśanaṃ tadrahobhyākhyānaṃ veditavyam anyenānuktamananuṣṭhitaṃ yatkiṃcitparaprayogavaśādevaṃ tenoktamanuṣṭhitamiti vañcanānimittaṃ lekhanaṃ kūṭalekhakriyā hiraṇyāderdravyasya nikṣepturvismṛtasaṃkhyasyālpasaṃkhyeyamādadānasyaivamityanujñāvacanaṃ nyāsāpahāraḥ arthaprakaraṇāṅgavikārabhrūvikṣepādibhiḥ parākūtamupalabhya tadāviṣkaraṇamasūyādinimittaṃ yattatsākāramantrabheda iti kathyate ta ete satyāṇuvratasya pañcāticārā boddhavyāḥ

muṣṇantaṃ svayameva vā prayuṅkte'nyena vā prayojayati prayuktamanumanyate vā yataḥ sa stenaprayogaḥ aprayuktenānanumatena ca caureṇānītasya grahaṇaṃ tadāhṛtādānam ucitanyāyādanyena prakāreṇa dānagrahaṇamatikramaḥ viruddhaṃ rājyaṃ viruddharājyaṃ viruddharājye'tikramaḥ viruddharājyātikramaḥ tatra hyalpamūlyalabhyāni mahārghyāṇi dravyāṇīti prayatnaḥ prasthādi mānam tulādyunmānam etena nyūnenānyasmai deyamadhikenātmano grāhyamityevamādikūṭaprayogo hīnādhikamānonmānam kṛtrimairhiraṇyādibhirvañcanāpūrvako vyavahāraḥ pratirūpakavyavahāraḥ ta ete pañcādattādānāṇuvratasyāticārāḥ

kanyādānaṃ vivāhaḥ parasya vivāhaḥ paravivāhaḥ paravivāhasya karaṇaṃ paravivāhakaraṇam parapuruṣāneti gacchatītyevaṃśīlā itvarī kutsitā itvarī kutsāyāṃ ka

itvarikā yā ekapuruṣabhartṛkā sā parigṛhītā yā gaṇikātvena puṃścalītvena vā parapuruṣagamanaśīlā asvāmikā sā aparigṛhītā parigṛhītā cāparigṛhītā ca parigṛhītāparigṛhīte itvarike ca te parigṛhītāparigṛhīte ca itvarikāparigṛhītā'parigṛhīte tayorgamane itvarikāparigṛhītāparigṛhītāgamane aṅgaṃ prajananaṃ yoniśca tato'nyatra krīḍā anaṅgakrīḍā kāmasya pravṛddhaḥ pariṇāmaḥ kāmatīvrābhiniveśaḥ ta ete pañca svadārasantoṣavratasyāticārāḥ

kṣetraṃ sasyādhikaraṇam vāstu agāram hiraṇyaṃ rūpyādivyavahāratantram suvarṇaṃ pratītam dhanaṃ gavādi dhānyaṃ vrīhyādi dāsīdāsaṃ bhṛtyastrīpuṃsavargaḥ kupyaṃ kṣaumakārpāsakauśeyacandanādi kṣetraṃ ca vāstu ca kṣetravāstu hiraṇyaṃ ca suvarṇaṃ ca hiraṇyasuvarṇam dhanaṃ ca dhānyaṃ ca dhanadhānyam dāsī ca dāsaśca dāsīdāsam kṣetravāstu ca hiraṇyasuvarṇaṃ ca dhanadhānyaṃ ca dāsīdāsaṃ ca kupyaṃ ca kṣetravāstuhiraṇyasuvarṇadhanadhānyadāsīdāsakupyāni etāvāneva parigraho mama nānya iti paricchinnāṇupramāṇātkṣetravāstvādiviṣayādatirekā atilobhavaśātpramāṇātikramā iti pratyākhyāyante ta ete parigrahaparimāṇavratasyāticārāḥ

uktā vratānāmaticārāḥ śīlānāmaticārā vakṣyante tadyathā

parimitasya digavadheratilaṅghanamatikramaḥ sa samāsatastrividhaḥ ūrdhvātikramaḥ adho'tikramastiryagatikramaśceti tatra parvatādyārohaṇādūrdhvātikramaḥ kūpāvataraṇāderadho'tikramaḥ bilapraveśādestiryagatikramaḥ parigṛhītāyā diśo lobhāveśādādhikyābhisandhiḥ kṣetravṛddhiḥ sa eṣo'tikramaḥ pramādānmohād vyāsaṅgādvā bhavatītyavaseyaḥ ananusmaraṇaṃ smṛtyantarādhānam ta ete digviramaṇasyāticārāḥ

ātmanā saṅkalpite deśe sthitasya prayojanavaśādyatkiñcidānayetyājñāpanamānayanam eva kurviti niyogaḥ preṣyaprayogaḥ vyāpārakarānpuruṣānpratyabhyutkāsikādikaraṇaṃ śabdānupātaḥ svavigrahadarśanaṃ rūpānupātaḥ loṣṭādinipātaḥ pudgalakṣepaḥ ta ete deśaviramaṇasya pañcāticārāḥ

rāgodrekātprahāsamiśro'śiṣṭavākprayogaḥ kandarpaḥ tadevobhayaṃ paratra duṣṭakāyakarma

prayuktaṃ kautkucyam dhārṣṭyaprāyaṃ yatkiñcanānarthakaṃ bahupralāpitvaṃ maukharyam asamīkṣya prayojanamādhikyena karaṇamasamīkṣyādhikaraṇam yāvatā'rthenopabhogaparibhogau so'rthastato 'nyasyādhikyamānarthakyam ta ete pañcānarthadaṇḍavirateraticārāḥ

yogo vyākhyātastrividhaḥ tasya duṣṭaṃ praṇidhānaṃ yogaduṣpraṇidhānam kāyaduṣpraṇidhānaṃ vāgduṣpraṇidhānaṃ manoduṣpraṇidhānamiti anādaro'nutsāhaḥ anaikāgryaṃ smṛtyanupasthānam ta ete pañca sāmāyikasyātikramāḥ

jantavaḥ santi na santi veti pratyavekṣaṇaṃ cakṣurvyāpāraḥ mṛdunopakaraṇena yatkriyate prayojanaṃ tatpramārjitam tadubhayaṃ pratiṣedhaviśiṣṭamutsargādibhistribhirabhisambadhyate apratyavekṣitāpramārjitotsarga ityevamādi tatra apratyavekṣitāpramārjitāyāṃ bhūmau mūtrapurīṣotsargaḥ apratyavekṣitāpramārjitotsargaḥ apratyavekṣitāpramārjitasyārhadācāryapūjopakaraṇasya gandha

mālyadhūpāderātmaparidhānādyarthasya ca vastrāderādānamapratyavekṣitāpramārjitādānam apratyavekṣitāpramārjitasya prāvaraṇādeḥ saṃstarasyopakramaṇaṃ apratyavekṣitāpramārjitasaṃstaropakramaṇam kṣudabhyarditatvādāvaśyakeṣvanādaro'nutsāhaḥ smṛtyanupasthānaṃ vyākhyātam ta ete pañca proṣadhopavāsasyāticārāḥ

saha cittena vartate iti sacittaṃ cetanāvad dravyam tadupaśliṣṭaḥ sambandhaḥ tadvyatikīrṇaḥ sammiśraḥ kathaṃ punarasya sacittādiṣu pravṛttiḥ pramādasammohābhyām dravo vṛṣyo vābhiṣavaḥ asamyakpakvo duṣpakvaḥ etairāhāro viśeṣyate sacittāhāraḥ sambandhāhāraḥ sammiśrāhāro'bhiṣavāhāro duṣpakvāhāra iti ta ete pañca bhogopabhogaparisaṃkhyānasyāticārāḥ

sacitte padmapatrādau nikṣepaḥ sacittanikṣepaḥ apidhānamāvaraṇam sacittenaiva sambadhyate

sacittāpidhānamiti anyadātṛdeyārpaṇaṃ paravyapadeśaḥ prayacchato'pyādarābhāvo'nyadātṛguṇāsahanaṃ vā mātsaryam akāle bhojanaṃ kālātikramaḥ ta ete pañcātithisaṃvibhāgaśīlāticārāḥ

āśaṃsanamāśaṃsā ākāṅkṣaṇamityarthaḥ jīvitaṃ ca maraṇaṃ ca jīvitamaraṇam jīvitamaraṇasyāśaṃse jīvitamaraṇāśaṃse pūrvasuhṛtsahapāṃsukrīḍanādyanusmaraṇaṃ mitrānurāgaḥ anubhūtaprītiviśeṣasmṛtisamanvāhāraḥ sukhānubandhaḥ bhogākāṅkṣayā niyataṃ dīyate cittaṃ tasmiṃsteneti va nidānam ta ete pañca sallekhanāyā aticārāḥ

atrāha uktaṃ bhavatā tīrthakaratvakāraṇakarmāsravanirdeśe 'śaktitastyāgatapasī'iti punaścoktaṃ śīlavidhāna'atithisaṃvibhāga'iti tasya dānasya lakṣaṇamanirjñātaṃ taducyatāmityata āha

svaparopakāro'nugrahaḥ svopakāraḥ puṇyasaṃcayaḥ paropakāraḥ samyagjñānādivṛddhiḥ

'sva'śabdo dhanaparyāyavacanaḥ anugrahārthaṃ svasyātisargastyāgo dānaṃ veditavyam

atrāha uktaṃ dānaṃ tatkimaviśiṣṭaphalamāhosvidasti kaścitprativiśeṣa ityata āha

pratigrahādikramo vidhiḥ viśeṣo guṇakṛtaḥ tasya pratyekamabhisambandhaḥ kriyate vidhiviśeṣo dravyaviśaṣo dātṛviśeṣaḥ pātraviśeṣa iti tatra vidhiviśeṣaḥ pratigrahādiṣvādarānādarakṛto bhedaḥ tapaḥsvādhyāyaparivṛddhihetutvādirdravyaviśeṣaḥ anasūyāviṣādādirdātṛviśeṣaḥ mokṣakāraṇaguṇasaṃyogaḥ pātraviśeṣaḥ tataśca puṇyaphalaviśeṣaḥ kṣityādiviśeṣād bījaphalaviśeṣavat

iti tattvārthavṛttau sarvārthasiddhisañjñikāyāṃ saptamo'dhyāyaḥ samāptaḥ

athāṣṭamo'dhyāyaḥ

vyākhyāta āsravapadārthaḥ tadanantaroddeśabhāgbandhapadārtha idānīṃ vyākhyeyaḥ tasminvyākhyeye sati pūrvaṃ bandhahetūpanyāsaḥ kriyate tatpūrvakatvād bandhasyeti

mithyādarśanādaya uktāḥ kva mithyādarśanaṃ tāvaduktam 'tattvārthaśraddhānaṃ samyagdarśanam' ityatra tatpratipakṣabhūtam āsravavidhāne ca kriyāsu vyākhyātaṃ mithyādarśanakriyeti viratiruktā tatpratipakṣabhūtā aviratirgrāhyā ājñāvyāpādanakriyā anākāṅkṣākriyetyanayoḥ pramādasyāntarbhāvaḥ sa ca pramādaḥ kuśaleṣvanādaraḥ kaṣāyāḥ krodhādayaḥ anantānubandhyapratyākhyānapratyākhyānasaṃjvalanavikalpāḥ proktāḥ kva 'indriyakaṣāyā'ityatraiva yogāḥ kāyādivikalpāḥ proktāḥ kva 'kāyavāṅmanaḥkarma yogaḥ' ityatra

mithyādarśanaṃ dvividham naisargikaṃ paropadeśapūrvakaṃ ca tatra paropadeśamantareṇa mithyātvakarmodayavaśād yadāvirbhavati tattvārthāśraddhānalakṣaṇaṃ tannaisargikam paropadeśanimittaṃ caturvidham kriyākriyāvādyajñānikavainayikavikalpāt athavā pañcavidhaṃ mithyādarśanam ekāntamithyādarśanaṃ viparītamithyādarśanaṃ saṃśayamithyādarśanaṃ vainayikamithyādarśanaṃ ajñānikamithyādarśanaṃ ceti tatra idameva itthameveti dharmidharmayorabhiniveśa ekāntaḥ 'puruṣa evedaṃ savam'iti vā nitya eva vā anitya eveti sagrantho nirgranthaḥ kevalī kavalāhārī strī sidhyatītyevamādiḥ viparyayaḥ samyagdaśanajñānacāritrāṇi kiṃ mokṣamārgaḥ syādvā na vetyanyatarapakṣāparigrahaḥ saṃśayaḥ sarvadevatānāṃ sarvasamayānāṃ ca samadarśanaṃ vainayikam hitāhitaparīkṣāviraho'jñānikatvam uktañca

aviratirdvādaśavidhā ṣaṭkāyaṣaṭkaraṇaviṣayabhedāt ṣoḍaśa kaṣāyā nava nokaṣāyā

steṣāmīṣadbhedo na bheda iti pañcaviṃśatiḥ kaṣāyāḥ catvāro manoyogāścatvāro vāgyogāḥ pañca kāyayogā iti trayodaśavikalpo yogaḥ āhārakakāyayogāhārakamiśrakāyayogayoḥ pramattasaṃyate sambhavātpañcadaśāpi bhavanti pramādo'nekavidhaḥ śuddhyaṣṭakottamakṣamādiviṣayabhedāt ta ete pañca bandhahetavaḥ samastā vyastāśca bhavanti tadyathā mithyādṛṣṭeḥ pañcāpi samuditā bandhahetavo bhavanti sāsādanasamyagdṛṣṭisamyaṅmithyādṛṣṭyasaṃyatasamyagdṛṣṭīnāmaviratyādayaścatvāraḥ saṃyatāsaṃyatasyāviratirviratimiśrā pramādakaṣāyayogāśca pramattasaṃyatasya pramādakaṣāyayogāḥ apramattādīnāṃ caturṇāṃ yogakaṣāyau upaśāntakaṣāyakṣīṇakaṣāyasayogakevalināmeka eva yogaḥ ayogakevalino na bandhahetuḥ

uktā bandhahetavaḥ idānīṃ bandho vaktavya ityata āha

saha kaṣāyeṇa vartata iti sakaṣāyaḥ sakaṣāyasya bhāvaḥ sakaṣāyatvam tasmātsakaṣāyatvāditi punarhetunirdeśaḥ jaṭharāgnyāśayānurūpāhāragrahaṇavattīvramandamadhyamakaṣāyāśayānurū

pasthityanubhavaviśeṣapratipattyartham amūrtirahasya ātmā kathaṃ karmādatta iti coditaḥ san 'jīvaḥ'ityāha jīvanājjīvaḥ prāṇadhāraṇādāyuḥsambandhānnāyurvirahāditi 'karmayogyān' iti laghunirdeśātsiddhe 'karmaṇo yogyān'iti pṛthagvibhaktyuccāraṇaṃ vākyāntarajñāpanātham kiṃ punastadvākyāntaram karmaṇo jīvaḥ sakaṣāyo bhavatītyekaṃ vākyam etaduktaṃ bhavati 'karmaṇaḥ'iti hetunirdeśaḥ karmaṇo hetorjīvaḥ sakaṣāyo bhavati nākarmakasya kaṣāyalepo'sti tato jīvakarmaṇoranādisambandha ityuktaṃ bhavati tenāmūrto jīvo mūrtena karmaṇā kathaṃ badhyate iti codyamapākṛtaṃ bhavati itarathā hi bandhasyādimattve ātyantikīṃ śuddhiṃ dadhataḥ siddhasyeva bandhābhāvaḥ prasajyeta dvitīyaṃ vākyaṃ 'karmaṇo yogyān pudgalānādatte'iti arthavaśādvibhaktipariṇāma iti pūrvahetusambandhaṃ tyaktvā ṣaṣṭhīsambandhamupaiti 'karmaṇo yogyān'iti 'pudgala'vacanaṃ karmaṇastādātmyakhyāpanārtham tenātmaguṇo'dṛṣṭo nirākṛto bhavati tasya saṃsārahetutvānupapatteḥ 'ādatte'iti hetuhetumadbhāvakhyāpanārtham ato mithyādarśanādyā

veśādārdrīkṛtasyātmanaḥ sarvato yogaviśeṣātteṣāṃ sūkṣmaikakṣetrāvagāhināmanantānantapradeśānāṃ pudgalānāṃ karmabhāvayogyānāmavibhāgenopaśleṣo bandha ityākhyāyate yathā bhājanaviśeṣe prakṣiptānāṃ vividharasabījapuṣpaphalānāṃ madirābhāvena pariṇāmastathā pudgalānāmapyātmani sthitānāṃ yogakaṣāyavaśātkarmabhāvena pariṇāmo veditavyaḥ 'saḥ' vacanamanyanivṛttyartham sa eṣa bandho nānyo'stīti tena guṇaguṇibandho nivartito bhavati karmādisādhano 'bandha'śabdo vyākhyeyaḥ

āha kimayaṃ bandha ekarūpa eva āhosvitprakārā apyasya santītyata idamucyate

prakṛtiḥ svabhāvaḥ nimbasya kā prakṛtiḥ tiktatā guḍasya kā prakṛtiḥ madhuratā tathā jñānāvaraṇasya kā prakṛtiḥ arthānavagamaḥ darśanāvaraṇasya kā prakṛtiḥ arthānālo

kanam vedyasya sadasallakṣaṇasya sukhaduḥkhasaṃvedanam darśanamohasya tattvārthāśraddhānam cāritramohasyāsaṃyamaḥ āyuṣo bhavadhāraṇam nāmno nārakādināmakaraṇam gotrasyoccairnīṃcaiḥsthānasaṃśabdanam antarāyasya dānādivighnakaraṇam tadevaṃlakṣaṇaṃ kāryaṃ prakriyate prabhavatyasyā iti prakṛtiḥ tatsvabhāvādapracyutiḥ sthitiḥ yathā ajāgomahiṣyādikṣīrāṇāṃ mādhuryasvabhāvādapracyutiḥ sthitiḥ tathā jñānāvaraṇādīnāmarthāvagamādisvabhāvādapracyutiḥ sthitiḥ tadrasaviśeṣo'nubhavaḥ yathā ajāgomahiṣyādikṣīrāṇāṃ tīvramandādibhāvena rasaviśeṣaḥ tathā karmadupudgalānāṃ svagatasāmarthyaviśeṣo'nubhavaḥ iyattāvadhāraṇaṃ pradeśaḥ karmabhāvapariṇatapudgalaskandhānāṃ paramāṇuparicchedenāvadhāraṇaṃ pradeśaḥ 'vidhi'śabda prakāravacanaḥ ta ete prakṛtyādayaścatvārastasya bandhasya prakārāḥ tatra yoganimittau prakṛtipradeśau kaṣāyanimittau sthityanubhavau tatprakarṣāprakarṣabhedāttadbandhavicitrabhāvaḥ tathā coktam

tatrādyasya prakṛtibandhasya bhedapradarśanārthamāha

ādyaḥ prakṛtibandho jñānāvaraṇādyaṣṭavikalpo veditavyaḥ āvṛṇotyāvriyate'neneti vā āvaraṇam tatpratyekamabhisambadhyate jñānāvaraṇaṃ darśanāvaraṇamiti vedayati vedyata iti vā vedanīyam mohayati mohyate'neneti vā mohanīyam etyanena nārakādibhava

mityāyuḥ namayatyātmānaṃ namyate'neneti vā nāma uccairnīcaiśca gūyate śabdyata iti vā gotram dātṛdeyādīnāmantaraṃ madhyametītyantarāyaḥ ekenātmapariṇāmenādīyamānāḥ pudgalā jñānāvaraṇādyanekabhedaṃ pratipadyante sakṛdupabhuktānnapariṇāmarasarudhirādivat

āha ukto mūlaprakṛtibandho'ṣṭavidhaḥ idānīmuttaraprakṛtibandho vaktavya ityata āha

dvitīyagrahaṇamiha kartavyaṃ dvitīya uttaraprakṛtibandha evaṃvikalpa iti na kartavyam pāriśeṣyātsiddheḥ ādyomūlaprakṛtibandho'ṣṭavikalpa uktaḥ tataḥ pāriśeṣyādayamuttaraprakṛtivikalpavidhirbhavati 'bheda'śabdaḥ pañcādibhiryathākramamabhisambadhyate pañcabhedaṃ jñānāvaraṇīyaṃ navabhedaṃ darśanāvaraṇīyaṃ dvibhedaṃ vedanīyaṃ aṣṭāviṃśatibhedaṃ mohanīyaṃ caturbhedamāyuḥ dvicatvāriṃśadbhedaṃ nāma dvibhedaṃ gotraṃ pañcabhedo'ntarāya iti

yadi jñānāvaraṇaṃ pañcabhedaṃ tatpratipattirucyatāmityata āha

matyādīni jñānāni vyākhyātāni teṣāmāvṛterāvaraṇabhedo bhavatīti pañcottaraprakṛtayo veditavyāḥ atra codyate abhavyasya manaḥparyayajñānaśaktiḥ kevalajñānaśaktiśca syādvā na vā yadi syāt tasyābhavyatvābhāvaḥ atha nāsti tatrāvaraṇadvayakalpanā vyartheti ucyate ādeśavacanānna doṣaḥ dravyārthādeśānmanaḥparyayakevalajñānaśaktisambhavaḥ paryāyārthādeśāttacchaktyabhāvaḥ yadyevaṃ bhavyābhavyavikalpo nopapadyate ubhayatra tacchaktisadbhāvāt na śaktibhāvābhāvāpekṣayā bhavyābhavyavikalpa ityucyate kutastarhi vyaktisadbhāvāsadbhāvāpekṣayā samyagdarśanādibhirvyaktiryasya bhaviṣyati sa bhavyaḥ yasya tu na bhaviṣyati so'bhavya iti kanaketarapāṣāṇavat

āha ukto jñānāvaraṇottaraprakṛtivikalpaḥ idānīṃ darśanāvaraṇasya vaktavya ityata āha

cakṣuracakṣuravadhikevalānāmiti darśanāvaraṇāpekṣayā bhedanirdeśaḥ cakṣurdarśanāvaraṇamacakṣurdarśanāvaraṇamavadhidarśanāvaraṇaṃ kevaladarśanāvaraṇamiti madakhedaklamavinodanārthaḥ svāpo nidrā tasyā uparyupari vṛttirnidrānidrā yā kriyā''tmānaṃ pracalayati sā pracalā śokaśramamadādiprabhavā āsīnasyāpi netragātravikriyāsūcikā saiva punaḥpunarāvartamānā pracalāpracalā svapne yayā vīryaviśeṣāvirbhāvaḥ sā styānagṛddhiḥ styāyateranekārthatvātsvapnārtha iha gṛhyate gṛddherapi dīptiḥ styāne svapne gṛddhyati dīpyate yadudayādātmā raudraṃ bahukarma karoti sā styānagṛddhiḥ iha nidrādibhirdarśanāvaraṇaṃ sāmānādhikaraṇyenābhisambadhyate nidrā

darśanāvaraṇaṃ nidrānidrādarśanāvaraṇamityādi

tṛtīyasyāḥ prakṛteruttaraprakṛtipratipādanārthamāha

yadudayāddevādigatiṣu śārīramānasasukhaprāptistatsadvedyam praśastaṃ vedyaṃ sadvedyamiti yatphalaṃ duḥkhamanekavidhaṃ tadasadvedyam apraśastaṃ vedyamasadvedyamiti

caturthyāḥ prakṛteruttaraprakṛtivikalpanidarśanārthamāha

darśanādayaścatvāraḥ tryādayo'pi tatra yathāsaṃkhyena sambandho bhavati darśanamohanīyaṃ tribhedam cāritramohanīyaṃ dvibhedam akaṣāyavedanīyaṃ navavidham kaṣāyavedanīyaṃ ṣoḍaśavidhamiti

tatra darśanamohanīyaṃ tribhedam samyaktvaṃ mithyātvaṃ tadubhayamiti tad bandhaṃ pratyekaṃ bhūtvā satkarmāpekṣayā tridhā vyavatiṣṭhate tatra yasyodayātsarvajñapraṇītamārgaparāṅmukhastattvārthaśraddhānanirutsuko hitāhitavicārāsamartho mithyādṛṣṭirbhavati tanmithyātvam tadeva samyaktvaṃ śubhapariṇāmaniruddhasvarasaṃ yadaudāsīnyenāvasthitamātmanaḥ śraddhānaṃ na niruṇaddhi tadvedayamānaḥ puruṣaḥ samyagdṛṣṭirityabhidhīyate tadeva mithyātvaṃ prakṣālanaviśeṣātkṣīṇākṣīṇamadaśaktikodravavatsāmiśuddhasvarasaṃ tadubhayamityākhyāyate samyaṅmithyātvamiti yāvat yasyodayādātmano'rdhaśuddhamadakodravaudanopayogāpāditamiśrapariṇāmavadubhayātmako bhavati pariṇāmaḥ

cāritramohanīyaṃ dvidhā akaṣāyakaṣāyabhedāt īṣadarthe nañaḥ prayogādīṣatkaṣāyo'kaṣāya iti akaṣāyavedanīyaṃ navavidham kutaḥ hāsyādibhedāt yasyodayāddhāsyāvirbhāvastaddhāsyam yadudayāddeśādiṣvautsukyaṃ sā ratiḥ aratistadviparītā

yadvipākācchocanaṃ sa śokaḥ yadudayādudvegastadbhayam yadudayādātmadoṣasaṃvaraṇaṃ paradoṣāviṣkaraṇaṃ sā jugupsā yadudayātstraiṇānbhāvānpratipadyate sa strīvedaḥ yasyodayātpausnānbhāvānāskandati sa puṃvedaḥ yadudayānnāpuṃsakānbhāvānupavrajati sa napuṃsakavedaḥ

kaṣāyavedanīyaṃ ṣoḍaśavidham kutaḥ anantānubandhyādivikalpāt tadyathā kaṣāyāḥ krodhamānamāyālobhāḥ teṣāṃ catasro'vasthāḥ anantānubandhino'pratyākhyānāvaraṇāḥ pratyākhyānāvaraṇāḥ saṃjvalanāśceti anantasaṃsārakāraṇatvānmithyādarśanamanantam tadanubandhino'nantānubandhinaḥ krodhamānamāyālobhāḥ yadudayāddeśaviratiṃ saṃyamāsaṃyamākhyāmalpāmapi kartuṃ na śaknoti te deśapratyākhyānamāvṛṇvanto'pratyākhyānāvaraṇāḥ krodhamānamāyālobhāḥ yadudayādviratiṃ kṛtsnāṃ saṃyamākhyāṃ na śaknoti kartuṃ te kṛtsnaṃ pratyākhyānamāvṛṇvantaḥ pratyākhyānāvaraṇāḥ krodhamānamāyālobhāḥ samekībhāve vartate saṃyamena sahāvasthānādekībhūya jvalanti saṃyamo vā jvalatyeṣu satsvapīti saṃjvalanāḥ krodhamānamāyālobhāḥ ta ete samuditāḥ santaḥ ṣoḍaśa kaṣāyā bhavanti

mohanīyānantaroddeśabhāja āyuṣa uttaraprakṛtinirjñāpanārthamāha

nārakādiṣu bhavasambandhenāyuṣo vyapadeśaḥ kriyate narakeṣu bhavaṃ nārakamāyuḥ tiryagyoniṣu bhavaṃ tairyagyonam mānuṣeṣu bhavaṃ mānuṣam deveṣu bhavaṃ daivamiti narakeṣu tīvraśītoṣṇavedaneṣu yannimittaṃ dīrghajīvanaṃ tannārakam evaṃ śeṣeṣvapi

āyuścaturvidhaṃ vyākhyātam tadanantaramuddiṣṭaṃ yannāmakarma taduttaraprakṛtinirṇayārthamāha

yadudayādātmā bhavāntaraṃ gacchati sā gatiḥ sā caturvidhā narakagatistiryaggatirmanuṣyagatirdevagatiśceti yannimitta ātmano nārako bhāvastannarakagatināma evaṃ śeṣeṣvapi yojyam tāsu narakādigatiṣvavyabhicāriṇā sādṛśyenaikīkṛto'rthātmā jātiḥ tannimittaṃ jātināma tatpañcavidham ekendriyajātināma dvīndriyajātināma trīndriyajātināma caturindriyajātināma pañcendriyajātināma ceti yadudayātmā ekendriya iti śabdyate tadekendriyajātināma evaṃ śeṣeṣvapi yojyam yadudayādātmanaḥ śarīranirvṛttistaccharīranāma tatpañcavidham audārikaśarīranāma vaikriyikaśarīranāma āhārakaśarīranāma taijasaśarīranāma kārmaṇaśarīranāma ceti teṣāṃ viśeṣo vyākhyātaḥ yadudayādaṅgopāṅgavivekastadaṅgopāṅganāma tat trividham audārikaśarīrāṅgopāṅganāma vaikriyikaśarīrāṅgopāṅganāma āhārakaśarīrāṅgopāṅganāma ceti yannimittātpariniṣpattistannirmāṇam tad dvividhaṃ sthānanirmāṇaṃ pramāṇanirmāṇaṃ ceti tajjjātināmodayāpekṣaṃ cakṣurādīnāṃ sthānaṃ pramāṇaṃ ca nirvartayati nirmīyate'neneti nirmāṇam śarīranāmakarmodaya

vaśādupāttānāṃ pudgalānāmanyonyapradeśasaṃśleṣaṇaṃ yato bhavati tadbandhananāma yadudayādaudārikādiśarīrāṇāṃ vivaravirahitānyo'nyapradeśānupraveśena ekatvāpādanaṃ bhavati tatsaṃghātanāma yadudayādaudārikādiśarīrākṛtinirvṛttirbhavati tatsaṃsthānanāma tat ṣoḍhā vibhajyate samacaturasrasaṃsthānanāma nyagrodhaparimaṇḍalasaṃsthānanāma svātisaṃsthānanāma kubjasaṃsthānanāma vāmanasaṃsthānanāma huṇḍasaṃsthānanāma ceti yasyodayādasthibandhanaviśeṣo bhavati tatsaṃhanananāma tat ṣaḍvidham vajrarṣabhanārācasaṃhanananāma vajranārācasaṃhanananāma nārācasaṃhanananāma ardhanārācasaṃhanananāma kīlikāsaṃhanananāma asamprāptāsṛpāṭikāsaṃhanananāma ceti yasyodayātsparśaprādurbhāvastatsparśanāma tadaṣṭavidham karkaśanāma mṛdunāma gurunāma laghunāma snigdhanāma rūkṣanāma śītanāma uṣṇanāma ceti yannimitto rasavikalpastadrasanāma tatpañcavidham tiktanāma kaṭukanāma kaṣāyanāma āmlanāma madhuranāma ceti yadudayaprabhavo gandhastadgandhanāma tadvividham surabhigandhanāma asurabhigandhanāma ceti yaddhetuko varṇavibhāgastadvarṇanāma tatpañcavidham kṛṣṇavarṇanāma nīlavarṇanāma raktavarṇanāma hāridravarṇanāma śuklavarṇanāma ceti pūrvaśarīrākārāvināśo yasyodayād bhavati tadānupūrvyanāma

taccaturvidham narakagatiprāyogyānupūrvyanāma tiryaggatiprāyogyānupūrvyanāma manuṣyagatiprāyogyānupūrvyanāma devagatiprāyogyānupūrvyanāma ceti yasyodayādayaḥpiṇḍavad gurutvānnādhaḥ patati na cārkatūlavallaghutvādūrdhvaṃ gacchati tadagurulaghunāma yasyodayātsvayaṃkṛtodbandhanamaruprapatanādinimitta upaghāto bhavati tadupaghātanāma yannimittaḥ paraśastrādervyāghātastatparaghātanāma yadudayānnirvṛttamātapanaṃ tadātapanāma tadāditye vartate yannimittamudyotanaṃ tadudyotanāma taccandrakhadyotādiṣu vartate yaddheturucchvāsastaducchvāsanāma vihāya ākāśam tatra gatinirvartakaṃ tadvihāyogatināma taddvividham praśastāpraśastabhedāt śarīranāmakarmodayānnirvartyamānaṃ śarīramekātmopabhogakāraṇaṃ yato bhavati tatpratyekaśarīranāma bahūnāmātmanāmupabhogahetutvena sādhāraṇaṃ śarīraṃ yato bhavati tatsādhāraṇaśarīranāma yadudayād dvīndriyādiṣu janma tattrasanāma yannimitta ekendriyeṣu prādurbhāvastatsthāvaranāma yadudayādanyaprītiprabhavastatsubhaganāma yadudayādrūpādiguṇopeto'pyaprītikarastad durbhaganāma yannimittaṃ manojñasvaranirvartanaṃ tatsusvaranāma tadviparītaṃ duḥsvaranāma

yadudayādramaṇīyatvaṃ tacchubhanāma tadviparītamaśubhanāma sūkṣmaśarīranirvartakaṃ sūkṣmanāma anyabādhākaraśarīrakāraṇaṃ bādaranāma yadudayādāhārādiparyāptinirvṛttiḥ tatparyāptināma tat ṣaḍvidham āhāraparyāptināma śarīraparyāptināma indriyaparyāptināma prāṇāpānaparyāptināma bhāṣāparyāptināma manaḥparyāptināma ceti ṣaḍvidhaparyāptyabhāvaheturaparyāptināma sthirabhāvasya nirvartakaṃ sthiranāma tadviparītamasthiranāma prabhopetaśarīrakāraṇamādeyanāma niṣprabhaśarīrakāraṇamanādeyanāma puṇyaguṇakhyāpanakāraṇaṃ yaśaḥkīrtināma tatpratyanīkaphalamayaśaḥkīrtināma ārhantyakāraṇaṃ tīrthakaratvanāma

ukto nāmakarmaṇa uttaraprakṛtibhedaḥ tadanantaroddeśabhājo gotrasya prakṛtibhedo vyākhyāyate

gotraṃ dvividham uccairgotraṃ nīcairgotramiti yasyodayāllokapūjiteṣu kuleṣu janma taduccairgotram yadudayādgarhiteṣu kuleṣu janma tannīcairgotram

aṣṭamyāḥ karmaprakṛteruttaraprakṛtinirdeśārthamāha

antarāyāpekṣayā bhedanirdeśaḥ kriyate dānasyāntarāyo lābhasyāntarāya ityādi dānādipariṇāmavyāghātahetutvāttadvyapadeśaḥ yadudayāddātukāmo'pi na prayacchati labdhukāmo'pi na labhate bhoktumicchannapi na bhuṅkte upabhoktumabhivāñchannapi nopabhuṅkte utsahitukāmo'pi notsahate ta ete pañcāntarāyasya bhedāḥ

vyākhyātāḥ prakṛtibandhavikalpāḥ idānīṃ sthitibandhavikalpo vaktavyaḥ sā sthitirdviviṃdhā utkṛṣṭā jaghanyā ca tatra yāsāṃ karmaprakṛtīnāmutkṛṣṭā sthitiḥ samānā tannirdeśārthamucyate

madhye'nte vā tisṛṇāṃ grahaṇaṃ mābhūditi 'āditaḥ' ityucyate 'antarāyasya'iti vacanaṃ vyavahitagrahaṇārtham sāgaropamamuktaparimāṇam koṭīnāṃ koṭyaḥ koṭīkoṭyaḥ parā utkṛṣṭetyarthaḥ etaduktaṃ bhavati jñānāvaraṇadarśanāvaraṇavedanīyāntarāyāṇāmutkṛṣṭā sthitistriṃśatsāgaropamakoṭīkoṭya iti sā kasya bhavati mithyādṛṣṭeḥ sañjñinaḥ pañcendriyasya paryāptakasya anyeṣāmāgamātsampratyayaḥ kartavyaḥ

mohanīyasyotkṛṣṭasthitipratipattyarthamāha

'sāgaropamakoṭīkoṭyaḥ parā sthitiḥ' ityanuvartate ityamapi parā sthitirmithyādṛṣṭeḥ saṃjñinaḥ pañcendriyasya paryāptakasyāvaseyā itareṣāṃ yathāgamamavagamaḥ kartavyaḥ

nāmagotrayorutkṛṣṭasthitipratipattyarthamāha

'sāgaropamakoṭīkoṭyaḥ parā sthitiḥ'ityanuvartate iyamapyutkṛṣṭā sthitirmithyādṛṣṭeḥ saṃjñipañcendriyaparyāptakasya itareṣāṃ yathāgamamavaboddhavyā

athāyuṣaḥ kotkṛṣṭā sthitirityucyate

punaḥ 'sāgaropama'grahaṇaṃ koṭīkoṭīnivṛttyartham 'parā sthitiḥ'ityanuvartate iyamapi pūrvoktasyaiva śeṣāṇāmāgamato'vaseyā

uktotkṛṣṭā sthitiḥ idānīṃ jaghanyā sthitirvaktavyā tatra samānajaghanyasthitīḥ pañca prakṛtīravasthāpya tisṛṇāṃ jaghanyasthitipratipattyarthaṃ sūtradvayamupanyasyate laghvartham

aparā jaghanyā ityarthaḥ vedanīyasya dvādaśa muhūrtāḥ

'muhūrtā' ityanuvartate 'aparā sthitiḥ'iti ca

avasthāpitaprakṛtijaghanyasthitipratipādanārthamāha

śeṣāṇāṃ pañcānāṃ prakṛtīnāmantarmuhūrtā'parā sthitiḥ jñānadarśanāvaraṇāntarāyāṇāṃ jaghanyā sthitiḥ sūkṣmasāmparāye mohanīyasya anivṛttibādarasāmparāye āyuṣaḥ saṃkhyeyavarṣāyuṣṣu tiryakṣu manuṣyeṣu ca

āha ubhayī sthitirabhihitā jñānāvaraṇādīnām athānubhavaḥ kiṃlakṣaṇa ityata āha

viśiṣṭo nānāvidho vā pāko vipākaḥ pūrvoktakaṣāyatīvramandādibhāvāsravaviśeṣādviśiṣṭaḥ pāko vipākaḥ athavā dravyakṣetrakālabhavabhāvalakṣaṇanimittabhedajanitavaiśvarūpyo nānāvidhaḥ pāko vipākaḥ asāvanubhava ityākhyāyate śubhapariṇāmānāṃ prakarṣabhāvācchubhaprakṛtīnāṃ prakṛṣṭo'nubhavaḥ aśubhaprakṛtīnāṃ nikṛṣṭaḥ aśubhapariṇāmānāṃ prakarṣabhāvādaśubhaprakṛtīnāṃ prakṛṣṭo'nubhavaḥ śubhaprakṛtīnāṃ nikṛṣṭaḥ sa evaṃ pratyayavaśādupātto'nubhavo dvidhā pravartate svamukhena paramukhena ca sarvāsāṃ mūlaprakṛtīnāṃ svamukhenaivānubhavaḥ uttaraprakṛtīnāṃ tulyajātīyānāṃ paramukhenāpi bhavati āyurdarśanacāritramohavarjānām na hi narakāyurmukhena tiryagāyurmanuṣyāyurvā vipacyate nāpi darśanamohaścāritramohamukhena cāritramoho vā darśanamohamukhena

āha abhyupemaḥ prāgupacitanānāprakārakarmavipāko'nubhavaḥ idaṃ tu na vijānīmaḥ kimayaṃ prasaṃkhyāto'prasaṃkhyātaḥ ityatrocyate prasaṃkhyāto'nubhūyata iti brūmahe kutaḥ yataḥ

jñānāvaraṇasya phalaṃ jñānābhāvo darśanāvaraṇasyāpi phalaṃ darśanaśaktyuparodha ityevamādyanvarthasañjñānirdeśātsarvāsāṃ karmaprakṛtīnāṃ savikalpānāmanubhavasampratyayo jāyate

āha yadi vipāko'nubhavaḥ pratijñāyate tatkarmānubhūtaṃ sat kimābharaṇavadavatiṣṭhate āhosvinniṣpītasāraṃ pracyavate ityatrocyate

pīḍānugrahāvātmane pradāyābhyavahṛtaudanādivikāravatpūrvasthitikṣayādavasthānābhāvātkarmaṇo nivṛttirnirjarā sā dviprakārā vipākajā itarā ca tatra caturgatāvanekajātiviśeṣāvaghūrṇite saṃsāramahārṇave ciraṃ paribhramataḥ śubhāśubhasya karmaṇaḥ krameṇa paripākakālaprāptasyānubhavodayāvalisroto'nupraviṣṭasyārabdhaphalasya yā nivṛttiḥ sā vipākajā nirjarā yatkarmāprāptavipākakālamaupakramikakriyāviśeṣasāmarthyādanudīrṇaṃ balādudīryodayāvaliṃ praveśya vedyate āmrapanasādipākavat sā avipākajā nirjarā 'ca'śabdo nimittāntarasamuccayārthaḥ 'tapasā nirjarā'iti vakṣyate tataśca bhavati anyataśceti sūtrārtho yojitaḥ

kimarthamiha nirjarānirdeśaḥ kriyate saṃvarātparā nirdeṣṭavyā uddeśavat laghvarthamiha vacanam tatra hi pāṭhe 'vipāko'nubhavaḥ' iti punaranuvādaḥ kartavyaḥ syāt

āha abhihito'nubhavabandhaḥ idānīṃ pradeśabandho vaktavyaḥ tasmiṃśca vaktavye sati ime nirdeṣṭavyāḥ kiṃhetavaḥ kadā kutaḥ kiṃsvabhāvāḥ kasmin kiṃparimāṇāśceti tadarthamidaṃ krameṇa parigṛhītapraśnāpekṣabhedaṃ sūtraṃ praṇīyate

nāmnaḥ pratyayā nāmapratyayāḥ 'nāma'iti sarvāḥ karmaprakṛtayo'bhidhīyante 'sa yathānāma' iti vacanāt anena hetubhāva uktaḥ sarveṣu bhaveṣu sarvataḥ 'dṛśyante anyato'pi' iti tasi kṛte sarvataḥ anena kālopādānaṃ iti kṛtam ekaikasya hi jīvasyātikrāntā anantā bhavā āgāminaḥ saṃkhyeyā asaṃkhyeyā anantānantā vā bhavantīti yogaviśeṣānnimittātkarmabhāvena pudgalā ādīyanta iti nimittaviśeṣanirdeśaḥ kṛto bhavati 'sūkṣma' ādigrahaṇaṃ karmagrahaṇayogyapudgalasvabhāvānuvartanārtham grahaṇayogyāḥ pudgalāḥ sūkṣmā na sthūlā iti 'ekakṣetrāvagāha'vacanaṃ kṣetrāntaranivṛttyartham 'sthitā' iti vacanaṃ kriyāntaranivṛttyartham

sthitā na gacchanta iti 'sarvātmapradeśeṣu'iti vacanamādhāranirdeśārthaṃ naikapradeśādiṣu karmapradeśā vartante kva tarhi ūrdhvamadhastiryak ca sarveṣvātmapradeśeṣu vyāpya sthitā iti 'anantānantapradeśa' vacanaṃ parimāṇāntaravyapohārtham na saṃkhyeyā na cāsaṃkhyeyā nāpyanantā iti te khalu pudgalaskandhā abhavyānantaguṇāḥ siddhānantabhāgapramitapradeśā ghanāṅgulasyāsaṃkhyeyabhāgakṣetrāvagāhina ekadvitricatuḥsaṃkhyeyāsaṃkhyeyasamayasthitikāḥ pañcavarṇapañcarasadvigandhacatuḥsparśasvabhāvā aṣṭavidhakarmaprakṛtiyogyā yogavaśādātmanā''tmasātkriyante iti pradeśabandhaḥ samāsato veditavyaḥ

āha bandhapadārthānantaraṃ puṇyapāpopasaṃkhyānaṃ coditaṃ tadbandhe'ntarbhūtamiti pratyākhyātam tatredaṃ vaktavyaṃ ko'tra puṇyabandhaḥ kaḥ pāpabandha iti tatra puṇyaprakṛtiparigaṇanārthamidamārabhyate

śubhaṃ praśastamiti yāvat taduttaraiḥ pratyekamabhisambadhyate śubhamāyuḥ śubhaṃ nāma śubhaṃ gotramiti śubhāyustritayaṃ tiryagāyurmanuṣyāyurdevāyuriti śubhanāma saptatriṃśadvikalpam tadyathā manuṣyagatirdevagatiḥ pañcendriyajātiḥ pañca śarīrāṇi trīṇyaṅgopāṅgāni samacaturasrasaṃsthānaṃ vajrarṣabhanārācasaṃhananaṃ praśastavarṇarasagandhasparśā manuṣyadevagatyānupūrvyadvayamagurulaghuparaghātocchvāsātapodyotapraśastavihāyogatayastrasabādaraparyāptipratyekaśarīrasthira śubhasubhagasusvarādeyayaśaḥkīrtayo nirmāṇaṃ tīrthakaranāma ceti śubhamekamuccairgotraṃ sadvedyamiti etā dvācatvāriṃśatprakṛtayaḥ 'puṇya'sañjñāḥ

asmātpuṇyasaṃjñikarmaprakṛtisamahādanyatkarma 'pāpam'ityucyate tad dvyaśītividham tadyathā jñānāvaraṇasya prakṛtayaḥ pañca darśanāvaraṇasya nava mohanīyasya ṣaḍviṃśatiḥ pañcāntarāyasya narakagatitiryaggatī catasro jātayaḥ pañca saṃsthānāni pañca saṃhananānya

praśastavarṇarasagandhasparśā narakagatitiryaggatyānupūrvyadvayamupapaghātāpraśastavihāyogatisthāvarasūkṣmāparyāptisādhāraṇaśarīrāsthirāśubhadurbhagaduḥsvarānādeyāyaśaḥkīrtayaśceti nāmaprakṛtayaścatustriṃśat asadvedyaṃ narakāyurnīcairgotramiti evaṃ vyākhyāto saprapañcaḥ bandhapadārthaḥ avadhimanaḥparyayakevalajñānapratyakṣapramāṇagamyastadupadiṣṭāgamānumeyaḥ

iti tattvārthavṛttau sarvārthasiddhisañjñikāyāmaṣṭamo'dhyāyaḥ samāptaḥ

atha navamo'dhyāyaḥ

bandhapadārtho nirdiṣṭaḥ idānīṃ tadanantaroddeśabhājaḥ saṃvarasya nirdeśaḥ prāptakāla ityata idamāha

abhinavakarmādānaheturāsravo vyākhyātaḥ tasya nirodhaḥ saṃvara ityucyate sa dvividho bhāvasaṃvaro dravyasaṃvaraśceti tatra saṃsāranimittakriyānivṛttirbhāvasaṃvaraḥ tannirodhe tatpūrvakarmapudgalādānavicchedo dravyasaṃvaraḥ

idaṃ vicāryate kasmin guṇasthāne kasya saṃvara iti atra ucyatemithyādarśanakarmodayavaśīkṛta ātmā mithyādṛṣṭiḥ tatra mithyādarśanaprādhānyena yatkarma āsravati tannirodhāccheṣe sāsādanasamyagdṛṣṭyādau tatsaṃvaro bhavati kiṃ punastat mithyātvanapuṃ sakavedanarakāyurnarakagatyekadvitricaturindriyajātihuṇḍasaṃsthānāsamprāptāsṛpāṭikāsaṃhanananarakagatiprāyogyānupūrvyātapasthāvarasūkṣmāparyāptakasādhāraṇaśarīrasaṃjñakaṣoḍaśaprakṛtilakṣaṇam

asaṃyamastrividhaḥ anantānubandhyapratyākhyānapratyākhyānodayavikalpāt tatpratyayasya karmaṇastadabhāve saṃvaro'vaseyaḥ tadyathā nidrānidrāpracalāpracalāstyānagṛddhyanantānubandhikrodhamānamāyālobhastrīvedatiryagāyustiryaggaticatuḥsaṃsthānacatuḥsaṃhananatiryaggatiprāyogyānupūrvyodyotāpraśastavihāyogatidurbhagaduḥsvarānādeyanīcairgotrasaṃjñikānāṃ pañcaviṃśatiprakṛtīnāmanantānubandhikaṣāyodayakṛtāsaṃyamapradhānāsravāṇāmekendriyādayaḥ sāsādanasamyagdṛṣṭyantā bandhakāḥ tadabhāve tāsāmuttaratra saṃvaraḥ apratyākhyānāvaraṇakrodhamānamāyālobhamanuṣyāyurmanuṣyagatyaudārikaśarīratadaṅgopāṅgavajrarṣabhanārācasaṃhananamanuṣyagatiprāyogyānupūrvyanāmnāṃ daśānāṃ prakṛtīnāmapratyākhyānakaṣāyodayakṛtāsaṃyamahetukānāmekendriyādayo'saṃyatasamyagdṛṣṭyantābandhakāḥ tadabhāvādūrdhvaṃ tāsāṃsaṃvaraḥ samyaṅ mithyātvaguṇenāyurna badhyate pratyākhyānāvaraṇakrodhamānamāyālobhānāṃ catasṛṇāṃ prakṛtīnāṃ pratyākhyānakaṣāyodayakāraṇāsaṃyamāsravāṇāmekendriyaprabhṛtayaḥ saṃyatāsaṃyatāvasānā bandhakāḥ tadabhāvādupariṣṭāttāsāṃ saṃvaraḥ pramādopanītasya tadabhāve nirodhaḥ pramādenopanītasya karmaṇaḥ pramattasaṃyatādūrdhvaṃ tadabhāvānnirodhaḥ

pratyetavyaḥ kiṃ punastat asadvedyāratiśokāsthirāśubhāyaśaḥkīrtivikalpam devāyurbandhārambhasya pramāda eva heturapramādo'pi tatpratyāsannaḥ tadūrdhvaṃ tasya saṃvaraḥ kaṣāya evāsravo yasya karmaṇo na pramādādiḥ tasya tannirodhe nirāso'vaseyaḥ sa ca kaṣāyaḥ pramādādivirahitastīvramadhyamajaghanyabhāvena triṣu guṇasthāneṣu vyavasthitaḥ tatrāpūrvakaraṇasyādau saṃkhyeyabhāge dve karmaprakṛtī nidrāpracale badhyete tata ūrdhvaṃ saṃkhyeyabhāge triṃśat prakṛtayo devagatipañcendriyajātivaikriyikāhārakataijasakārmaṇaśarīrasamacaturasrasaṃsthānavaikriyikāhārakaśarīrāṅgopāṅgavarṇagandharasasparśadevagatiprāyogyānupūrvyāgurulaghūpaghātaparaghātocchvāsapraśastavihāyogatitrasabādaraparyāptapratyekaśarīrasthiraśubhasubhagasusvarādeyanirmāṇatīrthakarākhyā badhyante tasyaiva caramasamaye catasraḥ prakṛtayo hāsyaratibhayajugupsāsaṃjñā bandhamupayānti tā etāstīvrakaṣāyāsravāstadabhāvānnirddiṣṭād bhāgādūrdhvaṃ saṃvriyante anivṛttibādarasāmparāyasyādisamayādārabhya saṃkhyeyeṣu bhāgeṣu puṃvedakrodhasañjvalanau badhyete tata ūrdhvaṃ śeṣeṣu saṃkhyeyeṣu bhāgeṣu mānasaṃjvalanamāyāsañjvalanau bandhamupagacchataḥ tasyaiva caramasamaye lobhasaṃjvalano bandhameti tā etāḥ prakṛtayo madhyamakaṣāyāsravāstadabhāve nirddiṣṭasya bhāgasyo

pariṣṭātsaṃvaramāpnuvanti pañcānāṃ jñānāvaraṇānāṃ caturṇāṃ darśanāvaraṇānāṃ yaśaḥkīrterucairgotrasya pañcānāmantarāyāṇāṃ ca mandakaṣāyāsravāṇāṃ sūkṣmasāmparāyo bandhakaḥ tadabhāvāduttaratra teṣāṃ saṃvaraḥ kevalenaiva yogena sadvedyasyopaśāntakaṣāyakṣīṇakaṣāyasayogānāṃ bandho bhavati tadabhāvādayogakevalinastasya saṃvaro bhavati

uktaḥ saṃvarastaddhetupratipādanārthamāha

yataḥ saṃsārakāraṇādātmano gopanaṃ bhavati sā guptiḥ prāṇipīḍāparihārārthaṃ samyagayanaṃ samitiḥ iṣṭe sthāne dhatte iti dharmaḥ śarīrādīnāṃ svabhāvānucintanamanuprekṣā kṣudādivedanotpattau karmanirjarārthaṃ sahanaṃ pariṣahaḥ pariṣahasya jayaḥ pariṣahajayaḥ cāritraśabda ādisūtre vyākhyātārthaḥ eteṣāṃ guptyādīnāṃ saṃvaraṇakriyāyāḥ sādhakatamatvāt karaṇanirddeśaḥ saṃvaro'dhikṛto'pi 'sa' iti tacchabdena parāmṛśyate guptyādibhiḥ sākṣātsambandha

nārthaḥ kiṃ prayojanam avadhāraṇārtham sa eṣa saṃvaro guptyādibhireva nānyenopāyeneti tena tīrthābhiṣekadīkṣāśīrṣopahāradevatārādhanādayo nivartitā bhavanti rāgadveṣamohopāttasya karmaṇo'nyathā nivṛttyabhāvāt

saṃvaranirjarāhetuviśeṣapratipādanārthamāha

tapo dharme'ntarbhūtamapi pṛthagucyate ubhayasādhanatvakhyāpanārthaṃ saṃvaraṃ prati prādhānyapratipādanārthaṃ ca nanu ca tapo'bhyudayāṅgamiṣṭaṃ devendrādisthānaprāptihetutvābhyupagamāt tat kathaṃ nirjarāṅgaṃ syāditi naiṣa doṣaḥ ekasyānekakāryadarśanādagnivat yathā'gnireko'pi vikledanabhasmāṅgārādiprayojana upalabhyate tathā tapo'bhyudayakarmakṣayaheturityatra ko virodhaḥ

saṃvarahetuṣvādāvuddiṣṭāyā gupteḥ svarūpapratipattyarthamāha

yogo vyākhyātaḥ 'kāyavāṅmanaḥkarma yogaḥ' ityatra tasya svecchāpravṛttinivartanaṃ nigrahaḥ viṣayasukhābhilāṣārthapravṛttiniṣedhārthaṃ samyagviśeṣaṇam tasmāt samyagviśeṣaṇaviśiṣṭāt saṃkleśāprādurbhāvaparātkāyādiyoganirodhe sati tannimittaṃ karma nāsravatīti savaraprasiddhiravagantavyā sā tritayī kāyaguptirvāgguptirmanoguptiriti

tatrāśaktasya munerniravadyapravṛttikhyāpanārthamāha

'samyag'ityanuvartate teneryādayo viśeṣyante samyagīryā samyagbhāṣā samyageṣaṇā samyagādānanikṣepau samyagutsarga iti tā etāḥ pañca samitayo viditajīvasthānādividhermuneḥ prāṇipīḍāparihārābhyupāyā veditavyāḥ tathā pravartamānasyāsaṃyamapariṇāmanimittakarmāsravātsaṃvaro bhavati

tṛtīyasya saṃvarahetordharmasya bhedapratipattyarthamāha

kimarthamidamucyate ādyaṃ pravṛttinigrahārtham tatrāsamarthānāṃ pravṛttyupāyapradarśanārthaṃ dvitīyam idaṃ punardaśavidhadharmākhyānaṃ samitiṣu pravartamānasya pramādaparihārārthaṃ veditavyam śarīrasthitihetumārgaṇārthaṃ parakulānyupagacchato bhikṣorduṣṭajanākrośaprahasanāvajñātāḍanaśarīravyāpādanādīnāṃ sannidhāne kāluṣyānutpattiḥ kṣamā jātyādimadāveśādabhimānābhāvo mārdavaṃ mānanirharaṇam yogasyāvakratā ārjavam prakarṣaprāptalobhānnivṛttiḥ śaucam satsu praśasteṣu janeṣu sādhu vacanaṃ satyamityucyate nanu caitad bhāṣāsamitāvantarbhavati naiṣa doṣaḥ samitau pravartamāno muniḥ sādhuṣvasādhuṣu ca bhāṣāvyavahāraṃ kurvan hitaṃ mitañca brūyāt anyathā rāgādanarthadaṇḍadoṣaḥ syāditi vāksamitirityarthaḥ iha punaḥ santaḥ pravrajitāstadbhaktā vā teṣu sādhu satyaṃ jñānacāritraśikṣaṇādiṣu bahavapi kartavyamityanujñāyate dharmopabṛṃ haṇārtham samitiṣu vartamānasya prāṇīndriyaparihārassaṃyamaḥ karmakṣayārthaṃ tapyata iti

tapaḥ taduttaratra vakṣyamāṇaṃ dvādaśavikalpamavaseyam saṃyatasya yogyaṃ jñānādidānaṃ tyāgaḥ upātteṣvapi śarīrādiṣu saṃskārāpohāya mamedamityabhisandhinivṛttirākiñcanyam nāsya kiñcanāstītyakiñcanaḥ tasya bhāvaḥ karma vā ākiñcanyam anubhūtāṅganāsmaraṇakathāśravaṇastrīsaṃsaktaśayanāsanādivarjanād brahmacaryaṃ paripūrṇamavatiṣṭhate svatantravṛttinivṛttyartho vā gurukulavāso brahmacaryam dṛṣṭaprayojanaparivarjanārthamuttamaviśeṣaṇam tānyevaṃ bhāvyamānāni dharmavyapadeśabhāñji svaguṇapratipakṣadoṣasadbhāvanāpraṇihitāni saṃvarakāraṇāni bhavanti

āha krodhādyanutpattiḥ kṣamādiviśeṣapratyanīkālambanādityuktam tatra kasmātkṣamādīnayamavalambate nānyathā pravartata ityucyate yasmāttaptāyaḥpiṇḍavatkṣamādipariṇatenātmahitaiṣiṇā kartavyāḥ

imāni śarīrendriyaviṣayopabhogadravyāṇi samudayarūpāṇi jalabudbudvadanavasthitasva

bhāvāni garbhādiṣvavasthāviśeṣeṣu sadopalabhyamānasaṃyogaviparyayāṇi mohādatrājño nityatāṃ manyate na kiñcitsaṃsāre samuditaṃ dhruvamasti ātmano jñānadarśanopayogasvabhāvādanyaditi cintanamanityatānuprekṣā evaṃ hyasya bhavyasya cintayatasteṣvabhiṣvaṅgābhāvād bhuktojjhitagandhamālyādiṣviva viyogakāle'pi vinipāto notpadyate

yathā mṛgaśāvasyaikānte balavatā kṣudhitenāmiṣaiṣiṇā vyāghreṇābhibhūtasya na kiñciccharaṇamasti tathā janmajarāmṛtyuvyādhiprabhṛtivyasanamadhye paribhramato jantoḥ śaraṇaṃ na vidyate paripuṣṭamapi śarīraṃ bhojanaṃ prati sahāyībhavati na vyasanopanipāte yatnena saṃcitā arthā api na bhavāntaramanugacchanti saṃvibhaktasukhaduḥkhāḥ suhṛdo'pi na maraṇakāle paritrāyante bāndhavāḥ samuditāśca rujā parītaṃ na paripālayanti asti cetsucarito dharmo vyasanamahārṇave tāraṇopāyo bhavati mṛtyunā nīyamānasya sahasranayanādayo'pi na śaraṇam tasmād bhavavyasanasaṅkaṭe dharma eva śaraṇaṃ suhṛdartho'pyanapāyī nānyakiñciccharaṇamiti bhāvanā aśaraṇānuprekṣā evaṃ hyasyādhyavasyato nityamaśaraṇo'smīti bhṛśamudvignasya sāṃsārikeṣu bhāveṣu mamatvavigamo bhavati bhagavadarhatsarvajñapraṇīta eva mārge prayatno bhavati

karmavipākavaśādātmano bhavāntarāvāptiḥ saṃsāraḥ sa purastātpañcaviṃdhaparivartanarūpeṇa vyākhyātaḥ tasminnanekayonikulakoṭibahuśatasahasrasaṃkaṭe saṃsāre paribhraman jīvaḥ karmayantrapreritaḥ pitā bhūtvā bhrātā putraḥ pautraśca bhavati mātā bhūtvā bhaginī bhāryā duhitā ca bhavati svāmī bhūtvā dāso bhavati dāso bhūtvā svāmyapi bhavati naṭa iva raṅge athavā kiṃ bahunā svayamātmanaḥ putro bhavatītyevamādi saṃsārasvabhāvacintanaṃ saṃsārānuprekṣā evaṃ hyasya bhāvayataḥ saṃsāraduḥkhabhayādudvignasya tato nirvedo bhavati nirviṇnaśca saṃsāraprahāṇāya prayatate

janmajarāmaraṇāvṛttimahāduḥkhānubhavanaṃ prati eka evāhaṃ na kaścinme svaḥ paro vā vidyate eka eva jāye'ham eka eva mriye na me kaścit svajanaḥ parajano vā vyādhijarāmaraṇādīni duḥkhānyapaharati bandhumitrāṇi smaśānaṃ nātivartante dharma eva me sahāyaḥ sadā anapāyīti cintanamekatvānuprekṣā evaṃ hyasya bhāvayataḥ svajaneṣu prītyanubandho na bhavati parajaneṣu ca dveṣānubandho nopajāyate tato niḥsaṅgatāmabhyupagato mokṣāyaiva ghaṭate

śarīrādanyatvacintanamanyatvānuprekṣā tadyathā bandhaṃ pratyekatve satyapi lakṣaṇabhedā

danyo'hamaindriyakaṃ śarīramatīndriyo'hamajñaṃ śarīraṃ jño'hamanityaṃ śarīraṃ nityo'hamādyantavaccharīramanādyanto'ham bahūni me śarīraśatasahasrāṇyatītāni saṃsāre paribhramataḥ sa evāhamanyastebhya ityevaṃ śarīrādapyanyatvaṃ me kimaṅga punarbāhyebhyaḥ parigrahebhyaḥ itvevaṃ hyasya manaḥ samādadhānasya śarīrādiṣu spṛhā notpadyate tatastattvajñānabhāvanāpūrvake vairāgyaprakarṣe sati ātyantikasya mokṣasukhasyāvāptirbhavati

śarīramidamatyantāśuciyoni śukraśoṇitāśucisaṃvardhitamavaskaravadaśucibhājanaṃ tvaṅ mātrapracchāditamatipūtirasaniṣyandrisrotobilamaṅgāravadātmabhāvamāśritamapyāśvevāpādayati snānānulepanadhūpapragharṣavāsamālyādibhirapi na śakyamaśucitvamapahartumasya samyagdarśanādi punarbhāvyamānaṃ jīvasyātyantikīṃ śuddhimāvirbhāvayatīti tattvato bhāvanamaśucitvānuprekṣā evaṃ hyasya saṃsmarataḥ śarīranirvedo bhavati nirviṇṇaśca janmodadhitaraṇāya cittaṃ samādhatte

āsravasaṃvaranirjarāḥ pūrvoktā api ihopanyasyante tadgataguṇadoṣabhāvanārtham tadyathāāsravā ihāmutrāpāyayuktā mahānadīsrotovegatīkṣṇā indriyakaṣāyāvratādayaḥ tatrendri

yāṇi tāvatsparśanādīni vanagajavāyasapannagapataṅgahariṇādīn vyasanārṇavamavagāhayanti tathā kaṣāyādayo'pīha vadhabandhāpayaśaḥparikleśādīn janayanti amutra ca nānāgatiṣu bahuvidhaduḥkhaprajvalitāsu paribhramayantītyevamāsravadoṣānucintanamāsravānuprekṣā evaṃ hyasya cintayataḥ kṣamādiṣu śreyastvabuddhirna pracyavate sarva ete āsravadoṣāḥ kūrmavatsaṃvṛtātmano na bhavanti

yathā mahārṇave nāvo vivarapidhāne'sati kramātsrutajalābhiplave sati tadāśrayāṇāṃ vināśo'vaśyaṃbhāvī chidrapidhāne ca nirupadravamabhilaṣitadeśāntaraprāpaṇaṃ tathā karmāgamadvārasaṃvaraṇe sati nāsti śreyaḥpratibandhaḥ iti saṃvaraguṇānucintanaṃ saṃvarānupekṣā evaṃ hyasya cintayataḥ saṃvare nityodyuktatā bhavati tataśca niḥśreyasapadaprāptiriti

nirjarā vedanāvipāka ityuktam sā dvedhā abuddhipūrvā kuśalamūlā ceti tatra narakādiṣu gatiṣu karmaphalavipākajā abuddhipūrvā sā akuśalānubandhā pariṣahajaye kṛte kuśalamūlā sā śubhānubandhā niranubandhā ceti ityevaṃ nirjarāyā guṇadoṣabhāvanaṃ nirjarānuprekṣā evaṃ hyasyānusmarataḥ karmanirjarāyai pravṛttirbhavati

lokasaṃsthānādividhirvyākhyātaḥ samantādanantasyālokākāśasya bahumadhyadeśabhāvino lokasya saṃsthānādividhirvyākhyātaḥ tatsvabhāvānucintanaṃ lokānuprekṣā evaṃ hyasyādhyavasyatastattvajñānaviśuddhirbhavati

ekasminnigotaśarīre jīvāḥ siddhānāmanantaguṇāḥ evaṃ sarvaloko nirantaraṃ nicitaḥ sthāvarairatastatra trasatā vālukāsamudre patitā vajrasikatākaṇikeva durlabhā tatra ca vikalendriyāṇāṃ bhūyiṣṭhatvātpañcendriyatā guṇeṣu kṛtajñateva kṛcchralabhyā tatra ca tiryakṣu paśumṛgapakṣisarīsṛpādiṣu bahuṣu satsu manuṣyabhāvaścatuṣpathe ratnarāśiriva durāsadaḥ tatpracyave ca punastadupattirdagdhatarupudgalatadbhāvopapattivad durlabhā tallābhe ca deśakulendriyasampannīrogatvānyurottarato'tidurlabhāni sarveṣvapi teṣu labdheṣu sarddhamapratilambho yadi na syād vyarthaṃ janma vadanamiva dṛṣṭivikalam tamevaṃ kṛcchralabhyaṃ dharmamavāpya viṣayasukhe rañjanaṃ bhasmārthaṃ candanadahanamiva viphalam viraktaviṣayasukhasya tu tapobhāvanādharmaprabhāvanāsukhamaraṇādilakṣaṇaḥ samādhirduravāpaḥ tasmin sati bodhilābhaḥ phalavān bhavatīti cintanaṃ bodhidurla

bhānuprekṣā evaṃ hyasya bhāvayato bodhiṃ prāpya pramādo na kadācidapi bhavati

ayaṃ jinopadiṣṭo dharmo'hiṃsālakṣaṇaḥ satyādhiṣṭhito vinayamūlaḥ kṣamābalo brahmacaryagupta upaśamapradhāno niyatilakṣaṇo niṣparigrahatālambanaḥ asyālābhādanādisaṃsāre jīvāḥ paribhramanti duṣkarmavipākajaṃ dukhamanubhavantaḥ asya punaḥ pratilambhe vividhābhyudayaprāptipūrvikā niḥśreyasopalabdhirniyateti cintanaṃ dharmasvākhyātatvānuprekṣā evaṃ hyasya cintayato dharmānurāgātsadā pratiyatno bhavati

evamanityatvādyanuprekṣāsannidhāne uttamakṣamādidhāraṇānmahānsaṃvaro bhavati madhye 'anuprekṣā'vacanamubhayārtham anuprekṣā hi bhāvayannuttamakṣamādīṃśca pratipālayati parīṣahāṃśca jetumutsahate

ke punaste pariṣahāḥ kimarthaṃ vā te sahyanta itīdamāha

saṃvarasya prakṛtatvāttena mārgo viśiṣyate saṃvaramārga iti tadacyavanārthaṃ nirjarārthaṃ ca pariṣoḍhavyāḥ parīṣahāḥ kṣutpipāsādisahanaṃ kurvantaḥ jinopadiṣṭānmārgādapracyavamānāstanmārgaparikramaṇaparicayena karmāgamadvāraṃ saṃvṛṇvanta aupakramikaṃ karmaphalamanubhavantaḥ krameṇa

nirjīrṇakarmāṇo mokṣamāpnuvanti

tatsvarūpasaṃkhyāsampratipattyarthamāha

kṣudādayo vedanāviśeṣā dvāviṃśatiḥ eteṣāṃ sahanaṃ mokṣārthinā kartavyam tadyathā bhikṣorniravadyāhāragaveṣiṇastadalābhe īṣallābhe ca anivṛttavedanasyākāle adeśe ca bhikṣāṃ prati nivṛttecchasyāvaśyakaparihāṇiṃ manāgapyasahamānasya svādhyāyadhyānabhāvanāparasya bahukṛtvaḥ svakṛtaparakṛtānaśanāvamaudaryasya nīrasāhārasya saṃtaptabhrāṣṭrapatitajalabindukatipayavatsahasā pariśuṣkapānasyodīrṇakṣudvedanasyāpi sato bhikṣālābhādalābhamadhikaguṇaṃ manyamānasya kṣudbādhāṃ pratyacintanaṃ kṣudvijayaḥ

jalasnānāvagāhanapariṣekaparityāginaḥ patattrivadaniyatāsanāvasathasyātilavaṇasnigdharūkṣaviruddhāhāragraiṣmātapapittajvarānaśanādibhirudīrṇāṃ śarīrendriyonmāthinīṃ pipāsāṃ

pratyanādriyamāṇapratīkārasya pipāsānalaśikhāṃ dhṛtinavamṛdghaṭapūritaśītalasugandhisamādhivāriṇā praśamayataḥ pipāsāsahanaṃ praśasyate

parityaktapracchādanasya pakṣivadanavadhāritālayasya vṛkṣamūlapathiśilātalādiṣu himānīpatanaśītalānilasampāte tatpratikāraprāptiṃ prati nivṛttecchasya pūrvānubhūtaśītapratikārahetuvastūnāmasmarato jñānabhāvanāgarbhāgāre vasataḥ śītavedanāsahanaṃ parikīrtyate

nivāte nirjale grīṣmaravikiraṇapariśuṣkapatitaparṇavyapetacchāyātaruṇyaṭavyantare yadṛcchayopanipatitasyānaśanādyabhyantarasādhanotpāditadāhasya davāgnidāhaparuṣavātātapajanitagalatāluśoṣasya tatpratīkārahetūn bahūnanubhūtānacintayataḥ prāṇipīḍāparihārāvahitacetasaścāritrarakṣaṇamuṣṇasahanamityupavarṇyate

'daṃśamaśaka' grahaṇamupalakṣaṇam yathā 'kākebhyo rakṣyatāṃ sarpiḥ' iti upaghātakopalakṣaṇaṃ kākagrahaṇaṃ tena daṃśamaśakamakṣikāpiśukaputtikāmatkuṇakīṭapipīlikāvṛścikādayo

gṛhyante tatkṛtāṃ bādhāmapratīkārāṃ sahamānasya teṣāṃ bādhāṃ tridhā'pyakurvāṇasya nirvāṇaprāptimātrasaṃkalpaprāvaraṇasya tadvedanāsahanaṃ daṃśamaśakapariṣahakṣametyucyate

jātarūpavanniṣkalaṅkajātarūpadhāraṇamaśakyaprārthanīyaṃ yācanarakṣaṇahiṃsanādidoṣavinirmuktaṃ niṣparigrahatvānnirvāṇaprāptiṃ pratyekaṃ sādhanamananyabādhanaṃ nāgnyaṃ bibhrato manovikriyāviplutivirahāt strīrūpāṇyatyantāśucikuṇaparūpeṇa bhāvayato rātrindivaṃ brahmacaryamakhaṇḍamātiṣṭhamānasyācelavratadhāraṇamanavadyamavagantavyam

saṃyatasyendriyeṣṭaviṣayasambadhaṃ prati nirutsukasya gītanṛtyavāditrādivirahiteṣu śūnyāgāradevakulatarukoṭaraśilāguhādiṣu svādhyāyadhyānabhāvanāratimāskandato dṛṣṭaśrutānubhūtaratismaraṇatatkathāśravaṇakāmaśarapraveśanirvivarahṛdayasya prāṇiṣu sadā sadayasyāratipariṣahajayo'vaseyaḥ

ekānteṣvārāmabhavanādipradeśeṣu navayauvanamadavibhramamadirāpānapramattāsu pramadāsu bādhamānāsu kūrmavatsaṃvṛtendriyahṛdayavikārasya lalitasmitamṛdukathitasavilāsavīkṣaṇaprahasanamadamantharagamanamanmathaśaravyāpāraviphalīkaraṇasya strībādhāpariṣahasahanamavagantavyam

dīrghakālamuṣitagurukulabrahmacaryasyādhigatabandhamokṣapadārthatattvasya saṃyamāyatanabhaktihetordeśāntarātitherguruṇā'bhyanujñātasya pavanavanniḥsaṅgatāmaṅgīkurvato bahuśo'naśanāvamaudaryavṛttiparisaṃkhyānarasaparityāgādibādhāpariklāntakāyasya deśakālapramāṇāpetamadhvagamanaṃ saṃyamavirodhi pariharato nirākṛtapādāvaraṇasya paruṣaśarkarākaṇṭakādivya dhanajātacaraṇakhedasyāpi sataḥ pūrvocitayānavāhanādigamanamasmarato yathākālamāvaśyakāparihāṇimāskandataścaryāpariṣahasahanamavaseyam

smaśānodyānaśūnyāyatanagiriguhāgahvarādiṣvanabhyastapūrveṣu nivasata ādityaprakāśasvendriyajñānaparīkṣitapradeśe kṛtaniyamakriyasya niṣadyāṃ niyamitakālāmāsthitavataḥ siṃhavyādhrādivividhabhīṣaṇadhvaniśravaṇānnivṛttabhayasya caturvidhopasargasahanādapracyutamokṣamārgasya vīrāsanotkuṭikādyāsanādavicalitavigrahasya tatkṛtabādhāsahanaṃ niṣadyāpariṣahavijaya iti niścīyate

svādhyāyadhyānādhvaśramaparikheditasya mauhūrtikīṃ kharaviṣamapracuraśarkarākapālasaṅkaṭā

tiśītoṣṇeṣu bhūmipradeśeṣu nidrāmanubhavato yathākṛtaikapārśvadaṇḍāyitādiśāyinaḥ prāṇibādhāparihārāya patitadāruvad vyapagatāsuvadaparivartamānasya jñānabhāvanāvahitacetaso'nuṣṭhitavyantarādivividhopasargādapyacalitavigrahasyāniyamitakālāṃ tatkṛtabādhāṃ kṣamamāṇasya śayyā pariṣahakṣamā kathyate

mithyādarśanodṛktāmarṣaparuṣāvajñānindāsabhyavacanāni krodhāgniśikhāpravardhanāni niśṛṇvato'pi tadartheṣvasamāhitacetasaḥ sahasā tatpratīkāraṃ kartumapi śaknuvataḥ pāpakarmavipākamabhicintayatastānyākarṇya tapaścaraṇabhāvanāparasya kaṣāyaviṣalavamātrasyāpyanavakāśamātmahṛdayaṃ kurvata ākrośapariṣahasahanamavadhāryate

niśitaviśasanamuśalamudgarādripraharaṇatāḍanapīḍanādibhirvyāpādyamānaśarīrasya vyāpādakeṣu manāgapi manovikāramakurvato mama purākṛtaduṣkarmaphalamidamime varākāḥ kiṃ kurvanti śarīramidaṃ jalabudbudvadviśaraṇasvabhāvaṃ vyasanakāraṇametairbābādhyate saṃjñānadarśanacāritrāṇi mama na kenacidupahanyante iti cintayato vāsitakṣaṇacandanānulepanasamadarśino vadhapariṣahakṣamā manyate

bāhyābhyantaratapo'nuṣṭhānaparasya tadbhāvanāvaśena nissārīkṛtamūrteḥ paṭutapanatāpaniṣpītasārataroriva virahitacchāyasya tvagasthiśirājālamātratanuyantrasya prāṇātyaye satyapyāhāravasatibheṣajādīni dīnābhidhānamukhavaivarṇyāṅgasañjñādibhirayācamānasya bhikṣākāle'pi vidyududyotavat durupalakṣyamūrteryācanāpariṣahasahanamavasīyate

vāyuvadasaṅgādanekadeśacāriṇo'bhyupagataikakālasambhojanasya vācaṃyamasya tatsamitasya vā sakṛtsvatanudarśanamātratantrasya pāṇipuṭamātrapātrasya bahuṣu divaseṣu bahuṣu ca gṛheṣu bhikṣāmanavāpyāpyasaṃkliṣṭacetaso dātṛviśeṣaparīkṣānirutsukasya lābhādapyalābho me paramaṃ tapa iti santuṣṭasyālābhavijayo'vaseyaḥ

sarvāśucinidhānamidamanityamaparitrāṇamiti śarīre niḥśaṅkalpatvādvigatasaṃskārasya guṇaratnabhāṇḍasañcayapravardhanasaṃrakṣaṇasandhāraṇakāraṇatvādabhyupagatasthitividhānasyākṣamrakṣaṇavad vraṇānulepanavadvā bahūpakāramāhāramabhyupagacchato viruddhāhārapānasevanavaiṣamyajanitavātādivikārarogasya yugapadanekaśatasaṃkhyavyādhiprakope satyapi tadvaśavartitāṃ vijahato jallauṣadhiprāptyādyanekatapoviśeṣarddhiyoge satyapi śarīranisspṛhatvāttatpratikārānapekṣiṇo rogapariṣahasahanamavagantavyam

tṛṇagrahaṇamupalakṣaṇaṃ kasyacidvyadhanaduḥkhakāraṇasya tena śuṣkatṛṇaparuṣaśarkarākaṇṭakaniśitamṛttikāśūlādivyadhanakṛtapādavedanāprāptau satyāṃ tatrāpraṇihitacetasaścaryāśayyāniṣadyāsu prāṇipīḍāparihāre nityamapramattacetasastṛṇādisparśabādhāpariṣahavijayo veditavyaḥ

apkāyikajantupīḍāparihārāyā maraṇādasnānavratadhāriṇaḥ paṭuravikiraṇapratāpajanitaprasvedāktapavanānītapāṃsunicayasya sidhmakacchūdadrūdīrṇakaṇḍūyāyāmutpannāyāmapi kaṇḍūyanavimardanasaṃghaṭṭanavivarjitamūrteḥ svagatamalopacayaparagatamalāpacayayorasaṃkalpitamanasaḥ sajjñānacāritravimalasalilaprakṣālanena karmamalapaṅka nirākaraṇāya nityamudyatamatermalapīḍāsahanamākhyāyate

satkāraḥ pūjāpraśaṃsātmakaḥ puraskāro nāma kriyārambhādiṣvagrataḥ karaṇamāmantraṇaṃ vā tatrānādaro mayi kriyate ciroṣitabrahmacaryasya mahātapasvinaḥ svaparasamayanirṇayajñasya bahukṛtvaḥ paravādivijayinaḥ praṇāmabhaktisambhramāsanapradānādīni me na kaścitkaroti mithyādṛṣṭaya evātīva bhaktimantaḥ kiñcidajānantamapi sarvajñasambhāvanayā sammānya svasa

mayaprabhāvanaṃ kurvanti vyantarādayaḥ purā atyugratatapasāṃ pratyagrapūjāṃ nirvartayantīti mithyā śrutiryadi na syādidānīṃ kasmānmādṛśāṃ na kurvantīti duṣpraṇidhānavirahitacittasya satkārapuraskārapariṣahavijaya iti vijñāyate

aṅgapūrvaprakīrṇakaviśāradasya śabdanyāyādhyātmanipuṇasya mama purastāditare bhāskaraprabhābhibhūtakhadyotodyotavannitarāṃ nāvabhāsanta iti vijñānamadanirāsaḥ prajñāpariṣahajayaḥ pratyetavyaḥ

ajño'yaṃ na vetti paśusama ityevamādyadhikṣepavacanaṃ sahamānasya paramaduścaratapo'nuṣṭhāyino nityamapramattacetaso me'dyāpi jñānātiśayo notpadyata iti anabhisandadhato'jñānapariṣahajayo'vagantavyaḥ

paramavairāgyabhāvanāśuddhahṛdayasya viditasakalapadārthatattvasyārhadāyatanasādhudharmapūjakasya cirantanapravrajitasyādyāpi me jñānātiśayo notpadyate mahopavāsādyanuṣṭhāyināṃ prātihāryaviśeṣāḥ prādurabhūvanniti pralāpamātramanarthikeyaṃ pravrajyā viphalaṃ vrataparipālanamityevamasamādadhānasya darśanaviśuddhiyogādadarśanapariṣahasahanamavasātavyam

evaṃ pariṣahān asaṃkalpopasthitān sahamānasyāsaṃkliṣṭacetaso rāgādipariṇāmāsravanirodhānmahānsaṃvaro bhavati

āha kimime pariṣahāḥ sarve saṃsāramahāṭavīmatikramitumabhyudyatamabhidravanti uta kaścitprativiśeṣa ityatrocyate amī vyākhyātalakṣaṇāḥ kṣudādayaścāritrāntarāṇi prati bhājyāḥ niyamena punaranayoḥ pratyetavyāḥ

kṣutpipāsāśītoṣṇadaṃśamaśakacaryāśayyāvadhālābharogatṛṇasparśamalaprajñājñānāni 'caturdaśa' iti vacanādanyeṣāṃ pariṣahāṇāmabhāvo veditavyaḥ āha yuktaṃ tāvadvītarāgacchadmasthe mohanīyābhāvāt tatkṛtavakṣyamāṇāṣṭapariṣahābhāvāccaturdaśaniyamavacanam sūkṣmasāmparāye tu mohodayasadbhāvāt 'caturdaśa'iti niyamo nopapadyata iti tadayuktam sanmātratvāt tatra hi kevalo lobhasañjvalanakaṣāyodayaḥ so'pyatisūkṣmaḥ tato vītarāgachadmasthakalpatvāt 'caturdaśa'iti niyamastatrāpi yujyate nanu mohodayasahāyābhāvānmandoda

yatvācca kṣudādivedanābhāvāttatsahanakṛtapariṣahavyapadeśo na yuktimavatarati tanna kiṃ kāraṇam śaktimātrasya vivakṣitatvāt sarvārthasiddhidevasya saptamapṛthivīgamanasāmarthyavyapadeśavat

āha yadi śarīravatyātmani pariṣahasannidhānaṃ pratijñāyate atha bhagavati utpannakevalajñāne karmacatuṣṭayaphalānubhavanavaśavartini kiyanta upanipatantītyatrocyate tasminpunaḥ

nirastaghātikarmacatuṣṭaye jine vedanīyasadbhāvāttadāśrayā ekādaśapariṣahāḥ santi nanu ca mohanīyodayasahāyābhāvātkṣudādivedanābhāve pariṣahavyapadeśo na yuktaḥ satyamevametat vedanābhāve'pi dravyakarmasadbhāvāpekṣayā pariṣahopacāraḥ kriyate niravaśeṣanirastajñānātiśaye cintānirodhābhāve'pi tatphalakarmanirharaṇaphalāpekṣayā dhyānopacāravat athavā ekādaśa jine 'na santi'iti vākyaśeṣaḥ kalpanīyaḥ sopaskāratvātsūtrāṇām

'kalpyo hi vāvayaśeṣo vākyaṃ ca vaktaryadhīnam' ityupagamāt mohodayasahāyīkṛtakṣudādivedanābhāvāt 'na santi' iti vākyaśeṣaḥ

āha yadi sūkṣmasāmparāyādiṣu vyastā pariṣahāḥ atha samastāḥ tāḥ kveti

sāmparāyaḥ kaṣāyaḥ bādaraḥ sāmparāyo yasya sa bādarasāmparāya iti nedaṃ guṇasthānaviśeṣagrahaṇam kiṃ tarhi arthanirdeśaḥ tena pramattādīnāṃ saṃyatānāṃ grahaṇam teṣu hi akṣīṇakaṣāyadoṣatvātsarve saṃbhavanti kasmin punaścāritre sarveṣāṃ sambhavaḥ sāmāyikacchedopasthāpanaparihāraviśuddhisaṃyameṣu pratyekaṃ sarveṣāṃ sambhavaḥ

āha gṛhītametatpariṣahāṇāṃ sthānaviśeṣāvadhāraṇam idaṃ tu na vidmaḥ kasyāḥ prakṛteḥ kaḥ kārya ityatrocyate

idamayuktaṃ vartate kimatrāyuktam jñānāvaraṇe satyajñānapariṣaha upapadyate prajñāpariṣahaḥ punastadapāye bhavatīti kathaṃ jñānāvaraṇe syāt ityatrocyate kṣāyopaśamikī prajñā anyasmin jñānāvaraṇe sati madaṃ janayati na sakalāvaraṇakṣaye iti jñānāvaraṇe satītyupapadyate

punaraparayoḥ pariṣahayoḥ prakṛtiviśeṣanirdeśārthamāha

yathāsaṃkhyamabhisambandhaḥ darśanamohe adarśanapariṣaho lābhāntarāye alābhapariṣaha iti āha yadyādye mohanīyabhede ekaḥ pariṣahaḥ atha dvitīyasmin kati bhavantītyatrocyate

puṃvedodayādinimittatvānnāgnyādipariṣahāṇāṃ mohodayanimittatvaṃ pratipadyāmahe niṣadyāpariṣahasya katham tatrāpi praṇipīḍāparihārārthatvāt mohodaye sati prāṇipīḍāpariṇāmaḥ saṃjāyata iti

avaśiṣṭapariṣahaprakṛtiviśeṣapratipādanārthamāha

uktā ekādaśa pariṣahāḥ tebhyo'nye śeṣāḥ vedanīye sati 'bhavanti'iti vākyaśeṣaḥ ke punaste kṣutpipāsāśītoṣṇadaṃśamaśakacaryāśayyāvadharogatṛṇasparśamalapariṣahāḥ

āha vyākhyātanimittalakṣaṇavikalpāḥ pratyātmani prādurbhavantaḥ kati yugapadavatiṣṭhanta ityatrocyate

āṅbhividhyarthaḥ tena ekonaviṃśatirapi kvacit yugapatsambhavatītyavagamyate tatkathamiti ceducyate śītoṣṇapariṣahayorekaḥ śayyāniṣadyācaryāṇāṃ cānyatama eva bhavati ekasminnātmani kutaḥ virodhāt tattrayāṇāmapagame yugapadekātmanītareṣāṃ sambhavādekonaviṃśativikalpā boddhavyāḥ nanu prajñājñānayorapi virodhādyugapadasambhavaḥ śrutajñānāpekṣayā prajñāpariṣahaḥ avadhijñānādyabhāvāpekṣayā ajñānapariṣaha iti nāsti virodhaḥ

āha uktā guptisamitidharmānuprekṣāpariṣahajayāḥ saṃvarahetavaḥ pañca saṃvarahetuścāritrasañjño vaktavya iti tadbhedapradarśanārthamucyate

atra codyate daśavidhe dharme saṃyama uktaḥ sa eva cāritramiti punargrahaṇamanarthakamiti nānarthakam dharme'ntarbhūtamapi cāritramante gṛhyate mokṣaprāpteḥ sākṣātkāraṇamiti jñāpanārtham sāmāyikamuktam kva 'digdeśānarthadaṇḍaviratisāmāyika ' ityatra tad dvividhaṃ niyatakālamaniyatakālañca svādhyāyādi niyatakālam īryāpathādyaniyatakālam pramādakṛtānarthaprabandhavilope samyakpratikriyā chedopasthāpanā vikalpanivṛttirvā pariharaṇaṃ parihāraḥ prāṇivadhānnivṛttiḥ tena viśiṣṭā śuddhiryasmiṃstatparihāraviśuddhicāritram atisūkṣmakaṣāyatvātsūkṣmasāmparāyacāritram mohanīyasya niravaśeṣasyopaśamātkṣayācca ātmasvabhāvāvasthāpekṣālakṣaṇaṃ athākhyātacāritramityākhyāyate pūrvacāritrānuṣṭhāyibhirākhyātaṃ na tatprāptaṃ prāṅmohakṣayopaśamābhyāmityathākhyātam athaśabdasyānantayārthivṛttitvā

nniravaśeṣamohakṣayopaśamānantaramāvirbhavatītyarthaḥ 'yathā''khyātam'iti vā yathā''tmasvabhāvo'vasthitastathaivākhyātatvāt 'iti' śabdaḥ parisamāptau draṣṭavyaḥ tato yathākhyātacāritrātsakalakarmakṣayaparisamāptirbhavatīti jñāpyate sāmāyikādīnāmānupūrvyavacanamuttarottaraguṇaprakarṣa khyāpanārthaṃ kriyate

āha uktaṃ cāritram tadanantaramuddiṣṭaṃ yat 'tapasā nijarī ca'iti tasyedānīṃ tapaso vidhānaṃ kartavyamityatrocyate tad dvividhaṃ bāhyamābhyantaraṃ ca tatpratyekaṃ ṣaḍvidham tatra bāhyabhedapratipattyarthamāha

dṛṣṭaphalānapekṣaṃ saṃyamaprasiddhirāgocchedakarmavināśadhyānāgamāvāptyarthamanaśanam saṃyamaprajāgaradoṣapraśamasantoṣasvādhyāyādisukhasiddhyarthamavamaudaryam bhikṣārthino munerekāgārādiviṣayaḥ saṅkalpaḥ cintāvarodho vṛttiparisaṃkhyānamāśānivṛttyarthamavagantavyam indriyadarpanigrahanidrāvijayasvādhyāyasukhasiddhyādyartho ghṛtādivṛṣyarasaparityāgaścaturthaṃ tapaḥ śūnyāgārādiṣu vivikteṣu jantupīḍāvirahiteṣu saṃyatasya śayyāsanamābādhātyayabrahmacayasvādhyāyadhyānādiprasiddhyarthaṃ kartavyamiti pañcamaṃ tapaḥ ātapasthānaṃ vṛkṣamūlanivāso nirāvaraṇaśayanaṃ bahuvidhapratimāsthānamityevamādiḥ kāyakleśaḥ tat ṣaṣṭhaṃ tapaḥ

tatkimartham dehaduḥkhatitikṣāsukhānabhiṣvaṅgapravacanaprabhāvanādyartham pariṣahasyāsya ca ko viśeṣaḥ yadṛcchayopanipatitaḥ pariṣahaḥ svayaṃkṛtaḥ kāyakleśaḥ bāhyatvamasya kutaḥ bāhyadravyāpekṣatvātparapratyakṣatvācca bāhyatvam

abhyantaratapobhedapradarśanārthamāha

kathamasyābhyantaratvam manoniyamanārthatvāt pramādadoṣaparihāraḥ prāyaścittam pūjyeṣvādaro vinayaḥ kāyaceṣṭayā dravyāntareṇa copāsanaṃ vaiyāvṛttyam jñānabhāvanā''lasyatyāgaḥ svādhyāyaḥ ātmā''tmīyasaṅkalpatyāgo vyutsargaḥ cittavikṣepatyāgo dhyānam

tadbhedapratipādanārthamāha

'yathākramam'iti vacanānnavabhedaṃ prāyaścittam vinayaścaturvidhaḥ vaiyāvṛttyaṃ daśavidham svādhyāyaḥ pañcavidhaḥ dvibhedo vyutsarga ityabhisaṃbadhyate 'prāgdhyānāt'iti vacanaṃ dhyānasya bahuvaktavyatvātpaścādvakṣyata iti

ādyasya bhedasvarūpanirjñānārthamāha

tatra gurave pramādanivedanaṃ daśadoṣavivarjitamālocanam mithyāduṣkṛtābhidhānādabhivyaktapratikriyaṃ pratikramaṇam saṃsarge sati viśodhanāttadubhayam saṃsaktānnapānopakaraṇādivibhajanaṃ vivekaḥ kāyotsargādikaraṇaṃ vyutsargaḥ anaśanāvamodaryādilakṣaṇaṃ tapaḥ divasapakṣamāsādinā pravrajyāhāpanaṃ chedaḥ pakṣamāsādivibhāgena dūrataḥ parivarjanaṃ parihāraḥ punardīkṣāprāpaṇamupasthāpanā

vinayavikalpapratipattyarthamāha

'vinayaḥ' ityadhikāreṇa'bhisambandhaḥ kriyate jñānavinayo darśanavinayaścāritravinaya upacāravinayaśceti sabahumānaṃ mokṣārthaṃ jñānagrahaṇābhyāsasmaraṇādijñani

vinayaḥ śaṅkādidoṣavirahitaṃ tattvārthaśraddhānaṃ darśanavinayaḥ tadvataścāritre samāhitacittatā cāritravinayaḥ pratyakṣeṣvācāryādiṣvabhyutthānābhigamanāñjalikaraṇādirupacāravinayaḥ parokṣeṣvapi kāyavāṅ mano'bhirañjalikriyāguṇasaṅkīrtanānusmaraṇādiḥ

vaiyāvṛttyabhedapratipādanārthamāha

vaiyāvṛttyaṃ daśadhā bhidyate kutaḥ viṣayabhedāt ācāryavaiyāvṛttyamupādhyāyavaiyāvṛttyamityādi tatra ācaranti tasmād vratānītyācāryaḥ mokṣārthaṃ śāstramupetya tasmādadhīyata ityupādhyāyaḥ mahopavāsādyanuṣṭhāyī tapasvī śikṣāśīlaḥ śaikṣaḥ rujñādikliṣṭaśarīro glānaḥ gaṇaḥ sthavirasantatiḥ dīkṣakācāryaśiṣyasaṃstyāyaḥ kulam cāturvaṇa śramaṇanibahaḥ saṃghaḥ cirapravrajitaḥ sādhuḥ manojño lokasammataḥ teṣāṃ vyādhipariṣahamithyātvādyupanipāte kāyaceṣṭayā dravyāntareṇa vā tatpratīkāro vaiyāvṛttyaṃ samādhyādhānavicikitsā'

bhāvapravacanavātsalyādyabhivyaktyartham

svādhyāyavikalpavijñānārthamāha

niravadyagranthārthobhayapradānaṃ vācanā saṃśayacchedāya niścitabalādhānāya vā parānuyogaḥ pracchanā adhigatārthasya manasā'dhyāso'nuprekṣā ghoṣaśuddhaṃ parivartanamāmnāyaḥ dharmakathādyanuṣṭhānaṃ dharmopadeśaḥ sa eṣa pañcavidhaḥ svādhyāyaḥ kimarthaḥ prajñātiśayaḥ praśastādhyavasāyaḥ paramasaṃvegastapovṛddhiraticāraviśuddhirityevamādyarthaḥ

vyutsargabhedanirjñānārthamāha

vyutsarjanaṃ vyutsargastyāgaḥ sa dvividhaḥ bāhyopadhityāgo'bhyantaropadhityāgaśceti anupāttaṃ vāstudhanadhānyādi bāhyopadhiḥ krodhādirātmabhāvo'bhyantaropadhiḥ kāyatyāgaśca niyatakālo yāvajjīvaṃ vā'bhyantaropadhityāga ityucyate sa kimarthaḥ nissaṅgatvanirbhayatvajīvitāśāvyudāsādyarthaḥ

yad bahuvaktavyaṃ dhyānamiti pṛthagvyavasthāpitaṃ tasyedānīṃ bhedābhidānaṃ prāptakālam tadullaṅdhya tasya prayoktṛsvarūpakālanirddhāraṇārthamucyate

ādyaṃ tritayaṃ saṃhananamuttamaṃ vajrarṣabhanārācasaṃhananaṃ vajranārācasaṃhananaṃ nārācasaṃhananamiti tattritayamapi dhyānasya sādhanaṃ bhavati mokṣasya tu ādyameva taduttamaṃ saṃhananaṃ yasya so'yamuttamasaṃhananaḥ tasyottamasaṃhananasyeti anena prayoktṛnirdeśaḥ kṛtaḥ agraṃ mukham ekamagramasyetyekāgraḥ nānārthāvalambanena cintā parispandavatī tasyā anyāśeṣamukhebhyo vyāvartya ekasminnagre niyama ekāgracintānirodha ityucyate anena dhyānasvarūpamuktaṃ bhavati muhūrta iti kālaparimāṇam antargato muhūrto'ntarmuhūrtaḥ 'ā antarmuhūrtāt'

ityanena kālāvadhiḥ kṛtaḥ tataḥ paraṃ durdharatvādekāgracintāyāḥ cintāyā nirodho yadi dhyānaṃ nirodhaścābhāvaḥ tena dhyānamasatkharaviṣāṇavatsyāt naiṣa doṣaḥ anyacintānivṛttyapekṣayā'saditi cocyate svaviṣayākārapravṛtteḥ saditi ca abhāvasya bhāvāntaratvād hetvaṅgatvādibhirabhāvasya vastudharmatvasiddheśca athavā nāyaṃ bhāvasādhanaḥ nirodhanaṃ nirodha iti kiṃ tarhi karmasādhanaḥ 'nirudhyata iti nirodhaḥ' cintā cāsau nirodhaśca cintānirodha iti etaduktaṃ bhavati jñānamevāparispandāgniśikhāvadavabhāsamānaṃ dhyānamiti

tadbhedapradarśanārthamāha

ṛtaṃ duḥkham ardanamartirvā tatra bhavamārtam rudraḥ krūrāśayastasya karma tatra bhavaṃ vā raudram dharmo vyākhyātaḥ dharmādanapetaṃ dharmyam śuciguṇayogācchuklam tadetaccaturvidhaṃ dhyānaṃ dvaividhyamaśnute kutaḥ praśastāpraśastabhedāt apraśastamapuṇyāsravakāraṇatvāt

karmanirdahanasāmarthyātpraśastam

kiṃ punastaditi ceducyate

paramuttaramantyaṃ tatsāmīpyāddharmyamapi 'param'ityupacaryate dvivacananirdeśasāmarthyād gauṇamapi gṛhyate 'pare mokṣahetū' iti vacanātpūrve ārtaraudre saṃsārahetū ityuktaṃ bhavati kutaḥ tṛtīyasya sādhyasyābhāvāt

tatrārtaṃ caturvidham tatrādivikalpalakṣaṇanirdeśārthamāha

amanojñamapriyaṃ viṣakaṇṭakaśatruśastrādi tadbādhākāraṇatvād'amanojñam'ityucyate tasya samprayoge sa kathaṃ nāma me na syāditi saṅkalpaścintāprabandhaḥ smṛtisamanvāhāraḥ prathamamārtamityākhyāyate

dvitīyasya vikalpasya lakṣaṇanirdeśārthamāha

kuto viparītam pūrvoktāt tenaitaduktaṃ bhavati manojñasyeṣṭasya svaputradāradhanāderviprayoge tatsamprayogāya saṅkalpaścintāprabandho dvitīyamārtamavagantavyam

tṛtīyasya vikalpasya lakṣaṇapratipādanārthamāha

'vedanā'śabdaḥ sukhe duḥkhe ca vartamāno'pi ārtasya prakṛtatvād duḥkhavedanāyāṃ pravartate tasyā vātādivikārajanitavedanāyā upanipāte tasyā apāyaḥ kathaṃ nāma me syāditi saṃkalpaścintāprabandhastṛtīyamārtamucyate

turīyasyārtasya lakṣaṇanirdeśārthamāha

bhogākāṅkṣāturasyānāgataviṣayaprāptiṃ prati manaḥpraṇidhānaṃ saṅkalpaścintāprabandhasturīyamārtaṃ nidānamityucyate

tadetaccaturvidhamārtaṃ kiṃsvāmikamiti ceducyate

aviratā asaṃyatasamyagdṛṣṭyantāḥ deśaviratāḥ saṃyatāsaṃyatāḥ pramattasaṃyatāḥ

pañcadaśapramādopetāḥ kriyānuṣṭhāyinaḥ tatrāviratadeśaviratānāṃ caturvidhamapyārtaṃ bhavati asaṃyamapariṇāmopetatvāt pramattasaṃyatānāṃ tu nidānavarjyamanyadārtatrayaṃ pramādodayodrekātkadācitsyāt

vyākhyātamārtaṃ sañjñādibhiḥ dvitīyasya sañjñāhetusvāminirddhāraṇārthamāha

hiṃsādīnyuktalakṣaṇāni tāni raudradhyānotpatternimittībhavantīti hetunirdeśo vijñāyate tena hetunirdeśenānuvartamānaḥ 'smṛtisamanvāhāraḥ' abhisambadhyate hiṃsāyāḥ smṛtisamanvāhāra ityādi tadraudradhyānamaviratadeśaviratayorveditavyam aviratasya bhavatu raudradhyānaṃ deśaviratasya katham tasyāpi hiṃsādyāveśādvittādisaṃrakṣaṇatantratvācca kadācid bhavitumarhati tatpunarnārakādīnāmakāraṇaṃ samyagdarśanasāmarthyāt saṃyatasya tu na bhavatyeva tadārambhe saṃyamapracyuteḥ

āha 'pare mokṣahetū' upadiṣṭe tatrādyasya mokṣahetordhyānasya bhedasvarūpasvāminirdeśaḥ kartavya ityata āha

vicayanaṃ vicayo viveko vicāraṇetyarthaḥ ājñāpāyavipākasaṃsthānānāṃ vicaya ājñāpāyavipākasaṃsthānavicayaḥ 'smṛtisamanvāhāraḥ' ityanuvartate sa pratyekaṃ sambadhyate ājñāvicayāya smṛtisamanvāhāra ityādi tadyathā upadeṣṭurabhāvānmandabuddhitvātkarmodayātsūkṣmatvācca padārthānāṃ hetudṛṣṭāntoparame sati sarvajñapraṇītamāgamaṃ pramāṇīkṛtya itthamevedaṃ 'nānyathāvādino jināḥ' iti gahanapadārthaśraddhānādarthāvadhāraṇamājñāvicayaḥ athavā svayaṃ viditapadārthatattvasya sataḥ paraṃ prati pipādayiṣoḥ svasiddhāntāvirodhena tattvasamarthanārthaṃ tarkanayapramāṇayojanaparaḥ smṛtisamanvāhāraḥ sarvajñājñāprakāśanārthatvādājñāvicaya ityucyate jātyandhavanmithyādṛṣṭayaḥ sarvajñapraṇītamārgādvimukhā mokṣārthinaḥ samyaṅmārgāparijñānātsu

dūramevāpayantīti sanmārgāpāyacintanamapāyavicayaḥ athavā mithyādarśanajñānacāritrebhyaḥ kathaṃ nāma ime prāṇino'peyuriti smṛtisamanvāhāro'pāyavicayaḥ karmaṇāṃ jñānāvaraṇādīnāṃ dravyakṣetrakālabhavabhāvapratyayaphalānubhavanaṃ prati praṇidhānaṃ vipākavicayaḥ lokasaṃsthānasvabhāvavicayāya smṛtisamanvāhāraḥ saṃsthānavicayaḥ uttamakṣamādilakṣaṇo dharma uktaḥ tasmādanapetaṃ dharmyaṃ dhyānaṃ caturvikalpamavaseyam tadaviratadeśaviratapramattāpramattasaṃyatānāṃ bhavati

trayāṇāṃ dhyānānāṃ nirūpaṇaṃ kṛtam idānīṃ śukladhyānaṃ nirūpayitavyam tadvakṣyamāṇacaturvikalpam tatrādyayoḥ svāminirdeśārthamidamucyate

vakṣyamāṇeṣu śukladhyānavikalpeṣu ādye śukladhyāne pūrvavido bhavataḥ śrutakevalina ityarthaḥ 'ca'śabdena dharmyamapi samuccīyate tatra 'vyākhyānato viśeṣapratipattiḥ' iti śreṇyārohaṇātprāgdharmyaṃ śreṇyoḥ śukle iti vyākhyāyate

avaśiṣṭe kasya bhavata ityatrocyate

prakṣīṇasakalajñānāvaraṇasya kevalinaḥ sayogasyāyogasya ca pare uttare śukladhyāne bhavataḥ

yathāsaṃkhyaṃ tadvikalpapratipādanārthamidamucyate

pṛthaktvavitarkamekatvavitarkaṃ sūkṣmakriyāpratipāti vyuparatakriyānivarti ceti caturvidhaṃ śukladhyānam vakṣyamāṇalakṣaṇamapekṣya sarveṣāmanvarthatvamavaseyam

tasyālambanaviśeṣanirdhāraṇārthamāha

'yoga'śabdo vyākhyātārthaḥ 'kāyavāṅmanaḥkarma yogaḥ'ityatra uktaiścaturbhiḥ śukladhyānavikalpaistriyogādīnāṃ caturṇāṃ yathāsaṃkhyenābhisambandho veditavyaḥ triyogasya pṛthaktvavitarkam triṣu yogeṣvekayogasyaikatvavitarkam kāyayogasya sūkṣmakriyāpratipāti ayogasya vyuparatakriyānivartīti

tatrādyayorviśeṣapratipattyarthamidamucyate

eka āśrayo yayoste ekāśraye ubhe'pi pariprāptaśrutajñānaniṣṭhenārabhyete ityarthaḥ vitarkaśca vīcāraśca vitarkavīcārau saha vitarkavīcārābhyāṃ vartete iti savitarkavīcāre pūrve pṛthaktvaikatvavitarke ityarthaḥ

tatra yathāsaṃkhyaprasaṃge'niṣṭanivṛttyarthamidamucyate

pūrvayoryad dvitīyaṃ tadavīcāraṃ pratyetavyam etaduktaṃ bhavati ādyaṃ savitarkaṃ savīcāraṃ ca bhavati dvitīyaṃ savitarkamavīcāraṃ ceti

atha vitarkavīcārayoḥ kaḥ prativiśeṣa ityatrocyate

viśeṣeṇa tarkaṇamūhanaṃ vitarkaḥ śrutajñānamityarthaḥ

atha ko vīcāraḥ

artho dhyeyo dravyaṃ paryāyo vā vyañjanaṃ vacanam yogaḥ kāyavāṅmanaḥkarmalakṣaṇaḥ saṃkrāntiḥ pariktanam dravyaṃ vihāya paryāyamupaiti paryāyaṃ tyaktvā dravyamityarthasaṃkrāntiḥ ekaṃ śrutavacanamupādāya vacanāntaramālambate tadapi vihāyānyaditi vyañjanasaṃkrāntiḥ kāyayogaṃ tyaktvā yogāntaraṃ gṛhṇāti yogāntaraṃ ca tyaktvā kāyayogamiti yogasaṃkrānti evaṃ parivartanaṃ vīcāra ityucyate tadetatsāmānyaviśeṣanirdiṣṭaṃ caturvidhaṃ dharmyaṃ śuklaṃ ca

pūrvoditaguptyādibahuprakāropāyaṃ saṃsāranivṛttaye munirdhyātumarhati kṛtaparikarmā tatra dravyaparamāṇuṃ bhāvaparamāṇuṃ vā dhyāyannāhitavitarkasāmarthyaḥarthavyañjane kāyavacasī ca pṛthaktvena saṃkrāmatā manasā'paryāptabālotsāhavadavyavasthitenāniśitenāpi śastreṇa cirāttaruṃ chindanniva mohaprakṛtīrupaśamayankṣapayaṃśca pṛthaktvavitarkavīcāradhyānabhāgbhavati sa eva punaḥ samūlatūlaṃ mohanīyaṃ nirdidhakṣannanantaguṇaviśuddhiyogaviśemāśritya bahutarāṇāṃ jñānāvaraṇasahāyībhūtānāṃ prakṛtīnāṃ bandhaṃ nirundhan sthitihrāsakṣayau ca kurvan śrutajñānopayogo nivṛttārthavyañjanayogasaṃkrāntiḥ avicalitamanāḥ kṣīṇakaṣāyo vaiḍūryamaṇiriva nirupalepo dhyātvā punarna nivartata ityuktamekatvavitarkam evamekatvavitarkaśukladhyānavaiśvānaranirdagdhavātikarmendhanaḥ prajvalitakevalajñānagabhastimaṇḍalo meghapañjaranirodhanirgata iva gharmaraśmirvā bhāsamāno bhagavāṃstīrthakara itaro vā kevalī lokeśvarāṇāmabhigamanīyo'rcanīyaścotkarṣeṇāyuṣaḥ pūrvakoṭīṃ deśonāṃ viharati sa yadā'ntarmuhūrtaśeṣāyuṣkastattulyasthitivedyanāmagotraśca bhavati tadā sarvaṃ vāṅmanasayogaṃ bādarakāyayogaṃ ca parihāpya sūkṣmakāyayogālambanaḥ

sūkṣmakriyāpratipātidhyānamāskanditumarhatīti yadā punarantarmuhūrtaśeṣāyuṣkastato'dhikasthitiśeṣakarmatrayo bhavati sayogī tadā''tmopayogātiśayasya sāmāyikasahāyasya viśiṣṭakaraṇasya mahāsaṃvarasya laghukarmaparipācanasyāśeṣakarmareṇupariśātanaśaktisvābhāvyāddaṇḍakapāṭaprataralokapūraṇāni svātmapradeśavisarpaṇataścaturbhiḥ samayaiḥ kṛtvā punarapi tāvadbhireva samayaiḥ samupahṛtapradeśavisaraṇaḥ samīkṛtasthitiśeṣakarmacatuṣṭayaḥ pūrvaśarīrapramāṇo bhūtvā sūkṣmakāyayogena sūkṣmakriyāpratipāti dhyānaṃ dhyāyati tatastadanantaraṃ samucchinnakriyānivartidhyānamārabhate samucchinnaprāṇāpānapracārasarvakāyavāṅmanoyogasarvapradeśaparispandakriyāvyāpāratvāt samucchinnakriyānivartītyucyate tasminsamucchinnakriyānivartini dhyāne sarvabandhāsravanirodhasarvaśeṣakarmaśātanasāmarthyopapatterayogikevalinaḥ sampūrṇayathākhyātacāritrajñānadarśanaṃ sarvasaṃsāraduḥkhajālapariṣvaṅgocchedajananaṃ sākṣānmokṣakāraṇamupajāyate sa punarayogakevalī bhagavāṃstadā dhyānātiśayāgninirdagdhasarvamalakalaṅkabandhano nirastakiṭṭadhātupāṣāṇajātyakanakavallabdhātmā parinirvāti tadetad dvividhaṃ tapo'bhinavakarmāsravanirodhahetutvātsaṃvarakāraṇaṃ prāktanakarmarajovidhūnananimittatvānnirjarāheturapi bhavati

atrāha samyagdṛṣṭayaḥ kiṃ sarve samanirjarā āhosvitkaścidasti prativiśeṣa ityatrocyate

ta ete daśa samyagdṛṣṭyādayaḥ kramaśo'saṃkhyeyaguṇanirjarāḥ tadyathā bhavyaḥ pañcendriyasañjñī paryāptakaḥ pūrvoktakālalabdhyādisahāyaḥ pariṇāmaviśuddhyā vardhamānaḥ krameṇāpūrvakaraṇādisopānapaṅktyotplavamāno bahutarakarmanirjaro bhavati sa eva punaḥ prathamasamyaktvaprāptinimittasannidhāne sati samyagdṛṣṭirbhavannasaṃkhyeyaguṇanirjaro bhavati sa eva punaścāritramohakarmavikalpāpratyākhyānāvaraṇakṣayopaśamanimittapariṇāmaprāptikāle viśuddhiprakarṣayogāt śrāvako bhavan tato'saṃkhyeyaguṇanirjaro bhavati sa eva punaḥ pratyākhyānāvaraṇakṣayopaśamakāraṇapariṇāmaviśuddhiyogād viratavyapadeśabhāk san tato'saṃkhyeyaguṇanirjaro bhavati sa eva punaranantānubandhikrodhamānamāyālobhānāṃ viyojanaparo bhavati yadā tadā pariṇāmaviśuddhiprakarṣayogāttato'saṃkhyeyaguṇanirjaro bhavati sa eva punardarśanamohaprakṛtitrayatṛṇanicayaṃ nirdidhakṣan pariṇāmaviśuddhyatiśayayogāddarśanamohakṣapakavyapadeśa

bhāk pūrvoktādasaṃkhyeyaguṇanirjaro bhavati evaṃ saḥ kṣāyikasamyagdṛṣṭirbhūtvā śreṇyārohaṇābhimukhaścāritramohopaśamaṃ prati vyāpriyamāṇo viśuddhiprakarṣayogādupaśamakavyapadeśamanubhavan pūrvoktādasaṃkhyeyaguṇanirjaro bhavati sa eva punaraśeṣacāritramohopaśamanimittasanniddhāne pariprāptopaśāntakaṣāyavyapadeśaḥ pūrvoktādasaṃkhyeyaguṇanirjaro bhavati sa eva punaścāritramohakṣapaṇaṃ pratyabhimukhaḥ pariṇāmaviśuddhyā varddhamānaḥ kṣapakavyapadeśamanubhavanpūrvoktādasaṃkhyeyaguṇanirjaro bhavati sa yadā niḥśeṣacāritramohakṣapaṇakāraṇapariṇāmābhimukhaḥ kṣīṇakaṣāyavyapadeśamāskandanpūrvoktādasaṃkhyeyaguṇanirjaro bhavati sa eva dvitīyaśukladhyānānalanirdagdhaghātikarmanicayaḥ san jinavyapadeśabhāk pūrvoktādasaṃkhyeyaguṇanirjaro bhavati

āha samyagdarśanasannidhāne'pi yadyasaṃkhyeyaguṇanirjaratvātparasparato na sāmyameṣāṃ kiṃ tarhi śrāvakavadamī viratādayo guṇabhedānna nirgranthatāmarhantīti ucyate naitadevam kutaḥ yasmād guṇabhedādanyo'nyaviśeṣe'pi naigamādinayavyāpārātsarve'pi hi bhavanti

uttaraguṇabhāvanāpetamanaso vrateṣvapi kvacitkadācitparipūrṇatāmapariprāpnuvanto'viśuddhapulākasādṛśyātpulākā ityucyante nairgranthyaṃ pati sthitā akhaṇḍitavratāḥ śarīropakaraṇavibhūṣānuvartino'viviktaparivārā mohaśabalayuktā bakuśāḥ śabalaparyāyavācī bakuśaśabdaḥ kuśīlā dvividhāḥ pratisevanākuśīlāḥ kaṣāyakuśīlā iti aviviktaparigrahāḥ paripūrṇobhayāḥ kathañciduttaraguṇavirādhinaḥ pratisevanākuśīlāḥ vaśīkṛtānyakaṣāyodayāḥ sañjvalanamātratantrāḥ kaṣāyakuśīlāḥ udakadaṇḍarājivadanabhivyaktodayakarmāṇaḥ ūrdhvaṃ muhūrtādudbhidyamānakevalajñānadarśanabhājo nirgranthāḥ prakṣīṇaghātikarmāṇaḥ kevalino dvividhāḥ snātakāḥ ta ete pañcāpi nirgranthāḥ cāritrapariṇāmasya prakarṣā

prakarṣabhede satyapi naigamasaṃgrahādinayāpekṣayā sarve'pi te nirgranthā ityucyante

teṣāṃ pulākādīnāṃ bhūyo'pi viśeṣapratipattyarthamāha

ta ete pulākādayaḥ saṃyamādibhiraṣṭabhiranuyogaiḥ sādhyā vyākhyeyāḥ tadyathā pulākabakuśapratisevanākuśīlā dvayoḥ saṃyamayoḥ sāmāyikacchedopasthāpanayorvartante kaṣāyakuśīlā dvayoḥ saṃyamayoḥ parihāraviśuddhisūkṣmasāmparāyayoḥ pūrvayośca nirgranthasnātakā ekasminneva yathākhyātasaṃyame santi

śrutaṃ pulākabakuśapratisevanākuśīlā utkarṣeṇābhinnākṣaradaśapūrvadharāḥ kaṣāyakuśīlā nirgranthāścaturdaśapūrvadharāḥ jaghanyena pulākasya śrutamācāravastu bakuśakuśīlanirgranthānāṃ śrutamaṣṭau pravacanamātaraḥ snātakā apagataśrutāḥ kevalinaḥ

pratisevanā pañcānāṃ mūlaguṇānāṃ rātribhojanavarjanasya ca parābhiyogād balādanyatamaṃ pratisevamānaḥ pulāko bhavati bakuśo dvividhaḥ upakaraṇabakuśaḥ śarīrabakuśaśceti tatropakaraṇabakuśo bahuviśeṣayuktopakaraṇākāṃkṣī śarīrasaṃskārasevī śarīrabakuśaḥ pratisevanākuśīlo mūlaguṇānavirādhayannuttaraguṇeṣu kāñcidvirādhanāṃ pratisevate

kaṣāyakuśīlanirgranthasnātakānāṃ pratisevanā nāsti

tīrthamiti sarve sarveṣāṃ tīrthakarāṇāṃ tīrtheṣu bhavanti

liṅgaṃ dvividhaṃ dravyaliṅgaṃ bhāvaliṅgaṃ ceti bhāvaliṅgaṃ pratītya sarve pañca nirgranthā liṅgino bhavanti dravyaliṅgaṃ pratītya bhājyāḥ

leśyāḥ pulākasyottarāstisraḥ bakuśapratisevanākuśīlayoḥ ṣaḍapi kaṣāyakuśīlasya catasra uttarāḥ sūkṣmasāmparāyasya nirgranthasnātakayośca śuklaiva kevalā ayogā aleśyāḥ

upapādaḥ pulākasyotkṛṣṭa upapāda utkṛṣṭasthitideveṣu sahasrāre bakuśapratisevanākuśīlayordvāviṃśatisāgaropamasthitiṣu āraṇācyutakalpayoḥ kaṣāyakuśīlanirgranthayostrayastriṃśatsāgaropamasthitiṣu sarvārthisiddhau sarveṣāmapi jaghanyaḥ saudharmakalpe dvisāgaropamasthitiṣu snātakasya nirvāṇamiti

sthānam asaṃkhyeyāni saṃyamasthānāni kaṣāyanimittāni bhavanti tatra sarvajaghanyāni labdhisthānāni pulākakaṣāyakuśīlayoḥ tau yugapadasaṃkhyeyāni sthānāni gacchataḥ tataḥ pulāko vyucchidyate kaṣāyakuśīlastato'saṃkhyeyāni sthānāni gacchatyekākī

tataḥ kaṣāyakuśīlapratisevanākuśīlabakuśā yugapadasaṃkhyeyāni sthānāni gacchanti tato bakuśo vyucchidyate tato'pyasaṃkhyeyāni sthānāni gatvā pratisevanākuśīlo vyucchidyate tato'pyasaṃkhyeyāni sthānāni gatvā kaṣāyakuśīlo vyucchidyata ata ūrdhvamakaṣāyasthānāni nirgranthaḥ pratipadyate so'pyasaṃkhyeyāni sthānāni gatvā vyucchidyate ata ūrdhvamekaṃ sthānaṃ gatvā snātako nirvāṇaṃ prāpnotītyeteṣāṃ saṃyamalabdhiranantaguṇā bhavati

iti tattvārthavṛttau sarvārthasiddhisañjñikāyāṃ navamo'dhyāyaḥ samāptaḥ

atha daśamo'dhyāyaḥ

āha ante nirdiṣṭasya mokṣasyedānīṃ svarūpābhidhānaṃ prāptakālamiti satyamevam mokṣaprāptiḥ kevalajñānāvāptipūrviketi kevalajñānotpattikāraṇamucyate

iha vṛttikaraṇaṃ nyāyyam kutaḥ laghutvāt katham ekasya 'kṣaya'śabdasyākaraṇād vibhaktyantaranirdeśasya cābhāvāt'ca'śabdasya cāprayogallaghu sūtraṃ bhavati 'mohajñānadarśanāvaraṇāntarāyakṣayātkevalam' iti satyametatḥ kṣayakramapratipādanārtho vākyabhedena nirdeśaḥ kriyate prāgeva mohaṃ kṣayamupanīyāntarmuhūrtaṃ kṣīṇakaṣāyavyapadeśamavāpya tato yugapajjñānadarśanāvaraṇāntarāyāṇāṃ kṣayaṃ kṛtvā kevalamavāpnoti iti tatkṣayo hetuḥ kevalotpatteriti hetulakṣaṇo vibhaktinirdeśaḥ kṛtaḥ kathaṃ prāgeva mohaḥ kṣayamupanīyate iti ceducyate bhavyaḥ

samyagdṛṣṭiḥ pariṇāmaviśuddhyā vardhamāno'saṃyatasamyagdṛṣṭisaṃyatāsaṃyatapramattāpramattaguṇasthāneṣu kasmiṃścinmohasya sapta prakṛtīḥ kṣayamupanīya kṣayikasamyagdṛṣṭirbhūtvā kṣapakaśreṇyārohaṇābhimukho'dhaḥpravṛttakaraṇamapramattasthāne pratipadyāpūrvakaraṇaprayogeṇāpūrvakaraṇakṣapakaguṇasthānavyapadeśamanubhūya tatrābhinavaśubhābhisandhitanūkṛtapāpaprakṛtisthityanubhāgo vivardhitaśubhakarmānubhavo'nivṛttikaraṇaprāptyānivṛttibādarasāmparāyakṣapakaguṇasthānamadhiruhya tatra kaṣāyāṣṭakaṃ naṣṭaṃ kṛtvā napuṃ sakavedanāśaṃ samāpādya strīvedamunmūlya nokaṣāyaṣaṭkaṃ puṃvede prakṣipya kṣapayitvā puṃvedaṃ krodhasaṃjvalane krodhasañjvalanaṃ mānasaṃjvalane mānasaṃjvalanaṃ māyāsaṃjvalane māyāsaṃjvalanaṃ ca lobhasaṃjvalane krameṇa bādarakṛṣṭivibhāgena vilayamupanīya lobhasaṃjvalanaṃ tanūkṛtya sūkṣmasāmparāyakṣapakatvamanubhūya niravaśeṣaṃ mohanīyaṃ nirmūlakāṣaṃ kaṣitvā kṣīṇakaṣāyatāmadhiruhyāvatāritamohanīyabhāra upāntyaprathame samaye nidrāpracale pralayamupanīya pañcānāṃ jñānāvaraṇānāṃ caturṇāṃ darśanāvaraṇānāṃ pañcānāmantarāyāṇāṃ cāntamante samupanīya tadanantaraṃ jñānadarśanasvabhāvaṃ kevalaparyāyamapratarkyavibhūtiviśeṣamavāpnoti

āha kasmāddhetormokṣaḥ kiṃlakṣaṇaścetyatrocyate

mithyādarśanādihetvabhāvādabhinavakarmābhāvaḥ pūrvoditanirjarāhetusannidhāne cārjitakarmanirāsaḥ tābhyāṃ bandhahetvabhāvanirjarābhyāmiti hetulakṣaṇavibhaktinirdeśaḥ tato bhavasthitihetusamīkṛtaśeṣakarmāvasthasyayugapadātyantikaḥ kṛtsnakarmavipramokṣo mokṣaḥ pratyetavyaḥ karmābhāvo dvividhaḥ yatnasādhyo'yatnasādhyaśceti tatra caramadehasya nārakatiryagde vāyuṣāmabhāvo na yatnasādhyaḥ asattvāt yatnasādhya ita urdhvamucyate asaṃyatasamyagdṛṣṭyādiṣu caturṣu guṇasthāneṣu kasmiṃścitsaptaprakṛtikṣayaḥ kriyate nidrānidrāpracalāpracalāstyānagṛddhinarakagatitiryaggatyekadvitricaturindriyajātinarakagatitiryagyagatiprāyogyānupūrvyātapodyotasthāvarasūkṣmasādhāraṇasañjñikānāṃ ṣoḍaśānāṃ karmaprakṛtīnāmanivṛttibādarasāmparāyasthāne yugapatkṣayaḥ kriyate tataḥ paraṃ tatraiva kaṣāyāṣṭakaṃ naṣṭaṃ kriyate napuṃsakavedaḥ strīvedaśca krameṇa tatraiva kṣayamupayāti nokaṣāyaṣaṭkaṃ ca sahaikenaiva prahāreṇa vinipātayati tataḥ puṃvedasaṃjvalanaṃkrodhamānamāyāḥ krameṇaṃ tatraivātyantikaṃ dhvaṃsamāskandanti lobhasaṃjvalanaḥ sūkṣmasāmparāyānte yātyantam nidrāpracale kṣīṇakaṣāyavītarāgacchadmasthasyopāntya

samaye pralayamupavrajataḥ pañcānāṃ jñānāvaraṇānāṃ caturṇāṃ darśanāvaraṇānāṃ pañcānāmantarāyāṇāṃ ca tasyaivāntyasamaye prakṣayo bhavati anyataravedanīyadevagatyaudārikavaikriyikāhārakataijasakārmaṇaśarīrapañcabandhanapañcasaṃghātasaṃsthānaṣaṭkaudārikavaikriyikāhārakaśarīrāṅgopāṅgaṣaṭsaṃhananapañcapraśastavarṇapañcāpraśastavarṇagandhadvayapañcapraśastarasapañcāpraśastarasasparśāṣṭakadevagatiprāyogyānupūrvyāgurulaghūpaghātaparaghātocchvāsapraśastāpraśastavihāyogatyaparyāptakapratyekaśarirasthirāsthiraśubhāśubhadurbhagasusvaraduḥsvarānādeyāyaśaḥkīrtinirmāṇanāmanīcairgotrākhyā dvāsaptatiprakṛtayo'yogakevalina upāntyasamaye vināśamupayānti anyataravedanīyamanuṣyāyurmanuṣyagatipañcendriyajātimanuṣyagatiprāyogyānupūrvyatrasabādaraparyāptakasubhagādeyayaśaḥkīrtitīrthakaranāmoccairgotrasaṃjñikānāṃ trayodaśānāṃ prakṛtīnāmayogakevalinaścaramasamaye vyucchedo bhavati

āha kimāsāṃ paudgalikīnāmeva dravyakarmaprakṛtīnāṃ nirāsānmokṣo'vasīyate uta bhāvakarmaṇo'pītyatrocyate

kim 'mokṣaḥ'ityanuvartate bhavyatvagrahaṇamanyapāriṇāmikanivṛttyartham tena pāriṇāmikeṣu bhavyatvasyaupaśamikādīnāṃ ca bhāvānāmabhāvānmokṣo bhavatītyabhyupagamyate

āha yadyapavargo bhāvoparateḥ pratijñāyate nanu aupaśamikādibhāvanivṛttivatsarvakṣāyikabhāvanivṛttivyapadeśo muktasya prāpnotīti syādetadevaṃ yadi viśeṣo nocyeta astyatra viśeṣa ityapavādavidhānārthamidamucyate

anyatraśabdāpekṣayā 'kā'nirdeśaḥ kevalasamyaktvajñānadarśanasiddhatvebhyo anyatrānyasminnayaṃ vidhiriti yadi catvāra evāvaśiṣyante anantavīryādīnāṃ nivṛttiḥ prāpnoti naiṣa doṣaḥ jñānadarśanāvinābhāvitvādanantavīryādīnāmaviśeṣaḥ anantasāmarthyahīnasyānantāvabodhavṛttyabhāvājjñānamayatvācca sukhasyeti anākāratvānmuktānāmabhāva iti cenna

atītānantaraśarīrākāratvāt

syānmataṃ yadi śarīrānuvidhāyī jīvaḥ tadabhāvātsvābhāvikalokākāśapradeśaparimāṇatvāttāvadvisarpaṇaṃ prāpnotīti naiṣa doṣaḥ kutaḥ kāraṇābhāvāt nāmakarmasambandho hi saṃharaṇavisarpaṇakāraṇam tadabhāvātpunaḥ saṃharaṇavisarpaṇābhāvaḥ

yadi kāraṇābhāvānna saṃharaṇaṃ na visarpaṇaṃ tarhi gamanakāraṇābhāvādūrdhvagamanamapi na prāpnoti adhastiryaggamanābhāvavat tato yatra muktastatraivāvasthānaṃ prāpnotīti atrocyate

tasyānantaram kasya sarvakarmavipramokṣasya āṅbhividhyarthaḥ ūrdhvaṃ gacchatyā lokāntāt

anupadiṣṭahetukamidamūrdhvagamanaṃ kathamadhyavasātuṃ śakyamityatrocyate

āha hetvarthaḥ puṣkalo'pi dṛṣṭāntasamarthanamantareṇābhipretāthasādhanāya nālamityatrocyate

pūrvasūtre vihitānāṃ hetūnāmatroktānāṃ dṛṣṭāntānāṃ ca yathāsaṃkhyamabhisambandho bhavati tadyathā kulālaprayogāpāditahastadaṇḍacakrasaṃyogapūrvakaṃ bhramaṇam uparate'pi tasminpūrvaprayogādā saṃskārakṣayād bhramati evaṃ bhavasthenātmanā'pavargaprāptaye bahuśo yatpraṇidhānaṃ tadabhāve'pi tadāveśapūrvakaṃ muktasya gamanamavasīyate kiṃ ca asaṅgatvāt yathā mṛttikālepajanitagauravamalābudravyaṃ jale'dhaḥpatitaṃ jalakledaviśliṣṭamṛttikābandhanaṃ laghu sadūrdhvameva gacchati tathā karmabhārākrāntivaśīkṛta ātmā tadāveśavaśātsaṃsāre aniyamena gacchati tatsaṅgavimukto tūparyevopayāti kiṃ ca bandhacchedāt yathā bījakośabandhacchedāderaṇḍabījasya gatirdṛṣṭā tathā manuṣyādibhavaprāpakagatijātināmādisakalakarmabandhacchedānmuktasya ūrdhvagatiravasīyate kiṃ ca tathāgatipariṇāmāt yathā tiryakplavanasvabhāvasamīraṇasambandhanirutsukā pradīpaśikhā svabhāvādutpatati tathā muktātmā'pi nānāgativikārakāra

ṇakarmanirvāraṇe satyūrdhvagatisvabhāvādūrdhvamevārohati

āha yadi mukta ūrdhvagatisvabhāvo lokāntādūrdhvamapi kasmānnotpatatītyatrocyate

gatyupagrahakāraṇabhūto dharmāstikāyo noparyastītyaloke gamanābhāvaḥ tadabhāve ca lokālokavibhāgābhāvaḥ prasajyate

āha amī parinirvṛttā gatijātyādibhedakāraṇābhāvādatītabhedavyavahārā eveti asti kathañcid bhedo'pi kutaḥ

kṣetrādibhirdvādaśabhiranuyogaiḥ siddhāḥ sādhyā vikalpyā ityarthaḥ pratyutpannabhūtānugrahatantranayadvayavivakṣāvaśāt tadyathā kṣetreṇa tāvatkasmin kṣetre sidhyanti pratyutpannagrāhinayāpekṣayā siddhikṣetre svapradeśe ākāśapradeśe vā siddhirbhavati bhūtagrāhinayāpekṣayā janma prati pañcadaśasu karmabhūmiṣu saṃharaṇaṃ prati mānuṣakṣetre siddhiḥ kālena kasminkāle

siddhiḥ pratyutpannanayāpekṣayā ekasamaye siddhyan siddho bhavati bhūtaprajñāpananayāpekṣayā janmato'viśeṣeṇotsarpiṇyavasarpiṇyorjātaḥ sidhyati viśeṣeṇāvasarpiṇyāṃ suṣamaduḥṣamāyā antye bhāge duḥṣamasuṣamāyāṃ ca jātaḥ sidhyati na tu duḥṣamāyāṃ jāto duḥṣamāyāṃ sidhyati anyadā naiva sidhyati saṃharaṇataḥ sarvasminkāle utsarpiṇyāmavasarpiṇyāṃ ca sidhyati gatyā kasyāṃ gatau siddhiḥ siddhigatau manuṣyagatau vā liṅgena kena siddhiḥ avedatvena tribhyo vā vedebhyaḥ siddhirbhāvato na dravyataḥ dravyataḥ pulliṅgenaiva athavā nirgranthaliṅgena sagranthaliṅgena vā siddhirbhūtapūrvanayāpekṣayā tīrthena tīrthasiddhiḥ dvedhā tīrthakaretaravikalpāt itare dvividhāḥ sati tīrthakare siddhā asati ceti cāritreṇa kena sidhyati avyapadeśenaikacatuḥpañcavikalpacāritreṇa vā siddhiḥ svaśaktiparopadeśanimittajñānabhedāt pratyekabuddhabodhitavikalpaḥ jñānena kena ekena dvitricaturbhiśca jñānaviśeṣaiḥ siddhiḥ ātmapradeśavyāpitvamavagāhanam tad dvividham utkṛṣṭajaghanyabhedāt tatrotkṛṣṭaṃ pañca

dhanuḥśatāni pañcaviṃśatyuttarāṇi jaghanyamardhacaturthāratnayo deśonāḥ madhye vikalpāḥ ekasminnavagāhe sidhyati kimantaram sidhyatāṃ siddhānāmanantaraṃ jaghanyena dvau samayau utkarṣeṇāṣṭau antaraṃ jaghanyenaikaḥ samayaḥ utkarṣeṇa ṣaṇmāsāḥ saṃkhyā jaghanyena ekasamaye ekaḥ sidhyati utkarṣeṇāṣṭottaraśatasaṃkhyāḥ kṣetrādibhedabhinnānāṃ parasparataḥ saṃkhyāviśeṣo'lpabahutvam tadyathā pratyutpannanayāpekṣayā siddhikṣetre sidhyantīti nāstyalpabahutvam bhūtapūrvanayāpekṣayā tu cintyate kṣetrasiddhā dvividhā janmataḥ saṃharaṇataśca tatrālpe saṃharaṇasiddhāḥ janmasiddhāḥ saṃkhyeyaguṇāḥ kṣetrāṇāṃ vibhāgaḥ karmabhūmirakarmabhūmiḥ samudro dvīpa ūrdhvamadharstiyagiti tatra stokā ūrdhvalokasiddhāḥ adholokasiddhāḥ saṃkhyeyaguṇāḥ tiryaglokasiddhāḥ saṃkhyeyaguṇāḥ sarvataḥ stokāḥ samudrasiddhāḥ dvīpasiddhāḥ saṃkhyeyaguṇāḥ evaṃ tāvadaviśeṣeṇa sarvataḥ stokā lavaṇodasiddhāḥ kālodasiddhāḥ saṃkhyeyaguṇāḥ jambṛdvīpasiddhāḥ saṃkhyeyaguṇāḥ dhātakīkhaṇḍasiddhāḥ saṃkhyeyaguṇāḥ puṣkaradvīpārdhasiddhāḥ saṃkhyeyaguṇāḥ iti evaṃ kālādivibhāge'pi yathāgamamalpabahutvaṃ veditavyam

iti tattvārthavṛttau sarvārthasiddhisaṃjñikāyāṃ daśamo'dhyāyaḥ samāptaḥ

śubhaṃ bhavatu sarveṣām