Pātrakesaristotra Plain text of Soni's 2023 edition Published within the Digital Corpus of Vidyānandin's Works at October 05, 2026 Sources: Śrīpātrakesarī Stotra, tathā Śrīpurapārśvanātha Stotra. Ed. Jinadās Pārśvanāth Phaḍkule. Sholapur: Shridhar Printing Press 1921. Transliteration of the text of the stotras in Phaḍkule's edition by Jayandra Soni in the file "Patrakesari Stotra.odt" conveyed to Himal Trikha Jayanadra Soni, March 11, 2023. Simple digital edition: dcv/Pātrakesaristotra/PKSt-JS-x PKSt-JPh 1a jinendra ! guṇa-saṃstuti-stava manāg api prastutā | PKSt-JPh 1b bhavaty akhila-karmaṇāṃ prahataye paraṃ kāraṇam || PKSt-JPh 1c iti vyavasitā matir mama tato ’ham atyādarat | PKSt-JPh 1d sphutārtha-naya-peśalāṃ ! sugata ! saṃvidāsye stutim || 1 || PKSt-JPh 2a mati-śrutam athāvadhiś ca sahajaṃ pramāṇa hi te | PKSt-JPh 2b tataḥ svayam avo ’dhi mokṣa-padavīṃ svayambhūr bhavān || PKSt-JPh 2c na caitad iha divyācakṣur-adhunekṣyate ’smād daśām | PKSt-JPh 2d yathā sukṛta-karmaṇāṃ sakala-rājya-lakṣmyād avaiḥ || 2 || PKSt-JPh 3a vrateṣu prairajyase nirupame ca saukhye spṛhā | PKSt-JPh 3b bibheṣy api ca saṃṛter asubhṛtām vadhaṃ dvekṣy api || PKSt-JPh 3c kadācid adayodayo vigata-cittako ’py aṃjasā | PKSt-JPh 3d tathāpi gurur iṣyase tribhuvanaika-baṃdhur jinaḥ || 3 || PKSt-JPh 4a tapaḥ param upāśritasya bhavato ’bhavat kevalaṃ | PKSt-JPh 4b samasta-viṣayaṃ nirakṣam-apunaś cuti svātmanam || PKSt-JPh 4c niravaraṇam akramaṃ vyatikarād apetātmakam || PKSt-JPh 4d tad eva purruṣārtha-sāram abhisammataṃ yoginām || 4 || PKSt-JPh 5a paraspara-virodhavad-dvividha-bhaṃga-śākā-kulaṃ | PKSt-JPh 5b pṛthag-jana-sudurgamaṃ tava nirarthakaṃ śāsanam || PKSt-JPh 5c tathāpi jina ! sammataṃ suviduṣāṃ na cāty adbhutaṃ | PKSt-JPh 5d bhavanti hi mahātmanāṃ duruditāny api khyātaye || 5 || PKSt-JPh 6a surendra-parikalpitaṃ bṛhad-anardhya siṃhāsanaṃ | PKSt-JPh 6b tathātapa-nivāraṇa-trayam athollasaś cāmaras || PKSt-JPh 6c vaśaṃ ca bhuvana-trayaṃ nirupamā ca niḥsaṃgatā | PKSt-JPh 6d na saṃgatam idaṃ dvayaṃ tvayi tathāpi saṃgacchate || 6 || PKSt-JPh 7a tvam indriya-vinigraha-pravaṇa-niṣṭhuraṃ bhāsase | PKSt-JPh 7b tapasy api ca yātayasyan adha duṣkare saṃśritān || PKSt-JPh 7c ananya-paridṛṣṭayā ṣaḍ-asukāya-saṃrakṣayā | PKSt-JPh 7d svanugraha-paro ’py aho tribhuvanātmanāṃ nāpraḥ || 7 || PKSt-JPh 8a dadāsy-anupamaṃ sukhaṃ stuti-pareṣv-atuṣyann api PKSt-JPh 8b kṣipasya kupito ’pi ca dhruvam asūyakāṃ durgatau || PKSt-JPh 8c na ceśa parameṣṭhitā tava virudhyate yad-bhavān | PKSt-JPh 8d na kupyati na tuṣyati prakṛtim āśrito madhyamām || 8 || PKSt-JPh 9a parikṣapita-karmaṇas tava na jātu rāgādayo | PKSt-JPh 9b na ceṃdriya-vivṛttayo na ca manas-kṛtā vyāvṛtiḥ || PKSt-JPh 9c tathāpi sakalaṃ jagad-yugapad aṃjasā vetsi tvamca || PKSt-JPh 9d prapaśyasi ca kevalābhyudita-divyac cakṣuṣā || 9 || PKSt-JPh 10a kṣayāc ca rati-rāga-moha-bhaya-kāriṇāṃ karmaṇāṃ | PKSt-JPh 10b kaṣāya-ripu-nirjayaḥ sakala-tattva-vidyodayaḥ || PKSt-JPh 10c ananya-sadṛśaṃ sukhaṃ tribhuvanādhipatyaṃ ca te | PKSt-JPh 10d suniścitam idaṃ vibho sumuni-sampādāyādibhiḥ || 10 || PKSt-JPh 11a na hīndriya-dhiyā virodhi na ca liṃga-buddhyā vaco | PKSt-JPh 11b na cāpy anumatena te sunaya-saptadhā yojitam || PKSt-JPh 11c vyapetapariśaṃkranaṃ vitatha-kāraṇādarśanād | PKSt-JPh 11d ato ’pi bhagavaṃs tvam eva parameṣṭhitāyāḥ padam || 11 || PKSt-JPh 12a na lubdha iti gamyase sakala-saṃga-saṃnyāsato | PKSt-JPh 12b na cāpi tava mūḍhatā vigata-doṣa-vāg-yad-bhavān || PKSt-JPh 12c aneka-vidha-rakṣaṇād asubhṛtāṃ na ca dveṣitā | PKSt-JPh 12d nirāyudha-tayā ’pi ca vyapagataṃ tathā te bhayam || 12 || PKSt-JPh 13a yadi tvam api bhāṣase vitatham evam āpto ’pi san | PKSt-JPh 13b pareṣu jina kā kathā prakṛti-lubdha-mugdhādiṣu || PKSt-JPh 13c na cāpy akṛtakātmikā vacana-saṃhatir dṛśyate | PKSt-JPh 13d punar-jananam apy aho na hi virudhyate yuktibhiḥ || 13 || PKSt-JPh 14a sa janma-maraṇarṣi-gotra-caraṇādi-nāma-śruter | PKSt-JPh 14b aneka-pada-saṃhati-pratiniyām asaṃdarśanāt || PKSt-JPh 14c phalārthi-puruṣagra-vṛtti-vinivṛtti-hetv-ātmanām | PKSt-JPh 14d śruteś ca manu-sūtra-vat-puruṣa-kartṛkaiva śrutiḥ || 14 || PKSt-JPh 15a smṛtiś ca para-janmanaḥ sphuṭam ihekṣyate kasyacit PKSt-JPh 15b tathāpta-vacanāntarāt prasṛta-loka-vādād api | PKSt-JPh 15c na cāpy asata udbhavo na ca sato nimūlāt kṣayaḥ || PKSt-JPh 15d kathaṃ hi para-lokināma-subhṛtām asattohyate || 15 || PKSt-JPh 16a na cāpy asad udīyate na ca sad eva vā vyajyate | PKSt-JPh 16b surāṃgamadavat-tathā śikhi-kalāpa-vaicittryavat || PKSt-JPh 16c kvacin mṛta-karandhanārtha-piṭharādike nekṣyate | PKSt-JPh 16d kathaṃ kṣiti-jalādi-saṃgha-guṇa iṣyate cetanā || 16 || PKSt-JPh 17a praśānta-karaṇaṃ vapur vigata-bhūṣaṇaṃ cāpi te | PKSt-JPh 17b samasta-jana-citta-netra-paramotsavatvaṃ gatam || PKSt-JPh 17c vināyudha-parigrahāj jina ! jitās tvayā durjayāḥ | PKSt-JPh 17d kaṣāya-ripavaḥ parair na tu gṛhīta-śastrair api || 17 || PKSt-JPh 18a dhiyāntara-tamārthavad-gati-samanvayānvīkṣaṇād PKSt-JPh 18b bhavet svaparimāṇavat-kacid iha pratiṣṭhā parā || PKSt-JPh 18c grahāṇam api dṛṣyate kṣayavato nimūlāt kacit | PKSt-JPh 18d tathāyam api yujyate jvalanavat-kaṣāya-kṣayaḥ || 18 || PKSt-JPh 19a aśeṣa-vid ihekṣyate sad asad ātma-sāmānya-vit PKSt-JPh 19b jina ! prakṛti-mānuṣo ’pi kim utākhila-jñānavān || PKSt-JPh 19c kadācid iha kasyacit kvacid apeta-rāgāditā | PKSt-JPh 19d sphuṭaṃ samupalabhyate kim uta te vyapetaina saḥ || 19 || PKSt-JPh 20a aśeṣa-puruṣādi-tattva-gata-deśanākauśaṃ | PKSt-JPh 20b tvad anya-puruṣāntarānucitam āptālāñchanam || PKSt-JPh 20c kaṇāda-kapilākṣapāda-muni-śākya-putoktayaḥ PKSt-JPh 20d skhalanti hi sucakṣurādi-pariniścitārtheṣv api || || PKSt-JPh 21a parair apariṇāmakaḥ puruṣa iṣyate sarvathā PKSt-JPh 21b pramāṇa-viṣayādi-tattva-parilopanaṃ syāt tataḥ || PKSt-JPh 21c kaṣāya-virahān na cāsya vinibandhanaṃ karmabhiḥ || PKSt-JPh 21d kutaś ca parinirvṛtiḥ kṣaṇika rūpotāyāṃ tathā || 21 || PKSt-JPh 22a mano vipariṇātakaṃ yad iha saṃbhṛtiṃ cāśnute | PKSt-JPh 22b tad opera ca vimucyate puruṣa-kalpanā syād vṛthā || PKSt-JPh 22c na cāsya manso vikāra upapadyate sarvathā | PKSt-JPh 22d dhruvaṃ tad-iti hīṣyase dvita-pavāditā kopinī || 22 || PKSt-JPh 23a pṛthag-jana-mano ’nukūlam aparaiḥ kṛtaṃ śāsanaṃ | PKSt-JPh 23b sukhena sukham āpyate na tapasety avaśyendriyaḥ || PKSt-JPh 23c pratikṣaṇa-vibhaṃguraṃ sakala-saṃskṛtaṃ ceṣyate | PKSt-JPh 23d nanu svamata-loka-liṃgapariniścayair vyāhatam || 23 || PKSt-JPh 24a na saṃtatir anaśvarī na hi ca naśvarī no dvidhā | PKSt-JPh 24b vanādivat-abhāva eva yata iṣyate tatvataḥ || PKSt-JPh 24c vṛthaiva kṛṣi-dāna-śīla-muni-vandanādi-kriyāḥ | PKSt-JPh 24d kathaṃcid avinaśvarī yadi bhavet pratijñākṣatiḥ || 24 || PKSt-JPh 25a ananya-puruṣottamo manuja-tām atīto ’pi sa PKSt-JPh 25b manuṣya iti śasyase tvam adhunā narair valiśaiḥ | PKSt-JPh 25c kva te manuja garbhitā kva ca virāga-sarvajñatā PKSt-JPh 25d na janma-maraṇātmatā hi tava vidyate tatvataḥ || 25 || PKSt-JPh 26a svamātur iha yady api prabhava iṣyate garbhato | PKSt-JPh 26b malair anupasaṃpluto vara-saroja-patre ’mbuvat || PKSt-JPh 26c hitāhita-viveka-śūnya-hṛdayo na garbhe ’py abhūḥ | PKSt-JPh 26d kathaṃ tava manuṣya-mātra-sadṛśatvam āśaṃkyate || 26 || PKSt-JPh 27a na mṛtyur api vidyate prakṛta-mānuṣasyeva te PKSt-JPh 27b mṛtasya parinirvṛtir na maraṇaṃ punar-janmavat | PKSt-JPh 27c jarā ca na hi yad-vapur-vimala-kevalotpattitaḥ | PKSt-JPh 27d prabhṛty-arujam ekarūpam avatiṣṭhate prāṅmṭeḥ || 27 || PKSt-JPh 28a paraiḥ kṛpaṇa-devakaiḥ svayam asat sukhaiḥ prārthyate | PKSt-JPh 28b sukhaṃ yuvati-sevanādi-para-sannidhi-pratyayam || PKSt-JPh 28c tvayā tu paramātmanā na parato yatas te sukham | PKSt-JPh 28d vyapeta-parimāṇakaṃ nirupamaṃ dhruvaṃ svātmajam || 28 || PKSt-JPh 29a piśācaṇrivāritaḥ pitṛ-vane narī-nṛyate | PKSt-JPh 29b kṣaradrudhirabhaṣiṇadvirada-kṛtti-helā-paṭaḥ || PKSt-JPh 29c haro hasati cāyataṃ kahkahāṭṭa-hāsolbaṇam | PKSt-JPh 29d kathaṃ parama-devateti paripūjyate paṃḍitaiḥ || 29 || PKSt-JPh 30a mukhena kilaṃ dakṣiṇena pṛthu-nākhila-prāṇināṃ | PKSt-JPh 30b samatti śatra-pūti-majja-rudhirāṃtramāṃsāni ca || PKSt-JPh 30c gaṇaiḥ svasadṛśair bhṛśaṃ ratim uoaiti rātriṃdivam | PKSt-JPh 30d pibaty api ca yaḥ surāṃ sa katham āptatābhājanam || 30 || PKSt-JPh 31a anādi nidhānātmakaṃ sakala-tattva-saṃbodhanam | PKSt-JPh 31b samasta-jagad-ādhipatyam atha tasya saṃtṛptatā || PKSt-JPh 31c tathā vigata-doṣatā ca kila vidyate yan-mṛṣā | PKSt-JPh 31d suyukti-virahān na cāsti pariśuddhatatvāgamaḥ || 31 || PKSt-JPh 32a kamaṇḍalu-mṛgājijinākṣa-valayādibhir brahmaṇaḥ | PKSt-JPh 32b śucitva-virahādi-doṣa-kaluṣatvam abhyūhyate || PKSt-JPh 32c bhayaṃ vighṛṇatāca viṣṇu-harayoḥ saśastratvataḥ | PKSt-JPh 32d svato na ramaṇīyatā ca parimūḍhatā bhūṣanāt || 32 || PKSt-JPh 33a svayaṃ sṛjati cet prajāḥ kim iti daitya-vidhvaṃsanam | PKSt-JPh 33b suduṣṭa-jana-nigrahārtham iti ced asṛṣṭir varam || PKSt-JPh 33c kṛtātma-karaṇīya-kasya jagatāṃ kṛtir niṣphalā | PKSt-JPh 33d svabhāva iti cen mṛṣā sa hi suduṣṭa evāpyate || 33 || PKSt-JPh 34a prasanna-kupitātmanāṃ niyamato bhaved duḥkhitā | PKSt-JPh 34b tathaiva parimohitā bhayam upadrutiś cāmayaiḥ || PKSt-JPh 34c tṛṣāpi ca bubhukṣayā ca na ca saṃsṛtiś chidyate | PKSt-JPh 34d jineṃdra bhavato ’pareṣu katham āptatā yujyate || 34 || PKSt-JPh 35a kathaṃ svayam upadrutāḥ para-sukhodaye kāraṇaṃ | PKSt-JPh 35b svayaṃ ripubhayārditāś ca śaraṇaṃ kathaṃ bibhyatām || PKSt-JPh 35c gatānugati-kair aho tvad aparatra bhaktair janair | PKSt-JPh 35d anāyatana-sevanaṃ niraya-hetur aṃgīkṛtam || 35 || PKSt-JPh 36a sadā hanana-ghātanādy-anumati-pravṛttātmanāṃ | PKSt-JPh 36b praduṣṭa-caritoditeṣu parihṛṣyatāṃ dehinām || PKSt-JPh 36c avaśyam anusajyate durita-baṃdhanaṃ tattvataḥ | PKSt-JPh 36d śubhe ’pi pariniścitas trividhāṃdha-hetur bhavet || 36 || PKSt-JPh 37a vimokṣa-sukha-caitya-dāna-paripūjanādy-ātmikāḥ | PKSt-JPh 37b kriyā bahu-vidhā-subhṛn-maraṇa-pīḍane hetavaḥ || PKSt-JPh 37c tvayā jvalita-kevalena na hi deśitāḥ kiṃtu tāḥ | PKSt-JPh 37d tvayi prasṛta-bhaktibhiḥ svayam anuṣṭhitāḥ śravakaiḥ || 37 || PKSt-JPh 38a tvayā tvad upadeśa-kāri-puruṣeṇa vā kenacit | PKSt-JPh 38b kathāñcid upadiśyate sma jina ! caitya-dāna-kriyā || PKSt-JPh 38c anāśaka-vidhiś ca keśa-pariluṃcanaṃ cāthavā | PKSt-JPh 38d śrutād anidhanātmakād adhigataṃ pramāṇāṃtarāt || 38 || PKSt-JPh 39a na cāpuṣparipīḍanaṃ niyamato śubhāyeṣyate | PKSt-JPh 39b tvayā na ca śubhāya vā na hi ca sarvathā satya-vāk || PKSt-JPh 39c na cāpi dama-dānayoḥ kuśala-hetutaikāṃtato | PKSt-JPh 39d vicitra-naya-bhaṃga-jāla-gahanaṃ tvadīyaṃ matam || 39 || PKSt-JPh 40a tvayāpi sukha-jīvitanātham iha śāsanaṃ ca kṛtaṃ PKSt-JPh 40b kathaṃ sakala-saṃgraha-tyajanaśāsitā yujyate || PKSt-JPh 40c tathā niraśanārdha-bhukti-ras-varjanād yuktibhir PKSt-JPh 40d jitendriya-tayā tvam eve jina ity abhikhyāṃ gataḥ || 40 || PKSt-JPh 41a jineśvara, na te mataṃ paṭaka-vastra-pātra-graho | PKSt-JPh 41b vimṛśya sukha-kāraṇaṃ svayam aśakta-kaiḥ kalpitaḥ || PKSt-JPh 41c athāyam api sat-pathas tava bhaved vṛthā nagnatā | PKSt-JPh 41d na hasta-sulabhe phale sati taruḥ samāruhyate || 41 || PKSt-JPh 42a parigrahavatāṃ satāṃ bhayam avaśyam āpadyate | PKSt-JPh 42b prakopa-parihiṃsane ca paruṣānṛta-vyāhṛtī || PKSt-JPh 42c mama tvam atha corataḥ svamanasaś ca vibhrāṃtatā | PKSt-JPh 42d kuto hi kaluṣātmanāṃ parama-śukla-sad-dhyānatā || 42 || PKSt-JPh 43a svabhājana-gateṣu peya-paribhojya-vastuṣv amī | PKSt-JPh 43b yadā pratinirīkṣtās tanu-bhṛtaḥ susūkṣmātmakāḥ || PKSt-JPh 43c tadā kvacid apojjhane maraṇam eva teṣāṃ bhaved | PKSt-JPh 43d athāpy abhinirodhanaṃ bahutarātmasammūrcchanam || 43 || PKSt-JPh 44a digaṃbara-tayā sthitāḥ svabhuja-bhojino ye sadā | PKSt-JPh 44b pramāda-rahitāśayāḥ pracura-jīva-hatyām api || PKSt-JPh 44c na baṃdha-phala-bhāginas ta iti gamyate yena te | PKSt-JPh 44d pravṛttam anubibhrati svabala-yogyamadhyāpy amī || 44 || PKSt-JPh 45a yathāgama-vihāriṇām aśana-pāna-bhakṣyādiṣu | PKSt-JPh 45b prayatna-paracetasām avikalendriyālokinām || PKSt-JPh 45c kataṃcid asupīḍanād yadi bhaved apuṇyodayas PKSt-JPh 45d tapo ’pi vadha eva te sva-para-jīvasantāpanāt || 45 || PKSt-JPh 46a maruj-jvalana-bhūyaḥsu niyamāt kacid yujyate | PKSt-JPh 46b paraspara-virodhiteṣu vigatāsutā sarvadā || PKSt-JPh 46c pramāda-janitāgasāṃ kacid apohanaṃ svāgamāt | PKSt-JPh 46d kathaṃ sthiti-bhujāṃ satāṃ gagana-vāsasāṃ doṣitā || 46 || PKSt-JPh 47a parair anagha-nivṛttiḥ svaguṇatva-vidhvaṃsanaṃ | PKSt-JPh 47b vyagho ’pi kapalādibhiś ca puruṣārtha-vidhvaṃsanam || PKSt-JPh 47c tvayā sumṛditainasā jvalita-kevalaughaśriyā PKSt-JPh 47d dhruvaṃ nirupamātmakaṃ sukham anantam avyāhatam || 47 || PKSt-JPh 48a niranvaya-binaśavarī jagati muktir iṣṭā paraiḥ | PKSt-JPh 48b na kaścid iha ceṣṭate svavyasanāya mūḍhetaraḥ || PKSt-JPh 48c tvayā nu guṇa-saṃhater atiśayopalabdhyātmikā | PKSt-JPh 48d stithiḥ śivamayī jina ! pravacane tava khyāpitā || 48 || PKSt-JPh 49a iyaty api guṇa-stutiḥ parama-nirvṛteḥ sādhanī PKSt-JPh 49b bhavaty alam ato jano vyavasitaś ca tat-kāṃkṣyā | PKSt-JPh 49c viraṃsyati ca sādhunā rucira-lobha-lābhe satām PKSt-JPh 49d mano ’bhilaṣitāptir eva nanu ca prayāsāvadhiḥ || 49 || PKSt-JPh 50a iti mama mati-vṛttyā saṃhitaṃ tvad guṇānām PKSt-JPh 50b aniśam amita-śaktyā saṃstuvānasya bhaktyā | PKSt-JPh 50c sukhamanadhamanantaṃ svātma-saṃsthaṃ mahātman PKSt-JPh 50d jina ! bhavatu mahatyā kevala-śrīvibhūtyā || 50 ||