Vidyānandin's Aṣṭasahasrī

Creation of the digital textresource H. Trikha 
Published within the Digital Corpus of Vidyānandin's Works at www.dipal.org/dcv  January 09, 2025 

Sources:
Print edition: Aṣṭasahasrī Vidyānandasvāminā nirmitā Vaṃśīdhareṇa saṃśodhya … sampāditā. Bombay: Nirṇayasāgara 1915. 
Digital text resource:  /home/deploy/dipal/public/dcv-site/root-resources/AS/AS ,  October 07, 2024 

AS-VDh 001,01	Oṃ 
AS-VDh 001,02	śrīmadvidyānandisvāmiviracitā 
AS-VDh 001,03	aṣṭasahasrī | 
AS-VDh 001,04		śrīvarddhamānam abhivandya samantabhadram udbhūtabodhamahimānam anindyavācam | 
AS-VDh 001,05		śāstrāvatāraracitastutigocarāptamīmāṃsitaṃ kṛtir alaṅkriyate mayāsya || 1 || 
AS-VDh 002,01	śreyaḥ śrīvarddhamānasya paramajineśvarasamudayasya samantabhadrasya tadamalavācaś ca saṃstavanam āptamīmāṃsitasyāla- 
AS-VDh 002,02	ṅkaraṇe tadāśrayatvād anyatamāsambhave tadaghaṭanāt | tadvṛttikārair api tata evoddīpīkṛtetyādinā tatsaṃstavana- 
AS-VDh 002,03	vidhānāt | devāgametyādimaṅgalapurassarastavaviṣayaparamāptaguṇātiśayaparīkṣām upakṣipataiva svayaṃ śraddhāguṇajñatā- 
AS-VDh 002,04	lakṣaṇaṃ prayojanam ākṣiptaṃ lakṣyate | tadanyatarāpāye 'rthasyānupapatteḥ | śāstranyāyānusāritayā tathaivopanyāsāt | 
AS-VDh 002,05	ity anena granthakārasya śraddhāguṇajñatālakṣaṇe prayojane śāstrārambhastavaviṣayāptaguṇātiśayaparīkṣopakṣepasya sādhana-  
AS-VDh 003,01	tv asamarthanāt | śāstrāvatāraracitastutigocarāptamīmāṃsitam idaṃ śāstraṃ devāgamābhidhānam iti nirṇayaḥ | maṅgala- 
AS-VDh 003,02	purassarastavo hi śāstrāvatāraracitastutir ucyate | maṅgalaṃ purassaram asyeti maṅgalapurassaraḥ śāstrāvatārakāla- 
AS-VDh 003,03	s tatra racitaḥ stavo maṅgalapurassarastavaḥ iti vyākhyānāt | tadviṣayo yaḥ paramāptas tadguṇātiśayaparīkṣā tadvi- 
AS-VDh 003,04	ṣayāptamīmāṃsitam evoktam | tad evaṃ niśśreyasaśāstrasyādau tannibandhanatayā maṅgalārthatayā ca munibhiḥ saṃstu- 
AS-VDh 003,05	tena niratiśayaguṇena bhagavatāptena śreyomārgam ātmahitam icchatāṃ samyagmithyopadeśārthaviśeṣapratipattyartham āpta- 
AS-VDh 003,06	mīmāṃsāṃ vidadhānāḥ, śraddhāguṇajñatābhyāṃ prayuktamanasaḥ, kasmād devāgamādivibhūtito 'haṃ mahānnābhiṣṭuta iti 
AS-VDh 003,07	sphuṭaṃ pṛṣṭā iva svāmisamantabhadrācāryāḥ prāhuḥ —
ĀM-VDh 1
 		devāgamanabhoyānacāmarādivibhūtayaḥ | māyāviṣv api dṛśyante nātastvam asi no mahān || 1 || iti
AS-VDh 003,09	devāgamādīnām ādiśabdena pratyekam abhisambandhanād devāgamādayo nabhoyānādayaś cāmarādayaś ca vibhūtayaḥ 
AS-VDh 003,10	parigṛhyante tāś ca bhagavatīva māyāviṣv api maṣkariprabhṛtiṣu dṛśyante iti tadvat tayā bhagavan no 'smākaṃ parīkṣāpra- 
AS-VDh 003,11	dhānānāṃ mahān na stutyosi | ājñāpradhānā hi tridaśādikaṃ parameṣṭhinaḥ paramātmacinhaṃ pratipadyeran nāsmadāda- 
AS-VDh 003,12	yas tādṛśo māyāviṣv api bhāvādityāgamāśrayo 'yaṃ stavaḥ | śreyomārgasya praṇetā bhagavān stutyo mahān devāga- 
AS-VDh 003,13	manabhoyānacāmarādivibhūtimattvādyanyathānupapatter iti hetor apy āgamāśrayatvāt | tasya ca prativādinaḥ 
AS-VDh 003,14	pramāṇatvenāsiddheḥ tadāgamaprāmāṇyavādinām api vipakṣavṛttitayā gamakatvāyogāt | tadāgamād eva hetor vipakṣa- 
AS-VDh 003,15	vṛttitvaprasiddheḥ | paramārthapathaprasthāyiyathoditavibhūtimattvasya hetor māyopadarśitatadvibhūtimadbhir māyāvibhirna vya-
AS-VDh 004,01	bhicāraḥ satyadhūmavattvādeḥ pāvakādau sādhye svapnopalabdhadhūmādimatā deśādinānaikāntikatvaprasaṅgāt sarvā- 
AS-VDh 004,02	numānocchedāt | iti cet tarhi mā bhūdasya hetor vyabhicāraḥ pāramārthikyaḥ purandarabherīninādādikṛtapratighā- 
AS-VDh 004,03	tāgocaracāriṇyo yathoditavibhūtayas tīrthakare bhagavati tvayi tādṛśyo māyāviṣv api nety atas tvaṃ mahān asmākam a- 
AS-VDh 004,04	sīti vyākhyānād granthavirodhābhāvād iti kaścit, so 'pi kutaḥ pramāṇāt prakṛtahetuṃ vipakṣāsambhavinaṃ pratīyāt ? 
AS-VDh 004,05	na tāvat pratyakṣād anumānād vā tasya tadaviṣayatvāt | nāpy āgamādasiddhaprāmāṇyāt tatpratipattir atiprasaṅgāt | pramāṇataḥ 
AS-VDh 004,06	siddhaprāmāṇyād āgamāt tatpratipattau tataḥ sādhyapratipattir evāstu paramparāpariśramaparihāraś caivaṃ pratipattuḥ syāt | 
AS-VDh 004,07	tataḥ sūktaṃ sarvathā nāto hetos tvam asi no mahāṃs tasyāgamāśrayatvād iti | tarhy antaraṅgabahiraṅgavigrahādimahodaye- 
AS-VDh 004,08	nānyajanātiśāyinā satyena stotavyo 'haṃ mahān iti bhagavatparyanuyoge satīva prāhuḥ —
ĀM-VDh 2
 		adhyātmaṃ bahir apy eṣa vigrahādimahodayaḥ | divyaḥ satyo divaukassv apy asti rāgādimatsu saḥ || 2 || 
AS-VDh 004,10	ātmānam adhiśritya varttamāno 'dhyātmamantaraṅgo vigrahādimahodayaḥ śaśvanniḥsvedatvādiḥ parānapekṣatvāt | 
AS-VDh 004,11	tato bahirgandhodakavṛṣṭyādir bahiraṅgo devopanītatvāt | sa ca satyo māyāviṣvasattvāt | divyaś ca manujendrā- 
AS-VDh 004,12	ṇām apy abhāvāt | sa eṣa bahirantaḥśarīrādimahodayo 'pi pūraṇādiṣvasambhavī vyabhicārī svargiṣu bhāvād akṣī- 
AS-VDh 004,13	ṇakaṣāyeṣu | tato 'pi na bhavān paramātmeti stūyate | atha yādṛśo ghātikṣayajaḥ sa bhagavati na 
AS-VDh 004,14	tādṛśo deveṣu yenānaikāntikaḥ syāt | divaukassv apy asti rāgādimatsu sa naivāstīti vyākhyānād abhidhīyate 
AS-VDh 004,15	tathāpy āgamāśrayatvād ahetuḥ pūrvavat | nanu pramāṇasaṃplavavādinā pramāṇaprasiddhaprāmāṇyād āgamāt sādhyasiddhāv api 
AS-VDh 004,16	tatprasiddhasādhanajanitānumānāt punas tatpratipattir aviruddhaiveti cen na, upayogaviśeṣasyābhāve pramāṇasaṃplavasyāna- 
AS-VDh 004,17	bhyupagamāt | sati hi pratipattur upayogaviśeṣe deśādiviśeṣasamavadhānād āgamāt pratipannam api hiraṇyaretasaṃ sa 
AS-VDh 004,18	punar anumānāt pratipitsate | tatpratibaddhadhūmādisākṣātkaraṇāt pratipattiviśeṣaghaṭanāt punas tam eva pratyakṣato 
AS-VDh 004,19	bubhutsate | tatkaraṇasambandhāt tadviśeṣapratibhāsasiddheḥ | na caivam āgamamātragamye sādhye sādhane na tatpratipa-
AS-VDh 005,01	ttiviśeṣo 'stīti kim akāraṇam atra pramāṇasaṃplavo 'bhyupagamyate pratyakṣaniścitegnau dhūme ca tadabhyupagamaprasaṅgāt | 
AS-VDh 005,02	sarvathā viśeṣābhāvāt | tato devāgamanabhoyānacāmarādivibhūtibhir ivāntaraṅgabahiraṅgavigrahādimahodayenāpi 
AS-VDh 005,03	na stotraṃ bhagavān paramātmārhati | tarhi tīrthakṛtsampradāyena stutyo 'haṃ mahān iti bhagavadākṣepapravṛttāv iva 
AS-VDh 005,04	sākṣād āhuḥ —
ĀM-VDh 3
 		tīrthakṛtsamayānāṃ ca parasparavirodhataḥ | sarveṣām āptatā nāsti kaścid eva bhaved guruḥ || 3 || 
AS-VDh 005,06	iti bhagavato mahattve sādhye tīrthakarattvaṃ sādhanaṃ kutaḥ pramāṇāt siddham ? na tāvad adhyakṣāt tasya 
AS-VDh 005,07	tadaviṣayatvāt sādhyavat | nāpy anumānāt tadavinābhāviliṅgābhāvāt | samayāt siddham iti cet pūrvavad āgamāśra- 
AS-VDh 005,08	yatvād agamakatvam asya vyabhicāraś ca | na hi tīrthakaratvam āptatāṃ sādhayati–śakrādiṣv asambhavi sugatādau darśa- 
AS-VDh 005,09	nāt | yathaiva hi bhagavati tīrthakaratvasamayo 'sti tathā sugatādiṣv api | sugatas tīrthakaraḥ, kapilas tīrthakara 
AS-VDh 005,10	ityādisamayāḥ santīti sarve mahāntaḥ stutyāḥ syuḥ | na ca sarve sarvadarśinaḥ parasparaviruddhasamayābhidhā- 
AS-VDh 005,11	yinaḥ | tad uktam —"sugato yadi sarvajño kapilo neti kā pramā | tāv ubhau yadi sarvajñau matabhedaḥ kathaṃ 
AS-VDh 005,12	tayor" iti | tato 'naikāntiko hetus tīrthakaratvākhyo na kasyacin mahattvaṃ sādhayatīti kaścid eva gurur mahān 
AS-VDh 005,13	bhavet ? naiva bhaved ity āyātam | ata eva na kaścit puruṣaḥ sarvajñaḥ stutyaḥ śreyo 'rthināṃ śruter eva śreyaḥsādha- 
AS-VDh 005,14	nopadeśaprasiddher ity aparaḥ | taṃ pratyapīyam eva kārikā yojyā | tīrthaṃ kṛntantīti tīrthakṛto mīmāṃsakāḥ 
AS-VDh 005,15	sarvajñāgamanirākaraṇavāditvāt | teṣāṃ samayās tīrthakṛtsamayās tīrthacchedasampradāyā bhāvanādivākyārthapravādā 
AS-VDh 005,16	ity arthaḥ | teṣāṃ ca parasparavirodhād āptatā saṃvādakatā nāstīti kaścid eva sampradāyo bhaved guruḥ saṃvādako naiva 
AS-VDh 005,17	bhaved iti vyākhyānāt | tad evaṃ vaktavyam —bhāvanā yadi vākyārtho niyogo neti kā pramā | tāv ubhau 
AS-VDh 005,18	yadi vākyārtho hatau bhaṭṭaprabhākarāv iti | kārye 'rthe codanājñānaṃ svarūpe kin na tatpramā | dvayoś ced dhanta tau 
AS-VDh 005,19	naṣṭau bhaṭṭavedāntavādināv iti | nanu ca bhāvanāvākyārtha iti sampradāyaḥ śreyān, niyoge bādhakasadbhā- 
AS-VDh 005,20	vāt | niyukto 'ham anenāgniṣṭomādivākyeneti niravaśeṣo yogo hi niyogas tatra manāg apy ayogasya sambhavābhā-
AS-VDh 006,01	vāt sa cānekavidhaḥ pravaktṛmatabhedāt | keṣāñcil liṅādipratyayārthaḥ śuddhonyanirapekṣaḥ kāryarūpo niyogaḥ | 
AS-VDh 006,02	pratyayārtho niyogaś ca yataḥ śuddhaḥ pratīyate | kāryarūpaś ca tenātra śuddhaṃ kāryam asau mataḥ || viśeṣaṇaṃ tu yat tasya 
AS-VDh 006,03	kiñcid anyat pratīyate | pratyayārtho na tadyuktaṃ dhātvarthaḥ svargakāmavat || prerakatvaṃ tu yat tasya viśeṣaṇam ihe- 
AS-VDh 006,04	ṣyate | tasyāpratyayavācyatvāc chuddhe kārye niyogatā || 1 || iti vacanāt | pareṣāṃ śuddhā preraṇā niyoga 
AS-VDh 006,05	ity āśayaḥ | preraṇaiva niyogotra śuddhā sarvatra gamyate | nāprerito yataḥ kaścin niyuktaṃ svaṃ prabudhyate | 2 | 
AS-VDh 006,06	preraṇāsahitaṃ kāryaṃ niyoga iti kecin manyante | mamedaṃ kāryam ity evaṃ jñātaṃ pūrvaṃ yadā bhavet | svasiddhau 
AS-VDh 006,07	prerakaṃ tat syād anyathā tan na siddhyati | 3 | kāryasahitā preraṇā niyoga ity apare | preryate puruṣo naiva kārye- 
AS-VDh 006,08	ṇeha vinā kvacit | tataś ca preraṇā proktā niyogaḥ kāryasaṅgatā | 4 | kāryasyaivopacārataḥ pravarttakatvaṃ 
AS-VDh 006,09	niyoga ity anye | preraṇāviṣayaḥ kāryaṃ na tu tatprerakaṃ svataḥ | vyāpāras tu pramāṇasya prameya upacaryate | 5 | 
AS-VDh 006,10	kāryapreraṇayoḥ sambandho niyoga ity apare | preraṇā hi vinā kāryaṃ prerikā naiva kasyacit | kāryaṃ vā preraṇā- 
AS-VDh 006,11	yogo niyogas tena sammataḥ | 6 | tatsamudāyo niyoga iti cāpare | parasparāvinābhūtaṃ dvayam etat pratīyate | 
AS-VDh 006,12	niyogaḥ samudāyo 'smāt kāryapreraṇayor mataḥ | 7 | tadubhayasvabhāvavinirmukto niyoga iti cānye | 
AS-VDh 006,13	siddham ekaṃ yato brahma gatam āmnāyataḥ sadā | siddhatvena na tatkāryaṃ prerakaṃ kuta eva tat | 8 | 
AS-VDh 006,14	yantrārūḍho niyoga iti kaścit | kāmī yatraiva yaḥ kaścin niyoge sati tatra saḥ | viṣayārūḍham ātmānaṃ 
AS-VDh 006,15	manyamānaḥ pravarttate | 9 | bhogyarūpo niyoga ity aparaḥ | mamedaṃ bhogyam ity evaṃ bhogyarūpaṃ pratīyate | mamatvena 
AS-VDh 006,16	ca vijñānaṃ bhoktary eva vyavasthitam || svāmitvenābhimāno hi bhoktur yatra bhaved ayam | bhogyaṃ tad eva vijñeyaṃ 
AS-VDh 006,17	tad evaṃ svaṃ nirucyate || sādhyarūpatayā yena mamedam iti gamyate | tatprasādhyena rūpeṇa bhogyaṃ svaṃ 
AS-VDh 006,18	vyapadiśyate || siddharūpaṃ hi yad bhogyaṃ na niyogaḥ sa tāvatā | sādhyatveneha bhogyasya prerakatvā- 
AS-VDh 006,19	n niyogatā | 10 | puruṣa eva niyoga ity anyaḥ | mamedaṃ kāryam ity evaṃ manyate puruṣaḥ sadā | puṃsaḥ 
AS-VDh 006,20	kāryaviśiṣṭatvaṃ niyogosya ca vācyatā || kāryasya siddhau jātāyāṃ tad yuktaḥ puruṣas tadā | bhavet sādhita 
AS-VDh 006,21	ity evaṃ pumān vākyārtha ucyate | 11 | so 'yam ekādaśaprakāro 'pi niyogo vicāryamāṇo bādhyate — 
AS-VDh 007,01	pramāṇādyaṣṭavikalpānatikramāt | tad uktam — pramāṇaṃ kiṃ niyogaḥ syāt prameyam athavā punaḥ | ubhayena 
AS-VDh 007,02	vihīno vā dvayarūpothavā punaḥ || śabdavyāpārarūpo vā vyāpāraḥ puruṣasya vā | dvayavyāpārarūpo vā 
AS-VDh 007,03	dvayāvyāpāra eva vā || tatraikādaśabhedo 'pi niyogo yadi pramāṇaṃ tadā vidhir eva vākyārtha iti vedāntavāda- 
AS-VDh 007,04	praveśaḥ prabhākarasya syāt, pramāṇasya cidātmakatvāt, cidātmanaḥ pratibhāsamātratvāt, tasya ca parabrahmatvāt | 
AS-VDh 007,05	pratibhāsamātrād dhi pṛthagvidhiḥ kāryarūpatayā na pratīyate ghaṭādivat | prerakatayā vā nānubhūyate vacanādivat | 
AS-VDh 007,06	karmakaraṇasādhanatayā hi tatpratītau kāryaprerakatāpratyayo yukto nānyathā | kiṃ tarhi dṛṣṭavyo 'yam ātmā śrotavyo 
AS-VDh 007,07	nididhyāsitavya ityādiśabdaśravaṇād avasthāntaravilakṣaṇena prerito 'ham iti jātākūtenāhaṅkāreṇa svayam ātmaiva 
AS-VDh 007,08	pratibhāti sa eva vidhir iti vedāntavādibhir abhidhānāt | 1 | prameyatvaṃ tarhi niyogasyāstu pramāṇatve do- 
AS-VDh 007,09	ṣābhidhānād ity apy asat–pramāṇābhāvāt | prameyatve hi tasya pramāṇam anyad vācyam–tadabhāve prameyatvāyogāt | 
AS-VDh 007,10	śrutivākyaṃ pramāṇam iti cen na–tasyācidātmakatve pramāṇatvāghaṭanād anyatropacārāt | saṃvidātmakatve 
AS-VDh 007,11	śrutivākyasya puruṣa eva śrutivākyam iti sa eva pramāṇam | tatsaṃvedanavivarttas tu niyukto 'ham ity a- 
AS-VDh 007,12	bhimānarūpo niyogaḥ prameyatvam iti nāyaṃ puruṣād anyaḥ pratīyate yato vedāntavādimatapraveśo 'sminn api pakṣe na 
AS-VDh 007,13	bhavet tarhi pramāṇaprameyarūpo niyogo bhavatv ity apy ayuktam–saṃvidvivarttatvāpatteḥ anyathā pramāṇaprameyarūpa- 
AS-VDh 007,14	tānupapatteḥ | tathā ca sa eva cidātmobhayasvabhāvatayātmānam ādarśayanniyoga iti siddho brahmavādaḥ | anubhaya- 
AS-VDh 007,15	svabhāvo niyoga iti cet tarhi saṃvedanamātram eva pāramārthikaṃ tasya kadācid apy aheyatvād anubhayasvabhāvatvasambhavāt | 
AS-VDh 007,16	pramāṇaprameyatvavyavasthābhedavikalasya sanmātradehatayā tasya vedāntavādibhir nirūpitatvāt tanmatapraveśa eva | 
AS-VDh 007,17	yadi punaḥ śabdavyāpāro niyoga iti mataṃ tadā bhaṭṭamatānusaraṇam asya durnivāram–śabdavyāpārasya śabda-
AS-VDh 008,01	bhāvanārūpatvāt atha puruṣavyāpāro niyogas tadāpi paramatānusaraṇam–puruṣavyāpārasyāpi bhāvanā- 
AS-VDh 008,02	svabhāvatvāt śabdātmavyāpārabhedena bhāvanāyāḥ pareṇa dvaividhyābhidhānāt | tadubhayarūpo niyoga iti 
AS-VDh 008,03	cet tarhi paryāyeṇa yugapad vā ? yadi paryāyeṇa sa eva doṣaḥ–kvacit kadācic chabdavyāpārasya puruṣavyāpārasya 
AS-VDh 008,04	ca bhāvanāsvabhāvasya niyoga iti nāmakaraṇāt | yugapad ubhayasvabhāvatvaṃ punar ekatra viruddhaṃ na śakyaṃ 
AS-VDh 008,05	vyavasthāpayitum | tarhi tadanubhayavyāpārarūpo niyogo 'ṅgīkarttavya iti cet so 'pi viṣayasvabhāvo 
AS-VDh 008,06	vā syāt phalasvabhāvo vā syān nissvabhāvo vā ? gatyantarābhāvāt | viṣayasvabhāva iti cet | kaḥ punar asau 
AS-VDh 008,07	viṣayaḥ ? agniṣṭomena yajeta svargakāma ity ādivākyasyārtho yāgādir viṣaya iti cet sa tadvākyakāle 
AS-VDh 008,08	svayam avidyamāno vidyamāno vā ? yady avidyamānas tadā tatsvabhāvo niyogo 'py avidyamāna eveti katham asau vākyārthaḥ 
AS-VDh 008,09	khapuṣpavat | buddhyārūḍhasya bhāvinas tasya vākyārthatve saugatamatānusaraṇaprasaṅgaḥ | atha tadvākyakāle vidyamā- 
AS-VDh 008,10	no 'sau tarhi na niyogo vākyasyārthaḥ–tasya yāgādiniṣpādanārthatvāt–niṣpannasya ca yāgādeḥ punar niṣpā- 
AS-VDh 008,11	danāyogāt, puruṣādivat | atha tasya kiñcid aniṣpannaṃ rūpaṃ tadā tanniṣpādanārtho niyoga iti matam tarhi 
AS-VDh 008,12	tatsvabhāvo niyogo 'py aniṣpanna iti kathaṃ vākyārthaḥ ? svayam asannihitasya kalpanārūḍhasya vākyārthatve sa eva 
AS-VDh 008,13	saugatamatapraveśaḥ phalasvabhāvo niyoga ity ayam api pakṣo na kakṣīkartavyaḥ–tasya niyogatvāghaṭanāt | na 
AS-VDh 008,14	hi svargādiphalaṃ niyogaḥ–phalāntaraparikalpanaprasaṅgāt–niṣphalasya niyogasyāyogāt | phalāntarasya ca 
AS-VDh 008,15	phalasvabhāvaniyogavādināṃ niyogatvāpattau tadanyaphalaparikalpane 'navasthāprasaṅgaḥ | phalasya vākyakāle svayam a- 
AS-VDh 008,16	sannihitatvāc ca tatsvabhāvo niyogo 'py asannihita eveti kathaṃ vākyārthaḥ ? tasya vākyārthatve nirālambanaśa- 
AS-VDh 008,17	bdavādāśrayaṇāt kutaḥ prabhākaramatasiddhiḥ ? svabhāvo niyoga ity ayam api pakṣo 'nenaiva pratikṣiptaḥ | 
AS-VDh 008,18	kiñca sann eva vā niyogaḥ syād asann eva vobhayarūpo vānubhayarūpo vā ? prathamapakṣe vidhivāda eva | dvitīyapakṣe 
AS-VDh 008,19	nirālambanavādaḥ | tṛtīyapakṣe tūbhayadoṣānuṣaṅgaḥ | caturthapakṣe vyāghātaḥ–sattvāsattvayoḥ paravyavacchedarūpayo- 
AS-VDh 008,20	r ekatarasya niṣedhe 'nyatarasya vidhānaprasakteḥ–sakṛd ekatra pratiṣedhāyogāt | sarvathā sadasattvayoḥ pratiṣedhe 'pi 
AS-VDh 008,21	kathañcit sadasattvāvirodhād adoṣa iti cet syādvādāśrayaṇaprasaṅgaḥ prabhākarasya | kiñca niyogaḥ sakalo 'pi 
AS-VDh 008,22	pravarttakasvabhāvo vā syād apravarttakasvabhāvo vā ? pravarttakasvabhāvaś cet prabhākarāṇām iva tāthāgatādīnām api 
AS-VDh 009,01	pravarttakaḥ syāt–tasya sarvathā pravarttakatvāt | teṣāṃ viparyāsādapravarttaka iti cet pareṣām api viparyāsāda- 
AS-VDh 009,02	pravarttako 'stu | śakyaṃ hi vaktuṃ, prābhākarā viparyas tatvāc chabdaniyogāt pravarttante netare–teṣām aviparyas tatvā- 
AS-VDh 009,03	d iti | saugatādayo viparyas tās tanmatasya pramāṇabādhitatvāt | na punaḥ prābhākarā ity api pakṣapātamātram —
AS-VDh 009,04	tanmatasyāpi pramāṇabādhitatvāviśeṣāt | yathaiva hi pratikṣaṇavinaśvarasakalārthakathanaṃ pratyakṣādiviruddhaṃ 
AS-VDh 009,05	tathā niyoktṛniyogatadviṣayādibhedaparikalpanam api sarvapramāṇānāṃ vidhiviṣayatāvyavasthāpanena tadbā- 
AS-VDh 009,06	dhakatvopapatteḥ | yadi punar apravarttakasvabhāvaḥ śabdaniyogas tadā siddha eva tasya pravṛttihetutvāyogaḥ | sa ca 
AS-VDh 009,07	vākyārthatvābhāvaṃ sādhayati | kiñca niyogaḥ phalarahito vā syāt phalasahito vā ? phalarahitaś cet, na 
AS-VDh 009,08	tataḥ prekṣāvatāṃ pravṛttiḥ aprekṣāvat tv aprasaṅgāt, prayojanam anuddiśya na mando 'pi pravarttate iti prasiddheś ca | 
AS-VDh 009,09	prasiddhacaṇḍanarapativacananiyogād aphalād api pravarttanadarśanād adoṣa iti cen na, tasyāpāyaparirakṣaṇaphala- 
AS-VDh 009,10	tvāt | tanniyogād apravarttane tadājñollaṅghanakṛtām apāyo 'vaśyaṃ sambhavatīti | tarhi vedavacanād api niyuktaḥ 
AS-VDh 009,11	pratyavāyaparihārāya pravarttatām–"nityanaimittike kuryāt pratyavāyajihāsaye"ti vacanāt | katham idānīṃ 
AS-VDh 009,12	svargakāma iti vacanam avatiṣṭhate–juhuyāj juhotu hotavyam iti liṅloṭtavyapratyayāntanirdeśamātrād eva 
AS-VDh 009,13	niyogamātrasya siddhes tata eva ca pravṛttisambhavāt | yadi punaḥ phalasahito niyoga iti pakṣas tadā phalā- 
AS-VDh 009,14	rthitaiva pravarttikā na niyogaḥ–tam antareṇāpi phalārthināṃ pravṛttidarśanāt | puruṣavacanān niyogeyam upālambho 
AS-VDh 009,15	nāpauruṣeyāgnihotrādivākyāt–tasyānupālambhatvād iti cet, "sarvaṃ vai khalv idaṃ bramhe"tyādi vacanam api 
AS-VDh 009,16	vidhimātrapratipādakam anupālabhyam astu tata eva | tathā ca vedāntavādasiddhiḥ | tasmān na niyogo vākyā- 
AS-VDh 009,17	rthaḥ kasyacit pravṛttihetutvābhāvād vidhivat | sarveṣu ca pakṣeṣu niyogasya pratyekaṃ vicāryamāṇasyāyogān na 
AS-VDh 009,18	vākyārthatvam avatiṣṭhate | tathā hi —na tāvat kāryaṃ śuddhaṃ niyoga iti pakṣo ghaṭate preraṇāniyojyavarjitasya 
AS-VDh 009,19	niyogasyāsambhavāt | tasmin niyogasaṃjñākaraṇe svakambalasya kūrdāliketi nāmāntarakaraṇamātraṃ syāt | 
AS-VDh 010,01	na ca tāvatā sveṣṭasiddhiḥ | śuddhā preraṇā niyoga ity apy anenāpāstaṃ–niyojyaphalarahitāyāḥ preraṇāyāḥ 
AS-VDh 010,02	pralāpamātratvān niyogarūpatānupapatteḥ | preraṇāsahitaṃ kāryaṃ niyoga ity apy asambhāvyam–niyojyavirahe 
AS-VDh 010,03	niyogavirodhāt | kāryasahitā preraṇā niyoga ity apy anena nirastam | kāryasyaivopacārataḥ pravarttakatvaṃ 
AS-VDh 010,04	niyoga ity apy asāram–niyojyādinirapekṣasya kāryasya pravarttakatvopacārāyogāt | kadācit kvacit paramārtha- 
AS-VDh 010,05	tas tasya tathānupalambhāc ca | kāryapreraṇayoḥ sambandho niyoga iti vacanam asaṅgatam–tato bhinnasya sambandhasya 
AS-VDh 010,06	sambandhinirapekṣasya niyogatvāghaṭanāt | sambandhyātmanaḥ sambandhasya niyogatvam ity api duranvayam–preryamāṇa- 
AS-VDh 010,07	puruṣanirapekṣayoḥ sambandhyātmanor api kāryapreraṇayor niyogatvānupapatteḥ | tatsamudāyaniyogavādo 'py anena 
AS-VDh 010,08	pratyākhyātaḥ | kāryapreraṇāvinirmuktas tu niyogo na vidhivādam atiśete | yat punaḥ svargakāmaḥ puruṣo 'gni- 
AS-VDh 010,09	hotrādivākyaniyoge sati yāgalakṣaṇaṃ viṣayam ārūḍham ātmānaṃ manyamānaḥ pravarttate iti yantrārūḍhaniyogavacanaṃ 
AS-VDh 010,10	tad api na paramātmavādapratikūlam–puruṣābhimānamātrasya niyogatvavacanāt, tasya cāvidyodayanibandhanatvāt | 
AS-VDh 010,11	bhogyarūpo niyoga iti cāyuktam–niyoktṛpreraṇāśūnyasya bhogyasya tadbhāvānupapatteḥ | puruṣasvabhāvo hi na 
AS-VDh 010,12	niyogo ghaṭate tasya śāśvatikatvena niyogasya śāśvatikatvaprasaṅgāt | puruṣamātravidher eva tathābhidhāne 
AS-VDh 010,13	vedāntavādaparisamāpteḥ kuto niyogavādo nāma | nanv evaṃ niyoganirākaraṇe 'pi vidher vākyārthatvaghaṭanān na 
AS-VDh 010,14	bhāvanā vākyārthaḥ siddho bhaṭṭasyeti na cetasi vidheyam–vidher api vicāryamāṇasya bādhyamānatvāt | so 'pi 
AS-VDh 010,15	hi pramāṇarūpo vā syāt prameyarūpo vā tadubhayarūpo vā anubhayarūpo vā puruṣavyāpārarūpo vā śabda- 
AS-VDh 010,16	vyāpārarūpo vā dvayavyāpārarūpo vā'dvayavyāpārarūpo vety aṣṭau vikalpān nātikrāmati | tathāhi —pramāṇaṃ 
AS-VDh 010,17	vidhir iti kalpanāyāṃ prameyaṃ kima paraṃ syāt ? tatsvarūpam eveti cen na–sarvathā niraṃśasya sanmātradehasya 
AS-VDh 010,18	vidheḥ pramāṇaprameyarūpadvayavirodhāt | kalpitatvāt tadrūpadvayasya tatrāvirodha iti cet, katham idānīm anyāpohaḥ 
AS-VDh 010,19	śabdārthaḥ pratiṣidhyate–saṃvinmātrasyāpramāṇatvavyāvṛttyā pramāṇatvam aprameyatvavyāvṛttyā ca prameyatvam iti 
AS-VDh 011,01	parair abhidhātuṃ śakyatvāt | vastusvabhāvābhidhāyakatvābhāve śabdasyānyāpohābhidhāyakatve 'pi kvacit pravarttaka- 
AS-VDh 011,02	tyāyogān nānyāpohaḥ śabdārtha iti cet, tarhi vastusvarūpābhidhāyino 'pi śabdasyānyāpohānabhidhāyitve 'nya- 
AS-VDh 011,03	parihāreṇa kvacit pravṛttinibandhatāpāyād vidhir api śabdārtho mā bhūt | paramapuruṣasyaiva vidheyatvāt tadanyasyāsa- 
AS-VDh 011,04	mbhavān nānyaparihāreṇa pravṛttir iti cet katham idānīṃ "draṣṭavyo re 'yam ātme"tyādivākyān nairātmyādiparihāre- 
AS-VDh 011,05	ṇātmani pravṛttir nairātmyādidarśanādīnām api prasaṅgāt | nairātmyāder anādyavidyopakalpitatvān na taddarśanādau 
AS-VDh 011,06	pravṛttir iti cet katham anyaparihāreṇa pravṛttir na bhavet ? paramabrahmaṇo vidhir evānyasyānādyavidyopakalpitasya 
AS-VDh 011,07	nairātmyādeḥ parihāra iti cet katham evam anyāpohavādino 'pi parāpohanam eva svarūpavidhir na bhavet ? tasyā- 
AS-VDh 011,08	nyāpohavādivirodhān naivam iti cet vidhivādino 'pi tathā vidhivādavirodhād anyāpohābhyupagamo mā bhūt | 
AS-VDh 011,09	paramārthato 'nyāpoho vidhivādinā naivābhyupagamyate tasya pratibhāsasamānādhikaraṇatvena pratibhāsāntaḥ- 
AS-VDh 011,10	praviṣṭatvasiddheḥ paramapuruṣatvāt, pratibhāsasvarūpavat | tasyāpratibhāsamānatve vyavasthānupapatter anyathātipra- 
AS-VDh 011,11	saṅgāt | śabdajñānesyānumānajñāne cānyāpohasya pratibhāsane 'pi tatsamānādhikaraṇatayā pratibhāsanān na 
AS-VDh 011,12	tato 'nyatvam | tasya ca śabdānumānajñānasya pratibhāsamātrātmakatvān nārthāntaratvam iti cet katham idānīm u- 
AS-VDh 011,13	paniṣadvākyaṃ pratibhāsamātrād anyalliṅgaṃ vā yatas tatpratipattiḥ prekṣāvataḥ syāt | tasya paramabrahmavivarttatvād vi- 
AS-VDh 011,14	varttasya ca vivarttino 'bhedena parikalpanāt tatas tatpratipattir iti cet kathaṃ tatparikalpitād vākyāl liṅgād vā 
AS-VDh 011,15	paramārthapathāvatāriṇaḥ paramabrahmaṇaḥ pratipattiḥ–parikalpitād dhūmādeḥ pāramārthikapāvakādipratipattiprasaṅgāt | 
AS-VDh 011,16	pāramārthikam evopaniṣadvākyaṃ liṅgaṃ ca paramabrahmatveneti cet tarhi yathā tatpāramārthikaṃ tathā sādhyasamaṃ kathaṃ 
AS-VDh 012,01	puruṣādvaitaṃ vyavasthāpayet ? yathā ca pratipādyajanasya prasiddhaṃ na tathā pāramārthikaṃ–dvaitaprasaṅgāt | iti kutaḥ 
AS-VDh 012,02	paramārthasiddhiḥ | tatas tām abhyupagacchatā pāramārthikam upaniṣadvākyaṃ liṅgaṃ ca pratipattavyam | tac cācitsvabhā- 
AS-VDh 012,03	vaṃ, citsvabhāvatve parasaṃvedyatvavirodhāt pratipādakacitsvabhāvatvāt, tatsukhādivat | pratipādyacitsvabhāvatve 
AS-VDh 012,04	vā na pratipādakasaṃvedyatvaṃ pratipādyasukhādivat | tasya tadubhayacitsvabhāvatve prāśnikādisaṃvedyatvavirodhas tadu- 
AS-VDh 012,05	bhayasukhādivat | sakalajanacitsvabhāvatve pratipādakādibhāvānupapattiḥ–aviśeṣāt | pratipādakādī- 
AS-VDh 012,06	nām avidyopakalpitatvād adoṣa iti cet, yaiva pratipādakasyāvidyā pratipādakatvopakalpikā saiva pratipādyasya 
AS-VDh 012,07	prāśnikādeś cāviśiṣṭā pratipādakatvam upakalpayet | pratipādyasya cāvidyā pratipādyatvopakalpanaparā pratipā- 
AS-VDh 012,08	dakāder aviśiṣṭā pratipādyatvaṃ parikalpayet pratipādakādīnām abhedāt tadavidyānām abhedaprasaṅgāt | bhede vā 
AS-VDh 012,09	pratipādakādīnāṃ bhedasiddhiḥ–viruddhadharmādhyāsāt | anādya'vidyopakalpita eva tadavidyānāṃ bhedo na 
AS-VDh 012,10	pāramārthika iti cet, paramārthatas tarhy abhinnās tadavidyā iti sa eva pratipādakādīnāṃ saṅkaraprasaṅgaḥ | yadi 
AS-VDh 012,11	punar avidyāpi pratipādakādīnām avidyopakalpitatvād eva, na bhedābhedavikalpasahā nīrūpatvād iti mataṃ tadā 
AS-VDh 012,12	paramārthapathāvatāriṇaḥ pratipādakādaya iti balādāyātam–tadavidyānām avidyopakalpitatve vidyātvavidher avaśya- 
AS-VDh 012,13	mbhāvitvāt | tathā ca pratipādikādibhyo bhinnam upaniṣadvākyaṃ sakṛt tatsaṃvedyatvānyathānupapatteḥ ity acitsvabhāvaṃ, 
AS-VDh 013,01	siddhaṃ bahirvastu tadvaddhaṭādivastusiddhir iti na pratibhāsādvaitavyavasthā pratibhāsyasyāpi suprasiddhatvāt | prati- 
AS-VDh 013,02	bhāsasamānādhikaraṇatā punaḥ pratibhāsyasya kathañcid bhede 'pi na viruddhyate | ghaṭaḥ pratibhāsata iti pratibhāsa- 
AS-VDh 013,03	viṣayo bhavatīty ucyate viṣayaviṣayiṇor abhedopacārāt, prasthapramitaṃ dhānyaṃ, prastha iti yathā | tataḥ sāmā- 
AS-VDh 013,04	nādhikaraṇyād upacaritān nānupacaritaikatvasiddhiḥ | mukhyaṃ sāmānādhikaraṇyaṃ kva siddham iti cet, saṃvedanaṃ 
AS-VDh 013,05	pratibhāsate bhāti cakāstītyādi vyavahāre mukhyam | tato vaiyadhikaraṇyavyavahāras tu gauṇas tatra saṃvedanasya 
AS-VDh 013,06	pratibhāsanam iti paṭasya pratibhāsanam ity atra tasya mukhyatvaprasiddheḥ | kathañcid bhedam antareṇa sāmānādhikaraṇyā- 
AS-VDh 013,07	nupapatteś ca | tata eva kathañcid bhedasiddhiḥ | śuklaḥ paṭa ity atra sarvathā śuklapaṭayor aikye hi na samānādhi- 
AS-VDh 013,08	karaṇatā paṭaḥ paṭa iti yathā | nāpi sarvathā bhede himavanmakarākaravat | tathānyāpohasya pratibhāsamānasya 
AS-VDh 013,09	pratibhāsasamānādhikaraṇatve 'pi pratibhāsād bhedavyavasthites tadviṣayaḥ śabdaḥ kathaṃ vidhiviṣaya eva samavatiṣṭhate | 
AS-VDh 013,10	tathābhyupagame ca katham anyaparihāreṇa kvacit pravarttakaḥ śabdo yato vidhiviṣayaḥ syād iti sūktam–vidheḥ 
AS-VDh 013,11	pramāṇatve tasyaiva prameyatvakalpanāyām anyāpohānupraveśo 'nyathānyatprameyaṃ vācyam iti | prameyarūpo vidhi- 
AS-VDh 013,12	r iti kalpanāyām api pramāṇam anyadvācyam iti tasyaivobhayasvabhāvatvavirodhāt–kalpanāvaśād vidheḥ pramāṇarū- 
AS-VDh 013,13	patve 'nyāpohavādānuṣaṅgasyāviśeṣāt | pramāṇaprameyarūpo vidhir iti kalpanāpy anena nirastā | tadanubhayarūpo 
AS-VDh 013,14	vidhir iti kalpanāyāṃ tu svaraśṛṅgādivadavastutāpattiḥ–pramāṇaprameyasvabhāvarahitasya vidheḥ svabhāvāntareṇa 
AS-VDh 013,15	vyavasthānāyogāt | pramātrāder api prameyatvopapatteḥ | anyathā tatra pramāṇavṛtter abhāvāt sarvathā vastutvahāniḥ | 
AS-VDh 014,01	śabdavyāpārarūpo vidhir iti cet sā śabdabhāvanaiva | puruṣavyāpāraḥ sa iti cet sārthabhāvanā syāt | 
AS-VDh 014,02	etenobhayavyāpārarūpo vidhir iti pratyākhyātam | tadanubhayavyāpārarūpas tu vidhir viṣayasvabhāvaś cet tasya 
AS-VDh 014,03	vākyakāle 'sannidhānān nirālambanaśabdavādapraveśaḥ | phalasvabhāvaś cet sa eva doṣaḥ–tasyāpi tadā'sa- 
AS-VDh 014,04	nnidhānād anyathā vidher anavatārāt | nissvabhāvo vidhir iti kalpanāyāṃ tu vidhir vākyārtha iti na kiñcid vā- 
AS-VDh 014,05	kyārtha ity uktaṃ syāt | kiñca yadi vidhiḥ sann eva tadā na kasyacid vidheyaḥ puruṣasvarūpavat | athāsann eva 
AS-VDh 014,06	tathāpi na vidheyaḥ kharaviṣāṇavat | atha puruṣarūpatayā san darśanādirūpatayā tv asann iti vidheyaḥ syāt 
AS-VDh 014,07	tadobhayarūpatāpattiḥ | na san nāpy asan vidhir iti cet tad idaṃ vyāhatam–sarvathā sattvapratiṣedhe sarvathaivā- 
AS-VDh 014,08	sattvavidhiprasaṅgāt–tanniṣedhe vā sarvathā sattvavidhānuṣaṅgāt | sakṛd ubhayapratiṣedhe tu kathañcit sadasattvavi- 
AS-VDh 014,09	dhānān matāntarānuṣaṅgāt kuto vidhir eva vākyārthaḥ | kiñca vidhiḥ pravarttakasvabhāvo vā syād apravarttakasvabhāvo 
AS-VDh 014,10	vā ? pravarttakasvabhāvaś ced vedāntavādinām iva tāthāgatādīnām api pravarttakaḥ syāt | teṣāṃ viparyāsān na pravarttaka 
AS-VDh 014,11	iti cet tata eva vedāntavādinām apravarttaka ity api śakyeta | saugatādīnām eva viparyāso 'pravarttamānānāṃ, 
AS-VDh 014,12	na punaḥ pravarttamānānāṃ vidhivādinām ity aprāmāṇikam eveṣṭam–ubhayeṣāṃ samānākṣepasamādhānatvāt | yadi 
AS-VDh 014,13	punar apravarttakasvabhāva eva vidhis tadā kathaṃ vākyārthaḥ syān niyogavat | kiñca vidhiḥ phalarahito vā syāt 
AS-VDh 014,14	phalasahito vā ? phalarahitaś cen na pravarttako niyogavad eva | puruṣādvaite na kaścit kutaścit pravarttaka iti cet 
AS-VDh 014,15	katham apravarttako vidhiḥ sarvathā vākyārthaḥ kathyate —tathā niyogasyāpi vākyārthatvaprasaṅgāt | tathā 
AS-VDh 014,16	draṣṭavyo re 'yam ātmetyādivākyād ātmani darśanaśravaṇānumananadhyānavidhāne pratipattur apravṛttau kim arthas tadvā- 
AS-VDh 014,17	kyābhyāsaḥ ? phalasahito vidhir iti kalpanāyāṃ phalārthitayaiva lokasya pravṛttisiddher vṛttyā vidhika- 
AS-VDh 014,18	thanaṃ niyogakathanavat | tathāpi vidher vākyārthatve niyogasyāpi vākyārthatvaṃ kuto na bhavet | 
AS-VDh 015,01	paṭādivat padārthāntaratvenāpratibhāsanān niyojyamānaviṣayaniyoktṛdharmatvena cānavasthānān na niyogo 
AS-VDh 015,02	vākyārtha iti cet tad itaratrāpi samānam–vidher api ghaṭādivat padārthāntaratvenāpratibhāsanāt–vidhā- 
AS-VDh 015,03	yyamānaviṣayavidhāyakadharmatvenāvyavasthiteś ca | yathaiva hi niyojyasya puṃso dharme niyoge 'nanuṣṭheyatā 
AS-VDh 015,04	niyogasya siddhatvād–anyathā tadanuṣṭhāno paramābhāvānuṣaṅgāt–kasyacid rūpasyāsiddhasyābhāvāt | asiddha- 
AS-VDh 015,05	rūpatāyāṃ vā'niyojyatvam–virodhād vandhyāstanandhayādivat | siddharūpeṇa niyojyatve tasyaivārtharūpeṇa vā 
AS-VDh 015,06	niyojyatāyām ekasya puruṣasya siddhāsiddharūpasaṅkarān niyojyetaratvavibhāgāsiddhiḥ | tadrūpā'saṅkare vā 
AS-VDh 015,07	bhedaprasaṅgād ātmanaḥ siddhāsiddharūpayoḥ sambandhābhāvo 'nupakārāt | upakārakalpanāyām ātmanas tadupakāryatve 
AS-VDh 015,08	nityatvahāniḥ | tayor ātmopakāryatve siddharūpasya sarvathopakāryatvavyāghātaḥ | asiddharūpasyāpy upakāryatve 
AS-VDh 015,09	gaganakusumāder upakāryatānuṣaṅgaḥ | siddhāsiddharūpayor api kathañcid asiddharūpopagame prakṛtaparyanuyogānivṛtter anavasthā- 
AS-VDh 015,10	nuṣaṅgād ity upālambhaḥ | tathā vidhāpyamānasya puruṣasya dharme vidhāv api siddhasya puṃso darśanaśravaṇānumananadhyā- 
AS-VDh 015,11	navidhānavirodhaḥ | tadvidhāne vā sarvadā tadanuparatiprasaktiḥ | darṣanādirūpeṇa tasyāsiddhau vidhānavyāghātaḥ 
AS-VDh 015,12	kūrmaromādivat | siddharūpeṇa vidhāpyamānasya vidhāne tasyaivāsiddharūpeṇa cāvidhāne siddhāsiddharūpasaṅka- 
AS-VDh 015,13	rād vidhāpyetaratvavibhāgāsiddhiḥ | tadrūpāsaṅkare vā bhedaprasaṅgādātmanaḥ siddhāsiddharūpayos tatsambandhābhāvādi- 
AS-VDh 015,14	doṣāsañjanasyāviśeṣaḥ | tathā viṣayasya yogalakṣaṇasya dharme niyoge tasyā'pariniṣpannatvāt svarūpābhāvā- 
AS-VDh 015,15	d vākyena pratyetum aśakyatvasya vidhāv api viṣayadharme samānatvāt kuto viṣayadharmo vidhiḥ ? puruṣasyaiva viṣayatayāva- 
AS-VDh 015,16	bhāsamānasya viṣayatvāt tasya ca pariniṣpannatvān na taddharmasya vidher asambhava iti cet tarhi yajanāśrayasya 
AS-VDh 015,17	dravyādeḥ siddhatvāt tasya ca viṣayatvāt kathaṃ taddharmo niyogo 'pi na siddhyet ? yena rūpeṇa viṣayo vidyate tena 
AS-VDh 015,18	taddharmo niyogo 'pīti, tadanuṣṭhānābhāve vidhiviṣayo yena rūpeṇāsti tena taddharmasya vidheḥ katham anuṣṭhānam ? 
AS-VDh 016,01	yenāṃśena nāsti tenānuṣṭhānam iti cet tanniyoge 'pi samānam | katham asanniyogo 'nuṣṭhīyate–apratīyamāna- 
AS-VDh 016,02	tvāt kharāviṣāṇavad iti cet tata eva vidhir api nānuṣṭheyaḥ | pratīyamānatvād anuṣṭheyatayā cāsiddhatvād anuṣṭheyo 
AS-VDh 016,03	vidhir iti cen niyogo 'pi tathāstu | nanv anuṣṭheyatayaiva niyogo 'vatiṣṭhate, na pratīyamānatayā tasyāḥ sakala- 
AS-VDh 016,04	vastusādhāraṇatvāt | anuṣṭheyatā ca pratibhātā ko 'nyo niyogo yasyānuṣṭhitir iti cet tarhi vidhir api 
AS-VDh 016,05	na pratīyamānatayā pratiṣṭhām anubhavati, kintu vidhīyamānatayā | sā ced anubhūtā ko 'nyo vidhir nāma yasya 
AS-VDh 016,06	vidhānam upaniṣadvākyād anukarṇyate | nanu draṣṭavyādivākyenātmadarśanādikaṃ vihitaṃ mameti pratīter aprati- 
AS-VDh 016,07	kṣayārho vidhiḥ katham apākriyate ? kim idānīm agnihotrādivākyena yāgādiviṣaye niyukto 'ham iti 
AS-VDh 016,08	pratītir na vidyate yena niyogaḥ pratikṣipyate ? sā pratītir apramāṇam iti cet vidhipratītiḥ 
AS-VDh 016,09	katham apramāṇaṃ na syāt ? vidhipratīteḥ puruṣadoṣarahitavedavacanena janitatvād iti cet tata eva niyogapratī- 
AS-VDh 016,10	tir apy apramāṇaṃ mā bhūt–sarvathāpy aviśeṣāt | tathāpi niyogasya viṣayadharmasyāsambhave vidher api taddharmasya na 
AS-VDh 016,11	sambhavaḥ | śabdasya vidhāyakasya dharmo vidhir ity api na niścetuṃ śakyam–niyogasyāpi niyoktṛśabdadha- 
AS-VDh 016,12	rmatvapratighātābhāvānuṣakteḥ | śabdasya siddharūpatvāt taddharmo niyogaḥ katham asiddho yenāsau sampādyate kasya- 
AS-VDh 016,13	cid ity api na mantavyam–vidhisampādanavirodhāt–tasyāpi siddhopaniṣadvākyadharmatvāviśeṣāt | prasiddha- 
AS-VDh 016,14	syāpi sampādane punaḥpunastatsampādanapravṛttyanuparamāt katham upaniṣadvākyasya pramāṇatā–tadapūrvārthatāvirahā- 
AS-VDh 016,15	t smṛtivat | tasya vā pramāṇatve niyogavākyaṃ pramāṇam astu–viśeṣābhāvāt | kiñ ca tadvidhiviṣayaṃ vākyaṃ 
AS-VDh 016,16	guṇabhāvena pradhānabhāvena vā vidhau pramāṇaṃ syāt ? yadi guṇabhāvena tadāgnihotraṃ juhuyāt svargakāma ityādi- 
AS-VDh 016,17	r api tad astu–guṇabhāvena vidhiviṣayatvasya bhāvāt–tatrabhaṭṭamatānusāribhir bhāvanāprādhānyenopagamāt —
AS-VDh 016,18	prābhākaraiś ca niyogagocaratvasya pradhānatvāṅgīkaraṇāt | tau ca bhāvanāniyogau nāsadviṣayau pravarttete pratī- 
AS-VDh 016,19	yete vā sarvathāpy asatoḥ pratītau vā śaśaviṣaṇāder api tadanuṣakteḥ | sadrūpatayā ca tayor vidhināntarī- 
AS-VDh 016,20	yakatvasiddheḥ siddhaṃ guṇabhāvena vidhiviṣayatvaṃ vākyasya | iti nāpramāṇatāpattir yena karmakāṇḍasya 
AS-VDh 016,21	pāramārthikatā na bhavet | pradhānabhāvena vidhiviṣayaṃ codanāvākyaṃ pramāṇam iti cāyuktam–vidheḥ 
AS-VDh 017,01	satyatve dvaitāvatārāt | tadasatyatve prādhānyā'yogāt | tathā hi | yo yo 'satyaḥ sa sa na pradhānabhāvam a- 
AS-VDh 017,02	nubhavati | yathā tadavidyāvilāsaḥ | tathā cāsatyo vidhir iti na pradhānabhāvena tadviṣayatvopapattiḥ | 
AS-VDh 017,03	syān matam —na samyagavadhāritaṃ vidheḥ svarūpaṃ bhavatā tasyaiva yato vyavasthitatvāt | pratibhāsamātrād dhi 
AS-VDh 017,04	pṛthag vidhiḥ kāryatayā na pratīyate ghaṭādivat prerakatayā ca nādhyavasīyate vacanādivat | karmakaraṇasā- 
AS-VDh 017,05	dhanatayā hi tatpratītau kāryatāprerakatāpratyayo yukto nānyathā | kiṃ tarhi ? draṣṭavyo reyamātmā śrotavyonu- 
AS-VDh 017,06	mantavyo nididhyāsitavya ityādiśabdaśravaṇād avasthāntaravilakṣaṇena prerito 'ham iti jātākūtenākāreṇa 
AS-VDh 017,07	svayam ātmaiva pratibhāti | sa eva vidhir ity ucyate | tasya ca jñānaṃ viṣayatayā sambandham adhitiṣṭhatīti 
AS-VDh 017,08	pradhānabhāvavibhāvanā vidher na vihanyate–tathāvidhavedavākyād ātmana eva vidhāyakatayā pratibhāsanāt | 
AS-VDh 017,09	taddarśanaśravaṇānumananadhyānarūpasya vidhīyamānatayānubhavāt | tathā ca svayam ātmā''tmānaṃ draṣṭuṃ śrotum anumantuṃ 
AS-VDh 017,10	dhyātuṃ vā pravarttate | tathā pravṛttyasambhave hy ātmanaḥ prerito 'ham ity avagatir aprāmāṇikī syāt | tato nāsatyo 
AS-VDh 017,11	vidhir yena pradhānatā tasya virudhyate | nāpi satyatve dvaitasiddhiḥ–ātmasvarūpavyatirekeṇa tadabhāvāt —
AS-VDh 017,12	tasyaikasyaiva tathā pratibhāsanād iti | tad apy asatyam–niyogādivākyārthasyāpi niścayātmakatayā pratīya- 
AS-VDh 017,13	mānatvāt | tathā hi —niyogas tāvad agnihotrādivākyād iva draṣṭavyo 'reyamātmetyādivacanād api pratīyate 
AS-VDh 017,14	eva | niyukto 'ham anena vākyeneti niravaśeṣo yogaḥ pratibhāti–manāgapy ayogāśaṅkānavatārād avaśyakartta- 
AS-VDh 017,15	vyatāsampratyayāt | katham anyathā tadvākyaśravaṇād asya pravṛttir upapadyate —meghadhvanyāder api pravṛttiprasaṅgāt | 
AS-VDh 017,16	kiñ ca śabdād draṣṭavyo reyamātmetyāder ātmadraṣṭavyatādividhis tad'draṣṭavyatādivyavacchedarahito yadīṣyate tadā 
AS-VDh 017,17	na kasyacit pravṛttihetuḥ–pratiniyataviṣayavidhināntarīyakatvāt prekṣāvatpravṛtteḥ | tasya cātadviṣayaparihārā- 
AS-VDh 017,18	vinābhāvitvāt kaṭaḥ karttavya iti yathā | na hi kaṭe karttavyatāvidhir atadvyavacchedam antareṇa vyavahāramārga- 
AS-VDh 017,19	m avatārayituṃ śakyaḥ | paraparihārasahito vidhiḥ śabdārtha iti cet tarhi vidhipratiṣedhātmakaḥ śabdārtha 
AS-VDh 017,20	iti kuto vidhyekāntavādasya pratiṣṭhā pratiṣedhaikāntavādavat | syān matam —paraparihārasya guṇībhūtatvā- 
AS-VDh 017,21	d vidher eva pravṛttyaṅgatvena prādhānyād vidhiḥ śabdārtha iti | kam idānīṃ śuddhakāryādirūpaniyogavyavasthitir na 
AS-VDh 017,22	syāt ? –kāryasyaiva śuddhasya pravṛttyaṅgatayā pradhānatvopapatteḥ–niyojyādes tatrāpi guṇībhāvāt | tadvatpre-
AS-VDh 018,01	raṇādisvabhāvaniyogavādināṃ preraṇādau pradhānatābhiprāyāt tad itarasya sato 'pi guṇabhāvādhyavasāyād yukto 
AS-VDh 018,02	niyogaḥ śabdārthaḥ | śuddhakāryapreraṇādiṣu svābhiprāyāt kasyacit pradhānabhāve 'pi parābhiprāyāt pradhānatvābhāvāt | 
AS-VDh 018,03	tadanyatarasyāpi svabhāvasyāvyavasthitenaikasyāpi śabdārthatvam iti cet tarhi puruṣādvaitavādyāśayavaśād vidheḥ 
AS-VDh 018,04	pradhānatve 'pi tāthāgatamatāśrayaṇād apradhānatāghaṭanāt so 'pi na pratiṣṭhām āpadyeta vipratipattisadbhāvāviśeṣāt | 
AS-VDh 018,05	syān matir eṣā te vidher eva sarvatra pradhānatā–pravṛttyaṅgatvopapatteḥ | na punaḥ pratiṣedhasya pravṛttyaṅgatānupapatteḥ | 
AS-VDh 018,06	kvacit pravartti tu kāmo hi sarvas tadvidhim anveṣate tatra pararūpapratiṣedhānveṣaṇe pariniṣṭhānupapatteḥ–pararūpāṇā- 
AS-VDh 018,07	mānantyāt kvacit pratiṣeddhum aśakteś ca | tad dhi pararūpaṃ na tāvat svayam apratipadya kramaśaḥ pratiṣeddhuṃ śakyam —
AS-VDh 018,08	pratiṣedhasya nirviṣayatvaprasaṅgāt | nāpi pratipadya–tatpratipatter api pararūpapratiṣedhāpekṣatvāt–tasyāpi ca 
AS-VDh 018,09	pratipannasyaiva pratiṣedhe 'navasthānuṣaṅgāt | yugapatsakalapararūpapratiṣedhe parasparāśrayānuṣaṅgāt | siddhe sakala- 
AS-VDh 018,10	pararūpapratiṣedhe pratipitsitavidhisiddhis tatsiddhau ca tatparihāreṇa tatpratipattipūrvakasakalapararūpapratiṣedhasi- 
AS-VDh 018,11	ddhir iti | tad etadanālocitābhidhānam —maṇḍanamiśrasya | sarvathā vidher api pravṛttyaṅgatānupapatteḥ | sarvo hīṣṭe 
AS-VDh 018,12	vastuni pravarttitumanā jano 'niṣṭaparihāraṃ tatrānveṣate–anyathāniṣṭe 'pi pravṛttau samīhitavyāghātaprasakteḥ | 
AS-VDh 018,13	aniṣṭapratiṣedhaś ca pratyakṣādivat kutaścid vākyād api śakyaḥ pratipattum–kevalavidhipratipatter evānyapratiṣedha- 
AS-VDh 018,14	pratipattirūpatvāt–kevalabhūtalapratipatter eva ghaṭābhāvapratipattisiddheḥ | na hy ayaṃ pratipattā kiñcid upalabha- 
AS-VDh 018,15	mānaḥ pararūpaiḥ saṅkīrṇam upalabhate–yataḥ pramāṇāntarāt tatpratiṣedhaḥ sādhyate | na ca sarvathā tair asaṅkīrṇam eva —
AS-VDh 018,16	sadādyātmanāpi tadasaṅkare tasyāsattvaprasaṅgāt | parasmāt kathañcid vayāvṛtty'vyāvṛttyātmakaṃ ca kutaścit pra- 
AS-VDh 018,17	māṇād upalabhamāno 'rthī paravyāvṛttidvāreṇa vā pravartate vidhidvāreṇa veti | vidher ivānyāpohasyāpi pravṛttyaṅga- 
AS-VDh 018,18	tvopapatter na vidher eva prādhānyam–vidhātr eva pratyakṣam upaniṣadvākyaṃ ceti niyamasyāsambhavāt–anyathā 
AS-VDh 019,01	tato vidyāvadavidyāvidhānānuṣaṅgāt | so 'yam avidyāvivekisanmātraṃ kutaścit pratīyann eva na niṣeddhṛpratyakṣamanyad eveti 
AS-VDh 019,02	bruvāṇaḥ kathaṃ svasthaḥ? kathaṃ vā pratyakṣāder niṣeddhṛtvābhāvaṃ pratīyāt ? yatas tatpratipattiḥ–tasyaivābhāvaviṣaya- 
AS-VDh 019,03	tvasiddheḥ | pratyakṣāder vidhātṛtvapratipattir eva niṣeddhṛtvābhāvaprattir iti cet tarhi siddhaṃ bhāvābhāvaviṣayatvaṃ 
AS-VDh 019,04	tasyeti na parodito vidhir vākyārthaḥ siddhyati | niyogasyaiva vākyārthatvopapatteḥ prabhākaramatasiddhiḥ | 
AS-VDh 019,05	sa eva vākyārtho 'stv ity ayuktam–dhātvarthavanniyogasya paro'pavarṇitasvarūpasya vākyārthatayā pratītyabhāvāt —
AS-VDh 019,06	sarvatra bhāvanāyā eva vākyārthatvapratīteḥ | sā hi dvidhāḥ, śabdabhāvanārthabhāvanā ca "–śabdātmabhāvanā- 
AS-VDh 019,07	m āhur anyām eva liṅādayaḥ | iyaṃ tv anyaiva sarvārthā sarvākhyāteṣu vidyate" iti vacanāt | tatra śabda- 
AS-VDh 019,08	bhāvanā śabdavyāpāraḥ | śabdena hi puruṣavyāpāro bhāvyate, puruṣavyāpāreṇa dhātvartho, dhātvarthena phalam iti | 
AS-VDh 019,09	na caivaṃ puruṣavyāpāre śabdavyāpāravaddhātvarthe ca puruṣavyāpāravat phale dhātvartho bhāvanānuṣajyate–tasya 
AS-VDh 019,10	śuddhasya sanmātrarūpatayā vidhirūpatvaprasaṅgāt | tad uktam —"sanmātraṃ bhāvaliṅgaṃ syād asaṃpṛktaṃ tu kārakaiḥ | 
AS-VDh 019,11	dhātvarthaḥ kevalaḥ śuddho bhāva ity abhidhīyate | tāṃ prātipadikārthaṃ ca dhātvarthaṃ ca pracakṣate | sā sattā sā 
AS-VDh 019,12	mahānātmā yām āhus tv atalādayaḥ | " iti ca pratikṣiptaś caivaṃ vidho vidhivādo niyogavādinaiveti nāsmākam atrā- 
AS-VDh 019,13	titarām ādaraḥ | atha tato 'nyo dhātvarthaḥ so 'pi na pratyayārthaśūnyaḥ kutaścid vākyāt pratīyate–tadupādher eva 
AS-VDh 019,14	tasya tataḥ sampratyayāt | pratyayārthas tatra pratibhāsamāno 'pi na pradhānaṃ karmādivad anyatrāpi bhāvād iti cet 
AS-VDh 020,01	tarhi dhātvartho yajanādiḥ pradhānaṃ mā bhūt pratyayāntare 'pi bhāvāt prakṛtapratyayāpāye 'pīti samānaṃ paśyāmaḥ | 
AS-VDh 020,02	yadi punaḥ kriyā sakalavyāpinī dhātvarthaḥ–sarvadhātuṣu bhāvāt tadā saiva bhāvanā kiṃ neṣyate–sarvārtheṣu 
AS-VDh 020,03	sadbhāvāt | yathaiva hi juhuyāj juhotu hotavyam iti liṅādayaḥ kriyāṃ havanāv acchinnāṃ pratipādayanti tathā 
AS-VDh 020,04	sarvākhyātapratyayā api–pacati papāca pakṣyatīti pacanāvacchinnāyāḥ kriyāyā eva pratipatteḥ | pākaṃ 
AS-VDh 020,05	karoti cakāra kariṣyatīti | tathā ca liṅādipratyayapratyāyyaḥ karoty artha eva vākyārtha ity āyātam | 
AS-VDh 020,06	sa ca bhāvanāsvabhāva eveti na dhātvartha eva vākyārthatayā pratīyate | nāpi kāryādirūpo niyogaḥ | nanu 
AS-VDh 020,07	śabdavyāpārarūpo niyogaḥ pratīyata eva | śabdo hi svavyāpārasya puruṣavyāpārakaraṇalakṣaṇasya pratipādako, 
AS-VDh 020,08	na punaḥ kārakaḥ śabdād uccaritān niyukto 'ham aneneti pratipattṝṇāṃ pratipatter anyathānupapatter iti cet tarhi 
AS-VDh 020,09	bhāvanaiva niyoga iti śabdāntareṇoktā syāt | tad uktam —śabdād uccaritād ātmā niyukto gamyate naraiḥ | 
AS-VDh 020,10	bhāvanātaḥ paraḥ ko vā niyogaḥ parikalpyatām iti | syān matam —yadi śabdavyāpāro bhāvanā katham a- 
AS-VDh 020,11	gṛhītasaṅketo naiva gacchati niyukto 'ham aneneti svabhāvatas tasya niyojakatvāt | saṅketagrahaṇasyānupayogi- 
AS-VDh 020,12	tvād iti tad asamīcīnam eva–saṅketasya tathā'vagatau sahakāritvāt–sāmagrī janikā naikaṃ kāraṇam iti 
AS-VDh 020,13	prasiddheḥ | nanu ca saṅketasāmagrī na preraṇe bhāvanāyāṃ vā vyāpriyate–arthavedane tasyāḥ pravṛtte–arthapra- 
AS-VDh 020,14	tītau puruṣasya tatra tadarthitayā pravṛtteḥ | idaṃ kurv iti preṣaṇād dhy eṣaṇayor eva hi pratītiḥ —
AS-VDh 020,15	tadapratītau niyuktatvāpratipatteḥ | niyuktatvaṃ ca nāma kārye vyāpāritatvam | kārye vyāpṛtatām avasthāṃ 
AS-VDh 020,16	pratipadya niyojako niyuṅkte | sā ca tasya bhāvinyavasthā na svarūpeṇa sākṣāt karttuṃ śakyā | svarūpasākṣā- 
AS-VDh 020,17	tkaraṇe hi sarvaṃ tadaiva siddham iti na niyogaḥ syāt saphalaḥ | tataḥ prayojako bādhyamānapratītika eva | 
AS-VDh 021,01	tad uktam —yathā prayojakas tatra bāghyamānapratītikaḥ | prayojyo 'pi tathaiva syāc chabdo buddhyarthavācakaḥ || 
AS-VDh 021,02	yathaiva hi prayojakasya śabdasya prayojyena puruṣeṇa svavyāpāraśūnyam ātmānaṃ pratīyatā prayojakatvapratītir bā- 
AS-VDh 021,03	dhyamānā nirālambanā tathā prayojyatvapratītir api tenaiva svavyāpārāviṣṭam ātmānam apratīyatā bādhyate | 
AS-VDh 021,04	śabdāt sā pratītir iti ca na yuktam–tasya buddhyarthakhyāpanatvāt | so 'pi hi śabdo buddhyartham eva 
AS-VDh 021,05	khyāpayati | evaṃ mayā pratipāditam evaṃ mayā pratipannam iti–dvayor api pratipādakapratipādyayor adhyavasāyāt | 
AS-VDh 021,06	pauruṣeyavacanād dhi mayaivaṃ tāvat pratipannam asya tu vaktur ayam abhiprāyo bhavatu mā vābhūd iti pratipattādhyava- 
AS-VDh 021,07	syati | apauruṣeyād api śabdād evam ayam artho mayā pratipanno 'sya bhavatu mā vā bhūd iti vaktṛvyāpāraviṣayo 
AS-VDh 021,08	yo 'rthaḥ pauruṣeyaśabdasya yo vā buddhau prakāśate 'rthaḥ apauruṣeyatvābhimataśabdasya tatra prāmāṇyaṃ na punar bāhyā- 
AS-VDh 021,09	rthatattvanibandhanam | tad uktam —vaktṛvyāpāraviṣayo yo 'rtho buddhau prakāśate | prāmāṇyaṃ tatra śabdasya 
AS-VDh 021,10	nārthatattvanibandhanam iti vacanāt | tato vivakṣārūḍha evārtho vākyasya, na punar bhāvaneti prajñākaraḥ | 
AS-VDh 021,11	so 'pi na parīkṣakaḥ–pratyakṣād iva śabdād bahirarthapratītisiddheḥ | yathaiva hi pratyakṣāt pratipattṛpraṇidhāna- 
AS-VDh 021,12	samāgrīsavyapekṣāt pratyakṣārthapratipattis tathā saṅketasāmagrīsāpekṣād eva śabdāc chabdārthapratipattiḥ sakalajanapra- 
AS-VDh 021,13	siddhi–anyathā tato bahirarthe pratipattipravṛttiprāptyayogāt | na cārthavedanād evārthe puruṣāsyārthinaḥ svayam eva 
AS-VDh 021,14	pravṛtteḥ śabdo 'pravartaka ity eva vaktuṃ yuktam–pratyakṣāder apy evam apravarttakatvaprasaṅgāt–tadarthe 'pi sarvasyābhilā- 
AS-VDh 021,15	pād eva pravṛtteḥ | paramparayā pratyakṣādipravarttakam iti cet tathā vacanam api pravarttakam astu–viśeṣābhāvāt | 
AS-VDh 021,16	yathā ca pratyakṣasya salilādir arthaḥ–tasya tatra pratītes tathā vākyasya bhāvanā preraṇā vā tasyaiva tatra pratī- 
AS-VDh 021,17	ter abādhyamānatvāt | nanv idaṃ kurv iti vacanāt kārye vyāpāritatvaṃ puruṣasya niyuktatvam | na ca kārye 
AS-VDh 021,18	vyāpṛtatāvasthā bhāvinī tena sākṣāt karttuṃ śakyā–tatsākṣātkaraṇe niyogasyāphalatvaprasaṅgāt | tato 
AS-VDh 021,19	bādhyamānaiva tatpratītir iti | tad etadasamañja samālakṣyate–anyatrāpi samānatvāt | pratyakṣasya hi pravartta- 
AS-VDh 021,20	katvaṃ pravṛttiviṣayopadarśakatvam ucyate | pravṛttiviṣayaś cārthakriyākārī salilādiḥ | sā ca tasyārthakriyā- 
AS-VDh 021,21	kāritā bhāvinī na sādhanāvabhāsinā vedanena sākṣāt karttuṃ śakyā tatsākṣātkaraṇe pravṛttivaiphalyāt | tato 
AS-VDh 021,22	'ddhyakṣasya pravṛrttakatvaṃ bādhyamānapratītikaṃ katham eveti na śakyaṃ vaktum | yadi punar arthakriyākāritā'nāgatāpi 
AS-VDh 021,23	sādhanāvabhāsini vedane pratibhātaiva–ekatvādhyavasāyāt tadā śabdād api puruṣasya kāryavyāpṛttatā 
AS-VDh 022,01	tata eva pratibhātaiveti kiṃ nānu manyate | tathā sati buddhyarūḍho 'rthaḥ śabdasya syād iti cet tathāpi pratyakṣasya 
AS-VDh 022,02	buddhyadhyavasito 'rthaḥ kin na bhavati | tato nirālambanam eva pratyakṣaṃ na syāt | paramārthataḥ pratyakṣam api na 
AS-VDh 022,03	pravarttakam–svarūpasya svato gateḥ saṃvedanādvaitasya vā siddhir iti cet puruṣādvaitasya kuto na siddhiḥ ? 
AS-VDh 022,04	tasya nityasarvagatasyaikasya saṃvittya'bhāvād iti cet kṣaṇikaniraṃśasyaikasya saṃvittiḥ kiṃ kasyacit kadāci- 
AS-VDh 022,05	d asti ? yatas tatsiddhir eva syāt | tataḥ puruṣādvaitavat saṃvedanādvaitasya sarvathā vyavasthāpayitum aśakter bhedavāde 
AS-VDh 022,06	ca pratyakṣasya pravarttakatvāyogād bhinnābhinnātmakaṃ vastu prātītikam abhyupagantavyam–virodhādeś citrajñāneno- 
AS-VDh 022,07	tsāritatvāt | bhedasyābhedasya vā sāṃvṛtatve sarvathārthakriyāvirodhāt | tathā ca śabdāt kāryavyāpṛtatāyāṃ 
AS-VDh 022,08	vyaktirūpeṇa bhāvinyā api śaktirūpeṇa puruṣasya sataḥ kathañcid abhinnāyā śabdajñāne tadaiva pratibhāsane 'pi 
AS-VDh 022,09	na niyogo niṣphalaḥ syāt pratyakṣataḥ salilādau pravṛttivat | tatra hi salilāder arthakriyāyogyatāpratibhā- 
AS-VDh 022,10	sane 'pi vyaktyarthakriyānubhavābhāvāt tadarthapravarttanaṃ pratipattuḥ saphalatām iyartti nānyathā | evaṃ śabdātmanaḥ 
AS-VDh 022,11	kāryavyāpṛtatāyogyatāpratipattāv api vyaktakāryavyāpṛtatānubhavābhāvāt puruṣasya niyogaḥ saphalatām i- 
AS-VDh 022,12	yāt–tathā pratīter eva cādhyakṣatvasiddheḥ | tato na vivakṣārūḍha eva śabdasyārthaḥ pramāṇabalād avalambituṃ 
AS-VDh 022,13	yuktaḥ sanmātravidhivat | yad apy uktam —niyogo yadi śabdabhāvanārūpo vākyārthas tathā sati devadattaḥ 
AS-VDh 022,14	paced iti karttur anabhidhānāt kartṛkaraṇayos tṛtīyeti tṛtīyā prāpnoti | karttur abhidhāne tv anabhihitādhikārāt ti- 
AS-VDh 022,15	ṅaiva coktatvān na bhavatīti | tad apy ayuktaṃ–bhāvanāviśeṣaṇatvena karttuḥ pratipādanāt | bhāvanā hi karoty arthaḥ | 
AS-VDh 022,16	sa ca devadattakarttṛkaḥ pratibhāti | paced devadattaḥ pākaṃ kuryād iti pākāvacchinnāyāḥ karaṇakriyāyā deva- 
AS-VDh 022,17	dattakarttṛkāyāḥ pratīteḥ–sakṛd eva viśeṣaṇaviśeṣyayoḥ pratibhāsāvirodhāt | nīlotpalādivat | tato 
AS-VDh 022,18	nedaṃ prajñākaravacaś cāru | "kramapratīter evaṃ syāt prathamaṃ bhāvanāgatiḥ | tasmāmarthyāt punaḥ paścād yataḥ karttā 
AS-VDh 022,19	pratīyate" iti yad abhyadhāyi dvivacanabahuvacane ca prāpnutaḥ ekatvādvyāpārasya | atha kārakabhedāt svavyā- 
AS-VDh 022,20	pārabhedo bhaviṣyati kriyate kaṭo devadattayajñadattābhyām iti mahad asamañjasaṃ syāt | tathā hi —ekatvā-
AS-VDh 023,01	t karmaṇaḥ prāptaṃ kriyaikatvaṃ tathābhidaḥ | kartṛbhedād itītthaṃ ca kiṃ karttavyaṃ vicakṣaṇair iti | tad apy asatyam —
AS-VDh 023,02	pratītivirodhāt | pratīyate hi dhātvarthasya bhedād ekavacanaṃ devadattayajñadattābhyāmāsyate | sa ca dhātvartho na 
AS-VDh 023,03	niyogaḥ–niyogasya pratyayārthatvāt | sa ca dhātvarthātiriktaḥ kartṛsādhyaḥ | tasya karttṛbhedādbheda iti | 
AS-VDh 023,04	tataḥ kaṭaṃ kuruta iti dvivacanam | dhātvarthas tu śuddho na kārakabhedādbhedī | syād ākūtam —sambandhād yadi 
AS-VDh 023,05	tadbhedo dhātvarthasyāpy asau bhavet | so 'pi nirvartya eveti tadbhedenaiva bhidyatām | —asmākaṃ tu — 
AS-VDh 023,06	vivakṣāparatantratvādbhedābhedavyavasthiteḥ | lābhidhānāt kārarakasya sarvam etat samañjasam || kriyā karttuḥ karmaṇaś ca 
AS-VDh 023,07	bhedena hi vivakṣyate sā yadā lakāreṇābhidhīyate, na karttā tadā karttari tṛtīyā bhavati | yadā karttābhi- 
AS-VDh 023,08	dhīyate tadā prathamārthatvāt prathamā bhavati | kriyate mahātmanā, karoti mahātmeti | tad etad api pakṣapātamātram | 
AS-VDh 023,09	saugatasya bhedābhedayor vasturūpayoḥ pratītisiddhatvena tadvivakṣāvaśāt, tathā vyavahārasya pāramārthikatvopapatteḥ | 
AS-VDh 023,10	tato yuktā śabdavyāpārarūpā śabdabhāvanā, puruṣavyāpārarūpā'rthabhāvanā ca | tatra hi karttṛvyāpārastiṇā 
AS-VDh 023,11	pratipādyate | sa eva ca bhāvanā | tathā cāha —bhāvārthāḥ karmaśabdāḥ | bhāvana bhāvo ṇyantād dhañpra- 
AS-VDh 023,12	tyayaḥ | tathā ca sati bhāvanaivāsau | bhāvanā ca karttṛvyāpāraḥ sa coditaḥ khavyāpāre pravarttate iti | 
AS-VDh 023,13	niyogyasya ca taccheṣatvād apradhānatvād avākyārthatvam | niyogaviśiṣṭatvāc ca bhāvanāyās tathā pratipādane 
AS-VDh 023,14	niyamena pravarttate | kathaṃ cāsau karttā khavyāpāraṃ pratīyann eva pravarttate anyathā khavyāpāre eva na codito 
AS-VDh 023,15	bhavet | syān matam —vyāpāra eṣa mama kim avaśyam iti manyate | phalaṃ vinaiva naivaṃ cet saphalādhigamaḥ 
AS-VDh 023,16	kuta iti | tad apy asamīkṣitābhidhānam–agniṣṭomena yajeta svargakāma ityādivedavākyasāmarthyād eva puruṣeṇa 
AS-VDh 023,17	tadā mama eṣa vyāpāra iti pratyetuṃ śakyatvāt | mamedaṃ karttavyam iti phalam apaśyan kathaṃ pratyetīti cet 
AS-VDh 023,18	pratyakṣataḥ kathaṃ pratyeti ? phalayogyatāyāḥ pratīter iti ced vākyād api tata eva tathā pratyetu | phalasyātī-
AS-VDh 024,01	ndriyatvāt kathaṃ tadyogyatā svavyāpārasya kartrā pratīyate iti cet pratyakṣaviṣayasya katham ? pratipattur abhyāsa- 
AS-VDh 024,02	sāmarthyāt pratyakṣasya viṣaye phalayogyatāniścaya iti cet tata eva ca karttuḥ svavyāpāre tadyogyatāniścayo- 
AS-VDh 024,03	s tu–sarvathā viśeṣābhāvāt | yad apy avādi prajñākareṇa "yajeta pacatīty atra bhāvanā na pratīyate | yajyā- 
AS-VDh 024,04	dyarthātirekeṇa tasyā vākyārthatā kutaḥ ?  | pākaṃ karoti yāgaṃ ca yadi bhedaḥ pratīyate | evaṃ satya'navasthā 
AS-VDh 024,05	syād asabhañjasatākarī" || karoti yāgaṃ svavyāpāraṃ niṣpādayati yāganiṣpattiṃ nirvarttayati vyapadeśā ete 
AS-VDh 024,06	yathā kathañcid bhedaparikalpanapurassarāḥ | naitebhyo 'sti padārthatattvavyavastheti | śilāputrakasya śarīram iti 
AS-VDh 024,07	bhedavyavahāro bhedam antareṇāpi dṛśyate | "yathā dvijasya vyāpāro yāga ity abhidhīyate | tataḥ parā punar dṛṣṭā 
AS-VDh 024,08	karotīti na hi kriyā || yadi kriyā ca dravyasya viśeṣād aparā na hi | sāmānādhikaraṇyena devadattatayā 
AS-VDh 024,09	gater iti" tad api na parīkṣākṣamam | "yajate pacatīty atra bhāvanāyāḥ pratītitaḥ | yajādyarthātirekeṇa yuktā 
AS-VDh 024,10	vākyārthatā tataḥ || pākaṃ karoti yāgaṃ cety evaṃ bhede 'vabhāsite | kā'vasthā bhavet tatra tatpratītyanusāri- 
AS-VDh 024,11	ṇām" || yajate pākaṃ karotīti hi yathā pratipattis tathā svavyāpāraṃ niṣpādayatīty api saiva pratipattiḥ —
AS-VDh 024,12	svavyāpāraśabdena yāgasyābhidhānāt–niṣpādayatīty anena tu karotīti pratīteḥ | yāgaṃ karoti svavyāpāraṃ 
AS-VDh 024,13	niṣpādayatīti nārthabhedaḥ | yāganiṣpattiṃ nirvarttayatīty atrāpi yāganiṣpattir yāga eva | nirvarttanaṃ karaṇam eva | 
AS-VDh 024,14	tato yāgaṃ karotīti pratītaṃ syāt | tato naite vyapadeśā yathā kathañcid bhedaparikalpanapurassarāḥ–pratīyamāna-
AS-VDh 024,15	karoty arthaviṣayatvāt | yāgaṃ karoti vidadhāty evam ādivyapadeśavat | tato yuktaivaitebhyaḥ padārthatattvavyavasthā —
AS-VDh 024,16	anavasthānavatārāt | atha yajate yāgaṃ karoti yāgakriyāṃ karotīty evam anavasthocyate tarhi svarūpaṃ saṃve- 
AS-VDh 024,17	dayate svarūpasaṃvedanaṃ saṃvedayate ity apy anavasthā syāt | atha svarūpaṃ vedayate ity anenaiva svarūpasaṃvedanaprati- 
AS-VDh 024,18	patteḥ svarūpasaṃvedanaṃ saṃvedayate ityādi nirarthakatvād ayuktaṃ tarhi yāgaṃ karotīty anenaiva yāgāvacchinnakriyā- 
AS-VDh 024,19	pratipatter yāgakriyāṃ karotītyādivacanam anarthakam eva vyavacchedyābhāvāt | yajate ity anenaiva yāgāvacchinna- 
AS-VDh 024,20	kriyāpratīter yāgaṃ karotīty api vacanam anarthakam iti cet satyaṃ yadi tadvacanād eva tathā pratyeti | yas tu na 
AS-VDh 024,21	pratyeti taṃ prati viśeṣaṇaviśeṣyabhedakathanaparatvāt tathābhidhānasya nānarthakyam | śilāputrakasya śarīraṃ 
AS-VDh 024,22	rāhoḥ śira ityādibhedavyavahārā api na kathañcid bhedam antareṇa pravarttante–gauṇatvaprasaṅgāt | śilāputrakasya, 
AS-VDh 024,23	rāhor ity ucyamāne hi kim iha sandehaḥ | tadvyavacchittaye śarīraṃ, śira ity abhidhānamanyasya kāryāder vyavacchedaka-
AS-VDh 025,01	m upapannam | tasmiṃś ca sati kasyeti saṃśayaḥ syāt | tadvyapohanāya śilāputrakasya rāhor ity abhidhānaṃ śreyaḥ —
AS-VDh 025,02	avasthātadvatoḥ kathañcid bhedāt | śarīraṃ hi śilāputrakasyāvasthā avayavopacayalakṣaṇāvasthāntaravyāvṛttā | 
AS-VDh 025,03	śilāputrakaḥ punar avasthātā–khaṇḍādyavasthāntareṣv api pratīteḥ | etena rāhur avasthātā śiro'vasthāyāḥ khyātaḥ | 
AS-VDh 025,04	sāṃvṛto 'vasthātā–avasthāvyatirekeṇānupalabdher iti cen na–ubhayāsattvāt | avasthātur asattve sāṃvṛ- 
AS-VDh 025,05	tatve vāvasthāyāḥ sattvā'sāṃvṛtatvavirodhāt khapuṣpasaurabhavat kṛtrimaphaṇisphaṭādivac ca | tato vastusvabhā- 
AS-VDh 025,06	vāśraya eva yāgaṃ karotīti vyapadeśaḥ–satyapratītikatvāt | saṃvidam anubhavatītyādi vyapadeśavat | 
AS-VDh 025,07	tathā dvijasya vyāpāro yāga ity abhidhīyate | tataḥ parā na nirbādhā karotīti kriyeṣyate || yadi kriyāpi 
AS-VDh 025,08	bhāvasyā'viśeṣād aparaiva hi | sāmānādhikaraṇyena devadattatayā gateḥ || dvijo hi vyāpṛtetarāvasthānuyāyī 
AS-VDh 025,09	sa evāyam ity ekatvapratyavamarṣavaśān niścitātmā paramārthāt sann ekaḥ | yāgas tu tadvyāpāraḥ prāga'bhūttvā bhavan 
AS-VDh 025,10	punar apagacchann 'nityatāmātmasāt kurvan bhedapratyayaviṣyas tato 'para eva–kathañcid viruddhadharmādhyāsāt | tathā 
AS-VDh 025,11	yāgetaravyāpāravyāpinī karotīti kriyānusyūtapratyayavedyā tadviparītātmano yāgād arthāntarabhūtā sarvathā- 
AS-VDh 025,12	py apratikṣepārhānubhūyate–yajate yāgaṃ karoti devadatta iti samānādhikaraṇatayā devadattena sahāvagateḥ | 
AS-VDh 025,13	sarvathā tadaikye tadvirodhāt paṭatatsvātmavat | kiṃ karoti devadattaḥ ? yajati pacatīti praśnottaradarśa- 
AS-VDh 025,14	nāt karotīti niścite 'pi yajyādiṣu sanjehāc ca | tathā hi —yasmin niścīyamāne 'pi yan na niścīyate 
AS-VDh 025,15	tat tataḥ kathañcid anyat | yathānyadehe niścīyamāne 'py anīścīyamānā buddhiḥ | karotīti niścīyamāne 'py aniścī- 
AS-VDh 025,16	yamānaś ca yajyādir iti | syān matam —karoty arthayajyādyartho vibhinnau yadi tattvataḥ | anyatsandigdham a- 
AS-VDh 025,17	nyasya kathane durghaṭaḥ kramaḥ || na hi karotīti kriyāto vibhinnāyāṃ yajyādikriyāyāṃ sandehe tato nyatra 
AS-VDh 025,18	karoty arthe niścite praśnaḥ śreyān–aniścite eva praśnasya sādhīyastvāt | tataḥ karoty arthayajyādyarthayos tā- 
AS-VDh 025,19	dātmyam eṣitavyam–tatraiva praśnottaradarśanād iti | tad etadanupapannam–karoty arthasya sāmānyarūpatvāt — 
AS-VDh 026,01	tadviśeṣarūpatvāc ca yajyādeḥ | sāmānyaviśeṣayoś ca kathañcid abhedopagamāt | sandigdhasyaiva kathanāt | praśnottara- 
AS-VDh 026,02	kramasya durghaṭatvāghaṭanāt | tadabhedaikānte eva tasya durghaṭatvāt | syād ākūtaṃ te —na sāmānyaṃ viśeṣeṇa 
AS-VDh 026,03	vinā kiñcit pratīyate | sāmānyākṣipyamāṇasya na hi nāmā'pratītatā || kevalasāmānyapratītau hi viśe- 
AS-VDh 026,04	ṣāṃśe sandeha ity ayuktam–tasyā'pratītatvāt | ghaṭapratītau himavadādivat | atha sāmānyena viśeṣa 
AS-VDh 026,05	ākṣipyate | tathā sati so 'pi pratīta eveti kathaṃ saṃśayaḥ ? na hi pratītatvād apara ākṣepaḥ | atha pratīta 
AS-VDh 026,06	evāsau sāmānyena na tu viśeṣaṇa –tasya sāmānyarūpeṇākṣepāt | nanu tad eva sāmānyam ākṣepakaṃ tad evākṣe- 
AS-VDh 026,07	pyam iti katham etat ? na tu sāmānyād aparaṃ sāmānyam ākṣepyam | tathā sati tato 'py aparaṃ tato 'py aparam ity anava- 
AS-VDh 026,08	sthā | nanu sāmānyapratyakṣād viśeṣā'pratyakṣād viśeṣasmṛteś ca saṃśayo yukta eva, na tv anupalambhād abhāva eva 
AS-VDh 026,09	yuktaḥ sāmānyenānupalambhapramāṇavādinaḥ | athopalabdhilakṣaṇaprāptānupalambhād abhāve nānupalabdhimātrāt 
AS-VDh 026,10	tathānupalabdher eva saṃśayaḥ vyartham etatsāmānyapratyakṣād iti | yadi sāmānyapratyakṣatāyām apy upalabdhilakṣaṇaprāptā- 
AS-VDh 026,11	nupalabdhir na syāt | syāt saṃśayaḥ | athopalabdhilakṣaṇaprāptānupalabdhir eva na sambhavati sāmānyapratyakṣatāyām | 
AS-VDh 026,12	evaṃ tarhi saivānupalabdhilakṣaṇaprāptasyānupalabdhiḥ saṃśayahetur iti prāptaṃ; viśeṣasmṛter iti ca vyartham | na 
AS-VDh 026,13	hi viśeṣasmṛtivyatirekeṇāparaḥ saṃśayaḥ–ubhayāṃśāvalambismṛtirūpatvāt saṃśayasya | dṛśyate ca kanyākubjā- 
AS-VDh 026,14	diṣu sāmānyapratyakṣatām antareṇāpi prathamataram eva smaraṇāt saṃśayaḥ | tasmāt karotīti tad eva yajyādikam ani- 
AS-VDh 026,15	yamena pratīyamānaṃ sāmānyato dṛṣṭānumānāt sāmānyam | tad etad api prajñāparādhavijṛmbhitaṃ prajñākarasya–karo- 
AS-VDh 026,16	ty arthasāmānyasyānadhyavasāye yajyādyarthaviśeṣānavagatāv eva tatsaṃśayopagamāt | na ca sāmānye 'dhyavasite 
AS-VDh 026,17	tato 'nyatra–viśeṣe 'nadhyavasite saṃśītāv atiprasaṅgaḥ–sāmānyaviśeṣayoḥ kathathañcid abhedāt —himavadghaṭādī- 
AS-VDh 026,18	nāṃ tu parasparam atyantabhedāt | ekatra niścaye 'pi nānavagatatadanyatame saṃśītir yato 'tiprasaṅgaḥ syāt | nāpi 
AS-VDh 026,19	sāmānyenākṣipte tadviśeṣasaṃśayopagamo 'sti yatas tadākṣepapakṣanikṣiptadoṣopakṣepaḥ | na caivam anabhimatatadviśeṣe-
AS-VDh 027,01	ṣv aviśeṣeṇa saṃśayo'nuṣaṅgī–smaraṇaviṣaye eva viśeṣe 'nekatra saṃśayapratīteḥ | sāmānyapratyakṣād viśeṣā- 
AS-VDh 027,02	pratyakṣāṃd viśeṣasmṛteś ca saṃśaya iti vacanāt | sāmānye hy upalabhyamāne tadavinābhāvino viśeṣasyānupalambhe 'pi 
AS-VDh 027,03	nābhāvaḥ siddhyati–tadabhāve tasyāpy abhāvaprasaṅgāt | tad uktam —nirviśeṣaṃ hi sāmānyaṃ bhavec chaśaviṣāṇa- 
AS-VDh 027,04	vat | sāmānyarahitatvāc ca viśeṣas tadvad eva hi || na caivaṃ viśeṣe 'dṛśyānupalabdher eva saṃśayaḥ–smṛtinirape- 
AS-VDh 027,05	kṣatvaprasaṅgāt | viśeṣasmṛtir eva saṃśaya iti cen na–sādhyasādhanavyāptismṛter api saṃśayatvaprasaṅgāt | sarvasādha- 
AS-VDh 027,06	nānāṃ saṃśayitasādhyavyāptikatvāpattes tatsmṛter acalitatvān na saṃśayatvam iti cet tarhi calitāpratītiḥ saṃśayaḥ | sā 
AS-VDh 027,07	cobhayaviśeṣasmṛtyuttarakālabhāvinī–tadanvayavyatirekānuvidhānāt | na punar viśeṣasmṛtir eva sāmānyopala- 
AS-VDh 027,08	bdhivat | tadubhayāṃśāv alambinī smṛtiḥ saṃśītir ity api phalguprāyam–tadavicalane 'pi saṃśīti prasaṅgāt | 
AS-VDh 027,09	sāmānyāpratyakṣatāyām api kanyākubjādiṣu prathamataram eva smaraṇāt saṃśayadarśanān na sāmānyopalambhaḥ saṃśayahe- 
AS-VDh 027,10	tur iti cen na–asiddhatvāt | tatrāpi hi prāsādādisanniveśaviśeṣaviṣayaḥ saṃśayaḥ kanyākubjanagarasā- 
AS-VDh 027,11	mānyopalambhanapurassara eva–sarvarthānupalambhe saṃśayavirodhāt sarvathopalambhavat | yo 'pi tadbhāvābhāvaviṣayaḥ 
AS-VDh 027,12	saṃśayaḥ so 'pi nagarādisāmānyopalambhapūrvaka eva | nagarādikaṃ sāmānyatas tāvat prasiddham | kanyākubjādi 
AS-VDh 027,13	nāmakaṃ tu tad asti kiṃ vā nāstīty ubhayāṃśāvalambinaḥ pratyayasyotpatter na ca nagaratvaṃ nāma na kiñcid iti vaktuṃ 
AS-VDh 027,14	śakyam–pratyāsattiviśeṣasya prāsādādisamūhasya nagaratvopavarṇanāt | tatrānusyūtapratyayahetor nagaratvasāmā- 
AS-VDh 027,15	nyasya siddhes tadupalambhapūrvakas tadviśeṣe saṃśayo na virudhyata eva | tataḥ karoty arthasāmānyopalambhāt tadviśeṣaya- 
AS-VDh 027,16	jyādyarthasyānupalabdher anekaviśeṣasmaraṇāc ca yuktas tatra sandehaḥ | na hi tad eva yajyādikam aniyamena karotī- 
AS-VDh 027,17	ty upalabdhuṃ śakyam | karoty arthasāmānyasambhave sattvasāmānyāsambhave ghaṭādikam ivāstīty aniyamena parā'- 
AS-VDh 027,18	parasāmānyeṣu punaḥ sāmānyam ity aniyamenopalambho gauṇa eva–sāmānyeṣu sāmānyāntarāsambhavāt | tatsa- 
AS-VDh 027,19	mbhave vānavasthāprasaṅgāt | na caivaṃ sarvatra sāmānyam antareṇaivāniyatapratyayo gauṇa iti vaktuṃ śakyam —
AS-VDh 027,20	mukhyābhāve gauṇasyānupapatteḥ | vikalpabuddhau pratibhāsamānaḥ sāmānyākāro mukhyaḥ svalakṣaṇeṣu punar āropyamāṇo 
AS-VDh 027,21	gauṇa iti cen na–viśeṣākārasyāpi tatra gauṇatvaprasaṅgāt | śakyaṃ hi vaktum–pratyakṣabuddhau pratibhāsamāno 
AS-VDh 027,22	viśeṣākāro mukhyo, bahiḥ svalakṣaṇeṣu sa evādhyāropyamāṇo gauṇa iti | nanv evam api jñānaviśeṣāḥ 
AS-VDh 028,01	paramārthataḥ santaḥ siddhāḥ ? bahirarthaviśeṣās tu na vāstavā iti vijñānavādimatam āyātaṃ tarhi–vijñānasāmānyaṃ 
AS-VDh 028,02	vastubhūtaṃ na bahirarthasāmānyam iti sāmānyaviśeṣātmakaṃ vijñānaṃ paramārthasadāyātaṃ na kṣaṇikavijñānasvala- 
AS-VDh 028,03	kṣaṇavādimatam | vikalpavijñāne 'pi na vāstavaḥ sāmānyākāraḥ–tasyā'nādya'vidyopapāditatvāt | saṃvedanasva- 
AS-VDh 028,04	rūpasyaivāsādhāraṇasya paramārthasattvād iti cen na–viparyayasyāpi kalpayituṃ śakyatvāt | saṃvedane 'pi nāsā- 
AS-VDh 028,05	dhāraṇākāraḥ pāramārthikaḥ–tasyānādyavidyodayanibandhanatvāt saṃvedanasāmānyasyaiva vāstavatvād iti 
AS-VDh 028,06	vadato 'nyasyāpi nivārayitum aśakyatvāt | na vastubhūtaṃ saṃvitsāmānyam–vṛttivikalpānavasthādidoṣānu- 
AS-VDh 028,07	ṣaṅgāt | bahirarthasāmānyavat | iti cet tarhi na saṃvidviśeṣaḥ paramārthaḥ san–vicāryamāṇāyo- 
AS-VDh 028,08	gād bahirarthaviśeṣavad ity apy anyo brūyāt | tathā ca satyā''śrayāsiddho hetur ity ubhayatra samānaṃ dūṣaṇam | 
AS-VDh 028,09	sādhanavikalaṃ nidarśanam ity api na codyam–samānatvāt | saṃvitsvalakṣaṇadvaitopagamāt siddhasādhanam iti 
AS-VDh 028,10	cet saṃvitsāmānyādvaitopagamāt parasyāpi siddhasādhanaṃ kuto na bhavet ? saṃvitsāsāmānyādvaitaṃ 
AS-VDh 028,11	pratītiviruddham–viśeṣasaṃvidabhāve jātu cidasaṃvedanād iti cet saṃvitsvalakṣaṇādvaitam api tarhi 
AS-VDh 028,12	pratītiviruddham eva–saṃvitsāmānyasaṃvedanābhāve tadviśeṣasaṃvedanasya sakṛd apy abhāvāt | sarvākṣepasamādhīnāṃ 
AS-VDh 028,13	samānatvāt | tato nirbādhapratītibalād bhedavyavasthāyāṃ sāmānyavyavasthā'stu sughaṭaiva | antaḥsaṃvedaneṣu 
AS-VDh 028,14	tadvadbahirartheṣu ca sāmānyaviśeṣavyavasthorarīkarttuṃ yuktā–nirbādhapratītisiddhatvāviśeṣāt | etenaitad api 
AS-VDh 028,15	pratyākhyātaṃ yad uktaṃ dharmakīrttinā–atadrūpaparāvṛttavastumātrapravedanāt | sāmānyaviṣayaṃ proktaṃ liṅgaṃ 
AS-VDh 028,16	bhedāpratiṣṭhiter iti | tadrūpānuvṛttasya vastumātrasya nirbādhabodhādhirūḍhasya siddher bhedamātrasyāpratiṣṭhitatvāt —
AS-VDh 028,17	sarvadā bahirantaś ca bhedābhedātmano vastunaḥ pratibhāsanāt | na caitau bhedābhedau vivakṣāmātravaśavarttinau —
AS-VDh 028,18	sarvatra tatsaṅkaraprasaṅgāt | yenātmanā bhedavyavasthā tenaivābhedavyavasthitiḥ syāt–tadvivakṣāyā niraṅkuśa-
AS-VDh 029,01	tvāt | pūrvavāsanāpratiniyamād vivakṣāyāḥ pratiniyamasiddher na tadvaśād bhedābhedavyavasthitau saṅkaraprasaṅga iti 
AS-VDh 029,02	cet kutas tadvāsanāpratiniyamaḥ ? prabodhakapratyayapratiniyamād iti cen na–tadaniyame tadaniyamaprasaṅgāt | 
AS-VDh 029,03	pūrvasvavāsanāpratiniyamāt prakṛtavāsanāpratiniyama iti cen na–tasyāḥ saṃvidavyabhicāre vastusvabhāvatāpatteḥ | 
AS-VDh 029,04	kadācit tadvyabhicāre bhedābhedavyavasthiter api vyabhicāraprasakteḥ kuto na tatsaṅkaraprasaktiḥ ? sudūram api gattvā 
AS-VDh 029,05	vastusvabhāvāv alambanād eva tatparihāram icchatā vastusvabhāvāv eva bhedābhedau pareṇābhyupagantavyau | tato yad a- 
AS-VDh 029,06	bhinnaṃ sādhāraṇaṃ vastusvarūpaṃ tad eva sāmānyaṃ siddham | na punar anyāpohamātraṃ vikalpabuddhipariniṣṭhitam —
AS-VDh 029,07	yataḥ karoti–sāmānyaṃ yajyādiviśeṣavyāpi vāstavaṃ na bhavet | tadupalambhe 'pi ca viśeṣe sandeho 'nupala- 
AS-VDh 029,08	bhyamāne 'pi smṛtiviṣaye na syāt | nanu ca sthāṇupuruṣaviviktam aparamūrddhvatāsāmānyaṃ yajyādiviśeṣavyatiriktaṃ 
AS-VDh 029,09	ca karoti sāmānyaṃ na vāstavam asti–buddhya'bhedāt | na hi buddhibhedam antareṇa padārthabhedavyavasthitiḥ —
AS-VDh 029,10	atiprasaṅgāt | tad uktam–na bhedādbhinnam asty anyatsāmānyaṃ buddhyabhedataḥ | buddhyākārasya bhedena padārthasya 
AS-VDh 029,11	vibhinnateti | tad etad asad eva–sāmānyabhedayor buddhibhedasya siddhatvāt | sāmānyabuddhir hi tāvad anugatākārā-
AS-VDh 029,12	viśeṣabuddhiḥ punar vyāvṛttākārānubhūyate ? dūrād ūrddhvatāsāmānyam eva ca pratibhāti na sthāṇupuruṣaviśeṣau–tatra 
AS-VDh 029,13	sandehāt | tadviśeṣaparihāreṇa pratibhāsanam eva sāmānyasya tato vyatirekāvabhāsanam–etāvanmātralakṣa- 
AS-VDh 029,14	ṇatvāt tadvyatirekasya | yad apy uktam–tābhyāṃ tadvyatirekaś cet kin na dūre 'vabhāsanam | dūre 'vabhāsamānasya sannidhāne 
AS-VDh 029,15	'tibhāsanam ity etad apy uktam–viśeṣe 'pi samānatvāt | so 'pi hi yadi sāmānyād vyatiriktas tadā dūre vastunaḥ 
AS-VDh 029,16	svarūpe sāmānye pratibhāsamāne kin na pratibhāsate ? na hīndradhanuṣi nīle rūpe praticakāsati pītādirūpaṃ 
AS-VDh 029,17	dūrān na praticakāsti | atha nikaṭadeśasāmagrīviśeṣapratibhāsasya janikā na dūradeśavarttināṃ pratipattṝṇā- 
AS-VDh 029,18	m iti na viśeṣapratibhāsanaṃ, tarhi sāmānyapratibhāsasya janikā dūradeśasāmagrī kācin nikaṭadeśavarttināṃ 
AS-VDh 029,19	nāsti | tato na nikaṭe tatpratibhāsanam iti samaḥ samādhiḥ | asti ca nikaṭe sāmānyasya pratibhāsanaṃ 
AS-VDh 029,20	spaṣṭaṃ viśeṣapratibhāsanavat | yādṛśaṃ tu dūre tasyā'spaṣṭaṃ pratibhāsanaṃ tādṛśaṃ na nikaṭe viśeṣapratibhāsana- 
AS-VDh 029,21	vad eva | viśeṣo hi yathā dūrād aspaṣṭaḥ pratibhāti na tathā sannighāne–svasāmagryabhāvāt | ata eva ca na 
AS-VDh 029,22	sāmānyasya pratibhāsane viśeṣeṣv apratibhāsamāneṣv 'aspaṣṭapratibhāsavyavahāraḥ–pratibhāsamānarūpe eva sāmā-
AS-VDh 030,01	nye viśeṣe vā aspaṣṭavyavahāradarśanāt | na hy apratibhāsitānyapratibhāsitā vā kasyacid aspaṣṭapratibhāsitā | 
AS-VDh 030,02	kiṃ tarhi ? kutaścid dṛṣṭādṛṣṭakāraṇakalāpādaspaṣṭajñānasyotpattir artheṣv aspaṣṭatā–viṣayidharmasya viṣayeṣūpacārāt | 
AS-VDh 030,03	saṃvedanasyaiva hy aspaṣṭatā dharmaḥ spaṣṭatāvat | tasyā viṣayadharmatve sarvadā tathāpratibhāsaprasaṅgāt kutaḥ pratibhāsa- 
AS-VDh 030,04	parāvṛttiḥ syāt ? na cāspaṣṭaṃ saṃvedanaṃ nirviṣayam eva–saṃvādakatvāt spaṣṭasaṃvedanavat | kvacid visaṃvādadarśa- 
AS-VDh 030,05	nāt sarvatra visaṃvāde–spaṣṭasaṃvedane 'pi tatprasaṅgāt | tato naitat sādhu–buddhir evātadākārā tata utpadyate 
AS-VDh 030,06	yadā | tadā'spaṣṭapratībhāsavyavahāro jaganmata iti–candradvayādipratibhāse tadvyavahāraprasakteḥ | na ca 
AS-VDh 030,07	mīmāṃsakānāṃ sāmānyaṃ viśeṣobhyo bhinnam eva vā'bhinnam eva vā–tasya kathañcit tato bhinnābhinnātmanaḥ pratīteḥ | 
AS-VDh 030,08	pramāṇasiddhe ca sāmānyaviśeṣātmani jātyantare vastuni tadgrāhiṇo jñānasya sāmānyaviśeṣātmakatvopapatter na 
AS-VDh 030,09	kācid buddhir aviśeṣākārā sarvathāsti, nāpy asāmānyākārā sarvadobhayākārāyās tasyāḥ pratīteḥ | na cārthākārā 
AS-VDh 030,10	buddhiḥ–tasyā nirākāratvāt tatra pratibhāsamānasyākārasyārthadharmatvāt | na ca nirākāratve saṃvedanasya 
AS-VDh 030,11	pratikarmavyavasthā tato virudhyate–pratiniyatasāmagrīvaśāt pratiniyatārthavyavacchedakatayā tasyotpatteḥ 
AS-VDh 030,12	pratikarmavyavasthānasiddheḥ sākārajñānavādinām api tathābhyupagamasyāvaśyambhāvitvāt | anyathā sakalasamānā- 
AS-VDh 030,13	kāravyavasthāpakatvānāpatteḥ saṃvedanasya tadasiddheḥ | tato 'sāmānyākārā buddhiḥ sāmānyāvabhāsinī kutaści- 
AS-VDh 030,14	d aspaṣṭā kasmiṃścid vastuny aviśeṣākārā ca viśeṣāvabhāsinīti dūre sāmānyasya pratibhāso 'spaṣṭaḥ syād viśeṣasya 
AS-VDh 030,15	ca kasyacit–sakalaviśeṣarahitasya sāmānyasya pratibhāsāsaṃbhavāt | na corddhvatāsāmānye viśeṣe ca 
AS-VDh 030,16	pratiniyatadeśatvādau pratibhāsamāne sthāṇupuruṣaviśeṣayoḥ sandehānupapattiḥ–tayor apratibhāsanāt | tatpra- 
AS-VDh 030,17	tibhāsanasāmagryabhāvād anusmaraṇe sati sandehaghaṭanāt | tadvat pacati yajatītyādikriyāviśeṣāpratibhāsane 
AS-VDh 030,18	karotīti kriyāsāmānyasya pratiniyatadeśādirūpasya pratibhāsane yuktaḥ sandehaḥ kiṃ karotīti | tathā praśne 
AS-VDh 030,19	ca pacati yajate ityādi prativacanaṃ na durghaṭam–kathañcit pṛṣṭasyaiva pratipādanāt | evaṃ yajanādikriyā- 
AS-VDh 030,20	viśeṣāṇāṃ sādhāraṇarūpā karotīti kriyā kathañcit tato vyatirekeṇopalabhyamānā kartṛvyāpārarūpārthabhāvanā 
AS-VDh 031,01	vibhāvyate eva śabdavyāpārarūpaśabdabhāvanāvat sakalabādhakarahitatvanirṇayāt | saiva ca vākyārtho na 
AS-VDh 031,02	punar niyogo 'nyāpohādivat | iti bhaṭṭasampradāya eva saṃvādakaḥ siddhaḥ | kārye cārthe codanāyāḥ prāmāṇyaṃ tata 
AS-VDh 031,03	eva na svarūpe–tatra bādhakasadbhāvāt | sarvavedāntavādanirākaraṇān na bhaṭṭasya kaścid api pratighāta iti 
AS-VDh 031,04	kaścit | atra pratividhīyate | yat tāvad uktaṃ, śabdavyāpāraḥ śabdabhāvaneti | tatra śabdāt tadvyāpāro 'narthāntara- 
AS-VDh 031,05	bhūto 'rthāntarabhūto vā syāt ? yady anarthāntarabhūtas tadā katham abhidheyaḥ ? śabdasya svātmavat | na hy ekasyānaṃśasya 
AS-VDh 031,06	pratipādyapratipādakabhāvo yuktaḥ ? saṃvedyasaṃvedakabhāvavat | sveṣṭa viparyāsena tadbhāvāpatteḥ–pratiniyamahetvabhā- 
AS-VDh 031,07	vāt | tadbhedaparikalpanayā pratipādyapratipādakabhāve tasya sāṃvṛttatvaprasaṅgāt | svarūpam api śabdaḥ śrotreṇa 
AS-VDh 031,08	gamayati bahir arthavat svavyāpāreṇa | tatas ta sya pratipādaka iti cen na–rūpādīnām api svarūpapratipādakatva- 
AS-VDh 031,09	prasaṅgāt | te 'pi hi svaṃ svaṃ svabhāvaṃ cakṣurādibhir gamayanti–cakṣurādīnāṃ svātantryeṇa tatra pravarttanāt 
AS-VDh 031,10	tatprayojyatvāt teṣāṃ ca rūpādīnāṃ nimittabhāvena prayojakatvāt svayam adhīyānānāṃ kārīṣāgnyādivat | atha 
AS-VDh 031,11	rūpādayaḥ prakāśyā eva tato 'rthāntarabhūtānāṃ cakṣurādīnāṃ prakāśakādīnāṃ sadbhāvād iti matam | tathaiva śabda- 
AS-VDh 031,12	svarūpaṃ prakāśyam astu–tato 'nyasya śrotrasya prakāśakasya bhāvāt | satyam etad indriyabuddher viṣayabhāvam anubhavan 
AS-VDh 031,13	prakāśya eva śabdo rūpādivat | pratipādakas tu svarūpe śābdīṃ buddhim upajanayann abhidhīyate iti cen na - 
AS-VDh 031,14	tatra vācyavācakabhāvasambandhābhāvāt | tasya dviṣṭhatvenaikatrānavasthiteḥ | yadi punar arthāntarabhūta eva śabdā- 
AS-VDh 031,15	t tadvyāpāra iti mataṃ tadā sa śabdena pratipādyamāno vyāpārāntareṇa pratipādyate cet tarhi tadbhāvyaḥ syāt | 
AS-VDh 031,16	tad vyāpārāntaraṃ tu bhāvanānuṣajyate | tad api yadi śabdād arthāntaraṃ tadā tadbhāvyaṃ vyāpārāntareṇa syāt | 
AS-VDh 031,17	tat tu bhāvanety aparāparabhāvyabhāvanāparikalpanāyām anavasthāprasaṅgaḥ | atha vākyāt tadvyāpāraḥ kathañcid anarthāntaram 
AS-VDh 031,18	viṣvagbhāvenānupalabhyamānatvāt kuṇḍāder badarādivat | kathañcid arthāntaraṃ ca viruddhadharmādhyāsāt–tadanutpā- 
AS-VDh 031,19	de 'py utpādāt tadavināśe 'pi ca vināśād ākāśād andhakāravad iti matam | tadāpy ubhayadoṣānuṣaṅgaḥ | syān matam —
AS-VDh 031,20	agniṣṭomādivākyam upalabhyamānaṃ puruṣavyāpārasya sādhakam idam ity anubhavād vākyastha eva tadvyāpāro bhāvanā 
AS-VDh 031,21	vākyasya viṣayatāṃ samañcati–tathā pratīteḥ | anyathā sarvatra viṣayaviṣayibhāvasaṃbhāvanāvirodhāt | 
AS-VDh 032,01	saṃvedanam api hi bhavatāṃ svavyāpāraṃ viṣayī kurvan tadanarthāntarabhūtam arthāntarabhūtaṃ kathañcid ubhayasvabhāvaṃ vā 
AS-VDh 032,02	saṃvedayet–gatyantarābhāvāt | prathamapakṣe na saṃvedyasaṃvedakabhāvaḥ–saṃvedanatadvyāpārayoḥ sarvathānarthāntaratvā- 
AS-VDh 032,03	d vākyatadvayāpārayoḥ pratipādyapratipādakabhāvavat | dvitīyapakṣe 'pi na tayos tadbhāvaḥ–anavasthānuṣaṅgāt tadvat | 
AS-VDh 032,04	tṛtīyapakṣe tu tadubhayadoṣaprasaktes tadvad eva kutaḥ saṃvedyasaṃvedakabhāvaḥ sidhyet atha svārthasaṃvedanavyāpāraviśiṣṭaṃ 
AS-VDh 032,05	saṃvedanam abādham anubhūyamānaṃ vikalpaśatenāpy aśakyanirākaraṇaṃ saṃvedyasaṃvedakabhāvaṃ sādhayatīty abhidhāne parasyāpi 
AS-VDh 032,06	śabdaḥ svavyāpāraviśiṣṭaḥ puruṣavyāpāraṃ bhāvayatīty abādhapratītisadbhāvād vākyavyāpāro bhāvanā vākyasya 
AS-VDh 032,07	viṣayo vyavatiṣṭhate eveti | tadanupapannam–vaiṣamyāt | saṃvedanena hi saṃvedyamānaḥ svātmā'rtho vā tasya 
AS-VDh 032,08	viṣayo na punaḥ saṃvedakaḥ svātmā tatsaṃvedyatve 'nyasya saṃvedanasyātmanaḥ saṃvedakatvopapatter ākāṅkṣāparikṣayādanava- 
AS-VDh 032,09	sthānavatārāt | vākyena tu bhāvyamānaḥ puruṣavyāpāro na tasya viṣayaḥ | svavyāpāras tu bhāvakatvalakṣaṇo 
AS-VDh 032,10	bhāvanākhyo viṣayo 'bhyupagamyate iti manāg api na sāmyam–tathāpratītyabhāvāc ca | na hi kaścid vākyaśrava- 
AS-VDh 032,11	ṇād evaṃ pratyeti svavyāpāronena vākyena mama pratipādita iti | kiṃ tarhiḥ ? jātyādiviśiṣṭo 'rthaḥ kriyā- 
AS-VDh 032,12	khyonena prakāśita iti pratītiḥ–sarveṇa vākyena kriyāyā eva karmādiviśeṣaṇaviśiṣṭāyāḥ prakāśanāt | 
AS-VDh 032,13	devadatta gāmabhyāja śuklāṃ daṇḍenetyādivat | saivābhyājanādivyavacchinnā kriyā bhāvanā abhyāja abhyā- 
AS-VDh 032,14	janaṃ kurv iti pratītir iti cen na–tasyāḥ puruṣasthatvena sampratyayāc chabdātmabhāvanārūpatvāyogāt | tathā 
AS-VDh 032,15	ca katham idam avatiṣṭhate–śabdātmabhāvanām āhur anyām eva liṅādaya iti | yad apy uktam–arthabhāvanā puruṣavyā- 
AS-VDh 032,16	pāralakṣaṇā vākyārtha iti tad apy ayuktam–niyogasya vākyārthatvaprasaṅgāt | niyukto 'ham anena vākyena 
AS-VDh 032,17	yāgādāv iti pratipattuḥ pratīteḥ | iṣṭas tādṛśo niyogo bhāvanāsvabhāvaḥ śuddhakāryādirūpasyaiva niyogasya 
AS-VDh 032,18	nirākaraṇād iti cen na tasyāpi pradhānabhāvārpitasya karoty arthādiviśeṣaṇasya vākyārthatvopapatteḥ | nirapekṣasya tu 
AS-VDh 032,19	karoty arthasyāpi vākyārthatvānupapatteḥ | na ca karoty artha eva vākyārtha iti yuktam–yajyādyarthasyāpi 
AS-VDh 032,20	vākyārthatayānubhavāt | karoti sāmānyasya sakalayajyādikriyāviśeṣavyāpino nityatvāc chabdārthatvam —
AS-VDh 032,21	nityāḥ śabdārthasambandhā iti vacanāt | na punar yajyādikriyāviśeṣās teṣām anityatvāc chabdārthatvā've-
AS-VDh 033,01	danāt | iti cen na–yajyādikriyāsāmānyasya sakalayajyādikriyāviśeṣavyāpino nityatvāc chabdārthatvā- 
AS-VDh 033,02	virodhāt, sarvakriyāvyāpitvāt karoti sāmānyaṃ śabdārtha iti cet tarhi sattāsāmānyaṃ śabdārthos tu, karotā- 
AS-VDh 033,03	v api tasya sadbhāvāt | mahākriyāsāmānyavyavasthitirūpatvāt | yathaiva hi pacati pākaṃ karoti, yajate yāgaṃ 
AS-VDh 033,04	karotīti pratītistathā pacati pācako bhavati, yajate yājako bhavati, karotīti kārako bhavatīty api 
AS-VDh 033,05	pratyayo 'sti | tataḥ karotītarārthavyāpitvād bhavaty arthasyaiva śabdārthatvaṃ yuktam utpaśyāmaḥ | syān mataṃ "nirvyāpā- 
AS-VDh 033,06	re 'pi vastuni bhavaty arthasya pratīter na kriyāsvabhāvatvaṃ, niṣkriyeṣu guṇādiṣu bhavanā'bhāvaprasaṅgāt" iti 
AS-VDh 033,07	cen na, karoty arthe 'pi samānatvāt | parispandātmakavyāpārarahite 'pi karoty arthasya bhāvāt, tiṣṭhati sthānaṃ karo- 
AS-VDh 033,08	tīti pratīteḥ, guṇādiṣu ca karoty arthābhāve sarvathā kārakatvāyogād avastutvaprasakteḥ | tata eva karoty artho 
AS-VDh 033,09	vyāpakaḥ, sati sarvatra bhāvāt | anyathā tasyā'kārakatvenāvastutvāt sattvavirodhāt | bhavanakriyetyā- 
AS-VDh 033,10	divyavahāradarśanāc ca sattā karoty arthaviśeṣaṇam eva | karoty arthasyaiva sarvatra prādhānyād vākyārthatvam | iti 
AS-VDh 033,11	cen na, tasya nityasyaikasyānaṃśasya sarvagatasya sarvathā vicāryamāṇasyāsambhavāt | nityaṃ karoty arthasāmānyaṃ 
AS-VDh 033,12	pratyabhijñāyamānatvāc chabdavad iti cen na, hetor viruddhatvāt, kathañcin nityasyeṣṭaviruddhasya sādhanāt, sarvathā 
AS-VDh 033,13	nityasya pratyabhijñānāyogāt, tadevedam iti pūrvottaraparyāyavyāpiny ekatra pratyayasyotpatteḥ, paurvāparyarahi- 
AS-VDh 033,14	tasya pūrvāparapratyayaviṣayatvāsambhavāt | dharmāv eva pūrvāparabhūtau, na dharmasāmānyam iti cet kathaṃ tad eveda- 
AS-VDh 033,15	m ity abhedapratītiḥ ? pūrvāparasvarūpayor atītavarttamānayos tad ity atītaparāmarśinā smaraṇenedam iti varttamānollekhinā 
AS-VDh 033,16	pratyakṣeṇa ca viṣayīkriyamāṇayoḥ parasparaṃ bhedāt | karoti sāmānyād ekasmāt tayoḥ kathañcid bhedābhedapratīti- 
AS-VDh 033,17	r iti cet siddhaṃ tasya kathañcid anityatvam, anityasvadharmāvyatirekāt | na hy anityād abhinnaṃ nityam eva 
AS-VDh 033,18	yuktam anityasvātmavat, sarvathā nityasya kramayaugapadyābhyām arthakriyāvirodhāc ca | tad anityaṃ sāmānyaṃ, 
AS-VDh 033,19	viśeṣādeśāc chabdavat | tata evānekaṃ tadvat | karotīti svapratyayāviśeṣād ekaṃ karoti sāmānyaṃ sad iti 
AS-VDh 033,20	svapratyayāviśeṣād ekasattāsāmānyavad iti cen na, sarvathā svapratyayāviśeṣasyāsiddhatvāt | pratikaroty arthavyakti 
AS-VDh 033,21	karotīti pratyayasya viśeṣāt pratisadvyakti sad iti pratyayavat | tadvyaktiviṣayo viśeṣapratyaya iti cet tarhi 
AS-VDh 033,22	tā vyaktayaḥ sāmānyāt sarvathā yadi bhinnāḥ pratipādyante tadā yaugamatapraveśo mīmāṃsakasya | atha kathañci- 
AS-VDh 033,23	d abhinnās tadā siddhaṃ sāmānyasya viśeṣapratyayaviṣayatvaṃ viśeṣapratyayaviṣayebhyo viśeṣebhyaḥ kathañcid abhi- 
AS-VDh 033,24	nnasya sāmānyasya viśeṣapratyayaviṣayatvopapatter viśeṣasvātmavat | tato 'nekam eva karoti sāmānyaṃ sattāsāmā-
AS-VDh 034,01	nyavat | nāpy anaṃśaṃ, kathañcit sāṃśatvapratīteḥ, sāṃśebhyo viśeṣebhyo 'narthāntarabhūtasya sāṃśatvopapattes tatsvā- 
AS-VDh 034,02	tmavat | tathā na sarvagataṃ tatsāmānyaṃ, vyaktyantarāle 'nupalabhyamānatvāt | tatrānabhivyaktatvāt tasyānupa- 
AS-VDh 034,03	lambha iti cet tata eva vyaktisvātmano 'pi tatrānupalambhostu | tasya tatra sadbhāvāvedakapramāṇābhāvādasattvā- 
AS-VDh 034,04	devānupalambha iti cet sāmānyasyāpi viśeṣābhāvād asattvād evānupalambho 'stu, vyaktyantarāle tasyāpi 
AS-VDh 034,05	sadbhāvāvedakapramāṇābhāvāt pratyakṣatas tathānanubhavāt kharaviṣāṇādivat | vyaktyantarāle 'sti sāmānyaṃ, 
AS-VDh 034,06	yugapadbhinnadeśasvādhāravṛttitve saty ekatvād vaṃśādivad ity anumānāt tatra tatsadbhāvasiddhir iti cen na, hetoḥ prativādya'- 
AS-VDh 034,07	siddhatvāt | na hi bhinnadeśāsu vyaktiṣu sāmānyam ekaṃ yathā sthūṇādiṣu vaṃśādir iti pratīyate, yato 
AS-VDh 034,08	yugapadbhinnadeśasvādhāravṛttitve saty ekatvaṃ tasya sidhyat svādhārāntarāle 'stitvaṃ sādhayet, prativyakti sadṛśapa- 
AS-VDh 034,09	riṇāmalakṣaṇasya sāmānyasya bhedādvisadṛśapariṇāmalakṣaṇaviśeṣavat | yathaiva hi kācid vyaktirupalabhyamānā 
AS-VDh 034,10	vyaktyantarād viśiṣṭā visadṛśapariṇāmadarśanād avatiṣṭhate tathā sadṛśapariṇāmadarśanāt kiñcit kenacit samānam avasī- 
AS-VDh 034,11	yate iti nirbādham eva, tenāyaṃ samānaḥ so 'nena samāna iti samānapratyayāt | nanu pūrvam ananubhūtavyaktyanta- 
AS-VDh 034,12	rasyaikavyaktidarśane samānapratyayaḥ kasmān na bhavati ? tatra sadṛśapariṇāmasya bhāvād iti cet tavāpi viśiṣṭapra- 
AS-VDh 034,13	tītiḥ kasmān na bhavati ? vaisādṛśyasya bhāvāt | parāpekṣatvād viśiṣṭapratīter iti cet tata eva tatra samānapra- 
AS-VDh 034,14	tyayo 'pi mā bhūt | na hi sa parāpekṣo na bhavati, parāpekṣām antareṇa kvacit kadācid apy abhāvād dvitvādipratya- 
AS-VDh 034,15	yavad dūratvādipratyayavad vā | dvividho hi vastudharmaḥ parāpekṣaḥ parānapekṣaś ca varṇādivat sthaulyādivac ca | nanu ca 
AS-VDh 034,16	sādṛśye sāmānye sa evāyaṃ gaur iti pratyayaḥ kathaṃ śavalaṃ dṛṣṭvā dhavalaṃ paśyato ghaṭeteti ced ekatvopacārā- 
AS-VDh 034,17	d iti brūmaḥ | dvividhaṃ hy ekatvaṃ mukhyam upacaritaṃ ceti | mukhyam ātmādidravye | sādṛśye tūpacaritam iti | 
AS-VDh 034,18	mukhye tu tatraikatve tena samāno 'yam iti pratyayaḥ katham upapadyeta ? tayor ekasāmānyayogād iti cen na–sāmā- 
AS-VDh 034,19	nyavantāv etāv iti pratyayaprasaṅgāt | abhedopacāre tu sāmānyatadvatoḥ sāmānyam iti pratyayaḥ syāt | na tena 
AS-VDh 034,20	samāno 'yam iti | yaṣṭisahacaritaḥ puruṣo yaṣṭir iti yathā, yaṣṭipuruṣayor abhedopacārāt | mṛnmaye gavi 
AS-VDh 034,21	satyagavayasadṛśe gosādṛśyasya sāmānyasya bhāvād gotvajātiprasaṅga iti cen na, satyagavayavyavahārahetoḥ 
AS-VDh 034,22	sādṛśyasya tatrābhāvāt tadbhāve tasya satyatvaprasaṅgāt | bhāvagavādibhiḥ sthāpanāgavādeḥ sādṛśyamātraṃ tu 
AS-VDh 035,01	gavādimātravyavahārakāraṇaṃ tadekajātitvanibandhanam anurudhyate eva sattvādisādṛśyavat | tato na mīmāṃsa- 
AS-VDh 035,02	kābhyupagatasvabhāvaṃ karoti sāmānyam upapadyate yat sakalayajyādikriyāviśeṣavyāpikartṛvyāpārarūpabhāvanākhyāṃ 
AS-VDh 035,03	pratipadyamānaṃ vākyena viṣayīkriyeta | pratiniyatakriyāgatasya tu karotisāmānyasya śabdaviṣayatve yajyā- 
AS-VDh 035,04	disāmānyasya kathaṃ tadvinivāryeta; yena tad api vākyārtho na syāt | tad evaṃ bhāvanā vākyārthasampradāyo na 
AS-VDh 035,05	śreyān, bādhakasadbhāvān niyogādivākyārthasampradāyavat | iti śrutisampradāyāvalambināṃ mate 'ta eva na 
AS-VDh 035,06	kaścit sarvajña ity ayuktaṃ, śruter aviśeṣād apramāṇatāpatteḥ | iti sūktaṃ "yathaiva hi sugatādayaḥ parasparaviru- 
AS-VDh 035,07	ddhakṣaṇikanityādyekāntasamayābhidhāyinaḥ sarve na sarvadarśina iti na kaścit sarvajñas tathā śrutayo 'pi parasparavi- 
AS-VDh 035,08	ruddhakāryārthasvarūpādyarthābhidhāyinyaḥ sarvā na pramāṇabhūtāḥ" | iti na kācid api śrutiḥ pramāṇaṃ syāt | na hi 
AS-VDh 035,09	kārye 'rthe śrutir apauruṣeyī, na punaḥ svarūpe, yenāpauruṣeyatvāt tadanyataraśrutijanitam eva jñānaṃ pramāṇaṃ 
AS-VDh 035,10	doṣavarjitaiḥ kāraṇair janitatvād upapadyeta | bādhavarjitatvaṃ tu naikatrāpy asti hiṃsādyabhidhāyinaḥ "śvetam ajam ālabheta 
AS-VDh 035,11	bhūtikāmaḥ" ityādeḥ "sadhanaṃ hanyāt"ityāder iva dharme pramāṇatvānupapatteḥ puruṣādvaitābhidhāyinaś ca sarvaṃ khalv idaṃ 
AS-VDh 035,12	brahma" ityādeḥ "sarvaṃ pradhānam eva" ityāder iva svaviṣaye pramāṇatvāyogāt | apūrvārthatvaṃ punaḥ sarvasyāḥ śruter aviśi- 
AS-VDh 035,13	ṣṭaṃ, pramāṇāntarāpratipanne dharmādau parabrahmādau ca pravṛtteḥ | na ca kācic chrutiḥ svayaṃ svārthaṃ pratipādaya- 
AS-VDh 035,14	ty anyavyavacchedena kārye evārthe ahaṃ pramāṇaṃ na svarūpe; svarūpe eva vā na kārye 'rthe sarvarthety aviśeṣaḥ siddhaḥ | 
AS-VDh 035,15	nanu ca "padāni tāval loke yeṣv artheṣu prasiddhāni teṣv eva vede, teṣām adhyāhārādibhir arthasyāparikalpanīyatvā- 
AS-VDh 035,16	d aparibhāṣitavyatvāc ca | sati sambhave laukikapadārthajñaś ca vidvān aśrutapūrvaṃ kāvyādivākyārtham avabudhyamāno 
AS-VDh 035,17	dṛṣṭaḥ | tadvacchrutivākyārtham api kaścit svayam evāśrutapūrvam avaboddhum arhatīti yuktaṃ śruteḥ svayam evānyavyavacchedena 
AS-VDh 035,18	svārthapratipādanam' iti kaścit so 'pi na parīkṣācaturaḥ, sarvasyāḥ śrutes tathābhāvāviśeṣāt | na ca 
AS-VDh 035,19	bhāvanaiva niyoga eva vā laukikavākyasyārthaḥ śakyaḥ pratiṣṭhāpayituṃ, yena vaidikavākyasyāpi sa evārthaḥ 
AS-VDh 035,20	syāt | nāpi sanmātravidhir eva kasyacid vākyasyārthaḥ śakyapratiṣṭho, yena śrutivākyasyāpi sa evārtho 'nyayo- 
AS-VDh 035,21	gavyavacchedena syāt, tatrānekabādhakopanyāsāt | tataḥ sugatādivacchrutayo 'pi na pramāṇam ity āyātam | 
AS-VDh 035,22	tatheṣṭatvād adoṣa ity ekeṣām apramāṇikaiveṣṭiḥ | na kaścit tīrthakaraḥ pramāṇaṃ, nāpi samayo vedonyo vā tarkaḥ, paraspara-
AS-VDh 036,01	virodhāt | "tarko 'pratiṣṭhaḥ śrutayo vibhinnā naiko munir yasya vacaḥ pramāṇam | dharmasya tattvaṃ nihitaṃ guhāyāṃ 
AS-VDh 036,02	mahājano yena gataḥ sa panthāḥ" iti vacanāt | kaścid devatārūpo gururbṛhaspatir bhavet saṃvādakaḥ, pratyakṣa- 
AS-VDh 036,03	siddhapṛthivyāditattvopadeśāt | iti pratyakṣam ekam icchanti ye teṣāṃ laukāyatikānām iṣṭir apramāṇikaiva, pratyakṣa- 
AS-VDh 036,04	tas tadvyavasthāpanāsambhavāt | na khalu pratyakṣaṃ sarvajñapramāṇāntarābhāvaviṣayam, atiprasaṅgāt | sarvajñasya hi 
AS-VDh 036,05	muneḥ pramāṇāntarasya ca vedādyāgamasyānumānasya ca tarkākhyasyābhāvaṃ yadi kiñcid vyavasthāpayet, tatrāprava- 
AS-VDh 036,06	rttamānatvāt, tadā puruṣāntarādipratyakṣāntarāṇām apy abhāvaṃ tad eva gamayet tadviṣayāṇāṃ ca kṣmādīnām | ity ati- 
AS-VDh 036,07	prasaṅgaḥ svayam iṣṭasya bṛhaspatyādipratyakṣasyāpi viṣayasyābhāvasiddheḥ | atha pratyakṣāntaraṃ svayam ātmānaṃ vyavasthā- 
AS-VDh 036,08	payati pṛthavyādisvaviṣayaṃ ca, tatra pravarttanāt | ato na tadabhāvaprasaṅga iti mataṃ tarhi sarvajño 'pi 
AS-VDh 036,09	svasaṃvedanād ātmānaṃ svargāpūrvādiviṣayaṃ ca vyavasthāpayatīti kathaṃ tadabhāvasiddhiḥ ? pramāṇāntarasya ca tadvaca- 
AS-VDh 036,10	nasya hetuvādarūpasyāhetuvādarūpasya ca sa eva vyavasthāpakaḥ syād iti kutas tadabhāvasiddhiḥ ? sarvajñaḥ svapa- 
AS-VDh 036,11	ravyavasthāpako 'stīty atra kiṃ pramāṇam iti cet svapratyakṣaikapramāṇavādinaḥ pratyakṣāntaraṃ svaparaviṣayam astītyatra kiṃ 
AS-VDh 036,12	pramāṇam ? tathā prasiddhir anyatrāpīti na pratyakṣaṃ tadabhāvāvedakam, atiprasaṅgasya duṣparihāratvāt | 
AS-VDh 036,13	nānumānam, asiddheḥ | pratyakṣam ekam eva pramāṇam, agauṇatvāt pramāṇasya anumānād arthaniścayo durlabhaḥ, 
AS-VDh 036,14	sāmānye siddhasādhanād viśeṣe 'nugamābhāvāt sarvatra viruddhāvyabhicāriṇaḥ saṃbhavāt | iti svayam anumānaṃ 
AS-VDh 036,15	nirākurvann anumānād eva sarvajñapramāṇāntarābhāvaṃ vyavasthāpayatīti katham anunmattaḥ ? pratipattuḥ prasiddhaṃ hi 
AS-VDh 036,16	pramāṇaṃ svaprameyasya niścāyakaṃ, nāprasiddham, atiprasaṅgād eva | paraprasiddham anumānaṃ sarvajñapramāṇāntarābhāva- 
AS-VDh 036,17	grāhakam iti cet tat parasya pramāṇataḥ siddhaṃ pramāṇam antareṇa vā ? yadi pramāṇataḥ siddhaṃ nā'nātmasiddhaṃ 
AS-VDh 036,18	nāma, parasyevātmano 'pi vādinaḥ siddhatvāt pramāṇasiddhasya sarveṣām avipratipattiviṣayatvād, anyathātipra- 
AS-VDh 036,19	saṅgāt, pratyakṣasyāpi pramāṇasiddhasyaṃ vipratipattiviṣayatvāpatter anātmasiddhatvaprasaṅgāt | tato yat parasya 
AS-VDh 036,20	pramāṇataḥ siddhaṃ taccārvākasyātmasiddham | yathā pratyakṣam | pramāṇasiddhaṃ ca parasyānumānam | tasmān nā'nātma- 
AS-VDh 036,21	siddham | anyathā parasyāpi na siddhyet, atiprasaṅgād eva | tathā hi —yat pramāṇam antareṇa siddhaṃ 
AS-VDh 037,01	tatparasyāpi na siddham | yathā tadanabhimatatattvam | pramāṇam antareṇa siddhaṃ ca parasyānumānam | tan na siddhaṃ 
AS-VDh 037,02	svayam anabhimatatattvasiddhiprasaṅgāt | tad ime svayam ekena pramāṇena sarvaṃ sarvajñarahitaṃ puruṣasamūhaṃ saṃvidanta 
AS-VDh 037,03	evātmānaṃ nirasyantīti vyāhatam etat, atiprasaṅgād eva | svayam aniṣṭaṃ hy atīndriyapratyakṣam eṣāṃ syāt, indri- 
AS-VDh 037,04	yapratyakṣeṇa sarvajñarahitasya puruṣasamūhasya saṃvedanānupapatteḥ pramāṇāntarābhāvasyeva pramāṇāntaram antareṇa | iti sarvatra 
AS-VDh 037,05	sarvadā sarvasya sarvajñatvābhāvaṃ pratyakṣataḥ saṃvidan svayaṃ sarvajñaḥ syāt | tathā sati vyāhatam etat sarvajñapramā- 
AS-VDh 037,06	ṇāntarābhāvavacanaṃ cārvākasya | pratyakṣaikapramāṇaiṣaṇaṃ vā vyāhatam asya deśakālanarāntarapratyakṣāṇāṃ svayaṃ pratyakṣataḥ 
AS-VDh 037,07	pramāṇyasya sādhane sarvasākṣātkāritvaprasaṅgāt, saṃvādakatvādiliṅgajanitānumānāt tatsādhane anumānaprāmā- 
AS-VDh 037,08	ṇyasiddhiprasakteḥ, parasya prasiddhenānumānena tatpramāṇatāvyavasthāpane svasyāpi tatsiddher anivāryatvāt | 
AS-VDh 037,09	anyathā parasyāpi tadaprasiddheḥ kutaḥ pratyakṣam ekam eva pramāṇaṃ na punar anyad iti vyavasthā syāt ? 
AS-VDh 037,10	tatheṣṭatvād adoṣa ity ekeṣām apramāṇikaiveṣṭiḥ | eke hi tattvopaplavavādinaḥ sarvaṃ pratyakṣādipramāṇatattvaṃ 
AS-VDh 037,11	prameyatattvaṃ copaplutam evecchanti | teṣāṃ pramāṇarahitaiva tatheṣṭiḥ sarvam anupaplutam evetīṣṭer na viśiṣyate | na 
AS-VDh 037,12	khalu pratyakṣaṃ sarvajñapramāṇāntarābhāvaviṣayam, atiprasaṅgāt | nānumānam, asiddheḥ | sarvaṃ hi pratyakṣa- 
AS-VDh 037,13	m anumeyam atyantaparokṣaṃ ca vastu jānantīti sarvajñāni pramāṇāntarāṇi pratyakṣānumānāgamapramāṇaviśeṣāḥ | 
AS-VDh 037,14	teṣām abhāvaṃ svayam asiddhaṃ pratyakṣam anumānaṃ vā kathaṃ vyavasthāpayed yatas tadviṣayaṃ syāt ? tathā sati sarvaṃ pramāṇaṃ 
AS-VDh 037,15	sarvasya sveṣṭatattvaviṣayaṃ bhaved iti kutas tattvopaplavaḥ ? parasya siddhaṃ pramāṇaṃ tadabhāvaviṣayam iti cet tat 
AS-VDh 037,16	parasya pramāṇataḥ siddhaṃ pramāṇam antareṇa vā ? yadi pramāṇataḥ siddhaṃ nānātmasiddhaṃ nāma, pramāṇasiddhasya 
AS-VDh 037,17	nānātmanāṃ vādiprativādināṃ siddhatvāviśeṣāt | anyathā parasyāpi na siddhyet, pramāṇam antareṇa siddha- 
AS-VDh 037,18	syāsiddhatvāviśeṣāt | tad ime tattvopaplavavādinaḥ svayam ekena kenacid api pramāṇena svaprasiddhena vā sakala- 
AS-VDh 037,19	tattvaparicchedakapramāṇaviśeṣarahitaṃ sarvaṃ puruṣasamūhaṃ saṃvidanta evātmānaṃ nirasyantīti vyāhatam etat–tathā 
AS-VDh 037,20	tattvopaplavavāditvavyāghātāt | nanu cānupaplutatattvavādino 'pi pramāṇatattvaṃ prameyatattvaṃ ca pramāṇataḥ siddhyet 
AS-VDh 037,21	pramāṇam antareṇa vā ? pramāṇataś cet tad api pramāṇāntarataḥ siddhyed ity anavasthānāt kutaḥ pramāṇatattvavyavasthā ? 
AS-VDh 037,22	yadi punaḥ prathamaṃ pramāṇaṃ dvitīyasya vyavasthāpakaṃ dvitīyaṃ tu prathamasyeṣyate tadetaretarāśrayaṇān naikasyāpi 
AS-VDh 037,23	vyavasthā | svataḥ pramāṇasya prāmāṇyavyavasthiter ayam adoṣa iti cen na–sarvapravādināṃ tatra vipratipattyabhāva- 
AS-VDh 037,24	prasaṅgāt | kutaścit pramāṇāt tadvipratipattinirākaraṇe tatrāpi pramāṇāntarād vipratipattinirākaraṇena bhāvya- 
AS-VDh 037,25	m ity anavasthānam apratihataprasaram eva | parasparaṃ vipratipattinirākaraṇe cānyonyasaṃśrayaṇaṃ duruttaram | pramāṇam a-
AS-VDh 038,01	ntareṇa tu pramāṇāditattvaṃ yadi siddhyet tadā tadupaplavavyavasthāpi tathā duḥśakyā nirākarttum | syān matam | 
AS-VDh 038,02	"vicārottarakālaṃ pramāṇāditattvavyavasthitiḥ | vicāras tu yathā kathañcit kriyamāṇo nopālambhārhaḥ–sarvathā 
AS-VDh 038,03	vacanābhāvaprasaṅgāt" iti | evaṃ tarhi tattvopaplavādinām api vicārād uttarakālaṃ tattvopaplavavyavasthā tathaivāstu 
AS-VDh 038,04	sarvathā viśeṣābhāvāt | evaṃ ca tatra pramāṇatattvam eva tāvad vicāryate —kathaṃ pramāṇasya pramāṇyam ? 
AS-VDh 038,05	kim aduṣṭakārakasandohotpādyatvena, bādhārahitattvena, pravṛttisāmarthyenānyathā vā ? yady aduṣṭakārakasandohotpā- 
AS-VDh 038,06	dyatvena tadā saiva kārakāṇām aduṣṭatā kuto 'vasīyate ? na tāvat pratyakṣān nayanakuśalādeḥ saṃvedanakāraṇasyātī- 
AS-VDh 038,07	ndriyasyāduṣṭatāyāḥ pratyakṣīkarttum aśakteḥ | nānumānāt, tadavinābhāviliṅgābhāvāt | vijñānaṃ tatkāryaṃ 
AS-VDh 038,08	liṅgam iti cen na, vijñānasāmānyasya tadavyabhicāritvābhāvāt | pramāṇabhūtaṃ vijñānaṃ talliṅgam iti cet 
AS-VDh 038,09	kutas tasya pramāṇabhūtatāvasāyaḥ ? tadaduṣṭakāraṇārabdhatvād iti cet so 'yam anyonyāśrayaḥ | siddhe vijñānasya 
AS-VDh 038,10	pramāṇabhūtatve nirdoṣakāraṇārabdhatvasiddhis tatsiddhau ca pramāṇabhūtatvasiddhir iti | kiñca cakṣurādikāraṇānāṃ 
AS-VDh 038,11	guṇadoṣāśrayatve tadupajanitasaṃvedane doṣāśaṅkānivṛttir na syāt guṇadoṣāśrayapuruṣavacanajanitavedanavat | 
AS-VDh 038,12	guṇāśrayatayaiva tanniścaye tadutthavijñāne doṣāśaṅkānivṛttau puṃso 'pi kasyacid guṇāśrayatvenaiva nirṇaye tadvacanaja- 
AS-VDh 038,13	nitavedane doṣāśaṅkānivṛtteḥ kim apauruṣeyaśabdasamarthanāyāsena ? atha puruṣasya guṇādhikaraṇatvam evāśakyani- 
AS-VDh 038,14	ścayaṃ, paracetovṛttīnāṃ duranvayatvāt tadvyāpārādeḥ sāṅkaryadarśanāt, nirguṇasyāpi guṇavata iva vyāpā- 
AS-VDh 038,15	rādisaṃbhavād upavarṇyate tarhi cakṣurādīnām apy atīndriyatvāt tatkāryasāṅkaryopalabdheḥ kuto guṇāśrayatvaniyama- 
AS-VDh 038,16	niścayaḥ śakyaḥ karttum ? kasyacid apauruṣeyasyāpi ca grahoparāgādeḥ śuklavastrādau pītajñānahetor upalakṣaṇād ve- 
AS-VDh 038,17	dasyāpauruṣeyasyāpi mithyājñānahetutvasaṃbhāvanāyāṃ katham iva niḥśaṅkaṃ yājñikānāṃ tajjanitavedane prāmāṇyaniścayaḥ ? 
AS-VDh 038,18	tato nāduṣṭakārakajanyatvena kasyacit pramāṇatā | nāpi bādhānutpattyā, mithyājñāne 'pi svakāraṇavaikalyād bā- 
AS-VDh 038,19	dhakasyānutpattisaṃbhavāt pramāṇatvaprasakteḥ | atha yathārthagrahaṇanibandhanā bādhānutpattir apramāṇā'saṃbhavinī 
AS-VDh 038,20	pramāṇatvasādhinīti mataṃ, kutatas tasyāḥ satyārthagrahaṇanibandhanatvaniścayaḥ ? saṃvidaḥ pramāṇatvaniścayād iti 
AS-VDh 038,21	cet parasparāśrayaḥ | sati pramāṇatvaniścaye saṃvedanasya yathārthagrahaṇanibandhanabādhānutpattinirṇayas tasmiṃś ca 
AS-VDh 038,22	sati pramāṇatvaniścaya iti | anyataḥ pramāṇatvaniścaye kim etayā bādhānutpattyā ? na ca bādhānutpatter yathā- 
AS-VDh 038,23	rthagrahaṇanibandhanatvaṃ svata eva niścīyate, sandehābhāvaprasaṅgāt | dṛśyate ca sandehaḥ, kiṃ yathārthagrahaṇā- 
AS-VDh 038,24	n no 'tra bādhānutpattir āhosvit svakāraṇavaikalyād ity ubhayasaṃsparśipratyayotpatteḥ kvacid dūre marīcikāyāṃ jalajñāne 
AS-VDh 038,25	svakāraṇavaikalyād bādhakapratyayānutpattiprasiddher abhyāsadeśe tatkāraṇāsākalyād bādhakajñānotpādāt | kiñcārtha-
AS-VDh 039,01	saṃvedanānantaram eva bādhānutpattis tatprāmāṇyaṃ vyavasthāpayet sarvadā vā ? na tāvat pratham avikalpaḥ saṃbhavati, 
AS-VDh 039,02	mithyājñāne 'pi kvacid anantaraṃ bādhānutpattidarśanāt | sarvadā bādhānutpatteḥ saṃvidi prāmāṇyaniścayaś cen na, 
AS-VDh 039,03	tasyāḥ pratyetum aśakyatvāt, saṃvatsarādivikalpenāpi bādhotpattidarśanāt | ciratarakālaṃ bādhasyānutpattā- 
AS-VDh 039,04	v api svakāraṇavaikalyāt kālāntare 'py asau notpatsyate iti kuto niścayanīyaḥ ? kvacit tu mithyājñāne tajja- 
AS-VDh 039,05	nmany api bādhā nopajāyate, svahetuvaikalyāt | na caitāvatā tatprāmāṇyam | kiñca kvacid deśe sthitasya 
AS-VDh 039,06	bādhānutpattiḥ pratipattuḥ sarvatra vārthasaṃvidi prāmāṇyahetuḥ ? na tāvat prathamaḥ pakṣaḥ–kasyacin mithyāvabodha- 
AS-VDh 039,07	syāpi pramāṇatvāpatteḥ | nāpi dvitīyaḥ kasyacid dūre sthitasya bādhānutpattāv api samīpe bādhotpattipratīteḥ 
AS-VDh 039,08	sarvatra bādhāsthitasya bādhānutpattisandehāt | samīpe bādhānutpattāv api dūre bādhotpattisaṃbhāvanāc ca | kiñca 
AS-VDh 039,09	kasyacid bādhānutpattiḥ sarvasya vā ? na tāvat kasyacid bādhānutpattiḥ saṃvidi prāmāṇyahetuḥ, viparyaye 'pi bhāvāt | 
AS-VDh 039,10	marīcikādau toyajñāne deśāntaragamanādinā bādhānutpattāv api pramāṇatvābhāvāt | sarvasya bādhānutpattir artha- 
AS-VDh 039,11	saṃvedane prāmāṇyakāram iti cen na, tasyāḥ kiñcijjñair jñātum aśakteḥ, śaktau vā tasya sarvajñatvāpatter asarva- 
AS-VDh 039,12	jñavyavahārābhāvaprasaṅgāt sarvadeśakālapuruṣāpekṣayā bādhakābhāvanirṇayasyānyathānupapatteḥ | iti na bādhārahita- 
AS-VDh 039,13	tvena saṃvedanasya prāmāṇyam | nāpi pravṛttisāmarthyena, anavasthāprasakteḥ | pravṛttisāmarthyaṃ hi phalalenābhisamba- 
AS-VDh 039,14	ndhaḥ sajātīyajñānotpattir vā ? yadi phalenābhisambandhaḥ so 'vagato 'navagato vā saṃvidaḥ prāmāṇyaṃ gamayet ? 
AS-VDh 039,15	na tāvad anavagataḥ, atiprasaṅgāt | so 'vagataś cet tata eva pramāṇād anyato vā ? na tāvat tata eva, 
AS-VDh 039,16	parasparāśrayānuṣaṅgāt | sati phalenābhisambandhasyāvagame tasya pramāṇatvaniścayāt tasmiṃś ca sati tena 
AS-VDh 039,17	tadavagamāt | anyataḥ pramāṇāt so 'vagata iti cet tad anyat pramāṇaṃ kutaḥ prāmāṇyavyavasthāmāstighnute ? pravṛttisā- 
AS-VDh 039,18	marthyād iti cet tad api pravṛttisāmarthyaṃ yadi phalenābhisambandhas tadāvagato 'navagato vā saṃvidaḥ prāmāṇyaṃ 
AS-VDh 039,19	gamayed ityādi punar āvarttata iti cakrakaprasaṅgaḥ | etena sajātīyajñānotpattiḥ pravṛttisāmarthyaṃ saṃvitprāmā- 
AS-VDh 039,20	ṇyasyāgamakaṃ pratipāditaṃ, sajātīyajñānasya prathamajñānāt prāmāṇyaniścaye parasparāśrayasyāviśeṣāt, 
AS-VDh 039,21	pramāṇāntarāt tatprāmāṇyanirṇaye 'navasthānuṣaṅgāt | pravṛttiś ca pratipattuḥ prameyadeśopasarpaṇaṃ prameyasya pratipattau 
AS-VDh 039,22	syād apratipattau vā ? na tāvad apratipattau, sarvatra sarvasya pravṛttiprasaṅgāt | tatpratipattau cen niścitaprāmāṇyāt 
AS-VDh 039,23	saṃvedanāt tatpratipattir aniścitaprāmāṇyād vā ? prathamapakṣe parasparāśrayaṇam eva, sati pravarttakasya saṃvedanasya 
AS-VDh 039,24	prāmāṇyaniścaye tataḥ prameyapratipattiḥ, satyāṃ ca prameyapratipattau pravṛtteḥ sāmarthyāt tatprāmāṇyaniścayāt | 
AS-VDh 040,01	pramāṇāntarāt tatpratipattau prathamasaṃvedanasya vaiyarthyaṃ, sa eva ca paryanuyogo 'navasthāpattikaraḥ | dvitīyapakṣe tu 
AS-VDh 040,02	prāmāṇyaniścayānarthakyaṃ, svayam aniścitaprāmāṇyād eva saṃvedanāt prameyapratipattipravṛttisiddheḥ | saṃśayāt pravṛtti- 
AS-VDh 040,03	darśanād adoṣa iti cet kim artham idānīṃ pramāṇaparīkṣaṇam ? lokavṛttānuvādārtham iti cet tat tarhi lokavṛttaṃ kuto 
AS-VDh 040,04	nirvivādaṃ prasiddhaṃ yasyānuvādārthaṃ pramāṇaśāstrapraṇayanam ? na tāvat svata eva, pramāṇato 'rthapratipattau pravṛtti- 
AS-VDh 040,05	sāmarthyād arthavatpramāṇam iti parataḥ prāmāṇyānuvādavirodhāt | svataḥ prasiddhaṃ hi pramāṇaprameyarūpaṃ lokavṛttaṃ 
AS-VDh 040,06	tathaivānuvadituṃ yuktaṃ nānyathā, atiprasaṅgāt | yathānūdyate 'smābhis tathaiva lokavṛttaṃ prasiddhaṃ svata iti 
AS-VDh 040,07	cen na, svataḥ sarvapramāṇānāṃ prāmāṇyam ity anyair lokavṛttasyānuvādāt tathaiva prasiddhiprasaṅgāt | sa mithyānu- 
AS-VDh 040,08	vāda iti cet tavāpi mithyānuvādaḥ kuto na bhavet ? tathā lokavṛttasya prasiddhatvād iti cet paro 'py evaṃ 
AS-VDh 040,09	brūyāt | tathaiva lokavṛttasya prasiddhatve tathānuvādasya satyatvaṃ, tatsatyatvāc ca tathaiva lokavṛttasya prasiddhatva- 
AS-VDh 040,10	m itītaretarāśrayatvam apy ubhayoḥ samānam | tathā lokavṛttāntarāt tasya prasiddhau punar anavasthā durnivāraiva | 
AS-VDh 040,11	iti na pravṛttisāmarthyāt saṃvidaḥ prāmāṇyaniścayānuvādo yuktaḥ | tato na pravṛttisāmarthyena prāmāṇyaṃ 
AS-VDh 040,12	vyavatiṣṭhate | nāpy avisaṃvāditvena, tadavisaṃvādasyārthakriyāsthitilakṣaṇasyānavagatasya prāmāṇyavyavasthā- 
AS-VDh 040,13	hetutvāyogāt | tasyāvagatasya taddhetutve kutas tadavagamasya prāmāṇyam ? saṃvādāntarād iti cen na, tadavagama- 
AS-VDh 040,14	syāpi saṃvādāntarātprāmāṇyanirṇaye 'navasthāprasaṅgāt | athārthakriyāsthitilakṣaṇā'visaṃvādajñānasyābhyāsadaśāyāṃ 
AS-VDh 040,15	svataḥ prāmāṇyasiddher adoṣaḥ | ko 'yam abhyāso nāma ? bhūyaḥ saṃvedane saṃvādānubhavanam iti cet tajjātīye 
AS-VDh 040,16	'tajjātīye vā ? tatrātajjātīye na tāvad ekatra saṃvedane bhūyaḥ saṃvādānubhavanaṃ saṃbhavati kṣaṇikavādinaḥ | 
AS-VDh 040,17	saṃtānāpekṣayā saṃbhavatīti cen na, saṃtānasyāvastutvād apekṣānupapatteḥ | vastutve vā tasyāpi kṣaṇikatvasiddheḥ 
AS-VDh 040,18	kutas tadapekṣayā so 'bhyāsaḥ ? santānasyākṣaṇikatve vā yat sat tat sarvaṃ kṣaṇikam iti na siddhyet | tajjātīye 
AS-VDh 040,19	bhūyaḥ saṃvādānubhavanam iti cen na, jātinirākaraṇavādinaḥ kvacit tajjātīyatvānupapatteḥ | anyāpohalakṣaṇayā 
AS-VDh 040,20	jātyā kvacit tajjātīyatvam upapannam eveti cen na, anyāpohasyāvasturūpatvāt, tasya vasturūpatve vā 
AS-VDh 040,21	jātitvavirodhāt svalakṣaṇasyāsādhāraṇasya vastutvopagamāt | tad evaṃ sāmānyataḥ pramāṇalakṣaṇānupapattau 
AS-VDh 040,22	viśeṣeṇāpi pratyakṣādipramāṇānupapatter na pramāṇatattvaṃ vicāryamāṇaṃ vyavatiṣṭhate | tadavyavasthitau kutaḥ prameya- 
AS-VDh 040,23	tattvavyavastheti vicārāttattvopaplavavyavasthitiḥ | ity etad api sarvam asāraṃ, tattvopaplavasyāpi vicāryamāṇasyaivam a-
AS-VDh 041,01	vyavasthiter anupaplutatattvasiddhinirākaraṇāyogāt | atha "tattvopaplavaḥ sarvathā na vicāryaḥ, tasyopaplutatvād eva 
AS-VDh 041,02	vicārāsahatvād anyathānupaplutatattvasiddhiprasaṅgāt | kevalaṃ tattvavādibhir abhyupagatasya pramāṇaprameyatattvasya 
AS-VDh 041,03	vicārākṣamattvāt tattvopaplavasiddhiḥ" iti mataṃ tad api phalguprāyaṃ, yathā tattvam avicāritatvāt | na 
AS-VDh 041,04	hy aduṣṭakārakasandehotpādyatvena saṃvedanasya pramāṇatvaṃ syādvādibhir vyavasthāpyate, bādhārahitatvamātreṇa vā | 
AS-VDh 041,05	nāpi pravṛttisāmarthyenānyathā vā, pratipāditadoṣo 'panipātāt | kiṃ tarhi ? suniścitāsambhavadbādhakatvena | 
AS-VDh 041,06	na cedaṃ svārthavyavasāyātmano jñānasya duravabodham | sakaladeśakālapuruṣāpekṣayā suṣṭhu niścitam asambhavadbā- 
AS-VDh 041,07	dhakatvaṃ hi pramāṇasyābhyastaviṣaye svata evāvasīyate, svarūpavat | anabhyastaviṣaye tu parata iti nānavasthe- 
AS-VDh 041,08	taretarāśrayadoṣo 'panipātaḥ | svārthavyavasāyātmakattvam eva hi suniścitāsambhavadbādhakatvam | tac cābhyāsada- 
AS-VDh 041,09	śāyāṃ na parataḥ pramāṇāt sādhyate, yenānavasthā syāt, parasparāśrayo vā, tasya svata eva siddhatvāt | 
AS-VDh 041,10	tathānabhyāsadaśāyām api parataḥ svayaṃ siddhaprāmāṇyād vedanāt pūrvasya tathābhāvasiddheḥ kuto 'navasthādidoṣāvakāśaḥ ? 
AS-VDh 041,11	kvacid abhyāsānabhyāsau tu pratipattur adṛṣṭaviśeṣavaśād deśakālādiviśeṣavaśāc ca bhavantau sampratītāv eva, yathāvara- 
AS-VDh 041,12	ṇakṣayopaśamam ātmanaḥ sakṛd asakṛd vā svārthasaṃvedane 'bhyāsopapatteḥ | svārthavyavasāyāvaraṇodaye vā'saṃvedane sakṛ- 
AS-VDh 041,13	tsaṃvedane vā saṃvedanapaunaḥpunye 'pi vā'nabhyāsaghaṭanāt | pūrvāparaṃ svabhāvatyāgopādānānvitasvabhāvasthitila- 
AS-VDh 041,14	kṣaṇatvenātmanaḥ pariṇāmino 'bhyāsānabhyāsāvirodhāt | sarvathā kṣaṇikasya nityasya vā pratipattus tadanupapatter a- 
AS-VDh 041,15	bhīṣṭatvāt | nanv idaṃ suniścitāsambhavadbādhakatvaṃ saṃvedanasya katham asarvajño jñātuṃ samartha iti cet sarvatra 
AS-VDh 041,16	sarvadā sarvasya sarvaṃ saṃvedanam asuniścitāsambhavadbādhakam ity apy asakalajñaḥ kathaṃ jānīyāt ? tata evaṃ saṃśayo 
AS-VDh 041,17	'stv iti cet so 'pi tathābhāvetaraviṣayaḥ sarvasya sarvadā sarvatre 'pi katham asarvajñaḥ śakto 'vaboddhum ? svasaṃvedane 
AS-VDh 041,18	tathāvabodhāt sarvatra tathāvabodha iti cet tarhy anumānam āyātaṃ, vivādādhyāsitaṃ saṃvedanaṃ suniścitāsambhavadbā- 
AS-VDh 041,19	dhakatvetarābhyāṃ sandigdhaṃ, saṃvedanatvād asmatsaṃvedanavad iti | tac ca yadi suniścitāsaṃbhavadbādhakaṃ siddhaṃ 
AS-VDh 041,20	tadā tenaiva sādhanasya vyabhicāraḥ | atha na tathā siddhaṃ, kathaṃ sādhyasiddhinibandhanam ? atiprasaṅgāt | 
AS-VDh 041,21	svasaṃvedanaṃ ca pratipattuḥ kiñcit kvacit kadācit suniścitāsambhavadbādhakaṃ kiñcit tadviparītaṃ prasiddhaṃ na vā ? 
AS-VDh 042,01	yadi na prasiddhaṃ, kathaṃ sandehaḥ ? kvacid aprasiddhobhayaviśeṣasya tatsāmānyadarśanenaiva tatparāmarśipratyayasya 
AS-VDh 042,02	sandehasyāsambhavād bhūbhavanasaṃvarddhitotthitamātrasya tādṛśaḥ sthāṇupuruṣaviṣayasandehavat | yadi punas tadubhayaṃ 
AS-VDh 042,03	prasiddhaṃ tadā svataḥ parato vā ? abhyāsadaśāyāṃ svato 'nabhyāsadaśāyāṃ parata eveti cet siddham akalaṅka- 
AS-VDh 042,04	śāsanaṃ, sarvasya saṃvedanasya syāt svataḥ syāt parataḥ prāmāṇyāprāmāṇyayor vyavasthānāt, anyathā kvacid vya- 
AS-VDh 042,05	vasthātum aśakteḥ | etena tattvopaplavavādinaḥ kim aduṣṭakārakasandohotpādyatvena bādhakānutpattyā pravṛttisāma- 
AS-VDh 042,06	rthyenānyathā vetyādi vikalpasandohahetukapraśnānupapattiḥ prakāśitā, svayam anyatrānyadā kathañcid apratipannata- 
AS-VDh 042,07	dvikalpasya punaḥ kvacit tatparāmarśisaṃśayapratyayāyogāt | kvacit kadācid aduṣṭakārakasandohotpādyatvādiviśe- 
AS-VDh 042,08	ṣapratipattau tu kutas tattvopaplavasiddhiḥ ? parābhyupagamāt tatpratipatter adoṣa iti cet sa tarhi parābhyupagamo 
AS-VDh 042,09	yadi pramāṇāt pratipannaḥ svayaṃ tadā kathaṃ pramāṇaprameyatattvopaplavaḥ ? parābhyupagamāntarāt tatpratipattau tad api parā- 
AS-VDh 042,10	bhyupagamāntaram anyasmāt parābhyupagamāntarāt pratipattavyam ity anavasthā | parābhyupagamaṃ ca svayaṃ pratīyann eva na 
AS-VDh 042,11	pratyemīti brūvāṇaḥ kathaṃ svasthaḥ ? svayam apratīyaṃs tu parābhyupagamaṃ tataḥ kiñcit pratyetīti duravabodhaṃ–so 'yaṃ 
AS-VDh 042,12	kiñcid api svayaṃ nirṇītam anāśrayan kvacid vicāraṇāyāṃ vyāpriyata iti na budhyāmahe, kiñcin nirṇītam āśritya 
AS-VDh 042,13	vicārasyānirṇīte 'rthe pravṛtteḥ | sarvavipratipattau tu kvacid vicāraṇānavatārāt | tad uktaṃ "kiñcin nirṇīta- 
AS-VDh 042,14	m āśritya vicāro 'nyatra varttate | sarvavipratipattau tu kvacin nāsti vicāraṇā" iti | tataḥ sūktaṃ, tattvopa- 
AS-VDh 042,15	plavavādinaḥ svayam ekena pramāṇena svaprasiddhena paraprasiddhena vā vicārottarakālam api pramāṇatattvaṃ prameyatattvaṃ 
AS-VDh 042,16	copaplutaṃ saṃvidanta evātmānaṃ nirasyantīti vyāhatiḥ | 
AS-VDh 042,17	tad evaṃ kārikāvyākhyānam anavadyam avatiṣṭhate | tīrthacchedasampradāyānāṃ tathā sarvam avagatam icchatām āptatā 
AS-VDh 042,18	nāsti, parasparaviruddhābhidhānāt, ekānekapramāṇavādināṃ svapramāvyāvṛtter iti | ekapramāṇavādino hi 
AS-VDh 042,19	saṃvedanādvaitāvalambinaś citrādvaitāśrayiṇaḥ parabrahmaśabdādvaitabhāṣiṇaś ca sugatādayo yathā tīrthacchedasampradāyā- 
AS-VDh 042,20	s tathā pratyakṣam ekam eva pramāṇam iti vadanto 'pi cārvākāḥ, paramāgamanirākaraṇasamayatvāt | yathā ca kapilāda- 
AS-VDh 042,21	yo 'nekapramāṇavādinas tīrthacchedasampradāyās tathā tattvopaplavavādino 'pi, tair ekasyāpi pramāṇasyānabhidhānāt, naika- 
AS-VDh 042,22	pramāṇavādino 'nekapramāṇavādina iti vyākhyānāt | tathā sarvam āptāgamapadārthajātam avagatam icchanto 'py anekapramā- 
AS-VDh 042,23	ṇavādino vainayikās tīrthacchedasampradāyāḥ | teṣām aśeṣāṇām āptatā nāsti, parasparaviruddhayor abhidhānāt | 
AS-VDh 042,24	tatra saṃvedanādvaitānusāriṇaḥ svapakṣasādhanasya parapakṣadūṣaṇasya vā saṃvidadvaitaviruddhasyābhidhānaṃ, tathā 
AS-VDh 042,25	dvaitaprasiddheḥ | saṃvṛttyā tadupagame na paramārthataḥ saṃvidadvaitasiddhiḥ, atiprasaṅgāt | etena citrādvaitapara-
AS-VDh 043,01	brahmādyavalambināṃ parasparaviruddhābhidhānaṃ prativarṇitam | pratyakṣam ekam eva pramāṇam iti vadatāṃ pramāṇetarasāmā- 
AS-VDh 043,02	nyavyavasthāpanasya saṃvādetarasvabhāvaliṅgajānumānanibandhanasya paracittāvabodhasya ca vyāpārādikāryaliṅgo- 
AS-VDh 043,03	tthānumānanimittasya paralokādipratiṣedhasya cānupalabdhiliṅgodbhūtānumānahetukasya pratyakṣaikapramāṇaviruddhasyā- 
AS-VDh 043,04	bhidhānaṃ pratipattavyaṃ, tathā pramāṇāntarasiddheḥ | paropagamāt tatsvīkaraṇe svayaṃ pramāṇetarasāmānyādivyava- 
AS-VDh 043,05	sthānupapatteḥ kutaḥ pratyakṣaikapramāṇavādaḥ, atiprasaṅgāt | tathānekapramāṇavādināṃ kapilakaṇabhakṣākṣapāda- 
AS-VDh 043,06	jaiminimatānusāriṇāṃ svopagataprāmāṇasaṃkhyāniyamaviruddhasya sāmastyena sādhyasādhanasambandhajñānasyābhidhānaṃ 
AS-VDh 043,07	boddhavyaṃ, pramāṇāntarasyohasya siddheḥ | yāvān kaścid dhūmaḥ sa sarvo 'py agnijanmā'nagnijanmā vā na bhavatīti 
AS-VDh 043,08	pratipattau na pratyakṣasya sāmarthyaṃ, tasya sannihitaviṣayapratipattiphalatvāt | nāpy anumānasya, anava- 
AS-VDh 043,09	sthānāt, tadvyāpter apy aparānumānagamyatvāt | iti vaiśeṣikasyohaḥ pramāṇāntaram anicchato 'py āyātam | etena 
AS-VDh 043,10	saugatasya pramāṇāntaram āpāditam | tathāgamasyāpi vyāptigrahaṇe 'nadhikārāt kāpilasyohaḥ pramāṇaṃ naiyāyikasya 
AS-VDh 043,11	ca tatropamānasyāpy asamarthatvāt prābhākarasya cārthāpatter apy anumānavat tatrāvyāpārād bhaṭṭamatānusāriṇaś cābhāvasyāpi 
AS-VDh 043,12	tatrānadhikṛtatvāt | tathaikam api pramāṇam anabhyupagacchatāṃ tattvopaplavāv alambinām anekapramāṇavādināṃ tattvopapla- 
AS-VDh 043,13	vopagamasya pramāṇasiddhyavinābhāvinaḥ sakalatattvopaplavaviruddhasyābhidhānam avagantavyam | vainayikānāṃ tu sarva- 
AS-VDh 043,14	m avagatam icchatāṃ parasparaviruddhābhidhānaṃ viruddhasaṃvedanaṃ prasiddham eva, sugatamatopagame kapilādimatasya viro- 
AS-VDh 043,15	dhāt | tataḥ siddho hetuḥ parasparavirodhata iti tīrthakṛtsamayānāṃ sarveṣām āptatvā'bhāvaṃ sādhayati | yadi punaḥ 
AS-VDh 043,16	saṃvidadvaitādīnāṃ svataḥ pramitisiddheḥ pramāṇāntarataḥ svaparakṣasādhanadūṣaṇavacanābhāvān na parasparaviruddhābhidhānaṃ 
AS-VDh 043,17	svasaṃvedanaikapramāṇavādināṃ, nāpīndriyajapratyakṣaikapramāṇavādināṃ, pratyakṣaprāmāṇyasya pratyakṣata eva 
AS-VDh 043,18	siddheḥ, anumānādiprāmāṇyābhāvasyāpi tata eva prasiddheḥ pramāṇāntarāprasaṅgāt, tathānekapramāṇavādi- 
AS-VDh 043,19	nām api svopagatapramāṇasaṃkhyāniyamasya svata eva siddheḥ pramāṇāntarasyohasyāprasaṅgān na viruddhābhidhānaṃ saṃbha- 
AS-VDh 043,20	vatīti mataṃ tadāpi na teṣām āptatāsti, svapramāvyāvṛtter anyathānaikāntikatvāt | na hi saṃvidadvaite 'nyatra vā 
AS-VDh 043,21	svasya svenaiva pramā saṃbhavati, niraṃśatvāt pramāṇaprameyasvabhāvavyāvṛttau pramāyā vyāvṛttes tadavyāvṛttau pramātrā- 
AS-VDh 043,22	disvabhāvāvyāvṛtter aikāntikatvābhāvāt pramātrādyanekasvabhāvasyaikasaṃvedanasyānekāntātmanonumananāt, saṃvit 
AS-VDh 044,01	svayaṃ svena svaṃ saṃvedayata iti pratīteḥ | nāpīndriyajapratyakṣe svapramā ghaṭate, bhūtavādibhis tasyāsvasaṃvidi- 
AS-VDh 044,02	tattvopagamāt | iti siddhā tatra svapramāyā vyāvṛttiḥ | tato na pratyakṣata pramāṇetarasāmānyasthityādiḥ | 
AS-VDh 044,03	tadavyāvṛttau vā svārthavyavasāyātmakatvasiddheḥ syādvādāśrayaṇādaikāntikatvābhāvād anaikāntikatvam | ete- 
AS-VDh 044,04	nānekapramāṇavādinām anekasmin pramāṇe svapramāvyāvṛttir vyākhyātā | tadavyāvṛttau vānaikāntikatvaprasaktiḥ, 
AS-VDh 044,05	anekaśaktyātmakasvārthavyavasāyātmakānekapramāṇasiddheḥ | tattvopaplavavādināṃ tattvopaplave svapramāyā vyāvṛttiḥ 
AS-VDh 044,06	siddhaiva | tadavyāvṛttau tattvopaplavaikāntikatvābhāvaprasaktiś ca | tato naiteṣām āptatā | kiñca sarvapramāṇavi- 
AS-VDh 044,07	nivṛtter itarathā saṃpratipatteḥ | ye tāvad ekaṃ nityaṃ pramāṇaṃ svabhāvabhedābhāvād vadanti teṣāṃ sarvapramāṇavinivṛttiḥ 
AS-VDh 044,08	ye 'py anekam anityaṃ pratikṣaṇaṃ svabhāvabhedādācakṣate teṣām api, pratyakṣādipramāṇānāṃ nityaikāntāc cetareṇaiva prakā- 
AS-VDh 044,09	reṇa kathañcin nityānityātmakatvena saṃpratipatteḥ | tato naiteṣāṃ nityānityaikāntapramāṇavādināṃ tīrthakṛtsamayā- 
AS-VDh 044,10	nām āptatā | kiñca vāgakṣuddhīcchāpuruṣatvādikaṃ kvacid anāvilajñānaṃ nirākaroti na punas tatpratiṣedhavādiṣu 
AS-VDh 044,11	tatheti paramagahanam etat | tathā hi | tīrthacchedasampradāyās tathaikāntavādino nā'nāvilajñānā aviśi- 
AS-VDh 044,12	ṣṭavāgakṣabuddhīcchādimattvād aviśiṣṭapuruṣatvāder vā rathyāpuruṣavat | iti naiteṣām āptatā | tatpratiṣedhavādināṃ 
AS-VDh 044,13	punaḥ syādvādināṃ nātaḥ kaścid aviśiṣṭavāgādimānaviśiṣṭapuruṣo vā, tasya yuktiśāstrāvirodhivāktvenā- 
AS-VDh 044,14	bhyupagatatvāt, karaṇakramavyavadhānādyativarttibuddhitvāt, icchārahitatvād viśuddhapuruṣātiśayatvād iti | yathā 
AS-VDh 044,15	vāgādikaṃ nirdoṣajñānanirākaraṇasamarthaṃ na tathā syādvādanyāyavedibhir abhiṣṭūyamāne bhagavatīti paramagahanam e- 
AS-VDh 044,16	tat, ayuktiśāstravidām agocaratvād akalaṅkadhiṣaṇādhigamyatvāt | itthaṃ siddhaṃ suniścitāsambhavadbādhakapramā- 
AS-VDh 044,17	ṇatvam | tena kaḥ paramātmā cid eva labdhyupayogasaṃskārāṇām āvaraṇanibandhanānām atyaye bhavabhṛtāṃ prabhuḥ | 
AS-VDh 044,18	sakalasyādvādanyāyavidviṣām āptapratikṣepaprakāreṇa hi syādvādina evāptasyāpratikṣepārhatvena suniścitāsambhava- 
AS-VDh 044,19	dbādhakapramāṇatvaṃ siddhyati | tenaivaṃ kārikāyāsturīyapādo vyākhyāyate | kaḥ paramātmā, parā''tyantikī 
AS-VDh 044,20	mā lakṣmīryasyeti vigrahāt | cid eva jña eva naṃ punaḥ kathañcid apy ajñaḥ, cid iti śabdasya mukhyavṛttyā- 
AS-VDh 044,21	śrayaṇāt kathañcid acityapi cicchabdasya pravṛttau gauṇatvaprasaṅgāt | nanu ca 'paramātmā sākṣād vastu jānanni-
AS-VDh 045,01	ndriyasaṃskārānurodhata eva jānāyān nānyathā tadvedanasya pratyakṣatvavirodhāt | na cendriyasaṃskārāḥ sakṛtsarvārtheṣu 
AS-VDh 045,02	jñānam upajanayitum alaṃ, sambaddhavarttamānārthaviṣayatvāt "sambaddhaṃ varttamānaṃ ca gṛhyate cakṣurādibhiḥ" iti 
AS-VDh 045,03	vacanāt | tato na jña eva, bhāvyatītāsambaddhārthajñānābhāvād ajñatvasyāpi bhāvāt' iti na mantavyaṃ, 
AS-VDh 045,04	labdhyupayogasaṃskārāṇām atyaye iti vacanāt | labdhyupayogau hīndriyaṃ, "labdhyupayogau bhāvendriyam" iti 
AS-VDh 045,05	vacanāt | tayoḥ saṃskārāḥ svārthadhāraṇāḥ | teṣām atyaye sati jña eva syāt | 'kutaḥ punar bhāvendriyasaṃskārāṇā- 
AS-VDh 045,06	m atyaye sati jña eva syān na tu dravyendriyāṇām atyaye, atīndriyapratyakṣato 'śeṣārthasākṣātkāritvopagamāt' 
AS-VDh 045,07	ity api na śaṅkanīyaṃ, bhāvendriyāṇām āvaraṇanibandhanatvāt | kārtsnyato jñānāvaraṇasaṃkṣaye hi bhagavān atī- 
AS-VDh 045,08	ndriyapratyakṣabhāk siddhaḥ | na ca sakalāvaraṇasaṃkṣaye bhāvendriyāṇām āvaraṇanibandhanānāṃ saṃbhavaḥ–kāraṇābhāve 
AS-VDh 045,09	kāryānupapatteḥ | nanu cāvaraṇakṣayopaśamanibandhanatvād bhāvendriyāṇāṃ katham āvaraṇanibandhanatvam iti ced deśa- 
AS-VDh 045,10	ghātijñānāvaraṇasparddhakodaye sati sarvadhātijñānāvaraṇasparddhakānām udayābhāve sadavasthāyāṃ ca teṣāṃ bhāvād ā- 
AS-VDh 045,11	varaṇanibandhanatvasiddher acodyam etat | na kaścid bhavabhṛdatīndriyapratyakṣabhāgupalabdho yato bhagavāṃs tathā saṃbhāvyate 
AS-VDh 045,12	ity api na śaṅkā śreyasī, tasya bhavabhṛtāṃ prabhutvāt | na hi bhavabhṛtsāmye dṛṣṭo dharmaḥ sakalabhavabhṛtprabhau 
AS-VDh 045,13	sambhāvayituṃ śakyaḥ, tasya saṃsārijanaprakṛtim abhyatītatvāt | nanu ca sunirṇītāsambhavadbādhakapramāṇatvā- 
AS-VDh 045,14	t tathāvidho bhavabhṛtāṃ prabhuḥ sādhyate | tac cāsiddhaṃ, suniścitāsaṃbhavatsādhakapramāṇatvasya tadbādhakasya sadbhā- 
AS-VDh 045,15	vāt | na hi tatsādhakaṃ pratyakṣam | nāpy anumānaṃ, tadekadeśasya liṅgasyādarśanāt | tad uktaṃ "sarvajño dṛśyate 
AS-VDh 045,16	tāvan nedānīma smadādibhiḥ | dṛṣṭo na caikadeśo 'sti liṅgaṃ vā yo 'numāpayet" iti | āgamo 'pi na tāva- 
AS-VDh 045,17	n nityaḥ sarvajñasya pratipādako 'sti, tasya kārye evārthe prāmāṇyāt svarūpe 'pi prāmāṇyeti prasaṅgāt | sa sarva- 
AS-VDh 045,18	vit sa lokavidityāder hiraṇyagarbhaḥ sarvajña ityādeś cāgamasya nityasya karmārthavādapradhānatvāt tātparyāsaṃbhavā- 
AS-VDh 045,19	d anyārthapradhānair vacanair anyasya sarvajñasya vidhānāsaṃbhavāt | pūrva kutaścid aprasiddhasya tair anuvādāyogāt | anāde-
AS-VDh 046,01	rāgam asyādimat sarvajñapratipādanavirodhāc ca | nāpy anityas tatpraṇīta evāgamas tasya prakāśako yuktaḥ, parasparā- 
AS-VDh 046,02	śrayaprasaṅgāt | narāntarapraṇītas tu na pramāṇabhūtaḥ siddho yataḥ sarvajñapratipattiḥ syāt | asarvajñapraṇītāc ca 
AS-VDh 046,03	vacanānmūlavarjitāt sarvajñapratipattau svavacanāt kin na tatpratipattiraviśeṣāt | tad uktaṃ "na cāgamavidhiḥ 
AS-VDh 046,04	kaścin nityaḥ sarvajñabodhanaḥ | na ca mantrārthavādānāṃ tātparyam avakalpyate | 1 | na cānyārthapradhānais tais tadastitvaṃ 
AS-VDh 046,05	vidhīyate | na cānuvadituṃ śakyaḥ pūrvam anyair abodhitaḥ | 2 | anāder āgamasyārtho na ca sarvajña ādimān | 
AS-VDh 046,06	kṛtrimeṇa tv asatyena sa kathaṃ pratipādyate | 3 | atha tadvacanenaiva sarvajño 'jñaiḥ pratīyate | prakalpyeta kathaṃ 
AS-VDh 046,07	siddhir anyonyāśrayayos tayoḥ | 4 | sarvajñoktatayā vākyaṃ satyaṃ tena tadastitā | kathaṃ tadubhayaṃ siddhyet siddha- 
AS-VDh 046,08	mūlāntarādṛte | 5 | asarvajñapraṇītāt tu vacanān mūlavarjitāt | sarvajñam avagacchantaḥ svavākyāt kiṃ na jānate | 6 | " 
AS-VDh 046,09	iti | nopamānam api sarvajñasya sādhakaṃ, tatsadṛśasya jagati kasyacid apy abhāvāt | tathoktaṃ, sarvajña- 
AS-VDh 046,10	sadṛśaṃ kañcid yadi paśyema samprati | upamānena sarvajñaṃ jānīyāma tato vayam" iti | nārthāpattir api sarvajñasya 
AS-VDh 046,11	sādhikā, tadutthāpakasyārthasyānyathānupapadyamānasyābhāvāt | dharmādyupadeśasya bahujanaparigṛhītasyānyathā- 
AS-VDh 046,12	bhāvāt | tathā coktam "upadeśo hi buddhāder dharmādharmādigocaraḥ | anyathāpy upapadyeta sarvajño yadi nābha- 
AS-VDh 046,13	vat | 1 | buddhādayo hy avedajñās teṣāṃ vedād asambhavaḥ | upadeśaḥ kṛto 'tas tair vyāmohād eva kevalāt | 2 | ye tu 
AS-VDh 046,14	manvādayaḥ siddhāḥ prādhānyena trayīvidām | trayīvidāśritagranthās te vedaprabhavoktayaḥ | 3 | " iti | na ca pramāṇā- 
AS-VDh 046,15	ntaraṃ sadupalambhakaṃ sarvajñasya sādhakam asti | mā bhūd atratyedānīntanānām asmadādijanānāṃ sarvajñasya sādhakaṃ 
AS-VDh 046,16	pratyakṣādyanyatamaṃ deśāntarakālāntaravarttināṃ keṣāñcid bhaviṣyatīti cāyuktaṃ "yajjātīyaiḥ pramāṇais tu yajjā- 
AS-VDh 046,17	tīyārthadarśanam | dṛṣṭaṃ samprati lokasya tathā kālāntare 'py abhūt" iti vacanāt | tathā hi | vivādādhyā- 
AS-VDh 046,18	site deśe kāle ca pratyakṣādipramāṇam atratyedānīntanapratyakṣādigrāhyasajātīyārthagrāhakaṃ bhavati tadvijātīya- 
AS-VDh 046,19	sarvajñādyarthagrāhakaṃ vā na bhavati, pratyakṣādipramāṇatvād atratyedānīntanapratyakṣādipramāṇavat | nanu ca yathā- 
AS-VDh 046,20	bhūtam indriyādijaṃ nityaṃ pratyakṣādi sarvajñādyarthāsādhakaṃ dṛṣṭaṃ tathābhūtam eva deśāntare kālāntare ca tādṛśaṃ 
AS-VDh 046,21	sādhyate 'nyathābhūtaṃ vā ? tathābhūtaṃ cet siddhasādhanam | anyathābhūtaṃ ced aprayojako hi hetuḥ jagato 
AS-VDh 046,22	buddhimatkāraṇakatve sādhye sanniveśaviśiṣṭatvavat | iti cet tad asat, tathābhūtasyaiva tathā sādhanāt siddhasā- 
AS-VDh 046,23	dhanasyāpy abhāvāt, anyādṛśapratyakṣādyabhāvāt | tathā hi | vivādāpannaṃ pratyakṣādipramāṇam indriyādi- 
AS-VDh 046,24	sāmagrīviśeṣānapekṣaṃ na bhavati, pratyakṣādipramāṇatvāt prasiddhapratyakṣādipramāṇavat | na gṛddhravarāhapipīli-
AS-VDh 047,01	kādipratyakṣeṇa sannihitadeśaviśeṣānapekṣiṇā naktañcarapratyakṣeṇa vālokānapekṣiṇānekāntaḥ, kātyāyanādyanu- 
AS-VDh 047,02	mānātiśayena jaiminyādyāgamādyatiśayena vā tasyāpīndriyādipraṇidhānasāmagrīviśeṣam antareṇāsaṃbhavāt 
AS-VDh 047,03	svārthātilaṅghanābhāvād atīndriyānanumeyādyarthāviṣayatvāc ca | tathā coktaṃ "yatrāpy atiśayo dṛṣṭaḥ sa 
AS-VDh 047,04	svārthānatilaṅghanāt | dūrasūkṣmādidṛṣṭau syān na rūpe śrotravṛttitā | 1 | ye 'pi sātiśayā dṛṣṭāḥ prajñāmedhā- 
AS-VDh 047,05	dibhir narāḥ | stokastokāntaratvena na tv atīndriyadarśanāt | 2 | prājño 'pi hi naraḥ sūkṣmānarthān draṣṭuṃ kṣamo 'pi 
AS-VDh 047,06	san | svajātīran atikrāmann atiśete parān narān | 3 | ekaśāstravicāreṣu dṛśyateti śayo mahān | na tu śāstrā- 
AS-VDh 047,07	ntarajñānaṃ tanmātreṇaiva labhyate | 4 | jñātvā vyākaraṇaṃ dūraṃ buddhiḥ śabdāpaśabdayoḥ | prakṛṣyate na nakṣatrati- 
AS-VDh 047,08	thigrahaṇanirṇaye | 5 | jyotirvic ca prakṛṣṭo 'pi candrārkagrahaṇādiṣu | na bhavaty ādiśabdānāṃ sādhutvaṃ jñātum arhati 
AS-VDh 047,09	 | 6 | tathā vedetihāsādijñānātiśayavān api | na svargadevatā'pūrvapratyakṣīkaraṇe kṣamaḥ | 7 | daśahastāntaraṃ vyo- 
AS-VDh 047,10	mni yo nāmotplutya gacchati | na yojanam asau gantuṃ śakto 'bhyāsaśatair api | 8 | " iti | na dṛṣṭapratyakṣādivijātī- 
AS-VDh 047,11	yātīndriyapratyakṣādisaṃbhāvanā yataḥ saṃbhāvyavyabhicāritā sādhanasya syāt | puruṣaviśeṣasya tatsambhāvanāyāṃ 
AS-VDh 047,12	saṃbhāvyavyabhicāritvam eveti cen na, tasyāsiddhatvāt, sādhakābhāvāt sarvapuruṣāṇāṃ triviprakṛṣṭārthasākṣātkā- 
AS-VDh 047,13	ritvānupapatter iti | tad etatsarvam aparīkṣitābhidhānaṃ mīmāṃsakasya | na hi sarvajñasya nirākṛteḥ prāk suniści- 
AS-VDh 047,14	tāsaṃbhavatsādhakapramāṇatvaṃ siddhaṃ yena paraḥ pratyavatiṣṭheta | nāpi bādhakāsaṃbhavāt paraṃ pratyakṣāder api viśvāsani- 
AS-VDh 047,15	bandhanam asti | tatprakṛte 'pi siddhaṃ yadi tatsattāṃ na sādhayet sarvatrāpy aviśeṣāt tadabhāve darśanaṃ nādarśanam a- 
AS-VDh 047,16	tiśete 'nāśvāsād vibhramavat | syān mataṃ "mā sidhat sarvajñasya nirākaraṇāt pūrvaṃ suniścitāsaṃbhavatsādhaka- 
AS-VDh 047,17	pramāṇatvaṃ, svapratyakṣasya sarvajñāntarapratyakṣasya ca tatsādhakasya saṃbhavāt, paropadeśaliṅgākṣānapekṣā'vita- 
AS-VDh 047,18	thā'śeṣasūkṣmādyarthapratipādakatadvacanaviśeṣāt makaliṅgajanitānumānasya ca tatsādhakasya sadbhāvād anādiprava- 
AS-VDh 047,19	canaviśeṣasya ca taduddyotitasya tatsādhakatvena siddheḥ | nirākaraṇād uttarakālaṃ tu siddham eva" iti | tad api 
AS-VDh 047,20	svamanorathamātraṃ, sarvajñanirākṛter ayogāt sarvathā bādhakābhāvāt | sadupalambhakapramāṇapañcakanivṛttilakṣaṇaṃ 
AS-VDh 047,21	jñāpakānupalambhanaṃ sarvajñasya bādhakam iti cen na, tasya svasambandhinaḥ paracetovṛttiviśeṣādinā vyabhicārāt, 
AS-VDh 047,22	sarvasambandhino 'siddhatvāt | tad uktaṃ tattvārthaślokavārttike | "svasambandhi yadīdaṃ syād vyābhicāri payo- 
AS-VDh 047,23	nidheḥ | ambhaḥkumbhādisaṃkhyānaiḥ sadbhir ajñāyamānakaiḥ | 1 | sarvasambandhi tadboddhuṃ kiñcid bodhair na śakyate | 
AS-VDh 047,24	sarvabodho 'sti cet kaścit tadboddhā kiṃ niṣidhyate | 2 | sarvasambandhi sarvajñajñāpakānupalambhanam | na cakṣurādibhi-
AS-VDh 048,01	r vedyam atyakṣatvād adṛṣṭavat | 3 | nānumānād aliṅgatvāt kvārthāpattyupamāgatiḥ | sarvajñasyānyathābhāvasādṛśyānupapa- 
AS-VDh 048,02	ttitaḥ | 4 | sarvapramātṛsambandhipratyakṣādinivāraṇāt | kevalāgamagamyaṃ ca kathaṃ mīmāṃsakasya tat | 5 | kārye 'rthe 
AS-VDh 048,03	codanājñānaṃ pramāṇaṃ yasya sammatam | tasya svarūpasattāyāṃ tannaivātiprasaṅgataḥ | 6 | tajjñāpakopalambhasyābhā- 
AS-VDh 048,04	vo 'bhāvapramāṇataḥ | sādhyate cen na tasyāpi sarvatrāpy apravṛttitaḥ | 7 | gṛhītvā vastusadbhāvaṃ smṛttvā tatprati- 
AS-VDh 048,05	yoginam | mānasaṃ nāstitājñānaṃ yeṣām akṣānapekṣayā | 8 | teṣām aśeṣanṛjñāne smṛte tajjñāpake kṣaṇe | jāyeta 
AS-VDh 048,06	nāstitājñānaṃ mānasaṃ tatra nānyathā | 9 | na cāśeṣanarajñānaṃ sakṛt sākṣād upeyate | na kramād anyasantānapratya- 
AS-VDh 048,07	kṣatvānabhīṣṭitaḥ | 10 | yadā ca kvacid ekatra bhavet tannāstitāgatiḥ | naivānyatra tadā sāsti kvaivaṃ sarvatra 
AS-VDh 048,08	nāstitā | 11 | pramāṇāntarato 'py eṣāṃ na sarvapuruṣagrahaḥ | talliṅgāder asiddhatvāt sahodīritadūṣaṇāt | 12 | 
AS-VDh 048,09	tajjñāpakopalambho 'pi siddhaḥ pūrvaṃ na jātucit | yasya smṛtau prajāyeta nāstitājñānam āñjasam | 13 | 
AS-VDh 048,10	paropagamataḥ siddhaḥ sa cen nāstīti sādhyate | vyāghātas tatpramāṇatve 'nyonyaṃ siddho na so 'nyathā | 14 | 
AS-VDh 048,11	nanv evaṃ sarvathaikāntaḥ paropagamataḥ katham | siddho niṣidhyate jainer iti codyaṃ na dhīmatām | 15 | pratīte '- 
AS-VDh 048,12	nantadharmātmanyarthe svayam abādhite | ko doṣaḥ sunayais tatraikāntopaplavasādhane | 16 | anekānte hi vijñānam e- 
AS-VDh 048,13	kāntānupalambhanam | tadvidhis tanniṣedhaś ca mato naivānyathā gatiḥ | 17 | naivaṃ sarvatra sarvajñajñāpakānupadarśanam | 
AS-VDh 048,14	siddhaṃ taddarśanāropo yena tatra niṣidhyate | 18 | " iti | tad evam asiddhaṃ jñāpakānupalambhanaṃ sarvajñasya na bādhakam iti 
AS-VDh 048,15	siddhaṃ suniścitāsaṃbhavadbādhakapramāṇatvam eva sādhakam | tathā hi | asti sarvajñaḥ suniścitāsambhavadbādhakapramāṇa- 
AS-VDh 048,16	tvāt pratyakṣādivat | pratyakṣādes tāvad viśvāsanibandhanaṃ bādhakāsaṃbhava eva suniścitaḥ | na tato 'paraṃ saṃvā- 
AS-VDh 048,17	dakatvaṃ pravṛttisāmarthyam aduṣṭakāraṇajanyatvaṃ vā, tasya tatrāvaśyaṃ bhāvād iti | pratyakṣādipramāṇam udā- 
AS-VDh 048,18	haraṇaṃ, vādiprativādinoḥ prasiddhatvāt sādhyasādhanadharmāvikalatvāt | suniścitāsaṃbhavadbādhakapramāṇaṣaś ca 
AS-VDh 048,19	syād avidyamānaś ceti sandigdhavipakṣavyāvṛttikam idaṃ sādhanaṃ na mantavyaṃ, vipakṣe bādhakasadbhāvāt | tathā 
AS-VDh 048,20	hi | yad asat tan na suniścitāsaṃbhavadbādhakapramāṇam | yathā marīcikāyāṃ toyaṃ sambhavadbādhakapramāṇaṃ, meru- 
AS-VDh 048,21	mūrddhani modakādikaṃ ca sandigdhāsaṃbhavadbādhakam | suniścitāsaṃbhavadbādhakapramāṇaś ca sarvajñaḥ | iti prakṛte 
AS-VDh 048,22	sarvajñe siddham api sādhanaṃ yadi sattāṃ na sādhayet tadā darśanaṃ nādarśanam atiśayīta, anāśvāsāt svapnādi- 
AS-VDh 048,23	vibhramavat, tasya suniścitāsaṃbhavadbādhakapramāṇatvasyābhāve sarvatra darśane darśanābhāse ca viśeṣābhāvāt | 
AS-VDh 049,01	"sādhakabādhakapramāṇabhāvāt sarvajñe saṃśayo 'stv ity ayuktaṃ, yasmāt sādhakabādhakapramāṇayor nirṇayāt bhāvābhāvayo- 
AS-VDh 049,02	r avipratipattir anirṇayādār ekā syāt | sādhakanirṇayāt tatsattāyām avipratipattir bādhakanirṇayāt tv asattāyām | 
AS-VDh 049,03	ubhayanirṇayas tu na saṃbhavaty eva kvacit, vyāghātāt sādhakabādhakābhāvanirṇayavat | sādhakānirṇayāt punaḥ sattāyā- 
AS-VDh 049,04	m ārekā syād bādhakānirṇayād asattāyām iti vipaścitām abhimato nyāyaḥ | tato bhavabhṛtāṃ prabhau suniścitāsa- 
AS-VDh 049,05	mbhavadbādhakapramāṇatvaṃ sattāyāḥ sādhakaṃ siddhyat suniścitāsaṃbhavatsādhakapramāṇatvaṃ vyāvarttayaty eva, virodhāt | 
AS-VDh 049,06	naivam etat tatra sidhyati yena suniściṃtāsaṃbhavadbādhakapramāṇatvasya vyāvarttakaṃ syāt | tataḥ siddho bhavabhṛtāṃ prabhuḥ 
AS-VDh 049,07	sarvajña eva | na khalu jñasvabhāvasya kaścid agocaro 'sti yan na krameta, tatsvabhāvāntarapratiṣedhāt* |  
AS-VDh 049,08	kutaḥ punas tasyājñatvalakṣaṇasvabhāvāntarapratiṣedhaḥ siddho yato 'sau jñasvabhāva eva syāt ? sarvaś cārthas tasya 
AS-VDh 049,09	viṣayaḥ syāt ? tatas taṃ krametaiva ? iti cet codanābalād bhūtādyaśeṣārthajñānānyathānupapatteḥ | so 'yaṃ codanā hi 
AS-VDh 049,10	bhūtaṃ bhavantaṃ bhaviṣyantaṃ viprakṛṣṭam ity evaṃ jātīyakam artham avagamayitum alaṃ puruṣaviśeṣān iti svayaṃ pratīyan saka- 
AS-VDh 049,11	lārthajñānasvabhāvatām ātmano na pratyetīti kathaṃ svasthaḥ ? tac ca na jñānam ātmano bhinnam eva mīmāṃsakasya katha- 
AS-VDh 049,12	ñcid abhedopagamād anyathā matāntaraprasaṅgāt | tato nājñasvabhāvaḥ puruṣaḥ kvacid api viṣaye, sarvaviṣaye codanā- 
AS-VDh 049,13	jñānotpatter vikalpajñānotpatter vā sarvatra tadanupapattau vidhipratiṣedhavicārāghaṭanāt | katham evaṃ kasyacit kvacid ajñānaṃ 
AS-VDh 049,14	syād iti ced ucyate | cetanasya sataḥ sambandhyantaraṃ mohodayakāraṇakaṃ madirādivat* | tat kutaḥ siddham ? 
AS-VDh 049,15	vivādādhyāsito jīvasya mohodayaḥ sambandhyantarakāraṇako mohodayatvān madirākāraṇamohodayavad ity anumā- 
AS-VDh 049,16	nāt | yat tatsambandhyantaraṃ tad ātmano jñānāvaraṇādi karmeti | tadabhāve sākalyena viratavyāmohaḥ sarva- 
AS-VDh 049,17	matītānāgatavartamānaṃ paśyati pratyāsattiviprakarṣayor akiñcitkaratvāt* | kathaṃ punarjñānāvaraṇādisa- 
AS-VDh 049,18	mbandhyantarasyābhāve sākalyena viratavyāmohaḥ syād yataḥ sarvamatītānāgatavarttamānānantārthavyañjanaparyāyātmakaṃ 
AS-VDh 049,19	jīvāditattvaṃ sākṣāt kurvīteti ced ime brūmahe | yad yasmin saty eva bhavati tat tadabhāve na bhavaty eva | 
AS-VDh 049,20	yathāgner abhāve dhūmaḥ | sambandhyantare saty eva bhavati cātmano vyāmohas tasmāt tadabhāve sa na bhavatīti niścī- 
AS-VDh 049,21	yate | deśakālataḥ pratyāsannam eva paśyed viratavyāmoho 'pi sarvātmanā, na punar viprakṛṣṭam ity ayuktaṃ, pratyāsatte- 
AS-VDh 049,22	r jñānākāraṇatvād viprakarṣasya cājñānānibandhanatvāt, tadbhāve 'pi jñānājñānayor abhāvān nayanatārakāñjanavac candrā- 
AS-VDh 049,23	rkādivac ca | yogyatāsadbhāvetarābhyāṃ kvacid bhāve yogyataiva jñānakāraṇaṃ, pratyāsattiviprakarṣayor akiñcitkara-
AS-VDh 050,01	tvāt | sā punar yogyatā deśataḥ kārtsnyato vā vyāmohavigamas tatpratibandhikarmakṣayopaśamakṣayalakṣaṇaḥ | iti 
AS-VDh 050,02	sākalyena viratavyāmohaḥ sarvaṃ paśyaty eva | tad uktaṃ "jño jñeye katham ajñaḥ syād asati pratibandhane | dāhye 'gnir dā- 
AS-VDh 050,03	hako na syād asati pratibandhane | 1 | " iti | ata evākṣānapekṣā'ñjanādisaṃskṛtacakṣuṣo yathālokā'na- 
AS-VDh 050,04	pekṣā* | ata eva | kuta eva ? sākalyena viratavyāmohatvād eva sarvadarśanād eva vā | yo hi deśato 
AS-VDh 050,05	viratavyāmohaḥ kiñcid evāsphuṭaṃ paśyati vā tasyaivākṣāpekṣā lakṣyate na punas tadvilakṣaṇasya prakṣīṇasakalavyāmoha- 
AS-VDh 050,06	sya sarvadarśinaḥ, sarvajñatvavirodhāt | na hi sarvārthaiḥ sakṛdakṣasambandhaḥ saṃbhavati sākṣāt paramparayā vā | 
AS-VDh 050,07	nanu cāvadhimanaḥparyayajñāninor deśato viratavyāmohayor asarvadarśanayoḥ katham akṣānapekṣā saṃlakṣaṇīyā ? tadā- 
AS-VDh 050,08	varaṇakṣayopaśamātiśayavaśāt svaviṣaye parisphuṭatvād iti brūmaḥ | na caivaṃ sākalyena viratavyāmohatvasya sarva- 
AS-VDh 050,09	darśanasya vānaikāntikatvaṃ śaṅkanīyaṃ, vipakṣekṣāpekṣe matiśrutajñāne tadasaṃbhavāt | avadhimanaḥ paryayajñāne 
AS-VDh 050,10	tadasaṃbhavāt pakṣāvyāpakatvād ahetutvam iti cen na, sakalapratyakṣasyaiva pakṣatvavacanāt, tatra cāsya hetoḥ sadbhā- 
AS-VDh 050,11	vāt, vikalapratyakṣasyāvadhimanaḥparyayākhyasyāpakṣīkaraṇāt | na cāsmadādipratyakṣekṣāpekṣopalakṣaṇāt sakala- 
AS-VDh 050,12	vitpratyakṣe 'pi sāsty eveti vaktuṃ śakyam, añjanādibhir asaṃskṛtacakṣuṣo 'smadāder ālokāpekṣopalakṣaṇāt tatsaṃ- 
AS-VDh 050,13	skṛtacakṣuṣo 'pi kasyacid ālokāpekṣāprasaṅgāt | naktañcarāṇām ālokāpāye 'pi spaṣṭarūpāvalokanaprasiddher nāloko 
AS-VDh 050,14	niyataṃ kāraṇaṃ pratyakṣasyeti cet tarhi satyasvapnajñānasyekṣaṇikādijñānasya ca spaṣṭasya cakṣurādyanapekṣasya prasi- 
AS-VDh 050,15	ddher akṣam api niyataṃ pratyakṣakāraṇaṃ mā bhūt | tato yathāñjanādisaṃskṛtacakṣuṣām ālokānapekṣā sphuṭaṃ rūpekṣaṇe 
AS-VDh 050,16	tathā sākalyena viratavyāmohasya sarvasākṣātkaraṇe 'kṣānapekṣā | iti karaṇakramavyavadhānātivattisakalapratyakṣo 
AS-VDh 050,17	bhavabhṛtāṃ guruḥ prasiddhyaty eva | 
AS-VDh 050,18	yataś cāsau na devāgamādivibhūtimattvād adhyātmaṃ bahir api divyasatyavigrahādimahodayāśrayatvād vā mahān, 
AS-VDh 050,19	nāpi tīrthakṛttvamātrāt, yataś ca tīrthacchedasampradāyo 'pi vaidiko niyogabhāvanādisampradāyo na saṃvādakaḥ 
AS-VDh 050,20	pratyakṣaikapramāṇavādisampradāyas tattvopaplavavādisampradāyo vā sarvāptavādo vā na pramāṇabhūto vyavatiṣṭhate, tataḥ 
AS-VDh 050,21	suniścitāsaṃbhavadbādhakapramāṇo bhagavan bhavān eva bhavabhṛtāṃ prabhurātyantikadoṣāvaraṇahānyā sākṣāt prabuddhā- 
AS-VDh 050,22	śeṣatattvārthatvena ca munibhiḥ sūtrakārādibhir abhiṣṭūyate | iti samantabhadrācāryair nirūpite sati kutas tāvad ā- 
AS-VDh 050,23	tyantikī doṣāvaraṇahānir mayi viniściteti bhagavatā paryanuyuktā ivācāryāḥ prāhuḥ —
ĀM-VDh 4
 		doṣāvaraṇayor hānir niśśeṣāsty atiśāyanāt | kvacid yathā svahetubhyo bahir antarmalakṣayaḥ || 4 || 
AS-VDh 050,25	doṣāvaraṇasāmānyayor hāneḥ prasiddhatvād dharmitvaṃ na virudhyate | tatprasiddhiḥ punar asmadādiṣu deśato nirdo- 
AS-VDh 050,26	ṣatvasya jñānādeś ca kāryasya niścayād bhavaty eva, anyathā tadanupapatteḥ | sā kvacin niśśeṣāstīti sādhyate, 
AS-VDh 051,01	vādiprativādinor atra vipratipatteḥ | atiśāyanād iti hetuḥ | kvacit kanakapāṣāṇādau kiṭṭakālikādibahira- 
AS-VDh 051,02	ntarmalakṣayo yatheti dṛṣṭāntaḥ, prasiddhatvāt | sa hi kanakapāṣāṇādau prakṛṣyamāṇo dṛṣṭo niśśeṣaḥ | 
AS-VDh 051,03	tadvaddoṣāvaraṇahānir api prakṛṣyamāṇā'smadādiṣu pratītā satī kvacin niśśeṣā'stīti siddhyati | kaḥ punar doṣo 
AS-VDh 051,04	nāmāvaraṇād bhinnasvabhāva iti ced ucyate | vacanasāmarthyād ajñānādir doṣaḥ svaparapariṇāmahetuḥ* | na 
AS-VDh 051,05	hi doṣa evāvaraṇam iti pratipādane kārikāyā doṣāvaraṇayor iti dvivacanaṃ samartham | tatas tatsāmarthyād āva- 
AS-VDh 051,06	raṇāt paudgalikajñānāvaraṇādikarmaṇo bhinnasvabhāva evājñānādir doṣo 'bhyūhyate | taddhetuḥ punar āvaraṇaṃ karma 
AS-VDh 051,07	jīvasya pūrvasvapariṇāmaś ca | svapariṇāmahetuka evājñānādir ity ayuktaṃ, tasya kādācitkatvavirodhāj jīva- 
AS-VDh 051,08	tvādivat | parapariṇāmahetuka evety api na vyavatiṣṭhate, muktātmano 'pi tatprasaṅgāt, sarvasya kāryasyopādā- 
AS-VDh 051,09	nasahakārisāmagrījanyatayopagamāt tathā pratīteś ca | tathā ca doṣo jīvasya svaparapariṇāmahetukaḥ, kāryatvā- 
AS-VDh 051,10	n māṣapākavat | nanv evaṃ niśśeṣāvaraṇahānau doṣahāneḥ sāmarthyasiddhatvād doṣahānau vāvaraṇahāner anyatarahānir eva 
AS-VDh 051,11	niśśeṣataḥ sādhyeti cen na, doṣāvaraṇayor jīvapudgalapariṇāmayor anyonyakāryakāraṇabhāvajñāpanārthatvād ubhayahā- 
AS-VDh 051,12	ner niśśeṣatvasādhanasya | doṣo hi tāvad ajñānaṃ jñānāvaraṇasyodaye jīvasya syād adarśanaṃ darśanāvaraṇasya, 
AS-VDh 051,13	mithyātvaṃ darśanamohasya, vividham acāritram anekaprakāracāritramohasya, adānaśīlatvādir dānādyantarāyasyeti, 
AS-VDh 051,14	tathā jñānadarśanāvaraṇe tatpradoṣaninhavamāt saryāntarāyā''sādanopaghātebhyo jīvamāsravataḥ, kevaliśrutasaṃgha- 
AS-VDh 051,15	dharmadevāvarṇavādād darśanamohaḥ, kaṣāyodayāt tīvrapariṇāmāc cāritramohaḥ, vighnakaraṇād antarāya iti tattvārthe 
AS-VDh 051,16	prarūpaṇāt | samarthayiṣyate cāyaṃ kāryakāraṇabhāvo doṣāvaraṇayoḥ "kāmādiprabhavaś citraḥ karmabandhānurūpataḥ" 
AS-VDh 051,17	ity atra | atha doṣa evāvidyātṛṣṇālakṣaṇaś cetaso 'nāditadvāsanodbhūtaḥ saṃsārahetur nāvaraṇaṃ paudgalikaṃ, tena 
AS-VDh 051,18	mūrtimatā cittasyāmūrtasyāvaraṇāyogād iti vadato bauddhān nirākartum āvaraṇagrahaṇaṃ, mūrtimatāpi madirādinā 
AS-VDh 051,19	cittasyāmūrtasyāvaraṇadarśanāt, tatsambandhād vibhramasaṃvedanād anyathā tadanupapatteḥ | madirādinendriyāṇyevāvri- 
AS-VDh 051,20	yante iti cen na teṣām acetanatve tadāvaraṇāsaṃbhavāt sthālyādivad vibhramāyogāt | cetanatve teṣām amūrtatve 'pi 
AS-VDh 051,21	mūrtimatāvaraṇam āyātam iti prāyeṇānyatra cintitam | tato doṣahānivadāvaraṇahānir api niśśeṣā kvacit sā- 
AS-VDh 051,22	dhyā, tadāvaraṇasya doṣād anyasya mūrtimataḥ prasiddheḥ | ata eva loṣṭādau niśśeṣadoṣāvaraṇanivṛtteḥ 
AS-VDh 051,23	siddhasādhyatety asamīkṣitābhidhānaṃ sādhyāparijñānāt* | pradhvaṃsābhāvo hi doṣāvaraṇayoḥ sādhyo 
AS-VDh 051,24	na punar atyantābhāvaḥ, tasyāniṣṭatvāt, sadātmano muktiprasaṅgāt | nāpītaretarābhāvaḥ, tasya prasiddhatvāt, 
AS-VDh 052,01	doṣāvaraṇayor anātmatvād ātmanaś cādoṣāvaraṇasvabhāvatvāt | prāgabhāvo 'pi na sādhyas tata eva, prāgavidyamānasya 
AS-VDh 052,02	doṣāvaraṇasya svakāraṇād ātmani prādurbhāvābhyupagamāt | na ca loṣṭādau doṣāvaraṇayoḥ pradhvaṃsābhāvaḥ saṃbha- 
AS-VDh 052,03	vati, tasya bhūtvā bhavanalakṣaṇatvāt tayos tatrātyantam abhāvāt | tan na siddhasādhyatā | nanv evaṃ, doṣā- 
AS-VDh 052,04	varaṇayor hāner atiśāyanān niśśeṣatāyāṃ sādhyāyāṃ buddher api kin na parikṣayaḥ syād viśeṣābhāvād ato 
AS-VDh 052,05	'naikāntiko hetur ity aśikṣitalakṣitaṃ*, cet anādiguṇavyāvṛtteḥ sarvātmanā pṛthivyāder abhimatatvāt | 
AS-VDh 052,06	nanu ca pṛthivyādau sarvātmanā cetanādiguṇapradhvaṃsābhāvasyābhāvād buddhihānyānaikāntikam evātiśāyanam i- 
AS-VDh 052,07	ty apy anavabodhavijṛmbhitaṃ, pṛthivyādau pudgale pṛthivīkāyikādibhir ātmabhiḥ śarīratvena gṛhīte svāyuṣaḥ 
AS-VDh 052,08	kṣayāt tyakte cetanādiguṇasya vyāvṛtteḥ sarvātmanā pradhvaṃsābhāvarūpatvena syādvādibhir abhimatatvāt, "na hi sa 
AS-VDh 052,09	kaścit pudgalo 'sti yo na jīvair asakṛdbhuktojjhitaḥ" iti vacanāt | prasiddhaś ca pṛthivyādau cetanādiguṇasyābhāvaḥ, 
AS-VDh 052,10	anupalambhānyathānupapatteḥ | adṛśyānupalambhād abhāvāsiddhir ity ayuktaṃ, paracaitanyanivṛttāvārekā- 
AS-VDh 052,11	patteḥ, saṃskartṝṇāṃ pātakitvaprasaṅgād, bahulam apratyakṣasyāpi rogāder vinivṛttinirṇayāt* | syān ma- 
AS-VDh 052,12	taṃ te, 'vyāpāravyāhārākāraviśeṣavyāvṛttisamayavaśāt tādṛśaṃ loko vivecayati —nāsty atra mṛtaśarīre 
AS-VDh 052,13	caitanyaṃ vyāpāravyāhārākāraviśeṣānupalabdheḥ, kāryaviśeṣānupalambhasya kāraṇaviśeṣābhāvāvinābhāvitvāt. 
AS-VDh 052,14	cāndanādidhūmānupalambhasya tatsamarthacāndanādipāvakābhāvāvinābhāvitvavat | tathā nāsty asya rogo 
AS-VDh 052,15	jvarādiḥ, sparśādiviśeṣānupalabdher bhūtagrahādir vā, ceṣṭāviśeṣānupalabdheḥ | samyagvaidyaśāstrabhūtatantrādisa- 
AS-VDh 052,16	mayavaśād atyantābhyastacaitanyarogādikāryaviśeṣāṇāṃ lokānāṃ tadvivekopapattiḥ' iti, tad etatpṛthivyādau 
AS-VDh 052,17	sarvātmanā cetanādiguṇavyāvṛttāv api samānam —nāsty atra bhasmādipṛthivyādau pṛthivīcetanādiguṇaḥ, 
AS-VDh 052,18	vyāpāravyāhārākāraviśeṣavyāvṛtter iti samayavaśāt tatsiddhāntavalloko vivecayati | syād ākūtaṃ te, 
AS-VDh 052,19	'vyāpārādiviśeṣasyānupalabdhes tajjananasamarthacetanādiguṇavyāvṛttisiddhāv api tajjananāsamarthacetanādivyāvṛ- 
AS-VDh 052,20	ttyasiddher na sarvātmanā tadvyāvṛttisiddhi' iti, tadasamañjasaṃ, vyāpārādyaśeṣakāryajananāsamarthasya śarīriṇāṃ 
AS-VDh 052,21	cetanāder asambhavāt, saṃbhave vā śarīritvavirodhāt | tataḥ kāryaviśeṣānupalabdheḥ sarvātmanā cetanādiguṇa- 
AS-VDh 052,22	vyāvṛttiḥ pṛthivyādeḥ sidhyaty eva, mṛtaśarīrādeḥ paracaitanyarogādinivṛttivat | yadi punar ayaṃ nirbandhaḥ 
AS-VDh 052,23	sarvatra viprakarṣiṇām abhāvāsiddhis tadā kṛtakatvadhūmāder vināśānalābhyāṃ vyāpter asiddher na kaścid dhetuḥ | 
AS-VDh 053,01	tataḥ śauddhodaniśiṣyakāṇām anātmanīnam etat, anumānocchedaprasaṅgāt* | na hi jaiminīyamatā- 
AS-VDh 053,02	nusāriṇo viprakarṣiṇām arthānām abhāvāsiddhim anumanyante, vede kartra'bhāvāsiddhiprasaṅgāt sarvajñādyabhāvasādhana- 
AS-VDh 053,03	virodhāc ca | te tām anumanyamānā vā śauddhodaniśiṣyakā eva | na caiṣām etadātmanīnaṃ, anumānocchedasya 
AS-VDh 053,04	durnivāratvāt, sādhyasādhanayor vyāptyasiddheḥ | paropagamād vyāptisiddher nānumānoccheda iti cen na, tasyāpi 
AS-VDh 053,05	paropagamāntarāt siddhāvanavasthāprasaṅgāt tasyānumānāt siddhau parasparāśrayaprasaṅgāt | prasiddhe 'numāne tataḥ 
AS-VDh 053,06	paropagamasya siddhis tatsiddhau ca tato vyāptisiddher anumānaprasiddhir iti | tato na śreyān ayaṃ nirbandhaḥ sarvā- 
AS-VDh 053,07	tmanā cetanādiguṇavyāvṛttiḥ pṛthivyāder na siddhyaty eveti | tatprasiddhau ca na buddhihānyā hetor vyabhicāraḥ, 
AS-VDh 053,08	tasyāḥ sapakṣatvāt | tathā hi | yasya hānir atiśayavatī tasya kutaścit sarvātmanā vyāvṛttiḥ, yathā 
AS-VDh 053,09	buddhyādiguṇasyāśmanaḥ | tathā ca doṣāder hānir atiśayavatī kutaścin nivarttayitum arhati sakalaṃ kalaṅka- 
AS-VDh 053,10	m iti katham akalaṅkasiddhir na bhavet ? * 
AS-VDh 053,11	nanu ca yadi pradhvaṃsābhāvo hānis tadā sā paudgalikasya jñānāvaraṇādeḥ karmadravyasya na saṃbhavaty eva nityatvāt 
AS-VDh 053,12	tatparyāyasya tu hānāv api kutaścit punaḥ prādurbhāvān na niśśeṣā hāniḥ syāt | niśśeṣakarmaparyāyahānau vā 
AS-VDh 053,13	karmadravyasyāpi hāniprasaṅgaḥ, tasya tadavinābhāvāt | tathā ca niranvayavināśasiddher ātmādidravyābhāvaprasaṅga 
AS-VDh 053,14	iti kaścit so 'py anavabuddhasiddhānta eva | yasmāt, maṇer malāder vyāvṛttiḥ kṣayaḥ, sato 'tyantavi- 
AS-VDh 053,15	nāśānupapatteḥ | tādṛgātmano 'pi karmaṇo nivṛttau pariśuddhiḥ* | pradhvaṃsābhāvo hi kṣayo hānir ihābhi- 
AS-VDh 053,16	pretā | sā ca vyāvṛttir eva maṇeḥ kanakapāṣāṇād vā malasya kiṭṭāder vā | na punar atyantavināśaḥ | sa hi 
AS-VDh 053,17	dravyasya vā syāt paryāyasya vā ? na tāvad dravyasya, nityatvāt | nāpi paryāyasya dravyarūpeṇa dhrauvyāt | tathā 
AS-VDh 053,18	hi | vivādāpannaṃ maṇyādau malādi paryāyārthatayā naśvaram api dravyārthatayā dhruvaṃ, sattvānyathānupapatteḥ | śabdena 
AS-VDh 053,19	vyabhicāra iti cen na, tasya dravyatayā dhrauvyābhyupagamāt | vidyutpradīpādibhir anekānta ity ayuktaṃ, teṣām api 
AS-VDh 053,20	dravyatvato dhruvatvāt, kṣaṇikaikānte sarvathārthakriyāvirodhasyābhidhānāt | tato yādṛśī maṇer malāder vyāvṛttir hāniḥ 
AS-VDh 053,21	pariśuddhis tādṛśī jīvasya karmaṇāṃ nivṛttir hāniḥ | tasyāṃ ca satyām ātyantikī śuddhiḥ sambhāvyate, sakalakarma- 
AS-VDh 053,22	paryāyavināśe 'pi karmadravyasyāvināśāt tasyākarmaparyāyākrāntatayā pariṇamanād, maladravyasya malātmakaparyāyatayā 
AS-VDh 053,23	nivṛttāv apy amalātmakaparyāyāv iṣṭatayā pariṇamanavat | tad etena tucchaḥ pradhvaṃsābhāvaḥ sarvatra pratyākhyātaḥ, kāryo- 
AS-VDh 053,24	tpādasyaiva pūrvākārakṣayarūpatvapratīteḥ | samarthayiṣyate caitat "kāryotpādaḥ kṣayo hetor niyamāt" ity atra | tena 
AS-VDh 053,25	maṇeḥ kaivalyam eva malāder vaikalyam | karmaṇo 'pi vaikalyam ātmakaivalyam asty eva tato nātiprasajyeta* | dravyārtha- 
AS-VDh 053,26	tayā buddher ātmany apy avināśāt sarvātmanā parikṣayāprasaṅgāt paryāyārthatayā parikṣaye 'pi siddhāntāvirodhāt | nanu ca 
AS-VDh 053,27	yathā karmadravyasya karmasvabhāvaparyāyanivṛttāv apy akarmātmakaparyāyarūpatayāvasthānaṃ tathātmano buddhiparyāyatayā 
AS-VDh 054,01	nivṛttāv apy abuddhirūpaparyāyatayāvastānāt siddhāntavirodha evety atiprasajyate iti cen na, vaiṣamyāt | karmadravyaṃ 
AS-VDh 054,02	hi pudgaladravyam | tasyātmani pāratantryaṃ kurvataḥ karmatvapariṇāmas tadakurvato 'karmatvapariṇāmenāvasthānaṃ, rūpā- 
AS-VDh 054,03	dimattvasāmānyalakṣaṇatvāt pudgaladravyasya karmatvalakṣaṇatvābhāvād aviruddham abhidhīyate | buddhidravyaṃ tu jīvaḥ | tasya 
AS-VDh 054,04	buddhiḥ paryāyaḥ | tat sāmānyaṃ lakṣaṇam, "upayogo lakṣaṇam"iti vacanāt | na ca lakṣaṇābhāve lakṣyam ava- 
AS-VDh 054,05	tiṣṭhate, tasya tadalakṣaṇatvaprasakter yenābuddhiparyāyātmakatayāvasthānaṃ jīvasya niḥśeṣato buddhiparikṣaye 'py aviruddhaṃ 
AS-VDh 054,06	syāt | nanv evam ajñānāder doṣasya paryāyārthatayā hānir niśśeṣā sidhyed āvaraṇavan na punar dravyārthatayā buddhivat | 
AS-VDh 054,07	tato doṣasāmānyasyātmany avasthānān na nirdoṣatvasiddhir ity aparaḥ, so 'py atattvajña eva, yataḥ pratipakṣa evātma- 
AS-VDh 054,08	nāmāgantuko malaḥ parikṣayī svanirhrāsanimittavivarddhanavaśāt* | dvividho hy ātmanaḥ pariṇāmaḥ 
AS-VDh 054,09	svābhāvika āgantukaś ca | tatra svābhāviko 'nantajñānādir ātmasvarūpatvāt | malaḥ punar ajñānādir āgantukaḥ, 
AS-VDh 054,10	karmodayanimittakatvāt | sa cātmanaḥ pratipakṣa eva | tataḥ parikṣayī | tathā hi | yo yatrāgantukaḥ 
AS-VDh 054,11	sa tatra svanirhrāsanimittavivarddhanavaśāt parikṣayī | yathā jātyahemni tāmrādimiśraṇakṛtaḥ kālikādiḥ | 
AS-VDh 054,12	āgantukaś cātmanyajñānādir malaḥ | iti svabhāvahetuḥ | na tāvad ayam asiddhaḥ | katham ? yo yatra kādā- 
AS-VDh 054,13	cit kaḥ sa tatrāgantukaḥ | yathā sphaṭikāśmani lohitādyākāraḥ | kādācit kaś cātmani doṣa iti | na 
AS-VDh 054,14	cedaṃ kādācit katvam asiddhaṃ, samyagjñānādiguṇāvirbhāvadaśāyām ātmani doṣānupapatteḥ | tataḥ prāktatsadbhā- 
AS-VDh 054,15	vād guṇāvirbhūtidaśāyām api tirohitadoṣasya sadbhāvān na kādācit katvaṃ, sātatyasiddher iti cenna, guṇasyā- 
AS-VDh 054,16	py evaṃ sātatyaprasaṅgāt | tathā ca hiraṇyagarbhāder vedārthajñānakāle 'pi vedārthājñānaprasaṅgaḥ | jñānājñānayoḥ para- 
AS-VDh 054,17	sparaviruddhatvād ekatraikadā na prasaṅga iti cet tata eva sakalaguṇadoṣayor ekatraikadā prasaṅgo mā bhūt | punar do- 
AS-VDh 054,18	ṣasyāvirbhāvadarśanād guṇakāle 'pi sattāmātrasiddhir iti cet tarhi guṇasyāpi punar āvirbhūtidarśanād doṣakāle 'pi sattā- 
AS-VDh 054,19	mātrasiddhiḥ, sarvathā viśeṣābhāvāt | tathā cātmano doṣasvabhāvatvasiddhivadguṇasvabhāvatvasiddhiḥ kuto 
AS-VDh 054,20	nivāryeta ? virodhād iti ced doṣasvabhāvatvasiddhir eva nivāryatāṃ, tasya guṇasvabhāvatvasiddheḥ | kutaḥ seti 
AS-VDh 054,21	ced doṣasvabhāvatvasiddhiḥ kutaḥ ? saṃsāritvānyathānupapatter iti cet tatsaṃsāritvaṃ sarvasyātmano yady anādyanantaṃ 
AS-VDh 054,22	tadā prativādino 'siddhaṃ, pramāṇato muktisiddheḥ | kuta iti ced ime pravadāmaḥ | kvacid ātmani saṃsāro- 
AS-VDh 054,23	tyantaṃ nivartate tatkāraṇātyantanivṛttyanyathānupapatteḥ | saṃsārakāraṇaṃ hi mithyādarśanādikamubhayaprasiddhaṃ 
AS-VDh 054,24	kvacid atyantanivṛttimat, tadvirodhisamyagdarśanādiparamaprakarṣasadbhāvāt | yatra yad virodhiparamaprakarṣasadbhāvas tatra 
AS-VDh 054,25	tad atyantanivṛttimad bhavati | yathā cakṣuṣi timirādi | nedam udāharaṇaṃ sādhyasādhanadharmavikalaṃ, kasya- 
AS-VDh 054,26	cic cakṣuṣi timirāderatyantanivṛttimattvaprasiddhes tadvirodhiviśiṣṭāñjanādiparamaprakarṣasadbhāvasiddheś ca nirvivādaka-
AS-VDh 055,01	tvāt | kathaṃ mithyādarśanādivirodhi samyagdarśanādi niścīyate iti cet tatprakarṣe tadapakarṣadarśanāt | yad dhi 
AS-VDh 055,02	prakṛṣyamāṇaṃ yad apakarṣati tat tadvirodhi siddham | yathoṣṇasparśaḥ prakṛṣyamāṇaḥ śītasparśam apakarṣaṃs tadvirodhī | 
AS-VDh 055,03	mithyādarśanādikam apakarṣati ca prakṛṣyamāṇaṃ kvacit samyagdarśanādi tat tadvirodhi | kathaṃ punaḥ samyagdarśa- 
AS-VDh 055,04	nādeḥ kvacit paramaprakarṣasadbhāvaḥ siddha iti cet prakṛṣyamāṇatvāt | yad dhi prakṛṣyamāṇaṃ tat kvacit paramaprakarṣasa- 
AS-VDh 055,05	dbhāvabhāgdṛṣṭam | yathā nabhasi parimāṇam | prakṛṣyamāṇaṃ ca samyagdarśanādi | tasmāt paramaprakarṣasadbhāvabhāk | 
AS-VDh 055,06	paratvāparatvābhyāṃ vyabhicāra iti cen na, tayor api saparyantajagadvādināṃ paramaprakarṣasadbhāvabhāktvasiddheḥ | na 
AS-VDh 055,07	cāparyantaṃ jagad iti vaktuṃ śakyaṃ, viśiṣṭasanniveśatvāt parvatavat | yat punar aparyantaṃ tan na viśiṣṭasanniveśaṃ 
AS-VDh 055,08	siddhaṃ, yathā vyoma | viśiṣṭasanniveśaṃ ca jagat tasmāt sarvataḥ saparyantam iti nigaditam anyatra | saṃsā- 
AS-VDh 055,09	reṇānekānta iti cen na tasyāpy abhavyajīveṣu paramaprakarṣasadbhāvasiddhau prakṛṣyamāṇatvena pratīteḥ | etena 
AS-VDh 055,10	mithyādarśanādibhir vyabhicāraḥ pratyākhyātaḥ teṣām apy abhavyeṣu paramaprakarṣasadbhāvāt | tato nānaikāntikaṃ 
AS-VDh 055,11	prakṛṣyamāṇatvaṃ paramaprakarṣasadbhāve sādhye | nāpi viruddhaṃ, sarvathā vipakṣād vyāvṛtteḥ | iti kvacin mithyā- 
AS-VDh 055,12	darśanādivirodhi samyagdarśanādi paramaprakarṣasadbhāvaṃ sādhayati | sa ca sidhyanmithyādarśanāder atyantanivṛttiṃ 
AS-VDh 055,13	gamayati | sā ca gamyamānā svakāryasaṃsārātyantanivṛttiṃ niścāyayati | yāsau saṃsārasyātyantanivṛttiḥ sā 
AS-VDh 055,14	muktir iti | tadanyathānupapatter ātmano jñānādiguṇasvabhāvatvasiddher na doṣasvabhāvatvasiddhiḥ, virodhāt | prasiddhāyāṃ 
AS-VDh 055,15	kvacid ātmani niḥśreyasabhāji guṇasvabhāvatāyām abhavyādāv api tannirṇayaḥ, jīvatvānyathānupapatteḥ | prasiddhe 
AS-VDh 055,16	ca sarvasminn ātmani jñānādiguṇasvabhāvatve doṣasvabhāvatvāsiddheḥ siddhaṃ doṣasya kādācitkatvabhāgantukatvaṃ 
AS-VDh 055,17	sādhayati | tataḥ sa eva parikṣayī svanirhrāsanimittavivarddhanavaśād iti suspaṣṭam ābhāti, doṣanirhrāsanimi- 
AS-VDh 055,18	ttasya samyagdarśanāder viśeṣeṇa varddhanaprasādhanāt | ity āvaraṇasya dravyakarmaṇo doṣasya ca bhāvakarmaṇo bhūbhṛta 
AS-VDh 055,19	iva mahato 'tyantanivṛttisiddheḥ karmabhūbhṛtāṃ bhettā mokṣamārgasya praṇetā stotavyaḥ samavatiṣṭhate viśvatattvānāṃ 
AS-VDh 055,20	jñātā ca | 
AS-VDh 055,21	nunu nirastopadravaḥ sannātmā katham akalaṅko 'pi viprakarṣiṇām arthaṃ pratyakṣīkuryāt* | na hi nayanaṃ nirasto 
AS-VDh 055,22	'padravaṃ vigalitatimirādikalaṅkapaṭalam api deśakālasvabhāvaviprakarṣabhājam arthaṃ pratyakṣīkurvan pratītaṃ, svayo- 
AS-VDh 055,23	gyasyaivārthasya tena pratyakṣīkaraṇadarśanāt | nirastagraho 'parāgādyupadravo 'pi divasakaraḥ pratihataghanapaṭalakalaṅkaś ca 
AS-VDh 055,24	svayogyān eva varttamānārthān prakāśayannupalabdho nātītānāgatānarthānayogyān iti jīvo 'pi nirastarāgādibhā- 
AS-VDh 055,25	vakarmopadravaḥ san vigalitajñānāvaraṇādidravyakarmātmakakalaṅko 'pi ca kathaṃ viprakṛṣṭam artham aśeṣaṃ pratyakṣīkartuṃ 
AS-VDh 055,26	prabhuḥ ? muktātmā bhavann api na codanāprāmāṇyapratibandhavidhāyī, dharmādau tasyā eva prāmāṇyaprasiddheḥ muktā- 
AS-VDh 055,27	tmanas tatrāpramāṇatvāt tasyānandādisvabhāvapariṇāme 'pi dharmajñatvābhāvād apratiṣedhyatvāt | tad uktaṃ, "dharmajñatva-
AS-VDh 056,01	niṣedhas tu kevalo 'tropayujyate | sarvam anyadvijñānaṃs tu puruṣaḥ kena vāryate | 1 | "iti vadantam iva stotuḥ prajñāti- 
AS-VDh 056,02	śayacikīrṣayā bhagavantaṃ pratyāhuḥ —
ĀM-VDh 5
 		sūkṣmāntaritadūrārthāḥ pratyakṣāḥ kasyacid yathā | anumeyatvato 'gnyādir iti sarvajñasaṃsthitiḥ || 5 || 
AS-VDh 056,04	sūkṣmāḥ svabhāvaviprakarṣiṇo 'rthāḥ paramāṇvādayaḥ, antaritāḥ kālaviprakarṣiṇo rāmādayo, dūrās tu deśa- 
AS-VDh 056,05	viprakarṣiṇo himavadādayas te kasyacit pratyakṣā, anumeyatvād yathā'gnyādir ity evaṃ sarvajñasya samyak sthitiḥ 
AS-VDh 056,06	syāt | atha matam etat "sūkṣmādayo 'rthā yathābhūtāḥ kasyacit pratyakṣā dṛṣṭās tathābhūtā eva tathānumeyatvena 
AS-VDh 056,07	sādhyante 'nyathābhūtā vā ? yathābhūtāś cet siddhasādhyatā, sūkṣmāṇāṃ sahasradhā bhinnakeśāgrādīnām antaritānāṃ 
AS-VDh 056,08	ca prapitām ahādīnāṃ dūrārthānāṃ ca himavadādīnāṃ kasyacit pratyakṣatvaprasiddheḥ | anyathābhūtānāṃ tu kasyaci- 
AS-VDh 056,09	t pratyakṣatvasādhane 'numeyatvādityaprayojako hetuḥ kṣmādharādīnāṃ buddhimatkāraṇatve sādhye sanniveśaviśiṣṭa- 
AS-VDh 056,10	tvādivat | dharmyasiddhiś ca, paramāṇvādīnām aprasiddhatvāt" iti tad ayuktaṃ, vivādādhyāsitānāṃ sūkṣmā- 
AS-VDh 056,11	dyarthānāṃ kasyacit pratyakṣatvena sādhyatvād aprasiddhaṃ sādhyam iti vacanāt | dharmmādayo hi kasyacit pratyakṣatvena 
AS-VDh 056,12	vādiprativādinor vivādāpannās te eva kasyacit pratyakṣā iti sādhayituṃ yuktā na punar anye | na caivaṃ dharmya- 
AS-VDh 056,13	siddhiḥ, dharmyādīnām asarvajñavādino 'pi yājñikasya siddhatvāt | nanv evaṃ bhūdharādīnāṃ dhīmaddhetukatayā vivā- 
AS-VDh 056,14	dāpannānāṃ tathā sādhyatve katham aprayojako hetuḥ sanniveśaviśiṣṭatvādir iti cet svabhāvabhedāt | yādṛśam abhi- 
AS-VDh 056,15	navabhavanādiṣu sanniveśaviśiṣṭatvam akriyādarśino 'pi kṛtabuddhyutpādakaṃ dhīmaddhetukatvena vyāptaṃ pratipannaṃ 
AS-VDh 056,16	tādṛśam eva jīrṇaprāsādādiṣūpalabhyamānaṃ dhīmaddhetukatvasya prayojakaṃ syān nānyādṛśaṃ bhūdharādiṣu pratīyamānam a- 
AS-VDh 056,17	kṛtabuddhyūtpādakam iti svayaṃ mīmāṃsakair abhidhānāt | naivam anumeyatvaṃ, tasya svabhāvabhedābhāvāt | na hi 
AS-VDh 056,18	sādhyāvinābhāvaniyamaniścayaikalakṣaṇaliṅgajanitajñānaviṣayatvam anumeyatvam agnyādau dharmādau ca liṅgini 
AS-VDh 056,19	bhidyate yena kiñcit prayojakam aparam aprayojakam iti vibhāgo 'vataret | svabhāvakāladeśaviprakarṣiṇām anumeya- 
AS-VDh 056,20	tvam asiddham ity anumānam utsārayati yāvān kaścid bhāvaḥ sa sarvaḥ kṣaṇika ityādivyāpter asiddhau 
AS-VDh 056,21	prakṛtopasaṃhārāyogād aviprakarṣiṇām anumiter ānarthakyāt | sattvāder anityatvādinā vyāptim icchatāṃ 
AS-VDh 056,22	siddham anumeyatvam anavayaveneti na kiñcid vyāhataṃ paśyāmaḥ | syān mataṃ "kecid arthāḥ pratyakṣā, yathā 
AS-VDh 056,23	ghaṭādayaḥ, kecid anumeyā ye kadācit kvacit pratyakṣapratipannāvinābhāviliṅgāḥ, kecid āgamātragamyāḥ 
AS-VDh 056,24	sarvadā svabhāvādiviprakarṣiṇo dharmādayaḥ, teṣāṃ sarvapramātṛsambandhipratyakṣādigocaratvāyogāt | tad uktaṃ 
AS-VDh 056,25	"sarvapramātṛsambandhipratyakṣādinivāraṇāt | kevalāgamagamyatvaṃ lapsyate puṇyapāpayoḥ" iti | tato dharmādīnā- 
AS-VDh 056,26	m anumeyatvam asiddham udbhāvayann api nānumānam utsārayati, tasyānumeye 'rthe vyavasthānāt" iti, tad asat, dharmādī-
AS-VDh 057,01	nām apy anityatvādisvabhāvatayānumeyatvopapatteḥ | tathā hi | yāvān kaścid bhāvaḥ paryāyākhyaḥ sa sarvo 'ne- 
AS-VDh 057,02	kakṣaṇasthāyitayā kṣaṇiko yathā ghaṭas tathā ca dharmādir iti mīmāṃsakair api kutaścit paryāyatvāder anitya- 
AS-VDh 057,03	tvena vyāptiḥ sādhanīyā, tadasiddhau prakṛte 'pi dharmādau paryāyaś ca dharmādir ity upasaṃhārāyogāt | kathaṃ cāyaṃ 
AS-VDh 057,04	svabhāvādiviprakarṣiṇām anumeyatvam asiddham abhidadhānaḥ sukhādīnām aviprakarṣiṇām anumiter ānarthakyaṃ pariharet ? 
AS-VDh 057,05	śaśvadaviprakarṣiṇām anumiter aniṣṭer adoṣa iti cet kva punar iyam anumitiḥ syāt ? kadācid aviprakarṣiṇām anyadā 
AS-VDh 057,06	deśādiviprakṛṣṭānāṃ pratipannāvinābhāviliṅgānām anumitir iti cet katham evaṃ śaśvadapratyakṣāyā buddher anu- 
AS-VDh 057,07	mānaṃ yata idaṃ śobheta ? "jñāte tv arthe 'numānād avagacchati buddhim"iti | arthāpatter buddhipratipatter adoṣa iti ced 
AS-VDh 057,08	dharmādipratipattir api tata evāstu | yathaiva hi bahirarthaparicchittyanyathānupapatter buddhipratipattis tathā śreyaḥ pratya- 
AS-VDh 057,09	vāyādyanyathānupapattyā dharmādharmādipratipattir api yuktā bhavitum | śreyaḥpratyavāyāder anyathāpy upapatteḥ kṣīṇārthā- 
AS-VDh 057,10	patir iti cen na, tadutpattau dṛṣṭakāraṇavyabhicārād adṛṣṭākāraṇapratipatteḥ, rūpādijñānād indriyaśaktipratipattivat | 
AS-VDh 057,11	na cārthāpattir anumānād anyaiva, anumānasyaivārthāpattir iti nāmakaraṇāt | tato buddhyādeḥ śaśvadviprakarṣi- 
AS-VDh 057,12	ṇo 'numeyatvasiddhau dharmāder api tatsiddhiḥ | ye tu tāthāgatādayaḥ sattvakṛtakatvāder anityatvādinā vyāpti- 
AS-VDh 057,13	m icchanti teṣāṃ siddham anumeyatvam anavayaveneti na kiñcid vyāhatam asarvajñavādināṃ sarvajñavādināṃ ca, svabhāvā- 
AS-VDh 057,14	diviprakṛṣṭeṣvartheṣv anumeyatvavyavasthiteḥ | etenātyantaparo 'kṣeṣv artheṣv anumeyatvābhāvād bhāgāsiddham anumeyatvam ity eta- 
AS-VDh 057,15	d api pratyākhyātaṃ, teṣām api kathañcid anekāntātmakatvādisvabhāvatayānumeyatvasiddheḥ | athavānumeyatvaṃ śruta- 
AS-VDh 057,16	jñānādhigamyatvaṃ hetuḥ materanu paścān mīyamānatvād, anumeyāḥ sūkṣmādayo 'rthā iti vyākhyānān matipūrva- 
AS-VDh 057,17	jñānasya śrutatvāt, "śrutaṃ matipūrvam"iti vacanāt | na caitad asiddhaṃ prativādino 'pi sarvasya śrutajñānādhiga- 
AS-VDh 057,18	myatvopagamāt | codanā hi bhūtaṃ bhavantaṃ bhaviṣyantaṃ sūkṣmaṃ vyavahitaṃ viprakṛṣṭam ity evaṃ jātīyakam artham avaga- 
AS-VDh 057,19	mayitum alam iti svayam abhidhānāt | tad uktaṃ tattvārthaślokavārtike "sūkṣmādyartho 'pi cādhyakṣaḥ kasyacit sa- 
AS-VDh 057,20	kalaḥ sphuṭam | śrutajñānādhigamyatvān nadīdvīpādideśavat | 1 | na hetoḥ sarvathaikāntair anekāntaḥ kathañcana | śruta- 
AS-VDh 057,21	jñānābhigamyatvāt teṣāṃ dṛṣṭeṣṭabādhanāt | 2 | sthānatrayāvisaṃvādi śrutajñānaṃ hi vakṣyate | tenādhigamyamānatvaṃ 
AS-VDh 057,22	siddhaṃ sarvatra vastuni | 3 | " iti | tato 'numeyāḥ sūkṣmādyarthāḥ kasyacit pratyakṣāḥ siddhā eva | te 'numeyā, 
AS-VDh 058,01	na kasyacit pratyakṣāś ca syuḥ, kiṃ vyāhanyate? iti samānam agnyādīnām* | agnyādayo 'numeyāḥ syuḥ kasya- 
AS-VDh 058,02	cit pratyakṣāś ca na syur iti | tathā cānumānocchedaḥ syāt *,  sarvānumāneṣūpālambhasya samānatvāt | 
AS-VDh 058,03	śakyaṃ hi vaktuṃ dhūmaś ca kvacit syād agniś ca na syād iti | tadabhyupagame 'svasaṃvedyavijñānavyaktibhir a- 
AS-VDh 058,04	dhyakṣaṃ kiṃ lakṣayet pramāṇatayā paramapramāṇatayeti na kiñcid etat tayā naitat tayā vā ayam abhyupa- 
AS-VDh 058,05	gantum arhati * | pratyakṣaṃ pramāṇam avisaṃvāditvād anumānādikam apramāṇaṃ, visaṃvāditvād iti lakṣayato 'numānasya 
AS-VDh 058,06	balād vyavasthiter na pratyakṣamekam eva pramāṇam iti vyavatiṣṭhate | tato 'numānam icchatā yājñikeneva laukāyati- 
AS-VDh 058,07	kenāpi prasiddhāvinābhāvaniyamaniścayalakṣaṇād anumeyatvahetoḥ sūkṣmādyarthānāṃ kasyacit pratyakṣatvasiddhir eṣita- 
AS-VDh 058,08	vyā | syān mataṃ, bādhitaviṣayo 'yaṃ hetur anumānena pakṣasya bādhanāt | tathā hi | na kaścit sūkṣmā- 
AS-VDh 058,09	dyarthasākṣātkārī, prameyatvāt sattvād vastutvād asmadādivat | na cedaṃ sādhanam asiddhaṃ vyabhicāri vā, pratyakṣā- 
AS-VDh 058,10	dyavisaṃvāditvāt | tad uktaṃ "pratyakṣādyavisaṃvādi prameyatvādi yasya tu | sadbhāvavāraṇe śaktaṃ ko nu 
AS-VDh 058,11	taṃ kalpayiṣyati" iti | tad apy asamyak, tata eva kasyacit sūkṣmādyarthasākṣātkāritvasiddheḥ | sūkṣmādyarthāḥ 
AS-VDh 058,12	kasyacit pratyakṣāḥ prameyatvāt sattvād vastutvād vā sphaṭikādivat | anumeyenātyantaparokṣeṇa cārthena vyabhicāra 
AS-VDh 058,13	iti cen na, tasya pakṣīkaraṇāt | tad evaṃ prameyatvasattvādir yatra hetulakṣaṇaṃ puṣṇāti taṃ kathaṃ cetanaḥ 
AS-VDh 058,14	pratiṣeddhum arhati saṃśayituṃ vā * sūkṣmādyarthasākṣātkāriṇas tasyaiva suniścitāsaṃbhavadbādhakatvād astitva- 
AS-VDh 058,15	siddher abādhitaviṣayatvasyāpi paropagatahetulakṣaṇasya prakṛtahetoḥ poṣaṇāt | nanu ca sarvajñasyāstitve sādhye 
AS-VDh 058,16	suniścitāsaṃbhavadbādhakapramāṇatvaṃ hetuḥ sarvajñabhāvadharmaś ced asiddhaḥ | ko hi nāma sarvajñabhāvadharmaṃ hetum icchan 
AS-VDh 058,17	sarvajñam eva necchet | sarvajñābhāvadharmaś ced viruddhaḥ, tataḥ sarvajñanāstitvasyaiva siddheḥ | sarvajñabhāvābhāvadharmaś ced vya- 
AS-VDh 058,18	bhicārī, sapakṣavipakṣayor vṛtteḥ ? tad uktam "asiddho bhāvadharmaś ced vyabhicāryubhayāśrayaḥ | viruddho dharmo 'bhā- 
AS-VDh 058,19	vasya sa sattāṃ sādhayet katham"iti | dharmiṇyasiddhasattāke bhāvābhāvobhayadharmāṇām asiddhaviruddhānaikā- 
AS-VDh 058,20	ntikatvāt kathaṃ sakalavidi sattvasiddhir iti bruvann api devānāṃ priyas taddharmisvabhāvaṃ na lakṣayati * | 
AS-VDh 058,21	sa hi tāvad evaṃ saugatamatam āśritya bruvāṇaḥ praṣṭavyaḥ | śabdānityatvasādhane 'pi kṛtakatvādāv ayaṃ 
AS-VDh 058,22	vikalpaḥ kiṃ na syād iti * | śakyaṃ hi vaktuṃ, kṛtakatvādihetur yady anityaśabdadharmas tadā'siddhaḥ | 
AS-VDh 058,23	ko nāmānityaśabdadharmaṃ hetum icchann anityaśabdam eva necchet ? atha nityaśabdadharmas tadā viruddhaḥ, sādhyaviruddha-
AS-VDh 059,01	sādhanāt | athobhayadharmas tadā vyabhicārī, sapakṣetarayor vartamānatvāt | iti sarvānumānocchedaḥ, kvaci- 
AS-VDh 059,02	t pāvakādau sādhye dhūmavattvādāv api vikalpasyāsya samānatvāt | vimatyadhikaraṇabhāvāpannavināśadharmi- 
AS-VDh 059,03	dharmatve kāryatvāder asaṃbhavadbādhakatvāder api sandigdhasadbhāvadharmidharmatvaṃ siddhaṃ boddhavyam | nanu ca 
AS-VDh 059,04	śabdāder dharmiṇaḥ śabdatvādinā prasiddhasattākasya sandigdhānityatvādisādhyadharmakasya dharmo hetuḥ kṛtakatvā- 
AS-VDh 059,05	dir iti yuktaṃ; sarvathāpy asiddhasattākasya tu sarvajñasya kathaṃ vivādāpannasadbhāvadharmakasya dharmo hetur asaṃbhavadbādha- 
AS-VDh 059,06	katvādir yujyate, prasiddho dharmī aprasiddhadharmaviśeṣaṇaviśiṣṭatayā svayaṃ sādhyatvenepsitaḥ pakṣa iti vaca- 
AS-VDh 059,07	nāt, kathañcid apy aprasiddhasya dharmitvāyogāt | iti kaścit, so 'pi yadi sakaladeśakālavartinaṃ śabdaṃ 
AS-VDh 059,08	dharmiṇam ācakṣīta tadā kathaṃ prasiddho dharmīti brūyāt ? tasyāprasiddhatvāt | paropagamāt sakalaḥ śabdaḥ 
AS-VDh 059,09	prasiddho dharmīti cet svābhyupagamāt sarvajñaḥ prasiddho dharmī kin na bhaved dhetudharmavat | paraṃ prati samarthita eva 
AS-VDh 059,10	hetudharmaḥ sādhyasādhana iti ced dharmy api paraṃ prati samarthita evāstu, viśeṣābhāvāt ? kiñca sarvathā 
AS-VDh 059,11	prasiddhasattāko dharmī kathañcid vā ? sarvathā cec chabdādir api dharmī na syāt, tasyāprasiddhasādhyadharmopādhisa- 
AS-VDh 059,12	ttākatvāt | kathañcit prasiddhasattākaḥ śabdādirdharmīti cet sarvajñaḥ kathaṃ dharmī na syāt ? prasiddhātmatvādi- 
AS-VDh 059,13	viśeṣaṇasattākasyāprasiddhasarvajñatvopādhisattākasya ca dharmiṇo 'bhyupagame sarvathā nāprasiddhasattākatvaṃ, katha- 
AS-VDh 059,14	ñcit prasiddhasattākatvāt | syādvādino hi kaścid ātmā sarvajño 'stīti pakṣaprayogam ācakṣate, nānyathā | tato 
AS-VDh 059,15	'yam upālabhamāno dharmisvabhāvaṃ na lakṣayaty eva, prakṛtānumāne sarvajñasya dharmitvāvacanāc ca | sūkṣmādyarthā eva hy atra 
AS-VDh 059,16	dharmiṇaḥ prasiddhā yuktās tāvat prasiddhasattākā eva, paramāṇvādīnām api pramāṇasiddhatvena vakṣyamāṇatvāt | nanu 
AS-VDh 059,17	sūkṣmādayo 'rthāḥ kim indriyapratyakṣeṇa kasyacit pratyakṣāḥ sādhyā utātīndriyapratyakṣeṇa ? prathamavikalpe 'numāna- 
AS-VDh 059,18	viruddha pakṣaḥ 'sūkṣmādyarthā na kasyacid indriyajñānaviṣayāḥ, sarvathendriyasambandharahitatvāt | ye tu 
AS-VDh 059,19	kasyacid indriyajñānaviṣayās te na sarvathendriyasambandharahitā dṛṣṭāḥ | yathā ghaṭādayaḥ | sarvathendriyasambandha- 
AS-VDh 059,20	rahitāś ca sūkṣmādyarthās tasmān na kasyacid indriyajñānaviṣayāḥ' iti kevalavyatirekiṇānumānena bādhyamāna-
AS-VDh 060,01	tvāt | na ca sarvathendriyasambandharahitatvam asiddhaṃ, sākṣātparamāṇudharmādīnām indriyasambandhābhāvāt | tathā hi | 
AS-VDh 060,02	na kasyacid indriyaṃ sākṣātparamāṇvādibhiḥ sambadhyate, indriyatvād asmadādīndriyavat | yogajadharmānugṛ- 
AS-VDh 060,03	hītam indriyaṃ yoginas taiḥ sākṣāt sambadhyate iti cet ko 'yam indriyasya yogajadharmānugraho nāma ? svaviṣaye 
AS-VDh 060,04	pravartamānasyātiśayādhānam iti cet tadasaṃbhava eva, paramāṇvādau svayam indriyasya pravartanābhāvāt, pravartane 
AS-VDh 060,05	vā yogajadharmānugrahasya vaiyarthyāt | tata evendriyasya paramāṇvādiṣu pravṛttau parasparāśrayaprasaṅgaḥ | satīndriyasya 
AS-VDh 060,06	yogajadharmānugrahe paramāṇvādiṣu pravṛttiḥ, satyāṃ ca tasyāṃ yogajadharmānugraha iti | paramāṇvādiṣv indriyasya pravṛttau 
AS-VDh 060,07	sahakāritvaṃ yogajadharmānugraha iti cen na, svaviṣayātikrameṇa tasya tatra tadanugrahāyogāt, anyathā kasyaci- 
AS-VDh 060,08	d ekasyendriyasya sakalarasādiṣu pravṛttau tadanugrahaprasaṅgāt | dṛṣṭavirodhān naivam iti cet samānam anyatra | yathaiva hi 
AS-VDh 060,09	cakṣurādīni pratiniyatarūpādiviṣayāṇi dṛṣṭāni nāpratiniyatasakalarūpādiviṣayāṇi tathopalabdhilakṣaṇaprāptā- 
AS-VDh 060,10	ni mahattvopetāni pṛthivyādidravyāṇi tatsamavetarūpādini cakṣurādīndriyagocaratayā prasiddhāni, na punaḥ para- 
AS-VDh 060,11	māṇvādīni | samādhiviśeṣotthadharmamāhātmyād, dṛṣṭātikrameṇa paramāṇvādiṣu cakṣurādīni pravartante na punā rasā- 
AS-VDh 060,12	diṣv ekam indriyam, iti na kiñcid viśeṣavyavasthānibandhanam anyatra jāḍyāt | etena paramparayā paramāṇurūpādi- 
AS-VDh 060,13	ṣv indriyasambandhaḥ pratidhvastaḥ, saṃyogābhāve saṃyuktasamavāyādīnām asaṃbhavāt śrotre sakalaśabdasamavāyāsaṃbhave 
AS-VDh 060,14	śabdatvena samavetasamavāyāsaṃbhavavat | yadi punar ekam evāntaḥkaraṇaṃ yogajadharmānugṛhītaṃ yugapat sakalasū- 
AS-VDh 060,15	kṣmādyarthaviṣayam iṣyate tadāpi dṛṣṭātikrama eva, manaso yugapad anekatra viṣaye pravṛttyadarśanāt | tatra dṛṣṭāti- 
AS-VDh 060,16	krameṣṭau vā svayam ātmaiva samādhiviśeṣotthadharmaviśeṣavaśād antaḥ karaṇanirapekṣaḥ sākṣāt sūkṣmādyarthāvan paśyatu 
AS-VDh 060,17	kim indriyeṇevāntaḥkaraṇena ? tathā na nendriyajñānena kasyacit pratyakṣāḥ sūkṣmādyarthāḥ saṃbhāvyante | atīndriya- 
AS-VDh 060,18	pratyakṣeṇa kasyacit pratyakṣāḥ sādhyante iti ced aprasiddhaviśeṣaṇaḥ pakṣaḥ, kvacid atīndriyajñānapratyakṣatvasyāpra- 
AS-VDh 060,19	siddheḥ sāṃkhyaṃ prati vināśī śabda ityādivat | sādhyaśūnyaś ca dṛṣṭāntaḥ syād agnyāder atīndriyapra- 
AS-VDh 060,20	tyakṣaviṣayatvābhāvāt | iti kecit te 'pi na samyagvādinaḥ, sūkṣmādyarthānām indriyajapratyakṣeṇa kasyaci- 
AS-VDh 060,21	t pratyakṣatvāsādhanāt tatpakṣanikṣiptadoṣānavatārāt | tathā sādhayatāṃ syādvādibhir api taddoṣasamarthanāt | nāpy a- 
AS-VDh 060,22	tīndriyapratyakṣeṇa kasyacit pratyakṣatvaṃ sādhyate yenāprasiddhaviśeṣaṇaḥ pakṣaḥ sādhyaśūnyaś ca dṛṣṭāntaḥ syāt, 
AS-VDh 060,23	pratyakṣasāmānyena kasyacit sūkṣmādyarthapratyakṣatvasādhanāt | prasiddhe ca sūkṣmādyarthānāṃ sāmānyataḥ kasyaci- 
AS-VDh 060,24	t pratyakṣatve sarvajñatvasya samyaksthityupapattes tatpratyakṣasyendriyānindriyānapekṣatvaṃ sidhyaty eva | tathā hi | 
AS-VDh 061,01	yogipratyakṣam indriyānindriyānapekṣaṃ, sūkṣmādyarthaviṣayatvāt | yan nendriyānindriyānapekṣaṃ tan na sūkṣmādyartha- 
AS-VDh 061,02	viṣayaṃ dṛṣṭaṃ, yathāsmadādipratyakṣam | sūkṣmādyarthaviṣayaṃ ca yoginaḥ pratyakṣaṃ siddhaṃ, tasmād indriyāni- 
AS-VDh 061,03	ndriyānapekṣam | nāvadhimanaḥparyayapratyakṣābhyāṃ hetur vyabhicārī, tayor apīndriyānindriyānapekṣatvasiddheḥ | 
AS-VDh 061,04	nanu ca kasyedaṃ sūkṣmādyarthapratyakṣatvaṃ sādhyate ? arhato 'narhataḥ sāmānyātmano vā ? yadi viprakṛṣṭārthapratyakṣa- 
AS-VDh 061,05	tvam arhataḥ sādhyate pakṣadoṣo 'prasiddhaviśeṣaṇatvam | tata eva vyāptir na sidhyet | anarhataś ced ani- 
AS-VDh 061,06	ṣṭānuṣaṅgo 'pi | kaḥ punaḥ sāmānyātmā tadubhayavyatirekeṇa yasya vivakṣitārthapratyakṣatvam ? ity eta- 
AS-VDh 061,07	dvikalpajālaṃ śabdanityatve 'pi samānaṃ, na kevalaṃ sūkṣmādisākṣātkaraṇasya pratiṣedhane saṃśītau vā | 
AS-VDh 061,08	tad ayam anumānamudrāṃ bhinatti * | na kaścit sūkṣmādisākṣātkārī, puruṣatvādeḥ, rathyāpuruṣavat | vivādā- 
AS-VDh 061,09	pannaḥ puruṣaḥ sūkṣmādisākṣātkāritvena saṃśayita eva viprakṛṣṭasvabhāvatvāt piśācādivat | iti sūkṣmādisākṣā- 
AS-VDh 061,10	tkaraṇasya pratiṣedhane saṃśītau vā tāvad idaṃ vikalpajālaṃ samānaṃ siddham eva | sa hi tatra pratiṣedhaṃ saṃśayaṃ vā 
AS-VDh 061,11	sādhayan kim arhataḥ sādhayed anarhataḥ sāmānyātmano vā ? arhataś ced aprasiddhaviśeṣaṇaḥ pakṣo vyāptiś ca na 
AS-VDh 061,12	sidhyeda, dṛṣṭāntasya sādhyaśūnyatānuṣaṅgāt | anarhataś cet sa eva doṣo buddhādeḥ parasyāsiddher aniṣṭānuṣa- 
AS-VDh 061,13	ṅgaś ca, arhatas tatpratyakṣatvavidhānaniścayāt | kaḥ punaḥ sāmānyātmā tadubhayavyatirekeṇa yasya vivakṣitārtha- 
AS-VDh 061,14	pratyakṣatvapratiṣedhasaṃśayau sādhyete ? iti | tadvacchabdanityatvasādhane 'pi samānam etadvikalpajālam | tathā hi | 
AS-VDh 061,15	ayaṃ śabdānāṃ nityatvaṃ sādhayan sarvagatānāṃ sādhayed asarvagatānāṃ vā sāmānyātmanāṃ vā ? varṇānāṃ nitya- 
AS-VDh 061,16	tvam akṛtakatvādinā sarvagatānāṃ yadi sādhayati syād aprasiddhaviśeṣaṇaḥ pakṣaḥ itarathāniṣṭānuṣaṅgaḥ | 
AS-VDh 061,17	kīdṛk punaḥ sāmānyaṃ nāma yad ubhayadoṣaprasaṅgaparihārāya kalpyeta ? sarvagatatvasādhane 'pi samā- 
AS-VDh 061,18	nam * | tad dhi varṇānām amūrtānāṃ sādhayen mūrtānāṃ tadubhayasāmānyātmanāṃ vā ? yady amūrtānāṃ sarvagatatvaṃ 
AS-VDh 061,19	sādhayet tadā'prasiddhaviśeṣaṇatā pakṣasya | atha mūrtānām aniṣṭānuṣaṅgaḥ | kīdṛk punaḥ sāmānyaṃ nāma yad u- 
AS-VDh 061,20	bhayadoṣaprasaṅgaparihārāya kalpyeta ? sarvagatetarasāmānyātmana iva mūrttetarasāmānyātmano 'sambhavādvarṇeṣu | 
AS-VDh 061,21	tad ayam anumānamudrāṃ sarvatra bhinattīti nānumānavicāraṇāyām adhikṛtaḥ syāt | avivakṣitaviśeṣasya pakṣī- 
AS-VDh 061,22	karaṇe samaḥ samādhir ity alam apratiṣṭhitamithyāvikalpaudhaiḥ * | yathaiva hi śabdasyāvivakṣitasarvagata- 
AS-VDh 061,23	tvāsarvagatatvaviśeṣasyākṛtakatvādihetunā nityatve sādhye na kaścid doṣaḥ syāt, nāpy avivakṣitāmūrttatvetara- 
AS-VDh 061,24	viśeṣasya sarvatropalabhyamānaguṇatvādinā sarvagatatve, tathaivāvivakṣitārhadanarhadviśeṣasya kasyacit puruṣasya vipra-
AS-VDh 062,01	kṛṣṭārthasākṣātkaraṇe 'pi sādhye 'numeyatvādihetunā na kañcid doṣaṃ paśyāmo 'nyatrāpratiṣṭhitamithyāvikalpaudhebhyaḥ 
AS-VDh 062,02	prakṛtasādhanāpratibandhibhyaḥ, teṣām apratiṣṭhitatvāt, sādhanābhāse iva samyaksādhane 'pi svāviṣaye 'vatārāt | 
AS-VDh 062,03	tato niravadyam idaṃ sādhanaṃ kasyacit sūkṣmādisākṣātkāritvaṃ sādhayati | 
AS-VDh 062,04	nanv astu nāmaivaṃ kasyacit karmabhūbhṛdbheditvam iva viśvatattvasākṣātkāritvaṃ, pramāṇasadbhāvāt | sa tu paramātmā- 
AS-VDh 062,05	rhann eveti kathaṃ niścayo yato 'ham eva mahānabhivandyo bhavatām iti vyavasitābhyanujñānapurassaraṃ bhagavato viśeṣa- 
AS-VDh 062,06	sarvajñatvaparyanuyoge satīvācāryāḥ prāhuḥ —
ĀM-VDh 6
 		sa tvam evāsi nirdoṣo yuktiśāstrāvirodhivāk | avirodho yad iṣṭaṃ te prasiddhena na bādhyate || 6 || 
AS-VDh 062,08	doṣās tāvad ajñānarāgadveṣādaya uktāḥ | niṣkrānto doṣebhyo nirdoṣaḥ | pramāṇabalāt siddhaḥ sarvajño vītarā- 
AS-VDh 062,09	gaś ca sāmānyato yaḥ sa tvam evārhan, yuktiśāstrāvirodhivāktvāt | yo yatra yuktiśāstrāvirodhivāk sa tatra 
AS-VDh 062,10	nirdoṣo dṛṣṭo, yathā kvacid vyādhyupaśame bhiṣagvaraḥ | yuktiśāstrāvirodhivāk ca bhagavān muktisaṃsāratatkāra- 
AS-VDh 062,11	ṇeṣu, tasmān nirdoṣa iti niścayaḥ | yuktiśāstrābhyām avirodhaḥ kuto madvācaḥ siddho 'navayaveneti ced yasmād iṣṭaṃ 
AS-VDh 062,12	mokṣādikaṃ te prasiddhena pramāṇena na bādhyate | tathā hi | yatra yasyābhimataṃ tattvaṃ pramāṇena na bādhyate 
AS-VDh 062,13	sa tatra yuktiśāstrāvirodhivāk | yathā rogasvāsthyatatkāraṇatattve bhiṣagvaraḥ | na bādhyate ca pramāṇena bhaga- 
AS-VDh 062,14	vato 'bhimataṃ mokṣasaṃsāratatkāraṇatattvam | tasmāt tatra tvaṃ yuktiśāstrāvirodhivāk | iti viṣayasya yukti- 
AS-VDh 062,15	śāstrāvirodhitvasiddher viṣayiṇyā bhagavadvāco yuktiśāstrāvirodhitvasādhanam | katham atra kārikāyām anupātto 
AS-VDh 062,16	bhiṣagvaro dṛṣṭāntaḥ kathyate iti cet svayaṃ granthakāreṇānyatrābhidhānāt, "tvaṃ sambhavaḥ saṃbhavatarṣarogaiḥ santa- 
AS-VDh 062,17	pyamānasya janasya loke | āsīrihākasmika eva vaidyo vaidyo yathā nātha rujāṃ praśāntyai" iti stotraprasiddheḥ | 
AS-VDh 062,18	iha dṛṣṭāntāvacanaṃ tu saṃkṣepopanyāsān na virudhyate, anyathānupapannatvaniyamaikalakṣaṇaprādhānyapradarśanārthaṃ vā | 
AS-VDh 062,19	tatra bhagavato 'bhimataṃ mokṣatattvaṃ tāvan na pramāṇena bādhyate, pratyakṣasya tadbādhakatvāyogāt | 
AS-VDh 062,20	nāsti kasyacin mokṣaḥ, sadupalambhakapramāṇapañcakāviṣayatvāt kūrmaromādivad ity anumānena bādhyate 
AS-VDh 062,21	iti cen na, mokṣasyānumānād āgamāc ca prasiddhaprāmāṇyād astitvavyavasthāpanāt, kvacid doṣāvaraṇakṣayasyaivānanta- 
AS-VDh 062,22	jñānādisvarūpalābhaphalasyānumānāgamaprasiddhasya mokṣatvāt, "bandhahetvabhāvanirjarābhyāṃ kṛtsnakarmavipramokṣo 
AS-VDh 062,23	mokṣaḥ" iti vacanāt | tata eva nāgamenāpi mokṣatattvaṃ bādhyate, tasya tatsadbhāvāvedakatvavyavasthiteḥ | tathā 
AS-VDh 062,24	mokṣakāraṇatattvam api na pramāṇena virudhyate pratyakṣato 'kāraṇakamokṣapratipatter abhāvāt tena tadbādhanāyogāt | 
AS-VDh 062,25	nānumānenāpi tadbādhanaṃ, tato mokṣasya kāraṇavattvasiddheḥ | sakāraṇako mokṣaḥ, pratiniyata-
AS-VDh 063,01	kālāditvāt paṭādivat | tasyākāraṇakatve sarvadā sarvatra sarvasya sadbhāvānuṣaṅgaḥ, paropakṣārahitatvād iti | 
AS-VDh 063,02	nāgamenāpi mokṣakāraṇatattvaṃ bādhyate, tasya tatsādhakatvāt "samyagdarśanajñānacāritrāṇi mokṣamārgaḥ" iti 
AS-VDh 063,03	vacanāt | tathā saṃsāratattvam api na prasiddhena bādhyate, pratyakṣataḥ saṃsārābhāvāsiddhes tasya tadbādhakatvā- 
AS-VDh 063,04	ghaṭanāt | svopāttakarmavaśād ātmano bhavāntarāv āptiḥ saṃsāraḥ | sa na pratyakṣaviṣayo yena pratyakṣaṃ taṃ bādheta
AS-VDh 063,05	anumānaṃ tadbādhakam iti cen na, tadabhāvapratibaddhaliṅgābhāvād | garbhādimaraṇaparyantacaitanyaviśiṣṭakāyā- 
AS-VDh 063,06	tmanaḥ puruṣasya janmanaḥ pūrvaṃ maraṇāc cottaraṃ nāsti bhavāntaram, anupalabdheḥ khapuṣpavad ity anupalambhaḥ saṃsā- 
AS-VDh 063,07	rābhāvagrāhakaḥ saṃsāratattvabādhaka iti cen na, tasyāsiddheḥ | prāṇināmādyaṃ caitanyaṃ caitanyopādānakāra- 
AS-VDh 063,08	ṇakaṃ, cidvivartatvān madhyacaitanyavivartavat | tathā'ntyacaitanyapariṇāmaś caitanyakāryaḥ, tata eva tadvat | 
AS-VDh 063,09	ity anumānena pūrvottarabhāvopalambhādyathoktasaṃsāratattvasiddheḥ | gomayāder acetanāc cetanasyavṛścikāder utpatti- 
AS-VDh 063,10	darśanāt tena vyabhicārī hetur iti cen na, tasyāpi pakṣīkaraṇāt | vṛścikādiśarīrasyācetanasyaiva gomayādeḥ 
AS-VDh 063,11	sammūrcchanaṃ, na punar vṛścikādicaitanyavivartasya, tasya pūrvacaitanyavivartād evotpattipratijñānāt | khaṅgicaram acittena 
AS-VDh 063,12	cittāntarānupādānena vyabhicāraḥ sādhanasyety api manorathamātraṃ, tasya pramāṇato 'prasiddhatvāt, niranva- 
AS-VDh 063,13	yakṣaṇakṣayasya pratikṣepāt | nanu ca yathādyaḥ pathikāgnir araṇinirmathanottho 'nagnipūrvako dṛṣṭaḥ parastvagni- 
AS-VDh 063,14	pūrvaka eva tathādyaṃ caitanyaṃ kāyākārādipariṇatabhūtebhyo bhaviṣyati, paraṃ tu caitanyapūrvakaṃ, virodhābhāvāt | 
AS-VDh 063,15	iti kasyacit pratyavasthitiḥ svapakṣaghātinī jātir eva, cidvivartatvasya hetoḥ sādhyena vyāpter akhaṇḍanāt | 
AS-VDh 063,16	prathamapathikāgner anagnyupādānatve jalādīnām apy ajalādyupādānatvopapatteḥ pṛthivyādibhūtacatuṣṭayasya tattvāntara- 
AS-VDh 063,17	bhāvavirodhaḥ | tathā hi | yeṣāṃ parasparam upādānopādeyabhāvas teṣāṃ na tattvāntaratvam | yathā kṣitiviva- 
AS-VDh 063,18	rttānām | parasparam upādānopādeyabhāvaś ca pṛthivyādīnām | ity ekam eva pudgalatattvaṃ pṛthivyādivivarttam avatiṣṭheta | 
AS-VDh 063,19	atha kṣityādīnāṃ na parasparam upādānopādeyabhāvaḥ, sahakāribhāvopagamāt | katham apāvakopādānaḥ prathamaḥ 
AS-VDh 063,20	pathikapāvakaḥ prasiddhyed yatas tadvadacetanapūrvakaṃ prathamacaitanyaṃ prasajyeta ? yathaiva hi prathamāvirbhūtapāvakādes ti- 
AS-VDh 063,21	rohitapāvakāntarādipūrvakatvaṃ tathā garbhacaitanyasyāvirbhūtasvabhāvasya tirohitacaitanyapūrvakatvam iti kin na vyavasthā 
AS-VDh 063,22	syāt ? syān mataṃ, sahākārimātrād eva prathamapathikāgner upajananopagamāt tirohitāgnyantaropādānatvam asi- 
AS-VDh 063,23	ddham iti tad asat, anupādānasya kasyacid upajananādarśanāt | śabdavidyudāder upādānādarśanād adoṣa iti 
AS-VDh 064,01	cen na, śabdādiḥ sopādāna eva, kāryatvād ghaṭādivad ity anumānāt tasyādṛśyopādānasyāpi sopādānatvasya 
AS-VDh 064,02	sādhanāt | nanv astu sarvognir agnyantaropādāna eva sarvasya sajātīyopādānatvavyavasthiteḥ | cetanasya tu 
AS-VDh 064,03	cetanāntaropādānatvaniyamo na yuktaḥ, tasya bhūtopādānatvaghaṭanāt, bhūtacetanayoḥ sajātīyatvāt tattvānta- 
AS-VDh 064,04	ratvāsiddher iti cen na, tayor bhinnalakṣaṇatvāt tattvāntaratvopapatteḥ, toyapāvakayor api tata eva parais tattvāntaratva- 
AS-VDh 064,05	sādhanāt | tathā hi | tattvāntaraṃ bhūtāc caitanyaṃ, tadbhinnalakṣaṇatvānyathānupapatteḥ | na tāvad asiddho hetuḥ 
AS-VDh 064,06	kṣityādibhūtebhyo rūpādisāmānyalakṣaṇebhyaḥ svasaṃvedanalakṣaṇasya caitanyasya tadbhinnalakṣaṇatvasiddheḥ | na hi 
AS-VDh 064,07	bhūtāni svasaṃvedanalakṣaṇāni, asmadādyanekapratipattṛpratyakṣatvāt | yat punaḥ svasaṃvedanalakṣaṇaṃ tan na tathā 
AS-VDh 064,08	pratītaṃ, yathā jñānam | tathā ca bhūtāni, tasmān na svasaṃvedanalakṣaṇāni | anekayogipratyakṣeṇa sukhā- 
AS-VDh 064,09	disaṃvedanena vyabhicārī hetur iti na śaṅkanīyam, asmadādigrahaṇāt | jñānasya svasaṃvedanalakṣaṇatvam asi- 
AS-VDh 064,10	ddham iti cen na, bahirarthaparicchedakatvānyathānupapattyā tasya svasaṃvedanalakṣaṇatvasiddheḥ | yo hy asvasaṃvedana- 
AS-VDh 064,11	lakṣaṇaḥ sa na bahirarthasya paricchedako dṛṣṭo, yathā ghaṭādir iti vipakṣe bādhakapramāṇasadbhāvāt siddhā hetor anya- 
AS-VDh 064,12	thānupapattiḥ | pradīpādinānekānta iti cen na, tasya jaḍatvena bahirarthaparicchedakatvāsambhavāt, bahirartha- 
AS-VDh 064,13	paricchedakajñānotpattikāraṇatvāt tu pradīpāder bahiścakṣurāder iva paricchedakatvopacārāt | na copacaritenārtha- 
AS-VDh 064,14	paricchedakena pradīpādinā mukhyasyārthaparicchedakatvasya hetor vyabhicāracodanaṃ vicāracaturacetasāṃ kartum uci- 
AS-VDh 064,15	tam, atiprasaṅgāt | svarūpamātraparicchedanavyāpṛte sukhādijñāne bahirarthaparicchedakatvābhāvāt pakṣāvyāpako 
AS-VDh 064,16	hetur iti cen na, tasyāpi svato bahirbhūtasukhādiparicchedakatvād bahirarthaparicchedakatvasiddheḥ kumbhādivedana- 
AS-VDh 064,17	syāpi sarvathā svabahirbhūtārthaparicchedakatvānupapatteḥ sadādyātmanā kumbhādeḥ saṃvedanād abhedapratīteḥ, anyathā 
AS-VDh 064,18	tadasattvaprasaṅgāt | kathañcit svabahirbhūtatvaṃ tu sukhādisaṃvedanāt sukhāder api pratīyata eva, sukhāditatsaṃ- 
AS-VDh 064,19	vedanayoḥ kāraṇādibhedād bhedavyavasthiteḥ | tarhi ghaṭādijñānavat sukhādijñānasyāpi svabahirbhūtārthaparicche- 
AS-VDh 064,20	dakatvāt tato 'nyasya vijñānasyāsambhavāt kiṃ svasya saṃvedakaṃ jñānaṃ syād iti cen na, tasyaiva ghaṭādisukhādijñā- 
AS-VDh 064,21	nasya svarūpasaṃvedakasya sataḥ parasaṃvedakatvopagamāt svasaṃvedanasiddheḥ, svaparavyavasāyātmakatvāt sarvaveda- 
AS-VDh 064,22	nasya | svātmani kriyāvirodhān na svarūpasaṃvedakaṃ jñānam iti cet kā punaḥ kriyā svātmani virudhyate ? 
AS-VDh 064,23	na tāvad dhātvarthalakṣaṇā, bhavanādikriyāyāḥ kṣityādiṣv abhāvaprasaṅgāt | parispandātmikā kriyā svātmani 
AS-VDh 064,24	viruddheti cet kaḥ punaḥ kriyāyāḥ svātmā ? kriyātmaiveti cet kathaṃ tasyās tatra virodhaḥ ? svarūpasya 
AS-VDh 064,25	virodhatvāyogāt | anyathā sarvabhāvānāṃ svarūpavirodhān nissvarūpatānuṣaṅgāt | virodhasya dviṣṭhatvatāc ca 
AS-VDh 065,01	na kriyāyāḥ svātmani virodhaḥ | kriyāvadātmā kriyāyāḥ svātmeti cet kathaṃ tatra virodhaḥ ? kriyāvaty eva 
AS-VDh 065,02	sarvasyāḥ kriyāyāḥ pratīter avirodhasiddheḥ | atha kriyā, karaṇaṃ niṣpādanaṃ svātmani viruddham ity abhimataṃ tarhi 
AS-VDh 065,03	na jñānaṃ svarūpaṃ niṣpādayatīty ucyate yena virodhaḥ syāt | ity asiddhaḥ svātmani kriyāvirodhaḥ, svakāraṇa- 
AS-VDh 065,04	viśeṣān niṣpadyamānasya jñānasya svaparaprakāśanarūpatvāt pradīpasya svaparoddyotanarūpatvavat | yathaiva hi 
AS-VDh 065,05	rūpajñānotpattau pradīpaḥ sahakāritvāc cakṣuṣo rūpasyoddyotakaḥ kathyate tathā svarūpajñānotpattau tasya sahakā- 
AS-VDh 065,06	ritvāt svarūpoddyotako 'pi | tato jñānaṃ svapararūpayoḥ paricchedakaṃ, tatrājñānanivṛttihetutvānyathānupapatteḥ | 
AS-VDh 065,07	ity aviruddhaṃ paśyāmaḥ svasaṃvedanam antas tattvasya lakṣaṇaṃ bhūtāsambhavīti bhinnalakṣaṇatvaṃ tayoḥ siddhyaty eva | 
AS-VDh 065,08	tac ca sidhyattattvāntaratvaṃ sādhayati, tac cā'sajātīyatvam | tad apy upādānopādeyabhāvābhāvaṃ, tayos tatprayojaka- 
AS-VDh 065,09	tvāt | tad evaṃ bhūtacaitanyayor nāsty upādānopādeyabhāvo, vibhinnalakṣaṇatvāt | iti vyāpakaviruddhavyāptopala- 
AS-VDh 065,10	bdhiḥ, upādānopādeyabhāvavyāpakasya sajātīyatvaviśeṣasya viruddhena tattvāntarabhāvena vyāptidbhinnalakṣaṇatvā- 
AS-VDh 065,11	t pratiṣedhyābhāvasādhanāt | na hy atra sajātīyatvaviśeṣasyopādānopādeyabhāvavyāpakatvam asiddhaṃ, vijātīyatvā- 
AS-VDh 065,12	bhimatayoḥ payaḥpāvakayoḥ sattvādinā sajātīyayor api tadanupagamāt kathañcid vijātīyayor api mṛtpiṇḍaghaṭā- 
AS-VDh 065,13	kārayoḥ pārthivatvādinā viśiṣṭasāmānyena sajātīyayor upādānopādeyabhāvasiddheḥ | kathaṃ tarhi sajātīya- 
AS-VDh 065,14	tvaviśeṣasya tattvāntarabhāvena virodha iti cet tattvāntarabhūtayos tadanupalambhāt, pūrvākārāparityāgā'jahadvṛtto- 
AS-VDh 065,15	ttarākārānvayapratyayaviṣayasyopādānatvapratīteḥ parityaktapūrvākāreṇa dravyeṇātmasāt kriyamāṇottarākārasyopāde- 
AS-VDh 065,16	yatvanirjñānād anyathātiprasaṅgāt | kathaṃ tattvāntarabhāvena bhinnalakṣaṇattvaṃ vyāptam iti cet tadabhāve 'nupapadyamā- 
AS-VDh 065,17	natvāt | kiṇvādimadirādipariṇāmayor atattvāntarabhāve 'pi bhinnalakṣaṇatvasya darśanāt tasya tenāvyāptir iti cen na, 
AS-VDh 065,18	tayor bhinnalakṣaṇatvāsiddheḥ, kiṇvāder api madajananaśaktisadbhāvān madirādipariṇāmavat | sarvathā madajananaśa- 
AS-VDh 065,19	ktivikalatve hi kiṇvāder madirādipariṇāmadaśāyām api tadvaikalyaprasaṅgaḥ | nanv evaṃ bhūtāntas tattvayor api bhinna- 
AS-VDh 065,20	lakṣaṇatvaṃ mā bhūt, kāyākārapariṇatabhūtaviśeṣāvasthātaḥ prāg api kṣityādibhūtānāṃ caitanyaśaktisadbhāvād a- 
AS-VDh 065,21	nyathā tadavasthāyām api caitanyodbhūtivirodhād iti na pratyavastheyaṃ, cetanasyānādyanantatvaprasiddher ātmavā-
AS-VDh 066,01	dinām iṣṭapratiṣṭhānāt | na caivaṃ caitanyaṃ bhūtavivarttaḥ, kṣityāditattvasyāpi tadvivarttatvaprasaṅgāt, anādyananta- 
AS-VDh 066,02	tvāviśeṣāt | tato bhinnalakṣaṇatvaṃ tattvāntaratvena vyāptaṃ, bhūtacaitanyayos tattvāntaratvaṃ sādhayaty eva | iti 
AS-VDh 066,03	caitanyapariṇāmopādāna evādya caitanyapariṇāmaḥ prāṇināmantyacaitanyopādeyaś ca janmāntarādyacaitanyapariṇāmaḥ 
AS-VDh 066,04	siddhaḥ | pūrvabhavaparityāgena bhavāntaraparigraha eva ca saṃsāraḥ | iti prasiddhena pramāṇena saṃsāratattvaṃ na 
AS-VDh 066,05	bādhyate, nānumānena, nāpyāgamena, tasya tatpratipādakatayā śruteḥ "saṃsāriṇas trasasthāvarāḥ" iti vacanāt | 
AS-VDh 066,06	tathā saṃsāropāyatattvam api na prasiddhena bādhyata, pratyakṣasya tadabādhakatvāt | nirhetukaḥ saṃsāro 'nādya- 
AS-VDh 066,07	nantatvād ākāśavad ity anumānena tad bādhyate iti cen na, paryāyārthādeśāt saṃsārasyānādyanantatvāsiddheḥ, dṛṣṭā- 
AS-VDh 066,08	ntasyāpi sādhyasādhanavikalatvād, dravyārthādeśāt tu tasya tathāsādhane siddhasādhyatānuṣakteḥ | sukhaduḥkhā- 
AS-VDh 066,09	dibhāvavivarttanalakṣaṇasya saṃsārasya dravyakṣetrakālabhāvabhavaviśeṣahetukatvapratīteś ca nāhetukasaṃsārasādhanānumāna- 
AS-VDh 066,10	m anavadyam | iti na kiñcid anumānaṃ saṃsāropāyatattvasya bādhakam | nāpy āgamaḥ, tasya tatsādhakatvāt "mithyā- 
AS-VDh 066,11	darśanāviratipramādakaṣāyayogā bandhahetavaḥ" iti vacanāt, bandhahetūnām eva saṃsārahetutvāt | tad evaṃ mokṣasaṃ- 
AS-VDh 066,12	sāratatkāraṇattvaṃ bhagavato 'bhimataṃ prasiddhena pramāṇena yuktiśāstrākhyenābādhyaṃ sidhyattadvāco yuktiśāstrā- 
AS-VDh 066,13	virodhitvaṃ sādhayati, tac ca nirdoṣatvam | iti tvam eva sa sarvajño vītarāgaś ca stotuṃ yukto nānya ity ucyate | 
AS-VDh 066,14	viprakarṣy api bhinnalakṣaṇasambandhitvādinā kasyacit pratyakṣaṃ sotra bhavān arhann eva * | dṛśyalakṣaṇā- 
AS-VDh 066,15	d bhinnalakṣaṇam adṛśyasvabhāvas tatsambandhitvena viprakarṣi paramāṇvādikam | tathā varttamānāt kālād bhinnaḥ kālo- 
AS-VDh 066,16	tītonāgataś ca, tatsambandhitvena rāvaṇaśaṅkhādi | tathā darśanayogyād deśādbhinnadeśo 'nupalabdhiyogyas tatsa- 
AS-VDh 066,17	mbandhitvena makārākarādi | tadbhinnalakṣaṇasambandhitvādinā svabhāvakāladeśaviprakarṣy api kasyacit pratyakṣaṃ sādhi- 
AS-VDh 066,18	tam | so 'tra bhavān arhann eva, na punaḥ kapilādaya iti | etat kuto niścitam iti cet, anyeṣāṃ nyāyāgama- 
AS-VDh 066,19	viruddhabhāṣitvāt * | ye nyāyāgamaviruddhabhāṣiṇas te na nirdoṣā yathā durvaidyādayaḥ, tathā cānye kapi- 
AS-VDh 066,20	lādaya ity anumānān nyāyāgamāviruddhabhāṣiṇa eva bhagavato 'rhato nirdoṣatvam avasīyate | na cātra nyāyāgama- 
AS-VDh 066,21	viruddhabhāṣitvaṃ kapilādīnām asiddhaṃ, tadabhimatasya mokṣasaṃsāratatkāraṇatattvasya prasiddhena pramāṇena bādhanāt | 
AS-VDh 066,22	tatra kapilasya tāvat svarūpe caitanyamātre 'vasthānam ātmano mokṣa ity abhimataṃ tatpramāṇena bādhyate, caitanyavi- 
AS-VDh 066,23	śeṣenantajñānādau svarūpe 'vasthānasya mokṣatvasādhanāt | na hy anantajñānādikam ātmano 'svarūpaṃ, sarvajñatvā- 
AS-VDh 066,24	divirodhāt | pradhānasya sarvajñatvādi svarūpaṃ, nātmana iti cen na, tasyācetanatvād ākāśavat | jñānāder apy a- 
AS-VDh 066,25	cetanatvād acetanapradhānasvabhāvatvaṃ yuktam eveti cet kutas tadacetanatvasiddhiḥ ? acetanā jñānādaya utpatti- 
AS-VDh 066,26	mattvād ghaṭādivad ityanumānād iti cen na, hetor anubhavena vyabhicārāt, tasya cetanatve 'py utpattimattvāt | 
AS-VDh 066,27	katham utpattimānam ubhava iti cet parāpekṣatvād buddhyādivat | parāpekṣo 'sau buddhyadhyavasāyāpekṣatvāt "buddhya- 
AS-VDh 066,28	dhyavasitam arthaṃ puruṣaś cetayate" iti vacanāt | buddhyadhyavasitārthānapekṣatve 'nubhavasya sarvatra sarvadā sarvasya puṃso 'nu-
AS-VDh 067,01	bhavaprasaṅgāt sarvasya sarvadarśitvāpattes tadupāyānuṣṭhānavaiyarthyam eva syāt | yadi punaranubhavasāmānyam ātmano 
AS-VDh 067,02	nityam anutpattimad eveti mataṃ tadā jñānādisāmānyam api nityatvād anutpattimad bhaved ity asiddho hetuḥ | jñānādi- 
AS-VDh 067,03	viśeṣāṇām utpattimattvān nāsiddha iti cet tarhy anubhavaviśeṣāṇām apy utpattimattvād anaikāntiko 'sau kathaṃ na syāt ? 
AS-VDh 067,04	nānubhavasya viśeṣāḥ santīti cāyuktaṃ, vastutvavirodhāt | tathā hi | nānubhavo vastu, sakalaviśe- 
AS-VDh 067,05	ṣarahitatvāt svaraviṣāṇavat | nātmanānekāntaḥ, tasyāpi sāmānyaviśeṣātmakatvād anyathā tadvadavastutvā- 
AS-VDh 067,06	patteḥ | kālātyayāpadiṣṭaś cāyaṃ hetuḥ, jñānādīnāṃ svasaṃvedanapratyakṣatvāc cetanatvaprasiddher adhyakṣabādhitapakṣānantaraṃ 
AS-VDh 067,07	prayuktatvāt | atha cetanasaṃsargād acetanasyāpi jñānādeś cetanatvapratītiḥ pratyakṣato bhrāntaiva | tad uktaṃ 
AS-VDh 067,08	"tasmāt tatsaṃsargād acetanaṃ cetanavad iha liṅgam" iti | tad apy acarcitābhidhānaṃ, śarīrāder api cetanatvapratīti- 
AS-VDh 067,09	prasaṅgāc cetanasaṃsargāviśeṣāt | śarīrādy asaṃbhavī buddhyāder ātmanā saṃsargaviśeṣo 'stīti cet sa ko 'nyonyatra 
AS-VDh 067,10	kathaṃcit tādātmyāt, tadadṛṣṭakṛtakatvādiviśeṣasya śarīrādāv api bhāvāt | tato nācetanā jñānādayaḥ, 
AS-VDh 067,11	svasaṃviditatvād anubhavavat | svasaṃviditās te, parasaṃvedanānyathānupapatter iti pratipāditaprāyam | tathā cātma- 
AS-VDh 067,12	svabhāvā jñānādayaḥ, cetanatvād anubhavavad eva | iti na caitanyamātre 'vasthānaṃ mokṣaḥ, anantajñānādicaitanya- 
AS-VDh 067,13	viśeṣe 'vasthānasya mokṣatvapratīteḥ | 
AS-VDh 067,14	etena buddhyādiviśeṣaguṇocchedād ātmatvamātre 'vasthānaṃ muktir iti kaṇabhakṣākṣapādamataṃ pramāṇena bādhitam u- 
AS-VDh 067,15	padarśitaṃ, puṃso 'nantajñānādisvarūpatvasādhanāt, svarūpopalabdher eva muktitvasiddheḥ | syān mataṃ "na 
AS-VDh 067,16	buddhyādayaḥ puṃsaḥ svarūpaṃ, tato bhinnatvād arthāntaravat | tato bhinnās te, tadviruddhadharmādhikaraṇatvād ghaṭādi- 
AS-VDh 067,17	vat | tadviruddhadharmādhikaraṇatvaṃ punas teṣām utpādavināśadharmakatvād ātmano 'nutpādāvināśadharmakatvāt prasiddham" iti 
AS-VDh 067,18	tad ayuktaṃ, viruddhadharmādhikaraṇatve 'pi sarvathā bhedāsiddher mecakajñānatadākāravat | ekaṃ hi mecakajñānam anekaś ca 
AS-VDh 067,19	tadākāro nīlādipratibhāsaviśeṣa ity ekatvānekatvaviruddhadharmādhikaraṇatve 'pi mecakajñānatatpratibhāsaviśeṣayor na 
AS-VDh 067,20	bhedo 'bhyupagamyate, mecakajñānatvavirodhāt | yadi punar yugapad anekārthagrāhi mecakajñānam ekam eva, na tatrāne- 
AS-VDh 067,21	kapratibhāsaviśeṣasambhavo yato viruddhadharmādhikaraṇatvam abhede 'pi syād iti mataṃ tadāpi tat kim anekayā śaktyā- 
AS-VDh 067,22	nekam arthaṃ yugapad gṛhṇāti kiṃ vaikayā ? yady anekayā tadaikam anekaśaktyātmakam iti sa eva viruddhadharmādhyāsaḥ | 
AS-VDh 067,23	tato 'nekaśakter anekatvadharmādhārabhūtāyāḥ pṛthaktvāt tasya tv ekatvadharmādhāratvān naikatra viruddhadharmādhyāsa iti 
AS-VDh 067,24	cet katham anekā śaktis tasyeti vyapadiśyate ? tato bhedād arthāntaravat | sambandhād iti cet tarhi tadanekayā śaktyā 
AS-VDh 068,01	saṃbadhyamānam anekena rūpeṇa katham anekarūpaṃ na syāt ? tasyāpy anekarūpasya tato 'nyatvāt tad ekam eveti cet kathaṃ 
AS-VDh 068,02	tat tasyeti vyapadeṣṭavyam ? sambandhād iti cet sa eva doṣo 'nivṛttaś ca paryanuyogo 'navasthānāt | yadi 
AS-VDh 068,03	punar ekenaiva rūpeṇānekayā śaktyā saṃbadhyate tadānekaviśeṣaṇatvavirodhaḥ | pītagrahaṇaśaktyā hi yena svabhā- 
AS-VDh 068,04	vena saṃbadhyate tenaiva nīlādigrahaṇaśaktyā cet pītagrāhitvaviśeṣaṇam eva mecakajñānaṃ syān na nīlādigrāhitva- 
AS-VDh 068,05	viśeṣaṇam iti pītajñānam eva syān na tu mecakajñānam | athaikayā śaktyānekam arthaṃ tadgṛhṇatīti dvitīyavi- 
AS-VDh 068,06	kalpaḥ samāśrīyate tadāpi sarvārthagrahaṇaprasaṅgaḥ | pītagrahaṇaśaktyā hy ekayā yathā nīlādigrahaṇaṃ tathātītā- 
AS-VDh 068,07	nāgatavarttamānāśeṣapadārthagrahaṇam api kena nivāryeta ? atha na pītagrahaṇaśaktyā nīlagrahaṇaśaktyā vā pīta- 
AS-VDh 068,08	nīlādyanekārthagrāhi mecakajñānam iṣyate | kiṃ tarhi ? nīlapītādipratiniyatānekārthagrahaṇaśaktyaikayeti mataṃ 
AS-VDh 068,09	tadā na kāryabhedaḥ kāraṇaśaktibhedavyavasthāhetuḥ syād ity ekahetukaṃ viśvasya vaiśvarūpyaṃ prasajyeta | tathā cāne- 
AS-VDh 068,10	kakāraṇaprativarṇanaṃ sarvakāryotpattau virudhyate | tadabhyupagacchatā mecakajñānam anekārthagrāhi nānāśaktyātmaka- 
AS-VDh 068,11	m urarīkarttavyam | tena ca viruddhadharmādhikaraṇenaikena prakṛtahetor anaikāntikatvān na jñānādīnām ātmano bhedaikā- 
AS-VDh 068,12	ntasiddhir yenātmānantajñānādirūpo na bhavet | nirākariṣyamāṇatvāc cāgrato guṇaguṇinor anyataikāntasya, na 
AS-VDh 068,13	jñānādayo guṇāḥ sarvathātmano bhinnāḥ śakyāḥ pratipādayituṃ yato 'śeṣaviśeṣaguṇanivṛttir muktir vyavatiṣṭheta | 
AS-VDh 068,14	nanu ca dharmādharmayos tāvan nivṛttir ātyantikī muktau pratipattavyā, anyathā tadanupapatteḥ | tannivṛttau ca tatpha- 
AS-VDh 068,15	labuddhyādinivṛttir avaśyaṃbhāvinī nimittāpāye naimittikasyāpy anupapatteḥ | muktasyātmano 'ntaḥkaraṇasaṃyo- 
AS-VDh 068,16	gābhāve vā na tatkāryasya buddhyāder utpattiḥ | ity aśeṣaviśeṣaguṇanivṛttir muktau siddhyaty eveti kecit te 'py a- 
AS-VDh 068,17	dṛṣṭahetukānāṃ buddhyādīnām ātmāntaḥkaraṇasaṃyogajānāṃ ca muktau nivṛttiṃ bruvāṇā na nivāryante | karmakṣayahe- 
AS-VDh 068,18	tukayos tu praśamasukhānantajñānayor nivṛttim ācakṣāṇās te na svasthāḥ pramāṇavirodhāt | tataḥ kathañcid buddhyā- 
AS-VDh 068,19	diviśeṣaguṇānāṃ nivṛttiḥ kathañcid anivṛttir muktau vyavatiṣṭhate | na caivaṃ siddhāntavirodhaḥ, "bandhahetvabhāvani- 
AS-VDh 068,20	rjarābhyāṃ kṛtsnakarmavipramokṣo mokṣaḥ" ity anuvartamāne "aupaśamikādibhavyatvānāṃ cānyatra kevalasamyaktvajñāna- 
AS-VDh 068,21	darśanasiddhatvebhyaḥ" iti sūtrasadbhāvāt | tatraupaśamikakṣāyopaśamikaudayikapāriṇāmikabhāvānāṃ darśanajñānaga-
AS-VDh 069,01	tyādīnāṃ bhavyatvasya ca vipramokṣo mokṣa ity abhisambandhān muktau viśeṣaguṇanivṛttir iṣṭā, anyatra kevalajñāna- 
AS-VDh 069,02	darśanasiddhatvebhya iti vacanād anantajñānadarśanasiddhatvasamyaktvānām anivṛttiś ceti yuktaṃ tathā vacanam | katha- 
AS-VDh 069,03	m evam anantasukhasadbhāvo muktau siddhyed iti cet siddhatvavacanāt | sakaladuḥkhanivṛttir ātyantikī hi bhagavataḥ 
AS-VDh 069,04	siddhatvam | saiva cānantapraśamasukham | iti sāṃsārikasukhanivṛttir api muktau na virudhyate | 
AS-VDh 069,05	anantasukham eva muktasya, na jñānādikam ity ānandaikasvabhāvābhivyaktir mokṣa ity aparaḥ so 'pi yuktyāgamābhyāṃ 
AS-VDh 069,06	bādhyate | tadanantaṃ sukhaṃ muktau puṃsaḥ saṃvedyasvabhāvam asaṃvedyasvabhāvaṃ vā ? saṃvedyaṃ cet tatsaṃvedanasyānantasya 
AS-VDh 069,07	siddhiḥ, anyathānantasya sukhasya svayaṃ saṃvedyatvavirodhāt | yadi punar asaṃvedyam eva tat tadā kathaṃ sukhaṃ nāma ? 
AS-VDh 069,08	sātasaṃvedanasya sukhatvapratīteḥ | syān mataṃ te, abhyupagamyate evānantasukhasaṃvedanaṃ paramātmanaḥ | kevalaṃ 
AS-VDh 069,09	bāhyārthānāṃ jñānaṃ nopeyate tasyeti, tad apy evaṃ sampradhāryam–kiṃ bāhyārthābhāvād bāhyārthasaṃvedanābhāvo muktasyendri- 
AS-VDh 069,10	yāpāyād vā ? prathamapakṣe sukhasyāpi saṃvedanaṃ muktasya na syāt, tasyāpi bāhyārthavad abhāvāt | puruṣādvaitavāde 
AS-VDh 069,11	hi bāhyārthābhāvo yathābhyupagantavyastathā sukhābhāvo 'pi, anyathā dvaitaprasaṅgāt | atha dvaitavādāvalambināṃ 
AS-VDh 069,12	sato 'pi bāhyārthasyendriyāpāyād asaṃvedanaṃ muktasyeti mataṃ tad apy asaṃgataṃ, tata eva sukhasaṃvedanābhāvaprasaṅgāt | 
AS-VDh 069,13	athāntaḥkaraṇābhāve 'pi muktasyātīndriyasaṃvedanena sukhasaṃvedanam iṣyate tarhi bāhyārthasaṃvedanam astu tasyātī- 
AS-VDh 069,14	ndriyajñānenaiveti manyatāṃ, sarvathā viśeṣābhābhāvāt | ye 'pi nirāsravacittasantānotpattir mokṣa ity ācakṣate 
AS-VDh 069,15	teṣām api mokṣatattvaṃ yuktyābhyupāyena ca bādhyate pradīpanirvāṇopamaśāntanirvāṇavat cittānāṃ tattvato 'nvitatva- 
AS-VDh 069,16	sādhanāt santānocchedānupapatteś ca niranvayakṣaṇakṣayaikāntābhyupāyena na mokṣābhyupagamabādhanasya vakṣyamāṇatvāt | 
AS-VDh 069,17	tathā mokṣakāraṇatattvam api kapilādibhir bhāṣitaṃ nyāyāgamaviruddham | tadvijñānamātraṃ na paraniḥśre- 
AS-VDh 069,18	yasakāraṇaṃ, prakarṣaparyantāvasthāyām apy ātmani śarīreṇa sahāvasthānān mithyājñānavat | na tāvad ihāsiddho 
AS-VDh 069,19	hetuḥ, sarvajñānām api kapilādīnāṃ svayaṃ prakarṣaparyantāvasthāprāptasyāpi jñānasya śarīreṇa sahāvasthā- 
AS-VDh 069,20	nopagamāt | sākṣāt sakalārthajñānotpattyanantaraṃ śarīrābhāve kuto 'yam āptasyopadeśaḥ pravartate ? aśarīrasyāptasyo- 
AS-VDh 069,21	padeśakaraṇavirodhād ākāśavat | tasyānutpannanikhilārthajñānasyopadeśa iti cen na, tasyāpramāṇatvaśaṅkā'ni- 
AS-VDh 069,22	vṛtter anyā'jñānapuruṣopadeśavat | yadi punaḥ śarīrāntarānutpattir niśreyasaṃ na gṛhītaśarīranivṛttiḥ | tasya 
AS-VDh 069,23	sākṣātsakalatattvajñānaṃ kāraṇaṃ, na tu gṛhītaśarīranivṛtteḥ, phalopabhogāt tadupagamāt | tataḥ pūrvopāttaśarīreṇa 
AS-VDh 069,24	sahāvatiṣṭhamānāt tattvajñānād āptasyopadeśo yukta iti mataṃ tadā hetuḥ siddho 'bhyupagatas tāvat | sa ca paraniḥ-
AS-VDh 070,01	śreyasā'kāraṇatvaṃ tattvajñānasya sādhayaty eva, bhāviśarīrasyevopāttaśarīrasyāpi nivṛtteḥ paraniḥśreyasatvāt, 
AS-VDh 070,02	tasya ca tadbhāve 'py abhāvāt | phalopabhogakṛtopāttakarmakṣayāpekṣaṃ tattvajñānaṃ paraniḥśreyasakāraṇam ity apy anālocitā- 
AS-VDh 070,03	bhidhānaṃ, phalopabhogasyaipakramikānaupakramikavikalpānatikramāt | tasyaupakramikatve kṣutas tadupakramo 'nyatra 
AS-VDh 070,04	tapo'tiśayāt | iti tattvajñānatapo'tiśayahetukaṃ paraniḥśreyasam āyātam | samādhiviśeṣād upāttāśeṣakarmaphalopa- 
AS-VDh 070,05	bhogopagamād adoṣa iti cet kaḥ punar asau samādhiviśeṣaḥ ? sthirībhūtaṃ jñānam eva sa iti cet tadutpattau paraniḥ- 
AS-VDh 070,06	śreyasasya bhāve sa evāptasyopadeśābhāvaḥ | sakalatattvajñānasyāsthairyāvasthāyām asamādhirūpasyopajanane yukto 'yaṃ 
AS-VDh 070,07	yoginas tattvopadeśa iti cen na, sakalatattvajñānasyāsthairyavirodhāt tasya kadācic calanānupapatteḥ, akramatvā- 
AS-VDh 070,08	d viṣayāntarasaṃcaraṇābhāvāt, anyathā sakalatattvajñānatvāsaṃbhavād asmadādijñānavat | atha tattvopadeśada- 
AS-VDh 070,09	śāyāṃ yogino 'pi jñānaṃ vineyajanapratibodhāya vyāpriyamāṇam asthiram asamādhirūpaṃ paścān nivṛttasakalavyāpāraṃ sthiraṃ 
AS-VDh 070,10	samādhivyapadeśam āskandatīty ucyate tarhi samādhiś cāritram iti nāmamātraṃ bhidyate, nārthaḥ, tattvajñānād aśeṣājñā- 
AS-VDh 070,11	nanivṛttiphalād anyasya paramopekṣālakṣaṇasvabhāvasya samucchinnakriyā'pratipātiparamaśukladhyānasya tapo'tiśayasya 
AS-VDh 070,12	samādhivyapadeśakaraṇāt | tathā cāritrasahitaṃ tattvajñānam antarbhūtatattvārthaśraddhānaṃ paraniḥśreyasam anicchatā- 
AS-VDh 070,13	m api kapilādīnām agre vyavasthitam | tato nyāyaviruddhaṃ sarvathaikāntavādināṃ jñānam eva mokṣakāraṇatattvam | 
AS-VDh 070,14	svāgamaviruddhaṃ ca, sarveṣām āgame pravrajyādyanuṣṭhānasya sakaladoṣoparamasya ca bāhyasyābhyantarasya ca cāritrasya 
AS-VDh 070,15	mokṣakāraṇatvaśravaṇāt | 
AS-VDh 070,16	tathā saṃsāratattvaṃ cānyeṣāṃ nyāyāgamaviruddham | tathā hi | nāsti nityatvādyekānte kasyacit saṃsāraḥ, 
AS-VDh 070,17	vikriyānupalabdheḥ | iti nyāyavirodhaḥ | samarthayiṣyate tadāgamavirodhaś ca, svayaṃ puruṣasya saṃsārābhāvavaca- 
AS-VDh 070,18	nād, guṇānāṃ saṃsāropapatteḥ pareṣāṃ saṃvṛttyā saṃsāravyavasthiteḥ | 
AS-VDh 070,19	tathā saṃsārakāraṇatattvaṃ cānyeṣāṃ nyāyāgamaviruddham | tad dhi mithyājñānamātraṃ tair urarīkṛtam | na ca 
AS-VDh 070,20	tatkāraṇaḥ saṃsāraḥ, tannivṛttāv api saṃsārānivṛtteḥ | yan nivṛttāv api yan na nivarttate na tat tanmātrakāraṇam | yathā 
AS-VDh 070,21	takṣādinivṛttāv apy anivartamānaṃ devagṛhādi na tanmātrakāraṇam | mithyājñānanivṛttāv apy anivarttamānaś ca saṃsāraḥ | 
AS-VDh 070,22	tasmān na mithyājñānamātrakāraṇaka iti | atra na hetur asiddhaḥ, samyagjñānotpattau mithyājñānanivṛttāv api 
AS-VDh 070,23	doṣānivṛttau saṃsārānivṛtteḥ svayam abhidhānāt | doṣāṇāṃ saṃsārakāraṇatvāvedakāgamasvīkaraṇāc ca tanmātraṃ 
AS-VDh 070,24	saṃsārakāraṇatatvaṃ nyāyāgamaviruddhaṃ siddham | tad evam anyeṣāṃ nyāyāgamaviruddhabhāṣitvād arhann eva yuktiśāstrā- 
AS-VDh 070,25	virodhivāk sarvajño vītarāgaś ca niścīyate | tataḥ sa eva sakalaśāstrādau prekṣāvatāṃ saṃstutyaḥ | 
AS-VDh 071,01	ye tv āhuḥ–'sato 'pi yathārthadarśino vītarāgasyedantayā niścetum aśaktes tatkāryasya vyāpārādes tadvyabhi- 
AS-VDh 071,02	cārād avītarāge 'pi darśanāt' sarāgāṇām api vītarāgavac ceṣṭamānānām anivāraṇān na kasyacit 'sa tvam evāpta 
AS-VDh 071,03	iti nirṇayaḥ saṃbhavati' iti teṣām api, vicitrābhisaṃbandhatayā vyāpāravyāhārādisāṅkaryeṇa kvacid apy a- 
AS-VDh 071,04	tiśayānirṇaye kaimarthakyād viśeṣeṣṭiḥ, jñānavato 'pi visaṃvādāt, kva punar āśvāsaṃ labhemahi ? * na hi 
AS-VDh 071,05	jñānavato vītarāgāt puruṣād visaṃvādaḥ kvacit saṃbhavati sugatādāv apy anāśvāsaprasaṅgāt tasya kapilādibhyo 
AS-VDh 071,06	viśeṣeṣṭer ānarthakyaprasaṅgāt | na ca vyāpāravyāhārākāraviśeṣāṇāṃ tatra sāṅkaryaṃ sidhyati, vicitrābhisa- 
AS-VDh 071,07	ndhitānupapatteḥ, tasyāḥ, pṛthagjane rāgādimatyajñe prasiddheḥ prakṣīṇadoṣe bhagavati nivṛtteḥ, asya yathārthapratipā- 
AS-VDh 071,08	danābhiprāyatāniścayāt | kutaś cāyaṃ sarvasya vicitrābhiprāyatām adṛśyāṃ vyāpārādisāṅkaryahetuṃ niścinuyāt ? | 
AS-VDh 071,09	śarīritvāder hetoḥ svātmanīveti cet | tata eva sugatasyāsarvajñatvaniścayo 'stu | tatrāsya hetoḥ sandigdhavipa- 
AS-VDh 071,10	kṣavyāvṛttikatvān na tanniścayaḥ | śarīrī ca syāt sarvajñaś ca, virodhābhāvāt, vijñānaprakarṣe śarīrādyapakarṣādarśanā- 
AS-VDh 071,11	d iti cet tata eva sarvajñasya vicitrābhiprāyatāniścayo 'pi mā bhūt, tatrāpi proktahetoḥ sandigdhavipakṣavyāvṛ- 
AS-VDh 071,12	ttikatvāviśeṣāt | so 'yaṃ vicitravyāpārādikāryadarśanāt sarvasya vicitrābhisandhitāṃ niścinoti, na punaḥ 
AS-VDh 071,13	kasyacid vacanādikāryātiśayaniścayāt sarvajñatvādyatiśayam iti katham anunmattaḥ ? kaimarthakyāc cāsya santānā- 
AS-VDh 071,14	ntarasvasantānakṣaṇakṣayasvargaprāpaṇaśaktyāder viśeṣasyeṣṭiḥ ? viprakṛṣṭasvabhāvatvāviśeṣāt, vedyavedakākārarahi- 
AS-VDh 071,15	tasya vedanādvaitasya vā viśeṣasya pramāṇabhūtasya jagaddhitaiṣiṇaḥ śāstus tāyina śobhanaṃ gatasya sampūrṇaṃ vā 
AS-VDh 071,16	gatasya punaranāvṛttyā suṣṭu vā gatasya viśeṣasyeṣṭiḥ ? sarvatrānāśvāsāviśeṣāt | na caivaṃ vādinaḥ kiñci- 
AS-VDh 071,17	d anumānaṃ nāma, nirabhisasandhīnām api bahulaṃ kāryasvabhāvāniyamopalambhāt, sati kāṣṭhādisāmagrī- 
AS-VDh 071,18	viśeṣe kvacid upalabdhasya tadabhāve prāyasonupalabdhasya maṇyādikāraṇakalāpe 'pi saṃbhavāt | yaj jā- 
AS-VDh 071,19	tīyo yataḥ saṃprekṣitas taj jātīyāt tādṛg iti durlabhaniyamatāyāṃ dhūmadhūmaketvādīnām api vyāpyavyā- 
AS-VDh 072,01	pakabhāvaḥ katham iva nirṇīyeta ? vṛkṣaḥ, śiṃśapātvād iti latācūtāder api kvacid eva darśanāt 
AS-VDh 072,02	prekṣāvatāṃ kim iva niḥśaṅkaṃ cetaḥ syāt ? tad etadadṛṣṭasaṃśayaikāntavādināṃ vidagdhamarkaṭānāmiva svalā- 
AS-VDh 072,03	ṅgūlabhakṣaṇam * | nanu ca 'kāṣṭhādisāmagrījanyo 'gniryādṛśo dṛṣṭo na tādṛśo maṇyādisāmagrīprabhava iti 
AS-VDh 072,04	yaj jātīyo yato dṛṣṭaḥ sa tādṛśād eva na punar anyādṛśād api, yato dhūmapāvakayor vyāpyavyāpakabhāvo na nirṇī- 
AS-VDh 072,05	yate, tathā yādṛśaṃ cūtatvaṃ vṛkṣatvena vyāptaṃ tādṛśaṃ na latātvena, yataḥ śiṃśapātvavṛkṣatvayor api vyāpyavyāpaka- 
AS-VDh 072,06	bhāvaniyamo durlabhaḥ syāt' iti kaścit so'pi pratīter apalāpakaḥ, kāryasya tādṛśatayā pratīyamānasyāpi 
AS-VDh 072,07	kāraṇaviśeṣātivṛttidarśanāt | yatnataḥ parīkṣitaṃ kāryaṃ kāraṇaṃ nātivartate iti cet stutaṃ * prastu- 
AS-VDh 072,08	taṃ, vyāpārādiviśeṣasyāpi kiñcij jñarāgādimadasaṃbhavino yatnanaḥ parīkṣitasya bhagavati jñānādyatiśayāna- 
AS-VDh 072,09	tivṛttisiddheḥ | etena yatnataḥ parīkṣitaṃ vyāpyaṃ vyāpakaṃ nātivartate iti bruvatāpi stutaṃ prastutam ity uktaṃ 
AS-VDh 072,10	veditavyaṃ, puruṣaviśeṣatvādeḥ svabhāvasya vyāpyasya sarvajñatvavyāpakasvabhāvānatikramasiddhes tadvadaviśeṣāt | 
AS-VDh 072,11	tato 'yaṃ pratipattur aparādho nānumānasyety anukūlam ācarati * | mandataradhiyāṃ dhūmādikam api parīkṣitum a- 
AS-VDh 072,12	kṣamāṇāṃ tato dhūmadhvajādibuddher api vyabhicāradarśanāt | prajñātiśayavatāṃ tu sarvatra parīkṣākṣamāṇāṃ yathā 
AS-VDh 072,13	dhūmādi pāvakādikaṃ na vyabhicarati tathā vyāpāravyāhārākāraviśeṣaḥ kvacid vijñānādyatiśayam apīty anukūlā- 
AS-VDh 072,14	caraṇam | evaṃ yuktiśāstrāvirodhivāktvaṃ, bhagavator 'hata eva sarvajñatvaṃ sādhayatīty abhidhāya tad evaṃ tat 
AS-VDh 072,15	suniścitāsambhavadbādhakapramāṇatvam arhaty eva sakalajñatvaṃ sādhayati nānyatrety avirodha ityādinā spa- 
AS-VDh 072,16	ṣṭayata *, svāmīti śeṣaḥ, yad yasmād avirodhaḥ, suniścitāsaṃbhavadbādhakapramāṇatvaṃ tvayy eva tasmāc ca tmav eva 
AS-VDh 072,17	sa ity abhidhānasaṃbandhāt | sa evāvirodhaḥ kutaḥ siddha ity ārekāyāṃ yad iṣṭaṃ te prasiddhena na bādhyate ity abhi- 
AS-VDh 072,18	dhānāt | tatreṣṭaṃ mataṃ śāsanam upacaryate, nirākṛtavāco 'pi kvacid avipratiṣedhāt * | na punar i- 
AS-VDh 072,19	cchāviṣayīkṛtam iṣṭaṃ, prakṣīṇamohe bhagavati mohaparyāyātmikāyās tadicchāyāḥ saṃbhavābhāvāt | tathā hi | 
AS-VDh 072,20	necchā sarvavidaḥ śāsanaprakāśananimittaṃ, praṇaṣṭamohatvāt | yasyecchā śāsanaprakāśananimittaṃ, na sa 
AS-VDh 072,21	praṇaṣṭamoho yathā kiñcijjñaḥ | praṇaṣṭamohaś ca sarvavitpramāṇataḥ sādhitas tasmān na tasyecchā śāsanaprakā- 
AS-VDh 072,22	śananimittam | iti kevalavyatirekī hetur nirākṛtavācaṃ sādhayati, avyabhicārāt || na sarvavidicchā- 
AS-VDh 072,23	m antareṇa vakti, vaktṛtvādasmadādivad ity anena nirākṛtavāco vipratiṣedha iti cen nāyaṃ niyamo 'sti | tadabhyu- 
AS-VDh 072,24	pagame ko doṣa iti cet, niyamābhyupagame suṣuptyādāv api nirabhiprāyavṛttir na syāt * | 
AS-VDh 073,01	na hi suṣuptau gotraskhalanādau vāgvyāhārādihetur icchāsti | pratisaṃviditākārecchā tadā saṃbhavantī 
AS-VDh 073,02	punaḥ smaryeta vāñchāntaravat * | na hy apratisaṃviditākārecchā saṃbhavati yā paścān na smaryate || pūrvakā- 
AS-VDh 073,03	labhāvinīcchā tadā vāgādipravṛttihetur apratisaṃviditākārā'numeyā sambhavaty eveti cet | kiṃ punas tadanumā- 
AS-VDh 073,04	nam ? vivādādhyāsitā vāgādipravṛttir icchāpūrvikā, vāgādipravṛttittvāt prasiddhecchāpūrvakavāgādipravṛtti- 
AS-VDh 073,05	vad iti cen na, hetor aprayojakatvāt | yathābhūtasya hi jāgrato 'nanyamanaso vā vāgādipravṛttir icchāpūrvikā 
AS-VDh 073,06	pratipannā deśāntare kālāntare ca tathābhūtasyaiva tatpravṛttir icchāpūrvikā sādhayituṃ śakyā na punar anyādṛśo 
AS-VDh 073,07	'tiprasaṅgāt | na ca suṣuptasyānyamanaskasya vā tatpravṛttir icchāpūrvakatvena vyāptāvagatā, tadavagater asaṃ- 
AS-VDh 073,08	bhavāt | sā hi svasantāne tāvan na saṃbhavati, suṣuptyādivirodhāt | suṣupto 'nyamanaskaś ca 'pravṛttim icchāpūrvi- 
AS-VDh 073,09	kām avagacchati ceti vyāhatam etat || paścād utthito 'vagacchatīti ced idam api tādṛg eva | svayam asuṣupto 'nanyama- 
AS-VDh 073,10	nāś ca suṣuptānyamanaskapravṛttim icchāpūrvakatvena vyāptām avagacchīti bruvāṇaḥ katham apratihatavacanapathaḥ svasthai- 
AS-VDh 073,11	r āsthīyate ? || tadānumānāt tadavagater adoṣa iti cen na, anavasthāprasaṅgāt, tadanumānasyāpi vyāptipratipratti- 
AS-VDh 073,12	purassaratvāt tadvyāpter apy anumānāntarāpekṣatvāt, sudūram api gatvā pratyakṣatas tadvyāptipratipatter aghaṭanāt | etena 
AS-VDh 073,13	santānāntare tadvyāpter avagatir apāstā, anumānāt tadavagatāv anavasthānāviśeṣāt, pratyakṣatas tadavagater asaṃbhavāc ca | 
AS-VDh 073,14	iti nānumeyā suṣuptyādāv icchāsti, tatkālā pūrvakālā vā, tadanumānasyānudayāt | tathā ca sarvajñapravṛtte- 
AS-VDh 073,15	r icchāpūrvakatve sādhye vaktṛtvāder hetoḥ suṣuptyādinā vyabhicārāt tadaniyama eva || tataś caitanyakaraṇapāṭava- 
AS-VDh 073,16	yor eva sādhakatamatvam * || nanu ca saty api caitanye karaṇapāṭave ca vacanapravṛtter adarśanād vivakṣāpi tatsaha- 
AS-VDh 073,17	kārikāraṇam apekṣyate eveti cet, sahakārikāraṇāntaraṃ na vai niyatam apekṣaṇīyaṃ, naktañcarādeḥ saṃskṛtaca- 
AS-VDh 073,18	kṣuṣo vā'napekṣitālokasannidheḥ rūpopalambhāt | na caive saṃvitkaraṇapāṭavayor apy abhāve vivakṣā- 
AS-VDh 073,19	mātrāt kasyacid vacanapravṛttiḥ prasajyate, saṃvitkaraṇavaikalye yathāvivakṣaṃ vāgvṛtter abhāvāt * | na hi 
AS-VDh 073,20	śabdato 'rthataś ca śāstraparijñānābhāve tadvyākhyānavivakṣāyāṃ satyām api tadvacanapravṛttir dṛśyate, karaṇapāṭavasya 
AS-VDh 073,21	cābhāve spaṣṭaśabdoccāraṇaṃ, bālamūkāder api tatprasaṅgāt | tataś caitanyaṃ karaṇapāṭavaṃ ca vāco hetur eva niya- 
AS-VDh 073,22	mato, na vivakṣā, vivakṣām antareṇāpi suṣuptyādau taddarśanāt || na ca doṣajātis taddhetur yatas tāṃ vāṇī 
AS-VDh 073,23	nātivarteta, tatprakarṣāpakarṣānuvidhānābhāvād buddhyādivat * | na hi yathā buddheḥ śakteś ca prakarṣe vāṇyāḥ 
AS-VDh 073,24	prakarṣo 'pakarṣe vā'pakarṣaḥ pratīyate, tathā doṣajāter api, tatprakarṣe vācopakarṣāt tadapakarṣe eva tatprakarṣāt, 
AS-VDh 073,25	yato vaktur doṣajātir anumīyeta | saty api ca rāgādidoṣe kasyacit dbuddher yathārthavyavasāyitvādiguṇasya sadbhāvāt, 
AS-VDh 074,01	satyavākpravṛtter upalambhāt, 'kasyacit tu vītarāgadveṣasyāpi buddher ayathārthādhyavasāyitvādidoṣasya bhāve vitathava- 
AS-VDh 074,02	canasya darśanād vijñānaguṇadoṣābhyām eva vāgvṛtter guṇadoṣavattā vyavatiṣṭhate, na punar vivakṣāto doṣajāter vā | 
AS-VDh 074,03	tad uktaṃ "vijñānaguṇadoṣābhyāṃ vāgvṛtter guṇadoṣatā | vāñchanto vā na vaktāraḥ śāstrāṇāṃ mandabuddhayaḥ" 
AS-VDh 074,04	iti | tataḥ sādhūpādeśi 'tatreṣṭaṃ mataṃ śāsanam upacaryate' iti | 
AS-VDh 074,05	tatprasiddhena na bādhyate | pramāṇataḥ siddhaṃ prasiddham | tad eva kasyacid bādhanaṃ yuktam | viśeṣaṇa- 
AS-VDh 074,06	m etatparamatāpekṣam, aprasiddhenāpy anityatvādyekāntadharmeṇa bādhā'kalpanāt * | na hy anekāntaśāsanasya 
AS-VDh 074,07	pratyakṣataḥ siddho 'sty anityatvadharmo bādhakaḥ, sarvathā nityatvādidharmavat | anumānāt siddho bādhaka iti cen narte 
AS-VDh 074,08	pramāṇāt pratibandhasiddher abhyugamāt | na khalu pareṣāṃ pratyakṣam agnidhūmayoḥ kṣaṇabhaṅgasadbhāvayor vā 
AS-VDh 074,09	sākalyena vyāptiṃ prati samartham, avicārakatvāt sannihitaviṣayatvāc ca * | asmadādipratyakṣaṃ hi 
AS-VDh 074,10	sādhyasādhanayor vyāptigrāhi parair abhyupagantavyaṃ, na yogipratyakṣam, anumānavaiyarthyaprasaṅgāt, yogipratyakṣeṇa deśataḥ 
AS-VDh 074,11	kārtsnyato vā niśśeṣasādhyasādhanavyaktisākṣātkaraṇe samāropasyāpy abhāvāt tadvyavacchedanārthamapy anumānopayo- 
AS-VDh 074,12	gāyogāt | tac ca nirvikalpakam iva savikalpakam api na vicārakaṃ, pūrvāparaparāmarśaśūnyatvād abhilāpasaṃsargara- 
AS-VDh 074,13	hitatvāt | sannihitaviṣayaṃ ca, deśakālasvabhāvaviprakṛṣṭārthāgocaratvāt | tan na sākalyena vyāptigrahaṇasamartham | 
AS-VDh 074,14	na cānumānam anamavasthānuṣaṅgāt * | vyāptigrāhiṇo 'numānasyāpi vyāptigrahaṇapurassaratvāt tadvyāpter apy anumānā- 
AS-VDh 074,15	ntarāpekṣatvāt kvacid apy avasthānābhāvāt | evam aprasiddhavyāptikaṃ ca katham anumānam ekāntavādinām anityatvādye- 
AS-VDh 074,16	kāntadharmasya sādhakaṃ yena pramāṇasiddhaḥ sarvathaikānto 'nekāntaśāsanasya bādhakaḥ syāt ? syādvādināṃ tu, paro- 
AS-VDh 074,17	kṣāntarbhāvinā nas tarkeṇa sambandho vyavatiṣṭheta * | tasya vicārakatvāt, pratyakṣānupalambhasahakāriṇo 
AS-VDh 074,18	matijñānaviśeṣaparokṣatarkajñānāvaraṇavīryāntarāyakṣayopaśamaviśeṣād upajāyamānasya yāvan kaścid dhūmaḥ sa sarvo 'py a- 
AS-VDh 074,19	gnijanmā'nagnijanmā vā na bhavatīti śabdayojanāsahitaparāmarśātmakatvāt kālatrayavartisādhyasādhanavyaktiviṣa- 
AS-VDh 074,20	yatvāc ca vyāptiṃ prati samarthatvāt, pratyakṣavadvyāptigrahaṇapūrvakatvābhāvād anumānohāntarānapekṣatvād anavasthānanu- 
AS-VDh 074,21	ṣaṅgāt, saṃvādakatvena samāropavyavacchedakatvena ca pramāṇatvāt | tadapramāṇatve na laiṅgikaṃ pramāṇam iti 
AS-VDh 074,22	śeṣaḥ, samāropavyavacchedāviśeṣāt * | tarkataḥ saṃbandhasyādhigame samāropavirodhāt | na hi nirvi-
AS-VDh 075,01	kalpako 'dhigamo 'sti yatas tatra samāropo 'pi syāt | kiṃ tarhi ? adhigamo 'pi vyavasāyātmaiva, tadanu- 
AS-VDh 075,02	tpattau sato 'pi darśanasya sādhanāntarāpekṣayā sannidhānā'bhedāt suṣuptacaitanyavat * | sannidhānaṃ 
AS-VDh 075,03	hīndriyārthasannikarṣaḥ | tat svayam apramāṇam ākhyat tathāgataḥ, sādhanāntarāpekṣitvāt tasyārthaparicchittau | 
AS-VDh 075,04	tata eva darśanasyāpramāṇatvaṃ, suṣuptacaitanyavat svayaṃ saṃśayaviparyāsān adhyavasāyāvyavacchedakatvāt | tadvyava- 
AS-VDh 075,05	cchedino niścayasya jananāt pramāṇaṃ darśanam iti cet tata eva sannikarṣaḥ pramāṇam astu | tasyāsādhakatamatvān na 
AS-VDh 075,06	pramāṇatvam iti cet kutas tasyāsādhakatamatvam ? acetanatvād ghaṭādivad iti ced darśanasyāpy asādhakatamatvaṃ cetana- 
AS-VDh 075,07	tvāt suṣuptacaitanyavat kiṃ na syāt? || yasya bhāve 'rthaḥ paricchinno vyavahriyate 'bhāve cā'paricchinnas taddarśanaṃ 
AS-VDh 075,08	sādhakatamam iti cet sannikarṣaḥ sādhakatamo 'stu, bhāvābhāvayos tadvattā sādhakatamatvam iti vacanāt | na hi sanni- 
AS-VDh 075,09	karṣasya bhāve bhāvavattvam abhāve 'bhāvavattvam arthaparicchitter apratītam | nāpy arthasyānyat paricchinnatvaṃ, tatpari- 
AS-VDh 075,10	cchittyutpatteḥ | paricchittir utpannā cetparicchinno 'rtha ucyate || atha nirvikalpakadṛṣṭau satyām arthasya pari- 
AS-VDh 075,11	cchittir niścayātmakārthaparicchedavyavahārahetur utpadyate nāsatyām | atas tasyāḥ sādhakatamatvam iti tavākūtaṃ 
AS-VDh 075,12	tad api na samīcīnaṃ, sannikarṣād eva tadutpattyavirodhāt | katham acetanāt sannikarṣāc cetanasyārthaniścayasyotpa- 
AS-VDh 075,13	ttir na virudhyate iti cet tavāpi katham acetanād indriyāder avikalpadarśanasya cetanasyotpattir aviruddhā ? | 
AS-VDh 075,14	cetanān manaskārādindriyādisahakāriṇo darśanasyotpattir iti cet tarhi cetanād ātmanaḥ sannikarṣasahakāriṇo '- 
AS-VDh 075,15	rthaniścayotpattir api kathaṃ virudhyate ? yataḥ svārthavyavasāyātmako 'dhigamo na bhavet || sa ca sākalyena sādhya- 
AS-VDh 075,16	sādhanasambandhas tarkād eveti pramāṇaṃ tarkaḥ, svārthādhigamaphalatvāt, samāropavyavacchedakatvāt saṃvādakatvāc cānumā- 
AS-VDh 075,17	nādivat | tataḥ syādvādināṃ vyāptisiddher asty anumānaṃ, na punar ekāntāvādināṃ, yato 'numānasiddhena sarvathai- 
AS-VDh 075,18	kānte 'nānekāntasya bādhakalpanā syāt | ity apramāṇasiddhenāpi bādhā kalpanīyaiva paraiḥ, anyathā svamata- 
AS-VDh 075,19	niyamāghaṭanāt | tathā sati sūktaṃ paramatāpekṣaṃ viśeṣaṇaṃ prasiddhena na bādhyate iti | etena yad uktaṃ 
AS-VDh 075,20	bhaṭṭena "naraḥ ko 'py asti sarvajñaḥ sa tu sarvajña ity api | sādhanaṃ yat prayujyeta pratijñāmātram eva tat | 1 | 
AS-VDh 075,21	sisādhayiṣito yo 'rthaḥ so 'nayā nābhidhīyate | yas tūcyate na tat siddhau kiñcid asti prayojanam | 2 | yadī- 
AS-VDh 075,22	yāgamasatyatvasiddhau sarvajñatocyate | na sā sarvajñasāmānyasiddhimātreṇa labhyate | 3 | yāvad buddho na sarva- 
AS-VDh 075,23	jñas tāvat tadvacanaṃ mṛṣā | yatra kvacana sarvajñe siddhe tatsatyatā kutaḥ | 4 | anyasmin na hi sarvajñe vacaso 
AS-VDh 075,24	'nyasya satyatā | sāmānādhikaraṇye hi tayor aṅgāṅgitā bhavet | 5 | " iti tannirastaṃ, bhagavato 'rhata eva 
AS-VDh 076,01	yuktiśāstrāvirodhivāktvena suniścitāsaṃbhavadbādhakapramāṇatvena ca sarvajñatvavītarāgatvasādhanāt | tatas tvam eva 
AS-VDh 076,02	mahān mokṣamārgasya praṇetā nānyaḥ kapilādiḥ | yasmāt —
ĀM-VDh 7
 		tvanmatāmṛtabāhyānāṃ sarvathaikāntavādinām | āptābhimānadagdhānāṃ sveṣṭaṃ dṛṣṭena bādhyate || 7 || 
AS-VDh 076,04	tvanmatam anekāntātmakaṃ vastu tajjñānaṃ ca | tad evāmṛtam, amṛtasya mokṣasya kāraṇatvāt sarvathā nirbā- 
AS-VDh 076,05	dhatvena paritoṣakāritvāc ca | tato bāhyāḥ sarvathaikāntās tadabhiniveśinaś ca vādinaḥ | te cāptābhimānadagdhā 
AS-VDh 076,06	eva visaṃvādakatvena tattvato 'nāptatvād vayam āptā ity abhimānena svarūpāt pracyāvitatvād dagdhā iva dagdhā iti 
AS-VDh 076,07	samādhivacanatvāt, teṣāṃ sveṣṭasya sadādyekāntasya dṛṣṭabādhanāt | anekāntātmakavastusākṣātkaraṇaṃ 
AS-VDh 076,08	bahirantaś ca sakalajagatsākṣībhūtaṃ vipakṣe pratyakṣavirodhalakṣaṇam anena dakṣayati * | sadādyekāntavi- 
AS-VDh 076,09	rodhasyānekāntātmakavastusākṣātkaraṇalakṣaṇatvād, bahir ivāntar api tattvasyānekāntātmakatayā sakaladeśa- 
AS-VDh 076,10	kālavartiprāṇibhir anubhavanāt suniścitāsaṃbhavadbādhakapramāṇatvasiddheḥ | na hi kiñcid rūpāntaravikalaṃ sada- 
AS-VDh 076,11	sannityānityādyekāntarūpaṃ saṃvedanam anyad vā saṃpaśyāmo yathātra pratijñāyate, citrajñānavat kathañcid a- 
AS-VDh 076,12	saṅkīrṇaviśeṣaikātmanaḥ sukhādicaitanyasya varṇasaṃsthānādyātmanaḥ skandhasya ca preṣaṇāt * | syān mataṃ 
AS-VDh 076,13	"sukhādicaitanyam asaṃkīrṇaviśeṣātmakam eva na punar ekātmakaṃ, sukhacaitanyād āhlādanākārān meyabodhanākārasya 
AS-VDh 076,14	vijñānasyānyatvād, viruddhadharmādhyāsasyānyatvasādhanatvād, anyathā viśvasyaikatvaprasaṅgāt" iti tad asat, 
AS-VDh 076,15	citrajñānasyāpy ekātmakatvābhāvaprasaṅgāt pītākārasaṃvedanasya nīlādyākārasaṃvedanād anyatvāt, tadvadviruddhadharmā- 
AS-VDh 076,16	dhyāsāt | yadi punar aśakyavivecanatvāt pītādyākārasaṃvedanam ekātmakam urarīkriyate tadā sukhādisaṃvedanena 
AS-VDh 076,17	koparādhaḥ kṛtaḥ ? tasyāpy aśakyavivecanatvād evaikātmakatvopapatteḥ, pītādyākārāṇām iva sukhādyākārāṇāṃ 
AS-VDh 076,18	caitanyāntaraṃ netum aśakyavivecanatvasadbhāvāt | tarhy ekātmakam eva sukhādicaitanyaṃ na punar asaṃkīrṇaviśeṣātma- 
AS-VDh 076,19	kam ity api na mantavyaṃ, citrajñānasyāpy asaṃkīrṇaviśeṣātmakatvābhāvaprasaṅgāt | tathā ca sati na taccitram e- 
AS-VDh 076,20	kajñānavat | citrajñāne pītādyākārapratibhāsasyāvidyopakalpitatvād ekātmakatvam eva vāstavam iti cet katham e- 
AS-VDh 076,21	kānekākārayoḥ pratibhāsāviśeṣe 'pi vāstavetaratvapravivekaḥ ? ekākārasyānekākāreṇa virodhāt tasyāvāstavattve 
AS-VDh 076,22	katham ekākārasyaivāvāstavatvaṃ na syāt ? svapnajñāne 'nekākārasyāvāstavasya prasiddheś citrajñāne 'pi tasyāvāsta- 
AS-VDh 076,23	vatvaṃ yuktaṃ kalpayitum iti cet keśādāv ekākārasyāpy avāstavatvasiddhes tatrāvāstavatvaṃ katham ayuktam ? pītādyākā- 
AS-VDh 076,24	rasya saṃvedanād abhede 'nekatvavirodhādbhede pratibhāsāsambhavāt, pratibhāse vā saṃvedanāntaratvāpatter avāstavatvam e-
AS-VDh 077,01	veti cet, tata evaikākārasyāvāstavatvam astu, tasyāpi pītādyākārapratibhāsebhyo 'narthāntaratāyām ekatvaviro- 
AS-VDh 077,02	dhād arthāntaratāyāṃ saṃvittyabhāvāt, saṃvittau vā jñānāntaratvaprasakter viśeṣābhāvāt | tato na citrajñāne 'nekā- 
AS-VDh 077,03	kārapratibhāsasyaiva prekṣāvadbhir avāstavattvaṃ śakyaṃ kalpayituṃ, yenedam evābhidhīyamānaṃ śobheta "kiṃ syāt sā 
AS-VDh 077,04	citrataikasyāṃ na syāt tasyāṃ matāv api | yadīdaṃ svayam arthebhyo rocate tatra ke vayam" iti | na punar idam api 
AS-VDh 077,05	"kiṃ nu syād ekatā na syāt tasyāṃ citramatāv api | yadīdaṃ rocate buddhyai citrāyai tatra ke vayam" iti | 
AS-VDh 077,06	nanu caikasyāṃ matau citratāpāye 'pi saṃvedanamātrasya bhāvān na svarūpasya svato gatir viruddhyate | saṃvedanamātrasya 
AS-VDh 077,07	tv apāye sā viruddhyeteti cen na, tadabhāve 'pi nānāpītādipratibhāsasadbhāvāt tadavirodhāt | nanv evaṃ 'nīlave- 
AS-VDh 077,08	danasyāpi pratiparamāṇu bhedān nīlāṇusaṃvedanaiḥ parasparaṃ bhinnair bhavitavyam | tatraikanīlaparamāṇusaṃvedanasyā- 
AS-VDh 077,09	py evaṃ vedyavedakasaṃvidākārabhedān tritayena bhavitavyam | vedyākārādisaṃvedanatrayasyāpi pratyekam aparasvavedyā- 
AS-VDh 077,10	kārādisaṃvedanatrayeṇa | iti parāparavedanatrayakalpanād anavasthānān na kvacid ekavedanasiddhiḥ saṃvidadvaitavidvi- 
AS-VDh 077,11	ṣām | kvacid apy ekātmakatvānabhyupagame ca kuto nānātmavyavasthā ? vastuny ekatrāparaikavastvapekṣayānekatvavyava- 
AS-VDh 077,12	sthopapatteḥ | kvacid aikyopagame vā kathaṃ citramatau naikyam aviruddhaṃ ? citrākārāpāye 'pi tasya sambhavāt | ' 
AS-VDh 077,13	iti kaścit so 'py aprekṣāpūrvavādī, tathā sati citrajñāne saṃvidākāravadekasya pītākārasya nīlākārasya ca 
AS-VDh 077,14	sadbhāvasiddhau parasparāpekṣayānekatvasiddher anekacaitanyavyāptasyānekākārasya citrajñānasyāntarekānekātmaka- 
AS-VDh 077,15	tvasādhane nidarśanatvopapatteḥ | syān mataṃ, sukhādīnāṃ caitanyaṃ vyāpakaṃ bhavat kim ekena svabhāvena bhavaty a- 
AS-VDh 077,16	nekena svabhāvena vā ? yady ekena tadā teṣām ekasvarūpatvāpattiḥ | athānekena tadā so 'py anekasvabhāvaḥ pare- 
AS-VDh 077,17	ṇānekena svabhāvena vyāpanīya ity anavasthā | athaikadṛśena svabhāvena sukhādayaś caitanyena vyāpyante tadāne- 
AS-VDh 077,18	kena svabhāvena sajātīyenety uktaṃ syāt | tatra ca saivānavasthā | na ca gatyantaram asti yena sukhādivyāpyaikaṃ 
AS-VDh 077,19	caitanyaṃ siddhyed iti | tad etaccitrajñāne 'pi samānam | tasya pītādyākāravyāpinaḥ svayaṃ saṃvedanān na doṣa 
AS-VDh 077,20	iti cet, sukhādivyāpinaś caitanyasya saha krameṇa ca svayaṃ saṃvedanāt katham upālambhaḥ syāt? na hi dṛṣṭe 'nu-
AS-VDh 078,01	papannaṃ nāma | na ca sukhādīnāṃ caitanyavyāptatvasaṃvedanaṃ bhrāntam, acetanatvagrāhipramāṇābhāvāt | ace- 
AS-VDh 078,02	tanāḥ sukhādaya, utpattimatvād ghaṭādivad ity anumānaṃ sukhādyacetanatvagrāhīti cen na, tasya pratyakṣabādhitavi- 
AS-VDh 078,03	ṣayatvāt citsamanvitānām eva sukhādīnāṃ svasaṃvedanapratyakṣe sarvadā pratibhāsanāt | anumānaviruddhaś ca 
AS-VDh 078,04	pakṣaḥ | tathā hi | cetanāḥ sukhādayaḥ svasaṃvedyatvāt puruṣavat | puruṣasaṃsargāt teṣāṃ svasaṃvedyatvāt svataḥ 
AS-VDh 078,05	saṃvedyatvam asiddham iti cen na, jātucid asvasaṃvedyatvā'pratītes tathā vaktum aśakteḥ–anyathā puruṣasya svasaṃvedyasukhā- 
AS-VDh 078,06	disaṃbandhāt svasaṃvedyatvaṃ, na svata iti vadato nivārayitum aśakyatvāt, caitanyaviśeṣeṇa hetor vyabhicāraprati- 
AS-VDh 078,07	pādanāc ca | na tato 'cetanatvasiddhiḥ sukhādīnām | na caiṣāṃ cetanatvasādhane 'pasiddhāntaḥ syādvādināṃ 
AS-VDh 078,08	prasajyeta, caitanyajīvadravyārthādeśāc cetanatvaprasiddheḥ, sakalaupaśamikādibhāvānāṃ sukhajñānādipratiniyataparyā- 
AS-VDh 078,09	yārthādeśād eva sukhādīnāṃ jñānadarśanābhyām anyatvavacanāt | tathāpi jñānātmakāḥ sukhādayo, jñānābhinna- 
AS-VDh 078,10	hetujatvād vijñānāntaravad iti cen na, sarvathā vijñānābhinnahetujatvāsiddhatvāt, sukhādīnāṃ, sadvedyodayādini- 
AS-VDh 078,11	mittatvād vijñānasya jñānāvaraṇāntarāya kṣayopaśamādinibandhanatvāt | kathañcid vijñānābhinnahetujatvaṃ tu rūpā- 
AS-VDh 078,12	lokādinānaikāntikaṃ, yathaiva hi tato vijñānasyotpattis tathā rūpālokādikṣaṇāntarotpattir apīti paraiḥ 
AS-VDh 078,13	svayam abhidhānāt | tad etena yad abhyadhāyi "tadatadrūpiṇo bhāvās tadatadrūpahetujāḥ | tatsukhādi kim ajñānaṃ vijñā- 
AS-VDh 078,14	nābhinnahetujam"iti tadapāstaṃ, sukhādīnāṃ vijñānarūpatvāsiddheḥ | "sukhamāhlādanākāraṃ vijñānaṃ meyabodhanam | 
AS-VDh 078,15	śaktiḥ kriyānumeyā syād yūnaḥ kāntāsamāgame" iti vacanād atadrūpāḥ sukhādaya iti | atadrūpāṇāṃ 
AS-VDh 078,16	tadrūpopādānatve sarvasya sarvopādānatvaprasaktiḥ | na ca sukhādayo vijñānābhinnopādānāḥ syuḥ | vijñānā- 
AS-VDh 078,17	bhinnasahakāritvaṃ tu yathā sukhādīnāṃ tathā rūpādīnām api | iti tatas teṣāṃ vijñānātmakatvasādhane rūpādī- 
AS-VDh 078,18	nām api tathātvasādhanaṃ syāt | tad uktaṃ "tadatadrūpiṇo bhāvās tadatadrūpahetujāḥ | tadrūpādi kim ajñānaṃ vijñā- 
AS-VDh 078,19	nābhinnahetujam" iti | yadi punar indriyānindriyahetujatvaṃ vijñānābhinnahetutvam ity abhidhīyate tad api 
AS-VDh 078,20	na sukhādīnāṃ jñānatvaṃ sādhayati, dravyendriyānindriyair vyabhicārāt | iti naikāntato jñānātmakāḥ sukhā- 
AS-VDh 078,21	dayo, dravyārthata eva teṣāṃ cetanatvopapatteḥ, cetanadravyād ātmano 'narthāntarabhūtānām acetanatvavirodhāt | 
AS-VDh 078,22	etena jñānād arthāntarabhūtatvāt sukhādīnām acetanatvam eveti vadanto 'pākṛtāḥ pratyetavyāḥ, cetanād ātmano 'narthā- 
AS-VDh 078,23	ntaratvena kathañcic cetanatvasiddheḥ | ātmanaś cetanatvam asiddham iti cen na, tasya pratyakṣaprasiddhatvāt | tathātmā 
AS-VDh 078,24	cetanaḥ pramātṛtvād, yas tv acetanaḥ sa na pramātā, yathā ghaṭādiḥ, pramātā cātmā, tasmāc cetana ity a-
AS-VDh 079,01	numānāc ca tatsiddham | pramitisvabhāvacetanāsamavāyād ātmani cetanatvasādhane siddhasādhyateti cen na, svayaṃ 
AS-VDh 079,02	sāmānyataś cetanatvasādhanāt, tadabhāve cetanāviśeṣapramitisamavāyāyogāt paṭādivat, kathañcit tādātmyasyaiva 
AS-VDh 079,03	samavāyasya sādhanāt | cetanād apy ātmanaḥ katham abhinnāḥ sukhādayo, bhinnapratibhāsavirodhād iti cen na, tatra 
AS-VDh 079,04	sarvathā bhinnapratibhāsasyāsiddhatvāt, kathañcid bhinnapratibhāsasya kathañcid abhedāvirodhāt, citrajñānavad eva 
AS-VDh 079,05	sukhādyātmanaḥ puruṣasyaikasya ghaṭanāt, sarveṣām ekānekātmanaś citrajñānasyeṣṭatvāt | tatsiddhaṃ citrajñānavat katha- 
AS-VDh 079,06	ñcid asaṅkīrṇaviśeṣaikātmanaḥ sukhādicaitanyasya prekṣaṇaṃ tathā varṇasaṃsthānādyātmanaḥ skandhasya ca | na hi 
AS-VDh 079,07	varṇādīnām eva prekṣaṇaṃ pratyakṣabuddhau, na punaḥ skandhasyaikasyeti kalpanam upapannaṃ, sarvāgrahaṇaprasaṅgāt, skandha- 
AS-VDh 079,08	vyatirekeṇa varṇādīnām anupalambhāt skandhasyevāsattvāt | atha 'pratyāsannāsaṃsṛṣṭā rūpādiparamāṇavaḥ pratyakṣāḥ, 
AS-VDh 079,09	teṣāṃ svakāraṇasāmagrīvaśāt pratyakṣasaṃvijjananasamarthānām evotpatteḥ, skandhasyāpi tata eva pareṣāṃ pratyakṣatopa- 
AS-VDh 079,10	patter anyathā sarvaskandhānāṃ pratyakṣatvaprasaṅgāt, skandhatvāviśeṣāt | tadaviśeṣe 'pi keṣāñcit pratyakṣatve pareṣā- 
AS-VDh 079,11	m apratyakṣasvabhāvatve piśācaśarīrādīnāṃ tathā svakāraṇād utpatteḥ paramāṇūnām api keṣāñcit pratyakṣatvam anyeṣām apra- 
AS-VDh 079,12	tyakṣatvaṃ tata evāstu, kim avayaviparikalpanayā ? tasyā'mūlyadānakrayitvāt | sa hi pratyakṣe svātmānaṃ 
AS-VDh 079,13	na samarpayati pratyakṣatāṃ ca svīkartum icchatīty amūlyadānakrayī, vikalpabuddhāv eva tasya pratibhāsanād vicārya- 
AS-VDh 079,14	māṇasya sarvathānupapannatvāt' iti mataṃ tad apy asaṃgatam eva, pratyāsannāsaṃsṛṣṭaparamāṇūnāṃ tathātvena kasyacit kadā- 
AS-VDh 079,15	cin niścayāsattvāt pratyakṣatānupapatteḥ, skandhasyaiva sphuṭamadhyakṣe 'vabhāsanāt tathā niścayanāc ca pratyakṣatvaghaṭa- 
AS-VDh 079,16	nāt | na na paramāṇuvat sarve skandhāḥ samaparimāṇā eva, yena keṣāṃcit pratyakṣatve sarveṣāṃ pratyakṣasvabhāvatā 
AS-VDh 079,17	syāt, aṇumahattvādiparimāṇabhedena teṣām adṛśyetar asvabhāvabhedādbhedasiddheḥ | na cāyam amūlyadānakrayī, pratyakṣe 
AS-VDh 079,18	svasamarpaṇena pratyakṣatāsvīkaraṇāt, sarvathā vicāryamāṇasyāpi ghaṭanāt | vicārayiṣyate caitatpurastāt | 
AS-VDh 079,19	aparaḥ prāha–skandha eva, na varṇādayas tato 'nye santi, tasyaiva cakṣurādikaraṇabhedād varṇādibhedapratibhā- 
AS-VDh 079,20	sanāt, kiñcid aṅgulipihitanayanabhedād dīpakalikābhedapratibhāsanavad iti, tad apy asamyak, sattādyadvaitaprasaṅgāt | 
AS-VDh 080,01	śakyaṃ hi vaktuṃ–sattaivaikā, na dravyādayas tato 'rthāntarabhūtāḥ santi, kalpanābhedāt tadbhedapratibhāsanād iti | na 
AS-VDh 080,02	caitad yuktam iti nivedayiṣyate | tataś citrajñānavan na kevalaṃ sukhādyātmanaś caitanyasya prekṣaṇaṃ siddham | kiṃ tarhi ? 
AS-VDh 080,03	varṇasaṃsthānādyātmanaḥ skandhasyāpi | tataḥ sūktaṃ–na hi kiñcid rūpāntaravikalaṃ sadekāntarūpam asadekāntarūpaṃ 
AS-VDh 080,04	vā, nityaikāntarūpam anityaikāntarūpaṃ vā, advaitaikāntarūpaṃ dvaitādyekāntarūpaṃ vā, saṃvedanam antastattvam anyad ba- 
AS-VDh 080,05	histattvaṃ, saṃpaśyāmo, yathā pratijñāyate sarvathaikāntavādibhir iti | sāmānyaviśeṣaikātmanaḥ saṃvittir ekā- 
AS-VDh 080,06	ntasyānupalabdhir vā sarvataḥ siddhā cakṣurādimatām anārhatakalpanām astaṃ gamayatīti kiṃ naḥ pramāṇā- 
AS-VDh 080,07	ntareṇa * | na tāvat sāmānyaikāntasyopalabdhir viśeṣasyāpy upalabdheḥ | nāpi viśeṣaikāntasya, sāmānya- 
AS-VDh 080,08	syāpīkṣaṇāt | na sāmānyaviśeṣaikāntayor eva parasparanirapekṣayoḥ ekātmano 'py upalakṣaṇāt | na caikātmana 
AS-VDh 080,09	eva sāmānyaviśeṣaikātmanaḥ, tato jātyantarasya saṃvitteḥ | sarvaṃ hi vastu sāmānyaṃ viśeṣāpekṣayā viśeṣaḥ 
AS-VDh 080,10	sāmānyāpekṣayā vā'poddhārakalpanāyāṃ, svarūpeṇa tu sāmānyaviśeṣātmakam ekam | tasya saṃvittiś cakṣurādimatā, 
AS-VDh 080,11	manārhatakalpanām astaṅ gamayati, cakṣurādivikalānām eva tatsaṃbhavāt | ekāntasyānupalabdhir vā tām astaṃ gamayati 
AS-VDh 080,12	tata eva | tathā hi | nāsti sarvathaikāntaḥ, sarvadānekāntopalabdher iti svabhāvaviruddhopalabdhiḥ, nāsti sarva- 
AS-VDh 080,13	thaikānto 'nupalabdher iti svabhāvānupalabdhir vā sarvataś cakṣurādeḥ saṃvedanāt siddhā'dhyavasīyate | nanu ca 'sarvathai- 
AS-VDh 080,14	kāntasya kvacit kadācid upalabdhau na sarvatra sarvadā pratiṣedhaḥ siddhyet | tasyānupalabdhau nānekāntena virodhaḥ, 
AS-VDh 080,15	sata eva kathañcit kenacid virodhapratīteḥ | pratiṣedhaś ca na syāt, tata eva | ' iti kaścit tad asat, sarvathaikā- 
AS-VDh 080,16	ntasyādhyāropyamāṇasya pratiṣedhasādhanāt tadviruddhopalabdhisiddhes tatsvabhāvānupalabdhisiddheś ca, svayam anyathā 
AS-VDh 080,17	kasyacid aniṣṭatattvapratiṣedhāyogād iṣṭatattvaniyamānupapatteḥ | athavā pratyakṣam eva sāmānyaviśeṣātmakamekaṃ 
AS-VDh 080,18	vastu vidadhat sarvathaikāntapratītiṃ pratiṣedhayatīti kiṃ naḥ pramāṇāntareṇānumānenānupalabdhiliṅgena samarthanāpekṣeṇa ? 
AS-VDh 080,19	prayāsam antareṇeṣṭāniṣṭatattvavidhipratiṣedhasiddheḥ | na hi dṛṣṭāj jyeṣṭhaṃ gariṣṭham iṣṭaṃ, tadabhāve pramāṇāntarāpravṛtteḥ 
AS-VDh 080,20	samāropavicchedaviśeṣāc ca | nanu ca dṛṣṭaṃ pratyakṣam iṣṭaṃ punaranumānādi pramāṇam | tatra yathā dṛṣṭaṃ jyeṣṭham, 
AS-VDh 080,21	anumānāder agresaratvāt, tathānumānādy api pratyakṣāt, tasyāpi tadagresaratvāt, kvacid anumānādyuttarakālaṃ 
AS-VDh 080,22	pratyakṣasya pravṛttyupalakṣaṇatvāt | yathā ca dṛṣṭam avisaṃvādakatvād gariṣṭham iṣṭāt tatheṣṭam api dṛṣṭāt, tadaviśe- 
AS-VDh 080,23	ṣāt | tataḥ kathaṃ dṛṣṭam iṣṭāj jyeṣṭhaṃ gariṣṭhaṃ ca vyavatiṣṭhate, na punar iṣṭaṃ dṛṣṭād iti na codyamanavadyaṃ, dṛṣṭasya 
AS-VDh 081,01	liṅgādiviṣayasyābhāve 'numānādeḥ pramāṇāntarasyāpravṛtteḥ, anumānāntarāl liṅgādipratipattāv anavasthāprasaṅgāt 
AS-VDh 081,02	pratyakṣasyaiva niyatasakalapramāṇapurassaratvaprasiddher jyeṣṭhatvopapatteḥ, pratyakṣasyānumānādinā vinaiva pravṛtter anumānā- 
AS-VDh 081,03	der dṛṣṭāt purassaratvābhāvāt, tato jyeṣṭhatvāyogād, dṛṣṭasyaiva ceṣṭād gariṣṭhatvāt–samāropavicchedaviśeṣāt | 
AS-VDh 081,04	na hi yādṛśo dṛṣṭāt samāropavicchedo viśeṣaviṣaye pratinivṛttākāṅkṣo 'kṣūṇatayā lakṣyate tādṛśo 'numānādeḥ, 
AS-VDh 081,05	tena sāmānyataḥ samāropasya vyavacchedanāt, dṛṣṭasyānvayavyatirekayoḥ svabhāvabhedapradarśanārthatvāc ca 
AS-VDh 081,06	gariṣṭhatvasiddheḥ* | pratyakṣam eva hi svaviṣaye sāmānyaviśeṣātmakatvānyayasya vidhilakṣaṇasya sarvathaikāntavyatire- 
AS-VDh 081,07	kasya ca pratiṣedhalakṣaṇasya svabhāvabhedapradarśanaprayojanam upalakṣyate sākṣāt, na punar anumānādi tasya sāmānya- 
AS-VDh 081,08	tas tatpradarśanaprayojakatvāt | kim arthaṃ punar ārhatasyeṣṭasya prasiddhenābādhanaṃ bhagavato 'rhataḥ paramātmakatvaṃ cābhidhāya 
AS-VDh 081,09	sarvathaikāntasya dṛṣṭena bādhanaṃ svayam asammatasya, kapilādīnāṃ paramātmatvābhāvaṃ ca sāmarthyalabhyam api bravīti 
AS-VDh 081,10	granthakāra iti cet anekāntaikāntayor upalambhānupalambhayor ekatvapradarśanārthaṃ tāvad ubhayam āha matā- 
AS-VDh 081,11	ntarapratikṣepārthaṃ vā, yad āha * dharmakīrtiḥ —sādharmyavaidharmyayor anyatareṇārthagatāv ubhayapratipādanaṃ 
AS-VDh 081,12	pakṣādivacanaṃ vā nigrahasthānam iti | na tad yuktam * | kuta iti cet, sādhanasāmarthyena vipakṣavyāvṛ- 
AS-VDh 081,13	ttilakṣaṇena pakṣaṃ prasādhayataḥ kevalaṃ vacanādhikyopālambhacchalena parājayādhikaraṇaprāptiḥ svayaṃ nirā- 
AS-VDh 081,14	kṛtapakṣeṇa pratipakṣiṇā lakṣaṇīyeti vacanāt | yathoktena hi sādhanasāmarthyena svapakṣaṃ sādhayataḥ sadvādinaḥ 
AS-VDh 081,15	sabhyasamakṣaṃ jaya eveti yuktaṃ, na kevalaṃ vacanādhikyopālambhavyājena parājayādhikaraṇaprāptiḥ sādhīyasī, 
AS-VDh 081,16	svasādhyaṃ prasādhya nṛtyato 'pi doṣābhāvāl lokavat | sā ca svayaṃ nirākṛtapakṣeṇa prativādinā lakṣaṇīyety api 
AS-VDh 081,17	na yuktaṃ, pareṇa nirākṛtapakṣasyaiva parājayaprāptiyogyatvaniścayāl lokavad eva | yadi punaḥ svapakṣam asādhayato 
AS-VDh 081,18	vādino vacanādhikyena prativādī parājayaprāptiṃ lakṣayet tadā svapakṣaṃ sādhayann asādhayan vā ? prathamapakṣe svapa- 
AS-VDh 081,19	kṣasiddhyaiva parasya parājitatvād vacanādhikyodbhāvanam anarthakaṃ, tasmin saty api pakṣasiddhim antareṇa jayāyogāt | 
AS-VDh 081,20	dvitīyapakṣe tu yugapadvādiprativādinoḥ parājayaprasaṅgo jayaprasaṅgo vā, svapakṣasiddher abhāvāviśeṣāt | syān ma- 
AS-VDh 081,21	taṃ 'na svapakṣasiddhyasiddhinibandhanau jayaparājayau, tayor jñānājñānanibandhanatvāt | tatra sādharmyavacane vai- 
AS-VDh 081,22	dharmyavacane 'pi vārthasya pratipattau tadubhayavacanāt sādhanavacanāsāmarthyājñānaṃ vādinaḥ syād eva | prativādinas tu 
AS-VDh 082,01	tadudbhāvayatas tajjñānam | atas taddhetukau tayor jayaparājayau katham ayuktau syātām ? ' iti, tad api na parīkṣākṣa- 
AS-VDh 082,02	maṃ vādiprativādinoḥ pakṣapratipakṣaparigrahavaiyarthyaprasaṅgāt kvacid ekatrāpi pakṣe jñānājñānayoḥ sambhavāt | na 
AS-VDh 082,03	hi śabdādau nityatvasyānityatvasya vā jñānājñānaparīkṣāyām ekasya tadvijñānam aparasya tadavijñānaṃ jayasya 
AS-VDh 082,04	parājayasya vā nibandhanaṃ na sambhavati sādhanasāmarthyajñānājñānavat | yugapatsādhanasāmarthyajñāne ca vādipra- 
AS-VDh 082,05	tivādinoḥ kasya jayaḥ parājayo vā syāt ? tadaviśeṣāt | na kasyacid iti cet tarhi sādhanavādino vacanā- 
AS-VDh 082,06	dhikyakāriṇo yathā sādhanasāmarthyājñānaṃ tathā prativādino 'pi vacanādhikyadoṣodbhāvanāt tasya taddoṣamātre 
AS-VDh 082,07	jñānasiddheḥ | na hi yo yad doṣaṃ vetti sa tadguṇam api, kutaścin māraṇaśaktau viditāyām api viṣadravyasya kuṣṭā- 
AS-VDh 082,08	panayanādiśaktau vedanānudayāt | tato na jayaḥ parājayo vā syāt | syān mataṃ 'sādhanavādinā sādhu sādhanaṃ 
AS-VDh 082,09	vaktavyaṃ dūṣaṇavādinā ca taddūṣaṇam | tatra vādinaḥ prativādinā sabhāyām asādhanāṅgavacanasyodbhāvane sādhu 
AS-VDh 082,10	sādhanābhidhānājñānasiddheḥ parājayaḥ prativādinas tu tad dūṣaṇajñānanirṇayāj jayaḥ syāt' iti, tad apy apeśalaṃ, 
AS-VDh 082,11	vikalpānupapatteḥ | sa hi prativādī nirdoṣasādhanavādino vacanādhikyam udbhāvayet sādhanābhāsavādino vā ? 
AS-VDh 082,12	prathamavikalpe vādinaḥ kathaṃ sādhanasvarūpājñānam ? tadvacane iyattājñānasyaivābhāvāt | dvitīyavikalpe tu na 
AS-VDh 082,13	prativādino dūṣaṇajñānam avatiṣṭhate, sādhanābhāsasyānudbhāvanāt tadvijñānāsiddheḥ | tadvacanādhikyadoṣasya jñānā- 
AS-VDh 082,14	ddūṣaṇatro 'sāv iti cet sādhanābhāsājñānād adūṣaṇajño 'pīti naikāntato vādinaṃ jayet, tadadoṣodbhāvanalakṣaṇasya 
AS-VDh 082,15	parājayasyāpi nivārayitum aśakteḥ | atha vacanādhikyadoṣodbhāvanād eva prativādino jayasiddhau sādhanābhā- 
AS-VDh 082,16	sodbhāvanam anarthakam iti manyase, nanv evaṃ sādhanābhāsānudbhāvanāt tasya parājayasiddhau vacanādhikyodbhāvanaṃ kathaṃ 
AS-VDh 082,17	jayāya prakalpyeta ? yadi punaḥ sādhanābhāsaṃ vacanādhikyaṃ codbhāvayanprativādī jayatīti mataṃ tadāsya mahatī 
AS-VDh 082,18	dviṣṭakāmitā, sādharmyavacanād evārthagatau vaidharmyavacanam anarthakatvād dviṣṭvā sādhanābhāsodbhāvanād eva parasya nyakkāra- 
AS-VDh 082,19	siddhau tadvacanādhikyodbhāvanasyānarthakasyāpi kāmitatvāt | atha na vacanādhikyamātraṃ dviṣyate, arthād āpa- 
AS-VDh 082,20	nnasya svaśabdenābhidhānasya dviṣṭatvād iti mataṃ tad api na saṅgataṃ, nigamanavacanadoṣasya pratijñāvacanadoṣo- 
AS-VDh 082,21	dbhāvanād gatasyādbhāvanaprasaṅgāt | pratijñāyāḥ punar vacanaṃ hi nigamanam | tac ca pratijñāvacanasya duṣṭatvaprati- 
AS-VDh 082,22	pattau duṣṭaṃ sāmarthyāt pratīyate eva | athārthād āpannasyāpi nigamanavacanaduṣṭatvasyodbhāvanam adoṣodbhāvanabhayā- 
AS-VDh 082,23	d abhimanyate tarhi sādharmyavacanād vaidharmyasyārthāyātasyāpy asādhanāṅgavacanabhayād abhidhānaṃ manyatāṃ, viśeṣābhāvāt | 
AS-VDh 083,01	na hi sādharmyam eva vaidharmyam eva vā sādhanasyāṅgaṃ, pakṣadharmatvavat tadubhayasyāpi sādhanāṅgatvāt, sādhanasya trirū- 
AS-VDh 083,02	patvapratijñānāt | tato na jñānājñānamātranibandhanau jayaparājayau śakyavyavasthau, yathoditadoṣopanipātāt | 
AS-VDh 083,03	svapakṣasiddhyasiddhinibandhanau tu tau niravadyau, pakṣapratipakṣaparigrahavaiyarthyābhāvāt kasyacit kutaścit svapakṣasiddhau 
AS-VDh 083,04	susthitāyāṃ parasya pakṣasiddher asaṃbhavāt sakṛttajjayaparājayayor aprasakteḥ | na hi vādinā sādhyāvinābhāvaniya- 
AS-VDh 083,05	malakṣaṇena hetunā svapakṣasiddhau vidhātuṃ śakyāyām api pratijñodāharaṇādivacanam anarthakam apajayāya prakalpyate, 
AS-VDh 083,06	tadvighātāhetutvāt tataḥ pratipakṣāsiddheḥ, pratipādyāśayānurodhatas tatprayogāt tatprativiśeṣasya prayojanasya 
AS-VDh 083,07	sadbhāvāt | nāpi hetor viruddhatodbhāvanād eva prativādinaḥ svapakṣasiddhau satyām api doṣāntarānudbhāvanaṃ tasya 
AS-VDh 083,08	parājayāya prakalpyate, tata eva | etena svapakṣasiddhau kṛtāyām api parapakṣanirākaraṇaṃ, tasmin vā svapakṣasādha- 
AS-VDh 083,09	nābhidhānaṃ na vādiprativādinor jayaprāptipratibandhakam iti pratipāditaṃ boddhavyam | tad evaṃ sādharmyavaidharmyayor a- 
AS-VDh 083,10	nyatareṇārthagatau tadubhayavacanaṃ vādino nigrahādhikaraṇam ity ayuktaṃ ca vyavasthitam | pratijñādivacanaṃ nigraha- 
AS-VDh 083,11	sthānam ity etat katham ayuktam iti ced ucyate | pratijñānupayoge śāstrādiṣv api nābhidhīyeta, viśeṣābhāvā- 
AS-VDh 083,12	t | na hi śāstre pratijñā nābhidhīyate eva aniyatakathāyāṃ vā, agnir atra dhūmāt, vṛkṣo 'yaṃ śiṃśapātvādi- 
AS-VDh 083,13	tyādivacanānāṃ śāstre darśanāt, viruddho 'yaṃ hetur asiddho 'yam ityādipratijñāvacanānām aniyatakathāyāṃ prayogāt | 
AS-VDh 083,14	parānugrahapravṛttānāṃ śāstrakārāṇāṃ pratipādyāvabodhanādhīnadhiyāṃ śāstrādau pratijñāprayogo yuktimān eva, upayo- 
AS-VDh 083,15	gitvāt tasyeti ced vāde 'pi so 'stu, tatrāpi teṣāṃ tādṛśatvāt, vāde 'pi vijigīṣupratipādanāyācāryāṇāṃ pravṛtteḥ | 
AS-VDh 083,16	niyatakathāyāṃ pratijñāyā na prayogo yuktaḥ, tadviṣayasyārthād gamyamānatvān nigamanādivad iti cet tata eva śā- 
AS-VDh 083,17	strādiṣv api | na hi tatra jigīṣavo na pratipādyāḥ pratijñādiviṣayo vā sāmarthyān na gamyate | śāstrādāv a- 
AS-VDh 083,18	jigīṣūṇām api pratipādyatvāt pratijñāder aprayoge keṣāñcin mandadhiyāṃ prakṛtārthāpratipatter gamyamānasya viṣaya- 
AS-VDh 083,19	syāpi prayogaḥ, tatpratipattyarthatvād iti cej jigīṣavaḥ kimu mandamatayo na santi ? yena tathā teṣām apratipa- 
AS-VDh 083,20	dyamānānāṃ pratipattaye pratijñādiprayogo na syāt | iti viśeṣābhāvād eva śāstrādau vāde ca pratijñāder abhi- 
AS-VDh 083,21	dhānam anabhidhānaṃ vābhyupagantavyam aviśeṣeṇaiva | nanu ca pratijñāyāḥ prayoge 'pi hetvādivacanam antareṇa sādhyā- 
AS-VDh 083,22	prasiddher vyarthā pratijñā hetvādivacanād eva ca sādhyaprasiddher nigamanādikam akiñcitkaram eveti kaścit so 'pi yat sa- 
AS-VDh 083,23	t tat sarvaṃ kṣaṇikaṃ, yathā ghaṭaḥ, saṃś ca śabda iti trilakṣaṇaṃ hetum abhidhāya yadi samarthayate, katham iva 
AS-VDh 083,24	sandhām atiśete ? * svahetusamarthanam antareṇa tadabhidhāne 'pi tadarthāpratipatteḥ | tāvatārthapratipattau samarthanaṃ 
AS-VDh 084,01	vā nigamanādikaṃ * katham atiśayīta ? akiñcitkaratvāviśeṣāt, yataḥ parājayo na bhavet *, tāthāga- 
AS-VDh 084,02	tasya hetvādyabhidhāne tatsamarthanābhidhāne vā | hetvādyanabhidhāne kasya samarthanam iti cet tathā sandhāyā apy a- 
AS-VDh 084,03	nabhidhāne kva hetvādiḥ pravartatām ? gamyamāne pratijñāviṣaye eveti ced gamyamānasya hetvādeḥ samarthanam astu | 
AS-VDh 084,04	gamyamānasyāpi hetvāder mandapratipattyarthaṃ vacanam iti cet tathā sandhāvacane ko 'paritoṣaḥ ? syān mataṃ, samarthanaṃ 
AS-VDh 084,05	nāma hetoḥ sādhyena vyāptiṃ prasādhya dharmiṇi bhāvasādhanam | yathā yat sat kṛtakaṃ vā tat sarvam anityaṃ yathā 
AS-VDh 084,06	ghaṭādiḥ, san kṛtako vā śabda iti | san kṛtako vā śabdaḥ, yaś caivaṃ sa sarvo naśvaro yathā ghaṭādi- 
AS-VDh 084,07	r iti vā, prayogakramaniyamābhāvād iṣṭārthasiddher ubhayatrāviśeṣāt, prāk sattvaṃ dharmiṇi prasādhya sādhanasya 
AS-VDh 084,08	paścād api sādhyena vyāptiprasādhanasyāvirodhāt | vyāptiprasādhanaṃ punar viparyaye bādhakapramāṇopadarśanam | yadi 
AS-VDh 084,09	punaḥ sarvaṃ satkṛtakaṃ vā pratikṣaṇavināśi na syān nitye kramayaugapadyābhyām arthakriyāvirodhāt | arthakriyāsāmarthyaṃ 
AS-VDh 084,10	sattvalakṣaṇam ato vyāvṛttam ity asad eva tat syāt | sarvasāmarthyopākhyāvirahalakṣaṇaṃ hi nirupākhyam iti | evaṃ 
AS-VDh 084,11	sādhanasya sādhyaviparyaye bādhakapramāṇānupadarśane virodhābhāvād asya vipakṣe nitye vṛtter adarśane 'pi san kṛtako 
AS-VDh 084,12	vā syān nityaś cety anivṛttir eva śaṅkāyāḥ | tato vyatirekasya sandehādanaikāntiko hetvābhāsaḥ syāt | na 
AS-VDh 084,13	hy adarśanamātrād vyāvṛttiḥ, viprakṛṣṭeṣv artheṣv asarvadarśino 'darśanasyābhāvāsādhanāt, arvāgdarśanena satām api keṣā- 
AS-VDh 084,14	ñcid arthānām adarśanāt | bādhakaṃ punaḥ pramāṇam | yasya kramayaugapadyābhyāṃ na yogo, na tasya kvacit sāmarthyam | 
AS-VDh 084,15	asti cākṣaṇike saḥ | iti pravartamānam asāmarthyam asallakṣaṇam ākarṣati | tena yat satkṛtakaṃ vā tad anityam eveti 
AS-VDh 084,16	sidhyati | tāvatā ca sādhanadharmamātrānvayaḥ sādhyadharmasya svabhāvahetulakṣaṇaṃ siddhaṃ bhavati | atrāpy adarśanam a- 
AS-VDh 084,17	pramāṇaṃ yataḥ kramayaugapadyā'yogasyaivāsāmarthyena vyāptyasiddheḥ pūrvasyāpi hetoḥ sattvāder na vyāptisiddhiḥ | 
AS-VDh 084,18	punar ihāpi sādhanopagame 'navasthāprasaṅga iti na codyam, iṣṭasyābhāvasādhanasyādarśanasya pramāṇatvāpratiṣedhāt | 
AS-VDh 084,19	yad adarśanaṃ viparyayaṃ sādhayati hetoḥ sādhyaviparyaye tad api viruddhapratyupasthānādbādhakaṃ pramāṇam ucyate | 
AS-VDh 085,01	evaṃ hi sa hetuḥ sādhyābhāve 'san sidhyed yadi tatra pramāṇavatā svaviruddhena bādhyeta | anyathā tatrāsya bādhakā- 
AS-VDh 085,02	siddhau saṃśayo durnivāraḥ | na ca sarvānupalabdhir bhāvasya bādhikā, dṛśyānupalabdher eva tadbādhakatvāt | tatra 
AS-VDh 085,03	sāmarthyaṃ kramākramayogena vyāptaṃ siddhaṃ, prakārāntarāsaṃbhavāt | tena vyāpakadharmānupalabdhir akṣaṇike sāmarthyaṃ 
AS-VDh 085,04	bādhata iti kramayaugapadyāyogasya sāmarthyābhāvena vyāptisiddher nānavasthāprasaṅga iti svabhāvahetoḥ samarthanam | 
AS-VDh 085,05	kāryahetor api, yat kāryaṃ liṅgaṃ kāraṇasādhanāyopādīyate tasya tena kāryakāraṇabhāvapradarśanaṃ pramāṇābhyām | 
AS-VDh 085,06	yathedam asmin sati bhavati satsv api tadanyeṣu samartheṣu taddhetuṣu, tadabhāve na bhavatīti | evaṃ hy asyāsandigdhaṃ 
AS-VDh 085,07	tatkāryatvaṃ samarthitaṃ bhavati | anyathā kevalaṃ tadabhāve na bhavatīty upadarśane 'nyasyāpi tatrābhāve sandigdham a- 
AS-VDh 085,08	sya sāmarthyaṃ syāt, anyat tatra samarthaṃ, tadabhāve tanna bhūtam iti śaṅkāyāḥ pratinivṛttyabhāvāt | etannivṛttau 
AS-VDh 085,09	punarnivṛttau yadṛcchāsaṃvādo mātṛvivāhocitadeśajanmanaḥ piṇḍakharjūrasya deśāntareṣu mātṛvivāhābhāve 'bhāva- 
AS-VDh 085,10	vat | evaṃ samarthitaṃ ttasya kāryaṃ siddhyati | siddhaṃ svasaṃbhavena tatsaṃbhavaṃ sādhayati, kāryasya kāraṇāvyabhi- 
AS-VDh 085,11	cārāt | avyābhicāre ca svakāraṇaiḥ sarvakāryāṇāṃ sadṛśo nyāya iti | anupalabdher api samarthanaṃ, pratipa- 
AS-VDh 085,12	ttur upalabdhilakṣaṇaprāptasyānupalabdhisādhanaṃ, tādṛśasyaivānupalabdher asadvyavahārasiddheḥ, anupalabdhilakṣaṇaprāptasya 
AS-VDh 085,13	pratipattuḥ pratyakṣopalabdhinivṛttāv apy abhāvāsiddheḥ | tatropalabdhilakṣaṇaprāptiḥ svabhāvaviśeṣaḥ kāraṇāntarasāka- 
AS-VDh 085,14	lyaṃ ca svabhāvaviśeṣaḥ | yan na trividhena viprakarṣeṇa viprakṛṣṭaṃ yad anātmarūpapratibhāsavivekena pratipattṛpratyakṣa- 
AS-VDh 085,15	pratibhāsirūpaṃ sa tādṛśaḥ satsv anyeṣūpalambhakāraṇeṣu tathānupalabdho 'sadvyavahāraviṣayaḥ | tato 'nyathā sati 
AS-VDh 085,16	liṅge saṃśayaḥ | atrāpi sarvam evaṃvidham asadvyavahāraviṣayaḥ iti vyāptiḥ–kasyacid asatobhyupagame 'nyasya 
AS-VDh 085,17	tallakṣaṇāviśeṣāt | na hy evaṃvidhasyāsattvānabhyupagame 'nyatra tasya yogaḥ | na hy evaṃvidhasya sataḥ satsv anye- 
AS-VDh 085,18	ṣūpalambhakāraṇeṣv anupalabdhiḥ | anupalabhyamānaṃ tv īdṛśaṃ nāstīty etāvanmātranimitto 'yam asadvyavahāraḥ, anyasya 
AS-VDh 086,01	tannimittasyābhāvād iti | taccaivaṃ trividhasya hetoḥ samarthanaṃ na rūpāntaraṃ, vipakṣavyāvṛttirūpatvāt, 
AS-VDh 086,02	tṛtīyasyaiva rūpasyāsapakṣāsattvalakṣaṇasyaivaṃ pratipādanāt | tadavacane sādhanāṅgasya trirūpaliṅgasyāvacanād asā- 
AS-VDh 086,03	dhanāṅgavacanaṃ nigrahādhikaraṇaṃ prasajyeta | nigamanādes tu heturūpātiriktatvād abhidhānam anarthakaṃ, trirūpahetunā 
AS-VDh 086,04	sādhyārthapratipatter vihitatvāt | tato nigamanādīna'tiśete eva samarthanam iti | tad etad api svadarśanānurāga- 
AS-VDh 086,05	mātraṃ saugatasya nigamanāder api sādhanāvayavatvāt, pratijñāhetūdāharaṇopanayanigamanānyavayavā iti parair abhi- 
AS-VDh 086,06	dhānāt, nigamanasyopanayasya vā saṃgarasyevāvacane nyūnākhyasya nigrahasthānasya prasakteḥ, hīnamanyatamenāpi 
AS-VDh 086,07	nyūnam iti vacanāt | yadi punaḥ sādhanāvayavatve 'pi nigamanāder vacanam ayuktaṃ, hetvādinaivārthapratyāyanād iti 
AS-VDh 086,08	mataṃ tadā samarthanasya heturūpatve 'pi nirdoṣahetuprayogād eva sādhyaprasiddhes tadabhidhānam anarthakaṃ kathaṃ na bhavet ? 
AS-VDh 086,09	yataḥ samarthanaṃ nigamanādīn atiśayīta | hetor vipakṣavyāvṛttisādhanalakṣaṇasya samarthanasyāvacane rūpāntarasa- 
AS-VDh 086,10	ttve 'pi gamakatvāsambhavān nigamanādyavacane 'pi gamakatvopapatteḥ samarthanaṃ nigamanādīn atiśayīteti cet hanta 
AS-VDh 086,11	hato 'si, pakṣadharmatvasapakṣasattvayor heturūpatvāpāyāpatteḥ, anyathānupapannatvasyaiva tathā hetulakṣaṇatvasiddheḥ, 
AS-VDh 086,12	tasyaiva samarthanarūpatvāt, tadbhāve eva hetoḥ prayojakatvadarśanāt pakṣadharmatvādiprayoge vādino 'sādhanāṅgava- 
AS-VDh 086,13	canasya nigrahasthānatvaprasakteḥ | pratipādyānurodhataḥ pakṣadharmatvādivacanān na nigrahaprāptir iti cet tathā nigama- 
AS-VDh 086,14	nādivacanād api sā mā bhūt, sarvathātiśayāsattvāt | yadi punar ayaṃ nirbandhaḥ pratipādyānurodhato 'py atiri- 
AS-VDh 086,15	ktavacanam asādhanāṅgavacanaṃ nigrahasthānam iti tadā sattvamātreṇa naśvaratvasiddhāv utpattimattvakṛtakatvādiva- 
AS-VDh 086,16	canam atiriktaviśeṣaṇopādānāt kṛtakatvaprayatnānantarīyakatvādiṣu ca kapratyayātirekādasādhanā- 
AS-VDh 086,17	ṅgavacanaṃ parājayāya prabhavet | kvacit pakṣadharmatvapradarśanaṃ, saṃś ca śabda ity avigānāt * | yasya niru- 
AS-VDh 086,18	pādhi sattvaṃ prasiddhaṃ taṃ prati śuddhaḥ svabhāvahetuḥ prayujyate, naśvaraḥ, śabdaḥ sattvād iti | yasya tv anarthānta- 
AS-VDh 086,19	rabhūtaviśeṣaṇaṃ sattvaṃ prasiddhaṃ taṃ prati so 'narthāntarabhūtaviśeṣaṇa evotpattimattvād iti | yasya punararthāntarabhū- 
AS-VDh 086,20	taviśeṣaṇaṃ sattvaṃ saṃprasiddhaṃ taṃ pratyarthāntarabhūtaviśeṣaṇa eva kṛtakatvād iti, apekṣitaparavyāpāro hi bhāvaḥ 
AS-VDh 086,21	kṛtaka iti vacanāt | tathā kṛtakatvāt prayatnānantarīyakatvād ity ādiṣu ca svārthikasya kapratyayasyābhidhānam api 
AS-VDh 086,22	tādṛśaśabdaprasiddhyanusāriṇaṃ prati nātiriktam ucyate, anyathāprayoge tadaparitoṣāt | tathā ca yat sat ta-
AS-VDh 087,01	t sarvaṃ kṣaṇikaṃ yathā ghaṭa itīyatā śabde 'py avigānena sattvapratipattāv api saṃś ca śabda iti pakṣadharmapradarśanaṃ 
AS-VDh 087,02	nātiriktavacanaṃ, tadantareṇa tatpratipattum aśaktaṃ prati tathā vacanāc chaktaṃ prati tadavacanāt, viduṣāṃ vācyo 
AS-VDh 087,03	hetur eva hi kevalaḥ" iti vacanān na parājayāya kasyacit prabhavet' iti vadantaḥ saugatāḥ pratipādyānuro- 
AS-VDh 087,04	dhataḥ sādharmyavacane 'pi vaidharmyavacanaṃ tadvacane 'pi ca sādharmyavacanaṃ pakṣādivacanaṃ vā necchantīti kim api 
AS-VDh 087,05	mahādbhutam | tathā tadiṣṭau vā tadvacanaṃ nigrahādhikaraṇam ity ayuktam eva vyavatiṣṭhate | kiñca kvacit pakṣadharmatva- 
AS-VDh 087,06	pradarśanaṃ saṃś ca śabda ity avigānāt, trilakṣaṇavacanasamarthanaṃ ca asādhanāṅgavacanam apajayaprāptir iti 
AS-VDh 087,07	vyāhataṃ *, saṃśca śabda iti vacanam antareṇāpi śabde sattvapratītes tasya nigrahasthānatvaprasaṅgāt | prati- 
AS-VDh 087,08	jñāvacanavad asādhanāṅgatvāt tasyānigrahasthānatve vā saṃgaravacanāder apy apajayaprāptivirodhāt pakṣadharmapradarśanam asādha- 
AS-VDh 087,09	nāṅgavacanād apajayaprāptyā vyāhatam eva | trilakṣaṇavacanasamarthanaṃ ca, tadantareṇāpi trilakṣaṇavacanasya sādhanā- 
AS-VDh 087,10	ṅgatvasiddhau pratijñādivacanasya sādhanāṅgatvasiddher anyathā tasya pratijñādivacanavad apajayaprāptinibandhanatvaprasakteḥ | 
AS-VDh 087,11	tatas tadvyāhatiṃ parijihīrṣatā gamyamānasyāpi vacanaṃ nāsādhanāṅgavacanaṃ vādino nigrahādhikaraṇam iti 
AS-VDh 087,12	pratipattavyam | nanv evam aprastutasyāpi nāṭakādighoṣaṇasya dvādaśalakṣaṇaprarūpaṇasya vā nigrahādhikaraṇatvaṃ na 
AS-VDh 087,13	syād iti ced evam etat | tathānyasyāpi prastutetarasya vādinoktāvitarasya svapakṣam asādhayato vijayā- 
AS-VDh 087,14	saṃbhavān nigrahasthānam ayuktam * | svapakṣaṃ sādhayatas tu tatsiddhyaiva vijayasaṃbhavād itarasya parājayaprāpter nāpra- 
AS-VDh 087,15	stutādivacanaṃ nigrahasthānam | sādhanāṅgasyāvacanaṃ * vādino nigrahasthānaṃ, sveṣṭasādhanavacanam abhyupagamyā- 
AS-VDh 087,16	'pratibhayā tūṣṇīṃbhāvād ity apy anena pratyuktam | prativādino 'py adoṣodbhāvanaṃ doṣasyānudbhāsanaṃ vānena 
AS-VDh 087,17	pratyuktaṃ * nyāyasya samānatvāt | kim evaṃ vādinā kartavyam iti cet, vijigīṣuṇobhayaṃ kartavyaṃ 
AS-VDh 087,18	svaparapakṣasādhanadūṣaṇam * | tataḥ kim iti cet, ato 'nyatareṇāsiddhānaikāntikavacane 'pi jalpāpa- 
AS-VDh 087,19	risamāptiḥ * kasyacit svapakṣasiddher abhāvāt | kathaṃ tarhi vādaparisamāptir vādiprativādinor iti cet, 
AS-VDh 087,20	nirākṛtāvasthāpitavipakṣasvapakṣayor eva jayeta ravyavasthā, nānyathā * | tad uktaṃ–"svapakṣasiddher ekasya 
AS-VDh 087,21	nigraho 'nyasya vādinaḥ | nāsādhanāṅgavacanaṃ nādoṣodbhāvanaṃ dvayoḥ" iti | tathā tattvārthaślokavārtike 'py uktaṃ 
AS-VDh 088,01	"svapakṣasiddhiparyantā śāstrīyārthavicāraṇā | vastvāśrayatvato yadvallaukikārthavicāraṇā" iti | iti 
AS-VDh 088,02	darśayann ubhayam āha * granthakāraḥ śrīsvāmisamantabhadrācāryaḥ | 'sa tvam evāsi nirdoṣaḥ' iti, tvanmatā- 
AS-VDh 088,03	mṛtabāhyānām ityādi ca, gamyamānasyāpi vacane doṣābhāvāt | 
AS-VDh 088,04	nanu ca sarvathaikāntavādinām api kuśalākuśalasya karmaṇaḥ paralokasya ca prasiddher āptatvopapatter mahattvaṃ kiṃ 
AS-VDh 088,05	naḥ stutam ity āśaṅkāyām idam āhuḥ —
ĀM-VDh 8
 		kuśalākuśalaṃ karma paralokaś ca na kvacit | ekāntagraharakteṣu nātha svaparavairiṣu || 8 || 
AS-VDh 088,07	kāyavāṅ manaḥ kriyā karma, trividho yoga āsravaḥ | taddvividhaṃ kuśalākuśalabhedāt, "kāyavāṅ manaḥ karma 
AS-VDh 088,08	yogaḥ, sa āsravaḥ śubhaḥ puṇyasyā'śubhaḥ pāpasya" iti vacanāt | pretyabhāvaḥ paralokaḥ | taddhetur vā 
AS-VDh 088,09	dharmo 'dharmaś ca, kāraṇe kāryopacārāt | caśabdān niḥśreyasādiparigrahaḥ | etat sarvam ekāntagraharakteṣv anityaikā- 
AS-VDh 088,10	ntādyabhiniveṣaparavaśīkṛteṣu madhye na kvacit saṃbhavati, teṣāṃ svavairitvāt tattvopaplavavādivat | svavairiṇas te, 
AS-VDh 088,11	paravairitvāt tadvat | kiṃ punaḥ svaṃ ko vā paraḥ ? puṇyaṃ pāpaṃ ca karma tatphalaṃ kuśalam akuśalaṃ ca svaṃ, tatsamba- 
AS-VDh 088,12	ndhaḥ paralokādiś ca, tasya svayam ekāntavādibhir iṣṭatvāt | paraḥ punar anekāntaḥ, tasya tair aniṣṭatvāt | tadvai- 
AS-VDh 088,13	ritvaṃ tu teṣāṃ tatpratiṣedhābhidhānāt | tatsvavairitvaṃ sādhayati, yasmāt karmaphalasaṃbandhaparalokādikam ekā- 
AS-VDh 088,14	ntavādināṃ prāyeṇeṣṭaṃ tadanekāntapratiṣedhena bādhyate * | nanu ca śūnyavādibhir advaitāvalambibhiś ca tasyā- 
AS-VDh 088,15	niṣṭatvāt kathaṃ sarveṣām ekāntavādināṃ tad iṣṭam iti cen na, tair api saṃvṛttyā prāyeṇeṣṭatvāt | kathaṃ punar anekāntapra- 
AS-VDh 088,16	tiṣedhena tad bādhyate iti cet kramākramayoḥ pratiṣedhāt, tayor anekāntena vyāptatvāt tatpratiṣedhena tatprati- 
AS-VDh 088,17	ṣedhasiddheḥ | kramākramapratiṣedhe cārthakriyāpratiṣedhaḥ, tasyāstābhyāṃ vyāptatvāt | arthakriyāpratiṣedhe ca 
AS-VDh 088,18	karmādikaṃ virudhyate, tasya tayā vyāptatvāt | yadi vānekāntapratiṣedhena kṣaṇikādyekāntavirodhaḥ, tad ekā- 
AS-VDh 088,19	ntasyānekāntāvinābhāvitvāt | tasyāpi svarūpeṇa sattve 'nekāntarūpeṇa cāsattvavyavasthāyām anekāntasya 
AS-VDh 088,20	durnivāratvāt tadavinābhāvitvaṃ siddham eva, anyathā tadvyavasthānupapatteḥ | iti paravairitvāt svavairitvam | tathā 
AS-VDh 089,01	ca kathaṃ karmādikam anāśrayaṃ na virudhyate ? tato 'nuṣṭhānam abhimatavyāghātakṛt, sadasannityānityādye- 
AS-VDh 089,02	kānteṣu kasyacit kutaścit kadācit kvacit prādurbhāvāsaṃbhavāt * | nanu ca 'kasyacit karmaṇaḥ puṇyapāpā- 
AS-VDh 089,03	khyasya kutaścid anuṣṭhānāt kāyādivyāpāralakṣaṇāt kvacid ātmani kadācit saṃsāridaśāyāṃ janma mā bhūt sarvathā 
AS-VDh 089,04	satas tadaghaṭanāt, karmaphalasya vā śubhāśubhaparalokalakṣaṇasya karmaviśeṣāt, tattvajñānāder vā niśśreyasasya 
AS-VDh 089,05	sarvathā sadbhāvāviśeṣāt | tasyāsatas tu tato janmās tu, prāgasataḥ paścāt prādurbhāvadarśanāt, iti cen na, 
AS-VDh 089,06	ubhayatra tadvirodhāviśeṣāt | na hi sarvātmanā sarvasya bhūtāv eva janma viruddham api tu sarvathā'bhāve 
AS-VDh 089,07	'pi, vyalīkapratibhāsānām anuparamaprasaṅgāt * | nanu ca śūnyavādinaḥ svapnadaśāyām ivānyadā- 
AS-VDh 089,08	pi vyalīkapratibhāsānāṃ karmādīnāṃ katham anuparamaprasaṅgo yataḥ saṃvṛtyā karmādijanmāviruddhaṃ na bhaved iti 
AS-VDh 089,09	cen na, sādhyasamatvād udāharaṇasya | yathaiva hy asvapnadaśāyāṃ vyalīkapratibhāsānām ahetukatvād anuparamaprasaṅgaḥ 
AS-VDh 089,10	śūnyavādināṃ tathā svapnāvasthāyām api, tadaviśeṣāt | teṣām avidyāvāsanāhetukatvād ahetukatvam asiddham iti 
AS-VDh 089,11	cen na, anādy'avidyāvāsanāyā apy asattve vitathapratibhāsahetutvavirodhāt khapuṣvavat, sattve vā sarvathā 
AS-VDh 089,12	śūnyavādānavatārāt | saṃvṛttisattvāt tasyāḥ śūnyavādāvatāra iti cet tarhi paramārthato 'saty'avidyā kathaṃ vita- 
AS-VDh 089,13	thapratibhāsahetuḥ syāt ? svarūpeṇa sad eva hi kiñcid vitathapratibhāsān api janayaddṛṣṭaṃ, yathā cakṣuṣi timirādi- 
AS-VDh 089,14	kaṃ, na punar asatsvaraviṣāṇam | iti sarvaśūnyavādino vyalīkapratibhāsānuparamaprasaṅga eva, ahetukatvāt | 
AS-VDh 089,15	tato nābhāvaikānte kasyacit kutaścit kadācit kvacij janma saṃbhavati, sadasadanekāntapratiṣedhādbhāvaikāntavat | 
AS-VDh 089,16	na kevalaṃ svabhāvanairātmye evāyaṃ doṣaḥ kiṃ tv antarubhayayatra vā niranvayasattvo 'pi *, kāryasya nirhe- 
AS-VDh 089,17	tukatvāviśeṣāj janmavirodhasiddheḥ, janmani vā tasyānuparatiprasaṅgāt | nanv antas tattvavādino yogācārasya 
AS-VDh 089,18	pūrvavijñānād uttaravijñānasyotpatteḥ sautrāntikasya cāntarbahistattvobhayavādinaḥ pūrvārthakṣaṇād uttarārthakṣaṇasya prā- 
AS-VDh 089,19	durbhāvāt kuto niṣkāraṇatvaṃ kāryasyeti cen na, kāryakālam aprāpnuvataḥ kāraṇatvānupapatteś ciratarātītavat * 
AS-VDh 089,20	kāryakālaṃ prāpnuvato 'pi kāraṇatvādarśanād anyathā sarvasya samānakṣaṇavarttinas tatkāraṇatvaprasaṅgāt | yasya bhāvā-
AS-VDh 090,01	bhāvayoḥ kāryasya bhāvābhāvau tad eva kāraṇam iti kalpanāyāṃ, saty'abhavataḥ svayam eva niyamena paścād bhava- 
AS-VDh 090,02	tas tatkāryatvaṃ viruddhaṃ *, tatra tadakāraṇatvasādhanād anyakāryavat, tasya vā tadakāryatvasiddhes tadvat | kāryam eva 
AS-VDh 090,03	tadanantaraṃ saṃbhavatīti cet, kālāntare 'pi kin na syāt ? tadabhāvāviśeṣāt samanantaravat * | 
AS-VDh 090,04	kālāntare 'pi kiñcid bhavaty eva mūṣikā'larkṣaviṣavikāravadbhāvirājyādinimittakaratalarekhādivac ceti cet, sa- 
AS-VDh 090,05	marthe saty'abhavataḥ punaḥ kālāntare bhāvinas tatprabhavābhyupagame katham akṣaṇike 'rthakriyānupapattiḥ, 
AS-VDh 090,06	tatsattvāsattvayor aviśeṣāt * | svasattākṣaṇāt pūrvaṃ paścāc cāsati samarthe kāraṇe svakālaniyatā'rthakriyopapa- 
AS-VDh 090,07	dyate, na punaḥ śaśvatsatīti kuto niyamaḥ ? kāraṇasāmarthyāpekṣiṇaḥ phalasya kālaniyamakalpanāyām a- 
AS-VDh 090,08	calapakṣe 'pi samānaḥ parihāraḥ * | yathaiva hi, kṣaṇikaṃ kāraṇaṃ yad yadā yatra yathotpitsu kāryaṃ tat tadā tatra 
AS-VDh 090,09	tathotpādayati, tasyaivaṃvidhasāmarthyasadbhāvāt tatsāmarthyāpekṣiṇaḥ kāryasya svakālaniyamaḥ sidhyatīti kalpyate 
AS-VDh 090,10	tathā nityam api kāraṇaṃ yad yadā yatra yathā phalam utpitsu tat tadā tatra tathopajanayati, tasya tādṛśasāmarthyayo- 
AS-VDh 090,11	gāt tatsāmarthyāpekṣiṇaḥ phalasya kālaniyamaḥ kin na kalpayituṃ śakyaḥ ? śāśvatikasya pratikāryaṃ sāmarthyabhedā- 
AS-VDh 090,12	danityatvaprasaṃga iti cen na, kṣaṇikasyāpy ekasya yugapadanekakāryakāriṇaḥ pratikāryaṃ sāmarthyabhedādanekatvaprasa- 
AS-VDh 090,13	ṅgāt | kṣaṇavarttina ekasmāt kāraṇasvabhāvam abhedayatāṃ vicitrakarmaṇām utpattau kūṭasthe 'pi kiṃ na syāt 
AS-VDh 090,14	kramaśaḥ kāryotpattiḥ ?  * tasyāpi tathāvidhaikasvabhāvatvāt | katham atrotpattir nāma ? tatra samānaḥ parya- 
AS-VDh 090,15	nuyogaḥ, sadasator anutpatter niṣpannakhapuṣpavat | nityaṃ katham utpadyate sattvānniṣpannavad iti paryanuyujyate, 
AS-VDh 090,16	na punaḥ kṣaṇikaṃ kathaṃ prādurbhavet ? asattvāt khapuṣpavad iti paryanuyogārham iti pakṣapātamātram | sataḥ punar guṇā- 
AS-VDh 090,17	ntarādhānam anekaṃ kramaśo 'py anubhavataḥ kiṃ virudhyeta,  ? * | nanv ekatvaṃ virudhyate | sa hi guṇāntarādhā- 
AS-VDh 090,18	nam anekaṃ kramaśo 'nubhavan yady ekena svabhāvenānubhavet tadā tasyaikasvabhāvatāpattiḥ, anyathā nirhetukatvaprasaṅgāt, 
AS-VDh 090,19	tadanubhavanasya niyamāyogāt | athānekena svabhāvena tadanubhavet tadā katham ekasvabhāvatā tasya | anekasvabhāva-
AS-VDh 091,01	sya tato bhedāt tasyaikarūpatve kuto 'yam asyānekasvabhāvaḥ ? saṃbandhāt tasya sa iti kalpanāyāṃ sa saṃbandhaḥ svasva- 
AS-VDh 091,02	bhāvair guṇāntarādhānānubhavanahetuḥ kim ekena svabhāvena syād anekena veti sa eva paryanuyogo 'navasthā ca | iti 
AS-VDh 091,03	kaścit so 'pi dūṣaṇābhāsavādī, svayam iṣṭasyaikasya jñānasya grāhyagrāhakākāravaiśvarūpyavirodhaprasaṅgāt, prakṛta- 
AS-VDh 091,04	paryanuyogasyāviśeṣāt | kṣaṇasthāyinaḥ kasyacid eva grāhyagrāhakākāravaiśvarūpyānabhyupagame 'pi saṃvidi- 
AS-VDh 091,05	tajñānasya grāhyagrāhakākāravivekaṃ parokṣaṃ bibhrāṇasya sāmarthyaprāpteḥ *, saṃvedanasyaikasya pratyakṣaparokṣā- 
AS-VDh 091,06	kāratayā vaiśvarūpyasiddheḥ | saṃvidrūpatayā saṃvedanasya pratyakṣataiva grāhyagrāhakākāraviviktatayāpi pratyakṣatā, 
AS-VDh 091,07	na punaḥ parokṣatā yato vaiśvarūpyaṃ prakṛtaparyanuyogayogyaṃ bhaved iti cen na, tathā sakṛd apy apratibhāsanādbrahmādvai- 
AS-VDh 091,08	tavat, grāhyagrāhakākārākrāntasyaiva sarvadā vedanasyānubhavāt | tataḥ saṃvedanam ekam anekaṃ pratyakṣaparokṣākārau 
AS-VDh 091,09	bibhrāṇaṃ sāmarthyaprāptam eva, anyathā śūnyasaṃvidor vipratiṣedhāt | grāhyagrāhakākāraśūnyatayā hi śūnyam | 
AS-VDh 091,10	saṃvedanamātram upayatas tatsaṃvid upapadyate, na punaḥ saṃvinmātram apy asad upavarṇayato, vipratiṣedhāt sveṣṭāsiddheḥ 
AS-VDh 091,11	pralāpamātraprasakteḥ | tad ayaṃ *yogācāraḥ sautrāntiko vā sarvathā śūnyaṃ saṃvidadvaitaṃ vānicchan, kṣaṇasthāyi 
AS-VDh 091,12	kāraṇaṃ svasattāyāṃ kāryaṃ kurvadabhyupagacchan kramotpattim uparuṇaddhi sakalajagadekakṣaṇavṛttiprasaṅgāt | 
AS-VDh 091,13	kālāntare kāryaṃ kurvatkāraṇaṃ kṣaṇikam abhyupagacchatāṃ nāyaṃ doṣa iti cen na, teṣām api kāraṇasya kāryakāla- 
AS-VDh 091,14	prāptau kṣaṇabhaṅgabhaṅgānuṣaṅgāt, tadaprāpnuvatas tatkṛtau vyalīkakalpanāviśeṣeṇa kūṭasthānatiśāyanāt | 
AS-VDh 091,15	yathaiva hi kūṭastham apariṇāmitvāt kramayaugapadyābhyām arthakriyāyām asamartham api vyalīkakalpanayā kramākramasamākrā- 
AS-VDh 091,16	ntakāryaparamparāṃ kurvad abhyupagamyate nityaikāntavādibhiḥ sāṃkhyādibhis tathā kṣaṇikam api svasattākṣaṇāt pūrvaṃ 
AS-VDh 091,17	paścāc cātyantam asat sarvathārthakriyāyām asāmarthyaṃ prathayad api saṃvṛttyā kramākramavṛttikāryamālāṃ nirvarttayad urarīkriyate 
AS-VDh 091,18	kṣaṇikavādibhiḥ | iti kūṭasthād anatiśāyanaṃ kṣaṇikasya siddham eva | tataḥ subhāṣitaṃ * samantabhadrasvāmi-
AS-VDh 092,01	bhiḥ kuśalādyasaṃbhūtir ekāntagraharakteṣv iti *, parasparanirapekṣasadasadubhayaikāntanityānityobhayaikāntavā- 
AS-VDh 092,02	dino 'pi tadasaṃbhavād advaitaikāntād ivādivat | tad evaṃ sarvathaikāntavādināṃ dṛṣṭeṣṭaviruddhabhāṣitvād ajñānādidoṣā- 
AS-VDh 092,03	śrayatvasiddher āptatvānupapattes tvam eva bhagavann arhan sarvajño vītarāgaś ca yuktiśāstrāvirodhivāktvena nirdoṣatayā 
AS-VDh 092,04	niścito mahāmunibhis tattvārthaśāsanārambho 'bhiṣṭutaḥ, tatsiddhinibandhanatvād iti tattvārthaślokavārtikālaṅkāre 
AS-VDh 092,05	vyāsataḥ samarthitaṃ pratipattavyam | nanu ca bhāva eva padārthānām iti niścaye dṛṣṭeṣṭavirodhābhāvāt tadvādino 
AS-VDh 092,06	nirdoṣatvasiddher āptatvopapatteḥ stutyatā'stv iti bhagavatparyanuyoge satīvāhuḥ —
ĀM-VDh 9
 		bhāvaikānte padārthānām abhāvānām apanhavāt | sarvātmakam anādyantam asvarūpam atāvakam || 9 || 
AS-VDh 092,08	padārthāḥ, prakṛtyādīni pañcaviṃśatitattvāni "mūlaprakṛtir avikṛtir mahadādyāḥ prakṛtivikṛtayaḥ sapta | 
AS-VDh 092,09	ṣoḍaśakaś ca vikāro na prakṛtir na vikṛtiḥ puruṣaḥ" iti vacanāt | teṣām astitvam eveti niścayo 
AS-VDh 092,10	bhāvaikāntaḥ | tasminn abhyupagamyamāne sarveṣām itaretarābhāvādīnām abhāvānām apanhavaḥ syāt | tataḥ sarvātma- 
AS-VDh 092,11	katvādiprasaṅgaḥ | tatra vyaktāvyaktayos tāvad itaretarābhāvasyāpahnave vyaktasyāvyaktātmakatve sarvātma- 
AS-VDh 092,12	katvam | tathā ca "hetumadanityamavyāpi sakriyam anekam āśritaṃ liṅgam | sāvayavaṃ paratantraṃ vyaktaṃ viparī- 
AS-VDh 092,13	tam avyaktam" iti vyaktāvyaktalakṣaṇabhedakathanavirodhaḥ | prakṛtipuruṣayor atyantābhāvanihnave prakṛteḥ puruṣātma- 
AS-VDh 092,14	katve sarvātmakatvam eva | tathā ca "triguṇam aviveki viṣayaḥ sāmānyam acetanaṃ prasavadharmi | vyaktaṃ tathā 
AS-VDh 092,15	pradhānaṃ tadviparītas tathā ca pumān" iti tallakṣaṇabhedakathanavyāghātaḥ | prāgabhāvasyāpahnave mahadahaṅkārāde- 
AS-VDh 092,16	r vikārasyānāditvaprasaṅgaḥ | tathā ca "prakṛter mahāṃs tato 'haṅkāras tasmād gaṇaś ca ṣoḍaśakaḥ | tasmād api ṣoḍaśa- 
AS-VDh 092,17	kāt pañcabhyaḥ pañca bhūtāni" iti sṛṣṭikramakathanaṃ vipratiṣidhyate | pradhvaṃsābhāvasyāpanhave tasyānantatvaprasaṅgāt, 
AS-VDh 092,18	pṛthivyādīni pañca mahābhūtāni pañcasu tanmātreṣu līyante–pṛthivyā gandharūparasasparśaśabdatanmātreṣu praveśāt, 
AS-VDh 092,19	salilasya rasādiṣu, tejaso rūpādiṣu, vāyoḥ sparśaśabdatanmātrayoḥ, ākāśasya śabdatanmātre 'nupraveśāt, 
AS-VDh 092,20	tanmātrāṇāṃ ca pañcānāṃ buddhīndriyāṇāṃ karmendriyāṇāṃ ca manasā saha ṣoḍaśakasya gaṇasyāhaṅkāre 'ntarbhāvas tasya 
AS-VDh 092,21	ca mahati mahataḥ prakṛtāv iti saṃhāranivedanam ativyākulaṃ syāt | tataḥ sarvam asvarūpaṃ, svenāsādhāraṇena 
AS-VDh 092,22	rūpeṇa kasyacit tattvasya vyavasthānāghaṭanāt | tac ca "sarvasyobhayarūpatve tadviśeṣanirākṛteḥ | codito dadhi 
AS-VDh 093,01	khādeti kim uṣṭraṃ nābhidhāvati" iti dūṣaṇāspadam atāvakaṃ mataṃ, na tava bhagavato 'rhataḥ, kathañcid abhāvāpahna- 
AS-VDh 093,02	vābhāvāt | nanu ca vyaktāvyaktayor itaretarābhāvasya tatsvabhāvasya prakṛtipuruṣayor atyantābhāvasya ca tadrūpasya 
AS-VDh 093,03	mahadahaṅkārādīnāṃ prāgabhāvasya ca svakāraṇasvabhāvasya mahābhūtādīnāṃ pradhvaṃsābhāvasya ca svāntarbhāvāśrayasva- 
AS-VDh 093,04	rūpasya sāṃkhyair  abhyupagamād abhāvāpahnavāsiddheḥ kathaṃ sarvātmakatvādir doṣa iti cen na, tathā bhāvaikāntavirodhāt 
AS-VDh 093,05	sarvasya bhāvābhāvātmakatvaprasakteḥ | na hi viyam api bhāvād arthāntaram evābhāvaṃ saṃgirāmahe, tasya nīrūpatvaprasa- 
AS-VDh 093,06	ṅgāt, nāstīti pratyayajanakatvarūpasadbhāvād abhāvasya nīrūpatvābhāvopagame tasya bhāvasvabhāvatvasiddheḥ pratya- 
AS-VDh 093,07	yābhidhānaviṣayasyārthakriyākāriṇaḥ padārthasya bhāvasvabhāvatvapratijñānāt, nāstitvasya vastudharmatvād astitvava- 
AS-VDh 093,08	t | vastuno 'stīti pratyayaviṣayo hi paryāyostitvaṃ, nāstītipratyayaviṣayas tu nāstivat | niṣparyāyadravyai- 
AS-VDh 093,09	kāntapakṣe sarvātmakatvādidoṣānuṣaṅgaḥ *kathaṃ parihartuṃ śakyaḥ ? sarvavivartātmakasyaikasyānādyanantasya 
AS-VDh 093,10	pradhānasyeṣṭatvāt, tadvyatirekeṇa sakalaviśeṣāṇāṃ tattvato 'saṃbhavāt siddhasādhanam iti cen na, prakṛtipuruṣayor api 
AS-VDh 093,11	viśeṣābhāvānuṣaṅgāt, sattāvyatirekeṇa tayor apratibhāsanāt sattādvaitaprasaṅgāt | tad evāstu, cetanetaraviśeṣā- 
AS-VDh 093,12	ṇāmavidyopakalpitatvād iti cet kutaḥ punar viśeṣānapanhuvīta * ? na tāvat pratyakṣāt, tasya vidhāyaka- 
AS-VDh 093,13	tvaniyamāt, viśeṣapratiṣedhe pravṛttyayogāt | nāpy anumānād āgamād vā, tasyāpi pratiṣedhakatvāniṣṭeḥ, anyathā 
AS-VDh 093,14	pratyakṣasyāpi pratiṣedhakatvaprasaṅgāt | svayaṃ na kutaścit pramāṇādayaṃ viśeṣānapanhute | kiṃ tarhi ? tatsādhana- 
AS-VDh 093,15	vyabhicārāt | vastuviśeṣasādhanavādinā hi na kāraṇabhedas tatsādhanaṃ prayoktavyaṃ, tasyābhedavādinaṃ pratya- 
AS-VDh 093,16	siddhatvāt | nāpi viruddhadharmādhyāsaḥ, tata eva | kiṃ tarhi ? saṃvinnirbhāsabhedād bhāvasvabhāvabhedaḥ praka- 
AS-VDh 093,17	lapyeta | sa punar abhede 'py ātmanaḥ khaṇḍaśaḥ pratibhāsanāt * vyabhicārī | nanu jñānātmanaḥ khaṇḍaśaḥ 
AS-VDh 093,18	pratibhāsanasya vibhrāntatvāt tattvatas tasyaikatvān na tena vyabhicāraḥ | tad uktam "avibhāgo 'pi buddhyātmā 
AS-VDh 093,19	viparyāsitadarśanaiḥ | grāhyagrāhakasaṃvittibhedavān iva lakṣyate" iti cet, tadanyatrāpi vibhramābhāve kośa- 
AS-VDh 093,20	pānaṃ vidheyam * | śakyaṃ hi vaktuṃ, saṃvinnirbhāsabhedaḥ kutaścit pratipattur vibhrama eva, tattvataḥ saṃvinmā- 
AS-VDh 093,21	trasyādvayasya vyavasthiteḥ | "yathā viśuddham ākāśaṃ timiropapluto naraḥ | saṅkīrṇam iva mātrābhir bhinnābhir abhima- 
AS-VDh 093,22	nyate | 1 | tathedam abhalaṃ brahma nirvikalpam avidyayā | kaluṣatvam ivāpannaṃ bhedarūpaṃ prapaśyati | 2 | " iti 
AS-VDh 094,01	vacanāt | tathā cāsiddhaṃ viśeṣasādhanaṃ na sādhyasādhanāyālam | tad ekaṃ cakṣurādijñānapratibhāsabhedava- 
AS-VDh 094,02	śād rūpādivyapadeśabhāg grāhyagrāhakasaṃvittivat * | cakṣurādijñānapratibhāsabhedo 'py asiddha evābhedavādi- 
AS-VDh 094,03	na iti ced grāhyagrāhakasaṃvittipratibhāsabhedo 'pi bhedavādinaḥ kim ekatra jñānātmani siddhaḥ ? saṃvṛttyā siddha 
AS-VDh 094,04	iti cet samaḥ samādhiḥ | yo 'pītaretarābhāvapratyayādbhāvasvabhāvabhedaṃ sādhayet tasya itaretarābhāvavikalpo 'pi 
AS-VDh 094,05	katham ayathārtho na syād varṇādivikalpavat * | varṇādipratyayo bhāvasvabhāvabhedaṃ svasādhyam artham antareṇaiva bhā- 
AS-VDh 094,06	vād vyabhicāritvād ayathārtho, na punar itaretarābhāvapratyaya ity aśakyavyavasthaṃ, tasya bhāvābhāvayor abhede 'pītaretarā- 
AS-VDh 094,07	bhāvapratyayena vyabhicārāt | na hi vastuvyatiriktam asan nāma, pramāṇasyārthaviṣayatvāt * | pratyakṣam a- 
AS-VDh 094,08	bhāvaviṣayaṃ bhavaty eva, tasyendriyaiḥ saṃyuktaviśeṣaṇasaṃbandhasadbhāvād, ghaṭābhāvaviśiṣṭaṃ bhūtalaṃ gṛhṇāmīti pratya- 
AS-VDh 094,09	yād iti cen na, tasya bhūtalādibhāvaviṣayatvāt | abhāvadṛṣṭau hi tadavasānakāraṇābhāvād bhāvadarśanam ana- 
AS-VDh 094,10	vasaraṃ prāpnoti *, kramato 'nantapararūpābhāvapratipattāv evopakṣīṇaśaktikatvaprasaṅgāt | pratyakṣasya kvacit pratipattā 
AS-VDh 094,11	smaryamāṇasya ghaṭasyābhāvapratipattau tadapararūpasyānantasyāsmaryamāṇatvaṃ bhāvadarśanāvasarakāraṇam iti cen na, pratya- 
AS-VDh 094,12	kṣasya smaraṇānapekṣatvāt, tasya smṛtyapekṣāyām apūrvārthasākṣātkāritvavirodhāt | bhāvapratyakṣaṃ kiñcit tu smaraṇa- 
AS-VDh 094,13	nirapekṣaṃ yogipratyakṣavat | kiñcittu smaraṇāpekṣaṃ sukhādisādhanārthavyavasāyavat | kvacijabhāvapratyakṣaṃ smaraṇanira- 
AS-VDh 094,14	pekṣaṃ, yogino 'bhāvapratyakṣaṃ yathā | kvacid abhāvapratyakṣaṃ punaḥ pratiṣedhyasmaraṇāpekṣam eva, tathā pratīteḥ | iti 
AS-VDh 094,15	cen na, smaraṇāpekṣasya vikalpajñānasya pratyakṣatvavirodhād anumānādivat | pratyakṣasya sakalakalpanāviṣayatvā- 
AS-VDh 094,16	t smṛtyapekṣāyām anavasthāprasaṅgāt, smṛteḥ pūrvānubhavāpekṣatvāt pūrvānubhavasyāpy aparasmṛtyapekṣatvāt, sudūram api 
AS-VDh 094,17	gattvā kasyacid anubhavasya smṛtinirapekṣatve prakṛtānubhavasyāpi smṛtisāpekṣatvakalpanāvaiyarthyāt | na ca 
AS-VDh 094,18	smṛtiḥ pūrvānubhūtārthaviṣayā kathañcid apy apūrvārthe jñānam upajanayitum alaṃ, tasyās tatpratyabhijñānamātrajananasāmarthya- 
AS-VDh 094,19	pratīter dṛṣṭe sajātīyārthe 'pi smṛteḥ sādṛśyapratyabhijñānajanakatvasiddheḥ | pūrvānubhūte ghaṭe smṛtis tato vijātī- 
AS-VDh 094,20	ye 'rthāntare tadabhāve vijñānam upajanayatīti śilāplavaṃ kaḥ śraddadhītānyatra jaḍātmanaḥ | tataḥ smṛtinirapekṣam eva 
AS-VDh 094,21	sarvaṃ pratyakṣam | tac ca yady abhāvaviṣayaṃ syāt tadā bhāvadarśanam anavasaram eva, tatkāraṇābhāvāt | pratipattur bhāvadidṛ-
AS-VDh 095,01	kṣā bhāvadarśanakāraṇam ity api na samyak, puruṣecchānapekṣatvāt pratyakṣasya, satyām api ghaṭadidṛkṣāyāṃ tadvikale 
AS-VDh 095,02	pradeśe darśanābhāvād asatyām api sati ghaṭe darśanasadbhāvāt | iti na pratyakṣam abhāvaṃ pratyeti, tasya sanmātravi- 
AS-VDh 095,03	ṣayatvāt tatraiva pramāṇatvopapatter avyabhicārāt | sakalaśaktivirahalakṣaṇasya nirupākhyasya svabhāvakāryāde- 
AS-VDh 095,04	r abhāvāt kutas tatpramitiḥ * syād ānumānikī ? na hi nirupākhyasya svabhāvaḥ kaścit saṃbhavati, bhāvasvabhā- 
AS-VDh 095,05	vatvaprasaṅgāt | nāpi kāryaṃ, tata eva | iti kutaḥ svabhāvāt kāryād vā hetos tatpramitiḥ ? anupalabdhiḥ punas ta- 
AS-VDh 095,06	syāsiddhim eva vyavasthāpayed iti tato 'pi na tatpramitiḥ | bhāvānām anupalabdhes tatpramitir ity api na samyak, 
AS-VDh 095,07	tato bhāvāntarasvabhāvasyaivābhāvasyāvabhāsanāt | etena virodhiliṅgān nirupākhyasyābhāvasya pramitir apā- 
AS-VDh 095,08	stā | sadupalambhakapramāṇapañcakanivṛttes tatpramitir ity api mithyā, tasyā api nirupākhyatve kvacit pramiti- 
AS-VDh 095,09	jananāsaṃbhavāt, ātmanaḥ sadupalambhakapramāṇapañcakarūpatvenāpariṇāmasya prasajyapratiṣedharūpasya pramāṇatvavi- 
AS-VDh 095,10	rodhāt | yadi punar anyavastuvijñānarūpā tannivṛttis tadā na tato nirupākhyasya pramitiḥ, vastvantararūpasyai- 
AS-VDh 095,11	vābhāvasya siddheḥ | na ca prakārāntaram asti kiñcit | iti kutas tatpramitiḥ ? 
AS-VDh 095,12	mā bhūn nirupākhyasyābhāvasya pratyakṣato 'nyato vā pramāṇāt pratipattis tathāpi na sattādvaitasya siddhiḥ, vastunānā- 
AS-VDh 095,13	tvasyaiva tataḥ paricchitter ity aparas tasyāpi vastuno nānātvaṃ buddhyādikāryanānātvāt pratīyet *, nānyathā, a- 
AS-VDh 095,14	tiprasaṅgāt | tad api vyabhicāry eva, vipakṣe 'pi bhāvāt | tathā hi svabhāvābhede 'pi vividhakarmatā dṛṣṭā yugapadekā- 
AS-VDh 095,15	rthopanibaddhadṛṣṭiviṣayakṣaṇavat * | na hy ekatra nartakyādikṣaṇe yugapadupanibaddhadṛṣṭīnāṃ prekṣakajanānāṃ vividhaṃ karma 
AS-VDh 095,16	buddhivyapadeśasukhādikāryam asiddhaṃ, yena tasya svabhāvābhede 'pi vividhakarmatā na bhavet | śaktinānātvaṃ prasavaviśe- 
AS-VDh 095,17	ṣāt | sa ced vyabhicārī, kutas tadgatiḥ *? tasyāpi śaktinānātvopagamān na buddhyādiḥ prasavaviśeṣo vyabhi- 
AS-VDh 095,18	cārīti cen na, anavasthāprasaṅgāt, nartakyādikṣaṇaikaśaktāv api buddhyādikāryanānātvāc chaktinānātvaprasaṅgāt 
AS-VDh 095,19	tathā tacchaktāv api | iti sudūram api gatvā buddhyādiprasavaviśeṣasadbhāve 'pi śaktinānātvābhāve kathaṃ nāsau 
AS-VDh 096,01	vyabhicārī syāt ? iti kuto vastunānātvagatiḥ ? kevalam avidyā svabhāvadeśakālāvasthābhedānā''- 
AS-VDh 096,02	tmani paratra vā sataḥ svayam asatī mithyāvyavahārapadavīm upanayati yataḥ kṣaṇabhaṅgino bhinnasaṃtatayaḥ 
AS-VDh 096,03	skandhā vikalperann anyathā vā iti * sattādvaitavādī viśeṣānapanhuvīta tadrūpādiskandhānāṃ dravyādipadārthānāṃ 
AS-VDh 096,04	vā nirupākhyābhāvānām iva, paramārthataḥ kṣaṇikatvākṣaṇikatvatadubhayānubhayarūpatvādiviśeṣasādhane 'pi sādhanavya- 
AS-VDh 096,05	bhicārāt, so 'pipratibhāsakāryādyabhede 'pi kasyacid ekatvaṃ sādhayatīti sādhyasādhanayor abhede kiṃ kena 
AS-VDh 096,06	kṛtaṃ syāt ? pakṣavipakṣāder abhāvāt * | kasyacid dhi sanmātradehasya parabrahmaṇas tadvādī ekatvaṃ pratibhāsa- 
AS-VDh 096,07	nāt tatkāryāt tatsvabhāvad vā sādhayed anyato vā ? tac ca sādhanaṃ sādhyād abhinnam eva, anyathā dvaitaprasaṅgāt | sādhya- 
AS-VDh 096,08	sādhanayor abhede ca kim ekatvaṃ kena pratibhāsakāryādinā nirṇītaṃ syāt, pakṣasya vipakṣasya sapakṣasya cābhāvāt | 
AS-VDh 096,09	sādhyadharmādhāratayā hi prasiddho dharmī pakṣaḥ | sa ca sarveṣām arthānāṃ dharmiṇām aprasiddhau tato 'nyatvena sādhyadharma- 
AS-VDh 096,10	sya caikatvasyāsaṃbhave kathaṃ prasidhyen nāma ? vipakṣaś ca tadviruddhas tato 'nyo vā nādvaitavādino 'sti | tathā sapa- 
AS-VDh 096,11	kṣaś ca sādhyadharmāvinābhūtasādhanapradarśanaphalas tasya dūrotsārita eva | tatsiddhau vā bhedavādaprasiddhiḥ | parābhyu- 
AS-VDh 096,12	pagamāt pakṣādisiddher adoṣa iti cen na, svaparavibhāgāsiddhau parābhyupagamasyāpy asiddheḥ | etena yad uktaṃ, sarve 'rthāḥ 
AS-VDh 096,13	pratibhāsāntaḥpraviṣṭāḥ pratibhāsasamānādhikaraṇatayā'vabhāsamānatvāt pratibhāsasvātmavad iti brahmādvaitasya 
AS-VDh 096,14	sādhanaṃ tad api pratyākhyātam | āmnāyāt tatsiddhir ity apy asaṃbhāvyaṃ, tasyāpi sādhyād abhede sādhanatvāyogāt | 
AS-VDh 096,15	tataḥ sādhyasādhanayor abhede kiṃ sattādvaitaṃ kenānumānenāgamena pratyakṣeṇa vā pramāṇena sādhitaṃ syāt, pakṣasa- 
AS-VDh 096,16	pakṣavipakṣāṇām āmnāyasyendriyādeś cānumānāgamapratyakṣajñānātmakapramāṇakāraṇasyābhāvān naivaṃ tatkṛtaṃ syāt | na 
AS-VDh 096,17	kvacid asādhanā sādhyasiddhiḥ, atiprasaṅgāt * | sādhanaṃ hi pramāṇaṃ sādhyate niścīyate 'neneti | tadra- 
AS-VDh 096,18	hitā na sādhyasya prameyasya siddhiḥ, śūnyatādisiddhiprasaṅgāt | svarūpasya svato gatir iti tu saṃvidadvaita- 
AS-VDh 096,19	vādino 'pi samānam | kiṃ bahunā, sarvasya sveṣṭatattvaṃ pratyakṣādipramāṇābhāve 'pi vyavatiṣṭheta, svarūpasya svato 
AS-VDh 096,20	gateḥ | ity atiprasaṅga eva, puruṣādvaitavadanekāntavādasyāpi siddheḥ, saṃvidadvaitavadan ekasaṃvedanasyāpi siddheḥ | 
AS-VDh 096,21	iti na sattādvaitaṃ niṣparyāyaṃ śakyam abhyupagantum | vicārayiṣyate caitat prapañcato 'gre | tad alam atiprasaṅgena | 
AS-VDh 097,01	tato bhāvā eva nānātmādaya iti bhāvaikānto 'bhyupagamyatām | tatra ca sarvātmakatvādidoṣānuṣaṅgaḥ pari- 
AS-VDh 097,02	harttum aśakyaḥ | 
AS-VDh 097,03	saṃprati ghaṭādeḥ śabdādeś ca prāgabhāvapradhvaṃsābhāvanihnavavādinaṃ prati dūṣaṇam upadarśayantaḥ kārikām āhuḥ —
ĀM-VDh 10
 		kāryadravyam anādi syāt prāgabhāvasya nihnave | pradhvaṃsasya ca dharmasya pracyave 'nantatāṃ vrajet || 10 || 
AS-VDh 097,05	kāryasyātmalābhāt prāg'abhavanaṃ prāgabhāvaḥ | sa ca tasya prāganantarapariṇāma evetyeke teṣāṃ tatpūrvānādipariṇā- 
AS-VDh 097,06	masantatau kāryasadbhāvaprasaṅgaḥ | tatretaretarābhāvarūpasya tadabhāvasyopagamān nāyaṃ doṣa iti cet tadanantarapa- 
AS-VDh 097,07	riṇāme 'pi tata eva kāryasyābhāvasiddheḥ kim arthaḥ prāgabhāvaḥ parikalpyate ? kāryasya prāgabhāvābhāvasvabhāvatva- 
AS-VDh 097,08	siddhyartham iti cet katham evaṃ kāryāt pūrvaparyāyeṇa rahiteṣu tatpūrvottarākhilapariṇāmeṣu kāryasvabhāvatvaṃ na prasa- 
AS-VDh 097,09	jyeta ? prāgabhāvābhāvasvabhāvatvāviśeṣe 'pi kaścid eveṣṭaḥ paryāyaḥ kāryaṃ, na punar itare pariṇāmā ity abhinive- 
AS-VDh 097,10	śamātram | syād ākūtaṃ 'kāryāt prāganantaraparyāyas tasya prāgabhāvaḥ | tasyaiva pradhvaṃsaḥ kāryaṃ ghaṭādi | na 
AS-VDh 097,11	punar itaretarābhāvo, yena tatpūrvottarasakalaparyāyāṇāṃ ghaṭatvaṃ prasajyeta | na ca teṣāṃ prāgabhāvapradhvaṃsarūpatā- 
AS-VDh 097,12	sti, taditaretarābhāvarūpatopagamāt' iti tad etad api sugatamatānusaraṇaṃ syādvādavādinām āyātaṃ, svamataviro- 
AS-VDh 097,13	dhāt | prāgabhāvo hy anādir iti tanmatam | tac ca ghaṭasya pūrvānantaraparyāyamātraprāgabhāvasyopagame virudhyate | 
AS-VDh 097,14	dravyārthādeśād anādiḥ prāgabhāvo 'bhimata iti cet kim idānīṃ mṛdādidravyaṃ prāgabhāvaḥ ? tathopagame kathaṃ 
AS-VDh 097,15	prāgabhāvābhāvasvabhāvatā ghaṭasya ghaṭeta ? dravyasyābhāvāsaṃbhavāt | tata eva na jātucid ghaṭasyotpattiḥ syāt | 
AS-VDh 097,16	yadi punaḥ pūrvaparyāyāḥ sarve 'pyanādisantatayo ghaṭasya prāgabhāvo 'nādir iti mataṃ tadāpi prāganantaraparyāya- 
AS-VDh 097,17	nivṛttāv iva tatpūrvaparyāyanivṛttāv api ghaṭasyotpattiprasaṅgaḥ | tathā sati ghaṭasyānāditvaṃ pūrvaparyāyanivṛttisa- 
AS-VDh 097,18	ntater apy anāditvāt | nanu ca na prāganantaraparyāyaḥ prāgabhāvo ghaṭasya, nāpi mṛdādidravyamātraṃ, na ca 
AS-VDh 097,19	tatpūrvasakalaparyāyasantatiḥ | kiṃ tarhi ? dravyaparyāyātmā prāgabhāvaḥ | sa ca syād anādiḥ syāt sādir iti 
AS-VDh 097,20	syādvādidarśanaṃ nirākulam eveti cen na, evam apy ubhayapakṣopakṣiptadoṣānuṣaṅgāt | dravyarūpatayā tāvad anāditve 
AS-VDh 098,01	prāgabhāvasyānantatvaprasakteḥ sarvadā kāryānutpattiḥ syāt | paryāyarūpatayā ca sāditve prāgabhāvāt pūrvam apy u- 
AS-VDh 098,02	tpattiḥ paścād iva kathaṃ nivāryeta ? na ca gatyantaram asti | 'tato na bhāvasvabhāvaḥ prāgabhāvaḥ, tasya bhāva- 
AS-VDh 098,03	vilakṣaṇatvāt padārthaviśeṣaṇatvasiddheḥ | ' ity ante te 'pi na samīcīnavācaḥ, sarvathā bhāvavilakṣaṇasyābhāvasya 
AS-VDh 098,04	grāhakapramāṇābhāvāt | 'svotpatteḥ prāg nāsīd ghaṭa iti pratyayo 'sadviṣayaḥ, satpratyayavilakṣaṇatvāt | 
AS-VDh 098,05	yas tu sadviṣayaḥ, sa na satpratyayavilakṣaṇo, yathā saddravyam ityādipratyayaḥ, satpratyayavila- 
AS-VDh 098,06	kṣaṇaś cāyaṃ, tasmād asadviṣayaḥ' ity anumānaṃ prāgabhāvasya grāhakam iti cen na, prāgabhāvādau nāsti pradhvaṃ- 
AS-VDh 098,07	sābhāvādir iti pratyayena vyabhicārāt | tasyāpy asadviṣayatvān nā doṣa iti cen na, abhāvānavasthāprasaṅgāt | 
AS-VDh 098,08	syān mataṃ, bhāve bhūbhāgādau nāsti kumbhādir iti pratyayo mukhyābhāvaviṣayaḥ prāgabhāvādau nāsti pradhvaṃ- 
AS-VDh 098,09	sādir ity upacaritābhāvaviṣayaḥ | tato nābhāvānavastheti, tad apy ayuktaṃ, paramārthataḥ prāgabhāvādīnāṃ sāṅkaryapra- 
AS-VDh 098,10	saṅgāt | na hy upacaritenābhāvena parasparam abhāvavānāṃ vyatirekaḥ sidhyet, sarvatra mukhyābhāvaparikalpanānartha- 
AS-VDh 098,11	kyaprasaṅgāt | yad apy uktaṃ, na bhāvasvabhāvaḥ prāgabhāvādiḥ, sarvadā bhāvaviśeṣaṇatvād iti, tad api na samyag anu- 
AS-VDh 098,12	mānaṃ, hetoḥ pakṣāvyāpakatvāt, na prāgabhāvaḥ pradhvaṃsādav ityāder abhāvaviśeṣaṇasyāpy abhāvasya prasiddheḥ, 
AS-VDh 098,13	guṇādinā vyabhicārāc ca, tasya sarvadā bhāvaviśeṣaṇatve 'pi bhāvasvabhāvatvāt | rūpaṃ paśyāmītyādivyavahāreṇa 
AS-VDh 098,14	guṇasya svatantrasyāpi pratīter na sarvadā bhāvaviśeṣaṇatvam asyeti cet tarhy abhāvas tattvam ity abhāvasyāpi svatantratvapratīteḥ 
AS-VDh 098,15	śaśvadbhāvaviśeṣaṇatvaṃ mā sidhat | sāmarthyāt tadviśeṣyasya dravyādeḥ saṃpratyayāt sadā bhāvaviśeṣaṇam evābhāva iti 
AS-VDh 098,16	cet tathaiva guṇādiḥ santataṃ bhāvaviśeṣaṇam astu, tadviśeṣyasya dravyasya sāmarthyād gamyamānatvāt | kiñca prāga- 
AS-VDh 098,17	bhāvaḥ sādiḥ sāntaḥ parikalpyate sādirananto vānādirananto vā'nādiḥ sānto vā ? prathame vikalpe 
AS-VDh 098,18	prāgabhāvāt pūrvaṃ ghaṭasyopalabdhiprasaṅgaḥ, tadvirodhinaḥ prāgabhāvasyābhāvāt | dvitīye prāgabhāvakāle ghaṭasyānu- 
AS-VDh 098,19	palabdhiprasaktiḥ, tasyānantatvāt | tṛtīye tu sadānupalabdhiḥ | caturthe punar ghaṭotpattau prāgabhāvasyābhāve 
AS-VDh 098,20	ghaṭopalabdhivadaśeṣakāryopalabdhiḥ syāt, sarvakāryāṇām utpatsyamānānāṃ prāgabhāvasyaikatvāt | yāvanti kāryā- 
AS-VDh 098,21	ṇi tāvantas tatprāgabhāvāḥ | tatraikasya prāgabhāvasya vināśe 'pi śeṣotpatsyamānakāryaprāgabhāvānām avināśān na 
AS-VDh 098,22	ghaṭopalabdhau sarvakāryoṃpalabdhir iti cet tarhy anantāḥ prāgabhāvās te svatantrā bhāvatantrā vā ? svatantrāś cet kathaṃ na 
AS-VDh 099,01	bhāvasvabhāvāḥ kālādivat ? bhāvatantrāś cet kim utpannabhāvatantrā utpatsyamānabhāvatantrā vā ? na tāvad ādivika- 
AS-VDh 099,02	lpaḥ, samutpannabhāvakāle tatprāgabhāvavināśāt | dvitīyavikalpo 'pi na śreyāt, prāgabhāvakāle svayam asatā- 
AS-VDh 099,03	m utpatsyamānabhāvānāṃ tadāśrayatvāyogāt, anyathā pradhvaṃsābhāvasyāpi pradhvastapadārthāśrayatvāpatteḥ | na cānu- 
AS-VDh 099,04	tpannaḥ pradhvasto vārthaḥ kasyacid āśrayo nāma, atiprasaṅgāt | yadi punar eka eva prāgabhāvo viśeṣaṇabhedād bhinna 
AS-VDh 099,05	upacaryate ghaṭasya prāgabhāvaḥ paṭāder veti | tathotpannapadārthaviśeṣaṇatayā tasya vināśe 'py utpatsyamānārthaviśeṣa- 
AS-VDh 099,06	ṇatvenāvināśān nityatvam apīti mataṃ, tadā prāgabhāvādicatuṣṭayakalpanāpi mā bhūt, sarvatraikasyaivābhāvasya 
AS-VDh 099,07	viśeṣaṇabhedāt tathā bhedavyavahāropapatteḥ | kāryasyaiva pūrveṇa kālena viśiṣṭo 'rthaḥ prāgabhāvaḥ, pareṇa viśiṣṭaḥ 
AS-VDh 099,08	pradhvaṃsābhāvaḥ, nānārthaviśiṣṭaḥ sa eva cetaretarābhāvaḥ, kālatraye 'py atyantanānāsvabhāvabhāvaviśeṣaṇo 'tyantābhā- 
AS-VDh 099,09	vaḥ syāt, pratyayabhedasyāpi tathopapatteḥ sattaikatve 'pi dravyādiviśeṣaṇabhedād bhedavyavahāravat | yathaiva hi 
AS-VDh 099,10	satpratyayāviśeṣād viśeṣaliṅgābhāvād ekatvaṃ sattāyām iṣṭaṃ bhavadbhis tathaivāsatpratyayāviśeṣād viśeṣaliṅgābhāvād asattā- 
AS-VDh 099,11	yām apy ekatvam astu | atha prāg nāsīd ityādipratyayaviśeṣād asattā caturbhedeṣyate tarhi prāg āsīt paścād bhaviṣyati 
AS-VDh 099,12	sampraty astīti kālabhedena, pāṭalīputre 'sti citrakūṭe 'stīti deśabhedena, ghaṭo 'sti paṭo 'stīti dravyabhedena, 
AS-VDh 099,13	rūpam asti raso 'stīti guṇabhedena, prasāraṇam asti gamanam astīti karmabhedena ca pratyayaviśeṣasadbhāvāt prāksattā- 
AS-VDh 099,14	dayaḥ sattābhedāḥ kimu neṣyante ? atha pratyayaviśeṣāt tadviśeṣaṇāny eva bhidyante, tasya tannimittakatvāt, 
AS-VDh 099,15	na tu sattā | tataḥ saikaiveti mataṃ tarhi tata evābhāvabhedo 'pi mā bhūt, sarvathā viśeṣābhāvāt | na caiko 
AS-VDh 099,16	'py abhāvaḥ kṣityādivivarttaghaṭaśabdādivyatirekeṇa pratyakṣataḥ pratibhāsate | kevalaṃ gatānugatikatayā lokaḥ 
AS-VDh 099,17	pṛthivyādibhūtacatuṣṭayaviṣayam eva prāgabhāvādivikalpamātravaśāt prāgabhāvādivyavahāraṃ pravartayati dravyādivi- 
AS-VDh 099,18	kalpamātrād dravyādivyavahāravat, pramāṇādiprakṛtyādirūpaskandhādivikalpamātrāt tadvyavahāravac ca | tato na prāga- 
AS-VDh 099,19	bhāvaḥ kaścid iha pratīyate pradhvaṃsābhāvādivat | iti prāgabhāvādinihnavaṃ kṛttvā pṛthivyādikāryadravyam a- 
AS-VDh 099,20	bhyupagacchaṃś cārvāko 'nenopālabhyate, na punaḥ sāṃkhyo 'nyo vā, tasya kāryadravyānabhyupagamāt, tirobhāvā- 
AS-VDh 099,21	virbhāvavatpariṇāmopagame 'pi bhāvasvabhāvaprāgabhāvādyabhyupagamasyāpi sadbhāvāt | tatra prāgabhāvasya prasiddhasyā- 
AS-VDh 099,22	py apalapanaṃ nihnavaḥ | tasmin kriyamāṇe kāryadravyaṃ pṛthivyādikamanādi syāt | pradhvaṃsasya ca dharmasya svabhāvasya 
AS-VDh 099,23	pracyavo 'palāpaḥ | tasmin vidhīyamāne tadanantatāṃ brajet | na cānādyanantaṃ pṛthivyādikaṃ prāgabhāvādyapahna-
AS-VDh 100,01	vavādinābhyupagantuṃ śakyate, svamatavirodhāl laukāyatikatvahāniprasaṅgāt | kathaṃ punaḥ prāgabhāvaḥ prasiddhaḥ, 
AS-VDh 100,02	tasyoktadūṣaṇaviṣayatayā vyavasthityabhāvād iti cen na, syādvādibhir abhīṣṭe prāgabhāve yathoktadūṣaṇānavakāśāt, 
AS-VDh 100,03	naiyāyikādibhir abhimatasya tu tasya tair api nirākaraṇāt | ṛjusūtranayārpaṇād dhi prāgabhāvas tāvat kāryasyopādā- 
AS-VDh 100,04	napariṇāma eva pūrvo 'nantarātmā | na ca tasmin pūrvānādipariṇāmasantatau kāryasadbhāvaprasaṅgaḥ, prāgabhāvavi- 
AS-VDh 100,05	nāśasya kāryarūpatopagamāt, kāryotpādaḥ kṣayo hetor iti vakṣyamāṇatvāt | prāgabhāvatatprāgabhāvādes tu pūrva- 
AS-VDh 100,06	pūrvapariṇāmasya santatyānāder vivakṣitakāryarūpatvābhāvāt | na ca tatrāsyetaretarābhāvaḥ parikalpyate, yena 
AS-VDh 100,07	tatpakṣopakṣiptadūṣaṇāvatāraḥ syāt | nāpy evaṃ prāgabhāvasyānāditvavirodhaḥ, prāgabhāvatatprāgabhāvādeḥ prāga- 
AS-VDh 100,08	bhāvasantānasyānāditvopagamāt | na cātra santānibhyas tattvānyatvapakṣayoḥ santāno dūṣaṇārhaḥ, pūrvapūrva- 
AS-VDh 100,09	prāgabhāvātmakabhāvakṣaṇānām evāparāmṛṣṭabhedānāṃ santānatvābhiprāyāt | santānikṣaṇāpekṣayā tu prāgabhāvasyānā- 
AS-VDh 100,10	ditvābhāve 'pi na doṣaḥ, tathā ṛjusūtranayasyeṣṭatvāt | tathāsmin pakṣe pūrvaparyāyāḥ sarve 'py anādisaṃtatayo ghaṭasya 
AS-VDh 100,11	prāgabhāva iti vacane 'pi na prāganantaraparyāyanivṛttāv iva tatpūrvaparyāyanivṛttāv api ghaṭasyotpattiprasaṅgo, yena 
AS-VDh 100,12	tasyānāditvaṃ pūrvaparyāyanivṛttisaṃtater apy anāditvād āpādyate, ghaṭāt pūrvakṣaṇānām aśeṣāṇām api tatprāgabhāvarūpā- 
AS-VDh 100,13	ṇām abhāve ghaṭotpattyabhyupagamāt, prāganantarakṣaṇānivṛttau tadanyatamakṣaṇānivṛttāv iva sakalatatprāgabhāvani- 
AS-VDh 100,14	vṛttyasiddher ghaṭotpattiprasaṅgāsaṃbhavāt | vyavahāraranayārpaṇāt tu mṛdādidravyaṃ ghaṭādeḥ prāgabhāva iti vacane 'pi 
AS-VDh 100,15	prāgabhāvābhāvasvabhāvatā ghaṭasya na durghaṭā yato dravyasyābhāvāsaṃbhavān na jātucid utpattir ghaṭasya syāt, 
AS-VDh 100,16	kāryarahitasya pūrvakālaviśiṣṭasya mṛdādidravyasya ghaṭādiprāgabhāvarūpatopagamāt, tasya ca kāryotpattau vi- 
AS-VDh 100,17	nāśasiddheḥ, kāryarahitatāvināśam antareṇa kāryasahitatayotpattyayogāt, kāryotpatter evopādānātmakaprāga- 
AS-VDh 100,18	bhāvakṣayasya vakṣyamāṇatvāt | tathā pramāṇārpaṇād dravyaparyāyātmā prāgabhāva ity abhidhāne 'pi nobhayapakṣopakṣipta- 
AS-VDh 100,19	doṣānuṣaṅgaḥ, prāgabhāvasya dravyarūpatayeva paryāyarūpatayāpy anāditvanirūpaṇāt | na cānāder anantataikāntaḥ 
AS-VDh 101,01	sidhyati, bhavyajīvasaṃsārasyānāditve 'pi sāntatvaprasiddheḥ, anyathā kasyacin muktyayogāt | nāpi sāntasya 
AS-VDh 101,02	sāditvaikāntaḥ, kasyacit saṃsārasya sāntatve 'py anāditvaprasiddheḥ | tato na sarvadā kāryānutpattiḥ pūrvam apy utpattir vā 
AS-VDh 101,03	ghaṭasya durnivārā syāt | tato bhāvasvabhāva eva prāgabhāvaḥ | sa caikānekasvabhāvo bhāvavad eveti na tadekatvāne- 
AS-VDh 101,04	katvaikāntapakṣabhāvī doṣovakāśaṃ labhate | na ca bhāvasvabhāve prāgabhāve prāg nāsīt kāryam iti nāstitvapratyayo 
AS-VDh 101,05	virudhyate, tadabhāvasya bhāvāntararūpatvāt tatra ca nāstitvapratyayāvirodhāt, ghaṭaviviktabhūbhāge ghaṭanāsti- 
AS-VDh 101,06	tvapratyayavat | tad evaṃ prasiddhasyaiva prāgabhāvasyāpalapanaṃ nihnavaḥ | parasya pradhvaṃsābhāvaḥ kathaṃ prasiddha iti cen na- 
AS-VDh 101,07	yapramāṇārpaṇād iti brūmaḥ | tatra ṛjusūtranayārpaṇāt tāvad upādeyakṣaṇa evopādānasya pradhvaṃsaḥ | na caivaṃ 
AS-VDh 101,08	taduttarakṣaṇeṣu pradhvaṃsasyābhāvāt punar ujjīvanaṃ ghaṭādeḥ prasajyeta, kāraṇasya kāryopamardanātmakatvābhāvāt, 
AS-VDh 101,09	upādānopamardanasyaiva kāryotpattyātmakatvāt, prāgabhāvapradhvaṃsayor upādānopādeyarūpatopagamāt prāgabhāvopamarda- 
AS-VDh 101,10	nena pradhvaṃsasyātmalābhāt | katham abhāvayor upādānopādeyabhāva iti cet bhāvayoḥ katham ? yad bhāve eva 
AS-VDh 101,11	yasyātmalābhas tadupādānam itaradupādeyam iti cet tarhi prāgabhāve kāraṇātmani pūrvakṣaṇavarttini sati pradhvaṃsasya 
AS-VDh 101,12	kāryātmanaḥ svarūpalābhopapattes tayor upādānopādeyabhāvos tu, tucchayor evābhāvayos tadbhāvavirodhāt | tathā 
AS-VDh 101,13	vyavahāranayādeśān mṛdādidravyaṃ ghaṭottarakālavartti ghaṭākāravikalaṃ ghaṭapradhvaṃsaḥ | sa cānantaḥ samavatiṣṭhate | 
AS-VDh 101,14	tena ghaṭāt pūrvakālavarti mṛdādidravyaṃ ghaṭasya prāgabhāva eva, na punaḥ pradhvaṃsaḥ, tathā ghaṭākāram api tat tasya 
AS-VDh 101,15	pradhvaṃso mā bhūt, ghaṭākāravikalam iti viśeṣaṇāt | nanv evaṃ ghaṭottarakālavarttighaṭākāravikalasantānāntara- 
AS-VDh 101,16	mṛdādikam api tadghaṭapradhvaṃsaḥ syād iti cen na, dravyagrahaṇāt | varttamānaparyāyāśrayarūpam eva hi mṛdādikaṃ taddra- 
AS-VDh 101,17	vyam anvayīṣyate, na punaḥ santānāntaraṃ, tasya svaparyāyam evātītam anāgataṃ vā pratyanvayinas taddravyatvavirahāt | 
AS-VDh 101,18	tad evaṃ prasiddhaḥ pradhvaṃso vastudharmaḥ | tasya pracyavo 'pahnava eva cārvākasya | tasmiṃś ca kāryadravyaṃ pṛthivyā- 
AS-VDh 101,19	dikam anantatāṃ vrajed iti samantabhadrasvāminām abhiprāyaḥ | vṛttikārās tv akalaṅkadevā evam ācakṣate kapilamatā- 
AS-VDh 101,20	nusāriṇāṃ prāgabhāvānabhyupagame ghaṭāder anāditvaprasaṅgāt puruṣavyāpārānarthakyaṃ syāt | na ca puruṣa- 
AS-VDh 101,21	vyāpāram antareṇa ghaṭādi bhavad upalabhyate jātucid iti kāryadravyaṃ tadāpādanīyam | tac ca prāgabhāvasya nihna- 
AS-VDh 101,22	ve 'nādi syād iti sūktaṃ dūṣaṇam, āpādyasyāpy udbhāvyavaddūṣaṇatvopapatteḥ | etena mīmāṃsakānāṃ śabdasya 
AS-VDh 101,23	prāgabhāvānabhyupagame 'nāditvaprasaṅgāt puruṣavyāpārānarthakyaṃ syād ity uktaṃ pratipattavyam | śabdasyābhivyaktau 
AS-VDh 102,01	puruṣavyāpārasyopayogān nānarthakyam iti cen na, tataḥ prāk tadāvedakapramāṇābhāvād abhivyaktikalpanānupapatteḥ | 
AS-VDh 102,02	kalaśāder hi samandhakārāvṛtatanoḥ pradīpavyāpārāt pūrvaṃ sadbhāvāvedakapramāṇasya sparśanapratyakṣādeḥ saṃbhavād upapannā 
AS-VDh 102,03	pradīpenābhivyaktikalpanā, na punaḥ śabdasya, tadabhāvāt | pratyabhijñānādes tadbhāvāvedakasya pramāṇasya 
AS-VDh 102,04	bhāvādadoṣa iti cenna, tasya viruddhatvāt, śabdasyābhivyakteḥ pūrvaṃ sarvathā sattvāt sādhyād viparītena kathañci- 
AS-VDh 102,05	t sattvena vyāptatvād anyathā pratyabhijñāyamānatvādyanupapatteḥ | tato 'bhivyaṅgyavilakṣaṇatvān na śabdasyābhivyakti- 
AS-VDh 102,06	kalpanā yuktā | etena kumbhakārādivyāpārād ghaṭādyabhivyaktikalpanā pratyuktā | kalpayitvāpi tadabhi- 
AS-VDh 102,07	vyaktiṃ tasyāḥ prāgabhāvo 'ṅgīkartavyaḥ | tathā hi | sataḥ śabdasya tālvādibhir abhivyaktiḥ prāgasa- 
AS-VDh 102,08	tī kriyate, na punaḥ śabda eveti svaruciviracitadarśanapradarśanamātram | nanu ca mīmāṃsakaiḥ śabda- 
AS-VDh 102,09	syāpauruṣeyatvapradarśanān nāsau prāgasan kriyate | tadabhivyaktis tu pauruṣeyī | sā prāgasatī kriyate iti kathaṃ 
AS-VDh 102,10	svaruciviracitasya darśanasya pradarśanamātraṃ, pramāṇaśaktiviracitasya tathā darśanasya pradarśanād iti cen na, 
AS-VDh 102,11	śabdād abhinnāyās tadabhivyakter apy apauruṣeyatvāt | tasyāḥ pauruṣeyatvāt prāgasattve tadabhinnasya śabdasyāpi tata 
AS-VDh 102,12	eva prāgasattvam anumanyatāṃ, viśeṣābhāvāt | śabdādbhinnaivābhivyaktir iti cet sā yadi śravaṇajñānotpa- 
AS-VDh 102,13	ttiḥ, saiva kathaṃ prāksatī yatnataḥ kartavyā ?  tasyāḥ prāgasattve śabdasyāśrāvaṇatvāpatter nityatvavirodhaḥ, 
AS-VDh 102,14	prāgaśrāvaṇatvasvabhāvatyāgenottaraśrāvaṇatvasvabhāvotpatteḥ kathañcid anityatvam antareṇānupapatteḥ | atha śravaṇajñā- 
AS-VDh 102,15	notpatter abhāve 'pi pūrvaṃ śabdasya śrāvaṇatvam eveṣṭaṃ, kim anayā śravaṇajñānotpattyābhivyaktyā ? syān mataṃ, na śabda- 
AS-VDh 102,16	dharmaḥ śravaṇajñānotpattiḥ, tasyāḥ karmasthakriyātvābhāvāt | kiṃ tarhi ? puruṣasvabhāvaḥ, kartṛsthakriyātvād iti, 
AS-VDh 102,17	tad apy ayuktaṃ, kartṛvat tasyāḥ prāksattvāpatter aviśeṣāt tadvyāpārānarthakyāt | śravaṇajñānotpattiyogyatā śabdasyā- 
AS-VDh 102,18	bhivyaktir iti cet tarhi yogyatāyāṃ samānaś carcaḥ | yogyatāpi hi yadi śabdadharmatvāc chabdād abhinnā tadā 
AS-VDh 102,19	kathaṃ tadvatsatī puruṣaprayatnena kriyeta ? atha śabdādbhinnā, śrotrasvabhāvatvāt tasyā iti matis tathāpi na sā 
AS-VDh 102,20	prāgasatī śrotrasya nabhodeśalakṣaṇasya sarvadā sattvāt tatsvabhāvabhūtāyā yogyatāyāḥ prāg api sattvāt | 
AS-VDh 102,21	etenātmadharmo yogyatā śabdād bhinneti nirastaṃ, nityatvād ātmanaḥ prāgasattvāsambhavāt | atha bhinnābhinnā 
AS-VDh 103,01	śravaṇajñānotpattis tadyogyatā cābhivyaktiḥ śabdād iti mataṃ tad apy asatyaṃ, pakṣadvayoktadoṣānuṣaṅgāt sarvathā 
AS-VDh 103,02	tasyāḥ prāgabhāvāyogāt, tadyoge vā śabdavad eva śrotrapramātror api prāgasatoḥ prayatnena karaṇaprasaṅgād anyathā svaru- 
AS-VDh 103,03	civiracitadarśanapradarśanamātraprasakteḥ | āvaraṇavigamo 'bhivyaktir iti cet tadāvaraṇavigamaḥ prāk kim abhūt ? 
AS-VDh 103,04	bhūtau vā kiṃ yatnena ?  viśeṣasyādhānam abhivyaktir iti cen nanu viśeṣādhānam api tādṛg eva, karmakartṛkaraṇānāṃ 
AS-VDh 103,05	prāgabhāvābhāvāt | āvaraṇavigamaviśeṣādhānayor hi śabdapuruṣaśrotrāṇāṃ svarūpatve teṣāṃ yājñikar api nitya- 
AS-VDh 103,06	tvopagamāt kathaṃ prāgabhāvaḥ saṃbhavet ? saṃbhave vā prayatnakāryatvaprasaṅgaḥ abhivyaktivat | puruṣaprayatnena abhivyaktiḥ 
AS-VDh 103,07	prāgasatī kriyate, na punas tatsvarūpaḥ śabdaḥ puruṣaḥ śrotraṃ ceti svaruciviracitadarśanapradarśanamātram | evaṃ hi 
AS-VDh 103,08	kapilamatānusāriṇāṃ ghaṭāder abhivyaktiḥ prāgasatī cakradaṇḍādibhiḥ kriyate na punar ghaṭādir ity api śakyaṃ pradarśa- 
AS-VDh 103,09	yitum | yato 'trana kaścid viśeṣahetus tālvādayo vyañjakā, na punaś cakrādayo 'pīti,  te vā ghaṭādeḥ kārakā, 
AS-VDh 103,10	na punaḥ śabdasya tālvādayo 'pīti | na hi vyañjakavyāpṛtir niyamena vyaṅgyaṃ sannidhāpayati | sannidhāpayati 
AS-VDh 103,11	ca tālvādivyāpṛtir niyamena śabdam | tato nāsau tālvādīnāṃ vyaṅgyaś cakrādīnāṃ ghaṭādivat | nāyaṃ 
AS-VDh 103,12	doṣaḥ sarvagatatvād varṇānām ity api vārtaṃ,  pramāṇabalāyātatvābhāvāt, anyatrāpi tathābhāvānuṣaṅgāt | 
AS-VDh 103,13	śakyaṃ hi vaktuṃ, ghaṭādīnāṃ sarvagatatvāc cakrādivyāpārān niyamenopalabdhir iti | iṣṭatvād adoṣo 'yaṃ kāpilā- 
AS-VDh 103,14	nām iti cen na, kāraṇavyāpāreṣv api codyānivṛtteḥ,  cakrādīny api kāraṇāni svavyāpārāṇāṃ niyamena 
AS-VDh 103,15	sannidhāpakānyabhivyañjakāni bhavantu, teṣāṃ sarvagatatvād eveti codyasya nivartayitum aśakyatvāt | etenāva- 
AS-VDh 103,16	sthā pratyuktā | svavyāpārotpādane hi kāraṇānāṃ vyāpārāntarāṇi kalpanīyāni tathā tadutpādane 'pīty anava- 
AS-VDh 103,17	sthā syāt, na punaḥ svavyāpārābhivyaktau, tatsannidhimātrād eva tatsiddher anyathā vyañjakakārakayor aviśeṣaprasa- 
AS-VDh 103,18	ṅgāt | kāraṇavyāpārāṇāṃ ca kāraṇebhyo bhedaikānto vā syād abhedaikānto vā ? tadbhedaikānte tadvato 'nupayogaḥ, 
AS-VDh 103,19	tāvateti kartavyatāsthānāt | vyavahāriṇām abhimatakāryasaṃpādanam eva hīti kartavyatā | tasyāḥ sthānaṃ yadi 
AS-VDh 103,20	vyāpārebhya evaikāntato bhinnebhyo bhāvād bhavet tadā kiṃ vyāpāravatānyat sādhyaṃ, yatas tasyopayogaḥ kvacid upapadyate ? 
AS-VDh 104,01	tadvato vyāpārāṇām abhedaikānte 'bhivyaktivatprasaṅgas tadvata iva vyāpārāṇāṃ sarvadā sadbhāvaḥ | teṣāṃ prāgabhāve vā 
AS-VDh 104,02	vyāpārāḥ prāgasantaḥ kriyante, na punas tadavyatirekiṇo 'pi tadvanta iti svaruciviracitadarśanapradarśanamātram | 
AS-VDh 104,03	etenāvasthā pratyuktā | tadviśeṣaikānte tadvato 'nupayogaḥ, tāvateti kartavyatāsthānāt | abhedaikānte 
AS-VDh 104,04	pūrvavat prasaṅgaḥ | pariṇāme 'py eṣa paryanuyogaḥ | pariṇāmino bahudhānakasya pariṇāmā ghaṭādayo 'tyantabhinnā vā 
AS-VDh 104,05	syur abhinnā vā ? kathañcid bhedāśrayaṇe syādvādānusaraṇaprasaṅgāt | tatra pariṇāmānāṃ tadabhinnānāṃ kramaśo vṛtti- 
AS-VDh 104,06	rmā bhūt,  pariṇāmino 'kramatvāt | tato bhinnānāṃ vyapadeśo 'pi mā bhūt -pradhānasyaite pariṇāmā iti, 
AS-VDh 104,07	saṃbandhāsiddher anupakārakatvāt | na hi nityaṃ pradhānaṃ pariṇāmānām upakārakaṃ, tasya kramayaugapadyābhyām upa- 
AS-VDh 104,08	kārakatvāyogāt | nāpi pariṇāmebhyas tasyopakāraḥ, tasya tatkāryatvenānityatvāpatteḥ | tais tasyopakāre 'pi 
AS-VDh 104,09	sarvaṃ samānam anavasthā ca | yāvanto hi pariṇāmās tāvantas tasyopakārās tatkṛtās tato yadi bhinnās tadā 
AS-VDh 104,10	tasyeti vyapadeśo 'pi mā bhūt, saṃbandhāsiddher anupakārakatvāt | tadvatas tair upakārair upakārāntare 'pi sa eva parya- 
AS-VDh 104,11	nuyoga ity anavasthā | tatas te yady abhinnās tadā tāvaddhā pradhānaṃ bhidyeta, te vā pradhānaikarūpatāṃ pratipadyeran | 
AS-VDh 104,12	iti pradhānasyopakārāṇāṃ cāvasthānāsaṃbhavād anavasthā | tasya bhogyābhāve puṃso bhoktṛtvābhāvād abhāvaḥ syāt, 
AS-VDh 104,13	tasya tallakṣaṇatvāt | tataḥ prakṛtipuruṣatattvayor avasthānābhāvād anavasthā | iti na kapilamatānusaraṇenāpi 
AS-VDh 104,14	pradhānātmanām aśeṣato ghaṭādīnām api śabdavadabhivyaṅgyatvaṃ yuktaṃ kalpayituṃ, sarvadā prāgabhāvāpahnave tadabhi- 
AS-VDh 104,15	vyakter apy anāditvaprasaṅgāt kāryadravyavat | nanu kāryadravyam asiddhaṃ kāpilānāṃ, katham anādigranthakāreṇāpādyate 
AS-VDh 104,16	iti cet pramāṇabalāt kāryatvaṃ dravyasyāpādya tathābhidhānādadoṣaḥ | kathaṃ kāryatvam āpādyate prāgabhāvānabhyupagama- 
AS-VDh 104,17	vādinaṃ pratīti cet, kāryaṃ ghaṭādikam, apekṣitaparavyāpāratvāt, yat tu na kāryaṃ tan na tathā dṛṣṭaṃ yathā 
AS-VDh 104,18	gaganaṃ, tathā ca ghaṭādikaṃ, tasmāt kāryam ity anumānāt | nātrāsiddhaṃ sādhanaṃ kādācitkatvāt, tasyānapekṣita- 
AS-VDh 104,19	paravyāpāratve kādācit katvavirodhād ākāśavat | nātrāsiddhaṃ sādhanaṃ kādācitkatvād apekṣitaparavyāpāratvaṃ, na tu 
AS-VDh 104,20	ghaṭāder iti cet ko 'yam āvirbhāvo nāma ? prāganupalabdhasya vyañjakavyāpārād upalambha iti cet sa tarhi 
AS-VDh 104,21	prāgasan kāraṇaiḥ kriyate, na punar ghaṭādir iti svarucivacanamātram | atha tasyāpi prākūtirohitasya sata 
AS-VDh 104,22	eva kāraṇair āvirbhāvāntaram iṣyate tarhi tasyāpy anyat tasyāpy anyad āvirbhāvanam ity anavasthānān na kadācid ghaṭāde- 
AS-VDh 104,23	r āvirbhāvaḥ syāt | athāvirbhāvasyopalambharūpasya tadrūpāvirbhāvāntarānapekṣatvāt prakāśasya prakāśāntarānape- 
AS-VDh 104,24	kṣatvavan nānavastheti cet tarhi tasya kāraṇād ātmalābhobhyupagantavyaḥ, tataḥ kāryamāvirbhāva iti | tadvad gha- 
AS-VDh 104,25	ṭādikam api, apekṣitaparavyāpāratvāviśeṣād ātmalābhe | na hy alabdhātmalābhasyopalambhaḥ śakyaḥ kartuṃ, sarvathā-
AS-VDh 105,01	tiprasaṅgāt | tad evaṃ pradhānapariṇāmatayāpīṣṭaṃ ghaṭādikaṃ kāryadravyam āpādyate | tasya ca prāgabhāvāpahnave 'nā- 
AS-VDh 105,02	ditvaprasaṅgāt kāraṇavyāpārānarthakyaṃ syād iti sūktaṃ dūṣaṇam | prāktirobhāvasyopagame vā sa eva prāgabhāvaḥ 
AS-VDh 105,03	siddhaḥ, tasya tirobhāva iti nāmāntarakaraṇe doṣābhāvād utpādasyāvirbhāva iti nāmāntakaraṇavat | tato 
AS-VDh 105,04	na mīmāṃsakasya sāṃkhyamatānusaraṇaṃ yuktaṃ sarvathā śabdasya prāgabhāvānabhyupagame 'nāditvaprasaṅgāt puruṣavyāpā- 
AS-VDh 105,05	rānarthakyasya samarthanāt | tathā vināśānabhyupagame tasya kiṃ kṛtam aśravaṇam ?  svāvaraṇakṛtam iti cen nai- 
AS-VDh 105,06	tatsāraṃ, tadātmānam akhaṇḍayataḥ kasyacid āvaraṇatvāyogāt | tirodhāyakasya kasyacid vāyuviśeṣasya śabdā- 
AS-VDh 105,07	tmānaṃ khaṇḍayata evāvaraṇatve svabhāvabhedaprasaṅgaḥ, āvṛtānāvṛtasvabhāvayor abhedānupapatteḥ | tayor abhede 
AS-VDh 105,08	vā śabdasya śrutir aśrutir vety ekāntaḥ prasajyeta, puruṣavyāpārāt pūrvam aśrutis tadanantaraṃ śrutir iti vibhāgānupa- 
AS-VDh 105,09	patteḥ | syān mataṃ, yathā ghaṭāder ātmānam akhaṇḍayat tamas tasyāvaraṇaṃ tathā śabdasyāpīti, tad asat, tasyāpi 
AS-VDh 105,10	tenātmakhaṇḍanopagamāt, dṛśyasvabhāvasya khaṇḍanāt tamasas tadāvaraṇatvasiddheḥ sarvasya pariṇāmitvasādhanāt | 
AS-VDh 105,11	tamasāpi ghaṭāder akhaṇḍane pūrvavad upalabdhiḥ kin na bhavitum arhati,  tasya tenopalabhyatayāpy akhaṇḍanāt | 
AS-VDh 105,12	nanu ca puruṣavyāpārāt prāk paścāc ca śabdasyākhaṇḍitasvabhāvatve 'pi naikāntataḥ śrutiḥ, sahakārikāraṇāpekṣa- 
AS-VDh 105,13	tvāt, svavijñānotpādane tadaśruter api tadvaikalye saṃbhavād iti cet tarhi kim ayaṃ śabdaḥ svaviṣayasaṃvittikara- 
AS-VDh 105,14	ṇe samartho 'samartho vā ? svasaṃvittyutpattau kāraṇāntarāpekṣā mā bhūt tatkaraṇasamarthasya | anyathā 
AS-VDh 105,15	svayam asamarthasya sahakārīndriyamano 'bhivyañjakavyāpāralakṣaṇaṃ kim asyāsāmarthya khaṇḍayaty āhosvin neti pakṣadvitaya- 
AS-VDh 105,16	m | tadasāmarthyam akhaṇḍayad akiñcitkaraṃ kiṃ sahakārikāraṇaṃ syāt ? tatkhaṇḍane vā svabhāvahānir a- 
AS-VDh 105,17	vyatirekāt | vyatireke vyapadeśānupapattiḥ | iti pūrvavat sarvaṃ,  śabdāsāmarthyayoḥ parasparam anupakāraka- 
AS-VDh 105,18	tvāviśeṣāt | śabdasya hi tadasāmarthyenopakāraḥ kriyamāṇas tasmād abhinnaś cet sa eva kṛtaḥ syād iti tanni- 
AS-VDh 105,19	tyatvahāniḥ | bhinnaś cet sambandhāsiddhiḥ, anupakārāt | tadupakārāntare vā sa eva paryanuyoga ity anavasthā 
AS-VDh 105,20	pradhānatatpariṇāmavyatirekapakṣavat | kiñca varṇāḥ sarve nityasarvagatās tadviparītā vā ? na tāvad dvitīyaḥ pakṣo- 
AS-VDh 105,21	'nabhyupagamāt | prathamapakṣe tu varṇānāṃ vyāpitvān nityatvāc ca kramaśrutir anupapannaiva,  deśakālakṛtakramā- 
AS-VDh 105,22	saṃbhavāt | tadabhivyaktipratiniyamāt teṣāṃ kramaśrutir iti cen na, asminn api pakṣe samānakaraṇānāṃ tādṛśā- 
AS-VDh 105,23	m abhivyaktiniyamāyogāt sarvatra sarvadā sarveṣāṃ saṃkulā śrutiḥ syāt | samānaṃ hi karaṇaṃ varṇānāṃ 
AS-VDh 105,24	śrutau śrotraṃ, nīlapītādīnāṃ rūpaviśeṣāṇāṃ dṛṣṭau cakṣurvat | tatas teṣām ekavyañjakavyāpāre 'pi samānadeśakālānāṃ 
AS-VDh 106,01	 katham abhivyaktiniyamo nīlādivat ? kvacid ekatraikadāpi ca sarvavarṇābhivyaktau sarvatra sarvadābhivyaktis teṣāṃ, 
AS-VDh 106,02	svarūpeṇābhivyaktatvāt, tatsvarūpasya ca vyāpinityatvāt | khaṇḍaśas tadabhivyaktau varṇānāṃ vyaktetarākārabhe- 
AS-VDh 106,03	dād bhedaprasakteḥ pratyekam anekatvāpattir ekānekātmakatvaprasaṅgo vā | sarvātmanābhivyaktau sarvadeśakālavarttiprāṇinaḥ 
AS-VDh 106,04	prati teṣām abhivyaktatvāt kathaṃ sarvatra sarvadā sarveṣāṃ saṅkulā śrutir na syād yataḥ kalakalamātraṃ na bhavet | nanu 
AS-VDh 106,05	samānopādānakāraṇānām abhinnadeśakālānāṃ samānakāraṇānām utpattāv api taddeśakālavarttisakalapuruṣāṇām avika- 
AS-VDh 106,06	lasahakāriṇāṃ kathaṃ na saṃkulā śrutiḥ syāt, kramaśrutir vā na virudhyeta ? iti ced atrocyate, vaktṛśrotṛvijñāna- 
AS-VDh 106,07	yos tatkāraṇakāryayoḥ kramavṛttim apekṣya pariṇāmināṃ kramotpattipratipattyor na kiñcid viruddhaṃ paśyāmaḥ |  
AS-VDh 106,08	samāne 'pi hi śabdānām ārambhakapudgale taddeśakālavarttiny upādāne sahakāriṇi ca bahiraṅge tālvādikaraṇe 
AS-VDh 106,09	vaktṛvijñānasya varṇotpattau sahakārikāraṇasyā''ntarasya kramamapekṣya kramotpattau pariṇāmināṃ na kiñcid vi- 
AS-VDh 106,10	ruddhaṃ paśyāmaḥ, kāraṇakramānuvidhāyitvāt sarvatra kāryakramasya, śaśvad apariṇāminām eva tathāvirodhadarśanāt | 
AS-VDh 106,11	nāpi śrotṛvijñānasya śabdakāryasya kramam apekṣya varṇakramapratipattau kiñcid viruddhaṃ paśyāmaḥ, pramāṇakramānuvi- 
AS-VDh 106,12	dhāyitvāt tatphalabhūtapramitikramasya satatam apariṇāminām evātmanā tadvirodhanirṇayāt | tan na saṃkulā śrutiḥ 
AS-VDh 106,13	syādvādināṃ prasajyeta | sarvagatānām eṣa kramo duṣkaraḥ syāt | tataḥ kramotpattipratipattyor anyathānupapattyā 
AS-VDh 106,14	na sarvagatā varṇā, nāpi nityāḥ pratyetavyāḥ | nanu ca nityā varṇāḥ, pratyabhijñānād ātmādivad iti cet 
AS-VDh 106,15	kṣaṇikeṣv eva karaṇāṅgahārādiṣu pratyābhijñānād viruddho hetuḥ | etena buddhibhir vyabhicārī ca hetur uktaḥ, 
AS-VDh 106,16	buddhikarmabhyāṃ vyabhicāra ity abhidhānāt | nanu buddhikarmaṇor api nityatvopagamān nāyaṃ doṣaḥ, te api nitye 
AS-VDh 106,17	iti vacanāt, tathopagame virodhābhāvād iti cet tatkriyaikatve 'pi kim idānīm anekaṃ syāt ?  tathā 
AS-VDh 106,18	buddhyekatve 'pi na kiñcid anekaṃ syād ity api pratipattavyaṃ, sarvavarṇaikatvaprasaṅgāt | śakyaṃ hi vaktum, abhi- 
AS-VDh 106,19	vyañjakabhedād vaiśvarūpyaṃ jalacandravat | kvacit pratyakṣavirodhe tad anyatrāpy avirodhaḥ kutaḥ ?  yathaiva hi 
AS-VDh 106,20	nānādeśajalapratibimbitasya candrasyānekatvapratītāv api paramārthataś candraikatvaṃ tathaiva nānādeśavyañjakabhedāda- 
AS-VDh 106,21	kārādivarṇanānātvapratītāv api varṇaikatvam iti vadataḥ kaḥ pratīghātaḥ ? pratyakṣavirodho varṇaikatvavacane syān na 
AS-VDh 106,22	punaḥ kriyādyekatvavacane yājñikasyeti kuto vibhāgaḥ sidhyet ? tato varṇādvaitam anicchatā na karaṇāṅgahā-
AS-VDh 107,01	rādikriyaikā vaktavyā, yena śabdasya nityatvasādhane pratyabhijñānaṃ viruddhaṃ na syāt | tad ayaṃ tālvādi- 
AS-VDh 107,02	vyāpārajanitaśrāvaṇasvabhāvaṃ parityajya viparītasvabhāvam āsādayann api nityaś cen na kiñcid anityam | 
AS-VDh 107,03	tad evam akārādivarṇās trijagatyām eka evety api nirastaṃ, yugapadbhinnadeśasvabhāvopalabdher ghaṭādivat | bhānunānekānta 
AS-VDh 107,04	iti cen na, tasya sakṛdbhinnadeśatayopalabdhāv api bhinnasvabhāvatayopalabdhyabhāvāt | pratyāsannetaradeśapratipattṛ- 
AS-VDh 107,05	janānāṃ spaṣṭetarādibhinnasvabhāvatayopalabhyamānenaikapādāpena vyabhicāra iti cen na, tasya bhinnadeśatayānupala- 
AS-VDh 107,06	bdheḥ | nayanāvaraṇaviśeṣavaśāt sakṛdbhinnadeśasvabhāvatayopalabhyamānena candradvayena vyabhicāre iti cen na, 
AS-VDh 107,07	bhrāntopalambhenābhrāntopalambhasya vyabhicārāyogād anyathā sarvahetūnām avyabhicārāsaṃbhavāt | na ca śabdasyāpi 
AS-VDh 107,08	sakṛdbhinnadeśasvabhāvatayopalambho bhrāntaḥ, sarvadā bādhakābhāvāt | yugapatpratiniyatadeśamandratāraśruteḥ 
AS-VDh 107,09	kasyacid ekakatve na kvacid anekatvasiddhiḥ | sa evāyam akāra iti pratyavamarśād akārāder ekatve 'ṅgahārādikri- 
AS-VDh 107,10	yāviśeṣasyāpy ekatvam astu sa evāyam aṅgahārādir iti pratyavamarśāt | tathā sarvasyārthaviśeṣasyāpi | na hi 
AS-VDh 107,11	kathañcit kvacit pratyavamarśo na syād varṇavat | taccheṣaviśeṣabuddher abhivyañjakahetutvaprakḷptau sarvaṃ samañjasaṃ 
AS-VDh 107,12	prekṣāmahe, sarvasyāṅgahārāder api deśādiviśeṣabuddher abhivyañjakahetutvaprakḷpteḥ karttuṃ suśakatvāt | tad eteṣāṃ 
AS-VDh 107,13	pudgalānāṃ karaṇasannipātopanipāte śrāvaṇasvabhāvaḥ śabdaḥ pūrvāparakoṭyorasan prayatnānantarīyako 
AS-VDh 107,14	ghaṭādiva d iti pratipattavyaṃ, na punaḥ prāk paścāc ca san nevāpauruṣeya iti | tasya prāgabhāvavat pradhvaṃsasyāpi 
AS-VDh 107,15	na pracyavaḥ śreyān | nanu śabdasya pudgalaparyāyatve cakṣuṣopalambhaprasaṅgaḥ, "sparśarasagandhavarṇavantaḥ pudgalāḥ" iti 
AS-VDh 107,16	vacanāt, anyathā siddhāntavirodhād iti cen na, gandhaparamāṇubhir vyabhicārāt | pudgalaparyāyatvasya gandhapara- 
AS-VDh 107,17	māṇūnām adṛśyatvān na darśanam iti cec chabdapudgalānām api tata eva tan mā bhūt | atha matam etat, cakṣuṣopa- 
AS-VDh 107,18	labhyos tu śabdaḥ, pudgalaskandhasvabhāvatvād ghaṭavad iti, tad apy apeśalaṃ, gandhasyāpi cakṣur upalabhyatvaprasaṅgāt tata 
AS-VDh 107,19	eva | atha tasyānudbhūtarūpapudgalaskandhasvabhāvatvāc cakṣur upalambhatā'yogyatvāc ca na cakṣuṣā darśanam | tata 
AS-VDh 107,20	eva śabdasya tan mā bhūt | śabdaparamāṇūnāṃ tālvādijanitavacanapreritānāṃ vistāraprasaṅga iti cen na, gandha- 
AS-VDh 107,21	paramāṇūnām api tatprasaṅgāt | teṣāṃ gandhadravyaskandhapariṇatatvān na vacanapreritānām api vistāraḥ śarīravad i- 
AS-VDh 107,22	ti cet tarhi śabdaparamāṇūnām api śabdaskandhapariṇatatvāt kuto vistāraprasaṅgaḥ ? tata eva na vikṣepo gandha- 
AS-VDh 107,23	paramāṇuvat teṣāṃ bandhaviśeṣāt skandhapariṇāmasiddheḥ | mūrttadravyeṇa pratighātas teṣāṃ syād iti cen na gandhapara-
AS-VDh 108,01	māṇūnām api tadanuṣaṅgāt | kuḍyādi nāsty eva tatpratighāta iti cec chabdaparamāṇupratighāto 'pi | mūrtimadbhiḥ 
AS-VDh 108,02	śabdaparamāṇubhiḥ skandhapariṇataiḥ śrotṛkarṇapūraṇaprasaṅga iti cen na, gandhaparamāṇubhir api ghrāṇapūraṇaprasaṅgāt 
AS-VDh 108,03	skandhapariṇāmāviśeṣāt | nanv ekaśrotrapraveśād yogyadeśasthitair api śrotra'ntaraiḥ śabdasyāśravaṇaprasaṅga iti 
AS-VDh 108,04	cen na, ekaghrāṇapraveśāt prattipattrantarāṇāṃ yogyadeśasthānām api gandhasyāpy aghrāṇaprasaṅgāt | gandhaparamāṇūnāṃ 
AS-VDh 108,05	sadṛśapariṇāmabhājāṃ samantataḥ prasarpaṇād adoṣa iti cet tarhi śabdaparamāṇūnām api samānapariṇāmabhṛtāṃ nānā- 
AS-VDh 108,06	diktayā visarpaṇāt sa doṣo mā bhūt | śabdasyāgamanādīnām adṛṣṭānām api kalpanāprasaṅga iti ced gandhapara- 
AS-VDh 108,07	māṇūnām api | athaiṣāṃ pratipattiviśeṣānyathānupapattyā niścayanān nāgamanādīnām adṛṣṭaparikalpaneti cec chabda- 
AS-VDh 108,08	pudgalānām api yathā yatra yadā yāvatāṃ pratipattṝṇām upalabdhis tathā tatra tadā tāvatām upalabdhiyogyapariṇāma- 
AS-VDh 108,09	viśeṣopagamāt | tad evaṃ śabdasya pudgalasvabhāvatve darśanavistāravikṣepapratighātakarṇapūraṇaikaśrotraprave- 
AS-VDh 108,10	śādyupālambho gandhaparamāṇukṛtapratividhānatayopekṣām arhati | nanu ca na pudgalasvabhāvaḥ śabdaḥ, 
AS-VDh 108,11	asparśatvāt sukhādivad iti bādhakasadbhāvān na pudgalasvabhāvatvaṃ śabdasyeti cen na, hetor asiddhatvāt yataḥ 
AS-VDh 108,12	karṇaśaṣkulyāṃ kaṭakaṭāyamānasya prāyaśaḥ pratighātahetor bhavanādyupaghātinaḥ śabdasya prasiddhir asparśa- 
AS-VDh 108,13	tvakalpanām astaṅgamayati | nanu ca na pudgalasvabhāvaḥ śabdaḥ, niśchidrabhavanābhyantarato nirgamanāt, tatra 
AS-VDh 108,14	bāhyataḥ praveśād vyavadhāyakāvedanādeś ca darśanāt, yas tu pudgalasvabhāvo, na tasyaiva darśanaṃ, yathā loṣṭhādeḥ, 
AS-VDh 108,15	tathā darśanaṃ ca śabdasya, tato na pudgalasvabhāvatvam iti cen na, pudgalasvabhāvatve 'pi tadavirodhāt | tasya hi 
AS-VDh 108,16	niśchidranirgamanādayaḥ sūkṣmasvabhāvatvāt snehādisparśādivan na virudhyeran | katham anyathā pihitatā- 
AS-VDh 108,17	bhrakalaśābhyantarāt tailajalāder bahirnirgamanaṃ snigdhatādiviśeṣadarśanād anumīyeta ? kathaṃ vā pihitaniśchidramṛdgha- 
AS-VDh 108,18	ṭādeḥ salilābhyantaranihitasyāntaḥśītasparśopalambhāt salilapraveśonumīyeta ? tadabhedanādikaṃ vā tasya 
AS-VDh 108,19	niśchidratayekṣaṇāt katham utprekṣeta ? tato niśchidranirgamanādiḥ snehādisparśādibhir vyabhicārī, na samyag ghetu- 
AS-VDh 108,20	r yataḥ śabdasya pudgalasvabhāvatvaṃ pratikṣipet, tasya pudgalasvabhāvatvanirṇayāt sarvathāpy avirodhāt | ato yatna- 
AS-VDh 108,21	janitavarṇādyātmā śrāvaṇam adhyasvabhāvaḥ prāk paścād api pudgalānāṃ nāstīti tāvān eva dhvanipari- 
AS-VDh 108,22	ṇāmaḥ sarvair abhyupagantavyaḥ, tasya sakalakālakalāvyāpitve madhyavatprāk, paścāc ca śrāvaṇasvabhāvatvaprasaṅgāt 
AS-VDh 108,23	prayatnajanitavarṇapadavākyātmakatvāyogāt | tat prāk pradhvaṃsābhāvapratikṣepe kauṭasthyaṃ kramayaugapadyābhyāṃ 
AS-VDh 108,24	svākārajñānādyarthakriyāṃ vyāvartayatīti nirupākhyam ity abhiprāyaḥ śrīsvāmisamantabhadrācāryāṇāṃ, prāk- 
AS-VDh 108,25	pradhvaṃsābhāvapratikṣepasya kauṭasthyena vyāptatvāt, tasya ca kramayaugapadyābhāvena, tatra tadvirodhāt, tasyāpi 
AS-VDh 108,26	svākārajñānādyarthakriyāvyāvartanena, tasya ca nirupākhyatvena, sarvathānarthakriyākāriṇaḥ sakalavāgvikalpebhyo 
AS-VDh 109,01	niṣkrāntatvāt | syād ākūtaṃ, varṇānām ānupūrvyapauruṣeyīṣyate, tasyā eva prākpradhvaṃsābhāvānabhyupagamāt | 
AS-VDh 109,02	tato nopālambhaḥ śreyān iti, tad apy ayuktaṃ, varṇavyatirekānupūrvyasaṃbhavāt | kathañcit kriyamāṇām api tadānupū- 
AS-VDh 109,03	rvīkalpanāṃ vistareṇa pratikṣepsyāmaḥ, "vaktarya'nāpte" ity atra tatpratikṣepavistāravacanāt | tad iha paryāptaṃ, 
AS-VDh 109,04	tatprabandhena sarvathā prākpradhvaṃsābhāvanihnave yathānigaditadūṣaṇagaṇaprasaṅgasya pariharaṇāsaṃbhavāt | 
AS-VDh 109,05	athetaretarābhāvātyantābhāvānabhyupagamavādināṃ dūṣaṇam udbhāvayiṣavaḥ prāhur ācāryāḥ —
ĀM-VDh 11
 		sarvātmakaṃ tad ekaṃ syād anyāpohavyatikrame | anyatra samavāye na vyapadiśyeta sarvathā || 11 || 
AS-VDh 109,07	tad ity anena sarvapravādinām iṣṭaṃ tattvaṃ parāmṛśyate | tad ekaṃ sarvātmakaṃ syāt, aniṣṭātmanāpi bhāvād anyā- 
AS-VDh 109,08	pohasya vyatikrame | svasamavāyinaḥ samavāyyantare samavāyo 'nyatrasamavāyaḥ, atyantābhāvavyatikramaḥ | tasmin 
AS-VDh 109,09	sarvasyeṣṭaṃ tattvaṃ sarvathā na vyapadiśyeta, sveṣṭātmanā vyapadeśe 'niṣṭātmano 'pi vyapadeśaprasaṅgāt, tenāvyapadeśe 
AS-VDh 109,10	sveṣṭātmanāpy avyapadeśāpatteḥ svayam iṣṭāniṣṭātmanoḥ kālatraye 'pi viśeṣānupagamāt | kaḥ punar anyāpoho nāma ? 
AS-VDh 109,11	svabhāvāntarāt svabhāvavyāvṛttir anyāpohaḥ | svabhāvāntarād iti vacanān na svasvabhāvād vyāvṛttir anyāpohaḥ, tasyāḥ 
AS-VDh 109,12	svāpohatvaprasaṅgāt | athāpi prāgabhāvapradhvaṃsābhāvayor anyāpohatvaprasaktir iti cen na, kāryadravyāt pūrvottarapariṇāmayoḥ 
AS-VDh 109,13	svabhāvāntaratve 'pi tasya tadvyāvṛtter viśiṣṭatvāt | yad abhāve hi niyamataḥ kāryasyotpattiḥ sa prāgabhāvaḥ, yad bhāve 
AS-VDh 109,14	ca kāryasya niyatā vipattiḥ sa pradhvaṃsaḥ | na cetaretarābhāvasyābhāve bhāve ca kāryasyotpattir vipattir vā, jalasyā- 
AS-VDh 109,15	bhāve 'py analasyānutpatteḥ kvacit tadbhāve ca tasyā'vipatteḥ | kvacid andhakārasyābhāve rūpajñānotpatteḥ sa prāgabhāvas tasya 
AS-VDh 109,16	syād iti na mantavyaṃ, niyamagrahaṇāt keṣāñcid andhakāre 'pi rūpajñānotpatteḥ | tata eva nāndhakāraṃ rūpajñānasya 
AS-VDh 109,17	pradhvaṃsaḥ, tadbhāve niyamatas tadvipattyapratīteḥ | tataḥ sūktam anyāpohalakṣaṇaṃ svabhāvāntarāt svabhāvavyāvṛttir anyāpoha 
AS-VDh 109,18	iti, tasya kālatrayāpekṣe 'tyantābhāve 'py abhāvād ativyāptyayogāt | na hi ghaṭapaṭayor itaretarābhāvaḥ kālatrayāpekṣaḥ, 
AS-VDh 109,19	kadācit paṭasyāpi ghaṭatvapariṇāmasaṃbhavāt, tathā pariṇāmakāraṇasākalye tadavirodhāt, pudgalapariṇāmāniya- 
AS-VDh 109,20	madarśanāt | na caivaṃ cetanācetanayoḥ kadācit tādātmyapariṇāmaḥ, tattvavirodhāt | nanv itaretarābhāvasya vyatikrame 
AS-VDh 109,21	cārvākasya pṛthivītattvaṃ sakalajalādyātmakam anuṣajyatāṃ, sāṃkhyasya ca mahadādipariṇāmātmakam aśeṣatas tad astu | 
AS-VDh 109,22	saugatānāṃ tu vijñānamātram upayatāṃ kiṃ kimātmakaṃ syād iti kaścit so 'pi na vipaścit | saugatānām api 
AS-VDh 109,23	hi saṃvido grāhyākārāt kathañcid vyāvṛttāv anekāntasiddhir anyathā saṃbandhāsiddhiḥ, sarvathā vyāvṛttau 
AS-VDh 110,01	saṃvidgrāhyākārayor upakāryopakārakabhāvānabhyupagamāt sambandhāntarābhāvāt | avyāvṛttāv anyatarasvabhāvahāner na 
AS-VDh 110,02	kiñcit syāt | saṃvido grāhyākāre 'nupraveśe grāhyākāra eva syān na saṃvidākāraḥ | tathā ca tasyāpy abhāvaḥ, 
AS-VDh 110,03	saṃvidabhāve grāhyākārāyogāt | grāhyākārasya vā saṃvidya'nupraveśe saṃvid eva, na grāhyākāraḥ syāt, kasya- 
AS-VDh 110,04	cit saṃvedanamātrasya viṣayākāravikalasyānupalabdheḥ | nanu ca 'nānyo 'nubhāvyo buddhyāsti tasyā nānubha- 
AS-VDh 110,05	vo 'paraḥ | grāhyagrāhakavaidhuryāt svayaṃ saiva prakāśate' iti cen na, emapisaṃvitteḥ svalakṣaṇapratyakṣavṛttāv api 
AS-VDh 110,06	saṃvedyākāravivekasvabhāvāntarānupalabdheḥ svabhāvavyāvṛttiḥ svabhāvāntarāt siddheti kathaṃ tallakṣaṇānyāpo- 
AS-VDh 110,07	havyatikramaḥ saugatasya śakyaḥ kartum ? citraikajñānavādinaḥ punaḥ śavalaviṣayanirbhāse 'pi lohitādīnāṃ 
AS-VDh 110,08	parasparavyāvṛttir abhyupagamanīyā, anyathā citrapratibhāsāsaṃbhavāt tadanyatamavat, tadālambanasyāpi 
AS-VDh 110,09	nīlāder abhedasvabhāvatvāpatter nī lādyanyatamavat | pratibhāsabhedābhāve 'pi nīlāder bhedavyavasthitau na kiñcid a- 
AS-VDh 110,10	bhinnam ekaṃ, syāt, niraṃśasvalakṣaṇasyāpy anekatvaprasakteḥ | tataḥ pītādiviṣayasvarūpabhedam anvicchatā tatprati- 
AS-VDh 110,11	bhāsabhedo 'nekavijñānavad ekacitrajñāne 'py eṣṭavyaḥ | tadiṣṭau ca svabhāvāntarāt svabhāvavyāvṛttiḥ pāramārthikī 
AS-VDh 110,12	sidhyatīti siddhas tallakṣaṇo 'nyāpohaḥ | tathā citrajñānasya svanirbhāsebhyo lohitādibhyo viṣayasya ca citra- 
AS-VDh 110,13	paṭādeḥ svākārebhyo nīlādibhyo vyāvṛttiḥ siddhā | kutaḥ pramāṇād iti cet, tadvatas tebhyo vyāvṛttiḥ, 
AS-VDh 110,14	ekānekasvabhāvatvād ghaṭarūpādivad ity anumānāt | na hi lohitādinirbhāsā eva nīlādyākārā eva 
AS-VDh 110,15	vānekasvabhāvā, na punar ekasvabhāvaṃ tadvad vedanaṃ bahirdravyaṃ ceti śakyaṃ vaktuṃ, yato 'siddho hetuḥ syāt, tasyā- 
AS-VDh 110,16	py abādhitapratītisiddhatvāt | anyathā dravyam eva syān na rūpādayaḥ | etena citrajñānam eva syān na tallo- 
AS-VDh 110,17	hitādinirbhāsā ity upadarśitam | śakyaṃ hi vaktuṃ, svabhāvaikatve 'pi nirbhāsavailakṣaṇyaṃ karaṇasāmagrībheda- 
AS-VDh 110,18	m anuvidadhyād, dūrāsannaikārthopanibaddhanānādarśananirbhāsavat | yathaiva hi citrapaṭādidravyam ekasva- 
AS-VDh 110,19	bhāvam api cakṣurādikaraṇasāmagrībhedād rūpādivilakṣaṇākāraṃ, tadanuvidhānāt tathā citrajñānam api nānāntaḥkara- 
AS-VDh 110,20	ṇavāsanāsāmagrībhedād vilakṣaṇalohitādinirbhāsam | tathānabhyupagame pratipuruṣaṃ viṣayasvabhāvabhedo vā 
AS-VDh 110,21	sāmagrīsaṃbandhabhedāt | kvacid ekatrārthe dūrasthapuruṣasyānyo hi dūre deśasāmagrīsaṃbandho 'nyaś cāsann adeśasāma- 
AS-VDh 110,22	grīsaṃbandhaḥ | iti dūrāsannānām ekatra vastunyupanibaddhanānād arśanānāṃ puruṣāṇāṃ nirbhāsabhedāt tadviṣayasya vastu-
AS-VDh 111,01	no 'pi svabhāvabhedo 'stu, viśeṣābhāvāt, karaṇasāmagrībhedavaddūrādideśasāmagrīsaṃbandhabhedasyāpi viṣayasvabhāvabhe- 
AS-VDh 111,02	dam antareṇānupapatteḥ | tato 'ntar bahiśca svabhāvabhedaikāntasiddher na kvacid ekatvavyavasthā | anyathā nirbhāsabhede 'pi 
AS-VDh 111,03	kasyacid ekarūpatopagame na kevalaṃ rūpāder abhedaḥ | kiṃ tarhi ? kasyacit kramaśaḥ saṃbandhyantaropanipāto 
AS-VDh 111,04	'pi svabhāvaṃ na bhedayet | tataḥ kramavanty api kāryāṇi tatsvabhāvabhedaṃ nānumāpayeyuḥ kramaśaḥ sukhādi- 
AS-VDh 111,05	kāryabhedasya sādhanadharmasya kvacid ekatra samānasaṃbandhopanītanirbhāsabhedena vyabhicārāt | na caivaṃ śakyam abhyu- 
AS-VDh 111,06	pagantum | tato yāvanti saṃbandhyantarāṇi tāvantaḥ pratyekaṃ bhāvasvabhāvabhedāḥ parasparavyāvṛttāḥ 
AS-VDh 111,07	saha krameṇa ca pratipattavyāḥ | nanu ca sarvathā saṃbandhāsaṃbhavād bhāvānāṃ pāratantryānupapatteḥ "pāratantryaṃ hi 
AS-VDh 111,08	saṃbandhaḥ siddhe kā paratantratā | tasmāt sarvasya bhāvasya saṃbandho nāsti tattvataḥ" ityādivacanān na kasyaci- 
AS-VDh 111,09	t saṃbandhyantarāṇi svabhāvabhedanibandhanāni santīti cen na, dravyakṣetrakālabhāvapratyāsattilakṣaṇasya saṃbandhasya 
AS-VDh 111,10	nirākartum aśakteḥ | na hi kasyacit kenacit sākṣātparamparayā vā saṃbandho nāstīti, nirupākhyatva- 
AS-VDh 111,11	prasaṅgāt | guṇaguṇinoḥ paryāyatadvatoś ca sākṣādaviṣvagbhāvākhyasamavāyāsattve svatantrasya guṇasya paryāyasya 
AS-VDh 111,12	vā'sattvaprasaṅgāt sakalaguṇaparyāyarahitasya dravyasyāpy asattvāpattir iti tayor nirupākhyatvam | guṇānāṃ 
AS-VDh 111,13	paryāyāṇāṃ ca parasparaṃ svāśrayaikadravyasamavāyasaṃbandhābhāve 'py anena nirupākhyatvaṃ pratipāditam | cakṣūrūpayoḥ 
AS-VDh 111,14	paramparayā kṣetrapratyāsatter asattve yogyadeśe 'py ayogyadeśavadrūpe cakṣurjñānaṃ na janayet | tatas tadgrāhakānumānāsa- 
AS-VDh 111,15	ttvād asattvaprasaṅgo, rūpasyāpi cendriyapratyakṣāsattvād asattvaprasaktiḥ | ity ubhayor nirupākhyatvam | tathā kāraṇa- 
AS-VDh 111,16	kāryapariṇāmayoḥ kālapratyāsatter asattve 'nabhimatakālayor ivābhimatakālayor api kāryakāraṇabhāvāsattvād ubhayo- 
AS-VDh 111,17	r nirupākhyatāpattiḥ | tathā vyāptivyavahārakālavarttinor dhūmādiliṅgāgnyādiliṅginor bhāvapratyāsattyasattve kvaci- 
AS-VDh 111,18	t pāvakādiliṅgini tato 'numānāyogād anumānānumeyayor asattvaprasaṅgān nirupākhyatvaprasaṅgaḥ | kiṃ bahūnā, saṃveda- 
AS-VDh 111,19	nasya kasyacit kenacid vedyādyākāreṇa pratyāsatter asattve tadubhayor asattvān nirupākhyatvam | tatpratyāsattisadbhāve 
AS-VDh 111,20	vā siddhaś caturdhāpi saṃbandhaḥ, saṃvit tadākārayor dravyādipratyāsatticatuṣṭayasyāpi bhāvāt parasparaṃ pāratantryasiddheḥ | 
AS-VDh 111,21	siddhasya saṃvidākārasya saṃvitparatantratāniṣṭau saṃvidabhāve 'pi bhāvaprasaṅgāt, saṃvido vā svākāraparatantratānupa- 
AS-VDh 111,22	game nirākārasaṃvidanuṣaṅgāt, tathopagame 'pi saṃvido vedyākāravivekaparatantratānabhimanane vedyākārātmatāprasa- 
AS-VDh 111,23	ṅgāt, sarvathā saṃbandhābhāvasya ca bhāvaparatantratvānaṅgīkaraṇe svatantrasyābhāvarūpatvavirodhāt kutas tadvyavasthā ? 
AS-VDh 111,24	tad ayaṃ kasyacit siddhasyāsiddhasya vā paratantratām upalabhya sarvatra siddhe 'siddhe vā kā paratantrateti bruvāṇaḥ kathaṃ 
AS-VDh 112,01	na paratantraḥ ? kasyacid asiddhasyāpi kāryātmanaḥ kāraṇaparatantratopapatter anyathā kāraṇābhāve 'pi kāryotpatter nivāra- 
AS-VDh 112,02	ṇāyogāt, kutaścit kasyacid anutpattau śaśvatsattvaprasaṅgāt, sadakārāṇavan nityam iti vacanāt, saṃvṛttyā pāra- 
AS-VDh 112,03	tantryopagame 'pi taddoṣānativṛtteḥ saṃvṛtter mṛṣārūpatvāt | tattvato 'pi kvacit pāratantryeṣṭau siddhas tāttvikaḥ saṃbandhaḥ | 
AS-VDh 112,04	iti na tatpratikṣepaḥ śreyān yataḥ saṃbandhyantarāpekṣayā sakṛd asakṛc ca santānāntarabhāvasvabhāvabhedāḥ parasparaṃ 
AS-VDh 112,05	vyāvṛttā na bhaveyuḥ | tad evaṃ pratikṣaṇam anantaparyāyāḥ pratyekam arthasārthāḥ, na punar ekasvabhāvā eva bhāvāḥ 
AS-VDh 112,06	kṣaṇamātrasthitayaḥ, anvayasyānāratam avicchedāt | kramaśo 'pi vicchede 'rthakriyānupapatteḥ svayam asatas tattvataḥ 
AS-VDh 112,07	kvacid upakāritānupapatteḥ kutaḥ kasyātmalābhaḥ syāt ? kathañcid avicchede punaḥ sa sughaṭa eva kāraṇasya 
AS-VDh 112,08	svakāryātmanā bhavataḥ pratikṣepāyogāt svabhāvāntarānapekṣaṇavat, svayam utpitsor api svabhāvāntarāpe- 
AS-VDh 112,09	kṣaṇe vinaśvarasyāpi tadapekṣaṇaprasaṅgāt | etena sthāsnoḥ svabhāvāntarānapekṣaṇam uktaṃ, viśrasā pariṇāminaḥ 
AS-VDh 112,10	kāraṇāntarānapekṣotpādāditrayavyavasthānāt tadviśeṣe eva hetuvyāpāropagamāt | yataś caivaṃ paryāyārthikanayādeśā- 
AS-VDh 112,11	t pratikṣaṇam anantaparyāyaḥ krameṇāvicchinnānvayasaṃtatir arthaḥ pratīyate tasmād ayam utpitsur eva vinaśyati jīvādiḥ, 
AS-VDh 112,12	pūrvaduḥkhādiparyāyavināśā'jahadvṛttitvāt taduttarasukhādiparyāyotpādasya | naśvara eva tiṣṭhati, kathañcid asthāsno- 
AS-VDh 112,13	r nāśānupapatter aśvaviṣāṇavat | saddravyacetanatvādinā sthāsnur evotpadyate sarvathāpy asthāsnoḥ kadācid utpādāyogā- 
AS-VDh 112,14	t tadvat | tataḥ pratikṣaṇaṃ trilakṣaṇaṃ sarvam utpādavyayadhrauvyayuktaṃ sad iti vacanāt | nanv evaṃ sthityādayo jīvāder va- 
AS-VDh 112,15	stuno yady abhinnās tadā sthitir evotpattivināśau, vināśa eva sthityutpattī, utpattir eva vināśāvasthāne iti 
AS-VDh 112,16	prāptam, ekasmād abhinnānāṃ sthityādīnāṃ bhedavirodhāt | tathā ca kathaṃ trilakṣaṇatā syāt ? atha bhinnās tarhi 
AS-VDh 112,17	pratyekaṃ sthityādīnāṃ trilakṣaṇatvaprasaṅgaḥ, sattvāt, anyathā tadasattvāpatteḥ | tathā cānavasthānān na samīhitasi- 
AS-VDh 112,18	ddhir iti kaścit so 'py anālocitapadārthasvabhāvaḥ, pakṣadvayasyāpi kathañcid iṣṭatvāt | tatra tadvataḥ kathañcid abhedopagame 
AS-VDh 112,19	sthityādīnāṃ sthitir evotpadyate sāmarthyād vinaśyati ca, vināśa eva tiṣṭhati sāmarthyād utpadyate ca, utpa- 
AS-VDh 112,20	ttir eva naśyati sāmarthyāt tiṣṭhatīti ca jñāyate, trilakṣaṇāj jīvādipadārthād abhinnānāṃ sthityādīnāṃ trilakṣaṇa- 
AS-VDh 112,21	tvasiddheḥ | etenaiva tatas teṣāṃ bhedopagame 'pi pratyekaṃ trilakṣaṇatvasiddhir uktā | na caivam anavasthā, sarvadā bhedapakṣe 
AS-VDh 112,22	tatprasakteḥ, syādvādapakṣe tu tadasaṃbhavāt | yena hi svabhāvena trilakṣaṇāt tattvād abhinnāḥ sthityādayas tena 
AS-VDh 113,01	pratyekaṃ trilakṣaṇāḥ, paryāyārpaṇāt parasparaṃ tadvataś ca bhinnā apīṣyante, tathā pratīter bādhakāsaṃbhavāt | tato 
AS-VDh 113,02	niravadyam idaṃ pratikṣaṇaṃ trilakṣaṇaṃ sarvam iti | etena kālatrayāpekṣayāpi trilakṣaṇam upadarśitaṃ, tasyānvitena 
AS-VDh 113,03	rūpeṇa kālatrayavyāpitvād anyathā truṭyattaikānte sarvathārthakriyāvirodhāt kūṭasthaikāntavat | tato dravyapa- 
AS-VDh 113,04	ryāyātmakaṃ jīvādi vastu, kramayaugapadyābhyām arthakriyānyathānupapatter iti pramāṇopapannam | tathā ca sthiti- 
AS-VDh 113,05	r eva sthāsyaty utpatsyate vinaṅkṣyati sāmarthyāt sthitotpannā vinaṣṭeti gamyate | vināśa eva sthāsya- 
AS-VDh 113,06	ty utpatsyate vinaṅkṣyati sthita utpanno vinaṣṭa iti ca gamyate | utpattir evotpatsyate vinaṅkṣyati 
AS-VDh 113,07	sthāsyatīti na kutaścid uparamati | sotpannā vinaṣṭā sthiteti gamyate | sthityādyāśrayasya vastuno 'nādyana- 
AS-VDh 113,08	ntatvād anuparamasiddheḥ sthityādiparyāyāṇāṃ kālatrayāpekṣiṇām anuparamasiddhiḥ, anyathā tasyātallakṣaṇatvaprasaṅgā- 
AS-VDh 113,09	t sattvavirodhāt | etena jīvādi vastu tiṣṭhati sthitaṃ sthāsyati, vinaśyati vinaṣṭaṃ vinaṅkṣyati, utpadyate 
AS-VDh 113,10	utpannam utpatsyate ceti pradarśitaṃ, kathañcit tadabhinnasthityādīnām anyathā sthāsyaty ādivyavasthānupapatteḥ | tathā 
AS-VDh 113,11	caiteṣāṃ navānām api vikalpānāṃ pratyekaṃ navavikalpatopapatter ekāśītivikalpaṃ vastūhyaṃ, tadabhinnasthityādi- 
AS-VDh 113,12	paryāyāṇām api tāvaddhā vikalpād anuparamasiddheḥ | yathā jīvapudgaladharmādharmākāśakālavikalpam aśuddhadravyam ananta- 
AS-VDh 113,13	paryāyaṃ saha kramāc ca cintitaṃ tathā sanmātraṃ śuddhadravyam api pratipattavyaṃ, tasyaiva dravyatvaviśeṣaṇasya dravyavyavahāra- 
AS-VDh 113,14	viṣayatvasiddheḥ | tathā hi | bhāva eva dravati droṣyaty adudruva d iti dravyaṃ tathā kṣīyante kṣeṣyante kṣitā- 
AS-VDh 113,15	ś cāsmin padārthā iti kṣetraṃ, kalyante kalayiṣyante kalitāś cāsmād iti kālaḥ; bhavati bhaviṣya- 
AS-VDh 113,16	ty abhūd iti bhāvaḥ paryāya iti sattaiva viśeṣyate dravyakṣetrakālabhāvatmanā, tasyā eva tathā vyavahāravi- 
AS-VDh 113,17	ṣayatvaghaṭanāt | tataḥ parasparavyāvṛttasvabhāvāna'nantaguṇaparyāyāt pratikṣaṇam āsādayantī sattaiva 
AS-VDh 113,18	tiṣṭhatīty ādiyojyaṃ, tasyā apy ekāśītivikalpatvopapatteḥ | tathā bhedān eva saṃdravantītyādi pratipa- 
AS-VDh 113,19	ttavyaṃ kṣitān kurvantī kalayantī bhavantī ca sattaiva tiṣṭhatītyādiyojanāyāḥ saṃbhavāt | tathā coktaṃ 
AS-VDh 113,20	"sattā sakalapadārthā saviśvarūpā tv anantaparyāyā | sthitibhaṅgotpādārthā sapratipakṣā bhavaty ekā", iti | 
AS-VDh 114,01	tad evaṃ paryāyārthikanayaprādhānyād dravyārthikanayaguṇabhāvāt sarvasya svabhāvāntaravyāvṛttiḥ prasiddhā'nyāpohavya- 
AS-VDh 114,02	tikramam apākarotīti kiṃ naḥ prayāsena | 
AS-VDh 114,03	tathā keṣāñcit tattvato 'tyantābhāvāpākṛtau na kvacit kiñcit kathañcin na varteta | vartatām iti cet, 
AS-VDh 114,04	tathā sarvaṃ sarvatra sarvathopalabhyeta | na ca jñānādikaṃ ghaṭādāv upalabhyate, nāpi rūpādikam ātmādau | na 
AS-VDh 114,05	ca kiñcit svātmaneva parātmanāpy upalabhyeta tataḥ kiñcit sveṣṭaṃ tattvaṃ kvacid aniṣṭe 'rthe satyātmanānupalabhamānaḥ kālatra- 
AS-VDh 114,06	ye 'pi tattatra tathā nāstīti pratipadyate eveti siddho 'tyantābhāvaḥ | kathaṃ punar abhāvapratipattiḥ ? kathaṃ ca 
AS-VDh 114,07	na syāt ?  sarvathā bhāvavilakṣaṇasyābhāvasya vāstavasya grāhakapramāṇābhāvāt, pratyakṣasya rūpādisvalakṣaṇa- 
AS-VDh 114,08	viṣayatvā d abhāve pravṛttyayogāt tasya tatkāraṇatvavirodhāt, tatkāraṇatve svalakṣaṇatāpatteḥ, akāraṇasyāviṣa- 
AS-VDh 114,09	yatvavyavasthiteḥ, pramāṇāntarasyāpi svakāraṇaviṣayatvāt | tasya kāryānumānatve tāvad abhāvasya kāraṇa- 
AS-VDh 114,10	tvaprasaktiḥ | na cāsau yuktimatī | svabhāvānumānatve 'pi bhāvātmakatāpattiḥ, abhāvasya svabhāvāsaṃbhavāt | 
AS-VDh 114,11	asato 'nupalabdheḥ paryudāsavṛttyā vastuni niyamāt sarvathāpy abhāvāviṣayatvasiddhiḥ | tadviṣayo 'pi bhāva- 
AS-VDh 114,12	svabhāva evābhāvaḥ | kasyacid ekasya kaivalyam itarasya vaikalyam iti bruvann api devānāṃ priyo durvidagdhabauddho 
AS-VDh 114,13	nāvadhārayati, bhāvābhāvapratipatter abhāvābhyupagamāt  | so 'yaṃ svayam anādivāsanodbhūtavikalpapariniṣṭhitaḥ 
AS-VDh 114,14	śabdārthas trividho dharmo bhāvābhāvobhayāśrita iti paramārthato bhāvasyobhayasya ca pratipatter abhāvaṃ pratipadyamānaḥ 
AS-VDh 114,15	katham abhāvapratipattau prakṛtaparyanuyogaṃ kuryāt ? na ced asvasthaḥ paramārthataḥ, svapararūpādibhāvābhāvalakṣaṇa- 
AS-VDh 114,16	tvāt sarvasya niḥśreṇīpadabandhābhyām iva bhāvābhāvasvabhāvābhyāṃ pratibandhāt, svarūpādibhir iva para- 
AS-VDh 114,17	rūpādibhir apīṣṭasya saṃvid advayasya bhāve bhedarūpatvaprasaṅgāt pararūpādibhir iva svarūpādibhir api tasyābhāve svayaṃ 
AS-VDh 114,18	prakāśanavirodhāt | na kiñcit pramāṇaṃ sarvātmanā bhāvam abhāvaṃ vā grahītum arhati, aniyamaprasaṅgāt | 
AS-VDh 114,19	tāthāgatānāṃ hi bhāva eva pramāṇaviṣaya iti bhāvaprameyaikāntavādinām abhāvapratipattir ayuktiḥ | ato na 
AS-VDh 114,20	bhāvaniyamapratipattiḥ, kasyacit kvacit kathañcid asattvāsiddheḥ svasvabhāvavyavasthityayogāt | teṣāṃtatprameyato 
AS-VDh 115,01	'pasaṃkhyānaṃ pramāṇadvayaniyamaṃ vighaṭayati | bhāvanairātmyasya pramāṇākāraṇatvāt pratibandhaniyamo mā bhūt, , 
AS-VDh 115,02	pramāṇanairātmyayos tādātmyāniṣṭes tadutpattipratibandhasya virodhāt, nairātmyāt pramāṇasyotpattau tasya bhāvasvabhāvatva- 
AS-VDh 115,03	prasakteḥ tayoḥ pratibandhāntaropagame liṅgasya trividhatvavirodhāt | tadapratibandhe pramāṇāntarasiddheḥ kathaṃ pramāṇa- 
AS-VDh 115,04	dvayaniyamavighaṭanaṃ na ghaṭeta, tadutpattyabhāve pratyakṣasyānumānasya cānudayāt, 'arthasyāsaṃbhave 'bhāvāt pratyakṣe 'pi pramā- 
AS-VDh 115,05	ṇatā | pratibaddhasvabhāvasya taddhetutve samaṃ dvayam' iti vacanāt | mānasasya tu nāstitājñānasya svakāraṇasāmagrī- 
AS-VDh 115,06	vaśād utpannasyābhāvaparicchedakatve tad evaṃ pramāṇāntaraṃ, pratibandhaniyamābhāvāt | iti yathoditadoṣaṃ parijihīrṣuṇā 
AS-VDh 115,07	vastudharmasyaivābhāvasya pratipattir abhyupagantavyā, tasyāḥ pratikṣepāpāyāt | tato na bhāvaikānte samīhitasiddhiḥ | 
ĀM-VDh 12
 		abhāvaikāntapakṣe 'pi bhāvāpahnavavādinām | bodhavākyaṃ pramāṇaṃ na kena sādhanadūṣaṇam || 12 || 
AS-VDh 115,09	'bhāvā yena nirūpyante tadrūpaṃ nāsti tattvataḥ | yasmād ekam anekaṃ ca rūpaṃ teṣāṃ na vidyate' iti sarvanai- 
AS-VDh 115,10	rātmyapratijñānam abhāvaikāntapakṣaḥ | tasminn api bodhasya svārthasādhanadūṣaṇarūpasya, vākyasya ca parārthasādhanadūṣaṇātma- 
AS-VDh 115,11	no 'saṃbhavāt tan na pramāṇam | tataḥ kena sādhanaṃ nairātmyasya, svārthaṃ parārthaṃ vā ? kena dūṣaṇaṃ bahir antaś ca bhāvasvabhā- 
AS-VDh 115,12	vānām ? iti savismayaṃ vacanam | svaparapakṣasādhanadūṣaṇopagame tu satsiddhir avipratiṣiddhā | tathā hi | bahir antaś ca 
AS-VDh 115,13	paramārthasat, tadanyatarāpāye 'pi sādhanadūṣaṇaprayogānupapatteḥ | iti prakṛtārthaparisamāptau kiṃ trilakṣaṇa- 
AS-VDh 115,14	parikalpanayā ?  sapakṣasattvābhāve 'pi sādhyābhāvāsaṃbhūṣṇutāniyamanirṇayaikalakṣaṇamātrād eva sādhanasya sādhyasiddhau 
AS-VDh 115,15	samarthanatvopapatteḥ, sapakṣasattvasyābhāve 'pi sarvānityatve sādhye sattvādeḥ sādhanasyopagamāt, svayam asiddhadharmidha- 
AS-VDh 115,16	rmasyāpakṣadharmatve 'pi pramāṇāstitve ceṣṭasādhanasya hetoḥ samarthanāt, kvacit tadabhāve 'pi cānyathānupapattiniyamaniścaya- 
AS-VDh 115,17	vaikalye hetutvāghaṭanāt | syād ākūtaṃ te–'na paramārthataḥ sādhanadūṣaṇaprayogo nairātmyavādinaḥ siddho yato bahi- 
AS-VDh 115,18	rantaś ca paramārthataḥ sadvastu sādhyate | na cāsiddhāddhetoḥ sādhyasiddhiḥ, atiprasaṅgāt' iti tad api pralāpamātraṃ, 
AS-VDh 115,19	tattvato nairātmyasya sādhyatvāyogād anairātmyasya dūṣyatvāyogavat | na hi saṃvṛttyā sādhyasādhanavyavasthā yu- 
AS-VDh 115,20	ktimatī, paramārthatopagame nairātmyasya tatsiddher api sāṃvṛtatvaprasaṅgāt, sāṃvṛtāt sādhanād vāstavasiddhyasaṃbhavāt | śū- 
AS-VDh 115,21	nyasiddher aparamārthatve punar anirākṛtasadbhāvasya sarvasyāśūnyatānuṣaṅgāt tatsādhanaṃ viruddham āpadyeta | svarūpasya 
AS-VDh 116,01	vedyavedakabhāvādiśūnyasya svatogateḥ sādhanopanyāsena tatra samāropavyavacchede 'pi samānaṃ, kutaścit tattvataḥ 
AS-VDh 116,02	samāropavyavacchede saṃvṛttyā sādhyasādhanavyavasthiter ayogāt, tatsamāropavyavacchedasyāpy aparamārthatve punar avyava- 
AS-VDh 116,03	cchinnasamāropasya bādhyabādhakabhāvādiśūnyasya saṃvinmātrasya svato 'pi gatyanupapattes tadaśūnyatvaprasaṅgāt | tato 
AS-VDh 116,04	heyopādeyopāyarahitam ayam a'hrīkaḥ kevalaṃ vikrośati tattvopaplavavādivat | atha saṃvṛttyā heyasya sadvādasyo- 
AS-VDh 116,05	pādeyasya ca śūnyasya tanniṣedhavidhānopāyasya cābhyupagamān na śūnyavādino nirlajjatā nāpi vikrośamātram iti 
AS-VDh 116,06	matis tarhi yadi saṃvṛttyāstīti svarūpeṇety ayam artha s tadā kṛtam anukūlaṃ, kevalaṃ vaktātmano vaiyātyaṃ sūca- 
AS-VDh 116,07	yati, nyāyabalān nyakkṛtasyāpi svārthasiddhivikalaṃ pralapato dhārṣṭyamātraprasiddheḥ svarūpeṇāstitvasya saṃvedanavat sa- 
AS-VDh 116,08	rvabhāvānāṃ syādvādibhir abhīṣṭatvāt tena tadanukūlakaraṇāt saṃpratipatteḥ | atha pararūpeṇa nāsti ity ayam arthas ta- 
AS-VDh 116,09	thaiva syādvādinā, nāmni vivādāt | etad api tādṛg eva, pararūpeṇa grāhyagrāhakābhāvādivikalasaṃvedanava- 
AS-VDh 116,10	t sarvapadārthānāṃ nāstitve vivādābhāvāt | tad etenobhayānubhayavikalpaḥ pratyuktaḥ | yadi hi saṃvṛttyāstīti 
AS-VDh 116,11	svapararūpābhyām asti nāsti cety ayam arthas tadā na kaścid vivādaḥ | athānubhayarūpeṇānubhayam ity arthas tadāpi na 
AS-VDh 116,12	kaścid vivādaḥ, tathāgre samarthayiṣyamāṇatvāt | atha tad asti mṛṣātmaneti samānaś carcaḥ, mṛṣātmanāsti- 
AS-VDh 116,13	tvasya svaparobhayānubhayarūpāstitvavikalpacatuṣṭaye 'py uktadoṣānuṣaṅgāt | saṃvṛtir vicārānupapattir ity ayuktaṃ, 
AS-VDh 116,14	tadabhāvāt | na hi vicārasyābhāve kasyacid vicāreṇānupapattiḥ śakyā vaktum | nāpi śūnyavādinaḥ 
AS-VDh 116,15	kiñcin nirṇītam asti, yadāśritya kvacid anyatrānirṇīte 'rthe vicāraḥ pravartate, tasya sarvatra vipratipatteḥ | tathā 
AS-VDh 116,16	coktaṃ tattvārthaślokavārtike "kiñcin nirṇītam āśritya vicāro 'nyatra vartate | sarvavipratipattau tu kvacin nāsti 
AS-VDh 116,17	vicāraṇā" iti | so 'yaṃ saugatas tadabhāvāt tatparapratipādanārthaṃ śāstram upadeṣṭāraṃ vā varṇayan sarvaṃ pra- 
AS-VDh 116,18	tikṣipatīti katham anunmattaḥ ? svayam upadiṣṭaṃ vicārapratipādanārthaṃ śāstrādikaṃ pratikṣipann unmatta eva syāt | 
AS-VDh 116,19	atha māyopamāḥ svapnopamāś ca sarve bhāvā iti sugatadeśanāsadbhāvān na sarvaṃ pratikṣipann unmattaḥ syād iti mataṃ 
AS-VDh 116,20	tarhi śauddhodaner eva tāvat prajñāparādho 'yaṃ lokātikrāntaḥ kathaṃ babhūvety ativismayam āsmahe | tanmanye 
AS-VDh 116,21	punar adyāpi kīrttayantīti kiṃ bata param anyatra mohanīyaprakṛteḥ ? svapnādivibhramavat sarvasya vibhramādadoṣa 
AS-VDh 116,22	iti cet tarhi vibhrame kim avibhramo vibhramo vā ? tatrāvibhrame kathaṃ sarvavibhramaḥ? vibhrame 'pi kuto 'sau ? vibhrame 'pi 
AS-VDh 116,23	vibhrame sarvatrāvibhramaprasaṅgāt | vibhramavibhrame 'pi vibhramopagame sa eva paryanuyogonavasthā ceti durantaṃ tamaḥ | 
AS-VDh 116,24	tad uktaṃ nyāyaviniścaye "tatra śauddhodaner eva kathaṃ prajñāparādhinī | babhūveti vayaṃ tāvad bahu vismayam āsmahe | 
AS-VDh 117,01	 | 1 | tatrādyāpi jaḍāsaktās tamaso nāparaṃ param | vibhrame vibhrame teṣāṃ vibhramo 'pi na siddhyati | 2 | " 
AS-VDh 117,02	iti | tato nābhāvaikāntaḥ śreyān, sveṣṭasya dṛṣṭabādhanādbhāvaikāntavat | 
AS-VDh 117,03	parasparanirapekṣabhāvābhāvaikāntapakṣo 'pi na kṣemaṅkaraḥ, tata evety āvedayanti svāminaḥ | 
ĀM-VDh 13ab		virodhān nobhayaikātmyaṃ syādvādanyāyavidviṣām | 
AS-VDh 117,05	bhāvābhāvayor ekatarapratikṣepaikāntapakṣopakṣiptadoṣaparijihīrṣayā sadasadātmakaṃ sarvam abhyupagaccha- 
AS-VDh 117,06	to 'pi vāṇī vipratiṣidhyeta, tayoḥ parasparaparihārasthitilakṣaṇatvāt | na hi sarvātmanā kañcid arthaṃ 
AS-VDh 117,07	santaṃ tathaivāsantam ācakṣāṇaḥ svasthaḥ, svābhyupetetaranirāsavidhānakaraṇāc chūnyāvabodhavat | yathaiva 
AS-VDh 117,08	hi sarvathā śūnyam avabudhyamānaḥ svasaṃvedanād anyato vā svābhyupetaṃ śūnyataikāntaṃ nirasyati, anabhyupetaṃ pramā- 
AS-VDh 117,09	ṇādisadbhāvaṃ vidhatte tathaiva bhāvābhāvayos tādātmyaikāntaṃ bruvan svābhyupetaṃ sadasadātmakaṃ nirasyati, svayam a- 
AS-VDh 117,10	nabhyupagataṃ tu bhāvaikāntam abhāvaikāntaṃ vā vidhatte, abhāvasya bhāve 'nupraveśād bhāvasya vā sarvathā'bhāve, anyathā 
AS-VDh 117,11	bhāvābhāvayor bhedaprasaṅgāt | tato nobhayor aikātmyaṃ śreyaḥ, syādvādaṃ vidviṣāṃ, sadasatoḥ parasparaparihārasthitila- 
AS-VDh 117,12	kṣaṇavirodhāt, jātyantarasyaiva darśanena sarvathobhayaikātmyasya bādhanāt tadvat | 
AS-VDh 117,13	tathā sāṃkhyasyaivam ubhayaikātmyaṃ bruvatas trailokyaṃ vyakter apaiti, nityatvapratiṣedhāt, apetam apy asti, 
AS-VDh 117,14	vināśapratiṣedhād iti vā tadanyathāpetam anyathāstīti syādvādāvalambananam andhasarpabilapraveśanyāyam anu- 
AS-VDh 117,15	sarati, trailokyasya vyaktātmanā'petatvasiddheḥ avyaktātmanāstitvavyavasthiteḥ "hetumad anityam avyāpi sakri- 
AS-VDh 117,16	yam anekam āśritaṃ liṅgam | sāvayavaṃ paratantraṃ vyaktaṃ viparītam avyaktam" iti vacanāt | paramārthato vyaktāvya- 
AS-VDh 117,17	ktayor ekatvān na syādvādāvalambanaṃ kāpilasyeti cen na, tathā virodhasya tadavasthānāt | pradhānādvaitopagame tu 
AS-VDh 117,18	nobhayaikātmyam abhyupagataṃ syāt | tathā svayam anabhyupagacchato 'pi kathañcid ubhayātmakatattvavādapraveśe katham andha- 
AS-VDh 117,19	sarpabilapraveśanyāyānusaraṇaṃ na syāt ? yadṛcchayā tadavalambanāt | tato naivam apy ubhayaikāntaḥ sidhyati, 
AS-VDh 117,20	virodhāt | 
ĀM-VDh 13cd		avācyataikānte 'py uktir nāvācyam iti yujyate || 13 || 
AS-VDh 117,22	yo 'pi pakṣatrayopakṣiptadoṣajihāsayā sarvathā'vaktavyaṃ tattvam avalambeta so 'pi katham avaktavyaṃ 
AS-VDh 117,23	brūyāt, yenāvācyataikānte 'py avācyam ityuktir yujyate | tadayuktau kathaṃ param avabodhayet ? svasaṃvidā parāvabodha- 
AS-VDh 117,24	nāyogāt | tadanavabodhane kathaṃ parīkṣitāsya syāt ? tasyāparīkṣakatve ca kuto 'nyasmād viśeṣaḥ sidhyet ? 
AS-VDh 117,25	aparīkṣitatattvābhyupagamasya sarveṣāṃ niraṅkuśatvāt | naiṣa doṣaḥ svalakṣaṇam anirdeśyaṃ pratyakṣaṃ kalpa- 
AS-VDh 117,26	nāpoḍham ityādiva t sarvam avācyaṃ tattvam iti vacane 'pi virodhābhāvāt parapratipādanasyānyathānupapatteḥ | 
AS-VDh 118,01	iti kasyacid vacanaṃ tad apy asat yad asataḥ samudāhṛtam | siddhasādhyavyavasthā hi kathāmārgāḥ | na ca svalakṣa- 
AS-VDh 118,02	ṇasya sarvathāpy anirdeśyatvopagame 'svalakṣaṇam anirdeśyam' iti vacanena tasya nirdeśyatvam aviruddham | atha 
AS-VDh 118,03	svalakṣaṇaṃ naitadvacanenāpi nirdeśyaṃ svalakṣaṇasāmānyasyaiva tena nirdeśyatvāt svalakṣaṇe nirdeśāsaṃbhavāt, na hy arthe
AS-VDh 118,04	śabdāḥ santi tadātmāno vā yena tasmin pratibhāsamāne te 'pi pratibhāserann iti vacanāt | kalpanāropitaṃ 
AS-VDh 118,05	tu svalakṣaṇaṃ taddharmo vā nirdeśyatvaśabdena nirdiśyate, virodhābhāvād iti mataṃ tarhi svalakṣaṇam ajñeyam api syāt | 
AS-VDh 118,06	yathaivākṣaviṣaye 'bhidhānaṃ nāsti tathākṣajñāne viṣayo 'pi naivāsti | tatas tatra pratibhāsamāne 'pi na pratibhā- 
AS-VDh 118,07	seta | śakyaṃ hi vaktuṃ 'yo yatrādheyatayā nāsti tadātmā vā na bhavati sa tasmin pratibhāsamāne 'pi na 
AS-VDh 118,08	pratibhāsate yathākṣaviṣaye svalakṣaṇe śabdaḥ | nāsti cākṣajñāne tathākṣaviṣayas tadātmā vā na bhavati, 
AS-VDh 118,09	iti | yadi punar viṣayasāmarthyād akṣajñānasyotpādāt tatra pratibhāsamāne sa pratibhāsata eveti mataṃ tad apy asa- 
AS-VDh 118,10	myak, karaṇaśakter api pratibhāsaprasaṅgāt | tathā hi | na kevalaṃ viṣayabalād dṛṣṭer utpattiḥ, api tu cakṣu- 
AS-VDh 118,11	rādiśakteś ca | viṣayākārānukaraṇād darśanasya tatra viṣayaḥ pratibhāsate, na punaḥ karaṇaṃ, tadākārānanukaraṇā- 
AS-VDh 118,12	d iti cet tarhi tadarthavatkaraṇam anukarttum arhati, na cārthaṃ, viśeṣābhāvāt | darśanasya kāraṇāntarasadbhā- 
AS-VDh 118,13	ve 'pi viṣayākārānukāritvam eva sutasyeva pitrākārānukaraṇam ity api vārtaṃ, svopādānamātrānukaraṇa- 
AS-VDh 118,14	prasaṅgāt | viṣayasyālambanapratyayatayā svopādānasya ca samanantarapratyayatayā pratyāsattiviśeṣād darśanasya 
AS-VDh 118,15	ubhayākārānukaraṇe py a nujñāyamāne rūpādivadupādānasyāpi viṣayatāpattiḥ, atiśayābhāvāt, varṇā- 
AS-VDh 118,16	der vā tadvadaviṣayatvaprasaṅgāt | darśanasya tajjanmarūpāviśeṣe 'pi tadadhyavasāyaniyamād bahirarthaviṣayatva- 
AS-VDh 118,17	m ity asāraṃ, varṇādāv ivopādāne 'py adhyavasāyaprasaṅgāt, anyathobhayatrādhyavasāyāyogāt | na hi rūpādāv a- 
AS-VDh 118,18	dhyavasāyaḥ saṃbhavati, tasya darśanaviṣayatvopagamāt, darśanasyānadhyavasāyātmakatvāt tasyādhyavasāyātmakatve 
AS-VDh 118,19	svalakṣaṇaviṣayatvavirodhāt | adoṣo 'yaṃ, pratyakṣasyādhyavasāyahetutvād ity anirūpitābhidhānaṃ saugatasya, 
AS-VDh 118,20	tatrābhilāpābhāvāt | yathaiva hi varṇādāv abhilāpābhāvas tathā pratyakṣe 'pi tasyābhilāpakalpanāto 'poḍhatvād ana- 
AS-VDh 118,21	bhilāpātmakārthasāmarthyenotpatteḥ | pratyakṣasya tadabhāve 'py adhyavasāyakalpanāyāṃ pratyakṣaṃ kiṃ nādhyavasyet ? 
AS-VDh 119,01	svalakṣaṇaṃ svayam abhilāpaśūnyam api pratyakṣam adhyavasāyasya hetur na punā rūpādir iti kathaṃ sunirūpitābhidhānam ? 
AS-VDh 119,02	yadi punar avikalpakād api pratyakṣād vikalpātmano 'dhyavasāyasyotpattiḥ, pradīpādeḥ kajjalādivadvijātīyād api 
AS-VDh 119,03	kāraṇāt kāryasyotpattidarśanād iti mataṃ tadā tādṛśo 'rthād vikalpātmanaḥ pratyakṣasyotpattir astu, tata eva tadvat | 
AS-VDh 119,04	jātidravyaguṇakriyāparibhāṣākalpanārahitād arthāt kathaṃ jātyādikalpanātmakaṃ pratyakṣaṃ syād iti cet pratyakṣāt ta- 
AS-VDh 119,05	drahitād vikalpaḥ kathaṃ jātyādikalpanātmakaḥ syād iti samānaḥ paryanuyogaḥ | vikalpasya jātyādiviṣayatvā- 
AS-VDh 119,06	d adoṣa iti cen na, pratyakṣavat tasya jātyādiviṣayatvavirodhāt | yathaiva hi pratyakṣasyābhilāpasaṃsargayogyatā 
AS-VDh 119,07	nāsti tathā tatsamanantarabhāvino 'pi vikalpasya, tasyāpy abhilapanenābhilapyamānena ca jātyādinā 
AS-VDh 119,08	saṃsargāsaṃbhavāt, svopādānasajātīyatvāt | katham idānīṃ vikalpo jātyādivyavasāyīti cen na katham api | 
AS-VDh 119,09	tathā hi | kiñcit kenacid viśiṣṭaṃ gṛhyamāṇaṃ kvacid viśeṣaṇaviśeṣyatatsaṃbandhavyavasthāgrahaṇam apekṣate 
AS-VDh 119,10	daṇḍivat, "viśeṣaṇaṃ viśeṣyaṃ ca saṃbandhaṃ laukikīṃ sthitim | gṛhītvā saṃkalayyaitat tathā pratyeti nānyathā" 
AS-VDh 119,11	iti vacanāt | na cāyam iyato vyāpārān kartuṃ samarthaḥ; pratyakṣabalotpatter avicārakatvāt pratyakṣavat | 
AS-VDh 119,12	kaścid āha 'naitad evaṃ dūṣaṇaṃ, pratyakṣād evādhyavasāyotpattyanabhyupagamāt, śabdārthavikalpavāsanāprabhava- 
AS-VDh 119,13	tvān manovikalpasya tadvāsanāvikalpasyāpi pūrvatadvāsanāprabhavatvād ity anāditvād vāsanāvikalpasantānasya 
AS-VDh 119,14	pratyakṣasaṃtānād anyatvāt, vijātīyād vijātīyasyodayāniṣṭeḥ, tadiṣṭau yathoditadūṣaṇaprasaṅgāt' iti, tasyā- 
AS-VDh 119,15	py evaṃvādinaḥ śabdārthavikalpavāsanāprabhavāt tatas tarhi katham akṣabuddheḥ rūpādiviṣayatvaniyamaḥ siddhyet ? 
AS-VDh 119,16	manorājyādivikalpād api tatsiddhiprasaṅgāt | athākṣabuddhisahakāriṇo vāsanāviśeṣād utpannād rūpādivikalpā- 
AS-VDh 119,17	d akṣabuddhe rūpādiviṣayatvaniyamaḥ kathyate | tata evākṣabuddhiviṣayatvaniyamo 'py abhidhīyatām | anyathā 
AS-VDh 119,18	rūpādiviṣayatvaniyamo 'pi mā bhūdaviśeṣāt | rūpādyullekhitvād vikalpasya tadbalāt tadabhyupagame vā pratya- 
AS-VDh 119,19	kṣabuddher abhilāpasaṃsargo 'pi tadvad anumīyeta, tadvikalpasyābhilāpenābhilapyamānajātyādyullekhitayotpattyanya- 
AS-VDh 119,20	thānupapatteḥ, tadanumitāc cākṣabuddhyabhilāpasaṃsargād rūpādyabhilāpasaṃsargo 'numīyeta | iti śabdādvaitavādi- 
AS-VDh 119,21	matasiddhiḥ | na ca saugato darśanasyābhilāpasaṃsargam upaiti | tasmād ayaṃ kiñcit paśyan tatsadṛśaṃ 
AS-VDh 119,22	pūrvaṃ dṛṣṭaṃ na smartum arhati tannāmaviśeṣāsmaraṇāt | tadasmaran naiva tadabhidhānaṃ pratipadyate |  
AS-VDh 120,01	tadapratipattau tena tan na yojayati | tad ayojayan nādhyavasyatīti na kvacid vikalpaḥ śabdo vety avi- 
AS-VDh 120,02	kalpābhidhānaṃ jagat syāt | nanu ca nāmasaṃśrayasya vikalpasya pratyātmavedyatvāt sarveṣām abhidhānasya ca 
AS-VDh 120,03	śrotrabuddhau pratibhāsanāt katham avikalpābhidhānaṃ jagadāpadyeteti cen na, tatrāpy adhyavasāyāsaṃbhavāt | na ca 
AS-VDh 120,04	svasaṃvedanenendriyapratyakṣeṇa vā nirvikalpakena vikalpobhidhānaṃ vā gṛhītaṃ nāma, atiprasaṅgāt | tathā hi | 
AS-VDh 120,05	bahir antar vā gṛhītam apy agṛhītakalpaṃ kṣaṇakṣayasvalakṣaṇasaṃvedanādivat | tathā cāyātam acetanatvaṃ 
AS-VDh 120,06	jagataḥ | nanu ca nāsmanmate kaścit kiñcin nīlādikaṃ sukhādikaṃ vā saṃvidan pūrvasaṃviditaṃ tatsadṛśaṃ tannāma- 
AS-VDh 120,07	viśeṣaṃ ca kramaśaḥ smarati, pūrvasaṃviditasaṃvedyamānanāmaviśeṣayoḥ sahaiva smaraṇāt, tatsaṃskārayor dṛśyadarśa- 
AS-VDh 120,08	nād eva mahaprabodhāt | tato 'yaṃ kiñcit paśyann eva tatsadṛśaṃ pūrvadṛṣṭaṃ smarttum arhati, tadaiva tannāmaviśeṣasmaraṇāt, 
AS-VDh 120,09	tatas tasyedaṃ nāmety abhidhānapratipatteḥ, tatas tasya dṛśyasyābhidhānena yojanād vyavasāyaghaṭanān na kiñcid dūṣaṇam i- 
AS-VDh 120,10	ty aparaḥ, tasyāpi dṛśyamānanāmnaḥ pūrvadṛṣṭasya ca tatsadṛśasya saha smṛtir ayuktaiva, svamatavirodhāt, sakṛ- 
AS-VDh 120,11	tsmṛtidvayānabhyupagamāt kalpanayor bādhyabādhakabhāvāt | katham anyathā'śvaṃ vikalpayato 'pi godarśane kalpanā- 
AS-VDh 120,12	virahasiddhiḥ ? nāmamātre 'pi sahasmṛtir ayuktaiva, tannāmākṣaramātrāṇām api kramaśodhyavasānāt, adhyavasānā- 
AS-VDh 120,13	bhāve smṛter ayogāt kṣaṇakṣayādivat | na ca yugapat tadadhyavasāyaḥ saṃbhavati, virodhāt | anyathā saṃkulā 
AS-VDh 120,14	pratipattiḥ syāt, nīlam iti nāmni nakārādīnāṃ parasparaviviktānām apratipatteḥ | kiñcābhilāpasya padalakṣa- 
AS-VDh 120,15	ṇasya tadaṃśānāṃ ca varṇānāṃ nāmaviśeṣasya smṛtāvasatyāṃ vyavasāyaḥ syāt satyāṃ vā ? nāmno nāmāntareṇa 
AS-VDh 120,16	vināpi smṛtau kevalārthavyavasāyaḥ kiṃ na syāt ?  svābhidhānaviśeṣāpekṣā evārthā niścayair vyavasīyante 
AS-VDh 120,17	ity ekāntasya tyāgāt, nāmnaḥ svalakṣaṇasyāpi svābhidhānaviśeṣānapekṣasyaiva vyavasāyavacanāt | tadavacane vā 
AS-VDh 120,18	na kvacid vyavasāyaḥ syāt, nāmatadaṃśānām avyavasāye nāmārthavyavasāyāyogāt | darśanenāvyavasāyātmanā 
AS-VDh 120,19	dṛṣṭasyāpy adṛṣṭakalpatvāt sakalapramāṇābhāvaḥ, pratyakṣasyābhāve 'numānotthānābhāvāt | tata eva sakalaprameyāpāyaḥ, 
AS-VDh 120,20	pramāṇāpāye prameyavyavasthānupapatteḥ | ity apramāṇaprameyatvam aśeṣasyāvaśyam anuṣajyeta | tad uktaṃ nyāyaviniścaye
AS-VDh 121,01	"abhilāpatadaṃśānām abhilāpavivekataḥ | apramāṇaprameyatvam avaśyam anuṣajyate" iti, abhilāpavivekata 
AS-VDh 121,02	ity abhilāparahitatvād iti vyākhyānāt | prathamapakṣopakṣiptadoṣaparijihīrṣayā tannāmāntaraparikalpanāyā- 
AS-VDh 121,03	m anavasthā | nāmatadaṃśānām api nāmāntarasmṛtau hi vyavasāye nāmāntaratadaṃśānām api vyavasāyaḥ svanāmānta- 
AS-VDh 121,04	rasmṛtau satyām ity anavasthā syāt | tathā ca tad evāpramāṇaprameyatvam avaśyam anuṣajyeta | atrāpīyam eva kārikā 
AS-VDh 121,05	yojyā, 'abhilāpavivekataḥ' ity abhilāpaniścayata iti vyākhyānāt | pratipāditadoṣabhayāt tad ayam aśabdaṃ 
AS-VDh 121,06	sāmānyaṃ vyavasyan svalakṣaṇam api vyavasyet,  sāmānyalakṣaṇasvalakṣaṇayor hi bhedābhāvāt |  nanv arthakriyā- 
AS-VDh 121,07	kāriṇaḥ paramārthasataḥ svalakṣaṇatvāt, tato 'nyasyānarthakriyākāriṇaḥ saṃvṛtisataḥ sāmānyalakṣaṇatvāt tayoḥ 
AS-VDh 121,08	katham abhedaḥ syāt ? "yad evārthakriyākāri tad eva paramārthasat | anyat saṃvṛtisat prokte te svasāmānyalakṣaṇe" 
AS-VDh 121,09	iti vacanāt, tayor abhede sāṃvṛtetarasvabhāvavirodhāt | iti kaścit, so 'pi svadarśanānurāgī na parīkṣakaḥ, 
AS-VDh 121,10	svenāsādhāraṇena rūpeṇa lakṣyamāṇasya sāmānyasyāpi svalakṣaṇatvaghaṭanād viśeṣavat | yathaiva hi viśeṣaḥ 
AS-VDh 121,11	svenāsādhāraṇena rūpeṇa sāmānyāsaṃbhavinā visadṛśapariṇāmātmanā lakṣyate tathā sāmānyam api svenāsā- 
AS-VDh 121,12	dhāraṇena rūpeṇa sadṛśapariṇāmātmanā viśeṣāsaṃbhavinā lakṣyate iti kathaṃ svalakṣaṇatvena viśeṣādbhidyate ? yathā 
AS-VDh 121,13	ca viśeṣaḥ svāmarthakriyāṃ kurvan vyāvṛttijñānalakṣaṇām arthakriyākārī tathā sāmānyam api svāmarthakriyām anvaya- 
AS-VDh 121,14	jñānalakṣaṇāṃ kurvat katham arthakriyākāri na syāt ? tadbāhyāṃ punar vāhadohādyarthakriyāṃ yathā na sāmānyaṃ kartu- 
AS-VDh 121,15	m utsahate tathā viśeṣo 'pi kevalaḥ, sāmānyaviśeṣātmano vastuno gavādes tatropayogāt | ityarthakriyākāritvenāpi 
AS-VDh 121,16	tayor abhedaḥ siddhaḥ | ekasmād dravyāt kathañcid abhinnatvasādhanāc ca sāmānyaviśeṣapariṇāmayor abhedo 'bhyupagantavyaḥ | 
AS-VDh 121,17	tathā ca sāmānyaṃ vyavasyann api kathañcit tadabhinnasvalakṣaṇaṃ na vyavasyatīti katham upapattimat ? atha 
AS-VDh 121,18	na dravyaṃ nāpi tatpariṇāmaḥ sāmānyaṃ viśeṣo vā svalakṣaṇam | kiṃ tarhi ? tato 'nyad eva kiñcit sarvathā 
AS-VDh 121,19	nirdeṣṭum aśakyaṃ pratyakṣabuddhau pratibhāsamānaṃ tad anumanyate | evam api jātyantaraṃ sāmānyaviśeṣātmakaṃ vastu 
AS-VDh 121,20	svalakṣaṇam ity āyātaṃ, tasyaiva parasparanirapekṣasāmānyaviśeṣatadvaddravyebhyo 'nyasya pratyakṣasaṃvidi pratibhāsanāt, 
AS-VDh 121,21	niranvayakṣaṇakṣayiniraṃśaparamāṇulakṣaṇasya suṣṭhupratyakṣeṇālakṣaṇāt | tatra ca vyavasāyo 'kṣajanmā svābhidhāna- 
AS-VDh 121,22	viśeṣanirapekṣaḥ kin na syāt ? yato 'yaṃ svalakṣaṇam aśabdaṃ na vyavasyet | tataḥ, sāmānyavat svalakṣaṇam a- 
AS-VDh 121,23	dhyavasyann abhilāpena yojayet | tato na kiñcit prameyam anabhilāpyaṃ nāma śrutajñānaparicchedyaṃ, śabdayo- 
AS-VDh 121,24	jitasya śrutaviṣayatvopapatteḥ | pratyakṣasyānabhilāpyatve smārttaṃ śabdānuyojanaṃ dṛṣṭasāmānyavyavasāyo 
AS-VDh 121,25	yady apekṣeta so 'rtho vyavahito bhavet tadindriyajñānāt sāmānyavyavasāyo na syāt |  yathaiva 
AS-VDh 121,26	hi śabdasaṃsṛṣṭārthagrāhisavikalpakapratyakṣavādinām arthopayoge saty api smārttaśabdānuyojanāpekṣe 'kṣajñāne 
AS-VDh 122,01	tadartho vyavahitaḥ syāt smārtena śabdānuyojanena iti tadarthād akṣajñānaṃ savikalpakaṃ na syāt, tadabhāve 'pi 
AS-VDh 122,02	bhāvāt tadbhāve 'pi cābhāvād iti dūṣaṇam 'arthopayoge 'pi punaḥ smārttaṃ śabdānuyojanam | akṣadhīr yady apekṣeta so 'rtho 
AS-VDh 122,03	vyavahito bhavet' iti vacanāt samudbhāvyate tathaiva śabdānuyojanāsahitārthagrāhivikalpavādinām api saugatā- 
AS-VDh 122,04	nām indriyajñānam upayoge saty api vikalpotpattau smārttaṃ śabdānuyojanaṃ vikalpo yady apekṣeta tadātadindriyajñānaṃ 
AS-VDh 122,05	svaviṣayanām aviśeṣasmaraṇena tadyojanena ca vyavahitaṃ syāt | tathā ca nendriyajñānād vyavasāyaḥ syāt tadabhāve 
AS-VDh 122,06	bhāvāt tadbhāve 'pi cābhāvād iti dūṣaṇam udbhāvanīyaṃ, 'jñānopayoge 'pi punaḥ smārttaṃ śabdānuyojanaṃ | vikalpo 
AS-VDh 122,07	yady apekṣetādhyakṣaṃ vyavahitaṃ bhavet' iti vaktuṃ śakyatvāt, arthaśabdena pratyakṣasyābhidhānād vā, kvacid viṣayeṇa 
AS-VDh 122,08	viṣayiṇo vacanād dharmakīrttikārikāyā eva tanmatadūṣaṇaparatvena vyākhyātuṃ śakyatvāt | yathā ca prāgaja- 
AS-VDh 122,09	nako yo 'rtho 'bhilāpasaṃsṛṣṭārthendriyabuddheḥ sa paścād api smārtaśabdānuyojane 'pi tasyopayogāviśeṣād ajanaka eva 
AS-VDh 122,10	tenārthāpāye 'pi netradhīḥ śabdādvaitavādinaḥ syād iti dharmakīrtidūṣaṇaṃ, 'yaḥ prāgajanako buddher upayogāviśeṣataḥ | 
AS-VDh 122,11	sa paścād api tena syād arthāpāye 'pi netradhīḥ' iti vacanāt | tathā yad indriyajñānaṃ smārtaśabdayojanāt prāga- 
AS-VDh 122,12	janakaṃ sāmānyavyavasāyasya tat paścād apy upayogāviśeṣāt tenendriyajñānavyapāye 'pi sāmānyavyavasāyaḥ 
AS-VDh 122,13	syāt, tasya prāg ivājanakatvāt, tadantareṇāpi darśanam ayaṃ gaur iti nirṇayaḥ syāt, 'yaḥ prāgajanako 
AS-VDh 122,14	buddher upayogāviśeṣataḥ | sa paścād api tenākṣabodhāpāye 'pi kalpanā' iti pratipādanāt | tad evaṃ na darśanād adhyava- 
AS-VDh 122,15	sāyaḥ saṃbhavati yena darśanasya svālambanasamanantarapratyayajanmatatsārūpyāviśeṣe 'pi svaviṣayapratiniyamaḥ 
AS-VDh 122,16	sidhyet | kiñca saugatānām anabhilāpyasya viśeṣasyānubhave katham abhilāpyasya smṛtiḥ ? atyantabhedāt 
AS-VDh 122,17	svalakṣaṇāt sāmānyasya, sahyavindhyavat | na hi sahyasyānubhave vindhyasya smṛtir yuktā | viśeṣasāmānyayor ekatvā- 
AS-VDh 122,18	dhyavasāyād viśeṣasyānubhave sāmānye smṛtir yuktaiveti cet, kutas tayor ekatvādhyavasāyaḥ ? na tāvat pratyakṣāt, tasya 
AS-VDh 122,19	sāmānyāviṣayatvāt, nāpi tatpṛṣṭhabhāvino vikalpād anumānād vā, tasya viśeṣāviṣayatvāt, tadubhayaviṣayasya ca 
AS-VDh 122,20	kasyacit pramāṇasyānabhyupagamāt | tadanyataraviṣayeṇa tayor ekatvādhyavasāyetiprasaṅgāt triviprakṛṣṭetarayor apy e- 
AS-VDh 122,21	katvādhyavasāyo 'kṣajñānāt prasajyeta | kiṃ caśabdārthayoḥ saṃbandhasyāsvābhāvikatve katham arthamātraṃ paśyan śabda- 
AS-VDh 122,22	m anusmaret śabdaṃ śrṛṇvan tadarthaṃ vā ? yato 'yaṃ vyavasāyaḥ saugatasya sidhyet | na hi sahyamātraṃ paśyan vindhyasya 
AS-VDh 122,23	smaret | syān mataṃ 'śabdasya vikalpyena tadutpattilakṣaṇasaṃbandhopagamāt tasya ca dṛśyenaikatvādhyavasāyād viśeṣa-
AS-VDh 123,01	syānubhave 'pi śabdaṃ tadarthaṃ vā vikalpyaṃ smartum īṣṭe vyavahārī, pravṛttidarśanāt, iti, tad apy asamyak, kutaścid api 
AS-VDh 123,02	dṛśyavikalpyayor ekatvādhyavasāyāsaṃbhavasyoktatvāt | tataḥ svata eva vyavasāyātmakatvam abhyupagantavyaṃ pratyakṣasya 
AS-VDh 123,03	na punar abhidhānajātyādiyojanāpekṣayā | cakṣurādijñānasya kathañcid vyavasāyātmakatvābhāve dṛṣṭasajātī- 
AS-VDh 123,04	yasmṛtir na syāt, dānahiṃsāviraticetasaḥ svargādiphalajananasāmarthyasaṃvedanavat kṣaṇakṣayānubhavana- 
AS-VDh 123,05	vad vā | vyavasāyātmano mānasapratyakṣād dṛṣṭasajātīyasmṛtir iti cen na, avyavasāyātmano 'kṣajñānāt samanantara- 
AS-VDh 123,06	pratyayād vyavasāyātmano manovijñānasyotpattivirodhād vikalpavat, nirvikalpātmakatvān mānasapratyakṣasyābhilāpa- 
AS-VDh 123,07	saṃsargayogyatāpratibhāsābhāvāt | avyavasāyātmano 'py akṣajñānād adṛṣṭaviśeṣasahakāriṇaḥ syād utpattir iti cet, 
AS-VDh 123,08	kim evam akṣajñānasya svayaṃ vyavasāyātmana evādṛṣṭaviśeṣād utpattir neṣyate ? tena nīlāder vyavasāye tatkṣaṇakṣayasva- 
AS-VDh 123,09	rgaprāpaṇaśaktyāder api vyavasāyaprasaṅgān nākṣajñānaṃ vyavasāyātmakam iṣṭam iti cet tata eva mānasapratyakṣam api 
AS-VDh 123,10	vyavasāyātmakaṃ mā bhūt | tasya kṣaṇakṣayādyaviṣayatvān na tadvyavasāyitvam iti cet tata evākṣajñānasyāpi tan mā 
AS-VDh 123,11	bhūt | tathā sati nīlādeḥ kṣaṇakṣayādir anyaḥ syāt, tadvyavasāye 'py avyavasāyāt kūṭāt piśācādivad iti 
AS-VDh 123,12	cet tarhi mānasapratyakṣeṇāpi nīlādivyavasāye 'pi kṣaṇakṣayāder avyavasāyāt tato bhedo 'stu tadvad eva, sarvathā viśe- 
AS-VDh 123,13	ṣābhāvāt | kathañcid akṣajñānasya vyavasāyātmakatve tu mānasapratyakṣakalpanāpi na syāt, prayojanābhāvāt, 
AS-VDh 123,14	tatprayojanasyākṣajñānād eva siddheḥ | etenāvyavasāyātmakam api mānasapratyakṣaṃ kalpayan pratikṣiptaḥ | nanu 
AS-VDh 123,15	'nirvikalpakād apy akṣajñānād abhyāsaprakaraṇabuddhipāṭavārthitvavaśād dṛṣṭasajātīye smṛtir yuktā, savikalpakapratyakṣā- 
AS-VDh 123,16	d api tadabhāve tadanupapatteḥ prativādyādyupanyastasakalavarṇapadādivat svocchvāsādisaṃkhyāvad vā | na hi savika- 
AS-VDh 123,17	lpakapratyakṣeṇa tadvyavasāye 'pi kasyacid abhyāsādyabhāve punas tatsmṛtir niyamataḥ siddhā yataḥ savikalpakatvaprakalpanaṃ 
AS-VDh 123,18	pratyakṣasya phalavat | ' iti kaścit so 'py aprajñākara eva, sarvathaikasvabhāvasya pratyakṣasya kvacid abhyāsādīnām i- 
AS-VDh 123,19	tareṣāṃ ca sakṛdayogāt | tadanyavyāvṛttyā tatra tadyoga iti cen na, svayam atatsvabhāvasya tadanyavyāvṛttisaṃbhave 
AS-VDh 123,20	pāvakasyāśītatvādivyāvṛttiprasaṅgāt, tatsvabhāvasya tadanyavyāvṛttikalpane phalābhāvāt, pratiniyatatatsva-
AS-VDh 124,01	bhāvasyaivānyavyāvṛttirūpatvāt | savikalpakapratyakṣajñānavādināṃ tv eṣām avagrahehāvāyajñānād anabhyāsātmakād anya- 
AS-VDh 124,02	d evābhyāsātmakaṃ dhāraṇājñānaṃ pratyakṣam | teṣāṃ tadabhāve paropanyastasakalavarṇapadādiṣv avagrahāditrayasadbhāve 'pi na 
AS-VDh 124,03	smṛtiḥ | tatsadbhāve tu syād eva, sarvatra yathāsaṃskāraṃ smṛtyabhyupagamāt kvacid abhilāpasaṃskārād abhilāpasmṛ- 
AS-VDh 124,04	tivat | pratyakṣe 'bhilāpasaṃskāraviccheda kutas tadvikalpyābhilāpasaṃyojanaṃ yataḥ sāmānyam abhilāpyaṃ 
AS-VDh 124,05	syāt | pratyakṣagṛhītam eva hi svalakṣaṇam anyavyāvṛttaṃ sādhāraṇākāratayā pratibhāsamānaṃ sāmānyaṃ vikalpābhi- 
AS-VDh 124,06	lāpayojanenābhilāpyam iṣyate | na ca grāhakapratyakṣasmṛtipratibhāsabhedād viṣayasvabhāvābhedābhāvaḥ, 
AS-VDh 124,07	sakṛdekārthopanibaddhadarśanapratyāsannetarapuruṣajñānaviṣayavat | yathā hi sakṛd ekasminn arthe pādapādāv upani- 
AS-VDh 124,08	baddhadarśanayoḥ pratyāsannaviprakṛṣṭapuruṣayor jñānābhyāṃ viṣayīkṛte spaṣṭāspaṣṭapratibhāsabhedān na svabhāvabhedaḥ pādapasya, 
AS-VDh 124,09	tasyaikatvāvyatikramāt, tathaiva grāhakayoḥ pratyakṣasmṛtipratibhāsayor bhede 'pi spaṣṭam andatayā na tadviṣayasya bhedaḥ, 
AS-VDh 124,10	svalakṣaṇasyaikasvabhāvatvābhyupagamāt | tathā ca mandapratibhāsini svalakṣaṇe ghaṭādau śabdavikalpaviṣaye 
AS-VDh 124,11	tatsaṃketavyavahāraniyamakalpanāyām api kathañcid abhidheyatvaṃ vastunaḥ siddham | ity alaṃ prasaṅgena,  
AS-VDh 124,12	rūpādisvalakṣaṇe śabdābhāvād avācyam eva tad iti bruvāṇasya pratyakṣe 'rthasyābhāvāt tasyājñeyatvaprasakteḥ samarthanāt, 
AS-VDh 124,13	rūpādyarthasya kathañcij jñeyatve 'bhilāpyatvasyāpi sādhanāt prakṛtārthaparisamāptau prasaṅgasya niṣprayojanatvāt 
AS-VDh 124,14	paryāptaṃ prasaṅgena | tasmād avācyataikānte yad avācyam ity abhidhānaṃ tad asamañjasaṃ, svalakṣaṇam anirdeśyam i- 
AS-VDh 124,15	tyādivat svavacanavirodhāt tad apy asad, yad asataḥ samudāhṛtam iti pratipādanāt | yathaiva hi svalakṣaṇa- 
AS-VDh 124,16	manir deśyam ity avācyataikānte vaktum aśakyaṃ tathā pratyakṣaṃ kalpanāpoḍham ity api, pratyakṣe 'bhilāpasaṃsargābhāve 
AS-VDh 124,17	vikalpānutpattiprasaṅgasya niveditatvāt, tatsadbhāve savikalpakatvasiddheḥ | 
AS-VDh 124,18	tad evaṃ svābhisamantabhadrabhānavaḥ sphuṭataravilasadakalaṅkanyāyagabhastibhir apahastitasamastabhāvaikāntādiparama- 
AS-VDh 124,19	tadhvāntasantatayo 'pi parātmapakṣanirākaraṇasamarthanāyattaṃ jayamādiśatā bhagavatāptena kiṃ punar me śāsanaṃ prasiddhena 
AS-VDh 124,20	na bādhyate iti spaṣṭaṃ pṛṣṭā ivāhuḥ —
ĀM-VDh 14
 		kathañcit te sadeveṣṭaṃ kathañcid asad eva tat | tatho 'bhayam avācyaṃ ca nayayogān na sarvathā || 14 || 
AS-VDh 125,01	caśabdāt sad avācyam eva kathañcid asad avācyam eva tadubhayāvācyam eveṣṭaṃ te śāsanam iti samuccīyate, 
AS-VDh 125,02	'praśnavaśād ekatra vastunyavirodhena vidhipratiṣedhakalpanā saptabhaṅgī, iti vacanāt | nayayogād iti vacanān na- 
AS-VDh 125,03	yavākyāni saptaiveti darśayanti, tato 'nyasya bhaṅgasyāsaṃbhavāt | tatsaṃyogajabhaṅgasyāpi kasyacit tatraivāntarbhāvāt 
AS-VDh 125,04	kasyacit tu punaruktatvād vidhikalpanāyā eva satyatvāt tayaikam eva vākyam iti na mantavyaṃ, pratiṣedhakalpanāyāḥ 
AS-VDh 125,05	satyatvavyavasthāpanāt | vidhyekāntasya nirākaraṇāt pratiṣedhakalpanaiva satyety api na samyak, abhāvaikāntasya 
AS-VDh 125,06	nirākaraṇāt | tadapekṣayāpi naikam eva vākyaṃ yuktam | sadarthapratipādanāya vidhivākyam asadarthakathanārthaṃ tu pratiṣe- 
AS-VDh 125,07	dhavākyam iti vākyadvayam eva, sadasadvargās tattvam iti vacanāt, prameyāntarasya śabdaviṣayasyāsaṃbhavād iti ca 
AS-VDh 125,08	na cetasi vidheyaṃ pradhānabhāvārpitasadasadātmano vastunaḥ pradhānabhūtaikaikadharmātmakād arthād arthāntaratvasiddheḥ, 
AS-VDh 125,09	sattvavacanenaivāsattvavacanenaiva vā sadasattvayoḥ kramārpitayoḥ pratipādayitum aśakteḥ | sadasadubhaya- 
AS-VDh 125,10	viṣayaṃ vākyatrayam eveti cāyuktaṃ, sahobhayavākyasyāvaktavyatvaviṣayasya vyavasthiteḥ | tathāpi vākyacatu- 
AS-VDh 125,11	ṣṭayam eveti cāyuktaṃ, sadasadubhayāvaktavyatvaviṣayasya vākyāntaratrayasyāpi bhāvāt–vidhikalpanā, pratiṣe- 
AS-VDh 125,12	dhakalpanā, kramato vidhipratiṣedhakalpanā, saha vidhipratiṣedhakalpanā ca, vidhikalpanā sahavidhipra- 
AS-VDh 125,13	tiṣedhakalpanā ca, pratiṣedhakalpanā sahavidhipratiṣedhakalpanā ca, kramākramābhyāṃ vidhipratiṣedhaka- 
AS-VDh 125,14	lpanā ca saptabhaṅgīti vyākhyānāt | na caivaṃ pratyakṣādiviruddhavidhipratiṣedhakalpanāpi saptabhaṅgī 
AS-VDh 125,15	syād iti śakyaṃ vaktum, avirodheneti vacanāt | nānāvastvāśrayavidhipratiṣedhakalpanā saptabhaṅgy api prasajyate 
AS-VDh 125,16	iti ca na cintyam ekatra vastunīti vacanāt | nanv ekatrāpi jīvādivastuni vidhīyamānaniṣidhyamānānanta- 
AS-VDh 125,17	dharmasadbhāvāt tatkalpanānantabhaṅgī syād iti cen na, anantānām api saptabhaṅgīnām iṣṭatvāt tatraikatvānekatvādika- 
AS-VDh 125,18	lpanayāpi saptānām eva bhaṅgānām upapatteḥ, pratipādyapraśnānāṃ tāvatām eva saṃbhavāt, praśnavaśād eva saptabhaṅgīti 
AS-VDh 125,19	niyamavacanāt | saptavidha eva tatra praśnaḥ kuta iti cet, saptavidhajijñāsāghaṭanāt | sāpi saptavidhā 
AS-VDh 126,01	kuta iti cet, saptadhā saṃśayotpatteḥ | saptadhaiva saṃśayaḥ katham iti cet, tadviṣayavas tu dharmasaptavidhatvāt | 
AS-VDh 126,02	tatra sattvaṃ vastudharmaḥ, tadanupagame vastuno vastutvāyogāt svaraviṣāṇādivat | tathā kathañcid asattvaṃ, svarū- 
AS-VDh 126,03	pādibhir iva pararūpādibhir api vastuno 'sattvāniṣṭau pratiniyatasvarūpābhāvād vastupratiniyamavirodhāt | etena 
AS-VDh 126,04	kramārpitobhayatvādīnāṃ vastudharmatvaṃ pratipāditaṃ, tadabhāve krameṇa sadasattvavikalpaśabdavyavahārasya virodhāt, 
AS-VDh 126,05	sahāvaktavyataduttaradharmatrayavikalpaśabdavyavahārasya cāsattvaprasaṅgāt | na cāmī vyavahārā nirviṣayā eva, 
AS-VDh 126,06	vastupratipattipravṛttiprāptiniścayāt tathāvidharūpādivyavahāravat | tasyāpi nirviṣayatve sakalapratyakṣādivyava- 
AS-VDh 126,07	hārāpahnavān na kasyacid iṣṭatattvavyavasthā syāt | nanu ca prathamadvitīyadharmavat prathamatṛtīyādidharmāṇāṃ krametarā- 
AS-VDh 126,08	rpitānāṃ dharmāntaratvasiddher na saptavidhadharmaniyamaḥ sidhyed iti cen na, kramārpitayoḥ prathamatṛtīyadharmayor dharmāntaratvenā- 
AS-VDh 126,09	pratīteḥ sattvadvayasyāsaṃbhavāt, vivakṣitasvarūpādinā sattvasyaikatvāt | tadanyasvarūpādinā sattvasya dvitīyasya 
AS-VDh 126,10	saṃbhave 'pi viśeṣādeśāt tatpratipakṣabhūtāsattvasyāpi parasya bhāvād aparadharmasaptakasiddheḥ saptabhaṅgyantarasiddheḥ katham upā- 
AS-VDh 126,11	lambhaḥ ? etena dvitīyatṛtīyadharmayoḥ kramārpitayor dharmāntaratvam aprātītikaṃ vyākhyātam | prathamacaturthayor dvitīya- 
AS-VDh 126,12	caturthayos tṛtīyacaturthayoś ca sahitayoḥ kathaṃ dharmāntaratvam evaṃ syād iti cec caturthe 'vaktavyatvadharme sattvāsattvayor apa- 
AS-VDh 126,13	rāmarśāt | na hi sahārpitayos tayor avaktavyaśabdenābhidhānam | kiṃ tarhi ? tathārpitayos tayoḥ sarvathā vaktum a- 
AS-VDh 126,14	śakter avaktavyatvasya dharmāntarasya tena pratipādanam iṣyate | na ca tena sahitasya sattvasyāsattvasyobhayasya vā'pra- 
AS-VDh 126,15	tītir dharmāntaratvāsiddhir vā, prathame bhaṅge sattvasya pradhānabhāvena pratīteḥ, dvitīye punar asattvasya, tṛtīye kramārpitayoḥ 
AS-VDh 126,16	sattvāsattvayoḥ, caturthe 'vaktavyatvasya, pañcame sattvasahitasya, ṣaṣṭhe punar asattvopetasya, saptame kramavattadubhayayuktasya 
AS-VDh 126,17	tatra śeṣadharmaguṇabhāvādhyavasāyāt | syān matam 'avaktavyatvasya dharmāntaratve vastuni vaktavyatvasyāpi dharmāntarasya 
AS-VDh 126,18	bhāvād aṣṭamasya kathaṃ saptavidha eva dharmaḥ saptabhaṅgīviṣayaḥ syāt' iti, tad apy ayuktaṃ, sattvādibhir abhidhīyamānasya 
AS-VDh 126,19	vaktavyatvasya prasiddheḥ, sāmānyena vaktavyatvasyāpi viśeṣeṇa vaktavyatāyām anavasthānāt | bhavatu vā vaktavyatvāva- 
AS-VDh 126,20	ktavyatvayor dharmayoḥ siddhiḥ | tathāpi tābhyāṃ vidhipratiṣedhakalpanāviṣayābhyāṃ sattvāsattvābhyām iva saptabhaṅgyanta- 
AS-VDh 126,21	rasya pravṛtter na tadviṣayasaptavidhadharmaniyamavidhāto 'sti yatas tadviṣayasaṃśayaḥ saptadhaiva na syāt taddhetur jijñāsā vā tanni-
AS-VDh 127,01	mittaḥ praśno vā vastuny ekatra saptavidhavākyaniyamahetuḥ | iti sūktā sattvādidharmaviṣayā gauḥ saptabhaṅgī | 
AS-VDh 127,02	sā ca syādvādāmṛtagarbhiṇī, syād vacanārthasya kathañcic chabdena pratipādanāt, tenānekāntasya dyotakena 
AS-VDh 127,03	vācakena vā tasyāḥ pratihataikāntāndhakārodayatvāt | na caivaṃ syāc chabdavat kathaṃñcic chabdenaivānekāntasya prati- 
AS-VDh 127,04	pādanāt sadādivacanam anarthakam āśaṅkanīyaṃ, tataḥ sāmānyato 'nekāntasya pratipattāv api viśeṣārthinā viśeṣasyānupra- 
AS-VDh 127,05	yogāt, sāmānyato 'pakrame 'pi viśeṣārthinā viśeṣo 'nuprayoktavyo, vṛkṣo nyagrodha iti yatheti vacanāt | dyotakapakṣe 
AS-VDh 127,06	tu nyāyaprāptaṃ sadādivacanaṃ, tenoktasya kathañcic chabdena dyotanāt, tenānuddyotane sarvathaikāntaśaṅkāvya- 
AS-VDh 127,07	vacchedenā'nekāntapratipatter ayogāt, evakārāvacane vivakṣitārthāpratipattivat | nanv anukto 'pi kathañcic chabdaḥ 
AS-VDh 127,08	sāmarthyāt pratīyate, sarvatraiva kāravad iti cen na, prayojakasya syādvādanyāyākauśale pratipādyānāṃ tadapratītes ta- 
AS-VDh 127,09	dvacanasya kvacid avaśyaṃ bhāvāt | tatkauśale vā tadaprayogo 'bhīṣṭa eva, sarvasyānekāntātmano vastunaḥ pramāṇāt 
AS-VDh 127,10	sādhane sarvaṃ sad ityādivacane 'pi, syāt sarvaṃ sadevetyādisaṃpratyayotpatteḥ | iti prapañcato 'nyatra prarūpitam avagantavyam | 
AS-VDh 127,11	nanu ca jīvādidravyaṃ sadeva kathañcid ity asiddhaṃ, darśanāv agrahādiviśeṣavyatirekeṇa tasyānupalambhāt, 
AS-VDh 127,12	aśvaviṣāṇavad iti cen na, avagrahehāder anyonyaṃ svalakṣaṇavivekaikānte jīvāntaravatsvātmany api santā- 
AS-VDh 127,13	nabhedaprasaṅgāt | tathā ca yad eva mayā viṣayaviṣayisannipātadaśāyāṃ kiñcid ity ālokitaṃ tad eva varṇasaṃsthā- 
AS-VDh 127,14	nādisāmānyākāreṇāvagṛhītaṃ punaḥ pratiniyataviśeṣākāreṇehitaṃ tad evākāṅkṣitaviśeṣākāreṇāvetaṃ, punaḥ 
AS-VDh 127,15	kālāntarasmṛtihetutayāvadhāritaṃ, tad eva kālāntare tad ity ākāreṇa smṛtaṃ, punas tad evedam ity ākāreṇa pratyabhi- 
AS-VDh 127,16	jñātaṃ, tato yad itthaṃ kāryakṛt tad itthaṃ sarvatra sarvadeti tarkitaṃ, tatas tatkāryāvabodhanād abhinibuddhaṃ, tad eva ca 
AS-VDh 127,17	śabdayojanayā vikalpanirūpaṇayā vā parārthaṃ svārthaṃ vā śrutam ity anusandhānapratyayavad aham eka eva dṛṣṭā'vagṛhītehi- 
AS-VDh 127,18	tetyādyanusandhānabuddhir api na kvacid āspadaṃ badhnīyāt | tathāvidhavāsanāprabodhād anusaṃdhānābodhaprasiddhir iti 
AS-VDh 127,19	cet sā'nusaṃdhānavāsanā yady anusandhīyamānadarśanādibhyo bhinnā tadā saṃtānāntare darśanāvagrahādiṣv iva 
AS-VDh 127,20	svasaṃtāne 'pi nānusaṃdhānabodham upajanayet, aviśeṣāt | tadabhinnā cet tāvaddhā bhidyeta, na hi bhinnād abhinnam a- 
AS-VDh 127,21	bhinnaṃ nāmeti svayam abhidhānāt | tathā ca tatprabodhāt kathaṃ darśanāvagrahādiṣv ekam anusandhānajñānam utpadyeta ? 
AS-VDh 128,01	yadi punas tebhyaḥ kathañcid abhinnā vāsanānumanyate taddhetus tadā ahamahamikayātmā vivartānanubhavann anā- 
AS-VDh 128,02	dinidhanaḥ svalakṣaṇapratyakṣaḥ sarvalokānāṃ kvacic citravittikṣaṇe nīlādiviśeṣanirbhāsavadātmabhūtān 
AS-VDh 128,03	parasparato viviktān sahakramabhāvino guṇaparyāyān ātmasāt kurvan sann eva siddhaḥ, tasyaiva vāsaneti 
AS-VDh 128,04	nāmāntarakaraṇāt | tadekatvābhāve nīlādiviśeṣaniyatadarśananānāsaṃtānasaṃvedanakṣaṇavac citrasaṃvedanaṃ 
AS-VDh 128,05	na syāt |  kramavṛttisukhādīnām iva darśanāvagrahādīnām ekasaṃtānipatitatvād anusaṃdhānam anananibandhanatvam anuma- 
AS-VDh 128,06	tam iti cet tarhi saṃtatir ātmaiva | tathā kramavṛttīnāṃ sukhādīnāṃ matiśrutādīnāṃ vā tādātmyavigamai- 
AS-VDh 128,07	kānte saṃtatir anekapuruṣavan na syāt | sukhādimatyādīnāṃ nairantaryād avyabhicārikāryakāraṇabhāvād vāsya vāsaka- 
AS-VDh 128,08	bhāvāc cāparāmṛṣṭabhedānām ekā saṃtatiḥ, na punar ekapuruṣe, tadabhāvād iti cet tarhi nairantaryāder aviśeṣāt saṃtā- 
AS-VDh 128,09	navyatikaro 'pi kin na syāt ? na hi niyāmakaḥ kaścid viśeṣaḥ, anyatrābhedapariṇāmāt | saṃtānināṃ 
AS-VDh 128,10	bhedapariṇāma eva nābhedapariṇāmaḥ, saṃkaraprasaṅgād iti cen na, yenātmanā teṣām abhedas tena saddravyacetanatvādinā 
AS-VDh 128,11	saṃkarasyeṣṭatvāt, tenāpy asaṃkare harṣaviṣādādicitrapratipatter ayogāt | asti ca saikatrāpi viṣaye yatra 
AS-VDh 128,12	me harṣaḥ prāg abhūt tatraiva viṣādo dveṣo bhayādir vā vartate, aham eva ca harṣavān āsaṃ, saṃprati viṣādādimān varte 
AS-VDh 128,13	nānya iti kramataś citrapratipattir abādhā | tato jīvaḥ sann eva | evaṃ ca yathaikatra samanantarāv agrahādisadā- 
AS-VDh 128,14	disvabhāvasaṃkarapariṇāmas tathaiva sarvatra cetanācetaneṣu saṃpratyatītānāgateṣu, tatsvabhāvāvicchitteḥ | ataḥ 
AS-VDh 128,15	kathañcit sad eveṣṭaṃ jīvādi tattvaṃ, sakalabādhakābhāvāt | tarhi sad eva sarvaṃ jīvādivastu na punar asad iti 
AS-VDh 128,16	cen na, sarvapadārthānāṃ parasparam asaṃkarapratipatter asattvasyāpi siddheḥ, jīvājīvaprabhedānāṃ svasvabhāvavyavasthiter anya- 
AS-VDh 128,17	thānupapatteḥ | na kevalaṃ jīvājīvaprabhedāḥ sajātīyavijātīyavyāvṛttilakṣaṇāḥ, kiṃtu buddhikṣaṇe 'pi 
AS-VDh 128,18	kvacid grāhyagrāhakayoḥ sitādinirbhāsāṃśaparamāṇusaṃvittayo 'pi, parasparaparihārasthitilakṣaṇatvād anyathā 
AS-VDh 128,19	sthūlaśavalāvalokanābhāvāt tadekāṃśavat sarvathā parasparam avyāvṛttānāṃ grāhyagrāhakasitādinirbhāsāvayavapara- 
AS-VDh 128,20	māṇusaṃvittīnām ekaparamāṇusvarūpatāpatteḥ | na caikaparamāṇuḥ sthūlatayā śavalatayā vāvalokayituṃ śakyaḥ, 
AS-VDh 128,21	bhramaprasaṅgāt | tathā ca sakalacetanetararakṣaṇapariṇāmalavaviśeṣāḥ parasparaviviktātmānaḥ siddhā, 
AS-VDh 128,22	svasvabhāvasya svabhāvāntareṇa miśraṇābhāvāt | tadanyonyābhāvamātraṃ jagat | anyathā sarvathaikatvaprasaṅgāt 
AS-VDh 129,01	tatrānvayasya viśeṣāpekṣaṇād abhāvo vā, svatantrasya tasya jātucidapratibhāsanāt | tad iṣṭam asad eva kathañcit | 
AS-VDh 129,02	sarvathā bhāvā'bhāvobhayātmakam eva jagad astu, tatra bhāvasyābhāvasya ca pramāṇasiddhatvāt pratikṣeptum a- 
AS-VDh 129,03	śakyatvād ity aparaḥ so 'pi na tattvavit, suyuktyatilaṅghanāt | na hi bhāvābhāvaikāntayor niṣparyāyam aṅgī- 
AS-VDh 129,04	karaṇaṃ yuktaṃ, yathaivāsti, tathaiva nāstīti vipratiṣedhāt | tataḥ kathañcit sadasadātmakaṃ dravyaparyāya- 
AS-VDh 129,05	nayāpekṣayā | dravyanayāpekṣayaiva sarvaṃ sat paryāyanayāpekṣayaiva ca sarvam asadātmakaṃ, viparyaye tathaivāsaṃbha- 
AS-VDh 129,06	vāt | na hi dravyanayāpekṣayā sarvam asat saṃbhavati, nāpi paryāyanayāpekṣayā sarvaṃ sat, pratītivirodhāt | 
AS-VDh 129,07	bhāvābhāvasvabhāvarahitaṃ tadvilakṣaṇam eva vastu yuktam ity api na sāraṃ, sarvathā jātyantarakalpanāyāṃ vā 
AS-VDh 129,08	tadaṃśanibandhanaviśeṣapratipatter atyantābhāvaprasaṅgāt | na cāsāv asti, sadasadubhayātmake vastuni svarūpā- 
AS-VDh 129,09	dibhiḥ sattvasya pararūpādibhir asattvasya ca tadaṃśasya viśeṣapratipattinibandhanasya sunayapratītiniścitasya 
AS-VDh 129,10	prasiddheḥ dadhiguḍacāturjātakādidravyodbhave pānake tadaṃśadadhyādiviśeṣapratipattivat | na caivaṃ jātyantaram e- 
AS-VDh 129,11	vobhayātmakam iti yuktaṃ vaktuṃ, sarvathobhayarūpatve vā jātyantarapratipatter ayogāt pānakavad eva | na hi 
AS-VDh 129,12	tatra dadhyādaya eva na punar jātyantaraṃ pānakam ity abhidhātum ucitaṃ, pānakam idaṃ sukhādu surabhīti saṃpratyayāt | 
AS-VDh 129,13	tadvadvastuni na sadādyaṃśa eva pratītiviṣayaḥ, tadaṃśino jātyantarasya pratītyabhāvāpatteḥ | tathā cānavasthā- 
AS-VDh 129,14	didoṣānuṣaṅgaḥ | yenātmanā sattvaṃ tenāsattvasyābhyupagame yena cāsattvaṃ tena kathañcit sattvānumanane punaḥ 
AS-VDh 129,15	pratyekam ubhayarūpopagamād anavasthā syāt | tathānabhyupagame nobhayasvabhāvam aśeṣam iti te pratijñāvirodhaḥ | 
AS-VDh 129,16	yenātmanā sattvaṃ tenaivāsattve virodho vaiyadhikaraṇyaṃ vā śītoṣṇasparśaviśeṣavat | saṃkaravyatikarau ca, 
AS-VDh 129,17	yugapad ekatra sattvāsattvayoḥ prasakteḥ | parasparaviṣayagamanāc ca saṃśayaś ca, kathaṃ sattvaṃ kathaṃ cāsattvaṃ vastunīti 
AS-VDh 129,18	niścayānutpatteḥ | ata evāpratipattir abhāvaś cānuṣajyate | tataḥ pratipāditadoṣān parijihīrṣubhiḥ sarvaṃ 
AS-VDh 129,19	vastu tadiṣṭaṃ syād ubhayaṃ, na punaḥ sarvathā, syāt kāreṇa jātyantaratvasyāpi svīkaraṇāt | 
AS-VDh 129,20	tarhy astīti na bhaṇāmi, nāstiti ca na bhaṇāmi, yad api ca bhaṇāmi tad api na bhaṇāmīti darśanam astv iti 
AS-VDh 129,21	kaścit so 'pi pāpīyān | tathāhi | sadbhāvetarābhyām anabhilāpe vastunaḥ, kevalaṃ mūkatvaṃ jagataḥ syāt, vi- 
AS-VDh 129,22	dhipratiṣedhavyavahārāyogāt | na hi sarvātmanānabhilāpyasvabhāvaṃ buddhir adhyavasyati | na cānadhyavaseyaṃ 
AS-VDh 129,23	pramitaṃ nāma, gṛhītasyāpi tādṛśasyāgṛhītakalpatvāt | mūrcchācaitanyavad  iti | na hi nirvikalpaka-
AS-VDh 130,01	darśanapratibhāsi vastu vyavatiṣṭheta yenānabhilapann api tat paśyet | na so 'sti pratyayo loke yaḥ śabdānuga- 
AS-VDh 130,02	mādṛte | anuviddham ivābhāti sarvaṃ śabde pratiṣṭhitam | 1 | vāgrūpatā ced utkrāmed avabodhasya śāśvatī | na 
AS-VDh 130,03	prakāśaḥ prakāśeta sā hi pratyavamarśinī | 2 | iti darśanāntaram apy anālocitatattvaṃ, sarvātmanābhidheyatve 'pi 
AS-VDh 130,04	pratyakṣetarāviśeṣaprasaṅgāt | cakṣurādiśabdādisāmagrībhedāt pratyakṣetarayor viśeṣa iti cen na, pratyakṣād iva śabdā- 
AS-VDh 130,05	der api vastuviśeṣapratipatter aviśeṣasiddheḥ, pratyakṣagocaraviśeṣasya śabdāgocaratve 'nabhidheyatvāpatteḥ | pratyakṣā- 
AS-VDh 130,06	tmakaśabdagocaratvāt tasyāpy abhidheyatvam eveti cet tathaivānumānāgamajñānātmakaśabdaviṣayatvam astu | tataś ca pratyakṣe- 
AS-VDh 130,07	tarayoḥ spaṣṭaviśeṣapratibhāsitvasiddher aviśeṣaprasaṅgaḥ | tayo rviśeṣe tadātmakaśabdayor bhedaprasaṅgāt kutaḥ śabdādvai- 
AS-VDh 130,08	tasiddhiḥ ? syān matam "advaya eva śabdaḥ, kevalaṃ pratyakṣopādhiḥ spaṣṭaviśeṣapratibhāsātmakaḥ, śabdādyupādhiḥ 
AS-VDh 130,09	punar aspaṣṭasāmānyāvabhāsātmakaḥ, pītetaropādheḥ sphaṭikasya pītetarapratibhāsitvavat" iti tad asat, pratyakṣe- 
AS-VDh 130,10	taropādhīnām api śabdātmakatve bhedāsiddheḥ, tadanātmakatve śabdādvaitavyāghātāt, teṣām avastutve spaṣṭetara- 
AS-VDh 130,11	pratibhāsabhedanibandhanatvavirodhāt | tatpratibhāsasyāpy abhede, sa eva pratyakṣetarāviśeṣaprasaṅgaḥ | tathānābhi- 
AS-VDh 130,12	dheyatve 'pi satyetarayor abhedaḥ syāt yat sat tat sarvam akṣaṇikaṃ, kṣaṇike kramayaugapadyābhyām arthakriyāvirodhād i- 
AS-VDh 130,13	tyāder iva vākyasya yat sat tat kṣaṇikam eva, nitye kramākramābhyām arthakriyānupapatter ityāder api vākyasyāsatyatva- 
AS-VDh 130,14	prasaṅgād viparyayānuṣaṅgād vā, sarvathārthāsaṃsparśitattvāviśeṣāt, kasyacid anumānavākyasya kathañcid arthasaṃsparśitve 
AS-VDh 130,15	sarvathānabhidheyatvavirodhāt | so 'yaṃ saugataḥsvapakṣavipakṣayos tattvātattvapradarśanāya yat kiṃcit praṇayan 
AS-VDh 130,16	vastu sarvathānabhidheyaṃ pratijānātīti kim apy etan mahādbhutaṃ,  sarvathābhidheyarahitenānumānavākyena satya- 
AS-VDh 130,17	tvāsatyatvapradarśanasya praṇetum aśakteḥ, "sādhyābhidhānāt pakṣoktiḥ pāramparyeṇa nāpy alam | śaktasya sūcakaṃ 
AS-VDh 130,18	hetuvaco 'śaktam api svayam" iti vacanāt | svayaṃ tatkṛtāṃ vastusiddhim upajīvati, na tadvācyatāṃ ceti 
AS-VDh 130,19	svadṛṣṭirāgamātram anavasthānuṣaṅgāt, vastuno 'numānavākyavācyatānupajīvane tatkṛtāyāḥ siddher upajīva- 
AS-VDh 130,20	nāsaṃbhavāt, anabhimataprativādivacanād api tatsiddhiprasaṅgāt, svābhidheyarahitād api svavacanāt tattvasiddhi- 
AS-VDh 130,21	r upajīvyate, na punaḥ paravacanād iti katham apy avasthānāsaṃbhavāt | madvacanaṃ vastudarśanavaṃśaprabhavaṃ, na punaḥ para- 
AS-VDh 130,22	vacanam iti svadarśanānurāgamātraṃ, na tu parīkṣāpradhānaṃ, sarvasya vacaso vivakṣāviṣayatvāviśeṣāt | tato na 
AS-VDh 130,23	sarvathābhidheyaṃ vastutattvaṃ nāpy anabhidheyaṃ, bādhakasadbhāvāt | kiṃ tarhi ? kathañcid avācyam eva taveṣṭaṃ, kathañci-
AS-VDh 131,01	t sad eva, kathañcid asad eva, kathañcid ubhayam eveti | tathā caśabdāt kathañcit sad avācyam eva, sarvathāpy asato 'nabhidheya- 
AS-VDh 131,02	tvadharmāvyavasthiteḥ, kathañcid asad avācyam eva, sarvathāpi sato 'nabhilāpyatvasvabhāvāsaṃbhavāt, tadabhilāpyatvasyāpi 
AS-VDh 131,03	sadbhāvāt, kathañcit sad asadavācyam eva, svarūpapararūpābhyāṃ sadasadātmana evāvācyatvadharmaprasiddher ity api bhaṅga- 
AS-VDh 131,04	trayaṃ samuccitam ācāryaiḥ, 'avaktavyottarāḥ śeṣās trayo bhaṅgāḥ, svahetuta' ity agre svayaṃ samarthanāt, iha tatprati- 
AS-VDh 131,05	jñātasya siddher apratijñātasya samarthanāghaṭanāt kasyacit pratijñātasya sāmarthyād gamyamānasyāpi pratijñātatvopapatteḥ | 
AS-VDh 131,06	iti sādhīyasī saptabhaṅgī pratijñā, tathā naigamādinayayogāt | 
AS-VDh 131,07	tatra prathamadvitīyabhaṅgayos tāvan nayayogam upadarśayanti svāminaḥ —
ĀM-VDh 15
 		sad eva sarvaṃ ko necchet svarūpādicatuṣṭayāt | asad eva viparyāsān na cen na vyavatiṣṭhate || 15 || 
AS-VDh 131,09	sarvaṃ cetanam acetanaṃ vā dravyaṃ paryāyādi vā bhrāntam abhrāntaṃ vā svayam iṣṭam aniṣṭaṃ vā, sad eva svarūpādi- 
AS-VDh 131,10	catuṣṭayāt ko necchet ? asad eva pararūpādicatuṣṭayāt tadviparyayāt ko necchet ? api tu laukikaḥ parīkṣako vā 
AS-VDh 131,11	syādvādī sarvathaikāntavādī vā sacetanas tathecched eva, pratīter apahnotum aśakteḥ | atha svayam evaṃ pratīyann api kaści- 
AS-VDh 131,12	t kunayaviparyāsitamatir necchet sa na kvacid iṣṭe tattve vyavatiṣṭheta, svapararūpopādānāpohanavyavasthāpādyatvād vastuni 
AS-VDh 131,13	vastutvasya, svarūpād iva pararūpād api sattve cetanāder acetanāditvaprasaṅgāt tatsvātmavat, pararūpād iva svarūpād a- 
AS-VDh 131,14	py asattve sarvathā śūnyatāpatteḥ, svadravyād iva paradravyād api sattve dravyapratiniyamavirodhāt | saṃyogavibhāgā- 
AS-VDh 131,15	der anekadravyāśrayatve 'pi taddravyapratiniyamo na virudhyate eveti cen na, tasyānekadravyaguṇatve nānekadravyasyaiva 
AS-VDh 131,16	svadravyatvāt, svānāśrayadravyāntarasya paradravyatvāt tato 'pi sattve svāśrayadravyapratiniyamavyāghātasya tadavastha- 
AS-VDh 131,17	tvāt | tathā paradravyād iva svadravyād api kasyacid asattve sakaladravyānāśrayatvaprasaṅgād iṣṭadravyāśrayatvaviro- 
AS-VDh 131,18	dhāt | tathā svakṣetrād iva parakṣetrād api sattve kasyacit pratiniyatakṣetratvāvyavasthiteḥ | parakṣetrād iva svakṣetrād api 
AS-VDh 131,19	cāsattve niḥkṣetratāpatteḥ | tathā svakālād iva parakālād api sattve pratiniyatakālatvāvyavasthānāt | parakālā- 
AS-VDh 131,20	d iva svakālād apy asattve sakalakālāsaṃbhavitvaprasaṅgāt kva kiṃ vyavatiṣṭheta ? yataḥ sveṣṭāniṣṭatattvavyavasthā | 
AS-VDh 131,21	nanv evaṃ svarūpādīnāṃ svarūpādyantarasyābhāvāt kathaṃ vyavasthā syāt, bhāve vānavasthāprasaṅgāt | sudūram api 
AS-VDh 131,22	gattvā svarūpādyantarābhāve 'pi kasyacid vyavasthāyāṃ kim anayā prakriyayā svagṛhamānyayā yathāpratīti vastuvyava- 
AS-VDh 131,23	sthopapatter iti kaścit so 'pi vastusvarūpaparīkṣānabhimukho, vastupratīter eva tathā prarūpayitum upakrāntatvāt | 
AS-VDh 131,24	anyathā nānāniraṅkuśavipratipattīnāṃ nivārayitum aśakyatvāt | vastuno hi yathaivābādhitā pratītis tathaiva 
AS-VDh 132,01	svarūpaṃ, na ca tat tato 'nyad eva pratīyate yena svarūpāntaram apekṣeta | tathā pratītau vā tadupagame 'pi nānavasthā, 
AS-VDh 132,02	yatrāpratipattis tatra vyavasthopapatteḥ | tatra jīvasya tāvat sāmānyenopayogaḥ svarūpaṃ, tasya tallakṣa- 
AS-VDh 132,03	ṇatvāt, upayogo lakṣaṇam, iti vacanāt | tato 'nyo 'nupayogaḥ pararūpam | tābhyāṃ sadasattve pratīyete | 
AS-VDh 132,04	tadupayogasyāpi viśeṣato jñānasya svārthākāravyavasāyaḥ svarūpam | darśanasyānākāragrahaṇaṃ svarūpam | jñānasyāpi 
AS-VDh 132,05	parokṣasyāvaiśadyaṃ svarūpam | pratyakṣasya vaiśadyaṃ svarūpam | darśanasyāpi cakṣuracakṣurnimittasya cakṣurādyālocanaṃ 
AS-VDh 132,06	svarūpam | avadhidarśanasyāvadhyālocanaṃ svarūpam | parokṣasyāpi matijñānasyendriyānindriyanimittaṃ svārthākā- 
AS-VDh 132,07	ragrahaṇaṃ svarūpam | anindriyamātranimittaṃ śrutasya svarūpam | pratyakṣasyāpi vikalasyāvadhimanaḥparyayalakṣaṇasya 
AS-VDh 132,08	manokṣānapekṣaṃ spaṣṭātmārthagrahaṇaṃ svarūpam | sakalapratyakṣasya sarvadravyaparyāyasākṣātkaraṇaṃ svarūpam | tato 'nyat 
AS-VDh 132,09	sarvaṃ tu pararūpam | tābhyāṃ sadasattve pratipattavye | evam uttarottaraviśeṣāṇām api svapararūpe tadvidbhir abhyūhye 
AS-VDh 132,10	tadviśeṣaprativiśeṣāṇām anantatvāt | dravyakṣetrakālabhāvaviśeṣāṇām anenaiva pratidravyaparyāyaṃ svapararūpe pratipā- 
AS-VDh 132,11	dite | nanu ca jīvādidravyāṇāṃ ṣaṇṇām api kiṃ svadravyaṃ kiṃ vā paradravyam ? yataḥ sadasattve vyavatiṣṭhete, 
AS-VDh 132,12	dravyāntarasyāsaṃbhavād iti cen na, teṣām api śuddhaṃ saddravyam apekṣya sattvasya tatpratipakṣam asadbhāvam apekṣyāsattvasya 
AS-VDh 132,13	ca pratiṣṭhopapatteḥ | śuddhadravyasya svaparadravyavyavasthā katham ? tasya sakaladravyakṣetrakālabhāvātmakatvāt, 
AS-VDh 132,14	tadvyatirekeṇānyadravyādyabhāvād iti cen na, sakaladravyakṣetrakālabhāvān apekṣya sattvasya, tadabhāvam apekṣyāsattvasya 
AS-VDh 132,15	ca vyavasthiteḥ 'sattā sapratipakṣā' iti vacanāt | etena sakalakṣetrasya nabhaso 'nādyanantākhilakālasya ca 
AS-VDh 132,16	sakalakṣetrakālātmanaḥ pratiniyatakṣetrakālātmanaś ca svapararūpatvaṃ niścitam | ataḥ sadasattvavyavasthā | svarūpādi- 
AS-VDh 132,17	catuṣṭayād iti pyakhe karmaṇy upasaṃkhyānāt kā | svarūpādicatuṣṭayam apekṣya ko necchet sad eva sarvam ity arthaḥ | 
AS-VDh 132,18	etena viparyāsād iti vyākhyātam | 
AS-VDh 132,19	nanu svasattvasyaiva parāsattvasya pratīter na vastuni svapararūpādisattvāsattvayor bhedo, yataḥ prathamadvitīyabhaṅgau 
AS-VDh 132,20	ghaṭete, tadanyatareṇa gatārthatvāt | tadaghaṭane ca tṛtīyādibhaṅgābhāvāt kutaḥ saptabhaṅgīti cen na, svapararūpādi- 
AS-VDh 132,21	catuṣṭayāpekṣāyā svarūpabhedāt sattvāsattvayor ekavastuni bhedopapatteḥ, tayor abhede svarūpādicatuṣṭayāpekṣayeva pararūpā- 
AS-VDh 132,22	dicatuṣṭayāpekṣayāpi sattvaprasaṅgāt, tadapekṣayeva svarūpādyapekṣayāpi vā'sattvaprasakteḥ | na cāpekṣābhedāt kvaci-
AS-VDh 133,01	d dharmabhedapratītir bādhyate, badarāpekṣayā bilve sthūlatvasya mātuliṅgāpekṣayā sūkṣmatvasya ca pratīter bādhakābhā- 
AS-VDh 133,02	vāt | sarvasyāpekṣikasyāvāstavatve nīlanīlatarādeḥ sukhasukhatarādeś cāvāstavatvāpatter viśadaviśadatarādipra- 
AS-VDh 133,03	tyakṣasyāpi kutas tāttvikattvaṃ yato na saṃvidadvaitapraveśaḥ ? sa cāyukta eva, tadvyavasthāpakābhāvāt | 
AS-VDh 133,04	tataḥ syāt sadasadātmakāḥ padārthāḥ sarvasya sarvākaraṇāt | na hi paṭādayo ghaṭādivatkṣīrādyāhara- 
AS-VDh 133,05	ṇalakṣaṇām arthakriyāṃ kurvanti ghaṭādijñānaṃ vā | tadubhayātmani dṛṣṭāntaḥ sulabhaḥ, sarvapravādināṃ sveṣṭa- 
AS-VDh 133,06	tattvasya svarūpeṇa sattve 'niṣṭarūpeṇāsattve ca vivādābhāvāt tasyaiva ca dṛṣṭāntatopapatteḥ | nanu caikatra vastuni 
AS-VDh 133,07	sattvam asattvaṃ ca yuktiviruddhaṃ, parasparaviruddhayor dharmayor ekādhikaraṇatvāyogāt, śītoṣṇasparśavadbhinnādhikaraṇatva- 
AS-VDh 133,08	pratīter iti cen na, tayoḥ kathañcid arpitayor viruddhatvāsiddhes tathā pratipattisadbhāvāc ca | śābdetarapratyayayo- 
AS-VDh 133,09	r ekavastuviṣayayor ekātmasamavetayoḥ kāraṇaviśeṣavaśāt parivṛttātmanoḥ svabhāvabhede 'pi kathañcid eka- 
AS-VDh 133,10	tvam asty eva, vicchedānupalabdheḥ | na hi śābdapratyakṣaved anayor aspaṣṭetarapratibhāsanasvabhāvabhedosiddhaḥ, 
AS-VDh 133,11	pratītyapahnavaprasaṅgāt | nāpi tayor ekavastuviṣayatvam ekadravyāśrayatvaṃ cā'siddhaṃ, tatrānusandhānapratyayasadbhā- 
AS-VDh 133,12	vāt, yad eva mayā śrutaṃ tad eva dṛśyate, ya evāham aśrauṣaṃ sa eva paśyāmīti pratīter bādhakābhāvāt | tayo- 
AS-VDh 133,13	r dravyātmanaikatvam asty eva, vicchedasyānupalakṣaṇāt | nanūpādānopādeyakṣaṇayos tadbhāvād evānusaṃdhānasiddher vicche- 
AS-VDh 133,14	dānupalambhe 'pi naikatvasiddhiḥ, ekasantānatvasyaiva siddheḥ, ātmadravyasyābhāvād iti cen na, tadabhāve tayor upā- 
AS-VDh 133,15	dānopādeyatānupapatteḥ | upādānasya kāryakālam ātmānaṃ kathaṃcid anayataś cirataranivṛttāvivāviśe- 
AS-VDh 133,16	ṣāt kāryotpattāv api vyapadeśānupapattes tādṛśāṃ svarūpaikatvam asty eva | na ca savyetaraviṣāṇavat sarvathā 
AS-VDh 133,17	samānakālatopādānopādeyayor yatas tadbhāvo viruddhyeta, dravyasāmānyāpekṣayā tayor ekatvam iti mananāt | viśe- 
AS-VDh 133,18	ṣāpekṣayā tu nāsty eva tādṛśām ekatvam | na hi paurastyaḥ pāścātyaḥ svabhāvaḥ pāścātyo vā paura- 
AS-VDh 133,19	styaḥ | nanv evam ekatvaṃ mā bhūt pūrvāparapariṇāmānāṃ, kramasyaivāvasthānād akramasya tadviruddhatvād iti na manta- 
AS-VDh 133,20	vyaṃ yasmānnirapekṣas tatra kramo 'pi pratibhāsaviśeṣavaśāt prakalpyeta tadekatvād akramaḥ kin na syāt ? 
AS-VDh 133,21	pratibhāsaikatve 'pi tadakramānupagame pratibhāsaviśeṣavaśāt kramaḥ katham abhyupagamārhaḥ syāt ? sarvasya yathāpratibhāsaṃ 
AS-VDh 133,22	vastunaḥ pratiṣṭhānāt, pratibhāsamānayoḥ kramākramayor virodhānavataraṇād virodhasyānupalambhalakṣaṇatvāt | na ca 
AS-VDh 133,23	svarūpādinā vastunaḥ sattve tadaiva pararūpādibhir asattvasyānupalambho 'sti, yena sahānavasthānalakṣaṇo virodhaḥ śīto- 
AS-VDh 133,24	ṣṇasparśaviśeṣavat syāt | parasparaparihārasthitilakṣaṇas tu virodhaḥ sahaikatrāmraphalādau rūparasayor iva saṃbhavator eva 
AS-VDh 134,01	sadasattvayoḥ syāt, na punar asaṃbhavatoḥ saṃbhavad asaṃbhavator vā | etena vadhyaghātakabhāvo 'pi virodhaḥ phaṇinakulayo- 
AS-VDh 134,02	r iva balavadabalavatoḥ pratītaḥ sattvāsattvayor aśaṅkanīyaḥ kathitaḥ, tayoḥ samānabalatvād ity etadagre prapañcayiṣyate | 
AS-VDh 134,03	tadekānekākāram akramakramātmakam anvayavyatirekarūpaṃ sāmānyaviśeṣātmakaṃ sadasatpariṇāmaṃ 
AS-VDh 134,04	sthityutpattivināśātmakaṃ svapradeśaniyataṃ svaśarīravyāpinaṃ trikālagocaram ātmānaṃ paraṃ vā 
AS-VDh 134,05	kathañcit sākṣātkaroti parokṣayati vā keśādivivekavyāmugdhabuddhivat tādṛśaikacaitanyaṃ sukhādi- 
AS-VDh 134,06	bhedaṃ vastu svato 'nyataḥ sajātīyavijātīyād viviktalakṣaṇaṃ bibharti | anyathānavasthānāt kvacit ka- 
AS-VDh 134,07	thaṃcid aniyamaḥ syāt | sarvo hi laukikaḥ parīkṣakaś ca tāvad ekam akramātmakam anvayarūpaṃ sāmānyātmakaṃ 
AS-VDh 134,08	satpariṇāmaṃ sthityātmakam ātmānaṃ paraṃ vā bahirarthasaṃtānāntarākhyaṃ dravyāpekṣayā sākṣātkaroti, liṅgaśabdā- 
AS-VDh 134,09	dinā parokṣayati vā, bhāvāpekṣayā punar anekākāraṃ kramātmakaṃ vyatirekarūpaṃ viśeṣātmakam asatpariṇāmam utpatti- 
AS-VDh 134,10	vināśātmakaṃ, kṣetrāpekṣayā svapradeśaniyataṃ niścayanayataḥ, svaśarīravyāpinaṃ vyavahāranayataḥ, kālāpekṣayā 
AS-VDh 134,11	trikālagocaram | kathaṃ punar īdṛśam ātmānaṃ paraṃ vā sākṣātkaroti kathaṃ vā parokṣayati dravyādyapekṣayeti ced u- 
AS-VDh 134,12	cyate | sākṣātkaraṇayogyadravyādyātmanā mukhyato vyavahārato vā viśadajñānena sākṣātkaroti parokṣajñānayo- 
AS-VDh 134,13	gyadravyādyātmanā anumānādipramāṇenāviśadena parokṣayati, 'pratyakṣaṃ viśadaṃ jñānaṃ mukhyasaṃvyavahārataḥ | 
AS-VDh 134,14	parokṣaṃ śeṣavijñānaṃ pramāṇe iti saṃgrahaḥ' iti saṃkṣepataḥ pratyakṣaparokṣayor eva vastuparicchittau vyāpāravacanāt | 
AS-VDh 134,15	kathaṃ tarhi keśādivivekavyāmugdhabuddhiḥ puruṣo dṛṣṭāntaḥ samaḥ syād iti cet keśamaśakamakṣikādipratibhā- 
AS-VDh 134,16	sātmanā sattvapariṇāmaṃ sākṣātkurvan vivekādyātmanā ca kutaścid anuminvann upaśṛṇvan vā parokṣayan, avivekā- 
AS-VDh 134,17	divyāmohapratibhāsātmanā cāsattvapariṇāmaṃ kathañcit tu sākṣātkurvan parokṣayaṃś ca sama eva sa dṛṣṭāntaḥ tathā vaiṣa- 
AS-VDh 134,18	myābhāvāt | nanu ca tadvastu caitanyam evaikam akramādirūpaṃ bibharti, na punaḥ sukhādibhedam anekākāraṃ kramādyātmakaṃ, 
AS-VDh 134,19	sajātīyāc cetanavastuno vijātīyāc cācetanavastuno viviktasvarūpam | tam eva vā bibharti tādṛśaṃ, na punaścaitanyaṃ, 
AS-VDh 134,20	tattvataḥ ity abhyupagamayor ekatarānavasthāne 'nyatarasyāpy anavasthānād ubhayānavasthitiprasaṅgāt kvacid abhyupagate rūpe 
AS-VDh 134,21	kathaṃcit pratyakṣādiprakāreṇa svābhyupagamādiprakāreṇa ca niyamāsaṃbhavāt | sūktam īdṛśaṃ na cen na vyavatiṣṭhate iti | 
AS-VDh 135,01	tad evaṃ prathamadvitīyabhaṅgau nirdiśya tṛtīyādibhaṅgān nirdiśanti bhagavantaḥ | 
ĀM-VDh 16
 		kramārpitadvayād dvaitaṃ, sahāvācyam aśaktitaḥ | avaktavyottarāḥ śeṣās trayo bhaṅgāḥ svahetutaḥ || 16 || 
AS-VDh 135,03	kramārpitāt svapararūpādicatuṣṭayadvayāt kathaṃcid ubhayam iti dvaitaṃ vastu, dvābhyāṃ sadasattvābhyāmitasyaiva dvīta- 
AS-VDh 135,04	tvāt, svārthikasyāṇo vidhānād dvaitaśabdasya siddheḥ | svapararūpādicatuṣṭayāpekṣayā saha vaktum aśakter avācyaṃ, 
AS-VDh 135,05	tathāvidhasya padasya vākyasya vā kasyacid abhidhāyakasyāsaṃbhavāt | sadasadubhayabhaṅgās tv avaktavyottarāḥ śeṣāḥ 
AS-VDh 135,06	pañcamaṣaṣṭhasaptamāḥ, caturbhyo 'nyatvāt | te ca svahetuvaśān nirdeṣṭavyāḥ | tad yathā —kathañcit sad avaktavyam eva, 
AS-VDh 135,07	svarūpādicatuṣṭayāpekṣatve sati saha vaktum aśakteḥ | kathaṃcid asad avaktavyam eva, pararūpādicatuṣṭayāpekṣatve sati 
AS-VDh 135,08	saha vaktum aśakteḥ | kathaṃcit sadasad avaktavyam eva svapararūpādicatuṣṭayāpekṣatve sati saha vaktum aśakteḥ sadasadubhaya- 
AS-VDh 135,09	tvadharmeṣv anyatamāpāye vastunyavaktavyatvadharmānupapatteḥ | teṣāṃ tatra satām apy avivakṣāyāṃ kevalasyāvaktavyatvasya 
AS-VDh 135,10	bhaṅgasya vacanād virodhānavakāśaḥ | 
AS-VDh 135,11	nanu ca kramārpitadvayāt tāvad dvaitaṃ vastu | tat tu svarūpād ita eva sat pararūpād ita evāsat, na punas tadviparya- 
AS-VDh 135,12	yād iti kuto 'vasitam iti ced ucyate, svapararūpādyapekṣaṃ sadasadātmakaṃ, vastu, na viparyāsena, tathādarśa- 
AS-VDh 135,13	nāt | sakalajanasākṣikaṃ hi svarūpādicatuṣṭayāpekṣayā sattvasya pararūpādicatuṣṭayāpekṣayā cāsattvasya darśanaṃ, 
AS-VDh 135,14	tadviparītaprakāreṇa cādarśanaṃ vastunīti tatpramāṇayatā tathaiva vastu pratipattavyaṃ, anyathā pramāṇaprameyavyavasthānupa- 
AS-VDh 135,15	patteḥ | kalpayitvāpi tajjanmarūpādhyavasāyān svānupalambhavyāvṛttilakṣaṇaṃ darśanaṃ pramāṇayitavyam | 
AS-VDh 135,16	tathāhi | buddhir iyaṃ yayā prattyāsattyā kasyacid evākāram anukaroti tayā tam evārthaṃ niyamenopalabheta 
AS-VDh 135,17	nānyathā, pāramparyapariśramaṃ pariharet | nanu tajjanmatadrūpatadadhyavasāyeṣu satsu nīlādau darśanaṃ pramāṇam upalabhate, 
AS-VDh 135,18	tadanyatamāpāye tasya pramāṇatvāpratīter iti cen na, tadabhāve 'pi svānupalambhavyāvṛttisadbhāvād eva pramāṇatvaprasiddheḥ, 
AS-VDh 135,19	tajjanmanaś cakṣurādibhir vyabhicārāt tadrūpasya santānāntarasamānārthavijñānenānekāntāt, taddvayalakṣaṇasya samānārtha- 
AS-VDh 135,20	samanantarapratyayenānaikāntikatvāt trilakṣaṇasyāpi vibhramahetuphalavijñānair vyabhicārāt, kāmalādyupahataca-
AS-VDh 136,01	kṣuṣaḥ śukle śaṅkhe pītākārajñānād utpannasya tadrūpasya tadākārādhyavasāyino 'pi jñānasya svasamanantarapratyaye pramāṇatva- 
AS-VDh 136,02	bhāvāt | tadanabhyupagame svābhyupagamāsiddheḥ kiṃsādhanaḥ param upālabheta yato 'vaśyaṃ darśanaṃ niyatasvaviṣayānu- 
AS-VDh 136,03	palambhavyāvṛttilakṣaṇaṃ paraṃ viṣayānupalambhātmakaṃ na pramāṇayet | na hi svayaṃ pramāṇānabhyupagame svārthapratipattiḥ | 
AS-VDh 136,04	na cāpratipannam arthaṃ parasmai pratipādayitum īśaḥ param upālabdhuṃ vā parābhyupagatasyāpi pramāṇasya pratipatter ayogāt, 
AS-VDh 136,05	parābhyupagamāntarāt tatpratipattāvanavasthāprasaṅgāt | tadekopalambhaniyamaḥ svaparalakṣaṇābhyāṃ bhāvābhāvā- 
AS-VDh 136,06	tmānaṃ prasādhayati | tadabhāve na pravarteta nāpi nivarteta pramāṇāntaravat | svasyārthasya caikasyaivopalambho 
AS-VDh 136,07	hītarasyānupalambhaḥ, tasya vidhāyaka evānyasya niṣedhakaḥ, tatra pravartaka eva vā paratra nivartaka, iti tadeko- 
AS-VDh 136,08	palambhaniyamātkasyacit pravṛttinivṛttī sidhyataḥ | tadabhāve santānāntarapramāṇādivat pravartakān na kaści- 
AS-VDh 136,09	t pravarteta nivartakāc ca na nivartteta, apramāṇāt pravṛttau nivṛttau vā pramāṇānveṣaṇasya vaiyarthyādatiprasaṅgāc ca | tataḥ pramāṇaṃ 
AS-VDh 136,10	pratyakṣam anyad vā svārthopalambhātmanā parārthānupalambhātmanā na kramārpitena sadasadātmakaṃ siddham | tadvatprameyam api | 
AS-VDh 136,11	iti sarvaṃ vastu kramārpitadvayād dvaitaṃ ko necchet ? sarvasya vipratipattum aśakter anicchato 'pi tathā saṃpratyayāt | 
AS-VDh 136,12	katham avaktavyaṃ sarvam iti ced ucyate, niṣparyāyaṃ bhāvābhāvāvabhidhānaṃ nāñjasaiva viṣayīka- 
AS-VDh 136,13	roti, śabdaśaktisvābhāvyāt, sarvasya padasyaikapadārthaviṣayatvaprasiddheḥ sad iti padasyāsadaviṣayatvāt, 
AS-VDh 136,14	asad iti padasya ca sadaviṣayatvāt, anyathā tadanyatarapadaprayogasaṃśayāt, gaur iti padasyāpi digā- 
AS-VDh 136,15	dyanekārthaviṣayatayā prasiddhasya tattvato 'nekatvāt sādṛśyopacārād eva tasyaikatvena vyavaharaṇād anyathā sarvasyaikaśa- 
AS-VDh 136,16	bdavācyatvāpatteḥ pratyekam apy anekaśabdaprayogavaiphalyāt | yathaiva hi śabdabhedād dhruvo 'rthabhedas tathārthabhedād api 
AS-VDh 136,17	śabdabhedaḥ siddha eva, anyathā vācyavācakaniyamavyavahāravilopāt | etenaikasya vākyasya yugapadanekārtha- 
AS-VDh 136,18	viṣayatvaṃ pratyākhyātaṃ syāt sadasad eva sarvaṃ svapararūpādicatuṣṭayābhyām iti vākyasyāpi kramārpitobhayadharmavi- 
AS-VDh 136,19	ṣayatayor arīkṛtasyopacārād evaikatvābhidhānāt | tatrobhayaprādhānyasya kramaśo vivakṣitasya sadasacchabdābhyāṃ 
AS-VDh 136,20	dvandvavṛttau tadvākye vā svapadārthapradhānābhyām abhidhānād vā na doṣaḥ, sarvasya vākyasyaikakriyāpradhānatayaikārthavi-
AS-VDh 137,01	ṣayatvaprasiddheḥ | siddham ekārthanivedanaśaktisvabhāvatvaṃ śabdasya, vacanasūcanasāmarthyaviśeṣānatilaṅghanāt | 
AS-VDh 137,02	sad iti śabdasya hi sattvamātravacane sāmarthyaviśeṣo, nāsattvādyanekadharmavacane, syād iti śabdasya ca 
AS-VDh 137,03	vācakasyānekāntamātravacane sāmarthyaviśeṣo, na punar ekāntavacane tasyaiva dyotakasyāvivakṣitāśeṣadharmasūcane 
AS-VDh 137,04	sāmarthyaviśeṣo, na punar vivakṣitārthavacane, tadvācakaśabdaprayogavaiyarthyaprasakteḥ | na caivaṃ vidhivacanasūcana- 
AS-VDh 137,05	sāmarthyaviśeṣam atikramya pravartamānaḥ śabdaḥ prasiddhavṛddhavyavahāreṣūpalabhyate yato niṣparyāyaṃ bhāvābhāvāv abhida- 
AS-VDh 137,06	dhīta | syān mataṃ 'yathāsaṅketaṃ śabdasya pravṛttidarśanāt saha sadasattvadharmayoḥ saṃketitaḥ śabdas tadvācako na 
AS-VDh 137,07	virudhyate saṃjñāśabdavat, iti tad ayuktaṃ, saṅketānuvidhāne 'pi kartṛkarmaṇoḥ śaktaśaktyor anyataravyapade- 
AS-VDh 137,08	śārhatvādayo dāruvajralekhanavat | na hi yathāyaso dārulekhane kartuḥ śaktis tathā vajralekhane 'sti, yathā 
AS-VDh 137,09	vajralekhane tasyāśaktis tathā dārulekhane 'pīti śakyaṃ vaktum | nāpi yathā dāruṇaḥ karmaṇo 'yasālekhyatve 
AS-VDh 137,10	śaktis tathā vajrasyāsti yathā vā vajrasya tatrāśaktis tathā dāruṇo 'pīti niścayaḥ, kvacit kasyacit kartṛkarmaṇoḥ 
AS-VDh 137,11	śaktyor aśaktyoś ca pratiniyatatayā vyavasthitatvāt | tathā śabdasyāpi sakṛd ekasminn evārthe pratipādanaśaktir na 
AS-VDh 137,12	punar anekasmin, saṅketasya tacchaktivyapekṣayā tatra pravṛtteḥ | senāvanādiśabdasyāpi nānekatrārthe pravṛttiḥ, 
AS-VDh 137,13	karituragarathapadātiprattyāsattiviśeṣasyaikasya senāśabdenābhidhānāt | vanayūthapaṅktim ālāpānakagrāmādiśabdā- 
AS-VDh 137,14	nām apy etenaivānekārthapratipādanaparatvaṃ pratyākhyātam | katham evaṃ vṛkṣāv iti padaṃ dvyarthaṃ vṛkṣā iti ca bahvartham upa- 
AS-VDh 137,15	padyate iti cet keṣāñcid ekaśeṣārambhāt pareṣāṃ svābhāvikatvād abhidhānasyeti saṃgirāmahe | tatraikaśeṣapakṣe 
AS-VDh 137,16	dvābhyām eva vṛkṣaśabdābhyāṃ vṛkṣadvayasya, bahubhir eva ca vṛkṣaśabdair bahūnāṃ vṛkṣāṇām abhidhānān naikasya śabdasya 
AS-VDh 137,17	sakṛd anekārthaviṣayatvaṃ, śiṣṭaluptaśabdayoḥ sārūpyād abhidheyasāmyāc caikatvopacārād ekaśabdaprayogopapatteḥ | 
AS-VDh 137,18	svābhāvikatve tv abhidhānasya, vṛkṣaśabdo dvibahuvacanāntaḥ svabhāvata eva svābhidheyam arthaṃ dvitvabahutvaviśiṣṭam ā- 
AS-VDh 137,19	caṣṭe, tathā sāmarthyād anyathā śabdavyavahārānupapatteḥ | nanu ca vṛkṣā iti pratyayavatī prakṛtiḥ padam | tasya 
AS-VDh 137,20	vācyam anekam ekaṃ ca syādvādibhir iṣyate, na punar ekam eva | tathā coktam "anekam ekaṃ ca padasya vācyaṃ 
AS-VDh 137,21	vṛkṣā iti pratyayavatprakṛtyāḥ" iti kaścit, so 'py evaṃ praṣṭavyaḥ, kim ekam anekaṃ ca sakṛtpradhānabhāvena padasya 
AS-VDh 137,22	vācyam āhosvid guṇapradhānabhāvena ? iti | na tāvat prathamaḥ pakṣaḥ, tathā pratītyabhāvāt | vṛkṣadravyaṃ hi vṛkṣatvajā- 
AS-VDh 137,23	tidvāreṇa vṛkṣaśabdaḥ prakāśayati tato liṅgaṃ saṃkhyāṃ ceti śābdī pratītiḥ kramata eva | tad uktaṃ "svārtham a-
AS-VDh 138,01	bhidhāya śabdo nirapekṣo dravyam āha samavetam | samavetasya tu vacane liṅgaṃ saṃkhyāṃ vibhaktīś ca" iti | 
AS-VDh 138,02	pradhānabhāvena ca vṛkṣārthaḥ pratīyate, bahutvasaṃkhyā tu guṇabhāveneti na kasyacid virodhaḥ, pradhānaguṇabhāvapakṣasyai- 
AS-VDh 138,03	vābhimatatvāt, syād iti nipātenānekasya dharmasyākāṅkṣaṇenaikasyaiva pradhānasya guṇānapekṣasyāpavadanāt —
AS-VDh 138,04	sarvasya vācakatattvasya guṇapradhānārthatvāt, vācyatattvasya ca tathābhūtatvāt | tad uktam "ākāṅkṣiṇaḥ 
AS-VDh 138,05	syād iti vai nipāto guṇānapekṣe niyame 'pavādaḥ | guṇapradhānārtham idaṃ hi vākyaṃ jinasya te taddviṣatām apathyam" 
AS-VDh 138,06	iti | nanv evaṃ pradhānabhāvenāśeṣadharmātmakasya vastunaḥ prakāśakaṃ pramāṇavākyaṃ katham upapadyeta yena sakalādeśaḥ 
AS-VDh 138,07	pramāṇādhīnaḥ syād iti cet kālādibhir abhedenābhedopacāreṇa ca dravyaparyāyanayārpitena sakalasya vastunaḥ kathanā- 
AS-VDh 138,08	d iti brūmaḥ | dravyārthikanayāt tāvad ekasyaiva dravyasyānantaparyāyātmakasyādeśaḥ pramāṇavākyaṃ nānekārthaṃ, paryāyana- 
AS-VDh 138,09	yāc ca sakalaparyāyāṇāṃ kālādibhir abhinnānām abhedopacārād upacaritam ekam eva vastu pramāṇavākyasya viṣayaḥ 
AS-VDh 138,10	iti na kiṃcid vākyaṃ padavadanekārthaṃ sakṛt pradhānabhāvena vibhāvyate, saṃketasahasreṇāpi vācakavācyayoḥ 
AS-VDh 138,11	kartṛkarmaṇoḥ śaktyaśatkyor anatilaṅghanārhatvāt kāraṇakāryavad ity anavadyam | anyathā'cākṣuṣatvādayaḥ śabdā- 
AS-VDh 138,12	didharmā na bhaveyuḥ | śakyaṃ hi vaktuṃ, 'rūpavaccakṣurjñānajananaśaktiyuktaḥ śabdaś cākṣuṣa eva, rasavac ca rasana- 
AS-VDh 138,13	jñānajananasamartho rāsano, gandhādivac ca ghrāṇādijñānajananapaṭur ghrāṇīyādiḥ' iti na tasyācākṣuṣatvārāsana- 
AS-VDh 138,14	tvāghrāṇīyatvādayo dharmāḥ syuḥ, aśrāvaṇatvādayaś ca rasādidharmā na bhaveyuḥ | ato yāvanti pararūpāṇi tāva- 
AS-VDh 138,15	nty eva pratyātmaṃ svabhāvāntarāṇi, tathā pariṇāmāt, śabdādīnām anyathā svarūpāyogāt | yadi punaś ca- 
AS-VDh 138,16	kṣurādivijñānotpādanā'śaktyatikramasya sarvadāpy asaṃbhavād acākṣuṣatvādayaḥ śabdādidharmā eva śrāvaṇādijñāna- 
AS-VDh 138,17	jananaśaktyanatikramāc chrāvaṇatvādivad iti mataṃ tadā sadādipadasya sattvādyekadharmapratipādanaśaktyanatikramāt 
AS-VDh 138,18	pradhānabhāvārpitānekadharmābhidhānāśaktyanatilaṅghanāc ca nāneko 'rthaḥ sakṛt saṃbhavatīty anumanyatām | syād avaktavyam eva 
AS-VDh 138,19	sarvaṃ, yugapad vaktum aśakter iti bhaṅgacatuṣṭayam upapannam | 
AS-VDh 138,20	dravyaparyāyau vyastasamastau samāśritya caramabhaṅgatrayavyavasthānam | vyastaṃ dravyaṃ dravyaparyāyau 
AS-VDh 138,21	samastau sahārpitau samāśritya syāt sad avaktavyam eva sarvam iti vākyasya pravṛttiḥ, dravyāśrayaṇe 
AS-VDh 139,01	sadaṃśasya sahadravyaparyāyāśrayaṇe vaktum aśakter avaktavyatvasya vivakṣitatvāt | tathā vyastaṃ paryāyaṃ samastau 
AS-VDh 139,02	dravyaparyāyau cāśritya syād asad avaktavyam eva sarvam iti vacanavyavahāraḥ | vyastau kramārpitau samastau 
AS-VDh 139,03	sahārpirtau dravyaparyāyau samāśritya syāt sadasad avaktavyam eva sarvam iti śabdapravṛttiḥ syādvādāśrayaṇavyākhyānā- 
AS-VDh 139,04	d evam eva caramabhaṅgatrayasya vyavasthānāt | paramatāpekṣayā tu satsāmānyam anvayi dravyam āśritya sad avaktavyam eva, 
AS-VDh 139,05	svalakṣaṇalakṣaṇaṃ viśeṣaṃ paryāyam āśrityānyāpohasāmānyam asad avaktavyam eva, sāmānyaviśeṣau parasparam atyanta- 
AS-VDh 139,06	bhinnau dravyaparyāyau samuditau samāśritya sadasad avaktavyam eveti vyākhyānam akalaṅkadevair vyadhāyi | tatra vastu 
AS-VDh 139,07	satsāmānyaṃ kathaṃ sad apy avaktavyam iti cet tasya parābhyupagamāt sato 'pi vacanānupapatteḥ | 
AS-VDh 139,08	na khalu sarvātmanā sāmānyaṃ vācyaṃ, tatpratipatter arthakriyāṃ pratyanupayogāt | na hi gotvaṃ vāhado- 
AS-VDh 139,09	hādāv upayujyate, svaviṣayajñānamātre 'pi tasyā'sāmarthyāt | vyaktisahitasya sāmānyasya tatra sāmarthye 'pi na prati- 
AS-VDh 139,10	pannasakalavyaktisahitasya sāmarthyam, asarvajñasya sakalavyaktipratipatteḥ sakṛdasaṃbhavāt | apratipannākhilavyakti- 
AS-VDh 139,11	bhiḥ sahitasya sāmarthye punar ekavyaktare 'py agrahaṇe sāmānyajñānaprasaṅgaḥ | katipayavyaktisahitasya sāmarthye tasya 
AS-VDh 139,12	tābhir upakārānupakāravikalpadvayānatikramaḥ | prathamavikalpe sāmānyasya vyaktikāryatvaprasaṅgaḥ tadabhinnasyopa- 
AS-VDh 139,13	kārasya karaṇāt | tato bhinnasya karaṇe vyapadeśāsiddhiḥ | tatkṛtopakāreṇāpi tasyopakārāntarakaraṇe 'nava- 
AS-VDh 139,14	sthānam | dvitīyavikalpe vyaktisahabhāvavaiyarthyam, akiñcitkarasahakārivirahāt | sāmānyena sahaikajñāne 
AS-VDh 139,15	vyāpārād vyaktīnāṃ tatsahakāritve 'pi kim ālambanabhāvena tatra tāsāṃ vyāpāro 'dhipatitvena vā ? prācyakalpa- 
AS-VDh 139,16	nāyām ekānekākāraṃ sāmānyaviśeṣajñānaṃ syān na punar ekasāmānyajñānaṃ, svālambanānurūpatvāt sakalavijñānasya | 
AS-VDh 139,17	dvitīyakalpanāyāṃ tu vyaktīnām anadhigame 'pi sāmānyajñānaprasaṅgaḥ | na hi rūpajñāne cakṣuṣo 'dhigatasyādhipa- 
AS-VDh 139,18	titvena vyāpāro 'sty apūrvasya vā | sarvathā nityasya sāmānyasya kramākramābhyām arthakriyāvirodhāc ca na tasya 
AS-VDh 139,19	kasyāñcid arthakriyāyām upayogo yatas tatpratipādanāya śabdaprayogaḥ syāt | tato nārthe kasyacit pravṛttir upapadyeta | 
AS-VDh 139,20	lakṣitalakṣaṇayā vṛttiḥ kathaṃcid atādātmye na bhavate, saṃbandhāntarāsiddheḥ kārmukādivat | na hi 
AS-VDh 140,01	yathā kārmukapuruṣayoḥ saṃyogaḥ saṃbandhaḥ siddhas tathā sāmānyaviśeṣayor api | na ca samavāyaḥ padārthāntarabhūtaḥ, 
AS-VDh 140,02	tatpratītyabhāvāt | pratīyamānas tu samavāyaḥ kathaṃcit tādātmyam eva, aviṣvagbhāvalakṣaṇatvāt tasya | iti 
AS-VDh 140,03	śabdena lakṣitaṃ sāmānyaṃ viśeṣān lakṣayati | tatas tatrārthakriyārthinaḥ pravṛttir asaṃbandhān nopapadyeta saṃyogasama- 
AS-VDh 140,04	vāyavyatiriktasya saṃbandhāntarasyāsiddheḥ | viśeṣaṇaviśeṣyabhāvaḥ saṃbandhāntaram iti cen na, tasyāpi svasaṃba- 
AS-VDh 140,05	ndhivyatirekaikānte saṃbandhāntarāpekṣaṇasyāvaśyaṃbhāvād anavasthāprasaṅgāt, tasya kathaṃcit svasaṃbandhitād ātmye 
AS-VDh 140,06	svasiddhāntavirodhāt | etenāvinābhāvaḥ saṃbandhas tayoḥ pratyuktaḥ | sāmānyaviśeṣayoḥ sāmānyaviśeṣabhāva 
AS-VDh 140,07	eva saṃbandha ity api mithyā, kathañcid atādātmye tadanupapatteḥ sahyavindhyavat | tan na nityasarvagatā- 
AS-VDh 140,08	mūrtaikarūpaṃ sāmānyaṃ sarvathā vyaktibhyo bhinnam anyadvā vācyam, arthakriyāyāṃ sākṣātparamparayā vānupayogāt | 
AS-VDh 140,09	tādṛśo 'nupalambhāt saṃketo 'pi na sidhyet | na cāsaṃketitam api sāmānyaṃ vācyaṃ nāma, atiprasaṅgāt | 
AS-VDh 140,10	satāpi tādṛśāny avyāvṛttyātmanā bhavitavyam, anyathā viśeṣavatsvabhāvahāniprasaṅgāt viśeṣāṇāṃ 
AS-VDh 140,11	vā tadvat tato vyāvṛtteḥ | parāparasāmānyayoḥ parasparaṃ svāśrayāc ca kathaṃcid avyāvṛttau svarūpasaṃkarāt pratini- 
AS-VDh 140,12	yatasvabhāvahāner avaśyaṃbhāvād viśeṣavat tadvato 'rthasyāpy abhāva iti sarvābhāvaḥ prasajyeta | sāmānyavādināṃ 
AS-VDh 140,13	tadabhyupagamamātrāt sad apy avaktavyam eva sāmānyam | 
AS-VDh 140,14	tathā svalakṣaṇaikāntavādināṃ na svalakṣaṇaṃ vācyaṃ, tasyānantyāt saṃketāviṣayatvād ananvayāc chabdavyavahārāyo- 
AS-VDh 140,15	gyatvāt | na cānyāpohaḥ sarvathārthaḥ śabdasya vikalpasya vā, svaviṣayavidhinirapekṣasya guṇabhāve- 
AS-VDh 140,16	nāpy anyāpohasya śabdena vaktum aśakter vikalpena ca niścayanāyogāt | sādhanavacanam eva trirūpaliṅgaprakā- 
AS-VDh 140,17	śakaṃ, na tato 'nyadvacanaṃ, tasya vivakṣāmātre 'pi saṃbhāvanāyā evopagamād iti cen na, tasyāpy anyāpohamā- 
AS-VDh 140,18	trārthatvāt 'apohaḥ śabdaliṅgābhyāṃ na vastu vidhi nocyate' iti vacanāt, saty api ca sādhanavacanena 
AS-VDh 140,19	nityatvasamāropavyavacchede svalakṣaṇasyānityatvāsiddhau sādhanavacanānarthakyāt | na śabdasya 
AS-VDh 140,20	parārthānumānarūpasya vikalpasya vā svārthānumānajñānarūpasya sarvathānyāpoho 'rthaḥ śreyān | 
AS-VDh 140,21	yat sattat sarvam anityaṃ nitye kramayaugapadyābhyām arthakriyāvirodhād iti sādhanavacanena nityatvasamāropavyava- 
AS-VDh 140,22	ccheda eva svalakṣaṇasyānityatvasiddhiḥ | ato na tasyānarthakyam iti cet katham itthaṃ sarvathānyāpoho 'rthaḥ 
AS-VDh 141,01	samarthyate, svalakṣaṇakṣaṇakṣayasya vidhānāt | dṛśyavikalpyayoḥ svalakṣaṇasāmānyayor ekatvādhyavasāyāt 
AS-VDh 141,02	tatkṣaṇakṣayasya vidhiḥ, na punar vastunaḥ sarvathā vikalpābhidhānayor vastusaṃsparśābhāvād iti cen na, svalakṣaṇasāmā- 
AS-VDh 141,03	nyayor ekatvādhyavasāyinā vikalpena svalakṣaṇasyāgrahaṇāt, agṛhītena saha sāmānyasyaikatvādhyavasāsaṃbhavāt, 
AS-VDh 141,04	anyathātiprasaṅgāt | pratyakṣataḥ pramitena svalakṣaṇena tasyaikatvādhyavasānam iti cen nanv evaṃ vikalpābhidhā- 
AS-VDh 141,05	nayor vastusaṃsparśābhāve svalakṣaṇadarśanasyākṛtanirṇayasya vastusannidher aviśeṣāt kiṃ kena pramitaṃ syāt ? 
AS-VDh 141,06	na hi mithyādhyavasāyena tattvavyavasthāpanaṃ, saṃśayaviparyāsakāriṇāpi darśanena svalakṣaṇasya pramitatvapra- 
AS-VDh 141,07	saṅgāt | vastusaṃsparśābhāvāviśeṣe 'pi nirṇayasya janakaṃ darśanaṃ svalakṣaṇasya pramāṇaṃ, na punaḥ saṃśayāder iti 
AS-VDh 141,08	vadann ātmano 'nātmajñatām āvedayati | nanu ca nirṇayena darśanaviṣayasamāropasya vyavacchedāt tajjanakaṃ darśanaṃ pramāṇaṃ, 
AS-VDh 141,09	na tu saṃśayāder janakaṃ, tena tadavyavacchedāt, asamāropitāṃśe darśanasya prāmāṇyāt 'kvacid dṛṣṭe 'pi yaj jñānaṃ 
AS-VDh 141,10	sāmānyārthaṃ vikalpakam | asamāropitānyāṃśe tanmātrāpohagocaram' iti vacanān noktopālambha iti cen na, 
AS-VDh 141,11	samāropavyavacchedavikalpasya svasaṃvedanavyavasthāne 'pi vikalpāntarāpekṣatvaprasaṅgān nīlādisvalakṣaṇadarśanavanni- 
AS-VDh 141,12	rvikalpakatvāviśeṣāt | vastudarśanasamāropavyavacchedayor anyatarasyāpi svatas tattvāpariniṣṭhitāv itare- 
AS-VDh 141,13	tarāśrayadoṣaḥ | samāropo hi yena vyavacchidyate sa niścayaḥ | svarūpam aniścinvann api yadi svataḥ 
AS-VDh 141,14	pariniṣṭhāpayet tadā vastudarśanam api, viśeṣābhāvāt | tathā ca kiṃ niścayāpekṣayā ? vastudarśanasya niścayāpe- 
AS-VDh 141,15	kṣāyāṃ vā niścayasvarūpasaṃvedanasyāpi niścayāntarāpekṣaṇād anavasthā syāt | niścayād vastudarśanasya pariniṣṭhitau 
AS-VDh 141,16	vastudarśanāc ca niścayasvarūpasya parasparāśrayadoṣaḥ syāt | tato na vikalpavacchabdasya sarvathānyāpoho 'rthaḥ | 
AS-VDh 141,17	etenātatkāryakāraṇavyāvṛttir ekapratyavamarśādijñānād ekārthasādhane hetur atyantabhede 'pīndriyādivatsamuditetaraguḍū- 
AS-VDh 141,18	cyādivac ca jvaropaśamanādāv iti vadannirākṛtaḥ, sarvathā tato vastuni pravṛttyayogāt | samayādarśino 'pi 
AS-VDh 141,19	kvacid anvayabuddhyabhidhānavyavahāro 'tatkāryakāraṇavyatirekavyavasthāyāṃ guḍūcyādyudāharaṇaprakḷptiṃ 
AS-VDh 141,20	viparyāsayati, tasya vastubhūtārthasādṛśyapariṇāmasādhanatvāt | na hi guḍūcyādayo jvaropaśamanaśakti-
AS-VDh 142,01	samānapariṇāmābhāve jvaropaśamahetavo na punar dadhitrapuṣādayo 'pīti śakyavyavasthaṃ, cakṣurādayo vā rūpajñānahe- 
AS-VDh 142,02	tavas tajjananaśaktisamānapariṇāmavirahiṇo 'pi na punā rasādaya iti nirnibandhanā vyavasthitiḥ | atatkārya- 
AS-VDh 142,03	kāraṇavyāvṛttinibandhanā seti cet kathaṃ tatkāraṇakāryajanyajanakaśaktisamānapariṇāmābhāve 'pi keṣāṃcid atatkā- 
AS-VDh 142,04	raṇakāryavyāvṛttiḥ sidhyed iti prakṛtam udāharaṇaṃ karkādivyaktīnām aśvatvādipratyayaṃ tathā samānapariṇāmahetukaṃ 
AS-VDh 142,05	sādhayati ? iti viparyāsasādhanam anyāpohavādinām | tato 'mīṣām anyāpohasāmānyam asad avaktavyam eva | etena 
AS-VDh 142,06	svalakṣaṇānyāpohadvayaṃ sadasadavaktavyam eva saugatānām āpāditam unneyaṃ, svalakṣaṇasya sato 'py anyāpohasya cāsato 'pi 
AS-VDh 142,07	vaktum aśakyatvāt | iti paramatāpekṣayā caramabhaṅgatrayam udāhṛtam | 
AS-VDh 142,08	nanv astitvam eva vastunaḥ svarūpaṃ, na punar nāstitvaṃ, tasya pararūpāśrayatvād anyathātiprasaṅgād iti vadantaṃ 
AS-VDh 142,09	vādinaṃ pratyāhur ācāryāḥ | 
ĀM-VDh 17
 		astitvaṃ pratiṣedhyenāvinābhāvyekadharmiṇi | viśeṣaṇatvāt sādharmyaṃ yathā bhedavivakṣayā || 17 || 
AS-VDh 142,11	eko dharmī jīvādiḥ | tatrāstitvaṃ nāstitvena pratiṣedhyenāvinābhāvi, na punar bhinnādhikaraṇaṇaṃ, viśeṣaṇa- 
AS-VDh 142,12	tvāt | yathā hetau sādharmyaṃ vaidharmyeṇa bhedavivakṣayā sarveṣāṃ hetuvādināṃ kvacid anumānaprayoge prasiddham | 
AS-VDh 142,13	sarvasya nityatvānityatvādisādhane hetau sādharmyasya vyatirekāvinābhāvino 'saṃbhavād ayuktam udāharaṇam iti cen na, 
AS-VDh 142,14	tatrāpi tadubhayasadbhāvāt | tathā hi | sarvam ittham anitthaṃ veti pratijñāyā'bhipretya vā prameyatvādihe- 
AS-VDh 142,15	tūpādāne 'pi vyatireko 'sty eva, prameyatvasya vastudharmatvāt | pariṇāmī jīvaḥ śabdādir vā nāpariṇāmīti 
AS-VDh 142,16	vā, sarvaṃ cetanam acetanaṃ vā vivādāpannam ittham anitthaṃ vā pratijñāprayogavādī pratipādyānurodhataḥ pratijñāya, 
AS-VDh 142,17	saugatapratipādyāśayato 'bhipretya vā prameyatvāt sattvād vastutvād arthakriyākāritvād ityādihetūnām upādāne 'pi vādi- 
AS-VDh 142,18	prativādiprasiddhe 'rthe 'nvayavatkhapuṣpādau sādhyadharmanivṛttau sādhanadharmanivṛttilakṣaṇo vyatireko 'sty eva | khapuṣpāda- 
AS-VDh 142,19	yo 'pi tatra vyavahāram icchatā prameyāḥ pratipattavyā iti na kiñcit pramāṇaṃ prameyābhāvasyāpi 
AS-VDh 142,20	tathābhāvānuṣaṅgeṇāvyavasthāprasaṅgāt | na caitad viruddhaṃ svalakṣaṇam anirdeśyam ityādivat | na hi svala- 
AS-VDh 142,21	kṣaṇasyānirdeśyasyāpy anirdeśyaśabdena nirdeśe virodho 'sti | nāpi pratyakṣaṃ kalpanāpoḍham api | kalpanāpoḍhatvena 
AS-VDh 142,22	kalpayataḥ kiñcid virudhyate, sarvathā tadvyavahārāpahnavaprasaṅgāt | tathaiva khapuṣpādayo 'prameyā iti vyavaharato 'pi 
AS-VDh 142,23	na teṣām aprameyatvaṃ virudhyate, tatpramitau pramāṇābhāvāt prameyābhāvavat | tadabhāve 'pi khapuṣpādīnāṃ prameyatve 
AS-VDh 143,01	prameyābhāvasyāpi prameyatvānuṣaṅgaḥ | tathā ca prameyatadabhāvavyavasthā katham āsthīyeta ? etena khapuṣpādayaḥ 
AS-VDh 143,02	prameyāḥ śabdavikalpaviṣayatvād ghaṭādivad ity anumānaṃ pratyuktaṃ, hetoḥ prameyābhāvena vyabhicārāt | pratyakṣānu- 
AS-VDh 143,03	mānābhyāṃ pramīyamāṇatvāt prameyāḥ khapuṣpādaya iti cen na, asiddhatvāt sādhanasya | tathā hi | te na pratyakṣeṇa 
AS-VDh 143,04	pramīyamāṇāḥ, tatra svākārānarpakatvāt | nāpy anumānena, svabhāvakāryapratibandhābhāvāt | svabhāvena kenacit teṣāṃ 
AS-VDh 143,05	pratibandhe nissvabhāvatvavirodhāt, kāryeṇa ca pratibandhe 'narthakriyākāritvavyāghātāt santaḥ khapuṣpādayo 
AS-VDh 143,06	vyavahriyeran | darśane svākāram anarpayatā svabhāvakāryapratibandhābhāve prameyatvaṃ pramāṇāntaram avaśyam ā- 
AS-VDh 143,07	karṣati | tato vipratiṣiddham etat khapuṣpādīnāṃ prameyatvaṃ, pramāṇadvayaniyamavirodhāt | na ca pramāṇānta- 
AS-VDh 143,08	reṇāpi pramīyamāṇās te, pramāṇaviṣayatvadharmasyānāśrayatvāt | anyathā vastutvāpatteḥ sadasadvyavasthānupapattes ta- 
AS-VDh 143,09	dvyavahārābhāvaḥ | na ca svalakṣaṇam evānyāpohaḥ sarvathā vidhiniyamayor ekatānatvāsaṃbhavāt | 
AS-VDh 143,10	puṣparahitaṃ kham eva khe puṣpābhāvaḥ, śaśādaya eva ca viṣāṇarahitāḥ śaśādiṣu viṣāṇābhāva ity ekaviṣayau 
AS-VDh 143,11	khaśaśāditatpuṣpaviṣāṇavidhiniyamau saṃbhavata eveti cen na, gaganaśaśādīnāṃ bhāvābhāvasvabhāvabhedād vidhi- 
AS-VDh 143,12	niyamopalabdheś ca, anyathānubhavābhāvāt | śabdavikalpaviśeṣāt saṃketaviśeṣāpekṣād ekatra viṣaye vidhiniya- 
AS-VDh 143,13	mayoḥ saṃbhava iti cen na, saṃketaviśeṣasya vastusvabhāvaviśeṣanibandhanatvāt | tatsvabhāvabhedābhāve ca 
AS-VDh 143,14	saṃketaviśeṣānupapatter abhidhānapratyayaviśeṣo 'pi mā bhūt tadanyataravat | nanv anindrasvabhāve 'pi padārthe 
AS-VDh 143,15	vyavahartṛsaṃketaviśeṣād indrābhidhānapratyayaviśeṣadarśanān na vastusvabhāvabhedanibandhanaḥ saṃketaviśeṣaḥ siddho yato 
AS-VDh 143,16	vastusvabhāvabhedābhāve saṃketaviśeṣānupapattiḥ, tato 'bhidhānapratyayaviśeṣaś ca na syāt, kham asti, tatpuṣpaṃ nāstīti, 
AS-VDh 143,17	tasyānādivāsanodbhūtavikalpapariniṣṭhitatvāt | iti kaścit so 'py ananubhūtavastusvabhāvaḥ, śabdasya sarvārthaprati- 
AS-VDh 143,18	pādanaśaktivaicitryasiddheḥ, padārthasya ca sarvasya sarvaśabdavācyatvaśaktinānātvāt pradhānaguṇabhāvād abhidhāna- 
AS-VDh 143,19	vyavahāraprasiddheḥ | kvacit padārthe 'nindrasvabhāve 'pīndraśabdavācyaśaktisadbhāvād vyavahartṛsaṃketaviśeṣād indrābhi- 
AS-VDh 143,20	dhānapratyayaviśeṣasiddher vastusvabhāvabhedanibandhana eva saṃketaviśeṣa iti na tadabhāve bhavitum utsahate, yataḥ 
AS-VDh 144,01	pratyayaviśeṣaḥ syāt | katham anyathā khapuṣpavatkhe 'pi nāstīti pratyayo na bhavet ? khavad vā khapuṣpe 'py astīti 
AS-VDh 144,02	pratyayaḥ kuto na syāt ? tayor anyataratrobhāv api pratyayau kuto na syātām ? saṃketaviśeṣasya sarvathā vastu- 
AS-VDh 144,03	svabhāvabhedānapekṣasya saṃbhavāt | pratiniyataś ca vidhiniyamapratyayaviśeṣaḥ sakalabādhakavikalaḥ saṃlakṣyate | 
AS-VDh 144,04	tato yāvanti pararūpāṇi pratyekaṃ tāvantas tataḥ parāvṛttilakṣaṇāḥ svabhāvabhedāḥ pratikṣaṇaṃ pratyetavyāḥ, 
AS-VDh 144,05	svalakṣaṇam evānyāpoha iti vyavasthāpayitum aśakteḥ, tasya saṃbandhyantarāpekṣatvāt | na ca saṃbandhyantarāṇi 
AS-VDh 144,06	svalakṣaṇasya svarūpabhūtāny eva, teṣāṃ pararūpatvād anyathā tataḥ parāvṛtter anupapatteḥ | pararūpāṇy api yadi saṃba- 
AS-VDh 144,07	ndhyantarāṇi bhāvasvabhāvabhedakāni na syus tadā nityatve 'pi kasyacit saṃbandhyantareṣu kādācit keṣu 
AS-VDh 144,08	kramaśo 'rthakriyā na vai vipratiṣidhyeta | śakyaṃ hi vaktuṃ, kramavartīni kāraṇāni tattannirvartanātma- 
AS-VDh 144,09	kānīti nityaṃ svabhāvaṃ na vai jahāti kṣaṇikasāmagrīsannipatitaikatamavat | tad etat tadā tattat kartuṃ samartha- 
AS-VDh 144,10	m ekaṃ svabhāvam avicalitaṃ bibhrāṇaṃ sahakārikāraṇāni svabhāvasyābhedakāni nānākāryanibandhanāni 
AS-VDh 144,11	kādācit kāni pratīkṣate iti | na caivaṃ vacane viṣamam udāharaṇaṃ, kṣityudakabījātapādisāmagryām antyakṣaṇa- 
AS-VDh 144,12	prāptāyāṃ sannipatitasyaikatamasya kāraṇasya śeṣeṣu kāraṇeṣu yavāṅkurādikāryanirvartanātmakeṣu satsv api svabhāvā- 
AS-VDh 144,13	bhedasya kṣaṇikavādinaḥ siddhatvāt | tad ime 'rthā vidhipratiṣedhābhyāṃ saṃpratibaddhā na pratibandham ati- 
AS-VDh 144,14	vartante vastuta eva | tato na saṃvṛtis tadvyavahārāya bhedam āvṛttya tiṣṭhatīti yuktaṃ, vidhipratiṣedhasaṃba- 
AS-VDh 144,15	ndhaśūnyasya bhedasya svalakṣaṇalakṣaṇasya sākṣādadhyakṣato 'nupalakṣaṇāt tathānumānād apy apratipatter vidheḥ pratiṣedhasya 
AS-VDh 144,16	cāpahnave vyavahārāghaṭanāt, saṃvṛtes tam āvṛttya sthitivirodhāt, paramārthata eva bhāvasyānekasvabhāvasya pratīteḥ | 
AS-VDh 144,17	tadanekasvabhāvābhāve vinirbhāsāsaṃbhavād ātmani paratra cāsaṃbhavinam ākāram ādarśayatīti mugdhāyate 
AS-VDh 144,18	sarvatrāsahāyarūpānupalabdheḥ | jātucinniraṃśarūpopalabdhau hi nānārūpopalabdhiḥ saṃvṛtir ātmani parasmiṃ- 
AS-VDh 144,19	ś cāvidyamānam ākāraṃ darśayatīti yuktaṃ vaktuṃ, nānyathā, atiprasaṅgāt | yadi punar anādyavidyodayād akhilajana- 
AS-VDh 144,20	syāsahāyarūpānupalabdhir jātataimirikasyaikacandrānupalabdhivad iti mataṃ tadā 'guṇānāṃ sumahadrūpaṃ na dṛṣṭipatham ṛ- 
AS-VDh 144,21	cchati | yat tu dṛṣṭipathaprāptaṃ tan māyeva sutucchakam | ? sarvaṃ puruṣa evedaṃ neha nānāsti kiñcana | ārāmaṃ 
AS-VDh 144,22	tasya paśyanti na taṃ kaścana paśyati | 2 | ' ity api kin na syāt ? sarvathāpy aviśeṣāt | tad iyaṃ saṃvṛtiḥ 
AS-VDh 144,23	sāmānyasāmānādhikaraṇyaviśeṣaṇaviśeṣyabhāvādivyavahāranirbhāsān bibhratī svayam anekarūpatāṃ 
AS-VDh 145,01	pratikṣipantaṃ vyavasthāpayati, tām antareṇa sāmānyādivyavahāranirbhāsasaṃvṛtyanupapatteḥ | tadvadbhāvāntarā- 
AS-VDh 145,02	ṇām anekāntātmakatve vāstavī sādharmyavaidharmyādisthitir aviśeṣeṇa vikalpabuddher mithyātvaṃ pratijā- 
AS-VDh 145,03	nantaṃ pratikṣipaty eva, saṃvṛteḥ svarūpe 'nekāntātmakatvaṃ, na tu tato 'nyeṣāṃ bhāvānām iti vibhāvāyitum aśakteḥ | 
AS-VDh 145,04	tato na svalakṣaṇam evānyāpohaḥ saṃbhavati yena khapuṣpādayaḥ prameyāḥ syuḥ | yat punar etad anyato vyāvṛttir a- 
AS-VDh 145,05	nātmikaiveti tan na, cakṣurādijñānasya nirvyavasāyātmakasya svayam abhūtāviśeṣāt, nirṇayasya bhāva- 
AS-VDh 145,06	svabhāvāsaṃsparśinaḥ sarvathā vastutattvāparicchedād idam ittham eveti svayam ekāntānupapatteḥ | so 'yaṃ 
AS-VDh 145,07	cakṣurādijñānād vastutattvam adhyavasyansakalavikalpādhyavaseyām anyavyāvṛttiṃ sarvathānātmikām ācakṣāṇāḥ katham idam eva 
AS-VDh 145,08	vastutattvam ittham eveti vā svayaṃ pratipadyetānyaṃ vā pratipādayed iti savismayaṃ naś cetaḥ | ato 'yaṃ bhāvaḥ 
AS-VDh 145,09	svabhāvabhedān vidhipratiṣedhaviṣayān bibhrāṇaḥ pratyakṣetarapramāṇasamadhigatalakṣaṇaḥ pratīyeta prameyaḥ, 
AS-VDh 145,10	khapuṣpādayas tv aprameyā iti prameyatvādihetāv api vyatireko vidyate eva | sarvasya pariṇāmitvādau sādhye 
AS-VDh 145,11	sapakṣe 'nvayo na saṃbhavaty eveti cen na, antarvyāptilakṣaṇasya tathopapattirūpasyānvayasya sadbhāvād anyathānupapattirū- 
AS-VDh 145,12	pavyatirekavat | na hi dṛṣṭāntadharmiṇy eva sādharmyaṃ vaidharmyaṃ vā hetoḥ pratipattavyam iti niyamo yuktaḥ, sarvasya 
AS-VDh 145,13	kṣaṇikatvādisādhane sattvāder ahetutvaprasaṅgāt | yataś caivaṃ sarvatra hetau sādharmyaṃ vaidharmyeṇāvinābhāvi prasiddham udā- 
AS-VDh 145,14	haraṇaṃ tasmād yad viśeṣaṇaṃ tat pratiṣedhyāvinābhāvi kvacid dharmiṇi, yathā sādharmyaṃ bhedavivakṣayā kṛta- 
AS-VDh 145,15	katvādau, viśeṣaṇaṃ cāstitvaṃ, tataḥ pratiṣedhyadharmapratibandhi ity anumānam anavadyam avatiṣṭhate, hetor asiddha- 
AS-VDh 145,16	tādyanupapatteḥ sādhyasādhanadharmavaikalyābhāvāc ca nidarśanasya pratyakṣādivirodhābhāvāc ca pakṣasyeti pratipattavyam | 
AS-VDh 145,17	bhavatu tāvad astitvaṃ jīvādau nāstitvenāvinābhāvi | nāstitvaṃ tu katham astitvāvinābhāvi, khapuṣpādau 
AS-VDh 145,18	kathaṃcid apy astitvāsaṃbhavād iti manyamānān pratyāhuḥ | 
ĀM-VDh 18
 		nāstitvaṃ pratiṣedhyenāvinābhāvy ekadharmiṇi | viśeṣaṇatvād vaidharmyaṃ yathā'bhedavivakṣayā || 18 || 
AS-VDh 145,20	kṛtakatvādau hetau śabdānityatvādau sādhane sadharmaṇā sādharmyeṇāvinābhāvi viśeṣaṇaṃ vipakṣe vaidharmyam u- 
AS-VDh 145,21	dāharaṇaṃ prasiddhaṃ tāvat tajjīvādāv ekadharmiṇi pararūpādibhir nāstitvaṃ svarūpādibhir astitvenāvinābhāvi sādhaya- 
AS-VDh 145,22	ty eva, viśeṣaṇatvasādhanasyānavadyatvāt, pakṣīkṛte nāstitve viśeṣaṇatvasya bhāvād astitvavat, vipakṣe ca 
AS-VDh 145,23	svapratiṣedhyāvinābhāvarahite kvacid apy abhāvāt, tathā tasya viśeṣaṇatvānupapatter ity asiddhaviruddhānaikāntikatva-
AS-VDh 146,01	doṣābhāvāt, dṛṣṭāntasya ca sādhyasādhanavaikalyādidoṣāsaṃbhavāt, sādharmyasyeva hetau bhedavivakṣayā, vaidharmyasyā- 
AS-VDh 146,02	bhedavivakṣayā'vinābhāvitvaniścayāt, tatra bhedavivakṣāvadabhedavivakṣāyāḥ paramārthasadvastunibandhanatvāt | 
AS-VDh 146,03	bhedābhedavivakṣayor avastunibandhanatve viparyā so 'pi kiṃ na syāt ? śabdānityatvasādhane kṛtakatvādi- 
AS-VDh 146,04	hetau ghaṭādibhir bhedavivakṣā gaganādibhir abhedavivakṣā hi viparyāsaḥ | sa ca parair neṣyate eva | tadiṣṭau 
AS-VDh 146,05	śabdanityatvasādhanād dhetor viparyāsaḥ syāt, viruddhatvopapatteḥ | so 'yaṃ kṛtakatvādeḥ sādhanasyāviruddhatvam upayaṃ- 
AS-VDh 146,06	s tatra bhedābhedavivakṣayor vipakṣetarāpekṣayor vastunibandhanatvam upagantum arhati | tataḥ samañjasam etat, yat kiñci- 
AS-VDh 146,07	d viśeṣaṇaṃ tat sarvam ekatra pratipakṣadharmāvinābhāvi yathā vaidharmyam abhedavivakṣayā hetau, tathā ca 
AS-VDh 146,08	nāstitvaṃ viśeṣaṇam ity anumānaṃ, sādhyasadbhāve eva sādhanasya sadbhāvaniścayāt, anyathā vyavahārasaṃ- 
AS-VDh 146,09	karaprasaṅgāt, karabhatvasya karabhavaddadhany api sadbhāvānuṣaṅgāt dadhitvasya ca dadhnīva karabhe 'pi prasakteḥ | 
AS-VDh 146,10	dadhi svādeti coditaḥ karabham abhidhāvet karabhavad vā dadhny api nābhidhāvet, adadhitvasyākarabhatvasya ca kvacid a- 
AS-VDh 146,11	py abhāvāt | iti pravṛttinivṛttilakṣaṇo vyavahāraḥ saṃkīryeta, sarvasya sarvathā sadbhāvāt | yadi punar dadhani 
AS-VDh 146,12	svarūpeṇa dadhitvaṃ na karabharūpeṇa karabhe ca svarūpeṇa karabhatvaṃ na dadhirūpeṇa yataḥ pravṛttyādivyavahārasaṃkaraḥ 
AS-VDh 146,13	prasajyeteti mataṃ tadā siddhaṃ dadhitvam adadhitvena pratiṣedhyenāvinābhāvi karabhatvaṃ cākarabhatvāvinābhāvi, tadva- 
AS-VDh 146,14	ttatsarvaṃ viśeṣaṇaṃ svapratiṣedhyenāvinābhāvi | iti siddhānyathānupapattiḥ, vipakṣe bādhakasadbhāvāt | na hi 
AS-VDh 146,15	svecchāprakḷptadharmadharmivyavasthāyāṃ paramārthāvatāraḥ syāt, yataḥ sarva evāyam anumānānumeyavyavahāro 
AS-VDh 146,16	buddhyārūḍhena dharmadharminyāyena bahiḥ sadasattvam apekṣate iti yuktaṃ bhavet | tadasamīkṣitatattvārthair lokapratī- 
AS-VDh 146,17	tivaśād bhedābhedavyavasthitis tattvapratipattaye samāśrīyate iti bālābhilāpakalpaṃ bhāvasvabhāvopa- 
AS-VDh 146,18	rodhā t sarvatra bhedābhedavyavasthiteḥ, anyathā tatas tattvapratipatter ayogāt | 
AS-VDh 146,19	nanu cāstitvaṃ nāstitvaṃ ca viśeṣaṇam eva, na tu viśeṣyam | tato na sādhyasādhanadharmayoḥ paramārthasa- 
AS-VDh 146,20	tor adhikaraṇaṃ yena prakṛtam anumānadvitayaṃ vāstavaṃ dharmadharminyāyena syād ity eke | na tatsarvathābhilāpyaṃ, vastu- 
AS-VDh 146,21	rūpasyānabhilāpyatvād iti cānye | jīvāder vastuno 'tyantam arthāntaram eva tat, pratibhāsabhedād ghaṭapaṭavat | 
AS-VDh 146,22	na punar astitvanāstitvātmakaṃ vastu, dharmadharmisaṃkaraprasaṅgād iti cāpare | tānpratyācāryāḥ prāhuḥ | 
ĀM-VDh 19
 		vidheyapratiṣedhyātmā viśeṣyaḥ śabdagocaraḥ | sādhyadharmo yathā hetur ahetuś cāpy apekṣayā || 19 || 
AS-VDh 147,02	vidheyam astitvam | pratiṣedhyaṃ nāstitvam | vidheyaṃ ca pratiṣedhyaṃ ca vidheyapratiṣedhye | te ātmānau 
AS-VDh 147,03	svabhāvau yasya sa vidheyapratiṣedhyātmā, arthaḥ sarvo jīvādir iti pakṣaḥ | viśeṣyatvād iti hetuḥ, viśeṣya 
AS-VDh 147,04	iti hetunirdeśāt, guravo rājabhāṣā na bhakṣaṇīyā iti yathā | sādhyo dharmī, sādhyadharmādhāratayā tasya 
AS-VDh 147,05	sādhyavyapadeśāt, tathopacārasya dṛṣṭāntadharmivyavacchedārthatvāt | tasya dharmo vivarta utpattimattvādiḥ | 
AS-VDh 147,06	sa yathā hetur anityatvasādhyāpekṣayā, nityatvasādhyāpekṣayā'hetuś ca, gamakatvāgamakatvayogāt, tathā 
AS-VDh 147,07	sādhyāvinābhāvetarasadbhāvād iti dṛṣṭāntaḥ | ity anumānāt sattvetarātmakaḥ kathaṃcij jīvādyarthaḥ siddhyaty eva | 
AS-VDh 147,08	hetor viśeṣyatvasyāsiddhir iti cen na, viśeṣyo 'sau, śabdagocaratvāt tadvad ity anumānāt tasya viśeṣyatvahetoḥ 
AS-VDh 147,09	sādhanāt | śabdagocaratvam asiddham arthasyeti cen na, śabdagocaro jīvādiḥ, viśeṣyatvāt tadvad ity anumānāt tasya 
AS-VDh 147,10	sādhanāt | na caivam itaretarāśrayadoṣaḥ, sarvathānabhilāpyavastuvādinaḥ prati śabdagocaratve sādhye viśeṣya- 
AS-VDh 147,11	tvasya hetutvavacanāt, sarvathā vā'viśeṣyatvavādinaḥ prati śabdagocaratvasya sādhanatvābhidhānāt, tadubha- 
AS-VDh 147,12	yāsattvavādinas tu prati vastutvasyobhayaprasiddhasya hetoḥ sāmarthyataḥ prayogāt | vidheyapratiṣedhyātmakatvasyāpi 
AS-VDh 147,13	tān prati tata eva siddhiḥ | iti samāsataḥ kārikārthaḥ samavatiṣṭhate | 
AS-VDh 147,14	nanu ca pratyakṣabuddhau vastu svalakṣaṇam eva pratibhāti, na punar astitvādiviśeṣaṇaṃ, tasya sakalavikalpavi- 
AS-VDh 147,15	kalatvāt, vikalpabuddhau tadvyavahāraprasiddher iti cen na, vastuno 'stitvādyanekavikalpātmakasya sāṃśasyaiva pratīteḥ | 
AS-VDh 147,16	kiñcit kenacid viśiṣṭaṃ gṛhyamāṇaṃ viśeṣaṇaviśeṣyatatsaṃbandhalokasthitisaṃkalanena gṛhyeta nānyathety a- 
AS-VDh 147,17	bhiniveśe 'pi vastuno vidhipratiṣedhasvabhāvayoḥ pratyekaṃ darśanam avaśyaṃbhāvi, vastuna eva darśanaṃ, 
AS-VDh 147,18	na tadvidhipratiṣedhasvabhāvayor viśeṣaṇayor iti vaktum aśakteḥ sadasatsvabhāvaśūnyasya svalakṣaṇasya darśane tatpṛṣṭhabhā- 
AS-VDh 147,19	vivikalpenāpi sadasattvayor adhyavasāyāyogāt pītadarśanapṛṣṭhabhāvinā vikalpena nīlatvādhyavasāyāyogavat | 
AS-VDh 147,20	tato vidhipratiṣedhāv ātmānau viśeṣasya savikalpakatvaṃ sādhayataḥ,  sarvathā tasya bhedābhāve sad idam a- 
AS-VDh 147,21	sad idam iti pratyekaṃ darśanābhāvānuṣaṅgāt, idam upalabhe nedam iti vikalpotpattivirodhāt | tataḥ sāmānya- 
AS-VDh 147,22	viśeṣātmakaṃ vastu svalakṣaṇaṃ, na punaḥ sakalavikalpātītaṃ viśeṣamātraṃ sāmānyamātraṃ vā parasparanirapekṣaṃ, 
AS-VDh 147,23	tadubhayaṃ vā svalakṣaṇaṃ, tasya tena rūpeṇāvyavasthitatvāt, sāmānyaviśeṣātmana eva jātyantarasya vastusvarū- 
AS-VDh 147,24	patvāt tenaiva lakṣyamāṇasya svalakṣaṇatvaprasiddheḥ sakalabādhakavaidhuryāt | kaḥ punar vidheyapratiṣedhyayor dharmī 
AS-VDh 148,01	syād āśrayabhūtaḥ kaś ca tayos tena saṃbandho yena viśeṣaṇaviśeṣyabhāvaḥ syād iti ced ucyate | astitvanāsti- 
AS-VDh 148,02	tvayor dharmi sāmānyam | tatra tādātmyalakṣaṇaḥ saṃbandhaḥ, saṃbandhāntarakalpanāyām anavasthāprasaṅgāt | 
AS-VDh 148,03	tan naitatsāraṃ–jātyādimatām etan na saṃbhavaty eveti, tadabhāve evāsaṃbhavāt, 'viśeṣaṇaṇaviśiṣṭavastu- 
AS-VDh 148,04	grahaṇasya viśeṣaṇaṃ sattvādisāmānyaṃ pūrvaṃ gṛhītvā tadanantaraṃ viśeṣyaṃ gṛhṇāti, tatas tatsaṃbandhaṃ samavāyaṃ 
AS-VDh 148,05	lokasthitiṃ ca viśeṣaṇaviśeṣyavyavahāranibandhanāṃ, tatas tatsaṃkalanena sad idaṃ vastu' iti pratītikramasyaiva 
AS-VDh 148,06	durghaṭatvāt, viśeṣaṇaviśeṣyātmakasya sāmānyaviśeṣarūpasya vastuno jātyantarasya yathākṣayopaśamaṃ pratyakṣe 
AS-VDh 148,07	parokṣe ca vijñāne nirbādham anubhavāt tadviparītasya jātucidapratīteḥ | tathā sati naikāntena darśanavikalpā- 
AS-VDh 148,08	bhidhānānāṃ viṣayabhedo 'sti kathaṃcit pratibhāsabhede 'pi pratyāsannetarapuruṣadarśanavat, pratibhāsabhedād viṣaya- 
AS-VDh 148,09	bhede yogītarapratyakṣayor ekaviṣayayor api vibhinnaviṣayatvaprasaṅgāt | etena dhūmādikṛtakatvādisādhyadharmi- 
AS-VDh 148,10	dharmasya sādhyetarāpekṣayā hetutvāhetutvaviśeṣaṇātmakasya nidarśanatayopanyas tasya pratyakṣaviṣayatvaṃ niveditam | 
AS-VDh 148,11	tathā hi | dhūmādayaḥ kṛtakatvādayo vā kvacid agnisalilayor vināśetarayor vā sādhanetarasvabhāvābhyāṃ 
AS-VDh 148,12	sākṣātkriyeran, itarathā viśeṣyapratipatter ayogāt | na hi dhūmādīnām agnyādau sādhye sādhanatvaṃ 
AS-VDh 148,13	salilādāv asādhanatvaṃ ca viśeṣaṇam apratipadyamāno viśeṣyān dhūmādīn pratipadyate nāma, nāpi kṛtakatvādīnāṃ 
AS-VDh 148,14	vinaśvaratve sādhye sādhanatvam avinaśvaratve cāsādhanatvaṃ viśeṣaṇam apratīyan kṛtakatvādihetūn viśeṣyān pratye- 
AS-VDh 148,15	tum īśo yato 'gnyādivinaśvaraśabdādīn sādhyān api viśeṣyān pratipadyeta | pratyeti ca tān | tato 'vaśyaṃ 
AS-VDh 148,16	sākṣātkurvīta taddhetūn, sādhyetarāpekṣāyāṃ satyāṃ sādhanetarasvabhāvābhyāṃ tatsākṣātkaraṇe virodhābhāvāt | 
AS-VDh 148,17	anapekṣāyāṃ tu virodhaḥ, kvacid ekatra sādhye hetūnāṃ sādhanatvetarayor anupalambhāt | yataś caivaṃ prasiddham u- 
AS-VDh 148,18	dāharaṇaṃ, vādiprativādinor buddhisāmyāt tasmād yad abhidheyaṃ tad viśeṣyam | yathotpattyādir apekṣayā hetur a- 
AS-VDh 148,19	hetuś ca sādhyetarayoḥ | tathā ca, vimatyadhikaraṇaṃ sattvābhidheyatvādi, tasmāt sādhyasādhanadharmaviśeṣaṇāpekṣayā 
AS-VDh 148,20	viśeṣyam | ity anumānād ekasya viśeṣaṇaviśeṣyātmakatvavirodhanirāsaḥ | yad vā viśeṣyaṃ tad abhilāpyaṃ, 
AS-VDh 148,21	yathotpattyādi, viśeṣyaṃ cāstitvādivasturūpaṃ, tasmād abhilāpyam, iti vastusvarūpasyānabhilāpyatvavyu- 
AS-VDh 148,22	dāsaḥ | yad vā vastu tat sarvaṃ vidheyapratiṣedhyātmakaṃ, yathotpattyādir apekṣayā hetur ahetuś ca sādhyeta -
AS-VDh 149,01	rayoḥ, tathā ca vimatyadhikaraṇaṃ sattvābhidheyatvādi | ity antadīpakaṃ sarvatra yojyaṃ sādhanaṃ vastu ca 
AS-VDh 149,02	jīvādi | tasmād vidheyapratiṣedhyātmakam | iti kramārpitasadasattvobhayātmakatvasādhanam | 
AS-VDh 149,03	śeṣabhaṅgāḥ kathaṃ netavyāḥ sūribhir ity āhuḥ —
ĀM-VDh 20
 		śeṣabhaṅgāś ca netavyā yathoktanayayogataḥ | na ca kaścid virodho 'sti munīndra tava śāsane || 20 || 
AS-VDh 149,05	syād asti syān nāstīti bhaṅgadvayam upayuktam | tadapekṣayā śeṣatvaṃ bhaṅgatrayāpekṣaṃ vā | vidheyapratiṣedhyā- 
AS-VDh 149,06	tmety anena tṛtīyabhaṅgasya svapratiṣedhyenāvinābhāvino 'sādhane sādhane cāpekṣyamāṇe ity arthaḥ | yathoktanayayo- 
AS-VDh 149,07	gata iti viśeṣaṇatvādīn ākṣipati | tadanabhilāpyādayo 'pi kvacid dharmiṇi pratyanīkasvabhāvāvinā- 
AS-VDh 149,08	bhāvinaḥ pratīyante, viśeṣaṇatvādibhyaḥ | pūrvoktam udāharaṇam | yathaiva hi vastuno 'stitvaṃ nāstitvaṃ 
AS-VDh 149,09	tadubhayaṃ ca pratiṣedhyena svapratyanīkenāvinābhāvi viśeṣaṇatvād viśeṣyatvāc chabdagocaratvād vastutvāc ca sādharmya- 
AS-VDh 149,10	vadvaidharmyavat kvaciddhetau hetutvetaratvavac ca sādhyate tathaiva cā'vaktavyatvaṃ vaktavyatvena prācyabhaṅgatrayarūpeṇa, 
AS-VDh 149,11	sadavaktavyatvam asadavaktavyatvenāsadavaktavyatvam api sadavaktavyatvena, sadasadavaktavyatvam api pañcamaṣaṣṭhabhaṅgātmanā- 
AS-VDh 149,12	nubhayāvaktavyatvenāvinābhāvi sādhanīyaṃ, yathoktānāṃ hetūdāharaṇarūpanayānāṃ ghaṭanāt | na caivaṃ sati 
AS-VDh 149,13	kiñcid vipratiṣiddhaṃ, anyathaiva virodhāt | avaktavyatvādeḥ svapratyanīkasvabhāvāvinābhāvābhāvaprakāreṇaiva 
AS-VDh 149,14	hi pratyakṣādivirodhaḥ, samanubhūyate, tathā sakṛd apy anupalambhāt | tad anena na ca kaścid virodho 'stīti munīndra 
AS-VDh 149,15	tava śāsane, anyaśāsaneṣv eva virodhasādhanād iti vyākhyātaṃ pratipattavyam | 
AS-VDh 149,16	sāmpratam avyavasthitānekāntātmakaṃ vastu saptabhaṅgīvidhibhāga'rthakriyākāri, na punar anyatheti svaparapakṣasādhana- 
AS-VDh 149,17	dūṣaṇavacanam upasaṃharantaḥ prāhuḥ —
ĀM-VDh 21
 		evaṃ vidhiniṣedhābhyām anavasthitam arthakṛt | neti cen na yathā kāryaṃ bahirantarupādhibhiḥ || 21 || 
AS-VDh 149,19	evaṃ pratipāditanītyā saptabhaṅgīvidhau vidhiniṣedhābhyām anavasthitaṃ jīvādi vastu sad evāsad eva vety ava- 
AS-VDh 149,20	sthitam arthakṛt kāryakāri pratipattavyam | neti ced evaṃ vastu parair abhyupagamyate tarhi yathābhyupagataṃ kāryaṃ bahira- 
AS-VDh 149,21	ntarupādhibhiḥ sahakāryupādānakāraṇair nirvarttyaṃ tathā na syāt, bhāvādyekānte sarvathā kāryapratikṣepāt | tata 
AS-VDh 150,01	evaivaṃ vyākhyānāntaram upalakṣyate | evaṃ pratipakṣapratikṣepaprakāreṇa vidhiniṣedhābhyām anavasthitaṃ kathaṃcid vidhi- 
AS-VDh 150,02	pratiṣedhāvasthitam evārthakṛt neti cen na, yathā kāryaṃ bahirantaḥ syād upādhibhir anantaviśeṣaṇair viśiṣṭaṃ, sarvathā 
AS-VDh 150,03	niraṃśavastuni sakalaviśeṣaṇāvyavasthiteḥ | sattvādyanyatamamātre eva bhaṅge samavasthitaṃ kuto nārthakṛd iti 
AS-VDh 150,04	ced ucyate, saptabhaṅgīvidhau syādvāde vidhipratiṣedhābhyāṃ samārūḍhaṃ vastu sadasadātmakam arthakriyākāri, 
AS-VDh 150,05	kathaṃcit sata eva sāmagrī sannipātinaḥ svabhāvātiśayotpatteḥ suvarṇasyeva keyūrādisaṃsthānam | 
AS-VDh 150,06	suvarṇaṃ hi suvarṇatvādidravyārthādeśāt sad eva keyūrādisaṃsthānaparyāyārthād eśāc cāsad iti tathāpariṇamana- 
AS-VDh 150,07	śaktilakṣaṇāyāḥ prativiśiṣṭāntaḥsāmagryāḥ suvarṇakārakavyāpārādilakṣaṇāyāś ca bahiḥsāmagryāḥ sanni- 
AS-VDh 150,08	pāte keyūrādisaṃsthānātmanotpadyate | tataḥ sadasadātmakam evārthakṛt | tadvajjīvādivastu pratyeyam | neti ced i- 
AS-VDh 150,09	tyādinaikānte 'rthakriyāṃ pratikṣipati | na tāvat sataḥ punar utpattir asti, tatkāraṇāpekṣānuparamaprasaṅgāt | 
AS-VDh 150,10	na cānutpannasya sthitivipattī, sarvathāpy asattvāt khapuṣpavat | nāpy asataḥ sarvathotpattyādayas tadvat | 
AS-VDh 150,11	tasmān na sadekānte 'sadekānte cārthakriyā saṃbhavati | yadi punaḥ sāmagryāḥ prāgavidyamānasya janma 
AS-VDh 150,12	syāt ko doṣaḥ syāt ? tanniranvayavināśetarapakṣayos tadaikāntābhāvaḥ prasajyeta | tasyā niranvayavināśe 
AS-VDh 150,13	niṣkāraṇasya tathaivotpattir na syāt | na hi nirādhārotpattir vipattir vā, kriyārūpatvāt sthitivat | 
AS-VDh 150,14	naitan mantavyaṃ 'notpattyādiḥ kriyā, kṣaṇikasya tadasaṃbhavāt | tato 'siddho hetuḥ' iti, pratyakṣā- 
AS-VDh 150,15	divirodhāt | pratyakṣādivirodhas tāvat prādurbhāvādimataś cakṣurādibuddhau pratibhāsanāt tadbuddhyā prādu- 
AS-VDh 150,16	rbhāvavināśāvasthānakriyārahitasattāmātropagamasya bādhanāt | anyathā tadviśiṣṭavikalpo 'pi mā bhūt | 
AS-VDh 150,17	na hi daṇḍapuruṣasaṃbandhādarśane daṇḍīti vikalpaḥ syāt | tathāvidhapūrvatadvāsanāvaśāt prādurbhāvādyada- 
AS-VDh 150,18	rśane 'pi tadviśiṣṭavikalpa iti cen na, nīlasukhāder adarśane 'pi tadvikalpaprasakteḥ, tatas tadvyavasthāpanavirodhāt | 
AS-VDh 150,19	nirālambanavijñānamātropagame 'pi saṃtānāntarasvasaṃtānapūrvāparakṣaṇājñāne 'pi tadvikalpotpattau kutas tadvyavasthā ? 
AS-VDh 150,20	saṃvedanādvaitopagame 'pi saṃvidadvaitābhāve 'pi tadvāsanābalāt saṃvitsvarūpapratibhāsasaṃbhavāt kathaṃ svarūpasya svato 
AS-VDh 150,21	gatiḥ sidhyet ? sata eva saṃvitsvarūpasya tathāvāsanām antareṇa svato gatau svasaṃtānapūrvāparakṣaṇasaṃtānā- 
AS-VDh 150,22	ntarabahirarthajanmādikriyāviśeṣāṇāṃ satām eva darśanād vikalpotpattir yuktā | iti notpattyādīnāṃ kriyātvam a- 
AS-VDh 150,23	siddhaṃ yatas tannirādhāratvapratiṣedho na sidhyet | tato na prāgasato 'py utpattiḥ saṃbhavati | niranvayam avināśe 
AS-VDh 151,01	prāgasata utpattir ity ayam api pakṣo na kṣemaṅkaraḥ, syādvādāśrayaṇaprasaṅgāt, asatkāryavādavirodhāt | tataḥ sūktaṃ 
AS-VDh 151,02	'yad ekāntena sad asad vā tan notpattum arhati, vyomavandhyāsutavat' iti | na hy ekāntena sadvyomotpadyate, nāpy e- 
AS-VDh 151,03	kāntenāsan vandhyāsuta iti na sādhyasādhanavikalam udāharaṇam | katham idānīm anutpannasya gaganādeḥ 
AS-VDh 151,04	sthitir iti cen na, anabhyupagamāt sarvathā gaganādyanutpādasya | kevalam iha vyomno dravyanayāpekṣayā 
AS-VDh 151,05	paraprasiddhyā codāharaṇaṃ pratipāditam | tato na pūrvāparavirodhaḥ, pūrvaṃ sarvathānutpattimataḥ sthiti- 
AS-VDh 151,06	pratiṣedhasādhanāt, dravyatonutpadyamānasyaiva sthitighaṭanāt | tato yad arthakriyākāri tadvidhipratiṣedhakalpano- 
AS-VDh 151,07	pakalpitasaptabhaṅgīvidhau samārūḍhaṃ vidhyekāntādau vānavasthitaṃ, sadādyekānte sarvathārthakriyāvirodhād iti sūri- 
AS-VDh 151,08	matam | nanv evaṃ sunayārpitasya vidhyaṃśasya niṣedhāṃśasya cārthakriyākāritve tena vyabhicārī hetuḥ, tasya 
AS-VDh 151,09	saptabhaṅgīvidhāvasamārūḍhatvād anyathānavasthānāt, tasyānarthakriyākāritve sunayasyāvastuviṣayatvaprasakteḥ, vastu- 
AS-VDh 151,10	no 'rthakriyākāritvād iti kaścit tadayuktaṃ, sunayārpitasyāpi vidher anirākṛtapratiṣedhasyārthakriyākāritvād anyathā 
AS-VDh 151,11	durṇayārpitatvāpatteḥ | na cāsau saptabhaṅgīvidhāv asamārūḍhaḥ, bhaṅgāntarāpratikṣepāt | tathā ca nānavasthā nāma, 
AS-VDh 151,12	vidhāv api vidhyantarādivikalpanā'bhāvāt | kevalaṃ vidhibhaṅge nāstitvādibhaṅgāntaraguṇībhāvād vidhiprādhānyaṃ 
AS-VDh 151,13	pratiṣedhabhaṅge cāstitvādibhaṅgāntaraguṇībhāvāt pratiṣedhapradhānateti pramāṇārpitapradhānarūpāśeṣabhaṅgātmakavastu- 
AS-VDh 151,14	vākyān nayavākyasya viśeṣaḥ prarūpitaprāya eva | 
AS-VDh 151,15	yad apyāha 'jīvādivastuni sattvadvāreṇa prathamabhaṅgāt pratipanne dvitīyādibhaṅgānām ānarthakyam, asattvā- 
AS-VDh 151,16	didharmāṇām api tadātmanāṃ tata eva pratipatter anyathā teṣāṃ vastuno 'nyatvāpatteḥ, viruddhadharmādhyāsāt paṭapi- 
AS-VDh 151,17	śācavat | tathā ca tasyeti vyapadeśābhāvaḥ, saṃbandhābhāvāt | sattvādidharmāṇāṃ dharmiṇā sahopakāryopa- 
AS-VDh 151,18	kārakabhāve dharmiṇopakāro dharmāṇāṃ dharmair vā dharmiṇaḥ syāt ? prathamapakṣe kim ekayā śaktyā dharmī dharmānu- 
AS-VDh 151,19	pakurute 'nekayā vā ? yady ekayā svātmano 'nanyayā dharmī dharmān upakurute tadaikadharmadvāreṇa nānādharmopakārani- 
AS-VDh 151,20	mittabhūtaśaktyātmano dharmiṇaḥ pratipattau tadupakāryasya sakaladharmakalāpasya pratipatteḥ sakalagrahaḥ syāt, upa- 
AS-VDh 151,21	kāryāpratītau tadupakārakapratītyayogāt | etenānekayā svātmano 'nanyayā śaktyā dharmī dharmānupakarotīti 
AS-VDh 151,22	pakṣāntaram api pratikṣiptam | dharmī dharmair upakriyate ity asminn api pakṣe kim ekopakāryaśaktyātmā'nekopakāryaśa-
AS-VDh 152,01	ktyātmā veti pakṣadvitayam apy anenaiva nirastaṃ, sakaladharmakalāpasyopakārakasyāpratipattau tadupakāryaśaktyā- 
AS-VDh 152,02	tmano dharmiṇaḥ pratipattyaghaṭanāt, sakalaniścayasyāviśeṣāt | tad uktaṃ "nānopādhyupakārāṅgaśaktyabhinnātmano 
AS-VDh 152,03	grahe | sarvātmanopakāryasya ko bhedaḥ syād aniścitaḥ | 1 | ekopakārake grāhye nopakārās tato 'pare | dṛṣṭe 
AS-VDh 152,04	yasminn adṛṣṭās te tadgrahe sakalagrahaḥ | 2 | " iti | yadi punar dharmāṇām upakārikāḥ śaktaya upakāryāś ca dharmiṇo 
AS-VDh 152,05	bhinnā eva tadā tābhis tasyopakāraḥ kaścit tena vā tāsāṃ kriyate na veti pakṣadvayam | tatra na tāvad uttaraḥ 
AS-VDh 152,06	pakṣaḥ, tadvyapadeśavirodhāt | prathamapakṣe tu śaktibhiḥ śaktimata upakāre 'narthāntarabhūte sa eva kṛtaḥ syāt | 
AS-VDh 152,07	tathā ca na śaktimānasau, tatkāryatvāt | tato 'rthāntarabhūte 'navasthāprasaṅgaḥ, tadvyapadeśasiddhyartham upakārāntara- 
AS-VDh 152,08	parikalpanāt | śaktimatā śaktīnām upakāre śaktyantarāṇāṃ kalpane 'navasthaiva | tadakalpane prācyaśaktīnām a- 
AS-VDh 152,09	py avyavasthitiḥ | iti na śaktiśaktimadvyavahāraḥ sidhyet | tad apy uktaṃ "dharmopakāraśaktīnāṃ bhede tās tasya 
AS-VDh 152,10	kiṃ yadi ? nopakāras tatas tāsāṃ tathā syād anavasthitiḥ" iti |, tad api sarvam apākurvantaḥ sūrayaḥ prāhuḥ —
ĀM-VDh 22
 		dharme dharmenya evārtho dharmiṇo 'nantadharmaṇaḥ | aṅgitve 'nyatamāntasya śeṣāntānāṃ tadaṅgatā || 22 || 
AS-VDh 152,12	dharmī tāvad anantadharmā jīvādiḥ, prameyatvānyathānupapatteḥ | nanu ca dharmeṇa vyabhicāraḥ, tasyānantadharma- 
AS-VDh 152,13	tvābhāve 'pi prameyatvasiddheḥ | tasyāpy anantadharmatve dharmitvaprasaṅgān na dharmo nāma | tadabhāve na dharmīty ubhayā- 
AS-VDh 152,14	pāyaḥ | prameyatvasya ca sādhanadharmasyānantadharmaśūnyatve tenaivānekāntaḥ | tasyānantadharmatve dharmitvena 
AS-VDh 152,15	pakṣāntaḥpātitvān na hetutvam | ity upālambho na śreyān, dharmasyaiva sarvathā kasyacid asaṃbhavāt tena vyabhicārābhāvāt 
AS-VDh 152,16	sādhanasya | na hi svadharmyapekṣayā yo dharmaḥ sattvādiḥ sa eva svadharmāntarāpekṣo dharmī na syād yato 'nantadharmā 
AS-VDh 152,17	na bhavet | na caivam anavasthānaṃ, anādyanantatvād dharmadharmisvabhāvabhedavyavahārasya valayavad abhavyasaṃsāravad vā | 
AS-VDh 152,18	na ca dharmiṇo jīvāder apoddhriyamāṇo dharmaḥ prameyaḥ, tasya nayaviśeṣaviṣayatayā pramāṇāviṣayatvāt | iti 
AS-VDh 152,19	na tenānekāntaḥ | etena prameyatvasya dharmasya nayaviṣayasya neyatvenāprameyatvāt tena vyabhicāro nirastaḥ | 
AS-VDh 152,20	pramāṇaviṣayasya tu prameyatvasya hetoḥ svadharmāpekṣayānantadharmatvena dharmitvāt pakṣatve 'pi na hetutvavyāghātaḥ, svaparā- 
AS-VDh 152,21	nantadharmatve sādhye 'nyathānupapattisadbhāvāt | tato 'nantadharmā dharmī siddhyaty eva | tasya dharme dharme 'stitvādau bhinna 
AS-VDh 152,22	evārthaḥ prayojanaṃ vidhānādiḥ pravṛttyādir vā tadajñānavicchittir vā, na punar eka eva yena prathamabhaṅgād evāna- 
AS-VDh 152,23	ntadharmātmakasya vastunaḥ pratipatteḥ śeṣadharmānām ānarthakyaṃ prasajyeta | na ca dharmā dharmiṇo 'narthāntarabhūtā eva, 
AS-VDh 153,01	nāpy arthāntaram eva yena tatpakṣabhāvidūṣaṇaprasaṅgaḥ, kathaṃcid bhedābhedātmakatvād dharmidharmāṇāṃ tadātmakavastuno jātya- 
AS-VDh 153,02	ntaratvāc citrākāraikasaṃvedanavat, tatra virodhāder apy anavakāśāt | kevalam aṅgitve pradhānatve 'stitvādiṣu dharmeṣv a- 
AS-VDh 153,03	nyatamasyāntasya dharmasya, śeṣāntānāṃ syāc chabdasūcitānyadharmāṇāṃ tadaṅgatā tadguṇabhāvaḥ, tathā pratipattur viva- 
AS-VDh 153,04	kṣāpravṛtter arthittvaviśeṣāt | tato bhaṅgāntaraprayogo yukta eva, pratidharmaṃ dharmiṇaḥ kathaṃcit svabhāvabhedopapatteḥ | 
AS-VDh 153,05	yadi punaḥ pratyupādhi paramārthataḥ svabhāvabhedo na syāt tadā dṛṣṭe 'bhihite vā pramāṇāntaram uktyantaraṃ vā 
AS-VDh 153,06	nirarthakaṃ syāt, gṛhītagrahaṇāt punar ukteś ca | tathā hi | sākṣādupalabdhe śabdādau kṣaṇikatvādyanumānaṃ 
AS-VDh 153,07	svārthaṃ na syāt, dharmipratipattau kasyacid apratipannasvabhāvasya sādhyasyābhāvāt, sarvathā svabhāvātiśayābhā- 
AS-VDh 153,08	vāt | parārthaṃ cānumānaṃ vacanātmakaṃ na yujyeta, dharmivacanamātrād eva sādhyanirdeśasiddheḥ, sādhanadharmokti- 
AS-VDh 153,09	siddheś ca | tadvacane punaruktatāprasaṅgaḥ, tasya svabhāvātiśayābhāvād eva | 'tasmād dṛṣṭasya bhāvasya dṛṣṭa evākhilo 
AS-VDh 153,10	guṇaḥ | bhrānter niścīyate neti sādhanaṃ saṃpravartate, ity etad apy anālocitavacanam eva, dṛṣṭasya svabhāvasya svabhāvā- 
AS-VDh 153,11	tiśayābhāve khilaguṇadarśanasya virodhāt, dharmimātre 'py abhrāntau sādhye svabhāve bhrāntyayogāt tadbhrāntau vā 
AS-VDh 153,12	śabdasattvādāv api bhrāntiprasakteḥ kutaḥ sādhanaṃ saṃpravarteta yato 'rthaniścayaḥ syāt ? śabdasattvādau niścaye 
AS-VDh 153,13	katham anityatvādāv aniścayaḥ ? svabhāvātiśayaprasaṅgāt, niścitāniścitayor ekasvabhāvatve sarvathātiprasaṅgāt | 
AS-VDh 153,14	sadutpattikṛtakatvādeḥ pratyanīkasvabhāvaviśeṣābhāvād yāvanti pararūpāṇi tāvantyas tatas tato vyāvṛ- 
AS-VDh 153,15	ttayaḥ pratyekam ity eṣāpi kalpanā mā bhūt | na hi kiṃcid asadanutpattimada'kṛtakādi vā vastubhūtam asti 
AS-VDh 153,16	saugataprasiddhaṃ pararūpaṃ yato vyāvṛttaṃ paramārthato 'svabhāvabhedam api śabdādisvalakṣaṇaṃ sadutpattikṛtakatvādisvabhā- 
AS-VDh 153,17	vabhedavat parikalpyate | parābhyupagamāt siddham astīti cen na, tasyāpramāṇasiddhatvāt | kalpanāropitaṃ tad astīti 
AS-VDh 153,18	cet kutas tatkalpanāprasūtiḥ ? anādyavidyodayād iti cet tata eva sattvādidharmakalpanāstu | kim asattvādi- 
AS-VDh 153,19	vyāvṛttyā ? sad eva kiṃcid guṇībhūtavidhisvabhāvaṃ niṣedhaprādhānyād asad ucyate, sadantaraviviktasya sata evāsattva- 
AS-VDh 153,20	vyapadeśāt | tathotpattimadantaraviviktam utpattimad eva kiṃcid anutpattimat, kṛtakāntaraviviktaṃ kṛtakam evākṛtakaṃ, 
AS-VDh 153,21	vastvantaraviviktaṃ vastv evāvastu vyavahṛtipatham unnīyate iti cen na, paramārthataḥ sattvādivastusvabhāvabhedaprasiddheḥ, 
AS-VDh 153,22	nissvabhāvabhedavasturūpābhyupagamavirodhāt | satāṃ hi svabhāvānāṃ guṇapradhānabhāvaḥ syāt pādo- 
AS-VDh 153,23	ttamāṅgavat, na punar asatāṃ śaśāśvaviṣāṇādīnām aviśeṣāt | tataḥ parikalpitavyāvṛttyā dharmāntaravyava- 
AS-VDh 154,01	sthāpanaṃ pariphalguprāyaṃ, vastusvabhāvābhāvaprasaṅgāt | śakyaṃ hi vaktuṃ, na kiñcid vastu nāmāsti, tasyāva- 
AS-VDh 154,02	stuvyāvṛttyā vyavaharaṇāt parikalpitavastuvyāvṛttyā cāvastuvyavahārasiddheḥ | parasparāśrayaṇān naivam iti cet tarhi 
AS-VDh 154,03	kalpitāsattvādivyāvṛttyā sattvādayas tadvyāvṛttyā cāsattvādidharmaparikalpanam ity api mā bhūt, parasparāśra- 
AS-VDh 154,04	yaṇāviśeṣāt | svavāsanāsāmarthyāt sattvetarādikalpanayor utpattes tadvyavahārasyaiva parasparāpekṣatvān na parasparāśra- 
AS-VDh 154,05	yaṇaṃ, sakaladharmadharmivikalpaśabdānāṃ svalakṣaṇāviṣayatvāt parikalpitatadanyavyāvṛttiviṣayatvasiddher iti 
AS-VDh 154,06	cen na, tathendriyabuddhayo 'pi svalakṣaṇaviṣayā mā bhūvan | kevalaṃ vyāvṛttiṃ paśyeyuḥ, adṛṣṭe vikalpāyo- 
AS-VDh 154,07	gād atiprasaṅgāc ca | yathaiva hi nīle pītādīnām adṛṣṭatvān na tadvikalpotpattir nīlasya, dṛṣṭatvān nīlavikalpasyai- 
AS-VDh 154,08	votpattis tathaivāsattvādivyāvṛttim apaśyatas tadvikalpotpattir mā bhūt, svalakṣaṇadarśanāt svalakṣaṇavikalpotpattir e- 
AS-VDh 154,09	vāstu, na caivaṃ, tadanyavyāvṛttāv eva vikalpotpatteḥ | yadi punar asattvādivyāvṛttīnām adarśane 'pi tadanādivāsa- 
AS-VDh 154,10	nāvaśād eva tadvikalpotpattir urarīkriyate tadā nīlādirūpādarśane 'pi tadvāsanāsāmarthyād eva nīlādivikalpo- 
AS-VDh 154,11	tpattes tato nīlādirūpavyavasthā mā bhūt | tadvatsukhādivyavasthitir api kutaḥ saṃbhāvyeta ? svasaṃvedanavyavasthā 
AS-VDh 154,12	ca tanniścayotpatter durghaṭaiva | tadanutpattau sutarāṃ tadavyavasthā svargaprāpaṇaśaktyādivad vedyākāravivekavad vā | 
AS-VDh 154,13	svarūpasya svato gatir ity api tathā niścayānutpattau na siddhyed brahmādvaitādivat | tataḥ kutaścin niścayād vastu- 
AS-VDh 154,14	svabhāvabhedavyavasthāyāṃ sattvādiniścayād vastuni paramārthataḥ sattvādidharmabhedavyavasthitir abhyupagantavyā, anyathā 
AS-VDh 154,15	kvacid api vyavasthānāsiddheḥ | paramārthataḥ sattvādidharmavyavasthitau ca satyāṃ sādhīyasī sattvādisaptabhaṅgī, 
AS-VDh 154,16	sunayārpitatvāt | 
AS-VDh 154,17	sampraty ekānekatvādisaptabhaṅgyām api tām eva prakriyām atidiśantaḥ sūrayaḥ prāhuḥ —
ĀM-VDh 23
 		ekānekavikalpādāv uttaratrāpi yojayet | prakriyāṃ bhaṅginīm enāṃ nayair nayaviśāradaḥ || 23 || 
AS-VDh 154,19	syād ekam eva syād anekam eveti vikalpa ādir yasya sa ekānekavikalpādiḥ | tasminn uttaratrāpi syādvādavi- 
AS-VDh 154,20	śeṣāvicāre 'pi prakriyām enām anvādiṣṭāṃ bhaṅginīṃ saptabhaṅgāśrayāṃ nayair yathocitasvarūpair yojayet–yuktāṃ pratipādaye- 
AS-VDh 154,21	n nayaviśāradaḥ syādvādī, tato 'nyasya tadyojane 'nadhikārāt | tad yathā | syād ekaṃ saddravyanayāpekṣayā | na hi 
AS-VDh 154,22	satparyāyanayāpekṣayā sarvathā vā sarvam ekam eveti yuktaṃ, pramāṇavirodhāt | nanu ca saddravyanayārpaṇād api jīvā- 
AS-VDh 154,23	didravyam ekaikaśa evaikaṃ sidhyet, na tu nānādravyaṃ, pratītivirodhāt, tatraikatvapratyabhijñānābhāvāt 
AS-VDh 155,01	sarvatraikatvasya tanmātrasādhyatvād anyathātiprasaṅgād iti kaścit | taṃ pratyeke samādadhate 'sad eva dravyaṃ saddravyam | 
AS-VDh 155,02	tadviṣayo nayaḥ saṅghahaḥ paramaḥ | tadapekṣayā sarvasyaikatvavacanād adoṣaḥ' iti | apare tu 'saddravyam eva nayaḥ, 
AS-VDh 155,03	nīyamānatvād dhetoḥ | tadapekṣayā sarvam ekaṃ, jīvādīnāṃ ṣaṇṇāṃ tadbhedaprabhedānāṃ cānantānantānāṃ tatparyāyatvāt 
AS-VDh 155,04	'ekaṃ dravyam anantaparyāyam' iti saṃkṣepatas tattvopadeśāt, tasya sarvatra sarvadā vicchedānupalakṣaṇāt pratīti- 
AS-VDh 155,05	virodhābhāvād ekatvapratyabhijñānasyāpi sad evedam ity abādhitasya sarvatra bhāvāt, abhāvasyāpi tatparyāyatvān na 
AS-VDh 155,06	kiñcid dūṣaṇam' iti samācakṣate | nanu ca jīvādayo viśeṣāḥ parasparaṃ vyāvṛttavivarttāḥ katham ekaṃ dravyaṃ virodhā- 
AS-VDh 155,07	d iti cen na, kathaṃcid ekatvena virodhābhāvāt kathaṃcid viśiṣṭapratibhāsāt | yady api te viśeṣāḥ paraspara- 
AS-VDh 155,08	vyāvṛttapariṇāmāḥ kālādibhede 'pi sadrūpāviśiṣṭāś citrajñānanīlādinirbhāsavat | yathā hi citra- 
AS-VDh 155,09	pratibhāsāpy ekaiva buddhiḥ, bāhyacitravilakṣaṇatvāt | śakyavivecanaṃ hi bāhyacitram aśakyavivecanāś ca buddher nī- 
AS-VDh 155,10	lādyākārā iti citrajñānam aśakyavivecanaṃ nīlādinirbhāsabhede 'py ekam iṣyate tathā jīvādiviśeṣabhede 'py ekaṃ 
AS-VDh 155,11	saddravyaṃ, kālabhede 'pi sadrūpād aśakyavivecanatvāt deśabhede 'pi vā tatas teṣāṃ vivecayitum aśakter ākārabhedavat, 
AS-VDh 155,12	tatas teṣāṃ kadācit kvacit kathaṃcid api vivecane svarūpābhāvaprasaṅgāt | sāmānyaviśeṣasamavāyavat prāgabhāvādivad vā 
AS-VDh 155,13	sadrūpād vivecane 'pi jīvādīnāṃ nābhāva iti cen na, teṣām api sadvivartatvāt sadrūpavivecanāsiddher anyathā prameyatvā- 
AS-VDh 155,14	yogād avastutvaprasakteḥ sarvathā sattvādbhinnasyāsattvanirṇayāt | tato jīvādiviśeṣāḥ kālādibhede 'pi syād ekaṃ 
AS-VDh 155,15	dravyaṃ, sadrūpāviśiṣṭatvān nīlādinirbhāsabhede 'pi jñānarūpāviśiṣṭatvād ekacitrajñānavat | iti prathamo bhaṅgaḥ | 
AS-VDh 155,16	tathā jīvādiviśeṣāḥ syād anekatvam āskandanti,  bhedena darśanāt saṃkhyāsaṃkhyāvadarthavat | na hi 
AS-VDh 155,17	saṃkhyāsaṃkhyāvator bhedenādṛṣṭau viśeṣaṇaviśeṣyavikalpaḥ kuṇḍalivat kṣīrodakavad atadvedini,  yataḥ 
AS-VDh 155,18	saugatas tayor abhedaṃ manyeta | na ca bhedaikānte tadvattāsti, vyapadeśanimittābhāvāt | saṃkhyāv ānartha iti 
AS-VDh 155,19	vyapadeśanimittaṃ samavāya iti cen na, tasya kathaṃcit tādātmyarūpatve bhedaikāntāsiddher vaiśeṣikamatavirodhāt | 
AS-VDh 155,20	padārthāntaratve saṃkhyāsaṃkhyāvatoḥ samavāya iti vyapadeśanimittābhāvaḥ | viśeṣaṇaviśeṣyabhāvo vyapadeśanimi- 
AS-VDh 155,21	ttam iti cen na, tasyāpi tato bhede vyapadeśanimittāntarāpekṣaṇāt paryanuyogānivṛtter anavasthāprasaṅgāc ca | tasmād ayaṃ 
AS-VDh 155,22	kathaṃcid eva saṃkhyāsaṃkhyāvatoḥ svabhāvabhedaṃ paśyati, tadviśiṣṭavikalpanāt kvacin nirṇaye 'py anyatra 
AS-VDh 155,23	saṃśayād varṇarasādivad iti | tad evaṃ sarvaṃ siddhaṃ syād anekam | iti dvitīyo bhaṅgaḥ | 
AS-VDh 156,01	kramārpitadvayāt syād ubhayam | sahāvaktavyaṃ, vaktum aśakteḥ | syād ekāvaktavyaṃ, svalakṣaṇasyaikasya 
AS-VDh 156,02	vaktum aśakyatvāt | syād anekāvaktavyaṃ, tasyānekasyāpi vaktum aśakteḥ | tata eva syād ubhayāvakta- 
AS-VDh 156,03	vyam | iti saptabhaṅgīprakriyāyojanam atideśavacanasāmarthyād avasīyate | tata eva caikatvam ekadharmiṇi 
AS-VDh 156,04	svapratiṣedhyenānekatvenāvinābhāvi, viśeṣaṇatvād vaidharmyāvinābhāvisādharmyavaddhetau | anekatvaṃ svapratiṣedhyenaikatve- 
AS-VDh 156,05	nāvinābhāvi, viśeṣaṇatvāt sādharmyāvinābhāvivaidharmyavaddhetau | evaṃ tadubhayādayo 'pi svapratiṣedhyenāvi- 
AS-VDh 156,06	nābhāvino viśeṣaṇatvād viśeṣyatvāc chabdagocaratvād vastutvād vā svasādhyetarāpekṣayā hetvahetvātmakasādhanadharmava- 
AS-VDh 156,07	d ity api nayayojanam aviruddham avaboddhavyam | viśeṣaṇatvādeḥ sādhanadharmasyāpi svaviśeṣyāpekṣayā viśeṣaṇasya 
AS-VDh 156,08	svapratiṣedhyenāvinābhāvitvasiddher na tena viśeṣaṇatvādihetor vyabhicāraḥ | nāpi viśeṣyatvasya, svaviśe- 
AS-VDh 156,09	ṣaṇāpekṣayā viśeṣyasyāpi svapratiṣedhyenāvinābhāvitvāt | śabdagocaratvasya ca śabdāntarāgocarasya 
AS-VDh 156,10	svapratiṣedhyenāvinābhāvitvāt, vastutvadharmasya ca vastvaṃ śatvena vastutvarūpasya tata eva vyabhicāritvāśaṅkāpi 
AS-VDh 156,11	na kartavyā, anekāntavādināṃ tathāpratīter virodhābhāvāt | evam ekatvānekatvābhyām anavasthitaṃ saptabhaṅgyām ārūḍhaṃ 
AS-VDh 156,12	jīvādivastu, kāryakāritvānyathānupapatteḥ | sarvathaikānte kramākramābhyām arthakriyāvirodhād ityādy api yojanīyam | 
AS-VDh 156,13	prajñādhīśaprapūjyojjvalaguṇanikarodbhūtasatkīrtisampadvidyānando dayāyā'navaratam akhilakleśanirṇāśanāya | 
AS-VDh 156,14	stādgauḥ sāmantabhadrī dinakararucijitsaptabhaṅgīvidhīddhā bhāvādyekāntacetas timiranirasanī vo 'kalaṅka - 
AS-VDh 156,15	prakāśā || 1 || 
AS-VDh 156,16	ity āptamīmāṃsālaṅkṛtau prathamaḥ paricchedaḥ | 
AS-VDh 157,01	atha dvitīyaḥ paricchedaḥ | 
AS-VDh 157,02		śrotavyāṣṭasahasrī śrutaiḥ kim anyaiḥ sahasrasaṃkhyānaiḥ | 
AS-VDh 157,03		vijñāyate yayaiva svasamayaparasamayasadbhāvaḥ || 1 || 
ĀM-VDh 24
 		advaitaikāntapakṣe 'pi dṛṣṭo virudhyate | kārakāṇāṃ kriyāyāś ca naikaṃ svasmāt prajāyate || 24 || 
AS-VDh 157,05	sadādyekānteṣu doṣodbhāvanam abhihitam ācāryaiḥ | kevalam advaitaikāntābhyupagamān na tāvatānekānta- 
AS-VDh 157,06	siddhir iti cen na, pratyakṣādivirodhāt | na hi kasyacid abhyupagamamātraṃ pramāṇasiddhaṃ kriyākāra- 
AS-VDh 157,07	kabhedaṃ pratiruṇaddhi kṣaṇikābhyupagamavat | nanv idam ayuktam eva saṃlakṣyate —'advaitaṃ hy aikātmyaṃ, dvābhyā- 
AS-VDh 157,08	m itaṃ dvītaṃ, dvītam eva dvaitaṃ, na dvaitam advaitam iti vyākhyānāt | tasyaikāntas tadevety abhiniveśaḥ | tasya 
AS-VDh 157,09	pakṣaḥ pratijñābhyupagamamātram | tasminn api dṛṣṭaḥ sākṣātkṛto 'numitaś ca kārakāṇāṃ kartrādīnāṃ kriyāyāś ca sthāna- 
AS-VDh 157,10	gamanādirūpāyā niṣparispandasvabhāvāyāḥ parispandarūpāyāś ca bhedaḥ pratyakṣeṇānumānena ca virudhyate, tadabhyu- 
AS-VDh 157,11	pagamamātrasya pratyakṣādipramāṇasiddhakriyākārakabhedapratirodhitvāsaṃbhavāt kṣaṇikatvābhyupagamavad iti tātparya- 
AS-VDh 157,12	vyākhyānam akalaṅkadevānām' | na hi kārakabhedaḥ pratyakṣādinā'dvaite 'pi virudhyate, pādapasyaikasya yugapatkrameṇa 
AS-VDh 157,13	vā kartrādyanekakārakātmakatvapratīteḥ ? kriyānānātvam apy ekasya tathaiva na pratiṣidhyate, deśādyapekṣayā gamanā- 
AS-VDh 157,14	gamanayoḥ sthānaśayanayor vā sakṛd api niścayāt | tadvad ekam api parabrahma sakalakriyākārakabhedātmakatayā na vi- 
AS-VDh 157,15	rodham adhyāste, tathā pratibhāsavaicitrye 'py ekatvāvyāghātāc citrajñānavad ity aparaḥ so 'py evaṃ praṣṭavyaḥ —kriyākārakabheda- 
AS-VDh 157,16	prapañcaḥ kim ajanmā janmavān vā ? na tāvad ajanmā, kādācitkatvāt, yas tv ajanmā sa na kādācitko 
AS-VDh 157,17	yathātmā, kādācitkaś cāyaṃ, tasmān nājanmeti bādhakasadbhāvāt | janmavāṃś cetkuto jāyate iti vaktavyam ? 
AS-VDh 157,18	paramapuruṣād eveti cet katham advaitasiddhiḥ ? kāraṇakāryayor dvaitaprasiddheḥ | kriyādikāryasya brahmaṇo 'nanyatvād advaitam eveti 
AS-VDh 157,19	cet kathaṃ svasmād eva tasya janma yujyate ? kathaṃ ca kāryād abhinnasya brahmaṇo 'kāryatvam ? yato nityatvaṃ syāt | 
AS-VDh 157,20	parasmāj jāyate iti ced dvaitasiddhiḥ, puruṣāt parasya kriyākārakabhedahetor abhyupagamāt | parasyānādyavidyārūpatvād aki- 
AS-VDh 157,21	ñcidrūpasya dvitīyatvāyogān na dvaitasiddhir iti cet katham akiṃcidrūpasya kāraṇatvam ? kāryasyāpy akiṃcidrūpatvād adoṣa 
AS-VDh 157,22	iti cet kim idānīṃ kharaviṣāṇād aśvaviṣāṇasya janmāsti ? neti cet katham avidyātmanaḥ kāraṇād avidyātmakakāryasyo- 
AS-VDh 157,23	tpattiḥ ? māhendrādiṣu māyāmayād eva pāvakādes tathāvidhadhūmādijanmadarśanād adoṣa iti cen na, tatrāpi pāvakadhū-
AS-VDh 158,01	mādyoḥ sarvathā māyāmayatvāsiddheḥ | na hi tatpratibhāsayor māyārūpatvaṃ, svasaṃvedanasiddhatvāt | nāpi bahiḥ- 
AS-VDh 158,02	saddravyādirūpayor māyāsvabhāvatvaṃ, vyabhicāritvābhāvāt | tadviśeṣākārayor māyārūpatvam iti cen na, tadvivikta- 
AS-VDh 158,03	vastuvyatirekeṇa māyāyāḥ saṃbhavābhāvāt | tathā kriyākārakabhedaprapañcākāraviviktaparabrahmavyatirekeṇāvidyāyāḥ 
AS-VDh 158,04	saṃbhavābhāve kathaṃ vedāntavādinām avidyātaḥ kāryasyāvidyātmano janane svasmād eva svasya janma na bhavet ? tac ca 
AS-VDh 158,05	pramāṇaviruddhaṃ na śakyaṃ vyavasthāpayituṃ nairātmyavat | kriyākārakabhedo 'yaṃ na svato jāyate parato vā | 
AS-VDh 158,06	api tu jāyate eveti suṣuptāyate, pratipattyupāyābhāvāt,  dṛṣṭeṣṭavirodhaprasaṅgāt | na hi kiṃcit svasmāt 
AS-VDh 158,07	parasmāc cājāyamānaṃ janmavad eva dṛṣṭam iṣṭaṃ vā, yena tathā pratipattyupāyarahitaṃ bruvāṇaḥ suṣuptam ivātmānaṃ 
AS-VDh 158,08	nācaret | tasmād yad dṛṣṭaviruddhaṃ tan na samañjasaṃ yathā nairātmyam | virudhyate ca tathaivādvaitaṃ kriyākā- 
AS-VDh 158,09	rakabhedapratyakṣādibhiḥ | ekasminn api kriyākārakabhedapratyakṣādeḥ saṃbhavāt svapnasaṃvedanavat katham advaitaṃ viruddha- 
AS-VDh 158,10	m iti cen na, svapnasaṃvedanasyāpy ekatve tadvirodhasya tadavasthatvāt | tatrānyad eva hi kriyāviśeṣasaṃvedanaṃ 
AS-VDh 158,11	svavāsanottham anyad eva ca kārakaviśeṣasaṃvedanaṃ pratyakṣam anumānādi vā na punar ekam eva, taddhetuvāsanābhedābhāvapra- 
AS-VDh 158,12	saṅgāt, jāgraddaśāyām iva svapnādidaśāyām api puṃso 'nekaśaktyātmakasya kriyākārakaviśeṣapratibhāsavaicitryavyava- 
AS-VDh 158,13	sthiteḥ | kasyacid ekarūpasyātmagaganāder apy anekāntavādinām anekakriyākārakaviśeṣapratibhāsālambanatvasiddhe- 
AS-VDh 158,14	r viruddham etatpratyakṣādibhir advaitam | na hi karoti kumbhaṃ kumbhakāro daṇḍādinā, bhuṅkte pāṇinaudanam ityādi 
AS-VDh 158,15	pratyakṣaṃ bhrāntaṃ yenādvaitasya virodhakaṃ na syāt | sarvatra kriyākārakādirūpaṃ kathaṃcid bhinnaṃ, bhinnapratibhāsitvā- 
AS-VDh 158,16	nyathānupapatter ity anumānaṃ vā nānājīvā ityādipravacanaṃ vā na vibhramākrāntaṃ yenādvaitaṃ na virundhyāt | syād ākūtaṃ 
AS-VDh 158,17	'vivādāpannaṃ pratyakṣādi mithyaiva, bhedapratibhāsitvāt svapnapratyakṣādivat' iti tad asat, prakṛtānumāne pakṣa- 
AS-VDh 158,18	hetudṛṣṭāntabhedapratibhāsasyāmithyātve tenaiva hetor vyabhicārāt tanmithyātve tasmād anumānāt sādhyāprasiddheḥ | 
AS-VDh 158,19	parābhyupagamāt pakṣādibhedapratibhāsasyāmithyātve na doṣa iti cen na, svaparābhyupagamabhedapratibhāsena vyabhi- 
AS-VDh 158,20	cārāt | tasyāpi parābhyupagamāntarād amithyātvād doṣābhāve sa eva tadbhedapratibhāsena vyabhicāra iti na 
AS-VDh 158,21	kvacid vyavatiṣṭheta' | kaścid āha 'brahmādvaitasya saṃvinmātrasya svataḥsiddhasya kriyākārakabhedapratyakṣādīnāṃ bādhakasya 
AS-VDh 158,22	bhāvāt teṣāṃ bhrāntatvam | tato na tadvirodhakatvam' iti tad api na sādhīyaḥ, tathā sati bādhyabādhakayor bhedāt, 
AS-VDh 158,23	dvaitasiddhiprasaṅgāt | na ca paropagamamātrāt tayor bādhyabādhakabhāvaḥ, paramārthatas tadabhāvāpatteḥ pratibhāsamātravat pra- 
AS-VDh 158,24	tibhāsamātraviśeṣasyāpi satyatvasiddher anekāntavyavasthānāt | tadekāntataḥ puruṣādvaitaṃ pratyakṣādiviruddham eva | 
AS-VDh 159,01	tathāsminn advaitaikānte dūṣaṇāntaram upadarśayantaḥ prāhuḥ —
ĀM-VDh 25
 		karmadvaitaṃ phaladvaitaṃ lokadvaitaṃ ca no bhavet | vidyā'vidyādvayaṃ na syād bandhamokṣadvayaṃ tathā || 25 || 
AS-VDh 159,03	laukikaṃ vaidikaṃ ca karmeti vā kuśalam akuśalaṃ ca karmānuṣṭhānam iti vā puṇyaṃ pāpaṃ ca karmeti vā 
AS-VDh 159,04	karmadvaitaṃ na syāt | tadabhāvād ihāmutra ca śreyaḥpratyavāyalakṣaṇaṃ phaladvaitaṃ na syāt, kāraṇābhāve kāryasyā- 
AS-VDh 159,05	nutpatteḥ | tata eveha lokaparalokalakṣaṇaṃ lokadvaitaṃ na syāt | karmādidvaitasyānādyavidyopadarśitatvād adoṣa iti 
AS-VDh 159,06	cen na, dharmādharmmadvaitasyābhāve vidyāvidyādvayasyāsaṃbhavād bandhamokṣadvayavat | pūrvāvidyodayād eva vidyāvidyādvayaṃ 
AS-VDh 159,07	bandhamokṣadvayaṃ ca, paramārthatas tadasaṃbhavāt 'na bandho 'sti na vai mokṣa ity eṣā paramārthatā' iti pravacanāt pratibhāsa- 
AS-VDh 159,08	mātrasya parabrahmaṇa eva tāttvikatvād iti cen na, nairātmyasyāpi tāttvikatvāpattes tatkalpanāyā naiṣphalyāvi- 
AS-VDh 159,09	śeṣāt | sarvo hi pramāṇapratyanīkaṃ svamanīṣikābhir advaitam anyad vā kiṃcit phalam uddiśyāracayet, anyathā 
AS-VDh 159,10	tatprati pravartanāyogāt prekṣāvṛtteḥ | tathāhi | puṇyapāpasukhaduḥkhehaparalokavidyetarabandhamokṣaviśeṣa- 
AS-VDh 159,11	rahitaṃ prekṣāpūrvakāribhir anāśrayaṇīyam | yathā nairātmyadarśanam | tathā ca prastutam | tasmāt prekṣā- 
AS-VDh 159,12	pūrvakāribhir anāśrayaṇīyam | iti na tajjijñāsāpi śreyasī | 
AS-VDh 159,13	syān mataṃ "na brahmādvaitaṃ pramāṇapratyanīkatvāt svamanīṣikābhir āracitaṃ, tasyānumānād āgamād vā pramāṇāt pra- 
AS-VDh 159,14	siddheḥ | tathā hi | yat pratibhāsasamānādhikaraṇaṃ tatpratibhāsāntaḥpraviṣṭam eva | yathā pratibhāsasvarūpam | 
AS-VDh 159,15	pratibhāsasamānādhikaraṇaṃ ca sarvam | iti hetoḥ parabrahmasiddhiḥ | na cāyam asiddhaḥ, sukhaṃ 
AS-VDh 159,16	pratibhāsate rūpaṃ pratibhāsate iti sarvatra pratibhāsasamānādhikaraṇatvasya pratīter anyathā sadbhāvāsiddheḥ | 
AS-VDh 159,17	apratibhāsamānasyāpi sadbhāve sarvasya manorathasiddhiprasaṅgān na kiṃcid asat syāt | atha pratibhāsavyatiriktasya 
AS-VDh 159,18	pratibhāsyasyārthasyāntar bahir vopacārāt pratibhāsasamānādhikaraṇatvavyavasthiteḥ pratibhāsasvarūpasya mukhyatopapatter a- 
AS-VDh 159,19	siddho hetur iti mataṃ tad apy asamyak, pratibhāsyapratibhāsayos tadbhāvānupapatteḥ | pratibhāsasya hetutvāt pratibhā- 
AS-VDh 159,20	syo 'rtha iti cen na, pratibhāsamātrasyāhetukatvāt kasyacit taddhetutvāyogāt | tadahetukatvam, akādācitkatvāt, 
AS-VDh 159,21	anyathā kadācit tadabhāvaprasaṅgāt | pratibhāsālambanatvāt pratibhāsyo 'rtho bhavatīti cet kutas tasya pratibhāsā- 
AS-VDh 159,22	lambanatvam ? pratibhāsyatvād iti cet parasparāśrayaṇam | pratibhāsālambanatvayogyatvād iti cet tarhi pratibhāsa- 
AS-VDh 159,23	svarūpam eva pratibhāsyaṃ, tasyaiva pratibhāsālambanatvopapatteḥ sarvatra pratibhāsasya svarūpālambanatvāt | tathā ca 
AS-VDh 159,24	kathaṃ viṣayasyopacaritaṃ pratibhāsasamānādhikaraṇatvaṃ yato 'siddho hetuḥ syāt | tata eva nānaikāntiko 
AS-VDh 160,01	viruddho vā, pratibhāsāntara'praviṣṭasya kasyacid api pratibhāsasamānādhikaraṇatvāyogād dhetor vipakṣavṛttyabhāvāt | 
AS-VDh 160,02	nāśrayāsiddhir api hetoḥ śaṅkanīyā, sarvasya dharmiṇaḥ parabrahmaṇa evāśrayatvāt 'brahmeti brahmaśabdena kṛtsnaṃ 
AS-VDh 160,03	vastv abhidhīyate | prakṛtasyātmakārtsnyasya vai–śabdaḥ smṛtaye mataḥ' iti śrutivyākhyānāt | tato 'navadyād dheto- 
AS-VDh 160,04	r bhavaty evādvaitasiddhiḥ | tathopaniṣadvacanād api 'sarvaṃ vai khalv idaṃ brahma' ityādiśrutisadbhāvāt, tatas tadbhrāntinirā- 
AS-VDh 160,05	karaṇāt" iti | 
AS-VDh 160,06	tad etatpratividhitsavaḥ prāhuḥ —
ĀM-VDh 26
 		hetor advaitasiddhiś ced dvaitaṃ syād dhetusādhyayoḥ | hetunā ced vinā siddhir dvaitaṃ vāṅmātrato na kim || 26 || 
AS-VDh 160,08	nanu ca pratibhāsasamānādhikaraṇatvād dhetoḥ sarvasya pratibhāsāntaḥpraviṣṭatvena puruṣādvaitasiddhāv api na 
AS-VDh 160,09	hetusādhyayor dvaitaṃ bhaviṣyati, tādātmyopagamāt | na ca tādātmye sādhyasādhanayos tadbhāvavirodhaḥ, sattvāni- 
AS-VDh 160,10	tyatvayor api tathābhāvavirodhānuṣaṅgāt | kalpanābhedād iha sādhyasādhanadharmabhede prakṛtānumāne 'pi katham avidyoda- 
AS-VDh 160,11	yopakalpitahetusādhyayos tadbhāvavighātaḥ, sarvathā viśeṣābhāvād iti cen na, śabdādau sattvānityatvayor api 
AS-VDh 160,12	kathaṃcit tādātmyāt sarvathā tādātmyāsiddheḥ, tatsiddhau sādhyasādhanabhāvavirodhāt | na cāsiddham udāharaṇaṃ 
AS-VDh 160,13	nāma, atiprasaṅgāt | tato na hetor advaitasiddhiḥ | hetunā vinaivāgamamātrāt tatsiddhir iti cen na, advaitata- 
AS-VDh 160,14	dāgamayor dvaitaprasaṅgāt | yadi punar āgamo 'py advayapuruṣasvabhāva eva na tato vyatirikto yena dvaitam anuṣajyate iti 
AS-VDh 160,15	matam, 'ūrddhvamūlam adhaḥśākham aśvatthaṃ prāhur avyayam | chandāṃsi tasya parvāṇi yas taṃ vetti sa vedavit' iti 
AS-VDh 160,16	vacanāt tadā brahmavat tadāgamasyāpy asiddhatvaṃ syāt, sarvathāpy asiddhasvabhāvasya siddhatvavirodhāt siddhāsiddha- 
AS-VDh 160,17	yor bhedaprasakteḥ | tad evaṃ yad asiddhaṃ tan na hitepsubhir ahitajihāsubhir vā pratipattavyam | yathā śūnyataikāntaḥ 
AS-VDh 160,18	tathā cāsiddham advaitam iti | atra nāsiddho hetuḥ, puruṣādvaitasyānumānād āgamād vā siddhatvāyogāt | prati- 
AS-VDh 160,19	bhāsasamānādhikaraṇatvānumānāt tatsiddhir iti cen na, tasya viruddhatvāt, pratibhāsatadviṣayābhimatayoḥ kathaṃci- 
AS-VDh 160,20	d bhede sati samānādhikaraṇatvasya pratīteḥ sarvathā pratibhāsāntaḥpraviṣṭatvāsādhanāt svaviṣayasya | na hi śuklaḥ 
AS-VDh 160,21	paṭa ityādāv api sarvathā guṇadravyayos tādātmye sāmānādhikaraṇyam asti | sarvathābhedavat pratibhāsasvarūpaṃ 
AS-VDh 160,22	pratibhāsate ity atrāpi na pratibhāsatatsvarūpayor lakṣyalakṣaṇabhūtayoḥ sarvathā tādātmyam asti, pratibhāsasya 
AS-VDh 161,01	sādhāraṇāsādhāraṇadharmādhikaraṇasya svasvarūpād asādhāraṇadharmāt kathaṃcid bhedaprasiddher anyathā tatsāmānādhikaraṇyāyo 
AS-VDh 161,02	gāt suvarṇaṃ suvarṇam iti yathā sahyavindhyavad vā tad evaṃ | yat pratibhāsasamānādhikaraṇaṃ tat pratibhāsāt kathaṃcid arthā- 
AS-VDh 161,03	ntaraṃ yathā pratibhāsasvarūpaṃ, pratibhāsasamānādhikaraṇaṃ ca sukhanīlādi sarvam iti sādhyaviparītasādhanād dheto- 
AS-VDh 161,04	r nādvaitasiddhiḥ | sarvaṃ vai khalv idaṃ brahmetyādyāmnāyād api dvaitasiddhir eva syāt, sarvasya prasiddhasyāprasiddhena 
AS-VDh 161,05	brahmatvena vidhānāt, sarvathā prasiddhasya vidhānāyogād aprasiddhavat | kvacid ātmavyaktau prasiddhasyaikātmyarūpasya 
AS-VDh 161,06	brahmatvasya sarvātmasv 'anātmābhimateṣu ca vidhānād dvaitaprapañcāropavyavacchede 'pi tadāgamādvyavac chedyavyavacchedakasa- 
AS-VDh 161,07	dbhāvasiddheḥ katham advaitasiddhiḥ ? āmnāyasya parabrahmasvabhāvatve 'pi na tatas tadadvaitasiddhiḥ, svabhāvasvabhāvavatos tādā- 
AS-VDh 161,08	tmyaikāntānupapatteḥ | svasaṃvedanam eva puruṣādvaitasādhanam iti cen naitad api sāraṃ, nigaditapakṣadoṣopanipātāt | 
AS-VDh 161,09	tathā hi | tatsiddhir yadi sādhanāt sādhyasādhanayos tarhi dvaitaṃ syāt | anyathā'dvaitasiddhivaddvaitasiddhiḥ 
AS-VDh 161,10	kathaṃ na syāt ? svābhilāpamātrād arthasiddhau sarvaṃ sarvasya sidhyet | na hi svasaṃvedanam api sādhanam ā- 
AS-VDh 161,11	tmano 'nanyad eva sādhanatvavirodhāt anumānāgamavatsādhyasyaiva sādhanatvāpatteḥ prakṛtānumānāgamayor iva svasaṃve- 
AS-VDh 161,12	danapratyakṣasyāpi sādhanasyābhāvāt | svataḥ siddhaṃ brahmety abhyupagame dvaitam api svataḥ sakalasādhanābhāve 'pi kiṃ na 
AS-VDh 161,13	sidhyet ? tattvopaplavamātraṃ vā ? nairātmyaṃ vā ? svābhilāpamātrāviśeṣāt | sarvasya sarvamanorathasiddhir api 
AS-VDh 161,14	durnivārā syāt | etenaitad api pratyākhyātaṃ yad uktaṃ bṛhadāraṇyakavārtike "ātmāpi sad idaṃ brahma mohā- 
AS-VDh 161,15	t pārokṣyadūṣitam | brahmāpi sa tathaivātmā sadvitīyatayekṣyate | 1 | ātmā brahmeti pārokṣyasadvitīyatvabā- 
AS-VDh 161,16	dhanāt | pumarthe niścitaṃ śāstram iti siddhaṃ samīhitam | 2 | " iti, mohasyāvidyārūpasyākiṃcidrūpatve 
AS-VDh 161,17	pārokṣyahetutvāghaṭanāt sadvitīyatvadarśananibandhanatvāsaṃbhavāt tasya vasturūpatve dvaitasiddhiprasaktes tata eva 
AS-VDh 161,18	pārokṣyasadvitīyatvayor bādhanāt pumarthe niścitaṃ śāstram ity etasyāpi dvaitasādhanatvāt, śāstrapumarthayor bhedābhāve 
AS-VDh 161,19	sādhyasādhanabhāvāsaṃbhavāt | 
ĀM-VDh 27ab		advaitaṃ na vinā dvaitād ahetur iva hetunā | 
ĀM-VDh 27cd		saṃjñinaḥ pratiṣedho na pratiṣedhyādṛte kvacit | 27 | 
AS-VDh 161,22	kathaṃ punar hetunā vinā'hetur ivādvaitaṃ dvaitād vinā na siddhyatīti niścitam iti ced ucyate, advaitaśabdaḥ 
AS-VDh 161,23	svābhidheyapratyanīkaparamārthāpekṣā nañpūrvākhaṇḍapadatvād ahetvabhidhānavad ity anumānāt | anekānta-
AS-VDh 162,01	śabdena vyabhicāra iti cen na, tasyāpi samyag ekāntena vinānupapadyamānatvāt | evam amāyādiśabdenāpi na 
AS-VDh 162,02	vyabhicāras tasya māyādinā'vinābhāvitvāt | tathā nañpūrvagrahaṇāt kevalena śabdena vyabhicāro nirastaḥ, 
AS-VDh 162,03	padāṃśenākhaṇḍagrahaṇāt | akharaviṣāṇādiśabdena ca na | tato nātra kiṃcid atiprasajyate, tādṛśo 
AS-VDh 162,04	naño vastupratiṣedhanibandhanatvāt | na hy akhaṇḍapadaviśeṣaṇasya nañaḥ kvacid avastupratiṣedhanibandhanatvam upa- 
AS-VDh 162,05	labdhaṃ, padāntaropahitapadaviśeṣaṇasyaiva tathā pratīter akharaviṣāṇam ityādivat | ata eva sarvatra pratiṣedhyādṛte 
AS-VDh 162,06	saṃjñinaḥ pratiṣedhābhāvaḥ pratyetavyaḥ | na hi kharaviṣāṇaṃ saṃjñi kiṃcid asti yena tasyāpi sata eva 
AS-VDh 162,07	kathaṃcit pratiṣedhaḥ prasajyate | nanu puruṣādvaite paramārthataḥ pratiṣedhavyavahārāsaṃbhavāt paropagatasya dvaitasya 
AS-VDh 162,08	paraprasiddhanyāyād evānumānādirūpādabhāvaḥ sādhyate | na ca svaparavibhāgo 'pi tāttvikas tasyāvidyāvilāsāśra- 
AS-VDh 162,09	yatvāt | tato na kaścid doṣa iti cen na, avidyāyā eva vyavasthāpayitum aśakteḥ | 'nanu ca na vastuvṛttam ape- 
AS-VDh 162,10	kṣyā'vidyā vyavasthāpyate, tasyām avastubhūtāyāṃ pramāṇavyāpārāyogāt | parabrahmaṇyavidyāvati avidyārahite 
AS-VDh 162,11	ca vidyāyā virodhād ānarthakyāc ca nāvidyā'syety apy avidyāyām eva sthitvā prakalpanāt, brahmādhārāyās tv avi- 
AS-VDh 162,12	dyāyāḥ katham apy ayogāt | yataś cānubhavād avidyāsmīti brahmānubhūtimat tata eva pramāṇotthavijñānabādhitā sā 
AS-VDh 162,13	tadabādhane tasyā apy ātmatvaprasaṅgāt | tathā brahmaṇy avijñāte tadavidyāvyavasthānupapatter bādhāsadbhāvāt vijñāte 'pi 
AS-VDh 162,14	sutarāṃ tadabādhanād avyavasthānaṃ, abādhitāyā buddher mṛṣātvāyogāt | na cāvidyāvān naraḥ kathaṃcid avidyāṃ nirūpayitu- 
AS-VDh 162,15	m īśaś candradvayādibhrāntim iva jātitaimirikaḥ | tad uktaṃ "brahmā'vidyāvad iṣṭaṃ cen nanu doṣo mahānayam | niravadye ca 
AS-VDh 162,16	vidyāyā ānarthakyaṃ prasajyate | 1 | nā'vidyā'syety avidyāyām eva sthitvā prakalpate | brahmādhārā tv avidyeyaṃ na 
AS-VDh 162,17	kathaṃcana yujyate | 2 | yato 'nubhavato 'vidyā brahmāsmīty anubhūtimat | ato mānotthavijñānadhvastā sāpy anyathātma- 
AS-VDh 162,18	tā | 3 | brahmaṇy avidite bādhān nāvidyety upapadyate | nitarāṃ cāpi vijñāte mṛṣā dhīrnāsty abādhitā | 4 | avidyāvāna-
AS-VDh 163,01	vidyāṃ tāṃ na nirūpayituṃ kṣamaḥ | vastuvṛttamato 'pekṣya nāvidyeti nirūpyate | 5 | vastuno 'nyatra mānānāṃ 
AS-VDh 163,02	vyāpṛtir na hi yujyate | avidyā ca na vastv iṣṭaṃ mānāghātā'sahiṣṇutaḥ | 6 | avidyāyā avidyātve 
AS-VDh 163,03	idam eva ca lakṣaṇam | mānāghātāsahiṣṇutvam asādhāraṇam iṣyate | 7 | " na caivam aprāmāṇikāyām avidyāyāṃ 
AS-VDh 163,04	kalpyamānāyāṃ kaścid doṣaḥ, tasyāḥ saṃsāriṇaḥ svānubhavāśrayatvād dvaitavādina eva dṛṣṭādṛṣṭārthaprapañcasya pramāṇa- 
AS-VDh 163,05	bādhitasya kalpanāyām anekavidhāyāṃ bahuvidhadoṣānuṣaṅgāt | tad apy uktaṃ "tvatpakṣe bahu kalpyaṃ syāt sarvaṃ 
AS-VDh 163,06	mānavirodhi ca | kalpyā'vidyaiva matpakṣe sā cānubhavasaṃśrayā" | 1 | iti kaścit so 'pi na prekṣāvān, 
AS-VDh 163,07	sarvapramāṇātītasvabhāvāyāḥ svayam avidyāyāḥ svīkaraṇāt | na hi prekṣāvān sakalapramāṇātikrāntarūpām avidyāṃ 
AS-VDh 163,08	vidyāṃ vā svīkurute | na ca pramāṇānām avidyāviṣayatvam ayuktaṃ, vidyāvad avidyāyā api kathaṃcid vastutvāt | 
AS-VDh 163,09	tathā vidyātvaprasaṅga iti cen na kiṃcid aniṣṭaṃ, yathā yatrāvisaṃvādas tathā tatra pramāṇatety akalaṅkadevair apy uktatvā- 
AS-VDh 163,10	t | bahiḥprameyāpekṣayā tu kasyacit saṃvedanasyāvidyātvaṃ bādhakapramāṇāvaseyam | katham apramāṇaviṣayaḥ ? 
AS-VDh 163,11	tadbādhakaṃ punararthānyathātvasādhakam eva pramāṇam anubhūyate iti vastuvṛttam apekṣyaivāvidyā nirūpaṇīyā | na ca 
AS-VDh 163,12	kathaṃcid vidyāvato 'py ātmanaḥ pratipattur avidyāvattvaṃ virudhyate, yato 'yaṃ mahān doṣaḥ syāt | nāpy avidyāśūnyatve 
AS-VDh 163,13	kathaṃcid vidyānarthakyaṃ prasajyate, tatphalasya sakalavidyālakṣaṇasya bhāvāt | na cāvidyāyām eva sthitvā'syeyam a- 
AS-VDh 163,14	vidyeti kalpyate, sarvasya vidyāvasthāyām evāvidyetaravibhāganiścayāt svapnādya'vidyādaśāyāṃ tadabhāvāt | 
AS-VDh 163,15	tataś cātmadvārevāvidyā yuktimatī | yasmād anubhavād avidyāvānaham asmīty anubhavavānātmā tata eva kathaṃcit 
AS-VDh 163,16	pramāṇotthavijñānā'bādhitā tadavidyāpi saivety ātmatāvirodhābhāvāt | na cātmani kathaṃcid avidite 'py avidyeti 
AS-VDh 163,17	nopapadyate, bādhā'virodhāt | kathaṃcid vijñāte 'pi vā'vidyeti nitarāṃ ghaṭate, viditātmana eva tadbādhakatva- 
AS-VDh 163,18	viniściteḥ kathaṃcid bādhitāyā buddher mṛṣātvasiddheḥ | na ca kathaṃcid avidyāvān eva naras tām avidyāṃ nirūpayitum a- 
AS-VDh 163,19	kṣamaḥ, sakalaprekṣāvadvyavahāravilopāt | yad api pramāṇāghātāsahiṣṇutvam asādhāraṇalakṣaṇam avidyāyās tad api pramā- 
AS-VDh 163,20	ṇasāmarthyād eva niścetavyam | iti na pramāṇātikrāntā kācid avidyā nāma yad abhyupagame brahmādvaitaṃ na viru- 
AS-VDh 163,21	dhyeta dvaitapratiṣedho vā dvaitāvinābhāvī na bhavet | tad etena śabdādvaitam api nirastaṃ, vijñānādyadvaitavattasyāpi 
AS-VDh 164,01	nigaditadoṣaviṣayatvasiddheḥ prakriyāmātrabhedāt, tadvyavasthānupapatteḥ, svapakṣetarasādhakabādhakapramāṇābhāvāviśeṣāt 
AS-VDh 164,02	svataḥsiddhyayogād gatyantarābhāvāc ca | ity alam atiprasaṅginyā saṃkathayā, sarvathaivādvaitasya nirākaraṇāt | 
AS-VDh 164,03	iṣṭam advaitaikāntāpavāraṇaṃ, pṛthaktvaikāntāṅgīkaraṇād iti mā'vadīdharat | yasmāt —
ĀM-VDh 28ab		pṛthaktvaikāntapakṣe 'pi pṛthaktvād apṛthak tu tau | 
ĀM-VDh 28cd		pṛthaktve na pṛthaktvaṃ syād anekastho hy asau guṇaḥ | 28 | 
AS-VDh 164,06	pṛthag eva dravyādipadārthāḥ pramāṇādipadārthāś ca, pṛthakpratyayaviṣayatvāt sahyavindhyavad ity ekāntaḥ pṛthaktvai- 
AS-VDh 164,07	kāntaḥ, sajātīyavijātīyavyāvṛttā niranvayavinaśvarā bahir antaś ca paramāṇavaḥ ity abhiniveśaś ca | tatra yeṣāṃ 
AS-VDh 164,08	pṛthaktvaguṇayogāt pṛthak padārthā ity āgrahaste evaṃ tāvat praṣṭavyāḥ —kiṃ pṛthagbhūtapadārthebhyaḥ pṛthaktvaṃ guṇaḥ 
AS-VDh 164,09	pṛthagbhūto 'pṛthagbhūto vā ? na tāvad uttaraḥ pakṣo guṇaguṇinor bhedopagamāt | nāpi prathamaḥ pṛthagbhūtapadārthebhyaḥ 
AS-VDh 164,10	pṛthaktvasya pṛthagbhāve teṣām apṛthaktvaprasaṅgāt | pṛthaktvasya tadguṇatvāt pṛthag iti pratyayasya tadālambanatvān na 
AS-VDh 164,11	teṣām apṛthaktvaprasaṅga iti cen na, tasya kathaṃcit tādātmyāpatteḥ pṛthaktvaikāntavirodhāt | tadguṇaguṇinor atādātmye 
AS-VDh 164,12	ghaṭapaṭavadvyapadeśo 'pi mā bhūt, saṃbandhanibandhanāntarābhāvāt | kathaṃcit tādātmyam eva hi tayoḥ saṃbandha- 
AS-VDh 164,13	nibandhanaṃ, na tato 'nyatsaṃbhavati | samavāyavṛttiḥ saṃbhavatīti cen na, samavāyasya, kathaṃcid aviṣvagbhāvād aparasya 
AS-VDh 164,14	pratikṣepāt | pṛthaktvam anyad vā pṛthagbhūtam anaṃśam anekastheṣu niṣparyāyaṃ vartate iti duravagāham | na hy ane- 
AS-VDh 164,15	kadeśastheṣu himavadvindhyādiṣu sakṛdekaḥ paramāṇur vartate iti saṃbhavati | gaganādyanaṃśam api vartate iti cen na, 
AS-VDh 164,16	tasyānantapradeśāditayānaṃśatvāsiddher anāśrayatayā kvacid vṛttyabhāvāc ca | sattaikā yugapad anekatra vartate ity apy a- 
AS-VDh 164,17	siddhaṃ, tadanantaparyāyatvasādhanāt svaparyāyebhyo 'tyantabhedāsiddheś ca samavāyavṛttyanupapatteḥ | dravyatvādisāmā- 
AS-VDh 164,18	nyam api naikam anaṃśam anekasvavyaktivṛtti sakṛtprasiddhaṃ, tasyāpi svāśrayātmakatayā kathaṃcit sāṃśatvānekatvapratīteḥ | 
AS-VDh 164,19	saṃyogavibhāgaparatvāparatvāny api nānekavṛttīni yugapad upapadyante pratiyogyādisaṃyogādipariṇāmapratīteḥ 
AS-VDh 164,20	sādṛśyopacārād ekatvavyavahārāt | dvitvādir anekadravyavṛttir yugapad ity apy aprātītikaṃ, prativyakti sakalasaṃkhyā- 
AS-VDh 164,21	pariṇāmasiddheḥ kvacid ekatra tadasiddhau parāpekṣayāpi tadviśeṣapratītyayogāt kharaviṣāṇavat | tato na pṛthaktva- 
AS-VDh 164,22	m anekatra yugapad vartate guṇatvād rūpādivat | na saṃyogādibhir anekāntaḥ, teṣām apy anekadravyavṛttīnāṃ sakṛdanaṃśānā-
AS-VDh 165,01	m asiddheḥ | tad anena pṛthaktvaikāntapakṣe 'pi pṛthaktvavatoḥ pṛthaktvāt pṛthaktve tau tadvantāv apṛthag eva syātām | tathā 
AS-VDh 165,02	ca na pṛthaktvaṃ nāma guṇaḥ syāt, ekatra tadvati tadanabhyupagamāt | anekastho hy asau guṇa iti kārikā- 
AS-VDh 165,03	vyākhyānaṃ sthitapakṣadūṣaṇaparaṃ prakāśitaṃ pratipattavyam | 
AS-VDh 165,04	sāṃprataṃ niranvayakṣaṇikalakṣaṇapṛthaktvapakṣe dūṣaṇam āvirbhāvayitum anasaḥ sūrayaḥ prāhuḥ —
ĀM-VDh 29ab		saṃtānaḥ samudāyaś ca sādharmyaṃ ca niraṅkuśaḥ | 
ĀM-VDh 29cd		pretyabhāvaś ca tatsarvaṃ na syād ekatvanihnave | 29 | 
AS-VDh 165,07	jīvādidravyaikatvasya nihnave saṃtāno na syād bhinnasaṃtānābhimatakṣaṇavat | yathaikaskandhāvayavānām ekatvapa- 
AS-VDh 165,08	riṇāmāpalāpe samudāyo na syān nānāskandhāvayavavat tathā sadharmatvābhimatānāṃ sadṛśapariṇāmaikatvāpahnave 
AS-VDh 165,09	sādharmyaṃ na syād visadṛśārthavat | mṛttvā punar bhavanaṃ pretyabhāvaḥ | so 'pi na syād ubhayabhavānubhāvyekātmā'pākaraṇe 
AS-VDh 165,10	nānātmavat | caśabdād dattagrahādi sarvaṃ na syāt tadvat | na ca tadabhāvaḥ śakyaḥ pratipādayituṃ, sakalabādhaka- 
AS-VDh 165,11	śūnyatvena niraṅkuśatvāt | 
AS-VDh 165,12	nanu cāparāmṛṣṭabhedāḥ kāryakāraṇakṣaṇā eva saṃtānaḥ | sa caikatvanihnave 'pi ghaṭate evety api ye samā- 
AS-VDh 165,13	cakṣate teṣām api kāryakāraṇayoḥ pṛthaktvaikānte kāryakālam ātmānam anayataḥ kāraṇatvāsaṃbhavāt tadanu- 
AS-VDh 165,14	tpatteḥ kutaḥ saṃtatiḥ ? nanu kāryakāle sato 'pi kāraṇatve tatkāraṇatvānabhimatasya kāryakālam ātmānaṃ nayataḥ 
AS-VDh 165,15	sarvasya tatkāraṇatvaprasaṅgaḥ | kāryākāreṇa prāgasataḥ saddravyādirūpeṇa prākkāryakāle ca satas tatkāryasyotpattau 
AS-VDh 165,16	kharādimastake viṣāṇāder utpattiḥ kin na syāt ? gavādiśirasīva tatrāpi tasya viṣāṇādyākāratayā prāgasa- 
AS-VDh 165,17	ttvasya saddravyādirūpatayā sattvasya cāviśeṣāt | tadutpattikāraṇasya dṛṣṭasyādṛṣṭasya cābhāvāt tatra na tasyo- 
AS-VDh 165,18	tpattir iti vacane pareṣām api prāgasattvaikāntāviśeṣe 'pi kāryasya pūrvaṃ sati kāraṇe janma nāsatīti na kiṃci- 
AS-VDh 165,19	d atiprasajyate, tadanvayavyatirekānuvidhānanibandhanatvāt tatkāraṇatvasya | na ca niranvayakṣaṇikatve 'pi kāryasya 
AS-VDh 165,20	kāraṇānvayavyatirekānuvidhānam asaṃbhāvyaṃ, svakāle sati kāraṇe kāryasyotpatter asaty anutpatteḥ pratīyamānatvāt 
AS-VDh 165,21	svadeśāpekṣānvayavyatirekavat | tad uktam "anvayavyatirekādyo yasya dṛṣṭo 'nuvartakaḥ | svabhāvas tasya 
AS-VDh 165,22	taddhetur ato bhinnān na saṃbhavaḥ" iti | tato 'vyabhicāreṇa kāryakāraṇabhūtā evāparāmṛṣṭabhedāḥ kṣaṇāḥ 
AS-VDh 165,23	saṃtāno yuktaḥ | iti kaścit so 'pi na pratītyanusārī, tathā buddhetaracittānām apy ekasaṃtānatvaprasaṅgāt 
AS-VDh 166,01	teṣām avyabhicāreṇa kāryakāraṇabhūtatvāviśeṣāt | nirāsravacittotpādāt pūrvaṃ buddhacittasyāpi saṃtānāntaracitta- 
AS-VDh 166,02	kāraṇatvābhāvān na teṣām avyabhicārī kāryakāraṇabhāva iti cen na, yataḥ prabhṛti teṣāṃ kāryakāraṇabhāvas tatprabhṛ- 
AS-VDh 166,03	titas tasyāvyabhicārād anyathā buddhacittasyāsarvajñatvaprasaṅgāt | nā'nanukṛtānvayavyatirekaṃ kāraṇaṃ, nākāraṇaṃ 
AS-VDh 166,04	viṣaya iti vacanāt | syān mataṃ, yeṣām agrāhyagrāhakatve satya'vyabhicārī kāryakāraṇabhāvas teṣām ekasaṃtāna- 
AS-VDh 166,05	tvopagamān na doṣa iti cet tad apy ayuktaṃ, samanantarapratyayenāpi saha buddhacit tasyaikasaṃtānatāpāyaprasakteḥ, tasya 
AS-VDh 166,06	buddhacit tenāgrāhyatve tasyāsarvaveditvāpatteḥ | samanantarapratyayasya samanantaratvād eva buddhacit tena sahaikasaṃtānatva- 
AS-VDh 166,07	m iti cet kutas tasya samanantaratvam ? tasyāvyabhicārikāraṇatvād iti cen na, sarvārthānāṃ tatsamanantaratvaprasa- 
AS-VDh 166,08	ṅgāt | ekasaṃtānatve sati kāraṇatvād iti cet so 'yam anyonyasaṃśrayaḥ | siddhe samanantarapratyayatve tasyaikasaṃtā- 
AS-VDh 166,09	natvena kāraṇatvasiddhis tatsiddhau ca samanantarapratyayatvasiddhir iti | syādvādināṃ kas tarhy ekaḥ saṃtāna iti cet 
AS-VDh 166,10	pūrvāparakālabhāvinor api hetuphalavyapadeśabhājor atiśayātmanor anvayaḥ saṃtānaḥ | kvacit kṣaṇāntare 
AS-VDh 166,11	nīlalohitādinirbhāsacitraikasaṃvedanavat kathaṃcid ekatvam eva bhavitum arhati | na ca sādhyavikalaṃ citra- 
AS-VDh 166,12	jñānam udāharaṇaṃ tasyaikatvasiddheḥ | tadavayavapṛthaktvakalpanāyāṃ citranirbhāso mā bhūt pṛthagvarṇāntaravi- 
AS-VDh 166,13	ṣayānekasaṃtānaikakṣaṇavat | tatra pratyāsattiviśeṣaḥ kathaṃcid aikyātko 'paraḥ syāt ? deśapratyāsatteḥ 
AS-VDh 166,14	śītātapavātādibhir vyabhicārāt, kālapratyāsatter ekasamayavarttibhir aśeṣārthair anekāntāt, bhāvapratyāsatter ekārtho- 
AS-VDh 166,15	dbhūtānekapuruṣajñānair anaikāntikatvād dravyapratyāsattir eva pariśeṣāt saṃbhāvyate | sā caikadravyatādātmyalakṣaṇatvā- 
AS-VDh 166,16	t pratyāsattiviśeṣaḥ | iti kathaṃcid aikyam evaikatvavyavahāranibandhanaṃ citrajñānasya, anyathā vedyavedakākārayo- 
AS-VDh 166,17	r api pṛthaktvaikāntaprasaṅgāt | tayoḥ svabhāvabhede 'pi sahopalambhaniyamāt kathaṃcid abhedābhyupagame katham e- 
AS-VDh 166,18	kasaṃtānasaṃvidāṃ samanantaropalambhaniyamāt kathaṃcid aikyaṃ na syāt ? kālasamantaropalambhaniyamād eka- 
AS-VDh 166,19	saṃtānatvam eva syād deśasamanantaropalambhaniyamāt samudāyavat, na punar ekadravyatvam iti cen na, bhavatāṃ buddhetarasaṃvi- 
AS-VDh 166,20	dām ekasaṃtānatvāpatteḥ, kālasamanantaropalambhaniyamasya bhāvāt pañcānām api ca skandhānām ekaskandhatvaprasaṅgāt, 
AS-VDh 167,01	pradeśasamanantaropalambhaniyamasya bhāvāt | pratyāsattyantarakalpanāyāṃ tatra yayā pratyāsattyā saṃtānaḥ 
AS-VDh 167,02	samudāyaś ca, tayaiva kathaṃcid aikyam astu | na hi tādṛśāṃ sādharmyam anyadanyatrātmasāṅkaryāt, yena kāla- 
AS-VDh 167,03	samanantaropalambhaniyamabhājām ekasaṃtānatvaṃ vyavatiṣṭhate deśasamanantaropalambhaniyamabhṛtāṃ caikaskandhākhyaṃ 
AS-VDh 167,04	samudāyatvaṃ yujyate, tādṛśaḥ sādharmyasyaikatvanihnave 'nupapatteḥ kathaṃcid ekatvaśūnyārthasādharmyasya saṃtānāntareṣu 
AS-VDh 167,05	nānāsamudāyeṣu ca darśanāt | etenaikasaṃtānatvāt pretyabhāvavyavahārakalpanam apāstaṃ kathaṃcid ekatvāpahnave tadayo- 
AS-VDh 167,06	gāt | katham iha janmano janmāntareṇaikatvaṃ virodhād iti cen na, kathaṃcid ekatve virodhābhāvāt | tathā prati- 
AS-VDh 167,07	bhāsād ekajñānanirbhāsaviśeṣavat | tathā hi | ekajñānanirbhāsaviśeṣāṇāṃ mithaḥ svabhāvabhede 'pi yathai- 
AS-VDh 167,08	katvapariṇāmaḥ svabhāvato 'naṅkuśas tathā pretyabhāvādiṣu saṃtāno 'nvayaḥ paramārthaikatvam ātmasattvajīvā- 
AS-VDh 167,09	divyapadeśabhājanaṃ svabhāvabhedān ākramya svāmivad ananyatra vartayati | na punar anyatra jīvāntare teṣām aśakya- 
AS-VDh 167,10	vivecanatvād virodhavaiyadhikaraṇyādīnām ekajñānanirbhāsaviśeṣair apākaraṇān niraṅkuśatvasiddheḥ —
AS-VDh 167,11	pṛthaktvaikāntapakṣe dūṣaṇāntaram upadarśayantaḥ prāhuḥ —
ĀM-VDh 30ab		sadātmanā ca bhinnaṃ cejjñānaṃ jñeyād dvidhāpy asat | 
ĀM-VDh 30cd		jñānābhāve kathaṃ jñeyaṃ bahir antaś ca te dviṣām | 30 | 
AS-VDh 167,14	sadātmanā satsāmānyātmanā bhinnam eva jñānaṃ jñeyād iti ced dvidhāpy asad eva prāptaṃ jñānasyāsattve jñeyasyāsa- 
AS-VDh 167,15	ttvaprasaṅgāt | tato bahir antaś ca na kiñcit kathaṃcid api jñeyaṃ nāma tvaddviṣāṃ pratīyeta | nanu sadviśeṣād 
AS-VDh 167,16	bhede 'pi jñānasya jñeyān nāsattvaprasaktiḥ | sadantaratvaṃ tu na syāt paṭāntarādbhede 'pi paṭasya paṭāntaratvābhāvavat | 
AS-VDh 167,17	satsāmānyaṃ punaḥ sarveṣu sadviśeṣeṣv asattvavyāvṛttimātram | na ca tadātmanā kasyacit kutaścid bhedo 'bhedo vā 
AS-VDh 167,18	vicāryate tasya vastuniṣṭhatvāt sanmātrasya cāvastutvāt | tadātmanā vyāvṛttasya jñānasya jñeyāt paramārthasattvā- 
AS-VDh 167,19	virodhān na kaścid upālambha iti cen na, satsāmānyasyābhāve sāṃvṛtatve vā sadviśeṣāṇām abhāvaprasaṅgāt sāṃvṛta- 
AS-VDh 167,20	tvāpatteś ca tadasattvavyāvṛtter api vastusvabhāvatvād anyathā kharaviṣāṇādāv api tadanuṣaṅgāt | tathā hi | jñānajñe- 
AS-VDh 167,21	yayor asadvyāvṛttir vāstavī sadviśeṣatvāt | yasya tu na sā vāstavī sa na sadviśeṣo yathā vandhyāsutaḥ | 
AS-VDh 167,22	sadviśeṣau ca jñānajñeye | iti kevalavyatir ekī hetuḥ | tathā yatrāsadvyāvṛttir vāstavī tatra satsāmānyaṃ vastu, 
AS-VDh 167,23	satsāmānyarahiteṣu vandhyāsutādiṣv asadvyāvṛtter avāstavatvāt, iti vāstavasatsāmānyātmanā jñānasya jñeyād bhede 
AS-VDh 167,24	sadviśeṣātmanāpi bhedaḥ syāt | tathā ca jñānam asat prāptam | tadanicchatāṃ viṣayiṇo viṣayāt kaṃthaci -
AS-VDh 168,01	t svabhāvabhede 'pi sadādyātmanā tādātmyaṃ bodhākārasyeva viṣayākārād, viśeṣābhāvāt | anyathā 
AS-VDh 168,02	jñānam avastv eva khapuṣpavat | tadabhāve bahir antar vā jñeyam eva na syāt, tadapekṣatvāt tasya | tataḥ 
AS-VDh 168,03	śreyān ayam upālambhaḥ pṛthaktvaikāntavācāṃ tāthāgatānāṃ vaiśeṣikavat | kiñca —
ĀM-VDh 31ab		sāmānyārthā giro 'nyeṣāṃ viśeṣo nābhilapyate | 
ĀM-VDh 31cd		sāṃmānyābhāvatas teṣāṃ mṛṣaiva sakalā giraḥ | 31 | 
AS-VDh 168,06	sāmānyam evārtho 'bhidheyo yāsāṃ tāḥ sāmānyārthā giro yatas tābhir viśeṣo nābhilapyate ity anye, teṣāṃ 
AS-VDh 168,07	mṛṣaiva sakalāḥ svayaṃ satyatvenābhimatā api giraḥ syuḥ, sāmānyasya vāstavasyābhāvāt | kutaḥ punaḥ sāmā- 
AS-VDh 168,08	nyasyaivābhidheyatvam iti cet, viśeṣāṇām aśakyasamayatvāt | na hy anantā viśeṣāḥ śakyāḥ saṃketayituṃ 
AS-VDh 168,09	tato nābhidhīyeran, asaṃketitānabhidhānāt | viśeṣadarśanavat tadbuddhāv apratibhāsanād arthasannidhānānape- 
AS-VDh 168,10	kṣaṇāc ca | na hi svalakṣaṇe darśane yathā saṃketanirapekṣo viśeṣaḥ pratibhāsate tathā śabdabuddhāv api, tasyāḥ 
AS-VDh 168,11	svalakṣaṇasaṃnidhānānapekṣatvāt, tadapekṣatve 'tītānutpannādiṣu śabdabuddher abhāvaprasaṅgāt | yady evaṃ svalakṣaṇam ana- 
AS-VDh 168,12	bhidheyaṃ sāmānyam avastūcyate iti vastu nocyate iti syāt | tataḥ kiṃ śabdoccāreṇa saṃketena vā ? 
AS-VDh 168,13	gośabdo 'pi gāṃ nābhidhatte yathāśvaśabdasya | tathā ca vastuno 'nabhidhāne maunaṃ yat kiṃcid vā vacanam ā- 
AS-VDh 168,14	caret, viśeṣābhāvāt | athāsti viśeṣaḥ | kathaṃ svārthaṃ nābhidadhīta ?  maunād yat kiṃcana vacanād vā yathā- 
AS-VDh 168,15	rthābhidhānasya svābhidhānaṃ muktvā viśeṣasyāsaṃbhavāt | na vai paramārthaikatānatvād abhidhānaniyamaḥ,  paramārthai- 
AS-VDh 168,16	katānatve śabdānām anibandhanā na syāt pravṛttir artheṣu samayāntarabhediṣv iti vacanāt | kiṃ tūpādānavi- 
AS-VDh 168,17	śeṣād ity api vārtam, avikalpe 'pi tathaiva prasaṅgāt | śakyaṃ hi vaktum "avikalpakapratyakṣasya na 
AS-VDh 168,18	paramārthaikatānatvān niyamo, dvicandrādidarśanābhāvaprasaṅgāt kintūpādānasya svavāsanāviśeṣasya bhedāt" 
AS-VDh 168,19	iti | tad evam avadhāritātmakaṃ vastu svalakṣaṇam āpanīpadyeta, vikalpenevāvikalpenāpy avadhāra- 
AS-VDh 168,20	yitum aśakteḥ | nirvikalpakasyārthasaṃnidhānānapekṣatvād vaiśādyāc ca paramārthaikatānatvam iti cen na, tadaniyamāt | 
AS-VDh 169,01	tathā hi | nāvaśyam indriyajñānam arthasaṃnidhānam apekṣate viplavābhāvaprasaṅgāt | nāpi viśadātmakam eva, 
AS-VDh 169,02	dūre 'pi tathā pratibhāsaprasaṅgād yathā''rāt | na hi ārāde vārthe nirvikalpakam indriyajñānaṃ, na punar dūre 
AS-VDh 169,03	iti śakyaṃ vaktum, indriyānvayavyatirekānuvidhānāviśeṣāt | dūrārthepīndriyajñānaṃ viśadātmakam eva, tatrā- 
AS-VDh 169,04	vaiśadyasyāśūtpannānantaravikalpena sahaikatvādhyāropād eva pratīter iti cen na, āsannārthe 'pi tadavaiśadyapratītiprasa- 
AS-VDh 169,05	ṅgāt | na hi tatrāvikalpānantaraṃ cirād vikalpasyotpattiḥ, purovarttiny arthe 'kṣajñānajavikalpavaiśadyasya tallaghuvṛ- 
AS-VDh 169,06	ttinibandhanatvābhāvaprasaṅgāt "vimūḍho laghuvṛtter vā tayor aikyaṃ vyavasyati" iti vacanavirodhāt | yadi puna- 
AS-VDh 169,07	r āsannārthe nirvikalpakasya balīyastvāt tadvaiśadyenānantaravikalpāvaiśadyasyābhibhavād vaiśadyapratibhāso na punar dūre, 
AS-VDh 169,08	viparyayād iti mataṃ tadā purovartigodarśanavaiśadyenāśvavikalpāvaiśadyasyābhibhūtiprasaṅgāt tatra vaiśadyapratītiḥ 
AS-VDh 169,09	kin na syāt ? godarśanabhinnaviṣayatvād aśvavikalpasya naivam iti cen na, nīladarśanavikalpayor api bhinnaviṣaya- 
AS-VDh 169,10	tvāt tadvaiśadyāpratītiprasaṅgāt | na hi tayor abhinnaviṣayatvaṃ, svalakṣaṇasāmānyayos tadviṣayayor bhedāt | tatra 
AS-VDh 169,11	dṛśyavikalpyayor ekatvādhyavasāyān nīlavikalpe vaiśadyapratibhāsa iti cen na, tata eva dūre 'pi vaiśadyapratibhāsapra- 
AS-VDh 169,12	saṅgāt | syān mataṃ, pratyāsanne 'rthe vikalpye dṛśyasyādhyāropād vikalpavaiśadyaṃ dūre tu dṛśye vikalpyasyādhāro- 
AS-VDh 169,13	pād darśanāvaiśadyaṃ pratīyate, kutaścid vibhramāt, iti tad apy asāraṃ, candrārkādāv atidūre dṛśye vikalpyādhyāropā- 
AS-VDh 169,14	d avaiśadyapratītiprasaṅgāt, pratyāsannatare ca cakṣuṣaḥ karatalarekhādau vikalpye dṛśyādhyāropād vaiśadyaprasaṅgāt | 
AS-VDh 169,15	yadi punar adṛṣṭaviśeṣavaśād dṛśyavikalpyayor ekatvādhyāropāviśeṣe 'pi kvacid vaiśadyam avaiśadyaṃ ca yathāpratīty abhi- 
AS-VDh 169,16	dhīyate tadā tata evendriyajatvāviśeṣe 'pi kvacid viśadapratibhāso 'nyatrānyatheti naikāntena darśanasya viśadā- 
AS-VDh 169,17	tmakatvam arthasannidhānāpekṣatvaṃ vā yataḥ paramārthaikatānatvān niyamaḥ syāt, na punaḥ śabdabuddhivad upādānaniyamā- 
AS-VDh 169,18	d iti | na śabdabuddher avastuviṣayatve 'py upādānaniyamād viśeṣaḥ, parārthānumānasya vaktr'abhipretasamaye trirūpahetu- 
AS-VDh 169,19	sūcitvād avisaṃvādād itaravacanād viśeṣa iti cen na, tathāpi kṣaṇabhaṅgādisāsādhanavacanam anyad vā na kiṃcit 
AS-VDh 169,20	satyaṃ syād vaktr'abhipretamātrasūcitvāt pradhāneśvarādisādhanavākyavat | na hi vaktrabhipretamātrasūcitvā- 
AS-VDh 169,21	viśeṣe 'pi kṣaṇabhaṅgādisādhanaṃ pratipakṣadūṣaṇaṃ vā satyaṃ na punaḥ pradhāneśvarādisādhanam iti śakyavyavasthaṃ, yata- 
AS-VDh 169,22	s tad eva saṃvādi syāt, sarvathā viśeṣābhāvāt | 
AS-VDh 170,01	sadarthāpratipādanād vā na kṣaṇabhaṅgādisādhanavacanaṃ vipakṣadūṣaṇavacanaṃ vā satyaṃ, prasiddhālīkava- 
AS-VDh 170,02	canavat | nanu ca vyākhyātāraḥ khalv evaṃ vivecayanti na vyavahartāraḥ | te hi dṛśyavikalpyāv arthāv ekīkṛtya 
AS-VDh 170,03	yatheṣṭaṃ vyavaharanti | kṣaṇabhaṅgādisādhanavacanam anyad vā satyaṃ, na pradhāneśvarādisādhanavākyam | paramārthatas tu na 
AS-VDh 170,04	kiṃcid vacanam avitatham | ity abhyupagame 'pi dṛśyavikalpyārthākārayoḥ kathaṃcid apy atādātmye svalakṣaṇaṃ 
AS-VDh 170,05	sarvathānavadhāritalakṣaṇaṃ dānādicetodharmādikṣaṇavat kathaṃ saṃśītim ativarteta ?  nirvikalpakadarśanā- 
AS-VDh 170,06	t tadavadhāraṇāsaṃbhavāt vikalpānāṃ cāvadhāsnuviṣayatvāt | so 'yam avikalpetararāśyor arthetaraviṣayatvam a- 
AS-VDh 170,07	nyad vā svāṃśamātrāvalambinā vikalpāntareṇa pratyetīti suparibodhaprajño devānāṃ priyaḥ | na hy avika- 
AS-VDh 170,08	lpetararāśyor arthānarthaviṣayatvaṃ viśadetarātmatvaṃ vā'nupaṣṇavetararūpatvaṃ vā yena vikalpāntareṇa pratyeti | tadva- 
AS-VDh 170,09	stuviṣayaṃ yuktaṃ, tasya vikalparāśāv anarthaviṣaye 'nupraveśāt | svata eva vikalpasaṃvidāṃ nirṇaye svalakṣaṇa- 
AS-VDh 170,10	viṣayo 'pi vikalpaḥ syāt | parataś ced anavasthānād apratipattiḥ | ato 'rthavikalpo 'pi mā bhūd ity andha- 
AS-VDh 170,11	kalpaṃ jagat syāt,  svayam aniścayātmano vikalpād arthaniścayānupapatteḥ | na cāyaṃ parokṣabuddhivādam atiśete 
AS-VDh 170,12	sarvathārthacintanocchedāviśeṣāt | yathaiva hy apratyakṣopalambhasya nārthadṛṣṭiḥ prasidhyati tathā svayam aniścitātmo- 
AS-VDh 170,13	palambhasyāpi | svayam anirṇītena nāmātmanā buddhir arthaṃ vyavasthāpayatīti suvyavasthitaṃ tattvam | na vai 
AS-VDh 170,14	svarūpaṃ pararūpaṃ vā buddhir adhyavasyati nirviṣayatvād dhānteḥ svapnabuddhivad iti vibhramaikāntavādivacanam | 
AS-VDh 170,15	idam ato bhrāntataraṃ, bahir antaś ca sadbhāvāsiddheḥ | svapnādibhrāntajñānaṃ hi bahirarthāsattvād eva, na punaḥ 
AS-VDh 170,16	svarūpāsattvāt, idaṃ tu vibhramaikāntasaṃvedanaṃ bahir antar apy arthāsattvād iti kathaṃ na tadatiśete ? na cāsya 
AS-VDh 170,17	svarūpasattvaṃ, tadvyavasthānasya vipakṣavyavacchedena pratipattipatham upanetum aśakteḥ | svaparasvabhāvapratipattiśū- 
AS-VDh 170,18	nyena svaparapakṣasādhanadūṣaṇavyavasthāṃ pratyetīti kim api mahādbhutam | saṃvṛttyā pratyetīti cāyuktaṃ, 
AS-VDh 170,19	kathaṃcid api paramārthapratipattyabhāve saṃvṛtipratipattyayogāt paramārthaviparyayarūpatvāt saṃvṛtteḥ | anyathā paramā- 
AS-VDh 170,20	rthasya saṃvṛtir iti nāmakaraṇamātram abādhākaram eva pareṣām anuṣajyeta | so 'yaṃ saṃvṛttyā vibhramaikāntasādhanam avibhra- 
AS-VDh 170,21	madūṣaṇaṃ ca pratyetīti paramārthato na pratyetīti upekṣaṇīyavacana eva | tam anye 'dyāpy anumanyante ity acintya- 
AS-VDh 170,22	m analpatamatamonibandhanam aśakyaparyantagamanam ihādbhutam | 
AS-VDh 171,01	evaṃ tarhi mā bhūt pṛthaktvaikānto 'dvaitaikāntavadaśakyavyavasthāpanatvāt | tadubhayaikātmyaṃ tu śreya iti 
AS-VDh 171,02	manyamānaṃ vādinaṃ sarvathā vā'vācyaṃ tattvam ātiṣṭhamānaṃ pratyāhuḥ —
ĀM-VDh 32ab		virodhān nobhayaikātmyaṃ syādvādanyāyavidviṣām | 
ĀM-VDh 32cd		avācyataikānte 'py uktir nāvācyam iti yujyate || 32 || 
AS-VDh 171,05	astitvanāstitvaikatvānekatvavat pṛthaktvetaraparasparapratyanīkasvabhāvadvayasaṃbhavo 'pi mā bhūd viprati- 
AS-VDh 171,06	ṣedhāt | na khalu sarvātmanā viruddhadharmādhyāso 'sti tadanyonyavidhipratiṣedhalakṣaṇatvād vandhyāsuta- 
AS-VDh 171,07	vat | yathaiva hi vandhyāyā vidhir eva tatsutapratiṣedhaḥ sa eva vā vandhyāyā vidhir iti vandhyāsutayor anyo- 
AS-VDh 171,08	nyavidhipratiṣedhalakṣaṇatvaṃ tathā pṛthaktvasvabhāvavidhir eva sarvathaikatvapratiṣedhaḥ sa eva ca tadvidhiḥ | iti 
AS-VDh 171,09	katham iva syādvādam anicchatāṃ viruddhadharmādhyāsaḥ saṃbhaved yatas tadubhayaikātmyaṃ tattvam ekāntavādinaḥ svīkuryuḥ ? 
AS-VDh 171,10	sarvathānabhilāpyatattvādhigame 'pi yad etadanabhilāpyaṃ tattvam iti tadvyāhanyate, pūrvavat | ity alaṃ 
AS-VDh 171,11	prapañcena | 
AS-VDh 171,12	tad evam ekatvādyekāntanirākṛtisāmarthyāt tadanekāntatattvaprasiddhāv api tatpratipattidārḍhyārtham anyathāśaṅkāpāka- 
AS-VDh 171,13	raṇārthaṃ ca tatsaptabhaṅgīṃ samāvirbhāvayitukāmās tanmūlabhaṅgadvayātmakatvaṃ jīvādivastunaḥ prāhuḥ —
ĀM-VDh 33ab		anapekṣe pṛthaktvaikye hy avastu dvayahetutaḥ | 
ĀM-VDh 33cd		tad evaikyaṃ pṛthakatvaṃ ca svabhedaiḥ sādhanaṃ yathā || 33 || 
AS-VDh 171,16	hi yasmād avastv evānapekṣe pṛthaktvaikaye aikyapṛthaktvanirapekṣatvahetudvayāt pratipādite prāk, tasmāt tad evaikyaṃ 
AS-VDh 171,17	pṛthaktvaṃ ca jīvādivastu kathaṃcid ekatvapṛthaktvapratyayahetudvayād avasīyate | yathā sādhanaṃ sattvādi pakṣadharmatva- 
AS-VDh 171,18	sapakṣasattvavipakṣāsattvalakṣaṇair bhedair viśiṣṭam ekaṃ prasiddham ubhayoḥ | tatrāpy anvayavyatirekayor anapekṣayor avasturūpa- 
AS-VDh 171,19	tvāt sādhanalakṣaṇatvāyogāt sāpekṣayor eva tallakṣaṇatvena vastusvabhāvatvasiddheḥ sāmyam udāharaṇasya pratipatta- 
AS-VDh 171,20	vyam | kiṃ punar anayā kārikayā karoty ācāryaḥ ? pūrveṇaivāsyārthasya gatatvād iti cet, ekatvapṛthakatve 
AS-VDh 171,21	naikāntataḥ staḥ pratyakṣādivirodhād iti spaṣṭayati, gatārthasyāpy anumānaviṣayatvapradarśanāt spaṣṭatvaprasiddheḥ, 
AS-VDh 171,22	pramāṇasaṃplavavādināṃ gṛhītagrahaṇasyādūṣaṇāt | tathā hi | pṛthaktvaikatve tathābhūte na stām, ekatvapṛ -
AS-VDh 172,01	thaktvarahitatvād vyomakusumādivat | tathā hi | sarvathā pṛthaktvaṃ nāsty eva, ekatvanirapekṣatvād vyomaku- 
AS-VDh 172,02	sumavat | sarvathaikatvaṃ nāsti pṛthaktvanirapekṣatvāt tadvad iti | atra na hetudvayam asiddhaṃ tadekāntavādināṃ tathābhyu- 
AS-VDh 172,03	pagamāt | nāpy anaikāntikaṃ viruddhaṃ vā, vipakṣavṛttyabhāvāt | 
AS-VDh 172,04	sāpekṣatve hi tad evaikyaṃ pṛthaktvam ity aviruddhaṃ kathaṃcij jīvādivastu pratyakṣādibhir upalabhyate na punaḥ sarva- 
AS-VDh 172,05	theti siddhānyathānupapattiḥ, sapakṣavipakṣayor bhāvābhāvābhyāṃ sādhanavat | na hi sapakṣe eva bhāvo vipa- 
AS-VDh 172,06	kṣe 'bhāvanirapekṣo vipakṣe 'bhāva eva vā sapakṣe bhāvānapekṣaḥ sādhanavastuno rūpaṃ pareṣāṃ siddhaṃ yena sādhyasādhanavi- 
AS-VDh 172,07	dhuram udāharaṇaṃ syāt | svabhedair vā saṃvedanavat | na hi hetum anicchataḥ saṃvedanādvaitaṃ puruṣādvaitaṃ vā svīkurvato 'pi 
AS-VDh 172,08	citrasaṃvedanaṃ nīlādinirbhāsair advayasaṃvedanaṃ vā grāhyagrāhakākāravivekasaṃvidākāraiḥ paramabrahma vā tejaḥśabda- 
AS-VDh 172,09	jñānajyotir ākārair vidyetarākārair vā svabhedaiḥ parasparanirapekṣair viśiṣṭaṃ vastu siddhaṃ yenodāharaṇam anavadyaṃ na syāt | 
AS-VDh 172,10	svārambhakāvayavair vā ghaṭādivat aulūkyānām | sattvādibhiḥ pradhānavad vā kāpilānām | tādṛśaṃ hi 
AS-VDh 172,11	sādhanaṃ svārthakriyāyāḥ kṣīrādyāharaṇādikāyā mahadādisṛṣṭirūpāyā vā svaviṣayajñānajananalakṣaṇāyā vā 
AS-VDh 172,12	siddham eva | tadantareṇāpi pāṭhāntaram idaṃ bahu saṃgṛhītaṃ bhavati, kārikāyāṃ svabhedaiḥ sādhanaṃ yathety atra 
AS-VDh 172,13	sādhanaśabdena sādhanasāmānyasyābhidhānāt svabhedaśabdena ca tatsāmānyasya vacanāt | yathāyogaṃ viśeṣavyā- 
AS-VDh 172,14	khyānādiṣṭaviśeṣasiddher bahusaṃgrahaḥ | 
AS-VDh 172,15	nanu caikatvapratyayāt pṛthaktvapratyayāc ca katham ekatvaṃ pṛthaktvaṃ ca jīvādīnām upapannaṃ tasya nirviṣayatvād i- 
AS-VDh 172,16	ty ārekāyāṃ tasya saviṣayatvam ādarśayitumanasaḥ svāminaḥ prāhuḥ —
ĀM-VDh 34ab		satsāmānyāt tu sarvaikyaṃ pṛthagdravyādibhedataḥ | 
ĀM-VDh 34cd		bhedābhedavivakṣāyām asādhāraṇahetuvat || 34 || 
AS-VDh 172,19	tu viśeṣaṇe | tena satsāmānyaṃ viśeṣaṇam āśritya sarveṣāṃ jīvādīnām aikyam iti naikatvapratyayo nirviṣayaḥ, 
AS-VDh 172,20	tasya satsāmānyaviṣayatvāt | pṛthak sarvaṃ jīvādi dravyādipadārthabhedam āśrityānubhūyate | tato na pṛthaktva- 
AS-VDh 172,21	pratyayo 'pi nirviṣayaḥ, tasya dravyādibhedaviṣayatvād iti niveditaṃ boddhavyam | hetur atra jñāpakaḥ kārakaś co- 
AS-VDh 172,22	cyate | sa cāsādhāraṇo yathāsvaṃ pravādibhir viśeṣeṇeṣṭatvāt | sa ca yathā svabhedānāṃ pakṣadharmatvādīnāṃ svārambha-
AS-VDh 173,01	kāvayavādīnāṃ vā vivakṣāyāṃ pṛthag eva hetutvena ghaṭāvayavyāditvena vā tadabhedavivakṣāyām eka eva tathā 
AS-VDh 173,02	sarvaṃ vivādādhyāsitam iti dṛṣṭāntadārṣṭāntikaghaṭanāt | 
AS-VDh 173,03	kaścid āha, sarvārthānāṃ samānapariṇāme 'pi katham aikyaṃ bhedānāṃ svabhāvasāṅkaryānupapatteḥ | na hi 
AS-VDh 173,04	bhāvāḥ paraspareṇātmānaṃ miśrayanti, bhedapratītivirodhāt | teṣām atatkāryakāraṇavyāvṛttyā samānavyavahāra- 
AS-VDh 173,05	bhāktve 'pi paramārthato 'saṃkīrṇasvabhāvatvāt | tad uktaṃ "sarve bhāvāḥ svabhāvena svasvabhāvavyavasthiteḥ | svabhāva- 
AS-VDh 173,06	parabhāvābhyāṃ yasmād vyāvṛttibhāginaḥ | 1 | tasmād yato yathārthānāṃ vyāvṛttis tannibandhanāḥ | jātibhedāḥ 
AS-VDh 173,07	prakalpyante tadviśeṣāvagāhinaḥ | 2 | tato yo yena dharmeṇa viśeṣaḥ saṃpratīyate | na sa śakyas tato 'nyena, 
AS-VDh 173,08	tena bhinnā vyavasthitiḥ | 3 | " iti | 
AS-VDh 173,09	atrābhidhīyate | jīvādibhedānām aikyaṃ, yathaikabhedasya svabhāvavicchedābhāvāt | na hi svabhāvavicche- 
AS-VDh 173,10	dābhāvād ṛte nīlasvalakṣaṇasya saṃvedanasya vā kasyacid ekasya svayam iṣṭasyāpy ekatvanibandhanaṃ kiṃcid asti | nāpi 
AS-VDh 173,11	kathaṃcid bhinnānām api bhāvānāṃ satsāmānyasvabhāvena vicchedo 'sti, tathā vicchedābhāvasyānubhavāt | anya- 
AS-VDh 173,12	thaikaṃ sad anyad asat syāt | tataḥ samañjasaṃ sarvam ekaṃ sadaviśeṣād iti, sadātmanā sarvabhāvānāṃ paraspara- 
AS-VDh 173,13	miśraṇe 'pi sāṅkaryāprasakteḥ citraikajñānanīlādinirbhāsānāṃ saṃvidātmanaikatve 'pi sāṅkaryāprasaktivat | na hi 
AS-VDh 173,14	teṣām anekatve citrajñānasiddhiḥ sarvathaikatvavat | tata eva na kiṃcid bhinnajñānaṃ niraṃśasaṃvedanādvaitopagamād iti 
AS-VDh 173,15	cen na, tatrāpi vedyākāravivekasaṃvidākārayoḥ parokṣapratyakṣayor ekasaṃvedanatve 'pi sāṅkaryāniṣṭer anyathā saṃvidā- 
AS-VDh 173,16	kārasyāpi parokṣatvaprasaṅgāt vedyākāravivekavat | tasya vā pratyakṣatvaṃ saṃvidākāravat syāt | na caivaṃ tadvi- 
AS-VDh 173,17	pratipattivirodhāt samāropasyāpi sarvathāpy aviśeṣe kvacid evāsaṃbhavān niścayavat | tasyaiva sato dravyādi- 
AS-VDh 173,18	bhedāt pṛthaktvam udāharaṇaṃ pūrvavat | tathā ca bahir antaś ca bhāvānāṃ sadātmanaikatvaṃ dravyādyātmanā pṛthaktvaṃ 
AS-VDh 173,19	ca svasvabhāvaḥ siddho, na punar asādhāraṇaṃ bhinnaṃ rūpam | tena ca svasvabhāvena vyavasthiteḥ svabhāvaparabhāvābhyāṃ 
AS-VDh 173,20	bhāvāḥ svabhāvenānuvṛttivyāvṛttibhāgino, na punar ekāntato vyāvṛttibhāginaḥ | tasmād yato yato 'rthānāṃ vyāvṛ-
AS-VDh 174,01	ttis tannibandhanā bhedaviśeṣā eva prakalpyante, na jātiviśeṣāḥ, pratītivirodhāt | yato yatas tv anuvṛtti- 
AS-VDh 174,02	s tatas tato jātayaḥ prakalpyante, tāsām evānuvṛttipratyayaliṅgatvāt | tato yo yena dharmeṇa viśeṣo 'viśeṣaś ca 
AS-VDh 174,03	saṃpratīyate, na sa śakyas tato 'nyena | tena bhinnā'bhinnā ca vyavasthitiḥ padārthānāṃ, tathā pratīter bādhakābhā- 
AS-VDh 174,04	vāt | tataḥ sthitam etat, satsāmānyavivakṣāyāṃ sarveṣām aikyaṃ, dravyādibhedavivakṣāyāṃ pṛthaktvam eva, itarasyā- 
AS-VDh 174,05	vivakṣāyāṃ guṇabhāvāt | 
AS-VDh 174,06	vivakṣā'vivakṣayor asadviṣayatvān na tadvaśāt tattvavyavasthā yukteti manyamānaṃ pratyāhuḥ sūrayaḥ —
ĀM-VDh 35ab		vivakṣā cāvivakṣā ca viśeṣye 'nantadharmiṇi | 
ĀM-VDh 35cd		sato viśeṣaṇasyātra nāsatas tais tadarthibhiḥ || 35 || 
AS-VDh 174,09	kriyate iti śeṣaḥ | viśeṣyo 'rthas tāvad anantadharmā prāguktaḥ | tatra kasyacid viśeṣaṇasyaikatvasya sata eva 
AS-VDh 174,10	vivakṣā pṛthaktvasya ca sata eva vā'vivakṣā, na punar asataḥ kriyate taiḥ pratipattṛbhir ekatvapṛthaktvābhyām arthibhiḥ, 
AS-VDh 174,11	sarvathā tatra kasyacid arthitvānarthitvayor asaṃbhavāt, tasya sakalārthakriyāśaktiśūnyatvāt kharaviṣāṇavat | na 
AS-VDh 174,12	hi kasyacid vivakṣāviṣayasya manorājyāder asattve sarvasyāsattvaṃ yuktaṃ, kasyacit pratyakṣaviṣayasya keśoḍukāder a- 
AS-VDh 174,13	sattve sarvasya pratyakṣaviṣayasyāsattvaprasaṅgāt | pratyakṣābhāsaviṣayasyāsattvaṃ, na punaḥ saty apratyakṣaviṣayasyeti cet 
AS-VDh 174,14	tarhy asatyavivakṣāviṣayasyāsattvam astu, satyavivakṣāviṣayasya tu mā bhūt | na kācid vivakṣā satyā vikalpa- 
AS-VDh 174,15	rūpatvān manorājyādivikalpavad iti cen na, asyānumānasya satyatve 'nenaiva hetor vyabhicārāt tadasatyatve 
AS-VDh 174,16	sādhyāprasiddheḥ | yato 'numānavikalpād arthaṃ paricchidya pravartamāno 'rthakriyāyāṃ na visaṃvādyate, tadviṣayaḥ sann eveti 
AS-VDh 174,17	cet tarhi yato vivakṣāviśeṣād arthaṃ vivakṣitvā pravartamāno na visaṃvādyate tadviṣayaḥ katham asan bhavet ? avi- 
AS-VDh 174,18	vakṣāviṣayo 'sann evānyathā tadanupapatter iti cen na, sakalavāggocarātītenārthasvalakṣaṇena vyabhicārāt | sarvasya 
AS-VDh 174,19	vastuno vācyatvān nāvivakṣāviṣayatvam iti cen na, nāmnas tadbhāgānāṃ ca nāmāntarābhāvād anyathānavasthānuṣaṅgāt | 
AS-VDh 174,20	teṣām avivakṣāviṣayatve 'pi sattve katham anyad api viśeṣaṇam avivakṣāviṣayatve sad eva na sidhyet ? tad evaṃ vidhi- 
AS-VDh 174,21	pratiṣedhadharmāṇāṃ satām eva vivakṣetarābhyāṃ yogas tadarthibhiḥ kriyeta, anyathārthaniṣpatter abhāvāt | 
AS-VDh 174,22	na hy arthakriyārthinām arthaniṣpattim anapekṣya vivakṣetarābhyāṃ yogaḥ saṃbhavati, yena tadabhāve 'pi sa syāt | upacā- 
AS-VDh 174,23	ramātraṃ tu syāt | na cāgnir māṇavaka ity upacārāt pākādāv upayujyate | nanu cānyavyāvṛttaya eva 
AS-VDh 175,01	vivakṣetarābhyāṃ yujyante, na vastusvabhāvo, yatas tayoḥ sadviṣayatvam iti cen na, śabdebhyo vastuni pravṛtti- 
AS-VDh 175,02	virodhāt | vyāvṛttitadvator ekatvādhyāropāt tadvati pravṛttir iti cen na, adhyāropasya vikalpatvenārthāviṣayatvāt 
AS-VDh 175,03	svāviṣayeṇa vyāvṛtter ekatvāropaṇāyogāt | sāmānyenārtho 'dhyāropavikalpaviṣaya eveti cet tad api yady anyavyā- 
AS-VDh 175,04	vṛttirūpaṃ tadā vyāvṛttyaiva vyāvṛtter ekatvāropāt kuto 'rthe pravṛttiḥ ? tām icchatātadekaikaśaḥ parasparavyāvṛtta- 
AS-VDh 175,05	yo 'pi pariṇāmaviśeṣā eṣitavyāḥ | 
AS-VDh 175,06	yo 'py āha bheda eva paramārthasannarthānāṃ nābhedas tasya saṃvṛtisattvād anyathā virodhād iti | abheda eva tāttvi- 
AS-VDh 175,07	ko bhāvānāṃ na bhedas tasya kalpanāropitatvād anyathā virodhānuṣaṅgād iti cāparaḥ | tau prati sūrayaḥ prāhuḥ —
ĀM-VDh 36ab		pramāṇagocarau santau bhedābhedau na saṃvṛtī | 
ĀM-VDh 36cd		tāv ekatrāviruddhau te guṇamukhyavivakṣayā || 36 || 
AS-VDh 175,10	abhedas tāvat sann eva na punaḥ saṃvṛtiviṣayaḥ pramāṇagocaratvād bhedavat | bhedaḥ sann eva na punaḥ saṃvṛttiḥ pramā- 
AS-VDh 175,11	ṇagocaratvād abhedavat | bhedābhedau santāv eva, na punaḥ saṃvṛtī, pramāṇagocaratvāt sveṣṭatattvavad ity api pakṣāntara- 
AS-VDh 175,12	m ākṣiptaṃ lakṣyate, tadubhayasaṃvṛtivādino 'pi sakaladharmavidhuratvam anumanyamānasya bhāvāt | na cātra sādhyasādha- 
AS-VDh 175,13	nadharmavikalam udāharaṇaṃ, bhedābhedatadubhayānubhayaikāntābhidhāyināṃ tatprasiddheḥ syādvādivat | tathaikatra vastuni 
AS-VDh 175,14	bhedābhedau paramārthasantau te bhagavato na viruddhau pramāṇagocaratvāt sveṣṭatattavat | iti sāmarthyāt paraspara- 
AS-VDh 175,15	nirapekṣau bhedābhedau viruddhāv eva pramāṇāgocaratvād bhedaikāntādivat | iti kārikāyām arthasaṅgrahaḥ | 
AS-VDh 175,16	kiṃ punaḥ pramāṇaṃ yad gocaratvam atra hetur iti cet pramāṇam avisaṃvādi jñānam anadhigatārthādhigamalakṣa- 
AS-VDh 175,17	ṇatvā d ity agre vakṣyati | adhigamo hi svārthākāravyavasāyaḥ | svārthākārau ca kathaṃcid bhedābhedau, tadanyatarā- 
AS-VDh 175,18	pāye 'rthakriyānupapattes tadekānte sarvathā tadayogāt | tad evaṃ sati bhedam abhedaṃ vā nānyonyarahitaṃ viṣayī- 
AS-VDh 175,19	karoti pramāṇam | na hi bahir antar vā svalakṣaṇaṃ sāmānyalakṣaṇaṃ vā tathaivopalabhāmahe yathaikāntavā- 
AS-VDh 175,20	dibhir āmnāyate | iti bhedaikāntābhāve 'bhedaikāntāsattve ca parasparanirapekṣatadubhayaikāntāpākaraṇe 'nubhayaikā- 
AS-VDh 175,21	ntāpasāraṇe ca sādhye svabhāvānupalabdhiḥ, svayam upalabdhilakṣaṇaprāptasya tasyānupalabhyamānatvasiddheḥ | na 
AS-VDh 175,22	ceyam asiddhā, sūkṣmasthūlākārāṇāṃ sthūlasūkṣmasvabhāvavyatirekeṇa pratyakṣādāv apratibhāsanāt | na hi 
AS-VDh 175,23	pratyakṣe svalakṣaṇaṃ sūkṣmaṃ paramāṇulakṣaṇaṃ pratibhāsate sthūlasya ghaṭādyātmanaḥ pratibhāsanāt | paramāṇuṣv evātyā-
AS-VDh 176,01	sannāsaṃsṛṣṭeṣu dṛṣṭau pratibhāsamāneṣu kutaścid vibhramanimittād ātmani paratra cāsantam eva sthūlākāramādarśayantī 
AS-VDh 176,02	saṃvṛtis tān saṃvṛṇoti keśādibhrāntivad iti cen naivaṃ, bahirantaś ca pratyakṣasyābhrāntatvakalpanāpoḍhatvābhāvaprasa- 
AS-VDh 176,03	ṅgāt, saṃvyavahārataḥ paramārthato vā pratyakṣaṃ kalpanāpoḍhamabhrāntam iti lakṣaṇasyāsaṃbhavadoṣānuṣaṅgāt, paramā- 
AS-VDh 176,04	ṇūnāṃ jātucidadhyakṣabuddhāv apratibhāsanāt | te ime paramāṇavaḥ pratyakṣabuddhāv ātmānaṃ ca na samarpayanti pratya- 
AS-VDh 176,05	kṣatāṃ ca svīkartum icchantīty amūlyadānakrayiṇaḥ svāvayavabhinnaikāvayavivat | na hi so 'pi sūkṣmasvāvayavavya- 
AS-VDh 176,06	tirikto mahattvopetaḥ pratyakṣe pratibhāsate kuṇḍādivyatiriktadadhyādivat | samavāyāt tebhyo 'narthāntaram iva 
AS-VDh 176,07	pratibhāsate iti cen na, avayavipratyakṣasya sarvatra bhrāntatvaprasaṅgāt | tathā cāvyabhicāritvaṃ pratyakṣalakṣaṇam a- 
AS-VDh 176,08	saṃbhavi syāt | na caite 'vayavā ayam avayavī samavāyaś cāyam anayor iti trayākāraṃ pratyakṣam anubhūyate sakṛd api, 
AS-VDh 176,09	yato 'sāv apy amūlyadānakrayī na syāt, pratyakṣabuddhāv ātmānarpaṇena pratyakṣatāsvīkaraṇāviśeṣāt | tata eva 
AS-VDh 176,10	parasparabhinnāvayavāvayavinām api pratyakṣe pratibhāsanād amūlyadānakrayiṇāv uktau samavāyavat | sarvaṃ vastu 
AS-VDh 176,11	kṣaṇikaparamāṇurūpaṃ, sattvāt, nityasthūlarūpe kramākramābhyam arthakriyānupapattes tadayogād ity anumānena svalakṣa- 
AS-VDh 176,12	ṇam adhyavasīyate iti cen na, atra hetor viruddhatvāt, sattvasya kathaṃcin nityānityātmakasūkṣmasthūlātmakatvena 
AS-VDh 176,13	vyāptatvāt, sarvathā nityādyekāntarūpe kramayaugapadyābhyām arthākriyāvirodhāt sattvānupapatteḥ samarthanāt | etena 
AS-VDh 176,14	sthūlam evāvayavi dravyaṃ sūkṣmāvayavarahitaṃ pratibhāsate iti vyudastaṃ tadanumānasyāpi viruddhatvāviśeṣāt pratya- 
AS-VDh 176,15	kṣabādhitaviṣayatvāc ca hetor atītakālatvāvyavasthiteḥ | ata eva nopamānādāv api tatpratibhāsanam iti nāsiddhaṃ 
AS-VDh 176,16	sūkṣmādyekāntasya pratyakṣabuddhāv apratibhāsanaṃ, yatas tatpratiṣedhe sādhye svabhāvānupalabdhir na sidhyet | tatpratiṣedhe 
AS-VDh 176,17	ca siddhaḥ sūkṣmādyanekāntaḥ | tatra svabhāvāntarasya prādhānyavivakṣāyām ākārāntarasya guṇabhāvaḥ 
AS-VDh 176,18	syāt, ghaṭo 'yaṃ paramāṇavo rūpādayo veti | ghaṭārthino hi ghaṭavivakṣāyāṃ ghaṭaḥ pradhānaṃ paramāṇavo 'numeyāḥ, 
AS-VDh 176,19	pratyakṣāś ca rūpādayo guṇībhūtāḥ, tadanarthitvād avivakṣāprasiddheḥ | tadarthināṃ tu tadvivakṣāyāṃ ta eva pradhānaṃ na 
AS-VDh 176,20	punar ghaṭo 'vayavī, tadvivakṣāyāḥ saṃbhavābhāvāt tadarthitvānupapatteḥ | na ca tadubhayasattvāviśeṣād aviśeṣeṇārthitva-
AS-VDh 177,01	manarthitvaṃ vā prasajyate, tasya tatsattāmātrānibandhanatvāt, mohaviśeṣodayahetukatvāt tadudayasyāpi mithyādarśa- 
AS-VDh 177,02	nādikālādinimittakatvāt | 
AS-VDh 177,03	tad evaṃ syād advaitaṃ, syāt pṛthaktvam iti mūlabhaṅgadvayaṃ vidhipratiṣedhakalpanayaikavastunyavirodhena praśnavaśād upa- 
AS-VDh 177,04	darśitam | śeṣabhaṅgānāṃ tu prakriyā yathoditanayaviśeṣavacanabhāk 'ekānekavikalpādāv uttaratrāpi yojayet' 
AS-VDh 177,05	ityādy atideśakārikānirdeśasām arthyāt prapañcato niścetavyā | 
AS-VDh 177,06	advaitādyāgrahogragrahagahanavipannigrahe 'naṅghyavīryāḥ, syātkārāmoghamantrapraṇayanavidhayaḥ śuddhasaddhyānadhīrāḥ | 
AS-VDh 177,07	dhanyānām ādadhānā dhṛtim adhivasatāṃ maṇḍalaṃ jainam agryaṃ, vācaḥ sāmantabhadryo vidadhatu vividhāṃ siddhi- 
AS-VDh 177,08	m udbhūtamudrāḥ | 1 | 
AS-VDh 177,09	ity āptamīmāṃsālaṅkṛtau dvitīyaḥ paricchedaḥ | 2 | 
AS-VDh 178,01	atha tṛtīyaḥ paricchedaḥ | 
AS-VDh 178,02		aṣṭaśatī prathitārthā sāṣṭasahasrī kṛtāpi saṃkṣepāt | 
AS-VDh 178,03		vilasadakalaṅkadhiṣaṇaiḥ prapañcanicitāvaboddhavyā | 1 | 
ĀM-VDh 37ab		nityatvaikāntapakṣe 'pi vikriyā nopapadyate | 
ĀM-VDh 37cd		prāg eva kārakābhāvaḥ kva pramāṇaṃ kva tatphalam || 37 || 
AS-VDh 178,06	sadasadekatvapṛthaktvaikāntapratiṣedhānantaraṃ nityatvaikāntapratikṣepaḥ, prakramyate 'neneti tātparyam | 
AS-VDh 178,07	tatra nityatvaikāntaḥ kūṭasthatvābhiniveśaḥ | tasya pakṣaḥ pratijñānam | tasminn api vividhā kriyā pariṇāma- 
AS-VDh 178,08	parispandalakṣaṇā nopapadyate | kāryotpatteḥ prāg eva tadutpattau vā prāg eva kārakābhāvo nopapadyate iti kūṭasthaḥ 
AS-VDh 178,09	prāg eva kārakaḥ syād ātmā bhogasya | atha prāg eva kārakābhāvas tadā vikriyāpi nopapadyate iti śaśvadakā- 
AS-VDh 178,10	rakaḥ syāt tadaviśeṣāt | sotsvakārako 'vikriyaś ceti cet kvaiva pramāṇaṃ pramitilakṣaṇaṃ ca tatphalam upapadyeta ? 
AS-VDh 178,11	pramātur abhāve tadasaṃbhavāt | ta hy akārakaḥ pramātā nāma, pramitikriyāsādhanasya kārakaviśeṣasya svatantrasya 
AS-VDh 178,12	pramātṛtopapatteḥ | sakalakāryotpattiparicchittikriyayoḥ sarvathāpy asādhanasya sattvāsaṃbhavād avastutvāpatteḥ katha - 
AS-VDh 178,13	m ātmasiddhiḥ parasya syāt ? kharaviṣāṇādisiddhiprasaṅgāt | 
AS-VDh 178,14	nanu cātmanaś cetanaivārthakriyā, na punaḥ svavyatiriktakāryasyotpattir jñaptir vā, tasyāḥ pradhānahetutvāt | na ca 
AS-VDh 178,15	cetanā puṃso 'rthāntaram eva, tasya tallakṣaṇatvāt "caitanyaṃ puruṣasya svarūpam" iti vacanāt | na cānityā 
AS-VDh 178,16	cetanā, nityapuruṣasvabhāvatvāt sākṣitvādivat tasyāḥ, pradhānasvabhāvatve puruṣakalpanāvaiyarthyāt tadanityatva- 
AS-VDh 178,17	prasaṅgāc ca sukhādivat | na ca nityāyāś cetanāyāḥ parasyārthakriyātvaṃ viruddhyate dhātvartharūpāyāḥ kriyāyāḥ 
AS-VDh 178,18	pratighātābhāvāt sattāvat | tato 'rthakriyāsvabhāvatvād ātmano vastutvam eva | na hy arthakriyākāraṇasyaiva vastutvam a- 
AS-VDh 178,19	rthakriyāyāḥ svayam avastutvāpattes tatrārthakriyāntarābhāvād anyathānavasthāprasaṅgāt | svato 'rthakriyāyā vastusvabhāvatve 
AS-VDh 179,01	puruṣasyāpi svataḥ śaśvadarthakriyāsvabhāvatvān nityaṃ vastutvam astu, vikriyāvirahe 'pi nityakārakatvasyāpi ghaṭanāt | 
AS-VDh 179,02	iti kaścit so 'pi na parīkṣād akṣadhiṣaṇaḥ, pramāṇavirodhāt, pratyakṣato 'numānāder vā nityārthakriyāyāḥ 
AS-VDh 179,03	kadācid aparicchedāt | svasaṃvedanam eva nityacetanārthakriyāṃ paricchinattīti cen na, tathā tadbuddhyānadhyavasā- 
AS-VDh 179,04	yāt | na hi buddhyānadhyavasitāṃ cetanāṃ puruṣaś cetayate, buddhiparikalpanāvaiyarthyaprasaṅgāt, sarvasya śabdāde- 
AS-VDh 179,05	r viṣayasya buddhyanadhyavasitasyaiva puṃsā saṃvedyatvasiddheḥ | syān mataṃ 'na cetanā nāma viṣayabhūtārthāntaraṃ puṃso 'sti 
AS-VDh 179,06	yā buddhyādhyavasīyate tasyās tatsvarūpatvāt svataḥ prakāśanāc ca' iti tad apy ayuktaṃ, tadarthakriyātvāyogāt | 
AS-VDh 179,07	na hy arthakriyāv ataḥ svarūpam eva sadāvasthāyyarthakriyā prasiddhāsti, tasyāḥ pūrvākāraparityāgenottarākāropādānena 
AS-VDh 179,08	ca svasmin paratra vā pratīteḥ | so 'yaṃ pūrvāparasvabhāvaparihārāv āptilakṣaṇām arthakriyāṃ kauṭasthye 'pi 
AS-VDh 179,09	bruvāṇaḥ katham anunmattaḥ ? sā hy arthakriyotpattir jñaptir vā | na ca śaśvadavasthite sarvathāsau pratīyate, tatra 
AS-VDh 179,10	kārakajñāpakahetuvyāpārāsaṃbhavāt | na hi puruṣasyārthasyotpattiś cetanākriyā yena kārakahetor upādānasya saha- 
AS-VDh 179,11	kāriṇo vā vyāpāras tatra bhavet | tathopagame vā tasyānityatvānuṣaṅgāt kutaḥ kauṭasthyasiddhiḥ ? cetanā puṃso 
AS-VDh 179,12	jñaptikriyety api na yuktaṃ, yatas tatra jñāpakahetoḥ pramātuḥ pramāṇasya ca vyāpāraḥ syāt | syān mataṃ 'na puruṣa- 
AS-VDh 179,13	lakṣaṇasyārthasya kriyā citanākhyotpattir jñaptir vā | kiṃ tarhi ? svabhāva eva, tasya sarvadā tatsvabhāvatvāt' iti 
AS-VDh 179,14	tad apy asat, puṃsaḥ pariṇāmasiddhiprasaṅgāt, pariṇāmavivartadharmāvasthāvikārāṇāṃ svabhāvaparyāyatvāt | 
AS-VDh 179,15	nanu ca 'sthitasya dharmiṇaḥ pūrvākāratirobhāvenottarākārāvirbhāvaḥ pariṇāmaḥ | sa kathaṃ svabhāvaparyāyaḥ ? sadā- 
AS-VDh 179,16	vasthitasya svarūpasya svabhāvatvāt | etena vivartavikārāvasthānāṃ svabhāvaparyāyatvaṃ vyudastaṃ, vivartādīnāṃ 
AS-VDh 179,17	kādācitkatvāt | tata eva dharmaviśeṣasya na svabhāvaparyāyatvam | dharmasāmānyasyāpi sādhāraṇatvād asattvam eva, 
AS-VDh 179,18	śaśvadanapāyino 'sādhāraṇasya svarūpasya svabhāvatvāt | ' iti kaścit so 'pi na tattvavit, satatāvasthitasyaikāntataḥ 
AS-VDh 179,19	kasyacit svabhāvasyāsaṃbhavāt | sa hi na tāvat sakalapramāṇenāparicchidyamānaḥ pratiṣṭhām iyartti, atiprasaṅgāt | 
AS-VDh 179,20	paricchidyamānas tu pūrvāparicchidyamānarūpatāvyavacchedena pariṇāmalakṣaṇānusaraṇāt kathaṃ na svabhāvaḥ pariṇāma 
AS-VDh 179,21	eva syād yatas tatparyāyo na syāt ? etena vivartādīnāṃ svabhāvaparyāyatvam uktaṃ, tadvatsvabhāvasyāpi kathaṃcitkādā- 
AS-VDh 179,22	citkatvasiddheḥ | dharmasāmānyasya tu yathā sādhāraṇatvaṃ tathā svabhāvasāmānyasyāpi, pariṇāmādisāmānyavat | 
AS-VDh 179,23	tataḥ pariṇāmādiviśeṣāṇāṃ svabhāvaviśeṣaparyāyatvaṃ pariṇāmādisāmānyānāṃ tu svabhāvasāmānyaparyāyatā 
AS-VDh 179,24	vyavatiṣṭhate | pūrvottarākārayos tirobhāvāvirbhāvau tu nāśotpādāv eva nāmāntareṇoktau, sarvathā tadabhāve 
AS-VDh 180,01	svabhāvasyāsaṃbhavāt | tad etadvināśotpattinivāraṇam abuddhipūrvakaṃ pratyakṣādivirodhāt kṣaṇikaikānta- 
AS-VDh 180,02	vat | nedam asiddhaṃ sādhanaṃ, puruṣasyotpādavyayadhrauvyātmanaḥ svasaṃvedanapratyakṣāt smaraṇāt pratyabhijñānād ūhād anu- 
AS-VDh 180,03	mānāc chrutāc ca pramāṇāt suniścitāsaṃbhavadbādhakapramāṇāt pratipatteḥ, vināśotpattirahitasya jātucidapratīteḥ 
AS-VDh 180,04	pratyakṣādivirodhasya niścayāt | etena kṣaṇikaikāntanidarśanasya sādhanavikalatā nirastā, sarvathā sthiti- 
AS-VDh 180,05	rahitasya cetasaḥ pratyakṣādāv apratibhāsanāt tadvirodhasya siddheḥ | sādhyaśūnyatā ca na saṃbhavati, sthitimātrābhi- 
AS-VDh 180,06	niveśasyeva niranvayakṣaṇikābhiniveśasyāpi mithyābuddhipūrvakatvāt | 
AS-VDh 180,07	etenāvyaktaṃ nityam evetyapāstaṃ, vyaktasyāpi nityatvānuṣaṅgāt nityād avyatiriktasyāpy anityatve caitanyasyā- 
AS-VDh 180,08	py anityatvāpatteḥ | sarvathā vyaktasyāpi nityatve pramāṇakārakavyāpāravirodhāt tadaprameyam anarthakriyākāri prasajyeta | 
ĀM-VDh 38ab		pramāṇakārakair vyaktaṃ vyaktaṃ cedindriyārthavat | 
ĀM-VDh 38cd		te ca nitye vikāryaṃ kiṃ sādhos te śāsanādbahiḥ || 38 || 
AS-VDh 180,11	na hi pramāṇaṃ nityaṃ nāma, tatkṛtābhivyakteḥ pramitirūpāyā mahadahaṅkārādau vyaktātmani nityatvaprasaṅgāt | 
AS-VDh 180,12	nāpi kārakaṃ nityaṃ, tadvihitābhivyakter utpattirūpāyāḥ sātatyaprasakteḥ | tathā ca na vyaktaṃ pramāṇakārakair a- 
AS-VDh 180,13	bhivyaktam indriyair arthavad iti śakyaṃ vaktuṃ, pūrvam anabhivyaktasya vyañjakavyāpārād abhivyaktipratīteḥ | atha mataṃ, 
AS-VDh 180,14	pramāṇakārakāṇi vyavasthitam eva bhāvaṃ vyañjayanti cakṣurādivat svārtham | tato na kiñcid viprati- 
AS-VDh 180,15	ṣiddha m iti tad apy asamyak, sarvathā nityatvena bhāvasyāvyavasthitatvāt kathaṃcid anityasyaiva pramāṇakārakavyāpāra- 
AS-VDh 180,16	viṣayatvaviniścayāt | cakṣurādayo hi svārthaṃ rūpādikam anabhivyaktasvabhāvaparihāreṇābhivyaktasvabhāvopapādanena 
AS-VDh 180,17	ca vyañjayantaḥ svayam avyañjakarūpatyāgena vyañjakatvasvīkaraṇena ca vyañjakavyapadeśabhājo dṛṣṭāḥ | na caivaṃ 
AS-VDh 180,18	pramāṇaṃ kārakaṃ ca parair iṣṭaṃ tayor nityatvābhyupagamāt | tatkṛtasya ca viṣayaviśeṣavijñānādeḥ śāśvatatvān na 
AS-VDh 180,19	kiñcid vyaktyarthaṃ paśyāmaḥ, kathaṃcid apūrvotpattau tadekāntavirodhāt | na hy anekāntavādinas tava sādhoḥ śāsa- 
AS-VDh 180,20	nād bahirviṣayaviśeṣavijñānābhilāṣapravṛttyāder utpattiḥ kathaṃcid apūrvā yujyate, yato 'syām abhyupagamyamānāyāṃ nitya- 
AS-VDh 180,21	tvaikāntavirodho na bhavet, tadabhāve vikāryānupapatteḥ | na hi kathaṃcid apūrvotpattyabhāvo kiṃcid vyaṅgyaṃ 
AS-VDh 180,22	kāryaṃ vā vikāryam upapadyate | na vai kiṃcid viruddhaṃ kāryakāraṇabhāvābhyupagamād ity anālocitasiddhāntaṃ, 
AS-VDh 180,23	kāryasya sadasatvavikalpadvayānatikramāt | tatra, 
ĀM-VDh 39ab		yadi sat sarvathā kāryaṃ puṃvan notpattum arhati | 
ĀM-VDh 39cd		pariṇāmaprakḷptiś ca nityatvaikāntabādhinī || 39 || 
AS-VDh 181,03	na tāvat sataḥ kāryatvaṃ caitanyavat | na hi caitanyaṃ kāryaṃ, tatsvarūpasya puṃso 'pi kāryatvaprasaṅgāt, yata- 
AS-VDh 181,04	s tadvan mahadādeḥ sata eva kāryatvaṃ siddhyet | nāpy asataḥ, siddhāntavirodhād gaganakusumādivat | "asada- 
AS-VDh 181,05	karaṇād upādānagrahaṇāt sarvasaṃbhavābhāvāt | śaktasya śakyakaraṇāt kāraṇabhāvāc ca satkāryam" iti hi sāṃkhyānāṃ 
AS-VDh 181,06	siddhāntaḥ | sa cāsataḥ kāryatve virudhyate eva | tathā 'yat sarvathāpy asat tan notpadyate | yathā gaganakusu- 
AS-VDh 181,07	mam | sarvathāpy asac ca kāryaṃ kasyacit | ity anumānavirodhaś ca pratyeyaḥ | nāparam ekāntaprakārāntaram asti | 
AS-VDh 181,08	tata eva na kiṃcit kāryaṃ, kevalaṃ vastuvivarta evety ekānto 'stīti cen na, tasyāpy asaṃbhavāt, vivartādeḥ 
AS-VDh 181,09	pūrvottarasvabhāvapradhvaṃsotpattilakṣaṇatvāt, tathopagame pariṇāmasiddher anekāntāśrayaṇaprasaṅgāt | tad etat 
AS-VDh 181,10	trailokyaṃ vyakter apaiti nityatvapratiṣedhāt, apetam apy asti vināśapratiṣedhād ity anekāntoktir andha- 
AS-VDh 181,11	sarpabilapraveśanyāyam anusarati, svadarśanānapekṣaṃ, yathopalambham āśrayasvīkaraṇāt | tad evaṃ nityatvaikānta- 
AS-VDh 181,12	vādināṃ —
ĀM-VDh 40ab		puṇyapāpakriyā na syāt pretyabhāvaḥ phalaṃ kutaḥ | 
ĀM-VDh 40cd		bandhamokṣau ca teṣāṃ na yeṣāṃ tvaṃ nāsi nāyakaḥ || 40 || 
AS-VDh 181,15	puṇyapāpakriyā kāyavāṅ manaskarmalakṣaṇā śubhā'śubhā | sā pradhāne tāvan nāsti, sarvathā nityatvāt puruṣavat | 
AS-VDh 181,16	tadabhāve puṇyapāpayoḥ kriyā utpattilakṣaṇā nāsti, kāraṇābhāve kāryānudayāt | tataḥ pretyabhāvo janmāntara- 
AS-VDh 181,17	lakṣaṇas tatphalaṃ ca sukhādyanubhavalakṣaṇaṃ kutaḥ syāt ? tato bandhamokṣau ca yathoktalakṣaṇau na stas teṣāṃ yeṣāṃ 
AS-VDh 181,18	tvam anekāntavādī nāyako nāsi | iti tātparyārthaḥ | tato nityatvaikāntadarśanaṃ naitat prekṣāpūrvakāribhi- 
AS-VDh 181,19	r āśrayaṇīyaṃ, puṇyapāpapretyabhāvabandhamokṣavikalparahitatvān nairātmyādivat | na caitat kvacid ekānte 
AS-VDh 181,20	saṃbhavati, kuśalākuśalaṃ karmety atra tadasaṃbhavasya samarthitatvāt | 
AS-VDh 181,21	satyam etannityatvaikānte dūṣaṇaṃ kṣaṇakṣayaikāntasyaiva prātītikatvād iti vadantaṃ vādinaṃ pratyāhuḥ —
ĀM-VDh 41ab		kṣaṇikaikāntapakṣe 'pi pretyabhāvādyasaṃbhavaḥ | 
ĀM-VDh 41cd		pratyabhijñādyabhāvān na kāryārambhaḥ kutaḥ phalam || 41 || 
AS-VDh 181,24	kṣaṇikaikāntapakṣe cetasaḥ kāryārambho nāsti, pratyabhijñānasmṛtīcchāder abhāvāt santānāntaracittavat | 
AS-VDh 182,01	tadabhāvaś ca pratyabhijñātur ekasyānvitasyābhāvāt | santānaḥ kāryam ārabhate ity api mithyā, tasyā'vastutvaviro- 
AS-VDh 182,02	dhāt kāryārambhakasya vastutvāt | cittakṣaṇānāṃ cāvastutāpattir akāryārambhakatvāt | na ca tatkāryārambhaka- 
AS-VDh 182,03	tvābhāve phalaṃ puṇyapāpalakṣaṇaṃ saṃbhavati | tadabhāve na pretyabhāvo na bandho na ca mokṣaḥ syāt | iti kṣaṇa- 
AS-VDh 182,04	kṣayaikāntadarśanam ahitam, asaṃbhavatpretyabhāvāditvād ucchedaikāntavad dhrauvyaikāntābhyupagamavad vā | na hi 
AS-VDh 182,05	sarvathocchedaikānte śūnyatālakṣaṇe nityatvaikānte vā pretyabhāvādiḥ saṃbhavati, yato 'yaṃ dṛṣṭāntaḥ sādhanadharma- 
AS-VDh 182,06	vidhuraḥ syāt | nāpi prekṣāvatāṃ tadāśrayaṇaṃ hitattvena mataṃ, yena sādhyavikalaḥ syāt | atha matam etat, 
AS-VDh 182,07	kṣaṇikatve 'pi cittakṣaṇānāṃ vāsanāvaśāt pratyabhijñānaṃ tad evedaṃ sukhasādhanam iti smaraṇapurassaram utpadyate | tato 
AS-VDh 182,08	'bhilāṣāt tatsādhanāya pravṛttir iti kāryārambhāt puṇyapāpakriyāsiddheḥ pretyabhāvādisaṃbhavād asaṃbhavatpretyabhāvāditvā- 
AS-VDh 182,09	d iti hetur asiddho na sādhyasādhanāyālam iti, tad asat, bhinnakālakṣaṇānām asaṃbhadvāsanatvād akārya- 
AS-VDh 182,10	kāraṇavat | pūrvam eva cittam uttarotpattau vāsanā tatkāraṇatvād iti cen na, niranvayakṣaṇikatve kāraṇasyaivāsaṃbha- 
AS-VDh 182,11	vāt | tathā hi | na vinaṣṭaṃ kāraṇam asattvāc ciratarātītavat | samanantarātītaṃ kāraṇam iti cen na, samana- 
AS-VDh 182,12	ntaratve 'py abhāvāviśeṣāt | na ca pūrvasyottaraṃ kāryaṃ, tadasaty eva hi bhāvād vastvantaravad atikrāntatama - 
AS-VDh 182,13	vad vā, yataḥ pūrvasya kāraṇatvanirṇayaḥ syat | tadanvayavyatirekānuvidhinād uttaraṃ tatkāryam iti cen na, tasyā- 
AS-VDh 182,14	siddheḥ | na hi samarthe 'smin sati svayam anutpitsoḥ paścād bhavatas tatkāryatvaṃ samanantaratvaṃ vā nityavat, 
AS-VDh 182,15	tadbhāve svayam abhavatas tadabhāve eva bhavatas tadanvayavyatirekānuvidhānavirodhāt | kṣaṇikaikānte kāraṇābhāvā- 
AS-VDh 182,16	viśeṣe 'pi kāryotpattisamayaniyamāvakḷptau kasyacit kauṭasthye 'pi tatkaraṇasamarthasadbhāvābhede 'pi kārya- 
AS-VDh 182,17	janmanaḥ kālaniyamaḥ kin na syāt ? viśeṣābhāvāt | yathaiva hi svadeśavatsvakāle sati kāraṇe samarthe 
AS-VDh 182,18	kāryaṃ jāyate, nāsatīti tadanvayavyatirekānuvidhāyīṣyate tathā svakāle 'nādyanante sati samarthe nitye 
AS-VDh 182,19	svasamaye kāryam upajāyamānam anyadānupajāyamānaṃ tadanvayavyatirekānuvidhāyi kathaṃ nānumanyate ? sarvadā samarthe 
AS-VDh 182,20	nitye kāraṇe sati svakāle eva kāryaṃ bhavat kathaṃ tadanvayavyatirekānuvidhāyīti cet tarhi kāraṇakṣaṇāt pūrvaṃ 
AS-VDh 182,21	paścāc cānādyanante tadabhāve viśeṣaśūnye 'pi kvacid eva tadabhāvasamaye bhavatkāryaṃ kathaṃ tadanvayavyatirekānuvi-
AS-VDh 183,01	dhāyi ? iti na kaścid viśeṣaḥ | tad evam anvayavyatirekānuvidhānābhāvāviśeṣe 'pi kṣaṇikaikānte eva kārya- 
AS-VDh 183,02	janmeti vacanam abhiniveśamātranibandhanam | tathā cākasmikatvaṃ syāt, samarthaṃ kāraṇam anapekṣya svayam abhi- 
AS-VDh 183,03	matasamaye bhavataḥ kāryasya nirhetukatvaprasakter nityakāryavat | ubhayatrāviśeṣeṇa kathaṃcid anupayo- 
AS-VDh 183,04	ge 'pi kvacid vyapadeśakalpanāyām anyatrāpi kiṃ na bhavet ? kṣaṇikasya kāraṇasya sarvathā kāryaṃ pratyupayogā- 
AS-VDh 183,05	bhāve 'pi tasyedaṃ kāryam iti vyapadiśyate, na punar nityasya tādṛśa iti na kiṃcin nibandhanam anyatra mahāmohāt | 
AS-VDh 183,06	nityasya pratikṣaṇam anekakāryakāritve kramaśo 'nekasvabhāvatvasiddheḥ katham ekatvaṃ syād iti cet kṣaṇikasya katham iti 
AS-VDh 183,07	samaḥ paryanuyogaḥ | sa hi kṣaṇasthitir eko 'pi bhāvo 'nekasvabhāvaś citrakāryatvān nānārthavat | na hi kāraṇaśa- 
AS-VDh 183,08	ktibhedam antareṇa kāryanānātvaṃ yuktaṃ rūpādijñānavat | yathaiva hi karkaṭikādau rūpādijñānāni rūpādisvabhāva- 
AS-VDh 183,09	bhedanibandhanāni tathā kṣaṇasthiter ekasmād api bhāvāt pradīpāder vartikāmukhadāhatailaśoṣādivicitrakāryāṇi śakti- 
AS-VDh 183,10	bhedanimittakāni vyavatiṣṭhante | anyathā rūpāder nānātvaṃ na sidhyet, cakṣurādisāmagrībhedāt tajjñānani- 
AS-VDh 183,11	rbhāsabhedo 'vakalpyeta, karkaṭikādidravyaṃ tu rūpādisvabhāvabhedarahitam ekam anaṃśam iti vadato 'pi nivārayitum aśakteḥ | 
AS-VDh 183,12	cakṣurādibuddhau rūpādivyatiriktasya dravyasyāpratibhāsanād rūpādayo nānaiveti cet tarhi vartikāmukhadāhādikāryā- 
AS-VDh 183,13	numānabuddhiṣu vicitratacchaktivyatirekeṇa pradīpakṣaṇasyaikasyāpratibhāsanān nānāśaktaya eva kiṃ na syuḥ ? 
AS-VDh 183,14	nanu ca 'śaktiśaktimator arthāntarānarthāntarabhāvapakṣayoḥ śaktīnām aghaṭanān na tāḥ paramārthasatyaḥ saṃbhāvyante | 
AS-VDh 183,15	tatas tāsām arthāntarabhāve vyapadeśānupapattiḥ saṃbandhābhāvāt | tena tāsām upakāryopakārakabhāvasaṃbandha- 
AS-VDh 183,16	kalpanāyāṃ yadi śaktimatā śaktyantaraiḥ śaktaya upakriyante tadānavasthā, aparāparārthāntaraśaktipa- 
AS-VDh 183,17	rikalpanāt | tasya śaktibhir upakāre 'nekopakāryarūpatāpattiḥ | tadupakāryarūpāṇāṃ tato bhede 
AS-VDh 183,18	tasyānupakārāt tadvyapadeśānupapattis tadavasthā | tais tasyopakārakaraṇe 'navasthitir eva parāparopakāryarūpaparikalpa- 
AS-VDh 183,19	nāt | śaktimataḥ śaktīnām anarthāntarabhāve śaktimān eva, na śaktayo nāma anyatrātadvyāvṛttibhyaḥ 
AS-VDh 183,20	kalpitābhyaḥ' iti cen na, rūpādīnām api dravyād arthāntarānarthāntarabhāvavikalpayor aghaṭanāt paramārthasattvābhā- 
AS-VDh 183,21	vānuṣaṅgāt prakṛtadoṣopanipātāviśeṣāt, pratyakṣabuddhau pratibhāsamānā rūpādayaḥ paramārthasanto na punar anu- 
AS-VDh 183,22	mānabuddhau pratibhāsamānāḥ śaktaya iti vaktum aśakteḥ kṣaṇakṣayasvargaprāpaṇaśaktyādīnām aparamārthasattvaprasaṅgāt | 
AS-VDh 184,01	kṣaṇakṣayādīnāṃ pratyakṣe pratibhātānām eva viparītāropavyavacchede 'numānavyāpārādadoṣa iti cet tarhi nānākārya- 
AS-VDh 184,02	jananaśaktīnām api pratyakṣe 'vabhātānām eva samāropavyavacchede kāryānumānavyāpārāt kaścid api doṣo mā bhūt | 
AS-VDh 184,03	nānākāryadarśanāt tajjananaśaktir ekā tādṛśy anumīyate, na punar nānāśaktaya iti cet tarhi nānārūpādijñānani- 
AS-VDh 184,04	rbhāsabhedāt tādṛśaikasvabhāvo dravyasya vyavasthāpyeta, na punar nānārūpādaya iti samaḥ samādhiḥ | pradīpakṣaṇa- 
AS-VDh 184,05	syaikasya vartikāmukhādisahakārisāmagrībhedāt taddāhādivicitrakāryajananaṃ na punaḥ svabhāvabhedād iti cet tarhi 
AS-VDh 184,06	karkaṭikādidravye cakṣurādisahakārisāmagrībhedād rūpādijñānanirbhāsabhedo na punā rūpādyanekasvabhāvabhedā- 
AS-VDh 184,07	d iti niścīyate | yugapadekārthopanibaddhadṛṣṭīnām api bhavitavyam eva pratibhāsabhedena, kāraṇasāmagrī- 
AS-VDh 184,08	bhedāt | anyathā darśanabhedo 'pi mā bhūt | na caivaṃ, pratyāsannetarayor vaiśadyetaranirbhāsopalabdheḥ | 
AS-VDh 184,09	seyam ubhayataḥ pāśārajjuḥ saugatānāṃ, rūpādijñānanirbhāsabhedād rūpādibhedaṃ vyavasthāpayataḥ pradīpakṣaṇasyai- 
AS-VDh 184,10	kasya kāryavaicitryāt svabhāvabhedaprasaṅgāt, tasyaikasvabhāvatvaṃ vyavasthāpayato rūpādinānātvāvyavasthāpanāt | 
AS-VDh 184,11	sakṛt kāraṇasvabhāvabhedam antareṇa yadi kāryanānātvaṃ, kramaśo 'pi kasyacid apekṣitasahakāriṇaḥ kārya- 
AS-VDh 184,12	santitaḥ kiṃ na syāt ? sahakāriṇas taddhetusvabhāvam abhedayanto 'pi kāryahetavaḥ syuḥ kṣaṇakṣayavat | yathaiva 
AS-VDh 184,13	hi kṣaṇikasvalakṣaṇasya nānākāryāṇi yugapadupajanayataḥ sahakārikāraṇāni na kañcid atiśayaṃ tato bhinnam a- 
AS-VDh 184,14	bhinnaṃ vā samupajanayanti | kiṃ tarhi ? kāryāṇy eva bhinnasvabhāvāni vidadhati | tathaiva nityasyāpi | na hi 
AS-VDh 184,15	kādācitkāni tattatkartuṃ samarthānīti sthirorthas tatkaraṇasvabhāvaṃ jahāti tadbuddhipūrvakatvābhāvāt 
AS-VDh 184,16	kṣaṇikasāmagrīsannipatitaikakāraṇāntaravat | na hi kṣaṇikakṣityudakādisāmagryām antyakṣaṇaprāptāyām aṅkura- 
AS-VDh 184,17	jananasamarthāyāṃ satyāṃ tatsannipatitaṃ bījaṃ kāraṇāntaram aṅkurajananasvabhāvaṃ jahāti, tasya tadakāryatvaprasaṅgāt | 
AS-VDh 184,18	na hi hetavaḥ parasparamīrṣyāvaliptāḥ kvacid ekatra kārye yenaikasya tatra vyāpāre 'pare nivarteran | kṣaṇiko 'rthaḥ 
AS-VDh 184,19	svāntyakāraṇasāmagrīsannipatitaḥ svakāryakārī tādṛśasvahetusvabhāvād utpannatvāt, na punar nitya iti kalpayitvāpi 
AS-VDh 185,01	svahetuprakṛtiṃ bhāvanāṃ svaprakṛtir avaśyam anveṣyā, tatsvabhāvavaśāt tatkāraṇaprakṛtivyavasthāpanāt 
AS-VDh 185,02	tad ayam akāraṇo 'pi svabhāvaniyato 'rthaḥ syāt | 
AS-VDh 185,03	nanu ca kṣaṇikasya kṣaṇād ūrdhvam asthānaṃ svaprakṛtir vinaśvaratvād anviṣyate | vināśasvabhāvaniyatatvaṃ ca vina- 
AS-VDh 185,04	śvaratvaṃ, na punaḥ kālāntarāvasthāyinaḥ kadācin nāśitvam ahetukatvād vināśasya | tathā hi | yad yad bhāvaṃ pratyana- 
AS-VDh 185,05	pekṣaṃ tat tad bhāvaniyatam | yathāntyakāraṇasāmagrī svakāryotpādanaṃ pratyanapekṣā tatsvabhāvaniyatā, vināśaṃ 
AS-VDh 185,06	pratyanapekṣaś ca bhāvaḥ | iti svabhāvahetuḥ | na tāvad ayam asiddhaḥ, kalaśāder vināśasya mudgarādihetubhir vyatirikta- 
AS-VDh 185,07	syāvyatiriktasya vā karaṇāsaṃbhavāt, taṃ prati tadanapekṣatvasiddheḥ | ghaṭāder vyatiriktasya vināśasya karaṇe 
AS-VDh 185,08	tadavasthatvaprasaṅgād vinaṣṭa iti pratyayo na syāt | vināśasaṃbandhād vinaṣṭa iti pratyayotpattau vināśatadvatoḥ 
AS-VDh 185,09	kaścit saṃbandho vaktavyaḥ | sa ca tāvat tādātmyalakṣaṇas tayor bhedopagamāt | nāpi tadutpattilakṣaṇo ghaṭādes ta- 
AS-VDh 185,10	dakāraṇatvāt tasya mudgarādinimittakatvavacanāt | tadubhayanimittatvād adoṣa ity apy asāraṃ, mudgarādivadvināśo- 
AS-VDh 185,11	ttarakālam api kumbhāder upalambhaprasaṅgāt | kuṭādeḥ svavināśaṃ pariṇāmāntaraṃ lakṣaṇaṃ pratyupādānakāraṇatvān na 
AS-VDh 185,12	tatkāle darśanam ity api na yuktaṃ, pariṇāmāntarasyaiva hetvapekṣatvasiddheḥ, vināśasya tadvyatiriktahetvanapekṣatvavyava- 
AS-VDh 185,13	sthiteḥ sugatamatasiddhiprasakteḥ | sugatamataṃ hi na sarvathā vināśasya nirhetukatvam | kiṃ tarhi ? kāryajanaka- 
AS-VDh 185,14	hetuvyatiriktahetvanapekṣatvam iti vādāvasānaṃ syāt | vināśatadvator viśeṣaṇaviśeṣyabhāvaḥ saṃbandha ity api 
AS-VDh 185,15	mithyābhidhānaṃ parasparamasaṃbaddhayos tadanupalabdheḥ | prāgabhāvatadvator viśeṣaṇaviśeṣyabhāvo 'nenaiva nirastaḥ | kārya- 
AS-VDh 185,16	kāraṇayor asyedaṃ kāryam iti viśeṣaṇaviśeṣyabhāvaḥ katham ity api na codyaṃ, tatra tadvyavahārasya kāryakāraṇabhāva- 
AS-VDh 185,17	nibandhanatvāt, tadvyatirekeṇa bhinnayor viśeṣaṇaviśeṣyabhāvāsaṃbhavāt | tato 'narthāntaraṃ vināśaḥ kāraṇaiḥ kriyate 
AS-VDh 185,18	iti pakṣāntaram api na samyak, svakāraṇād utpannasya kuṭātmano vināśasya kāraṇāntarāṇāṃ vaiyarthyāt | anyathā 
AS-VDh 185,19	parāparakāraṇānuparamaḥ syāt | 
AS-VDh 185,20	iti bhāvanāṃ vināśasvabhāvatvaṃ sādhanaṃ sthiter api nirnimittatvaṃ sādhayet | tathā hi | yady adbhāvaṃ pratyanapekṣaṃ 
AS-VDh 185,21	tattadbhāvaniyatam | yathā vināśaṃ pratyanyānapekṣaṃ vinaśvaram | tathaiva sthitiṃ pratyanapekṣaṃ sthāsnu vastu | 
AS-VDh 186,01	iti svabhāvahetuḥ | na cāyam asiddhaḥ, taddhetor akiñcitkaratvāt tadvyatiriktāvyatiriktākaraṇāt ityādi 
AS-VDh 186,02	sarvaṃ samānam | na hi vastuno vyatiriktā sthitis taddhetunā kriyate tasyāsthāsnutvāpatteḥ | sthitisaṃbandhā- 
AS-VDh 186,03	t tasya sthāsnuteti cen na, sthititadvatoḥ kāryakāraṇabhāvāsaṃbhavāt sahabhāvāt tayoḥ, asahabhāve sthiteḥ pūrvaṃ 
AS-VDh 186,04	tatkāraṇasyāsthitiprasakteḥ, sthiter api svakāraṇād uttarakālam anāśrayatvānuṣaṅgāt | tayor āśrayāśrayibhāvaḥ 
AS-VDh 186,05	saṃbandhaḥ iti cen na, arthāntarabhūtayoḥ kāryakāraṇabhāvābhāve tadabhāvābhyupagamāt kuṇḍabadaravat | tadavyati- 
AS-VDh 186,06	riktā sthitis taddhetunā vidhīyate ity ayam api pakṣo na śreyān, tadvaiyarthyāt, sthitisvabhāvasyāpi sthiti- 
AS-VDh 186,07	karaṇe tatkāraṇānām anuparamaprasaṅgāt, svayam asthitisvabhāvasya sthitikaraṇāyogād anutpattisvabhāvasyotpattikaraṇā- 
AS-VDh 186,08	yogavat | tataḥ sthitisvabhāvaniyato 'rthaḥ syāt sarvadā sthiter ahetukatvāt | tad evamādau sthitidarśanāc cha- 
AS-VDh 186,09	bdavidyutpradīpāder ante 'pi sthiter anumānaṃ yuktam | anyathānte kṣayadarśanād ādau tatpratipattir asama- 
AS-VDh 186,10	ñjasaiva | tādṛśaḥ kāraṇādarśane 'pi kathaṃcid upādānānumānavat tatkāryasantānasthitir adṛṣṭāpy anumī- 
AS-VDh 186,11	yeta | śabdavidyudādeḥ sākṣādanupalabdham upādānam anumīyate nirṇibandhanotpādaprasaṅgabhayān na punas taduttarakārya- 
AS-VDh 186,12	m avastutvānuṣaṅgabhayād iti kim api mahāmohavilasitam | śabdāder uttarakāryākaraṇe 'pi yogijñānasya karaṇān nā- 
AS-VDh 186,13	vastutvaprasaktir iti cen na, āsvādyamānarasasamānakālarūpopādānasya rūpākaraṇe 'pi rasasahakāritvaprasaṅgāt, 
AS-VDh 186,14	tato rasād rūpānumānānupapatter aniṣṭaprasaṅgāt | tathā dṛṣṭatvān nehāniṣṭaprasaṅga iti cet, kiṃ punaḥ śabdād eva 
AS-VDh 186,15	śabdasyotpattir upalabdhā kadācit ? śaṅkhādiśabdasaṃtatau madhyāvasthāyāṃ śabdād eva śabdasyotpattir dṛṣṭeti 
AS-VDh 186,16	cet katham uttaraśabdotpattir adṛṣṭā ? tathaiva taddṛṣṭer iti śabdāder yogijñānakaraṇavaduttaraśabdādikaraṇam anumī- 
AS-VDh 186,17	yatāṃ, rūpopādānād rūpotpattivat | tasmāt kathaṃcana sthitimataḥ pratikṣaṇaṃ vivarto 'pi nānyathā, gagana- 
AS-VDh 186,18	kusumavat | yadi punaḥ paramārthataḥ kāryakāraṇabhāvasyābhāvād virodhyavirodhakabhāvādivat pratikṣaṇaṃ vivarto 'pi 
AS-VDh 186,19	neṣyate saṃvidadvaitābhyupagamād iti matis tadā prabhavāder ayogāt kutaḥ pretyabhāvādiḥ ? syādvādibhir āpā- 
AS-VDh 186,20	dyasya pretyabhāvapuṇyapāpakriyābandhamokṣatatphalābhāvasya svayam evābhyupagamād atibhītapralāpamātram etad ālakṣyate, 
AS-VDh 186,21	saṃvidadvaitasya sādhanāsaṃbhavāt, saṃvinmātrasya svakāryākaraṇe 'narthakriyākāriṇo vastutvavirodhān nityatvavat, 
AS-VDh 187,01	tasya svakāryakaraṇe kāryakaraṇasvabhāvasiddheḥ | saṃvidadvaitena bhedabhrāntibādhane bādhyabādhakabhāvaḥ | tadabādhane 
AS-VDh 187,02	tasyāvyavasthitiḥ, pratipakṣavyavacchedābhāvāt | saṃvṛtimātreṇa saty api hetuphalabhāve 'kāraṇakāryāntara- 
AS-VDh 187,03	vatsantatir na syād atādātmyāviśeṣāt | na hi kāryakāraṇakṣaṇānām akāryakāraṇakṣaṇebhyas tādātmyābhāvai- 
AS-VDh 187,04	kānte kaścid viśeṣo nairantaryādiḥ saṃbhavati, tasya bhinnasaṃtānakāryakāraṇakṣaṇeṣv api bhāvāt | tatsvabhāva- 
AS-VDh 187,05	viśeṣāvakḷptau tādātmye ko 'paritoṣaḥ ? kathaṃcit tādātmyasyaivaikasaṃtānakṣaṇānāṃ svabhāvaviśeṣasya vyava- 
AS-VDh 187,06	sthiter avyabhicāriṇaḥ kāryakāraṇabhāvasya sugatetarakṣaṇeṣu bhinnasaṃtāneṣv api bhāvāt, bhedatādātmyayor hi 
AS-VDh 187,07	virodhasya sarvathāpy aparihāryatvāt, saṃvidi vedyavedakākārabhede 'pi tādātmyopagamād anyathaikajñānatva- 
AS-VDh 187,08	virodhāt, saṃvidākāravedyādyākāravivekayoḥ pratyakṣaparokṣayor bhede 'pi saṃvidekatvāṅgīkaraṇāt, kathaṃ- 
AS-VDh 187,09	cittādātmyābhāve saṃtānaniyamanibandhanasya svabhāvaviśeṣasyānupalabdheḥ | tatsaṃtānāpekṣayā pretyabhāvādi 
AS-VDh 187,10	mā maṃsta, kṣaṇakṣayaikānte saṃtānasyaiva sādhayituṃ duḥśakyatvāt, jñānajñeyayoḥ pratikṣaṇaṃ vilakṣaṇa- 
AS-VDh 187,11	tvāt | sa evāhaṃ tad evedam iti pratyabhijñānād anusmaraṇād abhilāṣādeś ca saṃtānaniyamasiddhir iti cen na, 
AS-VDh 187,12	tasyaivāsaṃbhavāt | sarvathā vailakṣaṇye puṃso 'rthasya ca na vai pratyabhijñānādiḥ puruṣāntaravad arthāntaravac ca | 
AS-VDh 187,13	tataḥ karmaphalasaṃbandho 'pi nānāsaṃtānavad aniyamān na yuktim avatarati | tadanādivāsanāvaśāt tanniyama 
AS-VDh 187,14	iti cen na, kathaṃcid apy atādātmye kāryakāraṇakṣaṇayos tadaghaṭanāt tadvat | tatsūktaṃ 'kṣaṇikapakṣo buddhimadbhi- 
AS-VDh 187,15	r anādaraṇīyaḥ sarvathārthakriyāvirodhān nityatvaikāntavat ' | na cārthakriyā kāryakāraṇarūpā saty eva kāraṇe 
AS-VDh 187,16	syād asaty eva vā | saty eva kāraṇe yadi kāryaṃ, trailokyam ekakṣaṇavartti syāt, kāraṇakṣaṇakāle eva sarva- 
AS-VDh 187,17	syottarottarakṣaṇasaṃtānasya bhāvāt, tataḥ saṃtānābhāvāt pakṣāntarāsaṃbhavāc ca | iti sthitam eva sādhanaṃ 
AS-VDh 187,18	sarvathārthakriyāvirodhād iti, sādhyaṃ ca kṣaṇikaṃ, pakṣo buddhimadbhir anādaraṇīya iti, pratyabhijñādyabhāvāt pretyabhāvā- 
AS-VDh 187,19	dyasaṃbhava iti ca, asmin pakṣe prayāsābhāvāt | yadi punar asaty eva kāraṇe kāryaṃ tadā kāraṇakṣaṇāt pūrvaṃ 
AS-VDh 187,20	paścāc cānādir anantaś ca kālaḥ kāryasahitaḥ syāt kāraṇābhāvāviśeṣāt | tadaviśeṣe 'pi kāryasya svayaṃ niya- 
AS-VDh 187,21	takālatve nityasya sarvadā bhāvāviśeṣe 'pi tat syād ity uktam | 
AS-VDh 188,01	kiṃ ca kṣaṇikapakṣe na tāvat sad eva kāryam utpadyate svamatavirodhād utpattyanuparamaprasaṅgāc ca | 
ĀM-VDh 42ab		yady asat sarvathā kāryaṃ tan mā jani khapuṣpavat | 
ĀM-VDh 42cd		mopādānaniyāmo bhūn māśvāsaḥ kāryajanmani | 42 | 
AS-VDh 188,04	paryāyākāreṇeva dravyākāreṇāpi sarvathā yady asatkāryaṃ tadā tan mā janiṣṭa, khapuṣpam iva | tathā hi | yat 
AS-VDh 188,05	sarvathāpy asat tan na jāyamānaṃ dṛṣṭaṃ, yathā khapuṣpam | tathā ca parasya kāryam | iti vyāpakaviruddhopala- 
AS-VDh 188,06	bdhiḥ | kāryatvaṃ hi kathaṃcit sattvena vyāptam | tadviruddhaṃ sarvathāpy asattvam | pratītaṃ hi loke kathaṃcit sataḥ 
AS-VDh 188,07	kāryatvam upādānasyottarībhavanāt | sad eva, katham asat syādvirodhād iti na codyaṃ sakṛd api viruddhadha- 
AS-VDh 188,08	rmādhyāsānirākṛte ś citravedanavad ity uktaprāyam | tathā cānvayavyatirekapratīter bhāvasvabhāvanibandhanāyāḥ 
AS-VDh 188,09	kiṃ phalam apalāpena ? tadanyataranirākṛtāv ubhayanirākṛtir abhedāt | katham anvayavyatirekayor abheda iti 
AS-VDh 188,10	cet kāraṇasya bhāve bhāvasyaiva tadabhāve 'bhāvarūpatvāt | na hi kāraṇasyābhāve 'bhāva eva bhāve bhāvo na 
AS-VDh 188,11	pratīyate yatas tadabhedo na syāt | kathaṃ bhāvasvabhāvanibandhanānvayavyatirekapratītis tasyā bhāvābhāvasvabhāva- 
AS-VDh 188,12	nibandhanatvād ity apy anāśaṅkanīyaṃ, svabhāvāntarasyaivābhāvavyavahārārhatvāt | pāvakaviviktapradeśaviśeṣasyaiva pāva- 
AS-VDh 188,13	kābhāvasya dhūmarahitadeśasya ca dhūmābhāvasya pratītigocaratvāt, pāvakābhāve dhūmābhāvasya ca vyatirekala- 
AS-VDh 188,14	kṣaṇatvāt siddhaṃ vyatirekapratīter bhāvasvabhāvanibandhanatvam anvayapratīter iva | iti nirārekaṃ, nīrūpasyābhāvasya 
AS-VDh 188,15	pratikṣepāt | na ca sarvathāpy asataḥ kāryatve 'nvayavyatirekapratītiḥ kāryakāraṇabhāvavyavasthāhetuḥ, kāraṇābhāve 
AS-VDh 188,16	eva kāryasya bhāvād bhāve cābhāvāt | iti niveditaprāyam | tan nāsatkāryaṃ, sarvathāpy anutpādaprasaṅgāt 
AS-VDh 188,17	khakusumava d iti vyavatiṣṭhate, kāryatvakathaṃcitsattvayor eva vyāpyavyāpakabhāvasya prasiddhes tathā pratīteḥ | 
AS-VDh 188,18	tata eva na tādṛkkāraṇavat, sarvathā'bhūtatvād vandhyāsutavat kathaṃcid asthitānutpannatvād iti yojyam | 
AS-VDh 188,19	na hi sarvathāpy asatkāryam abhūtaṃ na bhavati, yataḥ kathaṃcid apy asthitam anutpannaṃ ca na syāt, kathaṃcit sata eva 
AS-VDh 189,01	sthitatvotpannatvaghaṭanād vināśaghaṭanavat, sat utpādavyayadhrauvyayuktatvalakṣaṇatvāt | na cotpādāditrayarahitaṃ 
AS-VDh 189,02	vastu samasti yataḥ kāraṇavat syāt niranvayavināśe tatkāraṇasya tadbhāvāyogāt kāryasya tadbhāvāyogavat | 
AS-VDh 189,03	saty api prabhavalakṣaṇe pūrvapūrvasyottarībhavanaṃ mṛtpiṇḍasthāsakośakuśūlādiṣu sakalalokasākṣikaṃ 
AS-VDh 189,04	siddham | tan na svamanīṣikābhiḥ sadṛśāparāparotpattivipralambhān avadhāraṇāv akḷptim āracayatāṃ mopā- 
AS-VDh 189,05	dānaniyamo bhūt kāraṇāntaravat tadanvayābhāvāviśeṣāt sarvathā vailakṣaṇyāt | na hi mṛtpiṇḍasthā- 
AS-VDh 189,06	sādīnāṃ tantupaṭādīnāṃ ca sarvathā vailakṣaṇyenānvayābhāvāviśeṣe 'pi mṛtpiṇḍa evopādānaṃ sthāsasya, sthāsa 
AS-VDh 189,07	eva kośasya, kośa eva kuśūlasya, kuśūla eva ghaṭasya, na punas tantvādayaḥ sthāsādīnām iti niyamaniba- 
AS-VDh 189,08	ndhanaṃ kim apy asti, yataḥ pūrvapūrvasyottarībhavanaṃ mṛtpiṇḍasthāsādiṣu sakalalokasākṣikaṃ na bhavet | vailakṣaṇyā- 
AS-VDh 189,09	navadhāraṇaṃ nibandhanam iti cet tad yadi sadṛśāparāparotpattivipralambhāt pratipattṝṇām iṣyate tadā samasamayavarti- 
AS-VDh 189,10	tilādīnāṃ saṃtatyotpadyamānānāṃ vailakṣaṇyānavadhāraṇaṃ syāt | tataś ca parasparabhinnasaṃtatīnām apy upādānatvaṃ 
AS-VDh 189,11	prasajyeta viśeṣābhāvāt | yathaiva hy ekasaṃtānavartinaḥ sadṛśasyāparāparasyotpattiḥ sādṛśyam abhāvāvyavadhānaṃ ca 
AS-VDh 189,12	bāhyaṃ, vipralambhastvanādyabhedavāsanāhitam abhedajñānam antaraṅgaṃ vailakṣaṇyānavadhāraṇasya kāraṇaṃ tathā bhinnasaṃtatī- 
AS-VDh 189,13	nām api tilādīnām iti na viśeṣaḥ | nanu bhinnadeśānāṃ teṣāṃ satyām api sādṛśyotpattau nābhāvenāvyava- 
AS-VDh 189,14	dhānam antarāle parasparam abhāvasya vyavadhāyakasya bhāvād iti na mantavyaṃ, mṛtpiṇḍasthāsādīnām ekasaṃtānavarti- 
AS-VDh 189,15	nām api bhinnadeśatvasaṃbhavād abhāvavyavadhānaprasaṅgāt | na hi teṣāṃ kāla eva bhidyate na punar deśas tasya 
AS-VDh 189,16	nityatvaprasaṅgāt | sarvasvalakṣaṇānāṃ svarūpamātradeśatayā deśabhāvād adoṣa iti cet katham evaṃ bhinnasaṃtatiti- 
AS-VDh 189,17	lādīnāṃ bhinnadeśatā ? | svarūpalakṣaṇadeśabhedād iti cen mṛtpiṇḍādīnām api tata eva sāstu, na cānyatrāpītya- 
AS-VDh 189,18	viśeṣa eva | sādṛśyaviśeṣād viśeṣa ity api mithyā, sādṛśyasyāpi paramārthataḥ kvacid abhāvāt sāmānyavat | 
AS-VDh 189,19	atatkāryakāraṇavyāvṛttyā kalpitasya tu sādṛśyasya ko viśeṣa iti cintyam | vailakṣaṇyānavadhāraṇahetutva- 
AS-VDh 189,20	m iti cet kṛṣṇatilādiṣu bhinnasaṃtāneṣv api samānam | parasparāśrayatvānuṣaṅgaś caivam | sati sādṛśyaviśeṣe 
AS-VDh 189,21	mṛtpiṇḍādiṣu vailakṣaṇyānavadhāraṇaṃ tasmin sati sādṛśyaviśeṣaniścayaḥ | iti naikasyāpi nirṇayaḥ syāt | 
AS-VDh 190,01	nanv aniścitād eva sādṛśyaviśeṣād abhedādhyavasāyarūpaṃ vailakṣaṇyānavadhāraṇaṃ niścīyate | tataḥ sādṛśyaviśeṣā- 
AS-VDh 190,02	numānān netaretarāśrayatvaṃ tayor iti cen na, evaṃ yamalakādiṣv api tadanumānaprasaṅgād anvayasyāpi tadvatprasakteḥ | 
AS-VDh 190,03	nanu ca niranvayasyāpi tādṛśī prakṛtir ātmānaṃ kāraṇāntarebhyo yayā viśeṣayatīti cen na, 
AS-VDh 190,04	atyantaviśeṣānupalabdheḥ | tadaviśeṣādarśane sarvathāndhyaṃ syāt, viśeṣāviśeṣayor adṛṣṭau tadrahitavastu- 
AS-VDh 190,05	rūpopalambhābhāvāt | tasmād iyam asya prakṛtir yayā pūrvottarasvabhāvahānopādānādhikaraṇasthitiṃ 
AS-VDh 190,06	pratikṣaṇaṃ bibharti yato 'yam upādānaniyamaḥ siddhaḥ, pūrvottarasvabhāvahānopādānamātre tadasiddheḥ sthitimātra- 
AS-VDh 190,07	vat | athāpi kathaṃcid upādānaniyamaḥ kalpyeta, kāryajanmani katham āśvāsaḥ ? saṃvṛtimātreṇopaka- 
AS-VDh 190,08	lpitād upādānaniyamāt kāryotpattāv anāśvāsadarśanāt svapnavat | tadatyantāsataḥ kāryasyotpattes tantubhyaḥ 
AS-VDh 190,09	paṭādir eva na punaḥ kuṭādir iti nirhetuko niyamaḥ syāt | pūrvapūrvaviśeṣād uttarottaraniyamakalpanā- 
AS-VDh 190,10	yām anupādāne 'pi syāt tanniyamakalpanā | tathā'darśanam ahetur atraiva vicārāt | na hi yatraiva vivāda- 
AS-VDh 190,11	s tad eva niyamahetur iti yuktaṃ vaktum avicārakatvaprasaṅgāt | yathādarśanaṃ niyamakalpanāyāṃ hetāv api kathaṃcid ā- 
AS-VDh 190,12	hitaviśeṣatantūnāṃ paṭasvabhāvapratilambhopalambhāt tadanyataravidhipratiṣedhaniyamanimittātyayāt | 
AS-VDh 190,13	pratīter alam apalāpena | na hi tantutadviśeṣayor anyatarasya vidhau niṣedhe ca niyam animittam asti | na hi tantava 
AS-VDh 190,14	evātānādiviśeṣanirapekṣāḥ paṭasvabhāvaṃ pratilabhamānāḥ samupalabhyante, yena tantumātrasyaiva vidhiniyamo viśeṣapra- 
AS-VDh 190,15	tiṣedhaniyamo vā syāt | nāpi tantunirapekṣo viśeṣa eva paṭasvabhāvaṃ svīkurvann apalabhyate yato viśeṣavidhiniya- 
AS-VDh 190,16	mas tantupratiṣedhaniyamo vāvatiṣṭheta | na copalabdhyanupalabdhī muktvānyannimittaṃ tadvidhipratiṣedhayor niyamo 'sti 
AS-VDh 190,17	yena tadatyaye 'pi tadubhayapratīter apalāpaḥ śobheta | nanu ta nāsti tanvādyanvaya upalabdhilakṣaṇaprāptasyānupalabdhe- 
AS-VDh 190,18	r iti svabhāvānupalabdhis tatpratiṣedhaniyamanimittaṃ, viśeṣamātrasyaivopalabdhes tadvidhiniyamahetutvād iti cen na, 
AS-VDh 190,19	tantvādyanvayavattadviśeṣasyāpi nirapekṣasyopalabdhilakṣaṇaprāptasyānupalabdher aviśeṣāt pratiṣedhaniyamaprasaṅgāt | 
AS-VDh 191,01	tasmād upalabdhilakṣaṇaprāptānupalabdhir ananvayasyaiva na punar ubhayarūpasya | ity alaṃ prasaṅgena | sarvathānvaya- 
AS-VDh 191,02	viśeṣayor eva pratiṣedhaniyamasya nimittābhāvāt tadubhayarūpajātyantarasyaiva vidhiniyamasya nimittasadbhāvāt 
AS-VDh 191,03	tannimittasyārthakriyākāritvasya sakalapramāṇopalambhasya ca prasiddher virodhādyasaṃbhavāc ca | tad evaṃ kṣaṇikaikā- 
AS-VDh 191,04	ntapakṣe —
ĀM-VDh 43ab		na hetuphalabhāvādir anyabhāvād ananvayāt | 
ĀM-VDh 43cd		santānāntaravan naikaḥ santānas tadvataḥ pṛthak || 43 || 
AS-VDh 191,07	kṣaṇikaikāntapakṣe 'pīti vivartate | tena pūrvottarakṣaṇānāṃ na hetuphalabhāvo vāsyavāsakabhāvaḥ karmaphalasaṃ- 
AS-VDh 191,08	bandhaḥ pravṛttyādir vāsti, sarvathā'nanvaye saty anyabhāvāt saṃtānāntaravat | teṣām ekasaṃtānatvāt so 'stīti cen na, 
AS-VDh 191,09	ekasaṃtānasya tadvataḥ pṛthagasattvāt, saṃtānina evāparāmṛṣṭabhedāḥ santāna iti svayam abhyupagamāt sarveṣāṃ 
AS-VDh 191,10	vailakṣaṇyāviśeṣāt | santānasaṃkaraprasaṅgaś cāviśeṣeṇāparāmṛṣṭabhedatvasya saṃbhavāt, ete evābhedaparāmarśavi- 
AS-VDh 191,11	ṣayā na punar anye iti viśeṣanibandhanasyābhāvāt | vilakṣaṇānām atyantabhede 'pi svabhāvataḥ kilāsaṃ- 
AS-VDh 191,12	kīrṇāḥ saṃtatayaḥ karmaphalasaṃbandhādinibandhanaṃ śaśaviṣāṇasyeva vartulatvam ācaritaṃ kaś cetanaḥ śradda- 
AS-VDh 191,13	dhīta ? pratyakṣeṇāpratīte 'rthe svabhāvasyāśruyitum aśakyatvāt "pratyakṣeṇa pratīte 'rthe yadi paryanuyujyate | svabhā- 
AS-VDh 191,14	vair uttaraṃ vācyaṃ dṛṣṭe kānupapannatā" iti svayam abhidhānāt | na ca parasparaṃ vilakṣaṇānām eva kṣaṇānām atyanta- 
AS-VDh 191,15	manvayāsattve 'py antar bahir vā saṃtatayo 'saṃkīrṇā eva pratyakṣataḥ pratītāḥ, tasyaikakṣaṇagocaratayā saṃtānāviṣaya- 
AS-VDh 191,16	tvāt | nāpy anumānataḥ, svabhāvasya kāryasya vā talliṅgasya pratibaddhasyānavadhāraṇāt | pratyabhijñānādi tada- 
AS-VDh 191,17	numāne liṅgam iti cen na, tasya kvacid anvayāsiddher vyatirekāniścayāc ca | tata eva nānyathānupapattiḥ, pratya- 
AS-VDh 191,18	bhijñānādeḥ saṃtānābhāve 'saṃbhavaniyamaniścayāyogāt, tatraikadravyapratyāsatter eva tataḥ prasiddher viruddhatvanirṇa- 
AS-VDh 191,19	yāt | tato na saṃtāno 'sti svabhāvata evāsaṃkīrṇāḥ saṃtānāntarair iti sūktam | 
AS-VDh 192,01	syān matam —
ĀM-VDh 44ab		anyeṣv ananyaśabdo 'yaṃ saṃvṛttir na mṛṣāṃ katham ? | 
ĀM-VDh 44cd		mukhyārthaḥ saṃvṛtir na syād vinā mukhyān na saṃvṛtiḥ || 44 || 
AS-VDh 192,04	saṃtānibhyo 'nanyaḥ saṃtānaḥ, anyathātmano nāmāntarakaraṇāt –ātmā saṃtāna iti, sukhādi- 
AS-VDh 192,05	pariṇāmebhyo bhinnasya vastuno vyāpakasyātmatvād arthabhedābhāvāt | tathā nāmāntarakaraṇe ca nityānitya- 
AS-VDh 192,06	vikalpānupapatte r nānyaḥ saṃtāno vāstavaḥ syāt | nityavikalpe tasya saṃtānivyāpakatvābhāvo 'nekasva- 
AS-VDh 192,07	bhāvena tadvyāpakatve tasya nityaikarūpatvavirodhāt | ekasvabhāvena tadvyāpakatve saṃtāninām ekarūpatvāpatteḥ 
AS-VDh 192,08	kutaḥ saṃtānaḥ ? anekavyāpinaḥ kramaśaḥ saṃtānatvāt | tadanitye vikalpe 'pi na saṃtānaḥ, saṃtānivadbhedā- 
AS-VDh 192,09	d ekapratyavamarśāviṣayatvāt, api tu saṃvṛttyā'nyeṣv ananyavyavahārāt, ananya iti śabdavikalpala- 
AS-VDh 192,10	kṣaṇatvād ekatvam uparicitam iti | anyeṣv ananyaśabdo 'yaṃ saṃvṛtiḥ saugatair abhidhīyate saṃtānaḥ | so 'pi kathaṃ 
AS-VDh 192,11	mṛṣā na syāt ? | astu vyalīko 'yaṃ vyavahāras tatheṣṭatvād iti cet tarhi vyalīkavyavahāre 'pi viśeṣānu- 
AS-VDh 192,12	papatteḥ, saṃbandhaniyamābhāvas tadavasthaḥ, sakalasaṃtānināṃ sāṅkaryasyāparihṛtatvāt, upacaritenaikasaṃtānena 
AS-VDh 192,13	keṣāṃcid eva sveṣṭasaṃtānināṃ vyāpter niyamayitum aśakteḥ | yadi tu mukhyārtha eva saṃtānaḥ syāt tadā na saṃvṛtiḥ | 
AS-VDh 192,14	saṃvṛtir eva saṃtānas tathopacārād iti cen na, tasya mukhyaprajojanatvavirodhāt | mukhyaprayojanaś cāyaṃ, pratyabhijñā- 
AS-VDh 192,15	nāder mukhyasya kāryasya karaṇāt | upacāras tu narte mukhyāt | yathāgnir māṇavakaḥ | iti skhalati hi 
AS-VDh 192,16	tatrānanyapratyayaḥ, parīkṣā'kṣamatvāt | ata evāmukhyārthaḥ prastutāsādhanam | na hy agnir māṇavaka 
AS-VDh 192,17	ity upacārāt pākādāv ādīyate | tathā saṃtāno 'py upacaritaḥ saṃtāniniyamahetur na syāt | iti tadavasthaṃ saṃtā- 
AS-VDh 192,18	nisāṅkaryaṃ, saṃtānasyaikasya saṃtānibhyo bhinnasyābhinnasyobhayarūpasyānubhayarūpasya cāsaṃbhavāt | tata eva —
ĀM-VDh 45ab		catuṣkoṭer vikalpasya sarvānteṣūktyayogataḥ | 
ĀM-VDh 45cd		tattvānyatvam avācyaṃ cet tayoḥ saṃtānatadvatoḥ || 45 || 
AS-VDh 192,21	yo yo dharmas tatra tatra catuṣkoṭer vikalpasya vacanāyogaḥ | yathā sattvaikatvādidharmeṣu | dharmaś ca saṃtāna-
AS-VDh 193,01	tadvatos tattvam anyatvaṃ ca | iti tatrāvācyatvasiddhiḥ | prasiddhaṃ hi sattvaikatvādiṣu sarvadharmeṣu sadasadubhayā- 
AS-VDh 193,02	dicatuṣkoṭer abhidhātum aśakyatvāt saṃtānatadvator api bhedābhedobhayānubhayacatuṣkoṭer anabhilāpyatvam | 
AS-VDh 193,03	sarvo hi vastudharmaḥ san vā syād asan vā ubhayo vānubhayo vā | sattve tadutpattivirodhād asattve 
AS-VDh 193,04	punar ucchedapakṣopakṣiptadoṣād ubhaye cobhayadoṣaprasaṅgād anubhayapakṣe 'pi vikalpānupapatter ityādi yojyam | 
AS-VDh 193,05	tathā hi | vastuno dharmasyānanyatve vastumātraprasakter anyatve vyapadeśāsiddher asaṃbandhāt, ubhaye cobhayapakṣabhā- 
AS-VDh 193,06	vidoṣo 'nubhayapakṣe nirupākhyatvam iti | tathānabhidheyatvaṃ prasidhyat sarvatra saṃtānasaṃtāninor api tattvānya- 
AS-VDh 193,07	tvābhyām avācyatvaṃ prasādhayati viśeṣābhāvāt | iti yeṣām ākūtaṃ tair api —
ĀM-VDh 46ab		avaktavyacatuṣkoṭivikalpo 'pi na kathyatām | 
ĀM-VDh 46cd		asarvāntam avastu syād aviśeṣyaviśeṣaṇam || 46 || 
AS-VDh 193,10	na hi sarvāthānabhilāpyatve 'nabhilāpyacatuṣkoṭer abhidheyatvaṃ yuktaṃ, kathaṃcid abhilāpyatvaprasaṅgāt | 
AS-VDh 193,11	tato bhavadbhir avaktavyacatuṣkoṭivikalpo 'pi na kathanīyaḥ | iti na parapratyāyanaṃ nāma | api caivaṃ sati 
AS-VDh 193,12	sarvavikalpātītam avastv eva syād anyatra vācoyukteḥ | jātyantaram eva hy anekāntātmakaṃ sarvathaikāntavika- 
AS-VDh 193,13	lpātītatvāt | sarvavikalpātītam iti vācoyuktāv eva vastūktaṃ syān nānyathā, tasyāviśeṣaṇatvāt svapuṣpavat | 
AS-VDh 193,14	na hi sarvathāpy asadanabhilāpyam avastv iti vā viśeṣaṇaṃ svīkurute yato viśeṣyaṃ syāt | na cāviśeṣyam avi- 
AS-VDh 193,15	śeṣaṇaṃ ca kiṃcid adhyakṣasaṃ vidi pratibhāsate, svasaṃvedanasyāpi sattvaviśeṣaṇaviśiṣṭatayā viśeṣyasyaivāvabhāsa- 
AS-VDh 193,16	nāt | taduttaravikalpabuddhau svasya saṃvedanam iti viśeṣaṇaviśeṣyabhāvo 'vabhāsate, na tu svarūpe tasyeti cet tarhi 
AS-VDh 193,17	kim aviśeṣyaviśeṣaṇaṃ saṃvedanam iti svataḥ pratibhāsate ? tathopagame siddho viśeṣaṇaviśeṣyabhāvaḥ saṃvidi, 
AS-VDh 193,18	tatrāviśeṣaṇaviśeṣyatvasyaiva viśeṣaṇatvāt, sarvathāpy asato viśeṣaṇaviśeṣyatvasya pratiṣedhāyogāt | 
AS-VDh 193,19	tathā hi | 
ĀM-VDh 47ab		dravyādyantarabhāvena niṣedhaḥ saṃjñinaḥ sataḥ | 
ĀM-VDh 47cd		asadbhedo na bhāvas tu sthānaṃ vidhiniṣedhayoḥ || 47 || 
AS-VDh 193,22	dravyakṣetrakālabhāvāntaraiḥ pratiṣedhaḥ saṃjñinaḥ sataḥ kriyate svadravyakṣetrakālabhāvair na punar asataḥ, 
AS-VDh 193,23	tadvidhipratiṣedhāviṣayatvāt | dravyādyantarabhāveneva svadravyādibhāvenāpy asattve kuto vidhir nāma ? | tadabhāve 
AS-VDh 194,01	na pratiṣedhas tasya kathaṃcid vidhipūrvakatvāt | tataḥ kathaṃcid abhilāpyasya sataḥ pratiṣedhād anabhilāpyatvaṃ yuktam | 
AS-VDh 194,02	kathaṃcid viśeṣaṇaviśeṣyātmanaś ca sato 'viśeṣyaviśeṣaṇatvam | iti naikāntataḥ kiṃcid anabhilāpyam aviśeṣyaviśe- 
AS-VDh 194,03	ṣaṇaṃ vābhyupajñātavyam | na caitadviruddhaṃ svalakṣaṇam anirdeśyam ityādivat | svalakṣaṇaṃ hi svarūpeṇāsādhāraṇenā- 
AS-VDh 194,04	nirdeśyaṃ nānirdeśyam iti śabdena tathā nirdeśyatvād anyathā vacanavirodhāt | tathā pratyakṣaṃ kalpanāpoḍham api 
AS-VDh 194,05	svarūpeṇa kalpanāpoḍham eva, na kalpanāpoḍham iti kalpanāpekṣayā, tasyānyathā kalpanāpoḍhatvena kalpanāviro- 
AS-VDh 194,06	dhāt, sakalavikalpavāg gocarātītasya nirupākhyatvaprasaṅgāt | tadvatsyādvādināṃ na kiṃcid vipratiṣiddham | 
AS-VDh 194,07	abhāvo 'nabhilāpya ity api bhāvābhidhānād ekāntavṛttāv eva doṣodbhāvābhidhānair api kathaṃcid abhāvābhi- 
AS-VDh 194,08	dhānāt | yathaiva hy abhāva iti bhāvāntaram abhidhīyate 'nabhilāpya iti cābhilāpyāntaraṃ tathā bhāvo 'bhilāpya 
AS-VDh 194,09	ity api bhāvāntarābhilāpyāntarābhāvaḥ kathyate, tathā pratīteḥ, abhāvaśabdair bhāvaśabdaiś cābhāvasya bhāvasya 
AS-VDh 194,10	caikāntato 'bhidhāne śābdavyavahāravirodhāt, tasya pradhānaguṇabhāvena vidhiniṣedhayor upalambhāt, tathaiva 
AS-VDh 194,11	pravṛttinivṛttyor avisaṃvādasiddher anyathā visaṃvādāt | tataḥ sūktam idam "asadbhedo na bhāvas tu sthānaṃ vidhi- 
AS-VDh 194,12	niṣedhayoḥ'' iti kathaṃcit sadviśeṣasyaiva padārthasya vidhiniṣedhādhikaraṇatvasamarthanāt | tathā ca parābhyupagata- 
AS-VDh 194,13	m eva tattvaṃ sarvathānabhilāpyam āyātam ity abhidhīyate —
ĀM-VDh 48ab		avastvanabhilāpyaṃ syāt sarvāntaiḥ parivarjitam | 
ĀM-VDh 48cd		vastv evāvastutāṃ yāti prakriyāyā viparyayāt || 48 || 
AS-VDh 194,16	sakaladharmavidhuram adharmisvabhāvaṃ tāvad avastv eva sakalapramāṇāviṣayatvāt | tad evānabhilāpyaṃ yuktaṃ, na 
AS-VDh 194,17	punar vastu pramāṇapariniṣṭhitam | tad api sarvāntaiḥ parivarjitam avastu paraparikalpanāmātrād abhidhīyate na punaḥ 
AS-VDh 194,18	pramāṇasāmarthyāt, kasyacid vastuna eva svadravyādyapekṣālakṣaṇaprakriyāyā viparyāsād avastutvavyavasthiteḥ, 
AS-VDh 194,19	svarūpasiddhasya ghaṭasya ghaṭāntararūpeṇāghaṭatvavat kasyacid vastuto vastvantararūpeṇāvastutvapratīteḥ | nanu 
AS-VDh 194,20	parasparaviruddham idam abhihitaṃ vastutvetarayor anyonyaparihārasthitatvād iti ced bhāvavyatirekavācibhir api vā- 
AS-VDh 194,21	kyatām āpannair bhāvābhidhānān nātra kiṃcid viruddham | na hy abrāhmaṇam ānayet yādi śabdair vākyatvam upagatair brāhmaṇā- 
AS-VDh 194,22	dipadārthābhāvavācibhis tadanyakṣatriyādibhāvābhidhānam asiddhaṃ yenāvastvanabhilāpyaṃ syād iti śabdena vākyatā-
AS-VDh 195,01	m upagatena vastuśūnyatvavācinā vastvantarābhidhānaṃ virudhyate | ataḥ sūktaṃ 'yad avastu tad anabhilāpyaṃ yathā 
AS-VDh 195,02	na kiṃcit | yat punar abhilāpyaṃ tad vastveva yathā khapuṣpābhāvaḥ' iti | nātra sādhyavikalam udāharaṇaṃ khe 
AS-VDh 195,03	puṣpābhāvasya khasvarūpatvāt | supratītaṃ hi loke anyasya kaivalyam itarasya vaikalyaṃ, svabhāvaparabhāvābhyāṃ 
AS-VDh 195,04	bhāvābhāvavyavasthiter bhāvasya | na hi vastunaḥ sarvathā bhāva eva, svarūpeṇeva pararūpeṇāpi bhāvaprasaṅgāt | 
AS-VDh 195,05	nāpy abhāva eva, pararūpeṇeva svarūpeṇāpy abhāvaprasaṅgāt | na ca svarūpeṇa bhāva pararūpeṇābhāvaḥ, parātmanā 
AS-VDh 195,06	cābhāva eva svātmanā bhāva iti vaktuṃ yuktaṃ, tadapekṣaṇīyanimittabhedāt | svātmānaṃ hi nimittam apekṣya 
AS-VDh 195,07	bhāvapratyayam upajanayati sarvo 'rthaḥ, parātmanaṃ tv apekṣyābhāvapratyayam | iti ekatvadvitvādisaṃkhyāvad ekatra vastuni 
AS-VDh 195,08	bhāvābhāvayor bhedo vyavatiṣṭhate | na hy ekatra dravye dravyāntaram apekṣya dvitvādisaṃkhyā prakāśamānā svātmamātrāpe- 
AS-VDh 195,09	kṣaikatvasaṃkhyāto 'nanyā pratīyate | nāpi so 'bhayī tadvato bhinnaiva, tasyāsaṃkhyeyatvaprasaṅgāt, saṃkhyāsamavāyād api 
AS-VDh 195,10	tathātvāsiddheḥ, samavāyasya tadasaṃbandhāt tasya svasamavāyisaṃbandhakalpanāyām apy anavasthānuṣaṅgāt kathaṃcit tādā- 
AS-VDh 195,11	tmyam anteraṇa samavāyāsaṃbhavāc ca | tadvan na bhāvābhāvau vastuno 'nyāv eva, nissvabhāvatvaprasakteḥ | atha sattvāsattvā- 
AS-VDh 195,12	bhyām anyasyāpi vastuno dravyatvādisvabhāvasadbhāvān na niḥsvabhāvatvam iti mataṃ tad apy asādhīyo, dravyatvādravyatvā- 
AS-VDh 195,13	bhyām api tasyānyatvāt | tābhyām ananyatve kathaṃcid bhāvābhāvābhyām apy ananyatvasiddheḥ svabhāvaparabhāvābhyāṃ vastuno 
AS-VDh 195,14	bhāvābhāvavyavasthitiḥ kiṃ na syād yataḥ khe puṣpābhāvo 'bhilāpyo vastv eva na bhavet ? iti niravadyam udāharaṇam | 
AS-VDh 195,15	kiṃ ca kṣaṇikaikāntavādinām —
ĀM-VDh 49ab		sarvāntāś ced avaktavyās teṣāṃ kiṃ vacanaṃ punaḥ | 
ĀM-VDh 49cd		saṃvṛtiś cen mṛṣaivaiṣā paramārthaviparyayāt || 49 || 
AS-VDh 195,18	pareṣāṃ sarve dharmā yady avaktavyā eva tadā teṣāṃ kiṃ punar vacanaṃ dharmadeśanārūpaṃ parārthānumānalakṣaṇaṃ sādha- 
AS-VDh 195,19	nadūṣaṇavacanaṃ vā ? na kiṃcit syād iti maunam eva śaraṇam | yadi punaḥ saṃvṛtirūpaṃ vacanam upagamyate tadāpi 
AS-VDh 195,20	mṛṣaiva saṃvṛtir eṣābhyupagantavyā, paramārthaviparyayarūpatvāt tasyāḥ | iti tattvataḥ kiṃ vacanaṃ syāt ? punar apy ava- 
AS-VDh 195,21	ktavyavādinaṃ paryanuyuñjmahe, sarve dharmā yadi vāggocarātītāḥ katham ime 'bhilapyante ? iti,  svava- 
AS-VDh 195,22	canavirodhānuṣaṅgāt sarvadā maunavratiko 'ham iti pratipādayata iva parān | saṃvṛttyā cet sarve dharmā ity ava-
AS-VDh 196,01	ktavyā iti cābhilapyante bhavadbhir na, vikalpānupapatteḥ | saṃvṛtyeti hi svarūpeṇa pararūpeṇobhayarūpeṇa 
AS-VDh 196,02	vā tattvena mṛṣātveneti vā vikalpeṣu nopapadyate | tatra saṃvṛttyā vaktavyā iti svarūpeṇa cet katham anabhilā- 
AS-VDh 196,03	pyāḥ ? svarūpeṇābhilāpyānām anabhilāpyatvavirodhāt | pararūpeṇa cet tat teṣāṃ svarūpaṃ syād ye nābhilāpyāḥ | 
AS-VDh 196,04	kevalaṃ vācaḥ skhalanaṃ gamyeta gotraskhalanavat svarūpeṇeti vaktavye pararūpeṇeti vacanāt, viśeṣarūpavat 
AS-VDh 196,05	sāmānyarūpasyāpi vaktavyatayāṅgīkriyamāṇāsya svarūpatvāt, tasyāsvarūpatve viśeṣarūpasyāpy asvarūpatvāpatteḥ 
AS-VDh 196,06	svayaṃ niḥsvarūpatvaprasaṅgāt | ubhayapakṣe 'py ubhayadoṣānuṣaṅgaḥ | tattvena cet katham avaktavyāḥ ? kevalaṃ vacaḥ- 
AS-VDh 196,07	skhalanaṃ gamyeta, tattvena vaktavyā iti vacane prastute saṃvṛttyā vaktavyā iti vacanapravṛtteḥ | mṛṣātvena ce- 
AS-VDh 196,08	t katham uktāḥ ? sarvathā mṛṣoktānām anuktasamatvāt | tad alam apratiṣṭhitamithyāvikalpaudhaiḥ,  sarvathānabhilā- 
AS-VDh 196,09	pyānāṃ sarvadharmāṇām anabhilāpyā iti vacanenāpy abhilāpyatvāsaṃbhavāt tathā parapratyāyanāyogāt | 
AS-VDh 196,10	kiṃ cedaṃ tattvam —
ĀM-VDh 50ab		aśakyatvād avācyaṃ kim abhāvāt kim abodhataḥ | 
ĀM-VDh 50cd		ādyantoktidvayaṃ na syāt kiṃ vyājenocyatāṃ sphuṭam || 50 || 
AS-VDh 196,13	arthasyānabhilāpyatvam abhāvād vaktur aśakter anavabodhād vā ? prakārāntarāsaṃbhavāt | nanu ca maunavratāt prayo- 
AS-VDh 196,14	janābhāvād bhayāl lajjāder vā'nabhilāpyatvasiddheḥ kathaṃ prakārāntarāsaṃbhava iti cen na, maunavratādīnām aśakyatve 'ntarbhā- 
AS-VDh 196,15	vāt teṣāṃ karaṇavyāpārāśaktinimittatvāc ca | na caivam anavabodhas tataḥ prakārāntaraṃ na syāt tattvāvabodhe 
AS-VDh 196,16	sati karaṇavyāpārāśaktāv apy antarjalpasaṃbhavāt | tattvāvabodhābhāve 'pi ca karaṇavyāpāraśaktisadbhāvāt | 
AS-VDh 196,17	anavabodhāśakyatvayor iha buddhikaraṇapāṭavāpekṣatvāt prakārāntaratvam eva | na ca sarvatra tadabhāvo yuktaḥ, 
AS-VDh 196,18	kasyacit kvacid avabodhasadbhāvāt sugatasya prajñāpāramitatvāt kṣamāmaitrīdhyānadānavīryaśīlaprajñākaruṇopāyapramo- 
AS-VDh 196,19	dalakṣaṇadaśabalatvopagamāc ca kasyacid eva karaṇāpāṭavāt | tad anenāśakyatvānavabodhavacanalakṣaṇasyādyantokti- 
AS-VDh 196,20	dvayasyāsaṃbhavo vyākhyātaḥ | sāmarthyād arthasyābhāvād evāvācyatvam iti kiṃ vyājenāvaktavyaṃ tattvam iti vacana- 
AS-VDh 196,21	rūpeṇa ? sphuṭam abhidhīyatāṃ sarvathārthābhāva iti, tathā vacane vañcakatvāyogād anyathānāptatvaprasakteḥ | tato 
AS-VDh 197,01	nairātmyān na viśeṣyeta, madhyamapakṣāvalambanāt | ko hy atra viśeṣo 'rthasyābhāvād avācyatvaṃ nairātmyam iti ca ? 
AS-VDh 197,02	aśakyasamayatvād anabhilāpyam artharūpam iti cen na, kathaṃcic chakyasaṃketatvād | dṛśyavikalpyasvabhāva- 
AS-VDh 197,03	tvāt paramārthasya pratibhāsabhede 'pīty uktam | na hi dṛśyasvabhāva eva paramārtho na punar vikalpyasvabhāvaḥ sāmā- 
AS-VDh 197,04	nyaṃ, viśeṣavat sāmānyasyāpi vasturūpatvasādhanād anyathā pratītyabhāvāt sāmānyaviśeṣātmano jātyantarasya 
AS-VDh 197,05	pratyakṣādau pratibhāsanāc ca | na caivaṃ dṛśyalakṣaṇeṣu saṅketakaraṇāśaktāv api vikalpye sāmānye kvacid aśakyasaṅketatvaṃ 
AS-VDh 197,06	yenāśakyasamayatvād anabhilāpyam artharūpaṃ bhavet, kathaṃcic chakyasaṅketatvasiddheḥ | syān mataṃ 'saṅketitārthasya śabda- 
AS-VDh 197,07	viṣayasya vyavahārakāle 'nanugamanād viṣayiṇaḥ śabdasya na tadvācakatvam anyathātiprasaṅgāt' iti, tad etadviṣaya- 
AS-VDh 197,08	viṣayiṇor bhinnakālatvaṃ pratyakṣe 'pi samānaṃ, śabdavikalpakālavat pratyakṣapratibhāsakāle 'pi viṣayasyāsaṃbha- 
AS-VDh 197,09	vāt, saṃbhave vā kṣaṇikatvavirodhād vedyavedakayoḥ samānasamayatvaprasaṅgāc ca | atha bhinnakālatve 'pi viṣayāt pra- 
AS-VDh 197,10	tyakṣasyāviparītapratipattiḥ, anyatrāpi sāsty eva | na hi śabdādarthaṃ paricchedya pravartamāno viparītaṃ 
AS-VDh 197,11	pratipadyate pratyakṣād iva pratipattā, yena darśane evāviparītapratipattir bhavati na punaḥ śābde 'pīti buddhyāmahe | 
AS-VDh 197,12	kvacid vikalpe viparītapratipattim upalabhya sarvatra viparītapratipattikalpanāyāṃ kvacid darśane 'pi viparītapratipattiṃ 
AS-VDh 197,13	samīkṣya sarvatra tatkalpanāstu, viśeṣābhāvāt | darśanavikalpayoḥ paramārthaikatānatvābhāve na kiṃci- 
AS-VDh 197,14	t siddham | dṛṣṭasyānirṇayād adṛṣṭakalpanād adṛṣṭanirṇayasya pradhānādivikalpāviśeṣāt kuto darśanasya 
AS-VDh 197,15	kalpanāpoḍhasyāpi paramārthaikatānatvam ? | na hi dṛṣṭe svalakṣaṇe nirṇayaḥ saṃbhavati, tasya tadaviṣayatvāt | 
AS-VDh 197,16	adṛṣṭe tu sāmānyalakṣaṇe nirṇayaḥ pravartamāno na pradhānādivikalpād viśeṣyate | iti sakalapramāṇābhāvāt pra- 
AS-VDh 197,17	meyābhāvasiddher avaktavyataikāntavādināṃ nairātmyam evāyātaṃ, sarvathāpy aśakyasamayatvenāpy aśakyatvapakṣasyāsaṃbhavā- 
AS-VDh 197,18	d anavabodhapakṣavad abhāvasyaiva nirvyājatvasiddheḥ | tataḥ kṣaṇakṣayaikāntapakṣe kṛtanāśākṛtābhyāgamaprasaṅgaḥ | sa 
AS-VDh 197,19	copahāsāspadam eva syāt | tathā hi | 
ĀM-VDh 51ab		hinastyanabhisandhātṛ na hinastyabhisaṃdhimat | 
ĀM-VDh 51cd		badhyate taddvayāpetaṃ cittaṃ baddhaṃ na mucyate || 51 || 
AS-VDh 197,22	hiṃsābhisaṃdhimaccittaṃ na hinasty eva prāṇinaṃ, tasya niranvayanāśāt saṃtānasya vāsanāyāś cāsaṃbhavāt | 
AS-VDh 197,23	anabhisandhimad evottaraṃ cittaṃ hinasti | tata eva hiṃsābhisandhihiṃsācittadvayād apetaṃ cittaṃ badhyate | yac ca 
AS-VDh 198,01	baddhaṃ, tan na mucyate, tato 'nyasya mukteḥ | iti ko 'nyaḥ prakāśayen niranvayāt tasyaivam ? saṃtānāder ayogād iti —
AS-VDh 198,02	kartavyatāsu cikīrṣor vināśāt kartur acikīrṣutvāt tadubhayavinirmuktasya bandhāt tadavinirmukteś ca yama- 
AS-VDh 198,03	niyamāder avidheyatvaṃ, kurvato vā yat kiṃcana kāritvaṃ pratyetavyam | na caivam anekāntavādinaḥ, pratikṣaṇaṃ pari- 
AS-VDh 198,04	ṇāmānyatve 'pi jīvadravyasyānvayāt cikīrṣor eveti kartavyatāsu kartṛtvāt kartur eva ca karmabandhād baddhasyaiva vinirmukteḥ 
AS-VDh 198,05	sarvathā virodhābhāvāt | kṣaṇikavādinām api saṃtānasyaikatvāt pūrvapūrvavāsanopahitottarottaracittaviśeṣasyotpatte- 
AS-VDh 198,06	r anupālambha iti cen na, saṃtānasyāvāstavatvād vāsyavāsakabhāvasyāpy asaṃbhavād avyabhicārakāryakāraṇabhāvasyāpi 
AS-VDh 198,07	tanniyamahetutvāyogāt sugatetaracittasaṃtāneṣv api bhāvād iti nirūpitatvāc ca kṣaṇikaikāntavādinām | 
ĀM-VDh 52ab		ahetukatvān nāśasya hiṃsāhetur na hiṃsakaḥ | 
ĀM-VDh 52cd		cittasaṃtatināśaś ca mokṣo nāṣṭāṅgahetukaḥ || 52 || 
AS-VDh 198,10	sarvathāpy ahetuṃ vināśamabhyupagamya kasyacid yadi hiṃsakatvaṃ brūyāt katham aviklavaḥ ? tathā 
AS-VDh 198,11	nirvāṇaṃ saṃtānasamūlatalaprahāṇalakṣaṇaṃ samyaktvasaṃjñāsaṃjñivākkāyakarmāntarvyāyāmā'jīvasmṛti- 
AS-VDh 198,12	samādhilalakṣaṇāṣṭāṅgahetukaṃ yadi brūyāt tadāpi kathaṃ svasthaḥ ? tayor ahetukavināśābhyupagamahiṃsakatvayor aṣṭāṅgahe- 
AS-VDh 198,13	tukatvanirvāṇavacanayoś cānyonyaṃ vipratiṣedhāt sugatasya sarvajñatvetaravat | 
ĀM-VDh 53ab		virūpakāryārambhāya yadi hetusamāgamaḥ | 
ĀM-VDh 53cd		āśrayibhyām ananyo 'sāv aviśeṣād ayuktavat || 53 || 
AS-VDh 198,16	visadṛśarūpaṃ virūpaṃ kāryam | tadārambhāya hiṃsāhetor badhakasya mokṣahetoś cāṣṭāṅgasya samyaktvādeḥ samā- 
AS-VDh 198,17	gamo vyāpāro yadi tāthāgatair iṣyate tadāsau hetusamāgama evāśrayo, nāśotpādayoḥ kāraṇatvāt | sa 
AS-VDh 198,18	cāśrayibhyāṃ kāryarūpābhyāṃ nāśotpādābhyām ananya eva, na punar bhinnaḥ, tayor aviśeṣād ayuktavat | yathaiva hi 
AS-VDh 198,19	śiṃśapātvavṛkṣatvayoś citrajñānanīlādinirbhāsayor vā tādātmyam āpannayor ayuktayoḥ kāraṇasannipāto na bhinnaḥ 
AS-VDh 198,20	saṃbhavaty ekakāraṇakalāpādevātmalābhād anyathā tādātmyavirodhāt | tathaiva pūrvākāravināśottarākārotpādayor api, 
AS-VDh 199,01	nīrūpasya vināśasyāniṣṭer uttarotpādarūpatvābhyupagamāt tayor bhinnakāraṇatve tadvirodhāntatāntarapraveśānuṣaṅgā- 
AS-VDh 199,02	c ca | so 'yaṃ visadṛśakāryotpādahetuvyatiriktahetvabhāvāt pūrvākāravināśasyāhetukatvam upayannāśahetuvyatirikta- 
AS-VDh 199,03	hetvabhāvād uttarotpādasyāhetukatvaṃ nānumanyate iti katham anākulaḥ ? | visabhāgasaṃtānotpādanāya hetusa- 
AS-VDh 199,04	nnidhir na pradhvaṃsāya, pūrvasya svarasato nivṛtter iti cet sa punar uttarotpādaḥ svarasataḥ kin na syāt ?  
AS-VDh 199,05	taddhetor apy akiṃcitkaratvasamarthanād vināśahetuvat | svarasotpannam api tadanantarabhāvitvāt tena vyapadiśyate 
AS-VDh 199,06	iti ced itaratra samānam | kāryakṣaṇavatpūrvakṣaṇapradhvaṃsasyāpi hetvanantarabhāvitvāviśeṣāt tena vyapadeśo 'stu, 
AS-VDh 199,07	na vā, kāryasyāpīty aviśeṣaḥ | paramārthatas tadahetukatve pratipattrabhiprāyāviśeṣe 'pi svataḥprahāṇavādī na 
AS-VDh 199,08	śakro 'tyātmānaṃ nyāyamārgam anukārayituṃ, tathā vadatas tasya nyāyātikramāt | na ca niranvayavināśavā- 
AS-VDh 199,09	dinaḥ sabhāgavisabhāgavivekaḥ śreyān, sarvadā virūpakāryatvāt, kāraṇasya kathaṃcid anvayāpāye sabhāgapra- 
AS-VDh 199,10	tyayāyogāt | sabhāgavisabhāgāvakḷptiṃ pratipattrabhiprāyavaśāt samanugacchan sahetukaṃ vināśaṃ tataḥ kiṃ 
AS-VDh 199,11	nānujānīyāt ? na ca samanantarakṣaṇayor nāśotpādau pṛthagbhūtau mithaḥ svāśrayato vā yau samaṃ sa- 
AS-VDh 199,12	hetuketarau stāṃ, pratipattyabhidhānabhede 'pi grāhyagrāhakākāravat, svabhāvapratibandhāt | na hi tayor mithaḥ 
AS-VDh 199,13	kāryakāraṇabhāvaḥ pratibandhaḥ, samasamayatvāt "nāśotpādau samaṃ yadvan nāmonnāmau tulāntayoḥ" iti vaca- 
AS-VDh 199,14	nāt | nāpi svāśrayeṇa saha kāryakāraṇabhāvaḥ, samanantarasvalakṣaṇakṣaṇābhyāṃ nāśotpādayor arthāntaratvaprasaṅgāt | 
AS-VDh 199,15	tayos taddharmatvād viśeṣaṇaviśeṣyabhāvaḥ saṃbandha iti cen na, vaiśeṣikamatasiddheḥ | kalpanāropitatvāt tayor na tatsi- 
AS-VDh 199,16	ddhir iti cet tarhi pūrvakṣaṇavināśo 'nantarakṣaṇasvabhāvas tadutpādaś ceti siddhaḥ svabhāvapratibandhaḥ | na caivaṃ pratipa- 
AS-VDh 199,17	ttyabhidhānabhedo virudhyate saṃvidi grāhyagrāhakākārayor api tadvirodhaprasaṅgāt | tatas tadvat tayor abheda eva | 
AS-VDh 199,18	saṃjñāc chandamatismṛtyādivat saty api bhede samakālabhāvinoḥ kathaṃ sahakārī punar anyatarasyaiva 
AS-VDh 200,01	hetur ahetur vā syāt, kāryarūpāder iva kāraṇam | saṃjñā hi pratyabhijñā, chanda icchā | tenādiśabdasyobha- 
AS-VDh 200,02	yatra saṃbandhān nidarśanadvayaṃ vādidvayāpekṣayocyate | saṃjñāchandādivan matismṛtyādivac ca kramabhāvinor nāśotpādayoḥ 
AS-VDh 200,03	saty api bhede samakālabhāvinos tayor ghaṭakapālāśrayayor iva sahakārī mudgarādiḥ kathaṃ kapālotpādasyaiva hetur na 
AS-VDh 200,04	punar ghaṭavināśasya, tasyaiva vāsau hetur na tu kapālotpādasya syāt ? kāryarūpādis tabakasyaisāmagryadhīnasya 
AS-VDh 200,05	kāraṇarūpādis tabakavat | yataś caivaṃ tasmāt kāryakāraṇayor utpādavināśau na sahetukāhetukau sahabhāvā- 
AS-VDh 200,06	d rasādivat | na hi kāraṇarasādikalāpaḥ kāryasya rasasyaiva hetur na punā rūpāder iti pratītir asti, yataḥ 
AS-VDh 200,07	sādhyaśūnyo dṛṣṭāntaḥ syāt | nāpy asahabhāvo rasādīnāṃ, yena sādhanavikalaḥ | puruṣadhiṣaṇābhyām anekānta 
AS-VDh 200,08	iti cen na, saugatānāṃ puruṣāsiddheḥ | syādvādināṃ tu tasyāpi sahetukatvāt paryāyārthato dhiṣaṇāvat, 
AS-VDh 200,09	dravyārthato 'hetukatvāc ca dhiṣaṇāyāḥ puruṣavan na tābhyāṃ hetor vyabhicāritā, kāraṇānantaraṃ, sahabhāvāt | 
AS-VDh 200,10	iti prakaraṇasāmarthyāt saviśeṣaṇasya sahabhāvasya hetutvād vā na vyabhicāraḥ syāt | na caivam asiddhaṃ sādhanaṃ, 
AS-VDh 200,11	mudgarādivyāpārānantaraṃ kāryotpādavat kāraṇavināśasyāpi pratīteḥ, vinaṣṭo ghaṭa utpannāni kapālānīti 
AS-VDh 200,12	vyavahāradvayasadbhāvāt | tataḥ kāryotpādavatkāraṇavināśaḥ sahetuka evābhyupeyaḥ | nanu hetor na tasya 
AS-VDh 200,13	kiṃcid bhavati, na bhavaty eva kevalam iti ce t tarhi kāraṇāt kāryasya na kiṃcid bhavati, bhavaty eva kevalam iti 
AS-VDh 200,14	samānaṃ vināśavad utpādasyāpi nirhetukatvāpatteḥ | tasmād ayaṃ vināśahetur bhāvam abhāvīkarotīti na punar a- 
AS-VDh 200,15	kiṃcitkaraḥ | kāryotpattihetur vā yady abhāvaṃ na bhāvīkuryād bhāvaṃ karotīti kṛtasya kāraṇāyogād akiṃ- 
AS-VDh 200,16	citkaraḥ syāt, sarvathā bhāvaṃ bhāvīkurvato vyāpāravaiphalyāt | tad atatkaraṇādivikalpasaṃhatir ubhayatra 
AS-VDh 200,17	sadṛśī | yathaiva hi vināśahetoḥ kuṭasya tadabhinnavināśakaraṇe tatkaraṇād akiṃcitkaratvaṃ, tadbhinnavināśakaraṇe 
AS-VDh 200,18	ca tadupalambhaprasaktiḥ | tathotpādahetor bhāvād abhinnotpādakaraṇe 'py akiṃcitkaratā, sataḥ karaṇāyogāt | sarvathā- 
AS-VDh 200,19	py asato bhāvād abhinnasyotpādasya karaṇe 'pi na kiṃcit kṛtaṃ syāt khapuṣpasaurabhavat | sato 'sato vārthāntarasya 
AS-VDh 201,01	janmanaḥ karaṇe tu na sad asad vā kṛtaṃ syāt | etena prāgasato 'narthāntarasyārthāntarasya cotpādasya hetunā 
AS-VDh 201,02	karaṇe tasyākiṃcitkaratvam upadarśitaṃ pratipattavyaṃ, prāgasato 'nanyasya sattvāyogāt, tato 'nyasya sata eva karaṇe 
AS-VDh 201,03	vaiphalyāt | tato yadi na vināśārtho hetusamāgamas tadotpādārtho 'pi mā bhūt, sarvathā viśeṣābhāvāt | 
AS-VDh 201,04	kiṃ ca kṣaṇikaikāntavādināṃ paramāṇavaḥ kṣaṇā utpadyante skandhasantatayo vā ? prathamapakṣe sthāpyasthā- 
AS-VDh 201,05	pakavināśyavināśakabhāvavad dhetuphalabhāvavirodhāt kutaḥ sahetukotpattir ahetukā vā ? sthitivināśavat | 
AS-VDh 201,06	dvitīyapakṣe tu – ;
ĀM-VDh 54ab		skandhasantatayaś caiva saṃvṛtitvād asaṃskṛtāḥ | 
ĀM-VDh 54cd		sthityutpattivyayās teṣāṃ na syuḥ kharaviṣāṇavat || 54 || 
AS-VDh 201,09	sādhyābhāvāsaṃbhūṣṇutāvirahād dhetor anyathānupapattir aniściteti na mantavyaṃ, sādhyābhāve tadabhāvaprasiddheḥ 
AS-VDh 201,10	saugatasya | tathā hi | rūpavedanāvijñānasaṃjñāsaṃskāraskandhasaṃtatayo 'saṃskṛtāḥ saṃvṛtitvāt, 
AS-VDh 201,11	yat punaḥ saṃskṛtaṃ tat paramārthasat, yathā svalakṣaṇaṃ, na tathā skandhasaṃtatayaḥ, iti sādhyavyāvṛttau 
AS-VDh 201,12	hetor vyāvṛttiniścayāt | svaraviṣāṇādau sāṃvṛtatvasyāsaṃskṛtatvena vyāptasya pratipatteḥ siddhānyathānupapattiḥ | 
AS-VDh 201,13	tataḥ sthityutpattivipattirahitāḥ pratipādyante | tathā hi | skandhasantatayaḥ sthityutpattivipattirahitā 
AS-VDh 201,14	evāsaṃskṛtatvāt svaraviṣāṇavat | kṣaṇaṃ sthityutpattivipattisahitasya svalakṣaṇasya saṃskṛtatvopagamād anyathā- 
AS-VDh 201,15	nupapattisiddhiḥ sādhanasya pratyeyā | syādvādinām api sthityutpattivipattimataḥ kathaṃcit saṃskṛtatvasiddher na 
AS-VDh 201,16	vyabhicāraḥ | sarvathā sthitimato 'saṃskṛtasya ca kasyacid vastunonupapatteś ca niravadyoyaṃ hetuḥ | tato visa- 
AS-VDh 201,17	bhāgasaṃtānotpattaye vināśahetur iti poplūyate, rūpādiskandhasaṃtater utpattiniṣedhāt tadvināśasyāpi 
AS-VDh 201,18	svaraviṣāṇavadasaṃbhavāt | tathā hi | skandhasaṃtatayo vināśarahitāḥ sthityutpattirahitatvāt | yat punar vi- 
AS-VDh 201,19	nāśasahitaṃ tan na sthityutpattirahitaṃ, yathā svalakṣaṇam | na tathā skandhasaṃtatayaḥ | iti sthityutpattivyayā 
AS-VDh 201,20	na syus teṣāṃ skandhānāṃ svaraviṣāṇavat | tadabhāve virūpakāryārambhāya hetusamāgama iti kathan na sutarāṃ 
AS-VDh 201,21	plavate ? tato na kṣaṇikaikāntaḥ śreyān nityaikāntavat sarvathā vicārāsahatvāt | 
ĀM-VDh 55ab		virodhān nobhayaikātmyaṃ syādvādanyāyavidviṣām | 
ĀM-VDh 55cd		avācyataikānte 'py uktir nāvācyam iti yujyate || 55 || 
AS-VDh 202,03	nityatvetaraikāntadvayam apy ayuktam aṅgīkartuṃ, virodhād yugapajjīvitamaraṇavat | tādātmye hi nityatvā- 
AS-VDh 202,04	nityatvayor nityatvam eva syād anityatvam eva vā | tathā ca nobhayaikātmyaṃ, vipratiṣedhāt | nityatvānityatvā- 
AS-VDh 202,05	bhyām ata evānabhilāpyam ity ayuktaṃ, tadekānte 'nabhilāpyokter anupapatteḥ, sarvathānabhilāpyaṃ tattvam ity a- 
AS-VDh 202,06	bhilapata eva vacanavirodhāt sadā maunavratiko 'ham ityādivat | 
AS-VDh 202,07	tad evaṃ nityatvādyekāntānupapattau sāmarthyāt tadanekāntasiddhipratipādane 'pi tattvopaplavavādidurāśayavināśa- 
AS-VDh 202,08	nāya tatpratipattidārḍhyāya ca syādvādivādanyāyānusaraṇena nityatvādyanekāntam upadarśayanti sūrayaḥ —
ĀM-VDh 56ab		nityaṃ tatpratyabhijñānān nākasmāt tadavicchidā | 
ĀM-VDh 56cd		kṣaṇikaṃ kālabhedāt te buddhyasaṃcaradoṣataḥ || 56 || 
AS-VDh 202,11	te bhagavator hataḥ syādvādanyāyanāyakasya sarvaṃ jīvāditattvaṃ syān nityam eva pratyabhijñāyamānatvāt | nāka- 
AS-VDh 202,12	smāt tatpratyabhijñānaṃ tasyāvicchedenānubhavāt | nirviṣayaṃ hi pratyabhijñānam akasmād iti prasiddham | yathā 
AS-VDh 202,13	tādṛśe tad evedam iti, tatraiva vā tādṛśam idam iti bhrāntaṃ pratyabhijñānam | na caivaṃ jīvāditattve pratyabhi- 
AS-VDh 202,14	jñānaṃ, bādhakābhāvāt tadavicchedāt | pratyakṣaṃ bādhakam iti cen na, tasya vartamānaparyāyātmakavastuviṣayatvāt, 
AS-VDh 202,15	pūrvāparaparyāyāvyāpyekatvalakṣaṇe pratyabhijñānaviṣaye pravṛttyabhāvāt | na ca svasyāviṣaye kiṃcid bādhakaṃ sādhakaṃ 
AS-VDh 202,16	vā śrotrajñānaviṣaye cakṣurjñānavat | tata eva nānumānaṃ, tasyānyāpohamātragocaratvāt tatraiva sādhakabādhakatvo- 
AS-VDh 202,17	papatteḥ | pramāṇāntaraṃ tu nānumānād apratyakṣam iṣyate kṣaṇikavādibhir yat pratyabhijñānasya bādhakaṃ syāt | iti 
AS-VDh 202,18	satyapratyabhijñānam eva vitathapratyabhijñānasya bādhakam | sādṛśyapratyabhijñānaṃ samyag evāsya jīvādāv ekatva- 
AS-VDh 202,19	pratyabhijñānasyānādyavidyodayāpāditasya bhrāntasya bādhakam iti cen na, asya bhrāntatvāsiddheḥ, sadṛśāparāparo- 
AS-VDh 202,20	tpattyaniścayāt | nanu ca yat sat tat sarvaṃ kṣaṇikam akṣaṇike kramayaugapadyābhyām arthakriyāvirodhāt sattvānupapatte- 
AS-VDh 202,21	r ity anumānān niranvayavināśitvasiddher jīvādikṣaṇānām ekatvāsaṃbhavāt sādṛśyapratyabhijñānaviṣayatvopapatter bhrā- 
AS-VDh 202,22	ntam eva tatraikatvapratyabhijñānaṃ siddham avisaṃvādābhāvād iti cen na, asyānumānasya viruddhatvāt | tathā hi | 
AS-VDh 202,23	yat sat tat sarvaṃ kathaṃcin nityaṃ, sarvathā kṣaṇike kramayaugapadyābhyām arthakriyāvirodhāt sattvānupapatter iti | atra 
AS-VDh 203,01	na tāvad dhetor anaikāntikatvaṃ, sarvathā nityatve sattvasyābhāvāt sarvathā kṣaṇikatvavat | tadabhāvaś ca kramākramānupa- 
AS-VDh 203,02	patteḥ | tadanupapattiś ca pūrvāparasvabhāvatyāgopādānānvitarūpābhāvāt sakṛdanekaśaktyātmakatvābhāvāc ca | na 
AS-VDh 203,03	hi kūṭasthe 'rthe pūrvottarasvabhāvatyāgopādāne staḥ, kṣaṇike vānvitaṃ rūpam asti, yataḥ kramaḥ kālakṛto deśakṛto 
AS-VDh 203,04	vā syāt | nāpi yugapadanekasvabhāvatvaṃ, yato yaugapadyaṃ, kauṭasthyavirodhān niranvayakṣaṇikatvavyāghātāc ca | 
AS-VDh 203,05	sahakārikramākramāpekṣayā tatra kramayaugapadyakalpanāpi na sādhiyasī svayaṃ tadapekṣā, krametarasvabhāvatvābhāve 
AS-VDh 203,06	tadanupapatteḥ | tatkāryāṇāṃ tadapekṣā, na punar nityasya kṣaṇikasya vety api na śreyān, teṣāṃ tadakāryatvapra- 
AS-VDh 203,07	saṅgāt | tatsahitebhyaḥ sahakāribhyaḥ kāryāṇām utpatter anyathānutpattes tatkāryatvanirṇaya iti cet tarhi yena 
AS-VDh 203,08	svabhāvenaikena sahakāriṇā sahabhāvas tenaiva sarvasahakāriṇā yadi tasya syāt tadaikakāryakaraṇe sarvakāryakaraṇā- 
AS-VDh 203,09	t kramakāryānupapattiḥ, sahakāryantarābhāve 'pi ca tatsahabhāvāt sakṛd eva sakalakāryotpattiḥ prasajyeta | svabhāvā- 
AS-VDh 203,10	ntaraiḥ saha kāryāntarasahabhāve tasya kramākramavṛttyanekasvabhāvatvasiddheḥ kuto nityam ekasvabhāvaṃ kṣaṇikaṃ vā 
AS-VDh 203,11	vastu kramayaugapadyayor vyāpakaṃ syāt ? kathaṃcin nityasyaiva kramākramānekasvabhāvasya tadvyāpakatvapratīteḥ | etena 
AS-VDh 203,12	vipakṣe hetor bādhakasya vyāpakānupalambhasya vyatirekaniścayaḥ kathaṃcin nitye pratyakṣapravṛtteḥ pradarśitaḥ pratye- 
AS-VDh 203,13	yaḥ | tataḥ sattvaṃ kathaṃcin nityam eva sādhayatīti viruddhatvān na pratyabhijñānaviṣayasyaikatvasyāpahārakaṃ, yena 
AS-VDh 203,14	sādṛśyaviṣayatvāt tasya bādhakaṃ siddhyadbhrāntatāṃ sādhayet | 
AS-VDh 203,15	nanu cedaṃ pratyabhijñānaṃ naikaṃ pramāṇaṃ, tad ity ullekhasya pratyayasya smaraṇatvād idam ity ullakhasya ca pratyakṣatvāt | 
AS-VDh 203,16	na caitābhyāṃ pratyayaviśeṣābhyām atītavartamānaviśeṣamātragocarābhyām anyat saṃvedanam ekatvaparāmarśi samanubhūyate, 
AS-VDh 203,17	yat pratyabhijñānaṃ nāma pramāṇaṃ syān nityatvasya sādhakam | ataḥ svarūpāsiddho hetur iti kaścit so 'pi pratī- 
AS-VDh 203,18	tyapalāpī, pūrvottaravivartasmaraṇadarśanābhyām upajanitasya tadekatvasaṃkalanajñānasya pratyabhijñānatvena saṃvedyamā- 
AS-VDh 203,19	nasya supratītatvāt | na hi smaraṇam eva pūrvottaravivartayor ekatvaṃ saṃkalayitum alam | nāpi darśanam eva | tadu- 
AS-VDh 203,20	bhayasaṃskārajanitaṃ vikalpajñānaṃ tat saṃkalayatīti cet tad eva pratyabhijñānaṃ siddham | na ca tadakasmād eva 
AS-VDh 203,21	bhavatīti nirviṣayaṃ, buddhyasaṃcaradoṣāt | na hi pratyabhijñānaviṣayasyāvicchinnasya nityatvasyābhāve buddheḥ 
AS-VDh 204,01	saṃcaraṇaṃ nāma, niranvayavināśād buddhyantarajananānupapatteḥ, yad evāham adrākṣaṃ tad eva spṛśāmīti pūrvottarapari- 
AS-VDh 204,02	ṇāmayor ekadravyātmakatvena gamanāsaṃbhavāt, tato 'nyasya buddhisaṃcaraṇasyehāprastutatvāt | tathāvidhaikatvavā- 
AS-VDh 204,03	sanāvaśād buddhisaṃcaraṇaṃ na punaḥ kathaṃcin nityatvād iti cen na, kathaṃcin nityatvābhāve saṃvedanayor vāsyavāsakabhā- 
AS-VDh 204,04	vāyogāt kāryakāraṇabhāvavirodhāt | tato buddhisaṃcaraṇānyathānupapatter nākasmikaṃ pratyabhijñānaṃ vicchedābhāvāc ca | 
AS-VDh 204,05	iti kathaṃcin nityaṃ vastu prasādhayati | tathā sarvaṃ jīvādi vastu kathaṃcit kṣaṇikaṃ, pratyabhijñānāt | na 
AS-VDh 204,06	caitat kṣaṇikatvam antareṇa bhavatīty akasmād upajāyate, tadviṣayasya kathaṃcit kṣaṇikasya vicchid'abhāvāt | na ca 
AS-VDh 204,07	tadavicchidasiddhā, kālabhedāt, kālabhedasya ca pūrvottaraparyāyapravṛttihetor asiddhau buddhyasaṃcaraṇadoṣāt | 
AS-VDh 204,08	na ca tad idam iti smaraṇadarśanabuddhyoḥ saṃcaraṇāpāye pratyabhijñānamudiyāt, tasya pūrvāparaparyāyabuddhisaṃcara- 
AS-VDh 204,09	ṇanibandhanatvāt | nanu ca sarvaṃ nityaṃ sattvāt kṣaṇike svasadasatsamaye 'rthakriyānupapatteḥ sattvavirodhāt, 
AS-VDh 204,10	ity anumānāt kṣaṇikatvasya nirākṛter na pratyabhijñānaṃ tatsādhakaṃ, pradhānalakṣaṇaviṣayāvicchedasadbhāvāt kāla- 
AS-VDh 204,11	bhedāsiddher buddhyasaṃcaraṇadoṣānavakāśād buddher ekatvagamanasya saṃcaraṇasya siddher iti cen na, sarvathā kṣaṇikatvasyaiva 
AS-VDh 204,12	bādhanāt, kathaṃcit kṣaṇikasya svasatsamaye svāsatsamaye cārthakriyopalabdheḥ | suvarṇasya hi prativiśiṣṭasya 
AS-VDh 204,13	suvarṇadravyatayā sata eva, kāryākāratayā cāsata eva pūrvaparyāyāviśiṣṭasyottarapariṇāmaviśeṣātmanotpadyamā- 
AS-VDh 204,14	nasya pratītiḥ parīkṣaketarajanasākṣikā, svasat‌samaye kāryakaraṇaṃ savyagoviṣāṇasyetaraviṣāṇakaraṇavannirasya- 
AS-VDh 204,15	mānaṃ, svāsatsamaye ca mṛtasya śikhinaḥ kekāyitakaraṇavadapākriyamāṇaṃ svayam eva vyavasthāpayati | iti kiṃ 
AS-VDh 204,16	naścintayā, virodhādidūṣaṇasyāpi tayaivāpasāritatvāt | so 'yam ātmādīnāṃ svasatsamaye eva karmādīnāṃ ca 
AS-VDh 204,17	khāsatsamaye eva jñānasaṃyogādikāraṇatvam anumanyamānas tathā saṃpratyayād ekasya svasadasatsamaye evaikakāryakaraṇaṃ 
AS-VDh 204,18	virodhādibhir abhidravatīti kathaṃ saṃpratyayopādhyāyaḥ ? samyak a‍pratīyamāne 'pi virodham anurudhyamānaḥ 
AS-VDh 205,01	kva punaravirodhaṃ budhyeta ? dravyaparyāyayor abhedaikāntapratītiṃ svasamayānurāgamātreṇānanubhūyamānām apy aviruddhavi- 
AS-VDh 205,02	ṣayāṃ paribhāṣate iti kim anyat kāraṇaṃ mahato 'bhiniveśāt ? tad evaṃ kathaṃcit kṣaṇikatvasādhane pratyabhijñānaṃ 
AS-VDh 205,03	nānumānaviruddham | nāpi pratyakṣaviruddhaṃ sarvasyedānīntanatayā pratyakṣeṇānubhavāt, tena tasyātītānāgatatayā- 
AS-VDh 205,04	nubhavane 'nādyanantapariṇāmātmakasyānubhavaprasaṅgād yogitvāpatteḥ, sāmpratikatayānubhavasyaiva kṣaṇikatvānubhavarūpa- 
AS-VDh 205,05	tvāt, kṣaṇamātrasyaiva sāmpratikatvopapatteḥ, pūrvottarakṣaṇayoḥ sāmpratikatve 'nādyanantakṣaṇasaṃtater api sāmpratikatvā- 
AS-VDh 205,06	nuṣaṅgād atītānāgatavyavahāravilopāt | na caivaṃ kṣaṇikaikāntasya pratyakṣataḥ prasiddheḥ kathaṃcid akṣaṇikatvavi- 
AS-VDh 205,07	rodhaḥ, paryāyākāratayārthasyedānīntanatayānubhavavicchede 'pi dravyatayā tadavicchedāt, tadvicchede dravyatvavi- 
AS-VDh 205,08	rodhāt | śaśvadavicchinnedānīntanatvasya dravyatvād anityatvaikāntasyāvyavasthiter nityatvaikāntavat | tadekānta- 
AS-VDh 205,09	dvaye 'pi parāmarśapratyayānupapatter anekāntaḥ, syān nityam eva sarvaṃ syād anityem eveti siddhaḥ | 
AS-VDh 205,10	sthityabhāve hi pramātur anyena dṛṣṭaṃ nāparaḥ pratyabhijñātum arhati | pūrvottarapramātṛkṣaṇayoḥ kāryakāraṇabhā- 
AS-VDh 205,11	valakṣaṇe saṃbandhaviśeṣe 'pi pitreva dṛṣṭaṃ putro na pratyabhijñātum arhati | tayor upādānopādeyalakṣaṇaḥ sann apy ati- 
AS-VDh 205,12	śayaḥ pṛthaktvaṃ na nirākaroti | pṛthaktve ca pūrvāparakṣaṇayoḥ pratyavamarśo na syāt | yad eva hi pṛthaktvaṃ 
AS-VDh 205,13	tad evānyatrāpi pratyavamarśābhāvanibandhanaṃ, sarvatra tadaviśeṣāt | yadi punar ekasaṃtatipatiteṣu pratyavamarśo na 
AS-VDh 205,14	punar nānāsaṃtatipatiteṣu pṛthaktvāviśeṣe 'pi vāsanāviśeṣasadbhāvād iti mataṃ tadā saivaikasaṃtatiḥ kvacid eva 
AS-VDh 205,15	kutaḥ siddhā ? pratyabhijñānād iti cet tarhi ekasaṃtatyā pratyabhijñānaṃ pratyabhijñānabalāc caikasaṃtatir iti 
AS-VDh 205,16	vyaktam itaretarāśrayaṇam etat | na ca pakṣāntare samānaṃ, sthiter anubhavanāt | na hy ekadravyasiddheḥ pratya- 
AS-VDh 205,17	bhijñānaṃ pratyabhijñānāc caikadravyasiddhiḥ syādvādibhir iṣyate, yena tatpakṣe 'pi parasparāśrayaṇaṃ, bhedajñānād, bheda- 
AS-VDh 205,18	siddhivadabhedajñānāt sthiter anubhavābhyupagamāt | tadvibhramakalpanāyām utpādavināśayor anāśvāsaḥ, tathānu- 
AS-VDh 205,19	bhavanirṇayānupalabdher yathā svalakṣaṇaṃ parigīyate | so 'yaṃ pratikṣaṇam utpādavināśau sarvathā sthitir ahitau 
AS-VDh 206,01	sakṛd apy aniścinvann eva sthityanubhavanirṇayaṃ vibhrāntaṃ kalpayatīti kathaṃ na nirātmaka eva ? tatraitat syāt svabhāvā- 
AS-VDh 206,02	vinirbhāge 'pi na saṃkalanaṃ darśanakṣaṇāntaravat | na hy ekasmin darśanaviṣaye kṣaṇe 'vinirbhāge 'pi pratyabhijñānam a- 
AS-VDh 206,03	stīti | satyam ekānte evāyaṃ doṣaḥ, sarvathā nitye paurvāparyāyogāt pratyabhijñānāsaṃbhavāt | tataḥ kṣaṇikaṃ 
AS-VDh 206,04	kālabhedāt | na cāyam asiddhaḥ, darśanapratyabhijñānasamayayor abhede tadubhayābhāvaprasaṅgāt, darśanasamayasyābhede 
AS-VDh 206,05	tannirṇayānupapatteḥ, pratyabhijñānasamayasyābhede pūrvāparaparyāyavyāpy ekadravyapratyavamarśāsaṃbhavāt | tato darśa- 
AS-VDh 206,06	nakālo 'vagrahehāvāyadhāraṇātmakanirṇayahetur bhinna eva, pratyabhijñānakālaś ca punas taddarśanasmaraṇasaṃkalanahetur iti 
AS-VDh 206,07	pratipattavyam | kiṃ ca pakṣadvaye 'pi jñānāsaṃcārānuṣaṅgād anekāntasiddhiḥ | na hi nityatvaikāntapakṣavatkṣaṇikai- 
AS-VDh 206,08	kāntapakṣe 'pi jñānasaṃcāro 'sti, tasyānekānte eva pratīteḥ | kevalam apoddhārakalpanayā kathaṃcij jātyantare 'pi 
AS-VDh 206,09	vastuni pratyabhijñānādinibandhane sthityādayo vyavasthāpyeran, sarvathā jātyantare tadapoddhārakalpanānupa- 
AS-VDh 206,10	patteḥ sthityādisvabhāvabhedavyavasthānāghaṭanāt, sarvathā tadajātyantaravat | na ca svabhāvabhedopalambhe 'pi 
AS-VDh 206,11	nānātvavirodhasaṅkarānavasthānuṣaṅgaś cetasi grāhyagrāhakākāravat | na hy ekasya vastunaḥ sakṛdanekasvabhāvopalambhe 
AS-VDh 206,12	nānātvaprasaṅgaḥ, saṃvidvedyavedakākārāṇāṃ nānājñānatvaprasaṅgāt | teṣām aśakyavivecanatvād ekajñānatve sthiti- 
AS-VDh 206,13	janmavināśānām api kvacid ekavastutvam astu, tadaviśeṣāt | kvacid ekatra rūparasādīnām apy aśakyavivecanā- 
AS-VDh 206,14	nām ekavastutvāpattir nāniṣṭakāriṇī, teṣāṃ nānāvastutvāniṣṭeḥ | na cātmākāśādīnāṃ deśābhede 'py aśakya- 
AS-VDh 206,15	vivecanatvaṃ, teṣāṃ paraikadravyatādātmyābhāvāt | sattaikadravyatādātmye punar ekavastutvam iṣṭam eva syādvādinām 
AS-VDh 206,16	"ekaṃ dravyam anantaparyāyam" iti vacanāt | tato na vaiyadhikaraṇyam | etenobhayadoṣaprasaṅgo 'pāsto, 
AS-VDh 206,17	vedyādyākārātmabodhavadutpādādyātmavastuno jātyantaratvāt, acaurapāradārikavaccaurapāradārikābhyām | na 
AS-VDh 206,18	caivaṃ virodhaprasaṅgaḥ, tasyānupalambhasādhanād ekatraikadā śītoṣṇasparśavat, sthityādiṣu copalambhasadbhāvā-
AS-VDh 207,01	d ekavastunyekadānupalambhāsiddheḥ saṃvidi vedyādyākāravat | etena saṃśayaprasaṅgaḥ pratyuktaḥ sthityādyupalambhasya 
AS-VDh 207,02	calanābhāvāt | tata eva na saṃkaraprasaṅgaḥ, sthityātmanyutpādavināśānupalambhād utpādavināśayoś ca sthityanu- 
AS-VDh 207,03	palabdheḥ | ekavastuni yugapatsthityādyupalambhāt saṅkara iti cen na, parasparam asaṅkarād utpādādīnām | tadvati tu 
AS-VDh 207,04	saṅkaro vastulakṣaṇaṇam eva | etena vyatikaraprasaṅgo vyudastaḥ, sthityādīnāṃ parasparagamanābhāvāt saṃvidi vedyā- 
AS-VDh 207,05	dyākāravat | tata eva nānavasthā, sthityātmani janmavināśāniṣṭer janmātmani sthitivināśānupagamād vināśe 
AS-VDh 207,06	sthitijanmānavakāśāt pratyekaṃ teṣāṃ trayātmakatvānupagamāt | na caivam ekāntābhyupagamād anekāntābhāvaḥ, 
AS-VDh 207,07	samyagekāntasyānekāntena virodhābhāvāt, nayārpaṇād ekāntasya pramāṇārpaṇād anekāntasyaivopadeśāt tathaiva 
AS-VDh 207,08	dṛṣṭeṣṭābhyām aviruddhasya tasya vyavasthiteḥ | 
AS-VDh 207,09	kena punar ātmanā'nutpādavināśātmakatvāt sthitimātraṃ ? kena cātmanā vināśotpādāv eva ? kathaṃ ca tat 
AS-VDh 207,10	trayātmakam eva vastu siddham ? iti bhagavatā paryanuyuktā ivācāryāḥ prāhuḥ —
ĀM-VDh 57ab		na sāmānyātmanodeti na vyeti vyaktam anvayāt | 
ĀM-VDh 57cd		vyetyudeti viśeṣāt te sahaikatrodayādi sat || 57 || 
AS-VDh 207,13	pūrvottarapariṇāmayoḥ sādhāraṇaḥ svabhāvaḥ sāmānyātmā dravyātmā | tena sarvaṃ vastu notpadyate na vina- 
AS-VDh 207,14	śyati na vyaktam anvayadarśanāt | lūnapunarjātanakhādiṣv anvayadarśanena vyabhicāra iti cen na, vyaktam iti 
AS-VDh 207,15	viśeṣaṇāt, pramāṇena bādhyamānasyaikatvānvayasyāvyaktatvāt | na cātrānvayaḥ pramāṇaviruddhaḥ, satyapratyabhi- 
AS-VDh 207,16	jñānasiddhatvāt | tato 'nvitātmanā sthitir eva | tathā vinaśyaty utpadyate ca sarvaṃ vastu viśeṣānubhavāt | 
AS-VDh 207,17	bhrāntaviśeṣadarśanena śukle śaṅkhe pītādyākārajñānalakṣaṇena vyabhicāra iti cen na, vyaktam iti viśeṣaṇasyā- 
AS-VDh 207,18	nuvṛtteḥ | na hi bhrāntaṃ viśeṣadarśanaṃ vyaktaṃ yena tad api pūrvākāravināśājahadvṛttottarākārāvinābhāvi 
AS-VDh 207,19	syāt | na ca prakṛte viśeṣadarśanam avyaktaṃ bādhakābhāvāt | nityaikāntagrāhi pramāṇaṃ bādhakam iti cen na, 
AS-VDh 207,20	tasya nirastatvāt | na caivaṃ bhinnapratyayaviṣayatvād utpādavināśamātraṃ sthitimātraṃ ca padārthāntaratayāva- 
AS-VDh 207,21	tiṣṭhate, tasya vastvekadeśatvān nayapratyayaviṣayatvāt, sthityāditrayasya samuditasya vastutvavyavasthiteḥ, 
AS-VDh 208,01	tasya pramāṇapratyayagocaratvāt, sahaikatrodayādi sad iti pratipādanāt, tathaiva "utpādavyayadhrauvyayuktaṃ 
AS-VDh 208,02	sat" iti sūtrakāravacanāt | na cedaṃ yuktirahitaṃ, tathā yuktisadbhāvāt, calācalātmakaṃ vastu kṛtakā- 
AS-VDh 208,03	kṛtakātmakatvā d iti | na cātra hetur asiddhaḥ, pūrvarūpatyāgāvinābhāvipararūpotpādasyāpekṣitaparavyāpāratvena 
AS-VDh 208,04	kṛtakatvasiddheḥ, sadā sthāsnusvabhāvasyānapekṣitaparavyāpāratvenākṛtakatvaniścayāt | na hi cetanasyānyasya 
AS-VDh 208,05	vā sarvathotpattiḥ, sadādisāmānyasvabhāvena sata evātiśayāntaropalambhād ghaṭavat kathaṃcid utpāda- 
AS-VDh 208,06	vigamātmakatvād ityādi yojyam | nāpi vināśa eva, tata eva tadvat | na ca sthitir eva, viśeṣākāre- 
AS-VDh 208,07	ṇotpādavināśavata eva sadādisāmānyena sthityupalambhād dravyaghaṭavat | iti hi pṛthagupapattir yojyate | sadā- 
AS-VDh 208,08	disāmānyena satas tantvāder ghaṭākārātiśayāntaropalambhaprasaṅga iti cen na, svabhāvagrahaṇāt | sadādisāmānyaṃ 
AS-VDh 208,09	hi yat svabhāvabhūtaṃ ghaṭasyopādānadravyamasādhāraṇaṃ tad bhāvena pariṇamad upalabhyate | tenaiva sato 'tiśayāntarā- 
AS-VDh 208,10	dhānaṃ ghaṭo yathā prativiśiṣṭaghaṭayogyamṛddravyādisvarūpeṇa, na punaḥ sādhāraṇena tantvādigatasāmānyena nāpi 
AS-VDh 208,11	sādhāraṇāsādhāraṇena pārthivatvādisāmānyenāviśiṣṭaghaṭopādānamṛdādisāmānyena vā prāksato 'tiśayāntaro- 
AS-VDh 208,12	palabdhir yena tantvāder api ghaṭapariṇatiprasaṅgaḥ | nāpi ghaṭavināśottarakālam apy asādhāraṇamṛdādisāmānyasva- 
AS-VDh 208,13	bhāvena sattvāviśeṣād ghaṭotpattiḥ prasajyate, tatprāgabhāvātmakasya satas tadbhāvenotpattidarśanāt, paścād abhāvā- 
AS-VDh 208,14	tmakasya sato 'pi tadadarśanāt | na caivaṃ prāgasata evotpattiniyamād ghaṭasya kathaṃcit prāgasattvam ayuktaṃ, prāga- 
AS-VDh 208,15	bhāvasya bhāvasvabhāvasya pūrvaṃ vyavasthāpanāt | tasyābhāvasvabhāvatve savyetaragoviṣāṇādīnāṃ sahotpattiniyama- 
AS-VDh 208,16	vatām upādānasaṅkaraprasaṅgaḥ, prāgabhāvāviśeṣāt | tato yathā svopādānāt savyaviṣāṇasyotpattis tathā 
AS-VDh 208,17	dakṣiṇaviṣāṇopādānād api tatra tasyotpatteḥ prāgabhāvasiddheḥ, yatra yadā yasya prāgabhāvas tatra tadā tasyo- 
AS-VDh 208,18	tpattir iti niyamakalpanāyā api tatra bhāvāt | svopādānetaraniyamaś ca kutaḥ syāt ? prāgabhāvaniyamā- 
AS-VDh 208,19	d iti cet samānasamayajanmanāṃ sa eva kutaḥ ? tadutpattiniyamād iti cet so 'pi kutaḥ ? svopādānaniya- 
AS-VDh 208,20	mād iti cet svopādānetaraniyamaḥ kutaḥ syāt ? ityādi punar āvartate iti cakrakam | savyaviṣāṇasyo- 
AS-VDh 208,21	pattir iti pratyayaviśeṣād utpattiniyamo 'pi na śreyān, kārakapakṣasya vicārayitum ārabdhatvāt | jñāpakapakṣe 
AS-VDh 209,01	tu prāgabhāvaniyamo 'pi tatpratyayaviśeṣād eveti notpattyā prāgabhāvāvagatiḥ, prāgabhāvād apy utpattiniyamani- 
AS-VDh 209,02	ścayaprasakter itaretarāśrayasya durnivāratvāt | tato notpatteḥ prāgabhāvaḥ kāryasyābhāvātmakas tasya bhāvasvabhā- 
AS-VDh 209,03	vasyaivābādhitapratītiviṣayatvāt prāgabhāvābhāvasya kāryotpādarūpatvāt | tathā hi | 
ĀM-VDh 58ab		kāryotpādaḥ kṣayo hetor niyamāl lakṣaṇāt pṛthak | 
ĀM-VDh 58cd		na tau jātyādyavasthānād anapekṣāḥ khapuṣpavat || 58 || 
AS-VDh 209,06	upādānasya pūrvākāreṇa kṣayaḥ kāryotpāda eva hetor niyamāt | yas tu tato 'nyas tasya na hetor niyamo dṛṣṭo 
AS-VDh 209,07	yathā'nupādānakṣayasyānupādeyotpādasya ca | niyamaś ca hetor upādānakṣayasyopādeyotpādasya ca | tasmād u- 
AS-VDh 209,08	pādānakṣaya evopādeyotpādaḥ | na tāvad atrāsiddho hetuḥ kāryakāraṇajanmavināśayor ekahetukatvaniyamasya 
AS-VDh 209,09	supratītatvāt, tayor anyatarasyaiva sahetukatvāhetukatvaniyamavacanasya nirastatvāt | 
AS-VDh 209,10	nanūpādānaghaṭavināśasya balavatpuruṣapreritamudgarādyabhighātād avayavakriyotpatter avayavavibhāgāt saṃyogavināśā- 
AS-VDh 209,11	d eva pratīter upādeyakapālotpādasya tu svārambhakāvayavakarmasaṃyogaviśeṣāder eva saṃpratyayāt tayor ekasmād dhetor ni- 
AS-VDh 209,12	yamāsaṃbhavād asiddham eva sādhanam iti cen na, asya vināśotpādakāraṇaprakriyoddhoṣaṇasyāprātītikatvād balavatpuru- 
AS-VDh 209,13	ṣapreritam udgarādivyāpārād eva ghaṭavināśakapālotpādayor avalokanāt | tato ghaṭāvayaveṣu kapāleṣu kriyaivotpadyate 
AS-VDh 209,14	iti cet saivaiko hetus tayor astu | kriyāto 'vayavavibhāgasyaivotpattir iti cet sa evaikaṃ kāraṇam anayor astu | vibhā- 
AS-VDh 209,15	gāt tadavayavasaṃyogavināśa eva dṛśyate iti cet sa eva tayor ekaṃ nimittam astu | tadavayavasaṃyogavināśād avaya- 
AS-VDh 209,16	vino ghaṭasya vināśa iti cet sa eva kapālānāṃ tadavayavānāṃ prādurbhāvaḥ | iti kathaṃ naikahetuniyamaḥ sidhyet ? 
AS-VDh 209,17	mahāskandhāvayavasaṃyogavināśād api laghuskandhotpattidarśanāt "bhedasaṃghātebhya utpadyante" iti vacanāt | 
AS-VDh 209,18	mithyaivedaṃ darśanaṃ sūtrakāravacanaṃ ca bādhakasadbhāvād iti cetkiṃ tadbādhakam ? svaparimāṇād aṇu- 
AS-VDh 209,19	parimāṇakāraṇārabdhāni kapālāni kāryatvāt paṭavad ity anumānaṃ bādhakam iti cen na, etadudāharaṇasya sādhya- 
AS-VDh 209,20	vikalatvāt | tantavo hi kim apaṭākārapariṇatāḥ paṭasya samavāyinaḥ paṭākārapariṇatā vā ? na 
AS-VDh 209,21	tāvadādyaḥ pakṣaḥ paṭākārāpariṇateṣu tantuṣv iha paṭa iti pratyayāsaṃbhavāt | dvitīyapakṣe tu na paṭapari- 
AS-VDh 209,22	māṇād aṇuparimāṇās tantavaḥ paṭasya kāraṇaṃ, teṣāṃ paṭasamānaparimāṇatayā pratīteḥ samuditānām evātānavitā-
AS-VDh 210,01	nākārāṇāṃ paṭapariṇāmāśrayatvād anyathātiprasaṅgāt | na hi tathā'pariṇataṃ tadbhavati "tadbhāvaḥ pariṇāmaḥ" 
AS-VDh 210,02	iti vacanāt | na caivaṃ pariṇāmapariṇāminor abhedaḥ syāt, pratyayabhedāt kathaṃcid bhedasiddheḥ parasyāpi tadbhede 
AS-VDh 210,03	vivādābhāvāt tantudravyapaṭaparyāyayor anvayavyatirekapratyayaviṣayatvāc ca | tantudravyaṃ hi prācyāpaṭākārapari- 
AS-VDh 210,04	tyāgena tantutvāparityāgena cāpūrvapaṭākāratayā pariṇamadupalabhyate paṭākāras tu pūrvākārād vyatirikta iti siddhaṃ, 
AS-VDh 210,05	sarvathā tyaktarūpasyāpūrvarūpavartina evopādānatvāyogād aparityaktātmapūrvarūpavartivat tathā'pratīter dravyabhāvapra- 
AS-VDh 210,06	tyāsattinibandhanatvād upādānopādeyabhāvasya | bhāvapratyāsattimātrāt tadbhāve samānākārāṇām akhilārthānāṃ tatprasa- 
AS-VDh 210,07	ṅgāt, kālapratyāsattes tadbhāve pūrvottarasamanantarakṣaṇavartinām aśeṣārthānāṃ tatprasakteḥ, deśapratyāsattes tadbhāve samā- 
AS-VDh 210,08	nadeśānām aśeṣatas tadbhāvāpatteḥ saddravyatvādisādhāraṇadravyapratyāsatter api tadbhāvāniyamāt | asādhāraṇadravyapra- 
AS-VDh 210,09	tyāsattiḥ pūrvākārabhāvaviśeṣapratyāsattir eva ca nibandhanam upādānatvasya svopādeyaṃ pariṇāmaṃ prati niścīyate | 
AS-VDh 210,10	tad uktaṃ "tyaktātyaktātmarūpaṃ yat pūrvāpūrveṇa vartate | kālatraye 'pi taddravyam upādānam iti smṛtam | 1 | yat svarūpaṃ tya- 
AS-VDh 210,11	jaty eva yan na tyajati sarvathā | tannopādānam arthasya kṣaṇikaṃ śāśvataṃ yathā | 2 | " iti | tato na tantuviśeṣākāraḥ 
AS-VDh 210,12	paṭasyopādānaṃ yenālpaparimāṇād eva kāraṇān mahāparimāṇasya paṭasyotpatter udāharaṇaṃ sādhyaśūnyaṃ na bhavet | hetuś cā- 
AS-VDh 210,13	naikāntikaḥ, praśithilāvayavamahāparimāṇakārpāsapiṇḍādalpaparimāṇanibiḍāvayavakārpāsapiṇḍotpattidarśanāt | 
AS-VDh 210,14	viruddhaś cāyaṃ hetuḥ, pudgalādidravyasya mahāparimāṇasya yathāsaṃbhavaṃ sūkṣmarūpeṇa sthūlarūpeṇa vā paryāyeṇa varta- 
AS-VDh 210,15	mānasya svakāryārambhakatvadarśanāt kāryatvasya mahāparimāṇakāraṇārabdhatvena vyāptisiddheḥ svaparimāṇād alpa- 
AS-VDh 210,16	parimāṇakāraṇārabdhatvaviparītasādhanāt | tato nedam anumānaṃ bādhakaṃ kapālotpādasya ghaṭavināśasya caikahe- 
AS-VDh 210,17	tutvaniyamapratīter ekasmād eva mṛdādyupādānāt tadbhāvasya siddher ekasmāc ca mudgarādisahakārikalāpāt tatsaṃpratyayāt | 
AS-VDh 210,18	iti sidhyaty eva hetor niyamāt kāryotpāda eva pūrvākāravināśaḥ | 
AS-VDh 210,19	na caivaṃ sarvathotpādavināśayor abheda eva, lakṣaṇāt pṛthaktvasiddheḥ | tathā hi | kāryakāraṇayor utpādavināśau 
AS-VDh 210,20	kathaṃcid bhinnau bhinnalakṣaṇasaṃbandhitvāt sukhaduḥkhavat | nātrāsiddhaṃ sādhanaṃ, kāryotpādasya svarūpalābhalakṣaṇa- 
AS-VDh 210,21	tvāt kāraṇavināśasya ca svabhāvapracyutilakṣaṇatvāt tayor bhinnalakṣaṇasaṃbandhitvasiddheḥ | nāpy anaikāntikaṃ viruddhaṃ vā, 
AS-VDh 211,01	kvacid ekadravye 'pi pariṇāmayoḥ kathaṃcid bhedam antareṇa bhinnalakṣaṇasaṃbandhitvasyāsaṃbhavāt | na ca tayor bheda eva, 
AS-VDh 211,02	kathaṃcid abhedagrāhakapramāṇasadbhāvāt | tathā hi | utpādavināśau prakṛtau syād abhinnau, tadabhedasthitajāti- 
AS-VDh 211,03	saṃkhyādyātmakatvāt puruṣavat | nātrāsiddho hetuḥ, mṛdādidravyavyatirekeṇa nāśotpādayor abhāvāt | 
AS-VDh 211,04	paryāyāpekṣayā nāśotpādau bhinnalakṣaṇasaṃbandhinau na tau, jātyādyavasthānāt, saddravyapṛthivītvādijātyātma- 
AS-VDh 211,05	naikatvasaṃkhyātmanā śaktiviśeṣānvayātmanā ca tadabhedāt tathaiva pratyabhijñānāt, tad eva mṛddravyam asādhāraṇaṃ 
AS-VDh 211,06	ghaṭākāratayā naṣṭaṃ kapālākāratayotpannam iti pratīteḥ sakalabādhakarahitatvāt, ya evāhaṃ sukhyāsaṃ sa eva 
AS-VDh 211,07	ca duḥkhī sampratītyekapuruṣapratītivat | nanv evam utpādavyayadhrauvyāṇām abhedāt kathaṃ trayātmakavastusiddhiḥ ? 
AS-VDh 211,08	tatsiddhau vā kathaṃ tattādātmyam ? virodhād iti cen na, sarvathā tattādātmyāsiddheḥ kathaṃcil lakṣaṇabhedāt | 
AS-VDh 211,09	tathā hi | utpādavigamadhrauvyalakṣaṇaṃ syād bhinnam askhalannānāpratīteḥ rūpādivat | sarvasya vastuno 
AS-VDh 211,10	nityatvasiddher utpādavināśapratīter askhalatvaviśeṣaṇam asiddham iti cen na, kathaṃcit kṣaṇikatvasādhanāt | tata eva 
AS-VDh 211,11	dhrauvyapratīter askhalatvaṃ siddhaṃ, sarvathā kṣaṇikatvanirākaraṇāt | na cotpādādīnāṃ kathaṃcid bhinnalakṣaṇatvaṃ 
AS-VDh 211,12	viruddhaṃ, tadātmano vastuno jātyantaratvena kathaṃcid bhinnalakṣaṇatvād anyathā tadavastutvaprasaṅgāt | utpādādayo 
AS-VDh 211,13	hi parasparam anapekṣāḥ khapuṣpavan na santy eva | tathā hi | utpādaḥ kevalo nāsti sthitivigamarahita- 
AS-VDh 211,14	tvād viyatkusumavat | tathā sthitivināśau pratipattavyau | sthitiḥ kevalā nāsti, vināśotpādarahi- 
AS-VDh 211,15	tatvāt tadvat | vināśaḥ kevalo nāsti, sthityutpattirahitatvāt tadvad eva | iti yojanāt sāmarthyād utpādavya- 
AS-VDh 211,16	yadhrauvyayuktaṃ sad iti prakāśitaṃ bhavati, tadanyatamāpāye sattvānupapatteḥ | pratyekam utpādādīnāṃ sattve trayā- 
AS-VDh 211,17	tmakatvaprasaṅgād anavasthety api dūrīkṛtam anena, teṣāṃ parasparam anapekṣāṇām ekaśaḥ sattvanirākaraṇāt | kiṃ ca —
ĀM-VDh 59ab		ghaṭamaulisuvarṇārthī nāśotpādasthitiṣv ayam | 
ĀM-VDh 59cd		śokapramodam ādhyasthyaṃ jano yāti sahetukam || 59 || 
AS-VDh 211,20	pratītibhedam itthaṃ samarthayate sakalalaukikajanasyācāryaḥ | sa hi ghaṭaṃ bhaṅktvā maulinir vartane ghaṭa- 
AS-VDh 211,21	maulisuvarṇārthī tannāśotpādasthitiṣu viṣādaharṣaudāsīnyasthitim ayaṃ janaḥ pratipadyate iti, ghaṭārthinaḥ 
AS-VDh 211,22	śokasya ghaṭanāśanibandhanatvāt, maulyarthinaḥ pramodasya maulyutpādanimittatvāt, suvarṇārthino mādhyasthyasya 
AS-VDh 211,23	suvarṇasthitihetukatvāt, tadviṣādādīnāṃ nirhetukatve tadanupapatteḥ, pūrvatadvāsanāmātranimittatve 'pi tanniya-
AS-VDh 212,01	māsaṃbhavāt | tadvāsanāyāḥ prabodhakapratyayaniyamān niyatatvād viṣādādiniyama iti cet tarhi nāśotpādānvayā eva 
AS-VDh 212,02	vāsanāprabodhakapratyayā iti pāramparyātta eva śokādihetavo bahiraṅgāḥ | antaraṅgās tu mohanīyaprakṛti- 
AS-VDh 212,03	viśeṣodayā iti, teṣāṃ vāsaneti nāmamātraṃ bhidyeta, nārthaḥ, syādvādibhir bhāvamohaviśeṣāṇāṃ vāsanāsva- 
AS-VDh 212,04	bhāvatopagamāt | tataḥ siddhaṃ laukikānām utpādāditrayātmakaṃ vastu, tatpratīter bhedasiddheḥ | kiṃca —
ĀM-VDh 60ab		payovrato na dadhyatti na payotti dadhivrataḥ | 
ĀM-VDh 60cd		agorasavrato nobhe tasmāt tatvaṃ trayātmakam || 60 || 
AS-VDh 212,07	lokottaradṛṣṭāntenāpi tatra pratītinānātvaṃ vināśotpādasthitisādhanaṃ pratyāyayati, dadhipayo 
AS-VDh 212,08	'gorasavratānāṃ kṣīradadhyubhayavarjanāt kṣīrātmanā naśyaddadhyātmanotpadyamānaṃ gorasasvabhāvena tiṣṭha- 
AS-VDh 212,09	tīti, paya eva mayādya bhoktavyam iti vratam abhyupagacchato dadhyutpāde 'pi payasaḥ sattve dadhivarjanānupapatteḥ, 
AS-VDh 212,10	dadhy eva mayādya bhoktavyam iti vrataṃ svīkurvataḥ payasy api dadhnaḥ sattve payovarjanāyogāt, agorasaṃ mayādya 
AS-VDh 212,11	bhoktavyam iti vratamaṅgīkurvato 'nusyūtapratyayaviṣayagorase dadhipayasor abhāve tadubhayavarjanāghaṭanāt | pratīyate 
AS-VDh 212,12	ca tattadvratasya tattadvarjanam | tatas tattvaṃ trayātmakam | na caivam anantātmakatvaṃ vastuno virudhyate, pratye- 
AS-VDh 212,13	kam utpādādīnām anantebhya utpadyamānavinaśyattiṣṭhadbhyaḥ kālatrayāpekṣebhyo 'rthebhyo bhidyamānānāṃ vivakṣitava- 
AS-VDh 212,14	stuni tattvato 'nantabhedopapatteḥ, pararūpavyāvṛttīnām api vastusvabhāvatvasādhanāt, tadavastusvabhāvatve sakalā- 
AS-VDh 212,15	rthasāṅkaryaprasaṅgāt | tathā tattvasya trayātmakatvasādhane 'nantātmakatvasādhane ca nityānityobhayātmakatvasādha- 
AS-VDh 212,16	nam api prakṛtaṃ na virudhyate, sthityātmakatvavyavasthāpanena kathaṃcin nityatvasya vināśotpādātmakatvapratiṣṭhāpanena 
AS-VDh 212,17	cānityatvasya sādhanāt | tataḥ sūktaṃ sarvaṃ vastu syān nityam eva, syād anityam eveti | evaṃ syād ubhayam eva, 
AS-VDh 212,18	syād avaktavyam eva, syān nityāvaktavyam eva, syādanityāvaktavyam eva, syād ubhayāvaktavyam evety api yojanīyam | 
AS-VDh 212,19	yathāyogam etatsaptabhaṅgīvyavasthāpanaprakriyām api yojayen nayapramāṇāpekṣayā sadādyekatvādisaptabhaṅgīprakriyāvat | 
AS-VDh 212,20	nityādyekāntagartaprapatanavivaśān prāṇino 'narthasārthād uddhartuṃ netum uccaiḥ padam amalam alaṃ maṅgalānām alaṅghyam | 
AS-VDh 212,21	syādvādanyāyavartma prathayadavitathārthaṃ vacaḥ svāmino 'daḥ prekṣāvattvāt pravṛttaṃ jayatu vighaṭitāśeṣamithyāpravādam | 1 | 
AS-VDh 212,22	ity āptamīmāṃsālaṃkṛtau tṛtīyaḥ paricchedaḥ | 3 | 
AS-VDh 213,01	atha caturthaḥ paricchedaḥ | 
AS-VDh 213,02		jīyād aṣṭasahasrī devāgamasaṃgatārtham akalaṅkam | 
AS-VDh 213,03		gamayantī sannayataḥ prasannagambhīrapadapadavī | 1 | 
ĀM-VDh 61ab		kāryakāraṇanānātvaṃ guṇaguṇyanyatāpi ca | 
ĀM-VDh 61cd		sāmānyatadvadanyatvaṃ caikāntena yadīṣyate || 61 || 
AS-VDh 213,06	kāryagrahaṇāt karmaṇo 'vayavino 'nityasya guṇasya pradhvaṃsābhāvasya ca grahaṇaṃ, kāraṇavacanāt samavāyina- 
AS-VDh 213,07	s tadvataḥ pradhvaṃsanimittasya ca | guṇaśabdān nityaguṇapratipattiḥ, guṇivacanāt tadāśrayasya | sāmānyābhidhā- 
AS-VDh 213,08	nāt parāparajātipratyayaḥ | tadvadvacanād arthapratyaya iti | kriyātadvator avayavāvayavinor guṇaguṇinor viśeṣatadvatoḥ 
AS-VDh 213,09	sāmānyatadvator abhāvatadviśeṣyayoś cānyataiva, bhinnapratibhāsatvāt sahyavindhyavad ity uktaṃ bhavati | na cātrā- 
AS-VDh 213,10	siddho hetuḥ, sādhyadharmiṇi bhinnapratibhāsatvasya sadbhāvaniścayāt | tata eva na sandigdhāsiddho 'jñātā- 
AS-VDh 213,11	siddho vā | nāpy anyatarāsiddho, vādiprativādinor avivādāt | bhinnapuruṣapratibhāsaviṣayeṇābhinnenārthena 
AS-VDh 213,12	vyabhicāra iti cen naikapuruṣāpekṣayā bhinnapratibhāsatvasya hetutvāt | tathāpi krameṇaikapratipattṛbhinnapratibhā 
AS-VDh 213,13	saviṣayeṇaikena vastunānekānta iti cen na, bhinnalakṣaṇatvasya bhinnapratibhāsatvasya hetutvāt | bhinnaṃ hi 
AS-VDh 213,14	lakṣaṇaṃ kāryakāraṇayor guṇaguṇinoḥ sāmānyatadvatoś ca pratibhāsate | na caikasya vastuno bhinnalakṣaṇatvena 
AS-VDh 213,15	pratibhāso 'sti, yena vyabhicāraḥ | tata eva na viruddho hetuḥ, sākalyenaikadeśena vā vipakṣe vṛttyabhāvāt | 
AS-VDh 213,16	nāpi kālātyayāpadiṣṭaḥ, pakṣasya pratyakṣāgamabādhā'bhāvāt | kāryakāraṇayor guṇaguṇinoḥ sāmānyatadvato- 
AS-VDh 213,17	s tādātmyam abhinnadeśatvāt | yayor atādātmyaṃ na tayor abhinnadeśatvam | yathā sahyavindhyayoḥ | abhinnadeśatvaṃ 
AS-VDh 213,18	ca prakṛtayoḥ | tasmāt tādātmyam | ity anumānena pakṣasya bādheti cen na, śāstrīyadeśābhedasyāsiddhatvāt, 
AS-VDh 213,19	kāryasya svakāraṇadeśatvāt kāraṇasyāpi svānyakāraṇadeśatvāt | etena guṇaguṇinoḥ sāmānyatadvatoś ca 
AS-VDh 214,01	deśabhedasya pratipādanāt laukikadeśābhedasya tu vyomātmādibhir vyabhicārād asyānumānasyāsamīcīnatvāt 
AS-VDh 214,02	prakṛtapakṣabādhakatvāsaṃbhavāt | kathaṃcit tādātmyasya pratyakṣataḥ pratīteḥ sarvathā bhedapakṣasya bādheti, cen na, 
AS-VDh 214,03	tadvirodhāt | tata eva bhedo mā bhūd iti cen na, bhedasya pūrvasiddhatvāt tādātmyasya pūrvasiddher asiddheḥ | 
AS-VDh 214,04	siddhau vā kāryakāraṇādivirodhāt dharmadharmitvādhikaraṇādheyatādivirodhāt kriyāvyapadeśādibhedavirodhāc ca 
AS-VDh 214,05	tayor na tādātmyaṃ, bhedatādātmyayor vairyadhikaraṇyāc ca parasparavirodhāc chītoṣṇasparśavat | tayor aikādhikaraṇye 
AS-VDh 214,06	saṃkaravyatikarāpattiḥ | tadanāpattau pakṣadvayoktadoṣānuṣaṅgaḥ | pratyekaṃ taddvirūpatvopagame vā'navasthānād apratipa- 
AS-VDh 214,07	ttir abhāvaś ca | iti vaiśeṣikasya avayavaguṇasāmānyatadvatāṃ vyatirekaikāntamātraśaṅkya pratividhatte — 
ĀM-VDh 62ab		ekasyānekavṛttir na bhāgābhāvād bahūni vā | 
ĀM-VDh 62cd		bhāgitvād vāsya naikatvaṃ doṣo vṛtter anārhate || 62 || 
AS-VDh 214,10	kāryakāraṇayor guṇaguṇinoḥ sāmānyatadvatoś cānyatvam ekāntena yadīṣyate tadaikasya kāryadravyāder anekasmin 
AS-VDh 214,11	kāraṇādau vṛttir eṣitavyā, tadaniṣṭau kāryakāraṇabhāvādivirodhākāryakāraṇādivat | tadvṛttiś cābhyupaga- 
AS-VDh 214,12	myamāna pratyāśrayam ekadeśena sarvātmanā vā syāt ? tatra ekam anekatra vartamānaṃ pratyadhikaraṇaṃ na tāvad e- 
AS-VDh 214,13	kadeśena, niṣpradeśatvāt | nāpi sarvātmanā, avayavyādibahutvaprasaṅgāt | yāvanto hy avayavās tāvanto 
AS-VDh 214,14	'vayavinaḥ syus tasya pratyekaṃ sarvātmanā vṛttatvāt | yāvantaś ca saṃyogyādayo guṇinas tāvantaḥ saṃyogādayo 'ne- 
AS-VDh 214,15	kasthā guṇāḥ prasajyante | yāvantaḥ sāmānyavanto 'rthās tāvanti sāmānyāni bhaveyus tata eva | athāpi 
AS-VDh 214,16	kathaṃcit pradeśavattvaṃ manyetāvayavyādīnāṃ tatrāpi vṛttivikalpo 'navasthā ca | tathātrāvayavyādi sarvaṃ 
AS-VDh 214,17	tad ekam eva na syād iti vṛtter doṣo 'nārhate mate durnivāraḥ | naikadeśena vartate, nāpi sarvātmanā | kiṃ tarhi ? 
AS-VDh 214,18	vartate eveti cāyuktaṃ, prakārāntarābhāvāt | 
AS-VDh 215,01	nanu ca samavāya eva prakārāntaraṃ vartate, samavaitīti saṃpratyayāt, tadvyatirekeṇa vṛttyarthā- 
AS-VDh 215,02	saṃbhavād iti cen na, tatraiva vivādāt | etad eva hi vicāryate, kim ekadeśena samavaiti pratyāśrayaṃ 
AS-VDh 215,03	sarvātmanā vā'vayavādiṣv avayavyādiḥ ? gatyantarābhāvād iti | tatra ca nigadito doṣaḥ | tad evaṃ 
AS-VDh 215,04	kāryaguṇasāmānyānāṃ svāśrayebhyo vivādāpannebhyo naikāntenānyatvaṃ, tatra vṛttyupalabdheḥ | yasya tu 
AS-VDh 215,05	yato 'nyatvaikāntas tasya tatra na vṛttyupalabdhiḥ | yathā himavati vindhyasya | vṛttyupalabdhiścāvaya- 
AS-VDh 215,06	vyādeḥ svāśrayeṣu | tasmān naikāntenānyatvam | ity anumānena tannānātvapakṣasya bādhitatvāt kālātyayāpadiṣṭo 
AS-VDh 215,07	bhinnapratibhāsatvād iti hetuḥ | nanv idam anumānam asamyak, sthālyāṃ dadhnānaikāntikatvāt tato 'nyasyāpi 
AS-VDh 215,08	dadhnas tatra vṛttyupalabdheḥ | saṃyogo hi vṛttir arthāntarabhūtayor eva pratīyate nānyatheti na mantavyaṃ, saṃyoginoḥ 
AS-VDh 215,09	saṃyogapariṇāmātmanoḥ sarvathānyatvāsiddher anyathā tadabhāvaprasaṅgāt | tābhyāṃ bhinnasya saṃyogasyotpattau hi katha- 
AS-VDh 215,10	m ekasyānyatra saṃyoga iti vyapadeśo yataḥ sa eva vṛttiḥ syāt ? tābhyāṃ tasya jananāt tathā vyapadeśa iti 
AS-VDh 215,11	cen na, karmaṇā kālādinā ca tajjananāt tathā vyapadeśaprasaṅgāt | tayoḥ samavāyikāraṇatvāt tasya tathā vyapa- 
AS-VDh 215,12	deśa iti cet kutaḥ samavāyikāraṇatvaṃ tayor eva na punaḥ karmāder iti niyamaḥ ? iha saṃyoginoḥ saṃyoga 
AS-VDh 215,13	iti pratyayāt tatra tasya samavāyasiddher iti cet sa tarhi samavāyaḥ padārthāntaraṃ katham atraivehedam iti pratyayaṃ 
AS-VDh 215,14	kuryān na punaḥ karmādiṣu bhedāviśeṣepīti na buddhyāmahe | tair eva samavāyibhir viśeṣaṇaviśeṣyabhāvasiddheḥ 
AS-VDh 215,15	samavāyasya tatraivehedam iti pratyayotpattir na tu karmādiṣu, tadasiddher iti cet sa eva kutaḥ sarvatra na syāt ? 
AS-VDh 215,16	tādṛgadṛṣṭaviśeṣaniyamād iti cet kiṃ viśeṣaṇaviśeṣyabhāvena samavāyena saṃyogena vā ? tādṛgadṛṣṭaviśeṣā- 
AS-VDh 215,17	d eva samavāyaviśiṣṭāḥ samavāyina iti pratyayasyehedam iti vijñānasyātredaṃ saṃyuktam iti buddheś ca jananapra- 
AS-VDh 215,18	saṅgāt | sarvasya vā pratyayaviśeṣasyādṛṣṭaviśeṣavaśavartitvasiddheḥ kiṃ padārthabhedaprabhedaparikalpanayā ? iti 
AS-VDh 215,19	vijñānavādapraveśaḥ syāt, tasyaivādṛṣṭaviśeṣatvasiddheḥ, cetanā karmeti vijñānavādibhir api pratipādanāt | 
AS-VDh 215,20	teṣāṃ vāsanāviśeṣa eva hy adṛṣṭam | sa ca pūrvavijñānaviśeṣaḥ | iti na vijñānamātrād adṛṣṭam anyat syāt | 
AS-VDh 216,01	nanu ca nāprabuddhā vāsanā pratyayaviśeṣaṃ prasūte sakṛtsarvapratyayaviśeṣaprasaṅgāt | prabuddhā tu tam upajanayantī 
AS-VDh 216,02	prabodhakahetūn apekṣate | te ca bahirbhūtā, evārthāḥ | iti na vijñānamātraṃ tattvam anuṣajyate iti cen na, 
AS-VDh 216,03	vijñānaviśeṣād eva vāsanāprabodhasya siddheḥ, tadabhāve bahirarthasya sattāmātreṇa tadahetutvād anyathātiprasaṅgāt | 
AS-VDh 216,04	na ca nīlādivijñānād eva tadvāsanāprabodhas tatprabodhād eva nīlādijñānam iṣyate, yataḥ parasparāśrayaḥ syāt, 
AS-VDh 216,05	tadadhipatisamanantarādivijñānānām eva nīlādijñānajanakānāṃ tadvāsanāprabodhakatvāt tadvāsanānām api tatkā- 
AS-VDh 216,06	raṇavijñānebhyaḥ prabodhopagamāt | ity anādir ayaṃ vāsanāsaritparipatitas tatprabodhapratyayasārthas tadvijñānapravāhaś ca | 
AS-VDh 216,07	iti kiṃ bahirarthaiḥ ? kalpayitvāpy etān vijñānāni pratipattavyāni, tair vinā tadvyavahārāprasiddheḥ | satsu ca 
AS-VDh 216,08	teṣu bahirarthābhāve 'pi svapnādiṣu tadvyavahārapratīter alaṃ bāhyārthābhiniveśena | tato bahirarthaṃ vyavasthāpayitu- 
AS-VDh 216,09	manasā nādṛṣṭamātranimitto viśeṣaṇaviśeṣyatvapratyayo 'numantavyaḥ, tasya dravyādipratyayavadbahirarthaviśeṣaviṣaya- 
AS-VDh 216,10	tvasyāvaśyam āśrayaṇīyatvāt | tathā cānavasthānāt kutaḥ saṃyogibhyāṃ saṃyogo 'rthāntarabhūtaḥ samavāyavṛttyā 
AS-VDh 216,11	tayor iti vyapadiśyet ? sa eva ca sthātyāṃ dadhno vṛttir iti na tenānaikāntiko hetuḥ syāt | tata 
AS-VDh 216,12	eva na viruddhaḥ, sarvathārthāntarabhūtasya kvacid vṛttyupalabdher abhāvāt | tato niravadyam idam anumānaṃ bhedapakṣasya 
AS-VDh 216,13	bādhakam | iti tatra pravartamāno hetuḥ kālātyayāpadiṣṭa eva, pratyakṣaviruddhatvāc ca pakṣasyāvayavāvayavyā- 
AS-VDh 216,14	dīnāṃ kathaṃcit tādātmyasyaiva sākṣātkaraṇāt | nanv evam api vṛtter doṣo yathopavarṇitaḥ syādvādināṃ prasajyate 
AS-VDh 216,15	iti cen nāyaṃ prasaṅgo 'nekānte, kathaṃcit tādātmyād vedyavedakākārajñānavat | yathaiva hi jñānasya vedya- 
AS-VDh 216,16	vedakākārābhyāṃ tādātmyam aśakyavivecanatvāt kim ekadeśena sarvātmanā veti vikalpayor na vijñānasya sāva- 
AS-VDh 216,17	yavatvaṃ bahutvaṃ vā prasajyate 'navasthā vā, tathāvayavyāder apy avayavādibhyas tādātmyam aśakyavivecanatvād eva naika- 
AS-VDh 216,18	deśena pratyekaṃ sarvātmanā vā yatas tāthāgataḥ sarvathā bhede ivāvayavāvayavyādīnāṃ kathaṃcit tādātmye 'pi 
AS-VDh 216,19	vṛttiṃ dūṣayet | 
AS-VDh 216,20	etena vaiśeṣiko 'pi na kathaṃcit tādātmye vṛttivikalpādidūṣaṇam āpādayitum īśaḥ, sāmānyaviśeṣavat tatra 
AS-VDh 217,01	tadanavakāśāt | na hy aparasamānyaṃ vyāvṛttibuddhihetutvād viśeṣākhyām api labhamānam apahnotuṃ śakyaṃ, tasya 
AS-VDh 217,02	sāmānyaikarūpatve 'paraviśeṣābhāvaprasaṅgāt, tadaparaviśeṣarūpatve 'parasāmānyābhāvāpatteḥ, tadubhayarūpatve sāmā- 
AS-VDh 217,03	nyaviśeṣarūpayoḥ kathaṃcit tādātmyasyaivābhyupagamanīyatvāt, tadekārthasamavāyasya kathaṃcid ekadravyatādātmyā- 
AS-VDh 217,04	d aparasyāsaṃbhavāt, sāmānyasyaivānuvṛttavyāvṛttapratyayahetutvena sāmānyaviśeṣobhayākārasyeṣṭatvāc ca | na 
AS-VDh 217,05	tayor ākārayor anyatraikārthe samavāyaḥ parasparaṃ vā śakyo vaktuṃ, yatas tadvad avayavāvayavyādīnāṃ kathaṃcit tādātmyaṃ 
AS-VDh 217,06	vṛttiḥ prakṛtadūṣaṇopadrutā syāt | kiṃ cāvathavādibhyo 'vayavyādīnām atyantabhedo deśakālābhyām api 
AS-VDh 217,07	bhedaḥ syāt | 
ĀM-VDh 63ab		deśakālaviśeṣe 'pi syad vṛttir yutasiddhavat | 
ĀM-VDh 63cd		samānadeśatā na syān mūrtakāraṇakāryayoḥ | 63 | 
AS-VDh 217,10	nanv ātmākāśayor atyantabhede 'pi deśakālābhyāṃ bhedābhāvān na tataḥ kāryakāraṇādīnāṃ tadbhedaḥ sidhyati, yato 
AS-VDh 217,11	yutasiddhavadvṛttiḥ syād iti cen na, tayor api saddravyatvādinā bhedābhāvād atyantabhedāsiddher abhinnadeśakālatvāvi- 
AS-VDh 217,12	rodhāt | parasyāpi sarvamūrtimaddravyeṣu yugapatsaṃyogavṛtter abhyupagamāt tayor atyantabhedāniṣṭer deśakālābhyām abhedā- 
AS-VDh 217,13	virodhe tathaivāvayavāvayavyādes tābhyām abhedos tv aviruddhaḥ | sa ca kathaṃcid abhedasādhanaḥ syāt | na cā sā 
AS-VDh 217,14	viṣyate, apasiddhāntaprasaṅgāt | tasmād aṅgāṅgyāder atyantabhedāt taddeśakālaviśeṣeṇāpi vṛttiḥ prasajyeta 
AS-VDh 217,15	ghaṭavṛkṣavat | varṇādibhir anaikāntikatvam ity ayuktaṃ, tadvyatirekaikāntānabhyupagamāt | yathaiva hi 
AS-VDh 217,16	varṇarasagandhasparśānāṃ svāśrayād atyantabhedo neṣṭo dṛṣṭo vā tathā parasparato 'pīti | nāpy etaiḥ pakṣaikadeśātmabhir vya- 
AS-VDh 217,17	bhicāro nāmātiprasaṅgāt | yadi punaḥ kāryakāraṇādīnāṃ samānadeśakālatvam urarīkriyate tathaiva siddhāntā- 
AS-VDh 217,18	vadhāraṇād iti mataṃ tadāpy avayavāvayavinoḥ samānadeśo vṛttir na bhavet, mūrtimattvāt kharakarabhavat, 
AS-VDh 217,19	mūrtayoḥ samānadeśatvavirodhāt | vātātapayoḥ samānadeśatvadarśanād avirodha iti cen na, tayoḥ svāvayavade- 
AS-VDh 217,20	śayor avayavinor abhyupagamāt | tantupaṭayor api svāvayavadeśatvāt samānadeśatvābhāvo na doṣa iti cen na, paramā-
AS-VDh 218,01	ṇudvyaṇukayor bhinnadeśatvābhāvāt samānadeśatvam api na bhaved iti doṣodbhāvanāt | dvyaṇukasya paramāṇudeśatvāt pa- 
AS-VDh 218,02	ramāṇor anaṃśasyāpyāśrayāntarasthatvāt tayor asamānadeśataiveti cen na, tathā laukikadeśāpekṣayā samānadeśatvopaga- 
AS-VDh 218,03	masya prasaṅgāt | sa ca mūrtayor na bhaved iti sūktam eva dūṣaṇam | katham evam anekāntavādinām ekākāśapradeśe 
AS-VDh 218,04	'saṃkhyeyādiparamāṇūnām avasthānaṃ na virudhyate iti cet, tathāvagāhanaviśeṣād ekatvapariṇāmād iti brūmahe | 
AS-VDh 218,05	na hy ekaṃ mūrtimaddravyam ekatra deśe 'vatiṣṭhamānaṃ viruddhaṃ nāma, atiprasaṅgāt | saṃyogamātreṇa tu sthitānām ekatvapa- 
AS-VDh 218,06	riṇāmanirutsukānāṃ naikākāśapradeśe 'vasthānam avagāhanaviśeṣābhāvād anekākāśapradeśavṛttitvasiddheḥ | iti 
AS-VDh 218,07	syādvādināṃ na kiṃcid viruddham | syān matam, 
ĀM-VDh 64ab		āśrayāśrayibhāvān na svātantryaṃ samavāyinām | 
ĀM-VDh 64cd		ity ayuktaḥ sa saṃbandho na yuktaḥ samavāyibhiḥ | 64 | 
AS-VDh 218,10	samavāyena kāryakāraṇādīnāṃ parasparaṃ pratibandhāt kutaḥ svātantryaṃ yato deśakālādibhedena 
AS-VDh 218,11	vṛttir iti cet, sa tarhi samavāyiṣu samavāyāntareṇa vartate svato vā ? samavāyasya samavāyāntareṇa 
AS-VDh 218,12	vṛttāv anavasthāprasaṅgāt, svato vṛttau dravyādes tathopapatteḥ samavāyavaiyarthyāt kāryakāraṇādīnāṃ kutaḥ 
AS-VDh 218,13	pratibandhaḥ ? yadi punar anāśritatvāt pratibandhāntarānapekṣa iṣyate tadāpy asaṃbaddhaḥ samavāyaḥ kathaṃ 
AS-VDh 218,14	dravyādibhiḥ saha varteta, yataḥ pṛthaksiddhir na syāt ? tasmād ayuktaḥ saṃbandho na yuktaḥ samavāyibhiḥ | 
AS-VDh 218,15	na hy apratibaddha eva samavāyibhiḥ samavāyaḥ saṃbandho yuktimān, kālāder api saṃbandhatvaprasaṅgāt | saṃbaddha 
AS-VDh 218,16	eva hi svasaṃbandhibhiḥ saṃyogaḥ saṃbandho dṛṣṭastasya taiḥ kathaṃcit tādātmyasaṃbandhāt | samavāyo 'pi viśeṣa- 
AS-VDh 218,17	ṇaviśeṣyabhāvasaṃbandhāt samavāyibhiḥ saṃbaddha iti cen na, tasyāpi viśeṣaṇaviśeṣyabhāvāntareṇa svasaṃbandhibhiḥ 
AS-VDh 218,18	saṃbandhe 'navasthāprasaṅgāt, anyathā saṃbandhatvavirodhāt | tasya saṃbandhibhiḥ kathaṃcit tādātmye kāryakāraṇā- 
AS-VDh 218,19	dīnām api tad evāstu | kiṃ samavāyena padārthāntarabhūtena sattāsāmānyeneva kalpitena ? phalābhāvāt | 
AS-VDh 219,01	prāgasataḥ sattāsamavāyāt kāryasyotpatteḥ saphalam eva tatparikalpanam iti cen nānutpannasya sattāsamavāyasaṃbha- 
AS-VDh 219,02	vāt, utpannasyāpi tadvaiyarthyāt, svarūpalābhasyaiva svarūpasattātmakatvāt, svarūpeṇāsataḥ sattāsaṃbandhe 
AS-VDh 219,03	'tiprasaṅgāt | yadi punar utpadyamānam eva kāryaṃ sattāsamavāyīṣyate, prāgasataḥ sattāsamavāya utpāda 
AS-VDh 219,04	iti vacanāt, kevalasya samavāyasya sattāsāmānyavannityatvād utpāda iti jñānābhidhānāhetutvād iti 
AS-VDh 219,05	mataṃ tadā —
ĀM-VDh 65ab		sāmānyaṃ samavāyaś cāpy ekaikatra samāptitaḥ | 
ĀM-VDh 65cd		antareṇāśrayaṃ na syān nāśotpādiṣu ko vidhiḥ || 65 || 
AS-VDh 219,08	yeṣāṃ paramārthataḥ sāmānyasyāśritatvam upacārāt samavāyasya samavāyiṣu tatrāpratibaddhatvād asaṃbaddhatvaṃ, 
AS-VDh 219,09	tadupacāranimittaṃ tu samavāyiṣu satsu tasyehedam iti pratyayakāritvam iti mataṃ teṣāṃ pratyekaṃ parisamāpte- 
AS-VDh 219,10	r āśrayābhāve sāmānyasamavāyayor asaṃbhavād utpattivipattimatsu kathaṃ vṛttiḥ ? kvacid ekatra nityātma- 
AS-VDh 219,11	nyāśraye sarvātmanā vṛttaṃ sāmānyaṃ samavāyaś ca tāvat | 'utpitsupradeśe prāgnāsī danāśritatvaprasaṅgāt' 
AS-VDh 219,12	nānyato yāti sarvātmanā pūrvādhārāparityāgād anyathā tadabhāvaprasaṅgāt, nāpy ekadeśena, sāṃśatvābhāvāt, 
AS-VDh 219,13	svayam eva paścād bhavati svapratyayakāritvāt, āśrayavināśe ca na naśyati nityatvāt, pratyekaṃ parisa- 
AS-VDh 219,14	māptaṃ ca' iti vyāhatam etat | syān mataṃ 'sattāsāmānyaṃ tāvad dravyādiṣu pratyekaṃ parisamāptaṃ, satpratyayāvi- 
AS-VDh 219,15	śeṣāt | sarvatrāsti ca, satpratyayāvicchedāt | samavāyo 'pi sarvatra vidyate, samavāyināṃ śaśvadavicchedā- 
AS-VDh 219,16	n nityānāṃ, janmavināśavatāṃ tu keṣāṃcid utpitsu deśeṣūtpadyamānānām eva sattāsamavāyitvasiddheḥ 'niṣṭhāsaṃbandha-
AS-VDh 220,01	yor ekakālatvāt' iti vacanāt | prakṛtadūṣaṇānavakāśaḥ, sattāsamavāyayoḥ prāgasattvābhāvāt tatrānyataś cā- 
AS-VDh 220,02	gamanasya sarvātmanaikadeśena vānabhyupagamāt paścādbhavanāniṣṭeḥ śāśvatikatvāc ca' iti tad etad api vyāhatataraṃ, 
AS-VDh 220,03	sarvagatasya sāmānyasya samavāyasya caikasya svāśrayeṣu pratyekaṃ parisamāpter asaṃbhavāt tadbahutvāpatter āśrayasva- 
AS-VDh 220,04	rūpavat | na ca sarvatrāvicchedāt tadekatvaṃ, tadasiddheḥ prāgabhāvādiṣu sattāsamavāyāsaṃbhavād vicchedopalambhāt | 
AS-VDh 220,05	prāgabhāvādīnāṃ sarvadā bhāvaviśeṣaṇatvān na tatra tadviccheda iti cen naivam abhāvasyāpi sarvagatatvaikatvaprasaṅgāt, 
AS-VDh 220,06	sarvatrāsatpratyayāviśeṣād avicchedāviśeṣāc ca | yathaiva hi dravyādiṣu satpratyayo 'viśiṣṭas tathā pararūpato 
AS-VDh 220,07	'satpratyayaś ca | yathā cābhāvasya śaśvadbhāvaparatantratvaṃ tathā bhāvasyābhāvaparatantratvam api tadavicchedasādhanaṃ, 
AS-VDh 220,08	pararūpeṇāsata eva bhāvasya pratīter anyathā sarvasāṅkaryaprasaṅgād bhāvaviśeṣavyavasthitivirodhāt | nanv abhāva- 
AS-VDh 220,09	syaikatve kāryasya janmani prāgabhāvābhāve pradhvaṃsetaretarātyantābhāvānām apy abhāvaprasaṅgād anantasarvātmakatvā- 
AS-VDh 220,10	tyantābhāvāpattiḥ | pradhvaṃsasya cābhāve 'nutpannasya kāryasya prāgabhāvasyāpy abhāvād anāditvaprasaṅgaḥ prāk paścā- 
AS-VDh 220,11	ditaretarātyantaviśeṣaṇānupapattiś ca tadabhedāt | iti kaścit tasyāpi kathaṃ sattvaikatve samavāyaikatve ca 
AS-VDh 220,12	kasyacit sattāsamavāye sarvasya sa na bhavet ? tathā sati bhāvasyotpatteḥ prāg api pradhvaṃsasamaye 'py abhāvāntare 'pi 
AS-VDh 220,13	cātyantasattvasiddheḥ kutaḥ prāgabhāvādibhedasya vyavasthā syāt ? pratyayaviśeṣāt tadvyavasthāyāṃ sattāsamavāyasya 
AS-VDh 220,14	bhedavyavasthās tu tata eva | na hi pradhvaṃsāt prākkāryasya sattāsamavāyaḥ prāgabhāvāt paścāditarasmād itaratretyā- 
AS-VDh 220,15	dipratyayaviśeṣo 'siddhaḥ parīkṣakāṇāṃ, yataḥ sattāsamavāyayor anekatvaṃ na syāt | yadi punaḥ prākkālādivi- 
AS-VDh 220,16	śeṣaṇāny eva bhidyante samavāyinaś ca, na punaḥ sattā samavāyaś ceti mataṃ tadā katham abhāvo 'pi bhidyeta ? 
AS-VDh 220,17	tadviśeṣaṇānām eva bhedāt | viruddhadharmādhyāsāt tadbhede sattāsamavāyabhedo 'pi tata eva | tato viśvarūpā 
AS-VDh 220,18	sattāstu asattāvat | tathā samavāyo 'pi | na caivam ekatvavirodhaḥ sattāyāḥ saṃbhāvanīyo, viśeṣato 'nekatve 'pi 
AS-VDh 220,19	sāmānyārpaṇād ekatvāvirodhāt, sadviśeṣeṣv eva satsāmānyapratīter asadviśeṣeṣv asatsāmānyapratītivat | 
AS-VDh 221,01	samavāyaviśeṣeṣu samavāyasāmānyapratītiś ca na viruddhā, saṃyogaviśeṣeṣu tatsāmānyapratītivat | iti 
AS-VDh 221,02	sarvaṃ sāmānyaviśeṣātmakaṃ siddham | na ca sāmānyasya viśeṣasya caikaśaḥ sāmānyaviśeṣātmakatve 'navasthā- 
AS-VDh 221,03	nam anyathā sarvaṃ sāmānyaviśeṣātmakam iti pratijñā hīyate, tayor anyonyātmakatvasiddher dravyārthārpaṇayā paraspa- 
AS-VDh 221,04	rato bhedāc ca paryāyārthārpaṇayā sāpekṣatvamātrasya tayor iṣṭeḥ | sāmānyasya hi svaviśeṣād apoddhṛtasya viśe- 
AS-VDh 221,05	ṣāntarātmakatve viśeṣasya ca svasāmānyānnirdhāritasya sāmānyāntarātmakatve 'navasthā syān nānyathā | bhinnasya 
AS-VDh 221,06	ca sāmānyasya viśeṣād viśeṣasya ca sāmānyād itaranirapekṣatve pratijñāhāniḥ prasajyate, na punar itarathā | 
AS-VDh 221,07	iti syādvādināṃ sarvaṃ sustham | vaiśeṣikāṇāṃ tu tadubhayaprakārānabhyupagamād uktadoṣānuṣaṅga eva | 
AS-VDh 221,08	teṣāṃ hi —
ĀM-VDh 66ab		sarvathānabhisaṃbandhaḥ sāmānyasamavāyayoḥ | 
ĀM-VDh 66cd		tābhyām artho na saṃbaddhas tāni trīṇi khapuṣpavat || 66 | 
AS-VDh 221,11	samanuṣajyante iti śeṣaḥ | tathā hi | sāmānyasamavāyayoḥ parasparataḥ saṃbandhāsaṃbhavāt tābhyā- 
AS-VDh 221,12	m artho 'pi na saṃbaddhaḥ | kutas tayor anabhisaṃbandha iti cet saṃyogasya samavāyasya cānabhyupagamāt, sāmānyaṃ 
AS-VDh 221,13	samavāyīti viśeṣaṇaviśeṣyabhāvasya cāsaṃbhavād anavasthāprasaṅgāc ca | tathaikārthasamavāyasya cānavakāśāt 
AS-VDh 221,14	samavāyasya kvacid asamavāyāt saṃbandhāntarāniṣṭeḥ sarvathānabhisaṃbandhas tāvat siddha eva | tataḥ parasparato 'na- 
AS-VDh 221,15	bhisaṃbandhābhyāṃ sāmānyasamavāyābhyām artho 'pi dravyaguṇakarmalakṣaṇo na saṃbaddhaḥ śakyate vaktuṃ, yatas tatra 
AS-VDh 221,16	sattāsamavāyaḥ syāt | tatas trīṇy api nātmānaṃ bibhṛyuḥ kurmaromādivat | parasparamasaṃbaddhāni hy arthasama- 
AS-VDh 221,17	vāyasāmānyāni na santy eva | na cāsatāṃ kartṛtvam | nāpi kaścid ātmā saṃbhavati yasya karmatvam | na ca 
AS-VDh 221,18	kartṛkarmatvābhāve tāny ātmānaṃ bibhṛyur iti śakyaṃ vaktuṃ, kartari liṅo vidhānāt karmaṇi vibhaktinirdeśāc ca | 
AS-VDh 221,19	syān mataṃ 'parasparamasaṃbaddhānām api svarūpasattvaprasiddher nārthasamavāyasāmānyānām asattvam | kūrmaromādīnāṃ 
AS-VDh 221,20	svarūpasattvābhāvāc ca viṣamo 'yam upanyāsaḥ' iti tad ayuktaṃ, dravyaguṇakarmaṇāṃ svarūpasattvopagame sattāsamavāyasya 
AS-VDh 221,21	vaiyarthyāt sāmānyādivat, sāmānyādīnāṃ vā sattāsaṃbandhaprasaṅgād dravyādivat, teṣāṃ svarūpasattvānupagame 
AS-VDh 221,22	kūrmaromādibhyo viśeṣābhāvāt sama evopanyāsa iti nirūpaṇāt | kathaṃ cārthāntarabhūtāyāṃ sattāyāṃ 
AS-VDh 222,01	samavāyavatsarvathānabhisaṃbaddhāyāṃ dravyaguṇakarmaṇāṃ sattvaṃ na punaḥ kūrmaromādīnām ? iti cintyam | 
AS-VDh 222,02	kathaṃ ca sattāsāmānyaṃ sarvathā samavāyasaṃbaddhaṃ dravyādiṣu samavāyi na punaḥ samavāyas tatra samavāyī samavā- 
AS-VDh 222,03	yāntareṇāsaṃbaddha iti buddhyāmahe ? samavāyasaṃbaddhatvābhāvāviśeṣāt, satāpi hi samavāyena sāmānyasyā- 
AS-VDh 222,04	saṃbaddhatvaṃ samavāyāntareṇa punar asatā samavāyasyeti tatsadasattvābhyām asaṃbaddhatvasya viśeṣayitum aśakteḥ | na 
AS-VDh 222,05	ca kaścit saṃbandhaḥ svasaṃbandhibhyām asaṃbaddha eva tau ghaṭayitum alaṃ, saṃyogasyāpi svasaṃyogibhyām asaṃbaddhasyaiva 
AS-VDh 222,06	tayor ghaṭakatvaprasaṅagāt | na caivam iṣyate siddhāntavirodhāt | tato na kāryakāraṇayor guṇaguṇinoḥ sāmānya- 
AS-VDh 222,07	tadvator vānyataikānte tadbhāvo yukto 'kāryakāraṇādivat, samavāyād arthāntarabhāvaniyamāc ca | tadvatsamavāyo 'pi 
AS-VDh 222,08	na teṣāṃ parasparaṃ ghaṭanakārī sarvathānabhisaṃbaddhatvāt tādṛgarthāntaravat | tataś cāsan samavāyo 'narthakriyākā- 
AS-VDh 222,09	ritvāt kūrmaromādivat | sāmānyaṃ cāsat tata eva tadvat | na hi tadarthair asaṃbaddhaṃ svaviṣayajñānotpāda- 
AS-VDh 222,10	nalakṣaṇām apy arthakriyāṃ kartuṃ prabhavati yato 'siddho hetuḥ syāt | tathā na santi dravyādīni sattāsamavāya 
AS-VDh 222,11	rahitatvāttadvat | sāmānyādibhir vyabhicāra iti cen na, teṣām api paramārthataḥ sattvānabhyupagamāt | na copaca- 
AS-VDh 222,12	ritasadbhir vyabhicāracodanopapattimatī, paramārthasattvābhāvasādhanasyātiprasaṅgāt | iti na kāryakāraṇādī- 
AS-VDh 222,13	nām anyataikāntaḥ śreyān, pramāṇābhāvād ananyataikāntavat | 
AS-VDh 222,14	aparaḥ prāha, mā bhūt kāryakāraṇādīnām anyataikāntaḥ paramāṇūnāṃ tu nityatvāt sarvāsvavasthāsvanyatvābhā- 
AS-VDh 222,15	vād ananyataikānta iti taṃ prati saṃpratyabhidhīyate | 
ĀM-VDh 67ab		ananyataikānteṇūnāṃ saṃghāte 'pi vibhāgavat | 
ĀM-VDh 67cd		asaṃhatatvaṃ syād bhūtacatuṣkaṃ bhrāntir eva sā | 67 | 
AS-VDh 222,18	yathaiva hi vibhāge sati paramāṇavo 'saṃhatātmānas tathā saṃghātakāle 'pi syuḥ, sarvathānyatvābhāvād anyatve 
AS-VDh 222,19	teṣām anityatvaprasaṅgāt | saṃghātakāle kāryasyotpattes tadasamavāyikāraṇasvasaṃyogasvabhāvaṃ saṃhatatvaṃ bhavaty eveti 
AS-VDh 222,20	cen na, teṣām atiśayānutpattau saṃyogasyaivāsaṃbhavāt pṛthivyādibhūtacatuṣkasyāvayavilakṣaṇasya bhrāntatvaprasaṅgāt | 
AS-VDh 222,21	karmaṇo 'tiśayasya prasūteḥ saṃyogaḥ paramāṇūnām iti cen na, kathaṃcid anyatvābhāve tadayogāt | kṣaṇikatvāt para-
AS-VDh 223,01	māṇūnām adoṣa iti cet tathāpi kāryakāraṇāder abhedaikānte dhāraṇakarṣaṇādayaḥ paramāṇūnāṃ saṃghāte 'pi mā 
AS-VDh 223,02	bhūvan vibhāgavat | vibhaktebhyaḥ paramāṇubhyaḥ saṃhataparamāṇūnāṃ viśeṣasyotpatter dhāraṇākarṣaṇādayaḥ saṃgacchante 
AS-VDh 223,03	evādhomukhasodakakamaṇḍaluvadvaṃśarajjvādivac ceti cet sa tarhi teṣāṃnāhito 'pi viśeṣo vibhāgaikāntaṃ nirā- 
AS-VDh 223,04	karoti, tannirākaraṇe paramāṇutvavirodhād ekatvapariṇāmātmakaskandhasyotpatteḥ | pravibhaktaparamāṇubhyaḥ saṃhatapara- 
AS-VDh 223,05	māṇūnām aviśiṣṭatvalakṣaṇānanyatvāsaṃbhavāt saṃhatānāṃ dhāraṇākarṣaṇādisāmarthyaṃ viśeṣo na punar aparamāṇutvaṃ, 
AS-VDh 223,06	yenāviśeṣaḥ kāryakāraṇaparamāṇūnāṃ na bhaved iti cen na, sarvathā tadaviśeṣe tatsāmarthyasyaivāyogāt pravibhakta- 
AS-VDh 223,07	paramāṇūnām api tatprasaṅgāt | pravibhaktatvād eva na teṣāṃ tatsāmarthyam iti cet, tata evānyatrāpi tan neṣyate, 
AS-VDh 223,08	kenacid api viśeṣāntareṇa tadvibhaktatvānirākaraṇāt | pṛthivyādibhūtacatuṣṭayasthitir evaṃ vibhramamātraṃ 
AS-VDh 223,09	prāpnoti, sarvadā paramāṇutvāviśeṣāt | iṣṭatvād adoṣa iti cen na pratyakṣādivirodhāt | pratyakṣaṃ hi 
AS-VDh 223,10	bahirvarṇasaṃsthānādyātmakaṃ sthavīyāṃsam ākāramantaś ca harṣādyanekavivartātmakam ātmānaṃ sākṣātkurvadbhrāntaṃ cet kim a- 
AS-VDh 223,11	nyad abhrāntaṃ yat pratyakṣalakṣaṇaṃ bibhṛyāt ? pratyakṣābhāve ca kuto 'numānaṃ na virudhyate ? na ca pratyakṣādivirodhe 
AS-VDh 223,12	svasaṃvedanamātram api sidhyet, sarvadā saṃvitparamāṇumātrasyāsaṃvedanāt | na ca kāryasya bhrāntau paramāṇusi- 
AS-VDh 223,13	ddhis tattvataḥ syād ity ucyate | 
ĀM-VDh 68ab		kāryabhrānter aṇubhrāntiḥ kāryaliṅgaṃ hi kāraṇam | 
ĀM-VDh 68cd		ubhayābhāvatas tatsthaṃ guṇajātītarac ca na | 68 | 
AS-VDh 223,16	pratyakṣataḥ paramāṇūnāṃ prasiddher nāṇubhrāntir iti cen na, teṣām apratyakṣatvāt | tathā hi | cakṣurādibuddhau 
AS-VDh 223,17	sthūlaikākāraḥ pratibhāsamānaḥ paramāṇubhedaikāntavādaṃ pratihanti tadviparītānupalabdhir vā | tatrai- 
AS-VDh 223,18	tatsyādbhrāntaikatvādipratipattir iti tan na, paramāṇūnāṃ cakṣurādibuddhau svabhāvam anarpayatāṃ kāryaliṅgābhā- 
AS-VDh 223,19	vāt tatsvabhāvābhyupagamānupapatteḥ, praviralavakulatilakādīnāṃ jātucitpratyakṣato 'pratipattāvanekākārapratibhā- 
AS-VDh 223,20	sasya ca bhrāntatve tatsvabhāvābhyupagamānupapattivat | kāryaliṅgaṃ hi kāraṇaṃ paramāṇurūpam | tat kathaṃ kāryasya bhrāntau 
AS-VDh 224,01	bhrāntaṃ na bhavet ? paramāṇūnāṃ kāryasya cānabhyupagame taddvayābhāvāt tadvṛttayo jātiguṇakriyādayo na 
AS-VDh 224,02	syur vyomakusumasaurabhavat | tad dhi guṇajātirūpādisattādisvabhāvam itarac ca kriyāviśeṣasamavāyākhyaṃ paramā- 
AS-VDh 224,03	ṇuvṛtti vā syāt kāryadravyavṛtti vā, na ca tadubhayāsaṃbhave 'bhyupagantuṃ yuktaṃ, gaganakusumasyābhāve 'pi tadvṛtti- 
AS-VDh 224,04	saurabhābhyupagamaprasaṅgāt | tatas tadabhyupagacchatā kāryadravyam abhrāntam abhyupagantavyam | tac ca paramāṇūnāṃ 
AS-VDh 224,05	paramāṇurūpatāparityāgenāvayavirūpatopādāne sati saṃbhāvyate nānyathā | tan na teṣām ananyataikāntaḥ, 
AS-VDh 224,06	kāryotpattau kathaṃcid anyatvopapatteḥ | tataḥ saugatavan na vaiśeṣikāṇāṃ svamatasiddhiḥ | 
AS-VDh 224,07	sāṅkhyānāṃ ca kāryakāraṇayoḥ —
ĀM-VDh 69ab		ekatve 'nyatarābhāvaḥ śeṣābhāvo 'vinābhuvaḥ | 
ĀM-VDh 69cd		dvitvasaṃkhyāvirodhaś ca saṃvṛttiś cen mṛṣaiva sā || 69 || 
AS-VDh 224,10	kāryasya hi mahadādeḥ kāraṇasya ca pradhānasya parasparam ekatvaṃ tādātmyam | tasminn abhyupagamyamāne 'nyatara- 
AS-VDh 224,11	syābhāvaḥ syāt | tataḥ śeṣasyāpy avinābhuvo 'bhāvaḥ | iti sarvābhāvaḥ prasajyate | yadi punaḥ kāryasya 
AS-VDh 224,12	kāraṇe 'nupraveśāt pṛthagabhāve 'pi kāraṇam ekam āste eva nityatvād iti mataṃ tadā dvitvasaṃkhyāvirodho 'pi, sarvathai- 
AS-VDh 224,13	katve tadasaṃbhavāt kāryakāraṇabhāvādivat | saṃvṛtir eva dvitvasaṃkhyā tatreti cet tarhi mṛṣaiva sā tadvad eva 
AS-VDh 224,14	prasaktā | tathā ca kutaḥ pradhānasyādhigatiḥ ? na tāvat pratyakṣāt, tasya tadaviṣayatvāt | nāpy anumānāt, 
AS-VDh 224,15	abhrāntasya liṅgasyābhāvāt | na cāgamāt, śabdasyāpi bhrāntatvopagamāt | na ca bhrāntāl liṅgāder abhrā- 
AS-VDh 224,16	ntasādhyasiddhir atiprasaṅgāt | evaṃ puruṣacaitanyayor āśrayāśrayiṇor ekatve tadanyatarābhāvaḥ | puruṣe caitanyā- 
AS-VDh 224,17	nupraveśe puruṣamātrasya, tasya vā caitanyānupraveśe caitanyamātrasya prasakteḥ siddhas tāvat tadanyatarasyābhāvaḥ 
AS-VDh 224,18	pareṣām | tataḥ śeṣābhāvas tatsvabhāvāvinābhāvitvād bandhyāsutarūpasaṃsthānavat | yathaiva hi bandhyā- 
AS-VDh 224,19	sutarūpasyābhāve na tasya saṃsthānaṃ saṃsthānisvabhāvāvinābhāvitvāt | tathā puruṣasyāśrayasyābhāve caitanyasyā- 
AS-VDh 224,20	śrayiṇo 'py abhāvas tadabhāve puruṣasyāpy abhāvaḥ, tatsvabhāvāvinābhāvāt | tathā sati dvitvasaṃkhyāpi na 
AS-VDh 224,21	syāt, puruṣacaitanyayor ekatvam iti | tatra saṃvṛtikalpanā śūnyatvaṃ nātivartate, paramārthaviparyayā- 
AS-VDh 224,22	d vyalīkavacanārthavat, paramārthataḥ saṃkhyāpāye saṃkhyeyāvyavasthānāt sakaladharmaśūnyasya kasyacid vastuno 
AS-VDh 224,23	'saṃbhavāt | tan na kāryakāraṇādīnām ananyataikāntaḥ saṃbhavaty anyataikāntavat | 
ĀM-VDh 70ab		virodhān nobhayaikātmyaṃ syādvādanyāyavidviṣām | 
ĀM-VDh 70cd		avācyataikānte 'py uktir nāvācyam iti yujyate || 70 || 
AS-VDh 225,03	avayavetarādīnāṃ vyatirekāvyatirekaikāntau na vai yaugapadyena saṃbhavinau virodhāt | tathānabhilā- 
AS-VDh 225,04	pyataikānte svavacanavirodhas tadabhilāpyatvāt | anabhilāpyataikāntasyāpy anabhilāpyatve kutaḥ parapratipā- 
AS-VDh 225,05	danam ? tadvacanāc cet katham anabhilāpyataikāntaḥ ? paramārthato na kaścid vacanāt pratipādyate iti cet svayam avācya- 
AS-VDh 225,06	tāpratipattiḥ katham ? vastuni vācyatānupalabdheś cet sā yadi dṛśyānupalabdhis tadā siddhā kvacid vācyatā | 
AS-VDh 225,07	no cen nāsti tadabhāvaniścayo 'tiprasaṅgāt | vikalpapratibhāsiny anyāpohe pratipannāyā eva vācyatāyāḥ 
AS-VDh 225,08	svalakṣaṇe pratiṣedhād adoṣa iti cen na, vastuvācyatāyāḥ pratiṣedhāyogāt, tadanyāpohamātravācyatāyā eva 
AS-VDh 225,09	pratiṣedhāt | na cānyāpohavācyataiva vastuvācyatā tatpratiṣedhāvirodhāt | nirastaprāyaś cāyam avācyataikānta 
AS-VDh 225,10	ity alaṃ prasaṅgena | 
AS-VDh 225,11	syādvādābhyupagame tu na doṣaḥ, kathaṃcit tathābhāvopalabdheḥ | sarvaṃ hi vastu vyañjanaparyāyātma- 
AS-VDh 225,12	katayā vācyam arthaparyāyātmakatvenāvācyam iti syādvādibhir vyavasthāpyate, anyathā pramāṇābhāvāt | 
AS-VDh 225,13	tad evam avayavāvayavyādīnām anyatvādyekāntaṃ nirākṛtyādhunā tadanekāntaṃ sāmarthyasiddham api durāśaṅkāpano- 
AS-VDh 225,14	dārthaṃ dṛḍhataraṃ niścicīṣavaḥ sūrayaḥ prāhuḥ | 
ĀM-VDh 71ab		dravyaparyāyayor aikyaṃ tayor avyatirekataḥ | 
ĀM-VDh 71cd		pariṇāmaviśeṣāc ca śaktimacchaktibhāvataḥ || 71 || 
ĀM-VDh 72ab		saṃjñāsaṃkhyāviśeṣāc ca svalakṣaṇaviśeṣataḥ | 
ĀM-VDh 72cd		prayojanādibhedāc ca tannānātvaṃ na sarvathā || 72 || 
AS-VDh 225,19	guṇisāmānyopādānakāraṇānāṃ dravyaśabdād grahaṇam | guṇavyaktikāryadravyāṇāṃ paryāyaśabdāt | tad evaṃ 
AS-VDh 225,20	dravyaparyāyāv ekaṃ vastu, pratibhāsabhede 'py avyatiriktatvāt | yat pratibhāsabhede 'py avyatiriktaṃ tad ekaṃ, yathā 
AS-VDh 225,21	vedyavedakajñānaṃ rūpādidravyaṃ vā mecakajñānaṃ vā | tatā ca dravyaparyāyau na vyatiricyete | tasmād ekaṃ 
AS-VDh 225,22	vastv iti mantavyam | paryāyād avāstavād vyatiriktam eva dravyaṃ vāstavam ekeṣām | dravyād avāstavād vyatirikta eva 
AS-VDh 225,23	paryāyo vāstavaḥ pareṣām | tato 'siddho hetur iti na mantavyaṃ, tadanyatarāpāye 'rthasyānupapatteḥ | tathā hi 
AS-VDh 226,01	na dravyaṃ kevalam arthakriyānimittaṃ kramayaugapadyavirodhāt kevalaparyāyavat | paryāyo vā na kevalo 'rthakriyāhe- 
AS-VDh 226,02	tus tata eva kevaladravyavat | kramayaugapadyavirodhas tatrāsiddha iti cen na, dravyasya paryāyasya vā sarvathaikasvabhā- 
AS-VDh 226,03	vasya kramayaugapadyādarśanāt, anekaparyāyātmana eva dravyasya tadupalambhāt | vāstavatve 'pi dravyaparyāyayor a- 
AS-VDh 226,04	vyatireko 'siddhaḥ, kuṭādidravyād rūpādiparyāyāṇāṃ jñānapratibhāsabhedād ghaṭapaṭādivad iti cen na, tasyaikatvā- 
AS-VDh 226,05	virodhitvāt | upayogaviśeṣād rūpādijñānanirbhāsabhedaḥ svaviṣayaikatvaṃ na vai nirākaroti, sāmagrī- 
AS-VDh 226,06	bhede yugapadekārthopanibaddhaviśadetarajñānavat | tato nāsiddho hetuḥ | nāpi viśeṣaṇaviruddhaḥ, pratibhā- 
AS-VDh 226,07	sabhedasya viśeṣaṇasyāvyatiriktahetunā virodhāsiddheḥ | syān matam 'avyatiriktam aikyam evocyate | tato 'yaṃ 
AS-VDh 226,08	sādhyāviśiṣṭo hetur anityaḥ śabdo nirodhadharmakatvād iti yathā | tato na gamaka' iti tad asat, kathaṃci- 
AS-VDh 226,09	d apy aśakyavivecanatvasyāvyatiriktasya hetutvena prayogāt | vyatirecanaṃ vyatiriktaṃ vivecanam iti yāvat | 
AS-VDh 226,10	na vidyate vyatiriktam anayor ity avyatiriktau | tayor bhāvo 'vyatiriktatvam aśakyavivecanatvam | iti vyutpāda- 
AS-VDh 226,11	nāt tayor aikyam eva vastutvam iti sādhyasyeṣṭatvān na sādhyam eva hetur yato na gamakaḥ syāt | na caitadasiddham aśa- 
AS-VDh 226,12	kyavivecanatvaṃ, vivakṣitadravyaparyāyāṇāṃ dravyāntaraṃ netum aśakyatvasya supratītatvād vedyavedakākārajñānavat 
AS-VDh 226,13	tadākārayor jñānāntaraṃ netum aśakyatvasyaiva tasyābhimatatvāt | tayor ayutasiddhatvād evam iti cet kim idam ayutasi- 
AS-VDh 226,14	ddhatvaṃ nāma ? na tāvad deśābhedaḥ pavanātapayos tatprasaṅgāt | nāpi kālābhedas tata eva | svabhāvābheda iti 
AS-VDh 226,15	cen na sarvathāsau yukto virodhāt | kathaṃcic cet tad evāśakyavivecanatvam | sa evāviṣvagbhāvaḥ samavāya iti 
AS-VDh 226,16	paramatasiddhiḥ, anyathā tasyāghaṭanāt | pṛthaganāśrayāśrayitvaṃ pṛthagagatimattvaṃ cāyutasiddhatvam ity api nāśa- 
AS-VDh 226,17	kyavivecanatvād anyat pratibhāti | tato na sādhyasādhanaśūnyam udāharaṇam api | rūpādidravyaṃ vety apy udāharaṇam upa- 
AS-VDh 226,18	pannaṃ, pratītisiddhatvāt, rūpādidravyayoḥ samavāyasyāśakyavivecanatvasyaivāvyatiriktatvasya sādhanasya sadbhā- 
AS-VDh 226,19	vād aikyasya caikavastutvasya sādhyasya nirṇīteḥ | dharmigrāhakapramāṇena bādhanāt kālātyayāpadiṣṭo hetur ity api na 
AS-VDh 226,20	satyaṃ, tena dharmiṇoḥ kathaṃcid bhinnayor eva grahaṇāt, sarvathā bhinnayor dravyaparyāyatvāsaṃbhavāt sahyavindhyavat | 
AS-VDh 226,21	nanu dravyaparyāyor bhinnayoḥ katham abhedo virodhādiprasaṅgād iti cen na, tathopalambhān mecakajñānavat sāmānya-
AS-VDh 227,01	viśeṣavad vā | na hi tatra virodhavaiyadhikaraṇyasaṃśayavyatikarasaṃkarānavasthā'pratipattyabhāvāḥ prasajyante, teṣāṃ 
AS-VDh 227,02	tathā pratītyāpasāritatvāt | na ca prakṛtayos tathā pratītirasatyā sarvadānyathā pratītyabhāvāt | tad evaṃ sati 
AS-VDh 227,03	virodhādyupālambhaś caturasradhiyāṃ mano manāgapi na prīṇayati varṇāder apy abhāvaprasaṅgāt | dravyam evaikaṃ, 
AS-VDh 227,04	na varṇādayo, vicārāsahatvād varṇādy eva vānekaṃ, na dravyaṃ nāma, tasya vicāryamāṇasya sarvathānupapatter ity eka- 
AS-VDh 227,05	tvānekatvaikāntau nānyonyaṃ vijayete, dūṣaṇasamādhānayoḥ samānatvāt, dvayor api bhāvasvabhāvapratibandhāt | 
AS-VDh 227,06	dravyaikatvasya bhāvasvabhāvasyaikāntikasya pratyakṣādivirodhāt varṇādiparyāyaikāntasvabhāvasya cābādhitapratyabhijñā- 
AS-VDh 227,07	nanirākṛtatvāt siddhaṃ dravyaparyāyayoḥ kathaṃcid aikyam | 
AS-VDh 227,08	bhedaḥ kathaṃ siddhaḥ ? ity ucyate, yat parasparaviviktasvabhāvapariṇāmasaṃjñāsaṃkhyāprayojanādikaṃ tadbhi- 
AS-VDh 227,09	nnalakṣaṇaṃ, yathā rūpādi, tathā ca dravyaparyāyau, tasmād bhinnalakṣaṇāv ity anumānāt parasparaviviktasvabhāva- 
AS-VDh 227,10	pariṇāmau hi dravyaparyāyau, dravyasyānādyanantaikasvabhāvavaiśrasikapariṇāmatvāt, paryāyasya ca sādyantānekasva- 
AS-VDh 227,11	bhāvapariṇāmatvāt | tato nāsiddhaḥ pariṇāmaviśeṣād iti hetuḥ | etena śaktimacchaktibhāvaḥ siddhaḥ 
AS-VDh 227,12	kathitaḥ | parasparaviviktasvabhāvasaṃjñāsaṃkhyāviśeṣau ca dravyaparyāyau, dravye dravyam iti, paryāye paryāya ity a- 
AS-VDh 227,13	nvarthasaṃjñāyāḥ prasiddheḥ ekaṃ dravyam ity ekatvasaṃkhyāyāḥ, paryāyā bahava iti bahutvasaṃkhyāyāś cānupacaritāyāḥ 
AS-VDh 227,14	prasādhanāt | tataḥ saṃjñāsaṃkhyāviśeṣāc cety api nāsiddhaṃ sādhanam | dravyasyaikatvānvayajñānādikāryatvāt 
AS-VDh 227,15	paryāyasyānekatvavyāvṛttipratyayādikāryatvān na tayoḥ parasparaviviktasvabhāvaprayojanatvam asiddham | dravyasya 
AS-VDh 227,16	trikālagocaratvāt paryāyasya vartamānakālatvād bhinnakālatvam api na tayor asiddhaṃ bhinnapratibhāsavat | tataḥ 
AS-VDh 227,17	prasiddhād dhetor bhinnalakṣaṇasya tayoḥ sidhyaty eva | iti svalakṣaṇaviśeṣatas tannānātvaṃ siddham | svam asādhāraṇaṃ 
AS-VDh 227,18	lakṣaṇaṃ svalakṣaṇam | tasya viśeṣo lakṣyāvinābhāvitvaṃ, tata eva tasya lakṣaṇatvopapatteḥ | 
AS-VDh 227,19	nanv asāsādhāraṇaṃ rūpaṃ vastuno lakṣaṇam ity ucyamāne sarvaṃ bhinnaṃ prameyatvād ity anupasaṃhāryasyāpi lakṣaṇatvaprasaṅga 
AS-VDh 228,01	iti cen na, karmatayā pramitijanakatvasya prameyatvasyānupasaṃhāryāsyāpi lakṣaṇatvāvirodhāt sattvavat | sadvastu- 
AS-VDh 228,02	lakṣaṇam, "utpādavyayadhrauvyayuktaṃ sat" iti vacanāt | nanu ca yan na san na tad vastu, yathā śaśaviṣāṇam iti 
AS-VDh 228,03	vipakṣasyāsataḥ siddher nānupasaṃhāryaṃ sattvaṃ, sapakṣavipakṣarahitasya pakṣavyāpino 'nupasaṃhāryatvād iti cet tata eva 
AS-VDh 228,04	prameyatvam apy anupasaṃhāryaṃ mā bhūt, kharaviṣāṇasyāsato bhinnatvānāśrayasya karmatvena pramityajanakasyāprameyasya 
AS-VDh 228,05	vipakṣasya bhāvāt | sarvaśabdena sato 'sataś ca grahaṇān na tasya vipakṣatvam iti cet tarhi sadgrahaṇena bhāvasya bhāvā- 
AS-VDh 228,06	ntarasvabhāvaprāgabhāvādeś ca svīkaraṇāt kasyacit tadvipakṣatvaṃ mā bhūt | parābhyupagatasyānutpādavyayadhrauvyayu- 
AS-VDh 228,07	ktasya vikalpabuddhipratibhāsino vipakṣatve sadasadvargābhāvasya parābhyupagatasyāpramāṇaviṣayasya vipakṣatvam astu 
AS-VDh 228,08	sarvathā viśeṣābhāvāt | iti nānupasaṃhāryasya saṃbhavo, yataḥ pakṣavyāpina evāsādhāraṇasya vastulakṣaṇatvaṃ na 
AS-VDh 228,09	syāt, vidyamānayor avidyamānayor vā sapakṣavipakṣayor asataḥ pakṣavyāpino 'sādhāraṇatvavacanāt | etena pakṣāvyā- 
AS-VDh 228,10	pakasyāsādhāraṇatvaṃ pratyuktaṃ, tasyāsādhāraṇaikadeśatvāl lakṣaṇatvāyogād agner uṣṇatvavat | na hi tat sakalāgni- 
AS-VDh 228,11	vyaktiṣv asti pradīpaprabhādiṣv anudbhūtoṣṇasparśeṣv abhāvāt | na cānudbhūtam api lakṣaṇaṃ yuktam aprasiddhatvāt | yadi 
AS-VDh 228,12	punar uṣṇasparśayogyatvaṃ pāvakasya lakṣaṇaṃ syān na kaścid doṣaḥ pakṣavyāpino 'sādhāraṇatvasiddheḥ | etenāvidyamāne 
AS-VDh 228,13	vipakṣe 'sato 'saṃbhavatsapakṣasyāsādhāraṇatvam upadarśitaṃ pratyeyam | vidyamāne ca sapakṣe 'sato 'saṃbhavadvipakṣasya 
AS-VDh 228,14	pakṣavyāpino 'sādhāraṇasya lakṣaṇatvam aviruddhaṃ śabdasyānityatve śrāvaṇatvavat | na hi tad ghaṭādāv anitye sapakṣe 
AS-VDh 228,15	vidyamāne 'py asti | nāpy asya vipakṣo nityaikāntaḥ saṃbhavati, śabdatvasyāpi sadṛśapariṇāmalakṣaṇasya kathaṃcid ani- 
AS-VDh 228,16	tyatvāt, śabdābhāv asya ca śabdāntarasvabhāvasyetaretarābhāvapradhvaṃsābhāvarūpasyānityatvāt pakṣād anyatvānupapatteḥ | 
AS-VDh 228,17	aśabdātmano 'śrāvaṇatvāt sādhīya eva śrāvaṇatvaṃ śabdasya lakṣaṇaṃ, śabdātmakatvābhāve 'nupapadyamānatvāt | 
AS-VDh 228,18	ity anyathānupapadyamānarūpaṃ pakṣavyāpi lakṣaṇam anavadyatvāt | 
AS-VDh 228,19	tatra dravyasya lakṣaṇaṃ guṇaparyayavattvaṃ, "guṇaparyayavaddravyam" iti vacanāt, kramākramabhāvivicitrapa-
AS-VDh 229,01	riṇāmābhāve dravyasya lakṣayitum aśakteḥ, dravyasyāpāye guṇaparyayavattvasyānupapatteḥ kāryadravye ghaṭādiviśeṣe 
AS-VDh 229,02	guṇavattvasya bhāvān navapurāṇādiparyāyayogitvasya ca bhāvān nāvyāptir lakṣaṇasya | nāpy ativyāptiḥ, sparśādivi- 
AS-VDh 229,03	śeṣeṣu kramajanmasu paryāyeṣu sparśādisāmānyeṣu sahabhāviṣu guṇeṣu cābhāvāt | tathā paryāyasya tadbhāvo 
AS-VDh 229,04	lakṣaṇaṃ, "tadbhāvaḥ pariṇāma" iti vacanāt | tena tena prativiśiṣṭena rūpeṇa bhavanaṃ hi pariṇāmaḥ, 
AS-VDh 229,05	sahakramabhāviṣv aśeṣaparyāyeṣu tasya bhāvād avyāptyasaṃbhavāt, tadabhāve ca dravye tadanupapatteḥ | iti pramā- 
AS-VDh 229,06	ṇasiddhaṃ bhinnalakṣaṇatvaṃ dravyaparyāyayoḥ kathaṃcin nānātvaṃ sādhayati, rūpādyudāharaṇasyāpi sādhyasādhanavaikalyā- 
AS-VDh 229,07	bhāvāt, kathaṃcin nānātvena vyāptasya bhinnalakṣaṇatvasya parasparaviviktasvabhāvapariṇāmāditvena sādhanāt | 
AS-VDh 229,08	rūpāder hi lakṣaṇaṃ rūpādibuddhipratibhāsayogyatvaṃ bhinnaṃ prasiddhaṃ kathaṃcit tannānātvaṃ ceti niravadyam udāharaṇam | 
AS-VDh 229,09	nanu ca bhinnalakṣaṇatvaṃ syān nānātvaṃ ca na syād virodhābhāvāt | tataḥ sandigdhavipakṣavyāvṛttiko hetur iti na 
AS-VDh 229,10	śaṅkanīyaṃ, viruddhadharmādhyāsāskhaladbuddhipratibhāsabhedābhyāṃ ca vastusvabhāvabhedasiddheḥ | anyathā'- 
AS-VDh 229,11	nānaikaṃ jagat syāt, tadabhyupagame pakṣāntarāsaṃbhavā d iti, vipakṣe bādhakapramāṇasadbhāvān niścitavya- 
AS-VDh 229,12	tirekatvāt sādhanasya dravyaparyāyayoḥ sarvathaikatve viruddhadharmādhyāsasyāskhaladbuddhipratibhāsabhedasya cāyogād bhi- 
AS-VDh 229,13	nnalakṣaṇatvasyānupapatteḥ, vyāpakasya grāhakasya cābhāve vyāpyasya viṣayasya cāvyavasthiteḥ | vyavasthitau vā 
AS-VDh 229,14	bhinnalakṣaṇatvasya na kiṃcid ekaṃ jagati syāt | nāpi nānā, viruddhadharmādhyāsādyabhāve 'pi nānātvasya siddhau 
AS-VDh 229,15	tasya tatsādhanatvāyogāt | na cāsādhanā kasyacit siddhir atiprasaṅgāt | na ca nānātvaikatvābhyupagame 
AS-VDh 229,16	prakārāntaram asti, yato jagadanānaikaṃ na syāt | na hi viruddhadharmādhyāsetarābhyām anyan nānātvaikatvasvarūpam | 
AS-VDh 229,17	nāpya skhaladbuddhipratibhāsabhedābhedābhyām anyat tatsādhanaṃ, yat prakārāntaraṃ syāt | tataḥ kārikādvayena 
AS-VDh 229,18	sāmānyaviśeṣātmānam arthaṃ saṃhṛtya tatrāpekṣānapekṣaikāntapratikṣepāyāha bhagavān vāstavam eva | 
AS-VDh 229,19	iti syān nānātvam eva svalakṣaṇabhedāt | syād ekatvam evāśakyavivecanatvāt | syād ubhayam eva kramārpita-
AS-VDh 230,01	dvayāt | syād avaktavyam eva sahārpitadvayād vaktum aśakyatvāt | syān nānātvāvaktavyam eva viruddhadharmādhyāsasahārpi- 
AS-VDh 230,02	tadvayāt | syād ekatvāvaktavyam eva, aśakyavivecanasahārpitadvayāt | syād ubhayāvaktavyam eva kramākramārpitadva- 
AS-VDh 230,03	yāt | iti saptabhaṅgīprakriyā dṛṣṭeṣṭāviruddhāvaboddhavyā pūrvavat | 
AS-VDh 230,04		kāryāder bheda eva sphuṭam iha niyataḥ sarvathā kāraṇāde-
AS-VDh 230,05		r ityādyekāntavādoddhatataramatayaḥ śāntatām āśrayanti | 
AS-VDh 230,06		prāyo yasyopadeśād avighaṭitanayān mānamūlād alaṅghyāt, 
AS-VDh 230,07		svāmī jīyāt sa śaśvatprathitatarayatīśo 'kalaṅkorukīrtiḥ || 
AS-VDh 230,08	ity āptamīmāṃsālaṃkṛto caturthaḥ paricchedaḥ | 4 | 
AS-VDh 231,01	atha pañcamaḥ paricchedaḥ | 
AS-VDh 231,02		sphuṭam akalaṅkapadaṃ yā prakaṭayati paṭiṣṭacetasāmasamam | 
AS-VDh 231,03		darśitasamantabhadraṃ sāṣṭasahasrī sadā jayatu || 1 || 
ĀM-VDh 73ab		yady āpekṣikāsiddhiḥ syān na dvayaṃ vyavatiṣṭhate | 
ĀM-VDh 73cd		anāpekṣikasiddhau ca na sāmānyaviśeṣatā || 73 || 
AS-VDh 231,06	dharmadharmiṇor āpekṣikī siddhiḥ, pratyakṣabuddhau tadanavabhāsanād dūretarādivat | na hi pratyakṣabuddhau 
AS-VDh 231,07	dharmo dharmī vā pratibhāsate, tatpṛṣṭabhāvivikalpopakalpitatvāt, tasya svalakṣaṇasyaiva tatra pratibhāsanāt, 
AS-VDh 231,08	śabdāpekṣayā sattvāder dharmatve 'pi jñeyatvāpekṣāyāṃ dharmitvavyavaharaṇāt, tadapekṣayā jñeyatvasya dharmatve 'py abhidheya- 
AS-VDh 231,09	tvāpekṣāyāṃ dharmitvavyavahārāt, tadapekṣayā cābhidheyatvasya dharmatve prameyatvāpekṣāyāṃ dharmitvaprasiddheḥ | iti 
AS-VDh 231,10	na kvacid dharmo dharmī vā vyavatiṣṭhate | tato na tāttviko 'sau | na hi nīlasvalakṣaṇaṃ saṃvitsvalakṣaṇaṃ vā pratyakṣam a- 
AS-VDh 231,11	vabhāsamānaṃ kiṃcid apekṣyānyathābhāvam anubhavadupalabdham | kevalam apekṣābuddhau viśeṣaṇaviśeṣyatvaṃ sāmānyaviśeṣatvaṃ 
AS-VDh 231,12	guṇaguṇitvaṃ kriyākriyāvattvaṃ kāryakāraṇatvaṃ sādhyasādhanatvaṃ grāhyagrāhakatvaṃ vā prakalpyate dūretaratvādivat | 
AS-VDh 231,13	iti yady āpekṣikasiddhiḥ syāt tadā na dvayaṃ vyavatiṣṭhate nīlasvalakṣaṇaṃ tatsaṃvedanaṃ ceti, tayor apy āpe- 
AS-VDh 231,14	kṣikatvād viśeṣaṇaviśeṣyatvādivat | tathā hi | yayoḥ sarvathā parasparāpekṣākṛtā siddhis tayor na vyavasthā | 
AS-VDh 231,15	yathā parasparāśrayayoḥ sariti plavamānayoḥ | tathā ca nīlatadvedanayoḥ sarvathāpekṣākṛtā siddhiḥ | iti 
AS-VDh 231,16	taddvayam api na vyavatiṣṭhate | na hi nīlaṃ nīlavedanānapekṣaṃ sidhyati, tasyāvedyatvaprasaṅgāt saṃvinniṣṭhatvāc ca 
AS-VDh 231,17	vastuvyavasthānasya | nāpi nīlānapekṣaṃ nīlavedanaṃ, tasya tasmād ātmalābhopagamād anyathā nirviṣayatvāpatteḥ | 
AS-VDh 232,01	ity anyatarābhāve śeṣasyāpy abhāvād dvayasyāvyavasthānaṃ syāt | etena nīlavāsanāto nīlavedanam ity asminn api 
AS-VDh 232,02	darśane dvayāvyavasthitir uktā tayor anyonyāpekṣaikānte svabhāvataḥ pratiṣṭhitasyaikatarasyāpy abhāve 'nyatarā- 
AS-VDh 232,03	bhāvād ubhayaṃ na prakalpyeta,  nīlavedanābhāve tadvāsanāviśeṣasyāvyavasthiter anyathātiprasakteḥ, tadvāsanāviśe- 
AS-VDh 232,04	ṣam antareṇa nīlavedanasyāvyavasthiter anyathā nirnimittatvāpatteḥ syān mataṃ, nīlavedanasya svataḥ prakāśanān nāyaṃ 
AS-VDh 232,05	doṣa iti tad asat, parasparāpekṣaikāntavirodhāt, daṇḍāder viśeṣaṇasya svabuddhau svataḥ siddheḥ sāmānyāder api 
AS-VDh 232,06	svagrāhiṇi jñāne 'nyānapekṣasya pratibhāsanād viśeṣyaviśeṣaṇāder api tathā prasiddher dvayābhāvānavakāśāt | tata 
AS-VDh 232,07	eva dūretarādidṛṣṭānto 'pi sādhyasādhanadharmavikalaḥ syāt, dūrāsann abhāvayor api svabhāvavivartaviśeṣābhāve 
AS-VDh 232,08	samānadeśāder api prasaṅgāt |  na ca samānadeśakālasvabhāvayor anyonyāpekṣayāpi dūrāsann abhāvavyavahāraḥ, khara- 
AS-VDh 232,09	viṣāṇayor iva tatsvabhāvaśūnyayos tadayogāt | tad imau svabhāvataḥ stām anyathetaretarāśrayadoṣānuṣaṅgāt |  
AS-VDh 232,10	etena svāśrayaśabdādyapekṣayā sattvāder dharmatvena svadharmāpekṣāyāṃ dharmitvaṃ nāvyavasthākāritvenāyuktam iti 
AS-VDh 232,11	prakāśitaṃ, tathāvidhasvabhāvaviśeṣābhāve parāpekṣayāpi dharmadharmibhāvānupapatteḥ, anantatvāc ca dharmāṇāṃ tadapekṣi- 
AS-VDh 232,12	ṇām apy aparyantatvāt, anyathābhipretadharmadharmiṇor apyavyavasthāpatteḥ | iti nāpekṣaikāntaḥ śreyān | 
AS-VDh 232,13	yo 'py āha 'dharmadharmiṇoḥ sarvathā nāpekṣikī siddhiḥ, pratiniyatabuddhiviṣayatvān nīlādisvarūpavat, sarva- 
AS-VDh 232,14	thānāpekṣikatvābhāve pratiniyatabuddhiviṣayatvānupapatteḥ khapuṣpavat' iti, tasyānapekṣāpakṣe 'pi nānvayavya- 
AS-VDh 232,15	tirekau syātāṃ, bhedābhedayor anyonyāpekṣātmakatvād viśeṣetarabhāvasya |  anvayo hi sāmānyaṃ, vyatireko 
AS-VDh 232,16	viśeṣaḥ | tau ca parasparāpekṣau vyavatiṣṭhete | tayor anāpekṣikasiddhau ca na sāmānyaviśeṣatā | pratiniyata- 
AS-VDh 232,17	buddhiviṣayayor api pratiniyatapadārthatā syān nīlapītavat | na hy abhedo bhedanirapekṣaḥ pratiniyatānvayabuddhivi- 
AS-VDh 232,18	ṣayo 'sti, nāpi bhedo jātucidabhedanirapekṣaḥ pratiniyatavyatirekabuddhiviṣayaḥ saṃbhāvyate kvacid ekavyakter api 
AS-VDh 232,19	prathamadarśanakāle tadbuddhiviṣayatvaprasaṅgāt | tad anena pratiniyatabuddhiviṣayatvasya hetor viruddhatvaṃ pratipāditaṃ 
AS-VDh 233,01	tasya kathaṃcid āpekṣikatvena vyāptatvāt pratyakṣabuddhipratibhāsitvavat | tato naitāv ekāntau ghaṭete, vastuvya- 
AS-VDh 233,02	vasthānābhāvānuṣaṅgāt | 
ĀM-VDh 74ab		virodhān nobhayaikātmyaṃ syādvādanyāyavidviṣām | 
ĀM-VDh 74cd		avācyataikānte 'py uktir nāvācyam iti yujyate | 74 | 
AS-VDh 233,05	anantaraikāntayor yugapadvivakṣā mā bhūd vipratiṣedhāt sadasadekāntavat syādvādānāśrayaṇāt | tathāna- 
AS-VDh 233,06	bhidheyatvaikānte 'pīti kṛtaṃ vistareṇa, sadasattvābhyām anabhidheyatvaikāntavat | 
AS-VDh 233,07	iti kathaṃcid āpekṣikatvetarānekāntaṃ pratipakṣapratikṣepasāmarthyāt siddham api dūrārekāpākaraṇārtham ācakṣate —
ĀM-VDh 75ab		dharmadharmyavinābhāvaḥ sidhyaty anyonyavīkṣayā | 
ĀM-VDh 75cd		na svarūpaṃ svato hy etat kārakajñāpakāṅgavat | 75 | 
AS-VDh 233,10	dharmadharmiṇor avinābhāvo 'nyonyāpekṣayaiva sidhyati, na tu svarūpaṃ, tasya pūrvasiddhatvāt | svato hy etatsiddhaṃ 
AS-VDh 233,11	sāmānyaviśeṣavat | sāmānyaṃ hi svataḥsiddhasvarūpaṃ bhedāpekṣānvayapratyayād avagamyate | viśeṣo 'pi svataḥ 
AS-VDh 233,12	siddhasvarūpaḥ sāmānyāpekṣavyatirekapratyayād avasīyate | na kevalaṃ sāmānyaviśeṣayoḥ svalakṣaṇam a- 
AS-VDh 233,13	pekṣitaparasparāvinābhāvalakṣaṇaṃ svataḥsiddhalakṣaṇam api tu dharmadharmiṇor api guṇaguṇyādirūpayoḥ, kartṛ- 
AS-VDh 233,14	karmabodhyabodhakavat | na hi kartṛsvarūpaṃ karmāpekṣaṃ karmasvarūpaṃ 
AS-VDh 233,15	vā kartrapekṣam, ubhayāsattvaprasaṅgāt | nāpi kartṛtvavyavahāraḥ karmatvavyavahāro vā parasparānapekṣaḥ, 
AS-VDh 233,16	kartṛtvasya karmaniścayāvaseyatvāt, karmatvasyāpi kartṛpratipattisamadhigamyamānatvāt | etena 
AS-VDh 233,17	bodhyabodhakayoḥ prameyapramāṇayoḥ svarūpaṃ svataḥsiddhaṃ jñāpyajñāpakavyavahāras tu parasparāpekṣāsiddha ity abhi- 
AS-VDh 233,18	hitam | tadvatsakaladharmadharmibhūtānām arthānāṃ ' syād āpekṣikī siddhiḥ, tathā vyavahārāt | 
AS-VDh 233,19	syād anāpekṣikī pūrvaprasiddhasvarūpatvāt | syād ubhayī kramārpitadvayāt | syād avaktavyā, 
AS-VDh 233,20	sahārpitadvayāt | syād āpekṣikī cāvaktavyā ca, tathā niścayena sahārpitadvayāt | 
AS-VDh 233,21	syād anāpekṣikī cāvaktavyā ca, pūrvasiddhatvasahārpitadvayāt | syād ubhayī cāvaktavyā ca, kramā- 
AS-VDh 233,22	kramārpito bhayāt | ' iti saptabhaṅgīprakriyāṃ yojayen nayaviśeṣavaśād aviruddhāṃ pūrvavat | 
AS-VDh 233,23		apekṣaikāntādiprabalagaralodrekadalinī pravṛddhānekāntāmṛtarasaniṣekānavaratam | 
AS-VDh 233,24		pravṛttā vāg eṣā sakalavikalād eśavaśataḥ samantādbhadraṃ vo diśatu munipasyā'malamateḥ || 
AS-VDh 233,25	ity āptamīmāṃsālaṅkṛtau pañcamaḥ paricchedaḥ | 
AS-VDh 234,01	atha ṣaṣṭhaḥ paricchedaḥ | 
AS-VDh 234,02		puṣyadakalaṅkavṛttiṃ samantabhadrapraṇītatattvārthām | 
AS-VDh 234,03		nirjitadurṇayavādām aṣṭasahastrīm avaiti saddṛṣṭiḥ || 
ĀM-VDh 76ab		siddhaṃ ced dhetutaḥ sarvaṃ na pratyakṣādito gatiḥ | 
ĀM-VDh 76cd		siddhaṃ ced āgamāt sarvaṃ viruddhārthamatāny api | 76 | 
AS-VDh 234,06	iha hi sakalalaukikaparīkṣakaiḥ upeyatattvaṃ vyavasthāpyopāyatattvaṃ vyavasthāpyate, kṛṣyādiṣu 
AS-VDh 234,07	pravartamānānāṃ vyavasthitasasyādyupeyānām eva tadupāyavyavasthāpanaprayatnopalambhāt, 'prayojanam anuddiśya na 
AS-VDh 234,08	mando 'pi pravartate' iti prasiddheḥ, mokṣārthināṃ ca prekṣāvatāṃ vyavasthitopeyamokṣasvarūpāṇām eva tadupāya - 
AS-VDh 234,09	vyavasthāpanavyāpāradarśanāt, avyavasthitamokṣatattvānāṃ tadupāyavyavasthāpanaparāṅmukhatvāc cārvākādivat | 
AS-VDh 234,10	tatra hetuta eva sarvam upeyatattvaṃ siddhaṃ, na pratyakṣāt, tasmin satyapi vipratipattisambhavāt, yuktyā yan na 
AS-VDh 234,11	ghaṭām upaiti tad ahaṃ dṛṣṭvāpi na śraddadhe ityāder ekāntasya bahulaṃ darśanāt,  arthānarthavivecanasyānumānā- 
AS-VDh 234,12	śrayatvāt tadvipratipattes tavdyavasthāpanāyāhetvādivacanāt | pratyakṣatadābhāsayor api vyavasthitir anumānāt, 
AS-VDh 234,13	anyathā saṃkaravyatikaropa patter arthānarthavivecanasya pratyakṣāśrayatvāsaṃbhavāt | iti kecit teṣāṃ pratyakṣā- 
AS-VDh 234,14	d gatir anumānād ādito 'pi na syāt | na ca dharmiṇaḥ sādhanasyodāharaṇasya ca pratyakṣād agatau kasyacid anumānaṃ 
AS-VDh 234,15	pravartate | anumānāntarāt tadgatau tasyāpi dharmyādigatipūrvakatvād anumānāntaram apekṣaṇīyam ity anavasthā syāt | 
AS-VDh 234,16	tataḥ kathaṃcit sākṣātkaraṇam antareṇa dharmyādīnāṃ na kvacid anumānaṃ pravarteta | kiṃ punaḥ śāstropadeśāt ? 
AS-VDh 234,17	iti pratyakṣād api siddhir abhyastaviṣaye 'bhyupagantavyā, anyathā śabdaliṅgādipratipatter ayogāt parārthānumāna- 
AS-VDh 234,18	rūpāṇām api śāstropadeśānām apravṛtteḥ | 
AS-VDh 234,19	ye tv āhuḥ–'āgamād eva sarvaṃ siddhaṃ, tam antareṇa pratyakṣe 'pi māṇikyādau yathārthanirṇayānupapatteḥ, anumāna-
AS-VDh 235,01	pratipanne 'pi cikitsitādāv āgamāpekṣaṇāt, āgamabādhitapakṣasyānumānasyāgamakatvāc ca, parabrahmaṇaḥ śāstrād eva 
AS-VDh 235,02	siddheḥ, pratyakṣānumānayor avidyāvivartaviṣayatvād āgamaviṣaye sanmātrātmani paramātmany eva pramāṇatvavyavaha- 
AS-VDh 235,03	raṇāt | abādhitāś caite śāstropadeśāḥ 'sarvaṃ khalvidaṃ brahma' ityādayaḥ, pratyakṣānumānayos tadaviṣayatvena 
AS-VDh 235,04	tadbādhakatvāyogāt' iti, teṣāṃ viruddhārthamatāny api śāstropadeśebhyaḥ sidhyantu, viśeṣābhāvāt | samya- 
AS-VDh 235,05	gupadeśe 'bhyastattvasiddhir iti cet tarhi yuktir api tattvasiddhinibandhanaṃ, tata eva teṣāṃ samyaktvanirṇayāt, 
AS-VDh 235,06	aduṣṭakāraṇajanyatvabādhavarjitatvābhyāṃ tadupagamāt | na caite yuktinirapekṣāḥ, parasparaviruddhārtha- 
AS-VDh 235,07	tattvasiddhiprasaṅgāt, parabrahmaṇa evāpauruṣeyād āgamāt siddhir na punaḥ karmakāṇḍasyeśvarādipravādasya ceti 
AS-VDh 235,08	niyāmakābhāvāt | kathaṃ ca śrautrapratyakṣasyāpramāṇatve vaidikaśabdasya pratipattir yatas tadarthaniścayaḥ syāt ? 
AS-VDh 235,09	pramāṇatve kuto 'numānābhāve saṃvādavisaṃvādābhyāṃ pramāṇetarasāmānyādhigamo yataḥ kiṃcid eva śrautraṃ pratyakṣaṃ 
AS-VDh 235,10	pramāṇaṃ nānyad iti vyavatiṣṭheta ? tataḥ kutaścid āgamāt tattvasiddhim anurudhyamānena pratyakṣānumānābhyām api 
AS-VDh 235,11	tattvasiddhir anumantavyā, anyathā tadasiddheḥ | 
AS-VDh 235,12	pratyakṣānumānābhyām eva tattvasiddhir nāgamād ity apare te 'pi na satyavādinaḥ, grahoparāgādes tatphalaviśeṣasya 
AS-VDh 235,13	ca jyotiḥśāstrād eva siddheḥ | na ca pratyakṣānumānābhyām antareṇopadeśaṃ jyotirjñānādipratipattiḥ |  
AS-VDh 235,14	sarvavidaḥ pratyakṣād eva tatpratipattir anumānavidāṃ punar anumānād apīti cen na, sarvavidām api yogipratyakṣāt pūrva- 
AS-VDh 235,15	m upadeśābhāve tadutpattyayogād anumānābhāvavat | te hi śrutamayīṃ cintāmayīṃ ca bhāvanāṃ prakarṣaparyantaṃ 
AS-VDh 235,16	prāpayanto 'tīndriyapratyakṣam ātmasāt kurvate, nānyathā | tathānumānavidām api nātyantaparokṣeṣv artheṣu paropadeśa- 
AS-VDh 235,17	m antareṇa sādhyāvinābhāvisādhanadharmapratipattiḥ saṃbhavati, sarvajñatvaprasaṅgāt | iti cintitam anyatra | tato 
AS-VDh 235,18	naitāv apy ekāntau yuktau | 
ĀM-VDh 77ab		virodhān nobhayaikātmyaṃ syādvādanyāyavidviṣām | 
ĀM-VDh 77cd		avācyataikānte 'py uktir nāvācyam iti yujyate | 77 | 
AS-VDh 235,21	yuktītaraikāntadvayābhyupagamo 'pi mā bhūt, viruddhayor ekatra sarvathāsaṃbhavāt, syādvādanyāyavidviṣāṃ 
AS-VDh 235,22	kathaṃcit tadanabhyupagamāt | tadavācyatve 'pi pūrvavat svavacanavirodhaprasaṅgaḥ | 
AS-VDh 236,01	samprati yuktītarānekāntam upadarśayanti | 
ĀM-VDh 78ab		vaktaryanāpte yad dhetoḥ sādhyaṃ tad dhetusādhitam | 
ĀM-VDh 78cd		āpte vaktari tadvākyāt sādhyamāgamasādhitam | 78 | 
AS-VDh 236,04	kaḥ punar āpto 'nāptaś ca ? yasmin sati vākyāt sādhitaṃ sādhyamarthatattvam āgamāt sādhitaṃ syāddhetos tu 
AS-VDh 236,05	yat sādhyaṃ tad dhetusādhitam iti vibhāgaḥ sidhyatīti ced ucyate —yo yatrāvisaṃvādakaḥ sa tatrāptas tato 
AS-VDh 236,06	'paro 'nāptaḥ | kaḥ punar avisaṃvādo yenāvisaṃvādakaḥ syāt ? tattvapratipādanam avisaṃvādaḥ, tadarthajñānāt |  
AS-VDh 236,07	tadarthajñānaṃ punaḥ prasphuṭavyavasāyarūpaṃ sākṣād asākṣād vāvasīyate, paramārthatas tasya saṃśayaviparyāsānadhyavasāya- 
AS-VDh 236,08	vyavacchedaphalatvāt | tatrāvisaṃvādaka evāpta ity avadhāryate | anāptas tu kadācid api visaṃvādaka ucyate, 
AS-VDh 236,09	yathārthajñānādiguṇasya visaṃvādakatvāyogāt | tenātīndriye jaiminir anyo vā śrutimātrāvalambī 
AS-VDh 236,10	naivāptas tadarthāparijñānāt tathāgatavat |  nātra nidarśanaṃ sādhanadharmavikalaṃ, tathāgatasya śrutyarthadharmāpari- 
AS-VDh 236,11	jñānāt 'buddhāder dharmādyupadeśo vyāmohād eva kevalāt' iti svayam abhidhānāt | na cāsiddho hetujaimine- 
AS-VDh 236,12	r brahmāder vā śrutyarthaparijñānasya sarvathāpy asaṃbhavāt | tad dhi pratyakṣaṃ vā śrautaṃ vā syāt ? na tāvat pratyakṣaṃ 
AS-VDh 236,13	tasyāsarvajñatvāt śrutimātrāvalambitatvāc ca | na hi tādṛśo 'tīndriyārthajñānam asti doṣāvaraṇakṣayāti- 
AS-VDh 236,14	śayābhāvāt |  na hi pratiniyatadoṣāvaraṇakṣayamātre saty api dharmādharmādisākṣātkaraṇaṇaṃ yuktaṃ, tasya tatpa- 
AS-VDh 236,15	rikṣayātiśayahetukatvena vyavasthāpitatvāt | nāpi śrautaṃ tadarthaparijñānaṃ śrutyavisaṃvādāt pūrvam asiddheḥ | 
AS-VDh 236,16	rikṣayātiśayahetukatvena vyavasthāpitatvāt | nāpi śrautaṃ tadarthaparijñānaṃ śrutyavisaṃvādāt pūrvam asiddheḥ 
AS-VDh 236,17	śruteḥ paramārthavittvaṃ, tataḥ śruter avisaṃvādanam ity anyonyasaṃśritam |  na hy aprasiddhasaṃvādāyāḥ 
AS-VDh 236,18	śruteḥ paramārthaparijñānaṃ jaiminyādeḥ saṃbhavati, atiprasaṅgāt | nāpi paramārthavittvam antareṇa tattvapratipāda- 
AS-VDh 236,19	nalakṣaṇam avisaṃvādanaṃ yato 'nyonyāśrayaṇaṃ na syāt | nanu na śruter avisaṃvādāt prāmāṇyam | kiṃ tarhi ? svata 
AS-VDh 236,20	eva | tato na doṣa iti cet, svataḥ śruter na vai prāmāṇyam acetanatvād ghaṭavat | sannikarṣādibhir a- 
AS-VDh 236,21	naikāntikatvam ayuktaṃ tatprāmāṇyānabhyupagamā n mukhyarūpataḥ | athāpi kathaṃcit tatpramāṇatvaṃ 
AS-VDh 236,22	syād avisaṃvādakatvāt | sannikarṣāder avisaṃvādakajñānakāraṇatvena tathopacārasiddhir iti manyemahi | 
AS-VDh 236,23	tathāpi śruter ayuktam eva, tadabhāvāt | tenopacāramātram api na syāt, tadarthabuddhi prāmāṇyāsiddheḥ | 
AS-VDh 237,01	na hi śrutir avisaṃvādijñānasya kāraṇaṃ yenopacārataḥ pramāṇaṃ syād iti niveditaṃ prāg–bhāvanādiśrutivi- 
AS-VDh 237,02	ṣayāvisaṃvādakatvanirākṛtiprastāve | āptavacanaṃ tu pramāṇavyapadeśabhāk, tatkāraṇakāryatvāt | pramāṇa- 
AS-VDh 237,03	kāraṇakaṃ hi tat, tadatīndriyārthadarśanotpattes tadarthajñānotpādanāc ca pramāṇakāryakam | naitat śruteḥ 
AS-VDh 237,04	saṃbhavati, sarvathāptānukteḥ piṭakatrayavat | vaktṛdoṣāt tādṛśo 'prāmāṇyaṃ tadabhāvāc chruteḥ prāmāṇyam iti 
AS-VDh 237,05	cet kuto 'yaṃ vibhāgaḥ sidhyet ?  piṭakatrayādeḥ pauruṣeyatvasya svayaṃ saugatādibhir abhyupagamād vedavādibhiś ca 
AS-VDh 237,06	śruter apauruṣeyatvopagamād iti cet so 'yam abhyupagamānabhyupagamābhyāṃ kvacit pauruṣeyatvam anyad vā vyavasthāpa- 
AS-VDh 237,07	yatīti suvyavasthitaṃ tattvat | etena kartṛsmaraṇābhāvādayaḥ pratyuktāḥ | sa hi śrutau kartṛsmaraṇādi- 
AS-VDh 237,08	mattvadṛṣṭakartṛkasamānatvādyabhāvam abhyupagamamātrād vyavasthāpayati tadbhāvaṃ cetaratrānabhyupagamāt | na ca tathā tattvaṃ 
AS-VDh 237,09	vyavatiṣṭhate, vedetarayor aviśeṣāt | itaratra buddho vakteti cet tatra kamalodbhavādir iti kathaṃ na samā- 
AS-VDh 237,10	nam ?  yathaiva hi piṭakatraye buddho vakteti saugatāḥ pratipādyante tathā vede 'pi te aṣṭakān kāṇādāḥ, paurāṇikāḥ 
AS-VDh 237,11	kamalodbhavaṃ, jaināḥ kālāsuraṃ vaktāram anumanyante | sudūram api gattvā tadaṅgīkaraṇetaramātre vyavatiṣṭheta 
AS-VDh 237,12	śrutivādī, pramāṇabalāt tadavaktṛkasya sādhayitum aśakteḥ | syān mataṃ "yad vedādhyayanaṃ sarvaṃ tad adhyayanapūrvakam | 
AS-VDh 237,13	vedādhyayanavācyatvād adhunādhyayanaṃ yatheti pramāṇād vede vaktur abhāvo, na punar abhyupagamātrāt" iti tad ayuktaṃ, 
AS-VDh 237,14	piṭakatrayādāv api tata eva vaktrabhāvaprasaṅgāt | vedādhyayanavad itarasyāpi sarvadādhyayanapūrvādhyayanatva- 
AS-VDh 237,15	prakḷptau na vaktraṃ vakrībhavati,  yato vidyamānavaktṛke 'pi bhāvād adhyayanavācyatvasyānaikāntikatvaṃ na syāt | 
AS-VDh 237,16	vedaviśeṣaṇasyādhyayanavācyatvasyānyatrābhāvān nānaikāntikateti cet tarhi piṭakatrayādiviśeṣaṇasya vedādāv a- 
AS-VDh 237,17	saṃbhavād avyabhicāritā kathaṃ na bhavet ? tathā ca vedavad avedasyāpy apauruṣeyatvaṃ prāmāṇyanibandhanaṃ yājñikānāṃ 
AS-VDh 237,18	pravartakaṃ syān na vā vede 'pi, viśeṣābhāvāt, durbhaṇanaduḥśravaṇādīnām asmadādyupalabhyānāṃ tadatiśayāntarāṇāṃ 
AS-VDh 237,19	ca śakyakriyatvād itaratrāpi,  parokṣāyā mantraśakter api darśanāt | na hy ātharvaṇānām eva mantrāṇāṃ 
AS-VDh 237,20	śaktir upalabhyate, na punaḥ saugatādimantrāṇām iti śakyaṃ vaktuṃ, pramāṇabādhanāt | vaidikā eva mantrāḥ 
AS-VDh 238,01	paratropayuktāḥ śaktimanta ity apy ayuktaṃ, prāvacanikā eva vede 'pi prayuktā ity upapattes tatra bhūyasāmupalambhāt 
AS-VDh 238,02	samudrādyākareṣu ratnavat | na hi kiyanty api ratnāni rājakulādāv upalabhyamānāni tatratyāny eva, teṣāṃ 
AS-VDh 238,03	ratnākarādibhya evānayanāt tadbhavatvasiddher bhūyasāṃ tatrotpattidarśanāt | tadvatpravacanaikadeśavidyānuvādād eva 
AS-VDh 238,04	sakalamantrāṇāṃ samudbhūtivistīrṇāt, na punar vedāt tallavamātrād iti yuktam utpaśyāmaḥ | vedasyānāditvād apauruṣe- 
AS-VDh 238,05	yatvāc ca tanmantrāṇām evāvisaṃvādakatvaṃ saṃbhavatīti cāyuktaṃ, tadaprasiddheḥ | siddhe 'pi tadanāditve pauruṣe- 
AS-VDh 238,06	yatvābhāve vā katham avisaṃvādakatvaṃ pratyetavyam ? mlecchavyavahārādes tādṛśo bahulam upalambhāt 
AS-VDh 238,07	tena tasya vyabhicārāt | etena vedaikadeśena svayam apramāṇatayopagatenānāditvasyāpauruṣeyatvasya cānaikānti- 
AS-VDh 238,08	katvam uktam | kiṃ ca kāraṇadoṣanivṛtteḥ kāryadoṣābhāvakalpanāyāṃ pauruṣeyasyaiva vacanasya doṣani- 
AS-VDh 238,09	vṛttiḥ kartur vītadoṣasyāpi saṃbhavāt 'doṣāvaraṇayor hāniḥ' ityādinā saṃsādhanāt, na punar apauruṣeyasya, 
AS-VDh 238,10	tadadhyetṛvyākhyātṛśrotṝṇāṃ rāgādimattvā d vītarāgasya kasyacid anabhyupagamāt, sarvathāpy apauruṣeyasya tadu- 
AS-VDh 238,11	pagamena virodhāt | netarasya, kathaṃcit pauruṣeyasya tadavirodhāt | iti niśśaṅkaṃ naścetaḥ, triviprakṛṣṭasyāpi 
AS-VDh 238,12	nirṇayopāyapratipādanād iti | vaktṛguṇāpekṣaṃ vacanasyāvisaṃvādakatvaṃ cakṣurjñānavat, visaṃvādasya taddoṣā- 
AS-VDh 238,13	nuvidhānāt | yathaiva hi cakṣurjñānasya jñātṛguṇaṃ samyagdarśanādikam apekṣyāvisaṃvādakatvaṃ, taddoṣaṃ mithyādarśa- 
AS-VDh 238,14	nādikam apekṣya visaṃvādakatvaṃ copapadyate tathā vaktur guṇaṃ yathārthajñānādi doṣaṃ ca mithyājñānādikam apekṣya 
AS-VDh 238,15	saṃvādakatvaṃ visaṃvādakatvaṃ ceti niścitaṃ mahāśāstre | tato 'nāptavacanān nārthajñānam andharūpadarśanavat | 
AS-VDh 238,16	na hi jātyandho rūpaṃ darśayitum īśaḥ parasmai | tathānāpto 'pi nārthaṃ jñāpayitum atiprasaṅgāt | evam apauruṣeyasya 
AS-VDh 238,17	vacanasya pauruṣeyasya ca guṇavadvaktṛkasya kāraṇadoṣābhāvān nirdoṣatvaṃ samānam atiśayāsaṃbhavāt | tatra yad eva 
AS-VDh 238,18	yuktiyuktaṃ tad eva pratipattuṃ pratipādayituṃ vā śakyaṃ kathaṃcit pauruṣeyatvaṃ, na tu sarvathāpauruṣeyatvaṃ, tasya 
AS-VDh 238,19	yuktiyuktatvābhāvāt tadyuktīnāṃ tadābhāsatvasamarthanāt | tatrāpauruṣeyatve 'pi vā vede yad eva yuktiyuktaṃ tad eva 
AS-VDh 238,20	pratipattuṃ pratipādayituṃ vā śakyaṃ vacanam agnir himasya bheṣajaṃ dvādaśa māsāḥ saṃvatsara ityādivat | 
AS-VDh 238,21	nāgnihotrādivākyasādhanaṃ, tasya yuktiyuktatvavirodhāt | siddhe punar āptavacanatve yathā hetuvādas ta- 
AS-VDh 238,22	thājñāvādo 'pi pramāṇaṃ, tadāptavacanatvāvirodhāt | nanu cāpauruṣeyatvavadāptaśāsanam apy aśakyavyavasthaṃ, 
AS-VDh 239,01	tasyaiva jñātum aśakteḥ, sarāgasyāpi vītarāgavac ceṣṭopalambhādayam āpta iti pratipattyupāyāsattvāt tasya śāsana- 
AS-VDh 239,02	m iti vyavasthāpayitum aśakter ity apare | uktam atra sarvathaikāntavādānāṃ syādvādapratihatatvād iti |  
AS-VDh 239,03	yuktiśāstrāvirodhivāktvād vinirdoṣo 'yam iti śakyaṃ nirṇetuṃ, doṣavān ayam iti ca, dṛṣṭeṣṭavirodhavacanatvāt | 
AS-VDh 239,04	tatrāniścitavacanaviśeṣasya kasyacid vītarāgatvetarābhyāṃ saṃdehe 'pi niścitavacanaviśeṣasya śakyam āptatvaṃ 
AS-VDh 239,05	vyavasthāpayitum | tatrāptiḥ sākṣātkaraṇādiguṇaḥ 'sūkṣmāntaritadūrārthāḥ kasyacit pratyakṣā' ityādinā 
AS-VDh 239,06	sādhitaḥ | saṃpradāyāvicchedo vā |  sarvajñād āgamas tadarthānuṣṭhānāt sarvajña iti suniścitāsaṃbhavadbādhaka- 
AS-VDh 239,07	pramāṇatvāt siddhaḥ pravacanārthasya, anyathāndhaparamparayā pratipatteḥ | na hy andhenākṛṣyamāṇo 'ndhaḥ sveṣṭaṃ 
AS-VDh 239,08	mārgam āskandati nāma | na caivaṃ saṃpradāyāvicchede parasparāśrayaṇaṃ, kārakapakṣe bījāṅkurādivadanāditvā- 
AS-VDh 239,09	t tasyānavatārāt | jñāpakapakṣe 'pi parasmāt svataḥsiddhāt, pūrvasya jñapter netaretarāśrayaṇaṃ, prasiddhenāprasiddhasya 
AS-VDh 239,10	sādhanāt | tad evaṃ syāt sarvaṃ hetutaḥ siddhaṃ karaṇāptavacanānapekṣaṇāt | syād āgamāt siddham akṣaliṅgānapekṣaṇāt | 
AS-VDh 239,11	syād ubhayataḥ siddhaṃ, kramārpitadvayāt | syād avaktavyaṃ, sahārpitadvayāt | śeṣabhaṅgatrayaṃ ca pūrvavat | iti 
AS-VDh 239,12	saptabhaṅgīprakriyā yojanīyā | 
AS-VDh 239,13		naikāntād dhetuvādaḥ prabhavati sakalaṃ tattvam unnetum eka-
AS-VDh 239,14		stadvann āhetuvādaḥ pravadati vihitāśeṣaśaṅkākalāpaḥ | 
AS-VDh 239,15		ity āryācāryavaryā vidadhati nipuṇaṃ svāminas tattvasiddhyai
AS-VDh 239,16		syādvādottuṅgasaudhe sthitim amaladhiyāṃ prasphuṭopāyatattve | 1 | 
AS-VDh 239,17	ity āptamīmāṃsālaṃkṛtau ṣaṣṭhaḥ paricchedaḥ | 
AS-VDh 240,01	atha saptamaḥ paricchedaḥ | 
AS-VDh 240,02		nirdiṣṭo yaḥ śāstre hetvāgamanirṇayaḥ prapañcena | 
AS-VDh 240,03		gamayaty aṣṭasahastrī saṃkṣepāt tam iha sāmarthyāt | 
ĀM-VDh 79ab		antaraṅgārthataikānte buddhivākyaṃ mṛṣākhilam | 
ĀM-VDh 79cd		pramāṇābhāsam evātas tat pramāṇādṛte katham || 79 || 
AS-VDh 240,06	antaraṅgasyaiva svasaṃviditajñānasyārthatā vastutā, na bahiraṅgasya jaḍasya pratibhāsānarhasyety ekānto 
AS-VDh 240,07	'ntaraṅgārthataikāntaḥ | tasminn abhyupagamyamāne 'khilaṃ buddhivākyaṃ hetuvādāhetuvādanibandhanam upāyatattvaṃ mṛṣaiva 
AS-VDh 240,08	syāt | yataś ca mṛṣā syād ata eva pramāṇābhāsam eva, pramāṇasya satyatvena vyāptatvāt, mṛṣātvena pramāṇā- 
AS-VDh 240,09	bhāsasya vyāpteḥ | tac ca pramāṇābhāsaṃ pramāṇādṛte kathaṃ saṃbhavet ? tadasaṃbhave tadvyavahāram avāstavam evāyaṃ svapna- 
AS-VDh 240,10	vyavahāram iva saṃvṛttyāpi kathaṃ pratipadyate ? tajjanmakāryaprabhavādi vedyavedakalakṣaṇam anaikāntikam ādarśya 
AS-VDh 240,11	saṃvittir eva khaṇḍaśaḥ pratibhāsamānā vyavahārāya kalpyate ity abhiniveśe 'pi pramāṇaṃ mṛgyam | na 
AS-VDh 240,12	hi pramāṇābhāve tajjanmatādrūpyatadadhyavasāyān pratyekaṃ vedyavedakalakṣaṇaṃ cakṣūṣā samānārthasamanantara- 
AS-VDh 240,13	vedanena śuktikāyāṃ rajatādhyavasāyena ca vyabhicārayitum īśaḥ, saha vā samānārthasamanantara- 
AS-VDh 240,14	jñānena kāmalādyupahatacakṣuṣaḥ śukle śaṅkhe pītākārajñānasamantarajñānena vā sautrāntikān prati vyabhicāri 
AS-VDh 240,15	pratidarśayet | kathaṃ vā kāryanimittakāraṇatvaṃ tallakṣaṇaṃ yaugān praty anaikāntikaṃ vyavasthāpayet ? kathaṃ ca 
AS-VDh 240,16	kāryakāraṇabhāvākhyaṃ prabhavaṃ kāṃścana prati yogyatāṃ vā tallakṣaṇatayā vyabhicārayet ? kathaṃ ca saṃvittir eva 
AS-VDh 241,01	khaṇḍaśaḥ pratibhāsamānā vedyavedakādivyavahārāya prakalpate ity abhiniveśaṃ vā vidadhīta ? yato na pramāṇaṃ 
AS-VDh 241,02	mṛgayate | kiñcāsya vijñānavādinaḥ saṃvidāṃ kṣaṇikatvam ananyavedyatvaṃ nānāsaṃtānatvam iti svatas tā- 
AS-VDh 241,03	van na sidhyati, bhrānteḥ svapnavat | svasaṃvedanāt svataḥ sidhyatīti cen na, kṣaṇikatvenānanyavedyatvena nānā- 
AS-VDh 241,04	saṃtānatvena ca nityatvena sarvavedyatvenaikatveneva parabrahmaṇaḥ svasaṃvedanābhāvāt | tathātmasaṃvedane 'pi vyava- 
AS-VDh 241,05	sāyavaikalye pramāṇāntarāpekṣayānupalambhakalpatvāt, tasya pramāṇāntarānapekṣasyaiva vyavasāyātmanaḥ 
AS-VDh 241,06	saṃvedanasyopalambhatvavyavasthiteḥ, vyavasāyābhāve tu buddhīnām abhyāsād api tathānupalambhāt | na hi tathā 
AS-VDh 241,07	buddhayaḥ saṃvidrate yathā vyāvarṇyante, kṣaṇikatvādyātmanāny athaiva tāsāṃ pratibhāsanābhyāsasiddheḥ | nāpi 
AS-VDh 241,08	parataḥ kṣaṇikatvādi sidhyati, saṃbandhapratipatter ayogāt | na hi sattvāder liṅgasya kṣaṇikatvādinā 
AS-VDh 241,09	vyāptyā saṃbandhapratipattiḥ pratyakṣato yujyate, tasya sannihitaviṣayabalotpatter avicārakatvāc ca | nāpy anu- 
AS-VDh 241,10	mānād anavasthānād iti prāg eva prarūpaṇāt | svāṃśamātrāvalambinā mithyāvikalpena prakṛtatattvavyavasthā- 
AS-VDh 241,11	pane bahirartheṣv apy avirodhāt kṣaṇikatvādivyavasthāpanam astu sautrāntikādīnām, aviśeṣāt | tathā 
AS-VDh 241,12	hi | kathaṃcid atra vedyalakṣaṇaṃ yadi vyavatiṣṭheta tadā tatprakṛtaṃ saṃvidāṃ kṣaṇikatvādisādhanaṃ laiṅgikajñānena 
AS-VDh 241,13	kṛtaṃ syān nānyathā | na cānuktadoṣaṃ lakṣaṇam asti, vedyasya vijñānavādinā tajjanmāder anaikāntikatva- 
AS-VDh 241,14	doṣavacanāt | saṃvitkṣaṇikatvādāv anumānavedanasya tatsaṃbhave nānyatra bahirarthe tadasaṃbhavo 'bhidheyaḥ, sarvathā 
AS-VDh 241,15	viśeṣābhāvāt | tatsvaparapakṣayoḥ siddhyasiddhyarthaṃ kiṃcit kathaṃcit kutaścid avitathajñānam ādaraṇīyam a- 
AS-VDh 241,16	nyathā'śeṣavibhramāsiddheḥ | nanu kiṃcit saṃvidadvaitaṃ kathaṃcit saṃvidātmanā kutaścit svataḥ satyapratibhāsanamā- 
AS-VDh 241,17	driyata eva, svarūpasya svato gatir iti vacanād iti cen na, svarūpe 'pi vedyavedakalakṣaṇābhāve tadaghaṭanāt puru- 
AS-VDh 241,18	ṣādvaitavat | etena yad grāhyagrāhakākāraṃ tat sarvaṃ vibhrāntaṃ, yathā svapnendrajālādijñānaṃ tathā ca pratya- 
AS-VDh 241,19	kṣādikam iti prativihitaṃ veditavyaṃ, bhrāntatvaprakṛtānumānajñānayor grāhyagrāhakākārayor abhrāntatve tābhyām eva 
AS-VDh 242,01	hetor vyabhicārāt, tadbhrāntatve tataḥ sarvasya bhrāntatvaprasiddheḥ, sarvabhrāntau sādhyasādhanavijñapter asaṃbhavāt ta- 
AS-VDh 242,02	dvyāptivijñaptivat, saṃbhave sarvavibhramāsiddheḥ | 
ĀM-VDh 80ab		sādhyasādhanavijñapter yadi vijñaptimātratā | 
ĀM-VDh 80cd		na sādhyaṃ na ca hetuś ca pratijñāhetudoṣataḥ | 80 | 
AS-VDh 242,05	pratijñādoṣas tāvat svavacanavirodhaḥ sādhyasādhanavijñānasya vijñaptimātram abhilapataḥ prasajyate | tathā hi | 
AS-VDh 242,06	sahopalambhaniyamād abhedo nīlataddhiyor dvicandradarśanavad ity atrārthasaṃvidoḥ sahadarśanam upetyaikatvai- 
AS-VDh 242,07	kāntaṃ sādhayan katham avadheyābhilāpaḥ ? svoktadharmadharmibhedavacanasya hetudṛṣṭāntabhedavacanasya cādvaitavaca- 
AS-VDh 242,08	nena virodhāt, saṃvidadvaitavacanasya ca tadbhedavacanena vyāghātāt, tadvacanajñānayoś ca bhede tadekatvasā- 
AS-VDh 242,09	dhanābhilāpavirodhāt, tadabhilāpe vā tadbhedavirodhāt | iti svavacanayor virodhād bibhyat svābhilāpābhāvaṃ 
AS-VDh 242,10	vā svavācā pradarśayan kathaṃ svasthaḥ ? sadā maunavratiko 'ham ity abhilāpavat svavacanavirodhasyaiva svīkaraṇāt | 
AS-VDh 242,11	tathā vijñānavādino 'prasiddhaviśeṣyatvam aprasiddhaviśeṣaṇatvaṃ ca pratijñādoṣaḥ syāt, nīlataddhiyor viśeṣya- 
AS-VDh 242,12	yos tadabhedasya ca viśeṣaṇasya svayam aniṣṭeḥ | parābhyupagamena prasaṅgasādhanasyopanyāsādadoṣa iti cen na, 
AS-VDh 242,13	tasya parāsiddhes tadabhyupagamāprasiddheś ca prasaṅgasādhanāsaṃbhavāt | sādhanasādhyadharmayor vyāpyavyāpakabhāvasiddhau 
AS-VDh 242,14	hi satyāṃ parasya vyāpyābhyupagamo vyāpakābhyupagamanānantarīyako yatra pradarśyate tatprasaṅgasādhanam | na 
AS-VDh 242,15	caitadvijñaptimātravādinaḥ saṃbhavati, virodhāt | nanu 'syādvādino 'pi taddoṣodbhāvanam ayuktaṃ vijñaptimātravā- 
AS-VDh 242,16	dinaṃ prati, tasya tadasiddheḥ, vijñaptimātravyatirekeṇa doṣasyāpy abhāvād guṇavat | svābhyupagamamātrād eva 
AS-VDh 242,17	tatsaṃbhavaḥ, parasya vijñaptimātrasādhanāt pūrvaṃ yathāpratīti vastuno vyavasthānād iti samādhāne tata eva 
AS-VDh 242,18	saugatasyāpi tad eva samādhānam astu, vicārāt pūrvaṃ sarvasyāvicāritaramaṇīyena rūpeṇa yathāpratīti sādhyasā- 
AS-VDh 242,19	dhanavyavahārapravṛtter anyathā vicārāpravṛtteḥ | siddhe tu vijñaptimātre na kaścit sādhyasādhanavyavahāraṃ pratanoti 
AS-VDh 242,20	saugato, nāpi pareṣāṃ taddoṣodbhāvane 'vakāśo 'sti' iti kecit, to 'pi na vicāracaturacetasaḥ, kiṃcin nirṇī-
AS-VDh 243,01	tam āśrityānyatrānirṇītarūpe tadavinābhāvini vicārasya pravṛtteḥ, sarvavipratipattau tu kvacid vicāraṇānavatara- 
AS-VDh 243,02	ṇāt | iti vicārāt pūrvam api vicārāntareṇa nirṇīte eva sādhyasādhanavyavahāras tadguṇadoṣasvabhāvaśca niścī- 
AS-VDh 243,03	yate | na caivam anavasthā, saṃsārasyānāditvāt kvacit kasyacit kadācid ākāṅkṣānivṛtter vicārāntarānapekṣaṇāt | 
AS-VDh 243,04	tato yuktam eva syādvādinaḥ pratijñādoṣodbhāvanaṃ hetudoṣodbhāvanaṃ ca | tathā hi | ayaṃ pṛthaganupalambhād bhe- 
AS-VDh 243,05	dābhāvamātraṃ sādhaye n nīlataddhiyoḥ | tac cāsiddhaṃ, saṃbandhāsiddher abhāvayoḥ kharaśṛṅgavat | siddhe hi 
AS-VDh 243,06	dhūmapāvakayoḥ kāryakāraṇabhāve saṃbandhe kāraṇābhāvāt kāryasyābhāvaḥ sidhyati | sati ca śiṃśapātvavṛkṣatva- 
AS-VDh 243,07	yor vyāpyavyāpakabhāve vyāpakābhāvād vyāpyābhāvo, nānyathā | na caivaṃ bhedapṛthagupalambhayoḥ saṃbandhaḥ kvaci- 
AS-VDh 243,08	t siddho, virodhād vijñaptimātravādino yataḥ pṛthagupalambhābhāvo bhedābhāvaṃ sādhayet iti na niścito hetuḥ | 
AS-VDh 243,09	etenāsahānupalambhād abhedasādhanaṃ pratyuktaṃ, bhāvābhāvayoḥ saṃbandhāsiddhe r aviśeṣāt, tādātmyatadu- 
AS-VDh 243,10	tpattyor arthasvabhāvaniyamāt, tadanyavyāvṛtter arthāsvabhāvatvād ekatvena bhāvasvabhāvena saha tadayogāt | 
AS-VDh 243,11	siddhe 'pi pratiṣedhaikānte vijñaptimātraṃ na sidhyet, tadasādhanāt | tatsiddhau tadāśrayaṃ dūṣaṇam anu- 
AS-VDh 243,12	ṣajyeta grāhyagrāhakabhāvasiddhilakṣaṇaṃ tadvadbahirarthasiddhiprasañjanaṃ cāviśeṣāt | tadekopalambhaniyamo 'py a- 
AS-VDh 243,13	siddhaḥ, sādhyasādhanayor aviśeṣāt | sādhyaṃ hi nīlataddhiyor ekatvam | tadekopalambho 'pi tad eva, jñāna- 
AS-VDh 243,14	syaikasyopalambhād iti hetvarthavyākhyānāt, sahaśabdasyaikaparyāyatvāt sahodaro bhrātetyādivat | tathekajñā- 
AS-VDh 243,15	nagrāhyatvaṃ dravyaparyāyaparamāṇubhir anaikāntikam | dravyaparyāyau hi jainānām ekamatijñānagrāhyau, na ca sarva- 
AS-VDh 243,16	thaikatvaṃ pratipadyete | sautrāntikasya ca saṃcitā rūpādiparamāṇavaś cakṣurādijñānenaikena grāhyāḥ, 'saṃcitā- 
AS-VDh 243,17	lambanāḥ pañca vijñānakāyāḥ' iti vacanāt | na caikyaṃ pratipadyante | tathā yogācārasyāpi sakala- 
AS-VDh 243,18	vijñānaparamāṇavaḥ sugatajñānenaikena grāhyāḥ, na caikatvabhājaḥ | iti tair anaikāntikaṃ sādhanam anuṣajyate | 
AS-VDh 243,19	nīlataddhiyor aikyam ananyavedyatvāt svasaṃvedanavad ity atrāpi pareṣām ananyavedyatvam asiddhaṃ, nīlajñānād anyasya 
AS-VDh 243,20	nīlasya vedyatvāt | 
AS-VDh 244,01	etenaikalolībhāvenopalambhaḥ sahopalambhaś citrajñānākāravadaśakyavivecanatvaṃ sādhanam asiddham uktaṃ, nīlata- 
AS-VDh 244,02	dvedanayor aśakyavivecanatvāsiddher antarbahirdeśatayā vivekena pratīteḥ | yadi punar ekadopalambhaḥ sahopalambha 
AS-VDh 244,03	iti vyākhyāyate tadā ekakṣaṇavartisaṃvittīnāṃ sākalyena sahopalambhaniyamād vyabhicārī hetuḥ, 
AS-VDh 244,04	tāsāṃ tathotpatter eva saṃvedanatvāt saṃviditānām evotpatteḥ | dvicandradarśanavad iti dṛṣṭānto 'pi sādhyasādhana- 
AS-VDh 244,05	vikalaḥ, tathopalambhābhedayor arthe pratiniyamād dhāntau tadasaṃbhavāt, saṃbhave tadbhrāntitvavirodhāt | 
AS-VDh 244,06	nanu cāsahānupalambhamātrād abhedamātraṃ sādhanāt sādhyarūpaṃ bhrāntād api saṃbhavati, abhāve 'bhāvayoḥ 
AS-VDh 244,07	saṃbhavāvirodhāt | tato na sādhyasādhanavikalo dṛṣṭānta iti na śakyapratiṣṭhaṃ, kathaṃcid arthasvabhā- 
AS-VDh 244,08	vānavabodhaprasaṅgāt, sarvavijñānasvalakṣaṇakṣaṇakṣayaviviktasantativibhramasvabhāvānumiteḥ sākalyenai- 
AS-VDh 244,09	katvaprasaṅgāt, tadanyāpohamātrād dhetor anyāpohamātrasyaiva siddher arthasvabhāvānavabodhāt | kiṃ ca sakṛdupala- 
AS-VDh 244,10	mbhaniyame hetvarthe sati ekārthasaṃgatadṛṣṭayaḥ paracittavido vā nāvaśyaṃ tadbuddhiṃ tadarthaṃ vā saṃvida- 
AS-VDh 244,11	ntīti hetor asiddhiḥ, niyamasyāsiddheḥ | kiñca sahopalambhaniyamaś ca syād bhedaś ca syāt | kiṃ viprati- 
AS-VDh 244,12	ṣidhyeta ? svahetupratiniyamasaṃbhavāt | iti sandigdhavyatireko hetur na vijñaptimātratāṃ sādhayet | tasmād ayaṃ 
AS-VDh 244,13	vijñānavādī mithyādṛṣṭiḥ parapratyāyanāya śāstraṃ vidadhānaḥ paramārthataḥ saṃvidāno vā vacanaṃ 
AS-VDh 244,14	tattvajñānaṃ ca pratiruṇaddhīti na kiṃcid etat, asādhanāṅgavacanād adoṣodbhāvanāc ca nigrahārhatvāt | 
AS-VDh 244,15	na hy asya vacanaṃ kiṃcit sādhayati dūṣayati vā, yatas tadvacanaṃ sādhanāṅgaṃ doṣodbhāvanaṃ vā syāt | nāpi 
AS-VDh 244,16	kiṃcit saṃvedanam asya samyag asti, yena mithyādṛṣṭir na bhavet | saṃvidadvaitam astīti cen na, tasya svataḥ parato 
AS-VDh 244,17	vā brahmavadapratipatter yathāsaṃvedanaṃ mithyātvasiddheḥ | tad evaṃ nāntaraṅgārthataikānte buddhir vākyaṃ vā samyagupāyatattvaṃ 
AS-VDh 244,18	saṃbhavatīti sthitam | 
ĀM-VDh 81ab		bahiraṅgārthataikānte pramāṇābhāsanihnavāt | 
ĀM-VDh 81cd		sarveṣāṃ kāryasiddhiḥ syād viruddhārthābhidhāyinām | 81 | 
AS-VDh 245,03	yat kiṃcic cetas tatsarvaṃ sākṣātparamparayā vā bahirarthapratibaddham | yathāgnipratyakṣetaravedanam | sva- 
AS-VDh 245,04	pnadarśanam api cetaḥ, tathā viṣayākāranirbhāsāt | sādhyadṛṣṭāntau pūrvavad | vivādāpannaṃ vijñānaṃ sā- 
AS-VDh 245,05	kṣātparamparayā vā bahirarthapratibaddhaṃ, viṣayākāranirbhāsāt | yathāgnipratyakṣetaravedanam | tathā svapnadarśanam api 
AS-VDh 245,06	viṣayākāranirbhāsam | tattathā | iti bahiraṅgārthataikāntaḥ, sarvavedanānāṃ bahirviṣayatvābhiniveśāt | 
AS-VDh 245,07	atrāpi lokasamayapratibaddhānāṃ parasparaviruddhaśabdabuddhīnāṃ svārthasaṃbandhaḥ paramārthataḥ prasajyeta | 
AS-VDh 245,08	na caivaṃ, tṛṇāgre kariṇāṃ śatam ityādivacanānāṃ svapnādibuddhīnāṃ na svārthe saṃbandhābhāvāt tathā 
AS-VDh 245,09	saṃvādāsiddheḥ | syān mataṃ 'dvividho 'rtho, laukiko 'laukikaś ca | yatra lokasya paritoṣaḥ sa laukikaḥ 
AS-VDh 245,10	satyatvābhimatajñānaviṣayaḥ | yatra na lokasya paritoṣaḥ śāstravidāṃ tu saṃtoṣaḥ solaukiko 'rthaḥ svapnādibuddhi- 
AS-VDh 245,11	viṣayaḥ, sarvathāpy avidyamānasya pratibhāsavacanāsaṃbhavāt kharaviṣāṇānutpannapradhvastaviṣayaśabdajñānānām api 
AS-VDh 245,12	lokāgocarālaukikārthaviṣayatvāt' iti tad etadalaukikam eva, jāgratpratyayā nirālambanā eva pratyayatvāt 
AS-VDh 245,13	svapnapratyayavad iti parārthānumānapratyayasyāsvārthapratibaddhatve tenaiva cetastvasya viṣayākāranirbhāsasya ca 
AS-VDh 245,14	hetor vyabhicārāt svārthapratibaddhatve ca sarvavedanānāṃ sālambanatvavirodhāt | asyālaukikārthālambanatvān na 
AS-VDh 245,15	laukikārthālambanatve sādhye hetor vyabhicāro virodho veti cen na, laukikālaukikārthālambanaśūnyatvānumānena 
AS-VDh 245,16	hetor vyabhicāravirodhayos tadavasthatvāt | na caivaṃvidhārthānāṃ parasparaviruddhānāṃ sakṛtsaṃbhava iti na bahiraṅgā- 
AS-VDh 245,17	rthataikāntaḥ śreyān'antaraṅgārthataikāntavat | 
ĀM-VDh 82ab		virodhān nobhayaikātmyaṃ syādvādanyāyavidviṣām | 
ĀM-VDh 82cd		avācyataikānte 'py uktir nāvācyam iti yujyate | 82 | 
AS-VDh 246,03	antarbahirjñeyaikāntayoḥ sahābhyupagamo viruddhaḥ syādvādanyāyavidviṣām eva | tadavācyatāyām ukti- 
AS-VDh 246,04	virodhaḥ pūrvavat | syādvādāśrayaṇe tu na kaścid doṣa ity āhuḥ | 
ĀM-VDh 83ab		bhāvaprameyāpekṣāyāṃ pramāṇābhāsanihnavaḥ | 
ĀM-VDh 83cd		bahiḥ prameyāpekṣāyāṃ pramāṇaṃ tannibhaṃ ca te | 83 | 
AS-VDh 246,07	sarvasaṃvitteḥ svasaṃvedanasya kathaṃcit pramāṇatvopapattes tadapekṣāyāṃ sarvaṃ pratyakṣaṃ, na kaścit pramā- 
AS-VDh 246,08	ṇābhāsaḥ, saugatānām apy atrāvivādāt, sarvacittacaittānām ātmasaṃvedanaṃ pratyakṣam iti vacanāt | tannirvi- 
AS-VDh 246,09	kalpakam ity ayuktaṃ svārthavyavasāyātmatvam antareṇa pratyakṣatvānupapatteḥ samarthanāt | tathānabhyupapagame 'nyata 
AS-VDh 246,10	eva buddher anumānaṃ syāt | tac cāyuktaṃ liṅgābhāvāt | tatrārthajñānam aliṅgaṃ, tadaviśeṣeṇāsiddheḥ | svayam apra- 
AS-VDh 246,11	tyakṣaṃ jñānaṃ hy arthaparicchedād anumīyate ity arthajñānaṃ karmarūpam arthasya prākaṭyaṃ talliṅgam iṣyate sa hi bahi- 
AS-VDh 246,12	rdeśasaṃbaddhaḥ pratyakṣam anubhūyate, jñāte tv anumānād avagacchati buddhim iti vacanāt | taccārthaprākaṭyam arthadharmo 
AS-VDh 246,13	jñānadharmo vā ? prathamapakṣe 'rthaparicchedakajñānād aviśeṣeṇetarasyāsiddher na talliṅgam | tadaviśeṣas tu, tasyāsva- 
AS-VDh 246,14	saṃviditatvād anumānāpekṣatvaprasaṅgāt | na hi jñāne paricchedake 'pratyakṣe tatkṛto 'rthaparicchedaḥ pratyakṣaḥ 
AS-VDh 246,15	syāt, saṃtānāntarajñānakṛtārthaparicchedavat | bahirarthasya pratyakṣatvāt taddharmasya pratyakṣatvam iti cen na, artha- 
AS-VDh 246,16	syāpi svataḥ pratyakṣatvāsiddheḥ | svajñāne pratibhāsamānasya pratyakṣatve saṃtānāntarajñāne 'pi sākṣātpratibhāsamāne 
AS-VDh 246,17	pratyakṣatvaprasaṅgaḥ, tasyānumeyatvāviśeṣāt | bahirarthaprākaṭyasya pramātuḥ svasaṃviditattvāt talliṅgam eva jñāne 
AS-VDh 246,18	prasiddham iti cet katham arthadharmaḥ svasaṃvidito nāma ? arthavat | so 'yaṃ jñānam asvasaṃviditaṃ prākaṭyam arthasvarūpaṃ 
AS-VDh 247,01	svasaṃviditam ity ācakṣāṇo viparītaprajñaḥ | paricchidyamānatvasya jñānajasyārthadharmasyārthajñānasya kutas tato 
AS-VDh 247,02	viśeṣo yena talliṅgaṃ sidhyet ? puṃsaḥ svasaṃviditatvena tato viśeṣe vā tadanyatareṇārthaparisamāpteḥ 
AS-VDh 247,03	kiṃ dvitīyena ? svasaṃviditārthaparicchedād eva svārthaparicchittisiddher apratyakṣajñānasyākiṃcit karatvāt | puṃso 
AS-VDh 247,04	vā svasaṃviditārthatvenārthaparicchedasiddheḥ kim anena ? tasya karaṇatvān nākiṃcitkaratvam ātmanaḥ kartṛtvād arthasya 
AS-VDh 247,05	ca karmatvāt karaṇatvavirodhāt, karaṇam antareṇa kriyāyāḥ saṃbhavābhāvād iti cet tarhi puṃsaḥ svasaṃvittau kiṃ 
AS-VDh 247,06	karaṇam ? svātmaiveti cet sa evārthaparicchittāv api karaṇam astu, kartur ananyasyāpi kathaṃcid avibhaktakartṛkasya 
AS-VDh 247,07	karaṇasya siddher vibhaktakartṛkavat | etenārthaparicchedasyārthadharmasya svasaṃvittau svātmanaḥ karaṇatve karaṇāntara- 
AS-VDh 247,08	m akiṃcitkaram uktam | tataḥ puruṣārthaparicchedayor anyatareṇa svātmanaiva karaṇenārthaparisamāpteḥ kiṃ dvitīyena 
AS-VDh 247,09	karaṇena parokṣajñānena ? yac cedam arthajñānaṃ tac ced arthasvalakṣaṇaṃ syād vyābhicārād ahetuḥ, apratyakṣe jñāne sādhye 
AS-VDh 247,10	tasyārthasvarūpasya tadabhāve 'pi bhāvād anyathārthābhāvaprasaṅgāt | na ca jñānasyābhāve 'rthasyābhāvaḥ | paricchi- 
AS-VDh 247,11	dyamānatvadharmeṇa dharmiṇo viśiṣṭasyārthasyābhāva eveti cen na, tasya jñānāsiddhau pratipattivirodhāt, viśeṣa- 
AS-VDh 247,12	ṇāpratītau tadviśiṣṭatvasya kvacid apratīter asiddhatvena hetutvāyogasyābhidhānāt | etenārtham ahaṃ jānāmīti 
AS-VDh 247,13	pratīter ātmano 'rthajñānaṃ svasaṃviditam arthaprākaṭyaṃ jñānadharmo 'pratyakṣāyāṃ liṅgabuddhau liṅgam ity etad apāstaṃ, tasya 
AS-VDh 247,14	buddher apratyakṣatve tathā pratīter ayogāt | ity aviśiṣṭa eva jñānānapekṣasvabhāvo 'rthas taddhetuḥ syāt | sa ca 
AS-VDh 247,15	vyabhicāry eva | etenendriyādipratyakṣaṃ pratyuktaṃ, tasyāpy atīndriyatvenāpratyakṣajñānād aviśeṣeṇāsiddheḥ | 
AS-VDh 247,16	viśeṣeṇa vā tayor anyatareṇa bhāvendriyādinā svasaṃviditenārthaparisamāpteḥ kiṃ dvitīyenāpratyakṣajñānena ? 
AS-VDh 247,17	tasyaiva jñānatvāt | vyabhicārī cendriyādihetur jñānābhāve 'pi bhāvāt kāraṇasyendriyasya manaso 
AS-VDh 247,18	vāvaśyaṃ kāryavattvānupapatteḥ | tataḥ pratyakṣetarabuddhyavabhāsasya svasaṃvedanāt pratyakṣaviruddhaṃ, jñānasyā-
AS-VDh 248,01	pratyakṣatvam anumānaviruddhaṃ ca | tathā hi | sukhaduḥkhādibuddher apratyakṣatve harṣaviṣādādayo 'pi na syur ā- 
AS-VDh 248,02	tmāntaravat | 
AS-VDh 248,03	etena pratikṣaṇaṃ niraṃśaṃ saṃvedanaṃ pratyakṣaṃ pratyuktaṃ, yathāpratijñam anubhavābhāvāt, yathānubhavam ana- 
AS-VDh 248,04	bhyupagamāt, sthirasyātmanaḥ sukhaduḥkhādibuddhyātmakasya pratyakṣam anubhūyamānasya harṣaviṣādāder anubhavāt | 
AS-VDh 248,05	bhrānto 'yam anubhava iti cen na, bādhakābhāvāt | sarvatra sarvadā bhrānter apratyakṣatvāviśeṣāt parokṣajñānavādā- 
AS-VDh 248,06	nuṣaṅgaḥ saugatasya | kathaṃcid bhrāntāv ekāntahāneḥ syādvādānupraveśaḥ | na kevalaṃ nirvikalpake 'rthadarśane 
AS-VDh 248,07	parokṣajñānād aviśeṣaḥ | kiṃ tarhi ? tadvyavasthāhetau vikalpasvasaṃvedane 'pi, vikalpānativṛtteḥ, sarvathā 
AS-VDh 248,08	vikalpasya bhrāntatve bahir iva svarūpe 'pi bhrānter apratyakṣatvāviśeṣād abhrāntaṃ pratyakṣam iti vacanāt, kathaṃcid bhrānta- 
AS-VDh 248,09	tve 'nekāntasiddher anivāraṇāt | tasmāt svasaṃvedanāpekṣayā na kiṃcij jñānaṃ sarvathā pramāṇam | bahi- 
AS-VDh 248,10	rarthāpekṣayā tu pramāṇatadābhāsavyavasthā, tatsaṃvādakavisaṃvādakatvāt kvacit svarūpe keśamaśakā- 
AS-VDh 248,11	dijñānavat | nabhasi keśādijñānaṃ hi bahirvisaṃvādakatvāt pramāṇābhāsaṃ, svarūpe saṃvādakatvāt pramāṇam | 
AS-VDh 248,12	nacaivaṃ virodhaḥ prasajyate, jīvasyaikasyāvaraṇavigamaviśeṣāt satyetarābhāsasaṃvedanapariṇāmasiddheḥ kālikā- 
AS-VDh 248,13	divigamaviśeṣāt kanakādijātyetarapariṇāmavat | 
AS-VDh 248,14	na ca jīvo nāsty eveti śakyaṃ vaktuṃ tadgrāhakapramāṇasya bhāvāt | tathā hi | 
ĀM-VDh 84ab		jīvaśabdaḥ sabāhyārthaḥ saṃjñātvād dhetuśabdavat | 
ĀM-VDh 84cd		māyādibhrāntisaṃjñāś ca māyādyaiḥ svaiḥ pramoktivat | 84 | 
AS-VDh 248,17	svarūpavyatiriktena śarīrendriyādikalāpena jīvaśabdo 'rthavān | ato na kṛtaḥ prakṛtaḥ 
AS-VDh 248,18	syād iti viklavollāpamātraṃ, lokarūḍheḥ samāśrayaṇāt | kā punar iyaṃ lokarūḍhiḥ ? yatrāyaṃ vyavahāro 
AS-VDh 248,19	jīvo gatas tiṣṭhatīti vā | na hi śarīre 'yaṃ vyavahāro rūḍhas tasyācetanatvād bhogādhiṣṭhānatvena rūḍheḥ | 
AS-VDh 248,20	nāpīndriyeṣu, teṣām upabhogasādhanatvena prasiddheḥ | na śabdādiviṣaye, tasya bhogyatvena vyavahārāt | kiṃ 
AS-VDh 248,21	tarhi ? bhoktary evātmani jīva iti rūḍhiḥ | śarīrādikāryasya caitanyasya bhoktṛtvam ayuktaṃ bhogakriyāvat | 
AS-VDh 249,01	nanu sukhaduḥkhādyanubhavanaṃ bhogakriyā | sā hy atrānvayini garbhādimaraṇaparyante caitanye sarvacetanāviśeṣa- 
AS-VDh 249,02	vyāpini bhoktṛtvaṃ, śarīrādivilakṣaṇatvāt tasyeti cet tadevātmadravyam astu, janmanaḥ pūrvaṃ maraṇād ūrdhvam api tasya 
AS-VDh 249,03	sadbhāvopapatter anyathā pṛthivyādisamudayaśarīrendriyaviṣayebhyo vailakṣaṇyāsaṃbhavāt | na tatkāryaṃ, tato 'tyantavi- 
AS-VDh 249,04	lakṣaṇam asti, rūpādisamanvayāt | caitanyasyāpi sattvādisamanvayān nātyantavilakṣaṇatvam iti cen na, tattvabhede 'pi 
AS-VDh 249,05	tasya bhāvāt | pṛthivyāditattvabhedānām ekavikāritvasamanvayābhāvād bheda eva, keṣāṃcit prāgabhāvādibheda- 
AS-VDh 249,06	vad iti cet kim idānīṃ caitanyabhūtayor ekavikārisamanvayo 'sti ? yena tattvāntaratvena bhedo na syāt | 
AS-VDh 249,07	tasmād ekavikārisamanvayāsattvaṃ vailakṣaṇyam | tad eva ca tattvāntaratvam ity anādyanantatāṃ caitanyasya sādhayati | 
AS-VDh 249,08	tādṛśacaitanyaviśiṣṭe kāye jīvavyavahāraś caitanyakāyayor abhedopacārād eva | kṣaṇike cittasaṃtāne jīvavyavahāra 
AS-VDh 249,09	ity asāraṃ tasya nirākṛtatvāt | tataḥ kartṛtvabhoktṛtvalakṣaṇenopayogasvabhāvena jīvena jīvaśabdaḥ sabāhyārtha 
AS-VDh 249,10	iti sādhyanirdeśe siddhasādhanābhāvaḥ | 
AS-VDh 249,11	saṃjñātvād iti hetur viruddhaḥ sabāhyārthatvaviruddhābhipretamātrasūcakatvena tasya vyāptatvād iti cen na, saṃjñāyā 
AS-VDh 249,12	vaktr'abhiprāyamātrasūcakatvasya pramāṇabādhitatvāt | tathā hi | nātra saṃjñābhipretamātraṃ sūcayati, tato 'rtha- 
AS-VDh 249,13	kriyāyāṃ niyamāyogāt tadābhāsavat | na ca tadayogaḥ saṃjñāyāḥ, tayārthaṃ paricchidya pravartamānasyārthakriyā- 
AS-VDh 249,14	niyamasya darśanāt karaṇapratipattivat, karaṇapratipattīnāṃ tadabhāve 'nādaraṇīyatvāt | tataḥ saṃjñātvaṃ jīvaśabda- 
AS-VDh 249,15	sya sabāhyārthatvaṃ sādhayati hetuśabdavat | sarveṇa hi hetuvādinā hetuśabdaḥ sabāhyārtho 'bhyupagamyate, sādhanata- 
AS-VDh 249,16	dābhāsayor anyathā viśeṣāsaṃbhavāt, vaktrabhiprāyamātrasūcakatvād abāhyārthatvāviśeṣāt | tadviśeṣam icchatā 
AS-VDh 249,17	paramparayāpi paramārthaikatānatvaṃ vācaḥ pratipattavyam | kvacid vyabhicāradarśanād anāśvāse cakṣurādibu- 
AS-VDh 249,18	ddher api katham āśvāsaḥ ? tadābhāsopalabdhe s tatrāpy anāśvāse kuto dhūmāder agnyādipratipattiḥ ? kāryakāraṇa- 
AS-VDh 249,19	bhāvasya vyabhicāradarśanāt | na cedam asiddhaṃ kāṣṭhādijanmano 'gner iva maṇiprabhṛter api bhāvāt | suvivecitaṃ 
AS-VDh 249,20	kāryaṃ kāraṇaṃ ca vyabhicaratīti, tadviśeṣaparīkṣāyāṃ suvivecitaḥ śabdo 'rthaṃ na vyabhicaratīti prasiddher itaratrāpi 
AS-VDh 250,01	tadviśeṣaparīkṣās tu, viśeṣābhāvāt | vaktur abhisandhivaicitryād abhidhānavyabhicāropalambhe, tadita- 
AS-VDh 250,02	rādhyakṣānumānakāraṇasāmagrīśaktivaicitryaṃ paśyatāṃ katham āśvāsaḥ syāt ? tasmād ayam akṣaliṅgasaṃjñā- 
AS-VDh 250,03	doṣāviśeṣe 'pi kvaci t pratyakṣe 'numāne ca parituṣyann anyatamapradveṣeṇeśvarāya te, parīkṣākleśaleśāsahanāt | 
AS-VDh 250,04	nanu cābhāvopādānatvāt tadanyatamāyāṃ saṃjñāyāṃ pradveṣeṇa parīkṣaka eva, na punar īśvarāya te, tasya parīkṣā'- 
AS-VDh 250,05	kṣamatvād iti cen na, tasyāḥ sarvathā bhāvopādānatvābhāvo 'bhāvopādānatvāsiddheḥ | sarvatra bhāvopādānasaṃbhave 
AS-VDh 250,06	hi samākhyānāmitaropādānaprakḷptiḥ | etenaitad api pratyuktaṃ yad uktaṃ saugatena 'anādivāsanodbhūtavika- 
AS-VDh 250,07	lpapariniṣṭhitaḥ | śabdārthas trividho dharmo bhāvābhāvobhayāśritaḥ' iti, tattvato bhāvāśrayatvābhāve vāsanodbhū- 
AS-VDh 250,08	tabhāvāśrayatvānupapatteḥ sarvatrānubhavapūrvakatvād vāsanāyāḥ paramparayā vastupratibandhāt | pūrvapūrvavāsanāta evotta- 
AS-VDh 250,09	rottaravāsanāyāḥ samudbhavād anāditvād avastvāśrayatvam eveti cen na, śabdavāsanāyā apy anāditve parārthānumāna- 
AS-VDh 250,10	śabdavāsanāyāḥ sādhanasvalakṣaṇadarśananimittakatvavirodhāt | trirūpahetuvacanasya paramparayā dhūmādivadvastvā- 
AS-VDh 250,11	śrayatve hetuśabdavajjīvaśabdasya bhāvāśrayatvaṃ yuktam | bhāvaś cātra harṣaviṣādādyanekākāravivartaḥ, pratyā- 
AS-VDh 250,12	tma vedanīyaḥ, pratiśarīraṃ bhedātmako 'pratyākhyānārhaḥ pratikṣipantam ātmānaṃ pratibodhayatīti kṛtaṃ 
AS-VDh 250,13	prayāsena | tad anena hetoḥ kālātyayāpadiṣṭatvaṃ pratikṣiptaṃ, pakṣasya pratyakṣādibhir abādhitatvāt | tatra nirati- 
AS-VDh 250,14	śayasyāsvasaṃviditasya sarvaśarīreṣv abhinnasyaikasya pratikṣaṇaṃ bhinnasya cātmanaḥ pratibhāsābhāvāt tasya pratyākhyā- 
AS-VDh 250,15	nārhatvasādhanān na tena jīvaśabdaḥ sabāhyārthaḥ | nanu ca māyādibhrāntisaṃjñābhir abāhyārthābhir anaikāntikaṃ saṃjñā- 
AS-VDh 250,16	tvam iti cen na, tāsām api māyādyaiḥ svairarthaiḥ sabāhyārthatvāt pramāṇavacanavat | na hi māyādisamākhyāḥ 
AS-VDh 250,17	svārtharahitā viśiṣṭapratipattihetutvāt pramāṇasamākhyāvat | bhrāntisamākhyānām abāhyārthatve tato 
AS-VDh 250,18	bhrāntipratipatter ayogāt pramāṇatvapratipattiprasaṅgān na viśiṣṭapratipattihetutvam asiddham | pramāṇaśabdasya svā- 
AS-VDh 250,19	rthaviśeṣarahitve bhrāntipratipattyanuṣaṅgāc ca na tadasiddhaṃ, yato nidarśanaṃ sādhanadharmavikalaṃ syāt | etena 
AS-VDh 251,01	kharaviṣāṇādiśabdānām api svārtharahitatvam apāstaṃ, viśiṣṭapratipattihetutvāviśeṣād anyathā bhāvaśabdatvaprasaṅgāt | 
AS-VDh 251,02	tato na tair api vyabhicāraḥ | kiñca —
ĀM-VDh 85ab		buddhiśabdārthasaṃjñās tās tistro buddhyādivācikāḥ | 
ĀM-VDh 85cd		tulyā buddhyādibodhāś ca trayas tatpratibimbakāḥ || 85 || 
AS-VDh 251,05	ye 'py āhuḥ 'arthābhidhānapratyayās tulyamāna iti–jīvārthasya jīva iti saṃjñā, jīva iti śabdasya, ca, 
AS-VDh 251,06	jīva iti buddheś ceti | tatrārthapadārthaka eva jīvaśabdaḥ sabāhyārthaḥ siddho, na buddhiśabdapadārthakaḥ | tato 
AS-VDh 251,07	'nena hetor vyabhicāraḥ, saṃjñātvasya sāmānyena hetuvacanāt' iti, te 'pi na samyaguktayaḥ, sarvatra buddhiśabdā- 
AS-VDh 251,08	rthasaṃjñānāṃ tisṛṇām api svavyatiriktabuddhyādipadārthavācakatvāt | yasmād dhi śabdād uccāritād avyabhicāreṇa 
AS-VDh 251,09	yatra bodhaḥ prajāyate sa eva tasyārthaḥ syāt, anyathā śabdavyavahāravilopāt | yathā ca jīvaśabdād artha- 
AS-VDh 251,10	padārthakāj jīvo na hantavya ity atra jīvārthasya pratibimbako bodhaḥ prādurbhavati tathā buddhipadārthakāj jīva iti 
AS-VDh 251,11	buddhyata ityāder buddhyarthasya pratibimbako, jīva ityāheti śabdapadārthakāc chabdasya pratibimbakaḥ syāt | tata- 
AS-VDh 251,12	strayo 'rthās tisṛṇāṃ saṃjñānām avagamyante tatpratibimbakabodhānāṃ trayāṇām eva bhāvāt | tad anenācāryo hetuvyabhi- 
AS-VDh 251,13	cārāśaṅkāṃ pratyastamayati, buddhyādisaṃjñānāṃ tisṛṇām api svavyatiriktavastusaṃbandhadarśanāt tadbuddhīnāṃ 
AS-VDh 251,14	ca tisṛṇāṃ tannirbhāsanāt tadviṣayatopapatteḥ | sāmānyato jīvaśabdasya dharmitvāt svavyatiriktārthasya ca 
AS-VDh 251,15	sabāhyārthatvasya sādhyatvād vyabhicāraviṣayasyāsattvād avyabhicārī hetuḥ | 
AS-VDh 251,16	nanu ca vijñānavādinaṃ prati saṃjñātvād ity asiddho hetuḥ, saṃjñāyā vijñānavyatirekeṇāsattvāt | dṛṣṭāntaś ca 
AS-VDh 251,17	sādhanavikalo, hetuśabdasya tadābhāsavedanād anyasyāvidyamānatvāt | saṃjñābhāsajñānasya hetutve śabdābhā- 
AS-VDh 251,18	sasvapnajñānena vyabhicārī hetuḥ | iti kaścit taṃ pratyabhidhīyate | 
ĀM-VDh 86ab		vaktṛśrotṛpramātṝṇāṃ bodhavākyapramāḥ pṛthak | 
ĀM-VDh 86cd		bhrāntāv eva pramābhrāntau bāhyārthau tādṛśetarau || 86 || 
AS-VDh 252,01	vaktur abhidheyabodhābhāve kuto vākyaṃ pravarteta ? tasyābhidheyabodhanibandhanatvāt | vākyābhāve ca śrotur abhi- 
AS-VDh 252,02	dheyajñānāsaṃbhavas tasya tannimittakatvāt | pramātuḥ pramityabhāve ca śabdārthayoḥ prameyayor avyavasthānādiṣṭatattvā- 
AS-VDh 252,03	nupapatter vakrāditrayasya bodhāditrayaṃ pṛthagbhūtam upeyam | tathā sati na hetor asiddhatādidoṣo, dṛṣṭāntasya vā 
AS-VDh 252,04	sādhyādivaikalyaṃ prasajyate | syān mataṃ 'bahir arthābhāvād vaktrāditrayaṃ na buddheḥ pṛthagbhūtaṃ, vaktrādyābhāsāyā buddher eva 
AS-VDh 252,05	vaktrāditvavyavahārāt, vākyasyāpi bodhavyatirekeṇāsattvāt, pramāyā bodhātmakatvāt | tato 'siddhatādidoṣaḥ 
AS-VDh 252,06	sādhanasya hetudṛṣṭāntalakṣaṇasya' iti, tan na, rūpāder grāhakasya tadvyatiriktavijñānasaṃtānakalāpasya ca 
AS-VDh 252,07	svāṃśamātrāvalambinaḥ pramāṇasya vibhramakalpanāyāṃ sākalyenāsiddher antarjñeyābhyupagamavirodhāt | na 
AS-VDh 252,08	hi rūpāder abhidheyasya grāhakasya vaktuḥ śrotuś ca vibhramakalpanāyāṃ vyatiriktavijñānasaṃtānakalāpaḥ svāṃśamātrā- 
AS-VDh 252,09	valambī sidhyati parasparam asaṃcārāt, yenābhidhānābhidheyajñānabhedaḥ syāt | tasyāpi vibhramakalpanāyāṃ na 
AS-VDh 252,10	pramāṇasiddhir abhrāntasya jñānasya pramāṇatvavyavasthiteḥ | pramāṇasyāpi vibhramakalpanāyāṃ katham antarjñeyam eva tattva- 
AS-VDh 252,11	m ity abhyupagamo na virudhyate ? pramāṇam antareṇa tadabhyupagame sarvasya sveṣṭābhyupagamaprasaṅgāt | pramāṇabhrāntau 
AS-VDh 252,12	bāhyārthayos tādṛśānyādṛśayoḥ prameyayor antarjñeyabahirjñeyayor iṣṭāniṣṭayor vivecanasyāpi bhrāntatvaprasaṅgāt | tau 
AS-VDh 252,13	hi grāhakāpekṣayā bāhyārthau bhrāntāv eva grāhakapramāṇabhrānteḥ | iti kutas tatra heyopādeyavivekaḥ 
AS-VDh 252,14	syād antarjñeyaikānte ? yatas tadabhyupagamo na viruddho bhavet | yadi punaḥ pramāṇam abhrāntam iṣyate tadā 
AS-VDh 252,15	bāhyārthobhyupagantavyaḥ, tadabhāve pramāṇatadābhāsavyavasthityayogāt | tathā hi —
ĀM-VDh 87ab		buddhiśabdapramāṇatvaṃ bāhyārthe sati, nāsati | 
ĀM-VDh 87cd		satyānṛtavyavasthaivaṃ yujyate 'rthāptyanāptiṣu || 87 || 
AS-VDh 252,18	buddheḥ svapratipattyarthatvāc chabdasya parapratipādanārthatvāt | svaparapratipattyarthaṃ sādhanaṃ buddhiśabdātmakaṃ sva- 
AS-VDh 252,19	saṃvittyaiva parapratipādanāyogāt tasyāḥ parāpratyakṣatvāt | tasya ca sati bahirarthe pramāṇatvam arthaprāptitaḥ 
AS-VDh 252,20	sidhyet, asati pramāṇābhāsatvam arthānāptitaḥ | iti satyānṛtavyavasthā buddhiśabdayor yujyate, svaparapakṣasā- 
AS-VDh 252,21	dhanadūṣaṇātmanos tathā pratīteḥ | tad evaṃ paramārthataḥ sanbahirarthaḥ sādhanadūṣaṇaprayogāt | ity ekalakṣaṇo 
AS-VDh 253,01	hetuḥ pravartate | na cātraikalakṣaṇam asiddhaṃ, saty eva bahirarthe paramārthato hetor upapattes tathopapannatvasya pradhānalakṣaṇasya 
AS-VDh 253,02	sadbhāvāt | anyathā svapnetarāviśeṣāt kiṃ kena sādhitaṃ dūṣitaṃ ca ? iti kutaḥ saṃtānāntaram anyad vā 
AS-VDh 253,03	svasantānakṣaṇakṣayavedyādyākāraśūnyatvaṃ sādhayet ? bahirarthasya vāstavasya grāhyalakṣaṇasyābhāve hi sādhanadūṣaṇa- 
AS-VDh 253,04	prayogasya hetoḥ saṃbhave svapnajāgradavasthābhāvine tataprayogayor viśeṣāsiddhiḥ | tataḥ kiṃcij jñaptimātraṃ kena 
AS-VDh 253,05	sahopalambhaniyamādinānumānena svārthena sādhitaṃ syāt, parārthena vā vacanātmanā paraṃ prati, kiṃ vā svasaṃvi- 
AS-VDh 253,06	dadvaitaṃ svataḥ pratyakṣata eva sādhitaṃ syāt ? tatsādhanasya svapnavannirviṣayatvāt | kiṃ vā bahirarthajātaṃ kena, 
AS-VDh 253,07	jaḍasya pratibhāsāyogāt ityādinā svārthena parārthena vā dūṣaṇena dūṣitaṃ syāt ? iti saṃtānāntaram api na 
AS-VDh 253,08	kenacit sādhanena sādhitaṃ syāt | tadanabhyupagame na kenacid dūṣaṇena dūṣitaṃ syāt, tathā svasaṃtānakṣaṇakṣayā- 
AS-VDh 253,09	dikaṃ ca na kenacit sādhitaṃ syāt | tadanabhyupagame 'pi na kenacid dūṣitam | iti na kvacid vyavatiṣṭhate | 
AS-VDh 253,10	taimirikadvayadvicandradarśanavadbhrāntaḥ sarvo vyavahāra ity atrāpi tattvajñānaṃ śaraṇaṃ, tata eva sarvavibhramavyava- 
AS-VDh 253,11	sthiteḥ | iti vyāhatam etat tattvajñānāt sarvasya bhrāntatvasādhanam, anyathā bahirarthavad abhisaṃhitasyāpi 
AS-VDh 253,12	sarvavibhramasya nirākaraṇāpatteḥ, bhrāntād eva jñānāt tasyāpy asiddheḥ | tathā paramāṇvādidūṣaṇe 'pi pratipa- 
AS-VDh 253,13	ttavyaṃ, tattvajñānaṃ śaraṇam atattvajñānād abhisaṃhitasyāpi paramāṇvādyasattvasya nirākaraṇāpatteḥ | anyathā tatkṛ- 
AS-VDh 253,14	tam akṛtaṃ syād iti sarvatra yojyaṃ, sarvasya sveṣṭasya svayam aniṣṭasya ca tattvajñānād eva sādhanadūṣaṇopapatteḥ | 
AS-VDh 253,15	etena sādhanadūṣaṇaprayogād iti sādhanam asiddham itīcchan pratikṣiptas tadasiddhatvasya svayam iṣṭasya tatsiddhatvasya 
AS-VDh 253,16	cāniṣṭasya sādhanadūṣaṇaprayogād eva vyavasthāpanād anyathā tadavyavasthiter yat kiṃcanavāditvaprasaṅgāt | tad ime 
AS-VDh 253,17	vijñānasaṃtānāḥ santi na santīti tattvā'pratipatter dṛṣṭāpahnutiranibandhanaiva, dṛśyenātmanā kathaṃci - 
AS-VDh 253,18	t skandhākāreṇādṛśyānām api paramāṇūnāṃ bahir api samavasthāne vipratiṣedhābhāvād antarjñeyavat | adṛśyā 
AS-VDh 253,19	eva hi jñānaparamāṇavaḥ saṃvinmātrādṛśyād avasthāpyante nānyatheti yuktam udāharaṇaṃ, bahiḥ paramāṇūnāṃ vyavasthā- 
AS-VDh 253,20	pane, tatra pūrvādidigbhāgabhedena jaḍarūpāṇāṃ ṣaḍaṃśādikalpanayā vṛttivikalpena vā parapakṣopālambhe 
AS-VDh 254,01	svapakṣākṣepāt, tasyopālambhābhāsatvasiddheḥ | samānaṃ hi dūṣaṇaṃ bahiḥparamāṇuṣu, saṃvitparamāṇuṣu ca | 
AS-VDh 254,02	deśataḥ saṃbandhe ṣaḍaṃśatvaṃ digbhāgabhedāt, sarvātmanā, pracayasyaikaparamāṇumātratvam | pracayasya paramāṇubhyo 
AS-VDh 254,03	bhede pratyekaṃ parisamāptyaikadeśena vā vṛttau pracayabahutvaṃ sāṃśatvāpādanam anavasthā ca | na ca paramāṇubhiḥ 
AS-VDh 254,04	saṃsṛṣṭair vyavahitair vā pracayasyopakāre saṃsargāsaṃbhavo, vyavadhānena vyavadhīyamānābhyāṃ vyavadhāyakasya sajātī- 
AS-VDh 254,05	yasya, vijātīyasya vā vyavadhāne prakṛtaparyanuyogo 'navasthāprasañjanaṃ ceti svapakṣaghātiḥ syāt sūkṣmasthūlātmani 
AS-VDh 254,06	bahirjātyantare tasyānavakāśāc ca harṣaviṣādādyanekākārātmavat | tatrāpi virodho dūṣaṇam iti cet sarvathā 
AS-VDh 254,07	kathaṃcid vā ? na tāvad ādyaḥ pakṣaḥ, sarvathā kvacidvirodhāsiddheḥ śītoṣṇasparśayor api sattvādyātmanā'virodhāt, 
AS-VDh 254,08	sveṣṭe 'pi tattve | kathaṃcid virodhaparihārasya punar āyāsatām apy aśakter na dvitīyaḥ pakṣaḥ saṃbhavati | tatsākṣā- 
AS-VDh 254,09	tparaṃparayā vā, vimatyadhikaraṇabhāvāpannaṃ, jñānaṃ, svarūpavyatiriktārthālambanaṃ, grāhyagrāhakākāratvāt 
AS-VDh 254,10	saṃtānāntarasiddhivat | viplavajñānagrāhyagrāhakākāratvena vyabhicāra iti cen na, saṃtānāntarasādhanasyāpi 
AS-VDh 254,11	vyabhicāraprasaṅgāt | na hi vyāpāravyāhāranirbhāso 'pi vipluto nāsti, yenāvyabhicārī hetuḥ syāt | 
AS-VDh 254,12	tadanyatrāpi vāsanābhedo gamyeta na saṃtānāntaram | yathaivaṃ hi jāgraddaśāyāṃ bahirarthavāsanāyā dṛḍhatama- 
AS-VDh 254,13	tvāt tadākārasya jñānasya satyatvābhimānaḥ, svapnādidaśāyāṃ tu tadvāsanāyā dṛḍhatvābhāvāt tadvedanasyāsatyatvā- 
AS-VDh 254,14	bhimāno lokasya, na paramārthato bahirarthaḥ sidhyatīti vāsanābhedo 'bhyupagamyate, tathānupaplavadaśāyāṃ santānānta- 
AS-VDh 254,15	rajñānasya vāsanāyā dṛḍhatamatvāt satyatābhimāno 'nyatra tadadārḍhyād asatyatāvyavahāra iti vāsānābhedo gamyatāṃ, na tu 
AS-VDh 254,16	saṃtānāntaram | tadanabhyupagame svasaṃtānakṣaṇakṣayādisiddhiḥ katham abhyupagamyate ? tataḥ sudūram api gatvā kiṃcid ve- 
AS-VDh 254,17	danaṃ sveṣṭatattvāvalambanam eṣitavyam | tad eva vedyavedakākāraṃ bahirarthavedanasya svarūpavyatiriktālambanatvaṃ sādhayati | 
AS-VDh 254,18	tato bahirarthasya siddheḥ siddhaṃ vaktrāditrayaṃ, tasya ca bodhāditrayam | iti na jīvaśabdasya sabāhyārtha- 
AS-VDh 254,19	tvasādhane saṃjñātvasya sādhanasyāsiddhatām aikāntikatā vā, dṛṣṭāntasya vā sādhanadharmādivaidhuryaṃ, yato na jīva-
AS-VDh 255,01	siddhiḥ syāt | tatsiddhau ca tasyārthaṃ paricchidya pravartamānasya saṃvādavisaṃvādasiddhiḥ sidhyaty eva | syāt sarva- 
AS-VDh 255,02	m abhrāntam eva jñānaṃ bhāvaprameye saṃvādāpekṣaṇāt | syād bhrāntaṃ bahirarthe visaṃvādāpekṣaṇāt | syād ubhayaṃ, kramā- 
AS-VDh 255,03	rpitataddvayāt | syād avaktavyaṃ sahārpitataddvayāt | syād abhrāntāvaktavyaṃ saṃvādasahārpitataddvayāt | syā- 
AS-VDh 255,04	d bhrāntāvaktavyaṃ visaṃvādasahārpitataddvayāt | syād ubhayāvaktavyam eva kramākramārpitataddvayāt | iti 
AS-VDh 255,05	pūrvavat saptabhaṅgīprakriyā yojayitavyā, tathaivātideśasāmarthyāt tadvicārasya siddheḥ, pramāṇanayādeśād api 
AS-VDh 255,06	pratipattavyā | 
AS-VDh 255,07		jñānaikāntādipakṣe gaganaphalam iva jñāpakopāyatattvaṃ, 
AS-VDh 255,08		saṃbhāvyaṃ naiva mānāt katham api nipuṇaṃ bhāvayadbhir mahadbhiḥ | 
AS-VDh 255,09		syādvāde tatprasiddhaṃ vividhanayabalāt tattvataḥ śuddhabuddhe-
AS-VDh 255,10		r ity ājñātaṃ prapañcād vicaratu suciraṃ svāminaḥ sadvacaḥsu || 1 || 
AS-VDh 255,11	ity āptamīmāṃsālaṅkṛtau saptamaḥ paricchedaḥ | 
AS-VDh 256,01	athāṣṭamaḥ paricchedaḥ | 
AS-VDh 256,02		jñāpakam upāyatattvaṃ samantabhadrākalaṅkanirṇītam | 
AS-VDh 256,03		sakalaikāntāsaṃbhavam aṣṭasahasrī nivedayati || 1 || 
ĀM-VDh 88ab		daivād evārthasiddhiś ced daivaṃ pauruṣataḥ katham | 
ĀM-VDh 88cd		daivataś ced anirmokṣaḥ pauruṣaṃ niṣphalaṃ bhavet || 88 || 
AS-VDh 256,06	kārakalakṣaṇam upāyatattvam idānīṃ parīkṣyate | tad dhi, kecid daivam eva dṛṣṭādṛṣṭakāryasya sādhanam ity ācakṣate, 
AS-VDh 256,07	pauruṣam evety apare | kiṃcid daivād eva kiṃcit pauruṣād evety anye, tadubhayasādhanatvenāvaktavyam eveti cetare | tatra 
AS-VDh 256,08	daivād eva yadi sarvasyārthasya siddhir ucyate tadā daivam api kathaṃ puruṣavyāpārāt kuśalākuśalasamācaraṇala- 
AS-VDh 256,09	kṣaṇād upapadyeta, pratijñāhāneḥ | daivāntarād eva daivaṃ, na pauruṣād ity abhyupagame 'nirmokṣo mokṣābhāvaḥ, pūrvapūrvadai- 
AS-VDh 256,10	vād uttarottaradaivapravṛtter anuparamāt | tataḥ pauruṣaṃ niṣphalaṃ bhavet | pauruṣād daivasya parikṣayān mokṣaprasiddher na 
AS-VDh 256,11	tanniṣphalam iti cet saiva pratijñāhāniḥ | mokṣakāraṇapauruṣasyāpi daivakṛtatvāt paraṃparayā mokṣasyāpi 
AS-VDh 256,12	daivakṛtatvopapatter na pratijñāhānir iti cet tarhi pauruṣād eva tādṛśaṃ daivam iti na daivaikāntaḥ | etena dharmā- 
AS-VDh 256,13	d evābhyudayaniḥśreyasasiddhir ity ekāntaḥ pratikṣipto, maheśvarasisṛkṣānarthakyaprasaṅgāc ca | 
AS-VDh 256,14	kutas tarhi samīhitārthasiddhir ityucyate | yogyatā karma pūrvaṃ vā daivam ubhayam adṛṣṭaṃ, pauruṣaṃ punar iha- 
AS-VDh 256,15	ceṣṭitaṃ dṛṣṭam | tābhyām arthasiddhiḥ, tadanyatarāpāye 'ghaṭanāt pauruṣamātre 'rthādarśanād, daivamātre vā 
AS-VDh 256,16	samīhānarthakyaprasaṅgāt | svayam aprayatamānasya sarvam iṣṭāniṣṭam adṛṣṭamātrād eva, prayatamānasya tu prayatnākhyāt 
AS-VDh 256,17	pauruṣyād dṛṣṭād iti vadann api na prekṣāvān, kṛṣyādiṣu samaṃ prayatamānānāṃ kasyacid evārthaprāptyanarthoparamadarśa-
AS-VDh 257,01	nād aparasyānarthaprāptyartho 'param apratīteḥ, dharmādharmayor api tannimittatvasiddheḥ | svayam aprayatamānānām arthaprāptyanartho 
AS-VDh 257,02	'paramayor anarthaprāptyartho 'paramayoś ca sadbhāve 'pi prayatnābhāve 'nupabhogyatvaprasaṅgāt pauruṣasyāpi tadanubhavakāraṇatvani- 
AS-VDh 257,03	ścayāt sarvatra dṛṣṭādṛṣṭayor nimittatvasiddhis tayor anyatarasyāpy apāye tasyānupapadyamānatvāt, mokṣasyāpi paramapu- 
AS-VDh 257,04	ṇyātiśayacāritraviśeṣātmakapauruṣābhyām eva saṃbhavāt | tato na pākṣiko 'pi daivaikāntaḥ śreyān | 
ĀM-VDh 89ab		pauruṣād eva siddhiś cet pauruṣaṃ daivataḥ katham ? | 
ĀM-VDh 89cd		pauruṣāc ced amoghaṃ syāt, sarvaprāṇiṣu pauruṣam || 89 || 
AS-VDh 257,07	pauruṣād evārthasya siddhir iti vadato 'pi kathaṃ pauruṣaṃ daivataḥ syāt ? pratijñāhāniprasaṅgāt | tad dhi pauruṣaṃ 
AS-VDh 257,08	vinā daivasaṃpadā na syāt, 'tādṛśī jāyate buddhir vyavasāyaś ca tādṛśaḥ | sahāyās tādṛśāḥ santi 
AS-VDh 257,09	yādṛśī bhavitavyatā ' iti prasiddheḥ | tat sarvaṃ buddhivyavasāyādikaṃ pauruṣaṃ pauruṣāpāditam iti cet tarhy amo- 
AS-VDh 257,10	gham eva sarvaprāṇiṣu pauruṣaṃ bhavet | tathaiveti cet tadvyabhicāradarśino na vai śraddadhīran | syān matam etat —
AS-VDh 257,11	pauruṣaṃ dvividhaṃ, samyagjñānapūrvakaṃ mithyājñānapūrvakaṃ ca | tatra mithyājñānapūrvakasya pauruṣasya vyabhicāradarśa- 
AS-VDh 257,12	ne 'pi samyagavabodhanibandhanasya na vyabhicāraḥ | tataḥ saphalam eva pauruṣam iti | tad asat, dṛṣṭakāraṇasāmagrīsa- 
AS-VDh 257,13	myagavabodhanibandhanasyāpi pauruṣasya vyabhicāradarśanāt kasyacid upeyāprāpter adṛṣṭakāraṇakalāpasamyagavabodhasya tu 
AS-VDh 257,14	sākṣādasakalavidām asaṃbhavāt tannibandhanapauruṣābhāvāt | pramāṇāntarāt tadavabodhasya saṃbhave 'pi kim asāvadṛśyaḥ 
AS-VDh 257,15	kāraṇakalāpaḥ kāraṇaśaktiviśeṣaḥ, puṇyapāpaviśeṣo vā ? prathamapakṣe tatsamyagavagamanimittakasyāpi 
AS-VDh 257,16	pauruṣasya vyabhicāradarśanān nāmoghatvasiddhiḥ | dvitīyapakṣe tu daivasahāyād eva pauruṣāt phalasiddhiḥ, daivasada- 
AS-VDh 257,17	vagamanibandhanād eva pauruṣād upeyaprāptivyavasthiteḥ | tadaparijñānapūrvakād api kadācit phalopalabdheś ca na samyaga- 
AS-VDh 257,18	vabodhanibandhanaḥ pauruṣaikāntaḥ | ity asau parityājya eva daivaikāntavat | 
ĀM-VDh 90ab		virodhān nobhayaikātmyaṃ syādvādanyāyavidviṣām | 
ĀM-VDh 90cd		avācyataikānte 'py uktir nāvācyam iti yujyate || 90 || 
AS-VDh 257,21	daivetarayoḥ sahaikāntābhyupagame vyāghātād avācyatāyāṃ ca svavacanavirodhāt syādvādanītiḥ 
AS-VDh 257,22	śreyasī taddviṣāṃ pramāṇaviruddhābhidhāyitvāt | kīdṛśī syādvādanītir atrety āhuḥ — 
ĀM-VDh 91ab		abuddhipūrvāpekṣāyām iṣṭāniṣṭaṃ svadaivataḥ | 
ĀM-VDh 91cd		buddhipūrvavyapekṣāyām iṣṭāniṣṭaṃ svapauruṣāt || 91 || 
AS-VDh 258,03	tato 'tarkitopasthitam anukūlaṃ pratikūlaṃ vā daivakṛtaṃ, buddhipūrvāpekṣāpāyāt tatra puruṣakārasyāpradhāna- 
AS-VDh 258,04	tvāt daivasya prādhānyāt | tadviparītaṃ pauruṣāpāditaṃ buddhipūrvavyapekṣānapāyāt, tatra daivasya guṇabhāvāt 
AS-VDh 258,05	pauruṣasya pradhānabhāvāt, na punar anyatarasyābhāvāt apekṣākṛtatvāt tadvyavasthāyāḥ | tathāpekṣānapāye parasparaṃ 
AS-VDh 258,06	sahāyatvenaiva daivapauruṣābhyām arthasiddhiḥ | iti syāt sarvaṃ daivakṛtam abuddhipūrvāpekṣātaḥ | syāt pauruṣakṛtaṃ buddhi- 
AS-VDh 258,07	pūrvāpekṣātaḥ syād ubhayakṛtaṃ kramārpitataddvayāt | syād avaktavyaṃ sahārpitataddvayāt | syād daivakṛtāvaktavyam a- 
AS-VDh 258,08	buddhipūrvāpekṣayā sahārpitataddvayāt | syāt pauruṣakṛtāvaktavyaṃ buddhipūrvāpekṣayā sahārpitataddvayāt | syāt tadubhayāva- 
AS-VDh 258,09	ktavyam eva krametarārpitataddvayāt | iti saptabhaṅgīprakriyā pūrvavat | 
AS-VDh 258,10		daivaikāntādipāṃśuprasaranirasanodbhūtasāmarthyavṛttiḥ, 
AS-VDh 258,11		sanmārgavyāpinīyaṃ pavanatatir ivājñānakhedaṃ harantī | 
AS-VDh 258,12		bandhaṃ pradhvaṃsamaddhā sakalam api balād ānayantī nitāntaṃ, 
AS-VDh 258,13		nītiḥ syādvādinīddhā dṛgavagamabhṛtāṃ nirvṛtiṃ vaḥ pradeyāt || 1 || 
AS-VDh 258,14	ity āptamīmāṃsālaṅkṛtāv aṣṭamaḥ paricchedaḥ | 
AS-VDh 259,01	atha navamaḥ paricchedaḥ | 
AS-VDh 259,02		samyagavabodhapūrvaṃ pauruṣam apasāritākhilānartham | 
AS-VDh 259,03		daivopetam abhīṣṭaṃ sarvaṃ saṃpādayaty āśu || 1 || 
ĀM-VDh 92ab		pāpaṃ dhruvaṃ pare duḥkhāt puṇyaṃ ca sukhato yadi | 
ĀM-VDh 92cd		acetanākaṣāyau ca badhyeyātāṃ nimittataḥ || 92 || 
AS-VDh 259,06	dvividhaṃ hi daivaṃ, puṇyaṃ pāpaṃ ca prāṇinābhiṣṭāniṣṭasādhanam uktaṃ, 'sadvedyaśubhāyur nāmagotrāṇi puṇyam, 
AS-VDh 259,07	itarat pāpam, iti vacanāt | tadāsravanimittavipratipattivipattyartham idam uktam | tatra parasaṃtāne duḥkhahetuḥ 
AS-VDh 259,08	puruṣaḥ pāpam ātmany āsravayati sukhahetuḥ puṇyam itiparatra sukhaduḥkhotpādanāt puṇyapāpabandhaikānte 
AS-VDh 259,09	katham acetanāḥ kṣīrādayaḥ kaṇṭakādayo vā na badhyeran ? parasmin sukhaduḥkhayor utpādanāt | cetanā 
AS-VDh 259,10	eva bandhārhā iti cet tarhi vītarāgāḥ kathaṃ na badhyeran ? tannimittatvā d bandhasya | teṣām abhisandher abhāvān na 
AS-VDh 259,11	bandha iti cet tarhi na paratra sukhaduḥkhotpādanaṃ puṇyapāpabandhahetur ity ekāntaḥ saṃbhavati | 
ĀM-VDh 93ab		puṇyaṃ dhruvaṃ svato duḥkhāt pāpaṃ ca sukhato yadi | 
ĀM-VDh 93cd		vītarāgo munir vidvāṃs tābhyāṃ yuñjayān nimittataḥ || 93 || 
AS-VDh 259,14	svasmin duḥkhotpādanāt puṇyaṃ sukhotpādanāt tu pāpam iti yadīṣyate tadā vītarāgo vidvāṃś ca munis tābhyāṃ 
AS-VDh 259,15	puṇyapāpābhyām ātmānaṃ yuñjyān nimittasadbhāvāt, vītarāgasya kāyakleśādirūpaduḥkhotpatter viduṣas tattvajñānasaṃto- 
AS-VDh 259,16	ṣalakṣaṇasukhotpattes tannimittatvāt | 
AS-VDh 259,17	syān mataṃ–'svasmin duḥkhasya sukhasya cotpattāv api vītarāgasya tattvajñānavatas tadabhisaṃdher abhāvān na puṇya- 
AS-VDh 259,18	pāpābhyāṃ yogas tasya tadabhisaṃdhinibandhanatvāt' iti tarhy anekāntasiddhir evāyātā | ātmasukhaduḥkhābhyāṃ 
AS-VDh 259,19	pāpetaraikāntakṛtānte punar akaṣāyasyāpi dhruvam eva bandhaḥ syāt | tato na kaścin mok‍tum arhati, tadu- 
AS-VDh 259,20	bhayābhāvāsaṃbhavavāt | nahi puṇyapāpobhayabandhābhāvāsaṃbhave muktir nāma, saṃsṛter abhāvaprasaṅgāt | tato naitā- 
AS-VDh 259,21	v ekāntau saṃbhāvyete dṛṣṭeṣṭaviruddhatvāt sadādyekāntavat | 
ĀM-VDh 94ab		virodhān nobhayaikātmyaṃ syādvādanyāyavidviṣām | 
ĀM-VDh 94cd		avācyataikānte 'py uktir nāvācyam iti yujyate || 94 || 
AS-VDh 260,03	prastutaikāntadvayasiddhānte vyāhater anabhidheyatāyām anabhidheyābhidhānavirodhāt kathaṃcid eveti 
AS-VDh 260,04	yuktam | nahi svasminn anyasmin vā sukhāt duḥkhāc ca puṇyam eva pāpam eva vā tadubhayam eva ceti vadatām avyā- 
AS-VDh 260,05	hatiḥ saṃbhavati nāpi tathā'vācyataikānte 'vācyam ity abhidhānam aviruddhaṃ, yataḥ syādvādo na yuktaḥ syāt | 
AS-VDh 260,06	kathaṃ syādvāde puṇyapāpāsravaḥ syād ity āhuḥ —
ĀM-VDh 95ab		viśuddhisaṃkleśāṅgaṃ cet svaparasthaṃ sukhāsukham | 
ĀM-VDh 95cd		puṇyapāpāsravo yukto na ced vyarthas tavārhataḥ || 95 || 
AS-VDh 260,09	ātmanaḥ parasya vā sukhaduḥkhayor viśuddhisaṃkleśāṅgayor eva puṇyapāpāsravahetutvaṃ, na cānyathāti- 
AS-VDh 260,10	prasaṅgāt | viśuddhikāraṇasya viśuddhikāryasya viśuddhisvabhāvasya vā viśuddhyaṅgasya, saṃkleśakāraṇasya saṃkleśakā- 
AS-VDh 260,11	ryasya saṃkleśasvabhāvasya vā saṃkleśāṅgasya ca, sukhasya duḥkhasya vā tadubhayasya vā svaparobhayasthasya puṇyāsrava- 
AS-VDh 260,12	hetutvaṃ pāpāsravahetutvaṃ ca yathākramaṃ pratipattavyam | na cānyathā, yathoditaprakāreṇātiprasaṅgasyeṣṭaviparīte 'pi 
AS-VDh 260,13	puṇyapāpabandhaprasaṅgasya durnivāratvāt | kaḥ punaḥ saṃkleśaḥ kā vā viśuddhir iti ced ucyate —ārtaraudradhyā- 
AS-VDh 260,14	napariṇāmaḥ saṃkleśas tadabhāvo viśuddhir ātmanaḥ svātmany avasthānam | tatrārtadhyānaṃ caturvidhaṃ, 'ārta- 
AS-VDh 260,15	m amanojñasya saṃprayoge tadviprayogāya smṛtisamanvāro, viparītaṃ manojñasya, vedanāyāś ca, nidānaṃ ce'ti sūtra- 
AS-VDh 260,16	catuṣṭayena tathā pratipādanāt | raudradhyānaṃ caturvidhaṃ, hiṃsādinimittabhedāt 'hiṃsānṛtasteyaviṣayasaṃrakṣaṇebhyo 
AS-VDh 260,17	raudram' ity atra sūtre prakāśanāt | 'mithyādarśanāviratipramādakaṣāyayogā bandhahetavaḥ' ta eva saṃkleśapariṇāmā 
AS-VDh 260,18	iti na virudhyete teṣām ārtaraudradhyānapariṇāmakāraṇatvena saṃkleśāṅgatvavacanāt, tatkāryahiṃsādikriyāvat | 
AS-VDh 260,19	'kāyavāṅ manaḥ karma yogaḥ' sa āsravaḥ, śubhaḥ puṇyasyāśubhaḥ pāyasye'ty api na viruddhaṃ, kāyādiyogasyāpi tatkā- 
AS-VDh 260,20	raṇakāryatvena saṃkleśatvavyavasthiteḥ | etena tadabhāve viśuddhiḥ samyagdarśanādihetuḥ dharmyaśukladhyānasvabhāvā 
AS-VDh 260,21	tatkāryaviśuddhipariṇāmātmikā ca vyākhyātā, tasyām evātmany avasthānasaṃbhavāt | tad evaṃ vivādādhyāsitāḥ 
AS-VDh 260,22	kāyādikriyāḥ svaparasukhaduḥkhahetavaḥ saṃkleśakāraṇakāryasvabhāvāḥ prāṇināmaśubhaphalapudgalasaṃbandhahetavaḥ saṃkle-
AS-VDh 261,01	śāṅgatvād viṣabhakṣaṇādikāyādikriyāvat | tathā vivādāpannāḥ kāyādikriyāḥ svaparasukhaduḥkhahetavo viśuddhi- 
AS-VDh 261,02	kāraṇakāryasvarūpāḥ prāṇināṃ śubhaphalapudgalasaṃbandhahetavo, viśuddhyaṅgatvāt pathyāhārādikāyādikriyāvat | 
AS-VDh 261,03	ye śubhāśubhaphalapudgalās te puṇyaṃ pāpaṃ ca karmānekavidham | iti saṃkṣepāt sakalaśubhāśubhakarmāsravabandhakāraṇaṃ 
AS-VDh 261,04	sūcitaṃ bhavati, vistaratas tasyāsravabandhādhyāye sunirūpitatvāt | tataḥ syāt svaparasthaṃ sukhaduḥkhaṃ puṇyāsrava- 
AS-VDh 261,05	hetur viśuddhyaṅgatvāt | syāt pāpāsravahetuḥ saṃkleśāṅgatvāt | syād ubhayaṃ, kramārpitataddvayāt | syād avaktavyaṃ, 
AS-VDh 261,06	sahārpitataddvayāt | syāt puṇyahetur avaktavyaṃ ca, syāt pāpahetur avaktavyaṃ ca, syād ubhayaṃ cāvaktavyaṃ ca, svahetu- 
AS-VDh 261,07	viṣayāt | iti saptabhaṅgīprakriyā pūrvavadyojanīyā | 
AS-VDh 261,08		na kiṃcit pāpāya prabhavati na vā puṇyatataye, 
AS-VDh 261,09		pravṛddheddhāṃ śuddhiṃ samadhivasato dhvaṃsavidhurām | 
AS-VDh 261,10		bhavet puṇyāyaivākhilam api viśuddhyaṅgam aparaṃ
AS-VDh 261,11		mataṃ pāpāyaivety uditam avatād vo munipateḥ || 1 || 
AS-VDh 261,12	ity āptamīmāṃsālaṅkṛtau navamaḥ paricchedaḥ | 
AS-VDh 262,01	atha daśamaḥ paricchedaḥ | 
AS-VDh 262,02		śrīmadakalaṅkavivṛtāṃ samantabhadroktim atra saṃkṣepāt | 
AS-VDh 262,03		paramāgamārthaviṣayām aṣṭasahasrī prakāśayati || 
ĀM-VDh 96ab		ajñānāc ced dhruvo bandho jñeyānantyān na kevalī | 
ĀM-VDh 96cd		jñānastokād vimokṣaś cedajñānād bahutonyathā || 96 || 
AS-VDh 262,06	prasajyapratiṣedhe jñānasyābhāvo 'jñānaṃ, paryudāse tato 'nyanmithyājñānam ajñānam | tatra yadi jñānābhāvād 
AS-VDh 262,07	dhruvo 'vaśyaṃbhāvībandhaḥ syāt tadā kevalī na kaścit syāt | sakalaviparyayarahitaṃ tattvajñānam asahāyaṃ kevalam, evaṃ 
AS-VDh 262,08	tattvābhyāsān nāsmin me nāham ity apariśeṣam | aviparyayād viśuddhaṃ kevalam utpadyate jñānam' iti vacanāt | 
AS-VDh 262,09	tadyogāt kevalīty ucyate | sa kathaṃ na syād iti cet, tadutpatteḥ pūrvam aśeṣajñānābhāvāt, karaṇajavijñānasyā- 
AS-VDh 262,10	tīndriyārthāviṣayatvād anumānasya cātyantaṃ parokṣārthāgocaratvād āgamasyāpi sāmānyato 'viśeṣārthaviṣayatvād a- 
AS-VDh 262,11	yoginām aśeṣaviśeṣaviṣayajñānavirodhāt | na cākṣaliṅgaśabdajñānaparicchedya evārthas tato 'paro nāstī- 
AS-VDh 262,12	ti śakyaṃ vaktuṃ, jñeyasyānantyāt, prakṛtivivartaviśeṣāṇāṃ puruṣāṇāṃ cānantatopagamāt | 
AS-VDh 262,13	syān mataṃ — 'prakṛtipuruṣavivekajñānād evāgamabalabhāvinaḥ stokād api tattvābhyāsasvātmabhāvāt kevalajñā- 
AS-VDh 262,14	nabhṛd bhavet | sa eva ca tasya vimokṣaḥ punaḥ saṃsārābhāvād anāgatabandhanirodhāt' iti tad apy ayuktaṃ, stoka- 
AS-VDh 262,15	jñānāpekṣayā bahor ajñānādbandhasya prasaṅgād eṣyadbandharodhāsaṃbhavād vimokṣānupapatteḥ | atha tattvajñānena stokenāpi 
AS-VDh 262,16	bahorajñānasya pratihataśaktikatvān na tannibandhano bandhaḥ saṃbhavatīti mataṃ tad apy asat, pratijñāt avirodhāt | 
AS-VDh 262,17	yat khalu pratijñātam ajñānād dhruvo bandha iti tad virudhyate | athākhilajñānābhāvād ajñānād avaśyaṃbhāvī bandho na 
AS-VDh 262,18	jñānastokamiśraṇād iti mataṃ tad apy asamyak, sarvadā bandhābhāvaprasaṅgāt sarvasya prāṇinaḥ kiṃcijjñānasaṃbhavā- 
AS-VDh 262,19	n muktau bandhaprasakteś ca, tatra sakalajñānābhāvasya bandhahetoḥ saṃbhavāt, asaṃprajñātayogāvasthāyāṃ ca tadā draṣṭuḥ 
AS-VDh 263,01	svarūpe 'vasthānam iti vacanāt | svarūpaṃ ca puṃsaś caitanyamātraṃ sakalajñānarahitam | iti mokṣahetur eva bandhahetuḥ 
AS-VDh 263,02	syāt | yadi punas tattvajñānasya prāgabhāvād bandho na pradhvaṃsābhāvād iti mataṃ tadā samāvirbhūtatattvajñānasya 
AS-VDh 263,03	kasyacit kutaścid viparyayajñānakāraṇād antaraṅgād bahiraṅgād vā viparyayajñānotpattau tattvajñānapradhvaṃsād bandhaḥ kathaṃ 
AS-VDh 263,04	yujyeta ? syān mataṃ —sakalatattvajñānotpattau niḥśeṣamithyājñānanivṛtter asaṃprajñātayogotpattau tu tattvajñānasyā- 
AS-VDh 263,05	pi nāśād aśeṣajñānābhāvākhyād ajñānānmokṣa eva, tato 'nyasmāt samyagjñānaprāgabhāvapradhvaṃsarūpād bandha eveti 
AS-VDh 263,06	tad apy asādhīyaḥ, kevalyabhāvaprasaṅgasyābhidhānāt | stokatattvajñānāpratibaddhāt tathāvidhādajñānād bandha ity api viruddhaṃ, 
AS-VDh 263,07	pravartakadharmahetoḥ stokatattvajñānāt pratihatāśeṣājñānaśaktikāt puṇyabandhābhāvānuṣaṅgāt | tato jñānābhāvala- 
AS-VDh 263,08	kṣaṇād ajñānān nāvaśyaṃbhāvī bandha iti pakṣaḥ kṣemaṃkaraḥ stokatattvajñānān mokṣa iti pakṣavat | 
AS-VDh 263,09	atha mithyājñānalakṣaṇād ajñānād dhruvo bandhaḥ syāt, 'dharmeṇa gamanam ūrdhvaṃ gamanam adhastād bhavaty adharmeṇa | 
AS-VDh 263,10	jñānena cāpavargo viparyayād iṣyate bandha' iti vacanāt | viparyayo mithyājñānaṃ sahajam āhāryaṃ cānekavidha- 
AS-VDh 263,11	m ity abhimataṃ tad apy asatyaṃ, kevalyabhāvaprasakteḥ, samayāntaraśravaṇajanitānekavidhāhāryaviparyayasya sāṃkhyāgama- 
AS-VDh 263,12	bhāvanābalodbhūtatattvajñānād vināśe 'pi sahajasya viparyayasyānivṛtteḥ | kevalajñānāt prāg bandhasyāvaśyaṃbhāvāt ta- 
AS-VDh 263,13	nnibandhanamithyājñānāntarodbhūteḥ kevalodbhūtivirodhāt | na cāgamabalāt sakalatattvajñānāvirbhūtir upapadyate, jñeyasya 
AS-VDh 263,14	viśeṣato 'nantatvādāgamāviṣayatvād anumānādyaviṣayatvavat, yataḥ kṛtsnamithyājñānanivṛtteḥ kevalāvirbhāvaḥ 
AS-VDh 263,15	saṃbhāvyate | stokatattvajñānān mokṣa ity apy anena nirākṛtaṃ, bahuto mithyājñānād bandhasya prasakteḥ | stokatattva- 
AS-VDh 263,16	jñānupratihatād bahuto mithyājñānān na bandha iti cet katham evaṃ mithyājñānād dhruvo bandhaḥ syāt ? kathaṃ 
AS-VDh 263,17	vā stokatattvajñānāt pravartakadharmanibandhanāt puṇyabandhaḥ ? iti duravabodham | etenāntyamithyājñānān na bandha 
AS-VDh 263,18	ity etad apy apāstaṃ, pratijñātavirodhāviśeṣāt | rāgādidoṣasahitān mithyājñānād bandho nirdoṣān na bandha ity api 
AS-VDh 263,19	pratijñātanirodhi kāpilānāṃ, vairāgyasahitātattvajñānān mokṣavacanavat | 
AS-VDh 263,20	etenaitad api pratyākhyātaṃ, yad uktaṃ, pareṇa 'duḥkhajanmapravṛttidoṣamithyājñānānām uttarottarāpāye tadanantarā- 
AS-VDh 263,21	bhāvān niḥśreyasa' iti, mithyājñānād avaśyaṃ doṣodbhūtau doṣāc ca pravṛtter dharmādharmasaṃjñikāyāḥ prādur bhāve, tato 'pi 
AS-VDh 263,22	janmanaḥ prasūtau, tato 'pi duḥkhasyaikaviṃśatiprakārasya prasave, kevalinaḥ sākṣād aśeṣatattvajñānavato 'sattvaprasaṅgāt, 
AS-VDh 264,01	asmadādipratyakṣānumānopamānāgamaiḥ pramāṇaiḥ sakalattvajñānāsaṃbhavān niḥśeṣamithyājñānanivṛttyayogāt sakalajñe- 
AS-VDh 264,02	yaviśeṣāṇām ānantyāt, so 'yaṃ pramāṇārtho 'parisaṃkhyeyaḥ pramāṇabhṛdbhedasyāparisaṃkhyeyatvād iti svayam abhidhānāt | 
AS-VDh 264,03	na ca mithyājñānasya kārtsnyenānivṛttau sakaladoṣanivṛttiḥ | tadanivṛttau ca na pravṛttinivṛttiḥ | 
AS-VDh 264,04	tadanapāye ca na janmano 'pāyaḥ | tato nāśeṣaduḥkhāpāyaś ca | iti gatā niḥśreyasakathā | yadi punarātmādya- 
AS-VDh 264,05	pavargaparyantaprameyatattvajñānād aparaniḥśreyasaprāptir iṣyate na punaḥ pramāṇādiṣoḍaśapadārthaviśeṣatattvajñānād yena 
AS-VDh 264,06	jñānastokād eva vimokṣasiddheḥ kevalī na syād iti mataṃ tadā bahor mithyājñānād bandhaḥ kiṃ na bhavet ? tattvajñānena 
AS-VDh 264,07	tasya pratihatatvād iti cet, katham evaṃ mithyājñānād dhruvo bandhaḥ syād ity uktam ? doṣasahitān mithyājñānād bandha 
AS-VDh 264,08	iti cānena nirākṛtaṃ, yogijñānāt prāgdoṣānivṛttes tatkāraṇamithyājñānasaṃtateḥ saṃbhavāt | etena vaiśeṣikama- 
AS-VDh 264,09	tam apāstam 'icchād veṣābhyāṃ bandha' iti, kevalyabhāvāviśeṣāt | 
AS-VDh 264,10	'avidyātṛṣṇābhyāṃ bandhovaśyaṃbhāvī | duḥkhe viparyāsamatistṛṣṇā vā bandhakāraṇam | janmino yasya te 
AS-VDh 264,11	na sto na sa janmādhigacchati | ' iti tāthāgatamatam api na samyak, yogijñānābhāvaprasaṅgāt | ayoginaḥ 
AS-VDh 264,12	pratyakṣānumānābhyām akhilatattvajñānarūpāyā vidyāyā evāyogāt tadviśeṣajñeyasyānantyāt svayam 'anantā loka- 
AS-VDh 264,13	dhātava' iti vacanāt | na cāvidyānucchede tṛṣṇā nivartate yataḥ sugataḥ syāt | atha jñānastokād vimokṣa 
AS-VDh 264,14	iṣyate, heyopādeyatattvasya sābhyupāyasya vedakaḥ sugata iti vacanāt | tarhi bahuto mithyājñānād bandhaḥ 
AS-VDh 264,15	sidhyatu, tannibandhanatṛṣṇāyā api saṃbhavāt | katham anyathā mithyāvabodhatṛṣṇābhyām avaśyaṃbhāvī bandha iti 
AS-VDh 264,16	pratijñā na virudhyate ? 
AS-VDh 264,17	etenaitad api pratyākhyātaṃ yad uktaṃ vṛddhabauddhaiḥ 'avidyāpratyayāḥ saṃskārāḥ saṃskārapratyayaṃ vijñānaṃ jñānapra- 
AS-VDh 264,18	tyayaṃ nāmarūpaṃ nāmarūpapratyayaṃ ṣaḍāyatanaṃ ṣaḍāyatanapratyayaḥ sparśaḥ sparśapratyayā vedanā vedanāpratyayā tṛṣṇā 
AS-VDh 264,19	tṛṣṇāpratyayam upādānam upādānapratyayo bhavo bhavapratyayā jātir jātipratyayaṃ jarāmaraṇam' iti dvādaśāṅgaṃ pratītya 
AS-VDh 264,20	samutpādasya saṃbhavāt, kṣaṇikanirātmakāśuciduḥkheṣu tadviparītajñānalakṣaṇāvidyodaye kvacid api jñeye tatpra- 
AS-VDh 264,21	tyayasaṃskārāṇāṃ puṇyāpuṇyānejyaprakārāṇāṃ śubhāśubhānubhayaviṣayāṇām avaśyaṃbhāvāt, tadbhāve ca vastuprativi- 
AS-VDh 264,22	jñaptilakṣaṇavijñānasya vikalpātmanaḥ saṃbhavāt, tatsaṃbhave ca vijñānasamudbhūtarūpavedanāsaṃjñāsaṃskārajñāna- 
AS-VDh 264,23	lakṣaṇanām apṛthivyādibhūtacatuṣṭayātmakarūpasamudāyalakṣaṇasya nāmarūpasya siddheḥ, tatsiddhau ca cakṣurādiṣaḍāya-
AS-VDh 265,01	tanasyātmakṛtyakriyāpravṛttihetoḥ prasūteḥ, tatprasūtau ca taddhetūnāṃ ṣaṇṇāṃ sparśakāyānāṃ rūpaṃ cakṣuṣā paśyāmī- 
AS-VDh 265,02	tyādiviṣayendriyavijñānasamūhalakṣaṇānāṃ prādurbhāvāt tatprādurbhāve sparśānubhavalakṣaṇāyā vedanāyāḥ sadbhāvāt, 
AS-VDh 265,03	tatsadbhāve ca viṣayādhyavasānalakṣaṇatṛṣṇāyāḥ samutpādāt, tatsamutpāde tṛṣṇāvaipulyalakṣaṇasyopādānasyodayāt, 
AS-VDh 265,04	tadudaye ca punarbhavajanakakarmalakṣaṇabhavasya bhāvāt, tadbhāve cāpūrvaskandhaprādurbhāvalakṣaṇāyā jāter utpādāt, 
AS-VDh 265,05	tadutpattau ca skandhaparipākapradhvaṃsalakṣaṇajarāmaraṇasadbhāvāt kevalinaḥ kasyacit sugatasyāsaṃbhavaprasaṅgāt anyathā 
AS-VDh 265,06	pratijñātavirodhāt | tataḥ sūktaṃ, yadi bandho 'yam ajñānān nedānīṃ kaścin mucyate, sarvasyaiva kvacid ajñāno- 
AS-VDh 265,07	papatter jñeyānantyād iti kevalinaḥ prāk sarvajñāsaṃbhavāt | yadi punar jñānanirhrāsād brahmaprāptir ajñānāt 
AS-VDh 265,08	sutarāṃ prasajyeta, duḥkhanivṛtter iva sukhaprāptiḥ | na hy alpaduḥkhanivṛtteḥ sukhaprāptau bahutaraduḥkhanivṛttau 
AS-VDh 265,09	sutarāṃ sukhaprāptir asiddhā, yena jñānahāner alpāyāḥ parabrahmaprāptau sakalājñānāt tatprāptiḥ sutarāṃ na syāt | 
AS-VDh 265,10	tato nāyam ekāntaḥ śreyānām āsate jñānastokān mokṣa iti, ajñānād dhruvo bandha ity ekāntavat | 
ĀM-VDh 97ab		virodhān nobhayaikātmyaṃ syādvādanyāyavidviṣām | 
ĀM-VDh 97cd		avācyataikānte 'py uktir nāvācyam iti yujyate || 97 || 
AS-VDh 265,13	na hi sarvātmanaikasyaikadā jñānastokān mokṣo bahutaś cājñānād bandha ity ekāntayor avirodhaḥ 
AS-VDh 265,14	syādvādanyāyavidviṣāṃ sidhyati, yena tadubhayaikātmyaṃ syāt | tathā'vācyataikānte svavacanavirodhaḥpūrvavat | 
AS-VDh 265,15	kutas tarhi puṇyapāpabandhaḥ prāṇināṃ yenābuddhipūrvāpekṣāyām iṣṭāniṣṭaṃ svadaivataḥ syāt ? kuto vā mokṣo muner yataḥ 
AS-VDh 265,16	pauruṣādiṣṭasiddhir buddhipūrvā syāt ? cārvākamatam eva vā 'bandhamokṣābhāva eva paralokābhāvād' iti na bhavet ? 
AS-VDh 265,17	ity ārekāṃ nirācikīrṣavaḥ prāhuḥ —
ĀM-VDh 98ab		ajñānān mohino bandho na jñānād vītamohataḥ | 
ĀM-VDh 98cd		jñānastokāc ca mokṣaḥ syād amohān mohinonyathā || 98 || 
AS-VDh 265,20	mohanīyakarmaprakṛtilakṣaṇād ajñānād yuktaḥ karmabandhaḥ sthityanubhāgākhyaḥ svaphaladānasamarthaḥ, krodhā- 
AS-VDh 265,21	dikaṣāyaikārthasamavāyino mithyājñānasya ca ajñānasya ca mohanīyakarmaprakṛtiṃ lakṣayataḥ puṃso bandhanibandha- 
AS-VDh 265,22	natvopapatteḥ 'sakaṣāyatvāj jīvaḥ karmaṇo yogyān pudgalān ādatte sa bandha' iti vacanāt, tato 'nyato 'pi bandhā- 
AS-VDh 266,01	bhyupagame 'tiprasaṅgāt, kṣīṇopaśāntakaṣāyasyāpy ajñānād bandhaprasakteḥ | prakṛtipradeśabandhas tasyāpy astīti cen na, 
AS-VDh 266,02	tasyābhimatetar aphaladānāsamarthatvāt sayogakevaliny api saṃbhavād avivādāpannatvāt | na cātrāgamamātraṃ, yukter api 
AS-VDh 266,03	sadbhāvāt | tathā hi, vivādāpannaḥ prāṇinām iṣṭāniṣṭaphaladānasamarthapudgalaviśeṣasaṃbandhaḥ kaṣāyaikārthasamave- 
AS-VDh 266,04	tājñānanibandhanas tathātvāt pathyetarāhārādisaṃbandhavat | 
AS-VDh 266,05	nātra pratijñārthaikadeśatvād asiddho hetur dharmiṇānekāntāt, tasya pratijñārthadharmidharmasamūhaikadeśatve 'pi prasi- 
AS-VDh 266,06	ddhatvavacanāt, anityaḥ śabdaḥ śabdatvād ity atrāpi hetor asiddhatvavirodhāt | na cātra viśeṣaṃ dharmiṇaṃ kṛtvā 
AS-VDh 266,07	sāmānyaṃ hetuṃ bruvataḥ kaścid doṣaḥ, prayatnānantarīyakaḥ śabdo vinaśvaraḥ prayatnānantarīyakatvād ghaṭavad iti 
AS-VDh 266,08	yathā | nanu śabdasya dharmitve pakṣāvyāpako hetuḥ syāt, samudraghoṣādeḥ prayatnānantarīyakatvābhāvāt | tato 'tra 
AS-VDh 266,09	prayatnānantarīyakaḥ śabdo viśiṣṭo dharmīti cet tarhi prāṇināṃ pudgalaviśeṣasaṃbandhasya dharmitve tathātvasya ca 
AS-VDh 266,10	hetutve dṛṣṭāntāsiddhiprasakteḥ prakṛtipradeśabandhābhyām anaikāntikatvaprasaṅgāc ca vivādāpannatvaviśeṣaṇam iṣṭāniṣṭapha- 
AS-VDh 266,11	ladānasamarthatvaviśeṣaṇaṃ ca yuktam, iṣṭāniṣṭaphaladānasamarthapudgalaviśeṣasaṃbandhatvasya hetoḥ kaṣāyaikārthasamavetā- 
AS-VDh 266,12	jñānanibandhanatvena vyāptasya pathyetarāhārādiṣu pudgalaviśeṣasaṃbandhe suprasiddhatvād udāharaṇasya sādhyasādhanadharma- 
AS-VDh 266,13	vaikalyābhāvāt, hetoś cānanvayatvāsaṃbhavāt, vivādāpanno dhūmo 'gnijanmā dhūmatvān mahānasadhūmavad ityādivat | 
AS-VDh 266,14	na ceṣṭāniṣṭaphaladānamasarthaḥ karmabandhaḥ pudgalaviśeṣasaṃbandho na bhavati, pudgalasaṃbandhena vipacyamānatvā- 
AS-VDh 266,15	d vrīhyādivat | jīvavipākiṣu karmasu tadabhāvāt pakṣāvyāpako hetur iti cen na, teṣām api sakarmajīvasaṃbandhena 
AS-VDh 267,01	vipacyamānatvāt pudgalasaṃbandhena vipacyamānatvasya prasiddheḥ pudgalakṣetrabhavavipākikarmavat pakṣavyāpakatvasiddheḥ | 
AS-VDh 267,02	pūrvānubhūtaviṣayasmaraṇena sukhaduḥkhadāyiṣu karmasu tadabhāvāt pakṣāvyāpakatvam asya hetor ity apy anena nirākṛtaṃ, 
AS-VDh 267,03	paramparayā pudgalasaṃbandhenaiva teṣāṃ vipacyamānatvāc ca | na kiṃcit karma sākṣāt paramparayā vātmanaḥ pudgalasaṃbandha- 
AS-VDh 267,04	m antareṇa vipacyamānam asti yena paudgalikaṃ na syāt | tato na karmabandhasya pudgalaviśeṣasaṃbandhitvam asiddham | 
AS-VDh 267,05	nāpīṣṭāniṣṭaphaladānasamarthatvaṃ, dṛṣṭakāraṇavyabhicāre śubhetaraphalānubhavanasya svasaṃviditisyādṛṣṭahetutvasiddheḥ, 
AS-VDh 267,06	rūpādijñānasya cakṣurādyadṛśyahetuvat | nanv evam ajñānahetukatve bandhasya mithyādarśanādihetutvaṃ kathaṃ sūtrakāro- 
AS-VDh 267,07	ditaṃ na virudhyate iti cet, mithyādarśanāviratipramādakaṣāyayogānāṃ kaṣāyaikārthasamavāyyajñānāvinābhā- 
AS-VDh 267,08	vinām eveṣṭāniṣṭaphaladāmanasamarthakarmabandhahetutvasamarthanāt mithyādarśanādīnām api saṃgrahāt saṃkṣepata iti 
AS-VDh 267,09	budhyāmahe | tato mohina evājñānād viśiṣṭaḥ karmabandho na vītamohād iti sūktam | tathaiva buddher apakarṣā- 
AS-VDh 267,10	n mohanīyaparikṣayalakṣaṇān mokṣyati viparyaye viparyāsād ity adhigantavyaṃ, prakṛṣṭaśrutajñānādeḥ kṣāyopaśa- 
AS-VDh 267,11	mikāt kevalāpekṣayā stokād api chadmasthavītarāgacaram akṣaṇabhāvinaḥ sākṣād ārhantyalakṣaṇamokṣasya siddheḥ | 
AS-VDh 267,12	tadviparītāt tu mohavataḥ stokajñānāt sūkṣmasāmparāyāntānāṃ mithyādṛṣṭyādīnāṃ karmasaṃbandha eva | iti 
AS-VDh 267,13	cintitam anyatra | 
AS-VDh 267,14	nanv astu mohaprakṛtibhiḥ kāmādidoṣātmikābhiḥ sahacaritād ajñānāt puṇyapāpakarmaṇoḥ śubhāśubhaphalānu- 
AS-VDh 267,15	bhavananimittayoḥ prāṇināṃ bandhaḥ | sa tu kāmādiprabhavo maheśvaranimitta evety āśaṅkām apākartum idam āhuḥ —
ĀM-VDh 99ab		kāmādiprabhavaś citraḥ karmabandhānurupataḥ | 
ĀM-VDh 99cd		tac ca karma svahetubhyo jīvās te śuddhyaśuddhitaḥ || 99 || 
AS-VDh 268,02	kāmādiprabhavo bhāvasaṃsāro 'yaṃ naikasvabhāveśvarakṛtas tatkāryasukhaduḥkhādivaicitryāt | yasya yasya 
AS-VDh 268,03	kāryavaicitryaṃ tat tan naikasvabhāvakāraṇakṛtaṃ, yathānekaśālyaṅkurādivicitrakāryaṃ śālibījādikaṃ, sukhaduḥkhādi- 
AS-VDh 268,04	kāryavaicitryaṃ ca saṃsārasya tasmān nāyam ekasvabhāveśvarakṛtaḥ | na tāvad ayaṃ hetur aniścitavyatirekatvād agamakaḥ, 
AS-VDh 268,05	sādhyābhāve 'nupapannatvagrāhakapramāṇasadbhāvāt | na hi kāraṇasyaikarūpatve kāryanānātvaṃ yuktaṃ, śālibīḥ 
AS-VDh 268,06	jāṅkuravat | prasiddhas tāvad ekasvarūpāc chālibījād anekāṅkurakāryāyogaḥ, sa eva dṛṣṭāntaḥ syāt | tata- 
AS-VDh 268,07	sādhv idaṃ vipakṣe bādhakaṃ pramāṇam ekasvabhāvakāraṇakṛtatvapratiṣedhasya sādhyasyābhāve niyamenaikasvabhāvakāraṇakṛta- 
AS-VDh 268,08	tve 'nekakāryatvasya sādhanasya vyāvṛttiniścayajananāt, vicitrakāryaṃ ca syād ekasvarūpakāraṇakṛtaṃ ca syād iti 
AS-VDh 268,09	saṃbhāvanāśaṅkāvyavacchedāt | kālādinā vyabhicārī hetur iti cen na, tasyaikasvabhāvatvaikāntāsiddheḥ | apari- 
AS-VDh 268,10	ṇāminaḥ sarvathārthakriyā'saṃbhavāt tallakṣaṇatvād vastunaḥ sadbhāvam eva tāvan na saṃbhāvayāmaḥ | 
AS-VDh 268,11	sattvasyārthakriyayā vyāptir asiddheti na mantavyaṃ, tadrahitasya khapuṣpāder asattvaniścayāt | nanv asato 'py asad iti- 
AS-VDh 268,12	pratyayalakṣaṇārthakriyākāritvān na tayā sattvasya vyāptir iti na śaṅkitavyaṃ, vyāpakasya tadatanniṣṭhatayā vyāpyā- 
AS-VDh 268,13	bhāve 'pi bhāvāvirodhāt tadvyāpter akhaṇḍanāt | kramayaugapadyābhyām arthakriyāvyāptir asiddheti cen na, prakārāntare- 
AS-VDh 268,14	ṇārthakriyāyāḥ saṃbhavābhāvāt | ekasyaikām evārthakriyāṃ saṃpādayato na kramo nāpi yaugapadyaṃ, tasyānekakārya- 
AS-VDh 268,15	viṣayatvād iti cen na, tādṛśasya vastuno 'saṃbhavāt | sarvasya bāhyām arthakriyāṃ kurvato 'ntaraṅgasvajñānalakṣaṇārtha- 
AS-VDh 268,16	kriyākāraṇasyāvaśyaṃbhāvitvād anyathā yogino 'sarvajñatvaprasaṅgāt padārthasyānekakṣaṇasthāyinaḥ krameṇākrameṇa 
AS-VDh 268,17	vānekakāryakāritvasiddher ekakṣaṇasthāyinonabhyupagamāt tathā pratītyabhāvāc ca | kramayaugapadyayoḥ pariṇāmitvena 
AS-VDh 268,18	vyāptir asiddheti cen na, apariṇāminaḥ kṣaṇikasyeva nityasyāpi kramayaugapadyavirodhāt | tataḥ kasyacit pari- 
AS-VDh 268,19	ṇāmitvābhāve kramayaugapadyābhāvād arthakriyāpāyāt sattvānupapatter vastusaṃbhāvanābhāva eveti niścitam | tatra 
AS-VDh 268,20	kāladeśāvasthāsvabhāvabhinnānāṃ tanukaraṇabhuvanādīnāṃ kilāyaṃ karteti mahac citraṃ, prakṛtapramāṇa- 
AS-VDh 268,21	bādhanāt | 
AS-VDh 268,22	eteneśvarecchā pratyuktā, tasyā api nityaikasvabhāvāyāḥ kāryavaicitryānupapapatter vastutvasaṃbhāvanānupapatteś cā-
AS-VDh 269,01	viśeṣāt | na caitenā syāḥ saṃbandhas tatkṛtopakārānapekṣaṇāt | na hi nityād ekasvabhāvād īśvarāt kaści- 
AS-VDh 269,02	d upakāraḥ sisṛkṣāyās tathāvidhāyāḥ saṃbhavaty anarthāntarabhūto, nityatvavirodhāt | nāpy arthāntarabhūtaḥ | saṃbandhā- 
AS-VDh 269,03	saṃbhavād anupakārāt, upakārāntare 'navasthāprasaṅgāt | tato vyapadeśo 'pi mā bhūt īśvarasya sisṛkṣeti | tatra 
AS-VDh 269,04	samavāyāt tathā vyapadeśa iti cen na, sarvathaikasvabhāvasya samavāyitvanimittakāraṇatvādinānāsvabhāvavirodhāt | 
AS-VDh 269,05	maheśvarasyābhisandher anityatve 'pi samānaprasaṅgaḥ, padārthāntarabhūtasyābhisandhes tena saṃbandhābhāvasya tatkṛtopa- 
AS-VDh 269,06	kārānapekṣasya vyapadeśāsaṃbhavasya cāviśeṣāt, sakalakāryāṇām utpattivināśayoḥ sthitau ca maheśvarābhisaṃdher ekatve 
AS-VDh 269,07	sakṛdutpattyādiprasaṅgād vicitratvānupapatter iti | tad anekatve 'py akramatve 'syaiva doṣasyopanipātāt, kramavattve 
AS-VDh 269,08	keṣāṃcit kāryāṇāṃ sakṛdutpattyādidarśanavirodhāt katham anityobhisaṃdhir īśasya syāt? sann apy asau yadīśvarasisṛkṣā- 
AS-VDh 269,09	n apekṣajanmā tadā tanvādayo 'pi tathā bhaveyur iti na kāryatvādihetavaḥ prayojakāḥ syuḥ | sisṛkṣāntarāpekṣajanmā 
AS-VDh 269,10	cedanavasthā | buddhipūrvakatvād icchāyā na doṣa iti cet sā tarhi buddhirīśvarasya yadi nityaikasvabhāvā tadā 
AS-VDh 269,11	katham anekasisṛkṣājananahetuḥ kramato yujyeta yugapad vā ? pūrvapūrvasisṛkṣāvaśād uttarottarasisṛkṣotpattir nityaikasva- 
AS-VDh 269,12	bhāvabodhasyāpi maheśvarasya na viruddhā tatsamānasamayānekatanvādikāryotpattiś ca, pūrvasisṛkṣāta uttarasisṛkṣā- 
AS-VDh 269,13	yās tatsamānakālatanvādikāryāṇāṃ ca bhāvād anāditvāt kāryakāraṇapravāhasyeti cen na, ekasvabhāvasyeśvara- 
AS-VDh 269,14	bodhasyaikasya pūrvapūrvasisṛkṣāpekṣāvirodhāt, tadapekṣāyāṃ svabhāvabhedād anityatāpatteḥ | atha sisṛkṣātanvādi- 
AS-VDh 269,15	kāryotpattau neśvarabodhaḥ sisṛkṣāntaram apekṣate, tatkāryāṇām eva tadapekṣatvād iti mataṃ tad apy asat, nityeśvarabodhasya 
AS-VDh 269,16	tadanimittatvaprasaṅgāt | tadabhāve 'bhāvāt tasya tannimittatve sakalātmanāṃ tannimittatā syād, vyatirekābhā- 
AS-VDh 269,17	vāviśeṣāt | athāsarvagatasyeśvarabodhasya nityatvāt kālavyatirekābhāve 'pi na deśavyatirekāsiddhiḥ | 
AS-VDh 269,18	sakalātmanāṃ tu nityasarvagatatvāt kāladeśavyatirekāsiddhir iti mataṃ tarhi dikkālākāśānāṃ tata eva 
AS-VDh 269,19	sarvotpattimannimittakāraṇatā mā bhūt | 
AS-VDh 269,20	etenaiveśvarasya tannimittakāraṇatvaṃ pratikṣiptaṃ, nityeśvarūbodhasyāpi tannimittatve sakṛt sarvatrotpitsukāryā- 
AS-VDh 269,21	ṇām utpattir na syāt, tasya sarvatrābhāvāt śarīrapradeśavartino 'pi sarvatra bahirnimittakāraṇatve deśavyatirekasyā-
AS-VDh 270,01	py abhāvāt kathamanvayamātreṇa tatkāraṇatvaṃ yuktam ? nityeśvarajñānasya sarvagatatve 'py ayam eva doṣaḥ | tasyāni- 
AS-VDh 270,02	tyāsarvagatatvāt kāladeśavyatirekasiddhes tanvādau nimittakāraṇatvasiddhir iti cen na, īśvarasya kadācit kvaci- 
AS-VDh 270,03	d bodhavaidhurye sakalaveditvavirodhāt | yadi punar aparāparasarvārthajñānasyāvicchedāt sadāśeṣaveditvam aviruddhaṃ 
AS-VDh 270,04	tadā kuto vyatirekas tasya sidhyet ? kathaṃ cānityasya bodhasyeśvarabodhāntarānapekṣasyotpattir na punaḥ sisṛ- 
AS-VDh 270,05	kṣātanvādikāryāṇām iti viśeṣahetor vinā pratipadyemahi ? tasya bodhāntarāpekṣāyām anavasthānāṃ tadavastham | 
AS-VDh 270,06	syān mataṃ —pūrvapūrvabodhisisṛkṣāvaśād uttarottarabodhasisṛkṣātanvādikāryāṇām utpatter anāditvāt kāryakāraṇabhāvasya 
AS-VDh 270,07	bījāṅkurādivad ayam adoṣa iti naitatsāram īśvarakalpanānarthakyaprasaṅgāt | tadbhāve bhāvād bodhādikāryāṇāṃ 
AS-VDh 270,08	tatkāraṇatvasiddher nānarthakyam iti cen na, vyatirekāsiddheḥ, anvayamātreṇa kāraṇatve tadakāraṇatvābhimatānām api 
AS-VDh 270,09	tatprasaṅgāt | na caikasvabhāvād bodhāt kāmādikāryavaicitryaṃ kramato 'pi yujyate maheśvarasisṛkṣābhyām iti, 
AS-VDh 270,10	kim anayā cintayā ? tayor ekasvabhāvatve 'pi karmavaicitryāt kāmādiprabhavavaicitryam iti ced yuktam etat 
AS-VDh 270,11	kiṃtu neśvarecchābhyāṃ kiṃcit, tāvatārthaparisamāpteḥ, sati karmavaicitryai kāmādiprabhavavaicitryasya 
AS-VDh 270,12	bhāvād asatyabhāvāt 'kāmādiprabhavaś citraḥ karmabandhānurūpataḥ' ity asyaiva darśanasya pramāṇasiddhatvāt, 
AS-VDh 270,13	aniścitānvayavyatirekayor īśvarecchayoḥ kāraṇatvaparikalpanāyām atiprasaṅgāt | etena viramyapravṛttisa- 
AS-VDh 270,14	nniveśaviśeṣādibhyaḥ pṛthivyāder buddhimatkāraṇapūrvakatvasādhaneneśvaraprāpaṇaṃ pratyuktaṃ, dharmādharmābhyām e- 
AS-VDh 270,15	vātmanaḥ śarīrendriyabuddhīcchādikāryajananasya siddheḥ, buddhimatkāraṇapūrvakatvam antareṇāpi viramyapravṛttisanni- 
AS-VDh 270,16	veśaviśeṣakāryatvācetanopādānatvārthakriyākāritvādīnāṃ sādhanānām upapattes tataḥ pṛthivyāder buddhimatkāraṇapūrva- 
AS-VDh 270,17	katvāsiddheḥ | 
AS-VDh 270,18	nanuprākkāyakaraṇotpatter ātmano dharmādharmayoś ca svayam acetanatvād vicitropabhogayogyatanukaraṇā- 
AS-VDh 270,19	disaṃpādanakauśalāsaṃbhavāt tannimittam ātmāntaraṃ, mṛtpiṇḍakulālavad iti cen na, evam api prakṛtasā- 
AS-VDh 270,20	dhanavyatirekāniścayāt | tathā hi, tanukaraṇabhuvanādikaṃ vivādāpannaṃ buddhimatkāraṇapūrvakaṃ, viramya pravṛtteḥ 
AS-VDh 270,21	sanniveśaviśiṣṭatvād acetanopādānatvād arthakriyākāritvāt kāryatvād vā ghaṭavad iti sādhanam ucyate, tasyātmāntara- 
AS-VDh 270,22	m īśvarasakhyaṃ buddhimatkāraṇam antareṇācetanasyātmano 'nīśasya dharmādharmayoś cācetanayor vicitropabhogayogyatanukara- 
AS-VDh 270,23	ṇabhuvanādinirmāpaṇakauśalāsaṃbhavāt tannimittakāraṇam ātmāntaraṃ buddhimatkāraṇam eṣitavyam ity anena vyatirekaḥ 
AS-VDh 270,24	samarthyate | kulālam antareṇa mṛtpiṇḍadaṇḍādeḥ svayam acetanasya ghaṭādiniṣpādanakauśalāsaṃbhavavad iti vaidharmya- 
AS-VDh 270,25	dṛṣṭāntapradarśanam | saty eva kulāle mṛtpiṇḍāder ghaṭādisaṃpādanasāmarthyadarśanād iti cānvayasamarthanam abhidhīyate | 
AS-VDh 271,01	na caitad abhidhātuṃ śakyam anyathānupapatter abhāvāt | buddhimatā kāraṇena vinā viramya pravṛttyāder asaṃbhavād anyathā- 
AS-VDh 271,02	nupapattir asty eveti cen na, tasyāpi vitanukaraṇasya tatkṛter asaṃbhavāt kālādivat tādṛśo 'pi nimitta- 
AS-VDh 271,03	bhāve karmaṇām acetanatve 'pi tannimittatvam apratiṣiddhaṃ, sarvathā dṛṣṭāntavyatikramāt | yathaiva hi kulālādiḥ 
AS-VDh 271,04	satanukaraṇaḥ kumbhādeḥ prayojako dṛṣṭāntas tanukaraṇabhuvanādīnām aśarīrendriyeśvaraprayojakatvakalpanayā vyati- 
AS-VDh 271,05	kramyate, tathā karmaṇām acetanānām api tannimittatvakalpanayā buddhimān api dṛṣṭānto vyatikramyatāṃ, viśeṣābhāvāt | 
AS-VDh 271,06	syān mataṃ–'saśarīrasyāpi buddhīcchāprayatnavata eva kulālādeḥ kārakaprayok‍tṛtvaṃ dṛṣṭaṃ, kuṭādikāryaṃ kartum a- 
AS-VDh 271,07	buddhyamānasya tadadarśanād, tadbuddhimato 'pīcchāpāye tadanupalabdhes tadicchāvato 'pi prayatnābhāve tadanupalambhāt | 
AS-VDh 271,08	tadvadvitanukaraṇasyāpi buddhimataḥ sṛṣṭum icchataḥ prayatnavataḥ śaśvadīśvarasya samastakārakaprayok‍tṛtvopapatter na 
AS-VDh 271,09	dṛṣṭāntavyatikramaḥ, saśarīratvetarayoḥ kārakaprayuktiṃ pratyanaṅgatvāt | na hi sarvathā dṛṣṭāntadārṣṭāntikayoḥ 
AS-VDh 271,10	sāmyam asti tadviśeṣavirodhād' iti tad ayuktaṃ, vitanukaraṇasya buddhīcchāprayatnānupapatter muktātmavat, śarīrād bahiḥ 
AS-VDh 271,11	saṃsāryātmavat, kālādivad veti | śarīrendriyādyutpatteḥ pūrvam ātmanā vyabhicāra iti cen na, tasyāpi buddhīcchā- 
AS-VDh 271,12	prayatnarahitatvopagamād anyathā svamatavirodhāt | pareṣāṃ tu tasya saśarīrasyaiva buddhyādimattvābhyupagamān na tenā- 
AS-VDh 271,13	nekāntaḥ | nanu ceśvarasya dharmitve tadapratipattāvāśrayāsiddho hetur iti cen na, prasaṅgasādhane 'vaśyam āśrayasyāna- 
AS-VDh 271,14	nveṣaṇīyatvāt tatpratipattisadbhāvāc ca | nanu yataḥ pramāṇādīśvarasyāsmadvilakṣaṇasya dharmiṇaḥ pratipattis tenaiva 
AS-VDh 271,15	hetur bādhyate iti cen na, ātmāntarasya sāmānyeneśvarābhidhānasya dharmitvāt sakalakārakaprayoktṛtvena buddhyādi- 
AS-VDh 271,16	mattvena ca tasya vivādāpannatvāt | 
AS-VDh 271,17	atha 'tanvādikārakāṇi vivādāpannāni cetanādhiṣṭhitāni, viramyapravṛttyādibhyo vāsyādivad ity anumā- 
AS-VDh 271,18	nāt samastakārakaprayoktṛtvaṃ buddhyādisaṃpannatvaṃ cesyaśvara sādhyate | tato 'śarīrendriyatvam, anādyanantata- 
AS-VDh 271,19	nvādikāryasaṃtānanimittakāraṇasyānādyanantatvasiddher anādyanantasya śarīratvavirodhāt | aśarīratvam api tasyānā-
AS-VDh 272,01	dyanantam astu buddhīcchāprayatnavat | ' iti mataṃ tadayuktaṃ, pramāṇabādhanāt | tathā hi, neśvare 'śarīratvam anādyana- 
AS-VDh 272,02	ntamaśarīratvāt, paraprasiddhyā kāyakaraṇotpatteḥ pūrvam asmadādyaśarīratvavat | neśvarabuddhyādayo nityā buddhyādi- 
AS-VDh 272,03	tvād asmadādibuddhyādivad iti | etenāgamāt, 'apāṇipāda' ityāder īśvarasyāśarīratvasādhanaṃ pratyākhyātaṃ, tasya 
AS-VDh 272,04	yuktibādhitatvāt | tata eva saśarīro maheśvaro 'stv iti cen na, taccharīrasyāpi buddhimatkāraṇāpūrvakatve tenaiva 
AS-VDh 272,05	kāryatvādihetūnāṃ vyabhicārāt | tasya buddhimatkāraṇapūrvakatve vā'parāparaśarīrakalpanāyām anavasthāprasaṅgāt 
AS-VDh 272,06	pūrvapūrvasvaśarīreṇottarottarasvaśarīrotpattau bhavasya nimittakāraṇatve sarvasaṃsāriṇāṃ tathā prasiddher īśvarakalpanāvai- 
AS-VDh 272,07	yarthyāt, svopabhogyabhavanādyutpattāv api teṣām eva nimittakāraṇatvopapatteḥ | iti na kāryatvācetanopādānatva- 
AS-VDh 272,08	sanniveśaviśiṣṭatvahetavo gamakāḥ syuḥ | sthitvāpravartanārthakriyādi cetanādhiṣṭhānād iti niyame 
AS-VDh 272,09	punar īśvarāder api mā bhūt | anyatheśvaradikkālākāśāś cetanādhiṣṭhitāḥ syuḥ, sarvakāryeṣu kramajanmasu sthittvā 
AS-VDh 272,10	pravartanād arthakriyākāritvād vāsyādivad iti nyāyāt | tathā ceśvaro 'pīśvarāntareṇādhiṣṭhita ity anavasthā syāt, 
AS-VDh 272,11	anyathā syāt tenaivāsya hetor vyabhicāraḥ | 
AS-VDh 272,12	nāyaṃ prasaṅgo, buddhimattvād iti cet tata eva tarhi prahīṇatanukaraṇādayaḥ prāṇino mā bhūvan | 
AS-VDh 272,13	yathaiva hi buddhim ānīśvaro nādhiṣṭhātrantaraṃ cetanam apekṣate tathā prahīṇān kubjādiśarīrakaraṇādīn api mā sma 
AS-VDh 272,14	karot, sātiśayaṃ tadvidaḥ prahīṇasvakāryākaraṇadarśanāt | prahīṇatanukaraṇādayaḥ prāṇināṃ karmaṇo vaici- 
AS-VDh 272,15	tryād iti cet tarhi karmaṇām api teṣām īśvarajñānanimittatve samānaprasaṅgaḥ –tāny api prahīṇatanukaraṇādi- 
AS-VDh 272,16	kāraṇāni mā bhūvann iti | tadanimittatve tanukaraṇāder api tannimittattvaṃ mā bhūd viśeṣābhāvāt | evaṃ 
AS-VDh 272,17	cārthakriyāder api tābhyām aikāntikatvaṃ karmaṇaḥ sthāṇoś cārthakriyākāritva–sthittvāpravartanayoś cetanādhi- 
AS-VDh 272,18	ṣṭhānābhāve 'pi bhāvāt | tataḥ karmabandhaviśeṣavaśāc citrāḥ kāmādayas tataḥ karmavaicitrya m iti sthitam | 
AS-VDh 272,19	na hi bhāvasvabhāvopālambhaḥ karaṇīyo 'nyatrāpi tathaiva tatprasaṅgānivṛtteḥ | yathaiva hi katham acetanaḥ 
AS-VDh 273,01	karmabandhaḥ kāmādivaicitryaṃ kuryāt kāmādir vā cetanasvabhāvaḥ katham acetanaṃ karmavaicitryam iti tatsvabhāvasyopā- 
AS-VDh 273,02	lambhaḥ pravartyate tathā katham acetanam unmattakādibhojanam unmādādivaicitryaṃ vidadhīta prāṇīnām unmādādir vā 
AS-VDh 273,03	cetanaḥ katham acetanaṃ mṛdādi rūpavaicitryam ity api tatsvarūpopālambhaḥ kim iti prasajyamāno nivartyate ? tathā 
AS-VDh 273,04	dṛṣṭatvād iti cet tata eva prakṛtasvabhāvopālambho 'pi nivartyatāṃ, tathānumitatvāt | 
AS-VDh 273,05	na caivam īśvarasyāpy anumitatvād upālambhaprasaṅganivṛttiḥ syād iti śaṅkanīyaṃ, tadanumānasyānekadoṣaduṣṭatvāt | 
AS-VDh 273,06	tathā hi, tanukaraṇabhuvanādeḥ kāryatvādisādhanaṃ kim ekabuddhimatkāraṇatvaṃ sādhayed anekabuddhimatkāraṇatvaṃ vā ? 
AS-VDh 273,07	prathamapakṣe prāsādādinānekasūtradhārayajamānādihetunā tadanaikāntikam | dvitīyapakṣe siddhasādhanaṃ, nānāprā- 
AS-VDh 273,08	ṇinimittatvāt tadupabhogyatanvādīnāṃ, teṣāṃ tadadṛṣṭakṛtatvāt | etena buddhimatkāraṇasāmānyasādhane siddhasā- 
AS-VDh 273,09	dhanam uktaṃ, tadabhimataviśeṣasyādhikaraṇasiddhāntanyāyenāpy asiddheḥ | sāmānyaviśeṣasya sādhyatvād adoṣa iti 
AS-VDh 273,10	cen na, dṛṣṭādṛṣṭaviśeṣāśrayasāmānyavikalpadvayānativṛtteḥ, dṛṣṭaviśeṣāśrayasya sāmānyasya sādhyatve sveṣṭavighā- 
AS-VDh 273,11	tāt, adṛṣṭaviśeṣāśrayasya sāmānyasya sādhyatve sādhyaśūnyatvaprasaṅgān nidarśanasya | dṛṣṭetaraviśeṣāśrayasāmā- 
AS-VDh 273,12	nyasādhane 'pi svābhimataviśeṣasiddhiḥ kutaḥ syāt ? adhikaraṇasiddhāntanyāyād iti cet ko 'yam adhikaraṇasi- 
AS-VDh 273,13	ddhānto nāma ? yat siddhāv anyaprakaraṇasiddhiḥ so 'dhikaraṇasiddhāntaḥ | tato dṛṣṭādṛṣṭaviśeṣāśrayasāmānyamātrasya 
AS-VDh 273,14	buddhimannimittasya jagatsu prasiddhau prakaraṇāj jagannirmāṇasamarthaḥ samastakārakāṇāṃ prayoktā sarvavidaluptaśakti- 
AS-VDh 273,15	r vibhur aśarīratvād iviśeṣāśraya eva sidhyatīti cet syād evaṃ, yadi sakalajagannirmāṇasamarthenaikena samastakāra- 
AS-VDh 273,16	kāṇāṃ prayoktṛtvasarvajñatvādiviśeṣopetenāvinābhāvi dṛṣṭetaraviśeṣādhikaraṇabuddhimatkāraṇasāmānyaṃ kutaścit 
AS-VDh 273,17	sidhyet | na ca sidhyati, anekabuddhimatkāraṇenaiva svopabhogyatanvādinimittakāraṇaviśeṣaṇe tasya vyāptatva- 
AS-VDh 273,18	siddheḥ samarthanāt | tathā sarvajñavītarāgakartṛkatve sādhye ghaṭādinānaikāntikaṃ sādhanaṃ, sādhyavikalaṃ ca 
AS-VDh 273,19	nidarśanam | sarāgāsarvajñakartṛkatve sādhye 'pasiddhāntaḥ | sarvathā kāryatvaṃ na sādhanaṃ tanvādāv asiddhaṃ, tasya 
AS-VDh 273,20	kathaṃcit kāraṇatvāt | kathaṃcit kāryatvaṃ tu viruddhaṃ, sarvathā buddhimannimittatvāt sādhyād viparītasya kathaṃcid buddhi- 
AS-VDh 273,21	mannimittatvasya sādhanāt | tathā pakṣo 'py anumānabādhitaḥ syāt, 'akṛtrimaṃ jagat, dṛṣṭakartṛkavilakṣaṇatvāt 
AS-VDh 273,22	svādivat' ity anumānasya tadbādhakasyānyatra samarthitatvāt | iti sūktaṃ, neśvarakṛtaḥ saṃsāra iti | 
AS-VDh 274,01	nanu yadi karmabandhānurūpataḥ saṃsāraḥ syān na tarhi keṣāṃcin muktir itareṣāṃ saṃsāraś ca, karmabandhanimi- 
AS-VDh 274,02	ttāviśeṣād iti cen na, teṣāṃ śuddhyaśuddhitaḥ pratimuktītarasaṃbhavād ātmanām | na hi jīvāḥ śaśvadaśu- 
AS-VDh 274,03	ddhita eva vyavasthitāḥ syādvādināṃ yājñikānām iva, kāmādisvabhāvatvanirākaraṇāt, tatsvabhāvatve kadā- 
AS-VDh 274,04	cidaudāsīnyopalambhavirodhāt | nāpi śuddhita evāvasthitāḥ kāpilānām iva, prakṛtisaṃsarge 'pi tatra kāmā- 
AS-VDh 274,05	dyupalambhavirodhāt, prakṛtāv eva kāmādyupalambhe puruṣakalpanāvaiyarthyāt, tadupabhogasyāpi tatraiva saṃbhavāt | 
AS-VDh 274,06	na hy anyaḥ kāmayate 'nyaḥ kāmam anubhavatīti vaktuṃ yuktam | nāpi sarve saṃbhavadviśuddhaya eva jīvāḥ pramāṇataḥ 
AS-VDh 274,07	pratyetuṃ śakyāḥ, saṃsāriśūnyatvaprasaṅgāt | kiṃ tarhi ? śuddhyaśuddhibhyāṃ vyavatiṣṭhante, 'jīvās te śuddhyaśuddhitaḥ' 
AS-VDh 274,08	iti vacanāt | tataḥ śuddhibhājām ātmanāṃ pratimuktir aśuddhibhājāṃ saṃsāraḥ | keṣāṃcit pratimuktiḥ svakālalabdhau 
AS-VDh 274,09	syād iti pratipattavyam | ke punaḥ śuddhyaśuddhī jīvānām ity āhuḥ —
ĀM-VDh 100ab		śuddhyaśuddhī punaḥ śaktī te pākyāpākyaśaktivat | 
ĀM-VDh 100cd		sādyanādī tayor vyaktī svabhāvo 'tarkagocaraḥ || 100 || 
AS-VDh 274,12	śuddhis tāvaj jīvānāṃ bhavyatvaṃ keṣāṃcit samyagdarśanādiyogān niścīyate | aśuddhir abhavyatvaṃ tadvaiparītyāt 
AS-VDh 274,13	sarvadā pravartanād avagamyate chadmasthaiḥ, pratyakṣata ścātīndriyārthadarśibhiḥ | iti bhavyetarasvabhāvau śuddhyaśuddhī 
AS-VDh 274,14	jīvānāṃ teṣāṃ sāmarthyāsāmarthye śaktyaśaktī iti yāvat | temāṣādipākyāparaśaktivat saṃbhāvyete 
AS-VDh 274,15	suniścitāsaṃbhavadbādhakapramāṇatvāt | tatra śuddher vyaktiḥ sādis tadabhivyañjakasamyagdarśanādīnāṃ sāditvāt | 
AS-VDh 274,16	etenānādiḥ sādiśivasya śuddhir iti pratyuktaṃ pramāṇābhāvād dṛṣṭātikramādiṣṭavirodhāc ca | aśuddheḥ punar abhavya- 
AS-VDh 274,17	tvalakṣaṇāyā vyaktir anādis tadabhivyañjakamithyādarśanādisaṃtater anāditvāt | paryāyāpekṣayāpi śakter anāditva- 
AS-VDh 274,18	m iti cen na, dravyāpekṣayaivānāditvasiddheḥ | iti śakteḥ prādurbhāvāpekṣayā sāditvam | tataḥ śaktir vyakti- 
AS-VDh 274,19	ś ca syāt sādiḥ, syād anādir ity anekāntasiddhiḥ | yadi vā jīvānām abhisāsandhinānātvaṃ śuddhyaśuddhī | svani- 
AS-VDh 274,20	mittavaśāt samyagdarśanādipariṇāmātmako 'bhisaṃdhiḥ śuddhi, mithyādarśanādipariṇāmātmako 'śuddhir doṣāvaraṇa-
AS-VDh 275,01	hānītaralakṣaṇatvāt teṣāṃ śuddhyaśuddhiśaktyor iti bhedam ācāryaḥ prāha, tato 'nyatrāpi –bhavyābhavyābhyāṃ 
AS-VDh 275,02	bhavyeṣv eva, sādyanādī prakṛtaśaktyor vyaktī samyagdarśanādyutpatteḥ pūrvam aśuddhyabhivyakter mithyādarśanādisaṃtati- 
AS-VDh 275,03	rūpāyāḥ kathaṃcid anāditvāt, samyagdarśanādyutpattirūpāyāḥ punaḥ śaktyabhivyakteḥ sāditvāt | kutaḥ 
AS-VDh 275,04	śaktipratiniyama iti cet, tathāsvabhāvād iti brūmaḥ | na hi bhāvasvabhāvāḥ paryanuyoktavyāḥ, 
AS-VDh 275,05	teṣām atarkagocaratvāt | nanu pratyakṣeṇa pratīte 'rthe svabhāvair uttaraṃ vācyaṃ sati paryanuyoge, na punar apratyakṣe, 
AS-VDh 275,06	atiprasaṅgād iti cen na, anumānādibhir api pratīte vastuni bhāvasvabhāvair uttarasyāvirodhāt pratyakṣavad anumā- 
AS-VDh 275,07	nāder api pramāṇatvaniścayāt | tataḥ paramāgamāt siddhaprāmāṇyāt prakṛtajīvasvabhāvāḥ pratītim anusaranto na 
AS-VDh 275,08	tarkagocarā yataḥ paryanuyujyante, tarkagocarāṇāg apy āgamagocaratvena paryanuyogaprasaṅgāt | tadvatpratyakṣaviṣayāṇā- 
AS-VDh 275,09	m api | iti na pratyakṣāgamayoḥ, svātantryam upapadyeta tarkavat | tadanupapattau ca nānumānasyodayaḥ syāt, dharmi- 
AS-VDh 275,10	pratyakṣādeḥ pratijñāyamānāgamārthasya ca pramāṇāntarāpekṣatvād ity anavasthānāt | tataḥ sūktaṃ, karmabandhānurūpatve 'pi 
AS-VDh 275,11	kāmādiprabhavasya bhāvasaṃsārasya dravyādisaṃsārahetoḥ pratimuktītarasiddhir jīvānāṃ śuddhyaśuddhivaicitryād iti | 
AS-VDh 275,12	nanu copeyatattvasya sarvajñatvāder upāyatattvasya jñāpakakārakavikalpasya hetuvādadaivādeḥ pramāṇanayair eva kārtsyai- 
AS-VDh 275,13	kadeśato 'dhigamaḥ kartavyo nānyathā tadadhigamopāyāntarāṇām atraivāntarbhāvāt, 'pramāṇanayair adhigama' iti 
AS-VDh 275,14	vacanāt | tatra pramāṇam eva tāvad vaktavyaṃ, tatsvarūpādivipratipattisadbhāvāt tannirākaraṇam antareṇa tadadhyavasā- 
AS-VDh 275,15	yānupapatteḥ | iti bhagavatā pṛṣṭā ivācāryāḥ prāhuḥ —
ĀM-VDh 101ab		tat tvajñānaṃ pramāṇaṃ te yugapat sarvabhāsanam | 
ĀM-VDh 101cd		kramabhāvi ca yaj jñānaṃ syādvādanayasaṃskṛtam || 101 || 
AS-VDh 275,18	pramāṇalakṣaṇasaṃkhyāviṣayavipratipattir anena vyavacchidyate | tattvajñānaṃ pramāṇam iti vacanād ajñānasya 
AS-VDh 275,19	nirākāradarśanasya sannikarṣādeś cāpramāṇatvam uktaṃ, tasya svārthākārapramitiṃ prati sādhakatamatvānupapatteḥ, jñāna-
AS-VDh 276,01	syaiva svārthākāravyavasāyātmanas tatra sādhakatamatvāt | nahi svārthākāravyavasāyaśūnyaṃ nirviśeṣavastumātragrahaṇaṃ 
AS-VDh 276,02	darśanam indriyādisannikarṣamātraṃ śrotrādivṛttimātraṃ vā yathoktaparicchittiṃ prati sādhakatamaṃ, tadbhāvābhāvayo- 
AS-VDh 276,03	s tasyās tadvattāpāyāt | yad bhāve hi pramiter bhāvavattā yad abhāve cābhāvavattā tat tatra sādhakatamaṃ yuktaṃ, bhāvābhā- 
AS-VDh 276,04	vayor dvayos tadvatā sādhakatamatvam iti vacanāt | na caitaddarśanādiṣu saṃbhavati, tadbhāve 'pi svārthapramiteḥ kvacid abhā- 
AS-VDh 276,05	vāt, saṃśayāder anyathānupapadyamānatvāt, tadabhāve 'pi ca viśeṣaṇajñānād viśeṣyapramiteḥ sadbhāvopagamāt | 
AS-VDh 276,06	nanu jñānasyāpy evaṃ sādhakatamatvaṃ mā bhūt saṃśayādijñāne saty api yathārthapramiter abhāvāt tadabhāve 'pi ca 
AS-VDh 276,07	bhāvād iti cen na, tattvagrahaṇāt | tattvajñānaṃ pramāṇam iti hi nigadyamāne mithyājñānaṃ saṃśayādi matyādyābhāsaṃ 
AS-VDh 276,08	vyavacchidyate | tato 'sya sādhakatamatvaṃ yathoktam upapadyate eva | nanv evam api tattvajñānāntarasya prameyasya 
AS-VDh 276,09	pramātuś cātmanaḥ svārthapramitiṃ prati sādhakatamatvāt pramāṇatvaṃ kuto na bhaved iti cen na, tasya karmatvena kartṛ- 
AS-VDh 276,10	tvena ca sādhakatamatvāsiddhes tatsiddhau karaṇatvaprasaṅgāt | karaṇasya tattvajñānātmanaḥ pramāṇatve ko virodhaḥ ? 
AS-VDh 276,11	tad evaṃ sakalapramāṇavyaktivyāpi sākalyenāpramāṇavyaktibhyo vyāvṛttaṃ pratītisiddhaṃ tattvajñānaṃ pramāṇalakṣaṇaṃ, 
AS-VDh 276,12	tasya suniścitāsaṃbhavadbādhakatvāt; saṃbhavadbādhakasya, saṃśayitāsaṃbhavadbādhakasya, kadācit kvacit kasyacin niścitā- 
AS-VDh 276,13	saṃbhavadbādhakasya ca pramāṇatvāyogāt, pravṛttisāmarthyasyārthavatkriyāprāpter aduṣṭakāraṇajanyatvasya lokasaṃmatatvasya 
AS-VDh 276,14	ca pramāṇalakṣaṇasya tattvārthaślokavārtike prapañcato 'pāstatvāt | 
AS-VDh 276,15	nanu ca tattvajñānasya sarvathā pramāṇatvasiddher anekāntavirodha iti na mantavyaṃ, buddher anekāntāt, yenā- 
AS-VDh 276,16	kāreṇa tattvaparicchedas tadapekṣayā prāmāṇyam iti nirūpaṇāt | tena pratyakṣatadābhāsayor api prāyaśaḥ 
AS-VDh 276,17	saṃkīrṇaprāmāṇyetarasthitir unnetavyā, prasiddhānupahatendriyadṛṣṭer api candrārkādiṣu deśapratyāsattyādya- 
AS-VDh 276,18	bhūtākārāvabhāsanāt, tathopahatākṣāder api saṃkhyādivisaṃvāde 'pi candrādisvabhāvatattvopalambhāt | 
AS-VDh 276,19	katham eva kvacit pramāṇavyapadeśa eva kvacid apramāṇavyapadeśa eveti niyatā lokavyavasthitir iti ? ucyate, 
AS-VDh 276,20	tatprakarṣāpekṣayā vyapadeśavyavasthā gandhadravyādivat | yathā ca pratyakṣasya saṃvādaprakarṣāt pramāṇavyapadeśa- 
AS-VDh 276,21	vyavasthā pratyakṣābhāsasya ca visaṃvādaprakarṣād apramāṇatvavyapadeśavyavasthitiḥ gandhādiguṇaprakarṣāt kastūrikāder ga- 
AS-VDh 276,22	ndhadravyādivyapadeśavyavasthā tadvyavahāribhir abhidhīyate, tathānumānāder api kathaṃcin mithyāpratibhāse 'pi 
AS-VDh 277,01	tattvapratipattyaiva prāmāṇyam anyathā cāprāmāṇyam ity anekāntasiddhiḥ | ekāntakalpanāyāṃ tu nāntarbahi- 
AS-VDh 277,02	stattvasaṃvedanaṃ vyavatiṣṭheta tāthāgatamate svayam advayāder dvayādipratibhāsanād rūpādisvalakṣaṇānāṃ ca tathaivā- 
AS-VDh 277,03	darśanād yathā vyāvarṇyante | svasaṃvedanasya saṃvinmātre pramāṇatve 'pi tadadvayakṣaṇikaparamāṇurūpe viparyayaprati- 
AS-VDh 277,04	bhāsād apramāṇatvakalpanāyāṃ katham ekāntahānir na syāt yat pramāṇaṃ tat pramāṇam eveti ? rūpādidarśanasya ca 
AS-VDh 277,05	rūpādimātre pramāṇatve 'pi sthūlasthirasādhāraṇākārapratibhāsasya bhrāntatvād apramāṇatāyāṃ katham ekāntasiddhiḥ ? 
AS-VDh 277,06	tasmād dṛṣṭasya bhāvasya dṛṣṭa evākhilo guṇa ititadaviśeṣopalambhābhyupagame 'pi bhrānter niścīyate neti 
AS-VDh 277,07	sādhanaṃ saṃpravartate iti vacanāt tadvyavasāyavaikalpaṃ siddham eva | tatra ca tadvyavasāyavaikalye vā dānahiṃsā- 
AS-VDh 277,08	dicitte kvacid dharmādharmasaṃvedanavat parokṣatvopapatte s tattrirūpaliṅgabalabhāvinām api vikalpānām atattvavi- 
AS-VDh 277,09	ṣayatvāt kutas tattvapratipattiḥ ? 'maṇipradīpaprabhayor maṇibuddhyābhidhāvataḥ | mithyājñānāviśeṣe 'pi viśe- 
AS-VDh 277,10	ṣo 'rthakriyāṃ prati || 1 ||  yathā, tathā'yathārthatve 'py anumānāvabhāsayoḥ | arthakriyānurodhena pramāṇatvaṃ vyavasthitam 
AS-VDh 277,11	 || 2 || ' iti, maṇipradīpaprabhādṛṣṭānto 'pi svapakṣaghātī, maṇipradīpaprabhādarśanasyāpi saṃvādakatvena 
AS-VDh 277,12	prāmāṇyaprāptyā pramāṇāntarbhāvavighaṭanāt kathaṃ pramāṇe evety avadhāraṇaṃ ghaṭate ? na hi tatpratyakṣaṃ svavi- 
AS-VDh 277,13	ṣaye visaṃvādanāt śuktikādarśanavadrajatabhrāntau | tatrāpratipannavyabhicārasya yad eva mayā dṛṣṭaṃ 
AS-VDh 277,14	tad eva mayā prāptam ity ekatvādhyavasāyād visaṃvādanābhāvān maṇiprabhāyāṃ maṇidarśanasya pratyakṣatve timirā- 
AS-VDh 277,15	śubhramaṇinauyānasaṃkṣobhādyāhitavibhramasyāpi dhāvaddavāditarudarśanasya pratyakṣatvaprasaṅgād abhrāntam iti viśe- 
AS-VDh 277,16	ṣaṇam adhyakṣasya na syāt | dhāvatāṃ darśanād avasthitānām agānāṃ prāpter visaṃvādāt bhrāntatvasiddhes tasyā- 
AS-VDh 277,17	pratyakṣatve kuñcikāvivare maṇiprabhāyāṃ maṇer darśanād apavarakābhyantare 'pariprāpteḥ katham iva tasyābhrāntatā 
AS-VDh 277,18	yujyeta ? iti na pratyakṣaṃ tat syāt | nāpi laiṅgikaṃ, liṅgaliṅgisaṃbandhāpratipatter anyathā dṛṣṭāntetarayo- 
AS-VDh 277,19	r ekatvāt kiṃ kena kṛtaṃ syāt ? tad etena 'pratipannavyabhicārasya ya itthaṃ pratibhāsaḥ syāt sa na saṃsthā-
AS-VDh 278,01	navarjitaḥ, evam anyatra dṛṣṭatvād anumānaṃ tathā satī'ti prajñākaramatam apy apāstaṃ, svayam asiddhena dṛṣṭāntena sādhya- 
AS-VDh 278,02	siddher akaraṇāt | kadācit saṃvādāt pratyakṣatvenaiva maṇiprabhāyāṃ maṇidarśanasya dṛṣṭāntatvam ayuktaṃ, kādāci- 
AS-VDh 278,03	tkārthaprāpter ārekāder api saṃbhavāt pratyakṣatvaprasakteḥ | 
AS-VDh 278,04	sarvadā saṃvādāt tasya pratyakṣatvam udāharaṇatvaṃ cety apy asāraṃ, tadasiddheḥ | na hi mithyājñānasya saṃvādanai- 
AS-VDh 278,05	kāntaḥ saṃbhavati, virodhāt | nanv anumānasya saṃbhavaty evāvastuviṣayatvena mithyājñānasyāpi sarvadā saṃvādanaṃ 
AS-VDh 278,06	liṅgajñānavat pāramparyeṇa vastuni pratibandhāt | tad uktaṃ–'liṅgaliṅgidhiyor evaṃ pāramparyeṇa vastuni | pratiba- 
AS-VDh 278,07	ndhāt tadābhāsaṃ śūnyayor apy avañcanam || ' iti kaścit so 'py anālocitābhidhāyī, sarvadā saṃvādinaḥ pratyakṣavanmi- 
AS-VDh 278,08	thyājñānatvavirodhāt | tathā na laiṅgikaṃ sarvathaivāvisaṃvādakatvāt | na hi tadālambanaṃ bhrāntaṃ, prāpye 'pi 
AS-VDh 278,09	vastuni bhrāntatvaprasaṅgāt | prāpye tasyāvisaṃvādakatve svālambane 'py avisaṃvādakatvam | iti kathaṃ na sarvathai- 
AS-VDh 278,10	vāvisaṃvādakatvam anumānasya ? sāmānyaviśeṣātmakavastuviṣayatvaprasiddheḥ pratyakṣavat, anyathā pramāṇatvāyo- 
AS-VDh 278,11	gāt | tasmāt sūktaṃ, tattvajñānam eva pramāṇaṃ kāraṇasāmagrībhedāt pratibhāsabhede 'pīti | na hy anumānasya 
AS-VDh 278,12	vastuviṣayatvād viśadapratibhāsanam āpādayituṃ śakyaṃ, vidūrasthapādapādidarśanenāviśadapratibhāsena vyabhicārāt | 
AS-VDh 278,13	pṛthagjanapratyakṣasyāpi yogipratyakṣavadasaṃbhavāt sakalasamāropatvaprasaṅgāt svalakṣaṇaviṣayatvāviśeṣāt | tada- 
AS-VDh 278,14	viśeṣe 'pi yogītarapratyakṣayoḥ kāraṇasāmagrīviśeṣād viśeṣaparikalpanāyāṃ, tata eve pratyakṣānumānayor api prati- 
AS-VDh 278,15	bhāsaviśeṣo 'stu, sarvathā bādhakābhāvāt | 
AS-VDh 278,16	pramāṇam eva vā tattvajñānaṃ nāmety avadhāraṇam anumantavyaṃ, phalajñānasyāpi svāvyavahitaphalāpekṣayā pramāṇa- 
AS-VDh 278,17	tvopayogāt | tataḥ svalakṣaṇadarśanānantarabhāvinas tattvavyavasāyasya pramāṇatvopapatteḥ pratyakṣam anu- 
AS-VDh 278,18	mānam iti pramāṇa evetyādyavadhāraṇaṃ pratyācaṣṭe saugatānāṃ, tasya pratyakṣānumānābhyāṃ pramāṇāntaratvāt | 
AS-VDh 278,19	nahīndriyavyavasāyo 'pramāṇam avisaṃvādakatvāt | anadhigatārthādhigamābhāvāt tadapramāṇatve laiṅgikasyāpi 
AS-VDh 278,20	mā bhūt pramāṇatvaṃ, viśeṣābhāvāt | anadhigatatvasvalakṣaṇādhyavasāyād anumiter atiśayakalpanāyāṃ 
AS-VDh 278,21	prakṛtasyāpi na vai pramāṇatvaṃ pratiṣedhyamanirṇītanirṇayātmakatvāt kṣaṇabhaṅgānumānavat | kṣaṇikatvā- 
AS-VDh 278,22	numānasya hy aniścitādhyavasāya evānadhigatasvalakṣaṇādhyavasāyaḥ | sa ca dhvanidarśanānantarabhāvino vyavasā-
AS-VDh 279,01	yasyāstīti yuktaṃ pramāṇatvam | dhvaner akhaṇḍaśaḥ śravaṇād adhigamo 'pi prāthamakalpikas tattvanirṇītir eva, 
AS-VDh 279,02	tadvaśātt tattvavyavasthānān nirṇīter eva mukhyapramāṇatvopapatteḥ, tadatyaye dṛṣṭer api visaṃvādakatvena 
AS-VDh 279,03	prāmāṇyānupapatter adarśanānatiśāyanāt taddarśanābhāve 'pi tattvaniścaye tadanyasamāropavyavacchedalakṣaṇe 
AS-VDh 279,04	pramāṇalakṣaṇāṅgīkaraṇāt | 
AS-VDh 279,05	nanu niścitārthamātrasmṛter apy evaṃ pramāṇatvāpatter atiprasaṅga iti cen na, pramitiviśeṣābhāvetarapakṣānatikra- 
AS-VDh 279,06	māt | prathamapakṣe kvacit kutaścid dhūmaketulaiṅgikavannirṇītārthamātrasmṛter adhigatārthādhigamāt prāmāṇyaṃ mā 
AS-VDh 279,07	bhūt, pramitiviśeṣābhāvāt | dvitīyapakṣe punar iṣṭaṃ prāmāṇyam anusmṛteḥ, pramitiviśeṣasadbhāvāt | prakṛta- 
AS-VDh 279,08	nirṇayasya prāmāṇye hi na kiṃcid atiprasajyate, dṛṣṭasyāpy aniścitasya niścayāt, pratyakṣato niścite 
AS-VDh 279,09	dhūmaketau jvālādiviśeṣād dhūmaketulaiṅgikasmṛtau tu viśeṣaparicchitter abhāvād aprāmāṇyanidarśanāt | paricchi- 
AS-VDh 279,10	ttiviśeṣasadbhāve 'pi sākalyena smṛter aprāmāṇyakalpanāyām anumānotthānāyogaḥ, saṃbandhasmṛter apramāṇatvāt, 
AS-VDh 279,11	tasyā api laiṅgikatvena prāmāṇye parāparasaṃbandhasmṛtīnām anumānatvakalpanād anavasthānāt saṃbandhasmṛtim antareṇā- 
AS-VDh 279,12	numānānudayāt | sudūram api gatvā saṃbandhasmṛter ananumānatve pramāṇatve ca siddhaṃ, smṛter upayogaviśeṣāt 
AS-VDh 279,13	pramāṇatvam avisaṃvādād anumānavat | tac ca yathā pratyakṣam anumānam iti pramāṇe evety avadhāraṇaṃ pratyācaṣṭe, tathā 
AS-VDh 279,14	trīṇy eva pramāṇāni catvāry eva pañcaiva ṣaḍ evety avadhāraṇam api, smṛter āgamopamānārthapattyabhāveṣv anantarbhāvāt, 
AS-VDh 279,15	tadantarbhāve 'numānāntarbhāvavadanavasthānānuṣaṅgād āgamādyudayavirodhāt, śabdādismṛtim antareṇa tadanupapatteḥ | 
AS-VDh 279,16	yadi punarāgamādyutthāpakasāmagrītvāc chabdādismṛter āgamādipramāṇatvam apy urarīkriyate tadā śabdādipratyakṣasyāpi 
AS-VDh 279,17	tatsāmagrītvād āgamāditvaprasaṅgaḥ | tathā ca smṛtivan na pratyakṣaṃ pramāṇāntaraṃ syāt | pramāṇāntaratve vā smṛter api 
AS-VDh 279,18	pramāṇāntaratvaṃ, darśanānantarādhyavasāyavannirṇīte 'pi kathaṃcid atiśāyanād a numānavat | 
AS-VDh 279,19	evaṃ pratyabhijñānaṃ pramāṇaṃ, vyavasāyātiśayopapatteḥ pratyakṣādivat, tatsāmarthyādhīnatvāt pramāṇa- 
AS-VDh 279,20	tvasthiteḥ, avisaṃvādasyāpi svārthavyavasāyātmakatvāt | anyathā hi visaṃvādaḥ syāt saṃśayādivat | 
AS-VDh 279,21	na cedaṃ pratyabhijñānam avyavasāyātmakaṃ, tad evedaṃ tat sadṛśam evedam ity ekatvasādṛśyaviṣayasya dvividhapratyabhijñāna-
AS-VDh 280,01	syābādhitasyārekādivyavacchedenāvagamāt, bādhyamānasyāpramāṇatvopapattes tadābhāsatvāt | na ca sarvaṃ pratyabhi- 
AS-VDh 280,02	jñānaṃ bādhyamānam eva, pratyakṣasya tadviṣaye pravṛttyasaṃbhavād abādhakatvād anumānasyāpi tadviṣayaviparītasarvathākṣa- 
AS-VDh 280,03	ṇikavisadṛśavastuvyavasthāpakasya nirastatvāt tadbādhakatvāyogāt | tataḥ pratyabhijñānaṃ tattvajñānatvāt pramāṇaṃ 
AS-VDh 280,04	pratyakṣavat | 
AS-VDh 280,05	evaṃ liṅgaliṅgisaṃbandhajñānaṃ pramāṇam aniścitaniścayād anumānavad | sattvakṣaṇikatvayor dhūmatatkāraṇa- 
AS-VDh 280,06	yor vā sākalyena vyāptipratipattau na pratyakṣam utsahate, sannihitārthākārānukāritvāt indriyajamānasasva- 
AS-VDh 280,07	saṃvedanapratyakṣasya yogipratyakṣasya aparīkṣākṣamatvāc cā | nānumānam anavasthānuṣaṅgāt | sudūram api gatvā tadubha- 
AS-VDh 280,08	yavyatiriktaṃ vyavasthānimittam abhyupagantavyam | tad asmākam ūhākhyaṃ pramāṇam avisaṃvādakatvāt samāropavyava- 
AS-VDh 280,09	cchedakatvād anumānavat | na cohaḥ saṃbandhajñānajanmā, yato 'navasthānaṃ syād aparāparohānusaraṇāt, tasya pratyakṣānupala- 
AS-VDh 280,10	mbhajanmatvāt pratyakṣavat, svayogyataiva svaviṣaye pravṛtteḥ | saṃbandhajñānam apramāṇam eva, pratyakṣānupalambhapṛṣṭabhāvivi- 
AS-VDh 280,11	kalpatvād gṛhītagrahaṇāt, saṃbandhapratipattau pratyakṣānupalambhayor eva bhūyaḥ pravartamānayoḥ pramāṇatvād ity eke, te 'py asa- 
AS-VDh 280,12	mīkṣitavācaḥ, kathaṃcid apūrvārthaviṣayatvād ūhākhyavikalpasya pramāṇatvopapatteḥ pratyakṣānupalambhayoḥ sannihitaviṣaya- 
AS-VDh 280,13	balotpatter avicārakatvāc ca vyāptau pravṛttyasaṃbhavāt | yadi punar apramāṇam eva vyāptijñānaṃ saṃbandhaṃ vā vyavasthāpayet tadā 
AS-VDh 280,14	pratyakṣam anumānaṃ cāpramāṇam eva svaviṣayaṃ vyavasthāpayet kiṃ tatpramāṇatvasādhanāyāsena ? liṅgaliṅgisaṃbandhapratipa- 
AS-VDh 280,15	ttir arthāpatter ity anye | teṣām api saṃbandhajñānapūrvakatve 'rthāpatter arthāpattyantarānusaraṇād anavasthā | tadapūrvakatve svayam ani- 
AS-VDh 280,16	ścitānanyathābhavanasyārthāpattyudayatvaprasaṅgaḥ, parasparāśrayaṇaṃ ca, saty anumānajñāno tadanyathānupapattyā saṃbandhajñānaṃ, 
AS-VDh 280,17	sati ca saṃbandhajñāne 'numānajñānam iti naikasyāpy udayaḥ syāt | na cānyat saṃbandhārthāpattyutthāpakam asty anumāna- 
AS-VDh 280,18	jñānād yena parasparāśrayaṇaṃ na syāt | etenopamānādeḥ saṃbandhapratipattiḥ pratyuktā | tasmād upamānādikaṃ 
AS-VDh 280,19	pramāṇāntaram icchatāṃ tattvanirṇayapratyavamarṣapratibandhādhigamapramāṇatvapratiṣedhaḥ prāyaśo vaktur jaḍi- 
AS-VDh 280,20	mānam āviṣkaroti | 
AS-VDh 281,01	iti pratyakṣaṃ parokṣam ity etad dvitayaṃ pramāṇa m abhyupagantavyam, arthāpattyāder anumānavyatireke 'pi, 
AS-VDh 281,02	parokṣe 'ntarbhāvāt | tad uktaṃ — pratyakṣaṃ viśadaṃ jñānaṃ tridhāśritam aviplavam | parokṣaṃ pratyabhijñādi pramāṇe iti 
AS-VDh 281,03	saṃgrahaḥ | tataḥ sūktam idam avadhāraṇaṃ pramāṇam eva tattvajñānam iti, pratyakṣaparokṣatattvajñānavyaktīnāṃ sākalyena 
AS-VDh 281,04	pramāṇatvopapatteḥ | 
AS-VDh 281,05	tatra sakalajñānāvaraṇaparikṣayavijṛmbhitaṃ kevalajñānaṃ yugapatsarvārthaviṣayam | karaṇakramavyavadhā- 
AS-VDh 281,06	nātivartitvāt yugapatsarvabhāsanam | tattvajñānatvāt pramāṇam | tathoktaṃ, 'sarvadravyaparyāyeṣu kevalasya' 
AS-VDh 281,07	iti sūtrakāraiḥ | kevalajñānadarśanayoḥ kramavṛttitvāt cakṣurādijñānadarśanavadyugapatsarvabhāsanam ayukta- 
AS-VDh 281,08	m iti cen na, tayor yaugapadyāt, tadāvaraṇakṣayasya yugapadbhāvāt, 'mohakṣayāj jñānadarśanāvaraṇāntarāya- 
AS-VDh 281,09	kṣayāc ca kevalam' iti, atra prathamaṃ mohakṣayas tato jñānāvaraṇāditrayakṣayaḥ sakṛd iti vyākhyānāt | 
AS-VDh 281,10	tajjñānadarśanayoḥ kramavṛttau hi sarvajñatvaṃ kādācitkaṃ syād,  darśanakāle jñānābhāvā- 
AS-VDh 281,11	t tatkāle ca darśanābhāvāt | satataṃ ca bhagavataḥ kevalinaḥ sarvajñatvaṃ sarvadarśitvaṃ ca 'sādhyaparyavasite kevala- 
AS-VDh 281,12	jñānadarśane' iti vacanāt | kutas tatsiddhir iti cen nirloṭhitam etat sarvajñasiddhiprastāve, na punar ihocyate | 
AS-VDh 281,13	kevalajñānadarśanayor yugapadbhāvaḥ kutaḥ siddha iti cet, sāmānyaviśeṣaviṣayayor vigatāvaraṇayor ayugapa- 
AS-VDh 281,14	tpratibhāsāyogāt pratibandhakāntarābhāvāt | sāmānyapratibhāso hi darśanaṃ viśeṣapratibhāso jñānam | 
AS-VDh 281,15	tatpratibandhakaṃ jñānāvaraṇaṃ darśanāvaraṇaṃ ca | yad udayād asmadādeḥ kevalajñānadarśanānāvirbhāvaḥ | tayoś ca yugapa- 
AS-VDh 281,16	dātmaviśuddhiprakarṣaviśeṣāt parikṣayasiddheḥ katham ivāyugapatpratibhāsanaṃ sāmānyaviśeṣayoḥ syāt ? prakṣīṇā- 
AS-VDh 281,17	śeṣamohāntarāyasya pratibandhāntaraṃ ca katham iva saṃbhāvyeta, yena yugapattaddvitayaṃ na syāt ? astu nāma kevalaṃ 
AS-VDh 281,18	tattvajñānaṃ yugapatsarvabhāsanaṃ, matiśrutāvadhimanaḥparyayajñānaṃ tu katham ity ucyate, śeṣaṃ sarvaṃ kramavṛtti, prakārā- 
AS-VDh 281,19	ntarāsaṃbhavāt | tena kramabhāvi ca yan matyāditattvajñānaṃ tad api pramāṇam iti vyākhyātaṃ bhavati, 'matiśrutāva- 
AS-VDh 281,20	dhimanaḥparyayakevalāni jñānaṃ, tatpramāṇe' iti sūtrakāravacanāt | nanu ca matyādijñānacatuṣṭayam api yugapad i- 
AS-VDh 281,21	ṣyate, 'tadādīni bhājyāni yugapad ekasmin nā caturbhyaḥ' iti sūtrasadbhāvād iti na śaṅkanīyaṃ, matyādijñānā- 
AS-VDh 281,22	nām anupayuktānām eva yaugapadyavacanāt 'saha dvau na sta' upayogād' ity ārṣavacanāt | chadmasthajñānadarśanopayo- 
AS-VDh 281,23	gāpekṣayā tadvacanam iti cen naivaṃ viśeṣānabhidhānāt | sāmānyacodanāś ca viśeṣeṣv avatiṣṭhante iti nyāyāt 
AS-VDh 282,01	tadviśeṣagatir iti cen na, anyathāpi viśeṣagatisaṃbhavāt–tan naiveti, pramāṇābhāvāt | 'kvacid ātmani matyā- 
AS-VDh 282,02	dijñānāni sopayogāni yugapat saṃbhavanti sakṛtsannihitasvaviṣayatvāt dīrghaśaṣkulībhakṣaṇādau cakṣurādijñānapa- 
AS-VDh 282,03	ñcakavad ity anumānādiṣṭaviśeṣagatir astu | na cedam udāharaṇaṃ sādhyavikalaṃ cakṣurādijñānānāṃ kramavṛttau paraspara- 
AS-VDh 282,04	vyavadhānād vicchedopalakṣaṇaprasaṅgāt, prasiddhakramabhāvirūpādijñānava' iti na mantavyaṃ, cakṣurādijñānapa- 
AS-VDh 282,05	ñcakasyāpi parasparavyavadhāne 'pi vicchedānupalakṣaṇaṃ, kṣaṇakṣayavat tāthāgatasya, syāt | teṣāṃyaugapadye 
AS-VDh 282,06	hi saṃtānabhedāt parasparaparāmarśābhāvaḥ santānāntaravat | yaugapadye 'pi saṃtānabhedābhāve 'kṣamano 'dhyakṣayo- 
AS-VDh 282,07	r api yaugapadyam astu viśeṣābhāvāt | mānasapratyakṣe 'pi cakṣurādijñānānantarapratyayodbhavena kaści- 
AS-VDh 282,08	d viśeṣaḥ kramavṛttau cakṣurādijñānavad vyavadhānapratibhāsavikalpapratipatter asaṃbhavāt | na ca cakṣurādi- 
AS-VDh 282,09	jñānapañcakāt sahabhāvinaḥ kramabhuvāṃ tadanantarajanmanāṃ mānasapratyakṣāṇāṃ vyavadhānena pratibhāsabhedapratipattir asti | 
AS-VDh 282,10	teṣāṃ laghuvṛtteḥ kramabhāvitve 'pi na vyavadhānena pratibhāsavikalpānāṃ pratipattir iti cet tata eva cakṣurādijñānā- 
AS-VDh 282,11	nām api vicchedopalakṣaṇaṃ mā bhūt, kramabhāve 'pi viśeṣābhāvāt | yaugapadye hi sparśādipratyavamarśavirodhaḥ 
AS-VDh 282,12	puruṣāntaravat | jainānām api kramabhāvaś cakṣurādivedanānām upapanna eva | tadvanmatyādijñānānām api sopayo- 
AS-VDh 282,13	gānāṃ kramabhāvo nirupayogānāṃ tu yaugapadyam aviruddhaṃ, viṣayasyānekāntātmakatvāt | tataḥ sopayogaṃ 
AS-VDh 282,14	matijñānādi kramabhāvi syādvādanayalakṣitaṃ pratipattavyaṃ, tasya nayopalakṣitatvāt kevalajñānavat 
AS-VDh 282,15	syādvādopalakṣitatvāc ca | kuta etad iti ced vikalasakalaviṣayatvāt tayoḥ | tattvajñānaṃ vā syādvādanaya- 
AS-VDh 282,16	saṃskṛtaṃ pratipattavyaṃ kramākramabhāvitve | katham ? 'tattvajñānaṃ syād akramaṃ, sakalaviṣayatvāt | syāt kramabhāvi, 
AS-VDh 282,17	vikalaviṣayatvāt | syād ubhayaṃ, tadubhayaviṣayatvāt | syād avaktavyaṃ, yugapad vaktum aśakteḥ | ' ityādi, saptabha- 
AS-VDh 282,18	ṅgyāḥ pramāṇanayavaśād upapatteḥ | athavā pratiparyāyaṃ syādvādanayasaṃskṛtaṃ pratipattavyaṃ, syāt pramāṇaṃ svārthapramitiṃ 
AS-VDh 282,19	prati sādhakatamatvāt, syād apramāṇaṃ pramāṇāntareṇa prameyatvāt svato vā | athavā syāt sat, svarūpādicatuṣṭa- 
AS-VDh 282,20	yāt, syād asat, pararūpādicatuṣṭayāt ityādi yojanīyam | 
AS-VDh 282,21	atha pramāṇaphalavipratipattinivṛttyanivṛttyartham āhuḥ —
ĀM-VDh 102ab		upekṣā phalam ādyasya śeṣasyādānahānadhīḥ | 
ĀM-VDh 102cd		pūrvā vā'jñānanāśo vā sarvasyāsya svagocare || 102 || 
AS-VDh 283,02	kārikāpāṭhāpekṣayā yugapatsarvabhāsanaṃ kevalam ādyaṃ, tasya vyavahitaṃ phalam upekṣā | kuta iti 
AS-VDh 283,03	ced ucyate, siddhaprayojanatvāt kevalināṃ sarvatropekṣā | heyasya saṃsāratatkāraṇasya hānā-dupādevasya 
AS-VDh 283,04	mokṣatatkāraṇasyopāttatvāt siddhaprayojanatvaṃ nāsiddhaṃ bhagavatām | nanu karuṇāvataḥ paraduḥkhaji- 
AS-VDh 283,05	hāsoḥ katham upekṣā ? tadabhāve kathaṃ cāptiḥ? iti cen na, teṣāṃ mohaviśeṣātmikāyāḥ karuṇāyāḥ saṃbhavā- 
AS-VDh 283,06	bhāvāt svaduḥkhanivartanavadakaruṇayāpi vṛtter anyaduḥkhanirācikīrṣāyām | nanv asmadādivaddayālo- 
AS-VDh 283,07	r evātmaduḥkhanivartanaṃ yuktam | tathā hi, yo yaḥ svātmani duḥkhaṃ nivartayati sa sa svātmani karuṇāvān, 
AS-VDh 283,08	yathāsmadādiḥ | tathā ca yogī svātmani saṃsāraduḥkhaṃ nivartayatīti yuktiḥ | na cātra hetur viruddho 'naikāntiko 
AS-VDh 283,09	vā, vipakṣe sarvathāpy abhāvāt bādhakapramāṇasāmarthyāt, svasādhyavinābhāvasiddheḥ | tathā hi, yaḥ svātmany a- 
AS-VDh 283,10	karuṇāvān na sa svaduḥkhaṃ nivartayati, yathā dveṣāder viṣabhakṣaka iti, sādhyavyāvṛttau sādhanavyāvṛttiniścayāt | 
AS-VDh 283,11	bhayalobhādinātmaduḥkhanivartakair vyabhicārī hetur iti cen na, teṣām api karuṇotpatteḥ | na hy ātmany akaruṇāvataḥ 
AS-VDh 283,12	parato bhayaṃ lobho māno vā saṃbhavati, tasyātmakaruṇāprayuktatvāt | iti paramparayā karuṇāvā nevātmaduḥ- 
AS-VDh 283,13	khamanaśanādinimittaṃ nivartayati | bhayādihetukā vā kasyacid ātmani karuṇotpadyate | sotpannā satī 
AS-VDh 283,14	svaduḥkhaṃ nivartayati | iti sākṣāt karuṇayātmaduḥkhanivartane pravartate tato na vyabhicāraḥ | etenādṛṣṭa- 
AS-VDh 283,15	viśeṣavaśād ātmani duḥkhānivartanaparair vyabhicāracodanā nirastā, tataḥ karuṇotpatter eva tannivartanāt | tan nā- 
AS-VDh 283,16	karuṇasyātmaduḥkhanivartanaṃ dṛṣṭam | ato 'yam asamādhir iti cen na, svabhāvato 'pi svaparaduḥkhanivartananibandhana- 
AS-VDh 283,17	tvopapatteḥ pradīpavat | na vai pradīpaḥ kṛpālutayātmānaṃ paraṃ vā tamaso duḥkhahetor nivartayatīti |  
AS-VDh 283,18	kiṃ tarhi ? tathā svabhāvāt | kalpayitvāpi kṛpālutāṃ tatkaraṇasvabhāvasāmarthyaṃ mṛgyam | evaṃ hi 
AS-VDh 283,19	paramparāpariśramaṃ pariharet | tato niḥśeṣāntarāya kṣayād abhayadānaṃ svarūpam evātmanaḥ prakṣīṇāvaraṇasya paramā 
AS-VDh 283,20	dayā | saiva ca mohābhāvād rāgadveṣayor apraṇidhānād upekṣā | tīrthakaratvanāmodayāt tu hitopadeśapravartanāt para- 
AS-VDh 283,21	duḥkhanirākaraṇasiddhiḥ | iti na buddhavatkaruṇayāsya pravṛttir bhagavato, yenopekṣā kevalasya phalaṃ na syāt | 
AS-VDh 283,22	avyavahitaṃ tu phalam ādyasyājñānanivṛttir eva, svaviṣaye matyādivat | tathā hi, matyādeḥ sākṣāt 
AS-VDh 283,23	phalaṃ svārthavyāmohavicchedas tadabhāve darśanasyāpi sannikarṣāviśeṣāt kṣaṇapariṇāmopalambha- 
AS-VDh 284,01	vad avisaṃvādakatvāsaṃbhavāt | tad anena pramāṇād bhinnam eva phalam iti vyudastam | tathā paramparayā hānopā- 
AS-VDh 284,02	dānasaṃvittiḥ phalam upekṣā vā matyādeḥ | etenābhinnam eva pramāṇāt phalam iti nirastam | tathā hi, karaṇasya 
AS-VDh 284,03	kriyāyāś ca kathaṃcid ekatvaṃ pradīpatamo 'vigamavat, nānātvaṃ ca paraśvādivat | nanu ca 'yathā devadattaḥ 
AS-VDh 284,04	kāṣṭhaṃ paraśunā chinattīti karaṇasya kriyāyāś ca nānātvaṃ siddhaṃ, chideḥ kāṣṭhasthatvāt paraśor devadattasthatvāt, 
AS-VDh 284,05	tathā pradīpas tamo nāśayaty uddyotenety atrāpi karaṇasyoddyotasya kriyāyāś ca tamovināśātmikāyā nānātva- 
AS-VDh 284,06	m eva pratīyate | tadvatkaraṇasya pramāṇasya kriyāyāś ca phalajñānarūpāyā nānātvenaiva bhavitavyaṃ, tadanānātve dṛṣṭā- 
AS-VDh 284,07	ntābhāvāt' iti kecit te 'pi na pratītyanusāriṇaḥ pradīpaḥ svātmanātmānaṃ prakāśayatīti pratīteḥ, pradīpā- 
AS-VDh 284,08	tmanaḥ kartur ananyasya kathaṃcit karaṇasya, prakāśanakriyāyāś ca pradīpātmikāyāḥ kathaṃcid abhedasiddheḥ | tadvatpramā- 
AS-VDh 284,09	ṇaphalayoḥ kathaṃcid avyavahitatvasiddhir udāharaṇasadbhāvāt | sarvathā tādātmye tu pramāṇaphalayor na vyavasthā, 
AS-VDh 284,10	tadbhāvavirodhāt | na hi sārūpyam asya pramāṇam adhigatiḥ phalam iti sarvathā tādātmye sidhyati | darśana- 
AS-VDh 284,11	syāsārūpyavyāvṛttiḥ sārūpyam anadhigativyāvṛttir adhigatir iti vyāvṛttibhedādekasyāpi pramāṇaphalavyavastheti 
AS-VDh 284,12	cen na, svabhāvabhedām antareṇānyavyāvṛttibhedānupapatteḥ | tasmād grāhyasaṃvidākārayoḥ pramāṇaphalavyavasthāyām api 
AS-VDh 284,13	vyāmohavicchedābhāve visaṃvādānirākaraṇe tadajñasyeva viṣadṛṣṭiḥ pramāṇatvaṃ na pratipattum arhati | tāva- 
AS-VDh 284,14	taiva pramāṇatve kṣaṇikatvādyanumānam adhigatārthādhigamalakṣaṇatvān na vai pramāṇa m iti nirūpitaprāyam | 
AS-VDh 284,15	nanu ca syādvādanayasaṃskṛtaṃ tattvajñānam ity uktaṃ tadvat phalam apīti sa eva tāvat syāc chabdo 'bhidhī- 
AS-VDh 284,16	yatām ity āhuḥ —
ĀM-VDh 103ab		vākyeṣv anekāntadyotī gamyaṃ prati viśeṣaṇam | 
ĀM-VDh 103cd		syān nipāto 'rthayogitvāt tava kevalinām api || 103 || 
AS-VDh 284,19	kiṃ punar vākyaṃ nāmety ucyatāṃ, tatra vipratipatteḥ | tad uktam, ākhyātaśabdaḥ saṃghāto, 
AS-VDh 284,20	 jātiḥ saṃghātavartinī | eko 'navayavaḥ śabdaḥ kramo buddhyanusaṃhṛtī 
AS-VDh 284,21	 || 1 || padam ādyaṃ padaṃ cāntyaṃ padaṃ sāpekṣam ity api | vākyaṃ prati matir bhinnā 
AS-VDh 285,01	bahudhā nyāyavedinām || 2 || iti | atrocyate —padānāṃ parasparāpekṣāṇāṃ nirapekṣaḥ samudāyo vākyaṃ, 
AS-VDh 285,02	 na punar ākhyātaśabdaḥ, tasya padāntaranirapekṣasya padatvād anyathākhyātapadābhāvaprasaṅgāt | padāntarasā- 
AS-VDh 285,03	pekṣasyāpi kvacin nirapekṣatvābhāve vākyatvavirodhāt, prakṛtārthāparisamāpteḥ, nirākāṃkṣasya tu vākyalakṣaṇayo- 
AS-VDh 285,04	gād upapannaṃ vākyatvam | saṃghāto vākyam ity atrāpi parasparāpekṣāṇāṃ padānām anapekṣāṇāṃ vā ? prathamapakṣe 
AS-VDh 285,05	nirākāṅkṣatve 'smatpakṣasiddhiḥ, sākāṅkṣatve vākyatvavirodhaḥ | dvitīyavikalpe 'tiprasaṅgaḥ | jātiḥ 
AS-VDh 285,06	saṃghātavartinī vākyam ity apy anena vicāritaṃ, nirākāṅkṣaparasparāpekṣapadasaṃghātavartinyāḥ sadṛśapariṇāmalakṣa- 
AS-VDh 285,07	ṇāyā jāter vākyatvaghaṭanād anyathā tadvirodhāt | eko 'navayavaḥ śabdo vākyam ity apy ayuktaṃ, tasyāpramāṇa- 
AS-VDh 285,08	katvāt, śrotrabuddhau tadapratibhāsanāt tatpratibaddhaliṅgābhāvāt | arthapratipattir liṅgam iti cen na, anyathāpi 
AS-VDh 285,09	tadbhāvāt, vākyasphoṭasya kriyāsphoṭavat tattvārthālaṅkāre nirastatvāt | kramo vākyam ity api na vicāra- 
AS-VDh 285,10	kṣamaṃ, varṇamātrakramasya vākyatvaprasaṅgāt | padarūpatām āpannānāṃ varṇaviśeṣāṇāṃ kramo vākyam iti cet, sa 
AS-VDh 285,11	yadi parasparāpekṣāṇāṃ nirākāṅkṣas tadā samudāya eva, kramabhuvāṃ kālapratyāsatter eva samudāyatvāt sahabhuvām eva 
AS-VDh 285,12	deśapratyāsatteḥ samudāyatvavyavasthiteḥ | atha sākāṅkṣas tadā na vākyam ardhavākyavat parasparanirapekṣāṇāṃ tu 
AS-VDh 285,13	kramasya vākyatve 'tiprasaṅga eva | buddhir vākyam ity atrāpi bhāvavākyaṃ dravyavākyaṃ vā ? prathamakalpanā- 
AS-VDh 285,14	yām iṣṭam eva | dvitīyakalpanāyāṃ pratītivirodhaḥ | anusaṃhṛtir vākyam ity api nāniṣṭaṃ, bhāvavākyasya 
AS-VDh 285,15	yathoktapadānusaṃhṛtirūpasya cetasi parisphuratobhīṣṭatvāt | ādyaṃ padam antyaṃ vānyad vā padā- 
AS-VDh 285,16	ntarāpekṣaṃ vākyam ity api nākalaṅkoktavākyād bhidyate, tathā parasparāpekṣapadasamudāyasya nirākāṅkṣasya vākya- 
AS-VDh 285,17	tvasiddheḥ, tadabhāve padasiddher apy abhāvaprasaṅgāt | nanu yadi nirākāṅkṣaḥ parasparāpekṣapadasamudāyo vākyaṃ na tarhi 
AS-VDh 285,18	tadānīm idaṃ bhavati, yathā yat sat tat sarvaṃ pariṇāmi, yathā ghaṭaḥ, saṃś ca śabda iti sādhanavākyaṃ 
AS-VDh 285,19	tasmāt pariṇāmīty ākāṅkṣaṇāt, sākāṅkṣasya vākyatvāniṣṭer iti na śaṅkanīyaṃ, kasyacit pratipattusta- 
AS-VDh 285,20	danākāṅkṣatvopapatteḥ | nirākāṅkṣatvaṃ hi nāma pratipattur dharmo 'yaṃ vākyeṣv adhyāropyate, na punaḥ śabdasya 
AS-VDh 285,21	dharmas tasyācetanatvāt | sa cet pratipattā tāvatārthaṃ pratyeti, kim iti śeṣam ākāṅkṣati ? pakṣadha- 
AS-VDh 285,22	rmopasaṃhāraparyantasādhanavākyād arthapratipattāv api nigamanavacanāpekṣāyāṃ nigamanāntapañcāvayavavākyād apy arthaprati- 
AS-VDh 285,23	pattau sādhanāvayavāntaravacanāpekṣāprasaṅgāt | iti na kvacin nirākāṅkṣatvasiddhiḥ | tathā ca vākyābhāvān na 
AS-VDh 286,01	vākyārthapratipattiḥ kasyacit syāt | tato yasya pratipattur yāvatsu parasparāpekṣapadeṣu samuditeṣu nirākāṅkṣatvaṃ 
AS-VDh 286,02	tasya tāvatsu vākyatvasiddhir iti sarvaṃ sustham | prakaraṇādinā vākyakalpenāpy arthapratipattau navā prāthamaka- 
AS-VDh 286,03	lpikavākyalakṣaṇaparihāraḥ, prakaraṇādigamyapadāntarasāpekṣaśrūyamāṇapadasamudāyasya nirākāṅkṣasya satyabhā- 
AS-VDh 286,04	mādipadavad vākyatvasiddheḥ | tad evaṃ lakṣaṇeṣu vākyeṣu syād iti śabdonekāntadyotī pratipattavyo, na 
AS-VDh 286,05	punār vidhivicārapraśnādidyotī, tathāvivakṣāpāyāt | kaḥ punar anekānta iti ced ime brūmahe | sadasannityāni- 
AS-VDh 286,06	tyādisarvathaikāntapratikṣepalakṣaṇo 'nekāntaḥ, sa ca dṛṣṭeṣṭāviruddha ity uktaṃ prāk | tatra kvacit prayujyamā- 
AS-VDh 286,07	naḥ syācchabdas tadviśeṣaṇatayā prakṛtārthatattvam avayavena sūcayati, prāyaśo nipātānāṃ tatsvabhāvatvā- 
AS-VDh 286,08	d evakārādivat | dyotakāś ca bhavanti nipātā iti vacanāt syācchabdasyānekāntadyotakatve 'pi na kaścid do- 
AS-VDh 286,09	ṣaḥ, sāmānyopakrame viśeṣābhidhānam iti nyāyāj jīvādipadopādānasyāpy avirodhāt syācchabdamātrayogād ane- 
AS-VDh 286,10	kāntasāmānyapratipatter eva saṃbhavāt | sūcakatvapakṣe tu gamyam artharūpaṃ prati viśeṣaṇaṃ syācchabdas tasya viśeṣaka- 
AS-VDh 286,11	tvāt | na hi kevalajñānavad akhilam akramam avagāhate kiṃcid vākyaṃ, yena tadabhidheyaviśeṣarūpasūcakaḥ 
AS-VDh 286,12	syād iti na prayujyate, vācaḥ kramavṛttitvāt tadbuddher api tathābhāvāt | tatas tava bhagavataḥ kevali- 
AS-VDh 286,13	nām api syān nipāto 'bhimata evārthayogitvād anyathānekāntārthapratipatter ayogāt | 
AS-VDh 286,14	nanu ca kathaṃcid ityādiśabdād api bhavaty evānekāntārthapratipattiḥ ? satyaṃ bhavati, tasya syādvacanaparyāya- 
AS-VDh 286,15	tvāt | tathā hi —, 
ĀM-VDh 104ab		syādvādaḥ sarvathaikāntatyāgāt kiṃvṛttacidvidhiḥ | 
ĀM-VDh 104cd		saptabhaṅganayāpekṣo heyādeyaviśeṣakaḥ || 104 || 
AS-VDh 287,03	kimo vṛttaḥ kiṃvṛttaḥ | sa cāsau cidvidhiś ceti kathaṃcid ityādiḥ kiṃvṛttacidvidhiḥ syādvādaparyāyaḥ | 
AS-VDh 287,04	so 'yam anekāntam abhipretya saptabhaṅganayāpekṣaḥ svabhāvaparabhāvābhyāṃ sadasadādivyavasthāṃ pratipādayati | 
AS-VDh 287,05	ke punaḥ saptabhaṅgāḥ ke vā nayāḥ ? saptabhaṅgī proktā pūrvam eva | dravyārthikaparyāyārthikapravibhāgava- 
AS-VDh 287,06	śān naigamādayaḥ śabdārthanayā bahuvikalpā mūlanayadvayaśuddhyaśuddhibhyāṃ, śāstrāntare proktā iti saṃba- 
AS-VDh 287,07	ndhaḥ | dravyārthikapravibhāgād dhi naigamasaṃgrahavyavahārāḥ paryāyārthikapravibhāgādṛjusūtrādayaḥ | tatra ṛjusūtraparya- 
AS-VDh 287,08	ntāś catvārorthanayāḥ, teṣām arthapradhānatvāt | śeṣās trayaḥ śabdanayāḥ śabdapradhānatvāt | tatra mūlanayasya dravyā- 
AS-VDh 287,09	rthikasya śuddhyā saṃgrahaḥ, sakalopādhirahitatvena śuddhasya sanmātrasya viṣayīkaraṇāt samyag ekatvena sarvasya 
AS-VDh 287,10	saṃgrahaṇāt | tasyaivāśuddhyā vyavahāraḥ, saṃgrahagṛhītānām arthānāṃ vidhipūrvakatvavyavahāraṇāt, dravyatvādiviśe- 
AS-VDh 287,11	ṣaṇatayā svato 'śuddhasya svīkaraṇāt, yat sat tad dravyaṃ guṇo vetyādivat | evaṃ naigamo 'py aśuddhyā pravartate, sopā- 
AS-VDh 287,12	dhivastuviṣayatvāt | sa hi tredhā pravartate, dravyayoḥ paryāyayor dravyaparyāyor vā guṇapradhānabhāvena vivakṣāyāṃ 
AS-VDh 287,13	naigamatvāt, naikaṃ gamo naigama iti nirvacanāt | tatra dravyanaigamo dvedhā–śuddhadravyanaigamo 'śuddhadravyanaigamaś ce- 
AS-VDh 287,14	ti | paryāyanaigamas tredhā–arthaparyāyayor vyañjanaparyāyayor arthavyañjanaparyāyayoś ca naigama iti | arthaparyāyanaigama- 
AS-VDh 287,15	s tredhā jñānārthaparyāyayor jñeyārthaparyāyayor jñānajñeyārthaparyāyayoś ceti | vyañjanaparyāyanaigamaḥ ṣoḍhā–śabdavyañjanapa- 
AS-VDh 287,16	ryāyayoḥ samabhirūḍhavyañjanaparyāyayor evaṃbhūtavyañjanaparyāyayoḥ śabdasamabhirūḍhavyañjanaparyāyayoḥ śabdaivaṃ- 
AS-VDh 287,17	bhūtavyañjanaparyāyayoḥ samabhirūḍhaivaṃbhūtavyañjanaparyāyayoś ceti | arthavyañjanaparyāyanaigamas tredhā ṛjusūtraśabdayoḥ, 
AS-VDh 287,18	ṛjusūtrasamabhirūḍhayoḥ ṛjusūtraivaṃbhūtayoś ceti | dravyaparyāyanaigamo 'ṣṭadhā–śuddhadravyarjusūtrayoḥ śuddhadravyaśabda- 
AS-VDh 287,19	yoḥ śuddhadravyasamabhirūḍhayoḥ śuddhadravyaivaṃbhūtayoś ca, evamaśuddhadravyarjusūtrayor aśuddhadravyaśabdayor aśuddhadravyasama- 
AS-VDh 287,20	bhirūḍhayor aśuddhadravyaivaṃbhūtayoś ceti | lokasamayāvirodhenodāhāryam | 
AS-VDh 287,21	tathā paryāyārthikasya mūlanayasyāśuddhyā tāvad ṛjusūtraḥ, tasya kālakārakaliṅgabhedenāpy abhedāt | śuddhyā 
AS-VDh 288,01	śabdas tasya kālādibhedena bhedāt | śuddhitarayā samabhirūḍhas tasya paryāyabhedenāpi bhedāt | śuddhitam ayaivaṃ- 
AS-VDh 288,02	bhūtas tasya kriyābhedenāpi bhedāt | iti mūlanayadbayaśuddhyaśuddhibhyāṃ bahuvikalpā nayā nayacakrataḥ pratipa- 
AS-VDh 288,03	ttavyāḥ pūrvapūrvā mahāviṣayā uttarottarā alpaviṣayāḥ śabdavikalpaparimāṇāś ca | tad evaṃ vyākhyātaḥ saptabha- 
AS-VDh 288,04	ṅganayāpekṣaḥ syādvādo heyodeyaviśeṣakaḥ prasiddhas tam antareṇa heyasyopādeyasya ca viśeṣeṇa vyavasthānupapatteḥ | 
AS-VDh 288,05	sarvatattvaprakāśakaś ca kevalajñānavat | etad eva darśayati —
ĀM-VDh 105ab		syādvādakevalajñāne sarvatattvaprakāśane | 
ĀM-VDh 105cd		bhedaḥ sākṣādasākṣāc ca hy avastvanyatamaṃ bhavet || 105 || 
AS-VDh 288,08	sākṣādasākṣāt pratibhāsijñānābhyām anyasyāpratīter avastutvaprasiddheḥ, ity arthaḥ | syādvādakevalajñāne iti 
AS-VDh 288,09	nirdeśāt tayor abhyarhitatvāniyamaṃ darśayati, parasparahetukatvāt | na caivam anyonyāśrayaḥ pūrvasarvajñadyo- 
AS-VDh 288,10	titād āgamād uttarasarvajñasya kevalotpatteḥ tato 'py uttarakālam āgamadyotanāt sarvajñāgamasantānasyānāditvāt | 
AS-VDh 288,11	kevalajñānasyābhyarhitatve vā pūrvanipāte vyabhicāraṃ sūcayati, śiṣyopādhyāyādivat | tato 'navadyo 
AS-VDh 288,12	nirdeśaḥ syādvādakevalajñāne sarvatattvaprakāśane iti | kathaṃ punaḥ syādvādaḥ sarvatattvaprakāśanaḥ ? yāvatā 
AS-VDh 288,13	'mitiśrutayor nibandho dravyeṣv asarvaparyāyeṣu' iti śrutasyāsarvaparyāyaviṣayatvavyavasthānam iṣyate, tac caivaṃ 
AS-VDh 288,14	virudhyate, iti sūtravirodhaṃ manyate tad ayuktaṃ, paryāyāpekṣayā tadanabhidhānāt | evaṃ hi bhagavatām abhiprāyo 'tra 
AS-VDh 288,15	'jīvādayaḥ sapta padārthās tattvaṃ,  'jīvājīvāstravabandhasaṃvaranirjarāmokṣās tattvam i'ti vacanāt | tatpratipā- 
AS-VDh 288,16	danāviśeṣāt syādvādakevalajñānayoḥ sarvatattvaprakāśanatvam' iti, na virodhaḥ | yathaiva hy āgamaḥ parasmai 
AS-VDh 288,17	jīvāditattvam aśeṣaṃ pratipādayati tathā kevaly apīti na viśeṣaḥ, sākṣād asākṣāc ca tattvaparicchittinibandhana- 
AS-VDh 288,18	tvāt tadbhedasya | tadāha bhedaḥ sākṣād asākṣāc ceti | sākṣātkṛter eva sarvadravyaparyāyān paricchinatti 
AS-VDh 288,19	nānyata iti yāvat | na hi vacanāt tān prakāśayati, samutpannakevalo 'pi bhagavān, teṣāṃ vacanāgocara- 
AS-VDh 288,20	tvāt | tad evaṃ syādvādanayasaṃskṛtaṃ tattvajñānaṃ pramāṇanayasaṃskṛtam iti vyākhyāne, syādvādaḥ pramāṇaṃ saptabhaṅgī- 
AS-VDh 288,21	vaca navidhir naigamādayo bahuvikalpā nayā iti saṃkṣepataḥ pratipāditaṃ, vistarato 'nyatra tatprarūpaṇāt | 
AS-VDh 289,01	saṃpratyahetuvādāgamaḥ syādvādo, hetuvādo nayas tābhyāṃ saṃskṛtam alaṃkṛtaṃ tattvajñānaṃ pramāṇaṃ yuktiśāstrāvi- 
AS-VDh 289,02	ruddhaṃ suniścitāsaṃbhavadbādhakam iti vyākhyānāntaram abhiprāyanto bhagavanto hi hetulakṣaṇam eva prakāśayanti, 
AS-VDh 289,03	syādvādasya prakāśitatvāt | 
ĀM-VDh 106ab		sadharmaṇaiva sādhyasya sādharmyād avirodhataḥ | 
ĀM-VDh 106cd		syādvādapravibhaktārthaviśeṣavyañjako nayaḥ || 106 || 
AS-VDh 289,06	nīyate sādhyate gamyārtho 'neneti nayo–hetuḥ | sa ca hetuḥ sadharmaṇaiva dṛṣṭāntadharmiṇā sādharmyāt sādhyasya 
AS-VDh 289,07	sādhyadharmādhikaraṇasya dharmiṇaḥ paramāgamapravibhaktasyārthaviśeṣasya śakyasyābhipretasyāprasiddhasya vivādagocara- 
AS-VDh 289,08	tvena, vyañjako, na punar vipakṣeṇa sādharmyāt, tena vaidharmyād evāvirodhena hetoḥ sādhyaprakāśanatvopapatteḥ | 
AS-VDh 289,09	atra 'sapakṣeṇaiva sādhyasya sādharmyād' ity anena hetos trailakṣaṇyam 'avirodhād' ity anyathānupapattiṃ ca 
AS-VDh 289,10	darśayatā, kevalasya trilakṣaṇasyāsādhanatvam uktaṃ, tatputratvādivat | ekalakṣaṇasya tu gamakatvaṃ, 
AS-VDh 289,11	'nityatvaikāntapakṣe 'pi vikriyā nopapadyate' iti bahulam anyathānupapatter eva samāśrayaṇāt | nanv atra 
AS-VDh 289,12	saṃkṣepāt tathābhidhāne 'pi trailakṣaṇyaṃ śakyam upadarśayituṃ pañcāvayavavat | satyam etat, kevalaṃ, yatrārthakriyā na 
AS-VDh 289,13	saṃbhavati tan na vastutattvaṃ, yathā vināśaikāntaḥ | tathā ca nityatve 'pi kramayaugapadyābhyām arthakriyā na 
AS-VDh 289,14	saṃbhavati, nāparaṃ prakārāntaram iti, trilakṣaṇayoge 'pi pradhānam ekalakṣaṇaṃ, tatraiva sādhanasāmarthyapa- 
AS-VDh 289,15	riniṣṭhiteḥ | tad eva ca pratibandhaḥ pūrvavadvītasaṃyogyādisakalahetupratiṣṭhāpakaṃ,  na punas tādātmyatadu- 
AS-VDh 289,16	tpattī pratibandhaḥ saṃyogādivat, tadabhāve 'pi hetoḥ sādhyābhāvāsaṃbhavaniyamanirṇayalakṣaṇasya bhāve gamakatva- 
AS-VDh 289,17	siddheḥ, śītācale vidyutpātaḥ, kedāre kalakalāyitatvād ityādivat, saty api ca tadutpattyādipratibandhe 'nya- 
AS-VDh 289,18	thānupapannatvābhāve gamakatvāsaṃbhavāt, sa śyāmas tatputratvād itara tatputravad ityādivat, asty atra dhūmo 'gner mahāna- 
AS-VDh 289,19	savad ityādivac ca | sakalavipakṣavyāvṛttiniścayābhāvād asyāgamakatve 'nyathānupapannatvaniścayābhāvād evāgamakatva- 
AS-VDh 289,20	m uktaṃ syāt | iti tasyaiva lakṣaṇatvam astu, sakalasamyagdhetubhedeṣu kāryasvabhāvānupalambheṣv iva pūrvavat–śeṣava- 
AS-VDh 289,21	t–sāmānyato dṛṣṭeṣu vītāvītatadubhayeṣu saṃyogisamavāyaikārthasamavāyivirodhiṣu bhūtādiṣu pravartamānasya 
AS-VDh 289,22	pakṣavyāpinaḥ sarvasmāc ca vipakṣād asiddhād ihetvābhāsaprapañcād vyāvartamānasyānyathānupapannatvasya hetulakṣaṇatvo- 
AS-VDh 289,23	papatteḥ | tathāvidhasyāpi tadalakṣaṇatve hi na kiṃcit kasyacil lakṣaṇaṃ syād iti lakṣyalakṣaṇabhāva evocchidyeta | 
AS-VDh 289,24	sati cānyathānupapannatve pratipādyāśayavaśāt prayogaparipāṭī pañcāvayavādir api na nivāryate iti tattvārthā-
AS-VDh 290,01	laṅkāre vidyānandamahodaye ca prapañcataḥ prarūpitam | tataḥ syādvādetyādinānumitam anekāntātmakam artha- 
AS-VDh 290,02	tattvam ādarśayati | tad eva hi syādvādapravibhakto 'rthaḥ, prādhānyāt–sarvāṅgavyāpitvāt | tasya viśeṣo nitya- 
AS-VDh 290,03	tvādiḥ pṛthak pṛthak | tasya pratipādako nayaḥ | iti nayasāmānyalakṣaṇam apy anena darśitam iti 
AS-VDh 290,04	vyākhyāyate | tathā coktam —'arthasyānekarūpasya dhīḥ pramāṇaṃ, tadaṃśadhīḥ | nayo dharmāntarāpekṣī 
AS-VDh 290,05	durṇayas tannirākṛtiḥ' iti | tadanekāntapratipattiḥ pramāṇam ekadharmapratipattir nayas tatpratyanīkaprati- 
AS-VDh 290,06	kṣepo durṇayaḥ, kevalavipakṣavirodhadarśanena svapakṣābhiniveśāt | kiṃ punar vastu syād ity āhuḥ —
ĀM-VDh 107ab		nayopanayaikāntānāṃ trikālānāṃ samuccayaḥ | 
ĀM-VDh 107cd		avibhrāḍbhāvasaṃbandho dravyam ekam anekadhā || 107 || 
AS-VDh 290,09	uktalakṣaṇo dravyaparyāyasthānaḥ saṃgrahādir nayaḥ, tacchākhāpraśākhātmopanayaḥ | tadekāntānāṃ 
AS-VDh 290,10	vipakṣopekṣālakṣaṇānāṃ trikālaviṣayāṇāṃ samitir dravyaṃ vastu, 'guṇaparyayavaddravyam' iti vacanāt | 
AS-VDh 290,11	kaḥ punas teṣāṃ samuccayo nāmeti cet, kathaṃcid avibhrāṅbhāvasaṃbandha ity ācakṣate, tato 'nyasya samuccayasya 
AS-VDh 290,12	saṃyogāder asaṃbhavāt dravyaparyāyaviśeṣāṇām | na caivam ekam eva dravyaṃ nayopanayaikāntaparyāyāṇāṃ tattādātmyā- 
AS-VDh 290,13	d ity ārekitavyaṃ, tatas teṣāṃ kathaṃcid bhedādanekatvam iti vacanāt | tarhy anekam evāstu tādātmyavirodhād anekastha- 
AS-VDh 290,14	syety api na śaṅkitavyaṃ, kathaṃcit tādātmyasyāśakyavivecanatvalakṣaṇasyāvirodhāt tathāpratīteḥ | kevalaṃ tatas teṣā- 
AS-VDh 290,15	m apoddhārād guṇaguṇyādivat tadanekadhā | tataḥ sūktaṃ, trikālavartinayopanayaviṣayaparyāyaviśeṣasamūho dravyam e- 
AS-VDh 290,16	kānekātmakaṃ jātyantaraṃ vāstv iti | atra parārekām upadarśya pariharantaḥ sūrayaḥ prāhuḥ —
ĀM-VDh 108ab		mithyāsamūho mithyā cen na mithyaikāntatāsti naḥ | 
ĀM-VDh 108cd		nirapekṣā nayā mithyā sāpekṣā vastu terthakṛt || 108 || 
AS-VDh 290,19	sunayadurṇayayor yathāsmābhir lakṣaṇaṃ vyākhyātaṃ tathā na codyaṃ na parihāraḥ, nirapekṣāṇām eva nayānāṃ 
AS-VDh 290,20	mithyātvāt tadviṣayasamūhasya mithyātvopagamāt, sāpekṣāṇāṃ tu sunayatvāt tadviṣayāṇām arthakriyākāritvāt, tatsa- 
AS-VDh 290,21	mūhasya vastutvopapatteḥ | tathā hi, nirapekṣatvaṃ pratyanīkadharmasya nirākṛtiḥ, sāpekṣatvam upekṣā, anyathā 
AS-VDh 290,22	pramāṇanayā'viśeṣaprasaṅgāt, dharmāntarādānopekṣāhānilakṣaṇatvāt pramāṇanayadurṇayānāṃ prakārānta- 
AS-VDh 291,01	rāsaṃbhavāc ca, pramāṇāt tad atatsvabhāvapratipatter nayāt tatpratipatter durṇayād anyanirākṛteś ca | iti viśvopasaṃhṛ- 
AS-VDh 291,02	tiḥ, vyatiriktapratipattiprakārāṇām asaṃbhāvāt | 
AS-VDh 291,03	nanv evam anekāntātmārthaḥ kathaṃ vākyena niyamyate yataḥ pratiniyate viṣaye pravṛttir lokasya syād ity ārekā- 
AS-VDh 291,04	yām idam abhidadhate —
ĀM-VDh 109ab		niyamyate 'rtho vākyena vidhinā vāraṇena vā | 
ĀM-VDh 109cd		tathānyathā ca so 'vaśyam aviśeṣyatvam anyathā || 109 || 
AS-VDh 291,07	yat sat tatsarvam anekāntātmakam arthakriyākāritvāt svaviṣayākārasaṃvittivat | yad vivādādhyāsitaṃ 
AS-VDh 291,08	vastu tat sarvaṃ dharmi pratyeyam, aprasiddhaṃ sādhyam iti vacanāt, tasyānekāntātmakatvena vivādādhyāsitatvāt 
AS-VDh 291,09	sādhyatvopapatteḥ | arthakriyākāritvād iti hetur asiddhatvādidoṣānāśrayatvāt pradhānaikalakṣaṇayogāc ca | svavi- 
AS-VDh 291,10	ṣayākārasaṃvittivad ity udāharaṇaṃ, tathā vādiprativādisiddhatvāt —saugatasya citrākāraikasaṃvedanopagamāt, 
AS-VDh 291,11	yaugānām īśvarajñānasya svārthasaṃvedino mecakajñānatvopagamāt, kāpilānām api svarūpabuddhyadhyavasitārthasaṃve- 
AS-VDh 291,12	dinaḥ svasaṃvedanasyeṣṭeḥ, śrotriyāṇām api phalajñānasya svasaṃvedino 'rthaparicchittirūpasya prasiddheḥ, cārvākasyāpi 
AS-VDh 291,13	pratyakṣasya vedanasya svārthaparicchedino 'bhyupagamanīyatvāt samyag idaṃ sādhanavākyam | tathāna kiṃcid e- 
AS-VDh 291,14	kāntaṃ vastutattvaṃ sarvathā tadarthakriyā'saṃbhavād gaganakusumādiva d iti | atrāpi vivādāpannaṃ vastuta- 
AS-VDh 291,15	ttvaṃ dharmi parādhyāropitaikāntatvena pratiṣedhyaṃ, kvacit sata ivāropitasyāpi pratiṣedhyatvasiddher anyathā kasya- 
AS-VDh 291,16	cit paramatapratiṣedhāyogāt, sata eva saṃjñinaḥ pratiṣedho nāsataḥ ity asyāpy avirodhāt, samyag ekānte prasi- 
AS-VDh 291,17	ddhasya rūpasya sāpekṣasya nirapekṣatvenāropitasya kvacit pratiṣedhāt, 'sarvathā tadarthakriyābhāvāt' iti hetu- 
AS-VDh 291,18	r vyāpakānupalabdhirūpatvāt | gaganakusumādivad ity udāharaṇaṃ sādhyasādhanāvaikalyād gaganakusumāder atyantābhāva- 
AS-VDh 291,19	sya parair ekāntavasturūpatvasarvathārthakriyākāritvayor aniṣṭeḥ | itīdam api śreyaḥ sādhanavākyam | viśeṣeṇa puna- 
AS-VDh 291,20	r nāsti sadekāntaḥ, sarvavyāpāravirodhaprasaṅgād asadekāntavat | etena viśeṣato 'nekāntātmakaḥ pariṇā- 
AS-VDh 291,21	myātmārthakriyākāritvāt pradhānavad ityādy upadarśitam | iti vidhinā pratiṣedhena vā vastutattvaṃ niya- 
AS-VDh 291,22	myeta tathānyathā ca tasyāvaśyaṃbhāvasamarthanāt | anyathā tadviśiṣṭam arthatattvaṃ viśeṣyam eva na syād vi dheḥ 
AS-VDh 292,01	pratiṣedharahitasya pratiṣedhasya ca vidhirahitasya viśeṣaṇatvanirākaraṇāt tadubhayarahitasya ca viśeṣyatvaviro- 
AS-VDh 292,02	dhāt khapuṣpavat | ity anena vidhipratiṣedhayor guṇapradhānabhāvena sadasadādivākyeṣu vṛttir iti lakṣaya- 
AS-VDh 292,03	ti | tato na teṣāṃ paunaruktyaṃ, yena saptabhaṅgīvidhir anavadyo na syāt | 
AS-VDh 292,04	vidhinaiva vastutattvaṃ vākyaṃ niyamayati sarvathety ekānte dūṣaṇam upadarśayanti —
ĀM-VDh 110ab		tadatadvastuvāg eṣā tad evety anuśāsatī | 
ĀM-VDh 110cd		na satyā syān mṛṣāvākyaiḥ kathaṃ tattvārthadeśanā || 110 || 
AS-VDh 292,07	pratyakṣādipramāṇaviṣayabhūtaṃ viruddhadharmādhyāsalakṣaṇaviruddhaṃ vastu samāyātaṃ, svaśirastāḍaṃ pūtkurva- 
AS-VDh 292,08	to 'pi tadatadrūpatayaiva pratīteḥ | tad uktaṃ — 'viruddham api saṃsiddhaṃ tadatadrūpavedanam | yadīdaṃ svayam arthebhyo 
AS-VDh 292,09	rocate tatra ke vayam || 1 || ' iti | tac ca tad evety ekāntena pratipādayantī mithyaiva bhāratī, vidhye- 
AS-VDh 292,10	kānte pratiṣedhaikāntābhāvasyeṣṭasyānabhidhānāt, tadabhidhāne vā vidhyekāntapratipādanavirodhāt | na ca 
AS-VDh 292,11	mṛṣāvākyais tattvārthadeśanā yuktimatī | iti katham anayārthadeśanam | ity ekānte vākyārthānupapatti- 
AS-VDh 292,12	r ālakṣyate |  
AS-VDh 292,13	pratiṣedhamukhenaivārthaṃ vākyaṃ niyamayatīty ekānto 'pi na śreyān iti pratipādayanti —
ĀM-VDh 111ab		vāksvabhāvo 'nyavāgarthapratiṣedhaniraṅkuśaḥ | 
ĀM-VDh 111cd		āha ca svārthasāmānyaṃ tādṛg vācyaṃ khapuṣpavat || 111 || 
AS-VDh 292,16	vācaḥ svabhāvo 'yaṃ yena svārthasāmānyaṃ pratipādayantī tadaparaṃ nirākaroti, na punas tadapratipāda- 
AS-VDh 292,17	yantī, svārthasāmānyapratipādanatadanyanirākaraṇayor anyatarāpāye 'nuktānatiśāyanāt | idaṃ tayā nedaṃ tayā 
AS-VDh 292,18	vā na pratīyeta tadarthaḥ kūrmaromādivat | na khalu sāmānyaṃ viśeṣaparihāreṇa viśeṣo vā sāmānya- 
AS-VDh 292,19	parihāreṇa kvacid upalabhāmahe | anupalabhamānāś ca kathaṃ svaṃ paraṃ vā tathābhiniveśena vipralabhāmahe, 
AS-VDh 292,20	vidhyekāntavad anyāpohaikāntasya prāg eva vyāsena nirastatvāt | bhūyo 'py anyāpohavādinam āśaṅkya nirākurvate — 
ĀM-VDh 112ab		sāmānyavāg viśeṣe cen na śabdārtho mṛṣā hi sā | 
ĀM-VDh 112cd		abhipretaviśeṣāpteḥ syātkāraḥ satyalāñchanaḥ || 112 || 
AS-VDh 292,23	astīti satsāmānyavān kevalam abhāvavicchedād viśeṣam apoham āheti cet, kaḥ punar apohaḥ ? 
AS-VDh 293,01	kim anyavyāvṛttir uta tathā vikalpaḥ ? parato vyāvṛttir abhāvo 'nyāpoha iṣyate iti cet, katham evaṃ satyabhā- 
AS-VDh 293,02	vaṃ pratipādayati ? bhāvaṃ na pratipādayatīty anuktasamaṃ na syāt ? tadvikalpo 'nyāpoho 'stu mithyābhi- 
AS-VDh 293,03	niveśād iti cet, na caitat tasya pratipādakaṃ mithyāvikalpahetutvād vyalīkavacanavat | tato nānyā- 
AS-VDh 293,04	pohaḥ śabdārthaḥ siddhyati, yena tatra pravartamānāstītyādisāmānyavāg mṛṣaiva na syāt | tataḥ syātkāraḥ 
AS-VDh 293,05	satyalāñchano mantavyaḥ svābhipretārthaviśeṣaprāpteḥ | sarvo hi pravartamānaḥ kutaścid vacanāt kvacit svarūpādinā 
AS-VDh 293,06	santam abhipretam arthaṃ prāpnoti, na pararūpādinānabhipretaṃ, pravṛttivaiyarthyāt, svarūpeṇeva pararūpeṇāpi sattve 
AS-VDh 293,07	sarvasyābhipretatvaprasaṅgāt, parātmaneva svātmanāpy asattve sarvasyābhipretatvābhāvāt svayam abhipretasyāpy anabhipreta- 
AS-VDh 293,08	tvaprasakteś ca | tataḥ syādvāda eva satyalāñchano na vādāntaram ity atiśāyayati bhagavān samanta- 
AS-VDh 293,09	bhadrasvāmī | 
ĀM-VDh 113ab		vidheyam īpsitārthāṅgaṃ pratiṣedhyāvirodhi yat | 
ĀM-VDh 113cd		tathaivādeyaheyatvam iti syādvādasaṃsthitiḥ || 113 || 
AS-VDh 293,12	astītyādi vidheyam abhipretya vidhānāt, sarvatraitāvanmātralakṣaṇatvāt vidheyatvasya | nahi parivṛḍha 
AS-VDh 293,13	bhayāder anabhipretasyāpi vidhāne vidheyatvaṃ yuktaṃ, vītarāgasyāpi tatkṛtabandhaprasaṅgāj janāpavādānuṣaṅgāc ca | - 
AS-VDh 293,14	nāpy abhipretasyāpy avidhāne 'vidheyatvaṃ, tadyogyatāmātrasiddher anyathā vidhānānarthakyāt | tata evābhiprāyaśūnyā- 
AS-VDh 293,15	nāṃ kiṃcid apy akurvatāṃ na kiṃcid vidheyaṃ nāpi heyam abhipretyahānābhāvād upekṣāmātrasiddheḥ | tadviparītānāṃ tu 
AS-VDh 293,16	kiṃcid vidheyaṃ, tac ca nāstitvādibhir aviruddhaṃ, pratiṣedhyair īpsitārthāṅgatvāt, tasya tadvirodhe svayam īpsitārtha- 
AS-VDh 293,17	hetutvāsaṃbhavāt, vidhipratiṣedhayor anyonyāvinābhāvalakṣaṇatvāt svārthajñānavat | na hi svārthajñānayo- 
AS-VDh 293,18	r anyonyāvinābhāvo 'siddhaḥ, svajñānam antareṇārthajñānānupapatteḥ kuṭavat svajñāne evārthajñānaghaṭanāt sarvajñajñā- 
AS-VDh 293,19	navat | nahīśvarasyāpi svajñānābhāvaḥ, sarvajñatvavirodhāt svasaṃviditajñānābhyupagamasyāvaśyaṃbhāvāt | nāpi 
AS-VDh 293,20	viṣayākārajñānam antareṇa svajñānaṃ, svākārasyārthasya paricchedyatvavirodhāt svajñānābhāvaprasaṅgāt | tadanavadya- 
AS-VDh 293,21	m udāharaṇaṃ prakṛtaṃ sādhayati | yathaiva ca vidheyaṃ pratiṣedhyāvirodhi siddham īpsitārthāṅgaṃ tathaivādeyaheyatvaṃ 
AS-VDh 293,22	vastuno, nānyathā, vidheyaikānte kasyacid dheyatvavirodhāt pratiṣedhyaikānte kasyacid ādeyatvavirodhāt | na hi 
AS-VDh 293,23	sarvathā vidheyam eva sarvathā pratiṣedhyaṃ syādvādino 'bhipretaṃ, yenobhayātmakatve evādeyaheyatvaṃ na syāt, kathaṃci- 
AS-VDh 293,24	d vidhipratiṣedhayos tādātmyopagamāt | tadvidheyapratiṣedhyātmaviśeṣāt syādvādaḥ prakriyate saptabhaṅgīsa- 
AS-VDh 293,25	māśrayāt | yathaiva hi vidheyo 'stitvādiviśeṣaḥ, svātmanā vidheyo na pratiṣedhyātmaneti syād vidheyaḥ siddhaḥ | 
AS-VDh 293,26	pratiṣedhyātmaviśeṣaś ca vidheyātmanā pratiṣedhyo na pratiṣedhyātmanā iti syāt pratiṣedhyaḥ syād apratiṣedhyo 'nyathā 
AS-VDh 294,01	vyāghātāt | tathaiva jīvādyarthaḥ syād vidheyaḥ syāt pratiṣedhyaḥ | iti saptabhaṅgīsamāśrayāt syādvādasya prakriya- 
AS-VDh 294,02	māṇasya samyak sthitiḥ, sarvatra yuktiśāstrāvirodhāt, bhāvaikāntādiṣv eva tadvirodhasamarthanāt | tato 
AS-VDh 294,03	bhagavann anavadyam adhyavasitam asmābhiḥ, sa tvam evāsi nirdoṣo yuktiśāstrāvirodhivāktvād iti | tad evaṃ prārabdha- 
AS-VDh 294,04	nirvahaṇam ātmanas tatphalaṃ ca sūrayaḥ prakāśayanti —
ĀM-VDh 114ab		itīyam āptamīmāṃsā vihitā hitam icchatām | 
ĀM-VDh 114cd		samyagmithyopadeśārthaviśeṣapratipattaye || 114 || 
AS-VDh 294,07	iti devāgamākhye svoktaparicchede śāstre 
AS-VDh 294,08	vihiteyam āptamīmāṃsā sarvajñaviśeṣaparīkṣā hitam icchatāṃ niḥśreyasakāmināṃ, 
AS-VDh 294,09	mukhyato niḥśreyasasyaiva hitatvāt tatkāraṇatvena ratnatrayasya ca hitatvaghaṭanāt, tadicchatām eva na punas ta- 
AS-VDh 294,10	danicchatām abhavyānāṃ, tadanupayogāt | tattvetaraparīkṣāṃ prati bhavyānām eva niyatādhikṛtiḥ, tathā 
AS-VDh 294,11	mokṣakāraṇānuṣṭhānāt mokṣaprāptyupapatteḥ | samyagmithyopadeśārthaviśeṣapratipattaye yuktātmamīmāṃsā bhagavatām ā- 
AS-VDh 294,12	cāryāṇāṃ parahitasaṃpādanapravaṇahṛdayatvāt, darśanāviśuddhipravacanavātsalyamārgaprabhāvanāparatvāc ca | tataḥ para- 
AS-VDh 294,13	mārhantyalakṣmīparisamāpteḥ svārthasaṃpattisiddhiḥ | samyagdarśanajñānacāritrāṇi mokṣamārga iti samyagupadeśaḥ, 
AS-VDh 294,14	tadanyatamāpāye mokṣasyānupapatteḥ samarthanāt | 'jñānena cāpavargaḥ' ityādimithyopadeśas tasya dṛṣṭeṣṭaviruddha- 
AS-VDh 294,15	tvasādhanāt | tayor arthaviśeṣaḥ satyetaraviṣayabhedaḥ samyagdarśanādimithyādarśanādiprayojanabhedo vā tadbhāvanā- 
AS-VDh 294,16	viśeṣo vā mokṣabandhaprasiddhibhedo vā | tasya pratipattir upādeyatvena heyatvena ca śraddhānam adhyavasāyaḥ samā- 
AS-VDh 294,17	caraṇaṃ cocyate | tasyai samyagmithyopadeśārthaviśeṣapratipattaye | śāstrārambhe 'bhiṣṭutasyāptasya mokṣamārgapraṇetṛtayā 
AS-VDh 294,18	karmabhūbhṛdbhettṛtayā viśvatattvānāṃ jñātṛtayā ca bhagavadarhatsarvajñasyaivānyayogavyavacchedena vyavasthāpanaparā 
AS-VDh 294,19	parīkṣeyaṃ vihitā | iti svābhipretārthanivedanam ācāryāṇām āryair vicārya pratipattavyam | 
AS-VDh 294,20	atra śāstraparisamāptau kecid idaṃ maṅgalavacanam anumanyante —
AS-VDh 294,21		jayati jagati kleśāveśaprapañcahimāṃśumān, 
AS-VDh 294,22		vihataviṣamaikāntadhvāntapramāṇanayāṃśumān | 
AS-VDh 294,23		yatipatirajo yasyādhṛṣyān matāmbunidher lavān, 
AS-VDh 294,24		svamatamatayas tīrthyā nānā pare samupāsate || 1 || 
AS-VDh 294,25	śrīmadakalaṅkadevāḥ punar idaṃ vadanti — 
AS-VDh 294,26		śrīvardhamānam akalaṅkam anindyavandya-
AS-VDh 294,27		pādāravindayugalaṃ praṇipatya mūrdhnā | 
AS-VDh 294,28		bhavyaikalokanayanaṃ paripālayantaṃ, 
AS-VDh 294,29		syādvādavartma pariṇaumi samantabhadram || 1 || 
AS-VDh 295,01	iti parāparagurupravāhaguṇagaṇasaṃstavasya maṅgalasya prasiddher vayaṃ tu svabhaktivaśād evaṃ nivedayāmaḥ —
AS-VDh 295,02		yenāśeṣakunītivṛttisaritaḥ prekṣāvatāṃ śoṣitāḥ, 
AS-VDh 295,03		yad vāco 'py akalaṅkanītirucirās tattvārthasārthadyutaḥ | 
AS-VDh 295,04		sa śrīsvāmisamantabhadrayatibhṛd bhūyād vibhur bhānumān, 
AS-VDh 295,05		vidyānandaghanaprado 'naghadhiyāṃ syādvādamārgāgraṇīḥ || 
AS-VDh 295,06	ityāptamīmāṃsālaṃkṛtau daśamaḥ paricchedaḥ | 
AS-VDh 295,07		śrīmadakalaṅkaśaśadharakulavidyānandasaṃbhavā bhūyāt | 
AS-VDh 295,08		gurumīmāṃsālaṃkṛtir aṣṭasahasrī satām ṛddhyai || 
AS-VDh 295,09		vīrasenākhyamokṣage cāruguṇānarghyaratnasindhugirisatatam | 
AS-VDh 295,10		sāratarāt madhyānage māramadāmbhodapavanagirigahvarāyitu || 
AS-VDh 295,11		kaṣṭasahasrīsiddhā sāṣṭasahasrīyam atra me puṣyāt
AS-VDh 295,12		śaśvadabhīṣṭasahasrīṃ kumārasenoktivardhamānārthā || 
AS-VDh 295,13	iti granthaḥ samāptaḥ |